اختي العزيزة ، الحقيقة صعب ان الدكتور يتواصل معاكي لانو بيشرف على مريضة عندنا في المنتدى ومشغول حاليا لكن ان شاء الله انا اللى هساعدك في محنة بنتك ، بصي اعتبريني صديقة ليكي عايزة تساعدك لوجه الله وخايفة عليكي ، طبعا انا عارفة ان الوضع صعب عليكي جدا انك تجاوبيني على الاسئلة اللى هسألها دلوقتي بس دى لمصلحة بنتك وعشان تخف لازم اعرف بالتفصيل كل شئ حصل ....

بس الاول احب اقولك حاجة ، وضع بنتك دى تأثير طبيعي من اللى حصل ليها ورغم انها الحمد لله ما زالت عذراء لكن سببلها مشكلة نفسية بداخلها خلاها تحس بعدم الامان والثقة في اي شخص ، ممكن برده شخصيتها تختلف عن السابق وتشعر بالوحدة والاكتئاب ، متضايقيش لو رفضت تتكلم معاكي في الاول لكن مع الوقت هتتغير وان شاء الله لما تنفذي اللى هقولك عليه هيبقى وضعها احسن كتير .

اول شئ عايزاكي تقوليلي هي سنها كم ؟ ، والحادثة دي حصلت امتى ؟ ، كم شخص اعتدى عليها ؟؟؟ ، حد عرف بالموضوع ده من الاهل ؟؟؟ ، الوقت اللى اختفت فيه اد ايه ؟؟؟؟ ، حكتلكم على كل اللى حصل ولا لا ؟ ، عندك اولاد قد ايه ؟ ، اوصفيلي اول ما شفتيها بعد الحادثة كانت وضعها ايه ؟؟؟ ، وضع والدها ايه اتجاهها قبل وبعد الحادثة ؟؟ ، وضعها في دراسة ايه ؟؟ ، مين اكتر شخصية متقربة ليها ؟؟؟ ، انتي وضعك ايه معاها قبل وبعد الحادثة ؟؟؟

كفاية دول دلوقتي وهكمل معاكي باقي الاسئلة بس لما تجاويني الاول ..... في انتظارك .... تحياتي