|
بكاء بلا دموع للكاتبة سهر الليالي
السلا م عليكم ورحمة الله وبركاته ..
حبيت أن أعرض لكم رائعة الكاتبة ... سهر الليالي ... (( بكاء بلا دموع )) من الروايات المؤثرة في النفس ، والتي تناقش سلوك للأسف منتشر في المجتمع .. إليكم هذه الرائعة ... بكاء بلا دموع http://www.r15r.com/data/media/108/wo25.jpg " مات .." " الله يرحمه ." طالعت الريم لـ شمس وهي متفاجئة " توقعتج تكونين متعاطفة . مصدومة ..لكن ماتوقعتج تكونين بهالبرود وأنا أقولج أن طلال مات .. " التفت شمس بعيد عن الريم ..تكتم دمعتها ... " هو صج ..مات ؟؟" " اييه .. اليوم الصبح ارتحل ..تعذب وايد .. " " ارتاح وريح .. " وقفت الريم قالت وهي تصيح بقوة ـ هذا موقفج ؟؟ بعد كل الــ... "بس .. خلاص .. مايحتاي تذكريني كل دقيقة .. خلاص مات .. أنا شسوي له ؟؟ شتبيني أسوي ..ارحميني يا الريم ..ارحميني .. قلت لج خلاص . خلاص .. لاتفتحين هالصفحة بعد اليوم .." الريم" ما أقدر .. هذا ولد عمي ...وله حق علي .. " شمس " وأنا بنت خالتج.. ولي ...حق عليج .." اجلست الريم على طرف السرير . وتمت شمس واقفه تطل من الدريشه .. مااقدرت تطالع لالريم .. ولا اقدرت تنطق حرف زياده .. " بتحضرين العزا ؟؟ " هزت شمس راسها بلا .. تكلمت الريم بعبره " حرام عليج .. حتى عزاه ما بتحضرينه .. حرام عليج .. ليش قلبج جليد ؟؟ ليش ؟؟ كان يموت عليج .. أنا أذكر كنت تحبينه .." التفت شمس واهتزت الريم لما شافت دموعها .. " جرحه علمني الكره .. اللي سواه فيني علمني أكون أقوى .. ما أقولج أني ..أحبه .. بس للأسف مامر يوم مافكرت فيه .. مامر يوم ما نمت على هالمخده إلى وأنا أصيح وأخطط شلون .. أنتقم منه .. " "تنتقمين منه ؟؟ " " أو أرجع له .. ما أدري .. اللي أعرفه أن حياتي .. ماعادت مثل الأول .. إن فيني شي انكسر .. ومابيتصلح .." حطت الريم يدها على جتف شمس .. " على الأقل خليه يرتاح .. " التفت شمس بعيد عن الريم .. ومسكت أوراق كانت حاطتها على السرير " شتبيني أسوي ؟؟ " "سامحيـــه "" .. " أسامحه ؟ "" " شمس .. أنتي ماتفهمين ... طلال مات .. يعني .. انتهت حياته.. ماعاد بيرجع ..مات يا شمس مثل مامات أبوج .. ارحميه .. وسامحيه .. أرجوج .. " " أسامحه ؟؟ تطلبين مني أسامحه ؟؟ وحقي ؟؟ وسنين عمري اللي راحت ؟؟ وجروحي وانتقامي ومحمد ؟؟ " قربت الريم من شمس بهدوء " راحت معاه .. سامحيه . أرجوج .. آخر اسم انطقه كان اسمج .. .. سامحيه .. أرجوج .. علشاني سامحيه ..." وقفت شمس ودموعها توقفت .. " سامحته .. سامحته يا الريم .. علشانج سامحته. وربي شاهد ..أنا خلاص . ما بطالبه بشيء .. " صرخت الريم " ولا بتقدرين تطالبينه لأنه مات .. شمس انتي ماتفهمين؟؟ طلال بيندفن اليوم العصر .. " شلت الريم عباتها وطلعت من الغرفة .. لكن شمس كانت تحضن الأوراق .. وطالعت خطه على الورق .. رسايله ..ريحته .. كلماته ..ومشاعره ..تذكرت .. انقبض قلبها وبجت ..توها استوعبت انه خلاص ...رحل ... الفصل الأول :بعد الرحيل .. ________________ مر شهرين .. من آخر محادثة كانت بينها وبين الريم ..صديقة عمرها ..وبنت خالتها..تجهزت شمس للدوام ..وهي تشتغل موظفة في دائرة حكومية ..مسكت شنطتها ونزلت .. " كل ما يالج ..تذبلين .. ما أدري يا بنتي متى بشوف ابتسامة على ويهج " باست شمس راس أمها وجلست تشرب قهوتها .. " وين ماجد ؟" " ماعنده دوام اليوم .." "وصافية ونوير و شيخة ؟؟" " ماعندهم شي اليوم ..شيخة كان عندها محاضرة وكنسلها الدكتور .. ونوير وصافية ..ما ادري شكان عذرهم . بس .. قريب من عذر شيخة .." شمس " يمه شخبار معجبة ؟؟ " ام ماجد " قولي خالتي معجبة .. " شمس " شخبارها ؟؟" ام ماجد " بترد من مصر الأسبوع اللي ياي .." شمس " لقت الكوافيرة اللي تبيها ؟؟ " ام ماجد " لا .. بس بتدور في لبنان بعد شهر .." شمس " يمه .. اكثرت سفراتها .احنا مب ناقصين " ام ماجد " شمس ..انت تعرفين ان معجبة هي الوحيدة اللي رتبت لي أمور الصالون وخلته من أشهر الصالونات في الدوحة " شمس "ماقلت شي .. بس أقولج أن سفراتها اكثرت .." ام ماجد " هذا انتي .. يا ساكته طول الوقت يا لسانج يطول علينا " تنهدت شمس ..وحطت الكوب على الطاولة وقالت بصوت واطي " مع السلامة يمه .." شمس مقتنعة أن أمها ما ترضى كلمة على اختها معجبة ..وأن مهما صار أمها بتكون هيئة الدفاع الأولى في صف معجبة رغم كل الأشياء الغلط اللي تسويها .. ** "يات .. يات مس كآبة .." "شنو ؟؟ " "مس كآبة .. شمس ثامر .. رئيسة القسم .. يات .." "هذا آخر عمرنا ؟؟ وحده تشبه دراكولا بطبعها ترأسنا حن الرياييل ؟" التفت سلطان لعبدالعزيز وابتعد عن الدريشة .. " لي متى ؟؟ ما تعودت على هالموضوع ؟؟" حذف عبدالعزيز القلم على المكتب "ولا بتعود لين هالمخلوقة تفارج ..هي تيي آخر الناس وأنا وأنت من الصبح مرتزين هنا .. تقول عبيد عند أبوها .." جلس سلطان على مكتبه وقال له بصوت واطي وهو يفتح الملفات " بس عاد .. لاتنسى الشورت ليف والاجازات المرضية والاضطرارية كله في يدها ,,ولاتنسى أنها تقيمنا وتقيم شغلنا ..وهي في هالوظيفة من سبع سنوات .. يعني قبلنا بخمس سنوات .. " "مايعني أنا نسكت لها ولأمثالها لما تكلمنا مثل الدريوليه عندها .. لاتنسى انا حن أكبر منها بوايد .. أنا عمري ست وثلاثين سنة وأنت من عمري .. والأولوية المفروض لنا .. " رفع سلطان يده باستهزاء " أنا وأنت لو درسنا من الأول بدل هالعشر سنين اللي ضيعناها كان كنا في مركز أعلى ..هي من عمرها سبعطعش دخلت الجامعة .. وخلصتها وعمرها واحد وعشرين واشتغلت على طول ولاضيعت وقتها ..وهي الحين رئيسة هالقسم سنة ولا اثنين بتصير مديرة وماتدري اذا بتصير وزيرة بعدين ولا لاء .. " رن التلفون ورفعه عبدالعزيز بضيق نفس " نعم ؟؟ أنا ماقلت لج لاتتصلين هنا ؟؟ بعدين .. يلا مع السلامة " التفت عبدالعزيز لسلطان " لاعت جبدي ,, المدام كل مايالها وغيرتها تطق المية وثمانين " سلطان " حشى سيارة مهي بمدام " ضحك عبدالعزيز .. ورجع لأوراقه .. دخلت السكرتيرة وقالت " اجتماع " قال عبدالعزيز " اييه ..الحين وصلت .. وقررت أنها تبي اجتماع .. وبنرتزع هناك ربع ساعه لين حضرتها تشرف .. " استغرب سلطان من رفيجه .. ومو من عادته أنه يطيح حش في حد مثل الحريم ..قال وهو رايح صوب قاعة الإجتماع " ماأدري شفيك يا ريال .أمثالك لازم يعيشون في جزيرة بروحهم .. " عصب عبدالعزيز "ليش انشاء الله ؟؟ فيني العنكز ولا مرض معدي ؟؟" قال سلطان بإبتسامه "فيك مرض أقشر .اسمه (( مايعجبني أحد )) " ** دخلت شمس مكتبها حطت شنطتها وشالت الملف الي جهزته للإجتماع.. وطلعت على طول .. " مدموزيل شمس .. خبرت كل الموظفين بالقسم بالإجتماع .." "تعالي .." دخلت وجلست .. لقت من الموظفين سلطان بس ,, ومن الموظفات نورة وفاطمه وآمال.. السكرتيرة الثانية .. "وين عبدالعزيز ؟؟ و ناصر ؟؟ " دخل عبدالعزيز في نفس اللحظة .. وجلس على الكرسي بطريقه استفزازية .. "وين ناصر ؟؟ آمال ممكن تشوفينه ؟؟" قال سلطان ببساطه " ماجا اليوم .." شمس تحترم سلطان كثير لكن عبدالعزيز وناصر ماينزلون لها من زور.قالت مضطرة "خل نبدأ الإجتماع " كان فكرها مشغول بناصر . اللي مايحضر أبد . أكثر من مرة قدمت ضده مذكرة بس ما تدري ليش ما احد يتصرف .. السبب اسمه .. اسمه وايد عود والواسطة مب مقصرة .. لو أنه موظف عادي بإهماله كان اطردوده من زمان .. "التوزيع الجديد للمعاملات والشغل بيتغير .. للأسف .. آمال بتنتقل .. فالشغل بيسبب وايد ضغط .. جدامكم الخطة ..حد عنده اعتراض ؟" قال عبدالعزيز " اييه أنا عندي اعتراض ..أشوف مكتب ناصر مااندرج تحت الخطة ؟" "لانه ببساطة راح ينتقل .." ماقدر يمسك نفسه" أقدر أقدم بطلب نقل مثلي مثل ناصر ؟؟" "نقل ناصر كان بسبب غيابه المستمر .. نقلته لقسم ثاني تحت اشراف ثاني ..لكني ما أفهم سبب رغبتك في الإنتقال " قال عبدالعزيز بثقة "مايعجبني صراحة الشغل..ما أحب أكون تحت اشراف حرمه " انصدمت شمس برده ..فقالت في عفوية "قدم طلب .. وبنقله للمدير مع توصية خاصه لو تحب .. وبذكر له أنك ترفض العمل تحت اشراف إمرأة.. أو مثل ماتسميها ..حرمه " وقفت شمس وشالت الملف وقالت " في أي شي ثاني ؟؟" قال سلطان في احترام " بس شيء واحد .. مع انتقال ناصر وآمال المكتب بيزداد ضغط العمل .. مافي تعيينات أو نقل جديد؟؟" قالت باحترام وتقدير لهالإنسان الواعي " للأسف التعيين الجديد بيكون خلال شهر والانتقال ماأعتقد بيكون أي انتقال ..ماأدري ليش هالقسم عليه لعنه . محد ينتقل له .. بس ينتقلون منه " تمتم عبدالعزيز "يمكن بسبتج؟" شمس اسمعت عبدالعزيز لكنها طنشته .. وطلعت بعد ما وزعت عليهم جدول الشغل .. لحقها سلطان وقال " أنا أعرف طالبات جامعيات يدورون على شغل ممكن أقدمهم وبوساطة منج ومن المدير يمشي حالهم ويشتغلون .." قالت شمس بهدوء " انزين .. خل يقدمون اوراقهم .. وأنا بوضح للمدير حاجة القسم الشديده لأيدي عامله جديده ." قال سلطان بعد تردد " صراحة البنات فقيرات ويتيمات وهم يسكنون في فريجنا وأتمنى أنني أساعدهم … " عرفت شمس أن سلطان يبيها تتوسط بشكل أكبر وتوظف البنات فقالت وهي تحترم هالشخص " ييب لي أوراقهم ..وأنا أتصرف بإذن الله " " شكرا أستاذه شمس .." انصرف سلطان .. وتمت شمس سرحانه زار ذاكرتها طيف طلال المرحوم ..سلطان مايشبه طلال في شي . سلطان أسمر وطويل ,, لكن طلال كان أبيض وملامحه سمحه وطولها تقريبا .. كان يتعقد لما كانت تلبس الكعب .. . لكنها تذكرت حرص طلال الدايم على مساعدة الناس .. تعوذت من الشيطان ودعت له بالرحمه .. ***** مواصفاتي :سعودي وسيم..متدين .. العمر 34 موظف الحالة المادية ممتازة المواصفات المطلوبة : بيضا رشيقة موظفة رومانسية ... تأففت الريم .. طالعت علبة الآيسكريم الفاضية ..راحت للثلاجة وطلعت علبة ثانية ... وفتحتها ورجعت عيونها تتابع قناة العفاف ,, دخلت شمس في هالثانية .. قفزت الريم واحضنتها بقوة "يالحمارة شهرين ماشفتج "" .. قالت شمس " كنت أبيج تشتاقين لي ,, شخبارج ؟؟ شتسوين ؟" يلست على الأرض بقرب الريم واعزمتها الريم على آيسكريم وقالت "تعرفيني .. كل صيف أترس الثلاجة عسكريم وأيلس مقابله التلفزيون " قالت شمس وهي تتذكر أيام زمان "أيه .. تذكرت ماغيرتي العاده ؟" هزت الريم راسها بلا وقالت وهي تآكل "ما أتحمل الحر .. ما أتحمله من أطلع من البيت جسمي يحسس ويحكني .. هالشهرين سبع وثمانية ...ما أتحملهم .. " أشرت شمس على الآيسكريم " بس بتمتنين و بيصيدج سكري أنت وويهج " قالت الريم بثقة " لا ان شاء الله .. انت تعرفين أني ما آكل شيء غير العسكريم والسلطات في الصيف ..مافيني عالمتن ..الدكتور محذرني ,, الربو عندي بيزيد " ابتسمت شمس وهي تذكر اول مرة الريم ادمنت الآيسكريم .. كانت شالت اللوز من سبع سنوات ..والدكتور منعها من اكل شيء صلب ..وطلب منها تكثر من العسكريم والعصاير والاطعمه السائله .. وأدمنت الريم .. صارت كل صيف تقابل التلفزيون وتآكل عسكريم . مرة تطالع أفلام ومرة مسلسلات كارتون ومرة أفلام هندية .. طالعت شمس لقت القناة موقفه ...سألت الريم " شنو هذا ؟" قالت الريم " هالصيف اكتشفت قناة لطلبات الزواج اسمها العفاف .. أمبيه نسيت الصورة موقفة " "لحظة خل أقرأ " قالت الريم "ماينفع ..يبيها بيضا وموظفه " استغربت شمس "بس أنتي بيضا " قال الريم " ايه . ..بس هو كذا مايدور على الشكل والفلوس ..طماع " مافهمت شمس لكن الريم قالت "حسافه وقفت القناة الحين طلبات الزواج طافتني " واندمجت شمس مع الريم وهم يقرون الطلبات ..تحلطمت الريم "هذا يبيها دبه ! ايه معليه عشان يمسخرها عدل " ضحكت شمس استغربت الريم "شبلاج ؟" "شوفي البنات .. كل وحده تقول انا جميله ورشيقة والجسم يذوب ههه" قالت الريم " ايه معليه على هالكذب " قالت شمس "يمكن صدق بس ..بهالطريقة كلهم يشبهون بعض فمافرق بينها وبين أي وحده ثانية لو كل وحده تذكر صفاتها واهتماماتها "" قالت الريم " لا صدقيني .. انت ركزي على طلبات الرياييل ...لاتطالعين صوب الحريم يمكن ترتاحين لشخص معين ..شوفي .. رجل أعمال جذاب متدين ...يوه .. مايصير .." "شفيج ؟" تحلطمت الريم "يبيها حلوة وموظفة ..انزين انت رجل اعمال شتبي في الموظفات ؟" استغربت شمس "انزين .. من متى انتي عالقناة هذي ؟" "من ثلاث أسابيع ...شوفي حد الآن عشرين واحد مصرين على خياراتهم وكل مرة يعيدون فيهم .. بس الباقي يختفون .. تهقين يلقون حريم ؟" فكرت شمس بحيرة وقالت " مدري انزين انتي تبين تتزوجين ؟ " هزت الريم راسها بإي .. سألتها شمس "في حد لفت نظرج ؟ من هالقائمة ؟" برطمت الريم وقالت متحسفة " مافي من عيال البلد .. كلهم خليجين أو شاميين ومصرين .. بس في اماراتي عجبني وايد طلبها مثقفة ومايهمه الشكل وهو ملتزم ومهندس .. تمنيت أرد عليه .. بس ابوي قايل لجدتي أن ما أخذ حد من برا من عيال البلد ولازم قبيلي ,, مب أي حد .. أنا نفسيتي تعبت . .. عيد ميلادي شهر اكتوبر ,كم سنة و بصك الثلاثين وانا خطوبة محد خطبني ..أي قبيلي بياخذ وحده اشردت امها مع ..استغفر الله " طالعت شمس الريم بحنان وحاولت تغير أفكارها وقالت " توكلي على الله ولاتيأسين .. " قالت الريم بقهر " السبب خالتج .. اللي .. " قالت شمس " لا .. خالتي مها بريئه لاتصدقين حجي الناس .. وبعدين تبقى أمج .." تعوذت الريم من ابليس " لاتذكريني أنها أمي .. ألعن هذيك الساعة اللي انولدت فيها .. " قامت شمس وهي تقول " تعالي بيتنا " هزت الريم راسها " لا .. أبوي حالف على أجدادي ما أطلع لمكان في الصيف .. لانه مسافر وانت تعرفين موال كل صيف .. يخاف أشرد شرات الوالده " تضايقت شمس من الريم .. قالت تغير الموضوع "بتمين جي تزطين في هالعسكريم ومقابله هالقناة ؟" حطت الريم الملعقة وقالت " ايه .. شكلي بستوي مثل بوعلي في طاش ..تم " هزت الريم جسمعا بطريقه مشابهه ..ضحكت شمس وقالت " انزين .. أنا بروح .. اليوم انغثيت في الدوام .. " "ليه عسى ماشر ؟" "تذكرين عبدالعزيز الغثيث .. اليوم تطاول بالحجي علي بس أنا طنشته " قالت الريم بلامبالاة "زين تسوين .." طلعت شمس من عند الريم وقررت أنها تمر يدة الريم .. بس ترددت .. وطلعت من البيت بدون ماتمرها .. راحت هذيك الأيام لما كانت كنة ولدها .. وهي في طريقها للسيارة شافته حست بغصة .. أشر لها تدخل البيت .. اسحبت نفسها غصب وراحت داخل .. أبو طلال " شلونج شمس ؟ ماشفتج من زمان .." اغرقت عيون شمس بالدموع وانهارت تبجي .. ادمعت عيون بو طلال وقال لها يهديها من بعيد " اهدي يا بنتي .. الله يرحمه .." ماقدرت شمس تتكلم ..قال بوطلال " أتوقع اللي صار فيه حوبتج .. " "عمي شتقول .. لا ..أنا ماحقدت عليه ولادعيت عليه .. لاتقول " هداها بهدوء وقال " لانج ما سويتي شي .. الله انتقم لج .. حقج مايضيع " ارتجفت شمس لهالفكرة " لاتقول ياعمي ..الله يعرف أني أحب طلال .. صج اني كنت مظلومة .. بس ما كنت أتمنى له الموت .." "يعني سامحتيه ؟" " من زمان يا عمي .. من زمان ..." وفي قلبها ..لما مات بس ..لمامات .. "انزين وولدج محمد ؟" تنهدت شمس وقالت " محمد من يا على هالدنيا وهو مايعرف إلا أم وحده وهي خلود .. والحين بعد موت طلال .. بنتظر شوي لين آخذه منها .. حرام يفقد ابوه وامه في سنة وحده .." قال عمها مستغرب "بس أنتي أمه " قالت شمس بقناعة " بس هو مايدري بهالشي .." "طول عمرج عاقله ..وتهمج مصلحة الكل ولو على نفسج .." "عن اذنك عمي .." اتجهت شمس لسيارتها وطلبت من السايق أنه يآخذها للبيت .. تذكرت كلمات الريم ." كله من خالتج مها " أنتظر منكم التعليق على الأحداث ... |
الصرااااااااااااااااااااااااااااااااااااااااااااااااااااااحة ....
الرواية رووووووعة ........انتظر الاجزاء... |
تسلمي ... همسات على الرد ...
.............. تـتابع الفصـل الأول الجزء (2) http://mangawa.jeeran.com/sad.jpg ********* الريم ..الريم ... تعالي يدتج تبيج .. خافت الريم هذا صوت عمها بوطلال .. شغلت الفيديو تسجل عشان ماتطوفها الطلبات وهي تحت .. اوقفت جدام التسريحه وتحسرت .حرام هالجمال محبوس بين اربع حيطان سنين .. تنهدت ,, وانزلت بعد مالبست شيلتها عمها بو طلال مايرضى تبقى بدون شيله .. "السلام عليكم " سلمت على عمها اللي قال "شتسوين مخلية يدتج بروحها ؟" ارتبكت وقالت " كنت أكوي ملابسي " أدركت غلطتها في نفس الوقت وعضت على شفايفها وهي تسمع كلام عمها الجارح "حق ايش تكوينها وين تبين تطلعين ؟ شمسوه وتوها كانت عندج وين تبين تصيعين يالصايعة بنت الصـا.." "بس.." كان صوت جدها عيسى ..انخرس عمها بوطلال اللي راح يسلم على ابوه بس طنشه الأخير .. " سعد .. آخر مرة أسمعك تتلفظ بهالالفاظ في بيتي و لبنت ابني .. والا أقسم بالله العظيم اني ما أخليك تطب هالبيت وأنا عايش ريم روحي غرفتج " كان عمها يبي يتكلم ,, بس ماتكلم ..انخرس وكانت نظراته كره لها .. هو أصلا مايحبها من انولدت .. ويوم كان طلال يبيها بغى يذبحها ورحمها طلال ونسى الموضوع ,, كله من امها .قتلت قلبها وهي بنت 18 ..واتفقت هي وطلال أن يكونون اخوان .. ويتجاهلون هالمشاعر لان مافي شي في هالدنيا بيقنع ابوه انه يتزوجها ,,وبعدين التقى طلال بشمس ,, كانت فرحانه لهم بس قلبها يعتصر ألم ..تعودت مع الأيام . ..وتقبلت هالأمر .. ولما فتح الموضوع مع ابوه بغت تصير مذبحه ,, كانت موجوده لما سمعت طلال يرد على ابوه "الريم وآمنا بالله أنها بنت مها ,, لكن شمس زينة البنات ,, يبه أنا ضحيت بالريم ..لكن مااقدر أضحي بشمس .." كانت تبجي دم كلما تذكرت هالكلمات .. بنت مها .. كرهت امها في هذيك اللحظة ..واسودت صفحة من حياتها ,, ليش يا يمه .. شلقيتي في هالـ.. أزود عن أبوي .. تزوج طلال بشمس .. ورضخ ابوه لطلبه .. وابتعد عن حياتهم .. لكن السعاده ما انكتبت لهم لما خيمت أشباح الماضي على حياتهم ..واشتغلت الوساوس في راس طلال .. تمددت الريم على سريرها وقالت وهي معصبة "بنت الصايعه فهمناها ,,لكن .. أنا .. ليش ياربي ليش .. " مسكت شعرها ومثل كل مرة تمر فيها بلحظة هم .. تمت تتسلى وهي تقطعه بيدها شعره شعره ........الألم كان ينسيها شوي من همومها ,,في نظرها الألم الحسي أهون ألف مرة من روحها اللي تصرخ من الظلم .. ***** "من هو ؟ " " ما أدري مجرد موظف .." "شمس احترميني وأني سترت عليج بعد الفضيحة اللي كانت .." "طلال ..بس حدك عاد …! " وامسكها من شعرها وانتفضت وهو يصرخ " من هذا اللعين اللي كنت تكلمينه بهاللهجة .. من ؟ من ؟ " فتحت شمس عيونها برعب . كانت تكلم نفسها بهمس . الحمدالله .. حلم ..حلم يا شمس .. انتهت هذيك الأيام .. و..طلال مات ..مات يا شمس ,, صار له شهور ...صار له شهور مات ..مات " قامت للدرج وطلعت ملف .. كانت تحط فيه الظروف اللي توصلها من خلود ..ماكانت تفتحها .. قالت والدمعة ترقرق في عيونها "يا قسوة قلبي .. ما كان عندي أمل انه بيرجع ..بس الحين بيرجع لي ولدي .. " ارتجفت يدها وهي تبي تفتح الظروف .. لكنها ما اقدرت .. عودت قلبها أنه يقسى .. طلعت ملف ثاني .. رسايل طلال لها ايام الخطوبة وبداية الزواج .. صورهم .. الرسايل ارقدت من كثر ماكانت تقرأهم .. والصور تكسرت .. من كثر ما كانت تحضنهم وتبجي .. ليش يهون على قلبها أنها تتذكر ايام قبل ..ولايهون عليه أن يفتح هالمظاريف ؟ يمكن لانها جربت الم هالرسايل القديمة .. وهو أهون بكثير من ألم هالمظاريف ,,لكن محمد بيرجع لها.. عمها بو طلال قال لها انه ولدها انه من حقها هي ...بس هل هي مستعده ؟ ..كان الخوف مستعمر قلبها استعمار ماله حدود ..الولد مايعرفني .. ولما تذكرت آخر مرة شافته ..اذرفت دموعها مثل الشلال .. "تعرفين اني بفضحج .. أنا بآخذ الولد .. وأذا اعترضت .,,تعرفين شينطرج وينطر هلج وخواتج من فضايح " خذه من يديها .. وماخلاه حتى يتغذى من حليب صدرها .. تذكرت دموعها وهي تقول له " بس خل تكون عنده مناعه . بعطيك اياه . بس خل يشرب حليب صدري .. " صرخ فيها طلال " مايبي حليبج الخايس .. .بتلوثينه بخيانتج .." اصرخت بكل قوتها " لكنه دمي ..دمي الي يمشي في عروقه أكثر من دمك .." قال لها ببرود "لاتزيدينها ..ما يكفيه انه بيضطر لمواجهه هالواقع المر " . شهقت في هذيك اللحظة ..وكانت بتموت .. توها كانت تعاني من مخاض مدته عشرين ساعه .. وأول ماانولد البيبي .. بياخذه منها وهو عمره ساعتين ؟ .. ادمعت عيونه وهي تسأله " شبتسميه ؟" قال بلؤم قتلها "محمد.." انهارت بالبجي أيام .. وما اقدرت تتكلم .. اخذ الولد منها ..وحلف عليها ماتمسكه .. والا .. بيفضحها ويفضح أهلها كلهم ويخلي سيرتها على لسان اللي يسوى اللي مايسوى .. وشمس كانت تعرف أنه بيسويها ,,فإشترت سمعة أهلها مقابل ولدها .. اللي كان يسلي قلبها أن خلود زوجته اليديده .. طيبه .. كانت تطرش لها ظروف فيها صوره .. لكنها كانت جبانه .. وما تجرأت تشوفها . ..هي ماتذكر ريحه ولدها .. ولاتذكر ملامحه ..وقررت أنها في غنى عن وجع هالقلب .,,خلود كانت تطرش لها بانتظام .. لكنها كانت تحطهم في الملف وهي واثقة أن قلبها مايقدر يتحمل أين يشوفه .. امنعت نفسها من شوفته .مع انها كانت تفكر أكيد عيونه مثل طلال .. وخشمه .. مثلها .. وأكيد أبيض ..لانها بيضا وطلال ابيض .. بس .. هذي الصورة الي كانت في بالها .. عيون طلال وبشرته .. وخشمها .. طالعت الساعة .. اربع الصبح .. اكيد أذن الفير .. بتقوم تيدد وتصلي .. وتدعي الله أن يمر الشهرين الجايين بسهوله .. كانت تنطر خلود تخلص العده قبل لاتروح وتآخذ ولدها .. أكيد خلود محتاجه ونيس .. العده مب هينه .. اكيد بيسليها محمد .. وهي لاتستعيل.. بتقضي العمر كله معاه .. .. خلود كانت طيبه معاها .. بعدين انطرت أربع سنوات .. تقدر تصبر بعد شهرين .. ******** "بتترك القسم وتخليني مع البنات ؟" قال عبدالعزيز " تحمل .. قلت لك انتقل معاي .. بس أنت ماتبي .." سحب سلطان نفس من الشيشة .. وقال "عبدالعزيز .. خلك من هالكبرياء الماصخ وتم معاي في القسم .. أنا جربت كل الأقسام وهذا القسم هو الوحيد اللي ارتحت فيه .. الشغل معقول والإدارة معقولة .. تدري أن ناصر لما درى بنقله انغث ؟" ضحك عبدالعزيز لكن ضحكه انقلب لعبوس لما دق تلفونه ومكتوب عالشاشه "ام العيال " ... "لاحول ولاقوة الا بالله .. تعبت يا أخي ..تعبت .. كل دقيقتين تدق علي ..شكلي بسوي لرقمها ترشيح .. والله تعبت منها " قال سلطان وهو يدخن " للحينها تغار ؟؟" قال عبدالعزيز" ايه .. ماصار زواج .. سجن تبيني اقابلها واطلع معاها .. مليت منها ياريال .. " استغرب سلطان " بس ليش ؟؟ تو الناس .. ماكملتوا سنة .. أنا المدام تمت غاثتني ثلاث سنوات قبل لا اقرر اطلقها ..وتميت سنة كاملة اراجع قراري .. كسر خاطري الولد .. بس اشتريت راحتي ..ما أتحمل صراحه ..وافترقنا بالمعروف " قال عبدالعزيز " والولد للحين عندها ؟" هز سلطان راسه وقال " ماصدقت خلصت العده تزوجت وحذفت الولد على أمي .. تقول ولدكم وتحملوه .. " ضحك عبدالعزيز وقال وهو يطالع سلطان اللي مستغرب من ضحكه "ما أدري يا أخي انت تنصحني ولا تحذرني " ضحك سلطان .. بس في قلبه ماكان يضحك .. فيه جرح لكرامته .. ماصدقت العده خلصت وعوضته بريال ثاني .. توقع أنها تحاول ترجع له .. ماكان مقصر معاها .. وتوقع انه كان في ذرة حب في قلبها تجاهه ..على الاقل تنتظر سنة .. ست شهور .. لكن.. انكمش سلطان من داخل .. صعب بعد عشرة ثلاث سنوات وشي .. تنساه وتستبدله بسهولة ..صج ان حياتهم كانت صعبة والتفاهم بينهم كان معدوم .. لكن .. ماكان يتوقع العيش والملح اللي بينهم ماله أي قيمة .. "وين سرحت ؟ " طالع سلطان عبدالعزيز . "لبيه .." عبدالعزيز "لامافي شي .. أنا بروح البيت ..عن اذنك .." طالع سلطان الساعة كانت تسع ونص .. "الله معاك " عبدالعزيز ماقدر مايطالع لسلطان قبل لايركب سيارته .. وسط الربشه وسوالف الشياب ومباراة الكورة اللي عالتلفزيون ..كان سلطان مغمض عيونه يدخن القدو ولا كأنه حد جنبه ...ما فهم عبد العزيز اللي يدور في بال سلطان .. قال في نفسه وهو يركب السيارة " خوفي أنتهي مثلك ...أيلس في القهاوي لآخر الليل أدمر نفسي بنفسي بهالقدو ..خل أصبر على نورة ... الله يهديها بس .." ** في شقة فخمة كانت تيلس فاردة شعرها الأسود الطويل الناعم .. والكحل في عيونها اللي سوادها من سواد الليل ...هالعيون اللي تنطق حزن .. هدبها الطويل نسى طعم الدموع .. نست عيونها الواسعه شلون تبجي ..تحجرت كل دموعها .. طلع من الحمام وهو لابس الروب ..ابتسم لهالملاك اللي ييلس عالسرير ينطره .. ببشرتها البيضا وثوبها الأبيض .. كانت جميلة بشكل يسحر .. يحب اللون الأبيض عليها .. وهي ماتغير هاللون أبد .. "معجبة ..." "لبيه " "رجعتي تفكرين ؟" "ايه.." يلس مقابلها وقال "بشنو تفكرين ..ممكن أعرف ؟ " طالعت له معجبة ..وهمست "بعد يومين برد الديرة .. وبتمر شهور وايد قبل لا أشوفك.." قال متلوم " صدقيني .. كنت أبي أجي أبجر .. بس .. ماقدرت إلا اليوم ..أنا مشتاق لج .. وأفكر فيج ليل مع نهار .. وكل لحظة أقول الحين أروح بيتهم وأقولهم وين عجووب ...بس .. أتراجع عشانج " ابتسمت معجبة وهي تقول " ولا عشان نفسك ؟ والله أن شافتك شمس بتآكلك ..اليوم كلمتني أختي وقالت لي أنها سألت عني اليوم الصبح ..وعاتبتها .." قال ناصر بتعب " واليوم كلمني عبدالعزيز وقال لي انها قدمت طلب نقلي .. يعني بعد اليوم أذا أبي أشوفج ما أقدر أقولج مري شمسوه ." قالت معجبة "خل أقول لها انا تزوجنا .. " "لاء .." كان رد ناصر حازم .. ما حاولت معجبة أنها تناقشه لانها ملت .. فسكتت.. لكنه قال " أحنا اتفقنا ان اختج جوزة بس هي اللي تعرف ..وتزوجنا برضاها وبعيد عن الناس كلها .. " "بس شمس بنت اختي جوزة .مب ناس .." قال بعصبية "شمس تكرهني ..وأنا أعتبرها من الناس .. خلاص لاتفتحين الموضوع .." استسلمت معجبة .. عشانها تحبه ماتقدر تعانده .. هي قوية .. ايه .. بس ماتقدر تستغني عنه .. لأنه الشي الوحيد اللي يعطي حياتها أهمية وكيان .. لو تبقى بين احضانه للأبد ماتمانع.. لكن هذا التشتت اللي هي فيه يتعبها .. ماتلتقي فيه إلا كل كم شهر .. طالعت له .. ما عرفت أبوها ..ولا عاشت في حياتهافي ظل رجل .. كانت هالشخصية طوال حياتها ناقصة ..توفى ابوها وهي صغيرة ..وزوج امهم خذ أمهم وتركها في بيت اختها جوزة .. كان عمرها ثمان سنوات لما انولدت شمس ..وكان عمرها 12 سنة لما شردت مها وصار اللي صار ..ماتنسى امها للي رجعت مطلقة وعايروها ببناتها اللي مالهم لا اب ولا اخ ,,.ولا ريال يأدبهم ... واختها جوزة اللي بجت دم بس عشان مايتركها زوجها ثامر .. واقتنع ثامر ان جوزة مالها ذنب ..لكنه طردها هي ورجعها بيت امها .. اللي ماتحملت الصدمة وتوفت بعدها بشهرين .. ما ازعلت على امها ..كثر ما ازعلت على مها ..مع اللي سوته مها .. واللي كان شيء مفاجيء ..بس تذكر مها أكثر ماتذكر أمها ..تذكر طيبتها وحنانها وجمالها ..الجمال في عايلتهم لعنة .. ولا وحده فيهم لاهي ولاخواتها تهنت بحياتها .. وحتى شمس اللي كانت نسخه من مها ما تهنت ..ولا الريم اللي حبسها ابوها في البيت ولاخلاها تكمل دراستها .. نوير وصافية وشيخة يمكن بينجون من هاللعنة ... لأن في نظرها ولا وحده ورثت ملامحهم .. واكيد ولا وحده بتورث حظها وحظ خواتها السيء ,..كانوا يشبهون ابوهم ثامر في طباعهم وملامحهم ..في عيونهم العسلية وشعرهم المموج البني وبشرتهم القمحية .. لكن شمس والريم ..كأنهم خواتها هي وجوزة من الشبهه الشديد اللي بينهم .. ثامر .. ما حسسها لحظة أنه مرحب فيها في هالبيت .. فتحاشت أنها تطلع جدامه .. لين توفى .. وكان عمرها 17..وعمر شيخة سنتين .. والحين شيخة كملت العشرين ..مرت ثمنطعش سنة ...كانت تحقر نفسها انها انصاعت لمشاعرها تجاه ناصر .اللي يكبرها بسنة وحده بس ! ما قدرت تتجاهل رغبتها انها تسأله .. وكان يطالع لها نظرة غريبة .. قالت "أنا أحقر نفسي أني طول عمري أنتقد تصرف مها ..والحين أنا أسوي مثلها .. أنت تحتقرني ناصر صح ؟؟ ..أني هربت معاك وتزوجتك بالسر ؟؟ ..أنت تحتقرني لأني قلت لك أني أحبك .. قبل ماتقولها لي صح .. جاوبني ناصر .. جاوبني أنت تكرهني ..تحتقرني ؟؟" كانت ماسكه روبه وهي تسأله ..ماكانت تصرخ .. بالعكس ..كان تسأله بإلحاح يصدمه .. أي .. في قلبه هو يحتقرها ومايشوفها الزوجة اللي تشرفه .. ولا يشوف فيها صفات ام عياله .. هدى ...هدى اللي ماترفع عينها في عينه وهو متزوجها من عشر سنوات .. لكن معجبة .. رغم ان علاقتهم عمرها سنة .. بس .. كانت غير .. عوضته عن النقص في حياته .. وعن المشاعر اللي كان يكتمها في قلبه سنين ..وماحركتها هدى ولو مرة ..هدى امرأة .. لاء ..مايسميها امرأة ..رغم أن فيها الجمال والجسم بعد اربع اولاد .. لكن.. ماحسسته مرة أنها أمرأة .. وما أرضت غروره ! كانت علاقته فيها رسمية .. وهي ..كرست حياتها لأولادها .. وبيتها وصديقاتها .. لكن ماقد مرة حسسته أنها تحتاج له مثل ماتحتاج له معجبة اللي علمته الحب والشوق والأحساس ورجعت فيه حبه للقراءه والكتابه والسفر ..كانت عيونه تترقرق بدمعه وهو يشوف معجبة تنتظر اجابته .. وعيونها كلها حيرة ..بؤبؤ عيونها يهتز بطريقه عورت قلبه .. " أنا أحبج .." ماكانت اجابته شافية .. ماأرضت معجبة .. لكنها اكتمت تمردها لما حضنها .. وقالت في قلبها "يومين ويسافر .. ومابشوفه لين شهور ..شهور أو سنين ما أقدر أزعل منه .. وما أقدر أعاتبه .... ناصر مب ملكي .. ناصر ملك هدى ..امتلكته هدى من انولدت .. يومين وأسافر ياقلبي .. ليش أعلك زياده .. هو يحتقرني ..أكبر دليل صمته .. الدقايق اللي اخذها قبل لايرد علي .. لو انه يحبني صحيح ..ومايحتقرني كان رد علي بسرعه قبل لايفكر.. ذبحتني يا ناصر .. بس أحبك .. أحبك .. أحبك .." ** جلس على البلكونة اللي تطل على منظر روعه في الليل .. جات معجبة وهي شايله قلاص العصير وحطته جدامه وجلست وحطت ريل على ريل .. كان يلبس بدله سبورت ..طالع لها وشاف الحزن اللي صار جزء من عيونها ..ومايقدر يتخيل عيونها من دونه.. اصلا لما يتذكرها ما يتذكر شي الا الحزن اللي توسد عيونها .. مايذكر عيونها ولاشعرها ولاشفاها .. بس الحزن .. اللي تجسد في كيانها .مايقدر يتخيلها سعيده . ولا يبي يشوفها سعيده .. لانها .. بتكون انسانة ثانية غير معجبة اللي يعرفها .. صج انه ولامرة شاف دموعها .. بس ماكان يحتاج .. "شتكتب ؟" كان سؤالها مفاجيء ..كان يعرف انها تبي تطلعه من حالة التأمل اللي انتابته وهو يركز في عيونها ويفكر .. ونسى العصير اللي حطته جدامه .. طالع القلم اللي بيده والدفتر .. طالع الحروف اللي توسطت السطر ..قال وهو معجب بذكائها " مقال .. حق الجريده .. تعرفين رجعت أكتب مثل أيام قبل .." قامت وشالت الدفتر من يده وحذفته بعيد " ماعندي الا هالليلة وبكره بسافر الصبح .. وانت بتم اسبوع هنا .. اكتب فيهم على راحتك ..لكن أنا أبسولف معاك .. مشتاقة لك وايد ..لسوالفك .. تذكر أول ليلة بيننا ؟؟ كنا نسولف طول الليل هنا .. في هالبلكونه .. تكلمنا ساعات .. لدرجة اني لما رجعت الديرة ما ابي أكلم أحد كنت أحس أني طلعت كل اللي في قلبي وعقلي من كلام .. ماله داعي أتكلم .. جوزة تسألني عنك وعن اخلاقك .وانا بس مبتسمة .. حتى اللي مايعرف .. كان يحس أني متغيرة .. أن فيني حياة .." مسك يدها ووقف .. كانت تحس انه متغير .. آخر مرة لما التقوا في البحرين .. كان ساكت بس يطالع لها ..رغم انه كان اسبوع من أحلى الأسابيع في حياتها .. لكنها كان تحس فيه شي غير ..لين عرفت بعدين ان ابوه توفى .. وكان ساكت طول الوقت ..ليه ماقال لها ؟؟ هي زوجته.. لكنها ما سألته .. عزته .. وحتى ماعاتبته انه ماقال لها وأن شمس هي اللي نقلت لها الخبر ..بعد ماكانت تستدرجها في الحجي عن موظفيها .. "غريبة .." نطق هالكلمة وهو يركز في المنظر ..القاهرة في الليل تكون رائعه ..الأضواء تنير المكان كأنه العيد .. "شالي غريب ؟" " انت ..." التفت لها متأملها .. نزلت عيونها وفهمت شيقصد .. أكيد غريبة .. في وحده في هالعالم ترضى بهالحياة ؟ بزواج سري ؟؟ وممنوع الأطفال .. ممنوع ان يكلمها وهم في الديرة ..ممنوع يلتقون .ممنوع يسافرون مع بعض . كل واحد يسافر بروحه ويلتقون في الشقة اللي يأجرونها دايم .. . ممنوع تقول لأهلها ؟ .. هو مايعرف أنها تحتاجه .. وانها ما راضية بهالجدول والشروط الصعبة الا عشان حبها له .. قال بعد لحظة صمت "ماحددت موعد لقانا الياي .. دايما كنت تحددين أول مانلتقي عشان ماننسى .. " غمضت عيونها ...هي تخاف أنه ينسى لكنها ماتنسى أبدا .. قالت له " نلتقي في لبنان ؟ " "لبنان ؟" قالت ببساطة " بروح بعد شهر أدور لي كوافيره لصالون جوزه .." قال هو يفكر " أجليها لين شهرين .. بسافر مع العيال وهـ وامهم ... ولا نسيتي اني كل صيف آخذهم لأوربا ؟ " هزت راسها وهي تطالع بعيد " لاء .مانسيت .. بس انت نسيت .. عشان جي ما حددت موعد لانك بتسافر .. وبعدين ترجع تشوف أشغالك ..ومابتفضى لي إلا في الخريف .. "" قال لها وحس أنه لقى الحل " الخريف بنقضيه في نيويورك .. أحلى مافي نيويورك هو الخريف .. نسافر لمدة شهر .. أنا وانتي .. نتي ماقلت أن ابن اختج في امريكا ؟ " حست معجبة بغصة ..وهي تقول "بس .." " أنا موافق أنا نقول لابن اختج .." على قد فرحتها لكنها .. ترددت تقول له أن ابن اختها هذا بالذات ...ماتقدرتقرب منه .. قالت بتردد "بحاول . .. " حس أن فيها خيبه .. عندها غموض وسر ماتبي تكشفه . .. لكنه سكت .. معجبة كانت تفكر بعايض ! .. مستحيل .. مستحيل تتصل به .. عايض من وصل السن القانوني تركهم وهاجر ...ماقدر يعيش في هالعار اللي صار لهم .. ترك الريم اخته وترك ابوه يواجهون الوضع بروحهم .. مسك ناصر يدها وقال " ودي أفهم لو لثانية .. شالحيرة اللي انتي فيها " ماقدرت تبتسم .. عبست غصب عنها وهي تقول "ماراح تفهم " سحبت يدها ودخلت داخل .. تمددت عالسرير وغمضت عيونها .. لكن جا ناصر وقال لها "قومي .. بنطلع نتمشى .. " ابتسمت ..هو الشخص الوحيد اللي يفهمها .. يفهم أنها في هاللحظة ماتبي تنام ولاتبي تفكر ولاتبي شي غير انها تطلع تتمشى.. البست بننطلون وجاكيت طويل وحجاب أبيض .. والبست نظارتها الشمسية ..ضحك لما شاف النظارة .. كانت الساعة وحده فالليل . .. بس ما علق .. هذي وحده من عاداتها الغريبة اللي مايفهمها ..وبينه وبين نفسه مايبي يغيرها .. لكن معجبة كانت تحب تخفي عيونها.. ماتبي يكون وقتها معاه كله حزن .. ماتدري انه يحب حزنها ومايحب شي فيها كثر هالحزن .. بعد ساعات أذن الفجر وهم واقفين عالنيل .. نزعت النظارة آخيرا وهي تطالع عيونه .قالت له بثقة " أنا أحبك .. " ما رد عليها بس ابتسم .. حتى ماطالع في عيونها .. لكنها ما اهتمت ..المهم أنها قالت له .. لكنه ..ما كان يبي يرد عليها .. بكره تسافر ويغيب عنها شهور ..خل يبقى عندها شي تفكر فيه .. خل تفكر ليش مارد عليها وشسبب ابتسامتة ..أحسن من أن تفكر في حبه واشواقه وتزداد لوعتها .. هو يعرف أنها ذكية ... وأنها أكبر من هالامور التافهه .. بس هي أنثى ..ومافي انثى ترضى أنه تتقابل اعترافاتها بمشاعرها بالصمت !! ****** |
مرحبا اختي Electron.....
قرات الجزءالجديد...واشعر ان هذة الرواية رواية مميزة ... تابعي اختي...وانا انتظر .... |
اقتباس:
أتمنى منك تحليل الرواية وكتابة تعليقاتك على الأحداث |
الفصل الثاني : الجزء الأول
الفصـل الثـاني أقنعـة . .. ______ http://www.r15r.com/data/media/108/G_Rl.jpg حطت يدها على جتف شيخة .. "مابتروحين اليوم بعد ؟" فتحت شيخة عيونها بتكاسل ..وقالت متردده " لا ما أعتقد " احترمت نوير مشاعر اختها وما أسئلتها عن اللي صار .. بس شيخة مب على طبيعتها .. وقفت وشلت كتبها وطلعت برا الغرفة .. صافية " تروحين مع ماجد ؟" " ايه .." طالعت صافية وراها وقالت "وين اختج ؟ " "هي اختج مثل ما هي اختي .. مابتروح اليوم " اسندت نوير عمرها على الجدار وتنهدت " ما أدري شفيها أنا مب مرتاحه يا صافية .. هي ثالث يوم .. لو تشوفين ويهها شلون قايل والله بيعورج قلبج " قالت صافية وهي تطالع باب الحجرة " تعتقدين .." هزت نوير راسها "لا .. أنا حلفتها وانتي حلفتيها ماتنطق بأسرار البيت .. وبعدين محد يدري السالفة ماتت من زمان ." قالت صافية " صج هي السالفة قديمة ..بس الناس ماتنسى .." اعتدلت نوير وهي تقول " الناس ماتنسى ماعليه بس احنا اسمنا غير حنا بنات ثامر سعيد الأحمد .. مب غالب محمد الصالح .." سكتتها صافية "اشش . لاتسمعج امي تنطقين اسم ابوها والله بتذبحج.." اسكتت نوير .. وهي تتنهد .. ترددت صافية .. طالعت نوير ..بعدين قالت "بدخل لها .." نوير "لاء .. انتي روحي دوامج ..وانا اذا رجعت من الجامعة بيلس معاها .." "انزين .. " البست صافية عباة الراس وعدلت نقابها في المنظرة اللي في الصالة وقالت لنوير اللي كانت تلبس عباة الجتف اللي كانت اطرافها مذهبة "مابتتركين هالعبي التعبانه .. البسي عباة راس بتسترج احسن والله " قالت نوير وهي تطالع صافية " اللي يسمعج اقول اني امشي عريانة في الشارع .. صافية ..صج انج اكبر مني بس لاتنسين اني مب صغيرة .. اعرف حدودي والعبايه لاهي ضيقه ولاتلفت النظر ..وأنا رايحه جامعة البنات مب رايحه السوق اتمشى واعرض جسمي .. " سكتت صافيه ...حز في خاطرها طريقه نوير في الرد ..نوير حست بزعلها قالت لها "صافيه فديتج والله اني اغليج واحترمج بس لما اسمعج تقولين لي البسي عباة الراس احس انج تقولين لي تحجبي ! " ضحكت صافية شوي وقالت "بس عشان مصلحتج لا اكثر " قالت نوير بعتب " انت تعامليني كأني هامله ربي ولبسي غير محتشم.." سكتت صافية ..نوير ماينقدر عليها ..طلع ماجد من غرفته وهو يقول "من يروح معاي ؟" قالت نوير "أنا " طالع صافية وقال " وانت ؟" "بروح مع شمس .." نزلوا للطابق اللي تحت وباسوا راس امهم اللي تصحى كل يوم من الفجر وتجهز لهم ريوقهم مع ان في خدامتين في البيت .. بس ام ماجد كانت قمة فرحتها انها تشوف عيالها كل صبح ..صحيح تتغير المعايير بين الناس في قياس السعاده .. في ناس سعادتها في الفلوس ..وناس سعادتهم في الوظيفة المرموقه ..وناس سعادتهم في السفر .. لكن فكرة السعاده لجوزة ..أنها تشوف عيالها كل صبح يتريوقون من الزاد اللي تسويه ..ألم الأيام خلاها تقتنع بأبسط الأشياء وتفرح لها .. طلعت شمس من غرفتها الجانبية وكانت لابسة مخلصة وهي تقول "وين شيخة ؟" قال ماجد بنفاذ صبر "ياصباح خير .." طنشته شمس . وهي تطالع نوير " وين اختج ؟" قالت نوير " ما بتروح ماعندها شي اليوم " عصبت شمس "شالدلع والتسيب ؟؟ شنو ماعندها شي ..صار لها يومين تغيب " اسكتت صافية لكن ماجد قال لها ببرود "تراج رئيسة قسم في شغلج مب هنا .. مالج شغل في غيرج .. وبالأخص شيخه " طلع ماجد من دون مايتريق . ..ولحقته نوير .. طالعت شمس لأمها وقالت بهدوء "شفت ولدج شلون يرد علي ؟؟ ماصار لي حشمه في هالبيت ؟" قالت أمها وهي ماتطالع في عيونها " مالج شغل في غيرج " عصبت شمس أكثر ..وقالت "ايه عشان الماضي يتكرر .." جوزه بلاشعور رفعت يدها وضربت شمس على ويهها كف ..كانت كلمتها جارحه .. طلعت شمس من البيت وهي معصبة ..نوير كانت تبي تلحقها بس ماقدرت ..الدموع اللي في عين امها خلتها تتجمد في مكانها .. راحت واحضنت امها "يمه ماتقصد " لكن جوزه حررت نفسها من يدين بنتها وقالت "شمس مابتنسى .. بتظل تلومني لآخر عمري ..." لكن نوير مافهمت .. راحت امها لغرفتها واقفلت الباب وراها ..طلعت نوير برا .. كانت شمس واقفه فالحوش تبجي .. " خل نروح .." كانت الكلمتين اللي نطقتهم نوير ..ولا انطقت غيرهم لين وصلتها شمس الجامعه ..كملت يومها عادي .. كالعاده وحيده بين ممرات الجامعه .. لاصديقة ولازميلة ..مافي بنت في هالجامعه غير شيخة تعرف انها طالبة في هالجامعة ..كانت هذي نصيحة شمس ..لاتعرفين حد ولاتتعرفين على حد..طبقت صافية هالنظرية وتخرجت من سنة ولاحد عنده فكره من تكون .. خلصت محاضراتها ..وطلعت..تنطر ماجد يمرها .. " الامتحانات بعد اسبوع بتبدأ ..اففف ..اكره هالشهر بيكون امتحانات امتحانات لين آخر شي .." طالعت نوير للي كانت تتكلم .. كانت بنت عمها .. انصدمت ..من زمان ماشافتها ..من عرس شمس ..ما كانت تدري انها موجوده فالجامعه .. احتارت هل تسلم عليها ولا تطنشها وتمشي في حال سبيلها ؟ ؟ .. مع كل اللي صار اليوم ..حست انها مب محتاجه وجع راس زياده ..طنشتها لين جا ماجد وراحت معاه .. غدير ..لاء ..رغد ؟ ..كانت تبي تتذكر اسمها .. فيه حرف الغين .. ليش تزعج نفسها بالسؤال ..بيت عمها تبروا منهم من زمان ..ولا قد مرة شافتهم إلا في عرس شمس . .. "شفيج ؟" " شفت بنت عمي ..من قبل شوي وقاعده أحاول أتذكر اسمها " "هي بنت وحده وماتتذكرين اسمها ؟ ..اسمها رباب " طالعت نوير ماجد مستغربة "لاء ..ما أعتقد .. اسمها بحرف الغين .." طالعها ماجد " امها اسمها غنيمة الظاهر ملخبطة " "وانت شدراك ؟؟ .. ما أذكر ان لنا احتكاك فيهم " "نسيت ان احمد معاي بالجامعه .." "احمد ؟" "ايه السنة دخل اول سنه..ولد عمي .. فيه الخير والله احسن من ابوه من شافني يا وسلم علي ..ومن يومها انا وهو مع بعض .وكله يقول بروح اخذ رباب ..بروح اجيبها .وانا كل يوم اغثه يبي يعزمني طول هالكورس بس قلت له ان جدولج يخلص الساعه وحده فما عطيته فرصه " نزلت نوير وسوت باي لماجد اللي راح ..لقت غرفة امها مقفلة من الصبح .. وراحت لشيخة فوق لقتها تبجي .. " شفيج صار لج يومين تبجين " مسحت شيخه دموعها ..وكانت لابسه بيجامتها وشعرها منكوش كنه شعر جوليا روبرتس .. "مافي شي " قالت لها نوير بحذر " الدكتور مرة ثانية ؟" انفجرت شيخة بالبجي .. كانت شيخه مرة تبجي لأن الدكتور مترصدها ومايراعيها في الامتحان ولا الواجبات "شصار هالمرة ؟؟" "كله من فجر الحقيرة كله منها ..." "شسوت لج هالقايله ؟" "قالت له عن خالتي .." اشهقت نوير بقوة "شتقولين ؟" "وثقت في الانسانه الغلط .. وثقت في الانسانه الغلط .." انهارت تبجي .. لكن نوير طالعت لها معصبة "احنا حلفناج .." " ادري بس .. كنت محتاجه افضفض نوير ..الفترة اللي راحت .. كنت تعبانة " "فضفضي لي لصافية ..لمي ..بس مب للغرب .. هذي رفيجتج باعتج في اول فرصه .. علمناج ماتوثقين في احد .. بس انتي اذن من طين واذن من عجين .." تركتها نوير وطلعت معصبة .. لكن شيخه كانت تبجي حظها .. كان جاسم في حياتها حب من طرف واحد .. كانت تحب تحضر محاضراته رغم انها ممله .. كانت تفضفض لفجـر ..اللي توقعتها صديقة عمرها .. لكن الغيرة عمت قلب فجر .. اللي كانت تلاحظ نظرات الدكتور جاسم وسؤاله الدايم عنها .. وآخرها اللي خلى فجر تقول له كل شي لما سألها عن عنوان بيت اهلها .. ومن فرحتها قالت لفجر ..الي تسللت من دون علمهاوخبرته كل شيء ..كانت تبي الارض تنشق وتبلعها ولا تنحط في هذاك الموقف الخايس .. "شيخه " "لبيه دكتور جاسم " "ترى ما بجيب الاهل ولا بجيكم يوم الخميس " اسكتت في هذيك اللحظة من الصدمة ..طالعت له باستغراب .. وكان يطالعها بإشمئزاز .. " دكتور في شي ؟" " اسإلي فجـر ..خل تقولج عن هالشي اللي تسألين عنه " مشت بدون وعي لفجر اللي توقف في الزاوية "انت شسويتي ؟شقلتي له ؟" قالت فجر بثقة "ولاشي .. بس حبيت انور الدكتور عن ماضي هلج المشرف " رمت شيخه بكل كتبها على الارض واركضت لين المواقف .. وهي تبجي بحرقة .... *************** كانت معجبة تنتظر في المطار وهي مكتئبة .. ما جا ماجد .. امسكت تلفونها واتصلت فيه .. " وينك ؟" قال ماجد معصب "سويت حادث " "انت بخير ؟؟ .." " ايه الحمدالله بس السيارة تكنسلت .." "المهم صحتك ..حمدالله على السلامة .." "كلمت السواق يمرج .. شوفي .. لاتقولين لمي ولا لشمس ..بروح اطلع سيارة يديده وادبر عمري .. " "ماجد .. هالفلوس لمهرك .. لاتبعثرهم " سكت ماجد شوي وبعدين قال " انا ما احتاجهم الحين .. " "أنا بعطيك ... بكتب لك شيك واطرشه مع السواق في ظرف .. " قال ماجد بصوت متردد " بس انا ما ابيهم يعرفون اني سويت هالحادث .. بشتري سيارة يديده اخت هالسيارة .. انت ماشفتي امي شصار فيها لما درت بالحادث الاخير .. ما أبي هالأمر يتكرر " حست معجبة ان ماجد قصده ان الفلوس مايبيها شوي .. فقالت له تطمنه "بيكفيك المبلغ وزياده وين اخلي السواق يلتقيك ؟" " أنا في مركز شرطة الريان .. خلي يجي يآخذني " سكرت من عنده ولا إسألته شلون الحادث ومن الغلطان ..ماتبي تعرف التفاصيل عشان ماتزل بلسانها .. طلعت دفتر شيكاتها واكتبت مبلغ ..ناصر مب مقصر معاها ..والصالون وايد مربح .. وعندها نصيبها من بيع منزل ابوها ونصيب مها في حسابها .. خلته لمها اذا يا يوم ورجعت .. ما تبيها تكون مشرده .. المبلغ وايد كبير والسبب ان بيت ابوها طلع في التثمين وأبو عايض رفض هالفلوس ورفض أن تمسكها الريم ولا عايض .... وهي مب مقصرة عندها عقلية تجارية واستفادت من البورصة وايد وعندها مكتب عقاري .. وعندها مهرها اللي عطاه اياها ناصر .. ناصر غني وايد .. ورث ابوه اللي كان تاجر عود بس ناصر ماكان عنده اهتمامات في التجارة فإكتفى بوظيفة بسيطة والكتابة .. اسمه مشهور اعلاميا .. والجرايد كل يوم تنشر له مقال او قصة او خبر .. وفاتح ميلسه للمثقفين يجتمع معاهم كل خميس أول الشهر .. وتكتب الجرايد عن هالندوات وهالتجمع الفريد من نوعه .. "وينك يا عبدالقادر .. مصختها .. " كانت تكلم نفسها وهي في الانتظار .. دقت على رقمه وقال لها ان في زحمه وايد لان في طريق مسكر وبيطول يلا يوصل .." بقت تنتظر في المطار بملل . ..بعدين تذكرت انها مايابت معاها هدايا للبنات .. بيزعلون عليها .. كانت تشتري الهدايا والعطور وهي تفكـر بناصر ,,عور قلبها قبل لاتسافر ..تمت تتذكـر عيونه .. وهو على السلم .. كانت تترجى ..وكانت ولا مرة شافت هالشي في عيونه من تزوجوا ..كان كله يعاملها بكبرياء ..بس كان موقف بايخ ..وتمت تفكر في تفاصيله .. "بكتب قصتج .." "لاء ..لاء ياناصر ..الدوحه صغيرة .." " معجبة .. ليش لاء ؟ ... " عصبت معجبة وهي ترتب ثيابها " قلت لك الدوحه صغيرة " صكرت الشنطة ورفعت شعرها بدون اهتمام .. لكنه قهرها وقال "بكتبها " طالعت له منصدمة .. قالت وهي تحاول انها تكون قوية " حزتها انسى وحده اسمها معجبة " ماكانت تصدق نفسها وهي تسمع هالحروف .. لاتتحداني يا ناصر كانت تدعي في قلبها . ..لاتتحداني وتبيعني عشان أنانيتك .. كانت تفكر بحسرة وهي تحاول انها تبين أنها جاده ..وتركز نظراتها في عيونه بتحد .. قال " ما بتقدرين ..أنتي زوجتي " كان يطالعها باستخفاف قالت له بهدوء "من تزوجنا وحنا حطينا حدود .. وأنا أطلب منك أنك ماتتخطا هالحدود ...بتفضحني اذا نشرت قصة أهلي ..وأنا بدوري بفضحك وأنشر زواجنا ..وبتصل في زوجتك شخصيا وأبلغها بكـل تفاصيل هالزواج .. وبهالطريقة بقلب كل شيء عليك " كان تعابير ويهه ناصر غريبة ..كأنه منصدم من جرأتها قال لها بلهجة جافة "انت .ماتسوينها ..ما أهون عليج " طالعت له ببرود رغم أنها كانت نار من داخل ..قلبها معلق فيه ويصرخ فيها انها تستسمحه وتطلب رضاه لكنها حددت أولوياتها ..من زمان .. حتى لو قتلت قلبها ... "عشانك خاطرت بكـل شيء .. ما أنكر هالشيء .. بس عشان هلي ..بخاطر فيك ببرود أعصاب ..أيه انت تهون علي ولايهون علي أهلي .. أذا سويت الي في راسك وكتبت القصة .. بتأذيهم .. وأنا بنتقم لهم منك بشراسه يا ناصر .. بشراسه وبدون رحمه " .. تركته وشالت شنطتها بدون ما تودعه .كانت تنزل السلم لما لحقها وقال " خلاص ما بكتب .. بس شيلي هالافكار من راسج " .. تركته وطلعت برا العماره واركبت التاكسي اللي ينطرها .. ************ كانت تراجع المعاملات في مكتبها بتعب .. كانت نفسيتها تعبانة وايد ..تحس أنها مظلومة ..وظالمة في الوقت نفسه ..شلون انطقت هالكلمات اللي اجرحت أمها ..بس ما تقدر ..صارت تتنرفز .. تتذكر امها وهي تقول لها الجملة اللي حطمتها في يوم من الأيام " اتركيه .. وفكري فينا ..لاتصيرين أنانية " "مدموزيل شمس .." طالعت شمس لآمال السكرتيرة "في شي .. ؟ " " المدير طالبك .." "شكـرا " "العفو مدموزيل " طالعت المعاملات... كانت سرحانة طول الوقت ..وماراجعتهم .. تأكدت من نقابها ووقفت وتوجهت لمكتب المدير "السلام عليكم " "وعليكم السلام ورحمة الله .. شلونج آنسة شمس ؟" ابتسمت آنسة .. محد فيهم يعرف أنها تزوجت وتطلقت .. يمكن لأن زواجها مادام فترة طويلة ؟؟ بس ست شهور ؟؟ .. "الحمدالله استاذ طارق .." "بناقش معاج طلبات النقل .. " جلست وهي متردده شتقول .. هل تقول الحقيقية بس تخاف تقطع رزقهم ..لا بتحاول تلف بالموضوع .. "أول شي ناصر بن يوسف بن يوسف " قالت في قلبهاناصر غني ..عادي مافيها قطع رزق فقالت بصراحه "أستاذ طارق .. أنا ما أقدر أتحمل تسيبه وعدم احترامه للعمل .. " "آنسة شمس .. شخص مثل الاستاذ ناصر نتشرف بوجوده بيننا .." " بس هو مب موجود ..وهذي هي المشكله " سكت المدير وحط ورقة نقل ناصر على جنب "كلمت ناصر من دقايق وخبرته اني ما راح أنقله .. " سكتت شمس وهي تكتم غيظها .. سحب طلب عبدالعزيز وقال " مرفوض الطلب " "ليش ؟" كانت تطالع له مصدومة .. قال طارق ببرود " ما أتحمل انتقال موظف ثاني .. رؤسائي بدوا ينتقدوني " وقفت شمس واستإذنت وهي ماسكه عمرها غصب عن لاتنفجر فيه ومبادئه الغلط .. وأول ما طلعت ما اقدرت تمسك نفسها بدت دموعها تترس نقابها ويدها ترتجف من الغيظ .. " عبدالعزيز ..ماراح تنتقل لان المدير رفض " تركته وراحت مكتبها معصبة ومنقهرة .. تكره تكون تحت سلطة رجل ..تكره الظلم .. الحين شلون بتتعامل مع ناصر ؟ هي كرئيسة قسم لازم تشرف عليهم وتقيمهم وتحسن أدائهم .. دخلت حمامها الخاص وانزعت نقابها .. غسلت ويهها ..ونزعت الشيلة تبي ترتب شعرها .. تذكرت طلال .. " اللي اقوله لج هو الي يمشي سمعت أنا ريال ..أنا اللي آمر وانهي في حياتج ! " هالجمله انعادت في بالها ألف مرة . .الي قهرها ان سبب انفعاله كان بسيط .. كانت في زيارة لبيت اهلها خذها خوها لكن طلال مايصدقها وأمرها ماتطلع مع حد غيره !! .. كانوا في اول اسبوع زواج !! تنهدت بتعب .. البست شيلتها ..اليوم سيء جدا .. جدا .. مالها ويهه تروح لبيتهم .. ولاتقدر تمر الريم .. بتم هنا تراجع المعاملات لين الساعة 3 ..وبعدين بتروح للبيت .. ********* "هذي تكرهني صحيح " " شفيك ؟؟" " ماشفت ويهها وهي تقول لي ان طلبي بالنقل انرفض " استغرب سلطان فسأله "تتشمت فيك ؟" هز عبدالعزيز راسه " لايبه تبجي .. الظاهر مب طايقتني .. يا أخي أنا مب ميت على وجهها بعد ..بس ليش طارق رفض طلبي ؟؟" قال سلطان " لان ماله داعي .. " مرت سكرتيرة المدير وحطت أوراق على مكتب ناصر ..سألها سلطان " لكنه مسافر وبينتقل لما بيرجع" قالت السكرتيرة " لاء .. مش هيتزحزح من مكانه ..مش هينتقل " ضحك عبدالعزيز وابتسم سلطان .. قال عبدالعزيز بشماته "عرفت الحين ليش دموعها .. لانها لاتحل ولاتربط بعالمكتب ,,,,حاطينها رئيسة قسم فشنق ههه .. لا الحين ما أبي أنتقل خل أتشمت فيها هالحيزبونه " ضحك سلطان وقال " حيزبونه ؟؟ ؟.. عبدالعزيز أرجوك لاتزيدها .. " لكن عبدالعزيز بيزيدها كان مقرر أنه يزيدها ويخليها ماتسوى بيزة .. ********* |
Electronمرحبا اختي... اكرر مدى روعة الرواية مرة اخرى.... وسوف اقول مالذي شدني اليها ... اولا الاسلوب رائع ويجعلنا نتابع القراءة دون توقف .. ليس فيه تشتيت رغم تعدد الشخصيات ... ثانيا ... مضمون القصة ....بطبعي احب القصص الاجتماعية اكثر من الرومانسية وقصص المراهقين .... وهة القصة تحوي شخوص بظروف ووضعيات واعمار مختلفة ... اما بالنسة لتعليقي على الاحداث فالقصة لازالت في بدايتها ...وربما كان سير الاحداث فيها بطيئا نوعا ما ..... وملاحظتي الاخييرة هي ان الحادثة التي يجتهد الجميع في اخفائها لا زالت غامضة بعض الشئ... تقبلي تحياتي اختي.... |
تسلمي همسات على المرور..
تصدقي أن الرواية هذي كل ما أقرئها تترك فيني حزن مو طبيعي .. أحس في ظلم كبير ، وأهم حاجة إنه واقعي نستطيع أن نتلمسه حولنا ، وإن كان لا يتفق مع أحداث القصة .. للأسف ... كثير من الناس يرتكبون الجريمة ، ولا يقع العقاب إلا على المحيطين بهم ... والرواية تتحدث عن تأثير هذا الشيء على النساء بالدرجة الأولى في المجتمع الخليجي.. تمنياتي لك بقراءة ممتعة للأجزاء المتبقية .. |
الفصل الثاني : الجزء 2
تـابع الفصل الثاني(أقنعة (الجزء 2) حاولت شيخة انها تصيرطبيعية وتفرح بالهدايا ..لكنها ما اقدرت .. "شفيج يمه شيخه ؟" طالعت امها بمحبة .. "فديت راسج يمه مافيني الا الخير بإذن الله " لكن جوزة تعرف بناتها أحسن من نفسها .. وشيخه مب مثل أول ...شيخة في راسها موال ..في قلبها شي منعكس في عيونها .. قالت معجبة وهي تشيل شنطتها "يلا بستأذن الحين ..بروح قسمي .. تبون شي ؟" هزت نوير وصافية راسهم بلا .. وشيخة ابتسمت لها وقالت برقة "بس سلامتج " ضحكت معجبة وقالت " أنا هنا بعد مترين عنكم ... وحشتوني والله .. بس مكسره نقعت في المطار لين جا عبدالقادر " استغربت جوزة وقالت وهي تطالع حولها "ليش ماجد ماجابج ؟ " قالت معجبة بإرتباك "ماجد راح لعزى واحد يعرفه توفى ابوه ! " شلون اخترعت هالكذبة ماتدري بس ارتاحت لما صدقتها اختها ! راحت لقسمها بسرعه ...وأخيرا حست بالخصوصية .. قسمها كان عبارة عن استوديو كبير ماكانت تحب النظام العادي ..فصممت هالنظام بطريقة استوديو كبير .. السرير على مرتفع .. وجلسه مريحه وتلفزيون بلازما كبير في زاوية .. ومطبخ تحضيري صغير في زاوية .. وجنب المطبخ بار كبير فيه كراسي عالية .. والخزاين صممتها في شركة أميركية متخصصة كانت على شكل غرفة صغيرة معطتها مساحة كبيرة فالاستوديو .. وفي زاوية مكتب فخم مع الاب توب الخاص فيها وصممت نافذه عالية خلفها . ومكتبة عبارة عن رفوف عالية .. . وزاوية فيها استيريو كبير على خزانة أثرية صغيرة وجنبها السوفا المفضلة لها .. تحب تقرأ الجريده في هالزاوية أو تيلس تفكـر وموسيقى الأوبرا وبيتهوفن يض بالاستوديو .. وكانت الألوان ممتزجه بشكـل خيالي .. في كل قسم ألوان خاصه فيه .. قسم النوم ألوان الخوخي والمشمشي وفي قسم المطبخ اللون العاجي واللون البني المحروق .. قعده التلفزيون أخضر بذهبي المكتب البني المحروق ولمسات ذهبية ..امتزاج الألوان أعطى الاستوديو حياة مزيفة للمكان اللي ماتيلس فيه الا ساعات .. بس أهم شي أنها تآخذ راحتها .. صممت هالمكان من سبع سنوات .وأنهته في سنتين ... رمت بنفسها على السرير بعد مالبست البيجاما .. وكانت بتغمض عيونها لولا ان في حد كان يطق الباب ... قامت بتكاسل عن السرير وجرت نفسهاغصب وفتحت الباب كانت اختها جوزة واقفة شايلة معاها العشا " تسلمين يا جوزة ليش كلفتي على عمرج تعرفين ما أتعشى دسم" دخلت جوزة وصكت الباب بريلها وقالت " أنت شفت ويهج شلون ؟؟ " "شفيني ؟" "مافي لون وشاحب .. شصار يا معجبة ؟ .. شاللي تغير ؟" انزلت دموعها اللي تحجرت طوال الاسبوع اللي طاف وقالت "مافي غير أن ماكان لازم أروح .." "شفيه ناصر ؟؟ .. ل غلط عليج أو شي ؟ قولي !" ابتسمت معجبة "بالعكس ما غلط علي ولامرة .. بس .أنا أعذب نفسي بنفسي ..جا متأخر ..وكان الجو بيننا متوتر فما ..حسيت فيه ..." عطتها جوزة عصير البرتقال وقالت لها "" انت سافرت من اسبوع ! " "أدري ..بس تميت في الشقة مرتزعه اول اربع أيام .. قلبي خايف عليه ..تأخر ..وما أقدر أتصل في بيته ولا على جواله ..ذبحني كنت احاتي بجنون ..بعدين يا من يومين ..ما ارتحت .وآخر شي تركنا بعض واحنا متوترين ..وما بشوفه لين ..وقت طويل بيسافر مع زوجته وعياله وسالة طويلة .." تنهدت جوزة على حال اختها اللي يقطع القلب .. قالت لها بحنان "ليش ماتميت اسبوع ثاني ؟؟ " هزت معجبة راسها وهي تشرب عصيرالبرتقال " هو بيلتقي بصديقه اليوم .. بعدين بيلتقي بعدد من أهله ..اللي بيروحون سياحه .." "الله يعينج " كانت جوزة تحب معجبة وايد ..أكثر من بناتها ..لأنها تقريبا ربتها ..وماتنسى اليوم اللي جت فيه معجبة مستانسه ..وكانت أول مرة تشوف معجبة فرحانه من وقت طويل ...ولما عرفت السبب ارفضت ..ارفضت أن معجبة تتزوج ناصر بسرية ..بس لما شافت ردة فعل معجبة ..وافقت معجبة الحين في منتصف الثلاثينات ..شباقي ؟؟؟ وافقت مضطرة ..ولكنها اليوم لما تشوف معجبة متعذبة بحب ناصر وحياتهاالمشتته ..تمنت أنها ماوافقت عالزواج .. ********** "مب عادتك تسرح " التفت ناصرلصديق عمره فايز اللي يعرف عنه كل كبيرة وصغيرة .. تجمعهم عشرة عمر طويلة . من كانوا صغار بفريج واحد ..كان ناصر ابن التاجر العود ويخافون انه يتعرضون له فينتقم منهم ابوه في اباءهم لان علاقاته كانت ضخمة والسوق كله بيده ..لما كان ناصر في الصف الاول تعرض طالب من الصف السادس له .وكانت النتيجة خربت حياته والسبب ابو ناصر ! اللي طول عمره وهو قاسي مايفرق بين كبير وصغير وهالشي عقد ناصر لانه أبعد عنه الناس .. وفايز ابن الهندية ...رغم أنه أبوه ريال له سمعته ومكانته وقطري .. ألا أن فايز تم لين وقت قريب يعيرونه ابن الهندية اللي اتركته وراحت بلادها .. محد كان يقرب من ناصر ..ومحد كان يقرب من فايز ..فكانوادايما يمشون مع بعض .. " أفكـر .شوي .." "في المدام ؟" هز ناصر راسه وهو يتنهد ..."كنت أظن أني أملكها..شفتها باعت كل شي عشاني .. بس .. انصدمت . ..لو شفت عيونها وهي تكلمني بكبرياء ما عهدته منها .. ظنيت للحظة أني بفقدها ...وكنت بنجن ..ماتحملت هالشعور لثواني ! ما أدري شفيني يا فايز ..هل أنا ضعيف لهالدرجة ؟؟لين أمس ماكنت أفكر في قيمتها في حياتي " وقف فايز واقترب من ناصر وهو يفكـر .لكنه سأله سؤال كلاسيكي ماله داعي " أنت تحبها ؟" طالع له ناصر بخيبه " أحبها وهالشي ماعندي مشكله معاه .. بس ..ماكنت أعرف قيمتها في حياتي ..رغم أن عدد الأيام اللي شفنا بعض فيها مازادت عن شهرين ..ماتوقعت أنها بتأثر فيني بهالطريقة " استغرب فايز وسأله "أنتم متزوجين من سنة !" هز ناصر راسه بأي " بس ماشفنا بعض الا ستين يوم تقريبا .. انت تعرف ظروفي الاجتماعية .." قال فايز بتهكم "وعندي فكره عن ظروفها " في الشقة نفسها كانت ريحتها ووجودها ما تلاشى ..طالع ناصر حوله وفي قلبه يتمنى لو أنها ماسافرت ..قال لفايز وهو نفسه مب مقتنع بكلامه "لاتحكم علي يا فايز .. أنا ما أستغلها ..أنا أحاول بكل ما أقدر أني ما أستغلها .. أنت تعرف ظروفها .وتعرف زوجتي الاولى من أي عايله..لو عرفت زوجتي الاولى أنني تزوجت عليها وحده مثل معجبة من عايله عندها ماضي أسود .. بتنهز صورتي في نظرها ونظر أولادي ..بتجبرني أطلقها لأن كرامتها مابتسمح .. والأولاد بيتشتتون .." قال فايز بهدوء "شذنب معجبة ؟" حس ناصر أن فايز هو ضميره..اللي يواجهه بظلمه .. لكن فايز التفت وهو شايل بيده كوب القهوه وتم يطالع في المنظر وين كانت واقفه معجبة بالضبط من يومين .. ماكان فايز ينتظر إجابة ,,لكن ناصر حس أن معجبه واقفه مكانه وعيونها اللي كلها حزن تتأمله بصبر وتنتظر يجاوبها .. شذنبها هي ؟؟ ..بس ناصر ماكانت عنده أي أجابه .. اتجهت لغرفته وبدل ملابسه وطلع ولقى فايز واقف في مكانه .. " نسيت أقولك ..السفارة وجهت لي دعوة عشاء ..تجي ؟" هز فايز راسه بثقل " آسف ..بس عندي التزامات .. وبعدين جو الاجتماعات والسفارات وكلام الجرايد مب جوي .. " "شتقصد ؟" " أقصد مالي مزاج بكره ألاقي خبر في جريده الاهرام الكاتب الاعلامي اللامع ناصر وبرفقة صديقه ..وعلامة استفهام ضخمة على راسي " ضحك ناصر وقال " اللي يسمعك يقول انهم مسوين هالعشا علشاني انا بس ! لا يبه في كم وزير كانوا على الدرجة الاولى معاي في الطيارة .. تلاقيهم السبب بعدين أنت رجل أعمال معروف ! " قال فايز " لا أنا ابتعدت عن الاعلام .. وعن هالمناسبات الاجتماعية ..تلاقيهم يحطون أخباري بس ماعندهم صورة لي ..فلاتحاول .. .. أنا بروح الحين عندي التزامات ... وبعدين ما أقدر أسكر المكتب هاليومين ولا اقدر أحط حد بدالي ..في صفقات مهمه وايد لازم أتعاقد مع مكاتب لندن بنفسي ,, " كان ناصر يبي يطلع لما التفت له فايز وسأله " قلت لي ان في بنت اخت لزوجتك شسمها ؟" " هيا ؟؟ بنت اخت هدى؟ ..بس البنية مب من ذوقك .." " قصدت زوجتك الثانية ! " استغرب ناصر وقال " حدد ..عندهم بنات وايد .." " اللي اشردت أمها ! " " الريم .. شتبي فيها ؟؟" طالع ناصر بأمل " أفكـر أخطبها .. جيب لي عنوانها .." " انت مجنون ! .. تعرف .. البنت تطلع على .." لكن فايز قاطعه بثقة " لاتحط في ذمتك .. بعدين أنا خطبت وايد وردوني عشان أمي .. يمكن هالمرة أتوفق " "بس .." طالع فايز لناصر وقال " أنت تعرف خالتها ..شفت عليها شي ؟" قال ناصر بصدق " لاء .. بالعكس أخلاق وكبرياء وكرم .." قال فايز " هل عايلتهم كانت دايم معروفه بالسلوك الغلط ؟" هز ناصر راسه " بالعكس ..كانت الناس تشيد بأخلاقهم وأخلاق بناتهم ..وهم من اصل طيب والخطاب كانوا دايما على بابهم لطيب أبوهم الله يرحمه واخلاق امهم الزينه والله يشهد ..بس من اشردت بنتهم ..وتحس لعنه صابتهم الناس بعدت عنهم ومات ابوهم من الحسرة ولحقته زوجته بفتره .. حتى معجبة دايما كانت تقولي ان بيت اختها الكبيرة جا يخترب لولا ثقة زوجها بأخلاقها وعشرته معاها .. بس الريم ..تبقى امها هي اللي شردت يعني .. بتجيب الكلام لنفسك ولعيالك " لكن فايز كان يبتسم وقال "انا بعيش هنا في مصر لآخر عمري تقريبا شغلي هنا ..وحياتي هنا ..وأصدقائي هنا ..وماعندي أهل ..أنت تعرف أني كنت وحيد أبوي الله يرحمه .. وابوي وحيد هله ..الله يرحمهم .. يعني ببدأ من جديد ..ويمكن انسانه مثل الريم عانت من أحكام قاسية من المجتمع مثلي بتفهمني بكل عقدي .. بطلعهامن هذاك المجتمع .. وبنبدأ حياة جديده .. صفحة جديده ..." كان ناصر مندهش من فايز .. ماكان متوقع أنه يكون فكـر بهالأمر بهالدقة ..وأنها واثق انهم بيوافقون عليه .. " أوصلك السفارة ؟" طالع ناصر لسيارة البنتلي اللي واقفه قدام العمارة ..سأل فايز مستغرب " وين راحت الهامر ؟" " موجوده .. بس احتاج سيارة صالون بين فترة وفترة .." قال ناصر في محاولة أخيرة .." تعال معاي .. الحفل بيكون كبير ويمكن تلاقي وايد من أصدقاءك رجال الأعمال " لبس فايز النظارة الشمسية ودخل السيارة بثقة وقال " طول عمري أتحاشى هالمجتمع ..شردت منه ..لاتحاول .. عانيت بمافيه الكفايه لدرجة أني تعقدت من أشوف غترة او شماغ ! " ابتسم ناصر بحزن ..الظاهر مكتوب له أنه مايتهنى لا بصديقه ولا بحب حياته الوحيد في ديرته .. فايز استقر من سنوات في هالبلد..وافتقده ناصر وايد لانه هو صديقه الوحيد .. ولاحد يفهمه مثل مايفهمه .. بعد عشر دقايق قال فايز " متى أمرك ؟" قال ناصر " لا ما أبي أكلف عليك يا خوي " قال فايز " أنا ماصدق على الله أجوفك مرة بالسنة .. أبي آخذك ونطلع نسهر في أماكن بتعجبك .." سأله ناصر " مكتبك بعيد ؟" " بس ربع ساعه .." " بتصل فيك يا فايز ..لاتنتظرني ..يمكن أمل مبجر وانت مشغول وأطلع من الحفل وأروح أتمشى .. " " خوش راي .. يلا أشوف صورك بكره في الجرايد " ضحك ناصر ونزل من السيارة وأول ماحرك فايز دخل وتفاجأ بالكاميرات و الفلاشات .. ابتسم .. وقف شوي بقرب السفير بعد ماسلم عليه عشان يصورونه مع بعض .. وعلى عكس ماكان متوقع كانت المأدبه على شرفه !! وماشاف أي وزير من اللي كانوا معاه على الطيارة .. ******* "هذا رابع يوم ماتروح ..شفيها ؟" كانت صافية تحاتي لكن نوير طالعت باب الغرفة بقهر " فيها أنها ما اسمعت الكلام .." " أي كلام ؟" كانت شمس طلعت من غرفته في هذيك اللحظة وسمعتهم .. قالت نوير لشمس " طبعا ..الكلام عن اللي قلب حياتنا وماخلانا مثل الأوادم ..اللي نحاتي مستقبلنا ومستقبل عيالنا منه ..أي كلام ..اللي تعذبنا كلنا بسببه .. واللي نتكلم فيه كل يوم ونفكر فيه كل يوم .. " فهمت شمس شتقصد نوير ..كانت نوير تتكلم والدموع تلمع في عيونها .. صافية سكتت ونزلت عيونها منحرجه .. دخلت شمس لغرفة شيخة وقفلت الباب ..انصدمت لما شافت شيخة تبجي منهارة .. " شيوخ حبيبتي شفيج ؟؟" جلست على سريرها وحضنتها " انا بمووت يا شمس بموت .. مااقدر .. تعبت والله تعبت من التفكير ..خليني أموت ..أبي أموت ياربي أبي أموت .." انصدمت شمس من كلام شيخة .."اسم الله على عمرج شفيج ..لاتقولين هالحجي كلنا نحبج ونبيج .." " إلا هو .. باعني .. " انتفضت شمس وقالت لها مصدومة "شيخه بذمتج ..لايكون .." قاطعتها شيخه " لا والله شاهد علي أني ما أخطيت ولا صدر مني الغلط ..لا ياشمس أنتوا ربيتوني أحسن تربية ..لاتخافين ..ماراح أكرر فعايل اللي ما احسبوا حساب لا لاخت ولا لبنت .." تطمنت شمس لكنها في الوقت نفسه خافت على اختها "عيل شفيج يا نور عيني ..شيخه قولي لي شفيج ..من اللي باعج ؟ شقصتج عشان تعافين الجامعه من أيام وتعزلين نفسج في هالغرفة " قالت شيخة القصة كلها لشمس بدون تردد ,مع كل حرف دموعها تنزل أكثر وأكثر "قولي يا شمسه .. قولي لي شلون بحط عيني في عينه ؟؟ قولي لي بعد اللي صار شلون أحط عيني في عيون البنات ؟؟ خلاص أنا بترك الجامعه ما أقدر على هالذل ..." "هو كان بيخطبج ؟" هزت شيخه راسها بألم " أيه .. كان بيطرش هله يوم الخميس .. كان ..كان .." انهارت شيخه في حضن شمس ,,اللي رجعت بهاللحظات لأيام بجت فيها دم .. "لازم ننهي هالزواج ..خلاص ما أقدر أتحمل " مسكت بطنها وقالت بخوف " بس أنا حامل ! .." "مايهمني ..ما أقدر أعيش حياتي والغيرة والشكوك في راسي مع كل خطوة تخطينها ..أنا أتعذب يا شمس ..أتعذب والسبب أنت ! " كانت تبجي بقهر وهي تقول له " تبيني أترك الشغل بتركه .. تبيني ما طلع من البيت ماني طالعه ..بس طلال .. لاتنسى أني أحبك .. وأنت تحبني ..لاتنسى يا طلال .. أنا مب خالتي يا طلال أنا مب خالتي ..والله العظيم أني وفيه لك يا طلال .." مسكها من يدينها وصرخ فيها " انت ماتفهمين ..لو ربطتج بسلاسل ما برتاح ..أنت ماتتفهمين الأحلام اللي أحلمها كل ليله أنج شردتي ..انت ماتفهمين لما أفتش في أغراضج وما ألاقي شي يثبت شي أعصب .. بطلقج قبل ماتتركيني .. بطلقج قبل ماتفضحيني ! " كانت شمس في هذيك اللحظة منصدمه من وساوس طلال !! من اشتغلت في وظيفتها الجديدة وتركت شغلها كمدرسة وطلال كل ماياله يصير مجنون أكثر وأكثر لكنها كانت تسكت كانت تطنش لانها تحبه وهو يحبها بس ظلال الماضي دخلت في حياتهم بشكل مب طبيعي ..شغير طلال ! شاللي خلاه بهالطريقه ؟ كانت تقول له " ثق فيني ..اللي يحب مايخون ... اللي يحب مايخون ..أنا أحبك وأحب هالطفل اللي في بطني ..وأحب هلي وأحب هلك ..ليش تظن أني بكرر سواة غيري ..لا يا طلال ..اطلع من شكوكك.." كان يطالعها بنظرات توقف شعر جسمها من الرعب ..مسكها من يديها ودفعها برا " أنتي طـ" لكنها حطت يدها على شفايفه وهي تصرخ " لاتنطقها ..لاتنطقها..لا يا طلال .." "طالق ! طالق طالق طالق طالق " كانت تبجي بقهر من الظلم اللي هي فيه ... آخر شي كانت تتوقعه أن طلال عنده غيرة مرضية !! وأنه كان يفكر خلال هالستة أشهر في كل دقيقة انها تخونه ..كانت دايسه على كبرياءها وكرامتها عشانه ..كانت تصبر نفسها بيتغير ..بيتغير .. لكنه ماتغير .. كان كل ماياله ويتهمها أكثر وأكثر .. ومد يده عليها ! بدون وعي اكتشفت دموعها اللي نزلت على شعر شيخه اللي كانت حاطه راسها على شليلها .. "لازم تروحين الجامعه وراسج مرفوع " "ما أقدر " مسكت شمس شيخه وخلتها تعتدل في جلستها وقالت لها " هو الخسران .أنت ألف من يتمناج .. مايكفي انهم حطموا قلبج ؟؟ ليش تخلينهم يحطمون مستقبلج ؟؟ " قالت شيخه " لكن يا شمس .. ما أقدر .. ما أقدر .. أتوقع كل مابشوفه بنهار وابجي ..اذا ما انجلطت في مكاني !" "يالغبية ..وين كرامتج ؟ .. ترفعي عنه وعن أشكاله .. وهذي فجر ..حسابها عند ربج ..اهتمي بدراستج ولاعليج فيهم .. أنت مآخذه عنده مقرر ؟" " ايه ..من متطلبات الجامعه .." " خلاص .. احضري هالمحاضرات الاخيرة ,,وبعدين بتمتحنون وماتشوفينه بعد .." "ماعندي قوتج ..يا شمس .." " أي قوة ..انا كنت مثلج ..بس من دموعي ومن انكساري صرت قوية" لكن شيخة كانت صغيرة على الجروح ..مب نفس شمس .. شيخة رقيقة وايد .. وشمس ماتتوقع أنها بتتحمل شعور الرفض والنبذ ! .. احتوت شمس وجه شيخه بين يدينها وقالت لها وهي تحس أنها تتكلم لصورتها من أربع سنوات طافت " عشاني ..بس احضري هالمحاضرتين اللي باقين .. لاتثبتين له انج محتاجته .. أو تحبينه ..لاخلينه يذلج ..تذكـري لاتزر وازرة وزر أخرى ..توكلي على الله ..أنت بريئه ونقيه مثل بياض السحاب ..وأن هو مافهم هالشي ماراح يفهمه أبد ...فلاتضيعين وقتج ودموعج ومشاعرج لانسان مايفهم .. ولايحس فيج البسي أقنعه الغرور والكبرياء . اقنعه الامبالاة والقسوة ..حتى لو كنت تنزفين من داخل ..بس لاترضين غرورهم وتأكدين لهم أنهم ذلوج وكسروج " هزت شيخة راسها وهي مقتنعه بكلام شمس ,,لكن اللي ماتعرفه أن شمس نفسها مب مقتنعه بهالكلام ..ان شمس كل ليله تنام بحسرة ودموع وقلبها ينتفض من ألمها وجرحها اللي يرفض أنه يندمل حتى بعد موت طلال ! .. ************ كانت نوير في حجرتها وهي مقهورة .. دخل ماجد مبتسم " سلام ..شلونج .." هزت راسها وماقدرت تنطق "شفيج ؟" "شيخه ماراحت الجامعه اليوم ..ودخلت عندها شمس ,,والله يعلم شقالت لها " عقد ماجد حواجبه وقال معصب " هذي متى بتفك عنا ..عاد مصختها .. مالها شغل في حد " قالت نوير " شفيك عليها ؟ ليش ماتدانيها ؟؟ هذي اختك الكبيرة عيب ياماجد .." "أختي الكبيرة طل .. ماتروح تجابل ولدها اللي قطته عالناس ولا سألت فيه ..هالقاسية الكريهه " استغربت نوير " أي ولد .." اكتشف ماجد أنه تكلم زياده عن اللزوم ..لكن نوير مسكته من يده وقالت له "أي ولد ؟" قال لها مستسلم "ولدها من طلال ..." انصدمت نوير هالمعلومة جديده ؟؟ شالسالفه هم عايشين في بيت واحد وماعندها فكره أن اختها عندها ولد ؟؟ .. "بس هي قالت انه مات ..مات لما ولدته" "كانت تكذب ..كذبت علينا كلنا .. لاتسوي نفسها شريفه ومظلومه ..أنا أدري بفعايلها ..ومالها شغل في شيخة ..مالها شغل فينا قولي لها تنطم وتم في غرفتها مانبيها في حياتنا .." انصدمت نوير من اسلوب ماجد .. ماجد اللي كان قلب وعيون شمس ..ماجد اللي زفها في يوم عرسها وتموا يبجون قبل لايدخلون الصالة من صعوبة الموقف ..ماجد اللي فزع لها اول مرة طقها طلال وبغا يقطعه ويسوي فيه جريمه ..ماجد يسوي جي ..ماجد يتكلم عن شمس ويتهمها ؟؟بس شسالفة الولد ؟؟ "شسالفة الولد .. أدفع نص عمري بس أعرف شصار في هذاك الصيف لما سافرنا مع خالتي معجبة " قال ماجد بغصه " أختج احذفت الولد على ابوه ولا سألت فيه .. كنت أقول اكيد ابوه مايرضى ..لكن هذا طلال مات من شهرين ..وكل من يشوفني من هله يسألوني متى بتآخذ ولدها !! ..ليش مخليته عند خلود مرت أبوه ! أختج فشلتنا فشلتنا " ما قدرت تتكلم نوير من الصدمه ! ..زين ليش قالت لهم أنه مات ؟؟ في أم تسوي جي ؟؟ ...العلم عندالله وعند شمس بس ! ما انتبهت ان ماجد طلع من غرفتها وراح لغرفته ..طلعت للممر وشافت شمس تطلع من غرفة شيخة وعيونها محتقنه ..هل كانت تبجي ؟؟.. شسالفتج يا شمس ؟؟ شهالسر اللي في حياتج ؟؟ وبدون سبب طرى على بالها كلمة امها من يومين ..شمس مابتنسى !! ********* |
اهلا Electron....
