الفصل الثلاثين
ما قبل النهايه) (
يبدوا ان السفينه التي تحمل الذكريات المسروقه بدأت تقترب من المرفأ
ها قد اقتربنا من النهايه *** اعزائي:
.
.
.
.
.
.
دخلت غرفتها وانهارت
تبكي بكى قوي لا مو هذا اللي كانت تتوقعه لما تشوفه كانت دايمن تظنه ينتظرها يحتاجها
ليه وش اللي سوته عشان ذا الحزن اللي ما وقف_ وش سويت يا رب وش سويت
ام هند دخلت وراها
ام محمد_ هند انتي بخير
هند جلست على سريرها وغطت وجهها بيدها _ لا ماني بخير يمه انا تعبانه والله تعبانه
............................................................ ........
هشام اللي مشتغل مخبر يخبر كل الاخبار لعبدالعزيز دون ما يطلبه دخل عليه الغرفه
هشام _ عرفت وش صار
عبدالعزيز وهو يلف اغراضه في شنطه
عزيز _ وش صار
هشام _ اولا وش قاعد تسوي
عزيز وقف شوي وقعد يناظر شنطته بعدين ناظر هشام وقال _ الف اغراضي طيارتي بعد ساعه
هشام ابتسم يشجع عزيز _ كذا احسن ...عموما هند امرها ابي انها تروح لسيف وتصدمه وتقوله انها زوجته من غير مقدمات تصدق انا راحمها لاني خايف من رده فعل سيف لذا الشي فاقد الذاكره ما يتقبل الحقايق بكل سهوله دايمن يكون عنده شك
عبدالعزيز قعد يناظر عمه وهو مبلم _ هند ايش
هشام _ ايش ما سمعت وش قلت
عبدالعزيز بدت تعابير وجهه تعبر عن غضبه _ انتوا باي حق تخلونها تسوي شي زي كذا انتوا مجناين تبونها تنصدم فيه
هشام _ عزيز هدي ابي اللي قالها مفروض تسوي كذا انتبه تتدخل
عبدالعزيز كلن وجهه مشدود على الاخير _ وليه ما اتدخل
هشام _ لان بكل سهوله مالك علاقه بالموضوع انت عارف ذا الشي
عبدالعزيز شال شنطته ورماها على الجدار فطاحت كل ملابسه
هشام _ عزيز
عبدالعزيز بصوت عالي _ اتركني لحالي هشام ابغى اكون لحالي
............................................................ ........
هند بعد ما خرجوا هلها وامها راحت بعد حاولت تخبي حزنها عليهم بس شكل ريم حست عليها وجاتها بعد ما طلعوا هلها بس هند ما قالتلها ولا شي
هي اللي بتحل الامور لحالها خلاص
نزلت للجد
وقالتله بللي صار
الجد _ انا مو فاهم ليه سوى كذا
هند بحزن _ عشانها صدمه مفروض سمعنا كلام شيلر
الجد_ لا ماهو مفروض انتي زوجته وماهو معقوله نخبي عنه ذا الشي انا راح اعامله كرجل قبل كل شي لازم يتقبل الصدمات ولازم يعرف ان له حياه ولازم يرجعلها
هند ناظرت الجد بالم _ بس مو بذي الطريقه انا حاسه اني غلطت غلطه عمري يا جد ما كان مفروض اروح اقوله كذا بطريقه غبيه
الجد_ هند روحي وخذي اغراضك وانقليها لغرفته من اليوم راح تجلسين عنده ولا تخرجين من الغرفه حتى لو طردك
هند تجمدت ايش قال
الجد _ هند
هند وهزت راسها وطلعت
خرجت من الغرفه ووجهها احمر كل شي الا ذا لا ما فكرت به بس هي وش تفكر به اصلا صدق غبيه
......................................................
دخلت غرفتها بعد ما ناظرت غرفه ضحى اللي مالها حس نهائيا
جلست على السرير زي المخدره ...ثواني و دق الجوال ارتجفت من الخوف كان المتصل ياسر
هند بحزن واضح _ الو
ياسر _ هند هند انتي بخير
هند_ ايوه بخير
ياسر _ صوتك مو كويس
هند ضحكت تخبي اللي فيها _ لا بخير ليه ما جيت مع خالد وريم
ياسر _ ما احد قالي راح اجيك الليل اصلا
هند تعبت اليوم كلن جاها هلها يتنابون عليها مسوين حراسه عليها
هند_ حياك الله
وماأن قفلت الجوال طاحت على السرير نايمه من الارهاق
............................................................ ...
طلع ياسر من بيت ال سياف .... شكل اخته حالتها النفسيه زفت وما سئلها عن سيف نهائيا مو ناقص مشاكل.. وهو طالع من البيت فيه ستاره تقفلت
...........................................................
ضحى قفلت ستارتها لما شافته دخل سيارته ليه هو الوحيد الي تحس بالم من شوفته عشانها رفضها ليه مو مثل عبدالعزيز ليه هو ما يبغاني .... ما اقدر استحمل مالي جلسه هنا ابغى اروح خلاص لازم اروح
........................................................
هند بعد خروج ياسر راحت لشناطها اللي عاد الملابس ما طلعتها منها
وشالت الاولى وطلعت من الغرفه
........................................................
