البارت السآدس 2
مُحرمة ..!
تتنآثر دموعي بصمت , كنت احس بغصة كبيرة
بعد كل الحب الي بيني وبينه , من يوم كنا يهال , يتركني
عشآن الحل الي انا كنت ادور عنه ,
عيال ، لطيفة خذته مني , بسبب الولد ,
مره وياي , ومره وياها منصور
متخبط وهب قآدر يتخذ قرار , حتى الأيآم الي يتركها عشـآني
ما طلقها .!
ليش أنا طلقني ، لِ هدرجه هب غالية عنده ,
أكيـد شرطهـآ هي عشآن ترجع له انه يطلقني ,
مسحت دموعي وانا احس بخطوآت خالتي في الغرفه ,
: يعني لين متى بتميين جيـه ؟؟!
رديت : المشكلة ما ادري , ما ادري
طلعت وسكرت الباب , عفرا اختي مسـآفرة ويا ريلها , يدرس برا , وانا هنيه
مـآلي غير خالتي , آمـه ,
اشم ريحته في المكآن هو ترك البيت , يآبني هنيه قبل لا ينهي كل شي
ليش , يخآف علي ..!
والا يبا يتخلص من الذنب ,,,
انا ولطيفة في معركـة , منو منـآ بيأخذ قلبه ، قلب منصور وللأبد ؟؟!
رجعت بِ الذأكرة لِ المآضي
(( دخل عليه وهو منهار ...مسكت عمري ...كنت متضايجه بس رسمت ابتسامه على ويهي ...
قال وهو يتقرب مني ويخلي راسه على صدري: ما تقربت منها ..ما لمستها ..انتي بس الي فبالي
قلت وانا بموت من الغصه : منصور الي تسويه غلط ...لطيفه الحين زوجتك
مسكني بقو من ايدي : كله منج انتي وامايه قلت لكم ما ابا عيال ...ما تفهموون ...انا اباج انتي بس ...
قلت وانا اتالم من ايده : منصور تعورني
نزل نظره ...جاف كيف ماسكني رفع ايدي وحبها بس انا سحبت ايدي : روح للعروس
قال : ما اباها
قلت : منصور ....
قال: خلااص اول ما تيب لي الولد الي بيشيل اسمي بطلقها ووبخذه ..انتي بتربينه
طالعته ...والله ابا عيال ....لفيت عنه وقلت : روح نفذ الي تقوله
طلع ...انهرت انا ...بيكون فحضن وحده غيري ...بتلمسه ...بيعطيها من الحب الي بالاصل هو لي انا ...بيقولها الكلام الي لي انا ...صحت وانهرت اكثر ...مصيره ينساني ))
روضة
أنتبهت على طيف الي تفر عمرها على السرير وملابسها كلها مـآي
تنهدت : آآه ـ أحبـه والله أحبـه , فديت صوته ، ,
فزت من على السرير وركضت صوبي : أتخبل على شكله , جسمه , عريض وعضلات ,
أحس قلبي يرتجف يوم اشوفـه ,
نهرتها : بنت , عيب هالرمسة , وبعدين انتي نآسية مخطط امـآيه وخآلتي ,
كل هالمشآكـل بسبب الفلوس , وعمر عبدالله ما همته المـآده
مستحيل يرتبط فيج , عشآن بس ما تروحين لِ شخص غريب من برا العايلة , طمعان فيج
طآلعتني بغضب : روضة الي يسمعج يقول اني هب حلوه ,
أنا الف وآحد يتمنآني , قمر ,
بس أخوج رآفضني عشآن الفلوس انا اعرف , ما يبا يرضخ لِ أمج بعد ما رضخ لها في المآضي
وتخلى عن البنت الي يحبهـآ ,
رديت : ودآمه جيـه ليش تعلقين عمرج فيه أكثر
يلست على الكرسي وقالت : هالامر هب بِ ايدي ,
التفت على الباب الي انفج بقو , امآيه ,
ارتعشت بخوف , بس حاولت اتمآسك
قالت : وين سويج سيارتج ؟!
قلت لها : ليش ؟!
