بارت رائع ومميز
بدر وش صار في عقلك تشرب خمر ماتوقعتها منك صدمتني زين سوى فيك
وضربك كف عفية علية

هههههههههههههههه وحدة مقهورة
شد حيلك وخليك اقوى من كذا
البنات
اللة يهديكم
والشباب
ما عجبتني ردة فعلكم بغيت تقومون الدنيا وتقعدونها
ههههههههههههههه نذالة فيهم
وشكراا لك
دمتي سالمة

تسلمين فديتج عالبارتات ولو انيه متاخرة<< فيس قال حق الكل قصة حياته

بدر

لا .. الا هالشي.. الله يغربل العدو.. انته شقايل تسوي جي<< فيس مصدوم.. اتوكل على ربك يا ريال.. الطريقة هاي ما بتنفعك موليه.. بالعكس بتبعدك عن ربك<< فيس ينصحه

مايد

زين اللي لحقت عليه.. لا تودره وهو في هالحاله اليوم شرب وباجر هب بعيده انته ينتحر<< فيس يحرك راسه

البنات

واخيرن سوويتن شي يبرد الفواد<< فيس يشجعهن.. بس تعرفن بعد كسروا خاطريه الشباب وهم يايين متشفلين في الريال<< فيس يجوف الشباب بنظرة

نترياج فديتج<< الفيس راعي الورود

البارت الثامن..
الجزء الثاني..

يوم:الأربعاء..
التاريخ:7/1/1428 هـ
في المزرعه..
البنات توهم قايمين..
وسن:يوووه قبل لا انسى بكره العرس لا زم احضره تروحين معاي..
فوز:ااااف نواف ما يرد غريبه..
وسن:كم الساعه الحين..
فوز:تقريباً 11..
وسن:يا حليلك إذا عندنا 11 عندهم 5 الفجر..
فوز:يوووه يعني نايم..
وسن:إذا تبينه دقي عليه المغرب او العشاء..
فوز وهي تحط جوالها بجنبها:انتي كلمتي زياد؟!!
وسن:ايه امس..
فوز:اهااااا طيب البنات ما راح يقومون؟!!
وسن:تجيهم امي الحين وتلعن ابو خامسهم..
فوز:شكلهم امس سهرانين..
وسن:اتوقع ناموا 2 او 3..
شوق وفرح تو دخلوا الصاله..
وسن بأبتسامه:شكلهم اول ضحايا امي..
شوق وهي تجلس قدامها:يا على امك اساليب تقويم عجيبه..
فرح:هي مو بس تقومنا الا تكرهنا بشي اسمه نوم..
وسن:اصب لكم قهوه؟!!
شوق:ياليت..
بهذي اللحظه دخلوا باقي البنات..
فجر بصوت نعسان:انا ابي انتحر مين راح ينتحر معاي..
نرجس:انا..
فجر:يالله قومي..
وسن:قوموا غسلوا و جيهكم الله يقرفكم بعدين تعالوا وانتحروا..
فجر:كذا قولتك..
وسن وهي ترميها بفنجال:قومي الله يقرفك..
ياسمين:بنات تدرون الشباب تحت او لا..
بدور:اتوقع تحت ونايمين..
نرجس:ليش وش تبين فيهم؟!!
ياسمين: من اليوم وانا اتصل على عماد وما يرد..
وسن:يمكن مقفل جواله..
ياسمين:غريبه مو بالعاده..
اما عند الشباب..
الشباب قايمين قبل ساعتين..
يوسف:طيب الحين راح نقعد كذا لازم نتصرف..
عماد:وش تبينا نسوي هم الى الان نايمين..
زيد:اصلا من امس ما شفتهم..
فيصل:اذا تبون اقوم واسحبهم مع شعورهم..
زيد:طيب يا هيثم انت متأكد ان اختك سمعت زين..
هيثم:وانا وش دراني هذا الكلام اللي وصلني..
فيصل:والله مو هينين اجل يذبحون رجال..
عماد:فيصل وين مازن..
فيصل:نايم..
عماد:بسرعه قم ناده..
قام فيصل وراح يدوره..
سيف وهو يناظر عماد:وش تبي فيه؟؟
عماد:اكيد يعرف شي..
فجأه سمعوا صراخ برى على دخلت فيصل وهو يسحب مازن مع رجوله..
يوسف وهو فاتح عيونه على الأخير:هيه هيه فكه العن ام الاسلوب اللي تعرفه..
فيصل بنفس مقطوع:الله ياخذه رفض يقوم..
مازن وهو يجلس قدام الباب ويتربع:الحين مزعجيني ومخربين نومتي وقاطعين حلمي الله ياخذكم حلمي كله حماس بحماس كنت قبل شوي راح اذبح رئيسهم..
فيصل:طول عمره طفل..
عماد:مازن بسرعه تعال اجلس قدامي..
مازن بخوف:ليش؟؟
عماد:لا تناقش وبسرعه قدامي..
مازن قام وهو خايف وجلس قدامه..
عماد:والله ثم والله إذا ما جاوبت لا تشوف شي ما يعجبك..
مازن حس ان قلبه بيوقف:طيب قول وشو..
عماد:هشام وجاسم تدري وش مسوين؟؟
مازن بتعجب:لا وش مسوين؟؟
عماد:بتفهمني انك ما تعرف وش مسوين..
مازن:والله ما ادري..
عماد:ما قالوا لك انهم ذابحين رجال..
مازن وهو يرجع ورى شوي:لا..
عماد بشك:وليش رجعت..
مازن:لان سالفتك تخوف..
عماد:يعني ما تدري..
مازن:والله ما ادري..
عماد:طيب والله لا اقول لعمي ابو بدر انك كبرت خلاص ولازم يتغطون عنك البنات..
مازن:لا تروح لنقط ضعفي حلفت لك اني ما اعرف..
عماد:طيب قوم وجيب لي هشام وجاسم من عند قسم الحريم وياويلك ان قلت لهم وقم معاه يا فيصل وجيبهم معاه..
فيصل:انا ما ادخل قسم الحريم ولا نسيت..
عماد:اقصد خلك عند الباب عشان ما يهربون..
قام مازن وفيصل..
ربع ساعه ودخلوا..
هيثم:تعالوا بسرعه قدامي..
هشام:يالله صباح خير..
هيثم:وش قلت..
جاسم:يقول صباح الخير..
هشام:ايه هذا قصدي..
هيثم:انطم انت وياه وتعالوا..
جلسوا هشام وجاسم بثقه قدام هيثم<<اخذوا ثقتهم بأنفسهم من هيثم..
هيثم:قبل كم يوم وش مسوين..
هشام:أي يوم..
هيثم:تقريباً قبل يومين..
جاسم:ما سوينا شي وإذا عندك شي قوله..
هيثم:بتفهموني انكم ما سويتوا أي جريمه..
هشام:جريمه!!!
هيثم:قبل لا نجي للمزرعه بيوم وش مسوين ..
جاسم:هيثم لا تلف وتدور عندك شي قوله..
هيثم:ذابحين لكم رجال..
هشام بأبتسامه:والله ما لي خلق اضحك..
هيثم :تكلم زين وقول لي سرعه مين اللي ذابحين..
جاسم:وش قالولك خريجين سجون..
هيثم:يعني مو معترفين..
جاسم:طيب مين قال لك اننا ذابحين رجال..
هيثم:الليله اللي كنا بعدها بنجي سمعتكم فرح وانتم تقولون انكم ذابحين رجال..
هشام:وانت تصدق كلام الحريم..
هيثم:احترم نفسك من اليوم اكلمك بأحترام لا تشوف شي ثاني الحين..
جاسم وهو يضحك:هههههههههههههههه هشام قصده الرجال اللي ذبحته باللعبه..
هشام:ههههههههههههههههههه الحين كل هذي الفوضه عشان الرجال اللي ذبحته..
هيثم بصدمه:بتفهموني الحين ان اللي ذابحينه طلع باللعبه..
جاسم:ايه بهذاك اليوم كنا نلعب (قراند) وطول اللعبه وهشام يذبح رجال..
اما على جنب..
مازن وهو يكلم فيصل بصوت منخفض:والله لو اكلم زياد بهذا الأسلوب لا يذبحني شوف التفاهم بس مو وجيهنا..
فيصل:وانت الصادق..
---------------------------
في ارض الفضه..
وعند بدر..
ما قدر ينام التعب اخذه منه الكثير..
طلع برى وقعد يتمشى لازم يراجع نفسه مثل ما قال له ماجد..
الأحداث اللي مرت فيه كثيره بس عمره ما قصد هذا الطريق هذا الشي اللي هو لسى ما اقتنع فيه,,
رغم انه يدري ان راحته ما راح تكون هنا راحته برضى ربه وطاعته..
بس هذي المره حس ان وده يعذب نفسه كان يعتقد ان بتعذيبه لنفسه بيرضي ضميره..
ما درى ان هنا بالذات راح يزيد عذابه..
خجل من نفسه كثير كل ما تذكر نفسه لما راح وشراء الزجاجه..
بس كان خجله يزيد اكثر لما يتذكر ان ماجد شافه بهذا المنظر..
طول عمره وماجد يحب تصرفاته وكان دايم يقول لولده فيصل خلك مثل عمك بدر..
كان دايم هو بنظرة ماجد القدوه اللي ممكن يفتخر لو ولده يطلع مثله..
بس اكيد من هي الحظه راح يغير رايه..
ما كان متذكر بالضبط وش سوى ماجد فيه كان المنظر مو واضح له بس كل اللي حس فيه انه ما فرح بهذا الشي..
وده يروح له ويقول ان اللي شافه اليوم مو بدر هذا انسان لعبة فيه الدنيا وبغبائه سلك هذا الطريق..
كان وده يقول له انه لسى راح يكون قدوه لفيصل ويفتخر فيه دايم..
كان وده يقول له ان اليوم كان مجرد حلم مر عليهم..
بس هيهات اللي قاعد يتمناه..
لأن لو الزمن يقدر الشخص يرجعه ما كان ندم او تحسف بس ربي خلى في شي اسمه ندم عشان الانسان يحسب للي يسويه الف حساب ويراجع نفسه قبل لا يسوي أي شي واهم شي انه ياخذ درس من اللي يسويه وممكن يندم عليه..
هذا الشي اللي يدور براس بدر<<الله يريحك ويطمن بالك راس مو بس تعبان الا ثقلته الهموم بس الفرج قريب..
--------------------------------
في بيت الجد محمد..
البنات كلهم غايبين ومجتمعين بالحوش..
(عبير,منى,منيره,شهد,لمياء,)اما البنات الباقيات داخل(ميعاد,علياء,قمر, سلمى)
فرشوا البنات لهم فرشه برى الجو حلو وكان في رشه مطر خفيفه..
منى:يااااااالله يا حلو المطر من زمان عنه..
شهد:وانتي الصادقه من زمان عنه..
لمياء:وش راياكم نحاول بأمهاتنا ونخليهم يكشتون عند عمي ابو محمد..
منى:تحلمين والله لو تنتحرين عندهم..
لمياء:ليش لا نطلع برى ونستانس ونذبح لنا ذبيحه..
شهد:ومين ان شاء الله بتذبحها لنا العيال كلهم بشغلهم..
لمياء:انا موجوده..
عبير:والله قدها وقدود..
لمياء: اقول عبير وش كنتي تسوين انتي وزايد هذاك اليوم..
عبير بهذي اللحظه وقف قلبها:أي يوم..
لمياء:يوووه ليش في غير هذاك اليوم؟!!
عبير:هيه تكلمي زين وش قاعده تقولين؟!!..
لمياء:عبير ترى مو بس انا اللي ملاحظه صح يابنات..
منى:عبير الي تسوينه عيب وحرام اتقي الله..
عبير تلعثمت ما عرفت وش تقول:انا ااا
شهد:عبير ابيك تفهمين شي واحد هذولا عيال العز ما يهمهم شي والله لو بعدين سوى فيك شي يرميك عند اهلك وبعدها اندمي وتحسفي..
عبير:هيه انتم وش تقولون انا ما سويت شي ولما رحت هذيك المره كنت رايحه اقضي حاجتي(وانتم بكرامه) ولما رحت هناك لقيته بعد هو رايح قبلي يبي يقضي حاجته..
لمياء:طيب ليش تأخرتي وما جيتي اول ما عرفتي انه هناك؟؟؟
عبير:لأنه قعد يسألني وش اخباري بس..
:اشوفك ما تكلمتي يا منيره ولا عاجبك حركاتها ومشتغله تخطيط معاها؟!!


هذا هو الطرف الثالث اللي سمع حديثهم راح نعرفه بالبارت الجاي..
انتهى..
انتظروني بالبارت التاسع الجزء الاول..
مع محبتيـ/صموتـ..(ولصمتـ معانيـ كثيرهـ)..

تسلمين فديتج عالبارت<< الفيس راعي الورود

بدر

الاحساس بالندوم.. انته لازم تستغفر ربك على اللي سويته.. بس اهم شي انك عرفت غلطتك<< فيس بعده مصدوم

الشباب

خخخخخخخخخخخخخخخ.. فيس منسدح يضحك.. كله صوب وسالفة الريال اللي جتلوه صوب.. نفس الفيس اللي قبل شوي

نترياج فديتج<< الفيس راعي الورود

بوحـ قلمـ..
ترى بدور ما يسمعـ إلا لكـ..
فديتهـ يحبكـ ^_*..

بعيشـ بدونكـ..
الحمد لله على السلامهـ..
واتمنى بهذا البارتـ انـكـ تسترجعينـ الأحداثـ..

واقولـ لكلـ متابعينيـ..
الفرجـ قربـ:)



البارت التاسعـ..
الجزء الاول..

لمياء:ايه صح اقول عبير وش كنتي تسوين انتي وزايد هذاك اليوم..
عبير بهذي اللحظه وقف قلبها:أي يوم..
لمياء:يوووه ليش في غير هذاك اليوم؟!!
عبير:هيه تكلمي زين واحترمي نفسك..
لمياء:عبير ترى مو بس انا اللي ملاحظه صح يابنات..
منى:عبير الي تسوينه عيب وحرام اتقي الله..
عبير تلعثمت ما عرفت وش تقول:انا ااا
شهد:عبير ابيك تفهمين شي واحد هذولا عيال العز ما يهمهم شي والله لو بعدين سوى فيك شي يرميك عند اهلك وبعدها اندمي وتحسفي..
عبير:هيه انتم وش تقولون انا ما سويت شي ولما رحت هذيك المره كنت رايحه اقضي حاجتي(وانتم بكرامه) ولما رحت هناك لقيته بعد هو رايح قبلي يبي يقضي حاجته..
لمياء:طيب ليش تأخرتي وما جيتي اول ما عرفتي انه هناك؟؟؟
عبير:لأنه قعد يسألني وش اخباري بس..
:اشوفك ما تكلمتي يا منيره ولا عاجبك حركاتها ومشتغله تخطيط معاها؟!!
التفتت لها منيره بصدمه هذي وش دراها:لمياء وش تقصدين..
لمياء:ترى سمعتكم انتي وعبير لما تخططون انه يجيب لعبير جوال..
شهد:بصراحه انصدمت لما دريت ابدا ما توقعتك يا عبير لهذي الدرجه استغلاليه..
عبير ودمعتها بعيونها:هو يستغلني انا ما لي دخل..
لمياء:على مين تلعبينها عبير انا ادري انه برضاك..
عبير نزلت دمعتها:انا ما لي ذنب كل اللي ابيه ابيه يعوضني باللي فاقدته..
شهد:لهذي الدرجه انتي ماديه؟؟
عبير بصراخ:كيفي من زين هالعيشه طول عمري احلم بحياه حلوه اتحدى وحده منكم ما تتمنى هذي العيشه..
شهد:بتفهميني انك تبين تتزوجينه..
عبير:ليش لا..
لمياء:هههههههههه من جدك عمرك سمعتي ان في وحده كانت لها علاقه مع واحد وفي النهايه تزوجته؟!!
عبير:بنت عن بنت تفرق..
شهد:ونفرض انه اخذك صدقيني ما راح تحسين بسعاده, الزواج راحه وامان وحب سعاده واهم شي الثقه اللي راح تفقدونها لو تزوجتوا..
عبير:طيب انا احبه وهو يحبني..
شهد:طيب انتي واثقه انه ما يكلم غيرك او ما له علاقه مع وحده ثانيه..
عبير:لا ما في بحياته غيري..
شهد:عبير تضحكين على نفسك انتي هذولا الناس او هذي النوعيه اضمن لك ان له اكثر من علاقه هذولا مستعدين يدفعون اللي فوقهم واللي تحتهم بس اهم شي سعادتهم وبعدين فكري بنفسك وبأهلك لما يدرون عن علاقتكم صدقيني ما راح تكون النتيجه مرضيه..
عبير وهي منزله راسها بخجل:خلاص ما ابي اسمع شي انا كبيره واعرف وين مصلحتي..
منى:مو هنا المشكله انك كبيره وأدرى بمصلحتك..
عبير وهي قايمه: اقوم ابرك لي..
---------------------------------
في ارض الفضه..
وعند الثلاثي..
توهم قاموا وقاعدين يفطرون..
نواف وهو ياخذ خبز ويعطي مشعل:اقول زياد المضيفه اللي بالفندق وش فيك ما غير تتلزق فيها<< ما تتوقعون انها شوي قويه^_*..
زياد بصدمه:وش تقصد؟!!
نواف:والله انت مثل اخوي وامون عليك مثل ما امون على اخواني ومصلحتك تهمني وبصراحه خفت عليك يعني قلت يمكن فيها امراض ولا شي..
زياد غص بلقمته:كح كح..
نواف وهو يضربه على ظهره ويشربه مويا:سم بالله..
زياد وهو معقد حواجبه:اذلف عني اجل هذي علومك..
نواف وهو يلتفت لمشعل:يعني كذا حللنا اجل وش تبي فيها..
زياد:كنت اسألها عن بدر..
نواف:اهااااا اجل بدر كان محور حديثكم!!..
زياد:يعني منت مصدقني جعلك ما تصدق..
مشعل:خخخخخخ ارسلت..
نواف وهو يرمي اللي بيده:احلف..
مشعل:هههههه والله بس اقول تعال ترجم ما ادري وش كاتبه..
نواف وهو ياخذ منه الجوال:ههههههههههه تقول تعال قابلني بحانة *****..
مشعل:اخابر الناس تقول تعال قابلني بحديقه بمطعم اما حانه هذي قويه..
نواف:شكل البنت ضايعه ابعد عنها..
زياد وهو رافع حواجبه:الحين انا فاتح تحقيق معاي ومسوي لي فيها صدمه!!والحين عندك عادي..
نواف:إذا تقصد مشعل!!عاااادي يعني متعود عليه اما انت انصدمت لأني ما اخبرك من هالنوعيه..
زياد:بس قلت لك اني كنت اسألها عن بدر..
نواف:طيب ليش هي بالذات؟!!
زياد:لأنها تقول انها تعرف الأرجنتين صح يعني ما خلت مكان ما زارته وصداقاتها كثيره قلت يمكن تعرفه..
نواف:طيب وش قالت لك؟!!
زياد وهو يمسح يدينه بمنديل:تقول راح اسأل لك وراح ترد لي خبر..
نواف:طيب توكلنا..
زياد وهو يقوم:يالله..
----------------------------------
ما راح اخذكم لبعيد نروح لبدر..
وقف قدام المستشفى بخوف حس ان رجوله ثقــــيله مو قادر يحركها توكل على الله ودخل..
اتجه لغرفتها(1126) فتح الباب ودخل..
لقاها نفس ما خلاها راح وجلس قدامها بهدوء ناظر لها حس برجفه بقلبه غمض عيونه اخذ نفس وبصوت يالله ينسمع:ياااارب هون علي واشفي لي روحي..

أسألك بالله وش سويت فيني
وش سرهـ الشوق اللي يجيني
‏قلبي طول وقته معك ما يبيني
أسألك باللي عطاك هـ العيون
‏أسألك بالله * يالقلب * الحنون
كانك تعرف سر هـ الشوق
إنك تقول وش يكون
هوغرام او احترام
او مرحلة حب او جنون ؟؟!!
--------------------------------
فيـ ارضنا..
دار ابو متعبـ..
وفي المزرعه..
مزون وهي تمسك يد شوق بفرح:راح اشوفه يا شوق والله مو مصدقه..
شوق:الله يهنيك فيه..
مزون:ما كأنك فرحانه وش فيك..
شوق:بس غريبه..
مزون:وش الغريب؟!!
شوق:من زمااان ما اجتمعنا كلنا الشباب والبنات مع بعض يعني اخر مره لما كانوا الشباب مراهقين وحنى كنا صغار وش اللي طرى لهم اننا نعيد هالجمعه..
مزون:عادي انا احس انه حلو على الأقل نعرف بعض زين والله سالفتي تضحك لما شفت سيف هذيك المره ولا عرفته..
شوق:هي بصراحه حلوه بس احس اني مستحيه..
مزون:اقول امشي عني والله عندي شوفته تسوى الدنيا وما فيها..
شوق:مزون انتي صاحيه مزون هذا هيثم فاهمه وشو هيثم هذا اخوي وانا ادرى فيه والله صعب وانا اخته ما اعرف له زين تجين انتي تبين تحبينه..
مزون: طيب وش فيها الحب من الله مو بيدي..
شوق: ما قلت لك شي انا بس احسك بطريقتك هذي راح تفضحين نفسك..
مزون:ليش وش سويت؟!!
شوق:ابد ما سويتي شي..
مزون: شوق انتي تؤمنين بالحب؟!!
شوق: بصراحه لا..
مزون:المشكله ادري..
شوق:طيب ليش تسأليني؟!!
مزون:قلت يمكن غيرتي رايك طيب انا عندي خطه وش رايك تحبين لك واحد من الشباب..
شوق:وووع من زينهم..
مزون:وش فيهم والله يهبلون..
شوق:منهم؟!!
مزون:اول شي عندك اخواني كلهم يهبلون بعدين ليش ما تحبين نواف والله يهبل اخلاقه حلوه وغير كذا متفهم وحنون ومتحرر وهذا اهم شي..
شوق:احلفي..
مزون:والله وش فيه اسألك بالله مو حلو..
شوق: من ناحية حلو حلو بس انا احس ان الحب بعد الزواج احسن..
مزون:ومين قال لك احسن؟!!
شوق:امي تقول كذا افضل..
مزون:والله ما عندك سالفه..
شوق:اقول انتي خليك بنفسك وبهيثمك افضل لك..
مزون وهي قايمه:ابي اروح احط لي مناكير احسن من مقابلتك..
شوق:محد قال لك قابليني..
مزون:المشكله انك اخته يعني لازم احبك..
شوق:انقلعي يا أم المصالح..
-------------------------------------
في ارض الفضه..
وعند الثلاثي..
دخلوا الحي المقصود بدوا يبحثون كلن بداخله رجفه بستثناء مشعل اللي قعد يراسل زايد..
زياد وهو ماسك خريطه توضيحيه لهذا الحي:نواف مشعل تعالوا من هنا خلونا نبدأ من هذي الجهه..
نواف:طيب"التفت على مشعل"مشعل تعال من هنا وخل عنك الجوال..
مشعل:هههههههههه والله شكل زايد فاصل مو صاحي..
نواف وهو توه يتذكر زايد وحالته:يوووه ما كلمته وش اخباره..
مشعل:طيب والله شكله فصل مو صاحي..
نواف بأبتسامه:المهم يكون بخير..
كملوا طريقهم ومن باب لباب ومن رجال لبنت ومن شايب لعجوز ما خلوا شي ولما كانوا بنص الطريق لقى زياد واحد وكلماه..
زياد: مرحباً..
الرجال:اهلاً..
زياد:اريد ان اسألك عن شخص يدعى اسمه بدر هل تعرفه؟!!
الرجال بعد فترة صمت:عربي..
زياد بنظرة تفاؤل:ايه اووه نعم..
الرجال:وله صديق يدعى ماجد!!
زياد:نعم هل تعرفهم..
الرجال:نعم لقد التقيت بهم عدة مرات..
زياد:هل تعرف اين يسكنون..
الرجال وهو يأشر على بيت بعيد شوي:في ذلك البيت..
زياد:شكراً لك،,
الرجال:عفواً..
التفت زياد على نواف ومشعل اللي يبعدون عنه شوي وبفرح تقدم لهم وبعيونه دمعه حايره ما تدري تنزل ولا تنتظر شوي..
زياد:نواف مشعل لقيته..

هاقد أتى يوم اللقاء..
وجمع الأحبة..
ليدق قلبي فرحاً وشجناً..
لا اعلم كيف سألاقيه!!
في داخلي شوق عجيب..
اليوم قد أتى موعد فرحي..
اليوم سأبكي فرحاً..
وأودع أحزاني..
لأعد لقلبي بيوم جديد..
لا يتخلله أي أحزان..
هتف قلبي بحب..
اشتقت لك يا بدر..
نزف قلبي كثيراً..
وتألمة روحي مراراً..
ولكن ها قد أتي يوم سعدي وفرحي..
لأعيش به بكل جوارحي..
بصحبتك انت يا أخي..

بقلميـ


انتهى..
انتظرونيـ فيـ البارتــ التاسعـ الجزء الثانيـ..
معـ حبيـ/صموتـ..(ولصمتـ معانيـ كثيرهـ)..