كاتب الموضوع :
ام وسن
المنتدى :
القصص المكتمله من وحي قلم الاعضاء
ولله وجبتيها على العوق يام وسونه طاري آسى الهجران وانفاس قطر يوسع صدري وشلون عادا لياجا طاريها في عطني حريتي القصتين بصراحه تحتل مساحه كبيره من قلبي ودايم استمتع وانبسط واطلع اللي عندي من الهذر في الرد عليها لبي قلب الطاري
يويلي ياخلود وش قلتي عن فادي صايع وهايت تخيلي خواته وصلو الكلام له لو من باب المزح وحسن النيه معه وش بيكون ردة فعله هذا بايعها بريال بيحمر وبيصفر وبيحلف ان تكونين له لو ماكان مفكر فيتس من قبل
الى الان ماندري وش رده على كلام خلود بعد سالفة الجوال
دبلوماسيه ياخلود طبيعي مهم كان فادي خواته ماراح يرضون عليه يكون علك بالحلق والكل يتتريق عليه
انتي ماجاملتيهم على حساب نفستس خذتي الموضوع كله مزحه ولا تراجعتي بكلامتس عنه وعن صياعته بس من باب المزح خليتي نفستس عانس وبيضفتس مثل مابتضفينه
ولله اني احتري مضفت كل واحد منك لثاني بس ها قبلها خلي حمد ياخذ بدور حرام ولله تكسر الخاطر كوذ تزوج قبل البتول
الا على طاري البتول صقر ماله طاري اليوم وينه حتى ولا مكالمه بينه وبين البتول حضرناها نبي نشوف رومنسية البدوي مع الحضريه
ابيه عليك ياجابر ولله استحيت انا منك وشلون موضي عمى يعمي العدو من الاحراج صار وجهي احمر هذا ياموضي ماينفع الا تقعدين معه ببرقع عشان تفتكين منه ياحياتي بايعه مع البنت من اول ليله معاد تدري هي تغطي عيونها ولا تولول من هول ماشافت وسمعت
بس عاد يابو مبارك روح ماعليك من احد المره لك وحلالك وسو مابدالك بس ها مافيه شي بالغصب كله برضى موضي اللي اتوقع ان العلم جايزلها
ولله انك اسم على مسمى ياعقاب ضيعت اعلوم نوف وخربطت افكارها ولله ولله وفينهايتها بوسه وعلى السريع ضيعتس اقول يانوف ولا تجعلو الله عرضه لايمانكم لعاد تحلفين وانتي منتيب قد الحلف وعقاب الى بغى الشي حصله ورجلتس فوق رقبتس حريم ماتجي الى بالمراوغه عرفت تلعبها صح ياعقاب
واحلا صباح على احلا عرسان وطلعت اظنون فيتس يامنتهى فشوش بدور دودي على قولتس تملك قلبتس
السعاده واضحه بعيونتس وبعيون بدر الله يتمم عليكم السعاده وتشوفون البيبي اللي بصراحه احسه له دور في التقريب بينكم بمجرد ماتحس منتهى بالحمل وانه جزء من بدر تحس بالانتما للشخصه وبالاضافه الى انها مقدره وقفته معها واعتنائه بها طول فترة الحمل
لبي قلب حسن النيه يام حمد تحسبين اللي فيها من هم العرس مالوم اجل بناتس يوم صار لهن اللي صار من طيب قلبتس وحسن نيتس
ماشاءالله على ذهانت ام بدر عرفت بحمل منتهى من شافتها اول مره وانتي معتس 24 ساعه ولا انتبهتي مير هذاني انبهتس بقي خلود وفويدي مهوب سهل وعينه زايغه صحيح البنت فطينه ومهيب هينه بعد يبي من ينتبه لها سمعتي الله هما بلغت الله هما فشهد
ام وسونه ماجبت شي من عندي فعلن ياقلبي تستاهلين النوماس على قولت اخوانا الامارتيني
و لا شكر على واجب ولله ان اللسان اللي يقول واليداللي تكتب تعجز عن شكرتس ومعروفتس انتي ماتتخيلين وشلون سعت الصدر اذا شفت بارت نازل القهوه جنبي مع الشكولاته واقراء القصه قمت المتعه لحد يشره علي انا اشرب القهوه كل حزه
ازالا الله عنا واياك همومنا ووسع صدورنا وجمعنا بمن نحب في جنان النعيم آمين
|
14-10-09, 01:02 AM
جديد مواضيع قسم القصص المكتمله من وحي قلم الاعضاء
العرض العادي