ردت بعصبية : اعتقد في سآيق , ماله دآعي ابداً تسوقين , شو تبين الناس تقول , أن بنتي تسوق سيارة , ما يبون يخلون لها سايق , عيزآنيين عن راتبه ,,!
قلت وانا اعطيها ظهري : بس انا ابا اسوق
صرخت متنآسيه وجود طيف : اقوووووووووووولج هـآتي السويج ..!
خليت عمري ما اسمعها , تسكر الباب بقو وقعدت على الارض , خلاص ريولي ما قادره تشلني , مرات اقول , شو سر كره امايه لي , ليش انا بالذات ,
الي اعرفه ان البنت الوحيده دايماً تكون محط اهتمام امها
الا انا ,
ليش ..!!
انتبهت لِ نظرآت طيف وهي اطالعني
قلت : لا تحآتين انا اقوى عن قبـل ,
عذاري
وقفت اطآلع لطيفة وهي طآلعه ويا ريلها , ما صدقت ,
وكلآم غيث صدمني اكثـر , شفته يروح صوب غرفته
التفت لِ جوآهر الي من رجعت بيتنا وهي هب على طبيعتهـآ ,
قلت : هدي غيث , لاتخلينه يتهور
طآلعتني وهي هب عآرفه شو تسوي , قلت : يلا يا جوآهر هو محتآجنج الحين ,
غـآدرت الصالة ودشيت غرفتي ,
بآجر برجع الدوآم , خليت امـآية ترمس غيث ,
وأخيراً وآفق ,
مسكت تلفوني وارسلت رساله لٍ المدير محمد
ابلغه اني بداوم واعتذر عن الأيآم المـآضية ,
رد : المركز مُظلم بغيآبج
رميت التلفون على السرير , ما يهمني كلآمه الحلو , ولا يوم بيهمني , ما اطيقة ..!!
شمسة
دخلت الغرفة ، ملل ,
عمي اليوم كلمني , رفض اني ارجع الشغل
قلت له اني مدينه فلوس من البنك على راتبي
قال : انا بتصـرف ,
مابا اقعد في البيت , ما احب ولا اتقبل ان حد يأخذ القرارت عني وانا الي كنت اتخذ قرارات بيتنا كلها ,
انسدحت على السرير , تلفوني يرن ,
رفعته وشفت اسم جابر
هذا شو يبا , ما يكفي انه ,, انه ....
رجعت بِ الذاكره للورى , اليوم الي صار بيني وبينه خلاف , هو اليوم الي عمي يا فيه
وتكلم عن سمعتي , معقولة يكون نذل لِ هدرجـه ,
معقولة هو الي يكون خبر عمي عن علاقتي بِ طـآرق
رديت وانا ابا اعرف شو السالفه بالضبط ,,!
قال : الـــو
رديت : شو تبـآ ..!
رد : من فتره ما اداومين , سمعت ان والدتج توفت , قلت بعزيج
رديت : شكراً ما قصرت ,,,
قال : عمج اليوم كآن عندنا في الدوآم
فزيت من على السرير , وقلت : ليييييييييييييييش ..!
قال : كلم المدير عشآن يقبل استقآلتج
رديت بعنف : بس انا ما قدمت الاستقآله
ضحك : بس عمج قدمها , وهو تفآهم ويا المدير
حسيت بدوخـه , ما قدرت اسيطر على عمري , دموعي هلت بصمت
قال : شمسه , ترى انا مكلم عمج ، و وعدني انج تكونين لي ....!
طآح التلفون من ايدي ,
لا , لاهنيه وكفآية ..!!
قمت بسرعه وانا رايحه صوب غرفة عمـي , كنت بدق الباب بس صوت عمي وزوجته
ينسمع
حرمة عمي : ترى انا ما بستحملهن ولا بدفع درهم من ديون بنت اخوك , تصرف انت
قال : يا حرمه استهدي بالله , في شخص متقدم لهـآ , و من مهرهـآ بندفع دينها ,
والريال مكلمني من قبل , اصلاً هو الي خبرني عن سواد ويهـآ ,
ارتجفت , ما قدرت اتمآسك , رخيصة صرت لِ هدرجـه
وين قوتج يا شمسه تكلمي , بس في شي لجمني , ما خلاني اتكلم ,
رديت لِ غرفتي ,
كيف بدفع الديون , ما عندي فلوس ما عندي
كنت يالله يالله امشي عمري ومصآريف البيت ,
جزء كبير من الراتب , رآح للبنك
رفعت تلفوني وخليت صوتي عـآدي , دقيت لِ طآرق , لحظآت وصلني صوته بلهفه
: وينج انتي , كل ما ادق ما تردين ..
قلت : طـآرق ، اذا بعت سيارتي كم بتيب ..!
سكت لحظـآت وقال : انتي ليش ..!
قآطعته : بتغطي الدين الي في البنك .!!
رد : اكيد لا ...!
بلعت ريقي وبديت اجهش بالبكآء , خلاص , الظآهر ان الدرب مسدود جدآمـي , قلت
: طـآرق , عمي بيزوجني لِ جآبر
صمت ,
صمت
صمت
جيه انتهت المكآلمـة ,
الصمت ما استمر , دخول عليا للغرفه , خلاني انهار اكثـر ,
طآلعتني منصدمـة ,
قلت لها التفآصيل ماعدا انها ما سألتني ,
ولا حتى قالت لي شوا سوي ,
من وين كل هالحقد يا عليا ما احيدج جيـه ,
قطع افكآري صوتهـآ , : خلي طآرق يتقدم لج , و بعدها بنتصـرف ..!
قلت : شو اقوله , تعال اخطبني , انا بنت ياعليا ما اقدر اقوله جيييـه , أحس بقلل من عمري
هو سآكت على غير العـآدة ,
شكله هب سآكت , تلفوني يعلن وصول مسج , رفعته
" الله يوفقج يا شمسه , أنسيني "
كايد
التفت على صوت الدكتور محمد : لا انته الحيين اوكيه ..وخلال هاليومين تقدر تظهر وتدخل ويا المرضى الثانيين وفيه برنامج مخليتنه الدكتوره عذاري بتمشي عليه ...
رفعت راسي يوم قال اسمها ...انا اكيد تخبلت ...شو الي سويته فالبنت
قلت : هيه بخيـــر؟؟!!
تنهد وقال : من سالفتك وياها ما داومت
سكتت ...شو اقول ...قلت : ابا اكلم اخـــوي
قال : هذا كله تحدده الدكتوره عذاري ...انا ما يخصني ...مرحله العلاج وياي شارفت على الانتهاء
يعني هيه الحين بتستلمني ...ياالله ..شو الي قاهرني منها ما ادري ...تقهرني يوم اجوفها ..احسها فيه غرور ...اخر زمن بنت تعالج مدمنين ...سمعت الباب يتسكر ...الحمد الله ...نوبات الالم والتشنج بدت تقل ....فتحت الستاره الي لونها اصفر فاااتح ...وبديت اركز فالمنظر الخارجي ....يت في بالي منى ...كانت تحب هالاجواء ...يوم يكون الجو مغيم ...جفت المرضى الثانيين ...موجودين فحديقه المركز ...من دخلت المركز ما فكرت افتح الستاره الا اليوم ...ما ادري ليش ...يلست ارقب تحركاتهم ...تنهدت متى ترجع هذي اداوم ...ابا اظهر ...ابا اتنفس هوا طبيعي ...على الاقل احسن من الاربع يدران الي مجابلنهن ....يا في بالي عبدالله ...يوم بجوفه بضربه ضرب ...بطلع فيه عذاب الايام الماضيـــه ...ضحكت ...والله انك ريال يا عبدالله...عرفت كيف تساعدني ...
(( كان شبه منهار ....محد يعرف مكانه الا انا ...طرت بسيارتي ...وقفت عند البحر ...وجفته ...عبدالله ...جسمه متغير ...صاااير ضعيف شرات مروان الخديه ...التفت على تلفوني الي يرن ..هذي منى ..
رديت : الو
قالت : لقيته ؟؟؟!!
قلت : هيه ...سكري الحين ...بطمنج بعدين
سكرت ...منى تهتم بالكل ...رحت صوبه ...ما انتبه لي
قلت : بطول ؟؟؟ تتامل البحر ...؟؟
قال بهدوء : شو تباني اسوي ..؟؟ََ!!
قلت : عبدالله يوم ترمسني طالعني ...عبدالله
بس هو ما لف صوبي ...رحت وقفت جدامه ...طالعني ..نزل راسه ...رفعت راسه وقلت : عبدالله ولد الـ,,,,,,,ما ينزل راسه ...فاااااااااااهم
قال : حرموني منها يا كايد ...حرموني من البنت الي احبها
قلت بلهجه شديده : الي خلقها ما خلق غيرها
قال: اليوم عرسها...اليوم بتكون لغيري
قلت : وشو يعني ...الله يهنيها ...يلااا ما ابا اجوفك جيه ...عبدالله البنات يتمننك ...انته بس اشر على الي تباها وانا بخطبها لك
قال : ما باا غيرها
صرخت : واهلك ما يبونها ...نسيت الفرق الي بينها وبينا ....نحن ما ناخذ من مستواهم ...ادري بتقولي هذا كلام امايه ...ما اقول انه صح ...بس انا خذت منى...وما كنت مختارنها ...بس الله اسعدني وياااااها ...عبدالله ...تبا الناس تشمت فيك ..." ضربته على جتفه " اباك تكون قوي ....ما تسقط من اول مواجهه ....
طالعني وقال : هيه ترا الي ايده فالنار ...غير ...
مسكته بقو ..قلت : انا اتعذب اكثر عنك يوم اجوفك جيه فااااااهم ..لا تقول هالكلام ...انته عاااارف غلاتك عندي ...وفاااااااااااهم
قال بتردد : انا اسف ...
قلت: ما بقبل اسفك لحد ما تعزمني على العشا
ضحك : فاللك طيــــــــــــــــــــــب ...من المكآن الي تباه ))
جوآهر
وقفت اطلعه وهو معصب , كل مره اقدر امتص غضبه وأخليه يصير أهدى
بس المره اكتفيت اني اشوفه
طآلعني وقال بعصبية : انا كم بتحمـل , انتي والا لطيفة والا عذاري ..!
قآطعته :لا تحآتيني انا
تقرب مني وشدني من ايدي : انتي شو فيج ..!
كآن يطالعني في عيوني ، ارتبكت , ما عرفت شوا سوي , تدآفعت الذكريات لِ راسي
قبل امس ,
ليته ينحذف من ذآكرتي
" المسـآء , وغيث ما رد البيت ,
رن تلفوني رفعته وكآن شخص قديم , مابا اتذكره
كلمآت زوجته ترن في اذني للحين
قلت : شو تبا الحين , انا متزوجه خلاص
قال : انا عند بيتج , طلعي
ارتبكت , حسيت بالخوف يتسلل في قلبي , البيت ما فيه الا الخدم , وانا بس , انا
غيث محد ,
قال بصوت عالي :طلعــــــــــــــــي اقولج ,
قلت : مابا
قال : ما بسوي شي , بعطيج غرض بس , هو يخصج , تعالي
قلت : انت وعدتني تنسآني , انا كنت مرآهقه , ما حبيتك ولا انت حبيتني , انت كنت تبا توصل لي جسمي بس , وزين اني كشفتك قبل لا افقد نفسي
قال : جوآهر طلعي الحين ..!
كنت متهوره , لبست شيلتي , كآن قبل لا يصير الحآدث لِ أمايه وابويه , ويرحلون من حيآتي
دأيماً نلتقي ورى البيت , يوقف بِ سيارته وايي اركب , المسـآء , محد يدري
امايه ما تحس ,
كنت متهوره , وتهوري ما قدرت اسيطر عليه
ظهرت له , وليتني ما ظهرت ,
ركبت السياره , واول مره احس انه متخبل جيه ,
قال وهو يسيطر على جسمي ويقربني منه : انتي الحين متزوجه , يعني ما تخآفين من شي , ريحيني ..!!
شهقت بخوف , كنت بفتح الباب بس مسكرنه ,
صرخت : افتتتتتتتتح الباب , افتح الباب اقولك ,
بس هو كآن ما يشوف جدآمه ، الرغبة عآميتنه ,
كنت احس بِ انفآسه قربي , ايده على جسمي , غمضت عيني برفض , صورة غيث جدآمي ،
حسيت بالبرد , كشف عن جسمي ,
حالة الخوف سيطرت علي , لحظآت , بس الحمد الله , ما استمرت , دفعته بِ اقوى ما عندي , ضرب ظهره بقو بالسياره , وتألم , عفدت على كرسيه وفتحت الباب ونزلت اركض وانا احاول أسكر ازرار لبسي , المكآن مظلم ,
وانا اركض والغبار يطآير حولي , صوت الريح يخوف
بس صوته وهو يصآرخ علي خوفني اكثر ,
دخلت البيت وانا منهاره
سكرت البيبان ,
ركضت لغرفتي ودموعي تغطي ويه , ارتجفت تحت الماي وانا اخذ شور
كل ما افكر في غيث احس اني حقيره وما استأهله, ما استآهله ,
يلست امسح على ويهي بعنف , وانا اتذكر الحقير كيف تقرب مني ,
انا السبب كيف طلعت له , كييييييييييف , غبية ادري
بس خفت غيث يرجع البيت ويشوفه , ويشك فيني , كنت اباه يروح بِ اي طريقة ,
طلعت من الحمآم , وقفت جدام المرايا وانا اشوف نفسي
بديت احس اني ما اعرفهـآ , ما اعرف هالانسآنه الي وآقفه جدآمي
ما اعرف نفسي ,
تلفوني يرن , غيث
قال لي مشتآق لج , ,
واول ما وصل البيت وحـآول يتقرب مني , رفضته,
وصديته , هب لاني ماباه , لا ,
انا احبـه واباه , كل شي فيني يباه ,
بس احس اني حقيره ما استآهله , ما استآهله
))
صرخت وانا احس بِ ايده الي تضغط على ايدي
: انا ما قادر انسى الي صار يا جوآهر , خبريني , شو السبب ..!
ليش ..!
والله بديت اشك انج ما تبيني , انتي ما تشوفين عمرج , طول الوقت سرحآنه
من تشوفيني في مكآن تهربين , قووولي لي ,
دزيته قبل لا اقوله كل شي , قلت : ودرني غيث ودرني لاتضغط علي
سحبني بقو لِ حضنه كنت اضربه بِ ايدي , بس هو سيطر علي وقال : شو أضغط عليج ,, تحسسيني اني اخذ منج شي انتي ما تبين تعطيني اياه .. جوآهر ..!
دفعته وقلت : هيييييييييه ماا اباااااااااك انت ما تفهم ,
الظآهر اني قلت هالكلمة في وقت غلط
ويمكن هالكلمه ما تنقال في الاساس في اي وقت ,
مُحرمة بالاحرى
شدني له وقال بعصبيه : الي ما تبينه بيصير غصباً عنج , سآآآآآآآآآآآآآآآآآآآآآمعه ..!!!!!!!!!!
منصور
من ركبنا السياره وهيه ساكته ...وعبود هو الي يسولف ...طالعتها من المرايا بطرف عيني ...شكلها تفكر ...طالعت شكلها وتذكرت
(( عرس اخت العنود ...رحت صوب غرفه العنود ما لقيتها ....طلعت وجفتها فويهي ...رحت صوبها وسولفت وياها ...بس كنت مرتبك اخاف لطيفه تجوفنا ...ما تعرف ان العنود زوجتي ...ولا اباها تعرف فهالوقت ...بعد ما تولد لكل حادث حديث
تفديت العنود ...ياربي بنت خالتي واحبها واموت فيها......وبعد ما راحت العنود صوب غرفه عفرا ...قلت بروح اجوف لطيفه ...لطيفه غيييييييييييير نهائيا عن العنود ..هدوئها ...حكمتها ...شعرها ..شعرها غييييييييييير ...رحت صوب غرفتها ..دقيت الباب وفجيته وانصدمت وانا اجوفها على الارض ...والدم مغطي السيرميك الابيض ...وقف قلبي ..الولد الي احلم فيه ...لطيفه زوجتي ...شليتها بين ايديه...ورحت صوب المستشفى...غيث وام غيث تبعوني ...حسيت اني بفقد الاثنين ....مسكت راسي ...انتبهت على صوت لطيفه وهيه تقول لامها : ولدي ياا امايه انتي ربيه ...لا تخلين حد غيرج ..ااااااااخ
وبعدها تسكرت عينها ..وقفنا نتريا ...ساعه مرت ولا حس ولا خبر ...حسيت اعصابي توترت ...هذا غير العنود الي كل عشر دقايق ادق ...غلقت التلفون ....وطلع الدكتوره ربعنا صوبه ..
