لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 16-10-10, 11:30 AM   المشاركة رقم: 531
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

بسم الله الرحمن الرحيم...
.
.
.
نظرة حقد 24...
.
.
.
مدخل..

ارسم لي سما .. بكذب على نفسي و أطير
و ازرع لي بصدري سحاب .. وغمامه

لولا الفضا / ما تم حلم
العصافير
ليه أنحبس ! ما دام صدري ( حمامه ) ؟!

ليت السما تحضن هموم
المساهير
زي ما حضنت هم الليال و
ظلامه .. !

لو كان في صدر المسا دم
و ضمير /
ما عذب عيون صحت .. ما
تنامه !!

ظنيت بك يا ليل ظن المخاشير
الي يزيحون النكد ب ( إبتسامه )
!

وجيتك تواسيني / لقيت أكثري ( طير )
و كنك ( قفص ) يصعب علي
اقتحامه !!

خذني على قد العنا والمشاوير
و كاني وصلت ل شي : وين
السلامه ؟!

خذني بشر / لكن بشر دمعته :
غير !
لو طاح دمعه / مايطيح مقامه
..

يا خير ! هو وعدك متى ؟! كان به
خير !
مت انتظر ما شفت غير الندامه !

و الوقت لانفاس الوله شخص
ضرير
مادل شرهاتي و كبر الملامه !

الي تركني ( لي ) . . وخلاني
كسير
قولوا له إني ما تحمل خصامه
..

راح و تركني بعين حزني / كبير
و مابه سوى دمع عجزت
احترامه !

لو كان لذنوب المحبين تكفير ؛
كفرت ذنبي ب ( ارتكابك ) ..
مدامه :

ثقل الخطايا تدمحه سجدة /
حقير ؛
من نفس مليانه ( ورع )
واستقامه !

يرسم على وجهي الخطا ( طفل
صغير )
تخفي براءة دمعتيه : اتهامه ...

ويطيح من عيني ( أمل ) شوفته
: مير
ترفعه في قلبي معزة غرامه ..

و يوم إن جنحي تكسرت / قلت
لي ( طير ) ؟!
ما طار غير الفرح وقت
انسجامه !

و يوم الأمل فيني طفى ! .. قلت
لي : خير ؟!
كل الخير / و الحظ الردي في
تمامه !

يا ( موووت ) تكفى ( ضمني ) /
ماني صغيير !
شف للشقا في وسط وجهي (
علامه ) !

خل السما ( تابوت ) .. ماعدت
ابآطير
مابي أعيش العمر كله ندامه ..
.
.
.
بدايه..
هدوء...!
فـ هنا نحتاج لـ قلب يعي آنكسار الشموخ تماماً .... /
اخفضوا اصواتكم عند القراءه
و اقرؤها كـ [ همس ]
فـ الشموخ عندما يتهاوى...
تغاضي العيون عنه آفضل...!
.
.
ومضه |
متابعتي ريماس 2007,,يآ نقاء وجمال.. آهنئ نفسي بمتابعه وقارئه تقرئ سطوري المتواضعه وتستنتج من الاحداث مثلك..,,
هنيئ لي بك..,,
متابعتي المنتظرين بارت الصباح اسف اسفه اسفه..فـ والله التأخير ماكن زيادة شوق لكمـ للبارت لكن الاتصال اليومـ الصباح كان سيئ جداً عندي..لقلوبكم الدافئه مشاتلاً من ورد...
.
.
.
لآتلهيكم الروايه عن دخول وقت الصلاه..
.
.
.

بعد آكثر من عشر دقائق..
توقفت سيارة ياسر آمام بوابة فلة خالته الفخمه وعينيه تراقب بستفهام رحيل سيارهـ من النوع الثمين ..و..الثمين جداً..آستغرابه وصل آقصاه وهو يبحث عن تفاصيل تلك السياره بذاكرته واين مرة عليه..؟
لكن الان مالذي كانت تفعله هنا..؟
متأكد ان تلك السيارهـ صاحبها كان ببيت..؟
لآ مفر..
فـ الفلل من هنا متباعدهـ...؟
آآآآ....يعقل.؟
نزل على عجاله..
حتى سيارته..
نسى آقفال آمانها..
لآيصدق..!
لآيصدق..؟
لآيصدق...!
.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
بـ الجانب الاخر...
ملوكـ تسارع الخطوات بـ الصاله لتستقبلها فلكـ...وآرتباك ملوكـ بدى وآضح على تقاسيمها..
فلك بــحس فكاهي لآيخلو من الضرب تحت الحزام\يالبى الرومنصيات الي سمعتها مع الدرج ماعاد تستحين هذا انتي تبين العرس بسرعه وسكاتي ..يمه منك يمه..!
ملوك بـرتباك\عمتي..لمحة سيارة ياسر من البوابه لآنها شبه مفتوحه..ياسر هنا..
صوت ياسر حسمـ الامر بآدلآلفه للباب وآعلاء صوته بـ\يآآآولد..!
شدة فلك ملوكـ لصاله من ثمـ آقفلت الباب وقبل آقفالها..بصرامه\لآتطلعين مهما سمعتي..؟
.
.
.
دخول ياسر السريع لمـ يعطي فلك حتى فرصة الاستداره الكامل لهـ...
ياسر\السلام عليكمـ...مساك الله بخير ياخالتي ..
قبل رأس فلك وهمس بحب\مشتاق لك ياريحة آمي ..
آبتسمت وهي توكز صدره بخفيف\دق قبل..او..وقف شوي على الباب لآ عاد تدخل كذا..؟
همس بستفهام\ليه كان عندكم احد قبلي..؟
فلك برتباك\ نآس وراحو في حال سبيلهمـ..
تقدمته بخطوات ليشد معصمها برفق ويعيدها له..\من ها الناس..؟
فلك تحاول آفلات معصمها برقه\ناس مايهمونك تعال بس في الجناح الثاني..مجهزه لنا قهوه وحلى...
شد معصمها من جديد وبصرامه\آنا الي آحدد يهموني ..او ..لآ...؟من الي كان عندك قبل شوي...؟
فلك بستغراب\ناس مسوين زيارهـ..وشفيك..هدني شوي..؟
ياسر بحدهـ\آهااا..الي هم ..؟ها الناس مالهمـ آسم..؟السيارهـ هذي شفتها قبل ببيت خالي فهد الله يرحمه..؟من هي له..؟
فلكـ بتوتر وتحاول آضاعة الموضوع\مرسلك بتال لي تحقيق انا عارفه هـ الشي..! هو مايوثق فيني مادري وش يحس فيه..؟ يحسسني دومـ بشعور ناقص..يالتني تميت عندك انت وآخوي الله يرحمه ومارجعت آحس انه دوم مراقبني..!!يآآآآسر أأأ
قطع حديثها ياسر الكاذب\لآتلفين علي وتدورين كل الكلام الي قلتيه تو تبين تطلعيني من الموضوع..كلمتين ورد غطاهمـ...الي قبل شوي كان خطيب ملوك..صحيح كلآمي او لا..؟
فلكـ بآستسلام\آيه...مسوي زيارهـ لـ خطيبته....!!!
.
.
.
شوكاً من الحب..
آجبر نفسه على المشي حافياً على بساطه..
غصة غيرهـ..!
تستوطن روحه ..
وتعبث ..وتعبث..وتعبث...!
ناراً وعروق..؟
آي جسداً يصبر..؟
واي ..عروقاً عاريه...
مازالت تنبض ..؟
حب لتلك الملوكـ..
الهاربه لغيرهـ..
والعاشقه لفراقه...
بل عشقاً حُرم علي..
لآ آطاله..
و
لآيتركني..
كـ
المعلق بين السماء والارض...
يراها اليومـ شخصاً اخر سواي...
وانا..
محرمـة هي علي..
وحلالاً مصفى هي له..!
آعانق نارها الان..!
امـ
تعانقني مشاعلاً من ناراً هي أضلع صدري..!
.
.
.
ببحهـ\خطيبها...؟
آردف على عجاله\وعمي داري انه هنا..؟
فلك برقه\آيه..لآهو عيب ولآحرامـ...بيحددون الزواج و...
قاطعها بهجومـ شرس\آيييييش..؟زواج...؟ماتستحي هي على وجها ابوها توه مانشف ترابه
وتبي تزوج..؟وطقطه وعرس..؟
ماتو الي يستحون.. و...الا مات الحزن في الناس..؟
قليلة الادب والحياء..؟
زوااااااج..؟
هذا الناقص والله هذا الناقص..!!
فلك بمقاطعه حادهـ\بس ولاكلمه...الحياء كاسي ملوك وانت آعلم الناس فيها..لآتجي الحين تخانق وتزاعق على شي مالك دخل فيه..؟
أيه بتزوج..
وتروح تنستر ببيت زوجها مثل باقي الخلق...
وأبوها مات وهو يبي ها الشخص لها...
لآتجي تفتي في الحياء والمساخه..؟
ماسوت شي حرام..ولآعيب...؟
تتباعد الانفاس عن ياسر وتتلاحق وبفورة عصبيته وحدته\ههههه..قال حياء...قال؟اكيد الي ماخذها قليل حياء وآصل مثلها...ولآ ليه ماقدر حرمة الامواااات..؟
فلك بحدهـ..و..وجع يعتصر روحها الان\آآآآآسكت...ولآ....كلمه...آآآآسكت..انت بعد مرتبط في قليلاً الاصل على قولك..؟
والله وبانت مواري العاجي فيك يا ولدهمـ...
ملوك ماخذت قليل اصل مثلك انت وفعولك...؟
ملوك خذت لها مكمل والكامل وجه الي مايضيمـ...
ملوك خذت ولد الراسي...عناااااد..!!
.
.
تبلد تماماً..
وهو يستمع لأسم الشخص..
من..؟
من أي عائله..؟
الراسي..!
حاله آخرى تملكته...
حزن..
يأس..
حقد..
فراق..
وجع..
مرارهـ...
آحسايس كثيره آختلطة الان لتذيقه من عذابها ..
كؤؤس وليس كأس..
.
.
.
هل ذقت وجعاً من قبل ياياسر..؟!!
لآ..
الوجع الان..
والمرار الان..
وعلقم اليآس .ـ الان...
تذوقه رويداً رويداً..فـ..الخيانه ..كـ لهيب الغيره الان...موجعه..
.
.
.
ياليته كان مجهولآ بنسبه لي..
ليت خطيبها لمـ آعرفه..
ودامـ جهلي به..
ليتني كنت متعلق بسراب آمل..
وان كان يستحيل تحقيقه..
مجهول..!
بينه وبين الكذب شعرهـ..!
آمني نفسي بنقطاع تلك الشعرهـ..
فيصبح كذب..
وهي لآتنتظر لهذا مجهول...
لكن..
تعلقة الان بـ شخصٍ ...
لآآعرفه ..
لكني لآ آجهله..
.
.
تراجع لخطوات قليله.. و..وجه يتخبط بملامح وتقاسيمـ آخرى.. وكئنه التقط الاسم الان بغضب\الراسي..!
قلتي الراسي..؟
فلك بخوف من شكل ياسر الظاهر لها بثورهـ لمـ تعهدها قبل ..صمتت بخوف لثواني..
ليشدهـا آكثر\قلتي ولد ..الراسي..؟
فلك بـآرتباكـ\آيه..ولد سطامـ الراسي..ليه وش فيكـ..؟
آبعدها \ولد الراسي..!من بين خلق الله ماخذت الا هو ..؟
تراجعت الخطوات للورى..
وشرع الباب معلن خروجه الكاسح..
ليترك فلك تبتلع غصة خوفاً..
استوطنتها من ملآمحه..
.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
بعد ساعه ونصف..
.
.
الراسي..
جناح عناد..
عناد غارق بضحكه صافيه وهو يشد رعد لحضنه\نآآآمـ هنا يا دب..الله يقطع ابليسك امك وش تأكلك ماشاء الله..!
رعد متعاند تماماً وهو يحتضن جوال عناد ليعبث بنغماته ...
عناد بتهكمـ\وش البسك يادب..ماحسبت حساب نومتك الليله هنا..
حمل رعد بذراعه وتوجه لكبت وفتحه ليشد تي شرت لعناد..
آبتسم وهو ينزله ويبدئ في نزع بدلته\مالك الا تيشرتي ..مستحيل اخليك تنام بهـ اللبس الي كله كاكو يابو كاكو..
رعد بابتسامه\كاكو..كاكو..عناد..آبي..!
البسه التي شيرت على الحاحه با المزيد من الشكولا ..
ليرفعه عناد متجاهل توسلاته با المزيد..ويتوجه لـ السرير...
صوت فتح الباب وطرقات خفيفه خلفه وصوت ناعم \عناد انت نايمـ...؟
بثقل آمتلئ بـ الاستغراب\آدخلي شهد مانمت لسا..؟
شهد تدخل بـخجل وارتباك\نفسي اكلمك في موضوع..؟
طل رأس رعد من خلف مفرش عناد ليظهر ترحيب خاص بشهد ..وصرخات ترحيبه لآيفهمها سواهـ...
شهد بفرحه وهي تسارع الخطى \رعودي هنا الليله...أيا الدب..
حملته شهد ليعانقها رعد بحب ويطبع على خدها مئات القبل ..
شهد بصدمه\وش ذا..؟وش ها اللبس..!!عناد وش ملبس ولدك...؟
عناد بتهكمـ\تي شيرت عندي..لبسه وسخه..
شهد \عندي ملابس له كان قلت لي..
عناد بدون اهتمام\مو مشكله روحي لبسيه..وش بغيتي الحين..؟
شهد بحراج آنزلت رعد بحضنها وجلست على طرف السرير..
عناد بطرف عينيه متجاهل ارتباكها الواضح\فيه شي ضروري..؟
شهد\آيه...كنت ابي اكلمك عن ..!
صمتت شهد لثواني ..من ثمـ آبتلعت ريقها الجاف\ابي آكلمك بزواجي انا و رواف..عناد ااا..
قاطعها عناد بشدهـ\مابي هـ الانسان ينذكر اسمه عندي..خلآص تبينه خذيه انتمـ مافيكم رجاء الظاهر...خلآص خذيه راي مايشكل عندكـ انتي وامي اي آهميه؟
شهد ببحه\عناد لآتسوي كذا..؟لآتصير جاف كذا معي وعنيف..وبعدين يعني معك لوين بنوصل وهـ العلاقه الي بينا شد في شد في شد...عناد ذبحني وهدني التفكير..أنا ابي رواف
وانت معارض ..مابي اتزوج لي واحد..يكون احد من اخواني رافض ها الشي وبينهم خلآف ومتطاقين قدامي..عناد ارحمني لو مره الله يخليك..!
آفهمنــــــي..؟
.
.
آريدهمـ حولي..!
وذاك العناد بتحديد..
آريده بجانبي ...
رواف من آحب..
وعناد وجسار وريان همـ آخوتي..
لآيمكن ان آرجح كفة آحدهمـ
فآنا الخاسره الوحيدهـ...
ان خسرة احدهمـ...
.
.
.
ماتلك الرقه التي تخفينها ياشهد عني..!
آوا يهمك عدمـ موافقتي لتلك الدرجه..!
آو قد يكون ..يهمك امر رواف الى درجة ان قد تدوسين على كرامتك لكسبي ..
فـيصبح الزواج من دون مشاكل لذاك التافه الأمعه..؟
آقسم انه آمعه ياشهد..
وآنتي سـ تتجرعين الحزن معه آضعافاً ..مضاعفه..
فراستي لآتخطئ ابداً..
وذاك الرواف..
لآيرتقي حتى ..
الى ظل رجل..
.
.
.
عناد بصرامه\راي ماهو لآزمـ اذا تبينه خذيه..طفي النور واطلعي..وخذي رعد معك نوميه..
دخل عناد با المفرش وقطع الحوار با الكامل بوضعه للمفرش على رأسه...
هزأت شهد رأسها بيأس من ذاك العناد وآحتضنت رعد وخرجت..
لتخفي شيٍ ماء خلف تلك الاهداب؟
قد تكون دمعه منكسره..!
وكاسرها..
تجاهلك ياعناد..؟
.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
العاجي..
الظبي&طارق
طارق بـحدهـ وصوته زلزل شموخ الانوثه هناك\آنا قلت لك قبل كذا يا الظبي لآ تنسين ان طارق الفهد رجلك..وآنتي تجاهلتي هـ الشي..؟وماكئني الا خروف تسحبينه وراك وين مايروح..!
الظبي بـتهكمـ..\ليه..؟البزر دقت عليك آمها تشكي..؟لآتطمن ماجاها الا الربع..؟
طارق بشدهـ يشد ذراعها..فـ يرفعها لمستواه\مالي دخل بـ هنادي او آمها...آنا كلآمي يمشي على المراه الي متهاونه بـ آبسط حقوقي..وهي ان كلآمي يمشي عليهااااا...
الظبي تحاول التملص لكن تفشل\آبسط حقوقي انا ماسمح لآي آنثى تطمع بزوجي وآظل اتفرج على مسرحيه نهايتها انا الزوجه الاولى...
صرخ \آناااااا بزر عندكـ...تروحين بعد وتكلمينها وتهزئينها بعد ماكلمتي خاااااالك..؟
الظبي بصدمه\آاآآآناااااا.؟ماااااصار...؟
طارق بعصبيه\توكـ تقولين ماجاها الا ربع..؟تلعبين على بزر..انتي..؟
افلتت يدها بـصعوبه\آنا قلت لك ماااااصار..؟آنت اساساً تدور الزله علي عشان ماجبت لك عياااال ...وتبيها اساساً من الله ومآآآآردك الا ماتخسر كل هـ السلطه والفخفخه الي ترافق اسم العاجي..
ضغط على فكها بصابعها ومن بين اسنانه\لآانتي ولآآهلك تهموني وماتسون عندي قررررش ....
آفلتها...لتمسك هي ذراعه بشدهـ..\هاااااا ...آلي يهمك هنادي وآمها ورضاهم وأنهم مايزعلون...لآياولد الفهد..لآ..تغلط في العاجي...مايبونك هـ الهنادي وامها الا تكسير روس وحلم مراهقه كبر...؟
وانت..انت..آسمك الكبير ماجاك الا من التجارهـ..والتجاره كيف جتكـ ..
لو ماالتجار عارفين انك نسيب مقرن...وزوج بنته الوحيدهـ...
والا كان تناهبوك نهب الكلاب للعظااااااامـ...
.
.
.
تلك الكلمه الاخيرهـ...قطعت الشعرهـ المشدودهـ بين طارق والظبي...!
.
.
.
شدها بقسوه وهي تعلن آنسحابها المذيل بجبروت العاجي..
ليلقي على ذاك الخد المصقول
صفعه..!
جعلتها تترنح للجه الاخرى وتسقط على الأرض بقسوهـ...
طارق بنفعال\ يا بنت العاجي..دامني بحسابك مجرد عظمـ ..فـ آنتي طالق وانتي محرمه علي ليومـ الدين...
.
.
.
طعمـ الشموخ عندما يغمس في وحل الحب المبطن بـكرامه...
طعمـ الم صفعة الشموخ..
لمـ..يكن..
بآقسى ..
من كلمته تلك..
.
.
.
لم تنطق بكلمه..
تركته يرحل..!
فتلك الصفعه...
عندما تلقتها...
هي ورقة طلاق دونة وسلمت...!
لآتقبل طعمـ الذل والانكسار...
ولآتركن الان للخسارهـ..
خسرتك..
طارق..!
فـليكن..!
مهما كان حبي لكـ نبعاً من الماء صافياً..
الا ..
مد يدك..
لآ..
تقبلها بنت كريماً ابداً...!
وأن كنت آخطئة..فـ خطئك لآيغتفر الان..
.
.
.
بخروج طارق كآن بتال يقف بممر ليتلقف وجه طارق المسود ويشد ذراعه بشدهـ\عسى ماشر ياولد الفهد..؟وجهك مايبشر بخير....؟
كآن آخر جملته...
القائه لنظرهـ للجناح المشرع ليتفاجي بـ آفتراش الظبي للارض ودموعاً تنسكب بصمت..!
بحدهـ\وش صار....؟
طارق بحدهـ\آسئلو بنتكمـ....!
نفض يدهـ..
ليترك يد بتال تسبح بـ الهواء ..
ويخرج..!
بتال سارع الخطى لظبي المفترشه للارض..
ويدها تعانق خدها..
وبكاء مرير ..
يعانق الصمت بروحها..
تلك الروح المعانقه دائماً للكبرياء..
تلك الروح الساقطه الان من علو العاج..
تلك الروح الان المتشبثه..بصدر بتال ..والغارقه الان بـ دموع
بتال بـحده وهي تعانق صدرهـ.. وهو مستند بجلسته على ركبيه بقربها..وبكاء مرير يعانقها..\وش صار...؟وش صار... علميني..؟
.
.
.
بـ الجه الاخرى....
مناير المراقبه دائماً لتحركات بتال...
كانت تسارع الخطى بحثاً عن مقرن لتخبرهـ بحالة الظبي..
فهي تنبئة منذو رؤية طارق خارج وبتال يستفسر منه وذاك متجاهل تماماً له..
من ثم دخول بتال على الظبي المفترشه الارض والبكاء الذي يعانقها...
ان شيً ما حدث...وكبيراً جداً
طلاق..
آو
ضرب...
او..
الاثنان معاً...
لتنصدمـ بتواجد ياسر بمنثصف الدرج...
آحكمت وضع الشرشف عليها..
وبسرعة في تسابق الحروف\ياسر ياعميري الحق على عمتك الظبي مدري وش مسوي فيها ولد الفهد..؟
ياسر..التقط فقط كلمات( الحق على عمتك) ليصرخ بـمناير \وينها فيه..؟
مناير بخوف ورجفه من آسوداد وجه ياسر\بحناحهااااا مع عمك...؟
قطع ياسر الدرج بخطوات لم يحسبها.. ليصبح فجئه امام باب جناح الظبي..
ويرى منظراً ابداً لم يعهد من الظبي...
.
.
كل الشموخ المرافق لها دائماً
الان..
لآوجود له..
وبكاء مريراً..
وشكوى كبيره على صدر بتال...
ودموع سنين من التحمل لكلام الناس عن عدمـ آنجابها له..
وكلآم آخر كثيراً..
تبثه اي انثى في حرقتها لآخيها...
وبتال كلماته كانت فقط..
تهدئه..!
تهدئه..!
تهدئه..!
.
.
طارق..!
يتجرئ..!
على ماذا..؟
لآ
آفهمـ..
الكلمات لآتصل لي واضحه...
وآنهيار الظبي الان يقتلني..
ويشطر روحي...؟
ويقلبها على صفيحاً ساخن..!
حتى تحترق تماماً
شموخها..
شموخي..
عنفواني..
مستمد من عاجيتها الدائمه...
عجرفتها في كلماتها..
تصرفاتها آعتزازها..
حبها لكبرياء الشموخ..
كيف تتهاوئ..؟
كيف تسقط..؟
الظــــــــــبي تبكي آنكساراً...!

