فروحه
مرحبا خيتوو .. فرحتني كلماتك المشجعة وفرحت اكثر لمتابعتك
ان شاء الله أظل على هذا المنوال واترك تلك البصمة ...
شكرا يا قلبي على الرد الرووعة مثلك

هذي تكملة الفصل الثالث وان شاء الله المرة القادمة مارح أنزل اجزاء قصيرة .. كل جزء لحاله
.
.
الفصل الثالث /2
ثقله مكبلها .. وراسها ترن بألم عنييف .. فتحت عيونها ، وشهقت بقوة من اللي شافته ...!! نظرة عيونه ما تبشر بالخير ، وهي استنفذت كل طاقتها لآخر ذرة منها .. لكنه ساعدها .. أو كان يبي يساعدها .. معقولة بيأذيها ؟؟، تخاف تكون تتوهم .. و ...
فجأة ثبت يدينها بالارض بيدينه الثنتين .. وحست باللي يبيه ..
تحركت بكل الذعر والخوف تبي تنفذ منه، حست بجسمها مقيّد وماهي بقادرة تحرك حتى اطراف اصابعها ..
قالت بوهن : اتركني .... بقوم ..
لكن لا حياة لمن تنادي .. على نفس الوضع وما تحرك .. عيونه تتحرك عليها ببطىء ، وكأنه صراع هادي يدور فيها .. حاولت تفلت يدينها لكن يده كانت مثل المسامير اللي ثبتتها ..
قالت بصوت باكي ودموعها بدت تنزل : قوووم عني !!! خليني..!
في هاللحظة تحرك .. وهي .. صرخت بأعلى صوت قدرت تطلعه ..
حست بكل الأمل اللي تبقى لها ينهار مثل جبل من الرمل وتنااااثر ...
حاولت تتكلم .. تصرخ .. صوتها ما طلع .. ترجتــه .. لكنه كان مثل الاصم .. واستسلمت لقدرها وهي تغرق في بحر من الدمع .. وتتمزق !!
.
.
.
.
.

خرج من الغرفة وهو يتخبط بهلع .. يطالع يمين يسار يتأكد ما احد شاف او درى عن فعلته الشنعاااء .. سحب مفاتيح سيارته من الغرفة وطلع من البيت كله .. ما يقدر يجلس فيه لحظة بعد اللي سواه .. فكر بكل الاماكن اللي ممكن يروح لها .. كل الاماكن تبخرت من ذهنه .. يبي مكان يريح فيه اعصابه اللي ترتجف .. واول ما خطر على باله .. الاقراااااص .. فتح درج السيارة بلهفة .. واخذ منها بصعوبة حبة وحدة .. وكان وده يفرغ كل الاقراص بجوفه .. بلع الحبة بدون موية ووقف سيارته يستطعم مفعولها .... راحة راااحة .. هي كل اللي يبيه .. وبعد لحظات من الهدوء ....استسلم لافكاره .. لام نفسه بشدة .. مالقيت غيرها ؟؟ عندك كل الاصناف والانواع وتقدر تحصله بسهولة .. ليه هي ؟ ؟ليه ؟؟
معقولة انا ضعيف لهذه الدرجة وما قدرت اتحكم بنفسي .... !!!؟
خبط على الدريكسون بقوة .. وهو يتجه لبيت صديقه .. أكيد الحين أخوها درى .. وبيقلب الدنيا على راسه .. ممكن فيها محاكم و قضايا .. ممكن يقتلني .. هذي اخته !!! ماهي رخيصة مثل اللي تشوفهن كل ليلة ...
ومع كل فكرة تجيه كان يلوم نفسه اكثر .. ليه يجيب لنفسه المتاعب .. ليه يغير رتم حياته الهادي .. وبدون ما يقاوم نفسه اخذ حبة ثانية وبلعها .. مو قادر يتحمل .. صداع وافكار متلاحقة بتفجر راسه ومو قادر يسيطر عليها ..
.
.
.




















قامت مثل المجنونة وهي تنتفض وتنتحب بصوت عااالي .. ما اهتمت للجزاز اللي تحت رجولها واللي قاعد يقطع برجلها وهي تدعس عليه وتمشي بلا هدف .. انهارت من جديد على الارض .. ما اهتمت تلملم فستانها عليها .. ما اهتمت لشكلها المبهدل ولا مين ممكن يدخل عليها .. ما اهتمت لأي شي .. كانت تايهة... مصدوووومة ..... صدمة .. عنيفة .. وصفعة اقوى من كل الصفعات ..تلقتها من مين ؟؟؟؟؟؟؟ ... احد اولاد عمها .. هي حتى ما تعرفه .. ما تعرف اسمه .. ما ....... انتحبت بصوت اقوى .. حست بصوت ولفت باقوى ما عندها ناحية الباب .. بكل الخوف والرعب .. لمحت شبح الخدامة .. صارخت عليها باعلى صوت : اطلعي برااااااااا برااا برااااااا
طلعت الخدامة تركض وهي مرتبكة ومو فاهمة شي غير ان منظر القزاز افزعها والصرخة اللي قبل شوي اقلقتها ..
ديما قامت بتخبط و سكرت الباب مرتين بالقفل واسندت جسمها عليه وهي تصرخ صرخات مكتووومة .. انفاسها تسارعت بشكل مو طبيعي .. حست بها تختنق داخل صدرها .. رن الجوال وخلاها تنتفض وتصرخ .. مدت يدها له وهي ترتجف ،، شافت اسم اخوها .. رمت الجوال من يدها بقوة على الارض و رجولها ماقدرت تشيلها والدوخة ترجع لها بقوة .. بكت وبكت وبكت لين حست ان دموعها خلصت .. حست ان الارض تحتها ارتوت من دموعها .. بكت طهارتها .. نفسها .. حياتها .. مستقبلها .. امها ..وابوها ...... اخوها !!!!!
تساندت على الكنب وقامت تحاول تتخطى القزاز هالمرة ، حست انها لو ما شربت موية الحين .. بتموت في الحال ..
وصلت للمطبخ واخذت كاسة موية وشربتها بلا شعووور ... بدأت تستعيد افكارها .. ايش صار بالظبط واييش حصل .. ومع تذكرها لتفاصيل مصيبتها غمضت بحرقة وعيونها ذرفت بدل الدموع سيووول .. وراحت للحمام .. شالت قميصها اللي حمل آثار الجريمة .. و رمته بعيد المهم انه يكون بعيد عن نظرها ... تسبحت بالموية الباااردة وبدموعها الحاارة .. حست بآلام في كل أنحاء جسمها .. غسلت رجلها اللي انجرحت جروح كثيرة ..
تتذكر شكله وعيونه ونظرته .. وترتجف كانه الموقف ينعاد معها من جديد .. لبست قميص باكمام طويلة دافىء ساتر .. لكنها حست كل تفكير يمر فيها يجردها من كل شي ... دخلت في سرييرها وجاتها كل المشاعر وكل احزان حياتها لعندها .. شعور باليتم .. بالوحدة .. بالظلام .. بالخوف .. بالهلع .. بالرعب .. باليأس !!!!!!
ايش العمل ؟؟ كيف تواجه اخوها ؟؟؟؟؟ بل كيييف بتعيش بعد اللي صار ؟؟؟ وشلون بتكون حياتها ؟؟؟؟؟ يافضيحتها !!! و الاهم الاهم .. وشلون بتاخذ حقها ؟؟؟
ولد عمها ... هذا ولد عمها مو أي أحد ......... ومن عمق اعماق قلبها .. دعت عليه .. بكل دعاء يخطر على بالها .. دعت ودعت .. بقلب محترق وشرف مهان ومنتهك ...
بعد ما حست انها طلعت كل اللي بقلبها .. بدأت تفكر بواقعية .. عايض ممكن يرجع بأي لحظة .. مو لازم يعرف أي شي .. عايض تصرفه ما رح يكون خير ابدا ..وبعدين هذا شي ما تقدر تواجهه فيه .. ما تقدر تعترف له به .. مستحيل تخليه يعرف مستحييييل !!!!!!!!!!!!!!!!!!!!!!!!
راحت للصالة وبتعب ما اختفت اثاره وكل شوي يزيد ... بدأت تنظف اثار الزجاج ونادت الخدامة واعتذرت لها بتوتر وهي تحاول تتماسك شوي .. خافت لا يكون فهمت شي ولا عرفت بشي .. قالت لها تنزل الطاولة المكسورة تحت لبرا البيت وساعدتها تشيل القزاز اللي على الارض بعد ما قالت لها انها طاحت عليها .. والخدامة فهمت انها صرخت لهذا السبب .. بعد ما اختفى أي اثر بالصالة و للي صار فيها .. دخلت من جديد لغرفتها وغرقت في احزانها ومصيبتها من جديد ..
.
.
.
.

اول مره اشوف انسان نذل بي هذي الطريقة بالله هي بنت عمه يعني شرفه هذى شي والشي الثاااني كيف هان عليه وحده مريضة تترجه يبعد عنها وهو ابليس كان اشطر ............ليه مافكر في بنت عمه من الاول في الحلل ليه فكر فيه في الحرام بس
وهو ليه مايفكر بطريقة افكر من تفكيره المريض ويرحم الناااس من القذاره الى عااايش فيه اذا يبغي يبعد عن المخدرااات يبتداء صح ويبعد عن كل شي ويعيش انسااان نضيف مو يخفف ويقول ابغي ابعد حجة الكسلان مسح الصبوره....وهو بي افعاااله كان كذا

ريما غبي والف غبيه لو ماتفكر تقول لي اخوها وش بتسوي يعني لاتقول بتنتقم بي نفسه لان حرام تسوي شي تندم عليه واخوها هو سبب لي الى هي فيه وعلى قولة اقدار لو حطها في فندق بس مايخليها مع هذول الوحوش لازم يتحمل غلطتها وينقذ اختها الان يمكن ولد العم المجهول بعد مايصحها من خباااله يفكر يتزوجه عشان يستر عليه


ونننطرج ضجة بكل شوق وياااليت نشوف افكااار وقعيها وماتتحده حدود بعيده عن الشرع

مذهلة

مذهلة الخليج
يامرحبا بك
بس بقولك هو لما كان يبي يبعد مو يبعد عشان هذا غلط
عشان مصلحته .. عشان صحته ..
انسان كهذا دينه ممسوح تماما ولا ممكن تفكيره يوديه له !
وعلى فكرة القصة هذي مشابهة لقصة او قصص حصلت بالواقع..
انا عارفة القصة ممكن تكون قوية .. بس والله تصير ما الفت
شي من عندي غير الاجواء والاحداث المحيطة ..
.
.
مرررة شكراً حبيبتي والله اسعدتيني بتفاعلك معي
وتأكدي تماماً إني بوصل بإذن الله بهدف من القصة ومستحيل
تنقلب الاحداث لشيء غير اقعي او ينافي ديني !

السلام عليكم ورحمة الله وبركاته

حرررام عليه هادى شرفه من اهله استنجدت فيه عشان ينقذها ويودها المستشفى

مو عشان نفسو المريضة والشيطاااان يغويه

يسلموووو على البارت

وبانتظار البارت القادم

وياليت تحددى يووم لنزول البارت

تحياتى