: الوضع حرج ....ممكن حد منهم يموت
صرخت : انقذي الولد ...ولدي اباه فااااااهمه
طالعني غيث وامه بنظرات ناريه ...ومسكني من كندورتي : ما توقعتك نذل ...لهدرجه
لانه هو ما يحس بالحرمان ...ابا ياهل..انا تزوجتها عشان الولد ...بس ....بس ...والعنود بتربيه ...ما تهمني ...كنت بنضرب فالمستشفى ...مرت ساعه ثانيه ...طلعت الدكتوره
: الحمد الله تمت الولاده بعمليه قيصريه...الولد فالحضانه...والام
صرخ غيث : شو فيهاااااااااااااا ؟؟
قالت : دخلت فغيبوبه ...))
نقزت وانا اسمع لطيفه تصارخ : عبود ايلس مكانك لا تتحرك ...
طالعته فالمرايا : بابا ...شو تبا عشا ...بطلب لك من المطعم
قال : برجر بابا
لطيفه بحده : عبود ما ياكل من المطاعم ....تباه ايه تسمم ويموت ...
طالعتها متروع ...شو بلاها هذي ...تنهدت وقلت : خلااص بابا اول ما نوصل ماما بتسوي لك ولي العشا
قالت بصوت خفيف سمعته انا بس : بسويلك سم يسمك ...
ما قدرت امسك عمري ...ضحكت بصوت عالي ..........ههههههههههههههههههههههههه
لفيت صوبها : اهون عليــــج
ما ردت....وصلنا البيت .......
لطيفه
وين بيوديني الحين بيت اهله الي تعذبت فيه والا وين بالضبط ...اكرهه هالكلمه الي تتردد فبالي ...وقفت السياره
التفت وسمعته يقول : نزلي بيتج
اكره صوته...اكرهه ....نزلت بسرعه ...فتح الباب وهو يشل عبود ...خنقتني العبره ...كنت اقول على موتي ارجع لهاالحقييييييير ..تذكرت كل شي ...جفته وهو ياشر على الغرف ...فتحت اول غرفه وسكرت الباب وقفلته على عمري وانهرت من الخاطر ,,,,ما حسيت الا باالنور الي دش الغرفه ...رفعت شعري ولفيته وقمت وانا احس بصداع فضييييييييع ...دخلت الحمام وخذت شور ...اووه شو هذا ما يب لنفسي ملابس زينه...لميت اي شي ....بردااااااااااانه من الخاطر ...ابا شي غليظ او صوفي ...بس ما حصلت ...لبست بنطلون وقميص...وفتحت باب الغرفه بشويش ...وين عبود ..تولهت عليه ...يلست امرر نظري على البيت ...مرتب ونظيف ..رحت صوب غرفه فاخر الممر ...فتحتها شوي شوي ...الغرفه كلها العاب لعبود ...ابتسمت...عبود بيفرح ...شهقت ...عبود متعود يوعى الصبح يتريق ...طلعت الساعه 8 ..الساعه 9 بيوعى ...بس وينه ...رحت وفجيت الغرفه الي مجابله غرفتي....المكان مظلم ...بس قدرت المح عبود نايم على ابوه .....طلعت وانا ابتسم ...كيف احرمه من ابوه الي هو الهوا الي يتنفسه عبود ...انا ما رجعت عشان منصور ...ولا عمري بسامحه ...بس بسوي هالشي عشان عبود ...بس .......