.
.
.
تقدم بغضب...ليصرخ بـ ببتال\الظبي وش فيهاااااااا...؟
رفع رأسه بتال بـصدمه..
آخر شخص يريده الان هناااا...
ذاك المقرن الاخر...
آذن الموضوع لن يحتوى...
ولن يرى بصيص معالجه...
طوفان الان لآ يبشر بـخير...
.
.
بتال بشده\آطلع واتركني انا وعمتك...شوي...؟
تجاهل ياسر تماماً..كلام بتال..
ليمسك الظبي بآحدى آذرعها ..
ويرفعها له بقسوهـ..
جعلت بتال يتراجع بجلسته قليلاً للخلف..
ياسر بصرامه وحدهـ\ضـــــــــــــــربك..؟
الظبي تتماسك..
تترنح..
تهتز..
تنكسر...
تميل مع الريح الان..
با الاتجاه الاخر...
ياسر يهزها بعنف\طويرق سوى لك شي...؟تكلمي...!
الظبي من بين الم \طارق خلآص..طلقني...طلقني..طلقني..!
ياسر بصرامه\آقولك ضربك..؟
بتال بحدهـ\آتركها....مالك شغل فيها الحين..آتركها..
ياسر\تكلمي...!
الظبي \آيه..طقني...بس انا الي غلطة عليه..
آفتلها ليتلقفها صدر بتال ..من قوة دفع ياسر.. و.. آنهيار الظبي...
بقسوه وهو يهم بـ الخروج\غلطتي عليه ..ها الكلب يجي لنا نعدلك... ماهو يضربك...
ليتوقف عند مقرن العاجي الواقف بهيبته آمام جناح الظبي.. بـ حدهـ\يبه...طويرق الي مايسوى مد يده على ظبيك..؟
مد عكازه ليكز ذراع ياسر بقسوهـ\وانت وش دخلك..؟طلقها..؟
ياسر بثوره\اقولك ضربها...وتقول طلقها...؟
مقرن بصعوبه\آسمع انه طلقها اول...طلقك يا الظبي..؟
الظبي بنكسار\آيه...طلقني يبه..
مقرن بصرامه\خلآص مالنا عنده شي...!مارفع يدهـ الا هو واصل حدهـ..واذا صاحت المره افزع لرجال ..!
ياسر بصراخ هزت جنابة الجناح\يمد يده على ظبي العاجي..!!والله والله ماآفوتها ولآتروح وأنا حي وماوسدة اللحد...
رمى ياسر عقاله بـنفعال كبير على الارض\والله والله محرم علينا لبس العقل ان عرفنا ان الظبي مضروبه من رجالها وماخذينا حقها..,,
حركته السريعه للخروج آوقفته يد جدهـ \بيروح بتال يخليه يكتب ورقتها..وبينا وبينهم صله ورحم..لآتفضحني انا وعمتك بين خوالها..رجال وضرب زوجته..وآنتهي الي بينهم بكلمه ..خلآص مافي حقوق وراها...,
ياسر بقسوه\يكتب ورقتها وهو مجبر على فعلته بـ المستشفى...
خرج ..
ليصرخ الجد ببتال يتداركه..
لكن بتال ليس بـآحسن حال ..
فـ منظر الظبي كفيلاً بـئن يسدد له لكمات على وجه جراء فعلته..
لكنه الان ممسك بزمام أعصابه وهي كادت ان تنفلت لمعرفته التامه بتعقل طارق الى ابعد حد
وبجموح الظبي و عاجيتها الى ابعد حد..
سارع الخطوات ليلحق بـذاك المقرن الصغير..
.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
البراق..
بكاء مرير تخوضه الان ملوكـ...
وتهدئه من فلك..
فلك\لآيهمك وماعليك منه..هذا بس لنه يحبك ولآهو هاين عليها انك تروحين منه لشخص
ثاني..والا تراه من جوئ ياملوك يغليك ويحبك وعارفك وعارف حياك ومايرضى عليك بشي..
مايرضى..؟
لآتاخذين على خاطرك من ياسر ..ترى خاطرك عنده كبير ..
ولو هو يدري انك كنتي تسمعين الكلام ماقاله ولآنطق فيه..
ملوك بـقهر\مايهمني ياعمه شعوره عني ..مايهمني ..بس ليش يجرحني حرام عليه.. حرام عليه.. والله هذا ظلم ..ومايرضاه الله ليه يسوي فيني كذا ..؟
الي يحب مايتكلم عن الي كان يحبها بها الكلمات.. الي تذبحها من الوريد للوريد..
ليه يسوي فيني كذا ليه...؟
ناولتها كأس الخادمه لتشربه برتجاف\والله العظيم مايسوى علي ها الي يصير مايسوى علي..
فلك\طيب خلاص هدي روحك هذا انا طردته من البيت يستاهل ماجاه وانا الي عمري ماطولت صوتي عليه ..ولآقهرته اليوم طردتي له.. قهر له..
والله ياملوك والله انه بعد صعب على روحي..
بس عشانك... والا ياسر هو روحي الي تسكني...
القت رأسها على صدر خالتها لتسكب شي من الوجع هناكـ...!
.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
بيت الدايس
ابو احمد\غريبه وش عندهمـ...
ام عساف تقدمـ العصير له\مدري بس انا حبيتهم..فيهمـ طيبه وحسن آخلاق..عكس مظهر البذخ الي ظاهر على بنته الظبي لكن هي طيبه حيل..
رهف بمداخله\صحيح عكس شكلها عندها طريقه في ادراة الحوار وجذب الجلسه لها بشكل تلقائي وعفوي ...
لكن هذي الي متزوجه ولدهمـ مادري احس فيها شي..؟ ماعندها لباقه كثيره با الحكي تقاطع سوالف الظبي كل شوي..
ابتسمت ام عساف\لآ..حبيتها عفويه ترى حركاتها وماتقصدها..
رهف\اوف بس مره مره ماعندها اسلوب الله يهديها دفشه بزيادهـ...
ام عساف بصرامه\عيب يارهف ها الحكي على الحرمه من وراها..خلآص انهي الموضوع
رهف بزعل\ماقلت شي..؟
ابو آحمد\وش طرى لهم في ها الزياره..؟
ام عساف\والله مافيه اي طاري..زياره خفيفه ولطيفه مرهـ آسعدة قلوبنا الله يسعدهم..آكيد
قصدهم بس التعرف..لآاكثر ولآ اقل..
أبو احمد\مقرن العاجي انسان محترمـ.. و كل الي اسمعه عنه في السوق بين التجار شي طيب..
ام عساف\تجاريا مدري والله لكن انا ارتحت لأهله..
رهف با ابتسامه\جد والله الظبي تآخذ العقل في اسلوبها وحكيها..ياليت يزورونا دومـ..
آم عساف بآبتسامه صادقه\أن شاء الله ماتنقطع زيارتهمـ..

