السلااااام عليكم

انا سمعت الكلاااام و مضيت حضوووور....تمااااام يا فندم

بصوا ع السريع لان الوقت قاتلنى و اول ما بقوم من عند البنات بتبقى هرج و مرج

كلاااام لامى تمااااام و اللى عنده افكاااار يقووول و لازم نصحصح القسم لان احنا اللى انشأناه و حرام نسيبه يموت كدة

هبة...انا مش فاهمة كلامك بالضبط ...و ايه المكان التانى ...بس سامحينى ع التقصير فى قراية الفصل التانى بس الرواية بدايتها جميلة و ممتعة ...طبعا من غير مجاملاااات و عندى كلمة خايفة تزعل حبايبى ...متزوديش عنصر الالغاز فى الرواية يعنى معلومات من الماضى خلى عنصر التشويق فى الاحداث اللى هتحصل بين الابطال ....يعنى عندك مايا و بيرو و ندا ...و بلا اى زعل زودوها حبتين فى اخفاااء الماضى ...مش معنى كدة ان الروايات وحشة ....مش كل القارئات بتبص للجانب الراقى من الكتابة عشان كدة منزعلش ان عدد القراء قليل بس على الاقل مثقفين و مميزين ....احسن من كترة ع الفاضى ...لأ طبعا اسلوبهم الشيق فى الكتابة و المتميز محلى الاحداث بس انا لاحظت ان ناس كتير متضايقين من المعلومات المخفية و خصوصا ان كل واحدة وصلت للفصل السابع او التامن ع الاقل و لسة المستخبى اكتر من اللى ظهر ...يمكن دة اللى مخلى القراء يحسوا بالملل شوية ...لاحظوا ان القارئة مستنية مواقف رومانسية اكتر بين البطلين ....

انا قلت رأيى اللى حاساه بحكم الصداقة اللى بينا و بكونى صريحة حبتين و لسانى بيجرح احيانا و تحت ظرف انى دلوقتى عندى صداع شديد و صايمة و عندى مذاكرة بالكوم و البنات مطلعين عينى و فاتحة بند اللبس الصيفى و الشتوى و غسيل بطاطين و غيررره ...غباء منى انى اعمل مليون حاجة فى نفس الوقت لكن انا روحى خلصت و مفيش حاجة بتخلص

عكننت عليكوا مش كدة....سامحوووونى

نرجع مرجوعنا لانعاش القسم ...انا معاكوا فى اى حاجة تقولوا عليها بس اول ما اخلص

ارجو من مايا و بيرو و ندا يسامحونى على كلامى بس حسيت انى لازم الفت النظر و والله انا مستمتعة جدا بدليل تعليقاتى ....

ادينى قلت و امرى الى الله بس كلام كان لازم اقوله بحكم اللى بينا و هى هبة اللى خاتنى افتح الموضوع بسؤالها على روايتها و بمنتهى الصراحة ....اوعوا تاخدوا منى موقف
.
سلااااام...احاول اظهر بالليل

دوللى لا اعتقد ان احد سوف يزعل منك هو دا المطلوب الصراحه بين الاصدقاء وانا ياجماعه لو فيا اى عيب قولولى يعنى مثلا ..رائعه ...فاتنه ....كورجيس<فيس العنجليزى ههههه
انا مش هزعل قولوا
ايوة كده لموا اقتراحات علشان اعمل بيها بيان
بالنسبه للحصريات احنا ممكن نعمل قسم حصريات العرض الاول علشان التفاعل واول ما ينتهى العرض تنزل فى القسم العادى بالطريقه دى احنا ما حجرنا على الروايه زى اى منتدى وفى نفس الوقت خلينا فى تفاعل فى القصه اثناء عرضها
هلموا.... هلموا

يامحلا لمتكوا هههه
مرسى هومى دا عثلك انتى والله
طيب دا بالنسبه للجديد بالنسبه للقديم ننشط موضوع المحاكمه عايزة المنتدى كله يعرف ان فيه ناس بتتحاكم هههه علشان اللى ما قراش الروايه يقراها بعد المحاكمه ودا هيبقى عن طريق شريط الاعلانات والرسائل الخاصه