يمه رحت بس شوي عشان اسكر النار عن العشاء قبل مايجي زوجي الا وارجع والقى ذا الثنائي اللي يهز بيدين بسم الله الرحمن الرحيم شياطين والفيسات بكل جهه وردي بعده ماكمل
وسئل ولدي وشسويت الا يقول رثيت هذا ويرسل الرد معتمد ماشاءلله عليه المهم نكمل باقي الهذره



تدرين اكثر ماكنت خايفه منه من موقف مشعل وحسنا هو مشاري ياقويها على قلبه لو عرف بالسالفه ومدري احساسي يقول حسنا اللي بتقوله يابتصارحه بحكم الشفافيه اللي بينها وبينه وانها ماراح تغبي عليه شي او بتغلط وبتوصف حالة مشعل مثل ماقال لها وبيتفاجى مشاري وبيدري انها مقابلته
ياخوفي ياحسنا انتس تعرفين السبب من مشعل وبتحنين عليه اذا عرفتي السبب


ياشيخ انت فله تمسك فيه ياشباب لاتخلونه يروح ولله ان جلستكم احلوت يوم حضر فيها خلا لكم جو اول وانتم كل واحد يقط على الثاني وبعد ماجاكم نايف صرتو ترفسون من الضحك لو ماجانا من جيته الا انه خلا ابو عبدالله يضحك ويخفف عنه من همومه
انا عازمك نيوف ولله ماتلقى احسن من لمة العيال وسعة صدورهم اقلط يارجال
ايه غرنوقه نايف هو اخو عبدالعزيز زوج معالي


اثاريك ياهادي عندك حب وخرابيط ياويل حالي دلال عاد ياهادي زين يومها بخاطرك وتبيها ليش ماخطبتها هي بنت عمك وعمك بيقربك اكثر من تركي ولله حظها الردي اللي قطه على عمتها فرق بينها وبين ام هادي
تدري ساره اخت دلال توكل على لله وتقدم لان مبارك شكله ماله خاطر فيه بعد اخوه ماخطبها صح كلامي غرنوقه هادي بياخذ ساره
ايه صح مساسر هادي ومبارك في الخطبه شكل مبارك ناوي على خلود بس نصيحه ياهادي ابعد عنه امه ماتعاشر موريه دلال حبيبة القلب الويل تاخذ فهد ولا تاخذ مبارك تهقين خلود بتكون نصيب فهد بتاخذ اللي تحبه ولا هادي اللي يشوف مبارك ارجل من فهد ويبديه على فهد مع ان فهد اثبت تغيره
وذا التغير يافهد هل هو بسبب فقدك العليا ولا تبي خلود وبتغير الصوره عند هادي عشان يوافق
عندي احساس خلود بتاخذ فهد
تدرين مساسر هادي ومبارك يقول ان مبارك يخطب منه خلود بس اتوقع خلود ترفض وبيتقدم عقب فهد وبتوافق عليه



مدري ليش كل ذا التحامل على هدى مع اني اشوف البنت ذوق معهم وتحاول تقرب للكل من كبير وصغير بس دايم الحمايل يتمصخرون على زوجات ابنائهم اذا كانت مهيب من نفس العائله
تصدقين غرنوقه تحصل عندنا كثير اذا كانت البنت مهيب بنت عم او عمه او خال او خاله ولو كانت من الجماعه مايجيلها قبول وينغزون عليها البنات ويسبب هذا نفور البنت وماعاد تجي لجتماع الحموله هي وعيالها دايم عند اهلها وجماعتها وبعدين يقولون اهل زوجها ماتبينا ولا تبي عيالنا ياصلون فينا اذا تبونها تاصل فيكم هي وعيالها عاملوها زين مثل بناتكم ماحدها الله على جياتكم وهي مهيب مرتاحه



روحي معالي مع ابو هدوي قعدة البنات ماراح تنفعتس وتزعل عبدالعزيز عليتس طالعه من النفاس والرجال بيروح عنتس بسفر وقاعده عشان البنات لو مكانه خليتس وماجيتس الا عقب السفره عشان تادبين بس وشبيصبره لين يرجع الرجال عقب نفاس مرته كنه عريس جديد


معليتس منهم علوي حطي هب السعد ولله انهم مهما راحو ومهما جو مافيه مثلها وبعدين هي اللي بتعجب رائد لا موسيقه ولا خرابيط قسم بالله حامت كبودنا منذا الزفات اللي كل وحده اخيس من الثانيه طايحين الحين بالموسقه اللي تفقع راستس مره اجراس كنيسه الحمدالله والشكر ومره موسيقة مقدمة مسلسل سنوات الضياع ولا موسيقه تفقع راستس يازين هب السعد والمواويل الحجازيه والقصايداللي تشرح النفس



عاد على كثر كرهي الجابر بس ولله رحمته انا ماحب يكون فيه احد منبوذ يطالع الشباب يلعبون ويضحكون وهو يموت قهر رح يجابر الهادي مثل ماقالك تركي واستسمح من هادي وتعذر وغير نفسك وتعدل مثل ماسوء فهد مع انك ماتقارن بفهد بس ماعليه مافيه احد مايخطي لك خير الخطائين التوابين
تدري جويبر خذ امك الحيه اللي ماخلت احد بحاله وتمش انت وياها عشان تفك العالم من شرها وان بغيت تلعب انت وياها بلوت لا تقصر خلها تلتهي وتفك العالم من شرها


ايه ياعبير خافي على نايف من العيون ولله انتس ماخذه فيه مقلب اقول من ينظلتس بس تكفين هيفاء اللي عنها زين الرجال طلال ولا حسنا اللي خذت ثنين كل واحد يقول الزود عندي ولا تركي العقل والتكان ولا رائد فديت قلبه ذا الولد خقه ماجبتي طاريه اليوم
اقول مابه اح بينظلتس الا منيره نايف مايتفوق الا على مترك
ولا بيسوي عمليه بعد ولله حاله تدرين غرنوقه طايحين شباب ذا اليومين باليزر يحدد الوجه ويشيل الجسم مالت على عيال اخر زمن

تعالي غرنوقه انا ادري اغنية الحيه ام راسين قديمه تدرين بقولتس سر انا قبل ماتزوج ارقص عليها تعجبني الغنيه لكن بعد الرزواج اتحاشاها اخاف ام زوجي تقول تقصدنا تبي تسمنا الا ولدنا فمعاد اقرب صوبها شفتي جنه حبوبه وحليوه مثلي حتى الاغاني اخليها عشان عيونهم


منتظرتس غرنوقه يوم السبت ان الله احيانا غرنوقه ونبي البارت مايخلا من منيره ومترك وهيفاء وطلال ايه وين طلال من الروحه مهوب هو اللي موصل هيفاء للمزرعه
الله يفقتس يارب ويجزاتس خير