لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 31-01-11, 02:52 AM   المشاركة رقم: 1341
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

بسم الله الرحمن الرحيمـ..
.
.
.
نظرة حقد..46..
.
.
.
مدخل...,
.
.

.


و أغنّي له :
واشوف الليل
يصغي لي ويُومِي له ..
يمر ر ر الوقت
وتبلّ الأغاني من : طَعَم جرْحِي ,, مواويله
وو أغني له :
وترجع مع صدى صوتي ..
عذاباته / و ترتيله !!
ووو
أغني له :
كنت أحبّك ,,
إيه لكن : كنت أخاف
كنت أعيشك / إييييه
لكن : .... كنت أموووت ,
أنسج لك من :
أبيض الغيمة / لحاااااف !!
و أتوسّد راحتي ,, واسقيك .. توت
كنت أغنّي
,,,, وبلّل اللحن | ارتجاف ,,
صوتٍ استسقى عذابي منه " صوت !!
طفلتك ]
ماكان يرهبها الجفَاف
لا ولا كانت عن : احساسك ,, تفوت
طفلتك ]
ماكان يغريها الهُتَاف
ما لـ غيرك / تسكب الشعر : فـ بيوت
وينك إنت ؟
وكلّ ما عَقَّبت قاف
يعزف إحساسي لأجلك نوت ..| نوت !!
و النواظر تحتضر
........ والريق جاف !!
يوم كانت شوفتك / للقلب ,, قُوت ..
من بعد غيبتك ,,
هذا إعتراف :
{ ,, النّوى جَرحٍ تداوى ب السكوت !!
...... { ,, النّوى جَرحٍ تداوى ب السكوت !!
........... { ,, النّوى جَرحٍ تداوى ب السكوت !!





ندى الجبر
.
.
.
بدايه..
آن شاء الله يكون هـ البارت نسمه دافئه على قلوب المحبين..
.
.
.
لآتلهيكم الروايه عن الصلاة في وقتها..
.
.
.
جسآر بـهدوء\آنت تشوف آدخل بـ هذا المشروع بـثقل جريدتي وبمصداقيتها...
انت تعرف مقرن بـشكل خاص...
هل هو صآدق...؟
هل هو شفاف بـكلامه هذا...
آو حنكته وتلاعبه مايتركه ويخطط لـشي بعيد...
طارق يضع دوسيه صغير\قبل اقول لكـ راي...أنت طلبت مني أي ورقه ضد العاجي اجيبها لك..
وهذي الدوسيه كافيـ...
فيه فقط عشر اوراق..ممكن يقلب قوانين اللعبه كلها...
آذا هم لاوين ذراعك..
انت تكسر ذراعهمـ بهذي الاوراق...
بس الاهمـ....أنا ماعطيتك شي...
انت غالي ...وهم ..غالين...
لكن انت صديق آبديه على نفسـي..والي في هذي الاوراق شي تحتاجه اذا هم لآعبين معك لعبه وسخه...
تقدر بنفس قذرات لعبة ياسر تلعب..
وبميدانه...وتغلبه...
جسار يشد الدوسيه وتسلتقي راحة يده عليه..
وبهدوء\آترك هذا الدوسيه بوقت الحالي...ورد علي بـهذي الشغله الي كلمتك عنها..
طارق بـهدوء\مقرن آنسان كلمه..آذا قالك شخصياً كلمه...فـ كلمته مثل [رنة جنيه الذهب ب ميزانه...!]
كلمته تـغنيك عن عقود..أو...أي شروط وبنود مخالفه..
اذا قالك المشروع هدفه كذا..و...كذا...ف اكيد هذا هدفه...
بغض النظر عن الـشغل الي يشتغله..
فـهو تآجر...
وممكن نخالفه او نأيده وهذا بـحسب الظروف وتغيراتها...
لكن مقرن بـحق رجل كلمه...
اذا طلبك اعلامياً بمجال شغله...فـ آكيد يبي شغله ينجح آعلامياً ويـصير حديث اصحاب المراكز الكبيرهـ...
او التجار..او حتى الـمواطن العادي ب الشارع..
اكيد له غايه بهذا الشي وله هدف...
فـ آعتقد برأي الشخصي
انه هذا المشروع لـه عدة مجالات...
شخصي لـمقرن العاجي ولـعائلته
وعام لمواطن وتثبيت آساسيات لـ ياسر بما أنه يدير المشروع الضخم هذا..
اكيد يبي الـتجار يثقون ثقه تامه
بأن ياسر هو الـوريث لـمقرن...ويتعاملون معه من هذا المنطلق...
والدليل
تسلميه مشروع بهذي الضخامه وهذي الكلفه الاجماليه الاكثر من ضخمه...
آيضاً يخدم المواطن ويعطي فرص كبيرهـ لـ العاطلين...
ولآتنسى اذا وافقت انت على المشاركه بهذا المشروع
فـهذا مكسب كبير جداً لمقرن هو انه كسبك شريك اعلامياً كبير وصاحب كلمه مسموعه لـ الشعب ...
ولغاء كل الخلفات والعدوات القديمه الي بينكم..
وكل شخص راح يتفهم وجهة نظر الاخر ويحترمها..
هذا راح يعطي مدى طويل لـهذا المشروع
ممكن انت تقنعه بوجهة نظرك على طاولة الحوار...
ممكن تكون بينكم صداقه طويله مثل هذي العدواه الطويله...
جسار مقاطعه\عدواتي مع مقرن ابداً ماكانت شخصيه الا من فتره قريبه...وعدواتي مع مقرن عدواه مهنيه بحته...
قلتها بدال المره الفين...يتحكم بجنون اسعاره و يمسك زمام الجشع في الحديد الخارج من مصانعه...
راح يكسبني صديق له...
غيره مايكسبني ولآ أي حال من الاحوال...
طارق بهدوء\ممكن هذا المشروع يقرب وجهات النظر بينكم...توكل على الله وادخل معه ...وغطى المشروع تغطيه اعلاميه...,
جسار\شخصياً ماراح ادخل اعلامياً راح ادخل..!
طارق بتقطيب حاجب.\فهمني اكثر..؟
جسآر\جريدتي راح تتكفل بـ النقاش والتغطيه وكل شي يخص المشروع كـ كل..
لكن انا راح اوقف بصفتي فقط الموجهه لـ الهذي التغطيه
قلمي ماراح يخط أي حرف...مثل ماسبقت وعزمت على توقفه...
آمال فمه بطريقة آستغراب\ألمهم تكون مرتاح..بكل الاحوال...عن اذنك...
وقف طارق مودع لـجسار...
آبتسم جسار بـ محبه\نسيت ابارك لك...وترى هدية ملكتك بتوصلك قريب...
طارق بعتب\كيف توصلني الهديه وراعي الهديه ماحضر الملكه..
جسآر بـ ابتسامه\العذر والسموحه تعرف حالة ريان..؟
آشار برأسه مودع\ياكثر اعذراك..!
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.
بعد ساعه ونصف
.
.

يآسر يريح رأسه بـ الـكرسي وراء مكتبه...
بعد ان فرغ تماماً من علبة الدخان الاولى وآبتدى ب الاخرى..!
بتال بـغضب وحفيف\وش هـ الاجواء الي كتمتنا فيها....الحين وش محرق اعصابك بهذاالشكل...
ياسر يطفئ السيجاره بعرض الطاوله..\ آصدقني ياعمي آبوي داخل ب اعمال مشبوها مع ساري..؟
بتال بعـصبيه\ماتستحي على وجهك وهـ الكلامـ...مقرن العاجي يدخل ب اعمال مشبوها...
ممكن تجينا صفقات فيها حقل الاغامـ لكن مشبوهـآ...مقرن يخاف ربه...
آشار بيده بغضب\وهـ الشبها الي اسمه ساري..قآعد مع بارونات الحديد وش يبي...وش يخطط..وش يخربط...!
آنت شفت الاسماء الكبيره الي راح تدخل معنا...
وتتمنى بس تحط يدها بيداً في هذاالمشروع...؟
آسماء تهـز سآحة التجاره..
فـسر لي..؟
بتال بستغراب\افسر لك ايش..ساري عقليه تجاريه بغض النظر عن كل شي وهذا الي يربطه ب ابوي..
مع العشره والسنين..صآر بينهمـ محبه واحترام متبادل...
آنت بس اترك عنك الموضوع السخيف هذا...
وقول لـي اخر المناقصات الي رست هـ الشهرين على سابك والجميح...
عطني التقرير الي كنت تقراه قبل شوي..؟
يآسر بـعصبيه\انا مايرفع ضغطي الا الثلاث اقلام الي بجيبه..وعود الاسنان...
يآعم الرجال طالع لنا من حواري مدري من أي عصر اغبر..؟
آغلـق الاوراق التي بقربه وبـختناق\آنا بـروح لـمكتبي الجلسه معك مامنها فايدهـ....
مآان آدار بتال ظهره حتى آبتسم بـصدق\مبسوط يامناف بينا..؟
مناف يستئذن بمقاطعه\صبحك الله ب الخير يابو فلك..,
قبل رأسه...
بتال \صبآحك رضى...
آردف مناف\آكيد طال عمرك مرتاح هنا ومبسوط ..
بتال بهمس\قآل لك شي الوالد يوم شافك..آذا قال شي تحمله ترى قلبه ابيض..
مناف ب آبتسامه\لآطال عمرك ماقال شي...وسـلمت عليه...,!
بتال انتقلت نظراته لـياسر المنشغل بـ آخراج شيٍ ما من درج مكتبه ..
من ثم
آبتسم بتال وربت على كتفه بـ آبتسامه\لآتخلي عمتك بعد بكرا...انا بليلة عرس ياسر بعد مايخلص العرس بسافر برى المملكه كم آسبوع..,
آرتفعت حاجبي مناف بـ ستغراب\تبـيني آجيها ببيتك طال عمرك واجلس عندها والا آجيبها عندي..؟
بتال \براحتكمـ..بس ببيتي آفضل...وانتم براحتكمـ..
مناف\آبشر طال عمرك لآتشيل همـ...
ربت على كتفه وشد الخطوات لـخارج المكتب..
مآ ان خرج بتال حتى همس مناف بتهكمـ\كيف اعصابك هـ اليومين ياعريس..؟
آرتفع ياسر بـ جهازين جديدهـ وحديثه وهو يخرجها ويدخل الشرائح بها..\عادي...وش بيكون يعني..؟
مناف يجلس\مرتبك...مبسوط...كل المشاعر الحين كيفها...؟
ياسر بـستغراب\لآ..ولآشي من هذا كله..بس شايل هم الناس الي بيحضرون ابي كل شي ب الحفل يكون تمام ومثل المسطره..
مناف\لآ ماقصد هذا الشي...آقصد انت والعروس..؟
آنهى جملته مناف ب ابتسامه خبيثه وغمزة عين...!
ياسر منشغل فقط بـ آدخال الشرائح وبهدوء\شايل هم بس انها دلوعه زياده عن اللزومـ..
انا كنت ابي وحده راكزه وعاقله وتتحمل وتصبر معي في كل شي....
والي خذتها كارثة دلع بجميع المقايس...
مناف بـمناقشه جاده\الله يهديك مدام ماجازة لك من هـ الناحيه لـيش كملت...
وبعدين الدلع ماهو مشكله ...؟
ياما بنات كانو مرفهين ودلوعات عند آهلهم ...و...لما دخلو في بيوت رجالهمـ صارو شي ثاني تماماً ..يحتون الزوج والابناء والاهل..
آنت بيدك تغير طباعها والحرمه من رجالها..؟
وبغض النظر عن هذا كله..
الي بتاخذها بتكون مرفهه عندك...
انت مو ناقصك شي ليش ماتبيها دلوعه وذوق في هاالمجال..
وبعدين
انت بنفسك تحب الدلع والـغنج في البنت..
يآشيخ الشباب الحين يتمنون هذا الشي...
آجل تبي تتزوج مرهـ بثياب رجال..الله ينولني الدلوعه بس..
آبتسم وركن آجهزة جواله الحديثه بـجنب من ثم\تبي تعرس صدق يامناف..؟
مناف تراجع قليلاً وبهمس\الحين لآ...
آرتفعت حاجبي ياسر\وليش..؟
مناف بحراج\لسا ماكونت نفسي...يمكن بعد خمس سنوات او اكثر..اخذ لي قرض وتتسهل ان شاء الله..
ياسر\تكاليف عرسك علي تنقى انت بس البنت ولآ تشيل هم شي ثاني..
مناف بـحزم\لآلآلآ...يابوعبدالعزيز ماقصرت ب الاولي والتالي خيرك سابق وانا مارضى اتزوج الا لما اكون نفسي وادفع انا مهرها من الريال لـ الف....مبيضاً انت وجهك ب الاولي والتالي...,
تراجع ياسر لـكرسي وصمت تحت اصرار مناف...
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.

.
رهف تضع كميه كبيره من الاكياس الانيقه بجانب السرير..\تقريباً مابقى شي خلآص...
الفستان راح يوصل اليومـ...وبكذا انتهى كل شي...
آم عساف وبيدها مسبحه انيقه طويله تستغفر ب همس من ثم\طـلعي صدقه بنية طرح البركه والمحبه بزواجك...
رهف تجلس على طرف السرير وتنزل جزمتها العاليه من ثم تمسح كاحلها برقه\آآآو يا الغاليه طلعتها الحمدلله قبل حتى لآتذكريني فديتك..
شدة ام رهف كيس فخمـ ..
من ثم اخرجت منه علبة ب اللون الاسود وبهمس\هذي هدية ابوك...هو متأثر هـ اليومين انك بتتركينه حتى لو ماوضح لك شي..
لكن لآتزيدينها عليه بحركات الدلع الي اعرفها منك...
قرصت خديها برقه
آنخرطت رهف بـ بكاء و ضمت كلتا آيدي والدتها واغرقتها ب قبلٍ كثيره وانكبت بـحجرها...
تسكب دموعٍ لابد منها=)
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.

قفز عناد مآ ان سمع ملوك تخبره بحضور الجده..
عناد بـفزع\ليه وش جابها...فيه شي..!
ملوك بستغراب\تسلمـ...
عناد يخطى الخطوات الواسعه لـدورة المياه لـيشطف وجه بسرعه ويخرج يمسحه بفوطه ويرميها بـ الطاوله...\تسلمـ...!ماعمرها جتني هنا بزاوجي الاول...تقولين الحين جايه تسلم...!
ملوك تتبعه بخطوات \وانا كيف اعرف بهذا الشي...ماتوقع فيه شي امي هيا طبيعيه وملآمحها هاديه مره...
هد نفسك مافيه شي..
تجاوز الدرجات ب التهامه الدرجه درجتين ...
وآستقرار بعد ثواني بـ توسط الصاله...
وبـستغراب\حياك الله يمه....حياك الله...
آبتسمت الجده على ترحيب عناد وصوته الفخمـ يستوطن قلبها قبل آذنيها...
قبل رأسها من ثم آنحنى لـكلتا يديها يغرقها بقبلاتٍ رقيقه..
تحت نظرات ملوكـ الـمتفحصه لـكمية الرقه التي تنسكب منه بحضور الجدهـ...
الجده بتهكم كاسح\الله اكبر عليك مشتاق يعني لي..حتى التلفون ماتشله علي...
قم فارقني هناك انا جايه اسلم على هـ الصغير...
و...على هـ المزيونه اما انت يا الـي ماتستحي على وجهك مالك عندي سلآم ...
قم فارق هناك...
عناد يغرق يديها بقبله ويتمتم بهمس\اما يمين القلب او يساره بندور لنا عذر...وبنـلقاهـ...
من ثم اردف\الله..الله..خواتمٍ جديده...!
شد اصابعها المجعده وهو يتفحص تلك الخواتمـ...
ذات الطابع الـجميل ثلآث خواتمـ صغيره..
اشبه ب الدبل والمحابس فوق بعضها البعض..
واخر بلون الفيروزي القديمـ...
واخر نقوش الذهب به...
شي جميل يعبق ب الماضي ويتغنى به..
الجده بـحزم\الله يذكرك الشهادهـ..ترى ماشفت الخاتمـ الي ضيعته...انت مالقيته...!
آبتسم عناد برتباك وهو يستحضر مقصد الجدهـ...
رفع كلتا يديه ب خبث\الا حصلته وبعته...!
الجده بحزم\والله لا ادري انك صآدق...آنك بعته ان اقطع هـ الاذنين...
آبتسم عناد\ماصارت هديه يمه تسألين عنها..خلاص اهديتها خلآص مالك شغل فيها عقب!
آردف وهو لآيـتوجه بنظراته لملوك\جيبي لـ آمي شي من الي بمطبخ..فواكه او عصير او آي شي عندك داخل...
ملوك ب ابتسامه لجده \ان شاء الله....
آنسحبت ملوك بهدوء لـيتكلم عناد بقلق\يمه وش فيه...؟
الجده بستغراب\مافيه شي وش فيه..؟
عناد\ماعمرك سويتيها وجيتي لـي فيه شي اكيد يوم انك جايه بها الوقت...جسار فيه شي..؟
الجده\لآ..وانا امك مافيه شي..والكل مافيه الا العافيه يحمد ربه فيها ويشكر...
انت بشرني عن امورك وامور زوجتك...
عناد بستغراب\آموراً طيبه...لـيش ..؟
الجده\آتطمن وانا امك اتطمن الا فيه شي..؟
عناد\يمه الله يهديك فيك شي...ماتجين هنا لنك مارضيتي ان انا اسكن ببيت لحالي من ايام عبير...
تجين الحين وبها الوقت وتقولين مافيني شي جايه بس اسلم...
بعد تكلمي بشي اصدقه الله يهديك..
الجده\آيه...عساك اجل ماصدقت..!
ملوك تدخل وتضع سـلة الفواكه والصحون المرصوصه بجانبها...\حياك ربي يمه هيا والله ماتصدقين بفرحتي انا ورعودي فيك...
الجده\شفت الي يرحب ويهلي...ماقول الا ساقها ربك لك مثل الغمامـ والا انت و وجهك..منت بكفو هـ الزين..!
آرتفعت حاجبي عناد بـستغراب وتهكمـ\لآتجين يمه هيا وتشيشن حرمتي علي..وش الي ماني لها كفو...وش شكت مني..!
رمق عناد ملوكـ بنظره متسائله ومشككه..
من ثم اردف بـخبث\وانا لها مثل السماء الي تحضن الغمامـ...والا وش رايك يابنت فهد..!
ملوكـ بخجل تراجعت وهي تلم بقايا الخصلات المنتثره على كتفها للخلف..
وآكتساها لون الحمره \راي ان أحنا نرحب بـزيارة امي هيا بشي سبشل...
عناد ابتسم لـجده\شفتي تقول سبشل...وش رايك سبشل والا ذبيحه..!
الجده بـحزم\لآوالله العظيم ماذوق الذبايح ولآآحط يدي فيها عطنا هـ السبشل وانا امك وآترك منا الكلافه..
غرق عناد بضحكه صآخبه ..
قطبت ملوك حاجبيها لـعناد مع كتمـ ضحكتها...
ملوكـ\يمه هيا....عناد ها اليومين ثاقل دمه بزود...ماعليك منه...
الجده\يآمك والله اني داريه بـصدره الضيق لـكن يمك آنفضيه مثل الردا.. ان كان فيه خير ماطار..!
غرقت ملوك بضحكه رقيقه..
لـيردف عناد\رادتها لي يمه هاآآ..
وقف وبـ آبتسامه\بنتغدى في البر مع هـ الاجواء...وانا بـسوي غدا امي هيا بيدي..
الجده \يامك انا مابي الكلافه انا جايه اسلم وبروح عندي يامك شغلات واجد...
عناد بنفي قاطع\مالك لوا..غداك عندي..وانا بنفسي بوديك لشغلاتك الواجده..
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.

بـ المستشفى..
شهد بـشوق\خلآص بتطلع اليومـ..وبروح لـشقتك الـي اشتراها ابوي...آمي محضره كل شي فيها وحاطين لك حفله صغيرونه كذا ...
ابتسم ريان ونظراته تراقب ترتيب ملآبسه ب الحقيبه من قبل ضي..
حرك اصابعه بخصلات شهد الـمبعثره \على خير ان شاء الله...
شهد بهمس\وامي هيا اليوم رايحه لـعناد عشان يحضر الملكه....انا عارفه مستحيل يحضرها مستحيل..هو اساساً ماهو موافق
يعني انت وعناد ماراح تحضرون...وش هـ الملكه...وش هـ الفرحه المخنوقه...
حتى جسار تعبان من السالفه..
آنا مابي اتملك الحين لكن امي الله يهديها مدري وش صار فيها..
آوضاعنا مكركبه..
نفسيتاً زفت و آزفت من الزفت...
ومع كذا تبي تسوي الملكه في ها اليومين العصيبه علينا...
ريان ببحه\الحمدلله على كل حال..المهم انتي والكل بيكون بخير...واذا أخرتي الملكه..
بتغير شي يعني...
جسار مجروح ومذبوح..
وانا ابوي مستحيل يرضى علي بعد اليوم
وعناد مايبي رواف..
امي قرارها صح..ولآتأخرين شي...
آردف\ضي يرحم امك آطلعي لها الدكتور التعبان يـعطيني آسبرين او شي...مدري كيف كاتبين خروجي وهـ ألم فيني..
ضي بهمس\هذا من نفسيتك التعبانه..آهد نفسياً ويخف الوجع..
ريان بـحزمـ\لآ ياشيخه...آنتي يعني آبخس بوجعي نفسي والا عضوي...آظن الكسور فيني..و...الوجع فيني...روحي بس نادي لي هـ الدكتور...
ضي..\ممكن تهدى شوي..وماتحط كل عصبيتك فيني...بطلع انادي لك الدكتور بس ماراح يفيدك بشي...
ريان بتهكم\ايه نفسية يا حضرة الاستاذه انتي ابخس من الدكتور...
شهد بمقاطعه\وش صار...هدو شوي...يآلله ريان قومـ اساعدك كثير تأخرنا على امي بشقه ...
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.


آدآر مفتاح الباب لـيدلفه بهدوء...
ويدخل بخطوات هادئه...
توسط المكان ...
وآرتفعت عينيه لـ خطواتها الهادئه النازله من آعلى الدرج...
سقطت عيينه عليها..
والمبخرة بيدها كانت بتأكيد تـبخر البيت او جناحهما..
.
.
.
من يقنع من آدور بفلك عشقها الان..؟
ماهي الاسباب التي تقنعها...
كيف لـي
آصـبر قليلاً عن تلك العيون الـخجوله..
وذاك المبسمـ الـقاتل لـوريد..؟
آنا
كيف لي آن اصبر عن الابتعاد قليلاً عنها...!
.
.
.
قبلة خده..بعد ان رفعة اطراف آقدامها
وبهمس آنثوي يـبعثره\مآقلت بـتجي مبكر فديتك..؟
آبتسم بعد ان طوق معصمها..
ورفع يدها لـيقبل آناملها بشوق\وش اسوي بشوق..؟
فلك بـ آبتسامه\وش فيه الشوق..وش مسوي فيك؟
لم تمهله بـ الكلامـ
بـخرته بعد ان ابعدة اطراف شماغه..
وتراقص رآئحته ب اجوائه..
من ثم ركنة الـمبخره بـ طاولة الاستقبال...
بهمس \عندي لك مفاجئه..؟
بتال بعذوبه\قوليها..؟
فلك ب آنثويه\لآ..حبيبي ...بـتركها بـ الليل..هذي المفاجئه يبي لها اجوائها..؟
بتال يـدخل اصابعه بـ خصلاتها ويحررها من ذاك المشبك ..
لـينثر ذاك الشعر الـحريري على اكتافها..
ويبعثره بـ آصابعه برقه\ولها اجواء بعد...لآ...وش يصبرني لـ الليل...قولي وش مفاجئتك...
آشارت بـ آناملها\تحلمـ آقوله لك الان...فـ..لآتحاول تمـسكن ماراح اقولك يا قلبي انت...
بتال بـبحه\قلبي..و..حبيبي..وفديتك...لـيش مجمعتها لي اليومـ ناويه مثلاً تموتيني..؟
فلك تعانق آصابعها شفتيه\وش هـ الطاري الله يهديك...مفآجئه حلـوه..
وتستاهل التشويق يآكل دنيتي...
مو بس قلبي وحبيبي وفديتك...لآتشك بـحبك بتال عندي...؟
حرك حاجبه\لآ آشك....آنا مو شاك...آنا انسان ذآبحني الـجفاف منك...
آنتي الي متأكده بـحبك بصدري...
وعشان كذا دايم تختبرين غلآك..!
قبل آنفها برقه\والله العظيمـ يذبحني الشوق حتى وانا جنبك...
تراجعت فلك بخجل\بتال اليوم منت بطبيعي..خف شوي..والا ترفق...؟
غرق بضحكه\تعالي فوق ماهو على كيفك ماتقولين لي المفاجئه...بتقولينها والا لـ الليل هـ اللون الاحمر بـوجهك...
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.

مناهل تراقب ترتيب الخادمه لـملابسها وملابس بتال بـ الحقائب...
مناهل\لآتنسين شنط المكياج دخليـها جوى ب الشنطه..ممكن تنسونها لما تطلع الشنط برى...
مناير \يآختى انا اقولك لآتروحين ولآتجين..
الحريم يابنت الحلال في طبهم بركه..وش لـتس بخرابيط الآجانب وحكيهمـ..
.صرف فلوس على غير سنع..
مناهل\تكفين مناير الله يخليك..ماصدقت بتال بـيتفضى لـي ها اليومين وبنسافر اتعالج...
والطب الشعبي انا مانكره انا اقول ماناسبني..وماخذيت منه أي فائده...وسكرة ملفه..ممكن غيري يـفيده...
ويـتعالج يطيب...لكن انا ماناسبني وخسرة طفل..من سنين اتمنى احمل فيه...
ماراح اكرر التجربه هذي مرتين ماراح اكررها تفهمين..
مناير\هو بسم الله..يابنت الحلال الله يشفيك..والله يا البزران ان مارزقنا ربي فيهمـ غثى وانا رزقنا ربي فيهمـ غثى...الله بـس يعطينا صلآح الـعطا...
هقوتس بنت البراق..بتقول شي..!
مناهل بـستغراب\مالها دخل ب الاساس..هي لو ان الانجاب عندها متأخر بنقول شي..آحنا...
تحمد ربها وتشكره على هـ النعمه العظيمه الي هي فيها وغيرها محروم ويطامر يمين وشمال يدورها...
مناير بستغراب\لـقطت هـ القطوهـ على طول...وثبتت آساسها....
الله يرزقتس ياختي الي يقر عينتس ويفرح قليبس...
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.


مقرن العاجي لـسكرتير بحزمـ\خـله يتفضل...وش تنتظر ...؟
تراجع السكرتير ب ارتباك..\حاضر طالع عمرك...
ساري بـستغراب\المتجسر الي ناشراً غسيلك..وش يبي الله يـحذفه في ديرة خلى هو و خرابيطه الي ماتخلص..
من يوم تقرى خباله تقول ان الشعب بمجاعه..
والكل بخير ومافيه الا العافيه..!
والا رواتب هـ الخدم الي كل بيت مايخلي منهم...
وها السواقين...
وهـ الاسواق الي ماتفضى ماغير الحريم يطامرون فيها..
وش هم ماهم سعودين..؟
في خير ونعمه..
الله من الخزبقه في ها الرجال الي ماتخلص..وش يبي..!
.
.
ثواني معدوده..
و
توسط جسار المكان
بـحضورهـ الـهادئ...
.
.
مقرن بترحيب حار\حياك الله يابو سطام حياك الله ...
مد يده جسار مصافحاً لـمقرن \الله يـبقيك...
مقرن \الـيومـ كنت مداوم من بدت الشهور الي طافت...شـفت ان كل شي يترتب لنا...وان شاء الله مشروعاً جامع الخير..
آبتسم جسار ببرود...
من ثم صافح ساري ...
سآري\حياك الله الـي يمد مقرن يده له نمد يداً له والي يبعدها ماندنيها..!
جسآر بـهدوء\جيتي ماهي لـمدت ايد وحبة خشم...جيتي هنا آكبر من آفزع لي وآفزع لك..!
آبتسم مقرن \صدقت..تفضل آجلس...حياك...
جلـس جسار بكرسي المقابل لـساري..
ودخلت القهوه بعد ثواني لهمـ...
مقرن\هآ يآبو سطامـ..نقول جيتك بداية صفحه بيضا بينا...
جسآر\جيتي مالها علاقه بشي الا بـ المشروع..آنا قررت ان جريدتي تدخل بـثقلها ب المشروع وتدعمه اعلامياً...
بشرط كل الاوراق والاحدثيات تـجي لـنا اول ب اول..
مقرن\ماطلبت ابشر..
من ثم اردف\ماهي بجريدك وبس يابو سطام نبي ثقل قلمك...
صمت جسآر وآرتشف بقايا القهوه بفنجاله...
سآري تفحص جسار بنظراته من ثم ارتشف فنجاله وآنزله...
.
.
.

نقف هنا..
.
.
.
همسة محبه\يقول الشيخ العريفي حتى تعرف الثلث الاخر من الليل عليك ان تحسب ساعات الليل من المغرب الى الفجر فـآ ذا وجدناها 12 ساعه قسمها الى 3 اجزاء
ففي كل جزء نجد اربع ساعات..
من الساعه 6و7و8و9 هذا الثلث الاول من الليل
ومن الساعه 10و11و12 و1 هذا الثلث الثاني من الليل
ومن الساعه 2و3و4و5 حتى اذان الفجر هذا الثلث الاخير من الليل..

.
.
.
اللقاء...
آذا كتب الله لنا عمر
سبت او اثنين..بحسب الاتصال=)
.
.

 
 

 

عرض البوم صور ضمني بين الاهداب   رد مع اقتباس
قديم 31-01-11, 02:59 AM   المشاركة رقم: 1342
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

و
.
.
.
صباحكم ورد...,
آعذروني على القصور=)
.
.
ترى ماضفت النظرات يا مشرافتنا بصفحه الاولى>>فيس مستحي ومتعبه اتصاله..,
.
.
.

 
 

 

عرض البوم صور ضمني بين الاهداب   رد مع اقتباس
قديم 31-01-11, 04:34 AM   المشاركة رقم: 1343
المعلومات
الكاتب:
اللقب:

البيانات
التسجيل: Jul 2009
العضوية: 147438
المشاركات: 356
الجنس أنثى
معدل التقييم: كومة مشاعر عضو بحاجه الى تحسين وضعه
نقاط التقييم: 19

االدولة
البلدSaudiArabia
 
مدونتي

 

الإتصالات
الحالة:
كومة مشاعر غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

يا حلو مفاجاءت تالي الليل والله

بارتين رووعه يعطيك العافيه

نعلق على ايش ولا ايش على نداء الام المكلومة او على اطلال عروس البحر اللتي كانت تزدان بابهى حله واليوم مغمورة

بالمياه من كل حدب وصوب

بالفعل ضمضم ابداعتي الله لا يضرك والله دمعت عيني وام عساف تتكلم كلمات وانتقاء راقي كشخصك فعلا حرقة ولوعة

قلللب وهل تبدأ مساعي عبدالمجيد للبحث عن المفقود بشكل جدي الغريبه ان اسم ابوجسار له ثقله مع المستشفى

معقول انه ما استكشف او تحقق عنه

وحلم ام عساف اتوقع الحية اللي اختفت وما تشوفها بالحلم هي سيوف وخصوصا ان الحية مؤنث فاكيد انها سيوف واللؤلؤ

ملوكه فديت قلبها آآآآآآه يا قلب الام تحس بولدها لو كان بعيد عن القلب والعين جزاء الوالدين على الجنه

صاحب القلم الحر اشتقنا له كلام رائع عن جده وماسأة حقيقة حزن لها الصغير قبل الكبير نسأل الله ان لا تتكرر هذة

الماساة وان ينظر لها بشكل جدي من قبل المسوؤلين وترك السهب والنهب حسبي الله على كل ظالم

اييي ملوووكه خليك كذا قوويه والله انك صادقه انه يموت بهوى دارك بس عاد يتميلح معك شوي >>الا بزود بس اركدك>>

ورووعه يا بنت فهد "الملوك أذا نزلوا قريه دمروها" كلام يجنن وبالصميم والله انك رائعه يا ام اليزيد بسم الله عليك والله انها

ملوك مهيب هينه وبتدمرك وبتقصفك بعد ارض جو

يسوري فديت قلبك شايل هم دلوعتك الله يخلف عليك حد يعاف الدلع والله ان تروح فصة ملح مع رهوفه ودلعها منتظرين ليلة زواجهم على احر من جمر

ساري هههههههه والله انه نكته هالبشر قسم بالله عطى جو بخفة دمه وهو وياسر شييي بس انتظر لهم مصادفه

وصراحه كفيتي ووفيتي بوصفه يكفي عود الاسنان بس تخيلت الظبي مع عود الاسنان مره يصلحون لبعض خخخ برستيجهم

واحد

فرحت كثير لمناهل مسكينه الله يرزقها بس فلوكه بتشب غيرتها بس ما راح تقول شئ لانها بنت متربيه وتكفين ضمضم

خفي علينا شوي ببتال ترى بتسوين اثم باللي عندنا نبي يصيرون مثله هههه والا وشرايك تسوين قرعه وتزوجينه الرابعه من

قرائك صدق تحسين انه جنتتتتتل يدوخ >>فيس والله انه يتنهد>> الظاهر اثر فيني السهرر ههههه فقدت الوعي

ام اليزيد انتي رائعه ومتصفحك وردودك اروع

ووصلت الفكره بالنسبه للبارتات يعني بكره فيه 2 والسبت 3 >>بطلع اشاعه اجرب >> امرزح

ما قصرتي ولا تظغطين على نفسك

وداعة الله

يعطييك الف عافيه يا قلبي

 
 

 

عرض البوم صور كومة مشاعر   رد مع اقتباس
قديم 31-01-11, 06:54 AM   المشاركة رقم: 1344
المعلومات
الكاتب:
اللقب:

البيانات
التسجيل: Nov 2010
العضوية: 204214
المشاركات: 164
الجنس أنثى
معدل التقييم: الريم العوب عضو بحاجه الى تحسين وضعه
نقاط التقييم: 17

االدولة
البلدSaudiArabia
 
مدونتي

 

الإتصالات
الحالة:
الريم العوب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

يامرحبا والله ابضمضم والله يعطيك الف عافيه على البارتات المشوقه
وش انعلق وش انقوال شي فوق الخيال كلمس عن سيوال جده شي جميل وين الي يسمع وين المسولين ودس من يفصال الموضفين الاكبر الي ممنه فيده وين التصريف والمجري كل سنه على ذالحال ولا من جديد والله ايعين اهل جده بس
وش مفجتس يافلك شكلس عرفة نوع الجنين وتبي اتبشر بتال في الولد وننتظرك ياقلبي على خير والحمد الله على السلامه معنني متاخره بس اسمحيلي

 
 

 

عرض البوم صور الريم العوب   رد مع اقتباس
قديم 31-01-11, 07:02 AM   المشاركة رقم: 1345
المعلومات
الكاتب:
اللقب:
ليلاس متالق


البيانات
التسجيل: Jan 2009
العضوية: 118492
المشاركات: 4,894
الجنس أنثى
معدل التقييم: ام الشهد عضو على طريق الابداعام الشهد عضو على طريق الابداعام الشهد عضو على طريق الابداعام الشهد عضو على طريق الابداع
نقاط التقييم: 302

االدولة
البلدSaudiArabia
 
مدونتي

 

الإتصالات
الحالة:
ام الشهد غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

صباح العذوبة على احلى ضمضم

ماقصرتي ياقلبي على هالبارتين الحلوة مثلك

اولا مابدا بالجده فديت قلبها هي وخواتمها ذكرتني بعمتي الله يرحمها ياحبي لها وخواتمها كنت دايم المسها اذا شفتها
وزيارة الجده جت بوقتها واضفت جو على البيت ووسع صدر ملوكه الله يسعدها هاللي الحمدلله تغيرت شخصيتها وصارت تاخذ وتعطي وترد على عناد وعلى قولة حبيبتي كومة اعجبتني الملوك اذا دخلوا قرية دمروها يازين الثقة والله ومقديه فيه حتى مارد عليك عطيه الوجه الثاني وخليه يدوخ عليك ياعسوله وانت ياعنيد خف عليها وبلا زعل ماله ابو جد داعي احمد ربك حرمة حاشمتك انت وولدك وهذا جزاتها الصده

ام عساف وحلمها سبحان الله واضح وتفسيره الحية سيوف واللولو ملوك الله يطمن قلبها ويجمعها به

جسار وتغطيها شامله عن جده لافض فوك ومقال رائع والله يجعلها اخر احزانهم يارب ويصبرهم ويبلى كل متسبب في نفسه واعجبني لقاءه بمقرن وثقته بنفسه الحمدلله رجع جسار الاول

ياسر الله يعينك على الرهف ودلعها ومن يعاف الدلع الله يذكر زمان اول ليت الدلع يرجع هالعيال خربوا علينا كل شي الله يحفظهم

مناف ياعمري ودك تتزوج اجل ............ انا عندي لك الحرمة اتوقع ياخذ شهد اخت عناد وهي ماراح تاخذ هالرواف الخايس

ساااااااري ووصف دقيق لشخصيته استفزازي من الدرجه الاولى بعذرك فيه يياسر هو واقلامه المصفوفة مدري وش يحس به هو واقلامه


ضمضم الله لايحرمنا منك ولا من كرمك واحنا ننتظرك في كل وقت يالغلا والمعلومة وصلت فديتك
حرف التاء معند معي اليوم يبغاله كسر كل اشوي ارجع وادقق في الرد لاكون نسيته
ضغطي عليه مثل العجز باقوى ماعندي

 
 

 

عرض البوم صور ام الشهد   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوكـ وعناد وبدايات الحب.., مبدعة أستمرررري, آبـــــــــــــــــــــــــــــــــــــــــــــداع...., لو أجيب كل عبارات المدح ماراح اوفي قصتك حقها من الأبدااع, اويييها واعرس البارون اوييييها والحلوان على شوشو, بتال&فلك آحلى ثنائي, بعض العيون حقدها في نظرها, يا الغوالي الاجزاء سبت واثنين..ضمضم, يا ناس وه فديت مقرن و ساري بديت احبهم, جسار للظبي<<مااتنازل, حصريا ولأول مرة العقيد عنااد آل راسي من ممتلكاات النوري ..فاهمين ..فيس يهدد هههه, روابط جميع الاجزاء با الصفحه الاولى..., عنااااااااد أسطوووره لن تتكرر ..وهـ بس فديت ابو رعووودي .., فديت أحسن وأحلى كاتبه ضمضمــ, نظره حقد 20 في صفحه 75--نظره حقد21في صفحه 83, نظره حقد 22 في صفحه 88--نظره حقد 23 في صفحه 96, نظره حقد 24 في صفحه 107, نظره حقد 26 في صفحه 127, نظره حقد 26 في صفحه 128, ضمني بين الاهداب, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t140889.html
أرسلت بواسطة For Type التاريخ
ذ¯ذ½ذ´ذµذ؛رپ This thread Refback 03-07-15 12:28 PM


الساعة الآن 12:33 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية