السلام عليك ورحمه الله

نهار تسلمين يالغلا على البارت

احمد
حللللللللللو التغير الي صار له سبحان الله رب ضارة نافعه رفض امه زواجه من ندى وتخليها
عن دلعه كون من رجل يعتمد عليه
وبعد ندى عنه ذبحه لانه ما يقدر عليه واحسه حمل امه الذنب في اختفائها
واعتقد انه راح يتعب علىما يلقاها وبيترك بيت امه وبيعتمد على نفسه

غيث
بدت مشاعرك تتجه لشهد وقمت تنظر لها على اساس انها زوجتك وحلو احتوائك لها
وانك متفهم لظروفها واتوقع انك راح تحبها وراح تنسيك جواهر وايام جواهر

منصور وروضه
ماعجبني استسلامك وخوقك من مرت ابوك تراها ماتقدر على شيء هي
بس عارفه مدى تعلقك باختك وجالسه تلعب على هالاساس ولا هي تبي بنتها
و حتى فكرت فيها
روضه عجبني ردك عليه يوم تحل مشاكلك تدل بيت اهلي
هذا الجواب الصحيح
بس الخبله عليا وش تبي منهم وش اقترحت عليم اتوقع انها قالت لهم
يتزوجون مسيار

جواهر
انتي بتصرفك ذا خسرتي غيث ولاعاد تقدرين انك ترجعينه لك لانه راح يلقى عند
شهد الي ماحصله عندك الي هو البراءه وحبها الشديد له
واتوقع انك ماراح تتحملين الوضع وتطلبين منه يطلقها وهويرفض

شمسه وجابر
ياقلبي هي احسها ضايعه وتايهه ماتدري كيف تتصرف
والي زاد عليها تصريح جابر بحبه لها وكمه عن معاناته وهو صغير ومدى احتياجه لها
والي زادوجود اخته عندهم
بس اتوقع ان وجود اخته راح يقرب بينهم ويخليهم منسجمين اكثر

طيف ومروان
مدري الى متى وهو صابر على غثاثت طيف وعوابتها المشكله مافي
شيء يشفع لها عنده بس مقيوله الحب اعمى

وحلو حركه انهم يغيرون جو ويجددون نشاطهم
واوقع انطيف راح تغرق بالبحر

نهاري مشششكوره يالغلا لاخلا ولاعدم

يسلمو ماشاء الله تسلم ايدك على الرواية عن جد رواية خطيرة ورهيبة واسلوبك مشوق جدا وحتى الاحداث غير متوقعة انا اول مرة اقرأ لك وجدا حمدت ربي اني لحقت اتابعك قبل تخلص الرواية علشان اكون وحدة من متابعاتك ............الشخصيات كثيرة وكلها لها دور كبير واساسي في الاحداث ............ في شخصيات كثيرة ماحبيتها من الجانب النسائي واتمنى انهم ينالو جزاهم على قد اعمالهم



ام كايد وابو كايد


هالاثنين مايستاهلو يكونون اهل همهم المظاهر ونظرة المجتمع لهم والعيال وسعادتهم اخر اهتمامهم والله في ام تنكد عيشة ولدها وزوجته وماتعتدل بعد موت زوجة ولدها موتة بشعة ..............او تفرق بين عيالها بدون وجه حق او تعامل بنتها الوحيدة وتهملها بهذا الشكل هي فعلا تستاهل الاذى من عليا يمكن تصحى على حالها



كايد وعذاري


كايد حياته جدا متعبة بعد موت منى بس ضعف ايمانه هو الي خلاه يدمر حاله ويتجه للادمان وزين اخوه قدر يساعده بالوقت المناسب وتصرفاته مع عذاري لانو اعجب فيها من اول ماشافها لذلك خلق لنفسه اعذار علشان يكرهه بس في النهاية راح يتعلق فيها بس الحين هو داخل في مستنقع خطير جدا وشكل محمد يبغي ينتقم منه بسبب الي شافه من عذاري حس انو كايد اخذها منه ............واحس بتمر عليه ايام صعبة على بال مايقدر يطلع من الخطر الي يعيش فيه


اما محمد الخسيس بدل مايعالج المرضى يستغلهم بأساليب وسخة بس بيطيح بشر اعماله وبينكشف


عذاري متناقضة جدا ومايليق عليها دكتورة نفسية كان الاولى تعالج نفسها قبل ماتعالج الغير حتى اسلوبها جدا استفزازي وهي لو تاخذ نفس النوع من العلاج راح تنهار ومابتتحملها بس لازم تطلع من عقدتها قبل ماتضيع عمرها وخصوصا اذا مشاعرها تحركت بأتجاه كايد وماقدرت تسايره في المشاعر بسبب العقدة الي تعاني منها



