لا لا لا
اكيد فابيان انتحرت اعوذ بالله اكره شئ ان الواحد يقتل نفسه لا وكافره كمان
لا حول ولا قوه الا بالله توقعت مايهمها سا لم اما انها تموت عشان تلحقه فهذا دماااااااار

مرحبا ضجوه
والحين بعد ما ستوعبت
تذكرت اسلم (السلام عليكم )
يعطيك العافيه ضجة الصمت بارت معبر نقلتينا فيه من حزن لفرح لفجيعه
حزن فياض على موت اخوه ولو ان نهايته في حادث ارحم من موتة ايدز بس خربتيها على سامي بموت امه منتحره
لكن اتوقع العوض بيكون في ان فياض وديما يربونه
اليوم ديما تقبلت فياض اخيرا ولا حست بالخوف من احتضانه لها مع اني ماتخيل في الواقع ان الفتاه المغتصبه ممكن تتقبل مغتصبها حتى لو تغير (وجهه نظر خاصه)
نواف خطوه جريئه انه يفكر بالزواج من سلمى لكن احسه استعجل الا في حاله تكون خطبه فقط والزواج بعد الدراسه
ضجة متابعه لك دائما رغم ان الانقطاع اثر على حماسي للروايه شوي بس الحمد لله رجع مع هذا البارت الحماسي
ننتظر القادم بكل شوق

السلاااام عليكم..

ضجوووو يوووه لييييييييش وقفتي هناااااا.. وش صار على العله هالفرنسيه الله يكفي عيالنا شرهااا يااارب..
والله مااكذبتي بسالفة الاكشن.... الحين فابيان الله يعلهاا وش بيجي من ورااها من المصاايب؟؟ لاايكون لقوها محاوله تنتحر؟؟ الله ينشبها ان كانها بتنشب ربعنا معها... والا يمكن احد حاول يسرق البيت ولقاها فيه وذبحها.. يعني سالفة الباب المفتوح هذي بروحها حكايه.. ياا ان فابيان حاولت تنتحر ولان سامي برووحه وهي عارفه وقت الرحله قالت اخلص على نفسي قبل مايجون بشووي واظمن انهم يكونوون مع سامي..او انها تعرضت للسرقه و واللي بغى يسرقها هو اللي اصابها..؟؟؟؟ اقوول لايكون سالم مامات ورجع عشان يذبحها واللي مات بالسيااره مو هوو هذا واحد ثاني>> والا شطح خيالي بعيد للمريخ..هخهخهخهخه

فياض وديما : طبعا الظروف للحين مو مسااعدتهم عشان يصفوون اللي بينهم ..بس وضعهم مريح جدااا.. بواذن الله يصير تمام اتوقع الحين ان فياض بيجيب سامي عنده لان امه بتموت او لانها مصابه يعني فترة مافابيان بالمشتشفى بيكون عند عمانه وعند ديما هذا ان كان فابيان ماماتت.. >>تكفين ضجوو مووتيها والله مدري وش هالعمان الثيران اللي بيخلون ولد اخووهم اللي يحمل دينهم و دمهم و اسمهم وجنسيتهم يروح مع امه الكافره.. جيبوا ولدنا عندنا وخلوه يربى بين اهله وربعه وجماعته.. والله انكم حرقتوا اعصاابي.. انت فياض نقول انك للحين مو متوازن بسبب البلاا اللي كنت تاخذه بس نايف الرجل العاقل كيف يوافقك على هالشي.. لاازم تفكرون كيف تحلون هل المشكله لو امهم مافطست وخلصنا منها.. على فكره برودها اللي استقبلت فيه موت سالم ..هل هذا لانها مقرره انها تنتحر والا هي من الصدمه حسيتوا انها باارده.. والله مدري عن هالفابيان بس خاايفه انها لو ماتت يدبسونكم بموتتها...

خلود وعايض : خلود نبارك والا نستنى شوووي؟؟هخهخهخهخه
هل فعلاا انتي مستحيه من ديماااا ؟؟ والا انتي مو مواافقه على عايض وهالشي هو اللي مخليتس ماتردين عليها لانتس منحرجه منها...؟؟
شوفي ترى عااايض ماينتفوووت ورجال وش زينه حبيّب وطيوب وذاابحته الوحده.. يعني اكسبي فيه اجر ووافقي عليه>>> والله اني شي اعرف اجمع راسيين بالحلال..هخهخهخه

وانت عايض ان مااوافقت عليك خلود بهو خيره لاني صرااحه برجع اقوول انها بتتزوج ناااايف..هخهخهخهخه

نواف : بسم الله الرحمن الرحيم.. تووك مااطلعت من البيضه وتبي تتزوج وتخطب؟؟؟؟ اخواانك اللي اكبر منك لليحن ماتزوجوا اقصد طبعاا نايف .. والا فياااض لوو لاا سواد وجهه مع بنت عمه والا كان للحين عزّابي... تعال لايكون بتخطب سلمى عشان ماتروح عليها السنه وتنثبر عندكم وتكمل تعليمها.. ترى بكفخك ان كان هذا قصدك.. بس اذا انت تشووف انها تنفع لك زوجه وانك تبي تعينها على الستر بالله يجزاك خير.. بس والله انك تووك صغييييييييير وين تخطب معه ياا نواااف؟ اركد ابرك لك.. يااا كرهي للبزارين اذا نطواا يقولون نبي نتزوج.. ياليتك بس تنتبه لدروسك وتنجح وتخلي عني الفزاعات بالخارج..هخهخهخه

سلمى : انتي الحمد الله والشكر بتضيعين كل اللي سووويته السنين اللي راحت عشان خبال.. تستري وتحجبي وتنقبي بعد وكملي دراستس .. ابي اعرف وش المنطق اللي انتي الحين متبعته؟؟ يعني عشان انتي ماكنت محجبه قبل والحين صرتي متحجبه ممكن يثور عليتس الناس بالجامعه؟؟ والا وش قصدتس.. ؟؟ والا تبين تلفتين انتبااه احد معين... ؟؟ انثبري وكملي تعليمتس ياا الهبلااا وبعدين سوووي انقلااب على حيااتس كلهاا... وبعدين تعالي ترى السفر بدون محرم مايجووز وانتي حرمت(ن) تووتس ملتزمه ومتحجبه.. يعني انثبري لين يخلص اخوتس درااسه ثم طسي للمحل اللي تبينه وهوو معتس.. والافضل لو تكملين انتي بعد..

ضجووووو مشكوووووووووره يااعسل .. اتمنى ماتطولين علينا اذا الله احيانا بالجزء الجاااي.. ابي اعرف وش صااار على فابيان عسى بس عيالنا مااايروحون بالرجلين من تحت راااس الفرنسيه الله يقلعها...
اتوقع ان البارت الجااي بيكون فيه تغيير قووووي بين فياض وديما لان وضعهم كذاا مريح بس يبي له تغيير قوووي لان يمكن جاايهم اياام عصيبه.. الله يستر عليهم يااااارب..
تسلم ايديك ضجووووو و بانتظااار القاادم بكل شووووق..

بارك الله فيك ورحم الله والديك, يعطيك الف عافيه جزاك الله الف خير

السلام عليكم ورحمة الله وبركاته



ضجة الصمت ابدعتي بقووووة

أتوقع توقعات البنات اكيد فابيان انتحرت يا الله عسى ماماتت ويتيتم سامي
تدرين عاد جافبالي شي
يمكن يلحقون عليها ويعالجونها ويعلمونها الاسلام وبتسلم وبيتزوجها نايف اممممممممم اتوقع

فياض وديما يا الله عليكم انتو الاثنين تعيشوني بجوووو غيير طبيعي بصراااحه ثنائي جناااان مشاعر ديما اللي تحس فيها حاليا مع فياض والحواج اللي يتجاوزونها يوم عن يوم هي اللي فوقت ديما بنفسها واكتشفت اانها ماتتصلح الا اذا عايض

خلود وعايض ماادري هي مستحية من عايض او ايش اسلوبها فعلااا غريب عن شخصيتها


نواف اكيد قصده سلمى واااااااو اخيراا

ضجة تأكدي ان حنا بأنتظارك وبأنتظار ابداعك مهما طالت المدة
بارك الله فيك وجزاك الله كل خير على هالابدااعوالتميز اللي تتحفينا فية كل بارت تقدمينة لنا اتعلق اكثر في شئ من الاحزان
مسمى الرواية هل بتموت فابيان وبيكون سامي مع فياض وديما وبيكون سامي شئ من الاحزان


الله يعطيك الف الف الف عافية
لاهنتي ولاجف قلمك
بانتظاااااااااااارك بشوووووووووووق



رومنسية زمانها