الجزء السادس عشر

9:30 الصباح
شقة جراح ..على التلفون..
لندن


جراح: هذا كل الي صار
عبدالرزاق بحده: والثور الي معاك اش رد عليه
جراح: عبدالرزاق ماهو وقت عصبيه.. كلم اخوك وتفاهم معاه.. تراه عطى الرجال كلمه
عبدالرزاق: حسبي الله ونعم الوكيل فيك يا لافي.. يبي يمسكني من اليد الي توجعني
جراح: حسبي الله عليه.. والله لو تشوفه كيف تكلم مع عبدالرحمن.. يا اخي اسلوبه ذا بيجنني.. ذيب والله ذيب
عبدالرزاق: ذيب ينهشه ان شا الله.. اش العمل يا خوي دبرني
جراح: والله ماني عارف ايش ارد عليك.. مافيها دبره
عبدالرزاق: لازم لها دبره لازم
جراح: اقولك الصدق يا عبدالرزاق
عبدالرزاق: الحقني بالي تقوله
جراح: وجود عبدالرحمن في بيت لافي بيكون مهم لك.. بيكون لك العين الي تبيها.. وبعدين بيبعد عن راسه فكرة الحرمه الي قالبه كيانه
عبدالرزاق: أي حرمه!!!!
جراح: الحرمه الي قلت لي انه يبيها وهي ماتبيه
عبدالرزاق: اش جاب سيرتها!!!!
جراح: يقول انه جاي لندن عشان يدور عليها.. يقول يحبها
عبدالرزاق مستغرب: من جد الي تقوله!!!!
جراح: هذا الي قاله لي
عبدالرزاق: وانت اش رديت عليه؟
جراح: قلت له انها رجعت لزوجها وانك في جيتك الاخيره للندن رحت زرتهم
عبدالرزاق زفر براحه: خير ماعملت يا خوي
جراح: جاني فضول اعرف من هالحرمه الي قلبت كيان عبدالرحمن.. يا اخي وصفه لها يعطيني فضول اعرف من هي.
عبدالرزاق بحده: جراح.. الحرمه رجعت لزوجها وانتهينا لا تشب النار بقلبي انت بعد
جراح: والله ماقصدت الشين.. بس.................
عبدالرزاق بحده: لا بس ولا غيره.. الحرمه هذي انتهينا من موضوعها خلاص
جراح: خلاص يا اخي.. ماكفرنا
عبدالرزاق: والحين شور علي في هالمصيبه الجديده
جراح: مثل ماقلت لك.. كلم اخوك وتصافى معاه.. وخله يكون لك عيون في بيت لافي
عبدالرزاق: يا خوفي يكون هو عيون للافي عندي
جراح: اذا جلست معاه.. وفهمته.. بيكون لك العون
عبدالرزاق: ماني موافق.. قول له ماني موافق
جراح: ماني قايل له شي.. اخوك وعندك.. تبيه كلمه.. لا تخليني مرسال بينكم.. اخوك محتاج العون منك الان.. الموضوع ماهو مزح.. هذا جد وجد الجد بعد

&&&&&&&&&&&&&&&&&

10:00 الصباح
بيت احمد ..غرفته..
البحرين

احمد على التلفون: الو
عبدالرزاق: هلا احمد
احمد: هلا بو سالم
عبدالرزاق: احمد الخبير والتجهيزات جاهزين
احمد: ومتى يوصلون الكويت
عبدالرزاق بضيق: في الوقت الي تحدده
احمد: من بكره اذا قدرو
عبدالرزاق ببرود: حاضر
احمد: انت متضايق من شي؟
عبدالرزاق: فيه مصيبه جديده
احمد بخوف: عسا لافي ماهو فيها
عبدالرزاق: الا سببها
احمد بخوف: كشف شي
عبدالرزاق: خطب عبدالرحمن اخوي لبنته
احمد: خير يبا !!!!!!!!
اسمع عبدالرزاق ولاني مصدق الي قاعد يقوله.. الي يقوله شي ماينوصف كيف يخطب عبدالرحمن لبنته.. واي بنت هذي عبير!!.. انربط لساني ساعتها.. اش باقول لعبدالرزاق عن عبير..مستحيل اصدق الي اسمعه.. شي ولا بالخيال.. صرت منتبه لكل كلمه عبدالرزاق يقولها.. وصرت افكر بلافي بصوره اوسع واشمل.. معقول عشان يحط عبدالرزاق بجيبه يسوي هالشي.. يخطب عبدالرحمن لبنته.. ماقدرت اقتنع بالموضوع.. فيه شي ماهو داخل راسي.. في شي غلط.. ناحيه ثانيه انا ماني منتبه لها.. غافل عنها.. المفروض اني عارف خصمي عدل.. المفروض اني دارس شخصيته وعارف اشلون يفكر.. بس كل مره احس اني قدام واحد متعدد الشخصيات.. كل يوم بشخصيه وكل شخصيه تبي لها دراسه ومتابعه.. لافي ذي لازم افضي حالي له.. حتى اقدر اوصل للي ابيه منه
احمد: عبدالرزاق
عبدارزاق: خير
احمد: لازم نقعد مع ليال

&&&&&&&&&&&&&&&

10:35 الصباح
فيلا لافي .. الصاله..
لندن
عبير بحده: لا طبعا
لافي: قصري حسك عشان امك ماتسمع
عبير: مابي انت فاهم انا ماطلبت منك هالشي
لافي: ماهو بكيفك.. ناصر جاي بالطريق ولا ابي شي يخرب علي حياتي حتى وجوده
عبير: ووجودي معاه صح
لافي: انتي غير.. انتي حبيبتي انا
عبير: لا ماني موافقه
لافي يصر على اسنانه: قلت لك زواجك من عبدالرحمن مسألة ايام بسيطه وبخلصك منه.. ليه خايفه كذا
عبير: لاني تعبانه.. انت مفكر ان العمليه ال يعملتها بسيطه
لافي: اسمعيني زين.. عبدالرحمن بتتزوجيه.. واعتراض في هالموضوع مابي
عبير: قلت لا.. لا انت فاهم
لافي يمسك يدها بقوه: كلمتي بتمشي ياقلبي.. وعبورتي حبيبتي ماراح تقول لي لا
ام ناصر تدخل عليهم: انت ايش عندك وياها
لافي: ابد فيه موضوع كنت اخذ رايها فيه
ام ناصر: وعسا بس ماني منكم حتى تتهامس انت وياها
لافي: ياقلبي انتي الخير والبركه.. وهالشي بيبسطك انا عارف.. بس بنتك العنيده ماتبي تخليني انبسط فيها.. كفايه خواتها ماعرفت افرح فيهم
ام ناصر: في احد خطبها؟
لافي: ماهو أي احد يام ناصر.. هذا عبدالرحمن بن سالم
ام ناصر: اسم الله على قلبه من ذا عبدالرحمن بن سالم
لافي: واحد غني يسوى صلاح وغسان انسابك
ام ناصر: هو انا اخترتهم بكيفي.. يا حبيبي انا مالي كلمه بوجودك وبوجود ولدك
لافي: اشوف انقلبتي على حبيب القلب
ام ناصر: قسوته علي كرهتني بحالي.. هو يعرف معزته وغلاته عندي.. انا امه ماني عدوته حتى يتعامل معاي كذا.. وبعدين الله ماوفقه مع بسوم وليلو انا ايش ذنبي
لافي: مسيره يعقل.. وين بيروح يعني هذا هو عندك واخباره توصل لك
ام ناصر: أي اخبار يالافي.. تقول لي في من يراقبه.. وينه عن العنود ليه ما جا قال لك عنها
لافي: لان المهم عندي هو الشغل.. بنتك تزوجة بنتك تطلقت ماهو مهم عندي
عبير: انت ناوي تطلقها بابا؟!!!!
لافي: وتحسبي اني بترك غسان يتهنى معاها
ام ناصر: اسمع يا لافي الي تبي تعمله مع غسان اعمله.. تخليها متزوجته تطلقها منه ماهو مهم عندي.. المهم عندي ولدي ما تلمسه.. ما ابيك تلمسه لو ايش عمل
لافي: حاضر عمتي.. انا لو عندي ولد غيره كنت من زمان قاتله.. بس ايش اعمل الله بلاني به.. واحد غبي ضعيف القلب والشخصيه.. باع امه وابوه ورايح يجري ورى حرمه.. يا الله العفو هذي نهاية الزمان يا ام ناصر.. حنا والديه جنته وناره.. يرمينا ويروح يركض ورى حرمته.. حسبي الله.......................
ام ناصر: لا تدعي عليه.. تكفى لا تدعي عليه
لافي: خلاص اتركينا من سالفته.. وخلينا نهتم بالقمر الي جالسه جنبي.. حبيبة قلبي فيهم كلهم
عبير تتعلق برقبته: من جد بابا
لافي: من جد ياروح وقلب بابا
عبير: انا موافقه على عبدالرحمن

&&&&&&&&&&&&&&&&&&

11:10 الظهر
شقة ليال ..الصاله..
البحرين

ليال بحده: عبدالرحمن وعبير!!!!
خوله: اش الي تقولوه؟!!!
احمد: هذي الي صار
ليال بحده: عبدالرزاق انت لازم تكلمه
عبدالرزاق: اكلمه اش اقول له البنت...... استغفر الله العضيم.. واذا سألني منين اعرفهم ايش اقول.. انك بنتهم
خوله: يا ويل قلبي.. لا طبعا لا تجيب سيرة اختي بالموضوع ابد
ليال: على الاقل تقول انه سمعتها بطاله.. وانك سمعت من اصحابك هالشي
عبدالرزاق: واصحابي منين اعرفو
ليال بحد شديده: يوووووووووووه يا عبدالرزاق لا تقفلها علينا.. قول له أي شي وخلاص
احمد: اهدي.. مافي شي اسمه قول أي شي وخلاص
لينا: على الاقل نفكر في طريقه صح نوصل له هالكلام
ليال بحده: عبدالرزاق.. اذا مالحقناه عبدالرحمن يمكن يضيع يموت.. انت فاهمني
خوله: اشوفج تدافعين عنه.. وين كرهج له
ليال بحده: لا تجنيني يا خوله.. هذي مصير انسان يمكن ينتهي بالموت.. ايش دخل كرهي له بهالوقت.. انا لازم اتصرف
احمد بحده: عن الجنون عاد.. قال تتصرف.. استريحي مكانج بنحاول نوصل له هالكلام بطريقه غير مباشره.. اقتنع كان بها ما اقتنع براحته.. الي علينا عملناه
ليال: لا تتساهل مع لافي يا احمد.. هذا ذيب.. ياعالم ايش الي ممكن جالس يدبره الان
عبدالرزاق: لو كنت عارف انج بتكونين بهالقلق ماكنت قلت لج
ليال بحده: اياكم يصير شي من غير لا اعرف عنه انتو فاهمين
احمد: اهدي طيب
خوله: متى ساعة الصفر
احمد: بعد 3ايام
ليال: انا افضل انه ام عبداللطيف ولمى يجلسو هنا.. لحد ماننتهي
لينا: وانا معاها بعد
احمد يفكر: صح خلاص يقعدو هنا
عبدالرزاق: انا مسافر للكويت بعد بكره.. ولافي بيكون معاي بيوصل قبلي ب3ساعات
ليال: هذا يعني انه الزواج بيكون بسرعه
احمد: اشلون يعني
ليال: اذا كان مرتب لشي كبير.. فهذا يعني انه مخطط للزواج الليله او بكره
عبدالرزاق: ما اعتقد انه يقدر يعجل بالزواج بهالطريقه
ليال بخوف: ليه لا
احمد: تعوذي من ابليس مابيصير الا الخير ان شا الله
ليال: عبدالرزاق الان كلم عبدالرحمن
لينا: الامور ما تأخذ بعجاله يا ليال
ليال بحده: الان حذره.. الان
عبدالرزاق يقوم: قمنا عمتي قمنا
احمد: خوفج يقلقني
ليال: ابيكم تخافون.. من جد ابيكم تخافون.. ايش الي ممكن يخلي لافي بن فهد يخطب لبنته.. شي ماا قدر استوعبه.. عقلي رافض يقتنع انه مجرد شي عادي.. في شي ورا هالتصرف الي عمله لافي
لينا: اهدي.. عبدالرزاق وراح يكلم اخوه.. وان شا الله النتيجه مرضيه
ليال: ما اعتقد.. انا واثقه انه الحكي الي قاله لافي لعبدالرحمن.. خلاه يقتنع تماما.. يعني لا عبدالرزاق ولا غيره يقدر يمنع عبدالرحمن من زواجه من عبير
احمد: اذا انتي مقتنعه ان عبدالرحمن بيوافق على كلام لافي ليش خليتي عبدالرزاق يكلمه ويحذره
ليال: مجرد تحذير له.. اذا حذرناه بتكون عيونه مفتحه.. واذا سكتنا عنه بيصير غافل.. وياخوفي لا يعميه لافي
خوله: الله يستر
ليال بخوف: كيف عرف طريق عبدالرحمن كيف
احمد: ليال.. لافي عرف عبدالرحمن بالصدفه.. انتي مالك علاقه ابد.. لافي تعرف على عبدالرحمن وهو يزور شخص تعبان ويتعالج هناك.. وصادف انه عبدالرحمن كان عند الشخص المريض.. وتعرفو على بعض
ليال: ولو بعد خايفه
لينا: لا توترين نفسج والي يعافيج.. ارتاحي لا يأثر هالشي على عيالج وانتي منتي ناقصه
خوله بلا مبالاه: أي والله استريحي بس.. وحتى لو لافي ناوي على عبدالرحمن.. خليه يأدبه.. يستاهل عبدالرحمن التأديب
ليال: ياخوله.. لافي مايستهان به.. لا تتمسخري على الموضوع وتحسبي انه فاضي.. هذا شي خطير
عبدالرزاق مصدوم: كلمته
ليال بلهفه: بشر ايش قال
عبدالرزاق: يقول الملكه الليله
احمد مصدوم: ها !!!!!!!!!!!!!!!!!

&&&&&&&&&&&&&&&&&&&

1:00 الظهر
فيلا الجده ..الصاله..
السعوديه
الجده: وانت متى بتسافر
ناصر: بكره ان شا الله
الجده: ماقلت ليه؟
ناصر: شغل يما
الجده: بتروح لاهلك؟
ناصر: اكيد اني بمرهم
الجده: يعني منت رايح لشغل.. اكيد فيه شي بينك وبين ابوك
ناصر: ايش بيكون يما.. انا خلاص مالي علاقه فيه
الجده: مستحيل اصدق.. انت طول عمرك متعلق فيه.. ايش الجديد يا ناصر ما ادري عنه
ناصر: مافي غير الي تعرفينه.. ولاتشغلي بالك.. دام نوف والعنود هنا وبخير.. لا تشغلي بالك انتي
الجده: طيب وعبير
ناصر: عبير هي اساس البلاوي.. ما اعتقت احد من بلاويها.. نسخه من ابوها
الجده: خله ينبسط لافي.. فيه واحد من عياله طلع يشبهه
ناصر: مبسوطه يما
الجده: لا يما.. الا قلبي يوجعني على اختك
ناصر: تبين الصدق ماني مهتم بها.. حتى لو جبتها معي.. بتجيب بلاويها معاها.. وانا ماني ناقص.. خلها مع ابوها تسرح وتمرح على راحتها.. بكره اذا قضى ربك حل.. بشوف من ينقذهم
الجده: يمهل ولا يهمل
غسان يدخل: السلام عليكم
ناصر مستغرب: وعليكم السلام.. منين جاي
غسان يبتسم: من بيتنا
ناصر: انا تاركك البارح هنا
غسان: اطردوني
الجده: هههههههههههههههههه اطردوك افا.. هذا وانا اقول غسان ماحد يقدر عليه
ناصر يبتسم: فشلتنا يا اخي
غسان: ماقدرت ازعلها.. ودي اعمل لها الي تبيه.. بس اعرف ايش في خاطرها
الجده: أي والله يما ياليت نعرف.. الكل شايفها ولاحد عارف ايش فيها
ناصر: الكل يحاول بس ما حد قادر عليها
غسان: عنيده.. هي وش اسمها
الجده: ههههههههههههههههههه العنود
غسان: كنتو سميتوها سهله.. مطيعه.. مالقيتو غير العنود
ناصر: هههههههههههههههههه شكلك منت قادر عليها
غسان: آآآآآآآآآه والله قادر.. بس ما ابي ازعلها.. كل ماقلت بقسي عليها شوي.. يمكن تعمل لي حساب.. القاها رقيقه قدامي.. طيبه.. تاخذني بحلاها وعفويتها
ناصر: بكلم ليال تتكلم معاها.. هي الوحيده الي تعرف لها
غسان يغير الموضوع: لسا ماصحت؟
ناصر: لا لسا
الجده: روح صحيها يما واجلس معاها شوي
غسان: من عيوني يا يما.. وياربي ترق لي عاد.. والله تعبت

&&&&&&&&&&&&&&&&&&&&&

4:00 العصر
قي شقة ليال ..الصاله..
البحرين

ام عبداللطيف: شنو يعني محنا راجعين
ليال: بتستنو هنا كم يوم يا خالتي لحد ما الشغل الي بيد الشباب يخلص
لمى: وليش مانرد معاهم
لينا: احمد قال انه شغل مهم.. ويبيكم معانا هاليومين
ام عبداللطيف: قلبي يقول انه فيه مصيبه وانتو مخبينها علينا
لمى: وانا بعد
لينا: لا مصيبه ولا شي.. احمد عندكم وسألوه.. وبعدين شكلكم مليتو منا وتبون تروحون بسرعه
لمى: لا والله يا اختي.. بس من جد الموضوع ماهو طبيعي
ليال: وايش الصناعي الي فيه
ام عبداللطيف: ههههههههههه الله يقطع شرك.. انا قلبي ياكلني وانتي تنكتين
ليال: وليه ما انكت مافي شي صار حتى تعمليها حكايه.. الموضوع ومافيه انه الشباب شكلهم قررو يرجعو هنا مره ثانيه.. قالو يخلصو الي بيدهم في الكويت ويرجعو.. وعاد ليه الاذيه.. من روحتكم وجيتكم معاهم انتو استنو هنا هم يكملو ويرجعو
لمى: انا سمعت عبداللطيف يخطط لطلعت بحر مره ثانيه
ام عبداللطيف: وانا بعد سمعته يقول لوليد
لينا: شفتو

&&&&&&&&&&&&&&&&&&&

7:00 الليل
فيلا لافي ..المجلس..
لندن
عبير تدخل على عبدالرحمن: السلام عليكم
عبدالرحمن يفتح عينه: هلا والله هلا
لافي: اترككم مع بعض
عبير تمسكه: لا وين تروح خلك معاي
لافي: هههههههههههه معلش يا عبدالرحمن.. بنتي بحياتها ما اجلست مع رجال غريب
عبدالرحمن يبتسم: ونعم التربيه
عبير بهمس: ايش ذا.. هذا زوجي.. مالقيت غيره
لافي بهمس: اجلسي وبلاكثر حكي
عبدالرحمن: اتركها ياعمي.. شكلها مستحيه
قال مستحيه.. وع هذا شكل بعيش معاه.. ايش اناظر فيه ذا.. آآآه ياقلبي.. هذي اخرتك يا عبير.. من بين الرجاجيل انت زوجي.. وهذا بعد طلع وتركني مع هالقبيح ذا
عبدالرحمن: اشلونج
عبير: بخير
عبدالرحمن يبتسم: اسمي عبدالرحمن وانتي
آآآآآآآآآآآآآآآآآآه ياقلبي من وين جاي انت.. من جده ذا ولا يستظرف دمه.. وجع شكله ماقد جلس مع حريم.. ودي اقتله ودي اقوم واتركه ودي.. اصرخ من قهري.. ذا زوجي!!!!
عبدالرحمن: عبير ليش ساكته
عبير بملل: طلعت تعرف اسمي من شوي تسألني عنه
عبدالرحمن: ههههههههههههههههههههه
آآآآآآآآآآآآآآآه ياقلبي شوفو اسنانه كيف متزاحمه ايش ذا.. حتى ضحكته ضحكت مارد.. ايش ذا.. ماني طايقه نفسي.. احس روحي بتطلع
عبدالرحمن: ليش وجهك معفوس
وينك يا وسام.. وينك يا بشار.. يعني انا الي كنت اعرف رجال بقمة الجمال يقولو للقمر قوم وحنا نجلس مكانك يطيح حظي مع ذا.. آآآآآه ياحظي
عبدالرحمن يقترب منها: اموت على الي يستحون
بس خلاص ما اقدر لاعت كبدي.. احس اني بفضي الي بكبدي عليه.. ضخم وبكرش.. قبيح وضحكته تخوف.. ايش بقا.. ايش بقا.. اكيد انا احلم.. مستحيل اصدق انه زوجي مستحيل
عبدالرحمن يمسك يدها: عبير تعرفي انج جميله.. ماكنت متخيل ان زوجتي تكون بهالحلاة
اساسا ماكنت تحلم بملكة جمال زيي.. بس الحظ الي رماك بدربي.. كنت مبسوطه اعرف هذا واترك ذاك.. جيت اليوم وانجبر عليك.. انت.. انت.. اكيد خلصو الرجاجيل.. معقوله اخلصو بهالسرعه مابقيت الا انت
عبدالرحمن: ماقلتي لي انا حلو؟.. امي دايم تقول اني اجمل اخواني واحلاهم.. توقعتي اني اكون وسيم جذي
آآآآآآآآآآآآآآآه ياقلبي.. اذا هذا شكلك وامك تقول اجمل اخوانك اجل هم كيف اشكالهم.. الله يعينني على ذا الليله.. ايش هالحظ.. هذا حظي.. وينك يا سعود.. حسبي الله عليك دعيت علي يوم تركتك وقلت اني باخذ اردى الناس.. وصدق اخذته يا سعود حسبي الله عليك وعلى دعوتك علي
عبدالرحمن يقترب اكثر: حبيبتي ليش ساكته جذي.. احب زوجتي تتكلم معاي.. مايصير اكلم روحي
والله ومن زين سوالفك عاد والله انك زهقتني.. كأني جالسه مع مراهق اول مره يجلس مع حريم.. آآآآآآآآآآآه يا قلبي وين سوالفك يا وسام بحياتي ما مليت منها.. وهذا طايح الحظ قلب راسي
عبدالرحمن يجرها لحظنه: مستحيه مني.. انت زوجتي
عبير تقوم عنه وتصفعه: ايش الي جالس تعمله
عبدالرحمن يمسكها بقوته: تمدين يدج علي؟!!
عبير بصراخ: اتركني..باباااااااااااااا

&&&&&&&&&&&&&&&&&&&

1:00 الظهر ..قبل جية لافي بيوم..
فيلا عبداللطيف ..المجلس..
الكويت

احمد: خلاص كل واحد فيكم عرف دوره اش بيسوي
منير: أي خلاص
احمد: وليد الاعتماد عليك في التصوير
وليد: لا تقلق اليوم ان شا الله رايح للمكتب وبزرع فيه الكاميرات بصوره ما حد يقدر يشوفها
عبداللطيف: الاجهزه والخبير بيوصلون اليوم المغرب
احمد: حجزت للخبير في الفندق
عبداللطيف: أي
منير بخوف: وبأسم من حجزت له
عبداللطيف: بأسم واحد ماله وجود
منير: الحمدلله
عبداللطيف: تظن لافي مابيطلب ظمان
احمد: اكيد بس انت بتقدم له الظمانات قبل لا يطلبها
عبداللطيف: واش هي الظمانات الي بتقدمها له
احمد: رصيد عوض
وليد: بس الرصيد مصادر من الجهات الامنيه
احمد: مصادر بس ماهو مسحوب.. الرصيد لازال موجود.. باسم عوض.. بس ماحد يقدر يسحب منه شي.. وانا متفق على الي ماراح يجيب سيرة ان الحساب مصادر لو ان لافي دز احد يشيك الحساب
منير بتوتر: حلو.. مانسينا شي.. كل شي فكرنا فيه؟
احمد: وانت ليش متوتر جذي
منير: من حقي اخاف.. احنا اول مره نلعب هاللعبه
احمد: عبداللطيف بيكون معاه سماعه يسمعني بها.. ومكرفون اسمع كل شي يقولونه.. وكلنا بنكون موجودين مع بعض.. واي غلط ممكن اننا نتفاداه في دقيقه ماهي اول مره نعيش هالشي
منير: بس احنا هالمره مع لافي..واللعبه جديده يا احمد
احمد: منير انت من الصبح متوتر وموترني معاك
منير: فيه سؤال موترني
احمد بأهتمام: اش هو
منير: معقوله لافي ماسأل عن عوض وعرف انه محبوس ومحكوم عليه بالاعدام
احمد: وقت الي كلمته قلت له اني متورط مع الحكومه واني على علاقه بشخصيه كبيره متورطه معاي في قضيه كبيره.. وانه بيطلعني من هالورطه.. وقلت له انه في اشاعات كثيره تلاحقني اولها اني محبوس
منير: وصدقك!!!
احمد: تصور اش قال لي
وليد: اش قال
احمد: يقول هالشي مايهمه دام شغله ماشي والمشروع رابح.. مابتهمه سمعة عوض ابد
منير: بس لا تنسى ان قضية عوض تكلم عنها الرأي العام الكويتي وصارت روايات بالجرايد.. هذي حتى الي جا يزور الكويت ذيك الايام سمع بهالقضيه.. معقوله لافي ما سمع بها
احمد: وحتى لو سمع عنها.. لا تنسى اني كلمته على اني عوض.. وانه في محامي تبع عوض.. وان الاوراق الي بيده سليمه ورسميه ولاتنسى الضمان الي عنده بيخليه يصدق ان عوض حر طليق..ولا تنسى ان عوض مابيحضر الاجتماع عشان عنده قضيه مع الجهات الرسميه
منير: ماهو مقنع..عني انا مايقنعي هالكلام
عبداللطيف: وانتو تتكلمون خطر ببالي شي.. اكيد لافي تعامل مع ناس مثل عوض من قبل.. اكيد عارف انهم في مشاكل كثيره بس شغلهم وظماناتهم تفي بالغرض المطلوب
احمد: صح عشان جذي الرجال مطنش
وليد: وبعدين حتى لو انكشفنا.. يا اخي خليه يدورنا في الكويت كلها واذا لقانا يسوي الي يبيه
منير: توكلنا على الله

&&&&&&&&&&&&&&&&&

3:45 العصر
شقة ليال ..البلكون..
البحرين

خوله: ليش هالقلق
ليال: هذا رعب ماهو قلق
خوله: اذا على الشباب.. مابيقدر يعرف احد منهم
ليال: عارفه هالشي.. بس قلبي مقبوض
خوله: قومي صلي ركعتين وانتي ترتاحين
ليال: صح هذي احسن حل
تركت خوله ودخلت غرفتي.. فرشت سجادتي وسجدت زي عادتي.. ياربي ليه القلق ماليني.. من ايش خايفه.. هالي اعمله غلط ولا صح.. ودي اكسره واهز من قوته.. ودي اشل حركته.. ودي ان تجيه اكثر من ضربه تجاريه له.. يمكن يختل توازنه ويفقد القوه الي هو فيها.. صار له سنين بهالقوه سنين وهو متعود على هالقسوه والجبروت.. معقوله بيختل توازنه اذا خسر كم مليون من مجموع الملايين الي عنده.. على الاقل احسسه انه في من يقدر يهز الارض من تحت رجوله.. ياربي ابي استمر.. ياربي احمي الشباب ووفقهم.. ياربي زيح القلق من قلبي
لينا تفتح الباب: ليال انتي بخير
ليال تجلس من سجودها: ايوا لينا انا بخير حبيبتي
لينا: ها ايش رايك نروح على البحر نغير جو
ليال تبتسم: ياريت
كنت متأكده ياربي انك بتضيع همي.. ياربي ياحبيبي حلو هالاحساس.. احب اني احس اني مميزه عندك ياربي.. لبست وطلعت معاهم احس بقوه داخلي.. احس ان ربي بيوفقنا في هالعمليه.. ما ادري ليه حسيت اني ابي اضحك.. يمكن عشان تخيلت شكل لافي وهو عارف ان فلوسه ضاعت عليه.. احمد معاه حق.. وجود عبدالرحمن عند لافي بينقل لنا اشيا كثيره.. ومهمه.. اولها ردة فعله بعد هالعمليه.. يالله يا حبيبي دعيتك وفقنا يارب

&&&&&&&&&&&&&&&

6:00 المغرب
فيلا الجده ..غرفة العنود..
السعوديه

مشتاقه له.. كيف تعلقت به بهالسرعه.. كيف بخليه يتركني.. ودي انه يتركني.. ودي اعيش من غير لافكر في هالشي.. ودي ارتاح في حياتي مايشغلني موضوع زي هذا الموضوع.. اكيد لاني عارفه انه بيتركني او على الاقل بيتركني بفضيحه.. اذا ماكانت قدام الكل.. بتكون قدامه هو.. يمكن لانه ماسمعني هذاك اليوم الي طلع انه في ولد مستخبي ورا المطبخ ونادا باسمي.. عصبيته هذاك اليوم خوفتني.. ما غلطت ولا عرفت هالولد.. وكنت على حق.. حتى هالمره انا على حق بعد.. ما غلطت.. ولاني متذكره أي شي.. أي شي.. اكيد ماراح يسمعني بعد.. اخسره وانا احبه احسن ما اخسره وانا كارهته.. فكرت ادق على السايق.. قلت بروح لشغله ابي اشوفه لو من بعيد.. وحشني من جد.. بس بشوفه وبرجع على طول.. ايش بقول لهم تحت.. وين بروح.. بروح اشوف زوجي الي احبه واعشقه وابيه يطلقني؟.. بشوفه لانه وحشني وبالي مشغول عليه لاني زعلته من يومين وجا بعدها عشان يراضيني.. او بروح اسرق نظره عليه وهو بشغله واريح قلبي التعبان والي بزيد تعبه وبخليه يبتعد عن الي حبه واعشقه.. وينك يا غسان.. ودي اشوفك وارتاح
ناصر بصراخ: الوووووووووووووو
العنود تنتبه: ناصر!!!!!!
ناصر: وين سرحانه.. صار لي ساعه وانا ادق الباب ولا انتي هنا.. دخلت وانادي وانادي.. ولاحياة لمن تنادي
العنود بضيق: فعلا لا حياة
ناصر يقرب منها: ايش الي مضايقك
العنود بضيق: سلامتك
ناصر: لا تقولي غسانو وحشك.. وزعلانه عشانه ماجا
العنود: لا عادي.. ماهو مهم عندي
ناصر: ليه تقولي كذا
العنود: ماني حاسه اني احبه
ناصر فتح عينه: ماتحسين بهالشي
العنود: ابد
ناصر: عيني بعينك
العنود تلف وجهها: ليه ماتبي تصدقني
ناصر: الي تشوفه عيني ماتصدقه اذني.. كيف يعني ماتحبيه وانت تذوبي فيه
العنود: من قال لك هالشي
ناصر: انا اشوف هالشي
العنود: عشان ما ازعلك.. بس ماني حابه اكمل معاه
ناصر: حبيبتي.. ايش الي مضايقك
العنود بكدر: اني زوجة غسان
ناصر: انسي غسان الان.. وكلميني عن الي مضايقك.. واذا الي بتقوليه لي بيقنعني اوعدك انك ماراح تظلي على ذمته ثانيه
العنود بحده: الاسلوب الي تزوجتة فيه مضايقني
ناصر: قلت سيبك من غسان.. انا عارف انه غسان ماله علاقه بالضيق الي انتي فيه.. كلميني جد
العنود: مافي شي غير الي قلت لك عليه
ناصر: أي بس هذا اسمه دلع حريم.. الاسلوب الي تزوجتة فيه.. الطريقه الي تعرفت عليه فيها.. ابتسامته كانت قاصره سنتين حتى اعرف انه مبسوط معاي.. طوله ماهو مناسب لي.. قصة شعره ماعجبتني.. كلها اشيا فاضيه.. ماتنقص من قدر الرجال.. ولا تقلل من حبه لك
العنود تفكر: يعني اذا قلت لك على الي عندي.. ماتتضايق مني.. وتساعدني
ناصر: اكيد انا عايش عشانك انتي ونوف.. اكيد اني بساعدك.. قلت لك اذا اقنعتيني ماراح اخليكي على ذمته ثانيه
العنود: انا احب واحد
ناصر: ايوا وانا شايف هالشي
العنود: احبه من جد.. من كل قلبي.. ماني متخيله اعيش مع غيره.. ما ني حابه اكون لاحد غيره.. انت جربت تحب ناصر وعارف ايش اعني
ناصر: ايوا ايوا.. وهو وينه الان
العنود: مكان مايكون يا ناصر
ناصر: يعني اذا تطلقتي بيجي يخطبك
العنود: ها.. ايوا اكيد
ناصر: انتي تكلميه الان
العنود: لا طبعا
ناصر: اجل كيف بيعرف انك تطلقتي
العنود: اذا تطلقت بدق عليه
ناصر بكل هدوء: طيب دقي عليه الان وقولي له اني ابي اشوفه
العنود بخوف: يعني ايش!!!!
ناصر: عادي مافيها شي.. انتي عارفه اني ماني معقد ومتحرر في تفكيري واحب اختي تكون صريحه معاي.. وعادي دام انه مافي غلط.. ليه ما اسمعك واساعدك.. تقولي انه يحبك صح
العنود: صح
ناصر: خلاص.. دقي عليه وقولي له اخوي يبي يشوفك ويجلس معك
العنود: وبعدين
ناصر: اطلقك من غسان وتنتهي شهور العده.. وتتزوجي حبيبك
العنود تتنهد: ..............................
ناصر: ماتعرفي تكذبي يالعنود.. صحيح انك كنتي عازله روحك عن الكل.. وكنتي عايشه حياتك لحالك.. بس انا متأكد انه مافي احد ملى عينك.. غير غسان طبعا
العنود بحده: لا طبعا.. انا بحياتي ما ارتحت له وانت عارف قد ايش انا كارهته
ناصر: طيب انتي عارفه هو ليه ما جاكي من امس
العنود: عنده شغل
ناصر: لا يا قلبي.. غسان الي ماتحبيه عمل حادث.. وحادث خطير بعد.. عاد صحي وقال يبي يشوفك
العنود ماهي مصدقه: انت تكذب
ناصر: تعالي معاي وانتي تشوفيه بعينك.. مافي على لسانه غير اسمك.. انا ممكن اعتذر منه اذا ما ودك تروحي له.. وممكن الاقي أي عذر اقـ................................
العنود تاخذ عبايتها: خذني له
ناصر: اخذك وين
العنود تبكي: ابي اروح اشوفه
ناصر: حبيبتي انا مقدر انك ماتحبيه.. يعني اذا رحتي له الان وجودك ماراح يكون حب.. بيكون مجرد شفقه
العنود تسحبه: يلا نروح له.. ابي اشوفه
ناصر يوقف: ليه تبين تشوفيه
العنود تبكي: ماهو زوجي ابي اشوفه.. واتطمن عليه
ناصر: بس انتي ماتبينه لا تجبري نفسك عليه
العنود بحده: انت عديم احساس.. اقول لك يلا
ناصر: حبيبتي.. من شوي قلتي انك ماتحبيه وانا قلت اني بساعدك.. ايش الي غير رايك
العنود تبكي: حرام عليك الي تعمله فيني حرام
ناصر يحضنها: تحبيه
العنود تكابر: لا
ناصر: ليه ذا كله بس.. لو تقولي لي على الي عندك.. ليه تخبي علي.. صدقيني راح اسمعك واساعدك.. حبيبتي ارفعي عينك ناظريني.. ايوا كذا امسحي دموعك طيب.. قردك بخير ومابه شي.. قلت بشوف اذا انك عاشقته ولا عاشقه الخيالي الي قلتي عنه من شوي
العنود تضربه: اكرهك اكرهك
ناصر يحضنها: هههههههههههههههههههه وانا احبك يا قلبي.. ليه منتي راضيه تنبسطي معاه.. ليه ماتبين تستمري معاه
العنود: ما عندي شي اقوله.. هذا الي ابيه وهذا الي بيصير
ناصر: ايش ذا!!!!
العنود: انفصل عنه

&&&&&&&&&&&&&&&&&&&&

6:35 المغرب
على البحر
البحرين

ريما: خالتي
ليال: نعم حبيبتي
ريما: تبين تاكلين شي
ليال: لا ياقلبي ابي عصير بس
ريما: من عيوني
جالسه جنب البحر لحالي.. ما بي احد يكلمني.. ابي افكر بهدوء.. لازم افكر في الحركه الجايه.. احمد وعبدالرزاق افتحو لي المجال للافي وانا لازم اكمل
ريما: خالتي تفضلي
ليال: تسلمين يا قلبي
ريما تضحك: خالتي خوله تسأل هههههههههههههههه تقول قولي للاميره النائمه ماراح تجي تقعد معانا
ليال: هههههههههههههه اميره نائمه ها.. قولي لها لسا.. ريم قلبي
ريما: خير
ليال: خذي ديما.. وروحو للسياره عند خان وقولي له يعطيكي جاهز الاب توب حقي
ريما: حاضر
احس الليله عندي افكار كثيره ابي انزلها على الجهاز.. بس ناقصتني الفلوس.. في البدايه فكرت اني استغل فلوس لافي.. بس رجعت عن هالفكره مستحيل المس فلوس هالكلب.. مستحيل ابتدي حياتي بفلوسه الحرام.. احمد كان متفق مع عبدالرزاق قدامي ان الفلوس راح يتبرعون بها.. وانا موافقه على هالفكره.. المهم عندي اني اضربه وبس.. فكرت في الفلوس الي تركها لي ناصر.. وخفت اني اسحبها.. اكيد بيتبعها وين تروح.. وبيعرف مكاني وين.. واذا على مدخول العماره يبيلي اصبر ثلاث سنين حتى اجمع راس مال ابتدي فيه الي براسي.. محتاجه للفلوس.. ظهوري بالسوق بعد هالضربه للافي.. بتخليه ماينتبه لوجودي.. بيكون مشغول يدور على عوض.. بتكون لي فرصه حلوه اني اطلع فيها وبمشروع حلو.. يعمل لي اسم ومكانه.. صحيح ماراح تكون كبيره.. بس على الاقل كبدايه تكون مناسبه.. تذكرت اطقم الماس.. ابتسمت.. راح يجيبون لي مبلغ ما احلم فيه.. صحيح اني ماكنت ناويه المسهم بس ماعندي حل غيرهم..
امنت الفلوس.. باقي انزل الافكار حتى اذا جا احمد وعبدالرزاق افاجأهم بالي ابي اعمله
ديما: خالتي
ليال: خير حبيبتي
ديما: تفضلي الجهاز
ليال: تسلمين لي يا حلوه
فتحته.. وجلست اشتغل.. عملت جدوله.. وعملت احصائيه بسيطه.. وصرت العب بالارقام الي قدامي.. لحد ماوصلت للي ابيه.. اخذت وقت طويل وانا اوزن الامور واحاول اوجد مشاكل واتنبأ بحلولها حتى اذا واجهتني فعلا اكون جاهزه..
خوله تجيها: ليال احنا جايين ننبسط وانتي تشتغلين
ليال مشغوله: من جد خوله انا مشغوله.. اتمنى ماتتضايقي مني
خوله: وليش اتضايق.. معاي لينووووه واتضايق
لينا: انت ماتتأدبين كل ما اقول عقلتي اشوف جنونج يزيد
خوله: لينوووووه بلا مناكش الحين.. ماهو وقتج
لينا بحده: تغلطين علي وتبيني اسكت
ليال بجديه: يا حلوااااااااااااااااااات تخانقو بعيد خلوني شوي الله يخليكم
خوله: يلا يلا شكلها من جد مشغوله
لينا: هههههههههههه نمشي بكرامتنا
ابتسمت لهم وانا عيوني معلقه بالجهاز اسمع تعليقهم وهمسهم بس ما كنت اقدر ارد عليهم.. مشغوله من جد.. فات الوقت بسرعه.. وانا تقريبا خلصت.. راجعت الي كتبته.. وابتسمت طول عمري فخوره بحالي.. خلصت بسرعه قياسيه.. قلت بفتح على المنتدى.. اتفقد الاحوال.. كانت الامور تمشي بالصوره المرضيه.. والمشرفين ماهم مقصرين مخففين علي حمل كبير.. كنت مفكره اني اتعرف عليهم بصوره شخصيه.. اكيد بلاقي نفسي في يوم منفذه هالفكره

&&&&&&&&&&&&&&&&&&&&

في اليوم التالي
في المكتب ..غرفة عبداللطيف..
الكويت
احمد: خلاص حفظت الدور؟
عبداللطيف بلهجه مصريه: طبعا يا بيه
احمد: هههههههههههههههههههه ماشي.. كلها ساعه ولافي وعبدالرزاق عندنا
عبداللطيف بلهجه كويتيه: انا بجلس.. وانت نادي وليد بشوفه يعرفني ولا لا
احمد: ههههههههههههههههه يا خوي لا ينصرع اذا عرف انه الي واقف قدامه هو عبداللطيف
عبداللطيف: روح وشغل الكاميرات خلنا اذا رجعنا البيت نضحك شوي
احمد: بتصل فيه وبخليه يجي
عبداللطيف بلهجه مصريه: ايوه كده خلينا ننبسط
احمد يضحك: ..الو منير
منير: هلا احمد اش الاخبار
احمد: كل شي تمام
منير: وعبداللطيف جهز؟
احمد: يبيله شويه ويجهز
منير: يلا انا ووليد في الطريق 5 دقايق ونكون عندك
احمد: ماشي.. سلام
عبداللطيف: الا ئول لي
احمد: خير
عبداللطيف: ازا اتزنئت في حاجه ومئدرتش اكمل
احمد: بكون معاك على السماعه الي بأذنك يا غبي
عبداللطيف: اه افتكرت .. بس متئولش غبي
احمد: لاني عدت هالكلام الف مره
عبداللطيف: منا عارف بس بتكلم معاك في أي حاجه.. بعيش الدور يعني
احمد يضحك: الله يعينك على بلوتك
عبداللطيف: طب الرجاله فين ديلوئت
احمد: تلاقيهم فاتحين الباب وداخلين
عبداللطيف: طب وهتعرفني عليهم بصفتي مين
احمد: الخبير الي قلب خلقتك
عبداللطيف: هههههههههههههههههههههه
منير يدخل: السلام عليكم
احمد بجديه: وعليكم السلام
وليد: مرحبا
عبداللطيف: اهلا وسهلا بالاخوه الكوايته.. والله انا سعيد اني بتعرف على حضراتكم
وليد: الشرف لنا يا خوي
عبداللطيف: الاستاز احمد كلمني عنوكو كتير اوي.. وكنت متشوء اشوفكم
منير وعلى وجه علامة استفهام: يا هلا ومرحبا.. مين الاخ
احمد: هذا الخبير الي جاي يركب الماسك
وليد: خبير وخبير وجايبينه من لندن.. وفي النهايه يطلع مصري
عبداللطيف: ليه يعني هو المصري ملوش يكون خبير
وليد: لا ياخوي اكيد له.. بس احنا تعبنا على مالقينا خبير ولو نعرف انك موجود.. كنا من زمان اتصلنا عليك
عبداللطيف: كنت هتعرفني منين
وليد: حبايبي بمصر كثير.. كنت سألت واحد منهم واكيد بيدلوني عليك
عبداللطيف: واديني ئدامك يا سيدي.. وسعيد بمعرفتك كمان
منير يتفحصه: من زمان بهالشغله
عبداللطيف: بئالي 17 سنه خبره
منير بشك: وايش المواد الجديده الي تستخدها في وضع الماسك
عبداللطيف: يييييي حاجات كتيره اوي.. انت هتوجع دماغك ليه
وليد بشك: حب فضول يا اخي.. وبعدين موضوع يجر موضوع
عبداللطيف: ايه رئيك ندخل الاوضه الي فيها عبداللطيف واوريكم المواد كلها
وليد: لا نبي نسمعها منك الاول
عبداللطيف: هتسمع مني طبعا وهتشوف شرح كامل.. احسن ماكل شويه تسألني سؤال
منير: ايش اسمك؟
عبداللطيف: شحاته
وليد بحده: شحاته بعينك.. والله ماني مصدق
منير يضحك: ولا انا!!!!
وليد مستغرب: والله ماعرفتك!!!!
منير: من جد صدقت في البدايه انك مصري.. شكلك مصري الف في الميه
وليد: اختفى عبداللطيف
عبداللطيف: هههههههههههههههههه كشفتوني.. ما انتبهت على اسامي العلب الي استعملها الخبير قدامي
احمد يضحك: حلو انهم منتبهين
وليد يتفحصه: لا ولون الجلد بالضبط نفس اللون
احمد: ها تطمنت الحين
عبداللطيف براحه: أي تطمنت
احمد: يلا يا شباب كل واحد يمسك موقعه.. بنعمل تجربه على الاجهزه والتسجيل

&&&&&&&&&&&&&&&&&&

5:00 العصر
شقة ليال ..البلكون..
البحرين


خوله: قلت لج لا تتوترين
لينا: عجزت وانا اقول لج.. التوتر والقلق ماهو زين للي ببطنك
ليال بقلق: ياربي تعرفو تسكتو شوي
لينا: يا حبيبتي صار لج مده وانتي على هالحال
خوله: صوفيا
ليال: لانكم ماتعرفو الذيب الي نتعامل معاه
صوفيا: يس مام
خوله: جيبي شاي.. وشرايح ليمون
لينا: نعناع بعد
صوفيا: اوكي مام
ليال: لمى وام عبداللطيف وينهم
لينا: مع امي قالت بتبعدهم عنج لين احمد يتصل ويطمنج
ليال: والله عملت خير.. لاني بقطع ملابسي من القلق.. وما ابي ام عبداللطيف تشوف حالتي بتشك انه ولدها ماهو بخير
خوله تحك راسها: بتقطعين ملابسك
لينا: دامها تحك راسها الله يعينج عليها
خوله: عاد الله يخليج يا ليال قطعيهم قدامنا.. نبي نشوف
ليال بقهر: حسبي الله ونعم الوكيل.. احر ما عندي ابرد ماعند هالحرمه
لينا: ههههههههههههههههه اهدي طيب خلينا نضحك ما قالت شي المسكينه
صوفيا: مام الشاي
خوله: جا في وقته
لينا: صوفيا جيبي الفطاير
صوفيا: اوكي مام
خوله: بسوي لج شاي معتبر.. شاي بالليمون والنعناع.. ينسيج همج
ليال: اااااااااااه يا قلبي
خوله: ماله داعي ماتبين احنا نشرب
لينا: سوي ياختي.. وقته هالشاي بصراحه
خوله: تفضلي ياعيون اختج
لينا: تسلمين لي
خوله: ما قلتي لي
لينا: خير
خوله: تجهزتي للعرس ولا
لينا: اذا حصلت وقت رحت السوق واخذت الي يعجبني
خوله: بس ماكملتي صح
لينا: طبعا ما كملت
خوله: طيب خلينا ندور على الاهم
لينا: شنهو الاهم
خوله: فستان العرس.. خلينا نروح عند وحده من المصممات ونشوف اش عندها
لينا: ياريت.. بس هالثقيله هذي اشلون تتحرك
ليال: لعيونك بطير
لينا: تسلم لي عيونج يا قلبي
خوله تقدم الشاي: تبين الشاي ولا اشربه
ليال تاخذه: قال تشربه
صوفيا: مام الفطاير
خوله: شكرا صوفيا
لينا: جيبي هالفطاير طعمها حلو.. احب اشتري منها
ليال تتلذذ: لذييييييييييذه
خوله: أي والله خوش فطاير.. بس الي انا اسويها احلى
لينا: تبين الجد.. استحيت اقول لج سوي اليوم.. رحت شريت
خوله: غلطانه.. كنتي قلتي
ليال: اش تتوقعون جالس يصير الان معاهم
خوله تلتفت على لينا: ماتكلمتي مع لمى عن شي
لينا تطنش ليال: عن شنو
خوله: يعني عن سالفتها
لينا: لا قلت ابعد تفسي احسن.. هي اذا ودها تتكلم بتتكلم
خوله: اشوفها ارتاحت لج
لينا: احمد بعد قال لي هالشي.. احمد يقول انها عازله روحها عن الناس
خوله: اكيد خايفه منهم ومن كلامهم عنها
لينا: ممكن.. بس احمد شاك في شي ثاني
خوله: وشو
لينا: ماقال

&&&&&&&&&&&&&&&&&

6:45 المغرب
في السياره.
البحرين

حنان على التلفون: وبعدين معاك
خالد: طيب انتي وين الحين
حنان: في السياره
خالد: رجعي البيت
حنان: خالد الله يخليك.. ابي اقعد بروحي مابيك تتدخل.. ولا ابي ابوي يعرف.. ولا ابي احد يقول لي سوي ولا تسوين.. انا حياتي جذي وما ابي اغيرها
خالد: حبيبتي.. موضوعج ماينحل جذي.. تعالي بطلع معاج نقعد مع بعض.. والي يريحج بسويه لج
حنان: الي يريحني انك تتركني بروحي الحين
خالد: طيب بتصل فيج كل شوي
حنان: ماشي.. سلام
ماهي اول مره اشوفه يخوني.. بس هالمره شافني وابتسم لي.. اشر علي.. ماهي فارقه عنده عرفت او ما عرفت.. ابتسمت من نار شبت في قلبي.. تنازلت عن حقي وعن احساسي.. وعن كل شي بحياتي عشان عيالي.. بس الحين خلاص ما اقدر.. ما اقدر.. من الي يتصل علي.. الرقم غريب
حنان: الو
هشام: هلا بزوجتي الي شافتني اخونها
حنان: خير
هشام: كنت ابي اتأكد اذا شفتيني ولا لا
حنان: اش الي تبيه الحين
هشام: ابي اتأكد بس
حنان: ليش
هشام: انتي تعرفين ليش
حنان: تصدق اني ما اعرف
هشام: ماقلتي لي شفتيني
حنان: شفتك
هشام: ممتااااااز.. والحين اش قررتي
حنان بمنتهى البرود: اقرر في شنو
هشام بحده: يعني في شنو يعني.. وحده وشافت زوجها يخونها شالمفروض انها تسوي
حنان بهدوء: أي علمني اش تسوي
هشام بعصبيه: انتي كلبه
حنان: شكرا
هشام بصراخ: وعديمة احساس
حنان: شكرا
هشام: اساسا منتي حرمه عشان الواحد يضيع وقته وعمره معاج
حنان: انت الي متصل وانت مضيع وقتك.. هشام انا ما ضربتك على يدك وقلت لك اتصل لي
هشام يتصنع الهدوء: تعرفين انها كانت غير عنج
حنان: من هي
هشام: الحلوه الي شفتيها معاي.. شفتي جمالها
حنان: تبي الصراحه جميله.. عجبني جمالها
هشام: قعدتها احلى
حنان: اذا شفتها مره ثانيه سلم عليها.. قول لها زوجتي تقول لج خذيها معاج مكان ما تروحين وعرفيها على الي قاعده تتعرفين عليهم.. لان زوجها ماهو رجال حتى تصون اسمه
هههههههههههههه الحقير سكره في وجهي.. معلش.. بيني وبينك العمر كله.. يا ينتهي عمري يا انهي عمرك.. محسبني بغير على زباله مثلك.. معلش.. ما اكون حنان اذا ماربيتك

&&&&&&&&&&&&&&&&

يتبع

[COLOR="DarkOrchid"]
7:15 الليل
شقة ليال ..الصاله..
البحرين[/COLOR]
ليال على التلفون: احلى خبر والله احلى خبر ياخوي
احمد: الحمدلله.. الله وفقنا
ليال: ماتتصور فرحتي.. ودي اطير
خوله تمسكها من ثوبها: لينوووووه مسكيها معاي.. هذي خبله وتسويها
احمد: ههههههههههههههههههههه
ليال: ماعليك منها هذي خبله
احمد: طيب اتركج معاهم.. ابي احتفل انا والشباب
ليال: بأمان الله وحفظه
لينا: مبروك يا حلو
ليال تحضنها: الله يبارك لي فيكم وبعمركم
خوله: تطمنتي الحين.. نقدر نرتاح احنا بعد
ليال: هم وانزاح.. والله هم وانزااااااااااااح
لينا: ههههههههههههههه ابشر امي
ليال: روحي قولي لها
خوله: ها اش الخطوه الجايه
ليال: ابي اروح لعند تاجر مجوهرات
لينا: ليش!!!!
ليال: من غيرليه.. ابي اروح عند واحد ثقه امين يخاف الله.. الناس تمدحه وتحبه
لينا: انا اعرف تاجر اسمه منصور الشيخ.. بس هذي بضاعته غاليه.. غاليه غاليه.. الطبقه الغنيه هي الي تتعامل معاه بس
ليال: بس هذي كل المعلومات الي عندك
لينا: أي هذي الي اعرفه
ليال: وبايش يتاجر
لينا: كل شي تقريبا.. حتى الاحجار الكريمه النادره
ليال تفكر: ....................
خوله: على وشو ناويه
ليال: اتصل في الدلال
لينا: ليش!!!
ليال تقوم: اسأله عن منصور

&&&&&&&&&&&&&&&&&&

7:40 الليل
في بيت حنان ..الصاله..
البحرين
حنان تسكر باب البيت: انتو وين يا عيال
سمر: عند التلفزيون ماما
حنان تدخل عليهم: اشلون حبايبي
راكان يتأفف: يما كم مره قلت لج الدلع ذي للبنات بس.. انا رجال لا تتكلمين معاي جذي
حنان تبوسه: انت سيدهم يما.. على الاقل ادلعكم واحنا بروحنا
سمر: راكان الله يخليك لا تكسر بخاطرها عاد عشاني
راكان يحضن امه: يما حبيبتي.. لاتزعلين مني.. بس عامليني على اني رجال.. انا عندي 18 سنه وليلحين تعامليني كأني طفل
حنان: والله لو يصير عمرك 100 سنه بتظل بعيني ولدي الصغير
سمر: ول يما.. اذا هو عمره وصل 100 سنه انتي كم عمرج بيصير
راكان: ههههههههههههههه لها طول العمر ان شا الله
سمر: تخيل ياخوي.. يكون عندها 120 سنه.. وعليه عليج يما.. بتصيرين ذابله
حنان ترميها بالمخده: ذابله ها
سمر: ههههههههههههههههههههههه
راكان: امي طول عمرها احلى ورده
حنان: اش رايكم نطلع نغير جو
سمر: وين نروح
راكان: وين تبون انا عازمكم
حنان بفرح: وهـ ولدي عازمني من جيبي يا فرحتي فيك يما
سمر: هههههههههههههههههه
راكان: لا حبيبتي ماهو من جيبج.. من جيب امي.. امي ماعطتني فلوس وبصرفها عليكم
حنان: أي جذي معلش.. اذا امك ماعطتك معلش
سمر: لحظه يا جماعه.. راكان طلع ماهو ولدنا
حنان: هههههههههههههههه
سمر بصراخ:ياحسرة قلبي على اخوي.. خلاص صارت عنده ام ثانيه نعيش على حسابها
راكان: ههههههههههههه انا جبته لنفسي
سمر تتباكا: يا قلبي عليك يا راكان رحت وخليتني.. صار عندك ام ثانيه واكيد اخت ثانيه بعد
راكا يرميها بمخده: بس خلاص صراخج صك راسي
حنان: هههههههههههههههههه
سمر: ماما تذكرت جدي متصل يسأل عنج
حنان: ماقال شي
سمر: قال تتصلين فيه اول ما توصلين
حنان: قايمه اشوفه

&&&&&&&&&&&&&&&&&&&

8:00 الليل
شقة ليال ..غرفة ليال..
البحرين

ليال على التلفون: السلام عليكم
الدلال: وعليكم السلام
ليال: عمي انا صاحبة العماره.. الي بالـــ......
الدلال بفرح: أي أي ياهلا يبا عرفتج من صوتج.. اشلونج يبا
ليال تبستم: تسلم لي يا عمي.. مبسوطه الي عرفتني ومانسيتني
الدلال: واشلون انساج.. تصدقين عاد اني كل يوم اجيب معاي حلوى واقول يمكن تجيني هالمسكينه او احد يجي من اهلها واعطيه لها
ليال: ههههههههههههههههههه الله يخليك لي يارب.. صدق انك ماقصرت
الدلال: بشريني اشلونج مع الحمال
ليال: الحمدلله.. نعمه من الله
الدلال: آمريني يبا.
ليال: تصدق عاد بطلبك وانا ما اعرف اسمك
الدلال: هههههههههههههههههه اسمي ناصر
ليال تختفي ابتسامتها: ناصر؟
الدلال: أي ناصر.. ما عجبج تبين ابدله
ليال: ههههههههههههه تبدله وايش بتسمي حالك
الدلال: بدريه
ليال: ههههههههههههههههههههه
الدلال: هههههههههههههه قولي يبا.. اش تامرين عليه
ليال: كنت ابي تدلني عن تاجر مجوهرات ابيه غني.. يخاف الله.. يتعامل مع كل انوع المجوهرات وخصوصا الماس
الدلال متردد: والله يا يبا اش اقول لج.. السوق عندج كبير.. والناس الي فيه انواع وانا عمج.. اخاف اقول لج فلان.. ويطلع ماهو قد الي اسمعه عنه
ليال: طيب انا سمعت عن واحد اسمه منصور الشيخ.. ابي معلومات عنه
الدلال متردد: منصور الشيخ!!.. وليش انا الي تسأليني عنه
ليال: عشان عندك معارف كبيره.. وتشتغل بالسوق.. وتعرف الناس زين.. خصوصا اهل البحرين
الدلال: يعني انتي ماتعرفين شي عن منصور ابد
ليال: اعرف انه غني وان طبقة الاغنيه بس هي الي تتعامل معاه
الدلال: واش تبين تعرفين زياده على هالشي
ليال: ابي اعرف هو رجال يخاف الله.. يعني اذا رحت له وطلبت منه بظاعه معينه مايلعب علي بالسعر
الدلال: من هالناحيه تطمني.. منصور مايلعب الاعلى الي يلعب عليه.. منصور ذيب.. بس مع الذيابه
ليال: طمنتني.. عموما مشكور وماقصرت.. كنت متأكده انك بتساعدني
الدلال: انتي ماتعرفين اسمي صح
ليال: لا والله ما اعرفه
الدلال: اسمي ناصرالشيخ
ليال مستغربه: منصور اخوك؟
الدلال: قلت اقول لج عشان ماتقولي لعب علي عشان اخوه.. شوفي يبا.. انا من البدايه ماقلت لج على اسم محدد حتى تروحي له.. انتي اخترتي اسم منصور.. والله يشهد اني ما جملته لج
ليال: وانت ليه خايف كذا
الدلال: عشان لجأتي لي.. وانا قلت لج.. ما احب اقول لج على اسم ويطلع ماهو قد الي اسمعه عنه
ليال: لاتقلق علي.. وبعدين السوق بيع وشرا.. واذا ماعجبني السعر ماحد بيجبرني على البضاعه
الدلال: الله يحفظج يبا.. ان بغيتي شي اتصلي فيني

&&&&&&&&&&&&&&&&&&

8:20 الليل
في فيلا الجده .. غرفة العنود..
السعوديه

ناصر بحده: وبعدين يعني
العنود: الي عندي قلته
ناصر: شوفي حبيبتي.. الي تسوينه ذا ماراح يبعده عنك.. الا بيعند اكثر وبيتمسك فيكي اكثر
العنود: لازم تساعدني
ناصر بحده: اساعدك في ايش!!!!!!!
العنود: زي ماتزوجته بالغصب يطلقني بالغصب
ناصر بهدوء: وتتوقعي اني بعمل الي تقولي عليه.. عنود حبيبتي.. انا معاك.. وزي ما اكلمك ردي علي.. ليه كل ذا
العنود: مافي شي
ناصر: اوكي حبيبتي.. اذا مالقيت رد على هالسؤال فخلي ببالك اني ممكن اعجل بزواجك
العنود تتعلق فيه: لا ناصر.. خاف الله فيني.. حبيبي ليه تعمل معي كذا.. ليه ماتبي تفهمني
ناصر يحضنها: عشان عنودتي حبيبتي ماتبي تفهمني ايش فيها
العنود تبكي بحضنه: ......................
ناصر: اهدي طيب.. خلاص اهدي
غسان يفتح الباب بعصبيه: مالها ليه اسمع بكاها
ناصر: ما بها شي.. انفعلت بس
غسان يبعدها عن ناصر: عنود حبيبتي.. مالك
العنود تمسح دموعها: اسمعوني زين.. انا ما ابي اتزوج ابد
غسان: خلاص ماله داعي الزواج.. الي تبينه يصير
العنود: والله!!!!
غسان: والله.. ولا اني اسمعك تبكين كذا مره ثانيه
العنود بخوف: يعني بتطلقني
غسان بحنيه: طبعا لا.. انتي ماتبين تتزوجي.. الي تبينه بيصير ان شا الله نظل العمر كله مخطوبين
ناصر فاتح عينه: انجنيت انت
غسان: وانت مالك.. هذي زوجتي انا.. الي تبيه بعمله لها.. قولي بعد ايش تبين يالعنود
ناصر: انا طالع.. اذا جلست معاكم.. احس اني بقتل واحد فيكم
غسان: هههههههههههههههه درب السلامه
ناصر يسكر الباب بكل قوته: الله يسلمك
غسان: ههههههههههههههههه عصبتيه
العنود: انا ماعصبته هو الي جاي معصب
غسان: وليه ان شا لله
العنود تتدلع: وانا ايش عرفني اسأله
غسان يخق: اتركيه عنك يغير من دلعي لك
العنود تبتسم: ......................
غسان: الان هذا ماقال انه رايح للندن
العنود: يقول جاه شغله واخر رحلته
غسان: ما قلتي لي.. تبين نظل مخطوبين فتره طويله
العنود: .......................
غسان: طول العمر مثلا
العنود تهز راسها يعن يايوا: ......................
غسان: عادي.. المهم عندي راحت حبيبتي
العنود: ليه تعمل معاي كذا
غسان: عشان احبك.. اموت بترابك
العنود: بس انا ما احبك
غسان يقترب منها: عيني بعينك
العنود تبتعد عنه: لا
غسان يمسكها: ليه لا.. تخافي اشوف حبي بعيونك
العنود تغمض: غلطان
غسان: طيب ليه تغمضي عيونك كل ما خفتي مني
العنود: ........................
غسان بحنيه: تعاقبيني على ضربي لك صح
العنود: .......................
غسان: بقول لك الي صار

&&&&&&&&&&&&&&&&

8:45 اليل
في بيت حنان ..في الصاله..
البحرين

حنان: يبا الله يخليك.. هذي حياتي من زمان.. مافي شي جديد صار
بوخالد: انتي ليش مقلله من قدر نفسج.. ليه محسستني انج ضعيفه ومستسلمه له
حنان: من هي ذي الضعيفه يبا
بوخالد: المشكله اني عارف مافي اشرس منج.. عارف انج قويه وعنيده.. ليش لما الموضوع يجي لحد هشام تصيرين بهالسلبيه
حنان: بكل بساطه عشان عندي عيال.. صحيح راكان ما يحبه بس غصب عليه بيحترمه لان ذي ابوه.. سمر تموت عليه يبا.. تبيني احرم بنتي من شي تحبه
بوخالد: عيالج لازم يدرون بالي يسويه.. انا مابتركج معاه ثانيه انتي فاهمه
حنان بحده: لا ماني فاهمه.. ابيك تبتعد عن بيتي.. ومابي احد يقترب من هشام.. انا صاحبة المشكله وراضيه.. انتو حارقين اعصابكم ليش.. كل الي ابيك تفهمه ان عندي عيال
بوخالد: شبابج يا يبا يروح
حنان: شبابي اشوفه بعيون عيالي
بوخالد: انتي منفصله عنه من اكثر من 10 سنين.. حرام عليج نفسج
حنان: ماتفرق عندي يبا.. اهم شي عندي عيالي
بوخالد: كم طلب منج هالمره
حنان: طول عمره يطلب.. بس لاتخاف بنتك ماهي مغفله
بوخالد: عطيه الي يبيه يبا واتركيه.. خليه يطلقج.. ما تقصرج الفلوس عشان تسوين بروحج جذي
حنان: يبا يبا يبا تعبت وانا اشرح لك.. الطلاق سهل لو ابيه كنت تطلقت من زمان.. بس انا افكر بعيالي
بوخالد بعد ما تعب منها: ابي اشوفج بكره
حنان: حاضر بكره جايه المحل
بوخالد: انتظرج.. مع السلامه
حنان تنتبه: من متى وانتو واقفين تسمعوني
راكان: من اول ما زادت خلافاتج معاه
سمر بخوف: اش صاير ماما
حنان تحضنها: عادي خلاف عادي ماما.. لا تخافين جذي
راكان: لا ماهو عادي.. ابوج يضرب امج يا حلوه.. ابوج مبهدل امج.. كل يوم يطلبها فلوس وكل يوم مع وحده شكل.. وهي صابره عليه عشانج يا حلوه
حنان بحده: راكان.. لا تتكلم مع اختك جذي.. مشاكلي مع ابوكم انا احلها.. مابي واحد فيكم يتدخل مفهوم
راكان: لو كنا صغار بقول لج مفهوم.. بس الحين لا.. نتدخل ونتدخل
حنان بحده: لاتتكلم معاي جذي راكان.. انا بحياتي ما مديت يدي عليك.. لا تخليني اسويها
راكان: يما اذا بيريحج هالشي ما بمنعج بالعكس بشجعج.. بس على الاقل طلعي حرتج.. حتى لو فيني راضي
سمر تبكي: اسكت.. اسكت
راكان: امسحي دموعج.. ابوج ماينبكي عليه
حنان بحده: انا اش قلت
راكان: انا ما غلطت.. تعلمت انه الرجال رجال بس ابوي المحترم ماخلى لي مجال اقول عنه رجال
سمر بحده: عيب عليك لا تقول عن ابوي جذي
راكان: عيبج انج عاطفيه.. تعرفين اسمع كل يوم من ربعي عن مغامره بطلها ابوج.. ساعات اطلع معاهم عشان افرفش.. اشوفه قدام عيني ومعاه وحده يبتسم لي ويكمل طريقه.. أي احترام تبوني احترمه
حنان: خلاص يما.. خلاص عشان اختك خلاص

&&&&&&&&&&&&&&&&&&&

9:00 الليل
سيارة عبداللطيف
راجعين للبحرين

منير: عبدالرزاق وين الحين
احمد: مع لافي
وليد: افففف.. بقا كثير عن وصولنا البحرين؟
احمد: وانا بعد مستعجل ابي اوصل بسرعه.. ابي اروح اوريهم الشريط
منير: ههههههههههههههههه مافيك صبر
احمد: من فرحتي مافيني صبر
وليد: ماقلتو لي الشيك اشلون بنصرفه
احمد: الشيك راح حق واحد من المجموعه بيعرف يتصرف عدل.. وبيسحب الفلوس بأسم المحامي المزيف.. وبيدزها لنا بكره
منير: ههههههههههههههههههههه يا فرحتي
احمد: قول يا فرحتنا
وليد: والاعدام قلتو متى؟
عبداللطيف: الاسبوع الجاي
احمد: جعل اعدام لافي معاه

&&&&&&&&&&&&&&&&

9:10 الليل
في الفندق ..قاعدة الطعام..
الكويت

عبدالرزاق: هههههههههههههههههه والله سعادتي ماتنوصف
لافي: هههههههههههههههه سعادتي اكبر ياخوي
عبدالرزاق: بس هالمصري يا اخي ذكي
لافي: تصدق انتظر بس هالعمليه تخلص.. وبغريه يجي معاي.. مخه مضبوط
عبدالرزاق: تصدق عاد اني فكرت فيها.. شوف انت تعرض وانا اعرض وبنشوف هو بيوافق على من
لافي: هههههههههههههههههه بنلعبها على بعض يعني
عبدالرزاق: ههههههههههههههههههه لا ما استجري.. بس خلي ببالك اذا احتجت له في يوم اكيد اني بطلبك اسحبه معاي
لافي: بتلاقيني معاك قبله
عبدالرزاق: هههههههههههههههههههه اخيرا ببتدي اشتغل بهالمشروع.. ما تتخيل سعادتي
لافي: اخذت ايصال بالشيك
عبدالرزاق: طبعا.. الايصال مع العقود
لافي: طمنتني.. صحيح المبلغ بالنسبه للي املكه تافه.. بس بعد كبير
عبدالرزاق: اذا هو بالنسبه للي تملكه تافه.. فهو نص ثروتي ياخوي
لافي: لا تقلق.. المشروع مظمون والربح فيه بيكبر من ثروتك
عبدالرزاق: ان شا الله انا معتمد على الله
لافي: انا طاير على السعوديه الان.. تامر شي
عبدالرزاق: والله ظنيتك بتجلس معاي شوي
لافي: ياخوي وحشوني عيالي.. من زمان ماشفتهم.. عاد قلت امر عليهم قبل لا ارجع لندن
عبدالرزاق: طريق السلامه

&&&&&&&&&&&&&&&&&&&&&

9:30 الليل
في بيت حنان ..غرفة التلفزيون..
البحرين

حنان: فهمتي ماما.. ماحد بيبعدج عنه.. انتي حبيبته وانا ما بحرمج منه ابد
سمر: بس ماما هو يمد يده عليج.. انتي بحياتج ماسويتيها معانا
حنان تلعب بشعرها: ولا يهمج.. المهم عندي ان انتو مرتاحين
راكان يسمع جرس الباب: بقوم افتح الباب
سمر: ماما
حنان: ياروحي
سمر: انا ماودي تعيشي بعذاب عشاني
حنان: ومن قال لج اني عايشه بعذاب
سمر: ماما اذا ودك تتركيه.. لا تفكري اني بزعل.. انا بعد مهمه عندي راحتك
حنان: ممكن تشيلي هالموضوع من راسج.. اذا جا يوم وفكرت بشي باخذ رايكم فيه.. الحين ماني مفكره في أي شي
سمر: عشان خايفه علينا.. احنا بعد خايفين عليج
خالد: مسا الخير
سمر نفز له: خااااااااااالي
خالد: هلا ياقلب خالج
سمر تتعلق برقبته: وينك ليش ما تسأل
خالد: عارف انج زعلانه علي.. عشان جذي جاي اطلعكم
حنان: اذا على حساب راكان ماعندي مانع
راكان: قلت لج باخذ من امي مارضيتي
حنان: لا يا حبيبي مابي على حساب امك.. ابي من حسابك
خالد: شوف انا بعطيك وبعدين خذ من امك ورجع لي
حنان: ههههههههههههههههههه
خالد: يلا روحو جهزو
سمر تركض: دقايق
حنان: هالطلعه وراها ابوي؟
خالد: لا والله.. قلت بطلع ضايق خلقي.. وقلت انبسط مع عيالج
حنان: اكيد مريت على عمي
خالد ينزل راسه: بصراحه أي
حنان: مشتاق لها
خالد: كثير
حنان: شفتها
خالد يبتسم: أي شفتها
حنان: وهي
خالد: عادي مرت علي ولا كأني موجود
حنان: ليش تغيرت جذي
خالد: اذا عرفتي قولي لي
حنان: قعدت مع عمي بالمحل
خالد: أي شوي
حنان: وهي
خالد: خذت اغراضها واطلعت
حنان: سمعت من عمي انها على خلاف مع زوجها
خالد: احسن
حنان: ول عليك.. جذي عاد
خالد: اش تبين اقول يعني
حنان: لا ولاشي
خالد: اتمنى انها تعيش بمشاكل اكثر واكبر معاه
حنان بحده: ول عليك من جد هالمره شنو قلبك يا اخي.. مهما كان بنت عمك هذي
خالد: بنت عمي الي اتركتني واخذت غيري
حنان: يا اخي انسى وشوف حياتك انت بعد.. تراك منت بصغير.. ارحم روحك وشوف لك وحده تعيش معاها وتنبسط
خالد: لبنى وبس
سمر: انا جهزت خالي
راكان: انا الي بسوق طبعا
خالد: ماطلبت غالي.. خذ المفاتيح
راكان يلقفهم: يلوموني اذا حبيتك
خالد: ويلوموني اذا حسدتك على سنك
حنان تضربه: اذكر الله على ولدي لا يصير له شي
سمر: اذكر الله خالي ما ارضى على اخوي اسم الله عليه
خالد: كل ما اشوف حبهم وخوفهم على بعض.. اذكر حياتي وياج
حنان: هههههههههههههه تصدق عاد.. راكان من جد طالع عليك
خالد: وسمر حنونه عليج بعد

&&&&&&&&&&&&&&

11:00 اليل
في سيارة لافي
السعوديه

لافي على التلفون: طيب
عبير بحده: سامعني ايش اقول
لافي بحده: انتي ليه غبيه ماتبين تفهمين
عبير: لاني ماني طايقته.. ماني قادره اطيقه
لافي يعض على شفايفه: طيب ممكن اميرتي تتحامل على نفسها هاليومين بس وانا بفكها منه نهائي
عبير: انت ليه ماتبي تفهمني.. اقول لك بموت تقول لي يومين
لافي بحده: يا بهيمه.. ناصر بيوصل لندن بهاليومين.. ويبي يشيك عليكي اذا كنتي بنت
عبير بخوف: ايش!!!!
لافي: انتي الان على ذمة رجال.. لين ذلف اخوك بعدين انا اتصرف مع زوجك فهمتي ولا اعيد
عبير بخوف: لا خلاص فهمت
لافي: اسمعي اقعدي معاه وحاولي تتدلعي عليه يكتب لك شي من املاكه قبل لا يتركك
عبير تبتسم: تصدق مافكرت فيها
لافي: لا حبيبتي فكري فيها.. وفكري زين
عبير: خلاص يجيك العلم.. بوريك عبير اش تقدر تعمل
لافي: ايوا كذا خليني احس انه فيه احد يشبهني عايش معاي
عبير: ولا يهمك.. مطول ؟
لافي: لا ماني مطول ابد.. طيارتي على لندن بعد ساعتين.. يا دوب اخلص الشغله الي بيدي واجيكي
عبير: شغله مهمه كثير.. تتركني عشانها
لافي: كثير ياروحي كثير.. لازم اخليهم يعرفو هم مع مين يتعاملو.. انا لافي بن فهد
عبير: هههههههههههههههههههه حبيبي انا
لافي: ههههههههههههه سكري طيب لاني وصلت.. وزي ماوصيتك استحملي هالعبدالرحمن يومين بس.. وبعديها يصير خير ياقلبي

&&&&&&&&&&&&&&&&&

11:10 الليل
في بيت النشمي ..الصاله..
السعوديه

نوف: عمي نام يما؟
ام سلطان: ايوا حبيبتي عشيته ونام.. وانتي ماتبين تتعشي
نوف: لا بنطر صلاح
ام سلطان: هو بيتأخر
نوف: ايوا يقول عنده شغل مهم
ام سطان بضيق: وانا لسا داقه على سلطان وقلت له يجي
نوف: ليه يما مالك حاسه بشي
ام سلطان: قلبي يا يما مقبوض
نوف: بسم الله عليكي.. بجيب لك شي تشربيه
ام سلطان تمسكها: لا يما خليكي جنبي لا تتحركي
نوف: طيب الباب يدقونه خليني اشوف مين
ام سلطان ماسكتها بقوه: بسم الله الرحمن الرحيم.. مين بيجي هالساعه
نوف: اتركيني طيب خليني اشوف
ام سلطان: لا انا اشوف اجلسي انتي
نوف: هههههههههههه لا حبيبتي ايش ذا.. انا اروح اجلسي انتي وارتاحي شوفي شكلك ايش عامل
ام سلطان بخوف: لا تفتحي الباب شوفي مين الاول
نوف: حاضر

عند الباب

نوف: مين بالباب
لافي: ابوكي يا بنت
نوف مستغربه: بابا !!!!
لافي من ورا الباب: بتتركيني واقف كذا يا بابا
نوف تفتح: لا بابا اعذرني.. ماصدقت انك هنا
لافي يحضنها: وحشتيني حبيبتي
نوف تفتح له باب المجلس: حياك يا روحي حياك.. ماتعرف سعادتي بجيتك
لافي يدخل المجلس: وحشتيني بانوف سكري الباب وتعالي اجلسي جنبي
نوف تسكر الباب: كيف حالك يا قلبي وكيف ماما وعبير
لافي: كلهم طيبين ويسلمو عليكي.. سمعت انك حامل
نوف بحيا: ايوا
لافي: فرحانه
نوف: اكيد.. فرحانه كثير.. وانت فرحان لي
لافي: اكيد يا بابا فرحان لك
نوف تقوم: اش تشرب
لافي يجرها لحضنه: مابي شي ياقلبي.. ابي اجلس معاكي بس
نوف بخوف: بابا اتركني
لافي: ليه يا بابا.. خايفه مني؟
نوف: لا.. بس تألمني كذا
لافي يطلع من جيبه شي: عارف هالشي
نوف: طيب فكني لا يجرا شي على ولدي
لافي يدعس بلحقها شي: خليه يجرا يابابا انتي ايش تبين فيه
نوف داخت: بابا ايش ذا
لافي يبتسم: قريب بتعرفي يا عيون بابا
سلطان يفتح الباب بقوته: ايش ذا.. مالها البنت
لافي: لا تتدخل في الي مايعنيك
سلطان يتعارك معاه: ياكلب يا حقير ايش عملت بالبنت


- [COLOR="DarkGreen"][/COLOR]

السلام عليكم ورحمة الله وبركاته

على الوعد اليوم مع البارت 16 .........

مع تمنياتي لكم بقراءة ممتعة .............

وعلى الوعد معكم يوم السبت ..... ان شاء الله ............... مع البارت 17..........

السلام عليكم ورحمة الله وبركاته


السعادة دي كلها ......... يارب دوم ..........


ويارب قدرني على سعادة الغاليين دايما ............

ويارب من احرم منكم ..................