منصور ولطيفة وعنود


تصدقي اني دايم اكون ضد الزوجة الثانية واوقف مع الاولى بس في الحالات الي هنا انا مع الثانية ...........عنود من البداية كانت موافقة على زواج منصور ومو من حقها تحط ببالها انها هي تاخذ ولد مو ولدها وتربيه وتبغي الام تسكت وتسلمها اياه بكل بساطة وماحطت ببالها انو ربها بيعطيها على نيتها بغت الخير لنفسها والسعادة على انقاضانسانة ماضرتها بشي بس الي ماحسبت حسابه انو قلب منصور يتغير


لطيفة ضحية لناس ضميرها ميت ام منصور وعلى الي سوته ماخافت من عقاب ربها لها شهالقلب الي عليها عساها تشوف الظلم بوحدة من بناتها يمكن يصحى ضميرها


منصور رجال بدون ضمير وللاسف هو من رجال الامن وهو اكبر مجرم محتال كيف يكذب على انسانة ويتزوجها وهو نيته سودة صدق حقير ولا يستاهل الرحمة ولا الراحة بس غريبة مطلق عنود اكيد مشاعره تغيرت من ناحيتها بعد هجر لطيفة له ماعرف قيمتها الا بعد ماتركته .............بس عنود مو هينة وماراح تترك منصور دامها لحد الحين شايفة انها لها تأثير عليه ..........

لطيفة هالمرة لازم تدافع عن بيتها وحقوقها وهي الي معاها الورقة الرابحة ولدها وان شاء الله قريب تحمل بالثاني لانو العنود ناوية على خراب حياتها للمرة الثانية ومنصور بيكون الحكم هالمرة واتوقع بيحسم الامر



عليا وعبد الله


عليا من اول ماقريت عن شخصيتها ماحبيتها ولا ارتحت لها بصراحة ماتستاهل عبدالله حسبي الله عليها وحدة انانية من البداية ماقدرت الي سوته لها شمسة تقوم تتعامل معاها كذا هي من قبل موت امها كان همها الفلوس والعز ماكنت اشوف اهتمامها بأمها مثل شمسة والحين طلعت على حقيقتها تدمر ناس ماضروها ووثقو فيها بس اتمنى عقابها يكون كبير جدا وهو انو عبد الله لما يكشفها ويكشف خداعها يعذبها ويربيها لانها ظلمت ناس ابرياء بخبثها هي بفعايلها تثبت كلام عمها عن امها انها ماربتهم زين ................ان شاء الله تعشق عبدالله وقت ماتكون انتقمت ويكون جزاها الطلاق ماادري وين بتروح وكيف بتعيش اذا الكل كرهها وتركها



عبدالله مايتاهل اكثر واحد حنون ومهتم بأخوانه مايصير نصيبه الا مع هالمريضة الحقودة وربي مايستاهل الصدمة والالم الي بيجيه وهو حبها حب صادق ياخوفي ينهار ويتغير



غيث وجواهر وشهد


جواهر ماارتحت لها من البداية وحدة خاينة وغير شريفة ومفكرة كل الناس مثلها لذلك من اول ليلة تشك في غيث بس مستغربة كيف غيث مخليها على دمته ومازال يحبها وهي كانت بحضن رجال غيره وين غيرته على عرضه

بس احسن شي سواه زواجه عليها والي اخذها وحدة بريئة احس جواهر بتعذبها لانها خبيثة راعية سوابق والي بيحرق قلبها انها بتشوفها مو هبلة وعاقلة بس ماعندها خبرة بالناس وبالاحقاد وهالشي بيخلي جواهر تنتصر عليها


بس غيث من معرفته لظروف شهد بيعرف مين الي مخطط لها يبغي يدمرها وبكذا بيحب شهد البريئة وجواهر بتطلع خسرانة المفروض تحمد ربها انها مازالت على ذمته وستر عليها وحدة لها ماضي مين يوثق فيها ماادري احس شهد بتحمل وجواهر بتضرها ضرر كبير


احمد وندى

احمد واحد منحط اخلاقيا ماضل منكر ماسواه والي يقهر انو يقول انو يحب ندى اي حب وهو يخونها وهي موناقصها اي شي ........ بما انو عمره 22سنة يعني مازال صغير والي في عمره المفروض مازال يدرس بالجامعة يعني ندى كم عمرها اكيد بزر لذلك تصرفاتها طايشة وماعندها شخصية بس الي فهمته انو ندى بنت عز وابوها كان تاجر يعني مستواها مايقل عن احمد هذا اذا كانت مو اغنى منه اجل وين فلوسها الي صارت لها كيف ماعندها حتى قيمة ليلة بفندق وكيف احمد ماترك امه بعد تصرفها واخذ ندى وصرف من عندها الين يدبر حاله والا يخلي امه تسميها بنت شوارع

اتوقع الرجال الي التقو فيه يبغي يستغل ندى وخصوصا انها ماتنتبه للبسها ومفاتنها واكيد هالرجال بيستغلها في هالشي والله يستر من غباء ندى ان شاء الله لامار تتصرف قبل فوات الاوان وتخبر احمد يجي ينقذها قبل ماتضيع