.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
مواقف سيارة العاجي
ياسر يهم بركوب سيارته..ليغلق الباب بتال بحده\وين بتروح بتضرب ولد الفهد..؟صاحي والا مجنون..
ياسر بحده\مجنون..ماني بصاحي...ومخلي العقل لك انت وآبوي...
هم بفتح الباب ليمنعه بتال ويآخذ المفتاح منه بقسوه\بنتصرف معه بالي يسر خاطرك..لو كانت الظبي ماهي بمخطيه بحقه..لكن نحنى (إحنا) الحين ماندري وش السالفه والظبي معترفه انها اخطة بحقه..آذا عرفت انه هو الي مخطي بحقها انا الي بكفيك ضربه وانزل وجع دموع الظبي اليوم بقلبي عليه مثل الخناجر تقطعه..
ياسر \وش..؟الظبي تخطي..!
بتال\آيه..ليه وش الي يرفعها عن الخطى..؟
ياسر\الظبي مايجي منها خطى..دايم هي المره العاقله المتفهمه ..اكيد انه قاهرها بشي او شايفه عليه شي ..
بتال يمسك ذراع ياسر لتهدئة..\تعوذ من الشيطان الحين..ونعرف السالفه لما تهدئ الظبي وماحد برادك ساعتها...
اصرار بتال والحل المنطقي الذي طرحه..
جعل ياسر يتراجع قليلاً..
حتى لايعاتبه احد بعدها..
.
.
بنفس المكان لكن با جناح مناهل..
مناير تمسك رأسها وبصدمه\طلقها ولد الفهد طلقها...يمه من الرجال يمه..؟يه يه والله نصير علك المجالس بكرا..
مناهل تنزل علبة المكياج\لآحول ولاقوة الابالله..ياربي ها الظبي بتنكسر ..يارب ابغض الحلال عندك الطلاق وها العالم هو اول كلمه تجي ببالهم اول ماتصير المشاكل..يارب يارب ترحمها..
مناير بنظره متفحصه ومبتعده نهائياً عن الموضوع\ياحليك متزينه لبتال..ياعميري عليتس بس..؟اليوم ماهو بيمك..وحتى لو مافيه شي ولآطلاق..بنت البراق ماخذه عقله ها اليومين طالع داخل ونفسه براس خشمه...آيه...تزيني ..تزيني..
مناهل بتحطم\مناير..مالك دخل في ها الشي...ممكن تسكتين وتوكلين على الله شوي ويجي بتال...وآنتي على كلامك ماتبين حتى تشوفين رقعه وجه..
مناير بثوره\وانا صادقه من حلاته وحلاة وجه...مخليته لك آشبعي فيه..
خرجت بثوره عارمه وصوت الباب اعلن مقياسها..
.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
ياسر يضع يده بعصبيه على مقبض الباب\آفتحي يا الظبي..علميني وش صار...؟
بتال \ياسر..من آصبح افلح اتركها الحين ترتاح..لآتزيده عليها..
ياسر متجاهله وبثوره\بعلق له ايده على رقبته يا عمتي ..والله بسماه لآكسرها له الي مدها عليك افتحي الباب ..آفتحيه...بس شوي..بعطيك على الاقل مهدئ عشان ترتاحين..
بتال يشده\تعال معي ماهي بفاتحه الباب...
مناير مقاطعه بظهورها بوجه ياسر وبتال\ضربها ها الي مايستحي على وجه..والله العظيم انه ها الرجال إكالين نكارين..لآعشره ..ولآضمير..يردعهمـ..!
صرخ بتال بوجه مناير\مالك شغل بكل الي شفتيه ...وياويلك يامنير يظهر لحد...يالله روحي لبناتك ولآشوف وجهك هنا ...
صرخة بتال بوجه مناير آرعبتها لدرجة انها آختلف عليها مكان جناحها فتخبطة يمنه ويسره حتى آهتدة له..
ياسر يبعد يد بتال عنه بقسوهـ\وآنت بعد..؟ماتقول لي كيف تخلي الرجال داخلين طالعين على بيتك...؟
بتال بعدمـ استيعاب لكلامـ\اي رجال..؟اي بيت..؟
ياسر بغضب\بيت فلك..؟و..ولد الراسي هناكـ قال يقابل خطيبته قال...آنت ..تبي تجلط أبوي..تبي تذبحه ناقص عمر...
وش تبي بضبط وش تبي..؟
بتال بغضب\لآ تطول صوتك علي...؟آحشمني لآ آخليك تعاف الحشيمه..البنت بنتي والرجال رجلها..ومال احد دخل فيها...دام خشمي يشم الهوى..
ياسر بثوره|آها..آخو جسار الراسي..في بيت بتال بن مقرن العاجي يقابل من..؟خطيبته الي هي بنت خال ياسر ولد عبد العزيز العاجي...؟
تصدق..؟لو آحد من قبل مخبرني عن هـ الشي..قلت له انت مجنون رسمي..؟
بتال مواجه لوجه ياسر تماماً\المجنون الي ناسي كسرة جناح آهله عشان حب ماصانه..ويدور له آعذار يبرر لقلبه ويسكته..!
ياسر آستدار بغضب ليتوجه الى جناحه وصوت الباب آجفل بتال من مزاجها الغاضب جداً..



.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
الراسي..
جناح ريان..
آم جسار تفتح جناح ريان وبصرامه\نينا ..ميري..يالله بسرعه خذو ملآبس ريان وعلى الغسيل وانتي رتبي جناح..كل يومـ لآزم وحده منكمـ تجي ترتب الجناح كله..آوكي..
قالتها ام جسار وهي تجلس على طرف السرير..
نينا\مدامـ ريان كلآم مافي آحد في آدخل جناح..الا اذا هو في موجود...وهو كل يوم مافي شوف انا كتير اذا انا في شوف فيه شغل تاني..
آم جسار\مو مشكله الحين رتبو انا موجودهـ...حسبي الله على بليسك يا ريان لو ماحصلت نسخه لجناحك ماترتب..وياليته على سنع الا على قل سنع ها الحرص...الله يهديك الله يهديك...
رتبت بهمس الاوراق المتساقطه على السرير...لتدخلها با الكومدينه..فتسقط عينها على شي آخر تماماً..
لمـ تتحرك عينيها المضطربه على شي سوى تلك الصور..!
خمس صور قلبتها بـصدمه من بين ايديها..
ودموعاً حارهـ هاجمتها فجئه..
وغصات الم سكنت حنجرتها فجئه..
.
.
.
فاجعه..
فاجعه..
فاجعه..!
تلك الصور ليست لك يا ريان..!
لآتخصك..
لست انت من تحتضن تلك الفتاهـ..
شخص اخر..ليس انت..
ليس قطعة من القلب تتحرك على الارض ..
ليس من ربيته على مخافة الله يفعل هكذا..!
ريان...وآمراءه...!
ريان..!
وآمراءهـ..
وبعد عن الله ومعصيه..؟
هنا بين أبنائي..؟
سقف حرام يجمع بين آحدى ابنائي وامراءهـ...؟
صغيري..؟
لآ..
آصدق...
آعادة الصور وبصرامه\لآترتبون شي...يالله آطلعو برى الجناح..
حملة نفسها ام جسار بصعوبه وخرجت وآخرجت الخادمتين..
وآغلقت الباب كما كان..!
لكن ليس القلب كما كان..؟
.
.
.

