بجد ابدااااااااااااااااااااااااع ابدعتي ياضمضم
وكمة ابداع قليله بحقك
مادري وش اقول بس مقهوره لان الروايه خلصت يعني ماعاداتحمس للسبت والاثنين ههههههه يالله كل شي وله نهايه الله يصبرني
اعذريني عى التأخير بسبب الامتحانات وخلصت الحمدلله وخلصت معها الروايه كانت سنه كامله بس ممتعه
الله يوفقك ويعطيك الصحه والعافيه ويهنيك ويسعدك بحياتك يا ضمني بين الاهداب
اختك
روحي السعوديهـ

مبارك عليك انهاء هذه الرواية الرائعة جعل الله مابها من اشارات تربوية وهمسات قيمة في موازين حسناتك وجمعنا الله وإياك في ظله يوم لا ظل الا ظله اخوات متحابات فيه
ألف شكر على كل لحظة متعة عشناها في قصتك وألف شكر على كل مبدأ عززتي ثقتنا به والف شكرٍ على اخلاقك الرائعة طوال أيام الرواية
لك مني كلّ حب وتقدير
همسة: (نحتاج قلمك ياجسار فلا طاقة لنا على الغثاء ،فهلّا وعد باللقاء ):

السلام عليكم..
جساااااااااااار يااارجل(ن) اعض اصاابع يدي ندماااااااااااااااا لاني لم اصاادرك على الهواااء >>فيس متحسسسسسسسف وبيقطع شعره من الحسووووفه..هع

ضمني بين الاهداااااااب .. هذا ثاني رد لي على القصه .. الاول اذا تبين الصراحه نزل لاني كنت منحرجه من كثر الدعوات اللي وصلتني عشان اقرأ القصه من نااااس احبهم واحترمهم ولهم بقلبي مكاانه كبييييييييييييره مثل النوري حبيبة قلب الزوري ومثل ام الوليد وام نواف نوف بنت نايف ومثل كاديه اللي الى قبل اسبوع من اليوم تسألني عن سبب عزوفي عن قراءه بعض العيون حقدها في نظرها.. وذيك الفتره قريت تقريبا 10 اجزااء وانا بوضع صحي ونفسي صعب شوويه . ونزلت الرد وانا مو مقتنعه فيه لاني قريت الاجزاء وانا متضايقه شوويه على الرغم اني فعلا استمتعت فيها . لكن لما بدت الاجازه قررت اني التفت لكل القصص اللي جتني دعوات لها.. وعليه قررت ابدا بالقصه الاكثر شهره واللي فيها اغلب سيدات الردود الاقوى والاحلى بالمنتدى.. ومايحتاج اقول اساميهم لان انتي طبعا اعرف مني فيهم ..فديتهن كلهم متميزات ومميزات.. والحين صار لي ثلاث ايام تقريبا وانا ماا تركتها ابد . حملتها على الجوال .ومن يوم حملتها و انا اقرأ فيها بالغرفه وبالصاله وبالمطبخ وبالحوش ماعاد طاح الجوال من يدي .

بالاول كنت متحسفه كثيييييير وانا اقرأ الاجزاء وبعد كل حدث وبعد كل جزء كنت اتوقع له توقعات بعضها يصيب وبعضها يخطي.. تمنيت فعلااا اني استمريت بقراءه القصه وانتظار الاجزاااء مع الشعب الليلاسي . لكن ربي ماكتب لي شرف المشاركه بالردود عليها..>> فيس متواضع
ولاا كتب لكم الشرف باني ارد عليها>>فيسي المغرور..هخهخهخه

شقول يا ام اليزيد .. قصه من نووووووع راقي و مترف بالاحداث والاشارات والعبر والنصايح الممرvه بشكل سلس ومقبووول وبلا حشوو في الاحداث والقصه..

حبيت جسااااااار وعشقت قلمه وصااادرته الرجل الذهبي او بالاصح الرجل الالماسي ..لاني يوم صادرته حطيته بالمجموعه الماسيه..هع
حبيت قلمه وقووته وجرئته وجسارته..وكرهت حبه لسيوووف جعلها والله للسيف اللي يقطع رقبتها هالخاينه.. ماارحمتها ابداا ابداااااا بالموقف الاخير لها مع جسار وقلت ابرك جعلتس ان شاء الله الموت صدق ونفتك منتس>>فيس داخل جوو بقوووووووهـ..هع

وعنااد اوووووهــ صعب كثير هالرجال( على فكره ترى النوري شبيهة القمر حجزته لي بس انا مع الاحدااااااااث راااح قلبي مع جسووووري وسلب عقلي بافعاله ورجولته)>>فيس مايستحي..هع

ياسر سيم سيم عناد.. اكثر شي اعجبني وبقووووووووووهـ ان القصه انتهت وهم مثل مابدو انتهواا مايطيقوووووووون بعض ولايدانون بعض مع ان كل واحد عايش حياته ومرتاح فيها مع زوجته..

الجده هيا .. حبيتها كثييييييييييييير كثييييييييييييييير كثييييييييييييييييييييييييير.. بالرغم من اللي سووته مع ابو عناد بس برضوه مااقدرت اكرهها ولا الومها ..بس ولدها سطام هو المسؤول ... وووبعد ام جسار كيف سمحت لهم يسون كذا في عناد وامه حرام عليهم والله... يعني هي مارجعت الا وهي لها كلمه مسموعه عند سطام ماكانت تقدر تقووله رجع الولد لامه؟؟

بتااااااااااال : ابو الحريم صراااااااااااااااااااحه اني لو كنت متابعه الاحداث كان خطبته لنفسي .. رجال معيش حريمه بدلع وفاتح قلبه لكل وحده ولها منه نصيب.. عادي صرااحه كل ماشفته كنت اقووول هو الرجال اللي له حق بالتعدد ماخذ اكثر من وحده اهم شي يعدل ويرضي ربي ويرتاح هذا انا بعد بسم الله علي والله يكفيني شر عيونكم لكل بطل في قلبي مكان ومحل ماايشااركه فيه أي احد ثاني وانا ابطالي وصولو يمكن لسبعين واحد وهـ بس فديت ابطالي وسكان المجموعه الذهبيه والالماسيه..هع

ملوووووكـ : حبيتهااااااا مره مره وحبيت صبرها على عناد ..يستاهل عناد انها تصبر على عصبيته واسلوبه معها دامه غاض البصر ومخلص لها وماله بالحريم والصياعه ..يستاهل انها تفرش له الارض ورد جوري وتحمل كل مايجي منه..

الضبي : شخصيه عاجيه فعلااااااا.. تدرين ضمضم لما تزوجت جسار وشفت كيف حشمتها انصدمت صراااحه لا تتفاجئين بس انصدمت بلبسها وحشمتها بعبايتها .. ماتوقعت هذيك الشرسه اللي تدور الزلات والاخطاء والخفايا الصغيره قبل الكبيره تكون بهالستر والحشمه.. وفيها الخوف من الله.. لكن فعلا ربي عوووض جسووووري بالاحسن والافضل..

مقرن العاجي: من اول ماطلع وشفت عنجهيته وغروره قلت هالرجال ماعنده ماعندي جدتي..قصدي طبعا بالمشاعر والاحسااااس ..حساااااااس كثير حتى لو بين عكس اللي يحس.. والعمر سبحان الله يخلي الواحد كل ماكبر يصير اكثر حساااسيه واحسااااس..

منااير ومنااهل.. ابدااااااااااااع ابدااااااااااااااااااااع ابدااااااااااااااااااااااااع يااعميري انتم.. مشااهدكم كنت اكلها اكل من روعتها مشحونه بالكوميديا والمشااعر الطبيعيه والطيبه .. اعطيتوا للقصه جووو ثاني ..

كل الشخصيات رووعه ولها مكانها ودووورها سواء كانت ثانويه والا اساسيه ..لكن اكثر شخصيه اعجبتني بقوووووووه من الشخصيات الثانويه ( ساري ) سياط حروفه على ياسر اوعلى مقرن وفزعته وبطولاته وحتى عود اسنانه خلتني اقوووول ليت له دووور اكبر ونتعرف عليه اكثر.. لكن المخرج عاوز كدا..

ام اليزيد صدقيني لو اتكلم من اليوم الى بكره ماراح اقدر اعبر ولو بشي بسيط من اللي حسيته من المتعه والفائده وانا اقرأ سطور القصه والتهمها التهام وكأنها قالب شوكلاااااا راااااااقي جداا ومن كثرة رقيه ولذته متحسف انه يخلص

ما اقدر اقول غير ربي يجعل هالعمل بميزان حسناتس ياارب هالومضات التذكيريه لها فاائده كبيره واستفدت شخصيا منها.. ربي لايحرمنا هالابداع ولا هالاطلاااله الراقيه يااراقيه..

يقولون انتس راح تتركين الكتابه والابداع.. وااقــــــــــــول مستحييييييييييييييل كل هالابداع ويجف قلمه.. انتي مثل جساااااااااااار ممكن يخلص الحبر شووويه بس مستحييييييييييييل ان قلمه يجف لانه بيرجع ويعبيه بحبر جديد ويخط فيه ابدااااااااااااع وتالق ورقي اكثر جمال و جده..

دمتي للابداااع راايه وللتألق والرقي عنواااااااان..
وبانتظار جديدك يانبض الادب الراقي .

السلاااام عليكم

كاتبتنا المبدعه ضمني بين الأهداب استمتعت كثيرا بروايتك..
اعجبت بتعاملك وتواصلك مع قرائك..
وبطريقتك بالمدخل قبل كل بارت والقصائد اللي بين الحوارات..
وحبيت نصايحك في اخر البارتات..
باختصار شديد انتي ياضمني بين الأهداب مشروع كاتبه ناجحه ومبدعه..بس لو تخففين شوي من كثرة القصائد في قصتك..وتسهبين في الوصف..راح تكونين قمه في الابداع..

اممم بخصوص الأبطال اوول مره احس ان مشاعري تجاه ابطااال قصه غامض ومتذبذب!!
مثلا الجده وسطام حبيتهم واعجبت بشخصيتهم بالبدايه..
بعدين كرهتهم ودعيت عليهم بالنهايه..
وياسر كرهت تلاعبه وغروره وطريقة حبه..
وحبيت حميته وعطفه على احبابه واعتزازه بذاته..
عناد بالرغم من قسوته وعناده بس هو الشخصيه الوحيده اللي اعجتني بحق..
جسار كرهت سذاجته وتسرعه وطيبته الزائده وحبيت اعتزازه بمبادئه وقوة اصراره وحجته في كلمت الحق..
ملاك وفلك اعتبرهم النسمه الهادئه والاحضااان الدافئه لأبطااال القصه..