صحيح العقاب الي اخذه احمد يستاهله علشان ينتبه لنفسه ولندى دامه يحبها بس هي غرضها بعد تبعده عن ندى وتخليه يتعب ويرضخ لشروطها ماكفاها الي سوته بمنى وضمير ماتحرك مو على اساس انها اختارتها وعاجبتها البنت ماشافت خير من وراها

احمد بيتغير واذا صار لندى شي ماراح يسامح امه ابد


مروان وطيف

طيف بنت مراهقة مااعتقد انها تحب عبدالله هي حبت شكله ووسامته بس غير كذا امها وخالتها حطو براسها عبدالله والله متى هي اصلا عرفت الحب وهي ماتجاوزت 16 سنة بس ليه الاصرار على تزويجها من عيال خالتها وايش السر الي يعرفه مروان وهي ماتعرفه ويمكن حتى اخوانه مايعرفونه ؟؟؟؟؟؟؟؟؟؟


مروان صغير جدا على الزواج اذا كان بعمر طيف بصراحة من الظلم يتزوجها بعده مراهق مشاعره مو ثابته يعني لو كان بعمر 19 بيكون شوي الموضوع ينبلع بس هو بأخر سنة ثانوي كيف عمره بس 16 سنة صغير حيل على ثالث ثانوي


مروان بيتغير حيل من ناحية الشكل وطيف بتنتبه لهذا التغير وبدون ماتحس بتنجذب له بس ان شاء الله قبل فوات الاوان تعقل وتبطل تفكير بغير زوجها ..............بصراحة احسها غبية وماعندها كرامة وهي الي بتلاحق مروان ومابتتمنى انو يطلقها



شمسة وطارق وجابر


شمسة احسها على عمرها بس ضعيفة الشخصية وماتعرف تدبر امورها جابر شكله يحبها بصدق بس كيف يرضى عليها تترك حجابها وين حبه وغيرته كيف يخاف عليها وهو بلي يسويه يعرضها للخطر اتمنى جية اخته تكون بداية كشف اسرار عن جابر وشمسة تعرف اشياء تصدمها عن جابر وتعرف قيمته صحيح ماعجبني في البداية ولما اجبر شمسة على الزواج منه بس احسه يخفي شي كبير


اما طار مو مرتاحة له ابد شكله وراه مصايب كبيرة وبتصدمنا وشكله بياخذ شمسة مو علشان يرجعها للبلاد لا شكله بياخذها علشان يمشي حاله لمصلحته وبياخذها مكان بعيد عن جابر علشان يبتزه احس انو بيطلع مطارد قانونيا والا كيف سافر وترك شمسة وبيكذب على شمسة انو جابر وعمها الي تبلو عليه والغبية بتصدقه وبعدين بتكشفه وبتندم وبتعرف قدر جابر ومقدار حبه لها ماادري بس مو مرتاحة لطارق ابد



فيصل وروضة وهادف


روضة غبية جدا وخير اذا هادف ماحبها من زينه عاد تقوم تنتحر صدق ماتخاف ربها هذي طيف لاعبين فيها اخوانها وامها ومافكرت تسوي مثلها ماعجبتني ابد بهالتصرف


اما فيصل غبي وتارك الخبيثة زوجة ابوه تتحكم فيه وتعرف نقطة ضعفه وتستغلها بس لو هو يسوي عكس مشاعره ومن نفسه يخبرها تاخذ بنتها لانو يبغي يتزوج وبنتها بتكون عائق له من حالها بتتنازل عنها ويقدر يجبرها تكتب تنازل بالمحكمة بس للاسف مخليها تستغله

والمصيبة اذا خلى وحدة مثل الحية عليا تقنعه يتزوج روضة بالسر لانو مو عارف غرضها وهدفها حسبي الله ونعم الوكيل فيها ماتخاف ربها تبغي تفضح بنت عمها بشرفها علشان احقاد في راسها ربي يبليها وفيصل مايوافق مع اني اشك في هالشي


روضة بتضعف وبتتزوج بالسر وبتخسر ثقة اخوانها فترة الين تنكشف عليوه على حقيقتها .............عليا الحين موبس بتدمر بيت عمها حتى ناس ماضروها مثل ندى وفيصل لما تدري زوجة ابوه والله يستر من الي جاي


وهادف الهايف لايكون بيلتفت لروضة الحين وهي خلاص حبت غيره ويخطبها بدون ماتدري عاد امها مابتعطيها فرصة على طول بتحدد موعد الملكة وهي بتكون يااما تزوجت فيصل او بترضى تتزوجه علشان لاتكون لغيره



ان شاء الله مانسيت احد من الشخصيات بس جدا استمتعت اني قريت هالابداع ومتشوقة للاحداث الجية وان شاء الله اكون متابعة لك للنهاية واتمنى ماتنقطعي عنها وتوصلين الين نهاية الرحلة مع الابطال


في انتظارك يالغلا على نار