يوم جديد..
.
.
.
الراسي..جناح شهودي..
شهد بصوت خافت\لآ..وكيفها الحين..؟
طيب متى تطلعون من المستشفى..؟
انتبه عليها..
لآ
لآ
ماحد آنتبه ان انت مانمت البارح هنا...
صوت ولد عناد...
ايه نايم عندي البارح..
طيب
طيب
خلآص..
يالله مع السلامه..
آغلقت الهاتف والقته على الاريكه...
وآحتضن من جديد رعد الباكي..\تبي بابا..عناد..ولآ شو..؟
رعد ببكاء\بابا...عنااااااد...
آستدارت لتلتقط عدة آدويه لها...وتأكلها من ثمـ ترتشف كأس من الماء..
رعد صمت لثواني وهو يرى دخول عناد وآعلن ترحيبه بتصفيق بفرحه شوهتها تلك الدموع..
عناد يحمله من ثمـ يقرب آنفه من صدر رعد\مممم ياحلو هاالصباح الي فيه ريحتك..
شهد بأبتسامه\تحسسني ياعناد دومـ انك ماتحب رعد..وماتهتمـ فيه..؟
آبتسمـ\عادي...شوفي انتي مثلاَ ذابحك الدلع عشان امي محسستك بحبها واهتمامها..وريان آردى منك..لكني شوفيني انا وجسار..مافي وجه مقارنه...؟
شهد بعبوس \الحين انت تتكلمـ بآي عقليه..هذا صغير..؟
آبتسمـ\لآ ..من شب على شي شاب عليه..آسكتي بس.لآتقعدين تهذرين علي لين تعكرين مزاجي...
آستدار وهمـ با الخروج للتتلا قه درر..وفجئه صوت بكائها دوى با المكان...,!
.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.

الجريدهـ..
(ضيفاً..و..مساومة على الشموخ)
.
.
جسار بأبتسامه\آظن سبق لنا شفنا بعض..
آبتسم \مآتذكر..! بس ملحوقه..اليومـ..تتعرف علي..بما أني آعرفك زين..
آبتسم جسار بهدوء وهو يعرف ياسر تماماً\ساعه مباركه بذن الله ..من حضرتك..؟
ياسر بهدوء وهو يستوي بجلسته بآريحيه\البارون..؟
جسار تراجع بظهره للكرسي\يآسر العاجي البارون الحين ..!
آبتسم وهو يأخذ أحد الاقلام\عليك نور..ياسر العاجي..او ..خلنا نقول..البطل الجديد لمقالتك ياحضرة المجاهد في سبيل الكلمه الحره..!
جسار وعينه على القلم بيد ياسر\حي الله اي شخص بمكتبي سواء كان عاجي او اي طبع يرجع لأي معدن من معادن الارض...!
ياسر\اليوم حبيت آعمل زيارهـ خفيفه لحضرتك..منها آتعرف شخصياً بشخصك..ومنها آنت تتعرف علي..وحبيت آعطي شخصك الكريم..سبق صحفي..بما أنك الراعي الرسمي لجميع آنشطة العاجي وصفقاتهم الصغيره او الكبيرهـ..الظاهريه..او الخفيه..ان العاجي اليومـ..تجارياً..متمثل بشخصي..
ختم جملته بأبتسامه صغيرهـ..
جسار بعصاب باردهـ\وآتمنى ان تكون مسيرتك مغايره تماماً لمسيرة مقرن..ونفتح مع بعض صفحه جديده لصالح المواطن اولاً وأخيراً..فـ مايخفى عليك...الحديد..وتحوله لسوق سوداء النهب والجشع والاحتيال هم الاصوات المسموعه والمتحكمه فيه...
بتغير مساركم تجارياً يتغير مسار مقالاتي صحفياً..
وهذا تابع لطريقتكم في التجارهـ
ياسر \آخ جسار..آنت طال عمرك لحقت على كبرت مقرن العاجي ..بس آذا تبي تشوف مقرن العاجي في وقت شبابه..دس له طرف اليومـ
وقف ياسر ..
جسار بهدوء\يعني يتجدد فيك العهد القديم..؟
ياسر\صدقني ..كل الي عادتيهم كومـ...وياسر العاجي كوم ثاني..
جسار \تهديد..غيرك كان آشطر..
ياسر\ههههه..غيري..!قلتها بنفسك..!لكن انا قلت لك..اناغير عن الي عادتيهم..يمكن الي قبلي هددو بس بتوقيف قلمك..لكن آنا..آقسم لك آخلي ها الناس يمرون ويشوفون ها الجريدهـ مسكره وبشمع الاحمر..!
جسار\مافي آكثر من الكلام....؟
آدخل جيبه ليخرج جواله الفخم ويضغط على مقاطع الصوت لينطلق صوت آنثى..
أستاز جسار..!
آنا مدام جاكلين..
المدام تبعك كانت بتجربنا على آعمال مش كويسه بمشغل والبوتيك تبعها كـانت بتأمرنا نعمل تصوير لزباين وآشياء كتيره مش منيحه بنصور الزباين بـ جلسات المساج او الجلسات التانيه..
انا ماكان بدي..
بس هي بتهددني بـترحيلي لبلدي..
وانا هلآ مابدي منها شي..
انا هـ اسافر بس راح آخلي ضميري مرتاح...
مدام سيوف ست مش منيحه..ست مش شريفه ...ست منحطه تماماً..!!!
آوقف التسجيل الصوتي والابتسامه ترتسم على وجه ..وعينيه تراقب صدمة جسار ..
مد الظرف الابيض\وهذي صور الضحايا..وباين ديكورات المحل للاسف..واضح..؟
آذا بيتك من زجاج لآترمي الناس بحجارهـ...
وآذا انت مو قد السباحه لآتدخل الماء وتسبح عكس التيار...
اذا سكتنا لك قبل كذا..هذا مو معناته طول الخط راح نسكت..هذا معناته ماتفضينا لآشكال الي من براء براقه ومن داخل ماهي مشرفه...
لآتدعي المثاليه..!
ولآ
تخدع الناس بمسرحيه كذابه. . .لصحفي صاحب الحقيقه ..!
آنت مانت بقد العاجي اذا كسرت لك روس ثانيه قبل...!
العاجي بشخطة قلمـ يودونك ورى الشمس..!!!!!
مالك اي خط ثاني بعد اليومـ.. الا.. الالتزام الصمت ..او .. تطبل لبهرجة الآعمال الخيريه للعاجي..
رمى الظرف لتسقط الصور وتتبعثر على طاولة جسار الانيقه...
وتبعثر معها ..
الشموخ..
المثاليه..
روح الاخلاص..
والقلم الحر..
بعثرة معها كل شي..
وآبتلعت كل شي بنسحاب ياسر من مكتب جسار والصمت والصدمه تحول كل شي حول جسار.. لصمت ..وصمتاً رهيب..رهيب..رهيب..!
.
.
.
نقف هنا...
همسة محبه..فضل النوافل..
1 - أنها مما تُنال به محبة الله ، كما في حديث أبي هريرة وما يزال عبدي يتقرب إلي بالنوافل حتى أحبه . رواه البخاري .

