السلام عليكم ورحمة الله وبركاته
اهلا بك معنا اخي الكريم
بصراحة لا املك كلمات امام عمق كلماتك وكثرة معانيها في خاطري
ربما العنوان والمضمون يوحي انها قصة حب وفقد
لا أدري لما اجدها قصة تحوي بين طياتها معاني اكثر بكثير مما يمكن ان يفسر من خلال عنوانها
ننتظرك لنعرف من هي الكحيلة وكيف كان زمنها وخالدالذي بدا كهلا اول الامر لنجده بعد ذالك شابا ممكن ان تعطيه عمر بالثلاثين
لنجده بعدذالك عاشقا بالعشرين فأيهم هو خالد
ننتظرك لنعرف عن قصتك المزيد
بالتوفيق ان شاء الله

حياك الله اخوي ما بعد بين شي بالقصه
بس اتوقعهاحلوه
اتوقع انه كان يحب الكحيله وماتت بس مدري امل هي نفسها الكحيله ولا اخته ما بين شي
نستناك يالغالي النصف الاخر

السلام عليكم ورحمة الله وبركاته



حياك الله four seasons في ليلاس الابداع





عنوان جذاب للغاية ... ربما يوحي بكونها قصة تدور عن الحب لشخصية واحدة وهي "الكحيلة"

لك أسلوب شيق وتعبيراتك قوية للغاية تحمل الكثير من الابداع

اندمجت رغما عني بين سطورك مع خالد رجل الاعمال المؤمن المتألم العاشق

وانتظر بشوق لأعرف خيوط حكايته مع
الكحيلة .. أمل .. يوسف .. عبدالرحمن .. أم خالد





سلمت يمناك يا أخوي

احساسي يكفيني

وعليكم السلام ورحمة الله وبركاته

اعدك بالكثير الكثير

^_^

الجزء الثاني

:)

ــــــــ


تقول عائشة : مين على الباب !!
يجاوبها عبدالرحمن بحماس : أنا عبدالرحمن يا خاله
اليوم خميس وإجازة ليه صاحي بدري .. تقول عائشة
شكلك نسيتي يا خالة اليوم بيوصل خالي سعود .. يقول عبدالرحمن
وبعدين وينه خلود .. لا تقولين لازال نايم !!

ما أكمل جملته إلا ويسمع صوت أمل

شفت أزعجتها بصوتك .. تقول عائشة
أمممم يمكنها مشتاقة لي وتناديني ^_^ .. يقول عبدالرحمن
طيب قبل لا تجاوبها .. روح وصح خالد بدل هالكسل الي هو فيه .. تقول عائشة هالكلام وتتجه للمطبخ

خاله لا تنسين أنا أحب البيض من أيدك
إن شاء الله يا عيون خالته .. تقول عائشة

ـــ
أشعة الشمس تداعب عيون خالد .. حتى حجبها بكف يده
ابتسم عبدالرحمن وقال: يا خالد مهما حاولت تحجبني عن حياتك راح أكون انا الدفء لعالمك

على هذي الهمسات استيقظ خالد وكله أمل بيوم جديد وبمغامرات جديده مع صديقه الوفي عبدالرحمن

ــــ

أثناء إنشغال خالد وعبدالرحمن بأمل ومداعبتها .. إذ بمنادي ينادي
أتمنى تبقى لي القليل من أمل .. يقول سعود
ما تمالك خالد نفسه وبدأ بمعانقة والده .. وما نسى دعوة عبدالرحمن للعناق الحار
أسمعت عائشة صوت سعود يملئ أركان البيت .. أتركت كل ما يشغلها واتجهت لغرفة أمل .. لأن صوت حبيبها ينبع منه ..

أخيراً تذكرت أن لك أهل .. :(
اقترب سعود من عائشة وقبل رأسها وعبدالرحمن وخالد يناظرون عائشة ويترجونها انها تسامح

تقدم سعود أكثر وضم عائشة
عفيه يا عائشة سامحيني الدنيا أسلبتني أجمل معانيها .. يقول سعود
دامك اعترفت أني أجمل معانيها أوعدني ما تتركنا .. تقول عائشة
أوعدك يا نظر هالعين أني ما أطول عليك بعد اليوم .. ابتسمي الآن
الكل فرحان بعودة سعود والفرحة الأكبر أرتسمت على أمل الصغيرة


ـــ

حضرت عائشة مائدة الفطور في غرفة أمل لأن سعود ما قبل يترك أمل لو لحظة وهو بقربها

الجميع سعداء بهذا الاجتماع
الكل فرح بمائدة الطعام
الكل سم بسم الله الرحمن الرحيم وابتدأ ياكل
اول ما وضع خالد الأكل بفمه .. صمت
اول ما وضع عبدالرحمن الأكل بفمه .. بدأ يناظر خالد مو قادر يبلع الأكل
اول ما أوضعت عائشة الطعام بفمها .. ما فكرت تاكل مرة ثانية لأن الملح زايد كثير كثير
أما سعود ما توقف عن الأكل

اعتذرت عائشة من الجميع وراحت للمطبخ تحضر بعض الفواكه .. لكن خالد فاجئها بقبلة
استغربت منه وقالت : وش مناسبة القبلة ممكن أعرف
نظر لعينها بحنيه : المناسبة يا حبيبتي أنك ذكرتيني بأيام زواجنا الأولى ذكرتيني وكأنك عروس جديده لأول مرة تدخل المطبخ وتطبخ ..

ما تمالكت نفسها عائشة وبدأت بالضحك ..
بالله عليك تعال ودي أخبر هالصغار عن حكاوينا بالماضي وكيف كنت انا وانت

ــــــ

اجتمع الجميع قرب أمل وخالد وعبدالرحمن متحمسين لقصة عائشة مع سعود
أول شي يا عيال بلا ضحك واسمعوا قصتي مع سعود وكيف تزوجنا .. تقول عائشة
سعود ينظر لها بنظرة الشوق لأنه يعرف انها هبة من الله ما مثلها هبه
تقول عائشة : في يوم من الأيام وأنا بعمر الــ 13 سنة قرر أبوي زيارة أهله بالسعودية وطلب من أمي السماح له عشان ياخذني معه .. طبعأ أمي ما شكت بأبوي أبداً لأنها تعرف أنه ما يقدر يخالفها بشي وأنا أعرف أن أمي راح تقلب الدنيا أن أبوي حاول يلعب عليها .. طبعاً أنتوا ما تعرفون من أمي أمي من دولة قريبة للسعودية للأسف كانت تعمل كساحره كانوا الناس يجوون لها ويطلبون منها سحر قريب لهم او زوج او حبيب من أجل قربه وامي بسبب المال والقوة والسلطة تعلمت السحر بسبب سلالة أهلها السحرة .. أبوي يوم شاف أنه ما يستطيع أنه يتركني بينهم ويرحل عن هالدنيا .. قرر أنه يرسلني لأهلي بالسعودية لكنه خايف أن أمي تضرني وما تتركني بحالي فكان يتودد لها في آخر أيامي مع أمي وكان يحاول يسعدها ويراضيها بأي شيء حتى ما غادرنا الدولة وتوجهنا للسعودية الي من دخلتها وشعرت بأني املك الدنيا وما فيها ما تتصورون كيف كانت فرحتي بدخولي لديار الحرمين وما تتصورون فرحتي للديار الي قال لي عنها أبوي وعن ناس الطيبين بالشرقية
خوف أبوي علي خلها يحسب حسابه على أن أمي راح تبحث عني في كل مكان تتصوره .. لدرجة أنه ما فكر يخليني مع عائلته لكنه تذكر رفيق عمره أبو سعود فسافر له لكنه تفاجأ بخبر وفاته وأن سعود هو ابنه الوحيد فطلب سعود من أبوي انه يرتاح عنده 3 أيام حتى ما يحدد وين وجهته ..
ما أخفيكم يا عيال أن سعود كان ينظر لي على أني بنت صغيرة بعمر الــ 13 سنة وبسبب حبه لأبوه كان يحب ويقدر أصحاب أبوه وكان يتمنى أن أبوي ما يرده في طلبه الي بيطلبه منه ..

عبدالرحمن يصوت عالي : أحلى أحلى السنارة غمزت يا خالي ههههه
خالد لازال صامت يبي أمه تكمل القصة : كملي يمه كملي
تكمل عائشة : المهم أبوك سعود له أقارب كثر وكل قريب له يتمنى انه يزوجه بنته لكنه طلب من جده أنه يخطبني له وكان يقول لجده" يا جدي الناس واعمامي وخوالي ان تصبحوا وتمسوا بوجه عائشة فماراح يذكرونها الا بالخير وانا اوقعت عيني على الافضل من بناتنا وبعدين يا جدي انا ما ابي اتزوج وتصير لي مشاكل وانت أخبر بالي في يوم عرسه يتزوج وحده مو هي الي شافوها أهله أو أن اهله زوجوه بفتاة ما تقبلها .. فايش رايك وانا شفت عائشة واشوف فيها خفة ظلها وهالشي يزيدها جمال على جمالها وباين عليها انها حكيمة وتملك علم بيفيدني كثير في دنيتي "
طبعا جدكم ما قدر يرفض طلب حفيده وقرر الذهاب لبيت حفيده الي يستضيف فيه أبوي ويطلب منه انه يتزوجتي .. أبوي ما تمالك نفسه من الفرحة وخاصة انه جاء للسعودية فقط ليستر علي ويزوجني بالي بيحفظني ويوم شاف جمال أخلاق سعود وكرمه تمنى انه يكون زوجي .. أما سعود ما تجاوز العشرين حتى الان من عمره

يقاطع سعود عائشة : عائشة تعرفين أني ما راح أنسى منظرك وانا ادخل عليك لأول مرة في حياتي وانتي تلعبين وتقفزين من الفرحة لزواجك

احمرت وجنات عائشة : طيب طيب ما أنسى بس خلني أكمل ..

الكل يضحك لحياء عائشة

طبعاً فيه شي لازم تعرفونه انا يوم تزوجت ما كنت أعرف أسوي أي شي حتى شعري ما كنت أعرف أمشطه وكان سعود ما يقصر يقول لي تعالي ويجلسني قدامه ويمشطه لي

طبعا ً احم احم في يوم من الأيام قررت أني اكون ربة بيت مهما صار وجلست أبحث عن الخضروات الي بالثلاجة ما حصلت غير البامية أقدر أطبخها مع اللحم .. وكان هالكلام في أول يوم من أيام رمضان

يقاطعها سعود : عائشة ليه انتي مصرة تتكلمين عن هالشي وهو يسيء لك ..مع انك من المفروض تسكتين لان ما فيه حد ابدا راح يتكلم في هالموضوع

ترد عليه : تعرف ليه .. فقط عشان يعرفون كيف يحترمون بنات هالناس لما يتزوجون .. وعشان يعرفون انهم مهما صبروا على أخطاء زوجاتهم ما راح يبلغون صبرك وتضحياتك معي

تعرفون يا عيال لما أذن المؤذن لصلاة المغرب بدينا نفطر وانا كنت انظر لوجه سعود .. بعدها بديت أكل أول لقمة .. بعدها عرفت أنه واجب علي أني ما أعيدها مرة ثانية .. لكن الشي الي حيرني أنه ما قال لي شي .. عشان كذا سألته لما انتهى من الأكل كيف الطبخه ^_^ .. رد علي وقال : الحمدلله أفضل من كذا مستحيل .. فقال حلو هالاكل كثير .. قلت له : تبي احط لك بعد !!
قال : لا .. يكفيني صحن واحد عشان أتذكر هذي الطبخه وأحن لها طول الأيام !!
الغريب أني كنت اعرف ان الطبخه أكثر ملوحة من ماء البحر
والغريب أكثر أنه كان يسكت ولا يقبل انه يتناول أي طعام في أي بيت عشان محد يشعر بأي شيء

وفي يوم من الأيام بعد سنة من زواجي زارني أبوي وطبخت له وكنت أقول أبيه ياكل من أكلي عشان يعرف أني ربة بيت صح
ومن دون كذب أول ما وضع أول لقمة في فمه حتى سألني : هل تطبخين لزوجك مثل هالطعام كل يوم ؟

فأجبته بفخر / نعم
قال لي : انتي كل يوم طبخك مثل هالطبخه؟!
قلت له \ نعم
قال لي : وهل زوجك ياكله كل مرة ؟!
قلت \ طبعاً ^_^
قال : ولا يقول لك ولا شي ؟!
قلت له : طبعا ً
في الأخير صرخ بأعلى صوته : يا فضيحتي .. زوجتك عشان تبيضين وجهي وأحميك من بلاوي أمك .. آخر شي صرتي لنا مصيبة لحالك .. الله يعين زوجك عليك .. الله يعينه .. تعرفين لو طلب مني زوجك أني أزوجه بنت ثانية لزوجته .. طلع أبوي وسكر الباب بقوة :(
اسكتت عائشة وعبدالرحمن وخالد ميتين ضحك عليها : سعود علمهم أني كنت أحاول كل يوم .. صح كلامي يا سعود ؟!
- يشهد الله يا عائشة انك حاولتي اكثر من الي واجب عليك !! وبدأ يضحك ههه
عائشة تناظر سعود وهي تعاتبه : كذا تبغى تشمتهم فيني !!
بعد ما اوقفت الضحكات الي رجت البيت وبدأ كل واحد يمسح دموعه قالت :
الصدق أني كنت أسأل كل إمرأة اشوفها عشان اتعلم منها .. قولي يا سعود تقدر تقول غير هالكلام ؟! قول لهم قول لخويلد ودحيم !!!
ورجع سعود والاوالاد يضحكون ..


ـــــــ


طيب دام فضحتي نفسك وش رايك اتكلم عن سعود المجنون فيك .. يقول سعود
نقز خالد : ايوه تكلم تكلم .. ابي اعرف كيف كنت يوم شفت هالقمر أمي

فاجئتهم أمل بصوت ضحكتها .. وكأنها موافقة للقصة

ييقول سعود : أما أنا فكنت فرحان بعروستي الجديدة فرحة ما أقدر أوصفها لك لأن البيت كان مظلم بوحدتي وما كنت أجد انيس لي لكن بوجود عائشة كنت ألاحقها بالبيت وأحاول أمسكها واحملها فوق ذراعيني وكنت ألحقها حتى الحوش وأردد دوم عندنا عسل لي وحدي وعندنا ورد يشمه الكل !!
وفي يوم كنت ألحقها لين وصلت للسطح ومن شدة فرحتي فيها كان كثير من جارتنا يشوفوني وانا معها بالسطح !!

طبعاص انتشر خبر حبي لعائشة وتعلقي فيها والكل بدأ يتحدث بخبري مع أمك لدرجة أني النساء يقولون : هذا هو الرجال مو رجالنا !!
وللأسف بعد شهور من زواجنا بدأت نظرات الحسد تتسلط علينا
لدرجة أني كنت في يوم من الأيام مع شباب الحارة جالس واشوفهم يتهامسون .. وعرفت انهم يقصدوني وعائشة فقلت : علي الطلاق أن عائشة أحلى من الشمس والقمر !!
صمت الكل

وبعد اسبوعين من الحادثة كنت اتناول الشاي في مقهى نتجمع فيه وسمعت من يشكك في جمال عائشة فقلت بصوت عالي : علي الطلاق أنها أحلى من الشمس والقمر !!

فقالوا لي : يا سعود هل يعقل ان فيه بنت أحلى من الشمس والقمر .. مع ان الشمس والقمر من أجمل وأبهى خلق الله .. الشمس تضيء لنا نهارنا والقمر ينير لنا ليلنا !!

فرحت أفكر في الي يقولونه لي لكني كل ما نظرت لعائشة ما يدخل الشك بقلبي واقول : هي أحلى
وفي منتصف الشهر حضر ابن العمده الأهدب لمجلس لنا : وقال أيعقل أن يكون هنالك إنسان اجمل من الشمس والقمر
فهمت وقتها خبثه وقلت له وللبية : علي الطلاق إنها أجمل من الشمس والقمر
شعرت ان هنالك طعنة خيانه أحسست بكارثتها

جن جنوني فرحت أركض للشيخ وأقول له الحكاية فجلس يبحث ويسأل وقال لي : من أين أتيتنا بهذه المصيبة يا ولدي ألا تقدر زوجتك !!
كنت انظر لعائشة وأشعر أن هنالك مسافة تفصلني عنها مثل ما يكون بحر يفصل بيننا
كنت يا عائشة وقتها ازور الشيخ كل يوم في مسجده لكني تعبت نفسياً تعبت من حصارهم ومن منعهم لي من شوفتك
هجرت حارتنا ورحت أسأل المشايخ وكل شيخ ما يملك إجابة لي تشفيني
حتى ما ألتقيت بالشيخ الي كتبت لي الكتاب بأمك وقال لي : أمهلني 3 ليال
ما اكذب عليكم كنت أبكي أخاف أخسر عائشة من يدي وأخون الأمانة الي أمنها لي أبوها

كنت أقول للشيخ الي كتب كتابنا : زوجتها لي وانا أضعتها مني

وفي اليوم الرابع كان الشيخ يحرك لحيته وينظر للسماء ويعقد يده خلف ظهره حتى ما قال : وجدتها قم بنا لحارتك

فرحت كثيرا لهذا الخبر وعند غروب الشمس وصلنا للحارة
وفرح الناس برؤيتي من جديد وطلب جدي من الشيخ المكوث للعشاء .. فذبحوا الخروف تقديراً لحضور الشيخ
طلبت منهم رؤية زوجتي فرفضوا ذلك وقال لنا الشيخ هل نصلي المغرب ؟
فصلينا المغرب وابتدأ الشيخ بقراءة الفاتحة ومن ثم قرأ قوله تعالى ( والتين والزيتون , وطور سنين , وهذا البلد الأمين , لقد خلقنا الشمس والقمر في أحسن تقويم)
فلما سمع المصلون هذا قالوا : لقد خلقنا الإنسان في أحسن تقويم
فهز الشيخ رأسه أثناء صلاته والتفت عليهم وقال : ما دمتم تعرفون أن الإنسان أجمل خلق الله .. فلماذا تفرقون بين الرجل وامرأته ؟

صمت الجميع .. وفهم سعود مقصد الشيخ فضمه وشكره وضرب جبهته وقال : لم يخطر ببالي هذه السورة
فقال الشيخ : لأنه لم يخطر ببال أحد لم يخطر ببالك
وانتهت هذه المصيبة وحرمت اقول أن عائشة أجمل من الشمس والقمر

ــــــ

الغريب في الأمر بعد شهور معدوة بدأت امك ترجع كثير ووقتها عرفت أنها حامل وفرحت كثير كثير

لكن المصيبة الي لازم تعرفها أنك مش أول بكر لنا كان فيه قبلك كثير وكل ما يولد لنا طفل يموت بعد فترة قصيرة او في بطن أمك
ذهبت لشيخ للقراءة عليها وعلي وقال الشيخ : أن فيه سحر معمول لها وأطلب منك أنك ما تخلي عائشة ترضع الطفل الجنين

وفعلاً كنت أنت أول طفل لنا ما أرضعتك أمك وأرضعوك نساء كثر
حتى ان أمك كانت تخزن الحليب لك حتى يوم تصيح بالليل نعطيك إياه عشان ترضع

ـــــ



تقول عائشة : إييييييييييه يا سعود ذكرتني بالي مضى واعترف أن خالد هو ولد ابوه لأني ما كنت أعرف بالتربية شي
تخيل يا خالد يوم تصحى بالليل وتصيح ما كنت اتحرك لك ويجي سعود يصحيني وكنت ارفض وكنت اقول له دبر عمرك انت وسكه .. أنا ما اعرف اسكته
ويصرخ علي : يا عويش الولد بيموت من الصياح قومي رضعيه
_ وش تتوقع اقدر اسوي له
رضعيه .. يقول سعود
- انا تعبانه وابي انااااااام
- طيب بسفرك يوم الخميس
- ما ابي
- راح اشتري لك الي تبين
- ما ابي
- راح اعطيك خمسمية ريال
صراحه كنت احب الفلوس انا وافرح لما اشوفها كثير لكني سويت روحي اني بنام عشان يزيد من فلوسه وخلود الصغير يصيح لازال
ويرجع سعود ويناديني هالمرة ويقومني غصب : قومي ولك الف ريال

وفي هاللحظة قمت وارضعت الطفل حتى ما جات أمل الان

وفي يوم من الايام تخيلوا كان خالد يصيح وجاني ابوي مرة يبي يهنيني على الطفل وقال لي : ليه يبكي حفيدي : فقلت له والله ما أعرف ليه يبكي .. وأخذه ابوي بين ذراعيه وحس بالحرارة الي تشب بجسمه وقال : يلعن أبو الي جابك يا كلبه حراااااام عليك الي تسوينه في الرجال وطفله !!

بكيت كثير لاني كنت اجهل امور كثيرة في حياتي لكني صدق كنت اعرف امور محد يعرفها وهذي الاسرار تعلمته من جدتي وراح اقول لكم عنها في وقت ثاني
ولا وش رايك يا سعود انا كنت صغيرة ولا افهم والان تغيرت

ههههههههه خالتي واضح انك تغيرتي اكلك للحين كله ملح .. وحتى أمل للحين أنتي ما غيرتي لها من أمس والريحة فايحه بغرفتها . يقول عبدالرحمن


الكل بدأ يضحك من جديد حتى سالت الدموع



انتظروني بالجزء الثالث