كاتب الموضوع :
صاحبي يا حبني لك
المنتدى :
الارشيف
[ > .. الفصــل العشــرونْ .. < ]
مآ طيــقْ بعــدكْ..
بـَـس مـَـابيّ وصَالـكّ..
[ معــآدّلـهَ سهَلهَ ] ..
وَ لآ تّـبْـغىَ حلــــولْ ...!
رائد استغرب:" هيف .. وش فيــك..؟"
هيف:" .........رحيل "
عقد حواجبه قال بخوف وعيونه ما صارت ترمش :" رحيل وش فيها ..؟"
هيف نزل راسه :" تطلقت ."
وسع عيونه بصدمه ، قال :" هيـف ،، إنت تتكلم جد .؟"
هيف هز راسه :" إيه ، فهد قال لـي ."
جلس على اقرب كرسي كـان قريب منه ، وسند راسه على إيده ..
ما توقع ولا حسب حساب بأن يوم من الأيــام يسمع خبر طـلاق رحيل..
يفرح ، ولا يحزن ..
يفرح لأنها مـا عادها رحيل إللي على ذمة سعود ..
بس ما يقدر يفرح دام رحيل أكيد الحين حزينه ..
أكيــد حزينه ..
يـالله حـآس إني بـحلم ..
حـآس في رحيل الحين ..
اكيد تبكي .. اكيد مجروحه من كلمه [ طالق ] ..
اكيد إنها مجروحه من كلمة مطلقه ..
آه يا رحيل صحيح إني أحبـك وابيك لي وما ابي احد يشوفك غيري ..
بس هالشي مكتوب وتزوجتي بس تطلقتي وانا ما ارضى إن احد يجرحك وما ابيك تنجرحين من نفسك حتى ..
هيف شـاف إن رائد طوّل وهو سـاكت ولا تكلم ولا كلمه ، قال :" رائد ، إذا إنت متضـايق عشانها تطلقت واكيد إنها زعلانه على إللي صـار لها هالشي صـار وخـلاص ، وبعدين من المفروض ترتاح شوي لأنك راح تتقدم لها بعد ما تطلع من العده وتتزوجها وتحقق الحلم إللي تبي تحققه من زمان.. ولا ..؟"
رائد رفع راسه لأخوه :" هيف ،، يعني اوثق إنها راح تقبلني ،، مـا ادري بترفضني ولا لا ، بس ما هو ذا اللي افكر فيه ،، اللي افكر فيه الحين رحيل وش وضعها الحين ، يعني هي طالبه الطـلاق ولا هو إللي طلقها ، وما ابي افرح لأنها تطلقت ويمكن تصير لي ، لأني ماني عارف وش مخبيه لي هالدنيا .."
على هالجمله دخلت اسيـل ، قالت وهي تشوفهم مو على بعضهم :" وش فيكم ..؟"
نـاظروها .. بس ما ردوا عليها ..
اسيل بدت تخاف :" وش فيكم سكتوا ، وش فيكم ..؟"
رائد :" رحيل ( نزل راسه وسكت شوي ، وثم رفع راسه ) ............... تطلقت "
اسيل وهي توسع عيونها بصدمه وتضرب صدرها :" إيش ، تطلقت ، ليه ؟ آآ اقصد متى ..؟"
رائد تنهد :" اليـوم .."
اسيل ناظرت في رائد إللي ما عرفت تفسر ملامحه ، بس اللي بان لها الحزن ..
سكتت اسيـل ماتبي تستفسر لأن الشبـاب اكيد مو عارفين ولا شي..
وطلعت من عندهم ..
ورقت فــوق ..
وهي تفكر ، رحيل ليش تطلقت ...؟
و رائد فرحـآن ولا حزين ...؟
ياربي ماني فاهمه شي ..
وصلت للبيت ودخلت ما شافت احد بالصاله ، ورقت فــوق ، ودخلت الجنـاح طقت البـاب على الريم إللي مالها حس ..
الدانه وهي تطق :" الريم .... الريم .... الريم امانه افتحي البـاب ، افتحي ابي اكلمك ، الريم والله ما ينفع اللي تسوينه افتحي ، إللي تسوينه لا راح يقدم ولا يـأخر ولآ راح يصحح الغلط إللي سواه سـعود .. الريـم ؟ "
نفثت بقهر ولاحياه لمن تنـادي ..
الدانه وهي تحس إنها انقهرت جد من اختها :" الريم والله ما اتحرك من مكــاني إلا لما تفتحي البـاب ( طقت البـاب بقوه وأكثر من مره ) الريـــــم ! يلا افتحي بقولك شي بسـرعه افتحي آ.............."
سكتت وهي تشوف البـاب ينفتح ..
وطلعت وحده غير الريم اللي شافتها ..
وسعت عيونها بصدمه ماتوقعت الريم المرحه تسوي في نفسها كـذا ، وما توقعتها حساسه لهدرجه ..
شـافت وجه الريم إللي قالب لونه للون الأحمر وبـاين عليها البكي والهالات السوداء إللي تحت عيونها وبقايا الدموع اللي بقت بعيونهــا .. وحابستها .
الدانه و الصدمه بـاينه بصوتها :" الريـم ، وش فيك ..؟ ليه وجهك صـاير كذا ..؟ لا تقولين عشان رحيل ..؟ ترا هالشي صـار لأنه مكتوب و مكتوب لها وما ندري وش مكتوب لنا بعد ."
الريم بصوت مبحوح :" طيب ، وش تبين .؟"
الدانه تنهدت :" يعني وش ابي ، ابيك توقفين معي ، سعود حالته متدهوره بسبب إللي صـار له ، وامي مو اقل منك حزنت كثير على رحيل بس مخبيه حزنها بقلبها ، وابوي للحين ما شفته وماني عارفه إذا هو عرف ولا لا ، و إنتي قافله الباب على نفسك ، وانا تايهه بينكم ماني عارفه وش اسوي ، ابيك يالريم توقفين معي وتسـاعديني على سعود ونطلعه من إللي هو فيه ."
الريم :" يالدانه إنتي ما عرفتي زين ، في الفتره إللي راحت هي اللي كـانت قريبه مني وانتي إللي صرتي بعيده عني وصرتي مع لمـى ( كملت وهي تشوف الدانه كشرت على طـاري لمى ) وحسيت رحيل صـارت اختي وفقدتها كـأني فقدت اختي ."
الدانه :" لا تجيبين لي طاري لمـى بعد هاليوم ، كرهتها وكرهت سيرتهـا ."
الريم بسخريه:"بدري يالدانه ، بدري يا ما حاولت ابعدك عنها ، بس إنتي ما يقنعك غير رايك ."
الدانه سحبتها وجلسـوا على الغنفه إللي بالجنـاح ، قالت :" طيب إيش رايك لو نزور رحيل ."
ابتسم بحزن وبانت الفرحه عليها :" اي والله ، بس مو اليوم نروح لها باكر ، تلاقينها اليوم نفسيتها زفت ."
الدانه ابتسمت لها :" ابد ما طلبتي شي ، ولو تبين اروح معك رحت .."
كملت يوم شافت الريم سكتت :" اليوم رحت لبيت خالتي عشان اوقف لمى عند حدها ."
رفعت الريم راسها يعني كملي ..
الدانه تنهدت:" بس قبل لا ادخل ، شفت محمد وخفت من شكله إن خالتي فيها شي ، وسـألته بس ما رد علي وكلمته مره ثانيه ورفع راسه وهو يطالعني وسـألته اذا فيهم شي ، قالي انا اللي فيني وتم يناظرني بنظرات غريبه وسـألت عن لمى قال لا ما راح تشوفينها ، ولا ادري وش صاير ، مع إني حاسه إن فيه شي صـاير ."
الريم رفعت كتوفها بعدم اهتمام على لمى :" يمكن ."
صـآر له ثـلآث سـاعات وهو من شـآرع إلى شـارع ..
يحس إنه طفش من الحيـاه من اليوم ..
إذا هو اليوم طفش .. فـَ كيف الأيـام المقبله ..
كيف يعيش من دوون رحيـل [ كيــف ] ؟!
يالله يا رحيل ..
ما عرفت إني احبك إلا الحين ..
ما عرفت إني اغليك إلا الحين ..
ما عرفت إني ما اقدر اعيش من دونك إلا الحين ..
وما عرفت ..
وما عرفت ..
[ إلا الحيــن ]
ليش ما نحس إلا بعد فوات الآوان ..؟
ليش ما نحس في وقتها ..؟
ليش ما نحس إلا بعد ما نفقد الشي إللي بين عيونا .. وما نعرف غلاته إلا بعديــن .. ليــش ؟!
ما نعرفه إلا بعد ما يضيع من بين إيدينــا ..
الله عليك يـا الدنيا ..
يوم تكونين وفيه لـي ..
ويوم تكونين خاينه لي ..
ليه يا دنيـا ،، ليه كذآ .. وش سويت في الدنيــا عشان تسوين فيني كذآ ..؟
ليه تضيقين فيني و إنتي شــآيله النــآس كلهم ..
أحيــآء وَ أمــوات ..
يكفي إللـي صـآر لي ,, يكفي ..
يكفي صدمــآت ..
يكفي ....
تنهد سعود بضيق وهو يحرك السيــاره ، وما هو عارف وين يروح ....
:" والله حرام إللي صـار لها .."
كيان:" لا تقولين كذا يا مها هالشي مكتوب لها .."
ليان :" بس ما توقعنا إنها تطلق ، وبثاني عيد .."
سكتت كيان ..
قالت مها تغير الموضوع :" اقول كيان ملكتك بعد يومين ، وش اخبارك ..؟ ما طلعتي ثوبك ..؟؟"
كيان :" وجع .. مسرع نسيتي ، قبل ساعه ما كنتي تشوفينه فوق وتقولين يهبل وما ادري ايش .."
مها وهي تضرب راسها بفشله :" اووه نسيت .."
كيان وهي تناظرها وعاقده حواجبها :" إي الظاهر الحمل مـأثر عليك .."
مها وهي تحط إيدها على بطنها إللي بـدا يبان :" إنشاء الله بتتزوجين قريب ، وتجربين .."
وقفت كيان بقهر وحذفتها بالخداديه اللي كانت بحضنها وضرب بوجه مها ، وطلعت كيان ..
ليان :"ههههههههههه تستاهلين .."
مها:" انطمي إنتي ،، هين ارويك يا كيوون .."
يتبـعَ ..
|
27-12-09, 10:15 AM
جديد مواضيع قسم الارشيف
العرض العادي