سيف _ وش قاعده تسوين
هند ناظرته هي دخلت غرفته وهو ما كان موجود والحين يومها بتخلص ترتيب اغراضها جا
هند_ ارتب اغراضي
سيف بتعصيبه _ ترتبين اغراضك في غرفتي
هند كانت خايفه مره بس ناظرته وابتسمت ابتسامه كبيره _ ايوه ارتبها في غرفتنا
سيف ناظرها بعدم فهم _ تبين تجنيني شلي اغراضك واطلعي من الغرفه
هند ناظرت ملابسها بعدين ناظرته_ لا انا راح اجلس هنا
سيف _ يعني مصره انك تلعبين دور انك زوجتي
هند بإصرار_ انا زوجتك
سيف قرب منها ببطئ وقال بتساؤل غاضب _ انتي زوجتي ؟
هند لصقت في الدولاب وهو قرب منها
هند_ بعد
سيف بإستهزاء _ ليه انتي زوجتي
هند وهي تناظر الارض لانه قريب مره عارفه انه يبغى يخوفها بس ما راح تخليه
سيف قرب من اذنها وقال بصوت سام _ ما ابغاك انا ماني ناقص
وبعد وهو مازال يناظرها هند بقت تناظر الارض وقلبها يدق بقوه وما سمعت الا صوت باب ينقفل بقوه عرفت انه طلع
....................................................
ما طلعت من غرفته خلصت الترتيب ونظفت غرفته صدق الغرفه كانت غرفه واحد ما عنده هويه مافيه شي يثبت انه موجود فيها
جا وقت العشا لبست لبس حلو من الملابس اللي عطتها ريم لونه ازرق تركواز كان بسيط جدا تنفست بعمق ونزلت
دخلت غرفه الطعام الكبيره بس المفاجاه انه ما فيها الا الجد وفاديه وساره
الجد ناظر هند _ وين سيف
هند بتساؤل _ انا ظنيته هنا
فاديه ناظرت هند وقامت بسرعه من على الطاوله وطلعت الجد قعد يناظر الموقف باستغراب
الجد لساره _ وش فيها فاديه
ساره – ما اعرف يبه
هند جلست في صمت
الجد_ متى اخيك بيجي
ساره _ بندر ما اعرف يبه
الجد ناظر هند وفتح عينه على الاخير _ وش مجلسك
هند ناظرته باستغراب _ ها
الجد_ وش مجلسك روحي دوري لزوجك وخليه يجي ياكل
هند قامت هي جوعانه مره لا فطور ولا غدا ولا احد عطاها وجه
طلعت من غرفه الطعام ولاهي بعارفه وين بتروح
راحت للمطبخ وسئلت وحده من الخدامات بس ما احد شافه
هند وقفت قدام الخدامات ماهي عارفه وين تدوره
عبدالعزيز من وراها _ اذا تدورين سيف شفته عند النوافير
هند التفتت لعزيز اللي قده طالع من المطبخ ولا قدرت تقوله كلمه
...........................................
طلعت للنوافير لقته جالس على وحده من الكراسي المنتشره في المكان
سيف من غير ما يلتفت لها _ وش تسوين هنا
هند فرحت يمكن انه حس بوجودها _ بغيت ادعيك للعشا
سيف _ ما ابغى
هند _ بس انا ابغى وجدي مو راضي اجلس على الطاوله بدونك
سيف ناظرها بعدين رجع يناظر قدام _ شوفيلك حل ...ابغى اجلس لحالي
هند_ انا جوعانه
ما رد
هند ناظرته بقهر ليه معند شي يجنن ودها تروح وتعطيه ضربه على راسه ممكن يرجع عقله لمساره الطبيعي
هند ناظرته تبغى تشوف هو بيرد بس شكل مابه امل _ ابغى افهم ليه تسوي كذا ظ
تراجعت ورجعت للبيت
صدق جوعانه وما شافت حل الا انها ترجع للغرفه
دخلت غرفه الطعام ولقت قدامها عبدالعزيز اللي ما التفت لها نهائيا والجد وفاديه اللي رجعت وساره
هند بدت تتقدم لكن الجد التفتلها
الجد_ وين سيف ليه ما دعتيه
هند حست ان بطنها انخض _اااا....
وفي ذي اللحظه طلع سيف من وراها ومشى للطاوله من غير ولا كلمه
هند قعدت تناظره ومشت وراه منومه مغناطيسيا فيها ضحكه ماهي عارفه سببها
وهي ما زالت مبتسمه ناظرت سيف اللي كان قاعد يناظر صحنه وشكله ما يبغى ياكل
هند _ سيف تبغى احطلك من هذا (واشرت له على طبق )
سيف هز راسه بلا وما زال معبس
عبدالعزيز كان يتابع كل اللي قاعد يصير بدون تعليق ولا ناظر هند ولا لحظه لانها شوفتها عذاب ولا يحقله حتى يناظرها بس حاس فيها حاس انها فرحانه
عبدالعزيز قام
الجد_ عبدالعزيز بدري
عزيز _ الحمد لله
فاديه قامت ورا ولدها
سيف ناظر هند وشافها تاكل وقام بعد هو
هند- شبعت
سيف باستخفاف ما حسته الا هند _ المهم انتي (وطلع من الغرفه )
هند توقفت عن الاكل
الجد قعد يناظر هند بابتسامه _ ما شاء الله الحمد لله شكل سيف بدا يتقبلك
هند ناظرت الجد وساره بعدين قامت بدون تعليق
..........................................................
هند رجعت لغرفتها وقفلت على نفسها ما راح تطلع ما تقدر أي كلمه منه الحين راح تاذيها ليه صرت حساسه ليه
..................................................
عبدالعزيز رجع لغرفته وجلس بسكوت بس قاعد يناظر الا مكان وش اللي مجلسه هنا ليه ما سافر وخلا كل هذا وراه ...ليه ما خلا ذكراها تبقى ذكرى ليه يحب يعذب عمره
..................................................
سيف رجع غرفته وما قفل الباب وراه بالمفتاح ...........ليه ؟
.........................................................
صباح جديد
لا يحمل الامل ولا يحمل شي الا مصير مجهول لجميع من شهده
هند قامت على الساعه عشره اصلا هي ما نامت الا بعد صلاة الفجر ومازالت تعبانه هند قامت وهي مصره تحاول خلاص ذي اللعبه زادت عن حدها راح تحاول ...بس سيف لا يسوي معها شي
نزلت تحت وسوت فطور دخل عليها هشام وهو لابس لبسه حق الرسم هند بدون شعور تذكرت ثريا مو عارفه ليه
هند_ يا عم تبغى احطلك من ذا الفطور
هشام ناظرها والابتسامه مرسومه على وجهه السمح المحب _ لا مشكوره بعدين اسمي هشام طيب
هند_ طيب هشام بس ليه ما تبغى تاكل والله فطوري ما يتفوت
هشام ناظر اكلها بحزن _ ما اقدر اكل كل شي خيرها في غيرها
هند ناظرت وجهه باين عليه انه تعبان _ هشام شكلك ما نمت
هشام اللي شكله مو هامه شي _ لا بس ما شربت علاجي والتعب بدا يجيني لا تخافين
هند بخوف _ تعب علاج ليه انت مريض
هشام بخفه دم _ اووووه مريض من يوم يومي (ناظرها شافها خايفه ) ايش فيك لا تخافين يله روحي ودي الفطور الملكي لسيف
هند اللي قلبها يدق حست ان مرضه مو سهل _ وش عرفك انه لسيف
هشام ضحك _ من راح تعطينه يعني عبدالعزيز مثلا
هند ابتسمت _ ذكرتني خلني ابقي لعزيز شويه منه
هشام بصوت حازم شوي مغلف بالضحك _ لا تخليله خليه ياكل مع هلي فطورك خليه لسيف بس طيب
هند هزت راسها _ طيب تبغى شي يا عمي
هشام _ هشام (يذكرها )لا انا اصلا جاي اشرب ما بس
..................................................
هند دخلت المصعد وعبدالعزيز نزل من الدرج
دخل على المطبخ لقى عمه يشرب مويه
عبدالعزيز فتح الثلاجه وخذا دبه مويه
هشام _ وش مصحيك بدري
عبدالعزيز – ما نمت
هشام _ انا رايح للمرسم تروح معي
عبدالعزيز _ لا انا ناوي اركب الفرس
هشام _ اوكيه متى راح تسافر او ممكن افهم ليه ما سافرت لي الحين
عبدالعزيز ما ناظر عمه _ مو الحين ما ابغى اسافر الحين
هشام _ انت تظن انك تقدر تساعدها لا ما تقدر عزيز اسمع مني شي تعرف انك ما راح تملكه لا تبقى في مكان قريب منه
عبدالعزيز ناظر عمه بنظره لها الف معنى
هشام فهم _ ايوه يا عبدالعزيز خذني مثال ما كان عذبتها معي وانا عارف ان ما باقي من العمر اكثرمن اللي راح
عبدالعزيز ناظر وجه عمه اللي كان باهت ابيض مره اكثر من اللازم _ هشام شربت دواك
هشام _ خلاص خلاص رايح اشربه
وطلع من الغرفه ............................
هشام خذا كثير من امه شكلها طبعها الحنون ما خلى شي منها ولا بقى حتى جهاز مناعتها الضعيف وقلبها المريض هشام كان مريض مرض امه اللي ماتت بسبته عشان كذا كان مبعد نفسه من شغل ابيه واملاكه وابيه كان مهتم بذا الشي عشان لا يتعب قلبه الضعيف هشام عارف انه في يوم من الايام وبدون مقدمات راح يروح لامه ...................... فيه علاج اللي هو زراعه قلب بس هشام له قناعه خاصه فيه شي جيت به معي لذي الدنيا اروح وهو معي
............................................................ .
