سلا م غرنوقه
بارت احلى من الابداع كالعاده وغفله قوويه الله يستر
انت دايما على البال بس ايش انسوي بالمشاغل اشغلتنا عن الرد وولما افضيت قلت لازم اعلق ماقدر اسكت بعد هالقفله
مشعل
تصرف ذكي عرف كيف يحل المشكله ووقف بوجههم ليه هو حلال عليهم حرام عليه
دلال
ذكيه ليش تزعل وتسوي هليله والتعب في النهايه عليها بلين ووالسياسه تقدر تحصل على كل شي وكلمتها قدام اخوانهاووسميه هاذا دليل على طيبتها ولي بقلبها على لسانها

وسميه وفهد
اتوقع هالاثنين بيفاجوونا بالاحلى رغم فرق السن وتحسس فهد منه الابينهم توافق غريب يفوق الحب
هادي
ياقلبي عليك كل هاذا من خوفك على امك طول عمرك مبدي غيرك عليك
مشاري وحسنا
وواخيرا زالت الغيمه اللهان شاءالله دوم وانت مشفوح الابتبات عندها
الله يستر عليك من ه اليوسف شكله مومعديها على خير
جابر وريتاج
الحلال له طعم ثاني وعسى ان تكرهو شيئا ووهو خير لكم كرهت ارتباطك بها وهو خير لك
ريمه
الله يستر لا يسير فيك شي ويرووح فيها بتال
رائد
الله يستر من الصداع ليكون طامه او يمكن عين اوو سحر شطحت حبتين

دمت بود وحب

غرنوقه توبه توبه اتاخر بالرد يقالي يبالفيت بمخمخ عليها لكن النت حسبي الله عليه كل شوي قاطع من المغرب لحد ذا الساعه وانا فاتحه على الروايه وكل ماكتبت كلمتين قطع ولا اشاره ضعيفه
ضيع علي الرد مرتين
هل اجواء الرياض هي السبب

ماعلينا ترا ردي الاول برد قلبتس بس خساره طار بحاول الحين اكتب اللي اذكره صحيح ماراح يكون مثل اللي قبله وعد وعد مني البارت اللي يجي بيكون الرد سبشل

وبعدين تعالي ام المزيونه انتي السبب صدمتس وصدمتيني وكله بس افكر مدى تاثير صدمتي عليتس وصدمتس علي



قبل كلش ببدا بدلال تصدقين يوم انتي قلتي بالبارت اللي قبل عن حالة تركي وشلون بيواجه دلال وردت فعل البنت على اللي صار من امه وانه راح يفقده جاني نوع من الاستنكار لان اللي صار ماله يد فيه وهو دايم يحاول يمسك العصى من النص يرضي امه من طرف ودلال من طرف
هو ماكان يتكلم على سواياها بدلال بس مايترك بخاطر دلال شي ويحاول بقدر الامكان يخفف عنها والدليل السفره اللي سواها معها البنان وحط امه امام الامر الوقع
شي عن شي يفرق اهون من اللي هو امه عليها يعني امه تكون سليطه وهو العن منها هذي وين نحلها
ولله غرنوقه وحده من زميلاتي ذايقه المره من امه ومنه حتى حشها على قولت اخوانا الكويتيين اكتئاب وتاكل حبوب نفسيه والسبه هو وامه ومغير يمشون بين الناس يحاولون يحسنون صورتهم وانهم مهوب السبب هي العصبيه واللي تفسر الامور على هواها وتبي الناس على كيفه ولا تقول بعد طالع هو امه ذا اليومين بطلعه جديده ان اكتئبها وراثه جدتها قبلها
وتقول مرات يجيه احساس بذنب ويخاف يفقدها هو وعياله ويحاول يتقرب منها وياخذ اللي بخاطرها بس مايكون هذا الا اذا امه طاسه عنهم يافي مكه ولا بسفره مع احد بناتها ومجرد ماترجع امه ينقلب الحال وتصير الامره الناهيه وكلامها هو الصح
ولا ابشرتس مقتنع ان امه طييييييييييييييبه بس احيانن (حطي خطين تحت احيانن)يقول خواتي ياثرون عليها وتسمع لهم مشالله عليك انت وامك اتقيا ونحسبكم كذلك
طبعن عداك العيب يبو حمودي احسن حل البيت اللي بيخلي العجوز تنخ وترضى

بس يخوفي تطلب من جابر يسكن عندها وعاد تكفر فذا البزر اللي بتمشي عليها خطط العجوز لبي قلب الكحلي تخيلته عليتس
بس مدري عندي احساس ان جابر شخصيته بتكون اقوى من تركي وماراح يرضى بالغلط ولاحبيب امه بيرضيها على حساب ريتاج
مبارك هو اللي بيوقف امه عند حدها ولهوب راضي المره تغلط على امه ولا امه تغلط على زوجته
تصدقين هو افضل اخوانه ويصلح يجلس عندها



ماعليه وسوم لتس حق تزعلين والفهد حق يرضيتس بس اشو زعلتس ذا المره مختلف عن كل مره
اكيد يم راشد مهما صارت امتس قشرا ماترضين عليها بس زين منتس انتس تشوفين عيوبها
ولله اعرف لتس ناس واجد امهاتهم سيف مسلط ولا يشوفونه ودايم امهم المسكينه المظلومه
بعد دلال ماتنلام فرحتها بتخلص من اللي منغصه عليها حياتها ماتوصف
الفرج جاها من حيث لاتدري ماكانت عامله حساب ولا متوقعه ولا واحد في الميه ان تركي راح يطلعها بيت عن امه يعني رباضارة نافعه



ابو عايد انت قدها ورب البيت حطيت الجميع امام الامر الوقع وخليتهم يحسون اللي سويته صح مهوب غلط يزين الثقه
فيه مثل يقول لاتبوق ولا تخاف الظاهر عند الكويت هذا انت يمشعل واثق من نفسك ولا خبيت اللي سويت مع عبير مالفيت ودرت لا قلت اللي بالخاطر كله وحطيت بعد شرط الزواج وبفندق وفي الوقت اللي تبي وقلت محد يتعرض العبير كلامكم كله معي لله درك يشيخ زدت اعجاب فيك فوق اعجابي



يكافي ياحسون وش راح يضرتس لو خليتي الرجال ياخذ غطه جنبتس حارمته كم شهر كل هذا حيا يعني من اهلتس ولا تخافين ان ابو بناتس يخربها معتس وانتي نفاس
وبعدين المده طويله وش بيصبر قلب الرجال هذاهو خذ فزعة هادي بس ماخليتيه مسيره ياخذ اللي يبي بمساعدة غلا وهادي يعني معقوله مايفض عليه البيت
بعدين تعالي حسون صحيح راح يفوتس زواج مشعل وعبير وخلود وفارس
ماعلقتي انتي ومشاري على زواج مشعل هل بيتغير مشاري وتنطفي نار الغيره بزواجه من عبير



معقوله هادي موقف خواتك صحاك من سكرت غلا وفلتان السانك عليهم
شف انا ماشوف ان غلا لها اي دور ولا حاولت او حسيت انها تسحبك من خواتك
بس انت اللي بديت تحط حاجز بينك وبينهم والدليل انك قبيت فيهم من اندفاع برئ من اي بنت لامها ولله يام المزيونه اني احس لو كنت بمكان البنات اني لقول مثل ماقالو شفت وش قالت حسنا وقلت انا ردي بيكون زيها ويوم قريت رد عليا قلت لا مثل عليا ويم قريت رد هيفا قلت مثل هيفا ثم خلود قلت ماراح اقول اقل منها يعني بنظري ان كل وحده منهم ماقالت الا اللي بخاطر اي بنت تجاه امها
هل انت فكرت بكلامهم وحسيت ان خواتك ماقالو اللي قالوه الا لانهم شافو انك بعدت عن امهم وعشت حياتك مع غلا ونسيتها
لايوسوس لك بليس انت لاتقصر عن الغاليه امك لاتقول هي ماتطلب وماتشتكي
ترا فيه امهات مجرد ماتشوف ولدها مبسوط ماتحب تنغص عليه لو كانت تشوف الويل والتعب والغيره وخاصه ام اولد الوحيد هي اللي تحب تضغط على نفسها مقابل سعادته
عطها حقها من الجلسه معها والسوئل عن صحتها ولاهتمام فيها لاتخلي الغيره تدخل قلبها من ناحية زوجتك واهتمامك فبها
وبعد غلا لها حق وعطا كل الحب والدلع بس في غرفتكم وازن الامور وبنت خالد فاهمه وعاقل وراح تقدر صدقني الحب على بذره وغلا اجوديه وبتشوف لامك ماتشوف لامها
ماعليه غرنوقه انا عند الام اضعف وبصراحه احب هي اللي تبدا بكلش اذا صار ولله تحل كثير بين مشاكل الزوجات وامهات ازواجهم



لاتوجعين قلبي على رائد تكفين حرام عليتس ترا قلتي ماراح تموتين احد من ابطال القصه معقوله اللي فيه يكون ورم بالمخ فالله ولا فالي
جت باللي فكره وتوقع يمكن بتموتين رائد وتزوجين عليا مبارك
يصير منتس ام المزيونه اللي زوجتي فهد وسميه ومشعل عبير مهيب غريبه عليتس تموتين رائد وياخذ عليا مبارك بس حرام ولله حبيت ابو خالد وحسيته رجال بمعنى الكلمه لانه ذكرني بشخص عزيز علي بصراحه دايم اذا جا حواره جت صورته قدامي مدري كانتس تكلمين عنه خاصه بعلاقته مع عليا الحاليه كل مال شخصيته تقرب منه


غرنوقه ماعليه اذا تاخر الرد ولله النت تسلح ذا اليومين وغثيث وفوقه ولدي الصغير مجنني
اتمنى ردي يكون مثل توقعتس عني منتضره الفجر البارت وترا واعدتنا بارت طويل <<<<فبس يرقص حواجبه ويقول ترا ماننسى