الــــدرب الثاآآمن ..

( والتقينـــا بعد ما فرقناآ القدر ) ..






لحظةٌ عجيبة ....
تلكـ التي أقف فيها عند محطة الألم ....
ولا أملكـ إيقاف سيل العبرات....
رغم شموخ اللحظة ...
********************************
وعندما سحرتني عيناه ..... صارعتُ دوي الشوق لاحتضان مقلتيه ....
ومضيتُ أداعب الظلام .... وأصرخ : دعوني أسيرته .... ولينتهي زمن الألم ....
سأعزف على أوتار الوله .... وترتفع نبضاتٌ متقطعة حائرة بكياني ....
فجعبتي على حافة هوة مطر ....
تلملم هشيم الذكريات ...
وتنافح زمجرة الهوى ...
وترسم أنّات الصبابة بقلبي ....
.
.
.
اعذرني سيدي ...
ولأبدأ حكاية سحر مقلتيكـ ....
شيءٌ في خاطري كان يناجي طيفكـ .... يحن له ... يسكب مداد الوله .... دون أن أعلم ...
عالمٌ من الحيرة يجتاحني.... وتتخبط بي أحداثٌ تصبّ وابل حرّها على روحي ....
تتصارع موجات الحنين بقلبي ...
لتمحو ضحل الحياة ...
بقرع شرفات قلبي ....
ولتخط رسالةً جد دافئة ...بقلم الروح والجسد والقلب .....
ولن تجدَ حروفكـ مستقراً سوى قلبي ...
تحمل في جنباتها ... أبسط علامات الصفاء .... وتُسمعني همهات البحر من نسيم حبكـ ...
.
.
.
وحين يخبو طيفكـ معانقاً عالم اللا بقاء ... يبقى السؤال مطرقاً ...
وتعتاد الدموع النزول على ضفاف وجنتي ...
كيف ترحل وقد غدت عيوني لكـ سكناً ؟؟!

ومن الناآآحيه الثانيه ريمـ في غرفتها .. الغرفه الهاآآديه الي تحتضن فرحتها وشوقها و لهفتها ..
وقفت عند الشباآآك المغطى با الستاير .. الي يطل على صاآآلة الافراآآح من اعلى .. فتحت شي بسيط من الستاره الي يخليها تشووف النــاآس .. اول ما ناظرت قدامها شافت طاوله فيها جدة بندر و عماته .. يسولفون ويضحكون ويناظرون في بنتين مروا من قدامهم .. وبعد ما راوحوا جلسوا يتكلمون فيهم ..
التفتت في جهة اليمين وشافت البنات الصغار يلعبــون .. ولابسات فساتين منفشه وطويله .. الي لابسه ابيض والي لابسه احمر
وثانيات اخواآآت لابسات فساتين وردي مطقمات ..
فجأه غمضت عيونها وتكرت الماآآضي و الطفوله البريئهـ ويوم كانت تلبس هي وعبير فساتين مطقمه .. وتذكرت اول يوم با العيد
يوم تهاوشوا على الفستان الاحمر والوردي ..
قالت في نفسها : ليت الطفوله ترجع لو يوم لو ادفع ثمنها حياتي ..
وبعد ما تذكرت طفولتها و ماضيها الجميل الملئبا الذكريـــاآآتـ حلوها ومرها ..
وتذكرت كيف كان قلبها اسير لبندر الي سعت اياآآم واياآآم عشان تشوفــهـ ..
ابتسمت بصمت .. لما ايقنت ان ما عاد بينها وبين وبندر حواجز .. وراح تدوم محبتهم للابـــد ..

رجعت وطلت للمره الثانيه من الشبــــاآآكـ .. وناظرت قبالها طاوله فيهاآ شلة بنات يعلقـــوـون ويضحكون و ثلاث منهم
قاموا يرقصون و الباقيات يشجعونهم .. تذكرت في ها اللحظه صاحباتها الي ما يقدرون يحظرون ليلة عمرها ..
الليله الي انكتبت فيها من نصيب بندر ..
و قالت وكأنها تواسي نفسها : انشاء الله اسوي عرسي با الرياض و يحضرون ويشاركوني فرحتهم .

مسكت جوالها و اتصلت على ســــاآآرهـ ..
ساره : الو .
ريم : السلام عليكم .
ساره : وعليكم السلام .
ريم : من العايدين .
ساره : من الفايزين .
ريم : تتوقعين اش عندنا الليله .
ساره : وش عندكم يا حظي ؟؟
ريم : اممممم حزري فزري .
ساره : يووووه ريموه مالي خلق افكر يا الله قولي لا تقهريني .
ريم : ملكتي الليله .
ساره متفأجاه : لا صدق .
ريم : اي وربي جد .
ساره : و ليه ما عزمتينا .
ريم : اتصلت عليك انتي ودلال بس ما تردون انتي مغلق ودلال ما ترد .
ساره : لالالالا قهري .
ريم تقاطعها : بس ادري اني لو عزمتكم انكم ما راح تجون ؟؟
ساره : لا عاآآدي اجي و احظر قبل النأآآس .
ريم : هههههه لا ما تقدرين لان ملكتي با الديره .
ساره : ايوه قولي كذا بغى يطيح قلبي .
ريم : هههههه الحمد لله ما طاح .. وكل ذا عشان مناآآسبه .
ساره : ايه ما اغر وش حارق رزك .
ريم : انا حرقت رزك ههههههه .

كانت ساره صديقة ريم في الجامعه .. كانت علاقتهم قويه وجلستهم ما تنمل كلها ضحك ووناسه .. بس لازم في كل جلسه يقعدن يتناقرون ..
بعد ما قفلت من عندها السماآآعه .. بقت ريم دقايق صمت ..

مها : يا ويلك يا ويلك .
ريم تحط يدها على قلبها : وش فيك خرعتيني ؟؟
مها : العريس جاي .
ريم تدنق راسها و في داخلها قلب ينبض شوووق ويد ترتعش خوف ووفي خارجها ملامح خجوله ..
مها : الله يعينك بندر يلاحظ كل شي .
دخلت هيفاء الي تدف عربية الشبكه : معليك منها تراها كذابه اخر واحد يلاحظ بندر .
ريم : يارب تعدي على خير انتي واختك خليتوني بين نارين .
البنات : هههههههه .
هيفاء : مها يا الله جيبي القاتوه والعصير .
مها : طيب .
ريم في نفسها : ياويلي بنشرب عصير ونأكل قاتووه فشيله .
تدخل بشاير : هلا هلا با العروس ..
هيفاء : و انتي ع الريحه .
بشاير : لا يا حبيبتي انا جايه عشان اشوف بنت خالتي و اواسيها .
ريم : ههههه بسكم خناق مو وقته الليله خلوها فرح . الا وين امي وعبير و مشاعل ؟؟ .
بشاير : تحت جالسات .
ريم : اجل تكفين يا بيشو اندهيلهم يجون عندي .
بشاير : تامرين امر الليله بس .

وبعد شويـــاآآت ترجع مها ..
مها : اش رايك يا عروسه با القاتوه والعصير ؟؟
ريم با بتسامه خفيفه : حلوه .
مها : من ذووق بندر .
ريم : عشان كذا حلوه .
صمت ثواآآآني ,, بانت فيه ملامح ريم الخجوله ..
مها : وش فيك ؟؟
ريم : خايفه مررررره .
مها تقلدها وبنفس الصوت : خايفه مرررره . وش منه خايفه ؟؟
ريم : مدري .
مها : ادري من بندر و الله الله الي يشوفكم اول مره تشوفون بعض و الا من اول مغامرات اخر الليل عشان تشاوفون والحين خايفه ؟؟
ريم : ههههههه
و يجون هند ومشاعل وعبير .
مشاعل : ريميتي وش فيك ؟؟
مها تتدخل : تقول خايفه .
مشاعل : وش منه خايفه ؟؟
ريم : مدري .
مشاعل : لا تخافين واسمعي مني ها النصايح .. انتبهي ترى الرياجيل مافي ادق منهم .
هند : بشويش عا البنيه ترى موناقصه خوف وحياء .
مشاعل : وش منه تخاف وتستحي و الله يا بعد ثلاث اربع سنين من زواجهم يتمنون ها الليله ترجع .
هيفاء : انا ادري عيشي حياتك ..
ريم تبتسم وتبقى صامته ..
مشاعل : اكمل نصايحي والله الله با الحياء وشوية دلع بس عاد مو ماسخ و مو تمدين ها البرطم عشانك خايفه
ويقول غاصبينها علي .
البنات : ههههههههه.
هيفاء : ماشاء الله يا مشاعل عليك نصايح خطيره .. وينك عني قبل اتزوج ؟؟
مشاعل : كنت عانس زيك .
تقاطعهم ريم : عبير اتصلي ع المصوره وشوفيها جت وا لا لا.
عبير : اتصلت عليها قبل ساعه تقول في الطريق .. وتدرين انتي ديرتنا مقطعه .
هند : وانت يابنتي وشلك وشل المصوره ووجع الرأس .
ريم : لازم عشان الذكرى .
مها : للذكرى و عشان تحطين صورته في حضنك كل ليله قبل النوم .
البنات : هههههههه .