انتظرت البارت الجديد بشوق ..... هذي الرواية احس فيها اشياء كبيرة مو مجرد قصة حب وخلاص ... مثل ما قلت لج احب الروايات الاجتماعية وهذي قصة مقل ما اشو وذكرتي.. تسلط الضوء على جانب من حياة اشخاص وبالاخص نساء مالهم ذنب الا ان هذا الشئ صار في عايلتهم .... وهذا واقع نشوفة ونسمعة ...سمعة البنت ياثر عليها اي شئ حتى لو كان صغير حتتى لو مالها ذنب فيه....ويمكن الناس مستحيل يحسون باللي داخل هالنساء من الموحزن وكانهم مسجونين فيسجن قاسي مايقدرون يطلعون منه ...والمشكلة انهم مايقدرون يغيرون نظرة الناس بسهولة مهما حاولو ...لان هذي اللعنة بتظل تلاحقهم لين اخر عمرهم .... شخصيات الرواية واقعية ...هي وحدة بس اللي استغربت سلوكها .... وهي شمس وسالفة ولدها ..... كيف قدرت تخلي ولدها عند وحدة ولاتسال عنة وكيفاخذة منها طلال بكل سهولة ... ولا قاومت وطالبت فيه... رغم انها تطلع بشخصية قوية وثابتة .... بس بعدين قلت خلني اتابع بقية الاحداث ...يمكن القى لها عذر... تقبلي تحياتي.... |
آسفة على التأخير
تابع الفصل الثاني (الجزء 3 ) أقنعة http://www.q6r.com/up/uploads/1085b97aae.gif تابع الفصل الثاني (أقنعـة (الجزء 3) "الريم ..تعالي " عصبت الريم ..حطت الفيديو وحطته على وضع تسجيل ونزلت تحت لجدتها العيوز اللي ماتقدر تشيل عمرها .. "لبيه جده شبغيتي ؟" الريم كانت محترمة مع جدتها وايد . "وينج كل ما اناديج تتأخرين ؟؟" "موجوده في شي ؟" " أبوج بيجي اليوم توه دق وقال انه بيمرنا الساعه عشر فالليل ..خلي الخدامه تجهز له الاكل وتنظف غرفته وتشوف ملابسه .." " ان شاء الله .." لكن الريم ماكانت تشوف له داعي كل هذا لانه كعادته بيجي يسلم على جدتها ويروح شقته ولايشوفونه لين يبي يسافر يجي يسلم ويروح ..هذا بإختصار ملخص زياراته ..ولا كأن عنده مسؤوليات ..من سافر عايض وابوها ماله وجود في حياتها ,,حذفها في بيت جدتها وسكر بيتهم ولاسأل فيها . دخلت المطبخ ..وقالت للخدامة تجهز الأكل ..وخذت أدوات التنظيف وراحت ترتب غرفة أبوها .. اللي كانت مقفلة .. دخلت وخنقتها العبرة ..الغرفة مليانة غبار من زمان مقفلة ..وفي ملابس عالسرير من المصبغة ..خلال ساعة ونص رتبت الغرفة وبخرتها وعطرتها ..كانت مليانة غبار ورتبت الكبت والمسحت المكان ..في الأخير انتبهت لشنطة صغيرة في الكبت ..قالت لعمرها لا .لاتتدخلين ..لكنها ما اقدرت ماتفتحها ..ولحظتها بغى قلبها يوقف ..كلها صور ..صور لأمها ولهم وله ..صور قديمة وايد لما كان عمرها ثلاث سنوات ! الصور كثيرة ..فخذت صورة خبتها في ملابسها ..ماكانت تعرف أن أمها بهالجمال ..تشبهها وايد .. رجعت الشنطة بمكانها وهي تفكر ليش القلوب قاسية ؟؟ هالصورة اللي فيها امها وعايض وهي وابوها .. عايلة سعيده ..وأبوها الكل يشيد بأخلاقه وتسامحه .. ليش قسى قلب أمها وخلاها تتركهم بهالدوامة ؟ ..تذكرت عايض لما قال لها أول مرة مشاعره .. كان جا توه من الجامعه ..راح يسجل لكنه ماسجل .. "شفيك يا خوي ؟؟ سجلت ؟" هز رأسه بلا .. "عايض ..انت شديت حيلك بالمنازل وجبت هالنسبة عشان ماتسجل ؟ .." المعت عيونه وهو يقول " من دخلت الجامعه حسيت ان الكل يعرفني ..كأنه مكتوب على جبهتي هذا عايض ولد ..... قبل لا أدخل قسم التسجيل طلعت ..طلعت وأحس الدنيا اسودت في عيوني .. تخيلت الهمسات والكلام ..تخيلت النظرات والنغزات , اللي صار لي في الابتدائية وفي الاعدادية رجع كله لذاكرتي ..المصيبة على قد ماكنت زعلان على قد ما أنا مندهش وما أقدر أصدق ..أنا أكبر منج بسنتين .. أذكر عيونها وأذكر ريحتها وحضنها وحبها لي ..أذكرها هي وابوي دايم لامين بعض ويضحكون والكلام الحلو مابينهم ..تناديه يا حبيبي ويا قلبي وبعد عمري ,, معقول في شخص يحب بهالطريقه يخون بكل قسوة ؟؟ ..ما أقدر .." كانت في هذيك اللحظة تبجي بحرقة ..لمها عايض في حضنه وقال " اللي يعذبني أني مشتت .. ما أقدر أكرها وما أقدر أنسى حبها لي .. ما أقدر أعيش في هالبيت ولا في هالديرة ولا في هالدنيا .." "شتقصد يا عايض ؟؟ شتقصد ..؟؟ " "بهاجر " " لاء .. خل نغير البيت بس لاتطلع وتتركني .. لاياعايض مافي غيرك في دنياي أطالع الله وانت ..أبوي حتى مايطل في ويههي ..لاياعمري لاتتركني " مسح على شعرها وقال لها " ما أقدر يالريم ..ما أقدر .. أنا حياتي في هالديره انتهت قبل لاتبدأ .. انتهت من اثنعش سنة .. بهاجر وأترك هالعالم ..بروح بعيد ..وبكره ببدأ بإجراءات السفر وأطلب فيزا " "وأنا ؟؟ وشمس ؟؟ وأبوي ؟؟ " هز راسه وهو يقول " طلبت شمس من عمي ثامر .. طردني من البيت ..وشمس نفسها ماكانت معطتني أمل ..كانت تقول لي دربنا مب درب واحد ..وانت ..بخليج في حفظ الله ,.والله يعلم أني ما أحاتي في هالديرة غيرج ..أعرف الناس مابترحمج ولاهلج بيرحمونج .. وانت نفسج مابترحمين عمرج .. " "شنو هذي .." انتبهت الريم أن أبوها جدامها وهي سرحانه وأغراض التنظيف على الأرض ماشالتهم ..ابتلشت وبدت تشيل الأغراض فإنزلقت الصورة من ثيابها وطاحت على الأرض ..طاح معاها قلب الريم واغراض التنظيف وبدت يدينها ترتجف .. راقبت ابوها برعب ..شافته وهو ينحني ويمسك الصورة ..وبدون وعي يقطع صورة أمها ويعطيها باقي الصورة ...انصدمت .. شافت يده الممدوده بصورتها هي وهو وعايض . "روحي .." ركضت برا بعد ما خذت الصورة وراحت للخدامة وقالت لها تروح تشيل الاغراض .. بعدين دخلت غرفتها ودخلت الحمام وتمت تبجي بدون وعي ...ليش ؟؟ ما تدري .. بس تبجي عمرها وحظها وابوها واخوها والدنيا اللي ظلمتها من اربع وعشرين سنه ! ********** دخلت للمحاضرة وصورة شمس في عيونها .. اقنعه ..هي الكلمة اللي تدور في راسها .. انصدم وهو يطالع لها متفاجيء من ظهورها بعد غياب طويل .. البنات مالاحظوا شي ..بس فجر افتحت عيونها عالواسع .. دخلت شيخة وحاولت تجمد أحاسيسها عن لاتنطق عيونها بكل اللي في قلبها .. طول المحاضرة وهو يشرح وهي تطالع الباب ... تبي تشرد ..تبي تطلع برا .. تبي تشم هوا لانها تحس أنه مافي هوا في هالقاعة ..جروحها تنزف وغرقتها بالرجفة .. " من يجيب عن هالسؤال ؟ .. طالع ورقة اسماء الطالبات وسوى عمره يقرأ منها ..لكن شيخة تعرف أنه مايطالع الورقة ..وأن عيونه مركزة على اسم واحد ..قال " شيخة ثامر ؟" في اول ثواني حاولت تنطق حست الرجفة في صوتها .. لكنها تماسكت واخذت نفس وقالت " نعم .." كان صوتها واثق ..وعادي .. حاولت تطرد كل مشاعرها وتخلي الامر رسمي .. وشوي كبرياء ما يضر .. " أعتقد سمعت السؤال " " ماعندي فكرة عن الإجابة " كانت نظرته غريبة .. بس تابع الأسماء من جديد وكتب شي بعدين اختار اسم ثاني .. سرحت شيخة وطالعت الباب من جديد .. متى بتخلص هالمحاضرة ؟؟ وكانت رجلها بدون وعي تهتز تبي تطرد كل هالافكار من راسها ..بس للأسف ..مايساعدها ان قلبها واقف على بعد خمس أمتار .. والخاينة اللي سلمتها اسرارها على بعد متر ! ... تحس أنها تبي تنفجر .. كانت البنات يكتبون الاشياء اللي قال لهم جاسم عنها لكنها كانت تطالع الباب لين حست انه يطالع لها ..وماكذب احساسها ...التقت عيونهم في ثانية طالعت له من خلالها بمشاعر وايد بكبرياء بكره بكرامة .. بعتاب .. بعدين نزلت عيونها .. ورجعت تطالع الباب هي ما سوت شي يخليها تنزل عيونها .. وهو مايمسك عليها شيء غلط .. طول عمرها تمشي صح .. هي صح وهو أشكاله وهذي فجر هم الغلط .. استمدت قوة غريبة لما فكرت بهالطريقة .. "شيخة اكتبي الملاحظات " "معليش عالية .. بآخذها منج بعدين ..أنا تعبانة ..دكتور عن اذنك ..ممكن أستأذن ؟" حسته يبي يناقشها يبي يكلمها .. يبي يقول لها ليش ... بس فجأة قال " تفضلي " شالت أغراضها بهدوء وانسحبت من المحاضرة ...بدون ضجة بكل ثقة ماتملكها وكل قوة مزيفه .. بدت تمشي في الممرات وهي تحس أنه بأي لحظة ممكن تخونها رجولها وتطيح .. "شيخه ..شيخه " كان صوت فجر .. لكنها كملت طريقها ولا كأنها اسمعت اسمها .. فجـر ماضي وانتهى ... لين حست أن حد يمسك يدها اسحبت يدها بقوة " شيخه والله أنا آسفة ..شيخه لا ..لاتحقريني ..أنا غلطت سامحيني .."" كانت فجـر تبجي والندم في عيونها .لكن شيخة طالعت لها بإحتقار وحست أنها ماتستحق منها لحظة انتباه ..تجاهلتها وكملت طريقها وهي تفكر " ...للأسف يا فجـر أمثالج يقتلون كل معنى سامي للصداقة ..يخلون الناس تفقد الثقة في الناس .." ارفعت راسها بشموخ وجلست في الكافتيريا وهي تفكـر ..لي متى بتتغلف مشاعرها بصقيع ؟؟ جدامها سنتين او ثلاث يلا تتخرج ..هل الجرح بيكون شفى ولا بتتألم كل ما تلمح طيف ؟؟ ... |
الفصل الثالث (انتظـار )
http://halataha.jeeran.com/wait00.JPG الفصل الثالث (انتظـار )) ____________ كانت صافية تدور بين طالباتها وهي تملي عليهم الأملاء .. "أعيد ؟؟" "أي يا أبله .. مالحقنا أنتي تقرايين بسرعه " طالعت للبنت وهي تبتسم .. "انزين بس حاولوا تركزون وأبي الهمزات في مكانها .. يلا بعيد .. " وبدون ماتطق الباب فتحت الباب وطلت براسها " صافية المديرة بدا اياكي " قالت صافية ببرود لهالانسانة اللي ماعندها اتكيت " بس اخلص املاء البنات بجي .." " لاتنسي " صكت الباب وطلعت وكملت صافية الإملاء .. وأول ماخلصت قالت للبنات " بقا ربع ساعه عالحصة .. يمكن أطول عند المديرة .. طلعوا الكتب واحفظوا قصيدة أمس .. ماأبي أزعاج .. هند انت العريفة .. " " زين يا أبله .." طلعت صافية من الحصة بهدوء واتجهت لمكتب المديرة " السلام عليكم " " وعليكم السلام .. هلا صافية فوتي ، بدي اياك لدقيقتين مش أكثر " " نعم أستاذه فاطمة .. " جلست المديرة وقالت وهي تطالع فاطمة بجدية " بنستغني عن خدماتك للأسف .. بما أن المدرسة جديدة ومستوى طالباتج مش عالي فهذا شي يضر سمعة المدرسة " طالعت لها صافية متفاجاة " بس أنا مامداني أدرسهم ..استلمتهم من ست أشهر بس .. هذا مب مقياس " قالت المديرة بإستفزاز " خلاص مابقا شي على الأجازة الصيفية ..ومعدلاتهم عادية وأقل من عادية ..حبيت أخبرك عن قراري وقرار صاحب المدرسة .. " اسكت صافية شوي بعدين قالت بجرأة " قولي مافيج تدفعين راتبي وراتب مثيلاتي المواطنات وبتجيبين هلج وقرايبج من ديرتج عشان تشغلينهم بربع التكلفة " عصبت المديرة الشامية وقالت تدافع " ما أسمح لك ..بالعكس المجلس الأعلى يجبرنا أنا نحط الأوليه للقطريات .. " وقفت صافية وقالت " عيل أنا بستقيل .. من هاللحظة .. ودبري راسج بالطالبات .. مثل ماحطيتيني بهالموقف على آخر السنة الدراسية .. أنا بعد بحطج في الموقف نفسه .. بطرش لج استقالتي .." طلعت صافية من المكتب وتجاهلت كلام المديرة وراحت غرفتها كانت زميلتها عائشة لابسه عباتها ونقابها وتجهز في أغراضها ولما شافت صافية تدخل بعصبية قالت لها " ياج أمر الاستغناء ؟؟" " استقلت قبل لايستغنون عني وخليتهم يدبرون راسهم مع هالطلاب في آخر العام .. " ضحكت عائشة وقالت " سويت نفسج ... على بالهم أني بداوم يوم بعد ما قرروا يطردوني .. بس ماعليج .. أنا المدرسة ماكانت عاجبتني من الأساس .. شفت ادارتها .. كلهم أهل وقرايب وحاقدين علينا .. بنت عم امي بتفتح مدرسة يديده وطلبتني في طاقمها .. ها .. تجيين معاي ؟" كانت صافية تطلع أغراضها وتتعوذ من الشيطان وقالت لها " ما أدري .. برتاح في شهور الصيف ... بس بقدم في كم مدرسة .. منهم مدرسة بنت عم امج . .. عندج رقم تلفوني كلميني " خذت صافية أغراضها وطلعت مع عائشة اللي عرضت توصلها .. دخلت البيت وشافتها جوزة منصدمة " شفي ؟ شرجعج هالحزة ؟" " تهاوشت مع المديرة .. واستقلت ووصلتني عاشة مع دريولها ." " خير ان شاء الله يا يمه .. روحي ارتاحي في غرفتج .. " هزت راسها بعدين طالعت للباب اللي يودي لملحق خالتها معجبة " عجووب هنا ؟؟" هزت جوزة راسها وقالت " لاء .. من ارجعت من السفر مامرت الصالون .فطلعت من الصبح تشوف الشغل " طلعت صافية لغرفتها وحذفت الأغراض على سريرها وفتحت الكمبيوتر وشبكت عالنت .. طبعت بسرعه ايميل سريع لصديقتها وضحى اللي في دوامها الحين أكيد " سلام وضحى .. أنت قلت لي أنه يبون موظفين عندج في الوزارة ؟؟ بقدم أوراقي وشوفي إذا في لي مكان .. اليوم استقلت من المدرسة .ليتني سمعت شورج واشتغلت معاج في وظيفه حكومية بدل التدريس ووجع الراس سلام send شيكت على ايميلاتها .. مافي جديد .. صكت النت والكمبيوتر وقامت تتسبح وتبدل ملابسها .. تعرفت على وضحى من خلال المنتدى القطري اللي شاركت فيه ..وكانت انسانه رائعه بشكل ماينوصف .. بعد ما وثقوا ببعض وكانت سوالفهم كلها عن الموضة والمشاكل ااجتماعية ...رغم أن وضحى كانت مصابة بشلل أطفال . ..وهالأمر أثر على طريقة مشيها ووقوفها ..لكنها خلصت الجامعة قبلها بكورس وبتفوق والتقوا في حفل التخرج .. كانت بنت عادية لين آخر لحظة لما وقفت وقالوا اسمها في الحفل ..انتبهت صافية على حركة ريولها وومشيها .. فحبتها أكثر وتعلقت فيها كصديقة .. وكانوا يتبادلون الايميلات ويتكلمون عالمسنجر وايد .. بس ولا مرة تكلمت صافية عن مشاكلها وأسرار بيتهم .. ووضحى نفس الشي ..ولامرة كلمتها عن أهلها أو أخوانها .. :::::::: كانت معجبة تطالع الدفاتر معصبة " أغيب اسبوع تصير كل هالمشاكل ؟؟ وين فدوى ؟ " قالت مشاعل الحناية " جانيت تقول انها فالمستشفى سوت الزايده " طالعت معجبة لجانيت وقالت لها معصبة " ليش ما اتصلت فيني ؟" " مدام أنا يفكـر أنا يقدر يسوي كل شي .." " من حطج مديرة ؟؟ أنا حطيت فدوى المديرة مب أنتي .. أنتي شغلج بس المنكير والبديكير .." " مدام أم سوري " " ذلفي لشغلج .." طالعت لمشاعل اللي كانت تيلس ترتب الحنا اللي بانت ريحته جنان " أنت تحطين بترول ؟" هزت راسها بلا وقالت " لا ..في حريم عندهم حساسية . بس هالحنا يبته من حواج يمني .. وايد ريحته جنان .. " طالعت معجبة يدها وقالت " تعالي حط لي " ضحكت مشاعل أخيرا معزبتها اقتنعت ..من زمان تحن عليها بس معجبة كانت رافضة .. " دام مافيه بترول تعالي حطي لي .. بس أبي شي بسيط وعالأصابع بس لاتزيدينه .. ما ابي على يدي كلها .. " في عشر دقايق ارسمت مشاعل رسمات روعه على يد معزبتها .. قالت معجبة وهي تطالع الزباين اللي دخلوا وتوجهوا لقسم النادي الرياضي " عندنا قسم الرياضه يبي له مدربة يديده .. من اسبوع والبنات منزعجات منها .. " قالت مشاعل وكانت رجعت تخلط الحنا " ايه .. سمعت الحريم ينتقدونها انها تسب بالانجليزي وقاسية عالبنات ماتحترمهم " دخلت متخصصة الصبغات والميش جمانه . " يا صباح الخير .حمدالله عالسلامة مدموزيل معجبة " " الله يسلمج .. تعالي وين متأخرة للحين ؟؟ الساعه 11 ومخلين هالخسفه جانيت المديرة خربت كل شي " قالت جمانه تتأسف " والله كنت مع هالمسكينه فدوى في المستشفى ..مسكينه بيرخصونها المسا.. بس كانت هتروح فيها .. وبعدين بنتي جوي عندها امتحانات آخرالعام .. وصلتها ونطرتها تمتحن وبعدين وصلتها البيت وهيدي أنا .. " قالت معجبة" شو عملت بإمتحانها ؟" " منيح .عم بتقول منيح ..قلت لها هيدي توجيهي شو منيح بس شكلها بتجي تشتغل معي .. هي بتقص شعرها كتير حلو " ضحكت معجبة وقالت " هذا الشبل من هذا الأسد .. أو مثل ماتقولين كب الجرة عاتمها تطلع البنت لإما " ضحكت جومانه قال مشاعل " أبشرج .. أخيرا وبعد سنوات من الاقناع رضت معجبة أحط لها حنا " " صحيح ؟؟ خلاص .. لازم أصبغ لك شعرك . من زمان وأنا نفسي أصبغه وأنت مش راضية " ضحكت معجبة وهي تسحب خصلة من شعرها الأسود الفاحم " لا ..ما أصبغه أحب لونه .. " ابتسمت وهي تتذكـر ناصر لما يمدح سواد شعرها .. " طيب أقصه ليك .." ارتعبت معجبة من الفكرة وقالت " توج قصيت لي الاطراف من اسبوع .. انا أحب طوله .." قالت جومانه وهي تفتح شيلة معجبة وتفتح شعرها " خل أرجع له الشباب بقصه متوسطه الطول .. وتدريج الشلال .. الحين الموضة الكاريه اللي عالجوانب .. بس مستحيل بتقصيه كاريه مع تقصير من الخلف ..بعرفك .." قالت معجبه وهي مبتسمه " أحس أني بصير عريانه اذا قصيت كاريه .. بس شوفي قصي متوسط ... " استانست جومانه وجابت عدتها وبدت قص في شعر معجبة .. وكل مرة تصرخ معجبة تخاف تقص منه وايد .. **** طالعت الساعه كانت 2 وشي .. " تأخرت ." كانت توها خلصت ترتيب أمورها وقالت لجومانه " تشرفين عالصالون ؟" قالت جومانه وهي تطالع ساعتها " مافي مشكله بس بكير .." قالت معجبة " عندي وايد امور لازم ارتبها مامريت المكتب .. وبعدين بمر الشركة اللي تزودنا بالأدوات ...تأخروا .. صار له اسبوعين يأجلون .وأنا أشوف أن في أشياء نحتاجها مرسي عالقصة وايد حلوة .ومشاعل مشكورة عالحنا .. يجنن .." " العفو حبيبتي " تذكرت جومانه وقالت لها " شوفي بالمرة طلبية الألوان اللي طلبتها من لبنان شوفي وصلت " اسألت " انت طلبتيها عبر فدكس ؟" هزت راسها وقالت " أي .. لأنه ما بدي يطولو في توصيلها وتتبهدل الطلبية ..ماتنسي أن زباينا المعتادين فرست كلاس ما يقبلوا بأي شي " ابتسم معجبة ماكان له داعي تذكرها مرت الشركة واستفسرت عن طلبياتها ..وخبروها أنهم بيجيبون طلبياتها خلال ثلاثة أيام ..بعدين مرت فيدكس ولقت الطرد وصل .. كان كبير جومانه عملت حسابها لست أشهر بس ! .. عطتهم عنوان الصالون ودفعت لهم أتعابهم ..وبعدين طلعت ورجعت البيت ترتاح شوي وفاليل ترجع للصالون دام فدوى ماداومت جومانه تحتاج مساعده .. " السلام عليكم " كانت الساعه ثلاث ونص .. وجوزة اجتمعت ببناتها وولدها عالطاولة بيتغدون " طولت يا معجبة .. شصار " سلمت على اختها وقالت معصبة " فدوى طاحت فالمستشفى فيها الزايده والكل انشغل فصارت الامور هالاسبوع بيد جانيت .. وجانيت العله مصدقه عمرها خبيرة خربطت لي كل شغلي .. يدوب رتبت الاوراق و حطت لي مشاعل حنا يجنن وجومانه أصرت تقص شعري .. ومريت البريد السريع أشوف طرد الصبغات وبعدين مريت الشركة الي تمول الصالون بالادوات وهاذا أنا " " يجنن الحنا يا خالتي ..والقصة جنان عليج " " عيونج الحلوة يا عمري .. مشكورة شيوخ ..أذا في نفسج أي لحظة تغيرين لوك تدلين مكان الصالون فهو أولا وأخيرا صالون امج بعد " قالت جوزة " انت اللي قمت فيه .. ولا أنا ماعندي فكره عن هالسوالف " قالت نوير بهدوء " حلو الحنا .. وحلو القصة .." " حلت دنياج .. وين صفصف ؟" قالت جوزة " اليوم ارجعت مبجر وتغدت مبجر والحين تريح في غرفتها " " في شي ؟" " بس استقالت من شغلها .. ما قالت السبب .. " تكدرت معجبة ونوير وشيخه لهالمعلومة ..لكن ماجد قال في لامبالاة " قلت لها من الأول تبعد عن التدريس ووجع الراس " قالت معجبة في هدوء " لاتضايقونها وتسألونها خلوها على راحتها ..أرجوكم .." بعدين طالعت وقالت "وين شمسه ؟" قالت نوير " شمس وصلتني وراحت معهد سجلت في دورة هناك .. تقول انها تحتاجها " الكل طالع نوير مستغرب من هالمعلومة الجديدة .. قالت جوزة مستغربة " ما أدري شفيها هالبنت ما قالت لج متى بتخلص ؟" " بتخلص الساعة ثمان .. لأن الدورة مآخذتها مكثفة " قال ماجد " ماشية على كيفها ولا همها حد .. " معجبة "ماجد ..عيب .. شالكلام ؟؟" قام ماجد وراح غرفته من دون مايتغدى ... تنهدت جوزة .. تمنت لو يجتمعون مرة بدون ما يتكدرون .. قامت شيخة وباست أمها وشكـرتها عالغدا طالعت نوير صحنها وقالت "ماتغديت يا شيخة .." قالت شيخة مبتسمة "الحمدالله شبعت ..بعدين أنا مسوية دايت " طالعتها معجبة مستغربة " شفيج عشان تسوين دايت ؟ جلد لى عظم " " كل هالمتن وجلد على عظم حرام عليج . . زدت ثلاث كيلو من آخر مرة قست وزني " طلعت شيخة فوق عن لا يكشفون كذبها .. شيخه أصلا وزنها في الاربعين .. وفيها فقر دم حاد .. بس عالفترة نفسيتها تعبانة فماتذوق شي غير النسكافيه والكابتشينو في الجامعه .. كملت معجبة أكلها وهي تطالع نوير ومستغربة من نظرة نوير لها " في شي ؟؟ ليش تطالعيني جي ؟" " أحسج متغيرة ." ابتسمت معجبة وقالت " طبعا ..قصة شعري وايد حلوة ومغيرة في شكلي ..أعتقد انج تعودتي على اللوك الممل لي الشعر الاسود الطويل ..صار لي سنين على نفس اللوك ماغيرته .." هزت نوير راسها وقالت ببساطه " لاء ..ماله علاقه القصة ..شي في عيونج .. " قالت جوزة "حلي عن خالتج .. مب ناقصتج مع فلسفتج .." ضحكت معجبة لكن فجأة جمدت ملامح ويهها وهي تشوف رقم خاص على شاشه الجوال .. "عن اذنكم .." شالت تلفونها ودخلت قسمها ونطرت لين وصلت غرفتها يلا ردت على التلفون " ألو " " اشتقت لج .." ما صدقت اذونها ناصر متصل فيها ؟ " ما مداك .." جلست عالسرير وغمضت عيونها ندم على الرد البارد اللي نطقته شفايفها .. " معجبة أنت زعلانه ..؟" " لا .. مب عادتك تتصل فيني بعد اللقا كنت تنتظر شهور " سكت شوي لكنه قال بهدوء " عندي موضوع .." تكسرت كل آمالها في نفس اللحظة ..توقعت أنه متصل عشانها ..وأن حياتهم بتتغير..بس كانت أحلام لاغير .. "انزين شنو في ؟" تنهد وقال " تعرفين فايز صديقي ؟؟كلمتج مرة عنه ؟؟" ************** كانت جوزة تطالع قسم معجبة وهي تحاتي من دق عليها وليش اختفت الالوان من ويهها ؟؟ .. شالت الصحون من عالطاولة وساعدتها نوير ... "يمه شفيج ؟" " مافيني الا العافية .. شكلي برجع ادير الصالون مع معجبة " "أحسن لج والله . .. بدل قعده البيت " "لو أخوج ماجد يرضى يتزوج .. ويترس لي هالبيت عيال والله ما طلعت من هالبيت .. بس أخوج معيي .. مايبي يسمع الطاري " قالت نوير وهي تهون على أمها " انزين يمه .. خل شمس تيب ولدها " انصدمت جوزة وهي تطالع نوير " أنت شدراج ؟" "ماجد قال لي "" " وماجد شدراه ؟؟" اسكتت نوير شوي بعدين قالت " شاف أهل طلال واسألوه متى شمس بتآخذ ولدها من خلود " " احلفي .." " والله يمه أمس قال لي .." كانت نظرات جوزة ككلها سعاده وفرح وقالت " يعني يرضون تآخذه ؟ وين شمس ؟؟ شمس تدري ؟؟" قالت نوير باستغراب " ما ادري بس شتقصدين يرضون يآخذه ؟؟ هم كانوا مانعينها عنه ؟" هزت جوزة راسها وهي في قمة فرحها " أي ... طلال ابوه كان مايرضى ..وشمس افقدت الامل في أنها تشوفه ..وين التلفون .." اركضت امها للتلفون واتصلت في شمس وهي تصيح وقالت لها اللي قالته نوير اللي كانت منصدمة من اللي صار الحين ..شلون طلال كان من القسوة أنه يمنع شمس عن ولدها ! صكرت جوزة وهي تبجي .. " يا قو قلبج يا بنتي ..يا قو قلبج " "يمه شصار ؟" قالت جوزة بعبرة " تدري بالسالفه ولا علمتني .. وكلمت خلود و اتفقت ان مجرد ماتخلص خلود عدتها تآخذ الولد منها تقول حرام يفقد ابوه وامه اللي ربته في وقت واحد وخلود تحتاجه في عدتها " سكتت نوير وهي تشوف أمها مذهولة .. بعدين طلعت لغرفتها فوق ماعندها شي تقوله لأمها .. طلعت معجبة من قسمها وعلى ويهها نظرة غريبة " تعالي جوزة .." بعد ما ادخلت جوزة قسمها " من اتصل فيج ؟" " ناصر .." قالت جوزة وهي عاقده حواجبها " غريبه " قالت معجبة بإيجاز " اتصل عشان عنده صديق يبي يتقدم للريم ! " "الريم بنت مها ؟" " أي ..في غيرها ريم ؟؟ " "من صديقه هذا ؟" " واحد مقطوع من شجرة ..رجل أعمال وعايش بمصر " " مصري ؟" " لا .. قطري بس أمه هندية ... بس من عايله معروفه .." " وش دراه بالريم ؟" قالت معجبة ببساطة "أكيد تكلم ناصر عني وبدوره تكلم عن الريم لاتنسين أن ناصر يعرف كل شي ويعرف بناتج وبنت مها بالاسماء ..كنت كله اتكلم عنكم ..لأن أنتم هلي .. " ترددت جوزة وقالت " الريم حرام ..تعذبت كفاية مافيها عالغربة والمعاير بعدين أبي الريم لماجد . " " بس الريم كبيرة على ماجد .. بينهم اربع سنوات " قالت جوزة مترددة "بس ما أبيها تتشحطط وتنذل بين الناس ..اذا تزوجها غريب بيذلها ..ولايعرف قدرها " "بالعكس يا جوزة .. الغريب يمكن يكرمها أكثر من القريب ..اسإلي ماجد وتكلمي معاه .. وشوفي رايه ..وبعدين تعالي خبريني وأنا بدوري بكلم الريم وأشوف رايها..بس خوفج من أبوها بو عايض .. خوفج مايوافق لا على ماجد ولا على فايز " "هو اسمه فايز " " ايه " " بكلم ماجد ويارب يقتنع ..الريم شخصيتها وايد هشه ..بتنكسر من اول كلمة .. خليها بيننا عايشه بينا حنا خالاتها ارحم فيها.." اقتنعت معجبة بكلام جوزة .صحيح الريم ماتتحمل يكفيها عذاب سنين ..لو يت تعيش بهالبيت أحسن لها .. " كلمي ماجد ..لأن ناصر يبيني أرد عليه بعد اسبوع .. لأن الريال يبي يي قطر ويرتب شغله وصفقاته إذا في أمل توافق الريم " ************* |
تابع الفصل الثالث (انتظـار ) الجزء 2
http://katkot1.jeeran.com/hala.jpg كانت أفكـار ناصر عند معجبه ..حسها متغيرة قبل ترد عليه بلهفة بس اليوم حس بكبرياء غريب في نبرة صوتها ,, " ها بشر " طالع لفايز الواقف عند السيارة ينتظر بلهفة غريبة " بتسأل البنت واختها بعدين بترد خبر " " هي البنت عندها أخت ؟؟" هز ناصر راسه "الحمدالله والشكر انت شلون صرت مدير أعمال !! بتسأل خالة البنت .." ضحك فايز وقال بنبرة غريبة " انا حاس أنهم بيوافقون .." توجهوا للكافيه اللي كانوا واقفين حده ..وطلب ناصر كابتشينو وفايز اكتفى بلاتيه .. "أبي أعرف يا فايز ليش واثق انهم بيوافقون ؟" نزع فايز نظارته الشمسية وبانت عيونه العسليه في الشمس وفيهم نظرة رضى " استخرت ربي .. وطول الوقت أنا مرتاح ..يمكن مع الريم بتغير حياتي ..يمكن تعطيني معنى لروتين حياتي الممل " "بس انت حياتك كلها اثارة حفلات صفقات وحر مب مثلي مبتلش بمرة وعيال ماهمهم غير السفر والوناسه .." هز فايز راسه وقال بحسرة " لما تحس أن البيت فاضي عليك .. وأن مافي حد بهالعالم يشاركك أحاسيسك وهمومك هالصفقات والحفلات والحرية مابيكون لها طعم ..تكون رمادية لا لون لها ولا معنى .." حس ناصر انه ذكر فايز بجروحه فقال "يعني نويت نصير عدايل ؟انت البنت وانا خالتها " "بإذن الله " "وبتسكن هنا ؟" " بإذن الله " "مابتشتاق للدوحه ؟" سكت فايز شوي بعدين قال "أموت في الدوحه وترابها ... بس المجتمع مابيرحمني ولابيرحم زوجتي ولا بيرحم عيالنا فنعيش غريبين مكرمين في هالديرة اخير من أن نعيش بذل بين أهلنا في ديرتنا " قال ناصر "ماعاش من يذلكم يا خوي " لكن فايز لبس نظارته الشمسية وتم يشرب اللاتيه وتم يتأمل الناس اللي رايحه واللي جايه .. لكن ناصر فتح الجريدة وبدأ يقرأ الأخبار واحترم رغبة فايز في الصمت .. **************** اجلست الريم جنب جدتها وهي تتحاشى نظرات أبوها .. "يمه زوجتي البندري تبي تي تسلم عليج " حست الريم بغصة وقامت فقال لها ابوها بهدوء "اجلسي في شي بقوله " جلست الريم امسكت بيد جدتها .. اللي قالت " شفي ؟؟ شتبي هالبندري ؟" قال عبدالهادي "تبي تجي تسكن هنا " قالت جدة الريم معصبة "شتقصد بتجي تسكن هنا ؟ من هذي ومن أهلها ؟؟ " قال عبدالهادي " بنت صديقي تزوجتها من شهر .. وكنت حاطها في بيت بروحها بس أناأسافر وايد فقلت لها تيي تسكن هنا فوافقت " تنهدت الجدة وطالعت الريم وقالت معصبة " على آخر عمرنا بتزرع غريبة بينا تحكم وتآمر على كيفها ؟" "خلاص يمه صارت زوجتي مب غريبه " طالعت الريم مرة ثانية وقالت " وتهون عليك بنت تذلها مرت أبو ؟" طالع عبدالهادي بنته بعدين قال " أنا بطلب من البندري ماتقرب للريم بتجي بكرة ..أتمنى تعاملونها مثل بنتكم " عصبت امه وقالت له بعبرة " دام نفسك بالعرس ليش ماخذت معجبة من متى وأنا أحن عليكـ؟" قال بنفاذ صبر " بس ما أبي من هذيك الريحه شي ..خلاص يمه .. أنا تزوجت وزوجتي سنعه وعاجبتني ..عن اذنكم" طلع ابو الريم برا وتمت الريم تطالع الباب ...تزوج ؟ ليش ماقال ؟ ومن هذي البندري ؟؟ هل بتطين عيشتها ؟ هل بيصير فيها مثل مايصير في الافلام والمسلسلات ؟؟ راحت غرفتها وشغلت القناة " سوري مقيم في دبي .. العمر 43 سنة عازب .. أن تكون ذات أخلاق وبيضاء وموظفة ..يشترط خليجية " بندت التلفزيون وقامت لي سريرها .. حست أن سريرها مل منها ..من كثر ماهي مقابلته طالعت الكتب والقصص اللي يابتهم لها خالتها معجبة ومالقت نفسها فيهم .. مسكت الكونت دومنت كريستو وبدأت تقرأه مرة ثانية ! حاولت تتبع الكلمات بعيونها لكن ..فشلت ! فنار نوتردام ؟؟ فرعون ؟ قصر ايف ؟ سان جرمان ! سيفيتا فيشيا ؟ أماكن موجوده في هالعالم بس ماعندها فكـرة وين ؟؟ وشلون منظرها ؟ وشسالفتهم وشمعنى أساميهم ؟؟ هذي أول صفحة مليانه ألغاز واماكن مجهولة .. ((كان شابا وسيما طويل القامة نحيفها تتراوح سنه بين الثامنة عشر و ذا عينين سوداوين وشعر فاحم في لون جناحي الغراب ..وفي هيئته العامة مايدل على بوضوح على الهدوء والعزم المألوفين في الرجال الذين تمرسوا الأخطار منذ نعومة أظافرهم )) ابتسمت الريم بعدين تمت تضحك هالوصف كأنه واحد من طلبات الزواج هذي اللي عالتلفزيون .. رمت الرواية على جنب .. أصلا الروايات مب من اهتماماتها .. لسبب واحد ..أنها تكـره شيء اسمه حب !! ان كانت تبحث عن زوج فهو للخروج من مستنقع الذل اللي عايشه فيه .. بس حب ؟؟ أبدا .. بعد هالحياة اللي عاشتها .. وبعد هالآلام .. كـرهت الحب ومسمى الحب .. يمكن أول وآخر انسان حبته هو طلال ..وحتى ماكانت متأكده من مشاعرها .. لكن الحين ؟؟ تكره تضيع وقتها في قراءة قصة رومانسية أو في مشاهدة فيلم رومانسي .. لو صح لها تتزوج ريال شايب ؟؟ ماتمانع .. لو خذت معوق ومايتحركـ بس يطلعها من هالبيت واحتكار ابوها بتكون أسعد انسانه ..بتكمل دراسته وبتتنفس بحرية ..هالأمـر يسوى الحياة في نظرها .. لكن انتظارها هذا وحياتها الخالية من أي صورة للسعادةأو الإبتسامة .. يخليها عايشه في بحر من اليأس البارد ..اللي مايدفي ولا يرضي طموحها ورغبتها في الحياة .. حب ؟؟ .. لا . .. عاهدت قلبها من زمان أنها بتمنع هالمرض من الاقتراب منه .. قالت بسخرية "قال حب قال .. " فجأة حست أن الدموع في عيونها تبي تنفجر ..وأن الدنيا ظالمتها .. تبي تتكلم مع احد . ضمت رجولها لصدرها وبدت تصيح وهي تكتم صوتها عن لايسمعها أحد .. الألم صعب .. ألم الروح المظلومة صعب الحسرة اللي في قلبها تكوي أنفاسها .. تبي تكسر شيء تنتف شعرها تبي تقطع أوردتها تبي هاللحظة تنتهي بس ماتقدر .. *** يشرح المدرس وهي بالها ولا معاهم .. ماسكة القلم وتشخبط في الدفتر بدون تركيز .. طلب منها أستاذ طارق أنهاتآخذ هالدورة من كم شهر لكنها أجلت الموضوع ,, وحاليا أخذتها عشان تضيع وقت فيها ولا ترجع البيت إلا عشان تنام .. كانت تشوف أن الكلام اللي يقوله هالاستاذ اهانه لها .. أصلا استاذ طارق قصد أنه يهينها لما طلب منها انها تآخذ هالدورة .. كيف تتعامل مع الموظفين والرؤساء وكيفية تطوير أداءك في العمل . طالعت الساعة سبع ونص .. نص ساعه وتطلع من هالمكان ,, رغم أنه معهد كبير بس نفسيتها ماتساعد . رن تلفونها ((غرفة الريم )) طالعت تلفونها منحرجه من نظرة الاستاذ حولته صامت وسوت عمرها متابعه معاه .. بعدين استإذنت وطلعت مبجر واتصلت على الريم "السلام .." "ابوي تزوج بسخيفة اسمها البندري وبيجيبها بكره البيت وهي بنت صديقه يعني أصغر مني ! " انصدمت شمس وقالت لها بهمس وهي تطلع برا المعهد بهدوء "شوي شوي هدي ريم هدي .. ليش تصيحين ؟" " تعالي .. أبي أكلمج تعالي " وصكت الريم التلفون في ويه شمس ,, عذرتها شمس لان واضح انها كانت تصيح بعبرة .. وما اقدرت تيود عمرها وتتماسكـ . اركبت سيارتها وراحت لبيت جدة الريم .. دخلت البيت بهدوء كالعادة الريم خلت الخدامة تفتح لها الباب قبل لاتوصل عشان تتفادى أسئلة جدتها .. لكن اليوم انصدمت لما ادخلت البيت ان ابو الريم كان موجود يالس في الصالة مع أبوه .. " السلام عليكم .." أبو الريم تم يطالع لها بنظرات غريبة لكن جد ريم اللي كان انسان طيب قال لها مبتسم ومفتشل من نظرات ولده .. " وعليكم السلام هلا شمس .. يايه عشان الريم ؟" " أي يا جدي . شلونك شخبارك ؟؟ شلونك عمي بو عايض ؟؟ " "زين .." كانت اجابته جافة .. غريبة .. قال الجد مبتسم " انا الحمدالله انت شلونج وشلون ولدج ؟" "الحمد الله جدي ولدي بخير هو عند خلود في بيتها ..بس تخلص العده بآخذه منها .. الريم موجوده ؟؟ من زمان ما شفتها وفكـرت أيي أزورها .. اتصلت عالبيت محد يرد .." كانت شمس تحاول أنها تجنب الريم أي مشاكل خصوصا أنه أبو الريم مايحب ان الريم تشوف احد خصوصا خالاتها وبنات خالاتها .. والظاهر ريم نست هالامر لما طلبت منها انها تمرها .. قال ابو عايض بلهجة حاده " يعني وين بتروح أكيد بغرفتها " وجهه شمس استوى احمر من الاحراج .. الظاهر ابو عايض صار حساس من أدنى كلمة " لا ماقصدت يا عمي .. " " أنا مب عمج " "عبدالهادي .. " كان صوت الجد عالي .. وحازم . .. التفت لشمس اللي كانت واقفة عند الدري " الريم فوق روحي لها يا بنتي " ركضت شمس فوق بس اذونها اسمعت الصراخ اللي صار بين جدها وابو عايض " عبدالهادي ما أسمح لك هذا بيتي " قال عبدالهادي معصب " وهذي بنتي " قال ابوه بصوت عالي "وأنت أبني !! لاتظن أنه بحبسك لها وظلمك وحرمانها من أبسط الأشياء مثل زيارة شمس أنك بتحميها وتحافظ عليها .. بالعكس .. أنت تضغط عليها وهالشي بيطفشها .. بيخليها بدون ماتفكـر تجيب لك العار والذل " "بذبحها في هذيك اللحظة " قال الجد يهدي ولده " كل انسان وله طاقه .. وأنا اشوف الريم بنت محترمة واخلاقها عالية ولامرة سمعت حسها يعلى على جدتها .. كلكم تعاملونها بكره ..لكن الريم ماسوت شي ..لاتدفعونها بكرهكم وتخلونها تآذيكم و تغلط .. منعتها من تعليمها ومن حقوقها كأي بنت ثانية .. ماتطلع من البيت إلا للطبيب .. ماتكلم أحد في التلفون إلا للضرورة .. في العيد ماتطلع لمكان وتيلس في غرفتها مقفلة الباب على عمرها .. من دخلت هالبيت وهي بنت اربع سنوات والكل يعاملها كأنها شيء ملوث ..محد يحتك فيها من عمامها .. البنت عمرها سبع وعشرين سنه .. بتعنس ولا حد في يوم طق بابها وقال ابي اتزوجها .. أنت تدفنها في الحياة . يا أبني ليش ؟؟ ما خبرتك قاسي قلب وطباع .. " حست شمس أن دموعها تجري وهي واقفة فوق ماتبين بس تسمع الكلام .. اتجهت لغرفة الريم وطقت بابها ..لقت الريم تبجي بحرقة .. جات واحضنتها بسرعه .. وبدت تهدي فيها .. وبعد مافرغت الريم اللي في قلبها في حضن شمس قالت " نسيت أن أبوي هنا ..على بالي راح لها " " للبندري ؟" " ايه .. قلبي مب مرتاح من هالحرمة مع اني ماقد شفتها ولاتعرفت عليها ,,بس .. قلب المؤمن دليله " طمنتها شمس وحاولت أنها تخليها تتفائل بس الريم ظلت مكتئبة .. وقفت شمس تتجول بغرفة الريم ..كل شيء أسود .. الأرضية رخام أسود .. والسرير خشب مطلي بالون الأسود .. الجدران يمكن هي الشيء الوحيد اللي سلم من لمسة ريم السوداوية .. كانت خضراء ..تتخلها زهور بيضا صغيرة ..الديباج أبيض .. لكن الوسايد لونها أسود .. التلفزيون والكبت اللي يحويه أسود .. في اكسسوارت مزهريات كلا لونها أسود .. التفت للريم يمكن لون بشرتها هو الشيء الوحيد اللي يعكس اللون الأسود اللي في عيونها واللي في ثيابها وشعرها .. حتى شفايفها .. كانت من لون بشرتها .. لقت على سريرها مجموعة روايات تامت تقلب فيها .. قالت الريم " قلت أبي أنسى كل شيء حولي وأقرأ هالرواية .. لكن فكـرة أني أقرأ شيء عن الحب والغرام ..خليتني اشمئز ." مسكت شمس الرواية وقالت " الكونت دي مونت كريستو ؟؟ حب .؟ هالقصة بعيدة كل البعد عن الحب ..هذي القصة قصة انتقام .. " حست شمس أنها جذبت انتباه الريم .. اللي قالت " انتقام ؟؟ زين اذا عندج خبرة افرزي لي هالكتب وقولي لي أيهم قصة حب وأيهم لاء ..لأن مافيني على قصص الحب .. تشعرني بنقص وتذكرني بكل الظلام اللي في حياتي " طالعت شمس القصص .. حطت الكونت دي مونت كريستو .. في جهه .. وقالت " مرتفعات ويذرنغ قصة حب يائسة .. خليها بعيد .. الأرض الطيبة .. ممتازة اقرأيها ببساطة تكرهج في كل الرياييل .. معاناة اولان واللي سواه زوجها فيها يخليج تتيقنين ان مافي اخلاص في هالعالم .. مم .. الخيميائي مب قصة حب .. ظلمتني يا قلبي .. لاء لاتقرأينها .. شيفرة دافنشي والحصن الرقمي ماعندي فكرة عنهم ما قرأتهم .. بس يمدحون شيفرة دافنشي .. مم تنهدت وهي تقرأ عنوان الرواية الأخيرة " الأبله .." اقرايها .. لانها نص نص ,, " طلعت الريم كيس وحطت الروايات الرومنسية فيه وحذفتها في صندوق خشبي قديم في زاوية الغرفة .. وشالت الروايات الباقية وحطتها على الطاولة وقالت " متى ما صار عندي مزاج .. انتي جيتي بسرعه وين كنت ؟" " في المعهد أخذت الدورة اللي قلت لج عنها من شهر .. تهاوشت مع امي وحسيت ان جو البيت متوتر .. فقررت ابتعد قد ما أقدر .." ******* طالع ماجد امه منصدم " انتي تمزحين " قام عن سريره وهو يطالع امه مب مصدق اللي تقوله " شفيها يا ماجد ؟؟ الريم حلوة وبنت خالتــ.." " بس " كان الغضب في صوته مؤلم لجوزة ..."ماجد الريم مالها ذنب " " ولا أنا لي ذنب افهمي .. مب ذنبي وذنب عيالي نتدبس في مصيبة مثل هذي .. أبي عيالي يعيشون طبيعين الحياة الي انحرمنا منها .." عصبت جوزة " انت شتقول شحرمانه وشخرابيطه لاتعور قلبي ..الريم بنت اخلاق ومال وجمال .. وانت تعرفها زين لا تحملها ذنب غيرها " وقف ماجد ولبس ملابسه وهو يقول لمه " شوفي يا حجية .. هالكلام انسيه .. فوق أنها أكبر مني بمليون سنة ..فوق أنه ماعندها شي واحد يخليني افكر فيها كزوجه .. أناأكرهها وأكره امها .. " "أمها خالتك عيب " " تخلخلت عظامها وين ما كانت .. " بدت جوزة ترتجف وهي تسمع ولدها يسب اختها ماتقدر تتكلم ولاتقدر تسكته .. " اللي سوته أمها خرب حياتنا الله يخرب حياتها هي وأمها .. تبيني اروح أييبها واسكنها في بيتي ليش خربت الدنيا ولا خربت ؟؟ ..خل تذلف في نصيبها الله لا يوفقها ولايوفق ام سافله جابتها " كان ماجد يتعطر ويلبس غترته لما اغمى على جوزة ..قط العطر وركض لأمه " يمه ..يمه " " ابعد عنـ..عني" انصدم وهو يشوف امه تدفعه عنها ركض برا ونادى معجبة اللي كانت لابسة بتروح لصالونها . وكانت شمس توها ادخلت من الباب .. " معجبه شوف امي شفيها معجبه بروح اجيب السيارة ننقلها المستشفى .." ركض ماجد برا وشافته شمس وبدا قلبها يدق " شفيك ؟؟" " أمي "" .. كانت كلمته الوحيده اللي نطقها وهو يركض ركضت شمس لغرفته ولقت أمها وبدون وعي بدت تصارخ " يمه يمه شفيج ..يمه .." صراخها نبه خواتها اللي طلعوا من غرفهم مرعوبات وركضوا لحد الصوت كانت جوزه فاقده الوعي والبنات تموا يحاولون أنهم يصحونها لكن .. ماكانت تستجيب .. ********** |
تابع الفصل الثالـــث
__________ " جلطة .. بس الحمدالله عملنا لها عملية أنقذت حياتها بس لسه الحالة ما استقرت .. ننتظر في الثمان والأربعين ساعة اللي جايه حتى نقرر ." بدوا البنات يصيحون على حال امهم ومعجبة منصدمة ..جلطة ؟؟ طالعت ماجد اللي وجهه صار أبيض مثل الثلج .. "انت شقلت لها .. أنت شقلت لها " بدت تصارخ في ماجد وتضربه على صدره ماجد انسحب بعد ما بعدوه خواته عنها .. الجو كان مضطرب الدموع كانت مغرقة العيون ..إلا امهم .. كانت هذي فكرتهم .. الأنسانه الوحيدة اللي لهم في هالدنيا .. معجبة ماتقدر تصدق .. إذا راحت جوزة بتروح هي معاها ..شحياتها بدون عايلتها وعايلتها الوحيده هي جوزة .. طالعت الساعة لقتها اربع ونص الفجر .. "بنات نروح المسيد نصلي ونرجع ..خل ندعوا لها ان حالتها تستقر " قالت شمس " بروح أغير ملابسي بعدين برجع .." انتبهت معجبة ان شمس من أمس على ريولها .. " روحي ارقدي وارتاحي شمس .. انتي ما ارتحت من أمس " قالت وعيونها حمرا من البكى " لا ..أنا مرتاحه ماعلي خوف بس أبي أتطمن على امي .. " راحت معجبة للمكتب اللي دخل له الجراح من ثواني .. في أمل أنها تعرف أي شيء زيادة عن حالة اختها .. ماقال جلطة دماغية ولا قلبية ولا ايش بالضبط .. طقت الباب وهي ترتجف .. "السلام عليكم " " وعليكم السلام كيف أخدمك يا آنسة ؟" اهتزت يد معجبة وهي تأشر لبرا "توك طلعت من غرفة ألعمليات ..أختي كانت.." وحست أن العبرة اخنقتها وماقدرت تكمل .. طالع لها الطبيب من ورى نظاراته وكان يغسل يدينه ويلبس جاكيت الأطباء الأبيض .. " اللي عملت لها العملية تبقى أختك ؟" هزت براسها وهي ترتعش وقالت بكلمات متقطعة "ما عرفنا حالتها.." جلس على مكتبة وضبط نظاراته وسحب ملف من على جنب وقال " هي دلوقت في حالة حرجة.. دقات قلبها منتظمة بعض الشيء .. يبدو أنها كانت مهددة بأزمة قلبية نظرا لسجلها الطبي " انصدمت معجبة وهي تطالع الدكتور " مهددة ؟؟ دكتور أنا أتكلم عن اختي ..جوزة .. " قاطعها الدكتور مستغرب "ايه نعم جوزة غالب محمد ..في سجلها الطبي عدة فحوصات وكشوفات .. تتردد على عيادة القلب بأنتظام من أربع سنوات ..وأخذت أدوية لسيولة الدم على مدار هالسنوات .. " انصدمت معجبة .. اختها مريضة بالقلب ؟؟ ولا خبرتهم ؟؟ سألت الدكتور " هل كانت حالتها خطيرة ؟" طالع الدكتورالملف جدامه وقال " أفهم من ده أن معندكيش فكـره عن مرضها ؟" هزت معجبة راسها بلا ..قلب الدكتور بالأوراق شوي وقال " أول مرة كانت نوبة قلبية بسيطة .. لكن مع الفحوصات اللي بعد كده .. كان في مؤشرات لأمراض قلبية في الطريق .. لكن اليوم العملية اللي أجريناها أنا وأحد زملائي بسبب جلطة خطيرة .. على مايبدو أنها ماكانت مستمرة على أدوية السيولة من فترة قصيرة .. " طالع الدكتور معجبة اللي كانت أفكـارها راحت في وادي ثاني .. كانت تفكـر من أربع سنوات .؟ لايكون بسبب طلاق شمس ؟؟ ليش ماخبرتهم ؟ معقولة محد يدري أنها تتردد على العيادة وتتناول أدوية سيولة الدم ؟ .. هل لهالدرجة راعت مشاعرهم ولاخبرتهم عشان مايخافون عليها ؟ طلعت برا الغرفة بعد ما استأذنت الطبيب كانت صافية ونوير وشيخة يالسات في الانتظار وكلهم اوقفوا لما شافوها يايه مستعجلة .. اسألتها صافية " شفي شقالج ؟" تنهدت معجبة وسألت البنات " هل كنتم تعرفون أن أمكم فيها القلب ؟ " كان سؤالها حاد لكنها خففت لهجتها لما البنات بدوا مصدومات .. لكن قالت نوير وهي ترتجف " أمي فيها القلب ؟؟ من متى ؟" لكن معجبة سرحت مرة ثانية وطرى في بالها تفسير جديد .. من اربع سنين .. لما ولدت شمس ..وكانوا مسافرين .. حاولوا يكلمون جوزة لكن شمس كانت تخبرهم أنها نايمة ..تعبانه .. أو برا .. أكيد الوحيدة اللي تعرف هي شمس ! .. طالعت يمين يسار " وين شمسه ؟" قالت شيخة اللي كانت منهارة تماما " راحت البيت نسيتي ؟ انت رخصتيها " ماحست معجبة أن في فايدة للحجي معاها .. ولا في فرصة للعتب .. مو وقته والبنات منهارات على امهم .. امسكت يدين شيخة وحاولت تهديها وهي مبتسمة ابتسامة مزيفة " الدكتور يقول حالتها بتستقر .. ادعوا لها بالشفا وانها تقوم بالعافية .. " محد تكلم .. كلهم تموا في الانتظار .. يات شمسه بعد ساعتين .. وانتظرت معاهم بعد ما أخذت اجازة من شغلها .. أصعب جزء هو الأنتظار .. يجولون في غرفة الانتظار من ساعات .. ومابين الطبيب .. نامت شيخة ونويرة على الكراسي . . صافية ماسكة القرآن وتقرأ بهدوء .. معجبة يالسة بلهفة على كرسي جدام غرفة العناية .. وكل مرة تطالع من الزجاج لكن جوزة محاطة بالأجهزة و الممرضات .. اللي امنعوهم من الدخول .. شمس اجلست في زاوية بعيدة .. وهي في قمة التعب ماتقدر تنام ولاتقدر تصحصح .. غرفة الانتظار صغيرة ومليانه بالسجاجيد والقرآءيين ومعزولة شوي عن غرفة العناية .. كانت شمس كل مرة تطلع وتروح لمعجبة برا وتخبرها معجبة ان الاطباء ما مروا .. وبيمرون بعد شوي .. كانت الممرضة منزعجة من جلوس معجبة ..وانتظارها .. لكن معجبة مطنشة . ..وآخر شي يا السيكيورتي وطلب من معجبة انها تنتظر في غرفة الملاحظة لأن في جولة أطباء خلال دقائق .. طلعت للبنات اللي ينطرون .. طالعت الساعة كانت عشر وشيء .. "تعالوا نروح نتريق بعدين نرجع .. جولة الاطباء بتطول .." قاموا البنات ولحقوا بخالتهم ونزلواتحت للكافتيريا الصغيرة وتريقوا بصمت ..بدون ماينطقون بحرف .. قالت نوير وهي تطالع ساعتها "وين ماجد ؟" قالت معجبة بعصبية " مدري لاتطرينه .بتنرفزيني بس " استغربوا كلهم قالت شيخة " ليش شسوى ؟" هزت معجبة كتوفها " مدري .. بس جوزة كانت تطرده من الغرفة لما طاحت ما انسى كلماتها وهي تقوله ابعد عني ... " طالعت شمس وقالت لها " شمس .. جوزة من متى وهي فيها القلب ؟" الكل طالع شمس ناطرين اجابتها لكن ملامح شمس جمدت " القلب ؟ " قالت معجبة "الدكتور قال ان فيها من اربع سنوات وما اذكر غير الصيفية المشؤومة اللي سافرنا فيها .." طالعت شمس كوب الشاي حليب اللي جدامها وقالت "امي طاحت بس قالوا لي انهيار عصبي .. بسيط..ماقالوا لي شي ثاني بس طولت في المستشفى عشان الفحوصات .. لاتنسين أنا كنت فالمستشفى بدوري بسبب عمليتي القيصيرية .. كنت أروح لها على كرسي عجلات .." عصبت معجبة "عيل ليش ما قلت لنا لما كنا نسألج ؟" هزت شمس كتوفها " ما أدري .. هي طلبت مني ما أخبركم .." عقدت صافية حواجبهاوقالت " ليش تسوين عملية قيصيرية إذا كان الطفل ميت في داخلج ؟" انبهت ويه شمس .. ومعجبة استغربت بدورها هي تعرف أن هالأمـر مب طبيعي بالعادة يعطونها أدوية وتنزله ..طالعت نوير شمس وقالت لها "أعتقد يا الوقت للي تقولين فيه الحقيقة يا شمس .." اختبصت شمس " أي حقيقة ؟" قالت نوير بهدوء وهي ترفع كوب النسكافية لشفايفها وتقول قبل ماتشرب منه " أن الولد مامات .." الكل التفتوا لشمس في ذهول .. لكن شمس قالت هي تطلع جوالها وتتأكد من مكالماتها " هذاانت تعرفين " صدمة الكل لها الخبر ما أثرت في شمس اللي قالت بعصبية " عن اذنكم " وطلعت شمس من الكافتيريا وهي تطالع ساعتها ..شيخة وصافية ومعجبة مصدومات قالت نوير بهدوء"قال لي ماجد من فترة ..بس ما ادري شالسالفة " كانت شيخة تطالع قلاسها وهي معصبة ..بعدين اوقفت ولحقت شمس اللي دخلت دورة المياه .. دخلت شيخة لكنها انصدمت ان شمس كانت مغطية وجهها بكفوفها وتبجي .. "شمس " انتبهت شمس ومسحت دموعها بسرعة "شيخة بغيتي شي " "شمس أنا أمنتج على سر حياتي وانتي بخلت علينا في هالاربع سنين انا نفكر ان لج ظنا وان عندنا ابن اخت ؟؟ " تنهدت شمس وقالت بهمس "مب بيدي .. احلف لج انه ماكان بيدي .. انا ظنيت انه خلاص ماراح اشوفه طول عمري او على الاقل لين العشرين سنة الياية ..لكن ..من توفى طلال وانا في صدمة وفرحة وحزن ودموع ..الولد بيرجع لي في شهور ..قررت اني ما احرمه من خلود فأولا وأخيرا هي اللي ربته السنين اللي طافت كلها على الأقل لين تتجاوز خلود عدتها ." قالت شيخة مستغربة "وطلال بأي حق يحرمج من ولدج ؟؟ وانت ليش خليتيه ؟؟ليش سمحتي له انتي وامي بهالاهانة !" مسحت شمس دموعها وقالت " مو وقته اقولج اللي صار ... أنا بروحي أحاتي أمي .. وزعلانه عليها .. " قالت شيخة "شدخل ؟؟" " لان اللي صار يا شيخة جرح .. وهذا مب المكان المناسب أني افتحه من جديد .. وأنا في حالة ما أقدر أني أركز إلا على شيء واحد .. أمي يا شيخة ..هالمسكينة اللي الله يعلم بحالها ,, بيجي وقت أقولج فيه كل شيء .. لاتستعيلين انتي وخواتج .. كلها مسألة وقت .. وينكشف كل شيء " طلعت شمس وبقت شيخة الي ركزت في ملامح وجهها الشاحبة في المنظرة . .. وقالت وهي تمتم "صج المهم امي .." رجعت شيخة لغرفة الانتظار وكانوا خواتها موجودات كلهم .. بعدين رجعت نوير مبتسمة "استقرت حالتها توني شفت الطبيب ..وبيرقدونها كم يوم .. بس الدكتور بشرني ان حالتها تعدت مرحلة الخطر " تكررت صيحات البنات وحمدوا الله على سلامتها .. قالت معجبة " انزين متى نشوفها متى نكلمها ؟" قالت نوير " هي هالحين تحت المغذي والمسكنات .. بس العصر عندها تحاليل وتخطيط قلب ..وبعدها بيسمحون لنا أنا نشوفها " ******** كانت الريم في غرفتها تحاتي .. من قالت لها شمس وهي مختنقه .. شفيها خالتها جوزة .. كانت واقفة حد التلفون وهي مختبصة .. اليوم بتجي البندري .. عاد مب وقتها ابدا وهي تحاتي خالتها وتطالع الباب يمكن يطل ابوها وتستسمح منه انها تروح لخالتها ..بس ما يا ... طالعت الساعة كانت وحده ونص ..ابوها قال بيوون عالغدا .. بعد ربع ساعة جات الخداامة شايلة الشنط .. الظاهر هالبندري بتقعد على قلبها ..لكن الريم فكرت لو البندري تخلي ابوها يتم في البيت ومايسافر وايد بيكون شيء وايد زين ..لكن ان ظل الحال على ماهو والسفر الدايم لبوها بيعني لها شي واحد .. أنها تقابل هالبندري اربع وعشرين على اربع وعشرين .. طالعت عمرها فالمنظرة .. شعرها المنسدل على ويهها وجهها الخالي من اي لون غير سواد عيونها وشحووب ملامحها ..وبدلتها السودا اللي لبستها عشان تستقبل البندري .. حست ان الالوان تنقصها .. لكنها ماحست باستغراب لانها تشوف حياتها تنعكس على ملامحها .. بدون ألوان .. نزلت بعد دقايق لما سمعت صوت جدنها تناديها .. "السلام عليكم " كان جدها يالس وهو يطالع البندري باستغراب .. الريم نفسها استغربت وصارت نظراتها تنتقل بين ابوها وزوجته.. كان ابوها ريال وسيم لكن الزمن حفر حروفه في ويهه والشيب اكتسى شعره كله .. بس للحين تحس فيه قوة لكن الي يالسة جنبه شيء ثاني .. الشعرطويل كستنائي يتخلله خصل شقرا وبشرة قمحية يتخللها نمش خفيف وعيون عسلية لوزية واسعة وهدبهها البني المشقر معطيها هيبه غريبة كانت بعيدة كل البعد عن ملامح الخلييجين .. كأنها شامية أو أمريكية .. مستحيل تكون من هالبلد .. وجسمها ناعم ورشيق جدا .. مستحيل عمرها أكثر من ثلاثين سنة .. حست الريم انها تشوف فيها نضوج العشرينات ... وقفت البندري وقالت بلهجة قطرية " هلا .. أكيد أنتي الريم .. قالي عبدالهادي عنج .. بس صراحه الي قاله ولاشي في حقج .. ماشاء الله جميـلة جدا .. بعكس كلامه .. عبدالهادي ماخبرتني عن جمالها .." قالت الريم ببساطة وهي تطالع طولها الغريب " هلا فيج .. ودي أقولج نفس الكلام بس .. أخاف ما أوفيج حقج .. ماشاء الله حضرتج وايد متألقة وشابة .." ضحكت باستهتار وقالت "شابة ؟ .." انحرجت الريم ماحبت طريقة البندري في الضحك .. ولا حبت استهتارها وطريقة كلامها بدون حيا جدام يدها وابوها كأنها في مدرسة أو بين شلة بنات ... بعدين طالعت أبوها بترجي " يبه .. .خالتي جوزة فالمستشفى .." كانت عيون ابوها غريبة .. فيها الصدمة وفيها شيء ثاني " شفيها ؟" قالت الريم " يبه جلطة وحالتها خطيرة .. يبه فديتك الله يخليك خليني اشوفها .." سكت عبدالهادي لكن هز راسه بلا بعد ثواني انترست عيون الريم دموع ولما شافتها البندري قالت " الله يخليك هدهود خلها تشووفها شكلها تحاتيها " الكل انصدم من اللقب اللي نادته البندري فيه وهو انحرج جدام امه وابوه اللي قالوا باستخفاف " هدهود !"" قال ابوه " اقول هدهود .. أنا بآخذ البنت واشوف الحرمة .. تبقى بنت ابن خالي .. الله يرحمهم جميع .. خالي وولده .. الريم تجهزي يا يبه " قال عبدالهادي " يبه ما ابي الريم تروح " طالعت الريم ابوها بترجي لكنه لف عيونه عنها قال جدها معصب " أن بأخذها بدون شورك . روحي البسي يالريم واذا انت ريال اكسر كلمتي يا هدهود .. " استحى عبدالهادي واضحكت البندري طالعها الجد معصب وقال " استحي على ويهج واعرفي متى تتصرفين صح . أنت حرمة ولاياهل كله تضحكين جنج سبال " طلع الجد معصب وقال للريم " البسي عباتج والحقيني " طالعت الريم ابوها اللي عطاها نظرة كره ونظرة معاناها كله بسبتج ..بعدين أشر لها تلحق جدها .. امسكت الريم بعباتها الي خلتها على الدري والبست ملفعها ونقابها والحقت جدها .. "جدي انت جي تخليه يكرهني أكثر " كانت كلمات الريم مليانه حسرة وألم .. طالع لها جدها بحنان وقال " يا بنتي أبوج مدري شبلاه مايعجبني حاله أبد شفتي هالعنز الي يابها ؟؟ لاهي من ثوبنا ولاهي بنت ناس نعرفهم ... " "بس يا يدي هو على باله انك تكرهه عشاني أنا . ماجفت شلون طالعني من قبل شوي .. " ركز يدها على الطريق وقال وهو يدور على موقف غي المستشفى " يا بنتي كنت أحب أبوج أكثر واحد .. ولا واحد من عمامج كان في طيبة ابوج واخلاقه . كل عمامج كانوا يمشون ورا حريمهم وهمهم بس يظهرون برا البيت ويستقلون في حياتهم .. مافي الا مها الطيبة هي اللي تمت تراعينا انا ويدتج حتى لما استقلوا في بيتهم تمت تييبكم وتيلس مع يدتج ساعات تسليها في وحدتها .أنا ما اصدق ان وحده في اخلاق مها تسوي اللي الكل ظنه صار خلينا من هالكلام .. أنا أشوف ان ابوج يبي له حد يوقظه من الامبالاة اللي هو فيها .. مب كافي ضاع عايض" ارتجفت الريم " لا يا يدي لاتقول .. عايض ماضاع .." " عيل وينه ؟؟ ليش مايتصل ؟ ليش مايدخل البلاد ؟؟ وينه من سنين محد سمع عنه خبر ؟؟ الولد يا أما مات يا إما ضاع .. " اخترعت الريم وانترست عيونها دموع " لا يدي لا تقول . عايض فأمريكا .. والبلاد بعيده يمكن انشغل ... بس لاتقول انه مات تراك تقطع قلبي .." حس الجد انه نكد على الريم زياده فغير الموضوع " انزين .. تعرفين رقم الغرفة ؟ " هزت راسها بلا .. " اتصلي على شمس .." " ماعندي تلفون .." طلع جواله وعطاه اياه كلمت شمس واستعلمت منها .. لما صكرت قالت مبتسمة " حالتها استقرت .. الحمدالله |
الفصل الرابع الجزء 1
الفصل الرابع http://farm1.static.flickr.com/120/2...026cfc.jpg?v=0 : فصل جديد كانت دموع الريم هي الشي الوحيد اللي يخفف ألمها ,, طوال هالأيام كانت البندري كابوس اكتشفت أن ام البندري كانت سورية وانها تركتها وهي صغيرة وعاشت البندري في بيت بروحها .. كانت مغرورة ومتسلطة وانانية والي صدم الريم انها ما انتظرت وايد حتى اكشفت عن القناع اللي كانت تلبسه .. البنت اللطيفة اللي كله تبتسم وتضحك كان قناع مزيف .. طلعت من الغرفة بعد ما سمعت التلفون يرن " هيه وين رايحه ؟" التفت الريم للبندري اللي كانت لابسة جينز مع بدي احمر ضيق جدا عاري كتوفه .. " أرد عالتلفون " " من عطاج الحق تردين عالتلفون ؟؟ ابعدي " دزت الريم بقوة وردت .. " ألو .. نعم .. لا .. من يبيها ؟؟ شمس ؟ أعتقد أن ابو عايض وضح لج ولهلج أنه مايبيكم تتصلون فالريم .. ضروري ؟؟ لا عيوني .. الريم نايمة " صكت التلفون بقوة في ويهه شمس والتفت للريم بعصبية واسحبت واير التلفون لغرفتها .. ولما طلعت قالت " أنا المسؤولة عنج الحين وما أبي صراحة هالعلاقات اللي مالها داعي .. احترمي نفسج وتمي في دارج عن لايقل مقدارج بعدين لاتحسبين اني سهلة وطيبة وهالخرابيط .. ابوج منعج عن التلفون فلاتقربين منه سمعتي .؟" ما قدرت الريم انها ترد .. فارجعت لغرفتها وهي مخنوقة .. طريقة البندري وهي تكلمها والعلج في حلجها شيء مقرف .. عمر البندري كان في الثلاثين رغم انه مايبن فيها الكبر .. هي تقريبا من مواليد خالتها معجبة .. جدتها المسكينة حاولت مرة انها تبين للبندري انها مالها سلطة على الريم بس ماسلمت من تعليق البندري .. اسبوعين مروا ,, والبندري تفرض سيطرتها ,, انغثت الريم .. طالعت باب الغرفة بعدين قررت انها تواجهها .. طلعت برا الغرفة وقالت بهدوء " البندري ما أسمح لج تتحكمين فيني " طالعت لها البندري باستخفاف " ومن تكونين عشان تسمحين ؟؟ أقول .. ردي دارج .. لابارك الله فيج ..قبل لاتسمعين حجي منتي قده " لكن الريم تمت واقفه مكانها وقالت " هذي بيت يدي وما اسمح لج انج تتصرفين كأنج الكل في الكل ولاتظنين اني ما ارد عليج يعني اني ما اعرف ارد " طالعتها البندري باحتقار " ايه قلة الادب مب جاية من غريب ورثتج طولة اللسان قبل لاتشرد مع الهندي " "جب يالحيوانه جب .. ما اسمح لج .." قربت منها البندري واسحبتها من شعرها " انا الحيوانه يابنت ال.." "البندري .." كان صوت ابو الريم هو المنقذ لها طالعت لبوها بعد ماهدتها البندري اللي قالت بلؤم " عبدالهادي بنتك سبتني ..انا مالي قعده في هالبيت ! " عبدالهادي طالع الريم مستغرب بس ريم لفت ويهها واشردت غرفتها مالها عين تحط عينها في عين ابوها .. هي صج سبت البندري ماتقدر تنكر .. وماتقدر تقول انها كانت تدافع عن امها ...لانه آخر شي يبي يسمعه ابوها .. "عبدالهادي لازم تسوي لي قدر واحترام في هالبيت مايصير هالبزر تتطاول علي بالحجي وتسبني " قال عبدالهادي وهو يطالع غرفة الريم " خلاص عديها يا البندري أنا قلت لج مالج شغل فيها .. لاتقربين منها بعد اليوم .. " " بس بنتك .. " " البندري خلاص ..وهذي آخر مرة أشوفج تمدين يدج على الريم .. " " لكنها سبتني .." " الريم ماتسب بدون سبب ! " عصبت البندري " يعني بتخليها بهالأخلاق ؟ " "البندري بعد ما مصخرتيني جدام ابوي لاتحاولين انج تسببين بمشاكل انا في غنى عنها .. لاتنسين ان مالج غيري بعد وفاة ابوج .. مصيرج الشارع بس انا عشان ابوج الله يرحمج ساكت عنج .. ابتعدي عن الريم .. للمره الالف اقولج مالج علاقة فيها " دخل عبدالهادي غرفته وخل البندري في قمة غضبها .. دخلت البندري بعد ثواني وعيونها في الارض .. "بو عايض .. يهون عليكـ تزعلني وأنا .. " طالع بو عايض البندري مستغرب " وانت شنو ؟؟" " حامل .. " انصدم بو عايض وتم يطالع لها مذهول .. قالت بخبث ودلع " عشان مستقبل البيبي انا كنت قاسية على الريم بس انت تعرف اني احبها .. وبعدين حبيبي الحمل يخليني معصبة ومتهورة وما اقدر الكلمة اللي اقولها .. بس يهمني مصلحة الريم وان ضغطت عليها عشان عادتها بحسبة بنتي . " " انت حامل ؟؟ كم صار لج ؟" ابتسمت وهي تشيل الغترة عن راسه " حبيبي .. صار لي خمس اسابيع .. بس ماخبرتك لاني ما تأكدت من الطبيبة .. بس بروح اتأكد ان شاء الله .. ونملي هالبيت يهال أنا وانت .. " كانت مشاعر بو عايض مضطربة بس ما كان فرحان بهالخبر .. قال بقلق " بس أنا كبير على اني اصير ابو من جديد .. عمري في الخمسين .. انا ما ابي يهال بهالعمر . كل اللي ابيه هو راحة البال والراحه .. انا تعبان ومافيني على تربية اليهال من حل وجديد " عصبت البندري ووقفت وهي تبجي بدلع " توقعتك تفرح ان بيصير لك ولد نظيف مني .." عصب عبدالهادي " الحمدالله عيالي نظاف ... الريم وعايض ما في مثل اخلاق .." عصبت البندري وقالت في نفسها ( اي العانس والصايع .. وينهم ووين النظافة ))) ... "حبيبي هدهود .. " "قلت لج لاتنادي بهالاسم التعبان .. اسم عبدالهادي ولا بو عايض " وقف بو عايض ورجع غترته على راسه وقال بلهجة جافة " مبرووك .. بس أنا ماكنت منتظر منج انج تحملين .. ما كنت منتظر بعد هالعمر اني اربي واكبر من جديد .. " طلع بدون مايسمعها .. انهارت البندري على السرير وهي في قمة غيضها .. تكرهه .. تكره حبه لمها .. وتكره يوم يناديها في الليل وهو نايم .. ولما لما تكون بين يديه يناديها مها .. يوم تعافه وتبتعد عنه يقول لها ان اسمها صعب وماكان يفكر .. المفروض يكرهها .. بس هو مايفكـر إلا فيها .. والحين هي تورطت بعد ما حملت .. ماكانت تتوقع ان مايكون عنده استعداد .. شكانت تفكر فيه ؟؟ ريال في آخر الخمسين بأي لحظة يموت ؟؟ .. عايش تحت ظل ابوه ؟؟ عنده بنت عانس وولد الله يعلم في اي ديره ؟؟ ليش ورطت عمرها ؟؟ ليش ماخذت ولد خالتها اللي من عمرها ؟؟ ليش باعت سعادتها ؟؟ لو انها نطرت شوي كان توفى ابوها وتزوجت بولد خالتها اللي كانت تحبه وكان يحبها وتسافر وتكون مع امها واهل امها .. لكن ابوها زوجها هالريال الشايب وتوفى بعدها بأسبوع ....ماعندها إلا خيارين .. يا أما تنزل هالطفل وتطلب الطلاق من هالشيبه وتسافر وتتزوج فراس .. ولا .. تيب هالطفل وتعيش عمرها تربيه وهالشيبه يطيح في جبدها .. لين يطوف العمر .. فراس .. حب الطفولة .. طرده ابوها لما تقدم لها .. لانه سوري .. وظلت سنوات تنتظر موافقة ابوها ولما يأست وتزوجت حسب رضا ابوها .. تغير كل شي .. ماكانت تتمنى ان ابوها يموت .. فهو كان مدللها وسافر فيها حول العالم .. وورثها مبلغ ضخم .. يمكن يكون السبب الرئيسي لرغبة فراس في الزواج منها .. ليش ورطت عمرها بهالزواج ؟؟ ليش ؟؟ .. طلعت برا غرفتها ودخلت غرفة الريم " بتظلين طول اليوم مرابطة جدام هالتلفزيون ؟؟ " " مب شغلج .. اطلعي برا غرفتي .. " " قومي سوي لي عشا .. أنا حامل واتنسى ومافيني على دشة المطبخ .." انصدمت الريم ورددت " حامل ؟؟" " ايه شنو صمخا ؟؟ ماتسمعين .. قومي سوي لي لازانيا .. وثقلي البشاميل " قالت الريم بعبره " روحي اطلبي من الطباخ أو الخدامة ماني شغالة عندج " " تلوع جبدي من اكلهم قومي سوي لي لازانيا .. انا في غرفتي .. ونفذي اوامري ولا والله العظيم التلفزيون بيلحق التلفون .. وما اخليج تذوقين الراحه في هالبيت .. " بهالطريقة حست البندري انها انتقمت من عبدالهادي في الريم . حست ان القهر استحال لشيء مسلي .. ليش لاء ؟ تتسلى وتسود عيشة الريم يمكن يطفي شوي من النار الي داخلها .. عصبت الريم ووقفت وراحت المطبخ بعد ماحطت شيلتها على راسها .. فتحت الثلاجه والقهر مسيطر عليها .. لقت صلصة لحم مفروم بالطماطم جاهزة ومغلفة طلعتها وطلعت طبقات الازانيا ورصتهم في الصينية وحطت الطبقات بعدين سوت البشاميل بسرعة وجهز الطبق خلال عشرين دقيقة .. ابتسمت لما تذكرت المرحلة اللي ادمنت فيها الطبخ .. زاد وزنها عشر كيلو لان محد غيرها وغير شمسه وطلال كانوا ياكلون من يدينها .. جدها وجدتها فيهم الضغط واكلهم محدود ومايتحملون الاكل الدسم .. ومثله مثل اي ادمان .. ملت منه .. ودورت شي جديد .. مرة كان الرسم .. ومرة الخياطة .. ومرة النحت .. ومرة الرسم بالشمع .. ومرة تصميم الأزياء .. وفي هالسنوات الأخيرة كانت تقابل التلفزيون طول الوقت .. صار صديقها أكثر من أي حد حتى شمس .. ابتعدت عنها من تطلقت .. ماكانت تزورها وايد مثل قبل .. كانت تشوفها بشكل يومي بعدين الزيارات صارت اسبوعية والحين صارت مرة فالشهر .. حست الريم ان شمس بطريقة غير مفهومة تلومها على اللي صار لها .. ليش ؟ ماتدري . . طلعت اللازانيا من الفرن وكانت زينتها بالجبن الموزريلا والبشاميل الثقيل . حطت الصحن في صينية وجهزت معه عصير وصحن وشوكة وسكين .. طفل جديد ؟؟ هل بيضيف شي لحياتها ؟؟ طقت الباب وادخلت وحطت الصينية على الطاولة وقالت بهدوء " العشا .." وطلعت بدون ماتنتظر اي ردة فعل .. لكن بعد ثواني شافت الصينية ترجع المطبح على حطتها .. البندري تتسلى بإزعاجها لاغير .. لاتتنسى ولاهم يحزنون .. دخلت لغرفتها مهمومة .. مسكت الريموت كنترول وحطته عالجزيرة .. وقعدت تراقب الأخبـار يمكن تسليها عن حزنها لما تشوف أن في ناس في هالعالم حالهم أسوأ من حالها ! ********** ترددت شيخة بس مالقت حل ثاني .. ادخلت للمكتب وبيدها الواجب .. " تأخرت عن تسليمه .." " كان عندي ظروف .. " " تأخرت أسبوع أي ظروف هذي وبعدين غبتي الاسبوع اللي طاف كله .. ما اعتقد أن عندج عذر ؟؟ " تكتفت شيخة وتمت تطالع في اللوحة اللي حاطها في مكتبه .. وهي تفكر اقول له ولا لا ؟؟؟ .. " ماعندج عذر اتوقع ... " " امي كانت بين الحيا والموت في المستشفى .. " "سلامتها .." سكت شوي .. أخذ الواجب اللي حطته على الطاولة وحط علامه على طول بدون مايشوفه .. فالتفت عشان تطلع . .. "شيخة .." غمضت عيونها تحاول تكبح الرعشة اللي في جسمها .. عن لايشوف أنه يقدر يهز كيانها بصوته لما ينادي بسمها .. " نعم ؟ " "ارفعي النقاب .. " "ليش ؟" " أبي أشوفج لآخرة مرة .. لاتنسين ان اليوم آخر محاضرة .. والامتحان بعد اسبوع ..وبعدين مافي عذر يجمعنا بعد اليوم .. " " ما أعتقد أن عندك سبب مقنع انك تطلب مني هالطلب .. عن اذنك .." " اذا ما رفعتي النقاب ما بعتبر نفسي استلمت الواجب .. وبينقص درجتج ومعدلج .." اختنقت شيخة ... التفت له وقالت بلهجة جافة " لاتظن أن كرامتي مرهونة بواجب ومعدل سخيف ..اياك تظن أني رخيصة .. " اسحبت الواجب من جدامه وقطعته وحذفته عليه واطلعت برا المكتب متجاهله صوته اللي ينادي " شيخة !! شيخة " كانت ترتجف .. وهي تمشي في الممر والدنيا دارت فيها .. أول أيام الجامعة ماكانت تتنقب .. الا لما تطلع برا الجامعة .. لكنها من شهور لبست النقاب ... هل بيرسبها في الامتحان ؟ خل يرسبها اصلا الجامعة طاحت من عينها من خانتها فجر ...ارتجفت وهي تفكـر بطلبه . انزين هو يحتقرها ..ليش طلب منها جي ؟؟ شقصده يهددها بدرجتها ؟؟؟ بودها تروح تشتكيه عند العميده .. بس .. مايهون عليها جاسم مع انها هانت عليه .. بعدين ما لها خلق للمشاكل .. ** |
اخت إلكترون.......................كمليها بليييييييييييييز الله يعطيكي العافيه على هذا الاختيار المميز فانا احب كتابات الرائعه سهر الليالي...........
وشكراً. |
تردد قبل ما يدخل .. لكنه دخل .. كانت امه وخالته معجبة فالغرفة ..
