كاتب الموضوع :
♫ معزوفة حنين ♫
المنتدى :
مدونتي
.........................♪♪♪
أمي الجمعة بعد صلاة العصر ..
تجمعنا مرة اخيرة قبل نمشي احنا للحسآ ..
كانت جمعة حلوة ..
تونا نقول ياهادي ونجلس والقهوة والشي عالنار والكيك والفواالة وكل شي جاهز !
مرت خالي جاها جوال خبصها وقامت من عندنا ..
لحقتها مرة خالي الثانية وبنت خالي بعد !
ورجعوا وجيههم مقلوبة O_O !
اشرت مرة خالي لآمي وخالاتي ان : خالدي دق عليها من الرياض يقول لها ان خالة جدتي توفت ..
وجدتي كانت جالسة معنا ..
كلهم توهقوا ..
خصوصا جدتي توها مكلمة المرة امس وطيب وبخير وتوها طالعة من ازمة بالمستشفى ..
شلون بيقولون لها : خالتك توفت !
طبعا جدتي حست بالوضع المقلوب !
قامت مرة خالي تبي ترقع السالفة ‘ قالت لها أن خالي ماتوفق في بضاعته اللي رايح علشانها الرياض ..
طبعا هالكلام ما مر على جدتي ..
واصرت نعلمها وش صاير !
طار قلبها لخالي المسافر ! توقعت فيه شي ماتطمنت لين كلمها وطمنها انه بخير ..
يبون يعلمونها عن خالتها بس مايبونها تنفجع ..
قامت خالتي قالت بمهد السالفة لها قالت لها : امي ترى خالتي رجعوها المستشفى اليوم وحالتها صعبة !
جدتي هنا انهارت ‘ قالت قولوا انها ماتت وريحوني ..
كلنا كنا متجمعين بالصالة حولها ..
خالاتي وحريم خوالي ‘ بنات خالتي وعيال خوالي ..
يمممه اول مر احضر موقف مثل كذا ..
عورني قلبي لما قالوا لها بعدين وجلست تصيح ..
صيحت كل الموجودين ‘ كلن عارف بغلاة جدتي عند هالخالة لانها بنت اختها الوحيدة ..
وعلاقتهم كانت قوية رغم كبر سنهم وبعد المسافة ..
بعد المغرب تحركت السيارات ..
شي للحسا وشي للرياض ..
مابقى احد بالدمام الا جدتي اللي متقطع قلبها لانها مريضة ولاتقدر تحضر العزا ..
وجلست معها اصغر خالاتي ..
اليوم كلهم في الرياض علشان الدفن بعد صلاة العصر ..
الله يرحمها يارب ويغفر لها ..
ويصبر جدتي ..
♪♪♪.........................
|
14-07-12, 10:11 AM
جديد مواضيع قسم مدونتي
العرض العادي
