السلام عليكم ورحمة الله وبركاته

صباح الخير والنور والرضا من الرحمن

بارت رائع كالعادة أقرأ وانا ماودي يخلص بس لكل شيء نهاية

==================
(( مشاري -- حسنا ))

صح ما كان لهم ذاك الظهور بالبارت بس مقدر لازم أحطهم بالتعليق حتى لو بدعوة << الله يخليهم لبعض

تدرين كنت متوقعة أن حسنا راح تلزم جناحها حيا من أم مشاري لان والله الموقف مو هين أبد بس حسنا

ما شاء الله عليها عرفت تتصرف مع خالتها وتشيل منها الاحراج يعني لو وحدة غيرها ممكن تغلط على خالتها

ولا تحشم احد ويا كثرهم اللي نشوفهم كنها ما صدقت لقت فرصة بس تغلط على خالتها .. بس بالمقابل الحمد

الله أن فيه بعد يا كثرهم اللي مثل حسنا الحيا تاج على روسهم ..

==================
(( طلال -- هيفا ))

ما شاء الله عليج غرنوقة من أول القصة وأنتي أغلب القضايا اللي تعاني منها الكويت على وجه الخصوص والعالم

كله قاعدة تعرضينها بأسلوب واقعي بحت وحلو يصل إلى عمق القضية ..يعني قضية الخدم وبلاوهيم للمعزبات

شيء يشيب الرأس والله من اللي نسمعه بس للأسف ان الحريم ما يتوبون ..انا شفت وحدة من ردود البنات أن

ليش ما نتوب ونبطل نجيب خدم .. زين إذا كانت المعزبة عندها أطفال وهي تشتغل شنوي تسوي يعني الخدم

شر لابد منه .. اما بالنسبة لطلال وهيفا سبحان الله أكنه ربي دعاه عشان ينجي زوجته ونفسه من هالشر اللي

كان ممكن يصير لهم .. السؤال خدامة هيفا ليش سوت جذي ؟؟ يعني من كلام هيفا أنها حيل مرهية عليها

وتعاملها بالحسنى .. أكيد أنها السالفة لها شغل بطلال بما ان السحر كان المقصود منه هيفا بالخصوص ..

الله يكيفنا والمسلمين أجمعين شر الخدم يارب ..

==================
(( محمد -- مها ))

أنا قلت جاه الولد بيركده بس شكله ما في أمل أشوف محمد راكد .. بس والله فله هالرجال حلاته الواحد

يكون مرح ويزرع الفرح والبسمة على اللي حوله << الله يدم عليهم ..

بالنسبة لقاء مشعل ومها يا ماشاء الله عليج يا غرنوقة صورتي الموقف بشكل رائع جدا جدا .. ما أسرفتي

ولا شحيتي بس عطيتي الموقف حقه اللي يستاهله ..الرصراحه حيل أثر فيني هاللقاء بين الخوان الله يديم الوفاق

بينهم ..

في شيء حيرني محمد شدراه أن مشعل يبي العرس وهو اللحين بهالوقت ما يفكر إلا بالعلاج وخصوصا وهو أبد

مو حاط فكرة أنه راح يشفى ويرجع الكويت بعقله ؟؟ هل مجرد تسكيته لمها ؟؟ أو في شيء حنا مانعرفه ؟؟

==================
(( مشعل ))

البارت هذا بس استوعبت شنو المرض اللي يعاني منه مشعل الله يشافيه ويرده لميمته بالسلامة << فيس يدعي

عنجد مرض خطير وانتشر حيل بالفترة الاخيرة << الله يكيفنا والمسلمين أجمعين منه

مشعل ما شاء الله عليه حيل مؤمن بقضاء الله وقدره وإيمانه قوي بس ليش هالتشاؤم اللي نازل عليه أن ما راح

يشفى ويرجع الكويت << والله عصبني منه حيل ..

أتوقع نفسيه مشعل وهالتشاؤم اللي نازل عليه ممكن يأثر على علاجه لان أهم شيء بالعلاج هو الحالة النفسية

للمريض ومشعل إذا استمر بهذا التفكير ممكن تنتكس حالته حيل ..

==================
(( هادي -- غلا ))

يالله يأني متشوقه لحياتهم مع بعض حيل حاسة بتصير بينهم أكشنات قوية .. بس هي اللي بتعلقهم ببعض

وتزيد المحبة بينهم ..يعني يأن هادي بيعقل غلا ويخليها راكدة او أن غلا هي اللي بجنن هادي معاها ..

بس هادي مو من النوع اللي ممكن أحد يأثر عليه وعلى شخصيته ابد يعني هني بتصير الاكشنات <<فيس متحمس

أما عجلته على العرس أحد ما لها مبرر إلا أن بيفرح أمه بعد ما درى انها مريضة والاحتمال الاكبر هو أنه

يسافر مع مشعل برحلة علاجه بما أن واعدة انه يروح معاه يعني هي شهر عسل ومنها يكون قريب من ولد عمه ..

==================
(( مترك -- منيرة ))

والله هادي بيسوي فيهم خير بيخلي مترك شوي يتحرك ويحس على دمه أنه قاط حرمته وعياله ببيت أهلها من فترة

طويلة لدرجة أنها قاعدة تنخطب ..حتى منيرة راح هالشيء يأثر عليها يعني سالفة هالخطيب ورضى هادي بهالشيء

راح يخليها تفكر مليون مرة وترجع لمترك لانها مستحيل بتظل معلقة جذي وإذا تطلقت راح تتزوج بما ان هادي رضى

بالفكرة وهي مستحيل ترجع تعيش تجربة ثانية وبعيد عن مترك وعيالها ..

بس يا من يشوف وجه مترك لما يخطب واحد زوجته وشنو ممكن تكون ردة فعله ؟؟ يعني أهون شيء أتوقعة يقوم يخنق

الرجال ...

=================
ربي يعطيج ألف ألف العافيه على هالبارت

وبانتظار القادم بكل ووووووق

استمري بهذا الابداع والتألق دائما

السلام عليكم ورحمة الله
بسال متى راح ينزل البارت الجديد... وشكراا

كالعاده اخر من يرد على الروايه شوفي انا مافيه عندي حل وسط ياول وحده او اخر وحده ولا بعد اكتبلتس تحت اناره خافته الله يستر على عويناتي الصغنون نايم ولابو نايم وياويلي فتحت النور واذا عاد قمطت عيناتي خلاص ازيد على الكيبورد بانوار الجوال



يختي يختي عليها علويه تكفين جعلني ماذوق حزنتس ولله يخليلتس اوخيتس عضيدتس هادي وحليلتس المطوع منيب قايله اسمه كودتس تغيرينه علوي غير اسم رائد ولله انه يفشل رجال رزه وبعلوم ارجال يهز المجالس وكلن يحبه ويسمع كلمته واسمه رائد هزلت ياشيخه ماعليه اسمه رائد بكره بيجيه ولد ويسميه خالد ولا عبدالله بيصير اسمه خالد بن رائد ولا عبدالله بن رائد مسموح انك تتم على اسمك اذا منتب مسمي اسماء رزه مثل بتسمي وائل لؤي طوني مثلن او توم على قولت محمد لاتغيره ام اذا على اسامي اهلنا الرزه اسمحي اذبح ذبايح وغيره والذبايح ومن عندي عانية العرس وشبغيت بعد
علوي تبين تعرفين وشكثر رائد يبيتس غيري اسمه واذا عيا ازعلي

عاد تبي الحق يبومشاري اذا تزوجت وغيرت المره اسمك بتصير حديث الموسم وبتطيح من عين ناس واجد ومافيه ولا واحد من جماعك الا بيعلق عليك وانا بصراحه مارضاها عليك واول واحد بتطيح من عينه هادي ثم انا

تدرين وحده اعرفها تزوجت كانت سيارة زوجها هيلكس وتعالي شوفي تعليقات البنات عليها وهو يموت بذا النوعيه من السيارات مهوب قل فلوس لا بس عارفه حركة الشباب العربجه وكانت تقول ماعليه ولله لغيره وبعد الملكه طلبت منه يغيرها وهو طبعن عشان مايزعل العروس الجديده غيرها (مكرهن اخاك لا بطل) ويشتري ذيك السياره اللي تحكي وهو كان يقول اتحدى المره اذا تزوجت تغيرها وبتركبها غصب عليها وتعالي عاد شوفي تعليق الشباب عليه شرشحوه جعلهم مايطحون لنا بعوره لاتصير يارائد مثل خوينا هذا وتكون علك بحلوق العرب



يمه يمه الله ياخذها المجرمه بتسحرها مره وحده المفروض يحطون قرار على الخدمات اي وحده نضبط معها سحر تقتل قصاص ولا عاد تروح ديرتها وتعرف كل شغاله بذا الحكم عشان ماتتمادا وتعمل الف حساب قبل ماتسحر احد كم خربو من بيت ولله فيه شغلات جالسين في البيوت واهلها برا يتعالجو ولا في المستشفيات بفعل اسحورهم ولا تفرق ازواج او سحر شباب يتعلقون فيهم ولا بنات ضيعوهم جعل ربي يسلط على كل من كانت نيتها سيئه
سلامات هيوف وتستاهل سلامتها طلولي الله رد كيدها بنحرها المجرمه



روعه روعه نقاش هادي وخواته يربي عليتس غرنوقه كل جمعه الهادي وخواته ماعلي منتس حطيني بينهم في الحوار وقولي نوفي قالت وخلين اتناقش معهم حرام عليتس بس اهووش واحتس معهم كني وسطهم
حتى وترا ماشفتيني قمت وحبيت راس امي ام هادي يوم انهت النقاش وخلت هدوي يتم علمه وتاني انا توليت مهمه من مهام الزواج وعتبريها عانيه بما اني احب الرقص واموت عليه صرت انا المشرفه على منصت الرقص والطقاقات واختيار الاغاني وفلوس الطقاقه علي فله عاد انتم يالكويت الظاهر مثل ماسمع سعر الطقاقه رخيص مهوب مثل عندنا الله لا يوريتس مافيه الا ضرب الاف اذا تبين وحده او واحد صح<<<فيس يقول وشذا العواني طايحه على كنز ولا سارقه



باطل مابغيتها منك يانايف كلش ولا الغش انت المفروض بلغت البنت عن طريق واحد من خوانها وبعدين تعرف رايهم على الموضوع
مع اني متاكده ان مافيه بنت هي عارفه ان مافيها شي بتوافق تنازل عن امومتها حتى لو تحبه وتموت فيه وخلينا نقدم النيه الزينه ونلتمس النايف الاعذار ويمكن ربي يكتبه وتحمل عبير والمفروض مانفقد الامل برب العاباد والدعوا والاستفغار ان شاءالله تجيبه بحيل الله


تروح وترد بالسلامه يبوعايد مشعل انا عندي ثقه برب العالمين وانت لاتيئس من رحمة ربك ولله يحب عبده الحوح بالدعاء وان شاءالله ترد الكويت معافا بجيل ربي وتشوف وسميه وتصير هي اللي تحبها من الطفوله بس انت ناسي وحسنا مغير تصبيره ومجرد اعجاب <<<فيس يرقع ويبي وسميه تاخذ مشعل



على البركه ام مشعل واخيرن تمت الصلحه بينتس انتي ومشعل ولا بعد مواقف دراميه بس صدقيني ماينفع عليتس ومحيميد مهوب مخليتس ومسرع مايرجعتس للكوميديا



قفله رهيبه ودي اشوف وجه مترك ورائد يقول خبر خطبة الرجال لمنيره مدري احسه من العصبيها بيقوم يكفخ مترك ولا بيدخل بوسط البيت ويشيل منيره البيته الاكيد انه ماراح يتحرك من بيتهم الا ومنيره معه والاكيد انه بيصير مكافخ بس اتمنى المعاريس مايوسم فيهم الضرب


ياحبيلتس غلاوي ولله ان مشاورة مشاري لتس خيال صدق امنتس ماتسحين بس ياترا هادي الثقيل يعجبه خفة وجرائة البنت مادري عس بس مايفشلها ولا غلا ضد التفشيل ماقدرو عليها اخونها بس بيقدر عليها هادي مع اني متاكده ان هادي يبيها كذا ومعجبه حركاتها


غرنوقه انا قلتلتس ان الجزء روعه تصدقين اني ماحب اكتب ردي على جزئتس من اول قرائه لاني اذا رديت من اول ماقراه ماقريته ثانيه وذا المره قريته ثلاث مرات مشكوره غرنوق ولله انتس مبدعه خيتو الله يوفقتس