شارمي يا شارمي/ ضحكتك في عيوني
أولا سامحيني يالغلا لأني ماحضرت الحصة اللي فاتت وأثبتت تواجدي الرقيق كرقتي المصفاة<< كثري من ذا الخراط

يا وخيتي أعاني مع مشروع التخرج.. ولو فتحت الموضوع بأسوي فيلم هندي وباسيل متصفحكم الكريم من شلالات دموعي

المهم إبدعتي تسلم يمناج يا بنت الكويت.. وجعل بطن جابج الجنة.. قولي آمين..

اليوم بأبدأ ببطة الكبد العالمية والمحلية والإقليمية يوسف ولد أبو يوسف.. ترا ياوخيتي يا شارمي يمدحون مستشفى الصحة النفسية للناس اللي مثل حالته المستعصية... لمتى وهو شارد عن المستشفى.. تراهم يدورونه ويقولون إنه النزيل رقم واحد عندهم لأن كل دراسات الأمراض النفسية يطبقونها عليه
وطلبة الطب النفسي يجون يتدربون عى حالته المستعصية
فلا تطولين يا وخيتي عليهم.. تراهم ناطرين مريضهم طال عمرج


فواز.. أنا عن نفسي انبسطت انه فسخ خطبته من جود ويبي منيرة.. أبي منيرة تلعن خيره شوي الحقير أخو الحقير
لكن لو جينا للحق.. ترا تصرفه غير مبرر... ترا اللعاب اللي مثله.. مستحيل يأخذ وحدة طلع معها لو مهما صار.. وحتى لو كان يذوب في هواها..
المهم عالم القصص غير... وفديت الغير... وخلي منوري تلعن خيره تكفين... ولا تسوين المتوقع إنه بيصير يغار عليها ويضيق عليها.. لأنها طلعت معه.. مانبي ذا الفكرة نبي فكرة غير..نبيه يذوب وهي تتحكم فيه هو ووجهه المعفن


الجوري مبروك مقدم الجوري يابو الجوري وأم الجوري... أنتو حلا ذا القصة


عقاب وشيخة... صدق غرام الشيبان شين... عورني بطني من الضحك عليهم... تراني حبيت خبالهم.. أبيهم كل بارت تكفين


شكرا شارمي يا قلبي... ناطرينج ياغلاي.. فديت الأربعاء اللي يجيب طرياج..


بنت الخالة

السلام عيك رحمة الله وبركاته.
يعطيك الف عاااافيه رووعه البارت..
بوخالد وام خالد..حلو الواحد يتغزل بزوجته لكن ماهو جنب عياله
احراج لها بنفس الوقت روعه يحسس الام بقيمتهااا سوء كانت كبيره او صغيره ويخلي عيالها تحترمهاااوتحبها اكثر لما تشوف محبه وتقديرابوهم لي امهم..
فواز ومنيره..كنت موقعه ان بيفسخ الخطوبه من جود لكن ماهو بهذي السرعـه.شخصيه جود هي خلته فواز يتركتها عندها حب تملك والغبيه تقولها له صراحه الرجال بلعكس ينفر من المره المتملكه يحس نفسه مراقب من تصرفاتها ..لكن منيره العكس تمام وفقت في وجه وتحدته ورفضته والاكثر اهانته وهذا زاده فواز اصرار وتمسك فيهاا
مناير وخالد..مبروك البنوته ..سبحان الله خالد تغير كثير وهذا صفه في كل الرجال قبل مايتزوج يكون جاف بمشاعره مع الكل <<مو الكل البعض يمجرد مايتزوج يتحول لشخص ثاني واذا جاه عيال نزلت عليه الرحمه والحنان يفيض وخوصا اذا كانت بنت ..
يوسف ومضاوي..متشتت الفكر وماعنده شخصيه ثابت عليه يقسي على مضاوي وفي لحظه يحن عليه ..!!
ابتعادهم عن بعض حل مناسب لطرفين كل يراجع نفسه هل الي يسويه صح مع اني اشوف مضاوي صارت جاريه لــه من حبه لها صارت تنفذ طلباته على وعسى تكسب قلبه ..
في انتظارك غاليتي بكل شوق
دمتي بود

السلام عليكم..
يا كثـر ما قتلج البارت يهبل..او البارت عجيـب..او البارت حلو..بس اليوم اقوولج..ان كل هالكلام ما يعطي بارت اليوم حقـه..تسلم ايدج عليه شوشو..وسوووري عالتأخيـر..

فواز
وانه فسخ خطبته مع جوود..الي كانت غلط..لان هو يحبهـا حـب اخوي..وهي تحبه حب تملكـي..وانـه خطب منيـرة..صج انه طلـع معـاها..وكلمهـا..من قبـل..لكنه خطبهـا..شلون بتكون حياتهم..احسها بتكون كلهـا اكشن..لكن مو نفس يوسـف ومضاوي..والشك الي بينهم..لا..

مضاوي ويوسف
والانفصال المؤقـت..فعلا ما كو حل غيره..مع توقعات يوسف المريضـه..وشكه فيها..وبأي شي تسويـه..

خالـد
واعترافه لمناير..هذا دليل على انه يوثـق فيها..وعلى انه معتـرف بحكمتها..وانها تقدر تساعده..ان شاء الله يسوي الي قالتـه له..ويقول ليوسف..وفواز..عن الصـج..يمكن يكرهونـه..يطقونه او يذبحونه..لكنه ريـح ضميره..ويمكن صلح غلطته..

منيـره
وموافقتها على فواز..وخوفهـا ان حياتهم تكون نفس مضاوي ويوسف..الله يستـر..

جود
وارتياحهـا..مستغربة من نفسها..خطيبها فسخ الخطبه..واهي مازعلت ولا تضايقـت وايد..هذا دليل على انـها ما تحبـه..

ام خالد وبو خالـد
عسى يرجعوون لبعـض..ويلمون شمل عايلتهم مرة ثانيـه..

بنووتة