" يمه .. " لكن جوزة لفت ويهها عنه .. قالت معجبة تلطف الجو " جوزة .. ماجد .." قرب ماجد من أمه وكانت حالته مبهدله .. عيونه حمرا .. وماحلق لحيته ,, مر اسبوع من طاحت جوزة وحالتها كانت في تحسن مستمر .. " يمه بتزوج الريم .. وبسوي كل اللي تطلبينه مني بس ابي رضاج .. سامحيني يا يمه .. " ونزل يبي يحب يدها لكنها اسحبتها وقالت " خلاص ماجد .. روح الحين .. وانا مب زعلانه انك ما بتتزوج الريم .. ماله داعي تتزوجها انا مب قاسية حتى اظلم الريم بزواجك منها .. واخليك طول عمرك تظن أنك مغصوب عليها .. وتسود عيشتها .. اطلع الحين .. " انسحب ماجد وهو مستغرب .. لكنه وقف شوي لما سمع امه تقول لمعجبة " اتصلي في الناس اللي قلتي انهم يبون الريم خل ييون ..يتقدمون لها ويطلبونها من ابوها ... حرام نظلم البنت ونوقف نصيبها عشان احلام سخيفة .." رددت معجبة " احلام سخيفة ." هزت جوزة راسها والدموع في عيونها " كنا انا ومها الله يذكرها بالخيـر .. مخططين نزوج عيالنا لبعض .. عايض لشمس والريم للولد اللي بولده . . ماكنا مهتمين بفارق العمر .. راح عايض واختفى من هالديرة .. والريم بتلحقه .. كنت أحلم دايم انها تكون لماجد .. كنت اتمنى اني احقق حلم من احلام مها .. " نزلت معجبة عيونها وقالت " تتكلمين كأن مها ماتت .. ولا كأنها برا البلاد عايشه حياتها وناسية قيمها ودينها وواجباتها ..." "معجبة ..أنت ماتذكرين مها مثل ما أذكرها .. في نظري مها تموت ولاتسوي اللي انقال عنها .. أنا أصدق انها ميته وانها ماتقدر تدافع عن نفسها .. ولا اصدق في لحظة انها سوت المنكر واشردت مع هندي خايس .. مها كان نور عيونها عبدالهادي .. وعيالها كانوا عندها فالدنيا لاتصدقين انها تسوي شي مثل هذا . لاتجلطيني وتقولين انج صدقتي .. ابوي وامي ماربوا غلط ! " استحت معجبة .. وقالت بصوت واطي " تعتقدين ان عبدالهادي بيوافق على فايز ؟ " في هاللحظة كان ماجد خلاص .. حس بندم أكبر .. كان يبي يدخل ويقول لمه انه جاهز للي تبيبه .. لكنه سمع ردها " في نظري فايز احسن من ماجد اللي خيب ظني فيه .. فايز يبيها وهو يعرف ظروفها .. وهم على ما أعتقد بيرتاحوون مع بعض اهم شي الريم تطلع من البيت وتروح لمجتمع ثاني أرحم فيها من هالمجتمع .. خصوصا هالنسرة مرت ابوها .. " "صج نسره ماتخليني احاجيها وشمس توها توها متصلة وقالت لي انها صكرت التلفون في ويهها .." انسحب ماجد .. كان يفكر انه مستحيل بيرضي امه ..ومستحيل يسعد الريم . طلع برا المستشفى وهو مكتئب ..أفضل شي الابتعاد .. لين ينسون موضوع الريم .. قالت جوزة فجأة لما امسكت معجبة التلفون . " أبيج تدقين على عبدالهادي وتطلبين منه أنه يمرني بكـره بعد صلاة المغرب " هزت راسها بأوكي .. اتصلت معجبة في ناصر اللي كان في الدوحة "السلام .. " "وعليكم السلام " "شلونك ؟؟ " "الحمدالله بخير وعافيه " " قول لفايز يجهز نفسه عشان يخطب الريم . " " وافقوا ؟؟" كان متفاجأ من صوت معجبة والخبر ..طالع هدى اللي كانت تجلس على بعد امتار منه تقلب في قنوات التلفزيون .. "للحين بس .. ان شاء الله " عصب ناصر وانتقى كلماته بهدوء " مايصير نغربل الريال ونجيبه من آخر الدنيا عشان صفقة مب مضمونه ؟" فهمت معجبة انه مب بروحه .. قالت بهدوء " قوله يجي ,, وانه يا عن طريق خطابه .. يلا عن اذنك .. أخليك مع الجو .." صكت التلفون والدموع اترست عيونها من القهر .. على الطرف الثاني طالع ناصر جواله وقلبه مقبوض .. ((الجو ) ) .. أي جو ؟؟ أي جو يجمعني بهدى وبينا كل هالفضائيات ؟؟ كل هالمجرات ؟؟ طالع لهدى .. تمنى أنه يحبها .. بس لسبب يجهله قلبه مشغول باانسانه وحده ..معجبه .. لكن هدى ؟؟ بدون مشاعر او احاسيس .. كان يحسها مثل أخته !! رغم انه ماجرب شعور انه يكون له اخت .. بس وجودها في حياتها مايحرك فيه شعره .. "من ؟؟" " ها ؟؟" " من اتصل فيك ؟؟" هل هي غريزة المـرأة ولا الصدفة .؟ أول مرة تسأله هدى عن اتصال ! هل كانت تحس أنه من وحده ثانية ؟؟ كان بيقول لها محد ..بس قلبه ماطاعه فقال في لامبالاة " وانتي شدخلج ؟؟ من متى تسألين ؟" هزت كتوفها وقالت " شفت لون ويهك اختفى .. فخفت يكون شي جايد " كان بيرد عليها لكنه سكت .. انسحب من الغرفه بتكاسل وهي ببساطه قامت وحطت راسها على المخده .. طلع لحديقة البيت وتم يطالع النجوم في السما .. وطرا في باله معجبه .. اشتاق لها حيل .. لكنه تعود يكبت احاسيسه ..ويقتلها .. طلع جواله واتصل في آخر رقم في قائمته .. "هلا بخويي .. توك عالبال ..هابشر ان شاء الله وافقوا الجماعه ؟" ضحك ناصر من قلبه على كلمات فايز الملهوفة وقال مبتسم " والله ماعندي فكره .. اتصلت فيني المدام وخبرتني اخبرك انك تمر بيتهم .. وتقول لهم انك ياي عن طريق خطابة . .. سألتها ان كانت البنت موافقة ولا لاء عصبت علي " ضحك فايز بدوره وقال " يالغبي مب لين اتقدم اول ويرضى ابوها ؟؟ انت مفكر نابغه ؟؟ من مسميك هالاسم غلطان صراحه .. " ******** رفعت معجبة التلفون واتصلت برقم الريم .. رد عليها الصوت المزعج اياه .. " خير ؟" " السلام عليكم ؟" " وعليكم " " أستاذ عبدالهادي موجود ؟؟ " " من يبيه ؟" سكتت معجبة ثواني بعدين قالت " مكتب الطيران " ما تعرف ليش قالت هالشي ؟؟ ؟لكن طوال اسبوع تعقدت وهي تحاول تكلم الريم .وهي تعرف ان عبد الهادي مضطر يسافر كل اسبوع عشان تجارته .. بعد ثواني قال عبدالهادي" السلام عليكم .. " قالت معجبة بهدوء " عبدالهادي انا معجبة ,,, اختي ام ماجد تبي تشوفك بكره بعد صلاة المغرب بدون مايدري حد .. " " ليش ؟" " أرجوك عبدالهادي .. بدون أسئله ممكن ؟" " ان شاء الله .." وصكـر التلفون وحست معحبه ان هالامر ما بيعدي على خير .. ارجعت لأختها وقالت " خبرته .. " .. "ساعديني ونزلي السرير شوي .. اكره سراير المستشفى ... متى أطلع ؟؟ ماقالوا ؟" " قالوا ان شاء الله الأسبوع الياي .. " " الاسبوع الياي ؟؟ أنا كرهت المستشفى يا اختج .. " " جوزة حبيبتي .. المهم صحتج .. لاتكرهين المستشفى قبل لانتطمن عليج .. العملية اللي سويتيها خطرة .. ويبون يراقبون قلبج خلال هالمدة .. ابشرج شيخة و نوير راحوا اليوم للجامعه . وشمس بعد .. اقنعتهم بالغصب.. بس صافية تمت في البيت عندها مقابلة مع مدرسة من هالمدارس .. " كانت جوزة متضايقة .. قالت بعبرة " معجبة .. العيال ما بينسون .. ما بيعيشون عمرهم مثل غيرهم .. بيظل هاجسهم اللي سوته مها .. يتكلمون فيه طول اليوم كانه أمس صاير .. أحنا ماتكلمنا يوم صار اللي صار مثلهم .. كلن خنق مشاعره داخل صدره وعشنا حياتنا .. اربع وعشرين سنة مرت .. ولاهم قادرين ينسوون أو يطوفون .. " بدت جوزة تمسح دموعها ومعجبة مسحت دموعها بدورها .. وقالت " جوزة .. يا قلبي لاتضايقين عمرج .. الدكتور حذرنا من ان نزعلج .. " قالت جوزة "وين يا حسرة .. كلما التفت قلبي عورني .. ألتفت لج عورني قلبي عليج .. " " أنا بخير ؟؟ " " أي خير ؟ تسمين عيشتج هذي خير ؟؟ مشتتة مالج أرض تركنين لها ,, التفت لشمس .. حالها أخس من حالج ,, التفت للريم .. ياويل قلبي عليها ,, التفت لصافية ونوير وشيخة واقول في قلبي الله يستر عليهم .. ماطق بابنا حد من طلق طلال شمس .. وآخركم ماجد .. ماجد اللي شايل كره العالم في قلبه .. للي يحقد علينا وعلى اخواته .. وعلى خالته .. " امسكت معجبة يد جوزة "فديتج .. لاتفكرين جي .. ماجد يعزكم وانتم اعلى من روحه .. ومايبي يزعلكم .. تخيلي اليووم اللي رجعت فيه من السفر كان مسوي حادث وسيارته متكنسله ؟؟ اشترى سيارة يديده نفس سيارته بس عشان مايضايقكم بخبر الحادث ويشغل بالكم .. والبنات الله يرزقهم بالزوج الصالح .. وشمس ... خلاص هانت ويجتمع شملها بولدها .. وأنا .. الحمدالله عايشه ومرتاحه .. صج حياتي مع ناصر مشتته ومخربطة .. بس أهون علي من أني اعيش عانس مثل قبل ... أنا أحب ناصر وهو يحبني . بس ظروفي وظروفه مثل الماي والنار .. مانقدر نجتمع بدون ما نأذي حد .. بس حبنا لبعض معيشنا أحلى حياة .. وهذا يكفينا .. بس انتي هوني على عمرج . .. والريم هذا نصيبها ان شاء الله تتوفق وتتزوج بفايز .. والله لما يتكلم عنه ناصر احس انه ريال عاقل وفاهم ... بس انت حاسبي على عمرج وترا بلاج حياتنا بتضيع وهالبيت الصغير بينتهي " حطت معجبة راسها على صدر أختها اللي ضمتها والدموع غرقت عيونها .. بعدين انسحبت داخل للحمام عشان ترتب الكحل الي سال .. دخلت الممرضة .. " مساء الخير .. " "مساء النور .. وين هدى ؟ " طالعت لها الممرضة مستغربة " أنا بنوب عنها اليوم .. تعرفين .. بتذكريني بحدا .. بس مش ذاكره مين .." استغربت جوزة وقالت مبتسمة " أكيد شفتي بنت من بناتي تحت .. بنتي تشبهني وايد .. وأختي بعد .. وبنت اختي بعد .. " قالت الممرضة وتهي تغير الفراش " شو أسماءهن يمكن بتذكر ؟" "بنتي شمس . بس بنتي احلى مني أنا صرت عيوز .. " " شو عيوز كل هالحلا .. ماشاء الله احلى مني .. نيال جوزك فيك " " جوزي عطاج عمره من وقت وطويل .." انحرجت الممرضة " اوه انا آسفه الله يرحمه ... شمس ما بعرف حدا اسمها شمس .." قالت جوزة " عيل اختي معجبة .. " هزت الممرضة راسها " لاء .. معجبة ؟؟ كنت اتذكرت لان الاسم مش دارج " قالت جوزة في استسلام " بس مستحيل تعرفين الريم .. لانها ماتطلع .. " " بنت اختك ؟ الريم ؟ لا ما اعتقد .. أنت بتشبهي لحدا .. بس ماقدرت اتذكر من بالضبط بس انت مألوفة كتيـر .. " طلعت معجبة من الحمام وقالت جوزة " هذي اختي معجبة " " ماشاء الله ام الريم ؟؟ " هزت معجبة راسها " لاء .. الريم بنت اختي الثانية .. من انتي ووين النيرس هدى ؟" قالت الممرضة " أنا فيريال بنوب عن هدى هالاسبوع لانها بدا تسافر .." طالعت الممرضة معجبة وهي تدقق في ملامحها " يا الله شو مألوفين .. بس مش قادرة اتذكر وين شفتكن ... مألوفين كتيـر .. يمكن بشبهه عليكن بس .. حاسه اني بعرفكن من زمان " قالت معجبة في بساطة " أنا عندي صالون في العاصمة .. يمكن شفتينا هناك .. " ضحكت فيريال فإستغربت معجبة " ليش تضكين ما أعتقد قلت شي يضحك " ابتسمت الممرضة وقالت " ويني ووين الصالونات .. بتعرفي ما دخلت صالون من عرس ابن اخي من سنتين .. تجوز في بيروت " انحرجت معجبة وهي تتأمل الممرضة اللي تعطيها من العمر اربعين او خمس واربعين ..سنة سألتها معجبة " متزوجة ؟" هزت راسها بلأ ومدت يدها عشان تراوي معجبة الخاتم " انخطبت من خمس وعشرين سنه لشب حبيته .. بس مات في الحرب .. قبل ما ينكتب كتابنا .. فنذرت حياتي للتمريض والأعمال التطوعية ..لأن ببساطة ما قدرت حب غيرو " تضايقت معجبة على حالتها ... رغم كبرها لكنها كانت جميلة وعيونها خضر مع بشرة بيضا ..قالت لمعجبة "يادلي شو مشبهه عليكن .. بس مش قادرا اتذكر وين .." قالت جوزة " من متى انتي في الدوحة ؟ " ضحكت الممرضة " من زمان ..ما قدرت ظل في بيروت بعد موت خطيبي ..من أكثر من خمس وعشرين سنة .. اشتغلت اول عشر سنوات في مستشفى الطب النفسي .. وبعدها انتقلت لهون . .. " قالت معجبة " المفروض بخبرتج لج منصب كبير " هزت راسها بإمتعاض " رئيستي أصغر مني بعشرين سنة .. بس لأنها هندية بتتكلم انجليزي نصبوها رئيسة الممرضات .. بس الخبرة مش شرط .. بس أنا مابدي كون الرئيسة .. بحب اختلط مع المرضى .. " بعد ماخلصت شغلها استأذنت وطلعت .. قالت معجبة بحسرة " حرام .. حياتها راحت هدر .. شفتي يا جوزة ؟؟ في ناس حالهم أسوأ من حالنا .. احمدي الله على الصحة والعافية .. " قالت جوزة بقناعة " الحمدالله " ********** كانت شمس تراجع الأوراق وهي متوترة .. غيابها هالأسبوع راكم الشغل عليها .. ومحد من الموظفين إلتزم بأي دوام حتى الآن .. سلطان غايب .. ناصر غايب عبدالعزيز سجل حضورة وطلع .. الأستاذ طارق طرش مذكـرة وبخها من خلالها على تأخر العمل .. الظاهر انها خلال هالسنة بتفقد عملها اللي تفانت له سنين .. وماوصلت لهالمركـز إلا بعد تضحيات كبيرة .. أول شي وفاة طلال .. والحين .. مرض أمها .. حياتهم في تغيير مستمر .. في نقص في عدد الموظفين .. والاستاذ طارق مايساعد في تأديبهم .. شالت أول دفعة ملفات واتجهت لمكتب الأستاذ طارق .. حطت الملفات عند السكرتير وكانت تبي تنصرف لكن طارق طلع وناداها " آنسة شمس ممكن تتفضلين لمكتبي ؟" هزت راسها وإلحقته . .. أول مادخل قال بعصبية " الإدارة ملاحظة قصور كبير في عمل قسمج " تنهدت وجلست وهو يشير لها انها تيلس عالكرسي " أستاذ .. أنت ما تساعدني .. " " شلون ما أساعدج ؟" " الموظفين " قالت بحزم وهالمرة ناوية انها تلقى حل للموضوع " ناصر عدد ايام دوامه في السنة تنعد على الاصابع .. عبدالعزيز يغيب أكثر مما يحضر .. سلطان يمكن مداوم بانتظام بس حضرتك ماتسمح لي أوظف موظفين وماتسمح لي أن أصرف الموظفين اللي مايبالون بالعمل القسم يحتاج على الأقل خمس موظفين علشان ما تتراكم المعاملات والملفات .. واللي يشتغلون عندي ثلاث .. أو اثنين .." طالعهـا الأستاذ طـارق بغضب " وغيابج ؟؟ واهمالج ؟؟ كم ملف سلمت عند السكـرتير ؟" " أستاذ طارق كان عندي ظروف ماتسمح أني ألتزم هالفتـرة ومنها مرض الوالدة .." "كلنا عندنا ظروف يا آنسة شمس .. لاتحاولين أن تنتقدين غيرج والنقص بادر منج مثلج مثلهم .. تفضلي لمكتبج .. " حست شمس أنه أفحمها.. فقدت القدرةعلى الرد .حست أنها مظلومـة .. طالعت الباب وقالت بلحظة جنونية " أنا أستقيل .." انصدم الاستاذ طارق .. طالع له مب مصدق " نعـم ؟" انهمرت دموعها وانهار الحائط اللي بنته بين عواطفها وبين موقفها الحالي .. بين الحق وبين الظلم .. " أستاذ طـارق .. مابتصدق قدرالتضحيات اللي بذلتها علشان أوصـل لهالمـركـز .. أنا ما أقبل أنك تساوي عملي وجهدي طوال سنوات بجهد موظفين لامبالين لمجرد أن الظروف قست علي وصادتني بعض المواقف اللي تحتاج تواجدي في البيت .. ما أصدق أنه خلال هالايام تجاهلتهم جهد سنوات كان خلالها هالقسم أفضل قسم في الوزارة .. .. أنا أقدم استقالتي .. وأتمنى تقبلها .." وقفت شمس وطلعت برا المكتب وهي رافعة راسها .. دخلت مكتبها وفتحت درج من الأدراج وشالت منه بعض الاوراق والمذكـرات .. طالعت المكتب مافيه أي شيء تحتاجه اكسسوارات المكتب .. بتتركها .. دخلت لحمامها الخاص افصخت نقابا وانتبهت لإحتقان عيونها . .. طلعت عدتها من الدرج أدوات مكياج ومشط وفرشاة أسنان . ماكانت تستخدمهم وايد بس في الايام اللي يكون عندها دوام طول اليوم ,,طلعت علشان تكتب الاستقالة لقت الاستاذ طارق في مكتبها .. نزلت راسها ودخلت الحمام ولبست نقابها ورجعت ... "آنسة شمس انت مصـرة ؟" " أستاذ طـارق .. أتمنى أن تقبل أسبابي واستقالتي " "آنسـة شمس .. أسبابج ماتقنعني .." "خلاص ..هذي أسباب اضافيه .. أبي أتفرغ لولدي وأمي المريضة " " ولدج ؟" " أي .. " " أنت متزوجه ؟" " مطلقة .. " الذهول على ملامحه واضح .. فهمت شمس أنه رغم أنه مديرها بس مايعرف شي عنها لأنه جا بعدها بفترة .. "مانقدر نخسـر موظفة بكفاءتج .. " قالت شمس في استسلام " وأنا ما أقدر أستمـر في وظيفة كلها قهـر وظـلم " " محد ظلمج .." " أنت ظلمتني .. " طلعت شمس برا المكتب بعد ما شالت اسمها من على الباب .. مرت مكتب السكرتيرة وودعتها .. ************ " جوزة شتقولين ؟؟" طالعت جوزة للرجل اللي كان زوج اختها . " عبدالهادي .. الريال طيب وولد ناس .. " " ولد ناس ؟" سكت جوزة والدمعه في عيونها " عبد الهادي . .. أرجوكـ .. ارحم الريم .." "تبيني أيوزهـا لواحد ما أعرف أصله ..؟" " هو الريال رجل أعمال .. أنا كلمت الخطابـة وقالت لي أنه وحيد هله .. انت تعرف ابوه .. مبارك بن عيسى النوخذه .." فكـر عبد الهادي شوي وضاقت عيونه وقال "مبارك اللي خذ هنديه ؟؟" اسكتت جوزة وهزت راسها .. " تبين أيوز بنتي لابن الهندية ؟؟ اكملت والله اكملت ! بنت مهيه تآخذ ابن الهنديـة فضايح مالها أول من تالي " عصبت جوزة " عيل تبيها تعنس ؟؟ حابسها ومانعها عن دراستها وأنها تعيش طبيعية مثل أي بنت فعمرها .. حرام عليك .. أنت ماعندك بديل .. محد تقدم لها .. والوحيد اللي تقدم لها قبل بظروفها وبسمعـة أمـ" سكتت جوزة لما شافت عبدالهادي نزل راسه .. " والريال وينه ؟" " في مصـر .. بيآخذها مصر .. أعماله معروفه وثروته بالملايين .. بيعزها وبيكرمها .. وفوق هذي كله .. هو صديق ريل خالتها .. وبتكون خالتها جنبها " " خالتها ؟؟" كان عبدالهادي مستغرب .. التفت جوزة لمعجبة وقالت " معجبة تزوجت بريال طيب .. بس ماخبرت حد من العيال .. لابناتي يعرفون ولا الريم .. والريال يمدح بأخلاق فايز " قام عبدالهادي وهو معصب وقال " من هالريال .. من أصله ؟؟ " " الريال من اصل طيب .. ومعروف بهالبلد .. وهو متزوج بنت تاجر مشهور .. بس مب مرتاح معاها .. فلما شاف معجبة تقدم لها وتزوجوا فالبحرين من سنة " "ليش متكتمه ماتقولين اسمه .. ماتوثقين فيني ؟" " يابوعايض شفيك معصب ؟" "يا ام ماجد .. لاتنسين القرابة اللي بيننا ..مسألة حرص مب أكثر " " عمي يعرف معجبة خذت من . ووافق عليه .. واذا تبي تتطمن .. معجبة خذت ناصر بن يوسف بن يوسف .. " "الكاتب ؟" هزت جوزة راسها .. هدت أعصاب عبدالهادي وقال " زين .. دام فايز صديقه .. زين .. أناسمعت عن اخلاقه .. واعرف الحرمة اللي ماخذها بنت ناس كبار .." "أرجوك عايض لاتجيب طاري زواج معجبة لحد .. الريال عنده عيال ومايبي يضرهم وما يبي بيته ينهد " هز راسه وطالع لجوزة اللي كانت تلبس حجابها وبرقعها .. وهي على السرير .. " متى بتطلعين ؟" " " يمكن في هاليومين " " " لاطلعت أبيج تيين بيتي وتخبرين ابوي وامي باللي قلتيه .. وتشوفين رايهم .. لأني ماعد الريم بنتي لأنها تربت بين يدينهم .وإذا وافقوا .. بوافق " "انا مايهمني إلا رايك .. ولا عمي أنا عارفه انها يبدي مصلحة الريم على كل شيء " "شتقصدين يا جوزة ؟؟ أنا ظالم يعني ؟" طالعت له جوزة وقالت بحسرة " واللي سويته فالريم ماتسميه ظلم ؟ لاتزر وازرة وزر أخرى .. وأنت انتقمت من مها فالريم .. هذا قمة الظلم " عصب عبدالهادي وقال وهو متجهه للباب " أنتي وعمج بس اللي ترددون هالحجي .. أي ظلم ؟؟ بس لأني ما خليتها تكمل دراستها ؟ هذي هي عايشه ماقاصرها شي في بيت ابوي .. لو أني ظالم جان ذبحتها بفعايل اامها .. " " بس يا عبدالهادي .. لاتقول هالكلام .. أنا وانت نعرف من مها .. نعرف ان في لغز كبير مانعرفه .. ومستحيل تصدق " " عيل شتفسرين الذهب اللي اختفى وجوازها وملابسها و حتى عقد الزواج مقطع ومرمي عالارض كل خلاقينها مب موجوده .. حتى شباصات شعرها ولما سألت الخدامة قالت انها راحت مع روبي السواق .. ولما رحت غرفة روبي تخيلي .. الغرفة ولاكأن حد عايش فيها .. الشرطه دورت شهوور .. وآخر شيء قالوا لي انها شردت بكيفها ! .. مايقدرون يسوون شيء .. " انهار عبدالهادي وادمعت عيونه .. وبجت جوزة اول مرة تسمع هالتفاصيل .. "مها ماتسويها .." "جوزة .. صدقيني قلبي يقولي انها ماتسويها .. لكن الواقع والناس وعقلي .. كلهم يجبروني أصدق .." طلع عبدالهادي برا الغرفة .. |
الفصل الرابع الجزء 3
دخلت شمس الغرفة ورمت بشيلتها ونقابها وهي منهارة .. بدت تدور في الغرفة بدت تركل الخزاين والسرير وتضرب في الحيط جاتها نوبة غريبة فطلعت الدرج من مكانه ومن قوة اندفاعها انكسر الدرج وطاحت الظروف .. امسكت الظروف وبدت بدون تفكيـر تفتحها .. وهي تطالع الصور ودموعها تزادا ,, انهارت بالنشيج والبكى كأنها أول مرة تبكي من سنوات طويلة .. .. ((((((( دخلت شيخة لغرفة شمس .. تفاجأت بشمس ممدة على السرير والدموع مغرقة عيونها وفي صور على صدرها .. " شمس ؟؟ .. سمعت صوت كسر وحد يبجي .. شفيج يا بعد عمري ؟" اركبت على السرير جنب شمس اللي قالت وهي تراويها الصور " يشبه أبوه ....كله أبوه .." مسكت شيخة الصور كان طفل يبتسم في الحديقة .. صحيح كان يشبه طلال وايد .. كأنه نسخه ثانية عنه .. "هذا ولدج ؟" هزت شمس راسها .. طالعت شيخة الصور .. في كل مراحل عمره .. من كان رضيع .. شافت الظروف القديمة اللي كانت داخلها الصور .. مافهمت .. " من متى الصور عندج؟" " من تزوج طلال بخلود .. لكن ما تجرأت في يوم أفتحها .. كنت واثقة أني مابشوف ولدي ,, فقلت ليش أعلق قلبي فيه .. كانت خلود تطرش المظاريف وأنا أركنها في الدرج .. " أشرت على الدرج اللي انكسر .. سألتها شيخه " شفيج ؟ .شصار ؟" قالت شمس " ضحيت .. وما في شي يستاهل التضحية .. أعطيت .. ومافي شيء يستاهل العطاء .. " مسحت شمس دموعها وقالت " استقلت اليوم من دوامي .. بعد كل هالعمر وكل هالمنافسات والسنوات .. غريبة صح ؟؟ .. لكن .. خلاص .. انتهت حياتي .. ظلموني والواسطة دمرت طموحاتي وسجلي الحافل بالامتيازات والتكريمات .." خذت شيخة راس شمس في حضنها .. وقالت لها تخفف عنها " امس قطعت الواجب الي طلبه مني الدكتور في ويهه .. وهزأته .. ما أعتقد أني برجع الجامعه بعد هالموقف البايخ ..لا ماأظن أنه بيسمح لي ارجع " " ليش شصار ؟" " ظن أني رخيصة وأني أسوي له اللي يبي مقابل معدل سخيف .. الحقير ..قهرني .." نزلت دموع شيخه .. قالت شمس " لاتقول لمي عن جامعتج ولاتقولين لها عن استقالتي .. حرام مابتتحمل ثلاث صدمات بوقت واحد .. " ثلاث صدمات ؟" هزت شمس راسها وقالت " نسيت ان صافية استقالت ؟ ؟ ..انا عندي اللي يكفيني لين أحصل وظيفة ثانية .. بجرب في القطاع الخاص .. " طالعت شيخة الصور وسألت .. " شسمه ؟" " محمد .. لماعرفت أني حامل .. طلبت من طلال اني اسميه ثامر .. على اسم ابوي الله يرحمه .. لكن .. تأزمت الامور بيننا بشكل فظيع لان رئيسي السابق كان يتصل للبيت ويستشيرني في امور القسم .. طلال كان غيور .. مريض بالغيرة .. كان يحلم أني كلمت غيره فيصحى من النوم وهو زعلان علي .. ويهاوشني ليه بتركه ليه خنته !! تخيل حلم !! .. رئيسي السابق كان اسسمه محمد .. ما أدري شقصد طلال لما سماه هالاسم .. كأنه يبي يذكرني او يذكر نفسه بهالغلطة .. تحملته يا شيخه .. كنت أحط له الأعذار .. أقول في قلبي بكره يعقل .. أدعي في كل صلاه يارب صفي باله وحسن ظنونه فيني .. لكن هو ماتحمل السجن اللي كان فيه .. ماتحمل فكرة أني بخونه أو بهرب منه .. فقرر هو يتركني أول وهو يطلقني .. ينقذ رجولته .. واسمه .. كان أناني .. و.. الله يرحمه " "الله يرحمه ... خل نطلع الحين ونروح نيب ولدج .. تعلقت فيه من أول ما شفته .. " " موافقة .." اطلعت شيخه بينما اتصلت شمس في خلود . وبدون مقدمات . " أبي آخذه .. " " ........................... ..... انزين .. عدتي بتخلص في أي وقت .. .. بس تعالي خذيه .. مصيرنا نفترق" استغربت شمس " بأي وقت ؟؟ لكن . .. بقى شهر وشيء .." قالت خلود " أنا حامل في التاسع .. قبل وفاة طلال بفترة كان اقتنع اني أسوي أنانبيب ..ونجحت .. ها أنا حامل .. صج تركني طلال .. بس .. الله عوضني بعياله اللي في بطني .. " "عياله .." " توأم .. ولد وبنت .. أتمنى عن اذنج أنهم يتعرفون على محمد في يوم من الأيام . .ويكونون له سند ويكون لهم اخوهم الكبير بس أشكرج أنج ماخذتيه من أول يوم .. كنت أخاف أنج تحرميني من من أول يوم .. ومايصبرني على فراق ابوه غيره .أنا مجهزه أغراضه .. فتعالي ... " فهمت شمس ليش عمها بوطلال تنازل عن محمد لها .. بيكون عندهم بديل .. قامت والبست ملابسها وتكشخت .. بتنسى الي صار اليوم .. وبتآخذ ولدها لأمها .. مابيكون التعامل معاه سهل .. بس تدعي الله انها تتوفق معاه . ومع الايام بيتعود عليها .. ************** جلس ناصر وهو يطالع القصة اللي كتيها للتو .. كتب العنوان . (معـ جبه ) حط القصة في ظرف وركنها على المكتب .. بيسافر ويرجع الديره مع فايز عشان يساعده في أمر زواجه .. طلع للصاله كانت هدى تكلم بنته نورا .. " باريس لاء .. أنا قلت لج آخر مرة وين صدنا أخوانج .. " سكت هدى لما دخل ناصر .. سألها " تبين تروحين باريس يانورا " هزت نورا راسها وقالت " دادي كل ربعي بيكونون هناك .." قال ناصر بعتب " كم مرة اتفقنا ان كلمة ربعي ماتجوز إلا على الشباب .. قولي رفيجاتي أو صديقاتي .." " اوه داد .انت دقة قديمة رفيجاتي من أي قاموس طلعتها .. سو اولد .." ابتسم ناصر وقال " لاتروحين باريس لين أجي لندن .." سألت هدى " ليش ؟؟ مابتي معانا ؟" " هز ناصر راسه " تغيرت خططي .. لازم أرجع الديرة .." قالت هدى " زين انا ما بآخذ الأولاد لفرنسا .. عندك فكرة عن الي صار السنة اللي طافت " قال وهو يتذكر النادي اللي صادهم فيه "" مب مشكله بآخذ نورا بس .." "يس يس عاش داداي .." ركضت البنت داخل تبشر اختها ..طالعت هدى لناصر " بتكون أول مرة مابتسافر معانا في الصيف .. اعتقد اتفقنا ان الصيف للأولاد يا ناصر .. مايصير تخلف اتفاقنا اللي التزمنا فيه كل هالسنين .. " بقد ماكانت غصة ناصركبيرة ببرودها لفكرة غيابه على الصعيد العاطفي بقد ما كان غضبه من لهجتها الحنانة قال وهو يرص أسنانه .. " صديقي بيملج وبيعرس ومحتاجني قربه .. ما أقدر أطنشه لمجرد أنج ما تبين تغيرين بند من دستورج في حياتنا .. " طلعت نورا وقالت " دادي هاني تبي تروح معانا باري .. " " مافي مشكله حبيتي . خل تروح بس اسمها حنين .. مب هاني .. " وقف ناصر ورجع لمكتبه .. رتب مقالاته الجديدة واللي قرر ينشرها وخلاها على جنب .. دامه بيرد الدوحه بيآخذها معاه ويسلمها لرئيس التحرير .. *********** انصدمت شيخة من برود شمس .. الولد كان يطالع لها بخوف مايبي يترك خلود اللي كانت ماتتحرك بسهولة .. تقدمت شيخة بعد ماشافت شمس اللي تحنطت في مكانها وقالت للولد " شلونك محمد ؟ .. أنا خالوه شيخه .. وهذي ماما شمسه .." قال الولد مستغرب " هذي امك ؟؟" ضحكت شيخة وقالت وهي تطالع شمس اللي انترست عيونها دموع رغم انها تبتسم " لاء .. هذي اختي شمسه .. بس هي امك الثانية .. بنترك ماما خلود وتيي تعيش عندنا .." استغرب الولد ورجع مسك بثوب خلود بشكل فطري وطالع لشيخة برعب .حست شيخة ان الولد ما بيتقبل فكرة أنه يعيش معاهم بسهولة .. طالع لخلود تستنجدها بنظراتها ان تقول شي خصوصا ان شمس اتخذت موقف السكوت وهي تطالع الولد وترتجف .. قالت خلود وهي تطالع للولد " حمود حبيبي تذكر ماما شمس اللي قلت لك عنها وانك لازم تكون معاها ؟؟؟.. هذي هي حبيبي ..يلا روح لها وحبها على راسها " هز الولد راسه وبدا يخاف " لا ما ابي .. ما ابي ..." قالت خلود بلهجة حنونه " حمودي حبيبي انا قلت لك إذا ما رحت معاها بمرض وبيعورني بطني .. أنت تبي بطني تعورني ؟" هز الولد راسه بلا وطالع شمس وهو يبجي " أخاف .." مسحت خلود على راسه وقالت " يلا حبيبي اتفقنا انك ريال والريال مايخاف.. روح مع خالوه شيخه .. وتعال شوفني يوم الجمعه حبيبي لاتنسى ماما خلود .. يلا روح والا بطني بتعورني " احضنت شيخة الولد وشالته وهي منصدمه من سكون شمس وتصلبها وعدم نطقها لكلمة وحده .. وفي السيارة أعطته شيخة لعبة سيارة كانت اشترتها له .. وقالت للسواق " للمستشفى " طالعت شمس لشيخه اللي قالت لها " شمس ..بنوديه ليدته تشوفه .. " هزت شمس راسها موافقة والدموع في عيونها .. استغربت شيخه كان ودها تصرخ في اختها وتقول لها هذا ولدج ليه تعاملينه بهالبرود .. لكنها اسكتت غصب عنها .. لازم ما تحسس الولد بأي توتر .. كانت صدمة جوزة بهالخبر وشوفها للولد أحلى ردة فعل شافتها شيخه لأمها في حياتها .. بدت تبوس الولد وتحضنه وتلاعبه .. والولد ارتاح لها من النظرة الاولى لأن الحنان اللي في قلبها كان واضح .. جرت شيخة شمس لبرا الغرفة وقالت لها " شفيج ؟" قالت شمس وفيها العبرة " مب مصدقة أحس اني في حلم " " اصحي شمسوه .. الولد وهذي اياه صار عندج وانتي حتى ماتبين تلمسينه ؟ شالبرود اللي فيج توقعتج تلمينه في حضنج اول ماتشوفينه من كثر البكي الي بكيتيه .. " قالت شمس بعقل " شيكون شعورج لو وحده ماتعرفينها تمت تحضنج وتبجي ؟؟ أكيد بتخافين ..وأنا مابغيت أول شعور يبديه نحوي يكون الخوف ..احس اني بردانه .." ضمت شمس يدينها لبعض .. .. ورجعت داخل .. كانت امها تلاعب محمد وتقول له من حزاويها القديمه .. جلست شمس على الكرسي وتمت تراقب ردات فعله والدموع في عيونها لانها ماكانت تفكـر إلا في طلال وذكريات طلال .. بعد فترة قالت مستغلة الموقف " يما أخذت اجازة من دوامي أبتعرف على حمود وأقعد معاه هالشهر .." قالت امها وعيونها على محمد " زين سويتي .. وأنتي شيوخ بتآخذين صيفي ؟" ارتبكت شيخة وقالت " لاء.. أبي أجابلج انتي وحمود .. وأشبع من مناظركم " |
السلم عليكم اختي electron الروايه عن جد روعه خطيره غير عن كل الروايات اللي قريتهم ماعليكي امر ممكن تنزلين اليوم بارت يديد يعطيك الف عافيه |
اهلا ... خطوات وردة .. مشكورة حبيبتي على المرور..ابشري
الفصل الخامس الجزء 1ابتسامة في وجهه الألم .. ********** كان ناصر يجهز شنطنه لما دخلت هدى وقالت بإحترام " لا يا بو يوسف مايصير أنا برتبها لك .. " جلس ناصر وتم يراقب هدى وهي ترتب الشنطة .. 10 سنوات زواج .. وهو يتصبح ويتمسى بشوفتها .. بس بدون أحساس ,, يا ولده نواف وقال وهو يشوف الشنط " بنسافر بدري يبه ؟؟ نبي نتم في القاهره مع أولاد خوالنا .. " طالع ولده بإبتسامه وقال له " انا بسافر وانتم تموا .. بس ابعدوا عن صلوح وخليفوه . لاتروحون معاهم " حس أن هدى تضايقت من ذكر اسامي عيال اخوها تركي .. سأل نواف " وين بتروح ؟بتسبقنا ؟" هز ناصر راسه " لاء .. برد الدوحه عندي شغل وبعدين بلحقكم .." هز نواف راسه راضي وقال :" أهم شي أنك تآخذني الألعاب في لندن .. " قال ناصر " ان شاء الله " طلع نواف التفت هدى " ليش تبي تبعدهم عن صالح وخليفه ؟" عصب ناصر " بنستعبط ؟؟ مب صلوح وخليفه هم اللي خذوهم العام للنايت كلب ؟؟ نسيتي ان ادارة النادي دقت علينا ؟؟ " عصبت هدى " بس العيال كبار ..شتبيهم يسوون مع أطفال أعمارهم تسع وثمان ؟" " نايت كلب يا هدى نايت كلب ؟؟ عيال اخواج ما كملوا ال18 .. " قالت بهمس " هذا انت بتآخذ نورا لباريس .. "" قال بقلة صبر " ما بهيتها .. بتروح معانا بنت اختج " "حنين صغيرة .. ماكملت ال13 سنة ... " " أنا معاهم .. وأعتقد يكفي وزيادة ." دخل يوسف الغرفة وقبل لايتكلم لمح عصبية ابوه وامه .. فقال بهدوء " يمه سارة صحت وهي تبجي ما أدري شفيها . .." اطلعت هدى برا الغرفة .. وتم ناصر يفكر .تذكـر معجبة .. يمكن يطلب منها أنها تيي فرنسا ,, بس صعب وين بيخلي البنات ؟ .. هل يعرفهم عليها ولا بيخاطر ؟ عيال ناصر أربع .. نورا ويوسف توأم مختلف وأعمارهم 10 سنوات .. وأصغر منهم بسنه نواف اللي متعلق في ابوه وايد .. والصغيرة اللي عمرها ثلاث سنوات سارة .. ادخلت هدى وهي مختنقة وفي عيونها كلام ..كملت ترتيب الشنطه لكن ناصر ماقدر يسكت .. " شفيج ؟" " سارة محمومة .. أبآخذها الطبيب بعد ما اخلص شنطتك .. " " اتركي الشنطة عنج و قومي خل نآخذها ,,.." ******** "ينام عندي .." صرحت جوزة بهالقرار بعد ما طلعت من المستشفى في نفس اليوم اللي دخلت فيه شيخة عليها بمحمد .. اقترحت شيخة " خل ينام عند امه .." لكن اسكتت بعد ما شافت الولد متعلق في ثياب يدته .. وشمس متكتفه وواقفة بعيد ولا كأن لها دخل .. قالت شمس وهي تلتفت وتتوجه لغرفتها " لا خل ينام عندها.. " ما كان صوت شمس يحمل عتب .. ولا يحمل زعل .. بالعكس كأنها ارتاحت من حمل أو من هم كان مثقل عليها .. استغربت معجبة .. وشيخة خذت الولد ودخلته لغرفة امها عشان يرتاح .. بينما جوزة مارضت تدخل للغرفة وتمت في الصالة مع معجبة .. قالت معجبة " شفيها هالخبله ؟؟ ماتلم ولدها وتربيه ؟؟ شفيها بارده بهالطريقة ؟ تدرين بروح أحاجيها .." لكن جوزة وقفتها وقالت " صعب . .. شمس فيها مشاعر أمومة .. وأكثر مني ومنج بس في حاجز ما أدري شالثمن اللي بتدفعه يلا ينزاح شمس في حالة صدمة ، الأيام بتجبر جروحها وبتعقلها .. ولاتنسين الوضع مب طبيعي الولد اخذه ابوه منها وهي في حالة صدمه وماتكلمت عنه ابدا ..انطري عليها شوي .." استغربت معجبة اكثر لانها فعلا ماقد سمعت شمس تتكلم عن الولد .حتى طلال ماذكرته من اربع سنوات . غريبه ... "شسويتي بسالفة الريم ؟" " اتصلت على عمي وخبرته .. وزين ذكرتيني اتصلي بالريم خل تييني .. " لكن معجبة هزت راسها بقهر وقالت " وين يا حسرة .. الريم مااقدر اوصل لها .. تخيلي من كثر ماخفت عليها رحت أمس بيتهم ماطلعت لي طلعت لي هالسلقة البندري ولسان ما اطوله .. حشمت عمري واستأذنت " عصبت جوزة وقالت " ترووحين تييبنها وتجيين .. واستعيني بعمي .. والله طالت وتشمخت تيي هذي وتتحكم بالريم " طاعت معجبة كلام اختها ولبست عباتها وتوجهت لبيت بو عايض " *********** كانت الريم في حالة هستيرية .. كانت البندري مقفلة عليها الباب طوال اليوم وابوها سافر من يومين .. واللي ذبح الريم انها خذت منها التلفزيون .. كانت تدور في غرفتها بجنون والشعر التفت في يدينها .. هي محبوسة طول عمرها فمافي شي يديد .. لكن تحبسها كأنها حيوان في غرفة طوال اليوم وتخبر جدها وجدتها انها نايمه هذا سجن !! .. لكنها تعبت .. طالعت في الغرفة .. وخطرت لها فكرة .. بتجنن البندري .. بتجننها .. قبل لاتنجن ! .. وقفت عند الاستيريو وحطت السي دي وحطت صوت عبدالمجيد على أعلى شي ..وكان الصوت عالي وايد .. وكانت تحس الحيطان تهتز من الضجة غطت اذونها وهي ناطرة .. (( هدووء سكوون .. صمت شاحب لارفيق لا صديق .. لاصوت صاحب هدووء سكون صمت شاحب لارفيق ..لاصديق ..لاصوت صااحب مدري لوين راحوا الناس ..يم الجفا او يم الاحسااس حتى الدموع في العيون ذبلت .. حتى الظنون في الجروح كبرت .. مدري لوين راحوا لوين راحووا الناس ... يااغربة الروح قولي وين اروح .. في عيني سراب وفي همي وضوح يا صمتي الساكن في جرحي العتيق .. ضاع السفر لكن ذاك الطريق .. حتى الدموع في العيون ذبلت .. حتى الظنون في الجروح كبرت .. مدري لوين راحوا لوين .. راحوا الناس .. ما بقالي غير الخــوف .. الخوف يونسني .. صوت الماضي بوجودي يذكـرني .. مابقى لي أنا إلا أنـا ... وروح كلهــا حزن وعنا .. حتى الدموع في العيوون ذبلت .. حتى الظنون في الجروح كبرت .. مدري لوين راحوا لوين راحوا الناس .. " تغيرت الأغنية لأغنية أجنبية .. وصار ازعاج أكثر .. (( hey hey you you idont like your girlfriend no way no way I think you need one Hey hey you you I can be your girlfriend ) ) انفتح باب الغرفة واركضت البندري للإستيريو واحذفته على الأرض وكسرته حل صمت فجأة وحست الريم بتشفي وهي تشوف عيون البندري المخترعه " انت مجنونه ريموه " ردت الريم بلعانه "المينون ابوج .. يوم زوجج لبوي وابلشني فيج .. " امسكتها البندري من شعرها واسحبتها لكن الريم داست على ريلها فتركتها البندري وتمت تصارخ .. " ياللعينه يالحيوانه .. اعنبوج وامج ويدج " " والقايل .. ان شاء الله " " يا قليلة الأدب " راحت الريم للباب وأخذت المفتاح ورمته فوق الكبت وقالت " عاد شوفي الحين شلون بتقفلين الباب علي يالحية " عصبت البندري وويهها استوى احمر امسكت بشعر الريم وضربتها بقوة في الكبت وقالت وهي تدزها للباب " شوفي يالعله .. والله اكل مافي ولا شرب بتموتين من اليوع هني .. وابوج مابيرد لين اسبوعين ويدج ما سائل فيج والله ياريموه لأجننج وأقطج بمستشفى الميانين " سحبتها وحبستها في الحمام .. كانت الريم بتصارخ .. لكنها تراجعت وقالت في نفسها " وش الفايده يدتي ما سألت ولايدي .. ولا بيسمعوني راحت للبانيو وخذت المنشفه من على الباب وحطتها وجلست .. وتلمست ويهها والكدمه اللي صارت فيه من ضربة البندري .. أهم شي انها يننت البندري وسبتها وطلعت شوي من الحرة اللي في قلبها .. بعد ساعه انفتح الباب وطلت البندري وقالت " قومي لغرفتج " قامت الريم وهي مب مصدقة انها افرجت عنها .. راحت لغرفتها واول ما دخلت مسكت البندري الباب وقالت " لاتعانديني .. لاتعانديني وحطي ثلج على ويههج على الكدمة فريزرج مليان عسكريم .. اصطلبي ريموه . واحترميني ولا تعاندين ولا بيستوي لج مثل جي وأزود " صكت الباب وقفلته على الريم .. استغربت الريم من وين يابت الفتاح .. بس عرفت السبب لما شافت الكرسي جدام كبتها .. بعد ربع ساعه دخلت معجبة لغرفتها دخلتها الخدامة بمفتاح سبير بدون علم البندري .. انصدمت من الكدمة على ويهه الريم.. " لايكون هالحقيرة هي اللي سوت فيج جي " قالت الريم " لا .. انا طحت من عالكرسي .." وأشرت الريم للكرسي الي جدام الكبت .. سألت معجبة " عيل ليش قافلة عليج الباب حضرتها ؟ ..وينها أبي أشوف ويهها .." قالت الريم :"" أرجوج خالتي .. خليها تذلف شلون خالتي جوزة ؟" ابتسمت معجبة " اطلعت من المستشفى ." " صدق حمدالله على سلامتها .. ودي اشوفها بس .." وقفت معجبة وقالت " بنطرج برا . بدلي ملابسي لاني بآخذج لها .. خذيت اذن من يدج .." |
الفصل الخامس الجزء 2
*************** كان بوعايض مكتئب وهو يكلم أبوه في التلفون " يبه اقبل بالريال وخلاص .." عصب ابوه وقال " انت مهبول ؟؟ هذا زواج .. خل نسأل عن الريال وننعرف عنه .. مايصير نزوجه بسرعه " قال عبدالهادي باستخفاف " كلها الريم زين حد تقدم لها" عصب الجد وصكر التلفون في وجهه ولده .. واتصل على صديق له وطلب منه يساعده .. كان المطار مزدحم .. بدأت عطلة الصيف وكل واحد مآخذ هله سياحه .. تم يطالعهم عبدالهادي وهو يفكـر .. (( طول عمري برمجت نفسي على فكـرة أن الريم بتظل عانس في بيت ابوي .. هل بتتزوج ؟ ... معقولة ؟ واذا سوت سواة امها وفشلتنا جدام الريال ؟ اذا اشردت شبتقول الناس عني ؟؟ .. هل بتحمل صدمه يديده ؟ .. وولد البندري اللي ياي في الطريج ؟ .. هذا بعد يبي مسؤولية .. مب وقتها ابدا ..يا يبه ليتك ماتزوجها لهالريال ولا اي ريال .. ليتها تم بدون زواج .. ليتها تموت وارتاح من همها !)) .. وقف وشال شنطته وتوجهه للطيارة .. ...وهو يردد (( اللهم لا أسألك رد القضاء انما اللطف فيه .. )) .. ^^^^^^^^^^ دخلت شيخة المطبخ وشهقت " يمااا .. شتسوين ؟" وركضت وخذت القدر من يدينها .. " يا بنتي يالسه اسوي العشا .." عصبت شيخه " يما توج طلعت من المستشفى شلون جي تيين وتشتغلين هنا .. سااموه يالعله شلون تخلين امي تشتغل " قالت الخدامه " شيكه ماما يعصب انا .. " قالت جوزة " يا بنت اتركي عنج وخليني اسوي غداكم انا وناستي في الطباخ .اكيد لاعت جبدكم من اكل ساموه هالايام اللي طافت .. " قالت شيخه " ولاذقنا شي من يدينها .. صافية الله ييعطيها العافية كانت تسوي اليدام لج وتطرشه .." " كانت تطبخ لكم ؟" قالت شيخه " لا يمه بس تطبخ لج .. لأن محد كان يتم في البيت ..اطبخت أول يومين وكان كله تكته في الزباله تكرمين .. فصارت ماتطبخ " انصدمت جوزة " وانتوا وين كنتوا تآكلون ؟ وماجد وخالتج وخواتج ؟ معقولة مالتميتوا على طاولة وحده ؟؟" طالعت شيخه الجدر اللي على النار وقالت " لاء .. كل اللي تشوفينه ناس طالعه وداخله .. محد توقف وقال شخباركم ...ممم معكرونه ..ياي " فهمت جوزة أن شيخة تقصد اخوها ماجد بمحد ..وقفت وقالت " ابعدي خل أصفي المعكرونة .. بسوي باشميل و باستا خواتج يحبونها.. " قالت شيخه " يمه أنا بصفيها شفيج أنتي ماتراعين نفسج الجرح اللي في صدرج ماطاب وتبين تشيلين هالاثقال .." قامت شيخه وصفت العيش قالت لها امها " سمي يا شيخه " استغربت شيخه " ليش ؟" " لايكون ماسميت يا يمه إذا كبيتي عليهم حار بيأذونا " "عن من تتكلميني ؟ " " الينانوه .." ضحكت شيخه بإستهزاء " والحين هاليني ترك هالبيت العود ومايا يقعد إلا في هالحوض ؟ من صجج يمه ؟" ساعدت شيخه أمها وخذتها لفراشها وهي تهددها ان تحركت بتزعل منها .. وما بتخلي محمد ينام عندها .. صعدت شيخه لغرفتها لما دخلت الريم ومعجبة لغرفة جوزة .. ريم ضمت خالتها بقوة وهي تبجي كانت تبي تتكلم بس خالتها سكتتها .. " ر يموه بس يا قلبي .. فاهمتج وهالنسرة اللي نكدت عليج حياتج الله ينتقم منها ... " ************ تفاجأت الريم بالخـبر .. واحمرت وجناتها .. " صحيح خالتي ؟ ؟ قالت لها معجبة " الريال زين وحباب .. أخلاقه طيبه وأحسن من ذي كله .. بيآخذج تسافرون وين ماتبين .. " " مايهمني السفر يا خالتي كل اللي يهمني أنني أطلع من سجن البندري .. كرهتني حياتي والله .. حتى التلفزيون خذته من غرفتي . تعقدت والله .. هو فايز يشتغل .." ضحكت معجبة " قالت يشتغل .. هو رجل اعمال عنده مكتب في القاهره وحالته ميسوره واايد " تغندبت الريم وهي تقول " وأبوي ؟ هل بيوافق ؟" احضنتها جوزة وهي تقول " اي موافق . . " قالت الريم بسرعه أول شي خطر على بالها " اذا سأل عن امي قولوا له ماتت .. دام انه من برا الديرة .. " نزلت معجبة عيونها وقفط ويهه جوزة " شقصدج ؟" الريم تعرف خالتها جوزة ماترضى على امها .. فحاولت ترقع اللي قالته " خالتي أحسن شي انه مايعرف .. " قالت معجبة تحاول تقفل الموضوع " الريال يعرف بسالفة امج .. " شهقت الريم .. وتمت تفكر شوي بعدين قالت " خلاص ماني موافقة .. ذل البندري ولا ذل الناس " حست معجبة ان الريم تغير ويهها وصارت تهز راسها بعصبية "الريم والله الريال زيين ..ناصـر يقول انه...." سكتت معجبة وعرفت انها ارتكبت غلطة لما نطقت اسم ناصر . ضاقت عيون الريم وطالعت خالتها باتهام " ناصر ؟؟ من ناصر خالتي ؟؟ من ؟؟" قالت جوزة تحاول تغير الموضوع " الخطابة ام ناصر .." قالت الريم وهي معصبة لمحاولة خالتها في استغفالها " خالتي .. أنا مب مدمغة .. قالت ناصر يقول .. من ناصر .. وبعدين شلون انت ياخالتي ترقعين لها ؟؟ وانت ياخالتي معجبة نسيتي اللي صار لحياتنا ؟؟ نسيتي اللي سوته اختج العودة ؟ناوية تعيشينا في عار ثاني ؟" معجبة بدون وعي اضربت الريم كف على ويهها .. وقفت جوزة بينهم وقالت " بس . الريم ..زودتيها .. ناصر يكون ريل خالتج .. ويدج يعرف بهالشي وابوج يعرف .. اعتذري من خالتج " الصدمة شلت الريم تمت تطالع خالتها منصدمة وعيونها تنتقل من جوزة الى معجبة مب مصدقة .. اما معجبة فكانت تطالع يدها وتمنت لو انكسرت يدها ولامدتها على الريم واخنقتها العبرة فطلعت برا الغرفة وراجت لقسمها بسرعه ... |
يعطيك العافيه اختي electron :البارت قصير اوو انا اندمجت وايد بس مشكوه يعطيك الف عافيه انتظرك:flowers2 |
الفصل الخامس الجزء3
قالت الريم منصدمة : " وليه ماعلمتونا ؟؟ .. مانستاهل نفرح فيها يعني ؟ لازم تنجرحون عشان تعترفون ؟؟ هل انا غريبة عشان ما اعرف ؟؟ " هدتها جوزة وخذتها في حضنها وهي تقول " فديت روحج هي مآخذه واحد هامور .. متزوج غيرها بنت من بنات هالهوامير اللي مايرحمون احد .. وتكتموا هي وريلها عالخبر " قالت الريم وهي تبكي " بس هذا زواج ..لازم اشهار .." قالت جوزة :"تزوجوا في البحرين يا بنتي .. واشهروا زواجهم هناك .." ما استوعبت الريم .. تمت مرتبكة ومحتارة ومتلومة لانها اجرحت خالتها في الصميم .. اعتذرت من خالتها جوزة وباست راسها .. وبعدين اتجهت لقسم معجبة .. وهي في طريقها تفاجأت بماجد دخل البيت ماجد " السلام عليكم .. شلونج الريم ؟ " ابتسمت له الريم وهي كانت دايم تعده مثل اخوها مب اكثر " بخير شلونك انت ؟؟ الحمدالله على سلامة خالتي .. وردتها البيت .." تفاجأ ماجد " هي ردت؟؟ صج ؟؟" "اي طلعت اليوم " " ماكنت ادري بروح اشوفها .." وتوجه لغرفة امه لكنه توقف فجأة وقال " الريم .. شنو ذي اللي على ويهج ؟ من طقج ؟" عرفت الريم انه يقصد الكدمة فقالت " طحت من عالكرسي .. محد يتجرأ يمد يده علي .." " برافو ريموه خلج قوية جي " التفت وراح وكملت الريم طريقها لقسم خالتها وطقت الباب تستأذن عشان تدخل .. " ادخل .." دخلت الريم واركضت احضنت خالتها وهي تبجي .. " آسفة والله آسفه لاتزعلين مني . فديتج بس انتي تعرفين اني اكثر انسانة عانت ...سامحيني خالتي سامحيني " وتمت تبوس في معجبة وتحاول تحب يدينها ولان معجبة تحبها اكثر من روحها نست الاهانة وسامحتها وتموا يتكلمون عن فايز في البداية .. قالت لها معجبة كل شيء تعرفه عن فايز .. حسب اللي قاله ناصر ريال مصلي خايف ربه متعقد من هالمجتمع ومن امه بالذات .. ففهمت الريم ان في نقطة مشتركة بينهم .. الام .. بعدين اسألت خالتها " شلون تعرفتي على ناصر ؟" ابتسمت معجبة وهي تسترجع ذكرياتها " مم .. اول مرة شفته فيها كنت رايحه آخذ شمس في سيارتي .. طولت علي شمس ونزلت لها لمكان شغلها .. وانا ادور في المكاتب شفته .. انصدمت انه يشتغل هنا .. سألته عن مكتب شمس فقال لي انها عند المدير ..سألته سؤال غبي قلت له انت الكاتب ؟ قال لي لاء .. وبعدين تم يضحك على سؤالي .. كنت اقرأ أعماله دايما .. سواء الي في الكتب او في الجرايد ..وكنت احس انه قريب مني وايد لاني افهم اللي يكتبه اكثر من اي كاتب ثاني وكنت اقرأ مقابلاته .. وأنا أنتظر شمس تناقشت معاه حول شيء كتبه في هذيك الفترة وما اعجبتني الفكرة وايد .. وضحت له وجة نظري .ووضح لي مقصده من اللي كتبه .. ففهمت وخجلت من سوء الفهم .. بعدين يات شمس وانسحبت بهدوء وفي عقلي كنت سعيدة اني التقيت بهالانسان وهالمبدع واجريت معه هالحوار .. مرت شهور .. وفجأة وأنا في البنك اخلص معاملة انتبهت له .. طبعا ماعرفني ومستحيل كان بيعرفني من خلف نقابي .. لأن كل اللي صار بينا محادثة لا اكثر .. وكنت البس النقاب فمايعرف شكلي .. فحاولت اني اخلص معاملتي .. وأثناء كلامي مع الموظفة اقترب مني وسألني انتي اخت شمس .. طبعا استعبطت لحظتها وقلت له ان اسمي مب شمس ومغلط .. ملامح ويهه كانت تضحك وهو يصحح ويقول عندج اخت اسمها شمس .. عور قلبي وابتسمت تحت نقابي وقلت له : لا يا استاذ ناصر انا خالتها ...التقينا في مكتبها من كم شهر إذا تذكر .. الارتياح اللي على ملامحه ..وضحكته ولدت داخلي احساس غريب .. وحسيت اني اكن لهالشخص مشاعر اقوى من اي الاعجاب .. احساس ان في شيء داخلي حي ..قال لي انه عرفني من صوتي .. وبجرأة اعترف لي أنه مانسى محادثتنا اللي صارت من فترة .. وانه تم يفكر فيني طوال الاشهر الي طافت ,, في هاللحظة سلمتني الموظفة اوراقي ومن شدة ارتباكي تخربطت الاوراق في يدي فاعتذرت ورحت السيارة وانا مختبصة من هالاعتراف والاكتشاف الغريب اللي اكتشفتهن عن قدرة هالشخص في تغيير مشاعري بدون سبب ,,وفي نفس اليوم اكتشفت اني ضيعت بطاقتي الشخصية وكان متعب لي ان اطلع بدل فاقد لان كانت عندي معاملات كثيرة تحتاج اثبات هوية .. اليوم الثاني تلقت اتصال غريب .. وتفاجأت انه ناصر وخبرني ان البطاقة عنده .." ابتسمت الريم وقالت " يعني الصدف اجمعتكم ؟" هزت معجبة راسها وقالت " قولي جي ,, التقيت فيه عشان آخذ البطاقة .. وطلب يدي للزواج .. طبعا حسب كلامه أنه حبني من شخصيتي لكن انا اعرف انه من شاف صورتي في البطاقة تعلق فيني .. في اخطاء ماراح أسامح نفسي عليها ابدا .. أولا قبولي بسرية الزواج .. أنا أول من نطق كلمة أحبك بيننا .. قبولي بشرط عدم الانجاب .. مافي بنت محترمة ترضى على نفسها هالشروط الظالمة .. بس هو احتل كياني وحبيته بشكل جنوني.. " قالت الريم باشمئزاز " أكره الحب .. يذل الإنسان بشكـل مهين " المعت عيون معحبة وهي تقول " يالريم مابتفهمين ..مب بس الحب .. تخيلي مافي حد محترم طق بابي وقال ابتزوجج كل اللي تقدموا كانوا مب من ديرتنا واغلبهم لقيطين ..وجوزة كانت ترفض ....واللي سمعتهم في الشرب والسفر سابقتهم ..و كنت في نص الثلاثين ولا لي في هالدنييا الا جوزة .. وجوزة ماعايشه الا لعيالها .. أنا عايشه لمن ؟ لمن أشتغل واتعب ؟؟ محد يشيل همومي ولا يحضنني ويقول انت مب بروحج .. تنازلت عن وايد صحيح .. لكن كله يهون لما يكلمني ناصر..وأعرف انه يحبني .. وأنه بيكون سند لي في الايام اللي يايه ..كله يهون ..صج انه متزوج .. وعنده عايلته .. بس العوض ولا الحريمه .وصدقيني ماسمعته يمدح في حد مثل مايمدح في فايز وأخلاق فايز .. . " قالت الريم مضطربة " يعني فايز عن طريقه ؟؟ هل يبي زواج سري مثله ؟" هزت معجبة راسها بلا وقالت " فايز مب متزوج .. " "عيل شيبي فيني ؟؟ بنات الدوحه ما أكثرهم .." حاولت معجبة انها تشجع الريم " وهو مايبي ياخذ غيرج .. المفروض تفرحين .. " وقفت الريم وعدلت شيلتها في المنظرة وقالت " شكله مريض نفسي .. أكيد بيستلذ بتعذيبي ..خليني على البندري اهون صج ان لها حركات تقهر..بس دايما بالاخير تحن وتتراجع عنها ..ويبي يآخذني القاهرة ؟ ليش عشان اموت من القهر بروحي ؟" حست معجبة ان الريم مب مقتنعه في الزواج من فايز .. قالت لها "انت شخاسرة؟؟ .. بتمين طول عمرج تحت رحمة هالحرمه ولا تستقلين بحياتج وتتزوجين ؟؟ جربي .. واذا ما اعجبج الريال وانا اشك بهالشي .. اطلبي الطلاق .. بس اطلعي من الدوامة اللي عزلتي نفسج فيها ..اكسري عيون الناس .. ولا لازم تعنسين يلا تآخذين خطوة مماثله لخطوتي مع ريال متزوج وبذل ؟؟ .. يلا روحي لشمسه وخبريها كل اللي صار ,, بس لاتقولين لها عن زواجي لان ناصر مايرضى اخبر حد وخصوصا شمس .. قولي لها ريال ياي عن طريق خطابة ..واعرفي لي السبب اللي يخلي شمس تعاف ولدها وتخليه ينام عند خخالتج جوزة .. " استغربت الريم " هي خلود عطت شمس حمود ؟" " اي اليوم يابته شمس الصبح بس ماقربت له ولا كأنه ولدها .. لو انها صخلة كانت حست اكثر منها .. " ركضت الريم لغرفة شمس ولما فتحتها تفاجأت بالفوضى .. وشمس في زاوية ضامه ريولها لصدرها وتطالع الصور اللي صفتها على الأرض .. "شمس شفيج ؟" " الريم .." اركضت شمس وخذت الريم في حضنها وحست انها مشتاقة لها من زمان .. وجلسوا عالسرير وقالت للريم " اخيرا شفت محمد .." "سمعت .. وينه ؟" طالعت شمس يمين ويسار ..وأشرت على الصورة اللي على الأرض " كانت صورة الولد وهو رضيع .. مثل ماشافته شمس آخر مرة .. "انزين وين محمد .." شمس بدون وعيي " عند طلال .." للحظة انتبهت شمس للي تقوله وقالت " لا اسم الله عليه .. عند امي ...عند امي تحت " انصدمت الريم .. أول مرة تشوف شمس مب في تركيزها .. قالت تغير الموضوع " عندي خبر جديد .. فرش .." " صج الريم ؟؟ خبر يديد ؟؟ بشري ؟؟ ذبحتي البندري ؟" اضحكت الريم لكنها قالت مستسلمة " لا . انخطبت يا حلوة " &&&&&&&&& طقت الباب وهي مترددة .. تدخل ولا لاء .. " تفضل " دخلت نوير غرفة اختها " مساء الخيــر .. " طالعت لها صافية وكانت مستغربة " انت وينج ماشفتج من يومين ؟؟ " قالت نوير وهي تآشر على غرفتها " كنت نااايمه .. تخيلي . من أول أمس أصحى من النوم وأجع أنام " ضحكت صافية " شفيج لايكون قرصتج ذبابة تسي تسي " قالت نوير وهي تستند على الجدار " كنت محمومة .. " حست صافية بوخز ضمير أن اختها من يومين مريضة ولاحد داري فيها .. قامت وحضنتها وتعذرت منها وهي تقول " سلامتج حبيبتي .. اعذريني والله طول اليوم على الكمبيوتر اطرش ايميلات لهالمدارس وفاكسات وسي فيات . .. تعبت والله للحين فيج حرارة .. خل نروح الطبيب .." جلست نوير على مكتب صافية " لا عيوني .. أبي أروح أشوف امي .اشتقت لها .. " " بروح معاج " طلعت صافية اغراضها من الخزانة ووقف نوير عشان تروح تلبس لما ادخلت عليهم شيخة وسدت على نوير الباب " العشا حبيباتي .." " ابعدي يا حلوة .. بروح ألبس عشان أروح مع صافية لأمي وبنآخذ لها عشا في طريقنا ... " ابتسمت شيخة بخبث " ليش ماقلت لكم ؟" صافية ونوير مع بعض " شنو ؟" تكتفت شيخة وقالت " اليوم في ثلاث مفاجآت . شتعطوني مقابل البشارة ؟" طالعت صافية لنوير وقالت " ولاشيء .. احنا في بطالة مؤقته .. يدوب نقزر اعمارنا بهالخردة " قالت شيخة مكتئبة " مع اني استاهل البشارة .. بس يله .. الخبر الاول .. ريموه هني.." حست نوير انها ماشافت الريم من سنه " صج ؟؟ ناسه خل تغيير جو بنآخذها لأمي .. شنو الخبريات الباقية ؟" كملت شيخة " انا وشمسوه رحنا اليوم ويبنا حمود " " حمود من ؟" " شفيج يا صافية نسيتي ؟ محمد ولدها "؟" "صج احلفي " " والله " كانت البنات يبون يركضون يشوفون الولد لكن شيخة سدت الباب وقالت " خل اخلص الخبرية الثالثة .. " "يلا قولي حرقتي اعصابنا نوير شوفيها .." لفت نوير وكان واضح انها محمومة وقالت بصوت مبحوح " تكلمي شيوخ .. " " أمـي اطلعت من المستشفى .وهي اللي اطبخت العشا " بدون ماتحس شيخه طيروها من عند الباب واركضوا للطابق اللي تحت .. تمت شيخة واقفة عند باب غرفة صافية مصدومة " شفيهم هذول شالدفاشة ؟" كانت تبي تطلع لكن لمحت شيء على كمبيوتر صافية نافذة المسن تضوي قربت وقرأت المحادثة سبحان الله وبحمده : شنوع الوظيفة ؟ .. وليش بتتركين المدرسة ؟ بطالة ومقهورة : ما أدري ,, المدرسة كانوا بيطردوني لكني استقلت مب حلوة في سيرتي المهنية .. سبحان الله وبحمده : انزين صافية شرايج في اللي قلته ؟ تتزوجين اخوي وتزوجيني اخوج ؟ بطالة ومقهورة: ما اعتقد .. لان اخوي يدرس واصغر منج واعتقد شخصياتكم ما تتوافق ..وأخوج ,, بيني وبينج أنا عندي ظروف خاصة وبرفض هالفكـرة .. لاتزعلين مني اخوج على العين والراس بس السبب مني .. برب . سبحان الله وبحمده : تيت .. سبحان الله وبحمده : صافية انتي زعلتي لاني اقترحت هالفكرة ؟ صار لج عشر دقايق برب .. سبحان الله وبحمده : صفصف ؟ .. سبحان الله وبحمده : بطلع الحين بس أرجوج .. لا تزعلين ولا تسوين لي بلوك ارجوج .. بقدر ظروفج .. باي .. انصدمت شيخة من هالانسانة .. ليش ترخص من نفسها بهالسهولة ؟ وتزج نفسها بعلاقة زواج مع ماجد وهو انسان ماتعرفه ولا تعرف اخلاقه ؟ هل لهالدرجة الزواج صار مطلوب بغض النظر عن الاخلاق والشخصيات ؟ .. يمكن صافية تكلمت عن ماجد ومدحته بس .. مب لهالدرجة .. طلعت برا الغرفة وندمت لانها تطفلت على خصوصية صافية .. نزلت تحت ودعت في قلبها يارب ديم هالجمعه دايم كان الكل على الطاولة باستثناء ماجد اللي راح لعرس رفيجه .. نوير اكسبت محمد بسرعه وكانت توكله من صحنها وصافية تنبها انها محمومة لاتعدي الولد .. قالت مستسلمة وهي تسلم الولد لشيخة " فديته والله حبيته من اول نظرة .." قالت صافية وهي تاكل الباستا أكلتها المفضلة " حبيه من بعيد لبعيد .. يمه تسلم يدج الباستا جنان والله اشتقت لاكلج من زمان " لكن جوزة كانت خايفه على نوير وكل مرة تتلمس جبهتها وتعقد حواجبها "قومي بآخذج المستوصف " " ماله داعي يمه صدقيني حبيبتي والله اني خفيت وصرت احسن .. وتوني خذيت ادول فيفر دقايق وأتحسن .." ************** |
الفصل الخامس الجزء 4
وصل ناصر للمطار وهو مشتت .. ما حب النظرة اللي كانت في عيون هدى شتقصد لما قالت له انها ضحت ؟؟ .. استرجع كلماتها في راسه مره ثانية (( أنا ضحيت بحياتي وانت رافض تضحي بصديقك ؟؟ )) .. ضحت بحياتها ؟؟ أي تضحية ؟ وكل هالضجة بسبب أنه رفض أنه يتخلى عن فايز في أكثر اللحظات اللي بيحتاجها فيه ؟ .. كل سنه يصيفون في اوروبا .. كل سنه !! .. يترك مصالحه ومشاغله عشانهم ويتقبل ثقل دم اخوانها وطلباتها المزعجة .. كل سنه !! . كان فايز ينطره وابتسامه عريضه على وجهه .. سأل ناصر للمرة المليون " قالت لك زوجتك أنهم قبلوا بي ؟؟ .. " كان ناصر معصب فطلع صوت مبهم اكثر منه اجابه " هممم ..." " انزين ماقالت لك متى العرس ؟؟ متى أشوفها ؟؟" بطرف عيونه طالع ناصر لفايز وفجأة كل العصبية اختفت لما شاف نظرة غريبة على ملامح فايز .. شيء ماشافه من زمان .. الراحه !! .. ملامح فايز كانت مرتاحه ومبتسمه بطريقه ما يألفها .. قال بسخريه " لاتستعيل كأنك ياهل .. بس نوصل يصير خير .. " ياهل .. بالضبط ملامح فايز في هاللحظة كأنه ياهل ناطر يروح الألعاب .. ورجع ناصر لأفكـاره أول ما جلس على مقعده في الطياره .. تذكر معجبه اللي قالت له عن موافقة أهل الريم المبدئية .. وسكرت التلفون بدون أي كلمة ثانية هل هو يظلمها ؟ ولا هي اللي تظلمه ؟ " شالسالفه ناصر من ييت المطار وانت في عالم ثاني في شيء ؟؟ " حس ناصر أنه يخرب شعور فايز بالفرح فإبتسم وقال " أفكـر في قصة جديده نويت انشرها " فجأة طق بيده على راسه " نسيت المقالات ! " " أي مقالات ؟ " " اللي كتبتها للجريده .. مب مشكله بذكر هدى تطرشهم فاكس لرئيس التحرير " " اييه المقالات .. تدري .. أحيانا أنسى أنك كاتب لأنك ولامرة تكلمت معاي لا عن الكتب ولا عن الثقافة ولاحتى سألتني عن رأيي في كتاباتك " حس ناصر بخيبه فايز وعتبه لكنه قال الحقيقة " فايز .. أنا أهرب من كل شي لما أيي وأيلس معاك .. أهرب من الحروف والكتب والثقافة وكل شيء . ..أنت تعرف ان في مجالس ثقافية في بيتي كل شهر .. بس لما تتعب نفسيتي ما أفكر على طول اقص تذكره وانط هنا لعندك اغير جو أفضفض لك ..لاتظن أني مستعد أضيع معاك دقيقة في الكلام الخرابيط الل اكتبها .. "" *********** كانت الريم طول اليوم منعزلة في الغرفة تفكـر .. هل بتتزوج ؟ معقولة ؟ .. شعور سيء لما الأنسان مايتوقع ابسط الحقوق لنفسه .. دخلت البندري وهي متضايقه وعيونها حمرا " وينج ؟" طالعت لها الريم واستغربت النبرة المبحوحه " أنا طول اليوم في غرفتي في شي ؟؟.. " " انزين تعالي معاي للمستشفى .. أنا تعبانه " " اوكي بس أغير ملابسي " بدلت الريم ملابسها والبست نقابها وهي مستغربه من حالة البندري .. اسندت البندري وراحت مع جدها للمستشفى ،أول مرة تشفق الريم على البندري تقريبا هي وحيده ومحد يحبها !! .. حتى أبوها مب معطها أي اهتمام .. بعد ساعتين من الانتظار طلعوا من المستشفى الريم وجدها بروحهم .. قالت لجدها " الطبيب يقول اذا تحركت في خطر على حياة الجنين .. فإذا تبي هالحمل يثبت لازم تترقد .." قال الجد مستغرب " لكنها في الشهر الثالث .. بتم ست شهور في المستشفى ؟" " أعتقد أنها مابتتحمل .. " قال الجد بلهجة آمرة " مالج شغل فيها .. بطرش الخدامة تجابلها .. لاتروحين لها وأذا حد قال لج غر هالحجي قولي لي " " بس يا يدي حرام .. خل أكسب فيها ثواب " " انتي وراج عرس إذا الله كتب .. أنا سألت عن الريال وعجبني اللي سمعته الكل يمدح بأخلاقه ..ورفيجي سأل عنه في مصر وسمعته هناك انه محترم وايد .. الله يكتب اللي فيه الخير يا بنيتي .. " نزلت الريم راسها ..وتمت تفكر ف المجهول .. لكنها قررت في نفسها انها لازم تحفظ كرامتها قبل كل شي .. فكرت ف الشروط اللي وصلت لها .. مابتقول لحد غير الملا اللي بيجيبونه .. " وين سرحت يالريم ؟ " " سلامتك يدي ..بس أفكار لاتودي ولاتييب " شغل جدها الراديو وكانت فيه اغنية لعبادي .. صكره جدها على طول لأنه مايحب الأغاني .. .. " الله يقطع الزحمه .. بنتم ناطرين هنا لوقت طويل .." طالعت الريم للسيارات عبر الدريشه مايهمها ان انطرت في الزحمة ..رغم انها بترتاح من ازعاج البندري لها في هالفترة لكنها آخر شي تبيه هو انه ترجع للبيت .. لأنها بترجع لوحدتها وحياتها الفاضية .. ********* " يا حبيبي ..فديت عيونك ماما في المستشفى حبيبي .." كانت شيخة تحاول كل جهدها أنها تهديء محمد اللي انتابته لحظة شوق لخلود .. شمس اوقفت بعيد تتفرج .. ببرود عجيب قهر شخه ونوير اللي يحاولون يهدون ف الولد .. وكل هالمأساة بدت بس لأن أمهم جوزة راحت الجمعية مع خالتهم معجبة وكان محمد نايم وماهان عليهم يصحونه .. التفت نوير لشمس " شمسه فديت روحج سوي شي .." ردت ببرود " آخذه لأمه ؟" كان ردها صدمه لشيخه ونوير .. تموا يطالعونها مستغربين .. في هاللحظة دخلت جوزة ومعجبة وأول ماشافت جوزة حالة حمود اركضت ولمته متجاهله حالتها الصحية وعطته من الألعاب اللي يابتها وكأن جوزة بديل لخلود رضى محمد بشوفتها و نسى موال (( أبي أمي )) ,, راحت شمس لغرفتها ودخلت معجبة لقسمها وتمت شيخه والنوري مع امهم علقت شيخه " يمه شفيها هالمجنونه شمس ؟؟ و لا كأنه ولدها كأنه ولد الجيران !! "" قالت جوزة بأبتسامه " بعد عرس الريم بتفرغ لها وأشوف شسالفتها " صرخوا البنات (( عرس منو ؟)) " عرس الريم .. بنت خالتكم انخطبت أمس ويدها طلب مهله يفكر .. بس تقريبا هو موافق ماعنده مانع .. بس مجرد شكليات .." ابتسمت شيخه ونوير .. قالت نوير " أخيرا !! .. عرس في بيتنا !! آخيرا بلبس فستان وأروح الصالون ؟ .. كنت أتمنى هالأشياء البسيطه ..خصوصا بعد مانبذونا اهلنا " لكزت شيخه نوير بعد ماتغيرت ملامح جوزة .. مسكت جوزة محمد وخذته لغرفتها ونادت الخدامه تييب الأغراض التفت شيخه بسرعه للنوري " انت ماتستحين ؟؟ شالكلام اللي يضيق الخاطر ؟؟ امي ماصار لها أيام طلعت من المستشفى تبين تردينها له ؟ " " اسم الله عليها بس انا ما قلت شي .." طلعت شيخه لغرفتها وتمت نوير في الصالة مكتئبة جلست على السوفا وتمت تقلب في قنوات التلفزيون بدون تركيز .. لنوير قصة خاصة فيها ... قصة ببساطه انتهت لما عرفت بنت جيرانهم ان اخوها يبي نوير زوجه له .. نوير ماكانت تحب أحد .. وبنت طريقها محدود من البيت للجامعه ..لكنها تفاجأت في يوم من الأيام ببنت جيرانهم ساره آل خليفه تدخل بيتهم وتهزأها وتطلب منها انها تبعد عن اخوها !! .. طبعا نوير كانت تحمد الله مية مرة ان محد كان في البيت في هذيك الحزة غيرها (( هيه يا بنت الناس احترمي نفسك وابتعدي عن اخوي مانبي قربكم ولانبي نناسبكم .. احترمي عيوزكم و لاحنا من ثوبكم ولا انتم من ثوبنا .. )) عصبت نوير وردت بقهر " ومن انتي ومن اخوج ومن سمح لج تدخلين هالبيت وتتطاولين علي بالحجي .. " (( سحرت اخوي يالسحاره طيحتيه في حبالج من انتي ؟؟ انت ولاشيء !! لاتحلمين بـ خليفه آل خليفه !! تراه حلم شوفي لج حد من مستواج ولاتطالعين للعالي ترى بتنكسر رقبتج)) انقهرت نوير واغرورقت عيونها ولكنها قاومت دموعها وتنهدت وقالت بلهجه بارده (( اسمحي لي ..البيت يتعذرج ولاتحلمين في يوم اني بوافق على اخوج اذا طلبني بعد هالكلام اللي نطقتيه ,,ريحي قلبج والله يشهد اني لا اعرف اخوج ولاسحرته ..واسمحي لي مابقوم بواجب ضيافتك .. اعتقد انج تدلين الباب )) .. تمت نوير واقفة مصدومه وطلعت البنت من هذي البنت ؟ ومن اخوها ؟ وليش تهجمت عليها في بيتها ؟؟ لكن نوير قررت انها تنسى ..لكن الأيام مارضت تنسيها لأن في الكورس اللي طاف انصدمت في أن هالبنت معاها في نفس المقرر فتجاهلتها نوير ..خليفه آل خليفه .. شتبي مني ؟؟ ومن وين تعرفني ؟ .. لكنها أسئله ماتحلم أنها بتلقى أجوبتها في يوم من الأيام .. " وين أمي ؟" صحت نوير من أفكارها على صوت ماجد " في الغرفه ..تبي شي ؟" جلس ماجد جنبها وسألها " شفيج ؟" حطت راسها في شليله " الريم بنت خالتي انخطبت .." ماعلق ماجد قرر يسكت وكملت نوير " وانا كنت فرحانه انه بتصير مناسبه نفرح فيها وقلت كلمه ضايقتها .." مسح ماجد على شعرها بحنان وماعلق ..كان في داخله امواج من الافكار والمشاعر .. اكيد امه بتحقد عليه .. "انزين يا حلوة ..اخوج يوعان شتحطين له ؟" " الحين فديتك خسى الجوع .." نطت نوير للمطبخ وتم ماجد يفكر ..يتمنى أنه سافر يبعد لين ينتهي موضوع الريم على خير ..لكن بيته كله حريم ..مايقدر يخليهم ويسافر وهالأيام الوضع صار يخرع يسمع من الشباب دايما عن مواقف عن عيال الحرام اللي يتهجمون على بنات خلق الله ويلحقونهم لين بيوتهم .. ابوه ترك له مسؤولية اربع بنات .. اللي تقدموا لهم لحد الحين مايناسبونهم ابدا ..خواته جامعيات وجميلات واخلاق .. كان مفتكر انه بزواج شمس ارتاح من همها لكنه للأسف ابتلش زياده .. صافية ونوير وشيخه الخطاب محدودين ..صج للحين خواته صغار .. بس الأيام تركض . لو عيال عمه مب مقاطعينه كان انحلت هالمشاكل .. باستثناء احمد اللي دايما معاه ..لكن عيال عمه نايف وسعد الكبار ولايعبرونه في كلمه ..بس هو مايرخص بخواته لأي كان .. نايف وسعد سمعتهم في المغازل والسفر معروفه مستحيل يبيع خواته برخيص علشان يرتاح من همهم لأشخاص مثل عيال عمه .. رجعت نوير بيدها صينيه فيها فطاير وسلطه ودجاج بمايونيز " الصبح امي مسويه هالفطاير روعه . . يلا سم بأسم الله واقهر جوعك " "تسلم ايدين الغالية اللي سوتها ويعطيج العافية يا اختي على هالوجبه السنعه " ************ |
الفصل الخامس الجزء 5
مر اسبوع تم فيه كل شيء حسب الأصول ..ورد الجد على فايز بالموافقة وتمت الخطبة وقرروا يملجون في الوقت نفسه .. قرروا البنات انهم يسوون حفله للريم فجهزوا كل شيء ومعجبة كانت تآخذهم بالمشاوير وحجزت المصورة والصالون ووصت على الفستان من دبي .. تكتمت الريم على اللي في قلبها من اسبوع والكل كان يحس بتوترها .. قبل الملجه بيوم في المجلس العود كان ماجد وناصر وفايز وعبدالهادي وأبوه وابو طلال جالسين يتكلمون عن كل الترتيبات .. العرس بيكون محدود خاص بالعايله بس خصوصا ان فايز تقريبا ماله حد بهالبلد غير اصدقاءه وجيرانه اللي بيحضرون عرس الرياييل بس .. الجد عجبته وايد شخصية فايز كان يحس انه ريال فاهم وعاقل وذكي .وفكر بطلب الريم فخذه على جنب لداخل وقال له " ياولدي لك الحق بالشوفه الشرعية . انطر هنا دقيقة انادي لك خطيبتك تفضل لهالمقلط .. " دخل الجد كانت الريم تجلس مع شمس وهي متخوفه كانت طلبت من جدها انها تكلم فايز بروحهم قبل الملجة بعد ما سألها جدها عن رأيها .. وقررت أنها تلبس بدله حلوة .. طبعا لافتقار الريم لبدله مماثله احتاجت تستلف من شمس وحطت لها شمس شوي مكياج خفيف والبست شيلتها وغطت شعرها .. دخل الجد وكان اول مرة يشوف الريم بهالجمال واعجبه اكثر انها كانت محتشمة .. قال لشمس اللي تجلس جنبها " يا بنتي بدخل خطيبها يشوفها وانا ساحبه بالخش لأني عارف عيالي مجانين يعتبرون الشوفه الشرعيه حرام وعيب فدخلي لغرفة داخل .. " وافقت شمس وانسحبت وتمت الريم قلبها يدق بقوة ودخل فايز بعد ماناداه جدها .. تفاجأ فايز بهالملاك الي وقف جدامه هالملامح الجميله وهالهدوء ووالخجل اللي ارتسم في هالة غريبه حولها .. حتى ما تجرأت ورفعت عيونها له كله تطالع الأرض في خجل وارتباك .. طلع الجد شوي ونطر برا .. تقدم منها فايز واقترب وايد وهي ابعدت شوي من الخوف .. بسبابته ورفع راسها بحركه بسيطه وشاف عيونها اللي تحاول تهرب منه وانسحر بشفافيتها وهدبها الأسود وحواجبها .. كانت جدامه الأنسانه اللي بيقترن فيها آخر عمره .. قطعه من الجنه .. همس لها "طاالعي لي .. " التقت نظراتهم حست الريم برجفه داخلها وهالانسان يطالع لها هالنظرات .. هاالغريب اللي ملامح ويهه سمحه فيها شيء غريب ونبرة صوته فيها رقة غريبه وكان فايز حاس أن عندها كلام تقوله لأنه ما اقتنع بفكره أن الجد يبي له الشوفه الشرعيه .. فقال "يالغالية اذا انتي مجبورة على شيء تكلمي .. واذا في خاطرج شي .. لاتستحين ..هذا زواج .. هل عندج شروط خاصه ؟" ابتعدت الريم شوي عنه وخذت نفس علشان ترتب اللي تبي تقوله . .. " يا أخوي .." " أنا مب اخوج .. أنا بصير ريلج .. ناديني بإسمي فايز " "أستاذ فايز .. " "" بدون استاذ ..لاتحطين الكلفه بينا " حست الريم يأرتباك غريب .. " عندي شرطين .. أتمنى انك تراعيني فيهم . .أولهم مهم والثان حسب ظروفك وامكانياتك " " لاتستحين مني يابنت الناس .. طلباتج أوامر .. " كان فايز مسحور بهالكيان اللي جدامه ..بهالانسانه واللي دخلت قلبه من اول نظره .. وسكنته وحركت فيه شعور جميل ماحسه في حياته .. يبي يحميها ويبيها تكون بس له .. يشيل أحزانها ويكرمها ويحبها ..يحبها اي يحبها .. قالت الريم بأرتباك رغم ان مشاعرها كانت متضاربه وكانت بعد ماعاملها بهالطريقه بتتراجع عن شروطها .. لكنها لازم تشرط عليه .. قالت بهمس " ببدأ بالشرط الثاني .. أبي أسافر لأخوي .." " أخوج ؟" " أخوي عايض ..هاجر لأمريكا .. وانقطعت أخباره .. " رغم احساس فايز ان الشرط الأول بيكون صعب .. لكن هالشرط كان تافه بالنسبة له ..فقال مبتسم " مثل ما تآمرين .. والشرط الأول ؟ " سكتت الريم لفترة ..لكنها استجمعت شجاعتها وقالت " اليوم اللي تعايرني فيه بأمي بكون محرمه عليك .." انصدم فايز ماتوقع مثل هالشرط .. لكنه سكت شوي نزل عيونه وقال " ماكون ريال اذا عايرتج بشيء مالج دخل فيه .. أنا شاريج انتي .. " كلامه ريح الريم وايد وادمعت عيونها من شعور غريب احتل كيانها .. قالت \" وانت ما عندك شروط خاصه ؟" رفع عيونه من على الأرض وقال " ما أتجرأ أشرط عليج .. حياتي بتكون ملك لج .. وشاريج من دون شروط .. وكبرتي في عيني بهالشرطين اللي طلبتيهم . ..أذا في خاطرج شي لاتستحين . ما سألتيني عن اخلاقي ولا عن طباعي " ابتسمت الريم بعفوية " الأطباع المكتوبه في قلوب اصحابها ماتنقال ..بس بنعرفها مع الأيام .. ونتعرف عليها .... والأخلاق أنا متأكده أنك سيد الناس بأخلاقك .. بس حبيت أعرف رأيك بشيء " " شرط ثالث ؟" هزت راسها " لاء .. بس ..رأيك .. " " ممكن اعرف عن ايش ؟" في حياتها كلها كانت الريم مترددة تطلب أي شيء لنفسها .. لكن هالرغبه كانت في نفسها من زمان .. " هل بيزعجك اذا كملت دراستي ؟" انصدم فايز .. دايما يسمع البنات يشترطون اكمال دراستهم قبل كل شي ..وهالانسانه ماتبي تشرط هالشي عله بالعكس تبي تعرف رايه بس .. يعني بتمشي حسب شوره ورغبته لا أكثر .. ابتسم بود وقال براحه " طبعا ما أمانع .. بالعكس بيسعدني هالأمر " ادمعت عيونها ..ولمح دمعتها وكان وده يمسحها بأصابعه .. بس احترم نفسه واستأذن وطلع بعد ما حس ان الوقت سرقهم وانه بيخذل الجد بأخلاقه أذا استغل انفراده فيها ... كان الجد يجلس في المقلط .حس فايز انه الجد يبي يعرف شصار بينهم . جلس فايز جنبه وقال له " انا شاري بنتكم يا جدي .. وماشفت منها إلا كل زين وأخلاق .. " قال الجد بتوتر " هل كانت لها شروط تضايقك .؟" " بالعكس شروطها معقوله ولها الحق فيها .. " " ممكن أسأل يا يبه شنو شروطها ؟" سكت فايز شوي بس قال بعد فتره " بس تبينا نسافر لأخوها ..تبي تعرف وين أرضه .. " ما اقتنع الجد .. لكنه قال " ترى بنتي الريم ماشافت من هالدنيا الا القليل .. انت بتفتح عيونها على كل شي ..على السفر واشياء وايد .. بس أنا مربيها وانا واثق من اخلاقها .. مهما كان الشرط اللي تخفيه أنت عني انا واثق انه ماراح يسيء لكرامتها .. " دخل في نفس اللحظة عبدالهادي وابو طلال مستغربين ..لكنهم من شافوا فايز وابوهم يالسين ويتكلمون تغيرت نظرة الشك اللي في عيونهم فعرف فايز انه كان عنده حق انه ترك الريم وماطول الحجي معاها .وإلا كان سوا له سالفه .. في الناحية الثانية ..ملامح فايز الأسمر بعارض خفيف وأنف طويل وعيون سودا في بالها .. طوله وعرض كتوفه و رقته معاها .. استغربت الريم هل ابتسمت لي الدنيا ؟؟ معقولة ؟؟ قالت لشمس عن خطيبها وافرحت شمس لها .. وعلقت " حبيتيه ؟؟ " لكن الريم عقدت حواجبها " تعرفين اني احقد على هالمسمى .. ما أحب الحب .. انا ارتحت له لا أكثر .. " قالت شمس " مصيرج تحبينه " "لاتكونين متأكده من هالشيء " ضحكت شمس وقالت " تراهنين ؟" " أراهن .. كم تبين ؟؟ " قالت شمس " ما أبي فلوس .. بس أبيج تعترفين لي أن الحب تمكن منج .. لا أكثر " ضحكت الريم " انا واثقه من نفسي .. ماراح أحب .. أكره الحب .. فاعتبري نفسك خسرتي الرهان .. أنا أبي منج ساعه "" " اوكي .. بعد سنه ؟" " بعد سنه " ******** ********** كانت معجبة في قسمها حطت قناع الكيوكامبر بالأفاكادو تجهز أشياءها لحفلة بكره ..وصلها مسج . ." صاحية ؟ " الرقم غريب .. أكيد ناصر ..متى غير رقمه ؟ . دقت على الرقم ورد صوته وانعش شي من روحها رغم كل التهدجات الل فيها " ناصر انت في البلد ؟" " ايه فديتج .. اشتقت لج .. " "أنا أكثر .. جيت مع فايز ؟ " كان ناصر يتمشى على الكورنيش في هاللحظة الشارع اللي يحبه فالليل ويحب انه يتمشى فيه ويشتاق له رغم سفراته الكثيرة .. " طبعا ما أقدر أطوف مناسبة مثل ذي " " الله يبارك لهم " " انزين حبي .. تعالي لي .." ارتبشت معجبة وطالعت القناع الاخضر على ويهها والأغراض اللي ترست الغرفه وتحتاج منها لمسه ترتيب ..وبعدين طالعت الساعه 8 .. بس قالت في نفسها ليش لأ ..تطور من ناصر انه يبي يلتقي فيها في داخل هالبلد .. " انت وين ؟" " بروح بيتي ..تعالي لبيتي البيت فاضي .." " بيتك ؟" " ايه .. هدى والعيال مسافرين .." انقهرت معجبة وانترست عيونها دموع " انت شفاكر نفسك ؟؟ كل مرة اهاناتك تزيد عن حدها واطنش بس يوصل الامر لهالدرجه ؟معقولة ؟" " شفيج معحبه ؟؟ شبلاج انتفضتي جي شاللي قلته ؟؟" " صج لاقالوا ..أن كنت تعلم فتلك مصيبة ..وأن كنت لاتعلم فتلك مصيبة اكبر .. انا زوجتك على سنة الله ورسوله مب من خايسات هالشوارع اللي تهربهم لبيتك ..لي كراامه ولاتظن بدخل بيت هدى مثلي مثل اي وحده من الشارع .. خلاص يا ناصر تعبت منك .. " صكت التلفون وبيأس مسحت بيدينها القناع اللي مالحق يجف على ويهه وهي تبجي .. كان ناصر منصدم من شيئين .. شلون مافكر بهالشي ء ؟ ليش ماحط لها بيت ؟؟ شلون اهانها وطلب ان يلقاها مثل اي اثنين ماعندهم ذمة ؟؟ رجع يتصل فيها وهو مغمض عيونه ندم ردت معجبة " نعم " " أنا .. آسف .. انزين تعالي ابي اشوفج هنا على الكورنيش او مطعم .. " نست معجبة كرامتها للمرة المليون ووافقت على انهم يلتقون في مطعم بيجننز .. اغسلت وجهها وحطت مكياج والبست بدلتها وعباتها .. ونزلت تحت .. كانت شمس رجعت من بيت الريم " طالعه يا خالتي " " ايه .. تعالي متى تداومين ؟ اجازتج طويله ؟" تنهدت شمس وقالت باستسلام " استقلت من الدوام من اسبوع وشيء " " شنو ؟؟ ومتى ؟؟ وليش ماقلتي ؟؟" " بسبب تحيزهم السخيف مثل هالعله ناصر اللي قلت لج عنه يغييب اسابيع مايتكلمون ..اطلب نقله مايتحركون ..لكن انا اغيب لان امي فالمستشفى سوى لي تحقيق ..طلعت بكرامتي .. خالتي لاتقولين لأمي .تعرفين صافية توها مستقيله .. فما حبيت امي تتكدر . روحي لطريقج .. أنا تعبانه من الصبح مع الريم وابي أرتاح " طالعه معجبة ساعتها وقالت " مابتأخر عال11 برجع ... " كانت الساعه 9 الا ربع .. تأخرت وايد .. ركبت سيارتها وتوجهت للمطعم .. الديكور كان عبارة عن صور وآلات الجاز .. كان مريح نوعا ما .. اخذوا طاولة عند قسم العائلات . .. مسك يديها وقال " آسف .. ما أعتقد أني كنت أفكر .. " قالت برجا " أرجوك ياناصر ..لاتفتكر أني بدون أخلاق وأني بنتهك حرمة بيت هدى لأي سبب من الأسباب " " قطي النقاب ." بهدوء شالت النقاب والتقت عيونهم .. فيها عتب وشوق " شالجديد ؟ .. غر يبه انك طلبت تشوفني ... أعتقد أن زواجنا مبني على أساس انا مانشوف لبعض في الدوحه ." دايما تخرب هاللحظات باستغرابها وسخريتها .. قال بعصبية " انتي مصرة يعني تهزأين مني ؟؟ انتي تعرفين اني بسافر اوروبا ورى زوجتي واهلها ولابرجع لين شهر 9 .. يعني لازم تذليني وتذكريني ان سبب ابتعادنا هو خوفي من زوجتي واهلها ؟؟ لازم تسألبين هالأسئلة الماصخه ؟ .. ودي مرة أقولج شي ماتسأليني ليش أو غريبة .. اقول اشتقت لج تقولين مامداك ؟؟ .. معجبه أنا أحبج .. عندي ظروفي صحيح .. بس لاتكسريني بسخريتج . الكل يضغط علي . .ما احتاج لأي ضغط اضافي " يا الويتر وحط لهم المنيو مسكتها معجبة وطلبت ستيك وناصر طلب سلطة وفاهيتا .. اول ماراح الويتر قالت معجبه بهدوء " وأنا أبيك تعاملني كزوجه ..مب عشيقه ولا رفيجه ولا وحده تلعب معاها فالتلفون ..أبيك تتذكر ان لي كرامه .. سخريتي جزء من دفاعي عن نفسي .. دايما تكلمني بأنحطاط كأني أقل منك بدرجااات .. دايما تطلب مني أشياء لاعقل ولامنطق يرضى فيها .. أرجوك ناصر تذكر اني زوجتك ..بس أطلب منك انك تتذكر اني زوجتك .. عاملني بأحترام شوي .. انا رضيت بكل شروطك صحيح بس لاتحرمني من أبسط حقوقي أنك تعاملني كأني زوجتك .. ما أبيك تكون مسؤول عني في أي شيء .. بس على الأقل يوم تكلمني في التلفون ..تذكر اني شاريتك واني زوجتك ..وأن بينا عشرة وعيش وملح . وأني أحبك .. تذكر هالشيء .. لاتجرحني وتخليني اطفش منك .. اختي كانت في المستشفى بين الحياة والموت ومااتصلت فيني تقويني وتساندني مع اني طرشت لك مسج .طلعت اختي ماسمعت منك الحمدالله على السلامه .. " قال ناصر " أنا طرشت بوكيه ورد " " بدون اسم !! ... توقعته منك .. " " عجووب .. خربتي مزاجي كله .. " طالع الأطفال الي يلعبون في قاعه الألعاب اللي جنبه .. انزلت دموع معجبه " كالعاده .. المهم انت ..مزاجك انت .. ومشاعرك انت .. وهلك انت .. وأنا .. طز .. " وقفت لكنه مسك بيدها ومنعها " اجلسي " اجلست وهي تبجي بقهر .. " أنا أحبج .. " طالعت له معجبه منصدمه " انتي تفتكر اني مراهقة تنطر هالكلمة بلهفة ؟؟أنت متوقع اني بشفى وبنسى بس اسمعها ؟؟ تحبني ؟؟ لا يا ناصر ..أنا أحبك بس انت أصلا ماتعرف الحب ..خساره أنك مفكر ان الحب كلمه تنطق .. الحب التزام ..الحب احترام .. الحب اخلاص الحب ثقة .. .. اذا تحبني صحيح .. ما فكرت تذلني .. مافكرت تدفنني بالحياه يوم طلبت مني أسوي عمليه وأصكر انابيبي علشان ما أييب عيال ..ماوثقت فيني خفت أعلقك في ياهل .. لو تحبني صحيح .. ماتسببت بطرد شمس من شغلها .. لو تحبني صحيح .. كان قدرت مشاعري ولاكلمتني وزوجتك جنبك .. " مسكت شنطتها وطلعت وهالمرة ماوقفها .. تم يطالع نقابها اللي نسته وبدون وعي مسكه وشمه .. كانت ريحتها فيه .. وبدون وعي فكر ان هذي آخر مرة بيشم هالريحه .. هذي اول مرة تتكلم معاه معجبة بهالجبروت وهالقوة .. كانت دايما قنوعه وراضيه ..كانت دايما دايسه على كرامتها .. يمكن لأنها في بلاد غريبه وتخاف يرميها في الشارع او تضيع ؟؟ هل الوطن يعطي هالقوة للانسان ؟ .. *********** في الموقف ماقدرت معجبه انها تسوق ..انهارت على السكان تبجي حست بذل مابعده ذل .. مسحت دموعها وشغلت السياره وهي تقول لنفسها " أخيرا !! .. انتقمت لكرامتج وخسرتي حبج الوحيد ؟ " تذكرت هذيك اللحظة لما أخذها للعيادة .. وطلب منها هالطلب .. كانت في نص القاهرة وشعور بالضيااع يتملكها .. وتو تزوجوا من شهر ..سوت العملية بعد ما أكد لها الطبيب بعيد عن ناصر انه في امكانيه انه تعكس العملية .. ما كرهت ناصر بالعكس .. انتابتها احاسيس كثيرة .. شغلت الراديو .. وصوت عبدالمجيد يرن بأحساس خلص حنانك مابقى إلا قسوتك .. اقسى علي اقسى حلالك فدوتك .. قبلك قست دنياي وأنت تمون .. شفت السعاده يوم عيني شافتك أسعدتني الله دايم يسعدك .. لو سقت لي هم وحزن هالكون شفت الحزن فيني فرح مخزون .. صكرت معجبة الراديو .. امسحت دموعها وتذكرت انها بدون نقابها . تلثمت بشيلتها وساقت لين البيت ونفسيتها منهارة .. احبك ياناصر بس انا محتاجه افكر شوي .. اللي سويته عشانك وايد .. بس .. انت ماسويت شيء.. دخلت البيت كانت جوزة في الصالة .. من شافت دموع معجبة قالت " في شي ؟" " لا .. بس تهاوشت معاه .. قهرني وانفجرت في ويهه .. بس لاتخافين القطو يحب خناقه .. مالي إلا أني أرجع له وهو ما نطق كلمه كأنه واثق من هالشيء .." " ما سألتها جوزة عن شي .. قالت بهدوء وهي تطالع الساعه " قومي نامي ..بكره الصبح لازم تروحين الصالون وبعدين ملجة الريم بكره .. لاتنسين ريحي اعصابج " ******************* |
أنتظر تحليلاتكم وتعليقاتكم ...
|
السلام عليكم ياحبي لك تنتظرين تعليقنا لو كنت ادري جان من امس كتبتلك المهم مسكينه الريم تلقاها من وين ولا من وين من ابوها ولا من ظلم الناس لها ولا من وحدتها والحين البندري يعني مو كافي العذاب اللي اهيه فيه بس مابعد الصبر الا الفرج اوو انا حاسه انه فايز (او فواز والله نسيت اسمه) انه راح يعوضها احساسي يقول انها ماراح تعرف تتصرف معاه مادري يعني علاقتهم راح تكون بادره اول الزواج بس الله يسعدها امااااااااااااااااااااا شمسه اكثر وحده اندمجت مع شخصيتها يعني من هول الصدمه اللي اهيه فيها مالها قادره تتقبل ولدها لا تعتبرين برودها مع ولدها قساه منها الا انها من كثر ماهي مشتاقتله تبتعد عنه لانها خايفه اذا قربت منه تنحرم منها اوو اهيه اعرفت شنو معنى الحرمان بنت لها حاجز متين متين وايد لا يمكن ينكسر بيوم وليله بس عسى الله يكون في عونها جوزه ياحبي لها ونعم الام كبيره بقلبها بحنيتها بمواقفها بشخصيتها بس اللي اعتبره غلط انها اسمحت لاختها تتزوج ناصر مو لان معجبه مايحق لها لانها عانت وايد وصدقيني هذا الزواج راح ييب لها معاناه اكثر من اللي قاعده تعانيه سلبياته اكثر من ايجابياته كافي الروايه اللي كاتبها عنه صدقيني راح ينشرها وانا اختج راح يندم اي راح يندم بس شفايده الندم بعد فوات الامان لين فات الفوت ماينفع الصوت شيخه ياقلبي والله اعجبتني بقوه شخصيتها مع انه عظمها طري ماراح اقول انها صغيره ماتوقعت تكون بهالقوه بس بنت ولا كل البنات اعجبتني احسها قويه ماترضى بظلم لها ولا على غيرها بعد منو ماتكلمنا عنه اممممم عايض للاسف انت جبان صدقني انك جبان فوق كل هذا اناني اختك اختك اللي مالها بدنيا غيرك شلون طاوعك قلبك انك تتركها اوو انت ادرى الناس بظلم المجتمع لها لا مجتمعها رحمها ولا انت رحمتها انا اسفه بس مايشرفني يكون لي اخ نفسه القريب وقت الحاجه وشفايده القريب اذا مالقينا اوو احنا بمس الحاجه له مابي اتكلم اكثر بس سؤال محيرني معقوله معقوله في مجتمع جذي ظالم مايخاف ربه اوو في دوله مسلمه ماقول حسبي الله ونعم الوكيل لا اله الا الله يمهل ولا يهمل ماتردين يمكن يكون ابتلاء من الله لا يبتلي الله العبد الا اذا احبه بس وينها مها شنو الغموض اللي يلف الموضوع انا عن نفسي لا ولا يمكن اتخيل انها هربت مع السيق السالفه ماتدش العقل احس فيه غموض لغز ولغز كبير بس راح ينحل بعد فوات الاوان الروايه مأساويه وخلتنا نفكر بمأساويه انشالله اكون وفيت اوو كفيت يا اختي electron اوو انا طماعه شوي ابي بارت اليوم اوو ابيه طويل بعد *_^(طراره اوو تتشرط) انتي كريمه اوو احنا نستاهل ولا شرايج؟!!! هذا تعليقي على بالبارت السبق بس ابشري على تعليقي حق هالبارت قاعده اقراها بس راح ارجعلك بتعليقي:) |
احم احم تعليقي حبيت فايز وايد ريال ونعم فيه ولي حبيته اكثر تصرف الريم معاه عجبني الموقف اللي صار بينهم عجبني حياها اووو اسلوبها طريقه الشرط لو عايرتني بامي ابقى محرمه عليك شمسه مسكينه هالشمسه بس احسها وحيده برغم انها بين امها اوو خالتها اوو خواتها وحيده معجبه لها اختها جوزه تفضفض لها بس احس لما يوون عند شمسه الكل يتهرب منها مادري ليش معجبه اوو اخيرا استرديتي كرامتج مقولتي اللي دايما ارددها الزم ماعلى الانسان كرامته اذا راحت الكرامه راح احترام الذات اوو احترام الناس لك ناصر قهرني جد قهرني ياخي حس بهالمخلوقه حس فيها ليش هالانانيه ليش نزعه الذات اللي عندك الجد ياحبي له والله انه ملح الروايه اممممممممم ننتظر الاحداث زواج الريم اوو تصرف الجوزه مع بنتها شمسه .................... يعطسك العافيه على البارت بس ابي بعد بارت يديد طماعه صح ;q |
تسلمين خطوات على التحليل لي إن شاء الله رد عليه..