ويطق الباب ..
وتروح له مها تجري .. وتفتح الباب ..
مشاعل : هاه زي ما قلتلك وانا اختك اهم شي الثقل .
ريم : انشاء الله .
مشاعل : ولا تحطين عينك بعينه يقول جريئه .
تقاطعهم مها : جبنا سيرة القط جانا ينط وها هي المصوره جت .
اخيرا اخذت ريم نفس عميق وحست ان الخطر راح عنها ..

نسررين المصوره : السلام عليكم .
البنات : وعليكم السلام .
نسرين : وين العروسه ؟؟
مها : وهاذي يبيلها تفكير في غير القمر قمر عندنا با الغرفه كاخي الي لابسه رمادي و احمر .
نسرين : ماشاء الله تبارك الله البنت بتحلي الصور .
ريم تدنق : مشكوره .

و تطق الطقاقه اغنية ( حمام جانا .. ) وفي دقايق كل الي في الغرفه ينزلون عشان يرقصون .. ز ما باقي غير القليل .

ريم مع كل دقيقه تمر يزداد نبض قلبهاا اكثر و اكثر شوق وحب وخوف .. وودها الوقت يمر ويجي وتشوفه بعد غيبة سنين .. وودها الوقت ما يمر خوف من لقاآآه ..

وبعد دقايق رجعوا كل الي كانوا با الغرفه ..


يدق جوال مها : هذا بندر .
ريم تزبن بقووه .
مها : الو .
بندر : مهاوي هذاني عند الباب افتحي الباب .
مها : طيب .
تقفل السماعه .. وقلب ريم ينتظر على احر من الجمر ..
مها : خلاص بندر جاء ..
و راحوا خواتها وامها وخالتها وبنتها بشاير يلبسون العبي ,,
وهي تجمدت في مكانها ..و صدى كلمة مها ماآآغاب عن اذنها .. كاآآن قوي الاثر في نفسها ..
خلاآص جاء بندر .
خلاص جاء الحبيب .. جاء الغايب .. جاء و بيشوفني قدام الملا و نفرح والكل يفرح لفرحنا ..
خلاص وداعا للبعد و الفراآآق ..
لحظات اتجمد فيها الدم في عروقها ووقف في اقصى شرايينها .
وقفت بثقل عند المرايه .. وجاءت بشاير وعدلتلها وزادت باودر وبلاشر .. وعطرتها لين دخل العطر داخل انفها ..

وفي الخـــارج . .
تفتح مها الباب لبندر العاشق المشتاق من بعد اعز الناس .. الي كان في ها اللحظه مو مصدق روحه و مو مصدق الي هوفيه الحين .. ما باقي له غير خطوتين ويوصل بعد ما قطع المسافات عشان شوفتها .. بعد غياآآب
سنين و سنين ..
ويدور في باله .. كيف بيشوفها ؟؟ باقي طفله والا تغيرت .. و يتسأل هل هي باقيه على الصوره الي ما اغفى
الا وهي في عيوني ولا تغيرت ؟؟ ..
ها الحين وفي ها اللحظه بيشوفها ويتحول الحلم الي باتوا يحلمون فيه لياآآلي وااقع ..
مها : بندر وش فيك هيا نرقى عندهم ما باقي وقت ؟؟
بندر : هاه .. يا الله داخل .
مها : وش فيك مفهي ؟؟
بندر : مو مصدق الي اعيشه .
مها : اقول صدق صدق من قدك ها الحين ريم الي جننتنا بها كاتب علبها الليله .

ويمشون وتفتح مها الباب على صوت غطاريف الحريم ..
لحظتها ريم اخذت نفي عميق وهي مدنقه من كثر الحياء .. شعورها كان فرحه وشوق وخجل وجراءه خفه وثقل وتغلي ..
كل ها التنقاضات بقلب ريم اختلط احساسها ببعض من بعد ما شافت بندر ..

اما بندر واقف عند الباب الي يغطرف و الي يطق با الطبل و الي يرقص طبعا مها وهيفاء ادج بنات با الدنيا ..
حس في لحظتها ان اللارض مي شايلته من الفرحه ..
وبعد ما كان حاط راسه با الارض ..

رفع راسه و ناظر بريم الملاآآك الي عجزت عيونه ترمش من شوفتها ..
طول ورزره جسم متناسق لابعد الحدود ..
و لابسه فستان رمادي فاتح منفوش فيه من الوسط فيونكه حمراء مرصعه بكريستالات بنفس اللون .. فستان ناعم يناسب عمرها ..
وفاتحه شعرها الناعم الكثيف الاسود الطويل الين نص الظهر .. مع رفعه بسيطه للقصه عليها تاج فضي ونا زله منها طرحه رمادي..
ووجهها الصغير بخدودها البارزه الي اذا ابتسمت تبان غمازتها .. و حواجبها السوداء المرسومه .. و عيونها الناعسه المتوسطه برموش كثيفه تخليها كحيله .. وانفها السيافي انتهى بفمها الصغير المرسوم با الابتسامه المايله الجذاآآبه ..
ملامحها بشكل عاام جذابه وطفوليه ..

كل ها اللحظات واقف ما يرمش عيونه ومو مصدق الملاك الي كبرت وتغيرت وغيرتها الايام والسنين ..
ابتسم لها من دون ما تشوفه .. وكانت ملامح الخجل تكتسيها ..
بعد ما صحى من الواآآقع الجميل الي يشبه الحلم .. مشى خطوتين وسلم على خواته وجدته و امه باس راسها ويدها ..
وتذكرت انها وافقت واهدته اعظم هديه في الدنيا ..

من الجهه الثانيه بعد ما حست با انشغاله .. رفعت عيونها وشافته .. انصدمت و انذهلت من شكله ..
وتقول في نفسها : يا الله تغير .. ما كأنه بندر الاولي كانه رجال ثاني .

دققت بهدوء في ملامحه الرجوليه طويل مره و قمحي .. حواجبه عريضه و مرسومه عيونه وسيعه ورموشه كثيفه و انفه واقف ..
بسكسوكه عريضه ..

فجأه انتبهت على نفسها وهي تلاحظ ملامحه بعمق .. ودنقت .. وبعد ثواني قليله وقف قبالها وخامسها ..
وضمت يده يدينها .. الي ضم فيها اصابعه با اصابعها بقووه .. سحبت يدينها .. وحط ت عينها بعينه ..
وقرات الفرحه الي تنطق بها عيونه .. استحت ودنقت راسها ..

قالها : مبرووك .
ريم : الله يبارك فيك .

جلس بجنبها .. هو في كرسي و هي في كرسي ..

وشغلوا خواته استريوا اغاني موضي الشمراني .. و جلسوا يرقصون ..
لحظاآآت تمر ثوانيها و دقايقها كما الحلم ..
هو يقول في نفسه : معقوله الي انا فيه انا اليوم لريم وريم اليوم لي .
تقول في نفسها : ما بيني وبينه غير شبرين.. اااه يا قلبي احسه بيوقف ..
يقول في نفسه : وش ها الريحه الحلوه .. اكيد ريحة عطرها .
بعد لحظات صمـــت طويله ..
التفت يمين وقال : كيفك ؟؟
زادت دقات قلبها : بخير .
.
.
المصوره كانت تصورهم .. و مها وهيفاء يرقصون مع امهم .. وفوزيه جالس با الكنب و الابتسامه ما تفارق وجهها وتقول في نفسها : الله يسعدهم . اما بشاير بجنب امهم دمعت عيونها وهي تتذكر ان ريم بتروح وتخليها في يوم من الايام .. قسمت دمعتينها
بين دمعة حزن لفرقى توأم روحها ريم و دمعة فرح لارتباط ريم بحلم حياتها .. صحت من افكاره وهي تسمع صوت مها
تقولها : اش فيك ؟؟ ليش زعنانه ..
بشاير : فرحانه و زعلانه لريم .
مها : ونسيتي لا تقولين غيرانه نعنبوك البنت ملكت بعد طلعت الرووح وتبكين .
بشاير با ابتسامه ممزوجه بشوية حزن : بس تذكرت انها بتروح و تخليني .
مها : وين يعني بتموت .. و الا اقلك نزوجك سلطان و تصير حماتك ..
بشاير : لالالا فكينا .
مها : هههههههههه هي كفي دموووع يخليك لي .

و بجنب بشاير في الكنبه مشاعل الي تناظر في ريم با عجاب وتقول في نفسها : حياء و حلاوه اسم الله عليها الله يحفظها .
و عبير الي واقفه بجنبهم لان مالها كنبه وكانت تراقب المصوره .. كانت تقاسم اختها فرحتها الي تشوفها بعيونها ..
و اخير هند الي تحس انها طفلتها ريم راح ترو ح منها بيوم من الاياآآم .. دعت لبنتها با السعاده والتوفيق ..

وقفوا المسجل عشان يجتمعون عند بندر وهو يلبس ريم الطقم .. ويغطرفون ..
جابت نوير الطقم الي كان في يدها و ترقصبه طووول الليل .. وحطته ع الطاوله الي قبال العرسان ..
مها تطلع السلسال وتقول : تفضل يا عريس و لبس عروستك .
بندر با بتسامه عريضه : تسلمين .
ياخذ من يدها الطقم ويقرب من ريم عشان يلبسها العقد .. وهي تقرب منه .. اخيرا حس في ها الحظه بريحتها الي ما تغيرت ولا غيرها الزمن .. جلست يتنفس هواها .. ويستمتع با الحظه وهي تحس با نفاسه قريبه منه .. لمس رقبتها .. الي حست في لحظتها با احساس غريب .. احساس حب و لهفه ودها لو تمسك يده الي لامستها من ثواني وتضحظنها على صدرها ..
بس لجل يحس وش كثر نبض قلبها .. حاول يلبسها العقد بس ما عرف .
مها : هات هات الله يهداك كل هذا حياء . و اخذت منه العقد و لبستها ..
وجاء ها الحين دور الخاتم ..
يدها ترتجف عروقها تنبض .. مسك الخاتم بيده .. و مدت يديها و لمسها للمره الثانيه ولبسها الخاتم .. الي زاد حلاوته انه في يديها ..

عبير : اخذي الخاتم ولبسيه ..
و بكل هدوء و شفافيه .. تمسك الخاتم .. وهو مد يديه الي اخيرا بتلمسها يد ريم .. وبكل خبث وهي جايه تلبسه الخاتم نزل اصبعه على تحت عشان تطول وهي تدخله .. ويحس بلمسة يديها الي انحرم منها سنين ..
ومع صوت الغطاريف و الدق با الطبل .. و الرقص ..
مدت مها عليهم القاتووه و عطت ريم شوكتها وبندر شوكته .. الي حطوها عا الطاوله .. بعد ما مسكوا يدين بعض وهم يقطعون القاتووه با السكين ..
و اخذ شوكته و اكلها .. و اخذت شوكتها و اكلته.. وبعدها بدقايق شربوا بعضهم العصير ..

مها : يا الله يا حريم يا الله يا بنات نطلع برا ونخلي العرسان مع بعضهم ..
وطلعوا الكل ما باقي الا مها اكثر وحده تحرج في الدنيا ..
مها : هي عاد لاوصيكم بوسوا بعض و احضنوا بعض ترى ما عندكم الا بس ربع ساعه ..
وتطلع وتقفل الباب ..
الا مع صوته زبنت ريم ..
و اخيـــــــــــــــــراآآ الحلم تحقق .. اخيرا التقوا ببعضهم قدام الناااس .. اخير انكتبوا بها الليله من نصيب بعض ..


بندر يلتفت و يقول : كيفك ؟؟
ريم : بخير . انت كيفك ؟
بندر : انا بخير دامني اشوفك .
رجع وعدل جلسته .. والشوووق ينبض داخله و الحب يجري مع دمه في عروقه ..
وهي الخجل غامرها و الفرحه تحتضنها .. و الحب يدغدغ مشاعرها ..
بعد صمت التفت وما قدر يقاوم الملاك الي بجانبه .. جلس يكحل عيونه بشوفتها .. التفتت و عطته نظره عابره و ردها خجلها
و دنقت .. قال عشان يبي يرجع ويتامل وجهها : طالع قمر اليوم .
ريم ردت بخجل : تسلم .
بندر بجرأءه : الله يسلمك .
رجع ودنق راسه وهو مغمض عيونه و يرسم ملامحها في باله .. انمحت ورجع عشان يشوفها وقال : كيفك مع الجامعه ؟؟
ريم : تمام .
بندر : هاه باقي شاطره و الا تكسلتي .
ريم با ابتسامه خجوله : مثل ما كنت .

لحظـــــــاآآت صمت طويله .. في الغرفه الي تحتضن فرحتهم و شوقهم وحبهم .. في داخل كلن منهم وده يلم ويضم الثاني
ويحضنه يمكن يطفي لهفة الشووق من خمس سنين ..
بس انبنت بينهم حواجز كبيره من الصعب كسرها في يوم وليله .. يمكن عشان كبروا وكبرت معاهم عقولهم و يمكن عشان غابوا
عن بعضهم سنين ..

ناظر الساعه في يده وحس ان الوقت راح وراحت 10 دقايق يعني ما باقي الا القليل .. الي يعبر فيه عن مشاعره و احاسيسه ..
قال : وحشتيني .
ابتسمت ودنقت راسها : ......
قال : و انتي انا وحشتك .
هزت براسها بمعنى نعم : ..........
قال : لا عشان اصدق لازم اسمعها منك .
قالت بعد ما اخذت نفس عميق : وحشتني .
قال : ااااااه حي ها الصوت والله عساني ما انحرم منه .
ابتسمت : ..........
قال : الله لايحرمني من ها الابتسامه ..
دنقت رأسها ..
وجلسوا في ثواآآآآآني صمت ثانيه و اخيره ..
بندر : ريم ممكن طلب ؟؟
تذكرت كلامه زمان وقالت بدون تردد : امر
بندر : ما يامر عليك عدو . ممكن تحطين عينك بعيني .
دنقت : .............
بندر : تكفين ريميتي .. لا تحرميني نظره اتمنى شوفتها من ازماآآن .
رفعت راسها بخجل بعد ما اخذذت نفس عميق وهي ترجع خصله من شعرها على ورى .. وناظرت فيه .. شافت في عيونه وطن من الفرحه والسعاآآده ما حستها في مخلووق من قبل ..
و هو شاف في عيونها البرأه و الحب الخجول .. الحب الباقي على مر السنين ..
قال وهو يناظر في عيونها ها القصيده ..


ياعينها ماترحمين المجاريح اللِّي مشاعرهم غرامك جرحها

ويا شعرها لا تنثني لي مع الريح صورتك طول فراقنا مامسحها

بعــــد ما نزلوا من الدرج وخطوا خطوه .. ضربتهم الجده با العصا على قفاهم .. بعد ما كانت منخشه ورى الدرج ..
بشاير بصوت عاآآلي : يمـــــــــــا .
عبير با ستغراب : جدتي !!
الجده نوره : حسبي الله عليك انتي و هي حرقتوا مواعيني .
رجعت وضربتهم با العصا .. بعدها طلعوا للدرج منحاشين على صوتها .. وهي تدعي با الله لايوفقكم و ياخكم .. والله يوريني فيكم يوم ..
دخلوا على ريم الي كانت ميته ضحك على اشكالهم ..
بشاير انقطع نفسها من كثر الجري .. اما عبير صاير وجهها اشكال الواآآن ..
بشاير بصوت متقطع : ويــــن نروح ؟؟
ريم : هههههههههههههه تستاهلون ما جاكم ؟؟
عبير الي نتاظر من فتحة الباب : يا ويلنا وصلت .


بشاير الي حاطه يدها على قلبها : هيا ننخش ..
عبير : وين ؟؟
ريم : بشاير انخشي تحت السرير .
عبير الي حاطه يدها على خصرها : و انا ويــــــــن ؟؟
ريم : اممممم في الشنطه .
عبير : وشهو ؟؟
قرب صوت الجده وعصاها الي مرتكزه عليه وهي تدعي ..
عبير تزبن : ريموه وين انخش ؟؟
ريم : قلتلك با الشنطه و انا اغطي الشنطه با العبايه .
و تروح عبير و تدخل في الشنطه و تغطيها اختها ريم با العبايه ..




تدخل الجده : وينهم يا علهم بحمى ما يقومون منها .
ريم التزمت الصمت وهي تكتم الضحكه : .........
الجده : وينهم يا ريم ؟؟
ريم : مدري .
الجده بعصبيه : لا تكذبين انا شايفتهم بعيوني الثنتين داخلات ها الغرفه .
ريم : ما شفتهم يا جده الله يهديك بس .
الجده : لا تكذبين .
ريم التزمت الصمت ..
الجده : لا تعلمين بس انا قاعدتن لهم هنيا على قلوبهم ثم والله لو المح زول وحدتن منهن لا اقطع جلدها بها العصا .
ريم با استهبال : ليه اش مسوياآآت ؟؟
الجده : سو سواتن ما تنتسوى علهم ما يربحون نعنبوهم لاعبات في مواعيني و محرقين صحوني مسوين كيكات مع ذا الصباح جعلهم بمغص يقطع مصارينهم .
ريم ببرأه : الله يهديهم .
الجده بنظره خبيثه : ايه ايه يعنني ما اددري عن سواياهم اقول تكلمي قبل اكسر العصا فوق راسك .
بشاير الي كانت منخشه تحت السرير الي جالسه عليه ريم ما قدرت تتمالك نفسها وضحكت بصوت منخفض بس واضح ..
الجده تهز براسها : والله اني اتعين صوت يمك من اصوات اللعينات . . سكتت ورجعت قالت : وينهن يا ريم ؟؟ .
ريم : مدري .
تضربها الجده با العصا على صوت ضحك خفيف من عبير الي با الشنطه وبشاير الي تحت السرير ..

. اما با الرياض و تحديدا با الاستراآآحه .. دخل بندر تحمم اول ما وصلو .. و بعد دقايق طلع لقاء رفيق دربه متعب .. فارشله فراآآآشه ..
بندر : يخليك لي .
متعب : اميـــن بس ريح وراك مشواآآر طويل .
بندر : اآآآآه وي ارتاح .. صادق الي قال الحب عذاآآب يا اخي صورتها في بالي مي راضيه تروح عني ..
متعب با ابتسامه : الله يوفقكم ويسعدكم .
بندر : اآآآمين .
و يحط راسه ع المخده وجواآآله بيده : متعب ,
متعب : سم .
بندر : في جوالك رسايل ؟؟
متعب : من وين لي رسايل و الله مغير الاتصالات ترسلي .
بندر : اكيد .
متعب : خلنا ننام يا ابن الحلال .
بندر : طيب .
تغطى با اللحاف على كامل جسده و فتح الجواآآل و كتب رساآآله با اسلوبه لغلاتهـ ريم .. (( صبـــاح الحب لا اغلى مخلوقه با الكوون .. صباآآآح الشوق لاحلى ورده با الدنيـــأ .. احبـــــكـ ( بندر ) .. ))
خانه التعبير او با الاحرى خانته حروفه وكلماته و عبارته و هو يعبر لها ع مشاعره .. لان الحب با القلب مو بس با الكلامـ ..



وصلتها الرساآآله و اهي جالسه بغرفتها و لابسه بيجامتها الفوشي والاصفر با الوانها الممزوجه الي عطتها نعومه وبرأه اكثر واكثر ..
مسكت الجوال وفتحت الرســـاآآله الي كانت اخر توقعاتها انها تكون من بندر ..
زاآآد نبضها تجمد الـــدم بعروقها ..
تنفست بعمق ان دل دل فرحتها ..
ودها تصيح ودها تطامر وتعبر عن فرحتها مثل الاطفال ..
ودي ترقص .. ودها تبكي .. ودها وودها بس الحب حلاته لاكــان مكبوت با الداخل و يتغلغل با الاعمـــاآآق و يلعب با المشاآآعر بفرحتها و يزيد حبها وشوقها ..

فتحت عيونها بعد ما كانت مغمضتها و راسمه ملامحه داخلها .. با ابتسامته بعيونه و نظراته الغامضه وحركاته و تعابيره ..

وصلت لاخر سطر ( احبـــــــــكـ ) بندر .. حست ان الكـــوـون غير و الدنيا غير ..

قالت الجده : والله اني ودي اطق المذيات الي حرقوا قلبي على قدوري بس بروح ارعى غنمي ازين لي .
ريم بعد ما انقطع حبل افكارها : الله معـــكـ . اقوم اوصلك .
الجده : لالا رجلي توصلني .
طلعت الجده و قفلت الباب على صوت بشاير وريم الميتاآآت ضحك ..


صحا الســــاعه 10 ونص بعد نوم 3 ثلاث ساعات و عليها
فتح جواله عشان يشوف الوقت لقى رساله منها .. ( ما في احلى من صباحك و الشمس تنور حياتك و اكون اول مسجاتك و اقول يسعد صباحك ) ..

ابتسم بلهفه و شووق وحب لها غمضت عيونه و تذكرها كيف كانت طفله بفستاآآن العيد تلعب ببرأه ..

و تعيد من بيت لبيت عشان تأخذ عيديتها .. ابتسم و هو يتذكر يوم اخذ السله من جدته .. و عطاها حلاوات ..

قال : سبحان الي كتب حبها بقلبي .. غمض عيونه وقال باآآه : بس غير عن كل البنـــات . هي ملاآآك . فتح عيونه وهو يرسم ملامحها .. في ليلة البــارح .. وهي لابسه فستانها الرمـــادي و الاحمر .. وكيف كانت قمر .. كيف كانت جميله و الاجمل برأتها .. و ما زالت ملامح الطفوله مرسومه فيها ..
قال في نفسه : الحمد لله الي خلانا نلتقي بدرب واحد بعد ما ضعنا في دروووب الوداع .. الي مشيناها ..

قام ولبس غترته و ثوبه وكـــان متلهف لشوفتها .. او حتى انه يلمح زولها ..

نظـــــــرة الامس ما تكفيه ..
و نظـــــــــره اليوم وباآآكر ما تغنيه ..
يمكن يمووت وهو ما شبع منها .

ركب سيارته .. و قفل الباب بعد ما فتح جواله و ارسل رساله لمتعب (فمــــان الله انا ماآآآشي ) ..


ورجع يقرا و يعيد في رسالة غلاته ريم .. رااآآآح لمحل ورد قريب من الاستراحه و خذا ورده حمراء و غلفها و كتب على البطاآآقه .. ( احبــــك عدد ما قالوا العشـــاق كلمة احبك .. احبــــــــك عدد ما سطرت الاوراق كلمة احبك .. بنــــدر ) ..و مشــــى راآآجع للديره و في انتظاآآره قلب ينبض بحبه ..

صحت ريم في اخر ســــاآآعات العصر .. و لبست برمودا جينز كحلي و توب وردي صارخ .. و فتحت شعرها الناعم الطويل ..

و كحلت عيونها بعد ما حطت قلوس وردي على شفايفها ..

و نزلت و كان الكل متجمعين ما بين خالاتها و اهل بندر و الكل انبهر من جمالها الي ما ابالغ فيه اوصفه با الجنوني بل الجمال الجذاب الناعم ..



نوير : هلا و غلا بمرة ولدي .

ريم با ابتسامه خجوله : السلام عليكم .

الكل : و عليكم السلام .

نوير و هي تناظر ريم وما نزلت عينها منهاآآ : و الله ما اخطاء بندر يوم اختارك من بد كل البنات .

دنقت ريم رأسها :..........

فوزيه : يا لبى الحياء اسم الله على بنت اختي زين و الي محليها زود حياها .

نوير : اذكري الله .

فوزيه : ذكرنا الله و ماشاء الله تبارك الله .

هند : بسكم على بنتي احرجتوها .

الحريم : ههههههههههه .



و قبل المغرب جابت ريم القهوه و تقهوا الحريم و كانت جمعتهم حلوه .. و اشتكت الجده نوره من بنات بناتها الي حرقوا مواعينها و جلست تدعي عليهم .. وسط ضحكاآآت البنات عليها و لوم بناتها على بناتهم و ما سووه ..



يتبع >>>>>>>



اذن المغرب ..

الله اكبر الله اكبر
..............

لااله الا الله









نوير : هي فمان لله .

ام هند : بدري و انا خالتك .

نوير : لا والله دوبنا يا خالتي .

ام هند : الله يعين .

نوير الي قامت تلبس العبايه : مع السلامه .

الحريم : الله معك .

نوير و هي طالعه مع الباب : هاه لا تنسون باكر الفطور عند ام مرعي و الغداء عند بيت ابوفالح .

ام هند : خير انشاء الله ..



كان العيد في القريه جميل و يتسم با البساطه .. كان اروع من الرائع و لقد يخونني التعبير حينمااصف تلك القريه با جوائها وهدوئها ..
عادتها في العيد يصحون في الصباآآح الباآآكر و كل يوم الفطور عند ناآآآس و بعد الفطور يروحون يعايدون ناس ثانين
و بعدها يتغدون ويرجعون البيت .. و العصر كانت القهوه يوم في بيت الجده ساره و يوم في بيت الجده نوره ..
اما البنات كان نظامهم غير ما ينامون الا ساعات قليله .. ينومون بعد صلاة الظهر و يصحون اخر العصر وبعد العشاء ينامون للساآآآعه 11 قبل منتصف الليل بعدين يصحون ويسهرون في الدكه الخارجيه للبيت .. و غالبا ما يمرون اهل القريه و يخاصمونهم على الجلوس في الخارج بعدها يضطرون انهم يروحون السطح ..

بعد اذان المغرب و با التحديد في بيت ام نوير ..
بندر الي جالس و متكي عا المركى : هاه كيف حال العروس اليوم ؟؟
نوير : و الله بخير .
مها : اآآآآآآآه تذبح ياهي ناعمه .
نوير : صلي على النبي .
مها الي تسوي حركات بعيونها :ماشاء الله هي حلوه بس مهيب ازين البنات .
تدخل بندر : بس انها ازين منك .
مها : وشو وشو ؟؟ لا انا ازين منها .
بندر الي حقرها : اجل يما انا ما اختار الا الزين .
هيفاء تفز للمغاسل و ترجع الي في بطنها ..
بندر : اش فيها هيفاء لها يومين مو عاجبني حالها .
نوير : تعبانه و تقول انها تونس وجع في كبدها .
بندر : و ورى ما تروح الدكتور ؟؟
هيفاء تدخل وهي حاطه يديها على بطنها :لا ما يحتاج .
بندر الي عاقد حواجبه : وش ما يحتاج انتي عاجبك حالك اليوم ؟؟
هيفاء و هي تجلس : ما فيه الا العافيه .
بندر :اقول امشي معي للمستوصف .
هيفاء : بندر خلاص قلت ما يحتاج .
بندر : لا حول و لاقوة الا با الله هاه بكيفك .
هيفاء الي التزمت الصمت .. و تعودت انها تلتزم الصمت في مثل ها المواقف ..كانت كاتمه في داخلها الااف الهموم
و الاحزان متزوجه من 4 سنوات و ما حملت ..خالد زوجها يتمنى الاطفال بس يكابر و يحاول يخفي حبه للاطفال قبالها .. و للاسف ما خلوا مستشفى ما راجعوا فيه بس الكل اجمعوا ان مافيهم شي .. و يبقى السر كبير ..
هيفاء خايفه من المواجهه .. و خايفه لاتروح للمستشفى .. و تنصدم وهي الحين بعد اليأس لا زال عندها بصيص
امل .. كل ما تأملت يأست .. و كل ما ابتسم لها الزمن عبس في وجهها .. كل ما فرحت من قلب يأست ..


اما في بيت الجده نوره ..
البنات الي كانوا عككس الناآآآآس.. جالسات في السطح الواآآآسع مع اجواء الظلام الدامس .. و البـــرد المتوسط ..
طبعا ما يبون السطح لانه كاتم بس للاسف ابو سعود شافهم في الدكه و طردهم با الحجاره ..
مها : الله يلعن ابو سعود يا كرهي لها السطح .
ريم : لا تلعنين حرام قولي الله يهديه .
مها : اقول ليتك ساكته .
بشاير : ههههههههههههههههه ريم اتركي عنك الفلسفه .
ريم : انا ما قلت الا الصدق .
مها : الله الله بندر اليوم يقول ما اخذيت غير الزين .
ريم با ابتسامه : طبعا حبي انا الزين كله .
بشاير : يا ربيه عا الثقه . اقول مهاوي لا تنفخين راسها .
مها : اي والله .
عبير المتأففه من ابو سعود : راسي مصدع ابي قهوه .
بشاير : احلمي با القهوه جدتي مقفله المطبخ و حاطه المفتاح تحت المخده .
عبير : اووووف وش ها البخل .
مها : ايوه تستاهلون حوف التفنن و التطبخ أخر الليول .
بشاير : اش نسوي اشتهينا حلا و صار الي صار .
عبير : ايوه وبعدين اذا حرقنا مواعينها و صحونها وش يعني ؟؟
ريم : حرام عليكم وش ذنبها خايفه على اغراضها .
بشاير : طيب خايفه على مواعينها حنا بنأكلها يعني .
عبير : عاد العجايز ما يسفطون على اغراضهم .
مها : ههههههههه معليه نتحمل .
ريم الي تتأمل في السماء : سبحان الله النجوم هنا ارووع لها معنى احسها زينة السماء .
بشاير : ايه ليشنه هني ما فيه انوار الدنيا ظلام .
عبير الي تناظر فوووق : اي والله .
يرن جوال مها ..
مها الي تناظر في الرقم : هاذي امي .
مها : الـــــــو .
نوير : وينك يا بنت الذين .
مها : ويني يعني سهرانه عند البنات .
نوير الي تشهق : الله يفضحك فضحتينا عند العربان وش موديك عند الناس اخر الليل ؟؟
مها : يما ياحيي اسهر عندهم .
نوير : عساك الوما امشي قبل اتصل على نايف يوريك شغلك .
مها الي فزت : لالالالالا خلاص جايه .
بشاير : وش فيك فزيتي خرعتيني .
مها الي حاطه يدها على قلبها : نايف نايف يا ويلي .
بشاير : وش فيه عسى ما يدري انك هني .
مها : لالا هاذي امي تبيني اجي بسرعه .
بشاير : بس امك اقوووول اقعدي .
مها : لالالا مستحيل اقعد تبين نايف يدري و يحش رجولي .
عبير بكل برود : روحي روحي الله يستر عليك هي خاربه خاربه من يوم خربها علينا ابو سعود جعله الوجع .
البنات : هههههههه

اما بندر كان جالس با الصاآآآلون و حاط رجل على رجل ويتابع القناه الاولى برنامج عن العيد و لقاءت مع الناآآآس ..
بعد دقايق طفش و قام ..
دخل الغرفه .. لبس البيجامه .. و تبطح ع السرير ..
تذكرها بنعومتها ورقتها ابتسم .. فتح جوأأأله وشاف رسالتها اليتيمه في جواله .. قراها و حس بكل كلمه فيها ..
ابتسم و هويناظر في رقمها الي ما تردد و لا للحظه انه يتصل عليه .. ضغط على اسمها ( قلبـــــكـ ) ..
و اتصل ..


هي الي كانت في السطح مع البنات شهقت وحطت يدها على قلبها .. و قالت : اتصل .
بشاير تطمر عندها : ردي بسرعه .
ريم مصدومه ومي مصدقه الي بيصير معها و تحس الدم تجمد في عروقها : مقدر .
بشاير : وشو وشو الي ما تقدرين .
عبير : مجنونه ردي .
ريم و يديها الي فيها الجوال ترتجف : خايفه .
بشاير : اقول ردي والا انا رديت .
ريم الي تناظرها بنص عين : لا و الله ما تردين .
بشاير : اجل ردي .
ريم الخجوله : لالا مقدر .
عبير : ااااخ بس بشاير هيا نرميها هي وجوالها مع السطح .
بشاير : هيا .
ريم : لالالالا اتركوني بحالي .
عبير : لا هيا بشاير .
و يشيلونها و بعد خطوتين رجعوها من صوت صراخها الي خافوا يصحي الجده ..
ريم : وجع . انا رايحه وانتم في حريق .
بشاير : قلعه فكه منك .
عبير : يا علك تطيحين ويتكسر جوالك اوصال

وقبل طلوع الفجر .. الكل في الخارج ..
و فارشين بساآآط عند الباب ..

الجده ام هند :هند يا بنيتي انتي الي اخبزي فوزيه خابره خبزها مهب زين .
فوزيه : خبزي مهب زين هاه يما خلاص انا زعلانه .
هند : ههههههههه
بشابر : ليه يا جدتي تقولين عن امي ان خبزها مو زين با العكس ابوي دايم يمدحه .
الجده : وانا الصادقه ما قلت ا لا الصدق .. سكتت شوي وقالت : اقول فوزيه شبي لنا النار الجو باآرد .
فوزيه : طيب بس الحطب وينه ؟؟
الجده : عند البل .
فوزيه : يا الله يا بنات روحوا جيبوه .
بشاير : يا ربي بعيد .
الجده الي تهشم با العصا : قمن رحن بلا دلع .

و بعد ما مشوا البناآآت ..

فوزيه : يما شوفي نوير طالعه ويا بنتها .
الجده : علامهم ؟؟
فوزيه : و نوير ما سكتها من يدها شكلها تعباآآنه .
الجده : يدافع البلا . و تنادي : نوير نوير .
نوير بصوت عالي و هي بتركب السياره : سمي يا خاله .
الجده : علامها هيفاء .
نوير الي ركبت السياره : مافيها الا العاآآفيه .

و راحوا لاأقرب مستوصف قريب من الديره ..

اما البناآآت فكانوا رايحين يجيبون الحطب الي كاآآن بعيد شوي من البيت ..
مع بداية شروق الشمس ..و على صوت العصافير .. و في نسيم الصباآآح البارد .. و كانت السماء ممتزجه بنور الصباح المشرق و ظلام الليل الدامس ..
.. فصباآآح البر غير عن اي صباآآح ..

و ما ان مرت ربع ساعه حتى رجعوا البنات الى البيت بعد ما دقوا على مها الباب و نادوها للفطور عندهم ..



************************************************** ************************************************** ******************************************

في قلب العاصمه ( الــــــرياآآض ) ..
و تحديدا في الا ستراآآحه الي يجتمع فيها الشر من كل صوب .. استراحه سلطان واخوياآآه ..

كان حاط الغتره على كتفه و الطاقيه و عليها العقال فوق رأسه .. متكي على المركى و قال بنظرات حاده : مرعي الليله او بكره فهد جاي الرياض لا اوصيك عليه .
مرعي : ابشر طال عمرك .. بس كيف اجيبه .
سلطان الي نزل السيجاره من فمه : شغل مخك و خلك رجـــاآآل .
مرعي : الي تأمر عليه .
سلطان : و الله لو تاطا رجوله الاستراآآحه ما راآآح يطلع منها الا وهو تحت سلطتنا .









في المستوصف و بعد ما وصلوا له بعد ربع ساآآعه ..

بندر يفتح باب السياره و ينزل و يطلع نظارته الشمسيه : هيا انزلوا .
نوير الي ماسكه يدين هيفاء : هيا حبيبتي بشويش على عمرك .
و نزلت هيفاء بصعوبه و بعدها دخلوا للمستوصف القديم الاثري الي يفي بغرض ..

اما هو فراآآح يتمشى في الهواء الطلق و لابس فروته .. و متلثم بشماآآآغه ..

عند الدكتوره .. وفي مكتبها وبعد ما كشفت على هيفاء ..
: انتي متزوجه ؟؟
هيفاء الي تناظر في امها بنظرة فرح ممزوجه بشوية خوف و الم : ايه .
الدكتوره : قد حملتي او سقطتي قبل كذا ؟؟
هيفاء : لا .
الدكتوره : الف مبرووك انتي حامل في الشهر الاول .


ماآآغاب صدى الكلمه عن اذنها .. يروح ويرجع .. يا الله صادقه و الا كذابه .. و الا انا سمعت غلط ..
تجمدت كلها .. تى عن الفرحه عجزت لا تبوح ..
في داخلها مـــاآآت اليأس .. و فاز الامل ..
انجلى الظلام الي داخل عيونها .. وشافت النور الي ما شافته من اربع سنين ..
اكتفت بدمعة فرح تعبر عن مشاعرها ..
احضنتها امها وجلست تبكي ..

بعد ما خذوا نصايح الدكتوره ووصفاتها .. طلعوا من المستوصف .. مع نظراآآت بندر الي فيها اسئله واستفهاآآمات .. عن سر فرحتهم بعد دخولهم حزينين .. وخروجهم على العكس تماما ..

فتح باب السياره الخلفي و ركبت هيفاء .. اما نوير فجلست قداآآم ..
شغل السياره : هاه وش فيها هيفاء .
نوير : حامل ,.
بندر : لا صدق .
نوير : اي الحمد لله من فضله .
بندر : مبرووك .
هيفاء الي في صوتها نبراآآت فرح : الله يبارك فيك .
بندر : هاه ابشر خالد .
هيفاء : لا تكفى خلها مفأجاه .
بندر : طيب .
هيفاء : بندر متى بنرجع للرياض ؟؟
بندر : يا اليوم او بكره .
هيفاء : ممكن اطلبك طلب .
بندر : تأمرين امر يا ام وليد .
هيفاء با ابتسامه : نقدر نرجع للرياض اليوم .
بندر : ليش ؟؟ معقوله كله شووق لخالد .
تقاطعه نوير : تبي تبشره .
بندر : اها خلاص جهزي اغراضك بعد العصر نمشي .
هيفاء : الله يخليك لنا و يوفقك ويا ريم .




بعد مارجعوا للقريه ساآآدت اجواء الفرح انحائهاالبسيطه .. بسبب حمل هيفاء بعد زواآآج سنين ..
حتى كادت ارضها ان تبتسم .. من كبر حمل الفرحه التي سادت قلوب ابناء هذه القريه ..
من الجميل ان نكون يدا واحدة في افراحنا و الآمنا .
و من الجميل ان تقاآآسم فرحك لاناآآس عده .. و تتيقن ان الابتسامه التي تراها في وجوه هولاء الناآآس انت من رسمها ..
كانت تحتضن هذه الارض الطيبه اناآآس طيبون لا يعرفون للاحقاد و الحسد طريقا .. و لم يسمحوا له ان يعيش بينهم ..
فغريب في هاذا الزمـــأآن ان نرى بمثل هذا الترابط ..
غريب فعلا في زمن الاحقاآآد زمن يفرح الناآآس لحزن غيرهم .. ويحزن ناآآس لفرح غيرهم ..

في غرفة الجلوس .. و هيفاء تجهز اغراضها و ملابسها وتحطها با الشنطه ..
مها : هيفاء لا تروحين و الله بدري ..
هيفاء : وين بدري يوم ويخلص العيد .. وبعدين لازم ابشر خالد في اسرع وقت .
مها : كلميه با الجواآآل و بشريه .
هيفاء : بس ودي اشوف ملامح الفرح في وجهه .
مها : اوووخص يا الرومنسيه . قطعت كلامها و هي تقول بحسره : بس قهررر هو العيد كم يوم ؟؟
هيفاء : انشاء الله اعوضكم السنه الجاآآيه .
مها : كح كح و البيبي عندنا . الاصدق هيفاء وش بتسمينه .
رمت هيفاء الملابس من يدها و ناظرت فوق وهو تفكر : اممممم اذا ولد يسميه خالد واذا بنت بسميها لورا .
مها : يو يو و مارح تسمينها على اسم اختك الوحيده مها .
هيفاء : ههههه الثانيه انشاء الله .
ضمتها مها .. وضمت معها فرحتها الي غابت من سنين ..
طق الباب و راحت مها تفتحه : ياهلا و يا مرحبا .
مشاعل : وين هيوفه ؟؟
مها : داخل .. و التفتت ورى مشاعل و قالت للبنات : حياكم تفضلوا .
دخلت مشاعل و ضمت هيفاء صديقة طفولتها .. الي ما فارقتها الفرحه والابتسامه و لادقيقه ..
مشاعل : الف مبروووك على احلى خبريه .
هيفاء و الدمعه في عيونها : الله يبارك فيك ؟؟
مشاعل الي تمسح دموع هيفاء بيديها : له له لا شو كل ها الدمــــوـوع ؟؟.
هيفاء بنبرة فرح : دمــوووع الفرح يا مشاعل .
مشاعل : عسى الله يسعد ايامك .
دخلوا بشاير وعبير و ريم و سلوا على هيفاء و باركولها .. و الابتسامه ما فارقتهم و لادقيقه ..
الفرحه عمت ارجاء المكـــاآآن و كل قلب فرحته اقوى من القلب الثاني .. كلهم ملتمين حول هيفاء ..
بقلوب تنبض لفرحتها ..
مها : خفضوا اصواتكم بندر لايصحى .
مشاعل : يا فضحي فضحاآآه . اسكتوا لاتنقدونا مع الرجال .
بشاير : طيب .. طيب .
التفت يم هيفاء وهي تقول : تذكرين الاياآآم الخوالي يوم كنا نتميلح قدام رياجيلنا .
هيفاء : هههه يا زينها من اياآم كنا ندور شوفتهم و ها الحين دابلين كبودنا ودنا بس الفكه منهم .
مشاعل : و انتي الصادقه . لا ونقول انشاء الله كلها كم سنه ونشوف عيالنا يلعبون في الشارع .
هيفاء : هههههههههه .
مشاعل : و الحمد لله تحقق الي في بالنا .
هيفاء تقاطعها : و يعيدون السنه الجايه معنا .. و انتي يا مشاعل يا الله احملي .
مشاعل : و الله لو يدري سامي يذبحني عاد هو يقول دراسه و اطفال مافي .
هيفاء : ها يا الله اخلصي دراسه بسرعه و جيبي خطيبة ولدي .
مشاعل : هههههههه لا ولدك اخذيله بنت بندر وريم .
هيفاء تحط يدها على قلبها : لالالا فكينا من بنات بندر .
تقاطعها ريم الي حاطه يدها على خصرها : وش فيهم بناآآتي .
هيفاء : بيطلعون عفاريت لا صارلوا مثل ابوهم .
ريم : هههههههه.
تكمل هيفاء : اما لو طلعوا مثلك بسحب على بنات مشاعل .
الضحكاآآت عمت ارجاء الغرفه الصغيره ..
و حلفت هيفاء ع البنات انهم يتغدوون عندهم .. وقامت مها تطبخ بمساعدة ريم ..
و بعد نص ساآآعه جهزوا الغداء الي كاآآن عباره عن معكرونه با البيتزا .. و سلطه ايطاليه من يدين ريم.. و حلى غذاء ..
تغدوا البنات و رجعوا للبيت قبل صلاة العصر بشويـــاآآت ..
اذن العصر ..
و صحى بندر الي رن جواله من المنبه .. دخل و تحمم عشان يأخذ شوية نشـــاآآط وحيويه ..
ونزل رايح للصلاه ..
نوير : بندر و انا امك اقعد تغدى .
بندر : مايمدي الحين فا الطريق اتغدى .
مها : اقول اقعد ثواني و اجهز السفره .
بندر : خلاص بتقوم الصلاه .
نوير : تكفى يا ولدي تغدى الجوع مهب زين .
بندر الي طلع الغتره و العقال و علقها ع الباب : ابشري يا الغاليه تامرين امر .
راحت مها و جابت الغداء .. و حطت السلطه عنده ..
عبس وجهه و ناظر فيها : وش انتي جايبتن لي ؟؟
مها با ابتسامه : الي شايفه .. ولايكون مو عاجبك ؟؟
بندر : على بالي ذبيحه . بس امري لله .
نوير : احمد الله ع النعمه .
بندر : الحمد لله .
ناظر في السلطه : شيلوا العلفاآآن عني .
مها ما قدرت تمسك الضحكه و ضحكت با اعلى صوتها : هههههههههههههههه .
بندر : اكل معكرونه .
مها : الله يخليك ذوقها و قولي وش رايك فيها ؟؟
بندر اكلها و ناظر في مها : والله طعمه .. مو انتي يا الرفلاء الي مسويتها صح .
مها بنظرة خبث : ......... مدري ؟؟
بندر : لا با الله قولي الي مسويها با اتغدى عنده كل يوم .
مها : هههههههههه من تتوقع مسويها .
بندر : وش يدريني بس مهب انتي .
مها : الي الي الي سواآآآآها ر ريم .
بندر : و انا اقول .. وش ها الاكل اللذيذ .. لبى قلبها و الله .
مها : هي امسح الصحن تكفى .
بندر الي ناظرها بنص عين : من غير .


بعد صلاة العصر و في المجلس .. حاطه رأسها ع المخده .. تتقلب ودها تنام بس ما جاها النوووم من كثر التفكير ..
و من ازعاج الاطفال الي يلعبون في الخارج ..شرعت و غميمه و علبة الوان و يغنون .
طاق طاق طاقيه
رين رين يا جرس
محمد راكب عالفارس

والدبه طاحت في البير
وصاحبها واحد خنزير
مين هوه مين..؟؟؟
انقلبت ع الجهه الثانيه .. و ابتسمت و هي تتذكر يوم كانوا صغار ..
وش كـــانوا يلعبون ؟؟
ووين كانوا يلعبوون ؟؟ و مع منو كـــانوا يلعبوون ؟؟
في نفس المكـــاآآن .. وفي نفس الزمــاآآن .. بس قبل اعـــواآآآم ..
السنين تمر ويكبرون الاطفال و يكبر معهم همهم .. و فرحهم وحزنهم ..
قالت باآآآآآآه : يا زين الطفوله الي راحت .. و ليتها تعود .. اخذت منها احلى هديه بندر ..
غفت عينها بعد صراآآآع طويل مع النووم ..
و رن جواآآلها الي ما ترددت انها ما تشوفه ..
ناظرته بعيوون ناعسه .. الرقم رقم بندر .. جلست و فتحت عيونها اكثر و اكثر .. و تنحنحت قبل ترد ..

ريم : الو .
بندر : السلام عليكم .
ريم : و عليكم السلام .
بندر : مساء الخير .
ريم لسانها ثقيل : مســــاء النوور .
بندر : كيفك ؟؟
ريم : هاه بخير الحمد لله .
بندر : وش فيك شكلك تعباآآنه ؟؟
ريم : لا ما فيني شي بس توني صاآآحيه .
بندر : اها اسف اتصلت في غير وقتي .
ريم : لا عاآآدي .
بندر : تسلم يمينك على الغداء اليوم .
ريم و هي تقاوم النوم : الله يخلي مها ساعدتي .
بندر : ايه بس طباخك ازين من طباخ مها .. مشكوره يا حيي من زماآآن ما اكلت ازين من ذا الاكل .
ريم : العفو .
بندر : و عشان ما اطول عليك .. حاب اقلك اني الحين ماشي.
قاطعته بملل : الله معك .
بندر : توصين شي .
ريم : سلامتك .
بندر : فماآآن الله .
ريم با الحاح : لحظه .. سكتت و قالت : انتبه على نفسك و لا تسرع تكفى .
بندر الي وصله احساسها : ابشري يا الغلا .. و اول ما اوصل اخبرك .
ريم : في انتظاآآرك .
بندر : مع السلامه .
ريم : الله معك .

قفل السماآآعه بعد ما حس با اهتمامها .. و شوقها و لهفتها و حس ان قلبها معه و خايفه عليه ..
قطع حبل افكاره هيفاء الي فتحت باب السياره و ركبت بجنبه ..

اما هي من الناآحيه الثانيه .. واقفه عا الاطلال عن الشباك الي شهد على حبهم سنين و سنين ..
ناظرته بشوق ولهفه نظرة مودعه لحبيبها الي ســاآآكن قلبها ..

هو جالس في سيارته السوداء المتواضعه ..
لابس ثوب اسود .. وغتره بيضاء .. و نظارت شمسيه معطيته رجوله وهيبه ..
التفت لهيفاء .. و جذبها شكله خشمه الواقف .. و تلقيمته الثقيله .. انتهى با ابتساآآمته الجذابه ..

قالت في نفسها : يا الله يا بندر تغيرت وصرت مملوح .. سكتت ثواني و قالت : الحمد لله صرت لي وحدي .

مشت السياآآره .. و شوقها يمشي مع السياره .. وقلبها ينبض معه ..
قفلت الشباك و حطت رأسها ع المخده .. وغمضت عينها .. و هي تشوف صورته قدامه .. ابتسمت قبل تغفو من تعـــب النــوووم ..



اما في السيـــاآره ..
مشغل بندر القرأن على صوت فارس العباآدي.. يقرأ سورة البقره .. و كــان باآآعث جو الهدوء و السكينه في السياآآره ..
هيفاء : وقف وقف .
بندر : اش فيه اش صاير ؟؟
هيفاء بتعب : و قف بنزل و ارجع .
بندر : طيب . اسم الله خرعتيني عا بالي فيه شي .
ووقف لهيفاء الي نزلت في الطريق .. و رجعت كل الي في بطنها .. و ركبت السياره ..
بندر : سلامتك .
هيفاء : الله يسلمك .
بندر : الدكتوره ورى ما عطتك علاج .
هيفاء : الوحم ماله علاج .
بندر با استغراب : معقوله .
هيفاء : ايه .. اصلا الحامل المفروض ما تكثر من العلاجــات و الادويه .
بندر : الله يعينكم يا الحريم .
هيفاء الي طفشانه من نفسها : و انتم يا الرياجيل لا تعب حمل و لاولاده يجونكم عيال جاهزين مجهزين .
بندر : هههههههههه .

****************************
ريحة العود الازرق .. و البخور .. ممزوجه مع ريحة القهوه و الهيل .. في عصر آخر يوم من ايـــاآم العيد ..

فهد : يا هلا و يا مرحبا ارحبو ارحبوا .
ريم تحت اللحاف ترتجف و هي تسمع اخوها يرحب في الضيوف .. و تقول في نفسها : يــــــــاربي وش اسوي ؟؟

ثواني .. و انفتح باب المجلس .. و دخل فهد الضيوف من رجــال الجماآآعه و فتح انواآآر المجلس ..

ريم تحت اللحاف مكتومه .. مخنوقه .. ما تدري وش تسوي ؟؟ الرجال دخلوا عندها با المجلس وهي نايمه ..
و فهد ما تنبه للوضع .. و يهلي ويرحب ..
كل ما للخطواآآت تقترب اكثر و اكثر ..
و كل ما للقلب يزداد نبضه اكثر و اكثر .. فضيحه قاآآدمه .. في نظرهم ..

جلس ابو سعود ( رعب بنات الديره ) .. وصوته يلعلع في ارجاء المجلس ..
قال : يا الربع وش ذا الي هنيه ؟؟؟؟
تحاول تبلع ريقها ما تقدر ..
تحـــاول تنفس ما تقدر .. مقيده .. مسجونه ..
فهد كانت صدمته قويه .. طاح وجهه قدام الناآآس .. تغير لونه ,, و هو يدري ان الي تحت اللحاف توأمه ريم قال : معليش يا الربع العذر و السموحه هاذي الخدامه .
الريجيل : لا عادي .
ابو سعود : غضوا النظر ليا منها قامت .
قامت بعد ما حست انها لازم تقوم ..
اصعب موقف مر عليها ..
وقفت رجولها ع الارض .. و مشت بخطواآآت سريعه خايفه ..
كانت حاطه اللحاف على وجهها اعلى جسمها .. و باقي جسمها باين ..
طلعت مع الباآآب ..
كيف شافت الباب ؟؟؟؟؟؟؟
كيف عرفت الطريق و هي مغطيه على وجهها با اللحاف ؟؟؟
يمكن يكون الي دلها على درب الباب خوفها ..
راحت للصالون .. الي مجتمعين فيه الكل .. و رمت نفسها في حضن امها .. تتنهد و ترتجف ..
هند: بسم الله عليك .. بسم الله عليك .
و تمسد شعرها و تقرأ اية الكرسي ..
فوزيه : وش فيها ؟؟ ريم ريم وش فيك ؟؟
تتنهد .. من كثر الخوف وهول الموقف ,,
الجده : الوكــاد ركبها جني حالها مهب عاجبني .
قاطعتها هند بعصبيه : يما لا تقولين جني و كلام فاضي .. ناظرت في ريم و قالت و هي تواسي نفسها : ما فيها شي .
الجده : اجل وش فيها ؟؟؟ ما اقول غير ودوها لشيخ يقرأ عليها .
هند : ما فيها شي هذاني اقرأ عليها .
بشاير : لا يكون سمعت عن بندر خبر مو زين .
مشاعل تشهق : هو في الطريق لا يكون صار فيهم شي .
الجده : اسكتوا فالكم ما قبلناه .

فهد بصــــوـوت عاآآلي : يا ولــــد .
بشاير تقوم وهي خايفه على مصير صديقة عمرها ريم .. و تدخل للغرفه الثانيه ..

مشاعل : ادخل .
فهد معصب : وينها ملعونة الجدف ؟؟
هند : اش فيه ؟؟
فهد : وينها و الله لا اقطع العقال فيها .
فوزيه الي قامت عنده : اش فيه قلنا سوت شي ؟؟
فهد الي مطلع العقال : فضحتني قدام العربان نايمتن في المجلس و دخلت الريجيل عندها .
البنات .. ما قدروا يمسكون انفسهم من الضحك ..
فهد الي يناظرهم بنص عين : وشوله تضحكون ؟؟
الجده : يا فضحي فضحاآآه عز الله انها فضحتنا .
فهد : انا اوريكم فيها .
هند قاطعته وهي تصرخ بعاآآلي صوتها : و الله ما تلمس منها شعره . هي وش ذنبها ما كانت تدري .
يقاطعها : بس .
هند : لا تراددني في كلامي .

طلع فهد وهو زعلااآآن .. مع صوت ضحكاتهم .. على الموقف الطريف المرعب في نفس الوقت ..

*****************************
اذن المغرب و ابتدأ يظلم الطريق ..
و الهدوء ســـاد اجواء السياآآره ..
بندر متـــابع الطريق .. و كل ما يسرع .. يتذكر وصية ريم و يرجع يخفف السرعه ..


اما هيفاء تتخيل كيف بتقابل خالد .. و توريه ورقة الكشف الي ضامتها يديها .. و مبتسمه و هي تتخيل
انه تنجب توأم بنت و وولد و تتخيل كيف يلعبون و يملون عليها البيت الفاضي من اربع سنيــن ..

اما هو يتذكر ريم في ليلة الملكه ..
و كيــــف كانت ..
يتذكر ابتسامتها الجذابه و غمازاتها ..
يتذكر حيـــــاآآها ..
و تخيل في ها اللحظه كيف تكون ليلة الزواآآج ليلة عمرهم ..
وكيف بتكون عروسه .. و انها راآآآح تصير ملكه بعد الزواآآج ..

كلن رسم صوره للمستقبل ..
صوره حلوه ملونه بجميع افراآآح الحيـــاآآه ..

هيفاء تتمنى الوقت يمر .. و تعدي تسعه اشهر و تنتظر احلى هديه في حياتها ..
اما بندر يبي الوقت يمر سنين .. و يتزوج ريم ..
احساآآآس حلو با انفاآآس سعــــاآآده كانت معطره جوهم ..

فجــــــــــــــــــــــــــــــــــــــــــأه !!





ينفجر اطار السياره ..
تصرخ هيفاء : وقف وقف .
بندر يحاول يسيطر على السيــاره .. يحاول يخفف السرعه ..
حـــــــــاول و حـــــــــاول بكامل قواآآآه و هويسمع استنجاد هيفاء ..
و يتذكر وصية ريم .. ويرجعله صدى صوته و هي تقول .. انتبه على نفسك ولا تسرع تكفى ..
بس للاســـف بكان القدر اقوى فقد السيطره ..
و قال : اشهد ان لا الــه ا لاالله . و اشهد ان محمد رسول الله .
و السياره تتقلب مع اوجـــاآآع هيفاء و صرخاتها واآهاتها ..

بعد ثواآآني
سكــــون وهدوء ساد المكاآآن .. مع اصواآآت الكلاب في الصحراء الموحشه ..
ظلام و ارض تحتضن ارواآآآح تعبـــاآآنه ..
اروواآآح باآآهات تستنجد .. و تناآآدي ..
ارواآآح في حاجتها اهلها و ناسها ..
بس اذا كتب رب الكـــــووون القدر ... مافي احد يقدر يعترض عليه ..
و يكتفي بقول ( انا لله وانا اليه لراآجعون ) ..

في ارض مجهوله ما يمر من عندها الا القليل ..
فيها اجســـاد مرميه .. ملطخه با الدماء .. و بجانبها اوراآق شبه ممزقه ..
صوره من عقد زواج بندر و ريم ..
و ورقة الي محتضنتها هيفاء ..

راآآحت الاوراآآق .. و راآآحت معها الامـــاآآل و الامنيـــاآآت ..

و يا دنيا ليه بعد الامل تألميناآ ..
و يا دنيا ليه بعد اللقاء تفرقينا ..
و يادنيا ليه بعد الفرح تحزنينا ..
ما كفــــاآآك يا دنيا ما سويتيه فينا ..
( ح )

ليه يادنيا دمعتي دايم تقتل ضحكتي
ليه الفرح يادنيا الحزن غايب عن حياتي
ليه على درب الوهم تسابق خطوتي
ليه الألم مخلوق فيني بكل حالاتي !!