السلام عليكم

اموووووله
العذر والسموحه ياقلبي على التاخير

عايض اتوقع انه كان يحب امل ومازال لكن الادمان هو اللي لعب فيه والدليل ندمان انه ضيعها

امل الحمدالله ان سالم تدخل في الوقت المناسب وانقذك من شر عايض

ميمي ماتوقعت ابدا ان لك ذكريات حزينه
الله يرحم امك واخوك ويخليلك ابوك
والله و طلعت ذكريات مع ترووووووووك
الله يخليه لك ولنا

ناصر يالبى قلبه فكاهة القصه الوحيد اللي يوقف ميمي عند حدها
زين ماتسوي فيها ياحليف تركي

تروووك الوحيد اللي فهم امل واعجبتني مره لما طلبت من سالم يتدخل وينقذ امل من عايض

يعطيك الف عافيه ياعيوني على الجزء الخطييييييييييييييييييييييييييييييييير

بصراحه بديت اميل لعايض >>>>>>>>>>خخخخ

دمتي مــــــــبــدعــه

السلام عليكم أمولة

صررررراحة ورقة رائعة

كشفت لنا الكثير من

الذكريات المهمة

أمل يالله صراحة الحمدلله اللي الله فكك من هالمدمن اللي الذكرى بس تسوي فيك كذا أجل يوم كنتي عايشة معه كيف كان حالك.. مهما وصفتي ماراح تقدرين توصلين حجم الألم اللي أنتي عايشتيه...بس أبسأل يعني أهلها
ماسألوا عنه .. مع انه فيه كثير ناس يسألون ومع كذا يكون الكل يمدح فيه بس لاتزوج بانت مصايبه<<ٍتسأل وتجاوب نفسها
وأهله ماكانوا يدرون عن إدمانه!!!

عايض نذل وحاميها حراميها.. هذا أول شئ تبادر لذهني وأنا قاعدة أقرا عنك ..لكن فكرت وقلت أنت إنسان مدمن يعني التصرفات اللي أنت قاعد تسويها
وأنت مو في وعيك لكن عندي سؤال<<ياكثر أسئلتك
يعني إدمانك كان لعب وطيش ولا فيه أحد من اللي مايخافون الله مبتليك ؟؟ يعني مثلا حاط لك شئ في الشاهي وأنت ماتدري..عموما الحمدلله اللي الله هداك وأتمنى لك الإستمرار في طريق التوبه

موضي كان الله في عونك ف فقد أحدهم ليس بالأمر الهين ويترك جرحا غائرا في الصميم قد نتناساهم
طول اليوم وقد نرسم البسمة على الشفاة ولكن عندما نخلو بأنفسنا تهاجمنا ذكرياتهم وتحيط بنا ضحكاتهم وأصواتهم وقد نتذكر حتى الدموع التي مرت بنا وإياهم صعبة هي تلك اللحظات التي نتذكر فيها الأحبة...فكيف إذا كان المفقود الأخ العزوة
والأم الحضن الدافي... أسأل الله لكل من فقد أحدا أن يلهمه الله الصبر والسلوان

نويصر ياقلبي على ملح الورقة اليوم


غااانم مالك طاري اليوم

ودمتي لنا قلما نابضا بالأمل

بلسم الجرح

وعليكم السلام ورحمة الله وبركاته

هلا وغلا ..بس ..
انابخير جعلس في خير ..

غانم وامل قد يجمعهم القدر ...أمل هل مستقبلها مع عايض ام غانم ...
تابعي معي لتري مع من ...؟ أم ان هناك شخص آخر سيظهر ...

عايض وسالم ودورهم في حياة امل
سالم والسر ...انتظري القادم ...لتعرفي منه...

موضي وتركي ...أم موضي وفهد ...أم شخص آخر سيظهر لكل منهم ..

معقوله فهد يحب موضي ..يمكن

سلمتي بلسم على المرور

لا تحرميني تواجدك بين وريقاتي


دمتي بخير

جودي1
هلا والله وغلا
لبى قلبس انتي الأروع ..

الموقف يبين ان عايض من ضمن الموجودين ...حول سيارة محمد

أم خالد ومن تبي امل ولا موضي ولا احد ثالث ...انتظري القادم

موضي زوجتوها خلاص من تركي يمكن هو مايبيها ويمكن الموضوع أعجاب او حب مراهقه لا اكثر

يسلم قلبك ...

دمتي بخير

زارا = ظبية الشرقيه

هلا وغلا بحبيبة قلبي

لبى قلبس ...أنتي اللي ردودس تقطر حلاوه
اللحين القصه بكبرها اهداء لس ...وتبين ورقه ....ابشري بس مش الجايه الا اذا تركزت على حبايبس ..تركي وموضي


عايض ....أمل ...غانم
هل تعود لـعايض أم تلتقتي في دروب الحياه بغانم ...؟؟؟؟؟
انتظري القادم يمكن تتعاطفين أكثر مع عايض وتغيرين رايس


موضي ...: ظبوي انا ما أبيه زين خليت لس ..المخنز ...ماأبي ...ناطحة السحاب .. اشبعي به

نصور : دبيه أنا أحبث وااااااادد ..تـبر الدبـل ...
دبيه عنذتي دابة بيبي ..ثخيله ..ثميتها مودي خخخخخخ عسان هي تدول عن تكي مخنذ ...

الترجمه [ ظبيه انا احبس وااااجد .. كبر الجبل ..... ظبيه عنزتي ..جابت بيبي ...سخيله وسميتها موضي ..خخخخخ عشان هي تقول عن تركي مخنز ]

سالم ..والسر ودوره في مستقبل أمل وعايض ..ومادور غانم في مخططات سالم
انتظري القادم
أمل ...وماضي ..يحمل الألم وحاضر بين ألم الأشقاء وكلام الناس ..وبين حنان أخوة الرضاع ...
ماينتظرها في المستقبل ؟؟؟ ومع من مستقبلها ..؟

أمل تهمس لـ زارا : اسمعي فيه سر ... لموضوع تركي وموضي ....ولا انا حاولت أفهم ..تركي ..لكن مابه فايده يمكن الأيام الجايه أقدر اسوي شي ولا الله يجيب حل من عنده ...
<< لا تعلمين أحد زين

تركي يكلم ظبيه ..: هلا والله وغلا بذا البنت يامرحبا والله ومسهلا ...
شوري علي يابنت الأجواد ...أعرس ولا أهون ...بلا وجع الراس
وكني سمعت أنس مرشحه لي الكوره ...

لبى قلبس يازارا ...
الله لا يحرمني من خفة دمس ولا تواجدس حوالي ...

دمتي بخير
وسلمتي من كل شر