خطوره
سلامات ما من شر ان شاء الله
والف لاباس عليتس

الله يمطرنا ي خطوره شارقتكم وقصيمنا وكل بلاد المسلمين

ظني بربي كبير
الله بيفرجها من عنده
لاتفكرين واجد
ماتدرين يغير ربي من حال لحال

عاتبت غاليه علي وتضايقت وتضايقت على شانه
قلت له أنا ما احب المنكسرين
الانهزام مو درب ولا ذريعه نتوزا وراه
خليتس قويه ما يهزتس ريح
موب ماضي يكسرتس أنتِ اللي تكسرين وتدفنينه وهو حي يناظر
بقلعة ودارين والله لا يرده ارجعي وابدي من جديد ولاتخافين خفافيشه

سؤااااال وتعبت وأنا ادوره له إجابه

ليه نظرة المجتمع إلى المطلقة هي نظرة فيها ريبة وشك في سلوكها وتصرفاتها

ليه تبعات الانفصال تكون اشد مراره على المطلقه من المطلق

ليه الضرر يقع على المرأه اكثر من الرجل ولا الضرر متكافئ بين الطرفين

ليه الانهزام يصيب المرأه والتخاذل يصيب الرجل

قريت مره ويال العجب مما قريت

عباره تقول تقول " إن الطلاق يصيب كبد الرجل وعقله وقلبه وجيبه لأنه الخروج طواعية من أنس الصحبة وسكينة الدار ورحابة
الاستقرار إلى دائرة بلا مركز "
شفتو كيف يا حضرات الازواج كيف الطلاق له مضار من قلبك لعقلك واهمه جيبك
بس من اللي يتعظ

الله يصلح لنا بيوتنا وبيوت المسلمين
ويجعله عامره بالسكينه والطمأنينه وراحة البال

الله يطمّنا عليك
ي الغسق
والله اشتقت أقرأ حروفتس
الله يسبغ عليتس راحه بال تدوم ولاتزول
طمنينا لو بمسج ي بعدي


ضاق الصدر والكون من ضيقته ضاق
وحسيت وسط القلب هم ودواكيك
والدمع من عيني على خدي انسـاق
اصبح على ذ**** وامسي بطاريـك
لازارني طيفك يجـي بيننـا اعنـاق
ويضرب بي الهوجاس واعيد ماضيك
ياشين فرقا من لـه القلـب يشتـاق
ياشينهـا شينـاه تظهـر خوافيـك

ي مساء الخير
وايام التعب والمراكض والاوراق والاختبارات
هالايام هذي اتعب شي وارهق ايام السنه
كرف موب طبيعي نركض هنا وهناك
ونجدل بالاوراق الاختبارات وكشوفات التوقيع
شغل شغل
من مبنى لمبنى ومن طابق لطابق
وكله كوم وقت البريك للطالبات كوم ثاني
انواع اللعب والهستره والمراهقه من قلب
والبرد عاد كشخ الموضوع
واصبحت مدرستنا دور ازيا عالميه
تنافس باريس ولندن بالموضه وانواع صرخات الجاكيتات والبلوفرات
لا وابشركم الفروات مابقى الا يجيبون سمر وحطب ويشبون النار
يعني وقت الاختبارات انواع الفوضى والتسيب
ممنوعات وترقيم ومغازلات على عينك يا تاجر
وعلى مر من الاداره
صور وسيديات وشين مخزي الواحد يستحي يقوله
الله يكافي ويستر علينا
والله ي عالم الوضع صار صعب حيل على بناتنا والوضع مزري بالحيل
وكل يوم من أردى ل اردى وفي تدهور
ي رب استر علينا ولا تكشف لنا ستر
والوعي والارشاد تاه بالمعمعه وسط هالعولمه والانفتاح الخطير

تدرونالنصيحه صارت صعبه صعبه بالحيل من ننصح ومن نخلي
والوعي الاسري صار معدوم إلا من رحم ربي
الله يستر بس ولا يكشف لنا ستر
والله أني اشكي وضعنا إلى الله اللي صار يأزم ولا عاد ينسكت له
ي بنات صرنا نشوف اشياء نستحي نقوله
ولا بيدنا شي
صارت مدرسنا صالات افراح ومكاتب لعقود الزواج
يالله ياكافي يارب سترك يا رب سترك
ولا في تصوركم في مدرسة بنات تصير عقود انكحه وخرابيط وزواج مثلي
ومدري وشهو
والله اللي نشوفه كل يوم اشياء تقزز حيل وتقرف له النفس السويه اللي جبلت على الفطره والخير
والطريق الصح

رساله للأباء والامهات
رساله لتربويين وعلماء التربيه والنشىء
رساله ل صناع الاعلام
رساله للاعلام المقروءه والمسموع
رساله للقنوات الهابطه
رساله للقنوات الهادفه
رساله للموجهين
رساله لدعاة
رساله لهيئة الامر بالمعروف والنهي عن المنكر
رساله لقنوات الاصلاح

قال تعالى : (( وَقِفُوَهُمْ إِنَّهُم مَّسْئُولُونَ # مَا لَكُمْ لاَ تَنَاصَرُونَ # بَلْ هُمُ اليَوْمَ مُسْتَسْلِمُونَ ))