احمد
ما انتهت الا على تلفوني الي يرن ...شليته وانصدمت الساعه 8 الصبح ...فزيت من على الكرفايه انا كيف رقدت هنيه ...رديت
: الو
امايه : آحمد فديتك ...وينك انته ؟؟؟!! انصدمت يوم عرفت انك نايم برع البيت ؟؟!!
قلت وانا اتلعثم : واااحد ..من الربع ...مسوي حادث
قالت : وعساه بخيـــــــــــــــر ؟؟!!
قلت : هيه الحمد الله
سكــــــــــرت السماعه وتنهدت وانا احمد ربي ان الكذبه صدقتها الوالده ...فريت اللحاف ..ودخلت الحمام خ تشور سريع ...تذكرت ندى يوم تجهز لي الحمام ( عزكم الله ) ريحه العطورات الي تخليها لي ...تولهت عليها ..بروح الحين المستشفى وبظهرها اكيد تترياني ....طلعت ولبست بنطلون جينز ازرق فاااتح ..وقميص رصاصي ...وكاب نفس اللون...
طلعت وجفت لامارا تترياني : يلا نروح
قامت وركبت السياره وطلعت صوب المستشفى ....
ندى
(( كنت بموت من الارتباك ...انا هب فاااهمه شي...ابوي ميت من اسبوعين ...وانا عرست ...كنت يالسه جدام المرايا ولامار تعدل شعري ودموعي تنزل ...هب فاااهمه لشو بوصل ...
قلت : ابا باباتي
قالت لامارا : هلق آحمد راح يعوضك عن كل العزاب الي تعزبتيه
قلت : ما ابا ...ما ابا ....
قالت : ندى ما قدامك الا آحمد ...امسكي فيه ...هو الي راح يحميكي
قلت : بس .......
قالت : اسكتي هلق خليني اضبط لك الميك اب ..
خليتها تلعب على ويهي ...وانا هب مهتمه ...قربت لي فستان ...قلت : لا ما ابا كيف اللبس الابيض ....لبسيني اسود ...لبسيني اســــــــــــود
وانهرت من الصايح ...سمعت صوت لامارا وهيه تهديني وتقولي بخرب المكياج بالدموع ...بس ما يهمني شي ...تميت اشاهق بصوت عالي ...ابا اصرخ ...حد يفهمني ...محد فاهمني ...انا فقدت باباتي الي عشت عمري كله وانا وياه ...كل لحضه...كل ثانيه ..اباه يحضني ..مشتاقه لحضنه ...لمزحه وياي ...مشتاقه لعصبيته...مشتاقه لحنيته علي..اختفى صوت لامار ...مابقى الا صوت وناتي وصرخاتي الي تطلع بكل غصه ..المكان هدوء ...ما حسيت الا بحد يمسح على راسي بكل حنيه ....باباتي ...رفعت راسي وجفت احمد
قمت وقلت : اطلـــع برع
قال : ندى اهدي لامارا تقول ,,,,,,,
قلت وانا اشاهق : ما يخصك فيني انته منوه علشان تهتم فيني منوه ؟؟!!!
تقرب مني ...رفع شعري بايده ...قال : اعتبريني ابوج واخوج ..وزوجج ..وحبيبج ...والي تبينه اصير لج
يلست اطالعه وانا هب فاهمه شي ...تقرب مني اكثر ومسح بقايا دموعي ...ما حسيت
الا وهو يقرب راسي من صدره...قلبي بيظهر من مكانه ...خلاااص...لمني فحضنه ...ما اقدر اوصف مشاعري ...ما ابا ابتعد عنه ..تميت اصيح وهو يهديني ..))
التفت على صوت الباب الي انفج ..وجفته وهو يبتسم بس ويهه تعبان...لامار واااايد عاتبته ..بس هو ماله ذنب ...انا حساسه زياااده عن اللزوم ...
قال وهو يحب ايدي : جاهزه ؟؟!!
هزيت راسي ..ساعدني انزل من على الكرفايه ..خلاااص ابا ارجع البيت وارتاح..