هند دقت الباب على بالها انه مقفل بس الباب كان مردود فتحته لقته نايم
هند ارتاحت ما كانت مستعده لمناقشه معه رغم ان معنوياتها مرتفعه اليوم
هند حطت الصحن على الكوميدنو
هند وهي تحط الصحن حست عين تراقبها ناظرت السرير لقته يناظرها
هند ابتسمت _ صباح الخير
سيف ناظر السقف بعدين جلس على السرير هند نزلت نظراتها لانه ما كان لابس بلوزه
سيف _ وش تسوين
هند اشرت على الفطور _ جبتلك الفطور
سيف ناظر الفطور _ ما اكل الصباح مو مفروض تعرفين ولا لا
هند فكرت انها عمرها ما فكرت اذا سيف ياكل فطور ولا لا
هند_ يعني ما راح تاكله
سيف ناظر الاكل وقام من السرير هند بعدت شوي سيف تجاهلها وخذا من الصحن شريحه من الخضروات المقطعه وكلاها
سيف..... مشى ودخل غرفه تغير الملابس وبعدها
هند ودها تجي من وراه وتضربه ضربه كارتييه بس ما تعرف
خذت الصحن اللي ما نقرب وطلعت من الغرفه وضربت الباب بقوه
نزلت المطبخ ولقت عبدالعزيز اللي كان قده بيخرج
عبدالعزيز التفت لها
هند حطت الاكل على الطاوله
عبدالعزيز _ الاكل لمن
هند ناظرته كانت مختجله منه جدااا _ لسيف بس ما يبغاه
عبدالعزيز حسها زعلانه ومع انه ما ياكل الفطور لو ايش _ تصدقين انا جوعان ممكن اكل منه
هند هزت راسها بقوه _ ايوه
عبدالعزيز رجع للمطبخ وجلس على الطاوله وفتح الصحن الاول وخذا الساندويتش وبدا ياكل
عبدالعزيز -_ اووووووووووووووه طعمه شي
هند من غير احساس ضحكت
عبدالعزيز فرح انها فرحت _ كاني في اعلان لمطعم ها بس خيال اكلك خيال
هند مبتسمه _ على كذا راح اطبخلك كل يوم
عبدالعزيز ابتسم طول ما جلس على الطوله ما ناظرها الا نظره عابره فرحته لما يشوفها فرحانه
.......................................
ايه راح تنسيني بس ما راح انساك
ليه يا قلبي تحب عذابك اه يا قلبي ما اقساك
وانتي يللي ملكتي كل شي تري في قلبي دايم مرساك
....................................
عبدالعزيز قام بعد ما خلص اكله _ مشكوره تسلم يدك هند وش مسويه مع ... سيف
هند _ ولا شي ما اعرف وش اسوي
عبدالعزيز _ حاولي تذكرينه سويليه اكل يحبه قولي كلمه تعني له شي ..المهم شي زي كذا
هند_ اكتشفت اني ما اعرف عنه اشياء كثيره حتى ما كنت عارفه ان ما يفطر
عبدالعزيز ابتسم _ هذا اثبات قوي انه من ال سياف احنا ما ناكل فطور بس عمي هشام عشان الحميه اللي مسوينه له
هند بحذر _ عزيز وش في هشام هو مريض بايش
عبدالعزيز _ تقدرين تسئلينه تريه مو سر هشام عادي عنده عموما انا اقولك عنده مرض القلب والمناعه حقته ضعيفه جدا هشام يجلس في المستشفى نص سنه كل سنه هاذي السنه جلس بس ثلاثه شهور
هند بصدمه واضحه _ ايش
عبدالعزيز ابتسم _ انتبهي تبينين لهشام انك زعلانه عليه هو ما يحب كذا
هند هزت راسها بدون مشاعر _ طيب هو راح يكون بخير
عبدالعزيز تغيرت ملامح وجهه _ لا ما راح يكون بخير اصلا من منا بخير صح
هند ناظرته وهو يطلع فهمت وش يقصد ودها تبكي بس ماتقدر
وكالعاده رجعت لغرفتها عشان تلم شتاتها وترجع لهم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
في العصر
هاله _ ثريا ايش احوالها بعد رجعه سيف رجعت نفسها ولا بعدها تعبانه
ثريا _ تريني مليت من اسئلتك دايمن تسئلين عنها ولا مره حاولتي تواجهينها
هاله _ ثريا تكفين جاوبي هي بخير
ثريا بنفاذ صبر _ ايه بخير محمد زارها ليه ما رحتي معه
هاله _ لاني ما ابغى اشوف هند
ثريا _ طيب اذا لا عاد تسئلين عنها
هاله _ ثريا خلاص تريك زودتيها
خذت شنطتها وطلعت من غرفه ثريا
هاله مشت ودموعها تملى خدودها ووقفت شوي ما عندها غير ريم هي اللي بتساعدها
دخلت الصاله لقت ريم وامها وعمتها
هاله _ السلام عليكم
الكل _ وعليكم السلام
هاله _ ريم ممكن دقايق
ريم عطت هند امها وقامت ومشت ورا هاله
هاله _ ممكن نطلع فوق غرفتك ابغاك بموضوع مهم
ريم _ لا معليه تفضلي البيت بيتك اقصد شقتي شقتك
هاله ابتسمت
دخلوا البيت
ريم _ تفضلي كيف الحمل معك
هاله _ الحمد مو متعبني مثل الاول
ريم _ طبيعي الاول كان تؤام ..ها وش الموضوع
هاله ناظرت الطاوله القريبه منها _ هند
ريم _ هند هند وش فيها هند
هاله _ بغيت اعرف اخبارها
ريم _ هند بخير اكيد عرفتي برجعة سيف
هاله دموعها بدت تتناثر زي الشلال _ ريم ريم ساعديني انا عارفه اذا رحت اشوف هند ما راح ترضى تقابلني بس انا ابغى اشوفها بموت لين اشوفها
ريم قعدت تناظر هاله اللي تبكي من جد
ريم بتساؤل _ هاله اموت اعرف وش سالفتك ليه تغيرتي محمد وبعدتيه ما قلنا شي زوجك وحره فيه بس معاملتك لهند وانك تحاولين تجين في اوقات انتي متاكده فيها ان هند مو موجوده في البيت شي غريب ولا له تفسير
هاله _ ريم وش تبيني اقولك عذري تافه بس وش اسوي ما قدرت ما قدرت اشوف هند وهي ضعيفه ريم انا هي الضعيفه ماهي هند عشت طول حياتي معتمده عليها في كل شي من الابتدائي للجامعه وانا ظل هند ريم في لحظه كل شي تغير هند اختفت هند ما عادها بهند ما قدرت اشوف ذا الشي من بعد محاوله هند الانتحار وانا خلاص ما قدرت اناظر وجهها اذا هند سوت كذا اجل انا وش بسوي اكيد بتقولين كلام مجانين بس هذا اللي صاير
ريم _ هند تحسنت في الفتره الاخيره ليه ما زرتيها بعدين هاله لا تنكرين ان شخصيتك تغيرت
هاله _ ما احد قالي ان هند بدت ترجع لطبعها ثريا ترفض رفض تام أي مناقشه عن هند واذا شخصيتي تغيرت فبغيت ابني لي عالم اكون فيه قويه وحتى ان كان كله كذب
ريم _ وش تبين مني
هاله _ هند خليها ترضى تقابلني
....................................................
طلعت الليل لغرفته على الساعه 1 بعد منتصف الليل
دخلت بعد ما عرفت ان الباب مردود
راحت لغرفه الملابس لبست بيجامه و جلست على السرير بخفه وبصوت واطي تمددت
سيف من يلف لجهتها _ انا ما احب احد ينام معي
هند_ وين انام
سيف _ ارجعي غرفتك
هند_ ما ابغى
سيف _ انا اللي ما ابغاك تجلسين هنا ابغى انام
هند_ حاول تنام وانا موجوده لاني ما راح اطلع بعدين ابغى افهم ليه ما تبغى تصدق اني زوجتك يعني وش تظن فيني اني اكذب
هند حسته يقوم من على السرير _ انتي ما تفهمين انا ما ابغاك انتي اصلا كيف تبغين واحد ما عنده ماضي ما يعرفك ومو عارف وش له اختارك
هند جلست على السرير _ انت مو عارف بس انا عارفه خلني اساعدك
سيف _ انتي ما سمعتي وش قلت انا مو عارف ليه اخترتك جمال شفت اجمل منك طباع انتي تنرفزيني انا عشان كذا شاك اني اعرفك بعدين حاولت اتذكرك بس ما فيه ولا ذكرى لك لا تجنيني مو ناقص جنان اطلعي ريحيني واطلعي
هند صدمه عمرها جاتها اليوم هي سمعت اللي قاله ولا يتهيئلها هو قال انا مو عارف ليه اخترتك يعني هي ولا شي بالنسبه له
هند قامت من على السرير وما عاد فيها تصبر اوتهدا وبدت تتكلم بصوت عالي _ انت مو بس واحد فاقد الذاكره انت بعد واحد فاقد الاحساس سيف بس خلاص بس ما كان مفروض تقول ذا الكلام لي انا ما سويتلك شي شفت اجمل مني هم كلهم لك انا خلاص يئست منك انت ما تبغى اساعدك متساهل فيني مو شايفني بشي ليه ليه يا سيف
وطلعت من الغرفه بسرعه
............................................................ ...
دخلت غرفتها
هند تكلم نفسها _ لا لا تبكين هدي هند هدي اووووووووووووووف
ما قدرت تستحمل ودها ما هي عارفه وش ودها
......................................................
الساعه 11 من صباح اليوم التالي
سيف دخل المطبخ ودار بعينه على المطبخ كله وسئل وحده من الخدامات ...الخدامات بصراحه يخافون منه كثير
سيف وهو معصب _ وين هند
الخدامه _ مني عارفه
سيف سكت شوي دورلها في كل مكان وما لقاها وقال وهو يصارخ _ كيف ما تعرفون وين راحت وين
...............................................
هند كانت جالسه في المرسم حق هشام مع هشام لانه اول من صحى كانت الساعه خمسه الفجر يوم لقته ما نامت ما قدرت تنام كان هشام معطيها لحاف متلحفه به لان المرسم وهذا شي غريب بارد مررره من غير سبب لان ما فيه تكييف
هند حبت هشام صدق حسته حنون مثل ابيها او اخيها الكبير وهو لاعب دور الاب بمهاره
هند ودها تروح تفتح هذيك اللوح اللي مغطيها بالشرشف الابيض
هشام لاحظها تناظر اللوح _ هاذي حقت المعرض اللي في يونيو
هند_ ممنوع اشوفها صح
هشام _ باقي خمسه اشهر راح ادعيك عشان تشوفينها
هند_ رفض مهذب
هشام ابتسم _ هند ...بكره حتى لو طردك من الغرفه وقالك كلام يسم البدن لا تطلعين
هند _ كيف عرفت بللي صار
هشام اتسعت ابتسامته –هبه من الله لا بس احساسي انا احساسي قوي طالع على امي لو فيه رجال ثاني كان ضحك علي وانا اقول طالع على امي
هند ناظرته كان انسان تحسه مخلوق من ماده قابله للكسر بس مزخرفه وتبهج النظر لما تناظرها
هشام _ ايش فيه ليه تناظريني
هند_ انت خايف
هشام ناظرها _ اوووه اكيد احد قالك اني تعبان واني راح اموت وخوفك بكلام يحزن صح
هند_ مو لذي الدرجه بس انقالي انك تعبان
هشام _ اذن خليني اعطيك ذي المعلومه الجديده ماباقي لي اكثر من سنه وتبي تعرفين اذا انا خايف لا مو خايف انا ما خليت بيني وبين ذا العالم علاقه قويه اخاف افقدها
هند ناظرته بحزن وكالعاده تذكرت ثريا مو عارفه ليه هند فكرت لو ان ثريا تعرف ذا الكلام وش ممكن راح تسوي
دموعها نزلت بهدوء
هشام _ ما راح اواسيك بس يكون احسن لو توقفين ما احب مظاهر الاسى
هند مسحت دموعها _ اسفه بس ممكن فيه غبار
وفي ذا الوقت سمعوا صوت تكسر قزاز
هشام ناظر الباب _ هذا الصوت من المطبخ
هند قامت _ انا راح اشوف وش اللي صاير
...............................................
هند دخلت المطبخ وشافت الخدامات ينظفون القزاز اللي كان بين مويه شكل احد كسر كوب فيه مويه
هند_ وش فيه
الخدامات كلهم ناظروها _ ماما هند هدا بابا سيف فيه كسر هدا كوب
هند_ سيف ليه
الخدامه السيلانيه _ هدا يقول هند وين
هند ابتسمت _ سئل عني
الخدامه الثانيه _ انو عن جد خوفنا كتير بليز ست هند لا بقى تختفي انوا كان راح يجن
هند امتلى قلبها فرح
طلعت لغرفته وهي قبل ما تدخل رسمت على وجهها الزعل
هند دخلت عليه وهو جالس على كنبه شكله معصب _ نعم وش تبغى
سيف قام وقعد يناظرها
هند قعدت تناظره شافت انه ظنها راحت شكله عصب عشان كذا
سيف _ انتي هنا للحظه ظنيتك رجعتي لعقلك وقررتي تروحين
هند ناظرته بهدوء ينرفز وبدت تقول _ كيف اروح وانت ما زلت زوجي طلقني واروح من عيني
سيف مصدوم _ ايش قلتي
هند كانت ماسكه نفسها ماهي عارفه كيف... تبغى تضحك بقوه
سيف _ كيف اطلقك وانا مو متاكد انك زوجتي اصلا
هند_ انت شفت العقد وراك ياه جدي وبعدين مو لذي الدرجه طايحه عليك واتبلى
سيف عيونه كان باين عليها الغضب _ اطلعي من الغرفه احسن لك
هند مشت للسرير وجلست عليه _ لا ما راح اطلع عندك شي
سيف قعد يناظرها وطلع من الغرفه
هند ناظرته وهو يطلع وهي مبتسمه
هند بصوت واطي _ ما عندك يا سيف احسن من انك تطلع من الغرفه دايمن
............................................................ ....
في العصر هند تضبطت عشان ريم وثريا جايين لها
ريم دخلت على هند في غرفتها
هند بابتسامه كبيره توضح راحتها _ اهلييييييييييييين بام هنوده وين الحلوه
ريم _ اولا انا ام عمر ثانيا ما بغيت بنتي تغطي عليك خليتها في البيت بعدين وش ذا الحلا وش ذا الزين ذا كله عشان الباشا هنا
هند اختجلت _ ريم
ريم تغيرت تعابير وجهها _ هند انا جايبه معي شخص واسمعي هند ابغى منك تحاولين تسمعين كويس وما تصدرين ولا أي حكم الا بعد ما تسمعين كل شي اتفقنا
هند طفى نور وجهها _ وش فيه ريم ريم قلبي ما يتحمل صدمات
ريم _ صلي على النبي ما هي بصدمه ولا شي
ريم راحت عند الباب وخرجت ودخلت هاله لحالها
هند قعدت تناظر هاله متجمده
هاله وقفت شوي زي المذنب اللي في مدرسه ابتدائي
ومن غير مقدمات نطت على هند وقعدت تبكي هند حضنتها
هاله ناظرت هند وضحكت _ هند
هند _ وش الكلام اللي بتقولينه ولازم احكم عليه قبل ما احكم عليك
هاله _ بعد التفكير كلمه اسفه تكفي صح
هند ابتسمت _ صح هاله اشتقتلك
هاله _ انا عارفه انك عارفه ليه سويت كذا صح انتي الوحيده اللي تفهميني ولا تغير ذا الشي
هند_ ليه محمد ما دخل في الخط
هاله _ محمد بالله اخيك ذاك عنده وقت يفكر
هند_ والله حظك ونصيبك
هاله _ وانتي وش ذا الحظ عندك نصيبك طلع من قبره عشانك وه عليك
هند_ سمي تكفين ما فيني يرجع ثاني مره
هاله ضحكت
وهند قعدت تناظرها خلاص كل شي زين صح
كل شي رجع لاصله ولا
ثريا دخلت وهي تضحك
هند _ يا ربي وش فيك يالمربوشه
ثريا سلمت على هند
ثريا _ لا حول يعني رجعتي هند ذيك الله يعينا على لسانك لا بس اضحك عشاني حاولت اصادف اللي خبري خبرك
هند تجمدت الابتسامه على وجهها بس ما احد لاحظ
ريم _من هو
هاله _ ايه من هو
ثريا _ والله وانتوا متاكدين اني راح اقولكم اقول لا يكثر
هند _تفضلوا اسفه يا بنات ما قدرت اجلسكم في الصاله عشان فيه شباب وانا ما ابغى اضايقهم بعدين ابغى ناخذ راحتنا
ريم _ المهم وش اخبار سيف
هند_ يعني مو راضي يصدق اني زوجته
ثريا قعدت تضحك _ قولي والله ليه
ريم _ هند انتي من صدقك معقوله ليه
هند_ عشان فقدانه للذاكره هذا شي طبيعي وحن ما قصرنا خوفناه وصدمناه
ثريا _ ما عليك منه بس معقوله ولا بين شي ما تذكر شي
هند_ ناسيني بالمره
ثريا _ وش انتي مسويه له اكيد سويتي له شي عشان كذا محاك من الذاكره
هند_ ههههههههههه(بإستهزاء )
ريم لبست شيلتها _ هند قومي وديني له ابغى اسلم عليه
هند_ ها
ريم _ اوووف قومي ابغى اسلم على زوج اختي
هند _ طيب يله بنات خذوا راحتكم
...........................................................
ريم اول ما طلعت هند من غرفتها
ريم _ هند انتي تنامين عنده في غرفته
هند_ ايوه
ريم _ هند انتي عارفه ان المره لازم تطيع زوجها وان له عليك حق هند انتي فاهمه وش انا ابغى اوصلك
هند اللي قد وجهها اشاره مرور حمرا _ ريم وش له تقولين ذا الكلام الحين
ريم _ كيف ليه اقوله هذا كلام مهم تري عادني ابغى اقولك اكثر من كذا امي قالتلي ذا الكلام وانا مجبوره اقوله لك
هند _طيب طيب امشي معي
ريم ضحكت _ هند ابغى اشوف ملابسك انا جايبه لك كم غرض
هند ناظرت ريم وفهمت _ موتي فهمتي والله لو تموتين ما اسوي اللي انت قاعده تفكرين فيه طيب
ريم _ راح تاخذين الملابس فهمتي انتي اصلا غبيه كان قدرتي تقنعينه بحركات المرأه الابديه بس انتي دفشه يحقله يخاف منك
هند_ ريم اسكتي لا انط في حلقك
وصلوا لغرفه سيف ودقت هند الباب
ريم _ ادخل وانا بابقى هنا وخليه يطلعلي ولا عاد تسمحين لاحد يدخل غرفه نومك فهمتي
هند- ريم امسكي لسانك نصايحك خليها لك
ودخلت الغرفه لقته نايم هند قعدت تناظره
هند تذكرت ان نومه خفيف مره اكيد قايم بس مغمض عيونه عشان تبعد
هند جربت – سيف
سيف وهو مغمض عينه _ اههممممممم
هند- اختي تبغى تشوفك
سيف فتح عينه _ ايش
هند_ اختي عند الباب تبغى تسلم عليك
سيف ناظرها كانه يبغى يفك شيفره كلامها
قام ولبس التي شيرت حقه الابيض
هند مشت وراه فتح الباب ووقف
ريم مدت يدها _ السلام عليكم
سيف مد يده لها وهو قاعد يناظرها _ وعليكم السلام
هند استغربت عامل اختها باحترام سؤال هو ليه دايما معها كذا
ريم _ الحمد لله على السلامه يا سيف انا ريم اخت هند
سيف وهو مبتسم – الله يسلمك
ريم _ سيف هند في عهدتك انتبه لها تراه تعبت وانت غايب وما عاد نبغى نشوفها تعبانه
هند رجعت الاشاره تولع في وجهها حست انها راح تضرب اختها لا محاله
سيف ناظر هند اللي ما حطت عينها في عينه
سيف _ هند في عيوني
ريم _ يله اتركم بنزل هند لا تجين معي انا راح انزل لحالي عارفه الطريق
هند_ طيب اصلا بنزل بعد شوي
ريم دخلت اللفت وهند ناظرت سيف بلقافه _ يعني ما عاد تبيني اروح وبتحطني في عينك ها
سيف خبطها في راسها وخرب شعرها _ ابغى انام
هند ابتسمت وخلته يدخل الغرفه ويقفل الباب وراه سيف اول ما دخل الغرفه ابتسم
.........................................................
راحوا البنات على الساعه سبعه الليل وهند نزلت عشان تسلم على اخيها محمد اللي كان جاي عشان يوديهم محمد شكله فرحان ان هاله وهند تراضوا مرررره
وهند الفرحه مو سايعتها تحس ان الحزن باقي عليه ايام معدوده وينتهي
............................................................ ........
الكل نزل للعشا ذي المره سيف من غير ما تقنعه هند نزل عزيز كالعاده جالس مكانه وياكل بهدوء فاديه اللي مالها حس نهائيا جالسه تاكل ضحى هند حست فيها شي في عيونها شي اصرار على شي هشام جالس قرب ابيه وساره تناظر بنتها وكانها اخر مره بتشوفها
الجد اللي شكله مهموم _ عزيز جاك خبر بللي صار اليوم
عبدالعزيز وقف اكل وناظر جده بتفهم _ ايوه عرفت من امي
الجد- وش موقفك من اللي صار
عزيز _ انا ماني مستغرب انتوا كنتوا شاكين انا بعد كنت شاك
الجد_ انا حرمته من كل شي
عزيز _ انت عارف ان هذا اخر همه
هشام توقف عن الاكل _ يبه ممكن تفتح ذا الموضوع بعدين
الجد_ لا مو بعدين الحين راح ينفتح ويسكر سيف حن عرفنا من اللي دخلك المصح
سيف ناظرهم وقال بهدوء_ انا ما ابغى اعرف
الكل انصدم
هند اصلا ماهي فاهمه شي
سيف _ ما ابغى اعرف مو لازم اعرف
الجد_ ليه
سيف _ انا ماسكت عن حقي وردة فعلي ما راح تكون بسيطه وانا عارف ان الشخص اللي سوا كذا يقربلكم يعني يقربلي ما ابغى اعرف على الاقل الحين انا عارف اخرتي راح اعرف بس اعرف وانا اقدر امسك اعصابي احس من اني اعرف الحين
هند ناظرتها وهي تحس انه كبر في عينها اكثر من أي وقت سيف قام بهدوء
الجد_ كاني اشوف فهد قدامي وبندر كل همه انه يبعد فهد من قدامي باي طريقه
فاديه قامت _ يا عم اسمحلي انا بكره راح اسافر ما اقدر اجلس دقيقه هنا
الجد_ انتي حره
.......................................................
هند طلعت ورا سيف ودخلت الغرفه من بعده
سيف جلس على السرير
هند مسكت كتف سيف _ سيف
سيف بصوت واطي _ هند ابغى اجلس لحالي ممكن
هند _ بس انا ابغى اجلس عندك
سيف مسك يدها اللي على كتفه _ عارف بس الحين انا ما ابغى احد يكون عندي بس الحين هند
هند قعدت تناظر يده اللي ماسكه يدها _ طيب
ومشت للباب
سيف قبل ما تطلع _ هند اذا بقيت كذا وحالتي ماتحسنت راح تبقين معي
هند_ انت تبغاني ابقى معك
سيف _ لا تعتمدين على رغبه واحد مثلي
هند_ اذا راح تلقى صعوبه في التخلص مني
سيف ابتسم وهند طلعت وراحت لغرفتها
............................................................
عبدالعزيز دخل على عمه في المرسم _ متى عرفتوا
هشام _ ابوك وكعادته دق على ابي وقاله بكل سهوله
عزيز _ ابي ما عليه لوم هو بس خذا طبع جدي
هشام _ ايوه عارف عشان كذا ابوي ما سواله شي حتى حرمه من الميراث وهو عارف انه مو محتاجه
عبدالعزيز _ الحمد لله ان ردة فعل سيف كانت بس كذا
هشام _ كلامه مقنع تعرف يا عزيز انا كأني اشوف فهد قدامي كل ما شفته
عزيز ناظر عمه هشام بعدين قعد يدور حول المرسم ويقلب في الصور وطيح صندوق العده
هشام _ انت ايه اطلع ابغى اخلص لوحتي المعرض الشهر الجاي وانت مسويلي قلق
عزيز _ هشام وش هي تحس فيه اكيد تحس بضغط عصبي كبير
هشام _ تقصد هند الله يعينها بس شكل البنت قويه
عزيز _ هند قويه ؟ ما اظن ودي اروح اضربه لين يفوق خلاص انا ما عادني مستحمل
هشام _ انت وش علاقتك وش هو ذا اللي ما عادك مستحمله
عزيز _ اني اجلس هنا واشوفها هشام انت ما تعرف وش يصيرلي لا شفتها في طاوله وحده معي
هشام _ عبدالعزيز وش راح تسوي لا كل شي رجع لطبيعته
عزيز _ ما عاد راح ارجع هنا راح احرص ان طرق حياتي ما تقاطع طرقها
هشام _ من متى حبيتها
عزيز _ ما اذكر احس اني احبها من يوم عرفت نفسي هشام هي كل شي اعرفه وابغاه في ذي الدنيا بس شكل هذا الشي الوحيد اللي ما راح اخذه
هشام _ المهم هي وش هي تبغى وش هي تحب صح
عزيز _ هذا الغريب ان تفكيري كله منحصر في راحتها ابغاها تختار الشي اللي يريحها ويرضيها لو حتى موتي بيرضيها روحي فداها
هشام ابتسم _ عزيز اترك كل شي وروح من الحين قبل لا تتورط اكثر
عزيز _ واخليها لحالها
هشام _ راح تكون لحالك في الاخير يا عزيز من الحين روح ساعد نفسك تنساها
عزيز _ انساها هه اشوفها شوي صعبه هشام شوف انا ما ابغى اقول لك ان حبي لها كبير او ابين لك اني عاشق حزين كل اللي ابغى اوصله لك اني ما اعيش بدونها بروح ,,,ابغاها مثل ما تبغى انت الالوان مثل ما يبغى ابي السلطه هي الشي اللي ابغاه
هشام راح لولد اخيه وطبطب على كتفه
عزيز _احس اني اشوف لي شخص عزيز علي بعيد وابغى احضنه لاني عارف اني راح اموت بعد دقايق
هشام _ لو بس الامور تغيرت لو بس كانت مخطوبه له مو زوجته كان قلت لك حارب عشانها
عزيز_ هند انا ما ادخل حرب عشان هند وانا عارف خصمي فيها سيف
هشام _ المهم انها تكون سعيده
عزيز ناظر لوحه عمه اللي فيها صوره تكعيبيه لرجل يصرخ _ صح المهم تكون بخير ولو كان مع غيري
حلالة المشاكل (ذكريات مسروقه 1)###
..........................................................
06-06-10, 12:29 AM
جديد مواضيع قسم القصص المكتمله من وحي قلم الاعضاء
العرض العادي