2ـوالمحافظة على هذه الركعات من أسباب دخول الجنة؛ لما ثبت في صحيح مسلم،

عن أم حبيبة رضي الله عنها ، أنها سمعـت رسول الله ـ صلى الله عليه وسلم ـ يقول( ما من عبد

مسلم يصلي لله كل يوم ثنتي عشرة ركعة تطوعًا غير الفريضة ، إلا بنى الله له بيتًا في الجنة )) [ رواه مسلم: 1696 ].
.
.
نلتقي اذا كتب الله لنا عمر يوم السبت القادمـ..=)

 
 

 

عرض البوم صور ضمني بين الاهداب   رد مع اقتباس
قديم 16-10-10, 11:55 AM   المشاركة رقم: 532
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

اقتباس :-   المشاركة الأصلية كتبت بواسطة ورده ناديه مشاهدة المشاركة
  
ضمنىىىىىى فينك يارب يكون المانع
خير يا قمر ننتظرك من بدرى وحشتينا كتيييييير
لو تكرمتى عاوزه اعرف يعنى ايه اسم بتال وسطام

بتال\الرجل الذي يبتل القوس وهو من اسماء السيف
سطامـ\: حد السيف
.
.
وياهلا فيك دومـ...وانتمـ توحشوني البارت بين ايديك الحين=)

 
 

 

عرض البوم صور ضمني بين الاهداب   رد مع اقتباس
قديم 16-10-10, 12:50 PM   المشاركة رقم: 533
المعلومات
الكاتب:
اللقب:
مشرفة المنتدى العام


البيانات
التسجيل: May 2010
العضوية: 164962
المشاركات: 9,827
الجنس أنثى
معدل التقييم: ام البنين عضو ماسيام البنين عضو ماسيام البنين عضو ماسيام البنين عضو ماسيام البنين عضو ماسيام البنين عضو ماسيام البنين عضو ماسيام البنين عضو ماسيام البنين عضو ماسيام البنين عضو ماسيام البنين عضو ماسي
نقاط التقييم: 5994

االدولة
البلدSaudiArabia
 
مدونتي

 

الإتصالات
الحالة:
ام البنين غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

نقف هنا...
همسة محبه..فضل النوافل..
1 - أنها مما تُنال به محبة الله ، كما في حديث أبي هريرة وما يزال عبدي يتقرب إلي بالنوافل حتى أحبه . رواه البخاري .

2ـوالمحافظة على هذه الركعات من أسباب دخول الجنة؛ لما ثبت في صحيح مسلم،

عن أم حبيبة رضي الله عنها ، أنها سمعـت رسول الله ـ صلى الله عليه وسلم ـ يقول( ما من عبد

مسلم يصلي لله كل يوم ثنتي عشرة ركعة تطوعًا غير الفريضة ، إلا بنى الله له بيتًا في الجنة )) [ رواه مسلم: 1696 ].
.
.
نلتقي اذا كتب الله لنا عمر يوم السبت القادمـ..=)


جزيتي خيرا على التنبيه ولاحرمك الاجر فالكثير غافلون

انا قارئه جديده بس الي ابي اعرفه زوجة جسار ليش تخون انتقام مرض او احساس بالنقص

وعناد وحياته غامضه يبلي ارجع اقراه من جديد

 
 

 

عرض البوم صور ام البنين   رد مع اقتباس
قديم 16-10-10, 01:06 PM   المشاركة رقم: 534
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,105
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
Congrats

 

باااارت راااائع ضمضم يعطيك العافيه

والله القفله قويه على رغم إننا متوقعينهاالله يصبرنا للسبت

على قد مافرحت في إنكشاف سيوف حزنت على جساااار والموقف اللي إنحظ فيه

ياخوفي يسير له شي من الصدمه ومغرفته باللي تسويه سيوف في العمل

أكيد راح يذكر كلام عناد عنها وراح يشك إنه كان عارف وماقال له
وراح يلوم عناد إنه خلاه على عماه ومايدري إن اللي مخبيه عناد

عن سيوف أعظم وهو خيانتها له اقل شيء راح يسويه راح يطلقها

عناااد

راح يسكت وماااراح يقول لجسااارعن حب سيوف له حتى مايزيد عليه
الألم بصدمه ثانيه

سيوف

يمكن تنهاااار لما يواجهها جسااار وتعترف بكل مصايبها وياخوفي

تعترف بحبها لعناااد مادااام هي خاااربه خاااربه او كردة فعل

على طلاق جسااارلها

ياااسر

الله يستر منك حب إثبات وجودك وحقدك على الراسي اوعلى عناد
وجسااار وين بيوديك


الظبي

إنت الجانيه على نفسك أجل هذا كلام تقولينه لطارق بس
الإعتراف بالخطأ فضيله وزين إنك إعترفتي إنك السبب ولو إنه
ماعاااااد ينفعك

منتظرين جديدك المميز على أحر من الجمر بالأخص ردة فعل جسااار

 
 

 

عرض البوم صور فيتامين سي   رد مع اقتباس
قديم 16-10-10, 01:13 PM   المشاركة رقم: 535
المعلومات
الكاتب:
اللقب:
عضو ماسي


البيانات
التسجيل: Oct 2007
العضوية: 53753
المشاركات: 10,534
الجنس أنثى
معدل التقييم: ارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عالي
نقاط التقييم: 740

االدولة
البلدIraq
 
مدونتي

 

الإتصالات
الحالة:
ارادة الحياة غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم
مساء الورد
ضمضم
ما شاء الله ضمضم حقيقي تطور اسلوبك في تقدم ملحوظ
الله يحرسك
جزء اليوم قمة يستحق أن يكون الجزء الوحيد في هذا الاسبوع لانه جزء بتقدري متعب بالكتابة
الله يوفقج عيوني
لندخل معمعة طلاق الظبي
احسنت التدرج بالاحداث واجدت اختيار سبب الطلاق فالحر لايقبل بالاهانة والرجل لا يرضى أن يتفضلوا عليه اهل زوجته حتى وأن كان بالاسم ويلغوا جده واجتهاده
لو كان ما قالت الظبي صدر عن مقرن او بتال وكانت الظبي البلسم الذي يشفي جراح طارق لوجدها زوجة تحترم زوجها وكان يمكنه غظ الطرف عن تصرفات الاهل
ولكن الاهانة منها هي من تراه بالعين الصغير حبها له وحبه لها لم يقف بوجهها وتمتنع عن اهانته وأن كانت بقمة غضبها
هذا لايعني انها لاتدرك ما تقول فما قالته هو ناتج عن تفكير داخلي كان حبيس دواخلها والغضب هو من فتح له الباب وانطلق بوجه طارق دون أن يتراجع
وطارق رجل بلغت المشاكل بينه وبين زوجته في اقصى مراحلها
أبتلع شكها وتذمرها ولكنه بالتأكيد لن يبتلع اهانتها
لن نقول أنه كان يبحث عن الزلة لكي يطلقها بالعكس لم أرى في شخصية طارق ما يدل على أنه يرغب بالزواج بهنادي او يرغب بطلاق الظبي
كل الاحداث التي حصلت في هذا الجزء والتي حصلت بالاجزاء السابقة تؤكد وبوضوح ان الظبي هي من دفعت الامور حتى وصلت الى ماوصلت
عموما طارق والظبي شخصان غير متفهمان الحب جمعهما اول الامر ولكن الحب وحده لايبني علاقة زوجية أن لم يدعم بالتفاهم
وفي كل الاجزاء نرى أن نقاشات الظبي مع طارق كانت تنتهي
بطريق مفتوح لا يتوصلون الى نتيجة مرضية او نقطة وسط للتفاهم
كل النقاشات تنتهي بورقة مقلوبة سطورها لم تكتمل والحكاية فيها مبتورة
وبتراكم الأوراق كان لابد لهذه الحكاية المبتور أن تنتهي
لان طارق استخدم اسلوب الاجبار وكلمة الرجل يجب أن تسمع والظبي اعتادت على نقاش الرجال وأن تبدي رأيها ويؤخذ به
فعليه طريقهما مختلف
الظبي بحاجة لمحاور فكري فهي مثقفة وغير عنيدة أن استخدم معها الاسلوب المناسب

ياسر ومجمل تصرفاته
ضمضم احسنتي
فهل هناك تهور يفوق تهور من حرق قلبه هذا حال ياسر
حتى ردة فعله على طارق لانه ضرب الظبي كانت ردة فعل من يرغب بأن ينفس عن غضبه بأي شخص ولايهم من هو هذا الشخص وحتى جملته عندما

اقتباس :-  
قال ياسر\الظبي مايجي منها خطى..دايم هي المره العاقله المتفهمه ..اكيد انه قاهرها بشي او شايفه عليه شي

اهذه هي الظبية ذاتها التي كانت النقاشات بينهما تحتد وفي احد المرات طارق هو من اسكتها
هل حقا ياسر مقتنع أن الظبي لاتخطئ ام انه الغضب من يقوده بكل جوارحه
وبعدها يقوده في خطوة مبكرة من نوعها الى مكتب جاسر
وخطوة غير مدروسة تماما حركتها امواج الغضب داخله
الراسي اصبح في عقر منزله وتملك من حب كان له طول السنين
فجعل هجوم جسار على مقرن مساوي لخطبة اخيه لحبيبته
وجائت خطوة الانتقام مبكرة ومهينة وأليمة
انتقام رجل استوطنه الغضب وحركه الحقد ووجيعة فقد المحب
فهل نرى ياسر نادم على ما فعل لاحقا وبذرة البراق الطيبة تزهر داخله طيبة ليعرف ما ارتكب
رغم عدم تعاطفي مع سيوف
الا أن من المؤلم روئيت انكسار رجل شريف واثق من نفسه
ومن شرفه ولكنه يكتشف أن الخيانة والغدر الذي كان يعتقد انها تتربص به بالخارج
يجدها في عقر بيته

بشوق كبير جدا جدا انتظر بهاء سطورك
وفقك الله غاليتي

 
 

 

عرض البوم صور ارادة الحياة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوكـ وعناد وبدايات الحب.., مبدعة أستمرررري, آبـــــــــــــــــــــــــــــــــــــــــــــداع...., لو أجيب كل عبارات المدح ماراح اوفي قصتك حقها من الأبدااع, اويييها واعرس البارون اوييييها والحلوان على شوشو, بتال&فلك آحلى ثنائي, بعض العيون حقدها في نظرها, يا الغوالي الاجزاء سبت واثنين..ضمضم, يا ناس وه فديت مقرن و ساري بديت احبهم, جسار للظبي<<مااتنازل, حصريا ولأول مرة العقيد عنااد آل راسي من ممتلكاات النوري ..فاهمين ..فيس يهدد هههه, روابط جميع الاجزاء با الصفحه الاولى..., عنااااااااد أسطوووره لن تتكرر ..وهـ بس فديت ابو رعووودي .., فديت أحسن وأحلى كاتبه ضمضمــ, نظره حقد 20 في صفحه 75--نظره حقد21في صفحه 83, نظره حقد 22 في صفحه 88--نظره حقد 23 في صفحه 96, نظره حقد 24 في صفحه 107, نظره حقد 26 في صفحه 127, نظره حقد 26 في صفحه 128, ضمني بين الاهداب, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t140889.html
أرسلت بواسطة For Type التاريخ
ذ¯ذ½ذ´ذµذ؛رپ This thread Refback 03-07-15 12:28 PM


الساعة الآن 08:53 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية