السلام عليكم و رحمة الله و بركاته

مساء الخير و الرضا ممن الرحمن

الغرنوق يا الغالية جعل ربي يكتب لج من كل ضيق و هم فرج

و يفرح قلبج و يسعدج دنيا و أخره يارب

الزمي الإستغفار و قراءة القرأن فهو دواء لكل داء

==========================
(( مشاري و حسنا ))

الهم اللي كان مقلق حياتهم انزاح , هل بستمرون على هالحال و لا بيجد شيء جديد و خصوصا

أن حسنا مو حابة تغير البيت و مشاري اتوقع أنه خلاص شرا بيت ثاني ...

==========================
(( تركي و دلال ))

دلال من وين جابت هالقسوة كل هذا شايلة على عمتها لدرجة أنها تشيل قشها و تترك البيت لتركي

بس عشان قال أبي اجيب أمي عندي ما فكرت أن عمتها ما عندها أحد ينتبه لها و بناتها الثنتين كل

وحدة عن رجالها , صح أم تركي ما كانت خوش خاله يعني ما في شيء يشفع لها بس بالنهاية

هي عمتها و مريضة مفروض من نفسها هي تقترح هالشيء بس الظاهر أن دلال طفح فيها الكيل

لدرجة أنها ضيعت السنع و تركي للأسف أنه ما كان حازم بقراره و قاعد يحايلها ياعيوني هذي

أمك يعني لأبو المرآة لأبو حبها بس للأسف ما عاد فيه رجال << فيس مندبله كبده منهم

بالله دلال ما فكرت أن أمها ممكن تصير بهالموقف و عبير و وسمية يرفضون وش بيكون احساسها

و لا احساس أمها صح مافي مقاربة بالمعاملة بين الثنتين بس عاد المرآة مريضة و ما عاد هي

بحيلها ...

===========================
(( جابر و أم تركي ))

ام تركي رضت عن جابر و اخيرا بس متى عاد تحن على ريتاج المسكينة تدرين لو جابر ما

خالف أمه و جابها للبيت و كسر كلمة أمه كان ممكن ترضى عليها و تستقبلها بنفسها و خصوصا

أم تركي أم يعنيالحنية و الطيبة مغروسة فيها اجباري حتى لو نحتها على جنب لازم تظهر بيوم

خاصة بعد ما وصت جابر أنه يبات ببيته و ما يترك ريتاج بروحها , أتوقع الشيء اللي ممكن يلين

قلبها هو الطفل اللي بجيبه ريتاج ...

===========================
(( رائد و عليا ))

وش سويتي بنفسج يا علوي أتوقع انها حامل بس ما درت عن نفسها لان كثير يحملون و تستمر

معهم الدورة أو أنه هذا نزيف و هي اختلطت عليها الأمور , الأهم اللحين ردة فعل رائد أول

شيء على روحتها للمرأة بدون علمه و ثانيا الخطر اللي عرضت نفسها له , فالله يستر ...

===========================
(( فارس و خلود ))

دواك و ما جاك و الله عرفت لك خلود و خلتك تتقلب على الجمر , خلود لولا نصيحة خواتها

يمكن كانت دمرت حياتها بغيرتها و عصبيتها لانها توها ما شافت من حياة الأزواج شيء بتأخذها

العزة و الكرامة , هادي و ردة فعله العنيفة و خصوصا أنه المعنية خلود بنته جدا طبيعية بس

السؤال وش ممكن يسوي لفارس بيحاول يحل بينهم و لا بيوقف مع خلود و يقوي باسها على رجالها

===========================

استمري بهذا الإبداع و التألق دائما

السلام عليكم ورحمه الله
هلا وغلا غرنوقه
كيفك اللحين ان شاء احسن
الله يوفقك ويسر امرك ويشرح صدرك
ويمسح على قلبك بالايمان
نجي اللحين للبارت الرائع
يوسف
إِنَّمَا تُجْزَوْنَ مَا كُنْتُمْ تَعْمَلُونَ
هذا فعل يمينك سبحانه ماتاذى من فعابلك
غير زوجتك وعبالك الي راح يعيشون وعارك لاصق فيهم
واهمشيء ان الناس افتكت من شرك عقبال كل واحد فيه شر على
بلده ووطن يطيح ولاعاد انه يقوم
خلود وفارس
احسن شيء سوته خلود انها اسالت اهل الخبره
وخذت برايهم والله يعينك يافارس نزلت عليك الاحكام وجاري تنفيذها
يا هم ناويين يطبخونك على نار هاديه الى ان تستوي
وانت اقعد افرك من الحره لالا ورايح لعرين الاسد تسال عن اللبوه والله انك
ناوي يصلون عليك هذه خلود بنت هادي مواحد عادي

مشاري وحسنا
اخيرا استقرت امورهم والكابوس الي كان يهددهم انزاح ان شاء تظل حياتهم سعيده
وحلوه فكرت تجديد شهر العسل اما عاد ياخذ البيت والله فكره ماهي بشينه
حب لاخيك المسلم ماتحبه لنفسك هاهاهاها
جابر وام تركي
اخيرا رضت عليك امك ياجابر وبرد قلبك بس ياليت انها كملت جميلها
ورضت على زوجتك تراها مالها ذنب وياخوفي انها تضيع بين الرجلين
دلال وتركي
دلال انتي خيبتي ظن تركي فيك كان متوقع ان الطيبه الي فيك تغلب على حب الذات
ان زين انتي ترضينها لامك ان خوانك يتخلون عنها هذه امه لو تضربه بالنعال كرمكم الله
ينزل يحب ارجولهاويقول سمي يالله افرحي اللحين هذه ماهي طابت القصر الابيض حقك
افرحي فيه
ومادام انك مانتي بقد لبفراق والزعل ليه تزعلين يعني تبين تحدينه بينك وبين امه ترى
الكفتين ماهي بعادله هذه امه لايمكن انه يتخلى عنها
منيره ومترك
اي والله يامترك لاتدخل بين الرجال ومرته خلهم يحلون مشاكلهم بينهم حنا مقدرين خوفك على اخوك وانك ماتبيه يصير فيه مثلك قبل بس التدخل بيصعب الامور
خلك في منور وحبها لك وحبك لها
طلال وهيفاء
اخس والله قاعده تغارين على ابو الشباب وش عليك طلول هيفوه تغار عليك من قدك
ياعم افرح الله يتمم عليكم الفرحه والاستقرار

عليا
انتي وش سويتي يالرفله اللحين لك دهر تحنين على الحمال رحتي بتهورك تبين تروحينه منك
صدق في العجله الندامه اللحين ما قالو لك اصبري ولا عليك بعض صبر سنين لين جاهم عيال بس
بني ادم عجول على رزقه يالله اللحين وش استفدتي الله يهديك ولا يضيع تعبك
غرنوقه يالغلا تسسسسسسسسسسسسسسسلمين جعل يدك تحج

السلام عليكم


كيف الحال اختي


انا من المتابعين لك بس توني اليوم وصلت البارت الاخير الي حطيتيه



صراحه القصه حقتك روعه كل الشخصيات اعجبتني اول مره اقراء قصه كويتيه صراحه اعجبتني حيل بس ابي ادري لك قصص غير هذي وفي الاخير ابي اقولك سر خطير انا صراحه احبك في الله احسك قريبه مني مد\ري ليش يمكن عشان اسمك عشان وحده غاليه علي قلبي ملقبه نفسها بلغرنوق فديت عيونس اتمني تعتبريني من المقربين لك

بارب يفرج همتس ويريح بالتس
صدقيني ام المزيونه ولله مابه احد خالي في الدنيا من النكد والضيق صرنا حساسين واي شي يتعبنا
قوي نفستس يعمري ولا تخلين الضغوط تاثر عليتس لان تاثيرها عليتس يسبب تاثر على اللي حولتس
المزيونه بحاجتس الله يريح بالتس وينولتس مرادتس يارب




حتى اتت الادله القاضيه,,ضربه موجعه بوجهه جعلته يقع على ركبته’’’كطفل غير مصدق لهذا الحكم
ويحسب ان لاقوي ومستبد سواه,,ويحسب ان الفساد جنه لانار’’’
علم اليوم انه خسر نفسه واسرته وبلده,,خسر سمعه هو اليوم بيد الرب,,والله يمهل ولاا يهمل00حكم القاضي عليه بالاعداام--حكم كل من تسول نفسه لبث السم الابيض بين شباب البلد,,

ايه نعم هذي يايوسف نهاية كل لعاب مثلك الله يمهل ولا يهمل مهم سويت انت واللي واقفين معك منتوب اقوى من رب العالمين
الله اذا قال لامر كن فيكون
يمكن اللي صارلك مع كثر احتياطك وخروجك من جرايمك بسهوله طلبت رب لعالمين من ام مغبونه ذبحت ولدها بالمخدرات ولا زوجه مقهوره على بيتها وعيالها ولا شايب عاكف بالمسجد ضريت بيته وعياله دعاء المسلمين واستجابت رب كريم اكبر من اكبر راس بالبلد واقف معك وبصفك
جزاك زاقل من جزاك لاعملت اعتبار لابو وعيال وعائله
الله ياخذك انت واشكالك تبون الفلوس تبونها باي طريق تبونها اهم شي يصير الواحد عنده مبلغ وقدره ويكون من اعيان البلد وين الدين وين الاخلاق كل هذا ماهمكم متاع الدنيا وبس ولاخره اخر ماتفكرون فيها الام والابو الزوجه والعيال وينهم اذا انتم مارحمتوا اهلكم وعيالكم محد راحمكم


وفعلا حملت ابناءها ورافقته,,ابناء اشهر واكبر مهرب مخدرات--ياللعار وياللفضيحه
حمد بصوت منكسر,,:ابوي خلاص بيعدمونه
لكن حمد اصر على السؤال ببكاء,,:قلي ابي بيظهر من السجن والا بيذبح هناك
:شف ياابيكمظهار من السجن الله اعلم به ولااعرف هالحكم نهائي او لا
بس اللي ابيه منك تصير رجال البيت ماابي احد يدور عليك او على خواتك الزله
عادهن بزران صحيح بس الايام الجايه تبي منك ابو واخو ماتبي اخو وبس
وانت قدها


اول شي وشوله مسحبه زوجة يوسف عيالها معها للمحكمه عشان يشوفون خزي ابوهم هذي امور اول ماينفرح فيها والمفروض لاهي راحت ولا عيالها مالهم عازه ثاني شي موقف العيال والمره وبوهم بالقفص وتكال عليه التهم قدامهم
اقلها انتس تعرفين انتي يازوجته بعد المحاكمه ثم بالتدريج تعلمين عياله وحتى تعليمهم مائيده ابد تدرين ليش مائيد لانها بتاثر على النفسيه ياكثرهم عيال عدمو ابهاتهم ومع ذلك خبو الخبر عنهم عشان ماياثر عليهم وقالو لهم مات وبس
لكن يروح للمحكمه ويشوف الوضع كامل اكيد وبدون شك بيصير لها تاثير عليه عاد الله وعلم يابسلبي او ايجابي
تذكرت سالفه قديمه عن وحده يحكون فيها ويقولون مات زوجها وجلست في بيتها هي وعيالها وكان جارهم يتصدق عليهم ويراعيهم لان الاب صديقه وهي بعدها صغيره وبعد فتره صار يجيها رجال في بيتها ومحد يدري لين شك جارها ان عندها احد ودخل عليها وبوم كشف الموضوع قتلته هي والرجال اللي عندها بعد مافضح امرها سجنت هي وياه وعيالها بنت ولد ربتهم جدتهم ولا قالو الاحد عنها الا انهم قالو ماتت ومازاروها ولا شي والعيال حاطين في بالهم ان امهم ماتت طبعن الرجال كان ولده بالاشهر بعد ماكبر طلبو منه السماح او القصاص ورفض الا بالقصاص وتدرين عيالها ماعرفو الا بعد ماتزوجو لان صار اعلان القصاص يالتلفزيون وقالو اسمها كامل وبكذا عاشوا عيالها مايارب 20سنه ماعرفو ولا احد عايرهم حتى انهم تزوجو ولا اثر عليهم

............................................................ .....................................

يتصل عليها ولاترد,,
يرسل رسائل ولامجيب’’’
وهي ترى مكالماته وتعود للنظر لشاشة التلفاز,,
خلود :كنت حاسه انه يغازل وكنت متاكده ان ابو طبيع لايمكن يخلي طبعه الخايس
بس يكلمها بشقتي وعلى مسمعي لااا ويتكلم معها عني00؟؟
الله ياخذهم يااارب
:قهر وربي قهر انج توج باديه تتقبلين اللي قدامج وفجأه يجيج منه حركه تقرفج منه مره وحده
وربي يابنات على كثر قبل شفقتي لقربه الحين مااطيق اتذكره حتى
غبني يامنيره وصدمني يعني تشكين ويذبحج الشك اللهم لااعتراض مالنا الا الصبر بس تسمعين
وتتاكدين من الخيانه00؟؟
ياكبرها على قليبي يامنيره


احسن واحسن واحسن جزاه واقل من جزاه
تدرين وش عيب ضبابنا انه يغلط ونسامح لا المفروض يوقف عند حده من اول غلط ولا يتمادا لان اللي يخون مره ولا يوقف عند حده يخون كم مره
حتى لو هو زهم عليها عشان ينهي العلاقه معها ليش صار ياخذ ويعطس معها بالكلام المفروض هو من قبل مايتزوج قال لها ويوم ارسلت مسج حقرها العلم وصلها ومعاد فيه اعاده هو لو يبيها كان دق عليها مانتظر دوره
اعجبتيني يبنت يوم حقرتيه ومارديتي عليه ولا على مسجاته هي بنات الناس لعبه ولا الواحد كل يوم له مره اذا ماصارت ذي على الكيف وترضا بكل شي الثانيه موجوده
وفعلن يخلود انا اشوفها كبيره على قلبتس انتس ضيطتيه بالجرم وهو مالتس الا فتره قصيره من تزوجتيه
زين اللي الله فضحه قدامتس وماستمريتي بالشك لان الشك بعد يذبح المره
اقول ام المزيونه وقوله صادقه اسم الله عليها ربي يحفظها ويخليها لتس يارب
ليش ماوريتينا لو مسج واحد من مسجاته ابي اشوف حرقة جوفه عليتس


معالي,,:شوفي انتي ماكملتي المكالمه ولاتدرين بداعيها اللي سمعتيه انه يقول بس مرتي وحلالي وعاجبتني يعني هذا خلينا نعتبره لصالحج
:ياقلبي لاتحسبين كل الرجاجيل مثل هادي ياما سمعنا من رجالنا
:يعني بمختصر العباره ماشفتي شي ياخلود ويامالج من الخير سواء لو رضيتي تكملين معه
او تاخذين غيره
بس باقولج شي لاازم تقرصين اذنه بعدين تحرقين اصابعه
وتشوين كبده وتاكلين قلبه وبعدين سامحيه شوفي رجلج مبين انه ميال لج وهالصايعه الضايعه علاقه قديمه
والله العالم بنيته يكمل معها او لا بس لاتخلينه ولاتقولين له انا زعلانه عشان كلمة وحده بشقتي
خليج عندي ولاتردين عليه واسفهيه خليه ياكل بعمره مايدري وش فيج بيروح يكلم هادي يسال عنج
وبيسفل فيه هادي انك ماتدري عن مرتك ويمكن يتدخل هادي باقول له انها عندي رجلي ماخذ دوره وبينكم زعل بسيط ولايعلم احد غيرنا انا واياج ومنور واكيد ماراح يخليه هادي بيقول وش انت مزعل مرتي فيه
هنيي الله يسلمج بيحر ويبرك مايدري من وش زعلانه لاانتي اللي تردين على مكالماته وقد هادي عارف انج زعلانه بيسال منيره وطبعا منور بتسوي نفسها ماتدري لاجاج هني لاتقابلينه وارسليله مسج يجننه يخليه يفر حولنفسه مايدري وين الخلل ومتى ماقلت لج الحين كلميه وصارحيه وخانقيه واطلبي اللي تبين منه حزتها عطيه ووطيه خليه يجرب فراقج ويعرف انج ماانتيب سهله


معالي هذا حتسي تقولينه هلحين اختس تقول يكلم وحده وانتي تقولين يقول مرتي وحلالي وماتدرين بداعيها ويصلحتس هذا كلام مره صاحيه الحين هو قال مرتي واحبها قال انا ماقول احبه واموت فيها الا كلامه كله حرقة جوف هي تدري انها حلاله اجل حلال ولد الجيران واكيد ماخذها الا عاجبته هذا مهوب تبرير ابد
وكل هذا وماشافت شي يعني توها متزوجه ويكلم الفاجرات في جناحها اجل بعد فتره بيدخلها عليها البيت
ايه قرص الاذن وحرق الاصابع هذا عجبني الحين انتي صح
الخطه اللي رسمتيها يمعالي جد روعه صح عليتس انها تحرق دمه عشان يعرف وشلون يحرق قلبها
ذوقيه من كاس القهر خليه يدور حول نفسه وهو مايدري عن سبب الزعل وتدرين اللي على راسه بطحى يحسس عليعا لو هو مهوب خايف كان قال بالطقاق فيها اللي زعلها يراضيها لكن بما انه اخطا فهو خايف وقلبه ماكله مايدري ليش سوت كذا
روحته الهادي هي المصيده اللي صادته فيها معالي صحيح معالي غرنوقه بهاذي اعجبتني
تبي فارس يعرف ان خلود مهيب وحيده وراها شند من خوات واخو وماتبي هادي يعرف بالمشكله كامله عشن مايكون تدخله مهوب بصالح خلود وتكبر السالفه
هي خلت خلود تسفه بفارس عشان يحتد على هادي اللي مايعرف بالسالفه واذا جا هادي يستفسر عن الموضوع مايعطونه خبر ويخلون الموضوع سوء فهم بسيط بعدها تدخل خلود بحرقت قلبها وتوريه شغله
بكذا عطت فارس درس في احترام خلود وتوريه حجم غلطه لو حاول انه يصغره ويحط في باله ان هادي اللي يحترمه ويقدره يمكن عرف بالسالفه ويطيح من عينه
بس خلود انا مئيده كل شي سويته ومعتس انتي ومعالي قلب وقالب بس فيه نقطه نسيناها مع انها بنسبه لي ماتشكل اهميه لانه خان ويستاهل جزاه واقل من جزاه
فارس بيعتب عليتس انتس دخلتيهم باول مشكله بينكم وماحليتوها مع بعض
بس شوفي اذا قال اوقفي بوجهه وقولي وش ضيغ منيره ومترك الا سكوته ومسالفتك هذي ماينسكت عنها فيه قبايل يابيض ياسود


............................................................ .......................................

جن منها ومن قرارها,,لما اليوم تجعلني بين عشقها اللذي تخلل اعماقي وبين بر والدتي المريضه00؟؟
بعدما قررنا الاستقرار00؟تتركين حياتنا بسهوله00؟؟حاول الاتصال بها,,لكن لامجيب’’’
زارها بمنزل اهلها,,اخبر مشعل بضروره التدخل بينهم’’’ لاكنها لاتنصت,,
فقد طفح بها الكيل,,كانت ملاذه من همومه’’’تكبل نفسها بقيود عمتها ولاتطلب عونه لفكها,,الآن بعدما عشت الحريه يعيدني لتلك القيود قرار التزمت به ولن تتركه00!!


بصراحه ابد ابد ماعجبتيني يادلال في اللي سويتي
هذي امه يرميها بشارع يعني مهما سوت هي امه
الرجال ماقصر معتس في البدايه وقال بطلعتس في بيت مع ان امه ماتبي بس من طاحت امه مايقدر هذا عقوق فيها ولو كانت شينه بكل شي هذي امه واذا فيه خير فيها بيصير فيه خير لتس
تركي شاريتس وماحده على ذا الشي الا مرض امه واذا انتي ماقدرتي يازوجته وحبيبته ضرفه من راح يقدر
وبعدين هذاتس سويتي مشكله وانحلت من رب العالمين لو مافضحتي نفستس الحرمه جا منها وماتبي اتضايق احد نيت تركي زينه وربي عطاه على نيته هي من نفسها بغت بيتها ومعزتها في بيتهاتعرف نفسها الحرمه مابه احد متحملها وبيتها ابرك منقووووووووووووووود يادلال المفروض زعلتي من سالفة طيحت الدرج هذي اللي ماتعدينها بالساهل

............................................................ .........................................

ام تركي بصوت متعب,,
:ياامك قلبي ماعاد هو بحمل مرض لاعاد تعصاني ولاتوجعني وكلامي هو اللي يمشي
ماقلت لك طلق خلها على ذمتك بصرك بس لااشوفها ولاتجيب لي سيرتها
جابر مقبلا يديها وراسها,,
:ابشري ياعصابه راسي ابشري يااغلى من نور عيني
بس انتي ارضي علي وخليج جنبي والله اني من غيرج مااسوا
وماابيك تمسي عندك ومرتك ماعندها والي عبور بتطلع معي اليوم ووسوم بترافقنا

ارحمو عزيز قومن ذل
بصراحه رحمت حالتس يام تركي تكسرين القلب وربي بعد ماكنتي في بيت يحن ويرن
تامرين على هذا وتنهين هذا خلا فيتس ومعاد فيه احد وكلن يقطتس على الثاني
حسيتي عيالتس ابتلشو فيتس اللي زوجته ماتبيتس واللي انتي ماتبين زوجته
البنات وتزوجو ومبارك عزاب تبين شوري طيعي جابر وخلي ذا الجوديه تجي عندتس وربيها على كيفتس ولو بتقطعين منها لحمه ماقالت شي البنيه متمسكه بجابر وترضا بالقليل وبعدين جابر ذكي وعارف لامه واكيد بيقرب بينكم
اعجبني جابر برده على امه صدق ولله الحرمه الكبيره ماتبي الا الكلام الزين وجابر بياع كلام ماشالله
اتوقع ان ام تركي بيخلا عليها البيت وهي بنفسها بتطلب من جابر يجيب زوجته اذا عرفت بحملها وماتنفس الا عندها

............................................................ .............................

مشاري وهو يعيدها لتنام على بطنها وهو بجانبها لمراقبة الصغيرتين,,
والتفت عليها فقط براسه ويديه اسفل ذقنه’’’
:شوفي ياقلب قلب قلب مشاري الحين الصيف جاي وانا رجال فقدتج ولااستحمل
وبما ان هاليوسف الله يقلعه لقا جزاه وهالعسولتين كبرن وامج وهادي بيسافرون يسون فحوصات لعمتي
وش رايج نخاويهم منها تكونين مع امج ومنها تكونين معي ونغير جو


ايوه كذا عش حياتك مع زوجتك وبناتك وانس المواضيع القديمه
مشاري حسون طيبه واي شي منك بيعجبها تستاهل بنت عبدالله انك تسفرها هو اللي سويته فيها شوي انت ذبحتها كل ماذكرت يارجال طردك لها من الغرفه انقهرت انا وشلون هي
مشار تهقى حسنا نستها ولله اذا صارت ناسيتها فيهي كمخه توجع القلب مذلة الرجال الزوجته
وبعدين وش بتال وحمود وغيره وغيره انت رايح توسع صدر حسون ولا رايح في اجتماع عائلي اقول مهوب لازم تروح مع هادي وامه مافيه يعني الا ديرتهم اللي رايحين لها
خل حسنا تحط بنوتاتها عند احد خواتها ورح انت وياها برحله لو اسبوع مهوب طلال اطيب ولا احسن منك
جدد شبابه مع هياء وبدون عيالهم
اااااااااااااه غرنوقه اشتهيت السفره بدون عيالي وش رايتس امسك بنات حسون وتسافر واذا جت تمسك عيالي واسافر طب يريت

............................................................ ..............................

هيفاء :جعلهن الشلل ذاالكلاب لبسهم هذا لبس00؟؟
طلال :وش ذاالخبال هيفا00؟؟
:اجل تشوف المصاليخ وتبوسم وانا اسكت00؟؟,
:ذا السامجات00؟؟تغارين منهن00؟؟
,اغار 00؟لاطال عمرك مااحس ولاعندي شعور
:هيفا انا لو عرضوا علي ملكات جمال العالم باحلى شكل ماملوا عيني
:يعني بتقنعني انه لامرت مزيونه من قدامك ماتلفت انتباهك00؟؟
:ولامرت الزينه وشفتها وعجبتني بتلقى مكان بقلبي00؟؟


لاتقول وتعذر ياطلال انتو يارجال مالكم امان ولله لو انت شريف مكه ماتصدق ابد
كل رجال منكم يقول الزوجته انتي ملكة جمال ومافيه احلا منتس
لا ولادها ولامر حلوفه يقسم ويحلف انه مايعرف من الحريم غيرتس واذا مر على زواجكم سنوات تزوج
طيب وين حلوفك وقسمك عذره ان ربي حلل في الشرع اربع وانه متبع السنه وبيعدد
الله ياخذ ذا النوعيه اللي مايعرفون الدين ولا السنه الا في الزواج
لاتصدقينه هيفاء لو قال مايعنون ومافي القلب الا انتي خوفي من اللي كذا الله يستر عقب فتره يقول دخلت القلب وانتي وياها متربعين فيه يعني تبينا نصدق انك تشوفها وتعجبك ولا تمناها
افضل حل للحريم ماتخلي زوجها يسافر ياكثر اللي يلعبونها صح وخاصه على الخليجين رجلنا على رجلهم ذبحون ذا الفاجرات اذا ماقوته باغرائها استخدمت السحر
وحده متشائمه من كثر ماخانو الرجال بزواج وغيره

............................................................ ..............................................ز


المراه بصدمه وهي تتلمس بطن عليا,,
:انتي متاكده ان عليتس الدوره00؟؟
عليا بخوف,,
:اي تنزل لي كل شهر والحين لها ثلاث ايام
المراه تهز راسها برفض,,
:ياامتس روحي افحصي سوي تحليل دم رحمتس مهوب خالي الظاهر فيه ياكيس يابزر
الام بطنها تزداد اكثر,,ودموعها تغالبها’’’ااخسرك بيدي بعدما كنت اتوق اليك00؟؟


يالله حزنت عليتس ياعليا بس ان شاءالله ماعليتس شر
مدري عندي احساس ان ربي بيحفظه بيقرا عليتس رائد كل ليله والله ان شاءالله بيستر
بعدين تعالي انتي فيتس نزيف قبل ماتلمستس الحرمه يعني الطفل مهيء للسقوط
عادي عادي عليا ولله ان فيه حريم طول حملها وهي تنزف وتجيب البيبي يهبل
اهم شي حالتس علوي النفسيه واذا كتب ربي وطاح البيبي بيجيب الله رزق واللي رزقتس فيه بيرزقتس بغيره اهم شي اطلبي رجا ربي وماراح بخيب رجاتس

............................................................ ...........................................

مشكوره ام المزوينه الف شكر على البارت الروعه

قولي آمين جعل ربي يمحي احزاني واحزانتس واحزان كل قارئه ويحقق لنا امنينا
ويكتب لنا السعاده ويمحي ذنوبنا ويجمل صفاتنا ويحفظنا من كل شر
آآآآآآآآآآآآآآآآآآآآآآآآآآآآآآآمين يارب كريم