مسائكم أحاسيس ومشاعر ..
بينما وأنا أقلب بين الأناشيد فإذا بنشيد يحمل قصه لشاعر
القصه هي/
في سنه من السنين طلع الشاعر فالح آل وحيد من الأفلاج يم الرياض يدور الرزق الحلال لعياله وزوجته
وهو بالرياض وفكره بالأفلاج مشتاق لأم عياله إلا وجاه خبرها ماتت من قرصه داب في أحد الوديان ..
وهذه أبيات الشعر ألفها عندما سمع خبر وفاتها ..
آه لا ونيت انـا قـــام صـــدري له صـلـيـل
مـن سمعـنـي تـالـي اللـيـل جــر بقـيـل آه
آهـ لـو ان آهـ يـا نـاس تبـري مـن العلـيـل
كــان كـثـرت البـكـى والونـيـن وقـيــل آه
آهـ مـن قلـب يـشـادي كـمـا قـلـب الهبـيـل
كــل مــا جـالـه طبـيـب تعـسّـر فــي دواه
آهـ مـن حـال يـشـادي كـمـا حــال العلـيـل
كـل مــا قـالـوا تـشـالا تـزايـد فــي عـنـاه
آهـ مـن دمـع تـحـدر عـلـى جيـبـي همـيـل
لـو يـحـدّر لـه علـى منـهـل زروع ســقـاه
آهـ مـن داب فجـعـنـي علـى ظـبـي السلـيـل
ليـت مـنهـو حاضـره كـان يقتـلـه بعـصـاه
جعـل شـعب قـرص فيـه الحبيّـب مـا يـسيـل
جعـل رزنـات المـخايـل تـعـدى مــن وراهـ
موضوع رآئع قموورتي ..
الله يعطيك العافية ياقلبي ..
كل الود لكِ ياغالية
28-08-10, 10:02 AM
جديد مواضيع قسم الشعر والشعراء
العرض العادي