إليك هذا البارت الفصل الخامس الجزء 6 *********** البنات في فرحه ماتوصف ,.. صوروا مع الريم حتى معجبة اللي كانت منبهرة في جمال الريم اللي كانت لابسة فستان أحمر بلون دم الغزال لايق على لون بشرتها الأبيض .. ومكياج راائع .. وفردت شعرها الأسود مع تكسيرات بسيطة على كتوفها ورفعت كم خصله .. واستغربت من اختفاء جوزة .. بالأخير لقتها تحضن محمد ويالسه في ركن بعيد .. ودموعها تغسل خدودها " شفيج يا أم ماجد .. ليش تبجين ؟" قالت جوزة " تذكرت مها .. شوفي الريم كأنها نسخه عنها .. تمنيت هالبنت تعيش في بيتي .. بس ولدي حرق قلبي وما طاع ..بتتغرب الحين مثل عايض .." باست معجبه راس جوزة وقالت لها " هدي عمرج يالغالية .. افرحي لها نصيبها مع هالريال .. والظاهر انه اعجبها شوفي الفرحه بعيونها .. يلا قومي تصوري معاها .. " كل البنات كانوا محتشرين عند الريم و يصورون معاها صور للذكرى كانت الريم مستغربه هالشعور لانها ماجربته من قبل ..هالالوان بالحفله والكيكه الكبيرة والهدايا .. " شمس .. حلو فستانج " " عيونج الحلوة حبيبتي ... انت احلى اليوم بوايد .. بتقولين للملا شروطج ؟" سكتت الريم كانت طول الليل مرتبكه وتفكر بهالامر .. " ما ادري .. متى بيملجون ؟" " في أي دقيقه بيوصل الملاج .. " " خايفه .." " لاتخافين .. توكلي على الله .. ولاتخافين .." اجلست الريم في في المنصه الصغيرة مع البنات يتصوورون . حتى معجبه صورت معاها " بتكون دعايه ممتازه للصالون .." " لايكون بتحطين صوري خالتي ؟" " ايه بحطها بس على الدسك .. مب في بوسترات لاتخافين . .." كانت معجبة مكتئبة لان ناصر ما اتصل فيها ولا عبرها .. طالعت الساعه كانت سبع وشي .. همست الريم " ناصر هنا ؟" " ما ادري .. ما ادري .." وتنهدت غصب عنها كانت بين يدين الريم مسكه كريستال من الورد التوليب الأحمر .. تمت الريم بدون وعي تلمس اوراق الوردة المخملية لين اصطبخ اصبعها بلون احمر خفيف .. كانت الاغاني حولها كلها لراشد وحسين الجسمي .. تناوبت شيخه ونوير على الرقص .. شمس وصافيه اوقفوا يتفرجون .. ماكان في اي ضيووف .. بس بيت خالتها جوزة وخالتها معجبة ويدتها .. البندري في المستشفى مامرتها من اسبوع .. دخل الجد و نادى الريم عشان توكل ابوها عنها .. وخلال دقايق تمت الملجه وبدوا البنات يببون ويباركون لها " ألف مبروك يالريم " " الله يبارك فيك يا شيخه عقبالج " مادرت الريم انها بكلمتها هذه ذكرت شيخه بجروحها .. " مبرووك غناتي منه المال ومنج العيال " " الله يبارك فيج يالنوري عقبالج .. " احضنتها صافيه وباركت لها .. وشمس تمت تصيح بدون وعي في الزاويه لين راحت لها الريم واحضنتها وتموا لامين بعض وهم يصيحون .. ماكانت تدري الريم دموعها ودموع شمس دموع فرح ولاخوف ؟ .. جدتها كانت تيبب لها بفرحه ما لمستها الريم فيها ابد .. ونفس الشي خالاتها الل كانوا يبجون ويببون .. ضبطت لها معجبه المكياج .. كانت بتعزم صديقاتها على الملجه لكنهم آثروا انها تكون خاصه وفي العرس بيعزمونهم .. حتى الجده ماحبت تعزم الجيران عن لايزيدون في الكلام ويغثون البنيه في فرحتها ، لكنها اعزمت ام طلال.. وخلود واهلهم لكن محد منهم حضر .. " صدقيني يا النوري .. لو حاطين اناشيد احسن بوايد .." " أناشيد؟.. سؤال صافيه انت ترقصين ؟؟ أقصد كنت ناويه ترقصين ؟" عصبت صافيه " طبعا لاء .." " عيل لاتعلقين " دخلت نوير ترقص مع شيخه للمره العاشره .. مافي غيرهم شمس ماتعرف وصافيه تستحرم . . كانت جوزة مستانسه بالجو ومعجبه تراقب حشره البنات و كلامهم .. " أقول عجووب دشي معانا .." " وين ؟" " ارقصي هزي كتوفج شوي .. اغاني الجسمي ربشه .. " " فديتج شيوخ ما ارقص .." " ليش ؟؟ " " ليش يعني ؟؟ بذمتج من كثر اخواني ولا الاعراس اللي نرقص فيها .؟ " " صدقت " راحت قرب نوير " تصدقين نوير ..طاحت ريولي .. والمصيبه محد يبي يتحرك يدة الريم مسكينه يلا تقوم من مكان لمكان وامي توها مسويه عمليه قلب وخالتج وخواتج الباقيين مايعرفون ... ويستحرمون .. " ضحكت نوير " تبين يدة الريم ترقص ؟؟ الله يهداج بس زين توقف على ريولها الحرمه .. " غيرت شيخه الموضوع " تدرين اللي حطت لنا المكياج كانت مبهوورة في الريم " " ومقهورة من صافيه ههههههههههه " ضحكت شيخه وهي تطالع صافيه اللي ماحطت الا كريم اساس بسيط وبودر بسيط وكحل بس !! .. بس طالعه حلوة رغم الالوان اللي اختفت من وجهها .. تذكرت لما اللي تحط مكياج حطت على شفايفها كريم اساس عصبت وتمت تمسح .. وبالاخير اكتفت بملمع بسيط .. " شمس شفيها يا شيخه ؟؟ .. احسها مكتئبه شنو لهالدرجه ماتبي الولد ؟" طالعت شمس اللي كانت تتكلم مع الريم بهمس " بالعكس هي تبيه بس ما ادري شسبب هالبرود .. يمكن هي في صدمه . أحيانا احس انها ماكانت تتوقع ان الولد يكون بهالكبر أحسها تتوقع ان الولد للحين عمره كم ساعه .لما تمسك الصور اللي عندها تمسك اللي يكون فيها حمود في المهاد .. وتعاف الباقي اللي فيها لما يمشي أو يلعب . ." قالت نوير بهمس " عيل هي مينونه ؟" " لا . بس .. مصدومه " " تعالي " قالت معجبه لشيخه " تعالي ابيج في موضوع " اتبعتها شيخه مستغربه " خير خالتي؟" " تعالي خذي مفتاح سيارتي وييبي لي الكيسه اللي على الكرسي اللي جدام .. نسيت فيها هديا الريم بسرعه لأن بأي لحظة بيدخل فايز " البست شيخه عباتها وشيلتها وطلعت لسيارة خالتها وكانت خالتها ناسية جوالها جنب الكيسه لانها اول ما نزلت نزلت الفستان والكيك فنست هالاغراض .. وهي في طريقها استغربت ان في مس كول ومسجين بس هي ماتحب تتدخل في حياة خالتها .. دخلت وعطت الكيسه لمعجبه اللي قالت لها بعد ما اخذت التلفون راقبت شيخه لا اردايا ملامح خالتها وهي تقرأ المسجات .. استغربت من هالمشاعر اللي ارتسمت على ملامحها هالزعل والدمعه اللي اطلعت لاااراديا من عيونها .. معجبة ماكانت تقدر تتماسك .. تنفست شوي وفكرت (( ليش جروحك تزيد يا قلبي وكل اللي تبيه شوي احترام ؟" )) . قرت المسجين مرة ثانية .كانت متوترة (( معجبه انتي تغيرتي .. اللي مثلج المفروض تفرح اذا طلبت منها انها تقابلني )) .. (( بروح المطار الحين طيارتي الساعه عشر .. )) تمنت لو انه بارك لها بملجة الريم .. تمنت لو قال لها كلمة طيبه يطيب خاطرها .. لكن يعايرها ؟؟ .. كان المس كول من الصالون.. لكنها طنشت .. راحت للريم " الريم هذي هدية بسيطة مني .." " هديه ؟؟ خالتي ليش كلفتي على عمرج يكفيني هالحفله والفستان والصالون ..صراحه هذا وايد " " الريم .. طول عمري مقصرة في حقج .. وهذي هديتي لج ..وهذي هدية خالتج جوزة .. وهذي من البنات تحاططوا ويابوها لج .. " انصدمت الريم بالهديه .. كانت هدية خالتها جوزة هو طقم لازوردي رووعه يشبه اللي تطلع فيه اليسا فالتلفزيون .. وهديه خالتها معجبة ساعه رولكس أصليه .. والبنات يابوا لها خاتم الماس رووعه فيه احجار كريمه وحجر ألماس .. ادمعت عيونها وكانت مفتشله منهم انها في حياتها ما يابت شي لهم يجي عشر قيمه هالأشياء .. لبستها خالتها الهدايا وتصوروا مع بعض .. في نفس اللحظة دخل الجد وطق الباب يخبرهم انه فايز بيدخل يلبسها الشبكه .. تغطوا البنات وابتعدوا واقتربت الجده ببطولتها هي وجوزة ومعجبة اللي تنقبت من الريم .يقوون أعصابها .. دخل فايز جلس ووقف جنب الريم ودخل جدها وابوها عبدالهادي باس راسها ابوها و تصور جنبها ونفس الشيء جدها اللي كان مستانس للريم وفرحان لها .. يابت معجبه الشبكه ولبسها فايز اللي كان منبهر بالريم .. والفستان اللي مطلعها تجنن .. كانت الشبكه من ألماس في تصميم جميل والدبله من ذهب ابيض فيه ألماس بسيط .. وساعه غاليه وروعه .. " مبروك " " الله يبارك فيك .." ماقدرت تنطق بغير هالكلمات .. جلست وتصوروا مع بعض .. طلع ابوها وتم جدها .. فايز احترم جدها وقاوم انه يمسك يدها ..لكن لها تأثير غريب فيه .. همست شيخه " وسيم .." قالت نوير بهمس " يشبه سلمان خان .." كان ملاحظة نوير مزعجه لشيخه اللي قالت بهمس " ريال وفيه النعم .. المفروض حنا آخر من يحكم على الناس بسبة امهم .." سكتت نوير وانحرجت وقالت تعتذر "صدقت والله .. احنا آخر ناس نتكلم .. بس ماقصدت اني احط من قدره .. بس طلعت الكلمه جي .. " قالت شيخه بغضب مكتوم " كثر الحجي اللي يطلع منج بدون ادراك .. وزني الكلمه يا نوير والا بتندمين بعدين بتخسرين الكل بسخريتج " حست نوير انها اصغر من شيخه بسنين رغم ان العكس صحيح .. طالعت لفايز .. صج هو وسيم .. بس الريم مب قاصره طالعه جنبه جميـله جدا .. وفاتنه . قالت اخيرا تحاول ترقع زلة لسانها " الله يهنينهم في حياتهم" قالت شيخه وهي تطالع نوير بقلق " آمين " اللي ماكانوا يدركونه ان جوزة سمعت كلامهم كله .. كانت وراهم تعطي محمد شوكلاته .. وانحبست الدمعه في عيونها ولما خلصت مسحت محمد ووقفت جنب بناتهم وقالت بهمس " أنتوا تستحون فيني يا بنات ثامر ؟؟ تستحون فيني ؟؟ " شهقت شيخه ونوير ولكن جوزة دخلت داخل الغرفه والبنات الحقوها حست معجبة بشي لحقتهم .. كانوا البنات يطقون باب الغرفه بهدوء ويهمسون " يمه فديتج محشومه انتي تاج على راسنا .. يماا .." بدت شيخه تصيح لاااراديا وخافت على امها من نوبه قلبيه ثانية .. " شفيكم وشفيها وجوزة ؟" |
الفصل الخامس الجزء 7
كانت نظرات معجبه تنتقل بين نوير وشيخه اللي ماتكلموا .. " ليش تبجين شيخه ؟" همست شيخه " أمي سمعت كلام بيني وبين نوير ..وزعلت .. أخاف عليها يا خالتي أخاف عليها " " كلام عن شنو ؟" قالت نوير بعبره " مب عن شيء بس .. هي على بالها انا نستحي فيها .. والله يا خالتي انها على راسنا تاج ونفتخر فيها .." غمضت معجبه عيونها تكتم انفعالاتها وشدت يدها بقوة ورصت على اسنانها وهي تقول بصوت واطي " وقتكم يالحقيرات ؟ ؟؟ تخربون فرحتها اليوم ؟؟ توها طلعت من المستشفى يالحوش .. ماتستحون ؟؟ ارجعوا الحفله وما ابي اي صوت لكم ولاتخربون شي . .وان صار شي لجوزة مابتلومون الا نفسكم .. اذلفوا " كانت اول مرة في حياتهم تتكلم معاهم معجبة بهالأزدراء وهالألفاظ ؟؟ اطلعت نوير وتمت شيخه تبجي " اذلفي .. " " بس . " " قلت لج انقلعي برا " طلعت شيخه وتغشت وتمت تبجي بقهر وبصوت مكتوم .. طقت معجبه الباب على خفيف " جوزة أنا معجبه .. افتحي الباب " فتحت جوزة الباب وكان واضح الكدر على ملامحها .. باستها معجبه على راسها " بتزعلين من كلام بزارين الله يهداج ؟" " بناتي مفتشلين فيني يا معجبه " " بذمتج هذا حجي ؟ومن بناتج ؟ أنت نور عيونهم ويفتخرون فيج أكثر من اي حد ثاني .. .. والله انهم قطعوا عمرهم من الصياح عند الباب .. يهال جوزة يهال لاتكدرين عمرج عليهم وهم مايوزنون الكلمه " نزلت جوزة راسها بذل لكن معجبه ارفعته وقالت " لاتنزلين راسج لحد .. مهما صار انا وانتي عارفين انه في شي غلط .. .واليوم فرحه الريم لاتشيلين في خاطرج .. .ترى والله اني هزأتهم هالغبيات .. خصوصا شيخه اللي خايفه عليج .. " مسحت جوزة دموعها .. قالت " روحي وانا الحين بيي بشرب دواي وايي .." " لج دقيقتين مب اكثر .. وخلي الباب مفتوح " طلعت معجبه واتجهت جوزة للمنظرة وضبطت كحلها اللي ساح .. تنفست بقوة وشربت دواها وبعدين طلعت .. معجبه من شافت جوزة ايلست قرب الريم وباركت لفايز ارتاحت شوي .. طالعت جوالها ..وقررت انها تتصل في ناصر انسحبت من الصالة ومسكت جوالها وراحت لسيارتها . . اتبعتها شيخه ولكنها قبل لا تنبها بوجودها سمعت كلام معجبه في التلفون " هذي آخرتها ؟؟تعايرني ؟؟ تعايرني ؟؟ وصل فيك الامر تعايرني ؟؟ " " معجبه هدي شتقولين انتي ؟؟ " " شقصدك في اللي مثلي ؟؟ شقصدك ؟؟ اللي بسمعتي ؟؟ تدري ناصر خلاص ..أنا مليت .. " صكت الجوال وتمت تصيح بقوة وشيخه حطت يدها على حلجها تكتم شهقتها .. وبعدين انسحبت بدون ماتحس فيها معجبه اللي انهارت تبجي فيها كل حزن هالدنيا في هاليوم اللي مفروض يكون فرح لهم .. كان ناصر في المطار مستغرب شتقصد هالمجنونة ؟؟ وليش يعايرها ؟؟ طالع الرسائل المرسله ولما قرى المسج مرة ثانية فهم انها فهمت غلط .. كنسل تذكرته ورجع اخذ تاكسي لبيت ابو عايض .. أول ماوصل كان فايز توه بيطلع .. "ناصر شرجعك ؟" " تكنسلت الرحله .. بتروح ؟" " ايه انا من الصبح على ريولي ..انت تعشيت ؟" " لا .".مد راسه وطالع كان سيارة معجبة مب موجوده داخل البيت .. قال فايز بابتسامه " عيل تعال بآخذك الفندق معاي وتعشى هناك ..بيني وبينك ماكان لي نفس آكل مع ان ماشاء الله السفره عامره .. ماحبيت نظرة ابوها وعمها لي " "ما أقول لاء .. يلا سرينا " ركب سيارة فايز الجي اكس .. وراحوا للفندق مع ان بيت فايز موجود لكنه مصكر من زمان ومافيه أحد .. " ليش ماتجي بيتي .. أنا أنام بروحي هناك حتى الخدم أخذوا اجازتهم السنويه وسافروا .. " " لا ,, خليني في الفندق أسهل .. يغسلون ثيابي ويجهزون لي الأكل ويرتبون الغرفه .. صكر بيتك وتعال احجز غرفه " " اهد غرفتي وبيت شكبره واحشر عمري في غرف الفنادق ؟؟ .. لايبه ..انا مب مطول كلها يوم او اثنين واسافر " "اوه نسيت .. " " خير ؟" " نسيت أعطيها جوالها وخطها اليديد " "منو هذي ؟" " زوجتي الريم " ضحك ناصر واستغرب هالكلمتين على لسان فايز اللي نفسه ابتسم وفهم ليش خويه ضحك .. رجع فايز ودخل شايل الكيسه اللي فها الجوال وعطاها للجد اللي كان داخل الديوانيه بروحه .. " عن اذنك ياجدي هذي للريم .. جوال ابي اكلمها فيه " ضحك الجد على ملامح وجه فايز المنحرج وقال " ياولدي مابمنعك الريم صارت زوجتك ومافيها شي إذا كلمتها " " تسلم ياجدي " طلع فايز عن لايتأخر على ناصر اللي كان داخل السيارة ينتظره .. دخلوا الانتر كونتينتال وتوجهوا لجناح فايز وطلب الاكل هناك وطلع مبتسم بعد ما أخذ دش سريع .. كان ناصر ينتظره في الصالة وهو يطالع جواله مكتئب .. " شفيك ؟" " معجبه زعلانه .. طرشت لها مسج وفهمته غلط .." " قول لها الحقيقة عيل " "ما أعتقد بتسامحني " سكت فايز وهو يطالع لجوال ناصر اللي قال " الموضوع حساس " .. بعد دقايق قال فايز " انت قلت انك مابتكلمها في الدوحه شغير الحال ؟" " ظنيت انه بسفر زوجتي الاولى بستغل الفرصه .. لكن على مايبدو ان الامر زاد من مشاكلنا ..تعال وانت شلون بتكون حياتك مع الريم ؟" استغرب فايز " مافهمت السؤال ..بنعيش مثل اي اثنين متزوجين " قال ناصر بحذر " بتوثق فيها ؟" حس فايز بعصبية " شقصدك ؟" " اهدى .. أنا اللي قصدته انه اهلها ما وثقوا فيها و .." تنهد فايز " ياناصر انت ماتعرف شي في هالحياه .. ماتعرف انه اللي تلدغه الحيه يخاف من الحبال .. الريم انلدغت من هالحيه .. ومابتوقع البنت بتكون على شاكله امها لانها جربت الاهانه اللي خلفتها فضيحه امها .. انا الحين شايل هم شلون البنت بتتعود علي .. وهل بتحبني ؟؟ الريم بتكون محاره مغلقه على نفسها .. وأتوقع بتكره الحب وتكره الرجال ..بتكون مثل الصباره .. كلها شوك .. بتحاول تحمي نفسها ضدي اللي شفته الليله مب عيون فرحانه ..لا .. عيون تخاف بكره .. تخاف مني أكثر من انها ترحب فيني .. " استغرب ناصر تحليل فايز لكن اللي مايفهمه ناصر ان فايز كان طوال حياته في مكان الريم .. يعاني مثلها .. وانه كان لسنوات في نفس موقف الريم ..متخوف من الحريم ومن انه يرتبط في انسانه تكرر فعله امه وتهجره وتترك اولاده عرضه لكلام الناس والعار ويردونه الناس دايما لي تقدم لبناتهم .. لين سمع من ناصر عن الريم بالصدفه .. وحس انها هي اللي بتغير حياته لانها عاشت نفس ظروفه تقريبا .. وعانت من نفس الظلم .. ********** كانت شيخه في الصاله مكتئبه امها من جت ادخلت غرفتها مع محمد وطنشتها هي ونوير ومعجبه بكآبتها كانت بتسوي فيهم حادث اكثر من مرة لين صرخت عليها جوزة تنبهها .. دخل ماجد الصاله " وين الكل ؟" قالت شيخه بكآبه " في غرفهم " " وشمس مايات ؟" " بلى لكنها في غرفتها .. " " شلون الحفله ؟" ابتسمت شيخه " واايد حلوة .." " شخبار الجامعه ؟" " الحمدالله .. شفيك ماجد متوتر ؟" ارتبك ماجد " مافيني شي يا حلوة .. اوه شيخه تذكرين ايام قبل يوم كنت اناديج خيشه ؟" ضحكت شيخه " اياني واياك تعيدها كنت تسبب لي اضطهادات نفسيه .. " رد بخبث " بس فادت معاج وتعصقلتي شوي هههه " " شوي ؟؟ حرام عليك إلا اختفيت كنت مليانه وايد المصيبه انك ماتركت هالعاده لين دخلت الجامعه حزتها انشغلت ونسيت .. من زمان ماقعدنا مع بعض " طالعها مبتسم " دامج بعباتج قومي خل نطلع " " وين ؟" " بآخذج نتعشى أنا يوعان " ابتسمت شيخه " كأنك حاس فيني ..أنا ماتعشيت .." وقفت وطرشت مسج لجوال امها " يمه فديتج سامحيني والله انا ماقصدنا .. أنا بطلع مع ماجد ومابنتأخر " فجأة انفتح باب الغرفه " شيخه " افرحت شيخه وابتسمت " لبيه يمه .." وكانت بتروح تتسامح منها لكن جوزة قالت بسرعه وهي بتصكر الباب " ييبي حليب مراعي كامل الدسم معاج .. محمد مايتريق الا حليب طازج " وصكت الباب بعصبيه ..خنقت شيخه العبره والحقت بماجد اللي راح يشغل السيارة .. ********** رن الجوال لأول مرة وكان نغمة راشد الماجد (( مجنون بك واعترف لك صرت مجنونك لا الذنب ذنبي ولا ذنب الهوى ذنبك لو كل هالناس بعيوني يشوفونك ان كان ذاب بغلاك العالم وحبك .. غمض عيونك حبيبي غمض عيونك بقولك شي بس اسمعني في قلبك .. )) كان اسم فايز .الظاهر انه مضبط الجوا وحاط فيه نغمات وارقام جواله .. . ردت بتوتر " السلام عليكم .." " وعليكم السلام .." كانت متوترة وايد .. " شلونج الريم ؟" "الحمدالله .. مشكور على الجهاز .." " العفو .. شلونج ؟" " الحمدالله وانت شخبارك ؟" " الحمدالله .. مبروك ..." استحت الريم وكانت صج منحرجه .. " الله يبارك فيك .. ممكن أسألك شي ؟" " تفضلي عيوني كلها لج " ترددت شوي لكنها قالت " ناصر كان موجود في الملجه اليوم ؟" استغرب فايز " أنتي تعرفين بناصر ؟" قالت مستحيه " ايه .. خبرتني خالتي يوم تقدمت لخطبتي وطلبت مني اسألك هالسؤال ان كلمتني الليلة .. " " ايه كان موجود وهو الشاهد الثاني مع عمج ابو طلال على عقد الزواج ..بس الظاهر صاير بينهم مشكله " " اعتقد هالشي لان عيونها كانت مثل الجمر لما طلبت مني " سكتوا شوي لكن فايز قال " كنت رووعه الليله . .. " ابتسمت الريم لكنها ماعلقت .. حس فايز بتوترها وهو يسمع صوت نفسها وقال " ما أطول عليج يالغلا ..بكلمج بكره بإذن الله .. " " ان شاء الله .. " " الله يحفظج .. " " في حفظ الرحمـن .." صكت الجوال ال n95 .. وهي تطالعه مستغربه .. أخيرا صار عندها جوال .. معقوله ؟ .. بس تكلم من ؟؟ .. حطته على التسريحه وفتحت التسريحه وراقبت شعرها اللي امتد على طول ظهرها بفرح .. امسكت تلفون البيت واتصلت بخالتها معجبه " ألو .." " هلا خالتي .." " الريم .؟ .. اعذريني كنت دايخه شوي .." همست الريم " لايكون حامل ؟" " لا مستحيل طبعا .. كلمج فايز ؟" ردت الريم " ايه .. طرش لي جوال وخط وضبط نغمه خاصه له وحط ارقامه .. وسألته عن ناصر قال انه كان موجود وانه الشاهد الثاني " حست معجبه باحباط " لايكون يالخبله كلمتيه عن ناصر اول شيء ؟" " ايه والله .. شسوي ماعندي اي موضوع .." " انزين متى العرس ؟" " يوم 15-8 .. بعد شهر وشي .. .. " " سلموج المهر ؟" " ايه سلمني ابوي ميتين ألف .." " انزين بنتقضى اغراضج بحدود الميه والميه الثانية خليها في البنك " " أغراضي بميه ؟؟ ليش ؟؟ عشره تكفيني وزياده .." ضحكت معجبه " ليش تشترين فيها خلاقين سود ؟؟ صج انج على نياتج .. با حبيبتي انتي بتتزوجين رجل اعمال ريال هاي هاي .. لازم كل مشترياتج تكون شي عليه القيمه وماركات .. وبعدين مابنكثر من الملابس ..مع ان خزانتج فاضيه تقريبا مافيها الا الاسود . بس كم بدله على الموضه ..ولاتنسين الموضه تتغير .. بس الاساسيات الكلاسيكيات ..بس انتي تحتاجين ميزانية ضخمه لاني بييب لج كله ماركات لان اللي فهمته من ناصر ان فايز كله في حفلات رجال اعمال ..يعني بيقارن أكيد شايف وايد .. .. وبعدين حطي في حسابج بآخذج دبي ..استأذني من فايز .. " قالت الريم متردده " أبوي مابيرضى " ردت معجبه بعصبية " اذا زوجج راضي بيرضى ..خلاص انتي الحين متزوجه .. وتحتاجين اشياء واايد .. ودامه زوجج انتي طلعتي من مسؤوليته " صكرت الريم من خالتها وهي مستغربه من كلامها .. هل بتطلع من شور ابوها دامها تزوجت ؟؟ اتصلت على شمس وخبرتها بكل اللي صار بينهم واكدت لها شمس كلام معجبه انها لي تزوجت استقلت بحياتها .. كانت معجبه في الغرفه مكتئبة والدموع في عيونها حاسه بذل وقهر .. جلست على مكتبها تراجع شوي فواتير لكنها ماقدرت تركز .. اللي صار لجوزة واللي صار لها يجلط صراحه .. تنهدت " كنت موجود في الملجه ولا باركت لي .؟ كأني مااستاهل ؟ .. يا ربي شآخر هالحال التعبان .. " في الفندق كان ناصر نايم على الكرسي وفايز دخل للغرفه ينام .. كان مبتسم .. حس ان له عايله ..وهالشعور نساه من زماان .. |
السلام لكل الأعضاء ... والمتابعين للرواية
أبلغكم هذا آخر جزء نزلته الكاتبة ... للآسف لديها ظروف خاصة ... قريب لها صابه حادث ... لا تنسوه من الدعوات حتى يقوم بإذن الله لأهله.. |
يعيطيك العافيه electron اسمحيلي ماراح اعلق لانه البارت وايد قصير اوو مافيه ذيك الاحداث اما على الكاتبه سهر الليالي الله يشافي مريضهم اوو كل مرضى المسلمين مشكوره على النقل تسلمين يا قلبي انتظر ردك على تعليقي |
قصه راااااااااااااااااااااااااااااااااااااااااااااااااااااائعه اشكرك ولكن ارجو ان تكتمل من اروع الروايات اللتي قرأتها هل للكاتبه اي قصص اخرى واسأل الله العلي القدير ان يشفي مريضها
|
القصة فعلا اكتر من رائعة وربنا يشفي قريبها بإذن الله
|
الكترون.. القصه هذي بالذات انا ماقريتهاا للكاتبه سهر الليالي مع اني احب كتاباتهاا وقريت كل القصص اللي اكتبتهاا.. والحين انا اتابع معهاا قصة الجدران البيضااء بألم الاماارات..
لاكن عندي ملاااحظه صغينووونه مررره .. وهي ان الخط صغير مرره.. ويااليت تكبرينه... تبن الصراحه اوجعتني عيوني وانا اقرأ البارت الاول.. وصرااحه عيونا ماااعااد تتحمل من القرايه.. وخصوصاا زي ما انتي عاارفه ان الفتره هذي فترة اختبارات.. ونبي الخط يكون رقم 5 بيكون احسن واااجد.. تحيااتي لك.. |
لو سمحتي اختي زارا ايش القصص اللي كاتبتها سهر الليالي
|
اقتباس:
الكاتبه لها مجموعه من القصص.. وفيه قصص مكتمله وتلقينها في مكتبة القصص.. في ألم الامارات.. مثل.. عندما نتحدى الأيام ... الكاتبه : سهر الليالي لحظات غريبة بين اثنين ... الكاتبه : سهر الليالي 84 اعترافات رجل يكره يحب يعشق يبغض النساء .. وفيه قصه الان تكتبها اسمها الجدران البيضاء وهذي بعد تلقينها بألم الامارات.. تحياتي.. |
سلا م للأعضاء ..
حبيت أحيي كل من مر على الرواية .. خطوات وردة ، بينك ،For Ever، زارا الكاتبة لم تكمل الرواية .. إلى الآن ... دعواتكم لها بالتفريج الكرب والهموم .. زارا .. ما طلبت شيء .. وان شاء الله أكبر حجم الخط .. بينك 2007 .. فعلا الروايات التي تفضلت بكتابتها هي من أروع الروايات التي كتبتهم سهر الليالي.. وان شاء الله اول ما تنزل الكاتبة التكملة .. أنقلها لكم .. |
الفصل السادس الجزء 1
الفصل السادس الجزء 1
الفصل السادس ___ دخل ناصر للقسم وابتسم لربعه اللي نسا اشكالهم " ناصر هلا والله بو يوسف " قام عبدالعزيز وسلم على ناصر وجا سلطان وسلم عليه وقال " ناصر تدري اقول اليوم المكتب منور عبدالعزيز قال لي انك في لندن " قال عبدالعزيز " قريت في الجريدة انك تقضي اجازتك في اوربا .. ماتوقعتك ترجع بسرعه " قال ناصر وهو ييلس على مكتبه " برجع اسافر بس ييت عشان واحد من الربع ها عبدالعزيز اخبار السد ؟ " قال مبتسم " يسجل انتصاراته بجدارة " طالع ناصر المكاتب " شالفوضى شالملفات ؟" قال سلطان بصدق " من استقالت شمس والقسم من سيء لأسوأ مديرنا طارق متوهق برئيس القسم اللي حطه بدل شمس مب شي .. بس يحذف علينا هالملفات ويضيعها " قال عبدالعزيز " بس انا من ناحيتي ارتحت .. ماعادت تزعجني بصوتها ووجودها " قاطعه سلطان " بس كانت مشية شغل المكتب بحياتي كلها ماتعبت من الشغل مثل ما اتعب الحين .. رئيس القسم بو محمد كله مسطح ونايم والشغل شيء جدا " قال عبدالعزيز " بس القاضي راضي انت شعليك ؟" علق ناصر " لا يا عبدالعزيز ..بعدين الاهمال هذي بيخلي المسؤولين يطردونكم وبدون توصيات .. بيحطون السبب فيكم وهذا بو محمد مابينوبه شي بالعكس بينتقل لوظيفه اسهل " " انزين انت راجع تداوم يا بو يوسف ؟" هز ناصر راسه بلا " لا ما اعتقد اصلا هالشغل مب نازل لي من زور شكلي بستقيل .. بس ييت اشوف طارق شوي " قال عبدالعزيز وهو يأشر على سلطان " مادريت سلطان دخ القفص الذهبي " " صج مبروك يا سلطان .. " قال سلطان معصب " يكذب عليك مسرع ماصدقته " ضحك عبدالعزيز وطالعه ناصر بعتاب " مقصه عندك يا رجال؟" " محشوم يا بو يوسف ..بس شوف .. انا افكر اخطب له .. يكسر خاطري .. ماتزوج .في حد حواليك ؟ " اشر ناصر بلا ووقف وقال "يستاهل سلطان بس للاسف ماعرف لهالسوالف .. بروح لطارق اشوفه " قال سلطان مبتسم " بس عود يا خوي ماشبعنا من سوالفك " " راجع لكم " توجه ناصر لمكتب طارق وطق الباب .. " السلام عليكم .. وين سكرتيرتك ؟" " هلا والله وعليكم السلام حياك تفضل " جلس ناصر وطلب له طارق قهوة " استقالت السكرتيرة طفشها عبدالعزيز .. ما أدري شفيه هالريال يطفش المواطنات .. " " على الطاري ..قالوا لي الشباب ان شمس انطردت ؟" "ما انطردت .. استقالت .. يا أخي من طلعت من القسم والقسم متبهدل كانت مرتبه كل شي الحين تيينا شكاوي وايد " " اتصل عليها ورجعها " " بس هي استقالت " " طارق كلمتين اعتذار وكلام منمق وتقنعها " نزع طارق نظاراته وقال " بس هي تبي تمشي كلمتها هنا على كيفها " " شلون ؟" " ناصر تبي تنقلك و وتبي موظفين بديلين " هز ناصر كتوفه بلا مبالاة " أنا أصلا ما أداوم وقلت لك من قبل اني بستقيل ولا فارقه معاي .. وصراحه ان شفت الفوضى على مكاتب الشباب اقول الحق عمرك قبل لاينتبه المسؤولين لهالفوضى .. بخلص اوراق استقالتي وبخلي محامي يمرك .. " تردد طارق " بس اسمك تشتغل معانا هذا فخر لنا " ابتسم ناصر " انا هنا بالاسم .. لكن بيني وبينك ما اسمي اللي اسويه شغل .. لاتخسر البنية ترى خبرتها ممتازة .. " وطبعا لما شخصية لها واسطتها وسمعتها مثل ناصر تنصح فهذا يعتبر امر اكثر منه طلب اقتنع طارق بكلام ناصر واخذه كأمر مسلم به .. بعد عشر دقايق رجع للشباب وهو يطالع عبدالعزيز " شفيك انت مطفش الحريم ؟" ضحك عبدالعزيز " يا أخي انقهر من منظر المواطنات الي يشتغلن .. ودي اقول لهن انثبرن في بيوتكن احسن لكن " قال ناصر مب عاجبه تصريح عبدالعزيز " شوف يا خوي .. لاتقطع الارزاق ..قطع الاعناق ولا قطع الارزاق .اللي تسويه غلط انا بستقيل وشمس بترجع وافضل انك تنتقل لقسم كله رجال دامك تسلك هالسلوك " قال عبدالعزيز " تعرف قسم كله رياييل هاليومين " قال سلطان مبتسم " ايه الجيش !!": ضحك ناصر وعصب عبدالعزيز " بترد لنا شمس وبتتركنا يا بويوسف الظاهر مالنا معزة عندك " قال ناصر ببساطه " الفوضى اللي صايره مب زينه لسجلكم الوظيفي .. والبنية طفشت بسبتي وبسبتك .. وطارق بيحتاجها لان خبرتها كبيرة في هالمجال .. " قال عبدالعزيز " عيل بنتقل بترافجني يا سلطان ؟" هز سلطان راسه وقال " بنتقل وياك واسمح للموظفات بهالقسم .. لاني مابرضى اتم بروحي هنا .. و بعدين في كم بنت توسطت لهم وبيتوظفون هنا .. مابرضى اني اكون معاهن في نفس القسم عن كلام الناس " " خير ان شاء الله .. تعالوا نكلم طارق بهالخطة " قاموا معاه ودخلوا لمكتب طارق .. كانت هذي اول خطوات ناصر في كسب ود معجبه ويبن لها انه مابيكرهها ولايقلل من احترامها .. ** كانت شمس في الغرفه تقرى الرسالة وهي تمتم " شمس مابتصدقيين ينابيع الشوق اللي تتفجر في قلبي .. ان قلت احبج ماتوصف احساسي ..ان قلت اعشقج العشق ولا شي جنب احاسيسي توجتي حياتي بوجودج توجتي قلبي بحبج .. وتوجتي عمري بعيونج .. تصدقين افكر فيج كل لحظة .. كل دقيقة .. قبل لا انام ولما انام ولما اصحى .وانا في الدوام .. احس عقلي لوحه بيضا انطبعت فيها صورتج ,, اشكر الله اني عرفتج .. واشكر الله انج بتكونين لي .. ناطر اليوم اللي بحتويج فيه في بيتي ردي علي مع الريم .. ابوج مايرضى اشوفج ولا اكلمج مع انا مالجين ...هانت يا عمري هانت اسبوعين ..احبج ღ حبيبج اللي وهب حياته لج .. طلال .. ملاحظة/باقة الورد والعطر يذكروني فيج .." رن جوالها طالعت الاسم (المدير ) استغربت .. هل بترد ؟؟ ولا لا ؟ طالعت الجوال واخيرا ردت " السلام عليكم " "وعليكم السلام نعم استاذ طارق " حست بارتباكه لما قال " آنسة شمس اتمنى انج تقبلين عرضي انا موافق اعوضج بموظفين جدد بس ترجعين للدوام " " استاذ طارق اعذرني لكني تعرضت لاهانه كبيرة " " آنسة شمس اعتذر شخصيا عن كل اذى وكل تعليق تسببت فيه ..مانقدر نخسر انسانه بخبرتج وقدرتج .. نتمنى عودتك .." قالت شمس بعد تردد " مايكفي " حتى لو قلت لج ان عبدالعزيز وسلطان انتقلوا وناصر استقال ؟" " انتقال واستقالة ؟ " " اي نعم آنسة شمس اذا تبين تنقذين عملج في القسم للسنوات اللي طافت يفضل انج ترجعين بسرعه .. والا بيستلم القسم طاقم جديد وبيخرب كل شيء ." " برجع اداوم الاسبوع اللي ياي " قال طارق بسرعه " أتمنى بكره ؟" " خلاص ..بكره " صكت التلفون وحست ان في شيء جديد غريب شسبب الانتقال وشسبب استقالة ناصر ؟؟ ناصر اللي كان عثرة في شغلها ؟ بس بتخسر سلطان .. اللي كان مجتهد دائما .. نزلت تحت بعد ما دست الرسالة في الدرج .. وانتبهت لظرف ثاني لونه ازرق كان في الدرج اول مرة تشوفه بس الرسالة بصمغها مب مفتوحه ..افتحتها وبدت تقرأ ((غرورج يعيش في داخلي انسان ... يا شمس حياتي يا نجمة الأكوان .. سأرحل لكنك سترحلين معي ذكرى في قلبي . . سأعبر المحيطات لأنسى . . وستبقين في عيني الذكرى .. سأنسى امسي وحاضري .. لكن لا اعرف كيف سأنساك .. تألمت كثيرا لمجرد التفكير بك . انت حلمي الدائم سأبقى أحلم بك طوال حياتي .. سأحلم بلقائك وبإبتسامتك .. لن تفهمي ابدا ماتعنين لي لن تفهمي ضياعي وصدماتي . .ولن تفهمي ابدا حبي لك .. فأن أعرف ان هناك شمسا سكنت الارض وأنني أحبها .. أحبها لقلبها .. لرقتها وعاطفتها .. لذكائها وكلماتها .. لدمها الذي يسري في عروقها .. يمنحني سببا للتنفس بعد ان انعدمت الأسباب .. لن انسى ابدا رغم استحالة علاقتنا .. تذكري يا شمسي .. تذكري اني في اكثر لحظتي ألما ..أسلي قلبي بذكراك .. يا وردة ياسمين عطرت آلامي .. ))) انصدمت شمس .. هالكلام مستحيل يكون من طلال .. بدون وعي امسكت جوال واتصلت في الريم .. " هلا شمسه . شذكرج فيني من الصبح ؟" شمس ـ " الريم . اليوم وانا ارتب اغراضي لقيت شي .." ضحكت الريم "شالشي العجيب اللي لقيته وذكرج فيني ؟؟ " قالت شمس في كلمات مختصرة " ظرف ازرق .." قالت الريم " و.. وبعدين ظرف شاللي في هالظرف ؟؟" قالت شمس وهي تقلب الظرف " هو باين انه قديم بس ولا مرة لاحظته .. بس من كم يوم كسرت الدرج و..اعتقد انه كان منحشر في زاويتة .." قالت الريم باستغراب " الخلاصة شمسوه شاللي في الظرف ؟" قالت شمس بتردد " خاطره .. سأرحل .." سكتت الريم وحست شمس انها تعرف شي قالت لها تترجاها " انتي تعرفين شيء عنها ؟؟ قولي " " اذكر اني انا حطيتها من وقت طويل .. من سنين طويلة ." اشهقت شمس " من من ؟ .. من طلال ؟؟" ردت الريم " لا طبعا .. من .. عايض " بح صوت شمس " عايض ؟" هالاسم اللي ماسمعته من زمان ولافكرت في صاحبه .. قالت مب مصدقة " مستحيــل .. " " تدرين انه كان يحبج " " مستحيل .. بالعكس كان يحتقرني " " شمس شفيج ينيتي ولا زهايمر ؟ عايض طلبج بس ابوج طرده !! قصدي رده " "عايض ؟ليش ما قلتي لي ؟" قالت الريم بيأس " شتفرق ؟؟ وبعدين الرسالة حطيتها بعد سفره .. هل كنت بتنتظرينه ومابتتزوجين طلال ؟؟ أصلا انتي ماكنتي تحبينه .. كنت دايما مغرورة معاه .. " " مغرورة ؟" " ايه ..قال لي انج قلتي له مرة ان دربكم مب واحد .. " " ايه لأنج ماشفتي شلون كان يعاملني .. كانت طريقته غريبه وأنانية .. كل كلامه كان عن بنات عمج .. ما أدري شيقصد بس كان يقهرني وايد .. هو صراحه استحق اني اتجاهله بكل جدارة .. بعد هالسنين ايي وألقى هالـ..الأكتشاف ؟؟ كان يحبني ؟ مستحيل ريموه ليش ؟ .." قالت الريم بهمس " يمكن كان يبيج تنطرينه .. " " ما اعتقد ما أعتقد ...... نسيت اقولج ترى برجع وظيفتي بكره بعدين بقولج التفاصيل .. بروح الحين واقول لمعجبة .باي . " "باي " نزلت شمس ونست الرسالة في يدها .. معقوله هالاكتشاف اللي تأخر ؟؟ قبل لا يدخل طلال في حياتها كانت في مراهقتها تحب عايض .. هالسر اللي ما كشفته لأحد أبدا .. لأن الكل كان ينظر له بنقص .. بس كان يغيضها وايد كان يمدح بنات أعمامه ويقول انه يبتزوج فلانه أو يمكن فلانه .. كانت تغار بجنون بس قررت انها تعامله بغرور .. وتطنشه .. بس كانت دايما تبجي في الغرفه اذا رجعت من بيت الريم .. كم كان عمرها ؟؟ 16 او 15 .. بس قالت لها الريم انه هاجر امريكا حست ان حياتها انتهت ..واستمرت في مرحلة كآبة لين في يوم التقت بطلال في بيت جد الريم .. وسحرها طلال بمعاملته لها . كان يعاملها كأنها أميرة .. رغم انها كانت تروح للريم في اوقات عشوائية بسبب دوامها لكنها لقته دايم هناك .. يلتقيها عند الباب .. وأحيانا تناديها الجدة تيلس معاها وكانت ماتردها وكان ييلس مع اليده كانت شمس تستحي وايد فما تتكلم .. حبت طلال بكل جوارحها .. رغم كل جروحها الحالية لكنها كان ساكن قلبها .. لكن عايض .. حست انه شيء ققديم مدفون تحت اكوام من النكران والكبرياء .. لكن رسالته وهالخاطرة اللي بدون وعي تمت تقرأها بخط يده أكثر من مرة .. ليش خط اليد مميز ؟؟ كأنه بصمه لصاحبه ؟ .. يحمل ذكرياته وشخصيته .. " شمس شتسوين ؟" كانت شيخه يايه لابسه بيجاما وردية ورافعه شعرها وبيدها كوب نسكافيه .. " أسترجع الماضي " أعطت الرسالة لشيخه اللي تم تقرأها منبهرة .قالت برومانسية وعيون حالمة " طلال .؟؟" " لا .. " افتحت عيونها بوسع وقالت مستغربة " عيل منو ؟" ابتسمت شمس وقالت " تذكرين الغثيث ؟" اضحكت شيخه " هاللقب ما استحقه الا عايض الله يذكره بالخير .. تذكرين كان يغثنا .. صج كنت صغيرة بس .. كنت انقهر وايد منه .. لحظة .." وتغيرت ملامح شيخه " منه ؟؟ " هزت شمس راسها بأي .. وقالت " اكتشفتها اليوم .. أفكر لو اكتشفتها من قبل قبل اكثر من عشر سنوات .. هل كانت حياتي بتتغير ؟" " ما أدري يا شمس .. هل بتعتقدين كان بيتغير شي ؟ هو ماطلب منج تنتظرينه ولا حيرج له .. وبعدين محد سمع عنه من زمان .. وبعدين لو قارنتي بين اسلوب طلال الله يرحمه واسلوب عايض كان طلال بيغلب بالراحه .. " ابتسمت شمس " صدقتي .. طلال كان غير .. وعايض كان غير .. لو تفتح عمل الشيطان .. خل ننسى هالامر .. " وصكرت الرسالة وشربت من كوب شيخه شوي وقالت " ترى برجع بكره الدوام .. بيغيرون الستاف والمدير اعتذر " ابتسمت شيخه " صدق عالبركه الله يوفقج .." " متى بترجعين الجامعه ؟" " ما أدري .. يمكن اروح بكره اشوف نتايجي .. اذا رسبت ابي منج واسطه اشتغل معاج .." ابتسمت شمس " لاتفاولين الله يوفقج .. " نقلت شمس خبر رجعتها للشغل لمعجبة وطلبت منها انها ماتقول لأمها اي شيء .. بعدين طالعت غرفة امها كان محمد يلعب سوني مع نوير .. طلت من بعيد وابتعدت .. |
الفصل السادس الجزء 2___
انصدمت شيخه .. قالت لها عليا " انتي الوحيده اللي اخذت اي في مادته .. مبروك .." ماقدرت شيخه انها تبتسم .. " الله يبارك لج .. خذتي صيفي ؟" " ايه .. أبي أخلص .. تعبت . بروح اشرب كوفي تيين معاي ؟" قالت شيخه " لا .. عندي مشوار .. بشوف وحده من البنات .." بدون وعي توجهت لمكتبه طقت الباب " تفضل " ماكان حد في الغرفه غيره .. قالت بلهجة باردة وتعمدت انها ماتطالع له " لاتفتكر انك بالدرجه اللي اعطيتني اياها بتشتريني .. انا المفروض ارسب في هالمادة .. " " شيخه .." " لاتحاول .. لاتفتكر اني برضى بال A " " شيخه اسمعيني " " ما أبي أسمعك ..أنا ماييت عشان أسمعك .. أنا ييت أقول لك " " بس خلاص انتي نجحتي شبتسوين تشتكين .؟ " " ايه ..." وقف وقال وهو يرتكز على مكتبه " شيخه .. اسمعيني .. انا غلطت .. وسببت لج وايد اذى .. والاي مجرد تعويض ما ابي منج شي ولا ابي اساومج على شي ..وانا آسف أني عرضت دراستك لمساومات رخيصة اقبلي اعتذاري " طلعت شيخه من عنده وماتعرف بتشتكي ولا بتنسى الموضوع .. طلعت وهي ترتجف .. حس بغلطته شي زين لكن تسامحه ؟؟ .. لا وألف لاء .. انضمت لعليا وشربت كوفي بعدين رجعت البيت وقالت لشمس فالتلفون كل شيء .. كان شمس تحاول انها تنظم الشغل بس تعبت لان الفوضى لاتطاق .. واستغلت مكالمة شيخه انها تستريح شوي .. "انت تحبينه ؟ " سكتت شيخه شوي بعدين قالت " هو جرحني قبل لا أحبه .. اهان كرامتي قبل لا اعرفه .. مامداني احلم ... كنت معجبه فيه جدا .. وحسيت باعجابه ..لكنه قتل كل الفرص باللي سواه .. لو خطبني كنت بتعرف عليه واحبه اكثر بس للأسف .. قتل حبي وهو وليد " شمس " فديتج لا تزعلين عليه " شيخه " المسألة أني حسيت اني خسرت الثقة في كل اللي حولي .. فيه في فجر في نوير وصافيه .. اللي بسبب واللي بدون سبب .. بسببه تحطمت فيني آمال واحلام .. ماتتصورين يا شمس انه حطم فيني ثقتي بنفسي وحبي لكم .. صرت اشك في كل شيء بدون سبب تولدت كراهيه في دااخلي لظروفنا وحياتنا .. والحين احس اني قاعده اخسر امي .. امي ابتعدت عني من ملجة الريم .. حتى صباح الخير ماتتقبلها مني .. وكل السبب هالأستاذ... استغفر الله .. شمس تعبت من الكلام بسكر الحين .. ردي لدوامج " شمس " شيخه .. لاتعتقدين اني ما افهمج .. انا مريت في هاللحظة اللي انتي فيها الحين .. لاتستسلمين لحزنج وعصيبتج ..وصدقيني ..بتمر هاللحظات بصعوبه لكن المهم انها بتمر " مرت الساعات وشمس تحاول انها ترجع القسم مثل ماكان سوت فرز لكل الملفات والمعاملات وخلال وقت قياسي نظمت اغلبها ..كانت مجهدة وتعبانه لدرجه انها رجعت البيت نامت على طول .. ********* " ديده .. ابي اشوف امي " ردت عليه جوزة " حبيبي امك نايمه .." " لا مب هذيك .. ابي امي خلود .. " جوزة ـ فديتك ماما شمس طيبه وتحبك .. وماما خلود سافرت بترجع بعدين .. حست جوزة بذنب كبير انها تكذب على الولد .. اللي قال بنبرة حزينه " متى بترجع ؟" حاولت جوزة انه تنسيه " شرايك حبيبي نروح مدينه الالعاب ؟ زين تبي سناء ولا جنغل مدري شنو ولا الاند مارك ؟" سكت محمد واللي لاحظته جوزة انه طفل مب متطلب مثل باقي الاطفال دايما تحاول ان تغريه بالشوكلاته والالعاب لكن مايجذبونه وايد .. حتى مرة خرقت قوانين شيخه في الاكل الصحي وشرت له بيبسي لكنه ما قرب له ولا كأنه طفل صغير همه لعبته واكله . . " خالتي نوير موجوده ؟ " هزت جوزة راسها " اناديها تلعب معاك سوني ؟" هز راسه موافق .. كابرت جوزة على نفسها رغم انها ماتكلم نوير فنادتها تلعب مع محمد وتمت تراقبه من بعيد . ماكان يلعب بحماس ..كأن في شي منطفي في هالطفل.. الطفوله .. دخلت معجبه وكان ويهها شاحب وتوها راده من الصالون .. والهالات تحت عيونها بشعه " شفيج ؟ ..ويهج كأنج مب نايمه من اسبوع ؟" " جوزة تعبت .. الارق ذابحني والتفكير اليوم غلطت في الحسابات عشر مرات زين دليت الطريق في السواقه زين مادخلت لي في عمود .." ماعلقت جوزة ماتبي تزيد معجبه هموم وتحسسها بانها غلطانه .. .. " روحي نامي عجوب ريحي عمرج ويهج شاحب مافيه دم . " توجهت معجبه لقسمها ..وكانت ناسيه جوالها في القسم كانت مس كولات من ناصر وايد لكنها طنشتها .. رمت بنفسها على السرير وقلبت في قنوات التلفزيون .. وبعد لحظات رن الجوال . ردت بدون ماتشوف من متصل لانها كانت واثقه انه ناصر " ألو " ناصر ـ وينج ؟ معجبه ـ موجوده .. ناصر ـ معجبه المسج فهمتيه غلط معجبه ـ امم .. زين خذ منك يومين يلا فكرت في سبب مقنع ؟ ناصر ـ قصدت أنه مانشوف بعض وايد فزوجه مثلج بعيده عن زوجها لازم مايكون عندها هالبرود ورده الفعل هذي . معجبه ـ والمطلوب اصدق هاللي قلته ؟ ناصر ـ ليش تحسين انه مب منطقي ؟ معجبه ـ لا اسمح لي .. من انا علشان اكذبك . كان واضح ان سخريتها ممزوجه بدموع ..تمنى ناصر انه يشوفها في هاللحظه .. يحبها لكنها للاسف ماراضيه بتسوية ناصر ـ تبين اسافر معاج امريكا ولا اقطع تذكره والحق العيال وامهم . معجبة ـ امريكا . ؟ ناصر ـ ايه انا وفايز توصلنا لخطه تجمعنا .. . معجبة ـ اي خطه ؟ ************ |
الفصل السادس الجزء 3
الفصل السادس الجزء 3
كانت الريم مب مصدقه هالاشعار والمسجات اللي يطرشها لها فايز .. كانت متحفظه تجاه .. يكلمها ترد عليه برسميه تلوع الجبد . . قرأت المسج للمرة الثانية وهي عاقده حياتها " اذا شفت البشر تكبر وتنسى الحب وايامه ترى حبي طفل يحلم وانت كل احلامه ابد لايشغلك بعدي ولاتجرحك ساعاته ترى عمري فدا ايامك وروحي دوم ولهانه حبيبي ماقصدت ابعد وربي ماقصدت ابعد عسى ربك يعدم البعد ويمحي كل ايامه ردت ( ( شكـرا لهذه الكلمات الطيبه والمشاعر الاخوية )) فايز على الطرف الثاني انقهر .. بس بعد لحظات مات من الضحك ..كان ناصر جنبه توه مسكر من معجبة ومبتسم .. " أخيرا بديت اجذب انتباهها شوي تعبتني والله كل الفترة اللي طافت وحنا في مجادلات مستمرة .. يوه نسيت اتصل بالجريده قلت لأم يوسف تطرش المقالات لرئيس التحرير قبل لاتسافر بالفاكس " كان ناصر يكلم نفسه لان فايز كان يطالع الجوال وعيونه مركزة يكتب مسج (( مشاعر اخوية ؟ .. الريم .. مشاعري تجاهج مافيها اي شي اخوي )) بعدين رفع عيونه لناصر ـ شكنت تقول ؟ ضحك ناصر ـ لا الظاهر الريم ماكله عقلك كله .. فايز ـ ايه ..الريم .. لاء هذي قصة ثانية خلها على جنب .. ناصر ـ كلمتها عن الخطه ؟ فايز ـ لا ..بروح لها بعد شوي واتفاهم معاها فيس تو فيس .. ناصر ـ انزين شنو عشانا ؟ طالع فايز الساعه كانت ست ونص ـ بناكل برا .. قوم .. ناصر ـ يا اخي ملان من اكل المطاعم صار غذانا وريوقنا وعشانا .. ابي اكل بيت .. فايز مبتسم ـ عيل تعال بيت الريم .. بطرش لها مسج اني بتعشى عندهم . ناصر ـ شالسالفه الساعه ست بتبلشها بالطباخ هالحزة ؟؟ مب عدله ؟ رفع فايز التلفون واتصل فيها ـ السلام عليكم الريم كانت متفاجئة من مسجه الاخير .. .مابيعاملها كنها اخته صج ابتلشت . ـوعليكم السلام .. فايز ـ شلونج الريم ؟ الريم ـ الحمدالله بخير .. شلونك اخـ.. فايز .. فايز ـ زين ماكملتيها كان عصبت عليج وزعلت .. سكتت الريم ماعلقت .. فايز ـ الريم بسألج .. تعرفين تطبخين ؟ الريم ـ هيه .. اعرف .. فايز ـ ادري في كلافه عليج لكن انا وخويي ناصر ملينا اكل المطاعم .. الريم ـ حياكم تفضلوا ... فايز ـ بنيي الساعه سبع ونص .. لان في موضوع ابي اكلمج فيه .. انزين الريم ابيج انتي اللي تطبخين مشتهي آكل من يدج .. الريم ـ ان شاء الله . فايز ـ عيل اخليج في امان الرحمن واشوفج بعد شوي. الريم ـ مع السلامه .. صكر فايز من عندها ولف على ناصر ـ وافقت . ناصر ـ صج انك مجنون .. فايز ـ مافيها شي آكل من يد خطيبتي ... ناصر ـ بس انا اذكر المدام هي اللي تعزم مب الريال يرز وجهه ويعزم نفسه مثلك . فايز ـ مافيها شي .. بعدين انا كلمت ابوها وافق مبدئيا على الخطة بشرط ان خالتها تكون معاها .. كنت بطلب خالتها جوزة بس .. انت كسرت خاطري فقلت اسبوعين تغير فيها جو وتصفي هالمشاحنات اللي بينكم .. ناصر ـ ماراح تصفى هالمشاحنات أبدا .. انت ماتفهم معجبة .. كنت اتوفعها سهله .. لكنها يا إما صعبة جدا وكبريائها قوي . أو .. شهر العسل خلص .. طالع فايز الساعه وقال ـ يلا .. قوم بدل ملابسك .. ***** في الناحية الثانية كانت الريم في المطبخ تجهز العشا وكان هالشي بسيط بالنسبه لها .. ساعه ويجي هو وناصر تقدر تسوي فها اشياء وايد .. جهزت كل اشياءها وبدأت تطبخ باستمتاع .. لكنها تذكرت ان فايز قال لها ان في موضوع يبي يكلمها فيه .. استغربت شالموضوع ؟ كانت المغرب طابخه مكبوس اللحم على اساس تعزم شمس تييها لكن شمس حتى ماترد على التلفون .. بسرعه سوت سندويشات ديك رومي مدخن بالجبن ووحمصتها بالتوستر وسلطه معكرونه بمايونيز وسلطة ماش بوتيتو بالماسترد وصلصة الكاري بالدجاج الحار وسلطه يونانية وشوربة فطر .. وفرحت انها اليوم كانت مخططه تعزم شمس فسوت لها شيزكيك بالاناناس .. رتبت غرفة الطعام وجهزت االطاولة وجهزت العصاير .. تمنت لو ان كان عندها وقت اكثر كان سوت لهم ورق عنب وتبوله اللي الكل يمدحها .. حطت الشاي والقهوة وحلو القهوة اللي كانت مسويته الصبح في المجلس .. طالعت الساعه كانت سبع ونص بأي لحظة يدخل فايز وه مبهدله بمريلتها وريجه الطباخ .. طقت الباب على جدها وخبرته بجيه فايز ورفيجه .. عيسى ـ ماقالوا لج ليش يايين ؟ الريم ـ لا يا يدي كلمني وقال انه ياي عنده موضوع يبي يكلمني فيه .. .. جهزت العشا والسفرة زين اني كنت مجهزة اني اعزم شمس .. ولا كان الحين تفشلت .. عيسى ـ انزين انا اسمع صوت سيارة . .على مانتعشى روحي غيري ملابسج وتعدلي .. طالعه كأنج خدامه بمسلسل مدبلج مع هالمريول .. ضحكت الريم على مزح جدها معاها وقالت بخبث ـ وانت شعرفك بالمدبلج يدي ؟ وين يدتي عنك ؟ ضحك عيسى ـ يبه التلفزيون يعلمنا كل شيء .ويدتج في بيت عمج .. . روحي الحين يلا ريلج وصل ومب حلوة توكم مالجين من ايام ويشوفج مبهدله ..عيل شبتسوين بعد عشر سنوات .. ضحكت الريم واركضت لغرفتها خذت شور سريع وتركت شعرها المبلل مفرود حطت شوي بودر وكحل من شنطة المكياج الصغيرة الي اعطتها اياها شمس بعدين استشورت شعرها تجفيف عالماشي .. تعطرت والبست لها بدي ابيض وتنورة سودا وصندل اسود .. . حست ان شفايفها شاحبه .. طلعت قلوس وردي وحطته طالعت التسريحه كانت حاطه دبلتها عليها وساعتها اللي اعطاها اياها فايز البستهم.. حطت لها شيله على راسها ونزلت تحت للصالة اجلست تطالع التلفزيون كانت الساعه صارت ثمان وشي .. في غرفة الطعام اللي بين الصالة والمجلس كان فايز ياكل مستمتع وهو يطالع ناصر بانتصار .. خلصو الحلو وشكروا الجد على الضيافه ودخلوا للشاي والقهوة وتم يتكللمون عن اشياء كثير .. بعدين طالع فايز الساعه كانت ثمان ونص حك حواجبه وقال منحرج ـ يدي الريم موجوده ؟ الجد ـ اي يبه ادخل لها .. البيت محد اتصل لها خل تطلع لك .. فايز استأذن ودخل الصاله بعد ما طق الباب .. وقفت له فجأة منصدمه قال مبتسم " مب قلت لج ابيج تطبخين لي ؟ " الريم ـ انزين انا طبخت .. كله شغل ايدي .. فايز ـ على جيه بيزيد وزني في الشهور اليايه ؟ انحرجت الريم وفكرت يعني بيبلشني بالطبخ من اول الشهور ؟ فايز ـ تسلم يدج على الطباخ .. نفسج في الاكل روعه .. أبي أعرف شلون محافظة على وزنج وعندج هالموهبه الروعه ؟ الريم ـ الله يسلمك انا ما اطبخ دايم .. وفي الصيف ما اكل الا عسكريم .. يدي ويدتي اكلهم كله خفايف مايقدرون على الدسم عندهم كليسترول .وابوي ما يتم في البيت وايد .. . " فايز ـ عسكريم ؟ الريم ـ ايه . .. فايز ـ انزين الريم .. شلونج ؟ ابتسمت الريم ـ الحمدالله . .. فايز ـ انا وناصر خذنا الموافقة .. الريم باستغراب ـ موافقة ؟ فايز ـ فكرت بعد ماطلبتي مني انج تسافرين دبي .. ليش ما نضرب عصفورين بحجر ونسافر امريكا ندور على اخوج عايض ونخليه يحضر العرس .. وسياحه ..وتجهزين اغراضج من هناك .. بالمرة .. كانت الفرحه واضحه على ملامح الريم " صج ؟ .. فايز ـ ابوج وافق .. ومعجبة وافقت .. الريم ـ معجبة ؟ فايز ـ ايه .. بتروح مع ناصر .. ها شرايج ؟ الريم ـ موافقة .. موافقة اي شيء بس اشوف عايض .مشكور فايز مشكور .. وبدون وعي تمت تبجي طالعها مستغرب ـ كل هذا علشان تشوفين عايض ؟ الريم ـ ايه .. ماسمعت عنه من أكثر من عشر سنوات .. احس اني نسيت ملامحه . فايز ـ لكن هو ليش ما سأل ؟ ليش ما اتصل ؟ الريم ـ هو ما هاجر إلا عشان ينسى كل شيء .. وكان جاد لدرجه انه قطعنا كأنه بينسانا اول شيء . حس فايز بشعور عايض .. كان مكانه من ست طعش سنه كان بس يبي ينتشل نفسه من كل اللي حوله ..وسافر مصر درس هناك واستثمر فلوسه وصار من انجح رجال الاعمال رغم عمره الصغير .. عكس ناصر اللي ابتعد عن هالجو .. وبمجرد وفاة ابوه السنه اللي طافة صفى كل شيء وتم على اعمال بسيطة توفر له دخل ممتاز .. بغض النظر عن الثروة اللي حطها في البنوك الخارجية . الريم ـ متى السفر ؟ فايز ـ بعد اسبوع .. جهزي نفسج يا عمري .. حس ان الكلمة اطلعت لا اراديا منه . كانه تعود عليها .. ووجه الريم شحب اكثر حتى القلوس اللي حاطته وماكانت حاطته ببراعه مجرد لطخه مافاد كان وجهها شاحب .. الريم ـ فايز .. ممكن اطلب منك طلب ؟ فايز ـ آمري. الريم ـ لاتستخدم هالكلمات وهاللهجة معاي .. فايز ـ مافهمت ؟ االريم ـ انا انسانه غير عاطفية دفنت المشاعر واسماءها من انولدت في دفتر موصوم بالعار .. لما اسمع هالكلمات انجرح وانحرج .. فايز ـ الحب ؟ لج حق مثل كل انسان في انج تحبين وتنحبين .. الريم ـ لا .. هالحق انا تنازلت عنه ... فايز ـ لكن انا ماراح اتنازل عنه .. اللي احسه تجاهج اكبر من اني اسكت عنه .. الريم ـ فايز ارجوك .. فايز ـ لا .. انت ارجوج .. احنا بدينا حياة جديدة مع بعض .. وانا مرتاح ..لاتخليني ابتعد عنج افضل اكون واضح معاج ..هذا حق من حقوقج علي ...اني اعاملج بـ .. الريم ـ لا .. لا تكمل .. فايز على الاقل مبالحين .. الوضع جديد علي تماما .. وما بتأقلم بين يوم وليله .. جنبني هالعبارات..... .............وهالمشاعر على الاقل خلال هالسفر اللي اذا انكتب بأذن الله. حس فايز بحزن .. تمنى لو يعيش معاها قصة حب .. لكنها بدأت ترفض وهو كان مقرر انه يداويها مايزيد جروحها ..بس في تقدم .. الريم بدأت تكلمه وترتاح له .. لازم ينطر عليها .. وعنده الصبر الازم لازم مايستعجل . ـ انزين . .. بحاول ..عن اذنج .. التفت يبي يطلع لكنها قالت ـ لاتزعل مني .. فايز ـ لا ما بزعل ..جهزي نفسج للسفر .. طلع ورجع للمجلس كان ناصرتكلم مع الجد عن جده اللي كان يعرفه الجد من قبل .. وبدون شعور تم فايز سرحان يفكر لين وقف ناصر واستأذن واستأذن معاه فايز .. ـ ماوافقت ؟ ـ بلى .. وافقت .. ـ عيل شفيك ؟؟ ـ لا .. بس افكر ف الشغل .. كان فايز دايما اذا يبي يخبي على ناصر ارتباكه ولا مشاكله يقول شغل وبطريقه لاشعوريه يغير ناصر السالفه لانه مايحب الشغل اللي يهلك فايز نفسه فيه ولا يحب خرابيط التجار ..تعقد كفاية من ايام ابوه . ************ |
السلام عليكم اختي electron يعطيك الف عافيه على النقل البارت قصير وايد بس فيه تطورات يعني شمس ردت لشغلها اكتشفت شي ما اكنت تدري عنه حب عايض الريم ......... ليلحين مالها قادره تتأقلم مع فايز بس فايز قدها اوو قدود خاصه انه عانه من مشاكله الخاصه يعني قريب تقريبا لمعانتها اهيه موقف مجتمعهم منهم ناصر.... يحب معجبه هذا اللي اكتشفته يعني مو بس حب تملك استقال اوو اقنع الشباب انهم ينتقلون بس عشان حبيبته معجبه اممممممم جوزه مادري كنت متوقعه تفتح موضوع محمد مع شمسه وتعرف شسبب ابتعادها عنها اوو لمتى اوو اهيه مو متفبلته يعني صدمتها طولت اوو لازم نقوم من نومها امممممممم بس بعطيج الف الف عافيه ( حبيت اعلق لانه مره قلتي تبين ردودنا انشالله ما قصرت معاك *_^) مشكوره مره ثانيه |
مشكوره حبيبتي electron
بارت حلو بس فقدنا الاثاره فيه شوي ياعيوني ياالريم والله اني حبيتها مررررررررررررره اتمنى انك ماتطولين علينا ننتظرك بفارع الصبر |
مشكوره اختي زارا على الرد والله يجزاك خير
|
مشكوووووورة اختي الرواااااااااية واايد حلوة...
وانشالله ما اتأخرين علينا بالتكملة.. |
:55ننتظرك على احر من جمر
|
جزاك الله خيرا حبيبتي على النقل
والكاتبة سهر الليالي كاتبة متميزة قرأت قصصها السابقة ولكن هذه القصة لم تنزل في ألم أليس كذلك؟ على كل أتوقع أن زوجة ناصر سترسل قصة معجبة بالخطأ للمجلة وستقوم مشكلة كبيرة بين معجبة وناصر بسبب ذلك يفتضح منها زواجهما وإن كنت أشك أن زوجة ناصر تعرف بزواجه أو تشك على الأقل ومها أنا أجزم أنها لم تهرب مع الهندي ماهذا التخريف؟؟؟والتفكير الشاذ لدى زوجها ؟!! الإنسان لاينقلب 180 درجة بين يوم وليلة ولكل منا مميزات نفسية وطباع ستلحقنا لقبرنا لأن الطبع غلب التطبع أعتقد أن الممرضة التي شبهت على جوزة ومعجبة قد رأتها قبل الآن لابد أن الهندي هو من سرق الذهب ولفق الموضوع بحيث يبدو هروب بينما هو اعتدى عليها بالضرب واختطفها مثلا ويمكن أن تكون في مصح ما فاقدة الذاكرة ننتظرك عزيزتي لاتتأخري علينا دمتي بود |
الرواية رائعة لكن متى تكتمل
ماهي أسماء روايات سهر الليالي الأخرى وأين يمكن أن أجدها |
الرواية رائعة لكن متى تكتمل
ماهي أسماء روايات سهر الليالي الأخرى وأين يمكن أن أجدها |
مشكوره اختي
انا بصراحة متابعتها بصمت لان هذا طبعي بس الجزء الاخير من جد خطير ويشجع الواحد انه يسبح في عالم من الخيال ........ الممرضة احس ان لها علاقة بام المها مشكورة طفلة كبيرة |
روايه روعه
الف شكر لك :flowers2: |
رواية اكتر من جميلة فعلا
بس التكملة امتي ؟ |
please please please
i nees the parts and thaks |
القصه رووووووووووووووووووعه حدها
تسلم هالايد المبدعه شمس عورت قلبي مرررره احس ان عايض بيصير له دووور يمكن يرجع الديره وتصير بينهم قصه حب الاثنين تعذبوا الطفل محمد ما يستاهل من شمس هالبرود يعني ممكن افهم ان البدايه هي مصدومه وبعدين صار له الحين له فتره عندهم وهي مب راضيه تكسر هالثلج اللي ع قلبها يعني لو تحاول تحضنه بتحس ان ينابيع حبها وحنانها اللي جمدهم طلال انفجروا ومالهم حد معجبه مو عاجبتني حياتها ارخصت نفسها والحين تتجرع الثمن الله يعينها االريم اكثر وجده حبيتها وتعاطفت معاها الله يسعدها الله يوفقج ويعافي قريبج وننتظر اخبارج بلهفه وشوووق |
الفصل السادس الجزء 4
تحية عطرة لكل من مر على الرواية ..
والعذر والسموحة لكل من علق .. ولم أستطع الرد عليه .. أما بالسبة للرواية تأخرت لتأخر الكاتبة .. وليس مني .. وهذي البارتات نزلتها الكاتبة للتو ... صدقوني أنا لم أقرأها للآن ... وإن شاء الله تستمتعون بها .. الفصل السادس الجزء 4 ماجد ـ انزل تعشى عندنا .. أحمد ـ لا ما أقدر عندي شغل .. ماجد ـ الساعه عشر شالشغل اللي عندك ؟ احمد ـ كم شغله اقضيها .. ماجد ـ تعال يا رجال .. سحبه ماجد من يده بعد مافتح باب السيارة ـ تعال كافي انك ما كلت في العرس .. على بالك ما ااشوفك ؟ احمد ـ ما كنت يوعان .. دخل احمد وماجد البيت اللي كان فاضي .. أحمد ـ وين مرت عمي ؟ خل اسلم عليها ؟ .. ماجد ـ ما ادري بس كأن محد في البيت .. تعال المطبخ اشوف شحط لك . ماجد كان معتمد ان البيت فاضي لان الباب كان مقفول والسيايير مب موجوده . دخل المطبخ ودخل معاه احمد ـ يلا وريني شلون بتطبخ . ضحك ماجد ـ انت ماتعرف امي امي ماتخلي هالثلاجة فاضية .. الحين براويك .. فتح الثلاجة ولقى صحن فطاير وصحن محاشي طلعهم وحطهم في الميكروويف وسخنهم وطلع صينيه من الدرج وحط الاكل عليها مع صحون وأشواك .. وفتح ثلاجة ثانية وطلع عصير برتقال طبيعي صب في قلاسين وحطهم في الصينية أحمد ـ ماشاء الله ماكذبت يا ماجد والله مرت عمي مب مقصرة . الثلاجة عامرة .. ماجد ـ امي تعودت علي ارجع متأخر فدايما تحط لي نصيبي في الثلاجة وأنا ما اقصر حتى لو كنت شبعاان أكله كله ما أبيه يظل وتحاتي .. أعرف انها تستانس بهالشيء .. راحو للصالة وفتح أحمد التلفزيون وحط الصوت على آخر شيء وااثق أنه محد في البيت بينزعج منه . ورجع ماجد المطبخ يجيب فواكه .. بعد دقيقة سمع خطوات ركض على الدري طلع ماجد في اللحظة نفسها بس ماشافته نوير وعلى بالها اللي قاعد على التلفزيون هو ماجد ــ ماجد محمد نايم وطي الصوت شوي حرام عليك . التفت أحمد للصوت .. ماعرف البنت اللي اول ماشافته صرخت صرخه عوده ورجعت تركض فوق وماجد مايعرف يضحك ولا يلحقها حط السلة على الطاولة .. ـ ههههه لحظة احمد بروح اشوف نوير البنية اكيد دقت على الشرطه .. كمل عشاك .. بند احمد التلفزيون ومسك الشوكه وهو يبتسم ... طلع ماجد وأول مايبي يدخل غرفتها سمعها تصيح قال قبل لا يحاول يفتح الباب عشان ماتخترع ـ نوير انا ماجد .. افتحي الباب .. فتحت الباب وعيونها حمرا من البكي وماسكة الاباجورة في يدها ضحك ماجد ـشفيج يالخبله ماسكة الاباجورة هو فيلم مصري ؟ ؟ نوير وهي ترتجف ـ في ريال تحت ريال غريب !! ماجد ـ والأباجورة بتحميج يعني ؟ صج هبله .. هذا ضيفي .. نوير ـ ضيفك ؟ ومن متى تييب ضيوفك لنص الصالة ؟ شبلاك يا ماجد ؟والله اني بغيت انجلط ! ماجد ـ شفت البيت مقفول والسيايير محد قلت اكيد طالعين .. نوير ـ ولو .. والله اني اخترعت .. الحين ضيفك الغريب جافني فضيحة !! ماجد ـ البسي شيلتج وتعالي تحت ... نوير ـ انت شتخرف ؟ ماجد ـ هذا ولد عمج احمد يالخبلة !! .. مب غريب تعالي خرعتيه بكشتج تعال سلمي عليه وارجعي لحمودي .. نزل ماجد وهو مبتسم وانصدم لما لقى الصحن تقريبا فاضي ـ ماخليت لي شي ؟ أحمد ـ كنت يوعان صراحه .. وبعد الخرعه اللي خرعتني اياها اختك .. صار عندي هبوط في السكر ! والله عليها صوت .. اسعاف مب بنت ! ضحك ماجد ـ بس عاد .. هذي نوير ما ارضى عليه.. أحمد ـ والله طبخ امك ماشاء الله عليه . .. نزلت نوير وقالت مستحية ـ السلام عليكم . رد أحمد وماجد ـ وعليكم السلام .. قال احمد ـ ليه غيرتي الدراعه ؟ البيج احلى .. طالع له ماجد معصب ـ احمدوه .. استحت نوير وفكرت (شفيه هذا قاط الميانه كانه يعرفني طول الوقت )) . نوير ـ شلونك أحمد والوالدة والاهل ؟ احمد ـ عايشين ..شلونج ؟ ـ الحمدالله بخير ..عن اذنكم .. ماجد ـ اذنج معاج .. أحمد ـ بدري وين رايحه .. تمي .. ترى مليت من اخوج مقابله طول الوقت .. ماجد ـ احمدوه اصطلب . احمد ـ ماجذبت من الساعه اربع وانا مقابل ويهك حتى سالفة يديدة ماعندك ! ماجد ـ وليش من قالك اني رويترز مجابل ويهك اونسك بالاخبار ؟ نوير ـ محشوم اخوي .. بس محمد نايم .. بروح اتم يمه لين تجي امي من بيت الريم . طلعت نوير فوق وماجد التفت لأحمد ـ كأنك مصختها مع اختي ؟ احمد ـ بنت عمي وكيفي عندك مانع ؟ بس انت مطيح مع ربابوه سوالف كل ماركبت سيارتي ؟ ماجد ـ يه شسوالفه الله يرجك ؟ كل اللي اقوله شلونج شخبارج وترد بخير حتى ماتسألني عن لوني !!. ضحك أحمد ـ مايحتاي لونك اصفر مخضر مايبي لها سؤال .. انزين .. أنا خلصت العشا مابتمد يدك ؟ ماجد ـ ما بي عشا بعدين ماتم شي حضرتك زطيت الاكل كله .. هذا وانت ماتشتهي حتى عصيري شربته الله يهديك بس .. بعدين انا كلت من البوفيه وتعشيت زين بس انت اللي ماكلت شي . . احمد ـ يا اخي كنت متضايق لقيت واحد من ربع اخوي وخبرني عنه سالفه ارفعت ضغطي ... خليني ساكت عن الفضايح بس .. ماجد ماحب يضغط على ولد عمه فقال له ـ قوم زين نروح للميلس اسوي لك شاي وقهوة .. ونسولف هناك .. شال ماجد الصحون وحطها في المطبخ ولحق بأحمد .. أحمد أول مايلس ـ من هذا اللي سلمت عليه وتميتوا تسولفون ؟ ماجد ـ أي واحد ؟ سلمت على وايد . . أحمد ـ اللي كان لابس نظارة .. وأطول منك شوي .. شايفه بمكان بس مب ذاكر .. ماجد ـ هذا ناصر . . أحمد ـ ناصر ..ناصر ريل .. ماجد ـ ايه .. ريل خالتي .. أحمد ـ الكاتب ؟ ماجد ـ ايه شفيك بلمت .. قلت لك عنه .. أحمد ـ انزين يا أخي عرفه علي قوله هذا ولد عمي يمكن يفيدني بأبحاثي .. ماجد ـ شأبحاثه الله يخليك الريال مب فاضي وراه سفر . .وميالس عوده مب فاضي لك .. أحمد ـ للحين خالتك ماقالت لك عنه ؟ ماجد ـ هذا قرارها .. وهي بكيفها .. صب لأحمد الشاي وحطه جدامه ووسحب بيالته وجلس مقابل التلفزيون .. أحمد ـ والله لو اني منك ودريت بطيح مسكت .. ولا بحاجيها عمري كله .. ماجد ـ أحمد .. أنت مابتفهم .. لو احد مفضل عليك طول حياتك .. وزين معاك ويتفداك بروحه لو اتخذ هالقرار الشخصي وأخفاه عنك هل بتنسى فضله معاك ؟ وأخلاقه ومواقفه وتنبذه ؟ ؟ لا طبعا بعدين هي مب صغيرة .. هي ناضجة وهالقرار في يدها بس .. أحمد ـ بس تزوجته ولا عبرتكم ولا خبرتكم .. ماجد ـ لو تزوجته وراحت معاه بزعل حزتها .. لكن الحالة اللي هي فيها تفشل صراحه ولا كأنها متزوجه ..كله معانا .. أستغرب متى تشوفه ؟ بعدين هي قايمه في امي وفي خواتي .. والريال اصل وطيب وكرم .. واكبر دليل انه يا لميلسي هنا قبل الزواج وقال لي وأخذ اذني .. ماعدني ياهل مثل ماعدتني خالتي وامي .. وماخبروني .. أحمد ـ شكلك شايل عليهم .. ماجد ـ لا ... أنا عاذرهم .. معجبه موقفها غلط .. ليش قبلت بشروط السرية ما ادري .. بس هذي حياتها وهي ابخص فيها .. وهي مب ياهل عشان اوقف في طريقها انسانه متعلمة وسيدة اعمال .. أحمد ـ ما أدري يا ماجد من وين تيب طولة البال.. لو اني مكانك كان كسرت الدنيا .. ماجد ـ اي طولة بال ..كان عندي خمس أمانات الحين صاروا اربع .. الحين انا عندي اربع خوات افكر في مستقبلهم .. وفكرة ان معجبة تزوجت ريحتني شوي .. انها على الاقل مشت في حياتها في يوم بتعلن عن هالزواج وبتعيش مع ريلها ... ابوي وصاني في خواتي .. وبيني وبينك .. زواج الريم ريحني لأن أذا الريم تزوجت أكيد في فرصة لخواتي .. أحمد ـ اي على الطاري ..ترى انا بحير النوري.. ماجد عقد حياته والتفت لأحمد ـ ها ؟ ابتسم أحمد ـ مافيها شي بنت عمي وابيها وانا مطول في جامعتي .. انطرني ثلاث سنوات .. ماجد بحيرة ـ وابوك ! .. أحمد ـ اذا في حد شايل هم بنات عمي أكثر منك فهو ابوي .. صدق انه مايبين بس تراه بين فترة وفترة يسألني عنك وعن خواتك اذا تزوجوا .. ويوم طلق طلال الله يرحمه شمس ابوي مسكين بغى يروح فيها راح لبيت طلال وتهاوش معاه .. تفاجأ ماجد لهالخبر فأكد له احمد ـ يمكن ابوي شايل على عمي ثامر شوي انه ماطلق امك ,, بس اولا واخيرا انتم عيال اخوه .. ومن عرضه .. سكت ماجد محتار بعدين قام حط شاي لاحمد ولنفسه ورجع يلس حذاه أحمد ـ هي النوري تخرجت ؟ ماجد ـ شفيك قطيت الميانه شنو النوري ؟؟ اسمها نوير .. انت تعرف انها من عمرك .. احمد ـ ادري .. بس انا لو ماصقطت كان الحين معاها في نفس السنه وانا وهي نفس التخصص لغه عربية .. وناسه ! ماجد ـ اسكت لا أصكك بالجاي على ويهك فيلم مصري هو .. بعدين تذكر منظر نوير وهي ماسكة الاباجورة مامسك عمره وتم يبتسم .. احمد ـ يا اخي انت صديقي ! ماجد بلؤم ـ واخوها! ولين يصير شي رسمي لاتفتح الموضوع جدامي سمعت ! احمد ـ امرا وطاعه يا .. أخوها ! .. *********** كانت وضحى في غرفتها مجابله التلفزيون لما دخل خليفة " مادشت اليوم ؟ " وضحى " لا ما دشت .. صار لها كم يوم ماتدخل .. انزين انت شفيك مستهم ؟ " خليفه وهو ييلس جنبها " سمعت من امي ان عندهم بنت اانخطبت " وضحى " وامي شدراها ؟ " خليفة " سمعت من يارتهم .. ما ادري شالسالفة يا وضحة بس هالبنت في خاطري وايد :" وضحى " اشك .. بعد اللي سوته اختك منيرة .. انه بيصير شي " خليفة " اختج هذي زين ماذبحتها !! .. .هي صافية ماجابت طاريها ؟ " وضحى " حاولت معاها بشتى الطرق يا خليفة لكنها ما ذكرت لي اي شي.. حتى طريت اسمك مرتين مدري ثلاث .. بس ولا اثر فيها عادي .. تهقى ماتعرف " خليفه " اشك انها تعرف .. يمكن منيروه دخلت بيت غلط ؟ " وضحى " يارب الله يسمع منك ... صدق انها بتكون فضيحه ..تعال .. انت قسمك مايبون موظفات ؟ " خليفة " يمكن ليش ؟ " وضحى " صافية خبرتني انها تدور وظيفة .." خليفة " وتبيني اوظفها عندي ؟ لا طبعا .. بعدين انا ما ارضى بالمختلط .." وضحى " بديت تتحكم فيها ؟ ؟ " خليفة " ايه .. انا البنت عاجبتني وايد عشان اخلاقها وتدينها .. رغم ما شفت ويهها ابدا بس من كلامك دشت خاطري .. واحاديثكم اللي تحفظينها لي احسها انسانه عاقلة تعرف الله احسن من بنت خالتج اللي كله مطيحه في الشات " وضحى " بس حنان طيبة .. " خليفة " انسانه وقحة وماتعرف الله .. " وضحى " لا تحط في ذمتك " خليفة " تعلميني فيها ؟؟ امسكي جوالي وشوفي المسجات .. تطرشها لي اول باول مع اني ما اطرش لها حرف واحد بنت ماتستحي .. .. " استحت وضحى ببنت خالتها .. وغيرت الموضوع .. لو يدري خليفة بمسلك حنان في الجامعه كان ذبحها بيده كله كانت مع البويات والشلل السخيفة وكله على النت في الشات .. دشت المسنجر مرة ثانية .. لو تيي صافية لبيتهم خيرة والله انسانة تخاف الله ومحترمة ... يكفي ان خليفة تعلق فيها من ثقافتها وجديتها .. خصوصا بعد ما عرف انها مب راعية خرابيط .. لما كانت تتناقش مواضيع بثقافة اسلامية عالية صرح لها خليفة يومها وقال لوضحى " اظفر بذات الدين تربت يداك " رغم اللي سمعوه عن ماضي خالتها .. وان الناس تتكلم فيهم لكن خليفه مصر على صافية .. واستخار وتأكد احساسه .. ولكنه لما شار اخته منيرة خربت عليهم كل شي .. |
الفصل السادس الجزء 5
الفصل السادس الجزء 5
*** ابتسمت جوزة لبنت اختها وقالت لها " حطي بالج على عمرج .. صج ان خالتج بتروح معاج بس .. لاتأمنين الا لها " شمس " يمه بتوصينها !! ريموه خوافه بتلزق في خالتي مثل عباتها .. " معجبة " ادري فيها ..بس عاد ريموه بس مستحى شوفوا ويهها طماطه " شيخه " الريم فديتج تصوري وطرشي لي صور علايميل .. " الريم " ليش انا اعرف الايميل علشان اعرف اطرش ! .. بعدين خالتج اكو موجوده طري من عندها " معجبة " انا ما بكون فاضية .. ابي اجازة وسياحه ولاتنسين الشوبنق .. لكن انتي وخطيبج اطلعوا وتصوروا " صار ويه الريم احمر من اذكرت لها معجبة طاري ريلها .. صافية " متى السفر بإذن الله ؟ " معجبة " باجر بمرج اربع العصر اوكي ؟ " الريم " بيمرني فايز !" انفجروا البنات في الضحك لما ويهه الريم صار احمر قاني .. استلمتها شيخه " يه يه .. شالسالفه .. بدينا نحب ... شالتملك يعني بتجابلون بعض طول الطريق .. على شنو مستعيل حضرته !" شمس " فجوا عنها ترى ماعندكم سالفه !" الريم " ليش مايبتوا محمد كان ودي اشوفه " جوزة " بيبه بكره للمطار .. اليوم كان تعبان شوي ... " الريم وهي تطالع شمس " شفيه ؟" جوزة " لا مجرد حرارة بسيطة .. " تغير ويه شمس شوي " حرارة ؟ " جوزة ردت تطمنها " لا مافيه شي سالم ان شاء الله .. بس الظاهر بدايات انفلونزا " الريم " في هالحـر ؟ .. مسكين وا عليه .. خليتوه مع نوير ؟" شيخة " ايه نوير تبرعت .. تراها متعلقة في الولد واايد .. " ارتبكت الريم وتمت تطالع شمس مستغربة .. تذكرت ان شمس من دخلت ما طرت محمد .. وخبرتها عن شغلها اللي رجع تحت ايدها طوال الايام اللي راحت والترقية والموظفات اليدد .. بس ما طرت محمد .. رن تلفونها وكان اسم فايز .. استأذنت " الو .." " هلا الريم .. شلونج ؟ " ارتبكت الريم " الحمدالله .. وانت ؟" رد " الحمدالله .. أمرج بكرة الصبح ؟" ارتبكت الريم " بس .. عن اذنك الصبح بمر البندري مرت ابوي .. ما مريتها طوال الاسبوع اللي طاف " فايز " بمرج اوصلج .." الريم " لا شدعوة .. جدي او ابوي بيوصلني " حس فايز انها تحاول تتهرب منه " ليش نزعجهم من الصبح انا اوصلج وبالمرة نروحج المطار .." الريم "ابوي بيروح .. فطريقنا واحد مافي ازعاج .. فايز عن اذنك ترى خالتي عندي وبنات خالتي ومعجبة .. " فايز " عيل ما اطول عليج .. اشوفج بكرة بإذن الله " الريم " بإذن الله .. مع السلامة " رجعت الريم للبنات اللي كانوا يسولفون عن استعداداتهم للعرس .. شيخة " فستاني مشمشي .. بس ياي حلو على بشرتي .. بيخلصه المصمم بعد اسبوعين .. " معجبة " انا بشتري شي من برى .. مايمديني اروح لمصمم .. " الريم " تشربون قهوة ؟ ." جوزة " لا .. مايمدي الساعه تعدت عشر ويدتج تعبانه وحنا ازعجناها .. وقلبي يحاتي محمد . ." شمس " اشوفج بكرة في المطار .." ارتبكت جوزة " لا مابتروحين .. بوصلهم انا .. ودعيها هالحين .. " شمس " ليه ؟ اطلع من شغلي و.." قاطعتها جوزة " محمد يبي له مداراة .. وأنا بوصلهم وخلاص لاتناقشيني " فهمت الريم ان ناصر بيكون هناك .. قالت لشمس تساعد خالتها " أصلا انا مابفضى لج .. فايز على جنب وعجووب على الجنب الثاني مابيخلوني اشوف طريقي .. " واحضنت شمس وسلمت عليها وشيخة نفس الشي هي وصافية بعدين استأذنوا وطلعوا .. ركبت معجبة وجنبها جوزة واحتشروا البنات ورى .. شمس " يمه ليش ماتبيني اروح بكره المطار ؟" جوزة " شمسه .. ولدج من يجابله ؟ بكره ماجد بيآخذ البنات للمصمم وانا بروح مع خالتج اوصلها .. ومحمد ؟ الولد مريض ولا كنت بآخذه معاي " شمس " بس انتي قلتي مافيه شي ؟" جوزة " الولد طول اليوم حرارته ماتنزل .. ليش تركت نوير بقربه لانها تعرف تعطيه الدوا .. وماكنت ابي الريم تحاتي " معجبة " شمس شفيج على امج ؟ داري ولدج مافيها شي ؟ .. " لفت شمس ويهها من الدريشة مب عاجبها الكلام ولا ردت على معجبة اللي عصبت من حركتها .. جوزة " ركزي يا معجبة عالطريج .. لاتحطين في بالج " صافية وشيخة التزموا الصمت عارفين انهم لي تدخلوا بيطلعون هم الغلطانين . اول ماوصلوا البيت نزلت شمس معصبة ونزلوا شيخه وصافية وهم مستغربين لكن تمت جوزة ومعجبة في السيارة . . انزعت معجبة نقابها وقالت معصبة " شفيها بنتج ؟ .. ترى مصختها ! " جوزة تحاول تهدي اختها " هدي اعصابج .. مافيها شي .. ماقالت شي " عصبت معجبة "شلون ماقالت شي ؟ ما ادري شفيها بنتج ..والله احيانا احس انه تحقد علي او تكرهني ! .. انا شسويت لها ؟ ليش جي يعني انا ماسويت لها شي ليش مخيسة النفس علي ؟ ؟" تنهدت جوزة " تعبتوني . تعبتوني يا معجبة .. انتوا بين بعض تصطفلون .. بس لاتدخلوني بينكم " نزلت جوزة وعلى طول لغرفة نوير وخذت محمد الللي كانت حرارته مرتفعه .. " مانزلت حرارته ؟" نوير " لا يمه .. مانزلت " كانت جوزة شايله في خاطرها على شيخة ونوير من ملجة الريم .. شيخة كل يوم تتذلل لها علشان تسامحها .. بس جوزة مطنشتهم .. حست انهم جرحوها في الصميم . . راحت المطبخ وخذت غرشة الخل وماي دافي و وسوت كمادت وحطت ريول محمد فيها .. وتمت تشيك حرارته لين دخلت نوير مع الادوية " مرت اربع ساعات شلون حرارته ؟ " ردت جوزة " بدت تخف .وين اخوج " نوير " يما ماجد في الميلس مع ولد عمي احمد .." جوزة تطالع الساعه " متى يا ؟" نوير" من شوي .. ليش ؟ " جوزة " حطي لهم عشا ولا شي ياكلونه " نوير " اوريدي ماجد حط عشا حق احمد .." جوزة " حطي بالج على محمد بروح اسلم على احمد" البست جوزة ملفعها وطلعت للميلس كان الجو هادي استغربت .. اول مادخلت لقت ماجد واحمد يقرون الجرايد .. " السلام عليكم .. " قام احمد وسلم علها وماجد وراه " وعليكم السلام هلا يمه .. متى وصلتو ؟" جوزة " من شوي .. شلونكم ؟ شلون الاهل يا احمد ؟ وابوك ؟" احمد " الحمدالله يا خالتي .. شلونج انتي ؟" جوزة " الحمدالله .. شفيكم تقرون الجرايد ؟" أحمد " خلصت السوالف اليوم بطوله مجابل هالويه .. وحللنا السوالف كلها " اضحكت جوزة " الله يهداك يا احمد .. شجابرك على ميود .؟ " ماجد انحرج من زمان امه ماقالت له ميود واحمد بيمسكها عليه يبيها من الله .. واحمد كأنه قرى افكار ماجد " محد جابرني يا خالتي بس ميود كان ضايق وانا كنت بسليه " طالعه ماجد بنص عين " امحق تسلية " اضحكت جوزة عليهم " شفيكم تتصيدون لبعض .. انا بستأذنكم محمد تعبان وبروح اجابله " " اذنج معاج خالتي " طلعت جوزة طالع احمد ماجد " اقول ميود " رد ماجد معصب " ان طريت اسم ميود مافي عرس ! " عصب احمد " بكيفك هو ؟ بنت عمي وانا حر فيها .. اخذها غصبن عليك " عصب ماجد " اقول ماوراها اخو ولا ماوراها اخو ؟ شنو غصبن علي من بيسمحلك انت وويهك ؟ " احمد " قلت لك بنت عمي وكيفي .. وانا بعد اقولك مافي عرس انزين " ارتبك ماجد " شتقصد ؟" احمد " اقصد ربابوه " ماجد " ومن قال اني ابي اختك الدلوعه ؟" احمد " احلف بس .. قال مايبيها .. اقول ترى ويهك سبورة مكتوب بالبنط العريض شنو تبي " استحى ماجد من ولد عمه وقال " انت مينون ؟ .. صكر على السالفة بس .. " احمد " ونوير لي ! " ماجد " اذا البنت ماتبيك ماني بجابرها ." احمد " شوف البنت مابياخذها غيري ..لاتزود بالكلام اللي ماله داعي .. شنو ماتبيني ؟؟ وين قاعدين ؟ هو بكيفها ولا بكيفها ؟" ماجد " اي بكيفها انا ما اجبر خواتي .. يمكن تشوفك شين .. يمكن ماتعجبها . بعدين لاتطلبها مني .. اطلبها من ابوك هو اكبر مني .. تعلم الاصول السنعه بعدين تعال رز ويهك " احمد " انزين ميود اراويك .. ان ماقلت للشباب كلهم عن النك نيم ما اكون احمد .. اصبر علي يلا الحين بستأذن ..:" ماجد :" وين رايح تم " احمد " قلت لك عندي شغل ..وانت عطلتني خليتني اقرر اعرس في ساعتين .. صحبتك صحبة سوء ......" ماجد " مب ذنبي انك غبي ومتهور " احمد " شسوي ...تعلقت .." ابتسم ماجد ورافق احمد لين سيارته وبعدين رجع للبيت .. دخل غرفة امه كانت مجابله محمد اللي كان نايم " الحمدالله اخيرا نزلت حرارته .. " دخل ماجد وجلس على السرير وتلمس جبينه " اخذه للطبيب ؟" جوزة " لا .. انا العصر كنت عند الطبيب ماسوى له شي .. الحين احسن .. " ماجد " انزين يما .. شايفه احمدوه هالصعلوك ؟" جوزة " عيب تناديه جي هذا ولد عمك .." ماجد " اللي هو .. ترى اليوم قال لي انه بيحير نوير له " استغربت جوزة " نوير ؟" ماجد " ايه .. شرايج ؟ " ما ارتاحت جوزة خصوصا ان عندها شمس وصافية اكبر من نوير ... وما انخطبوا وهي متخوف من اخو ريلها ..واحمد شكله ماشار ابوه .. " على خير يا ولدي ... لا نستعيل .هو طلبها رسمي ولا بس حيرها ؟" ماجد " حيرها يما .. " جوزة " الله يهداه شكله ما كلم ابوه .. لانستعيل .. هو خوش ولد بس راي ابوه هو اللي يهم .. ونوير عادها صغيرة ماعليها .." ماجد " انزين يمه .. بروح الحين تصبحين على خير " كانت كتف ماجد ذبحته من الألم .. انخلعت يوم الحادث ومارضى يتعالج فكانت تسبب له الم فظيع .. فعقد حواجبه وتم عاض على شفايفه يتحمل الالم ... لين يوصل غرفته ويرتاح .. طلعت شيخة للصالة ولقته في طريقها " ماجد شفيك ؟" ماجد ": مافيني الا العافية بس الدري تعبني .. يله تصبحين على خير " |
الفصل السادس الجزء 6
استغربت شيخة انزلت تحت للصالة وافتحت التلفزيون ووطت الصوت وتمت تقلب في القنوات بملل .. وفي بالها كانت حاسده الريم انها بتسافر لأمريكا مع خالتها .. وبدون وعي اضربت على راسها " مالت علي صج لا قالوا يحسدون الفقير على موته يوم اليمعه .. الحين الريم ماشافت من هالدنيا الا اسمها وانا بحسدها على هالسفرة والله ماعندي سالفة . ." رجعت تقلب بالتلفزيون وادمجت على فيلم اكشن على امبسي 2 .. يات صافية وفي حضنها الاب توب " شتطالعين ؟" شيخه " فيلم ذا مومي ريتيرن .. " افتحت صافية الاب توب ودشت النت وتمت تقلب في ايميلها .. شيخة " انت عالمسن " صافية " لا .. بس اقلب في الايميل .. شوفي عندي بي بي اس بطرشه على ايميلج .." شيخه " ماله داعي .. اذا عندج لوحات عالمية طرشي " صافية " شالمنكر لا طبعا .. عندي عن منكر ونكير " شيخه "انتي شفيج تبي تروعيني اخر الليل ؟" صافية " هذي الواقع .. هذي نهاية كل انسان لما يموت .. " شيخه وهي تصك التلفزيون " بس سديتي نفسي عن الفيلم ..شينومني الليله .. والله ان طرشتيه يا صافية بزعل عليج .. انا اخاف .." صافية " المؤمن الحق المفروض مايخاف " ادمعت عيون شيخه " ياربي .." واركضت شيخه فوق .. واضحكت صافية على دلعها .. وتمت تقلب في ايميلها وتطرش الادعية والاذكار اللي تييها لكل الليست اللي عبارة عن خواتها وزميلاتها السابقات في العمل .. تمت شيخه في الغرفة تهوجس .. تتقلب وهي مغطية عمرها بالديباج وبالاخير ماتحملت شلت وسادتها وراحت لغرفة امها فتحت الباب بهدوء كانت امها نايمه وجنبها محمد .. تسحبت بخفة جنبهم وحطت راسها شيكت حرارة محمد ماكانت مرتفعه باسته وحضنته كأنه دبدوب ونامت بهدوء بين ريحة امها وحمود .. .. رفعت جوزة راسها على صوت المؤذن واخترعت " بسم الله الرحمن الرحيم " تفاجأت من شيخة اللي كانت نايمة بينها وبين محمد .. ابتسمت من زمان مايت شيخه غرفتها ونامت في سريرها .. الظاهر حد خرعها .. " شيخه قومي الفجر اذن قومي صلي .. " قامت شيخه مثل المنومة ودخلت توضت وطلعت البست شيلة الصلاة وصلت .. قامت جوزة ومرت البنات كانت شمس وصافية صاحيين بس نوير نايمه صحتها ومرت معجبة اللي لقتها صاحية تصلي .. وسمعت صوت الباب يتقفل عرفت انه ماجد راح المسجد .. كل شي ولا الصلاة .. علمت عيالها على الصلاة في اوقاتها .. وحببتهم في الصلاة .. وتدعي لهم دايما بالتوفيق.. صلت ورجعت تحط راسها " من خرعج ؟" شيخة بدلع " صافية .. طرت لي منكر ونكير وانا تميت اهوجس " جوزة وهي تمسح على شعرها " الله يوفقها ماشاء الله عليها دايما دينها قبل دنياها .. المفروض ماتخافين يابنتي المفروض تسمعين وتعرفين " استحت شيخة من امها وقالت " بس ماطرتهم الا فالليل .. وانا انام بروحي والله طار الكرى من عيوني " ابتسمت جوزة تعرف صافية اكيد حركة منها علشان تبعد شيخه عن التلفزيون ولا النت والتلفون .. " نامي فديتج .. نامي بس فجي عن الولد خنقتيه " شيخه " يمه يهبل ما اقدر اهده يجنن .. مدري شلون شمسوه عايفته " جوزة " شمسه مينونه .. من ردت الشغل حتى سؤال ما تسأل عن الولد .. الولد نفسيته صعبه .يعرف اني مب امه ويعرف ان شمس امه بس .. احاول اعوضه بس مايفيد .. " شيخه " يمه .. لازم نسوي خطة .. نصدمها . نكسر يد حمود ولا ريله " بدون وعي اضربتها جوزة على راسها " تنكسر يدج ولاتمدينها عليه مابقى الا تكسرين في الولد " شيخة " يمه عشان الامومة اللي داخلها تصحى .." جوزة " خليها خامده للابد ولا تلمسين اصبع حمود .. نامي يله " شيخه " بس انا ." جوزة " شيوخ نامي ولا اطردج لغرفتج !!" شيخه باستسلام " بنام بنام .. " في غرفتها كانت معجبة تطالع سجل الصالون .. بعدين طالعت شنطتها .. افتحتها مرة ثانية ماكانت ماخذه شي كله تنانير وجاكيتات رسمية محتشمة وحجابات ملونة .. طالعت لعطرها رين ستين على الطاولة .. يحبه ناصر .. بس ماخذته .. خلته .. خذت عدة مكياجها البسيطة شيكت على فلوس الريم بتحطها الصبح في حساب يديد .. رتبت اغراضها والبست ملابسها .. للحين مب مرتاحة ولا صفى قلبها لناصر .. ما تدري بس لاول مرة تكتئتب قبل لاتسافر خذت الاغراض طالعت الساعه كانت ست الصبح .. خذت السجل وطلعت الصالة محد كان صاحي الكل نايم .. طلعت برا وركبت سيارتها وراحت الصالون افتحته وشيكت السجلات اللي داخل لين اوصلت فدوى وتمت توصيها على الشغل .. وبعدين بس صارت الساعه تسع اتجهت للبنك وسوت حساب للريم .. وسحبت لها مبلغ وصرفته لدولارات .. مرت البريد ومرت المكتب العقاري .. شيكت على كل شيء .. طالعت الساعه كانت11 وشي .. اركبت سيارتها وارجعت البيت .. كانت جوزة في المطبخ .. " السلام عليكم " جوزة " وعليكم السلام وينج طلعتي الصبح بدون ريوق " معجبة " يادوب خلصت اشغالي .. " جلست على الطاولة " ترى ما كليت شي ماشربت شي الا قهوة فدوى شنو عندج من اكل ؟ يوعاااااانه ؟" جوزة " خسى اليوع شوفي .. عندي كرواسون وبان كيك .. بس لو تنطرين الغدى مسويه مجبوس وعازمة الريم عليه بتمرني بعد شوي " معجبة " يا اختي عطيني الكرواسون وبعدين يصير خير للغدى .. والريم الحين في المستشفى عند مرت ابوها .. كلمتها من شوي .." راحت جوزة وشيكت الممر ولقته فاضي قالت بهمس " قال لي ماجد امس انه احمد حير نوير " ابتسمت معجبة " يبيها ؟ " جوزة " لا بس حيرها .. مافهمت اذا يبيها بس هو وين شايفها ؟ .. بس حيرها يعني ماخطبها ولا طلبها .. بس حجزها .." استغربت معجبة " انزين احسج مب مرتاحه ليش؟ " جلست جوزة بعد ماحطت الشاي لمعجبة " اخاف يحيرها وبعدين يعافها ومايجي نصيبها .. ما ابي مأساتج تتكرر معاها .." استغربت معجبة " بس انا ما حد حيرني .. بعدين ليش متشاءمة نوير توها ماتمت ال22 سنه .. بدري .." جوزة " بس تزوجتي متأخر وايد .. ابي اتطمن على بناتي قبل لا .." معجبة ـ اسم الله على عمرج .. عمرج طويل يالغالية شالتشاؤم ؟.. جوزة ـ الاعمار بيد الله . . يمكن مكتوب لي اموت باجر ولا اللي بعده .. بس اذا ماتقدم لها بخطبة رسمية هالسنة بنرده .. معجبة ـ انتي ليش متشاءمة ؟ خليه محيرها لين تقدم حد لنوير قولوا له .. اذا صار ويبيها كان بها وان كان مجرد نذاله .. لاتسون له سالفه بنتكم وكيفكم .. جوزة بتوتر ـ بس انتي شايفه الحال لا يزورونا ولابيننا سلام .. مب مرتاحه .. معجبة ـ لاتفكرين لين تتخرج نوير ان شاء الله الله يفرجها .. ********** طالعت الريم المجلة وقعدت تقرأ للبندري اللي غمضت عيونها ,,,, بعدين التفت لها لما خلصت المقال ـ أقرأ لج رواية . ؟ البندري ـ رواية شنو ؟ طالعت الريم للسلة اللي يابتها للبندري عشان ماتمل .. الريم ـ البؤساء ؟ البندري ـ لاء ..شنو تبيني اولد قبل وقتي ؟ الريم ـ زوروبا ؟ البندري ـ الاسم يسد النفس .. الريم ـ احدب نوتردام ؟ عصبت البندري ـ شنو ماتدرين اني حامل واتوحم شالنذالة اللي فيج ؟ الريم ـ انا يبت لج كولكشن من الروايات العالمية .. وداعا للسلاح وكوخ العم توم وجين اير وانا كارنينا .. استعدلت البندري في جلستها وقالت باشمئزاز ـ كل اسم وكل رواية اخس من الثانية كلها ميزري .. مايبتي شي يفتح النفس كافي شوفة ويهج تنكد الواحد .. الريم ـ انزين اقرى لج أغاثا ؟ البندري ـ اقري ,, شنو عندج .. امسكت الريم الرواية وبدت تحكي قصة غادة طيبة .. وبدون وعي قالت للبندري بعد ما اندمجت ــ احب هالنوع من الروايات تحسين ان خيال الكاتبة مبدع انها تحكي قصة عن حضارة انتهت من زمان .. الفرعونية ..احب جي .. ردت البندري معصبة ـ ماسألتج عن اللي تحبينه واللي ماتحبينه .. كملي قراءة .. الريم ـ انزين ليش ماتقرأينها بنفسج ؟ احلى.. البندري ـ ما احب القراءة .. استغربت الريم ـ احلى شي في هالدنيا هو القراءة .. تدخلج لدنيا ثانية وقصص وحضارات .. ـ اوف انتي بتمين تتفلسفين علي ؟ اقول شوفي وين راح يدج خل ياخذج .. وجودج بس يغث .. الريم ـ انا بسافر .. بروح امريكا ادور اخوي مع ريلي وخالتي .. وكنت حابة امرج عن لا تبقين وحدج واونسج شوي .. البندري ـ روحه بلا ردة نادي الممرضة معاج .. وقفت الريم وفي قلبها غصة ـ يمكن ما ارد .. بس ادري ان قلبج فيه شوي خير .. وانتي مب بهالقسوة دايم .. ما اوصيج على ابوي ..وعلى اللي في بطنج .. طلعت الريم قبل لاتسمع الرد وفي عيونها عبرة كرهت نفسها كان يدها ناطرها في الاستراحه تحت .. ـ سرينا يدي خالتي جوزة عازمتنا عالغدى .. عيسى ـ وشلونها مرت ابوج ؟ ابتسمت الريم ـ ماتتحرك وايد الله يعينها .. عيسى ـ يعينا جميع .. توكلنا على الله .. |
الفصل السادس الجزء 7
الفصل السادس الجزء 7
طالت لشنطتها اللي جهزتها بمساعدة خالتها معجبة ,, اوراقها واغراضها في شنطة اليد .. .البست شيلتها وشالت شنطتها وطلعت . . كان فايز ناطرها تحت .. عيسى ـ حط بالك عليها .. فايز ـ مكانها عيوني .. استحت الريم وطالعت له بعتاب .. فايز ـ شفيج انا ماقلت شي غلط .. الريم ـ يدي حط بالك على ابوي ويدتي .. عيسى ـ يهال مب كنهم شياب ,, لاتحاتين ردي لنا اخوج القاطع .. الريم ـ ان شاء الله بلقاه ,, لاتحاتي يدي .. فايز ـ الريم بتبجين . ؟ كلها عشرة ايام .. امسحت الريم دموعها وطالعت لفايز مستحية ـ هلي واول مرة افارقهم .. حضنها يدها بحنان ـ شحركات اليهال هذي ؟؟ . يلا روحي بتتأخرون على طيارتكم .. الريم ـ مع السلامة يدي .. تحمل بعمرك .. عيسى ـ في حفظ الله يا بنتي .. سلم عليه فايز وشال الشنطة من يد الريم ..كان حجمها صغير متوسط وهي شايله على كتفها شنطة كبيرة .. فايز ـ شنطة وحدة بس؟ االريم ـ ايه خالتي قالت انه بنشتري من هناك .. فماله داعي ناخذ وايد .. ابتسم فايز ـ خالتج تعرف للاسواق في امريكا . ؟ الريم ـ ما ادري .. اعتقد .. هي تسافر وايد فأكيد عندها فكرة .. اركبوا في سيارته قعدت منحرجة في السيت اللي قدام ـ وين بتحط السيارة؟ فايز ـ موصي فيها واحد من الربع يآخذها من المطار .. ريموه.. قبل لانروح المطار شتشربين ؟ الريم ـ مب عطشانه .. وقف سيارته عند ستاربكس نزل ورجع بعد خمس دقايق .. ـ جبت لعمري لاتيه ..ويبت لج كابتشينو .. وعطاها قطعتين براوني تحلي فيهم .. ـ مشكور ,, كان يسوق ببطء وكل دقيقة التفت لها وطالعها .. بعدين سألها ـ شنو ناوية تدرسين ؟ الريم ـ ما ادري .. ادب .. احب الادب وايد .. فايز ـ صج ؟ تقرأيين روايات ؟ هزت راسها " ايه .. اذا في شيء استمتعت فيه ببطالتي فهو القراءة .. " فايز ـ شكنت تقرأيين روايات انجليزي ؟ ـ لاء .. اقرأ لكتاب انجليزين بس الترجمات .. وماتعجبني الترجمات وايد احيانا تكون بشعه فتخرب فكرة الرواية .. استغرب فايز ـ بس انتي ما تقرأين انجليزي ! الريم ـ اي ما أقرأ انجليزي بس الرواية اللي تكون مشهورة اكون متأكدة من براعه كاتبها لكنن لما اقرأ الترجمة الرديئة اتحسف .. في شيء غلط المفروض الترجمة فن .. اللي يترجم مب انسان يعرف الانجليزية لا .. لازم يكون اديب يحترف يفهم قصد المؤلف .. سألها فايز ـ تقرأين روايات رومانسية ؟ ـ أقرأ كل شيء الا قصص الحب .. تفاجأ فايز ـ غريبة عندي فكرة ان البنات مايقرأون الا الرومانس .. هزت راسها ـ انا اقرأ كل شيء الا الرومانس .. ما سألها ليه .. ماحب ينكد عليها .. ـ عن نفسي ماعندي وقت أقرأ روايات .. أقرأ الكتب بس كله بالانجليزي والفرنسي ماجربت الروايات المترجمة .. الريم ـ تعرف فرنسي ؟ فايز ـ ايه تعلمتها في مصر .. كنت محتاجها لان كل شغلي بين باريس ولندن .. أجلت الشغل شوي وانهيت دراستي الجامعية .. خذت شهادة في ادارة الاعمال وحسنت انجليزيتي وتعلمت الفرنسية على يد معلم خاص .. ورجعت لشغلي والحمدالله ان الله وفقني ونجحت بشغلي .. الريم ـ الحمدالله .. فايز ـ انزين ريم ..انت راضية اذا بنستقر في مصر ؟ الريم ـ اللي يريحك .. فايز ـ انا أسألج عن نفسج ؟ كانت الريم متوترة وايد مب واثقة في نفسها ولا عندها اي فكرة عن اللي تبيه ـ ماتفرق معاي .. التفت وطالعت برا الدريشة تحس ان اللي يصير اكبر من انها تستوعبه .. ركز فايز على الطريق وهو يحس ان قلبه بينفجر من كثر مايدق ..واللي قاهره ان الريم مب حاسة فيه بس هو مب ندمان .. يكفي يشوفها يحس بسعاده غريبة . . *** كانت معجبة بروحها تنطرهم في المطار ... ـ وين خالتي جوزة ؟ ردت معجبة وهي تشيك تلفونها ـ ما قدرت تيي شلونك فايز؟.. ماجا ناصر ؟ فايز ـ الحمدالله بخير .. توقعتكم تييون مع بعض .. معجبة ـ لا .. انا ييت بروحي ... فايز ـ باقي على الطيارة ساعة عندكم شي في الشحن ؟ ردت معجبة ـ لا .. مطارات امريكا كبيرة وايد وزحمة .. بتضيع اغراضنا .. فايز ـ عيل ننطر في الكافيه لين يي ناصر .. دقايق الا ناصر ياي صوبهم ـ السلام عليكم .. ردوا ـ وعليكم السلام .. معجبة ـ تأخرت .. عسى ماشر ؟ ناصر ـ لا بس ضيعت التذكرة .. فايز ـ تذكرتك معاي .. ناصر ـ هذا اللي تذكرته بعدين.. مب متعود اسافر معاك .. فنسيت انك بتيب جوازي وتذكرتي .. فايز ـ بس انا ماجبت جوازك .. انخطف ويه ناصر ـ شنو ؟ وتم يطالع يمين يسار وكان بيروح لكن فايز قال وهو يضحك ـ لاتخاف بس العب باعصابك جوازك وتذكرتك عندي .وجوازات البنات واوراقهم . وضرب على الشنطة السودا اللي على جتفه .. ناصر بغى يذبحه .. بس مسك عمره ـ انت شايفني متوتر واعصابي تعبانه .. فايز ـ ايلس وبطلب لك كابتشينو .. ناصر ـ ما ابي شي ما اشتهي .. ما احب اكل ولا اشرب قبل الاقلاع . شلونج الريم ؟ الريم ـ الحمدالله .. شلونك ؟ ناصر ـ الحمدالله .. معجبة شخبارج ؟ معجبة ـ بخير .. حس ناصر ان في نظراتها شي بس مافهمه .. هل هو شوق ووله وولا عتب ؟ اول مرة مايفهم عيونها الحزينه شتقول ؟ .. فايز ـ عيل يلا نروح الطيارة .. اوقفوا بالصف معجبة جنب الريم ووراهم فايز مع ناصر الريم بهمس ـ خالتي انا خايفة ماركبت الطيارة من قبل .. معجبة ـ لاتخافين مابتحسين بشي .. هو بس الاقلاع اللي بيكون صعب بس كل شيء بيكون اوكي .. ترى الرحلة بتكون طويلة حطيت اشياءك في شنطة اليد ؟ هزت الريم راسها .. " ناصر .. ناصر .." كان صوت وحده التفت ناصر وكانت معجبة بتلتفت لكن فايز صدها وهمس " لاتلتفتين .." همس ناصر " بلحقكم بعدين .." وخذا شنطته وراح .. معجبة انترست عيونها دموع " هدى ؟" فايز " ما اعتقد .. هدى في مصر .." كانت تبي تطل تشوف هاللي نادته لكن فايز منعها .. وكان معاه حق ..وبدت تهوجس يمكن ما بيجي معاهم ؟ بتخرب الرحلة ؟ .. وفجأة اكتشفت انها كانت مشتاقة له وفكرة هالرحلة كان اسعد فكرة مرت عليها هالشهر .. وبدون وعي اكتشفت معزته اللي نستها داخلها .. والغيرة افتكت في قلبها .. " بتروح مصر ؟" "لا .. دربي غير " استغربت هيا " هدى تدري؟" ناصر ارتبك " لاء .. عندج مانع ؟" هيا " وين بتسافر ؟.. " ناصر " مايهمج وين اسافر .. تأخرت على طيارتي .. تبين شي ؟" هيا " ناصر عن المصاخة ؟ تعال هالحريم معاك ؟ " عصب ناصر " اي حريم ؟" أشرت هيا لمكانه " هالحريم ؟" ناصر " لا طبعا .." هيا " انزين انا اخاف تعال معاي .. " ناصر " وانت وين رايحه ؟ " هيا " مصر .. نسيت ؟" ناصر " قلت لج دربي غير " هيا " انزين وان اسألتني هدى ؟" ناصر بدون وعي " ليش من متى هي تسأل ؟ وبعدين انت شدخلج بيني وبين زوجتي " هيا " بس هي اختي .." ناصر " هيا .. توكلي في طريقج .. " راح عنها ووقف في الصف .. تمتم لفايز " لاتلتف لي .. هذي اخت هدى وماعرفت بحياتي وحده ملقوفه مثلها !" ضحك فايز على خفيف .. وهو يطلع الجوازات والتذاكر . |
يعطيج الف عافيه ماقصرتي :liilas: |
مشكوره وماتقصرين البارت اكثر من رائع
لاتطولين علينا |
مشكووووورة على الأجزاء ..
وقصة في منتهى الروعة .. وإن شاء الله نشوف الأجزاء قريب .. |
قصه رائعه
اتمنى ماتتاخرين علينا |
الفصل السابع
____ لقاء المهجـر ... ____ دخلت شمس للصالة كان محمد يجلس على الطاولة يخربش بالدفتر بهدوء .. اقتربت منه وطالعت حوله ماكان في أحد .. ـ وين يدتك ؟ أشر محمد على المطبخ .. سألته ـ وين نوير ؟ اشر محمد فوق .. تمت تطالع الولد اللي اندمج بالرسم .. كان رسمه مفهوم مب خرابيش مثل ماتوقعت .. كان راسم قطه وشجرة .. دخلت المطبخ -شلونج يمه ؟ - زان لونج حبيبتي ..قاعده اسوي قهوة وحلى .. نمسي ونتسامر خواتج ملانات ... فجأة سمعوا صوت خبطه في الصالة .. اطلعت شمس وجوزة بسرعه طالعت شمس الطاولة وماشفت محمد نادته ـ محمد ! -اي.. اركضت شمس وقلبها طاح في ركبها ولقت الكرسي منقلب لورى وطاح محمد عنه اللي قال وهو خايف ــ كنت بجيب القلم وطحت ماكنت قاصد.. ودلك يده اللي الظاهر كانت توجعه جوزة ـ سلامتك فديتك مايهم المهم يعورك شي ؟ محمد ـ لاء ... مسكت شمس يده وهي ترتجف ـ يدك تعورك ؟ محمد ـ شوي بس راح الألم ... باسته جوزة ـ فديتك حبيبي فيني ولا فيك .. بجيب لك حليب تشربه .. قامت جوزة للمطبخ .. التفت شمس لمحمد .اللي حست فيه عبرة .. ـ في شيء حبيبي .. ـ ابي اشوف امي .. ابتسمت وطلعت تلفونها واتصلت في خلود ـ السلام عليكم .. ـ وعليكم السلام هلا شمس ..شخبارج .؟ شمس ـ الحمدالله .شخبار البيبيز ؟ خلود ـ للحين في الحضانة .. اوزانهم صغيرة .. شمس ـ ان شاء الله يطلعون بالسلامة ..أنتي في بيتج ؟ خلود ـ ايه .. تعرفين ملازمة هالسرير من سويت العملية ..بس متولها عاليهال ..صار لهم ماسبوعين بعاد عني .. وكل ما ابي اروح لهم امي تقول لي ارتاحي تروحين باجر .. شمس ـ صحيح لازم ماتتحركين لين عمليتج تبرى .. شسميتهم ؟ خلود ـ الولد عبدالله .. ..والبنت نورة .. شمس ـ الله يخليهم لج .. خلود ـ تسلميـن .. طلال اختار الاسماءمن قبل ما اصدق انه مات .. احسه جنبي .. شمس ـ الله يصبرج.. بمرج بعد شوي مع محمد.. خلود ـ حياكم الله ..صدق انا محتاجه اغير جو ..تعالوا أستانس معاكم شوي ..أمه كله تمر اليهال واتم بروحي في البيت .. شمس ـ عيل بنغير لج الجو انا ومحمد .. صكرت شمس التلفون وطالعت لمحمد ـ بتروح معاي ؟ لماما خلود ؟. هز الولد راسه ومارد عليها ودخل الغرفة ..تمت شمس منصدمة توقعته يفرح ويرقص .. بس هالرد فعل الغريب . بعد خمس دقايق طلع من الغرفة ككان لابس ومشط شعره .. حست شمس انها ضاعت .. في شيء غريب هالولد .. بس في شيء غريب تحرك فيها ..ماتقدر تفهم شنو هالالم اللي في داخلها .. ألم ولا .. ضلع ؟؟ .. حست كان في هوى داخل دمها .. شعور غريب ..مثل الرجفة.. طلعت وغيرت ملابسها ونزلت بسرعه وطلعت للسواق بعد ماقالت لامها انها بتروح لخلود مع محمد .. بينهم مسافه في السيارة ..تمت شمس تطالع هالمسافة ..الولد جالس بتهذيب يطالع من الدريشة .. اول ماوصلوا نزل وفتح الباب بهدوء ودخل للبيت .. تمت شمس واقفة في مكانها ..هالطفل فيه شيء . لحقته ودخلت بحكم ان خلود بروحها في البيت وخلت الباب مفتوح .. ********** شيخه ـ شطاري عليها تاخذه لخلود حنا نبي الولد ينسى وهي تاخذه بهالسهولة ؟؟ بالله مارضى يرجع معاها ؟ مااتخيل حياتي بدون حمود .. . ابتسمت جوزة ـ فديت روحه صج ماله حس بس خلال هالكم اسبوع اخذ معزته .. نوير ـ فديته حمود .. والله انه تكانه .. بس صج ليش خذته شمس شفيها هالخبله ؟ جوزة وهي تحط دلة القهوة على الطاولة وتصب منها ـ عيب يانوير هذي اختج الكبير ة .. بعدين انا ماعلقت وايد كافي انها فكرت في الولد وخذته هذا انجاز .. شيخه ـ أي والله صج يمه انجاز .. ولا حضرتها من متى تقرب له ..فديتها عجووب اشتقت لها من احين .. جوزة ـ لاتعرضين لها الله يوفقها في طريجها .. نوير ـ كنت بطلع .. بس شمسه خذت الدريول ..وعجووب سافرت .. وماميش سيارة .. جوزة ـو شفيها قعدتنا مللتج ؟؟ ها يا بنت ثامر ؟ يا زين القهوة والحلو والسوالف والتلفزيون .. نوير حضنت امها ـ فديتج يمه والله ما اتمللت ابد .. بس عندي كم شغله في السوق من زمان مارحت السوق ..ولا الجو حر وخايس ماينطلع فيه..احسن لي ايلس تحت هالكنديشن وفي هالجوالبارد .. طالعت شيخة الساعه – توها الساعه ست ..اذا يا ماجد بقوله وومابيقول لاء .. نوير ـ ليش هو ماجد وين ؟ جوزة ـمره أحمد وراحوا لبيت رفيجهم يتغدون وماشفته من حزتها .. نوير ـ ايه احمد ..تدرين يمه ..هالاحمد مصدق عمره الاخ ..ما ادري على شنو شايف عمره .. جوزة ـ ليش انتي وين شفتيه .. نوير ـ يوم اللي كنتوا عند ريم نزلت الصالة على بالي ماجد رجع لقيت احمد في الصالة وتميت اصارخ على بالي حرامي.. لين جا ماجد وجافني ماسكه الاباجورة استلمني طنازة.. ولما نزلت كان الاخ مبسط يقول يعرفني من عشرين سنه ..يبي يطيح بالسوالف بس ماجد وقفه عند حده وانا طلعت عنهم .. .. شيخه ـ يالجبانه .. ماسكه اباجورة ؟؟ مارحتي لغرفة ماجد وطلعتي مسدسه وصوبتي الرجال ؟؟ امحق .. ولا حاطين محمد عندج تحرسينه..اباجورة قالت ؟؟؟ نوير وجوزة تموا منصدمين يطالعون شيخه نوير ـ رامبو عندنا في البيت وحنا ماندري ؟؟ وانفجروا من الضحك .. شيخه ـ أي حبيبتي عيل شنو ؟؟ .. الوحده الزم ماعليها حياتها .. وانا اكره اللي توقف مبلده ماتسوي شيء . اقرب سكينه ولا اقرب مسدس ولا فازه وعلى راسه .. واذا مافاد كم ضربة تحت الحزام مابتخليه يشوف طريقه !! انفجرت نوير وجوزة من الضحك على شيخه .. اللي كان وجهها جدي مافيه أي ضحك .. نوير ـ ماعليج منها يمه ..مكثرة من هالافلام الاجنبية .. جوزة ـ آخ بطني .. آخ .. شيوخ والله انا الحين تطمنت ماينخاف عليج يمه .. شيخه ـ لاتخافين يمه لايغرج التعصقل بنتج جدعه . نوير ـ اسمع صوت موتر .. شيخه ـ تهقين سياره ماجد ؟؟ وناسه .. يارب قومي يمه البسي بنطلعج معانا ... جوزة ـ لا يا بناتي انااكره هالمجمعات ..خلوني هنا ناطره محمد .. نوير ـ لايمه منروح اذا مابتروحين معانا .. وبعدين خلي شمس تجابل ولدها شوي .. وبعدين تو الناس لين آخر الليل يلا بيرجعون .. قومي اطلعي معانا بتستاحشين بروحج .. شيخه ـ انزين اول خل ناخذ راي الباشا ماجد ..وينه للحينه مادخل ؟؟ . قعدنا نخطط وهو اصلا خبر خير ؟ اطلعت شيخه للحوش تدور ماجد ,, شافت سيارة غريبة اركضت داخل البيت مرعووبه ـ يمه سياره .سياره.. جوزة ـ شفيج ؟؟ شيخه برعب ـ سياره غريبه داخل الحوش! اطلعت جوزة بعد مالبست نقابها وعباتها .. بعدين رجعت بعد دقايق تضحك .. ـ الله يغربلج يا شيوخ.. هذا ماجد واحمد جايين بسيارة احمد .. سيارة ماجد في الكراج بيسوي لها صيانه .. .. ضحكت نوير ـ وينها راعية الشجاعه ..رامبو المعصقل .. صار لج ساعه تهذرين مسدسات و سكاكين والحين .. سيارة غريبة وحتى فاضية في نص الحوش خرعتج هالكثر .. شيخه تحاول ترقع ـ يمكن ملغومة ! يمكن حد طرى في باله يسوي عمليه ارهابية في نص بيتنا ؟؟ .. جوزة ـ الله يغربلج يا شيوخ .. اقول البسي شيلتج وروحي ودي هالقهوة للمجلس مع هالحلى .. شيخه ـ لا ما روح ,,,ودي نوير دامهم خذوا على بعض .. طالع نوير لشيخه معصبه ـ شنو خذوا على بعض ؟؟ شالخرابيط ؟ روحي انتي مب اصغر عيالج .. شيخه ـ ايه انا الحين اودي القهوة ولا اقعد اسلم عليه ولا اتعرف ولا شنو اسوي ؟؟. نادي الخدامه تشيل الصينية بريستيجي مايسمح .. جوزة قامت ـ ارتاحوا يالعياييز .. ارتاحوا يابنات هالزمن .. اللي صارت الخدامه ايدينكم ورجولكم .. قامت جوزة وشالت الصينية وقالت ـ بروح استانس معاهم وانتوا جابلوا بعض .. شوفوا من يعبركم ويطلعكم .. طلعت جوزة وهي تضحك على البنات ودخلت الميلس كان احمد بيطلع .. جوزة ـ ارجع ارجع .. احمد ـ والله يا خالتي ما اقدر ..من الصبح وانا طالع برا البيت ابوي بيحرج علي .. جوزة ـ ياولدي اشرب قهوتك و ريح شوي .. احمد ـ ماردج يا ام ماجد ،، . جوزة ـ ماجد عاد خواتك كان ودهم يطلعون معاك , مو وقته تودي السيارة للكراج .. احمد ـ للوكاله يا ام ماجد .. ماجد يحاول يرقع ـ للكراج .. بكره بوديها الفحص الفني .. احمد ـ سيارتك جديـ... قاطعه ماجد ـ يمه وين الدريول ؟ جوزة ـ خذته شمس ..وطلعت مع ولدها .. ماجد ـ ومعجبة سافرت ؟ جوزة ـ ايه طيارتها طارت من ساعه .. احمد تم يطالع ماجد مستغرب ... جوزة حست انه في شيء ..بس قررت تنسحب ـ يمه بروح اشوف عشاكم .. طلعت جوزة قبل لايعترض احمد اللي التفت على ماجد ـ شفيك انت ؟؟ شفيك طلعتني اهبل جدام امك ؟ ماجد ـ انت شفيك خرتها .. امي ماتدري ان سيارتي جديدة ومن الوكاله .. احمد ـ ليش ؟ .. ماجد ـ والله لو تدري اني سويت حادث من شهر بتنجلط .. احمد ـ انت سويت حادث ؟؟ .. بس السيـ.. ماجد ـ ايه طلعت اخت السيارة القديمه ... محد حس فيني بس خالتي هي اللي درت .. احمد ـ ماكنت اعتبرك من اللي يسرعون .. انت يالشيبه ؟؟ ماجد ـ اتصل فيني ناصر وقال لي انه معجبه نفسيتها سيئة .. ورحت آخذها من المطار واسرعت الا السيارة طلعت من تحت ايدي وتكنسلت ...بس الحمدالله طلعت برا السيارة بسرعه .. احمد ـ يعني نطيت من السيارة ؟؟ ماجد ـ ايه .. انخلع جتفي بس عدت الحمدالله .. حاولت اتحكم فيها بس كانت السرعه كبيرة ففقدت السيطـرة ..ومالقيت عمري الا فكيت الباب وحذفت عمري ... احمد ـ الله ستر ولا الحين راسك كان انخسف في الارض .. شلون تحذف عمرك من سيارة طايرة ؟ ماجد ـ ما ادري ..بس العمود اللي انصدمت فيه السيارة شطرها نصين .. يعني لوكنت فيها كان صرت تونـا ..الله ستر الحمدالله .. احمد ـالحمدالله .. .. ********* |
يسلمو ع التكلمه
إلكترووو بليييز لا تتأخريين علينا بالأجزااء البااقيه :EWx04511::EWx04511::EWx04511::EWx04511::EWx04511: |
مشكوره على النقل |
مشكوره وماتقصرين
|
الفصل السابع الجزء 2
الفصل السابع الجزء 2
دخل محمد لغرفته القديمة طالعت خلود لشمس ـ بعترف لج اعتراف .. طالعت لها شمس منصدمة ـ ؟؟؟ خلود ـ أنا قصرت في حق محمد .. استغربت شمس ـ علشان اعطيتيني اياه ؟ خلود ـ لاء.. شمس محمد ماذاق الحنان لا مني ومن ابوه .. شمس ـ مستحيـل شالكلام ؟؟.. خلود ـ ابوه كان يتحاشاه دايما مايكلمه ولا يلاعبه ...وكان كله يتهاوش معاي يبي ظنا ... وهالكلام كان جدام محمد دايما ... بدون وعي دموع شمس سالت وهي منصدمة.. ـ شتقصدين ؟ خلود والدموع في عيونها ـ والله ياشمس ..اني احرص على وجباته ونظافته وملابسه ودايما أخذه أطلعه .. بس .. ماقربت له..طلال خلق بيني وبين هالطفل حاجز .. شمس ـ حاجز ؟ خلود ـ ماقدرت احبه .. ماقربته لي .. عزيته ورزيته ..بس ما اعطيته من نفسي .. أديت واجبي ..وبس .. شمس منصدمة ـ انا فهمت ليش طلال ما قربه لكن انتي ؟؟ كنت دايما اقول الله رزقه بام أحن مني ؟؟؟ .. خلود ـ والله الامر مب بيدي ..من استلمته وعمره شهرين .. .. وانا اكتم في قلبي .. طلال يا شمس مايتكلم عن شي ء غيرج أول ايام زواجنا كان كله يقارن بيني وبينج بدون مايقصد ... دايما اسمج على لسانه .. وهالشي خلاني اخذ موقف من محمد ..لانه ولدج .. طلال نبذ الطفل ولا شاله في يوم ولا قربه منه .. يوم اقوله هذا ولدك يطالعه بنظرة ..ويترك المكان اللي نكون جالسين فيه .. قررت اني اتنازل واربي الولد دام طلال ما يتدخل .. طوال هالاربع السنوات اللي طافت كنت حاطته على راسي .. بس ماشاف مني الحنان ولا شاف مني أي حب... كان طلال في لحظات يجي ويعصب ويدخل الغرفه يلاقيه موجود ..وانتي تعرفين محمد كله راسه في هالدفتر يرسم ... يطرده برا الغرفه .. تخيلي طفل عمره ثلاث سنوات بدل ما ياخذه في حضنه يطرده بكل وحشية يرفعه من على الارض وحذفه برا الغرفه .. شمس بصدمه ـ طلال ! خلود ـ ايه ...وانا كنت اطلع اخذ الولد احطه في سريره ..والله ياشمس اني ندمانه ليه اني ماحضنته في هذيك اللحظة...لكن طلال السبب ..طلال اللي خلاني جي ..طلال اللي كان يدخلج في كل كبيرة وصغيرة ..اللي كان يطريج حتى وهو نايم ..وكان كله يعد من النوم يناديج ..ومرات يناديني بدون وعي بسمج...ومحمد ..محمد مب ولدي ...هو ولدج ...ولدج ...انتي الانسانه اللي شااركتني بدون ماتعرف كل ايامي مع طلال ... طلال اللي مانساج .. وبالاخير لما صفت حياتنا وعرف اني حامل .. ماكملت فرحتنا شهرين الا طاح مريض ..السرطان كان منتشر وكانت مسألة أسابيع ... حسيت ان الدنيا ماتبيني افرح ,,حسيت انه طلال مب لي طلال لج ...أخر اسبوعين من حياته اخيرا مسك محمد ولمه على صدره ..ماتدرين شقد انصدمت لما محمد دزه عنه ..كانت لحظة صعبه على طلال اللي تم يبجي وهو يشوف ولده يطالع له كانه غريب ...طلال اخر ايامه فالمستشفى كان يطلب محمد ...لكن محمد ماكان يدخل الغرفه يبقى بره .في مستشفى الامل ... كان ندم طلال يعور القلب ... صحيح انه جا في الوقت المتأخر بس ...الحين رجع لحضنج انتي امه ...انتي امه اللي بتعوضه عن برودي وقسوة ابوه ... كانت شمس تبجي بدون وعي ....تطالع خلود بعتب خلود ـ واللي خلقني وخلق هالسما اني ما مديت يدي عليه في يوم ...ماكنت زوجه اب قاسية ...بس ...ماكنت له الام ... قامت شمس وادخلت الغرفة كان محمد جالس يلعب بمكعبات كبيرة .... "تعال محمد بنروح البيت " ترك محمد المكعبات ولحق بشمس اللي بدون وعي حضنته وشالته .. ـ خلود ..انا بستأذن .. خلود وهي تمسح دموعها ـشمس انا اعترفت لج ..ابي اتخلص من هالذنب ..والحين بعد ماصرت ام ..وشفت حاجتي لاولادي وحبي لهم ..فهمت اني اذيت محمد وايد ببرودي ... محمد طول عمره هادي ..مايطلب شيء طفل مريح ... اتمنى أولادي يتواصلون معاه .. شم ما أبي محمد نقطععني أو عن اخوانه ... شمس ـ لاتخافين .. مابينساهم ان شاء الله .. بييبه .. واخليه يلعب معاهم ...ويتعرف عليهم بس خل يشدون حيلهم ويطلعون من المستشفى ,, كان محمد حاط راسه على كتف شمس اللي سلمت على خلود وطلعت للسواق وركبت السيارة وتمت حاضنه محمد وقالت للسواق ياخذها للبدع ... نزلت ومسكت يده ومشت معاه "تلعب ؟؟ .." هز محمد راسه بهدوء .. خذته للمراجيح ...ونزلت على ركبها مسحت شعره .. "شمس .." قالت له بهدوء " قول ماما حبيبي .. ناديني يمه.." "يمه .." حست شمس ان قلبها انفتح هالكلمة جات في الصميم .. " هاحبيبي " " أبي أشتري جلكسي لنوير .." ابتسمت شمس " بنمر هالكشك وبنآخذ اللي تبيه " طلع محمد فلوس من جيبه ..انصدمت شمس وتمت تطالع له وللخمسة الريال اللي في ايده,,, محمد " هي تحبه بالكراميـل .." حضنته بقوة وقالت وهي ترجع فلوسه لجيبه " حبيبي .. من يوم ورايح .. اذا تبي أي شي قول لي انا ماما .. واليوم بتنام في غرفتي على سريري " خذته للكشك واترت له مصاص وكاكاو والعاب بدون مايطلب ... ورجعت العبت معاه في الالعاب ..رغم الزحمة والاطفال اللي يلعبون كانت تحس انه وحدها معاه ومحد حولهم .. .. ولما خلص اركبت السيارة وحضنته ونام في حضنها وطول الطريق تم تفكر وهي تبجي وتمسح دموعها بايدينها وكل دقيقة تبوس جبهته (( ليش يا طلال .مب كافي حرمتني منه ؟؟ ليش حملته الذنب ونبذته ؟؟ ليش يا طلال هذا ولدك من لحمك ودمك ..هذا ابني ..ليش مارحمت العشرة بيننا ؟؟ ايا قلبي عليك يا ولدي ..يا قلبي عليك ...لاعرفت ام ولا عرفت ابو .. يا طلال كل ما بنسى ترجع لي وتذكرني .. قلبي شايل عليك يا طلال ...حرمتني من ولدي وحرمته مني ..ومنك " ***** معجبة كانت بقرب الريم وهي منصدمه ..منصدمه للحاله اللي وصلت لها في علاقتها مع ناصر .. الرم ماعلقت بس تمت تقلب في مجلة في ايدها .. معجبة تهمس للريم ـ تهقين مرته ؟ الريم ـ ماادري بس مب كان مرته بمصر ؟؟ معجبة ـ ايه يمكن ... الريم ـ لاتحاتين يا خالتي المهم انه جا معانا .. ارفعت معجبة راسها كان سيت فايز وناصر بعيد عنهم شوي ..في الجهه الثانية من الطيارة وناصر كان يشرب قهوة وهو يتكلم مع فايز والظاهر ان الموضوع بينهم كان مهم.. معجبة ـ الريم ..شسوي ..شسوي .. ياربي احبه بس .. مااقدر اعيش معاه بهالشكل .. الريم ـ بس يا خالتي انتي كملتي سنه معاه ..معقوله هالحين اكتشفتي هالشي ؟ معجبة ـ صدقيني .. ماكملت معاه كم شهر .. تفصلها شهوور ..للحين احس اني ما اعرفه ...هو يحبني وانا احبه بس هالشيء ...مايكفي ..تزوجته وانا على بالي انه بيكفي بس ...مايكفي يالريم ..الحب مب كل شيء .. الريم ـ يعني بتنفصلين عنه ؟ ادمعت عيون معجبة ـ لا ,,,لو اشوفه مرة في السنه وابقى زوجته ..ولا اشوفه كل يوم وانفصل عنه بعد فترة ..احبه وما اقدر اتخيل انه يختفي عن حياتي ...هو زوجي وتوأم روحي ..بس زواجنا اكبر غلطة في حق انفسنا ,,, سكتت معجبة وردت تطالع له ... على الناحية الثانية ـ انزين بس شوي شوي على مرتي .. ناصر ـ شنو شوي شوي ..شبسوي لها ؟ فايز ـ بتطردها عن سيتها .. ناصر ـ لا بنتبادل السيت ..يا اخي ماتبيها تجي جنبك ؟ فايز ـ ابيها بس...كون لطيف معاها .. ناصر ـ حلوة لطيف هذي ,, قام ناصر وقرب من سيتهم وقال للريم ـ أدري انا ماعرفنا بعض بشكل افضل بس وماخذنا على بعض بس .. ..قومي طيري عند ريلج .. الريم ببلاده ـ هااا...! ناصر بابتسامة خبيثة ـ ابي أيلس مع زوجتي...روحي جنب فايز .. الريم ارتبكت ـ خل هو يجي .. معجبة كانت تبتسم حست براحه لما شافته يكلم حد من اهلها بهالبساطه .. ناصر ـ لا ..مابيجي ..قومي ... ارتبكت الريم وطالعت معجبة اللي قالت لها بخبث ـ تتصرفين كأنج مب يالسه معاه ابد ولا كأنكم جييتوا بسيارة وحده ..روحي وخلي عنج هالحركات .. شالت الريم شنطتها الصغيرة وراحت قرب فايز وهي مدنعه ومرتبكه.. قال لها فايز ـ هلا وغلا ..تفضلي .. ووقف واشر لها تاخذ السيت اللي عند الدريشة .. جلست الريم مرتبكة ... فايز ـ طيارتنا بتكون لين جنيف وبعدين بناخذ طيارة من هناك لمطار جي اف ك في نيويورك .. الريم ـ شكلها الرحلة طويلة .. فايز ـ طبعا طويلة ...بنروح للجانب الثاني من العالم .. الريم ـمتى بنوصل جنيف ؟ فايز ـست ساعات بالكثير ... بعدين التفت الريم لناصر ومعجبة اللي كانو ماسكين ايدين بعض .. ويتكلمون بود .. قالت لفايز ـ غريبة حالتهم .. فايز ـ بالعكس ..بسيطه بس هم معقدينها زياده عن اللزوم .. الريم ـ شلون ؟؟ حياتهم معقده ..شالخطأ..ومن اللي مظلوم فيهم ؟ فايز وهو يقلب بالمجلة ـ اثنينهم غلطانين ..وهاللي يسمونه زواج ..بعيد كل البعد عن هالمسمى .. الريم ـ ليش شنو غلطتهم ؟ فايز ـ انهم اعتبروا زواجهم نزوة ...اعتبروه مغامره ..ماحطوا له اساسات ...ما اعطوه أي قيمه .. الريم ـبس هم يحبون بعض شوف شلون يطالعون بعض .. فايز ـ مايحتاج اطالع .للاسف في حالتهم ..الحب مايكفي ..اضحك احيانا يكون في ازواج عندهم كل الاساسيات واركان الزواج الناجح بس مايحبون بعض ويكون زواجهم ممل ....وفي ازواج يجمعهم حب كبير بس في حياتهم نقص كبير ..بعد يكون زواجهم مأساة .. الريم ـشتقصد بالاساسيات ؟ فايز ـ يعني حياة مستقرة رخاء مادي ...احترام متبادل ..بيت اولاد ... الريم ـ مافهمت ! .. ابتسم فايز وترك المجلة على جنب وقال وهو يلتفت لها ببطء ــ ببساطة قلت لج قصة ناصر..ناصر متزوج بهدى ..حياة مثالية بيت فلوس اولاد ..لكن ..حياتهم خالية من أي مشاعر ..مابينهم حب .. وزواجه بمعجبه العكس تماما ...الحب موجود ..لكن ... الريم ـ محد مرتاح ... فايز ـ عليج نور .. ترددت الريم ..طالعت فايز بخوف وافكـار غريبه في بالها ـ هل حياتنا بتكون مشابهه لحياتهم ؟ استغرب فايز ـ ليش تقولين هالكلام ؟ .. لان ناصر صديقي ؟ الريم ـاحس ظروفكم متشابهه .. فايز ـ بالعكس ..كبداية انا مب متزوج ..وزواجي فيج هو زواج العمر بالنسبة لي لاني اشوف فيج كل شيء والاهم انج الوحيدة في حياتي ..وسواء ترغبين بسماع هالاعتراف ولا لاء لكن مشاعري ترتاح لج .. الريم بخوف ـ واذا انتهى زواجنا مثل زواج ناصر و هدى ..هل بتدور وحده مثل معجبه ؟؟.. فايز ـ انا مب ناصر ...وانتي مب هدى ...واذا مشاعرنا ماتفقت من البداية انا برفض اني اكمل واعذب اولادي في هالمصير مثل ناصر ..ناصر نفذ رغبة ابوه في زواجه ..وماحصل توافق بينه وبين زوجته الريم ـ ليش ما ينفصل عنها ؟؟ دام مب مرتاحين ؟ فايز ـ لو كنت في مكانه وسعاده اولادج واستقرارهم في يدج ..هل بتدمرينها ؟ هزت الريم راسها بلا ,,كمل فايز ــ هدى هي قدر ناصر ...وزواجهم مستمر علشان الاولاد..هي تحترمه وهو يحترمها ..لكن حسب مافهمت من ناصر ان مافي أي مشاعر بينهم .. الريم ـ دنيا غريبة.. التفتت الريم عليهم كان ناصر يكلم معجبة ..وهو يضحك.. قال فايز ـ احس ان قصتهم جذبت انتباهج .. ردت الريم التفتت لفايز وتفاجأت انه مرجع راسه لورى ويطالع لها بنظرة غريبة ... الريم ـ تهمني سعاده خالتي ... فايز ـ انت ماتصدقين ان الحب هو الشيء الوحيد اللي بينهم غير وثيقة الزواج ؟.. استحت الريم لان فايز قرى افكارها ودنعت راسها وهي تمتم ـ تقريبا .. فايز ـ عيل صدقي ..لان بين خالتج وناصر ..مافي لاكرامه ولاكبرياء ولا اولاد ولا بيت ولا عشرة ..هي عايشه في بيتها وهو عايش في بيته ..وحبهم في قلوبهم وهم تنازلوا عن كل حقوقهم تجاه بعض ..علشان ما يأذون بعض .. يمكن هذي انسب طريقه انهم يعيشون حبهم ... الريم ـ انت تعرف كل شيء عن ناصر ؟ فايز ـ ناصر اخوي اللي ماجابته امي ..ناصر هو عضيدي ..وسندي ..اذا قلت لج انه عائلتي الوحيده مابتصدقيني ..لي خال بس في الهند شفته مرة وحده..وامي متزوجه وسعيده في حياتها ..وانا على ارض مصر عندي اصدقاء بس مو مثل ناصر .. الريم ـ امك ماتجي تعيش هنا ؟ فايز ـ في الطيارة .هههه .. الريم ـ لا طبعا . فايز ــ ..فاهم قصدج ..امي تزوجت واحد من قريتهم ...اخر مرة سمعت انها ماجابت عيال ... الريم ـ ليش انت ماتكلمها ؟ فايز ـ ولا أعرف وين اراضيها .. ولا حاولت اني ادورها ..دامها تخلت عني وماسألت فيني ..يعني طلعتني برا حياتها.. الريم ـ متى آخر مرة كلمتها ؟ فايز ـ ما اذكر تقريبا وعمري 5 سنوات .. لانها كانت السنه قبل اللي ادخل المدرسه..وآخر مرة سمعت منها من خالي كنت في الهند يوم صار عمري 18 وكان عندي عنوان خالي ...خالي في دلهي ..وكان مدرس تفاهمت معاه بالانجليزي ومجرد ماخبرني انها تزوجت بس ماجابت عيال سافرت برا الهند... ولا مريتها ...وهالكلام من سنين طويله تقريبا عشرين سنه او اقل .. حست الريم براحه لما كلمها فايز عن امه ..كانت تبي تتكلم عن امها ..بس شتقول له ؟ انها ماتذكرها ؟ماتعرفها ؟ ..اسكتت ..واسندت راسها على الكرسي وتنهدت .. قاطع فايز أفكارها ـ سلامتج من الآه ... الريم ــ لا بس فكرت ليش يجيبونا وهم مش قد الامومه ..تدري فايز ..الحين كبر ناصر في عيني ..لانه ما باع عياله مقابل سعادته وانانيته . فايز غمض عيونه وقال ـ شتشربين ؟؟ اطلب لج قهوة ؟ الريم ـ لا سلامتك ..ما ابي شي .. فايز ـ مايصير ماضيفتك .. الريم ـ لا عادي شربت كابتشينو في المطار غير اللي في السيارة احس اني شبعانه .. طالع فايز الساعه وقال ـ بيقدمون العشا في أي وقت الحين .. ةرجع لمجلته وتمت هي تطالع من الدريشه .. رغم الظلام لكن اسرها المنظر ... ((بصراحة عورني قلبي على شمسة ومحمد)) تحية لكل متابعي بكاء بلا دموع |
السلام عليكم مشكروه حبيبتي electron على النقل يعطيج مليون عافيه حتى انا كسروا خاطري محمد اوو شمس مسكين هالمحمد طلع مو بس فقد حنان الاب الا حنان الام بعد طفل صغير جذي تكون مشاعره بس الحمدلله انه شمس قامت من صدمتها انشالله تعوضه الحنان وتعطيه من امومتها الشي الكثير اختج خطوات ورده :friends::55::rfb04470: |
واااااااااااي تجنن القصة أحداثها مشوقة والاسلوب رائع وجذاب وتفاعلت كثير مع القصة .. شكرا على النقل أختي electron وجزاك الله كل خير .. |
:55:
روووووووووووووووعه الباااارت وننتظر البااارتااات الباااقيه خيتو Electron |
وااااااااااااااااااو البارت روووووووعه
مشكوره حبيبتي على النقل |
مرحبا القصه وايد حلوه وشيقه وحبيت اقولج :rdd12zp1::liilas: على نقل القصه واقول للكاتبه سهر اليالي:rdd12tf:وافكارج على هل القصه الحلوه وننتضر المزيد من البارتات الحلوه والشيقه |
الفصل السابع الجزء 4
تحية لكل الأعضاء القصة غير مكتملة .. والكاتبة تنزلها تقريبا أسبوعيا ولكم هذا البارت..
الفصل السابع الجزء 4 خليفة ـ أبي أشوفها .. انصدمت وضحى ـ شقاعد تقوول ؟ خليفة ـ أبي أشوفها .صرت افكر فيها في كل دقيقة ..أبي أشوفها قبل لا اخطبها .. طالعت وضحى الشاشه كانت صافية تكلمها اون لاين و تشرح لها قصيدة اعجبتها .. وضحى ـ مستحيل ياخوي والله حرام .. خليفه ـ شوفي .. انتي موقلتي انها تبي تشتغل ؟ .. خليها تجي بكره وتقدم اوراقها في دائرتنا ..خل تجي لي لمكتبي .أنا مدير العلاقات العامة . وضحى ـ انزين يا خوي .. شقول لها بالضبط ؟ خليفه ـ قولي لها تقدم اوراقها في هالمكتب .. وطلع بطاقته من جيبه .. ـ بكره الصبح تقدم اوراقها سمعتي .. طالعت وضحى البطاقة ـ بحاول .. ارجعت وضحى للمسن وخبرت صافية عن وظيفة سمعت فيها وعطتها العنوان .. وبعد دقايق استأذنت صافية وطلعت .. رجعت وضحه لخليفة .. ـ خبرتها .. وبتروح بكره .عاد مب تفشلني وظفها .. خليفة ـ قلت لج مابيها تشتغل في مختلط ..بس ابي اشوفها .. وضحى ـ بتروح مع اخوها .. خليفة ـ زين ..واذا ؟ .. وضحى ـ يعني شلون بتردهم ؟ خليفه ـ مابرد عليهاعلى بقول لها بنتصل فيهم .. صكرت وضحى الاب توب وقالت مستغربة ـ شمعنى صافية اللي تعلقت فيها ؟ ..انا مب فاهمه سبب هالتعلق .. خليفه ـ ولا انا ..فجأة ارتحت لهالبنت ..وبدون وعي صرت افكر فيها .. مع اني ماشفتها ولاسمعت صوتها ..بس فكرة انها موجوده تعني لي وايد .ليش ..ماادري .. وقف خليفه ومشى لغرفته ..ركزت وضحى بطريقة مشيه ..كان خطأ أمها أنها حذفتهم على الخدامات,ولا اهتمت فيهم ولا اخذوا لقاحات ضد شلل الاطفال ..يمكن الضرر بسيط وضمور ريولهم نسبته بسيطة لكنه دمر حياتها وحياة خليفة .. *********** كانت الريم طوال الساعات تفكـر ..فايز كان محترم صمتها كان يشوفها عيونها تتحرك كأنها تقرأ ..لكنه ما حب يزعجها ...وصلوا جنيف وارتاحوا شوي بعدين اخذوا الطيارة لمطار جون اف كنيدي في نيويورك.. (( بيتركج يالريم ان صرتي مثل هدى .. يعني فكرة أنج تمحين الحب من حياتج مستحيلة .وأخيرا لما جا الرجل اللي يطلعج من حياتج الزفت بتطفشينه .. هذي رسالة مبطنه منك يافايز .. حرام عليك كدرت الجو علي ...حرام عليك تفرض علي طلبك للحب .. طول عمري تعودت محد يحبني ..وعودت نفسي على اني ما انتظر هالشعور من احد ..لا من ابو ولا من ام ولا من أهل .. محد يحبني ...ماجربت هالشعور ولاابي اجربه .. أخاغ اجربه واتألم أكثر . . صج خالاتي يعزوني وشمس ويدي ويدتي .. لكني تعودت أني اكون المنبوذه ..الحب بالنسبة لي شيء مستحيـل .. ياربي ياربي ..أخاف أحبك يافايز .. أخاف احبك وافقدك وأنا تعبت من الفراق .. فارقت امي وفارقت اخوي وابوي فارقني من زمان .. اذا حبيتك وتركتني بموت يافايز .. بموت ...سنين وانا اصبر نفسي على الدنيا .. ابني حاجز بيني وبينها ..ماقلت لها في يوم أبي ... لاني عارفه حظي فيها ..لاني عارفه اني من انولدت واوراق سودا انكتبت لي ..الكل يكرهني .. وفاقد الشيء لايعطيه.لكن ..الدنيا عطتني هالفرصة .. وبكون غبية ان فرطت فيها ..فايز ماينقصه شي .. واهم ميزة فيه انه يحترمني .. يحترم هالكيان اللي انا فيه ..بس اذا تركني ..بتنتهي كل فرصي " التفت لفايز وفي عيونها ألم .. ـ اوعدني .. طالع لها فايز أخيرا بيشوف خلاصة تفكير هالساعات .. طالع في عيونها وقال ـ اوعدج اذا قدرت .. الريم هي ترتجف ـ اوعدني .. فايز طالع لهالرجفة حس انه يبي يحضنها ..شالألم اللي في داخلها ..طالع في عيونها السود ـ أوعدك .. قالت الريم بصوت مرتجف وهي مستحية من طلبها الغبي والسخيف ـ أن إذا كان القرار في يدك في يوم من الأيام .. لاتتركني. حرك فايز يده وحطها على يد الريم وقال ـ أوعدك ..أني مابتركج ..ومابيفرقنا الا الموت ... ابتسمت الريم وتمت تبجي ..وهدأ جسمها حست بارتياح .. وبدت تفتح قلبها له ..امسكت يده اللي فوق يده بتردد..قالت في نفسها ـ فايز بيكون حبل نجاتج يالريم .. اول مرة فايز يحس بتجاوب منها ..تم يطالع أصابعها اللي ضامه أصابعه .. حس ان الدنيا اضحكت له .. وفي شي يسري بدمه غريب .. دنع راسه وابتسم ...ولما رفع راسه ولقاها تبجي مسح بيده الثاني دموعها بهدوء ,وهو متأكد أن في هاللحظة حياتهم بتتغير .. معجبة وناصر كانوا طوال الوقت ماسكين يدين بعض ويتكلمون .. معجبة ـ شوف عايشين جو .. ابتسم ناصر وطالع بطرف عينه ـ مساكين .. معقدين وطاحوا في جبد بعض .. معجبة ـ مساكين .. ناصر ـ نآخذ غرفة وحده ؟ معجبة ـ لا وين والريم تم بروحها ؟ .. لا .. ناصر ـ شوفي هي اول الايام لين نلقى عايض انا وانت بغرفة وفايز في غرفة والريم في غرفه بروحها .. معجبة ـ لا .. ما اقدر اتركها ..انطرها لين نلقى عايض بتبقى عنده .. ناصر ـ خوش راي .. معجبة ـ وين حجزتوا ؟ ناصر ـ فايز حجز في سانت ريجس .. معجبة ـ عاد هالاجازة بآخذ الريم السوق وايد .. ناصر ـ وشفايده فايز ؟ ياخذ مدامته ويفرها على الاسواق .. معجبة وهي تضحك ـ ايه علشان مايتم فستان اسود ماتشتريه هالخبله .. عليها ذووق أسود .. قوطية ..موبنت عرب ! ابتسم ناصر ـ معجبة معجبة ـ لبيه ؟ ناصر ـ احبج .. أحبج .. معجبة ـ فديتك .. وانا احبك اكثر .. ناصر ـ انزين ليش الفترة اللي طافت حسيت انج بايعتني .. معجبة ـ انت اللي كنت بايعني .. ناصر ـ يعني كنا بايعين بعض بدون ماندري ؟ معجبة ـ ايه يالخبل .. ناصر ـ شوفي عجووب .أبي افتح صفحة يديده .. تسامحيني ؟ ابتسمت معجبة ـ عمري كله لك فديتك .. ناصر ـ يعني مسامحتني ؟ معجبة ـ مافي في قلبي عليك ملامه.. ناصر ــ فديتج والله .. طالعوا لناصر والريم اللي كانوا ساكتين بس ماسكين يدين بعض .. ـ بروح اخرب عليهم الجو . اقترب منهم ناصر .. اسحبت الريم يدها بمستحى .. ـ فايز عبيت الفورم ؟ .. الريم ـ بروح أيلس عند معجبة .. وقف فايز وطلعت الريم دخل فايز وجلس مكانها وجلس ناصر مكانه فايز ـ انت ماعندك ذووق ؟؟ ناصر ـ ليش عشان خربت الجو ؟ فايز ـ لايبه ..بس ماعندكم اتكيت بالمره ..أحرجت المرة مرة ثانية تنحنح .. ضحك ناصر ـلكنا بالطياره ..ومكشوفين .. فايز ـ يا اخي ماعندك اسلوب رزيت ويهك بدون خجل .. ضحك ناصر ـ انزين عبيت الفورم ؟ أشر فايز للمضيفه وطلب الاوراق .. ناصر ـ ليش سته ؟ فايز ـ فورم لي ..وفورم للريم ..وفورم انا عائله ..وفورم لك ولزوجتك ..وفورم عايله لكم . ناصر ـ اهاا .. انزين برد لمرتي .. فايز ـ ارتاح .. جهز قلمك وعبي الفورمات معاي .. ناصر ـ غصب يعني ؟ فايز ـ عيل بتروح تجابل مرتك وانا اخلي مرتي واقعد اكتب في هالاوراق ؟ .. بعدين الريم تعبانه .. وزوجتك .خل ينامون أكيد بيستحوون منا ومايغمضون جفن .. ناصر ـ عيل بروح اقول لهم .. قام ناصر وخبر معجبة انه للساعات اليايه بييلس جنب فايز واالافضل انهم يناموون .. الريم بهمس ـ الرحله طويله .. معجبة ـ أي والله .. نامي يا قلبي .. ضيعي الوقت في النوم .. الريم ـ تصبحين على خير .. بعد ماخلص فايز هو وناصر الاوراق .. رتبوها وغمضوا عيونهم ونامووا.. ********** شيخه ـ واخيرا ! جوزة ـ الله يستر اختج ويهها مو طبيعي .. نوير ـ صج ..كنها كان تصيح طول الوقت .. شيخه ـ بس اخيرا حنت على هالصبي .. جوزة ـ الله يستر .. نزلت صافية من فوق ـ صباح الخير جوزة ـ صباح الخير شمصحيج هالحزة ؟ صافية طالعت الساعه ـ مواعده ماجد يأخذني لمقابله عمل .. شيخه ـ عيل انا بروح انام .. طالعت لها صافية ـ مواصله ؟ نوير ـ أنا وهي مانمنا .شغلنا الوايرلس و.قعدنا على المنتدى .. جوزة ـ اقول يمه صافية ..الريوق على طاولة المطبخ .. كانت نوير مجابله لاب توبها .. وشيخه شالت لاب توبها واطلعت تنام . صافية ـ ماصحى ماجد ؟ طلعت شمس من غرفتها لابسه ـصباح الخير .. الكل ـ صباح الخير .. شمس ـ صافية على وين من الصبح ؟ صافية ـ عندي مقابله عمل .. شمس ـ في مدرسة ؟ صافية ـ لا في مؤسسة خيريه .. شمس ـليش ماقلتي لي انج تدورين شغل ؟؟ كان دبرت لج عندي شواغر .. صافية ـ لا فديتج .. ودي ما ابعد عن هوى التدريس .. ورفيجتي دبرت لي هالمقابله ..فقت اروح مب خاسره شيء .. شمس ـ جربي تقدمين لمؤسسه دريمه .. سمعت انهم يبون قطريات .. يالله مع السلامه انا تأخرت .. صافية ـ بمر وأقدم أوراقي فيها . . نوير ـ بس شيبون في مدرسة عربي ؟ صافية ـ أدرس .. مافيها شي .. نوير ـ قدمي في الشفلح .. صافية ـ بقدم فيها ..الله يعين ماجد علي اليوم .. نوير ـ بتقدمين في مدرسة معينه ؟ صافية ـ لا ..الله يبعدني عن المدارس المستقلة .. ..يارب انقبل في وحده من هالمؤسسات .. أو في الحكومي .. نوير ـ بس الشفلح ممنوع النقاب ! وهم مختلط .. صافية ـ صج .. نسيت . مب مشكله . ـ صباح الخير .. الكل ـ صباح النور .. ماجد ـ جاهزة صافية ؟ نوير ـ باي سيارة بتروح اذا سيارتك في الكراج ؟ ماجد ـ أحمد ترك سيارته وراح بكروة أمس .. جوزة ـ فيه الخير والله .. ماجد ـ قلتله عندي مشاوير .. وماهنت عليه وهو بكره ماعنده شيء .. رجعت شمس وهي تنافخ ـ وين السواق يما ؟ جوزة ـ ما أدري يمكن بيعبي بنزين ؟ .. شمس وهي تطالع الساعه ـ بتأخر .. يما .. محمد نايم في غرفتي طلي عليه .. نوير ـ أنا بروح أنام عنده . ..بس مابحس عليه اذا صحى لان نومي ثقيل وانا موااصله .. شمس ـ فديته اشترى لج امس جلكسي كراميل .. بس لانه نام مااعطاج اياهم ..تلاقينهم في الخريطة اللي على التسريحه . نوير ـ فديـــــــــــــــت رووحه يعرف خالته شتحب .. رن جوال شمس ـ ألو .. راجو وينك ؟ السياره خربانه ؟ طالعت شمس لامها ـ يما معجبة اتركت مفتاح سيارتها ؟ جوزة ـ ما ادري يابنتي .. ماجد ـ أنا أوصلج .. يلا صافية تأخرنا . استغربت شمس .. ماجد من زمان ماعرض عليها انه يوصلها .. ـ خلاص راجو .. صلح السيارة وارجع البيت . ***** |
الفصل السابع الجزء 5
الفصل السابع الجزء 5
***** شيخه في غرفتها منصدمه . فتحت الاب توب وتمت تطالع الصفحه اللي خلتها مفتوحه .. (( زلزليني . واتركيني ...فوق بعضي .. اغرسي الغربة .. مابيني وبين نبضي بضربة الساعة أحبك .. بدمعة الغيمة أحبك .. بهزة رموشك أحبك .. بكل حواس الحب أحبك .. زلزيني .. اعترف أن الهوى فعلا قدر .. لما شفتك .. مانفعني كل غروري والحذر .. قلبي ضيعني وضيعني .. وحاصرني الخطر .. كنت أدور في عيونك درب حق شوقي وممر .. ارتبكت .. انسرقت .. صرت موجه في بحـر .. صرتي في صيفي مطر .. صرنا نضحكـ ..صرنا نبكي .. اثنين في حالة خدر .. حبك انت ِ ماترا والي ولا شفته .. ولاحسيته ..بس جاني قدر .. سكوتي لما حبيت انكسر .. غروري لما حبيت انتحر .. نعم غيرتي خطوط الحظ .. في كف الدهـر .. صمت عينك لعيوني عبـر .. جنه شلال اشتهى يهاجم نهر .. ماسمعتي ؟ ماقريتي ؟ بصفحة عيوني كتب قلبي خبر .. قال يحب .. . قال يعاني من الزلازل والسهر .. رسم بعيني ملايين الصور )) شيخه .. ترددت كثير قبل لا اطرش لج .. شيخه .. سكنتي تفكيري .. رجعت اقلب في دوواين الشعر .. رجعت اسلي قلبي بكلمات الحب .. آخر مرة مسكت فيها ديوان شعر كان من سنوات طويله ... أمس لقيت هالديوان القديم لفايق عبدالجليل .تذكرت انج حاطة شعر له كتوقيع في ايميلج .. ..شيخه .. ردي علي .. ردي .. طرشي لي ايميل .. ولو كان فاضي ... J طالعت شيخه الايميل .. حطت يدها على الشاشه تتبع حروف اسمه في الايميل .. ادمعت عيونها .. مستحيل .. بكون غبية اذا رديت عليه ..بكون غبيه اذا رديت عليه .. راحت التوقيع ومسحته .. وحطت شعر .. وطرشت ايميل فاضي له .. في حياتها كلها ما غلطت ..ولا بتغلط .. وان كانت ترسل له ايميل فهو علشان المحاضرات والبحوث .. ومن زمان ماطرشت شيء له .. سكرت الاب توب واحضنت مخدتها ..شآخرتها يا جاسم ؟ ؟ . ************ على الطرف الثاني .. فرح وايد لما شاف رموز ايميلها .. طول الليل وهو يراقبها في المنتدى .. المنتدى اللي قالت له فجر مرة انها هي وشيخه فيه .. وأنها بسم هيومن بيين .. استغرب اسمها ...لكنها يراقبها طول الليل .هي وعضوة ثانية اسمها كريزي فور ايفر كله مسووين أكشن في الاقسام .. ماتردد يطرش لها الرسالة . .. فتح الايميل .. وانصدم .. ايميل فاضي .. بس التوقيع صدمه .. (( من باعني بالرخص والله ماشريه لو كان يملك في يمينه حيـاتي )) غمض عيونه بصدمه .. حس بصدمه .. غلطته .. غلطته يوم سمع كلام فجر .. فتح المسنجر وطالع اللسته ..كان اسم فجر متصل وعليه بلوك .. شال البلوك .. فجـر : صباح الخيـر .. J :صباح النور .. فجـر : من زمان ماكنت اون لاين..فقدناكـ أنا وشيخه .. طالع للكلام باحتقار : شيخه ؟ فجـر : ايه .. شواخي كله تتكلم عنك . . جاسم وجاسم .. J: فجـر .. أنتي تكذبين على منو ؟ ؟ أنا قلت لج وقفي كذبج . .. أنا أدري انج وشيخه مب مع بعض . J: وبعدين أنا أعرف أن شيخه ماتدانيني ولا تواطن تسمع اسمي .. فجـر : حرام عليك .. بالعكس هي ميته عليك .. انت متى بتتقدم لها ؟ J: اتقدم لها ؟ بعد الي صار ؟ فجـر : أي حرام البنت تعشقك .. ضحك جاسم وهو يطالع الجهاز .. رفع قلاص الجاي وشرب منه .. طالع المحادثة وهو يحتقر فجـر .. فجـر : جاسم وينك ؟ جاسم طنش اشارات التنبيه اللي ارسلتها له .. تذكر اول مرة تكلم معاها .. كانت قاطه نفسها عليه ..بس هو ماكان يحبها .. وهي علشان تجاهله له قالت له كل اسرار شيخه .. من اعجابها البسيط فيه ..وحضورها لمحاضراته .. لين آخر سر اللي فاجأه وهو سالفه خالتها .. حس أنه ماعنده سالفه .. البنية محترمة ماشاف عليها شي ولاتزر وازرة وزر اخرى .. بس كلام فجر خرب كل شيء .. فجـر : جاسم ؟ ؟أنت تعرف اني احبك .. وأبي لك الخير .. حس جاسم انه يحتقرها اكثر .. فجـر : واذا سعادتك مع شيخه بساعدك ,, بس ارجوك .. أرجوك لاتسوي لي بلوك .. أنا أعرف انك سويت لي بلوك من قبل .. بس ارجوك .. J: شيخه راحت خلاص .. فجر : شلون ؟ J : بسبتج .. وسوى لها بلوك مرة ثانية وحذف جهه الاتصال .. طلع بره غرفته كانت اخته وامه في الصاله جلس معاهم وتموا يسولفون .. ******* قصة فجـر بسيطة جدا .. وحيده امها وابوها .. ودلوعتهم .. حبت جاسم .. حبته بسبب حب شيخه له .. وهي تعودت دايما انها تآخذ أشياء غيرها اذا اعجبتها ...بعد ماخربت بينهم .. حاولت مع جاسم لكن جاسم ما اعطاها وجه . . ندمت انها فرطت في شيخه البنت اللي حبتها رغم كل عيوبها .. الكل مايقرب من فجر لانها تدمر كل وحده تعرفها .. ماتحب السعاده لأحد .. وشيخه يوم تعرفت عليها ماكانت تعرفها لان مالهاعلاقه في باقي بنات الجامعه ...فمحد حذرها من فجر .. فجر ندمت على اللي سوته في شيخه . لكن ندمها ماجا الا بعد ما اكتشفت انه مافي رجا من جاسم وان جاسم يحتقرها .. تذكرت يومراحت للمكتب وقطت نقابها وهي تطالعه بجرأه .. كانت تبي تعلقه بجمالها .. لكنه طالعها باحتقار واعترف لها انه يحتقر هالجرأة في البنات .. تذكرت كلامه .. ــ انت لو تحترمين نفسج ماسويتي جي .. فجر ـ انا أحبك .. ــ كل مايالج تخليني احتقرج اكثر .. فجـر ـ يعني لو شيخه سوت جي بتحتقرها ! ـ شيخه مستحيل تسوي سواتج .. مستحيل تجي وتطالع في عيوني وتنفث علي مشاعر مسمومه ! فجـر ـ لكن الحب مبرر لكل شي! . وشيخه إذا طلبت منها مابتقولك لاء ! .. بالعكس بتقط عباتها بعد .. ـ بس ! .. مصختيها .. بتطعنين في شرفها ؟ فجـر ـ ليش ؟ نسيت منو خالتها ؟ اللي اشردت مع هندي خايس واتركت ولد الاصول ؟ ليش بكره ماتسوي فيك جي ؟ انا مابسوي لج جي .. عصب جاسم وقال وهو يضغط على اسنانه ـ أصابعج مو سوى .. وأنتي اذا قبلت بحبك شالضمانه أنج بكره ماترمين نفسج على واحد ثاني ؟؟ .. بحجة ان الحب مبرر لكل شي ؟؟ .. فجرــ شقصدك ؟؟ مابتوثق فيني ؟؟ جاسم ـ اذا صديقة عمرج ماسلمت منج .. من قال اني بسلم ؟ .. فجر ـ بس عشان قطيت النقاب ؟؟ .. تراهن أنك لو طلبت من شيخه تقطه أنها مابتقطه ؟ .. تراهن ؟ أنا أراهنك أنها بتقطه وتسبل بعيونها لك .. جاسم ـ أراهن يا فجر .. أراهنج ..بس على شنو ؟ فجـر ـ اذا قطته .. تجي تخطبني .. واذا ماقطته .. سو اللي تبيه .. جاسم ـ أخطبج ؟ لا طبعا .. احلمي .. أمثالج مايصلحون كزوجات .. وانا متأكد أن شيخه مابتقطه . ..واذا قطته بنجحج بالماده بدون ماتتعبين وبعطيج فل مارك .. واذا ماقطته ..تفكيني من سالفة حبج هذي ..تراج صرتي شبهه .. ادمعت عيون فجر لما جا مبتسم وهو يقول لها انتصاره عليها .. تذكرت كلماته ــ ماقطته ...وخسرتي رهانج .. شيخه اثبتت احترامها لنفسها .. وأحب اقول لج شي .. الوحده اذا تبي تكتسب احترام الناس لها ..لازم تحترم نفسها أول والحب مب مبرر لقلة الادب .. فجر اللي طول عمرها تفوز .. خسرت لاول مرة في حياتها .. فجر اللي تعودت ان كل شيء تبيه يكون لها .. خسرت .. تركت الجامعه .. واستلمت شركه ابوها .. لكنها دايما تدخل المسنجر ..تدور طيف جاسم .. احيانا مجرد انها تشوف ايميله تنتابها مشاعر غريبه .. ***** ماجد ـ شوفي ادخلي انتي .. صافية ـ تدخل معاي . ماجد ـ ايه بس ارد على احمد سندرني .. ادخلت صافية وخلت الباب مفتوح ـ السلام عليكم .. خليفه ـ وعليكم السلام ..تفضلي اختي .. جلست على الكرسي وتمت تطالع الباب .. خليفه مسك أوراقها وتم يقلبها .. بس صورة البطاقة الشخصية حطها على جنب . .. خليفه ـ وصتني وضحى عليج .. انصدمت صافية ـ ها ؟ خليفه ـ وضحى .. أختي .. مؤهلاتج جيده ..شهاده الكمبيوتر من أي معهد ؟ صافية ـ نيو هورازين ... خليفه وقف ومشى لين عند الباب .. انتبهت صافية لحركة ريوله مع انها بسيطه بس تأكدت أنه اخو وضحى .. طلع لمده دقايق بعدين رجع وبيده ملف ثاني .. دخل ماجد في نفس اللحظة سلم عليه خليفه .سأل صافية عن مؤهلاتها وعن شهاداتها والجامعه .. وبعدين قال لهم انهم بيرد لهم خبر .. واستأذنت صافية وطلعت مع اخوها .. تم خليفه يطالع بطاقتها الشخصية .. بالضبط مثل ماتخيلها.. ملامحها ناعمه وجميله .. تنهد وهو يطالعه بطاقتها .وتذكر عيونها .. من ورى النقاب كان فيها خجل . وعزم النيه ..بيخطبها يوم الخميس .. . ********* صافية طول الوقت تتذكر كلام وضحى .. ازوجج اخوي .. وضحى ماقالت لها انه اخوها هو اللي بتقابله والا ماكانت راحت ..بدون وعي تذكرت ملامحه .. فيه شي غريب .. ماجد ـ معليش صافية المشاوير الثانية ليوم ثاني .. أحمد كلمني .. ويبي سيارته لان محد عندهم في البيت يوصلهم .. صافية ـ انزين اذا سيارتك في الكراج ..وسيارة الدريول خربانه .. وخالتي عجووب مدري وين حاذفه سويجها ... بنبقى بدون سيارة ؟ ومن يجيب شمس ؟ .. ماجد ـ بجيبها .. لاتخافين .. بروح أطلع سيارتي وامرها .. واذا ماصفى لي باخذ سيارة احمد . صافية ـ على خير ان شاء الله .. اول ماوصل ماجد البيت نزل صافية وطار لبيت احمد ..وقف برا .. ودق على خويه .. ـ انا برا ..تعال استلم سيارتك .. نزل ماجد و أشر للتاكسي اللي واقف ينطره .. وقبل لايركب شاف احمد طالع مع رباب .. اللي كانت متغشية .. أشر له احمد تعال ..لكنه هز يده بمع السلامه .. آخر شيء يبيه هو انه ييلس في سيارة مع رباب .. هالمغرورة اللي شايفه عمرها .. وده يكسر خشمها بس ..يخاف الله فيها .. تذكر بداياته لما تكلمه بنفس خايسه .. واحيانا تكلمه كأنه صبي عندها .. قرر انهيعز نفسه ويبعد عن طريقها .. ومايبي من بيت عمه الا احمد .. اللي اثبت له صج انه اخو ينشد فيه الظهر .. يتبــع .. |
السلام عليكم ELECTRON شكوره على النقل وايد بس ممكن تقولين اهيه اي يوم تنزل البارت سؤال شخصي ... WHY ELECTRON??? اختج خطوات ورده:friends: |
أهلا عزيزتي خطوات وردة ...
حياج... هي تقريبا كل يوم أثنين ... لكن تغير بين فترة وفترة ..ابتدأت كل سبت .. ثم تغيرت إلى أيام غير محددة وحاليا على الأثنين.. ومشكورة على تفاعلك مع الرواية .. |
يسلمو Electron ع النقل الحلو
^__^ |
السلام عليكم اختي وحبيبتي electron يقال والله اعلم انه اليوم الاثنين وعلى ما اظن انه في بارت اليوم في انتظار النقل ولكي خالص محبتي يللا يا حلوه مو طولين علينا |
الفصل السابع الجزء 6
آسفة .... خطوات ورد .... عندي مشاكل مع المودم ...
الفصل السابع الجزء 6 ****** ـ اعجبج الفندق ؟ كانت الريم في قمة التعب ـ يجنن يا عجووب الغرف وايد فخمه وأعجبتني الثريات والسقف العالي .. وا و و .. بس من هذا اللي استقبلنا في المطار ؟ معجبة ـ هذا كان يشتغل مع فايز في مكتبه في لندن .. اللي فهمته من ناصر انه استقال من شغله وجا فتح مكتب هنا ..ولما عرف انه فايز بيي نيويورك عرض مساعداته ..بيوفر لنا سائق خاص من مكتبه ... الريم ـ فيه الخير والله .. ابي أنام .. تصبحين على خيـر .. معجبه ـ وأنا مكسره .. ناصر وفايز دخلوا غرفهم بينامون ... الريم ــ بس تخرعت صج من اجراءاتهم في المطار كأنا ارهابيه .. معجبه ــ ايه .. شيء طبيعي بعد احدعش سبتمر .. يله نامي انا قفلت .. لفت الريم على جنب . تمت تتذكر ملامح فايز لما جا يفتشها المسؤوول .. حسته عصب وايد .. لكن ناصر ذكي وطلب وحده .. وشرح له انهم محافظين .. عجبها واايد غيرته .. كبر في عينها وايد .. ********* مر يومين والريم على أعصابها ــ معجبة متى بنشوف عايض ؟ معجبةــ مدري .. بس تونا وصلنا .. الريم ـ بس ماطلعنا من الفندق للمطعم ...ونرجع الغرفة ..حتى فايز وناصر ماشفناهم الا حزة الاكل بس .. تمت معجبة تمشط شعرها ـ لاتخافين .. هم الحين أكيد يدورون عايض .. عشان جي مانشوفهم .. الريم ـ بس على الغدا سمعت فايز يتكلم عن وال ستريت .. هذا مكانه؟ معجبه ـ لا .. هذا شغل طبعا ....طبعا اذا سمعتي وال ستريت اعرفي انه بزنس .. رن تلفون الغرفة ارفعته معجبة .. ــ ألو ناصرـ مساء الخيـر .. معجبة ـ مساء النور .. شخبـاركـ .. ؟ ناصر ـ الحمدالله شلونج أنتي ؟؟ .. معجبة ـ للحين فارق التوقيت مصدعني .. مب مستوعبة ان الساعه الحين ست المسا .. أحس انه الفجر .. فايز معاك ؟ ناصر ـ لا مب معاي .. سلامتج يا حبيبتي .. ان شاء الله بتتعودين .. عازمج على العشا .. التفت معجبة للريم ـ ها ؟ عشـا شنو ؟ ناصر ـ عازمج على العشـا والسلام .. طالعت الريم خالتها اللي كانت تطالعها وتحاتي وقالت لها بهمس ـ بطلب عشا روحي مع ريلج .. معجبة ـ اوك بس خليني اجهز عمري ناصر ـ بمرج بعد عشرين .. باي . معجبة ـ ان شاء الله .. باي .. التفت معجبة للريم ـ شلون بخليج بروحج ؟ الريم ـ عادي .. متعوده .. معجبة ـ شبتسوين يالسه بروحج ؟ الريم ـ لاتخافين علي .. أنا يايبه سي دي معاي .. بحطه وأقرأ مجلات .. معجبة ـ كلها انجليزي .. الريم ـ خالتي بقى لج 18 دقيقة .. يدوب تجهزين عمرج .. معجبة ـأنا جاهزة .. اوقفت معجبة والبست بدلتها وعباتها فوقها ..وبعدين ضبطت حجابها .. الريم ـ مابتحطين شدو ولا مكياج ؟ معجبة ـ لا طبعا .. هنا حدج قلوس محايد ومسكره .. الريم ـ ليش ؟ معجبة ـ حبيبتي احنا في امريكا مب في الخليج .. هنا أي لون أو مكياج صارخ تحطينه لويهج بيكون دعوة للرجال انهم يتحرشون فيج.. الريم ـ معقوله ؟ طلعت معجبة المسكرة والقلوس البيج و حطتهم باحتراف ... ــ معقول ونص ..شوفي الفندق خمس نجوم وآمن تماما .. لاتتعشين بيب لج عشا معاي .. الريم ـ لا لاتيبن شي .. بطلب سلطة وعصير برتقال .. لاتنسين عرسي مابقا له شي .. معجبة ـ يا حبيبتي انتي جي تيننين .. ليش تبين تضعفين ؟ الريم ـ يا خالتي وزني سبعين .. أبي أوصل لستين أو على الاقل خمس وستين .. تماما مناسب لطولي .. بعد لحظات انطق الباب .. معجبة ـ مامداه تمر عشر دقايق .. شوفي أنا بمر تحت واطلب لج عشاج.. الريم ـ خالتي .. أعرف شلون أطلب عشا صار لي يومين أراقبج تطلبين الاكل .. ابتسمت معجبة ـ عيل بروح .. باي .. افتحت الباب كان ناصر ينطرها بره ..مد يده لها ومسكتها ـ اشتقت لج عجووب .. معجبة ـ وأنا أكثر .. وين بنروح ؟ ناصر ـ بنآخذ تكسي وروح التايم سكوير .. نتمشى ونتعشى .. معجبة ـ اوكي .. بحاتي الريم بس .. ناصر ـ لاتحاتينها .. بيي فايز في أي لحظة و يعزمها على العشا .. ابتسمت معجبة ـ ياخبيث .. يعني من تحت لتحت ؟ ناصر ـ بالعكس حبي , أنا أبي أيلس معاج بروحنا وانتي تستحين من فايز ..والريم تستحي مني .. خل نآخذ راحتنا وهم يرتاحون .. ******** بعد نص ساعه كانت الريم ترتب في أشياءها .. طق الباب اخترعت .. لكن هدى بالهالما جا صوت فايز ـ الريم أنا فايز .. ارتاحت .. حطت شيلة على راسها وافتحت الباب .. كان فايز في قمة أناقته لابس بنطلون جينز وقميص أبيض وجاكيت أسود.. شكله كان مرتب وايد ..عارض خفيف بس مرتب .. ـ ممكن أدخل ؟ خافت الريم في البداية لكنها هزت راسها باي .. دخل وهو مستغرب ـ وين خالتج ؟ الريم ـ طلعت مع ريلها . نزل فايز راسه ـ عيل بدلي ملابسج بنطلع .. الريم ـ زين بس أنا طلبت العشا ... فايز ـ خل يتركونه في اللوبي .. يلا بنطلع .بمرج بعد خمس دقايق .. طلع والريم بسرعه طلعت ملابسها وبدلت والبست عباتها وشيلتها .. وحطت قلوس وردي خفيف ومسكرة ..واخذت شنطتها واطلعت .. ـ آسفة أذا تأخرت .. طالع لها فايز بنظرة غريبة ـ بالعكس ماتأخرتي .. يلا .. مد يده لها .مسكت يده وهي مستغربة .. ـ وين بنروح ؟ فايز ـ اول شيء أحب أعتذر أنه هاليومين أهملناكم انتي ومعجبة .. بس مارتن الريال اللي استقبلنا في المطار سوى لنا عزيمه واستقبال .. واليوم أنا كنت مع ناصر ندور ..نشوف الاماكن اللي بنآخذكم لها .. الريم ـ وين بنروح ؟ فايز ـ شوفي .. أمريكا كبيرة وايد .. بس اسبوعين مايمدون انا نروح لكل ولاية .. حجزنا رحلات طيران داخلية لعدة أمان معروفة أذاا سعفنا الوقت في الاسبوع الياي نروح لها . .. الريم ـ في شي يشغلك ؟ نزل فايز راسه انها فهمته .. شي اسعده .بس شلون ينقل لها المفاجأة ؟؟ .. طالع لها وكانت جميلة بشكل ساحر والبراءة في عيونها تخليه متردد .. ــ الريم .. انا قبل لا ايي .. قلت لمارتن عن اخوج .. وهو ساعدني .. ودلني على تحري خاص .. وانا ماحجزت لنيويورك إلا بعد ماعرفت انه موجود في نيويورك .. الريم بدت ترتجف اول ماانفتح المصعد ــ صج ؟ هو عايش ؟؟ فايز ـ ايه ..هو في ألباني .. اليوم أخذت عنوانه من التحري .. الريم ـ شقال لك التحري ؟ .. شنو عن حياته ؟ .. فايز ـمافي معلومات خاصه عنه .. ما أعرف السبب .. بس هو يشتغل لحساب شركة في وال ستريت ... ادمعت عيونها ـ وحنا رايحين له ؟؟ .. فايز ــ بكره بنروح .. الريم ــ لا .. لازم نروح الحين .. فايز ـ انزين . حس فايز أنه بيندم على قراره هذا .. كان السواق اللي وفره له مارتن موجود وينطرهم .. قال له فايز انه يروح للعنوان اللي في الورقة اللي عطاه اياها مارتن .... بعد مااوصل للعمارة ماكان في موقف للسيارة . .. ــ الريم .. تعالي .. طالع الورقة وخذها للطابق الرابع .. ــ خلج عند المصعد .. الريم ـ ليش ؟ . فايز ـ بس خليج هنا .. دخل فايز للكولودور وطق الباب على اول شقة جدامه .. فتحت الباب وحده شقرا وكانت معصبة طلع وراها واحد معصب ..وتموا يشتمون بعض في الممر .. انصدم فايز لايكون هذا عايض ؟؟ .. حس فايز بالندم إذا هذا عايض ؟ اشمئز من الريال اللي كان بدون فانيله ومعصب على الشقرا .. بعدين انتبه لفايز ــ what ? نطق فايز بصعوبة وقلبه يدق بقوة لايكون هالقليل الذوق والقذر هو عايض ؟؟ ــ عاا..يض .؟ قال الشاب ـ لا .. عايض في سيكشن بي .. ودخل لشقته وصفق الباب وراه .. تنهد فايز بارتياح .. ياترى عايض بيكون أسوأ ولا أفضل ؟؟ .. طالع جنب المصاعد كانت الريم واقفه مكانها وهي ترتجف .. طالع الدايركشن من جديد .. سكشن بي .. أخيرا لقاه .. قرب من الباب اللي عليه رقم الشقة 42 .. كانت العمارة جديدة .. وصبغها جديد و نظيفه .. طق الباب بتوتر.. وعينه على المصاعد يخاف تتهور الريم وتجي .. فتح الباب شاب طويل لابس جينز وشيرت أسود وعلى راسه سماعه تلفون لاسلكية ..وفي يده زجاجة كولا قال فايز قبل لايتكلم الشاب ـ السلام عليكم .. الشاب ـ وعليكم السلام .؟ .. فايز ـ عايض ؟؟ .. رد الشاب ـ أي نعم .. أي خدمه ؟؟ .. تنهد فايز بارتياح .. قالله بتوتر ـ عايض عبدالهادي ؟؟ ؟ .. عقد عايض حواجبه مستغرب ـ أي نعم .؟ ومن حضرتك ؟ فايزـ انت بروحك في الشقة ؟ عصب عايض ـ ليش السؤال ؟ فايز ـ في رياييل داخل ؟ عايض ـ لاء .. تبي تدخل حياك .. بس اول منو انت ؟ فايز ـ لحظة بس .. خلك على الباب .. ركض فايز للريم وأشر لها تجي .. كانت الريم مترددة وترتجف .. أول مااوصلت له مسك يدها وقرب من شقة عايض اللي من شاف الريم .. وعيونه تطالعها باستغراب .. فايز ـ أنا فايز ريل اختك الريم .. طاحت الزجاجه من يد عايض وانكسرت على الارض .. وارتسمت الصدمه على ملامحه الريم اللي تمت تبجي لين خذها في حضنه .. فايز ـ حاسبوا من الزجاج .. رفعها عايض ودخلها للبيت وهي لاوية عليه تبجي بقوة .. وأخيرا لما تركها مد فايز يده وسلم عليه .. فايز ـ عن اذنكم .. أنا بروح أشوف السايق لقى مكان للمواقف ولا لاء .. وبالمرة أييب عشا .. طلع بسرعه قبل لا يعترضون حب يخصص لهم مساحه خاصة .. عايض ـ وطلال ؟ قالت الريم وهي تحاول انها تمسح عبراتها .. ـ مارضى عمي .. فتزوج بشمس .. حست الريسم بصدمة عايض . لكنها كملت ـ وتطلقوا بعدها بسته اشهر .. وطلال عطاك عمره من كم شهر .. انصدم عايض أكثـر ـ شلوون ؟؟ الريم ـ بالسرطان .. عايض ـالله يرحمه ..توه بأول شبابه .. ايلسي .. خبريني كل شيء .. شلونج ؟؟ ومن هذا فايز ؟؟ومتى جيتي لهنا ؟ وكم ولد عندكم ؟؟ كان لاف يده حولها كأنها بتشرد منه .. قالت وهي تحط راسه على صدره وتحس بأمان فقدته من زمان ــ حنا مالجين بس .. يينا من يومين مع خالتي معجبة وريلها ا .. هو صديق ريل خالتي .. عايض ـ تزوجت معجبة ؟ الريم ـ ايه .. بس بالسر .. زواج شرعي ومعلن .. بس مب في الدوحه .. عايض ـ شلون ؟ الريم ـ ايه .. محد يدري في زواجها .. غيري وغير خالتي وجدي عيسى .. وابوي تزوج .. عايض ـ عندنا اخوان ؟ الريم ـ لا ..بس بيصير .. هي حامل الحين .. عايض ـ توقعته يتزوج بسرعه .. شلونج ؟ .. اشتقت لج واايد .. ماافكر الا فيج .. الريم ـ واضح من اتصالاتك يالقاطع ؟.. اثنعش سنه وانت طنااش .. عايض ــ وعدني طلال انه بيتزوجج .. الله يرحمه .. فقلت اكيد لاهية مع عيالها .. ماحطيت في بالي هالتغييرات ... الريم ـ المسكين حاول .. لكن عمي سعد رفض .. وبعدها حول لشمس .. لكنهم ماتهنو .. ست اشهر وطلقها وبعدين اخذ ولدها من حضنها .. عايض ـ كم عمره الحين هالولد ؟ الريم ـ اربع .. عايض ـ شهور ؟ الريم :اطبعا لا .. اربع سنوات .. اقول لك من كم شهر مات طلال .. عايض ـ أحس كأنه أمس .. ..لما تركتكم .. مااصدق ان كل السنوات مرت . .شلونه فايز معاج ؟ الريم ـ شكله طيب .. ارتحت له وايد .. وكافي انه نفذ شرطي اني اشوفك .. عايض ـ شرطت عليه تشوفينني ؟ الريم ـ ايه .. لكن كنت مفترضة هالامر بعد الزواج .. لكنه يبيك تحضر عرسنا .. باس راسها وفي عيونه دمعه .. حاول يمسكها لكنها طاحت .. وبدون وعي تموا يبجوون .. بعد ساعه رجع فايز مع العشا وهو مبتسم .. كانت خشومهم حمرا .. واشكالهم تكسر الخاطر . فايز ـ طقيت الباب على الشقه اللي في السكشن أي ..وكنت بانهار وانا اشوف البلوند ليدي طالعه منها .. ضحك عايض ــ ايه هذي شقة سلووم ... هو بحريني بس شعاره في الحياه سلام عليها ما أحبت سلامنا فإن كرهته فالسلام على اخرى طالع فايز الشقة اللي كانت صغيرة عبارة عن صالة وغرفة نوم وحمام ومطبخ تحضيري مفتوح عالصالة .. كانت نظيفة وأثاثها مختار بذوق وعناية ..وجزء من الصالة كان عبارة عن مكتب عليه ثلاث أجهزة كمبيوتر .. . فايز ـ ذوقك جميل .. عايض ــ انا في هالشقة من سبع سنوات .. قبل كنت اعيش فس السكن الجامعي .. فايز ـ جامعة ؟ عايض ـ ايه .. أول سنه ييت سكنت مع اسرة امريكيه عان احسن اللغة .. بعدين دخلت الجامعه على حسابي واخترت هندسة الحاسب ..وتوفقت فيها الحمدالله . فايز ــ جيد .. أي جامعه ؟ عايض ـ يال .. ابوي الله يخليه قبل لا اهاجر ضبط لي حسابات بنكية استعين فيها على العيشه هنا .. واشتغلت في بداياتي مترجم .. فكان المبلغ يسدد احتاجاتي اليومية في الجامعه .. والمبلغ اللي كان يحطه ابوي لي استغليته في اقساط الجامعه .. الريم ـ كنت تكلم أبوي ؟؟ عايض ــ لا . .. لكن متى مااحتجت رحت للبنك وسحبت المبلغ .. اعجب فايز بعصامية عايض .. ــ ماتزوجت ؟؟ عايض ـ لا طبعا .. فايز ـ ولا حبيت ؟؟ عايض ـ لا .. فايز ـ معقولة ؟ عايض ــ تعقدت من كر ما ادقق في اعناق النساء هنا .. ضحك فايز وعايض لكن الريم بقت مشدوهه ـ شتقصد ؟ فايز ـ يتأكد من تفاحة آدم .. بطل فايز الأكياس ووجه الريم صار أحمر قاني من الاحراج .. وعايض مها أكثر وباس راسها .. ********** |
الفصل السابع الجزء 7
ـ يماا . .. فصلوا النت .. جوزة ـ انزين يما .. بقول لماجد يروح ويرده .. شيخه ـ يما .. ماجد بيطول .. تعرفينه لين يلقى له ميه عذر .. تعالي معاي ونروح نرده وبالمره ادفع فواتير جوالي .. ضحكت جوزة ـ ايه .. قصي علي وخليني ادفع فواتيرج .. ابتسمت شيخه ـ من لي غيرج يا اجمل ام فالدنيا ؟؟ جوزة ـ أي كلي بعقلي حلاوة .. يلا .. الحين بس أطلع الكيكه من الفرن وبعدين البس وأيي .. شيخه ـ بروح ألبس . وأشوف نوير يمكن تيي معانا ..هو السواق رجع السيارة ؟ جوزة ـ ايه .. صلحها .. اركضت شيخه فوق .. مرت نوير ـ بروح أدفع فاتورة جوالي .. والنت مع امي ... نوير ـ بروح وياكم .. صافية ادخلت الغرفه ـ وأنا معاكم .. استغربت نوير ـ مو عادتج .. صافيه ـ ضايقه فيني الوسيعه .. يلا ببدل ثيابي .. طلعت صافية والتفت شيخه لنوير ـ شفيها ؟ نوير ـ ما ادري .. يمكن سالفة استقالتها ؟ شيخه ـ ماادري .. وين حمود ؟ نوير ـ عند امه .. شيخه ـ فديته خل ناخذه .. نوير ـ مري شمسه وقولي لها .. بعد ربع ساعه اطلعت جوزة من غرفتها ولقت الامه محتشره عند السيارة .. جوزة ـ كل هذا ولع بكيوتل ! شمسه ـ بروح أدفع فواتيري .. صافية ـ انا رايحه طماشه ماعندي شي أسويه .. طالعت جوزة للجي اكس .. ـ يلا عيل .. اركبوا بنمر كيوتل وبعدين نطلع .. بعشيكم على حسابي .. ادخلت وقفلت الباب .. وخلت الخدامه تروح لملحقها .. نوير ـ وين ماجد ؟ جوزة ـ ماجد في سيلين مع احمد .. شيخه ـ شيسوي هناك ؟ .. يمه كلميه خل يرجع .. جوزة ـ شفيج يابنيتي .. شيخه ـ يمه هالناس بايعه اعمارها .. خل ماجد يرجع مامداه توه مصلح سيارته .. جوزة ـ لا يمه ماجد عاقل .. مايلعب مثلهم .. شيخه ـ يمه .. جوزة ـ شيخه .. لاتخرعيني .. نوير ـ شيخه كل الشباب مطيحين في سيلين .. ماعندهم الا سيلين يستانسون فيها .. سكتت شيخه وهي معصبه ..تدخلت شمس أخيرا ـ يمه مايضير لو كلمناه وتطمنا عليه .. جوزة ـ يا يمه خرعتوني .. توه راح من كم ساعه اخاف اكلمه واخرعه . طلعت صافية تلفونها واتصلت فيه .. ـ هلا ماجد .. شخبارك ؟ .. لا والله مافي شيء بس ماشفتك من أمس لما خذيتني المقابله .. ..ها .؟ .. لا ما اتصلو ... انت وينك الحين ؟ أحمد ؟ .. انزين .. تحمل بعمرك .. مع السلامه .. صكت الجوال ـ هم في سيلين هو وأحمد مواعدين ربعهم .. بيتعشون هناك . .. جوزة بدون وعي اضربت راس شيخه ـ بس تخرعيني انتي وويهج ... شيخه مدت برطمها ـ مافيها شي اخوي واحاتيه .. ردت شيخه غشوتها على ويهها واركبوا السياره نوير ـ شيخه ووجع ..ارجعي للكرسي اللي ورى .. شيخه ـ اسمحي لي برستيجي مايسمح لي .. نويرـ عيل بنظل حنا الخمسه مضغوطين ؟ جوزة ـ حمود حبيبي ايلس جدام .. وبعدين يانوير يات على شيخه هالمعصقله هي اللي بتضيق علينا ؟ كل وحده تحط ريل على ريل وبيكفينا المكان .. شيخه بحسد ـ والسيد محمد مستأثر بالكرسي اللي جدام .بروحه ..الله يعيني على ريولي شمس ـ شيوخ فجي عن ولدي .. ابتسمت شيخه .. بعد ربع ساعه انزلت جوزة وشمس .. شيخه ـ استرش اوت استرش اوت .. آيييي .. أحس الدم وقف عن ريولي .. نوير ـ ليش مانزلتي ؟ شيخه ـ بنزل الحين بس اضبط غشوتي .. ويمشي الدم في ريولي .. انزلت شيخه ونزلت نوير .. صافية ـ لحظة .. التفتوا لها البنات .. ـ شفيج ؟ صافية ـ بتخلونيب مع السواق بروحي ؟ .. شيخه ـ معاج محمد .. صافية ـ لا ..وحده ترجع .. نوير ـ أنا برد .. اول ماتبي تدخل شيخه بغت تصطدم بواحد .. ارفع راسها .. وانصدمت ..همست بدون وعي ـ جاسم ؟ .. طالعها جاسم منصدم .. كانت حاطه غشوتها زمايبين فيها شي .. ابتعد عن طريقها شوي نادتها نوير ـ شيخه لاتنسين فاتورتي .. ادخلت شيخه بسرعه وهي تلوم في عمرها .. ((ناديته جاسم ؟ ناجيته جاسم ؟ ليش من متى أنا اطيح معاه جي ؟؟ شبيقول عني ؟؟ والاخس نوير افضحتني .. ) ) قربت من شمس وهي مرتبكه .. شمس ـ شفيج ؟ شيخه ـ هذا جاسم .. طالعت له شمس بعصبيه ـ انزين واذا ؟؟ شفيج متخزبقه ؟ شيخه ـ مافي شي .. بروح السياره .. خذي ادفعي فاتورتي وفاتورة نوير .. اطلعت شيخه للسيارة واوقفت منصدمه .. ـ وين راحوا ؟ طلع جاسم وراها ـ شيخه .. ارفعت جوالها واتصلت في نوير ـ وينكم ؟ نوير ـ بنجي الحين بيعبي بنزين وبنرجع .. سكرت شيخه بربكه تبي ترجع لداخل ـ لو سمحت .. جاسم حافظ على مسافه بينهم ـ شيخه .. شيخه بدت ترتجف ـ ممكن تبعد عن طريقي ؟ .. جاسم ـ شيخه .. فهميني .. شيخه ـ انت كنت واضح من البدايه . مافي شيء بيننا .. فـ..لوسمحت أنا بدخل لمي داخل .. اندفعت شيخه ولفت حوله واركضت داخل .. امسكت بيدين شمسه .. وهي ترتجف ـ شمس أنا خايفه .. شدت شمسه على ايدينها .. ـ خل نطلع .. أنا خلصت .. طالعت لأمها اللي كانت تدفع الفواتير .. ـ وأمي ؟ التفت شمس لأمها ـ يما بنطلع .. جوزة ـ الحين بلحقكم .. شيخه ـ أخاف يكون بره .. شمس ـ ماعليج .. تعالي .. اطلعت شمس وشيخه ـ وين السياره ؟ شيخه ـ بيعبون بنزين ويردون .. اوقفوا ينطرون بره بعد دقايق يت جوزة ـ دفعت فواتير ماجد بالمره ... وقف قلب شيخه فجأة وشهقت .. اقترب جاسم منهم ـ السلام عليكم يا خالتي .. استغربت جوزة والتفت لبنتها اللي شهقت وقالت باستغراب ـ وعليكم الســ...لا.م ... جاسم ـ خالتي باختصار أنا شاري بنتج .. انصدمت جوزة ـ شنو ؟ جاسم ـ أنا أبي أتزوج شيخه .. حست شيخه أن الدنيا لفت فيها من نظرة أمها لها .. قالت شمس بعصبية ـ وحضرتك ياي تخطب في الشارع .. ؟ وللاسف أستاذ بالجامعه ومثقف ماتعرف الاصول؟؟ .. جاسم ـ السموحه منكم والله .. بس مولاقي طريقه غير هذي ..والله قدركم أكبر .. وعلى عيني وعلى راسي .. و.. قاطعته شيخه ـ لاتحلم مجرد حلم أني بوافق ... جاسم ـ شيخه أنا شاريج ! .. طالعت له شيخه باحتقار ـ وأنا مستغنية .. وراحت ناحية السيارة اللي وقفت ـ يلا يما .. جوزة وقفت مصدومه .. هدتها شمس ـ يمه . فديتج تعالي .. بالغصب تحركت جوزة وهي منصدمه .. اركبوا السيارة .. جوزة ـ للبيت .. نوير وصافيه ـ شنو ؟؟ .. ليش ؟؟؟ .. جوزة ـ وصلوني البيت أنا وشيخه وشمس وروحوا اطلعوا وخذوا محمد للالعاب .. بنلحقكم بعدين طرشوا الدريول .. استعادت جوزة تماسكها .. وأوا مااتوصلت البيت خلت نوير وصافيه يروحون وهم مستغربين .. دخلت للصالة .. وشيخه اللي كانت ماسكه عمرها انفجرت دموعها .. جوزة ـ شالمسخره اللي صارت في نص الشارع ؟ .. منو هذا وشدراه أنج شيخه ؟؟ شمس ـ يمه هدي اعصابج .. أرجوج .. جوزة ـ شمس .. شلون أهدي أعصابي ؟؟ شلون اهدي اعصابي بعد المسرحية اللي صارت ؟ .. شيخه ـ يمه .. انا ماغلطت بشي .. هو دكتوري بالجامعه .. وكان يبي يخطبني .. وقال لي انه بيودي هله بس وحده الله يستر عليها قالت له سالفة خالتي .. فهو حقرني .. وأنا من يومها .. عصبت جوزة وقالت بصوت عالي ـ أنتي رايحه الجامعه تدرسين ولاتسوين لي قصص عب وعشق وغرام ؟؟ بتفضحينا جدام الناس ؟؟ انهارت شيخه بالبجي ـ يمه والله ما سويت شي .. والله يمه .. جوزة ـ أنتي ياشيخه ؟؟ فضحتيني .. فضحتيني .. شمس ــ يمه شيخه ماسوت شي .. أنتي أدرى بشيخه .. مابتسوي الغلط .. هو اعجبته شيخه وقال لها بطرش هلي لج يوم الخميس . .. وبعدين وحده من البنات قالت له حجي الله يعلم عنه .. وجا وقال لشيخه انه مايتشرف فيها .. يمه شوفي الضحيه هنا .. شيخه اللي اهانها جدام البنات .. ولا شيخه ماقطت نفسها عليه ولا رخصت بعمرها .والمسخره اللي سواها اليوم بس لان شيخه تصده وماتعطيه وجه .. يمه لاتظلمينها والله انها مظلومه .. سكتت جوزة ..المست المنطق في حجي شمس .. ـ احلفي لي ياشيخه أنج ما غلطتي .. بجت شيخه وامسكت يد امها ـ والله يمه والله اني ماسويت شي ينزل راس جدام الناس .. والله يايمه .. مسحت جوزة على راسها وقالت لها تهديها ــ يمه ارفعي راسج .. لاتبجين .. شمس ـ وشالحل الحين ؟ جوزة طالعت لبنتها ـ انتي تبينه ؟ سكتت شيخه لدقايق .. ـ اذا مااحترمني قبل الزواج ..شلون بيحترمني بعده ؟ . أبيه ؟؟ لا يمه .. الله الغني عنه وعن أمثاله .. طالعت جوزة لعيون بنتها اللي كانت تتحاشى تلتقي بعيونها ..فعرفت ان شيخه تحب هالانسان رغم انها يالسه تكابر .. قالت وهي تتنهد ـ اللي فيه الخير الله يكتبه .. مسحت شيخه دموعها واركضت لغرفتها .. شمس ـ ياقلبي عليها .. جوزة ـ شكلها تحبه . . شمس ـ بس الحب مب مقياس للكرامه ..واللي سواه اليوم مسخره .. جوزة ـ بغى يوقف قلبي ياشمس .. ولماردت عليه .. قلت في السالفه مصيبه .. شمس ـ سلامه قلبج يايمه .. بس كل السالفه انها تصده من فتره .. وحتى الامتحان ماحضرته .. واعطاها اعلى درجه .. ..بس هي ماراحت الجامعه ولا عبرته .. لاتخافين يايمه عليها .عندها كرامه .. جوزة ـ بس النتيجه انها بتدمر نفسها .واعصابها .. شمس ـ صدقيني .. بيتدمرون في الحالتين .. خليها على الاقل بكرامتها..وبعدها اللي يصير يصير .. **** شيخه ماقدرت توقف دموعها امسكت الاب توب وفتحت ايميلها وكتبت رساله لايميله . (( ماتوقعت الدناءة توصل فيك هالدرجه .. شالوقاحه منك أنك تسوي هالمسرحية في نص الشارع وجدام أمي ؟ أعتقد اني ذكرت لك ان امي مريضه بالقلب ياحقير شكنت ناوي ؟؟ ناوي تذبحها ؟؟ ماتوقعت اني بكرهك لهالدرجه .. اهنتني من قبل مرتين وهذي الثالثه ؟؟ الثالثه يا دكتور .. انا مب بنت شوارع عشان تخطبني في الشارع .. أنا تاج راسك يا .. دكتور . )) .. طالعت أمر Send .. ترددت .. لكنها اضغطته .. سكرت الاب توب وهي تمسح دموعها .. بعدها بدقايق .. طقت شمس الباب .. وأول مافتحت لها طاحت في حضنها وتمت تبجي بحرقه .. تمت جوزة تتقلب مب قادرة تنام.. في شيء مقلقها .. تعوذت من الشيطان وقامت صلت لها ركعتين .. في الطابق الثاني .. فتحت نوير عيونها على التلفون .. ــ ألو .. ها ماجد ؟؟ ــ نوير .. أنا أحمد .. بمر آخذكم .. . !! نوير ـ شنو ؟؟ .. أحمد ــ ماجد في المستشفى .. تعرض لحادث !! طالعت نوير الساعه ــ حادث ؟؟ متى وشلون ؟؟ أحمد ـ مو وقته .. خبري امج ... كانت الساعه 4 الفجر .. قامت نوير وهي تبجي طقت الباب على غرف خواتها بالدور ووقفت بالممر .. طلعت شمس وصافية .. ـ شفيج ؟؟ .. كانت نوير ترتجف ـ ماجد .. مااا..جد سوى حادث . انهارت صافيةو شمس اضربت على صدرها بقوة ـ كذاابه !نوير من قالج ؟؟ نوير ـ والله توه دق ولد احمد علي وخبرني .. بيمرني بعد شوي ..شلون اخبر امي ؟؟ طلعت شيخه ــ شفيكم شالحشره .؟ شمس ـ اخوج .. شيخه طار النوم من عيونها وهي تشوف عيونهم اللي تبجي .. ــ شفيه ماجد ؟؟ شفيه ؟؟؟ تمت تبجي بدون وعي طمنتها صافية ـ ان شاء الله مافيه الا الخير .. هو سوى حادث .. لحظات انهارت شيخه من البجي شمس ـ شيخه لاتنهارين مو وقته .. ادعي له الله يلطف فيه .. طلعت جوزة من غرفتها وهي متضايقه .. سمعت صوتهم .. للطابق الثاني وهي يدها على قلبها ــ شفيه اخوكم ؟ نوير انهارت بالبجي ـ ماادري يمه ..ولد عمي احمد كلمني وبيمرنا الحين .. بيآخذنا المستشفى !! جوزة بدون وعي راحت غرفتها وطلعت عباتها والبستها وهي تمشي دموعها وتدعي (( ياربي خله لخواته .. ياربي افديه بروحي .. يارب انت العالم .. يارب .. هو سندنا الوحيد .. يارب ..يالله .. يالله الطف فيه .. يالله الطف فيه )) .. ************************** |
السلام عليكم يعطيج الف عافيه على النقل حبيبتي مقصرتي (ادري ماقمت اعلق على البارتات مثل اول بس اذا تبيني اعلق على عيني اوو راسي) يسلمو حبيبتي |
تسلمييييييييييين والله ع البااارت الحلو
^____^ |
مشكوورة يالغاليه على النقل لا عدمناكي
|
تسلمين يا قلبي على النقل
|
:55:
مشكـــــــــــــــورة حبيبتي عالقصـــــــــــــتة الجنــــــــــــااان ولا عدمتي ننطر البـرت اليديدة |
الفصل الثامن الجزء 1
مراحب حبايبي ... لكم هذا الجزء ... تسلمو على الردود ... والرواية تستاهل التعليق عليها ومناقشة جزئياتها .. لكن أنا مشغوولة ما حبيت أعطلكم عن بكاء بلا دمووع ...
الفصل الثامن الجزء 1الفصـل الثـامن ___ وااا أختـاه .. _______ دخل أحمد البيت بسيارته .. ونزل من سيارته ودخل لبيت عمه بدون استئذان .. لقى البنات الأربع ينتظرونه في الصالة .. وجوزة ويهها شاحب .. أول ماشافوه ركضوا له وكل وحده تسأله مية سؤال حس أن شعر جسمه وقف من هول الموقف ــ اهدوااا .. يابنات تعوذوا من ابليس .. شيخه ـ أحمد الله يخليك .. .. خذنا لخونا .. خذنا له .. أحمد ــ بآخذكم له .. بس أول أبي أكلمكم ..ايلسوا . من لهجة أحمد حسوا البنات أن في شيء جايد .. جوزة كانت واقفه وهي تنتظر الصدمـة .. هداهم أحمد وايلسوا أخيرا .. قال بهدوء ـ ماني بمتكلم عن الحادث الحين ..مو وقته .. بس أبي أقولكم أن اصابة ماجد جايده .. من حسن حظنا أن في خبير زراعة أعضااء موجود في الدوحه هالاسبوع .. ومن حسن حظنا أنه متخصص في الامراض الباطنية.. أنا كنت بتبرع له .. قاطعته جوزة بخوف ـ كلى ؟؟ هز أحمد راسه ــ لا .. الأمـر أخطر .. كبد ماجد تضررت .. .. حياة ماجد في خطـر .. نبي أي وحده منكم أنه تتبرع بجزء من جبدها ..العملية ان شاء الله سهله .. واللي بتتبرع بهالجزء ماعليها خوف لان سبحان الله ان كبد الانسان ينمو من جديد ... شيخه انهارت بالدموع ونوير في صدمـة .. شمس تضرب على خدها بتوتر وتهز ريولها مب مصدقه ..صافية امسكت مسبحه وتمت تدعي بدون وعي .. جوزة وقفت ــ أنا بتبرع له .. أحمد ـ المسألة مسألة تطابق أنسجه .... أنا دمي A .. وهو دمه B.. نوير ـ أنا دمي AB .. شيخه ترتجف ـ وأنا A.. صافية ـ وانا مثلج يا شيخه.. التفتوا لشمس وامهم ... جوزة عصبت عليهم وهي في قمة عصبيتها ـ قلت لكم أنا بتبرع له ! .. أنا أمها أكيد بتتطابق أنسجتنا .. وقفت شمس بثقة ـ لا يمه .. أنتي مابتتحملين العملية .. أنا بتبرع له .. أنا دمي B ... جوزة ـ لا .. أنت بأول شبابج و.. قاطعتها شمس ـ يمه .. أنت وماجد سند هالبيت .. ولا بسمح أنه يصير لكم شي وأنا أتفرج .. أنا بتبرع له .. لحظة يا أحمد بروح أجيب بطاقتي الصحية .. وبعدها نبدأ الاجراءات .. جوزة ـ لاء ياشمس .. وراج ولد .. لا يمه .. أنا عشت حياتي و الحمدالله .. و.. قاطعتها شمس ــ يماا .. اسم الله على عمرج .. والعملية مب صعبه وايد ... وبعدين هذا اخوي الوحيد ... اتفدااه روحي .. مب خساره فيه قطعه من جبدي .. واذال كتب الله وصار لي شيء خلال العملية .. هو بيقوم بولدي .. ولدي يبي له ريال يعزه ويربيه ..ومافي أحسن من أخوي .. ركضت شمس لغرفتها .. خذت البطاقة من الدرج و خذت لها دفتر صغير وقلم حطتهم بشنطتها .. ماتبي غيرهم .. طالعت لولدها .. كان نايم بهدوء .. حست براحه .. اهم شيء انه رجع لها ورجع لدفا بيتهم ..والا عاش في برود طلال للأبد .. جهزت شنطه صغيرة له .. .. باسته وشالته ونزلت تحت .. جوزة ـ وين موديه الولد ؟؟ شمس ـ بحطه عند الخدامه .. والصبح خل الدريول يوديه بيت يدي عيسى .. لين تتحسن الاحوال .. جوزة ـ أنا مابسمح لج بهالينون ..أنا بتبرع لماجد .. شمس ـ يمه .. لاتتكلمين عني كأني بموت .. أحمد .. يلا .. جهز السياره .. أحمد ـ السيارة جاهزة .. طلعت شمس لملحق الخدامة .. ورجعت بعد دقايق .. اركبوا سيارة أحمد .. وتموا طول الطريق ساكتين .. لين سألت نوير .. ــ شلون صار الحادث ؟؟ .. ارتبك أحمد .. ركز بالطريق وهو يخنق عبرته .. لو يدرون أنه بسببه بيطيح من عينهم ..واللي سألته نوير .. البنت اللي مافارقت باله من شافها اول مره .. أحمد باختصار ــ تعرفون سيلين واستعراض سيارات .. والشباب حنوا عليه الا يجرب .. سكت أحمد وفي نفسه (( شباب ..؟؟ أنا اللي غصبته أنه يستعرض .. كان رافض المبدأ ورافض الفكرة .. وبالاخيـر أقنعته يركب مع واحد من الشله وليتني ما اقنعته .. الريال مات وعضيدي ماجد في طريجه اذا ما لحقوا عليه .. )) .. نوير ـ وبعدين ؟؟ تنفس أحمد وهو يحاول يركز على الطريق ــ الريال مانتبه للطريق .. وقلبت السيارة و توفى الريال على طول .. ولحقنا على ماجد .. وان شاء الله يقوم بالسلامه .. ***************** ــ بتم عندي .. ابتسم فايز ــ مثل ما تآمـر ... عايض ــ بس اسمحوا لي ..بروح شغلي و خذ اجازة ؟بعدين بتفرغ للريم .. الريم ــ حتى خالتي معجبة ؟؟ رد ناصـر ــ لا طبعا .. معجبة زوجتي وهي في ذمتي أنا .. معجبة كانت ماسكه يد عايض تمشي دموعها بدون وعي .. كانت مستحية من وجود فايز .. بكتها ماقدرت تكتم عبرتها .. يات الريم من المطبخ التحضيري وهي مسوية نسكافيه للكل . فايز ـ تسلم يدج .. ـ الله يسلمك .. حست الريم أن خدودها بتنفجـر من النار اللي داخلها ..خصوصا ان الكل تموا يطالعون لهالاثنين .. عايض ـ يفتي ريلج أول واحد ؟؟ ضيفي ريل خالتج أول .. الريم ـ أنا ماضيفت فايز .. كنت بعطيه الصينيه على اساس انه هو اللي يضيف .. بس .. اضحكوا على ويهه فايز اللي صار احمر حط كوبه على الطاولة وخذ الصينيه من يدها وهو منحرج .. ايلست الريم جنب أخوها وهي تبتسم بإحراج .. مد عايض يده لها وقربها له ــ فديتج .. تولهت عليج .. معجبة ــ تذكـر آخـر يوم ؟ يوم سافـرت ؟؟ عايض ـ ايه .. شلون بنسى ؟؟ أنسى أختي اللي ماطلعت من غرفتها .ومارضت تودعني .؟؟ .ولا شمس يوم يت المطار معاج ؟ .. ولايوم قررت انج تجين معاي .. ورحتي حجزتي تذكره .. بس بالأخيـر خالتي جوزة تمت تصيح .. وماسافرتي ؟؟ ولا ماجد يوم يا وسلم علي .. كان صغيـر بس .. كبر في عيني وايد .. شلون بنسى دموع يدتي ووصية جدي .. الصلاة يا عايض .. كلماته لليوم في أذوني ... الصلاة يا عايض .. بس لما وصلت هنا .. وصلت لعالم غريب .. تميت شهور مثل الضايع .. عندي الامكانيات المادية .. بس ماكان لي أي انتماء.. فايز ـ والحين ؟ عايض ـ في السنوات الاولى .. كان الكمبيوتر هو الصديق الصدووق .. لكن .. الحين هالعمارة هم هلي .. ابو ياسين المطوع .. وسلوم الهايت .. والحجية سميرة .. ارجع من دوامي الساعه ست .. أتعشى .. وأنخلص شغلي .. وفي الويكند امر الحجية سميرة .. تطبخ لي هالطبخات اللبنانية السنعه .. هي لبنانية .. يات مع ولدها .. مات ولدها بحادث .. الله يرحمه مسكينه تمت بروحها .. معجبة ـ حرام . شلون عايشه ؟ عايض ــ هي تدرس فرنسي .. عمرها تقريبا في الستين .. كانت مدرسة أيام لول .. الريم ـ مسكينه .. عايض ـ الكل في البناية يوصلونها .. حتى الأمريكيين هنا ..في كبل فايث وبيتر . علاقتهم معاها قوية ..يتواصلون معاها بالفرنسي وهي الحين تدرس عيالهم اللغة الفرنسية ... وين بتروحون للسياحه ؟؟ معجبة ـ بنروح بكره مكايز بنتسوق .. ناصر ـ معجبة .. سرينا ؟ عايض ـ على وين ؟؟ ..توكم جيتم .. ناصر ـ يالله نوصل الفندق .. عايض ــ انتم وين ؟ ناصر ـ بسانت ريجس .. عايض ـ اللي في فيفث افينيو ؟؟ هز فايز راسه ـ ايه .. تلاقينا بغرف 277 و279 معجبة ـ الريم تعالي معانا .. عايض ـ لا .. أختي بتم معاي .. بس سووا له شيك اوت وجيبوا اغراضها معاكم بكره .. معجبة ـ انت الصبح عندك دوام .. لين تآخذ اجازتك بيبها لك لاتخاف .. يالله الريم .. الريم ـ ابي أتم مع عايض .. ابتسم عايض ـ صج .. وين تمين ؟؟ انا لازم اطلع الساعه سبع الصبح للشركه .. لازم أكون قبل الكل هناك لان شغل الشركه كله يعتمد على الكمبيوتر ولازم استلم الشفت الصبح .. اقدر اخليج مع مدام سميرة بس .. الريم ـ لا ارجوك .. ما احب ..بروح معاهم بس بكره تعال للفندق .. بلييز .. باسها عايض على راسها ـ اوعدج .. بيي بعد مايخلص الدوام .. والحمدالله انه اقدر اخذ اجازة هالفترة لان طلاب الجامعه المتدربين يستغلوون الصيف في الشغل معانا .. الريم ــ عيل . لاتطول بكره .. سحبتها معجبه بضحك من يدها ــ ورانا الصبح السووق .. وانا تعبانه يلا .. مشي ..مع السلامه عايض .. عايض ـ مع السلامه ... ********** دخلوا الفندق وسبقوا معجبة وناصر اللي قرروا يتمشوون شوي . . . فايز ـ هربتي من الموقف وأحرجتيني ؟؟ .. حس الريم بخجل ـ عيل شفايدتك ؟؟ .. ضحك فايز بصوت عالي .. ــ بس تقطين السبب فيني ؟؟ كنت اقدر احرجج واقول انج قلتي لي تفضل .. الريم ـ وانا مصرة على رايي .. كنت اقصد الصينية .. سرعت الريم خطواتها منحرجة .. مسكها من يدها ووقفها ـ شفيج تركضين .. خليني اتكلم معاج شوي .. أنتي زوجتي ولا بنت الجيران ؟؟ .. ضحكت الريم ـ يعني لك تجارب مع بنت الجيران ؟ فايز ـ لا طبعا .. أصلا بنت جيراننا كانت ياهل .. بس يمكن الحين كبرت وصارت حرمه ؟؟ .. ما أدري ذكريني أسأل عنها .. عصبت الريم ـ ليش تسأل ؟؟ حق شنو تسأل ؟؟ ناوي تخطب حضرتك ؟ فايز ـ اوف . بدت الغيرة من الريم .. عجييب .. شالتطور . الريم ـ ليش تفتكر اني برضى لو زاغت عينك ؟؟ .. ترى بذبحك وأذبحها .. فايز ـ تعالي نيلس هناك .. ونتفاهم .. تذبحين من بالاول .. الريم ـ طبعا أذبحك .. تراني ما أحب الخياانه .. فايز ـ تحذير ولا تهديد ؟ حست الريم بأحاسيس غريبه تجاه الانسان .. قالت بثقة ـ انذار .. فايز .. اللحظة اللي تخونني فيها بطلع من حياتك .. فايز ـ وليش هالظن ؟؟ الريم ـ هذا مب ظن .. هذا اقرار .. حب فايز يغير الموضوع ـ ارتحت لعايض .. الريم ـ عايض ؟؟ ..تغير واايد .. فايز ـ شلون ؟ الريم ـ كان أضعف .. كان غير،مستحيل اني اعرفه بدون ماادقق .. فايز ـ واحساسج تجاهه ؟؟ ابتسمت الريم ـ مثل ماهو .. معزته وشوقي له .. ما انطفوا فيني .. ما اقدر ارد للدوحه بعد ماشفته .. ما اقدر اتركه بعد مالقيته .. صعب هالشعور .. فايز ـ الريم .. مارتن عرض علي أنقل مكتبي وشغلي لهنا .. قال لي أنه الشغل هنا أفضل .. حست الريم بارتباك ـ وانت وافقت ؟؟ فايز ـ ما أدري بفكر بس انتي حاولي تقنعين عايض انه يرجع .. للدوحه أو يجي القاهرة معانا .. سكتت الريم وهي محتارة .. تحس شيء فيها يرفض هالغربة ـــ فايز انت مصر عالغربة ؟ حس فايز فيها .. حس في الحيرة اللي في داخلها .. مايلومها هو في يوممن الايام حس ان جزء داخله يوجعه لحد الجنون .. بس مع الايام مات هذا الألم .. ماباقي لعرسهم شيء .. مشاعره واضحه ومشاعرها مبهمه .. يحبها .. ويمكن هي تحبه .. قاللها يحاول يطمنها ــ الريم .. دامج معاي . مابيكون للغربه أي تأثيـر ان شاء الله .. الريم ــ مب خايفه على نفسي .. بس الغربة صعبه .. فايز أنا تعودت طول حياتي على العزله .. لكن .. فهم فايز شتقصد .. وصج .. قبل هو بروحه ماكان شايل أي هم ..لكن الحين في ذمته زوجته ..لو صار له شيء شيصير لها بتتبهدل في غربتها .. كملت الريم ــ لكن .. هل بتكون حياتنا طبيعيه ؟؟ أولادنا ؟؟ ... ابتسم فايز .. وانحرجت الريم لأن ابتسامته ماكانت بريئة .. قال يحاول يطمنها ــ لاتخافين .. اللي فيه الخير الله يكتبه .. تعالي اوصلج الغرفة .. دخلوا المصعد وبينهم مسافه .. لكنه طالع لها بود وطالعت له في المقابل .. مد يده وامسكتها بدون تردد .. وتموا ساكتين وصلها غرفتها ..وراح لغرفته .. **** كانت الساعه 10 الصبح .. لما دخل عليها الطبيب .. وقرر انها جاهزة للعملية وان التطابق ممتاز .. كانت امها تراقب ماجد من برا الزجاج .. وهي متماسكه .. طالعت شمس لأخواتها .. قالت بتردد ـ حطوا بالكم عليها .. وما اوصيكم بولدي .. شيخه كانت بس تبجي وصافية تدعي لكن نوير اركضت وحضنت شمس ـ بتقومون سالمين مابيصر لكم شيء لاتفاولين ..الله كريم .. طالعت شمس الاوراق اللي بيدها .. حطتها في يد صافية ــ صافيه ..اذا صار لي شيء .. هذي وصيتي .. انهارت صافية بالبجي بعد مااسمعت اختها ــ تعوذي من الشيطان .. عمليتج بتكون بسيطة ان شاء الله .. شمس ـ انا مب خايفه .. أنا مب خايفه من العملية .. حياتي تفدى ماجد .. بس أنا أحاتي محمد .. ما أدري شمكتوب لي .. لكن الوصية واجبه .. في هالوصية رقم حساب وديعه لمحمد .. سنوات وانا استثمر له ..وذكريه نصيبه من ورث ابوه .. ذكريه فيه لان قاصر .. هو واخوانه .. في مسؤول بشئوون القصر رقمه في هالأوراق ..كلميه وتفاهمي معاه .. لاتنسين .. صافية ـ ان شاء الله تطلعين بالسلامه وماله داعي هالوصية .. شمس ـ الطبيب خبرني ان العملية سهله .. ولازم اروح الحين يجهزوني للعملية .. ادعوا لماجد .. انسحبت بدون ماتحس امها فيها .. ولحقت الممرضة .. كانت تراجع حياتها .. ماجد .. أهم شيء ماجد .. لازم يقوم بالسلامه ..ماجد .. من يبقى لأخواتها ولولدها اذا صار فيه شي ؟ .. من بيقوم فيهم ؟؟ عمها اللي مادخل بيتهم من عزا ابوها .؟ ولا ولد عمها الشاب ؟ ..من ببيقوم بأمها وخالتها معجبة .؟؟ .. ماجد هو سندهم .. هو رجال البيت .. ماجد ... حست براحه .. وابتسمت .. ودعت الله في خاطرها يحفظ ماجد ويقوم بالسلامه .. |
الفصل الثامن الجزء 2
الفصل الثامن الجزء 2
********* جوزة كانت صامده .. كانت تدعي في خاطرها .. مب وقت الدموع مب وقت الضيق مب وقت الصدمات .. تحاول انهاتتفاءل ولاتزعل .. ان راح ماجد من يبقى لبناتها ؟؟ كان هذا الهاجس اللي اقلقها .. طالعت ماجد على سريره ..بأيلحظة بياخذونهللعمليه هو وشمس .. شمس .. صدمه ثانية .. تمت تدعي بصمت (( يارب .. يارب .. لاتفجعني فيهم .. يارب قومهم بالسلامه والطف فيهم .. ))... التفت تبي تشوف شمس لكن مالقتها ــ وين اختكم ؟؟ نوير ـ خذوها يجهزونها للعملية .. ــ من غير ما أشوفها ؟؟ صافية ـ لاتحاتين يمه .. بس تجهز بنشوفها .. جوزة ـ أحاتي منو ولا منو ؟؟ . أحاتي هالفقير اللي حالته تتدهور كل لحظة..ولا الثانية اللي بتدخل العمليه بعد شوي .. ولا.. سكتت جوزة .. وطلعت جوالها من شنطتها وراحت للممر واتصلت بمعجبة .. معجبة ـ الو .. جوزة ؟ .. جوزة ـ أنتي وين ؟ معجبة ـ كنت نايمه .. ليش ؟؟ جوزة ـ ناصر جنبج ؟ معجبة ـ لا الريم ليش ؟؟ جوزة في شيء صوتج مو طبيعي ؟ تنهدت جوزة ـ ماجد سوى حادث ..جبده تضررت وايد .. بيسوون له عملية زرع .. ابيج جنبي .. قامت معجبة على طولها ودخلت الحمام وصكرت الباب ــ شتقولين ؟؟ عملية زرع متى ؟؟ جوزة ــ بأي لحظة .. شمس بتتبرع له .. معجبة ..تعالي أنا مو قادره اتحمل ..اذا صار لعيالي شيء ما أضمن حياتي .. على الاقل تعالي انتي .. بناتي في رقبتج .. حست معجبة بخنقه ـ اسم الله عليكم لاتفاولين . بس أوصل الريم لعايض بحجز تذكره وارجع .. طمنيني اول بأول .. جوزة ـ لقيتوه ؟ معجبة ـ ايه .. هو زين وطيب .. جوزة ـ سلمي عليه .. ناطرتج .زتعالي اليوم قبل بكره .. معجبة ـ بحاول .. الله يقومهم بالسلامه .. طمنيني اذا طلعوا من العملية . صكرت من عند جوزة وعبراتها اغسلت وجناتها .. طلعت لقت الريم ناطرتها ـ منو كلمج هالحزة ؟ بدت معجبة تجمع اغراضها ـ خالتج .. الريم اجمعي اغراضج .. ماعندنا وقت .. خذت معجبة شيله وطلعت للوبي .. ارتبكت الريم ـ شفيج ؟؟ وين رايحه .؟ طقت الباب على غرفة ناصر .. اللي فتح بعد لحظات كان يالس عالكمبيوتر ـ معجبة ؟ ـ ناصر .. أبيك تحجز لي أسرع رحله للدوحه .. ـ ليش ؟ ــ ماجد في المستشفى .. سوا حادث وجوزة منهارة .. كانت معجبة ترتجف مسك يدها ناصر وضمها ـ هدي .. هدي .. الحين بكلم السفريات واشوف .. انسحبت من يدينه وقالت بعبره ـ بروح اقول للريم .. خليتها بروحها .. ــ لاتقولين لها . .. بتحاتي عالفاضي .. قولي لها انه شغل في الصالون .. ــ بتجي معاي ؟؟ هز راسه ــ أكيد طبعا .. طلع معجبة ورجعت لغرفتها وحاولت أنها تهدى .. ــ الريم لازم أرجع الدوحه .. في مشكله صايرة بالصالون وان مارحت بيكنسلون الرخصة .. حست الريم أن معجبة تكذب عليها ..لكنها ما تكلمت .. ــ بجهز أغراضي . برد معاج .. معجبة ـ لاء طبعا .. ماتردين .. ريلج واخوج هنا ظلي معاهم .. وخذي .. طلعت اوراق وبطاقة وفلوس ــ خلي اخوج او ريلج ياخذج تتسوقين .. وهذي ورقة بكل الأماكن الممتازة .. واياني واياج الاقي خلق اسود .. بذبحج .. ضحكت الريم وحطت الأغراض بشنطتها الصغيرة .. قالت معجبة ـ وفايز .. تراه ريلج .. الريم ـ شلون يعني ؟ معجبة ـ يعني قطعه منج .. حبيه .. ابتسمي له ..لا تنكدين عليه ...كلميه زين واحترميه .. تآلفوا .. مابقى شي على زواجكم وانتم تكابرون .. الريم ــ ماعرف .. ماعرف يا خالتي .. معجبة ــ ابدي بأبسط الأشياء .. تعرفي عليه شوفي شنو يحب شتو يكره ..وبيني له ذوقج .. تكلموا عن حياتكم عن بيتكم المستقبلي .. لاتخلين بينج وبينه هوه ... ترا بيتعب وبيزهق وبيروح لغيرج.. سكتت معجبة كان فكرها مع ماجد ...هالولد ماله حظ ..هذا ثالث حادث .. بعد ساعات كانت هي وناصر في المطار .. ناصر ـ تعالي .. الله يعينا عالاسئله .. لقيت حجز بطيران الامارات .بنتوجه لدبي بعدين بناخذ طياره للدوحه .. معجبة ـ لو ألقى طيارة تآخذني للمستشفى على طول.. مب قادرة اتحمل الانتظار .. أحسه يخنقني .. مسك يدها ناصر وحاول يهديها .. ــ عجوب لا تفكرين ..غمضي عيونج ونامي .. كان فايز والريم يتمشون في التايم سكوير .. تكلمت الريم ــ فايز .. أنت مصدق حجتهم ؟ فايز ـ لاء طبعا .. بس ناصر قبل لايروح قال لي الصج .. الريم ـ فايز أمانه قول لي ... فايز ـ ماجد ولد خالتج سوى حادث وخالتج منهارة فكلمت اختها تبيها جنبها .. بدت الريم تبجي لا اراديا ــ شنو ؟ شلونه الحين ؟؟ حالته خطره ولا ؟؟ هز فايز راسه ــ مادري .. مادري يالريم .. بس شكله الامر خطير .. ــ ليش ماقالت لي اروح معاها ؟؟ فايز ـ لاتخافين بنروح مبجر .. اذا استقرت حالته .. يلا تعال نتريق الريم ـ مالي نفس .. هالخبر كدرني .. فايز ـ ولا انا أشتهي .. تعالي نتمشى بعدين يصير خير ..عايض بيجي الفندق الساعه سبع .. قال عنده مشوار صغير ... خل آخذج في تور لين الساعه ست .. طالعت الريم ساعتها كانت 9 الصبح ... ******* نوير في الانتظار هي وشيخه .أما صافية وامهم وقفوا عند العمليات .. كانت جوزة تحاتي لانهم طولوا بالعملية , اللي خوفها أكثر هو الاوراق اللي وقعت عليها شمس موافقتها للخضوع للعملية واخلاء مسؤولية المستشفى .. طالعت الساعه وارتبكت .. صافية ـ يما صار لهم ثلاث ساعات بس ..لاتحاتين .. حست جوزة أن تماسكها بدا ينهار تكلمت ودموعها في عيونها ـ بس .. بس .. هو ثلاث ساعات شوي . صافية ـ يمه .. اكيد شوي .. هالعمليات يبي لها دقة وتخدير .. اذكري الله بس .. جوزة ـ لا إله إلا الله .. ياربي .. ياربي ... في غرفة الانتظار ..نادى أحمد نوير .. ــ نوير . . تعالي اخذي هالشاي لمج .. طلعت نوير مستغربة ـ أمي مب هنا .. أمي واقفه عند العمليات .. طالعت لبنت عمها اللي كانت شايله دله الجاي والقهوة واكياس .. ــ شلونج نوير ؟ .. ــ هلا رباب .. شلونج ؟ ــ وين امج؟ ــ عند العمليات .. هي وصافية .. تعالي داخل .. أحمد ــ حطوا لها شي تشربه علشان يقويها ..بنطر هنا علشان أوديه .. قطت رباب غشوتها اول مادخلت .. كان وجهها محتقن وفيها عبرة .. ــ توه خبرني أحمد .. أمي مب موجوده .. ولا كان جات معاي .. شلون ماجد ؟ نوير ـ للحينه في العملية .. هذي شيخه أختي .. شيخه هذي رباب .. سلمت عليها شيخه ورجعت للقرآن اللي مسكته بيدها .. رباب ـ الله يصبركم .. ما أسوأ الانتظـار .. دقائق تقتل بقوة الجهل .. الجهل بما سيحدث والجهل بما سيطرأ .. ما أسوأ الانتظـار .. دقائق لاقيمـة لها في قلب أي أم .. ولا أي محب .. دقائق صمت يتساءل فيها عقلنا بمدى سوء ما سيأتي .. يتوقف فيها قلبنا عن النبض .. يصبح الهواء ثقيلا .. وتعاندنا الدقائق والثواني .. وترفض أن تذوب في أمواج الزمن .. فتمـر بطيئة غير قابله للتحلل ... لاقيمة للحياة ولا للدموع .. الانتظـار لحظات صمت الزمن .. لحظـات تقتل قبل أن تُقتل ... انتظـار ... هذا هو ما يكتنز أرواحنا .. ينتظر اللحظـة المعلنة.. لحظة الصراخ .. أما بسعادة أو بألم .. . كانت نوير ورباب وشيخه في الانتظار لما سمعوا الصراخ .. اركضوا بدون وعي لكنه كان صراخ لشكـر الله .. شكـر أقرب إلى البكـاء .. قال لهم أحمد وهو يمسح دموعه ــ نجحت العملية والاثنين بخيـر .. اجتمعوا حول أمهم اللي كانت تحمد الله بصوت عالي .. و هي تمسح دموعها .. أحمد ــ يله ... بيطلعونهم بأي لحظة .. ابتعدوا عن الطريق بينقلونهم العناية الفائقة .. جوزة ـ يلا يابنات .. أحمد .. في صندوق للصدقات تحت .. خذ .. طلعت جوزة مبلغ في شنطتها ــ حطه في الصندوق كلها .. ولاتعده .. أخذه أحمد ونزل تحت ... التفت جوزة لرباب اللي كانت تبجي ــ تعالي يا يمه .. تعالوا يا بنات .. وقفوا بعيد عن الدرب لكنهم راقبوا شمس وماجد .. وتموا يبجون .. ارفعت جوزة التلفون وحاولت تتصل بمعجبة .. لكن تلفونها كان مغلق .. ******* خلال يومين تحسنت حالة الإثنين .. وسمحوا لهم بزيارتهم .. رباب جات مرتين لكنها دخلت وسلمت على شمس .. لكنها مامرت ماجد .. ماجد كان يتحسن بشكل بطيء .. لكن شمس تحسنها أسرع بشوي .. معجبة كانت تتناوب هي وجوزة .. جوزة تبقى عند شمس ومعجبة عند ماجد .. وبعدين يتبادلون .. البنات كانوا يجون فالليل .. وفي النهار يتمون مع محمد في البيت .. أحمد ماقصر .. كل ساعه يجي ويسأل عن ماجد .. ناصر نفس الشيء .. بس بدون ماتحس معجبة .. دخلت شيخه لعند ماجد كان أحمد موجود .. ــ السلام عليكم.. أحمد ـ وعليكم السلام .. تراه نايم ..عطته الأدويه ونام على طول .. شيخه ــ شلونه اليوم ؟ أحمد ـ الطبيب يقول حالته أحسن .. شلون شمس ؟؟ .. شيخه ـ بتطلع خلال اسبوع أو عشرة أيام .. بس هي قوية .. بتتحسن .. أحمد ـ وين نوير ؟ شيخه ـ تمت مع محمد في البيت .. سكت أحمد عن لاينفضح .. كان يبي يشوفها .. بس .. ــ بروح أشوف شمس .. طق الباب راح أحمد وسعته شيخه يرحب بريال . ــ ادخل ناصـر .. تفضل .. انسحبت شيخه أول ما دخل .. بس طالعت له .. حست انها شايفته في مكان .. في غرفة شمس .. جوزة ـ وجه ماجد اليوم أحسن .. معجبة ــ بروح أشوفه بعد شوي .. شمس ـ مشتاقة لحمودي .. يبيوه بكره .. مسحت جوزة راس بنتها ـ ان شاء الله ..شلونج الحين ؟ شمس ـ الحمدالله .. أحس أني طيبه .. كانت تتألم ..لكنها تبي تخفي نظرة القلق من عيون أمها .. يكفيها ماجد اللي تحاتيه .. لكنها ماكانت تعرف أن أمها تعرف بألمها ..وتعرف أنها تكابر وتكذب . قالت معجبة ـ تدرون ..كل ما أدخلالمستشفى أتذكـر نكته .. تموتني من الضحك .. شمس ـ ضحكينا .. معجبة ــ يقولج طلع الطبيب من غرفة العمليات وقابل أهل المريض وقال لهم (العملية نجحت نجاح مذهـل ..لكن للأسف المريض مات .. )) .. ضحكت شمس لكنها تألمت فحاولت انها تخفي ألمها لكنها ماقدرت .. حطت معجبة كوب النسكافية وقامت جنبها و ضغطت تستدعي الممرضة قالت شمس ــ لا .. ماكان له داعي بس مكان الجرح من الحركة .. معجبة ـ كله بسبتي .. الحين تجي النيرس وتعطيج مسكن .. دخلت شيخه في هاللحظة ـ صباح الخيـر .. جوزة ـ من جابج؟ شيخه ـ جيت مع الخدامه والدريول .. يبت معاي ريوق وجريده اليوم .. معجبة ـ أي زين .. عطيني اياها .. مسكتها معجبة وتمت تقلب .. بعد ماشافت صورة ناصر في الصفحة الأولى .. قالت شيخه ـ ايه .. أقول وين شايفته .. جوزة ـ من ؟؟ شيخه وهي تراقب ملامح خالتها معجبة ــ دخل واحد اسمه ناصر لعند ماجد.. كنت حاسه اني شايفته في مكان .. اتريه هالكاتب .. كانت وجهه معجبة شاحب .. عرفت شيخه أنه ناصر نفسه اللي كانت تكلمه يوم ملجة الريم ..شسالفتهم ؟؟ لكن معجبة كانت في عالم ثاني .. طالعت لجوزة وضياع الدنيا في عيونها .. كانت تقرأ مقالة ناصر الأسبوعية .. اخنقتها العبرات لكن اكتمتها .. طلعت وهي ترتجف راحت لغرفة ماجد .. يمكن تلقاه .. طالعت من الزجاج ..كان موجود يتكلم هو وأحمد بحرية كأنهم يعرفون بعض من زمان .. انطرته برا .. ماتدري كم من الوقت مر عليها يمكن لحظه .. أو يمكن ساعه .. أو أياام .. لكنها كانت من داخل متحجرة .. فتحت الجريدة لنفس المقال .. تتبعت بعيونها حروف المقال .. كان طويل ..واسمه مـ ع جبـه .. سكنت قلبي في ثانيـة .. وأعلنت نفسها حبيبه لي .. لا أعرف ماذا أقول .. بمن هي معجبـة ؟ ... معجبة ... سكنت روحي جدائل شعرها الأسود وحزن عينيها السوداوين .. سكنتنب بإستقلاليتها وحريتها .. وفرحت لأني اول رجـل يأسـر قلبها .. عشقت احزانها وعشقت دموعها التي لاتسقط.. عشقت ذكـرياتها وابتسامتها الحزينـة .. معجبـة .. لأجلهـا نسيت كـل حاضري .. وماضي .. واعتنقتها في ليل حالك .. من عائلة مهشمـة .. بنت ثقتها بنفسهـا .. من سمعـة متهالكـة .. استيقظت .. كصغيـر العنقاء الذي ولد من الرمـاد .. عانت ظلم الحيـاة .. لكنها لم تيأس.. رغم الأشباح السوداء التي تلاحقها .. رغم ماضي مهـا .. ومعاناة زوجها وابناءها لهروبها الغامض ... .. لم تيأس من الحيـاة .. بل شقت طريقها نحو القمـة .. احترفت الأعمـال .. لا أعرف مالذي يجمعنا .. لا أعرف أي تاريخ بيننا .. انها ليالي الألم .. لقد ذكـرتني بمعنى الحب بعد أن نسيته لزمن طويـل .. . . معجبـة .. اسمك بحد ذاته اخترقني ... امسيت بين ليلة وضحـاها ملهمتي .. _________ سكـرت معجبة الجريدة أول ماسمعت صوت ناصر يطلع .. ارتاحت انه انه كان بروحه .. قربت منه .. ــ سويتها ؟ طالع عيونها منصدم ــ صباح الخيـر ..شفيج ؟ شنو سويت .. قطعت معجبة المقال .. وحطته بيده ـ ناطرة ورقة طلاقي .. تركته وراحت وطلعت جوالها .. وراحت لرقم خزنته تحت اسم ((الورقة الأخيـرة )) .. ــ الو .. السلام عليكم .. ممكن أحجز موعد ؟؟ .. بكره .. اوك .. الساعه تسع الصبح .. اوكي .. معجبة غالب ..مع السلامـة .. التفت لناصر اللي كان يقرأ المقالة بصدمه .. بعدين اركبت المصعد وغمضت عيونها مب نادمه .. ناصر كان في صدمـة ..المقال .. ومعجبة ؟؟ .. طلع تلفونه اتصل في هدى .. وبعد صراخ وفقدان اعصاب .فهم انها ارسلت كل المقالات اللي على الطاولة بالفاكس..ركب سيارته وهو يطالع المقاله المشقوقه .. فكر (( هل خسرتها ؟؟ .)) .. تذكـر آخر يوم لهم في مصـر . .. خلاص .. خسرها .. هالشيء الأكيد .. معجبـة أول شيء سوته ..انها حجزت عشان تستعيد انوثتها .. امومتها .. بتعكس العملية .. ان شاء الله عمرها ماتزوجت .. لكن مجرد انها خضعت لهالعملية كان أكبر جرح في كرامتها .. طالعت للجريده الليس في يدها .. رتبت الجريدة لكنها انتبهت لشيء في الصفحـة الأخـيـرة .. في ذمـة الله انتقـلت إلى رحمة الله تعالى خلود خليل غالب أحمد .عن عمـر ناهز ال47 سنـة .. ويوارى الجثمـان عصـر اليوم في مقبرة أبو هامور .. انا لله وانا إليه راجعون .. حست معجبة بصدمـة .. خلود خليل ..وغالب احمد ؟؟ .. شالصدفه اللي تجمع هالاسمـاء في اسم واحد .. ؟؟ اسم امها ..خلود خليل .. واسم ابوها غالب احمد .. حست بخوف .. نغزها قلبها .. نزلت تحت بدون وعي ...سألت عن المشرحه وقلبها يدق بقوة .. كلمت الموظف ــ أبي أشوف خلود خليل .. الموظف ــ والسبب ؟؟ .. معجبـة ـ من الأهل .. الموظف باستغراب ـ لكن مب مذكور في ملفها أي عايله .. حست معجبة ان قلبها بيوقف .. ــ أرجوك .. لها عنوان مذكور ؟ الموظف ـ بس مستشفى الرميلة .. بدت تفكـر معجبة بجنون .. بدت الأشياء تصير منطقية في نظـرها.. ــ أرجوك .. مامانع الموظف دخل المشرحه وخذها صوب الثلاجة .. كرهت البلاط الأصفر .. كرهت البروده ... لكنها كانت تنتظر .. ـ مذكور في ملفها شلون ماتت ؟؟ الموظف ـ موت طبيعي .. كانت في غيبوبه من الثمانينات .. بدت معجبة ترتجف أكثر تسللت البرودة لجسمها .. نست كل شيء .. نست ناصر نست ماجد وشمس .. نست موعد بكـره .. ركزت عيونها في الثلاجـة .. سحب الموظف الدرج العود .. حست معجبة بهبوط في قلبها .. كانت تشوف نسخته الريم .. بس متمددة جدامها .. بدون وعي مسكتها وهي تبجي (( مها .. )) مسكت ملامح وجهها .. شعرها الاسود .والخصل الرمادية .. الوجه الأبيض اللي مافيه أي حياة .. شافت ماضيها ..شافت جروحها .. امها وابوها .. انهارت تبجي على صدرها .. تودعها ولا تستقبلها ؟؟ تحزن ولا تفرح ؟؟ بدت تناجيها (( ليش يا مها ؟ .. ليش .. ليش غبت كل هالسنين ؟؟ يش .. ليش ظلمناج .. ليش يا مها .. ليش متي ؟؟ مها .. مها شفت عايض يا مها .. شفت الريم . الريم ..ليش يا مها .. )).. طلعت جوالها وهي ترتجف .. دورت اسم عبدالهادي وهي تبجي .. تبجي خسارتها .. تبجي موتها وظلمها .. تبجي دموع تحجرت من سنين طويله ... دموع مره قالت اول ماسمعت صوت عبدالهادي ــ لقيتها .. عبدالهادي ـ منو ؟ ــ مها .. .. لقيتها يا عبدالهادي .. ظلمناها يا عبدالهادي .. ــ انت شتقووولين ؟؟ وينها ؟؟ .. وين انت؟ ــ في المشـرحه .. صكت الجوال وهي تعرف الصدمه اللي بثتها لعبدالهادي .. طلبت من الموظف انه يطلب الشرطه .. والطبيب اللي كان مسؤول عنها .. وعطته بطاقتها الشخصية وركضت لغرفة شمس .. شلون بتقول لها ؟؟ شلون بتقول لها ؟؟ هل بتمـر الصدمـة بسلام ؟؟ ولا .. بتخسر اختها الوحيده من فظاعه الموقف ؟؟ .. يتبع .. |
السلام عليكم البارت جنان وايد اكشنات المها واخيرا طلعت ............. بس شلون كانت في غيبوبه ومحد درا عنها شي غريب يحير الواحد شمس... فديتها والله قول وفعل حتى مافكرت بالموضوع مرتين آثرت اخوها على نفسها ونعم الاخت اصيله بس والله ماني مرتاحه من سالفه تعبها احسه مو طبيعي شي جايد معجبه......... ااه يا المعجبه والله انج كسرتي خاطري وين ماطقينها عويه مادري ليش الهوا دايما ضدج مايمديج تفرحين الا ردتلج الاحزان electron يعطيج الف عافيه ماقصرتي مشكوره على النقل لا خلا ولا عدم |
الله يعطيج العاااااااااااافيه ع التكمله قلبووو
^___^ |
الله يعطيك العافية سلمت يمناك لنقل وسلمت يمن الكاتيه منتظرين بقية الرواية
|
مشكور عالنقل
|
الفصل الثامن الجزء 3
الفصل الثامن الجزء 3
_____________ كـل خطوة كانت تخطوها .. ترجع خطوتين لورى .. فتحت باب الغرفة .. وقربت من جوزة واركعت عند ريولها بهدوء .. نظرات جوزة كانت مستغربـة ..امسكت معجبة يدينها وشدت عليها .. زادت ضربات قلب جوزة ــ ماجد صار له شيء ؟ ردت معجبة وهي تحاول تتماسك ـ لا بالعكس .. طيب مافيه شيء .. جوزة ـ معجبة .. عيل شفيج ؟؟ .. البنات فيهم شيء ؟؟ محمد فيه شيء ؟؟ الريم ؟؟ عايض ؟؟ شفيج تكلمي !! ليش تبجين .. شدت معجبة على يد اختها أكثر .. ـ جوزة .. أبيج تهدين بالج.. الكل بخـير .. بس . أبيج تسمعيني .. جوزة ــ اذا الكل بخير شفيج ؟؟ توترت شمس ــ شفيج خالتي ؟؟ .. شصاير .. معجبة ــ أول شيء اوعديني انج تهدين أعصابج ؟ جوزة ـ دام العيال بخير .. أعصابي زينه .. حاولت معجبة انها تنتقي كلماتها . ــ شوفي الجانب الايجابي .. فكري .. انها طلعت بريئة . والحمدالله .. ان ظنوننا طلعت غلط .. طالعت لها جوزة منصدمة ـ مها ؟ .. انتي تتكلمين عن مها ؟؟ لقيتوها ؟؟ وينها ؟؟؟ .. وقفت جوزة تبي تدورها .. مسكتها معجبة تبي تهديها ــ بآخذج لها .. بس . اسمعيني أول .. طالعت معجبة لشمس اللي شحب ويهها . .. ارجعت تطالع لدموع جوزة ولهفتها ــ انت أكثر الناس ايمان بالله .. وبقدره .. بس .. ابيج تذكرين الله .. وتدعين لها .. جوزة ــ شفيها ؟ حالتها خطرة .. معجبة ــ جوزة .. اذكري الله .. وانت مؤمنه .. جوزة ــ لا إله إلا الله .. وين اختي يا معجبة .. ــ مها عطتج عمرها ... صرخت جوزة وبدت تبجي لا اراديا ــ انت تجذبين . انتي تجذبين .. حاولت معجبة تهديها ــ جوزة اذكري الله .. جوزة .. الموت علينا حق .. اذكري الله .. احضنت اختها وتمت تبجي معاها .. وبعد دقايق بصعوبة قدرت تهدي فيهم جوزة جوزة ــ خذيني لها .. معجبة ــ بآخذج .. تعالي.. نزلوا تحت .. وكان المشهد الأكثــر صعوبة .. تموا يبجون وهم يطالعونها .. قالت لها معجبة اللي مكتوب بالملف .. تمت جوزة تبوس اختها .. تبوس عيونها .. تبي تحس بدفاها .. لكنها كانت بارده .. وبدون أي حياه .. معجبة ــ اذكري الله .. وقولي لها الكلام الطيب .. تعرفين ان الميت آخر شيء يفقده من حواسه هو السمع .. تكلمي معاها واستسمحي منها .. دخل عبدالهادي في نفس اللحظة .. شافهم عند جثتها .. قرب منها ببطء .. مسك يديها .. وطالع معجبة منصدم قالت له معجبة ــ كانت في غيبوبه من الثمانينات .. وباي لحظة بتجي الشرطـة وطبيبها .. ونفهم شالمأساة .. قال عبدالهادي بصوت يرتجف ـ دقوا عليج ؟؟ معجبة ـ لاء .. الله قدر اني أقرأ الوفيات اليوم في الجريده .. ولفت انتباهي اسمها .. وتبعت احساسي .. عبدالهادي ــ لكن أنا سألت بكل مكان .. مالقيت اسمها .. معجبة ـ ماكان مذكور اسمها .. كان مذكور اسم امي الله يرحمها واسم ابوي . ... تذكرت معجبة ان الجريده طاحت منها هنا طالعت الأرض ولقتها وطلعت الاسم لعبدالهادي . اللي مامسك دموعه ... ******** وقف الضابط وهو متردد .. شلون بيخبـرهم ؟؟ حالتهم تصعب على الكافر .طالع التقرير اللي جدامه وحاول انه يبسط الاحداث .. ــ بعد التحقيقات والأسئلة .. كانت التقارير تقول ان السيدة مها ادخلت المستشفى وهي مصابة باصابات خطيرة على يد مجهول .. وكانت شبه واعيه من دون أي اوراق او مستندات تثبت شخصيتها .. ولما حاولوا يسئلونها عن اسمها .. نطقت اسم خلود خليل غالب احمد بشكل متكرر وسألوا عن عمرها فأجابت بسنة الميلاد .. اضطروا الاطباء لعمل عملية لرأسها .. وايقاف النزيف وبعد هالعملية دخلت في غيبوبه .. لم يسئل عنها احد ولم يجدوا أي قرابه للمريضة .. ففي السنوات العشر الأخيرة نقلت إلى مستشفى الرميله ومن ثم توفيت وفاة طبيعية .. طالع عبدالهادي التاريخ اللي دخلوها فيه .. 2-9-1984 التاريخ اللي فقدها فيه .. اليومين اللي تم يدورها .. مالقاها لا عند قريب ولابعيد .. اليومين اللي اكتشفت ان اغراضها مو موجوده ولا فلوسها ولا ذهبها .. وحتى السيارة اختفت والهندي اختفى... كل شيء كان يقول انها شردت مع الهندي .. الكل اساءوا الظن فيها .. حتى هو زوجها وحبيبها .. ابو عيالها .. ريحتها للحين يتذكرها .. ضحكتها .. طيبتها .. ليش شك فيها ؟؟ .. ليش طاعهم وصدقهم ؟؟ .. صدق الناس والشيطان ؟؟ .. سأل وهو يكتم رجفته ــ اصابتها .. بفعل فاعل ؟ الضابط ـ يمكن .. الحادث صار من مدة طويلة .. مافي أي مراجع ..وحتى الطبيب اللي كان مشرف عليها اول ما دخلت المستشفى توفى من وقت طويل .. عبدالهادي ــ زين .. ومحد عرف من الكلب اللي سوى فيها هالشي ؟؟ الضابط ـ للاسف قيد الحادث ضد مجهول .. عصبت معجبة ـ احنا مب في امريكا علشان من كثر الحوادث تقيدونها ضد مجهول .. البلاد صغيرة ..ومن خمس وعشرين سنه كنتم تقدروون تحققون .. مب من كبر البلاد !! .. الضابط ــ لكن .. اللي دخلها المستشفى ريال لقاها عالطريج .. واسمه مذكور .. ولما دورناه عالكمبيوتر لقينا انه مقيم كان يشتغل مدرس .. وانه راح لبلاده ..وهي دخلت في غيبوبه .. ومع الايام .. الموضوع صار منسي .. حس عبدالهادي انه بينهار ـ يعني .. مافي مجرم؟؟ ما مسكتوا احد ؟ الضابط ـ بنحقق بشكـل خاص .. واتمنى تجي حضرتك للمركز وتذكـر لنا كل شيء .. عبدالهادي ــ بجي بعد شوي .. طلع الضابط .. جوزة ــ قلت لكم مها ماتسويها .. قلت لكم اختي ماتسويها .. احضنتها معجبة .. اللي تمت تبجي بصمت .. استسمحت من جثة مها.. اعتذرت منها لأنها في يوم صدقت الظنون .. رجعت جوزة لشمس .. وعبدالهادي رفض انها تندفن قبل لايشوفونها عيالها وقبل لايثبت للناس كلها انها بريئة من لسانهم وظنونهم وشياطينهم .. ******** كانت الريم في قمة سعادتها . .تولع قلبها بفايز .. طول فترة تسوقهم مع بعض اتبعت نصايح خالتها .. عرفت ذوقه .. حبت الألوان اللي كان يشتريها لها .. طالعت الفستان الذهبي اللي اشتراه لها على ذوقه .. حرير مع اكمام طويلة وحزام كريستال .. طلب منها انها تلبسه ثاني يوم العرس .. رتبت أغراضها اللي شرتها أمس . كانت وايد .. اشترت لهم شنطه بروحها .. ورتبت المكياج والشنط والأحذية والفساتين .. طالعت للعطر تذكرت فايز لما قالت له انها بتشتري عطور على ذوقه ..تذكرت نظرته لها .. وهو يآخذها لمحل العطور .يشتري لها عطور رووعه .. وياخذها بعلب كبيرة وبالاخير قال لها انها هديته لها .. بس لأنها سألته عن ذوقه .. وكان ذوقه راقي.. عطور من دولتشي اند غابانا ومن ديور وجفنشي .. اسماء راقية .. اعجبها الجاكيت الابيض اللي شراه لها من كفالي .. كان أنيق وحلو .. طلعت للصالة كان عايض مع فايز جالسين عايض ـ من احتلت غرفتي وهي ماتطلع منها .. فايز ــ حلالها .. عايض ـ بديت توقف معاها ضدي ؟؟ .. انزين مب مشكله .. شوفوا سلوم دق علي بروح اشوفه .. وراجع .. طلع عايض شوي وقرب فايز من الريم ـ شكنتي تسوين ؟ الريم ـ أرتب أغراضي .. فايز ـ زين حبيبتي .. شرايج .. نطلع أنا وأنتي بس ؟؟ الريم استحت ودنعت راسها ـ مب كأنا طول اليوم مع بعض ؟؟ فايز ـ كنا نتسوق .. لكن أبي نتمشى .. وأبي أسمع صوتج طول الليل .. اشوف عيونج .. طالعت له الريم وقالت مترددة ــ لهالدرجة تحبني ؟ انصدم فايز .. انصدم من الدموع اللي كانت بتطيح من عيونها ..حس ان جدامه طفلة تبي تتأكد أن الكل يحبها .. كتم تنهيده .. قال بصوت مخنوق ـ ما أحب غيرج في هالدنيا .. ولساني يعجز عن وصف حبي لج .. مافي كلمات كفاية ..ولا في وقت كفاية .. نزلت دموع الريم وهي تطالعه يمسك يدها ويبوسها .. الريم ــ الله يطول بعمرك .. رغم انه ماكان الرد اللي ينطره .. لكنه فرح .. فرح انها تقبلت حبه .. وتقبلته .. وحس ببوادر الحب تظهر عليها أخيـرا .. نظرتها له اللي تخليه سعيد .. ابتسامتها اللي تعطيها من قلبها .. المواضيع اللي يتكلمون عنها .. كلها تمهيدات لعلاقة مميزة بينهم .. ــ بنطلع اليوم ؟ . الريم ــ ايه .. ـ عيل قومي بدلي .. بنروح السنترال بارك .. قامت الريم وتم فايز ينتظرها .. بعد دقايق طلعت ومسك يدها وطلعوا .. الريم ـ ماقلت لعايض .. فايز ـ يا حبيبتي .. خليه يرجع الشقة ويلقاها فاضية ..ويصير فيلم أمريكي ويكتشف انه كان يتخيـل زيارتنا ولقاج .. ضحكت الريم .. قال فايز بدون وعي ـ فديت هالضحكـة .. الريم ـ تدري .. امس ماكنت مرتاحه .. فايز ـ ليش ؟ الريم ـ ما أدري ضاق خاطري بدون سبب .. وحسيت بالضيقة .. فايز ـ سلامة خاطرج .. ابتسمت الريم واول ماوصلوا السنترال بارك حجز لها فايز عربة .. ــ أخاف من الأحصنه .. فايز ـ ليش ؟؟ .. بالعكس هي حيوانات جميـلة وحساسه .. الريم ـ لايسمعك عايض .. بيتم ينقل علينا أشعار ومابنخلص .. كان الليل ساحـر وفايز والريم يتكلمون بصوت واطي .. يتكلمون عن اشياء بسيطة .. بس الجو كان ساحـر . . فجأة رن جوال فايز .. (( عمي )) استغرب فايز .. ــ هلا والله .. عبدالهادي ـ فايز .. ابيج تجيب عايض والريم للدوحه بسرعه .. اليوم لو قدرت .. ــ بس .. شالسالفه ؟؟ واستمع فايز بطولة بال لكلام عبدالهادي وحاول انه يتصرف بطريقة طبيعية جدام الريم الي كانت تيلس جنبه .. بعد لحظات سكر التلفون وطالع الريم ــ لازم نرجع الشقة .. الريم ـ شفيك فايز ؟؟ منو اتصل ؟؟ فايز ـ بقولج في الشقة .. الريم ـ صارفي ماجد شي؟؟ .. فايز ـ لاء .. بس .. موضوع ثاني .. بليز باك تو ذا كار اوفر ذير .. حست الريم ان فايز متضايق وايد ... لكنها التزمت الصمت طول الطريق .. رجعوا الشقة كان عايض يالس عالكمبيوتر .. ــ السلام عليكم .. عايض ـ وعليكم السلام . وين اختفيتوا .. فايز ـ عايض .. لازم نرجع الدوحه الحين .. عايض ـ ليش ؟؟ فايز ـ بشرح لكم الاسباب بعدين .. بس لازم تيي معانا .. انصدم عايض ـ شنو في ؟؟؟ .. فايز ــ أرجوك عايض .. انت خذت اجازة .. اذا ماعجبك الوضع ارجع .. عايض ـ شفيك ؟ ابوي فيه شي ؟ فايز ــ عمي طيب .. مافيه شي .. الريم ـ لا في شيء .. انت من رن جوالك وانت مب على بعضك .. شفيه ابوي .. توتر فايز ــ ابوج مافيه الا العافية .. عصبت الريم ـ عيل منو ! قال فايز بدون مايفكـر ـ أمج !! .. سكت فايز . .. طالع للباب اللي نساه مفتوح .. قام فايز وسكـر باب الشقة بعد ما شاف الصدمـة على وجوهم ... وبهدوء تام قال لهم كـل شي ! .. ************ قام عايض ودخل للحمام .. طالعت الريم لفايز وهي في حالة صدمـة .. دموعها تنزل بدون وعي .. عرف انها ماتقدر تفكـر في شيء .. حضنها يخفف عنها . بعدين ابتعد عنها وقام .. ــ بروح الفندق .. وادور لكم حجز .. طلع برا الشقة وهو منصدم .. كارثة ! .. لا .. هي صدمـة .. هل بتشفى منها الريم ؟ ؟ مايدري ,, هل بتتغير الريم ؟؟ مايدري .. بس يعرف انه القى قنبلة ..وبيشرد من هالاجواء لين تصفى.. |
الفصل الثامن الجزء 4
[SIZE="5"]*** الفصل الثامن الجزء 4ـ
ـ حالة شمس .. كل ما يالها تنتكس .. خافت جوزة على بنتها .. طالعت بنتها .. اللي كانت تبجي طول الصبح .. ماقدرت تمسك دموعها أكثر ..كانت شيخه ساكته وعلى ملامحها حالة دهشة .. خذتها معجبة وردواالبيت .. كانت زعلانه وايد واول ما دخلت غرفتها اركضت شيخه لخواتها وخبرتهم بحماس كل اللي صار .. نوير ـ يعني انزاح هالكابوس عنا ؟؟ صافية ـ يعني خالتي بريئة ؟ شيخه ـ أي .. هذا أحلى خبـر سمعته في حياتي .. نوير ـ شمس درت ؟ شيخه ـ ايه . بس هي في حالة غريبة .. من الصبح بس تبجي .. صافية ـ الله يعينها .. كل هالمآسي اللي مرت فيها وأخرتها يطلع على اساس كذب .. الله يعينها .. نوير ـ انا فرحانه .. الدنيا مب واسعتني .. أخيرا اقدر ارفع راسي .. أخيرا أقدر ارفع راسي .. صافية ـ امي ااكيد بتسوي عزا .. شيخـة ـ لا كأني سمعت ان العزا بيكون في بيت ابو عايض .. جلست نوير وعلى وجهها ابتسامة رضا ــ يعني .. رجعنا طبيعيين ؟؟ .. اخيـرا .. صافية ـ لاتشوفج امي .. لاتنسين ان خالتي مها توفت .. يعني مب وقت فرحتج .. طلعت صافية لغرفتها .. في نفس الوقت دخلت جوزة البيت ونادت البنات .. نزلت نويربسرعه .. واحضنت امها .. بفرحه ــ مبروك يمه .. بدون وعي دزتها جوزة عنها بقرف وهي تطالعها مصدومه . ــ انتي فرحانه ؟؟ ارتبكت نوير ـ يمه هم وانزاح عنا .. طالعتها جوزة باستنكارــ هم ؟؟ .. موت خالتج هم ؟ نوير ـ يمه .. مب هذا اللي اقصده .. أقصد انها طلعت بريئة .. مبروك يمه اانها طلعت بريئة .. طلعن معجبة من قسمها وتمت تراقب هالمحادثة الغريبة .. جوزة ــ تباركين لي ان اختي توفت ؟؟ .. طول عمري اقول لكم انها بريئة .. هالشيء ماكان عندي شك فيه .. تباركين لي هالصدمه ؟ هالوجع ؟ اختي عاشت خمس وعشرين سنه مظلومه .. عاشت بغيبوبه .. اتهمتوها بشرفها واخلاقها .. تبريتوا منها .. لكن الله مانساها ..اختي بريئة .. بريئة من اليوم الي اختفت فيه .. نوير ـ يمه ما أقصد ... بس يمه .. ارفعت جوزة يدها تنهي النقاش .. ولفت عن بنتها وراحت لغرفتها .. قربت معجبة وهي تتنهد ـ لين متى بتتظلون عديمات احساس؟؟ . .. لي متى ؟؟ .. نوير انصدمت ـ المفروض تفرح .. تفرح انها بتبط عيون الناس وتقص لسانهم .. المفروط تيبب لان اختكم طلعت بريئة .. مب تقلب علينا .. قالت معجبة باشمئزاز ــ أختنا ماتت .. ماتت .. ماعاد شيء يستاهل الفرح .. المفروض تحترمون امكم .. وتواسونها .. مب تفرحون وترقصون .. ماهقيتها منكم .. طلعت معجبة برا البيت .. نزلت صافية الي سمعت كلام معجبة .. طالعت لنوير ــ شفيها امي عليج.؟ ماردت نوير .. غمضت عيونها وتمت تنأفف بقهر . كانت شيخه لاول مرة في حياتها تراقب من بعيد .. كانت دايما تتدخل وامها تزعل عليها لكن هالمرة مانطقت بكلمة .. ماكانت تلوم نوير .. لانها مثلها .. موت مها واكتشاف الحقيقة عرس بالنسبة لها ماعرفت مها .. ولاتحس انها زعلانه لموتها .. شلون نزعل لفراق ناس مانعرفهم؟؟ .. مها كانت بالنسبة لها كابوس .. ذاقت المر من هالمأساة .. كانت مشاهد حياتها تمر جدامها .. حست انها انولدت من جديد ولاول مرة تقدر ترفع راسها بدون ذنب ..قالت تغير الموضوع .. ـ أمي .. واعليه .. أخـاف عليها .. هي الوحيده اللي كانت تعرف خالتي .. لو شفتوا عمي عبدالهادي .. استنكـرت صافية ـ الحين صار عمج ؟؟ .. هذا الناقص .. كل هالسنين حاقرنـا .. والحين كسر خاطرج ؟؟ طالعتها نوير مستنكـرة ـ انتي شقاعده تقولين ؟؟ .. مع هالاكتشاف .. حياتنا بتتغير .. ليش تبي تصعبين الامور ؟ انسي .. فصل وانتهى من حياتنا .. طالعت لها صافية بحقد ـ وننسى الناس الي جرحتنا ؟؟ .. ننسى معاناتنا من كنا صغار ؟؟ ننسى ابوي وامي اللي كانوا بيتطلقون من كلام الناس ؟؟ .. ننسى النظرات والنغزات ؟؟ .. بنات المدرسة؟؟ دموع امي كل ليله ؟ كلام المدرسات وهم يضحكون ؟؟ ننسى ؟؟ بيت عمي اللي ما يطبونا .. ولا الي صار لشمس ؟ .. وخالتي معجبة ؟؟ .. شلون ننسى ؟؟ والظلم اللي عاشته الريم ؟ وعايض اللي طفش .. ننسى ؟؟ . .. الدكتور اللي اهانج يا شيخه ؟؟ .. ننسى ..لاتطلبين المستحيـل .. سكتت نوير لأول مرة في حياتها تعجز عن الرد .. طالعت شيخه تبيها تساندها .. لكن الظاهر كلام صافية أثر فيها بعد .. . قالت صافية وهي تمسح عبرتها ـ والمصيبة العوده .. شلون ننسى سمعه خالتنا اللي تدمرت بدون ذنب ؟؟ كل السب والشتايم واللعنات ؟؟ القذف الي صار ؟؟سوء الظن ؟.. ياربي .. ياربي الايام اليايه بتكون صعبه .. يارب تعدي على خيـر ... وامي مايصيدها شيء من التراكمات.. ******** في الطيارة .. طالع عايض لأخته .. كانت مبطلة عيونها على الأخيـر .. كانت تبجي .. أنفاسها تبجي .. وعيونها تبجي .. لكن بدون دموع .. الحزن اللي في ملامحها.. يضعف قلبه .. اول مرة شافها .. ظن أنه شاف امه .. كان بينجلط لولا ان فايز قال له (( زوج اختك الريم )) .. نسختها .. نسختها.. حتى في ريحتها وابتسامتها .. مامنع دموعه .. طول حياته و هو يعاني .. وهو يكتم دموعه .. يبجي بدون دموع كل ليله .. يصعد لسطح العماره ويصرخ بأعلى صوت يمكن يرتاح من هالهم اللي شايله ... قاطعته الريم ــ ليش ما جا فايز ؟؟ حتى ماودعنا في المطار ؟؟ هز عايض كتوفه .. ماعنده أي اجابه لهالأمر .. بدت الريم تطالع عايض وعيونها رجعت لدموعها ــ عايض .. يمكن بتحتقرني .. لكن طول الوقت من دريت لين هالحين .. وأنا كنت .أتمنى شيء .. مسك عايض يدها ــ شنو ؟؟ .. قالت الريم وصوتها يرتجف وابتسامه سخرية على ملامحها ــ تمنيتها هربت مع الهندي .. عايض ـ هاا؟؟ .. قالت تفسر وهي مب مصدقة اذونها ــ على الأقل .. أقول انها عاشت حياتها بسعاده ... وانا حنا نستاهل كل اللي مرينا فيه .. لكن تطلع بريئة .. وعاشت حياتها في ظلام غيبوبتها .. ولسان الناس يتكلم في شرفها وعرضها .. ظلم !! .. بستخف يا اخوي .. بستخف ! ارفعت يدينها وحكت حواجبها بعصبية .. بعدين طالعت لاخوها وانهارت تبجي في حضنه .. مب قادرة تتخلص من هالألم اللي داخلها .. من هالذكـريات ..من هالمعاناة .. كانت هذي آخر محادثة بينهم .. لين وصلت الطيارة لدبي وبعدين خذوا طيارة للدوحه .. كان عايض مثلها يتألم .. مب قادر يصدق .. مب قادر يتأقلم .. المفروض يفرح .. يرفع راسه .. لكن .. حس ان في داخله سواد ودموع .. أكبر من طاقته على الاحتمال والتفكـير..كأنه عاش حياته بدون سبب .. وصلوا لبديرتهم .. كان عمها ابو طلال ينتظرهم في المطار .. سلم على عايض بحرارة .. وحاول انه يحضن الريم لكنها ابتعدت .. طول الطريق والصمت كان مخيم عليهم .. شيقولون ؟؟ مافي شيء ينقال .. وصلوا لبيت جدهم .. انصدمت الريم من السيارات اللي واقفة عند البيت .. قال عمها بو طلال ــ ابوي اصر ان العزا يكون في بيته .. دخلت الريم واول مادخلت وشافت خالاتها انهارت .. اركضوا لبعض وتموا يبجوون .. يبجون ظلم الدنيا .. يبجون الموت .. يبجون الالم .. ************* دخل عايض على الريم في غرفتها آخر الليل .. ــ للحينج لابسه أسود ؟؟ بتتوقعين امي بترتاح ان لبستي اسود ؟؟. .. طالعت الريم ثوبها وقالت بابتسامة ـ هالثوب عندي من زمان .. وقامت بدون وعي وفتحت خزانتها .. انصدم عايص مالقى أي لون غير الاسود بين ملابسها .. قال بعبرة ـ كنت حاده عليها طول عمرج ؟؟ .. قالت الريم ـ لاء .. كنت في حداد على نفسي وعلى حظي من الدنيا .. لاني ببساطة صدقت انها سوت اللي قالوه... ما اعرفها ..ولا اذكرها .. ليش أصدقها ؟؟ .. كنت احسب انها عايشة حياتها .. عايض ـ الله يرحمها .. الريم ـ الله يرحمها .. عايض ـ كلمتي ريلج ؟ هزت الريم راسها بلأ .. ــ من اسبوع ماسمعت منه شيء .. أتم طول الليل مقابل الجوال والتلفون مثل المينونه .. ولما اصحى من النوم اشيك جوالي وكاشف التلفون .. لكن .. ما اتصل .. أخاف صار له شيء لاني اتصل فيه مايرد .. عايض ـ كلمته امس ..للحينه مع مارتن .. بس استغربت لانه ما سأل عنج .. انصدمت الريم .. ما سأل عنها ؟؟ ليش ؟ .. كتمت ألمها وقالت ــ المهم انه بخير .,, رحت لماجد ؟؟ .. ــ ايه .. ويسلم عليج .. بقى شمس ما شفتها .. الريم ـ بروح لها بعد شوي .. تجي معاي ؟ ـ لاء بروح لها بعدين بروحي .. لما طالعت له ابتسم مستحي .. الريم ــ للحين ؟؟ رد عايض بتنهيده ــ وبظل للابد .. تذكرت الريم فقالت له ــ الرسالة . تذكـرها ؟ اللي قلت لي عطيها شمس قبل سفرك ؟ عايض ـ شلون أنساها .. الريم ــ يمكن بتتفاجأ .. بس شمس اكتشفتها من فترة بسيطة .. طالع لهامستغرب .. لكته ابتسم .. ــ شفيك ؟؟ شنو في خاطرك ؟ رد ــ كنت اظن انها تجاهلتها .. وانها ما انتظرتني .. هذا يفسر زواجها بطلال .. يالله الايام اللي راحت كانت مثل الكابوس .. أكيد بتتزوج طلال .. اكيد ماتدري عني ولا عن هوى داري .. الريم ـ بس انت اللي كنت غثيث .. انت اللي كله تتباهى ببنات عمي .. حتى انا صدقت انك بتتزوج وحده منهم . عايض ـ كانوا يهال .. كنت ابي اغيظها لا اكثر .. طلع عايض وتمت الريم تفكر .. تفكر في الناس اللي جات للعزا .. تفكـر في الوجوه اللي نستها .. تفكـر في ابوها لما خذها بحضنه وتم يتأسف لها ..جدها اللي حاول يقويها . . بنات عمها اللي تموا مرتبكين وهم يحاولون يساعدون .. ناس كانت في يوم من الايام تتمنى يحنون عليها ويحبونها .. وطول هالاسبوع وهم يزورونها ويحاولون يغيرون الماضي .. لكن نفسها عافتهم كلهم .. ماتبي الا شخص واحد .. ماتبي الا فايز اللي من قسوته ما رفع التلفون وكلمها .. قامت وفتحت شنطها .. طلعت لها بدله تايغر جديدة .. والبستها .. طلعت عباتها من الخزانه .. ونزلت تحت شافت خالتها معجبة اللي كانت تتكلم مع وحده من الحريم اللي سكنوا بيتهم من اسبوع .. ناس كانوا معارف ومع الايام قل تواصلهم.. والحين . رجعوا .. معجبة ـ آخذج لشمس ؟؟ الريم ـ أيه استأذنت من ابوي .. وسمح لي .. راحوا السيارة مع بعض .. قالت معجبة ــ الدوحه كلها تتكلم ن الحادث . وعايض قال لي ان الشرطة بعد التحقيقات اكتشفت ان هندية جيرانكم ..في بيتكم القديمه هربت في الوقت نفسه ... واعتقد انها هي والهندي شركاء في الجريمه والحين خبروا الانتربول .. الله يلعنهم وين ماكانوا وينتقم لمها .. الريم من كل قلبها ـ آميـن ..شخبار ناصر ؟ معجبة ببساطـة ـ افترقنا .. انصدمت الريم ـ شلون ؟ .. معجبة ـ تطلقنا .. طرش لي ورقتي من فترة .. ــ ليش ؟؟ .. ــ لأنه .. ما احترمني ..وخلاص .. طفح الكيـل .. الريم ــ وخلاص ؟.. وين حبكم ؟؟ معجبة بدون ندم ــ ذبحه .. بيده .. بقلمه ... خليج مني .. شخبار البندري ؟ الريم ــ ما ادري .. بس علاقتها في ابوي تتحسن .. لانه يروح لها كل يوم .. *********** في المجلس .. كان عيسى معصب .. يطالع اولاده ــ استحوا على وجيهكم .. الريال شاري بنتكم .. بو طلال ــ يبه بس مو من ثوبنا ! .. عبدالهادي ـ هو الريال زين .. بس .. عيسى ـ سكروا على الموضوع وخلو البنت تتوفق بنصيبها .. الريال طيب وولد ناس .. بوطلال ـ بس امه هنديه .. وقف عيسى وعصب أكثر ـ الرجاجيل ما يتقيمون بأمهاتهم .. يتقيمون بأفعالهم ..عبدالهادي .. تبي تخرب حياة بنتك ؟؟ بعد هالظلم طول هالسنين ناوي تخرب حياة بنتك ؟؟ تكلم ؟. عبدالهادي سكت .. ــ الريال زين .. بس .. قلب عيسى الطاولة الزجاجية الصغيرة اللي جدامة وطارت الفناجين وتكسرت على الرخام ــ اذا طلبت منه انه يطلقها ..لانت ولدي ولا اعرفك .. وأول مايبي يقوم قال عايض أخيـرا .. عايض اللي كان يراقبهم وهو ساكت ــ يدي .. لاتتعب اعصابك ..وارتاح يا عمي .. فايز كلمني وطلق الريم غيابي .. بس انا مو عارف اقول لها .. احاول امهد .. بس .. ما ادري.. الكل انصدم واولهم الجد .. الي راح لغرفته وهو مايشوف طريقه .. ابتسم عمه بانتصار .. لكن عبدالهادي كان يطالع في الفنايين المكسرة على الأرض بسرحان .. بعدين سأل عايض ـ متى ؟ ــ أمس .. عبدالهادي ــ ماقال شالسبب ؟؟ عايض ــ مافي نصيب .. بس قال مافي نصيب .. بو طلال ـ خيره يات منه .. لاتخاف بكره ييها اللي احسن منه .. عبدالهادي طالع ولده وفي عيونه نظره تحسر .. *********** يتبـع ..[/SIZE] |
يسلمووووووووووووووووووو خيتو ع التكمله الحلوه
:flowers2: ^____^ |
ســـهر تسلمين على القصـــــه الرائعه انتى مبدعه وانا من المعجبين بكتاباتك اتمنى لك التوفيق والنجاح0000
|
يعطيج الف عافيه على النقل الجزء كله صدمات |
\ثانكسسسسسسسسسسس ....ب بليز بقيت اعرف الكاتبة متى تنزلهااا ؟؟؟ وبأي منتدى؟؟لاني دورتها واايد ...
|
تسلم ايدج وايد الكاتبه المبدعه
القصه دي من اروع القصص اللي قريتها هاللغز اللي حير الجميع انا من ناحيتي ما صدقت ان مها تهرب وتسوي الشين لان الكل يقول عنها خوش مرره وتحب زوجها وبيتها حطيت احتمال حادث وفقدان ذاكره مثلا مسكينه مها عاشت بغربه سجن الغيبويه 25 سنه لا اهل يزورون ولا احباب يحنوون بس ربي بيجزيها خير الجزاء فايز ما الوومه على تصرفه لان قبل كان يحس انهم متكافئين بس الحين بعد براءة ام الريم اكيد خاف ان موقف الريم ناحيته يتغير او ان اهلها يمنعون الزواج او حدن يعيره بامه هو رجال وخابر الدنيا والمجتمع بس هو اخطا انه طلق بدون ما يكلم الريم ويتفاهم معاها عندي ان الريم بتلحقه لاخر الدنيا وبتختاره هو على انها تختار ناس واهل احتقروها طول عمرها خساره انها تخسر فايز لازم تتصرف حتى لو طلقها في فرصه ترجع له في وقت العده عايض اتمنى ان يلاقي فرصه مع شمس معجبه حرررام ليش ما سمعت لناصر كان لازم تعطيه فرصه يدافع عن نفسه اخيرا ننتظر بشوووق وتسلمين |
في انتظار بقية الرواية
|
تسلــــــــــــــــــــــــــــــمي على التكملة الرائعة00
بس 00 متى الجزء التالي؟؟ |
ألف شكر على النقل رواية بجد روعة انا لسا بأولها اليوم بدأت فيها بس بجد شدتني
|
عن جد روعه :)
|
السلام عليكم electron وين البارت اليوم الاثنين المفروض فيه انتظرج لا خلا ولا عدم |
الفصل التاسع الجزء 1
آسفة على التأخير ..
الفصل التاسع البارت 1 *********** الفصل التاسع .. قلوب مقتولة .. ___ معجبة ـ والله لو تدري شمس انج مرتيها وما قعدتيها من النوم بتزعل .. الريم ـ العمر جدامنا وبنشوف بعض .. لكنها تعبانه .. قلبي مايطاوعني أصحيها .. معجبة ـ تمرين ماجد ؟ وافقت الريم ومشت مع معجبة لين غرفة ماجد .. ــ خذي البسي .. ــ شنو هذا ؟ ــ هالفترة يعطون ماجد أدوية تضعف مناعته .. علشان جسمه يتقبل الزرع .. بس الحمدالله حالته احسن بس الدكتور مانع ندخل عليه بدون اقنعه .. نزلت الريم غشوتها والبست القناع .. سألتها معجبة ـ شفت امج ؟ الريم ـ لا .. أبوي ما هان عليه .. لان طيارتنا متأخره .. ـ كنتي تبين تشوفينها . ؟ هزت الريم راسها بلا .. ـ ليش ؟ ردت الريم وهي تطالع الأرض ـ مالي وجهه .. مالي وجهه بعد ماصدقت الناس اني اقابلها .. سكتت معجبة ومسكت يدها ودخلوا لماجد.. كان ماجد بروحه .. كان يطالع التلفزيون .. ــ ياهلا والله .. شلونج خالتي . شلونج يالريم ؟ الريم ـ الحمدالله على سلامتك .. شلونك الحين ؟ ــ الحمدالله .. شخباركم ؟ طق الباب الهندي اللي جاب سلة الشوكلاته من تحت.. ـ قالت لماجد ــ كنت بجيب ورود .. بس قلت الشوكلاته احلى .. كانت السلة كبيـرة معاها دبدوب كبير .. ماجد ــ ماكان له داعي الكلفه .. بس مشكورة .. تفضلوا وايلسوا .. أشر لهم على الكراسي .. وتموا للحظات يتكلمون عن شمس اللي لقوها نايمه .. بعدين كانت معجبة تبي تروح ..قال ماجد ـ وين رايحين ؟؟ توكم ييتوا .. معجبة ـ شوف أنا تعبانه حدي .. اليوم الصبح سندروني في الصالون .. الريم ـ عيل خذيني معاج .. ماجد ـ تمي الريم ..اليوم محد بيجي من خواتي الا شيخه .. وبتم عند شمس .. معجبة ـ وين تتم ماجد .. شيقولون الناس .. ماجد ـ عيل خل تتزوجني .. تزوجيني يالريم .. كان ماجد جاد بكلامه لانه عرف من عايض خبر طلاقها .. طالع للريم اللي قالت له ــ لا يالغبي .. طبعا لا .. قال مستغرب ـ ليش ؟؟ الريم ـ لاني أكبر منك بمليون سنه .واعدك مثل اخوي ... ماجد ـ مايرضيني هالعذر . الريم ــ انزين .. لاني متزوجه ..ولا هالعذر ما يـرررضـ.....يك... كانت نظرة ماجد غريبة .. شكت الريم ــ شفيك؟ ـ بس انتي مب متزوجه .؟ .. التفت لمعجبة اللي اثار اهتمامها هالكلام ـ امبلى ..تزوجت فايز شفيك ماجد نسيت ؟.. . طالع لها ماجد ..كان بيسكت .كان مابيتدخل .. لكن وقوفها واستغرابها .. حس انه يخدعها اذا ماقال لها .. ــ بس عايض قال انه طلقج .. حست الريم انها اختنقت..حست انها ماتقدر تتنفس .. طلعت برا الغرفه وشالت القناع ..التفت لمعجبة اللي طلعت وراها ــ صج اللي قاله ؟ ـ ما ادري .. ـ ارجوج خالتي ..ارجوج كلمي ناصر .. ـ ما اقدر .. نسيتي انا تطلقنا ؟ .. وبعدين ناصر الحين اكيد في اوربا .. ــ عايض .. عايض .. ركضت الريم للمصعد ولحقتها معجبة ــ ريم .. صلي على النبي .. ريم .. ريم اذكري الله .. لكن الريم ماكانت تفكر .. كانت تحس عمرها ضايعه ..تحس بفراغ كبير صدمه كبيرة .. وعدها .. فايز وعدها انه مايتركها .. وعدها .. كانت الصدمه أكبر .. التفت لخالتها .. ــ هو وعدني .. هو وعدني .. ــ ريم .. فديتج .. ريم شفيج .. طاحت الريم بين يدين معجبة في المصعد اللي لحسن حظها انفتح في الطابق الاول .. وساعدتها السيكيورتي اللي كانت تبي تدخل المصعد .. ماقدرت معجبة تمسك دموعها وهي تشوف الطبيب يكلم عايض .. امسكت يد الريم .. تمنت لو تحضنها .. لكن الطبيب حط لها مغذي ومسكنات وغابت عن الوعي .. رجع عايض ــ من قال لها ؟ طالعت معجبة مو مصدقه ـ يعني صحيح ؟؟ سحبها عايض برا الغرفة ــ أي صحيح .. من قال لها ؟ معجبة ـ ليش ؟؟ ليش ماقلت لها ؟ .. عايض ـ انتي شفتي شصار لها .. كنت بهيأها للخبـر .. لكن. .. معجبة ـ من قال لها ماجد وانا حسيت انها انتهت .. شقال الطبيب ؟ عايض ـ انهيار عصبي .. قال هالانهيار قوي ..خصوصا انه الصدمه ماكانت وحده ..فهو فهم منج انه قبل فترة توفت امها والحين فقدت زوجها .. معجبة ـ ماقدرت اقول انها تطلقت .. هالخبر انا ما اقدر اصدقه .. فايز طيب .. ليش ؟؟ .. ماقال لك ليش ؟ .. عايض ـ he said that he is not good enough for her . معجبة ـ شنو ؟؟ .. عايض ــ ببساطه .. كان حاس بنية عمي وابوي .. كان عارف انه بيطلبون منه انه يطلقها .. فبدل لايرفضونه و يتسببون له بأي اهانه حفظ كرامته وطلقها . معجبة ـ ليش ؟؟ .. ليش يبون يطلقونهم ؟؟.. هي حياتها لعبه في ايدينهم ؟؟ حرام عليهم ظلموها عشرين سنه وبيرجعون يظلمونها لآخر عمرها ؟ .. عايض انت ماتدري .. بس الريم تحب فايز .. انت ماشفت الضياع اللي شفته في عيونها ..بيجتلونها والله ان بعدوها عنه .. هو بأي حق يفكر جي ؟؟ .. لف عايض عنها وقال وهو مو قادر يطالع في عيونها ــ ماكذب احساسه .. توني جاي من ميلس ابوي .. توهم كانوا يتناقشون ويبون يطلقونهم .. قلت لهم اللي صار من فايز ..وارتاحوا .. عصبت معجبة .. قالت وهي تطلع مفاتيحها من شنطتها ــ عيل تم مع اختك .. أنا ما اقدر اشوفها تموت جدام عيني واسكت ... بروح البيت .. ـ خالتي .. حتى انتي تطلقتي من ناصر .. معجبة ـ طلاقي من ناصر بسبب فشل زواجنا .. بسبب انه جرح كرامتي .. ماله دخل بأحد .. طلاقنا كان مكتوب لنا قبل لانبدا حياتنا .. لكن الريم وفايز .. وجهين لعملة وحده .. هي ظلمكم .. طلعت معجبة واحت لسيارتها .. وفي الطريق مسكت التلفون .. فكرت هل تتصل فيه ؟؟ وتطلب منه هالمعروف ؟؟ .. اتصلت .. وقلبها ينبض بقوة .. وقبل لايتكلم ــ ناصر .. أبطلب منك طلب أخير .. ــ معجبة .. ناصر مو هنا .. ناصر سافر فرنسا مع بنته . تنهدت معجبة .. ــ شلونج هدى ؟ .. ــ تبين اعطيج رقم الفندق ؟ .. حست معجبة بجفا هدى .. لكنها قالت ــ لاء .. بس ممكن تقولين له يعقل فايز ؟؟ ..ويخليه يرجع زوجته ؟ .. ــ معجبة ..أنا مب سكرتيره بينكم .. أي شيء تبينه قوليه له . ـ ارجوج هدى .. أنا ما ابي اكلمه .. سكتت هدى لحظة وبعدين قالت ــ بتطلعين برا حياته للابد ؟ معجبة ـ حنا تطلقنا..وأوعدج ..ولا قوة في الدنيا ممكن ترجعني له .. هدى ــ حتى لو طلبت منج ؟؟. . معجبة ـ انت؟؟ هدى ـ مايهون علي ناصر .. ومن رجع ..وهو حالته سيئه .. معجبة ـ تبينه يرجع لي ؟ هدى ـ أي شيء .. يسعده بيسعدني .. معجبة ـــ هدى .. ما اقدر.. جرحني ..وحان الوقت انه يرجع لحياته ..ولاولاده .. ولج .. هدى ـ مافكرتي بهالشيء من قبل .. شغير ؟ .. دخلت معجبة لسيارتها وشغلتها.. ــ هدى .. قلت لج من قبل .. بعد ما تبرى اسمنا ..أقدر ببساطه اعلن زواجي ..واجيب منه عيال .. واعيش معاه في بيت .. ولا حد بيمنعنا .. لكن ناصر انهى احلامي هذي ..واعترف لج ان قلبي عافه .. يا وقتج انج ترجعين لحياته .. يمكن ماتحبينه لكن .. هدى ـ من قال لج اني ما احبه ؟ انصدمت معجبة ـ ليش عيل سمحتي له يدور الحب عند غيرج ؟ .. هدى ـ لانه هو اللي حاط حواجز بيننا ... هو المثقف والكاتب .. هو المشهور ..تزوجني وانا صغيرة .. تزوجني علشان ابوه ..ولا هو مايحبني ..ولا فكر فيني كزوجه .. طعن كبريائي .. فانكسرت العلاقة بيننا .. معجبة ــ هدى .. ناصر يوم كان معاي .. كان يبي احد يحس فيه .. كان يبي مني ان اتكلم معاه .. واقول له عن مشاعري .. ماشفت الكاتب ولاشفت الاديب .. شفت رجل فقد المرأة طوال حياته .. حتى نسى شلون يتواصل معاها .. هدى ــ ما اصدق نفسي .. يالسه اكلم ضرتي .. معجبة ـ طليقة زوجج .. هدى ـ هو ماتزوجني عشان نفسي .. عشان هدى .. اللي تحب الرسم وتحب الشعر .. هو تزوج ابوي .. فلوس ابوي وممتلكاته .. استغربت معجبة ــ صار لج متزوجته عشر سنوات ماعرفتي عنه شيء ؟؟ .. هدى بسخرية رغم انها كانت تمسح دمعتها ــ هو ماتكلم عشان انا اعرف .. معجبة ــ اذا في شيء يكرهه ناصر .. فهو ابوه .. هدى ـ عشان زوجني اياه غصب ؟ معجبة ــ لاء .. عشانه كان سجان اكثر منه ابو .. حرمه من كل شيء معنوي ووفر له الماديات .. انحرم من امه وهو صغير .. من اصدقاءه .. من اوقات اللعب .. في داخل ناصر انسان حساس روائي ..يعشق الكلمه والحروف ..يحب الشعر والروايات .. انتي تقدرين تنقذينه .. قولي له اللي في قلبج .. هدى ـ يمكن مايبي يسمعني .. معجبة ــ اذا هو يسمع الناس كلها بحماسه .. مايبي يسمع زوجته ؟؟ .. انتي كرستي حياتج لاولادج ..وللبيت وصديقاتج وتركتيه على جنب .. هدى ـ هو يبي عزلته .. معجبة ـ ناصر عاش حياته وحيد .. شاللي خلاج تفكرين انه كان يحب العزله ؟؟ ..انا قلت اللي عندي .. بطلع من حياته للابد .. لانج لو اعطيتيه من نفسج ..واظهرتي له هالحنان ..مابيفكر فيني ولا بيشتاق لي .. كان بيننا حب .. بس خلاص .. انتهى .. والي يبتدي غلط ينتهي غلط .. هدى ـ يعني لو ماتطلقتوا ماكنتي قلتي لي ؟ معجبة ــ ...... انا لولا الحلفان .. ماكنت بقول لج ..بس انا حلفت له انه لو .. خلينا .. مع السلامه .. هدى ــ بقوله عن فايز .. معجبه ــ مشكورة.. صكت معجبة التلفون .. كسرت خاطرها هدى.. تذكرت يوم كلمتها من اسبوع وقالت لها انها زوجة ناصر .. تذكرت كلمتها (( توقعت )) .. هل هي محبطة لهالدرجة ؟؟ ... ان شاء الله تكون ساعدتها ترجع لحياتها . دخلت الشريط وشغلته .. وحركت سيارتها تترك الموقف لريال كان يدور بين المواقف .. واندمجت بأغنية راشد الماجد .. ساعـات .. ساعات احس ان الزمن قاسي ولايمكن يلين ساعات ... وساعات احس ان الفرح محال ولا يمكن يحين .. هذا اللي شفته بدنيتي من ما مضى لي من سنين .. يامن يعلمني الفرح ويفرح القلب الحزين .. اشكي مرارة حيرتي .. الدنيا ماظني بتزين واذا بدى بعيني الامل .تجد احزاني وتبين .. روّح زماني وانتهى ..وترك لي الجرح الدفين .. دنيا كفى الله شرها .. تخلي كل قاسي يلين ... ساعات... ********** |
الفصل التاسع الجزء 2
الساعـة 11.45 ليلا ..
طق عايض الباب ودخل عايض بهدوء للغرفة .. كانت شمس تشرب قلاس حليب اسقته لها اختها شيخه .. ــ السلام عليكم .. طالعت شيخه مستغربة ــ وعلـ.. لكنها ابلعت صدمتها لما قالت شمس ــ عايض ؟ طالعت لأختها اللي ما انطقت شيء من اسبوع .. للي عيونها احتقنت وشفايفها تيبست .. قالت شيخـه ــ بطلع أجيب لج ماي .. وبمر ماجد .. قامت شيخه وطلعت برا الغرفة وهي تتجاهل نظرات شمس العصبية.. لكن مافيها تبقى بينهم ..ومجيء عايض هالحزة ..فيه شيء .. . تنهدت شمس وهي تعدل شيلتها .. ــ حمدالله على السلامة .. عايض ـ قالت لج الريم ؟؟ .. شمس ـ لاء .. معجبة طرت اسمك .. جلس عايض على الكرسي اللي كانت جالسه عليه شيخه.. ارتبكت شمس . ــ شفيج ؟ .. احس انج مب سعيده بشوفتي . .. طالعت شمس التلفزيون وقالت مرتبكه ــ بالعكس .. عايض ـ يعني سعيده ؟ شمس ــ البقا في راسك .. وعظم الله اجرك .. عايض ـ وأجرج.. مرت لحظة صمت .. حس عايض من نظرات شمس للباب انها خايفه .. ــ خايفه ؟ شمس ـ لا .. بس .. انت تعرف .. عايض ـ خايفه من كلام الناس ؟ .. شمس ـ لاء . بس .. ما اجتمع رجل وامرأة الا وكان الشيطان ثالثهما .. عايض ـ تسمين الحب شيطان ؟؟ .. حست شمس بصدمه عقدت حياتها وقالت بعصبية ـ الظاهر امريكا نستك دينك واخلاقك .. عض فايز على شفاته وتنهد.. ـ مانسيتهم يا شمس .. بالعكس .. تمت شمس تطالعه .. كان متغير .. متغير مستحيل مب نفسه عايض اللي عرفته من عمر .. كمل كلامه ــ بعد هالصدمه الاخيرة . أحس اني صرت مثل الغراب .. اللي .. مايقدر يمشي مشي الحمامة ..ولا يقدر يرجع لأصله .. شمس ـ ليش تقول هالكلام ؟؟ .. عايض ــ عشت في امريكا عمر .. وصرت واحد منهم ..جزء من حياتهم من خصوصيتهم .. تعلمت استهجن أبسط الأشياء .. ماكانت فطرتي .. لكن حاولت اتعود ..والحين لما رجعت .. ابي ارجع قطري .. ابي ارجع عربي .. لكن لساني يخونني ..وأفكاري .. صرت هجيـن صرت الغراب ..لكن السنتر عندي هو نقطه وحده .. استغربت شمس ـ السنتر ؟ وقف عايض وقرب من الباب ــ ايه .. وسط دوامه ضياعي ..انسانه وحده ..حفظت نفسي لها .. مشاعري تجاهها ماتغيرت .. هي البداوة فيني .. هي اللغة العربية .. هي انتِ .. نزلت شمس راسها ..كلامه كان اقوى من انها تتحمله .. ــ مالك حق .. رجع عايض وقرب منها ـ لي حق . لاني حبيتج..أول انسان حبج .. واول انسان حبيتيه .. انا متأكد اني الاول في قلبج .. كررت شمس ــ مالك حق .. عايض ـ لي حق .. لي حق اعترف لج ..لاني نضجت ..وألاعيب المراهقين كبرت عليها .. لي حق لانج الحين حرة نفسج .. واذا ما اعجبج كلامي لاتقبلين فيني ..تزوجيني شمس .. تزوجيني .. شمس ــ شلون تبي تتزوج وحده مطلقه وعندها ولد ؟؟ .. شلون تبي تتزوج وحده ماتعرفها ؟؟ وحدها غيرتها الايام ..وغيرتها الجروح ..شمس اللي تعرفها مااتت من زمان .. من زمان يا عايض .. ماتت.. جلس عايض مقابلها ــ شمس .. انتي الوحيده اللي تقدر ترجع حياتي مثل ماكانت.. مطلقة ولا ارمله ..ولد ولا عشرة .. روحي تعشقج . . شلون تموتين وقلبي من يشوف عيونج يتذكر انه عايش ؟؟ .. احلم فيج كل ليله .. أعيش معاج كل صباح .. كتبت لج من الأشعار شيء كثير .. اكلمج دايما في راسي .. شمس .. أنا اعرفج ..أعرف هالجليد اللي تختبين تحته .. صح اني غبت اثنعش سنه .. لكن..عنج ماغبت ولايوم .. مهما الظروف اللي مريتي فيها ...مهما الجروح كانت ..انسيها وابدي معاي من جديد .. ابدي صفحة بيضا .. حتى الماضي ودعيه .. ماقدرت شمس ترد .. ماقدرت تعلق .. مب سهل عليها اللي يصير .. غطت وجهها بكفوفها ــ ما اقدر يا عايض .. صعب . .. صعب .. وقف عايض وقال بصوت مبحوح ــ بنتظرج للابد .. بنتظرج للابد .. تذكري .. بس ما بتتزوجين غيري سمعتي ؟؟ .. انتي لي وحدي .. طلع عايض وانهارت شمس تبجي .. لكنه بعد دقيقة دخل وقال ــ نسيت .. طالعت له شمس .. وشكلها قطع قلبه دموعها وخصلة شعرها اللي نزلت على وجهها ورجعت ردتها تحت الشيله .. ــ شنسيت ؟؟ .. ــ نسيت اقولج .. حمدالله على السلامـة ! ابتسمت غصبن عنها وهي تشوف الصدق في كلامه ـ الله يسلمك .. طلع وهو فرحان .. ابتسامتها خلته سعيد بدون سبب .. لكن شمس ظلت مصدومة .. من اسبوع كانت في حالة من النكران .. كانت تحس ان كل هذا حلم .. كابوس .. كل اللي مرت فيه كابوس ..تذكرت اللحظة اللي طلعت فيها من العمليات من اربع سنوات .. دخلت امها وحبت راسها ــ مبروك يا يمه ..الولد طيب وحاله ممتازة .. كانت شمس تعبانه .. مفعول المخدر الموضعي بدى يتلاشى ..وهي في الانتظار لين يحطونها في غرفة .. ــ يمه قلتي لطلال ؟ يمه كلميه اتصلي عليه ..يمكن لو شاف ولده يحن له ..ويهديه الله .. جوزة ـ كلمته يا بنتي من دخلتي للعملية .. شمس ـ ماكان ودي العمليه .. جوزة ــ مكتوب لج يا يمه .. بس انتي من امس في الولاده .. وخاف الطبيب على صحة الولد .. شمس ـ آه ..آه يمه ؟ وين الممرضه ؟ ..احس ان جسمي كله يوجعني ..يمه كلمي طلال .. جوزة ـ لاتبجين ..لاتبجين مب زين يا شمسه ..الحين اكلم خالتج وخواتج .. شمس ـ اول شيء طلال ..طلال يمكن يخاف الله فيني .. دخلتها الممرضة للغرفة ..وجابوا ولدها وحطته على صدرها .. كان لونه ابيض .. مافيه دم .. ــ يمه عادي لونه جي .؟؟ جوزة ـ يمه لانج طولتي في الولاده .. يالله خيره .. لو تنامين الحين ؟؟ .. شمس ـ خل اشوفه يمه ..من ساعات وانا انطر امسكه بيديني .. دخل طلال في نفس اللحظة .. ــ عطيني الولد .. ــ طلال هذا ولدنا .. ـ عطيني الولد ولا فضحتج ؟ ــ تفضحني ؟ ــ ايه بقول انج خاينه بقول انج جليله اصل .. ـ انت شتقول ؟؟ .. ــ بآخذ الولد .. واذا سألتي عنه اخلي سيرتج وسيرة اخواتج على كل لسان .. ــ مابتآخذ ابني .. جوزة ـ طلال استهدي بالله .. طلال ــ لاتحاولين . بآخذ الولد ولا بفضحج وافضح خواتج .. جوزة ـ انت تهددنا ؟؟ .. المحكمة موجوده .. روح اشتك . طلال ـ اقدر اشتكي .. بس انتي وبناتج واختج مابتلومون الا نفسكم . وسيرتكم على كل لسان .. والناس بتصدق مع اخت مثل اختج اللي شردت ..ليش ماتسوون نفسها ؟؟ نفس الطينه !! . بروح اجيب ممرضه واجي .. وبآخذ ولدي .. جهزي اغراضه .. جوزة ــ انزين ... اختفى طلال طالعت شمس لأمها ــ لا يمه .. بتخلينه ؟ كانت جوزة تبجي ــ يمه عشان مصلحه اخواتج وخالتج .. صرخت شمس ــ يمه .. هذا ولدي .. يمه . جوزة ـ شمس لاتخربين على خواتج .. ريلج مينون ..بيسويها .. شمس ـ وبتخلينه يآخذ ولدي ؟؟ .. بتخلين هالمجنون ياخذ ولدي ؟ .. جوزة ــ شمس فكري بخواتج .. ــ وانتي فكري فيني .. خذت جوزة الولد من يد بنتها اللي ماكانت تقدر تتحرك وهي تبجي ــ لا يمه .. لا يوم .. يمه .. يمه ولدي .. يمه .. كانت جوزة تبجي وتجهز الولد ــ شمس .. انت ماعندج ولد .. خلاص انسي .. شمس ـ يمه ان عطيتيه ولدي بكرهكم ..بكرهكم لآخر عمري .. جوزة ـ خذي ..عطيه حليب قبل لايجي ابوه .. خذته شمس ــ ما بعطيه لطلال .. هذا ولدي .. ــ راح عايض ؟ التفت شمس لشيخه .. وفي عيونها العبرات .. شيخه ـ بللل كل هذا ذكريات الماضي ؟.. مسحت شمس دموعها ـ تذكرت طلال .. جلست شيخه جنبها ـ هالكثر كنت تحبينه ؟ شمس ــ تذكرت اليوم اللي خذ مني ولدي .. شيخه ـ آهاا .. لاتكدرين خاطرج .. توقعت ان شوي خصوصيه بينج وبين عايض بتغير مزاجج .. ضحكت شمس ـ مستوية لي طير حب شيخوه ؟ مدت شيخه البوز ـ يعني ما صار شيء بينكم ؟ شمس ـ بالعكس .. عايض رجع بأشواقه وحبه اقوى من الماضي .. رجع بصراحه أكثر .. جلس هنا في مكانج وهو يقرر لي اني بكون زوجته هو بس .. ابتسمت شيخه بفرح ـ صج ؟ .. وناسه .. وانتي ؟ شمس ـ انا كبرت على هالسوالف .. شيخه ـ شنو كبرتي توج ثمان وعشرين سنه .. في بنات في عمرج للحين ماتزوجوا .. شمس ــ شيخه انا خذت من هالدنيا كفايه .. تعبت والله .. شيخه احضنت اختها ــ لا تقولين .. لاتقولين هالكلام .. عيشي حياتج بسعاده .. ودام عايض شاريج ... ليش لاء ؟ .. خليه يكون الاب لولدج .. ويعوضج شوي .. التفت شمس عنها وهي تتذكـر موقف طلال .. الموقف اللي مافكرت فيه طوال السنوات الاربع اللي طافت .. ليش تذكرته هاللحظـة .. ؟ ليش تذكـرت أبشع موقف لها مع طلال .. موقف نسته سنين من بشاعته .. في اللحظة اللي صارحها عايض برغبته في الزواج منها ؟ .. حست أن في حواجز بينها وبين قلبها ..حطت يدها على قلبها .. حست أن في بحار ومستنقعات وجبال مابين قلبها ومابين يدها .. في تراكمات عمرها ملايين من السنين .. ماتعرف شداخل قلبها .. ماتعرف هل هو ينبض ؟؟ هل هو مذبوح ؟؟ هل هو حي ؟ .. فيه دم ولا صدى روح ؟؟ ؟؟ .. فيه عضلات ولا جروح ؟؟ .. لكنها تحسه بعيد .. بعيد .. تمنت لو كلمات عايض حركت فيها شيء . حتى لو ماحست ..تمنت لو مشاعرها تنبض من جديد .. الحب أبسط شعور علشان تتأكد انها على قيد الحياة .. عاشته مرة مع طلال .. لكنه دمـرها دمار شامل . .. هل بتعيشه مع عايض ؟؟ هالموضوع يبي له تفكيـر طويـل .. يمكن سنين طويله .. ********* دخلت جوزة لغرفة الريم... عايض ـ بتطلع اليوم .. كانت الريم ساكته ... بعد ما شرح لها عايض أسباب فايز حست بخنقه .. سكتت .. حطت راسها في حضن خالتها اللي خذتها للبيتهم .. واول ماحطتها عالسرير انطقت ــ خالتي تمي معاي .. احضنتها خالتها وتمت على سريرها لين تأكدت انها نامت .. طلعت وانزلت للبنات .. كانت نوير في الصالة تطالع تلفزيون وفي حضنها محمد ــ شلونها ؟ جوزة ـ روحي نامي معاها في غرفة شمس .. نوير ـ يمه ...خليها مرتاحه .. محمد اخاف يفقدني وانتي في المطبخ ويجي يزعجها .. ـ شتطالعون ؟ ــ توم وجيري .. جوزة ـ صافية وين ؟ نوير ـ في غرفتها ... راحت جوزة لغرفة صافية .. ـ صافية ؟ ــ لبيه يمه .. ــ شفيج يالسه بروحج ؟ صافية ــ يمه .. كنت افكر . جوزة ـ في شنو ؟؟ .. وقفت صافية وامسكت يد امها وجلستها عالسرير .. ــ يمه تذكرين وضحه ؟ ؟؟ ــ ايه شفيها ؟ صافية ـ كلمتني امس .. وتبي تعرف رايي اذا تقدم لي اخوها .. سكتت صافية شويه بعدين قالت .. ــ يمه ادري ان خالتي توها متوفيه .. مو وقته ابدا .. بس ..ابي اعرف راييج .. تنهدت جوزة ـ يابنتي انتي مرتاحه لرفيجتج ؟ صافية ـ ايه .. وايد .. بنت طيبه .. جوزة ـ شفتي الولد ؟؟ .. راوتج صورته ؟ صافية ـ لاء .. ماراوتني الصورة بس قبل حادث ماجد رحت مع ماجد لادارته كان عندي مقابله معاه .. قبل لا اعرف انه هو اخوها .. بس ماجد كان معاي .. جوزة ـ ارتحتي له ؟ صافية ـ يمه مافيه شيء .. وسيم ومحترم .. بس ..عنده اعاقه في ريوله .. مثل وضحه .. جوزة ـ مايمشي .؟ .. صافية ــ لاء .. يمشي بس عنده عرج .. جوزة ـ أنا اعرفج ..وأعرف ان رفيجتج ..بنت متدينه وتعرف الله ..وان بغتج لاخوها .. اكيد اخوها مثلج ..ومثلها يعرف الله ..بس مايمنع من الاستخارة .. استخيري ..وانا بستخير وقولي لرفيجتج انج بتأجلين الموضوع لين يطلعون اخوج واختج من المستشفى .. صافية ــ ان شاء الله .. شمس بتطلع بكره . ؟ جوزة ـ ايه ان شاء الله .. الطبيب قال لي اعرضوها على طبيب نفسي بعد الاسبوع اللي طاف .. وانا افكر اسفرها لبرا.. أي مصحه نفسية خاصه ..كلمت معجبة ويالسه تسأل صديقاتها ومعارفها .. صافية ـ يمه مايحتاج والله مايحتاج .. كل اللي تبيه هو وقت لين تتصالح مع نفسها .. بس خليها تطلع وترجع للبيت وتلاقي الريم تنطرها ..وهم بيعالجون جروح بعض .. باست جوزة راس بنتها و نزلت لغرفتها .. وصت نوير على الريم . ودخلت غرفتها تنام .. |
عدت لكم ...
صراحة ... ما توقعت ان انفصال معجبة وناصر نهائي ... أحسهم لايقين على بعض .. ريم وفايز أتمنى يرجعون لبعض .. شمس وعاايض ... توقعاتي يرتبطون ... لما شمس تتخلص من كل الضغوط اللي كانت تحيط فيها .. صافية ... مستقبل سعيد بمشيئة الله مع اخو صديقتها .. شيخة ... هل انتهت قصتها مع أسناذ الجامعة .. نوير ... خطبة أكيدة لولد عمها ... توقعاتكم ؟؟؟.. |
اهلين اختي متي تنزلين الجزء الجاي تحمسنى معاك
|
اهلين اختي متي تنزلين الجزء الجاي تحمسنى معاك
ياقلبي ابتسم |
آآآآآآآآآآآآآآآآآآآآآآآآآه
والله كلما قريتها قلبي يعورني على شمس، ريم & فايز، محمد(ولد شمس)، معجبه و جوزه .... خاصةً مهــا الكل بس هالشخصياااات .. أثروا فيني واااااايد تسلميين إلكتروو ع التكمله:flowers2: |
MY SISTER ELECTRON PLEASE WE ARE WATING THE PART
AND THANKS HONEY |
Yesss me 2 am watine 4 u ...
|
تحية لقراء بكاء بلا دموع .. الكاتبة تنزل البارت تقريبا الساعة 11:30 إلى 12 من مساء يوم الأثنين ،،،، تطلق على البارت الخاص بها بارت ما قبل النوم .. إن شاء الله أول ما تطرح الكاتبة البارت أنزله أو فجر يوم الثلاثاء إذا لم أستطع السهر، صلوا وتشوفونه نازل .لكن في الغالب تشاهدونه في موعده . سهر الليالي ... شوقت القراء للبارت الجاي .. تقول عنه ممتع .. فأتمنى لكم قراءة ممتعة... الليلة.. |
ثاانكس الكتروون على الرد...
وحنا بانتظارج.. |
يسلمووووووووووووووو ع الرد إلكتروووو
:flowers2: ^___^ |
الفصل العاشر الجزء 1
الفصل العاشـر ..
_________ ــ هووعدني يا شمس .. وعدني ..ليش خلاني احبه ؟؟.. أنا غبيه ليتني ما فتحت قلبي له .. الحين أحس بفراغ داخي موحش ..أحس بوجع في داخلي .ما اعرف وين مكانه ..ليش سوي فيني جي ؟؟ .. ليش خلاني اعتمده كأساس لحياتي وبعدين يهدم هالاساس ؟؟ .. كانت الريم نايمه جنب شمس اللي كانت تبجي من تسمع ألمها .. ــ ريم .. كلهم جي .. طلال وعدني وعود .. ونطق بأجمل كلام الحب .. لكنه خلال فتره نسى كل هالحب وتخلى عني .. رماني ببعد زمني ثاني .. لو انه عايش .. لو انه عايش كان صفيت حسابي معاه .. لكنه ميت ميت يالريم .. مسحت الريم دموعها لكن دموعها كانت تتجدد ــ انا في صدمه .. ليش الدنيا جي معاي ؟؟ .. مااصدق افرح الا وتطعنني ؟؟؟ .. يالله .. يالله ... دخلت معجبة عليهم كانوا نايمين جنب بعض .. أشرت للريم اللي سوت لها مكان ونامت جنبهم .. ــ ها يا شلة المطلقات ..تعاتبون الدنيا ؟؟ .. الريم ـ لكن شمس تعتبر ارمله .. شمس ـ لا .. اكتسبت لقب مطلقة قبل .. شفيج قفلتي ؟ معجبة ــ صرنا ثلاثه .. التفت شمس لمعجبة ـ وانا طول الوقت كنت اسب ناصر .جدامج . ليش ماقلت لي انكم تزوجتوا ؟ .. معجبة ــ كنتي تكرهينه ..وصراحه هو خاف انج تخربين له حياته .. كان يشوفج سوداوية . ضحكت شمس ــ سوداوية ؟؟ .. ما خاب ظنه .. كنت دراكولا معاهم ضحكت الريم ـ تذكرين خالتي يوم في الطيارة طردني عشان ييلس جنبج ؟؟ .. ضحكني والله .. شمس ـ فوق انه طردج تضحكين ؟ .. الريم ــ لا كان اسلوبه حلو.. ماكان قصده الاهانه .. معجبة ـ كانت علاقتنا في هذيك الفترة متوترة .. لقت معجبة نفسها تمسح دموعها .. قالت معصبة وهي تقعد ـ كله منكم .. عديتوني ..ولا انا والدموع افترقنا من زمان ! . جلست الريم ومسكت يد خالتها ــ انتي تحبينه ؟ .. صح .. ؟؟ ليش خليتيه يطلقج ؟.. عدلت معجبة شعرها وقالت بقناعه ــ حياتنا غلط .. احبه ايه .. بس خلاص .. انتهيت من هالطريق من زمان .. خلاص عافه الخاطـر !! .. شمس ـ الله يرزقج بشخص احسن منه .. معجبة ـ وانت بعد ..وانتي يالريم .. اختنقت الريم ـ لا .. مابتزوج غير فايز.. لو ابقى طول عمري بدون زواج .. معجبة ـ ان شاء الله تردون لبعض .. انتم لايقين وايد على بعض .. الريم ـ بتقولين لنوير وصافية وشيخه عن ناصر ؟ معجبة ـ لاء ..دام انتهت قصتنا ..مابقول لحد .. خليني العانس في نظرهم..ولا الغبية ! .. وقفت معجبة وراحت عند الباب ــ نسيت أقول لكم .. جوزة حطت العشا .. اذا سألتكم عني قولوا لها اني تعشيت خفيف .. تصبحون على خيـر .. راحت لقسمها دون ماتمر بالصالة .. صكرت الباب بالمفتاح ودخلت الحمام تآخذ دوش .. تمت تطالع نفسها في المنظرة .. (( خلاص .. انسي الماضي .. افففففف.. )) تمت تنفخ بقوة عشان تطلع الحره اللي داخلها .. افتحت الماي وكان بارد .. ادخلت بملابسها وتمت تحت الدش ..يمكن يغسل عنها هالشعور بالضيقه .. الخنقه ..الظلم ..وتمت تنفخ بقوة ..كأنها بتطرد ماضيها عن مستقبلها ..كأنها تلغي مأساة أختها ..ومأساتها .. ووناصـر .. وانفجرت دموعها لكنها مامسحتها .. تمت تبجي بدون ماتفكر ..بس تبجي عشان تطلع هالسموم من جسمها .. **************** 13-8-2007 دخل عايض غرفة اخته اللي كانت جالسه تقرأ في كتاب .. ــ هلا .. تعال .. مافهمت هالقاعده .. جلس على سريرها ــ أي قاعده ؟؟ .. الريم ــ هذي .. عايض ــ to ? .. سهله .. الفعل اللي يتبع to دائما يكون مصدر ... خلج من الدراسه جدامج سنه كامله ..قومي .. عازمج على العشا .. ـ بمناسبة سفرك ؟؟ .. خذ عايض الكتاب من يدها وحذفه على السرير .. ــ شوفي انا مددت اجازتي علشانج بس ! .. ــ وأنا مابيك تمددها .. أبيك تستقيل وترجع ... خلاص السبب الوحيد لابتعادك اختفى .. ابوي يحتاجك ..وانا احتاجك ... نزل عايض راسه ــ الريم ..هناك حياتي ..ما اقدر ..طول ما انا هنا وانا احس اني مخنوق .. عاجز ..وجودي مثل عدمه .. الريم ــ كل هذا عشان شمس تتجاهلك ؟؟.. ــ لاء .. هذا سبب من الاسباب .. ابوي مشغول مع زوجته ...انتي ..بتدرسين وتعتمدين على نفسك ..يدي ويدتي الله يخليهم لبعض مب محتاجين لاحد .. ما احس ان هنا مكاني .. مكاني هناك في أمريكا .. في شقتي ..بين جيراني .. ما اعرف حد هنا ..هناك شغلي واصدقائي .. حياة كامله .ما اقدر استبدلها ببداية جديدة . وقفت الريم وطلعت عبايتها وملابسها ــ ابدأ من جديد .. تعرف على اصدقاء جدد .. تزوج ..الدوله تحتاج خبراء بشهادتك ..والمعاشات هنا ممتازة .. على الاقل بين اهلك .. ما ابي اضغط عليك ...لكن تعبت من غربتك ..انت هلي ..انت الوحيد اللي لي في هالدنيا ..لاتظن اني بسكت مثل قبل .. واخليك تتركنا . وقف عايض ــ فديتج .. تغيرت الظروف ..تقدرين تجين معاي ..أو تجين لي كل ماتبين ..أقدر ازوركم بين فترة وفترة .. عند عطلات وايد .. بالاعياد بكون هنا بخلي اجازتي في الاعياد ..عندي شهر فالسنه..طبعا غير العطلات الرسمية مثل الكريسماس .. الريم ـ مايكفي .. مايكفي .. ــ انزين .. عطيني فرصة افكـر .. برجع لكم في رمضان .. مع قرار اخيـر .. . الريم ـ انزين .. بس ارجوك ..فكر فينا ارجوك ! ــ بفكر .. أوعدج .. بنطرج برا ..بنروح مع معجبة ..يلا بسرعه .. ــ عايض ؟... ــ لبيه .. قالت الريم وهي تحط الاغراض عالسرير ــ ابيك تقول لبوي يرد أي خاطب .. غلا فايز ..قول له الريم مابتآخذ الا فايز ان شاء الله عمري ماتزوجت ..بس ما ابي الا فايز ..كنت بقول لبوي بنفسي .. بس انا استحي منه وايد ..ومافيني على هالجرأة.. قال عايض مبتسم ــ بقول له .. بس بشرط .. الريم ــ اللي تبيه انا حاضره .. عايض ـ قولي له اذا فتح موضوع زواجي .. أن ..وعهد الله ما بتزوج الا شمس .. ان مارضى ..قولي له عايض مايشوف في هالدنيا زوجه له الا شمس .. ولا بنت ثانية ممكن تغير هاليقين .. شمس وبس .. قالت الريم بجرأة ..وأنا فايز وبس ! .. اللي ماكانوا يعرفونه ان ابوهم عبدالهادي كان عند الباب يسمع كلامهم .. يسمع عياله واخلاصهم .. عبدالهادي اللي من طلعت حقيقة اللي صار وهو مرتاح ..لكن حزين ..حزين انه ماعاش حياته مع مها ..حزين انه تزوج غيرها وماوفى لها ..ليته كان وفي مثل عياله ..لكن البندري مالها ذنب ..البندري وصية صديقه ..اللي أمنه عليها .. سمع صوت عايض عند الباب فانسحب لغرفته .. ــ بدلي ملابسج بسرعه عشان عجوب ناطرتنا الساعه سبع في المطعم .. يلا .. الريم ـ ان شاء الله .. خمس دقايق بس .. والبس لك ثوب ..من رديت وانت كله على هالجينز .. عايض ــ خليني جي مرتاح .. اخاف البس الثوب .. وماأتركه !! .. الريم ـ ياليت .. ياليت ماتتركه وتم هنا .. كانت الريم عارفه قصد عايض ومعجبة من هالعزومة .. على بالهم انها ماتدري انهم يحاولون ينسونها التاريخ ..كان المفروض بكره يكون عرسها ..لكن مب مكتوب لها ..طالعت التلفون واركضت له وامسكته وبدون وعي تمت تطلب الارقام ..لكنه الارقام كلها خارج الخدمه ..حست انها بتختنق ..امسكت الجوال ودورت الارقام اللي فيه ..تمت تتصل ..بس مافي .... حذفت الجوال (( شلون يافايز .. شلون مااقدراوصل لك ؟.. شلون ؟) ) ******* ــ عايض بس فشيله.. ــ شفشيلته يا عجووب .. أنت شايفه الخدمه زفت ..الأكل ..موشي .. في اسمه الزبون دائما على حق .. ــ عايض حتى الآن هذا ثالث طبق ترده .. الريم ــ ماخذت باستا مثلي .. معجبة ـ الستيك مافيه شي ..هذا انا آكل .. عايض ـ هذا سيء !! شالمطاعم اللي آخر مايهمها هو جوده الأكل ! .. حطت الويترس الاكل جدامه طالعه عايض .. لكن لما شاف عيون معجبة تترجاه .سكت مع ان الاكل مب عاجبه .. لكنه مسك الكارد اللي ينكتب فيه راي الزبون وكتب مقاله طويله وهو معصب .. بعدين أكل له شوي من البطاطا المهروسه والدجاج .. ــ بليز ذا شيك . حط الملبغ المطلوب ..قالت له معجبة ــ حط بقشيش .. طالع لها مستغرب ـ انتي ماتقرين الفاتورة .؟ معجبة ـ اقراها .. شافتها ــ 770ريال .. عايض ــ قريتي شفيها غير المبلغ النهائي ؟؟ ..خمس اطباق رئيسية ..وطبقين سلطة وثلاثه بيبسي .. شوفي هالرقم ..بكم ؟ .. معجبة ـ 700 .. عايض ـ وشمكتوب هنا ؟؟ معجبة ـ سيرفز 70 ريال .. عايض ـ مايعني انا عرب انهم يقصون علينا ..تراهم ضامين البقشيش للفاتورة اوريدي .. بس هي غلطتي جيت لهالمطعم الرديء .. ثلاثه اطباق كل طبق اسوأ من الثاني .. مستحيـل .. في أمريكا مستحيـل .. اذا ماعجبنا الاكل يجيبون لج طبق ثاني والفاتورة عليهم . اهم شيء عندهم سمعه المحل ... معجبة ـ بس الاكل مب سيء .. عايض ـ هذا مطعم خمس نجوم .. عيل مطعم اربع نجوم شلون يكون ؟ .. معجبة ــ ما ادري ..بس ما شاء الله عليك ..بروفشينال كريديت .. تعلمت هالشيء في امريكا ؟.. عايض ـ قبل كنت كله عالتيك اوي .. لكن في السنوات الأخيره كنت اروح عزومات عشا وعمل مع زملائي ..ومع الوقت تعلمت منهم اني احلل اللي ادفعه مقابل ديسنت ميل ... يعني وجبه محترمه .. الحين ماتستغربون الاكياس المخصصة للمحلات الأجنبية هنا اللي في المجمعات فيها دايما ثقوب ؟؟.. معجبة ــ ايه لاحظت هالشيء .. عايض ـ لأنهم يهتمون بسمعه المحل قبل أي شيء ..يعني مجرد هالحركه البسيطه تدل على اهمية اسمهم ورضاء الزبون عنهم .. هالثقوب لسبب بسيط ..انهم تتفادى عملية الاختناق لاي طفل او شخص بالغ ..يعني سمبلي مايبون الناس تقول ان الطفل فلان مات بخريطة المحل الفلاني .. يعني بلهجتنا .او اختنق من كيسه المحل .. وفي محلات تتعامل بالاكياس الورقية .تضامنا مع البيئة .. اهم شيء هو رضا الكستومر ..والسمعه ! . يلا نطلع نروح نتمشى عشان نهضم .. بعدين نمر باسكن روبنز ..مع هالحـر لازم شوي مثلجات .. الريم ـ ابي بنكهه النعناع .. احس الباستا غثتني .. عايض ـ اول شيء نتمشى .. و. بعدين نآخذ الآيس كريم .. الريم ـ بس انا لابسه كعب .. مافيني ريولي بتتزلغ .. معجبة ــ عطيني الكعب ..وخذي .. أنا لابسه واطي ..بس متعوده امشي مسافات بالكعب .. عايض ـ انطروا لين نوصل السيارة ووقوموا بالتبادل التجاري .. بنروح البدع .. شرايكم ؟ معجبة وريم ـ اوك . كان جاسم يطالع واجب قديم لها .. يتأمل الايميل .. يتأمل الشعـر اللي تعود يقراه كل مرة لما تطرش واجبها.. مشى كل الزمـن .. وأنا في مكاني .. غزاني ..الشيب .. فاتتني الأماني .. ولاني بالفرح موجود .. ولاني بين احزاني .. ومهما الوقت عاندني .. تحداني .. كأن الوقت في وقتي ثواني .. تغير وقت .. وجاني وقت .. وأنا بعدي .. وأنا بآتي .. هروبي استحالة صـار .. بكت في الدرب خطواتي .. وأسافر للفرح .. وألقاه مأساتي .. وأنا وحدي .. جهاتي كلها ضدي .. وأنا وحدي .. وصمتي يشكي من ردي .. وغير الصمـت .. ماعندي .. كلها ضدي لفايق عبدالجليل .. تنهد جاسم .. سكر الايميل .. مب قادر يستوعب كلام فجر.. براءة شيخه من سمعه ظلمت اجيال .. وده يركض لبيتهم يطلبها ..وده ..لكن ماله وجهه ..لازم يكتب لشيخه كل شيء .. كل شيء .. علشان تقبل انها تتزوجه ..لا .. ما بيكتب شيء .. بينتظر ..خصوصا بعد الايميل الاخير منها , أكيد هي شايله في قلبها عليه وأي خطوة يقدم عليها بتصده .. لازم يعطيها الوقت انها تنسى حركاته الغبية .. ــ جاسم وينك ؟ .. طالع لاخته .. اللي نزلت من غرفتها .. ـ انا هنا .يالعروس .. . يلا اوديج الصالون ؟ .. ابتسمت اخته له ــ عقبالك يا اخوي..يوم افرح فيك انت وشيخه .. قال وهو يضحك ـ آميـن .. بس من داخل كان فيه غصه .وهو يحس ان هاليوم مستحيـل يجي .. ********* ********* هالمرة طلعت الريم تودعه .. سلم عليها وعلى جده وجدته وابوه .. وطلع من البيت وركب سيارة ابوه اللي بيتركها في المطار .. رن جواله .. ــ ألو ؟ .. ــ قوة عايض .. ــ هلا نوير .. ــ شلونك عايض ؟؟ .. ــ الحمدالله شلونج انتي ؟ .. ــ الحمدالله ..قالت لي امي انك بتسافر اليوم ..فقلت اتصل بك واقول لك مودع الله .. ــ فيج الخير والله .. سلمي عليهم كلهم وعندج ايميلي ..ضيفيني وبنتكلم ان شاء الله واشوف هالماده اللي خايفه منها .. ــ الله يطول بعمرك ويحفظك طمنتني .. ــ نوير شمس جنبج ؟ ــ لا والله .. بتتأخر اليوم في الدوام عندهم تصنيف ملفات وجرد .. ــ عايض ..خلاص عيـل . ما طول عليج .. ــ شالسالفه عايض .. يفداك الخط وراعية الخط ..حط بالك على نفسك .. ــ ان شاء الله .. مع السلامه .. صكر عايض التلفون وهو فرحان في فرصه يشوفها قبل لايسافر ..طالع الساعه .. فيه وقت .. ***************** ــ شمس .. التفت شمس لصوت ماسمعته من اسابيع .. ــ عايض ؟؟ .. طالعت السيارة ..كان السواق ناطرها في المواقف .. وطلع لها عايض وقت انتهاء الدوام .. احمدت الله انها آخر من طلعت .. ــ شمس ..شلونج؟؟.. ضحكت شمس ــ انت مب صاحي تسألني عن لوني في هالقيظ بعدين لما حسته خذ سخريتها بحساسية قالت ــ بخيـر .. شلونك انت ؟ .. حست بفرحته للسؤالها ــ الحمدالله .. بخير وطيب .. شمس .. أنت تدرين اني بسافر اليوم .. هزت شمس راسها ــ أي . قالت لي معجبة .. وكانت تحس بالحر والخنقه لان مستوى الرطوبه كان يخنق .. عايض ـ . ان شاء الله برجع في رمضان .... ادري الجو حار . تعالي تحت المظلات .. الحقته شمس بتردد .. ووقفوا تحت المظلة ....كان الحال افضل من الشمس .. ــ عايض .. السواق ينطرني .. عايض حس بقهر ـ مابطول .. بس لازم اقول لج هالكلام ... عدلت شمس نقابها وتكتفت .. قال عايض ــ ادري الجو حر .. يمكن تقولين عني في نفسج اني ثقيل دم ووو.. قاطعته شمس ـ محشوم ..انت ولد خالتي وعلى عيني وعلى راسي ... مابقول عنك هالـ... قاطعها عايض ــ تسلميـن .. بقول اللي في خاطري لان صراحه انا متضايق من الجو .. ادري وقفتنا هنا مب عدله .. بس هي فرصتي الاخيـرة .. تنهد بعدين رفع راسه ــ شمس .. أبي أتزوجج .. أنا أحبج .. شمس ـ عايض مو وقته .. عايض ـ الا وقته .. أنا بسافر .. مابرجع لين شهرين ..أعتقد مدة كافية انج تفكرين .. حست شمس بارتباك ــ مب انت السبب .. عايض ـ شمس .. ادري هالقرار في يدج ..ما ابي اعرف السبب .. . لكن أبيج تفكرين ..شهرين وبرجع ..يمكن نهاية رمضان ..وأعرف رايج .. شمس ــ عايض .. انا من داخل فيني ..انسانه مهشمه ..انسانه كرهت هالدنيا .. عايض ـ خليني السبب انج ترجعين تحبين هالدنيا .. خليني ألملم شتاتج ..وأعوضج .. ـ ومحمد ولدي .. عايض ـ محمد ولدي قبل لايكون ولدج ..قلت لج من قبل ..وبقولج اليوم وبقولج باجر وبعد عشرين سنه .. محمد ولد طلال ..وطلال هو ولد عمي .. من لحمي ودمي .. وامانه في رقبتي هالطفل .. قالت شمس بسخرية ـ شرايك تتزوج خلود بالمره .. عصب عايض ــ شمس افهميني .. مايهمني شصار بينج وبين طلال ..اللي يهمني اني أبدأ معاج من جديد ..أبدأ معاج حلم طول عمري اهوجس فيه ... ولدج في عيوني ..واخو لاولادي ..وانتي بقلبي وعيوني .. نبدأ من جديد ..نغير روتين الألم اللي عشنا فيه سنين طويلة .. طالعت له شمس ..اغرقت عيونها بدموع ...ماتقدر تصدق .. ــ شمس .. فكري .. أول مابرجع ..بطق باب بيتكم ..ومابطق غيره باب .. أبيج تقولين لي رايج ..بتقبلين بي كزوج على سنه الله ورسوله ؟؟.. ولا .. مابيكون بيننا نصيب .. احبج .. أحبج .. تذكري احساسي .. .. أول ماكان يبي يروح التفت شمس كان سلطان وعبدالعزيز يقربون منهم سأل سلطان وو يطالع عايض اللي كان لابس بدله سبورت ... ـ أستاذه شمس .. هل الاخ يزعجج شي ؟؟.. هز شمس راسها وهي تمسح دموعها .. شك عبدالعزيز ــ اذا مزعجج قولي .. قال عايض ـ وانت شدخلك ؟؟ .. عبدالعزيز ــ احترم نفسك أحسن لك .. استاذه شمس ؟؟ .. حست شمس بشرارة بينهم قالت تطالع لعاايض ــ تسلمون يا شباب لكن .. ..هذا خطيبي ... وولد خالتي .. بيسافر امريكا بعد شوي ويا يسلم .. مع انها ماكانت مضطرة تشرح لهم .. لكنها حست انها لازم تنهي سوء التفاهم هذا ..رجعت تطالع لعايض اللي اندهش من تصريحها .. لكن ملامحه كانت جامده .. قال سلطان ــ آسفين يا اخوي .. بس استاذه شمس كانت رئيستنا .. وانت شايف المواقف فاضية ..خفنا عليها لا اكثر .. عبدالعزيز ـ آسف .. مع السلامه .. رد عايض بصعوبه ــ فيكم الخيـر ..مشكورين .. وأول ما ابتعدوا التفت عايض لشمس ــ انا حاس انه هذا مب قرارج .. قالت شمس ــ لما ترجع ... بكون فكرت .. يلا اتركك ..في امان الله ..تروح وترجع بالسلامه .. ـ لحظه .. طلع عايض دفتر من الشنطه الصغيره اللي كان معلقها على جتفه .. أخذت شمس الدفتـر .. وراحت للسيارة .. وهي تطالعه ...ورفعت يدها وسوت له باي بحركه بسيطه .. .. ابتسم وهو يتذكرها من اثنعش سنه لما سوت له نفس الحركه ..ارفعت يدها وسوت باي .. لكنها كانت بالنسبة له أجمل من كل الكلام الي ينقال في موقف مشابهه ..مانسى صورتها ابدا .. ركب عبدالعزيز السيارة وقال لسلطان اللي ركب معاه ــ يعني أخيرا بتتزوج هالحيزبونه ؟ ضحك سلطان ــ للحينك تكرهها ؟ .. قال عبدالعزيز معترف ــ لا ...ما أكرهها ..لكن اكره نجاحها وسلطتها .. سلطان ـ الاعتراف بالحق فضيـلة .. ما كنت متخيـل انها بتتزوج .. بس شفت اللي واقف معاها ..؟ . عبدالعزيز ـ خطيبها ؟؟ شفيه ؟ .. سلطان ـ حاس اني شفته بمكان .. عبدالعزيز ـ فيه من اخوها .. تذكر اخوها ؟؟ .. كان دايما يجي وياخذها ايام لول .. سلطان ـ أي صدقت .. رن الجوال في جيب عبدالعزيز وقام ينافخ ــ أكيد المدام .. ماكان لازم تخلينا نتأخر نرتب هالملفات . سلطان ــ كان لازم .. ولا تبيني ارتبها بروحي ؟؟.. انت شفت رئيس قسمنا شلون قيمنا .. عبدالعزيز ــ صج .. كنت متوقع ترقية او شيء .. لكن توبيخ ؟؟ .. مصدووم ... سلطان ـ انت اللي على بالك انه رجال يعني بيطنش لك ..لكن هذا شغل اوادم .. تبي تروح للدواير اللي تطق فيها الكرت وتروح بيتكم موجوده .. بس يدك عالواسطه .لكن القسم اللي انتقلنا له هو مركز الوزارة ..كل معاملات الوزارة لازم نخلصها في نفس الوقت .. عبدالعزيز ـ ليتنا ما انتقلنا .. رد عبدالعزيز على الجوال ــ الو .. ها .. عندي شغل .. بعدين طالع لسلطان وقال ــ لا مابجي عالغدا ..بتغدى بره مع الربع . بعدين نتفاهم مع السلامه .. صكر الجوال وطالع لسلطان ــ بكسب فيك اجر وبعزمك عالغدا . ضحك سلطان ــ قول تبي تتهنى في اللقمة من دون تحقيق . بس فيك الخير والله ...الوالده في المستشفى والولد عند يدته الثانية ..والبيت فاضي .. حتى مافي خدامه ..مخليها عند الوالده في المستشفى .. عبدالعزيز ـ ياخي تزوج وريح راسك.. سلطان ـ لا ..ما ابي .. الولد وموجود ..لكن الحرمه ..الله الغني...بس تطلع امي بالسلامه ..وانا برتاح .. عبدالعزيز ـ لكن ..الوالده الله يطول عمرها مب دايمه لك . سكت سلطان ومارد .. يمكن يتزوج ..بس متى ماعنده أي خطط قريبه .. ــ وين بتآخذني ؟ عبدالعزيز ـ شبستان .. |
الفصل العاشر الجزء 3
************
دخلت جوزة لغرفة ماجد وبيدها أدويته و قلاص الماي .. ماجد ـ يمه أحمد سأل عنه .. .. وترا الكل يمدحه ..اذا صافية راضيه .. خل يتقدمون .. جوزة ـ انزين يمه .. صافية استخارت وارتاحت .. ماجد ــ عيل خل ييون ويتقدمون رسمي .. عدلت له جوزة سريرة وقالت ــ ماجد .. عمك .. ـ شفيه ؟ .. جوزة ـ لازم تستشيرة .. ــ انا ولي امر خواتي .. وعمي ماتدخل من قبل ليش بيتدخل الحين ؟ .. بعدين يوم تزوجت شمس ماتدخل . جوزة ـ لاياولدي .. لازم تحشمه ..اتصل فيه وخبره .. ماجد ــ يمه أنا وعمي مانتكلم .. جوزة ـ شلون ؟؟ من متى ؟ ماجد ـ من ياني المستشفى وقرر انه يتحكم بحياتنا . انصدمت جوزة ــ شلون ؟ ارتبك ماجد و نفخ بقوة ــ يمه .. طول هالسنين ناسينا ..وفجأة لما طلعت الحقيقة قرر انه مسؤول عنا ؟ .. قرر انه يزوج خواتي بأولاده ؟؟ .. ويزوجني ببنته ! ــ وانت شرديت عليه ؟؟..يمه ليش قاطعت عمك ؟؟ ..كنت تقدر تتفاهم معاه .. ترك ماجد الفراش ووقف بصعوبه وكان يحس أن جسمه مكسر ــ ماجد ارجع لسريرك وارتاح .. ــ يمه انا تعبت من الراحه .. وبعدين انا تعديت مرحله الخطر و وقاعد اتحسن بسرعه .. يمه .. لو عيال عمي الكبار فيهم خير كان ما مانعت .. لكن مافيهم الا احمد يعرف الله .. الباقي راعين سفر وخرابيط ..لاتطالعيني جي ,,مايبت هالحجي من غريب ..اخوهم اللي عايش وسطهم هو اللي قال لي .. وبنتهم انا ما ابيها .. حست جوزة بمرارة في صوت ماجد .. قالت وهي تحاول انها تهدي نفسيته ــ بس رباب خوش بنيه ..ماشفتها يوم عمليتك لما جت بدل امها ..وقعدت تبجي مع خواتك .. طالعها ماجد مستغرب ـ رباب ؟؟ هالمغرورة ؟؟ ايه اكيد بعد ماسمعت بخبر براءة خالتي جت ورزت وجهها تحاول تمشي نصيبها بس .. قاطعته جوزة ــ اقولك في عمليتك .. يعني قبل لا تجي معجبة من امريكا .. ـ ما اصدق .. ــ اسأل خواتك .. طالع ماجد لامه وفي عيونه كلام .. بس سكت .. اذا امه تقول الصحيح فهذا يعني شيء ثاني .. يعني ان رباب ..لا مايبي يفكـر ..مستحيـل هالبنت تفكر فيه ..واذا فكرت فيه وكان كلام امه صحيح ..مستحيل يفكر يتزوجها ..كرامته أكبر من مشاعر قديمه .. ــ ما ابي أسأل .. البنت ما أبيها .. حست جوزة أنها تطالع لشيخه .. حست النظرة الي في عيونه تشبهه نظرتها يوم سألتها عن جاسم .. يعني يكابرون على حساب مشاعرهم .. ابتسمت وهي تتذكر جملة شمس .. ((بيتدمرون في الحالتيـن .. )) .. ــ وأحمد ؟ طالعها ماجد ـ شفيه ؟ ــ شوضعه ؟ ــ أحمد بيتم حاجز نوير لين يشتغل ويتزوجها .. انا ماعندي شيء ضد احمد .. ــ ما بتسأل نوير عن رايها ؟ سكت ماجد مافكر في هالنقطه .زلكنه قال بعد دقيقة ــ بعدين ..لما يجي الوقت المناسب . . *********** ــ اف .. والله عايض يكسر خاطري .. شمس حرام شمس تردينه .. ابتسمت شمس ــ انتي رديتي جاسم . مدت شيخه بوزها ـ لاتقارنيـن .. على الأقل عايض ما قعد يعايرج ويجرحج متعمد .. طالعت شمس للباب وقامت صكرته ــ انا اخاف على محمد ..وأخاف على عايض من برودي .. استعدلت شيخه في جلستها ــ شمس .. تقدرين توثقين فيه دامه بهالاندفاع وبهالعواطف .. شمس ـ صدقيني شيخه هذا أكبر مخاوفي .. لماأشوفه مندفع بعواطفه .. أحس انه حساس .. أذا رديته بسوي فيه شيء..واذا تزوجته و..اكتشف الصقيع الي انا فيه ..بيندم وما بتتغير حياتنا عن اثنين كلن له دنيا وكلن له ماضي . شيخه ـ بس الفرق أنج انتي ماضيه ..يمكن هالشيء بيـ.. قاطعها صوت أمها .. ـ شيخه .. شيخه .. وقفت شيخه ـ بروح أشوف أمي وبرجع لج .. فتحت شمس الدفتـر .. كان نفس الخط اللي في الرسالة ..فيه خواطـر ومذكرات ..تمت تطالع التواريخ القديمه وتتبعت الحروف .. 12-12-1999(( وعد )) ((الغريب ان الالفية الثالثه قريبه .. اسابيع ونبدأ ألفية جديده ..شمس ..ألفيه .يعني ألف سنه تصدقين ؟..ادري ان كلامي عشوائي وغبي ..لكن ..حضورج وطيفج خلوني أرتبك .. أحس نبضات قلبي بتوقف .. شفتي طيفج شيسوي فيني ؟؟.. مو كافي اني اني افكر في الألفية وعمري مافكـرت بهالموضوع ..لا وأحس اني خجول لان طيفج يحضرني .ابتسامتج..من كنت طفلة وأنا مأسور فيها ..واللي عور قلبي اني ماشفتها من قريب ....بتبدي سنه 2000.. البرفسيور يقول ان مشكـلة الحواسيب هي مع الصفر .. وبيسوي لنا سينمار راس السنه نشوف الخلل الي بيصيد الكمبيوترات .. تخيلي .. زميلي بيل يقول لي انه العالم بيفنى مع اللحظه اللي تدق فيها الساعه 12 .. ..سوينا كبسولة كبيرة على شكـل قبر .. حطينا فيها كل احداث الالفية الثانية .. وكل منا حط أمنية شخصية .. حطيت بطاقة لج فيها وعد ..أني ببقى على حبج طول العمر ..ما اعرف غير طيفج يسليني في عتمه هالليل .. وما أعرف غير حبج يصبرني .. بالنسبة لي الالفية بتكون مجرد خلل كمبيوتر لا اكثر . ..هالتصريح اللي قلته لبيل .. قال لي ويردوو !! ...)) دخلت شيخه الغرفة ـ تعبت من هالمنافقين .. التفت شمس لشيخه اللي دخلات وصكرت الدفتر ــ منافقين ؟ شيخه ـ ايه صديقات ومعارف امي .. اللي قطعوها خمس وعشرين سنه وفجأة قرروا انهم يزورونها ويسوون أعمارهم كأنه سمن على عسل .. صراحه البعد عن الناس غنيمه .. صار لنا اسبوعين كل يوم نشوف اشكال جديده .. وامي لازم ترزني انا بس جدام الحريم .. لا تنادي صافية ولاتنادي نوير .. بس شيخه شيخه ..وأول ما أدخل تم تمدحني .. سوق عبيد مب ميلس حريم ((هذي بنتي شيخه ..تدرس في الجامعه تخصصها ادارة واقتصاد .. إلخ .. )) .. ضحكت شمس ــ اكيد تبي تمشي سوقج .. عصبت شيخه ــ صافيه ونوير أكبر مني .. ماتناديهم ! شمس ـ لان صافية تقدم له اخو رفيجتها ..وشكلهم بيوافقون ..ونوير حجرها أحمد ولد عمي .. انصدمت شيخه ــ حجرها ؟؟ .. شمس ـ حيرها له .. تمت شيخه منصدمه ــ من قال لج ؟ .. شمس ـ في المستشفى عجوب قالت لي كل شيء .. وهذا انا اقولج .. بس تعرفين التوصية المعتاده .. قالوا مع بعض ــ لاتقولين لحد هههه .. ضحكت شمس ــ فأتوقع امي ماتبي تطلع نوير وصافيه جدام الحريم عن لا يسألونها عنهم .. توها معجبة قايله لي ان هالاسبوع اثنين من معارف عم الريم تقدموا لها .. وردهم يدي عيسى .. شيخه ـ معقوله ؟ ليش ؟ شمس ـ ما ادري بس قالت لي ان يدي عيسى قال لهم ماعندنا بنات للزواج .. شيخه ـ انزين ليش امي ماتناديج ؟ حذفت شمس الدفتر عالسرير ــ شتبينها تقوول ؟؟ .. شمس .. موظفه في الدائرة الفلانية معاشها كذا . ومطلقة وعندها ولد .. عرض ازياء هو ؟؟.. شيخه ـ ياربي .. يعني أنا اللي العارضة الاساسية ؟ .. حاولت شمس انها تجس نبض شيخه شمس ـ اذا تقدم لج جاسم وافقي وريحي راسج .. شيخه ـ مستحيـل .. هالباب صكتيه وانتهى . نوير تدري ان احمد يبيها ؟ .. هزت شمس كتوفهاــ ..لا طبعا .. تعرفينها ماتفكر هالبنت ..روحي قولي لها نكدي عليها ..وطرشي لي ولدي خل اشوفه تراها بتخربه بالسوني .. كله يلعبون من رجعت من الدوام وانا ماشفته ... شيخه ـ فديته . يلعب على نياته ونوير مستلمته طق في لعبه الفايتنغ .. بروح لهم ..بس لحظة متى حيرها له ؟ شمس ـ ما ادري بالضبط متى .. بس سمعت كلمه من معجبه ..الأباجورة مشن .. شي جي .. ضحكت شيخه ـ ايه يعني من اول نظرة .. شمس ـ شالسالفه ؟ شيخه ـ بقولج بعدين .. دام السالفه في خاطري ما أقدر اسكت عنها بروح اقول لها هههههه .. دخلت شيخه غرفة نوير اللي كانت مستلمه حمود في السوني ,, الولد يضغط أي شيء يحاول يغلبها لكنها ولا معطته مجال .. ــ حمود .. شمس تبيك قوم أنا بستلمها .. عطاها محمد اللعبه ــ اغلبيها وناديني .. وباس شيخه على خدها وركض برا .. ضحكت نوير ــ لو تموتيـن ماتغلبيني ههه شيخه ـ تخليني أغلبج وأقول لج خبر بمليون ريال ؟. طالعت لها نوير وهي تعرف شيخه مب من النوع اللي يجذب .. ــ بعطيج فرصه لين تصير طاقتي ضعيفه بس مابخليج تغلبيني .. رفعت نوير يدها عن القيم واستلمته شيخه وتمت تسدد الضربات لين ضعفت طاقة نوير .. وأول ما مسكت نوير الغيم هاند قالت شيخه ــ ترى أحمد حيرج له .. طاحت اليده من يد نوير من الصدمه وكملت شيخه تسديد الضربات وهي تضحك لين اغلبتها .. ــ حمووود ..حمووود غلبتها ههه دخل حمود وهو مستانس ـ أخيرا !! حب شيخه على خدها مرة ثانية ورفع علامه النصر في وجهه نوير اللي من الصدمه تجمدت ملامح وجهها تحاول تستوعب .. قالت شيخه وهي تضحك ــ حبيبي انت فزت ..معليه ..تراها حصلت لها ضربتين قويات ... روح لشمس تبي تيلس معاك .. وأنا وخالتو نونو بنتكلم وبكرهنكمل لعب السوني .. طلع محمد والتفت شيخه لنوير .. ـ شفيج ؟؟ حست نويربارتباك ــ صج ؟ .. ضحكت شيخه ــ لا أقص عليج بس كنت ابي افوز عليج.. تنهدت نوير ـ الحمدالله .. استغربت شيخه ــ ترا الخبر صحيح .. رجع اللون اختفى من وجهه نوير .. ــ احلفي .. شيخه ـ والله شمس خبرتني من شوي .. شفيج ؟؟ ..ما تبين احمد ؟ نوير ـ ...........لا بس .. حطت شيخه الهاند غيم من يدها والتفت لأختها ــ شفيج ؟؟..نوير ليش تبجين ؟ .. مسحت نوير دموعها ـ ما أبي من بيت عمي . . ـ ليش ؟ ــ لانهم يكرهوننا !! .. سكتت شيخه مصدومه .. وهي تطالع نوير تمسح دموعها وهي ترتجف شيخه ـ الراي بيكون رايج .. نوير ـ انتي قلتي انه حيرني له .. يعني غصب . شيخه ـ احنا موفي الجاهليه عشان يغصبونج عليه ..اذا ماتبينه روحي لامي وماجد .. وقولي لهم .. مع اني كنت اظن انج بتستانسين .. مسحت دموعها ــ أحمد مافيه شيء .. بس شلون اتزوج من عايله كبرت ووانا اكرههم وهم يكرهوننا ؟ .. كلهم يكرهوننا ..لايغرج المظاهر و التفاق اللي صار في العزا .. انتي مارحتي بيتهم مثلي ..ما كلموج كأنج بنت الخدامه مثلي ..والله تعقدت يوم كنت صغيرة .. كان ياخذني ابوي الله يرحمه ويتم في الميلس مع عمي .. ماشفتي عيال عمي الكبار وحقارتهم .. شيخه ـ بس أحمد غير .. أحمد عضيد ماجد اخونا .. نوير ــ شيخه الفترة اللي طافت انا .. أنا.. طالعت لها شيخه ــ انتو شنو ؟ نوير ــ انا رجعت أحب عايض ! ....رجعت مشاعري له .. انصدمت شيخه وركضت صكت الباب ــ انتي شتقوليـن ؟ ؟. .. نوير ـ قبل لايسافر كنا نيلس مع بعض وكان دايما يعاملني بطيبه .. وشفته من اسبوع .. حسيت اني في شيء بيننا ..لانه تم يتنكلم معاي مثل قبل .. بدون حواجز .. تنفس شيخه بقوة وقالت ــ عايض بيسافر اليوم .. نوير ــ هو سافر ..توني كلمته .. وقال بيرجع في رمضان .. وقفت شيخه من الصدمه ــ يمكن يعاملج مثل اخته .. نوير ـ ما اعتقد حسيت انا حيل متفاهمين مع بعض ..تكلم لي عن دراسته .. وانت تعرفين انه نفس تخصصي ..هندسه حاسب .. قاطعتها شيخه ـ عايض اليوم راح لشمس الدوام وطلب منها انها تتزوجه ! .. سكتت نوير مصدومه .. شيخه ـ نوير عايض يحب شمس من كان صغير .. أنا شفت رسايله .. و.. نوير ـ بس .. بس .. لاتكملين .. شيخه ـ نوير .. ما كنت ابصدمج بس .. نوير ـ خلاص شيخه .. خلا ص ..ممكن تخليني بروحي ؟ قامت شيخه وطلعت برا الغرفه وهي مصدومه .. كانت تبي تتكلم مع احد .. لكنها ماتعرف منو .. لانها لو قالت الي في خاطرها ..بيخلي شمس تتمسك برايها ..وماتقدر تتواصل مع صافية لان صافية ضد قصص الحب ..معجبة ؟.. لكن علاقتها في معجبة سطحية ..وماتقدر تقول لها .. دخلت غرفتها وصكت الباب وتنهدت بقوة .. في غرفة نوير .. كانت نوير تبجي .. لأول مرة تحس أن الدنيا خذلتها .. طالعت الورقة اللي كتب عايض فيها ايميله .. مسحت دموعها وهي تتذكـر ..أول مادخل هو والريم .. حست ان قلبها يدق بقوة .لما مدت لها يدها ..وسلمت عليه .. ـ انا نوير تذكرني . ؟ ــ ماشاء الله كبرتي يا نوير.. آخر مرة تركتج ياهل .. ..شمس موجوده ؟ .. الحين تذكرت نوير عيونه اللي تدور في الصالة .اللي ماكان فيها الا الريم و ومعجبة اللي ردت عليه ــ شمس في المستشفى .. اول مرة حست انها تحقد على شمس .. مسحت دموعها وطالعت الايميل ..a-sh...تكررت هالحروف بشكل واضح .. شلون كانت غبية ؟؟ شلون مالاحظت سؤاله عن شمس في كل محادثه وآخرها من دقايق يوم سألها اذا رجعت شمس ولا لا ء ؟.. حست انها كانت غبية ومعمي على عينها .. حست بغباءها يوم فرحت ببراءة خالتها .. كانت تقول في خاطرها بيرجع ..بيرجع وهو رافع راسه .ماقدرت مشاعر أي احد ..كان حلمها يتحقق في نظرها ..وفي الوقت المناسب .. وقفت جدام المنظرة ...حست بقهر كبير .....حذفت نفسها على السرير وتمت تبجي .. ********** يتبــع .. |
آسفة على التأخير ...
جهازي المعفن ... انتهت الفترة التجريبية لبرنامج الحماية ونشطت كل فيروسات العالم فيه قراءة ممتعة ... وننتظر التوقعات .. |
جزء رووعه ماشاء الله الكاتبه مبدعه تسلمي الكترون على النقل مشكورة يالغاليه
|
الجزء وايد حلو والله يعطيج العافيه على النقل
|
عجيييييييييييييييييييييييب :dancingmonkeyff8:
تسلمين إلكترووو ع الباارت الحلو :flowers2: ^____^ |
electron يعطيج الف الف عافيه على النقل ياحلوه مشكوره وايد وايد |
اتوقع شمس راح توافق على عااايض ...
ونوير رااح ترفض احممممممممممممد.... يسلمممممممممممممممو الكترون |
thanks electon
but it's too short thhhhhhhhhhhhhhanks |
مشكــــــــــورة قلبـــي عاآلبارت آالحلوة :55::f63::55:
وآانا عن توقعاتي آالخاصة اظن ان شمس راح تتزوج عآاايض ونوير لاآاحمد لا آوزيدكم يمكن بعد شيـــخة تكوون لجــآاسم والله اعلم وقووول كمان يمكن معجــــبة رغم كل شي رآاح ترد لنآاصر لان نآااصر ماراح يتركها ودمتي بووود الكترونـــــــــي الموجب طبعا >>> هههههه امزح حبوبتي وننطرج |
انا ماشتركت في الموقع الا عشان الروايه:flowers2:........................يعطيك العافية بس نزليها بسرعه:frown:
|
شكرا ألكترون على القصة الرائعة :55: أعتبرينى من المتابعين لقصتك منتظرة البارت القادم بفارغ الصبر وأرجوكى رجعى فايز للريم صعبت عليا صديقتك أميرة الندى :flowers2::flowers2::flowers2: :liilas::liilas::liilas: |
الفصل العاشر الجزء 4
مراحب الســـــــــــــــاع ... البارت وصل ..
الفصل العاشر الجزء 4 دخل الشقة بهدوء وصار يتحرك ببطء ..حط شنطته عند الباب وحط جواتيه جنبهم .. رد شعره لورى ودخل يتسحب .. طالع للي كان نايم على الكنبه وابتسم ..كل شيء حوله كان مرتب ..جهاز كمبيوتره والمكان نظيف بس كوب القهوة بقى عند راسه ..دخل لغرفته وصكر الباب ومدد جسمه ...تنهد بقوة بعدين لف على جنبه اليمين ونام .. بعد ساعات فتح عيونه وظل واقف عند راسه ــ هوم سوسيت هووم ..صباح الخيـر ...لولا انك وصيتني اقومك من الرقاد والا ما ازعجتك ..الساعه ست ونص ..قوم صباح الخير .. رفع عايض نفسه غصب ــ فايز جسمي مكسر !! فايز ـ عيل ارجع نام .. عايض ـ ما اقدر عندي دوام ..لولا الترانزيت كان وصلت مبجر ..بس ظلينا في باريس يوم كامل لين طارت الطياره ..قام عايض وخذ شور سريع وطلع للصالة كان فايز مجهز الشاي والريوق .. فايز ــ لاتتعود على الهاي كلاس سيرفز ..ترى ما اضمن لك كل يوم اصحى هالوقت .. سحب عايض كرسيه وجلس ــ تسلم يا خوي ..بس انا اصلا ما اتريق ..اصحى اصلي بعدين اشرب قهوة وعلى طول للدوام ... فايز ـ انا عكسك .. اصحى من الفجر اصلي اسوي ريوق لعمري وارفه نفسي .. كلها عشر دقايق تغير يومي كله .. عايض ــ بروح الحين .. وين بتروح اليوم ؟ فايز ــ للمكتب .. بس بطلع مبجر لان بروح احجز للقاهرة .. عايض ـ ليش ما مددت اقامتك ؟ فايز ـ بلى ساعدني مارتن وايد ..بس عندي مكتب هامله من اكثر من شهر .. عايض ـ بس انا ما جلست معاك ..ماتناقشنا .. سكت فايز وطالع عايض مرتبك ـ بمرك اليوم وقت الغدا ؟..عندك ساعه ؟ عايض ـ اوك ..يلا باي . طلع عايض من البيت وهو محتار شبيقول لفايز ؟؟ شلون يتفاهم معاه ؟؟ تذكر اما اجتمع مع فايز قبل سفرهم هو والريم ..قال له فايز انه ما يقدر يرجع معاهم .. قال له انه مابيتقبلونه ..كان يعرف ..كان يعرف .. ****** تطمن عايض على كل شيء وطلع لبرا كان فايز ينطره .. ــ جيت بسياره .؟ فايز ـ لاء ,,تاكسي ..انا ما ادل المدينه وعندي مشاوير وايد ..وين تتغدى بالعاده ؟ عايض ـ في الشركه فيه كافتيريا صغيرة ..بس اغلب شيء اطلب من برا .. فايز ــ عن شنو تبينا نتكلم ؟؟ .. عايض ـ عن الريم .. فايز ـ لكن الريم موضوع انتهى .. مسك عايض يد رفيجه ودخل مطعم صغير ايطالي كان يتردد له بروحه بين فترة وفترة .. عايض ــ باستا ؟؟ .. فايز ـ لازانيا . ... طلب عايض له لازانيا ولنفسه باستا وعصير برتقال فريش .. ــ الريم وصتني اقول لك شيء اذا في يوم التقيتك او كلمتك .. تم فايز يطالع الصحن اللي جدامه وهو يحاول انه يكون قوي ومتماسك ــ شنو ؟؟.. شرب عايض من الماي بعدين قال ــ قالت لي انك وعدتها وعد ..وتبيك تلتزم بهالوعد ... نزل فايز راسه وحس بخنقه ..ماقدر يطالع لعايض حاول انه يقاوم عبرته لكنه ماقدر .. ــ ما اقدر .. ما اقدر .. ما بتسعد معاي ..مابسعدها .. عايض ـ فايز هذا قرارها .. فايز الريم انهارت لما درت بالخبر .. وطول هالشهر الريم ماتطلع من غرفتها الا بالقوة ... كله في غرفتها وكل ما امرها تبجي او يالسه بدون وعي مب حاسه باللي حوالي او تدرس شوي .. .. قاعد تذبل بشكل فظيع .. تنهد فايز بقوة ..حز بخاطره حالها لكن الامر صعب .. ــ صعب يا عايض ..الكل بيرفض .. الكل بينتقدها ..ما بتسعد معاي .. عايض ــ انا وجدي موافقين .. وابوي نقدر نقنعه ..مايهمنا الناس يا فايز ..مالك حق تتركها جي .. فايز ـ عايض انت مابتفهم ..قبل مع الفكره الاوليه كنت اظن انها بتفهمني .. بتفهم معاناتي وبنواسي بعض ..لكن الحين الريم لها حق تعيش حياة طبيعيه بعد هالعقدين من القهر ..مب ملتزمه تشيل همومي ومشاكلي ونظرة الناس ... طالع له عايض متفاجأ ــ الفكرة الاوليه ..قصدك سوء الظن السابق بـأمي الله يرحمها ؟؟ .. انت تعتقد انه بعد ما انكشفت الحقيقة خمس وعشرين سنه من الذل بتنمحي بين يوم وليله ؟؟ ..فايز . بيظل الحقد والنقص في قلوبنا لين آخر عمرنا .. لانا تعودنا ..تعودنا على هالطريقه ..لاتظن انه بمجرد اكتشاف بسيط بينمحي القهر ونظرة الناس والالم والعتب ..لاتظن ان الذكريات بتنمحي بهالسهوله .. احنا بشر مب ملائكه ..يلزمنا الف طبيب نفسي لين نحل عقده وحده من العقد اللي عقدتنا طول هالسنوات .. مابنتغير بهالسهوله ..واي رجل بيتزوج الريم مابيفهمها ..مابيفهم هالالم والنقص اللي داخلها ..عدم ثقتها بنفسها ووحشيتها و بيتعسها ..مابنمحي كل الالام هالسهوله ...مابيفهمها الا انت اللي مريت بمعاناتها ...... وانت رجال مايقصرك شيء ..ليش هالتفكير الـسلبي .. فايز ــ الناس يا عايض .. قاطعه ــ الناس الناس .. الناس اول من تخلى عنا في مصيبتنا ..والناس هم اول من احتشروا عندنا لما انكشفت الحقيقة ..الناس بتتكلم وبتقول وبتعيد ومع الايام بتنسى ...مابنعيش حياتنا اذا تمينا نعطي لهم هالاعتبار الكبير في حياتنا .. فايز ـ لكنهم المقياس للصح والخطأ عايض ـ لاء ابدا .. ايمانك وضميرك ودينك ...هم المقياس للصح والخطأ ..الناس تحكم بالمظاهر ..وأكبر دليل سالفه امي ,, الكل قال انها هربت ...لكن قليل جدا اللي يعرفونها ويعرفون اخلاقها وقالوا ماتسويها ..الناس تآخذ بالمظاهر ..الله حلل الزواج ..وانت تزوجت الريم ماشردت معاها لاسمح الله ..ليش بتم لآخر عمرك شايل هم .. فايز ـ لكني ولد الهندية .. عايض ـ وانا كنت لين فترة بسيطه ولد القطرية الي شردت محد احسن من حد .وشفيها الهندية يا فايز ؟؟ .. مب بشر .؟؟ فايز اذا انت تنظر لنفسك بهالدونية شي طبيعي تتوقع نظرة الناس .. الريم تبيك ..وما يهمها سواء امك كانت هنديه ولا بنغلاديشيه ..هي مابتعيش مع امك ..بتعيش معاك .. وهي تحبك .. فايز ـ تحبني ..؟؟ .. لاتقول كلام يضحكني .. الريم ماتعرف الحب ... حس عايض بصدمه ــ يمكن ماكانت تعرفه .. او كانت تـنكر وجوده .. لكن الريم اللي تركتها في الدوحه .. انسانه تحب ...وتحب شخص واحد وبترفض كل اللي يتقدمون لها لين يلين راسه ويرجع لها ..ولسانها مانطق الا بـ.. ((فايز وبس )) .. انسانه قدرت يافايز تدخل قلبها اللي كانت موصدته بسلاسل .. كان عيون فايز في ضياع .. كأنه سمع شيء ماكان يبي يسمعه .. قال عايض كلمته الاخيره ــ لولا اني اعرفك ..واعرف معدنك الطيب ..ماكان قلت لك هالكلام ..اختي غالية علي ..واشيلها في عيوني ولاهي بعوزة ريال طلقها .. لكن ..انا حاس باسبابك ..وحاس بتعاستها ..وما اقول لك هالكلام الا لاني اعرف باللي في قلوبكم ..ادري انكم تعذبون بعض بدون سبب ...المفروض ما اقولك أي شيء ..لكن ...ارجع لها .. لاني أشك انكم بتعيشون من دون بعض ..... دخل الويتر وحط الطلب جدامهم ..اكلوا بسرعه بعدين طلعوا وقبل لايفترقون فايزــ عايض ..برجع البيت واخذ اغراضي ..مشكور لانك سمحت لي ابقى بالشقة وانت مسافر .. عايض ـ لا مابتروح مكان ..انا عجبتني سالفه الريوق ..خلك عندي لين تسافر .. ضحك فايز ــ انا حجزت وطيارتي بعد ثلاث ساعات .. طالع عايض ساعته مابيلحق يوصله المطار .. وعلق ــ ليش بهالسرعه ؟؟ فايز ــ انا كنت ناطرك عشان اتطمن على الريم ..لكن بعداللي قلته ماطمنتي .. لكن ..لازم اسافر ماتتخيل مدى الفوضى اللي انا فيها .. سلموا على بعض وفايز خذ له تاكسي ورجع الشقة .. ******* فتحت عيونها وهي تحس بتعب شديد ...الغثيان اللي هي فيه مو طبيعي .. دخلت الممرضة وهي تطالع لها بنظرة غريبة .. نظرة شفقة ...طالعت لها معجبة تبي تسألها اذا نجحت العملية ؟..بعدين استغربت من الاجهزة اللي حولها ..للقلب والتنفس .. هالانبوب اللي يمنعها من التكلم .... دخل الطبيب مسك السجل وهو يطالعها بنظره عطف ..استغربت معجبة شفيهم الكل يطالعون لها بهالحزن ؟؟ اشرت للطبيب تبيهم يشيلون الانبوب .. قال الطبيب ــ معجبة ..اهدي .. اثناء العملية صارت مضاعفات ..استحملي شوي بعد ساعات بترتاحين .. نزلت دموع معجبة لا ارديا .. مضاعفات ..حست انها مخنوقه .. آخر شيء شافته الممرضة وهي تحقنها بابرة .. كانت جوزة تبجي في الانتظار ... تبجي بدون صوت ..دموع تجري على خدودها وحسره في قلبها ..محد جنبها ..ماقالوا لاحد ..ليت معجبة ماسوت هالعملية ..ليتها ماسوتها ...طلع لها الطبيب ــ حالتها مستقرة الحمدالله ..بنشيل عنها جهاز التنفس بأي لحظة ... ماقدرت جوزة تسكت ــ العملية المفروض بسيطه ! الطبيب ــ للاسف المضاعفات اللي صارت كانت بتعرض حياة اختج للخطر ...اختج تقريبا توقفت دقات قلبها ..النزيف كان قوي جدا.. جوزة ـ بس ليش شلتوه ..حرام عليكم .. الطبيب ـ يا اما حياتها ..يا اما الرحم .. انهارت جوزة على الكرسي نادى الطبيب للممرضة اللي ساعدتها تتماسك... ــ زين ما خسرتها .. بس .. آآآه ياقلبي .. آآه ياقلبي عليج يا بنتي .. همست لها الممرضة ــ لاتسكتين عنهم تراه خطا طبي !! غمضت جوزة عيونها اللي مالها إلا الدمـوع .. |
الفصل الحادي عاشر الجزء 1
الفصل الحادي عشر الجزء 1
***************** الفصـل الحادي عشــر اعترافات ******* دخل الغرفة وهي ماكانت منتبهه .. طالع لشيء بيدها واستغرب . كتاب ؟؟ .. ــ مساء الخيـر .. انتفضت هدى ودخلت الكتاب على طول تحت السرير .. قرب ناصر منها وسحب الكتاب وقرأ بصوت عالي ((الحزن في شعـر بدر شاكـر السياب )) ... علق مبتسم وهو يقلب بصفحات الكتاب ــ ماكنت أظن أن لج اهتمامات في الشعـر . تعدلت في جلستها ــ أحب أقرأ له ..ولأمل دنقل .. ونازك الملائكه .. شعراء بحق .. حس ناصر انه اول مرة يشوف هالجانب من هدى .. ــ كنت أظن أن قمة سعادتج البيت وشغل البيت .. كانت هدى بتسكت لكنها تذكرت كلاممعجبة ان ناصر يدور اللي تبي تسمعه ويسمعها .. ــ ظنك خطأ .. لي اهتماماتي .. أحب أثقف نفسي دايما . ..وأحب أرسم بين فترة وفترة .. ناصـر ـ شأعجبج أكثر في هالكتاب ؟ .. مسكت هد الكتاب وطلعت صفحة علمتها ــ هالبيتين يذكروني فيك دايما .. سقطت فكل وريقة قيثارة مقطوعه الأوتار والأنغام عبرت أغانيها الفناء وأصبحت توحي إلى الفنان بالإلهام . تذكرني فيك في شهـر العسل لما سافرنا لباريس .. كان وقت الخريف .. وكنت تتكلم عن اوراق الشجـر اللي غطت الشارع بكثافة بحزن .. كنت تحسب اني ما افهمك .. كنت أحس بحزنك .. وتعودت عليه .. انسحبت هدى للخزانه ..وطلعت دفتـر كبير . وفتحته وطلعت لوحه صغيـرة رسمت فيها أوراق الخريف بألوانها الترابية .. ارسمت منظر تذكره ناصر بسهوله .. لأنها ما أغفلت أي تفصيل ..نفس الشارع نفس الشجـر .. حتى الظلين اللي انعسوا في الشارع كانت لهم ملامح ..ملامح وملامحها .. انصدم تم يطالعها ويطالع هالابداع اللي جدامه .. ـ متى رسمتيها ؟ نزلت هدى راسها وتنهدت ـ بعد شهر العسـل .. ــ عشر سنوات؟؟ ليش ماقلتي لي ؟؟ ما راويتيني اياها .؟ مسحت هدى دموعها ــ كنت تبي مساحتك الخاصة .. تسافر وايد .. كل ليله بمجلس .. كنت احسبك تتفاداني خصوصا لما سمعتك تقول لبوك الله يرحمه يتركك في حالك خصوصا انك تزوجت اللي فرضها عليك .. انصدم ناصر ـ عشر سنوات ؟؟ .. وانت ساكته؟؟ ليش جبتي اللوحه معاج هنا ؟؟ ..انت دايما تآخذينها معاج ؟ اعترفت هدى ـ دايما معاي .. ـ ليش ؟ ــ لانها ذكـرى عن اللحظة الوحيدة اللي كنت فيها قريبة منك .. كانت هذي آخـر مرة طالعت فيها لي كانسانة .. تلمس ناصر اللوحه بحيرة ..مافهم شتقصد .. كان بيسكت ويطلع بس حس انه لازم يبقى ويفهم شتقصد .. ــ اشرحي لي .. انا عايش معاج من سنوات .. كل ليلة على نفس الفراش .. عندنا اولاد .. شلون تقولين لي ان هاللحظة من عشر سنوات هي اللحظة الوحيده اللي كنت فيها قريب منج ؟. . مسحت هدى دموعها واخذت نفس بعدين قالت ــ لان.. انت حاضر معاي كظل .. انت ابو اليهال ..واسمك زوجي صحيح ..مرت عشر سنوات ماتعرف شلون كانت صعبة علي ..وأنا أشوفك منعزل عني ..منعزل عن حياتي ..حياتك في الكتب والروايات والقصص والمجالس .. تقضي يوميـن تقرأ كتاب من ألفين صفحة .. مالي حق خلالهم بدقيقتين تسألني شلوني ..من رجعنا من شهر العسل وانت تبتعد ..والموج يجرفك ..مع كل طفل اولده تبتعد عني سنين .. كل اللي اسمعه منك حمدالله على السلامه .. بس .. ولامرة ذكرتني بوجودك في حياتي ..كنت تظن اني معتمده على نفسي وثروة أهلي ومب محتاجه شي دام السائق والخادمه موجوديـن .. ولأني أحبك عطيتك المساحه اللي تبيها ..لأني أحبك ابتعدت ..خفت تكرهني ..كنت احتاجك في سهري كل ليله على الطفل المريض .. كنت محتاجتك في مجلس الآباء .. محتاجتك وكتم احتياجي وعودت نفسي اعيش بظلك ..ماكنت ادري انه باستسلامي لهالواقع كنت ادفعك .. ــ تدفعيني ؟؟ ــ أدفعك لحضن امرأة ثانية ... أدفعك لمعجبة وأمثال معجبة .. بس هذه غلطتي .. وانا بغفر لك لجوءك لمعجبة ..لكن لو انا ..لجأت لشخص آخـر هل كنت بتغفر لي ؟ انتفض ناصر ـ كنت بذبحج .. شالكلام الماصخ .. هدى لايكون .. قاطعته هدى ــ لا ..لاتكمل ..مافي .. لكن كنت ابيك تحس باحساسي .. كنت فاقدتك في حياتي ..لكن حاولت أعوض بأطفالي وبيتي واخواني ..لكن انت ..ابعدتني ..ورحت لغيري .. ناصر ـ ماابعدتج ...أنا كنت محتاجج ..لكن كل اللي اشوفه ربة بيت ..ما اشوف زوجة وحب وانثى .. اشوف ام واطفال وأكل .. كنت أتمنى في يوم من الايام اسمع منج كلمة حب .. هدى ـ اذا انت مانطقتها شلون بنطقها انا ؟؟ .. اذا انت ماحسستني لحظة في حياتي اني حب حياتك ..طول عمرك عادني مفروضة عليك، كرامتي ما سمحت لي ولا كبريائي ...عشر سنوات اتعذب بصمت .. عشر سنوات ااحلم بنظرة فيها موده لي .. حس ناصر بمرارة .. طالع لزوجته معقول خلال هالسنوات ما اوفى لها حقها في كلمة طيبة ؟ . معقولة ؟؟ قالت له هدى تأكد له مخاوفة ــ ايه .. ما حسيت بيوم بعاطفة تجاهك .. كنت تؤدي واجباتك مثل الآله .. كأني خاليه من الاحساس أو المشاعر .. كنت احس بنفسي عبء عليك .. وكل يوم اتذكـر ان ابوك فرضني عليك ..أحيانا أتمنى لو اني تزوجت أبوك .. على الاقل بكون كزوجة اب استاهل الازدراء اللي تعاملني فيه .. تدري شأكثر شيء بكيت منه ؟؟ ــ شنو ؟.. ــ كل ما أقرأ لك قصة او مقالة عن الحب . وآخرها مقالة معجبة .. كنت دايما تقدس الحب وتمجده ..تتكلم عنه ..ما تحدد شعورك تجاه انثى لا..تكتفي بالحب ..تتكلم عن الحب وجمال الحب وأي حد يقرأ مقالاتك يفهم انك ماتعيش قصة حب حالية .. الكل منبهر بنقدك واسهابك ..وأنا كل ما أقرأ كلمة أبجي .. أردد كلمات طلال الرشيد .. قلت أحب الحب أحسن .. . بعدين بدت مشاعرك تتجه لشخص معيـن .. بديت أحس باختلاف .. لأول مرة من وقت طويل تذكـر المرأة في مقالاتك .. عرفتك تخونني .. تأكدت أكثر لما قريت مقالة معجبة ..لأن صدق كلماتك كان أكبر من انها تكون مجرد قصة ..حسدتها .. طالع لها ناصر منصدم .. ــ أي حسدتها ياناصر .. حسدتها لانك تكن لها المشاعر ..حسدتها لأن قوة مشاعرك تجاهها قوية لدرجه انك تكتب لها .. بكيت ليال طويلة وانا اقرأ كلماتك .. لأني أحبك سكت ..لأني أحبك أرغمت نفسي على اني اتصرف كأني تمثال .حتى يوم اتصلت .. وقالت لي ..ما انصدمت .. كنت متوقعه وكنت بقبل لو تبي ترجع لها بس ماتتخلى عن عايلتك ..قبلت على نفسي الخيانه ..لأني كنت أظن لليال طويله انك تكرهني .. لكنك اليوم تجي وتقول ان القصور كان مني ؟ كنت تنتظرني اقول لك الكلمة اللي مفروض انت اللي تكرمني فيها ؟؟ .. مسكت هدى بشيلتها وطلعت برا الغرفة .. مسك اللوحه وهو مصدوم ..عشر سنوات واثنينهم يكابرون ..كل شخص منتظر مشاعر الآخر بغباء .. انتبه لأوراق تحت اللوحة ..وتم يقرأ .. رسائل حب إليكـ.. لا أفهم حقا سبب أحاسيسي هذه .. فأنت لاتهتم .. لا أفهم حقا سبب تعاستي هذه .. لا أفهم سبب شوقي الكبير إليكـ .. لا أفهم سر هذه النبضات .. لكني أفهم شيئا واحدا .. أنها لكـ ..فقط أنت ! هل تعلم ما أكبـر أمنياتي ؟ أن أجد في عينيك نظرة تخصني .. أن أجد في عالمك ثانية فكرت بي خلالها .. أن أجد بين كلماتك كلمة طيبة قلتها يوما عني .. أني أفهم أني أحبك حبا من طرف واحد .. لكـني فعلا اتمنى ان تنعشني الأيام وأعرف أنك فكرت بي لثانية من الزمـن .. رغم أنك بعيد كليا عني ..لكنك بطريقة ما قريب جدا إلي .. ففي أحلامي ..أشعر بنظراتك تغمرني .. بأنفاسك تخطفني .. رغم بعدك عني ..فأنت هنا في قلبي وعقلي وعيني ! بعثر ناصر الأوراق ومسك وبورقة ثانية إلى شخص بعيد إلى شعاع شمس يصل إلي من بعيد .. دموع الشوق تأسـرني .. دموع الألم تحتلني .. مشاعر الحب تعاتبني .. إلى شخص لايعلم بوجودي .. في داخلي قلب فقير وبين ثناياي روح بسيطة في دمي احساس مرهف ..وفي فكري صور لامتناهية عن أحلام بعيده .. إلى شخص يكرهني .. كلما كرهتني أكثر ..كلما تعلقت بك أكثر .. إلى دموع سوداء ..يكفي .. لقد اتخمت من الليالي السوداء ..والآلام السوداء .. وكل شيء أصبح سواء !طالع ناصر الأوراق.. بعدين وقف وطلع لقاها في الصالة تمسح دموعها ..مد يده لها ..وحضنها وتمت تبجي في حضنه .. ــ يالغبيه .. طول عمري أشوفج متحجرة ..ولامرة بينتي لي انج تهتمين ..والحين بعد عشر سنوات يلا اعترفتي لي انج تتابعين كتاباتي ؟؟وانج تحبيني ؟؟أنا احبج يالغبية ..عشر سنوات ضاعت من حياتنا وحنا نكابر ..قرأت أوراقج وحسيت بقلبي بينط من ضلوعي .. تم يمسح على شعرها بنعومة وكمل ــ كنت أبي منج لحظة بس لحظة ...اسمعج وتسمعيني ..دايما كنتي ربة البيت المثالية ..الزوجة التقليدية ..ماكنتي ترفعين عينج في عيني ..والحين ..بعد هالعمر ..اكتشف انج كل شيء احلم فيه ؟؟ عشر سنوات من عمري .. لهالدرجة كنت أعمى ؟؟مالاحظت ؟.. من هاللحظة تغـرت حياة ناصر .. لقى الشي اللي كان يبحث عنه طول حياته .. طالع لزوجته ..أخيـرا تحقق له حلم مستحيـل .. لقى الانسانه اللي تكمله ..لقاها في ام عياله اللي تجاهلها من عشر سنوات .. وكانت آخر مرة يذكـر فيها معجبة وحزن معجبة وايام معجبة .. ************************* حاولت شيخة اكثر من مرة انها تفتح الموضوع مع نوير .. لكنها كانت مصممه على انها ماتقول شيء .. ــ نوير أرجوج ..أرجوج .. ــ شيخه مافي شيء ينقال ..خلاص .. دخلت شمس الصالة فطلعت نوير لغرفتها .. ــ شفيها ؟ شيخه ـ مافيها الا العافية .. شخبارج ؟ راده مبجـر ... شمس ـ اتصلت فيني امي وقالت انها مابتجي البيت وان محد مع محمد . استغربت شيخه ـ أنا ونوير مرتزعات هنا من الصبح يوا حوالي حرمتين يسلمون بس ..ماطلعنا مكان ..ماتدرين وين باتت امي ؟ شمس ـ لا والله ..ماقالت .. بس قالت وحده من الحريم اللي تعرفهم مريضة وبتم عندها .. شفتي معجبة ؟ شيخه ــ لا والله ..أكيد في الصالون .. شمس ـ سويتوا غدا ؟ شيخه ـ صافية ماشاء الله طبخت لنا دياي محشي ..ودياي برياني .. ..بقول للخدامه تحط الغدا .. شمس ــ بسرعه لاني ميته من اليوع .. شيخه ــ اوكي .. طالع شمس لغرفة ماجد ..اللي ماكلمها ولامرة من يوم العملية ..ماتدري ليش شايل عليها ..ترددت تدخل لغرفته وتشوف حاله ولا تروح غرفتها ؟؟..لكنها راحت لغرفتها كان محمد يطالع سبيس توون .. ــ سلام يا حلو ــ سلام .. حبت راسه وخذت ملابسها ودخلت للحمام تغير ..وبعد لحظات طلعت وهي تسمع صوت في الصالة ــ نوير ارجوج .. ــ شيخه ما اشتهي .. اشرت شمس لمحمد ـ تعال نتغدى .. طلعت للصالة اللي فوق كانت نوير عند باب غرفتها ــ شلونج نوير ؟ ــ أنا .. ما اشتهي غدا .. وصكت باب غرفتها وطلعت صافية في نفس اللحظة ــ محتشرين عالخير ان شاء الله ..شمس رجعتي ؟ شمس ـ أي والله ..تعالوا نتغدى انا ميته يوع .. صافية ـ يلا عيل ..نوير ماتبي ؟ شيخه ـ ماتبي .. بروح انادي ماجد .. صافية ـ انا سويت له اكله الخاص .. سويت له شوربة ودياي مسلوق وخضار مسلوقة ..خذيها لغرفته عن لايشتهي الاكل حرام .. شيخه ـ حرام لي متى يظل على هالاكل ؟ هذي شمس تاكل عادي.. شمس ـ انا غير عن حالته .. هو يآخذ ادوية بتسبب له عسر هضم اذا كانت مع اكل دسم وثقيل والطبيب حذر امي .. اكل صحي ..وبس شيخه ـ لكنه صار ضعييف وايد .. شمس ـ المهم صحته .. نزلوا تحت عالغدا وتموا ياكلون ويسولفون .. |
الفصل الحادي عاشر الجزء 2
الفصل الحادي عشر الجزء 2
كانت جوزة في الكافتيريا تطالع الاكل السيء .. خذتلها فطيرة جبن وسلطة ...وجلست تتغدى .. للحين معجبةعلى المهدئات ..للحينها مادرت بالمأساة اللي صارت لها.. بعد لحظات شافت الريم تدخل للمستشفى بيدها اغراض .. تخبت عنها وهي تراقب ابو عايض معاها .. ــ يبه بس لحظة ماجبت لها بيبسي . بو عايض ـ عندها في ثلاجتها ..يلا ترى ابطينا عليها .. الريم ـ احتياطا يبه مافيني عالنزلة والطلعه .. دخلت الريم و خذت لها 3بيبسي ..وأول ماتبي تطلع كانت جوزة لافة ويهها عنها وبنقابها لكن الريم شبهت عليها ـ خالتي ؟ طالعت لها جوزة بعبرة وخشنت صوتها ـ لايمه مغلطه .. ـ آسفه . بس تشبهين خالتي .. طالعت الريم لأكل المرة وكسرت خاطرها .. طلعت صحن من الصحون اللي جهزتها وقصدرتها وعطتها اياه ــ تغدي يا خاله .. ــ يابنتي هذا غداكم ــ لا انا حاسبه حساب زياده .. مع السلامه .. اول ماطلعت مسحت جوزة دموعها ..وهي تسمعها تقول لبوها ــ تشبه خالتي جوزة حتى في الصوت .. ابو عايض ـ عيل يلا لانطول على البندري تراها تدق علي .. ـ سرينا .. فتحت جوزة الصحن وكلت من المجبوس اللي عطتها اياه الريم .. وتمت تبجي وهي تاكل .. مابتقول لاي حد حتى بناتها عن مصيبة معجبة ...ماتبي أي حد يطالع لأختها بشفقة ..رن جوالها كانت شيخه ــ قوة يمه ..اشتقنا لج وينج ؟؟.. جوزة ـ يمه في حرمه اعرفها مريضة ومحد معاها ..بتم عندها اليوم وبرجع بكره .. شيخه ــ انزين وين خالتي معجبة ماشفتها ؟... جوزة ـ ليش ماقالت لكم ؟ شيخه ـ لا يمه ..شنو في ؟؟ جوزة ـ سافرت لبنان تدور الكوافيرة ..بترجع بعد اسبوع .... شيخه ـ صج .. ليش ماقالت كنت سافرت معاها .. جوزة ـ كانت مستعجلة .. خلاص يمه ديري بالج على البيت وخواتج وخصوصا ماجد .. شيخه ـ ان شاء الله ..تامرين بشي ؟ جوزة ـ لا يمه سلامتج ..مع السلامه .. ما ارتاحت شيخه ..حست ان في شي ورى غياب امها وخالتها مب طبيعي .. طلعت من غرفتها وشافت احمد يدخل غرفة ماجد .. رجعت وأخذت شيلتها وجلست في الصالة .. في راسها شيء .. لكنها مب متأكده من جرأتها .. نزلت نوير من غرفتها ودخلت المطبخ .. ــ نوير .. ــ شيخه مو وقتج . ــ نوير احمد عند ماجد بأي لحظة بيطلع وانت بدون ملفع .. أشرت نوير للخدامه تجيب لها ملفعها من غرفتها .. سوت لها نسكافية وتمت واقفة لين جت الخدامه معاها الشيلة .. ــ بشرب النسكافية في الحديقة . . رجعت شيخه للصالة وانتظرت .. بعد نص ساعه اسمعت صوت الباب .. عدلت ملفعها ووقفت .. ـ السلام عليكم .. شيخه ـ هلا ولد عمي .. تفضل اجلس اشرب قهوة .. استغرب أحمد .. ــ شخبارج شيخه ؟؟.. شلونج ؟؟ .. ــ الحمدالله بخير دامك بخيـر .. أحمد ـ وشلون خواتج ؟؟.. ابتسمت وهي تعطيه قهوته ــ بخير .. أدري قصدج نوري .. قال احمد متوتر ــ قال لج ماجد ؟ شيخه ـ لا ماقال .. لكن وصلني الخبر .. أحمد ــ عيل صححي معلوماتج .. انا بتزوج بنت خالي .. استغربت شيخه ـ لكنك حيرت نوير .. حط أحمد فنجاله على الطاولة ـ ايه . مأساة لم تخطط لشيء وتكتشف ان هلك مخططين لك شيء ثاني .. شيخه ـ شلون ؟ أحمد ـ تولعت بنوير من شفتها .. وطلبتها من ماجد .. من اسبوعين عرفت من امي انها خطبت لي بنت اخوها ..صارت هوشه عوده ..بس ابوي بعد مشادته مع ماجد قرر يوقف بصف امي .. ونوير مب من نصيبي .. الله يرزقها باللي احسن .. وقف احمد وسلم على شيخه وطلع .. وهو في طريقه لمح طيفها في الحديقه .. قرب منها ــ السلام عليكم .. ــ وعليكم السلام .. ــ شخبارج نوير ؟ كانت نوير تكلمه بدون نفس ـ بخير .. نزل أحمد راسه وانسحب لسيارته ورجع بيتهم .. دخل غرفته من غير مايكلم احد .. طقت رباب الباب لكنه مارد عليها .. بنت خاله مب شينه ..لكن قلبه يبي نوير ...لكن طريقة نوير في الرد عليه ماكانت طبيعيه ..هل كانت تعرف انه اعتذر من ماجد .؟..حس بقهر ...التفت على جنبه وغمض عيونه متجاهل صوت رباب على الباب . ************ راحت لها شيخه للحديقة كانت نوير جالسه تحت ظل شجره ووقت العصاري مع ان الجو كان حار بس كان في هوا خفيف .. قالت نوير باستخفاف ـ فاتج عريس الغفله ..كان يحاول يسوي جو الاخ . جلست شيخه وقالت ـ غريبة .. التفت لها نوير ــ شالغريب ؟ طالعت شيخه للشجر تحاول ماتحط عيونها في عيون نوير ــ ماعاد عريس الغفله .. ــ شلون ؟ شيخه ـ بعد ماتهاوش ماجد مع عمي ..امه خطبت له بنت اخوها .. فاعتذر من ماحج في موضوعج . تمت نوير سرحانه في قلاص النسكافية .. قالت بصوت واطي ـ أحسن بعد . استغربت شيخه وأسألت نفسها ((معقولة انتهت قصتهم قبل لاتبدأ ؟؟)) قامت نوير تبي تروح .. شيخه ـ وين رايحه .. نوير ـ الجو حار ..وأنا أشرب نسكافيه ..أحس بطق من الحراره .. بدخل لغرفه وافج الكنديشن وايلس عالنت .. شيخه ـ تنتطرين عايض ؟ نوير ـ لا ..حذفت ايميله في الزباله .. مب ناقصة .. قامت شيخه ودخلت داخل وراحت لغرفتها ..هالصيف كان غريب .. والاغرب انهم اربع خوات كل وحده منعزلة عن الثانية .. صافية اللي ماتطلع عن محرابها ..وشمس اللي مع ولدها في غرفتها من الظهر .ماجد في غرفته يرتاح ..ونوير اختارت تبتعد .. هالصيف اللي قرب ينتهي .. صارت فيه أشياء وايد ..أشياء ماتخطر على البال .. خطوبة صافية زواج وطلاق الريم ..وانسدل الستار عن حقيقة خالتهم ..خطوبة نوير القصيرة ..جاسم ..كل شيء ينهار ..كل شيء ينهار .. طلعت برا غرفتها وجلست في الصالة تطالع التلفزيون بملل .. ***************** كانت البندري كأنها انسانه ثانيـة .. تغيرت وايد ..وماعرفت الريم شسبب تغييرها ..لكنها صارت انسانه افضل من الوحش اللي كانت عليه .. حتى ابوها تغيـر .. لما كانت تشوفه يضحك ويسولف معاها ..كأنه رجع عشرين سنه لورى .. رجعت البيت ويلست شوي مع جدها وجدتها بعدين رجعت الغرفة وحبست نفسها في كآبـة .. رن جوالها كان رقم غريب .. لكنها ماقدرت تتجاهل احساسها ــ ألو .. ــ ليش تردين على رقم غريب ؟ همست ـ فايز ؟ .. ********* يتبــع |
آآآآآآآآآآه...
ليش يا سهر .... ليش سوين كذا في معجبة .... حرام ، تعذبت وفي النهاية هذا مصيرها ... أنتظر تعليقاتكم ... |
إييييييييييييييييه ... حبيت أنبهكم ...
ترى الأسبوع الجاي ... يمكن... أحتمال البارت الأخير .. تحياتي لكل من تابع رواية (( بكاء بلا دموع )) ... |
مشكوره elctron على النقل
حراااااااااااااااااام ليش معجبه يصير فيهل جذي والله كسرت خاطري احس عايلتهم بالرغم من مأساتهم الا اهما وايد بعاد عن بعض ليش ماجد ما يكلم اخته امممممممممم بس تسليمن يالغلا |
elctron الله يعطيك العافيه وأنا بانتظار البارت القادم |
روعه القصه لكن وجعني قلبي على معجبه المسكينه ماتهنت بحياتها
مشكوورة الكترون حبيبتي على النقل |
يعظيـــــج العـــــــــافية علــــى البـــــــارت الروعــــــة
|
حرااااااااااااااااااااااااااااام عجوووب .. الله يأخذ حقج منهم .. خاصه من هالطبيب الغبي ماجد و شمس .. الله يكسر الحاجز إللي بينكم :friends:.. ويرجعكم مثل قبل بس المهم ..يقول لشمس ليش هو جيه يتعامل معاااها وأهــــــم شخصيه جــــــــــــــوزه <--- يا كبر قلبج .. الله يصبرج ع المآسي تسلميييين إلكتروو ع عالجزء الرهيييب:flowers2: و إن شاء الله النهايه إتكون رووعه |
يسلمووووو إلكترووون البارت حده يعر القلب كاسرة خاطري معجبة والريم انشاللله ترجع حق فااايز لانها صج تعذبت بحياااتها واااااايد...
وننتظر ج الاثنين الياي بنفس الموعد انشاللله.. |
يسلمووووو إلكترووون البارت حده يعور القلب كاسرة خاطري معجبة والريم انشاللله ترجع حق فااايز لانها صج تعذبت بحياااتها واااااايد...
وننتظر ج الاثنين الياي بنفس الموعد انشاللله.. |
يــــــــا الله والله وعرفتـــي وين توقفــي البــاارت:flowers2:
عجيـــب هالحمـــــــاآس الـــي فيني للمتــابعة الاحـــداث:dancingmonkeyff8: والعمـــــــــــوووم الاحداث زيـــــــــنة غير خبــــــــــر عجــــووبة حــز فنفسي واايد:EWx04511: فلــــكي جزيـــــــــــل :110: و خــــــــالص المحبة والاحترام اختي الكترون :mod195lr: |
يــــــــا الله والله وعرفتـــي وين توقفــي البــاارت:flowers2:
عجيـــب هالحمـــــــاآس الـــي فيني للمتــابعة الاحـــداث:dancingmonkeyff8: والعمـــــــــــوووم الاحداث زيـــــــــنة غير خبــــــــــر عجــــووبة حــز فنفسي واايد:EWx04511: فلــــكي جزيـــــــــــل :110: و خــــــــالص المحبة والاحترام اختي الكترون :mod195lr: |
الف شكر ليك على القصة الحلوة
ونحن بانتظار الباقي الفنودية |
جارى الانتظار ........................
|
sabh lward
fine takhmelah y ahelwwwwwwwwwwwwa |
يعطيك العافية وننتظر باقي الرواية
|
في الانتظار
سلام لكل الأعضاء ... تحياتي لكم ..
إذا كان في مجموعة منكم تنتظر البارت الأخير .. استعدوأ بعلب الفاين :asd: :Taj52: :asd: :Taj52:شكل سهر بتخليه أسود .. ان شاء الله .. تخيب كل توقعات اللي ينتظروها في منتداها ،، وتعرض لنا بارت يرضينا و لا يكدرنا .. عموما حبايبي .. أنا جالسة أعمل تحديث للصفحة كل 5 دقايق .. أول ما ينزل البارت سيوصلكم .. :52:((( حاقدة للآن على موضوع عجوب )):52: |
في انتظارك الكترون
|
مرحبا الكترون القصه روووووعه وانا كنت اقراها دوم يوم الثلاثا من الدوام بس م يصير انسجل بالمنتدى عن طريق الدوام نا وايد عيبتني القصه وسهر ابداعاتها كثيره بس القصة وايد تأثر انا اريد اعرف ريم وشمس وعايض وفايز شو نهايتهم وايد اثروو فيه لاتتخري علينا نترياج
وتسلمييييين ي الغلا ع التقل الحلو ولاتنسينا ب قصص يديدة سلامي عليج |
الجزء الأخير
البارت الأخير
جلس فايز في كوستا كوفي في المطار وبدون شعور لقى نفسه يكلم الريم.. كان معاهد نفسه انه يبتعد عنها .. لكن شلون يبتعد عن روحه ؟؟ ــ أخبارج ؟ ماقدر يأكد لها اذا هو فايز لأنه شك بنفسه .. الريم ـ فايز ؟؟ أنت فايز ؟؟ .. ابتسم وهو يتخيل ملامحها .. طالع كوب الاتيه اللي جدامه وقطعة السينابون .. أكل شوي وشرب من الاتيه وهو يحاول يستجمع نفسه .. ــ شفت عايض .. ....... حست الريم انها بتختنق.. حست أنه يتفضل عليها بكلماته .. حسته عايفها ..وبدون وعي نزلت دموعها لكنها اكتمت شهقاتها عن لايسمعها .. ــ انت في امريكا ؟ ـ كنت .. تمت ساكته ..استغربت من نفسها .. لين خمس دقايق طافت وهي تفكر ان في كلام واايد ماقالته له .. كلام وايد لدرجة انها مب قادرة ترتبه في سطور.. كانت واعده نفسهاانها مابتسكت ..بتقول كل شيء .. حتى لو كان كلامها مثل كلام المجانين .. لكنها في هاللحظة .. تبي تقول كلمة وحده ..لكنها تحس أن فايز مب سامح لها .. تغمض عيونها تحاول تدور أي موضوع أي عتاب أي كلام حب ,,لكنها حست بنفسها ضايعه في ظلام دامس ..ومافي أي كلمة أو أمل بيطلعها من هالعتمة . طال سكوتهم .. هو ناطرها تتكلم ..وهي ناطرته يتكلم ..هو ناطرها تعاتب وتبوح له عن مشاعرها .. أو على الأقل تسبه أنه قليل أصل مب قد الوعد .. وهي ناطرة منه أنه يقول لها انه أخطأ بقراره وأنه آسف وأنه يبيها ترجع له .. تبي تسمع منه كلمات حب .. رغم أن الكلمات هذي مابيكون لها معنى لان نظرة عيونه تكفي ..لكنها تبي منه تأكيد أنها أثرت فيه .. أنه مثلها يسهر الليالي بس يفكر فيها .. وبوقت واحد تكلموا ـ الريم ـ فايز.. بعدين سكتوا .. عجزت الكلمات ..وعجزت الأنفاس عن انها توصل لبعض احساسهم ... فايز ـ انتي تكلمي أول .. الريم ـ انت اللي دقيت .. ومانطقت الا كلمات معدوده .. وحتى ماكملت جملتك .. وقف فايز وشال أغراضه ودفع الحساب وقام يتمشى .. وهو حاط التلفون على اذنه.. ـ كنت أقول اني شفت عايض .. ووصل لي أمانتج .. الريم أنا وعدتج وأخلفت وعدي .. مب أول ولا آخر واحد يخلف بوعده .. جلست الريم على سريرها ببطء .. حطت التلفون على الطاوله بعد ماحطته على السبيكر .. امسكت بوساده وانهارت تبجي تكتم أنفاسها عن لاتوصله .. وتم صوته يوصل لمسمعها .. ــ الريم .. عيشي حياتج .. بعد هالشقى تستاهلين انج تعيشين طبيعية .. ماتستاهلين معقد مثلي .. والله يالريم تعبت .. تعبت وما أبي أشقيج معاي ..ليتني ماعرفتج وليتني مادخلتج حياتي .. ولا دخلت في حياتج .. ماتعرفين شالعذاب اللي انا فيه .. ماتدرين شقد متحسف اني عفست حياتج ودمرتها .. كانت الريم مع كل كلمة تبجي أكثر وهي حاطة يدها على حلجها تكتم أناتها .. ــ الريم . .. انا حاضر لأي شيء تبينه .. وأنا متأكد أنج بتلاقين الزوج المثالي .. بتلاقين الرجل الطبيعي اللي تسعدين معاه .. حذفت الريم المخده من حضنها ومسكت التلفون وصيحت وهي تبجي بقوة ــ ما أبي غيرك يالغبي .. ولا أحب غيرك ولا بحب بعدك .. وقفلت التلفون وحذفته على الجدار وشافت أجزاءه تتناثر حست أن قلبها هو اللي يتناثر مب جوالها .. تمددت على السرير وتمت تبجي لين نامت .. *************** جلست جوزة في الصالة وهي تحاول أنها تكون طبيعيه .. لكن ملامح معجبة لما درت بالخبر كانت في بالها .. اختفت الحياة من عيونها ولونها انطفى.. وتمت تطالع الدريشة .. يكلمها الطبيب ويشرح لها وهي تطالع الدريشة حتى ماذرفت دمعه .. مسحت جوزة دموعها أول ما انتبهت لصوت حد جاي .. دخلت صافية كانت لابسه بدلة ألوانها روعه الاصفر والمشمشي تداخلوا مع بعض ..فردت صافية شعرها وكانت حاطة شوي قلوس ومسكرا .. وشيلتها على جتفها.. ــ يمه انتي تبجين ؟؟ جذبت جوزة ـ من الفرحة يا بنتي .. من الفرحه .. ابتسمت صافية منحرجة .. دخلت شيخه للصالة وباست أختها العروس ــ مبروك أختيه ألف مبروك .. منه المال ومنج العيال .. استحت صافية ــ الله يبارك فيج عقبالج .. شيخه ــ ايه عشتوا مستحية الأخت .. جوزة ـ فجي عن اختج شيخوه .. الحين بيي ريلها وانت بتعقدينها .. شيخه ـ وأنا أقول شالجمال وشالحلاة .. الله .. يستاهل خليفوه .. نزلت نوير وكانت لابسه دراعه عنابية بأطراف ذهبية ..دخلت وهي مترددة ونادت شيخه .. ــ أبيج .. جوزة ـ نوير ماباركتي لأختج ؟ صافية ـ باركت لي فوق . وهي اللي سوت شعري يمه . ـ عن اذنكم .. لحقت شيخه بنوير وهي مستغربة .. نوير ما كلمتها من كانت بالحديقة بعد ماخبرتها عن احمد . دخلت غرفة نوير اللي كانت عفسه .. شيخه ـ ليش ماترتبين غرفتج ؟ نوير ـ كنت أدور شيء سنع ألبسه وما فضيت .. تعالي كنت أسوي شعر صافية وقالت لي عن ريلها .. شيخه ـ سو وات ؟؟ .. وليش متكشخه ؟ نوير ــ ما أدري أمي قالت لي اتكشخ .. شوفي ..في سالفة في بالي وما أقدر أكتمها .. بس الحين صار الزواج .. وما أدري اقولها لمنو . وبملخص سريع قالت لها عن اخت خليفة . .. تفاجأت شيخه بس ابتسمت .. نوير ـ ليش شاجه الحلج ؟ شيخه ـ مستانسه .. الحمدالله انج انتي اللي طلعتي لها مب اختج .. نوير ـ بس أقولج كانت نوريه بالحجي .. ومصدقه عمرها و من هالغرور البشع . شيخه ـ وانا اقول لج الحمدالله ان انتي اللي طلعتي لها مب اختج .. تدرين ليش ؟لان لو صفصف سمعت هالحجي ماكانت تزوجته ..ولاكان رضت فيه .. بس مكتوب لها تاخذ هالمغلوب على أمره خليفه .. تدرين ليش ؟؟ لانهم يشبهون بعض وايد .. تدرين ششروطه ؟ .. أنه مافي اغاني في العرس .. اناشيد وبس .. وصافية ماتطلع للحريم ولاتلبس من هالكاشف .. الريال الحمدالله متدين و يعرف الله ..والاهم انه مثل اختج.. ابتسمت نوير ـ يعني وافق شن طبقة ؟ شيخه ـ عليج نور ..وبيني وبينج صافية مرتاحه له وايد ..والاحلى .. انه كان يبيها من قبل ..قبل حكم البراءة.. نوير ـ يعني ما اقول لها شي ؟ شيخه ـ لاتقولين لها ولاتعقدين حياتها .. سوي عمرج ما سمعتي بشي .. نوير ـ ريحتيني .. من قالت لي صافية عن خواته وانا متعقده .. شيخه ـ لا ريحي راسج .. مافيه من هالعقد .. تعالي تحت نيلس مع امي ..تراها مب طبيعيه من ارجعت من الطبيب .. هذا رابع يوم وهي على هالحالة ..بس ودي اعرف من هالحرمة اللي تداريها .. ****** دخل خليفه للمجلس وكانت صافية تنتظره مستحية.. من أول نظرات ألفوا بعض .. ارتاحت له وايد .. ــ مبروك .. ــ الله يبارك فيك .. جلس على الكنبه الي مقابلتها .. وتم يطالع لها ويتأمل براءتها .. ـ حبيت اشوفج عشان أتأكد من رضاج ..راضية ؟ صافية ـ الحمدالله .. خليفة ـ وبشروط العرس ؟ اذا في خاطرج شيء لاتستحين .. صافية ـ بالعكس .. أنا راضية .. ولا اقبل بغير هالشيء . وقف وأعطاها هديتها واستأذن وطلع .. خذت صافية الخريطه ودخلت للصالة مبتسمة .. جوزة ـ ها يمه .. شفتي ريلج ؟ صافية ـ أي يمه .. والحمدالله انه خوش ريال .. وان شاء الله يكون الزوج الصالح . جوزة ـ ان شاء الله يمه .. طلعت صافية لغرفتها دخلت غرفتها وفتحت الكيسة كان فيه وردة وهديتين .. الهدية الأولى .. انبهرت فيها تماما .. كانت قرآن في صندوق مذهب صحيح روعه .والهدية الثانية كانت طقم ألماس .. سلسه ألماس ناعمه وفخمه مع الاسوارة والخاتم ... طقت شيخه الباب ودخلت هي ونوير ــ الله .. رووعه .. من مين هالقرآن ؟ صافية ـ من خليفه . استغربت شيخه ـ هو جا ؟ .. صافية ـ أي وجلست معاه وبعدين راح .. شيخه ـ مسرع شفيكم ماتحملتوا دقيقتين على بعض ؟؟ .. ليش مايلست معاه ساعه ولاساعتين ؟ صافية ـ حبيبتي .. العمر جدامنا ان شاء الله ..وأنا ما أحب صراحه هاللقاءات .. لين العرس يصير خير .. نوير ـ بس انتي خطيبته ومالجين .. المفروض تيلسون مع بعض تتعرفون على بعض .. صافية ـ بنتعرف على بعض بعدين .. بعدين مابقى شيء كلها ثلاث اسابيع .. نوير ـ أي ليش مستعيلين ؟؟ خذي وقتج في الجهاز .. صافية ـ نوير مافي شي .. وانا مب ناوية اضيع فلوسي في ملابس ما بلبسها .. بشتري الاساسيات وبس ..وخير البر عاجله .. هو يشتغل وعنده بيت وجاهز من مجاميعه ..شننطر ؟ نوير ـ الله يوفقكم .. *********** سمعت نوير امها تناديها ..انزلت تحت بسرعه .. ـــ لبيه يمه .. ــ نوير عندنا حريم تعالي يبي الشاي والقهوة .. استغربت نوير ..مب عادة امها تناديها بهالطريقة ..واللي صدمها أكثر لما دخلت المطبخ لقت كل شيء جاهـز ..شالت الأغراض مع الخدامه ودخلتها وضيفت الحريم اللي كانوا حرمتين كبار لابسين بطوله وبنت حاطه شيلتها على جتفها .. جوزة ـ تفضلوا حياكم الله نور البيت ام علي .. ماشفتج من عمر شخبار ولدج علي ؟ أشرت جوزة لنوير انها تطلع .. ام علي ـ الحمدالله يا ام ماجد البيت منور بأصحابه وعلي الحمدالله ريال مابعده ولاقبله .. استغربت جوزة ــ من هالحلوة .؟؟ أم علي ـ هذي بنتي سميه وهذي ام غلوم مربيتها هي وعلي وصالح من كانوا صغار.. جوزة ـ ماشاء الله عليها ..الله يخليها لكم .. أم علي ـ تسلمين يا ام ماجد .. ام ماجد حنا يايين اليوم مثل ماقلت لج في التلفون يايين نخطب لولدنا .. حست جوزة بارتباك ـ هذي الساعه المباركه .. يايين تخطبون لصالح ؟ ام علي ـ لا يا ام ماجد ..صالح زوجناه من سنتين وعنده ولد هالحين .. يايين نخطب لعلي .. انصدمت جوزة ..قالت مرتبكه ــ والنعم والله بس خبري انه علي عود ومتزوج وعياله ماشاء الله ..وانا بناتي صغار .. ضحكت ام علي ـ يا معوده علي طلق حرمته من شهور .. وبعدين بناتج يهال .. انا ابي له معجبة اختج .. انصدمت جوزة وماقدرت تعلق ..حاولت تحبس دموعها قد الامكان ــ بس معجبة اختي مـ... قاطعتها ام علي ـ مالقينا احسن منكم ياام ماجد .. بنتكم حلوة واخلاق وبنت اصل .. .. ومابنلقى احسن منها .. حست جوزة بخنقه ..بنت اصل ؟؟ .. الحين تذكرتوا ؟؟ بعد كل المآسي اللي مرينا فيها ؟ بعد ماخربت حياة معجبة ؟؟ .. امسكت عمرها وحاولت تصير طبيعيه .. ــ ان شاء الله بنرد لكم خبر بس أسأل البنت ..و.. أشوف رايها ..تفضلي القهوة يا ام علي .. ************** |
كانت رباب في غرفتها تطالع اغنية اصاله في التلفزيون على قناة نجوم ..
(سواها قلبي يا حبيبي وحبك ماطاعني وانا عن الحب ناهيه الظاهر انه مايبي غير قربك عاف الجميع واول الناس راعيه عليه ما اوصيك لاصار جنبك صبح عليه بحب وبحب مسيه نبضه وفا وبتضحياته يعجبك صافي ولكن مالقى من يصافيه خلى الدروب الكل واختار دربك داريه قد فوق مافيك داريه وابشر بقلب مايبي غير قربك يموت وغير محبتك ماسكن فيه .. )) انتبهت للجوال اللي كانت حاطته على الصامت .. فتحت المسج من سناء.. (( رباب شسويتي .. رباب ارجوج ردي علي ؟)) حذفت رباب الجوال على السرير انفخت بقوة وهي تفكر ((شرد عليها ؟؟)) .. رن التلفون وكان المتصلة سناء ... طنشت رباب ماتعرف شلون بترد عليها .. اطلعت برا غرفتها وطقت الباب على اخوها اللي ماطلع من غرفته من يومين .. ــ أحمدوه أبي أكلمك .. فتح الباب بعد ما ارتزعت عشر دقايق جدام الباب بس تناديه .. ــ شتبين يالعله ؟ رباب ـ أنا عله ؟؟ انزين شوف من اللي بيطلعك من ورطتك. اول ماتبي تروح مسك يدها ــ تعالي .. دشي . دفعها داخل الغرفه وكان شكله مبهدل بثوب النوم واللحية اللي ماحلقها والغرفه المبهدله . ــ شتقصدين ؟ رباب ـ اعرف انك ماتبي بنت خالي سناء ..وفور ذا ريكورد ..شي از نوت انترستد. عقد احمد حواجبه ـ ها ؟.؟ شقاعده ترطنين ؟؟ . رباب ـ ادري انك تبي نوير وميت عليها .. وماتبي سناء . أحمد ـ سناء مب شينه .. تنهدت رباب ـ تدافع عنها ؟ أحمد ـ مب دفاع ..بس حق .. رباب ـ أدري انها مب شينه بس اعرفك ماتبيها .. احمد ـ خلاص امي خطبتها وخلاص .. رباب ـ شنو خطبتها وخلاص .. شالقناعه اللي عندك هذا وانت تموت في نوير .. جلس احمد على سريره ومسك تلفونه يقلب فيه ـ يعني عندج حل ؟ رباب ـ الا الحل عندي .. شوف سناء ماتبيك ..وتخاف تردك .. طالع لها احمد معصب ـ شنو ماتبيني ؟؟ بكيفها هي ؟؟ وشفيني انا ؟ شناقصني ريال طول وعقل و... طالعته رباب قاطعته ـ ياعقدتكم يالرجال .. شوفي مب هذا القصد انت ماعليك قاصر بس .. القصد انها تبي تكمل دراستها برا .. وتبي تدرس طب ..اتعرف شنو يعني طب ؟ طالع لها بقرف ـ لا ما اعرف .. ششايفتني جدامج ؟ رباب ـ اوووف تعبتني بعصبيتك شوف سناء تبي تدرس طب يعني سبع سنوات وبتروح عند خالها في لندن.. يعني البنت عندها طموح وخطط مب مستوعبه فكرة الزواج الحين ولا انها تظل هنا في الدوحه .. وهي تبي تقول لاء ..بس خايفه من ابوها مع انها الدلوعه وطلباتها اوامر بس.. ابوها قال انه مابيرضى الا بردك انت .. انت اذا ماتبي ترخصها تروح وتكمل دراستها مابيخليها .. حس احمد بذنب انه بيهدم طموح بنت متفوقه مثل سناء .. احمد ـ بس هذا مابيحل مشكلتي .. استغربت ـ وشنو مشكلتك ؟؟.. أحمد ـ نوير .. ابي نوير وابوج رافض .. رباب ـ ليش ابوي بيرفض ؟؟ .. خل هالسالفه علي تعرف ان ابوي مايسمع لحد مثل مايسمع لي .. احمد ـ خلاص ..بروح لخالي واتفاهم معاه .. ابتسمت رباب واركضت برا واتصلت في سناء وبشرتها .. *********** دخلت رباب الميلس كان ابوها يالس بروحه وبيده الجرايد ــ السلام عليكم يا أحلى أبو .. ابو نايف ـ وعليكم السلام يا احلى البنات .. يايتني الميلس وش عليه لازم السالفه جايده. ضحكت رباب وهي تيلس بقربه ـ فديته اللي يفهمني ..فديته.. حب راسها وهو يضحك ـ يلا بيذن العشا باي لحظة اختصري موضوعج .. رباب ـ اخوي احمدوه. بونايف ـ شفيه اخوج؟ رباب ــ يبي بنت اخوك ,, سكت ابوها وهو يطالع لها وبعدين صكر الجريده والتفت لها ـ هو طرشج ؟. رباب ـ أي ولا .,. بونايف ـ بعد اللي سواه ماجد ؟ رباب ـ بس يبه ماتلومه .. عصب بونايف ـ شتقصدين ؟ رباب ـ يبه انت تعرف اخواني نايف وسعد .. كل يوم فضايح ..من بيزوج خواته لهالأشكال ؟ بونايف ـ عيب هذول خوانج .. رباب ـ خواني ماشفت رقعه وجوهم من شهر .. يبه بذمتك لو ماجد في اخلاقهم وشينهم ويا تقدم لي بترضى فيه بس لأنه ولد عمي ؟ بونايف ـ لا مابرضى ... اففف يا رباب ..تعبت من اخوانج يابنتي .. قلت ازوجهم يمكن يتعدلون ويصيرون اوادم.. رباب ـ يبه فديتك .. انت ماقصرت معاهم بشي ..علمتهم الدين و صرفت عليهم بأحسن المدارس لكنهم فاشلين ..كافي دلع امي لهم والفلوس اللي حاضره لهم اربع وعشرين ساعه .. وحتى شغلهم لانه بالواسطة يطقون الكرت ويهيتونه .. ودايما يطرشون الدريول يطق الكرت بدالهم .. سكت بونايف شوي بعدين قال ــ وانتي ليش مايبيج؟ رباب ـ يبه كنت تساومه على خواته .. طبعا بيرفض ..يبه احمد يبي بنت عمي ..ارجوك لاتكسر بخاطره ..عشان عمي ثامر الله يرحمه ..تذكر شلون كان طيب ؟ حس بونايف بالذنب من طرت اخوه ــ الله يرحمه ,بس اخوج خطبت له امج بنت خالج. رباب ـ يبه البنت تبي تدرس طب وماتبي تتزوج ..والصبح راح احمد وتفاهموا على الموضوع .. بونايف ـ شغلكم كله من تحت لتحت ؟ ضحكت رباب ـ لا والله يبه ..كله وليد اللحظة .. سمعت رباب صوت الآذان ..وقف ابوها وحبها على راسها ـ بفكر يايبه وبرد لج خبر ..بروح المسيد الحين .. شقصة رباب .؟؟ هل تحب ماجد ؟؟ .. طبعا تحبه رجل وسيم واخلاق ومجتهد .. لكن السبب اللي كانت تصده دايما انها يوم كانت صغيرة سمعت ابوها يقول لامها انه مابيزوج عياله من بنات اخوه ولا بيزوج بنته لولد اخوه .خصوصا بعد مارفض ثامر انه يطلق زوجته ... .رغم انها كانت صغيرة الا انها سمعت السالفه وظلت تتذكرها دايما ..ولما التقت بماجد ايام ماكان يوصله احمد غصب عنها تولعت فيه وحبته حبت سوالفه مع احمد وطريقته لما يطالع لها .. لكنها كتمت مشاعرها وعاملت ماجد بغرور واستهتار وقللت من قيمته علشان مايحبها بدوره ومايتعرض للذل اذا تقدم لها ورفضه ابوها .. هي بنت جميله ومب قاصرها شي ,كانت مقتنعه ان نصيبها بيجيها ,لكنها ماتخيلت في يوم انها تحب انسان لحد الجنون مثل حبها لماجد .. اللي من اسمعت خبر الحادث اللي صارله من احمد وانهارت نفسيا وفقدت الوعي في نفس اللحظة .. .واستغرب احمد من ردة فعلها وواجهها لكنها اكتمت مشاعرها وقالت له انها كانت مرهقه .. ************ تمت نوير تبجي في غرفتها ..مرت شمس الغرفة لكنها مافتحت الباب ...حاولت شيخه لكنها مافتحت لها ..بالأخير طقت جوزة الباب ــ نوره افتحي الباب ـ اسمي نوير مب نوره وبعدين ليش تبون تزوجوني طايحه في جبدكم ؟؟ ابتسمت جوزة ـ يمه هالحريم مايوا يخطبونج .. يايين يخطبون خالتج ..فكي عمرج واطلعي اكلي لج لقمة انتي طول اليوم على لحم بطنج .. فتحت نوير الباب وفي وجهها شبح ابتسامه منحرجه ـ يعني مب لي ؟؟ جوزة ـ لا ..كنت اظن انهم يايين عشانج ..بس طلعوا يايين عشان اختي .. يلا ..نوير شالزباله ؟ ماتنظفين غرفتج ؟ نوير ـ يمه كنت متضايقه .. جوزة ـ واذا متضايقه شالفوضى ..تعالي تعشي بعدين ردي خذي الخدامه ورتبي هالفوضى .. نوير ـ برتبها بنفسي ما يحتاج .. نزلت نوير وهي حاسه براحه ..وكلت بشهيه مفتوحه وشيخه تطالعها وهي تضحك ــ شفيج مفجوعه ؟ نوير ـ يوعانه .. شمس ـ شكلج يضحك عيونج مطققه من البجي وخشمج احمر وقاعد تاكلين معادلتين مب مفهومهات هههه .. ابتسمت نوير لختها .. وحست انها كانت ظالمتها مالها ذنب كافي انها تعذبت بحياتها .. نوير ـ شسوي على بالي امي بتزوجني ..وانا قفلت في وجهي الدنيا .. شيخه ــ مصيرج تتزوجين .. نوير ـ مب بهالسرعه ..لين تتزوج شمسه وماجد وصافيه يصير خير.. جوزة ـ ليش يصير خير ؟صافيه بعد اسابيع ..شمس في العيد وماجد الصيف اللي جاي لما يتخرج .. الكل طالع جوزة مستغرب واولهم شمس ـ شنننوو ؟؟ جوزة ـ ايه اللي عنده اعتراض يحتفظ فيه لنفسه .. وقفت جوزة ومسكت عباتها وقالت ــ بروح للحرمه اياها ..ببات عندها لاتنطروني . ضحكت شيخه بهستيريه ــ الحمدالله انا برا الحسبه .. ردت جوزة ــ انت اول المخطوبين .. عقدت شيخه حواجبها ـ شنو ؟؟ جوزة ـ احتفظوا باعتراضاتكم لاعماركم .. مع السلامه .. اوقفت شمس وشيخه والحقوا بجوزة لكنها مااعطتهم وجه ركبت السياره وراحت .. شيخه ـ شمس ..أمي شتقصد؟ شمس ـ اعتقد امي ملت من حالنا المايل فقررت كل شيء بدون اعتراض .. شيخه ـ منو اللي خطبني ؟ شمس ـ من غيره ؟؟ شيخه ـ منو ؟؟ شمس وهي تضحك ـ راعي الدكان ههههههه .. وارجعت داخل جري تهرب من شيخه المعصبه ... شمس ــ شفيج تستعبطين ؟ شيخه ـ جاسم ؟.. معقولة ؟؟ شمس بخبث ـ عندج مانع ؟ شيخه باستسلام ــ لامانع ولا دواس ...الله يستر. ********* معجبة ــ الحمدالله انهم ما استئصلوا المبايض يا جوزة..كان تميت لآخر عمري تحت حكم ابر الاستروجين.. جوزة ـ بس انحرمتي من اليهال ...شتفرق ؟؟ علقت الممرضة اللي كانت تساعد معجبة في انها تمشي ــ في فرق يا مدام .. الاستروجين يمنع امراض القلب وهشاشه العظام ..ومسئول عن اعطاءها صفات الأنوثه .. مابتشوفي اللي يعملوا عمليات تصحيح ياخذوا هالهرمونات التعويضيه ؟ بلدت جوزة ـ ها؟؟؟..منو ؟؟ شنو ؟؟ ضحكت معجبة وكانت اول مرة تضحك من دخلت المستشفى .. معجبة ـ جوزة شخبار البنات ؟ جوزة ـ بخير ..متولهين عليج .. تدرين يوج خطاب ؟ انصدمت معجبة ـ منو ؟ جوزة ـ تذكرين ام علي ؟؟ جارتنا القديمه .؟؟ يت تخطبج لعلي ولدها . ــ علي ؟؟.. بس انا حضرت عرسه وانا ياهل .... جوزة ـ ايه طلقها من كم شهر .. عنده عيال منها بس كلهم في الاعدادية والثانوية .. معجبة ــ جوزة يفتح الله اذا بعد هالعمر ماحشم مرته وطلقها شلون بيحشمني ؟وانا لاعيال ولاهم يحزنون..دقي عليها واعتذري .. جوزة ـ معجبة حرام عليج بيكون خوش ... قاطعتها معجبة ـ اول شيء مابي اربي عيال غيري ..وثاني شيء أي حد يتقدم رديهم ..أنا عايفه العرس ..ما ابي اعرس ..ولاتجيبين لي شله هالشياب والمطلقين ترى بعد ناصر عفت اشكالهم ... كرهني فيهم الله لا ... استغفر الله ..اففف... جوزة ـ كيفج ..حياتج وانتي ابخص بها .. معجبة ــ أماني بليز رجعيني للغرفة .. انا تعبت من المشي ... اماني ــ لا لازم نمشي ربع ساعه زياده ... بعد ربع ساعه رجعت للغرفتها وهي مكتئبة .. جوزة ـ بتقاضينهم ؟؟ معجبة ـ شالفايده ؟؟ هل بيصححون وضعي ؟؟ لا .. بس اعور راسي بمحاكم وقضايا .. جوزة ـ اذا تميتم تسكتون جي مابيعبرون احد وبتزيد اخطاءهم .. لازم تقاضينهم .. معجبة ــ جوزة .. طز فيهم ..ترى انا تعبت .. غلطتي انا انا ليش طعت ناصر ؟؟ ما ادري . بس استاهل .. أستاهل لغبائي و ولعبي بنفسي ..ولا في وحده عاقله ماعندها عيال تسوي سواتي ؟؟ .. الحريم اللي عندهم عشر اولاد مايسونها .. غباء مني ... لفت معجبة وجهها عن اختها ــ بيطلعوني بكره.. لو تمرين السوق لباريس غاليري او فيسيس وتيبين للبنات هدايا .. عطور على الاقل ..هم دايما متعودين اييب لهم عطور من برا .. يحبون الجديد ..اشتري لهم أي شي نازل يديد .. جوزة ـ بكره الصبح بروح .. وبعدين برد آخذج .. ******** |
دخل لغرفتها وكانت نايمه .. اكسرت خاطره .. جلس على سريرها وربت على جتفها
ــ الريم ؟ قامت منتفضة ـ ها .. عبدالهادي ـ اسم الله عليج يا بنتي ... شفيج ؟ .. كان شكل الريم يخرع بشرتها صايره صفرا من الشحوب وعيونها حمرا وماشافها من يومين وهي في غرفتها .. طالع للارض كان جوالها مكسر رجع طالع لها كان شعرها منكوش وشكلها مبهدل ببيجامتها السودا .. ـ رجعتي للون الأسود ؟ الريم ـ هلا يبه .. عبدالهادي ـ رجعتي للون الأسود ؟؟ الريم ــ انكتب علي اشوف الدنيا بظلام لآخر عمري .. عبدالهادي ـ كل هذا عشان فايز ؟؟ .. الله بيرزقج باللي احسن منه .. الريم ـ اشك ان في هالدنيا في احسن منه.. حس عبدالهادي ان قلبه يتقطع على حال بنته .. ـ قومي يابنتي .. صلي واذكري ربج .. عشان يذكرج .. طلع من عند بنته اللي نزلت دموعها غضب عنها . قامت وصلت فروضها ورجعت حطت راسها على المخده ماتبي تفكر في شيء لكن صوت فايز في راسها .. دخل عبدالهادي لعند ابوه عيسى .. لقاه مع امه يطالعون الجزيرة .. ــ السلام عليكم .. عيسى ـ وعليكم السلام والرحمه .. شلون مرتك ؟ عبدالهادي ـ على حالها يبه .. عيسى ـ وينها الريم ماشفتها من ايام ؟ عبدالهادي ـ في غرفتها ..ردت لها حالة الكآبه .. بالبدايه كان عايض موجود وحاول انه يساعدها وتحسنت ..لكنها رجعت انتكست .. شسوي يايبه .. عيسى ـ روح مصر .. عبدالهادي ـ شلون ؟؟ ****************** الفصل الثاني عشـر والأخـيـر .. دموع بلا بكـاء .. ******** انزلت نوير تحت للمطبخ تشوف السويت اللي سوته جمد ولا بتحطه في الفريزر.. وكانت مسوية شعرها كيرلي وحاطة له شريطه تايغر جامعته على جنب ومتجهزة لاستقبال خالتها بتنورة سودا طويلة وتوب تايقر وبليروو اسود وجلال الصلاة على جتفها .. كانت شمس في المطبخ تعطي ولدها دانيت بالموز ــ شمس انا مستغربة ليش امي تبينا نتعدل .. شمس اللي كانت متعدله وفارده شعرها ولابسه تنورة بيج وقميص زيتوني ــ بتجينا الريم وبتجينا يدتها و رباب بعد واحمد .. ..ما ادري شسبب هالعزومة دايما معجبة تسافر وترجع ..أول مرة امي تسوي عزيمه في المطعم لهالسبب .. نوير ـ بيجي أحمد ؟ شمس تطالع ردة فعلها ـ اصلا احمد هنا رباب بيوصلها عمي .اي نسيت بيجي عمي .. طلعت نوير للصالة وانصدمت .. سلال الشوكلاته الفاخرة وصواني السويت من اوبرا والكيك من البتيل .. طالعت شيخه اللي كانت تشرف على الخدامه ــ الله ليش كل هاي ؟؟ حق شنو ؟؟ شالسالفه شيخه ؟؟ شنو عرس ؟ شيخه ـ انا كنت مثلج منصدمه .. بس لما دقيت على امي عرفت ان السبب هو سلامة ماجد وشمس .. أمي ماسوت لهم عزيمه كانت زعلانه على خالتي مها .. فهالعزومه تحمد بسلامتهم وبالمرة بمناسبة ملجه صافية .. ماعزمت حد غريب بس بيت عمي والريم واهلها ... فودت للمطبخ ست ذبايح تخيلي عاد يوم سألتها من بياكلهم قالت انها بتوزع على الفريج ..واللي صدمني صحيح انها طالبه بوفيه للميلس وبوفيه للحريم .!! .. بتجي وضحى اخت ريل صافيه بس مابيجي حد من اهلها كلهم اعتذروا .. نوير ـ اوف ..بس صج مافرحنا بقومتهم .. ولافرحنا بصافية .. ماقالت لي كان حجزت الدي جي وسويناها حفله .. شيخه ـ امي ماتبي دق ورقص .. للحينها زعلانه على خالتي مها .. وصافية بعرسها مابتحط اغاني تهقين ترضى تحطها بعزومه ملجتها ؟؟ .. ساعديني نرتب الحلو .. ترى المطعم طرشوا العصاير الطبيعية بدري ..وين الخدامه خل تحطهم في الثلاجه .. نوير ناديها بليز؟؟ كانت شيخه لابسة فستان اسود ابيض قصير وبوت اسود ومسوية شعرها مثل نوير فطالعين يشبهون بعض وايد .. راحت نوير تنادي الخدامه وطلعت شمس للطابق الثاني تغير لمحمد ملابسه .. شيكت نوير على السويت اللي سوته كان شيز كيك بالفراولة جمد الخليط فطلعت الفراولة تقطعها على الوجه ..وكانت مستغربة من امها دامها طالبه كل هالنعمة ليش خلتها تسوي وتتعب وتخبز الكيك وتروح الجمعية وتتشرى كل هالطلبات.. ــ احم احم .. التفت للباب وبسرعه حطت جلالها على راسها ـ هلا احمد .. كان عيون احمد عليها حست باحراج بس سوت عمرها ولا مهتمه بوجوده .. كملت تزيين السويت بقطع الفراولة وتقص الفراولة بالسكين وتحط على الوجهه .. . قرب منها ـ نوير عطيني قطعه .. قصت له نوير وعطته بصحن وعطته ملعقة ورجعت تزيين .. أحمد ـ نوير .. تسلم ايدج الحلا يجنن وانتي تجنين .. سكنت يدين نوير والتفت له مستغربة ـ نعم ؟ أحمد ـ اقول .. الحلا يجنن وانتي تجننننننننين .. حست نوير انه يستغبى (( سكنهم مساكنهم الريال انجن )) احمد ـ نونا .. التفت له نوير معصبة ـ نعم ؟؟؟شنو نونا ؟؟ احمد ـ كيفي ابي ادلعج .. كانت نوير ماسكه السجين وانتبه لها احمد رافعه السكين قال يتطنز ــ بتقتليني ؟؟ وشنو السبب عشاتي احبج ؟ نزلت نوير السجين وهي حاسه بخنقه ــ انت مب خطبت وخلاص ؟؟ ليش هالحجي ؟؟ ارجوك انا ما اسمح لك . احمد ـ أي خطبت .. وخطبت اللي هواها قلبي .. استغربت نوير طريقه كلامه وحست انه يخنقها ..استغربت ليش هي مغتاظة لانه يمدح خطيبته .. ليش حاسه بالغضب ومعصبة .. حاولت تصير عادية .. ــ تتهنون ببعض بس ارجوك تحلى بالاخلاق وعن هالحجي الماصخ .. لفت عنه ورجعت تقطع الفراولة بعصبية .. فرصها من ايدها وقال لها بسرعه ـ احبج .. واختفى برا المطبخ قبل لاترد عليه نوير اللي كانت تبي تصيح من الخوف ..قامت تكلم عمرها ــ شالغبي ؟؟ شالحركات الماصخه ؟؟ زين ماطعنته بهالسكين من الخرعه ! ... دخلت الخدامه شايله غرشات العصير الطبيعي في نفس اللحظة ودخلت شيخه بسرعه ــ منو هذا ؟؟ شفت زول ريال؟ نوير ــ ولد عمج المينون .. شيخه ـ قوليها صح ..المينون ولد عمج ..تعالي .. منو ؟؟ احمد؟..شيبي ؟ نوير وهي تكتم رجفتها ــ ماادري .زط من هالحلو وطلع .. طالعت لها شيخه مستغربة خدودها الحمرا ورجفتها بعدين ابتسمت ــ عيل المينون .. .. ماستحملت نوير ـ شيخوه شتقصدين .؟ شيخه ـ عيني في عينج بس .. نوير ـ الريال خاطب .. عن الاشاعات اللي مالها داعي .. اضحكت شيخه ـ ضحكتيني والله .. اشاعات ..اللي يشوف ويهج يعرف الاخبار صحيحه ولا ... نوير ـ اذلفي برا المطبخ لاااطلع عن طوري واحذفج بالسجين ! طلعت شيخه وهي تغني ـ بالسجين بالسجين بالسجين ..زد يابخيل زد يابخيل زد يابخيل .. نوير ـ سخيييفه .. لكنها كانت مناقضة نفسها .. لحظة تستغرب احساسها ..ولحظة تتذكر انه خاطب ..ويموت في خطيبته .. *********** ــ معجبة انت متغيرة ..شاحبه .. التفت معجبة لشيخه ـ صادتني نزلة معوية ماخلتني اشوف طريجي .. ساعدتها جوزة ودخلتها لقسمها وشالت الخدامه شنطتها ودخلتها لداخل . شيخه ـ حمدالله على سلامتج .. بروح للصالة ايلس مع الريم شوي .شكلها تعبانه ..مدري شفيكم انتي واياها .. اول ماطلعت شيخه التفت لاختها معجبة ــ شبنقول للناس ؟ جوزة ـ وشعلينا من الناس ؟؟ لانقول شيء .الله يسهلها .وانتي تصرفي عادي عيشي حياتج ..والله يهنيج..بدلي ملابسج واطلعي للحريم اول مايجون بعدين اعتذري وادخلي داخل .. معجبة ــ مالي خلق جوزة ..مالي خلق .. جوزة ـ بشتري لج خلق .. شوفي انا قررت قرار ..قررت اني مااخليكم تمشون على هواكم ..كلكم ابتداء فيج وانتهاء بشيخه .. شفت النتيجه وسكت طول هالسنوات وما اشوف الا مصايب ودموع .. بس ..بعد اليوم بلا مصايب بلا دموع .. غير دموع الفرح .. اضحكت معجبة ـ يعني شلون ؟؟؟ جوزة بجدية ــ يعني .. محد بيمشي على كيفه ..وبفرض عليكم قراراتي واللي موعاجبه يشرب من البحر .. طلعت جوزة برا مااسمحت لمعجبة انها ترد واستغربت معجبه من متى جوزة ديكتاتورية ؟؟ لكنها ابتسمت وقالت لعمرها ـ جربنا الديمقراطيه ودمرنا حياتنا .. نجرب الديكتاتورية يمكن نرتاح شوي ؟.. على الاقل مانلوم نفسنا ولو لمرة وحده .. ********* كانت الجلسة حلوة .. الكل يسولف عن آخر التطورات وعن اخبار الناس .. البنات انعزلوا عن الحريم الكبار ..تفاجأ الكل بأم خليفه لما جت مع وضحه .. وكانت انسانه اجتماعية بطبعها وهي وجوزة ويدة الريم تموا يسولفون ,, بينما رباب ووضحه والريم اجتمعوا مع البنات وسوالفهم كانت عن كل شيء من المكياج إلى الوظايف ومواقف المدرسة والجامعه .. دخل ماجد للمطبخ وطل للصالة يبي ينادي وحده من خواته ..بس انذهل لما شاف رباب تضحك مع شيخه .انبهر بضحكتها .. اول مرة يشوفها تضحك .. كانت بعباتها وشيلتها على راسها بس غرتها طالعه .. ووجهها بلامكياج .. تم يختلس النظرات ونسى ليش جاي .. بعدين قامت شيخه وتوجهت للمطبخ .. اول مادخلت لقت ماجد في المطبخ .. ـ شفيك تارك ضيوفك ؟ في شي ؟ ؟ ماجد ـ ابي هيل .. في هيل ؟؟ عمي يبيني ازيد الهيل للقهوة .. شيخه ـ عندكم حد غريب ؟؟ ماجد ـ ثلاثه من ربع عمي .. وجدي عيسى وعمي عبدالهادي .. وماشاء الله العدد يزداد خليفه جا مع اثنين من ربعه وولد عمه ... طلعت شيخه الهيل واستغربت من وقفته .. طلت من مكانه ولما شافته يطالع رباب ابتسمت ــ ماجد .. من ورانا هالحركات ؟ .. ماجد ـ لاحركات ولاهم يحزنون .. وتحرك من مكانه ووخذ الهيل من يدها واول مايبي يطلع قطت شيخه نغزة وهي طالعه ــ قلت دموعها يوم طحت بالمستشفى مو لله .. يضرب الحب شو بيذل .. ابتسم ماجد بس قال لها بصوت عالي ـ نسيت اقولج خطيبج حاضر في المجلس ! التفت له شيخه منصدمه لكنه طلع وتمت هي واقفه مثل الصنم .. اختفت البسمه من على شفايفها .. وجلست جنب رباب ساكته مبوزة .. رباب ـ شفيج ؟؟ شيخه ـ مافيني شي .. عن اذنج .. ردت شيخه للمطبخ وهي مهمومه .. شيقصد بخطيبها ؟؟ لايكون انخطبت؟ هذا غير كلام امها ؟؟ .. دخلت نوير مستغربة ــ شفيج ؟ على شنو ماده البوز ؟ شيخه ـ امي قالت لي امس كلام واليوم سمعت من ماجد حجي .. و صراحه انغثيت ... نوير ـ حجي شنو ؟ ؟ شيخه ـ عن خطبتي .. وخطيبي .. عندج فكرة ؟ نوير ـ ماسمعت شي ..ماغير اللي يوا يخطبون معجبة ..ماشفت ولاسمعت عن غيرهم ..تعالي تعالي الكل يحاتيج ورباب تقول لي انج متضايقه .. شيخه ـ بس اروق بجي .. روحي انتي الحين وبعد شوي بجي .. نوير ـ لاتطولين ولاتفكرين .. طلعت نوير وتمت شيخه في المطبخ في راسها ألف وسواس .. ***** دخلت لغرفة شمس اخيرا وانهارت تبجي .. ــ عرفت فيج شي .. شفيج ياروحي ؟؟ ــ كلمني .. كلمني ياشمس .. ـ أخيرا ؟ الريم ـ ليته ماكلمني ... وانهارت تبجي في حضن شمس .. مب قادرة تستجمع نفسها .. عطتها شمس كوب ماي ــ شقالج ؟؟ ــ قال لي الله يرزقني باللي احسن منه .. بكل بساطه ..هنت عليه بكل بساطه ! تمت شمس تهديها لكنها ماقدرت لان الريم كانت كاتمه احزان تبجي الصخر .. بعد دقايق طويله رفعت راسها ومسحت دموعها ــ احبه .. احبه .. ليته ما .. ليتني ماعرفته .. ياربي هالوجع ماله نهاية .. وضربت على قلبها بقوة .. شمس ـ ريم اذكري الله .. اذكري الله ..وصلي على النبي .. الريم ـ لا اله الا الله .. لا اله الا الله .. شمس احس اني انكويت من داخل .. انكويت بنار والالم مايبي يخفت ..كل يوم يزيد سعيره ... ماتخيلت اني بتعلق فيه جي ..احسه ابوي امي .. احسه ولدي ..احسه أنا .. كان الشمس لحياتي .. كان الشمس لها ..الحين احس اني في ظلام ..حاولت ادرس وافرغ في الدراسه لكني كل ليله انام على جمر .. الحين حسيت فيج .. الحين حسيت فيج يوم جيت لج وقلت لج عن طلال .. يوم مات ..الحين حسيت بحيرتج .. شمس ــ ماكان ودي تمرين باحساسي .. انت على الاقل تركج على البر .. انا حذفني في اعماق المحيط وخذ مني حشاشه يوفي .. وخلاني اتخبط بس ابي شط ارجع له ..مب لاقية .. اربع سنوات وانا اكذب على نفسي .. عمري ثمان وعشرين والشعر الابيض غزى شعري وحياتي وانفاسي .. احس ان روحي استكانت بردة محمد ..لكن فيني ..فيني جمرة غضى ...شنسوي يالريم ..انكتب لنا ننكوي بهجرهم .. انزلت دموع شمس وهي تحضن الريم .. بعد لحظات قامت للثلاجه طلعت عسكريم وملعقتين ــ اشتريته من اسبوع ... ولاقدرت اطلعه واكله .. مافي غير هالعسكريم بيبرد علينا .. امسكت مناديل وعطت الريم عشان تجفف دموعها .. الريم ـ مابتبرد علينا ثلوج الاسكيمو كلها .. انكتبت علينا الجروح .. ******** خطت للمكتب بتردد .. ــ تأخرتي عن موعدج .. ــ آسفة يا دكتورة .. بس كنت مترددة اني اجي من الأساس .. تعرفيـن كلام الناس .. وقفت الدكتورة وربتت على جتفها ـ الطب النفسي بيظل دائما في نزاع مع نظرة الناس .. اتفضلي يا شمس .. هذا موعدنا الثاني ..لكن بعتبره الموعد الأول خصوصا بعد ماانهرت بالبكاء المرة اللي طافت وماتكلمتي .. أول مرة تمر علي حالة مماثلة .. ابتسمت شمس لكن انزلت دمعتها في الوقت نفسه قالت الدكتورة ـ شمس تبين تبجيـن ابجي لكن حدج عشر دقايق لأني مابسمح لج انج تضيعين الوقت كل في البكاء مثل المرة اللي طافت .. من اسبوع كانت اول جلسه .. تمت شمس تبجي خلالها بقهر .. حاولت انها تفرغ كل اللي فيها من تراكمات ..لكن لسانها انعقد لمدة ساعة كاملة تمت تبجي .. مسحت شمس دموعها ـ لا هالمرة .. أبي أتكلم .. الدكتورة صبا ــ جيد .. عن شنو ؟؟ .. شمس ـ مب حاضرني أي موضوع .. انتي اسئليني .. مسكت صبا القلم وكتبت شيء في الملف ..بعدين ارفعت راسها والبست نظراتها ــ طريقة الاسئلة مابتكون مريحه .. لاني ما ابيج تجاوبين لي على قد السؤال ..لكن بعطيج مواضيع ..ثيمز ... مثلا تكلمي لي عن طفولتج ... بشكل عام .. شمس ــ المشكله اللي فيني ..مب بسبب طفولتي .. سكتت شمس شوي ..قالت الدكتورة ــ شمس .. تكلمي لي كأنج تتكلمين لنفسج .. طلعي كل التراكمات اللي تحسين فيها .. الكلام اللي بتقولينه مابيسمعه غيري .. لاتخافين من شيء .. ادمعت عيونها ــ انا مب خايفه من حد .. أنا خايفه من نفسي .. اخاف انفث النار مع كل جملة .. ابتسمت الدكتورة ــ تكلمي ياشمس , انفثي هالنار .. ليش تكتمينها في قلبج ؟؟ .. تكلمي .. لاتخافين .. شمس ــ قصتي بدت من .. كنت صغيرة .. بس النار اللي فيني .. من اربع سنوات بالضبط .. من شفته .. تمت شمس تتكلم عن حياتها بشكل عام وعن طلال بشكل خاص .. بعد مرور ساعه .. طالعت صبا للساعه ـ شمس .. انتهى موعد الجلسه .. مسحت شمس دموعها وضبطت شيلتها .. صبا ــ اتمنى اني اشوفج الاسبوع اللي جاي .. هل نومج منتظم ؟ شمس ــ الحمدالله .. صبا ـ مايحتاج اوصف لج مضادات اكتئاب لاني ما احس انج تحتاجينها .. الجلسة اللي جاية ان شاء الله بنكمل من النقطة اللي وصلنا لها .. أي شيء تحسين انج متضايقة منه اتمنى انج تذكرينه في بداية الجلسة ..ممكن ؟ شمس ـ ان شاء الله .. طلعت شمس من عند الدكتورة اللي كانت تطالع جدولها ..فكرت صبا في حالة شمس .. صج انها تسمع مصايب كل يوم ومرت عليها حالات غريبه ..لكن مامرت عليها حالة مثلها .. كل مرضاها يبون يصيرون اقوى من ضعفهم ويبون ينسون مشاعرهم ..لكن شمس قوية ..وقدرت تصمد لسنين طويلة ..لكنها جت اليوم تدور حل ..تبي تتصل مع ذاتها .. تبي تنهي هالقوة وترجع لضعفها .. تبي تهد الجدار اللي بنته بينها وبين مشاعرها وضعفها .. كتبت ملاحظة في ملفها (( تتصالح مع ذاتها ـ تتخطى الماضي )) سحبت الشريط من المسجله وأرفقته بالملف .. ************ |
كان اول يوم بالجامعه .. ماتخيلت شيخه انها تشوفه ينطرها عيني عينك في المواقف .. ابتعدت عنه لكنه ناداها ـ شيخه .. شيخه ثامر ..
وقفت وحست العبرة تخنقها .. ــ انت شتبي ؟؟ .. قال مستغرب ـ في وحده تكلم خطيبها جي ؟ .. انصدمت شيخه ـ خطيبي .. ؟ . قال بثقة ـ ايه .. خطيبج .. ليش ماقالت لج الوالده ان امي واختي راحوا لبيتكم ؟؟ .. واخطبوج لي ؟؟ انشلت شيخه وهي تطالعه منصدمه .. عرف انها ماتعرف شي عن السالفة .. قال ـ بس أبيج تعرفين الحقيقة .. وبعدها .. شيخه ـ حقيقة شنو .. اقتربت منها وحده كانت واقفة بعيد شوي ــ شيخه..ممكن اكلمج على انفراد ؟ شيخه ـ انتي ؟؟ .. قال جاسم وهو يبتعد ـ بكلمج بعدين .. التفت له شيخه منصدمة ـ تكلم منو ؟؟ قال جاسم مبتسم ـ اكلمج انتي .. والتفت وراح .. التفت للبنت اللي كانت متغشية .. ـ شتبين مني ؟ . فجـر ـ ابي اوضح لج سوء تفاهم ..ممكن تجين للكافتيريا شوي ؟ ادخلت فجر وشيخه للكافتيريا العلوم .. ــ نعم ؟ .. عندي محاضرة اختصري .. فجـر ــ أبي اقول لج ..ترى جاسم يحبج.. شيخه ـ و شفايده الحب بدون احترام .. فجر ـ من قال انه مايحترمج ؟ شيخه ـ كل حركاته .. بحياتي ماحسيت بنفسي رخيصة مثل ما احس جدامه .. كل اهانه اكبر من الثانية وآخرتها يجيبج انتي ليش ؟؟ فجـر ـ لاني مديونه له . خسرت الرهان .. شيخه ـ رهان ؟؟ فجر ـ رهان خسرته .. قلت له انج سهله .. وانج بتقطين النقاب واشياء كثيرة ادري بتحقريني عشانها .. لكنه تمسك بج ..وقال انج اكبر من اتهاماتي .. وانج محترمة ..ومابتسوين هالحركات .. فاز بالرهان لكنه خسرج .. حست شيخه انها ضايعه .. نزلت راسها ــ اشوف علاقتكم مثالية .. فجر ـ بالعكس .. هو يحتقرني .. هو يكرهني لاني السبب في انه كان بيخسرج .. اني السبب في انج فقدتي الثقة فيه .. كلما كنت اكلمه كنت اخسر كرامتي اكثر واكثر .. لين كلمني امس .. وطلب مني هالطلب .. طلب مني اني اشرح لج سبب حركاته .. كنت اقدر الفق أي شيء ..لكني ما بحقق شي .. شيخه هو يحبج ...حاولت معاه بكل الطرق لكن هو مخلص بس لج .. اسمحي لي اني اكون السبب ان الاحترام بينكم يرجع .. شيخه ـ ليش ؟ فجر ـ انا ماقلت لج اني هالصيف اشتغلت في شركه ابوي .. شيخه ـ والجامعه ؟؟ فجـر ــ خلاص انا تركت الجامعه ..انا من الاول ماكنت ابي ادخلها .. تركتها لاهلها .. خطبتي ان شاء الله بتكون في الربيع .... عرفت ريال طيب في الشركه وتقدم لي وابوي قبل فيه ,, والحمدالله ان القلب هواه .. فتذكرت اني سببت لكم كل هالمتاعب.. ابي ارجع الصفحه بينا بيضا ... أبي ارجع احترم نفسي لاني فقدت هالاحترام من خذلتج ..من نطق لساني بابشع التهم اللي الحمدالله كنتي اكبر منها .. ابيج تسامحيني .. سكتت شيخه ماعرفت شترد .. كانت مصدومة باللي سمعته .. معقولة حركات جاسم رهان بينه وبين فجر ؟؟شكان بينهم عشان يتمون يراهنون على اخلاقها ؟ لكنها ماشافت الجانب الايجابي ..جاسم كان يؤمن فيها ..كان واثق باخلاقها وهو للي ربح الرهان .. لكن ليش ؟؟ .. فجر ــ ارجوج شيخه .. شيخه ــ فجر . روحي .. فجر ـ شلون ؟ شيخه ـ بس خلاص اختفي من حياتي .. مهما كان اللي قلتيه وسويتيه الله يسامحج بس خلاص .. ما ابيج في حياتي .. ائتمنتج على اسراري ومشاعري .. وبالاخير خنتيني .. سامحتج على الخيانه بس .. المؤمن لايلدغ من جحر مرتين . فجر ـ المهم سامحتيني .. انا بروح الحين .. يمكن آخر مرة ألتقيج .. بس اقولج .. جاسم كان حلم حياتي .. لكنه ماتنزل لوحده مثلي .. وانت مثله الاعلى .. بس انتي .. خذت شنطتها وطلعت ..تمت شيخه جالسه تفكـر . واول مارجعت البيت دخلت غرفة امها ــ يمه جاسم خطبني وماقلتي لي ؟؟ جوزة ـ قلت لج .. شيخه ـ ليش ؟ مالي راي ؟؟ احنا في الجاهلية ولا شنو ؟ جوزة ـ الريال ياب امه واخته .. وجا يبيج .. دكتور جامعي ومرموق والاهم انه شاريج .. ليش أرده ؟ حست شيخه بخنقة وبدت تبجي ـ لكنه اهاني يمه .. جوزة ــ الريال مثقف .. وشرح لي انه كله كان سوء تفاهم .. والريال يبيج .. بيعزج ويرزج .. شيخه ـ مايكفي يمه .. جوزة ـ يابنتي .. اللي راح راح .. قبل كنتم مستحين بخالتكم .. لكن الحين طلعت الحقيقة .. ليش بتظنين انه بيقلل احترامج ؟؟ اخوج يعرفه محترم ويعرف الله ويصلي جماعه .. ليش ماتبينه ؟؟ كل الحركات اللي تصير برا أي علاقة رسمية مالها معنى .كلها قلة احترام .اي حركات تصير تكون قمة الاهانة .. لكن الزواج هو اساس الاحترام دام الريال تقدم لج يعني يحترمج ..دامه شاف فيج زوجته المستقبلية يعني كرامته من كرامتج .. هو بس خطب ..وأنا قلت له مافي ملجة لين سنه .. يعني بس حجزج .. حتى عمج بونايف وافق ويشوف انه ولد اصل .. يابنتي ان اعرف انه بيكون لج الزوج الصالح .. وانا مابرضى لج الا الزين .. والاحسن .. اسكتت شيخه وهي حاسه بخنقة .. هي صج تهواه .. هي صج تموت فيه .. لكن كلام امها صحيح .. ابتسمت مرتاحه شوي .ــ بس يمه ليش ما سألتيني .. جوزة ـ قررت اني بتخذ القرارا ت عنكم .. لأني مليت اشوفكم تضيعون الفرص ..وتدمرون حياتكم .. ثاني يوم يوم شافته سألته ـ الكلام اللي قالته لي فجر صحيح ؟ طالع لها ـ حسب .. ما اقدر اقولج انه صحيح وتطلع كذبت عليج في شيء جايد .. شيخه ـ انك فزت برهانك ؟ ابتسم ـ ايه .. ايماني فيج ماخاب .. ابتسمت وهي تحس ان جيوش المشاعر اللي قاومتهم شهور يرجعون لدمها .. ــ عيل بما انك بس خطيبي .. لاتحاجيني لين الملجة . ضحك منصدم ـ شينطرني سنه ؟؟ .. قالت بثقة ـ اذا شاريني .. بتنطر .. ابتسم برضا ـ بنطـر ..بنطر وامري لله .. ابتعدت عنه وهي مستحية .. الايام تركض ..وبغمضة عين بتكون السنة مرت .. عنده ايميلها .. يقدر يطرش لها أي شيء يبي .. لكن فرحتها انه اخيرا صفت لها الايام .. كانت اكبر من أي فرحه .. ******** كانت شمس كل مرة ترتاح اكثر لصبا .. قدرت تفضفض لها .. ولما وقفت عند علاقتها بأخوها ماجد .. صبا ــ ليش ماتواجهينه ؟؟ شمس ـ هو يتهرب مني .. احيانا احسه يحتقرني .. صبا ـ روحي لغرفته .. واجهيه ششايل عليج .. ليش مايكلمج .. شمس ـ اخاف يطردني . .وتزيد الفجوة بيننا .. صبا ـ خلاص جيبيه لهنا .. شمس ـ بس هو مايعرف اني اتردد على عيادة نفسية ..بس امي تعرف وهي اللي توصلني .. صبا ــ انزين علاقتج بخالتج ؟ .. شمس ــ كنت قبل ألومها واعصب خصوصا السنة اللي طافت لسفرها بروحها ..لكن بعد ماعرفت انها كانت متزوجه علاقتنا تحسنت .. صبا ـ يعني التش اللي بينكم انحل ؟ شمس ـ ايه .. خصوصا بعد براءة خالتي .. كنت اشوفها هي وامي السبب .. عشان اختهم .. بس .. كنت غبية وكان مخي مبلد ولمتهم بسبب فشل حياتي مع طلال .. صبا ـ شمس .. لازم تعرفيـن ان طلال كان مريض نفسي .. كل حركاته اللي ذكرتيها ..وحياته بعدج تدل على هالشيء ..لو انه تعالج عند طبيب نفسي ماكان وصلتوا لهالحالة .. شمس ـ امي تقول انه كان محطوط له سحر .. ابتسمت صبا ـ جايز .. ما استبعد هالشي لان السحر واقع لكنه كان ضحية شكوكه . هو كان يحبج ..لكن شكوكه هي اللي خلته بهالقساوة والدناءة ..وساوسه وغيرته المرضية .. تخلصتي من الرسايل ؟؟ شمس ـ ايه .. حرقتها كلها بعد ماقرأتها .. وحرقت الصور والبوم العرس .. صباـ ليش الصور ؟؟ .. ماتظنين انه لابنج الحق في انه يعرف ابوه ؟ شمس ــ ابي اتخلص من الماضي قبل لا اخطو أي خطوة جدام .. ما ابي احتفظ بالذكريات .. لاني احس اني تميت فترة طويلة غارقة فيها .. طلال مات .. الله يرحمه ..حياتي معاه كانت .. قصيرة ..ماتستاهل اني احد عليها عمري كله ..ومحمد ..خليت له صورة .. بعد اللي سمعته من خلود ..اعرف ان ولدي مايبي يذكر ابوه بشيء ..يمكن بعد كم سنه بيبه لج .. لاني احس انه مضطهد .. صبا ـ لكنج تقدرين تعوضينه ... شمس ـ اتمنى هالشيء .. صبا ـ خلصت الساعه .. ابيج تواجهين اخوج قبل الجلسة اللي جايه .. وتخبريني عن عايض .. حاولي تتذكرين فترة مراهقتج اكثر .. الفترة اللي كان بس عايض جدامج .. علشان نعرف احساسج تجاهه.. شمس ـ ان شاء الله .. طلعت شمس .. وكانت ناكرة امها تمرها لكنها ماجت ..بعد لحظات جا ماجد عشان ياخذها البيت .. ــ انت شلون تسوق ؟؟ ماجد ــ مافيها شيء .صحتي تتحسن والحمدالله .. ركبت شمس وفي نص الطريق ــ ماجد اعزمني عالعشا .. ــ بنرجع البيت ونتعشى .. ــ ماجد ارجوك .. سكت وخذ الدوار ورجع للدوحه .. ــ وين تبين ؟؟ شمس ـ مكان هادي .. ماجد ــ ما اعرف مكان هادي ... شمس ـ خذني ناندوز اللي بشارع مكتبة جرير .. بعد نص ساعه وصلوا للمطعم .. طالع ماجد منصدم كان تحت مختلط وكله شباب ومصريين ..طالع لها أشرت له فوق ,, وهي تقول ـ صج عزوبي ... اركبوا الدرج العالي كان فوق في خدمة نسائية ومكان عائلات و جو رومانسي .. والاضاءة رومانسية خذوا لهم طاولة بعيده عن الأطفال اللي كانوا يلعبون .. بعد ماطلبوا .. شالت شمس نقابها .. قال لها ماجد وهو يطالع اليهال ـ ماكنت ادري انج تروحين طبيبة نفسية .. شمس ـ كنت احس بتعب نفسي .. انصحتني امي بالطبيبة هذي .. ماجد ـ امي ؟؟ شمس ـ ايه .. الظاهر انها كانت تتردد عليها في السنين اللي طافت .. ماجد ـ كم عمرها هالطبيبة ؟ شمس ـ اربعينية .. هي اردنية بس عاشت طول عمرها هنا في الدوحه .. ماصدقت لما سمعتها تتكلم بلهجتنا .. ماجد .. ــ نعم .. ــ انت تغيرت .. سكت ماجد وتعبث بالشوكه اللي جدامه .. شمس ــ ماجد .. قبل كنت ..غير .. والحين غير ... ماجد ـ أنا ممنون لج انج تبرعتي لي بـ... قاطعته شمس ـ حياتي كلها فداك ..لاتتكلم جي .. شنو ممنون .. انت خال ولدي ..واخوي الوحيد واي اخت بتسوي سواتي .. انا اتكلم عن معاملتك لي .. من ..اربع سنوات وانت متغير ..ماجد .. ماجد ــ انا ماتغيرت ..انتي اللي تغيرتي .. ــ انا ؟؟ .. ماجد ـ ايه .. فجأة الاقيج مطلقة .. اكلمج ..ماتردين ..اروح لطلال يقول لي اسأل اختك .. ارجع اسألج تطنشيني .. وتلفين عني بس تبجين .. ارجع لطلال يقول لي قدرها ..اروح لامي تقول مالك شغل ..تبهدلت .. بعد ماكنتي تلجأين لي في كل شيء .. طلعتيني برا حياتج كأني مب الرجال اللي تعتمدين عليه ..ولاحطيتوا لي اعتبار .. من القهر رضيت اسافر .. ورجعت من السفر الاقيج في حالة غريبة .. كذبتي علينا بسالفة الطفل.. رجعت لشغلج كأنج مامريتي بأي شي ,,حسيت اني ما اعرفج .. مسحت شمس دموعها ــ ماكنت ابي اغثك .. ماجد ـ تغثيني ؟؟ .. انت تجاهلتيني بالمرة ! شمس ــ شتبيني اقولك ؟.؟ ان طلال اهاني ؟؟ طلال خذا ولدي من حضني وهدد يفضح خواتي ويفضحني وامي قالت لي انطمي اسكتي عشان مستقبل خواتج .؟؟.. شتبين اقولك ؟؟ اني اعتبرت نفسي ماجبت طفل لدرجة اني صدقت !! ويوم شفته جدامي ماحسيت باي شيء ؟؟ سنين وانا اتعذب ... سنين وانا كل ليله انام بدموع .. تعودت انام بدموع ولما خلصت دموعي صرت ابجي بدونها .. ماجد .. كنت صغير .. كنت في العشرين ياماجد ..لو دريت بكلمة من الكلام اللي غلط فيه طلال بحقي كان ذبحته بدون ماتفكر .. كنت اعرفك ...اعرف انك مابترضى بهالظلم .. سكت ماجد منصدم وتموا ساكتين لدقايق جت فيهم الفلبينية وحطت البيبسي .. ــ ماجد .. انا آسفه لان.. قاطعها ماجد ــ انا اللي آسف .. ظنيت فيج ظن السو .. وزدتها عليج طول هالسنين .. بدل ما اساعدج .. شمس ـ ماجد .. انا اللي ماحطيتك بالصورة ... غلطتي انا بس ماكنت ابيك تعلق مع طلال .. ابي ننسى كل اللي فات ..ونبدأ من جديد .. ابتسم ماجد .. وحس انه كل الحواجز اللي بينهم انزاحت ..تم يطالع اليهال بعدين قال ــ المرة الجاية بنجيب محمد .. شمس ــ محمد ..من قده .. كل اسبوع مكان يديد ..انت وعمي عبدالهادي وخالتي عجووب وامي ونوير وحتى احمد ولد عمي كله ياخذه للاند مارك .. مدلع الأخ ..بحط له سكرتيرة تنظم مواعيده !! ضحك ماجد ـ بل كل هذي غيرة ؟؟ شمس ـ لا والله ..بس زعلانه محد يعبرني ويعزمني معاه !!! ********** |
مرت الأيام غريبة .. سريعه .. جلسات شمس عند الطبيبة النفسية صارت معتادة.زاحت كل المشاعر القديمة واقتنعت أكثرصارتتقبل التغييرات .. تذكرت مشاعرها القديمة ..وبدت تراجع نفسها في قراراتها وفي علاقتها مع محمد اللي صار اقرب لها من حبل الوريد ..
. مر شهر ..تم خلاله حفل زفاف صافية ..اللي سافرت مع زوجها للعمرة بعديـن راحوا لمصر واحجزوا لهم شاليه هناك .. وتموا اسبوعين ورجعوا .. كانت صافية مرتاحه وايد ..وارتاحت جوزة ان وحده من بناتها توفقت .. .. معجبة اعتزلت الناس ..ماتطلع من غرفتها حتى للصالون ..صارت جوزة هي اللي تدير كل شيء .. نوير وماجد قصة بحد ذاتها .. نوير لقت نفسها تستمع بنظرات أحمد .. حست باحساس جديد .. الشعور اللي كانت تظن انها تكنه لعايض ..كان مبهم جنب هالشعور .. كان احمد مايخبي احساسه .. كل شيء يقوله ..كل مرة تعصب عليه وتذكره بخطيبته يتم يمدح خطيبته بأحلى الكلام فتنغث نوير وتهرب لغرفتها وتلقى نفسها تبجي .. وكانت تفكر هل بتكون له زوجة ثانية ؟؟ لكنها تراقبه من دريشة غرفتها .. تتأمله وهي تحس انه يحس فيها.. كان مجيئة اليومي لماجد اللي تماثل للشفاء بشكل طيب سبب انها تتعلق فيه أكثر .. اما ماجد .. كان يعاني وهو يحاول انه يمثل دور الغير مبالي .. لكنه مبالي .. وكل مرة تزورهم رباب يتم يختلس النظرات .. لكن الصدمة الفعلية يوم اجتمعت فيهم جوزة في بداية اكتوبر (( نوير وماجد .. اتفقنا انا وعمكم بو نايف انكم بتملجون بيوم واحد الخميس اللي جاي ..)) كانت شيخه توها جاية من الجامعه منصدمه ـ بس يمه هم اخوان حرااام !! ضحكت جوزة بهستيريا هي ومعجبة وصافية وشمس اللي كانوا يعرفون شالسالفه .. لكن اللي دخلوا لتوهم من الباب مصطلين .. جوزة ــ هه .. بطني يعورني .. شفيج انتي استخفيتي ؟؟ .. نوير لأحمد وماجد لرباب .. استحت نوير واركضت لغرفتها ..تم ماجد واقف ـ شنو ؟ جوزة ـ ايه .. خلاص قررنا وانتهى الموضوع .. بتملجون وعرسكم بعد ماتتخرج انت واحمد .. معجبة ـ مب كأن أحمد بيطول ؟؟ جوزة ــ اذا تخرجت نورة بنزوجهم .. مب مشكله .. لكن ماجد مابقى له شي .. والبنية انا ابيها .. عندك اعتراض ماجد ؟؟ ماجد كان منصدم ..يبي يعترض بس في شي مخليه ساكت .. قالت شيخه بخبث ـ هو يقدر ؟ .. أصلا امنية وتحققت له ! ضحكت وهي تشرد من يده اللي رفعها عليها وقفت شمس وحبته على خده ـ مبروك اخوي .. نفس الشي صافية .. لكنه رد بهمهمه .. ودخل غرفته .. مب سايعته الدنيا .. يبيها أي .. يبيها .. بغض النظر عن الماضي يبيها .. معجبة ـ مابتسألين نوير عن رأيها ؟ جوزة ـ قلت لج لاء .. انا قررت وخلاص .. صافية ـ يمه يمكن ماتبيه ؟؟ جوزة ــ الولد مافيه شي .. على شنو ماتبيه ؟؟ لكن جوزة كانت تعرف ان نوير تبي احمد .. لانها شافت نظراتها له .. ماكانت نظرات كره او عدم مبالاة .. وماجد ..اكثر من مرة جكته يطالع لرباب وماكان يدري ان امه كانت تراقبه .. لكنها تبي تتعدى هالمماطلات .. وحركات اليهال .. فاجتمعت ببو نايف واتفقت معاه .. جوزة ـ بروح اشوف نوير بعدين كلنا نروح بيت الريم .. شيخه ـ ليش ؟ جوزة ــ مفاجأة .. معجبة كل شيء جاهز ؟ معجبة ـ تمام التمام .. راحت جوزة فوق لغرفة نوير وطقت الباب .. ــ ادخل .. دخلت جوزة وجلست على السرير وين مانوير جالسه وهي بعباتها ووجها احمر .. جوزة ـ شفيج ؟ نوير ـ يمه هذا سؤال ؟؟ .. شلون تزوجيني لاحمد وهو خاطب بنت خاله ؟ جوزة ـ من قال ؟ طالعت لها نوير مستغربة ـ توج تحت قلتي انه الملجه يوم الخميس ؟؟ جوزة ـ قصدت من قال انه خاطب ؟؟ .. احمد ترك بنت خاله لانها بتسافر تدرس طب .. وخطبج قبل لاتجي معجبة من السفر بايام .. تذكرين العزومة ؟؟ .. كانت لنفس السبب .. انحرجت نوير ..تذكرت كلام احمد عن خطيبته .. وصار وجههااحمر ومن داخل حست بسعاده .. حاولت تكتم ضحكتها ــ يمه هذيك العزيمه شامله كل المناسبات ؟ جوزة ــ ماكان احد يدري الا احمد وماجد وعمج .. حتى رباب ماتدري .. اجتمعنا اجتماع سري ..وقلت له احمد لنوير ونوير لاحمد .. الولد متولع فيج يانوير .. ونادرا بهالأيام تلاقين احد يحب بهالطريقة العلانية .. استغربت نوير من كلام امها .. لكنها حبتها على راسها .. قالت جوزة وهي تتأكد ان بنتها راضية ــ الله يوفقكم ..قومي جهزي عمرج بنروح للريم .. نوير ـ ليش ؟ جوزة ـ مفاجأة .. بس خالتج حطت لج فستانج في الكبت.. نوير ـ فستان ؟؟ .. جوزة ـ لاتطولينها وهي قصيرة .. بتجي اللي تمكيج بعد شوي .. جهزي عمرج .. نوير ـ يمه شنو في ؟؟ .. جوزة ــ مفاجأة .. يلا قومي .. خذت شمس الأغراض وراحت لبيت الريم مع معجبة ..دخلوا لغرفتها كانت تدرس .. شمس ـ انتي شتسوين ؟؟ الريم ــ شوي اراجع هالانجليزي .. شمس ــ قومي .. انا مب قلت لج انا بنروح عرس صديقتي اليوم ؟؟ . رحتي الصالون ؟؟ .. الريم ـ ايه رحت واستلموني كأني عروس .. الحمام المغربي والبديكير والمانكير والفيس سكرب .. شمس كاتمة ضحكتها وهي تشوف الغرفة الفاضية ــ مب كل يوم تجيهم بنت اخت المعزبة .. وين فستانج .؟ الريم ـ بلبس عباة كشخة .. كافي صح ؟ شمس ــ ليش ؟؟ انا ابي ارقص بعرس صديقتي .. بقول لمعجبة تجيب فستان معاها لج ,. طق الباب ودخلت اللي تحط المكياج واللي تسوي الشعر .. شمس ــ تعالوا .. عن اذنج قلت للخدامة تدخلهم .. شوفي انا بسوي المكياج أول ..وانتي الشعر .. الريم ـ شمس من هاي صديقتج ؟؟ .. صراحه ليش هالكشخه كلها ؟؟ شمس ــ الريم ..نبي نكشخ ونطلع حلوات .. وبغير مزاجنا .. يلا .. دخلت معجبة بعدها بساعتين وكانت حاطه فل ميكب مع رموش ومسوية شعرها تسريحه .. ــ ها خلصتوا ؟؟ كانت شمس مخلصة لان تسريحتها كانت بسيطة .. لكن الريم مذهولة من كمية المكياج وطريقة التسريحه والاكسسوار اللي في شعرها .. ــ لازم هاللولو ينحط في كل خصلة ؟؟ شمس ـ يجنن عليج .. الريم ــ انزين انا رايحه عرس الناس بكل هالمكياج ؟ شمس ـ انتي ماحضرتي عروس هاليومين .. اللي انتي حاطته بالنسبة لهم خفيف .. الريم ــ انزين ليش الشدو موف .. الفستان بيكون موف ؟ .. شمس ـ ايه فيه كل الألوان .. طالعت الريم الساعه كانت ثمان ونص .. ــ تاخرنا على العرس .. شمس ـ لاعادي .. تعالي وين طقمج الألماس اللي كنت بتلبسينه بعرسج ؟ حست الريم بغصة ومسكت عمرها ـ ليش ؟ شمس ــ بتلبسينه اليوم .. لين متى بتخشينه ؟ ابتسمت الريم ـ معاج حق ..في الشنطة اللي تحت .. راحت شمس للشنطة وطلعتها .. وابتسمت لان اغراض الريم كان مرتبة وجاهزة .. طلعت الطقم .. ــ الريم بروح البس فستاني واشوف الفستان حقج وصل ؟ كانت بتقوم بس جلستها اللي كانت تحط لها مكياج .. ـ بقى شوي انطري .. بدت الريم تشك .. شكلها ومكياجها وايد اوفر .. الرموش الكثيفة والتسريحه الروعه .. المانكير البنفسجي .. دخلت شمس وشالت العباية عن كتفها .. ـ شرايج بفستاني ؟؟ الريم ــ روووعه .. من وين ؟ شمس ـ فصلته من فترة حق مناسبة .. لكن ماانكتب البسه حزتها .. حلو ؟ الريم ـ يجننن .. عيل وين فستاني .. دخلت معجبة هي وجوزة في البداية .. قالت جوزة ـ تجنين يا الريم .. اتمنى لو امج تشوفج اليوم .. معجبة ــ ماشاء الله .. شكت الريم .. نظراتهم مب طبيعية .. بعدين ابتعدوا عن الباب دخلت شيخه ونوير وهم شايلين فستان عوود .. شهقت الريم وحطت يدها على شفايفها .. جوزة ــ اليوم عرسج .. ابوج حب يسوي لها مفاجأة .. طالعتهم الريم بنظرات مصدومة .. قالت شمس ــ شفيج ؟؟ معجبة ــ الله يديم هالأفراح .. يلا الريم البسي فستانج .. عشان المصورة تلحق تصورج قبل لايجي المعرس .. ماقدرت الريم تكتم دمعتها ــ لكن ..لكن .. قالت جوزة وهي تحضنها ــ الريم لفايز وفايز للريم .وبس !! .. صارت دموعها تجري بقوة .. قالت شيخه ـ لايخرب المكياج .. قالت الكوافيرة وهي تضحك ـ لاتخافي ..ماحطيت لها كحل تحت العين .. بس لاتمسح دموعها بايدها.. خذي .. عطتها الفاين .. والريم ترجف .ترجف من الصدمة ..ترجف من الفرحة .. ترجفة من هاللحظة .. اللي اكتشفت فيها انها ليلة احلامها .. قالت شمس ـ يالخبله .. ماسألتي عمرج من هذي صديقتي اللي انا احتديت عشانها ؟؟ تستغبين .؟ قالت الريم وهي ترجف ــ شدراني .. قات شمس وهي تحضنها بقوة ــ مافي غيرج صديقتي في هالدنيا .. يلا بنات .. عمي عبدالهادي يبي يشوفها .. خل ننزل تحت وننطرها .. بدلي ملابسج .. خليها تضبط لج المكياج والطرحة .. حطي العطر والعود اللي في هالشنطة ..مبروك يالغالية مبروووك .. دخلت صافية متأخرة ــ سوري .. خليفة ضيع المحل اللي قلتي لي عنه .. كانت صافية حاطة مكياج ومتكشخة .حطت المسكه من يدها على الطاولة وسلمت على الريم وباركت لها .. كانت المسكة ورد جوري بنفسجي فيها سلال من اللولو تتدلى منها .. طلعوا البنات .. وتمت الريم جالسه على الكرسي منصدمة .. طالعت الأكياس اللي جابتها معجبة .. مجهزة كل التفاصيل .. حست بسعاده وصدمه .. ابتسمت وهي تبجي .. قامت والبست فستانها ..ونادت الكوافيرة تساعدها .. خلال نص ساعه جهزت تماما .. طالعت نفسها منصدمة .. هل تخيلت من كم ساعه انها بتكون عروس اليوم ؟؟ كل البنات يجهزون لهاليوم لمده اساابيع .وهي ماعرفت الا من كم ساعة ؟ .. ****** دخل عايض وابوه غرفتها .. انصدمت لوجود عايض .. ــ عايض ؟؟ حب راسها وهو فرحان لها ..لكنهااحضنت ابوها .. عبدالهادي ـ شوي شوي .. بتوصخيني بهالكحل توني مبدل ثوبي .. ضحك عايض عليهم .. عبدالهادي ـ الله يوفقج يالريم .. الله يوفقج يايبه .. خل الخدامه تجهز اغراضج ..لانج اليوم بتسافرين مع ريلج .. الريم ـ اليوم ؟ عبدالهادي ـ طيارتكم الساعة ثنتين فالليل .. ادري اني ماقلت لج ولاخليتج تجهزين حالج .. بس .. الريم ـ لايبه .. لاتحاتيني انا جاهزة .. طالعت الريم لشنطها اللي مافتحتها .. عايض ـ يلا .. تنزلين تحت ؟ الريم ـ شنو في تحت ؟ ابتسم عايض ـ سبرايز ؟؟ . يلا تعالي .. نزلت الريم ابوها على اليمين وعايض على اليسار .. وانصدمت لما تشغلت الموسيقى .. كان الدرج مفروش بساتان موف .. والورد منتثر في كل مكان .. والشموع .والدخان والأضاءة .. حست عمرها يغمى عليها .. كان كل شيء روعه ويجنن .. المصورات الفيديو والفوتوغرافي يصورونها .. نزل عبدالهادي وهمس لها عايض ــ هذي لحظتج .. حب راسها وونزل .. نزلت بكل بطيء عشان ماتطيح على ويهها .. وهي تشوف البنات اللي تحت ..استغربت من ساعات كانت الصالة التحتية مثل ماهي .. لكنها الحين طاولات وكراسي ووردد وساتان وكوشة صغيرة .. اثاث البيت مب موجود ..تمت تطالعهم تطالع وجوه البنات بكـل ثبات .الكل فرحان لها .. ومبتسمين وناطرينها .. جلست على الكوشة والكل يهنيها .. وهي تهني عمرها ..بعد نص ساعه دخل فايز .. فايز اللي كان في صدمه مثلها .. ماصدق نفسه يوم بابه انطق وكان عمه عبدالهادي عند الباب .. ماصدق نفسه وهو يحضنه لما قال له انه لازم يرجع يتزوج الريم .. ماصدق نفسه وهو في الطيارة وعمه جنبه والتقوا عايض في المطار ..ماصدق ..يحس انه في حلم .. عشقه وروحه توقف جدامه ؟؟ الريم ؟ احلى شيء عرفه في حياته ؟ الحلم اللي الشقاه طول الشهور الي طافت ..لياليه اللي ماقدر ينامها بس يفكر في عيونها ؟؟ .. حلم كان يحسبه مستحيـل .. لابسه فستان العرس .. حب راسها بقوة .. ماكان وده يبعد عنها .. جلسوا مع بعض .. تصوروا .. وقصوا الكيك اللي جابته معجبة ..يطالعون بعض بكل حب .. كان عايض واقف .. لما قربت منه شمس تحت غشوتها ..عرفها .. عرف انها شمس التفت لها .. وابتسم .. قربت شمس باسترخاء تام وهي تتذكـر كلام الطبيبة النفسية .. حست بمشاعرها .. حست انه اقرب لها من أي لحظة في حياتها .. ارجعت ورى كتفه ونزلت الغشوة وقالت له وهي تراقب الفرحه بعيونه بس لانها قربت له ـــ عقبالنا .. ******* في بداية شهر مارس .. كانت معجـبة في قسمها ..والكآبة محتلتها .. من شهور وهي تطالع التلفزيون وتقعد عالنت .. لاتروح شغلها ولاتطلع في الصالة .. حاسه بنقص كبير ..دخلت جوزة لقسمها .. ــ معجبة .. مرت عبدالهادي عطتج عمرها .. تروحين العزا ؟؟ معجبة ـ من ؟؟ البندري ؟؟ .. جوزة ـ ايه .ماتت وهي تولد البنت امس في الليل .. تروحين العزا ؟ معجبة ـ لا .. مابروح .. جوزة ـ عيل خلي بالج على البيت ..يمكن بتأخر .. طلعت جوزة ومرت شمس في بيت مها القديم .. اللي سكنه عايض وشمس ومحمد .. جوزةــ درت الريم ؟؟ شمس ـ ايه كلمتها .. ضاق خاطرها على ابوها وقالت ان البندري كانت مسكينه .. الله يرحمها .. جوزةـ مابتجي ؟؟ شمس ــ لا .. هي حامل في شهورها الأولى .. والدكتور حذرها من السفر في البداية .. ومن مصر للدوحه مابتتحمل... جوزة ـ ما ادري شفيهم على الغربة .. ليش مايجون يستقرون هنا مثل عايض .. شمس ـ يمه هم مستانسين بحياتهم ..الله يهنيهم .. جوزة ـ آميـن .. وانتي ماحملتي ؟ شمس ـ لايمه .. للحين .. عايض يقول انه مب مستعجل فديته .. عنده محمد يسوى الدنيا ومافيها .شخبار صافية وحملها ؟؟ صج مابتشتغل ؟ جوزة ـ ايه زينه ..ريلها يقول لها انها ماتحتاج للوظيفة ..معاشه قوي وما يحتاج .. شمس ـ حتى عايض فديته كان يزن علي اترك الشغل ..بس انا احب شغلي .والحمدالله انه تفهم هالشي ..بس شرط علي اني اترك الشغل اذا حملت .. جوزة ـ الله يخليكم لبعض .. احس نفسية محمد تغيرت وايد .. حتى انتي . . للحين تمرين صبا .؟ شمس ـ لايمه .. صبا قبل لا اتزوج عايض قالت لي اني ما احتاج أي جلسات زياده ..بس مكتبها مفتوح اذا فيني ضيقة ..ماتبيني اكرر الماضي .. جوزة ـ صبا ساعدتني مع ابوج الله يرحمه .. خلتني اتعامل معاه بطريقة صح ..كنت اروح لها مرة بالشهر ..بس كأأنه العيد ... لان كنت افرغ الهم اللي بصدري الله يوفقها .. وصلوا لبيت عبدالهادي ..ولمدة ثلاثة ايام كانوا مرابطين مع عبدالهادي وقايمين معاه بالواجب .. في اليوم الثالث كانت في بيت عبدالهادي في المطبخ تشرف على الأكل لان الجده قاعده مع المعزين .. ــ ام ماجد .. التفت لعبدالهادي اللي كان شايل البنت بيده واغراضها على جتفه ..كان الحزن في عيونه .. ــ جبت الصغيرة ؟؟ عبدالهادي ـ رخصوها .. صحتها ممتازة ووزنها ممتاز.. لكن لا امي تقدر تجابلها ..والريم مابتقدر تسافر لين شهور .. تخلينها عندج يا ام ماجد ؟؟ ابتسمت جوزة ــ اعرف وحده ..بتربيها كأنها بنتها .. في المسا .. دخلت لقسم معجبة .. اللي قامت اول ماشافتها ـ شنو هذي اللي في حضنج ؟؟ .. ــ بنت عبدالهادي .. مالقى من يجابلها .. امه عوده ومافيها عاليهال .. والريم مسافرة وحامل وفي مصر .. وشمس عندها شغلها وولدها وعايض مابتفضى لها .. قربت منها معجبة ومسحت على راسها ــ تجنن .. بتربينها انتي ؟؟ جوزة ـ لا .. معجبة ـ عيل منو ؟ ــ انتي .. اناعندي صالون وعيال .. انتي اللي فاضية عمل .. طالعت لها معجبة نظرة تعور القلب ــ انا ؟؟ جوزة ـ ايه انتي .. عطتها البنت الصغيرة وهي تطالع اختها .. انكتبت لها حياة جديدة .. طالعت الصغيرة اليتيمه ..وطالعت اختها .. حست انه ممكن ان معجبة بعد فترة بتحل مكان اختها .. اكيد رحمة الله كبيرة ..والله رحمها .. مسكينة البندري .. آخر شهور كانت حبيسة المستشفى وماتهنت بشوفة بنتها ..لكن معجبة اكيد مابتقصر .. والله بيعوضها ..وبحاول ترتب مع ام عبدالهادي انها تجمعهم ..بدل لايقضون العمر بروحهم ... ابتسمت وهي تحس انه كل شيء من حولها بدا يستقر .. بدت الحياة تفتح ابوابها لهم .. ماجد وشيخه ونوير حياتهم في الجامعه .. ولقوا شركاء حياتهم اللي بيسعدون معاهم .. شمس والريم ..اخيرا بسمة على ثغور نست البسمة .. معجبة ..بعد كل اللي مرت فيه .. فتحت لها الحياة باب يعوضها عن خسارتها .. دمعت عيونها بدمعة رضا .. بدمعة سعاده .. راقبت معجبة تلاعب البنت وحضنتها لقلبها .. خذت معزتها من اول نظرة .. ــ جوزة شسمها ؟؟ ــ مها ... انتهت .. 9:35pm 21\4\2008 اهداء : إلى الغاليـن جميـعا .. وكل المتابعيـن من البدايـة .. ألف شكـر .. ((علب الفاين من الفرحة .. احمدوا الله مزاجي كان رايق ومستانسه وانا اكتب الجزء ههههههههههههههههههههههههههههههههههههه)) |
Electron
عودة إلى Electron ...
ان شاء الله تعجبكم النهاية ... قريت أخر فقرة وأنا أنقلها وهو تعليق سهر ... شكله مطمن .. سأقرأ البارت ... ثم نعلق مع بعض على النهاية ... أنتظر بشوق تعليقكم ... |
قبل أن أقرأ الجزء غاليتي إلكترون أحببت أن أشكرك
على إلتزامك معنا في إنزال الأجزاء في وقتها لم تضغطي على أحد ,,,,ولم تطالبي بكثرة الردود والتشجيع كنت على مستوى كلمتك ووعدك وقليلون من هم مثلك لك إحترامي وإعجابي وودي جزاك الله خيرا |
ليش النهااااايه مختصره آآآآآآآآآآآآآآآآآآآآآآخ كنت اتمنى أعرف حياة عجوب بعد ما تأخذ عبد الهادي بس يالله أبطاال القصه إرتااحوا .. وهذا إللي عدل مزاااج إلكتروووو تسلميين قلبي ع القصه الروووعه إختي سهر الليالي .. قصه في غااية الروووعه بس صج نهاااية الريييم وفاييز واااااااااااااايد حلوووه حبيتهم واااااااااااايد تسلمين ع البااااارت ولو كاان مختصر:55: تسلم إييد إللي كتبتها :rfb04470: :flowers2:.. وإيد إللي نقلته:rfb04470: :flowers2: الله يعطييكم العاافيه ع القصه الحلوه ^___^ |
mashkora electron 3la elnagel
عبناج ويانا تسلمين يالغلا النهايه حليوه بس مو اللي يتمناها قلبي احسها وايد استعيلت على النهايه ماعطتها حقها يعني صج النهايه سعيده بس مافرحت وايد اللي صج حبيته بهالجزء............ هو روحه شمس للطبيب النفسي ........... بينت لنا ماهي عيب ولا فيها شي ان الانسان يعترف انه يحتاج الى هالطبيب اللي مهضوم حقه في مجتمعاتنا العربيه .......... ومو كل اللي يروحلهم مينون لاا لا هذا اللي صج حبيته بالبارت عجوب حراااااااااام ياقلبي يعني جان زين منها لو حطت النهايه برتباطها مع عبدالهادي وشلون ينسيها ناصر وطوايفه يعطيج الف عافيه الكترون |
يسلمو الكترون على النقل ؛ القصه في غائة الروعه ’ والكاتبه مبدعه بمعنى الكلمه ‘ والشي هذا مو غريب على سهر الليالي لكن بكل حق هذي من اجمل روايتها اوالروايه التوب من بين بقية رواياتها ‘ .
|
نايس يسلمو .. والنهاية اشوفها منطقية بس حنا متعودين على التفاصيل .. لكنها واضحه .. (ما احس انها مستعجلة بس البارت الاخير لو وزعته على قسمين كان تقبلناه اكثر .. شكرا عالنقل
|
روووووووووووووووووعة الرواية خطيرة شكرا ليكى إلكترو على الابداع أتمنى أن أرى قصة أخرى لكى قريبا صديقتك أميرة الندى :flowers2::flowers2::flowers2: :liilas::liilas::liilas: |
:55::f63::55:
:rdd12zp1: اختــــي الكتـــروون عالمجهـــود الــرآاائع الي تسويـــنه علشــأآن توصيلي لنا كل البارتــآاات طــآاازجـــة :flowers2: قصــة وااايــد معبرة :asd:واكثـــر واقعية لأنها تحسها تتكلم عن شي نعيشــه مو شي خياالــي غير ملمـــــووس و لهذا اتقدم لكي بفائـــق ال:110: عــلى توفيـــق في اختيــار الموآأضيع المميـــزة |
رووووعة روووعة روووووووووووووووووووعة
يعطيكم الف عاااااااااااااااااااااااااااااااااااافية |
جزاكـ الله الفردوس الأعلى من الجنة000
كم انتظرت هذه الرواية أن تنتهــــــــــــــــــــــي000 وفقك الله لما يحب ويرضى000 |
الكترون.....
تسلم يدكي على نقل هذه الرواية الرائعة ......... سهر الليالي ........ ماشاء الله اسلوبك رائع هذه ثاني رواية اقرأها لكي اول رواية كانت عندما نتحدى الايام ...... بصراحة اسلوبك بسيط روايتك جعلتني اعيش دقائق جميلة مع الخيال المختلط بالواقع ............ سوف ابحث عن روايتك الاخرى لاقرأها ...... تسلم يدكي ونتمنى لك دوام التقدم والاستمرارية في امتعنا بكل جديد من تأليفك............ |
رووووووووووووووووووعه وأنا أقرء كنت في إنسجام تام ولا أبغى أحد يقطعه علي لأنها كانت في قمة الروعه بس نهايتة معجبه ماعجبتني أبد وأحس إن ناصر ظالم لأنها عاش حياة مستقره من زوجه محبه و أولاد ومال بس ما علينا أنتهت رائعتك بخير وأنتي أستمري في تطور كتاباتك وشكراً |
الله يعطيكِ العافيه على المجهود
نقلت الروايه على جوالي لأقراهــآ بمتعه يسلمووو فديتكـِ |
السلام عليكم ورحمة الله وبركاته
قصة رائعة جدا وفقك الله اختي لنقل هذا الابداع عبرة مقتولة اتمنى لكي قراءة ممتعة |
قصة مبيكية بحق
عنجد من اروع ما يككون لا تحرمينا من هيك قصص اكتر من روعة ^_^ |
شـكــ وبارك الله فيك ـــرا لك ... لك مني أجمل تحية .
|
يسلمووووووووووووووو
|
-6p6op
yt.COLOR="Magenta"][/COLOR] |
السلام عليكم
الرواية رائعة شكرا للنقل وللكاتبة المتميزة |
روووووووووعة ماشاء الله
سهرت عليها يومين علشان اخلصها مشكورة على النقل المميز |
رواية روعة
|
رد: بكاء بلا دموع للكاتبة سهر الليالي
http://im33.gulfup.com/lSoxL.gif
http://im33.gulfup.com/YIuSi.jpg اجمل ورود للكاتبه والك عزيزتي لنقلك للروايه الجميله والممتعه |
رد: بكاء بلا دموع للكاتبة سهر الليالي
باختصار
رائعة ولي ملاحظة صغيرة جداً أشعر أن النهاية كانت سريعة أحببت أن تضيفي لها بعض التفاصيل أتمنى لك كل التوفيق ودوام التقدم والنجاح |
رد: بكاء بلا دموع للكاتبة سهر الليالي
شكرا حبيبتي وجزاك الله خير
روايه رائعه جدا ما شاء الله ومن اجمل ما قرأت |
رد: بكاء بلا دموع للكاتبة سهر الليالي
شكرا جزيلا
|
اسم الرواية جميل عجبني تحياتي غاليتي
|
| الساعة الآن 09:26 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية