كاتب الموضوع :
حفيدة الألباني
المنتدى :
الشعر والشعراء
ومعقوله تجي منك وترميني لأي انسان
يلملمني ولايلقا بعيوني غير دمعاتي
انا ماصدق انك انت تنهيني من الوجدان
وترميني وانا اشوف القبر نادى مسافاتي
وكسرني الشتاء ياوليد وأنت بداخلي دفيان
تحملت الأسى والضيم عشانك يابعد ذاتي
وصحى بي البرد واللاهوب وانت بداخلي غفيان
تحملت السنين وقلت على الله تلملم شتاتي
انا امك ياهيه امك حملتك والعذاب ألوان
ولدتك والألم سكين يركز داخل لهاتي
وانا أثناء الولاده من بكا صوتك طعنت أحزان
لأني شفتك بصوتك تنادي كل طموحاتي
ومهدتك في عين وعين يشرب حزنها القران
وهزيتك وكان النور يتهزهز من دعاتي
اضمك في يديني لا تجي وتقول أنا بردان
تركت البرد لظلوعي رح انشد رعشة شفاتي
وزولك من ركض فيني لمست بداخلي أوطان
وتركتك تبني بمجدك على اكتاف اأنكساراتي
وتذكر يوم مدرستك صدى وكفوفنا الحرمان
وكانت رنته من فلس خلقته لك بشيلاتي
كبرت وصرت بعيوني شجاع واشهم الفرسان
وحلفت أني على عرسك لرقص كل شيباتي
أسولف للبشر عنك أقول ولابه أي نقصان
رضع عز الشهامه شب طموحه في معاناتي
وله شان الصقر لا أخذ منه الصقر له شان
يجي مثل الوضوء لاطب حنينه فوق راحاتي
يقولون الولد هو خان اقول وليدي لا ماخان
وهم يدرون ماغطى منامي غير وناتي
افا وشلون تتركني يكحلني عمى النسيان
وانت ادرى في يوم الحشر جنه تحت خطواتي
لك الله مانطق صوتي لك الا بدعوة الغفران
ولكن خوفي من حزني ومن دعوات عبراتي
تدين اليوم ياوليدي وباكر للأسف تندان
ويرمونك مثل أمك وتذكر حلم شيباتي
|
28-10-09, 04:17 AM
جديد مواضيع قسم الشعر والشعراء
العرض العادي