مروآن
ما رمت ارقد فالليل ....طول الليل كلام عليا يتردد فاذني ...معقوله انا احب طيف...بس هيه ..شو بلااك مروان...هذي بعد اسبوع بتكون حرمه اخوك ...سمعت امايه تتفق هيه وخالتي ...ان ملجه طيف وآحمد الاسبوع الياي ...وامايه مستعيله ...تقول خلال هالشهر بتزوجهم ...تبا تفرح بواحد من عيالها ...وانا اجوف عبدالله اولى ...والا شو رايكم انتوا ...عبدالله اكبر ...وكاايد بعد ..تنهدت ...انا بعدني ما مقتنع بالكلام الي يقوله عبدالله ....طلعت من الغرفه بعد ما خذت شور دافي ...يلست انشف شعري ...وانا نازل على الدري ...بس انصدمت وانا اسمع ضحكت طيف فالصاله ...ما ادري شو هالمشااعر ..الله يغربل ابليسج يا عليا ..دخلت ...وانصدمت اكثر وانا اجوفها يالسه ترمس ويا شمسه الي كانت متحجبه اما هيه ما لابسه شي على راسها ...يا بنت الناس لا تعذبيني ...
قلت : طيييييييييييف قومي خلي وقايه على راسج شو ها ؟؟؟!!
ضحكت : مروان الياهل ...سمعني ...ترا آحمد محد ...وابوك مداوم ...وعبدالله طلع من الصبح ...محد ريايل فالبيت
هنيه صدق عصبت ...رحت صوبها وانا اجوف شمسه تهديني بنظراتها ..مسكتها من ايدها وقلت : والي جدامج ما عايبنج ؟؟؟!!!
ما ادري ليش استفزني كلامها ..وباقي شوي وبلفها كف على ويها ..
قالت : بلاااك انته ...؟؟!! انا ما قصدي شي ..
وسحبت عمرها من الصاله وطلعت فوق ...انا شو سويت انته عارف طبعها ...هذي هيه من وعت على الدنيا وانا الياهل الي محد يجوفه ...ودرتهم وطلعت الحديقه جفت عليا ..بروح اكفخها الحيييييييييين ...كله منها .....
عبدالله
يلست اراقب آحمد ....من الصبح طلع من الفله...وراح مع وحده ...ما ادري منو هذي ...تبعتهم ...وصلوا المستشفى ...يمكن بيزور ربيعه المريض ...تميت اتريا ...مرت نص ساعه ...وبعدين ظهر ..وياه بنت ...قمــــــــــــــــــــــــــر ..لابسه تنوره للركبه وقميص ابيض ....شكلها تعبانه ...آحمد ماسك ايدها ..وكاشفه عن شعرها الغجري الطووويل ........تبعته لحد ما وصل البيت ...منو هذي ...منوووووووو ...وحده من ربايعه ..دخل وما ظهر ...رجعت البيت ...اول ما دشيت جفت مروان يالس ويا عليا برع ....دخلت مالي بارض لشي ...جفت طيف فويهي ...نزلت راسها مستحيه ....
: احم ...شخبارج طيف ؟؟!!
قالت : بخير ...شو سويت فسالفه آحمد
قلت : والله للحين ما صار شي ...انا ما اوعدج
مسكت ايدي ..ما ادري كيف تجرئت ...سحبت ايدي وطالعتها بنظره وطلعت ...سمعتها تركض ورايه : عبدالله وقف ..حرااااام عليك ...امايه كلمتني اليوم تقول الملجه الاسبوع الياي
قلت : ما يخصني
ودخلت غرفتي وضربت بالباب ........
روضه
طيف امس باتت عندنا....من اول ما وعيت الصبح ..خذت شور ...كشخت وطلعت المول ...دخلت الكوفي ...ابا اهرب من البيت ومن معامله امايه القاسيه ...سرحت ...ما ادري كم مر من الوقت بس انتبهت يوم جفت واحد يسحب الكرسي الي مجابلني ويقعد جدآمي ...يلس يطالعني ...شهقت من هول الصدمة ...
نهــــــــــــــــــــــــايه البارت
07-11-10, 12:57 AM
جديد مواضيع قسم القصص المكتمله من وحي قلم الاعضاء
العرض العادي
