لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القسم الادبي > الشعر والشعراء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الشعر والشعراء الشعر والشعراء


يَـِِّ آنْـِِّآ / وٍيَـِِّآكَ وٍلآ مًـِِّآ [ آبٌَِيَنْيَ .. !

مسـاء / صباح الـورد.. عبدالله السقيان ] شاعر قد يكون معروف لدى البعض .. ! انتشرت له عده أبيات .. ولم يكاد تعرف هذا

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 10-08-09, 07:37 AM   المشاركة رقم: 1
المعلومات
الكاتب:
اللقب:
ذَاتْ طِرَآزْ نَآدرْ

البيانات
التسجيل: Oct 2008
العضوية: 100912
المشاركات: 6,636
الجنس أنثى
معدل التقييم: ~ دلعي غ ـير ~ عضو على طريق التحسين
نقاط التقييم: 52

االدولة
البلدAmerican Samoa
 
مدونتي

 

الإتصالات
الحالة:
~ دلعي غ ـير ~ غير متواجد حالياً
وسائل الإتصال:

المنتدى : الشعر والشعراء
افتراضي يَـِِّ آنْـِِّآ / وٍيَـِِّآكَ وٍلآ مًـِِّآ [ آبٌَِيَنْيَ .. !

 

مسـاء / صباح الـورد..





[ عبدالله السقيان ]

شاعر قد يكون معروف لدى البعض .. !

انتشرت له عده أبيات .. ولم يكاد تعرف هذا هالابيات من صاحبهـا .. ؟

عندكم مثلا ً ..

غُربَة وثَلجْ شْعور وأنْفاس دخّان
.................. تجتاحِني والليل لـ الليل يَشْكيْ ! ..

هالكلمات .. أنتشرت بشكل فضيع ..
دايم تصادفنــا كـ توبيكـات .. كـ تواقيع ..


شاعر جميل جدا ...


احســــاســـه قـــووووي ..


كثير من كلماته حسيتها مكتوبه من قلب



وهالمــــوضـــووع كلـــه من كلمـــاته ..
اتمنــــى ينـــال استحســانكـــم ..

واعجـــابكـــم بقــدر مــانـــال أعجــابي ...


برب



يَـِِّ آنْـِِّآ وٍيَـِِّآكَ مًـِِّآ آبٌَِيَنْيَ




يَـِِّ آنْـِِّآ وٍيَـِِّآكَ مًـِِّآ آبٌَِيَنْيَ

 
 

 

عرض البوم صور ~ دلعي غ ـير ~   رد مع اقتباس

قديم 10-08-09, 07:39 AM   المشاركة رقم: 2
المعلومات
الكاتب:
اللقب:
ذَاتْ طِرَآزْ نَآدرْ

البيانات
التسجيل: Oct 2008
العضوية: 100912
المشاركات: 6,636
الجنس أنثى
معدل التقييم: ~ دلعي غ ـير ~ عضو على طريق التحسين
نقاط التقييم: 52

االدولة
البلدAmerican Samoa
 
مدونتي

 

الإتصالات
الحالة:
~ دلعي غ ـير ~ غير متواجد حالياً
وسائل الإتصال:

كاتب الموضوع : ~ دلعي غ ـير ~ المنتدى : الشعر والشعراء
افتراضي

 

,

تذكرين ؟
لمّا كنا نصنع البسمه من خيوط الأنين !

تذكرين ؟
لمّا كنا نلتقي فذاك المكان اللي تعدته السنين !

تذكرين ؟
يوم كان الشوق يمطر ؟

تذكرين ؟
يوم كان الوقت أخضَر ؟





آنا ما اذكر. . !

 
 

 

عرض البوم صور ~ دلعي غ ـير ~   رد مع اقتباس
قديم 10-08-09, 07:47 AM   المشاركة رقم: 3
المعلومات
الكاتب:
اللقب:
ذَاتْ طِرَآزْ نَآدرْ

البيانات
التسجيل: Oct 2008
العضوية: 100912
المشاركات: 6,636
الجنس أنثى
معدل التقييم: ~ دلعي غ ـير ~ عضو على طريق التحسين
نقاط التقييم: 52

االدولة
البلدAmerican Samoa
 
مدونتي

 

الإتصالات
الحالة:
~ دلعي غ ـير ~ غير متواجد حالياً
وسائل الإتصال:

كاتب الموضوع : ~ دلعي غ ـير ~ المنتدى : الشعر والشعراء
افتراضي

 

قلت أخونك !
يمكن إن حسّيت فيني . .
تشتعل نظرة عيونك . !
يمكن "أشتات" الهوى اللي غاب فجأة !
تجتمع "تُشعِل" جنونك !


للأسف ماكنت حاضر !
وماقدرت أصلاً أخـــونك . . . !


للأسف ماكنت حاضر !
وماقدرت أصلاً أخـــونك . . . !




,










كنّا دايم في الهَوَى . .
نَحْلَم نحلِّق سَوَى . !
ودّنا نْكون لبَعَضْ
بسّ زمنّا مانوُى . . !



,









أضحك وانا أصلاً من الضيق مخنوق !
................... أسمع ,, أجامل ,, أبتسم رُغم حزني !
كل يوم اقول ان الليالي تبي تروق .. ؟
.................. كل يوم اجهّز للمَ طَرْ جيش مُزني. !


,










يابنت ملّيت السَهَرْ
ملّيت من كُثر العَنَا !
مليّت من كل البَشَرْ
حتى بَعَد نَفْسي أنا . . !





,










وش آخر هالجروح اللي ألمها يحتضر عقدين ..
من سنين العذاب اللّي تبعثرني وتقراني . . !
أحاول : أنتصر / أجمع شتاتي / أنشطر نصفين !
أعيش بنصف مايقوى و أرهن نصفي الثاني .. !
تعبت من الحياه : اللا حياه ولعبة التخمين
تعب صدقي يساير هالزمان وتضحك أحزاني . !
أنا : ياأنتِ قصّه من تعب مهما تُدان تبين
على وجه الشحوب اللي سكنّي ليــــن غطّاني




حياتي.. وش حياتي ؟ غير جرح وأنتظار وعين :
توطّنها السهر في عالم غيابِك وألغاني .... !



,









تذكر ليالي ودّنا
وذيك السوالف والمزوح ..
تذكر هَزَلنا وجَدّنا ..
معقوله تنساها وتروح ..!





,









تَعَالْ شفني ..
كُتله من الأحزان بغيابك . .
تَعَال شِفْني
شف وش اللي صار بأسبابك .!



ولاّ تدري .. !
لاتجي !
عادتي لغير " حزني " ما التجي . . !


,







إوعديني . .
إن حُبّك مثل حُبّي ماتغيّر
إوعديني
كل مانبعد و نغيب . . يصير أكبَر



وإوعديني . .
إوعديني . !
كثر ماغنّت عصافير المحبّه في سمانا . !
إنّك الليلة تجيني . !


,











أنتِ وينِك . . ؟
طـــالــت خطاوي جيّتِك ؟!
والقلب من يومك سجينِك . !



,









راح
و ترك لي إنتظار !
راح
وبنا للحزن في قلبي جدار
راح
لاليل يوهم هـ الشموع . !
ولا بـ غيابه لي نهـار


,










الظروف

إنّي ماعاد صرت آشوف . !
كل ماحولي ضباب
وكل من حولي سيوف ..!




الظروف
أنّي يومً طحت واحتجت البكى
مالقيت : اللي وقوف ..!

الظروف :
همً وضيقه وخوف
شي قاسي
ما تبرره الوصوف . !

الظروف :
طالع لوجهي وتشوف . !





,








وش آخرك ياضيقة البال قولي لي ..
تعبت اردد واقول الحال : مستوره
إن جيت بـ اشكي لقيت الكل : يشكي لي

وإن قلت بتهون زاد الوقت في :
جورهـ ..!
,












تعبت أعطي ولا آخذ
تعبت أرجف ولا ادفى !
تعبت آتساقط لغيري يادنيتي جوعا ا ا ن !



,









صوتِك البارح سَرَقني . .
رجعني لي . .
رجعني لِك . !
ما أقدر أعيش بدوني . !


,








أنا تعبان ياقلبي . .
وربّك لاتلوميني
وربّك ماحدً في الكون كلّه..
حس بس فيني . . !
ولا إنتِ
انا مُرهق . !
أنا
مسلوب من فرحي
أنا
مأسور في جرحي . !
انا
قصة تَعَب تكتب ملامح للشقا ..
ولافكَّرت تمحي . !



ياعمري مابقى فيني سوى دمعه !
سنين وهي تواسيني . .
سنين آصدها . .
وهي تنتحر فيني . !
أمانه لاتخليني . .
أمانه لاتخليني . !



,










إييييه ياحزني تمون
دايم تجيني ولايجون
ليتهم مثلك وفوا
أو
ليتني أقدَ ر أخوون . !



,











لو تحسّين بغرامي . .
والحنين اللي فـ كلامي . .
كان جيتي . .
كان

ماردِك ملامي .
!



,







آه ياقربك . . وياطول المسافة
كل شي ً في غيابِك . .
ياحياتي . . صرت أخافه !
وياحسافة . .
كل ما آنا قلت هانت
زادت أحزاني كلافة . !

 
 

 

عرض البوم صور ~ دلعي غ ـير ~   رد مع اقتباس
قديم 10-08-09, 07:51 AM   المشاركة رقم: 4
المعلومات
الكاتب:
اللقب:
ذَاتْ طِرَآزْ نَآدرْ

البيانات
التسجيل: Oct 2008
العضوية: 100912
المشاركات: 6,636
الجنس أنثى
معدل التقييم: ~ دلعي غ ـير ~ عضو على طريق التحسين
نقاط التقييم: 52

االدولة
البلدAmerican Samoa
 
مدونتي

 

الإتصالات
الحالة:
~ دلعي غ ـير ~ غير متواجد حالياً
وسائل الإتصال:

كاتب الموضوع : ~ دلعي غ ـير ~ المنتدى : الشعر والشعراء
Jded

 

يووووووه لو تدرين وش سوى غيابِك . . ؟
صدقيني . .
" ما أظن تصدقيني " . !

صدقيني لو لمحتيني لبُرهه . .
" ما أظنّك تَعرفيني " . !

كل شي فيني تحوّل . !
ماني ذاك الشخص الأوّل . !
إلا الوفا . . . .
صدقيني ما انطفى . !
حتى أنا لو أَختفي . !
ما إختفى . .
ما إختفى . !
الدنيا ماتغيّر وفي . !






.

/





انتِ وانا " قصّة ألم "
انتِ وانا " دمع وندم "
انتِ وانا " حُبً كبيــر " :
[بالواقع المُرّ إصطدم] !

اتخيلي قبل اعرفك ,, ماكنت أعرفني انا
واتخيلي ما آعتقد اني بدونك كنت " انا "
وانتِ أنا
انتِ أنا
ياالحاضر اللي لجله الماضي يسافر للفنا
ياعمري اللي من لفا ماظنتي عنّه غِنا .. !





.

/





لاتفكّر
لاتحاول تخلق أشيا فارغه:
من فراغ ..!
إمتلأ بك ,,
مارسكْ : حد الغموض اللي نبت في حضرة غيابه بروحك
عاشك أكثر من جروحك
وإنتزع من هالوجيه الساكنه حولك وضوحك .!
وإمتليت :
حزن حزن
وليت ليت ..!






.

/





لانويتي ترحلين:
إحزمي كل الجروح اللي نبتت في غيبتك
أو : إوعدي إنّك تجين ..!

لانويتي ترحلين :

إدفني حزنك بجوفي
إسرجي لخيل الأمل :
اللي تبقى من السنين ..!

وإفتحي شباك حلمك
للطيور : من الحنين


بس قولي لي بغيابك :
وين ابلقى ( أٌكسجين ) ..!

.

/











وبَعد الصَمْتْ يتنهّد ويَنْزفه التَعَبْ بـ اوراقْ
تشكّل بَعْضه و بَعْضه على بَعْضه يصير أقْسى !
يحاول يَزْفر الآهـ المُقيمة في لَظى الأعماقْ
ويتعايش مع أحزانً هيَ المَهْرَبْ هيَ المَرْسى .!
سَهره الليل ياما والحَنينْ يشحّ بالإشراقْ .. !
سقاه العُمرْ مُرّ ولا عَرَف وشلون مايَنْسى .!
على كثر الوجيه اللي تمرّه ماعَرَفْ يشتاقْ
على كثر الطُعُون اللي تهدّه ما عَرَف يَقْسى . !





وشلون اصير بخير ؟ !
والصبر ياكل وحدتي ..
والضيق فيني طير .!
وشلون اصير بخير ! ؟
قولي قبل لاترحلي
وتجددي الحزن القديم ..
ويخونّي التعبير . . !



.

/





يقال ان العطش كافر ويقال ان الهوى إدمان !
وانا كافر بهجرانك انا دينك على : ديني .. !
" أنا " ضمّتني الغربه " انا " هدّتّني الأحزان !
دخيلك إسرقيني / من زماني وحيل ضمّيني !
لأني لو بغيت أصمد محال تلمني أحزان
لأني لوبغيت أسلى تعرّى كل مافيني . !


.

/





قام الصباح ..
ولا لقى غير الجراح ..!
مبطي يدوّر عن وطن
مبطي ويخون به الزمنْ ..
مبطي تقاذفه الرياح ..
ولا يلاقي له صباح ..!




.

/




احيان احس إنّي من الحزن مخنوق . !
واحيان احس الحزن فيني يغنّي
ياااااما أصبّرني واتمتم (تبي تروق) !
حتى : إنتهيت ومابقا شي منّي . !


.

/





تقول كيف الحال وآقول : طيّب
....... ومابين طيّب والحقيقه [ مواني ]
مدري فَرَح من ذكرياتي مغيّب
...... مدري شعورً خان صدق الأماني .. !




.

/


أنا دخيل عيونك السود يابنت !
هدّي جدار الصمت بينك وبيني ..!
المستحيل يهون عندي ولا هنت !!
لكن ترى من جدّ ماعاد فيني ...!




.

/



الليلة كانت شاردة . .
ماتشبهِك . !
مرّت علي متلحّفة برد وهجير . !
كانت تحاول تستثير
صمتي وانا أتمرَدك . !
الليلة حتى قهوتي . !
كانت رتيبة باردة . !







غُربَة وثَلجْ شْعور وأنْفاس دخّان
تجتاحِني والليل لـ الليل يَشْكيْ !
ليلي كِذا بـ الوان ولاّ بلا الوان
لو يِحترق صَمْتيْ عليّه بـ يبَكي !
مُمكِن مـ اعرفك ؟ لَكِن الصِدق : عنوان !
ممكن أعيشِك ؟ لكن شْلون بـ احكي . !





السَهَر جرّح جفوني وأخضر سنيني ذِبلْ !
والقَهَر إنّي أشوفك لا ولاني طايلِك !
العنا أرَق منامي والليالي تبتهِِلْ !!
حِزني اللي من كساني .. كل بَرق يخايلِكْ !
يادفا عُمري " تعالي " كل مافيني ثِملْ
شوفك وضمّة حنينك . . . " ولاّ انا اللي جايلِك " . !





ليه يادنيا معانا قسوتك تمشي عدال ؟!
عكس حظً مايقوم إلا يطيح بـ موقِعَه !
وليه ياقلبي عشقت اللي " غرامه مايطال " ؟!
ويوم طلته ماحصدت إلا مرارً تَجرَعه . !






صباحه الهمّ والضيقة
وقهوة مُرَّة !
ودخااان . . !
يهتك ماتيسّر من يِبَس ريقه . !

صباحه الفَقد والغصّه
يجوب أعتى الشوارع
والفضاء ما مد له فرصة . !

صباحي حيرة وتشويش
وحظً يشتكي من قلّة الحيله ومـ التهميش
وروحً تنتثر لجل الكرامة ولجل هذا العيش
!




لو تشوفين المكان اللي حضنّا
ولو تضمّين الشعور اللي على غفله سكنّا
ولو شعرتِ بإغتراب الصدق في سكّة ألمنا
كان ماغرّب أملنا . !






بعض الحكي أقسى من أعتى خطيّة
لاجاك من غالي ولاهوبـ داري . !
تُصدم وذنبك كنت صادق شويّه
تشعُر بِأنك للأحاسيس شاري !!
البارحه مرّت كئيبه عليّه
بالرغم مِن أن التفائُل شِعاري . . !







الليل من "بَرْدي" "غِيابِك" تأثّر ..
والعمر يمضي مُرّ مُضني بدونك !
ماكنت أحَسْب حساب فَقدِك ولا اذكر
إنّي شعرت بلذّة الوقت دونِك . .
من قال : " ما احبك " إذا الوقت مُجبر :
يطيعني دام المشاعر تصونك !
ما أقول أنا على تجافيِك ما اقدر
أقول انا " تايه " بلاده : "عيونِك " . !





ياحياتي
وعلقمي إنتِ وفُراتي
فيكِ موتي . . وبِك نجاتي . !

ياوَطَن شلّ إغترابي
ياحلُمْ أيقظ سُباتي . !

من عرفتِك :
ماعرفتِك . !

من سهرتِك :
ما ارتكبتِك . !

 
 

 

عرض البوم صور ~ دلعي غ ـير ~   رد مع اقتباس
قديم 10-08-09, 07:56 AM   المشاركة رقم: 5
المعلومات
الكاتب:
اللقب:
ذَاتْ طِرَآزْ نَآدرْ

البيانات
التسجيل: Oct 2008
العضوية: 100912
المشاركات: 6,636
الجنس أنثى
معدل التقييم: ~ دلعي غ ـير ~ عضو على طريق التحسين
نقاط التقييم: 52

االدولة
البلدAmerican Samoa
 
مدونتي

 

الإتصالات
الحالة:
~ دلعي غ ـير ~ غير متواجد حالياً
وسائل الإتصال:

كاتب الموضوع : ~ دلعي غ ـير ~ المنتدى : الشعر والشعراء
افتراضي

 

.

/





آهـ لو تدرين .. !
وش كثر عانيت لجلِك ؟
آهـ لو تدرين .. !
كم وكم قاسيت بعدِك . . !

ليه صوتك غاب . !
ليه حسّك غاب !
ليه نبضك لملم جروحي وذاب . !
أو ليه قلبك ما إستجاب .. ؟

للنداءات الحزينة . .
للسهر / للشوق / لأحلامً غَدَت فينا سجينة . . !







قرّبيني منّك أكثَر
أبعديني عن زماني !
إحتويني بقلبً أكبَر
أشعلِي فيني حناني . !
بي من الآلام دفتَر .. !
بي من الحسرَة معاني . .
إشتكاني الحظ الاقشر
ولاشكيته صار أناني !
كم لعمري ما قد ازهَر ؟
كم وفرحي ما جناني ؟!
كل ما قرّب لي أدبَر . .
وبْـ متاهاتي رماني . !






.

/





راحت . . . .
كانت تبيني . . .
لأ . .
كنت أبيها . .
المُهِم . .
كنّا نتشابَه كثير . . . .
كنّا دايم نحضن الفرحه ونطير !
ومن حرارة حُبنّا !
مابياسع نبضنا : " كل هـالكون الكبير " !

كنت في قلبي أقول :

صدقيني . . صدّقيني . .
قبل آعرفِك . . موحشة كانت سنيني !

صدّقيني : كنت ضايع
كـنــــت : ضاااااايع . . !
ويوم لاقاكِ زماني . .
أشعُر بـ أنّـه لِقيني . . !





إنتظرتِك
إنتظرتِك
إنتظرتِك
إنتظرتِك

وجيتي ... !
ثم رحتِ !

ليه جيتي ؟!
ليه رحتِ ؟!

وياترى في /غيبتي ..
"لحظة " إسترحتِ ؟!

جاوبيني ؟!

جاوبيني لو سمحتِ؟ !







.

/






لقيتك .. ؟
مالقيتك ! ؟
إلاّ إلاّ . . . . .
والدليل: أن الضلوع الحدب بيتك . !
وكل مايغرب نهاري في عيوني:
بـ إحتياجي لك رجيتك . . !
وكل مايسرقني همسك :
قادني قلبي وجيتِك . .
وآهـ كم مرّه إحتريتِك . !
و وش كثر لا طوّل غيابك بكيتك !
وبـ إنتظاري كم سريتك !
وما اذكر إني قد سليتك !
لا ولا لحظه نسيتك !
بس ليتك
آهـ ليتك . !




.

/






دايم أقول . .
بكره تجي
بكره بتجي !
وأسرح فـ عذب الذكريات
وأتنفّس الماضي اللي فات
وأرتجي . !

لمسة وفا
مسحة دفا
صدرً حنووون . . !
لاضاق بي هالكون..
يمّه ألتجي . !

و

و

وبكرة إجا
وعيت تجي . !




ومن يوم ماراحت وانا أدورّني . . !
من يوم ماراحت : والصبْح ما مَرْنْي . !


يمكن تجي بكره ..
دايم أرددها
والمشكلة " بكره"
لبعيد تزفرني .!
وأرجع أدورني ..
أرجع أدورني . . !








.

/






مابي النهار يعود !
من سنين
وقصة العشق الحنين
تحتويني
تبتديني
تنتهيني !

من سنين
وقصة الغُربه ألم دايم يجيني !

من سنين
وآنا تايه
مالقيت اللي أبيه
مالقيت اللي يبيني . !


.

/









.

/

صدّقيني :
لو قدرتِ تِسعديني . !
صدقيني :
لو عجزتِ تكذّبيني . !
" مؤلمة كانت سنيني "
" مؤلمة كانت سنيني "
" مؤلمة كانت سنيني "

و

يا أنا ويّاك ولا ما أبيني . !








.

/






المكان اللي لقانا فيه ياما مايلفّه غيم
صار في غيابك يتيم ..
ومايخفف من عذابه !
غير : أمواج الشواطي
ومايزود من عذابي ..
غير إنّي :
كل يوم آجيه وأتذكر وأهيم
آآه يالعهد القديم ... آآآه يالعهد القديم .!!





.

/








البرد يسري بي ولا أدري على وين . !
. . . . . . . . . . . كل مابغيت أدفا لقيت أْ بْك منـ فى
كنت أنتظر لا طل صبحك تغيبين
. . . . . . . . . . . . وأغيب انا وياك والجرح يغفى !





.

/






تعالِي :
بـ / انتظرك وكل مافيني بـ ينْدَه لك . . !
تعالَيّ :
بـ / انتهيك وكل مافيني تواضع لك . !


ولاّ رووحي !!
بَردي تعدّاه الدفا . !
يعني : [ روحي ]
مالقت غير الجفا .. !


.

/






ياخي ضيق ..!
وين ما اخترت الطريق ..!
ياخي ضيق :
وكيف ما اخترت الطريق ..!
الصديق ..
اللّي ذخرته للزمان المر
ماعرف معنى (صديق)..!
والفرح لو زارك بليله مضيّع :
بات فـ احزانك غريق .!

والشموع
تعانق بلهفه الدموع
والمواني
خانها درب الرجوع

ولو بيوم نقول : تُفرج
مال هذا الضيق مخرج ..!
.

 
 

 

عرض البوم صور ~ دلعي غ ـير ~   رد مع اقتباس
إضافة رد

مواقع النشر (المفضلة)
facebook



جديد مواضيع قسم الشعر والشعراء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:29 AM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال  | شات قلب 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية