المنتدى :
الارشيف
انتهاكات جسد وحديث روح
اني من الذين يعشقون حديث الروح وما اجمله واعذبه من حديث فهو صفاء للنفس و تهذيب لها قد يستغرب الكثيرون و يعدونه من صفات الانسان المجنون و اعود و اقول خطاء ليس من الجنون ان
نستمتع بحديث الروح الذي نجريه بين انفسنا لنعرف خلجات اروحنا نحتاج هذه المساحه من المحادثه التي تستوقفنا في مشوار الحياه بكل العثرات و وبكل الالم الذي نمر فيه حديثي بيني وبين نفسي هو حديثي عن عشق و عن الم عن روح تاهت بين الماضي الهارب و بين المستقبل الغامض عن غفران امراءه و عن الم رجل ابطالي هذي المره بينهم المستحيل هل يا ترى من الممكن ان يولد من الكره حب هل من الممكن ان يولد من مشاعر الالم الوفاء و العطاء فأرجو ان تكون عند حسن ضنكم
راح انزل متى خلص عندي جزء و لا تستعجلوني لني راح اكون مشغوله هذي الفتره وشكراً لكم اختكم حياتي عذاب ..............
/منتد قسم من حي قلم الاعضاء
(الفصل الاول )
شايله بيدها الاولى حذائها وانتو بكرامه و في الثانيه شنطه اصغيره حطت فيها الاشياء المهمه و الي راح تحتاجها لزم تطلع من هذا البيت ما عاد لها قعده فيه لزم تطلع بروحها قبل لا يجي الي راح ينتهك روحها تحت نظر امها وهي ساكته وكله عشان الخسيس زوجها بس لا خلاص وصلت حدها اذا امها مو قادره تدافع عنها ضدالخسيس و لده الي راجع عشان يكمل الي ابتداه في يوم فالهروب هو الحل الوحيد هروب بالروح والجسد انزلت بهدوء وهي تمر من احذا غرفه امها ورجلها كانت اعيونها خايفه لا يكتشفونها قبل لا توصل لهدفها بس هدفها صعب يارب رحمتك وش ذنب هذول الاصغار يكون هذا لحقير ابوهم والثاني السافل اخوهم صج لين قالو الولد سر ابوه وش بيختلف فيه سكير وعربيد وراعي حريم و الله بلاها فيه اخر عمرها ما يكفي تهجمه عليها وهم اصغار و ابوه تحرشاته الي ما اسلمت منها وخاصه انها في نضره الفاكهه المحرمه و الي انظجت تحت نظره ويشو ف انه هو احق واحد يقطفها لعنت الله عليه خاين لربه و لدينه الله لا يرده ما بغت تفتك منه يوم راح عشان الدراسه ولا هذا وجه دراسه او غيره له كم الحين ثمان اسنين محد شاف رقعه ويهه ولا تلفون منه جعل ينحرق بنار هو ابوه السافل خواتها وش ذنبهم الحين بيحط حرته فيهم حسبي الله عليك من رجال اخ وامها امها الي خوفها من الطلاق مخيم عليها ومغمي اعيونها عن الحقيقيه المره يارب رحمتك كل الي ابغيه الامان في حياتي ....اي امان وين الامان في الي يبي يسلبني حقي و روحي اهم شي ما تقلت الافلوس و الشركه الي يغرف من خيرها ليه يا ابوي تركتني محتاجه لك ولصدرك الحنون وين بتروح في هذا الييل ما يهم المهم انها تطلع بروحها تذكرت ايه ما في غيرها هي الوحيده الي تقدر تنخش عندها لين تدور لها على حل افتحت باب الفيلا بشويش عشان ما يطلع صوت وصكت الباب وبسرعه الريح حطت نعالها برجولها وعلى الباب الكبير وبلمح البصر كانت في الشارع اركظت بأسرع ما عندها وغطت نفسها زين عشان محد يتعرف عليها وقفت تكسي وعطته مواصفات المكان الي تبي تروحه الخوف مرسوم معالمه على ملامحها واصابع ايدينها بارده برود الجثه انفاسها هي الي بس تثبت انها حيه اسمعت صوت الهندي "مدام هذي مكان انتي يبي ؟؟؟
ارفعت تماضر عينها على البيت الشعبي المتهالك و الي الزمن هد منه اركانه بصوت يهزه الخوف "كم احسابك ؟؟؟
الهندي "ستين ريال ...
تماضر برعب "وش ستينه انا ما عندي غير اربعين تبغيها خذها ما تبغيها ابركها من ساعه انا محتاجتها اكثر
الهندي "نو مدام ستين ........
تماظرهي بحاجه لكل اريال واذا الي عندها الحين هو الي لزم تتمسك فيه عشان القضيه الي راح ترفعها وتسحب الوصايه من امها عطته الي يبغيه قبضته افلوسه وانزلت وهي تطق على باب البيت يارب تكون حيه ما ماتت يارب استرني وابعدني عن كل عين ناويه علي السوء و ارجعت تضرب الباب بقوه استمدتها من خوفها اسمعت صوت اضعيف ورا الباب اي هذا صوتها حيه يارب يا ستار الحمد و الشكر لك "من عند الباب؟؟؟
تماضر "ضيفه يا ام خليفه ضيفه محتاج الامان منج !!!!!
انفتح الباب فتحه اصغيره وشافتها اي هي وخطوط الاسنين احفرت في وجها اثر كبير
ام خليفه وهي تشوفها وكنها مشبه عليها "من بغيتي ومن انتي ؟؟؟؟
تماضر وهي تشوفها بحنان "معقول ما عرفتيني هذا وانتي الي مربيتني
وبصيحه وهي تلمها وتدخلها "بنتي بنت الغالي ادخلي يومه وش الي جايبج اخر اليل
تماضر طاحت في حضنها وهي تصيح ومن قلب وام خليفه تهدي فيها "اقعدي يومه لا تصيحين جعل عيني ما تبكيج وش فيج وش الي خلاج تطلعين من بيتكم في تالي هذا اليل
تماضر"ما عاد لي مكان في هذا البيت يومه ما عاد لي الي فيه اذياب تبي تنهش فيني وتدنسني يومه حسبي الله عليه هو ولده
ام خليفه بعصبيه شديده "حسبي الله ونعم الوكيل عجل هذا الخسيس يكون العوض عن ولدي خالد لا والله انه ما يجي ضفره الله يرحم ابوج ويغمد روحه الجنه استغل ضعف امج وحاجتها للي يوقف معاها ضد اهل ابوج عشان ما يخذونج منها خاصه بعد موته و موت جدتج بعده حزن عليه
تماضر بغضب "ياريت خذوني ولاقعدت دقيقيه وحده الانسان منا لو يدري الي بيصيرله كان ما عاش استغفرك ياربي بس من حرقت قلبي امي تشوف ضلمي جدام اعيونها وتسكت كيف هذا حتى ما يرضي ربنا مصدر اماني يصير مصدر عذابي حتى ما ارفضت يوم قرر يزوجني من ولده عشان يتحكم في كل شي وكله حب فيه و خوف منه على بناتها مو كني انا بعد بنتها وربي صرت مو عارفه وش اسوي انتظر بس الشمس تطلع عشان اطلع من البيت ليلي صار سجان بخوفي و رعبي منه ما بغيت اسلم من ولده وجاء هو عشان يكمل علي
ام خليفه "لا تبجين يا يومه ربج رحيم بعباده وانا عندج وماراح اخلي حد يلمس من راسج اشعره بس امج معذوره يا بنتي لزم تطمنيينها عليج تضل امج مالج بد منها
تماضر برعب "مستحيل ....مستحيل والله لو فيها موتي ما رجعت و خاصه و المجرم الثاني جاي على الطريق عشان يكمل الي ابتداه وحجته اني زوجته من بيمنعه عني
ام خليفه "بنتي البيت بيتج وانا مثل امج بس ما فكرتي وش بيكون حالها بنتي اامج مره اضعيفه ما لها حيله و الحياه اضلمتها قبل والحين ولا تفكرين انها فرحانه بالي هي فيه بس الحياه يا بنتي تخلي الانسان منا يتخذ قرارات مو في صالحه عشان الناس الي يحبهم
تماضر بحزن وحنين "ان عذرتها في شي ما راح اقدر اعذرها انها ما وقفت في وجهه وتزويجي لولده الي كان همه الفلوس وانه يروح يكمل عياثه و خياسه في بلاد كفر
ام خليفه "تماضر يومه تعالي نامي وبكره ربج يحلها ونفكر في كل شي يلا يا بنتي الوقت تأخر ........
قامت معها بنهزام وتفكير رغم كل الي قالته وراح تقوله في حقيقيه وحده ثابته وما راح تقدر تغيرها تراه راجع راجع ينهي الي ابتده في ليله وسكره خلها ما ينهيه ولا يا ترى راجع انسان غير ما تبي تكتشف شي ما تبي غير راحت البال و الامان ......
\
\
\
\
\
\
راجع لوطن نبذه راجع لناس هرب بسببهم راجع لذكرى اليمه اضهرته قدام نفسه انسان حقير ما عرف ر به ولا دينه وضلم وشارك في ضلم انسانه كل غلطتها انها تملك الي يطمع فيه غيرها المال و الجمال و الانوثه الصارخه لزم يرجع ويصحح الاوضاع لزم يرجع ويحميها وينصفها قبل لا الوقت يضيع وما يعود موجود رحمتك يارب و عفوك سامحني واعف عني ولج باب المستشفى وملامحه كلها غموض و حزن يشد الانضار له شاب في مقتبل عمره لكن ملامحه تصرخ بحزن وغموض يغلفها الصمت الصارخ الي تنطق بها ملامحه وهدوئه جلس على كراسي الانتضار ينتظريفكر فيها وصارت هي هاجسه صارت عذابه طلع بوكه من مخباته وسحب صوره سرقها بالخفى عن الكل اي سرقها يعترف انها كانت ولا زالت عشقه و حبه بس للئسف من شاف الكره الي بعيونها هج ما قدر يكفي الي سواه يكفي سمع صوت يناديه ويصحيه من همه و حزنه "مستر ايده دكتور ول سي يو ناو!!!
قام وهو يخبي سره ويبعد المه عن عينه مع انه محفور بروحه دخل على الدكتور البناني والي صارت بينهم علاقه صداقه استمرت لحد اليوم عيضه "صباح الخير دكتور مروان
قام دكتور مروان ولف تواجهو وهم يسلمون على بعض مروان"ولك يا رجال ما بشوفك الا لما تجي للتحليل الدوريه يا اخي عم بشتاق لك كثير اوو اتزكرت يا رجال مبروك التخرج و بمرتبه الشرف ....و لو انها متاخره كثير
/منتد قسم من حي قلم الاعضاء
عيضه بسخريه "صدقت مـتأخره كثير لواحد في سني على العموم الله يبارك فيك وندخل في المهم وش صار على النتايج
دكتور مروان وهو يقراء ملفه بتمعن "عيضه يا صاحبي لساتك مصمم على الرجعه انت عارف حالتك وكيف هي صعبه وانك مو مثل اي مريض انت في مراحل متقدمه من المرض و اذا ما لقينا الي بدنا ايه في اسرع وقت انت عارف النتيجه
عيضه بسخريه شديده "دكتور ما جبت شي جديد كل هذا عارفه بس سفري ما راح الغيه لزم ارجع اصحح اوضاع غلط لزم ارجع انهي معانه و احمي انسان عشان كذا ما فيني انتظر اكثر وابغيك تكثف مسكناتي وربك بيحلها من عنده اذا كتب لي العمر رجعتي شي لبد منه مسئله حياه او موت بالنسبه لي وما راح اتنازل عنها
دكتور مروان بحزن "بس هذا فيه خطر كبير عليك انت عارف انك برشح بسيط يصيب انسان عادي يكون عندك انت حاله خطره وتطورات معقده ممكن تعجل من كل شي
عيضه بهدواء"الحياه و الموت بيده سبحانه وانا مصمم وما في اذني ماي كل الي عليك انك تعطيني تقرير بحالتي وتزيد جرعت المسكنات في حال صار شي ولا تخاف راح اكون حريص و اذا صار شي من الي نبغيه ذيك الساعه عطني خبر
دكتور مروان "يا صاحبي يعجبني فيك قوتك اكثير في حالتك بيستسلمو و بينتظرو النهايه بستسلام يا ريتهم يعرفو ان الحاله النفسيه للمريض كمان تساعد في الشفاء
عيضه "هذا امره سبحانه و ابتلاء وعلي اني اتحمل يكفي الي راح من عمري وانا عاصي مرضي هذا رحمه من رب العباد عشان ارجع للطريق الصح و اصلح من ديني ودنياي
دكتور مروان"مثل ما بدك بس لزم يكون بينا تلفون و كذللك تعمل تحاليلك في وقتها عشان نشوف تقدم المرض كيف و كذلك عشان عمليه النقل ...
قام عيضه وعينه على الدكتور باحترام "اشوفك على خير يا دكتور اذا كان لنا عمر بأذنه سبحانه
/منتد قسم من حي قلم الاعضاء
دكتور مروان "اشوفك على خير يا صاحبي ...ويكلم الممرضه ...جانيت خذي مستر عيضه لكي يستلم ملفه و الادويه الخاصه به
الممرضه معجبه بعيضه فهو رجل جميل بكل معنى الكلمه نعم رجل جميل اخواتي فمن الرجال من يتصف بجمال خاص به دون غيره وما زاده جمال هو الصفاء في ملامحه الساكنه وعينيه التي يمائئها الغموض رجل طويل القامه عريض الكتفين ذوبشره مخمليه اكسبتها الشمس من لونها وزادت في جماله ملامحه الشامخه بالرجوله الصارخه انفه المدقوق واعيونه الوسيعه وثمه حازم كله اصرار في اعيونه تحدي للحياه لكل شي يمكن يقف في طريقه او يعيق من تقدمه والي يبي يوصله ثمان اسنين عشها في غربه غربه روح وجسد و غربه وطن سنتين منهم ضيعها في كل ما يغضب الخالق لحد ما صحى على واقع مرير غيره ميه وثمانين درجه حوله من انسان فاشل الى الانسان الناجح الي هو عليه الحين من فشله صنع نجاح يفخر به اصنعه عشان شخص واحد بس عشانها هي اي كل الي هو فيه الحين عشانها لجل ما يكون الغلطه الي طول عمرها تكون وصمه عار لها افكاره و احلامه و اعز امانيه تسوقه لها هي بروحها طفله تربى معاها طفله عرف كل شي فيها احزانها و افراحها طفله اكبرت معاه وشافها ورده تتفتح للنور و للحياه ورده عطرها يخلب لب اي انسان يعرفها بكل رقتها و انوثتها اي كانت طفله في الثانيه عشره من عمرها وهو يكبرها بكثير اسنين عشها في جحيم مع اب علمه على الخمر و على كل الي يعصي به الي اخلقه و اخرها كانت انتهاك الاعراض رفع عينه للممرضه الي تكلمه "مستر ايده هذي هي تقاريريك و الادويه ونتمنى لك رحله موفقه
عيضه وهو صاد عنها وبرود شديد"ثانكس نرس هل يوجد شيئا أخر
مشى طالع من المشتسفى الي صار يقظي فيها اغلب وقته مريض وضعيف سبحانك يارب ناخذ الصحه شي مسلم به ونستقوي ونعصي وذنوبنا تكبر مع كل لحظه نكبر فيها ونتجبر ونطغى و ننسى القوي العزيز وانه بيجي وقت الحساب لا محاله ان طال الزمن او قصر مرده جاي وبقسى الطرق ركب سيارته الفاخره وتوجه على بيته اي بيت هذا عمره ماكان بيته ولا راح يكون بيت الانسان وين ما يكون قلبه والناس الي يحبهم ويعشقهم هذا بيت الانسان الحقيقي بس هذي محطه من المحطات الي تعثر فيها ولزم يكمل وصل شقته ودخل وهوحاس بضيق وتعب شايل احمول جبال على اضهره شاف سكرتيره طالع من المكتب وفي يده ملافات سالم سكرتيره من اربع اسنين متخرج من قسم الاداره و تعارفو لما كانو يدرسون ومن ذيك الساعه هم اصدقاء وسالم مساعده ويده اليمين ويثق فيه تقه عمياء وهم الاثنين الحياه علمتهم ادروس قاسيه خلتهم الي هم عليه اليوم سالم "السلام عليكم خير طمني يار جال وش جد في السالفه عسى بس لقو الي نبيه ...
عيضه وهو يهز كتفه بعدم اهتمام "مافي شي جديد الوضع مثل ما هو عليه انت وش سويت .........
سالم "خلاص ما باقي غير التوقيع على البيع و تنتقل الافلوس في احسابك اما عن العقارات المنقوله وغير المنقوله فهذي خلصنا منها وتحولت الى سيوله و انتقلت الى الاحساب يعني ما عاد في غير الشقه الي احنا فيها الحين وش تبغي نسوي فيها نعرضها للبيع
عيضه ببرود شديد"لا هذي ما راح ابيعها بحتفظ بها لا تنسى ان لي رجعه هنا لين ما ربي يفرجها او يا خذ امانته
قعد احذاه بهدوء"ربك بيفرجها من عنده وهذا احنا رادين لبلادنا و انت لهلك و ناسك
عيضه ببرود"اهل اي اهل تتكلم عنهم ابو عمره ما كان ابو ولا زوجه عمرها ماكانت زوجه ولاهمي الي ينبض وسط اضلوعي قولي بس وش فيها هذي الدنيا عشان اتمسك فيها ما تستاهل يا صاحبي ما تستاهل
سالم بعتب"على الاقل عندك الي تحارب عشانه زوجه تبغي ترد لها وابو تبيه ينصلح حاله وخوات نسيت خواتك بعد محتاجينك
عيضه "خوات ما اعر ف عنهم شي اكبرو انا ابعيد عنهم انا بالنسبه لهم رجال غريب حتى لو مكتوب في شهاده ميلادي اسم نفس الاب الاب الي علمني كل ما اعصي به ربي بدل ما يكون قدوتي هو سبب خرابي ودماري لو رحمت ربي ما قلتلك الي فيني رحمه اكثر منه عذاب رحمه لنه نور لي بصيرتي وردني للطريق الصح ولو متأخر وخلاني الي انا عليه اليوم مهندس مشهور وصاحب اكبر شركه هندسيه والحين راجع ابغي اموت في ارضي وديرتي .........
سالم بنرفزه وغضب "لا حول انت وش فيك يارجال كله على السانك بموت تعوذ من الشيطان وما راح يصير لك الا الي الله كاتبه وان شاء الله نلاقي متبرع وفي اسرع وقت
عيضه بلا مبالاه وعدم اهتمام"ما عاد يهم حياتي او عدمها ما عادت تهمني كل الي يهم هي وبس لزم ارجع عشان انصفها و احميها حتى اخر نفس فيني
سالم بمحبه للرفيق دربه "اجل في الي انت راجع له ولزم تتمسك بالحياه عشانه مو مثلي لا اهل ولا عزوه غريب ياصاحبي ما عندي الي يستاهل ارجع له او اتمسك بهذي الحياه الزايفه عشانه
عيضه وابتسامه ساخره على ثمه "هذا انا راجع وبنشوف وش بيصير مع هذا الابو وهذي الزوجه
\
\
\
\
\
\
النوم عيا يجيها واعيونها عيت تغفي ولو دقيقه كانت تسمع الشخير الخفيف حق ام خليفه ويرتفع صوت النداء صوت يدخل الروح و يبعث فيها الامان والاطمئنان صوت لتئديه حق الخالق سبحانه على بني البشر سبحانك يارب حتى في هذا النداء راحه وسكينه اطلعت من الغرفه بهدوء وقلبها يسبقها لتلبيه هذا النداء الي يطمن القلب و الروح يالله في ذاكرتها ذكريات تجرح وتألم القلب و الروح يارب انا اضعيفه وما عاد فيني القوه اني احارب يارب ارحمني برحمتك اخ تتذكر ملامحه الي تخوفها طول هذي الاسنين وهو الكابوس الي منغص عليها حياتها يمكن حياتها مع نوعيه زوج امها خلتها بهذي الشخصيه القويه الي هي عليه من الخارج بس من داخل هي هشه وضعيفه اسمع صوت ام خليفه وهي تسبح وهي طالعه من غرفتها شافت تماضر الي واقفه تسمع صوت الاذان ومسكره اعيونها وسارحه "بنتي .......
التفتت تماضر على هذي المره الحنونه و الطيبه في صوتها حنان صوتها فيه ذكريات احبه راحو وما عاد لهم رده راحو وخلوها بروحها تصارع الوحوش واول امها امها الي المفروض تكون الامان لها صارت الجحيم الي هي عايشه فيه ارتسمت ابتسامه حنون وهي تشوف ام خليفه بحب فيها من جدتها الله يرحمها من حنانها وكبر سنها
تماضر "صبحج الله بالخير يومه كنت راح اجي اقومج
ام خليفه بحنيه لهذي البنت "هذا وقيتي يا بنيتي اقوم حق صلاه الفجر
/منتد قسم من حي قلم الاعضاء
تماضر بحنيه وحب "اجل نصلي جميع وبعدها بسويلج ذاك الريوق من يدي
ابتسمت ام خليفه بحنان طول عمرها كان خاطرها في بنت وهذا الله سبحانه رجع لها بنت رضيعها الي ربته مثل ولدها "خلاص نقضي فرضنا وبعدها لنا كلام كثير
افهمت تماضر تدريي ان هذا وقت تفتح كل الدفاتر المسكره و الاسرار المحبوسه في صدرها و الكوابيس الي هي عايشه فيها لقت الصدر الحنون بعد ما فقدت كل الي تحبهم حتى امها اقرب الناس لها عمرها ما كانت غير ام بالاسم بس تصدقون في ام تكره بنتها اي في هذي الحقيقيه ام تماضر تكرهها وهذا سر اخر راح نعرفه وسط باقي الاسرار
|
17-01-09, 12:56 AM
جديد مواضيع قسم الارشيف
العرض الشجري
