طيب أول الشي انا بموووووت بالضحكة الشريرة الله لا يحرمني منها ومن كلام صاحبتها
ولا يحرمني منك حبيبة قلبي غزوله


نجي للشي التاني ............................................ أكييييد انت وسمانة متآمرين علي بدكم ياني استقيل من الشغل واقعد اقرا روايات وبس مو هيك يلانستقيل سوا خيتو لانو انا كمان ماعم لحق والله
يا بنت أنا بينقلي هيك اسئلة تعي شوفيني الان عم قول شو عمل الاخ يا ترا أما فعلاً نذل من الدرجة الاولى ..(رايح تلاحظي حكمت عليه من ريحة حكيك عنه ومن غير قراية الرواية )لا صدقيني بيستاهل هالحكم عليه وأقري الروايه وشوفي بكل الاحوال ما دام الرواية فيها قهر وكوليرا وبتجلط بالنهاية من كتر الاسلئة فتبقى خلاص متفصلة على قياسي لان شعاري انظر للحياة بمنظار اسود على قولة عمنا المهندس



وبلييييييز ما تحرميني من الكلام وكل ما كتر بكون ممنونة أكتر وعلى باب الله يا محسنين وحسنة قليلة تمنع بلاوي كتيرة ريمو حبيبتي والله عم حاول على قد ما اقدر اشارك بس هاليومين بالذات عنا إختبارات وتصحيح زحمه يادنيا زحمه " هيدا شعاري انا" خخخخخخ

الله يعينا جميعاً يا ستي اما فعلا الدنيا صعبه تخيلي تصل للواحد ما يحسن يقرا رواية برواق .. ناس بدها تقبض فلوس وناس بدها تدرس وتبني مستقبلها .. ناس ما عندهاش دم باختصار

Thanks sweet sis for always making me Smile
U R the best

لولتي اربطي راسك واستعدي



واخيييييراً فرجت وصار عندي دكتوراه بالكوليرا عانيت بالبداية مع اسلوب حوار الكاتب ولكن بالاصرار والتصميم كل تحديات الحياة بتهون لا فعلاً الرواية بتصير أحلى مع تقدم الفصول .. شوفي يا ستي أول سؤال بشاركك ياه وكان المفروض سي السيد يعطي كلمتين تبرير سواء عن قلة خبرة البطل أو أي شي تاني مقنع وما يترك النقطة سائبة ومغيظة هيك


تاني وتالت سؤال كمان معك حق وكانوا بنظري نتيجة لاسلوب الكاتب الكاريكاتوري بعرض شخصياته إن صح التعبير .. يعني انفعالات البطل ما كانت مقنعة على الدوام ، من ناحية صراعه مع فشله كطبيب بانقاذ الارواح كان مقبول ولكن من ناحية تقبله لكلام اسرته وتصرفاتهم تجاهه كواقع وحقيقة مفروغ منها هالشي كان ماله صبغة واقعية تخليني اتعاطف معه .. بعرف ان رغبة الانسان بحب وقبول اسرته شيء جوهري ولكن الكاتب لم يبرز هذه المعاناة بطريقة واقعية


منذ البدايات تصرفات الأم جعلتني استنتج الحقيقة التي عرفناها بنهاية الرواية لانه كان الاستنتاج المنطقي الوحيد ولكن مرة أخرى الكاتب يتجاهل أشياء كان يمكن أن تغني روايته وتنقلها إلى مستوى آخر من الاستمتاع وقصدي عن الأخ طبعاً ما مبرراته لكل هذا الحقد ؟ هل الأم السبب ؟ هل الدلال الشديد يمكن أن ينتج شخصية بهذه السطحية والأنانية ، وأيضاً ماذا عن الأب ودوره الهامشي بالرواية .. باختصار.. تعميق بعض التفاصيل وتأكيدها بحوارات وأحداث ملموسة كان ضروري برأيي لاعطاء الرواية نكهة غير



نجي بقا للجد يا خيتو لولا بتعرفي مستغربة جداً من وساخة الناس ببعض الروايات يعني عندك مثلاً جوليا ( ومنشان ما تقوليلي مين جوليا بلا مؤاخدة Karen Robards - Loving Julia ) المقطع يلي متذكرته بالرواية وقت كانت عم تتمشى بأول الرواية والفأر عم يركض حواليها وبالصدفة قريت بعدها مباشرة رواية للكاتبة Lynsay Sands تخيلي ان البطل راسه وألف سيف ما يغير عادته بالاستحمام مرتين بالسنة (كل ستة أشهر مرة الله يعطيه العافية ) حتى منشان ليلة دخلته والبطلة دماغها جزمة قديمة ما بتخليه ينام على مفارش والدتها الفاخرة بقذارته ولنص الرواية لوقت البطلة ما تزحلقت على القذارة وقبلت وقتها تقرب عليه هون الافندي لاكتشف ان في شي اسمه ريحة نتنة وصار يهرب منها هو طبعاً الرواية كوميدية ظريفة متل اسلوب لانسي المعتاد ولكن بقراءة هذه الرواية ورؤية الواقع المرير عن الامراض والاوئبة والوفيات العديدة نتيجة الوساخة بتقولي ألف حمد وشكر لله عز وجل على نعمة الايمان (الطهارة والوضوء..) وفعلاً النظافة من الايمان ..... وبختام قولي هذا انتهي من اطروحتي الدكتوراه وإلى اللقاء بالمرة القادمة للشجعان والجادين فقط