|
مكتملة ومالي بدجئ العاشقين ملاذ! بقلم/غسق آلليلh
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء ليلاس الغالين جبيت أنفل لكم رواية أعجبتني (( ومالي بدجئ العاشقين ملاذ! )) بقلم/غسق آلليلh قراءة ممتعة لكم ...... |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم السلام عليكم نويت ارجع من جديد للكتابه بعد توقف تقريبا اربع او ثلاث شهور طبعا مو اول روايه عندي قبلها روايه بس بااسم ثاني ماراح اعلمكم بشوف راح تعرفون روايتي الاولئ من خلال الاسلوب وطريقة السرد بنخلي موضوع روايتي الاولئ نهاية روايتي الثانيه ان شاءالله للامانههه اشتتقت لكم كثير روايتي هذي فكرتها اسلوبها الشخصيات كلل شي مختلف فيها عن الاولئ حياة الشخصيه فكرتها اسلوبها بتكون طويله للحين ماحددت بس بالي بطولها كثير غير عن الاولئ بتمام نجي للروايه اسمها اولا: ومالي بدجئ العاشقين ملاذ؟!✨ وذ حسابي بلانستا :l0o18 مابوصف لكم الشخصيات ومااحب واصفها احب تكتشفون الشخصيه من بين الاسطر وتفهمونها حين ان تبعد وانت مجبر تنفئ من ملاذك الئ ملاذ غرريب حين يختلط الخير والشر الحب والكره شخصياتي عشتها حتئ اتقنها كل شخصيه ذاقت الالم وعانته كل الالمها هي الالمي ومجتمعي روايتي عباره عن عوائل تربطهم قبيله وعادات وتقاليد روايتي عباره عن حب اندفن قبل ان يولد ودفن معه اجمل شخصيه من شخصايتهم عباره عن ممااضي يحرق المستقبل مااضي آُغلق ماضي اصبح جمر المستقبل ماضي يخفهم دفنت حقيقة الماضي واشتعل المستقبل بشراره منها بطلتي هي شرارت المستقبل وهي قائدة الماضي والحاظر بطلتي هي القويه الضعيفه المسيطره المنهزمه هي جميع من نفي واغترب هي جميع من خذل هي جميع من گِسر قلوبهن حتئ استقامت ورجعت من جديد تخطط كيف تعود وتحن وتنتصر عن من اذلها يوما روايتي عباره عن ماضي ومستقبل يتصارعا بدايه ستكون غامضه وهادئه حياكن حبيابتي معي لثاني بداياتي شرفوني بتعليقاتكم الجميله وتشجعكم |
رد: ومالي بدجئ العاشقين ملاذ! بقلم/غسق آلليلh
المقدمه : * توي عرفت اليوم طعم المسرات * بعد التحرر من هواك وقيوده * * صحيت من غيبوبة او مدري سبات * أيام كنت بيدك طفل تقوده * * دمية تحركها بكل اتجاهات * وأنت الفضاء اللي ما تجاوز حدوده * * كنت أشبه المسحور ماله خيارات * من وين أروح ألقى لك الدرب عوده * * وكنت أنت مثل الضحكة أرسم بها شفاة كنت الوجود اللي أنا من وجوده * * عمري قضى كله وهم وانتظارات * لين أثمر بهمي رجاي وعوده * * ويوم انصهر جفاك دمعة وحسرات * أطفا حنين الشوق وأحرق وقوده * * الحب مثل النار تبدأ شرارات * ومهما لهبها طال تبقى امحدودة * * تصبح رماد عقب ما هيب جمرات * مثل السحاب يزول لا أنهى رعوده * * زرعت أمل وحصدت أسوا احتمالات * حلمي بعطر الياس فاحت وروده * * لكنني ما أندم على الحب لو فات * بعض الشدايد عاقبتها امحمودة * * أسيرة الصمت البدايه: في البعد انخلقت وفي الغربه تكونت وفي قلوبهم القاسيه احترقت انا من ومن انا لااعلم خطف قلبي وخطفني اخذني مابين نفسي وبيني قتل اصغر احاسيسي احرقني وقتل شي جميل في قلبي اخذ روحي وهرب خوفا من عاداتهم ترك بجوفي صغيره عانت معي تركها لانها انثئ ياسخافة نزلت دمعتها ع مذكراتها وبهمس حاد :بعلمك ياعبد العزيز مني الحضريه بتشوف الحضاره والدلع ببنتك بااخليها بصمه بالمجتمع الاجنبي وباابتسامة شر :هه غموض عبد العزيز ..ال ههههههههه هين ياعزوز قطع عليها صوت اخوها فهد الصغير :ساره وراك ماقمتي يلا لا نتاخر ع الرحله هزت راسها بحزن وقفت وهي تضم بنتها لصدرها وتمشي بخطواتها البطيئه متوجها الئ ابريطانيا .... عند قريه من قرئ الشمآل نزل من سيارته وهو لابس بشته وبضيق :يارب ساعدني وبهمس :يارب استودعتك ساره واللي معها وقفوا وطلعوا من خيمة الضيوف متوجهين للمعرس وبجنبه ابوه ابوه بهمس :طلقتها عبدالعزيز ببرود ايه وبسخريه :يالشيخ قدرت لبكرك ابو عبد العزيز باابتسامه ;هه وتسيف مااعرف له وهو ربات يديني وبهمس طلعها من هالقلب وادخل وانت مبتسم لبنت عمك وبتهديد خلني ياعزيز اسمعها تشتكي منك والله لا اعلمك تسيف تبعد عن امك وانت بشليلها وبغموض:انسئ طاريها لو جابت لك الولد بقت معك بس جابت البنت خلها وانسئ طاريها وحتئ بنتك مابي اسمع طاريها بهالبيت سامع عبد العزيز تنهد بضيق ولف وجهه المخنوق :سامع يالشيخ وقف وهو يشوف عمامه وخواله وجماعته فازين بعرسه ابتسم بضيق وبحزن وهو يتذكر وعوده لساره بحديث بقلبه :اه ياساره اسف خذلتك والله عارف كسرتس جعل ربي يكسرني مو بكيفي والله مو بكيفي اعذريني بدخل ع غيرتس وانا وعدتس اني لتس وعدتس ايديني ماتضم غير ايدينتس وقلبي ماينبض الا لجلتس بوفي لتس بوعد ان هالقلب لتس غمض عيونه وفتحها بسرعه وهو يطالعهم حس باايدين اخوه يشد ع ايده التفت له همس له وافي :يلا زفتك همس :طيب مشئ وابوه وعمه بجنبه .... باالطياره منسدحه ع الكرسي وبحضنها بنتها وبجنبها اخوها ساره بحزن :فهد ماعاد لنا احد فهد بصبر :لنا الله ولك انا ساره بضيق ;ياخوي قصدي ماعاد لنا عزوه اهلنا توفوا وتركونا وبدمعه حتئ خويك تركني بعز حاجتنا له فهد بقهر وضيق :ماهو خويي وبعدين كل هالحلال وتقولين بعازته لا ماحنا بعازته حنا الله ماغنينا عنهم واذا قصدك بنتك مالها احد لها خالها اللي بيوقف بوجه منهو يبيها ولا يضيقها وبضيق ماهقيت هالهقوه ياساره لو ادري انه بيسوي كذا مازوجتك له مايستاهلك والله وبابتسامه بس ماعليك لك اخو عن مية اخو بالقريه بعد الانتهاء من العرس وذهاب المعازيم وقفوا اخوانه الصغار وتوجهوا لبيتهم خالد باستغراب :ياولد ابوي وعبد العزيز بهم شي وافي بضيق :يعني ماتدري عن هالحضريه الا لعبت بنا وبسبتها ابوك زوجنا وحنا باقي مابعد تخرجنا من الثانوي خالد بضيق :خل الزواج ع جنب انا وشلون بطالع وجه نمشه وافي بضحك ؛ههههههههه هذي ماحسبنا حسابها نمشه اللي طول عمرها ذبح مذابح معك تاخذك هههههه خالد بشبه ضحكه :اقول يازينك ساكت وبعدين حاصلك نمشة القلب وافي بابتسامه :لا والله خلني علئ بسمتي ابرك خالد :ههههه ماطحت الا انبطحت اقول خلنا نوصل قبل لايجي ناصر وعبدالله ومحمد والله لايحرشون ابوي علينا وافي بتهور ؛انا بعرف ابوي يوم مسوي لهم قدر ومشيخهم ع وش مادري خالد :علشانهم رضوا وتزوجوا قبل عبد العزيز ولاهم بزارين معهم بزارين وصلوا البيت وتوجهوا لبيت الشعر دخلوا بهدوء وهم مستغربين التجمع وابوهم جالس ومعه عصاته بردت ملامحهم بخوف وتسآل!! وقف بهيبته وبرزانه وثقل التفت لعياله وبهمس وصلهم :محمد ناصر وعبدالله ردوا بهدوء :سم ابو عبد العزيز وهو يطالع لهم :وافي وخالد وسعد طالعوا لبعض وبهمس :سم يبه ابو عبد العزيز :اسمعوا ياعيال ماجمعتكم الا ابي منكم الا يبيض الوجه وعقب سوات عبد العزيز مالي عين قاطعوه بسرعه : لا لك عين وكلمه مسموعه انت شيخنا وشيخهم وملزوم عليهم يسمعون حتسيك ابو عبد العزيز بضيق وهو يضرب صدره :هنا به ضيق وقهر كسرني اخوكم عقب ماكنت رافع راسي به وحاطه يميني وذراعي جلس وهو يكمل بضيق واضح :انا اعرف العشق وجربته لكن ماتهورت وعملت عملة اخوكم واخذتها غصبن عن اهلي اخوكم جاني وهو بالمتوسط وقال يابوي اخطب لي وقلت ابشر وخطبنا له بنت عمه سعاد وقلت له وهز راسه وخلص الثانوي وجيت بملك له ورفض قال بكمل تعليمي وقلت ابشر ودورت له من هالواسطات وديته بنفسي لرياض وتطمنت عليه وكلما حنيت عليه ع الزواج اصبر يابوي واصبر يابوي زوجة اخوانه وخواته بفرح بلمة عيالهم حواليني وهو ثابت ع رايه ضرب ركبته بغضب :اثاريه عاشقن له احضريه واجنبيه من الرياض ماهي مننا ولا بنتن لنا ولانعرف قرعة ابوها من وين ولولا خالكم ماعرفت انه متزوج وبعد ماعلمني ورحت له وتهاوشنا وعلمته انها لاجابت البنت لايوريني وجهها ولا وجه بنته ويطلقها ولاجابت الولد تبشر باللي يحطها ع راسي بس قبلها ياخذ بنت عمه ورضئ وجاء قبل اسبوع يبشرني بولادة زوجته وانها جابت بنت وخيرته بينها وبين رضاي واختار راضي وطلقها رفع عينه لواحد واحد منهم :اتمنئ علم عبدالعزيز وبنته مايتعدئ هالبيت واللي يعيد سواته هه اقسم اني لاتبراء منه كود تصيرون رجال ! ناصر بهدوء:ابشر يابوي وكلنا تحت شاورك وبتهدائه وسوات عبدالعزيز ماهي بصايره باذن الله عيالك وزوجتهم مابقئ منهم الا سعد وهذولا عيالنا يلعبون حواليك واذ ع عبدالعزيز هذا هو تزوج بنت عمه وفرحنا وفرحك ابو عبدالعزيز هز راسه بضيق ووقف متوجه لداخل البيت ،،،،، عند عبد العزيز اللي يتقلب بفراشه التفت لها بهدوء ولقاها نايمه نزل من الفراش بهدوء وهو يمشي لدورة المياه دخل وسكر الباب وقف عند المغسله وهو يطالع لوجه وبضيق:اخ ياساره وين ارضتس هالحين هه حنيت لتس وربتس اشتقت لتس كيف بتمر هالسنين من غيرتس حس بصوت سعاد وهي تنادي عليه مسح وجه بالماء ع السريع وطلع لها عبدالعزيز وهو يطالع فيها :هلا بتس شي سعاد ؛لا بس عمي ينادي عليك طالع الساعه وبستعجال ؛يالله الساعه 4الفجر بلحق ع الصلاه وراجع لتس بعد مااشوف ابوي سعاد بنعاس:طيب ورجعت تكمل نومتها بعد ماطلع عبد العزيز |
رد: ومالي بدجئ العاشقين ملاذ! بقلم/غسق آلليلh
البارت الثاني ماضي وحاضر يتصارعا في ابريطانيا دخل الفله وهو مقهور من الداخل ع اخته الوحيده واللي صار فيها بسبته تذكر مكالمته قبل ساعه مع عبدالعزيز فهد وهو يرد برود ع اتصال عبد العزيز : نعم عبدالعزيز بهدوء ؛ السلام عليكم فهد بقهر : ولا عليكم السلام لك وجه تسلم عقب سواتك كانك رجال كان اصريت عليها كانك رجال وقفت بوجيهم هه يافهد ساره بعيوني قلتك ياعبدالعزيز اهلك مايرضون طقيت الصدر وقلت ماعليك يافهد بيرضون لاحطيتهم بالامر الواقع وش صار بعدها ماتم لكم سنه ورجعت اختي مطلقه ومعها بنت عبدالعزيز بهدوء وهو متالم ؛ حصل خير يافهد ولاتخلي هالموضوع ياثر ع علاقتنا فهد : لا بياثر وبيأثر اسمع من هالثانيه تنسئ ان لك صديق اسمه فهد تنسئ انك تزوجت ساره وانسئ ان لك بنت وبتهديد :والله ياعبدالعزيز ماتشوفها مادام راسي يشم الهواء عبدالعزيز ببرود ؛ اصلا ماراح اطالبك ببنتي وداق عليك بقولك خلها عندك وحتئ لو طلبتها لاتعطنيها اهلي بيسببون لها مشاكل ويعايرونها خلها عندك لين ماتعرس ولا تدري اني حي قولها اني ميت وبتذكير حولها باسمك اخاف ابوي يشتط ويدورها بعدين فهد بضيق ؛ انت ابو استغفر الله بس انت حتئ اسم بنتك ماتعرفه عبدالعزيز ؛ انت عارف البير وغطاه مابي اعرف اسمها علشان ماتطري علي غير كذا ابوي لاركز بينقد ع نفسه ويقول شلون اخلي بنتنا عند الحضر يعني يافهد حولها باسمك وفكني من هالموضوع وبتحريص : لاكنت غالي عليك يافهد وباقي لي معزه احفظ بنتي عندك وربها علئ سلومنا لاتخليها تتاثر مع الغرب والاجانب طلبتك يافهد فهد بضيق : ابشر وبهدوء ؛ لاعاد اشوفك متصل علي وبنتك لايجي يوم وتطالب فيها انساها وهذي رغبتك انت ع العموم الله يسامحك ع ماجنيت مع السلامه سكر الجوال وهو مقهور من عبدالعزيز مع انه عارف انه غصبن عنه بس هذيك اخته اقرب له نرجع بعد ساعه دخل وهو مقهور توجه لغرفة ساره ولقئ بابها مفتوح دخل بهدوء وهو يشوفها جالسه ومعها قراءن وتقراء ابتسم يوم حست فيه سكرت القراءن وبابتسامه : اشوفك توزع ابتسامات شعندك؟ فهد بابتسامه وهو ياخذ غموض بحضنه : ابد والله مافيني شي بس اشتقت لسارونتي قلت اسير عليها هزت راسها باابتسامه تنهد بضيق وهو يطللعها وحاس بحزنها تكلم بثقه وهدوء: اسمعي ياساره ساره بنتباه :قول اسمعك فهد: اسمعي موضوع عبدالعزيز من طلعنا من الرياض تنسينه ويتقفل طلعيه من قلبك انسي انك تزوجتي كملي دراستك الجامعيه وخذي اعلئ المراتب ارجعي ساره اللي اعرفها ارجعي ساره اللي تبي تحقق حلمها وتصير دكتوره انسي عبدالعزيز حطي عليه اكس امس زواجه يعني ماهمتيه ابيك من هالحظه تغيرين من نفسك وتصيرين قويه بدخلك الجامعه وبدعمك لين تحققين حلمك وبنتك بنتي والحين بروح السفاره واسجلها باسمي ابوها دق علي ومتنازل عنها وعنك نزل غموض ع الكنبه وهو يتوجه لساره ويضمها بقوه وهو غمض عيونه بقهر وهو يسمع نحيبها مسح ع ظهرها وبهمس : ابكي ياقلب اخوك طلعي اللي بقلبك هالدقيقه وبعدها مالك حق تضايقين خلقك عليه مايستاهلك وهذي الدنيا نصيب يااختي بيجيك الاحسن منه وكافي غموض اللي بتخلي حياتنا غير ابعدت عنها وهي تمسح دموعها : بنساه مايستاهل بربي بنتي وبكمل دراستي وبجيب اعلئ المراتب وبصير دكتوره واذا ماتحقق حلمي بتحققه غموضي فهد باابتسامه : كفو والله ايه هذي سارونتي ضحكت وهي تسمعه : مستعده نبدا حياه جديده وبمجتمع اجنبي هزت راسها وهي تحط يدها بيده : ايه مستعده ابني نفسي من جديد واربي بنتي وارجع كياني وقلبي وقف وهو يوقفها معه باس راسها وهو يهمس لها : عفيه عليك صدقيني بوقف معك خطوه خطوه لين تصرين الدكتوره ساره ابتسمت : الله يخليك لي ابتسم : ويخليك ياقلب اخوك غمضت عيونها وهي تسمع صوت غموض العالي : الدكتوره ساااره وراتس ماتردين ساره بقهر من طولة لسان بنتها وقلة ادبها : بنت انا امك تكلمي عدل غموض بضحك : ههههههههه توني ادري تصدقين ساره مسكت راسها : انتي متئ تكبرين غموض وهي تلعب بحواحبها : مدري بس يقولون لاصرتي كبر ساره تكبرين خذت الكتاب بعصبيه وهي تحذفه بكل قوتها عليها غموض بتلاعب وخرت ع الجنب الثاني وجاء الكتاب ببطن فهد اللي توه جاي من الشركه ببطن فهد اللي توه جاي من الشركه فهد بغضب : ماتشوفين انتي ساره وهي مفتشله : اسفه وربي بس كنت بضرب هالملقوفه غموض اللي ع الزوايه الثانيه ميته ضحك : ههههههههه تهاوشوا الاخوان بس والله يبه بحق فهد اللي ابتسم يوم شافها فتح ايدينه وهو يتكلم بسرعه : تعالي ياقلب ابوك من زمان عنك ركضت له وهي تحضنه بقوه شدها له وهو يهمس : شعندك مطفره بالدكتوره غموض وهي مغمضه عيونها : يبه مطفرة بس طفشت وهجمت ع خيتك وتعرفها هاليومين الاعصاب عندها تعبانه قرصها بكتفها : بنت احترمي امك غموض بزعل : ماني بزر تقرصني فهد : لابز ولا هذي تصرفات وحده عمرها 20 همست :طيب بتاسف منها وخرت عنه بضيق وتحاول ماتبينه بضحكتها توجهت لمكتب امها دخلت بهدوء وهي تشوف امها بين الكتب تسوي بحث جت من وراها وهي تحضنها بقوه وتبوس فيها ساره باابتتسامه : وخري عني خلاص غموض : سامحني واوخر عنك ساره : سامحتك خلاص غموض : باست راس امها وبضيق : ماما ادري اني مضايقتك بتصرفاتي وربي اسفه بس تعرفيني مهبوله ولساني طويل بس والله من دون مااقصد تطلع هالتصرفات ساره : مسامحتك ياماما يلا روحي جهزي نفسك تروحين معي من بكره الجامعه تكملين الماستر غموض طارت عيونها :وش اكمل انا يالله خلصت الجامعه ساره : اسمعي انتي عارفه ان ذكائك نسبته قويه ولاكان ماتخرجتي من الجامعه وعمرك 20 فحرام تقعدين لاشغل ولا مشغله كملي الماستر وبعدها خذي الدكتوراه غموض :يمه انا عارفه انا نسبة ذكائي عاليه بس مابي ادرس ساره بااصرار : انا قدمت واقبلوك غموض وهي تخز امها: طيب وخلصت وين اتوجه ساره :اقدم لك ع ارتب واشهر مستشفئ وتتوظفين فيه واذا ماتوظفتي هذي شركات خالك اشتغلي فيهن غموض باصرار :ابي اتوظف بالشركه ومن بكره ادوام مع خالي ساره بتفكير :اوكي جهزي نفسك طلعت غموض بغضب وهي ترقئ الدرج وتتحلطم :ياغموض كملي دراستك وتفوقي ويوم تفوقت ياغموض توظفي والحين اتوظف بكره تقولي اعرس والله بلشه الام الدكتوره مابقي الا تجرب علي كتبها فهد اللي كاتم ضحكته وراها :ياهو خلصتي تحلطم التفت له بنظره قويه ومشت عنها وهي تتجه لغرفتها فهد اللي مازال واقف وهو يهمس :يالله يانظرتك ياغموض عض شفته وبهمس :ذكرتني باابوك لاعصب وماعجبه شي نظر لي هالنظره ابتسم وكشر بسرعه اخ بس عليكم وتوجه لغرفته |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم تابع البارت الاول في القرية التي تغيرت واصبحت بيوتها من الاسمنت وكان التغير السريع حدث في بيوتها وليس اصحاب بيوتها بيوت من طين اصبحت الان من الاسمنت والمباني الفاخره لشيوخ القرية التي تتغيرت جذريا ماعدا تفكيرهم وعاداتهم . في ديوانية الشيخ ابوعبدالعزيز شيخ القريه وابناءه جالس والهدوء يرتسم ع ملامحه الهادئه مستندا ع عصاته ونظراته متوزعه ع ابناء اولاده وبجانبه ابنه الكبير عبدالعزيز ابو عبد العزيز بصوته القوي والمفعم بالهدوء والحده: وينه سعود ناصر ابنه الثاني : والله يايبه لحد الحين مابين هالسعود علمي فيه البارح قالي بيروح لحلاله (الغنم . والابل ) ابوعبد العزيز رفع حاجبه بااستنكار :متاكد يابو سعود ناصر حسيت بخوف من نظرات الوالد وبهدوء رديت : ايه والله يايبه ابو عبد العزيز ع نفس النبره : يابو سعود ولدك مسوي حادث وطايحن بالمسشتفئ ناصر بخوف وقف: شلون ابوعبد العزيز تنهد بتعب وضيق وهو يطالع نظراتهم المتخوفه : امس وهو رايحن للحلال دعم له عايله والعايله سلمت بس ولدهم الصغير مرقد بالعنايه وسعود تحت رحمة ربك ياناصر ناصر بخوف : باي مستشفئ ابوعبد العزيز بمستشفئ الكبير مشئ بسرعه متجاهل نداءت اخوانه وعياله ركب سيارته بسرعه بس مسك يده ولده الثاني ليث ليث : تكفئ يبه خلني انا اسوق ناصر وجسمه يرجف من الصدمه : يلا عجل علينا اجل ونزل ماشي للباب الثاني عند اللي بديوانيه عبد العزيز بهدوء : الله يسامحك يالغالي خوفته ع ولده والولد حالته زينه مابه خلاف ابو عبد العزيز بضيق: عارف مابه خلاف بس ابي قلبه يطلع ع ضناه البكر انت شايف حالة سعود ماهو بصغير اللي بعمره عندهم عيال حرمه من التعليم وقلنا ابوه وتسيفه حرمه من الطلعات مع خواله قلنا ولده وتسيفه سكنه بالبر وجاب له حلال وسلمه الحلال وهو بزر يتخم بين هالبران وسكتنا وعذره يبيه يطلع رجال مستخسر فيه الريال يوم جاه يبيه يساعد بتكاليف المهر رفض وقال انت رجال دبر عمرك وهذا سعود عمره راح بين الكرف والشقا ولارجع للديره ماحصل الا هواش وتلعين عبالك ي عبد العزيز ماادري باللي يصير من وراي لاوالله ساكت وبشوف اخرتها مع ناصر وتعامله مع سعود تسافي حرقة قلبه عقب مابنئ له بيت راح سكن مرته الثانيه فيه وماله حق بهالبيت هالبيت سعود بانيه تسافي موتت امه وهو ابو سنتين عبد العزيز : الله يعين يايبه والله ان سعود رجلن تحطه ع يمناك ولاتهاب سود الليالي دام سعود بيمناك هز راسه وبهمس : صدقت ياوليدي عند الشباب اللي بعد ماطلع ليث طلعوا وراه متوجهين لبيت الشعر الموجود خلف فلة جدهم دخلوا واللي توجه للبلاستيشن واللي جلس يتابع واللي لاهي بجواله قاطعهم سؤال عمر الغريب : عيال تخيلو مكانكم مكان سعود ريان بتفكير : بنجلط والله تخيلو بس اني امسك كل حلال العائله ومشاغل الدنيا فوق راسي وبسخريه وغير هذا جوالي كشاف ومااعرف اقرا تعالت ضحكانهم بسخريه ع حال ولد عمهم كبير العايله عمر بغضب : صدز انه ماكمل دراسه بس مااشاءالله عليه فطين وذهين ويفهمها وهي طايره واتحدئ بس واحد يفتح حلقه عنده من كثر ماتهبونه حتئ السلام تترجفون لاسلامتوا عليه وببتسامه اللي مو عاجبكم هذا مشيكم ع الصراط المستقيم ريان رفع حاجبه بغرور ولف وهو يكمل اليده ووهو يفكر بكلام عمر طول عمره يشوف سعود قاسي وعصبي طول عمره يعتبره مصدر خوفه مايعتبره اخوه من كثر ماهو يهابه يمكن لان ابوه فرق بينهم ولايمكن فرق العمر بينهم طول حياته يخاف منه ولا حاول يقرب منه بااعتبار انه ولد ابوه الغالي هذي الفكره اللي اغرستها امه براسه عمر اللي ابتسم يوم شاف سرحان ريان وبداخله يارب قربه من اخوه التفت ع عيال عمه اللاهين طالع مشعل بنظرات تفحص وهو يشوف مشعل سرحان بكاسة الشاي ومدنق راسه عقد حواجبه وهو يشوف لمعة الدموع بعيون ولد عمه عبد العزيز بلع ريقه بخفوت وهو خايف عليه مشعل احس اني بعالم ثاني سرحت لعالم امي وابوي اللي اربع ةعشرين ساعه هواش نفسي يوم يمر بدون هواش امي الله يهديها بس حيل عصبيه ماتتحمل كلمه من ابوي وابوي طول عمري ماشفته يشكرها ولا يقول لها كلمه حلوه مدري تسيف تفاهموا وهم كل يوم هواش وحرب تنهدت ودموعي وصلت نفسي بس يمر يوم بسلام تنهدت مره ثانيه ابي الضيقه والدموع تروح رفعت راسي وانا استغفر شفت عمر تسيف يخزني ابتسمت وقفت وانا اعتذر من الشباب متوجه لبيتنا عبد العزيز اللي استئذن من ابوه متوجه لبيته صادف ولده الكبير مشعل ابتسم له ومشوا بجنب بعض مشعل بتردد : يبه عبد العزيز : سم يابوك مشعل : يايبه تكفئ هدي قبل لاتدخل البيت عبد العزيز رفع حاجبه : ليه شايفني معصب مشعل بتوتر : لا والله يالغالي بس من تدخل البيت تعصب ابي بس يوم واحد يمر علينا بهدوء وسلام تعبنا والله يبه من المشاكل عبدالعزيز ابتسم بضيق : طيب ي مشعل ابشر دخلو البيت بهدوء استغرب وهو يشوف الهدوء وبناته جالسات بلبسهن المدرسه عبد العزيز : منئ وين امتس منئ بتوتر : راحت لعمامي عبد العزيز رفع حاجبه بغضب طلع جواله وهو يتصل عليها ردت برود : نعم عبد العزيز بهدوء الكون : معتس عشر دقايق اذا مارجعتي البيت بيتي يتعذرتس مشعل بعد مسكر ابوه الجوال تنهد وطلع بسرعه والبنات منئ ومنايا ومسك طلعوا بسرعه فوق بخوف من نظرات ابوهم عبد العزيز اللي جالس ع اعصابه ويعض اصابعه من القهر غمض عيونه وانسددح يحاول يهدئ ولا يشتت عياله عند سعاد اللي قامت تنافض من الخوف لبست عباتها وتوجهت لبيتها بسرعه دخلت وهي تشوفه منسدح ومغممض تنفست براحه جت تمشي شوي شوي بس وقفهاصوته الهادي: ليمتئ ي سعاد متئ تريحيني وتعقلين سعاد بااستفزاز : متئ لاعلمتن وش سالفة اللي اسنها ساره اللي تهذر بها حتئ وانت نايم عبد العزيز : ماني ملزوم اعلمتس من ساره بس ياليتس مثلها طلع تاركها وهو عارف ومتيقن انه احرق قلبها وحطمها بكلامه بس تستاهل متئ تستوعب انها ام عيال وكبيره وتترك حركات االبزارين ولدها بيتزوج وهي للحين تعاقبني ع سالفه صار لها عشرين سنه ابتسم بحنين وراحه لما جت ع باله ساره يالله ي ساره وين ديارتس هالحين وتسيف بنتي ي ساره سرح بذكرها تمنئ بس يشوف بنته ويعرف وش اسمها وتسيف صارت الحين وملامحها تنهد بضيق وحزن ع طاريهم بيت الجد جالسه وهي تطقطق بجوالها قاطعها ضربة امها بالعصئ الجده : ي ماخوذه انحولت عيونتس من هالجوال نوف بعبوس : يمه ماني ببزر تضربينن امها: الا بزر ونص لاتعرفين تتطبخين ولا تتشتغلين شوفي بنات خواتس واخوانس قايمات بالبيت وبينهن دوريه يطبخن وانتي بس منسدحه هالبلوه نوف : ياحول بنات اخوي وبنات خواتي ذبحتينن يمه بهن شسوي لهن اذا يبن الكرف من الصغر امها : تعلمي صيري مثلهن نوف وقفت بضيق :طيب طيب مشت وهي تتحلطم بالجزءالغربي وتحديد ابريطانيا لبست جنز كحلي وبلوزه واسعه بيضا وفوقها جاكيت طويل كحلي وشال ابيض طلعت من غرفتها وهي نازله ابتسمت وهي تطالع امها وخالها يتهامسون اسرعت بخطواتها وجلست ع الكرس بجنب امها وقامت تاكل بسرعه ساره بغضب : بنت سلمي سمي مو داخله بهالسرعه احترميني واحترمي خالك ماردت وهي تاكل ساره زادت عصبيه عقب ماطنشتها : هين ي غموض اعلمك غموض برود : ليه تعلميني ماسويت شي ساره : قلة ادبك وبرودك واسلوبك وكل هذا ماسويتي شي غموض: طيب وبعدين ساره : غموض قومي عن ووجهي غموض بجمود : ماردت وهي توقف وبصوت هادي ,وهي تطالع فهد اللي عاجبه الوضع وساكت : انا ماعمري سالتك ليه مسجلتني باسم خالي ولا عمري سالتك عن ابوي تدرين ليه لاني اكتفيت فيك يايمه اكتفيت فيكم انتم الاثنين وانتي بااسوبك هذا يايمه تخليني اتركك وادور ابوي لاتحسبوني ساكته اني مااعرف وش اللي يصير من وراي لا عارفه وعارفه بضغطة زر اطلع اسم ابوي كامل واهله وااللي صار وانا ماادري فيه بس انا ساكته بمزاجي لكن بيجي يوم بتعرفون مني غموض وبسخريه بنت الشيخ عبدالعزيز ضاري..... وتركتهم وهي واثقه انها اشعلتهم وخوفتهم تنهدت بضيق وهي متوجه للشركة خالها ساره اللي اخرستها الصدمه وفهد وقف بسرعه وهو يلبس جاكيته بيلحق ع صمود ويفهمها همس: غريبه السنين اللي مرت وانا احاول ابني نفسي من جديد واحاول اغير عن نفسي واقوي روحي والقوه كلها انعكست ضدي وصارت مع بنتي |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم (2) دخلت الشركه وانا متجاهله سيارة خالي اللي كانت وراي بضبط توجهت ع طول للسكرتيره وسالتها عن مكتبي لاني معطيتهم خبر امس السكرتيره : ع يمين مكتب الاستاذ فهد مكتبك هزيت راسي ومشيت مسرعه للمكتب ودخلت وجلست وانا اخذ نفس حسيت بتعب مضاعف لي يومين مانمت يومين وانا احترق وقلبي مغبون ماطلبت شي بس بعرف ليه خبو علي غمضت عيوني وانا حاسه اني فعلا دخلت بداومه مالها مخرج كيف بقابلهم كيف هم وبااختصار كيف تركني ابوي كيف خلاني معقوله مايبيني فتحت عيوني وانا حاسه ببكي رفعت عيوني وانا اقوي حالي ماراح ابكي والله ماابكي مو انا اللي ابكي بس فيني غصه كاسرتني من داخل ماحسيت الا بخالي يفتح الباب بقوه وتقدم لي ابتسمت بسخريه علئ كذبه تجاهلني وجلس ع الطاوله قدامي بتمام دنقت راسي ماابي اطالع له علشان مااضعف له واسامحه . . . فهد بعد ماشفت حركاتها انقهرت من نفسي بس هذا طلب ابوها مو انا انا ماارضئ بس كيف بقنعها امها اللي متاكد منه ان حالتها بتنتكس وهذا مو بصالحنا علشان مرضها وقلبها مايتحمل تكلمت بهدوء :غموض غموض ماكلفت نفسها تطالع له فهد : شوفي ياغموض انتي بنتي انا مال لابوك حق فيك انا اللي ربيتك وانا اللي معك من كنتي باللفه لين ماصرتي طولي انتي بااسمي انتي غموضي انتي غموض فهد مو عبد العزيز انتي عارفه فهد اللي رباك لاتكسرين ابوك ياغموض لا تكسرينه مانتي مستفيده من اهل ابوك وابوك غير الهم والوجع صدقين مابيتآلم غيرك خلك عاقله واوزني الامور بهداوه . . . قام بهدوء وهو منتظر اقل شي تناديه تراضيه مو تخليه يمشي كذا منتظرها ويبطي بخطواته وبداخله غصه هو رباها وعارف قوة باسها عارف انها ماراح تتنازل عن كرامتها علشانه عارف وهو رباها ع القوه وتاخذ حقها بس ماتوقع تتطلع عكس الشخصيه اللي راسمه باله تنهد بضيقه وبهمس خافت :جت تشبهك ي ضاري تشبهك وبتوقف بوجهك ي ضاري حط يدينه تحت راسه وارخئ جسمه ع الكرسي وهو متضايق منها . . . غموض بعد ماطلع تنهدت ووقفت بسرعه ووطلعت متوجها لمكاان مايعرفه غيرها وسايقها الخاص ركبت السياره وطلبت منه يوصله ماان وقفت السياره عند الاشاره فتحت السياره استغرب سايقها وبصوت عالي :سيدتي غموض توقفي ماردت عليه وهي تسمع اصوات الناس منزعجه من تصرفها عدت الشارع واشرت لساايقها يمشي السايق بااستغراب :حسنا سااذهب ارسل لفهد عن فعلتها ورجع وهو مو مطمن عليها حاول يراقبها وعجز لانها اختفت بين الناس الكثيره غموض بقهر اوف واخيرا ضيعته طلعت جوالها وهي تتصل لصديقتها اللي كانت المبتعثه اللي رجعت للسعوديه وتركتها همست بحنين :عارفه ماراح تردين عارفه انك اختفيتي بس اشتقت لك كثير همس محتاجتك كثير توجهت لشقة همس القديمه : دخلتها وهي متوجعه شغلت النور وتنهدت وهي تشوف الشقه مغبره حاولت تنظفها بس تعاجزت جلست ع الكنبه وبتعب وهي تكح :مدري وش اسوي همس احس بضيقه ابي ارجع غموض اللي بس تضحك غموض الطموحه غموض اللي تموت بخالها وامها عجزت حاولت ي همس ماقدرت انا عارفه ابوي مخطي كثير عارفه مافيه شي يبرر غيبته بس ابي احس بوجوده ابيه بجنبي امي ماقصرت بس الابو عظيم غمضت عيونها ودموعها سبقتها وصوت داخلها يرفض كلامها ويندمها همست ؛انا غلط وتفكيري غلط صح رجعت تسال نفسها بس ابوي فهد يحبني كثير وامي كيف بتركهم فتحت عيونها وبااصرار ماراح اتركهم بس بستعد لمواجهة ابوي واهله ابتسمت بسرعه وبهمس :انا غموض انا بنت فهد مو عبدالعزيز وقفت وهي تحس توها ترجع لعقلها وحست انها زعلت فهد اتصلت ع السايق وماهي ثواني الا والسايق عند العماره لانه من الاساس ماابعد . . بالسعوديه . وخاصه بالدمام بفله كبيره تضم عائله معروفه بالتجاره واسمهم واصل ام ماجد وهي مجتمعه بعيالها وبنتها : اسمعو زين هالكلام الحلال انا بمسكه والورث ماراح يتقسم الا بوجود فهد وانتم عارفين وصية ابوكم قبل لايتوفئ فهد له حق مثل ماكل واحد له حق وفهد اكبركم صدز ماتربئ معكم وعاش عيشة الغرب بس مايمنع انه يشاركم ورثكم وهذي وصية المرحوم دوره بس مالقئ لهم اثر وعرف ان امه سجلته بااسم رجلها لان ابوكم طلقها وهو مايدري انها حامل بفهد وكل اللي اعرفه ان طلقتيه ورجلها توفو وفهد واخته من امه اختفوا رفعت عيونها لملامحهم الصامته هي تعرف كل واحد وجبروته وطبعه تعرف كل واحد وقوته وعارفه ان الورث مهم بنسبه لحالتهم بس هذي وصايا رجلها اللي صدمها بخبر زواجه من ام فهد تنهدت بضيق وقفت وبهدوء :اتمنئ منكم تاخذون الموضوع بجديه واتصلوا علئ سعود وخلوه يجي ابيه بشغله وتوجهت بعد ماصدمتهم ماجد وكان الموضوع ماهمه :حلو بدال اربع اخوان صرنا خمسه غازي بضيق :الحين الشركه والامور هذي كلها بتوقف علشان فهد عناد عاقد حواجبه بهم وبضيق ؛منين طلع لنا فهد كنا ناقصينه ديون المرحوم عاجزين نسددها وبسخريه :مابقئ لنا الا هالفله وبكره تصير لفهد وناكل هوا سيف بجمود وغموض : فهد دنيا :ي عيال لاتكبرونها وهونها بالعكس خذو الموضوع بهداوه لاتتنحبطون ماتدرون يمكن هالفهد ينقذنا من الازمه اللي حنا فيها سيف :احمدي ربك انك البنت الوحيده ولا كان كفختك الحين دنيا سكتت وهي تشوفهم كل واحد منهم سرحان ويفكر قامت وهي تستغفر من وضعهم . . . بمستشفئ الكبير دخل الجناح ومعه ليث برد وجه وهو يشوفه يلبس ثوبه ومافيه شي سعود اللي ملامحه جامده وبصوته الهادي :هلا يبه ابوه طالعه وعفس ملامحه :اهلين وبعدين يقولون انك بتموت بس ماشاءالله اشوفك بعافيتك سعود بجمود :مقدر ومكتوب التفت وهو ياخذ جوالاته وتعدء ابوه وليث وبصوت هادي :عن اذنكم ابوه ؛ع وين سعود :اظن تعديت مرحلة ع وين مع السلامه تعداهم وهو يزفر بضيق من متئ يسآله وين رايح وجاي ابتسم بسخريه وهو يمشي بهدوء لين ماوصل السياره ركبها وماغب عن باله نظرات ابوه حاول يتجاهلها ومايتاثر فيها شغل سيارته وهو ناوي يمشي لنفود بس ع ماحرك الا جواله يتصل رفع الجوال وهو يلمح اسم خاله عناد رد بهدوء :الو عناد ؛هلا اسمع امي تببيك حالا سعود بهداوه:كم مره اعلمك الناس تسلم تسال عن الاخبار وانت ع طول تعال طيب احترم عمري عناد :ههههههههههه ي رجال اخلص علي جدتك شايشه تبيك سعود بنصف ابتسامه :ع خير انشاءالله سكر الجوال وباله مع اللي اللي كسره وكسر حاجه بنفسه حرك سيارته يشوف ابوه وليث يركبون ناظره بتركيز وعيونه تلمح ادق تفاصيل ابوه وبنفسه ليه انا غير عن اخواني ليه التفرقه وليه كل شي يصير براس سعود ماانكر ان شخصيتي قويه شخصيتي ماتعرف الحنيه ابد قاسي لابعد الحدود بس طيب واحاوول اخفي طيبتي تربيت بصحراء تربيت ببيت مايعرف يسال عني تربيت ع اساس اني ضيف مو ولده اغلب حياتي عشتها بالبران من نفود للقنص يمكن الشي الوحيد اللي صح بحياتي اني كملت دراسه بس منازل واخذت الثانويه وهم عبالهم اخر شي اول ابتداائي ...... ابتسم بقوه وهو يتذكر نظرات عيال عمه ووسخريتهم منه هو عارف انهم يضحكون عليه عبالهم مايعرف يكتب ولا يقرا وهذا هو يمثل انه مايعرف يقرا ولا يكتب وهو اصلا ماسك شركات خواله بس بالسر وبطلب منه رجع للواقع وهو يهمس :كنتي بنفسي مثل الروح وغبتي وغابت هالروح من بعدتس تنهد بضيق وهو يناظر الطريق بصمت وروحه تنازع عانده تنازع اللي بدخله كم مره انرسم الخذلان بملامحه كم مره نام وهو متضايق وجعع بروحه مو قادر يبعده وجع يذبحه لاشاف تعامل ابوه مع اخوانه شلون يهتم بهم ويخاف عليهم وكيف تربوا بحضنه وهو ربته الدنيا والصحراء هو صحئ ع قسوة ابوه ونظرات السخريه من اخوانه وجع يحاول يناساه وجع يتمنئ يبكيه بس علمته الحياه مايبكي علمته يقسي ولا يحن علمته ان الرجال مايبكي ولاتنزل من دمعه علمته مايثق وجع يخترق جسده لابعد حد تعبان نفسسيا ويتظاهر بالقوه زفر وهو يستغفر ويمسح ع وجه من وجع عظامه كمل طريق وكل همه جدته وش تبي وش تخطط عليه عارف مااستعدته الا لشي قوي تعوذ من ابليس وهو يتجاهل لخبطت قلبه وروحه . . . بالدمام .... جالسه ع كرسيها ومستنده علئ عصاتها وسرحانه باللي سواه رجلها هو صح ولا خطا هو تعويض لولده الغايب عنه ومايعرف حتئ صوررته تنهدت وهي عارفه عيالها ماراح يقتنعون فيه ابد ولا بيعتبرونه اخوهم مالها الا سعود هو المنقذ لها هو اللي بيقنعهم وبيقدر عليهم لشين الاول انه غالي عندهم وثاني انه اعقلهم وبااعتباره اخوهم نزلت دمعتها .. اشتاقت لبنتها المتوفيه اشتاقت لام سعود اللي من ولدت سعود وهي تعبانه بالخبيث كانت توها والده سيف اصغر عيالهاو رضعت سعود وسيف لان بنتها كانت تعبانه اشتاقت لبنتها وصارت تشوف بنتها بملامح سعود وطيبته يحاول يقسئ بس تعرف ولدها هي اللي ربته هي الوحيده اذا تضايق يجيها متعني وبس يطالع عينها يبين ضعفه ويسكت وهي عارفه كل اللي بقلبه هذا غيرر عن عيالها هذا سعود تحطه بكفه وعيالها بكفه تغلي عيالها وضناها بس هالولد تعتبره ولدها لاضاقت بها الدنياا ماترجع الا له قاطعه بوسه ع راسها وهو يهمس : عساتس بالخير يالغاليه هزت راسها جلس ع ركبه وهو يمسح دموعها وبصوته الهادي : ماخبرتس رهيفه يااماجد ماردت عليه ودموعها ورا بعض سعود عرف انها متضايقه جلس بجنبها وهو يحضنها :ماعاش من ينزل دموعتس وش بتس ياجنتي وش اللي مضايقتس همست : مابي شين (شي) بس اشتقت لشايبي سعود ترددت ضحكته : ههههههه شايبتس ها وبهدوء : شوفي ياام سعود تراني اخبرتس وعاجنتس بيديني وعارف ان بتس شي تسسبير وشايله همه قولي لوليدتس قولي لي ي الغاليه خليني اشيل همتس واخفف عنتس طالعته وهي تمسح دموعها : اي والله ي صقري بي همومن ماتشيلها كتوفك ي الصقر سعود : افا ي ميمتي هذي هقوتس بصقرتس والله ها مااتحرك من مكاني الاوعارف وش مكدرتس جدته : جدك ي سعود سعود : الله يرحمه وش علمه جدته تنهدت : عنده ولد واكبر من عناد تقريبا عمره بااخر الثلاثين سعود بهدوء :تسيف جدته : كان متزوجها وهي ماهي من الجماعه ورفضوها اهله وطلقها وهو ماكان عارف انها حامل وتزوجت واحدن معه بنته وولدت عنده وسجل الولد بااسمه هو اصلا ولد جدك وقبل لاتجيه المنيه دوره بس مالقاه اللي اعرفه ان الولد واخته من ابوه هاجروا للغرب وامه وابوه متوفين بحادث سعود بلع ريقه من الصدمه : طيب وجدي اكيد كتب الحلال بااسم ولده جدته : ايه سجله بااسمه والوصيه ماتنفتح الا بوجود هالفهد والشركات وادارتهم والبنك كل شي متوقف ع فهد سعود بتفكير: تتوقعين لو دورته بلقاه جدته : قامت وهي مساتنده ع عصاتها واتجهت للتجوري حقه وطلعت الاوراق التفت لسعود وهي تجلس ع السرير : هذا اسمه بالكامل والديره اللي سافر لها هذا اللي لقيته من بعد ماتوفئ توجه لها سعود وهو يقرا الاسم طالعها بصدمه : لا مو معقولها وتسيف جدي مرت عليه بدون لاينتبه جدته : وش فيك سعود : يمه تذكرين يوم سافرت علشان اعقد صفقه مع مجموعة شركات الغموض g•f جدته : ايه اذكر هالمجموعه سعود وهو يكمل : وتذكرين شركات الفهد اللي تابعه للمجموعه وحضر جدي وعناد افتتاحها بالرياض وبحضور صاحب مجموعة الغموض اللي هو نفسه اصلا فهد جدته بصدمه : يعني فهد صاحب مجموعات شركات الغمووض والفهد سعود :ايه هو وقريب بيفتح فرع بااسم غموض الفهد وبتتحول كل المجموعه بااسم غموض الفهد وبعد شهرين بالكثيرالتدشين للفرع المجموعه الجديد وتغير اسم الشركات وبتكون تحت ادارة بنته غموض جدته بصددمه : يالله ! سعود : بعرف تسيف مرت علئ جدي تسيف ماانتبه للاسمااء وصارله سنتين يتعامل معه وشركاتنا مع صفقه مع مجموعته كلها جدته : غريبه والله تسيف بس وبتسااؤل تعرف مكانه سعود : ايه اعرف مكانه عقدت الصفقه الاخيره ببيته بباريطانيا جدته : اجل جهز نفسك تاخذ اوراقه وتروح له وتعلمه سعود انعقدت حواجبه : اروح له جدته هزت راسها : انت عارف خوالك لاراحوا بيخربونها انت اعقل منهم وافهم سعود بهمس : انشااءالله بس عطيني مهله ارتب اوراق الشركات والفوضه اللي صارت من بعدي جدته : خذ وقتك بس قبل نهاية الشهر بشوف فهد قدامي سعود وهو يشد ع كفه : ابشر وقف وهو يبوس راسها : اعتذر منتس هالحين بروح ارتاح جدته :اسمع لاخذيت فندق باازعل عليك سعود : والله ودي بس تعرفيني مااحب انام هينا جدته : جناحك موجود وتوهم مغيرينه لك ليه ماتنام سعود بطلب : تكفين يالغاليه اذ تبيني ارتاح اسمحي لي اروح للفندق جدته بهمس : مسموح بس تعال بدري وتغدا معنا باتسر وكلم خوالك همس : ابشر يالغاليه عطاها ظهره وهو يمشي همست : يالله انك تحفظه وتشيل همه وتيسر اموره وتريح باله . . . طلع من فلة خواله وهو مسرع علشان ماينتبهون عليه خواله ركب سيارته وهو متوجه للفندق ماان وصل نزل ع طول وهو يطلع شنتطه اللي ماتنزل من سيارته من كثر سفراته دخل غرفته اللي شريها من الاساس بس ماحد يعرف بهالموضوع دخل عطول وهو يفتح ازارير ثوبه وجلس وهو يحاول ياخذ نفس طلع علاجه الربو وضغط ضغطتين وومافي فايده كح بقوه وانكتم وهو يحاول يتنفس وجهه احمرر زفر بقوه وهو ياخذ هواء ورجع نفسه وجع صدره بيذبحه انسدحت وهو يهمس : وتبيني انام عندتس ياجده علشان تشوفين حالتي هذي ابتسم بسخريه ع وضعه من خامس ابتدائي وصدره تعبان كم انكتم كم مره ربي انقذه وهو صغير كم مره جته سلامه وكم مره تعب بقوه ولا احد لاحظ وصل عمره الثلاثين وهم مايعرفون همس : لو امي موجوده بتحس فيني غمض عيونه تحت اغمااء التعب . . . .بالقريه . وصل البيت وهو يهمس : يحول الحين يهاوشني اوف دخل البيت وهو يمشي ع اطراف رجوله بس وقفته صرخة ابوه : فاارس ولعنه فارس اللي ابتسم بسرعه وبغباء : هلا هلا باالغالي ابو فارس ابوه وهو منضغط منه : وين كنت فارس : مع الشباب بااستراحة الشيخ ضاري والله ابوه : اللي يروح الاستراحه يطول فيها شايف الساعه كم ثنتين بالليل فارس : ااوعدك من باتسر تشوفني من عشره عندك ابو فارس : مدري متئ تعقل تكبر ولا كاانك رجال طول بعرض فارس وهو بس بيخلص : اي والله مدري متئ اكبر ابو فارس :اسمع هالعلم اوراقك ارسلتها للرياض وسجلتك بالجيش فارس طارت عيونه : الجيش ابوه : ايه علشان تصير رجال وتطلع علومك فارس وشوي ويبكي : اصير رجال والتزم بالوقت بس الا الجيش ابوه : تستاهل فارس طالع ابوه : وطلع وهو مكتوم ومنغبن فتح جواله ودخل حسابه الثاني ماهو مهتم ابد بحسابه وماينزل فيه الا صوره وصورتين ومخفي كل شي عن حياته بهالحساب توجه لحساب بنت مقفل يعجبه البايو ويحسها قويه وثقيله ابتسم وهو يتوعدها دخل خاص وهو يرسل لها : السلام معك فارس . . . بالرياض : جالسه وهي تبكي من ضرب اخوها لها علشان زوجته التفت لجوالها وهي تسمع صوت رساله همست من بيرسل لي استغربت بقوه معقوله صديقه قدديمه بس هي منعزله ماعندها ابد صديقات حياتها مدرسه وغرفتهاماتحب تدخل بحياتها صديقات تحب الوحده حيل دخلت حسابها وهي تشوف اضافه من فارس ع طول عطته بلوك دخلت الخاص وهي تشوف رسالته ماردت وهي تحذف الخاص ع السريع وببكئ :ناقصتك انت بعد اكررهكم يالرجال فارس انصدم يوم عطته بلوك وبهمس هين رجع يقرا اسمه بس حسابها بس حلم رجع يقرا البايوه: قويه بس بقلب ضعيف اعجبته كثير تحمس لفكرة انه يعرف عنها اكثر غير حسابه بااسم بنت وحذف المتابعين وكل شي رجع ورسل لها اضافه اغصان ... منسدحه وتحاول تنام وجسمها يعورها من الضرب رن جوالها برساله تكلمت بهم : يالله فتحت جوالها استغربت بس ضافتها ع انها بنت ع طول دخل خاص وهو يكتب : نورتي حسابي ردت عليه : ي حياتي انتي اللي نورتي ابتسم وهو يكتب معك نور من حايل ردت معك : اغصان ضحك بقوه من اسمها رد عليها بضحك : هههههههه معتس شجر اتسعت عيونها بصدمه وابتسمت كتبت : الحمدالله وشكر بس رد عليها : اسفه اذ ضايقتس بس انا طبعي حبوبه وهبله .... ضحك ع نفسه اجل هبله ضاعت هيبتك ي فارس كتبت وابتسمتها ع ثغرها : انا اسفه بس ماعليه بتتعودين علي انا طبعي شوي ثقيل فارس : اوعدتس اغيرتس وتصيرين مثلي بس تتضحوكين ضحكت ع كلامها : نشوف كتب بتحدي : تشوفين وبسؤال عندتس غير الانستا كتبت : ايه رد : وش كتبت : ببي . سناب . همس بفرحه : يسسس كتب بحماس : عطيني بنتس وسنابتس ارسلت له وهي عبالها بنت جاء بيضيفها وتذكر حسابته بااسمه دخل سناب وهو يفتح له سناب ثاني باسم نور وضافها والببي غير اسمه وحط N وغير التحديثات دخل عليه ريان : وش عنك غير نكك فارس يالليل يالنشيه : ولاشي بس مليت وغيرته ريان : عاد تغيره N! فارس : خلاص بحط نقا وغير نكه لنقااط بسرعه وضافها ابتسم وهو يشوف الصوره بااسمها وحالتها مبين انها صعبه كثير بس تحمس لها حيل بقئ رقمها دخل انستا وعطاها رقمه وكتب : ضيفيني واتس ردت عليه : ماعليه يانور ماراح اضيفك واتس لاني اصلا مااعرفك اسفه بس صريحه شوي فارس اللي انصدم وكتب : عادي ي قلبي مع الايام تعرفين نور ضحك بقوه وهو يهمس : وراتس ي اغصان وراتس عند اغصان حست انها تسرعت يوم ضافتها تنهدت من ضيقه بس بجد محتاجه وحده معها صديقه غريبه وبعيده عنها محتاجه تفضفض تعبت الكتمان دعت ربها انها ماغلطت انها اخترتها صديقه وبتشوف مع الايام اذا هي قد الثقه او كذابه همست : اشتقت لك يمه نزلت دمعتها يمه ولدك جنني حيل مرته متسلطه علي بس انا وابوي يايمه منشغل بحياته عني وماشفته من زمان مع عياله ومرته وانا يايمه محشوره هنا بس اخوي مرات يرجع لعقله ويدلعني لدرجه اي جوال ينزل جديد ولبس بس مرات يتغير ويضربني جنني مااعرف شخصيته هو حاط لي غرفهه عريضه طويله فيها اللي ابي كبيره يمه لدرجه اخاف من غرفتي ومكتبي ومطبخ تحضيري كل هذا علشان مااشوف مرته بماهو صاحي كل يوم بشخصيه يمكن يجيه تانيب ضمير ويدلعني بس تمر ايام انحشر وايام مااطلع وماحد يسال ولاطلعت كرفتني مرته ولا تضربني بس احلئ شي سوااه شراء لي شبكه لحالي وجوال ولاب يمكن اطلع من ضيقتي واابااتسامه ؛اشتتقت لك ياايمه كثير ليت الموت اخذني ولا اخذك مني الئ هنا اععتذرر عن غيابي بس عارفين اختبارات نهائيه واخر سنه لازم شدة الحيل واسعدوني ياقلبي بتوقعات وتنويه & فهد وساره اخوان من رضاعه كيف ام فهد تزوجت ولد عمها اللي كان متزوج بس توفت زوجته وهي تولد ساره بسب ضعف بالقلب وورثت ساره هالمرض بس كانت تحت عنايه المهم ام فهد تزوجت ع طول من تطلقت واتفقت هي وابو ساره انهم مايعلمون عيالهم وبكذا لاسارره تدري انه فهد ولد مرة ابوها من الاساس ولا فهد ييدري عبالهم اخوان من ام واب وهذا التنويه وسلامتكم ❤ |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم (3) في ابريطانيا أتراهُ يذكرني ولو سهوًا ويبتسمُ؟ الغيت اجتماعاتي وطلعت بعد اللي سوته غموض قهرني بس متاكد بترجع توجهت للفله بطمن ع ساره بس اللي سمعته قتلني ماعمري فكرة ان ساره يطلع منها غمضت عيوني بغضب مدري ادخل وابهذلها ولا اصبر واشوف وش بتسوي تنهد وهو يستمع للمكالمه اللي غيرت ضنونه لا ابعد حد وتوعد بداخله بساره نرجع قبل دقايق من دخول فهد ساره اللي من طلع فهد وقفت ماتدري وش تسوي بس طرئ ع بالها فكره ومشت ع طو ل لغرفتها واتصلت ع مديرة اعمالها وتكلمت معها وبصوت عادي : اسمعي ي ريما ابي منك طلب ريما : ابشري ي دكتوره ساره ابتسمت بس بقلبها حرقه بس مجبوره: ابيك تجيبين ظرف وتحطين فيه صور لغموض والصور تلقينها بمكتبي وترسلينها بفاكس ع شركة عبدالعزيز ضاري أل... وتكتبين تحتها المودل غموض عبدالعزيز ضاري ريما بااستغرب : غموض مو بنت الاستاذ فهد ساره :ريما خلك بشغلك ريما: اوك وسكرت تنهدت بقوه ماتبي تجيب نهاية بنتها بس بتحرق قلب عبد العزيز مثل ماحرق قلبها فتحت جوالها وارسلت لريما ترسليهن بليل فهد فتح الباب بسرعه ساره التفت له باابتسامه :وش عندك فهد جلس قدامها : ساره ساره خافت من نبرته الجديه : سم فهد غمض عيونه : ليه تشوهين سمعة بنتك ساره بلعت ريقها : من يقول فهد بغضب : ماحد قالي سمعتك ساره تنهدت :مافي الا هالطريقه تحنن قلب عبد العزيز فهد عض شفته : بس مو بهالطريقه انتي عارفه اسلوب حياتهم بالعكس كذا دمرتيها انتي عارفه لوصل لعبد العزيز ان بنته مودل وش بيسوي عبالك بياخذها بالاحضان بالعككس بيجي ليهنا وياخذها وبعدها احلمي تشوفين بنتك تنهد : عارف انك حاقده عليه وبتقهرينه مثل ماقهرك بس ي ساره مو بالطريقه ماتعبت وربيتها ع سلومنا لا جل اشوه سمعتها هذي قبل شي غمموض بنت عبد العزيز فاهمه الحين تتصلين ع ريما وتلغين فكرتك التافه ووقف بسرعه وتراني ماني راضي عليك فاهمه وطلع بسرعه مثل ماجاء ساره نزلت دموعها بنتها اغلئ من قلبها بس ودها تحرق قلبه همست :الله ياخذك ي عبد العزيز وارسلت لريم تلغي السالفه من اساسها غموض ..وصلت الفله وانا مابين خوف من خالي وامي دخلت وطلعت فوق بس استغربت من خالي سكت وانا اتبعه وهو ماانتبه عقدت حواجبي من شفته دخل ع امي ومشيت بسرعه وصرت ع طرف الباب وانا اسمع اصواتهم عاليه مسكت نفسي وانا اسمعهم وفهمت الموضوع ع اخر كلمه قالها خالي ركضت لغرفتي دخلتها وانا مو مستوعبه اللي سمعته انا جايه اعتذر عن تصرفاتي ليتني ماجيت امي كيف تقول عن كذا كيف تخرب سمعتي كيف طاوعك قلبك يايمه طيب انا وش ذنبي بعلاقتكم تنهدت وانا احلف بداخلي والله ماابكي وبااصرار داخلي خالي فهد بس اللي يستاهل اعتذر له وقفت وهي ناويه تتعذر لفهد بس ....... بالرياض دخل بغضب وهو يصرخ : اغصااان وللعنه اغصان ماردت لانها اصلا نايمه توجه لغرفتها وهو يضرب الباب بغضب اغصان قامت بسرعه وهي خايفه من الضرب ع بابها وفتحت الباب بسرعه : وش فيك سامي ماكملت كلمتها الا بكف ع خدها سحب شعرها وهو يرفسها اغصان ببكئ: والله ماسويت شي والله سامي: انتي ترفعين صوتك ع عادل انتي يالبزر اغصان بقهر: والله ماقربت لولدك اسال الخادمه اصلا انا صارلي يومين ماطالعت سامي وانفاسه المتسارعه : والله ي اغصان القاك مقربه لواحد من عيالي لااذبحك تفهمين هزت راسها شد شعرها وبصراخ تفهمين اغصان بصوت رايح: فاهمه والله فاهمه تركها وهو يلعنها اغصان قامت وهي تترنح بمشيتها وتدعي عليه وع عياله دخلت غرفتها وجلست تبكي ومن غير شعور مسكت جوالها ودخلت ع نور بالببي وارسلت لها مقطع صوتي وهي تبكي وتشكي من اخوها وضربه عند فارس اللي كان يتجهز بس قاطعه ابوه وهو يدخل عليه فارس ماطالع له وصد ابوه كتم ضحكه وهو يشوفه زعلان وبهمس : فارس فارس مارد ابو فارس : فااارس فارس : نعم ياابو فارس ابوه : اسمع مصدق اني بوديك للرياض من بيقعد عندي عقب امك فارس ركض له وهو يجلس ع ركبه : يعني مافي روحها لرياض ابة فارس كتم ضحكته وهز راسه بلا فارس ضمه وبضحكه : والله احبك ي اابو فارس ابوه بضحك : ييويلي يالتسذوب وبغمزه عارفه انك سبيتني لين قلت بس امس فارس طالعه بغباء وابتسم ابو فارس بهدوء: اسمع ي فارس انا ماربيتك لاجل تخيب ظني ابيك تشتغل وتشد حيلك ابيك ترفع راسي مالي بدنيا الا انت واخوي ضاري وبهمس :عارف انك تبي نوف وعارف انك مكلم عمك محيرها لك بس بعرف ليه من وراء ظهري لهدرجه خايف اخرب خطبتك فارس جمد وبهدوء: لا واالله يايبه انك ع عيني وراسي وانا كلمة عمي بيني وبينه وبنتظر لين ماا امسك وظيفتي واخطبها وانت معي ابوه : طيب ليه ماعلمتني فارس: خفت ترفض انا عارف افكرك متحرره عن عمي وعادتنا خفت تقول متحيرها وتوقف مستقبلها ابوه بعقاب له : اسمع عطني جوالك فارس برد وجه : وش تبي فيه ابوه : جيبه وانت ساكت فارس هز راسه بطيب ابووه جالس ع الكنبه وهو يشوف وجه ولده كيف تغير لونه وبصوت عالي : لاتمسح شي جيبه فارس جابه بسرعه وعطاه ابوه : احلفك بالله مسحت شي فارس بصراحه : لا والله بس ليه ابوه : كم عمري ي فارس فارس بااستغرب : 34 ابوه بهدوء : ويومك تفتش بجوالي كل يوم ليه فارس : خايف عليك ابوه بهمس : وانا خايف عليك ونبره جديه : احلم تشوف هالجوال وعطني الرمز فارس: يبهه ابوه : فارس فارس : طيب ابتسم ابوه وهو يسمع فارس يعطيه الرمز نتكلم عن فايز اللي هو ابو فارس : ابو فارس شخص هادي تزوج ام فارس وهو صغير بالعمر ام فارس ولدت فارس وتوفت بسبب نريف وبذاك الوقت ماكان فيه مستشفيات رهن عمره لفارس ورفض الزواج وهاجر للدمام ومعه فارس وجاب له مربيه كل هذا علشان مايتزوج غيرها دفن نفسه بتربية فارس وشغله كالكاتب مقالات بااحد الجرايد ومستمر بهالشغله الين هالوقت واللي تغير انه رجع للقريه علشان فارس اللي طلب منه يرجعون رجع وصار يكتب عن طريق الاب ويرسله لايميل الجريده بس كالكاتب مععروف ومشهور وهالشي خلا فارس يتكاسل بدراسته الجامعيه علشان سمعة ابوه وشهرته ... فارس اللي تنهد بعد ماطلع ابوه واخذ جواله ع ماانسدح تذكر اغصان وبهمس غبي غبي ي فارس ضرب راسه اكثر وهو ناسي كل حساباته همس بهدوء : مافي امل ارجع لاببي ولا انستا غمض عيونه بقهر وبصراخ: ززهاايممر امس فتحتهم واليوم ناسي كل الارقام السريه وبهم: يارب مايفتحه ابوي وبنرفزه : المصيبه انه يعرف للببي والسناب وانستا وبقهر : اخخ بس ليه ابوي ماصار عمي مايعرف لايقرا ولايكتب مو ابوي اللي اصلا متابعينه بالملايين واكثر مني مالت بس ع حظي وبضيق : يالله الحين يوم نويت اتعرف خذاه وبصوت داخله : احسن خلك ع نوف ابرك هز راسه : نوف ي نوف كيف اصالك ...... بالقريه بيت الشيخ ضاري ام عبد العزيز جالسه ومقابله سعاد زوجة عبدالعزيز وام ليث زوجة ناصر وام عمر ام عبد العزيز : يالله صباح خير وش فيكن جياتني من الجهمه (الصبح) سعاد : مابنا شين جياتن نسوي لتس الفطور ام عبد العزيز بضحكه : هههه الشمس من وين طالعه ام مشعل وام ليث وام عمر يسون لي فطور ي وجه االله متاكدات انكن حريم عيالي ام ليث بتافف : بااختصار مدقوقن ع خشومنا وعيالتس امس جتهم عنزهم وحطوا جدول وبسخريه ولا انا ام ليث اسوي فطور ام عبد العزيز بروحها اللطيفه والطيبه : ي بعدي ي عيالي وباامر : اجل يلا ع المطبخ وع الساعه سبع الفطور قاضي طالعوها بطرف عين وقامن للمطبخ ام عبد العزيز : وينتس ي نوف تشوفين اللي صاير وبضحك : يوحي بس لايحطن لي سم بالمطبخ : كل وحده تندب حظها ام عمر : انا موقاهرن الا مرة عبدالله مريحينها ام ليث : لا والله موحرمة عبدالله الا حريم خالد وسعد وافي ليه مايسون الفطور ماهن اللي ساكنات معها ام مشعل سعاد: خلكن من هالكلام وشوفن التنور ومثل ماجانا بيجيهن ام ليث : هه ي عله خويلد اللي بيهاوش هذا هو ساكن عند امه وحرمته ماتنزل ولا وافي اللي من ديره لديره يسفرها ولا عبيدوه اللي مسوي لها يدهينه لاتنكتين مير حنا المقاريد مااخذنا الاالحاريين ماخلصت الا بصرخة عبد العزيز : عذه ع هالصبح حش استعيذن من الشيطان استغفرن بدال هالكلام استغفرالله وهو يتعد المطبخ ويتتمم بكلام مو فاهمينه بس واضح يسبهن بالمطبخ هدوء بعد كلام عبدالعزيز ام ليث بلعت ريقها : يارب مايقول لناصر ام مشعل بهدوء وهي تطالع الخبز : لاتخافين عبد العزيز كتوم هزت راسها وهي تسوي القهوه وبنفسها تسب روحها ع لسانها ... بنفس البيت بشقة سعد : جالسه وهي ماسكه جهاز اختبار الحامل وببكئ: ياربي سعد تنهد وتقدم لها مسك يدينها : ي قلبي ماعليه ترئ مو شرط تحملين هالحين خلينا مستانسين لحالنا لا ازعاج بزران ولاغيره هدئ: ليمتئ ي سعد صارلنا خمس سنين وماحملت وعمامي ماهم ساكتين بيزوجونك سعد وهو يضمها وبهمس: وااقسم بمن احل القسم اني مااخذ عليتس ولا ابدلتس وبضيق: تكفين ي هدئ طنشي حتسيهم لو تبين هالحين نساافر لبر ونبعد بنسافر لعيونتس ولا تضقين هالضيقه انتي عارفه غلاتس عندي هدئ بهمس: أي سعد: ههههههه هذا اللي طلع معتس هدئ: هههه احبك سعد : ي بنت الناس خفي ع قليبي هدئ بنظره: الله يابو قلب انت سعد ابتسم : عاش من شاف ابتسامتس ياروح سعد ابتسمت وهي تطالعه كيف غير نفسيتها مسكت يده وباست يده وبهمس : يخليك لي يارب ولا يحرمني زولك تعدل وهو يشد عليها : امين يارب الئ هنا موعدنا بيكون كل سبت تنرل البارتات توقعاتكم |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم (4) . . . (4) في الدمام الساعه 8 صباحا فتح عيونه بتعب اخذ نفس وهو يستغفر واعتدل بجلسته رفع يده وحطها ع صدره وهو للحين حاس بخمول وتعب تنهد بضيق وهو يتذكر اشغاله الكثيره وبهمس:يالله عونك وقف وهو حاس بنوم ودخل الحمام يااخذ شور ويصحصح ويصلي اللي فاته . . . بفلة ابو ماجد جالسين كلهم ع الطاوله ويفطرون ام ماجد بهدوء : ماجد وين حرمتك ماجد ببرود؛ ناايمه ام ماجد رفعة حاجبه بااستنكار : نايمه !! طيب التفت لعنااد :وانت عناد بضحكه : هههههه ماعندي حرمه يمه ام ماجد : نسيت ولفت بضيق وقامت :بالعافيه وتركتهم وهي محتاره بماجد وزوجته جت بتصعد لجناحهم وبعدها استحت وغيرت رايها عندهم بعد ماطلعت غازي : ماجد خف ع بنت الناس مهما كان هذي بنت خالنا ماجد بزفره : خلك بنفسك وقف بسرعه وصعد قوق عادي بضيق : خببل بكره يوم تتركه يندم سيف بنرفزه : مرته وكيفه عناد : سكرو سيرتهم انتم عارفين البير وغطاه دنيا ساكته وهي تسمعهم بس شهقت وهي تشوف سعود داخل وبفززه :ي هلا ي هلا تو مانور البيت سعود باابتسامه :منور فيتس وتقدم منها وحضنها بهدوء وبعدها سلم ع خواله وجلس يفطر معهم بجناح ماجد وهمس : ماجد بغضب:همسس همس تعوذت من الشيطان وطلعت له وهي لابسه بجامه كحليه حرير وفاكه شعرها الطويل بلونه البني الفاتحه وريحة عطرها تسبقها جلست بهدوء قباله : امر ماجد تنح فيها وبعدها بلع ريقه وهو يهمس : كم مره قلت لك لاتطلعين لي بهالبس همس بنفسها ياارب صبرك : قلت بس مافيها شي بجامتي ساتره ومو كاشفه جسمي ماجد ناظرها بحده: اسمعي ي همس امي تدري بشي والله مو احسن لك همس بهدوء : ماجد اجلس وادحر الشيطان بتفاهم معك ماجد بعصبيه : ليه شايفتن مجنون تقولين كذا تنهدت وهي تصبر نفسها انه بيتعدل وبهدوء ؛ ماجد مااظن اننا صغار علشان تتعامل معي بالاسلوب ذا انا ماني بزر انا عمري 26 وانت بالثلاثين مو صغير علشان تسوي هالتصرفات ركزت بنظرها عليه : غلطت عليك بشي سبيتك شفت بااخلاقي شي مااشررفك ولا اني مااستحي اسالك بالله وش غلطي يوم تتعامل معي بهالاسلوب انا مايهمني ماضيك وش سويت فيه وببحه ولا زواجك القديم مافتحت افمي بسالفه ولا سالتك محترمتك وانت من اول يوم شاطفني ولا كانك شايفني وتتعامل معي بضرب وهاوش وانا ساكته انت بغرفه وانا بغرفه وساكته رسايل من طليقتك وانا مااتكلمت ليمتئ هالحال متئ نستقر ماجد طالعها بهدوء ووقف قرب منها وانفاسه تلفحها وبهمس :ذنبك ابتعاثك يهمس وتعداها طالع غمضت عيونها بقهر وبزفره ؛الله يهديك ماجد: تقول وش ذنبي ذنبك ي همس ابتعثتي بر وتركتيني ذنبك اني اعشقك وانتي حرقتي قلبي وكنتي عارفه برفضي لفكرة سفرتك وعاندتي وقهرتينيي وتبي تستقر بعد اخخ بس منك ي همس بالشركه . دخل سعود لمكتب جده ومعه سيف جلس سعود وهو. يطلع الملفات ويعيد افرازهم وبتدقيق ع حرف حرف سيف بملل :مطول سعود وهو لابس نظراته :كثثيرر شايف الشغل كيف متراكم سيف:دريت بولد جدك المختفي سعود :اي ولمعلوماتك تراه فهد...ال تذكره اللي متعاقدين مع مجموعته سيف بصدمه :لا لا لاتقول سعود :اتسذب عليك انا سيف ؛واو اجل متئ بس يجي سعود:هههه اي مو لله علشان فلوسه سكت سيف وهو يفكر كيف كان كاره والحين بس وده يشوفه ورجع سعود يكمل شغله بالقريه : مجتمعين الرجال بمجلس الشيخ ويسالفون ويتهامسون ابو عبدالعزيز ؛الله حيهم ردوا عليه ورحبو فيه دخل ابو فارس بهدوء وملامحه هاديه :السلام ابو عبدالعزيز والرجال :وعليكم السلام عبدالعزيز بهمس لناصر :وينه سعود ناصر عفس ملامحه ؛لاتسالني عنه سكت عبدالعزيز وهو يعطيه نظره عبدالله بهمس لوافي :وش فيهم اخوانك وافي :علمي علمك بس من يرحون الرجال لشبة العصر عند ابو صالح نعرف وش وراهم دخل سعد وراه خالد وعيال اخوانهم وهم يسلمون ع ماجلس سعد ساله واحد من الشيبان ؛ماجاك ظنا سعد بهدوء:الله يعطيناالذريه الصالحه وصد يستغفر ابو عبدالعزيز :قريب بتسمع ان شاءالله وغمز لسعد سعد رفع حاجبه ومارد وهو يطقطق بجواله وبداخله لو يذبح الشايب اللي فتح عليه موال كل يوم محمد بهمس :طنش ماعليك حتسي بس هز راسه وخذته الافكار لبعيد عند الشباب مجتمعين بزوايه ويسمعون فارس اللي منقهر ويشكي لهم وهم ضحك عليه نغزاهم عمر : شباب جدي يخزنا قصروا اصواتكمً ريان :اوه ي جدي مشعل بضحكه ؛ع المشنقه بعد شوي ليث بهدوء:اسكتووا واعقلو ركان :تكلم تكلم المثالي نواف :شباب جد بقولكم شي كلهم التفتوا له فيصل :تكلم وش مسوي من بلوه نواف :ههههه ولا شي بس كنت بعزمكم ع الغداء بس شكلكم ماتبون سلطان :لامن قال مانبي الا نبي ونص ركان بضحكه:عاش نواف نواف نفخ نفسه بغرور :غصبن عنك عند ابو فارس استاذن بسرعه وتوجه لسياره وهو ماسك نفسه واعصابه من امس وهو مو قادر ينام. بعد ماشف رسايل اغصان وصوتها وبكيها وده يذبح فارس انه استغلها بس لحق عليهم قبل لايندمجون وبدون تفكير كمل لعبة ولده بس علشان يوقف معها وماهو حاس انه بيعلقها فيه وماحس بذنب ولده وذنبه اللي اقترفوه اثارت شهامته مقطع صوت بعد ماكان ناوي يحذفها بس غير رايه ونوئ يساعدها لين مايعرف من هي وين ساكنه علشان يحميها رجع راسه وراء وبهمس :اعترف لتس ي اغصان ولا اخبي عليتس عند اغصان تقر الكلام وهو مبتسمه غمضت براحه وكلام نور ينعاد براسها وبهمس :ارجع انام بعد هالراحه . . . بيت الشيخ ضاري مجتمعات حريم عياله قبالها وبنتها ام عبدالعزيز ترمقهم بنظراتها وبهدوء :وين بناتس ي ام ليث ام ليث :الحين يجي ي عمه خليتهن يغيرن مرايل المدرسه هزت راسها وهي تسمع همس هدئ ونوف هدئ :ايوه اعرفها وش فيها نوف :بالله تعرفينها ياختي ياانها كيووت ضفتها اول امس ي حلو سناباتها هدئ:اي والله امنيتي اشوفها نوف ؛عادماشااء الله خالها وامها مدلعينها هدئ :اي اشوفها ولا وغير كذا غرفتها تهبل ولا صوتها فخخم من تسمعينه تعرفين انها راعية فلوس حتئ ضحكتها فخمه انييقه حيل حظ من ياخذها نوف ؛ اخ بس ودي اشوف شكلها ماتنزل صورها مع ان اهلها متفتحين وعادي بس ماعمري شفت شي هدئ :ي ختي خليها ع ربك الصوت مجننا كيف الشكل قاطعتهم ام مشعل :مني هذي هدئ :سلمتس الله هذي وحده مشهوره بسناب وعندها شركه وتدير حلال اهلها وعايشه ببريطانيا ام مشعل والمجلس كله صحصح وركزوا بسالفتهم ام مشعل :سعوديه هدئ :اي سعوديه بس ماتنزل صورها بس صوتها وابوها متوفي وعايشه عند خالها وامها ام ليث بلقافه : وش اسمها هدئ :غموض الفهد ال .. جمد لوهله والاسم ينعااد عليه حس نبضات قلبهه تسارعت ونفسه انكتم فهد اخخ ي فهد مسك نفسه وهو يحاول يهدي رجفته بعد اسم فهد وياخذ نفس . . . ببريطانيا جالسه تفطر بهدوء مع خالها وامها خالها :غموض تجهزي بنمشي ساره :انتبهي لنفسك ماما غموض طنشت ووقفت :جاهزه خالي خالها باابتسامه :قوي نفسك لاشفتي المفاجاءه هزت راسهامن غير مبالاه اعتذرت من خالي وسامحني بس امي مو قادره احط عيني بعينها موقادره والله ساره من طلعوا توجهت لغرفتها تتجهز بس قطع عليها رنين جوالها ردت ع طول من غير ماتشوف الرقم ساره :الوو انصدمت وهي تسمع نبررة الصوت مثلها ماتغيرت الئ هنا استودعتكم الله الئ السبت القادم توقعاتكم . |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم. . . . (5) وهجرتهُا كي أستريحَ من العناء فوجدتهاُ في غربتي وغيابي . . . غموض ركبت مع خالي وانا افكر كيف بلتقي باابوي كيف اوصل له كيف اوصل لعمامي طالعت خالي وهو مندمج يتكلم مع مدير المجموعه سرحت بخالي كيف ببعد عنه وكيف بروح من غير مايدري امور كثيره داخله بعض حياتي وحياتهم غير وش اللي سوته امي علشان يطردونها وش سوت علشان ينفونها وينفوني معها صحيت من افكاري ع صوت خالي فهد بابتسامه؛ ها يابوك جاهزه للمفاجاءه ابتسمت من غير ماتحس وبهدوء : ايه جاهزه نزل ونزلت وراه ع طول مسك ايديني وبنفس الوقت همس بااذني : غمضي عيونك وياويلك ي غموض تفتحين عيونك ترئ اعاقبك وانتي عارفه عقابي مايمزح ضحكت بقوه وانا اتذكر عقاباته ي يقفل الثلاجه ولا ياخذ جوالي واقل من دقايق اعطيه النظره البريئه ويرجع لي كل شي وينسئ ... مشت وهو ماسك ايدي ومغمضه عيونيي وكلما حاولت افتح قرص ايدي فهد وصلت وانا ماسك ايدها وقدامي كل مواظفين الشركه من اكبر الاقسام لين موظف الامن واقفين كان منظر حلو ومهيب اني قدرت اوصل هالمرحله قدرت ابني نفسي بنفسي جاء الوقت اللي ارتاح فيه واسلم كل املاكي لغموضي وانا واثق فيها وبااذكائهآ وبهمس : بابا يلا فتحي عيونك وشوي شوي علشان ماتنصدمين فتحت عيونها بشويش وهي مو مستوعبه اللي تشوفه رجعت غمضت وبهمس باكي : يبههه فهد بهدوء: يلا ماعدتي صغيره فتحي عيونك دارت وجهها ولفت ودقايق ورجعت لطبيعتها فتحت عيونها وهي منصدمه كل المواظفين صافين طوابير وشريط ينتظرونها تفتح مكتبها مشت ومعها خالها سلمها المقص وقبل لاتقصه دنق لها وبهمس هادي : سلمتك حلالي واملاكي انا وامك وانتي قد الثقه ي غموض من اليوم ورايح انتي الكل بالكل انا بس بشرف عليك وبوقف وراك بتمام واكون يمينك بحميك من كل شي يضرك ي غموض كوني قد الثقه ولاتخيبين ظني فيك دمعت عيونها وبهمس وهي تحب راسه: ابشر ابتسم لها وعيونه تحكي وش كثر يحبها ويغليها سمت بالله وقصت الشريط وماحست الا بصراخ من المواظفين بفرحه حوالينها ابتسمت بقوه وهي تناظر لهم وهم يباركون لها عطاها المكرفون خالها مسكت يديه وبصوتها الواثق : من اليوم بمسك ادارة شركات مجموعة الفهد و قاطعها خالها وهو ياخذ المكريفون وبصوته العالي : نسينا نخبر الغموض ان الشركات كلها تغيرت لاسم غموض الفهد والتفت لها وهو يكمل : اليوم سلمت الشركات وادارتها لابنتي غموض وان ع اتم الثقه انها ستنجح وترفع ارباحنا وانها ع اتم الاستعداد لهذه المهمه واتمنئ ان تقفون جميعكم يدا بيدا بعض من المساعدين والمواظفين والحراس والسكراتير من اكبر موظف الئ اصغر موظف اتمنئ منكم اتكاتف وان تبقوا ع قلب واحد مثل ماكنت انا معكم واعتذر عن اي تصرف خاطئ بدر مني سامحوني واعتذر منكم بشده والتفت لها ؛ انتبهوا لابنتي جيدا وكونوا صفا واحد وشكرا لكم نزل المكرفون تنهد براحه وهو يشوف المواظفين يصفقون له بحرار وتقدم منهم وهو يسلم ع واحد واحد منهم عند غموض طول ماخالها يتكلم وهي تفكر فيه كيف علاقاته حيل طيبه مع المواظفين وكيف متماسكين ولا كانه رئيس الشركه ومؤسسها وكانه موظف مو رئيس شركه وحب المواظفين له وتكاتفهم وبهمس : يالله بقدر اكون مثلك ياخالي رفعت راسها وهي تشوفه يضحك مع الموظفين ابتسمت بهدوء وهي تشوفهم مع بعض ويحتفلون والكيكه الكبيره اللي بصورتها تقدمت لها وبصوت عالي : اتمنئ اكون عند حسن ظنكم واتمنئ اكون مثل ابي ابتسمم فهد لها وهو يشجعها تكمل كملت: من اليوم بنبدا ونستمر بخططنا ومجموعاتنا بنستمر نفتح فروععنا بكل المناطق الاوربيه والعربيه خاصه اتمنئ من كل قلبي ان اكون مثل مااتطمحون اليه ولكم خالص الشكر وغدا سنبدا بااصادر بعض القرارت الجديده لتجديد شركاتنا وشكرا لكم ع ماانهت كلامها صفقوا لها ابتسمت وهي تمشي لخالها وبهمس : يلا بر الشركه فهد: ههههههه بنت ترئ توني ماعطيتك الختم غموض بروحها القديمه: مناك يلا لاعاد اشوفك بالشركه فهد : افا طرده صريحه هين ي غموضوه غموض باابتسامه: مو سلمتني الادراه خلاص روح ريح بيتكم ولا اشوفك عندي الا لما استدعيك واخذت المكروفون : يلا كل موظف يتوجه لمكتبه وقسمه الموظفين استغربوا ونفذوا كلامها بسرعه دقيقه الا مافي الا هي وفهد فهد: ي بنتي خفي تراك توك بالبدايه غموض بغمزه: مالك دخل فهد بضحكه: هههه هذي ابد ماينسكت عنها انا وين عقلي يوم عطيتك الشركه غموض : تحمل قرارتك المفاجاه فهد اخذ نفس: واثق فيك ياغموض ومبروك وقدرك عندي فوق هالشركات والاملاك غموض : الله يبارك فيك ي قلبي ي يبه وانت غالي عندي ابتسم وهو يحبها وبهدوء : ها للحين ماتبيني غموض : ههههههه ايه يلا معك دقيقتين ابتسم وهو يمشي وبصوته: استودعتك ربي وطلع من الشركه وهو ماسلمها الا ومخطط ع شي اكبر نرجع لساره : ساره اللي منصدمه كيف جاب رقمها وكيف حصلها وبهمس موجع ؛ ياربي الا بنتي ياربي مايقرب لها دمعت عيونها وهي تتذكر نبرته وعصبيته وسؤاله عنها نفس النبره تحلف انها ماتغيرت ولا كان السنين اللي مرت غيرته الا زدته جبروت وقوة باس ولا داق عقب هالسنين يسآل عنها مارفعت راسها الا ع دخلت فهد مسحت دموعها وهي تاخذ نفسها وتطمن نفسها انه مايقدر ياخذها خلاص بعتقادهم انها ماتت واليوم اكدت السالفه له وكذبت انها بنت لفهد مو لهم فهد : شفيك عيونك وجهك صاير شي من وراي ساره بصوتها المبحوح عقب البكي ؛ ابد سلامتك بس زعلانه ع اللي صار بيني وبين غموض ابيها ترجع لي مثل قبل ماقوئ ع صدها فهد قرب منها وهو يحضنها: ي ساروونه ماعليك غموض يومين وتطخ وبنفسها بتجيك بعد مسحي دموعك وتعوذي من الشيطان وغموض لك مني وعد اليوم تجيك وتعتذر بعد منك هزت راسها وهي بنفسها تدعي انهم ماياخذونهاا ويكشفون كذبتها قامت ع طول لجناحها اما فهد قام للصاله ينسدح مافي حيله يطلع لجناحه فوق بالدمام : طالع ساعته بتعب همس باارهاق : يالله الساعه7 فز ع حيله وهو يالله يحرك جسمه من قعدت الكرسي تذكر جواله ع الشاحن التفت واخذه الا برساله من خاله ماجد ؛ وينك تعال غرفنا الغدا سعود بسخريه: اي غداء وانا ادير حلالكم كمل مشيته بهدوء ووقفل مكتب جده مشئ لسكرتير يساله عن سيف وقاله انه طلع من ساعتين هز راسه بطيب ومشئ طالع من الشركه ركب السياره وهو يزفر بتعب والرطوبه زادته تعب وبهمس: يالله اشتقت للبر والنار غمض عيونه لولهه الا برنين جواله اخذ نفس واخذ الكشاف وهو يرد بجمود: الو عبدالعزيز: وينك سعود: عمي اتوقع اني اكبر من انك تسالني عبدالعزيز بقهر داخله: سعود ابيك الحين تفهم سعود اللي لاول مره يعصب: عمي ماني عبد عندكم كل شوي احد داق علي تعال كل واحد منكم ولده طوله خلاص عاد انا ماني فاضي لكم لافضيت ذيك الساعه جيت مع السلامه وسكر الجوال بوجه سعود اللي تنهد بتعب رجع ظهره ع وراء وهو للحين ماحرك السياره مافيه حيل غمض عيونه بهم وهو يتمم : كل شي بدنيا سعود متئ بتريحون سعود منكم تعبت يارب صبرك عليهم لين ماارجعها يارب عطني الصبر اخذ نفس يارب عطني عمر وارجعها وقتها بوقف بوجهه كل احد يحاول بس يقرب منها ولا يضايقها يارب بس لحقني عليها واكسر فيها كل اللي ذلوني واولهم ابوي رفع نفسه وهو يفتح عيونه وحرك سيارته لفندقه ماله خلق لمحاظرات جدته وخواله . . . بالقريه بدوانية الجد مجتمعين بعد ماتعشوا الجد اللي من الظهر وباله مغيب عن اللي يصير ماعدا الاسم اللي سمعه من بنته عقب ماكان داخل وشلون فهد للحين حي من وقتها للحين وقلبه ماهدئ وهو يتذكر سالفتهم زين وشلون خليت حفيدتي عند هالاجنبيه شلون طالع عبدالعزيز اللي معصب وهو يطالع الجوال بهمس داخله : ماعاد لك بنت عندهم ياعبداللعزيز بنتك ماتت رجع لواقعه ع صوت ناصر وهو معصب عقب ماعلمه عبدالعزيز بسعود ناصر: ي هالتلسب اجل سكر الجوال بوجهك انا اوريه عبدالعزيز: خلاص خله لاجاء انا اتفاهم معه ابو عبدالعزيز: اشوف ي ناصر انت وعبدالعزيز ماخذين راحتكم تتوعدون فيه قدامي وبعصبيه الولد ماهو بورع علشان تمشونه ع كيفكم وانت ياللي مسمي نفسك ابوه انت اكثر واحد مالك دخل بحياته انت شلت ايديك من تربيته وهو ابو سنتين وجاي الحين تحاسبه وانت ياعبدالعزيز وشتبي منه يوم داقن عليه علشان يجيب لك بضاعتك اللي بجده ها ليه ماتروح انت بنفسك وافي: يبه اهدئ قاطعه بعصبيه : ماني مهدي وقف وهو ع عصاه وهو يآشر ع مشعل هذاك ولدك خله يروح ويجيب بضاعتك ولدي سعود مالكم من هالساعه دخل فيه وحط العصا ع ناصر وهو يهز كتفه فيه اسمع من اليوم تنسئ اللي اسمه سعود ومالك دخل فيه عليك من اللي وراك بس وسعود انا بسنده وانا بوقف معه وخلني اشوفك ي ناصر بس توقف بطريقه والله لاتشوف شين مايسرك وماني عاجزن عنك طالعهم كلهم بغضب ومشئ للباب وقبل لايطلع لف لعبدالعزيز السرحان وبصوت مبحوح: صقرك ي عبدالعزيز طار وطلع.. يتبع السلام عليكم واعتذر عن غيابي واتمنئ منكم المعذره والبارت جدا قصير اعذروني بس من راجعته بنزله والتكمله قاعده اكتبها وبعد مااراجعها انزلها ان شاءالله وتنويه: اللي يسالون عن اعمار الابطال واني ممكن لخبطت فيها تعقيباً عن الموضوع انا الصراحه مااهتم بالاعمار واذ سبق وذكرت العمر وحصل لخبطه فاانا اسفه جدا بس انوه اني مااهتم بذكر الاعمار لانها مو مهمه كثير بنسبه لي والتكمله اذ لاحقت بنزلها اليوم ان شاءالله وشكرا لحسن قرائتكم ومتابعتكم وسلامتكم يارب♥ |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم: تكملت البارت (5) وكأن هالحتسي صاحني ع شين فاقده صقري التفت لاخواني واحد واحد وبربكه : سمعتوا حتسي ابوي طالعت ناصر اللي يتكلم بسخريه وبهمس:مافهمتها ي ولد ضاري ومن غيرك عنده صقر! حاولت استوعب وبستغراب بنتي ! محمد هز راسه وبخفوت شين من زمان اندفن اصلا لاتقلب بهالامور دام ابوي عطاك العلم وبهمس خافت : خلاص سكروا ع الموضوع لايحسون العيال رفعت حاجبي مستغرب وبالاصح مااستوعبت فزيت واقف وانا استاذن طلعت من الديوانية واحس انفاسي تتسارع وبضيق : معقوله ماتت رفعت راسي لفوق وماحسيت الا ع يد ع كتفي وبصوته الهادي: اذكر ربك ي ابو مشعل هزيت راسي وانا اقول : الف من ذكره ي خالد طلعت لسيارتي وبالي اطلع رقم فهد داخل بيت الشيخ ضاري: البنات مجتمعات بغرفة نوف اللي جالسه ع السرير واللي بالارض ويسولفون ومعهم هدئ نوف : بنااااات منئ: عيونهم ضحكت ريانه: اقول وش عندتس ي نويف نوف طالعتها وانا ابتسم واشر علئ نفسي اول شي انا عمتس يعني تقولين عمتي نوف ثاني شي الساعه 10 وبنام واندزلعن برا غرفتي البيت وش وسعه سلطانه: طيب نحبتس ي عمتنا العزيزه نوف رفعت حاجبي وبهمس : اوريتس ي سليطن هدئ بضحكه ناعمه: اقول بنات صدق طولنا الساعه عشره ريما ؛ انا بنام هينا قلت لابوي وقال نامي عند عمتس نوف عصبت ع الاخر وانا اصرخ الغرفه انقلبت فوق تحت : اسمعن عاد ماالكن طلعه من هالغرفه لين ترتبنها وانتي ي ريما بتنامين ررتبي معهن التفت ولا اشوف هدئ تتسحب وبصرخه : هدئ تعاالي وين معهم يلا مافطنت الا سعد يفتح الباب ويرتكي عليه وبصوته العالي: اقول نويف وش عندتس حاشرتن مرتي وتبينها تنظف غرفتس نوف طالعته بصدمه ولفيت ع هدئ : لعنبوا ابليس متئ امداتس تعلمينه ضحكوا البنات سعد: اقول بنيات اخواني الاعزاء الباب مفتوح يلا ع ضمانتي ماحسيت الا بالي يركضن تقل مخبل واولهن مرته وريما حسيت نفسي ببتسي خلاص طالعته وانا منقهره: عاجبكك الحين شوف منظر غرفتي شلون هن حوسنها ياربي منك استغربت وانا اشوفه سرحان صرخت: سعععد سعد : هلا نوف : شوف والله لابتسي الحين ماعرف انام وغرفتي حوسه شايف الوضع وانت هربتهن سعد باابتسامه: ابشري باللي بيعاونتس ويرتبها نوف فتحتت عيوني بتساعدن ؟ سعد : ايه ابتسمت يلا اجل قدامي اسمع اللي من السرير ذا قسمك واللي من الكنب قسمي بجيب المكناسه واجي مو تنحاش ... ضحكت بقوه عليها/ ابشري ي عين اخوتس مامرت دقايق الا هي جايه وراها هدئ سعد : هلا بالزين نوف بتميلح: ي قلبي مايحتاج سعد بلعانه: مو انتي اقصد هداوي نوف وهي تكشر : اصلا من زينكم اشتغلوا بس خلوني اخلص واخمد ......... عند الشباب بااستراحتهم ريان الهادي وراكان وعمر يلعبون بلاستيشن وفارس جالس يسولف مع فيصل مشعل :اقول شباب وين نواف وسلطان فارس:خبري فيهم يوم اعزمونا ع الغداء فيصل : عيال ماشفتوا اليوم جدي كيف قال لخالي طار صقرك وبعدها تهامسوا خوالي ماتحسون الموضوع شوي وراه سالفه ريان بهدوء: وحنا وش دخلنا لو السالفه تخصنا علمونا حتئ لو حاولنا نخليهم يقولون لنا ماهم قايلين مشعل بضيق : اقول شرايكم نطلع للبر نكشت عمر: خلاص خلوها الفجر احسن علشان نخلص اشغالنا ونطلع مره وحده ريان : خلاص تم وبعد نعلم باقي العيال مشعل: ع خير ان شاءالله وقف فارس ع طول اعذروني ي عيال ابوي قايل الساعه11 انت بالبيت يلا اشوفكم الفجر بالمسجد عمر بضحكه: هههههههههه كم عمرك 18 تراك ابو 20 مانت بزر فارس : شسوي عاد فيوزي يخاف علي تخربوني مشعل: رح بس انت تخرب بلد مو يخربونك فارس: ههههههههههههههههههه صدقت يلا عاد مع السلامه وصلت البيت وانا مستغرب من ابوي اول مره ماينتظرني تعوذت من ابليس وانا خايف انه شاف البلاوي فتحت غرفتي بهدوء الا ابوي منسدح ع سريري وبهمس : ادخل فارس ابتسمت : هلا هلا وش عنده الشيخ بغرفتي فايز بهدوء : ابد جيت ارجع جوالك فارس بلعت ريقي وانا عارف هذا الهدوء قبل العاصفه قربتت منه وانا اجلس ع طرف السرير واخذ جوالي فايز وهو يتعدل من السرير: بقوم يلا نام ولا تسهر واترك عنك هاالخرابيط طيب فارس : طيب وقفت وانا اطلع واتجاهل كل شي صار اليوم توجهت لغرفتي وفتحت جوالي وانا اشوف رسايل من اغصان غمضت عيوني بقهر انا رجال بالثلاثين ولدي طولي وابتلي بنت المفروض كبر بنتي ولا اصغر اه ي اغصان لاني اللي اقدر اعلمتس ولاني اقدر اخليتس بوضعتس هذا جنيت ع ابوك ي فارس جنيت عليه فتحت جوالي ع السريع وانا افتش بوه لقيته مفرمته وبتصالح مع نفسي اصلا احسن تنهدت بضيق وانا احس اني صغرت بعين ابوي وبهمس: يلا ننام اليوم ونسئ وش حصل يتبع نكمل بكره ان شااءالله وبعد بارت بكره بتفق معكم ع يوم محدد والتزم فيه وننزل قراءه ممتعه وادري مايوفي حقكم بس معليش ع التوقف 💔 بحفظ الرحمن |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم. . . البارت (6) (دقيت خشم الفراق الي تهابونه وصديت عن واحد ما اقوى فراقه) . . ب اختلاف الوقت مابين شرق العالم وغربه جالس يطالع الجوال بااستغراب هالرقم دولي وسعودي من بيتصل علي من السعوديه مامداه يفكر الا المكالمه الرابعه توقع الموكلين ولا روساء الاقسام اللي بدمام رد وقف وهو يرد بهدوء: الو من معي عبدالعزيز وكان الدنيا هالحظة وقفت صوت فهد رجع له اشياء واشياء عالقه بباله وبنفس الوتيره : السلام عليكم معك عبدالعزيز فهد : ماعرف احد بهالاسم عبدالعزيز؛ فهد تعوذ من الشيطان انت عارفني انا مابي منك شي بس سؤال واحد بنتي حيه ولا ميته فهد بضحكه: وتوك تسأل مالك حق تعرف وعيش بظنونك ماحد قالك تبرا منها هالرقم لاعاد تتصل عليه وبنتك بعداد الموتئ فاهم عبدالعزيز بهم: اصدقني القول يفهد فهد بضيق ؛ ماني مكذب عليك ماتت بسبب انتقال مرض امها لها وانت عارف طفل صغير ماتحمل وماكانت معي امكانات علشان اسوي لها عمليه وتوفت ثاني اسبوع من ولادتها ها اظنك عرفت احترم اللي بينا ولاعاد تتصل وتسال فمان الله. سكرت بضيق وش طرها علئ باله توه يذكرها ماله حق هذي بنتي انا غمض عيونه بغبنه وجلس وهو يفكر وش بيسوي هالحين دامه طرت علئ عبدالعزيز اكيد ابوه بعد نفس الحكايه وقف وهو يتذكر ملامح ساره وخوفها اليوم بتنهيده : يارب عونك طلع من مكتبه وهو رايح لساره عند ساره جالسهه بمكتبها تراجع لمحاظرتها مارفعت راسي الا ضربة فهد ع الطاوله وبهمس غاضب: من متصل فيك اليوم من السعوديه؟ ساره جمدت بخوف وش عرفه وبهدوء: ماحد اتصل فهد وعينه بعينها: اللي اتصل عليك اتصل علي ساره بغباء: ضاري متصل عليك بعد فهد ب ابتسامه : لا ولده ابو غموض ساره بضيق: وش ذكرهم فينا وهالوقت فهد : واضحه السالفه بنتك شهرت نفسها بالتواصل الاجتماعي اكيد لفتهم الاسم وشكو انها بنتهم ساره : انا قايله لها تترك هالسخافات بس ماينفع فيها الا تجنني فهد جلس : اسمعي ي ساره ضاري ماهو مرتاح الا ومطلع اساس هالغموض وانتي وش قايله له؟ ساره باابتسامه؛ قلت انها توفت من ولادتها فهد : حلو وانا قلت توفت من ثاني اسبوع وبضيق ؛ علئ كذا بيتم الغاء المجموعه اللي باسمها بالدمام اخاف عليها منهم ماراح يرتاحون الا مايعرفون السالفه دام عبدالعزيز جاب رقمي وماهو صعب يجيب مكاني ساره بتايدد له: احسن انا قلت لك من الاول البنت توها صغيره وماهي مستعده لكمية هالحلال وكثره اعداءها كثير وانا اخاف عليها وهي توها ماشفت من هالدنيا شي ولاتعرف نوايا هالناس فهد وهو يزفر؛ ماقدر اسحب الشركات منها تبيني احطمها خليها تتعلم وتسند نفسها بنفسها بكره لاصار شي لاسمح الله لي ولا لك تكون انسانه قويه وتعتمد علئ نفسها وتسنع حياتها وبالعكس هذا اكبر تحدي لها وانا بظل اراقبها لاتخافين ماني مخليها لحالها بس لازم تعرف عن الغاء مجموعتها وتحويل اسماء الشركات . ساره بهدو: كيفك انت ابوها تحمل نتائج قرارتك وثقتك فيها وقف فهد : يلا عن اذنك ويكون بعلمك بنتك اذكئ مني و منك تستاهل الثقه وشهرتها ماراح امنعها منها يلا تصبحين علئ خير طلع من عندها وهي رفعت راسها بهم : يارب احميها لي واحفظها من كل شر ويسر امورها عند غموض جالسه بغرفتها تراجع الملفات والاوراق لفت نظرها الاسم الموجود بشركة الماجد وبهمس :سعود ناصر الضاري عادت الاسم اكثر من مره وبعدم استيعاب :غموض عبدالعزيز الضاري معقوله ارمشت بضيق وبنفس الوقت ب استغراب كيف مرت علئ خالي وبهدوء لازم اخفي هالملف علشان ماينتبه له عقب مااخفتها انسدحت ع سريرها وفتحت جوالها وبدت تنزل سنابات وهي تتكلم عن الثقه بالنفس والمواجهه وعقب ماخلصت نزلت ان لها جيه قريبه للسعوديه نزلت جوالها ب ابتسامه وهي حاسه بفخر بنفسها كيف مشت امور الشركه اليوم واصدرت القرارت من غير خوف وترردد وبهمس :الله يستر من هالحماس وضحكت بدلع وهي تتخيل افتتاح مجموعتها اللي بدمام. . . بالدمام غمض عيونه بقهر من همس وهو يشوفها مطنشه كلامه وجالسه ترتب لبسها بشنطه ماجد بغضب: مانتي طالعه هالوقت فاهمه ولا كم كف يفهمك همس ب ابتسامه: جرب وشوف وش يصير انا حياتي معك مستحيله ليه العصبيه طلق بهدوء خلني اعيش حياتي ماجد وهو يزفر ويستغفر : انتي وين رزانتك وهدوئك تعوذي من ابليس وانطقي همس:هههههههههههههههه خلاص انت ماينفع معك الهدوء تصير مجنون اصير اجن منك تصرخ اصرخ همس الهاديه المطيعه بح ضربت كفينها بقوه وهي تخزه: تراك للحين ماعرفتني زين ماجد تنهد ومشئ لها ومسك ايدها دفته وهي تصرخ : لاتلمسني ماتفهم انت ماجد ابعد وبضيق: رجعي اغراضك ولك اللي تبين مو حلوه ب اخر الليل تطلعين من البيت شبيقولون اهلي همس بقهر؛ وانت هذا اللي هامك وش يقولون اهلك والناس بطلع واطلع فاهم ماجد بهدو: اكيد همني الناس واهلي لمن وحده تطلع تبتعث وتسافر لديرة كفار لحالها ماستغرب منها هتصرفات همس بهدوء نفسه؛ هالبنت رفعت راس ابوها واخوانها وماعليها من الناس واخر همي شنو قالو تدري ليه لان اذ قلبك مو نظيف واخلاقك منحطه لاتشوف غيرك بهنظره لانه انظف منك بمليون مره وانا انسانه سافرت لدراستي واعرف وش احكام ديني وملتزمه ولله الحمد طالعته من فوق لتحت وهي ترجع اغراضها وهو يراقبها بصمت وبهمس : ماظيتك فيك السوء بس هدمتي اللي بينا همس ميلت شفايفها بتعجب : وش كان بينا اصلا ينذكر ماغير حب مراهقتك المتاخره ماجد غمض وهو يحاول يمسك نفسه: عدلي اسلوبك معي فاهمه همس:عبالك رجعت اغراضي يعني اقتنعت بطلع اول ماتشرق الشمس وكانك راكب راسك الحمدلله فيه محاكم تطلق ماجد : ههههههههههههههههههههههه ان طلعتي ي حلوه ومشئ وهو ياخذ جوالها طالعته بهدوء وجلست من غير ولا حركه مارد عليها وهو منتظرها تصرخ وتهاوش بس ساكته ماجد رفع حواجبه بضحكه؛ وش فيك ساكته وين راح لسانك همس بكل برود:طار وانا اشوف حقارتك وبكل برود اطلع وقفل الباب انا بنام قامت وهي تحس نفسها مسويه مجهود عقب هالتمثليه وتغير شخصيتها كان اصعب شي عندها كيف وهي الانسانه العاقله والهاديه ماعمرها اعترفت بالصراخ والهبال الا هالوقت لازم تضغط علئ نفسها هالماجد ماينفع مع المساير نزلت دموعها وهي تحضن مخدتها بضيق :حسبي الله ونعم الوكيل فيك ي ماجد . وبالفندق منسدح وهو مغمض عيونه يحاول ينام بس مو قادر حاس بضيقه تنهد وهو يستغفر: استغفر الله وانا وشبلاي مانام مثل الناس يالله بس جلس بهم وهو يحرك راسه الا ع صوت جواله طلع جواله بضيق ومن غير مايشوف الرقم رد: الا جاه صوت اول مره يسمعه: سعود ناصر الضاري سعود بنعاس؛نعم من معي وبهدوء؛ حبيت اتاكد من هالرقم خلك موجود ع الساعه10 الصباح بتصل عليك سلام سكر وهومستغرب مااعطئ الموضوع اهميه ورجع ينسدح وهو مغمض عيونه بتعب: يالله بس وغط بنوم عميق وتناسئ هالاتصال . . الرياض جلست ع اتصال من نور فتحت بكسل وهي ترد فتحت عيونها ع وسعها وهي تسمع نبرة الرجال برد وجهها فايز:السلام عليكم اخت اغضان انا اخو نور علمتني بكل شي صار لك وانا بقولك كم كلمه وحطيها براسك وقبلها طالبك تعطيني فرصه ولاتسكرين ولاتردين بعد بس انتي تسمعيني زين! اغصان بهمس:اسمع فايز ابتسم لصوتها الطفولي:اسمعي ي اختي معك الكاتب فايز عبدالعزيز كاتب بجريدة.... والحين اسمعيني ابي منك تشدين حيلك بدراستك وانا بوقف معك لين ماتخلصين دراستك وبدعمك اخوك لاتحتكين فيه ولاتطلعين من غرفتك وثاني شي وبهمس هادي:انا ناوي اتقدم لك ولاتفكرين للحظه اني شفقان عليك لاوالله انك كبرتي بعيني وابيك حليله وردك مو هالحين بسمعه لاتقدمت لك واستودعتك الله وبهمس :طالبك تتهمين وتنتبهين لنفسك لين ماخذك تمام وبخصوص نور مسحت اللي بجوالها ولاتثقين باأي احد ي اغصان لاتثقين فاهمتني اغصان بصدمه : اوك باي سكرت وهي منصدمه مسكت راسها وهي تبكي:ياربي صبرك وش صار ياربي اعني ع الايام الجايه وبضيقه :خطبه ياربي ساعدني قامت بضيق وهي تتوضئ مو سهل ابد رجال غريب يكلمني ويخطبني ويعرف قصتي يمكن يكون شهم بس طريقته اجرحتني وكانه يامرني ويعرفني يارب ابعده عني يارب ابعد عني كل ضيق وهم فرشت سجادتها ولبست شرشفها وبهمس يارب بدل ضيقتي فرحه كبرت وهي ناويه عقب ماتخلص تنزل تحت واللي يصير يصير . ... بالقريه. فايز ، سكرت.. وهو مبتسم انا رجال وش كبري اخطب بنت اصغر من ولدي الحين وشلون اقنع ضاري وفارس دنق راسه وهو يهمس: يالله يارب يسر لي طريقي وسهله علي نزل من السياره وهو متوجه لدوانية اخوه يفاتحه بالموضوع دخلها وهو يسلم ع اخوه وعياله جلس بجنب عبدالعزيز اللي ملامحه ماتبشر بالخير وبهمس:علامك وش فيه وجهك مصفر عبدالعزيز بهدوء:سلامتك يعمي فايز :خلني اتفضئ واشوف وشفيك ي ابو مشعل هز راسه وهو ساكت ضاري بهدوء؛ترا عيالكم بعد ماصلو طلعو يكشتون ناصر وهو يتثاوب:اي شاورني ليث وقلت له روح معهم اما الباقين ساكتين وكل واحد سرحان بهمومه وافي اللي يفكر كيف يفاتح ابوه بالسفره وسعد اللي شايل هم هدئ وموال بكيها كل يوم وخالد اللي يفكر يطلع من البيت وياخذ راحته وناصر اللي وده يعرف اي شي عن سعود بس مقسي قلبه انه مايجيب طاريه وعبدالعزيز اللي سارحان بكلام فهد بس محمد اللي يطالع اخوانه وهو حاس ان وراهم شي وشي كبير .. عند الحريم البيت هدوء ماعدا ام عبدالعزيز وام ليث اللي كان دورها بالفطور والبنات طلعو للمدارس ومابقئ احد ام عبدالعزيز:يعطيتس العافيه ي ام ليث ام ليث بتافف ؛يعافيتس يعمتي ام عبدالعزيز:وش بتس تاففين تكسر ظهرتس من الشغل ام ليث:اي والله الا طاح نصي وانتي الصادزه ام عبدالعزيز:انتي شيطانتس حتئ مع صباح الله خير ماتركد.شيلي الفطور بس وانتي مرتن سنعه. ام ليث لاحول وش هالعجوز :طيبب قامت وهي تشيل الفطور بضيق ودها تطلع وماعاد ترجع . . . عند الشباب وهم بسيارتهم مشعل؛فارس خفف السرعه ماتشوف الحفريات فارس بضحكه اربط حزامك بس ماحد قالك تركب معي قلت لك لاتركب بس انت راكب راسك مشعل:والله من قرادتي راكب معك فارس:حاصلك اصلا شف بس وش بسوي فيك بسياره الثانيه كانو عمر وريان وليث وسلطان سلطان وهو يسوق بهداوه وعمر ع جواله وريان مدنق راسه وسرحان بسعود وليث اللي جالس يراقب سيارات العيال وخايف ع فارس مشعل وسياره الثالثه :راكان وفيصل وسالم ونواف اللي كان جوهم رقص وشيلات وفيصل مبتسم ع هبالهم . ليث وهو يطالع سيارة فارس انحرفت عن الطريق صرخ :سلطان وقف شف سيارة فارس فارس اللي كان يضحك وهو يلعب ب اعصاب مشعل شف شف عيال عمك الخبول عبالهم صار لنا حادث مشعل وصل حده :انا الغلطان اللي راكب معك والله ماكون مشعل ان ماخليت عمتي تصرف النظر عنك فارس وهو كاتم ضحكته : خلاص خلاص دام فيها عمتك انا اسف .. عنده فتح جواله طالع الرساله بعدم استيعاب مسك راسه :ياربي لا كل شي توقعته الا هالطلب .. الئ هنا ونكمل بكره ان شاءالله |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . تكملت البارت(6) قليلاً من الصبر قد يصنع ألف طريقاً للسعادة♥ . بدمام . تاملت الرساله لعاشر مره وانا ماني مستوعب فهد يرسل لي ويطلبني باسرع وقت اكون عنده وش السوات الحين كيف ادبر غيابي واسبابه ضعطت ع الازرار بقهر ماطلبني الا انه عرف اني اقرب لغموض ارسلته طيب بشوف لي حجز واجيك ان شاءالله فتحت عيني ع واسعهم وانا اقرا رده : انا حاجزلك موعد طيارتك بعد ساعتين تجهز وعلئ المطار ولاتعلم احد رديت له:طيب فزيت وانا ارتب اغراضي واجهزهم من كثر ماني مستعجل خلصت بسرعه لبست واكلت ع السريع وطلعت لسيارتي طلعت جوالاتي وجوازي وانا افتح جوالي الثاني ولا اتصالات من عمي وجدي طنشت مالي خلق لازعاجهم وعلئ طول علئ المطار .. . فهد وهو حاس بتعب تنهد وهو يجلس علئ احدئ كراسي المطار ينتظر سعود ماعنده اي مشكله لو ينام هنا المهم انه يشوفه اللي سواه ابداً مو بسيط محتاجه معه واللي عرفه له دخل بقلب موازين عايلته فوق تحت ماهو ابد ع اتم الاستعداد لازم من سعود يسانده لازم يوقف معه تنهد بضيق وهو يشوف الرايح والجاي وبهمس؛سامحيني يغموض .. القريه: دخل وهو يدندن وب ابتسامه حلوه:هدهده وش فيها جالسهه هالوقت هدئ باابتسامه :ناسي ان وراي ميداني ضرب جبته بتمثيل:يوه نسيت هدئ بضحكه: عن الدلع ويلا افطر معي علشان توديني سعد :افطرت مع ابوي انتي افطري وكملي تجهيزك وانا بنسدح لاخلصتي مريني هدئ هزت راسها وهي تشوفه ماشي بتجاه الغرفه :الله يرزقنا بالذريه الصالحه وعبست ملامحها وهي شايله هم الطالبات اللي كل وحده لسانها اطول منها ومافي احترام وبهمس :ييالله انك تعييني علئ هالناس بس قامت وهي تشيل الاغراض وتجهز لبسها خلصت وهي تطالع نفسها تنوره ميد سودا وتيشرت سماوي ناعم اكمامه منقشه بورد خفيف بلون الابيض وسبورت بلون الابيض الهادي وخلخال بلون الفضي نعمت شعرها ومن عند الاطراف كسرته تقدمت للمرايه وهي تفتح شنطة الميك اب اكتفت بروج ترابي وكحل فرنسي ومسكره وشوية بلاشر وردي ابتسمت وهي تطالع نفسها وتلبس سوارتها سعد من وراها:وربي تبهلين قرب لها وهي ضحكت بخجل ودنقت راسها ابتسم وهو يشوف وجهها صار احمر من الحيا رفع راسها وبهمس:انا مايذبحني الا هالبياض يبنت ارحمني خلاص هدئ وهي تمسك ايده:وانا شدخلني وبهمس وهي تقلده:بتذبحني وراي دوام والمشرفه بتقيمني سعد وهو يضحك:اوه لو انا المشرفه كان عطيتس الدرجه كامله غمزت له :الحمدالله مانت بمشرفتي ضحك بقوه وهو يشوفها تتهرب منه وتلبس عباتها وبصوت عالي:طيب اصبري بوسه بس ع السريع هدئ:نو نو يلا انا نازله جيب سويقك وتعال سعد ابتسم وهو يشوفها تنزل ومشئ لغرفته واخذ مفاتحه ع طول وطلع يوصلها .. بالدوانيه فايز صعبه علي اقوله انا مالي الا اطلع الرياض واتزوجها واحطهم قدام الامر الواقع لو شاورته الحين بيخطب لي من قرايبنا وبتنهيده اصلا مافي الاهالحل انا رجال عاقل وفاهم ولي حرية اختياراتي ماحس الا بصوت ضاري اللي قطع عليه حديثه اللي بينه وبين نفسه :فايز من الجهمه وانت بك بلا وش تهوجس به فايز :سلامتك ي بوعبدالعزيز بس تعرف امور الشغل وفارس ودراسته ضاري:الامور متيسره وفارس رجال وش كبره خله يعتمد علئ نفسه مابقئ له نهاية هالصيف ونزوجه فايز بتوتر:الله يلحقنا علئ خير وقف وهو مرتبك يلا عن اذنك باس راسه وطلع ضاري :وجه وجه اللي مخبي موضوعٍ تسايد الله يستر منك بس مايمديه تسند ع عكازاته ولا خالد جايه :يبه وقف بكلمك بموضوع ضاري اعتبست ملامحه:وش عندك ي خويلد لاتغثني مثل اخوك وافي موضوع واخرته بيهيت برا قال وش فترة نقافه خالد وهو يكتم ضحكته:نقاهه يبه ضاري :اللي هي عاد اسمع العلم وبلغ اخوانك الاثنين الهايتين.ان ماتسنعتو بحرمكم من اشياء واجد فاهم حركات اللي مرتي تمشيني تقل خبيل ماهي بعيالي وحريمكم من اليوم العصر اشوفهن مرتزات عند اميمتكم لعنبو حيكم امكم لحالها بالبيت ولاتقل هالبيت به ثلاث حرايم لايشلن ولايطبخن ولايراعن هالمسكينه وبعد الغداء خلهن يجني هن الثلاثه بغرفتي سامع. خالد بضيق:ابشر يالغالي ضاري:غصبن عنك وتعال اسندني ودني لامك داخل مسك ايده وهو يمشيه وبنفسه :عزالله رحنا فيها دامه توعدنا ولا بيعطي محاضره بعد لهن لاحول الله بس وش يسكتها اللي عندي. وافي جالس بمكتبه وهو مبتسم ويلعب بالقلم دخل عليه محمد وضحك:انا اول مره اشوف انسان ماخذه تهزئيه قدام الرجال ويبتسم وافي بسعة خاطر:ابتسي يعني موضوع وعدئ ليش افكر فيه واتضايق خلاص قال لا يعني لا والواحد يونس نفسه احسن له ولاتبيني مثلك يالنفسيه محمد:حركات وتعطي نصايح بعد وافي بضحكه:اعجبك انا قايل لكم اني انسان مبدع بس اصبروا علي محمد :هههههههههههههههههههه انت مبدع مدري من اللي مدقر بثانوي وماطلع منها الا بحب الخشوم الظاهر ابداعك بيطلع لاصار عندك احفاد وافي طالع له بنظرات وصد:عاد اهم شي اني بعين نفسي كبير محمد وهو يطالع ساعته :يلا اخليك يالكبير عند هدئ نفخت خدودها بضيق وهي تسمع ازعاج البنات بالفصل ولاكانهاحاطه عريفه دخلت بعصبيه:هيه انتي وياها وين جالسات تطبيل واستهبال احترمن انفسكن لاانزلكم عند الاداره وحده من الطالبات:اقول فارقي بس مسويه معلمه اقصاتس بنت كليه طارت عيونها بعصبيه:هيه احترمي نفستس اشوف الطالبه:وش بتسوين يعني تخصرت وهي تسمع تشجيع البنات لها يتبع.. الئ هنا واحتمال اوقف بسبب شهر رمضان يعني الاغلبيه مشغولين بالطاعات بنكمل بحول الله بعد العيد ومنها اجهز البارتات واكمل الروايه ❤ردودكم حول هالموضوع |
رد: ومالي بدجئ العاشقين ملاذ! بقلم/غسق آلليلh
. البارت (7) [بطل توجعنّي،أنا مابي الدنيا تدِور وتوجعّك.] فتح القفل بهدوء ودخل وهو متوقعها قاعده مثل عادتها ومجهزه الفطور بس لقاها نايمه مشئ ع خفيف وهو ناوي يخوفها بس لمح وجهها وهي تلف ع الجهه اللي هو واقف فيها سكنت ملامحه لولهه وجلس يتامل ملامحها الناعمه واثر بكيها وتعبها باينه ع ملامحها تقدم بتردد وهو يجلس بكل هدوء تمنئ لو يعتذر لها لويقدر بس يصارحها بحبه لها كيف وهي حب طفولته وحلم شبابه ابتسم وهو يشوفها مكشره تمنئ لو يقدر يعدل عقدة حواجبها ويمسح دمعتها حضن ايديها وبهمس:ي بعد عمر ماجد دنق عليها وهو يعرف نومها الثقيل قرب لاذنها وهمس :عارف انك تحبيني وعارف اني ماني حب المراهقه المتاخره ع قولتك انا حلمك الصعب وانا امنياتك وانا اللي كسرت قلبك وتزوجت غيرك لاجل ابرد حرتي فيك عض شفته ب الم وهو يتذكر ايامه معها وبهمس متالم : هدمتي كل شي يهمس ماقدر ارجع الاولي اللي يثق فيك ولا ني قادر ابعد عنك رفع نفسه وهو يزفر بقهر مسك يدينها تامل دبلتها ابتسم بوجع حس فيها صحت من رجفة جسمها ورعشة اطرافها وابتسامه هاديه:تدرين ي همس افكر اخذ دبلتك واتزوج الثانيه واهديها شرايك؟ رفع عيونه لها وهو يشوفها مبتسمه رفع حاجبه همس تعدلت ب ابتسامه وانا اكبت ضيقتي سحبت ايدي من ايدينه وبضحكه عاليه:ههههههههههههههههههههههههههههههههه ابد ي حبيبي الله يسهل دربك بس ي حلو لاتنسئ شرطي بالعقد وبرفعة حاجب تتزوج مقابل طلاقي وبكون شاكره لك والله يعين اللي بتاخذك بس اذكرك وبكل هدوء بلاا ماخلها تكمل كلمتها وهو يحضنها بكل قوته وبهمسه الهادي:وضنك بقدر اطلقك وانا اللي ماصدقت اتزوجك همس غمضت عيونها وكل مافيها يرجف:ابعد ماجد : تبيني اطلقك همس وهي ماسكه نفسها لاتنهار: انت شتبي فيني فكني منك كل يوم لك شخصيه تعبت منك قطع كلامها وهو يبعد عنها ويصير قدمها ابتسم :طيب فتحي عيونك شفيك معصبه وشاده ع اعصابك كله حضن ترا همس ومازالت مغمضه:ماجد ابعد عني وانزل ابتسم وهو يطنش كلامها وينسدح علئ رجلها وبهمس:همزي راسي بنام ميت تعب لولهه حسته انه ماجد القديم مسكت دموعها وهي تشوفه يمسك ايدينها ويحطها علئ راسه همست بشوق:تذكر ماجد بضحكه وهو مازال متخدر ومغمض؛ وانا نسيت علشان اذكر ابتسمت بهدوء: الله يستر من هالتغير ماجد مارد وهو حاس بشوق لها تناقض قلبه وعقله يذبحه مشئ ورا قلبه هاليوم وهالساعه بس ابي ارتاح من شوقي وحنيتي وحبي لها اخذ نفس عميق وهو يلف حولها ويحضن ايديها وينام ضلت تتامله وهي خايفه من تناقضه طالعت ملامحه وهي ساكنه وتنفسه المنتظم وبنفسها كيف لهملامح السمحه قوة قلب وقوة باس كيف قدر يبعد عنها ويقهرها بزواجه من غيرها كيف قدر يكسر فرحتها ويغير حياتها والحين جاي يمارس تناقضه علي كيف طاوعك قلبك ي ماجد وهذا وانا اغلئ من تحب ابتسمت بحزن وهي تساير نفسها وغفت عينها ع ملامحه وتاملها المليان عتب وحزن ... نزل من الطياره وهو شايل هم هالسفره الغريبه نزع جاكيته وهو يحس البرد يلسعه بس بيرتاح من حرارة جسمه الداخليه عدل تيشرته الشتوي دخل الصاله وهو مو عارف فهد وناسي شكله ماحس الا باللي يمسكه ويحضنه وبهمسه : نورت ي ولد اختي سعود بجمود: يهلابك خالي فهد فهد ابعد ومسك ذراعه وبهمس:ماعندي وقت خلص الاجراءت ع السريع هزيت راسي وانا مستغرب من هالقاء الغريب والبارد جداً بالنسبه لي خلصت اغراضي ومشيت متوجه لسيارته المركونه ب اخر مصافط المطار ركبت وانا ازفر بضيق من ريحة الدخان فهد بهدوء:سعود ماجبتك لاجل موضوع هين انا عارفك زين وخابر فعايلك سعو عدل جلسته تقدم له وهو يسحب الدخان ويحذفه وبهمس حاد:اخرمره القاه ب ايدك وكمل وهو يرفع نظره لفوق :ماتختلف عنهم كثير وقت المشاكل ي سعود وينك فهد :ماني مثلهم انا جلست شهور ادور عليك وانت الوحيد اللي تعبت ادورك وانا عارف ان عمك انسان حطم اختي وكسر بنتها ويتمها ورغم كل هالحقد تغاضيت وجلست ادورك سعود:خلنا بالمهم وش الهدف من جيتي فهد: شيين ويمكن ثلاث سعود طالعه بنص عين وبهمس:وش هم وليش فهد :الاول والاهم غموض بهاليومين تملك عليها وتدبر وضعها سعود برود:واللي بعده فهد: اما انا بنقل المانيا وابعد عنكم غموض والثالث انا تورطت ورطت غموض علشان كذا لازم ب اسرع وقت تهربها وتاخذها معك سعود: وش تورطت فيه فهد :قبل سنتين تعاقدت مع شركة كبيره ع اساس انها معروفه ومن هالكلام بس بالاخير طلعت تاجرتهم اسلحه ودعم للفرق الارهابيه وقبل ثلاث شهور اتصلو يهددون ماتوقعت الموضوع كذا جبت محامي الشركه وراجعنا الاوراق وطلع كلامهم صح انا متورط بكل ريال طلع لهم والسالفه بتكبر وخاصه اني سعودي وهم بيحميهم قانونهم بس انا الدخيل واللي كنت مغفل واغتريت بهالشركه وصارت تحت ادارتي وكل شحنه تطلع كنت احسبها عطورات وكانت العكس بتمام وكل شي راكبني من راسي لساسي سعود بتنهيده:وغموض وشوضعها فهد بهم:انا ماكنت خايف ولمن بلغت الانتربول عرفوا وبدوا يهددوني بغموض صرت اخاف واخر رسايلهم امس مصورينها ومتوعدين يخطفونها سعود بضيقه:وامها معي ولامعك فهد :معي اكيد صعب ترجع للسعوديه سعود: طالبين تمويل فهد: زياده ع كذا انا فصخت التعاقد معهم بس مجبور ابعد وارجع اجمع ثروتي من جديد ولا اعيش بهالرعب واخاف يوصلون لي عن طريق غموض وحساباتها علشان كذا من تطلع من المطار اخفيها عني وعن امها وانا بغير ارقامي وكل شي وبهم وهو يتنهد : هذا اذ ماطلع لهم عصابه ب المانيا سعود : طيب حلالك فهد : عندي محلات صغيره ب السعوديه تحت ادارة واحد من اخوياني تمويله لي بعطيك التوكيل وشركاتي اللي هنا بسكرهم ماعدا شركة ببيعها عليك وانت تضمها لشركة الماجد وبكذا صفينا الحلال وضعي ب المانيا ضبطته وخلصت بس كانت غموض الازمه بس بتكون ب امانتك ي سعود سعود طالعت كف خالي ع كتفي وبهدو: ماهي عند غريب عند ولد عمها وخالي خالها وانا ماني تاركك لين ماننهي هالامور مع بعض وبنكون ع تواصل امورك بالسليم دام الانتربول معك فهد : انا مأمن من عندهم علشان كذا بطلع لالمانيا وهم مايبوني انا يبون غموض علشان اخضع لاوامرهم سعود: وبعدها ساره فهد بنفي: ماقدر الا ساره بتتعب لارجعت السعوديه تنتكس حالتها وبهدوء: فصلت اسمي عن اسمها هي وغموض كل وحده رجعت لاسمها الحقيقي وبوجع ببعد غموض عني من هاللحظه مامعي الا يومين ي سعود مدري انا اقدر ع فراقها ولا وساره حجزت لها حجز قبلي وب يستقبلونها هناك ونقلت كل شغلها جالس ارتب للوضع من شهر وخلصت واقتنعت وماسالتني بس غموض ماقدرت اقولها وبنظره لسعود: غموض ماهي بقليلة حيلة ولا ذكاء بتنبش عن الموضوع لين ماتعرف وعقب بطيح من عينها ولا تنصدم فيني ولا ياخذونها ك اداة لخضوعي ويدرون انها بنتي بس ساره حقيقتها مخفيه عنهم وهذا احسن شي صار وكلها وبعد يومين الانتربول بينشرون القضيه وبتصير قضية راي عام ماراح اتحاكم فيها بس بتكون حيله علشان يطلعون بعض الرعاة والمتسببين سعود : وانت فهد: طلعو لي هويه جديده واسم وكل شي وحياتي بتكون ع حساب السفاره وكفالتهم وبالنسبه لغموض مثل وضعي هم بيبحثون عن غموض فهد مو عبدالعزيز وغموض فهد بيندبر لها شهادة وفاة اليوم سعود زفر بهم؛ طيب ممكن توصلني اي فندق انام واروق وبعدها نخطط فهد : لا اذ ع النومه ملحوقه لازم الملكه ب اسرع وقت بتروح معي سعود: اقول اشوفك اربع ساعتين ماهي ضارتك رتب حياتك وعقب تعالي صحني واجي واشوف ام غموض واتفاهم معها فهد واللي ماسك ابتسامته رغم همه الا انه معجبه سعود: ابشر ي الخال سعود رفع حاجبه؛ اقول وصلني من غير صوت فهد: هههههههههههههههههههههههههههههههههه وولد تراني خالك واسمع التوكيل اللي بعطيك اياه يخص شركات الماجد بعد كمل اجراءت حلال ابوي من غيري سعود اللي غمض عيونه بتعب وتجاهل كل شي سمعه وركز بغموض وبداخله : بتكونين منبذوه مثل امك بتمام بس ماني عمي عبدالعزيز وبهمسه: يغموض سعود واغلئ ناسه. يتبع .. بكمل ان شاءالله الليله انتظر ردودكم والصراحه بين اني افتح انستا نتواصل فيه ومافتح انتظر ردكم ع الخاص لنا لقاء الليله بإذن الله . |
رد: ومالي بدجئ العاشقين ملاذ! بقلم/غسق آلليلh
تكملت البارت(7) . . بهمسه :غموض سعود واغلئ ناسه ابتسم بهداوه وهو يتخيل ردة فعل عمامه وناسه وبالاخص ابوه قاطع سرحانه خاله فهد : يلا وصلنا سعود رفع حاجبه ب اعتراض : قلت لك فندق ماقلت فلتك وبعدين انت انسان مراقب عارف شلون مرااقب فهد : عارف اني مراقب هالبيت ماحد يعرف عنه انزل وريح فيه والمغرب اجيك سعود : طيب انتظرك وبنبره عاليه: لاتنسئ تاخذ راي غموض سالفة انك تغصبها علي ماتمشي عندي حلو فهد بضحكه: طيب طيب بشاورها سعود وهو ياخذ اغراضه : فمان الله اخذ المفتاح ودخل فهد طالعته وهو ياخذ اغراضه وبالي الف سؤال وخوف من الجاي كيف ب امن علئ غموض عند الناس اللي اذو ساره وكيف اقنع ساره ولا غموض مسكت راسي بتعب ،الجاي اصعب واصعب بتغفر لنا غموض غيبتنا ولا بتبعد عننا وتنسانا. . . بالقريه: وخاصه بمدرسة الثانويه . جالسه تمسح دموعها بقهر وهي تطالع نفسها جتها المشرفه وهي تمسك كتفها وبهدوء :ي هدئ معليش قوي نفستس مايصير من اول مشكله تبتسين هذي قلة ادب الطالبات ومعروفه هالبنت بعوابتها ولاحد قادر يسكتها ولا يتعرض لها علشان امها هدئ بقهر: بس حتئ ولو مالهم حق ييخصمون من درجاتي علشانها وهي الغلطانه انا شذنبي اذ هي قليلة ادب وانا حتئ اسلوبي معهم هادي ومحترم وهي اللي غلطت وفوق هذا كله جايه بتمد ايديها وش قلة الادب هذي علشان امها معلمه . دخلت ام ميران وبهدوء واسلوب حلو: لو سمحتي ابله فاطمه خليني مع هدئ شوي فاطمه: ابشري ابله حصه توجهت لها وهدئ غسلت وجهها ع السريع مسكتها ومشتها معها للمكتبها ابله حصه: تفضلي استاذه هدئ هدئ : شكرا حصه بهدوء: اعتذر عن تصرف بنتي الغير لائق وترا مانتي اول وحده قبلك مليون وحدهه طلعت عيونهم ميران هدئ : طيب ي استاذه انا وش دخلني ينخصم مني وهي الغلطانه ودامتس عارفه ان بنتس تصرفاتها غلط ليش توقفين معها حصه ابتسمت: ومن قالتس واقفه معها انا اكثر وحده عاقبتها وضربتها وعجزت عنها حاولت باللي اقدر عليه بس ماباليد حيله اعتذر عن تصرفاتها والحين بروح لمشرفتك واخليها ماتخصم منك وبتعتذر منك ميران قدام الطالبات هدئ : والفصل اللي هي فيه مااراقب عليه حصه: ابشري قامت هدئ : عن اذنك وشكرا طلعت وانا احس نفسي ودي اذبحها هي وبنتها قبل ساعه : وش بتسوين يعني تخصرت وهي تسمع تشجيع البنات لها هدئ طلعت عيونها خزتها بقوه: اقول اقعدي مكانتس واتركي عنتس حركات المبزره ميران بضحكه: ههههههههههههههههههههههههههه شف من يتكلم انتي البزر ويلا فارقي هدئ وهي تهدي نفسها: شاطره بالمرادد بسفهتس لانتس جاااهل وماعلئ الجاهل شرهه مايمديها لفت الا المديره جايه المديره: وش صاير ي ابله هدئ صياحتس بالمدرسه كلها هدئ : اسفه ي استاذه بس البنات مسوين ازعاج وعجزت عنهم الا بميران تبكي بصوت عالي : ابله نوير استاذه هدئ ضربتني هدئ : والله تتسذب مالمستها ميران: والله اسالي بنات الفصل وانا ماسويت لها شي ومن اليوم وهي بس معها جوالها وماهي يمنا يوم جيت استاذن منها ضربتني المديره : ي بنات صادقه ميران ولاتكذب البنات : الا ابله هدئ ضربتها واصلا ماهي عندنا واقفه عند الباب بس وعلئ جوالها المديره بنظره : حصل خير ع فصلكم ومابي اسمع ازعاج وابله هدئ تفضلي بمكتبي هدئ : رفعت عيونها فوق وبضيق: حسبي الله ونعم الوكيل فيتس. دق جوالها شافت رقم سعد ردت بضيق: هلا سعد : بسم الله وش فيه صوتس صاير لتس شين هدئ: لا سعد : اقول اطلعي انا عند الباب استاذني وتعالي هدئ: ماقدر اكلم المديره متهاوشه معها سعد: هههههههههههههههههههههه حسبي الله علئ عدوتس وهذا اللي مضايقتس اقول انتي مرة سعد دقيقه بس وتجيتس المديره براسها تعتذر لفت وهي تشوف زول المديره وحصه وبضحكه هاديه:كانك حاس جت الحين عن اذنك سعد :الله حافظتس ولاتطولين انتظرتس هدئ بعجله :ان شاءالله .. سكرت وانا اشوف المديره قربت جلست بهدوء ع الكراسي وجلست قبالي المديره : معليش اعتذر ابله هدئ عن مابدر مني المفروض اسمع من الطرفين بس تعرفين ضغط الشغل وحطيت الحره فيك هدئ :معليش ابله افصلي بين ضغوطتس وحلولتس للمشاكل مهما كان هي طالبه وانا الابله المطلوب الاحترام والادب شدي عليهم وبهدوء : عن اذنك تسمحين لي استاذن زوجي برا ومستعجله عندي مراجعه المديره :اذنتس معتس ومايصير خاطرتس الا طيب بكره تعتذر منتس ميران بالطابور هزيت راسي بسرعه وانا اطلع اجمع اغراضي والبس عباتي عند سعد يلعب بسبحه وهو يفكر بكلام ابوه الصبح ؛ ي سعد وانا ابوك لمتئ وانت صابر من غير عيال والمره ترضئ وتزعل وبدالها الف بس انت بكره محتاج اللي يسندك سعد بضيق :يايبه انا جاي اقولك عن دوامي نقلوني للدمام وبستقر هناك مو عن موضوع العيال ابوه :اسمعني سعد وهو يقوم يحب راس ابوه ويدينه :دخيلك يالغالي لاتفتح هالموضوع معي اللي الله كاتبه بيصبر لاتغصبني علئ شي انا ماابيه وانا راضي بحياتي واذا علئ العيال الله الرازق ويكون بعلمك ترا هدئ ماتشكي من شي كل شي ب امر ربي يصير ابوه :طيب ي بوك بسكت علشان غلاتك عندي والله يرزقك الذريه الصالحه قطع افكاره دخولها وبهدوءها:السلام سعد ب ابتسامه:ارحبي هدئ بسعة خاطر؛لاانت ارحب سعد :لاوالله انتي بعدين تعالي من هذي اللي مضايقه خاطرتس هدئ :ماعليه موضوع صغينون وانحل سعد:براحتس فيه خبر ولابميلون خبر هدئ:الله وش هالخبر اللي مخليك مبتسم سعد ب ابتسامه:شوفتس هدئ بغرور:قاضين منها اللي بعده سعد:ههههههههههههههههههههه يعيني الواثقه ********* يتبع ان شاءالله يومين بالكثير وانزل البارت 8 معليش اعتذر والله حصلت لي ظروف والبارت مجهزته من مده بس الظروف احياناً اقو مني ومعليش للمره الاخيره وشكرا ع صبركم علي وتشجيعكم ❤❤ بسوي حساب انستا شويات وانزله لكم ونتواصل فيه اي استفسار اي اعتذار بعلمكم ان شاءالله لان مرات تتردئ حالتي الصحيه ويصعب علي ابلغكم بس ب اذن الله قربت تخلص الجلسات وبعد بكره اخر جلسه وبطلع وبرجع لكم من جديد وبحط لكم رابط اي سؤال او رايكم بالروايه اكتبوه هنا وبرد عليكم انستا ان شاءالله https://llolilil.sarahah.com/ qpl1l1 اسم حسابي بالانستا اتشرف فيكم💜 |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . .البارت (8). . "كِنتي تشبهين،الورد بلُطفك مِن علمّك تقسين.". . . . تشرق الشمس وتغيب احداث الامس وصراعاته اغلقو ضيق هالليل وابتسمو لشروق الصباح. غاصت ملامحها بضيق وألم التفت لصوته اللي تكره : اغصان جاهزه اغصان ببحه: ايوه سامي ؛ يلا اجل تنهدت : طيب الا بعادل يركض لها ومن غير لايحس ابوه ضربها عضت شفتها بقهر وبداخلها هي خاربه خاربه لفت عليه وهي تشوفه يحرك حواجبه واخوها منشغل بجواله مسكته بسرعه وعضت يديه بقوه عادل ببكئ وصراخ: بااابا وقف بفجعه وهو يشوف عيونها ددموع وعاضته من قلب هجم عليها بوحشيه وهو يحاول يبعدها وبغضب تفجر فيها دفت عادل بقوه وهجمت ع مرته اللي جايه بتفزع لولدها سامي وهو يحاول يبعدها بس عجز وببكئ:والله لا اوريكم عبالك بخاف منك ماهمني والله ماهمني لو تذبحني سامي يحاول يبعدها عن زوجته اللي تبكي:ي مجنونه قطعتي شعرها شاف مامنها استجابه غير الضرب وكانها تفرغ كبتها تركتها عقب ماحست بشي حار ينزل بقسوه ع ظهرها غمضت عيونها من قو الضربه وبتعب قبل لاتغمض عيونها بسلام:بشري زوجك ان امه ماهي راضيه عنه ترك الحزم من قسوة كلمتها زوجته: هيييه شوفها اغمئ عليها سامي وبكل عتب وهدوء :خذي عيالك وطسي عن وجههي لاشوفكم مالت شفتها ع جنب وهي تمسح دموعها : والدوام سامي:انقلعي من وجهي لاكمل علئ الخرايط اللي بوجهك تاففت وهي تسحب عيالها قرب وهو يشوفها طايحه وعليها عباتها شالها بهم وهو يصعد فيها لغرفتها فتح الباب برجله شغل النور وهو يشوف حوسة غرفتها اللي اعلنت حربها امس وكانها تفرغ غضبها وقهرها بهالغرفه مشئ بحذر من العطورات وبوكسات الميك اب المتكسره نزلها ع سريرها وهو يحس بقهر من نفسه وضيقه من هالمسؤوليه تذكر اللي دق عليه امس وخطبها وبهمس: بفتك من ازعاجك وهوشاتك مسك ايديها وباسها وبهمس : اسف ي خوك بضحي فيك حياتي اهم من اني اربيك اسف ي وصية امي ماني قد الامانه ببرخصك له وبعجل بطلعتك لان وجودك بادي يخنقني بعد عنها بسرعه بنفور وهو يطلع ويسكر الباب بقوه .. . . بالقريه توجهه للبر وهو ناوي يكلم فارس بنص الطريق غير الطريق وتوجه للرياض وبهمس:اغصان اهم دق علئ سامي لثاني مره ؛الو سامي بزفره:هلا ياليت تعجل بجيتك ولا بطلعها لدار الفتيات فايز بعتب:افا ي بو عادل هذي وهي اختك مسافة الطريق وانا عندكم سامي:ياليت تملك مره وحده وتاخذها معك فايز بضيق؛بغنيها وبعزها ويشرفني وجودها بحياتي تكفل ب الفحوصات سامي:لا تشيل هم خويي ممرض وبدقيقه يضبط الاوراق فايز: العشاء انا عندكم والوالد خله يجي سامي:مو راضي يجي وانا بداله فايز بهمس :ع خير مع السلامه سكر وهو مصدوم من هالانسان ماعمره صادف مثل حقارته امس مكلمه ع الخطبه واليوم يطالبه يملك لهدرجه مرخصينك لهدرجه ماهم حاسين بقيمتك كيف يرضئ لاخته المهانه كيف قساوة قلبه يبيع اخته علشان زوجته. . . . عند العيال بالبر فارس جالس يضبط القهوه وعمر يساعده اما ريان جالس وبهمس لليث اللي جالس يضبط العزبه : ماتدري عن سعود ليث بسخريه: توك تسال ريان بهدوء: لا كان ودي أسال ابوي بس ترددت ليث وهو يتكلم بجديه:والله وانا اخوك مادري عنه اخر مره لمن زعلو عليه عمامي وادق عليه مايرد. ريان بضيق: تهقئ صاير له شي ليث ب ابتسامه: وش عندك صاير حنين نسيت وش كنت تسوي فيه ريان بعتب: كنت بزر وش يعرفني وامك تمشيني ع كلامها بس هالحين رجال دنق رسه لليث وضرب صدره هينا وجع ي خوك عليه يليت الايام ترجع ولا اسوي اللي سويته ليث شتت نظراته ع العيال وبهمس خافت: قم غسل وجهك وسعود ماهو صاير له شي ريان؛ اسال خواله شف وينه ليث وهو يبتسم : ان شاءالله بس قم قبل لاينتبهون شف كيف مشعل وفيصل يطالعونا قام بسرعه وهو يطلع من الخيمه متوجه لسياره طلع علبة مويه وكبها ع وجه مسح وجهه وهو يركب السياره وهو حاس بضيق يتسلل قلبه من امس وهو حاس بتعب وش هالوجع ي سعود وش مسوي علشان قلبي يتعب بسبتك وش صاير لك ي عين اخوك نزلت دمعته جاهد وهو يمسحها وبهمس: يالله بس اخذ نفس وهو ياخذ المويه الثانيه ويشربه بتعب . . عند مشعل اللي متملل وبصوت عالي: شباب خلونا نلعب سوني طفشت وانا جالس فيصل اللي كان قريب منه ومنسدح ع المركه : اقول وش رايك نقوم نطعس مشعل قام ع طول : يلا قدامي سلطان وقف وهو يساعد ركان بتقطيع البصل اقول خدوني معكم لاابتسي عمر اللي كان قريب من عندهم: هههههههههههههههههههه افا كله ولا سليطين يبتسي فارس بتمثيل وهو ينسدح ع التراب: شباب بموتت بموتت فيصل قرب من عنده: وهو يرفع صوته: شباب تدرون لو يموت فارس اسفركم ع حسابي فارس اخذ تراب من غير لايحس فيصل وهو يرميه عليه بسرعه وقام يركض فيصل اللي تببل وجهه بتراب تقرف وهو يمسح شفايفه وجهه بقهر؛ اوريك ي فويرس وين بتروح وتلوموني بعد لاكرهته انا مدري وش هالعباطه اللي فيك فارس: ههههههههههههههههه اجل تسفرهم ماعندك ضمير انت وليد عم امك الوحيد ميت وانت تعزم ع موتتي هذا الناقص مشعل: وهو صادز لو تموت تسوي خير فينا سلطان اللي يعيونه حمرا من البصل: اقول تعالو كملو عني انا بتسيت عن سنه قدام ليث اللي قام بهدوء وهو يتجهه لسياره اللي فيها ريان وفارس : ي النفسيه عطنا وجهه فيصل اللي يحاول يقرب لفارس بس ماهو قادر من مشعل اللي ماسكه مشعل: شباب بنروح ناخذ لنا فره احد بيجي معنا فارس بهمس : ودي بس بيستفردون فيني عمر بجنبه: جزاك واقل من جزاك عبس وجهه وهو يشوف ليث يحرك السياره وفيصل ومشعل نفس الحكايه وسلطان يغسل وجهه وركان قام معه يغسل راكان مشئ من عندهم: خلصنا تقطيع الخضرا باقي تركيب الغدا ع ليث عمر اللي خلص قهوته قام وهو شايلها وفارس معه الشاهي عمر؛ حلو وغسيل المواعين ع مشعل وفيصل فارس كتم ضحكته وبهمس : بينتحر فصول عمر ندفه ع جنب : اعقل اقول الا نواف ماشفته وينه ع كلمته دخل وهو يلهث وبتعب : شباب سلطان اللي داخل ومنفجع من شكل نواف شفيك عمر فز له وهو يشوفه يجلس بتعب مسك وجهه : ش صاير من مسوي فيك كذا نواف وهو يلقط انفاسه: هجم علي كلب مسعور طارت عيون سلطان وعمر فارس: قوم معي اقرب مستشفئ لايصير فيك شي نواف: جسمي مهدود ماني قادر اتحرك قرب فارس وراكان شالوه بسرعه وركبوا السياره عمر وايديه ع راسه : يويلنا لو يصير له شي سلطان بلع ريقه: ماعليك بتعدي سليمه ان شاءالله . . . اما عند البنات جالسه بطفش وهي تقلب بجوالها وبضيق : ي خي غموض مانزلت شي منئ: وانتي وشلتس بها يمكن صاير لها شي نوف : يختي احبها من الله سلطانه: بنات شرايكم نطلع للبر المغرب خلود: يوهه لاتكفين مالنا خلق للحوسه ريم : فعلا مالنا خلق للحوسه ريانه : اجل نسير ع بنات عمتي نوره نوف: خلاص تم بس بلغو ريما لاتزعل بعد ومنايا والنتفه خلود سلطانه: هههههههههه شرايك بعد امهاتنا نوف بزلة لسان: ناقصنا مشاكل طالعتها بعتب سلطانه ، ومنئ بعصبيه: وش قصدتس نوف وهي تتشتت انظارها ع اللي واقف قدامها: ولاشي حياك ي بو مشعل تقدم لهن وهو مبتسم ع جلستهن جلس بجنب نوف وهو يحط يده ورا ظهرها ناقصتس شي ي عين اخوتس نوف ب احراج: لا والله ي الغالي منئ : ليتني نوف بس سلطانه: هههههههه ايه والله الغلا كله لنوفهم ريم ابتسمت وهي تتامل عمها شكثر حنون مع بناته ومع نوف خاصه ريما: عمي بنروح لعمتي نوره ونبي العيال يودونا عبدالعزيز: انا اوديكم العيال طالعين للبر ريانه: ايه العيال لهم الدلع وحنا الكرف عبدالعزيز: ماعاش من يكرفكن وين بتروحون وابشرو نوف بدلع: نبي المول اللي داخل الديره اذ ماعليك امر عبدالعزيز: ع هالخشم كم عندي ريانه ونوف منئ: وانا يبههه عبدالعزيز بضحكه: انتي عاد زينة البنات الغلا كله منئ : ايه اشوا قام قام وهو مبتسم : لاتزعجن امي وجهزن قهوتها قبل لاتقعد وبعد صلاة العصر نمشي للديره اوديكن نوف: عساك ع القوه ولايحرمنا زولك ريم : ع عيني ام عزوز ضحك : ههههههههههههه اقول اعقلي لازوجتس مشعل ريم تقلب وجهها وسكتت وهي منحرجه ريما بعد ماطلع عمهم : هههههههههههه ريم وين اختفيتي سلطانه: ذابت ي حسرتي من طاريه بس ريانه سكتت بضيق وهي تقلب وجهها لنوف غمزت لها نوف انها تسكت وبتسليك: بنات قومو خلونا نسوي حلا علشان لاجينا نسهر عند بنات نوره قاموا كلهم متوجهين للمطبخ الا ريانه اللي طلعت لغرفة نوف وانسدحت ع سرير وبهمس: ع كيفهم يزوجونه لريم وين الوعد ي مشعل نزلت دموعها وهي تتذكر همس مشعل قبل خمس سنين كانت ام 13 وتوها باديه تتغطئ عن عيال عمها ماحست الا بمسكة مشعل اللي كان اكبر منها بثلاث سنين ريانه بطفوله: مابي العب معك ابعد بمسافه ورفع راسه لفوق وبهمس هادي: ريانه بقولتس شي وحطيه ببالتس يمكن تكبرين وتنسين ويمكن يبقئ بقلبتس احفظيه بعقلتس تراتس روح مشعل واهم اسباب ضحكته طلبتس لاتاخذين غيره وانتظريه ريانه سكتت وهي تقلب الموضوع براسها.: طيب مشعل برجا: وعد ي ريونه ريانه بطفوله: والله وعد خلاص مشعل ابتسم: اجل انتبهي لتس واحفظي هالوعد اشر لها تدخل بسرعه مسحت دموعها ع هالذكرئ وبهمسها: مانسيته والله مانسيته بس انت نسيته ولا وبضيقه من افكارها: يارب لاتكتبه له نصيب الا معي .. بالدمام : تحطم كل مافيها وهي جالسه تشوفه يشتمها ب اغلظ الالفاظ تاملته وهي ساكته وشاده ع ايديها وقلبها وبهمس ضيع ماجد: خلصت ترا ماطقيتك ع ايديك وقلت قرب لي انت اللي جيت بنفسك ماجد قرب من عندها بقرف: ليش ماابعدتني ليش قطعت كلماته وهي تحط ايديها ع شفايفه: يرحم لي اهلك اطلع وفكني من صياحك تقل حرمه اصحئ ع نفسك وتذكر وش سويت وشلون قربت بعدين تعال لومني شات يديها بعصبيه ونفور : الله ياخذني يوم قربت لك الله لايحي فيك ضلع سالم همس شادت ع نفسها من عصبيته مهما كان نفوره حسسها بالنقص وشككها بنفسها كتمت غصتها وهي تحلف ماتبكي قامت بسرعه اشبه بركض حاول يمسكها بس دفته وبصراخ: اقسم بالله ي ماجد تقرب من هالغرفه لاقوم عليك اهلي وناسي راجع نفسك وفكني من تسلطك وقذارتك اذ انت متقرف مره انا مليون مرهه عارف كيف مليون مره شف شف كيف صار جلدي من كثر مافركته مابي شي منك ولا ابي همسك وكذبك معك يومين بس خذ فيها قرررك ي نكمل ب احترام وزواج مثل الخلق ولا كل واحد بطريق بدال هالعيشه السوده فاهههم حذفت الابجوره وهي تشوفه يمشي بهدوء متجاهل كلماتها وقبل لايطلع: انا جنتك ونارك ي عين ماجد همس بعصبيه: هذاك اول الزم ماعلي راحتي يومين بس قدامك ماجد ضحك وهو ناوي يجننها: هههههههههههههههههه يصير خير هموستي باي طلع وهو من داخله اسعد انسان عقب ماسوا هالتمثليه لاجل يستفزها وبهمس: يزينتس ي همس والله لاجننتس همس جلست ع الكنبه وهي تبكي بصوت عالي وبضيق: حسبي الله ونعم الوكيل فيك كانك بتهبل فيني .. عند دنيا جالسه بغرفتها وبهدوء تتصفح بالايباد دق جوالها برقم غريب تأملت الرقم وردت بهمس: الو الا بصوت هامس: هلا بدنيتي واغلئ ناسي ابتسمت : كيف جبته بصوته الهادي: قلت لتس لو ترفضيني بكل مواقع التواصل جايبتس جايبتس دنيا رفعت حاجبها : اها يعني ماعندك شي اسمه ذمه وضمير ولا شي يردعك ويوقفك عند حدك رد بضحكه: ماعندي الا انتي عساتس تردعيني وتوقفيني دنيا: والغرض من هالمكالمه وش تبي توصل له رد بهداوه: ابي قلبتس وابيتس حلالي دنيا :لو تبي قلبي ماضريتني ي خي مستحيل اتقبلك لو ايش ماتسوي انسان ماحترم اهله ولا احترم حدود الله وحاول يلحقني ويكلمني بيحترمني ويغار علي صحصح انت عندك خوات وماترضئ عليهم صح ولا لو تبيني صدق تدل بيت ابوي واخواني اما هالطرق الملتويه ماتغريني فاهم سكرت بغضب من هالانسان اللي ناشب لحياتها دنيا: وجع بقلبك ي الغبي عسئ ربي يفكني منك ومن امثالك .. عنده عقب ماسكرت ابتسم ع غضبها وبهمس : والله عارف ان الغلط راكبني بس اشتقت لتس شسوي يارب اكتبها من نصيبيي . . . سيف اللي جالس عند امه سيف : يمه سعود يجي بكره من بريطانيا امه : ان شاءالله سيف: تصدقين يمه متحمس اشوف هالفهد امه ب ابتسامه: بيجي معه ان شاءالله وبتشوفه ع دخلة عناد: ومن قالكم ان سعود ببريطانيا اخبره اخرشي كان بالفندق وعقبه اختفئ وادق عليه مغلق امه ب ابتسامه: ماعليك غازي سال خويه بالمطار وقال انه توجهه لبريطانيا وبكره طيارته لانه حاجزه للرجعه عناد؛ اها مخابرات من ورانا ي ام ماجد امه: ولا شرايك عناد وهو يلمح دنيا نازله وهي معصبه: افا من معصب قلب عناد دنيا: الدنيا وانا اختك سيف: الله وش شفتي من الدنيا توتس بزر دنيا طنشته وهي تنسدح بحضن امها غمضت عيونها :يمه اقري علي حاسه بضيقه امها : بسم الله عليتس ي قلبي ابشري سيف : ايه الدلع كله لها عناد بتعزيز: تستاهل دنو طنشتهم وهي تغمض عيونها وهي تحس براحه تتسللل لقلبها من قراءة امها . . . . عند ساره اللي يشرح لها فهد الموضوع من اوله لاخره وهي مصدومه ساره : لا مو صاحي كيف نزوجها فهد: لازم ي ساره تروح للسعوديه ب اقرب وقت ساره: وانا معها مستحيل ابعد عنها صاحي انت اترك بنيتي لحالها ليه مالي قلب انا انا ام يفهد مستحيل اتخلئ عنه افهمني فهد بضيق : وحالتك الصحيه ساره : مو شرط تسكن معه نسكن بالدمام حتئ الرياض ماابيها فهد: متاكده من قرارك ساره: مليون بالميه متاكده فهد: اخاف يكشفونك وياخذونها ساره بهمس: ركز معي ولدهم اخذها يعني وهي بعصمته وحسب ماعرفته من عبدالعزيز قبل ان امه ماتت وهو صغير وكرهته بحياته مرة ابوه وابوه يعني شايل عليهم واكيد بيحاول يوقف مع غموض ويكسرهم فيها فهمتني من اليوم ماعلينا خوف من جدها واهلها نطقت بسخريه لاذعه:لان ولدهم عصاهم واخذ بنت المنبوذه فهد: للحين هالحقد بقلبك ساره: مو حقد قد ماهو وجع وحاسه ان سعود بيطلع حرتي فيهم فهد : طيب وانا اخوك كيف تتركيني بهالغربه ساره بوجع ؛ خايفه عليك اكيد ودي اكون معك بس ركز معي ي فهد وضعك حساس ولو رحت معك بينشك فييني وبيجلسون يهددونك فيني بهالحالتين انت اللي بتتعب بالاول غموض وعقبه انا فكر بعقلك وابعد ع عاطفتك انا وضعي نفس وضع غموض حتئ لو فصلنا الاسماء مصيرهم بيعرفون واذ المركز والوظيفه كل شي ملحوق عليه فهد بتفكير:صحيح ساره: السعوديه امان لنا تعال معنا فهد بتنهيده: ماقدر ي ساره لازم المانيا علشان يتم القبض عليهم ساره : متاكد من حمايتهم لك فهد؛ الله الحامي ومستودع نفسي وسفارتنا ماتقصر مقدمين لي سبل الراحه والامان بس لازم نتعاون علشان نسوي كمين ونقبض عليهم من هالوقت لين القبض لازم ابعدكم عني وبهمس خافت: نادي لي غموض ساره قامت قربت منه وهي تبوس راسه: جعل ربي يحفظك ويسلمك لنا فهد وهو يخفي ضيقته ويحاول يمسك نفسه:امين طلعت من عنده وهي تحاول تهدي نفسها ماتبكي وبصوت عالي: غموض خالك يبيك غموض : طيب نازله نزلت وهي لابسه نظراتها وثوب البيت القصير وب ايدينها الملفات وبضحكه: شوفي يمهه خلصتهم بوقت قياسي ابتسمت ساره بهدو: عساك ع القوه يمه روحي لخالك يبيك بموضوع غموض بفضول: سويره وش هالموضوع ساره وهي تقرص كتفها : بلاش قلة ادب وماعلمني وش غموض بهبال: يالله ترزقني بزوج ي فكني من هالتقريص ساره وهي تمسك بكيتها: اعقلي وروحي يلا ضحكت بصوت عالي وهي تفتح الباب ببشاشه: يروح غموض ي فهودي امرني جعل مايمرني غيرك وه بس وش هالزين ضحك وهو اللي كان بهمومه والدمعه ع اهدابه : تصدقين ماحد عارف لي غيرك غموض وهي تتجه له وتبوس يده: اكيد اعرف لك رباة ايديني ضربها ع راسها: امي ع غفله وبجديه : اسمعني ي غموض انا صحيح ربيتك وكبرتك ولاني عاجز عنك وتبقين انتي قلب فهد وبنته وروحه بس انتي كبرتي هالحين ولازم تحكيمن عقلك بالحياة اللي جايه غموض اللي قلبها بدا يرجف ملامح خالها وعيونه والحزن اللي تسسلل بقلبها من نظراته عارفه هالنظرات زينن: يبه وش فيك فهد جاهد يبتسم: يعيون ابوك كل مافيه الموضوع فيه واحد حليو خطبك مني والصراحه ماينرد وغمز لها من النوع اللي يحبه قلبك حمر وجهها بخجل: يوه طلع هذا الموضوع اللي خابصكم فوق تحت الحمدالله والشكر عبالي فيكم شي امي عيونها تبكي وانت نفس وضعها اللي يسمعكم يقول بهاجر فهد ب انزعاج: خلاص اسكتي وشدعوه كل هالحكي غمز لها موافقه غموض: ههههههههههههه لا توني صغيره فهد بجديه: ماتردين لي طلب غموض : افا ومن يقدر يرد لك طلب فهد: اجل بكره نملك غموض شهقت وهي تحس بجدية الموضوع: يبه فهد : يروح ابوك علشاني لاتردينه غموض : كيف ابني حياتي مع شخص ماعرفه فهد بلع ريقه وبهمس :تعرفينه زين غموض : ماعرف غيرك فهد وهو حاط عينه بعينها: سعود ناصر ولد عمك .... يتبع الئ هنا استودعتكم ربي انتظر اضافتكم ع الانستا ورايكم.وللمعلوميه بديت انقل بعض الروايه للانستا بحفظ ربي |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم. . . . البارت(9) انا الغريب اللي تلوّح له كفوف الراحلين وهو يخبّي دمعة عيونه ويشتال وْجعه . فهد وهو حاط عينه بعينها: سعود ناصر ولد عمك غموض لحظة صمت ونظرات مابينها وبين خالها وبعد صمت دام لخمس دقايق وبصوت هادي:والغرض من هالزواج فهد بتوتر: زواج وش الغرض منه اكيد استقرار واطفال ضحكت بصوت عالي و ب استفزاز: ليه مافهم انا علشان تقولي استقرار وعند منو عند اهل ابوي ولا فوق هذا كيف يرضئ ويقتنع ياخذ بنت اللي طردوها وطلقوها من زوجها تبيني اعيد السيناريو ي خالي وانت اكثر شخص عاش المعاناة مع امي وقتها فهد بعصبيه:هذاك الزمن غير والحين غير كان ابوك الخواف اللي مايقدر يعارض قرارتهم قاطعته بغضب :وسعود نفسه بكره لو علئ اصغر تصرف ولا كلمة من جده ولا ابوه طلقوني ليش اعيش هالمشاكل وانا بهالعمر فهد استغفر وهو اول مره يعصب كذا :ي بنت اضمن لك سعود غيييير غموض :تبيني اخذ الشخص اللي اهله عقدو امي وضايقوها مستحيييللل فهد وهو يوقف ويتوجه للباب وبصراخ :ساره تعالي ساره اللي كانت جالسه بالصاله وايدها علئ قلبها من صراخهم العالي :يلا جايه دخلت وهي تشوف غموض وجههاا احمر وتخز فهد الواقف بجنب الباب ساره بخوف:شفيكم وش هالصراخ فهد بغضب:بنتك اقولها يمين وتقولي يسار ساره بهدو: اهدا مصيرها بتتطخ التفت لغموض وتقدمت لها وبكل هدوء:ي غموض نبي مصلحتك واذ انتي خايفه من انه يصير اللي صار لي انا حياتي غير وانتي غير انتي بنتهم بس انا الغريبه اللي دخلت عليهم واخذت ولدهم فيه امور انتي تجهلينها واذ انتي ماخذه فكره سيئه عنهم ترا ابوك مافي مثله اثنين وبألم شوفيني الئ هالحين عجزت اتجاوز ابوك واخذ غيره لان اللي مثله انقرضوا بهالزمن قاطعتها بسخريه: بس تخلئ عنك ساره بكذب: ماتخلئ ولا كان بيتخلئ لين ماانا اقنعته لاني تعبت وخفت من دعوات اهله ولاني مااحب اعيش هالحياه الي من غير استقرار ضحكت بغبنه: ايه المطلوب اصدق هالقصه انا عارفه انه طلقك علشان ابوه وعارفه علشان جبتي بنت ساره بقوه:من قالك اللي قالك كذااب ماصار هالشي ابد ابوك كان متمسك فيك لاخر لحظه بس انا رفضته غموض بهمس وهي تقرب من امها : قريت كل اللي كتبتيه بالمذكره اللي بالصندوق المقفل ساره وملامحها بردت وهي تجلس وببرود: طيب وبعد انتي غير سعود مانتي ماخذه غموض وهي تطالع لخالها اللي جلس وجالس يطالعها بنظرات ماعرفت تفسرها: الحين سعود بيومين قلبكم علي وش هالاصرار عليه ولازم اخذه فهموني كيف ترضون تزوجوني هالانسان تربئ تربية غير عني وحياته واسلوبه غير والاهم من ذا كله اهله افهموني شلون اتعايش معهم ي ناس فهد بكل برود: خلصتي لعلمك سعود يصير ولد اختي غموض بضحكه: عارفه عبالك غبيه انا قريت الاوراق اللي بمكتبك ولمعلوميتك قاطعها : اسمعيني بكره ملكتك غير هالكلام مافيه ابتسمت بغبنه: راضيه لو من هالشارع بس ولد اختك اللي مشيخه عندي ماني ماخذته وقف لها وبعصبيه : عيدي وش قلتي غموض ب ابتسامه ناويه تستفزه : ماني ماخذته مااخذ اشباه الرجال لو هو رجال جاني ب اهله وناسه فهد تقدم لها: اشباه رجال وانتي ماعشرتيه ابوك اللي ماكان رجال ويكون بعلمك سعود غير عنهم وتربيته غير وفوق هذا كله صارله فتره وهو يدور عنك وبتاخذينه غصببن عنك فاهمه غموض وهي توقف وبهدوء:وين بنعيش والشركات اللي بيوم وليله سلمتني اياهم والطموحات والافتتاح كل هذا بح بغمضة عين اليوم افرزو البضاعه والاوراق والحوسه قايمه علشان ايش تسكر الشركات علشاني متحمسه وليش من البدايه تقولي امسكي الشركات وبعدين تتترجع علمني ليه فهد وهو يزفر:ببيعهم مالي حاجه واذ علئ شغلك مصيرك لبيت زوجك ماله داعي الشركات اللي هنا واللي بدمام سعود بيمسكهم غموض بقهر :ماشاءالله مخططين بعد ومن قالك بتعدئ هالبيت طلعه من بريطانيا ماني طالعه مو علئ كيفكم فهد بتعب:مابي اشوفك اطلعي لغرفتك غموض بعصبيه:يبه فهد بعصبيه وبصرخه :ماني ابوك دامك تعصيني كل شي سويته لك ي غموض عاندت امك كثير علشانك اسالي ساره كم مره انطردت من شغلي علشانك علشان مابي اكسر بخاطرك تخليت عن اشياء كثير علشان اربيك واخرته ترفضين الطلب الوحيد والاخير واللي اصلا من مصلحتك انتي ..ساره بكت وهي تتذكر كم تعب فهد علشانهم كمل وهو يشوفها ساكته وتطالع له:ضحيت بعمري وحياتي علشان ماتحتاجين احد والاهم من كل هذا منعت نفسي من الزواج خايف تجيك وحده تزعجك ولا تضايقك وبالاخير ي خالي انت فاز بسعود وبنظره لها وعيونه بعيونها :الاقل سعود اللي ماعمري شفته الا مره وكنت عارف انه ولد اختي ولا علمته كله علشان خاطرك ولا تحسين اني ابيه ولا اغليه لاني اعرفك زين وعارف بخوفك احد ياخذ مكانك بقلبي بس ي غموض هو مارفض لي طلب وهو توه يعرف اني خاله من قلت له علئ الموضوع قالي تم وابشر شفتي الفرق بينكم قاطعته بشرود: عرضتني عليه صح فهد وهو يزفر : لاا هو طلبك مني وقلت له اشوف وارد لك خبر غموض والسالفه ماهي داخله براسها وبقهر: مابي اندم علئ قراري بس انتم مافهمتوني انا خايفه تنعاد سالفة امي فيني والله اخاف بكره لاصار لي ولد ولا بنت طلقوني منه وش اسوي وقتها ي خالي علمني توني صغيره علئ الشقئ فهد بهدواه وهو يشوف ساره تعبانه وتمسح دموعها: ي بنتي والله مابي لك من الرجال الاهو احلف لك بالله انه غير عنهم وانه متعني علشانك ويبيك وشاريك وغير هذا كله تربية خواله مو عمامه مانتي رخيصه علشان اعطيك اي احد ي كثر اللي اخطبوك مني بس ماجيت اقولك ولا علمت حتئ امك ماجيت اقولك الا من ثقه بلعت ريقها بخفوت وهي تشوف الرضئ بملامحهم ليش ماهم فاهمينها وفاهمين خوفها ليش حاسه بخوف من هالخطوه وكيف تعيش وتتعايش مع عمامه واللي هم اصل عمامها وابوها واللقئ كيف غمضت بهداوه : موافقه بس بشرط يتم علئ ورق فهد بعصبيه ضرب الطاوله: لاتخليني ازوجه ب اختياري وبلا هالتافهه اعقلي وشيلي هالخبال من راسك غموض بخفوت: يبه فهد وهو يتنفس بغضب: اعقلي ي غموض انتبهي تخسرينه انتبهي ترا ماحد بيندم غيرك ترا عزة نفسه وكرامته اهم منك بمليون مره انتبهي اسلوب هالاستفزاز والقوه ماتنفع معه ماهو فهد علشان تستفزينه وبخفوت؛ وصاتي لك انتبهي لاتخسرينه بهبالك غموض بغيره: ماشاءالله وهو وراه ماينتبه لي مسك راسه بتعب: اقول مايفيد الكلام معك روحي من وجهي وبكره الصبح ملكتك ساره اللي كانت ساكته : روحي ي غموض كافي اللي قلتيه غموض بقهر قامت: موافقه بس لاصار لي شي بذمتك وبسخريه ي خال سعود فهد : روحي بس ي حرم سعود غموض بغيض: مردوده طلعت وهي ماسكه دموعها من وصلت غرفتها وهي تقفل الباب جلست ع الارض وهي تحاول ماتبكي وبهمس: يارب طالعت بصورها اخذت نفس وهي تحاول تضيع البكيه ماتعودت تبكي ع اي شي بس هالشي حياتها كيف يتحكمون بحياتها طول هالسنين وهي كاتمه بقلبها كره ابوها وعمامها وياما تمنت انها فعلا بنت فهد ولابنت عبدالعزيز كبرت والكره بقلبها وبكل برود جاين يزوجونها ولد عمها واقفين معه بعد وحزن امي ودموعها وتعبها وحالتها اللي ابوي سببها وعمامي كيف يبوني انسئ كل هذا واتعايش معه كيف تستقر حياتي عندهم وهم وماعندهم ذرة رحمه قامت وهي تمسح دمعه تمردت علئ خدها نوت تصلي ركعتين عساها تخفف من ضيقتها وخوفها . .. تحت بالمكتب ساكت وهو يعض اصابعه بقهر من كلامها ساره : تصدق بديت اخاف من كلامها يمكن تكون صادقه ويطلع مثل الطينه فهد بغصه:وانتي عبالك انا مرتاح الحين انا خايف اكثر منكم بس سعود هو الوحيد اللي ممكن امن عليكم عنده انا مضطر ي ساره والله مجبور ولا قهر غموض ونظراتها كسرتني بس ماباليد حيله تبوني اخليكم لحالكم ماقدر ومستحيل اصلا لازم معكم رجال يامن لكم حياتكم ويخلص اموركم وتعتمدون عليه صح ولا ساره :صح يفهد معك حق لازم معنا رجال فهد :وسعود ولد اختي واضمنه حتئ لو بقلبه كره لكم بالاخير رجولته وغيرته ماتسمح له يتركم ولا يخليكم ساره :خلاص يفهد لاتفكر كثير وريح نفسك غموض اسمها بتعقل وتفكر زين وتشوف ان كلامنا صح هز راسه وهو يقوم وبهدو:صحيني المغرب اروح لسعود ساره:طيب انا بطلع لغموض فهد :لا ماتروحين خليها لحالها تهدا من كيفها ساره بضحكه:ههههههههههه هذا اذ مالقيتك عندها بعد شوي تعلمني بقلبك وطبعك اللي خربها فهد ب ابتسامه:شسوي وانا اخوك مااقوا انام وهي زعلانه . . . بالدمام عند سعد وهدئ سعد يدخل الاغراض بالشقه اللي اجرها هدئ قامت تاخذ الاغراض وترتبهم وبتساؤل:سعد شلون واغرضنا اللي بيتكم سعد:عادي ننقل علئ شوي شوي واللي يجي مناك يجيب بعض الاغراض هدئ:طيب ودوامي سعد بتفكير:ترجعين تداومين ولاعطلتي خميس وجمعه تجين عندي ولا اقلب دوامي واصير اسبوع اداوم واسبوع الشباب يغطون علي وتسذا هدئ:اوك وابوك راضي سعد:ايه ماقال شي هدئ وهي تتثاوب ؛علئ خير سعد :بنت لاتنامين بنطلع نتعشئ هدئ وهي تقوم :لا يحبيبي مافيني حيل باخذ شور وانام سعد بضيق:بكره عندي داوم هدئ وهي تطلع لبسها :اداوم معك يروحي ماحست الا بمخده براسها هدئ:هههههههههههههههههههههههه عمري والله الخايف من اول يوم سعد ب ابتسامه: اقول اخلصي لاانام واخليتس هدئ وهي ترسل بوسه:نوم العوافي ضحك بقوه وهو يشوفها تركض خايفه يحذفها بشيء سعد:ماني يمتس بنام وصحيني الفجر عندي دوام . . . عند همس اللي نسئ ماجد جوالها عندها دقيت علئ اخوي ماعدت استحمل اكثر من كذا من حقي اعيش حياة محترمه مو ضرب وصراخ وعدم تفاهم اتصلت فيه وانا ابكي اخوها:وش فيك همس:تعال مابيه خلاص اخوها بخوف :سو لك شي همس وهي تحاول تاخذ نفس :تعال قبل لايجي الله يخليك اخوها :طيب طيب جايك جهزت نفسها بسرعه واخذت اشيائها المهمه وخلت اغراضها وبهمس:مابي شي منك مابي قاطعها ضرب اخوها ع الباب وهمس بصراخ : مقفل اكسره عناد اللي جا يركض من الصوت العاليه انصدم وهو يشوف مناف يحاول يكسر الباب عناد: يولد تعوذ من ابليس مناف بغضب: مقفل ع اختي ليهه بهيمه هي يقفل عليها هذا الناقص دف الباب بعصبيه وهو يحاول يكسره ساعده عناد من انفتح الباب انطلقت بحضن اخوها وهي منهاره : الله يخليك مابيه انا الغلطانه لمن وافقت عليه تكفئ مناف اوقف بوجه ابوي واخواني لايرجعوني له مسح دموعها وهو يحب راسها : ابشري يقلب اخوك ماهم غاصبينك مسك ايديها وهو يشوف عناد مدنق راسه ويعتذر عن تصرفات ماجد الطايشه :بلغ خالتي واخوك وقول لهم ماعد فيه نصيب عناد: الله يهديك يمناف مالها دنيا دخل بتصرفات ماجد مناف بعصبيه: عقب اللي سواه ب اختي والله مايفرح ب اخته عناد : ترا موضوعك دنيا ماتدري عنه ولا ماجد مناف: خلاص ماعاد فيه نصيب عن اذنك مشئ من قدامه وهو بقمة غضبه عناد تنهد وهو يشوفهم يركبون السياره: الحمدالله اننا ماعلمنا دنيا توجه للبيت وهو ناوي يعلم مها واخوانه قبل لايفتحون الموضوع لدنيا بسيارة مناف: همس بصوت مبحوح: دنيا مالها ذنب مناف بعتب : ادري همس:لاتهدم حياتك علشان ماجد بالاخير انت بتعيش معها مو مع ماجد مناف:الله يعوضني عنها خير بتركها لغيري همس؛مناف مناف ؛خلاص لاتناقشيني هذي قراري همست :براحتك بس بتندم لاصرت لغيرك سكت وهو للحين يغلي من القهر بسبب ماجد وتصرفاته الهمجيه. .. يتبع الئ هنا ولنا تكمله بعد يومين ب اذن الله . |
رد: ومالي بدجئ العاشقين ملاذ! بقلم/غسق آلليلh
.. بسم الله الرحمن الرحيم تكملت البارت(9) . . بمستشفئ القريه جالسين حوالينه وملامحهم منهكه من التعب فارس: يولد خوفتنا عبالنا بتصير مسعور نواف ضحك بتعب: يخي شسوي انا ناوي يهجم علي انحشت وضيعته وبتعب معليش ي شباب تعبتكم معي بس تعرفون خرعته احسها للحين فارس بقهر: قول كان بيهجم عليك مو هجم قسم بالله قلت خلاص الحين يقلب مسعور وبقهر ودي امسكك واوديك للكلب وبغمزه الصراحه بعذره فيك نواف وهو يعفس ملامحه بقرف: خلاص سكر السيره اللي يسمعك يقول غاصبك ع الجيه راكان وهو يستند ع الكرسي: غريبه جدي مارسل احد ولا دق نواف: اسمعو لاتعلمون احد عن السالفه فارس بضحكه: هههههههههه سرك بير راكان: ابد لاتوصي نواف وهو يخرهم: ضحكت فارس وراها بلا وبنظره تعلم اعلم علئ سوالفك واخرب سمعتك عند زوجة المستقبل فارس وهو يحرك كفه :لاحول الله بس الواحد مايمزح معك ضحك راكان بقوه وهو يشوف ملامح فارس كيف انقلبت عقب سيرة عمته نواف ب ابتسامه : علشان تعرف ان لله حق فارس وهو يقوم ويتوجه له : خلاص ي خي انسئ بعدين بطلع ادق ع الشباب اطمنهم وانت من يخلص المغذي نطلع نواف : طيب لاتطول طلع وهو يدق ع عمر ويطمنه .. اما بالبر جالس ويتأمل ملامح اخوه كيف تعبانه وبهدوء:ريان تعوذ من ابليس ريان بغبنه:مقهور ي ليث والله ليث وهو يتسند ع الكرسي وعينه ع سقف السياره وببرود هادي:اسمعني يريان انت مانت بزر تجلس تلوم نفسك ولا تبتسي اللي صار لسعود حنا مالنا دخل فيه هذا مقدر ومكتوب وهذي حياته من قبل لاتطلع علئ الدنيا امي اغلطت صح وابوي غلط كثير ماقلنا شي بس هذي حياته ومن يوم هو بطن امه وب التفاته لريان :تقدر تخليه يكمل تعليمه ولاتقدر تحنن قلب ابوي عليه ولاتقدر تسنع حياته ولا تحبب امي فيه وتشيل الحقد والكره من قلوبهم ريان :اقدر اخلي ابوي يخف وامي بعد ليث:والباقي يريان عبالك هالاشياء سهله تراها صعبه وسعود مهما صار وكان ماعليه خوف هذا هو لاشهاده ولا وظيفه بس كلنا معتمدين عليه لو يمر اسبوع بس من غيره تلخبطو عمامي وانت تشوف كل شي وعارف هو الوحيد اللي موكلينه ع كل شي قاطعه ريان :وماعمر احد ساله وش ناقصك ولا وين تنام وماعاش مثلنا ولاعاش حياته طالع لليث وهو مدمع وليث تنهد بتعب من حالة ريان :يولد الحلال تعوذ من ابليس حنا مالنا دخل بحياته ولا لنا دخل باللي صار له تبي تكلمه لاجاء من خواله كلمه ريان ؛ دق علئ خاله اللي دايم يجي معه ليث :لارجعنا ادق الشبكه ضعيفه ماتلقط :انا مدري وش اللي قلب حالك من يوم وليله وانتبه تتضايق خلاص انسئ ولاجا تسامح منه :نرجع ريان وهو يغسل وجهه :ايه نرجع حرك السياره وهو يلمح سيارة مشعل بنفس الطريق وصلو للمخيم ونزلو مع بعض فيصل :ليث تراك بتطبخ الغدا ليث :الله يهداك اي غدا والساعه بتصير اربعه العصر فيصل :عاد قطعو الخضره وجهزوا كل شي ليث;اجل بروح لخيمة الطبخ واضبط الغداء مشعل وهو يدخل الخيمه وراه فيصل وريان مشعل وهو يجلس وفيصل قباله مشعل :وين اخوك فيصل :سالم رجع من زمان ابوي ارسل يبيه سكت وهو يشوف ملامح عمر مخطووفه فيصل:نواف وينه عمر وسلطان :طلع شوي ويجي فيصل ب استغراب :طيب شفيكم وجيهكم تقول فيه مصيبه سلطان :هههههههههههههههه يتهيا لك مابنا الا العافيه تبي قهوه فيصل :ايه دامك وقفت صب لنا قهوة مشعل انسدح:لاخلص الغدا صحوني ريان بهدو:انا مابي قهوه بشغل السوني فيصل :خير ماتسوي وانا بروح اشوف ليث يبي شي . بالقريه تجهزو البنات وهم ويركبون السياره مع عمهم عبدالعزيز وصلو المول وهم ينزلون عبدالعزيز بتحريص: انتبهو لبعض انا بجلس بحدا الكافيهات اللي داخل معكم ساعه بس ونرجع ريانه بهدوء : عمي بروح معك عبدالعزيزي ب استغراب: وراتس ريانه : كذا مالي خلق للسوق سلطانه : وانا بعد ردي اتقهوا بروح معكم عبدالعزيز وهو يشوف الاستغراب بعيون الباق طيب يلا امشو معي ونتلاقئ هناك ي نوف نوف : ان شاءالله يلا بنات مشو ورا نوف وعبدالعزيز توجه لكافيه عائلي ومعه ريانه وسلطانه جلسوا وهم يطلعون المنيو ويختارون ماعدا ريانه اللي طلعت جوالها وجلست تقلب بسناب وبشهقه : سلطانه غموض نزلت سنابات توها سلطانه ب استغراب: وش فيتس فازه ريانه : يوه وين نوف بس هي اللي فاهمتني عبدالعزيز اللي مااعطا الموضوع اهميه : سلطانه اختاري من هالخرابيط ماني عارف شي سلطانه: هههههههههه افا كبير العايله ومايعرف عبدالعزيز ب ابتسامه: ماعرف هالسوالف طلبت لي قهوه عربيه والحلا عليتس سلطانه: اخترت خلاص عبدالعزيز : عطيني اعلمهم الطلبات ريانه وسلطانه: هههههههه الله يهديك عمي ارسلنا لهم بالايباد عبدالعزيز وهو يعدل شماغه : والله ي جيلكم كل شي متوفر لكم ابتسم وهو يشوف كل وحده لاهيه عنه بجوالها سكنت ملامحه وهو يسمع لصوت شغلته ريانه ماهو غريب عليه هالصوت وحدته تعوذ من ابليس وقف وهو يلمح القرسون عند الباب فتح له وهو ياخذ بعض الاغراض منه ويشوف البنات يصورون وملامحه للحين شاده جلس وهو يسال ريانه: من صوته هذا ريانه : اي صوت عبدالعزيز بتوتر: اللي قبل لايجي الاكل شغلتيه ريانه بحماس: ايه هذي وحده من المشاهير عبدالعزيز: طيب وش اسمها سلطانه التفت لعمها: لايكون بتخطبها ترضئ ماارضئ ع عمتي ام مشعل عبدالعزيز: هههههههههه وش اخطبها بس بعرف وش اسمها ريانه : اسمها غموض فهد ... عايشه بر وببريطانيا مخلصه جامعه وعمرها عشرين وبعد تشتغل مع ابوها بشركاته وبتجي للدمام قريب مدري الرياض سلطانه: بقئ شي ماقلتيه ابوها هو خالها مش ابوها عبدالعزيز بلع ريقه بخفوت: وين ابوها عنها ريانه وسلطانه: حرام ابوها متوفي من زمان وماعمرها شافته عبدالعزيز وجهه راح فيها من القهر: طيب سكروا هالسيره سكتو وهن مستغربات من حال عمهم اللي انقلب وعصب علئ نوف ودق عليها نوف: الو هلا عبدالعزيز: اخلصن علي جونا رجال ولازم نرجع نوف ب استغراب : الله يهداك ماصار لنا نص ساعه عبدالعزيز : انا عند البوابه استانكم بسرعه نوف: طيب جاينك قام وهو يطلب الاغراض سفري وريانه وسلطانه للحينهم منصدمات من حال عمهم ركب السياره وهو شايل هموم الدنيا بقلبه معقوله تطلع بنته وفهد يتسذب طيب وش مصلحة فهد يتسذب وشلون يسمح لها تنشهر وكل احد عنده سنابها وسيرتها وصوتها شلون يرضئ فهد سرح لبعيد وهو حاس وده الحين يطير لبريطانيا ويعرف وش هالموضوع طلع جواله وهو يرسل لخويه اللي بسفاره يسال عن هالاسم ويعرف معلوماتها كلها ركبو السياره وهم يتهامسون بخفوت نوف :وش السالفه ريانه ريانه بهمس: مدري بس من سمع صوت غموض انقلب حاله وعصب عقب ماقلنا له عن اسمها وحياتها نوف وهي تهمس: غريبه سلطانه اللي بجنب ريم: شوفي اول مره اشوف عمي بهالحاله طاير بين السما والقاع ريم : خلاص لايحس علينا سكتو وهم يتاملون الطريق نوف بهدو: ابو مشعل نزلنا عند نوره اختي هز راسه وهو عين ع الطريق وعين ع الجوال . . وصل الرياض ع العصر وهو يتبع اللوكيشن اللي دزه سامي وصل البيت وهو مستغرب من فخامته وسياراته الكثيره نزل وهو حاس بضيقه ولاول مره يفكر ويتخذ مثل هالقرار حاسه مثل الهم بصدره وده يرجع الوقت ولا اخذ جوال فارس ولا عرف هالبنت تنهد وهو يدق سامي سامي :الو فايز:انا عند الباب سامي :طيب الباب مفتوح اول مجلس علئ يمينك فايز ب استغراب:طيب لقئ الباب مفتوح ودخل مثل ماقاله سامي . . بالدمام من يوم علمه عناد وهو يفور من القهر والعصبيه. جالس بجناحه عقب ماكسر الدنيا وعفس الجناح وبصراخ:عبالك بتفتكين مني ولا بطلقك ب احلامك يهمس والله لاوريك الشغل وقف وهو يتجه للكبت ويطلع شنطه ويحط ملابسه وهو يتمم:انا ان ماخليتك تدقين بنفسك وتطلبيني ارجع ماكون ماجد . . اما عناد جالس عند امه بالصاله وبهمس وهو يعلمها اللي صار امه بهدوء: عساها خيره ي وليدي وماني مستعجله علئ دنيا وهو اللي خسرها مو هي عناد:امين وبتذكير يمه بالله عليك ماجد لايطلع من البيت اليوم احلفي عليه وغير كذا ترا بيني وبينك ولدك هو الغلطان ومجنن البنت وزين منها صبرت كل هالمده امه :ابد والله يعناد اللي ماارضاه لبنتي ماني راضيته لبنت اخوي وبجلس معها واعرف السالفه لاطلع الخطا عليه والله ان يطلق وهو مايشوف الدرب قاطعهم دخوله وهو يمشي ومعه شنطته وقفته امه :وين رايح ماجد:بطلع اشم هواء وبا اجر فندق ارتاح فيه ام ماجد:اقول ارجع لجناحك وتعوذ من الشيطان ماجد بقهر:يرضيك اللي سوته ام ماجد بغضب:يرضيني وماشفئ غليلي عليك ماحشمتني ولاحشمة خالك ورحمة هالمسكينه ماجد :طيب ام ماجد :تعدئ هالباب ي ماجد والله انك لاولدي ولا اعرفك وبغصه :لاتقهرني ع بنت اخوي تالي عمري عارفه وش ناوي عليه بتعلقها سنين ترد حركتها ماجد سكت وهو يشوف عناد يتقدم لامه ويهديها حذف الشنطه وتوجه لقسم الرجال وهو وده يتهاوش مع اي احد ويفرغ هالغضب فيه . . برياض دخل المجلس وهو يتامل الفخامه ورقي التصميم ماتوقع واحد من الميه انهم عايله راقيه سلم وهو يشوف رجال ملامحه كبيره مستند ع عصا وسامي بجنبه سلم عليهم وهو يجلس فز سامي وهو يقهويهم سامي وهو ي اشر ع ابوه: هذا ابوي ي فايز وبغمزه نورت الرياض فايز بلع ريقه بخفوت: منوره ب اهلها ي حي الله عمي اخبارك ابو سامي بضيق:الله محيك بخير سامي اللي جلس وهو مستانس : حي الله فايز شلونك وشلون الاهل فايز : بخير وانت اخبارك اما ابو سامي اللي دق ع اخوانه وعلمهم باللي صاير وينتظرهم يجون وينهون مهزلة سامي اللي كل شوي جايب له خطيب مايدري من وين سامي : والله ابوي حلف الا استقبلك بيته فايز وهو يبتسم بالغصب وهو يشوف ملامح ابو سامي : والله يعم جيتك وناوي القرب منكم قاطعه دخول الرجال واحد منهم يتكلم بصوت عالي: هو علئ كيفك ي سامي كل شوي جايب لها خطيب شلون تزوجها وهي محيره لي التفت لفايز بغضب: وانت جاي ومصدق نفسك تخطبها تراها محيره لي بس هالزفت وهو ياشر ع سامي يهدد بين فتره وفتره يزوجها علشان اقدم العرس فايز وقف بهدو وهو يشوف سامي مبتسم بخبث: ماعليه اعتذر منك انا يوم خطبت منه ماعلمني انك خاطبها قبلي ومحيره لك ياسر بهدو: حصل خير وبنظره شغلك لاراحو الضيوف فايز وهو يعتذر من رجالهم جاء بيطلع ومسكه ياسر : اتعذر منك انا اللي سواه سامي مو شوي بس هذا هو مجنون وبهدو ماتطلع اليوم من الرياض الا وانت متعشي عندي فايز: ماعليه مره ثانيه ان شاءالله الحين برجع لاهلي ماعلمتهم اني مسافر ياسر : دام وراك طريق براحتك ودرب السلامه فايز : الله يسلمك وماصار الا الخير تعداه وهو يتوجه لسيارته وقهر العالم فيه حرك ع حايل وهو مسرع ومعصب من سامي وحركاته طلع رقمه وهو يعطيه بلوك ويعطي اغصان بلوك قاطعه فارس وهو يدق رد عليه بصوت هادي: هلا يبه فارس : وينك يبه مافي احد بالبيت ابوه: مسافة الطريق وجايكم فارس : حنا شوي وبنرجع لبيت عمي ضاري تحصلنا هناك ابوه: ان شاءالله سكر منه وهو يفكر بحاله لو ماجاء ياسر وملك وصارت اغصان له وش ممكن يصير ولا يحصل ب اهله بينه وبينها اشياء كثير عمر وافكار ومجتمع وقبيله والاهم طريقته بمعرفتها اللي كانت اكبر خطا منه ومنها شلون بيوجه فارس فيها تنهد وهو يمسح ع وجهه بهدو: الحمدالله علئ كل حال .. يتبع ان شاءالله اذ خلصت من مراجعة البارت العاشر نزلته الصبح وشوي وبنزل الشخصيات علشان اغلبكم ملخبط بالشخصيات . بحفظ ربي❤ |
رد: ومالي بدجئ العاشقين ملاذ! بقلم/غسق آلليلh
الشخصيات: ضاري ابو عبد العزيز ، وام عبدالعزيز عيالهم 1/ عبدالعزيز ابو مشعل وزوجته سعاد عياله: مشعل مسجل بكلية الضباط ، ومنئ بثاني ثانوي،ومنايا ب اول ثانوي ، ومسك بسادس ابتدائي. 2/ناصر وزوجته الاولئ ام سعود متوفيه والثانيه ام ليث عياله : سعود يشتغل مع خواله بشركاتهم عمره 26،ليث سنه ثالث خدمة اجتماعيه ،وريان ب اول جامعه ،ريانه ثاني ثانوي ، ومشاري بخامس ابتدائي 3/ محمد وزوجته ام عمر عياله/عمر بنفس قسم ليث وتخصصه، ريما بثالث ثانوي ، ضاري اول متوسط ،عامر خامس ابتدائي. 4/ عبدالله وام عبدالله عياله: نواف ثاني سنه تخصصه انقلش ، وخلود اول ثانوي ،غاده ثالث متوسط . 5/وافي وزوجته ام سلطان عياله:سلطان اول جامعه ،سلطانه ثالث ثانوي ،طلال ثاني متوسط. 6/خالد وزوجته ام راكان عياله؛راكان اول جامعه مع سلطان ،ريم ثاني ثانوي ،رغد اول متوسط. 7/سعد وهدئ مارزقهم الله عيال اما خواتهم ثنتين نوره متزوجه وعندها: فيصل عسكري ، سالم ثاني جامعه تخصصه انقلش، ساره ثالث ثانوي، سما اول ثانوي. ونوف اصغر وحده ب اخر سنه بالثانويه مخطوبه لفارس ولد عمها . . عايلة ابو ماجد متوفي: وام ماجد . ماجد متزوج بهمس ومطلق قبلها وحده وغازي يدرس بالجامعه قانون عناد عسكري وسيف يدرس طب ودنيا اصغر وحده توها اول سنه ادارة اعمال واختهم الكبيره متوفيه وعندها ولد اللي هو سعود . عايلة سامي وزوجته ام عادل اخته : اغصان صغيره ثاني سنه بالثانويه عياله: عادل رابع ابتدائي، بدر ثاني ابتدائي ، بدور بروضه . اما عايلة ساره ساره مطلقه وعندها بنت اسمها غموض وفهد للحين ماتزوج . وهذي الشخصيات اللي ملخبطين فيها اما الاعمار ماحب اربط نفسي بااعمارهم . |
رد: ومالي بدجئ العاشقين ملاذ! بقلم/غسق آلليلh
البارت(10) "لن يذهب لغيركِ شيئـاً كتبه الله لكِ،فطمئنِ" جالسه تطالعهم بضياع وعيونها تحكي عتب وكلام ماكانت متوقعه ابد اللي جالس يصير كل شي صار بسرعه ومن غير شورها ضعطت ع فخذها مستحيل تبكي طالعت بخالها اللي جالس يفطر براحه ولا ملقي لها بال وامها جالسه علئ كتبها وقفت وهي تتجه لخالها جلست بجنبه ع الكرسي وبصوت هادي: ماني رايحه معك فهد ببرود: ومن قالك بتروحين سويت توكيل غموض بجمود: خلاص بروح بنفسي وبسخريه بشوف زوج المستقبل فهد بهدوء وهو يتجاهل تصرفاتها وقف : جهزي اغراضك المهمه لان رحلتكم الساعه5 العصر غموض بصدمه وقفت : رحلت ايش فهد وهو يطالع ساره اللي ملامحها راحت فيها : امك جاها عرض من جامعة الملك فيصل بالدمام وبتنقل لهناك وانتي معها غموض عضت شفايفها بغضب: الله وزوج المستقبل وش شغلته فهد وهو يتقدم لها ويمسكها من ايدها : شغلته يملك علشان يصير يدخل عليكم ويشوف متطلباتكم لين وقت عرسك غموض وهي توخر يد فهد : قصدك محرم وبعدين من قالك بقعد من الدمام وب التفاته لامها انا لادخلت السعوديه على طول عند ابوي وبضحكه : يمكن يطلع ارحم منكم ويطلقني من هالسعود فهد ابتسم : ومن قالك بتشوفين اهل ابوك يكون بعلمك زواجك من سعود ماراح نعلنه الا اذ اضطرينا وغير هالكلام مافيه غموض بتعب وهي تجلس: عاد اللي عندي قلته وبنفذه امس لك كلام واليوم كلام فهد جلس وهو يحاول يهديها : اسمعني ي غموض سعود اذ اعلن زواجكم بيضطر يسكن عند اهله شلون تروحين وتسكنين عند اهله وتتركين امك فكري شوي بغيرك امك محتاجه احد يوقف معها ويساعدها شتت نظرها لمكان امها الخالي وبهمس : وانا اللي بيوم وليله تغيرت حياتي محتاجه من يوقف معي ي خالي ماتوقعت بيصير لي كذا وانا اللي متامله فيك مسحت دمعه تمردت ع خدها بقوه فهد وهو يجلس بجنبه ويحضنها ع جنب : انتي مصعبه الامور ي غموض طول عمري اقول عنك عاقله ورزينه وتفهمين الكلام وذكيه وب الاخير كلامك وتصرفاتك امس ماخلتني انام من التفكير رفع راسها له : اقسم بالله ان سعود ماهو مثل اللي تفكرين انتي وهو رافض فكرة انك تشوفين عمامك لانك اذ دخلتي ماطلعتي من عندهم وغير كذا امك ونفسيتها وحاولي قدر المستطاع تتركين هبالك وجنونك وتلتفتين لصحتها بغيابي وسعود ماراح يقصر معكم غموض : طيب سعود وش وضعه معي وبحياتي تنهد بهم: مدري ي غموض ملكه وبعدها يحلها الف حلال اهم شي انتي اهتمي ب امك بغيابي وسعود حاولي ماتهبلين فيه اللي جاه يكفيه غموض وهي تزم شفايفها بقهر: طيب ماني مهبلته تطمن ضحك وهو يشوف الغيره بملامحها : ضمها بقوه : خلاص يعني رضيتي غموض بخجل وهي تبعد عن عيون خالها: علشانك بس ابتسم وهو يشوف ملامحها غاصت من الحيا : اجل قومي جهزي اغراضك ولاتنسين شهاداتك غموض وقفت معه وحبيت راسه وانا ودي اتاسف بس مو قارده لاني ماحس نفسي غلطت تجاهلت الخوف اللي بقلبي من هالخطوه والحياه اللي بالنسبه لي مجهوله وعيت ع خالي وهو يضمني ويودعني وعيوني مدمعه وبهمس: يعني مااشوفك فهد وهو يبتسم : الا كلها شهرين واجيكم شوفي امك الباكيه وانتبهي لها زين وبتوصيه : تراني متطمن دامك معها غموض وهي تطالع امها اللي تشيك ع الجوازت وبجنبها واحد طويل وملامحه سمرا وحاده تجاهلت نظراته وهي تهمس: تراها امي ي خالي واعرف لها زين لاتخاف وتطمن وبهدو انتبه بس تبكي على الاطلال فهد ضحكت بقوه وانا احاول قد الامكان امسك نفسي ماتطيح دمعه : ومن انتي علشان ابكي عليك واصلا برتاح منك غموض خزته: اها ترتاح مني اجل سكتت وهي تشوف امها وسعود يتقدمون لهم وسعود بصوته الرجولي: يلا مشينا فهد وهو مبتسم: يخي شوي بس خلني اشبع منهم ساره وهي تتقدم وتحضن فهد لف وجهه سعود وهو منحرج من تصرفاتهم وبهمس: وش هالناس العالم تطالع. فهد ضحك وهو يشوف سعود شلون تعفست ملامحه : وانت شدخلك تراها اختي سعود وهو يهمس ويعينه على غموض اللي واقفه بهدوء: اخلص بس لاتطير الطياره فهد بهدوء : توصلون بالسلامه ماوصيك ي سعود قرب فهد منه وهو يهمس له بكلام جمدت ملامح سعود لحظات ابعد عنه فهد سعود : ابشر ي خالي بس خلنا ع تواصل فهد وهو يشوف غموض تاشر له تبي تسلم عليه : ان شاءالله وانت لاتنسئ تطمني تقدم مع سعود هو يودع غموض اللي توقع ممكن تبكي بس خابت ظنونه وهو يشوفها مبتسمه وهي توادع خالها وماتدري انه ممكن يكون اخر لقاء بينهم ركبوا الطياره جلست بجنب امها وهي تلمح سعود يجلس بالكرسي اللي قدامهم لفت لامها وبهمس:يمه ساره:هلا غموض بتفكير: ولاشي ساره سكتت وهي تشوف التشتت بعيونها وبهمس وهي تشددع ايد غموض:ريحي بالك وصفي راسك لاتفكرين بشي هزت راسها وهي تطالع الناس .. سعود من امس وانا جالس مع خالي وهو يشرح لي كيف كانت حياتهم وشلون صارت امور كثيره عرفتها عنها ماتوقعت عمي بهالقسوه يترك بنته ويتخلئ عنها طلعنا المطار وانا عيني ماطاحت عنها ودي اجلس معها واشوف اسلوبها وافكارها بس نظراتها الحاده ماعطتني مجال كنت اسمع همسها مع امها وتنهداتها اللي عورت قلبي مالومها اذ خايفه تواجه المجتمع وهالناس طول عمرها عايشه برا وفجأه ترجع لديرتها اللي افكارهم وعاداتهم غير والاهم كيف تتعايش معهم رجع راسه وهو يحاول يوزن الامور ويرتب لقى اهل ابوه على مهله ولايتسرع ويخرب كل شي وهو اللي تعب سنين يحاول يلقاها والحين لقاها وصارت زوجته حلف بداخله مايضيعها من ايده وهو اللي كان يشوف فيها الحياه وهي اللي كان عمه يفضفض لسعود عنها غمض عيونه ب استسلام .. .. بالرياض صرخ ياسر بقهر:انت وبعدين معك ريحني منك ي خي طفشتني سامي:خذها معك ياسر :ملكه وملكنا شلون تبيها اخذها معي الناس وش تقول عننا سامي بتجاهل:شرايك تشوفها ياسر وهو يعض اصبعه بغضب:وينها سامي بخيث :تعال معي .ياسر: استغربت وانا اصعد معه لغرفتها واللي زاد غضبي لمن شفته يطلع المفتاح كتمت الغضب وانا انهد حيلي من هالغبي من العصر لين 9بالليل وانا احاول افهمه رجف قلبي وانا اشوف الجسم الصغير بعبايتها وثوبها المدرسه واثار الضرب مازالت فيها وبقع الدم اللي علئ شفايفها وبخوف:انت شمسوي فيها سامي:ابد مثل مانت شايف كلما اجلت زواجك طلعت الحره بزوجتك ياسر من غير لايحس تقدم له وهو يضربه وبصراخ؛انت مجنون تطلع حيلك ب اختك المسكينه مانشف دمعها ع امها وانت تستعرض رجولتك عليها بدال ماتسندها وتصير عزوتها بس الشرهه علي اللي ناسبت واحد مثلك والله لولا عمي وهالمسكينه كان تبريت منك ومن قرابتك حذفه عقب ماطلع حرته فيه نادا الخدامه تجمع اغراضها وكتبها وكل شي لها جلس ع طرف السرير وهو يشوف سامي يترنح بمشيته:خذها ولاعاد اشوفكم ياسر سكت وهو يتامل غرفتها وكبرها وبهمس:ياليت لو اقدر انسيك ولا اواجه فيك امي وخواتي تذكر كره امه وحقدها لعايلة عمه وخواته بسبب عمه اللي تزوج خالته وطلقها عقب ام اغصان وسامي ومنها قطعو صلتهم الحريم بعايلة عمه وحلفت امه انه مايتمم زواجه ب اغصان وخالاته وزعلهم والاهم خالته اللي ماتداني سيرتهم بلع ريقه وهو يحاول يصحيها قرب بخوف وهو يحط يده ع قلبها وهو يحس بنبضاتها تنهد براحه توقع من التعب ماهي حاسه بس ماكان يدري انها حاسه عليهم من دخلو بس خوفها اكبر من انها تفتح عيونها وتنصدم بواقعها بلل ايده وهو يمسحها بخفه ع وجهها فزت بخوف وهي ترجع ع ورا ياسر بخفوت: بسم الله عليك لاتخافين عبالي صار لك شي وبتذكير انا ياسر ولد عمك وبسخريه وزوجك اغصان هزت راسها بخوف وهي تبعد هن انظاره ومتجاهله نبرة السخريه ياسر وهو يشوف الخوف بعيونها وبهدوء: قومي غيري لبسك وغسلي الدم اللي بوجهك وتجهزي بنطلع لبيتنا قامت بسرعه وهي تبعد عنه وبهم : ليه يقول بيتنا ليش يجمعني فيه دخلت الحمام وهي تاخذ شور ع السريع تحاول تتجاهل فيه اللي جالس يصير وكلامهم ياسر بهمس: حرام هالزين تبكي حسبي الله عليك ياسامي - [ ] طلعت من الحمام وهي تتجه لغرفة الملابس طلعت لها بجامه ولبستها ع السريع ماهي دقايق الا ياسر عند بابها واقف وبهدوء:يلا نمشي - [ ] اغصان بخوف:وين - [ ] ياسر وهو يتاملها :الفندق وعقبها يحلها ربك سكتت وجسمها يشتد عليها من الوجع وجروحها رطبه وقفت وهي تطلع عباتها وتمشي وراه - [ ] وصلت الفندق وانا اراقب تحركاتها من ركبت وايدينها ترجف وملامحها مخطوفه خليتها علئ راحتها ولا كلمتها من نزلنا توجهت للغرفه ع طول قمت بتفاهم معها دخلت الغرفه ولا هي معطتني ظهرها وعلئ بجامتها بقع دم قرب من عندها وهي سرحانه مسك ظهره صرخت بوجع وخوف دمعة عيونها لاتضغط الله يخليك - [ ] ياسر بحنيه:يوجعك - [ ] طلحت دمعتها وهي خايفه :ايه - [ ] ياسر :طيب ليش ماقلتي لي - [ ] سكتت وهي تمسح دموعها ياسر:بروح اجيب لك كريمات لاتتحركين - [ ] دنقت راسها لمن طلع وبكت بقهر علئ حالها ماكانت تتمنئ يصير معها مذا وتطلع بالمنظر هذا لياسر مهما كان كانت تبي اخوها يسندها مو يفشلها ويذلها اذ اخوي سوا كذا وش انتظر من ياسر - [ ] سكنت ملامحها وجسمها متكسر حست بخمول وهي تميل ع الاريكه وتحضن نفسها ماهي ثواني الا غارقانه بالنوم - ... بالدمام - دخل بتعب وعليه بدلته العسكريه - سعد:هدئ - هدئ طلعت من المطبخ :هلا - سعد وهو يجلس :بعد الغدا بنروح لدكتوره تجهزي - هدئ نفخت خدودها بملل:سعد والله تعبت خلاص من دكتور لحرمه شعبيه - سعد وقف وهو مطنشها:قلت لك تجهزي - وبنبره هاديه:ماتدرين يمكن يرزقنا ربي نعمل بالاسباب والباقي علئ الله - تنهدت :طيب بدل وتعال تغدا - سعد وهو يدخل الغرفه:طيب - [ ] ... - [ ] ... - عند ام ماجد جالسه وحاطه قهوتها - دخل سيف وهو يشوفها لحالها :غريبه ام ماجد قاعده هالوقت - امه ب ابتسامه:يمه منك طول عمري اقعد هالوقت انت اللي تسحبها نومه - سيف :ههههههههههه اي والله تكسرت يايمه مابين الشركه والجامعه - [ ] ام ماجد:ماعليه يوليدي فتره وتعدي - [ ] ابتسم وهو يهز راسه :الا ماجد وينه - [ ] امه بضيق:طلع وماظنتي بعد نام - [ ] سكت وهو يشوف دنيا نازله وعليها عباتها وقف سيف :ع وين - [ ] دنيا وهي تسكر عباتها :عندي محاظره - [ ] سيف وهو يلبس نظراته:اجل اوديك انا ع طريقي - [ ] دنيا :تمام بس بمر ستار بوكس بجيب للبنات كوفي - [ ] سيف :خير ان شاءالله ومشئ وهو يستعجلها - [ ] دنيا حبت راس امها وطلعت ورا سيف - [ ] ام ماجد:استودعتكم الله - [ ] ... - [ ] ... - [ ] عند ماجد اللي من قعد مشئ لخاله وتقهوا عنده وقلب السالفه علئ همس - [ ] خاله:ابد ي ماجد مايجي المغرب الا هي بيتك - [ ] ماجد بخبث:لا ي خالي كله ولاتغصب همس - [ ] خاله بغضب:تستاهل اللي يذبحها ويغصبها سامحني يوليدي ماعرفت اربي - [ ] ابتسم وهو يوقف :يلا عن اذنك ومثل ماقلت لك ي خالي تراني ماني عاجز اطلقها بس الناس وش تقول بعدين عنها - [ ] خلها تتسنع عقلها ووترجع بيتها افكار الغرب معششه براسها - [ ] خاله:ان شاءالله اليوم هي عندك - [ ] طلع من عند خاله وهو مستانس اهلها وبيصيرون ضدها نشوف يهمس من كلمته تمشي. - .. - [ .. - [ ] بالقريه - [ ] عض شفته بقهر وهو يقرا رفض خويه مساعدته بحجة المسأله - [ ] عبدالعزيز وهو عاشر مره يدق ع فهد ومغلق وخويه رافض يساعده ويسال - [ ] وش الحل الحين ماهي دقايق الا تجيه رساله من خويه وهو مصور شهادة الوفاة حقت غموض اللي اصدروها الصبح بنفس التوقيت اللي طارت فيه لسعوديه - [ ] تاملها ببرود وبهمس:كذبه ورا كذبه يفهد - [ ] والله ماكون عبدالعزيز ان ماجبتها اجل كل من هب ودب عرفها هذا وانا موصيه عليها بس هين كل شي بوقته حلو - رجع ظهره ع الكرسي وهو يتامل اللوحه اللي قدامه :غموض فهد اجل - ضحك بسخريه:والله ان ماطلعتك من تحت الارض مااكون عبدالعزيز. .. .. الئ هنا بحفظ ربي |
رد: ومالي بدجئ العاشقين ملاذ! بقلم/غسق آلليلh
نقلت لكم كل البارتات اللي نزلتها الكاتبه للآن وراح أتابع نقل البارتات لكم مع الكاتبه إن شاء الله قراءة ممتعة لكم ...... وردود ممتعة لنا ولكم ...... |
رد: ومالي بدجئ العاشقين ملاذ! بقلم/غسق آلليلh
ياصبااح الشووووق
انا من شفت اسم فيتو وانا جايه مدرعمه حتى قبل اقرأ الروايه فيتوو .. كنك داريه عني كل يوم ادخل واطلع ابي شي يروي عطشنا عقب جنون المطر .. الله يرد كاتبتنا ويبشرنا بعافيتها وكل مريض ياارب لي عودة بعد القراءة ... |
رد: ومالي بدجئ العاشقين ملاذ! بقلم/غسق آلليلh
اقتباس:
حياك يالقمر بنفسه ههههههههههه وإن شاء الله تعجبك وفيه روايات ودي أنقلها لكن منتظره وقت فراغ وأتأكد منها وعندك حاليا في الوحي رواية غار الغرام لنبض أفكاري حلوه أنا متابعتها وآمين ربي يرد برد المشاعر والله قلقانه عليها ربي يطمنها ويطمنا عليها وترجع بالسلامه |
رد: ومالي بدجئ العاشقين ملاذ! بقلم/غسق آلليلh
تكملت البارت العاشر . . . الساعه 10 بليل رجعو البنات مع عمهم عبدالعزيز الا نوف اللي اصرت عليها ساره تنام عندها وتطلع معها للمدرسه جالسه بغرفة ساره ساره وهي تجلس ع السرير مقابل نوف وبصوت بان فيه الهم: عطيني حل عجزت اقنع ابوي يهدا ولا امي راضيه بعد نوف بتفكير : والله ياسارونه مدري بس غريبه عقب هالعمر ابوتس بيعرس طيب فصيل وسالم وش رايهم ساره بقهر: ع اساس همه فصيل تهاوش مع ابوي وراح عندكم وسالم اللي ي حياتي بس يركض علشان يرضي ابوي ويرضي امي وبقهر : انا مو قاهرني غير عمي هو اللي حط الفكره براسه ولا وفوق هذا يبوني اخذ ولده نوف : سلامات مو تحاليلكم سلبيه وولده داشر ليش المغامره صحتس وحياتس اهم هذا زواج مو لعبه . ساره بتعب: تعالي فهمي عاد عمي وابوي نوف : لاتسكتين علمي ابوي عليه اكيد يقدر يسوي شي تذكرين المره الاولئ شسوا ساره: واذ علمته بيعرضني ع عيال خالي وانا اللي بالاخير ب انهان . نوف بلعت ريقها بخفوت وهي تفكر تعلم مشعل بس ريانه اللي معلقه نفسها فيه ساره حياتها صعبه ابوها اللي تغير عليهم وغير كذا ماهو راضي تكمل جامعه وبيزوجها ولد عمها الداشر رغم التحاليل السلبيه مافيه الا مشعل هو اطيب واحد من عيال اخوانها واقرب شي لها ساره وهي تطالع نوف: وين رحتي نوف باابتسامه صفرا: معتس ساره بخفوت: احسني بطق مليت والله تخيلي تاخذين واحد ابوه يحرض ابوتس علئ امتس ..امي وقفت كثير مع ابوي تحملت ابوي واهله تخيلي انها تطبخ الذبايح لهم وحريم عمامي مايساعدونها بشي وغير هذا اكثر انسان ساعدته هو عمي من يجي تقوم فيه قومه من فرش لين عشا والغدا يجيه لين فراشه ولا عزايم اخويانه يطلبها وتقوم فيهم ولو غيرها ماترضئ وزوجته من بيت لبيت وامي اللي مهتمه فيه...واخرته بيزوج ابوي قسم بالله شي يقهر ابوي طول عمره ماهاوشني ولا غصبني علئ شي والحين معند يقول ماتكملين الجامعه تكملينها لاخذتي سلمان طاحت دمعتها ابوي تغير صاير مايتحمل كلمه من امي وامي ساكته وصابره عليه وهو رجع يتصبغ ويتزين ويتشبب علشان الخطبه وامي للحين ماعلمت احد من خوالي يوقفه عند حده دنقت راسها وهي تبكي بنحيب ضمتها نوف وهي تبكي ع حالها: حسبي الله ونعم الوكيل ساره ببكئ: ابوي ماعمره ضرب امي اول امس ضربها وهو الغلطان عليها علشانها بس رفضت تطبخ لعمي الفطور شلون يبيها تطبخ الفطورله وهو اللي سعئ لخراب بيتها تخيلي امي تتطلق عقب العمر وينوخذ بيتها مو شي يقهر ونتشتت من متئ ابوي يعصب ولا مايتحمل الحرف مننا طاير بهالخطبه عسئ ربي لايتممها ع خير نوف وهي تمسح دموع ساره: ماعليه ي حبيبتي مصيره بيهدا ويدري انه غلطان ويجي يتسمح منكم ساره: فيصل ماصار يقعد بالبيت والسبب ابوي تهاوش هو وياه من اسبوع وطرده قاله لاتدخل بيتي لين تصير رجال علشان رفض زواجي من سلمان وحلف الا يخرب خطبة ابوي نوف: خلاص ي قلبي هدي نفستس بكره الجمعه بيتنا وعلمي ابوي بكل شي يمكن يقدر يصلحهم ع بعض ساره ميلت شفايفها ع جنب: لاعاف الخاطر ماعاد فيه شي يتصلح الا حنا لانه ابونا ممكن نسامحه بس امي ماظنتي بتسامحه يمكن تجلس معنا بس تمحي ابوي من حياتها نوف بصبر :امتس ماشاءالله قويه صبرت ع اشياء ماتنصبر عليها لو مكانها والله اتطلق من اول يوم بس شوفي امتس قويه تبتسي ثواني وبثواني ترجع نوره القويه اللي الكل يهابها ولا يقدر يفتح حلقه بكلمه عليها مسكتتهم بطيبها وفعايلها وراها اخوان لو يدرون باللي يصير لها اقسم بالله لايقلبون الدنيا ع راس ابوتس وانتي ادرئ بخوالتس وغلا نوره عندهم هدي نفستس ومو صاير شي مع الايام بيجيكم ندمان قد شعر راسه وسلمان مانتي ماخذته لو تنطبق السما ع الارض ساره هزت راسها بتفهم: ياليت اللي قلتيه يصير ياليت نوف وهي ترفع راس ساره ويمرح: قومي غسلي وجهك وانا بنزل اسووي قهوه ونسهر مع نوره وسما ولعلمتس بكره غياب جماعي علشان جمعتنا ساره وقفت وهي تجهه للحمام: سما دجاجه نامت من راحو البنات والبنات بيغيبون نوف وهي توقف وتاخذ جوالها : ايه متفقين خميس بكره .... اجل انا بروح تحت اجهز الاغراض وبرسل خدامتكم تجيب لنا لوازم السهره ساره : طيب ...ساره : غسلت وجهي وانا حاسه براحه عقب كلام نوف بس من غير لاحس نزلت دموعي بحسره ع حالتنا اللي تغيرت ابوي اللي كان اماني وكنت احمد ربي عليه بسبب اللي كنت اشوفه عند عمامي وشدتهم ع بناتهم وتزويجهم بدري كان ابوي الوحيد اللي غير عنهم صحيح شديد ع امي بس علينا كان حنون بشكل بس عمي طبخ طبخته ع نار هاديه من سنتين وهو يوسوس براس ابوي لين ماقلب علينا ولا يبيني اخذ ولده الداشر اذكر يوم الخطبه والتحاليل قامو خوالي وعصبو بقت تصير مذبحه بس الله ستر وحلفو مايملك دام التحاليل سلبيه مايدرون انه بيملك بسر علشان خوالي مايقومون مثل ذيك المره مسحت دموعي بخوف من اللي جاي طلعت وانا اسمع نوف تناديني طلعت من غرفتي وعند الدرج: يلا جايه نوف سوت القهوه وطلعت الحلا وحطتهم بالمجلس وجلست عند نوره نوره: يهلا ب اخيتي من زمان عنتس نوف: شسوي مابين الدراسه ونوم نوره بهدو: ابوي قالي ان زواجتس بعيد الفطر نوف بضيق وهي تشتت نظرها:لاتذكريني بهالسيره تكفين نوره: ليش ي نوف ترا فروس انا ربيته وامي معي طيب وحبيب ونفس طبعنا نوف : عارفه انه حبيب وطيب ومافي مثله بس خطبته بينه وبين ابوي لاجا وقته وخطبني رسمي ومع عمي ذيك الساعه اتقبله اصلا حتئ رايي ماخذوه نوره بعتب: اسمعيني زين زواجك ع كلام ابوي بعيد الفطر ماباقي عليه شي واذ ع الخطبه والملكه يكون بعلمك ابوي دق علي المغرب واتفق مع فايز ع يوم الخميس الجاي تكون الملكه ابدي جهزي نفستس وشوفي وش ناقصتس ترا مابقئ وقت حنا بشهر 6 هالحين نوف مدت شفايفها بزعل: يصير خير ساره دخلت والابتسامه محليته: لا لا دام فيها مدة شفايف اكيد فويرس بالسيره نوف : الله يعيني بسس نوره ابتسمت: الله يوفقتس ويسعدتس يارب وعلميني وش ناقصتس علشان اعاونتس نوف بشرود: طيب هو مو موظف شلون اربط مصيري فيه نوره : ابوه يصرف عليه ماعنده الا فارس وانتي عارفه ان عمك عنده فلوس الدنيا نوف بقهر: اوف بس حرمه ياخذ من ابوه ابيه هو يعتمد علئ نفسه نوره: لاخذتيه سنعيه وقتها نوف صدته بقهر ساره ب ابتسامه: ابتسمي اشوف ترا رجلتس يقولون يوسع الخاطر نوف اخذت علية المنديل وحذفتها ع ساره ضحكت ساره وهي تشوف شلون وجهها حمر من القهر .. .. عند البنات اللي نامو عند جدتهم فرشو الفرش وانسدحو ريانه وجنبها سلطانه وبهمس: حاسه عمي وراه سالفه سلطانه وهي تهمس: قومي للصاله ماينفع هنا جدتي لاتحس علينا قامو ورا بعض ريم وريما اللي مانمو بعد ..قومي وراهم قامو مع بطانياتهم ورا ريانه وسلطانه ريانه وهي تمشي والدنيا ظلام حست بشي مسكها من كتفها جمدت بخوف وهي تاشر لسلطانه اللي مشغله فلاش جوالها سلطانه صرخت بخوف وهي تشوف الظل ريانه ببكئ :بنت الحقيني فيه شي ع كتفي سلطانه وهي تحط الفلاش ع ريانه الا ريم وريما ضحكوا بقوه : ي خوفات سلطانه وهي تنزع زنوبتها وتضربهم : قسم بالله ماتستحن ع وجيهكن خلقه خايفات ليش هالحركات ريم وهي تعدل بطانيتها: اقول امشو نسوي اكل ونسهر ع فلم بغرفة نوف ريانه اللي متسمره بخوف : الله ياخذتس ي ريم ريم وهي تدف ريما من كتفها: تراها راعية الفكره انا شدخلني تدعون علي بس سلطانه وهي تتجه للمطبخ امشو بس قبل لايجون العيال ريانه: ريان يقول انهم جو من البر ونامو ببيت الشعر اللي عند جدي سلطانه: اشو اريح لنا اتجهن للمطبخ وهن يجهزن فشار وقهوه والحلويات وبهدو: بنات ماتحسون عمتي ماهي ع بعضها وساره بعد ريم: الا والله باين ع وجيهم ريانه وهي تقطع الحلا: عاد سمعت مدري هو صدز ولاتسذب من امي ان زوجها ناوي يتزوج عليها يقول يبي عيال ريما بقهر: هالشايب مو مكفيه اللي عنده غيره يتمنئ واحد بس سلطانه: الله يعين عمتي والله اذ هالخبر صدز بيتشمتون فيها حريم القريه ريم: ع اساس عمتي يهمها بكلمه وحده تسكتهم كلهم ولاجت ولا وحده تقدر تنطق ريانه: مهما كانت قويه بالاخير بتنكسر حتئ لو ماتحبه بس كلام الناس مايرحم وخاصه عقب هالعمر وعيالها رجال وبناتها طولها تتطلق ولاتنحط ع راسها شريكه قويه بحقها سلطانه: ان شاءالله مايتمم عرسه البنات : امين يارب ... .. قبل ساعتين جالسين بمجلس الرجال ضاري جالس بشموخ وعصاته معه ونظراته ع فايز اللي وجهه مسود ومرهق : فايز فايز: سم ضاري وهو يطالع عياله قدامه وعيال عياله اللي دخلو :قل لولدك يجهز نفسه الخميس الملكه فايز ب استغراب:تو الناس البنت للحينها تدرس والولد يدرس ضاري: قلت اللي عندي وبكره نحجز الصاله عرسهم ثامن عيد فايز سكت وهو يشوف اخوه مخطط وخالص : علئ خير فيصل وقف وقفو وراه العيال تقدم من جده وهو يحب راسه ويستاذنه ينام .. جدهم وهو يطالعهم يطلعون جاه هاجوسه وخوفه يتكرر اللي سواه عبدالعزيز طالع وجيه عياله وهم يلعبون ورقه ماعد ناصر اللي جالس ع جواله ضاري: ناصر وليدك وينه ناصر: راح ينام مع العيال ضاري وهو يوقف ع عصاه: بكرك ناصر لاحول الله ! : عند خواله ضاري بهدو: بكره خله يرجع ابيه افاتحه بخطبة بنت ابو صالح عبدالعزيز: خير ماتسوي عمره يمشي وهو ياجل هالزواج ناصر سكت وهو يشوف الخبث بعيون عبدالعزيز عرف ان اخوه للحين شايل علئ سعود ناصر بكل برود: بس اذ رفض ماحد يغصبه ضاري وهو يمشي متجهه للباب: توك تهتم لرايه ناصر وهو يطالع ظهر ابوه: انا اقولها لكم وليدي اذ رفض ماحد يغصبه ضاري طنشه وهو يتجه للبيت عبدالعزيز : وانت ليش مصر انه رافض خالد: يخي خلوه ع راحته وافي: لا نبي طقطقه من زمان مارقصنا محمد : هههههههههه عيالك طولك وانت همك الرقص وافي: واللي عياله طوله مايرقص من زمان مافرحنا الصراحه اخر مره بعرس سعد قبل خمس سنين نبي اجواء العرس عبدالعزيز وهو يحذف الورقه ويسند ظهره علئ المركه : بنفرح وبتصير الفرحه فرحتين ناصر ب استغراب: بتزوج مشعل عبدالعزيز: يمكن ليش لا ضحك وهو يطالع اخوانه يطالعون له ب استغراب وبهمس : موضوع ثاني وقف وهو ياخذ شماغه وحاس بفرحه بداخله الاخبار اللي جته قبل شوي خلته يطير من الفرحه وبهمس: جابتس الله وانا ماسعيت لتس تذكر خويه اللي موظف جوازات بالمطار دق عليه طارق:الو ابو مشعل عبدالعزيز: هلابك اخبارك ي بو هلا طارق: بخير بس عتبان عليك تجي الدمام ولاتعلمني علشان بنتك عبدالعزيز بهدو: بنت وبهمس غموض طارق : ايه غموض اليوم شفت الاسم وعرفت سعود بعد بس ماعرفني ... وانت اكيد جاي تستقبلهم عبدالعزيز: ههههههه ايه اكيد سعود طارق : ايه زوجها سعود ولد ناصر اخوك عبدالعزيز: يخوك سالفه طويله بس انتبه تطلع لاحد وانا ماجيت للدمام اصلاً طارق: ليش عبدالعزيز: لاشفتك علمتك احفظ السر عندك طارق : ابشر يلا عن اذنك عندي شغل سكر وهو مبتسم اجل كذا ي سعود تتزوج بنتي وتعرف مكانها ولاتعلمني وانا اللي كنت اشكي لك طيوفها ومخليك ذراعي اليمين واخرته تطلع انت معك كل شي بحسابه ي سعود .. .. .. "أنا البْلد المهجُور..أتهابين الظلام أم العبّور؟". الساعه عشره بليل . بالدمام طلعو من مطار الملك فهد بصعوبه وتعب سعود : عمه عندي شقه بالفندق تبين اوديكم لهاهالحين ولاصحيتو ننقل لشقه تختارونها انتم ساره: عادي ي سعود اهم شي مكان ننام فيه هز راسه بصمت وهو يسوق غموض سندت راسها ع امها وهي ظهرها متيبس من الوجع وصل فندقه نزلو اغراضهم مشت وراه ساره وهي ماسكه ايد غموض اللي يالله تتحرك من النوم فتح الشقه وهو معلمهم ينظفونها قبل لايجي وينقضون للثلاجه سعود: حياكم الله دخلو سعود بهمس: عمه هذا مفتاح الشقه طلع جواله الكشاف وهو يعطيه ساره: هذا جوالي اذ احتجتو دقي علي مسجل رقمي بالجوال وبكره من تقعدون دقي علي نطلع نشوف الشقق واطلع لكم شرايح ساره: ان شاءالله بس وين راح تنام سعود: بروح لخوالي انام عندهم واذ احتجتو اي شي دقو علي ساره: ان شاءلله جزاك الله خير سعود ابتسم: امين وعلمي غموض بكره لاخلصنا بجلس بعلمها ع بعض الامور ساره: ان شاءالله هز راسه وهو يطلع يتجه لسيارته حرك سيارته لخواله .. عند غموض اللي دخلت ع طول غرفته ونامت علئ السرير ظلت ساره لحالها اللي تطالع الشقه وتتفحصها تاملت المطبخ اللي داخل بصاله وغرفته المكشوفه ع الصاله بنظام امريكي وبلكونته اللي تطل ع الكورنيش وبهمس: عزابي وعايش بشقه فخمه غريبه وبخوف من افكارها الله يستر بس تحركت للغرفه وهي تطلع لها لبس وتاخذ شور سريع وتنام .. وصل لخواله نزل بسكون وهو يشوف غازي يسفط معه غازي: وانا اشوف الدمام منوره سعود ب ابتسامه: نورك ي الخال وبهدو عناد موجود غازي: للاسف عنده استلام يطلع 8 الصبح سعود وهو يمشي معه : حلو دخلو وهو يشوف امه جالسه وعندها دنيا وسيف فزت ام ماجد ووقفت تقدم لها سعود ب ابتسامه وهو يسلم عليها ويحضنها ام ماجد ودموعها نزلت وهو من دخل ملامحه مرهقه وعيونه ذابله همست له: وش فيك يقلب امك سعود وهو يحب ايدها وبحب: مافيني غير العافيه وشوقي لتس ي الغاليه ابعد عنها وهو يسلم علئ سيف ويحضن دنيا دنيا: نورت الدمام والله ضحك وهو يجلس عند جدته اللي احضنت ايدينه : منوره بهالمزيونه ضحكوا سعود : حسستوني اخذت اسبوع ترا يوم وليله بس جلستها ام ماجد : كانها سنه يوليدي ابتسم سعود : الله لايحرمني منتس ي الغاليه وبضحكه: ماعندكم عشا ترا ميت جوع ومن زمان عن كبسة دنيا دنيا وهي تقوم: تامر كم سعود عندي ساعه بالكثير واخلص سيف: اعملي حسابي معه دنيا : توك متعشي سيف وهو يلعب بحواجبه: كيفي عاد ابي اتعشئ مع سعود وقفت ام ماجد وهي تمسك ايدين سعود : ابيك بسالفه وقف معها وهو يمشي معها سيف بقهر: ترا انا ولدتس بعد مو بس هذا سعود : يالليل العذال بس ام ماجد ماردت عليهم وهي تدخل قسمها وريحة بخور العود طالعه لبرا وتسكر الباب ومعها سعود جلست علئ الكنبه : ها بشرني حصلته ولا سعود جلس وبهدوء هو يشتت انظاره لجناح جدته الفخم والبخور اللي يحس بيفضحه : لقيته وعطاني توكيل لانه مايقدر يجي للسعوديه ام ماجد رفعت حاجبه: وليش ان شاءالله مايجي ويشوف واخوانه ولا كارهنا ولا يبي شوفتنا. سعود وهو يمسك نفسه وهو يحس بتعب من ريحة البخور: لا يايمه ان بعض الظن اثم انا شفته بنفسي والله انه رجال ماعليه وطيب بس حصلت له سالفه وبيطول ع مايحلها ومايقدر يجي ويتركها ويترك اهله بعدها صد وهو يبعد عن انظاره عن عيون جدته ام ماجد : اعرفك من عيونك وش مخبي عني ي سعود سعود وهو حاس بالكتمه تزيد عليه : ولا شي يالغاليه عن اذنك بريح شوي واذ خلص العشا دقو علي وقف وهو يتجه لجناحه اللي من فتحه فاحت عليه ريحة بخور العود وزادة الوضع رجع وهو مو قادر يدخل وبدا يحس الكتمه تزيد عليه توجه لتحت وهو شبه يركض وسيف اللي كان عند دنيا بالمطبخ مانتبه وصل لسيارته وهو بالقوه يتنفس غازي اللي دخل مع سعود ورجع طلع علشان خويه اللي دق عليه ...جالس بالحديقه لمح سعود وهو يركض لسيارته استغرب وهو يوقف ويلحقه سعود اللي ركب السياره ويدور علاجه مالقاه وهو يتذكر ان الهندي نزل اغراضه مع اغراض ساره وغموض تنهد بتعب وهو يسند راسه فتح الباب غازي وهو يشوفه يشغل السياره غازي بخوف: والله ماتسوق وانت بهالحاله سعود بتعب : يرجال متعود ابعد عن طريقي بس غازي : انزل واركب من الباب الثاني سعود وهو مافيه حيل يناقش نزل وهو بالقوه يمشي ويركب من الباب الثاني غازي ركب مكان سعود :وين المستشفئ سعود وهو ياخذ نفس: الفندق علاجي هناك غازي: اللي كنت قبل تروح له سعود: هز راسه وهو يستند ع الكرسي .. غازي مسرع ومعصب من كاميرات ساهر اللي لقطته اكثر من مره وقف عند الفندق نزل سعود ومعه غازي طلع جواله وهو يدق ع ساره ساره اللي كانت غرقانه بالنوم والجوال يشحن من ناحية غموض اللي صحت وجلست تدور لها اكل رجعت وهي تسمع الجوال يدق رفعته وهي تشوف اسم سعود فكرت ترد بعدين سكرت بوجهه .. .. عند سعد وهدئ عقب مامروا الدكتوره واللي بشرتهم ان مع الاستمرار ع الابر والعلاجات ممكن يصير حمل بالسياره: هدئ: اقول سعد يوم السبت برجع حايل علشان الدوام سعد : يوه ودوامتس متئ يخلص هدئ: قبل الاختبارات ب اسبوع يعني بشهر سبعه كذا اعطل سعد: طيب العلاج يبي له الاقل شهرين هدئ تنهدت ب اسئ: والله مدري ي سعد عادي اخذهم معي والابر اضربهم ب المستوصف اللي بالقريه سعد بضيق : الحين لارجعتي ابوي بينجن ويحط اللوم علي بيقول شلون تخلي زوجتك عند اهلها ومن هالكلام ولا يرجع يفتح سيرة الزواج لفت وجهها ع الدريشه وهي حاسه بضيق ..تعرفون احساس الضياع هذا انا اعيشه من ثلاث سنين مع سعد اول سنتين الناس معي ويرحبون فيني وبعدها قلبو علي علشان العيال مرات اقسسئ ع سعد ومرات احن ومرات اجلس ابكي احس بشعور اللي مابين السما والارض مره اجيه بكل حبي ومرات امسك نفسي واعودها علئ غيابه ب اي دقيقه عمي بيروح يخطب له ماني هامته اذ عمامي كلهم واقفين معه وبيزوجونه انا ماني عقيم بس يبي لي وقت ع مااتعالج عالجت السنين اللي طافت بس كنت اتعب ومااكمل الا المره هذي علشان بس سعد ولمعة عيونه لاجابو طاري العيال وتشفقه علئ طفل ولا انا مات احساسي وانا اشوف الكل واقف ضدي حتئ سعد يمكن بيوم وليله يتغير علي ويتزوج علئ كثر ماحنو عليه احس بيجي يوم ويرضئ وياخذ علي تنهدت بضيق وانا اسمع سعد مازال يسولف سعد: لاجانا ولد وش تسمينه واذ بنت هدئ بنبره هاديه: انت ابوهم وسمهم سعد وهو متضايق من سلبيتها: وانتي امهم ترا سكت تس السنين اللي طافت علشان دراستس بس هالحين ماعندتس عذر اذا انتي تعبتي مره انا تعبت الف وانا احاول اقنع اهلي مااخذ عليتس هذا غير كلام الناس عننا هدئ بنبره بارده: وانا قلت شي كلنا تعبنا وكلنا بكينا بالخفئ مليون مره بسبب هالموضوع ونظرات الحريم لي ونغزات حريم اخوانك ولا نظرات حريم اخواني لي واذ الوحده حملت تخاف تقولي علشان ماحسدها كل هالاشيا شفتها وشبعت والحمدالله علئ كل حال اذ الله كاتبه بيصير ي سعد وانت سمعت الدكتوره وش قالت انا ماني عقيم علاجات بسيطه وان شاءالله يصير الحمل سعد سكتت وانا ندمان اني فتحت الموضوع ليتني سكت ولاناقشتها انا اعرفها واعرف انها انسانه تذبح نفسها بتفكير تنهدت بضيق وبهمس: شرايتس نروح الجمعيه ونتقضئ للثلاجه هدئ: طيب توجهت لبنده وانا احاول انسيها الموضوع .. .. نرجع للعصر واللي ببيت اهل همس جالس بصاله اللي مفتوحه ع البيت وبصراخ : همسس همس اللي كانت بالمطبخ مع مرة اخوها تسوي حلا همس : هلا يبه ابوها بغضب: لاهلا ولامسهله اجل رافعه صوتك ع رجلك وطالعه من غير شوره همس بهدو وهي تمسك نفسها ماترفع صوتها: يبه الله يهداك من متئ ارفع صوتي عليكم ولاعلئ زوجي واذ هو قال لك كم كلمه وصدقته تراه كذاب ابوها : اقول اللي براسك طيحيه والمغرب ترجعين همس : ماني راجعه له لو ايش مايصير ابوها بغضب: علئ اخر عمري بتفرقين بييني وبين اختي وعيالها همس : مافرقت بين احد وعمتي لو تدق عليها وتسالها بتقولك ان ولدها غلطان يايبه انا عمري يمشي ولاني ناطره ماجد يحن ولايغفر لي علشان موضوع قديم يوقف حياتي اللي بعمري معهم اطفال وانا صابره ست شهوركامله وانا عنده ماشفت منه الاحترام واخرته جاي يكذب علي قطعت كلامها وهي تشوف مناف ورائد وذعار يدخلون وهم سامعين اصواتهم ذعار ورائد اللي معلمهم مناف باللي صار ذعار: يبه اسمح لي اختي ماراح ترجع له ابوهم وهو يستغفر: تبونها تجلس عندي وش تسوي والناس وش يسكتهم بيقولون ماطلقها الا بها البلا ذعار : اقص لسان اللي يتكلم عليها بحرف اختي الكل يعرفها ويشهد لها ب اخلاقها وماجد هو اللي خسرها وهذا انا احلف والله اللي رفع السما من غير عمد ماترجع وان رجعت غصبن عنها اطلق مرتي وانت كيفك يايبه وقف بضيق:لاحول الله بس وش يسكت هالماجد رائد: ياكل تبن هالماجد لو انه رجال جاء وواجهنا مو جايك لحالك ويكذب عليها بعد سكت وهو يطلع بضيق التفتو لهمس اللي شهقت دنقت راسها وانهارت تقدمو لها حضنها ذعار : اقسم بالله مايفرح فيك هالكلب رائد وهو يحاول يحضنها : اقول وخر عنها بس انا ابي احضنها بعد مناف ابتسم وهو يشوفهم وبهدوا: هموسه تجهزي وبنطلع مثل طلعاتنا ذيك غمز لها ابتسمت وهي تشوف لمتهم حولها ذعار ورائد : وحنا معكم همس: وحريمكم ذعار: والله انتي اهم بعدين بنجلس جلسه عائليه دفته: تراها بالمطبخ ذعار بتمثيل وهو يوقف: يبعد عمري هي بس ابرك من وجيهكم وبصوت منخفض : بطلعكم لمكان يحبه قلبكم هزت راسها وهي تبعد عن حضن رائد : بروح اتجهز مناف : يلا نستانكم انا باخذك معي رائد: وانا بركب معك وبتمثيل: تعرف البنزين غالي وانا ابو عيال اكسب فيني اجر وخدني معك ذعار وهو يتجه للمطبخ: وانا معك بعد البنزين غالي مناف وهو يزفر: ومن قالك لكم اني موظف ترا انتم الموظفين مو انا اصرف عليكم رائد:هههههههههههههههههههه عادي مره وحده بالسنه ي بخيل مناف وهو يشوف أسر عمره سنتين ولد ذعار جاي : ها جاك اسوري وش يفكنا الحين .. .. بالرياض : رجع ومعه كيس العلاجات رحمها وهو يشوفها حاضنه نفسها ونايمه بتعب تقدم لها بكل هدو حاول مايصيحها وهو يشيلها ويحطها علئ السرير رفع ظهرها نزلت دمعت عيونه بحسره علئ حالها ظهرها مشوهه من الضرب واثار حرق صد وهو يطلع الكريم قرب وهو يحطها شهقت بوجع ياسر بحنيه: تحملي قربت اخلص ضمد جروحها وهو يقرب منها وبهمس فيه غير ظهرك هزت راسها بلا همس : بطنك هزت بلا وهي مغمضه عيونها قلبها وهو يضغط علئ بطنها صاحت ب الم ياسر : ليش الكذب غمضت بقوه وهي منحرجه وفيها بكيه وبنفسها:يكثر ماتمنيت هاليدين ايدين سامي وحنيته طاحت دموعها وهي تحسه يرجع بلوزتها مسح دموعها وباس جبينها وبهمس: لاتخافين انا اخوك وابوك ولو تبين امك بعد بس تكفين لاتبكين وتكسرين قلبي نامي علئ بطنك وانتبهي صحيني الصبح علشان احط لك الكريم لان لوو ماحطيته يمكن تتحول هالجروح لانزيما انتبهي هزت راسها وهي تبيه بس يبعد واقف وهوي يبعد عنها ويغطيها باللحاف اخذ ومشئ للغرفة الثانيه وهو يرسل لامه انه بينام بالاستراحه مع اخويانه .. .. عند غموض دق الجوال لرابع مره مايمديها ترد اللي يجيها صوته مبحوح وغاضب: يزفت افتحي الباب . . الئ هنا ولنا لقاء قريب |
رد: ومالي بدجئ العاشقين ملاذ! بقلم/غسق آلليلh
. بسم الله الرحمن الرحيم البارت (11) . . "يكفيك من الأيام الصعاب بأنك.. رغم كسر فؤادك ما انثنيت ولا انحنيت." . تنفس بغضب غازي وهو يشوف سعود رغم التعب يحاول يوقف ويجادله حاول ياخذ الجوال من ايديه ويدق علئ اللي داخل بس رفض غازي زفر وهو يصد عن سعود وبغضب: وش عرفك بهالعايله وش جايبهم لشقتك ومن متئ عندك شقه قاطعه وهو يرد علئ جوال سكر من الجوال واحذفه والناس الماره مستغربه من اشكالهم وصراخهم سعود بتعب: رح ي غازي بعدين اتفاهم معك غازي وهو يتقدم بيسنده الا الباب انفتح بعد يد غازي عنه مايبيه يلمح غموض وبصوت هادي: خلاص رح وبكره اتفاهم معك غازي ب اصرار: لا ماراح اروح الا لمن ...فتح عيونه بغضب من سعود اللي دخل وسكر الباب بوجه وبصراخ:اوريك ي سعود اطلع والله لاعلم ابوك عن هالمصخره مارد عليه وهي يسن وظهره علئ الباب بتعب طالع لغموض اللي اختفت من انظاره سعود بصوت عالي: غموض تعالي بلعت ريقها وهي خايفه ترجع له وجهه شلون صاير من التعب والعصبيه وعيونه الحمر غير حواجبه المعقده ببعض وشاد ايدينه ببعض تنهدت بخوف انه يصرخ ويقعد امها عدلت لثمتها وعباتها بسرعه وطلعت وهي تفرك ايدينها ببعض : نعم سعود وهو يجلس : بسرعه علاجاتي بشنطتي الرماديه امك اكيد حطتها علئ جنب الباب ادخلي وجبيها هزت راسها وهي تدخل الغرفه وبهدوء دورت الشنطه ولقتها مثل ماقال علئ جنب الباب رفعت حواجبها : بسم الله جني مو ادمي انتفضت وهي تسمع صرخته خذته بسرعه وهي تطلع وتعطيه علاجاته وايده بدت ترتعش من الغضب اللي حاس فيه وبنظره استحقار لها وبسخريه: والمويه وينها تجيني بنفسها مثلا غموض رفعت حواجبها وهي ناويه تصفقه من كثر ماصرخ عليها وهذا اول لقئ لها معه وكذا شلون لو عشت عنده تحركت للمطبخ التحضيري تحت انظاره وطلعت علبة مويه وقفت قدامه وعطته وب امر: افتحيها لي فتحتها وهي ساكته وماردت بكلمه اشر لها تجلس جلست قباله علئ الكنبه اخذ نفس وبصوت هامس: شوفتك سدت نفسي غموض ببرود: ماحد قالك تتزوجني سعود ضحك بسخريه رفعت عيونها لفوق وهي حاسه بضيق من ضحكته وكان يثبت لها ان خالها فعلا عرضها عليه وقف ضحك وهو يطالع لنظراتها اللي لسقف وبهمس: جنونتس فوق ابتسمت علئ لهجته: ايه تصدق اشوفك بينهم سعود وهو ينسدح علئ الكنبه: تصدقين توقعت لقائنا بيكون لطيف وشوية دموع مع كلام حلو بس غريب صح غموض ماردت وهي تلعب ب اصابعها: قدامك وقت تراجع نفسك وتطلق سعود وهو يلف عليها : تهقين بخليتس لغيري غموض : ومن قالك ابي غيرك سعود بزفره: تبين الطلاق ياغموض غموض من نبرته حست بضيقه وسكتت قلبها يقول لا وعقلها ايه: للاسف لا طالعها بهدوء وب ابتسامه: اصلا مهما كان ردتس كنت بقول ب احلامتس جلس وهو بالحيل يتكلم : اسمعي ي بنت عمي انا اخذتس ب ارادتي واخذت سنين وانا ادورتس كتم الكلام اللي كان بيقوله وبهدوء : بكون لتس جنتس لاصنتيني وصرتي مره عاقله وتوزن الامور والاهم من كل هالكلام تكونين صابره معي علئ اللي بتواجهينه قاطعت كلامه وبنبره استخفاف: واذ كنت لك نار سعود بغمزه: اكون دخانها تنهدت وهي توقف: مابي منك شي غير بعدك عني وعن امي يكفيني حمايتك لنا من بعيد وانسئ لك زوجه ماخذتك انفجعت من وقفته السريعه جلس ع طول بجنبها ولف ايده حول خصرها وايده الثانيه يسكر فيها افمها وبهمس: تعقبين انسئ انتس زوجتي غصبن عنتس ان كان مو براضتس ماهو بذنبي اقطعي هالحتسي ولاتعدينه لا اقسم بالله لااخليتس تحلمين بشوفة امتس وخالتس اللي شاده فيه الظهر وبصرخه ارعبتها فهمتي غموض وكل مافيها يرجف ماتبي تبين ضعفها شدت ايدها علئ عباتها وايدها الثانيه ماسكه ايد سعود تحاول تبعده عنه وبصوت منخفض : ها فهمتي هزت راسها وهي بالقوه ماسكه نفسها ماتجرم فيه ابعد عنها وهو يوقف بتعب : اسمعي اتقي شري وعصبيتي حاولي قد ماتقدرين ماترادديني ولا ترفعين صوتس وتحترميني وان شاءالله ماني بضايمتس وقفت وهي تتجه لغرفه وقفت عند الباب وهي تطالع له ياخذ شماغه وبصوت شبه عالي: تعقب يولد ناصر سعود مسك اعصابه وهو يشوفها واقفه بتحدي طنشها وهو يحاول يوزن خطواته وب ابتسامه: يفداتس ولد ناصر ياغموضه فتح الباب وطلع ... واقفه وهي تطالع بعدم استعياب توه يهدد والحين يتغزل توجهت للكنبه اللي جالس عليه وجلست تحسست وجهها بقهر وهي تحس برجفه سرت بجسمها للحين تحس ايدينه محاوطتها نزلت لثمتها ونزعت عباتها وهي تنسدح ع الكنبه وبهمس: اللي سويته غلط ولا صح بس هو اللي داخل بشره طالعت غرفة امها يوه لو تدري عن اللي صار كشرت بخوف يعلمها... قبل فهد يفكها والحين من بيوقف معها بقرارتها تحس نفسها ملخبطه شلون بيوم يتحكم بحياتها ويتدخل هزت راسها بياس شلون تتخلص منه ومن حياتها هذا اول يوم وكذا وشلون الايام الجايه ... ... طلع ونزل وهو يشوف غازي بالوبي تنهدت وهو ماله خلق توجه للاستقبال مايمديه يحجز الا غازي عنده مسكه من ايده وبهدو: لنا جلسه مع بعض بس الحين دنيا وامي اشغلوني بالمكالمات سعود زفر: طيب مشينا غازي:شايف حالتك علشان نمشي لهم سعود: عادي غازي رفع الجوال وهو يرد ع امه: لا يمه طلعنا انا وسعود نتعشئ برا ام ماجد؛ وليه ماعلمتونا والعشا اللي طلبه سعود من دنيا غازي وهو يلعب بسبحته : والله يايمه مدري انا شفت سعود بوجهي وحلفت عليه الا نتعشئ وشكله نسئ يعلمكم وتر بنسهر عند الشباب ب الاستراحه ويمكن ننام هناك ام ماجد سكرت بوجهه غازي بزعل ... غازي :الوالده شكلها عصبت سعود : ماعليه بحجز لي سويت غازي : خلاص روح اجلس انا احجز جلس وهو حاط يده ع صدره بضيق وهو يتذكر نظراتها وكلامها كيف تتلكم معي كذا وانا اللي تعبت حتئ القاها ياكثر مارفضت بنات الشيوخ علشانها وبالاخير ماتبي قربي مسكه غازي من من كتفه : يلا حجزت السويت توجه مع غازي للغرفه ومن دخل حذف نفسه علئ الفراش بتعب ابتسم وهو يتذكر عيونها ماشف غير عيونها ... تنهد رغم هذا كله عاجبته قوتها وعنادها مايبيها ترضخ لعمامه بس يبيها معه مثل مايبي هو تمشي علئ كلامه بس شكل يبي لها اعادة تربيه غمض عيونه براحه وهو متجاهل اسئلة غازي واكتفئ بكلمه وحده: لاتسال واكتم السر غازي بغضب: ايه هين اكتمه والله قاطعه وهو يزفر: ي اخي لاتحلف سالفه طويله مالي حيل اشرحها وخاصه فيني ومأمن عليها لاصحيت نتفاااااهم غازي حذفه بالمخده بقهر وطلع سعود : لاحول الله لف للجهه الثانيه وهو يغمض عيونه ماهي دقايق الا غفئ .. غازي وهو مقهور نزل وحرك سيارة سعود يتمشئ يحاول ينسئ اللي شافه ماتوقع واحد بالميه سعود يسويها ماهو بجاهل ولا غبي وش علاقته بالناس وليش مسكنهم بشقته ضرب الدركسون بقهر : هين اقعد بس وانا اعلمك .... ... جالس علئ الكورنيش بضيق وبهمس:مو مكتوب لنا نكمل مع بعض لاهي اللي تقدر تنسئ ولا انا اللي اقدر اسامح واغفر اهنتها وذليتها صح بس ماانكر اني احبها غمض عيونه بحسره طابت النفس عقب حبها وقف علئ حيله وهو يتذكر مكالمته لها قبل ساعه ... ... رجعت من الظهران مول وهي بقمة سعادتها وب ابتسامه وهي تحط اغراضها ع سريرها وتسولف مع نفسها:الله يخليكم لي بس قاطعها دخول مناف وهو يكتم ضيقته ب ابتسامه وبهدوء: ها كيف النفسيه الحين همس ب ابتسامه: الله يخليكم لي والله ي مناف اني جيتكم وانا ضايقه فيني الدنيا ماتوقعت واحد بالميه بيوقف معي ذعار ولا رائد مناف وهو ينزع شماغه ويجلس ع السرير مقابله لها : شوفي ي بعد اخوك انتي سالفة انك تنهانين وتنذلين عنده ونسكت لا يحبيبة اخوك كله ولادمعتك قسم بالله لولا عناد كان منتظره وذابحه بعد يحمد ربه ان عناد موجود ولا علمته الشغل اجل حاشرك ومقفل عليك قاطعته : خلاص ي مناف انسئ لاتنكد علي مناف وهو يطالعها كيف تشتت انظارها عنه: قولي لي وش سو لك غير اللي شفته همس دنقت راسها وبهدو: لاتسال ي مناف لاني ماراح اجاوبك كل اللي ابيه ورقتي مناف: طيب بكلم ابوي بهالموضوع قاطعهم جوالها اللي دق برد وجهها وهي تشوف اسمه رفعت الجوال وهي تطالع مناف اشر لها تحطه ع السبيكر وترد ردت بهدو: الو ماجد بكل برود: مستانسه ي بنت ابوك عبالك بطلقك بالساهل والله م اكون ماجد ان ماعلقتك وخليتك تعرفين ان لله حق همس وهي تشوف مناف عصب: خلصت كلامي معك مو هالحين بالمحاكم ماجد : نشوف ي همس همس بصوت هامس وهي تسكر السبيكر وتبعد عن مناف: احفظ مابقئ من كرامتك وطلق كانك للحين تحبني فكني منك وخلني اذكرك بالخير سكت وهو حاس برجفة صوتها وبتناقض : ابشري سكرت ع طول وهي ماسكه نفسها مايرف لها جفن وهو اللي وراها الويل وكسر قلبها مناف : ليش سكرتي السبيكر وش قلتي له همس وهي تجلس : قلت له طلق وقال ابشري بيطلقني مناف وبتساؤل: ماتوقع يتم الطلاق الا بعد شهر علشان يتاكدون اذ فيه حمل ولا طارت عيونها وهي تتذكر اللي صار وبخوف: لا ان شاءالله مو علئ كيفهم بعدين مافيه لاحمل ولاغيره مناف بهدو وهو يوقف : علئ خير ان شاءالله بكره اخلي ذعار يكلمه ويروح يطلق هزت راسها بخوف من فكرة انها تطلع حامل رفعت عيونها لمناف اللي عطاها ظهره همس: ودنيا ي مناف مناف وقف التفت لها : الله يرزقها اللي احسن مني تنهدت بضيق وهي تقوم تسكر الباب توجهت للسريرها نزلت الاغراض وهي تجلس بضيق : وش طراك ي مناف علئ هالطاري .... .... .... عند سعد وهدئ طلع وهو لابس لبسه العسكري وبهدو وهو يشوفها جالسه تاكل علاجها : تبين نطلع اليوم مكان هدئ بتعب: لا احس بتعب من هالعلاجات سعد تقدم لها وجلس بجنبها وب اتسامه: تحملي علشاني اغتصبت الابتسامه: ان شاءالله سعد ضمها وبهمس: تكفين انتبهي لنفستس هزت راسها بخجل وقف وهو مبتسم وقفت معه وهي تمشي لف عليها وباس جبينها سعد فتح الباب: استودعتس ربي اذ احتجتي اي شي دقي علي هدئ بخجل : ان شاءالله حافظك الله سكرت الباب عقب ماطلع وبهمس:عسئ ربي يحفظك ... ... بالقريه الساعه 8الصباح جالس وهو مو معهم عقب الكلام اللي قالته نوف كتم غصته وهو يطالع بريان تعوذ من ابليس وهو يوقف عبدالعزيز:مشعل ترا خويي يقول الدوه تبدا بعد اسبوع مشعل بشرود:طيب مشئ وهو طالع قابله فيصل اللي يتجهز لدوامه :علئ وين مشعل من غير نفس:بطلع قريب وجاي فيصل ب استغرب:طيب وش فيك منفس مارد وهو يمشي لسيارته ركب السياره وحرك بعيد عن القريه متوجه للبر وصل البر ونزل وهو يمشي ع الجبل لين ماوصل قمته مشعل... مخير مابين حبي اللي كتمته سنين وعشق طفولتي وبين حياة ساره اللي اذ تركتها راحت لواحد ظالم وداشر مسح علئ وجهه بضيق ساره اللي بيوم وليله طلعت سالفتها وبين حب حياتي عض ع شفته والله اني مانويت اخذل وعدي وبحسره : يعين الله قلبي علئ بعدتس رفع راسه لسما وهو حاس بقهر ماتوقع واحد بالميه انه بيخدل وعده ويويل قلبه لو انها باقيه علئ وعده طاحت دمعته وهو يمسحها بسرعه وقف وهو يحاول يمسك نفسه ولا تطيح دموعه ويستعجل بالخطبه والملكه قبل لايرجع ابوها وولد عمها توجهه لسيارته وهو ناوي يكلم ابوه وفيصل ويستعجلون ب امور الزواج .. .. عند نوف وساره رجعت لغرفة ساره عقب ماكلمت مشعل انسدحت ع الفراش وهي تتامل السقف الله يعين قلبتس ي ريانه يارب سامحني اني فرقت بينهم طالعت ب ساره النايمه وبحسره علشانتس ياروح خالتس وعشان افكتس من هالداشر فرقت بين ولد اخوي وبنت اخوي لفت راسها بضيق : عساها خيره .. .. بيت الجد هي الوحيده اللي للحين مانمت واقفه علئ الشباك وهي تتامل ومانتبهت باللي دخل ويطالع لها ركزت نظرها وبسرعه رجعت ع ورا ونزلت الستاره بخجل مشعل اللي كان بسياره انتبه علئ الستاره وهي تنفتح طالعها بتامل وهي سرحانه تتامل نزل يبيها تنتبه له انه موجود وشافها تنهد بضيق لمن شافها رجعت الستاره: ماعمرتس طلعتي بوجهي الا هالمره يوم نويت اخون الوعد واتركتس دخل وتوجه لمشب الرجال .. .. بالرياض جلست ب الم من ظهرها وقفت علئ اطراف اصابعها وهي خايفه يلمحها ياسر توجهت للمطبخ بخطوات هاديه فتحت الثلاجه وهي تاخذ علبة مويه وتشربه جت بترجع ولا لمحت زول ياسر طالع من الصاله بلعت ريقها بخوف وهي تشوف ملامحه الغاضبه .. .. الئ هنا ولنا لقاء قريب واعذروني علئ التاخير وشكرا لرودكم الحلوه |
رد: ومالي بدجئ العاشقين ملاذ! بقلم/غسق آلليلh
تكملت البارت(11) . . بالرياض جلست ب الم من ظهرها وقفت علئ اطراف اصابعها وهي خايفه يلمحها ياسر توجهت للمطبخ بخطوات هاديه فتحت الثلاجه وهي تاخذ علبة مويه وتشربه جت بترجع ولا لمحت زول ياسر طالع من الصاله بلعت ريقها بخوف وهي تشوف ملامحه الغاضبه .. .. ياسر انتبه لها واقفه عند باب المطبخ وباين عليها الخوف تقدم لها وبكل هدوء: وش مقومك من السرير مو قلت لك لاتتحركين دنقت راسها وماردت وهي تمشي وقفتها ايده اللي مسك فيها كتفها وبهدو : ماخلصت كلامي التزمت الصمت وهي تطالع الارض نزل ايده وهو ياشر لها تجلس علئ الكنبه تقدمت بخطوات بطيئه وجلست جلس قبالها وهو يتنهد وبكل هدوء: بنقلك من مدرستك سكت لدقايق وهو يشوفها مدنقه وساكته ياسر ب استغراب: ماعندك اعتراض اغصان: ماعادت تفرق عادي ياسر: ماباقي شي ويتنهي الترم الثاني بس مضطر انقلك علشان بعيد عن الحي اللي انا فيه ودوامي بعد اغصان بصوت ماينسمع: طيب ياسر : اغصان انا عارف انك متضايقه من اللي صار بس كل شي صار بسرعه ومن غير تخطيط انا خطبتك وكانت نيتي الزواج بعد دراستك وانتي عارفه موضوع خالتي واهلي ماصار له سنه واهلي وخوالي شايشين هالوقت ب ابتسامه تعمدها يمكن سرعة زواجنا خيره لي ولك من ناحيتي خيره وان شاءالله اقدر اسعدك واصونك وابتسامه وانتي عارفة موضوع تحيير لك من يومك صغيره وبسؤال : تعرفين دوامي ايش اكتفت بلا من غير صوت ياسر بتعاطف: دكتور اعصاب واخرت زواجنا بسبب صغر سنك وابتعاثي بس قدني قد الوعد وجيت واخذتك مانسيتك وبضحكه عسئ الله يقدرني واكون كل شي بالنسبه لك طالعها بضيق حتئ مابتسمت : كلميني عنك اغصان بضيق: ممكن تخليني علشان بنام ياسر انحرج وقام: اصلا عندي دوام هالحين بطلع وماراح اخلص الا 2 الظهر لاتنتظريني بطلب لك الغدا وبخلي عندك الفلوس تمام هزت راسها وهي توقف وبهدوء: عطني رقم جوالك ياسر : وهو يطلع جوالها من جيبه وبهدوء معليش بس تراني فتحته وضفت رقمي هزت راسها وهي مالها حيل تناقشه اخذته بهدوء تام ومشت لسريرها وقف يطالعها ب استغراب اقل شي تتهاوش معه لانه ماله حق يفتحه وهي ماتدري اصدمته ردة فعلها تنهد وهو ناوي يطالعها من هالجو اللي هي فيه بس يرجع من الدوام ويمر اهله ويشوف وش وضعها ترك الفلوس علئ الطاوله وطلع... رفعت البطانيه عنها لمن طلع وجلست بتعب وابتسامه سخريه: زواجنا السريع خيره اجل بتقول لامك خيره هي بطلاق اختها هجمت علينا وكفختني لين قالت بس شلون لو درت الحين اني مرة ولدها بدمعه والله وعرفت تختار زوجي صح ي سامي من عذاب لعذاب ويبي يتعرف علي ويعطيني الاستقرار وبعد كم شهر تلعب فينا امه وتزوجه ع مزاجها وتقهرني ولا ويمكن تطلقني وتبرد حرة اختها فيني مسحت دمعتها وهي تتوكل علئ ربها يكفيها شر امه وخواته .. .. بالمشب مجتمعين كلهم الجد وعياله وبعض عيالهم جالس وايدينه علئ عصاته وهو يتامل عياله وبهدو وصوته الجوهري :ملكة فارس ونوف الخميس الجاي ب اذن الله عبدالعزيز : ومتئ خطب فارس علشان يملكون فايز بهدو: خطبنها من فتره وشاورنا البنت وافقت وعيالكم يدرون بهالموضوع وناصر بعد عبدالعزيز: وانا اخر من يعلم خالد ببرود: عادي وش صار يعني كلها خطبه والله يوفقهم محمد: والزواج متئ ضاري: بعيد الفطر وافي: بعد 5 شهور الله يلحقنا علئ خير عبدالله بزعل: بس فارس توه صغير وماهو متوظف من بيصرف عليهم لاصار عندهم عيال ولا تكاليف الزواج توه ماتعدا العشرين ضاري: من يبتزوجه انت ولا اختك مالك صلاح باللي يصير صد بزعل هو وعبدالعزيز اللي مشاركه الراي فايز بتنهيده: ولدي رجال ماهو بصغير وانتم اللي ربيتوه معي وتربئ معكم وخابرينه واذ علئ مصاريفهم انا موجود وماني مقصر عليهم بشي وفارس وده يتوظف بس انا منعته دراسته عندي اهم من الوظيفه من هنا لين مايتوظف انا بصرف عليهم وان شاءالله ماهم بعازة احد غيري عبدالله: عمي لاتفهمني غلط بس زواج هالجيل تغير عن قبل الحين المصاريف كثرت ويالله الواحد يعيش نفسه ومن حقي اضمن مستقبل اختي بس ولدك كفو ورجال وان شاءالله انه قد مسؤولية الزواج هز راسه بتفهم وهو ساكت ومن دخله زعلان من رفض عبدالعزيز وعبدالله خالد بتساول: الا ناصر ولدك وش عنده ماشفناه من زمان ناصر بضيق: مدري عنه مايرد علئ جواله ليث : عنده شغل بدمام ناصر: وش عرفك ليث: سالت خاله عناد وقالي عنده كم شغله يخلصها ويجي جدهم ضاري رفع حاجبه وهو مو عاجبه وضع سعود: اسمع ياليث الحين تتصل علئ خاله وتقوله قبل لاياذن العصر اشوف سعود قدامي ليث بهم:ان شاءالله عبدالعزيز ابتسم وبنفسه هين ي سعود : الا يبه شرايك تكلم ابوصالح وتساله يشوف راي البنت ضاري برفض: لا لين يجي ونشوف عقبها وش يصير ناصر ببروود: تشوفون وش رايه وماتغصبونه اللي هو يبيها ياخذها عبدالعزيز: اللي مشئ علينا يمشي علئ عيالنا خالد وبغمزه لعبدالعزيز: اكيد بيمشي علئ عيالنا عاداتنا مانغيرها وسكروا الموضوع ترا ماله داعي لاجاء سعود نتفاهم عبدالله: لا مانسكرها طول عمرنا نسكت علشان ناصر بس هالحين بقولها لكم انا بصف سعود ان مابغئ البنت ويبي غيرها ياخذها غصبن عن اللي مارضئ واللي يجري علئ سعود يجري علي وافي: كلام عبدالله صح ماعمره اختار شي بحياته خلوه الاقل يختار شريكة حياته هذا زواج مو لعبه ضاري : انا اقول لو تسكتون ابرك لكم سكتو وكل واحد يصد عن الثاني بضيق مشعل وهو يشوف ليث وريان وسلطان يكتمون ضحكتهم وبكل هدوء: جدي انا نويت اكمل نص ديني طالعه عبدالعزيز بنظرات قويه ضاري : هذي والله البشاره الزينه فايز وهو يطالع لعبدالعزيز شلون معصب : ومني سعيده الحظ مشعل بهدو وهو يبعد عن انظار عمر اللي عارف بموضوعه: بنت عمتي نوره الكبيره تهلل وجهه جده ضاري: هذي والله الساعه المباركه انشهد انه زين ماخترت مشعل وهو متجاهل نظراتهم ونظرات ابوه: بس ي جدي ابي اخطب املك بنفس الوقت وقبل لاطلع الدوره جده : علئ هالخشم اليوم اكلم نوره انا وعبدالعزيز وتشوف راي البنت ونملكك مع فارس مشعل وهو يغتصب الابتسامه: ان شاءالله عبدالعزيز وبداخله نار ولده يخطب وقدامه من غير لايشاوره وقف وهو معصب: مشعل تعال ابيك بموضوع مشعل قام وطلع ورا ابوه عمر اللي مازال منصدم وبداخله وش اللي غير حلم طفولتك ي مشعل وقفو وافي وخالد وهم ناوين يرحون للمحلات ويشوفون الاوضاع هناك ليث اللي رجع ودق علئ عناد ردعليه بتعب/ هلا ليث ليث / هلابك بغيت اقولك لاشفت سعود تقوله يجي حايل ب اسرع وقت جدي معصب ويبيه ضروري عناد : ان شاءالله يوصل ليث: مشكور سكر من غير لايرد وهو يرسل لسعود ورجع يبدل وينام .... ... بالدمام صحئ وهو يتذكر احداث امس طالع علئ جنب ولقئ غازي جالس علئ جواله سعود وقف وهو يتجه لدورة المياه يغسل غازي طلب فطور وهو ينتظره يجهز ويتفاهمون ع اللي شافه شاف جواله اللي ماسكت من المكالمات والرسايل حطه صامت وهو مستغرب من الرقم الدولي اللي داق فوق خمس مرات وعناد ورسايله طلع من دورة المياه وهو يتجه يلبس ثوبه ويصلي الفجر وقف غازي وهو يطلع ياخذ الفطور ويحطه ع الطاوله سلم سعود وهو يوقف ويجلس مقابل غازي سعودبهدو: قبل لاتسال انا ب امنك علئ هالعايله لاني الحين برجع حايل غازي: وانا وش دخلني فيهم سعود : ساره اخت فهد اخوك وبنتها غازي بتعجب: وانت وش جابك لهم سعود ماحب يوضح له اكثر: اللي عندي قلته خالي فهد موصيني عليهم كثير وجو معي وهو صار له موضوع مايقدر يتركه ويجي وجيت بداله ومعي توكيل بعطيك اياه وكمل اجراءات الورث وخلصو اموركم وانا مأمن علئ اخته وبنته ومثل ماقلت لك لازم امشي لحايل جدي من امس مشغلني اتصالات ابيك تطلع لهم شرايح وتدبر شقه مفروشه ايجار ادفعها انت واحول لك غازي بتفكير: طيب ي سعود سعود تنهد وهو يفطر غازي: واللي صار امس وتعبك سعود: مو شي جديد انت ماعليك الا من اخت فهد تنتبه لهم ولطلباتهم وان شاءالله ماني مطول اسبوع بالكثير وبرجع لهم غازي: اذ ماتقدر انا موجود وبتنهيده ومهما كان تبقئ اخت اخونا اللي ماشفناه اكيد بهتم فيهم ولاني مقصر سعود: هذي الهقوه والله انا من اخلص الفطور اروح واشوف وش يبون واعلمهم ب اللي بسويه وعقب ب امشي غازي: وامي تراها زعلانه سعود: ان جيتها بتزعل زياده خلني اطنش واروح احسن لي من زود الاسئله غازي: طيب سعود بتحريص: انتبه لايطلع هالسر لاقرب قريب غازي: تتطمن ماني معلم احد سعود: والمشاوير انت قضها لهم مو ياخذون تاكسي وسايق انتبه غازي : لاحول ان شاءالله ي الشايب سعود مارد وهو يوقف ويدق علئ ساره ساره: هلا سعود سعود: هلا عمه بجيك بكلمك بموضوع ضروري ساره: حياك سعود وهو يقصر صوته: وبنتك بعد ساره:طيب وقف وهو يعدل شماغه ويطلع لشقتهم غازي تنهد وهو ياكل وبهمس: الله يستر من اللي جاي بالشقه عند ساره اللي قامت تلبس عباتها وتحجبت طالعت بغموض اللي حولها الشبسات والببسي ساره: غموض قومي بسرعه وشيلي هالحوسه غموض وهي تتابع الفليم: ماما بليييز ساره وهي تتجه لها: يبنت سعود الحين بيجي قومي خليني ارتب هالحوسه اللي مسويتها بزر ابو سنتين مايسويها غموض تجمدت عند كلمة سعود وش يبي جاي هالحين غمضت عيونها بخوف يعلم امها وبهدو: يمه انا بروح انام مانمت ساره: لا وجيبي اي عطر معك خليني اعطر المكان اللي كله ريحة اكل اتجهت للغرفه وهي تغير لبسها اللي كان بجامه قطنيه لبست جنز اسود علئ تيشيرت اسود عليه كتابات بالابيض وطلعت عباتها الكتف السوده واطرافها ابيض لبستها وتعطرت بعطر خفيف طالعت وجهها وابتسمت بخبث وهي ترسم عينها بكحل اسود خفيف وروج وردي هدي وبلشر خفيف وردي عدلت شعرها وسوته عزل ورجعته داخل العبايه ولفت لثمتها وطلعت لامها اللي تسمعها وهي ترحب بسعود وتناديها طلعت من الغرفه وبهدو تقدمت للكنبه وجلست وهي مطنشه وقوف سعود لها ساره ب احراج: غموض قومي سلمي علئ سعود غموض: من متئ المعرفه ساره خزتها وهي تتوعد فيها سعود: ماعليه عمه توها بزر وبنغزه ولا فيه حرمه عاقله تتغطئ عن زوجها رفعت حاجبه ب اعتراض : وفيه زوج محترم يتزوج بالدس هذا وانا بنت عمه ساره وهي بدت تفقد سيطرتها: غموض ي تجلسين ب احترامك ولا قومي لغرفتك قامت غموض وقف لها سعود وهو يمسك ايديها غموض استحت وهي تبيه يشيل ايده مسكها بقوه وهو يجلسها بجنبه : اول شي زواجنا مو بالسر فتره وبنعلنه ثانيا انتي زوجتي ولك احترامك ولاتقللين من احترامك وثالثاً انا ساكت عن موضوع اللثمه بكيفي مره ثانيه لاجيت لااشوفك بعبايه هزت راسها وهي منحرجه تبي تتخلص من ايده اللي مطوقتها وبهدو: عمه انا الحين بمشي حايل صار عندي ظرف ولازم ارجع وانتم عارفين وضعي ابي اخذ فتره وارجع لكم ولين ماارجع خالي غازي بيهتم فيكم وانا علمته كل شي ماعدا زواجي من غموض وان نقصكم اي شي دقي علي وابشري بالخير وبتحريص غموض من هالساعه تلبسين نقاب وعباية راس مو كتف وانتبهي عليها ي عمه وبتهديد لها خليني ارجع واشوفك بعباتك هذي ولا لثمتك مو ازين لك والسناب والانستا تقطعينهم نهائيا غموض : مو علئ كيفك عبايه ومشيتها سنابي ليش احذفه وانا حياتي كلها سناب وانستا سعود:كلمتين م اعيدهم السناب ينحذف والحين واقسم بالله لو اشوفك منزله شي لايصير لك شي مو طيب ساره وموعاجبها تهديد سعود وتدخله:ان شاءالله بقنعها سعود وهو يوقف ويوقفها معه :يالله استاذنك ي عمه ودعواتك لف الغموض الصاده عنه لف وجهها له وقرب وهو يهمس لها:استودعتس الله انتبهي لنفستس وترا ب اتصل عليتس من يجيب لتس غازي رقم باسها بخفه وابعد وهو مبتسم علئ احراجها اتجه للباب:مثل ماقلت لكم اي شي تحتاجونه اتصلو علي ساره:ان شاءلله وانت لاوصلت طمني عليك سعود:ابشري استودعتكم الله وطلع غموض جلست وهي تتنفس بسرعه من القهر والخجل مسكت خدها مو صاحي الحمدالله والشكر بس طالعت لامها المعصبه:وانتي ماتعرفين تتكلمين زي الناس غموض :ياربي ماقلت شي ساره :من تجي الشبكه تسوين اللي قالك عليه غموض وهي توقف:طيب طيب هدي انتي واللي يبيه الشيخ سعود يصير .. ... الئ هنا ولنا لقاء قريب ❤ |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . البارت (12) . . كل ما لوّحت لك ترجف يديني من يسلفني لهالفرقى يدينه ؟ . . دخل والغضب عاميه وبصراخ: منئ وين امتس منئ ارتجف صوتها بخوف: عند جدتي اليوم دورها بالفطور عبدالعزيز : الحين تتصلين عليها تجي هزت راسها وهي تاخذ الجوال وتطلع لغرفتها لف لمشعل اللي كان هادي : ولدي بكري يخطب وقدامي من غير شوري انت تدري وش بيني وبين رجل عمتك اكره ماعندي هالانسان وتروح تاخذ بنته مشعل بكل هدو: يبه نتفاهم بالمكتب عبدالعزيز وهو يطالع مسك اللي متغيبه بخوف ورا الباب : امش انقلع قدامي تنهد بضيق وهو يمشي للمكتب جلس وهو يطالع ابوه رايح جاي ماهي دقايق الا دخلت سعاد بعباتها وبخوف: وش صاير شفيكم عبدالعزيز بصرخه: ولدتس خاطب بنت نوره من غير لايشاورنا ولا ويتشرط يبي الملكه قبل لايسافر ولاتقل عنده ام وابو يشاورهم ياخذ رايهم وياريت انك مناسب رجالٍ سنع الا كتم كلماته وهو يستغفر بقهر بنت اللي متذابح معه ياخذها ولدي عفيه عليك سعاد اللي مستانسه انه خطب ساره: وانت وش غاثك والله البنت بنت نوره ومافي ازين منها وسنعه واصلا هي ببالي من زمان ومابلقئ احسن منها لمشعل عبدالعزيز: هذا اللي طلع معتس مشعل : يبه اهدا الموضوع مو مستاهل عصبيتك انا عارف اني غلطت وما شاورتك بس تبقئ هذي بنت عمتي نوره اعز انسانه بقلبك واقربهم لك بغض النظر عن ابوها وخلافاتكم انا بتزوج البنت مو ابوها وعمامها وسمعتها من سمعتنا ولا جابو طاريها قالو خوالها الفلان وش تبي احسن من هالسمعه والنسب يكفي انها بنت عمتي نوره صح ولا مارد عليه وهو يجلس علئ كرسيه: خلصت مبروك والله يهنيكم وتفضلو برا انت وامك طالعته بقهر : وانت ماتعرف تتكلم عدل عبدالعزيز مارد وهو يشغل نفسه ب الاوراق : اظن سمعتي وش قلت تفضلي بر ورا ولدتس قامت...خاطرهاومكسور من اسلوبه وتطنيشه لها ... طلعت وهي تشوف مشعل مدنق ويرعف تقدمت بخوف: بسم الله عليك يمه مشعل :عادي يمه متعوده علئ ارعافي امه بخوف: بس من زمان ما ارعفت لايكون معصب مشعل بتهرب: لا ماني معصب وابتسامه حاول يطلعها:ولدتس قدها لاتخافين علي مابي خلاف وجهزي نفستس لملكة ولدتس ابيتس تطلعين ازين وحده دمعةسعاد وهي تلف وجهها:امين يروح امك ويسعدكم ويهنيكم يارب وانتبه لنفسك لاتضايق خاطرك علشان ابوك كلها كم يوم ويطخ ويوقف معك هز راسه وبهدو:انا بنام لاتصحيني ماشوف القاع امس مانمت زين صعد لغرفته وهو متجاهل نظرات خواته ماله خلق يلعب ولايسولف معهن توجه لغرفته وقفل الباب مشئ لسريره وانسدح من غير لاينزع ثوبه وبهمس:ياليت الاقدار توقف معي ولا تضايقتس بخبر زواجي غمض عيونه ب الم وحسره وهو يتذكر مكالمة نوف اللي كانت ست الصبح ... ...اتصلت علي وياليتني مارديت كنت جالس بفراشي واشوف السنابات ولا مكالمه من عمتي نوف رديت عليها وكنت متوقع تبي فطور كالعاده ولا بتعزمني علئ غدا ولا نطلع نتمشئ بس قالت لي تعال لبيت عمتك نوره ابيك ضروري فزيت بسرعه وانا البس ثوبي واخذ مفتاح السياره وتوجهت لبيت عمتي اللي اساساً مايبعد حيل عن بيت جدي وصلت واتصلت عليها وقالت ادخل مشب الرجال دخلته وشوي وجتني ومعها فطور افطرنا وعقبها قالت ابيك بموضوع قلت امري قالت بطلبك طلب واعودني تنفذه استغربت وقلت ابشري وعد انفذه ان قدرت عليه ..قالت وعد رجال عصبت و طالعتها اكيد وعد رجال ولا وش قصدتس ماردت وهي مدنقه راسها:ابيك تفزع لبنت عمتك ساره مشعل:وشفيها بلعت ريقها وهي تبعد عن انظاره:ابوها بيزوجها بالدس من ولدعمها وتهاوش مع فيصل بسبب هالموضوع وطرده مشعل:طيب وانا وش دخلني نوف:ماقدامنا الا انك تتزوجها وتملك ب اقرب وقت قبل لايرجع ابوها وابوي معارفه كثير بيسهلون موضوع زواجها ويشهدون بدال ابوها اخوانها مشعل:انتي عارفه وش اللي جالسه تتطلبينه مني هزت راسها بصمت مشعل :شمعنئ انا نوف:لاني عارفه ان قلبك طيب وماراح تضايقها بكلمه ولاتصرف وعيال عمامك غير عنك انا اعرفك اكثر منهم وعارفه شخصيتك وشخصيتها وفيه تقارب بينكم كثير مشعل:وظنك اقدر اهدم حياتي علشان افزع لها!! نوف:ايه لان قلبك مايطاوعك عرضك تتزوج من واحد رايح فيها مشعل بحسره:ومالقيتي الا انا ي نوف انا اللي تعرفين مواضيعي واسراري وقف وهو ما عطاه جاوبه وبهم:يكون بعلمتس لاصارت ساره حلالي وقتها بتكونين خسرتي مشعل وطلع بقهر منها ومن افكارها ليش هو بذات وهي اللي تعرف سره وتجيب اخبارها له والحين لو تراجع عن قراره بيكون ماهو برجال مسح عيونه بحسره من افكاره تمنئ يرجع الوقت ولا سمع كلام نوف ونفذه بهالسرعه ... .. بالدمام جالس ويطالع عيال خاله اللي جو مجلسهم وينتظرون عمتهم وماجد وقف وهو يقهويهم : حيا الله ذعار ومنااف ذعار : الله يحيك ويبقيك مناف بهدوء: عمتي وينها دخلت ام ماجد وهي ماسكه عصاها وقفو وهم يسلمون عليها جلست وجلسو قبالها :اخباركم واخبار ابوكم مناف : بخير وانتي بشرينا عنك ام ماجد بهدو: بخير ذعار : عمه حنا جاينك اليوم نعتذر عن اللي صار حنا اهل ومابينا خلافات وهمس وماجد موضوعهم منتهي واختي طالبه الطلاق ام ماجد : خلهم يتفاهمون وبعدين الطلاق حنا اهل وماودنا بالطلاق ذعار: يعمه مابينهم نصيب والله يوفق كل واحد بطريقه ماني غاصب اختي عقب ماشفت دموعها دخل ماجد بهدو وهو يسلم ومطنش نظرات مناف : طلاق وشوي بروح المحكمه واطلق وبتعب انا رايح اريح عن اذنك يمه عطاها ظهره بيطلع مناف رفع حاجبه من طريقته وبصوت عالي : لو انك رجال منحشت مثل الحريم ماجد لف وهو يطالع: رجال وغصبن عنك يالبزر مناف طالع لذعار اللي مبتسم : الاقل البزر ارجل منك ماطلع حقده بحرمه وعلم علئ جسمها فزت لمن شافتهم تضرابو و ماجد هجم علئ مناف وذعار فزع مع مناف ام ماجد: سيف ي سيف دخل سيف ...انهبل وهو يشوفهم مناف وذعار يضربون ماجد اللي طايح بالارض ولادافع عن نفسه دخل معهم وفرقهم ...وقف ماجد اللي كان ساكت ويمسح ذقنه اللي كان دم بسبب خشمه ام ماجد وهي تبكي: هذي اخر مراجلكم بدال لاتصلحون بين بعض تتضاربون ذعار وهو يتنفس بغضب: لاصار ولدك رجال ذيك الساعه نعتبره مننا خذ مناف وطلع ام ماجد اللي جلست تبكي مشئ لها ماجد حب راسها وبهدو: انا ساس الغلط يايمه ولو شفت دنيا زوجها سو مثل اللي انا سويته بذبحه سكت وهو يتالم من خشمه وقف وهو يبوس راسها ومشئ طالع لغرفته طالعته ولفت لسيف وبهم: عيال اخوي وولدي كل واحد اغلئ من الثاني سيف بهدو : ماعليه يمه كلها فتره ويتصالحون بس هم منغثين بسبب اختهم ام ماجد بدموع: الله يهدي نفوسهم ... ... العصر بالقريه ووقف السياره عند المدخل غمض ب الم وهو يشوف سيارة ابوه تدخل طالعه بضيق وحرك وهو يدخلها بحوش جده نزل وهو يطالع تجمع اهل القريه عند جده تعوذ من الشيطان وهو يمشي للمجلس الكبير دخل وهو يسلم علئ الرجال وصل لجده وهو يسلم عليه جده بعتاب: تغيب ولاتدق تطمنا عليك سعود بجمود: حصل لي ظرف وماحبيت اشغلكم معي رفع حاجبه بضيق من نظرات عمه عبدالعزيز المستفزه وبهدو: جدي غريبه فاتح المجلس الكبير حق الاعياد والعزايم جده بهمس: بنعلن خطوبة فارس وعمتك ومشعل وبنت عمتك نوره وخطبتك برد وجهه وهو يطالع عبدالعزيز وبهمس حاد: مافيه لاخطبه ولاغيره عبدالعزيز اللي كان ع الطرف الايمن لابوه وبهمس : بتفشلنا مع الرجال سعود بصوت حاد : وش علي من الرجال انا ماخطبة من احد ولا راح اخطب والموضوع ان انفتح بتنفتح معه مواضيع كثيره وغمز لعبدالعزيز جمدت ملامحه : وهو يسمع جده يعلن خطبة فارس ونوف وصل لين اسمه تنحنح وهو يقاطع جده ويتكلم بصوت عالي وكانه يسكت جده : ملكتي كانت امس علئ بنت عمي عبدالعزيز اعتذر منكم لظروف حصلت واضطرينا انا وعمي عبدالعزيز مانعلن الملكه الا اليوم اسودت وجيهم بصدمه طالع عبدالعزيز بخببث وهو مبتسم وب التفاته لجده اللي صامت بشكل يخوف وملامحه ساكنه وبصوته الجوهري : صحيح ملكة سعود امس كانت بالدمام علئ بنت عمه عبدالعزيز واحد من الرجال ب استغراب: بس بنات عبدالعزيز كلهم هنا مابهن اللي بدمام الثاني: اي والله من هذي فتح ازراه بتعب وهو يسمع تساؤلاتهم سعود بصوته الواثق: عمي عبدالعزيز كان متزوج قبل لايتزوج ام مشعل وطلقها وله منها بنت وهي الحين علئ ذمتي واحد من اخوان سعاد بعصبيه: وماشاءالله يتزوج ويطلق وحنا ماندري عنه سعود بصوت عالي: ومن انتم علشان يعلمكم سالفه صارت وانتهت وخلصنا والبنت وصارت عندنا وسكروا علئ هالسيره جده بهدوء: ماكنا نبي نعلمكم بموضوع صار وانتهئ والبنت تربت مع امها لفتره وبعدين حيرنها لسعود وامس ملكوا والبنت بنتنا عبدالعزيز: ماني لاقي احسن من ولد اخوي لبنتي الجد بكل برود: الخميس ملكة فارس ومشعل والجمعه حفلة ملكة سعود سكت وهو يشوف نظرات عمامه له جلس يلعب ب السبحه وهو يسمع سوالف الشياب وبهمس ليتها جت علئ ماتمنيت ياسعود طالع لعمه اللي ملامحه رايحه فيها اجل بتقلب السالفه علي انا من شفت هالتجمع وانا عارف ان وراه بلا صحاه من سرحانه صرخ عمه عبدالعزيز:انت شلون تتغافلنا وتتزوج من راسك ولا تعلن الزواج بكل فخر بعد وقف وهو يشوف مابقئ بالمجلس الا عمامه وعيالهم وببرود: طلعو بزارينكم ونتفاهم نفس الناس مشعل بغضب: انت اللي سواتك سواة بزر طالعه ب ابتسامه: احترم الاكبر منك وب استهزاء يالنسيب جده بصوت عالي : وش تبي يا سعود سعود: طلع المبزره ونتفاهم جده وهو يطالع العيال اغلبهم موجودين ماعد فيصل ونواف وسلطان : اطلعو بر مشعل وليث: جدددي جدهم بصوت غاضب: اطلعوا طلعو وهم ودهم يذبحون سعود من القهر جلس وبهدو: ياجدي قبل لاعلمك السالفه ابي منك طلب جده وهو يطالع له بقهر: سم يا سعود سعود ابتسم وهو يمسك يد جده بحنيه: ابي بيتي اللي بنيته من حر مالي يرجع لي بهت وجه ناصر وهو يطالع ولده اللي يلعب فيهم ناصر: مو علئ كيفك تطلعني من هالبيت صار لي سعود وهو مايطالعه وعينه علئ جده: ها وش قلت ياجدي جده بهدو: يومين وهو عندك ابتسم بخبث وهو يطالع وجهه ابوه شلون قلب وعمامه اللي كل واحد منهم وجهه يتقارص من القهر جده بنبره عاليه : علمني السالفه ياسعود سعود بهدو وهو يطالع عمامه: شف ياجدي انت من علمتني بالسالفه وانا ماهدت ارضي ولا ارتحت بنتنا جالسه عند الغرب تقل ماعندها اهل ووالي ورحت ودورتها لفتره ومالقيت لهم اثر تناسيت الموضوع الا لما دق خالي فهد وعلمني بالسالفه تحاميت وقلت ماتطلع للغريب انا ولد عمها واولئ بها وخذت اول طياره ورحت لبريطانيا وملكت عليها ورجعت معي للدمام وبكذب بتكمل دراستها بجامعة الدمام وتركتها عند خوالي سكت عقب ماشاف الرضئ يسكن نفوسهم جده بهدوء: ومن خاطبها وشلون فهد خالك سعود وهو متجاهل نظرات عبدالعزيز: خطبها واحد من قرايب خالي فهد مبتعث بالخارج وفهد خالي سالفته سالفه جدي قبل تزوج وطلق ولمن طلق ...زوجته طلعت حامل بفهد بس ماعلمت جدي وتزوجت المره ولد عمها اللي كان عنده بنت اسمها ساره ورضعتها مع ولدها فهد وهذي السالفه كلها وبسؤال ها يجدي اذا انا غلطان بشي ولا خالفت عاداتكم اصدقني القول؟ جده بملامحه السمحه وصوته الراضي: لاوالله يوليدي انك كفو وقدها ولو غيرك كان مااعطئ الموضوع اهميه وطلعها للغريب بس انت تربية ناصر ماترضئ بنتنا تطلع الغريب وبحنيه استغربوها : جيبها لي بشوفها سعود وجهه تقلب: ان شاءالله الشهر الجاي اجيبها جده : وليه ماتجيبها بكره وحفلتك الجمعه سعود: ياجدي حفلتي مو لازم وان صارت بتكون عشا للرجال والبنت للحين متغربه...عطني وقت امهد لها و اعرفها عليكم واجيبها ناصر بهدو: بيض الله وجهك ياسعود والبيت اسبوع بالكثير وبسلمك اياه مارد وهو مركز نظراته بعبدالعزيز وافي: والله وطلعت حركات تتزوج من ورانا ابتسم: اعجبك خالد : الله يهنيكم وجيبها ب اسرع وقت بنشوفها محمد وعبدالله: اي والله جيبها وافي: بنشوف بنتنا الاجنبيه سعود : ههههههههههه ان شاءالله وبهدوء جدي ترا ان جبتها بجيب عمتي معها لان خالي فهد بالخارج مارجع صار له ظرف .... توتر بزياده وانعفست ملامحه مسح جبينه بضيق وقف وهو يستاذن بسرعه جده : براحتك سو اللي يعجبك سعود وهو يوقف حب راسه: مشكور يالغالي وقف مع وافي وبنبره هاديه: شف لي الطريق بسلم علئ عماتي وجدتي وافي : يلا امش معي طلع وهو يلمح مشعل اللي يخزه بنظرات حاقده طنشه وقف عند المدخل وهو يسمع وافي يعلم البنات مايطلعون وافي : ادخل سعود دخل وهو يتجه للمجلس اللي بنهاية الممر ابتسم وهو يشوف جدته وعمته يهلون فيه حب راس جدته وايدينها وسلم علئ نوره ونوف وجلس بجنب جدته : ها بشرينا عنتس وشلونتس جدته بدموع: انت اللي بشرنا عنك وين تغيب وين تنام من متئ يوليدي ماشفتك لاتقطع بنا ياسعود سعود بمحبه: وانا عندتس يالغاليه ماني قاطع وبرجع بسكن بالقريه علشانتس وبابتسامه والحمدالله بخير ومابي خلاف وابشرتس بتزوج بعد ضحكت نوف وهي تقهويه: يوه سعود الشايب بيعرس جدته بهاوش وفرحه: ماشايب غيرتس وبفرحه الله يوفقك يوليدي ويسعدك ويرزقك الذريه الصالحه سعود من جاه طيف غموض ابتسم وهو يردد: امين ي جده نوره: مبروكين ياسعود وعقبال مانشوف عيالك سعود : امين يارب نوف بلعت ريقها من شافت مشعل وملامحه المخطوفه وشماغه ع كتفه نوره وهي تطالع مشعل بفرحه: عسئ الله يهنيك ي مشيعل ويوفقك كلمني جدك العصر وعلمني بخطبتك وابشرك البنت موافقه مشعل مارد وهو يهز راسه وعينه علئ نوف نوف اللي ارتبكت وطاح منها الفنجال: مبروك يامشعل وب استعجال : انا بروح للبنات عن اذنكم وطلعت وهي خايفه من نظراته وجهه وبسؤال لسعود: اختي وينها سعود اللي وقف وهو مطنشه سلم علئ جدته وبنبره هاديه: جده انا عندي شغل بطلع اقضيه داخل الديره بطول لاتحسبون حسابي ع العشا بس جهزو لي الفراش بالمجلس الداخلي جدته : ابشر يوليدي وانتبه لنفسك ولاتسرع سعود: ان شاءالله وقف له مشعل وهو يقرب له : اقولك وين اختي ماتسمع همس له : مالك دخل فيها فاهم وابعد عن طريقي لاادفنك دفه وهو يتعداه بعصبيه مشعل سكت وهو مقهور من ابوه اللي طلع ع طول وسعود اللي مو راضي يعلمه وش سالفة اخته وزواجه .... ... طلع وهو يتجه لسيارته لمح عمه عبدالعزيز ينزل من السياره ومعه عمه خالد ركب السياره وحركها وهو مطنش عمه اللي ياشر له عبدالعزيز بتعب شفت حركاته خالد : يرجاال طنشه تلقاه مضغوط ولايمكن صاير لاهله شي عبدالعزيز بسخريه: هه اهله اللي هي بنتي وطليقتي الله يدنيا خالد سكت وهو يشوفه معصب : امش خلنا ندخل علئ امي ... مشئ وقلبه يعوره كان الموقف لصالحه مو لصالح سعود وشلون قلب الطاوله عليه وش يسكت الناس وبتصير سيرته علئ كل لسان وسعاد وش يسكتها الحين زفر بغضب وهو يغير طريقه ويرجع لسيارته خالد الحمدالله والشكر مدري وشوله منفس والموضوع انحل وخلص وافي اللي سمعه: ي خوي يباخذ له كم لفه ويرجع وبهدو ترا السالفه قويه شوي عشرين سنه مخبين السر عن اهلنا وفجاءه يطلع وبسخريه وخذ لك الحين هالسيره وش يسكرها وموقف مرته وعياله شوي صعبه بعذره يضيق وينفس خالد: الله يسر الحال ويفرجها وافي بهدوء وهم يدخلون البيت: امين يارب وافي بمرح: اقول امش عند البنات خلنا نستهبل علئ نوف وساره خالد بضحكه: وانت ماتتوب وافي بملامحه البشوشه:ابداً ولا راح اكبر بعد دخل وهو يشوف البنات مجتمعات وكاشخات وقهوه والحلا وقفن يسلمن علئ عمهن وافي وخالد سلم وطلع لامه وقف قبال ساره اللي كانت ريانه بجنبها ويسولفون وافي ب استهبال وهو يوخر ريانه: اقول امشي وخري عن حرم مشيعل حمر وجه ساره بخجل: خالي وش قلنا حنا وافي بضحكه: هههههههههههههههههههههههه ي بنات من الحين طلعو ساره ونوف من قروبكم ريم بضحكه: عمي حيلك بنوف منئ : اي بالله تراها دابلتن تسبدونا نوف اللي وجهها باهت وهي تشوف ريانه كيف الصدمه واضحه عليها : اقول وافي لاتجيب هالطاري لااعلم امي عليك وافي : اقول اسكتي لاادق علئ فارستس واعلمه بهبالتس تتافتت بقهر منه : وبعدين وقفت ريانه وبالحيل ماسكه عبرتها: عن اذنكم سلطانه بهمس لنوف: عمه وش فيها نوف بترقيع: تعبانه قبل لاتجي للجمعه قالت انها مصدعه بس انا اصريت تجي ابتسمت من تصريفة نوف الواضحه كيف تعبانه وهي سهرانه امس معنا وضحك وسوالف خلود اللي دخلت وهي مكشره وافي: عوذه عوذه وش بتس بتذبحينا خلود طالعته بقهر وصدت ضحكت ريما وهي تدخل وراها: فقرة كل جمعه جدتي مهاوشتها علشان لابسها تقول لبس الكفار لاعاد تلبسنه عندي وافي : ايه وهي صادزه تستاهلين خلود: وش معنئ بنتك ماقالت لها شي سلطانه : وانتي وش دخلتس فيني وافي وهو يوقف: اقول قدامي غيري ياله وش انا قايلن لتس مابي اشوف هالبس عليتس سلطانه: يييبه حبيبي ماعليك منها وافي بلعانه بخلود: خلاص ي حبيبة ابوتس حرك حواجبه علشان يقهر خلود مالت شفتها علئ جنب: وعع حومتو تسبدي مو لايق عليكم الدلع ضحكوا البنات عليها وطلع وافي وهو ميت ضحك علشان يقهر خلود . . -حسيت بخاطري يضيق وتوجهت للمكان الوحيد اللي يخفف عني هموم هالدنيا تامل المكان بيت شعر وخيمة الطبخ وخيمه ثالثه للعامل وحلاله بعيد شوي عن الخيام رفع عيونه وهو يتامل الغروب وجالس فوق السياره .. هه عباله بيقهرني وبيلعب علي انا من دخلت القريه وانا حاس بشي يضيق فيني وعمر احساسي ماخاب توجهت للمدخل الرئيسي وانا مستغرب من كثر السيارات ب انواعها والشي هذا مايصير الا بالاعياد والعزايم الكبيره اللي اغلب القريه تجتمع بيت جدي وعقبه يصير بدور علئ كل واحد عشا وغدا نزلت وانا اطالع ابوي اللي سبقني زفرت بضيق وانا اطالع بيت الشعر طافي والمجلس اللي دايم نجلس فيه بعد طافي والكبير مفتوح والجزم كثيره تنهدت وانا عارف الموضوع فيه انا وشي مو طبيعي ماذكر ان عمامي واحد فيهم مرته حامل دخلت ومن شفت نظرات عمي عرفت انه عرف بالموضوع وناوي يقلبها علي بس قلبت الموضوع عليه عارف اني كسبت حقد من غير حقد ابوي واخواني صار عمي الحين بصفهم بس هذا المفروض كان يصير لو ماتكلمت كان جت الثانيه علئ راس بنته وانا ماارضاها لها هي غير عن هالناس كلهم مع انها رافضتني وحاس بهالشي بس تبقئ هي اللي ياما دورتها وحلمت بلقاها من سابع المستحيلات اتخلئ عنها لو الخلق وقفوا مابيني وبينها وب ابتسامه ماني قليل شر وهذا اللي بادي يبان علي هالفتره وبهمس وهو يشوف ضو سيارة عمه عبدالعزيز: خلوني اسج في دنياي لو ساعة يكفي لنفسي من الضيقات ما جاها * ابتسم بضيق وهو يشوف عمه اللي يمشي له وواضحه عليه العصبيه... وياه ي عمه اغلئ عمامه واللي ماتوقع منه يقلب عليه وهو اللي مربيه وبير اسراره تعدل ونزل من سطح السياره وب ابتسامه اغتصبها وبصوت شبه عالي: السيف مايزهى سوى كف سياف والخيل دون حصانها مستخيره عبدالعزيز طالعه بنظرات وبصوته : وكف السياف ماطعنت الا خيلها سعود : الوجه من الوجهه ابيض لاطعنت ولاهو من طبعي وانت اخبر بسعود عبدالعزيز وهو متثلم وعيونه حمرا: وشلونها ياسعود سعود صد بضيق: بخير ببعدك عبد العزيز ببحه: بنتي ياسعود وصفها لي وش طبايعها وش حياتها علمني ي رفيق اسراري سعود بتنهيده وهو يمشي ومعه عمه للخيمه اللي اشتغلت انوارها والعامل يشغل الحطب والقهوه جلس وعمه واقف سعود: اجلس يعمي عبدالعزيز بتعب جلس : مافيني صبر عطني اخبارهم سعود: شقول لك يعمي انت بنفسك اللي تخليت عنهم والحين جاي ترجي وصالهم ومسامحتهم شقول لك عن ملامح الحزن اللي ساكنه بعمتي ساره كلما لمحتني ولا عن غصة بنتك ب اسمك ولا علئ سرحان عمتي بملامحي وكانه تشوف عبدالعزيز ماخفت عني لمعة الحزن بعيونها وضيقها مهما اخفته وبنتك اللي كارها قربكم ونسبكم ولو بكيفها تبرت منكم بنتك عشرين سنه ماشفتها ولا سميتها عارف انها قبل يومين تسمت ب اسمك وبتنضاف بكرة العايله حقك ... بكرك ياعمي ماشفتها اول فرحتك عبدالعزيز وعيونه بدت تعلن اول انهزامته: قسم بالله ياسعود الظروف كانت ضدي مابين امي وبين زوجتي وبين عاداتي سعود بعتب: مايشفع لك فيه مية حل وحل ولا تغرب بنتك وهي من صلبك وتنكرها وتنفيها وتبي منها تشفع لك وبسخريه اذ هي الحين كارهتني والسبب اني قريب ابوها عبدالعزيز : بعوضها بس خلها تجي سعود صمت لثواني: ماراح اجيبها ولو جبتها ماراح تعوضها عبدالعزيز: وليه م اعوضها ماهي بنتي سعود: وتوك تتذكرها عمي عقب عشرين سنه جاي تعوضها وبسخريه : وينك عنها قبل مو انت اللي نفيتها مع ماضيك مالك حق ابد تشوفها ولا تكلمها وطلعت من ذمة خالي وصارت بذمتي والله يقدرني واغنيها عنكم عبدالعزيز وهو يشوف انفعال سعود وبهمس هادي مع بحته: تعبت أرحل مع وجيه البشر بنساك بالترحال ولا ادري وش يجيبك في وجيه الناس وآهلّي ! سعود اللي ضاق من هالبيت: انساها يعمي عبدالعزيز زفر بتعب: وانا نسيتها علشان اذكرها سعود بهدوء: ياعمي تعوذ من ابليس وارجع لاهلك الحين تلقئ مشعل قلقان عليك وعمامي عبدالعزيز: مقصر كثير بحقها وين كنت عنها كل هالسنين وشلون غفلت عنها شلون سعود: مابيدنا حيله نرجع الماضي ونصلحه راح بخيره وشره ماعليك الا تنسئ انسئ وتجاهل كل هواجيسك هز راسه وبنبره حنيه: انتبه لها ياسعود لاتضايقها وتزود كسرها سعود: لاتوصي ياعمي بكون سندها وب ابتسامه : قوم ارجع لبيتك واجمع عيالك وزوجتك وعلمهم بالسالفه قبل لاتنتشر السالفه ويزعلون وقف وهو متضايق: شورك وهداية الله ..عسئ ربي يفرجها ...وبتهديد والله ي اني كنت جاي وناوي اطلع الحره فيك باللي سويته بس من شفتك تبخر اللي كنت بسويه سعود بسخريه؛من اولها بتقسئ علئ نسيبك عبدالعزيز ب ابتسامه :يعزي لعديلك بس سعود بغرور:مايوصل لمكانتي عبدالعزيز بتنهيده ؛ ولا يفكر ياصل اصلا يلا انا رايح وانت لاتطول وانتبه من الدواب سعود:ابشر قفئ وهو يمشي وعين سعود وبهمس:شفتها بعيونك يعمي من يومي بزر وانا اسمع سوالفك عنها شاب شعرك وتقدم فيك العمر ولانسيتها ياتسيف من طاريها تتحسر وعينك تدمع وانت القوي الشديد شلون بس خذت قلبك ولا نسيتها اعوذبالله من عشق يوصلني للمرحله وبدندنه: راحت وقلت مع الأيام بنساها والعمر راح ، وأنا للحين بذاكرها ! ... ... العصر برياض طلع من دوامه علئ بيت اهله ونسئ يمر الفندق ولا يطلب لها وصل البيت وهو يشوف سيارات خواله تنهد بضيق وعلئ صوت امه اللي طالعه ومعها الاغراض: الله جابك بنطلع للشاليه وابيك تودي بنات خالك ياسر بتافف:يمه ترا قرفان من نفسي خليني ادخل واتسبح والسايق موجود وبسخريه : وسيارات اخوانك مغطيات الحي من كثرهم ام ياسر:لاحول الله وانا كلما طلبتك فشلتني ياسر وهو يتجه للباب الثاني :بدخل من ذا ولا اشوف زول وحده من بنات خوالي لا والله اقلب البيت عليكم طنشته وهي تنادي الخدم يستعجلون وب امر :من تخلص تجينا بالشاليه ماعندنا غيرك وعمك ذا لاتروح له وبعدين ماتستحي علئ وجهك تروح له وهو مطلق خالتك ياسر بتفهم:طلقها بعد الملكه وكيفه شي راجع له مابينهم نصيب غصب يتزوجون مقدر ومكتوب واصلا اريح لها ام ياسر : لا والله الا الله لايوفقه ويشوفها بنته اليوم قبل بكره انصفق وجهه بصدمه من دعوة امه : يمه استغفري عندك بنات موضوع صار وانتهئ ليه كل هالكره والدعاوي علئ البنت مالها ذنب مو كافي الضرب اللي كلته منك يومين وهي مرقده والسبب انتم ام ياسر: اشوفك تدافع عنها لو تحب السما ماتاخذها فاهم ولا بنات خوالك ترس القاع اهون علي ازوجك اياهن ولا ازوجك بنت عمك اللي خلئ سيرة اختي علئ كل لسان مشئ من غير لايرد وهو وده ياخذها ويهاجر ويفتك من هالمصايب والهواش بعد مرور ساعه طلع من قسم الرجال وهو يدخل البيت عقب ماحركوا طلع لغرفته وطلع جوازه ورجع يركض وقف عند المريه وهو يعدل لبسه اللي كان عباره عن تيشرت ابيض ب اسود وشورت اسود وكاب اسود دق علئ خويه وهو مستعجل :الو السلام يزن فزعتك ابي تحجز لي رحله لدبي لشخصين اليوم بالكثير اذ تقدر حبيبي مشكور يعطيك الف عافيه سكر بفرحه وهو يتوجه للفندق مشئ وهو يفتح الغرفه عبس وجهه من الجو الكئيب انصدم وهو يشوف الفلوس بمكانها وهي نايمه مشئ وهو يرفع الستاره وبصوت عالي: اغصان قومي يلا اذن المغرب وانتي نايمه وشذا النوم فزت من صرخته وهي ماسكه اللحاف ورجعت علئ ورا بخوف : وش فيك وش تبي ليه تصرخ ماسويت شي والله ارتبك وهو يشوفها خايفه ضرب جبينه وهو يتذكر نصايح الدكتور النفسي له وكيف يتعامل معها وانها بهالمرحله لازم تبعد عن الناس واي شي يضايقه ويطلعها من هالجو قرب وهو يرسم علئ وجه ابتسامه هاديه :يقلبي ماسويتي شي بس طفشت لحالي قلت اقعدك واجلس اسولفك عليك وبهدوء: تسمحين لي اجلس اغصان وهي ترجع لوضعها الطبيعي : اصلا بقوم اغسل عن اذنك وقامت وملامحها جامده اللي يشوفها يقول وش هالبرود ماتحس وهي من داخلها تتنافض من الخوف ماهي متعوده علئ وجوده بجنبه لهدرجه توجهت لدورة المياه سمعت صوته وهو يطلب لها غدا طالعت وجهها بمريه وفجاءه تذكرت ضرب سامي لها ومن غير لاتحس بنفسها بدت تضرب نفسها بعنف مسكت يدها وهي تحاول تهدي نفسها والالم يزود عليها صرخت بوجع لما انضربت ايدها بالمغسله بقوه .. كنت جالس بالصاله وفجاءه سمعت صرختها ركضت لها بخوف ابيها تفتح الباب بس ماكنت اسمع الا صوت تكسير كسرت الباب وبهتت الدنيا بعيوني وانا اشوف منظرها غارقه بدمها بركض ب انقذها بحاول اسعدها بس رجولي من هول الصدمه عجزت احركها التفت لي وايدينها دم ورقبتها مخمشه ونص بجامتها مقطعه وشعرها وجهها المجروح اغصان بدموع: انت اخذت بقايا انثئ اخذت انسانه معقده نفسيا شفت شفت بعينك اني مااقدر اصلح اكون زوجه ولا اي شي بالحياه شفت شلون اذيت نفسي شلون تقدر تتطمن علئ نفسك وانت عايش مع انسانه تعنف نفسها ماتخاف اذبحك ولا ماتخاف اخنقك ترا ماعندي مشكله ماعندي شي اخسره ابد ... ... ... الئ هنا ولنا لقاء قريب وشكرا حبايبي علئ ردودكم الحلوه وتوقعاتكم الجميله شكرا وكونوا دايم بالقرب اتمنئ يعجبكم البارت واعتذر اني طولت ومانزلته بس شوية اشغال لاهتني واعتذر علئ عدم ردي علئ الردود ان شاءالله بحاول ارد عليكم وقراءه ممتعه وشكرا علئ ردك الجميل فيتامين سي واميرة الوفاء❤❤ |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . البارت (13) كبُروا وهللوا واحمدُوا اللَّه كثيراً نحن في أحبَ اﻷيام وأعظمها. . . والله ما تلقيـن حبـي مـع النـاس روحي وهـالأيـام بينـك وبينـي .. جالس وعاقد ايدينه علئ صدره بهم تاملها كيف نايمه وب الاصح مخدره انهيارها كان جدا صعب عليه وهو مو قد انهياراتها حس فعلا انها هم عليه ماتوقعها لهدرجه متضرره شلون بيوجه اهلها فيها وهي للحين ماستعدت تتواجه معه وتتصالح مع نفسها كذا بيزدد الوضع سوء كيف بتتحمل امه ولانغزات اهله وكلام الناس وخالاته كان مقرر يطلع لدبي يرتاح لمدة اسبوعين ويرجع مفكر ياخذها معه علشان تتعود عليه ومنها تغير جو بس الواضح انها تبقئ بهالشقه ارحم له ولها تنهد وهو خايف تصحئ وتسوي بنفسها شي للحين مانسئ شكلها تعوذ من ابليس وهو يتذكر موقفها : طالعها وهو يحاول يجريها : حلو وانا ماعندي شي اخسره غيرك انتي ارتجفت وهي تحس بوجع بقلبها : كذاب كلكم كذابين بكره تصير نفسه هو ماكان يرضئ احد ياذني تساقطت دموعها ب الم وحسره تقدم خطوه وهو يحاول ياحافظ علئ هدوئه ويجاهل خوفه عليها : ليه وش سوا لك هو طالعت كفها اللي الدم ماليه وبهمس متناقض: ماسو شي ابد ياسر وهو مايفصله عنها شي : ماسو لك شي وبتعجب كافي حفر هالحزن بقلبك وجرحك شلون يطاوعه قلبه ينزل دموعك احد عنده هالاخت ويضرها رفع شعرها عن وجهها وهو يمسكها بهدو : ماله حق باللي سواه ابد ضمها له وهو يسمع شهقاتها تتزايد مشئ معها لين ماطلعها وجلسها وهو عارف ان هذي مو نهاية انهيارها همست بتعب : ابي انام ياسر من غير مااحلم بكوابيس ابي ارتاح رفعت عيونها له وبرجا الله يخليك ريحني من هالتعب انت دكتور عالجني وبرجاء نسني وشسو فيني اخوي نسني لاتخليني كلما احط راسي علئ المخده اتذكره واقارن افعاله وانام علئ دموعي وانام مكسوره ساكت وهو يطلع ابرة المخدر ويحاول ماتنتبه له وهو يشوفها بعز انهيارها شلون تطالع له من المرايه وتشكي له تقدم لها وجلس بجنبها وبهمس :غمضي عيونك اغصان : ليش وش بتسوي ياسر : مو تبين ترتاحين هزت راسها ب ايه ياسر : اجل غمضي بس دقايق وصدقيني بترتاحين اغصان وهي تاشر ع بنطها ورقبتها: وهالالم وش يريحني منها ياسر ابتسم: بعالجك بنفسي لاتخافين بس غمضي وعدي معي من الوحد لين العشره وتلقين نفسك نسيتي وارتحتي غمضت مثل ماقال بس نزت من حسته يغرز الابره ب ايدها تحركت بخوف بس ثبتها وهو يشد ع ايدينها بقوه همست وهي تحس بخمول: نفسه انت نفسه تاملها وهي نايمه ع كتفها قام وهو يجب علاجاتها وشنطة الاسعافات ويبدا يضمد جروحها غير لها لبسها وشالها وهو يحطها ع السرير صحئ من سرحانه علئ صوت جواله اللي لخامس مره يرن رد بضيق علئ امه امه بهاوش: وينك انا مو قايله لك تجي للشاليه خوالك يسالون عنك لمتئ بتجلس تعصيني وتفشلني ياسر برودة اعصاب: عندي حاله هالحين وعقبها بمشي لدبي عندي مؤتمر انتي عارفه ان اجتماعاتي متخلص ودوامي متعب امه : مالت قالو افرحي جاك ولد الا ولولد عاد ياسر بتعب: شكرا امه سكرت بغضب منه جالسه وهي تتامل لعب الصغار بالمسبح وبهمس: وانتي وش فيك كذا علئ ياسر امه: قهرني يامشاعل كلما طلبته يامشغول يا مداوم والحين يقول بيطلع لدبي عنده اجتماع مشاعل مازالت صامته وبهدو: طيب وين المشكله تدرين ولدك دكتور ودوامه يومي وبمستشفئ حكومي وماعنده اجازات الا بطلعة الروح وتخصصه شوي صعب لازم يطلع دورات واجتماعات وبالعكس ولدك ماعمره فشلك دايم يطيعك وحبيب ويضغط ع نفسه علشانك الجازي بسخريه: وانتي للحين تدافعين عنه وعمه ذاك اللي مايتسمئ مشاعل قاطعتهاوهي تلعب بسوارتها: وش علي منه هذا ربي بلاه بولده كلن يقول عنه عاق ومرته الثانيه الله لايبتلينا تعبانه وهذا ربي خذا جزاي منه ولاوفقه بحياته وبعدين الموضوع اخذ اكبر من حجمه وانا ربي بيرزقني باللي احسن منه الجازي بضحكه: والله وطلعتي حكيمه اجل وين هالعقل اول ماطلقك مشاعل: التجربه خير برهان الجازي وهي تلتفت لبنات اخوانه وخواتها وبهمس: ياسروه للحين شكله يبي بنت عمه وبهمس وهي تطالع اختهم الثالثه جايه: انتبهي منها ومن هالنسب الجازي سرحت لو فعلا اخذها وش بتسوي ..... ... المغرب بالدمام: ماده شفايفها بزعل من امها اللي مارضت انها تطلع بعباية كتف وسحبت جوالي غموض وهي توقف بزعل : يمههه تكفين رجعي جوالي ساره وهي جالسه: مافيه جوال لين ماتسمعين كلام زوجك وتتسنعين غموض وهي ترفع ايدينها وتدعي: يارب انك تاخذ حقي من هالسعود اللي قلب امي وخالي علي ساره وهي كاتمه ضحكتها علئ ملامحها وحركاتها : ايه شدي حيلك بعد غموض : ياماما ي حبيبتي شلون تبيني اجيب عباية راس وانا اصلا ماطلعت للسوق اخيطها مثلا من شعري ساره بضحكه: والله ي حبيبتي قلت لك اطلبيها من الانستا الله ماكثر الحسابات اللي تجيبهن لباب بيتك غموض : طيب منين لي جوال اطلب منه ساره : وذا وش رفعت جوالها خذيه واطلبي لك عبايه زي الناس غموض طالعت امها بنص عين: اطلب لي انتي وكملت مشيتها بزعل للغرفة سعود وهي ناويه تفتشها بدال الطفش ساره وهي تطالع الحسابات لقت محل عبايات يوصل طلبت لها ولغموض عبايات راس ونقاب طالعت لجوال سعود اللي من امس وهو ماسكت ي ابوه ناصر ي عبدالعزيز طالعت اسمه بضيق : وش تبي عقب هالسنين ي عبدالعزيز اغلقت الجوال وهي تفتح الشرايح اللي جابهم لها غازي وجاب اغراض البيت واقترح عليها يدور لها شقه بس رفضت لين مايجي سعود يرتب لها لوضع استحت تطلع معه وهو مو محرم لها ولا تعرفه ... .. سعود طالع ساعته ولا تسع ونص وقف علئ حيله وهو يتلثم عن ريحة الحطب نادا الهندي يطفي النار وركب سيارته شاف سيارتين يكبسون له نزل من السياره وهو يشوف شباب ينزلون منها ماتضحت ملامحهم الا لمن شاف ليث تنهد براحه ليث بكل هدوء: نبي نجلس معك اذ ماتمانع سعود وهو يطالع العيال كلهم موجودين ماعد العيال الصغار اللي هم ضاري وعامر ومشاري وطلال فيصل : من زمان عن جلساتك سعود طالعهم بهدو: حياكم وحذف المفتاح علئ ريان طف السياره وجب لي المفتاح ريان والفرحه اعتلت ملامحه انه عبره: ان شاءالله مشئ وهم وراه واشر للهندي يسوي لهم قهوه جديده عمر وهو يحاول يلطف الجو: قبل امس طلعنا للبر كنا بنجي مخيمك بس انخرشنا منك سعود طالعه ببرود: طاردكم منه انا حياكم ب اي وقت سوا كنت موجود او مو موجود الحلال حلالكم والمخيم لكم مااني غريب علشان تخافون تدخلونه ولا نتعازم عليه المكان لكم ولو تبون تعزمون اخوياكم مافيه مشكله فيصل وعمر: ماتقصر والله ليث : هذي الهقوه مشعل وعينه بعين سعود : ماهو بكيفك الاغصبن عنك سعود ابتسم ومارد عليه وهو يحس بجواله يرن وقف وبهدوء : عن اذنكم شباب شوي وجايكم طلع وهو يلمح ريان للحين بسيارته جمدت ملامحه وهو يتذكر العقود وكل شي بسياره مشئ لسيارته وهو يفتح الباب وبنبرة سخريه: وانت للحين علئ طبعك تحب تفتش ب اغراضي ريان بلع ريقه وهو ينزل الميداليه : لاوالله بس اعجبتني الميداليه وجلست اشوفها زين سعود وهو ياشر له ينزل من غير نقاش نزل وترك المفتاح علئ الكرسي ركب السياره وحركها وابعد شوي عن المخيم طلع جواله وهو يرد علئ غازي غازي : ياخي وش هالناس اللي انت جايبها سعود بحده: احتس زين غازي : هههههه قصدي ماشاءالله طلباتهم قليله وتراهم عيو يطلعون معي لاي مكان يقولون لاجاء سعود يودينا وجبت لهم شرايح بنفسي والغدا بعد وعقبه قالت الحرمه مشكور ولاتكلف علئ نفسك شي لاننا ماراح ناخذه مره ثانيه من الاخير اكرشتني سعود وهو يبتسم: حلو اجل خلك من بعيد لبعيد لاحتاجوك بيدقون عليك غازي : وانت متئ تجي سعود: تقريبا بعد اسبوع اكون بدمام غازي : علئ خير وترا ارسلت لك ارقامهم سعود: طيب جزاك الله خير وانتبه لهم زين ترا مالهم غيرك الحين غازي: لاتوصي حريص وبتنهيده: شفت ماجد وش سوا سعود: مسوي شي غازي: علئ اساس يطلق مرته الظهر مشينا للمحكمه وسوا لنا توكيل للورث بحجة انه تعبان وبعدها طلع قبل لايجون عيال خوالي ومسك الخط ومشئ علئ وين ماندري سعود : طيب دامه سوا توكيل كلي لك حلو طلق يعني ماهو غبي يحط لك توكيل وينحاش اكيد يبيك تمشي ب امور الطلاق غازي : سالوني عيال خالي وقلت لهم انه تعبان وبكره بيجي يطلق سعود بهدو: ياغازي فك نفسك وبكره الصبح خذ عيال خوالك ورح المحكمه وطلق يعني حركته واضحه جدا ماوكلك تمشي ب اموره الا انه صدز تعبان وعارف نفسه مايقدر يطلق وكلك هالامر انت ماعليك الا اذ جاء الصباح تروح وتسوي اللي قلت لك عليه وكلم اخوانها وعلمهم غازي : شورك وهداية الله ومنها افك هالمسكينه منه سعود:يلا انا بسكر وعقب بدق عليك عيال عمي مجتمعين عندي بالمخيم غازي: طيب عن اذنك سكر منه وهو يخلي جواله ويرجع للمخيم نزل وهو يشوف الشباب مجتمعين ويتقهون سعود: شكلي بطلب لكم عشا هنا سالم: يكون احسن والله ودنا بسهره دام بكره اخر يوم اجازه فيصل : بس ترانا ها كاشين منك شوي سعود : ماعليه تبشر ياسالم وانت واشر علئ فيصل ماراح ارد عليك سعود: ريان قم وشغل المكيف سلطان بضحكه: مخيم خمس النجوم جلس سعود بجنب مشعل وهو ساكت وبهدوء:جيتكم ماهي علشاني وش صاير لكم علشان تجوني ومن غير فارس ليث بهدوء: نبي نعرف وش السالفه اللي مخبينها علينا سعود بسخريه: وانا وش علي اعلمكم روحو لجدكم ويعلمكم وهو سبب السالفه مع عمكم عبدالعزيز اما انا ماراح اقولكم شي من السالفه مشعل ببرود: لاتقول مصيرنا بنعرف سعود طنشه : دامكم مجتمعين كل واحد يعلمني وش مضايقه فيصل: مو مضايقنا شي نبيك قريب مننا ولد خالنا سعود ب ابتسامه: وانا ولد خالكم عمر : قصده تخفف من حدتك شوي وبرودك بنهاية حنا عيال عم ونحب نجتمع معك بس انت ماتجلس معنا وبس مع الكبار سعود بهدوء: ومن كان يحل مشاكلكم ومصايبكم غيري ماحب اذكركم باللي سويته لكم بس كل واحد يعرف وش سويت معه راكان : طيب دامنا جالسين وتسذا وشرايكم نلعب ورقه فيصل نواف: قدام سعود بهدوء : انا ماحب هالالعاب برسل الهندي يجيب لنا عشاء ليث وقف : قولي وش تبون وانا اعلم الهندي سعود التفت لهم بعدين طالع لليث وطلع فلوسه وهو يعطيهم ليث: جيب مشاوي وكثر منها ليث : طيب وتوجه للهندي يعلمه وش يبون ويعطيه فلوس سعود طالع للعيال اللي كلهم اجتمعو يلعبون الا مشعل اللي جواله يرن لرابع مره ومايرد سعود بهمس: قوم اطلع معي مشعل طالع له: وش تبي سعود: مو تبي تعرف السالفه قوم معي وقفو واتجهو للسياره تخت استغراب الشباب منهم ... ... بيت الجد مجتمعين الحريم بالمجلس والجده بوسط المجلس والبنات بالمجلس الثاني ام ليث بخبث: الا ماقول لكم سعود منهو متزوج ام عبدالعزيز طالعته بقوه: ياتكرمينا بسكوتس ياتتفضلين برا ومجلسي يتعذرتس برد وجهها وهي تطالع نظرات نوره وام عمر وام نواف شلون كاتمات الضحكه ام مشعل بهدوء: الله يتمم لهم علئ خير ويفرحنا بعيالنا الباقيين ام سلطان من غير نفس: امين ام راكان بنغزه: والله حلات الواحد ياخذ من برا ام عمر:صدقتي مو شرط ياخذون من قرايبهم قاطعتهم ام مشعل وهي توقف:عن اذنكم ابو مشعل يرسل يبيني نوره :ماشفته وينه خليه يجي سعاد:والله يرسل يقول يبيني ضروري بالبيت وخذت عباتها وشنطتها ومرت علئ المجلس وخذت منئ ومنايا ومسك اللي تلعب بالحوش مع البنات الصغار منئ وهي تلبس عباتها؛غريبه شيبي ابوي هالوقت سعاد:وانا وش عرفني يقول بسرعه تعالو توجهو للبيت وكل وحده تفكيرها وش يبي ابوهم منهم جالس بصاله وايدينه علئ وجهه وعيونه حمرا شافهم يدخلون وينزلون عبايتهم ويجلسون سعاد:سم ي ابو مشعل تكلم بصوت مبحوح وهو مايطالعهم: قبل لااتزوج امكم طلعت للرياض ادرس وقتها كان عندي صديق مقرب لي حيل تعرفت عليه برياض ومره من المرات تعب ووصاني علئ اخته ومرت الايام وطلب مني اتزوجها تزوجتها شهور وطلقتها ورجعت للديره وكانت حامل وجابت بنت وانا مدري ودريت ورفضت الام وبنتها وعلمت جدكم وطردهم وتزوجت ب امكم وهم سافروا للخارج وانقطعت اخبارهم ودرئ سعود ولد عمكم عن السالفه ونبش وراها لين مالقئ البنت وامها وتكفل فيهم وتزوج وبغصه بنتي اللي اسمها غموض واليوم اعلن ملكتهم وانا ماكنت عارف وش اسوي وابوي وقف معه وعمامه ايدو فعلته ان ماخلا بنت عمه للاغراب وجابها واخذها ومسالة وقت وتكون البنت هينا رفع راسه عقب ماتسذب ببعض الامور علشان مايجرح سعاد طالع ملامح بناته ودموعهم وابتسم:لاتخافون الغلا الاول والاخير لكم وهي متزوجه الحين ولا راح ترضئ تجي الا تسلم وتروح وقف ومشئ لسعاد اللي ملامحها مخطوفه ودموعها ماليه وجهها ؛ماقبلتس احد ولابعدتس احد انتي لتس المعزه بقلبي وانتي اللي علشانتس طلقتها ولاتخافين ماني راجع لها ولا لبنتها داهمته بسؤالها:اسمها ساره هي عبدالعزيز بكذب:لا اسمها مو ساره وقفت وهي تتجاهله ودخلت غرفتها تنهد بضيق وهو يشوف بناتها كل وحده تقوم بزعل وقف وهو ناوي يراضي سعاد .... .. جالسه بغرفتها وهي تبكي دخلت عليها نوف وهي تحاول تهديها :شلون تقولين لي يبيتس وهو خذا بنت عمتي ولا مين ساره ساره خويتي واختي وكل شي ليه ياعمه يسوي فيني كذا انا وش سويت له ليه يوعدني ويخلف شهقت بقوه وهي تتنحب شلون بحظر زواجهم وملكتهم قولي لي شلون بقدر اطالع وجهه ساره عقب زواجها منه نوف:ماعليه يقلبي الله بيعوضتس ب الاحسن منه ماردت وهي تبكي بقوه وتسالها ليه يسوي فيها كذا .... ... توتر وهو ماسك خط الجنوب وسرعه معيه تنخفض معه عرق وجهه بخوف وهو يشوف السرعه مو راضيه تنزل والطريق كله خطير حاول يكبس بس ماحد منتبه له تشهد وهو يشوف ضو الشاحنه طلع له وبلحظه صار تحت الشاحنه غمض عيونه بسلام وشريط حياته يمر ببط واللي بطريق دقوا علئ الاسعاف واللي يترحم له واللي يحاول يطلعه لان سيارته بدت تدخن تقدمو له اثنين شباب وحاول يطلعونه وبالقوه طلعوه وابعدوه عن الطريق سياف بخوف وهو يشوف ثوبه كله دم وينزف وايديه والحديد اللي ناشب لها لف وجهه وجلس يستغفر معاذ:الاسعاف جت نزلوا وهم ياخذونه بالاسعاف ويحاولون ينعشونه سياف ركب معهم ومعاذ لحقهم بسياره اقشعر جسمه وهو يتذكر كيف صار الحادث بغمضة عين تعوذ من ابليس وهو يرجع راسه مايبي يطالع له بس مضطر يركب معه .... .. عند ام ماجد صحت من نومها مفزوعه تعوذت من ابليس وهي تطلع جوالها بتتطمن علئ عيالها وسعود .... بغرفتها جالسه تشتغل علئ اللاب توب ولا برسايل ورا بعض رفعت جوالها بخوف وهي تطالع الواتس ورقم غريب فتحت جوالها وناويه تعطي حظر ولا بصورها وكاتب تحتها :بتردين ولا انشر هالصور الزينه ارتجفت ايدينها بخوف اخذت جوالها وطالعت لغرفة اخوها وقفت بتردد عند الباب تقوله ولا ماتقوله تنهدت وجت بترجع الا فتح الباب ... ... الئ هنا ولنا لقاء قريب. وكل عام وانتم بخير مقدما❤❤ |
رد: ومالي بدجئ العاشقين ملاذ! بقلم/غسق آلليلh
. . تكملت البارت (13) . . فتح الباب جاء بيطلع الا دنيا واقفه وسرحانه عناد اللي جاء من دوامه نام وماصحئ الا هالوقت استغرب حرك ايده قدام عيونها وبصوت عالي: بببببنتتت دنيا انتبهت له وجهها اصفر من الخوف : هلا عناد: وش موقفك عند غرفتي تبين شي دنيا : لالا سلامتك جت بتمشي ولا صوت رسايل ورا بعض برد وجهها عناد تقدم لها وبسؤال: وش هالرسايل اللي ماتوقف دنيا مايمديها تتكلم ولا اخذ الجوال وبهمس: علميني وش صاير لك من اسبوع مانتي علئ بعضك دنيا وهي عارفه عناد لو كذبت بيكشفها بكت علئ طول بخوف عناد :بسم الله عليك وش فيك مسكها معه لغرفته جلست وهي تبكي بزياده عناد: الحين تقولين لي وش صاير دنيا وصوتها يرجف: قبل مده جنني رقم بس يتصل رحت بلكته والحين جايني برقم ثاني ومدري كيف عنده صورتي وانا اساساً م اصور وجوالي كله مافيه صوره لي وخايفه ياعناد انك ماتصدقني عناد اللي عض شفايفه ماوده يضربها وبصوت عالي : وتوك تعلميني لو ماسالتك وطلعت بوجهك كان سكتي وشلون وصلت له الصوره دنيا وايدينها بدت ترجف ودموعها: والله كنت جايه اقولك وبعده ترددت خفت ماتثق فيني عناد : خبله انتي شلون م اثق فيك وانتي تربيتنا واثقين فيك يادنيا بس المفروض من البدايه معلمتني صد وهو يحاول يهدا التفت لها وهي خايفه ومتوتره جوالك باخذه معي دوامي وبالمركز بحاول اطلع موقعه وبهمس من اللي ترسلين لها صورك من خوياتك دنيا: مره بس ارسلت لوحده من البنات بسناب عناد : طيب مني هي يمكن من طرفها دنيا: لا مستحيل عناد بسخريه: ي بابا كبري عقلك بهالزمن مافيي مستحيل كم مره انبهك ماترسلين لاحد صورك دنيا: بس مره بحفلة همس ارسلته بسناب عناد تنهد: لاتقولين للعيال انا بشوف الموضوع واحله وباخذ جوالك معي لين م احل الموضوع طيب وهدي ماراح يقدر يسوي لك شي وقف ودنق عليها وهو يبوس راسها : والله لاوريه شغله اجل يبكي احلئ دنيا يويله بس دنيا ابتسمت مابين دموعها: الله يخليك لي ولايحرمني منك ابتسم وهو ياخذ جوالها: يلا انا طالع الحين يوم واجيب لك الاخبار اللي تسرك طلع وهي وقفت بخمول وتعب وبهمس: الله يحفظك ي خوي وبتكشيره وياخذ حقي من اللي مايخاف ربه ومشت لغرفتها ... .. عند ام ماجد دقت علئ غازي وسيف وتطمنت عليهم وشافت عناد وهو ينزل ام ماجد: عناد تعال عناد مشئ لها ودنق عليها وهو يحب راسها وجلس بجنبها: سمي يالغاليه ام ماجد: ي وليدي من اليوم ادق علئ ماجد مايرد عناد بتصريفه: ايه ماجد ارسل لي يقول بينام ب استراحتنا الشباب مجتمعين فيها ام ماجد بتنهيده: قلبي مو مطمن عليه حاسه بشي صاير له عناد: تطمني يايمه مافيه الا العافيه هذي همسات الشيطان تعوذي من ابليس وارجعي نامي مابه الا العافيه هزت راسها: وسعود شلونه عناد: قلبتس مايطاوعتس الا تسالين عنه ام ماجد: صدز زعلانه منه بس قلب الام عناد: ابشرتس بخير وامس كلمته يقول اسبوع وبيرجع للدمام ايه يمه بكره المحامي بيجي يفتح الوصيه ام ماجد وهي توقف: علئ خير يلا برجع اريح انا ..وانت انتبه من الطريق يوليدي لاتسرع عناد: نوم العوافي وابشري يالغاليه ماطلبتي شي مشت وهي تحاول تتجاهل احسسها قلبها يرقع من خوفها واحساسها جلست علئ سريرها وهي تفتح قرانها وتقرا لعل وعسئ هالضيقه تفارقها ... وبشقتهم جالسين وكل واحد سرحان بهمومه سعد بضيق: اليوم مودتس صفر هدئ ماردت وهي تلعب بجوالها سعد زفر بقهر: اكلمتس وش بتس من قعدتي والشياطين راكبتس هدئ : مافيني شي بعدين وحده جالسه من النوم تبيها تضحك لك اكيد بصحئ منفسه سعد : اليوم راح كله بالشقه انتظرتس تصحين ويوم صحيتي اعوذبالله انا من شفت شعرتس طاير وانا عارف مافي جني بالدمام ماركبتس استغفرت بصوت عالي وهي تصد عنه بزعل سعد : معقوله العلاجات من ثالث يوم متعبتس كذا هدئ: لا استهبل معك شرايك يعني عبالك الوضع طبيعي تتعب من العلاجات العاديه وقوتها ..فمابالك بالابر والعلاجات الحمل دبل القوه سعد : طيب اخوتس متئ يجي هدئ: بعد شوي ونمشي العصر سعد وقف : طريق السلامه وانا رايح انام قبل لاتجرمين فيني ماردت عليه وهي مغمضه عيونها ومدت رجولها علئ الكنبه وبهمس: يارب تعيني .. ... السااعه 1 بليل جالس بصمت يلعب بنار وهو متلثم وجواله بجنبه يحرك بالعصا يمين ويسار يطالعهم وهم يحركون سيارتهم كل واحد فيهم جواله دق ي ام تسال ولا اب يهتم اخوانه هم اخوانه ابوكل شوي يدق ويسالهم متئ يرجعون ابتسم ب الم وهو كل دقيقه يلمح جواله يمكن يدق عليه ابوه بالغلط ولا جدته تساله وينه وليش ماجا ينام وبهمس : وش صاير لك ياقلب سعود وش فيك تسال وهم ماسالو غمض وفتح عيونه والحزن اللي بعيونه مهما حاول يخفيه واضح لمعة عيونه وهو يشوف ليث كل شوي يرد علئ ابوه.. زادت حسرته وبغئ يسأله ابوه ماجاب له طاري ..رفع عيونه لفوق مهما حاول يخفي الحزن عليه يبان روحه تجرعت الفقد مو اي فقد لا فقد الاهل وهم موجودين تمنئ يكون مره بس ليث ولا مشعل ولا اي واحد فيهم بيجرب احساس امه تدق عليه تساله اكل ولانام ولا وينه طول والاهم من هذا كله دعواتها اللي تسابقه بكل خطوه تمنئ بس مابليد حيله نزل راسه لجواله وهو يطالع الرقم الغريب وبهمس: فاقد الشي لايعطيه وشلون بعطيتس ياغموض هالاحساس وشلون اعطيتس الامان وانا فاقده وشلون من بحبتس واعلمتس وش كثر خبيت بقلبي حبتس وانا انسان اقل مايقال عنه بارد ولايحس ولاعنده مشاعر علشان يحب كيف بتشوفين حبتس بعيوني قبل لاتنطق به شفاتي بيتعبتس اني شخص جدا كتوم بس لاتتخلين عني مثلهم زفر وهو يتعوذ من ابليس ومن هالرقم اللي معلق عليه رد بهدو: من معي غموض بصوت هامس: غموض سعود ب استغراب: يهلا فيكم شي غموض : هلا لابس انت قلت اذ طلعت رقم ادق عليك ..وبسؤال لقيت لك شي وحبيت اسالك عنه سعود ببرود: ايوه ترا الناس تسلم وتسال عن الاخبار اول مايدقون ولا ماتعرفين غموض تجاهلت كلاكه بصوت هادي: فتحت دفترك ولقيته كله اشعار واخر كل بيت حاط حرف سعود بسخريه : ايه ومن سمح لك تفتحين دفتري غموض: خلاص معليش برجعه جت بتسكره ولابهمسه سعود بهمس: باقي مني ليل وباقي ضيّ نجمه ما ذبلت باقي مني في المواعيد القديمة الف ذكرى ما رحلت هاتي كل الحب هاتي الشوق كلّه وقابليني فـ المكان اللي عسى قلبك يدلّه لي زمن ما قلت احبك وباقي مني ليل !. (بدر بن عبدالمحسن) سرحت بكلامه بضيق من يقصد بمواعيده القديمه واشعاره اللي بدفتر وذاك الحرف وبهمس: كنت تحب سعود ب ابتسامه: عندك الدفتر وشفتي اشعاري لها غموض بزعل: اجل ليش تزوجتني وبقلبك غيري سعود : نصيب ياغموض والنصيب ماحدٍ يرده غموض : طيب بسكر تصبح علئ خير سكرت وحذفت الدفتر وبهمس: وانا وش علي اغار اصلا مايهمني مالت عليه وعلئ اشكاله من زينه علشان اغار عليه خليه يحب وحده وثنتين وثلاث والله ماهز لي جفن ولا راح اهتم اصلا تمددت ع الكنب وهي تشوف جوالها يدق وبهمس: بلعنه دق من اليوم لبكره خل حبيبتك تنفعك .. وقف عقب مكالمتها جددت فيه الروح وقف وبضحكه: خبيله ماتدري هالشعر كله لها ركب سيارته وهو يرسل لها مقطع صوتي وتوجه للقريه وهو حاس بشوية فرحه دامها نفذت اول كلامه معناته قادر يشكلها علئ مايبي بس يبي لها وقت علئ مايعودهاعلئ اطباعه .. .. بيت همس جالسين وهي بينهم وسرحانه كيف ماجد يطلق بهالسهوله توقعت بيجلس يحط سوالف وشروط هي اكثر وحده تعرف اسلوبه وتناقضته وبالاخير هو باعها بهالسهوله حطت ايدينها علئ بطنها بخوف من جاب مناف طاري الحمل وهي جالسه توسوس قاطعها ذعار:لا تخافين بكره الصباح ورقتك عندك ابتسمت بتعب:الحمدالله علئ كل حال طالعت مناف اللي جالس بضيق وسرحان وبهمس:شفيك مناف:ولا شي بس بغيت تفاتحين امي لاجت من سفرتها تخطب لي وحده من بنات خوالي همس:وشفيك مستعجل طيب توك صغير علئ الزواج مناف تجاهل كلامها وقف:بلغيها لاجت ..وبصوت عالي عن اذنكم وطلع لغرفته دخل رائد ومعه اكياس الايس كريم والشبسات وبصراخ:دجاج ذعار وينه ذعار شال المخده وحذفه :دجاج بعينك شايف ابوهم ديك رائد :ههههههههههههههه..هقوتي انه ديك ذعار؛الله وعاد عيالك الارانب رائد وهو يتجه لهم ويجلس:والله ارانب سريعه وحلوه مو دجاج همس ابتسمت وهي تشوف اخوانها يتمازحون دقايق ولا البزارين كلهم ركض علئ رائد ذعار وهو يقوم وياخذ ايس كريم ورائد يصرخ حذف علئ همس :بردي علئ تسبدتس رائد:ماشاءالله جايبه للصغار مو لكم عوذه بس تبرد علئ حسابي ذعار :هههههههههه اجر لك ي حمار رائد برفعة حاجب: عيب هالالفاظ تجاهله وهو يمشي للدرج وبصراخ: نوم عيالي عندكم تعرف مابي ازعاج وركض لفوق ورائد يصرخ : مالي دخل فيهم همس : انا باخذهم عندي رائد: ترا امازحه بس ولا عادي حاسب حسابهم مع عيالي ومتعودين ينامون بشقتي همس: اذ ازعجوك جيبهم لي رائد: ابشري وبصوت عالي : يلا خلصوا اكلكم علشان نروح نشوف فيلمم البزارين بصوت واحد: طييب ضحكوا عليهم رائد وهمس ... .. باارض الجنوب وخاصه ب ابها بعد اربع ساعات بالطوارئ جالسين وثيابهم موضحه الحرب اللي خاضوها والدم اللي عليها معاذ: تتوقع يموت ولا يصحئ سياف: تبي الصراحه ان عاش بيكون متالم والموت اهون له غمض بخوف انت شفت شلون جسمه صاير والحدايد ماظنتي بيعش معاذ : لاحول ولاقوة الا بالله سياف وهو يشوف الدكتور يطلع من العمليات : طمنا يادكتور الدكتور: الحمدالله قدرنا نوقف النزيف وطلعنا الحديد وسوينا له ثلاث عمليات صيخ ثنتين برجله وحده بيده الصراحه بفضل الله انه عايش ..ولا حالته كانت جدا صعبه وحادثه شنيع واحتمال كبير يكون فقد جزء من ذاكرته وبكل اسف اذ ماصحئ بعد اربع وعشرين ساعه... وقتها بيكون دخل غيبوبه والله يعلم متئ يصحئ منه سياف ومعاذ: لاحول ولا قوة الا بالله الدكتور: هو قريبكم معاذ: لا علئ الخط صار الحادث وانقذناه ولا نعرف اسمه ولا بياناته هز راسه : عن اذنكم ومشئ تاركهم سياف صد وعيونه حمرا : الله يرحم حاله معاذ بتعب: امش نرجع البيت نبدل ونريح والصبح بنرابط عنده سياف مشئ معه وهو متاثر حيل ركبوا السياره سياف بسؤال حزين : ذكرني بوفاة امي وابوي مد يديه له وبهمس: قو قلبك ي خوي مو كل حادث موقف يبكيك انا فقدتهم معك عقب ماكان البيت مليان والحين مابقئ فيه الا انا وانت مانقول غير الحمدالله علئ نعمة الامان والصحه والعافيه سياف: الحمدالله بس نفسيتي متأزمه للحين مو قادر انسئ اللي يقهر عمامي وخوالي اللي مايرفعون الجوال علينا ولايسالون اذ محتاجين شي ولا عاجبك حالنا ننقل بسطتتا من خط لخط دنق راسه بحزن والحين اللي بالمستشفئ بعد بينضم لنا واكيد ماحنا مخلينه يشتغل معاذ بتنهيده: بكره تتسير لاتنسئ الورث وبيوت ابوي مسالة وقت ويطخون عمامي ونرجع ورثنا سياف : ان شاءالله سكتو وكل وحد فيهم حسرته تكبر بقلبه والالم ينهش روحهم عقب ماكانو عايله متمسكه وكثيره بغمضة عين فقدوهم لو ماسافرو كانو من وفيات ذاك البيت اللي غدرت فيهم اسطوانة الغاز وانفجرت وماتو اهلهم تنهدوا بالخفا وكل وحد يستغفر بضيق من ذكراهم اللي مافارقهم دقيقه ... ... وصلت البيت وتوجهت علئ طول لغرفتي من غير لا اعطي لوجود ابوي اهميه احس اني مفتشل من كلامي علئ سعود وتصرفاتي ليتني ماتسرعت وتهاوشت معه عقب ماطلعنا من المخيم شرح لي السالفه من الالف الئ الياء شكثر افتشلت وقتها وندمت حاول اعتذر بس سكتني وقال مابينا هالسخافات نزلنا وانا طول الجلسه مالي عين احط عيني بعينه ولا اسولف معه بالغصب اقنعت فيصل يمشي فينا لاني حاس اني ضايق من نفسي وقرارتي المتلخبطه وتفكيري المشوش هالفتره رجع ظهره علئ ورا يحط جواله علئ شاحن طالع رسايل نوف واتصالاتها قفل جواله ولف راسه ونام ماله خلق لها ولسوالفها ... ... دخل بضيق وهو يشوف ولده من المغرب للحين علئ السوني وبصراخ: فارس وبعدين حتئ ربعك مارحت لهم اليوم شسالفتك فارس : يبه والله مندمج بفك كل المراحل وعقبه اتطمن وانام فايز: لا طفاها وفراشك يلا فارس ماناقشه وهو يقوم ويطفيها فايز بتعب: ترا بديت افكر اتزوج وانفع نفسي واجيب لي عيال اذكيا فارس مارد وهو يلف حوسته فايز : اتكلم جد فارس : طيب براحتك هذي حياتك انت مو حياتي انا بتعرس هالله هالله صمت وهو فعليا بادي يفكر بهالنقطه مابقئ بالعمر كثر ماراح ... ... إلى هنا وأتمنى أن تكونوا دوم بالقرب وعيد أضحى مبارك عليكم.❤ |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . البارت(14) . " جعل راسك من صدوف الايّام يبطي حي لو جروح قلبي كلها من تحت راسك " . . الصباح . بالقريه جلس بتعب من نومة الارض فتح جواله ولا الساعه7 وقف وهو يلبس ثوبه طلع من المجلس ولا نوف قدامه نوف : بسم الله متئ امداك شبعت نوم سعود مارد: وهو يلبس نعوله بسرعه نوف طالعته ب استغراب مانام الا بعد الصلاه وصحئ هالحين صحاها بصوته: اسمعي قولي لجدي يلغي فكرة عشا ملكتي قولي له سعود مشئ لدمام وتركها وهو يتجه لسيارته من غير لايمر علئ مجلس جده جاء بيحرك ولا ابوه وقفه تنهد بضيق فتح الباب وهو ينزل منه وبهدو: سم يبه ناصر: وين ماشي من صباح الله خير سعود: حصل ظرف ولازم امشي للدمام ناصر: ماشاءالله من غير لاتعلمنا سعود مارد وهو يستغفر وبهدو:هذا انت دريت.. انا ماشي مع السلامه ومشئ وهو متجاهل صراخ ابوه وهواشه حرك بعصبيه... فتح جواله وهو يتصل علئ رقم فهد اللي ارسله له رد عليه فهد : الو سعود: هلابك ها كيف الاوضاع فهد تنهد بضيق: عرفوا ساره ومكانها سعود: وكيف وصلت المعلومات لهم فهد: مدري ياسعود مدري انا الحين مبتلش بعمري محشور بين اربع جدران مره بيت السفير ومره بالسفاره احس اني مربط لاني قادر اتطمن علئ ساره وغموض ولاني قادر اهرب خلاص القضيه اليوم راح تنتشر بوسائل الاعلام وسمعة شركاتنا بتدمر وبتوصيه لاحد يدري اني اقرب لماجد واخوانه بكذا راح تنهدم شركاتهم وسمعتها سعود وقف السياره ع جنب وبهدو: قصدك تتبرا منهم فهد ب الم؛ بالضبط الحق عليهم قبل لايعلن المحامي اي شي لازم اتبرا منهم واصلا انا للحين علئ اسم ابوي الثاني تنهد بضيق: وساره وشعرفهم فيها فهد: اليوم دقت علئ رقمي القديم اللي هم مرقبينه وعرفو مكانها انا عارف ماراح يوصلون لها بس انتبه لهم لاتتركهم سعود: هذاني ماشي لهم فهد بخوف: انتبه انتبه غموض اسحب جوالها منها لاتشوف القضيه بكره اكيد بتوصل ترند علشان اسمنا والشركه معروفه سعود: ماعليك بحاول ابعدهم فهد: يلا بحفظ ربي ومثل ماوصيتك وبهدو لو حاولت تعاندك اصبر عليها تراها بس لسان وطبعها لك عليه حاول تهاديها سعود ب ابتسامه: لاتوصي يا خال والله انها بقلبي قبل عيني ابتسم فهد : يلا بحفظ الرحمن وكل شوي دق علي وطمني لو برساله سعود: ابشر يلا مع السلامه .. سكرت من خالي ومسكت الخط مريت علئ المحطه واخذت لي اكل ورجعت لسيارتي ولا غازي مرسل لي انه بدا ب اجراءت الطلاق وع الساعه 10 يجي المحامي واجراءات الورث طالعت ساعتي ولا الساعه8 يبي لي اقل شي 9 ساعات علئ م اوصل الدمام ارسلت له يأجل الوصيه لين مااجي طلعت منه ودخلت علئ غموض مافيه منها رد سكرت الجوال بضيق منها مر الوقت وصلت الدمام دقيت عليها علشان تفتح لي الباب من صوتها حسيت بصدمتها فتحت لي الباب وبكل هدوء : حياك دخلت وسكرت الباب طالعتها وهي تتهرب للمطبخ جابت القهوه والشاي وحطتها سعود بنبره هاديه: خالتي وينها غموض : طلعت للسوق سعود: مع منو طلعت غموض: راحت مشي فيه محلات قريبه من الفندق نزلت لها وقفت ب ستعجال : اجل قفلي علئ روحتس بروح لها انا غموض: بسم الله وش فيك فزيت عادي ترا الدنيا امن وامان مارديت عليها وانا اطلع بسرعه نزلت ادورها بالمحلات جيت بطلع ولا صوت حرمه يناديني : سعود وقف وقفت وانا التفت لها ولا ام غموض مارديت وانا اشر لها تمشي معي مشت وهي ساكته وصلنا الفندق طلعت البطاقه وهي تفتح الباب دخلت ودخلت وراها صرخت ب اسم غموض بغضب طلعت غموض من الغرفه : هلا من طالعت ملامحها جاني هدوء فضيع مانتبهت لها لمن جيت سكت وانا اهمس : جيبي لي ماء بسرعه جلست وانا اصد عن خالتي ساره وهي تمشي للغرفه وبصوت شبه عالي : خاله تعالي ابيتس بكلام ساره : طيب بس ابدل واجي طالعت غموض اللي جايه ومعها مويه تاملتها بهدوء ملامحها الجميله وجهها الدائري ملامحها اقرب مايقال عليها جميله بنعومه ماعدا عيونها عيونها فيها من عمي عبدالعزيز بس لونها غريب ملامحها مابين الجميله والحاده ونظراتها وشعرها الطويل الاسود غمض عيونه يحاول يشيلها من تفكيره حس فيها تجلس بجنبه وبهدوء: تعبان سعود مازال مغمض : تعب الطريق بس فتح عيونه بسرعه من حس بصوت ساره تعدل بجلسته وفتح المويه وهو يشربها ساره: معليش ماتوقعتك تجي بهالسرعه سعود بنبره حاده: نزلتس للسوق اكبر غلط ساره: ماني بزر تخاف علي سعود: حتئ ولو الزمن يخوف طالع لغموض وبهدوء: ممكن تخلينا لحالنا ابي خالتي بكلام خاص طالعته بغيض وقفت وتوجهت للغرفه التفت لساره : انتي اليوم متصله علئ خالي فهد ساره بكل برود : ايه بس مارد سعود وهو يعض علئ شفته: حنا مو قلنا نقطع العلاقه برقمه القديمه انتي عارفه بتهورتس هذا قدروا يطلعون موقعتس عرفتي ليه انا معصب وخايف عليتس ساره : غموض جننتني تبي تكلمه ماكان قدامي الا هالحل سعود : اليوم تطمنت علئ خالي فهد يسال عنكم ويوصي علئ غموض اخفض صوته: اليوم تتحول القضيه لراي عام وبتنتشر بالاعلام لازم نخفي الجوالات عن غموض تويتر ماراح يهدا اليوم ساره باستسلام: انا ماقدر عليها سحبت الجوال ورجعت اخذته سعود : تسلميني موضوعها من الالف لين الياء ؟ ساره تنهدت بضيق: خد راحتك بنهايه هي زوجتك انت سعود ؛ ماعليه تحملي هالاسابيع بتكون علينا ثقيله وبهدوء : علمت اهلي بزواجي طالعته بخوف: وش قالو سعود: تطمني الاوضاع بالسليم بالعكس جدي رحب فيها ويبي شوفتها ب اقرب وقت وابوها نفس الحكايه ساره : اسمعني عدل ياسعود المجتمع اللي هناك لايمكن غموض تروح له وتندمج فيه فهمتني سعود بنبره حاده: بنهايه هي زوجتي وعليها من اهل زوجها والمجتمع هذا انا منه ويكون بعلمك كلها كم اسبوع علئ مايجهز البيت ننقل لهناك ساره وقفت بغضب: اسمح لي كلامك تمشيه علئ فهد علئ غموض اما علي لا ومستحيل اصلا لتفكر بيوم اروح اعيش هناك سعود ببرود: كلامي ماني عايده زوجتي معي وين مااروح وهاليومين بفاتح خوالي بزواجي وتزورهم معي وانتي بتجين معنا الله محيتس ماتبين تجين براحتس ساره طنشته وهي تمشي للغرفه سعود ب ابتسامه: نادي غموض معتس دخلت الغرفه والغضب ماليني قال ايش قال اسكن بحايل وقريب من عبدالعزيز واهله والله يعقب اسكن هناك طالعت غموض المنسدحه وبصرخه: قومي لرجلك المجنون غموض : بسم الله وش فيك ساره : برا اخلصي قمت ب استغراب من امي اكيد هالسعود غاثها تنهدت منه طالعت لبسي بجامه بيضا بوردي فكرت اغير لبسي بس مايستاهل طلعت له وانا اشوفه جالس ومنزل شماغه ومعه جوالي اللي كان علئ الشاحن توجهت له بغضب : انت من سمح لك تمسك جوالي سعود : ومن سمح لك تنزلين بالسناب مو قلت لتس لاتنزلين شي واحذفي برامجتس هذي ماردت عليه وهي تاشر يجيب لها الجوال طالعها ببرود وهو يحذفه علئ الجدار وبنبره حاده: وش بتسوين غموض بقهر: حقير سعود ب ابتسامه: حلو حلو وبعد طالعته من فوق لتحت : وقح سعود تقدم لها رجعت علئ وراء بخوف ثبتها بيدينه بقوه وبهمس : معتس خمس دقايق تجهزين نفستس وتطلعين وغيري هالبس بعدت عنه : ماني رايحه واعلئ مابخيلك اركبه رفع حاجبه وبهدوء : اجل اتصال واحد يجيب ابوتس وهو يتولئ امورتس تافتت بقهر ودخلت الغرفه وانا اطالع لامي اللي سمعت كل كلامنا وبهدوء: طيعي زوجك واطلعي معه تقدمت لها وجلست علئ ركبتي وغصب عني بكيت وبهمس: يمه قهرني ماابيه ابي خالي فهد خلينا نرجع له ساره وعيونها دمعت : الظروف ياغموض حكمت علينا مالنا الا الصبر شهقت بنحيب وهي تحاول تدفن وجهها بحضن امها ساره: خلاص ياماما مسحي دموعك واطلعي له لايعصب عليك غموض بعدت عنها وبسؤال: الابو دايم يكون امان لعياله الا انا يهددني ب ابوي ليتك يايمه ماخذتيه ولا جبتيني ساره طالعتها وهي تسمح دموعها : تعوذي من ابليس ياماما وهذي كتبت ربك قومي بدلي وروحي معه ماتدرين لعل وعسئ يطيب خاطرك وقفت علشان خاطر امي اخذت لي جنز ازرق وتيشيرت ابيض وتوجهت للحمام البس واغسل وجهي لبست لبسي وتوجهت للمريه جيت بحط كحل تذكرت انه معقد لو بحطه بيخليني امسحه اكتفيت بروج وبلشر وعطر رحت لامي وطلعت علاجاتها ووصتني امسك لساني عنه طلعت له ومعي عباتي وشنطتي سعود من شفتها ماده شفايفها وباين عليها الزعل وقفت وتقدمت لها بهدوء وحبيت راسها وبهمس : عساني مسموح لامني اخطيت عليتس غموض : لا مانت مسموح سعود بضحكه: افا ليه ماردت وهي تلبس عباتها سعود ب ابتسامه: سجليها بالتاريخ اول مره بحياتي اراضي احد طالعته من بضيق وبهمس ياقو قلبك توك معصب وقالب الدنيا علي والحين تبيني اضحك واستانس مشئ قدامها وهو يتصل علئ غازي ويوصيه يجي الفندق وينتبه لشقته التفت عليها وهو يشوفها متبهذله بالنقاب والعبايه مسك ايدينها ومشئ معها وبنبره هاديه: شرايك مطعم ولاسوق رت عليه بنفس همسه: كيفك سعود : اجل بنروح للسوق وعقبه مطعم ركبنا وانا مره ارد وعشر اطنش سعود بكل برود: ترا اعلنت زواجنا غموض انصدمت بس التزمت الصمت ماعندي شي اقوله سعود : جدي يبي شوفتس وابوتس بعد غموض : مالي اهل انا لي خالي وامي بس سعود : وانا وين رحت غموض : مسألة وقت ويرجع كل شي مكانه وطبيعته سعود :اللي بيني وبينتس اكبر من مسالة وقت وبنبره حاده لو رجع خالي فهد ماراح ياخذتس معه لان مكانتس بيتي انسي ابريطانيا وانسي كل شي يربطتس فيها مالتس مكان الا بيتي واهلي اهلتس ماردت وهي تصد بضيق من كلامه ماله حق يحسسها وكانها من ممتلكاته ومالها حق اعتراض ولا رد شلون يبيها تلتقي مع ناس هم السبب بوجعها همست بوجع: والله مااروح لهم سمع همسها ورد عليها : والله تروحين بس مو هالحين لين مايخلص بيتي ذيك الساعه مالتس حق تسكنين بالدمام وامتس وبتجي معتس غموض :يصير خير وصلنا السوق وحنا كل واحد فينا صاد ع الثاني اخذ لفه علئ كم محل يدخل ويشتري ويطلع وانا مثل الصنم وراه توقعت اقل شي يهديني جوال عن اللي كسره بس ماش طلع بخيل مسك ايدينها وبهمس: غطي عيونتس زين لا اوريتس الشغل تنفست بضيق منه يبيني مره وحده مااشوف وش هالانسان طلعنا للمطعم وماشااءالله عليه اكل الصحون كلها وانا ماني قادره اكل لقمه افكر باللي بيصير بعدين زفرت بضيق من جواله اللي ماسكت رد بهدوء ؛ الو عبدالعزيز: وش اللي صاير بفهد تنحنح بقوه: اها اللي شفته وقريته عمه : وضح كلامك ترا كلنا انعفسنا عقب هالخبر سعود؛ ياعمي بعدين معي اهلي عبدالعزيز: ماتدري سعود: اها لا وياليت تكتمون علئ الوضع وتبدون ترتبون البيت وتجددون الاثاث عبدالعزيز فهم قصده: علئ خير لاصرت لحالك دق علي نزلت الجوال وانا اطالع نظراتها ابتسمت لها : ليش ماتاكلين غموض : مو مشتهيه برجع لامي سعود: واللي يقولتس مافيه رجعه اليوم غموض بعدم فهم: كيف يعني مافيه رجعه سعود: لاني حاجز فندق مافيه رجعه استوعبتي ولا اعيد غموض: وامي من يقعد عندها وانا وانت لا مستحيل مابي رجعني الشقه سعود: قصري حستس ورجعه مافي وامتس عندها اللي يهتم فيها غموض : وش وضعي اطلع معك فندق صاحي انت سعود: والله اللي اعرفه انتس زوجتي مافيها عيب ولاحرام اذ اخذتس معي غموض: وحنا اتفقنا الزواج لاجاء خالي وانت اعلنته قبل لايجي والحين بتاخذني معك فندق مو علئ كيفك سعود بعصبيه: انتي غبيه ولا بتس بلا ترا ماني ماكلتس لاتخليني اوديتس لبيت خوالي واعلمتس صدز معنئ مو علئ كيفك بلعت ريقها ومسكت غصتها مو علئ كيفه ياخذني وين مايبي حلوه هذي خواله وانا بهالمنظر زفرت بتعب احاول اوخر عني الكتمه والضيقه مابي ابكي قدامه من متئ اصلا ابكي رفعت عيوني للسقف اسمعه يناديني عدلت نقابي ومشيت معه سعود... ماكنت ناوي اطلع فندق بس قلت من باب اخليها تتعود علي اجل مسالة وقت وانتهي من حياتها مافكرتي زين يابنت ابوتس والله بسماه مالتس حياة من غيري وصلنا الفندق تعمدت احجز لنا سويت واحد دخلنا الغرفه وانا اشوفها تنزع عباتها بهدوء جلست علئ الكنب تكلمت بصوت هادي: بكره باخذك لخوالي انتي وامتس وتتعرفين عليهم ماردت هي تلعب بخاتمها تذكرت اني م اهديتها دبله ؛ عندتس استعداد تمشين معي الخميس لحايل وتحضرين حفلة ملكتنا برد وجهها : لاتفكر تاخذني لهم سعود بحماس غريب عليه: اسمعيني جدي مسوي مسوي عشا لنا شرايتس نجيهم ترا الهروب مو حلو مصير الايام بتجمعتس معهم غموض بتفكير : لاصار وقته يصير خير سعود: انتي وافقي بس وابشري بعزتس سكتت بتفكير وبهدوء : سعود سعود : سمي غموض بترجي : سولف لي عن اهلك سعود وجهه ضاق: اهلي هم اهلتس غموض : اوك سولف لي عنهم ماعرف احد فيهم سعود :قبل هالحتسي ترا هالبس تنسينه لاصرتي هناك ماعندي نظام جنز وخرابيط غموض طالعت لبسها: وش فيه ساتر والله سعود وهو يطالع لها : ماشاءالله حيل ساتر مدت شفايفها ب اعتراض وقف وهو ينزع ثوبه ويطلع له بدله واتجه للغرف الثانيه يبدل غموض : اوف وش هالانسان ياربي صبرك طلع وهو يتجه للسرير ومطنشها وبصوت عالي طفي النور وتعالي بلعت ريقها: ماني نايمه الحين سعود : سمعتي وش قلت طفت النور وهي تمشي للسرير جلست علئ الطرف وبهمس: والله بجلس كذا مافيني نوم تعدل وهو يجلس مثلها وقريب منها: مو تبين اسولف لتس عن اهلتس وشوفيتس خايفه ماردت وهي تحس بخجل منه مد يده لكفها ومسك ايدنيها وبهمس : عندتس : عمتس ناصر ومسك اصبعها الثاني وعمتس محمد وعمتس عبدالله وعمتس وافي وعمتس خالد واخيرا عمتس سعد والبنات عندتس عمتس نوره ونوف تقريبا كبرتس او اصغر منتس بسنه ولا سنتين وبسؤال هادي:وامك وابوي سعود :ابوتس عنده مشعل اصغرمنتس بسنه وعنده ثلاث بنات رفع راسها له :ها بقئ شي ماعرفتيه دنقت راسها :ايه جدي وجدتي ماسولفت لي عنهم ابوك وتعامله معك اخوانك سعود ب ابتسامه:ترا عايلتنا كبيره متئ يمديني اخلص وبهدوء جدي انسان عصبي افكاره قديمه من شيبان اول اهم شي عنده البنت ماتطلع لاجنبي والولد ماياخذ الا قريبته مجمع عمامي حوالينه وعيالهم مايبيهم يطلعون من عنده تقريبا بس انا اللي طلعت من هالدائره وبنيت بيت داخل حايل وهذا الشي اللي مايعرفه جدي وبنسكن فيه وجدتي انسانه طيبه وتحب تحارش حريم عمامي وبنظره لها :ها بقئ شي بعد غموض وهي تمسك اصبعه :كلمني عن امك سعود وهو مايطالع لها :كلميني عن ابوتس غموض :بكل صراحه ماعرف عنه الا اسمه شلون اتكلم لك عنه وانا اصلا ماعرف شكله ولا صوته ولا اي شي عنه سعود :وانا نفس وضعتس شلون تبيني اتكلم عن امي وانا ماعشت معها ولا اعرفها الاقل انتي فيه مجال تصلحين اللي فات بس انا ماعندي اي مجال اصلحه لان هالدنيا كلها ماتسوئ من غير امي اللي عرفت شكلها من صورها بس دمعت عيونها :الله يجمعك فيها بالجنه همس بصوت هادي :امين غموض وهي تطالعه يطالعها بنظرات هاديه :نام وريح وراك شغل بكره وانا بنام علئ الكنبه سعود طالعتها ب ابتسامه ماودي اضايقها وبهمس :خذي راحتس المكان اللي يعجبتس نامي فيه ابتسمت وهي توقف:اجل تصبح علئ خير سعود وهو يتعدل :وانتي من اهله ولاتنسين تصحيني علئ الصلاه غموض:طيب طلعت من الغرفه وانا اجلس علئ الكنبه كلما اتذكر همسه ومسكت ايديه يحمر وجهي ونظراته لمن جاب سيرة امه نظراته فيها شي غريب حسيت انه يبيني اقول شي بس ماكان عندي الا السكوت كلامه عن ابوي وجدي ولا عمامي تحمست اتعرف عليهم بنفس الوقت مابي اكسر نفسي وقلبي علشانهم هالحماس كله يختفي لمن احط عيني بعين امي واشوف حزنها كيف طاغي عليها رغم الفرحه بس انكسارها واضح تنهدت ماتبي تفكر اكثر انسدحت وهي تتغطئ بعباتها .. .. بنفس المكان جالس علئ البحر وهو يتامل امواجه مابين مد وجزر رفع عيونه للسما وبهمس : ياهه عقب ماكنت حلمي صررت ماحب اسمع طاريها وبالاصح حاولت اكره طاريها بس ماني قادر اطالعها من بالي كل الظروف وقفت مابينا عقب ماكنت مستانس انتظر اليوم اللي اعلن فيه خطوبتي وملكتي صار العكس بيوم وليله خربت السالفه كلها وصرت اتمنئ ارتبط بوحده من بنات خالي اللي كانت دايم امي تقنعني فيهم وارفض بس هالمره مالي الا اخطب منهم لان دنيا صارت ابعد عني مليون مره مثل بعد النجوم اللي بسماء تنهد بحسره ماينكر ان نفسه فيه والله يعينه علئ نفسه وقلبه وبهمس: ياليتك ياهمس ماتصلتي علي وقتها ياليتك بس مافزعتيني وصرت انا بالوجهه الحين انتي ببتطلقين وانا احلمي ودعته ارسل رساله لهمس انهم بدو ب اجراءت الطلاق وكلها يومين وتجيها ورقتها ... .. عناد اللي جالس بالمركز وحاط ايدينه علئ خده جاه نايف وهو يحط ايديه علئ كتفه : ماعليك يالرجال كلها يومين ويطلعونه من تحت الارض عناد: المصيبه طلع مو انسان سهل طلع هكرز شفت من حاولنا نبحث عن موقعه هكر الجوال واخترق الانظمه وفكها بسهوله كيف قدر بس نايف: كل شي وله حل وصدقنط ماراح يتجرا وينشر شي تدري ليه لانه خواف وعارف انه كلها كم يوم ونتله مثل الحمار هنا عناد: ماراح اقدر ارجع البيت حاس بضيق ينهش قلبي والقهر ماكلني اكل نايف: عناد تعوذ من ابليس وارجع لهلك الاقل طمن اختك عناد وهو يفتح ازارار البدله: بروح بس عندي كم قضيه اطلع عليها وبعدها بروح نايف تقدم وهو يشيل الملفات؛ دوامك خلص من ساعتين مافي وقت اضافي عندنا رح قبل لايجي الرقيب يوسف وتحمل مايجيك ابتسم عناد: تصدق من زمان عنه والله نايف: طالع دوره لمدة شهر وتوه راجع وبمزح : يقول ناوينا دخل عليهم وهو يسكر الباب: اها مجتمعين بمكتبي اشوف ومنو ناويكم عناد وهو يوقف ويسلم بالتحيه : حي هالوجه والله وينك لاتنشاف لاتسال يوسف: موجود بس عارف طلعت دوره بمكه وتوني راجع جلس علئ الكرسي وهو يسولف معهم : ها طمنوني كيف الاوضاع عناد: كل شي ماشي بتمام وعندك كذا قضيه خلصنا منها نايف: عناد ماقصر مناوب بمكانك ونافضنا نفض ابتسم يوسف: تربيتي كفو والله عناد: ههههههه اقول انا سلمت العهده وطالع انام من امس مستلم يوسف: نوم العوافي ولاتنسئ تمرنا بكره فيه بقاعة الاجتماعات بحظور اكبر الاجهزه الامنيه جتنا دعوه ب اسمك واسم نايف وكذا عسكري هنا عناد : علئ خير ان شاءالله الصباح انا عندكم تركهم وهو حاس بالقهر يتسلل لروحه ماهو عارف كيف يتصرف ماله حيل يدخل البيت جاه اتصال من رقم غريب استغرب وهو يرد: من معي بصوت هادي: كيف اللعبه معك عناد بغضب: من انت بضحكه: ماراح توصل لي صدقني بس حبيت اعطيك خبر اخوك اللي اسمه ماجد تراه طايح بحدا مستشفيات الجنوب دور عليه بنفسك هذا اول قرصة اذن والثانيه انت عارفه زيين لاتحاول تلعب معي فاهم وبسخريه : يالضابط عناد جاء بيرد ولا سكر رجع بسرعه للمركز وهو شبه يركض وبصراخ وهو يحذف الجوال علئ قسم الاجهزه الالكترونيه : بسرعه طلعو لي هالرقم وينه دخلو يوسف ونايف علئ صراخه يوسف: وش صاير ماخذ المركز بصراخك عناد؛ فيه حقير جالس يلعب معي لعبه وقحه اول مابدها بماجد والحين اختي يوسف اللي علمه نايف اللي صار : روح بيتك وريح وتطمن مو صاير الا الخير عناد وهو يعض اصبعه: وين انام واريح واخوي مقطوط بالجنوب بروح ادور عليه نايف: والله ماتمشي وانت بهالحاله وان مشيت انا معك وبطايره بعد يوسف وهو يطالعهم بغضب : مو علئ كيفكم انت وياه ناسين اجتماع بكره واخوك بنرسل واحد من الافراد يدوره بلع غصته وهو يعطيهم ظهره : انا بنفسي بروح له ماني محتاج مساعدة احد يوسف وهو يطالع العسكر يطالعونهم ب استغراب: كل واحد عينه بشغله العسكري بهدو: موقعه ب ابها والاسم اسم هندي عناد : اجل بعد الاجتماع انا ماشي لابها يوسف:والله ماتمشي لابها ولغيره صاحي انت من اتصال طرت بتروح بالله طلع كمين واخذوك اسير عندهم عناد بتعب: لاصارو اهلك بنفس موقفي مااظنك بتقعد دقيقه وحده تحلل وتفكر لاتلومني يايوسف يوسف: انت عارف انك مستهدف وعارف اننا خسرانا اغلئ مانملك علشان نستمر بمراقبة وحفظ امن الدوله والمواطنين واكيد انه تهديد عابر مو اول مره يجينا تهديد ب اهلنا واخرته مايتجرؤن يقربون خطوه بس عناد : عسكري طلع رقم ماجد وابحث عن موقعه اخذ الجوال وماهي دقايق الا جاي: موقع الجوال تقاطع ابها الطائف عناد تنهد بضيق: اخوي من امس نتصل عليه مايرد يعتبر مفقود وهذا يقولي بمستشفيات الجنوب يعني هو عندهم وبالاصح مخطوف ولا مدبر له شي حط يده علئ كتفه : قول لااله الا الله عناد وعيونه بدت تحمر: لااله الا الله نايف: مو صاير الا المكتوب امش معي تروح لبيتك وتريح ومن اصبح افلح بعد الاجت قاطعه يوسف: بنرسل لشرطه ابها تبحث عنه وانت مالك طلعه من الدمام مارد وهو يوقف بياس وياخذ جواله وجوال دنيا ... نايف: اجي معك عناد : مشكور وتوجه لخارج المركز وهو يركب سيارته بضيق وصل البيت وهو مايدري شلون وصل كم مره لقطه ساهر من سرعته نزل وهو يشوف بيته هادي رفع جواله وهو يرسل ليوسف يرسل له دوريه حراس يحرسون بيته دخل وهو يشوف سيف وغازي ودنيا مجتمعين عند امهم جلس قبالهم وبهمس: من اليوم ورايح تقللون طلعاتكم واي شي يصير لكم تجون تعلموني التفت لدنيا لاتطلعين برا الحديقه كلها محاوطه بحراس غازي وسيف ب استغراب: ليه وش صاير عناد: بس لاسباب امنيه عارفين كل شخص عنده رتبه مستهدف من العصابات علئ العموم مثل ماقلت لكم وطالع لامه : ترا ماجد ارسل لي انه ب ابها جته دوره هناك وبهدوء احتمال بعد بكره اسافر لدوره شهر بالطايف امه وهي تطالع عيونه تدور فيها الصدق وبهمس: كذبت ياولد بطني ماجد سمعها ومارد وهو يوقف بتعب : دنيا لاب توبك وايبادك جيبيهم لي دنيا بزعل: طيب سيف ب استغراب : وليه تاخذ ايبادها ولاب توبها ماجد بنبره حاده : شي خاص بيني وبينها يلا دنيا بسرعه قامت وهي تتجه معه لفوق سيف بهمس لغازي: اخوك به بلا وجهه مخطوف غازي: ايه واضح عليه انتظر يوم يومين ويجي يعلمنا وش صاير معه تعرف وظيفته حساسه وترا بكره يجي المحامي اجلت جيته اليوم الصبح علشان سعود سيف وهو يتذكر انه لمح سعود بالمول بس عباله يتوهم سكت وهو يتذكر ان معه حرمه وبصوت هادي : الله يعين انت مشيت ب اجراءات الطلاق غازي: ايه بحظور اخوانها خلاص كلها فتره ويتم الطلاق سيف وهو يطالع امه تقوم :لاحول الله بس ام ماجد وقفت وهي حاسه بتعب من يومين وهي حاسه بكذب عناد واخوانه توجهت لغرفتها وهي تستند علئ عصاها وبزعل : لاشوف واحد منكم مقبل علي ودخلت غرفتها وهي زعلانه عليهم قلبها حاس ان ماجد فيه شي كلما طالعت عيون عيالها تدور الصدق بعيونهم ماتلقاه جلست بتعب وهي تاكل علاجاتها وسعود وينه سعود حتئ مارفع الجوال علي ولا طمني وش فيهم عيالي تغيروا علي مسحت دمعه تمردت علئ خدها المتجعد يالله انك تحفظه بحفظك وتبعد عنه كل مكروه يارب اني استودعتك اياه نزلت علاجاتها وحطتهم علئ الطاوله وبدت تستغفر وتقرا وردها .. .. بنفس البيت جالس بغرفته ومازال علئ لبسه الدوام مافيه حيل يغير : اخلصي علي وعطيني موقع البنت دنيا وعيونها بدت تدمع: وربي مالها دخل اكيد انه مخترق جوالي هذي صديقتي مثل روحي ماتسويها وكيف اصلا اقولها عناد الله يخليك لاتحرجني معها عناد: ياغبيه يمديها صورتك من جوال ثاني ليش انتي ماتفكرين مو يعني انها ماصورت الشاشه خلاص صورتك ماهي عندها يمكن مصورتك من جوال ثاني دنيا : شف ان عطيتك رقمها ومكانها بعتذر عن هالكورس عناد: انتي وبعدين معك وش هالخبال اللي براسك والله بسماه ماتاجلين كورس ولا تعتذرين تفهمين ولا دنيا سكتت وبعده بفتره عطته اسم البنت الكامل ومكان بيتهم ورقمها عناد :يلا برا طفشتني بنام دنيا بزعل وهي تقوم: طيب نام ماني ماسكه عيونك عناد : سكري الباب وراك وطفي النور انسدح وهو يحاول يغمض عيونه بس مو قادر عيونه تحرقه جلس بتعب وهو يشوف جواله بضيق وبهمس: الله يقطع هالجوال وسنينه تنهد وهو يحط يدينه علئ خده شلون ينام وصورة اخته عند واحد خبيث واخوه مايدري وين ارضه من سماه يمكن يكون مقتول ب ابشع طرق ويمكن يكون اسير وتحت رحمتهم ويمكن ويمكن افكار كثيره تواردت بخمه حذف المخده بغضب ...الله ياخذكم وين ماكنتم حاول يسيطر علئ غضبه قام وهو ناوي يتوضأ ويصلي ويريح نفسه .. ... بيت ابوهمس مجتمعين بالحديقه ماعد همس ومناف ام همس اللي كانت جايه من اهلها جالسه بينهم وهي حاسه فيه سالفه صايره بين عيالها وابوهم لفت تسأل زوجة ذعار : وش صاير بغيابي ام اسر : همس تهاوشت مع زوجها وطالبه الطلاق وعمي زعل علشان العيال وقفو مع همس واليوم اخو زوجها بدا ب اجراءات الطلاق ام همس بغضب: علشان كذا اشوفها من جيت ماطلعت لي قامت وهي تطالع عيالها يشون وضحكهم واصل لاخر الحديقه دخلت بيتها وهي تتجه لغرفة همس الا لقتها فاتحه الباب ومنسدحه بتعب علئ الكنب كانت جايه تهاوشها بس من شافت حالتها جتها بخوف: وش فيك همس : مدري حاسه بخمول وتعب جلست بجنبها وهي تحط راسها علئ رجولها وبنبره حنونه: وش فيك يقلب امك همس: يمه حاسه بتعب امها : ليش طالبه الطلاق همس: امور صارت ماقدر اقولها لكم بس مناف شاف بعينه وش اللي صار وماطلبت الطلاق الا اني وصلت لمرحله ماقدر اتحمل فيها اي كلمه منه امها بتنهيده: انتي ادرئ بمصلحتك يايمه همس: يمه لو طلعت حامل شسوي امها: من تخلص عدتك يتم الطلاق دفنت وجهها بحضن امها: يارب م احمل امها بهدوء: انتي شاكه انك حامل همس: مدري يايمه بس امها : بس ايش همس سكتت ماودها تقول انه اول مره يقرب لها : ولاشي يمه ولاشي امها : تراني امك مو غريبه همس وهي تضيع السالفه: مناف يبيك تخطبين له وحده من بنات خالي امها: وش عنده مو هو جنني علئ بنت عمتك همس: مدري عنه يبي من خوالي امها: يصير خير اجلس معه واشوف وش وضعه سكتت بسرحان ماجد ثاني يوم له غايب وغازي اللي يمشي ب اجراءات الطلاق ماتوقعت ابد يتركها بهالسهوله حاسه فيه شي بس ايش ماتدري زفرت بضيق وبداخلها : يارب هونها علي ... .... علئ خط الدمام وحايل جالسه قدام واخوها يسوق سرحانه بالطريق تذكرت كلام سعد |
رد: ومالي بدجئ العاشقين ملاذ! بقلم/غسق آلليلh
اللي ماتوقعته ابد كيف قالها هالكلام وهددها وكانها هي السبب غمضت عيونها وهي تتذكر اللي صار قبل ثلاث ساعات جالسه ترتب اغراضها دخل بغضب عليها بالغرفه وسكر الباب وبصوت منخفض علشان اخوها مايحس: انتي وبعدين معتس علاجاتس ليه مقطوطه بالمطبخ هدئ: بسم الله شفيك ماقطيت شي اكلتهم ورجعتهم بالشنطه سعد : يعني انا اتسذب اسمعي كلامي حطيه علئ بالتس قدامتس ثلاث شهور اقسم بالله ياهدئ ان ماستمريتي علئ علاجاتس وحملتي لااخذ الثانيه وماني عجزان عن بيت ثاني وطول هالمده ساكت علشان خاطرتس بس سالفة اني ادفع كل هالمبلغ علئ هالعلاجات وبالاخير القاهم مقطوطين بالزباله شمعناته ها ماردت وهي تكمل اغراضها وقفت وهي تلبس عباتها وبهمس: الله معك ويحفظك تعدته وهي مطنشته ومطنشه كلامه اللي جرحها دمعت عيونها من غير لاتحس مسحت دموعها وهي تسمع اخوها يسولف عليها وبداخلها ماتوقعت منه هالاسلوب شلون يصارخ عليها وينافخ وهي مالها دخل متاكده انها حاطه الاغراض بالشنطه ماتدري من طلعهم حتئ م ارسل يعتذر ولا دق يتاسف اصلا شيبي بوحده لاتجيب له عيال ولا غيره مصيره بيتزوج علي ولو سكت مره وثنتين وثلاث بالاخير جلس يهاوش ويبي يتزوج ويهددني بالزواج رجعت راسها علئ ورا بتعب وهي تسال اخوها كم باقي علئ حايل اخوها ب استغراب: ترا رجلتس مرسل لي يقول نزل هدئ بيت اهلي هدئ : بكره بعد الدوام اروح لهم اخوها: اخاف يعصب عليتس هدئ قفلت جوالها؛ براحته يعصب يرضئ ابي اريح عندكم وبكره ماشيه لاهله ماهم طايرين اخوها : براحتس سكتت ورجعت ظهرها علئ ورا وغمضت عيونها ماتبي تفكر بموضوع سعد بدت تذكر الله وتستغفر لعل وعسئ تبعد هالضيقه من قلبها ..... .... بالقريه جالسات بالحوش وشابين نار ومجتمعين حولها نوف وهي رئيستهم بالجمعه : يابنات العشا عليكم ضبطت الجلسه لكم والباقي عليكم سلطانه وهي تساعدها : والله شوفي انا الفطور اليوم كان علي سويته ساره وهي جالسه بينهم: انا اضبط لكم العشا بس وش تبون اسوي ريم : وانا معتس ريما: وانا بعد منئ بضيق : اقول نبي نضحك حاسه النفسيه طالعه من عيوني منايا: بالعكس انا تضايقت شوي بعدين فرحت الاقل بتجي لنا اخت جديده تنظم للعايله الا ترا عمتي نوره معزومه عند امي بيتنا وجدتي اتوقع بتروح لهم بعد ساره : بالله وانا اشوفها تتجهز بس عبالي بتروح بيتنا ريانه قامت: عن اذنكم بروح لبيتنا ساره: اقول انثبري من امس وانتي منقلبه علينا وش فيتس نبي نستانس معتس ريانه: تعبانه شوي يلا سلام مشت وهي متجاهله نظرات نوف ونظرات البنات شلون تبي تتحمل الجلسه معها وهي سبب اللي صار قرت كلام مشعل لنوف اليوم حست الدنيا تضيق بوجهها نوف اللي عدتها اختها وصديقتها وفتحت لها قلبها واخرته هي اللي قالت له يخطب ساره مسحت دمعتها وهي تلبس عباتها وتتجه للبيت صادفها ريان وليث ومعهم مشعل اسرعت بمشيتها وهي تسمع ليث يقول لها تجهز القهوه والشاي دخلت واتجهت للمطبخ وهي تنزل عباتها وتسوي قهوه وشاي لهم بلعت غصتها من شوفته ونظراته اللي لمحتها مسيطره عليها وبهمس : حسبي الله بس ليتني اقدر اشيلك من قلبي نفس ماسويت جهزتهم وحطتهم عند الباب وارسلت لليث انها خلصت وطلعت لغرفتها علئ طول .. .. داخل عليها يهاوشها : انتي متئ تمسكين لسانتس ولا مايفيد فيتس الدلع يانمشه ام راكان: لاحول الله وش سويت انا خالد بغضب: اسمعي طلعه من هالبيت مافي انثبري فيه انتي وعيالتس وكلام ابوي ترا علمني فيه ياتتسنعين مثل الناس ولابيتي يتعذرس مير بس حاطه حيلتس ب امي ماتستحين علئ وجهتس انتي هذي مثل امتس مره كبيره كل جلسه تجلسين تغثينها انتس بتطلعين من البيت اسمعي يامره ترا انا مافيني شده علئ صراخ وهواش من بكره اشوفتس مرتزه عند امي والجدول يمشي عليتس مثل مامشئ علئ غيرتس نمشه بغضب: ومرة وافي ورا مايمشي عليها الدور خالد: وانا وش دخلني بغيري علي منتس انتي نمشه سكتت وهي ودها تذبحه بس عارفه لاترددت معه بالاخير بيعصب ويحط بباله كلام ابوه سكر الباب الشقه بغضب وهو ينزل علمته اخته نوره بسوالفها وهو اللي علئ باله ماسكه لسانها وعقلت عقب هوشة ابوه لهن بس شكل شياطينها ماهدت ... ... بالرياض جالس عند راسها وهو ينتظرها تصحئ ماهي دقايق الاصحت بتعب ولابصوت ياسر : صح النوم اغصان وهي تحاول تتذكر اللي صار دنقت راسها وبدت تتذكر وبهمس: اسفه ياسر وهي يحاول يحسسها انها ماسوت شي : عادي يلا قومي صحصحي ورانا سفره ولا ماتبين نسافر اغصان بضيق: لا مابي ماعندي جواز ياسر : الا جددت جوازك با ابشر واليوم يطلع اغصان: اهلك ياسر : ماعليك منهم اغصان: دراستي طيب ياسر : نقلتك لاهليه وضبطت وضعك جت بتسال وبحركه سريعه شالها: مافي اساله يلا ورانا سوق وسفره وتجهيزات ابتسمت وهي تحاول تبعد: طيب نزلني الحين وبعده نتفاهم ياسر وهو يبوس جبينها: اجل معك خمس دقايق بس تغسلين وتطلعين علشان يمدينا نطلع نتعشئ هزت راسها وهي تدخل بسرعه وتغسل وجهها من غير لاتطالع نفسها علشان ماتجلس تفكر طلعت بسرعه وشافته يطلع لبسها وبهمس : شكلك تعودت تطلع لي ملابسي ياسر : اوه تعديت هالمرحله بعد اغصان: مدري شقولك بس مشكور ياسر بحب : مابينا ي اغصان انتي زوجتي وقلت لك انا كل شي لك دنقت راسها بخجل اخذت لبسها وهي تطلع من الغرفه وتدخل الغرفه الثانيه تلبس التفت ماتبي تطالع المرايه طلعت له طالعت له جالس يرتب الشنطه وبهمس هادي: ياسر شكلي مرتب ياسر ب استغراب: ايه ليه ماشفتي شكلك هزت راسها لا ياسر وقف وهو يقرب لها :ليه اغصان بحرن: مابي اطالع وجهي ياسر عدل لها شعرها وبهمس : مهما حاولتي تشوهين وجهك يبقئ كلمة جميل قليله بحقه فهمتي هزت راسها وهي حاسه بضيق من قربه مشاها معه وقف عند المرايه ورفع وجهها : شوفي شكلك شفتي هالجرح اللي عند حاجبك تراه مزينك صار قدامه وبهمسه : هالجروح كلها لاتغلبتي عليها صارت بصمة انتصارات وحياه عقب هالخيبه . . . . الئ هنا ولنا لقاء قريب وشكرا لكم ولردودكم الجميله . |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . البارت(15) قلبي غدا واستيسره ليين العود محدٍٍ يفك القلب ي سعود منها *خلف بن هذال . . غمضت عيونها ب الم وبهمس خافت: وعقب هالانتصارات علئ قولتك خيبه جديده تكسرني من جديد ياسر : ومن يكسرك رفعت عيونها له: انت كلها فتره وراح تخلينا نسكن عند اهلك وظنك امك ترضئ فيني. ياسر : لاتفكرين بالايام الجايه عليك من اليوم عيشي كل يوم بيومه وماعاش من يكسرك قوي ثقتك بنفسك لا يهمك احد حتئ انا اغصان هزت راسها بغصه ضمها له وهو يهمس: ها جاهزه نطلع اغصان هزت راسها شد عليها : سمعيني صوتك اغصان بخجل: ايه جاهزه تركها وهو يرد علئ جواله مشت وهي تتجه ترتب الشناط واخذت عباتها طالعت له وهي تتنهد وبهمس : ياربي انفعل وهو يسمع امه تستفزه وبصوت هادي: يمه بعدين بعدين نتفاهم وراي سفره ام ياسر: اقولك بخطبك لك وتقول لي وراي سفر ياسر زفر بغضب وهو يلمح زول اغصان: لاتسوي اي شي فاهم لاجيت نتفاهم ولا والله لاتحلمون بشوفتي وسكر وهو يحذف جواله ام ياسر بقهر وهي تشوف مشاعل : شوفي قليل الادب سكر بوجهي مشاعل: خليه يسافر ولارجع تفاهمو وبنت هذاك ماهو ماخذها ام ياسر وهي تطالع اخوها يناديهن يتجهزن علشان يمشون لبيتهم : يالله لاوصلنا البيت نشوف حل ... اغصان تشجعت وهي تساله: وش فيك ياسر طالعها وهو يهدي نفسه: مافي شي جهزتي نفسك نمشي اغصان : ايه جاهزه لبست عباتي وانا امشي وراه لف علي وهو يمسك يدي وبهدوء: يويلك لو بس تسحبين ايدك اغصان:طيب ركبو للسياره وكل واحد فيهم سرح باللي بيصير عند اغصان جلست تفكر تثق بياسر ولا خايفه منه وخايفه المصير اللي ربطهم والناس ومواجهتم كيف تتغلب علئ هالوضع ...ياسر انتبهت لسرحان اغصان تنحنحت احاول اصحيها من سرحانها وماودي اغفل عنها ثانيه وترجع لحالتها وب ابتسامه: ها شرايك وين نروح سوق ولاتبين مطعم اغصان: مدري اللي تشوفه ياسر: يابابا اسالك وش اللي تشوفه وب اسلوب هادي تراني تحت امرك بس امريني اغصان: مدري ياسر : طيب بوديك علئ ذوقي والسوق نخليه بالمدينه اللي بنسافر لها اغصان: وين بنروح ياسر: مفاجاءه اغصان دنقت راسها وجلست تلعب ب اصبعها : ابي مكه تقدر توديني لها ياسر : مكه ابشري متئ تبينها بس اغصان: ودي اروح لها ياسر بضحكه: ابشري مكه يعني مكه اغصان بفرحه: صدق ياسر : وابو الصدق بعد انا قلت الحين تقولين ابي لندن باريس وبالاخير طلعتي مكه عند عيني اغصان بحزن؛ رحت لها مع امي قبل والحين احس ابيها ابي ارتاح وم ارتاح الا بمكه ياسر حس بحزنها: ابشري ماطلبتي شي نروح لها بكره بسيارتنا اغصان ابتسمت وسكتت وهي تشوفه يوقف عند المطعم وياشر لها تنزل تنهدت براحه واخيرا بتروح مكه .... .... بالجنوب جالسين عند غرفته وهم مستغربين من ثلاث اشخاص يدورون حول السيب وعينهم علئ غرفة ماجد سياف بهمس: معاذ شكلهم يبون اللي داخل معاذ : والله انهم مايطولونه سياف: ي خوك شوفهم شلون لاصحئ بنطلعه معاذ: الدنيا ماهي سايبه علشان ياخذونه فيه اوراق خروج وامور سياف : اسمع اذ هم ناوين يطلعونه خلنا نسبقهم ونهربه معنا معاذ بهدوء: بنطلعه بس اصبر نشوف الاجراءات بعدين مهما اغبياء يخطفونه وحراس الامن مطوقين المستشفئ صمتو وهالسكوت كان بسبب ذكرياتهم تنهد سياف: بطلع برا ماني قادر استحمل ريحة المستشفئ معاذ مارد وهو حاط ايديينه ع ذقنه ومدنق سياف طالعه بصمت وهو عارف انه تذكر اللحظه اللي جو من السفر يدفنون اهلهم راحو مبسوطين ومودعينهم ورجعو وملامحهم مختفيه من اثار الحريق زفر بحرقه : يارب صبرك معاذ : اطلع وش موقفك دامك تعبان انا ابقئ عنده هز راسه وهو يطلع لبرا يريح حس نفسه تحمل فوق طاقته اخذ نفس وهو يجلس علئ العتبات بهم رفع عيونه لفوق وهو ينطق : يارب هونك يارب تذكر موقفهم وهم جاين من المطار فرحانين وفجاءه انقلب حالهم حس ب ايدين ع كتفه وعرف من وبهمس: ماتوقعت اشوفك سياف وصوته مبحوح: توقع كل شي عمه وهو يجلس بجنبه :يازين صدفتك اخوك وينه سياف بسخريه: توك تسال عمه : تدري الدنيا اشغال وانشغلت بعدين مانتم بزارين ماشاءالله وش كبركم سياف مارد عمه : نقلت للمستشفئ سياف : مايهمني عمه: اوظفك انت ومعاذ سياف بسخريه: والله ماارجع للطب عقب موت اهلي ومعاذ مثلي عمه : حرام تعبكم يروح سياف بتفكير: ارجع بس بشرط عمه : وايش شرطك سياف: عندي صديق صارله حادث وفقدنا اوارقه بالحادث وابي اطلعه تقدر عمه: لا الدنيا مو بكيفي سياف: اجل ماني برراجع معك تنهد : افكر وارد لك خبر عارف الموضوع مو سهل ابد هذا تهريب سياف ببرود : انا قلت اللي عندي عمه وقف : يصير خير طالع له من غير نفس وصد عند معاذ اللي غفئ من التعب لمحه وهو داخل جا بيتكلم معه بس عارف انه اعند من سياف تركه وتوجه لمكتبه ... داخل العنايه المركزه منسدح ع السرير والاجهزه عليه وحوالينه وجهه ملفوف بضماد وايدينه مجبسه وايدينه .. جلس يضبط له المغذي وبهمس للممرض: ماظنتي يصحئ من اخطر الحالات اللي واجهنها وخاصه انا مستشفانا صغير ويستوعب حالات مو خطيره مثل هالحاله الممرض : رحمه من رب العالمين انه عاش الاقل انكتب له عمر جديد يصلح اخطاء،، بس اغلب الممرضين يقولون احتمال فقدان الذاكره الدكتور: الاحتمال موجود لاصحئ نحكم عليه الممرض: الله يرفع عنه ولايبلانا .... .... بالقريه عند فارس جالس بسيارته وهو يفكر بكلام ابوه واقف عند البيت بس مانزل حاس بضيق وده يبعد مسك صدره وهو يتعوذ من ابليس وبتحلطم: ياالله بس وش ذا الضيقه رفع يده وهو يمدها لخده ويبتسم غصب وب ابتسامه: يارب بس انا مدري العالم وش يسوي بعدي نزل وهو يحاول يونس نفسه دخل البيت وشاف ابوه جالس ع لاب توبه وب ابتسامه حاول يرسمها رغم ضيقته : اشوف الوالد بس مقابل الاب توب فايز: اشتغل ولا علبالك مثل من شارع لشارع ومن استراحه لاستراحه فارس طالعه ورفع حاجبه فايز نزل نظاراته وبهدوء : اسمعني وراك زواج بشهر عشره والحين سته ماباقي وقت شوف لك وظيفه تضفك بنت الناس ماهي عايشه علئ حسابي وماحد يرضاها اصلا واخوانها مو راضين علئ زواجكم فارس : وانا وشدخلني ب اخوانها والوظيفه لاحق عليها فايز بصرامه: التسجيل بالامن يفتح بشهر عشره بعد زواجك تسجل وبلاها جامعه ماراح تفلح فيها ولدي واعرفك فارس بسخريه: خير ان شاءالله انت بس دور زوجة المستقبل وبعدين تعال وظفني وقف بقهر وصعد لغرفته وهو يشوف ابوه مطنشه ورجع علئ لاب توبه عند فايز طالعه وهو يطلع بعصبيه وابتسم: ماينفع فيك الدلع الا الله يعين نوف عليك ورجع يكمل مقالته بكل انسجام وبهدوء .... .... عند فارس انسدح ع سريره بضيق : قال وظيفه وش ذا الحظ بس اصلا افكر اكنسل فكرة الزواج كلها لعنبوه من حب بس سكتت وهو يفكر لو ابوه صدق تزوج وش يسوي وبهمس : لامايسويها رجع يناقش نفسه وهو حالته حاله من لمح له ابوه انه بيتزوج وهو خايف من زواج ابوه وتغيرر ابوه عليه ... ... بيت نوره جالسه عند امها بحيا وبنبره هاديه: تهقين كذا خطبني ولا عشان امه نوره بحب: لا والله امه تقول انه من زمان كان يبيتس وطاير من الفرحه هو وامه لو تسمعين بس المدح اللي جاتس من خالتس سعاد تفرحين ساره: والله مدري احس خايفه من هالزواج نوره: هي ملكه بس والزواج بعد مايخلص دورته اللي بكلية الضباط ساره: اللي يكتب لي اللي فيه الخير وبخوف اهم شي قبل لايجي ابوي نوره : وانا جا ابوتس وش بيصير يعني ماعليتس هو يخاف من اهلي ماراح يقدر يفتح حلقه بكلمه بس ساره: يمه وانتي يايمه وش تسوين نوره بصبر: لي ربتس ياساره وانا ماني مرتن خفيفه انا بتحمله علشانكم وماعلي منه اهم شي عيالي ساره : ياقلبي يايمه حبت راسها وهي توقف وتستاذتها لتنام من طلعت ساره دنقت راسها وبكتها من خيبتها برجلها مسحت دموعها خوف عيالها يشوفونها وهي اللي عودتهم علئ القوه والصبر .... ... بيت ناصر جالسين بمجلس الرجال ويتقهون ليث : والله انا محتار ولدخالي اللي بدمام قالي اشوف راي ريانه فيه وابوي بس خايف يخربون الموضوع عمامي بهت وجهه وهو ينزل الفنجال: بنت عمنا ماتطلع ليث: وليش م تطلع رجال وماعليه قاصر وضابط وسمعته ماعليها غبار بحاول اقتع ابوي فيه ريان: يستاهل والله طيب وكفو مشعل زعل وهو يوقف: اجل مع السلامه دام هذي علومكم ليث بسخريه: وين اللي يقول لازم الواحد ياخذ من بر ...بعدين خوالنا منا وفينا ماهم اغراب مشعل مارد وهو يطلع بغضب توجه لبيته مشي هو مو متقبل فكرة انها لغيره وبصرخه: الله ياخذ افكارتس يانوف ... ... بدمام الساعه اربع الفجر: صحئ بدري وهو يطالع ساعته حس بشي بجنبه التفت ولا غموض عقد حواجبه ب استغراب وبهمس : بسم الله وقف وهو يمشي لدورة المياه ويغسل ويتوضاأ طلع وهو يشوفها متعمقه بنومه صحاها بهدو: بنت يلا قومي صلاه شافها ماحست عليه : شكل نومها ثقيل توجه لها ومعه شوية مويه ب ايده ونثرها عليها كتم ضحكته لما شافها فزت وبصرخه: انا رايح المسجد اصلي اجي القاتس مصليه ومجهزه حالتس اوديتس لامتس غموض وفيها البكيه: اجل ليه تاخذني دامك مصحيني هالوقت توديني لامي سعود مارد وهو يلبس ثوبه:اخلصي اجي القاتس تنتظريني عند الباب طلع وهو يقفل الباب معه ماردت عليه وهي تقول تتوضا وتصلي خلصت وانسدحت علئ سرير وغفت بتعب سعود ابتسمت وانا اطلع من المسجد واتجه للمطعم اخذ الفطور بعدين طرا لي خوالي مريتهم وانا ناوي اجمعهم واخلص بسرعه وارجع لغموض طبعا دقيت علئ غازي يجمعهم من الفجر دخلت ولقيتهم مجتمعين بصاله سلمت علئ جدتي واضح انها ماخذه بخاطرها مني وسلمت علئ خوالي كلهم وجلست وبنبره عاليه : انا جمعتكم لامرين الاوله زواجي والثانيه فهد عنادبتعجب ؛زواجك سعود: انا تزوجت ب ابريطانيا بنت عمي عبدالعزيز ويصير خالها فهد شاف ملامحهم كيف تغيرت لغضب جدته: وحنا اخر الناس ندري وحنا اللي ربيناك وتعبنا عليك سعود : ماحد رباني ولاتعب علي انا جاي افاتحكم بالموضوع وامشي انا متزوج من فتره قصيره واظن مو لازم اشاوركم لانه ملكه بس قطع كلامه وبالاخير هي بنت عمي يعني مارحت بعيد م حد رد عليه الاغازي: والموضوع الثاني وش سعود بلع ريقه بصعوبه: خالي فهد تبرا منكم لاسبابه الخاصه جمدت ملامحهم بصدمه وذهول كيف تبرا منهم وامداهم يعرفونه علشان يتبرا منهم سيف بغضب: والله م اخليه حاصله نسبنا ويتبرا منه ..... ..... الئ هنا ولنا لقاء قريب جدا اعتذر شديدالاعتذار عن البارت القصير ،، بنزل التكمله قريب بس ماحبيت انكم تنتظرون زياده وقلت انزله لكم بسرعه وشكرا حبايبي علئ سؤالكم وابشركم انا ب اتم الصحه والعافيه ومن طبت رجعت لكم هاليومين بيكون عندي ضغط تسجيل المواد وغيره من امور الجامعه فعلشان كذا لقائنا الجاي بيكون الخميس وان خلصته بدري صار الاربعاء وانا افضل الخميس علشان اصحاب المدارس يكونون معطلين الخميس وبس ي قلبي شكرا لكل وحده دخلت علي خاص وسالت شكرا لكم كلكم ولتعليقاتكم اللي تخليني استمر بتكملت الروايه كونو دايم بالقرب وشكرا لكم وقراءه ممتعه . استودعتكم الله ✨ |
رد: ومالي بدجئ العاشقين ملاذ! بقلم/غسق آلليلh
"المحظوظ هو من أرضى الله قبل أن يلقاه." تكملت البارت(15) . . سعود وهو يطالع انفعالاتهم وببرود: كل شخص عنده ظروف وخالي صابته ظروف وتخلئ عن اهلها مو بس عنكم هذا هو سلمني امانة اخته وبنتها وبسخريه : ترا لمصلحتكم ماشفتو تويتر امس شوفو كيف الدنيا قايمه قيامتها علشان كذا طلبت من غازي يأجل سالفة الورث والمحامي والاوراق تثب هالكلام لف وطلع الظرف وهو يحطه علئ الطاوله عناد بحده: مهما كانت الظروف مايتخلئ عن اخوانه انت عارف شكثر كنت متحمس لشوفته سعود طالعه : طيب هو عاش طول عمره ب اسم اب ثاني ومغترب صارله سنين يعني مافرقت معه ولامعكم غازي : الحين وش الوضع وشلون نتصرف سعود: عادي ماحد يدري عن اخوكم وبتنهيده صدقوني انه كان وده يشوفكم بس مالله كتب عناد اللي كان واقف وجلس بتعب وهو اللي امس كله كان يفكر ماقدر ينام حط يده على وجه وهو يمسح وبهدوء: اجل خلونا نبدا بالاجراءات ونخلص قبل للشركه تخسر اغلب مواردها ونخسر الموظفين كافي تاخر الرواتب غازي : بتصل عليه الحين واخليه يجي علئ ساعه8 عناد: انا عندي تكريم اليوم الساعه10 الصباح خليه يعجل علينا سيف : انا ودنيا ماحنا حاضرين محاضرات اليوم ام ماجد وهي صاده عن سعود: ماجد قاطعها عناد: قلت لك يايمه عنده دوره وانا بلحقه للطايف من اشوفه بخليه يكلمك ماردت وهي تدنق راسها : سعود سعود وهو حاس بزعلها: سمي جدته: لاعاد توريني وجهك لا انت ولازوجتك طارت عيونهم بصدمه اما سعود كان متوقع زعلها وعقابها وب ابتسامه : ابشري بس متى يخلص عقابتس رفعت حاجبها: لاطاب جرحي منك سعود: جعلني فداتس بالغاليه ماراح اضغط عليتس خذي راحتس ومتى ماحسيتي الزعل من قلبتس راح دقي علي..تراني وليدتس ولا لي غناتن عنتس ، بس اعذريني اليوم بجيب لتس بنت عمي وساره تسلمين عليهم ودهن بشوفتس وساره مالها غيركم انتم عارفين وضعها ام ماجد: مو من طبعنا نرد ضيوفنا بنستقبلهم علشان فهد مو بعلشانك وبهدوء واتصلو على همس اكيد تعرف شي عن ماجد دنيا اللي كانت ملتزمه الصمت وقفت :عن اذنكم عناد : وين رايحه غازي: تراك مزودها عليها وين رايحه اكيد ترتاح بغرفتها ، ماتشوف وجهها كيف صاير سعود باابتسامه : للحين زعلانه مني خالتي الحليوه دنيا ماردت عليه وهي تتجه للدرج سعود وهو يهمس لسيف: شكل الوضع ماش عندكم سيف بنفس همسه: اقول انت اللي متغير ماشاءالله المره مخليتك تنكت وتسولف ابتسم لطاريها: دنيا وانا اخوك وقف : يلا انا استاذن جدته رغم زعلها: على وين سعود : والله تارك الاهل لحالهم بروح اشوفهم واتطمن عليهم جدته : الله معك وقف وهو يستاذنهم وطلع غازي تنهدت وانا اتمددد على الكنب احس المسؤوليات كلها فوق راسي ماني قادر اوفق بين دراستي وبين الامور اللي صايره واهل سعود طالعت سيف اللي مثل وضعي تسدح وامي جالسه تشرح للشغاله وش تسوي على الغداء زفرت وانا اتذكر ان عيال خالي قالو بيجون اليوم يتسامحون من امي وسيف بس غيبة ماجد غريبه واستسلامه لطلاق همس هم غريب كيف اللي كان يشهق باسمها وعشق طفولته وعشقه وحياته كيف قدر يتخلى عنها بهالسهوله التفت لعناد وانا ابي اتكلم معه ولا نايم وباين على وجهه التعب تركته وانا اتعدل واحاول اصحصح شفت الشغاله جايه ومعها القهوه ولا بصوت امي الهادي: تقهوى معي وصحصح اخوانك شكلهم تعبانين غازي : ايه واضح من نومتهم وقفت وانا اشيل الصحن من الخدامه ونطلع للمجلس الداخلي علشان مانزعج عناد وسيف اللي منسدح ومغطي عيونه وبالمجلس اللي لونه ابيض واثاثه مابين الرمادي الخفيف والطاولات بالرخم الابيض ب ايطار ذهبي حطيت الصحن وانا اقهوي امي واعلمها عن عيال خالي انهم بيجون ام ماجد: حياهم الله والحمدالله ماطال زعلهم غازي: اي والله ام ماجد : سعود غازي : وش فيه ام ماجد بصرامه: لاعاد يمسك الشركه غازي ب استغراب: يمه وش فيك عليه ام ماجد لشي بنفسها: وانت وش عليك بلغه الخبر وخلصنا غازي : اسف يمه حاولي ترجعين تفكرين بعدين كل اعتمادنا على سعود شلون الحين تصير حياتنا ام ماجد: انتم امسكو حلالكم سعود لااشوفه يدخل الشركه ولا يمسك شي من امورها واموركم فهمت وبلغ اخوانك غازي : انا ماابلغه انتي بلغيه ام ماجد: انت بنفسك بتوصل له الكلام ونفسك طيبه سكت وانا عارف كلمة امي لايمكن تتغير امي من النوع الصارم اللي لاقالت كلمه ماتتراجع عنها وعارف انها لشي بس وش هالشي مدري قسوتها على سعود مو من فراغ اكيد انها شايفه عليه شي حاولت اغير رايها بس صامله ارسلت لسعود بالواتس الكلام اللي قالته امي واستلمه ومارد نزلت الجوال وانا اقوم بزعل عن امي واطلع اتجهز علشان المحامي مابقى له شي ويجي ..... عند سعود اللي دخل الشقه ونزل الفطور على الطاوله ولا برساله من غازي فتحها وابتسم ماحز بخاطره ابد لانه عرف وش تبي توصله جدته وبالعكس ريحته من الهم اللي كان بيشيله تنهد من الشقه اللي على حطت ايده دخل عليها بيهاوشها بس رحمها لمن شاف نومتها شلون ماقاوم انه ينسدح بعد وينام نزل ثوبه وسكر الستاره وتوجه لها وعدلها وانسدح على طرف السرير على ماجاء ينام ولا دق جواله رفع جواله ولا ام غموض رد عليها بصوت واطي ؛ هلا ساره بخوف : وينكم ليش للحين ماجيتو سعود بهدوء: غموض نايمه وانا بريح بعد لاصحينا نجيتس ساره: قلت سوا اللي يريحك بس مو تبعد بنتي عني وتاخذها كذا حرام عليك سعود : صدقيني ماحد يخاف عليها كثري اخذتها بس علشان اعودها علي واني بكون بحياتها هي ماخذه فكره اني فتره وبتتطلق مني وانتي ادرى ب افكار بنتس ساره بعتب: بس حتى ولو مو كذا تنحل المواضيع ياسعود اقل شي خلها بعد مايدرون العالم انها زوجتك وتنزف عليها الحين لو شافك احد يعرفك وش بيفكر وانت ادرى بعاداتكم وتقاليدكم سعود : عارف وماخطيت هالخطوه الا واني قدها وماعلي من كلام الناس وبنتس بعيوني مير نامي وارتاحي ولاصحينا نجيتس يلا انتبهي لنفستس وبحفظ ربي سكر الجوال من غير لايسمع ردها زفر وهو ماوده يطالع غموض ويفكر يبي بس ينام وهو يسكر جواله غمض عيونه وماهي دقايق ونام ساره نزلت دموعها بخوف علئ مستقبل بنتها سعود كل ماله ويبين فيه شي ماتوقعته بهالصرامه وكلمته الثابته ماعمرها شافت غموض هاديه وراضخه الا معه كسر جوالها ولا تذابحت معه بنظره يقدر يسكتها شلون خالفت كل مبادئها علشانه مايشبه عبدالعزيز ابد عبدالعزيز كان معها جدا حنون رغم انه طلقها بس يظل انسان طيب وحنون ومايرفض لها طلب بس سعود عكسه حدته نظراته كلامه شلون قدر بالهمده القصيره يمشيهم علئ رايه وافكاره ياخوفها تحبه غموض وتتعذب والسبب اسلوبه البارد ونظراته الجافه مستحيل يبين غلاها بيتعبها معه مسحت دموعها وهي تهمس: وينك يافهد ليتك ماطحت بهالمصيبه ... .... عند هدى اللي لبست وتجهزت وطلعت للمدرسه وهي مافتحت جوالها ابد ومقفلته دخلت وانا انزل عباتي ومتجاهله كلام الطالبات ونغزاتهم وتوجهت للغرفة بنات الميداني وجلست اتقهوه معهم هند: اقول هدى مبين وجهتس تعبان استاذني وريحي هدى تنهدت : ايه امس كله بالطريق من الدمام لحايل على كلمتها دخلت المديره وبنفس حلوه: اجل ارجعي لبيتس وريحي انا اكتب لتس استاذن الحين هدى وهي تسلم عليها: لا مابي عادي اقدر اكمل المديره بهمس: اصلا رجلتس مستأذن لتس دق علينا قبل شوي وشرح لنا حالتس البسي واطلعي يستناس برا هدى بلعت ريقها ومن داخلها ترجف ماودها تقابله الحين لبست وهي تستغفر بداخلها مشت وهي تسمع همس البنات عنها اللي تقول شوفي حظها والثانيه تتنحبها تحصنت بالله من عيونهم طلعت ولمحته واقف يسولف مع حارس المدرسه مشت للسياره وركبت شافها استاذن من الرجال ومشى لسيارته ركب وهو ساكت ينتظرها تتكلم بس كانت نفسه ساكته همس وهو يعتذر بصعوبه: اسف ماردت وهي تصد عنه وبنفسها: اسف بترجع شعوري امس مد يده لايدينها وباس ايدها : اسف والله الشاهد ماكنت قاصد لحظة غضب وانتي عارفه ماكنتس وغلاتس عندي هدى سحبت ايدها :خلني فتره علشان ارجع اتقبلك الكلام اللي قلته لي ابد مو سهل شلون تبيني انساه بيوم وليله وارجع لك من جديد سعد :لتس اللي تبينه بخليتس فتره بس هالفتره اسبوع واحد والحين بنزلتس عند اهلتس وبمشي للدمام هدى:ليش ترجع الدمام سعد:لان عندي بالليل استلام جيت اعتذر منتس وارجع تعرفيني زين ماقدر على زعلتس وابتسامه وهو يوقف عند بيت اهلها لاتطولين بزعل ترا ماقوا على فراقتس هدى ماردت وهي تنزل بهدوء وبقلبها تستودعه بس ماتبين تبين له انها رضت علشان مايتعود يقول هالكلام مره ثانيه سعد دخلت البيت وانا احرك على طول للدمام امس كله عجزت انام من راحت وانا افكر قلت لها كلام كبير وانا اللي عارفها وعارف وش اللي بقلبها لي زل لساني وياليته مازل عجزت ارتاح لين مامسكت الخط واتصلت على مديرتها تتطلعها وانا عارف طبعها لايمكن تسامحني بهالسهوله بس شوفتها بجنبي ترد روحي .... ... بيت عبدالعزيز سعاد جالسه وهي تنتظر عبدالعزيز اللي مابين اليوم كله من امس بليل لين الصباح اشتغلت الغيره بداخلها وجلست تفكر انه ممكن راح لبنته ولا يمكن يفكر يرجع زوجته مسحت دمعه غافلتها اثناء زحمت افكارها صح عبدالعزيز طيب معها بس بنفس الوقت ماعمره طيب خاطرها وقالها كلام يفتح النفس ماغير يتأمر على افكارها دخل وهو بالعافيه يشوف الطريق ولابصوت سعاد: ها وين كنت عبدالعزيز بتعب: وانت وش دخلتس سعاد: زوجتك ولي دخل فيك عبدالعزيز طنشها وصعد لغرفته دخل وهو تعبان من امس ماخلى احد ماكلمه علشان فهد وسعود سحب عليه لايرد عليه ولا علمه وش سالفته من امس هو يحلل ويربط مافي احد بسفاره مااتصل عليه ومعين يصرحون بسالفته والتويتر شغال بموضوعه معقوله فهد يتاجر با لسلاح غمض عيونه وهو وسط افكاره غفى بتعب متجاهل سعاد وغضبه حتى لبسه مافكر يغيره بداخله قرر يمشي الدمام ويروح لسعود ويفهم منه اللي صاير .... .... بيت الجد نوف تتجهزت وهي تطلع بلبسهاا المدرسه تنوره ضيقه كحلي وقميص ابيض شفاف وتحته بدي وفاتحه شعرها اللي يوصل لين خصرها وحاطه شوي بلاشر ومرطب ومعها شنطتها على الظهر صادفها خالد وهو نازل ومعه بناته خالد بسخريه: ماشاءالله عمتكم رايحه لعرس مو مدرسه نوف طالعته وهي تستغفر بداخلها : ايه شرايك بكشختي بس خالد خزها : اقول مو كان التنوره ضيقه نوف بضيق: شوف تنورة ريم ورغد كتمت باقي كلامها وهي تشوف وافي ينزل وراه عياله بعد مشت لغرفة الفطور اللي متكفله فيه زوجة خالد وافي وافي : صباح الخير يحلوات نوف : صباح النور وافي : الا وين بنات عبدالله مالهم بينه الا ع دخلت عبدالله وافي: هلا هلا توني بسيرتكم :ياهلا والله بنات اخوي شلونكم خلود بحيا: بخير غاده: اقول عمي ترانا يالله ماتحملين انفسنا على هالصبح وافي بسخريه: ليه وش وراتس غاده: تعببب مابي اداوم بس اخوك واشرت على ابوها اللي جالس يفطر هو وخالد مع امه وافي: اقول روحي نامي وانا اتفاهم معه سلطانه: ماشاءالله اشوفك تضبطه وتغيبها وانا بنتك مخليني اداوم غصبن عني وافي: ياحبيبتي مو انا قلت لك داومي واطلعك بس ياخذون الحضور ابد اطلعك نوف بحزن: وانا ليه تراني اختك الصغيره وافي : لاحول اطلعكم كلكم بس فكوني ريم: وانا ورغد بعد وافي وهو يقصر صوته: داومو واطلعكم اتفقنا ونطلع نتمشى بنفود البنات بحماس: يسسسس سلطانه : عاش ابوي المزيون وافي : احم شكرا بنتي الغاليه ولا بصوت خاالد بسخريه: يمه ولدتس هذا مدري متى يعقل بنته بنزوجها وهو للحينه مع البزارين عبدالله: ماحد خرب بنياتنا الا انت ماغير تعودهم علئ طولت اللسان هذي غاده من كثر ماتجلس معك امس تتشكى تقول ليه ابوي مو عمي وافي وافي: ياربي مقهوين من محبة البنات لي سلطانه: هيه حدكم عاد لاحد يتمنى ابوي يصير له ابوي ابوي لي انا بس صح يابابا خالد بسخريه: بابا اخص يالاجنبيه اجل وافي بابا غاده: عمي بداوم وطلعني معهم وافي : طيب خلصو الفطور وانا بوديكم نوف بفرحه: لبى والله ابو سلطان وافي ضحك وهو يشوفهن بسرعه يوقفن ويلبسن لانهن عارفات بيوديهن البقاله وبيدلعهن وعقبه المدراس عبدالله: بسم الله وش فيهن تناقزن تسذا واخوك يضحك خالد: تلقاه بيوديهن ام عبدالعزيز وهي حاسه بفرحه عيالها ولمتهم حولها وحريمهم اللي نزلوهم غصب وبفرحه: الله لايحرمني منكم عبدالله بحب : ولامنتس يالغاليه خالد: امين يارب ولامنتس عبدالله: ترا الغدا اليوم يايمه على ام نواف امري وش تبين تسوي لتس على الغداء ام عبدالعزيز: والله يوليدي شوفة زولها تكفيني الله يريحكم عبدالله: بجيب ذبيحه اليوم وبتطبخها هي خالد: عساكم على القوه يالله يمه مع السلامه امهم : حافظكم الله ..... ..... بيت ابو همس امهم جالسه على الفطور وهمس معهم وجالسين يفطرون امهم: اسمعوني اليوم تعتذرون لعمتكم وانتي ياهمس تروحين معي لها وتسليمن عليها مهما كان اللي بينك وبين ولدها هي تبقى عمتك ومالها شغل باللي يصير همس : طيب انا ناويه اروح لها اصلا مناف : بروح العصر الحين عندي محاضرات وشغل امه: وش سالفة الخطبه اللي تهذري فيها مناف: اخطبي لي من بنات خالي انتي ادرى فيهم واعرف مني امه: وبنت عمتك مناف: الله يرزقها وقف بسرعه وهو ينهي هالنقاش بطلعته همس: يمه ليه تفتحين معه الموضوع امه: لانه حرام يعلق البنت واخرته يتركها من يوم هو صغير يهذري فيها والحين يتركها علشان سبب تافه همس: كل شي مقدر ومكتوب ان كانت له بياخذها غصبن عن اللي مايرضى امها: عارفه بس لازم افهم وش اللي غيره بكره بياخذ بنت خاله بيجلس يسوي فيها كذا بعد سكتت وهي حاسه بتعب وقفت تطلع لفوق وهي كل مالها وتخاف تتاكد شكوكها ..... .... فتح عيونه بصعوبه يحاول يستوعب وبصوت رايح : ابي ماء فز معاذ وهو يشربه الماء وسياف نادا الدكتور جاء الدكتور والطاقم معه طالعهم ب استغراب : من انتم الدكتور وهو يبي يتاكد اذ كان فقد الذاكره ولا: اي سنه هذي ماجد ماجاوب لانه مايدري كم سكت وهو حاس بصداع الدكتور: طيب اخوانك مين ماجد وعيونه بدت تدمع من الالم: مدري اقولك مدري الدكتور تنهد بضيق: لاحول ولاقوة الا بالله ياماجد مالك الا الصبر انت فقدت الذاكره وان شاءالله مع الايام والشهور احتمال ترجع لك انت عملت حادث جدا قوي وبسببه دخلت العنايه المركزه سياف: بس فقدانه جزئي ولاكلي الدكتور: مش عارفين الى الان ماتجاوب معنا ماجد اللي كان يسمعهم غمض عيونه ماوده يصحى وهو مو متذكر الا شخص واحد وهالشحص يعرفه بس ناسيه بس يتذكر كلامه وافعاله بس وينه ابيه ماقدر ينطق شد على ايده بقهر معاذ اللي كان مراقب حركاته: اسمعني كل شي بهالدنيا وله حل لاتيأس بس خلك قوي وحنا بنكون لك الاهل والاخوان الين مانلقى اهلك ...... ...... الى هنا وان شاءالله لنا لقاء قريب جدا بنحدد موعد البارتات بما اني ضبطت جدولي الجامعي وبكذا راح اكون ب اذن الله ملتزمه معكم على موعد محدد موعدنا راح يكون كل يوم سبت الساعه 10 بليل وان صار عندي ظرف ببلغكم ي اني اقدمه الجمعه او الاحد اذ اضطريت او جاني ظرف... اماا الموعد الثاني اذ كان عندي بريك وقت فراغ طويل بجلس اكتب لكم بارت وانزله واحتمال يكون بيوم الخميس العصر طبعا مو ثابت على حسب وقتي وظروفي ومتابعه ممتعه لكم وشكرا وشكرا للردودكم الجميله وان شااءلله اكون عند حسن ظنكم ...... ...... الئ هنا وان شاءالله لنا لقاء قريب جدا بنحدد موعد البارتات بما اني ضبطت جدولي الجامعي وبكذا راح اكون باذن الله ملتزمه معكم على موعد محدد موعدنا راح يكون كل يوم سبت الساعه 10 بالليل وان صار عندي ظرف ببلغكم ي اني اقدمه الجمعه او الاحد اذ اضطريت او جاني ظرف... اماا الموعد الثاني اذ كان عندي بريك وقت فراغ طويل بجلس اكتب لكم بارت وانزله واحتمال يكون بيوم الخميس العصر طبعا مو ثابت علئ حسب وقتي وظروفي ومتابعه ممتعه لكم وشكرا وشكرا للردودكم الجميله وان شااءلله اكون عند حسن ظنكم **واعذروني علئ الاخطاء الاملائيه مرات من كثر م انزل بسرعه م انتبه للبارت الا بعد وقت ف اسفه جدا تر مرات مايكون عندي وقت اراجعه ونكمل هالروايه مع بعض حتئ النهايه❤ واذكروني بدعواتكم لاني بجد شايله هم تخصصي ومعدلي 💔 واستودعتكم الله اختكم : غسق آلليلh |
رد: ومالي بدجئ العاشقين ملاذ! بقلم/غسق آلليلh
السلام عليكم ورحمة الله وبركاته
يسلمو ايديك فيتو على الدعوة وش هالزين وه بس فديتك ... زمان عن هيك روايات بلشت فيها قبل يومين واليوم وصلت للبارت ال15 قلت اسجل اعجابي وشكري لك وللكاتبة الجميلة متشوقة للتكملة تقبّلي مروري وخالص ودي |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . البارت(16) . .**لاتلهيكم الروايه عن الصلاة بهد حيل الظروف اللي تبي كسري وبضحِك لو الخافق من العنا ميّت* . . بالدمام الساعه خمس العصر صحئ علئ رنة جواله طالع الرقم غريب رد وهو يتعدل بجلسته : الو عبدالعزيز بغضب: ورا ماترد علئ جوالك سعود : توني صحيت امر وش فيه عبدالعزيز: ماشاءالله نايم وخالك قضيته تحولت لسجن وراي عام وينك عنه سعود فز وهو يوقف : سجن عبدالعزيز بضيق : انتبه البنت لاتكون عندك التفت لغموض اللي توها تقعد سعود: دقايق بس وادق عليك قفل وهو يتكلم بسرعه اسمعي تجهزي انتظرك تحت غموض بملل: طيب قامت وهي تستغفر بداخلها من اللي داخل السجن وليش تنهدت وهي تطالع نفسها وبعتاب لخالها ليش ماعاد يسال عنها دمعت عيونها وهي تتذكر كلامه بالمطار وبهمس: شكله صار صدق ماتوقعت يمر اول يوم من غير لاتتصل علي وتسأل وش اللي اشغلك يايبه عني مسحت دموعها وهي تطلع وتصلي الظهر والعصر وقفت عند المريه وهي تلبس نقابها وتجمع اغراض سعود من بوكه ونظاراته اللي تاركهم ونازل سكرت الباب وهي تنزل بهدء وهي تطالع كذا واحد مجتمعين ويسولفون باللوبي جت بتمر بس وقفها صوت نقاشهم حاد : واحد منهم : معلييش بس اللي سواه اكبر غلط شلون بتدعمونه بس علشانه سعودي بس حتئ ولو تقولون ان قضيته فخ ومن هالخرابيط بنهايه هو مصدر سلاح لجهات ارهابيه وتبونه بعد يرجع للسعوديه سلامات جزاه السجن واقل من جزاه خويه بغضب: ينسجن عندنا ولا ينسجن عند هالكفار اللي مايخافون ربهم..وبعدين استغفر لا الله يبليك بعيالك ولا قرايبك غموض بهمس: لاحول ولاقوة الا بالله الله يكفينا شرهم وكملت مشيها وهي تفكر ب اهل هالرجل وشلون طاوعه قلبه يخون دينه ووطنه اتجهت لسيارته المركونه قدام الفندق لمحها وهي تفتح الباب وبكل هدوء: ابشر اليوم اشوفك ايه ايه يصير خير وسكر ونزل جواله غموض ب استغراب: وش صاير وانا بالاوتيل تقول سجن ويوم نزلت اشوف ناس تسولف عن واحد اعوذ بالله منه ويكفينا شره باع دينه ووطنه ودعم الارهاب سعود اللي بلع ريقه وبغصه: وش عليتس منهم المهم بنزلتس عند خالتي تتجهزين وبطلع لخوالي والساعه سبع بجي اخذتس لهم انتي وامتس وصل غموض ب ارتباك : وصل سعود: تبون اجيب لكم غدا ولاخفايف غموض وهي تلف وجهها ؛مانبي شي سعود مارد عليها وهو يوقف عند مطعم فطاير طلع بيطلب وتذكر جواله بدون رمز ورجع بسرعه وهو شبه يركض اما عند غموض اللي مدت راسها بتأفف وهي تطالع السيارات يمينها وبهمس : اشتقتلك يبه ليش قلبي مو مطمن عليك معقوله ماحنيت لي طالعت سعود اللي فتح الباب بطريقه افززعتها وبضيق وهي تشوفها ياخذ جواله: يوه لهدرجه خايف اسرقه ولا اتعبث فيه سعود وب ابتسامه: انتي ملقوفه م اضمنتس غموض:ملقوفه بحدود الادب وبعدين كل هالركض والخوف علشان ايش سعود وهو يستعدل بوقفته : شي مايخصتس سكرالباب وهو يقفل السياره ويتجه للمطعم اما عندها حست بشعور غريب وتفكيرها انصب حول انه ممكن له علاقة مع وحده ولايحب ولا ليش كل هالخوف نفضت افكارها وحده تلو الاخرئ حاولت تقوي نفسها ومايضعفها شعور واذ يعيني حب شعلي منه مصيره بيطلق ويشوف حياته ليش اربط نفسي فيه انا مجرد هم وانحذف بطريقه مجرد توصيه والتزم فيها ماني شي يذكر عنده الا اني بنت عمه اللي فجاءه رجعت افاقت من تفكيرها علئ صوته وهو ينزل الاغراض بينهم : ياحلوه صحصحي غموض وهي تميل راسها للشباك: صاحيه بس سرحت شوي سعود: ماشاءالله عساه فيني غموض بسخريه: ايه فيك سعود تجاهلها وهو يعدل شماغه ويرتب نفسه وبعد دقايق وصل الفندق وهو ينزل معها غموض: ترا ادل الطريق مايحتاج تجي معي سعود : من قال اني جاي معتس بكلم خالتي وبسخريه لاذعه: شبي فيتس وقفو عند الباب واتصل عليها سعود فتحت لهم الباب وهي ترحب فيهم دخلو ونزل الاكل علئ الطاوله وبهمس: ابيتس علئ انفراد ساره: طيب وبهدو: يمه غموض قومي بدلي وارتاحي ابي سعود بكلام غموض بغضب: شبر عن هالمكان ماني متحركه وجلست بجنب سعود بقهر سعود: بنت قومي بلا عناد غموض: وش الاسرار اللي بينكم ماتبون تعلموني ها هذا اليوم كل شوي قايم ويغيب جواله ولا ياخذه خايف افتشه وانتي من قبل يومين وانتي تغيبين جوالاتك عني وش صاير وش اللي ماتبوني اعرفه تراني ماني غبيه افهمها علئ الطاير وغياب خالي فهد وراه بلا ولا خالي مايغيب الا لشي صاير غصبن عنه قصة الزواج وتوظيفك بالجامعه اللي للحين مادوامتي اصلا فيها بيوم وليله انعفس حالنا اكيد ورا هالقصص سبب طالعت لسعود اللي بجنبها ويحاول يمسك اعصابه وبكل برود: خلصتي كلامتس يالبزر يلا علئ غرفتس يابابا غموض وقفت بغضب واخذت المخده وحذفتها عليه : عبالك بخاف منك من انت اصلا محسوب علي كولد عم بس لازوج ولاغيره سعود اللي ماسك اعصابه مو لاجلها لاجل فهد وتوصياته وببرود: بتنقلعين ولاشلون ساره اللي بدت تخاف وقفت وهي تسحب غموض بغضب دفتها بالغرفه: وبعدين معك انتي ولسانك ماردت وهي تتجه لدورة المياه وتغلق الباب بكل قوتها سعود اللي وقف وهو يشوف ساره وعيونها مدمعه وتتاسف : اسمعي الجوال ابعديه عنهاا لاتمسكه فاهمتني لاتمسكه ابد القضيه صارت سجن مؤبد لاتغفلين عنها وانا ماني تاركم واحتمال بكره وبعده تروحون معي للمزرعه نسكن فيها علئ ماتنحل الاوضاع خايف يوصلون لكم يلا عن اذنكم ساره : طيب بس مانبي نروح لاهل فهد اسمح لي سعود سكت وبعد تفكير: براحتس بس غموض لازم تروح معي ساره بعقلانيه:ياسعود فشله بنتي تروح من غيري وهي مايربطها فيك الاعقد اسمح لي لاسويتو عرس وانزفت لك ودها للمكان اللي تبيه بس هالحين هي تحت عيني وعندي انا فهمتني سعود: طيب تركها وطلع بسرعه وهو حاس بكتمه قلة ادبها كل مالها وتزيد ليه ماهي معبرته ومعبره قلبه ماتدري كم مره حلم بوصالها كم مره سال عنها كم مره فز قلبها علشانها وبالاخير محسوب عليها كولد عم ماهي حاسه ب انها شغلي الشاغل تارك النااس والعالم علشانها منشغل بحياتها ركب سيارته وهو يتذكر كلام عمه اللي كان ناوي يجيبهم اليوم بس قرر يسافر لبريطانيا ويشوف وش اخر القضيه ويوفر له محامي واقف قريب من الكورنيش وجلس يطالع الناس رايحه وجايه وضحكات الصغار واشكال الشباب والعوايل كيف مجتمعه اللي يضحك واللي متر الكورنيش بلعبته واللي خايفه علئ ولدها الصغير وتمشي وراه تننهد وهو يسكر الدريشه وينسدح ولا برساله من غازي فتح الرساله وطارت عيونه بغضب وهو يقرا: سعود اسمحي لي المحامي اليوم صدمنا ب اشياء واجد واولها المزرعه اللي مسجلها ابوي ب اسمك وربع حلاله مسجله لك وان اوراق الشركات كلها ماتنقبل الا بتوقيع منك معليش ياسعود ولد اختنا علئ عينا وراسنا بس حنا عياله واحق منك ومثل ماعلمتك الصبح امي رافضه وجودك ب اي شركه ماراح تتنفذ الوصيه برفض مننا حنا وبكره المحكمه هي تقسمه واعذرنا سعود ماكان له ردة فعل غير انه طلع وسكر جواله وعناد اللي كان يدق عطاه رفض ونزل جواله : التزم الصمت وهو يهمس: الايام تصلح مابينها حرك سيارته وهو يطلع لمكان يحبه لاضاقت نفسه سرا له وصل مزرعته وهو يدق بوري فتح له الحارس الباب دخل سيارته ونزل وهو يمشي للاسطبل دخله وهو يطالع حصانه تقدم له وهو يسحب سياجه ويطلعه وبكل هدوء: كيف اخاف الجفا وانا جافي وكيف اخاف بعدهم وانا لحالي ماحس الابيدين احد علئ كتفه لف ولقاه خاله عناد مانطق وهو يسمع عناد وتبريراته وانه وقف ضدهم بس عجز عنهم سعود: ماهمني الحلال وكيفهم هم اختاروا بعدي وانا بنفذه عناد بتعب: سعود لاتشيل بقلبك عليهم انت عارف انهم قاطعه وهو يهمس بسخريه: ماني شايل بقلبي علئ احد وياليت تسكر السيره انا جاي ابي ارتاح مو اتضايق سكت عناد واللي مازال علئ لبسه العسكري من طلع جاء للمزرعه علئ طول تمدد علئ الكرسي وهو يقول بصوت هادي: تعبت ياسعود اخسر علشان وظيفتي سعود : تحمل انت تحمي وطنك عناد ب الم: عارف بس ليش ينتقمون المجرمين منا يعني مو حنا اللي غلطنا هم سعود: صاير شي معك عناد: لا بس تقريبا تهديدات سعود: انتبه لاهلك ونفسك عناد بتعب : منتبه والله نومي صار بالكثير ساعه واجلس خايف ان احد صار له شي سعود: الله يعينا يارب عناد سكت وهو يشوف سعود ساكت عرف ان ماله مزاج يتكلم. ........ ......... عند همس اللي جلست تبكي وهي تطالع التحليل وبصراخ : ماابيه يمه مابيه امها : اقول عن الخبال نعمه من ربي حلوه ماتبينه همس وهي تشاهق: يمه مابي ارجع لماجد افهميني امها: ومن قال بترجعين مانتي براجعه بس دقي وقفو امور الطلاق لانه ماراح تتم همس وهي تجلس علئ السرير وتمسح دموعها: مالي دخل كلموهم انتم ولايجي ببالكم تعلمون احد بيني وبينك بس امها وهي تهديها: اللي تبينه بيصير هدي بس همس: ماني رايحه لعمتي تعبانه بنام امها : كيفك طالعت زولها وهي تطلع وتسكر الباب انفجرت صياح يعني فيه امل ارجع لماجد وخباله وتحكمه مابيه ياربي شسوي بلحظه تركت مبادئي ومفاهيمي وعقلانيتي بالحياه وجلست افكر كيف اطيحه تعوذت من ابليس وانا اطرد الافكار الشينه من مخي بس ماقدر ارجع له هو حطمني وقف كل شي بوجهي حتئ شغلي رفض اكمله وفصلني مسحت دموعها وهي تحاول تهدي نفسها وتنام ........... ........ علئ خط الرياض،مكه سياره سودا بانورما وبداخلها ياسر واغصان ياسر اللي ماسكت وهو يسولف لها عن حياته وطموحاته وكيف حققها وكيف ابتعث وهي تستمع له ومبتسمه قلبها مو سايعته الفرحه واخيرا بتعمر عن امها واخيرا بترجع لمكه وامانها ....... .......... بالجنوب صرخ ب انهيار:برا مابي اشوف احد فيكم معاذ تفادا الضربه اللي جته من ماجد دخلو المموضين ومعهم الدكتور ماهدا الا ب ابرة مخدر وماهي دقايق الا وراح بعالم ثاني الدكتور: انتبهو ياشباب هالفتره بتكون حالته النفسيه صعبه وافعال غير متوقعه بتصدر منه معاذ ببرود: طيب وطلع ولقئ سياف جالس بتوتر من شافه وقف وبهمس: شف اللي ب اخر الممر كانهم اللي امس معاذ: اسمعني روح ارتاح ونام من امس مانمت وانا بجلس عند باب غرفته علشان مايجونه سياف بتعب: ياخوك اخاف يتبعوني بعد بجلس عندك وانام عادي متعود علئ الازعاج معاذ: الله يعين سياف بغبنه: دخلنا نفسنا بمصيبه الله يستر من اخرها معاذ رفع حاجبه : مقدر ومكتوب بعدين انت انقذت روح احمد ربك علئ هالنعمه والاجر سياف زفر: الحمدالله ب اخر الممر متلثم ومعه اثنين دق علئ اخوه اللي هو رئيسهم وبهمس: مو جالسين يفارقونه شسوي اخوه بغضب: والله ان مانفذته لاانشر صور هالبنت اخوه وهو شوي ويذبحه: طيب طيب بحاول سكر بتعب وهو من امس مرابط ينتظرهم يغفلون عنه فك لثمته بتعب وهو ياشر اللي معه يحرسون زين وطلع لبر المستشفئ جلس ع الرصيف بقهر وعيونه بدت تمتلي دموع وبضيق : انا وش جابني بطريقتس يادنيا وش جابني وشدخلني احميتس واضحي بنفسي علشانتس هذاوانتي اخت عدونا اللي سجن ابوي ومات وقهرنا عليه وشدخلني ليتني ماعرفت لتس طريق ولاطاحت الصور ب ايدي تذكر وهو اللي كان متهاوش مع اخوه ورافض شغله اللي كان تهريب مخدرات مثل شغل ابوه بتمام كان راجع ياخذ اغراضه ودخل البيت وتوجه لغرفة اخوه جا بيطلع ولا بدخلته وهو يكلم ويهدد بصور وعرف ان فيه ببنت وتهديد صور والئ اخره من طلع اخوه جلس يفتش لين مالقئ الصور واخذهم بس خطته فشلت وهو متاكد ان اخوه حافظ الصور بالجوال ترك موضوع السفر وحاول يشتغل معه بشرط انه ماينشر صور دنيا ولا يتعرض لها ......... بالقريه جالس بالمكتب بطفش دخل عليه خالد :ها وين اللي بيطلع البنات وافي :كنت امزح معهم وظهري متعبني برجع البيت اريح خالد بزفره:سلامتك وافي:فيك شي خالد :ياخي جننتني المره مدري وش تبي بس تهذر وتحن فوق راسي بتطلع بيت جديد وهي اصلا بالهواش تنزل لامي تعبت منها اسايره بس ماينفع معها ولاودي اخربها واشتت عيالي وافي بهدوء:شوف سايرها وشوف وش وراها خلك بارد معها وطنشها لاتعطيها وجهه وشوف وش تسوي خالد:وهذ اللي بيصير وافي وقف :يلا انا برجع البيت واذ فيك حيل طلع البنات خالد:بروح اطلعهم وطلعو مع بعض وكل واحد ركب سيارته عند خالد اللي جا بيطلع البنات ورفضت المديره لازم اباهتهم طلع بناته ومشئ ...... ..... هدئ جالسه بتعب وهي حاسه بخمول صدعت من البنات وازعاجهم وبصراخ :اسكتي انتي وياها وبعدين ماتشوفون قدامكم احد سكتو البنات وهي جلست بتعب ولا بنت:استاذه فيتس شي هدئ : لا بس اذ ماعليتس امر انزلي المقصف وجبي لي مويه البنت:ابشري وقفت بسرعه وهي مستانسه انها طلعت ميران ببرود تعلي صوتها :بنات شفتوا هدئ ياحرام تخيلو متزوجه خمس سنين وعقيم وزوجها كل شوي بيعرس عليها هدئ اللي تسمع قلة ادبها ماردت بحرف ولا بجوالها يرن عرفت انه سعد طلع من دوامه وقفت وهي تحذر البنات من اصواتهم وقفت عند الباب وهي ترد بهمس:هلا سعد بفرحه:هلا بدنيتي هدئ وشبه ابتسامه انرسمت علئ شفايفها:هلابك سعد:وش فيه صوتك مو علئ بعضك هدئ:تعبانه من الادويه بس سعد:ابشرتس قدامت لتس اجازه بدال ماتعطلين مع خوياتس بتعطلين اخر الاسبوع وبتجي مشرفتس تقيمتس اخر تقيم هدئ:كيييف سعد :هههههههههه ياحبيبتي قدمت اوراقتس وانتس بمرحلة علاج واقبلوها مع ها كم واحد كلمتهم وماقصروا هدئ:الله يريحك مثل ماريحتني سعد :امين وياتس يقلبي يلا انا بسكر برجع لدوامي هدئ:استودعتك ربي سعد:وياتس وانتبهي لنفستس سكرت وهي مستانسه لمحت البنت جايه جتها واخذت المويه ودخلت معها وهي تسمي وتشربها ومطنشه ميران وسوالفها التافهه ..... .... عند البنات اللي جاء الظهر ورجعو وهم زعلانين كل وحده راحت شقتهم وعيو ينزلون جدتهم بزعل: اغصبيهن يجن من ياكل هالنعمه ام سلطان: ماعليه ياخاله العيال الحين جيتهم جميع ام عمر: ايه خلي الزعل ينفعهن الحين يجنتس يدورن اكل بمجلس الرجال اللي اجتمعو فيه عيال ضاري وعيالهم ماعدا سعود اللي بدمام وعبدالعزيز اللي اعتذر وقال عنده سفره ضروريه مستند علئ عصاته وهو يطالع احفاده واخوه وولده وب ابتسامه: بعد ملكة عيالنا بنطلع لمخيم وسعود رفض حفلة ملكه مشعل اللي وجهه سود بضيق وصد ليث تنحنح وهو يطالع ابوه يتكلم: ناصر بصوت هادي : يبه امس خطب مني خال العيال وده بالكبيره حليله لولده الجد ب استغراب: وش يشتغل ولده ناصر : ضابط بدمام وسمعته طيبه وكلن يمدحه الجد بهدوء:ها ياعيال عمها راضين تطلع بنت عمكم العيال دنقوا ماعد عمر اللي تجراء:دام نصيبها جاها الله يوفقها ويسر لها مشعل اللي قام يغلي وبتهور :انا ماني راضي بنتنا تطلع للغرب عمه خالد:وانت وش دخلك كلها كم يرم وتملك مشعل :جدي شاورنا كلنا فيصل ورفع حاجبه:انا ياجدي ابي بنت خالي ناصر ناصر سكت وهو مايدري وش يقول وبهدوء: اشوف راي البنت وارد لك خبر مشعل اللي مايدري وش يسوي من القهر وبداخله لعن نوف الف مره وكره حتئ طاريها جدهم برحابه: زين ماخترت ياوولدي نشاورها ونرد لك خير فيصل: بس ياجدي الملكه ماابيها الحين ابيها بعدين لاخلصت البنت مدرستها ملكنا واعرسنا هز راسه : نشوف البنت وبعده نشوف وش يصير رجعو كل واحد علئ جواله واللي يسولف ماعد مشعل اللي مدنق وسرحان وجهه واضح عليه التعب والسهر فارس: اقول شباب ذا وش فيه ليث: عايش بعالمه نواف بضحكه: قصدك مسوي دراما مع نفسه فيصل قطع عليهم وهو يطلع الورقه : فارس بحماس : وقتها والله قربوا لبعض وهم يلعبون ماعد عمر وليث ومشعل ولا بصوت عمهم عبدالله يقلطهم علئ الغداء ......... ...... الساعه11 بليل بالمزرعه اللي برا الدمام نزل من حصانه وهو يدخله داخل الاسطبل ومشئ لداخل للعناد اللي غفئ من التعب صحاه : عناد : ابي انام هنا سعود: بجيب اهلي انا عناد: يوه استعدلت بضيق : ياخي وقتك غلط خلها بكره سعود : طيب ومشئ من غير نقاش وصل الفندق وهو يتصل علئ ساره تفتح الباب له فتحت غموض : وينك تاخرت سعود دخل وهو يطالعها كاشخه بفستان ضيق لين الركبه بلون رصاصي وفوقه نفس الشال جاي من كتفها لين الخصر بلون الابيض الهادي وبخطوط سودا وكعب اسود وشعرها فاتحته علئ طوله ومكياج خفيف قرب منه وبهمس: كنتي بتروحين تسذا غموض بلعت ريقها بخوف : احم ايه سعود بهمس: اذبحيني واطلعي به قدامي غيري هاللبس وروحه ماعاد فيه روحه غموض ماردت وهي تتجه للغرفه ومن مشيتها واضحه المعصبه ساره اللي كانت بالمطبخ : غسل ايدينك وتعال بغرف العشا سعود : متعشي بس جاي باخذ غموض معي وب اجر بجنبتس ساره: سعود وش قلنا حنا سعود: خاله والله يسلم حياتس انا تعبان ويالله اشوف الدنيا قدامي خليني اروح الله يرضئ لي عليتس طلعت علئ كلامهم غموض ولابسه ثوب بيت بلون الوردي وبنص رسمة باربي وقصير لين الركبه مسك راسه بصدمه: انتي كل لبستس مفصخ غموض طارت عيونها بقهر: وش مفصخ علشانه قصير بعدين ماني طالعه عند غريب زوجي وامي سعود خزها بقهر: البسي وانتي ساكته بنمشي غموض : وين سعود: شقتنا ساره بهداوه: تعوذ من ابليس يايمه ونام هنا عندنا بصاله بعدين انا حاسبه حساب غموض تتعشئ معي سعود سكت وهو ياشر لغموض تلبس من غير ولاكلمه لبست بزعل وهي تمشي قبله وقفت عند الباب : يالله شرف استاذ سعود كتم بسمته وهمس لساره: خاله اي شي يصير معتس اتصلي علي ومشئ لغموض مسك ايديها وطلع وهو ينزل للرسبشن يستاجر شقه بجنب شقة ساره طالعها بحنيه: تبين عشا غموض : انسدت نفسي سعود ب ابتسامه: لتس اللي يشرحها ماردت وهي تتافف بداخلها منه ماهي دقايق ولا عطوه المفتاح اتجه للشقه فتحها صاله بشكل مرتب واثاث مابين الابيض والرمادي وغرفه ومطبخ ودورة مياه سعود اول مادخل جلس وهو يتصل علئ المطعم ويطلب بيتز لهم غموض توجهت للغرفه وهي تنزل عباتها واغراضها ماحست الابيدينه تفك ربطة شعرها انسدل شعرها بنعومه وغطئ ظهرها دفن وجهه بشعرها وهو يهمس : تعبتني هالدنيا كثير غموض اللي بدت ترجف من الخوف والحيا حس برجفتها وابتسم: ضايق ومالي حضن الا حضنتس ماردت وهي تشبك اصابعها بعض ونظراتها بالارض مسك ايدينها ولفها له وهو يبوس جبينها تركها وهو يطلع للصاله ... طالعت ظهره كيف يمشي بثبات وهو وترها كذا خلها عقب مانفض قلبها حطت يديها علئ صدرها وهي تهمس: يارب ابعد عني حبه جلست وهي تسمع صوته ينادي لها تجي تتعشئ معه مشت ببرود وهي تحاول تجمد ملامحها جلست مقابله وتناظر له وهو يحط لها الاكل ويفتح الببسي اكلو وخلصو وتوجهت للغرفه ثواني ولا سعود جاي نزع ثوبه وهو ينسدح علئ السرير وبتعب : ظهري ذبحني همزيني قامت وهي تجلس ع الطرف وتهمز بهدوء وبهمس: صدق انت تحب سعود بضحكه: وغاارق بحبها بعد ضربت ظهره بقوه سعود: شنوحتس بسم الله ماردت وهي تهمس : خلها تهمزك سعود : غشيمه طنشته وهي تطلع للصاله .... .... . . عناد اللي كان نايم ازعجه جواله رد بضيق : من ولا بصوت ساخر: ها وينك معك اربع وعشرين ساعه ان ماجيت صور اختك انتشرت . . . الئ هنا ولنا لقاء قريب ودعواتكم لي ويوم وطني سعيد❤ |
رد: ومالي بدجئ العاشقين ملاذ! بقلم/غسق آلليلh
السلام عليكم ورحمة الله وبركاته،
اشتقناااا طولت الغيبة عسى المانع خير |
رد: ومالي بدجئ العاشقين ملاذ! بقلم/غسق آلليلh
اقتباس:
[CENTER]وعليكم السلام ورحمة الله وبركاته حبيبتي هذه مشاركه للكاتبه نزلتها اليوم السلام عليكم ورحمة الله وبركاته اعضاء المنتدئ والقارئ والمتابعين صبحكم الله بالخير اعتذر عن توقف الروايه لاسباب دراستي وعطيتكم خبر احب ابشركم ان الاسبوع الجاي موعدنا واحتمال اقدمه لكم ودعواتكم لان اختبارات الميد ترم شرفت تنتهي واخلص يوم الاربعاء واعتذر لكم جميعاً عن التوقف ومثل ماقلت لكم لاخلصت اختباراتي كلها رجعت لكم لان التوفيق مابينها وبين المذاكره وخاصه المرحله الجامعيه جدا صعب وقد مريتو بفترة الاختبارات وضغط الجامعه وسلمت يمناك رغد واتمنئ تشرفينا لنهاية الروايه والسلام عليكم بحفظ الرحمن اختكم غسق ودعواتكم❤ [/CENTER] |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . البارت(17) "والحنين اللي أكنّه وسط صدري كل يوم يزيد مع حزن الليالي شي مدري كثر وش هو لكن أدري إنه أكبر من شعوري و احتمالي .". . . فز من نومته وهو يحاول يستوعب اللي سمعه وبكل برود عكس النار اللي بداخله : اعلئ مابخيلك اركبه محسن ب استفزاز: قدامك حل واحد حتئ اتغاضئ عن صورها تزوجها لاخوي عناد بقرف : يخسي الا هو مابقئ الا انتم والله يا..... اني لا اعلمك الشغل محسن بضحكه : تعلمني شغلي انت لو فيك خير مسكتني من اول مره ماخليتني العب ب اعصابك ياااارجااااال ع العموم انا ساومتك وانت مارضيت بس انتظر صورها ع هالبرامج هالساعتين عناد وهو يسايره: كذا يعني محسن بخبث:ايه ولاتفكر تزوجها لاحد غير اخوي كذا ولا كذا ماحد بيرضئ بوحده صورها منتشره يعني احمد ربك اذ اخوي تزوجها بعد عناد وهو يحاول يكبت اعصابه: اسمعني تراني بايعها اقسم بالله لو القئ صوره وحده بس لااقلب الدنيا عليك فهمتني حذف الجوال بقهر وضيق وهو يركب سيارته وارسل الرقم لنايف يطلع موقعه وصل المركز ووجهه مسود نزل وهو شبه يهرول توجه لمكتب الرقيب يوسف دخل وهو يحذف الجوال وبغضب : جالس يساومني هالكلب ياصور اختي يا ازوجها من اخوه يوسف وقف وهو ياشر لعناد يجلس: طلبه غريب ليش طلب انه يزوجها من اخوه عناد بقهر: الفكره لحالها حومة كبدي شلون ازوجها من هالكلب الرقيب بعقلانيه: بس انت لازم تساومه عناد بغضب : مسستحيل اصلا اليوم بحل الموضوع وازوجها اي واحد قبالي وب اخفيها فتره لين مايهدا الوضع الرقيب يوسف: حل سليم بس لازم تثق باللي بتزوجه لانك بتامنه ع اسرار امنيه عناد بتفكير صامت بين ثنين نايف ولد خالي نايف عارف انه خاطب وولد خالي ضرب ايدينه بقهر وبهمس متألم: حسبي الله ونعم الوكيل انا راضي تنتشر الصور ولا تعيش اختي بمجتمع نفس مجتمعهم قاطعه الرقيب بقراره: الزواج انسب لها من النشر ! عناد وقف بغضب: ان من يوم التهديد للحين ماصارت ارتاح بنومتي كل شوي افز واتطمن علئ اهلي وانت تبيني اسلمهم اختي بارده مبرده تعرف هذول من عصابه لنا سنين نحاول نخطط بس علشان نمسكهم الرقيب يوسف: عرفته عناد : ايه بلغني نايف انه محسن ولد الجوكري (الاسماء كلها من مخليتي لاتمت للواقع بصله ) من غيره نلاحقه هو والراس الكبير يموت الابو ويطلع لنا الولد الرقيب: مافي مجال للتهور سامعني هز راسه وهو يرجعه ع وراء بتعب : كم الساعه يوسف بشفقه: الساعه وحده بليل عناد : حاس ان جسمي مهدود بريح عندك وصحني لاجاك تنبيه يوسف بهدوء ؛ ابشر تمدد وهو يحاول مايفكر ولااصبح الصبح بيشوف وش يسوي اما يوسف وقف وهو يطالعه بهدوء طلع يشوف الاقسام مر علئ قسم التتبع الالكتروني لقئ نايف مندمج وقف وراه وبهدوء: ها ماطلع معك شي نايف بكل تركيز: تقريبا باقي دقايق وتنفك الشفرات تنهد ماهي دقايق الا بصراخ حامد بفرح: لقيت الاشاره وصلت لها انرسمت علئ شفاه ابتسامه عميقه: الحمدالله كيف قدرت حامد؛ حاولت اطلع الموقع من الرقم نفسه شفت البرامج اللي عليه ومن خلال البرامج قدرت افك الشفرات الرقيب : اجل اسمع تواصل مع القسم اللي ب ابها وقول لهم يجهزون الفرق وانا جاي لهم نايف بتردد: وعناد الرقيب يوسف: انتبه يحس انا الحين بطلع انا والفريق وانت بتكون حلقة الوصل مابينا وبينهم نايف وقف وهو يطق التحيه العسكريه له وردها الرقيب يوسف وهو يوصيه انه يصحي عناد ويقول له انه طلع بمناوبه للرياض جهز الفريق واختاره واحد واحد ركبو سيارته وتوجهو المطار اتصل علئ الرقيب احمد وعلمه انه جايهم لان حضوره مطلب وخاصه ان القضيه تحت مسؤوليته هو وعناد ونايف لازم يشرفون علئ الوضع ................ ب ابها' جالس بكل ذل وهو يتطلب اخوه ماينشر الصور: تكفئ يامحسن لاتنشر صورها محسن بسخريه : وش عنده قيس زمانه ذيب دنق راسه بتعب: مو قصة قيس بس هذا شرف وعرض تعوذ من ابليس محسن بضحك: هههههههههههههه اتعوذ من ابليس وبملامح غضب : وليه يوم قص رقبة ابوي ماتعوذ من ابليس ذيب: يامحسن لاجينا للعقل عناد ماهو الا وسيله بس وابوي تعرف قضاياه قليل بحقه القص ماحس الا بركله من عند جنبه بقوه توجع وهو يعض شفته بقوه وبهمس: الله ياخذتس يادنيا محسن بغضب: قوم انقلع من وجهي انقلللللع وقف وهو بالحيل يمشي وايده علئ جنبه : انا ماقلت الا الحق اجل بياع مخدارت وخمر وتبيه يقدرونه ويحطون له وسام علئ صدره كلنا عارفين نهاية اللي يسون هالخرابيط ويبعونها والغلط كله من ابوي ومنك ولو تفكر مجرد تفكير بس انك تضر هالعايله انا بعلمك وش بسوي فيك لاتنسئ اني اعرف كل شي عنك وطلع وهو يسمع صراخ محسن وتكسيره للاغراض ركب سيارته الا كلها خرابه وتوجه للمستشفئ وهو يزفر بغضب وقهر كان ممكن يكون سافر وكون له حياة وكمل طموحه ودراسته طول عمره ماله دخل بالمشاكل كان ياحاول قد مايقدر يبعد عن مجتمع ابوه واخوه ولايحتك فيهم والحين جالس يضغط عليه اخوه علشان هالبنت واهلها توجه لغرفة ماجد انصدم وهو يشوفها خاليه توجه للاستقبال وهو يسأل: وين الشخص اللي كان هنا الرجال: طلع مع اثنين من اخوانه تهلل وجهه : متاكد الرجال: ايه متاكد ذيب: طيب اسمائهم تعرفها الرجال: لاوالله سجلو خروج من عند مكتب الدكتور وطلبو ان الاسماء ماتطلع الالجهات معينه هز راسه بتفهم : وهو يشوف اثنين من اللي كانو معه امس وجيهم متصفقه حاول يكتم ضحكته وبتمثيل غاضب: هذا وانا موصيكم تحرصونه دنقو روسهم وبتبرير: كان مراقبينه بس غصبن علينا غفينا ذياب: تفاهمو مع محسن اجل انا مالي دخل فيكم وطلع وهو عارف بالغضب اللي بيصير من محسن وافكاره توجه للشارع وهو يمشي بفضاوه ومللل يطالع الرايح والجاي وبهمس: كان ممكن اصير مهندس دكتور كان ممكن اكون شخصيه مستقله واعيش بسلام بلا هم بلا خرابيط جلس ع اول كرسي صادفه بالحديقه تنهد بضيق وبهمس هادي : عسئ كل اللي يصير خيره ومن بعده فرج كبير ينسيني هالمر اللي عشته وذقته انعفست ملامحه بقرف وهو يتذكر اخويان محسن وخرابطهم وخمرهم مد كفه وهو يمسح علئ وجه ومايدري وين يروح ظل جالس طلع جواله وهو يتصفح حساباته ............ ............ بييت بسيط دخل معاذ وب ابتسامه :ياهلا والله بضيفنا ماجد طالع له بنظرات غاضبه وصد سياف بهمس لمعاذ خوفك لاصحصح يذبحنا انت شايف شلون شكله وعصييته من طلعناه وهو بس سرحان ولا يناظرنا بقوه معاذ ضرب كتف سياف ع خفيف:ماطلبتك تفسر لي حالته وقوم سنع لنا شي ناكله سياف وقف وهو مقهور:توست وشاهي وتحمد ربك اني بسويه لكم معاذ:طيب طيب طالعه وهو يطلع والتفت لماجد المنسدح بفراشه وساكت قرب منه معاذ وبكل هدوء: يخوي الدنيا درس وقضاء وقدر فقدت اليوم شي يعوضك عنه ربي بكره بشي احسن واعظم م اقولك لاتتضايق وتفكر لا من حقك بس لاتوصل مرحلة اللي تجلس تلوم نفسك واللي حولك شي صعب ان الانسان ينسئ ذاكرته بيوم والاصعب ان ماتعايشت مع هالوضع حاول تتذكر لو شي بسيط من حياتك وحنا معك صدق مانعرفك بس علشان حسينا انك مثل موقفنا اللي مرينا فيه وماحبينا نتترك ماجد :تمر علي احداث اشبه بالحلم ماني قادر اتذكر الا شخص واحد بس ماني عارف اسمه اتذكر صوته وحركاته معاذ:بتتذكر مع الايام بترجع لك ذاكرتك بتدريج ماجد تنهد بضيق وهو حاس انه بينفجر من افكاره ليش صوتها مو جالس يفارقني وليه كانت اغلب الاحيان تبكي معقوله كنت اضربها لا لا انا مو كذا اكيد كانت متضايقه طيب ليه تناديني بس ماني قادر اسمع غمض عيونه ب الم يحس نفسه تاايه بيعرف من هو ومن الشخص اللي مو قادر يتركه وش معنئ هي بس صوتها مايفارقني معاذ كان جالس يطقطق بجواله وعينه علئ ماجد اللي صراعاته الداخليه مابينه علئ انفعالات وجه تفاجئ وهو يشوف دموعه تنزل وقف بخوف اصعب ماعلئ الرجال دموعه قرب معاذ وبصوت هادي: تعوذ من ابليس يارجال كل شي محلول ماجد بتعب: خلوني لحالي ابي اجلس مع نفسي معاذ بتهدئه: انا بطلع لكن تذكر ان مابعد الضيق الا الفرج وان العبد المؤمن مبتلي وماعليك الا الصبر والله يعينك ويصبرك وان بغيت حاجه ناداني انا بصاله وطلع وهو شبه منهار تذكر انهيار سياف بوفاة اهله نفض افكاره السلبيه وهو يبتسم علئ سياف اللي مبلش بعمره رافع ثوبه ومثبته بشماغه ولابس تاج اخته الصغيره ورافع شعره وقف علئ باب المطبخ : وش عندها ميري مبهذله بعمرها سياف طالعه وهو يشوفه كاتم الضحكه: انقلع عن وجهي ولا تعال ساعدني معاذ: طيب يالطيب تراه كله توست وشاهي ماياخذ دقايق سياف: ماقدرت اسويه ابي شي دسم سويت لكم معكرونه علئ طريقة الوالده الله يغفر لها معاذ ب ابتسامه حزينه حاول يطلعها علشان : يطلع منك والله سياف ب ابتسامه باهته: اعجبك معاذ: ياخوفي نترقد سياف وقف شغله وهو يدفه ويطرده من المطبخ تحت ضحكات معاذ بنفس البيت جالس يتامل المجلس مسح دموعه بضيق صعب عليه يعيش من غير هويه يحس نفسه ضايع يبي بس اسمه والصوت اللي مو جالس يفارقه تنهد ب الم وهو يحس ان هالمكان مو له مايحس فيه براحه بس معاذ واضح انه انسان بسيط وانا كذا بثقل عليه هو واخوه رجع راسه وهو يسمع ضحكات معاذ وهواش سياف تذكر كيف هربوه ابتسم من غير شعور مايدري ليه حس انه مشتاق يغمض ويمره الصوت اللي كان مايفارقه وهو بغيبوبته وللحين مستمر معه حاس براحه بس بكاها يزعجه قاطعه دخول معاذ وسياف تنهد براحه سياف بمزح: ضيفنا الثقيل عاشق ماحس الابضربه من معاذ بفخذه وبهمس : احترم نفسك سياف ببرود وهو يطنشه:حياك الا وش رايك اسميك ماجد ب ابتسامه غريبه:وش بتسميني سياف :شوف وجهك يصلح له متعب علئ نمر معاذ:اقول خلك علئ متعب لايسطرك مخمس ضحك ب احراج :ها وش رايك ماجد بهدوء وهو يشوف معاذ يغرف له ويجي لين عنده :متعب متعب والشكوئ لله سياف ب ابتسامه غبيه: طيب انا مالي شي معاذ طالعه بطرف عين: اسمع يامتعب تراه طماع ماجد سكت وبهدوء: معقوله اغراضي مالقيتوها معاذ : لاوالله الاقل لو بطاقة صرافه ممكن تفيدنا بس كل اللي شفناه الحادث وركبنا معك وبعده نسال عن السياره والاغراض يقولون فاضيه ومافيها شي عقد حواجبه ب استغراب: الله كريم سياف وهو يحاول يطلعه من هالجو: الله يستر لاتترقد من طبختي ابتسم متعب وهو يذوقها قلبت ملامحه وهو يحاول يمسك نفسه مايضحك علئ معاذ وسياف كلهم يترقبون رايه اطلق ابتسامته : ابشرك تراها حلوه وتسلم ايدينك سياف اخذ نفس وهو يهوي علئ نفسه: شكرا شكرا غمز لمعاذ : شف تعلم الكلام الزين شاطر لي بالهواش بس معاذ: اقول جهز سكرابك بس مثل ماوعدت عمي ترجع يعني ترجع سياف رفع حاجبه وهو ياكل: لاتسد نفسي واللي يسلمك معاذ مارد عليه وهو يسند ظهره علئ الجدار وبهمس : انا مستحيل ارجع مستحيل غمض عيونه وهو يتذكر اشكال جثث اهله وقف بسرعه وهو يطلع من الغرفه متوجه لدورة المياه متعب ب استغراب: وش فيه سياف تنهد: تذكر وفاة اهلنا متعب سكت وماحب يسال زياده: الله يرحمهم وقف سياف وهو يشيل صحنه بس لان معاذ ماقدر ياكل توجه للمطبخ وهو يسكر الباب ونفسه ضايقه فيه وعيونه مدمعه وكأن وفاتهم اليوم نزل التاج وهو يتامله وبصوت مبحوح: اشتقت لك ياقلب اخوك تنهد وهو ياخذ نفس مايبي يبكي تذكر شكل معاذ اللي وضح فيه الالم والقرف وبهمس : يارب صبرنا يارب توجه للمغسله وهو يلهي نفسه بغسيل المواعين عند معاذ اللي مازال عند المغسله رفع وجهه بتعب وهو يغسل عقب المجهود اللي طلع منه ولاعلئ صوت جواله نشف وجهه وايدينه وتوجهه للصاله طلع جواله وهو يشوف رقم عمه مايمديه ينزل الجوال ولادق ردعليه بصوت هادي: الو عمه: هلابك وينكم معاذ ببرود: وين بنكون بالبيت اللي مو من مستواكم عمه بهدوء: انا جايكم ابيكم بكلام معاذ: حياك وسكر يدري الحين سياف بيعصب بس شيسوي الحياه يبي لها صبر واخذ وعطئ مايدري يمكن يطلع فيه الخير ويساعدهم ويرجع لهم حقهم طلع سياف وهو نصه صابون وحوسه ابتسم معاذ وهو واضح من شكله انه متضايق بس يحاول ينفهه عن نفسه مانتبه لمعاذ رفع جواله وهو يشوف عمه متصل عليه حط الجوال ع الطاوله معاذ بتنبيه: ياهو سياف التفت : نعم معاذ: قوم بدل لاتمرض لابسك كله مبلل مارد وهو يتجه للغرفتهم ويبدل تكلم بصوت عالي: عمك هذا وش يبي داق له وجهه عقب اللي سواه يجي ناس ماتعرف الحيا عقب سواته جاي يبينا نرجع ونرضئ طلع وهو يطالع معاذ لابس السماعات ومطنشه سياف تقدم وهو يسحب السماعه وبصوت اشبه بالمرتفع: اطرده انا حالف مايعتب هالباب معاذ وقف وهو يوخره عن طريقه: موانت اللي تتحكم من اعزم ومن اترك ماتبي تشوفه اطلع ولا اقعد عند متعب سياف تنهد بضيق : انا طاحت عيني بعينه ترا ماني مسؤول عن اللي يصير عقبها وتوجه لغرفة متعب اللي هو ماجد دخل الغرفه وطالعه ولا جالس ومغمض عيونه تقدم وهو ينسدح ع الكنب بتعب وبهمس : يارب سمعه متعب بس مافتح عيونه وبهمس:وش فيك انت واخوك اصواتكم طالعه سياف لف ع طول وهو منسدح ويسرد له كل السالفه متعب : طيب معه حق معاذ مو كل شي ينحل بالهواش سياف : يوووه انا جاي افضفض لك وانت واقف مع معاذ متعب فتح عيونه وبنظره بارده: اقول شرايك تطفي النور بدل هالقرقره الزايده واترك عنك هالتحلطم واذ جاء وش بيصير نهاية العالم بالعكس احرجوه بكرمكم وطيبكم صف نياتك علشان لادارت الدنيا تلقئ اللي يصفي نيته لك ولو انك مخطي فكر لبعدين فكر بالاجر واترك الدنيا لاهل الدنيا سياف مارد وهو يوقف ويطفي النور : شكرا وطلع للحوش جلس ع العتبات وهو يسمع معاذ يرحب بعمه لم ايدينه علئ ركبته وحط راسه علئ ايدينه ولبس سماعاته بضيق وده ينام بس مو قادر حاس ب اصواتهم وطيوفهم ماتفارقه تنهد وهو يعلي الوصوت وركز علئ الزرع اللي قدامه من غير وعي وش اللي جالس يصير دخل بعالمه وخيالاته متجاهل الاصوات المرتفعه من حوله ... بالمجلس اللي كان بزواية الحوش من الجهه الثانيه معاذ وجهه بدا يحمر من كثر الغضب اللي كاتمه وهو يسمع عمه يتكلم ويهدده بمتعب حذف الطاوله بغضب وعيونه حمرا اشتدت عروقه وهو يعلي نبرته: اقسم بالله لو فكرت بس مجرد تفكير تضر متعب ولاتبلغ عنه وقته مو بس بحرق قلبك بحرق اهلك فاااااهم عمه بغضب اشد: اجيكم يمين وتجوني يسار كم مره قلت لكم مالي دخل بفعايل ابوي واخواني مالي ذنب بكرههم لكم مالي اي خص ب افكارهم ومعتقداتهم ولا لي دخل فيهم يوم جو وتهاوشوا معكم مالقيت الا هالطريقه مو قصدي اذي خويكم بس انا محتاج لكم محتاج اشد ظهري فيكم انتم عارفين اني كنت اكثر شخص قريب لابوكم ولكم وش صار وش فيكم تغرتوا علي مو حنا اللي كنا مع بعض ودرسنا وكملنا الطب وطموحنا وخططنا وين راح هالكلام معاذ جلس وهو يحط يديه ع ذقنه وبتنهيده دنق راسه بهم رفع راسه وهو يسمع صوت سياف يصرخ بصوت عالي جاء بيقوم بس من الخوف ماشالته رجوله عمه اللي وجهه راح من الخوف وطلع من المجلس وهو متوجه لسياف ويشوفه يتشنج ركض له وهو يسدحه وينزع شماغه ويحطها بلسانه علشان مايبلعه صرخ بمعاذ اللي متيبس وهو اول مره يشوف سياف يتشنج كذا عمه بعد مامرت دقايق وهدا جسمه وبصوت مليان غضب وهو يطالع ايدينه: وش وصله لهالحاله معاذ مارد وهو يجلس وبهمس: حاس بضيق فتح ازرار ثوبه عمه رفع كم ببوزة سياف برد وجهه وهو يشوف اثر لكوي بيدينه غمض عيونه بقهر: معاذ وينك عن اخوك وش وصله للحال معاذ : كان يبكي كلما تخيل كيف ماتو امي وابوي وخواتي يروح ويشغل اوراق ويطفيهم ب ايدينه لحقت عليه مرات ومرات ماقدرت كان يتعمد يوجع نفسه ويضرها لانه عجز يتخيل كيف ماتت فرح وهي تحترق لانها اكثر وحده عجزنا نتعرف عليها والتشنج صار معه من يوم عرف لانه شاف اشكالهم معي بس مايجي الا لمن يتذكرهم او يتعب نفسه ترا سياف مهما كان عصبي ترا قلبه اضعف من الريشه ودموعه ماتفارقه كل ليله عمه:لازم نعطيه ادويه ماينفع كذا وتعال شيله معي ندخله معاذ وهو يقوم :طيب :بنام عندكم اليوم معاذ/ حياك ............... |
رد: ومالي بدجئ العاشقين ملاذ! بقلم/غسق آلليلh
بمكه: بعد ماخلصو عمره واقف بتعب وهو يهاديها : غصوني بنرجع والله بس قومي نريح اغصان بنبره استعطاف : الله يخليك ياسر اول مره اطلبك ابي اجلس لين ماياذن الفجر ياسر تنهد وهو يسايرها جلس بجنبها وبهدوء : اجل بنسدح وانتي همزيني تعبت من الطريق انسدح وحط راسه ع رجولها رجفه سرت بجسدها صدت وجهها بخجل وحيا تحس فيه يمسك ايديها ويحطها ع رسه وبهمس: مصدع همزيني وصحيني لا اذن اخذت نفس وهي صاده ب احراج وحاسه كل الناس عيونهم عليها وكانهم حاسين فيها وبخجلها وربكة يسارها وب ابتسامه طالعته وهي تتحس نبضه المنتظم واضح جلست تدلك راسه ع الخفيف وهي تتامل وجهه اللي موجهه له باين التعب فيه ومن داخلها حاسه براهب فضيع كيف قدر يجمع شتاتها خايفه من هالدلع خايفه تتعود عليه ويختفي مثل ماختفو اللي قبله من امها لين اخوها وابوها صوت بداخلها مو متطمن له كل افعاله تثبت العكس بس اللي داخلها يجبرها تتصرف كذا يجبرها تتعبه معها وتختبر صبره هي انسانه تعبت بالهسنين تعب شيب راسها وهو بيتركها بنص هالطريق هذا اللي تحس فيها علئ كثر ماوجوده امان علئ قد خوفها من هالامان اللي بيتحول مصدر خذلان مو اي خذلان خذلان يكسرها ويدمرها فوق ماهي مدمره شتت انظارها وهي تنتفس بضيق والدمع ملئ عينها ليه ماهو حاس برجفتها ولاخوفها تاملت الاطفال كيف مابتسمين مع امهاتهم وابهاتهم اشكال والوان من جميع الجنسيات اختلاف ثقافات تجمع رهيب تجمع يبث بصدرها الراحه كل هالناس حولها الين ماحست الا بشي داخلها حار ينزل من جسمها غمضت بقوه وهي تحرك ياسر اللي قام بسرعه وهو خايف من حركتها غمضت عيونها ب الم اخر ماشفته صراخ ياسر يستنجد ب اللي حوله وغابت عن الوعي شالها بسرعه ومعه كذ رجال توجه لسيارته وهو مرعوب نسئ كل مبادئ الطب ونسئ حرفياته وممارسته حس انه ولا اول مره عاجز عاجز ينقذها كل شي صار بسرعه ركب معه رجال وساق فيهم لاقرب مستشفئ نزل وهو يدخل الطورائ جلس ع كرسي وهو يستغفر وحاس برجال يتكلم ويهدي بس موعارف وش صاير حاس انه بحلم طلعت الدكتوره وهي تطالع لياسر اللي فز وش فيها دكتوره الدكتوره: الدنيا قضاء وقدر والبنت دي واضح انها مهمله بنفسها صابها نزيف بسبب الانيميا الحاده اللي عندها ومسببه لها سوء تغذيه وواضح انها ماتراجع لان النزيف اخر مراحل التدهور اللي تسببه الانيميا الحاده وبعدين ايه الجروح اللي ببطنها واثار الضرب مسح ع وجهه بتعب وتعداها وهو يسجل رقمه وبصوت هادي:لاصار اي تطور بحالتها اتصلو علي وطلع والتفت ولا الرجال يمشي بجنبه لف عليه وهو يشكره ركبو ووصله الحرم اما هو توجهه للفندق علئ طول اخذ له شور وبدل لبسه وانسدح علئ الفراش وماهي ثواني الا وراح بسابع نومه من التعب .... ..... بالقريه جالسه ترتب اغراضها وتصفهم بهدوء دخلت امها عليها:بتروحين بيتهم هدئ :ايه يمه فشله من جيت مارحت لهم وسعد قايلي روحي امها:بس يايمه اخاف عليتس شوفي وجهتس شلون تعبان علاجاتس قويه لازم اخد يرعاتس هدئ:تطمني يالغاليه بقول لحماتي تنام عندي امها وهي تقوم؛علئ خير وطمنيني عنتس كل شوي وترا اخوتس ينتظرنتس برا هدئ:يلا جايه وهذي الشنطه وقفلناها لبست عباتها وهي تمشي والخدامه شايله الشنطه ركبت بهدوء وصمت لطالما كلنت تهاب اخوها الكبير وتحترمه حيل يمكن فارق العمر بينهم سبب هالبعد اخوها:اخبارتس هدئ :بخير اخوها :وسعد شلونه وش صار عليه هدئ:بخير وماصار شي بيداوم بالدمام لين ماتنتهي مدته ورجع الصمت مابينهم لين ماوصلو البيت وشافو الرجال فارشين برا واعدادهم كثيره همس:وش صاير عندكم وش هالتجمع عساه خير هدى:عادي عمي كلما شاف الجو زين فرش برا وعزم الرجال هز راسه وهو يوقف عند باب الحريم نزلت ومعها الخادمه احترت تروح لدرج شقتها ع طول ولا تدخل تسلم تنهدت وهي تجبرحالها تدخل من الباب الرئيسي توجهت للصاله وهي تسمع اصوات الحريم والبنات المجتمعات بزاويه وخدامه طالعه بضيافه وثانيه داخله دخلت وهي تسلم بهدوء توجهت لعمتها وسلمت عليها وبعدين حريم حميانها وبعدين نوره ونوف وبناتهم جلست بتعب وهي تقول:شرايكم تجون عندي فوق تراني ماشوف الدنيا من التعب نوف بضحكه:حبيبتي ترا حبيب القلب دق علي وعلمني المفتاح وينه وجلس يتشرط علي ارتبها وانظفها لتس هدئ ب ابتسامه: الله يعطيتس العافيه ولو تروحون كلكم معي تسون خير بحط لكم اللي تبون وقفت وفزو معها : ها تقل اشوفكم غيرتو رايكم نوف وهي تاشر: والله ياعمري شايفه المجلس وسوالفهم فلانه تطلقت وفلانه اعرست شاب قلبي من هالسوالف وانا توني بزر كتمت ضحكتها هدئ وهي تجرها: ام لسانين امشي بس وطلعت وهي تستاذنهم انها تعبانه وشوي وتسحبو وراها نوف وريما وسلطانه وريم ومنئ ومنايا وساره وسما وخلود دخلت شقتها اللي عباره عن تصميم ريفي تذكر كيف قامو علئ سعد لمن جدد الشقه ورتبها بتصميم غريب ابتسمت لذكراه وهي تجلس علئ الكنب البيجي وبنصه شال رمادي علئ كل الجلسات وطاوله خشب واطرافها محروقه والارضيه باركيه فاتح التفلزيون مثبت بدكيور وحوله اضاءه تنهدت وهي تقطع تاملها وتحاول تسمع للبنات وبهدو: غريبه ريانه وينها بالعاده هي اللي ممشيتكم تنحنحت نوف: مشغوله ماقدرت تجي ساره: ياختي والله طفش من غيرها ريم: ايه والله سمعت ان فيصل خطبها سما وساره: تمزحين ريم: والله اسمع ابوي يقول لامي ان خطبها ولد خالها بدمام ورفض مشعل وقام فيصل قال انا ابيها بهتت ملامح نوف وهي تطالع ساره شلون انصدمت حاولت ترقع الموضوع: ايه ابوي الله يهديه شاورهم والاغلب رفضورمشعل علئ فيصل وعمر تعرفينهم هذول اكثر ناس مايحبون يطلعون من برا ماردت ساره وهي تحاول تلهي نفسها بالجوال سلطانه: بمناسبة وجود هدئ بينا شرايكم نطبخ ولا نشوي نوف وهي تنسدح ع رجل هدئ : فكينا امس مدري قبله طلعنا نشوي سلطانه وريما: اجل نطبخ بس وش نسوي لكم نوف بنص عين : مانبي نتسسمم نرسل السايق يجيب لنا مطعم اختاروا وش تبون ويجيبه سلطانه: انا ودي بفطاير وبيتزا ريم وانا معها ريما وسما وخلود وساره ومنئ ومنايا: نبي وجبات من ماك سلطانه: ترا اسمعو يصير نطلبهم كلهم انا بعد مابي اطوف الوجبه بس ابي فطاير بعد نوف وهي تتعدل: ساره عطيني جوالي عندتس مدته لها وهي تدخل ع السايق وتكتتب له الطلبات هدئ ترا طلبت لك معنا وجبه وبحماس وارسلت له يجيب شبساات من الجمعيه والحلا عاد مسوي زحمه تحت هدئ : حلو اجل اسمعو انا بروح اريح بالغرفه ظهري يعورني وانتم لاوصيكم انتبهو تحوسون شي وتوجهت لغرفتها: انسدحت علئ السرير وهي تزفر بضيق وتعب غمضت عيونها ماهي دقايق ولا غطت بنومه منئ:بنات الحين الصغار يقومون يحرشون علينا نوف: خليهم بس مابقئ الاهم سلطانه: ترا فعلا دايم يخربون علينا ونحصل هواش بسببهم اذ جت الطلبيه حاولو تمشون بسرعه بعد مالنا خلق لنصايح عمتي نوره وام راكان نوف : ماعليكم مضبطه كل شي بس وحده تجيب لاب توبي والشبكه خلونا نحط فيلم ساره بهدوء : مايحتاج تلفزيون خالي فيه يوتيوب بس ناقص شبكه قويه ريما وهي تاشر علئ الشبكه: حركات عمي اكيد شبكته سريعه بس كم رمزها قامت نوف ومعها ريما وهم يشغلون التلفزيون ويشبكون بالشبكه اللي لقو رمزها بورقه بجنبها نوف وهي ترجع تجلس: ها وش الفليم اللي تبونه البنات: مدري بس حطي شي اكشن سلطانه: رععب نبي ساره: لا تكفين كل شي ولا الرعب نوف بضحكه:ههههههه انا مع سلطانه لو سمحتي سلطانه: خلاص هالمره نرحمهم ونحط اكشن نوف : تمام يلا حطو الفيلم وطفو النور وجابو سلة الشبس اللي عند هدئ وجلسو يتابعون بحماس ............ ......... عند رياننه اللي شاورها ابوها الصبح جالسه تفكر لو وافقت علئ فيصل ذكره بيصير معي كل يوم بس لو وافقت علئ ولد خالي راح احس اني بديت حياة فعلا جديده وناس ثانيه ومجتمع ثاني انا مابي طاريه ولا ابي اسمع اسمه لو باخذ فيصل بظلمه وبظلم نفسي بنهايه انا نسيته وانهيت كل شي بقلبي له بس يبقئ هو اقرب واحد لفيصل واكيد ماراح يخليني الا وراح يعرف كل صغيره وكبيره عني ف ابعد بنفسي احسن لي توجهت لغرفة ابوها عقب ماخذت وقت كافي بالنسبه لها وهي تربط وتحلل واخيرا ثبتت علئ ولد خالها دخلت المكتب وهي تسلم علئ ابوها جلست بهدوء وهي تفرك ايدينها: يبه انا موافقه علئ ولد خالي ناصر: وفيصل؟ ريانه بجراءه : يبه استخرت وارتحت لولد خالي وهذي رغبتي وياليت ماحد من عيال عمي يتدخل لان كل واحد فيهم يختار اللي يرتاح له ويستخير اتمنئ مايضغطون عليك وتجبروني بفيصل ناصر اللي سكت وهي يطالعها كيف ذبلانه وتعبانه: ماعليه ياقلب ابوتس ماحد بيغصبتس وبتاخذينه غصبن عن اللي مايرضئ ابتسمت وهي توقف وتحب راس ابوها: الله يديمك لي ذخر ولايحرمني منك ناصر ابتسم: امين وانتي روحي ارتاحي من امس شكلتس مانمتي ريانه ب ابتسامه باهته: ان شاءالله ....... ...... بالدمام غفت علئ الكنبه اما هو طلع بهدوء من الغرفه وشافها حاول يشيلها بس ماحب يضايقها اخذ لحاف وغطاها اخذ مفتاح السياره وجواله وهو يطلع طالع الساعه اللي منتصفه الوقت هالوقت بذات يحب يجلسه لحاله بين افكاره وترتيب امور حياته وانعزاله اخذ طريق المزرعه ووقف قبالها من غير لايدخل وانسدح بالمرتبه وهو مبتسم من غير مايحس كل شي خطط له جالس يمشي ومثل مايبي تنهد براحه وهو يشوف رساله من الضابط الانتربول وانه نفذ اللي طلبه وعرف منه كل شي متعلق بعمه وخاله وان للحين ماتم اللقاء بينهم ارسل له:انتبه يدخل السجن خالي ولا استخدم المستندات اللي ضدك رد عليه ب الالماني: حسناً ياصديقي مسألة وقت ونخرجه سعود:ب انتظاره واحذر اللعب معي طلع من البرنامج وهو يشوف الواتس سيف وغازي يرسلون له ورا بعض قفل شبكته وهو يهمس:الحين عرفتو سعود طلع رقم خويه وهو يتصل عليه : سعود :هلا يابو مزن اخبارك وشلون العيال ابو مزن:بخير دامك بخير انت شلونك سعود:ب احسن حال الا بسالك المزرعه اللي بحايل ماجهزت ابو مزن: الا امس انا مارها وش زينها بس باقي اثاث الغرف حبيت اهلك يختارونه ب انفسهم سعود : اجل ارسل لي وانا اختار الاثاث وابيها تجهز بهاليومين اذ ماعليك امر وجهز لي الاغراض من والئ ابو مزن: ابد علئ هالخشم تستاهل اكثر يابو ناصر ابتسم بهدوء: ماتقصر يابو مزن ووقفاتك ماتنسي بس لاتعطي احد خبر اني جاي اسكن بالمزرعه بحايل قولهم ع اساس عند خواله بدمام ابو مزن: ياهلا ابشر سعود: حياك الله سكر ولا دق جواله ب اسم . ابتسم وهو يرد: هلا صح النوم غموض: وينك اصحئ ماالقاك سعود: اخذتني العصفوره غموض: مره رايق بسم الله عليك سعود: ايه مره مره رايق كيف مااروق وانا سامع هالصوت غموض: باي سكرت تحت ضحكاته شغل السياره وهو متجه للشقه . . ام همس اتصلت علئ ام ماجد وعلمتها بحمال همس ام ماجد بفرحه: يالله لك الحمد انتي صادزه ام همس: ايه والله بس البنيه ماخذه بخاطرها شوي من وليدتس بس بهاديها انا ام ماجد: ياحبيبتي انتي ام همس: وترا مالنا غناتن عن بنتكم دنيا وكلها فتره ونجي نخطبها لمناف ام ماجد: ابرك الساعات علئ كلمتها دخل عناد معصب من خاطب بعد اماماجد تاشر له يسكت : تكلم بصراخ اللي بيخطبها يملك عليها ثاني يوم غير هالحكي ماعندي فاهمين وطلع وهو شبه يركض من العصبيه يتمنئ من كل قلبه ماتطلع بوجهه ويثور فيها ام همس: وانا عند كلمتي بكره نجي نخطب ونملك ام ماجد بنبرة حزينه: علئ خير سكرت وماحست الابدمعه رفعت يدينها المجعده وهي تمسحها كلما قالت كبروا وارتاحت الا زاد همهم ومسؤليتهم واحد ماتدري وين ارضه والثاني بس معصب والباقين لاهيين بحياتهم ودنيا ملتزمه غرفتها سيف دخل وهو يركض بخوف:عناد الحق علئ غاااااززي الئ هنا اختكم غسق آلليل. |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم البارت ( 18) تغيب يوميًا عليّ .. وأغيب، وأدري بعد هذا الغياب تِحن صحيح مَاني مِن يّعلم الغيب لكّني أعرف هالدموع لِمَن . . جالس والجاكيت علئ الكنب قباله فاتح البلكونه والهواء البارد حرك بداخله شي اشبه بالمدفون وقف وهو يلبس الجاكيت ويتوجه للبلكونه جالس ع الكرسي يصارع نفسه وينتقم من حاله تأمل جمال الجو وبداية الصباح وكيف اجواء هالمدينه تسحره وتاخذه لعالمه المدفون بداخله تنهيده شوق بنهايتها لمعة دمع رافضه تنزل غمض عيونه بشووق لذيك الايام ايام مكان معها ابتسامة مزيفه انرسمت علئ ثغره وهو يهمس نسيتها لا والله مااظن اني نسيت وانا اللي كل يوم انشغل علشان ماتطري علي وبنهاية يومي ترافقني طيوفها انا حافظ ادق تفاصليها رغم اللي صار انا حافظها مثل اسمي عطرها ذوقهت تفاصيلها لبسها كلامها كل شي فيها انا اعيشه كل يوم تنهدت وهو يمسح وجهه ويتعوذ من ابليس ودمعه بقت علئ طرف رمشه ترتجي كسره وضعفه لاجل تنزل بس رفض وهو يمسح رموشه بقوه وبهمس:سقئ الله دموع رجالٍ ماتطيح الا علئ فرقئ ساره . . بالدمام جالسه تهز جوله بقهر وقفت بسرعه لمن حست انها بتبكي مشت لغرفته فتشت شنطته وبغضب حذفت ثوبه طالعت بصدمه للشنطه :حركات البدوي يعرف الشورت والبلوفرات ممداها تاخذ عطره هولا حست بيدينه وهي تمسكها وبهمس:مو عاجبتس البدوي غموض بصوت بارد:ولا بيرضي غروري شد علئ ايدينها بقوه غمضت عيونها ماتبي تصرخ :لهدرجه الصراحه قاهرتك سعود ؛ابد ماهزت فيني العود عارفه اني اقدر اعلقتس سنين واتزوج عليتس ثلاث مو وحده واخليتس سالفة كل مجلس تدخلينه عارفه وش بيقولون ماراح يقولون ولد عم ترك بنت عمه بيقول بنت الاجنبيه الغريبه اكيد فيها بلا ولا ليش علقها وماتزوجها حس بسنونها تنغرز بكفه كمل بهدوء:مو انتي اللي تحددين اعجبتس ولا احمد ربتس رضيت فيتس لاتحسبين نفستس كثيره علي لانتس بهالفتره بس عرفتي سعود الطيب لاتخليني اضطر اطلع وجهي الثاني معتس دفها علئ الكنبه وطلع للصاله اخذت نفس وهي مبتسمه وبهمس:من يوم ماشفت اسمك تمنيت ايامي كلها مغامرة واكشن معك وقفت وهي تعدل نفسها فتحت شعرها رتبت شكلها ورسمت اجمل ابتسامه علئ ثغرها توجهت للصاله مكان ماهو جالس ماكلف نفسه يرفع عيونه ويطالع لها تمدد واخذ يطقطق بجواله تقدمت وهي تشوفه متلحف بالفروه ومايطالع لها جلست علئ نفس الكنبه وبهمس: سعود سعود من غير مايطالع لها: نعم غموض وهي تلعب ب اصابعها : ودني لامي اشتقت لها سعود رفع يده وهو يأشر لها تقوم من غير ماينطق بحرف رفعت حاجبها بقهر وبهمس: حقير طارت عيونه : عيدي وش قلتي غموض طالعت له بتحدي: حقير جلس بسرعه وهي رجعت على ورا بخوف : نعم وش بتسوي بسم الله مو ادمي سعود وهو قريب منها حيل: اقسم بالله ياغموض ان ماضفيتي وجهتس لايكون تصرفي معتس شي ثاني للحين ماسك اعصابي عنتس وبصراخ قووووومي غموض قامت بهدوء : كثرالله خيرك مارد عليها وظل يطالع فيها وهي تمشي للغرفه وبهمس: جالسه تخربين على نفستس اشياء واجد زفر بتعب وهو يرجع ظهره لوراء عند غموض رجعت للغرفه وهي شوي وتبكي من القهر جلست بزعل هين ياسعود والله لاوريك جوال وحرمتني منه ووظيفه وسحبتها مني عبالك بجي على هواك كتمت كلامها وهي تلمح زوله جاي تقدم للسرير وهو متجاهلها انسدح من الجهه الثانيه وبهمس خافت :برا وطفي النور معتس غموض رفعت حاجبها بضيق؛ماني طالعه بنام هنا مارد وهو يعطيها ظهره ماحس الا ببوسة علئ راسه وبهمسه ناعمه:ادري اني غثيتك اليوم بس معليش الضيقه لاعبه فيني عن اذنك قمت بكل هدوء وطلعت للصاله، انتظرت منه حرف الاقل كلمه بس هيهات سعود مستحيل يرضئ بسرعه هذا اللي حسيته من كم يوم عشتها معه وعرفته يمكن شخصيته غريبه علي بس علئ رغم عدم تقبلي له الا اني بقربه احس بالامان كثير تنهدت وهي تمد شفايفها بضيق وانسدحت بمكانه وتغطت بفروته ... سعود ابتسمت علئ حركتها اللي اثرت بنفسي كثير ماتدري وش سويت وسعيت علشان بس اخليها حلالي وتحت ذمتي وعيني كان نفسي ارد لها حركتها بس لازم اشد معها هالبنت مدلعه كثير وكلامها وتصرفاتها يبي لها اعادة تربية من جد وجديد لف على جنبه وهو حاس بوجع خفيف بصدره اخذ نفس وهو يعدل نفسه وينام ، . . . بالمركز: حاط يده علئ راسه وعيونه حمراء من الغضب والكبت : شلون كذا فهمني شلون غازي مدنق راسه: مدري والله ياعناد مدري منين طلعوا لي عناد مسكه من كتفه : حذرتك ماتركب احد بسيارتك نبهتك ماتجي ولاتروح قلت لك ياغازي انا مستدهف ليش تركبهم معك الدنيا مو مثل قبل ياغازي الحين انت اكلتها وبيحطونك بالتوقيف غازي وهو يمسح علئ وجهه: السجن للرجال وانا عند ربي بريئ منهم ومن جريمتهم نيتي كانت مساعده لااكثر ولا اقل عناد بغضب حذف كل شي ع الطاوله : صار لي ساعه مافي لواء مقدم ضابط ماكلمته وترجيته علشانك وانت ولا هامك انت متهم بقضية قتل وتستر علئ قتله اخر شي بتحديد موقعهم كانو معك مانت مستوعب عظم القضيه امي قولي وش اقولها جماعتنا اختك اللي علئ وجهه زواج وياليت قضية تشرف قتل وبشقة ***** ياغازي عارف ليش انا اعصابي فايره ماامداه يكمل ولا بنايف يدخل : ملزوم نكلبشه اعذرني عناد عناد بهدوء وهو صاد عن غازي: خذه تعداهم وهو يطلع من مكتبه شاف سيف جالس علئ حدا الكراسي تقدم له وبصوت متنرفز: ليش مارحت لامي عفيه عليك مخلي حريمك لحالهم بتالي الليول سيف بلع ريقه : وش صار معه عناد : قوم معي انا مافيني حيل اسوق قام وعناد ملتزم الصمت ركبو وبهدوء: كم مره حذرتكم تنتبهون كم مره شرحت ماتركبون احد معكم الحين تدبس بقضيه مالها اول من تالي اهنتوني خلتوني اترجئ الداني والقاصي علشان اطلعه سكت وهو ماقدر ينطق اكثر غمض عيونه ب الم راح ماجد وغازي ودنيا للحين مصيره ب ايده يامناف يااخو المجرم بقئ سيف بس لازم ينتبه له هالفتره كبرته مليون سنه دق جواله فتح عيونه وبهمس:ناقصك انا دق للمره الثانيه طلعه من جيبه:الو محسن بخبث:هلا بهالصوت هلا بالنسيب ها تقدر نقول تم عناد علئ نفس وتيرة خبثه :وليش مانقول تم نقول كم عندنا محسن بس الملكه تتم عندكم احسب لي يومين واجيكم وهي معي محسن بفرحه :ايه هذا الكلام العدل عناد:بس بشرط غازي يطلع منها لاطلع غازي جيناكم وملكنا وشرايك محسن :تم مايجي بكره الصباح ولا غازي عندكم عناد:وماجد محسن :لاضمنا البنت سلمنا لك ماجد عناد وهو متقرف:علئ خير سلام حذف الجوال علئ سيف وصد عنه وبهمس:ان طلع شي من اللي سمعته مايحصل لك طيب سيف:تراني رجال موب حرمه عناد:الحرص واجب سيف:طيب وصلو للبيت نزل سيف وبقئ عناد سيف:انزل معي عناد:مالي خلق بروح لسعود سيف:طيب عناد نزل وركب مكان سيف وتوجه للكورنيش طلع جواله وهو يتصل علئ سعود .... ..... ..... الصباح الساعه 7 عند همس جالسه بغرفتها ماتبي تتطلع لاحد دخلت امها بهدوء:يمه ياهمس هذي نعمه من ربي وماتدرين يمكن فيه الخير ويرجعكم لبعض همس بحزن: ياخذه انا مابيه فاهمتني يمه ماابيه امها وهي تسايرها: خلاص اللي تبينه بيصير همس وهي تمسح دموعها: صدق يمه امها وهي تتحسب بداخلها علئ ماجد ماعمرها شافت بنتها بهاضعف: ايه يايمه وشرايك تقومين معي نتمشئ ونفطر برا همس :لا مابي ابي فراشي بس امها بصرامه:معك عشر دقايق تتجهزين على كلمتها دخل مناف معصب:من قايل لكم تخطبون دنيا وتحددوو الملكه من سمح لكم مو انا قايل لك يايمه ابي من بنات خالي قلت ولا ماقلت امه بهدوء: ابي رضاي ملك علئ دنيا غير هالكلام ماعندي مناف مسك نفسه وشتت نظراته بعيد عن امه : تحملي مايصير اجل وطلع وسكر الباب ب اقوئ ماعنده همس : الله يخليك يمه مو ناقصين مشاكل بعدين دنيا مره هاديه وحساسه ودلوعه ماراح تتحمل ولدك مو ناقصين ماجد ثاني بالعايله امها ب ابتسامه: ماعليك يابنت والله ان خذها ان مايقدر يزعلها بكلمه بس هو ماخذ موقف من اخوانها ولا انا عارفه انه يموت فيها همس وهي توقف : علئ خير يايمه انا بلبس واجي اوك امها : يقولون طيب مو اوك انا مدري ليش تقصون حكينا ابتسمت علئ امها: متطلبات الحياه امها وهي تطلع: امشي بس واستعجلي علي السواق طلع السياره .... ..... عند ام غموض ساره جالسه علئ اعصابها وهي تعيد رسالة سعود: جهزي اغراضتس واغرض غموض يومين ب اذن الله وبنمشي لحايل اعذريني ماقدر اخليتش لحالتس بتروحين معنا ساره: هذا الناقص الصغير يتحكم فيني والله ماروح معك ياسعود اجل بتوديني عند اهل ابوك دمعت بقهر كلما تتذكر فرحتها وصدمتها بنفس الوقت بيوم ولادة بنتها بدال الطلاعه ورقة طلاق وتبيني اسكن بعد قريب منهم كافي مووضوع فهد مسبب لها ارق تنتظر اي خبر اي مووضوع عنه بس الصمت هاليومين غريب وغريب جداً . . عند سعد وقف سيارته عند المدخل ونزل ب ابتسامه ماعلم احد بجته الا ابوه اللي طلبه ياخذ اجازه علشان ملكة العيال اللي مابقئ لها الا يومين دخل وهو مبتسم : ي اهل البيت مالقئ الا امه وحولها فطورها اللي مسويته ام راكان. : هلا هلا بالغاليه ام عبدالعزيز بفرحه: ياهلابك دنق وهو يحب راسها وايدينها وجلس معها علئ الفطور: ماشاءالله اشوفتس مروقه يالوالده امه : ماتعرف اميمتك ماخذه الحياه بساطه سعد وهو يسمي وياكل معها: وليدتس مثلتس بعد ولا امه: ايه ايه من هوايلك ضحك سعد : ههههههههه يمه وش نوحتس امه وهي تهمس: ترا مريتك نايمات عندها البنات كلهم وغايبين عن المدرسه بعد سعد : افا عليتس هذي حلاتها اصلا انا اعلمتس فيهم ان ماخربت نومتهم مااكون سعد اكل بسرعه ووقف وهو يتجهه لشقته قبل لاحد يشوفه فتح الباب بهدوء: طالع الصاله اللي كلهم فارشين فيها ونايمين وهدئ بوسطهم بس كانت صاحيه طالعها وهي سرحانه مانتبهت له: ياحلوه هدى بشهقه : بسم الله منين طلعت سعد بضحكه : من قلبتس ياقلبي قومي قومي بس وش منومتس مع حزب المخبل هدئ وهي تاشر له يسكت: اوص بس لايقومن عليك سعد : طيب قومي الحين وبعدين نتفاهم قامت وهي تشغل الفلاش وتمشي شوي شوي لين ماوصلت لبداية الصاله مكان ماهو واقف مسك ايدينها وبهدوء: اخبارتس هدئ : الحمدالله مسكها من ذراعها ومشئ معها للغرفه دخل وسكر الباب وقفله هدئ حست بخوف : فيه شي سعد وهو يفتح بدلته ويلبس له ثوب : لا والله بس اعرف هالملقف دقايق ويجنتس هدئ تنفست براحه: عبالي صاير لك شي سعد : مو صاير الا كل خير خلص ومشئ لها وجلس بجنبها وبهدوء باس راسها: شلونتس الحين هدئ وجهها حمر: الحمدالله سعد : الحمدالله بس وش تحسين فيه اعراض هدئ : مدري الاعراض اللي صايره تجيني غريبه دوخه مالي خلق شي تعب سعد : يمكن من العلاجات هدئ وهي تميل راسها علئ كتفه: يمكن بس ترا اشتقت لك سعد ب ابتسامه: والله وانا بعد فقدتس بس شسوي السبت اخر شي لي بحايل واحتمال اخذتس معي دوام وجبنا لتس اجازه ماعندتس شي غير اني اخذتس هدئ بهدوء: لاجاء وقته نشوف وش تسوي سعد : يابنت متكسر من الخط ودي انام بس ابوي الحين يعصب علي اني ماسلمت عليه هدئ : قوم دامك لبست ثوبك ضبطت شماغك ورح له سعد: بس عطيني اي جاكيت من داخل ميت برد هدئ ب ابتسامه: وهذا حنا مادخلنا البرد اللي حيل سعد: تعرفيني مااداني البرد الله يعين بس من يدخل امسك الفراش من ابره لابره هدئ وهي توقف وتوقفه معها: قوم عن الدلع بس يلا ياعمري سعد: علشانتس بس هدئ : ههههههههههههه صدقتك سعد وهو يتعداها ويضبط شماغه :شعرفتس بس هدئ طالعته لين ماخلص ومدت له الجاكيت: عيوني انتبه لنفسك تمام ومن تسلم احلس شوي وارجع ريح سعد: ابشري تدرين ودي افصل علئ هالنايمات عندتس بس ربتس فكهن هدئ: ترا من اليوم لين ملكتهم بيجلسون عندي سعد: لا والله وانا وين اروح هدئ : وهي تاشر علئ الباب سعد لف عليها وهو يضرب كتفها علئ خفيف: خربنتس ها انا ماخذتس السبت ماخذتس هدئ وهي تطالع له يطلع بهدوء : ههههههههههههههه يصير خير سعد اشر لها تسكت وهو يطلع علشان مايحسون عليه البنات هدئ : الله حافظك .... ..... بالمجلس الرجال متسيد المجلس بكلامه وضحكه قاطعه ناصر برزانه: فارس الركاده زينه فارس وهو يحاول يمسك نفسه مايضحك : ابشر بس تعرف اول مره اقعد بدري ابتسم له محمد: خله يسولف وش تبي فيه ولا بسعد داخل وقفو له يسلمون وجلس بجنب ابوه اللي كان ساكت ويطالع لهم واحد واحد مو ناقص الا فايز وعبدالعزيز وسعود اللي له فتره مختفي :ها ياناصر وش رد البنت ناصر بهدوء وهو متجاهل نظرات مشعل وفيصل: شاورنها واستخرت وردها بولد خالها مو قصوراً بفيصل بس البنت استخرت وارتاحت للولد خالها وبالصحيح ماتصير خطبه علئ خطبه واول من خطب نايف ضاري والكلام موعاجبه: بس ولد عمتها اولئ فيها ناصر : بس يايبه انت اللي قالت شاورها وترا ماينجبر قلب علئ قلب هذا طريقها وهي اخترته ضاري وهو يشوف فيصل عصب وطلع وراه مشعل: يصير خير ياناصر ناصر : انا كلمت نسيبي وقلت له حياه يجي يخطب رسمي دامنا موافقين سكتو ومو عاجبهم اللي يصير بس سعد اللي مو فاهم شي : ليه من خاطب غير مشعل وفارس ناصر : ريانه خطبها نايف ولد خالها وفيصل لمن درا خطب علشان مايبيها تطلع من العايله سعد :والله ان نايف رجال قول وفعل قابلته اكثر من مره بالدمام وعزمني ناصر: الله يقدم اللي فيه الخير . . . بمكهه من قعد الفجر راح لها حاول يدخل لها بس رفضو جلس علئ الكراسي ينتظر يسمحون له يدخل جاء الصبح وسمحو له يدخل عليها دخل ولقاها نايمه بسبب المهدئ تأمل شكلها كيف ذبلانه وجهها تعبان والمغذيات من كل جهه تقدم لها وجلس علئ الكرسي وقلبه موجعه عليها خايف من هالدنيا عليها لاهو قادر يأمن زواجه ويضمنه عارف ان مصير امه بتقوم عليه وتخرب كل شي ومتاكد انها بتشرط عليه يطلقها ولا يتزوج علئ ذوقها وهالبنت مو ناقصه مشاكل كافي نفسيتها بالحضيض حط يده علئ ايدينها ورفع ايدها وباسها وبهمس : قدامك العافيه تصدقين بتكونين انتي حلمي اللي بثابر عليه حتئ الطب ماكان بيوم اختياري بس انتي الشي الصح ب اختياراتي وانتي اللي اخترتك بنفسي ولا راح اتخلئ عنك لو كلفني فراق اهلي وامي سامعتني قومي سوي اي حركه تدل علئ انك تسمعيني ماصارت نايمه من امس ترا اشوف الحياه فيك اشوفها بعيونك لطالما كنتي كل شي لياسر وحلمه اللي سعئ انه يحققه لاتلومين نفسك تراك بعيوني شي كبير استندك عليك دايم بس انتي مو حاسهه مافارقتيني يااغصان ولا بتقدرين دامك تعيشين بقلب ياسر مايلحقك اذئ ب اذن الله صد وهو حاس بتعب نفسي شاف حالات كثير عالج اطفال وكبار وشياب بعضهم توفو وكانت اخر ملامحهم ابتسامه والبعض دمعه والبعض ملامح جامده مرات عليه احداث كثير صلبت قلبه وقوته بس عندها يحس انه اضعف من انه يمسها ضرر ضعيف لدرجه ماوده يشوف دمعتها ماتدري انها بيوم كانت حياته وحلمه اللي عاشه كيف لا وهي وصية ابوه وحلمه انه يشوفهم مع بعض علئ قد الفرق البسيط بينهم الا انه عاشها كثير ب ايامه ب ايام غربته كان كلما تذكرها شد حيله علشانها ياسر رجع ظهره: استغفر الله بس جلس يطالعها ويطالع ساعته علئ كلام الممرضه انها خلال هالدقايق بتصحئ من حسها حركة ايديها اللي ماسك ايدها فز وهو يفتح المويه لها اغصان بالحيل فتحت عيونها تحاول تستوعب هي وينها طالعت ياسر ومغذيات وحاسه بتعب: وش صاير ياسر وهو يقرب لها بهدوء: سمي بالله واشربي المويه علشان اتفاهم معك شربها وخلصت : وش فيه ليش انا هنا ياسر وهو يجلس: سلامتك بس صار معك نزيف ياحلوه بسبب الانيميا اللي عندك اغصان وهي ترجع راسها للمخده وعيونها رافعتهم بسقف: زين ياسر : عادي عندك اغصان هزت راسها بعدم مبالاه ياسر طالعها بقهر: انتي بس اصحي وانا اعلمك كيف تهملين بصحتك وقف واخذ اغراضه وطلع معصب اغصان لفت ع جنب وهي تمسح دموعها اللي نزلت بعد ماطلع: اطلع وش اسوي لك مسوي مهتم وبعد مده تقلبه امه علي واكلها انا ضغطت الزر علشان تجيها الممرضه تساعدها . . . ب ابها جلس وهو حاس جسمه ثقيل مسك راسه وهو يحاول يجلس ولا بعمه بكل هدوء: افرد ايدينك براحه ورجع ظهرك شوي استريح وعقب قوم سياف : انت شجايبك عمه: جابني الشوق سياف تنهد وهو يرجع ظهره براحه ومارد عليه معاذ اللي كان يفطر مع متعب شوي ولا دخل عمه وجلس معهم معاذ: شقال عمه: قعد مو مستوعب ورجع نام معاذ : اليوم جتني رساله غريبه عمه : الرقم اللي آخره 80 معاذ: ايه هو عمه: وانا بعد معاذ بهمس: يقول ي انا انت عمه: وانا كاتب لي خلك قدها معاذ مايبي متعب ينتبه قصر صوته: شكلهم ناوين علينا عمه: متوكلين علئ الله ماعلينا منهم الامن موجود هز راسه وهو ناوي علئ شي بس يجي العصر ويشوف وش يصير . . محسن اطلق بفرحه ورا بعض طالع ذيب اللي وجهه منصفق: ابشرك اخت عناد وبتجيك لين رجولك وبتتزوجك ذيب : اها طيب جاء بيمشي ولا حس بضربة السلاح علئ كتفه غمض عيونه ب الم : انت متئ تصحئ بطل تشرب محسن: هههههههههه يانفسيه اقولك بتتزوج وهذا ردك غمض عيونه وهو يرجع يسحبه تلثم بشماغه وحذفه علئ المغسله وجلس يغسل راسه وبقهر: ولدك يومين ماندري وينه ماتخاف الله الحين امه داقه علي تبكي تبيني ادوره اقسم بالله ان عرفت ان لك ايد بالموضوع انت وكلابك لا اوريك الشغل تراني ساكت بمزاجي فاهم رفعه وحذفه بكل قوته علئ الارض وطلع . . . الئ هنا واتمنئ تعذروني بتوقف لين هنا وبعد الاختبارات القاكم عارفين الفاينا بقئ له اسبوعين بس ويبي له مذاكره وتحضير دعواتكم والله يسهلها عليكم واعذروني . اختكم: غسق آلليل |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم: البارت(19) . . " المهتوي لا أهتوى ما يطوي شراعه يمشي على النار كنّه ما وطى فيها ". . . مسح ايده بقرف وملامحه يأسه عض شفته لين ماحس بطعم الدم مسح دمعاته اللي تناثرت من سوء الموقف والمكان صاح بصوت عالي: ييززززننننن شهق بشهقات متتاليه وهو يسمع صدى صوته تلطم بشماغه وهو يوقف على حيله وخطواته مهزوزه استند على الجدار وهو يشاهق يزن الطفل الصغير البريء اللي ماله دخل ب افعال ابوه اللي ماعاش مع ابوه حتى يتحاسب بداله قفل جواله وهو يطلع من المصنع بضيق ركب سيارته وحرك لين ماوصل الشارع العام وقف وهو يحط راسه على الدركسون مو قادر يتخيل ان ماعاد له وجود شاف ملابسه وايباده يعني كان موجود بس الحين انفقد ماله الاتفسيرين يامات ياماراح يلقونه بحياتهم اللي يدخل هالتجاره يخسر ضميره والاهم دينه كيف بتصحى عقولهم وبيعطفون على هالصغير وهم كلهم قلوبهم قاسيه وباعو ضميرهم همس بصوت مبحوح: الله ياخذك يامحسن الله ياخذك حرك بضياع مايبي يرجع البيت ويشوف مناظر تقرف الواحد بينام بسيارته اريح له عجز ياكل وهو يتذكر مناظر المقرفه بالمصنع غمض عيونه بقوه وهو يتعوذ من ابليس ويوقف قدام الممشى نزل الكرسي وهو ينسدح بضيق يحاول ينام ودموعه للحين باقيه على خده ........ ............. يوم جديد بالدمام الساعه 10 الصباح .. بالمزرعه جالس ونظراته متعلقه بملامحه ناظره بعمق وبكل صوت غاضب: انت شلون تسوي كذا من غير لاتعلمني الاقل عطني خبر قولي افزع واراكض معك قطع كلامه بسخريه: انت اللي ماتعرف تكتب حرف بتفزع بالله سعود لاتصدع فيني واختي انا وياها ننجاز لاتدخل نفسك بشي مايخصك جمدت ملامحه ببرود وكانه ماهز منه شي: مانت بعيد عنهم ياعناد وبصوت حازم : دنيا انا لها ياعناد فاهم ياانا ياانت والله بسماه مايفرح فيها راعي المخدرات رفع الجوال وهو يتصل على مناف وبكل برود: وينك مناف اللي يحترم سعود: هلا سعود بعجله وهو يتجاهل عناد اللي رافض: اسمعني تعال بسرعه بنملك لك على دنيا مناف بهدوء: معليش بس انا ما أبيها سعود رد بسرعه: طييب تعال وانت شاهد عليها حليله لغيرك مناف اللي استوعب: سعود سكر بوجهه دنق وهو ياخذ شماغه ووجه مسود من كثر ماعصب بس كاتم عصبيته قدام عناد وبهدوء :والله مايتزوجها عناد رفع حاجبه: مالك دخل بعدين انا ماكنت ناوي ازوجها بس بتلاعب ب محسن واردها له وبالاساس ابيها لمناف والحين والله ماياخذها غيره سعود تجاهله وهو يطلع دق على صديقه بالاستخبارات:حامد ضروري تبحث لي عن ذيب .... اخو محسن ايه ايه عرفته طيب بنتظارك حامد: دقيقه متى ترجع للداوم فاقدينك سعود بضيق:سكر بالله انا زين ماسك نفسي حامد: طيب دقايق بس واجيب قرعة ابوه تنهد وهو يسكر جلس على العتبات مافيه يدخل وهو مطرود فتح ازاريره الاماميه بضيق خايف يخطي بهالخطوه خاف يظلم دنيا هو يبيها لمناف لانه كان عارف بحبه لها بس مناف ارخصها ومستحيل يرخص بدنيا هذي وصية جده هذي اللي لفظ اسمها خايف من جور اخوانها مافيه الا ذيب ولا عيال عمه بس عيال عمه طبايعهم تختلف مايدري وش يقدم عليه اذ ملك لها اليوم خسرها والسبب عناد اللي جالس يتخبط وفقد حكمته ورزانته رفع جواله وهو يطالع ب اسم هالضابط مايبي ينذل له بس مضطر: الو عيسى: هلا هلا واخيرا شرفتنا وبهمس : تعرف وش يسمون اللي يشتغلون يالخفا سعود عض شفته ياما تهاوش هو وياه: انا ابيك الخدمه اترك مشاكل العمل على جنب ابي غازي .... مسجون بتهمة وهو بريئ منها وتقدر بنفسك تتاكد من جوالاته ناس حاقدين وبلوه وبهمس: ابي مساعدتك يابو فزاع عيسى : ياكبرها عند الله سعود يطلب فزعتي وبجديه انت عارف ان الجوال مو دليل ثابت سعود: وانت عارف ان التهمه مو متاكدين منها يعني تسقط بس بشطارتك وتنمسح من سجله ياعيسى ولا تخليني اضطر اتعامل معك بطريقتي عيسى: تهددني ومصلحتك عندي بساعدك علشان عندي فضول اشوف هالغازي اللي ذل روحه سعود علشانه بهدوء: يوم والثاني اشوفه طالع عيسى : على هالخشم سكر بضيق وقف وهو يسمع عناد يقوله: مناف لدنيا فهمت اول ماكنت بزوجها بس قطع كلامه سعود: مع السلامه توجهه للبوابه وهو يحاول يسابق خطواته ركب ووصل الفله وهو يشوف الحرس معبين المكان مسك راسه بضيق وشلون بيدخل وياخذها غمض وهو يتذكر بني الفله وهو اللي اشرف عليها تذكر فتحتة السرداب ولف من وراء الفله طالع الجدار وطالع الارض بهدوء علشان يتذكر تأمل الارض مره واثنين وثالث لين ماجلس على ركبه وهو يوخر التراب بشكل سريع لين ماطلعت له فتحة البركه غمض مو هنا ياسعود حرك ايده لين ماتوصل لحديده كبيره بس شلون يفتحها لازم مفتاحها حط يده على راسه وهو يتذكر اغراض جده همس :يلا ياسعود وقف وهو يجيب حديده طويله حاول يعوجها وعجز تنهد وهو يحس الوقت يقتله ضغط بقوه لين ماتجرحت ايده حذف العصا وهو يجلس بغبنه وبهمس : المفتاح بتجووري جدي اكيد وقف بسرعه وهو يركب السياره الاشارات بدت تنرفزه والزحمه بدت تنحسب عليه حاول يهدا وهو يطالع ايده والدم للحينه يتناثر وثوبه مغبر ووجه مسود ابتسم بسخريه وش فيه اليوم من بدايته ذل بذل وصل الشركه وهو يدخل من الباب الخلفي وتوجه للمكتب بسرعه جاء بيفتحه ولا متغير القفل صرخ بغضب دف الباب بقوه وهو يحاول يفتحه نادا على السكرتيير : افتحه اخلص السكرتير: استاذ سيف نايم داخل ضرب الباب بقوه وهو يعرف نوم سيف طالع له ماتبي تدف معي السكرتير بخوف يااستاذ انت ممنوع غمض عيونه وهو يدف ب اقوا ماعنده انفتح الباب وهو يدخل ويتجه للتوجري فتحه بشكل سريع واخذ المفاتيح سكره واخذ كوب المويه وكبها على سيف وطلع بشكل سريع وهو يشوف الموظفين يطالعون له وهمساتهم واصله له غمض عيونه وبصرخه: كل واحد على شغله طالعو له ودخلو بسرعه تنهد وهو يتجهه للبر ويركب مسك جواله وهو يدق على جدته وبهمس راجي : يمه ام ماجد: هلا ياسعود غمض مو هذا ردها لاقال لها يمه: تكفين دنيا لاتاخذ مناف مسافة الطريق وانا عندكم تكفين ياجده ام ماجد صمتت على دخول عناد اللي ينادي لدنيا سكرت وهي بحيره سعود اول مره تسمع هالنبره منه وقفت بهدوء ورفعت عصاها وهي تدف عناد فيها : وش تبي فيها عناد: مناف جاي يملك ام ماجد بغضب: وبنتي رخيصه علشان يملك سكيتي وين امه وين خالك عناد بترجي: يايمه تكفين خلاص بنملك وبياخذها وخلصنا الوقت مو من صالحنا ابداً قطع عليهم دخول اللي ثوبه رايح فيها ووجهه مجروح وايده وبصوت عالي: ان وش قايل لك انسى تزوجها مناف والله ماياخذها وانا سعود نزلت على صراخهم عناد اللي استغل تعب سعود: يايمه ولد بنتس بيزوجها سكير سعود اللي عيونه توسعت بصدمه : عناد ام ماجد مسكت راسها وجلست : هذي اخرته ياسعود وانا اللي ربيتك وتعبت قطع كلامه بصوت هادي وبارد: ماحد رباني انا ربيت نفسي بنفسي وماحد اشرف على دراستي انا اشرفت عليها ودرست وتعبت وانا ولا اقولك شوفي الفرق ايرادات الشركه بوجودي وبعده ودنيا مابي مناف ياخذها علشان ارخصها ورفضها تبيني ارضى لها الرخص تبين ازوجها واحد رافضها كيف بتبني حياتها واللي انا ابيه لها تشهد له اخلاقه بغض النظر عن اهله واذ تطيعين شوري خليها تجي معي انا ماشي الحين لحايل مع اهلي رفع راسه لها : وش قلتي يأم ماجد دنيا اللي جلست على الدرج وهول الصدمه سكتها وبعد صمت دام لعشر دقايق نطقت ام ماجد: الشور لها عناد طالع لها: دنيا وانا اخوك طيعيني مناف طيب وبيصونك دنيا رفعت نظرها لعناد وبسخريه: انا من بداية المشكله علمتك وشكيت فيني ومنعت عني الاجهزه وسحبت جوالي ورجعته وانت تراقبني الاقل اروح مع شخص يحترمني وواثق من تربيته وبهدوء .انا معك ياسعود باللي تبيه سعود ابتسم وبهدوء : تجهزي علشان بنمشي لحايل خمس دقايق ونزلت وهي لابسه عباتها ومعها شنطه صغيره فيها اغراضها الاساسيه وصلت لامها وحبت راسها : تسمحين لي اروح مع سعود ام ماجد : مسموح يامك وانتبهي لنفسك وكل يوم طمنيني عليك دنيا: ابشري همست لعناد اللي بجنب امه وصاد عنها: اسفه ياخوي حبت راسه ومشت ورا سعود اللي حاس بتعب من كتمت السرداب وغباره ركبو وتوجهه للشقه اللي فيها ساره وغموض وصل وهو يهمس : يلا يادنيا ونزلت وهي تمشي معه وب احراج: احس فشله ادخل كذا عليهم سعود : يابنت الحلال عادي دق ع ساره علشان تفتح له شوي ولا صوتها وهي ترحب فيهم ساره: ماشااءالله هذي خالتك دنيا سعود ب ابتسامه : ايه وباستغراب الا غموض وينها ساره : والله مايمديها تكمل ولا طلعت وهي متكشخه مسويه شعرها عمله فرنسيه ومكياج جدا هادي بلشر ومسكرا وررج هادي وعطرها سابقها ولابسه جنز ابيض على تيشيرت اخضر غامق وفوقه جاكيت جنز مشقق وب ابتسامه : ياحي الله ضيوف سعود وتوجهت لها وهي تسلم وب ابتسامه: واخيرا احد جاني يونسني دنيا بهدوء:الله يحيك ياقلبي ابتسمت غموض بهدوء وتوجهت لسعود اللي جالس بكنبه لحاله وهو مبتسم بسخريه تجاهلها بتمام ماله خلق يهزئها هي ولبسها اللي الف مره نبهها ماتلبس كذا وبهمس وهي تجلس على طرف الكنبه :وش فيك وجهك تعبان سعود بهمس وهو حاس بنظرات دنيا وساره لهم :ولاشي غموض بنفس همسه:وجهك وثوبك امش لشقتنا غير وارتاح صدرك تعبان صح واضح مو وجهك سعود مارد وهو يصد بهدوء وبهمس: مافي شي غموض :جهاز التنفس وينه سعود طنشها: انا رايح لشقتنا اللي بجنبكم وبسؤال: دنيا تبين تجين ولا اجيك شوي دنيا:طيب بروح معك وقفت وانا البس نقابي غموض توجهت له بصمت سعود صد وببرود دنق عليها :خلك عند عمتي اي شي تحسينه غريب علميني شقتي بجنبكم على طول بريح بس وعقبها نمشي غموض طالعته بنظرات بارده وصدت وهي تتجه للغرفه اخذ دنيا ومشى دخلو الشقه ودنيا :ماشاءالله تهبل ياسعود ليتك معرفني عليها من زمان سعود هز راسه ببرود :ارتاحي انتي الحين وبعدين نتفاهم دنيا: ان شاءالله توجهت للغرفه وهي تبدل وتنسدح بتعب سعود جلس على السرير واسند راسه على ديكور السرير غمض بهدوء وهو يحاول يوزن الامور حاس ان كلما له ومسؤلياته تزيد فتح عيونه على رنة جواله فتحه وهو يرد : الو عيسى : اقل من ساعتين غازي طلع وسلم لي على خالك كثير السلام ولعلمك خالك الثاني اللي مسوي انه ضابط ترا مهددينه بنشر صور اخته ماكمل كلامه ولا سكر الجوال ورجع راسه وهو يحاول يهدا هالعيسى يحب يتمشكل معه على غير سنع اخذ نفس وهو حاس بتعب بصدره انسدح وهو يحاول يريح راسه وجسمه قبل السفر مرت ساعه وهو على وضعه مغمض عيونه يرتجي النوم بس وين النوم ووينه يسمع صوت نفسه جلس بتعب وهو يكح بشكل مستمر وقف وهو يعدل لبسه دخل الغرفه وهو ياخذ الكمام ويحطه جلس براحه وهو مغمض دق جواله رد بهدوء: حامد : سيدي هالشخص من خلال المعلومات عنه تبين انه ماله اي علاقه بشغل اخوه وهو شخص متفوق وطالع لبعثه بس على اخر شي كنسلها ولسبب مجهول وبكل مراحل الدراسيه كان الاول على المنطقه وكان يشارك بالمسابقات بس بالاخير ينسحب واللي عرفناه من للي حوله انه شخص على قد كلمته وشخص جدا مسالم وهادي بس لاحظو انه بالفتره الاخيره دخل مع اخوه بس هو شخص جداً ذكي واللي مستغرب منه انه للحين ما أستخدم خططه ضدنا او خطط مع اخوه سعود والافكار بتدت تتوالى عليه: حامد لايمسي الا وهو بمقرنا ضروري حامد: بس ياسعود انت شخص المجهول كيف بتطلع للعسكر والمقر سعود: ماعليك مقرنا السري ونبه على عيسى وكذا شخص من الفرقه مع يوسف حامد: كل اللي ناويهم معنا طالعين بحث عن خالك ماجد ماعد عيسى سعود وهو يتعوذ من ابليس من حامد: ابيهم ضروري فاهم بالمقر اللي تعرفه سكر من غير لايسمع رده ...... حامد طالع جواله بتأفف الاقل قول شكرا طلع ارقامهم وهو يتصل على الرقيب يوسف الرقيب يوسف: هلا حامد استجد شي حامد: الصقر طالبنا الرقيب يوسف ب استغرب: وش عنده هادي من فتره حامد: مدري بس هو قال ابلغكم بالمكان اللي تعرفه وبيرسل خطاب للجهات العليا الرقيب يوسف: يصير خير حدد الوقت وب جيكم ب اقرب طياره بس مهمتي بالجنوب مطوله القضايا متشربكه بشكل عظيم حامد: ابشر وكل احد عنك وحياك بس هو محدد قال ب اقرب وقت يعني بكره بالكثير نكون متواجدين عنده سكر ودق على عيسى يخبره: عيسى: غريبه الصقر مره وحده وش فيه اخر مهمه من اكثر من سبع شهور لمن تعب وش يرجعه وبتفكير : خلاص جاي بس ارسل الوقت سكر وهو سرحان من هالشخصيه المتخفيه لطالما كان شاك انه سعود بس سعود يتواجد وقت مايكون هو موجود وسعود داخل مجرد استخبارات سريه ينفد مايصدر اوامر بس هالشخصيه غريبه يتأمر ويختفي مالمحنا لاشكله ولا صوته يستخدم مكبر صوت بس عيونه حاده عيونه فيها نظره قويه بكل مهمه يشجعنا ويخططها بكل احترافيه يثقون فيه اللي اكبر منه ويوكلونه للمهمات الارهابيه ياكثر ماهو معجبني وبنفس الوقت كارهه لانه شخص عارف وش يبي وش يخطط ودي اكون بحدة ذكائه لو مره كرهت سعود لانه كان ينافسني بشغلي بس ب الشهور الاخيره انسحب من كذا مهمه وتركها لي مو حباً فيني بس هو قالي انه وحيد امه وطلبني اخذ عنه المهمات وانسحب وبنفس الوقت هو الجندي المتخفي اللي ماحد يدري فيه غير كم واحد من الجهات العليا لان وظيفته حساسه جدا ومركزه سري اما انا ضابط معروف وشخص ظاهر علني للكل اما هو جانا ب امر من الجهات دخل فجاءه بينا من غير دراسه ولاتعب ياكثر ماحاولت انرفزه بس جليد ولايهاب شي مابيني وبينه شي الا انهم دايم يفضلونه علي بالمهمات الصعبه بس الفتره الاخيره انسحب بشكل كامل والظاهر انه قدم استقالته علشان امه واخذت ان مكانته تنهد وهو يوقف ويلبس طاقيته ويمشي بخطوات مهيبه للي حواله يمشي وكل خطواته تتسارع وش ينتظره الحين بكى امه الكفيفه وولده الوحيد اللي رفضته امه لانه من متلازمة داون وابوه المقعد واخوه الداشر ابتسم بسخريه على وضعه ركب سيارته وهو يتجه للبيته المتواضع نزل وهو مبتسم على خوف الاطفال وهربهم منه دخل وهو يلقي التحيه لابوه المبتسم عيسى:الله يديم بسمتك ياالغالي ابوه رد له التحيه:تفضل ياعسكري شاركنا الجلسه امه بحب:اجلس خلني اخذ علومك عيسى وهو يجلس ويميل لامه ويحب راسها :ابد يالغاليه دوامي ماصار فيه الا كل خير الا وين فزاع مااشوفه بالعاده يستقبلني امه :خذته ممرضته تنومه عيسى تنهد ب الم وصد:طيب امه وهي تتلمس ايدينه:قالو لي ارفعي راستس ياام عيسى الله رزقتس بولد يشيل الحمول ولا يقول غير نحمد الله ونشكره عيسى ابتسم بحزن:الله يخليكم لي ويحفظكم انسدح وهو يتجاهل شوقه ومشاكله وكل شي حصل له بينعم بحضنها غمض بهدوء غفى تحت انظار ابوه اللي لمح احمرار عيون ولده وهمومه المرسومه بملامحه وبدعاء داخلي:يارب انك تخفف عنه وتشيل همومه وتعاونه وتحفظه لنا ..................... العصر بيت ام همس همس بتعب وهي تلبس عباتها مسكت قلبها بتعب حاسه فيه شي بس ماتقدر تبوح هي رافضته ليش تهتم فيه مسحت دموعها وهي تستودعه بقلبها وخارجها تلعنه نزلت وهي تشوف حريم اخوانها معهم الحلا وامها تصلح القهوه جلست:يمه يلا لانطول على عمتي طلعت بسرعه امها:يلا هذاني خلصت مشو للسايق وركبو نفسها يختنق بذكريات بهذاك البيت وصلو بهدوء وهم مستغربين كمية الحرس ووصول غازي وعناد وملامحهم المخطوفه وبخوف: يمه وش فيه حرمة ذعار: لاتخافين بس مشددين علشان شغل عناد واصله لهم تهديدات وخايفين امها: يلا انزلو دام عناد موجود علشان يدخلونا دخلو ودخلهم عناد وهو واقف: يالله حيهم ياهلا والله ب ام ذعار حياك ام ذعار بحيا: ياهلا فيك ياوليدي اشر لهم يدخلون دخلو بهدوء وهم يتاكدون اذ فيه احد او لا نزلو عباياتهم وهمس ووجهها تعبان ماودها تدخل تحس بتعب زاد عليها مكان ماجد واحلامها فيه صوته وكل شي بادي يخنقها متاكده مليون بالميه فيه شي بس مو قادره تنطق وهي متطلقه ولو انها مو متطلقه وهي حامل منه بس نفسيتها بالحضيض امها: همس يامي تعالي سلمي على عمتك وش فيك سرحانها همس هزت راسها وهي تتجه للمجلس دخلت وهي تشوف حريم اخوانها يباشرن عمتها اللي جالسه وبجنبها عصاته وخواتمها وريحة عودها والحنا تجاعيد ايدينها وشيلتها اللي ماتطيح من راسها ابتسمت بمحبه لها وهي تدنق عليها وتحبها وتحب راسها: شلونك ياعمه ام ماجد بزعل: وينتس عني من تطلقتي ماعاد جيتيني ولا قلتي لي عمه اسلم عليها وبحزن يابنتي انا عارفه ان ماجد غلطان بس يابنتي الصبر زين والطلاق ابغض الحلال عند الله من غبتي غاب عن هالبيت حسه هجرني انا ي امه وانا مالي دخل فيكم بس اذ تعرفين عنه شي وصلي له ان امه جفاها النوم بفراقه نزلت دموعها وهي تبكي ب انهيار تام كلام عمتها اكد لها ان فيه شي فزو وهم يهدونهم ام همس تعوذو من ابليس مافيه الا كل خير بس طالع لمهمه وبيرجع ماخبرت قلبتس رهيف ياام ماجد دفت همس وهذي وانتي اللي طالبه الطلاق وورقتس بحضنتس تبكين عليه همس صدت وجهها ب احراج وهي تمسح دموعها وبقلبها بلاك يايمه مادريتي وش مكانته بقلبي بس كرامتي فوق كل شي ابكي على حبي الخاين حبي الخاذل الشخص اللي تمنيته وخذلني بزواجه من غيري الشخص اللي خلاني اوقف بعرسه كأني غيبيه خلني اشهد على كل لحظاتهم خلاني اوقف بجنب دنيا وانا مخذوله منه واباشر العرس مع عمتي بحجة اني بنت اخوها الوحيده مسحت دموعها من حنينها وذكرياتها وكوابيسه اللي مو راضي تفارقها من اختفى وقفت وهي تهمس: عمه دنيا فوق ام ماجد: لاوالله ياوليدي دنيا سافرت مع سعود لشغله وبترجع بعد فتره ام همس : يالله دخيلك تروح وتخليتس لحالتس من يهتم فيتس ام ماجد: الشغالات موجودين وعيالي حوالي سعود بغاها بشغله ولاهي معيه بس غصبن عنها راحت طلبها يبيها معه ام همس: الا سعود وشلونه منقطعه اخباره والله اني اشفق على هالولد لاأم واب ناسييه ام ماجد: بخير ياام ذعار خليها على ربك اسكتو شوي وبعدين رجعو يسولفون ببهدوء الا همس اللي طلعت للمطبخ تشرف على الغدا وعليها عبتها ونقابها تحسبن لدخول حميانها ......... بالقريه باقي يوم واحد يفصلهم عن ملكة مشعل وفارس والتجهيزات من يومين على قدم وساق بالمجلس الرجال: ضاري.: وين سعود صار له فتره مابين وبكره ملكة العيال ناصر بهدوء: ان شاءالله جاي سعد : اشتقت له من زمان عنه ناصر التزم الصمت: عبدالعزيز بكره يجي ضاري بسخريه: زين ليتك تهتم بولدك مثل ماتهتم ب اخوك ناصر لف وجهه : يبه رجال طول بعرض وش اهتم فيه ضاري: لاتزيد بجورك بس مسح على وجهه وهو مفتشل من كلام ابوه قدام عياله وعيال خواته واخوانه لمحهم يتصددون سعود قصة الماضي وجرح الحاضر ليه ماحد يستوعب اني انا احبه بس ماتحمل شوفته انا اشتاق له بس اكره وجوده انا ابوه اللي انحرم منه انا ابوه اللي يتمه وهو موجود سعود اللي انحرم من كل شي سعود اللي رفضت ينادوني فيه وينادوني ب ليث ماعدا ابوي وعبدالعزيز سعود اللي ماعمري لمحت دموعه على كثر مافشلته وصرخة عليه قدام الرجال وقلت له كم كلمه تضايقه الا انه مثل اللوح مايحس ولا يهز له جفن سعود اللي بنى بيته وطلعته منه ب انصاص الليول واخذته شهدت على كل خيبه رسمتها له ماعرف وش سببها كرهي له بس انا اشوفه غريب غريب عني لدرجه ابعدته عن اخوانه مسح وجهه وهو يستغفر طاري سعود يخنقه يضايقه ........ .. عند البنات مجتمعين يلعبون اونو واللي يجهزون مع البنات وريانه تحاول وتجاهد تطلع من اللي هي فيه بس بالاخير وقفت وهي تحاول تبتسم وهي تشوفهم يجهزون مع ساره ونوف: معليش بنات احس بتعب بروح اريح ببيتنا ساره: لا تكفين انتي ذوقتس يهبل ابقي معي نوف: الا ريانه سمعت انك انخطبتي لولد خالتس ريانه : معليش سارونه اجيتس المغرب طنشت سؤال نوف وانظار البنات المستغربه منها وطلعت جت بتطلع من الباب الاساسي بس فضلت تطلع من الخلفي بتشهد على اخر خيباتها وتدفن سلسالها مع حزنها وتشطب على اخر محطات السهر والحنين والشوق اللي جارف فيها حبها الطاهر حبها النظيف حبها المبني على عهد من صغير احتفظت فيه واكتفت دعواتها الصادقه واحلامها وامنياتها اللي تخيلتها احلامها الورديه وذكرى ماضيها الجميل ابتسمت بحزن وهي تمسح دموعها اللي نزلت لا ارادي وهي تشوف النخله اللي نحتو فيها حروفهم جلست تحتها وهي تدفن سلسالها وقفت وهي تهمس: نحرت حبك يالخاين واخر مواعيد الهوى تركتها مااشره عليك اشره على صغيره صدقتك وامنت بعهد وقت الطفوله ولا حسبت حساب الزمن والظروف وعاشت احلامها الورديه عدلت جلالها بسرعه وهي تلمح طرف ثوب ابيض خلف النخله مشت بسرعه وهي تتنفس بشكل سريع ماتدري منو اللي سمع كلامها حطت ايدها على قلبها وصلت البيت وتوجهت لغرفتها بخوف انه يكون واحد من عيال عمها وسمع كلامها وش نظرته بتكون لها استغفرت ربها من افكارها والله حبنا طاهر والله بكت بين مانامت والوعد الكبير لحزنها بكره ........ مشى وهو سرحان والسلسال ب ايده ابتسم والدمع تجمع بعينه قالو الرجال مايبتسي الا من فرقى مره وانا فراقتس صار يستهوني ويبتسيني وانا الشجاع السنافي اللي ابتساه فراقتس والله ماني خاين ياريانه ولا هو مجرد عهد هو حب انبنا على طفوله حب من طاري اسم وذكريات تجمعنا حب اللي ماشاف زولتس بحياته الا قبل ملكته لاتنحرين حبي ولا تبتسين علي انا مااستاهل دموعتس وحزنتس بس لاتنحرين باقي حبي وتقتليني حب الطفوله ياريانه ماينمحي مسح دموعه وهو يدخل على امه بكل هدوء انسدح بحضنها شهقت بجزع: وش فيك مشعل وهو مغطي عيونه بشماغه: بتوغدن عليتس يالغاليه امه مسحت على شعره وبحب : ماني مصدقه ان بكره ملكتك مشعل ببحه: صدقي يالغاليه امه: الله يوفقكم يارب ويسعدكم والله ي ان الفرحه مو شايلتنا انا وخواتك مشعل بوجع: يمه اللي يخون العهد وش هو من رجال امه ب انفعال: ماهو برجال ومنافق الرجال ياوليدي لااعطى وعد تمه ووعد الرجال برقبته مشعل ضاقت ملامحه حس بشعور اللي انغرس فيه شي حاد ومجبور يبتسم طعنتي رجولتي ي الغاليه طعنتيها ليتني ماسالت تمم بهدوء: يلا عن اذنتس بقوم اريح فوق وراي كرف العصر توجهه وهو يجر خيبته كلام امه نحر اخر بسماته قالو الحب يقتل والحب اعمى وانا مقتول فيها واعمى عن غير حبها تنهد ب الم وهو ينسدح بتعب نفسي اكثر من انه جسدي ودموعه تجمعت بسهوله صوتها اهخ ياصوتها يافيه حزن لايطاق يافيه اشياء كثيره نبرتها الناعمه ورقة كلماتها تحسس سلسالها وبهمس: ليتس ماجيتي على ذاك المكان ........................ بمكه : خويه بغضب: بنت عمك اصحى واعلن زواجك ياسر بضحكه: امداه انتشر وانا متوقع مرة اخوها ماتقصر من يوم ماشفت مكالمات امي وخواتي خويه طالعه ب استخفاف:ياخي اقلها مطلعها بحفله ماخذها سكيتي ليه ياسر صد بهم:ماعليه اهلها عارفين وش علي من الناس كافي الحرب اللي بتلقاها برياض وقف وهو يودعه ويتجه لها اليوم بتطلع الصمت بينهم لايطاق هو زعلان وهي تكابر عليه ولا اعتذرت دخل وهو يشوف الممرضه تساعدها بلبس العبايه وبهدوء:بنطلع جده نتمشى اغصان:طيب مسك ايديها وهو يسندها:لنا كلام اذ هديتي وروقتي اغصان:طيب ياسر وصل السيار وهو يركبها:اغراضك بسياره حاجز منتجع نروق فيه ونهدي اعصابنا اغصان:ونرجع وتشتد لاتسوي نفسك مثلي ولاتنسى وراي دراسه ياسر مارد وهو منتبه بطريق دق جوالها للمره 30 رد بكل برود:نعم اخته ببكى :امي بالعنايه وحنا عند خوالي تقل ماعندنا اخو ياسر بخوف؛ يلا جايكم سكر وهو يغير الطريق وهي مغمضه ب استسلام وابتسامه اعتلت ملامحها وبداخلها :قرب الفراق ....... بالجنوب والخطه اللي تمت بينهم الاربعه يغادرون المنطقه ويتجهون لاحد القرى عند اقراب عمهم وبكذا يضمنون ماحد يوصلهم من العصابه نزع جميع الشرايح ومعاذ اخذ جميع اثباتاتهم وكل شي يدل ان هالاثنين يسكنون هنا فضو البيت بجهد وتبرعو بباقي الاثاث واعلنو للجيران انهم بيسافرون يكملون دراستهم ركبو السياره بعد ماتاكدو ان مافي احد وراهم او شاكين فيه معاذ : متاكد ياعمي هالطريق مافي تفتيش عمه: ايه دايم اروح واجي منه مافي احد وبهدوء انتبهو لكم وانا بلحقكم بعد م احس ان الوضع هادي معاذ:طيب مسكو الخط واتجهو للقريه اللي تبعد200 كيلو عن المنطقه سياف بخوف : هيه شوف نقطت تفتيش معاذ ب ارتباك: خل نفسك طبيعي لايشكون بس يبون اثبات للسياره وقفهم العسكري بهدوء: معليش اخوي اثباتك واثباتات اللي معك لان صاير فيه تعميم عن مفقود صار له حادث وانفقد بالهمنطقه بلع ريقه ب ابتسامه : ابشر غمز لسياف اللي اشر لمتعب يدنق بين الاغراض علشان مايبان بس ارتبكت ملامحهم على صرخة الضابط: سلم نفسك واطلاق النار غمضو بخوف ............................... الى هنا نصل ولنا لقاء قريب اعتذر عن غيابي وتاأخيري واشكر حسن صبركم والتماس العذر |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم: . . البارت (20) . . انا الواقف مابين الدمع والتلويح عجزت اصوّر الموقف عشان احكي ومثل ماداعبت جذع النخيل الريح طواريّك : تداعب عيني وابكي ' . همست بهدوء وهو تشوفه يتنفس بتعب: سعود فز بخوف: وش فيه دنيا بهدوء وهي مستنكره خوفه:مافيه شي بس تاخرنا اذن العشاء وصلينا وانت للحين نايم مسح على وجهه بتعب: طيب بقوم اصلي اطلعي لغموض وامها وقولي لهم يجهزون كل شي من اخلص بنمشي دنيا: طيب التفت وهو يشوف الكمام تنهد براحه وهو يشوفه ورا المخده وقف بتعب وهو ياخذ شور على السريع وعقبه صلى صلاواته اللي فاتته بشقة ساره دنيا جلست بهدوا: والله ياساره توه قعد بيصلي ويقول بنشمي عقبه ساره وهي تحط الاغراض على الطاوله: خلينا نتعشى على مايخلص نكون خلصنا دنيا: تسلمين ياعيوني وجلسو يأكلون ماعدا غموض السرحانه بصحنها خالي وش السبب اللي يخليه يبعد بهالشكل لايدق ولا يرسل كأننا كنا هم عليه وافتك مننا اكيد فيه شي انا ماعرفه سحب الجوال والتلفزيون وكل شي متعلق بالتواصل الاجتماعي يبعدونه عني فيه شي وشي كبير بعد خالي مايغيب لاي سبب من متى مادق وتطمن علينا من متى ماارسل وهو اللي ماينام لين مايتطمن علي فزت بشرود على صوت ساره: غموض بسم الله وش فيك غموض غمضت عيونها بتعب: ولاشي ساره: طييب كولي لك شي من امس مااكلتي غموض بتعب: مو مشتهيه بروح انسدح لا جاء سعود علموني توجهت للغرفه وهي تنسدح على اول كنبه بتعب من امس وهي تفكر تبي الفرصه بس تسرق الجوال بس كل الجوالات مع سعود غمضت بتفكير عند ساره ودنيا: والله يادنيا من امس وهي مو مضبوطه كنت بعلم سعود بس سعود بعد وجهه مو بخير دنيا: لاجاء الحين علميه يمكن تعبانه ولا تشكي شي على كلمتها دخل سعود اللي وجهه بعد تعبان وبهدوء: جاهزين ساره: تعال تعشى اول بعدين نمشي سعود؛ تسلم ايدينك بس والله مو مشتهي ساره : انت وغموض وش فيكم كلكم مو مشتهين دنيا: خليه عنك بس هو لاعند عند خلاص سعود حاول يبتسم بهدوء: طيب غموض وينها ساره: تلقاها منسدحه بالغرفه توجهه سعود بصمت لها فتح الباب وهو يشوف الغرفه هاديه ومرتبه وهي منسدحه على الكنبه ومتغطيته بجاكيته ابتسم بغرابه سكر الباب وهو يتجهه لها عكسه تماماً نايمه والغرفه كل الانوار مشغله جلس على ركبته وهو يصحيها :غموض يبه على اول كلمه فزت وعيونها حمراء: بسم الله منين طلعت سعود ب ابتسامه حلوه: من بطن اميمتي وقف وهو يقولها وخري لي بجلس توترت وهي تتعدل جلس بجنبها ومسك ايدها وبحنييه: وش متعبتس غموض : ولاشي سعود مد ايده لوجهها ورفعه له :عيونتس فيها سوالف وعلوم علميني وش مضايقتس وش شاغل تفكيرتس غموض ارتجف جسمها : قلت ولاشي وخرت ايده بقوه ابعد عني لاتلمسني ماتفهم انت وب انهيار انت اصلا من دخلت حياتنا وحنا ماشفنا الخير ماغير محكورين بهالشقه وخالي اللي ماعمره تركنا .. تركنا وماعاد شفناه ولا سمعنا صوته كله منك انت اخذت نفس وهي تشوف ملامحه الهاديه ولا كأنها منهاره قدامه ضربت كتفه بقوه ابعد عننا ورجعنا لمكان اخذتنا خلاص تعبت هالحياه مو لي ماتعودت عليها سعود وقف ببرود : البسي عباتس بنمشي غموض طالعته بقهر: لا مو بكيفك تمشي سعود:لايكثر ياغموض مشى متجاهل صراخها بس وقف على كلمتها غموض بصرخه: انت حقير ومو رجال ومالومهم يوم يبعدون عنك وحاذفينك بالبر مايمديها تكمل ولا سكر افهمها بهمس غاضب: اقسم بالله العظيم لو انتس مو مره كأن شبعتس كفوف خليني اسمع نفستس ياغموض ورب الناس لا اعلمتس شغلتس وانا لاقلت الكلمه مأاثنيها لاتحسبيني ساكتٍ عنتس خلاص لا ياغموض انا طبعي بارد تفهمين كيف بارد يعني لو تحترقين قدامي ماهمتيني مو انتي اللي تتشرطين ادخل بحياتس واطلع من دخل بحياة الثاني من اللي دق وتطلبني اخذكم انا ولا خالتس انتي اللي طلعتي بحياتي وانا اللي المفروض اللي اعصب واشيل هالدنيا واقولتس اطلعي منها مثل مادخلتي احمدي ربتس اني متحملتس والحين تطلعين معي من غير ولا صوت شفتي نفستس مابي اسمعه ودفها بغضب وطلع.. عند ساره ودنيا اللي مادروا لان صوته كان اشبه بالهمس : اخلصو بسرعه العامل جاي بيشيل الاغراض دنيا: ابشر مشى لين باب الشقه وقف وهو يعدل شماغه ويعصمه على راسه جاء العامل واخد الاغراض وشوي ولا وراه البنات لابسين عباياتهم ونقاباتهم وبهدوء : يلا توجهو للسياره اللي ابداً مو قد مقام ساره ودنيا وغموض كانت اشبه باللي مر عليها الزمن دنيا وغموض ركبو وهم ساكتين كلهم ورا حتى ساره سعود برفعة حاجب: وحده تجي قدام عدل شماغه وهو يلمح غموض تنزل وتجي قدام همس بصوت هادي جداً؛ "كني العايف وإنا قلبّي شفوق". انرسمت على ثغره ابتسامة حزن حرك السياره وبهدوء:بنسكن بمزرعة قريبه من حايل بس بالوقت هذا على مانوصل باخذ لنا فندق علشان بكره عندنا ملكة العيال ماقدر اخليكم لحالكم بالمزرعه عقب مااخلص هالامور ننقل لها ساره بزعل:يصير خير ياسعود تنهد والتزمو الصمت غموض اللي غمضت عيونها تحاول تنام ماتبي تسمع صوته عقب كلامه جرحها وجرحها كثير كيف يقولها كذا عضت شفتها وهي تجاهد ماتبكي مو هي القويه ليش ضعفت معه ليش انا بعد قلت له كلام يعوره بس ماكان قصدي بس انا كارهه وجوده انا ماتعودت عليه ليش مايعطيني وقت انا من بلاد الغرب تربية هناك تربية على ان مافي احد يتحكم علي كلمتي مسموعه تعودت على اشياء كثيره لو درى فيها هالسعود ذبحني احس حياتي صعبه من جميع النواحي انا معي ماستر وهو مامعه الا ابتدائي ملامحه لفت عليه بسكون تتأمله لاف شماغه عصبه وثوبه الاسود فاتح اول زرار ملامحه رجوليه بحته بس لاضحك تبين فيه غمازه اسمر ضحكت بداخلي اكيد من ملاحق الغنم حواجبه العريضه الكثيفه لحيته الكثيفه وشواربه كل مافيه حلو ملامحه جميله وعيونه كبيره وعدسته سوداء بقوه رموشه كثيفه كل مافيه حلو يشبه ابوي يعطي لمحه منه ابتسمت بحزن ابوي اللي شفت صوره عند خالي فهد من غير لايعرف تنهدت بضيق وانا اصد ورافضه انزل نقابي وانا اطالع دنيا وامي من مسكنا الخط اكشفو وسعود مو مركز عيونه مثبته على الخط وايده الضخمه حاطها على الساكن ضحكت بداخلي كل هالرجوله ولابس سوارة حريم ذهب غريب ياسعود غريب لابعد درجه غامض تشبه اسمي كثيييييير كيف بتكون حياتي معك وانا اكثر شي يتعبني الشخص الجاهل ولا فوق ذا راعي غنم اشمئزت من تخيلت تأففت وهي تغمض تحاول تنام ______________________________________ |الصباح يوم الخميس بالقرية| الساعه9: تزين بيت الشيخ ضاري من الى فرشو الزولايات الحمراء بتصميم تركي وزخرافه المتداخله وتجهزات الخيام برا شبو النار وحطو الدلالهم تجمعو عنده بعض اقاربه من الرياض والدمام والمناطق الاخرى اللي جو من الليل ونامو بالمجالس ضاري ببيت الشعر: ياحي الله تو مانورت حايل ياهلا بكم اقاربه: ياهلا فيك يابو عبدالعزيز ماله لزوم الكلافه ضاري بفرحه: لاوالله ذبايحكم معلقه تقهوا بس الحين يجبون الفطور الرجال ب اصوات مختلفه: عساك ع القوه ، ماتقصر. كثر خيرك ابتسم وهو يلمح عياله يدخلون واحد ورا الثاني وتقدمهم عبدالعزيز اللي ملامح الهم منرسمه بدقه بوجهه سلمو جلسو دخل بعدهم سعود وهو رابط ثوبه بشماغه اللي من جاء الفجر وهو موجود ومسوي القهوه وجاب العمال يكملون الزينه واشرف على تجهيزات الصاله جده: حي الله ب سعود سعود ابتسم لجده توه شايفه وموديه بنفسه المسجد : ياهلا بك ياابو عبدالعزيز تقدم وهو يجلس يهمس له: جبت لك اطيب الحلال ونزلته عند احسن مطعم بحايل يجمل الوجهه ضاري بفرحه: عساك على القوه ياوليدي سعود ب ابتسامه: مابينا يالغالي عبدالعزيز: سعود قوم شوف العيال ماحد منهم قام الظاهر نامو مواصلين ناصر بهمس: مالقيت الا ذا يصحيهم سعود تجاهله وهو يوقف: ابشر ياعم وتوجه للخارج الخيمه وهو يحس بضيق من كلمت ابوه دخل ولقاهم نايمين طالع الغرفه صغيره بس متحاشرين علشان ينامون عند بعض ضحك بسخريه يالله كم تمنى يزاحمهم بس كان ابوه يقول عيب انت رجال مايذكر انه كان طفل من فهم الدنيا وهو رجال ماينقال له الا عيب ولاتسوي تسذا انت رجال تنهد وهو يشغل النور وشاف ليث اللي فز بسرعه : انت موجود سعود تعابيره صامته: وش تشوف ليث حط ايده ع عيونه: اي والله سعود وب ابتسامه: ياحي الله تو مانورت حايل سعود : روح استر نفسك وبدل بعدين نتفاهم ولا اقول قعد هذولا معي ماظنتي يقومون نفس الناس ليث وهو يوقف ولافه اللحاف على نفسه : لامالي دخل فيهم صد بنظراته صرخ مره وثنتين وثلاث بس مافي حركه منهم طالعهم بضيق فيصل نايم على عمر وعمر رجله ببطن سلطان وريان ايده على راس نواف والمعرس فارس ضام ايد ضاري اشكالهم كانت تضحك بس كان ماسك نفسه لايضحك وغير الباقي اللي ع الكنب لف يمين يسار يدور شي ابتسم بخبث وهو يشوف بطول المويه اللي باقي فيها شوي اتجهه وهو ياخذها من غير لايتردد فكهم وهو يكبها عليهم كلهم وبصراخ: قومو لابارك الله بالعدو الساعه9 وانتم خامدين ماكان فيه ضيوف وناس مافكرتو من يقوم بجدي فيصل اللي عصب هو العيال من طريقته: اقول انت هيه ماحنا بزارين تكب علينا الما سعود ببرود: يلا يالبزر قوم واخلص ولا والله العظيم لا اخذ الهوز واصحيكم فيه ثواني ولا واقفين ويمشون وهم يسبونه بصوت خافت طلع وراهم وهو يسمع ليث يهديهم وهم يتوعدون فيه ابتسم بسخريه: مابقى الا هالبزارين يهددون توجه بيدخل للخيمه بس وقفه ليث وهو يهمس : انت متى تفك الناس من شرك ياخي كل الخلق يكرهونك عدل من نفسك شوي ابوي هو ابوي يالله متحملك بالاوله احاول اصلح مابينكم بس الحين واضح انه معه حق رد بهمس :لافكت امك شرها تعداه وهو يدخل ويجلس بصدر المجلس وش اقوا من هذي اخوي يعايرني ب ابوي وصده مسح على وجهه وهو يحاول يتجاهل احسس الخذلان بصدره خس بخناجر تطعن صدره كلام ليث ماغاب عن باله اما ليث دخل بعده وجلس بجنب ابوه وعيونه بين كل فتره وفتره تروح لسعود اللي ماخذ المجلس بسوالفه وكل من دخل يسولف معه ويسأله ويتكلمون عن الحلال .. معقوله امي ضارته بشي ولا ليش يقول تسذا هو متى شاف امي اصلا ماذكر انهم تقابلو الا قبل كم سنه يوم صارت هوشه كبيره وعقبه حلف مايدخل مكان فيه امي بس من فتره طويله وش الشر اللي يقصده تنهد بضيق وهو يتأمله ملامحه جامده ولا كانه قايل له شي يالييت تعطيني شوي من برودك تعوذ من افكاره وهو يقوم يباشر الضيوف دخلو ورا بعض فارس وفيصل وعمر وسلطان ونواف وراكان بس مشغل اللي للحينه نايم بيت ابوه سلمو وهم يجلسون وملامحهم باينه فيها نوم وحاقدين على سعود اللي ما اعطاهم بال شويات وقام سعود وهو يستئذن دخل للبيت وهو يتنحنح نوف اللي كانت نازله جت بتهرب شافها: تعالي شفتس مسويه مستحيه نوف ب احراج: احمم وش هلا بسم الله منين طلعت سعود ب ابتسامه: طيب شوي شوي من لاحقتس نوف بترجي: تكفى انا متسحبه علشان ماحد يشوفني الحين يشوفني سعد والله لايجلس يفصل علي لين بكره سعود : طيب بتركسس بس من بالمجلس عند جدتي نوف: وانا وش عرفني علي من المطبخ سعود : طيب وش تبين واجيبه لتس نوف:صدز سعود سعود: كيفتس ماتبين نوف: لا ابي وابي وجبه من ماك حقق املي وجيبها سعود: ماك وهالنعمه من ياكلها نوف: اوف طيب جاك ابوي الثاني يلا سلام بس مامنك فايده من الاول ليه تعرض خدماتك هربت قبل لايرد عليها ابتسم على خبالها واتجه للمجلس ولا عمته نوره وجدته: ياهلا فيك تو مانورت حايل حب راسها وهو يجلس بجنب جدته: ياهلا فيتس ي ام فيصل نوره: متى جيت جدته بحب: جاء من الفجر وافطر معنا وصلى وبعدين قام يشوف العمال نوره : ايه عاد سعود وجاء ماتشوف غيره لو يشيل منديل جلست تمدح فيه سعود ابتسم: غيرانه عميمه هاه نوره: اي والله غيرانه جدته: تغارين ولا ماحد مثل سعود ابتسم بحب لها : ويلومني ب امي ياناس نوره: اشوف الزواج مطلع لك لسان وبوسات سعود انحرج: جده شوفي بنتس جدتهه مدت العصا وبتهديد : نويروه اعقلي لا بهالعصا ابتسم سعود : يلا يالغاليه عن اذنتس جدته مسكت ايده: ياوليدي امامنتك امانه تروح تنسدح وتريح ظهيرك وجسمك من جيت من السفر مارتحت سعود ب ارهاق: والله ماقدر يجده انام لين ماتخلص الحفله على خير تعرفين اشيل هم جدته: ماعليه ياولدي بس انسدح لو شوي سعود : طيب انا رايح مشوار ولارجعت نمت جدته بفرحه: اخليهم يفرشون لك بالمجلس سعود بوهقه: لا لا بنام بيتي نوره: اي بيت سعود: بيتي اللي اخذه ابوي رجعه لي جدي بس عدلت عليه وتوه خلص نوره: عساه منزل مبروك سعود: امين وقفت وانا استاذن بسرعه واطلع بروح للبنات خليتهم لحالهم وقلبي مومطمن اعرف جنون غموض ونظراتها ماتبشر بالخير ركبت السياره واتجهت لداخل حايل غمضت عيوني بتعب وانا اتذكر اتصال خالي فهد وانه اليوم بتطلع قضيته على القنوات شلون نسبت انبه دنيا ولا ساره اسرع وهو يسابق الوقت وصل الفندق وهو شبه يركض اتجه لشقه طلع المفتاح وشافها منسدحه على الجلسه والتلفزيون طافي تنهد براحه وبهمس:اشوا غموض تتعدلت وجت بتمشي بس مسك ايدينها وبهمس:غموض تجاهلي كل شي غموض بسخريه:اتجاهل اني معروضه عليك اتجاهل قطع كلامها وهو يبوس راسها :صدقيني اني سعيت سعيت لين ماحصلتس سويت كل شي ممكن تتخيلنه بس علشانتس صد بوجهه لثانيه وبهمس :ليتس تعرفين وش سويت لاجلتس صدت من حستت بحرارة الدمعه بعيونها لفها له وهو يهمس:ابكي غموض؛فهد وينه سعود هز كتوفه:انتي عارفه انه مشغول غموض بنبره خافته:امانتك ياسعود وينه بخير احلامي فيه تقول العكس هالمره مارد بالكلام سحبها بهدوء وهو يحضنها اطلقت العنان لدموعها وخوفها على خالها اللي قطع كل وسائل الاتصال فيها بكت سنينها المجهوله بكت الابو اللي مايفصله عنها غير مسافه بسيطه عقب ماكانت مسافه بعيده عقب ماكان بينهم اميال واميال صار بغمضة عين قريب منها طلعت ساره ودنيا على صوت نحيبها اشر لهم سعود يدخلون سعود : تعوذي من ابليس ماردت وهي متمسكه ب ازاز ثوبه مشاها وجلس معها : والله العظيم بخير لاتبتسين وتعورين قلبي ماردت وهي منحرجه كيف بكت عنده وبحضنه ابعدت وهي تسمح دموعها مد يدينه لها وهو يمسح دموعها وبحب: "والحزن مهوب كفو يجرح اجفانتس مشي دموعتس فدا يالغموض" ابتسم على خجلها وبهمس : ورب البيت ياغموض فهد مابه الا العافيه بس مسألة وقت بيجيك علم كل شي بس تكفين هالله ب امتس تراها شاافت من الدنيا لين شبعت واسيها لا تزيدينها غموض بعتب: توصيني على امي سعود: مااوصيتس ابيتس تنتبهين لها بس انتي عارفه انها تكره حايل بس مضطرين نقعد فيها عن عيون الناس غموض شتت انظارها: ماعليه سعود وقف وهو يدنق ويحب جبينها : استودعتس الله اي شي ينقصكم ولا يصير علميني طلع الكشاف هذا لك فيه رقمي ورقم عمي سعد بس لاصار شي دقي علي اذ فقدتي الامل دقي عليه غموض بتردد:سعود عازمين ناس غريبه سعود:لا على حسب كلام جدتي ان حفلة الحريم بس عمام وخوال مابها غريب اما الرجال كل الناس عازمهم جدي غموض:طيب تأملته وهو يطلع تنهدت بخجل منه كيف احضنته وبكت ليه تحس معه بالامان ليه وثقة بسرعه فيه تحسه غريب غريب بكل شي تحس تكن له بقلبها مكان باديه تسأل نفسها لاغاب وتخاف عليه هل هو حب ولا شعور الاهتمام حلو هو طيب وطيب كثير بس خايفه تكرر تجربة امها خايفه من هالمجتمع الغريب عليها من الروتين اللي بيقتلها هي انسانه تحب السفر تحب تشتغل تروح وتجي تلعب بس من شهر واكثر وهي محشوره تنهدت وهي تهمس :يارب يسر الجاي من عمري طلع من الشقه وهو متجه للمزرعه وصل وهو يدق على ابوي مزن : ايه ياهلا انا برا ابو مزن: يلا الحين اقولهم يفتحون البوابه دقايق وانفتحت البوابه دخل السياره ونزل وهو يشوف التغير الجذري بالمزرعه مرتبه على اخر حد الزرع ب الوانه مصفوف والنافورات والاضاءات والديكورات شي عجيب من الاخر والبيت بنظام ريفي ابتسم : يااهلا ب ابو مزن سلم عليه: وش هالشغل الجبار ابو مزن: باقي بس اثاث البيت انا تقريبا اخترته بحسب المكان والالوان من بعد اذنك سعود: لا عادي خذ راحتك فيها بس ترا اهلي 3 اشخاص اعمل حسابك ابو مزن: ابشر تعال اوريك الاسطبل غيرته مشى معه وهو مذهول من المكان وكيف تغير بشكل جبار هالحظه ادرك انه ماخاب لمن اختاره مهندس ديكور لاعماله ومزارعه ..................... برياض وصلو وبهمس: بنزلك عند اهلك اغصان: طيب ياسر بتعب وقف عند بيتهم نزلت وهي تاخذ اغراضها بضيق دخلت البيت ولا بسامي جالس وبسخريه: اشوفك جايه لايكون تطلقتي اغصان ب اختصار: لا اشتقت لكم وجايه بسلم سامي: واضح ذابحك الشوق تنهد وهي بتتجهه لغرفتها بس سمعت كلمته: ترا غرفتك بعناها وخليناها غرفة لا العاب العيال يعني ياليت لو ماتطولين بالجيه ولا روحي بيت ابوي غمضت عيونها بقهر ماسكه دموعها لاتبكي عنده وطلعت للحوش وهي تجلس ضامه شنطتها طردها بصريح العباره تنهدت ترسل له ولا بس بالاخير تجرااءت وارسلت ترا سامي طردني وانا جالسه برا قراها ومارد استغربت بس طنشت وهي تحط راسها على ركبها وغفت من تعب الطريق عند ياسر دخل البيت مسرع :رنا يارنا رنا وهي تنزل:شرفت سيد ياسر ياسر:امي وينها بسرعه رنا:امي عند خوالي تبيها روح لها عض شفته بغضب:مو تقولين تعبانه رنا: معليش من خذتك الحيه ماعاد نشوفك ياسر طارت عيونه وبتهديد:امسكي لسانك احسن لك لا والله اعلمك الشغل على كلمته دخلت امه وخالاته امه:تعلم مين انت وجهك لك عين تجي عقب اللي سويته اتفاخر فيك وبالاخير هذي سواتك ياسر وهو عارف ان خالاته معببين راسها:يايمه انتي عارفه اني باخذها طال الزمن ولاقصر وبكذب اصلا ابوي ملكني عليها قبل لا اروح ابتعث بس ماحبيت اصدمك واغثك ولك مني ماتشوفينها ولا تشوفك ومن اليوم بطلع ادور لي شقه والزواج بيكون عائلي الخميس الجاي وش قلتي امه: انا موافقه بس بشرط تاخذ غيرها ياسر بخيبه: مستحيل يايمه امه: اجل انساني وعيش معها ياسر: يمه الله يهداك وش هالكلاك انتي مره عاقله وفاهمه ومدرسه مو معقوله منك بنت عمي مني وفيني واخذ عليها ليش علشان تافاهات صارت واذ عمي طلق خالتي خربت الدنيا هذا هو عايش حياته وهي بعد وانا اللي اتعذب بسبتهم امه : انا قلت اللي عندي ياسر : وانا قلت اللي عندي مستحيل اخذ عليها لو يصير مايصير انا راضي فيها واحبها واتمناها من زمان ومني وفيني امه: خلها تنفعك ياسر طلع وهو معصب مر بيت سامي بس ماحد فتح له دق عليها ماهي دقايق ولا تفتح الباب وتتجه للسياره ركبت : السلام ياسر: وعليكم السلام هاه وش صار معك اغصان: ابد قضيت الظهر كله وانا ملطوعه بالشمس رفع ايده وهو يمسك راسها: راسك حار اغصان : عادي ياسر متعوده ياسر وهو يحرك: والله اخوك مو كفو غمضت عيونها بتعب ودها تسد حلقه ماتبي احد يسبه ولا يذكره بالشينه مهما كان هذا اخوها ماترضى عليه تدري انه خواف وشخصيته ضعيفه ويتبع كلام مرته بس يبقى اخوها وسندها ياسر يلوح ب ايده: وين سرحتي اغصان بتنهيده: معك ياسر ب ابتسامه: ابتسامي ياروحي مافي شي يستاهل ضيقتك والحين امشي ننزل ونتغدا وماعلينا من احد اغصان: ان شاءالله نزلو وهم يتجهون لاحد المطاعم ويتغدون على ماجاء بيدخل للغرفه ولا بوحده : دكتور ياسر اخبارك ياسر وهو ماسك يد اغصان وعيونه بالارض: ياهلا بخير البنت بميوعه: وينك مختفي من المستشفى عسى ماشر ياسر : شي خارج العمل ي اختي مايخصك تجاهلها وهو يدخل ويشوف وجهه اغصان المحمر ونظراتها و ب ابتسامه: تغارين ماحست الابصرخته لمن حذفت المنديل وبزعل: شدعوه كل هالصرخه علشان كرتون منديل ياسر بضحكه: هههههههههه ياعمري اللي تغار بس صدت وهي ماسكه ب ضحكتها على شكله وكانه جالس يتحدى احزانه لاجل ضحكتها ابتسم بفرحة نسى كل ضيقته وحزنه لاجل ابتسامتها وفرحتها التقدم هذا بحالتها جدا اسعده وبين له انه قادر يتخطى اكثر واكثر وينسيها كل اوجاعها ................................... معاذ تنهد براحه وهو يشوف الشرطي ياشر على السياره اللي وراهم وبهدوء: امشي الشرطي بعجله: اي حرك بسرعه وقفت السير تنفسو براحه وهم يتجهون للقرية وصلو وكان ب استقبالهم واحد من اقارب عمهم ضيفهم واكرمهم وبعده اتجهو لبيت عمهم دخلو وهم قلوبهم ترجف للحين من الموقف اللي صار معاذ بخوف: كنا بنروح فيها سياف وهو يناظر متعب الهادي: عدت يارجال متعب طالع لهم والصداع ذابحه: ابي انام معاذ : ابشر وقف وهو يتامل البيت شعبي وصغير بس مرتب جدا ويناسبهم ماهو كبير اتجه لغرفة المخزن اللي قاله عمه عليها فيها فرش جدد ومغسوله لهم اخذهم واتجه للمجلس الصغير وجلس يفرش الفرش وبهدوء وتعب: متعب لاتنام بسوي لك عشا علشان علاجك متعب : بسرعه معاذ عيوني يالله افتحها اتجه للمطبخ وهو يطلع توست وجبن ويسويه له ع السريع وكوب شاي نزل الصينيه : بالعافيه سياف بفراشه وبزعل: انا اخوك ورا ماسويت لي معه معاذ: انا ماسويت لنفسي ميت تعب متعب ب ابتسامه: الله يعافيكم والله انكم ماقصرتو معاذ : بالعافيه بس انت ضيفنا وتامر علينا لو تبي كلنا لك اخون وسند لين ماترجع لاهلك وتتذكرهم متعب بضيق: عسى الله يسمع منك سياف: امين تكفون ياتنامون ياتغيرون المود متعب بابتسامه: بننام معاذ : يلا بقوم اقفل الباب واجي اتجه للباب الرئيسي وهو يقفله وبعده طفى نور الاسياب وهو يتجه المجلس طفى نوره وهو يشوف متعب مغمض عيونه اما سياف قده غرق بنومته ___________________ بالدمام همس بهدوء: عمه تبين انا عندك ام ماجد: ياليت يابنيتي تونسيني ام همس: خلاص خلك عند عمتك وانا اكلم ابوك واخوانك همس هزت راسها بغضه: طيب ------------ بالمجلس دخل غازي وعناد وسيف عناد وهو ممسك بكتف غازي وبذهول: كيف طلعت غازي ب ابتسامه: مدري فجاءه نادوني وقالي اطلع اثبتت برائتك حتى ماخلاني اوقع على اي شي عناد بعدم استيعاب: متاكد انه الضابط عيسى قالك كذا غازي: اي وربي عناد: ياخي طحت عنده تطلبته لين قلت بس قالي بالحرف الواحد القانون مايحمي المغفلوون سيف: هههههههههههههههههههه يامغفل كبير غازي طالعه بنص عين: هيه احترم نفسك عناد : الحمدالله على سلامتك واتمنى انك اخذت درس ماعاد تسوي هالحركات غازي بغموض : يصير خير وبتعب انا بطلع اريح علمي بالنوم من زمان عناد : سيف سعود ماتصل عليك سيف بعبوس: لا الظاهر زعل وزعله كايد للحين مايرد على رسايلي ابداً عناد بندم: سعود لو يزعل بنهايه قلبه صافي وبيرجع يسامحنا سيف: هه يرجع بس يرجع بشكل ثاني مثل ماهو مع عمامه عناد : الله يسر الامور _______________________ الى هنا ولنا لقاء قريب ان شاءالله حبيت انوه الكل زعلان من قصر البارتات او تاخيري يعلم الله ان عندي ظروف زودن على كذا الدراسة جداً صعبه ومتعبه والاختبارات تبدا عندي بكره وعلى ايام متقطعه لمدة اربع اسابيع احتاج فيها دعوة بصدر الغيب وانا اسفه اذ قصرت معكم بس الكتابه جدا صعبه اعتذر اذ فيه اي خطا املائي ما امداني اراجع البارت وبحفظ الله❤ |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم: البارت ال 21 الجزء الاول -تذكرني اذا طاحت من اغصان السنين سنين -تذكرني اذا داعب اصابع يدك سلسالي العنود العبدالله . . في القرية المغرب: واقفه وهي تعدل فستان ساره وتزيين شعرها بعد صمت همست ساره: حلو ولفت بفستانها ريانه بهمس خافت: يهبل دخلت هدى وراها ونوره وبصوت عالي جلسو يباركون ويذكرون الله ابتسمت بنعومة ..هدى: يابخت مشعل والله ..حمر وجهها ب احراج.. لفت على المراية تتأمل شكلها بفستانها المايل للون البنك الفاتح كت مزين بكرستالات ناعمه من عند الصدر وبفتحه دائرية ضيق من عند خصرها واسع ونافش بلمعة خفيفة من لون الفستان وبكعب ابيض ولابسه شبكتها ومكياجها الناعم مطلعه ناعمه وشعرها الواصل لين كتوفها التفت لريانه الواقفه مشت لها وهي تضمها : حبيبتي مانحرم منتس وان شاءالله اخدمتس عروس تغصبت الابتسامة والعبره واصله فيها: قلبي انتي مسكت ايديها.. لاتروحين خلتس معي ريانه: بساعد البنات بتقديم واجيتس مشت من عندها طالعه ولا نوف بوجهها بفستان قصير من قدام وطويل من وراء بلون العنابي ساده واكمامه طايحه من عند الكتف وبحزام لامع عنابي من عند الخصر صدت وهي بتنزل بس مسكتها نوف: ريانه تكفين نفضت يدينها وهي مو قادرة تتكلم نزلت وهي رافعه فستانها وتحاول ترسم الابتسامه على وجهها دخلت المطبخ وهي تشوف البنات يعيبون الصحون ريم: الله جابتس ياعمري نادي البنات سعود بيجيب الكتاب الشيخ بلعت ريقها بمراره : طيب قاطعتها هدى اللي داخله بسرعه: خلاص قلت لهم ياعممري ريون وزعي المويه هزت راسها بصمت عيونها تحكي مأساه عجزت تنطق الكلام اخذت الصحن القزاز واطرافه ذهبي صفة علب الموية القزاز تنهدت بضيق من ثقله تزحمنها البنات وكل وحده بتطلع علشان يصورون لحظة توقيع سلرة ونوف اللي نزلو مرت من جنبهم وهي تشوف البنات مسوين دائرة حويلنهم ويصورون سنابات ناداتها ساره : تعالي ريونه صوريني مابي ذولي مايعرفون يصوروني ريانه وهي ماسكه نفسها: بوزع واجيتس ومشت متجاهله مناداة البنات اللي ينتظرون لحظة وصول الكتاب دخلت المجلس المليان بحريم عمامها وجيرانهم وعمام جدها واقارب جدتها بدت توزع المويه وهي مبتسمه وصلت لين ام نايف وهي تسلم عليها : هلا والله بعروستنا حاولت تجاملها: هلابتس حطت المويه وهي تتجاهلها وتطلع لبرا المجلس وقفت عند الباب وهي ايدها على صدرها والخيبه انرسمت على وجهها عجزت تجامل اكثر كيف هو كمل وملك وهي من خطبه حست انها خاينه مشت وهي شايله الصحن بترجعه ومانتبهت للمويه اللي منكبه عند باب المطبخ بلحظة توقيع ساره وصراخ البنات وتصوريهم زلقت وطاح الصحن وتناثر القزاز علئ صدرها وايديها صرخوا الخدم اللي بالمطبخ وعمتها نوره اللي كانت طالعه من المجلس ركضوا لها وهي بحاله ينرحم لها ايدينها تنزف ووجها نصه دم وفستانها الاصفر صار مأساة عضت شفتها وهي تسمع صرخة سعود وهو يقول: طريق دخلن البنات الصاله وهدى تحذرهم مايقولون لاحد دخل وهو يتجه للمطبخ ويشوفها شبه جالسه ومستنده على نوره ونوف واقفه تبكي بخوف لولهه حس الدنيا واقفه بين نظراتهم تقدم لها وبصوت عالي جيبوا عباتها بسرعه ركضت نوف وهي تاخذ عباة سلطانه اللي لابسه جلالها وواقفه عند الباب شالها بسرعه وسط بكاها دفنت وجهها بكتفه وهي تهمس : لاحد شوف دموعي الله يخليك رفعها وهو يرصها اكثر مشى بسرعه من الباب الخلفي وتحت صوت هدى وهي تعلمه ان سعد ينتظرهم برا التفت لهم وهو حاس ب ارتخائها : لاحد يعرف تتمموا الملكه على خير ركض فيها للسياره وبمساعدة سعد اللي فاتح الباب دخلهها وهو حاضن راسها بخوف : بسرعه ياسعد سعد ب ارتباك: هذاني مسرع سعود نزل شماغه وهو يغطيها حمد ربه على فستانها الطويل الساتر شاف العباية ماهي ساتره زين التفت وهو يفصخ بشته اللي حلف عليه جده يلبسه غطاها فيه وبهمس داخله: قالوا لي انها صارت نسختك وماصدقت صديت عنك وجفيت خفت تكونين نسخة امتس حرمتس مني ويعلم الله اني مانسيتس مانسيت اللي كانت تفزع لي واللي تقاسمني فسحتها واللي تقاسمت الضرب معي لاجلي مانسسيت دنق وهو يحب راسها وصلو وعلى طول دخل فيها الطورئ وهو شايلها تقدموا له وهم ياخذونها بسرعه وعلى العمليات صد وهو يمسح وجهه باغتته دمعه سقطت من عيونه سعد وهو يمسكه ويجلسه: تعوذ من ابليس ياسعود سعود بنبره حزينه: اعرفها تخاف من الدم كككثير ياما صاحت من جرح بسيط كيف بالقزاز داخل جسمها بشكل يوجع ويخوف سعد: لهدرجه تذكر سعود: وانا نسيت علشان اذكر دنق راسه وهو يدفن وجه بركبته ب الم بعد ساعه وجوالاتهم ماسكتت من كثر مادقو هدئ ونوف ونوره طلع الدكتور وملامح الحزن مرتسمه بوجه فزوا له: بشر وش صار الدكتور: للاسف الجرح بيدها عميق ومحتاج له عملية حساسه لانها بالاوتار المتصله بالقلب أي خطاء طبي ممكن يسبب الوفاة لاسمح الله اما الجروح المتفرقة على البطن وجزء على رجولها اما صدرها خدوش بسيطه غمض عيونه بخوف: طيب وش العمل الحين الدكتور: ضمدنا الجروح ونظفناها وبرجلها خمس غرز اما اليد مانقدر نسوي شي لين يوصل الجراح وهو تقريبا على علم ومسافة السفر ويكون واصل لانه من الرياض سعد: طيب ماياثر عليها التأخير الدكتور : لا كلها ساعتين ويكون واصل بنراقب الجرح لين مايوصل عض شفته وهوو ماسك نفسه مايقوم ويلعنه وش هالبرود اللي عليه البنت تنزف وهذولا ينتظرون الجراح مشئ رايح جاي سعد تنهد : ياولد لاتشقي نفسك واجلس سعود بغضب: لوجلست بقوم العن خيرهم على هالتسيب اللي عندهم مرت الساعتين بتعب نفسي عليهم لين لحظة وصول الدكتور دخل غرفة العمليات وقفوا سعود وسعد وهم واقفين عند الباب مرت ثلاث ساعات على اعصابهم بس قطع عليهم وجود العيال وعمامهم ناصر توجه لسعد : شلونها سعد : ماعليها بخير التفت لسعود وبنظرات غاضبه ضربه من عند كتفه بقوه جاء بيكمل عليه بس مسكوه فيصل وليث: ايا يالكلب مارد وهو يشوف عمه عبدالعزيز يسحبه له وبصوت غاضب:ورب البيت ياناصر لو ماكفيت شرك عنه قاطعها سعود وهو يبعده عن طريقه ويمشي له دنق وبحب راس ابوه ومشى طالع بصمته تأملو زوله وهو ماشي ولا رف له جفن ولارفع صوته على ابوه قابل سيئته بحسنه تأمل الشارع بضيق غمض وهو حاس بدموع تجمعت بعيونه مشى مامعه سياره جاي مع سعد قرر يمشي لين يوصل الشقه اللي اصلا ماتبعد كثير عن المستشفى يمشي وبسمه اعلى شفته ولا بهندي يوقف دبابه قدامه: بابا تبي اوصلك سعود ماله حيله على الكلام حرك ابيده لا الهندي : بابا وجهه انتا تعبان وثوب انتا دم تعبان انتا صح سعود مد ايده لجيبه وهو يطلع خمسين وبهمس : خذها الهندي بصدمه: هه ههه بابا انا مايبي فلوس انا رزق على الله بس انا يبي يساعدك شكرا بابا تعداه وهو للحين يضحك بصدمه من تصرف سعود.... ابتسم سعود وهو يحط الخمسين بالارض ممكن يغير رايه ويرجع ياخذها وصل الفندق وهو يدخل بتعب ويمشي بتراخي يشوف نظرات الناس المستغربه له وقف على باب الشقه وهو يطلع المفتاح ويدخل طالع الصاله الفاضيه توقع كل وحده بغرفتها توجه لغرفة غموض وهو يفتحها بهدوء شافها نايمه على الكنبه لف وهو يقفل الباب وينزع ثوبه ودخل يغسل ايدينه ووجه طالع وجهه بالمرايه بتعب :وش بقى ماصار لك ياسعود تنهد وهو يحاول يصبر على ابوه واللي صاير طلع وهو يفتح شنطته ويطلع له ثوب جديد لبسه وهو يتجه لغموض شالها بهدوء فزت بخوف : نزلني سعود نزلها على السرير: رحمتس من نومة الكنبه انا ببنام عليها غموض مسكت ايده: وجهك تعبان سعود : صار لي يومين مانمت سحب ايده بهدء وهو يتجه للكنبه وينسدح : تصبحين على خير غمضت بتوتر وجهه مو طبيعي حتى مو قادر يحط عيونه بعيونها وش ممكن صاير له معقوله يضايقونه هناك كتمت تساؤلاتها وهي تسمع جواله يدق قامت بتجيبه له بس وقفها كلمتها: ارجعي مكانتس لو يدق من اليوم لين بكره لاتردين نفخت شفايفها بضيق: طييب , , , الى هنا ولنا لقاء قريب جدا دعواتكم وتوقعاتكم بحفظ الله |
رد: ومالي بدجئ العاشقين ملاذ! بقلم/غسق آلليلh
البارت (21) الجزء الثاني تذكرني إذا طاحت من اغصان السنين سنين تذكرني اذا داعب أصابع يدك سلسالي ! * العنود_العبدالله * _________________________ نفخت شفايفها بضيق : طيب سعود مارد وهو ياخذ نفس بضيق حاس بكتمه على صدره وده يطتمن عليها وبنفس الوقت ماوده ابوه يسبب له سالفه ابتسم بسخريه اخته والوصل بينهم شبه معدوم متيقن ان هالمره اللي شافها هي اخر مره تقلب وهو يحس انه يتقلب على جمر من كثر ماهو متضايق وشايل هم عمليتها دقايق وتجيه رساله نصيه من سعد رفع جواله وهو يقرا :ابشرك ريانه نجحت عمليتها ولا تتضايق وتزعل من ابوك هذا طبع وعوايده لافضى المكان تعال زورها ... تتأمله بخفوت كيف ماسك الجوال واشرقت معالم وجهه والبسمه كيف اعتلت شفايفه وقبل شوي ملامحه متبهذله ومتضايق وكيف يقرا وهو مايعرف اصلا ذبحها الفضول وهي تشوفه يرجع ينسدح اما هو ارتاح لمن عرف ان عملية اخته انجحت الحين بس يقدر ينام براحه __________________ الساعه2 الفجر بالقريه بيت الجد مجتمعين بغرفة نوف ومكياجهم ولبسهم لازال عليهم وكل وحده ملامحها احزن من الثانيه ماعدا نوف اللي تبكي بين فتره وفتره هدى بحزن: خلاص يابنات قومو بدلو ومسحو مكياجكم دام عدت عمليتها بخير ساره بنبره حزينه: كانت مستانسه مره ماتوقعت بيصير تسذا هدى : مقدر ومكتوب ياسارونه تنهدت وهي توقف : بقوم ابدل يلا بنات قومو وارتاحو وانتبهو جدتكم تحس هزو روسهم بحزن وقامو كل وحده على شقة اهلها ماعدا ساره وسما اللي نزلو لا مهم اللي تناديهم ومنى ومنايا بعد قامو واتجهو لبيتهم اما نوف بقت لحالها وهي تطالعهم وهم يطلعوون وقفت وسكرت الباب بسرعه وبدلت ودخلت الحمام تاخد شوور سرييع طلعت وعيونها متفخه من البكي لبست وضلت قاعده وصرخت الخدم براسها ومنظر ريانه مايغيب شهقت ب انهيار ورربيي ماكان قصدي وربي تذكرت وهي نازله علشان توقع بس قالت شوي ودخلت المطبخ تشرب مويه ومن غير لا تنتبه انكبت المويه نادت على الخدامه :مسحيه قبل لايزلق احد وطلعت مستعجله دقايق ولا صار الموقف حطت ايدينها على وجهها وانهاارت ب الم .... .............. دخل سعد ووافي وخالد تقدم لها وافي وهو يحضنها على جنب : والله يالغاليه انها بخير وش فيتس اشقيتي عمرتس وهذي وانتي عروس سعد من الجنب الثاني حب راسها: ترا ماشفنا كشختس خالد تقدم لها ومعه بوكس مغلف: هدية زواجتس ياحلوه مبروك والله يتمم لكم على خير حمر وجهها بحيا: الله يبارك فيك وافي وخرها وهو يضرب ايد خالد: ايا الخاين ورا ماقلت لي اجيب لها ضحكت وهي تسمح دموعها: ربي لايحرمني منكم سعد : وانا الخاين الثاني مد ايده لاجيبه وهو يطلع سواره ذهب مكتوب عليها اسمها وبهمس: كان نفسي اغلفها واسوي حركات بس ماامداني وانا اخوتس اخذتها وهي توقف وتحب روسوهم : اردها لبناتكم مامداها تقول الكلمه الا تمت المداهمه من سلطانه وريم وخلود وريما سلطانه بزعل: ايه ايه يايبه ماتعرفون تهدون الا العمه المصونه افا ياعمامي وافي بمزح: ماعليه وانا ابوتس اعرسي وابجيب لتس هديه رفعت حاجبها وهي تنطق بزعل: مابي بجلس عندك لين تطردني من البيت خالد: ههههههههههههه الله يعينك ياوافي اعترف وش عصيت ربك فيه وبلاك فيها وافي: مدري وانا اخوك لو ادري كان امداني كفرت عن ذنبي ضحكو كلهم الا سلطانه طالعتهم بزعل ريم: حركات ياعميمه ملكه وهدايا وش باقي بعد خالد: بنات اللي تبي هديه تعرس وتبشر فيها ريم بمزح: جيب المعرس معك اجل وافي: خلاص المعرس عندي انحرجت ريم: وش وش فيكم امزح بسم الله اصلا بجلس عندكم لين تطفشون مني بعد سلطانه تقدمت وهي تجلس ع السرير: انا ابي تفرحوني بتخرجي بس سعد: يقالتس متخرجه من جامعه اقصاتس ثانويه ريما: اي والله وهي صادزه احتفلو فينا بس شاطرين تزوجنا نوف بتعب وهي تسند راسها على كتف سلطانه: ماعليه يابنات تقبلو بعد المؤمن مبتلي حذفها وافي بالمخده: اشوا اني ماجبت هديه كان مت من القهر ضحك سعد: الحمدالله مالله رزقني ببزر ويوقف ضدي خالد: والله الشرهه علينا جايبين لها هديه بعد بس عندي بشاره وبعدها بطلع ترا من تطلع ريانه بنخيم لثلاث ايام وانتم تجهزو سعد: البنت بالمستشفى وانت تخطط خالد: عاد انا علمتكم عشاها علي اول يوم ومخيم علشانها بس تصحى وافي : على خير ان شاءالله وبمزح: يلا بنيتي نروح شقتنا سلطانه قامت وهي تمسك يده: يلا ي ابتي ابتسمت ريم ودها تكون نفس جراءة سلطانه وميانتها مع ابوها بس تنحرج اما خالد: يلا ريوم مشت وراه بهدوء اما ريما طلعت وبقى سعد اللي دنق على نوف وحب راسها وبهدو: تعوذي من ابليس ونامي ولا تفكرين باللي صار هذي ريون بصحه وسلامه هزت راسها وهي تنسدح طفى النور وطلع اما عندها دعت ربها يهون على ريانه ويصلح مابينهم وكبرو بعيونها اخوانها اللي مهما كبروا يضلون عندها كانهم صغار وحبهم لها ماغيره شي ______ اما سعد طلع لشقته دخل وهو يقفل الباب وراه اتجهه لغرفة النوم طالع لهدى اللي لابسه بجامه حرير بلون العنابي ومنسدحه بتعب وهي تدلك رجولها من شافته تعدلت وهي تهمس: اخر الاوجاع سعد بتعب وهو ينزل شماغه : امين... ماكسر خاطري الا سعود طول عمره القوي واللي مايكسره شي مايكسره الا ابوه ويفشله قدامنا قلبه منفطر على خيته اللي حتى محروم من شوفتها وتعب الخط واضح ومرهق نفسه وشايل الدنيا على ظهره وبالاخير ضربه قدامنا وقدام عيال هالوقت والله اني بغيت انطلق عليه بس مسكت نفسي لاخر حد وارسلت له اطمنه عليها هدى بحزن: هذا ناصر مايتغير وسعود رجال ولاهمه مع اني عايشه معكم سنين بس ماعمري سمعت عنه الشينه او مسوي شي بس مرتين لمن بالعيد دخل يسلم وانكبت بالغلط القهوه على مرة ناصر وتهاوشو ومره الثانيه يوم كنا مجتمعين بالاستراحه وهجم عليه لانه جاي متاخر سعد: مدري متى يتعدل والله يا ان سعود محترمه لاخر درجه لدرجه حب راسه وطلع ولا رد بحرف انا متهول جسمه وقوته اللي تغيرت بخمس سنين وفجاءه صار سعود من جسمه النحيل لجسمه الضخم وفوق هذا لضربه ابوه ولا غلط عليه مستحيييل يرد عليه او يدافع عنه يضل جامد ولا ينطق بحرف واذ خلص حب راسه وتعداه ويختفي هالولد على كثر ماهو بار الا انه غريبه اطباعه تنهدت وهي تمسك ايده: شيسوي بعد ابوه نوف ياعمري ماوقفت بكي مريت عليها مثل ماقلت لك سعد: ايه مريت عليها ومعي خالد ووافي مرينها وجو البنات عندها بعد مزحنا شوي وسوالفنا وطلعنا علشان ترتاح حركت راسها بتعب: ياعمري عليها سعد وهو يطالع لها بحب: وانا ضحكت: وانت عمري وحياتي وكل شي سعد بضحك: زين بعد علشان ردتس بسكت هدى نفخت خدودها : تبي احط لك خفايف كانك جوعان سعد: ههههههه لا والله موجوعان بتصرفيني هاه هدى: لا حرام عليك بس قلت اكيد اختبصت من اللي صار ولا تعشيت سعد: منسده نفسي بس ابيتس تدلكين راسي ذابحني وجيبي لي بندول هدى وهي توقف : ابشر طلعت وهي تجيب البندول ومويه دخلت الغرفه وهي تطالع له منسدح وعليه ثوبه اتجهت لها وهي تجلس ع طرف السرير :هاك سعد تعدل وهو ياكل الحبه ويشرب المويه: يعطيتس العافيه هدى ب ابتسامه : يعافيك يلا تعدل وحط راسك على رجولي علشان ادلكك حط راسه على رجولها وهو يتنهد بتعب: شلونتس مع العلاجات هدى: عادي تتعبني مده وبعدها برتاح ان شاءالله سعد: كم لتس هدى: اسبوعين سعد: الله يقدم اللي فيه الخير هدى بنبره هاديه : امين سعد بدا النوم يسيطر عليه مع تدليك هدى غفى بتعب تحت نظارتها الحزينه نزلت دموعها بصمت خايفه من الجاي باقي شهرين وتبين نتيجة هالعلاجات هي سليمه وهو سليم بس شيفهم الناس وعمها للحين يلومونها ويلومون سعد ويبونه يتزوج بس ليتهم يحسون بحرقة قلبي ليتهم مسحت دموعها وهي تتامله بخوف خايفه يكون بيوم لغيرها تشاركها فيه خايفه غيرها تجيب له الظنى غمضت عيونها بخوف وهي تحاول تشتت تفكيرها _______________ بالمستشفى الشباب جالسين على كراسي الانتظار ليث بتعب: يلا يبه امش نرتاح بالبيت وبكره نعود عليها ناصر: ماني متحرك خذ اخوانك وارجعو انا بجلس هنا ليث اشر للعيال يطلعون قامو فيصل وعمر ومشعل وراكان وسالم وريان مشعل وهو يتجه للسياره:الله يعين عمي ويصبره عمر:امين عطى فيصل المفتاح مافيه حيل يتحرك ركبو بصمت ومشعل اسند راسه على الكرسي وهو يتذكر لمن دق عليهم سعد وعلمهم غمض عيونه بهالحظه كثر مارجف قلبه وادمعت عيوونه بيوم ملكته اللي حس انه اعدامه مواصل وتعبان وعيونه مورمه وفوق ذا كله تتعب ريانه فزو كلهم بخوف وتوجهو لسيارتهم ماحد يدري الا العيال كتمو الموضوع عن اهاليهم وامهاتهم ريان:شقول لامي اذ سألتني عمر:قول ان ابوك اخذها يتمشون رقع الموضوع مشعل:مااظن عمتي يهمها ريان :متوقع ادخل القاها نايمه بتظن انها بغرفتها تنهد مشعل وهو اكثر واحد عارف قسوة واهمال مرة عمه وصلو وكل واحد اتجهه بيته ____________________ الساعه 5 الفجر الجمعه: ابها: بمكان اشبه بالمهجور جالسين حول بعض محسن: تطلعون لي اخو عناد تطلعونه ماراح ارتاح لين اشوفه بين ايديني اجل انا يلعب معي هالكلب واحد من اخويانه: انشر صورة اخته وخلصنا صدقني بيموت من القهر بيتمنى يجيبك ب اسرع وقت محسن بسخريه: يخسئ واحد منهم: يزن وينه حصلته محسن ابتسم بخبث: عطيته فدى للي يجيب المخدرات طلب علي فوق عشرين الف لاننا من زمان مادفعنا قلت تبي الولد قال عطني اياه وسرقته من امه وعطيته ضحكوا تحت تاثير المخدرات ماعدا ذيب اللي لحق محسن ودل مكانه واقف بصدمه وجسمه يرجف من هول ماسمعه اقفى يمشي وهو حاس برجوله ماهي شايلته فيه ابو يبيع ولده هذا ابداً مو صاحي طلع لسيارته وحرك بسرعه وايدينه للحين ترجف بس وقفه صوت جواله اللي يرن رد وصوته باين فيه الرجفه: الو حامد : ذيب الجوكري ذيب : ذيب بس انا ما أنتمي لهم حامد: تمام ياذيب تعال الدمام بمركز الشرطه عندك موضوع هناك لازم تتمه ذيب ب استغراب: شرطه وبدمام بس انا ماسويت شي حامد بسرعه: موضوع يخص ابوك لازم تجي وتفهم الموضوع معك مده لين بكره الصباح واخوك لايدري ذيب : انا ماشي لكم الحين حامد : ب انتظارك سكر وهو يتجه للمطار وقف ونزل وهو يدخل ويكلم واحد من اخويانه بالمطار يحجز له على الدمام ب اسرع وقت _____________________ الدمام اما حامد جالس بمكتبه وبتفكير: باقي سعود اللي مايرد كيف بجيبه الحين ادق عليه ومايرد طلع جواله وهو يرسل له يتجهز علشان يجتمع معهم بكره الصبح عناد دخل وبهدوء: الرقيب مختفي غريبه فيه شي انا مدري عنه حامد وهو يعدل زرار بدلته: وش صاير يعني مو صاير شي الرقيب عنده دوره عناد رفع حاجبه: وضعكم ماش دخل عيسى ونفسه بخشمه: وش صاير كل واحد على مكتبه تبادلو التحيه وعناد حمد ربه انه مانتبه لكلامه بس صدمه وهو يسمعه : عناد الحقني على المكتب ضروري عناد التفتت لحامد: غريبه اول مره يطيح الميانه ويقول عناد حامد اشر له: روح قبل لاينفض المركز توجه للمكتب عناد وهو يشوف العكسر يلقون عليه التحيه فتح الباب وهو يدخل بصمت: امر عيسى ب ابتسامه انرسمت على ثغره: طيب اجلس وش فيك تبحلق فيني مستغرب عناد وهو بنفسه وده يذبحه: هاه وهذي جلسه عيسئ: انا اسف اني ماوقفت معك من البدايه وطلعت غازي بس مسألة وقت وحليتها عناد: جزاك الله خير وجميلك ماني بناسيه عيسئ من غير مقدمات وهو يلعب بقلمه: انا طالب القرب منك ياعناد وان عارف انك مو مقصر وخاصه عقب وقفتي معك انا لولاك ماطلعته بس اخذت القضيه علشانك عناد وهو منحرج وعارف ان سعود بيوقف بوجهه: والله اختي مخطوبه وماتجوز خطبه على خطبه عيسئ : بس اللي اعرفه تكنسلت الخطبه ولا ياعناد عناد جمدت اطرافه تنهد: يصير خير يا ابو فزاع وقف وبهدوء عن اذنك عندي استلام عيسئ وهو يلعب بالقلم:رد لي خبر علشان نجي نخطب رسمي طلع عناد بضيق سكر الباب وملامح الضيق احتلت ملامح وبهمس: ناقصني انت تصير نسيبي اما عيسئ اللي حذف القلم على الجدار بعصبيه فتح ياقته بضييق وهو متوقع الرفض يعلم الله انه ماخطبها الا انها حاس انها بتكون ام لولده وكافي ان وده يناسب عناد علشان سعود معجبه كثير رغم هاوشتهم الا انه معترف انه كان يجي ويحط الحره بسعود وسعود كان اذكئ منه بكثير ويقلب الطاوله عليه ماعمره تلفظ بالكلام عليه عكسه مع انه يدري ان بيته مو ذاك الزود ويعرف حالتهم المتوسطه ماعمره عاايره رغم الكره اللي يكنه له بس طيبته وأصله يجبره يتقرب منه ويطلب خالته زفر بتعب: يارب ماترفضني _____________________ الرياض : بكل هدوء ونعومه تصحيه: ياسر ياسر فتح وهو عاقد حواجبه: وش فيه اغصان: قوم صل صلاة الفجر لاتروح عليك ياسر تنهد وهو يتعدل وكأنه يستوعب احداث امس ابتسم على وجهها اللي صار احمر من الخجل دنق وهو يميل راسه : الحمدالله عليك والله لو يجبون لي الف وحده ما اخليك اغصان : والحمدالله عليك بعد يلا قوم لاتفوتك الصلاة ابتسم وهو يوقف ويتجهه للحمام ياخذ شور سريع بعد دقايق طلع وهو ينشف نفسه لبس ثوبه على طول وبصوت عالي: اغصان تبين اجيب فطور وانا جاي ولا طلعت من الغرفه: لا جيب الطلبات وانا بسوي الفطور وبتنهيدة مليت من جلست الشقه ياسر ب ابتسامة : تأمرين امر بس هذي اذ جيت اطلعك ونتمشى هزت راسها بحماس : طيب استودعها الله وطلع للمسجد صلى وبعدين فتح جواله على رسايلها مر السوبر ماركت وجاب الاغراض دخل الشقه وهو يسمعها مشغله القرأن وجالسه تعزل الثياب :يلا جبت لك اللي تبينه وزدت بعد اغراض وقفت :تمام اخذتهم ودخلت المطبخ استحت وهي تشوفه يجلس على الكرسي ويسند نفسه على الطاوله ويتأملها اغصان طلعت الابريق وعبته مويه وحطته ع النار وبدت تقطع السلطه وتحط الاجبان رتبت الطاوله وهي تتجاهله وتتجاهل قلبها وحياها جابت الشاهي وهي تجلس وتحط الخبز :حياك ياسر بحب:مايحرمني منك يارب اغصان بمجامله:امين سوت روحها ماتشوفه وبدت تاكل شوي وقام :اذ خلصتي تجهزي بوديك مكان تحفه هزت راسها وهي اصلا متجهزه بس ناقص عباتها وخلاص قامت وهي تلف الحوسه وترتب الاغراض غسلت المواعيين ودخلتها اتجهت للغرفه وهي تلمحه ياخذ جوالاته وشاحنه اتجهت واخذت عباتها ولبستها ولبست نقابها سمعتهه ياشر على عيونها ماردت وهي تطلع تاخذ شنطتها وجوالها خالي من الاتصالات تنهدت بملل ودخلته نزلو وركبو السياره ياسر:بكره بتداومين اوك اغصان:طيب تأملت شوارع الرياض شافته يوقف عند ستار بوكس ويطلب لها وله مد لها الكوفي واخذته ب احراج : ماله داعي تكلف على نفسك ياسر:انتي زوجتي لا كلافه ولاشي وبحماس بوريك مكان انما اييههه ....... وصل المستشفى فتحت عيونها بصدمه :ياااااسررر ياسر:هههههههه عيونه اغصان:لا ابد مو صاحي ياسر:من قال لك اني صاحي اصلا انزلي خليني اوريك مكتبي ومرضاي دوامي معي اليوم وبكره اداوم معك طالعته بقوه ياسر :امزح يالغيووره صدت وهي تنزل معه مسك يدها بكل حب وهو يدخل معها تشوف نظرات الممرضات والدكاتره له استحت وهو ولا همه مستانس وهو يريها الاقسام ويشرح لها بحب صدع راسها منه واستحت تقوله بدت تسلك له وهي مو فاهمه ولا شي من اللي يقوله ______________________________ ب احدى قرى الجنوب معاذ بضحك:سياف وش تسوي سياف وهو رابط ثوبه على خصره وراسه بشماغ ويرقص بخبال :افرغ الشحنات السلبيه معاذ:اقول قصر لايفضحونا شيبانهم سياف بضحك وهو يدمع:شف وش وراك معاذ انخرش وصرخ :وش سياف من الصدمه يضحك بقوه معاذ جته ام الركب عجز يلف:سياف وش فيه سياف بعد م استوعب صرخ برعب:لا تتحرك امانه حولك حيه كبيره طارت عيونه وجسمه بدى يرجف:اذبحهاا بسرعه سياف بخوف:وين اذبحها انا صرصور ويالله اذبحه صرخ بخوف لمن شافها قربت من معاذ بس انتهت الصرخات عقب ماجاء متعب واشر لسياف مايصدر صوت ومعه مطقه وبكل احترافيه ضربها ببداية راسها معاذ للحين يرجف ومغمض عيونه متعب :ههههههههه فتح يالخواف ذبحتها بس تمايل جسمه وهو يطيح على متعب اللي سنده وصرخ بسياف :امسكه انا يالله مثبت جسمي سياف تقدم بسرعه وهو يسحبه ومتعب جاب مويه وكبها على وجهه:ياليل ابتلشت بالبزارين الحين فيه احد يغمى عليه من حيه سياف عدل عصبته :اقول حنا ناس ماعمرنا شفناها مو مثلك ماشاءالله بكل قوه تذبحها متعب وهو ماسك راسه وتنهد بتعب:احس هالشي متعود عليه مدري من شغلي ولا وش مدري بس لمن شفتها حسيت الوضع عادي غمض عيونه بقوه وهو حس راسه يوجعه وتمر عليه اصوات وصور بس مو واضحه وقف بسرعه وطلع للحوش طالع للسماء وبهمس:يارب جعله تكفير ذنوب تساقطت دموعه وهو يحس نفسه مكتوم الصوت الناعم مايفرق خياله بس وش تقول ماهو عارف سياف اللي سرح : والله ان حالته تكسر الخاطر التفت لمعاذ اللي بدى يصحصح وبهمس:قوم غسل وتوضى بنطلع نصلي وبنادي متعب اشوفه مشى وهو ينادي علشان يحس متعب:لف عليه؛ سم سياف:يلا بنقوم نتوضى ونصلي هز راسه:انتم روحو انا بصلي بالبيت سياف :طيب طلع معاذ وراه سياف وسكرو الباب بقى هو وقف واتجه للمغاسل توضئ وخلص واستقبل القبله وهو جالس على كرسي اما عند سياف ومعاذ جلسو بعد ماخلصت الصلاه وبدوا يقرون القرأن بس قطع عليهم شايب:انتم من طرف ال فلان معاذ :ايه ياعم الشايب:ترى توصى فيكم وانا عندي محل صغيرون وابيكم تبيعون فيه معاذ بفرحه : مشكور ياعم الشايب:يلا امشو معي اوريكم سياف ميل شفته والوضع مو عاجبه:طيب راحو معه وهم يتأملون القريه الواسعه والشجر على مد نظرهم والجبال محاوطتها والناس طالعه والعيال برا والوضع عادي هذا يمشي ويسلم على الثاني دخلو مكان مغطى من فوق ومحلات متقسمه والشايب يأشر:هذا سوقنا وهذا محلي دخلو وهم يشوفون البضاعه كانت عباره عن عطاره سياف :بنبيع هنا الشايب بفرحه؛ايه ياوليدي ترا محلي عليه الكلام وكل اهل القريه يمرونه ويشترون منه معاذ:الله يبارك لك فيه بس وش نناديك الشايب:ابو النجلاء معاذ:ونعم الشايب بحب لطاري بنته:ينعم فيك وترا بنيتي مدرسه داخل ابها عند خالتها معاذ بورطه:الله يحفظها لك الشايب:امين امين ويخليكم لوالدينكم عبست وجييهم بضيق ورد سياف وهو صاد:الله يرحمهم يابو النجلاء وطلع بضيق يتمشى بهالسوق اللي جداً كان بسيط والناس يتمشون ويشترون وعادي هو اللي لف امريكا لف وبيته اللي كان فخم يعتبره بسيط واقل بس لمن شاف هالقريه والناس انصدم وكثيير بعد ___________________________ /الئ هنا ولقائنا قريب واللي يتسألون هل بوقفها برمضان ؟ اولا ماراح تتوقف الروايه ابداً الا بوقت العيد وبرمضان بيكون تنزيل البارتات الصباح / وقد سألتني وحده عن حساب الانستا؟ /ماعندي اي حساب بالانستا كان فيه حساب للروايه وحذفته لاسبابي الخاصه /ولا اسمح ابدً بنقلها بالانستا او غيره ماعدا المنتديات /ولا راح افتح حساب التواصل فقط بالمنتدئ وسلامتكم /ومبارك عليكم الشهر مقدماً ❤ |
رد: ومالي بدجئ العاشقين ملاذ! بقلم/غسق آلليلh
السلام عليكم ورحمة الله وبركاته،
يسلمو ايديك أم جمال وايدين الكاتبة الجميلة استمتعت بالبارت كتير ، وكلي شوق للآتي تقبلا خالص ودي |
رد: ومالي بدجئ العاشقين ملاذ! بقلم/غسق آلليلh
البارت(22) ومن يشيل الحزن من صدري أنا ؟ ومن يداري لهفتي في كل حين ؟ ومن يكفكف عبرتي دايم أنا؟ النتيجة واضحة لا تسألين .. " أيه أنا اكثر شخص والفت العنا . رزان العتيبي' _____________________________ جالس عندها يستناها تصحى فتحت عيونها بتعب فز يعطيها مويه : سمي يابوتس ريانه بتعب وهي تشرب : يعطيك العافيه دخل بهدوئه المعتاد ومعه باقة ورد وبوسطها سواره وتوجهه لها وهو متجاهل نظرات ابوه المشتعله لوهله كانت بتصرخ بس تأملت ملاحمه هذا سعود دنق وهو يحب راسها : اخر الاوجاع ان شاءالله وشدي حيلتس وارجعي لهم ابتسمت بوجع: ان شاءالله نزل الباقه عند راسها وبهمس: اعذريني على القصور وسمعت عن خطبتس من عمي اذا انتي مرتاحه له وافقي واذ مارتحتي ارفضي وانا معتس باللي تبينه ريانه: ماتقصر بس انا مبلغه ابوي رايي صمت ثم ابتسم بهدوء: استودعتس الله طلع مثل مادخل دقايق بس كانت عظيمه جدا لريانه التفت لابوها تشوفه مدنق وايدينه على راسه استغربت وضعه حيل دقايق وقام ووجه مخطوف تنهدت بحزن : متى اشوفكم مجتمعين سعود اللي ماطلع من المستشفى تذكر جار جده ودخل يزوره دق الباب بهدوء ولا بصوت انثوي: من سعود بصوته الواثق: انا سعود ولد ناصر البنت: حياك فتحت الباب وتعدته طالعه دخل هو وسلم على الشايب وب ابتسامه: هاه اشوفك ب اتم صحه وعافيه الشايب بضحكه: وين ياوليدي والله اني تعيبان سعود: ماعليه ياعمي هواجيس هذي ..جدي يسلم عليك كثير السلام ويقولك ترا المجلس مشتاق لعلومك الشايب: ماتقصر ياوليدي والله يخليك لجدك سعود مستغرب من ولده الكبير مخليه لحاله ومخلي البنت عنده والله عالم غريب وقف وهو يستأذن وطلع للمطار بعد ماحجز له حامد وتاخر الاجتماع لعدم وجوده بصالة الانتظار جالس وعيونه تلد غصب وتتأمل الناس مسح على وجهه وهو حاس بتوتر عطوه الثقه انه يدخل اللي يبيه معه بمهمته ووافقو على خطته وتفكيره وشجعوه بس فيه شي خايف منه خايف يدخل بمتهاهات كافي اصابته للحين توجعه غمض عيونه ب الم هو خسران كل شي من ارغامه لدخول هالمجال حمد ربه الف مره انه داخل بشخصية ثانيه ومنتشر الاسم عند العصابات ب أنه سعود الجاهي اللي هو بالاساس شخصيه وهميه اوهمو الناس والعصابات فيها لان شرطه كان يبعد اهله تمام البعد عن وظيفته الحساسه جداً ومركزه الحساس اللي يخليه يبعد ايام ويغيب شهور وماحد عارف بهالشي ابداً الا حامد وعيسئ وشخصيته ب انه يصدر الاوامر اللي مايعرفها الا حامد بالاول كان مندفع لان ماوراه اهل ومسؤليه بس الحين مرتبط بغموض وامها وخالته يحلف ان قلبه يرجف لو اكتشفو شخصيته بيروح بخبر كان مسح على وجهه وهو يسمع النداء الاخير للدمام توجه وكله امل ان تنجح خطته ويطيحون ب اللي اكبر من محسن وجالس يمشيهم على كيفه ركب الطياره ماهي الا ساعات وصل الدمام ركب تاكسي علشان مايثير الشك حوالينه وصل الفندق ودخل شقته بدل لبسه بلبس عادي جدا ببدله ولابس تحتها واقي رصاص حط لبسه العسكري وقناعه بشنطه عاديه وتوجه لمركز الخبر دخل وهو مسوي نفسه يسأل عن قضيه وعن اسماء وهميه شوي وطلع عيسئ وبهدوء: تفضل من هنا مشئ ودخل المكتب سكر الباب عيسئ وسعود دخل وبهدوء جلس على المكتب عيسئ: يقولون مو جاي الاجتماع اخبرك اول واحد تنط سعود ب ابتسامه: قدمت استقالتي لاجل اشوف ابداعك بالقضايا وكيف بتمسك قضية محسن وتاخذها من عناد ويوسف وانت للحين ماجبت لي لا اخويانه ولا نص خططهم عيسئ وملامحه اشتدت: وش قصدك ماراح تسحبها مني ولا سعود بغضب وهو ينزل من الطاوله: اسحبها واسحبها وابلغ عنك تعرفني وتعرف رقمي ولاجيت وعلمتني ب اخر التطورات اللي صارت بقضية محسن وفجاءه اعرف وش صاير وم اذين قطع كلامه بعد ماطحت عينه على جهاز صغير مثبت على الكنب مشى له بهدوء وهو يتفحصه لف على عيسئ وهو يأشر له يكمل حواره عيسئ ب ارتباك وهو يطالع سعود يقوله الكلام بهمس عاد كلامه : سعود القضيه لك من الى وانا لاتدخلني بقضايا محسن انا حدي قضايا مرور سرقه بس محسن لا مالي دخل فيه لا هو ولا جماعته وعلشان كذا انا جلست فتره ارقع السالفه وماحاولت اجيب اي شي يدل انه راعي مخدرات وعصابات ومهرب اسلحه سعود: طيب ياعيسئ تحمل تسترك على محسن تحمل ولاتنسئ اني جبت ابوه ماني عاجز اجيبه هو وجماعته طارت عيون عيسئ لانه هو كان بس يعطيهم الخطه وعناد ينفذ اشر لعيسئ يأكد كلامه: تمام اجل دامك جبت ابوه جيب ولده ياسعود سعود : طيب ياعيسئ بسحب الاستقاله واشوف نهايتها معك انت وعناد وتستركم على واحد مثل محسن صمتو وفتح الباب وسكره بغضب بس علشان ينبه اللي جالس يتنصت عليهم انهم طلعو رجع سعود ومعه مفك صغير انسدح وهو يفككها بهدوء وكاتم نفسه غمض عيونه براحه لمن فصلها فتح جواله وهو يبحث عن الاجهزه المماثله لها ولقى تحت المكتب بعد سماعه فككها وهو بقمة غضبه طلع وهو يتمشئ بالممر ومن مكتب لمكتب وعيسئ وراه خايف بعد ماجمع اجهزة التصنت اللي كانت بمكتب عيسئ فقط التفت لعيسئ وبكل برود: ان دل دل على انه غباء منك واستغفال كيف يدخلون مكتببك بكل راحه ويدسون اجهزة تنصت عيسئ: مدري ياسعود ورب البيت مدري سعود: تسترت عليك كثير ياعيسئ اقسم بالله اي تهاون جاي لا اعلم اللي اكبر منك عيسئ وهو ماسك اعصابه: خيير ياسعود خير ان شاءالله سعود طالعه بضيق: انا صدق قدمت استقالتي وتم قبولها واستلم باقي القضيه انت واللي معك وعلمني كيف بتحلها عيسئ: كيف وانت تقول انك بتلعب معه سعود وهو يضرب راسه بخفيف: وكيف تبيه يشيل النظر عنك وعن اهلك انا ماوراي اي شي اخسره بس انت مكفول ب ولد وعايله وعناد كذالك وانا قد شلت عنك قبل الرصاص جت على قضيه! عيسئ طالعه ب امتنان: مدري كيف ارد جمايلك سعود: فكني من مقابل وجهك وانا بخير وفتح مخك تعداه وهو يطلع مستعجل وهو يوقف تاكسي ويتوجه لمكان اللي ارسله حامد دخل غرفة الاجتماعات الفاضيه تماماً الا بحامد اللي جالس على الكرسي حامد: وينك يالصقر تأخرت سعود: دقيقه ضبط لي المايك على ما ألبس دخل الغرفة الثانيه وهو يلبس لبسه العسكري والقناع وقفزاته الحاميه منه حرارة الرصاص او متفجرات طالع لواقي الصدر الثاني تنهد وهو يلبسه وبصوت عالي: حامد تعال دخل حامد: سم سعود وهو يتألم: سكر لي الواقي وشده ب اقوا ماعندك حامد بتسأل: جرحك للحين طري سعود وضربة ابوه سببت له وجع ماصدق ينتهي: انفتح الجرح امس وخيطته حامد : انتبه مره ثانيه شد على الواقي بقوه وهو يسكره وسعود مغمض عيونه من الالم اللي مابين كتفه وبداية صدره بسبب مداهمته الاخيره توجهه للغرفه الثانيهه وهو يجرب الصوت حامد بصوت عالي: مضبوط الصوت طلع وهو يسأله:ذيب وصل؟ حامد:ايه وصل بمكتبي اللي بالمركز اعتذرت له ان عندي شغل بعد الاجتماع نجيبه ب اي مكان سعود:طيب توجه وهو يجلس بالكرسي متوسطهم دقايق ودخلو يوسف و عيسئ والصدمه هنا كانت دخول عناد اللي طلبه سعود ب اخر بلحظه من غير علم حامد وقف وهم يطقون له التحيه ترقب ملامح عناد المتوتره : اهلا فيك يالضابط عناد عناد ب ارتباك من صوته الثقيل: هلابك ويسعدني اني اشارك معكم الصقر بصرامه: مو انت اللي تشارك او لا الوطن هو اللي يستدعيك وانت تلبي له عناد ب ابتسامه: وحنا قد نداء الوطن ونفديه ب اعمارنا الصقر: وهذا المطلوب اجلسو .. التفت لعيسئ وبنبره سخريه: القضيه انسحبت منك انت وياه واشر على يوسف وبهدوء بمسكها انا وبشرك اطراف غيركم عيسئ ب اعتراض: ليه تسحب القضيه مني الصقر طنشه وبدا يشرح خطته بكل احترافيه بعد صمت وهو يشوفهم يقرون ويخططون والتفت : الرقيب يوسف من اليوم تناوب ب ابها وعيسئ بمركز الظهران اما انت ياعناد بيتم نقلك للرياض وب التفاته ومعك حامد عناد ب اعتراض: كيف انقل للرياض واهلي الصقر: اهلك مو بشارع اهلك تحت حراستنا ولو اضطرينا ببنقلهم لبيت او مزرعه امنيه حامد : طيب ليش الرياض الرقيب يوسف: مافي ليش الرياض لان المهمه بتتم بالرياض وكلها شهر او اقل بننقل واحد واحد ودام هالقضيه تحت اشراف الصقر لاتسأل الصقر: المهمه تعتبر من اهم القضايا لان لو مسكنا الراس بنمسك الاكبر منهم ف الهمه ياشباب وانا م اخترتكم الا وانا عارف انكم قداها والرياض لان مانشككهم فينا وثاني شي اغلبيتهم مركزهم الرياض بس تفرقو علشان مايثيرون الشك يالله وروني همتكم وعيسئ انا عارف انك قد القضيه بس انا حاب امسكها وب لغز :القنبله انفجررت ولا عاد لها وجود وتم الوقوف معها ابتسم عيسئ اللي فهم انه يقصد استقالة سعود: الله يعين ماكان ودنا تنفجر اما يوسف بكل حزن: كانت نشيطه عناد اللي يطالع مو مفاهم شي لا هو ولا اللي معه وقف وبصوت ثقيل :هذي الدنيا يلا بنتجهه مركز الخبر طلعو من غرفة الاجتماعات وهو يتقدمهم واتجهوا بسيارتهم الامنيهه للمركز بس قاطعه جواله وهو يدق طلع كشافه وهو يرد : هلا غموض ونبرة الحزن: انت وينك تعاال دنيا منهاره علينا سعود وصوته للحين ثقيل: طيب لين اوصل وانا اتصل عليك غموض بخوف: وين سعود هذا مو صوته سكر وهو يبصم ب العشر ان الصوور انتشرت وبسرعه اتصل على واحد مسؤل عن هالموضوع بالمركز: اسمع محسن الكلب نشر الصور بسرعه احجبها من كل المواقع وسائل الاتصال الاجتماعي : طيب ب اقل من ثانيه بحجبها وب استغراب اصلا واصل ترند مكتوب فضيحة الضابط عناد مسح على وجهه: بسرعه احجبه سكر وحذف الجوال بغضب حامد: ماصار لها اقل من ساعه وانتشرت ياحب الناس للفضايح سعود التفت له بقوه: ياتقول شي سنع ياتسكت بلع ريقه بصمت وبهمس: وصلنا نزل بسرعه وهو مبرد اعصابه ويمشي ب اتزان وحوله العسكر يطقون له التحيهه دخل مكتب حامد وقف ذيب بتوتر الصقر وهو يجلس وحاس اعصابه انطحت من القهر عرضه انكشف وبهمس حاد: حامد تفضل برا حامد طلع بسرعه من غير نقاش طالع للذيب:وش علاقتك ب محسن ذيب: اخوي رفع حاجبه: عارف انه اخوك وش وضعك معه ذيب : عاديه وبهمس : ماجبتني الا انك عارف علاقتي معه انا مالي اي تدخلات باللي يسويه محسن وقد عارضته كثير هو وابوي الله يرحمه بس تفكيرهم وفكرهم غيير وأرهابي الصقر: وانا ماجبتك الا لغرض واحد ذيب: اللي هو الصقر: تصير عميل لنا بالخفا وتتجسس على اخوك وتوهمه انك بديت تقتنع باللي يسويه بلع ريقه ذيب: بس انا مو هذا طموحي ابدً الصقر: ماحدٍ ياخذ الدنيا بكيفه هذا العلم جاك بتحط ايدك ب ايد الدوله حياك ماتبي بيتم التحفظ عليك لانك سمعت اوامر سريه وتأكد ماتم اختيارك الا وانهم شايفينك شخص قادر وذهين وفوق هذا كلها شجاع ذيب بنبره مكسوره: بس هذا اخوي اخوي عارف الصقر بقسوه: اخوك مافي بلوه ماسووها اخوك باع ولده الصغير اللي منه وفيه اخوك دمر شبابنا اخوك شيش المراهقين ودعمهم ب الاسلحه اخوك ضدنا من زمان هو وابوك وحنا مانبي منك الا تعرف من الراس الكبير اللي جالس يلعب معنا وندري ان مهمتك جداً صعبه انك تكون عميل لنا وان لو اكتشفوك بيقتلونك بدم بارد وتوقع بابشع الطرق ذيب وعيونه بدت تحمر ونفسه يضيق: مستحيل اغدر ب عضيدي الصقر : معك مهله من اليوم لين بكره وبيتم التحفظ عليك لين ماتعطينا قرارك وصدقني اخوك يبيعك بلحظه ولافكر فيك هو لو يفكر ماكان باع ولده ولعلمك تم القبض على اللي اخذ الطفل والحين هو عند امه وتم اخذهم لمنطقه امنه ذيب برفعة حاجب: هذي تمويهات لدخولي ابتسم الصقر : بالضبط وبلغنا قرارك علشان يبدون بتدريبك وقف وهو ينادي لحامد ويوصيه مايغيب ذيب عن عينه لين مايبلغه القرار مشى وهو يطلع ركب سيارة حامد اللي ماخذها منه من وصل مشى لين ماوقف بعيد عن المركز وبدا يفصخ القناع وهو يتنفس بصعوبه طالع وجهه اللي مايل للاحمرار من قناعه اخذ نفس بقوه وطلع جواله وهو يتصل على غموض:الو غموض:هلا سعود:عطيني دنيا غموض اتجهت لدنيا وبهمس سعود يبيك دنيا ونبرتها مبحوحه وثقيله من كثر البكي: سعود مالي وجه اقابل اخواني عناد والله بيذبحني سعود بكل هدوء: دنيا انتي كبيره وعاقله وكل اللي صار مالك يد فيه كله بيد عناد انتي ماسويتي شي بعدين الصوره اختفت وانحجبت من المواقع مسحي دموعتس ماعاش من ينزلها وانتي عندي الحين ماحد بيوصلتس دنيا: طيب انت وينك الحين سعود: عندي شغله اجيكم باليل دنيا: انتبه لنفسك سعود : ابشري يلا مع السلامه طالعت للكشاف ودنيا تمده لها حسيت بالخيبه من اليوم انتظر شي منه الاقل اخبارك او وش مسويه وبالاخير يدق يتطمن على خالته وطييب انا ولاانا مو مهمه اصلا انا ماغير عثره وانرمت بطريقه انا هم زاد همه واثقله ارخت عيونها وهي تمشي بهون جلست على اول كنبه للحين لقاءتهم هاديه ابتسمت بحزن وش جابك وش هالصدفه اللي رمتني بطريقك واجبرتك علي وش الليي جمع بينا وحنا اللي ماقد سمعنا بطاري بعض غمضت بضييق وايدها على دبلتها اللي جابها خالها بعد مو هو وبهمس : فهد ياترا وش حياتك يابوي وش اللي بقى ماصار لك وش اللي اخفاك عني واشغلك شعور صعب تكون شخص ممتلي مهام واشغال وطموحات وبالاخير تهوي ب اعمق نقطه ف الارض تهوي على ارض خاليه من كل شي حياتها ممله لابعد درجه تبي شي تنشغل فيه مشتاقه لسناب كثير مشتاقه لكتبها اللي كانت تتهرب منها مشتاقه لحديقتهم لأجوائهم من يصدق انها بالسعوديه من يصدق انها بيوم وليله دخلتها لا وينها قريب من ابوها يتشاركون نفس السما نفس المنطقه مابينها وبينه الا كم متر لعين كم خط بس حست بدمع يمتلي معقوله ماقال بشوفها مابينا الا المسافه عسى المسافه بخير دامها اثببتت انك مبعد عني ولا تبي طاريي زفرت ماتبي تبكي ابداً ماتبي توجهت لغرفة دنيا وبهدوء وهي تشوفها متكوره على حالها وساره تهديها نفخت بضيق وطلعت ماتحب الحزن ابد ماتحبه توجهت لغرفتها قفلت لباب تحسباً لجيته اخذت مخدته وهي تنسدح بمكانه وتنام بنفس الوقت عند فهد جالس وهو يطالع الاوراق قدامه والمحامي يشرح له قاطعه بهدوء: طيب كم يدوم السجن المحامي: سنه واقل مع التنفيذ والاشغال فهد: سنه المحامي : انت عارف هذا اخر ماتوصلنا له مع تدخل السلطات السعوديه والانتربول بالتحفيف عنك من 5 لين سنه فهد: بس هالقضيه ادعاء ونصب والكاميرات تثبت كل شي وهذا دليل قوي المحامي: اوك انت الحين متبري من هالشغله بس حق الدوله العام ماسقط ومايسقط الا بدخولك للسجن واحمد ربك جت على كذا فهد : ومتى تتم الجلسه المحامي : بكره تجهز نفسك بس هالقرار بيضل بينا علشان لا يتصعد للاخبار وتكون محكوميتك لين الموت لانك عارف وضعك وانت ببلد اجنبي ويكره المسلمين فما بالك بعربي بعد انت بنظرهم ارهابي والتهمه متلبستك من الى مسح على وجهه بضيق وهو يوقف بعيد طلع جواله وهو يتصل على سعود عند سعود اللي طلع بطريق بري علشان يبعد عن انظار الناس ويغير لبسه لبس ثوب حامد اللي جاء شوي قصير حط لبسه بالشنطه وهو يركب لازم يمشي للمطار لاتروح عليه الرحله استغرب من الرقم الغريب ورد على طول : الو فهد: هلابك سعود اخباركم سعود : ياهلا اخبارك انت انقطعت هالفتره وعمي شافك ولا فهد: لا رفضت اشوفه الحمدالله وبلهفه استشفها ..سعود غموض كيفها ياسعود سعود: بخير وساره بخير وتسلم عليك فهد: بالله ياسعود ماتقصر عليهم شي انا اليوم صدر الحكم علي سجن سنه عسا ربي يفكني من هالامر يهون عندي كل شي ولا انسجن عند الغرب سعود اللي عارف كل القضيه وهو اللي اصر على صديقه يحاول لاخر شي ويخفف العقوبه عن خاله صديقه اللي تعرف عليه من الانتربول بحكم شغله ومعاونتهم للاطاحه بخلايا ارهابيه وقضايا المهربين : ماعليه ياخالي تحمل سنه ولا 20 او للابد الحمدالله جت على هذي فهد بتنهيده: والله ياخالك الله يعلم بحالتي عساها تعدي انا مو كاسر قلبي وصبري غير غموض سعود بحزم: قوا قلبك ياخال وغموض ب امري وتحت ايدي ولاني مقصر عليهم بشي ولا هي من اطباعي وانت اخبر فيني تعوذ من ابليس ونام مطمن وانا ان لقيت فرصه بزورك فهد بتاكيد: لاتدري سعود: بضطر لاطالت غيبتك انا مضطر م اخبي عليها فهد: امنتك بالله ياسعود لاتكسرني زود غموض بتحط نفسها مكاني وبتتخليني وبتتعب وانا مابيها تتعب لو ابي علمتها من البدايه بس مابيها تتعب وتفكر سعود بهدوء: براحتك فهد : يلا انا بسكر ومتى ماحصلت فرصه بدق وبشر ساره سعود: طيب بحفظ الله سكر وكل اماله بدت تخيب صوته اليائس حزنه الممتلي بصدره وشكله اللي تغيير وكبر الف عام جسمه اللي بدا يميل للنحاله وعوارضه اللي ماحلقها ابتسم بسخريه على نفسه للحين مادخل السجن لادخل السجن وش بيصير فيه ولا وش بيسون له من مضايقات واشياء تضيق الصدر ابعد عن النافذه اللي كان واقف عليها ويتأمل الناس الحره اللي طالع واللي جاي زفر وهو يكمل خطواته ويتجه يبدل ويضبط عوارضه وياخذ معه مصحفه وسجادته ---- سعود اللي بالمطار ركب الطايره ووضعه مو اردى من فهد غارقن بهمه وخيباته .................. بالقريه العصر متحمسين وهم يجهزون الحلويات ومطارات القهوه والشاي سلطانه وهي تطلع حلاها: رييم وريما بسرعه اخلصو وصفو القهوه وحطوها بالشنطه بسرعه تحركو ب زهق من الظهر ماسكتهم يكرفون بس نوف المرتاحه ومخلينها على راحتها بدا المطبخ يضيق هذي تحط الحلا والثانيه تحهز الحافضات وحريم عمامهم يدخلون ويطلعون كان هالشي هو اللي محلي بيت جدهم انهم ايد وحده رغم كلام بعض الحريم وانانيتهم الا انهم على قلب واحد طلعو البنات من المطبخ بسرعه وراحن يتجهزن علشان ريانه ومافكرو يصحون نوف لانها تعبانه نزلو البنات وكل وحده لابسه عبايتها وشيلتها وتزاحمو على مراية المدخل يعدلون نقابتهم بس قاطعهم عبدالعزيز وعمامهم: بسم الله وش كل هالجيش بيروح تراه مستشفى مو صالة ولا حفله سلطانه:ياعمي نبي نروح كيف تبيها تقعد وماتلقنا عبدالعزيز: يابنتي انتي فكري حلو شكلي ماخذ كل هالجيش من غير امهاتكن وبعد فوق هذا اخوان البنت وخوالها جاين وين اوديكن سلطانه بزعل: يعني عبدالعزيز: ماحد يروح منكم الا امي بس ونوره وانتم بكره اخذكم لها طالعته بزعل وطلعن يمشن لفوق بزعل وافي توجه للمطبخ وهو يطلع الحلا :لبى سنع بنيتي وجلس ياكل من الحلا دخل محمد وجلس ياكل معه من غير لاينتبهون لنظرات ريم المنقهره طلعت منغبنه وهي تتحلطم اما عبدالعزيز ماسك يد امه وسعاد على جنبه ويمشيه وطلع من غير لاينادي وافي ومحمد بس وقفه صوت ريما وهي تشكي:غموض ذي وين مختفيه ياناس وش صاير لها هدى:يمكن عندها ظرف بعدين تعالي مو خالها يقولون ارهابي ريما بزعل:حتى ولو تعطينا خبر وش هذا حنا اللي رفعناها زفر بضيق وهالحوار شطر قلبه قبل روحه شد بقبضته على فخذه سعاد ب استغراب:ابو مشعل وش فيك امش مارد وهو يكمل مشيته مع امه __________________________ فيصل جالس ياخذ لبسه ويتجهز دخل عليه سالم:ابوي قالب البيت علينا وانت ولا على بالك الاقل دافع عن خواتك فيصل وهو يدخل سلاحه على خصره ويعدل ياقته :مثل ماتشوف الامن مستدعيني ولا زام اباشر سالم:وانت للحين على الخطوط ..وترا جبت امي والبنات وبودي امي المستشفى يع فيصل: ولا وشرايك امن طرق وش بكون يعني اكيد عند نقاط التفتيش سالم:انتبه لنفسك فيصل: مو قصوراً فيني ماروح اقابل ابوي بس عارف ان قابلته برتكب ذنب وانا مابي اعق فيه ياسالم وخاصه وهالسلاح معي وانت عارف لاعصبت وش ممكن اسوي علشان كذا مابي اواجه فهمت سالم: فهمتبس استغربو وهم يسمعون صراخ امهم وخواله وصوت ابوهم ركض فيصل ويتبعه سالم بس توقفوا وهم يشوفون ابوهم ينضرب من خواله هجموا وهم يفرقون خالهم وافي ومحمد وابوهم بس تلطمو اول ملفحتهم ريحة الخمر المقرفه ب ابوهم حطه فيصل وراء ظهره وهو يتهدد مو بوعيه فيصل ووجهه محمر وصوته يرجف: خلاص ياخالي استر على ماواجهت تكفى وافي وهو معصب : اقسم بالله انشفته يوطط عند الباب لا اكون ذباحه ويلا ضفه عن وجهي فيصل: طيب اسندوه هو وسالم دخلو البيت وهم يشوفون الدنيا منقلبه وغير كذا اخويانه معه نفس وضعه اظلمت الدنيا بعيون عياله كيف ينقلب حال ابوهم الطاهر النظيف اللي كلامه كان بلسم لهم ويحثهم على الصلاه وفجاءه يتردا على كبر عمره وعياله طوله من قدر يخربه ويلوث مخه هم عارفين ان عمامهم ورا هالشي بس ماتوقعو توصل فيه انه يشرب فيصل نزله على الكنب وبصوت خالي من الحياه: امي بتتطلق اكيد خوالي مستحيل يرجعونها له وهو متهجم عليها بعد ولا يشرب بعد ضحك بسخريه على وضعهم الحين يقدر يقول ان مايلومم ريانه يوم رفضته تنهد وهو يلمح سالم يمشي من غير لايرد عليه بحرف سكر الباب وطلع يمشي ركب سيارته ماله وجه ابد يشوف امه او خواله توجهه لمكان شغله اللي يبعد عن حايل450 كيلو اما سالم طلع من البيت وهو ضايق حييل توجه للمسجد ودخل يتوضأ واستقبل القبله وجلس يصلي عسى الضيقه من قلبه تروح اثناء ماهو يصلي دخل واحد مستعجل متطلم وعلى طول صف بجنبه وجلس يصلي وهو يلتفت سلم وهو مستغرب باللي جالس يسوي روحه يصلي بعد فتره التفتف لسالم اللي جالس يقرا وبصوت رايح: تكفى ياخوك شوف لي فيه احد حوالين المسجد ولا سالم رفع حاجبه: وش يخليني اطيعك وانا مو عارف من انت ولا وش اللي وراك الولد: سلمك الله بتعرف كل شي بس اطلع شوف سالم طالعه بنظرات ثم طلع وهو يشوف حوالين المسجد عيال صغار يلعبون وبصوت عالي: مافي احد اطلع الولد تنهد وهو يطلع بسرعه ساحب على سالم واسئلته سالم طارت عيونه وهو يشوفه يركض رافع ثوبه ومتطلم تنهد : الله يهديك اكيد سارق ولا مسوي مصيبه الله لايبتلينا حط يده بضيق على جنبه وهو يتذكر بلوة ابوه بدال لا ابوهم يسنعهم جالسين يسنعونه ________________ اما بيت الجد نوره تبكي وهي مو مصدقه اللي شافته بعينها رجعت فيها الذاكره وقت ماطلعت علشان تجيب اغراضها وتتجهز علشان تروح تزور بنت ناصر بس وقفت عند مدخل البيت وهي تسمع الاغاني طالعه من مجلس الرجال فتحته على غفله وهي بكامل حشمتها عباتها الراس وبرقعها وقفزاتها طارت عيونها وهي تشوف رجلها معه علبه ويرقص صرخت بجزع من اللي شافته بس انتهت امالهاوهي تشوفه يلحقها يبي يسكتها لاتفضحه مسكها بعباتها وضربها دفته عنها وهي تقوم على حيلها بتنحاش لاهلها فتحت الباب وهي تركض وهي تشوف المسافه القريبه بس بهالحظه حستها بعيده كثيييير عنها دخلت ولا بوجهها وافي ومحمد صارت وراء محمد وهي تشهق : بوجهك انا يامحمد فكني منه داخلٍ علي سكران هو وربعه وافي بغضب : وشو لحظات وهو يدخل يترنح بمشيته ب ايده عقاله : وينها الكلبه وينها هجم عليه وافي ومحمد اللي دخل نوره داخل ورجع شال العقال وهم يستلمونه بالضرب لحظات وطلعو عيالها وفكوه من الضرب لحظتها وهي تشوف انكسار عيالها قدامها وبكي بناتها وهم يشوفون ابوهم ينضرب اهانه قويه لواحد بعمره عاشرته على الحلوه والمره شالته فوق راسها سوت له كل شي عزته ورزته وبيضت وجهه عند اهله وجماعته وبالاخير هذي سواته شايب ويشرب ويخربط وجايب ربعه معه شانت الدنيا بعيونها وهي تسمع مرة ناصر تشمت فيها: ايه هذي نوره اللي حاطينها فوق روسنا شوفي بالاخير وش سوا ابو عيالها عقب العمر بترجع بيت ابوها مطلقه وبتصير عاله علينا من حسن حظ نوره ان وافي سمعها وبصراخ قوم الدنيا وقعدها وطلع البنات من غرفهم وهم يشوفون عمتهم تبكي وبحضنها ساره تبكي وسما وحوالينهم حريم ناصر ومحمد وافي وعمهم بغضب عارم رامي فيه كل قهر: اقسم بالله العظيم ان سمعت وحده فيكن بس تتكلم عن نواره اقسم بالله لا اعلمها شغلها بيت ابوها بيتها وبتعيش هنا هي وبنتها وعيالها معززه ومكرمه وانتن تخدمنها تسمعين ي ام ليث انتي لو بقلبتس ذرة حيا ماتركتي رجلتس مرافق مع بنته وتهيتين من بيت لبيت ولا كأن لتس بنت طايحه بالمستشفى ياللي ماتخافين الله وش نرجي منتس وانتي معذبتن ولد يتيم وقاطته على امي لاتحسبين ناسين عمايلتس بسعود وبتجين الحين على نوره ترا ماسكتنا بذاك الزمن الا لخاطر ناصر بس هالحين ورب البيت لا اربيتس انا بنفسي ياللي ماتنتخين واللحين يلا لا اشوفتس معتبه هالبيت برااا قامت ترجف وهي تعدل برقعها هذا بسم الله وش فيه وش قلت انا علشان يقوم يسب بس هيييين والله لا اعلم ناصر وبصوت مرتفع وهي عند الباب: انت لو تحشم ناصر ماتكلمت مع مرته وطردتها وافي والاخلاق قافله سحب عقاله وهو يرميه صوبها تفادته وهي تطلع بسرعه وصوت دعاويها واصل لهم توجه لنوره وهو يحضنها بقوه وبهمس: مسحي دموعتس يالغاليه ماعاش من ينزلها هذا انا ومحمد وعبدالله وخالد وسعد وناصر وعبدالعزيز تحت امرتس اشري على اللي تبينه وبيجيتس حضن ساره وسما وهو يقول: وبناتس بناتي يانوره وهن عند خوالهن معززات ولا احد يقولهن كلمه ولا احد بيتعرضهن بشي واللي يتعرضهن بس انا اوريه شغله محمد بحب: يلا يالغاليه مسحي دموعتس وتعوذي من ابليس حنا لبناتس ابهات مو بس خوال ساره ببكي: الله يخليكم لنا يارب نوره وهي تمسح دموعها بحب: عساني مانحرم منكم اما البنات كل وحده تمسح دموعها والموقف اللي صار خلاهم يحمدون ربهم الف مره على ابهاتهم وعصبيتهم اللي مرات تكون خفيفه اما حريمهم جالسين يطلعون الموقف وعيونهم فاضت بالدمع كيف الحال ينقلب من فوق لتحت وكيف الاقدار تتغير هذي نوره اللي كانت عايشه بنعيم وفجاءه انقلب عليها النعيم وصار جحيم وش يفكها من الناس وكلامهم وتشمتهم تنهدت حرمة محمد وهي تقووم تجيب لها مويه تهدي فيها روحها وهي تشوف رجلها واخوانه متكومين عند اختهم ويحاولون يضحكونها ويراضونها حمدت الف مره على نعمة رجلها الطيب واخوانه _______________________ عند هدى اللي شافت كل شي طلعت فوق بحزن وهي تدور سعد بس مالقته الظاهر طلع لاخويانه جلست بحزن عند على الكنب وهي كلما تتذكر الموقف اللي صار امس ريانه واليوم نوره حست نفسها بترجع من القهر على نوره وقفت بسرعه وهي ترجع اخذت المنشفه وهي تغسل وجهها وتنشفه اللي صار اليوم اتعبها كثيييير هي حساسه وماتداني تشوف احد ينضر قدامها مسحت دموعها وهي تجلس وتدق على امها تاخذ علومها واخبار خواتها واخوانها ------ بالمستشفى جالسين حوالينها وهي تتطالعهم بحب جدتها وجدها اول من وقفو عندها وعمامها كل واحد جايب له باقة ورد محظوظه بحبهم كثير بس تغطت وهي تسمع صوت عيال عمها تغطت وهي تسمع صوته مابين اصواتهم يتحمد لها بالسلامه ردت بهمس: الله يسلمكم وبسرعه طلعو مثل مادخلو غمضت عيونها بحزن وعمها عبدالعزيز يحاول يضحكها: الله الله وش هالورد كله لريانه وحنا الله لنا جدها: تستاهل الحلوه الورد جدتها وصوتها المبحوح من البكي من درت: يويلتس مره ثانيه تتعبين ريانه ضحكت بتعب: ولا يهمتس كلها ايام واصير مثل الحصان ضحكو عليها وهي ابتسمت بحب تحاول تنسى ضيقتها ب ان امها ماجت حتى مرة خالها مرتها وسلمت عليها وامها وش عذره لاهيه عنها اما مشعل يمشي معهم جسد بلا روح حاس قلبه هناك مسك جيبه مكان ماهو حاط سلسالها وبهمس: حسبي الله على اللي حال مابيني وبينتس. ركبو السياره واتجهو للبيت جدهم عمر : فيصل مرسل انه مشى للدوامه مستدعينه سلطان: الله يحميه ويسر له _____ مر يومهم عادي من غير شي يذكر غير شغل ياسر وتجهيز اغصان لدوامها اللي يبدا بعد يومين _________ |بقرى الجنوب | العصر جالس بالمحل وهو فاتح الخشه بفرحه ويبيع ومستانس عكس سياف اللي جالس على الكرسي ومتطلم ذبحته ريحة هالاشعاب يحس ثابته فيه من كثر ماشمها معاذ: وش فيه الشيخ سياف متقرف سياف: بالله لاتتكلم معي تراها واصله معاذ: احمد ربك احد يوظفك وتكسب فلوس سياف: انت وش دخلك الحين انا اعترضت قلت شي ولا بس بتناشبني معاذ: لاني مناشبك ولاشي بس افتح هالكشره وجمل اخلاقك صدقني ربي بيرزقك بدل هالتشاؤم وضيقة الخلق اللي فيك سياف: عمي جاء اليوم بعد ماطلع وقلت له ينتبه لمتعب معاذ: جزاك خيير .. ياخي متعب غريب اطوار وش تتوقع قصته امس كله وهو يهذي مافهمت منه شي وبعدين ليش يلاحقونه ويبون يخطفونه وكيف يصير الحادث وتختفي الاوراق وكل شي يثبت انه له اسم واصل واهل من تتوقع له مصلحه سياف: وانا وش دراني بس اكيد حاقديين عليه .. المهم انا بطلع خلاص تعبت معاذ: مر على ابو النجلاء حرام شايب ضغيف ماحوله احد شف ناقصه شي محتاج شي سياف: ياربي من المصلح الاجتماعي اللي ربي بلاني فيه وانت وش دخلك بالناس ماباقي الا تقولي جمع شيبان القريه عندك معاذ ب ابتسامه: ممكن اسويها ترا سياف: على قولة الوالده ابو قلب رهيف ..يلا سلام طلع بحزن وهو يحسب خطواته ويحاول مايضيع بيت ابو النجلاء اما معاذ ضاق خلقه وهو يلعب ب البهارات وبضيق: عسى الله يرحمكم بواسع رحمته غافلته دمعه نزلت تنبه ان الحزن بصدره ماانتهى وذكرياتهم عالقه بذهنه وقف اول مادخلت عجوز تستند بعصاتها ومعها ولدها صغير وقف وهو يساعدها ويحط لها من اللي تبيه اما سياف استغرب وهو يشوف السيارات عندده واطفال صغار مسك واحد من العيال: من عند ابو النجلاء الولد بفرحه: النجلاء وخوالها جاين اليوم عند خالي وبيجلسون لين الاحد سياف: هاه الله يهينهم توجه لبيته وهو سرحان هذا الشايب له من يتذكره ويجيه يزوره بس كيف يقضي ايامه لوحده من غيرهم هم يالشباب ضايقه اخلاقهم كيف هالشايب _________ بعد المغرب وصل حايل وهو يطلب تاكسي انتظر دقايق ثم ركب السياره واتجه للفندق دخل وهو يطلع فتح الباب بمفتاحه وهو يدخل راقب السكون اللي صار استغرب حيل اتجه لغرفة دنيا ولقاها مفتوحه بس استحى عقب ماشفها نايمه بحضن ساره وساره بعد نايمه صد بوجهه على طول وهو مستحي انه شاف ساره من غير حجاب اتجه لغرفتها وهو عارف انها مقفلتها دق على جوالها ردت وبصوت كله نوم : من سعود: افتحي الباب بسرعه فزت وهي تفتح الباب طالعها وشعرها الطويل مبعثر بطريقه جدا جميله ولايقه عليها تأمل لابسها بجامه ناعمه ابتسم وهو يدخل ويسكر الباب ماهتمت وهي تتجه تنسدح على السرير اما هو دخل يبدل وبعد فتره طلع وشافها نايمه ابتسم بحب وهو يتجهه لها ويحب راسها وبهمس داخلي وهو يتأملها : يوصيني عليتس ومايدري انتس روحي ياغموضي ياغموض سعود ولياليه ياغموض حزنه وياخيباته اللي كلما ابعد يرجع لك انا رجل الغياب ورجل الغموض انا اللي كره هالديره ومن سكنتيها حبيتها عجزت اقوا فراقتس ساعات وبهمس افصح فيه: "وإن نامت عيونـها ، ماعاد لي بتالي الليل حاجه"💛 غمض عيونه من فضفضت قلبه وشاعريته دنق وهو يحب خدها ويغطيها وهو اتجه للكنبه ونام عليها من غير غطا ولا مخده _____________________ اعتذر عن التأخير وقراءه ممتعه وتوقعاتكم للجاي |
رد: ومالي بدجئ العاشقين ملاذ! بقلم/غسق آلليلh
البارت(23) ' 'ملامحكِ جميلة وحزينة في آنٍ واحد تبدو مثل هدنة سلام في منتصف حرب' . . بعد مرور يوم خالي من الاحداث الصباح في الرياض: جالسه بصمت وعيونها تتبع اصغر تفاصيله من لبسه للروب الابيض لين شنطته الصغيره عيونها الحزينه قلبها ليه مو راضي يتمطن بوجوده خايفه بعد بر الامان تطيح بقاع الخوف التفت لها بحب : كيف شكلي اغصان بهدوء معتاد: حلو ياسر: طيب محتاجه شي اغصان وهي تضم شفايفهاا: لا ياسر: مافي غير لاا يعني كذا مع السلامه بحفظ ربي استودعتك الله ولا ماهي بقاموسك بعد اغصان وهي تلف عنه ب احراج: طيب بحفظ الله ياسر باس جبينها: الله يحفظك اي شي يصير ارسلي لي وترا بكره بسوي عشاء بسيط بس شكليات قدام الناس اننا تزوجنا اغصان: طيب طلع بهدوء وهوي يودعها سكر باب الشقه معه وهو يبتسم بحزن علاقته فيها على قد ماتمنها الا انها بارده وخاليه من الحب اللي كان يتوقعه شخصيتها جداً هاديه وبارده وذا جالس يذبحه هو بطبعه شخص يحب المزح والضحك يحب يخلق جو من الهدوء بس هي همس بشفقه: ماعليه ياسر البنت مريضه بعدين بتبين معك ومشى لسيارته عندها طالعته لين طلع من الشقه وبحزن عارم: بتتخلى عني صدقني احساسي ماعمره خاب انا مو عارفه ليه عاجزه اتقبلك ممكن لانك من ولد الجازي! او ممكن الكئابه انتصرت علي وقفت وهي تعدل ثوبها العادي اتجهت للمطبخ وهي تصلح لها فطور دق جوالها برقم غريب اتجهت للصاله وهي تاخده ب استغراب اغصان: الو الجازي: حسبي الله عليك فرحانه الحين يابنت امك عقب مافرقتي بين الام ولدها الله ياخدك قولي امين بس صدقيني ي اغصانوه ماتفرحين بوليدي وانا الجازي والله لانكد عليك حياتك طنشت كلامها وقفلت الجوال بوجه خالي من التعبير: بتنكدها اكثر مو منكده بعد ضحكت بسخريه على حظها من يفهمهم انها ماتبي شي غير الاماااان والاستقرار تبي حياه هاديه بس ذا اللي تبيه الجازي بغضب: شوفي الكلبه قفلته بوجهي انا يتسكر الجوال بوجهي مشاعل وبحضنها المخده وبضحك: تستاهلين الحين وش تبين فيها خليها مصير ولدك يرجع لك وب اسهل الطرق الجازي : وكيف يرجع لي ان شاءالله وهذي عنده انتي ماتشوفينه من طاريها يعتسف مشاعل بهمس: خلي موضوعه علي وبجيبه لك برسم الخدمه الجازي: وش اقتراحك مشاعل بخبث: بعدين بعدين اعلمك بس اتاكدلك من شغله الجازي طالعتها بضيق وصدت وهي تطقطق بجوالها: هييين يا ياسر _______ الدمام بيت ام ماجد بمجلس الرجال خصوصاً عناد وهو من امس مانام عقب الترند طالع اخوانه حوالينه وعيال خاله تنهد وهو يفتح زرار بدلته: انا اللي عندي قلته دنيا لا شوف احد مقرب لها او يتدخل فيها سيف بغضب: انت خبيل من قالك احد بيقرب لها ندري ان هالشي من تحت راسك انت وشغلك اللي مدري متى بنرتاح كل هالسنين ساكتين والحين قضيه ورا قضيه انت وش سالفتك خسرنا ماجد وبعده غازي والحين دنيا الدور الجاي على منو امي ولا انا غازي وهو متضايق: خلاص ياسيف موضوع وانحل وان شاءالله مو صاير شي بعدين تعرف وظيفته حساسه مناف وهو مدنق وايدينه على راسه: زوجوها وافتكو من فضيحتها التفت له عناد بنظره حاده قرصه اخوه ذعار غازي: وليش ان شاءالله وش مسويه علشان نزوجها بعدين هذي تاج راسك فاهم رائد وهو يشوف الجو متكهرب: خلاص ياشباب موضوع وصار والحمدالله انتهى عناد وهو يوقف: اللي عندي وقلته انا بكره اباشر بالرياض ابيكم تقنعون امي لانها مو راضيه طلع من المجلس وهو ضايق ركب سيارته واتجه للمركز وصل ودخل وهو يلقي التحيه ثم اتجه للمكتب وهو يجمع اغراضه دخل عيسى ؛ صباح الخير عناد من غير مايطالع فيه: صباح النور عيسى: مارديت لي خبر على خطبتي عناد: مالك نصيب عندنا عيسى ب استغراب: لحقت تاخذ راي البنت ترا انا راضي اخذها يعني احمد ربك من بياخذها عقب انتشار صورها ولا قاطعه وهو يطلع مسدسه بغضب ويحطه براسه : اقسم بالله العظيم كلمه زياده لا اكون مفرغ هالرصاص براسك الف من يتمناها ولا وقفت حياتها عليك وانت بكامل قواك العقليه اني بزوج اختي لشخص مثلك دفه وهو يبعد عنه ويدخل سلاحه بغضب اخذ اغراضه وطلع من غير لايسمع رده اما عيسى جمدت اطرافه وهو يحس بالسلاح على راسه هنا جد حس انه زودها هو شره لسانه يقط الكلام ولا يحسب له حساب ابداً مسح على رقبته برعب وهو يشوفه يطلع للحظه كان بيخسر حياته وقف وهو يرجع لمكتبه __________ حايل وتحديداً بيت الجد جالسين بصمت حوالين نوف يحاولون يغيرون جوها سلطانه بهبالها وقفت اقول عاد قومي يلا بنسوي جلسه ورا البيت نوف بيأس رمقتها : هه علشان سعود والعيال يصلون عليس سلطانه : وش علينا منهم طيب ياستي ماتبين نطلع نروح للسطح مو انتي مهبله فينا بتزينيه القي عليه نظره وشوفيه نوف: ساره وينها ريم بحزن : مع عمتي تحت نايمين عند جدتي سلطانه: تدرون بنات والله اني مستانسه ان ساره وعمتي وسما يسكنون عندنا نوف لوت شفايفها: من بعد البيت عاد ريما: قوموا اشوف خلونا نطلع ننفه عن انفسنا وترا القهوه والحلا كل شي جاهز وترا ريونه تطلع اليوم العصر وجدتي محلفه تشمشمنا قبل نطلع لها علشان العطر مو زين لها ضحكو وهم يتخلون جدتهم تسوي حمله عليهم نوف : عاد يويلكم من امي لاحطت شي براسها فتحت الباب وهي تشوف الممر فاضي نوف: الطريق امان مشو بجنب بعض وهم يتجهون للسطح اما ريما وسلطانه نزلون يجيبون الفرشه والقهوه والحلا فوق اتجهت وهي حاسه بالراحه تتسلسل لقلبها من المنظر وش احلى من هالصباح يالله احسني من صدز ارتحت نفخت شفايفها وهي توقف على كرتون وتمد رقبتها وتشوف اللي تحت ضحكت وهي تراقب العيال اللي ابوها مخليهم يطلعون فرش المجالس والكنب ويغسلون وكل واحد ماله خلق للثاني وبسرعه نادات للبنات : الحقو لايطوفوكم اشكالهم سلطانه وهي تدخل وتفرش وبغضب: انتن هيي انزلن اشوف حريم وش كبركن تنططن افرضن احد شافكم والله لايغسلون شراعكم عمامي خلود: الله الله وش فيتس معصبه طيب دخلو منى ومنايا وبفرحه: ههااااايييييي سلطانه: ياهلا ياهلا تو مانور النور والصبح وكل شي منى: هههههههههههههههه وش هالكلام بعدين برج المراقبه وش عندهم سلطانه: من راقب الناس مات هماً نزلوا نوف وريم وغاده ورغد وجلسوا بهدوء سلطانه: الحين عاد نزل عليهم الوحي منى: ماعليتس فيهم ياختي الله بكره يحاسبهم سلطانه: لبى مناوي ياناس جلسو كل وحده تقول لها سالفه فاجائهم دخول عمهم عبدالله وقفوا يسلمون عليه جلس وهو يقول لنوف: مبروك الملكه وانا اخوتس نوف بحيا وهي تقهويه: الله يبارك فيك يارب وعقبال بناتك غاده بضحك: يوه مطول ابوي الغالي على مايفرح فيني عبدالله بهدوء ومعروف عنه انه مايحب المزح كثير: لايكثر بس وقصرو اصواتكن صوت الضحك واصل عندنا عيال عمكم تحت عند جدتكم البنات: ابشر وقف وهو ينبهم يقصرن من اصواتهن راقبت خروجه وبمزح: ياختي عمي هذا ثقييل خلود: حبيبتي ياحظ الثقل بس طالعوها بنظرات نوف: اقول وش ناوين نسوي بتخرجنا ريما: نبي نسوي حفله اكييد بنات سلطانه بهدوء: معليش انا معارضه انا قايله لابوي بدال لايحط بالحفله والخرابيط يبني لي مسجد ب حدا دول افريقيا ولايتبرع وابوي وافقني الفكره واستانس بعد وبوصي كل اللي اعرفه مايجبون لي هديه ولا غيره لاتخرج من الجامعه ذيك الساعه يشدون حيلهم طالعوها بنظرات استعلاء مو عاجبتهم فكرتها سلطانه طنشت نظراتهم وفتحت جوالها وبدت تصور الجلسه وتكتب كلام عليها ريما تهمس ل نوف: كل هذا بخل ماخبرت عمي ابو سلطان بخييل نوف : مو بخل انتي تعرفين سلطانه ماتحب الخرابيط وهي شوي مدينه وبالعكس فكرتها حلوه خاصه اني ماقدر احتفل علشان زواجي مو باقي عليه شي صرخت ريم بنات شوفو مدت جوالها لنوف : مو هذا ريان ومعه فارس ومسوين بث اخذت الجوال وقلبها بدا يرجف وهي تقرا التعليقات كيف ريان مستحي ويغطي وجهه ولا يقرا بعكس الاخر اللي جالس يسولف عادي وياخد ويعطي بدت ايدينها ترجف حذفت الجوال حست نفسها بترجع مسكت نفسها وهي تهمس: قلعتهم طالعو وجهها اللي قلب للاصفر عقب ماكانت تسولف وتضحك دقايق بس وهي تقوم بعد م اشتد عليها وجع بطنها واحساسها بترجيع زاد نزلت على طول صادفها خالد ناداها ماردت دخلت غرفتها وعلى الحمام دخل وراها منخرع عليها من شافها تركض خالد: نوف نوف وش فيك نوف وهي بالحمام: مافييني شي غسلت وجهها بضيق وطلعت له خالد وهو يجلس على السرير ينتظرها دخلت سلطانه مانتبهت له وهي تمشي لنوف: يابنت وش فتس تعوذي من ابليس كل الشباب كذا فتره وتعدي خالد: وش صاير سلطانه ب احراج: هلا عمي خالد : هلابتس اشر على نوف اللي وجهها احمر ودموع بعينها:: وش صاير لها سلطانه ب ارتباك: ولاشي سوالف بنات طالعهم بغضب : فارس صح سلطانه: لا وش دخله خالد: لان كل الخلق مرسلين لي مقاطعه بس انا اعلمه شغله والله لا اخليه ينطر بدال الشهرين سنتين واخليه بنفسه يجي ويأجل عرسه طلعت وانا منقهر من قعدت من النوم واخوياني يرسلوني مقاطع من سوالفه انصدمت بفكره واسلوبه نزلت وانا اشوف الشباب كلهم طايحين بجنب بعض بصاله وامي قدامها قهوتها وتضحك عليهم وسلطان بحضنها دخلت وانا اسلم وبغضب:سلطان قم عن رجلين امي ام عبدالعزيز:هو وش فيك على وليدي خله يتبطح كييفه سلطان حرك حواجبه لعمه يقهره خالد:مابكم طب ياعيال وافي عمر :ههههههههههه خاصه هذا اغسل يدك منه خالد وهو ياخذ الفنجال من امه : الا وش فيكم اشكالكم رايحه فيها راكان:ولد عمنا الغثيث شيش جدي علينا وقام علينا ومع صيحة الديك جلس يقعدنا بعصاته وصلينا ورجعنا بنام وقومنا ونفض كل المجالس هو وسعود وخلونا نغسل الفرش والكنب من زود الاشتطاط قال اكنسو الحوطه خالد:هههههههههههههه كفو والله مجدي بكم عاد ابوي وسعود اجتمعو اوه من بكره يبدا الكرف سعود وهو يدخل وثوبه على خصره وشماغه عاصبه وعليه فروة جده ومعه عصا نزل حذيانه اكرم القارئ:ايه الكرف زين ذبحتهم اللبده بس نايمين ولا على هالبليه ماعاد نشوفهم ليث طالعه بنظرات وصد وريان نفس الحكايه ياعليه برود ياجلطط جالس ويتمسخر علينا ولا كأننا زعلانين عليه صدز من سماه جلمود لا والله اجمد بعد خالد بهمس لسعود: شفت فارس سعود: ايه توه جاء مع ريان ثم جلسو بسياره وتوه راح من عندنا خالد بتفكير لو قال لسعود بيعصب : ولاشي بس كنت ابيه بموضوع وبسؤال بنت عبدالعزيز وش صار عليها سعود : ماصار شي بالدمام عند خوالي طالعه بنظرات : بس اللي اعرفه انها بحايل ومعها خالتك بعد سعود مارد وهو يلعب بالفنجال وكردة فعل حذف الفنجال ب الجدار فزو بغضب: وش فيك صاحي انت الحمدالله والشكر سعود ببرود: وش فيكم هدوا ترا فنجال وانكسر جدته: فداك يالغالي فداك سعود وهو يحب ايدها : افداتس انا وبهدوء لجدته: ماعليه ياجده مضغوط شوي وقلت احذف الفنجال افرغ غضبي قبل لا ابتلي فيهم سلطان عض شفته ماسك نفسه طالعو العيال بعض وهم يتصبرون من فجر الله مستلمهم وفوق كذا مو شايفهم شي ولا بركان اللي عصب وبصوت عالي: عيال انا والله مستغرب شايفين تطور منفوحه ماشاءالله عقب الهياته بالبران والركض ورا الغنم صارت مكمل كلامه ولا بعقال من ابوه طاير وقفو بسرعه وهم معصبيت على الاخر خالد بغضب: هذا ولد عمك الكبير تحترمه غصبن عن خشمك انت واللي معك لو يوقفكم على ساق وحده ماتحتسون مابقى الا عيال امس ابتسم ببرود طالع عمه اللي يتنفس بغضب : ماعليه يابو راكان مسموح هالمره علشان خاطري ام عبدالعزيز: خلاص ياوليدي وانت ياراكان عيب عليك مارد وهو يطلع ووراه العيال اما سعود وقف بعدهم وبهدوء: يلا عن اذنكم بطلع خالد وهو يوقف معه: يلا وانا بعد وراي مشوار ام عبدالعزيز: ياوليدي مر على ابوك اليوم كله ماشفك بعدين شوف موضوع اخيتك ام فيصل طلع سعود وهو يتفقد اغراضه زفر بضيق وهو يسمع صوت ابوه وترحيب عمامه حاول بجاهد انه يبتسم تقدم وهو يحب راسه وبصمت ازاحه عنه وكأن هاالرفض اشعل قلب سعود من جديد ابعد عنه وهو يمشي لجده ويدنق عليه ويهمس له انه بيروح العزبه وقف بعد ماوافق جده طلع بهدوء وهو يحسب خطواته من الضيق حط ايده على كتفه نزلها بسرعه وعدل فروته من حس ب احد خلفه وبمهاره تعلمها لف بسرعه وهو يلوي ايد لييث ليث بعصبيه: هيه وش فيك مو صاحي سعود وهو اول مره يبتسم وهو يشوف ليث منخرش من حركته: اهدا ..تقدم منه وهو ينفض ثوبه : بس حبيت اختبر قوتك وللاسف فشلت فشل ذريييع ياخوي تعداه وهو يمشي ومبتسم وهو يسمع ليث يسبه الحين يقدر يرتاح بعد مانرفز ليث وطلعه عن طوره ركب سيارته وهو ناوي يشيك على المزرعه علشان يجيب البنات لها بليل بالشقه مريحه جسمها على الكرسي بعد كلام سعود لها ابتسمت بسخريه عناد يدافع عنها وغازي يتحدا احد يتكلم عليها وسيف اه من سيف اللي توقعت بيقوم الدنيا عليها طلع العكس بس ماعادت تنفع ي اخواني انا صرت اشوف نفسي عار عليكم كيف الالوان تساوت عندي والحياة اصبحت سوداء بنسبه لي انا لو مالي ايد بالموضوع كافي ان القاصي والداني شافني وكم واحد الحين حافظ صورتي ولا كم من شافها نزلت دموعها بقهر ياويلهم من الله ياويلهم كشفوا وجهي وفضحوني وفضحو اهلي حسبي الله عليكم واحد واحد حسبي الله انهارت قوتها امام حديث نفسها وضميرها انهارت اخر حصونها وجسدها بدا يرجف برعب وخوف من الجاي والاهم كيف تقابل ربها وهي تحس روحها مالها اي قيمه بالحياه دام الغُرب كشفو عليها حطت ايدها على وجهها تكتم بكاها ____ بغرفة ساره جالسه على سريررها وهي تشوف امها متنسده وبتنام ووجهها تعبان وواضح باكيه غموض بغضب : بعرف وش قالتس يوم وجهك يصير اصفر ومعدل نبضاتك خف وش قالك ساره بقمة حزنها ضحكت: ههههه قالتس زين واضح اثر فيتس هالسعود غموض رفعت عيونها: ساروه لاتحاولين تضيعين الموضوع ساره: يوه انتي ازعجتيني اطلعي بس وسكري الباب بنااااام غموض بزعل: بطلع بس والله ماكلمك لين تعلميني ولاتحسبيني بطول بسكوتي عن جولاتي وعن خالي ماراح يطول سكوتي ساره بتطيش: يوهه زوجك وينه عنك بس يشغلك عني غموض طالعتها بصمت يعلم الله اني اعرف هالنظره واعرف العيون وقارئه جيده لنظراتك ي امي عارفه ان خالي بمصيبه وعارفه ان سعود مدته لين المصيبه والمصيبه اني بين ناره وناركم بس ورب البيت لو طلع اللي حللته بعقلي صح والله لا اعلمكم مني غموض ساره تطالع لها مكان ماهي سرحانه ومثبته نظراتها: بنت غموض افاقت من سرحانها وطلعت من غير لاتتكلم رجعت غرفتها وهي تشوف ثوبه امالت شفتها بضيق وهي تتذكر احداث هاليوم صحى على اذان الفجر طالعت له وانا جالسه على السرير ومطفيه المكيف مدري متى صحى وشغله تعداني من غير لاينطق شويات وطلع وبدل لبسه بثوب اسود وشماغ عاصبه على راسه وقف عند الباب ولف علي وبصوت يوصل لي ونبره جدا حاده: بسم الله الرحمن الرحيم"فَوَيْلٌ لِلْمُصَلِّينَ (4) الَّذِينَ هُمْ عَنْ صَلَاتِهِمْ سَاهُونَ" عمرتس لاتأخرين صلاتس لاي سبب لانه بنظري كل اسباب العال تافه قدام الصلاه وفروضتس ....وطلع قلبي وقتها جلس يرجف من قوة كلامه والله اني متوضيه وجالسه بس كنت استناه يخلص بكلمه بس شاطفني عضيت شفتي وانا اقوم البس عباتي وشيليتي وفرش سجادتي واصلي سلمت وانا افكر بكلامه رجعت العبايه والسجاده طالعت لبسي زين لابسه ثوب قطني ميدي ساده الا من ورود خفيفه من عند الكم وشعري رافعته ذيل حصان حطيت قلوس خفيف وطلعت ورحت لامي اللي جلست وتصلح فطور هي ودنيا دخل سعود وبهمس نادا لامي ودخلها الغرفه وسكر الباب الفضول قتلني ليش ينادي امي لحالها وليش يسكر الباب وش فيه مرت دقيقن ودقيقتين لين صارت نص ساعه وبعدها طلعت امي وهي تبكي وراحت غرفتها وقفلتها توجهت له بغضب وهو جالس على الكنب وبكل برود يلعب بسبحته سحبت سبحته مدري منين جتني هالقوه وبغضب: مين مفكر نفسك تبكي امي هاه من ضربته من كتفه صد بوجه وهو مغمض عيونه وتكلم وهو شاد على نفس وبهمس بارد: شفتي الباب اللي جيتي منه اطلعي لانتس ماراح تاخذين مني لاحق ولاباطل عصبت اكثر وانا اشوف نظراته البارده: اشك ان عندك قلب ولا هذا قلب انسان صاحي بس مالومك مشتت من عمرك سنه وش بتطلع اكيد كتله بارده وتشوف الناس كلمهم من منطق ضيق واحد وبسؤال غريب: يعني مانتي حابه هالمشتت ولا نتي اهله غموض ارتبكت من نظرته حسيت بنظرته تقول عكس مايقول وملامحه الباهته تنتظر مني جواب: لاتنتظر مني رد وانت عارف باللي صار كله سعود: وش صار غموض : اختفى خالي بكي امي زواجي كل هذا ب اقل من يوم وجاي تقول لي تحبيني احبك ليش انا غموض الفهد عارف مني غموض شهادتي وفكري ومستواي مايتقارن بشخص يأمرون عليه وشغيل عند غيره و سعود وهو يشهر بمراره : اسكتي قطع هالصوت وهالحتسي صدز ماتعرفين تسولفين وقف وهو يطالع لها بنظرات غريبه وبهمس: غموض عبدالعزيز عبدالعزيز مو فهد يابنت امتس بعدها عنها بتقرف : كل يوم اكتشف فيتس شي يخليني اندم مليون مره اني سعيت لتس بيوم وفكرت فيتس دفها وهو يتعداها طالعت ظهره بندم بس يستاهل ليش يبكي امي طالعت بحزن سبحته واخذتها ضميتها لصدري وريحة العود فيها غمضت بضيق ماقلت هالكلام الا علشان اثبت لنفسي اني مابديت امييل له _____بالمزرعه جالس وسرحان بنافوره ابتسم بخذلان كلامها للحين يتردد علي مو شايفتني شي ولا معجبها انا بس مو انا اللي يلتفت لمقفي والله لا اعلمتس ياغموض كيف تموتين من غيضتس وصدي والله لا اذوقتس جفاي واخليتس تبتسين دم بدال دموع حط يده على قلبه :يعين الله قليبك ياولد نويصر نفض تراب عن ثوبه وهو يرسل لحمد يبدا بتدريب ذيب بعد م اعلن موافقته تأمل المزرعه كل شي كامل فيها من اثاث لين اصغر شي ابتسم :يملا العافيه يابو مزن طلع جواله وهو يدق على دنيا ثواني وردت بصوت مبحوح: هلا سعود: هلابتس وبنبرة حنيه : ليه البتسي دنيا: مابكيت سعود: ياعيون سعود والله انتس باتسيه دنيا بحزن: سعود من بيرضى فيني اهلي لو رضوا بقلوبهم غصه امي اللي مخبين عنها لو درت وش ردة فعلها وانت تعرف ام محيسن والله لاتدق عليها وتنشر خبري سعود: انا وش قلت لتس بستس حزن وامسحي دموعتس والله يادنيا ان دموعتس ماتنزل على شي تافه وانحمى وبعدين جدتي خليها علي انا اتفاهم معها وام محيسن هذي بلقى لها دبره بس واللي يرحم ابوتس لاتبتيسن ترا دموعتس غاليه عندي ويلا تجهزوا بجيكم ونروح لمكان يوسع خاطرتس وفيه كل شي تحبينه ابتسمت مابين حزنها: ان شاءالله على طرف بابها واقفه وهي سامعه كل كلامه لان دنيا حاطته سبيكر دنقت راسها وهي ترجع لغرفتها حطت ايدينها على قلبها انا شعلي فيهم انا ليش انقهر كيفه لعنته يهتم فيها مايهتم كيفه حست بغصتها ودموعها اللي ملت عيونها كثر ماتمنت ابوها كثر الحين ماكرهته لما خلا غيره يهتم فيها وناسي وجودها وقفت وهي تحط ترجع كذا قطعه لشنطتها وتسكرها زين اتجهت وهي تاخذ دفترها حضنته وهي بالها بحكي مايطلع الا هنا دخلت دنيا وهي تناديها وبهدوء: تجهزي سعود جاي وطلعت طقت الباب على ساره وقالت لها التفت لباب غموض للحين ماطلعت ولاردت عليها تستغرب برود هالانسانه ونظراتها امها اشوا منها اخذ واعطي معها اما هي رسميه بزياده وكأنها تقول ابعدي عني ولا تكلميني وتتدخلييين استغرب كثير من سعود كيف تزوجها وهي بعمري لاكان انا اكبر منها بسنه بس صدق انها بالشكل جداً اصغر مني بس جميله ماشاءالله مالومه لمن اخذها حتى امها ماشاءالله تبارك الله ماكأن عمرها كبير ودكتوره بعذر عم سعود اصلا مدري كيف يترك هالزين كله وياخذ شينة الحلايا سعاد اكرهها عقب ماجيتهم مره وانا صغيره وضربتني علشان بنتها بس بجد ذيك ملامحها عاديه عكس ساره ساره غيير بس غموض فيها من ساره بس عيونها ابداً مو على ساره عيونها حاده ورموشها كثيفه مشيت لغرفتي وانا اتجهز بسرعه خايفه من اني التقي ب اخواني وامي مع اني اشتقت لهم كثييير مرت نص ساعه ولا سعود يدخل وبصوت عالي: يلا وينكم طلعو من غرفهم وكل وحده معها شنطتها نادا الهندي يشيل الاغراض ومشى ومشو وراه التفت لغموض واشر لها تغطي عيونها طنشته وهي تصير بجنب امها وتدفن ايديينها بكفوف امها ارتفع حاجبه بغضب وبصوت اشبه بالحاد: غطي عيونتس يابنت لا والله اوريتس شغلتس دنيا انرعبت من صوته وكلامه ساره بغضب: مالك شغل فيها وعيونها مغطيه وقدامي بعد تهددها سعود : انتي وليتني امرها وخالي سلمني الخيط والمخيط وانا زوجها وبذمتي مال لاحد شغل بيني وبينها وبتشديد ياعممه ساره: العلم جاك مالك شغل فيها ياسعود سعود بسخريه: عمه لاتخليني احطها براسي والله لا تصبح ولا هي عند ابوها وعمامها وانتي عارفه كلمتي غموض وهي تشد على يد امها : ورني كيف بتغصبني تجاهلها وهو يركب السياره وركبو ورا بس دنيا تقدمت لقدام وهي تلمح سعود اللي وجهه خالي من التعبير ونظراته على الشارع مدت ايدينها بربكه لسعود التفت لها وهو يبتسم وبهمس: بخير ماعليتس دنيا : لاتتضايق سعود : ان شاءالله مافات عن غموض حركاتههم عضت شفتها بقهر والدموع حالفه ماتنزل مالت على امها وهي تدفن راسها بحضنها ذبحني يايمه ببروده وتناقضاته ذبحني بتحكمه وقوانينه وحنيته لغيري ليش مو انا دنيا ليش اتمنى اني اكون بدالها تنهدت بضيق وهي تغمض عيونها بتهرب من حزنها بتنام حرك وهو متوجه للمزرعه ______ في رأسي مدينة لا تكفّ عن الضجيج . متعب بحزن: بس خلاص تعبت والله تعبت تساند على العصى وهو يوقف ب ألم صحيح معاذ صار قريب منه بس انسان بلاهويه بلا ذكريات بلا اسم يتعبه هالشي يتعبه والاحداث اللي تمر عليه متعبته زياده شد على ذرعه من فوق الجبيره بضيييق يحس الضيق انتصر منه يحس نفسه عاله عليهم يشوفهم كيف مجتهدين ويشتغلون ويجون اخر الليل ينامون اما هو بس منسدح ولا جالس فز على مسكت سياف لذراعه: بسم الله وش فيك متعب : ولا شي سياف: اسمعني اليوم بنروح المستوصف اللي بالقريه توسط لنا الشايب بنشوف الجبيره ورجولك اكيد محتاج علاج طبيعي بعد مايفكونها متعب: وكيف من بيعالجني سياف: انا انا بعالجك متعب: هههههههههه انت لا والله فكني منك معاذ ومعه صحن الفطور : سياف افرش الفرشه بسرعه سياف فرش الفرشه وهو يساعد متعب يجلس: ايه اليوم الفطور بالحوش لعيون متعب معاذ: يامر متعب متعب ب ابتسامه: تدرون من حسنات الحادث ونعمته معرفتكم والله انكم تنحطون على الجرح يبرا معاذ ب ابتسامه: وانت معرفتك اكبر شرف لنا متعب : عارف لو كشفوكم الشرطه بتروحون فيها فعلشان كذا من اتعافى بروح بحال سبيلي سياف وجهه قلب وهو اللي حس براحه: تهبى يامتعب تهبى معاذ : تعوذ مر ابليس تتركنا ليش متعب: مابي اسبب لكم مشاكل سياف وهو يبعد الصحن ويوقف ويطلع من غير لايرد عليه طالعه معاذ: ترا سياف مهما كان ساكت الا انه اكثر شخص يحبك وشاف فيك الاخ الكبير تراه كان من بعد وفاة اهلنا انطوائي كثييير من جيت انت تغير وبدا يقتنع ويشوف الحياه الله يخليك لاتخليه ينعزل مره ثانيه ودامه عرض عليك يدربك ويعالجك خله يعالجك ترا حنا كنا طلاب طب وتوظفنا ممرضين وكلنا تخصصنا علاج طبيعي يعني ماعليك خوف متعب: زين يامعاذ روح شوفه وجيبه معاذ: خله يطلع وبيرجع من حاله سكتو وكل واحد نفسه منسده عن الاكل سياف اللي طلع يتمشى بضيق شاف ابو النجلاء طالع ومعه ولد صغير توجه له وهو يسلم عليه ابو النجلاء: ياهلا وين اخيك سياف: جالس عند اخوي التعبان ابو النجلاء: الله يقومه بالسلامه اجل تروح معي لسوق الغنم سياف طالعه وبتفيكر : تم يلا مشينا ومشى معه وهو مبتسم صدق مايبلع هالشايب بس يرحمه حييل ______ خالد بغضب لفايز: اقول فايز عقل ولدك فتح جواله وهو يحذفه شف شف خرابيطه هذا واحد ينزوج فايز: انت وش فيك مشتب ترا عادي هذولا الشباب مانت شايف اللي حولك ولا مانت عارف للهبرامج خالد : لا ماعرفها ولا ابي اعرفها بس نعرف الاخلاق وكيف الشخص يعكس تربيته انت بنفسك شف واحكم فايز: ترا مو بس ولدي شف ريان بعد معه خالد: ريان طول المقطع وهو يتصدد ولا رد على احد وغير كذا بزر ريان ودايم اقول لراكان يدخل ويشوف لي حساباتهم مافي احد تجراء سواء مثل ولدك مسوي نفسه شخصيه ومشهور يبي ينشهر على عيني وراسي بس مو بهالطريقه جالس يسيء لأسمنا واسمح لي مو كفو زواج عقله يافايز وزواج ماراح يتم الا لين يتسنع ويتوظف لانك عارف ان ماهو حول دراسه فايز : زين ياخالد بجلس اليوم معه واشوف طلع خالد وهو مرتاح نسبياً اما فايز توجهه للمجلس مكان ما فارس جالس يلعب بلاستيشن وبغضب : انت متى تعقل وتفك الناس من هبالك كل شوي جايني احد يشتيكي منك انا فايز يجيني خويلد يقولي رب ولدك زين ليه وش قصرت فيه عليك علشان تهيت وتترك دراستك وتلهى بهالبرامج فارس ب استغراب: وش سويت ترا عادي ماشوف سويت شي واو كله سوالف بيني وبين اخوياني ولا هم مو عارفين هالبرامج فايز : اقسم بالله العظيم الحين يتسكر حسابك وتحذف كل شي فيه ياتصير رجال قد الزواج وقد المسؤليه ولا فارس وهو يقاطعه: بتطردني يعني انا ماني بزر يايبه علشان تتحكمون فيني انا رجال وسبحان الله بس انا اللي افتح هالبرامج اذ عيالهم مالهم بهالاشياء ولايمها انا وش دخلني فيهم انا لي خطي ولي حياتي وعاجبتني اني شخص مشهور ومعروف بين هالناس فايز بقهر: الحين تحدد يازواج ياحياتك فارس: يبه فايز : اخلص علي فارس: بكره اعلمك قراري يابو فارس تعداه وهو يطلع بغضب ويتحلطم: وش هالناس كل شي عندهم بالتعقيد وش سويت اصلا خالد من اول يدور الزله علي بس هين والله ماكون فارس ان ماعلمتكم الشغل مالت عليكم وعلى بنتكم ركب سيارته وهو يتوجه لداخل حايل __________ بيت الجد بشقة هدى سحبت اول ثوب طويل بتطريزات خفيفه بلون الابيض والسماوي من الكبت ولبستها وقفت عند المرايه وهي تضيف شوية كونسلر وقلوس اخذت الكريم وبدت تدهن ايدينها لبست ساعتها وخاتمها وبصوت هادي: سعودي يلا قوم سعد وهو يطلع من الحمام: هذا انا قعدت راح لشماعه وهو يلبس ثوبه الشتوي ويلبس شماغه وبحب: شهالزين هدى: بعض مما عندك سعد : ياعيوني والله انك اطلق مني هدى: ههههههههههههههههه سعد وهو يطالع لها بحب: تدرين عاد من قالي ابوي قبل تراك لهدى وانا طاير من الفرحه لاني كنت اتمناتس هدى بحب : وانا فرحتي كانت اعظم سعد : تذكرين ايام النظرات وانتي طالعه من بيتنا لبيتكم من عقبها تولع قلبي بتس هدى: لاتبالغ هههههههههه سعد : اقول عطيتس وجه يلا عجلي بنزل معتس وترا بنتغدا برا بس اجلسي شوي عند اميمتي وبعدها من ادق تطلعين هدى: زين ياروحي انتبه لنفسك سعد وهو يتقدم ويحب جبينها ويمسك ايدينها: ابشري يلا ومشوا مع بعض لتحت نزلو وهي لابسه شرشفها ومتغطيه دخل وهو يتنحنح ولا بنوره: حياك مامن احد دخلو وهم يجلسون وبدت ساره تقهويهم دخلت سلطانه: هلا هلا بالحب والله هدى: هلابتس ياقلبي سعد: انا مدري وش لايقه بهذي واشر على سلطانه وبهمس انتظري اربع دقايق ويجون جنونها وفعلاً شوي ولا دخلو ريم وريما وخلود وغاده ومنى ومنايا ورغد سعد وهو يضحك: اكتملت الشله ياهلا والله غاده: وينك ماتنشاف سعد وهو يصغر عيونه: وينتس انتي ماتنشافين بعدين بسم الله ماشاءالله متى صرتي طولي غاده: اذكر الله لاتنحتني ابتسم : على وش مالت بس ضحكو عليه وعلى ملامح غاده دقايق وقام وهو يحب راس امه ونوره: يلا مع السلامه بروح عند ابوي امه :الله معك ياوليدي دخل مجلس الرجال وهو يسلم جلس بجنب عبدالعزيز ولا بصوت يبغضه جداً: هاه يابو عبدالعزيز متى ناوي تزوج سعد الثانيه ________________ _ استودعتكم الله وقراءه ممتعه وصيام مقبول❤ ____________ |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . البارت(24) . 'و لولا الهوى ما ذل في الأرض عاشـق ولـكن عـزيـز الـعاشـقـيـن ذلـيل.' . العصر ف الرياض انهى عمله بسرعه وطلع صادفه خال اغصان سلم عليه بهدوء: كيف حالك ياسر: بخير خالها : واغصان عساها زينه ياسر بصبر: بخير وعن اذنك عندي اشغال تعداه وهو يتجه لخارج المستشفى توك تسال عن اغصان ولا كأنكم شاركتهم بذبح روحها مسح على وجهه وهو يتصل عليها حرك والابتسامه تعتليه : هلا بهالصوت اغصان بصوت متزن: هلابك ياسر: وش مشتهيه تتغدين اغصان : لاتكلف على نفسك مو مشتهيه شي ياسر: اقول عاد ترا سكت لك الحيين بجيك وبنطلع نتغدا ونتمشى وكل شي تبينه بيصير اغصان: بس بكره داوم ياسر: واذ دوام عادي اغصان: طيب ياسر براحتك ياسر بعتب: براحتي انتي راحتي استوعبي هالكلام انا جاي وتعبان وقرفان من الدوام بس علشان اوانسك واغير جوك بس ولا اقول خليني ساكت نص ساعه وتنزلين سكر الجوال وحذفه يصد عن اللي حواله علشانها يراعي الله فيها كثييير بس هي ماهي اللي انا حبيتها اخذ نفس وهو يردد : أنت النعيم لقلبي و العذاب له فما أمرك في قلبي و أحلاك . و ما عجبي موت المحبين في الهوى و لكن بقاء العاشقين عجيب . لقد دب الهوى لك في فؤادي دبيب دم الحياة إلى عروقي . خليلي فيما عشتما هل رأيتما قتيلا بكى من حب قاتله قبلي ابتسم بهدوء هالابيات كافيه تنسيه همه وقف عند العماره وهو يتصل خمس دقايق بالكثير ونزلت وهي بكامل حشمتها فتحت الباب وركبت وبهدوء: السلام ياسر : وعليكم السلام ايوه ياست اغصان كيفك اغصان: بخير ياسر: طيب وانا اغصان طالعته بصمت طالعها وسكت بعد نظرتها الخاليه من الحياه حرك وهو يتجه لمطعم يحبه كثيير تكلم مثل عادته: تدرين احب هاالمطعم تدرين ليه لاني كنت ما اجيه الا وانا ممتلي حب فيك وبعد سيرتك بعدين تدرين اليوم انكرفت كرف بالدوام لدرجه نرفزني شايب تخيلي فاصل لدرجه سطرني كف لف وجهي لف يقول انا م انسدح واحاول فيه بس ماش اكلت ضرب منه ما اكلته من ابوي الله يرحمه اغصان بهدوء: معليش شايب اكيد بيكون قاسي شوي معكم بس اهم شي طلعت سليم ياسر بضحكاته الصاخبه: لبى الشايب اللي خلاني اسمع حكيك طالعته بطرف عين انتبه لطريقك بس ضحك بقوه : ههههههههههههههههه قصدك انطم يعني اغصان رفعت كتوفها بمدري وبهدوء : ماقلت انطم بس انتبه الطرق زحمه سكت وبكل حب مد ايده لايدينها ومسك كفها وببنبره حنونه: تدرين رغم كل اللي صار الا اني م ازيد الا حب لك مع انيي بحرب مع ناس غاليه علي الا اني انوي الهزيمه معهم والانتصار معك لو تعرفين بس كيف حبك بقلبي رفع كفها وهو يبوسها طالعها : انا م اقول احبك كذا انا اقولها لك علشان احيا بك واعيشك بدل هالعمر عمرين عمر راح يحبك وعمر بيعيشك اغصان ارتجفت شفاتها مع كلامه ونبرته الهاديه اللي وصلت لا اعمق نقطه بقلبها وبهمس : ابي اشاركك هالحياه بس تحرم علي والسبب امك ياسر: امي يابنت الناس انا معك والله معك ماحد بيقدر يضرك وانتي معي اغصان: بس هي دقت وهددتني ياسر جمدت ملامحه وهو يركن سيارته بالموقف اللي قدام المطعم : كيف وتوك تتكلمين اغصان وهي تشاهق: دقت وقالت بتنكد علي حياتي وبتاخذك مني ياسر انا مابي شي والله مابي الا اعيش حياه طبيعيه انت عارف انا وش واجهت وشفت بعينك انا راضيه بكل شي والله راضيه بس ماتنهان كرامتي او يستصغرني احد ياسر والغضب يعتيريه: ماحد مقلل منك بس انا اعلمك فيهم تحرك متوجه لبيتهم بعد ماكان موقف اغصان كتمت بكيتها وهي تشوفه معصب وغير الطريق ياسر وهو يتصل على رنا: اميي وين رنا: وش فيك معصب الناس تسلم اول ياسر بغضب: امي وينها اخلصي علي رنا: عند خوالي سكر جواله وهو يحذفه وصل بيت خواله ونزل غمضت عيونها وهي تشوفه كيف معصب وخلاها بالسياره دخل لداخل وهو مو شايف احد من العصبيه ومطنش جدته اللي تناديه طلع ع طول لفوق فتح باب غرفة مشاعل وبعصبيه وهو يشوفها جالسه ومعها ايبادها : انتي متى تفكين الناس من شرك يابنت الناس اذ عمي مايبيك انا وشدخلني تشيشين امي علي وش دخل اغصان بهالمعمعه هذي كلها مشاعل وهي ترفع حاجبها: ماشاءالله كله هالصراخ علشان هالبزر ياسر؛ بزر او مره مالك دخل عليك مني انا فهمتي اقسم بالله يامشاعل تتعرضينها ياويلك وامي اتركيها عنك على دخلة الجازي : ماشاءالله اشوفك من خذت هالعقربه وانت ماعاد تحترم احد داخل بشرك علينا بعدين من متى ترفع صوتك على خالتك مو عيب عليك ياسر: يمه هالعقربه تكون زوجتتتي زوجتي يايمه وقبلها بنت عمي ووصية ابوي بس الظاهر هذي تارسه راسك عليها الجازي: اسمعني عاد تبي رضاي قد قلتها لك قبل تتطلقها ياسر وهو يتكلم بهدوء : انا ماتزوجتها علشان اطلقها هذا اول شي وانتي عليك مني حق واجب الوصل والبر غيره يايمه لاتتدخلين بحياتي طيب لا انتي ولا هي اشر على مشاعل بغضب اذ بتمشين مع هذي بتخسريني صدقيني وبتخسرين رنا حبيبة قلبك لاتخربين حياتك علشانها ترا لو جاها ما تتمنى والله بتشوف نفسها وتخليك تقدم وهو يحب راسها وانتي امي اللي مستحيل بتركها بس يايمه اغصان امر منتهي من يومني بزر وانتي عارفه هالشي تقبليها وطلع صادف خاله وب ابتسامه اغتصبها: اليوم عشاء زواجي لاتنسى تجي انت واللي يعز عليك خال ياسر: ابشر تعداه وهو يرجع لسيارته : عسى ماطولت عليك اغصان: لا عادي ياسر: الرياض بدت تحر ولا اغصان: مدري مره حر ومره برد ياسر: تبين الرياض بارك اغصان: ماقول لا بس الغداء وينه ياسر: ماعليك بغديك بعد طالعته ب ابتسامه تأملت ملامحه بهدوء : ترا ابتسامتك حلوه لاتحرمني منها ياسر ابتسم بتسليك: هاه ابتسمت ارتحتي الحين اغصان: ايه صمت وهو يوقف عند اقرب مطعم وبهدوء: يلا نزلت معه بصمت وهي مستغربه زحمت الناس جلسو بالجلسات الخارجيه وبدا يطلب على ذوقه طالع لها بعد ماراح اللي اخذ الطلبات وبهمس: ياهو وين سرحانه اغصان : بزحمة الناس ياسر : وبعد اغصان: بسس ياسر: ماعندك فضول تعرفين وش صار اغصان: لا لاني عارفه انك قبل ماتنزل محكم عقلك ياسر ابستم: الله يعين ي اغصان وامي مهما كانت شاده مع الوقت بتلين بالنهايه انا ولدها الوحيد مابين البنات وغير كذا الكبير بيجي يوم بتطخ بس انتي صفي قلبك ناحيتها اغصان ب امتعاض: وانا مايهمني احد ياسسر من عقب وفاة امي الدنيا تساوت عندي وبالاصح ماعندي وقت حتى افكر او شيل على على احد ياسر سكت وهو يشوف نطراتها الحاده اللي ارسلت له رساله واضحه جدا تنهد وهو يمد ايده ويمسج كتفه بتعب رفع عيونه لها طالعته بنظرات غريبه عليه وصدت بعيونها استغربت نظراتها وسكت ماودي افتح موضوع تتدمر نفسيتها قطع احاديثي القرسون وهو يجيب الطلب حطه على الطاوله ولمن راح سالتها بكل لطافه : بتصورين اغصان بحده: لا ياسر ب ابتسامه: انا بصور بس ابعدي شوي علشان ماتطلعين...... وبديت اصور بسناب عادي لاني متعود على خواتي او خالاتي لاحطو شي يجلسون ساعه يصورون وحالاتهم حاله بس هي كل يوم تصدمني بشي اعتيادي بالنسبه لنا وصار منتشر بس شكل هالعاده ماتستهويها _______________ ___________ بالقريه بيت معاذ وسياف دخل عمهم وهو معه اغراض للبيت : ياهلا البيت متعب بصوت مبحوح: حياك الله عم معاذ: الله يحيك وينهم متعب بهدوء: معاذ بالمحل وسياف طلع يتمشى عمهم ب استغراب: وين طالع متعب والصداع زاد صار ماعاد يشوف ضغط على راسه بتعب ويأس عم معاذ: متعب استرخي متعب وهو ضاغط على ضروسه من الالم: خلاص وقف بتعب وهو يستند بعصاته بس وقف كلمات العم اللي بنسبه له بدا يغثه: ماتشوف ان جلستك ممكن تعرض العيال لمحاكمه كافي وفاة اهلهم وحياتهم اللي انقلبت فوق تحت متعب وهو يلف عليه: وانت وش دخلك ماكأنك كنت معهم ضد عيال اخوك جاي تحاسبني على الجلسه ارتبك : انا ماقصدي كذا كل قصدي ان ابها مقلوبه كل حي كل شارع شرطه وبغرض البحث عنك وبهدوء مافي الا انت المفقود ومعلمين على اسمك وصورك تارسه المواقع انت ماجد ال .... صح وقف ونظره على مركزه بفراغ انا ماجد غمض عيونه ب الم من ذكرياته اللي داهمته ماجد الله يخليك اعتقني لوجه الله ماجد يمه وينك ماجد خف على همس امتلت عيونه بالدمع من ذكرياته اللي هاجمته من اللي جالس يناديه من همس ومن امه ومن اخوانه طالعه ب استغراب: انت صح شوف فتح جواله : شوف هذي صورتك قبل الحادث طالع الصوره من غير تركيز متعب :تعرف اهلي عمهم: ايه اللي اعرفه اخوك عناد لانه هو اللي ماسك قضيتك وقالب الدنيا ارتجف جسده بعنف من الاسم عناد ايه عناد احس اعرفه بس مااذكره همس بضعف: وصلني له عمهم : مستحييل اوصلك تبيني اوديك لمكان وانت تكمل طريقك ابشر متعب : طيب وصلني لمكان وانا ادبر نفسي بعدها بس مو هالحين بكره عمهم بضحكه خبيثه: ابشر تعداه وهو يدخل للمجلس ويجلس فيه حاس بضايع غريب شخص بلا ذكريات بلا تمييز مايدري وش اللي جالس يصير ولا عارف اهله عض شفته وهو يردد همس وعناد يحاول يتذكرهم ____________ معاذ بالمحل واقف وهو يوزع البضاعه والابتسامه مرسومه على ملامحه : سمي ياخاله العجوز: ياوليدي ابي بهارات معاذ وهو مرخي نظراته للارض : ابشري بدا يحط لها ويقيس على الكيلو ربط الكيسه وهو يمده لها: عشر ريال وبصوت عالي: وشو عشرة اريل نزل لي خمس انا عميلة ابو النجلاء من زمان وماعمره رفع السعر معاذ بطيب نيه :خلاص ياخاله خوذيه بخمس وانا بدفع الخمس الثانيه من راتبي طالعته بقوه وهي تطلع الخمسه وتحذفه عليه وتطلع وهي تسب وتلعن مشى خطوتين وهو يوقف عند المحل بضيق : وش ذا من بدايتها هواش يارب بس وينك ياسياف طالع جواله وهو يتصل عليه ومغلق دخل وهو يحطه على الطاوله ويجلس فوقها دقايق وتدخل بنت ومعها ولد صغير: حط لي حناء المدينه كيلو وامم بعد جيب لي مره وكمون وخزامى معاذ وهو يصد بنظراته مشى يحط الاغراض من غير لايطالع او يرد عليها مد لها الكيس وبهدوء: 15 ريال مدت الفلوس وبنفس هدوئه؛لو يدري ابوي على تعاملك مع الزباين كذا بيطردك صدقني ومشت طالعه مارد وهو يضغط على القلم بقهر : والله لولا الحاجه كان ماجلست دقيقه والله دنق راسه بغضب يحاول يهدي نفسه عند سياف دخل البيت وهو متقرف من نفسه وريحته؛ اوف بس وش ذا والله ماعاد ارحم هالشايب واروح معه هذا اللي يقول اسوي طيب واخرته اكلها انا يع اوف الله يعين متعب بس لو شم ريحتي بينصرع رفع راسه وهو يطالع متعب المبتسم وبضحكه: جبنا سيرة الئوط جاء ينط متعب: مالئوط الا انت والله سياف: لعيونك يالغلا اصير فار مو بس ائووط ضحك متعب : ياولد رح تسبح خنقتي بهالريحه سياف: حاصلك والله ي اني شفت عنز يشبهك حذف نعلته عليه وهو يركض بضحك:هههههه ماتقدر تركض مكسر متعب : رح بس يالفواحه عطرت البيت بريحتك الزينه سياف وهو يتجه للحمام ومعه فوطته: يازينها بس صحك متعب: ايه هييين دخل والابتسامه على وجهه عقب ماكان ضايق بس تونس بحوش الغنم مع ان الريحه ذبحته ضحك من سخافة افكاره دخل معاذ وهو ينسدح بالمجلس : اشوف سيارة عمي برا متعب: ايه جاء العصر بس طلع يزور قرايبه معاذ وهو حاط ايديه على عيونه: طيب تأمله متعب والضيقه باينه عليه : وش فيك معاذ: انا بنت راعي المحل تقولي عدل اخلاقك مع الزباين لا اعلم ابوي ويفصلك اقهرتني يامتعب تعرف كيف اقهرتني لدرجه ودي اطلع من هالديره كله اورجع لمكان ماجييت متعب صمت بتفكير ابتسامه مخذوله انرسمت على ثغره انا عاله عليهم لامحاله من هالتفكير _______________ العصر بالقريهه بيت الجد : البنات يتجهزون لطلعت ريانه بس فجائهم سعد اللي دخل وهو يصعد فوق بسرعه دخل الشقه: لمي اغراضتس بسرعه مالنا قعده بهالبيت هدى اللي كانت منسدحه بتعب جلست: وش فيك سعد : قومي بسرعه جهزي اغراضنا يلا يابنت لاتغثيني فوق ماني منغث هدى وهي تشوفه كيف متبهذل: ابشر بس هد نفسك واجلس جت بتوقف حست بدوخه سارع لها وهو يمسكها: بسم الله عليتس وش بتس هدى: مدري ممكن من العلاجات سعد : اجل اجلسي انا اطلع الاغراض بس دليني هدى بنبره خافته وهي تطالع له وهو واقف : اجلس جلس واستجاب لها : سمي هدى وهي تلف عليها وتتأمل عيونه وبحديث صامت مابينهم صد بعيونه لمن حس انها فهمته وبصمت : تهاوشتو بسبتي سعد بنبره مكسوره: انا حلفت ماخذ غيرتس وش يفهمهم ان عيال من غيرتس انا ما أبيهم ابوي ماقصر هزء الرجال بس بعد ماراحو اخواني وابوي ماقصروا فيني مافي مسبه ماقالوها لدرجه قالو اني اطيعتس بكل شي طيب واذ طعتس مو انا احبتس وانتي كل حياتي وش ذنبي اذ هم مايعترفون بهالشي انا اخترتتس عليهم وبطلع بعد من بيتهم وخلهم يشبعون فيه هم وعيالهم ماعاد ابي شي غيرتس خليهم يتحملون نتيجة كلامهم وتقليلهم لرجولتي هدى ب الم:تعوذ من ابليس ياسعد قاطعها وهو يحضنها :تكفين لاتكملين انا اخترتس وخلصنا بهجز اغراضنا وخلينا نطلع قبل لايكبر الموضوع تطالع له وهو يحط الاغراض والحزن مالي عيونها وعيونه صدت بعيونها وهي تلبس عباتها وتاخذ اغراضها اصلا ماتدري وين رايحين سعد وهو يسكر الشناط :يلا بدت تقفل نور الغرفه والصاله تأملت هالشقه اللي من جددتها ماخذت راحتها فيها سعد:هدهد يلا ابتسمت بحب وهي تمشي معه: يارايق ماخذ كل الهواش وتدلعيني بعد سعد وهو يبتسم: واجهي مشاكلتس ب ابتسامه صدقيني بتنحل مسك ايديها وهوي ينزل وبهمس لهاا: مسرع مشو لبيت ناصر هدى: من اليوم يتجهزون الحمدالله ارسلت هديتي معهم لاني اعتذرت من ريونه وقلت ماقدر اجيها طلع وهو حاس بضربات قلبه تتسارع بخوف اول مره يتجراء ويطلع من هالبيت العريق بالنسبه لابوهم ولهم لو م استفزني ناصر لو ماقهرني عبدالله وكلامه وكأني من غير عقل مرتي تمشيني على كلامها ياليتهم يعرفون قيمة الحب مابيني وبينها المصيبه انها ماسوت شي او قالت او فعلت مثل حريمهم علشان اننا صابرين صرت اتبع كلام حريم علشان نسافر نغير جو صرت انسان بلا عقل وماينوخذ حتسيي مشيت وانا انهي اخر امالي بهالبيت واللي فيه ركبت سيارتي وركبت هدى شغلتها وانا ناوي اروح الدمام هدى : نبرته وصوته وهو يشرح لي خلت قلبي غصب يلين ويبتسي من الضيق اللي التمسته بصوته كيف سعد يبعد عن اخوانه وهو اكثر واحد متعلق فيهم وبعيالهم تنفست بضيق التعب مداهمني بشكل مو مخليني اركز بشي طالعته بصمت توقعت وجهته الدمام لان سعود هناك وهو يرتاح لسعود كثير ويفضفض له دايم ويتصل عليه مديت ايدي وشبكت جوالي ببلتوث السياره وشغلت قران لعل وعسى تهداء اعصابه __________ عند ريانه بيت ناصر : منسدحه على السرير بصاله واسعه بلون السكري والكنب ارضي بلون البيج الفاتح وفرشه مواكيت بنفس اللون وتتوسطها طاوله ذهبيه ارضيه وحاولها طاولات صغار ونوف وساره يقهون الحريم زفرت بتعب من تأملها الممل وجلست العجز الممله بالنسبه لها وامها كل شوي تسألها وش تبي كأنها توصل لهم اني مهتمه ببنتي وهي حتى ماجتني مخليتني لحالي بس ابوي اللي ينام عند باب غرفتي لين ماتجي الزياره ويجلس عندي ممكن تستغربون حب ابوي لي بس لاني البنت الوحيده مابين العيال فكان حظي بالدلع كبيييير وبان هالشي لمن تعبت ولا ابوي يطلعني لولد خالي هذي من ضمن سبع العجايب جتني الضحكه على افكاري ابتسمت وانا احاول جاهده اتناسى مشعل ونوف وساره من اليوم ماعندي اهم من اخواني وابوي وممكن نايف لاصار نصيب بينا صحيت من سرحاني على صوت كريه بالنسبه لي: ريون اسفه سامحيني تكفين ريانه وهي صاده لجهة الحريم وبهمس حاد: فكيني من وجهتس ياعمه ماعاد لتس بقلبي مكان محسوبه علي اخت ابوي بسس نوف برجا: ريانه قاطعتها وهي تهمس:خلاص عمه قومي لاحد ينتبه نوف والعبره خنقتها وبهمس لاحد ينتبه :تكفين ريانه بس اسمعيني ريانه غطت راسها باللحاف بردة فعل غريبه عليها نوف خابت كل امالي وانا اشوف الصد والكره بعيونها دنقت راسي ودموعي وصلت وقفت وانا اعدل ثوبي واتجهه للمغاسل ساره والبنات قامو مباشرة الحريم وجدتهم وقفت وهي تجلس عند سرير ريانه وبهمس وهي تمسح على راسها:ودتس انام عندتس اليوم ريانه وهي ترفع نفسها وتحط راسها بحضنها غمضت عيونها بحب:تصدقين جده توني احس براحه ودي انام رغم الازعاج الا اني احس براحه كبيره ابيتس تنامين عندي وانام بحضنتس مثل قببل ____ ابتسمت الجده بحب لها هالبنت لها بقلبي مكانه كبيره انا اللي ربيتها امها دايم مهملتها وانا اللي كنت لارتفعت حرارتها اعالجها ولابتست رضعتها وهذي النتفه اللي كنت الحق وراها لاطلعت لشارع احفادي وبفضل من الله تربو كلهم حولي وقدام عيني الا هالبنت انا ربيتها ب ابديني... امها المهمله وابوها اللا مبالي الا بجمع الفلوس والسفرات هذي ماحد ينافسها بغلاها الا اخوها سعود ................ يطالعون لها كيف نامت بحضن جدتهم رغم الازعاج الوحريم جايين وطالعين يتحمدون لها بالسلامه ريما وهي تطلع من الصاله علشان تغسل الفناجيل وريم تصف الورد والهدايا على الطاوله التقديم اللي بالممر:ماشاءالله لو انا من ريانه افتح مشروع على هالورد ساره وهي معها الصحون الحلا:و زيدي بعد محل حلا وكيكات اوف تعبت طاح ظهري من هالحريم سلطانه وهي لابسه بنطلون واسع بنقشه من تحت خفيفه بلون الاسود وبلوزه بيضا لف على جسمها وشعرها عمله فرنسيه عفست ملامحها بضيق من تعليقات الحريم الكبار ونقدهم طلعت وهي تتحلطم:اوف زين غثووني يابنت غثوني لبستس ولبستس اوف بالله عليكم ساتر ولا مو ساتر ريما: عز الستر بعد ساره: يابنت انتي تعرفين حريم كبار بعد خليهم ينقدون براحتهم اهم شي ماعليتس وفكي هالكشره مو لايق عليتس ريم وخلود بضحكه: هههههههههههههههه انتم لو كيف وجهها قلب ونظراتها صارت طلقات سلطانه: هه وبعدين يعني طلعت عمتهم نوره : هيه اقصرن حسكن يابنيات بعدين ريما وين الفناجيل نمتي عليهم ريما : عميمه والله هم خذوني بالسوالف يلا جايتس سلطانه: الله الحين حنا هاه طيب بالبيت شغلتس ساره: الوعد هناك دقايق بس وطلعت نوف وهم يستغربون لمن مرتهم وهي طالعه للبيتهم من غير لاتنطق خلود:وش فيها سلطانه:مادري بس يجي المغرب بنشوف وش فيها ____________ بيت ابو ماجد: حب راسها ؛تكفين يالغاليه ارضي علي ام ماجد والدمع مكتسي جفونها رفعت ايدينها وهي تحتضنه:راضيه عليك ياوليدي بس لاتقطعنا كافي اخوك واختك عناد :كلما جتني اجازه بجيك ام ماجد : بحفظ الله وقفت وانا حاس الالم يفوق صدري امي الدمع بعيونها واخواني الرفض بوجيهم بس هذا واجبي وشغلي طلعت وصادفت همس وبصوت هادي: يابنت الخال ابيتس تنتبهين للوالده زين واي شي ينقص ارسلي لي من جوالها عن اذنتس تعداها وهو يطلع ومعه شنطته مانتظر حتى ردها همس : الله يحفظك دخلت وانا اتوجهه لعمتي بعد محاظره من مناف اشوا ان ذعار هداه وابوي هاوشه مايبيني انام عندها بحجة الناس واني متطلقه بس الوضع الحين اختلف انا حامل وماجد اللي فهمته مفقود ودنيا مع سعود اكيد مابرضى عمتي تجلس لحالها بس مناف صار يكره سيرة بيت عمتي حيييل دخلت للصاله وانا اشوف غازي وسيف حوالينها ويسولفون عليها عدلت غطوني وتاكدت من عباتي انها وسيعه مو مبينه شي تقدمت وانا اسلم عليهم واجلس بعيد شوي عنهم ___________ بالطريق دق سعود رديت عليه ب استغراب: هلا سعود: هلابك وش اللي سمعته صدق طلعت من بيت جدي سعد بضيق من هالسيره: ايه طلعت ولاتفتح معي هالسيره سعود: طيب دام معك اجازه تعال عندي سعد: وين اجيك سعود: بمزرعة جدي بدا يوصف له المكان سعد ب ابتسامه: جايك اجل سعود : حياك تأمر على القلب قبل المكان سعد : الله يحيك ترا انا قريب مره من المزارع خلك برا سعود : ابشر سكر وانا مبتسم للفكره ارسلت لمشرفي بتمديد اجازتي _________ بالمزرعهه : للحين مصدومه من المكان مو بس هي حتى دنيا وساره كيف سعود راعي الحلال يمتلك هالمزرعه الواسعه زود على هذا اسطبل ومزرعه متعوب عليها من ناحية الاثاث الديكورات كل شي مدخلها يجيب العافيه صدق مزرعه ماتوقعت واحد بالميه بالسعوديه فيه نفس كذا بهالجماال طلعت للصاله وانا اشوفهم يجهزون القهوه والفرش بيفرشون برا تنهدت بضيق : ماما ساره وهي توزع الكاكاوات اللي جايبهم سعود: هلا ياماما غموض وعيوونها بدت تضيق: حاسه بضيقه هينا بخنقه اشرت على قلبها بتعب ساره: بسم الله عليك تقدمت لها وهي تجلسها ارتاحي غموض لاول مره تبكي: مابي يمه خالي فيه شي صح مخبين علي شي يمه قولي لي وريحي بالي النغزه هذي مو كذا فجاءه اكيد صاير له شي دنيا طلعت تنادي سعود اللي جالس برا سعود : طيب دلع بنات دنيا: اقولك البنت تصيح منهاره وانت تقول دلع بنات سعود ببرود: طيب المطلوب منيي دنيا: لاوالله سعود رمى العصا وهو يوقف ويتجه لداخل البيت اللي تصميمه على شكل كوخ حجري دخل المطبخ وهو يشوفها تمسح دموعها وقفت بتطلع : وقفها ب ايده طالعته ساره وهي يأشر لها تخليهم وبضيق: متى تكبرين وش هالتصرفات تضايقين امتس كأنها ناقصه ضيقه غموض وهي ترفع عيونها لفوق وتمد بالكلام: ابععدددددد سعود طالعها بقوه :واذ ما ابعدت غموض ببرود : لاتبعد احسن وراحت وجلست على الكرسي سعود : سخيفه غموض: طالعه عليك سعود : اتركي عنتس الوغدنه ...دق جواله وابتسم رد وهو يطلع من المطبخ هالتصرف كفيل انه يخليها تعض اظافرها بقهر من يكلم معقوله يحب ولا هالاشعار من له اكيد يحب وانا عثره بطريقهم تتفست بغيض منه ومن افكارها وعلى طول توجهت لغرفته دخلتها وهي تشوفها راقيه بالوانها الابيض والرمادي الفاتح تقدمت وهي تشوف الشنطه بوسط السرير فتحتها وهي تفتشها استغربت لمن شافت طاقيه عليها سيفين ونخله وتصميمها اقرب للعسكريه ماعطت نفسها تفكر اكثر من سمعت حسه وقفت تسكر الشنطه ب ارتباك لفت بتطلع بس داهمها دخوله طالعها بعدم اهتمام: وش جايبتس وبصرخه : من سمح لتس تفتشين ب اغراضي غموض وهي تطالع له والابتسامه على ثغرها: جيت اتطمن عليك بس واشوف وش فيك بس الظاهر اني غلطانه كلما جيت اتقرب منك تبعدني اميال سعود وهو يقرب لها : اول شي الابتسامه هذي تسذب ثانياً لاجيتي تتسذبين علمي عيونتس ماتطلع حقيقتس ثالثاً يازوجتتي خليتس عند كلامتس من متى انتي تقربين وانا اللي ابعد خليتس صادقه بكلامتس ترا ماحب زوجتي تطلع تسذوبه قولي بالاصح افكارتس الخربانه بدت تطلع علي وجايه تتأكدين بنفستس اذ انا على علاقه مع غيرتس او لا يكون بعلمتس انا لو اني ببدا علاقه بغيرتس بتكون زواج وقدام الخلق مو بالدس عقلتس هالمصدي خليه يفكر زين وعلميه اني لو بحب غيرتس صدقيني باخذها وعيونتس تشوف والحين يلا برا طالعت له وللحين ابتسم : طالعه وعقبال م اطلع من حياتك كلها طلعت وانا ميته من القهر وربي مايستاهل ربع تفكيري فيه اخرته هذا كلامه لي عضيت شفتي بقوه مابي ابين له ضعفي توجهت لغرفتي ابدل لبسي لاني هذي عادتي اذ تضايقت دخلت الغرفه المشتركه مع امي فتحت الشنطه وانا اطلع لي جنز اسود وبدي ابيض وقميص جنز بلون البنك الفاتح لبست بسرعه وتعطرت احترت بشعري وثبت على اني افتحه على طوله اكتفيت بمسكره وقلوس بلون الوردي الباهت طالعت نفسي بالمريه وانا ارسل لنفسي بوسه ضحكت بقوه على هبالي لبست شوزي وانا اطلع صادفت دنيا وهي معها صحن القهوه مشيت وراها وانا اسالها: من جاي اسمع صوت وحده دنيا: مدري فجاءه دخلت علينا دقيت على سعود وقالي ضيفوها احتمال تجلس يومين ماعطاني مجال اسال منو سكر بوجهي غموض ب امتعاض: الحمدالله والشكر هذا صاحي دنيا : امشي بس تأخرنا على ساره خليتها لحالها دخلنا المجلس وقفت البنت وهي تسلم على دنيا وبعدها انا ..طالعت لها بتفحص صغيره وحلوه وغير كذا مبين انها طيوبه بس وش علاقتها بسعود هدى : معليش يابنات دخلت عليكم فجاءه شكل سعود ماعطاكم خبر ساره: حياك الله ب اي وقت عادي بعدين دامك من اهل سعود ف المكان لك ب اللي فيه دنيا: ياهلا والله اخبارك ياهدئ وكيف اهلك وعمام سعود هدى: الحمدالله بخير كلهم غموض ساكته بهدوء وهي تطالعهم ب استغراب وقفت : عن اذنكم طلعت وانا احسني غبيه دنيا تعرفهم من شافتها وسلامها دليل انها تعرفها بس مين هذي غمضت عيونها وهي تتذكر تحذيره ماحد يطلع للاسطبل علشان بعيد وفيه عمال ومابينه وبين المزرعه الا باب ابتسمت بشر وهي تطلع من غير غطا تلفت يمين يسار مافي احد مشت وهي تحسب لمشيتها الف خطوه تنهدت بخوف وهي تسمع صوت سعود يكلم تخبت بسرعه ورا الشجر وهي تتسمع عليه: هلا حامد ايه طيب دامه عندك علمه على الشغل كلها بس فتره وانا جايكم احسب لي يومين ب امنهم عند صديق لي واجيك لا لاتخاف مو صاير شي بس انتم جهزوا اللي قلت لكم عليه وابدوا بالخ قطع كلماته وهو يتبع اثر المشي كمل كلامه طيب موفقين خييير مع السلامه طالع الطريق المشي وبنصه تركه وهو يرجع لورا زفرت بخوف اشو ياربي وقفت بحيره تكمل ولا توقف بس بالاخير كملت ..... اما سعود رجع لسعد واخذه يتمشون سعد بضيق: مدري شقول ياسعود بس غثوني انا مو مسألة عيال اللي قهرني يقولي عبدالله انت مو رجال تتبع كلام حرمتك قولي بالله متى سويت شي وقلل من رجولتي انا مو مثلهم انا مرتي تنزل وتساعد امي وما اسافر الا وانا مستأذن منها ومن ابوي وغير هذا جالس عندهم عكسهم يتشكون وبينهم مشاكل وحريمهم يتدخلون بكل شي ام ليث تهاوشت مع وافي وطردها من البيت هذي وراها رجال سعود: معليش عمي لاتغلط على ابوي ابوي مو بعقله صدقني فيه شي انا ربيت على ضربه وهواشه وب ابتسامه مخذوله ربيت على اني اعيش ببيت اهله مايبوني اخواني والتفرقه اللي صارت بينا اسمه بدال مايكون ابو سعود صار ابو ليث هذي تصرفات رجال انتم سكتو لانكم تعودتو تشوفونه بهالحاله بس انا سكت ولا فيني امسكه واحطه عند شيخ ونشوف وش علته تدري ياعمي مصيبتكم وثقتو ب ام ليث ونسيتو ماضيها وماضي امها وكيف ابوي تزوجها اصلا ماعمرك سألت نفسك ليش لاشافني يختنق ليش لاشافني يصير كأنه مجنون ترا هالتصرفات تصرفات مسحور العلامات اللي ب ايده وضربات كتفه جروح رجوله ترا مهما كنت البعيد عنه الا اني اعرف ادنى شي فيه وانتم مالاحظتو عليه سعد بذهول: سعود ياويلك لو هالحتسي صح سعود : الا ياويلكم انتم ي اهله انا مايبيني ولا اقدر اقرب منه بس انتم وش عذركم سعد : وش السواة الحين لو طلع كلامك صح سعود : انا مابيدي شي هذي ام اخواني وعرضي تخييل بس لو صدق تنتشر سالفتها او اني اجرجرها بالمحاكم وش بيقولون الناس وبضيييق : صدقني ياسعد اني حاولت بس بالنهايه عجزت علشان ليث وريان وريانه ومشاري انا ماقدر اسوي شي ابداً وزوداً على كذا نايف خطيب ريانه وش بيسوي وهو ضابط وسمعته سعد: بس هذا اخوها من ابوها يعني مافرقت معه هو اصلا بعيد عنهم بس علشان الخطبه تقربو منها سعود: بغض النظر فكر لبعدين على العموم اترك الموضوع بعدين نتصرف سعد : بعديين متى لين يطيح علينا بعدين انت متى عرفت سعود : خلاص ياسعد لاتسأل شلون عرفت سعد : الله يهديك بس ليتك معلمني سعود: مو مهم اهم شي اخواني مايتأذون وابوي بنهايه بتبين الحقيقه وبنعالجه على راحتنا بس لاحد يعرف عن هالموضوع سعد بهدوء : تبشر بعدين تعال وين بتمشي ياخي صاير تخوفني سعود: كلها يومين خوالي صاير عندهم موضوع بحله بعدين بجيك سعد بتردد: كمل تعليمك ياسعود اللي بعمرك قاطعهم ..... صهيل الخيل ركض سعود بخوف وراه سعد اللي مايدري وين رايح شغل فلاشه وهو يدخل الاسطبل بخوف وهو يتفقد الخيل التفت لخيله الغامض يصهل بقوه ورعب وقف عنده وهو يلمح الجسد طايح سعد بخوف: دق على الشرطه سعود بعتب : مستحييل بدق عليهم دنق وهو يتفحص اللي طايحه قدامه رفع راسها عن الارض وهو يطالعها بتمعن: تفاهمي معتس بعدين شدها له وهي فاقده الوعي تماماً سعد بخوف: اتركها صاحي انت بلغ عليها سعود : بنت اخوك ماترتاح لين توديني بستين داهيه _________________________________ الى الملتقى قريبا جداً وقراءه ممتعه وتوقعاتكم❤ ___________ |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . وقفه مع الاحداث الاخيره: اللهم احفظ بلادنا من كل شر واحميها من كل اذى وادم علينا الامن والامان بسائر ارجاء بلادنا وبلاد المسلمين . "لسان حال مكة" يتجسد بقول العزيز الجبار : ( وَلَيُبَدِّلَنَّهُم مِّن بَعْدِ خَوْفِهِمْ أَمْنًا ۚ ) وعد الله ووعده حق 🌿❤ البارت(25) . جيت أفك قيود كلمة " مستحيل " واعتق النسيان في اربع جهاتي ! #رزان العتيبي. _____ احس الدنيا تسكرت بوجهي زفرت بهم من تذكرت حالة ابوي كيف اقول لمشعل يستعجل بزواجه خايف من ابوي يسوي شي لازم اسحب منه الولايه لازم رفع راسه على صوت خويه: فصيل وين سرحان صحصح فيصل: معك صاحي خويه وهو يتعدل : لازم تفتح عيونك على العشر خاصه اننا دوريتين بس والجو بدا يظلم وقف فيصل وهو يتقدم يستند على السياره: وش فيك خايف هذي شغلتك تحرس الطريق بس ترا زين حنا على مشارف قريه ونورها ساطع يعني مافيني شي تخاف منه طالعه بنظرات وصد: انا مو قصدي خايف حشى لله انا قدها وفدا للارض بس انا ضايق صدري امي نزلتها عند خالي ومشيت وحاس انها تعبانه والله لولاا الحاجه كان قابلتها ولا توظفت فيصل بموساه: يارجال احمد ربك تشتغل وعندك راتب غيرك للحين يدور وظيفه يستر نفسه فيها ويصرف على اهله وامك مو عند غريب عند اخوها قبل لاتكون ولدها هذال : خايف يافيصل عليها اخاف يزيد تعبها وتخليني وحيد انا من طلعت هالدنيا وانا ماعرف الا امي هي اللي ربتني لحالها وتوديني على ظهرها وتجيبني تنهد بعد ماحس بالغصه داهمته فيصل وهو يتعدل وبهمس داخلي : اللي حرَمْه الموت من شوفة آبوه : يهتز صدره ... كل ما كحّت أمّه ! وقف وبصوت هادي : سياره جت وقفو وهم يأشرون للرجال يوقف وقف وبدا يسألونه عن الهويه والرخصه طلعهم واعطاهم فيصل طالعه بهدوء وهو يرجعهم : تفضل وطريق السلامه تحركت السياره فيصل بضحكه: روق يالمنفس.. بعدين تعال اذ بتروح لامك روح انا استلم بدالك هذال: لا مو برايح بنتظر لين بكره وبعدها بكلم الضابط هو متفهم حالتي فيصل وهو يتأمل الطريق : ياخي تحس برعب وانت تسمع هالاصوات هذال بلع ريقه:ي ولد لاتذكر هالاشياء عندي فيصل: ههههههههههههه ياخواف هذال : دايم كانت استلم من خمس لين خمس المغرب انا مدري وش خلاني استلم هالوقت فيصل: بالعكس احسن لك كلها كم ساعه ويدخل الصبح ويشعشع النور ويتطمن قلبك هذال وهو ينتبه للسيارتين جايتين والسياره الثانيه تنحرف عن الطريق فز هذال : فيصل الحق وراه شكله مضيع فيصل من غير سابق تفكير طلع سلاحه وهو يطلق على كفرات السياره توقفت وهم يركضون لها مع الاشخاص اللي كانو بالسياره الاخرى فيصل وقف لمن تبين له الاشخاص اللي بسياره هذال يساعدهم قلب وجهه وهو يحس الدنيا دارت فيه يتمنى يرجع الزمن لورى ولا يشوف هالمنظر قسوة انرمت بقلبه وعيون امتلت بالدمع ابوه قدام الناس يترنح بمشيته مع عمه وخويه اللي وجيهم ماتطمن بالخير صد وهو يغمض عيونه بقهر وياشين قهر الرجال .. ويسمع هذال يناديه تقدم لهم وبصوت ثقيل من الغصه: ياهذال كلبشهم وفتش سيارتهم ابوه: شف شف هذا اخر تربيتي ولدي يسجن ابوه هذال اللي معه من سيارة ثانيه طالعوه بسرعه وفيصل بصمت: اخلص هذال مسكهم وكلبشهم وهو يدخلهم الدوريه وفيصل توجه للسياره وبدا يفتش فيها وبتفكير اذ المخدرات مو بسياره وين ممكن يحطونها تأمل سياره بقوه وبتفكير نزل وهو يضرب الكفرات وبهمس : اكيد فيهم شي رفع الجوال وهو يتصل على مركز بحايل: الو السلام عليكم معك العسكري فيصل ال.. ايه تم القبض على ثلاث اشخاص بحاله سكر وتهديد امن الطريق ايه ارسلو لنا فرق تفتيش وفرق دعم انا وهذال اثنين بس نبي زياده الشرطي: ابشر الحين تتجه لك الدوريات وانتبه على اللي معك فيصل: تطمن الوضع مستتدب الشرطي: بارك الله فيكم سكر منه واتجه لهذال اللي مقفل السياره عليهم ومكلبشهم فيصل وهو يرجع للكرسي اللي حاطه وابتسامه:اليوم شكله اكشنات هذال وهو يطالعه وبتردد: صدق هذا ابوك من كلبتشه هو واللي معه وهم يدعون عليك فيصل ب ابتسامه: ادري سمعته وانت شايف حالته هذال : ايه شفت بس هو صادق بحكيه ولا فيصل : الله عليكم يا اهل الرياض حكيه هاه ترا اسمها حتسيه وضحك بقوه وهو يشوف هذال يطالعه بضيق : لاتتمسخر انا اسالك جاوب فيصل: انت شايفهم سكارى وحالتهم حاله ويدعون يعني لو جاء مجنون بعده وقال هذال ولدي بتصدقه هذال: اكيد لا ابوي ميت من قبل لا اطلع على الدنيا وانت عارف فيصل طالعه بقهر: غببببي طيب غيري وش يدرييه ان ابوك ميت هذال : خلاص ياخي لاعادت من سؤال فيصل وهو يطقطق بجواله: احسن هذال نغزه: قم الدوريات شرفت وقف فيصل وهو يعدل بدلته تقدمو لهم وهم يسلمون عليهم وبعدها حركو السياره واخذوا المطلبوين ومشو نزلو اثنين من الدوريه وهم يسلمون مطلق بروح رحبه : ترا ياشباب جايب معي قهوه وشاهي وفرشه فيصل: ماتقصر يامطلق هذال: يعطيك العافيه يامطلق مطلق : الله يعافيكم يلا حياكم خلونا نفرش ونجلس نريح الشخص الثاني واقف ويطالعهم بنظرات تكبر ورجع جلس بالسياره فيصل: هذا منو وش فيه منفس مطلق: والله ماعرفه توه نااقل لقسمنا وطول الطريق احاول معه بس ساكت مايسولف هذال: الله يعينه يمكن عنده ظرف فيصل: حتى ولو اقلها يسلم علينا ولا مو شايفنا شي هذال قرصه فيصل طالعه بنظرات وصد وممطلق يسولف عليهم _________________ بالقريبه بيت الجد: جالسين بالحوش ومشرعين البباب ومنسدحين على بعض ليث: فارس وينه من امس مختفي ريان: مدري عنه تخيلو ارسله ومايرد سلطان: غريبه وين ممكن يروح نواف: عند خواله سلطان ب استخفاف: وتوه يذكر خواله نواف: لا بس انت عارف ان علاقتهم حلوه وبين فتره وفتره يروح لهم سلطان: يمكن ماندري سالم دخل وهو الضيق باين عليه وجلس بجنب نواف وهو يطالع ليث منسدح على رجل سلطان وريان بجنبهم على جواله :اوف وين راكان وفارس وعمر دخل عمر مع راكان وماسكين ضاري وعامر ومشاري ويهاوشنهم دفهم راكان بقوه: ياويلكم اشوفكم معتتبين هالباب من اليوم تنثبرون داخل عند جدي وتقهون بزارين اخر زمان طالعوه بحقد وهم ماسكين نفسهم ماينطقون راكان : يلا عند الرجال بسرعه مشاري وهو ينحاش: انتم اللي يلا عند الرجال كل واحد منسدح تقل والده حط رجله وهو ينحاش للرجال راكان: هين انا اعلمكم شغلكم قلة ادب جلس وهو ينزع شماغه : قسم اقهروني تخيلو جاين انا وعمر ولا نشوفهم مجتمعين ويضربون واحد صغير وشكله يكسر الخاطر ليث بهدوء: بس مايعطيك الحق تهاوش مشاري معلمني وانا اوريه شغله راكان ب استغراب: وليش انا ماني بمكانة اخوه وبعدين من متى بينا هالحتسي عمر وهو يهدي الوضع: شباب متى مخيم عمي خالد نواف: لين تصحصح بنت العم ونطلع بعدين مشعل وينه سلطان: والله هالولد غريب مختفي مانشوفه الا وقت المصايب سالم: هيه عاد الا ابو نسب بعدين يجهز نفسه لدورته اللي بكلية الضباط برياض راكان : الا سالم ابوك وش صار معه اشوف عمامي ساكتين ولا مسكوه سالم بضيقه: مدري عنه عمر : اقول قومو نروح مخيم سعود نتونس بدال هالضيق اللي مالي ملامحكم ليث : انا بدخل بريح الباقي وقفو وهم يتجهون مع عمر وكل ثلاث مع بعض ليث اللي توجه لبيتهم وده يجلس مع جدته وريانه دخل بهدوء من غير لايتنحنح جاء بيدخل الصاله ولا صوت همس نوف وهي تبتسي وتشكي لسلطانه: ريانه زعلانه علي قولي لي وش اسوي تعبت وانا احاول ترضى علي ندمت مو مره ندمت الف مره اني تدخلت سلطانه: انتي وش بلاتس من اليوم تبتسين طيب علميني وش سويتي لها وش صار نوف وهي جالسه على طرف الباب ومقابلها سلطانه : انا طلبت مشعل يتزوج ساره علشان ينقذها من ابوها لانه كان بيزوجها ولد عمها الخربان وقتها ماطرا على بالي غير مشعل لانه حنون وطيب وقلبه ابيض ولا فيه احد من عيال اخواني نفسه واعرفه حييل سلطانه: طيب كملي نوف: مشعل يحب ريانه من يوم هم صغار وقال لريانه يوم انها صغيره انه من تكبر بيتزوجها وريانه صدقت هالوعد وحبته وتعلقت فيه مع ان مابينهم اي شي حتى ماعمره لمحها بس يحبها وقالي قبل لايتزوج ساره انه للحين يحب ريانه وبيخطبها واذ رجع من الدوره بيتزوجها بس انا خربت بينهم وزوجته ساره طلبته وبتسيت عنده علشان ياخذها ويفكها من ابوها ووافق على باله ريانه ناسيه كلمته او وعده مايدري انها تحبه مثل ماهو يحبها ومنتظرته وفوق ذا كله فيصل خطبها ورفضته علشان ماتبي تصير بقرب مشعل وساره واخبارهم علشان تسذا اختارت نايف وحلف مشعل ان تمت الملكه ينساني ولا يكلمني وهي نفس الحكايه قالت لي مابيني وبينتس الا سلام ورحم ومحسوبه علي عمه وبس غير هذا لاتتأملين سلطانه بقهر: حقتس واقل يوم انتس عارفه سرهم وعارفه انهم يحبون بعض ورا ماشديتي حيلتس وزوجتيهم وانتي عارفه ان حبهم طاهر وعفيف لا مكالمات ولا مقابلات وعد انبنى من يوم هم صغار وضلو محتفظين فيه با أمل ياخذون بعض وعيال عم وبالاخير تسذا تسوين ما الوم ريانه يوم تعصب عليتس كسرتي قلبها وجايه تبينها تسامحتس نوف وهي تمسح دموعها: عمرتس ماراح تفهميني ساره بحاجة مشعل اكثر من ريانه ريانه اخوانها موجودين و ابوها موجود وعمامها يفدونها بعمرهم بس ساره ... ساره وحيده واخوانها صدز رجال بس ابوها حقير ووحش لو يزوجها ماحد بيلومه هذي بنته وكيفه وخوالها مالهم حق علشان تسذا طلبت مشعل سلطانه وهي توقف وبمراره: لاتبررين تكفين انتي عارفه باللي بينهم وسوويتي سواتس وانتي عارفه ان ساره لو بغت خوالها من دونها وانتي عارفه من خوالها هذولا هم مارضوا على اختهم ولا بيرضون على بناتها بس انتي تسرعتي يانوف وتسرعتي حيل ويلتس من ربتس كيف قدرتي طلعت وهي تعدل شرشفها وتتغطى ولا لمحت زول ليث مقفي غمضتت عيونها بعدم استيعاب ممكن يكون سمعهم بس اصواتنا كانت قصيره تنهددت وهي تتجه للصاله دخلت وهي تحاول تبتسم بما انهم اليوم كلهم ناوين ينامون عندها عجزت تحط عيونها بعيون ريانه تحس ان قلبها انكسر عليها وشلون هي ياكبر همتس ياريانه ريانه دق جوالها برقم غريب تعدلت وهي ترد بصوت مبحوح : منو سعود: معتس سعود اخبارتس طمنيني عنتس ريانه والابتسامه اعتلت ملامحها الناعمه: بخير وانت اخبارك وبهمس: نقدر نقول المياه رجعت لمجاريها سعود : الحمدالله بخير .. والله ياريونه تقدرين تقولين داق عليتس اتطمن ريانه وبهمس : عساني دايم تعبانه دام تعبي يخليني اسمع صوتك تراني اختك الوحيده لاتقاطعني علشان شي مالي ذنب فيه سعود : بسم الله عليتس ابشري بحاول امرتس من فتره لفتره بس معليش انتي عارفه اني مستحيل ادخل بيتكم اذ بقابلتس بدق عليتس تجيني بمجلس جدي ريانه : ابشر سعود: يلا استودعتس الله ...وانتبهي لنفستس زين وتحرصي على روحتس سلام ريانه : ان شاءالله بعدت الجوال وهي تتمنى بس تشوفه ماشبعت من شوفته ولا صوته طالعت البنات جالسين يسولفون وكل وحده لابسه بجامتها رجعت تنسدح على المخده وهي سرحانه ب فراغ ___________________ ب احدى قرى الجنوب ... جهز اغراضه وهو حاس بضيقه بس واثق بعم معاذ تردد للمره الالف طالع البيت الخالي سلم على معاذ وسياف قبل لايطلعون غمض عيونه وهو حاس بخوف من الجاي دخل عم معاذ وهو يستعجله طلع وهو يركب السياره وضام شنطته وهو يطالع القريه من خلفه بس بفعل مباغة خنقه عم معاذ بمنديل مخدر وقف سيارته وهو يحذفه بالبر دق جواله وبكل برود: هذا هو عندكم وفكوني انا وعيال اخوي من شركم تلقونه قريب من طريق ابها البري بسرعه معكم نص ساعه قبل لاتجي الدوريات هذا وقت تبديل اماكنهم واحد من رجال محسن: يلا جايين حرك وهو يتجه للقريه وينزل عند واحد من ربع ابوه اما متعب اللي مرمي بالبر صادفته عايله نزل الرجال وولده وهم يشوفونه طايح الولد: يبه خله لاتبلشنا الدنيا مو مثل قبل ماتدري وش طينته ولا من اهله الرجال بغضب: انت شايف حالته وتقول اتركه ماعندك دم انت صدق عيال هالوقت مابهم خير قم بس ساعدني بسرعه الولد: يبه تعوذ من ابليس وخله بسرعه شف الدوريات جت الرجال : شله وساعدني ولاتنطق بشي يلا تنهد بخوف وهو يتقدم له ويرفع جده الهزيل رغم نحفه الا انه ثقيل فتح الباب وهو يقول لامه ترجع لورا مع اخته رجعو ورا وهم يركبونه ركبو السياره الولد : يبه الشرطه اخاف تسألنا وخاصه حنا بطريق سفر الرجال : اسكت وخلنا نكمل طريقنا ماهم مفتشين السياره رجعو للطريق العام وهم ماشين ب اتجاه الدوريات الرجال: لاحد ينطق وانتي اسكتي ازعجتينا وانتي تبكين مو صاير الا كل خير وقفه الشرطي: رخصتك والهويه وكم عدد الراكبين الرجال : بدر... ال وعدد الركاب 5 الشرطي: تقضل الرجال بوجهه بشوش: زاد فضلك حرك السياره وهو قاصد ابها زوجته: ي ابو أسر نزله عند مركز شرطه أسر: امي صادقه نزله بدر بهدوء : وانا ناوي اوديه للشرطه وهم يكملون الاجراءات بعد ساعتين دخل ابها وهو يتجه لمركز الشرطه واشر لأسر ينزل ويساعده نزل أسر وهو يفتح باب متعب وبهدوء وهو يشوفه بدا يصحى رفع عيونه لهم وبغرابه: من انتم بدر: بدر وهذا ولدي اسر انزل معنا لمركز الشرطه حتى تبلغ على اللي رماك باالبر متعب بتفكير : لا ماني نازل أسر تسحب وهو يدخل مركز الشرطه ويبلغ عن اللي شافه الشرطي فز : وينه اسر: برا الشرطي رفع جواله وهو يتصل على يوسف: سيدي وجدت عايله اليوم مفقود ف البر والحين هو برا نبيك تجي تتعرف عليه يوسف وهو يفز : جايكم سكر بسرعه وهو يطلع لبرا ولا السياره مفتوحه والرجال كبير يحاول ينزله اشر للعسكر يساعدونه جو وهم ينزلونه ويدخلونه مكتب الضابط الضابط وهو يطلع صور المفقودين: هذا هو اخو الضابط عناد ماجد ال ..... العسكري سابقاً الشرطي : نعم سيدي الضابط حقق مع العايله وخذ اقاويلهم وسجلها عندك الشرطي تم متعب ساكت وهو يطالعهم زفر بتعب متوقع عم معاذ بهالخباثه ______ _______ اغصان وهي راجعه من المطبخ: يمه تعبتني ياياسر ماصدقت ارجع للبيت ياسر وهو يلبس بشته: احسن تمشي تعبتك جلست البيت اغصان: تمام وبعد ياسر: ونامي بدري وراك مدرسه اغصان بتوتر : طييب ياسر تقدم وحب راسها: استودعتك الله واي شي يصير معك تتدقين علي انا ساعتين وجاي اثبت وجودي بس اغصان: ان شاءالله مو نايمه بنتظرك ياسر: تبين اجيب لك شي وانا جاي اغصان؛ لا مابي شي ياسر : اجل يلا مثل ماوصيتك بحفظ الله تركها وهو يطلع وعليه بشته ركب سيارته وهو يتجه للاستراحه اللي حجزها لا اتمام زواجه ___________ ب الجنوب: ببيت محسن جالسين يخططون : محسن وهو يلعب بالعصا : الجماعه على احر من جمر لا اغتيال سعود واللي معه خويه: نبي نعرف من اللي فوقهم اللي يصير جالس يذلنا وشلون كشفو الاجهزه وسمعتو كلامهم محسن بضحك: ياخبول فتحو عقولكم اول مادخل سعود معصب على عيسى انه مايدري عن القضيه ولا بلغه وفجاءه يصير سعود هو اللي ماسك القضيه كلها سعود قال كذا علشان يفك عيسى وعناد ويوسف بس والله ما اكون محسن ان ماطلعت هالسعود اللي مدري منين طلع واحد منهم: ترا معهم من زمان بس التسجيلات كشفت اسمه الثاني: والصقر اللي متصيد لنا على كل حركه وعارف كل خططنا هدوئه هالفتره مايطمن محسن وهو يغمز: وانت مصدق ان فيه شخص اسمه الصقر هذا كله علشان يوهمنكم باللعبه بس انا مو ناقصني الا ذيب لو يقتنع بس راح يلعب فيهم لعب ذيب مخه نظيف وعقله صافي وذكي وتخطيطاته دائماً صحيحه حنا بحاجة هالعقل المدبر خويهم دخل يركض: اخو عناد بمركز الشرطه محسن وقف وبغضب: كيف خويهم: لقته الشرطه مرمي واخذوه محسن بغضب: وانتم وينكم خويهم وهو يدخل ب ارتباك: بنشرت السياره محسن: الحين تجيبونه لي كيف وشلون حلوها انتم وبصرخه بسرعه فزو وهم يطلعون من مكتبه حذف الاوراق بغضب: هين ان ماعلمتكم شغلكم ما اكون محسن ___________________________ بالدمام : مناف واقف : همس امشي بطيبك احسن لك همس: شوف عمتي كيف تعبانه شلون اخليها مناف: الا وهالعمه عاد مايجينا منهم غير المصايب البنت صورها منتشره والولد مفقود والثاني انحاش للرياض وتاركها وغازي انمسك بقضية ***** همس ب امتعاض: احترم نفسك يامناف انت عاف ان كل هالاشياء صارت ردا لافعال عناد ودفاعه عن وطنه وانت عارف هالشي زين مو يعني رفضوك تجلس تسوي هالحركات طالعها بغضب: من اليوم انسي ان عندك اخو خلي غازي وسيف ينفعونك ..... وطلع وهو منقهر منها ليش ماتحسب حساب الناس اللي يتكلمون بعرضها وشلون ساكنه عند عمتها وعيالها فيه ليش ماتحس بقهره من انتشار صور دنيا ضحك بغبنه دنيا اه يادنيا لازلت اسمع خويي وهو يسولف لي عن صورها للحين اشوف رابطها بقروبات الشباب حرقتيني يادنيا موتني وانا حي القهر اللي بصدري خنقني لدرجه كرهت حتى البيت والدمام بكبرها حس بحرقه بصدره وهو يسمع الشباب يسولفون بموضوعها دعك عينه مايبي دمعته تنزل رفع عيونه لفوق : يارب نزل راسه وهو يحرك سيارته للبيت _______________ حايل: صحت وهي تحس بشي ثقيل عليها رفعت نفسها ولا بحيه صرخت برعب : يمااااا سعود كتم ضحكته وهو يشوفها من بعيد سعد بغضب: سعود خلني اروح لها حلو شكلها متمدده بهالارض سعود: والله ماتجيها خلها تتوب اصبر للحين مانتبهت على اللي ب ايدينها سعد بقرف: حسبي الله عليك سعود وهو يشوفها تبكي بقوه : امين غموض طالعت ايدينها اللي كلها دم زر عقلها وهي تشوف الحشرات قريب منها وبصراخ: سعود يماااا خاللييييييي سعود ابتسم وهو يقيد سعد مايروح: انا وزوجتي نتفاهم اطلع منها مانت متحمل شكلها ادخل لداخل من الباب الخلفي وبلغ هدى خلها تكلم ام غموض وتقول لها غموض بقسمي ولا احد يتجرا يجيها سعد طالعه بقهر وهو يدخل لداخل ظل يطالعها وهي تتنحب شكلها كان جدا ممتعه له الدم بيدينها ووجها واللعبه اللي كانها حيه صدق والحشرات كلهم العاب على شكل حقيقه رفع ثوبه وهو يربطه على خصره تحرك لين ماصار داخل طفى النور الخارجي كله وب استمتاع وهو يسمع صراخها : تستاهلين توجه لها من الخلف وهو يرمي الحيه على جنب ويوقفها قيدها بذراعه وهي تصارخ: اتركني منو انت سعود وهو يشيد اكثر وبفحيح وبصوت جدا ثقيل اتقنه: اسكتي ربط عيونها بشماغه وهو يرفعها لوهله كانت بتصارخ ب اشد صوتها بس يوم مرت عليها ريحة عطره سكتت وهي تشاهق على خفيف وبهمس : ليه تسوي معي كذا قلبي قاطعها وهو يشيلها: علشان تتعلمين كيف تروحين مكان انا محذرتس منه اتعبتيني لو هندي شايفتس وخاطفتس لو صاير لتس شي وهاجم عليتس خيل ليش ماتحسبين حساب اللي تسوينه وبنبره حانيه: لو قايله لي ورب البيت ماتمسي الشمس الا وانا موديتس بس تسوين تسذا من ورا ظهري تخيلي لو اني مو موجود وش ممكن صارلتس دخل قسمه وهو يتجه فيها لدورة المياه وقفها وهي مو قادره توقف من كثر ماهي خايفه ورجولها ترجف تحس الحشرات للحين حولها والحيه تمشي عليها سعود وهو يبلل ايديه ويمسك ايدينها ويغسلهم بصمت مسح على وجهها غمضت بسرعه من حست ب ايدينه : ابعد سعود مازال ساكت وهو يمشيها معه غموض: ابي امي ابعد عني سعود: للاسف هاليوم مافي امتس بتنامين هنا غموض مالت بشفتها: وليش سعود: تسذا مزاج غموض: حسبالك بسكت سعود: وش بتسوين يعني غموض طالعت عيونه وصدت بسرعه: ولا شي بس جيب لي لبس بتسبح ورجعت لدورة المياه وهي تركض بسرعه سعود: ياليل البلشه رفع جواله وهو يتصل على دنيا تطلع له ملابس لغموض من غير ماتحس ساره دقايق ولا دنيا جايه له: هاك سعود: مشكوره دنيا بهدوء: لاتسوي لها شي انتبه عليها سعود : ماني مسوي شي بس انتبهي لساره احسها تعبانه دنيا: ابشر تركها وهو يسكر باب قسمه اتجه لدورة المياه وبصوت مرتفع: لبستس عند الباب اخلصي وتعالي لي بالصاله ماردت وهي تسمع الباب يتسكر بكت بقوه وهي تكتم صوت بكيها استهان فيها كثييييير حاشرني عنده ومخوفني ومانعني عن امي يااليتك ياخالي موجود وتشوف هاللي موصيه علي ليتك تشوف سعود اللي هاوشتني علشانه شهقت بقوه وهي تتذكر ايامها ب ايطاليا عمرها ماتوقعت تجي هنا وتكون معه هالشخص مسحت دموعها وهي توقف تغسل وجهها المفروض ماتبكي وتبين لها ضعفها لازم توريه غموض القويه فتحت الباب وهي تاخذ لبسها مالت شفتها بقهر من شافت لبسها اكيد هو جايبه كان عباره عن بلوفر عنابي وجنز اسود لبستهم بسرعه وهي تطالع نفسها حست بقرف عجزت تمسك شعرها وبسرعه فتحت المويه وصاحت لمن اشتغل المرش عليها استسلمت وهي تغسل شعرها ولبسها مبتل بصابون والمويه خلصت وهي تاخذ المنشفه المعلقه عند المغسله فتحت الباب وهي تطلع متجهه للصاله وبغضب: دبر لي ملابس لبسي كله مويه سعود رفع حاجبه وهو يطالع لها : ماحد قالتس تخربين لبستس بيدتس غموض : يارب الهمني الصبر سعود : امين اجمعين غموض ضربت رجلها بقهر: اوف واتجهت لغرفته وهي تفتح شنطته كلها ثياب جلست بقهر وهي حاسه بالبر ضمت نفسها وهي ساكته دخل سعود وعليه فروه نزلها وهو يلبسها وبهدوء: ماعندي لبس كل لبسي ثياب وشفتي بعينتس بس معي هالفروه غموض: مابيها شيلها عني سعود : مالتس ايدين غموض طالعته بعاند: ماني شايلتها غيرت رايي سعود: البسي لبسك القديم غموض: وع والله ما البسه كله زرع وطين سعود: تستاهلين غموص ماردت وهي تصد والدمع امتلى عيونها سعود سكت وهو يتأملها كيف شكلها جميييل وبهمس: وش فيتس غموض : ابي امي ودني لها سعود :طالعيني غموض: مابي مسك فكها وهو يلف وجهها له اخذ نفس وهو يطالعها بهدوء وهي مركزه نظراتها على فراغ وبهمس مبحوح: ناظريني لو ثواني بحتفظ بهالنظره دنيا وعمر وقف : اذ بتروحين لامتس روحي ..... ومشى من غير لايطالعها مشى لين ماوصل باب القسم تنهد بضيق وهو يفتحه ويطلع من غير فروته طالع لبرا وهو يحسب خطواته من التعب والهموم اللي زادت عليه وصل قسم الرجال دخل وهو يطلع الحطب ويحطه جاب الولعه وطلع اخذهم وهو يحطههم على التراب وبدا يشغلها جاب عصا وتلثم وهو يجلس متجاهل جوالاته اللي يدق والثاني صوت الرسايل سرح بحياته وهو يتأمل نار الحطب ودخانه واثق مليون بالميه انها بتتخلى عني وتكابر وحجتها تعليمي ومكانتي واني شخص من غير تعليم ويسرح ورا الحلال مالت شفته على جنب بضيق مثلها مثل تفكير غيرها هذا تفكيرهم المحدود عني ولا كأني شخص بر ب ابوه ولا كأني الشخص اللي يطري اسمه وقت الضيق اللي يترك كل مابيدينه ويفزع لهم بس وش لاحقني منهم غير النكران هذولا خوالي صدو عني واللي ربتني على ايدينها انكرنتي وهذا ابوي كلما شافني صد بوجهه واخواني اللي ضحية بنفسي علشان يعيشون براحه ومن غير اذيه وانا متيقن ان ابوي مسحور ومسحور من امهم بس سكت لاني عارف ان سحرها ب اتجاهي انا بس كره وتفرقه مابيني وبينه ولا هي ضارته سكت علشان ليث يكبر وينزوج ويعيش حياته رضخت بمبادئي علشان ريانه تعيش بكل راحه من غير تشويه سمعه رضيت علشان ريان ومشاري يعيشون بنعيم ولا احد يمسهم بطرف كلمه بس بنهايه انا اللي تحملت كل شي انا اللي اتعب واخر الشهر راتبي يروح لهم من غير لايدرون انا اذ خرب شي يتصلون علي اصلحه وانا اللي اطلعهم من مشاكلهم ب اتصال بس ومع ذالك انا بالنسبه لهم منسي ولا احد فكر يدق ويسأل اخوي وين نايم ولد اخوي وينه بردان اكل تدفى وينه بس انا ماكنت ارجي منهم شي لاني بنيت نفسي بنفسي والله لو يدرون انا وين واسمي لوين واصل وتعليمي لوين بيكمل كأن شفتهم حولي مثل النمل علشان مصالحهم انا ماكنت اخضع الا لشخص واحد وهي غموض اللي كبرت واحلامي ب ايدينها كبرت وانا افكر فيها وش اسمها وشلون شكلها وكيف طبعها كنت احسبها مثلي بس الفرق بيني وبينها هي عندها شخصين محسسينها انها مالكه الدنيا وانا عندي ربع وجماعه واهل وسند واحس اني وحيد الفرق مابينا انا تغربت وانا بين اهلي وهي لقت ملاذها بين امها وخالها رفع راسه من سرحانه وعيونه حمرا على صوت سعد: من ماخذ عقلك سعود وهو يلعب بالعصا داخل النار : بس هموم الحلال سعد بجديه وهو يجلس وعليه بدله شتويه ولابس جاكيت: اقول منين لك هالمزرعه سعود بجمود وعينه على النار : مزرعة جدي الله يرحمه سعد: الله يرحمه بس تبي الصدز خطيره حيل شكلنا كلما ضاقت فينا بنجيك سعود: الله محيك وبصوت هادي : نصيحه لك ياعمي لاتتنازل عن مرتك علشان اهلك حاول قد ماتقدر تبقى ترضي الطرفين من غير لاتتذئ سعد: واذ حكمت الظروف اختار سعود: اختار اللي قلبك يدله عليه لاتخسر قلبك وتعيش بتعاسه سعد: ماحد يموت من فرقى مره سعود: بس الروح تغادر والسعاده تصبح تعاسه وتعيش بين هالناس وانت تحس نفسك وحيد صدقني الفرقى مو هينه سعد ب ابتسامه هزيله: تنصحني وتنسئ نفسك سعود: انا غير عنك انا قلبي قوي وانا تعودت اعيش لحالي واكمل كل شي لحالي محتاج فيه احد واظن هالشي سخف الدنيا بعيني كثير كونك تعيش من غير ام واب تحس نفسك يتيم وانا صدز يتيم اب ينكرني ويتنادى ب اسم غيري واهل بس اهل ناسيني كلن منشغل بحياته سعد: بس لاتنسى امي وابوي ترا هم بعد ربوك ماتركوك للغريب سعود بضيق: ربوني ماانكر انهم ربوني بس لسن معين لسن العشر السنين خلاص كبرناه وصار يعرف كل شي نتركه سعد لاتنكر انهم ايام ماحد يسأل عني انا ماعمري بتسيت بس مره تدري متى يوم فارقني حجاج السوداني وقتها حسيت اني فقدت اهلي مره ثانيه لاني قضيت معه وقت اكثر من اني اقضيه معكم سعود ماتعرفونه الا بوقت الفزعات جيات البر تجوني كأنكم ضيوف وانا اللي اخدمكم تجي مدارسكم ترجعون لحايل وانا اظل هينا بالبر لاتقول لي ربوني وربوك ماحد رباني ياسعد سعد وهو يتنهد: طيب شلون بنت عبدالعزيز معك الا صح هي صدز اسمها غموض الفهد سعود: ماعليها تبي فرقاكم سعد طالعه: انت ولا هي سعود: كلنا مسك زرار ثوبه ودي اخذها واختفي من هالكون كلها ممكن لو التقينا بوقت غير وبزمن غير وبظروف احسن ماكان هذا حالنا سعد: خذها واطلع برا هالديره بكبرها من ماسكك لا ابو يسأل عنك ولا احد بيفقدك سعود مال شفته وصد جرحه وكلمته ضربته بالصميم سعد: تصدق ليتني نفسك الاقل مافي ابو يتشرط فوق راسي واخوان يتهاوشون معي علشان سالفه ماتخصهم سعود: افتح جوالك وشف كم واحد داق عليك ويسأل عنك سعد: ماني فاتحه ادري امي الحين قالبه البيت عليهم وتبتسي بس بكره افتح جوالي واتفاهم معهم يا انهم يفكوني من هالسالفه ولا ماعاداني راجع وقتها بيرضخون لي علشان امي سعود: انت عطيتهم الحريه يتدخلون بحياتك سعد بضيقه: ماعلينا سمعنا اخر قصايدك سعود ابتسم بهدوء: كم تدفع ضربه سعد من رجله: اخلص ابي جديدك من زمان ماجلسنا تسذا اخذتنا الدنيا وشغلها سعود: حذاري من الدنيا الا رحمك لا تقطعه سعد : اعوذ بالله ماحنا قاطعينه وان شاءالله اوصله لنهاية عمري سعود بصوت مبحوح: لا تهددني بفرقى وآنا من هدك ..تطير ! وظلك اللي ظن بشقى .. يخدعك انك كبير ….“ يتركك ترقى و ترقى .. و ترجع لأرضك صغير ! (الجادل) سعد: اوه قويه بس مو كأنها قصيره سعود وهو مركز بفراغ والعصا يلعبه بنار وبصوت مبحوح ثقيل : كان يتعبني شعوري كلّ مَ أتخيّل : يغيب كنت ماخاف ابتعاده لين صار البعد عاده رغم قربه .. ماشعرت إنّه بــ أحاسيسه قريب صار مايفرق : مع الأيام " قربه وابتعاده " مو ضروري من يعيش بْـ خارج بلاده : غريب الغريب أحيان عايش .. غربته : داخل بلاده ! "لـ عبادي الزهراني" سعد وهو يدندن: يانار شبي من ضلوعتس حطبكي صابر على نار الموده وممنون واللي حمامه شتت الله شعبكي ماكان غنيتي مجرارير ولحون ابغا الطرب لكن مبغى طربكي سعود طالعه بضحكه وهو يكمل: طربان بعض ايام وايام محزون واكثر حزوني من سببكي خص(ن) ليا قمتي تونين بالهون ايه والله ابكي واكثر الناس تبكي الناس وان سمعوا خبر شين يبكون سعد وسعود: يانار شبي من ضلوعتس حطبكي سعود: يالله غبارر سعد: هههههههه تذكر ايامها سعود ب ابتسامه عذبه وهو يتركى: شلون مذكر سعد: كنا مستانسين فيها ياكثر ما انضربنا بسببها سعود: ايام كلما حطينا حطب رحنا نغنيها سعد: ياحبي لخلف بن هذال سعود: كان شاعري المفضل ماحب اسمع الا له وفهد المساعد سعد طالعه ب ابتسامه: مثل النسيم الساكن سعود: والله ماني مغنيها سعد: تكفى سعود تنحنح وهو يتعدل وبصوت عذب : مثل النسيم الساكن اللي مر له غصن وتحرك ذكراك مرتني بصمت وجاء على بالي كلام وبهدوء: يكفي سعد: عاد انا طفران شعر سمعني شعرك سعود وهو يوقف: انت اكبر نشبه عرفته بحياتي بروح انام لاتخلي النار شغاله طفاها سعد: طيب لاتطلع من قسمك بجيب الاهل سعود: طيب ____ كل اللي دار سمعته كانت بضبط مصعوقه وهي تسمع ضحكته وضيقته وصوته وشعره كل مالها تنصدم بهالشخصيه اللي قدامها حست برجفه بقلبها ودها توقف وتروح للداخل بس عجزانه ضمت الفروه والدمع ممتلي عيونها الحزن اللي التمسته وهو يسولف للي معه احزنها اضعاف قاله عمي هو عمي بس اي واحد فيهم مسكت راسها بحزن وهي ماتدري كيف تطلع من هالمكان كانت بضبط متخبيه خلف قسم الرجال كيف بتمر الحين وعمها مصحصح وزوجته جايه رفعت عيونها للسماء بحزن : يارب شافت زول وحده جايه متلحفه بشرشف ومغطيه وجهها جلست قباله وكشفت : اوه تعبت تخيل مو قادره اتحرك ذبحني بطني وهو يتركى على المركى: بلاتس من كثر المشي هدى : مدري ممكن الا ماشاءالله يامزرعة سعود تفتح النفس طبيعه وغريبه سعد : ايه هذي مزرعة جده الله يرحمه هدى : ماشاءالله تبارك الله سعد: شفتي غموض بنت عبدالعزيز هدى: ايه لمحتها بس بسرعه قامت ومن بعدها اختفت سألت امها قالت نايمه سعد: اها تدرين انها هي نفسها غموض الفهد هدى: بالله والله اني شكيت من الصوت سبحان الله حبيتها مره والله لو تشوفها نوف والبنات بينشبون لها سعد: وانتي مستانسه ترا هالشي منقود عليها تسيف تطلع صوتها وكل خلق الله يسمعونها هدى وهي تضيع السالفه: اممم كم بنجلس هنا سعد: من يومين لاسبوع متى مارجع سعود مشينا اليوم بيمشي عنده شغل بالدمام هدى: ماشاءالله وش عنده من اشغال وهو مامعه شهايد ولاغيره سعد: ليه ماعنده خواله اكيد واحد من خواله يبيه بشي ويبي يروح بعدين عقل سعود عن مية شهاده هدى ب ابتسامه: زين امش نقوم نريح وننام سعد: يلا بس جيبي لي سطل ماء اطفي هالحطب هدى طيب راقبتهم لين ماطفو النار ومشو لداخل تنهدت بفرح واخيراً وقفت وهي تسرع بمشيتها سعود اللي كان جاي يتأكد انهم طفو الحطب ويتفقد اغراضه لمح واحد يركض ركض خلفه بمهاره مد يده وهو يلفها له وبهتت ملامحه: وانا كلما صديت لقيتس بوجهي وبهمس حاني : ماتتوبين .... الى هنا واعذروني على القصور❤ |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . البارت(26) . " صرت انا كل الصّبر وانتِ السنين " .. الاحد صباحاً مع شروق الشمس ابتسمت بحنيه لذيك الايام واقفه وهي تتأمل زرع الحديقة اللي ورا بيت ابوها وبهمس: وقفت قدام هالنخله وانا صغيره سقيتها وكبرتها تزوجت واهملتها ذبلت وانحنت وطاح سعفها والحين رجعت اسقيها من انكساري كانها كانت تنبهني عن شي غفلت عنه لهيت مع ابو فيصل وعياله درست وكبرت ورجعت لبيت اهلي بمطلقه وانا بهالعمر مسحت دمعة اجبرتها ترضى بالانكسار وترمي خلفه القوه اللي لابستها مسحتها بطرف كم ثوبها الشتوي اخذت سطل الماء وهي تسقيها شماتت حريم اخوانها لو ماتكلمن بعيونهن واضح حريم جمعتها وحتسيهم اللي يوجع التسبد تنهدت بحزن وهي تنزل سطل الماء وترجع لداخل البيت من الخلف ................. مجتمعين حوالين بعض بالمجلس ابوهم بهدوء: بنتي ماتنظام تروحون تشوفون وينه ويطلقها وتعيش هي وعيالها البيت مفتوح لها عبدالعزيز: الله يهداك يايبه اي طلاق وهي بهالعمر نوره مو صغيره وعيالها طولها ناصر وهو اول مره يعارضهم: لا يطلق ويطلق هذا واحدٍ مخه خربان ماعد هو الاولي مير يطلق اختنا ويفكنا ابوهم بحزن : يطلقها وغصبن عنه ولا انا بنيتي تنهان وهي ببيتي خالد طالعهم بصمت واردف:يبه انا بتزوج الثانيه طالعوه كلهم بنظرات : لاتطالعوني تسذا الشرع محلل اربع وانا لا اخطيت ولا سويت حرام مير انا واحدٍ طقت تسبده من اللي عنده وابي اتزوج ولاني مشيب ولا فيني عيب وعمري مناسب ابوه: ماتدخل على ام راكان جاره خالد: يبه انا براسي فكرة الزواج ولاهي طايحتن منه ابوه: فكر يوليدي خذ لك وقت وعطاها فرصه ان ماطخ اللي براسها تزوج خالد:طيب يايبه بصبر عليها هالسنه علشانك محمد بتردد: سعد مايرد ابوه بغضب: لايرد هاللي يمشي ورا حرمته بدال لايطخ الثلاث خايفن على مشاعرها عبدالعزيز وهو يكتم ضحكته: خله يايبه كم يوم ويجي وافي : هذا وجهي ان شفتوه مرا ثانيه قاطعهم دخول ليث وهو معصب : التلسب فارس طلق نوف واختفى فزوا بسرعه: وشو عبدالعزيز : دقو على فايز ليث: ياعمي رحت له نايم مايدري وهذ هو وراي جاي دخل فايز وحالته يرثى لها مبهذل ولبسه : وش فيكم ابو عبدالعزيز بغضب: ولدك هالتلسب طلق بنيتي وش هو شايف مننا علشان يطلق فايز بهت وجهه:والله ياخوك انه مختفي من امس عقب ماهوشته وقلت له يشد على حيله ويتوظف ماتوقعت توصل فيه يطلق وينحاش اخوانها بغضب عارم: ميتين عليه خله ينحاش خالد: والله لازوجها الارجل من وجهه هالتسلب فايز سكت وهو يتصدد عنهم مايدومهم بس حزت بخاطره يغلطون على ولده وبنفس الوقت احساس انك فشلت بتربيتك لولدك الوحيد شعور قاسي ويغببن فشله وحط بوجهه فشيلته وش يقولون الناس عنهم ولد عمها طلقها قبل لايعرس عليها من يومين بس ملك عبدالعزيز وهو مقهور: وش نعذر لناس وش نقول الولد هج والبنت تطلقت بعد ملكتها ابو عبدالعزيز وهو يجلس بوقار رغم الحزن والانكسار الا انه ما طلع الا جانب القوه منه وبصوت رخيم وثقيل: واذ هج وطلق بنيتي بتلقى الارجل منه انا من اول شايف عليه تصرفات ماهي معجبتني الدلع بالرجال يدمره وولدك يا اخوي مدلع من يوم هبززر مايعرف كلمة لا ولا تربى معنا تربى على يدين الخدم وانا ناقدن على تربيته ودامنا على بر خير ماسواا بكره يخطبها اللي احسن منه ناصر :وانا مع كلام ابوي وقف ابو عبدالعزيز : يلا انا رايح لها اقولها عبدالعزيز: بس يبه هي مداومه الحين اذ جت نمسكها كلنا ونعلمها جلسو وفايز طلع وملامحه مشدوده ومقهور احس بحرقه بصدري هذا ولدي وذيتس بنت اخوي تربيت بينهم وتربوا على يدي نزل راسه بخذلان وش سويت يافارس اتباهى فيك وتكسرني هلون ولا كأني بيوم تعبت بتربيتك تركت جماعتي واهلي لخاطر عيونك وبالاخير هذي سواتك ................... بالجنوب : يوسف وهو يطالع متعب: حنا بلغنا اخوك بس اخوك بمهمه عسكريه حالياً ولا يقدر يحميك ولا نقدر نوصلك لبيتك لازم نحتجزك لسلامتك لانهم ناوين عليك متعب بتعب: وين بتحموني يوسف بحيره: ننتظر رد من الجهات العليا بيتم حجزك بهالمكتب أأمن لك من برا متعب : طيب اللي تشوفونه سووه بس مثل ماتشوف انا مكسر من كل جهه وفاقد ذاكره احتاج اهتمام كبير واحتاج ممرضين يوسف بتحقيق: وين كنت قبل لاتجي متعب : ماتعبتو من امس وانتم تحققون مثل ماعلمتكم انا انخطفت من الجماعة اللي يهددون عناد واحتجزوني حتى الشمس ماشفتها ولا اعرفهم ولا عمري سمعت شي يوسف طالعه: تدري وش تهمت التستر على مجرمين متعب والصداع ذبحه :ولا ابي اعرف اللي عندي قلته يوسف وهو يأخذ اوراقه: براحتك مصيرك بتجي بنفسك وتقول لنا وقف وهو يطلع تنهد بضيق وهو يشوف الباب يتقفل والعسكري قباله دنق راسه على الطاوله بيأس اخوه رفضه متى تخلص هالمهمه وارجع اتعرف على اهلي حس بضيقه تحتاشه من تذكر معاذ وسياف وش ممكن احوالهم هالحين ...................... بقرية بالجنوب فوق الجبل المطل على القريه جالسين بحيره معاذ من امس مانام : انا سمعت عمي يقول ماجاكم سياف: عمك هذا خبيث الله يستر لايسويها فينا ويمسكنا هالعصابه معاذ بخوف: تهقى سياف وهو يرمي الحصا : مليون بالميه اهقى معاذ: والحل سياف: ننحاش معاذ بيأس: وين ننقلع بعد سياف: اي منطقه بعيده عن الجنوب معاذ : صعبه منين لنا مكان سياف: يا ابن الحلال لو نشحذ اهم شي ننحاش دامه سلم متعب بيسلمنا وراه معاذ :ننحاش بس وييين سياف:الرياض معاذ :لا مستحيل كل الناس بتلقاهم هناك سياف: ياخبل الرياض كبيره ووظايف مهوله نكون فيها يا أخي لو كاشير معاذ:بس الاجارات سياف:ندفعها من راتب التقاعد حق ابوي وخلصنا معاذ:اجل انت صرف عمي وانا بحط الاغراض ونطلع للرياض سياف بحماس:قدام وندور متعب بعد معاذ بحزن:الوحيد اللي كنت متخوف انه يروح حاس اني فقدت اهلنا مره ثانيه سياف :بنلقاه هناك ان شاءالله معاذ وهو يوقف ويضرب ثوبه عن التراب:ان شاءالله توجهوا للبيت دخل معاذ وسياف ظل برا وشوي شوي لين ماصرف عمه ارسل له معاذ انه بسياره توجه له بسرعه وهو يركب معاذ:تم سياف بضحكه :تمم مسكو الخط وهم مستانسين طلعو شرايحهم وكسروهم معاذ:اللع يعين على الطريق طويل سياف: لو يشوفنا ابوي مايصدق معاذ :الله يرحمهم سياف بحزن :اميين _______________ الرياض : صحت بدري وهي تسوي الفطور وبعدها توجهت تلبس مريولها المدرسه وقفت قبال المرايه وهي تعدل شعرها وتلفه على بعضه طالعت المرطب واخذته حطته ورجعته لفت بتطلع ولا تصادفت مع ياسر اللي كان نايم بالصاله وب ابتسامه: صباح الخير اغصان : صباح النور ياسر وهو يتعداها ويفتح الكبت: ماشاءالله خلصتي بسرعه اغصان: ايه وسكتت ماتدري وش تقول طلعت وجلست بالصاله تنتظره يجي يفطر لبس وطلع جلس بجنبها وهو مبتسم بدو يفطرون ياسر: انتي هذا اكلك اكل عصافير اغصان : اممم ماحب اكثر ياسر رفع حاجبه: اقول كملي اكل بس هزت راسها وهي تمد ايدها بصعوبه وتاكل من غير لاتطالع ياسر: ماشاءالله عليك لا كحل ولاخرابيط مو مثل رنا تحط كل شي بوجهها اغصان بهدوء: لكل شخص شخصيته وانا ما افضل احد هالخرابيط احسني صغيره عليهم ياسر وقف : تسلم ايدينك اغصان : الله يسلمك ياسر: يلا مشينا علشان مانتأخر اغصان: طيب لبست عبايتها الراس عدلت غطوتها وهي تمشي وراه وهي تسمعه يكلم واحد ركبو السياره فتح بوكه وهو يمد خمسين ريال ياسر: يكفيك اغصان : كثير ياسر ياسر وهو يطالعها:مو كثير عليك اخذتهم وهي منحرجه منه: مشكور ياسر وهو يحرك السياره: مابينا بعدين هذي فلوسك وحقك علي سكتت وهي يقولها انتبهي لنفسك صيري قويه ماعليك من احد طنشي لا تعلمين احد سوالفك اغصان وهو يوقف عند المدرسه: تمام ماني مسولفه مع احد ياسر: سولفي بس انتبهي من البنات ترا بعضهم شر ومو متربيات وانا اخاف عليك اغصان: تطمن ماحد بيسوي لي شي ياسر: طيب يلا لاطلعتو اتصلي علي اغصان: طيب نزلت وهي تحس بتوتر فضيع وقلبها بدا ينبض بخوف دخلت المدرسه وهي تحاول تتذكر انها اهليه وبتاخذ راحتها بس الوضع كان غيير عن توقعاتها زاد خوفها وهي تشوف اشكال غريبه وبهمس: معقوله ماعندهم اهل نزلت عباتها وحطتها بشنطتها وهي تتوجه لمعلمة تتسألها عن فصلها ........ ياسر نزلتها وتوجهت لبيتنا امي مصدعتني وهي تدق علي وصلت ونزلت دخلت البيت ابتسمت بضيق وانا اشوف امي وخالتي مشاعل: السلام الجازي: وعليكم السلام مشاعل: وين مرتك مانشوفها مغيبها عننا ياسر وهو يجلس: مو مغيبها ولاشي بس مستحيل بجيبها هنا البنت مالها ذنب بخرافاتك الجازي وهي تمثل الطيبه: جيبها هنا انا ماعندي الا انت واخاف اجلس بالبيت لحالي من غيركم ياسر: انا وياها مرتاحين بشقتنا الجازي: طيب ياياسر ياسر وقف بسرعه: انا عندي خفاره عن اذنكم وطلع بسرعه الجازي: شفتي غسلت مخه مره وحده مشاعل: روحي اسكني عندهم الجازي: والناس مشاعل: طقاق فيهم روحي وداحريها الجازي : بس خليني اجيب مكان شقته مشاعل ب ابتسامه خبيثه:واخيراً صحيتي على نفسك وشفتي بعينك الجازي: اصبري بس انا اوريك فيها ____________________ بالقريه سالم بسيارته مايدري وش يسوي رفع جواله وهو يتصل على سعود سعود اللي كان صاحي بمجلس الرجال ومشغل حطب ويسوي قهوته دق جواله طالعه ولا سالم ب استغراب : سالم رفعه وهو يرد سالم بنبره ترجي: سعود ابوي بالشرطه تكفى افزع له سعود : وش مسوي سالم بصوت مخنوق: شارب ومتلفظ على العسكر وفوق تسذا فيصل هو اللي مبلغ عنه سعود بعدم استيعاب: ابوك انت شارب سالم: ايه وبيطلق امي صارت اشياء كثير بس انت مو عارف فيها تكفى ماعندي غيرك خوالي زعلانين عليه سعود: الحين بشوف لك الموضوع وبرد لك خبر سالم والدموع امتلت بجفونه: مشكور ياسعود ما انسى لك هالجميل سعود: مابينا ياسالم الاخ للاخ وقت الضيق وانا اخوك ويلا مسافة الطريق وبجيك سالم : انا مصفط ببداية مدخل القرية سعود: طيب سكر منه وهو مصدوم ابو فيصل شارب دق على صديقه وفهم منه السالفه وبخوف اخذ رقم فيصل وهو يتصل عليه فيصل اللي منسدح بتعب بسياره رد : الو سعود: انت وينك فيصل بسخريه: اوخ سعود متنازل ويدق علي سعود: خلص استلامك وتعال فيصل : ماني بجاي اخذت عن صديقي استلامه وبجلس يومين سعود: لابالله مانت بصاحي اقولك ابيك ضروري ابوك مرمي بالسجن واخوك تعبان فيصل: والله ياسعود ماتطلعه خله ينسجن دام اخذ هالطريق مالنا دخل فيه سعود: شوية احساس ابوك هذا ابوك فيصل: شف من يتكلم سعود: انا ابرك منك ماتركت ابوي وخليته متمسك لين الله ياخذ امانتي ولو على يده حلاله وافداه فهمت يافيصل فيصل : المطلوب سعود: المطلوب تفز على حيلك وتجي فيصل وهو يطالع مطلق وخويه وهذال يوقفون ويفتشون سياره قدامه: تبي تفشلني قدام الضباط ماني جاي سعود: اقسم بالله بينت لي معدنك مابي لك جيه بس لاتسألني عن ابوك بعد هاليوم حذف الجوال بغبنه احد يترك ابوه علشان غلطه الغلطه ممكن تتصلح بس قسوة القلب لايمكن تلين وقف وهو يتجه لقسم الحريم نادا على ساره وجته:هلا سعود: هاتس القهوه توني مضبطها ساره : تسلم يمينك سعود: الله يسلمتس يلا انتبهي لتس وللبنات وخاصه غموض ساره: رايح سعود: بروح اخلص لي شغله وبطلع للدمام انتبهي ي ام غموض اي شي يصير علميني ساره بحزن؛ فهد اليوم يدخل السجن سعود ب امل: امس بس ماعليك سنه وبتعدي بسرعه ساره وهي تمسح دموعها : ان شاءالله سعود ولا اول مره تقدم منها وهو يحب راسها حضنته وهي تبتبسي بخفوت: فهد ياسعود لا انسجن بيرجع لي شخص ثاني سعود : ياخاله صدقيني ايام وتعدي ولارجع وقتها لنا تفاهم معه بعدها وهو يمسح دموعها : انا اصير لك فهد وابو فهد بس لاتبتسين واللي يسلمتس ساره: الله يخليك ياسعود لنا سعود ابتسم : امين يلا ادخلي لاتبردين ساره : الله يوفقك ويسر لك خطواتك يايمه سعود طالعها ب الم: امين يارب كثري من هالدعوات الزينه وب ابتسامه رسمها على ثغره: انتبهي للعوبه شلعت قلبي امس ساره: هههههههه هذي هي من جبتها وهي بس تهذي ب اسمك واسم فهد سعود: اخذت برد امس ساره: ايه هذي تعبانه وبس حولها انا ومرات دنيا سعود: يلا استودعتكم الله طلع وهو تطالع ظهره ياترا وش اللي شايله بقلبك ياسعود وش الحزن اللي مايفارق عيونك وش الهم اللي محمله كتوفك واجهة اشخاص كثير اعرفهم من حركاتهم درست علم النفس بس عندك فشلت بتحليل شخصيتك مره تجي بارد واثلج من البرد ومره تجي عصبي ومره تضحك بعز همومك بس اللي اعرفه الحزن اللي بعيونك وكأنه يقول ليش يايمه رحلتي واخذتي الوان الحياه من بعدك معقوله حزنك ياسعود على امك بس صحت من افكاره وهي ترجع لورا وتسكر الباب رجعت المطبخ وهي تكمل فطورها تذكرت القهوه اللي نزلتها على الطاوله يوم ضمها سعود راحت تجيبها وحطتها بالصحن وحطت التمر والكاكاوت وطلعت تحطهم بالصاله اللي بتصميم ريفي دخلت دنيا : صباح النور ساره بابتسامه: صباح الخير دنيا وهي تجلس وتاخذ فنجال قهوه: اوف عجزت ارتاح بنومتي كل شوي افز اتطمن على غموض ساره: ياعمري انتي ماعليه هي مرضها يتعب تجلس لك اسبوع وهي مره زينه ومره تعبانه دنيا: الله يعين ساره: امين يارب ___________ سعد دخل بعد ماطلعه سعود ووصاه على المزرعه وكل شي: هدى قومي ماصارت هدى بتعب: خلني نايمه للحين ماجاء الظهر علشان تقومني سعد وهو يجلس على طرف السرير: الناس قاعده بس انتي نايمه بعدين قومي علشان بدخل على بنت عبدالعزيز بشوفها هدى وهي تجلس منصدمه: لا والله ماني داخله عليها بعد هالسنين كلها اجي اناشبها سعد: وش تناشبينها عمها وبيدخل يسلم وش فيها هدى ماردت وهي ترجع تنسدح: بعدين انا تعبانه سعد وقف: معك اقل من ساعه وبعدها بجيتس _____________ بالدمام همس منسدحه بفراش عمتها : عمه الحين دنيا ليش راحت عند سعود عمتها جالسه ومعها سبحتها : سعود قالها تروح معه وهي راحت همس: طيب دراستها ام ماجد: اجلتها سعود طلبها وهي بتغير جو همس: طيب دق جوال عمتها مدت لها وهي ترد: الو عناد: هلا يمه اخبارك ام ماجد: بخير ياوليدي انت شلونك عناد: ماعلي خلاف هذاني مداوم قلت اتصل عليك اتطمن قبل لا اطلع اتدرب ام ماجد: الله يحفظك ويقاك وينصرك على اعداء المسلمين عناد ب ابتسامه: امين يايمه كثري من هالدعوات الحلوه بحاجتها ام ماجد : من غير لاتقول عناد : ترا ماجد كلمني ام ماجد بفرحه: والله عناد: اي والله كلمني وهو بخير وعافيه والحين ب ابها مداوم بخليه يكلمك العصر ام ماجد دمعت عيونها: الله يسلمك ياعناد ويرجع اخوك سالم غانم عناد: امين يلا يمه انا بسكر يلا مع السلامه نزلت الجوال وهي تمسح دمعتها النادره ماتنزل همس برجفه: ماجد فيه شي ام ماجد : هماك ماتحبينه ليش تنشدين عنه همس سكتت وهي تصد بوجهها: بس اتطمن على ابو ولدي ام ماجد: بخير وبيكلمني العصر همس : طيب الله يرجعه لكم سالم ام ماجد: ولك سكتت وكان سكوتها دليل على حيرتها مابين تقبله وترفضه تصر على هالطلاق ويتم بعد ماتولد ولا تتراجع غمضت عيونها وهي تتذكز اهاناته المستمره لها ____________________ عند عناد سكر وهو حاس بفرحه حتى لو يشددون عليه بالعكس هذا بصالحه بس انه بخير ومو ب ايدين محسن وجماعته اسند ظهره على الكرسي : واخيراً بدت القضيه تتفكك وقف وهو يلبس طاقيته العسكريه ويتجه لميدان التدريب _______ سعود بمركز الشرطه ومعه سالم: والحل الضابط: هذا مجرم ومسكناه وبسيارته مخدرات وتبينا نطلعه لازم يتحاكم سعود: طيب بعد مايتحاكم وين بتودونه الضابط : بنعالجه كلها كم سنه سجن وبعده نعالجه ونصلح اموره سعود وهو يوقف: خير ان شاءالله بس لاتشهرون ب اسمه مانبي يلحق اهله ضرر ولو تحولونه للرياض من غير علم احد يكون احسن يتعالج بشكل اريح الحين صاكين معه اخوه وخويه وهم داشرين من زمان اما هالرجال على امانتي ماكان من هالنوع ابد بس جروه يلا موفقين بشغلكم الضابط: ماعليك بنحاول نراعيه وننقله علشانك سعود: جزاكم خير ركبو السياره : سعود بمواساه: سالم .. انا ادري ان خاطرك مكسور بس مهما يكون لاتترك ابوك وحيد زوره بين فتره وفتره لاتقطعه وكل شخص فينا يخطي حنا مو معصومين من الخطاء عليك بالصبر ياسالم سالم وهو لاف شماغه ومتغطي فيه وبنبره مخذوله: ماعمري توقعت بشوف ابوي بهالصوره سعود ابوي اللي رباني وكبرني اللي يضربني لا تأخرت على الصلاه يصير هلون يصير تسذا الناس وش يسكتها امي سعود: الناس والناس وانت اخر هم الناس بس تنقيل حتسي وش دخلك بالناس الناس هي بتشيل ذنبك بقطع ابوك الناس هي اللي بتوقف معك ولا الناس بتحاسبك ياسالم هذا ابوك جنتك ونارك لاتكسره من غلطه الغلطه تتصلح وبيرجع لكم وامك الايام كفيله بمدواتها سالم وهو يغمض بحزن: ان شاءالله ماني بتاركه سعود وهو يوقف عند بيت جده: انتبه لنفسك ولخواتك وفيصل اجلس معه وهاوشه هذا ابوكم اللي ياكثر ماتعبتو وشالكم على كتفه ياكثر م اخطيتم وغفر زلاتكم اغفروا زلته وامدحو خطاه ابوك ياسالم لاتكسره مع الايام سالم وهو ينزل: ابشر ماني مخليه بجيه كل يوم سعود: هذا العشم: يلا مع السلامه ولاتقول لاحد انك جيت معي سالم: طيب حرك سيارته وهو يتجه للمطار مسؤلياته ب ازدياد فضل يرجع للدمام وبعدين يتجه للعاصمه وينهي هالازمه وترجع حياته طبيعيه تتخلها السعاده والهناء ابتسم من تذكر موقف غموض امس : ماتتوبين طالعته بنظرات تتوسل يتركها: سعود والله بالغلط دخلت سعود ب ابتسامه: دخلتي بالغلط ماحد قالتس تتجرائين وتجين لين هنا انتي ماتخافين غموض بمكابر: من قال هذي اسمها مغامره مو خوف بعدين انا ما اخاف الا من ربي سعود مد يده متعمد تلمس ايدينها لين ماوصل لكتفها: ترجفين من قلبتس ولا البرد غموض: ارجف لاني بردانه وانت ماشاءالله مجبسني بهالبرد سعود: والفروه بعدين ماحد قالتس تطلعين واجزم انتس مادخلتي داخل غموض بعبره: اتركني بدخل سعود بعناد: لا غموض بقهر وهي حاسه بتعب: والله تعبانه تكفى واللي يرحم امك خلني ادخل مارد عليها وهو يمشيها معه غموض ارتبكت من قربه وسكتت: دخل فيها لداخل وهو متأكد من خلو المكان دخل على ساره وبهدوء: خاله اقضبيها عندتس ولا اشوفها طالعه ترا بذبحها وانتم كيفكم ساره فزت وهي تسحب من ايدينه غموض اللي وجهها احمر ولبسها مويه وحالتها حاله وترجف: ومو هي عندك وش مطلعها بهالبرد سعود: لقافتها جننتني تبيتس ساره وهي تجلسها على الكنب وتروح لغرفتها تجيب لها لبس غموض بغضب وخدودها توهجت بالحمره: حقير وسافل وكلب ماترتاح لين تعلم على الاقل قل طاحت بالغلط اي شي مو كذا تخرع امي سعود قرب لها ودنق عليها وهو يبوس جبينها وبهمس قريب لا اذنها: اعذريني لاصارت جيتي لتس صعيبه وانتبهي لحالتس ترا سعود ماهو بحولتس رفع نفسه وهو يأشر لها بسلام وطلع ماتدري ليش انهارت بكي وكأن خالها فارقها وكأنها اليوم تذكرت حزنها بكت حتى جفونها اشتكت من بكيها بكت وجعها من ابوها وحزن امها وفقد خالها حست بصدق بكلام سعود حست بنبرته وكأنه بيروح ويخليها دخلت ساره بخوف وهي تتجه لها وتحضنها: وش فيك سعود سوا لك شي غموض ببكى: ليش اللي احبهم يرحون مني حبيت همس وراحت حبيت خالي واختفى ساره: بسم الله عليك يايمه خالك موجود ماردت وهي تبكي ضمت اللي بين ايدينها وكانت سبحته اللي سقطت سهواً منه بحضنها ضمتها ساره وهي تمسح على شعرها المبلل بمويه: بيرجع خالك وبتفرحين برجعته مسحت دموعها وهي توقف وتاخذ الملابس بصمت ودموعها على خدها ________ وصل مطار الدمام نزل وهو يتجه للبوابه تلقى حامد بالاستقبال : هلا والله سعود:هلابك اخذ شنطته وهو يمشي معه وحامد يسرد له الاحداث بتفاصيل سعود بملل: فجرت اذني نوصل للمكتب وسوالف على كيفك حامد: الشرهه علي اسولف لك بس كأن جيتك هذي مطول فيها سعود وبراسه موال: احتمال وارد... ذيب وينه حامد: بقسم التدريب بتشرف عليه سعود ب ابتسامه: ممكن وصلوا المكتب دخل وهو يغير ثوبه الشتوي ببدلة عسكريه ضايفه له القوه والهيبه احتدت ملامحه وحامد يشيد له مشد الحمايه حامد: جرحك لايلتهب ليش متعالجه سعود: ماعرف حامد: تسعف العسكر بالتدريبات وتعالجهم وتعجز تعالج روحك سعود : شفت كيف المهم عطني شي اغطي ملامحي فيه ماني لابس القناع حامد: ليش لازم تلبسه نسيت هذا شغلك وشرط عليك ترا مو بس انت تلبسه شفت ياكثر اللي هم مثل رتبتك سعود بتعب: بس انا عندي ربو وضيق تنفس ومع هالرطوبه اظن بدخل غيبوبه وكلهم عارفين هالشي حامد: بجيب لك بودره سودا اصبغ وجهك فيها لان اعدائك ينتظرون لمحه منك بس سعود : الحامي الله حامد طلع وسعود دنق راسه بحزن رفع جوال مكتبه وهو يتصل على ابو مقرن: الو ابو مقرن: لاتقول ضعفت سعود بتعب: تعبت يا ابو مقرن اليوم تاكدت اني مخطي يوم رضيت ادخل معك ابو مقرن بصوت حاد: عمرك ماتتكاسل عن امن وطنك سعود: عارف بس انا تارك خلفي قريه واهل انا تارك قلبي وجايك بعقلي ابو مقرن : وحنا خسرنا وتركنا حماية فرد ولا حماية بشريه كامله انا ماوصيتك تتخلى عن عاطفتك شف مكانتك هاللحظه ماتحس بالفخر وكل الناس يمدحون فيك تمسك القضيه وتحلها كم مره مسكت مجرم وكم مره نجحت خططك سعود بنبره مبعثره: بس انا قاطعه بشده: لاتخيب ظني فيك ياسعود انا ما اخترت ورقيتك فوق الكل الا اني متأمل فيك سعود: اخر مهمه ابو مقرن: تعقب ماهي اخر مهمه وبحده لاتخليني احجز من الرياض واجيك سعود: لاتجي وبسخريه: بس كنت مبعثر وب اجمع شتاتي بصوتك ابو مقرن ب ابتسامه: حي هالصوت وحي هالبعثره ... سعود: يلا مع السلامه سكر واخلاقه يحسها صفر دخل حامد ومعه البودره بس وقف سعود وهو يلبس قناعه حامد:ليش سعود :مزاج تعداه وهو يتجه لساحة التدريب دخل الساحه الكبيره اللي بنص المباني القياديه والمهام العسكريه الابراج متباعده وبينهم حبل سميك وكفرات كبيره بنص المكان واحبال سميكه وذيب جالس على الصخر وبصوت ثقيل:ذيب فز ذيب بخوف من هالصوت:سم سعود :بالاول تدرس الشخص اللي قبالك وبنظرات عيونه تعرف صدزه من تسذبه وبحركات ايدينه تعرف وش بيسوي ولا وش حالته النفسيه مثلا جاك مروج كيف بتتعامل معه ذيب بتوتر:احاوره بهدوء وانتبه لحركاته سعود:وتكون دايم مستعد للمواجهه والحين امش معي للجزء الثاني كيف ترمي ذيب:ان شاءالله ______________ فهد بعد دخوله للسجن جالس على سريره الحديد وهو مشمئز من الاشكال والقضايا اللي سمعها اسند راسه وهو يكتب بدفتره اليوم الاول ربع روحي غادرتني من الذي اشاهده واره ياترى كيف لي الباقى اثنا عشر شهراً وانا بتت افقد روحي منذ اليوم الاول ياترى كيف حال ابنتي غموض وماذا فعل لها سعود وقطعة قلبي ساره كيف هي احوالها كم اتمنى ان اصبح حراً لا ارى وجهك الجميل وابتسامتك الهاديه وحنكة قرارتك وحكمتها وصوتك الذي يجلب لنفس اخيك السعاده وملامحك الغاضبه ان اصدرت غموض فعلاً معانداً لكِ كم اتمنى ان اهرب لا التقي بك وارتمي بحضنك راجياً الامس لايعود وغداً لايأتي والشمس تقف والليل يبقى كما هو ان يتوقف الزمن عند نظراتك الضاحكه لي وكلامك المشجع لي كم اتمنى لم ارتكب هالسخف وابتعد عنكما انا اسف حتما للاياام الخاليه منكم انا اسف بنيابه عن كل حزن سببته بقلبك وقلب ابنتك حبيبة خالها الذي جعلته اباً مسؤلاً عنه وشاب محكم تصرفاته وحبيباً لايكسر قلب فتاته تباً لاياماً فرقت بيني وبينكم انا اكتب لكم من اقصى الغرب وانتم ب اقصى الشرق هل ستصلكم رسائلي قبل ان اصلكم انا احبكم اخيك فهد سكر دفتره وهو يضعه جانباً وبهدوء:هل ايقضتني الساعه الرابعه عصرا الشايب:لما فهد:لدي بعض الامور الشايب:حسنا استلقى على ظهره والدمع كاسي جفونه _________________ ومن هنا اعلن قرب النهايه والحزن مليئ بقلبي عيدكم مبارك وطاعاتكم مقبوله تتوقف الروايه الى بعد العيد بحفظ المولى❤ |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . البارت(27)الجزء الاول . . .. وقفه مع احداث مطار ابها: "رَبِّ اجْعَلْ هَٰذَا بَلَدًا آمِنًا " اللهم احفظ بلادنا ووطننا وقيادتنا وولاة امرنا وانصرنا على من عدانا واجعل كيده في نحره . . جيتني من بين موجه ومجداف كنّك معاذير الزمان الآسفه❤' . . الرياض : صباح الاثنين لبس وتجهز وهو مطنشها تماما وبصوت غاضب: اخلصي علي وراي دوام وقفت وهي تعدل لبسها وتلبس عبايتها بصمت مشى وهو مو طايق حرف منها عقب حركاتها وكلامها الجارح له ولرجولته نزلوا ركبو السياره عطها المصروف وحرك السياره لمدرستها مازالت صامته تمنى بداخله انها تتبرر له كلامها بس ولا تجلس كذا ساكته تأكد له اللي بباله مايبي يحس انه غلط ب اختيارها يقسم انها تشاطره قلبه وروحه بس هي مو جالسه تستوعب هالحب الكبير لها او انها جاهله وش يصير تنهد وهو يوقف عند مدرستها وبهدوء نطق : استودعتك ربي انتبهي على نفسك نزلت من غير ماترد وهي تسكر الباب وتتجه لداخل المدرسه حرك بحزن معقوله هالحب اكبر منها غمض عيونه وهو يهدي نفسه وبحديثه مع نفسه: البنت توها صغيره فارق العمر بينا يخليها ماتستوعب الحب او تفهمه زفر بضيق وهو يتوجه لدوامه ....... معاذ وهو يتأمل من الشباك الشوارع: سياف يلا قوم ماصارت سياف وهو ينهض بصعوبه: ياخيي متكسسر وش تبي معاذ: قوم اخلص بنروح ندور على شغل بعدين تعال دامك تعرف بالسباكه والكهربا اشتغل مع العمال قعد برعب وهو يطالع له: هذا الناقص اسوي نفسي هندي والله لو ايش معاذ : مامعنا ريال ناسي الشقه بكم يومين بس450 شلون بنطلع مصاريفنا سياف: اكد ب اي شركه سيارات ولا اضطر اني اشتغل مع الهنود معاذ تقدم له وهو يجلس على السرير: سياف تحمل كل شي بينحل بس لازم تتنازل شوي عن مبادئك وتشتغل صدقني راتب ابوي لو نزل يالله والسكن بندور بعد شقه غير هذي سياف: قصدك اوصخ من هذي شايف كيف شكلها حالتها حاله والسيراميك مكسر والصبغ متشطب والسرير مزعج لو ماشرينا فرش مانمنا زي الناس من غير المطبخ اللي مايسد النفس معاذ : مضطرين ياسياف مضطرين شنسوي مرحلة بتعدي ولا تنسى اوراق المحكمه بعد ثلاث الشهور الجلسه سياف رجع راسه لورا: ياربيي طيب اسمع انا بسجل واكد على سيارتك يمديني كل يوم اطلع ع الاقل200 معاذ : وانا من يوديني ويجيبني سياف: اذ لقيت وظيفه انا بجيبك واوديك شقلت معاذ بتفكير: بس هاليومين بعدها تدبر لك شغل نبي الف على الاقل مو 200 سياف : طيب يلا قوم انت علشان ندور لك شغل وقف وهو يبدل ملابسه وسياف راح يغسل وجهه ويلبس بعد مرور نص ساعه طلعوا ومعهم اوراقهم توجهو لمحلات العطور سال الموظف وقاله مافي معاذ بحزن: طيب ماتعرف احد يشغل الرجل: الا فيه عندك الموالات وفيه مول محتاج رجال امن تهلل وجهه بفرحه : اي مول الرجال : الغرناطه مول يبدا التسجيل الساعه10 لحق عليه ابتسم بفرحه: الله يفرجها عليك مثل مافرجتها علي ابتسم الرجال :امين يارب طلع وهو يرهول من الفرحه ركب : سياف بنروح غرناطه طالبين حراس امن هز راسه بضيييق وصلو الغرناطه وهم يتجهون للاداره قدموا اوراقهم وقالهم بتجيكم رساله اذ تم القبول طلعوا ومعاذ مبسوط وسياف ساكت معاذ : ياولد شفيك ضايق سياف: ولاشي معاذ: سييياف سياف وهو يطالع الرايح والجاي: مقهور انا سياف اخر شي اشتغل حارس انا اللي كانت متكفييني الفين بالشهر صار حالي كذا بعدين الجو هنا يكتم مو مثل ابها وزحمه مدري احس فيه شي داخلي متضايق معاذ: اول شي احمد ربك على العافيه ثاني شي مو كل شي دايم لك يغير ربك من حال الى حال اصبر وكلها سهالات ب اذن ربك سياف: ان شاءالله _________ بنفس العاصمه : قبل ساعات عناد وهو يأمر الدوريات تتبعه للاستراحات بعد ماجاه تعميم على كذ استراحه وصل الاستراحه اشر للعسكر يتبعونه عدا كذا استراحه كانت عاديه ولا فيها شبه وصل للاستراحه المذكوره برساله استودع الله نفسه وهو يدخل ومن خلفه كذا رجل امن طلع سلاحه وهو يمشي بشويش وفجاءه بدا اطلاق النار من كل الجهات تغيب ورا شجر هو واللي معه وجلسو يرمون لين دخلو فرق الدعم عناد وهو يتقدم صرخ فيه رجل الامن اللي وراه: انتبه عناد هز راسه وهو يمشي بسرعه لين صار خلف الباب دقايق وهدا النار تكلم عناد: سلمو اسلاحتكم واللي معكم ولكم الامن واحد منهم: لو انك رجال ادخل لحالك عناد اشتدت ملامحه مسكو كتفه اللي وراه: لاتغامر عناد : للمره الثانيه اقولكم سلمو انفسكم من غير شوشره رد بسخريه: مانت رجال خايف تدخل لحالك عناد التفت للي معه وبغمزه : انا بدخل وانتم بعدي بثواني نوهمم اني انا رضيت التفت للي بجنبه مثل الخطه اللي علمتكم عليها يلا صف معي وصف من الباب الخلفي والشبابيك رد عليه بهمس: اللي من الباب الخلفي محاصرين الوضع وتم القبض علو اغلبهم بس هذول اثنين ماهم عارفين عبالهم اخويانهم انحاشوا عناد : تمام يلا توزعوا مثل ما امر غمض عيونه لثواني وهو يتذكر مكالمته الاخيره لدنيا ووصيتها تنتبه على نفسها وتسامحه تقدم وبصوت عالي: افتحو الباب انفتح الباب واشر للي وراه دخل وعلى طول بدا اطلاق النار على الشخصين عناد : انتبهو لاتقتلون احد نبيهم صااحين تقدمو وهم يسحبونهم لان الطلاقات كانت برجلينهم بس وقفو وهم يتفحصون المكان عناد بضييق: خسروا دينهم وعمرهم اللي بجنبه: الشكوى لله مشو للدوريه وهم ضايقين من المنظر وكميات المخدرات والهلوين ________________ الدمام: الساعه8 الصبح: فز من نومته بسرعه وهو مرتبك: يوييلييي من صقر وقف بسرعه وهو يلبس بدلته ويغسل وجهه توجهه بسرعه وهو ينزل وركب سيارته بعد مرو وقت دخل المبنى وقلبه يرتجف دخل مكتب الصقر وب ابتسامه: صباح الخير سعود مو باين من وجهه الا عيونه رفع عيونه بغضب: حي الله الشيخ ذيب شرايك بعد تجلس واقهويك ذيب وقلبه يرجف ماتعود احد يكلمه بهالنبره وكافي امس كارفه بالتدريبات لين ايدينه تشققت ولاهمه بصوت ساخر: تفكر يالشيخ ذيب ب ابتسامه صفراء: ياليت بعد فطور لاني جوعان سعود وهو يوقف: اقول قدامي على ساحة التدريب ويحزني اقولك ان اليوم التدريب متضاعف ذيب بضحكه بعد نبرة الصقر الهادي: بالعكس بقمة سعادتي اكسب وقت معك الصقر طالعه بنظرات: قدامي اشوف مشى ضحك ذيب وهو يمشي وراه دخلو ساحة التدريب: الصقر: اسمعني تمشي خمسين مره رايح راد فاهههم ذيب بلع ريقه: طيب الصقر: انا رايييح نص ساعه وجاي وترا كاميرات المراقبه شغاله لاتفكر تسحب ذيب بزهق: طيييب طلع سعود وهو يتجهه لمكتب ابو مقرن : هلا والله ب ابو مقرن ابو مقرن: هلا فييك عاش من شافك ابتسم سعود وهو يسلم بحراره : وش ذكرك فينا ابو مقرن ب ابتسامه وهو يجلس: ابد صوتك جابني من اقصى الرياض سعود بغمزه: وغييره ابو مقرن: تم استدعاك لمقر الرياض تباشر القضايا من هناك سعود وهو يطالعه بجديه: السبب ابو مقرن: تكمل القضيه من المقر الاساسي وابشرك تم القبض على مجموعة من عصابة محسن والحين تحت التحقيق سعود بغموض: كفو ابو مقرن : اي والله كفو قدر عليهم عناد سعود: ايه يلا انا اعتذر وبلغهم ان اسبوع على ما اخلص من تدريب ذيب اتجه لمقر الرياض ابو مقرن: الغدا ببيتي سعود: ما اطلع الا متأخر ابو مقرن: العشاء ومنها نناقش بعض الامور هز راسه: اجل فمان الله طلع من عنده وهو يتجه لبرا الرئاسه لجل يجيب فطور لذيب ___________ عند ام ماجد مبتسمه من الصباح همس جت ومعها الفطور: سمي ياعمه ام ماجد: كلمني اليوم الفجر ماجد همس : ايوه اشوفك طلعتي من الغرفه ام ماجد بضحكه: ماراح اعلمتس وش صار همس صدت بنظراتها: ماهو هامني اصلا اما ماجد : دامه مو هامتس ماراح اقولتس وش قال عنتس همس وقفت بزعل: عادي ام ماجد ابتسمت: يقول انه مشتاق لتس وترا ماعلمته بحملتس همس : طيب ياعمه انا بقوم الحين وبرجع لبيت اهلي اخذ لي كم غرض وبمر المستشفى بفتح لي ملف واراجع ام ماجد بفرحه: يابنيتي انا اروح معتس همس ب ابتسامه: ابشري ياعمه ام ماجد : يبشرتس ربي بسلامة وليدتس ورجلتس دنقت راسها وبهمس: امين _______________ حايل : ليث وهو جالس مع ريانه: جهزتي ريانه: ايه جاهزه بس ساعدني اقوم ماقدر احرك ايدي ليث: ساعدها وهو يسندها لان ايدها مجبسه ريانه: سعود يدري انكم مجتمعين بمخيمه ليث: لا بعدين ماله حق نقوله كله من حلال ابوي وعمامي رريانه طالعته بزعل: الا سعود ياليث انتبه ليث : خليتس من سعود نوف شفتي وش صار عليها ريانه: ياعمري الله يصبرها ليث: مانتي حاقده عليها ريانه : ليش احقد بنهايه هذي عمتي واقرب الناس لي ماسوت لي شي علشان احقد ولا هو طبعي ليث : طيب اخلصي بس تأخرنا كلهم بالمخيم ريانه: اشوف البنات يرسلون لي ركبو السياره واتجهو للمخيم بالمخيم اللي اقل ماينقال عنه ملكي بعد تضبيطات خالد زاده اناره وجلسات للبنات والعاب تكلف فيه لدرجه ركب الدبابات وخيام مضيئه: خالد وهو يمشي مع عيال اخوه: يجي الليل وتشوفون وشلون يصير المخيم سالم: اصلا سعود ماشاءالله عليه مضبطه من الى خالد : الله يحفظه انصدمت لمن شفت المخيم ماشاءالله مرتب وكل شي فيه فخم ببيت الشعر اللي جالس فيه الجد نواف وهو يقهوي الجد : سم ابو عبدالعزيز: سم عدوك ثواني واستئت ملامحه وحذف الفنجال على نواف اللي فز وهو يصرخ من شدة الحراره والضربه بكتفه عبدالعزيز اللي كان عن يمينه: يبه تعوذ من ابليس الجد: عيال هالوقت مامنهم فايده اجل مالي لي الفنجال ماتعرف العادات والمنقود عبدالله : الا يستاهل ماجاه من متى نملي الفناجيل عيب هذا الناقص فايز: المهم انا نويت اتزوج ضاري بفرحه: الله يبشرك بالخير فايز ب ابتسامه: وكلمت نوره تشوف لي وترد لي خبر عيال اخوه وقفو يباركون له فايز بعد ماسلم عليهم: الله يديم افراحنا وبضيق واعذروني على فارس الظاهر اني دلعته لين ضر نفسه وضرني كلمت خاله امس رافض لايرد علي وقالي خاله انه بيكمل دراسته عندهم ويبتعث ريان بقهر: صدقني ياعمي هم لاعبين براسه فايز: الشكوى لله عمر : حنا عيالك ياعمي ومن بكره لو تبي نسكن عندك عادي فايز : حياكم الله ب اي وقت البيت بيتكم ناصر: عيالنا عيالك يافايز ومرد فارس لنا بس هو توه صغير بكره تصفقه الدنيا ويرجع لنا وتفرح بجيته وافقوه الراي ضاري: انا جاني خطيب لنوف التفتو ب استغراب: منو ومسرع ما انتشر الخبر الجد ب ابتسامه: عاد انا علمتكم بس الولد هالحين مايقدر يجي بعد وقت بيجي عبدالعزيز: طيب اسمه عبدالله: اي والله ومن اي عايله الجد بغموض: لاتم كل شي على خير بتعرفون سكتو وبدوا العيال يلعبون وبعضهم يركبون الغداء دخلت وهي تذكر الله ومستنده على وافي : حي الله ابو فارس فز فايز: يحيتس الله يأ ام عبدالعزيز ام عبدالعزيز: عساك بخير وعسى فارس طيب فايز: ايه والله بخير وفارس ماعليه شر مير فشلني وكسر ظهري قدامكم وقدام الناس ام عبدالعزيز: ماعليه يافايز فارس انا ربيته ب ايديني هذي وكبرته على ايدي بس يطيح اللي براسه بيرجع لك ندمان ونوف الله يعوضها ب الاحسن منه واكيد موضوعه خيره فايز دنق راسه: ان شاءالله عبدالعزيز: اجلسي يمه ام عبدالعزيز: لا والله ماني جالسه بروح عند بنياتي بس جيت اتطمن على ابو فارس فايز: ماتقصرين يام عبدالعزيز طلعت وهي ترجع مع وافي لخيمة البنات : دخلت وهي تجلس وتنادي نوف تقدم نوف: سمي يمه ام عبدالعزيز: ما اشوفتس متضايقه من اللي صار نوف بابتسامه: يمه انا ماكنت مرتاحه من البدايه بالعكس احسه هم وانزاح ام عبدالعزيز: وش يسكت الناس نوف : صدقيني اخر الناس والحين بروح نلعب اونو مع البنات ام عبدالعزيز: طيب انتبهي لنفستس دخلت ريانه فزو يسلمون عليها ام عبدالعزيز اللي زحت لها مكان: تعالي يمتس هنا جلست بجنب جدتها واسند راسها على كتفها جدتها بهمس: امتس وينها ريانه: راحت امس لخالتي بحايل بتجلس عندها لين نرجع جدتها: وتسيف تخليتس ريانه بهمس: تعودت يايمه والحمدالله انتي موجوده شدت على ايديها وهي متضايقه من داخلها هالمره مو عاجبتها من البدايه وسوالفها بسعود كرهتها فيها مره وحده بس ناصر متمسك فيها على وش مدري اول العيال صغار بس الحين كبار الله يستر من هالحرمه وسوالفها ____ البنات يلعبون اونو بعد ماصفو الحلويات والقهوه وصورو سلطانه: ترا سلطان يقول اليوم الغدا علينا والعشاء عليكم نوف: ابشرو احلى عشاء على اللي صار لي ريم: يويلي يالخبله نوف ب استهبال: بطلب كيكه واكتب فيها مبروك الطلاق ي انا ساره : الحمدالله والشكر ناقصين هبال حنا نوف : انتظروا بس ماشفتو شي غاده: عمتو انا معتس اول ب اول ريما: وانا بعد ساره: كلنا بعد شرايتس نوف: هههههههههههه ياحلو بنااخي سما اللي كانت ساكته وبضيق: انا بنام وقفت وطلعت وهي متضايقه نوف: شفيها ساره: خليها هي تجيها النفسيه من وقت لوقت المهم بنات نكمل لعب كملو متجاهلين اللي تطالعهم بحزن مانادوها ولا قالو لها تعالي العبي معنا دفنت نفسها بحضن جدتها وهي تهمس لجدتها تلعب بشعرها . . بعد مرور وقت طلعو البنات وامهاتهم يتمشون دخل ليث ومعه عمر ومشعل ونواف وسلطان: السلام ياجده جدتهم بصرخه: لفو وراكم البنت نايمه مشعل اللي طلع على طول من لمح وجهها وبهمس : ماصعب من فراقتس الا انتس قريبه ليث طلع ومعه العيال واتجهو لدبابات الا هو رجع لخيمة الشيبان ________________ بمزرعة سعود: مسوين جلسه برا وينتظرون غموض تجي وتصور بكمرتها: دنيا والله كرفنا المسكينه دنيا: خليها من امس تتسدح بهالسرير ساره: ترا بنتي عوبه لاهدت عليكم فكو انفسكم عاد هدى: ترا عمها من اليوم يدق بيشوفها ساره: ماتمشي الا بالحيله ولا بتضل ترفض دنيا: خلوكم بس الحين ادبر خطه ونجمعهم دخلت وهي معها الكامره ولبسها صيفي عصبت ساره: انتي وش فيك تعاندين على صحتك غموض: ماما مت حر دنيا ماتت وهي تضحك: هههههههههه وينك ياسعود اجل ماما ازعجنا وهو يقول انا مرتي ماتحب الدلع وقويه وكلامها بدوي وبالاخير ماما هدى: انا متهوله وراه ما انحاش من اول ما ملك دنيا: اه ياربي بس الله مد بعمري وشفت زوجة سعود تتدلع غموض ماردت وهي تجلس وتأكل حلا وتحط لها قهوه ساره كاتمه الضحكه : غموض ارفعي شعرك عن وجهك غموض وهي تتدلع بزياده : مااامي ما ابي دنيا عجزت تكمل اكل ورجعت تضحك هي وهدى غموض طالعتهم: صدق ناس ماينعطون وجهه بعدين يحمد ربه هالسعود اني رضيت فيه وتزوجته دنيا : اي والله صادقه هدى وعيونها دموع من الضحك: اي صادقه دنيا ساره ب امر: غموض روحي مجلس الرجال جيبي الولعه بنشغل الحطب قامت وهي ودها تتهرب اصلا من هالجلسه ساره: ارسلي لسعد يروح لها هدى؛ طيب ارسلت له عند سعد اللي كان بالاسطبل : يوه وصى العامل يسكر الباب وطلع وهو شبه يركض دخل مجلس الرجال وهو يشوفها تدور وبهمس: ماشاءالله تبارك الله وبصوت عالي: عاش من شافتس يابنت الفهد غموض لفت بخوف: بسم الله سعد بشاشه: معتس عمتس سعد اصغز عمامتس غموض عفست ملامحها: طيب هلا اخذت اغراضها بس صد الباب غموض: ممكن اطلع سعد: لا بسولف معتس غموض : يا الله من متى تعرفني علشان تسولف معي سعد: مو شرط انا اسمع فيتس من ابوتس واعرفتس بس توني شفتس غموض برد ساخر: بركات ابوك وابوي سعد : مو مشكله انا مايهمني اللي راح اللي هامني هالحين غموض جلست على المركى: نعم سعد: تصدقين اثقل دم شفته فيتس غموض: ماطلبتك تقيمني تجاهلته وهي تزحه وتفتح الباب وتطلع سعد : الله يعينك ياعبدالعزيز ولا بقلبها ذرة طيبه _______________ الجنوب : محسن بغضب: والله لا اعلمهم كيف لعب الرجال خويه ب ارتباك : هد يامحسن محسن : اعرف واموت من بلغهم من خويه: ممكن جاسوس بينا محسن: دق على كل اللي معنا وقول لهم يجوني بالمصنع حالاً خويه بتوتر: تم محسن بقهر: والله لا ابكيك دم ياعناد انت واللي معك واولهم هالسعود والصقر والله ما اكون محسن ان مافجرت فيكم ' ' الى هنا واسبوعين وينزل الجزء الثاني ' استودعتكم الله |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم: . البارت(27) الجزء الثاني . . خذني إليك إذا أردت بقاءنا أما الفراق فما أقول لأمنعك؟ أبقيتني رغم إنتظارك خائباً وأنا الذي لا شيء مني أوجعك حسبي بأنك إن أردت تكلماً أسكتُ صرخات العتاب لأسمعك أبقيك في عيني كأنك واقف في طرْفه، حتى أخاف لأدمعك . __________ ب ارض ابريطانيا فرق الشرق عن الغرب وبمكان اشبه بالضيق "السجن" فهد متخذ زاويه ويصلي ب اتجاه القبله بعد ما دله مسلم اجنبي سلم وهو متجاهل اللي مسببين ازعاج حوله جلس يسبح ويستغفر ماحس الا بكوره صغيره انرمت على راسه اخذها ومكتوب عليها ب الانقلش: غداً ستلقئ الجحيم ابتسم بسخريه وهو يحذفها لقدام وقف وهو ياخذ سجادته وقرانه ويتجه لسريره جلس وهو يتأمل المكان والناس اشكالهم غريبه اطباعهم كل شخص له ديانته وعباداته وشخص حر من غير لا تربيه ولا دين غير كلامهم اللي يروع غمض بهدوء متى يخلص من هالعنا اليوم الثالث وطقت تسبده كيف بيتحمل 12 شهر رجع راسه وهو يسمع كلامهم القذر اعتفست ملامحه وبدا يرتل القران بصوت هادي وواطي علشان ماحد يسمعه __________ الرياض العصر: جالسه بصاله ومجهزه قهوتها وتنتظر ياسر يجي من الدوام رجعت راسها على ورا وهي تتذكر اللي صار امس كان شي جداً غريب ورفضي انا اغرب انا ماشفت منه شي يخليني اخاف منه او ما اثق بس انا داخلي شي مو مطمن امه اخته خالاته كلهم ضدي واكيد انهم متحدين علشان يكسروني ويطردوني كيف يبيني اسلم نفسي له وانا اضحك كسرته بكلامي ورفضي له بس انا مو عارفه كيف اقول ايه وبنهايه ب انرمي برا هالشقه اخذت نفس عمييق وهي تسمع جرس الباب وقفت وهي مستغربه ومن وراء الباب: مين الجازي: انا ام ياسر فكي الباب بسرعه بردت ملامحها بخوف وسكتت وبتفكير داخلي ياسر جاي جاي خليه هو يدخلها احسن ماتدخل الحين وتسبب لي ازعاج وفعلاً دقايق ودخل ياسر وراه امه واخته رنا ومعهم اغراض ياسر وهو يخزها وبصوت واطي : ليش مافتحتي الباب اغصان بملامح هاديه: كنت بالمطبخ اسوي قهوه وماسعمت ولمن سمعت وجيت انت فتحت الباب هز راسه وهو يشوف امه تجلس بصاله وبهدوء: غيري لبسك وتعالي رفعت حاجبها بغيض: وش تقصد ياسر تركها ومشى للصاله طالعت لبسها عادي ولا علشانه باهت يبيني اغيره دخلت الغرفه الثانيه وهي تبدل وتلبس جينز سماوي وتيشيرت ابيض وفيه ورد خفيف بلون الوردي والسماوي فتحت شعرها وهي تسويه ويفي على السريع طالعت وجهها وهي تحس ماتحتاج كثير اشياء اكتفت بروج وردي مات وطلعت لهم وب ابتسامه : ياهلا بعمتي ام ياسر طالعتها من فوق لتحت : لاهلا ولا مسهلا جايتني تتبوسمين وانتي سارقه وليدي وحيدي بهتت ملامح ياسر وهو يرقع: يمهه وش قلنا اغصان وهي تجلس بجنبه : والله ياعمه وليدك وحيدك هو اللي جاء وخطب وملك ماحد اغصبه على شي وبعدين ماخذ بنت عمه مو وحده غريبه عنه مسك راسه ياسر وهو يطالعهم كيف يناظرون بعض ورنا تضحك : اقول ياجماعه انا جاي من الدوام منهد حيلي وحياك يمه البيت بيتك الغرفه اللي تبينها خذيها يلا استاذنكم بريح شوي وقعدوني على صلاة المغرب طالعته بقهر وش تسوي مع امه وقفت على طول وراه وبكلام غريب عنها: حبيبي استنى بجيك لحقته قبل لايسكر الباب طالعها وهو منخرش :وش فيك وبلهجة امر: روحي عند امي عيب تتركين ضيوفك اغصان وهي تخزه:خايفه طالعها وهو كاتم ضحكته: ليش بتاكلك امي اغصان بغبنه: ما استبعد ياتطلع معي يا اجلس عندك طالعها وهو يبتسم: طيب بطلع معك بس هالمره ابتسمت : مشكور مسك ايدينها وهو يمشي وهي تطالع له بخفوت والابتسامه مرسومه على شفايفها دخلو الصاله تقدمت اغصان وهي تقهوي الجازي ورنا وجلست بجنب ياسر ام ياسر: وش عندك قاعد ولا شينة الحلايا مطلعتك غصب ياسر وهو يلعب بجواله: لا راح النوم بجلس معكم ام ياسر طالعتهم كيف جالسين مع بعض وكل واحد يبتسم للثاني عضت شفايفها بقهر: وش فيك لاصقه فيه ابعدي عنه اغصان رفعت حاجبها: ولدك زوجي ام ياسر بغضب: ابعدي عنه الله ياخذك ياسر وقف : يمه الله يهداك وش فيك من جيتي وانتي معصبه بعدين جاين وتاركين البيت من له ام ياسر وقفت: انا مارجع للبيت لحالي يا انت معي يا اسكن عندك ياسر : خلاص نسكن عندك ام ياسر ابتسمت بشر: ايه هذا الكلام العدل اغصان طالعته ودخلت للغرفه ياسر طالعها بهدوء: يمه خفي على البنت تراها زوجتي وام عيالي ام ياسر: متى نرجع البيت ياسر: بليل نرجع وبشوف لي عمال بعد يسون ملحق بحديقة البيت سكتت وهي تتطالعه يروح لغرفته رنا: يمه مو كانك ثقلتيها شوي الجازي : انتي مالك شغل بالغرفه جالس على طرف السرير: اغصان لاتبكين اغصان: شفت دقايق بس وصار كل هذا لو اعيش عندكم وش بيصير ياسر: يابنت الناس ماعليك انا معك وبعدين بنعيش برا البيت ببني ملحق لنا اغصان وهي تمسح دموعها: يصير خير ياسر قرب وهو يمسك ايدها: تراك مو عند غريب عند ولد عمك وسندك لايجي ببالك تخافين مني او من اللي بيصير بنهايه انتي بوجهي ماحد يقدر يقرب منك مسحي دموعك واطلعي لهم . هزت راسها وهي تقوم وتخليه ينسدح ياسر وهو يراقبها تطلع وبهمس: وش ناويه عليه يايمه ______________ حايل بليل: المخيم : جالس على تله وبجنبه عمر وليث ويلعب بخشبه ليث بهمس لعمر: ابي مشعل بكلام بينا عمر: طيب وقف وتركهم وهو يرجع للمخيم ليث: مشعل مشعل التفت له: سم ليث : وش رايك باللي صار لنوف مشعل ابتسم بسخريه: جزاها واقل ليث : علشان خربت اللي بينكم مشعل بهدوء: من علمك ليث بقهر: ليش ماعلمتني ليش ماقلت لي كان ممكن اساعدك الاقل كان تزوجت ساره ولا هالعبه اللي صارت مشعل ببرود: وش تبيني اقولك تعال ياليث تراني عاشق اختك تراني عاهد لنفسي ماخذ غيرها وبنهايه اخذت وش تبيني اعلمك اللي صار صار وخلاص ومقدر ومكتوب ليث وقف : لا مو خلاص يمديك تطلق يمديك تنهي هالمزله قبل لاتبدي مشعل وهو يوقف ويواجه: تبيني اطلق بنت عمتي مابعد انجنيت وبتنهيده : انسى كل شي اللي صار صار والله يسعدك اختك بحياتها تعداه وهو متجاهل شعوره دخل للمخيم واتجه للعمامه الجالسين برا وشابين الحطب جلس بجنب ابوه عبدالعزيز وهو مستغرب حالته : مشعل مشعل وهو حاط ايده على عيونه: سم عبدالعزيز بهمس: فيك شي مشعل وهو يسند راسه على ابوه: لا بس شكلي اخذت برد نزل جاكيته وهو يلبسه ومشعل صامت يتأمل النار وافي وهو يطالع لهم: هههههههه ياليت موظفينك يشوفون اللي اشوفه خالد: قلبه رهيف على مشيعل عبدالعزيز ب ابتسامه: هذا مشعل ماحد يجي نفسه وافي: الله لنا ياشباب وين سليطين خلني انومه بحضني ضحكوا على سلطان يوم وقف وراح لوافي وافي : امزح معك سلطان وهو يعدل عصابته: بابا الله يخليك وافي: ههههههههههه والله ماني ناقص وجع بظهري انسدح عند عمك خالد طالعه بنظرات خالد: اسف ما استقبل هالثور سلطان وهو يرجع عند نواف: الشرهه علي اصلا ضحكوا عليه الجد اللي متوسط الجلسه وبصوت اشبه بالمرتفع: عبدالعزيز عبدالعزيز رفع راسه : سم الجد وهو يطالعه وبنظرات هاديه: بنيتك تجيبها هالاسبوع عبدالعزيز طارت عيونه وبصوت غاضب: ما اجيبها ولا راح اجيبها ولا واحد فيكم يتدخل بيني وبينها الجد بغضب: لاتخليني اجيبها انا بالقوه عبدالعزيز بصوت ساخر: ان قدرت على ولد ناصر ذيك الساعه جيبها الجد وهو يلتفت على عياله: خالها مسجون بقضية ارهاب امها مايندرى وش اطباعها والبنت ماندري وش تربت عليه سكت 20 سنه الحين خلاص البنت تجي وتشوف اخوانها وتعيش معهم صح ولا انا غلطان قاطعه عبدالعزيز وهو يوقف: غلطان وغلطان يومها باللفه منعتني حتى شوفتها وتبريت منها والحين تجيني بتشوفها بعد 20 سنه ضرب صدره بقهر انا ابوها ماشفتها ابوها ولا اعرفها ولا اعرف ملامح وجهها وجاي تقولي جيبها هي الناس بكيفك تمشيها وتوقفها سكت قبل خوف اني اترك امي بس الحين انا اقولها لك ولغيرك لاحد يدورها ولا احد يجيها ولا لكم شغل بنهايه اسمها بنت عبدالعزيز مو ابوه او اخوانه ... الجد: تعصي كلامي عبدالعزيز وايده على خصره من كثر ماعصب: ماعصيتك وانا شباب تبيني اعصاك وانا بهالعمر بس انسى انها بنتي وان لك حفيده التفت لاخوانه وبصوت مقهور: تزوجت امها علشان خويي واللي بالنسبه لي وقتها اكثر من اخو وقف معي وقفة رجال والبنت مريضه اضطريت اساعده واوقف معه ارد جميله واتزوج اخته مو انت اللي علمتنا الطيب ورد الجميل انا رديت الجميل مثل ماعلمتني ماكفرت ولا عصيت ربي بالاخير قررت اعيش حياتي مثل ما انا ابي ولا تحكمني بشي جيتك وقلت لك مرتي ولدت وجابت بنت وش قلت لي وقتها : انسى ان لك بنت وطلقها وقلت لك سم يايبه اللي تبيه تامر فيه وطلقتها بدال لا ادخل اتحمد بالسلامه او اسمي بنتي واذن فيها طلقتها وانا اصلا ماشفت بنتي الكبيره وبسؤال: من فينا ظلم الثاني يايبه لاتجي بعد هالعمر تبيني اجيب لك غموض مستحيل تشوف طرف منها واصلا انا مطمن دامها مع سعود لانه مستعد يحارب كل من يبي يضرها وانت اخبر بسعود ماحد يوقف بوجهك غيره طالع لهم وهو يطلع من المخيم بكبره وحاس بالقهر ياكله الجد ببرود: ب اجيبها ولا ماني بضاري ناصر: يبه اهدا بكره ابو مشعل يهدى ويجيك يعتذر ويجيبها بنهايه بنتنا ولا طلعت لغريب مشعل وهو يوقف: اظن كلام ابوي واضح يابو سعود ناصر التفت له: لاتكلمو الكبار الصغار يسكتون ابتسم مشعل: ماقلت شي غلط انبهك بس وطلع ومعه اغلب العيال ...... بجهة البنات جالسين يسون العشاء مع امهاتهم نوف: بنات احس تكسرت خلاص مافيني حيل اطبخ ريم: وانا بعد مثلك منى: اقول عن الهذره خلونا نخلص زين بعد عمه نوره معنا تساعدنا سلطانه: ترا بابا يقول انهم عازمين واحد من ربعهم بيجي نوف : هههههه بابا ريما: ياشين السرج على البقر ضحكو البنات وسلطانه رفعت حاجبها: مايضحك ترا ساره : خليهم يدورون اتفه سبب يضحكون عليه سلطانه: الله لايبلانا بس ساره: بنات ريونه شفيها وجهها شاحب عكس لمن جت الصبح نوف وهي تشغل نفسها بتقطيع السلطه سلطانه: مدري وانا اختس بس يمكن ايدها شدت عليها لان خالتي ام راكان نست وشغلت بخور ساره: يوه ياعمري الله يعينها اشوف جدتي بس ماسكتها وتهديها سلطانه: بعد العشا بنطلع خرابيطنا ونشب نار ونجيبها معنا غصب طيب ريما: كفو والله من اليوم احاول فيها عجزت عليها ضربت صدرها بفزعه: خلوها علي والله لو كلف الامر نشيلها نشيلها سما وهي جايه ومعها اغراض: اوه كرفني خالي عبدالله وخالد كل شوي سما تعالي سما روحي جيبي رغد وراها: انا شقول بعد خلاني ارتب سيارته من الفضاوه اوفف بس ريم: عفيه على السناعات نوف : اقول بلا سنعات بلا خرابيط قطعو معي البصل رغد : اروح لعمي احسن لي خلود وهي شايله معها صحون القهوه: اوف بنات تخيلو من جت قبل لاتقول صرخوا البنات: لاتقولين خلود بتذمر: والله جت هي ومعها بنتها ام لسانين سلطانه وهي تقلدها: اوه نوف وش صار لتس ياقلبي ياعمري ماعليه ياعسل الله يرزقتس الاحسن نوف: ههههههههههههههههه اعطيتس ميه بالميه ريم: كانت ناقصتنا ام حميد سلطانه: يابنت نحتسب الاجر كل مناسبه الاتجي هي وبنتها طيب طلعه عائليه وش تبين عمتهم نوره دخلت: اقول بلا هذره الحرمه هذي جارتنا وعشرة عمر سلطانه: طيب ساره وقفت بهدوء: يمه انا بروح ابدل طيب نوره: طيب لاتطولين يسألون عنتس هزت راسها بصمت وهي ماسكه جوالها واتجهت للخيمه ريانه اللي كانت بالخيمه منحاشه من ام حميد جالسه على المركهه وسانده راسها ورا ايدها السليمه ساره ب ابتسامه: انتي هنا ... فقدتس وجيت ادورتس ريانه: ايه غثتني ام حميد وقمت ساره وهي تجلس بجنبها : وش فيتس وجهتس اصفر ريانه وهي مدنقه راسها: عمتي ام راكان بخرت والظاهر الجرح قام ساره بفضفضه؛ تصدقين ريون نفسي اغير الوقت والظروف ابوي كل شي ودي اغيره تخيلي ابوي تغير وغير تسذا صار مسجون التفت لها خايفه بعدين مشعل يجرحني ب ابوي وعمامي ريانه وهي تلعب بخاتمها: تعوذي من ابليس مشعل ولد خالتس ولو يبي يجرحتس ما اخذتس مشعل طيب وقلبه ابيض صدقني ماراح يقوى يجرحتس وابتسمت ب الم وقفت ساره: والله مدري ياريونه الله يكتب لي معه حياه حلوه وسعيده ريانه: امين ساره اتجهت للشنطه واخذت ملابسها وطلعت تأملت طلعتها بسرحان وبهمس: ماقوى ولا راح يقوى يكسر قلبتس بس يقوى يكسرني انا مسحت على عيونها ماتبي تبتسي خلاص لازم تقتنع انها لنايف وتفني حياتها معه وقفت وهي تلبس فروة جدتها وتتجه لبرا نفسها تتمشى ارسلت ليث تنتظره يمشيها __________________ بالمزرعه سعد بطفش: هدى وينتس ماتنشافين هدى: كنت معهم تو قامو ينامون سعد: تو الناس على النوم هدى وهي تنعس: نومنا احتاس نصحى الصبح وننام بدري سعد: انا مليت هالسعود وراه بلا ادق مايرد وانا وراي دوام ما اقدر امدد وش اسوي ب اهله مستحيل اخليهم لحالهم هدى: هو مستحيل بس اكيد انه حاسب حسابه بعدين ماشاءالله المزرعه مأمنه من كل جهه كاميرات سعد: حتى ولو ما اخليهم هدى وملامحها بهتت من الوجع: ايوه سعد بخوف وهو يقوم لها: وش فيتس هدى: عادي وجع خفيف ببطني سعد : اخاف من العلاجات هدى: والله مدري وبنغزه: مو هذا اللي تبي سعد: ماعليه ياقلبي تحملي نروح الدمام ونشوف وش يقولون هدى هزت راسها برضى وقفت: انا بروح لغرفتنا بنام سعد: طيب جايتس بس اسكر المجلس واتأكد من الباب هدى: طيب _______ بغرفة غموض تقلبت بملل : يوه بنااااااام اوف اوف بس قامت بطفش وهي تتجه لغرفة دنيا دخلتها بخفوت وهدوء وهي تشوفها نايمه ع السرير وامها على الاربكه وبتعجب: والله ناس تاركتني ونايمه عند دنيا مدت ايدينها وهي تاخذ جوال دنيا وتطلع فتحت الرمز اللي احفظته وهي تراقب دنيا فتحت الواتس وهي تقرا الاسامي وصلت لين اسم سعودي ودخلت وهي تقرا المحادثات مافي شي لفت نظرها غير سؤاله عنها كيف غموض اخبار غموض نامت صحت تنهدت بملل فكرت تدق عليه بس بالاخير نزلت الجوال تذكرت خالها ورجعت بتاخذه ولا ب ايدين دنيا وبغضب : اخر مره تمدين ايدينك على شي ماهو لك غموض طالعتها وبصوت هادي: امد ايدي وامدها وش بتسوين دنيا : اكسرها لك غموض وهي توقف: يمه خوفتيني روحي بس مابقى الا انتي دنيا : عند سعود غموض: عند سعود عند فهد عبالك ياحلوه بخاف ماهمني احد دنيا :ماعليك شرهه غموض دفتها وهي ترجع لغرفتها وجهها احمر من الغبنه اخذت الكشاف وهي تكتب رقم وتدق عليه بعد مده رد:الو غموض:خالي دمعت عيونها وهو يسكر:يارب الطف فيني انسدحت وعيونها بالسقف تفكر دقايق ودخلت دنيا وهي تمد الجوال:سعود يبيك غموض غمضت عيونها بصبر:يارب اخذت الجوال وهي تطالع دنيا واقفه وبهمس:خلاص روحي دنيا :لا ردت ببرود:هلا سعود:لاهلا ولا مسهلا وش مسويه انتي ..موعيب عليتس تاخذين شي مو لتس غموض:حبيبي خلصت سعود بعصبيه:غموض لاتخليني اوريتس شغلتس سكرت المكالمه وهي تعطيها الجوال :اسلوب البزران مايمشي معي نظام اعلم زوجها يوريها الشغل مو عندي قد قلتها له وبقولها لك انا ما اخاف من احد لا سعودد ولا غيره والحين برا غرفتي ماردت وهي تطلع بصمت وقفت غموض وهي تقفل الباب:بزر سارقه الكامير حقتي وشايفه الصور ولا قلت لها شي وانا قومت الدنيا علي طيب يادنيا ..تنهدت بضيق اوووووففف ____________ بالدمام جالس بساحة التدريب ويطالع ذيب : يلا ذيب وهو ينهت : خلاص تعبت سعود ببرود : اجلس لين هنا للفجر ذيب : يارررربييي سعود وهو يوقف: ذيب اخلص علي ذيب:طيب مد ايده بتعب وهو يرجع يتسلق البرج سعود مشى وهو سرحان مسك راسه ب الم : يارب تعدي هالفتره مسك قميصه وهو يفتح زراره اشر لذيب يجي ذيب بخوف وهو ينزل بسرعه:وش فيه سعود بهمس:خلاص ارجع لشقتك انا طالع مشى وهو يطلع من الساحه وقسم التدريب بتعب اتجهه لسيارته وهو يتوجهه لشقته دخلها وهو يرمي القناع بقوه ويمسح على وجهه اخذ مويه بارده وهو يكبها على وجهه اخذ جهاز البخار وهو يجلس على الكنبه لبسه وتمدد بتعب مو قادر حتى ينزع لبسه رجع راسه على ورا ومن تذكر رد غموض وسالفتها مع دنيا ابتسم بتعجب من نفسه رغم التعب والضغط جالس يبتسم ويضحك على تصرف طفولي منها وبهمس:انا لتس ياغموض ___________ عند محسن :اسمعو اليوم بنحاول نلقى سعود خويه:ابشر محسن وهو يلعب بالسلاح:هم ثلاث بس نجيب روسهم نفتك من الازعاج ابو مقرن و الصقر وسعود هذول بس نجيبهم تنحل امورنا طالعه بنظرات اللي بجنبه : بنجيبهم ونعلمهم شغلهم محسن:انتظر الخبر حذف اللي على الطاوله وهو يطلع طالعو بعض: مشينا ________________ الرياض : معاذ دخل ومعه اكل سياف:هلا الحامل والمحمول معاذ ب ابتسامه : هلابك سياف وهو يساعده ويرتب الاكل:ترا لقيت متعب معاذ:وينه سياف:عند الامن يحمونه من اللي ناوين له الشر وابشرك اسمه ماجد بعد واخوه الضابط عناد معاذ:يا آلله وكيف الحين سياف:وكيف بعد سمعت الدكتور لمن قال لارجعت له الذاكره بينسى اللي بحياته قبل يعني افقد الامل يتذكرنا معاذ:خيره ان شاءالله سياف:امين معاذ:يلا اكل علشان ننام وبكره ورانا شغل سياف:وشو معاذ:لاجاء بكره اعلمك طالعه بنظرات:يطاوعك قلبك معاذ:ههههههه بقوه سياف:حمار معاذ ب ابتسامه:عليك ___________________ الرياض بالمركز وبغرفة التحقيق ضرب الطاوله بقهر:من اللي نشر الصور من اللي ذبح الضابط منصور من اللي سبب حادث ماجد من اللي لفق قضية غازي وبصراخ :من طالعه ببرود:مادري غمض عيونه يتمالك نفسه :ياااارب وبغضب عارم ؛جاوب لا والله اعلمك الشغل طالعه ب استفزاز وهو يحرك كتفه:ما اعرف شي من غير شعور ضربه بقوه دخل عيسى وهو يبعده :تعوذ من ابليس مو كذا تنحل الامور المتهم بالارض:محسن هو سبب كل شي محسن عناد بقهر: الله لايخلي فيني حياه ان خليتك يامحسن عايش وطلع بغضب لحقه عيسى وهو يمسكه :قالك كذا بيستفزك بس ولا ندري ان محسن ورا كل مصيبه بس من ورا محسن جالس يدعمه بكل شي عناد مسك راسه وبغبنه:وسعود ناوي يزوجها بعد لذيب والله مايفرح فيها وانا حيي عيسئ:من بيزوج دفه بعدم استيعاب للي قاله :وخر عني بطلع اشم هوا ولا راح اموت من القهر عيسئ بحزن وهو يطالعه يطلع:يالله بس رفع عيونه وهو يتذكر ولده وامه وابوه:يارب تحفظهم لي ولاتوريني فيهم مكروه __________________ الى هنا ولقائنا القادم بعد اسبوع بنفس اليوم الاحد الساعه 11مساءً اختكم/غسق آلليل |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . البارت(28) . . لو تعدّيتك .. يرجّعنيَ لْـ دربك : حنين ولو تناسيتك ترى ذكرياتك : ما سهت *منقول . . الرياض بعد مرور يوم واقف قدام الشباك يتأمل المنظر قدامه الاشاره اللي تتحكم بالكم من السيارتت وعمال النظافه باصات المدرسه رفع راسه يشاهد ارتفاع الابراج من حوله والمباني صمت لوهله بعدها اردف وهو يبعد عن الشباك: ليت فيك من ريحة امي ليت فيك ذكريتنا الحلوه توجهه ياخد له شور ويصحصح ثم يبدا يوصل الطلبات عند معاذ ب اول يوم عمل له لبس اللبس الخاص بالامن وهو حاس بفرحه عظيمه ان يكون لك شغل بعد ماكنت تبيع شاهي بالطريق شي جدا حلو عبس وجهه من تذكر رفض عساف انه يروح معه ويداوم : الله يهداك ليتك بس تقتنع رجع يبتسم وهو يتمشى بساحات المول . . عساف طلع بعد ما اخذ شور سريع لبس ثوبه وربط عصابته اخذ مفاتيح السياره وهو ينزل جاه اول طلب انه يوصل اكل ابتسم بسخريه وهو يقرا الرساله اللي جته وبصوت سخريه: انت مندوب صح اذ ماعليك امر تمرني على هالعنوان ابيك توصل طلبية فطور لزبونه وصلني رقمك من الانستا عض شفته بغيض وهو يتجهه للعنوان وصل وهو يرسل لها تطلع له احد وياخذ الطلب دقايق وجته الشغاله معها الاغراض اخذهم وهو يركب ويتوجهه للمكان الثاني وصل وهو يدق على الرقم دقايق وجه الرد : الو عساف: الو معك مندوب انتي طالبه فطور ردت بهدوء: ايه صحيح طالبه فطور بس معليش تاخر وطلعت للدوام عساف: يعني وش اسوي انا بالفطور ردت : انا وش دخلني مشكلتك ماحد قالك تتاخر عساف بقهر: الله يضيقها بوجهك وسكر الجوال بقهر وهو يركب سيارته بغضب رجع لشقه نزل من السياره وهو شايل الفطور دخل على البقاله اللي بجنب العماره وبنفس شينه عطاهم الفطور وطلع من غير لايتكلم ركب الدرج وهو يحاول يهدي نفسه دخل الشقه وخو يرمي مفتاحه وشماغه رمى بنفسه على الكنب : الله يقطعكم اي والله اوف ياربببي رجع راسه لورء بهم : بكره ادور لي شغل الحين اغمض وارتاح ثواني بس ولاغمضت عيونه بسلام .... بنفس العاصمه : ياسر بهدوء:يلا يابنت تاخرتي اغصان بعصبيه :يالله بس مابي اداوم ياسر:والسبب اغصان دنقت راسها:ياسر ممكن طلب ياسر ابتسم :امري اغصان:مابي اشوفك طالعها ببعثره:متاكده هزت راسها بعناد ياسر تحرك صوبها :وعناد لك انا ماني مداوم اليوم وبجلس هنا فهمتي تقدم وهو يجلس على كرسي التسريحه ويناظر لها بضيق تكملت بنبره مرتجفه؛ مابي اعيش عند امك مابي ارجع اعيش عند ناس مايبوني ياسر والله ماعاد فيني حمل اتقبلهم ادري صعب عليك بس اذ بتسكني عند امك اهون علي ارجع اعيش عند سامي واتحمل كل شي يجيني منه الاقل هو اخوي ياسر: يعني كل اللي سويته لك مو بين بعينك يكفي زعلت امي وطلعته بالغصب من شقتي علشانك وعدتها واقنعتها اننا بنسكن عندهم لاتعدلت اوضاعك وبالاخير بتعشين عند سامي رفع حاجبه : الاقل ضحي شوي علشاني تحملي تجاملين ليش انتي كذا انانيه اهم ماعليك راحتك وانا بطقاق ليش ماتشوفين ياسر وش سوا لك انا لين هالحظه وانا اعتبرك شي كبير بالنسبه لي بس الظاهر اني غلطان وقف وهو يتجه للباب: ماراح اقولك تجهزي اوديك لسامي بس تجهزي بعد شوي اوديك لامي ولمي كل اغراضنا وطلع اغصان طاحت دموعها بحزن: ياربي ساعدني يارببي ماحد فاهمني مسحت دموعها وهي تقوم تحط الاغراض رمت ثيابه بالشنطه وفتحت شنطاتها الصغيره وهي تحط ملابسها اخذت شنطة المدرسه وحطتها داخل قفلت الشناط وهي تجلس على الكنبه اخذت جوالها وهي تشيك على الانستا والواتس مالقت احد مرسل فتحت محادثة سامي وهي تتأملها فاضيه انرسمت على ملامحها بسمة خذلان غمضت عيونها لثوانيي وفتحت من حست بحركه لفت ولا ياسر جالس ينزل البالطو وبهمس: ليش رجعت ولا خفت اني سويت شي بنفسي ياسر وهو يلف عليها : مارجعت لعيونك رجعت ابي اريح وانام ولاصحينا نمشي ماردت وهي تلعب بجوالها بفضاوه والدمع ممتلي بجفونها وبهمس: بيراضيني ماهو مخليني كذا ارتجفت ايديها من لمسة ايدينه همس وهو يتكلم بجديه: اغصان انا ماعمري جبت طاري عمي او اخوك وماطلبت منك شي ابيك تسكنين معي وعند امي وقبل كل شي هذا بيت ابوي يعني بيتي لو سكنت هنا شهر شهرين اخرتها بالاخير برجع لبيتي واهلي حاولي تتنازلين شوي علشاني اغصان هزت راسها بهدوء ياسر :بسمع رايك مو تهزين راسك بس اغصان :بروح معك واتحملهم علشانك بس رجاءً لايقربون لي ولا اقرب لهم ياسر وهو يوقف:على خير ان شاءالله ثواني ورجع يجلس وانسدح وهو يحط راسه بحضنها وبهمسه الهادي:ممكن تتدلكين راسي تعبان والله من الدوام وكل شي اغصان ناظرته ببرود وهي تهمس:بقوم ممكن ياسر طالعها وهو يرفع نفسه:تراك تخسريني بحركاتك هذي ماردت وهي تدخل المطبخ وتخليه حط يده على راسه تذكر كلام خويه يوم راح يشكي له هاوشه وسفل فيه قال له يهتم فيها ويحسسها انه امان له بس هي مو طايقتني ابدا ماهي راضيه نتتمم الزواج ولا هي راضيه ب اهلي ولا هي راضيه فيني كلما اعصب وازعل ارجع بالثانيه واتسامح منها وافهمها وجهة نظري كله علشان ماتنزل دمعتها مره تكون حبيبه ومره تكون ماهي طايقه تسمع صوتي اعذرها واقول صغيره واللي بعمرها تصرفاتهم اذكى منها وادهى اه ي اغصان بس رجعت راسي على ورا وثواني وانا اسمع صرختها فزيت بخوف وانا اتوجه لها وبصراخ: خبله انتي فيه احد يحرق نفسه اغصان وهي تتوجع : كنت بصب المويه بالكوب تراني ماني خبله اذي نفسي دفتني وهي كاتمه صحيتها توجهت للثلاجه وانا اطلع عسل علشان يبرد مكان الحرق رحت لها وهي جالسه ع اريكه وعيونها مليانه دموع وججها احمر وهي ساكته تقدمت لها : معليش هالمره بعالجك بالامور الشعبيه ماردت علي وهي صاده مديت ايدي وانا اجبرها تعطيني ايدها طالعت للجرح : ماعليه بسيطه ان شاءالله بس هدي نفسك اخذت العسل وانا ادهنه على ايدها على خفيف شهقت بوجع وتلف : يوجع ياسر: ياعمري هذا حرق مو لعبه اكيد بيوجعك بس مع الوقت بيهدى رجعت لصمتها وهي مدنقه راسها رفعت راسها بحنيه: ابكي اغصان بسخريه: علشان اصير مجنونه وبكايه ياسر: حشاك وانا ماقلت عنك مجنونه اغصان: حرصك الزايد قال تصرفاتك قالت ياسر: وتكسرك للمرايا ماهو جنون اغصان يابابا تراني ماني حمل هالسوالف ابيك مره عاقله فاهمه انا ارجع من الدوام من هد حيلي من اللي اشوفه واعالجه مسك ايدينها تراني مكسور من داخلي كثير موت ابوي كسرني صدك كسرني دوامي اللي الكل مستانس فيه ترا ولا شي بالنسبه لي يوم يجيني مريض متحمس للعمليه ونسبة نجاحها ضئيله جدا وقتها تعرفين معنا وش اللي اكون ميت وانا حي مافي اشين من لحظة اني اطلع واقول لاهل المريض عظم الله اجركم ترا بين فتره وفتره تجيني هالحالات تخيلي يموت بين ايدينك انسان ويكون اخر شي كلامه لك وانا واثق فيك وبيطلع لعياله واهله وبنهايه اطلع انا لحالي من العمليه لحالي وهو توفى غمض عيونه لثواني يتدارك دمعته من تذكر اشكالهم وهالمواقف كبير همي ي اغصان ولاانتي بحملٍ له قام وهو يحب راسها :صحيني على الصلاه العصر نروح لبيت ابوي اغصان بحدرجه بصوتها: طيب طالعته لين انسدح وبعدها طلعت للصاله وهي تبكي من وجع الحرق وكلامه حست فعلاً انها ظالمته وما اعطته فرصه مسحت دموعها : حسبي الله عليك ياسامي كرهتني بالرجال كلهم ___________________________ الدمام : بعد ماصلى الفجر اتجه لساحة التدريب وهو يضبط قناعه الاسود وبدا يتسلق الابراج بقوه نقز على البرج وهو يحسب الثواني لذيب ويتوعد فيه ماكمل الدقيقه ولا ذيب من وراه وبصوت عالي: سبرايززز صقور فز برعب وهو يسقط من عالي البرج لولا الحبل كان راح فيها شهق ذيب بخوف واللي كانو جايين سعود وهو يتمسك ب وسط البرج: الله ياخذ عدوك ياذيب ذيب ب ابتسامه: امين نزل على الارض وهو يفك الحبل ويدلك كتفه غمض عيونه من حس بنغزات بصدره وكتفه ذيب : عسى ماتعورت سعود وهو يوقف : قدامي مية مره تمشي وشفت هالابراج تصعدهم خمسين مره وبعدها بدربك على السلاح وكيف تصاوب ذيب: ماتقصر والله سعود : لك عين توقف قبالي اقول تقلع تدرب يلا قدامي ذيب: ابشر بس ترا عامل حسابك بالفطور حطيته بمكتبك سعود: اخلص علي ياكثر حكيك ابتسم وهو يحس بسعاده مايدري ليش بس يرتاح مع هالصقر كثير مع انه ماصار له اسبوع بس يتطمن بوجوده يحسه شخص طيب رغم قسوته سعود وهو يشوفه سرحان: ياهو التدريب ذيب: ياحظ اهلك واخوانك فيك سعود طالعه بصمت واردف بهدوء: على تدريبك وترا مراقبك بالكاميرات بروح اخلص بعض الاوراق وجايك ذيب : ابشر مشى وهو حاط ايده على صدره دخل المكتب وهو متجاهل تسأولات العسكر قفل الباب وهو ينزع قناعه ويفتح زرار بدلته وينزل القميص بقى بالتشيرت الداخلي وهو يشوف الدم مملي التشيرت غمض بوجع : انا مدري متى بيسكر هالجرح اخذ المنديل وهو يمسح الدم رجع بالكرسي على ورا وهو متجاهل جرحه وبتسأول: وش ممكن صاير لفهد الحين وقف وهو ينزع التشيرت ويقطعه بنص ويربطه على الجرح ولبس قميصه وهو يسكر الازره بتعب اخذ الكمام وهو يلبسه بدال القناع فتح الباب ولا بوجهه حامد سعود ب استغراب: انت مو بالرياض حامد ب ارتبك: تبادلنا انا وعيسى سعود بصوت بارد: وب امر منو حامد : الرقيب يوسف ونايف مدد اجازته سعود: اها الرقيب يوسف اجل بلغه سلامي والحين تدق على خويك الثاني ويرجع وانت تروح مكانه ولا ورب البيت لا ارفع فيكم شكوى الخطه كلها على مكتبي وعند اللي اكبر مني وهذا يسمى تلاعب يا حلو انت وياه تلاعب فاهم... انقذ نفسك قبل لايجيون ويتحققون من الاسماء تراهم على وصول وانت كيفك قفل باب غرفته وهو يمشي بكل ثقه متجاهل حامد اللي بدا يدق على عيسى ويقوله يرجع بسرعه _ - دخل ساحة التدريب وجلس على الكرسي وهو يشوف ذيب يتدرب دقايق ورن جواله برقم غريب عقد حواجبه ب استغراب ورد: الو غموض: هلا سعود: من غموض: با مامداها تكمل ولارد بصوت هادي: غموض لاتسكرين غموض : نعم سعود وهو يطالع الساحه : انتي داقه غموض: سعود سؤال واحد بس نفسي اعرفه سعود: قوليه غموض: وش مخبي عني سعود صمت لثواني بعدها اردف: شوفي ياغموض فيه بعض الامور ماهي من صالحتس تعرفينها وتكون خاصه بناس كبار مرات غلط تتلقفين على سوالف غيرتس تسأليني وش مخبي عنتس وجايه كلتس ثقه اني بعلمتس فيه اشياء تنقال لتس وفيه اشياء لا احترمي هالشي مو شرط كل شي تعرفينه غموض: ان ماجبته منك صدقني بجيبه من غيرك وصدقني ماحد خسران غيرك ياسعود تدري ليش لاني فتره بس وبعدها برجع لمكاني بس انت بتظل زي مانت سعود ب ابتسامه : ومن قال ب اظل زي ما انا يمكن يكون عندي ولد او بنت منك يمكن نرجع مع بعض ليش دايم انتي انانيه غموض :سعود سعود اردف بهمس وهو يشوف ذيب جاي به: غزوة عيونك ...... مالنا بد منها حربك علي غيلة وانا مالي جنود وش هدنتك واسلم؟ وانا ادفع ثمنها وش هدنتك ترفع مظاليلك السود! وحّشتني من طول ما غبت عنها ما بين رفّة وْثانية ... آروح واعود منقول لـ اشواق سكر الجوال من غير لايسمع ردها تقدم ذيب وجلس بجنبه وهو ياخذ نفس: تعبت اردف سعود وهو يطالع ابعد نقطه بالساحه: ياعزتي لصدرٍ على الضيق رابي اليا بغى يفسح ضلوعه كسرها ياللي عليم بمشتكاي ومصابي لك قدرةٍ مافيه غيرك قدرها .! ياوقت انا اشقاني كثير التغابي مافيه فرحة ماعطتني ظهرها مليون مرة قلت : ياقلب ماابي! خير الظروف اللي يجي من ضررها مليت اواعد موطني في اغترابي واضحك مع من حد عيني وعصرها منقول لـ*أشواق* ذيب ب انبهار : صح لسانك تعرف تقصد سعود وهو مبتسم : اقول قم بس عطيتك وجه وقف سعود وهو يمد يدينه ويعقدهم لصدره: وش فيك مصنم ذيب: امانه لك سعود هز راسه بصمت وهو يمشي ذيب وهو يحاول يمشي وراه ويلحقه : الصراحه خلتني ارجع واقول ياحظ اهلك وبضحكه ممكن تصير اخوي سعود لف عليه: ممكن تكرمني بسكوتك ذيب: لعلمك ترا باقي لي تدريبات ماخلصت سعود : سماح هالمره امش ادربك على السلاح ذيب: طيب تعدو الساحه وهم يدخلون ساحة الرمي وقدامهم دوائر بعيده وقف سعود ولف واخذ الحامي مسك ذيب من كتفه وهو يعطيه : البسه ذيب: طيب لبسه ورجع لسعود: سكره لي وقف قباله وهو يسكره بقوه نزع الحامي اللي لابسه على راسه ولبسه ذيب وبجديه: امسك السلاح وركز بمركز النقطه ذيب وهو حاس بتوتر فضيع: طيب سعود : اطلق ذيب بترقعيه : ماشوف زين سعود وهو يعقد ايدينه: المحاوله الثانيه ركز ياذيب بلع ريقه وهو يطالع ويحاول يركز اطلق قريب من النقطه سعود بهدوء وهو ياخذ السلاح ويطلق على النقطه:لما يكون مخك صافي وذهنك مركز بتجيبها اما انك خايف ومتوتر ومو مركز ماراح تجيبها صح ذيب : لاتلومني اول مره امسك سلاح سعود بصوت مرتفع وحاد: كلنا اول مره مسكناه كنا بهالضعف بس لمن حطينا قدامنا هدف اننا نسهر لراحة هالبلاد والناس صرنا من امهر الناس بالرمي المهم انك تجي وانت مستعد للمواجهه مستعد تفدي بروحك علشان ارضك وحدودها ذيب تراك مرفهه لدرجه اني مدخلك معي من غير تسجيل ومن غير ماتمر على كم عسكري قيادي ولواء وهالشي مافي احد يحلم فيه لانه صعب بس انت تحقق معك وصار خلك قد ثقتنا فيك ذيب وملامحه يأسه : طييب سعود: يلا حاول ذيب وعيونه حمرت اخذ السلاح منه وهو يرمي على النقطه نطق وبعدها: بس هذا اخوي اخوي اللي شاركني حزني وفرحتي سعود وهو يتقدم له ويجلسه: اخوك خاين لدولته اخوك ضيع عيال هالبلد اخوك دخل الممنوعات وخطف وقتل واخر شي عطاهم ولده وتبرا عنه لجل كم سلاح ومخدرات وعلشان وشو يهدد امننا لاتحسبني مستانس انك رايح تتجسس على اخوك بس بنفس الوقت اخوك لازم ينقبض عليه وهو متلبس بهالتهم ذيب وصوته يرتجف: مانت فاهم شعوري ممكن تقولون اخوه سكير مروج قاتل بس يبقى اخوي حتى ولو بس مرات لاشاق دمعتي قلب الدنيا وقعدها ابتسم برجفه مره طعن واحد بالمدرسه علشانه ضربني وبكاني مع انه هو ضربني بعد يوم رجعنا البيت ومره وانا بالثانوي تهاوشت مع عيال الحاره لانهم يعايروني ب ابوي وجاء ضربهم كلهم علشاني هذا اخوي مسح دمعته اللي سقطت من حر مافي جوفه مسك صدره وهو يهمس : الوجع كله هنا كله سعود وهو يطالعه وقف : خلاص اذ ماتبي تكمل هالخطوه الله معك... ومشى فز ذيب وهو يركض وراه وبصراخ: انا ما انهي شي بديته انا معك باللي تبيه سعود وهو كاتم ابتسامته لف عليه: لا خلاص ذيب: تكفى يالصقر خلاص انسى اللي قلته كنت محتاج بس اتكلم سعود: بحاول انسى بس لعلمك نهاية الاسبوع يوم الاربعاء بتروح معي الرياض ومناك بنعرف كيف بنجيب محسن ذيب: ليش مو على اساس اني اروح ابها سعود: صعب علي اروح معك انا مطلوب لشغل بالرياض واصلا اساس العمليه الرياض لازم نتواجد هناك علشان الراس الكبير هناك وهو اللي مفرقهم علشان يلعبون فينا ذيب: الله يعين سعود وهو يطلع من ساحة التدريب ويدخل التفت ولا ذيب يمشي معه وقف وهو رافع حاجبه: رح كمل تدريباتك ذيب وهو يتمسكن: والله تكسرت شوف ايديني كيف متجرحات شوف رجولي ياخي وجهي قلب من الشمس سعود: يعني تبيني ارحمك ذيب: ياليت سعود المعروف بشدته هالمره لان معه كثير: بريك نص ساعه ذيب وهو ينقز بفرحه: ياشيخ روح الله يسعدك سعود : بتطلع ذيب: ايه بروح اتقهوا بكوفي وبعدها برجع سعود: محتاج فلوس شي انا حاضر ذيب : لا مشكور ماتقصر مو محتاج شي ولا احتجت بجي اقولك سعود : يلا روح بس انتبه لنفسك هز راسه وهو يطلع بفرحه سعود اتجه للمكتب يكمل بعض حوسته . . . بيت ام ماجد دخلت همس غرفة عمتها بهدوء وبدت تصحيها: عمه يلا قومي افطري علشان اعطيك علاجك صحت من النوم وهي تستند على همس وقامت تغسل وجهها وتصحصح طلعت همس للمطبخ وهي تجهز القهوه والشاي بعد ماسوت الفطور دق جوالها رفعتها وهي ترد: هلا والله امها: هلابك مشغوله همس: لا والله اصلح القهوه لعمتي ليش فيه شي امها: لابس قلت اذ فاضيه بمرك ونتقهوا شوي وبعدها بنطلع نتغدا مع عمتك برا همس: حلو بس عمتي ماتحب تطلع تعرفينها بتتعذر برجلينها يعورونها امها: ماعليك خليها علي انا اقنعها همس بفرحه :تمام انتظرك امها: ترا ابوك بعد جاي همس : تمام سكرت وهي متحمسه حطت الفحم على النار واخذت الفطور ونزلته بالصاله ورجعت للمطبخ جهزت القهوه والشاي وحطتهم ف الصحن اخذت الفحم وحطت البخور وحطته بالصحن شالته وهي تحطهم على الطاوله بصاله واخذت البخور بتدت تبخر الصاله ولا عمتها تمشي على العصا وبصوتها البشوش: صباح الخير لاحلى عمه فالدنيا ابتسمت ام ماجد: صباح النور همس: شرايك بريحة البخور حلوه صح ام ماجد : اي والله ريحته حلوه من وين همس: طلبته من حرمه مدحته لي عمه ترا ابوي وامي جاين ام ماجد ابتسمت: الله محيهم البيت بيتهم دخلو على كلمتها ابوهمس : الله يرفع قدرك ويعز شانك تقدم لها وهو يحب راسها وايدينها : قلت ماراح افطر الا مع اخيتي ام ماجد: ياهلابك حبتها ام همس وجلست قامت همس وقهوت امها اما ام ماجد وابوها جلسو يفطورون جلست وهي تطالع لهم : الله يديم هالجمعه يارب __________________ حايل* بالمخيم وقت الصباح : جاالسين وملتمين حول الفطور والشيبان يتقهون تكلم مشعل : انا اليوم ماشي للرياض اليوم موعد دخولي لكلية الضابط ردوا عمامه: الله يوفقك :، شد حيلك، اصبر ، ومن هالحكي دخل عبدالعزيز وهو متلثم بشماغه وهو يسلم على ربع ابوه اللي جايين له جلس نادوه على الفطور بس عيا مشعل وهو يطالع وجه ابوه المرهق وثوبه ازرته مفتوحه وقف وهو يجلس بجنبه : يبه شفيك عبدالعزيز : مافيني شي بس تعبان ابي انام مشعل : قوم معي نروح البيت انا بجهز اغراضي وانت نام وارتاح وتعال بليل لهم عبدالعزيز: ماني رايح البيت بجلس لحالي شوي يمكن اطلع اجر فندق مشعل : براحتك بس الحين تقوم معي وجهك حيل تعبان وقف معه وهم يطلعون مشعل : يبه كلمت سعود عبدالعزيز: على ايش مشعل: بشوف اختي قبل لا امشي انت عارف اني مطول يمكن شهرين مااجي بس بشوفها عبدالعزيز وهو يركب مع مشعل طلع جواله: بدق عليه قدامك ونشوف وش يقول دق عليه دقايق وجاه صوت سعود حطه سبيكر : هلا بعمي عبدالعزيز: ياهلا بك وينك مبطين عنك سعود: عندي كم شغله ايه اخباركم وش مسوين عبدالعزيز: ابد بخير منتظرين شوفتك تكلم مشعل: شلونك سعود سعود: بخير وانت للحين مارحت مشعل : اليوم بمشي دقو علي سعود: هالله شد حيلك وبيض وجيهنا وارفع راس ابوك مشعل: ابشر بس عندي طلب سعود: امر اذ بقدر عليه تبشربه مشعل: بشوف اختي قبل لاروح سعود صمت لثواني وبعدها اردف: ماقدر مشعل: ليش طيب هذي اختي ياسعود مايحق لك تمنعني عنها منعت ابوي وعمامي بس انا لا ماجاها مني شي او ضرر ولا كنت موجود بالماضي علشان تصفون حساباتكم معي انا ابي اختي بس بشوفها سعود بصوت بارد: وانا اسف اختك هذي زوجتي وانا اللي اقرر متى تشوفكم ومتى تشوفونها مالك اي حق عندي لا انت ولا ابوك ولا عمامك وجدك ولا واحد فيكم له حق عندي ياخي انسو اني ماخذ بنتكم اعتبروني ماخذ من برا انا مو مجبوور اخليها تشوف ناس تضايقها مشعل: الحين انا اخوها اضايقها سعود تكلم بعقل سعود: العقل والمنطق وكل شي يقول ابعدها عنهم انتم اللي خسرتوها وهي بالمهاد الحين جاين تبونها وصل هالكلام لاجدك وقوله سعود يقولك والله ان قربت من بنت عبدالعزيز خله ينسى ان عنده ولد اسمه سعود سامع وصله يامشعل والحين انا مشغول مع السلامه مشعل حذف الجوال بقهر: يبه شفت كلامه عبدالعزيز حط ايدينه على عيونه وبكى مشعل بغضب : يخسي هذا ينزل دموعك يالغالي والله لا اجيبها وانا ولدك مسح دموعه بشماغه : انا فرحان بعمايل سعود الاقل قدر يمنع ابوي عنها قدر يوقف بوجه الكل وياخذها عكس ماسويت انا الزمن دار مثل ما ابوي هددني سعود الحين يهدده ماراح تفهم وش اقول بس صدقني ياوليدي مافي اوجع من حرقة صدري عليها سكت مشعل وهو يحرك وهو حاس بوجع من منظر ابوه ودموعه __________ بالمزرعه جالس بطفش وهو يلعب بالنار: اوف وينك ياسعود بس الحين شلون ارجع اداوم واخليهم جاه صوت من وراه : سعد فز وهو يلف: هدى وش جايبك هنا هدى بوجع: سعد بطني ذبحني تكفى ودني اقرب مستشفى مو قادره اتحمل اكثر سعد ب ارتباك : طيب نادي احد يروح معنا هدى: قلت لغموض تجي سعد : يلا انا رايح اقرب اشغل السياره واقربها دقايق وجت غموض وهي تلبس هدى عباتها استندت عليها وهي تمشيها على خفيف فتح سعد الباب وركبت ورا وهي تبكي بصمت سعد وهو متوتر: هدى ياعمري انتي لاتبتسين غموض وهي كاتمه ضحكتها على شكله : عمي لاتخاف كله وجع بطن سعد : ان شاءالله ياعمي غموض ابتسمت براحه وهي تشد على ايدين هدى اللي سانده راسها على كتفها وصلو الطبيب ونزل سعد وهو ينادي الممرضات جابو كرسي وجلسوها عليه وعلى طول على الطوارى ساعه وساعتين قضوها وهم ينتظرون جسمه يرجف مو قادر يوقف جلس على الارض وهو حاط ايدينه على خده ومتلثم وعيونه ذبلانه وبصوت مرتجف: يارب تقومها لي بالسلامه يارب ما افقدها طالعته غموض وهي مبتسمه وجلست بجنبه وهي تمسك ايده: ماعليها ياسعود بتقوم بالسلامه سعد وهو يمازحها: اشتقتي اشوف تراني سعد مو سعود غموض بنبره هاديه: عارف اني جالس ادلعك بس هين هذا وجهي ان دلعتك وقفو من طلعت الدكتوره وبصوت هادي: معليش ي اخ سعد خسرنا الجنين طارت عيونه بصدمه مع فرحه وشعور متلخبط : طيب هدى كيفها الدكتوره: الحمدالله طيبه وصحتها زي الفل بس بعد ماتصحى حاولو تهدونها لانها عرفت وهي بالعمليه يلا ماتشوف شر والله يعوضكم سعد اللي من رحت سجد سجود شكر التفت لغموض الهاديه قرب منها وهو يحضنها من غير لايتدارك نفسه نزلت دموعه على كتفها همست وهي تربت على ظهره : اهدا ياعمي الحمدالله انها بخير والله بيعوضكم همس : مانتي عارفه ياغموض فرحتي ولا انتي عارفه وش صاير بس الحمدالله يارب ابعد عنها وهو يمسح دموعه بشماغه طلع جواله وهو يجلس : دقي على سعود بالله غموض اغتاضت ملامحها ؛ بس انا قاطعها: غموض دقي بسرعه اخذت جواله وهي تتصل عليه ثواني ورد مدت الجوال لعمها سعد بصوت مرتجف: سعود سعود بخوف: لبيه وش فيه صوتك صاير لكم شي سعد : هدى حملت واجهضت سعود بنبره فرحانه: الحمدالله يارب وشلونها الحين سعد: الحمدالله طيبه سعود: الف الحمدالله على سلامتها وب ابتسامه: قر قلبك وعقبال ماتقر عينك وهو بين ايدينك شد حيلك لاتبتسي سعد وهو يمسح دموعه وبفرحه: الدنيا مو سايعتنيي من الفرحه الحمدالله عقب هالصبر اسعدني ربي بهالخبر سعود بمزحه : اذ هي بنت تراها محجوزتن لي سعد وعيونه اتجهت لها وهي واقفه بتملل: لا والله ماتجي على بنت عبدالعزيز قل يمكن زوجه لولك مستقبلا سعود: محلها بالقلب بنت عبدالعزيزية لاقبلها ولابعدها احد سعد: هالله هالله كل هذا لها وش بقى لنا سعود: هههههههههه يلا عقبال ما اتمم له من الحين اقولك تماميمه علي وهذاني علمتك ابتسم سعد: وعقبال مانفرح لك بزواجك وعيالك سعود : امين يالله انا بسكر واذ بترجع تداوم علمني سعد: صح كنت بكلمك اصلا بهالموضوع سعود: ماعليك مدبر اموري انا عندي كم شغله ماخلصتها ويمكن اطول تعرف حلال خالي فهد يبي له وقفه ومحلاته وجالس اراجع يمكن ارسل واحد من خوالي يجيبهم لي سعد: وليش هالكلافه انا وراجع للدمام اخذهم معي عادي سعود: والله مدري احتمال اخليه يروح لهم بالمزرعه ماودي يطلعون منها احسن واشرح لهم سعد: بهذي صدقتك بس بنفس الوقت الوضع مايطمن حولك مزارع ومزرعتك ملفته اخاف حراميه ولا شي يطيحون عليها صعبه سعود: اجل لاجيت جيبهم لي معك وانا بحجز لهم شقه سعد:طيب سعود: يلا مع السلامه سكر وهو مبتسم وقف لغموض:مليتي غموض:لا عادي سعد :لاطلعوها للجناح نرجع لها الحين بنرجع المزرعه نريح غموض:طيب مشو وهم مع بعض ركبو السياره وهو حاس بشعور غريب وده يروح لمكان ويفرغ كل اللي بداخله فيه يبي يصرخ يبي يبتسي شعوره عظييم بعد صبر خمس سنوات هدى تحمل حرك السياره والرجفه مسيطره على جسمه وصل المزرعه ونزلو همس لغموض: اللي صار يبقى بينا لاسألو عنها قولي انها تعبانه بس غموض: من غير ماتقول .. سلام سعد: بالله جيبي لي معتس ماء بارد غموض: مويه بارده بهالجو سعد : ياليل انتي وش عليتس غموض عضت شفتها بغضب: وانا وشدخلني فيك براحتك والله ومشت وهي معصبه دخل وهو مو طايق نفسه دخل الغرفه وجلس وهو محتار يعلم امه ولا وش ردة فعلهم لو درو طلع جواله الكشاف حق الدوام وبدا يكتب رقم امه دق على دخلت غموض اللي مازالت بعباتها ونقابها حطت المويه وجت بتروح بس مسك ايدينها ثواني وهو يرد بصوت هادي: يمه .. اخبارتس وشلونتس وشلون اخواني وابوي ام عبدالعزيز بفرحه: ياهلا بهالصوت وينك يايمه الحمدالله كلنا بخير وطالعين للمخيم ناقصنا وجودك جلست غموض وهي تسمع صوتها رد بصوت مرتجف: يمه هدى حملت واجهضت ام عبدالعزيز : هو انت صادز سعد: والله يايمه اني ماتسذبت بحرف ام عبدالعزيز بتست بفرحه: الله يفرحك ياوليدي بالذريه الصالحه الله يتم عليها الصحه والعافيه ويرزقكم بالذريه سعد وهو يحاول يمسك نفسه: امين يارب وبلغي هالكلام لابوي واخواني اخذت منها الجوال وهي تتكلم بنبره مرحه: مبروك ياعمو وعقبال ما اكفخه واطلع حرتي فيه وعمايل ابوه ضحك سعد: سليطينه اشتقت لتس سلمي على البنات كلهم سلطانه والضحكه شاقه حلقها : ابشر يوصل وسلم على هداوي وقلها يويل ذا البزر سعد : اقول عاد تثبري اتحداتس تلمسينه بس سلطانه : ايه يالدنيا سعد يدافع عن ولده قبل لايجي سعد وهو حاس بفرحه: اقول سكري بس وسلمي لي على اللي عندك كلهم سلطانه : ليش اسكر سعد: صوتس يغث سكر الجوال وهو يضحك التفت لغموض: الحين تعصب وتحرق جوالي حراق وتشتكي لابوها مني وتشيش البنات علي غموض بوجه خالي من التعبير: وش تبي فيني سعد ب استغراب: بس حبيت تسمعين صوت جدتس غموض وقفت وببرود: سعد حط بيني وبينك حد مو يعني تعاطفت معك ورحت مع زوجتك يعني خلاص طاح اللي بينا انتم اصلا منو انا ما اعرفكم ولا اتشرف بيوم اعرفكم بس يرجع خالي ماعاد تشوف وجهي سعد وهو يوقف ويطالع له: انتي مو صاحيه مريضه هالتفكير مخليتس توقفين قبال عمتس وانتي متغطيه وكأني مو بمحرم لتس غموض وهي تكتف : محرم مو محرم انا ماهمني من هالحكي شي كلمه ور غطاها ماني بنتكم سعد بغضب وهو يلوي ايديها: بنتنا وغصبن عن خشمتس لاتخليني اغدر بسعود واحذفتس على ابوتس غموض بصوت عالي وهي تدفه: تخسي انت وسعود لاتحسب نفسك رجال علي هالابو انا ما اعرفه ولا قد بحياتي شفته من طلعت على الدنيا وانا اشوف فهد ابوي ابوي اللي كان ينتظرني كل يوم عند باب المدرسه ابوي اللي يحضر اجتماعات اولياء الامور ابوي اللي اول مانطقت نطقت ب اسمه ابوي اللي يفرح فيني يفرح بكل شي اسويه ابوي اللي شجعني وطلعني الاولى على صفوف الجامعه اللي عطاني كل شي بهالحياه شركاته اللي وسعها وكبرها حطها ب اسمي تبيني اكمل بعد واقولك كيف كانت حالتنا وانا صغيره عن اي ابو تتكلم ابوي اللي عايش مع عياله واهله وناسي ان له بنت ولا ابوي اللي كان يشتغل دبل شغله علشان يوفر لي كل شي لا احتجته ابوي اللي كان مايرضى دمعتي تنزل هذا ابوي مو اخوك اللي للحين ماحاول حتى يدق ويسأل عني وانا اصلا مو محتاجته بحياتي فهمت حتى انت وجودك هنا فرض علي ماهو بكيفي طالعته بقوه وطلعت وهي مقهوره نزلت دموعها وهي تمشي دخلت غرفتها وهي تسكر الباب وتقفله بقوه نزعت عباتها ونقابها وانهارت وهي تبكي بعد مده وقفت وهي تدخل وتاخذ لها شور بارد بعز البرد ارتجف جسمها من دخلت تحت المرش بثيابها طلعت بعد ماحست انها ارتاحت بدلت ملابسها وهي تلبس جنز اسود ثقيل وبلوفر عنابي ثقيل وجاكيت جلد اسود مربوط على الخصر بدت تنشف شعرها بالاستشوار وبعدها سوته ويفي خفيف طالعت وجهها احمرار جفونها وخدودها اخذت الكونسيلر وهي تغطي ملامحها فيه اخذت الكحل البيج وبدت تكحل عيونها طالعت لنفسها ونفخت شفايفها بطفش اخذت روج مات مايل للوردي الباهت وحطته اخذت عطرها وهي تتعطر وبعدها جلست على الاريكه بملل رجعت راسها لورا ماودها تطلع لهم تذكرت مكالمتها مع سعود كانت داقه تسأل بس اخذها لشي ثاني ابتسمت ماتدري وش حل هالانسان تحبه وتكرهه تحس بوجوده وماتبي تحس تبي الامان اللي معه بس ماتبيه وبسؤال : انا انانيه وبتنهيده: مدري من الاناني اللي من جاء اخذ كل شي جيت وراحت الفرحه من حياتي والاستقرار بس وجودك يحسسني اني با امان ابي اكمل حياتي معك بس مابي اكملها معك مابي اكون زوجة شخص ماعنده شهاده حده يرعى غنم وفوق ذا مايعرف يكتب ابتسمت بسخريه: شوف الحظ بس راح كل اللي كنت احلم فيه اكون زوجة شخص له قيمه بحياته منجز اعماله تتكلم عنه اقل شي يكون خريج جامعه وبنهايه ترميني الاقدار لشخص غريب بكل شي كلامه نطقه حركاته هدوءه بروده ابتسمت ماتدري كيف تحدد شعورها ناحيته تنهدت وهي توقف وتطلع للصاله وجلست بصمت من غير لاتطالع دنيا اللي جالسه سألتها : كيف هدى غموض ماردت وهي مدنقه تلعب ب اسوارتها دنيا طالعتها وهي توقف وتدخل : اوف انسانه غثيثه تخرب جو الواحد ساره وهي تتكلم بغضب: عيب عليك تسفهين البنت وش سويت لك فوق مانتي غلطانه تسفهينها غموض طالعتها ببرود ورجعت تلعب ب اسوارتها ساره من غير لاتتملك نفسها ضربتها من عند كتفها بقوه: انا يوم اكلمك تردين علي ماني فهد انا فاهمه يمشي ويسامحك غموض طالعتها بصدمه حاولت تخفيها ببرودها: ليت فهد موجود ولا وثق فيك وباللي معك ماكان هذا حالي ... ابعدت ايد امها وهي ترجع لغرفتها ساره وهي تزفر بتعب: حسبي الله ونعم الوكيل ___________ سعد اللي اخذ ملابس لهدى وطلع ماهو قادر يجلس بعده كلامه نفسه يتعاطف معها بس مو قادر قوتها حكيها ولا كانها بنت عمره ماتجاوز20 ليش كل هالحقد علينا وبالاخص علي انا مو عارفه من وش مخلوقه هالانسانه توها تبتسم وتتكلم عادي فجاءه تحولت شخص ثاني ما اقول الا الله يعين قلبك ياسعود لا انت مرتاح صغير ولا كبير ____________ بالمخيم بالمطبخ البنات يساعدون امهاتهم بالغدا بعد ماذبح جدهم ذبيحه للرجال اللي عنده ساره اللي جالسه تقطع سلطه : الله يهديه جدي مدري متى يترك هالعاده وربي تعبنا طالعين نستانس طيب شفيها لو حطها بمطعم ولا حالتنا هذي نوره : اقول قطعي وانتي ساكته وش عرفتس بعادات الشيبان سلطانه: يابنات ياعمات ابشركم هدى حملت واجهضت يعني سليمه مافيها شي نوره: الله يفرح قلبتس بهالخبر سلطانه: امين بس ترا علشان هالخبر انا بطلع لاتحاولون تكرفوني امها: اقول ي ام لسانين تعالي بس وين رايحه قطعي معي اللحم سلطانه: يمهه امها وهي تمد السكين: اخلصي اقول ضحكت ساره: ايه احسن ريم وهي توقف: اوف عمه تعبت من التقطيع دخلت نوف وهي تعفس ملامحها: اوف الله يعينكم من جد سلطانه بقهر: اقول ضفي وجهتس بس لا اقطعتس بدل هاللحم ضحكت نوف: هههههههههههههههه اتحداتس عفيه على بنياتي السنعات ام سلطانه:نوفوه شرايتس تطلعين نوف ب ابتسامه: اصلا انا طالعه طلعت وهي مبتسمه وتوجهت للخيمه دخلت وب ابتسامه: صباح الخير ردت امها : وهلا صباح النور صح النوم نوف وهي مبتسمه : صح بدنتس يالغاليه ام حميد: نوف علامتس توتس تصحين نوف: ابد ياخاله تعبانه شوي ام حميد: ماتشوفين شر يابنيتي ابتسمت نوف لها شويات ودخلت ريانه وهي تمشي على هدوء وبهمس : صباح الخير ردوا عليها واتجهت لجدتها وجلست بجنبها جدتها : ياهلا بريانه ياهلا ريانه بهدوء: هلابتس يالغاليه مسكت ايدها المجبسه وهي تتلمسها بخفيف وغمضت عيونها من تذكرت كلام مشعل امس وقفت : جده انا بروح لليث يبيني جدتها: طيب لاتطولين هزت راسها وهي تطلع متجاهله نوف تماما دقت على ليث ومارد اتجهت لخيمة الرجال وهي تمشي ببطئ شافت عمها خالد وبهمس : ياربي كيف اناديه وبصوت هادي: عمي التفت خالد لها : سمي ريانه : ابي سيارتك شوي خالد بعدم استيعاب: هاه وش ريانه: سيارتك خالد: ابشري بس ليش ريانه : حاسه بتعب بتمدد فيها براحتي شوي داخل زحمه وايدي توجعني خالد: طييب ارجعي لقسم الحريم وانا اقرب السياره لك واحطها عند المدخل هزت راسها وهي ترجع دقايق ووقفها قدامها وعطها المفتاح ريانه: مشكور عمي خالد ب ابتسامه: العفو ولعلمك ترا خطيبتس جاي لنا اليوم وجدتس مسوي الغدا علشانه ريانه سكتت ودنقت راسها خالد : هههههههه يازين اللي يستحون الله يوفقتس يابنيتي ويتمم لكم على خير ريانه ماردت وهي تلعب بخاتمها اتجهت للسياره بعد ماراح وركبتها وارخت الكرسي وهي تنسد راسها عليه زفرت بحراره والدمع يحرق جفونها رفعت ايدينها وهي تتلمس رقبتها سلسالها فاقدته تذكرت امس بكل تفاصيله طلعت الفجر من الخيمه بعد ماحست الكل نام بدت تتمشى حوالين حدود المخيم بطفش وهي لابسه فروة جدتها ومتلثمه خوف ان احد يطلع بوجهها من العيال جلست على الكرسي المركون بجانب المدخل نزلت لثمتها وهي تتلمس وجهها نزلت دموعها وبدت تبتسي من تذكرت امها واهمالها سعود وشوقها له وعدها مايقطع بس للحين مادق عليها وسأل ابوها وعلاقته مع سعود واخوانها وزعلهم منه وبالاخير مشعل اللي قلب عواصيفها ووقف معهم ضدها مسحت دموعها وهي تعبس بملامحها : اهدي ريانه اهدي حست بكف احد عليها فزت وهي تحط لثمتها ولا بمشعل قبالها صدت بسرعه وهي تبعد عنه همس وسمعته : الله يوفقتس بحياتس مع نايف ويسعدكم تاكدي يابنت العم اني اعدتس مثل اختي انا اسف اذ اذيتس وانا ما احس تكلمت بصوت عادي وهي تحاول تكتم بكيتها : انت شلون تتجراء تمسكني صدز ناس قليلة حيا لفت وهي تمشي بقهر ودموعها تنزل طالعها وهي تمشي وضامه ايدها المكسوره لصدرها همس : عسى هالكسر فيني ولا فيتس اقفت واخذت كل شي حلو معها حتى هالقلب مايبيني يبيها زفر وهو يمسح عيونه بعد ماغشاها الدمع شد جاكيته وهو يرجع لقسم الرجال وعيونه محمره غمضت عيونها بعد ماحست دموعها نزلت: يارب شيله من قلبي وارزقني حب نايف يارب . . ابها : ماد رجوله بطفش ومتمسك بالعكاز: ياخوي طفشت متى تطلعوني يوسف: وش يطفشك كل شي جبناه لك حتى الممرضين يسون لك جلساتك هنا ماجد: احس نفس الكتمه بصدري ياخي كافي جالس بمركز امن يوسف ب ابتسامه: احمد ربك مضيفينك عندنا ماكمل كلامه ولا بصوت انفجار ودخان قوي اغمى على ماجد من الدخان ويوسف ماعاد يشوف شي تقدم وهو يسحب ماجد من رجوله ويطلعه على طول من باب الطوارئ قرب له السياره وهم يدخلونه بسرعه ويحركون وبتنهيده: اوف دقايق تخطف الانفس رد خويه: والله انك كفو اهم شي محسن يستانس بالمركز بعد دقايق صحوا صرخ يوسف: ماجد اخطفوه دخلو فرق الدعم وهم يتفحصون المكان ومعهم يوسف : غريبه مافي اي اثر والغريب صوت الانفجارات ولا فيكم اي شي كيف هالشي جاهم واحد من العسكر: سيدي الماده اللي بالمتفجرات مخدره ومسيله للدموع يوسف: ماتوقعتهم يتجرؤن على المركز الضابط: اكيد بيتجرؤن دامهم عارفيين من داخل ومن برا ومليون بالميه فيه احد ينقل لهم تحركاتكم ولا وش الحكمه انهم هجموا فهالوقت اللي اغلب العكسر مناوبين برا المركز واللي داخل مشغولين هذولا دارسين الوضع دراسه تحرص يايوسف مره الثانيه وانتبه يوسف هز راسه وهو وده يصرخ :الحين لاعرف صقر وش ممكن يسوي ويتخذ اجراء بحقي . . الى هنا وشكرا لك من سأل وايام مبروكه عليكم ❤ لقائنا بعد العيد ان شاءالله |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . البارت(29) . . 'اجمع جراح وخاطري مكسور اتحمل خطاهم كن فيني قصور داير وين ما دار الزمان ادور يرميني عجاج البر للطوفان' ________________ الـدمام جالس يدرب ذيب بعد ماخلص البريك جاه حامد ووجه اسود من الخوف وملامحه صامته طالعه سعود ب استغراب : صاير شي ذيب يطالع لهم بعدم اهتمام بس شده حديثهم حامد صد بوجهه وبحزن: انخطف ماجد طارت عيون سعود بغضب: كيييف حامد : مدري ياصقر مدري لاتسألني ثواني ويجي العسكري لهم: سيدي طالبينك بمكتبك صقر غمض عيونه لثواني ثم مسك سلاحه وهو يدخله بخصره : جايكم تعداهم وهو مقهور وبقلبه جمره خالي رجع انخطف دخل لداخل المركز وكل اللي فيه وقفوا له احترام ....ماشي وهو ماطالع فيهم دخل مكتبه وهو يرد على الاتصالات اولهم ابو مقرن: شفت وش حصل سعود ضغط على راسه وهو يرد : مقدر ومكتوب ابو مقرن بغضب: مقدر مكتوب على عيني وراسي بس الضباط واللي اكبر منك يدورون الزله عليك سعود ببرود وهو يعض شفته: ابو مقرن واللي يرحم والدينك مالي خلق محاضرات عندك شي سنع قوله قضيتي وانا اعرف احلها وما اظن ان اسمي طول هالسنين كان مخفه كلن يعرف الصقر وافعاله وماني محتاج اثبت لك كافي مركزي وانا عمري صغير واذ على اللي اكبر مني ومنك اقدر اتفاهم معهم وانا الان جايكم للرياض جهز لي اجتماع ب الضباط وجميع المشاركين بالقضيه ابو مقرن قاطعه بهدوء: انت اصلا مطلوب لهم والحين معك ساعتين بتجيكم طياره امنيه كل فريقك اللي بدمام جيبهم معك حتى ذيب والبس لبسك العادي علشان ماحد يشك ولبسك العسكري تلبسه لادخلت المبنى وهذا مو كلامي كلام اللي طالبك لانك عارف العين عليك سعود : جايكم سكر وهو يزفر الامر تعقد طالع لرقم يوسف ورفضه وهو مقهور منه اخذ شنطته الظهر وغير لبسه لثوب وشماغ تلثم ولبس نظاراته فتح الباب وهو يراقب اذ كان فيه احد ماشاف احد لبس شنطته ونزل بعد ما ارسل لكل اللي معه يجون ويجبون ذيب ويتجهون للمطار طلع من مكتب المراجعين من غير لا احد يلاحظ ركب السياره وهو يتجه للمطار قبلهم حجز وجلس بصالات الانتظار وهو يهز رجله بعد ماشاف فريقه جاي طالع لحامد اللي ماسك كف ذيب ويمشون وذيب ملامحه هاديه صد بوجهه وهو حاس الامر ماراح يعدي على خير طلع جواله وهو يتصل بسعد .... سعد اللي كان واقف عند باب الجناح: هلا سعود سعود بصوت هادي: بعد ساعه او اكثر بتصل عليك خلك موجود واذ ماعليك امر تنتبه لاهلي حييل لين اتصل عليك سعد بصوت مرتبك : فيك شي سعود بهدوء: ابدا يلا بحفظ الله سعد : دقيقه لاتسكر انا بسألك واتمنى تجاوبني بصراحه سعود باستعجال : وش سعد : انت بعقلك يوم اخذت غموض سعود حط ايده على جبينه: وش مسويه بعد سعد: مو مسويه شي بس البنت كارهتنا حييل شلون بتشوف حياتك معها بعدين شايفه حالها وغير تسذا ماتبي احد مننا شلون بتكمل حياتك مع انسانه نفسها ياخوفي هذي اللي متعب عمرك اللي فات لاجلها سعود لازال ساكت ومغمض عيونه بضيق: حياتي حياتها فات عمري بقى مالك دخل ياخي فكوني خلاص كل شوي احد داق يتدخل طبيعي ردة فعلها بتكون تسذا وأسوا بعد متبرين منها لين كبرت وبعدها تعالي حنا اهلتس انت يارجال ماترضاها على نفسك تسيف هي البنت انا مو محتاج احد يوقف فوق راسي ويحرشني عليها بنهايه هذي الانسانه اللي انا حفيت لين انهد حيلي علشان اجيبها والقاها واحبها وانت عارف اللي راح بتقول انت بتعني نفسك بقولك راضي بالعنا دامه منها انا راضي بكل شي يصير ابعدو عننا والله يسهل دروبكم ..... سكر الجوال وهو حاس بضيييق خاله انخطف ومن جهه عمامه شايشين ومن جهه حياته مع غموض اللي كلما لقى لها حل طلعت له مسأله اصعب... رجع راسه على ورا وجهه مخطوف من التعب وقف على النداء الاخير للطياره وهو يتجه بخطوات واثقه ورزينه جلس بمقعده بجنب طفله وامها ما اعطاها اي اهتمام وهو يرجع راسه ويفتح لثمته طالعته ونطقت برعب : دم مااما خشمه دم سعود مارد وهو ياخذ مناديل ويحاول يوقف النزيف تكلمت امها بهدوء: ياخوي خلني اساعدك ارفع راسك لفوق وعد لين عشر وبعدها نزل راسك وكرر الطريقه وانا بروح اجيب لك ثلج اشر لها ببرود: خلتس بمكانتس متعود طالعته ب استغراب ورجعت بمكانها ورجعت بنتها للكرسي رفع راسه وهو يرجعه بتعب وبهمس : هذي بدايتها دقايق واقلعت الطايره وهو اللي كان على صوب الشباك اسند راسه وهو يتأمل الغيوم __________ الرياض . . وصلت الطياره الامنيه نزلو بمشهد مهيب وكل واحد رتبه تتحدث عن افعاله ماعدا ذيب اللي لابس بدله عاديه علشان مايثير الشك استقبلهم ابو مقرن و ب استغراب: وين الصقر تكلم حامد: راح على طياره عامه رفض يجي معنا صفق ايدينه بغضب : مايخلي عناده دخلو على كلمته عيسى وعناد : السلام ابو مقرن: وعليكم السلام يلا على غرفة الاجتماع عيسى: والصقر جاء؟ ابو مقرن بغضب: انا بداله ولا مو تارس عينك عيسى ب استغراب من اسلوبه: لا على عيني وراسي اتجهو غرفة الاجتماعات وابو مقرن منغبن من سعود جلسوا دقايق ودخل رئيسهم وبتساؤل : وين الصقر مو عوايده يتأخر ابو مقرن : جاي بطياره عامه علشان مايثير الشك سكت وهو يطالعهم واحد واحد : يصير خير صقر او بالاحرى سعود وصلت طيارته ونزل وهو مستعجل دخل حمامات المطار وهو يبدل لبسه بلبسه العسكري ويلبس كمام اسود بدال قناعه اتجه للمغاسل وهو ينزل الكمامه ويغسل وجهه رجع دمه يرعف غسل وجهه اكثر من مره اخذ مناديل وهو يحطهم على خشمه ويلبس كمامه لازق الاسم الوهمي على صدره وهو يطلع بعجله وقف التكسي وهو يتجه لمبنى الاجتماعات نزل وحاسب الرجال على السريع دخل بعد مامد بطاقته لهم وقف عن الباب وهو ياخذ نفس غمض عيونه وهو حاس بطعم الدم شد ب ايده يحاول يهدي من غضبه لبس جهاز الصوت وهو يدخل ويلقي التحيه وقفو وهم يردون التحيه استغربوا من كمامه الاسود بالعاده يلبس قناع وماتبين الا عيونه تكلم الناصي ببرود: وش مأخرك سعود وهو يحاول يتكلم غمض عيونه ورد بصوت ثقيل: جيت بطياره عامه انت عارف كل المروجين يدورون على شخصي ومن حقي احمي نفسي واهلي هز راسه و استهزاء : تفضل تكلم عن خطتك واخر ماعندك طارت عيون اللي معه وهم يطالعون صقر الواقف ومستند على الجدار ابو مقرن يكره هالاثنين اذ اجتمعو حاول يهدي : الناصي اهدا صقر بعد عنده ضغوطات وتوه جاي من اصابات وانت عارف ان خططه دايم تكون ناجحه بس هالمره الخطا مو منه من اللي موكلينه على ماجد صقر مايعلم الغيب اللي حصل اهمل مركز ابها الناصي بصوت مرتفع : اي اهمال وخطط اقولك الولد فقدناه التفت لعناد اللي ضاغط على ايده مايبي يتكلم ... اخوك انخطف وخذته جماعة محسن تعال عاد ياصقر حل لي الوضع مو هذي خطتك مو هذا كلامك وتوزيعك مو الرقيب يوسف يتحمل اللي صار انت لك السبب الكبير التفت لذيب اللي جالس بصمت ..اشر عليه وبعدين ب اي حق يدخل هالشخص عارفين من يكون اخ المجرم اللي خطف اخوك ياعناد ب اي حق تدخلونه اجتماع سري التفت لصقر اللي مازال واقف وساكت .. ماعندك شي تقوله صح مستانس بخسارتك جدااً للقضيه من هالحين اقولك تنسحب منها انت والفاشلين اللي جايبهم معك واولهم اخ المجرم هذا صقر طالعهم واحد واحد كيف ساكتين وينتظرون منه رد التفت لناصي اللي ماخذ الدنيا بصراخه : تقدم له وهو يوقف مواجه له من جهة الطاوله اللي كان ناصي ب اخرها وصقر ب اولها حط يده على الطاوله وبصووت برد: اخ المجرم اللي من اليوم تتكلم عليه داخل بالقضيه معي واللي اجيبه انا انت تحترمه مو بكيفك غصبن عنك هذا اول شي ثاني شي ماني بزر عندك ترفع صوتك علي لاتنسى اني اعلى منك رتبه بس ساكت احتراماً لعمرك ثالث شي انا مو داخل بكيفك انا داخل غصبن عنك وقضيتي بتتم وانا اللي ب اتمها وماسكها والحين من غير مطرود براا طارت عيونه بقهر وهو يطالع الضباط ماسكين ابتساماتهم الناصي: تطردني والله قاطعه بعجله: اخلص علي واطلع مالك دعوه بهالقضيه اللي اكبر منك للحين ماوصل وانت جاي تتدخل لو فيك خير قبضة على اللي عندك والتسيب والاهمال اللي صاير عندك مو عندي انا واحترم حالك وانت تكلمني او تكلم احد من اعضاء قضيتي وكل كلامك اللي قلته بحقي مسجل لعلمك وبصوت واطي والرئيس بمكتبه جالس يشاهد اللي صاير وب ابتسامه : المشكله انك انت اللي شابك الكاميرات والشاشه كيف نسيت غمض عيونه بغبنه وهو ينزع قبعته ويطلع بقهر ...... اخذ نفس صقر وهو يجلس بالمقدمه دقايق ودخل الرئيس وهو يتكلم: مشكور يالصقر على صبرك ونعتذر منك على اللي صار وان شاءالله مايصير خاطرك الاطيب صقر: ابعدو الناصي عني وانا بخير الرئيس: ابشر تقدم وهو يجلس على جنبه وبدا صقر يتكلم بكل شي صار من اول القضيه لنهايتها اشر على ذيب: دخلته مو علشان اقرب شخص لمحسن لا لان قلبه نظيف وعقله صافي وخدمة وطنه حاطها بعيونه صح يالذيب وقف ذيب وهو يقدم التحيه وبصوت واثق: انا جاي اخدم وطني واسهر على راحته لو اخطا اخوي لاتعممون علي الله خلق وفرق وانا قد اي مهمه وان شاءالله ابيض وجيهكم ولا اخيب ظنكم فيني ابتسم سعود له: وهذي الهقوه فيك الرئيس : اليوم تتجهون لاابها ومعكم ذيب صقر: ابشر عناد اللي عيونه محمره وجهه اصفر: انا بكون معكم الرئيس وابو مقرن طالعوا لصقر الساكت: لا انت وحامد بتبقون هنا بالرياض وعيسى يرجع الدمام يكفي اللي جايين مع صقر وقدامهم مراكز ابها والجنوب التفت لصقر ... لك حرية التصرف ب الرقيب يوسف .... بعد الاجتماع تتجهون تجهزون حالكم وعلى اول طياره امنيه وانا بتصل عليهم يجهزون لكم السكن وكل اموركم الامنيه صقر وقف قدم التحيه : عن اذنكم وطلع ثوني وطلعو وراه لحقه عناد وهو يمسكه من كتفه : تكفى يالصقر قلبي محروق على اخوي خلني اروح معكم الله يخليك سعود اللي صد مايبيه يعرفه بصوت بارد وثقيل : اسف روحتك مالها اي داعي نزل يده ...واتجه للبوابه دق على ابو مقرن : هلا سعود بعجله: دلني على بيتك ضروري ابو مقرن : انا رايح للبيت انتظرك عند البوابه سعود : انا عندها بسرعه ي ابو مقرن ماعاد اتحمل عناد عض شفته بقهر وطلع للمركز لحقه عيسى وبقى ذيب اللي جالس مايدري وين يروح وحامد اللي يفتر بالمنبى ويتفحص الاسلاك ومكاتب الارشيف ناداه الرئيس:دامك فاضي امش اعلمك على كذا حركه دفاع عن النفس قبل لايجي صقر ذيب: ابشر.. وراح له وصلو البيت نزل سعود وهو شبه يركض فتح له الحارس ودخل التفت لابومقرن: اهلك داخل ابو مقرن: لا بالدوامات سعود هز راسه وهو يدخل قسم الرجال وراه ابو مقرن فصخ الكمام وهو عابس حذف المناديل الغرقانه دم ابو مقرن: وانا اللي على بالي انتهت هالعاده سعود : ماظنتي يابو مقرن تختفي غسل وجهه اكثر من مره وهو حاس بدوخه ابو مقرن اسنده: ارتاح انت وانا بجيب ثلج واجيك سعود : تمام اخذ المنديل وهو يحطه ويمشي للمجلس الرجال دخله وهو يجلس على اول كنبه بتعب دق جواله اخذ نفس وهو يطالع الرقم وبهمس: تسنه رقم العوبا ابتسم : الا ليت لي حيله واطالع جبال حايل سكره وهو مازال مبتسم : جبال حايل وشموخه انشهد انها معتليه كل مقام حبيبة سعود وعاشقة الخيل تنهد رفع راسه وهو يلمح قطرات الدم على بدلته دخل ابو مقرن وعطاه ثلج بدا يمرر الثلج على جبينه وخشمه مسح وجهه بالمنشفه المبلله بمويه دقايق وهو على وضعه وابو مقرن يطالعه : وقف سعود صد بنظراته بصمت وهز راسه ابو مقرن: اهلك وينهم سعود: حاطهم بمزرعتي ع طرف حايل ابو مقرن: لك حلين ياتجيبهم عند خوالك او خوالك يروح لهم او تجيبهم عندي سعود: لاهذا ولاهذا بيبقون بالمزرعه ماجايهم شي ان شاءالله وكل اللي حوالينهم اعرفهم ابو مقرن: ماتدري وش يصير ياسعود خلهم بمكان امن لك ولهم علشان ماتجلس تفكر سعود: ب اشوف ابو مقرن: ثاني مره ارجع اقولك بينك وبين خوالك شي وخاصه عناد سعود بملامح هاديه: لا ابو مقرن بقهر منه: الا عيون عناد ماتكذب وجهه يوم جبت طاريك واللهفه بصوته علمني وش مسوي له انت عناد عمره ماغلط على احد طول عمره طيب وقلبه ابيض سعود طالعه بنظرات بارده: الله يعز شانه ابو مقرن: سعود لاتطلع عقدك بناس مالهم دخل فيك رفع حاجبه وهو يحاول يكتم غيضه وقف وبصوت واثق: الله يعز الصمت عن بعض الكلام .... سلام طلع وهو يمشي مايدري وين يروح بالضبط طلع من جيبه كمام جديد ولبسه دق جواله لثاني مره رد من غير لايشوف الرقم جاه صوتها الناعم: سعود ليش ماتتصل علي سعود غمض لثواني: وش قايله لسعد غموض والدمع بعيونها وتطالع جدران الغرفه اللي حابسه نفسها فيها وحالفه ماتطلع: ماقلت له شي كلام يستحقه وجاه سعود وهو يمشي ببطى : اها طيب وش نوع هالكلام غموض : طلب مني اجيب له مويه رحت وجبته وهو كان يكلم امه ومسكني عنده لين ما انهى المكالمه وبدا يخربط بالحكي يبيني اسامحهم او اتقرب منهم وانا وقفته عند حده سعود : وجبتي طاريي وسبتيني قدامه غموض ب احراج: كنت معصبه ترا ماسبيتك حييل .. وبعدين ما امدا يقولك سعود: ماحتسى انا كنت حاس وبضيق .. كيف يجي احد من اهلي وماتغلطين علي تموتيين غموض : بسم الله علي وبحاوله غريبه عليها: متضايق صوتك يقول كذا سعود ب ابتسامه: من بعد صوتس انا بخير وبهدوء.. غموض امسكي لسانتس ليين ما اجي واخذكم لاتسببين مشاكل ترا سعد مو بسيط لايغرتس ساكت بعدين يشيلتس انتي واللي معتس ويوديكم لبيت عمامي ف احترمي نفستس احسن لتس وطنشي وجوده ولاتحتكين معه علشان ماتتهاوشين غموض وصوتها بان فيه البكى: وربي هو قهرني جالس يكلمهم قدامي وكانه يقولي شوفي ترا انتي الغريبه بينا سعود والله ماكنت ناويه اقوله شي يزعله وهذي اصلا مو تربية خالي بس هو طلعني من طوري ذيتس المره يقولي غصبن عنتس انتي بنت عبدالعزيز اوك انا عارفه مو محتاجه احد يعلمني سعود وهو عاقد حواجبه دخل المستوصف اللي قدامه وجلس على الكراسي بيريح: مانتي غريبه انتي بنتهم ولو كنتي تحسين انك بينهم غريبه يكفيتس بقلب يحستس كل ناسه واهله وب ابتسامه مانتي غريبه على قلب سعود مير وقفي دموع ماخبرتس ضعيفه وبهمس لاتلبسين الخوف وانتي الشجاعه انتبهي لنفستس وما اوصيتس ب امتس ودنيا ترا كلهم خرطي انتي اقواهم عينتس عليهم انهرت تبكي بضيييق عبست ملامحه: ليش البتسى الحين وش قايل لتس انا غموض : احسك مانت راجع امانه سعود وش صاير وش فيه بس طمني قولي ليش توصيني لاتروح مثل خالي وتخلينا مالنا غيرك من غبت وانا احسني مقيده ماقدر اطلع واروح كلهم ضدي قبل خالي ماكان يرضى يشوف دمعتي او احد بس يرفع صوته علي والحين ما انرفع علي صوت وبس ارجع انت اذ كنت موجود ماحد يقدر يهاوشني الاقل اكون معك واتهاوش واتذابح معك انت بس انت ماتسوي مثلهم سعود بضيق : طيب مسحي دموعتس ماحب اشوفتس تبتسين وانا بعيد عنتس غموض مسحت دموعها: والله مسحتهم بس علمني وش صاير سعود: انا بعلمتس بس والله ياغموض يطلع هالحتسي لمخلوق غيرتس مو ادفنتس وبس الا اووزع جثتس بقلب بارد غموض : بسم الله لاخلاص لاتقول سعود: ايه احسن غموض : بتقول سعود اللي وقف وهو يطلع: دموعتس الله لا يطيّحها على ذاك البياض احسّها تجري على قلبي بحدّ وله شبا تعايشي مع الظروف بدون حزن ولا اعتراض الحزن ما ربي خلَقه يعيش ف وجيه الظبا . غموض ماعرفت شتقول : مشكور سعود اللي كان بباله يقولها اخر ماكتب بس صمت من تذكر كلماتها الموجعه له: المهم انتبهي لهم مثل ماوصتس ويلا فمان الله غموض غمضت بوجع ودها تطول المكالمه صمتت همس : مع السلامه سكره وهو يدخل جواله ببدلته وظل واقف يتأمل الشارع وين صار ووين كان التفت للطرق الكبيره وزحمتها تنهد بحزن الكل جالس يلومه ويستنزف راحته ابتسم بوجع الحين انا اللي فيني عقد عض شفته عزة نفسه ماتسمح له يرددهم او يذكر افعاله لهم ليش ماشك بعناد انه مأذيني جدتي والطرف الحنون بحياتي اللي تعرفني من صوتي نستني ولا سألت فيني كل اللي عطيتهم عمري عطوني ردى ومع ذالك امشي وابتسم لهم اخذ نفس وهو ي اشر لتاكسي ركب الهندي اللي يطالع له ب استغراب: بابا انتا تعبان وبضحكه: كيف يتعب وانتا شرطي وفي بيت وفلوس وبيبي انا يترك كلو اهل بالهند ويجي هنا علشان فلوس قول يابابا الحمدالله سعود ابتسم على حتسيه واردف له: على المطار وبعدها بثواني نطق: ما بعد عُسر الليالي غير يسرى دام ربك ما غفل عن كل ظالم دعوةٍ تاخذ لها بالليل مسرى تنقبل بآمين و تغيّر معالم لو ملكت الأرض و إلا سوار كسرى يا تموت بعلّتك يا تموت سالم الصبر مشوار .. و الأجساد أسرى و النفوس تطير دام العقل حالم. منقول لـ عبدالملك الخربوش ابتسم الهندي: ايوه قود ضحك سعود ولا اول مره يضحك من بعد مده: لا مايقولون هلون يقولون صح لسانك الهندي: عادي كلو واحد وبغمزه بابا مافي غزل ابتسم سعود على روح هالشخص: تدري لو الظروف حلوه كان امداني جبتك عندي بس سجل لي رقمك لاخلصت من شغلي ب اساعدك باللي اقدر عليه الهندي بقناعه: مشكور بابا بس انا في رب فوق ماينسى انا والحمدالله انا مبسوط سياره حلوه ويودي ويجيب ويطلع فلوس الله كريم بس يبي واحد تاني هذا شعر سعود وهو يشوف الزحمه : مالي حيل على كثر الحتسي رجع راسه وهو يفكر يلقى مفتاح للقضيه __________________________ بعد مرور وقت حـايـل العصر : بعد ماسكرر منها جلست على السرير الابتسامه معتليه شفاتها اخذ نفس : يارب انك تحفظ خالي وترجعه ليي وقفت وهي تمشي للشباك فتحته وهي حاسه بملل فضيع شافت امها ودنيا فارشين بالمزرعه مالت شفتها بضييق وسكرت الشباك فتحت كبتها طلعت لها جنز ابيض وقميص سماوي لبستهم على السريع لبست جاكيت اسود جلد طلعت البوت وهي تلبسه |
رد: ومالي بدجئ العاشقين ملاذ! بقلم/غسق آلليلh
غمضت لثواني بعدين ابتسمت لافكارها نزلت بهدوء وهي تتفحص المكان قفلت غرفتها وطلعت من الباب الخلفي للمطبخ بحيث انها ماتمر من طريق الجلسه الخارجيه للمزرعه اتجهت للااسطبل بطيش لا افكارها تسللت ببطئ وهي تتفحص المكان خالي الا من صهيل الخيييل قربت لخييل لونه بني غامق كان يرفس بقوه حطت ايديها وهي تمسح على راس الخيل ثواني ولا بصوت هنود جايين مسكت حالها لا تبين لهم ان فيه احد فتحت الباب بهداوه وطلعت ولا تصدم بشخص طالعت لعيونه عقدت حواجبها بضيق وهي تدفه : قلة ادب بعدين كيف دخلت من هنا طالع عيونها مسك ايدينها وهو يثبتها على النخله سكر الباب بطرف رجله : انتي وش مطلعتس ماتستحين على وجهتس رايحه بهالبس لمكان ملين عمال لفت وجهها تصد عن عيونه : ابعد عني.. منو انت تدخل بهالشكل ابتسم : عنيييدهه بتبقين طول عمرتس عنيده مالايق عليتس الا الخبل اللي ماخذتس بتصرف غاضب مالت شفتها وطت ب اقوا ماعنده على رجله : الحين عرفت مرة الخبل ياخبل بعدته عنها جت بتمشي وهو ماسك نفسه لايصرخ عليها: مردوده ياغموض مردتس لي وردتس لي ولو تموتيين مانتي عارفه انا منو ولا لتس عين تقولين لسعود عن سوالفتس ردت عليه وهي تمشي: كان هامني اعرفك يعني حدك هالحظه وبعدها نا اسمح لنفسي افكر بشخص نفسك تعدته وهي تمشي مطنشته ابتسم : ياقو قلبك ياسعود لا تهنيت ب ام ولا زوجه بسم الله يالسانها اهخ بس ياليت يجي يشوفها بسس والله يا انها نسخة اطباعه ربط ثوبه وهو يتسلق الجدار وينط حرك سيارته متوجه للرياض الحييين بس ارتاح وارتاح كثثثير ______ بالمخيييم : يلمون حوستهم وكل واحد متضايق عمر: عمي مو قلت ثلاث ايام خالد: ايه قلت بس لازم نرجع الديره .. فيه امور صايره من بعدنا سلطان: يلا نكشت مره ثانيه عادي بدوا يلفون اغراضهم ويحملون السيارات اما الحريم جالسين يشيلون اغراض خيمتهم والمطبخ والعزبه ماعدا جدتهم وريانه راحو من تغدا ضيفهم نوف لابسه عباتها ونقابها وجالسه فوق السياره وتاكل بفك : اخلصن ماصارت حذفتها سلطانه بالحجر: لعنبو حيتس انزلي ساعدي فالحه بس تبلعيين بالفك ليش بزر انتي ريم وهي شايله كيس القدرو وتحطه: خليها ورعه هذي لاتغثين نفستس عليها ريما : هههههههههههه شلونتس ياورعه نوف: ابشرتس طيبه شلونتس انتي ريما : طيبه دامني اشوف البفك ضحكو البنات على ذبتها نوف: ابو هالوجهه واللي ياكله طيب ماردت وهي تروح تساعد امها خلود: اوف ياربي احب الجيه واكره الرجعه وحوستها ياحظ ريانه نوف: شدي حيلتس بالشغل بلا كثرة حكي منى اللي كانت ساكته على غير عوايديها ركبت السياره من شافت ابوها جاي عبدالعزيز ب ابتسامه: اوه يانوف كلما اشوفتس وانتي تبلعين بهالاكل خفي شوي شوي على نفستس نوف انحرجت: ان شاءالله طالع لمنايا تساعد امها نطق بعجله: يلا يامره تنهدت ام مشعل وهي تشيل اغراضهم ومنايا ومسك يساعدونها ركبوا بسياره وهم يودعون الباقي مع انهم ساعات بس ويكونون مع بعض مسك الخط وهو صامت وجهه تعبان ام مشعل بهدوء: وين كنت من الصبح ليش توك تجي ماطالع لها وهو ينطق ببرود: اشغال ام مشعل : اها اشغال عبدالعزيز: بنتي يامنى ترا ولد عمتس كلمني يبيتس بس انا قلت له لين تخلصين الثانويه وتكملين الجامعه وبعدها تتزوجون بس رفض يقول بعد الثانويه نتزوج بس انتم عارفين رايي بهالموضوع ام مشعل: طيب منو عبدالعزيز: دامه كنسل الخطبه ماقدر اعلمكم ب اسمه علشان لو خطب غيرها ومن بنات عمها ماتزعل او تصير حساسيه بينهم منى ماردت وهي صاده وجهها عنه وتتأمل الطريق وبهمس داخلي: مايحتاج تقول اسمه يايبه اعرفه واعرف سوالفه واعرف حركاته ابتسمت واردفت لابوها: انا مو مستعجله من هالناحيه وانا قايله لكم مابي اتزوج لين اخلص الجامعه .....ماتملك لي الا ومعي وثيقتي وغير هذا الحتسي ماعندي بتزوج اللي اصغر مني بكفيكم بس انا رايي انتم عارفينه عبدالعزيز: ابشري وهذا الراي الصح ام مشعل بعد صمت: شلون بنتك غمض وكانها اصبته بقلبه: بخيير ام مشعل ولو انها مو مستطلفته الا انها قالت: اسال عنها كل بنت تحتاج ابوها ادري ان سعود مو مقصر معها بس لازم انت بنفسك تسأل عنها وتوصل لها سلامك والاقل تبين لها انك تبيها وتودد لها بنهايه هالبنت انحرمت منك ومن اشياء كثير قاطعها برد حازم: انا وبنتي من دونتس ونعرف شلون نتفاهم لاشكيت لتس الحال وقتها عطيني رايتس عم الصمت السياره وكمل طريقه بهدوء من غير ولا شي يذكر بالمخيم حركت السيارات ورا بعض والبنات يسولفون بالقروب ويتفقون يجتمعون بسطح ويعوضون اليوم اللي راح من غير لا يسون شي قسمو الشغل عليهم بعد مرور ساعات اقبلو على الديره نوره بفرحه وهي تشوف بيتها طافي بس سيارة فيصل موجوده: وليدي جاء وقفت السياره جا بتنزل همست لها ساره: يمه نرسل له يجينا بيت خوالي هالبيت ماندخله لو شنو مايصير طالعت لها ونزلت بخاطر مكسور تنهدت ساره وسما نزلت من غير لاتنطق تعدو بيتهم وقلوبهم مكسوره خالد جا من ورا سما وحضن كتوفها ومشى معها ماسمعتي اخر القصايد بسما سما ابتسمت ب احراج وهزت بلا ابتسم وهو يردف انا اسمعتس ايها بهالجو الزين : اردف ينطق: قالو لي السماء بعيده قلت ماشوفتو سماي حسنة ملامح باهية خدين معربة جدان وخوال لها نسبٍ هز معاليق الرجال كلن من اسمها اخطبوها مسميها خالها ولاسمها عدة معاني سما روحي ونور عيوني ضي قلبي وبسمة عمري بنت خيتي وانا لها ابو قبل الخال متعبين الا والله محرومين ياللي مالكم بسما لاشوفه ولانصيب انا سماي غير انا سماي عيون خالها وضي قلبه . 'الكلمات من راسي 👀💔' ..... سما ب احراج: صح لسانك ياتاج راسي ابتسم : يلا عاد اضحكي وخاطرتس لايضايق وانا موجود سما وهم يدخلون: مو ضايقه بس مشتاحشه مو بيتكم بس داخلي مستاحش من كل شي ابوي اللي كان يأم بناس قبل يصير بهالحال رفعت عيونها ماتبي تبتسي : خالي انا بس حزنانه شوي وبعدها بنسى خالد : يايبه مافي شي تحزنين عليه ابوتس مده بيرجع طبيعي ان شاءالله هزت راسها وهي تبعد عنه: عن اذنك اتجهت لفوق وتنهد بضييق : ياربي صبرك وش هالايام كل يوم سالفه دخل سالم بملامح مذعوره صرخ وافي: ههيه وين وين بناتنا داخل سالم وعيونه ممتليه بدموع: فيييصل مايرد علي اهزه مايرد والله ونبضه خفيف جاء خالد وراه عبدالله: شصاير سحب شماغه وافي وركض وسالم وراه ركضوو معهم ودخلوا البيت تطلم عن ريحة البيت واللي كانت اخرتها سهرة ابوهم والخمر دخلو وهم متلطمين ولا بفيصل طايح من الكنب وعلى بدلته هزوه ولا فيه اي ردة او استجابه لهم شالوه بسرعه وطلعو فيه للمستشفى ببيت الجد نوره بعد ماعلموها وقفت بحزم: جيبو عباتي التفت لساره وسما اللي يبتسوون وصرخة فيهم: على وش تبتسن هاه ميت هو الحمدالله والشكر بدال ماتقمن تدعن له وتصلون جالسات تبتسن ماصار له شي كله ارهاق وتعب من المرابطه مسحن دموعتسن اشوف : نوف ادخلي بيت ناصر ونادي لي ليث ولا ريان نوف بصوت منخفض من البكي: طيب مسحت دموعها وهي تمشي لبيت اخوها اللي بنفس الدائره لقت الباب مردود دخلت الصاله ومالقت احد دخلت المجلس شغلة النور ولا ريانه وجدتها نايمين تنهدت وطلعت وبهمس: امي مهتمه فيها اكثر مني وكاني انا مو بنتها خوفها صوت ليث بسخريه: اثاريتس حاقده وبانت افكارتس يانوف ياحسافة قلب اختي الطيب فيتس نوف ماردت واردفت: نوره تبيك ولدها تعبان وبتروح له بعدها تعدته بتمشي بس وقفها : عمرتس لاتجين هالبيت ولاتنسين بدال هالاثنين اللي يكرهونتس صارو ثلاث لا اشوفتس بيوم جايه تبين شي انسي ليث ومشعل ريانه حرام لا اندمتس على كل اللي صار دمعة ريانه بقلبي مثل النار حزن مشعل وبتسي الرجال مو شي سهل انا اشكر فارس على اللي سواه الاقل برد كبدي شوي من اللي سويتيه شفتي كيف يرجع لتس كل شي نوف وقلبها طبول من حتسيه بس اردفت: واضح انك رجال وانت عارف بلاوي اختك ليث : رجال وغصبن عن خشمتس ولاني رجال محترمتس لين هالحين والله لولا هالمسكينه النايمه كان وريتس الشغل يلا تقلعي من هنا طلعت بسرعه من شفته مو متحملها نزلت دموعها على حالها ليش كلما جت تسنع شي خرب ليش حظها عاثر فيها لهدرجه صادفوها البنات ونوره همست: راح يشغل سيارته طلعت نوره وراها ساره وسما وهي صعدت لغرفها مع ان سلطانه والبنات نادوها سلطانه وهي محزنه: انا بسوي القهوه والشاي قبل لا اصعد شقتنا وانتم رتبوا حوسة والمجالس علشان نطلع ننام البنات : طيب ، ابشري ، يلا _____________________ بالمستشفـى: طلع الدكتور: الا الان مو واضح لنا وش السبب التعب لان حالته نادره بس ننتظر اشعة وبنشوف من الاسباب الواضحه جدا التعب والارهاق اللي باين من ملامحه وانخفاض مستوى الدم عنده محمد وخالد: طيب متى يصحى الدكتور: ماعنديش علم هو الحين شبه نايم ومتعمق جدا بنومته ممكن يصحى بعد قليل يمكن بكره مانعرف بنشوف الاشعه والتحاليل ونرد لكم الخبر الاكييد وافي وهو يلمح نوره جايه: وش جايبتس نوره: ولدي بعد وافي بهمس غاضب: ولدتس بس انتي شايفه القسم كله رجال عبدالله : خلاص اهدا الحين ارجعها معي وافي صد وهو يستغفر مايبي يغلط عليها عبدالله مسك ايدها واشر للبنات: امشي معي ارتاحي لاصحى بيطمنونا وانا بنفسي اخذتس له نوره وهي متماسكه: طيب يلا يابنات تركت يد اخوها ومشت قدام تحس الهم فوق صدرها ولدها تعبان وهذا ينافخ عليها غمضت وهي تهدي نفسها طول عمرها صابره ودموعها ماتنزل على اي شي بس هذا ولدها تنفست بهدوء وهي تركب السياره ساره بهمس لسما: خالي وافي وش فيها منفس علينا سما بهدوء: ترا معه حق شفتي انتي رجال رايحين وجايين وخوالي عنده ماهم بتاركينه ساره صدت تطالع للشباك وهي حاسه بتعب من كثر مابتست . . . . الدمام : همس بعد ماتغدو واصرو يطلعون ام ماجد جالسه بطفش بالصاله بعد ماراحت عمتها تتريح وهمست ب استغراب : العيال وينهم لا غازي ولا سيف لايكون صاير شي بس حطت ايدينها على بطنها ب ابتسامه : مدري احبك ولا اكرهك فعايل ابوك تكره الواحد ب اسمه كيف قطعه منه بس انت ولدي بخليك تعيش معي ماراح ارضى ياخذك ابد لو وش مايصير تنهدت تاخذ نفس وهي تتذكر صحاباتها من زمان ما ارسلت لهم ولو بترسل لهم ماراح يعذرونها كل وحده بتقولها كلام يضايقها عبالهم مستانسه بحياتها مايدرون انها تعبت حييل بحياتها اخذت نفس وهي تسمع صوت غازي اخذت جلالها ولبسته على طول دخل غازي وهو يتنحنح: السلام همس بصوت واطي : وعليكم السلاام .. امر غازي : بالله ياام عبدالله اذ ماعليك كلافه ابي غداء وصار لي ساعه ادق على الشغاله ماترد علي والحين سيف جاي بعد من الدوام والشركه همس: ابشر الحين اركب لكم الغدا بس وش تبون مطبق ولا كبسه غازي: اللي مايتعبك سويه همس: ان شاءالله ساعه ونص كذا بيكون جاهز ان شاءالله غازي: قواك الله همس مشت للمطبخ وسكرته وبدت تطلع الدجاج والقدر والكشنه وتجهز الغدا ............... الرياض: حاولت ترسم الابتسامه وهي تدخل بيت اهل ياسر ... شد على ايدها اردف بهمس: اي شي تشوفينه تسمعينه كانك ماتشوفين حلو اذوك تكلموا عليك علميني طيب اغصان مغصها بطنها وبتوتر: طيب دخل وانصدم من السيارات وبداخله يعني كذا: اغصان ب استغراب : وش فيك وقفت ياسر بهدوء: نجيهم بعدين امشي اغصان طارت عيونها: ايش انت ..عندك دوام هالوقت شلون ياسر: مافيها مشكله اذ دوامتي معي ركبو السياره وهي جدا مستغربه: من طلعنا وانت معطيني محاظره والحين تقول ارجعي ولا بتمشيني بالمستشفى الاقل ودني المول بتمشى صدق طقت كبدي ولا كوفي ياسر وهو مستانس بداخله انها بدت تتعود عليه وتطلب : ابشري بس امر المستشفى واعطيهم خبر واشوف وش عندي وبعدها احلى طلعه ابتسمت وهي تردف: مانحرم منك لاول مره بحياته مايعرف يعبر او يرد ملامحه فجاءه سكنت وكأنها قايله له احبك وده يبتسم بس شعوره كان اكبر من الكلام رد بهدوء ظاهري وهو من داخله بركان سعاده : امين ولا منك بيت اهل ياسر: الجازي : شفتي ماجاء انا قايله لكم ولدي دلخ من تبتسم له مشى وراها مشاعل: وراه ننتظره لين يجي بنات خالاته وخواله: الحين مجمعينا ليش الجازي: اصه ولا كلمه بعدين تعرفن ليه لاجاب الخبله اللي معه عساهم مايتهنون لعبت عليه بكم كلمه وطار معها رنا طالعتهم بضيق وصعدت غرفتها مشاعل ابتسمت بشر وهي تشوف رنا باين عليها الزعل وبتمثيل: شوفي بنتك راحت فوق زعلت عشتو ماتبي احد يغلط على ست الحسن والدلال الجازي: خليها اوريها شغلها بعد شوي بس افضى ............................ بنفس العاصمه: سياف صحى وهو متكسر لبس ثوبه وطلع يتمشى مر على المول بيشوف معاذ لقاه واقف يتمشى وعليه لبس الامن سياف: معاذ معاذ لف عليه: سم .. واضح من عيونك توك صاحي سياف: اي والله توني قعدت ابك بموت من الجوع عطني الصرافه بطلع قسم المطاعم واطلب مد له الصرافه وبهمس: ترا فلوسنا على قد القد مو تصرف واجد سياف بملل :ياخي لاتمن بتعطيني ولا امشي معاذ: خذها بس انبهك انا مامنيت سياف طنش وهو يطلع لفوق معاذ وهو يتامل زحمة الناس: الله يصلحك ويهديك ..................... ابها : وصلو وكان اولهم صقر اللي اخذ طياره لحاله دخل بمكتب يوسف وسكر الباب ب اقوى ماعنده يوسف وقف وهو يحيه: صقر: لاتحييني ولاشي وش التسيب اللي صاير يوسف وهو يحاول يمازحه: توقعت تجي بس مو بهالسرعه صقر رفع حاجبه:وش الاهمال اللي صاير انا تخلي الناصي ينتقدني ويقولي سلم القضيه وش صاير لك وش التهاون اللي عندك مركز مهجز من الى وبالنهايه موزع العسكر اللي عندك ومخلي كم واحد وفوق هذا كله يدخلون القسم ويسرقونه دامهم قدرو يدخلون اكيد انهم سارقين ملفات يوسف برد وجهه: ملفات ايش صقر وهو وده يذبحه على بروده: ملفات القضيه اللي تخص ماجد والادله وينها مو معك يوسف بلع ريقه بخخوف: كانت معي وعلى مكتبي بس صقر ضرب الطاوله بقهر: بس وشو انسرقت اللي توقعته صار الحييين تسلم عهدتك وتذلف للدمام وبقدم طلب لنقلك لمركز ثاني يوسف وهو يحاول يهديه: اللي خربته بصلحه صقر بعصبيه: اللي حطيتني فيه مو شوي طول حياتي العسكريه واسمي معروف حلينا اصعب القضايا ولا صارلي اللي صار معك خليت كل اللي معارضيني يتشمتون فيني وجاي تقول بتصحله انا بعرف وش اللي مشغلك لدرجه تهمل المركز بكبره ولا من زود الطيب مرسل العسكر لمراكز ثانيه يوسف دنق راسه وهو ينزل القبعه: اسف والحين بمشي الدمام واتمنى تعذرني اللي صار خارج عن ارادتي صقر وهو يأشر لبر: تفضل واحتمال تجيك مسأله على الملف طلع وصادفه ابو مقرن واللي معه: وين يوسف : ماشي للدمام اوامر الصقر ابو مقرن : مانت ماشي لاي مكان ادخل دخل مع ابو مقرن اللي قال للي معه يتجهون للمكاتب ويتفحصون المكان دخل ولا بصقر جالس على كرسي المكتب: شلون تتخذ قرارت من راسك ولا كأن في احد كبير قدامك هذا اللي انت طارده ابو عيال وعمره اكبر منك كبر راسك ولا عاد تشوف احد اخذ نفس وهو يصد بالكرسي عنهم لجهة الجدار رفع راسه وهو ياخذ نفس من الكتمه اللي جته وبصوت واضح اردف: باقي عندك شي تقوله ابو مقرن: لو انك رجال ماعطيتنا مقفاك ولا صديت وحنا نتناقش معك سعود دنق براسه يحاول يصحصح من الصداع اللي مداهمه زفر براحه وهو يلف الكرسي : لو الكلام طالع من غيرك عرفت شلون اربيه بس صعبه اربي رجال كبر ابوي ابو مقرن بسخريه: على اساس ابوك موجود وقف سعود : الى هنا ياعم وانتهى دورك لاتحسب انك بس انت لك سلطه علي لك حق المعرفه اما القرارت لاتنسى من انا وانا اعلى منك رتبه مو ب انت والقضيه قضيتي ودخلوك بس علشان استشارات لاتنسى هذا طيب واللي بجنبك حقه وجاه واقل من المتوقع اذ ماعندك علم ترا ملف قضية ماجد ... صفق كفوفه بححح سرقوه وهذا نايم بالعسل يحمد ربه ماكتبت فيه تقرير كامل وخليته يتعرض لمسأله وكلمتك اني ماني برجال رجال وغصبن عنك واذا ناسي انا وش فيني مو بذنبي تعداهم وهو يطلع للمكاتب ويشيك على اللي معهم جلس ابومقرن وهو يحط ايدينه على راسه: بتبقى طول عمرك عنييد طلع يوسف وهو ناوي يطلع للمطار __________ بنفس المنطقه فتح عيونه وهو حاس بصداع فضيع مايمدي صحصح الا بضربه من عند راسه طاح مغشي عليه اردف محسن: خلاص شباب نبيه حي مابيه يموت واحد من اخويانه: ابشر طالعه بنفس شر وابتسامه: عقبال ما اشوف عناد وسعود بجنبه وبهدوء: ماطلعتو اللي ماسكه عناد هز راسه بلا: ماقدرنا الامن ماحاوط كل مكان محسن بتفهم: هالوقت انسب وقت اكيد عناد درى والحين تلقاه متضايق وتعبان وماهو منتبه لشي بهالوقت خلهم يدخلون ويطلعونه ابشر قاالوها بعد ماطلع اما محسن طلع وهو يتصل بذيب ثواني وجاه صوت ذيب اللي كان بجنبه صقر وابو مقرن: هلا محسن محسن: وينك فيه مختفي ذيب: تعرف رحت ادور وظايف محسن بسخريه: مالقيتت صح قلت لك من البدايه تعال معنا بس انت ونفسك العزيزه ودتك بداهيه ذيب : بس انت عارف شغلك ايش وانا مابي الشي اللي فيه حرام محسن : وش فيه شغلي كله كم كيس مخدر وخمر وتهريب وبس وفوق هذا تطلع فلوس مو ابرك من الوظايف اللي انت تدورها ذيب: بس انت تبتز الناس وانا مابي اصير كذا محسن: ما ابتزيت الا اخت عناد وعناد يستاهل اكثر ليش ماعندك احساس اقولك دخل ابوك القصاص ابوك اللي ماحد مسكه يمسكه عناد اصحى على نفسك وللحين ماشاف شي والله ان مابكيتهم دم هو وسعود وفوقهم صقر والله لا العب فيهم واحد واحد بس خلني احل حالة سعود وصقر وبعدها انا اعلمهم ذيب بلع ريقه وهو يشوف صقر ياشر له يكمل: طيب يامحسن محسن: يعني وش افهم منك ذيب: جايك بس عطني عنوانك محسن : كفو وبدا يشرح له مكانه ذيب سكر وهو يطالعهم كانو بمركز ابها الكبير علشان ذيب موجود هناك صقر اردف: كل اللي قاله كذب ابو مقرن : كيف صقر طالع لذيب: لو يبيه ماجلس يعاتبه ويسايسه محسن حاس اننا ورا ذيب ف بيتاكد اذ جاء له ذيب ومعه احد وبيتحسس ملابسه وبيشوف اذ مثبتين عليه اشياء تجسس محسن مايقول كذا ويجلس يتهدد وهو عارف ان جواله مراقب هذا فخ منه لنا ولذيب ابو مقرن : والوضع الحين صقر طالع لذيب اللي وجهه مخطوف: يروح له ذيب عادي من غير ولا شي بيحاول يجرك بالحتسي بس خلك واثق من كلامك لاتبين له انك متوتر ولا خايف خله يثق فيك بنهايه انت اخوه وهو الحين شاك فيك ذيب: طيب صقر: يلا روح ومثل مانبهتك اطلع من الباب الخلفي وامش على رجولك وبعدها نتلاقى بالمركز هز راسه وهو يقف: دعواتكم صقر : ابشر ___________________ حاييل هدى جلست وهي تشوف سعد : عطني مويه مد لها مويه هدى بدموع: طاح سعد ب ابتسامه وهو يوقف ويبوس راسها : الله يعوضنا هدى: شلون ماحسيت كنت احسبه من العلاجات سعد وهو يمسك ايدينها : انسي الله يعوضنا ان شاءالله هدى مسحت دموعها : بشرت اهلك وامي سعد: ايه بشرت كل الدنيا مو بس هم هدى ابتسكت بتعب: الله يفرحنا بذريه الصالحه سعد : امين يلا ريحي شوي هدى: طيب سعد: انا رايح اشوف اهل سعود يبون شي وعمتي بتجي بعد قالت بترافق معتس هدى هزت راسها سعد طلع وهو مستغرب: سعود ما ارسل له شي دق عليه وهو ماشي ثواني ورد : هلا سعد: اهلين انت قلت دق سعود: ولا شي كنت بوصيك على اهلي سعد: وشايفتي مقصر سعود: لا بس انتبه لهم وحاول ماتخليهم سعد: ماقلت لي اوديهم الدمام سعود: تغير الوضع خلهم بالمزرعه سعد : وداومي سعود: ينحل امره يلا انا ماعندي وقت... باي سعد سكر ب استغراب منه دق جواله ولا برقم ناصر رد: الو ابو عبدالعزيز: تعال بسرعه سعد ب ارتباك : يبه انا ابو عبدالعزيز: تعاال واخلص علي معك اقل من دقايق سعد : طيب مايمديه يكمل ولاسكر بوجهه عض شفته بتوتر وهو يركب سيارته مهما طال الزعل بنهايه هذول اهله نص ساعه ولا هو عندهم نزل وهو يدخل وعلى طول للمشب: السلام شاف اخوانه وابوه ووجيهم المعفوسه: سكر الباب سكره وهو مرعوب: وش صاير ابو عبدالعزيز: تبي رضاي سعد: واشريه بعد سم وامر ياتاج راسي ابو عبدالعزيز: وش مخبي عني وعن اخوانك سعد: انا مخبي عنكم كل شي تعرفونه عني ابو عبدالعزيز وبصراخه : انننطقق سعد وهو يضغط على ايده: ماعندي شي اقوله ابو عبدالعزيز بصراخه: ادخلو سعد طارت عيونه: يببههه . الى اللقاء للقاء اقرب🍃 ..... |
رد: ومالي بدجئ العاشقين ملاذ! بقلم/غسق آلليلh
بسم الله الرحمن الرحيم . . البارت(30) ماقبل الاخيير . *يطوي على نفسه يأسه ويلبس للناس ثوب السرور. . . _____________________ حـايل: قبل ساعات : غمضت عيونها وهي تسمع صرخة الشايب عضت على شفتها تحاول تمسك عمرها ماتتهاوش معه امها انخفضت دقات قلبها وهذا جالس ينافخ فوق راسها طالعت نظرات امها اللي تتطلبها تروح من غير مشاكل غموض وهي تدخل لداخل راجعه وهي تطالع البنات اللي واقفيين بعد ماسمعو الصراخ والازعاج وحريم عمامها وجدتها تبكي تبيها تكشف شدت على فخذها بغضب: نعم خييييير وش فيكم تخزوني طالعت لواحد جاي يقنعها تجي لهم: ماني بجايه فاهم ولا اللي يبيني يجيني بمكاني.. فوق ماهم جايبينا بالغصب بعد يبوني اشوفه خالد وهو دايخ من التعب: اقول اخلصي علي ابوي شايش يبيتس التفت لساره ودنيا: تكفون ياوجيه الخير اقنعوها صرت.... تسني مرسال جيبها ودها غموض بسخريه: تستاهل بسطت بنص الصاله بعناد: وهذذي جلسه يا انا ياهو خالد طالعها بقهر وطلع دخل المشب وبصوت منهلك: عيت تجي تقول هو يجيني وبرقيعه المشب كله عيال بتصرف غريب وقف : نجيها ليش مانجيها طارت عيون عياله وخاصه خالد اللي اردف بصوت هامس: من اليوم يلعبون علي وبالاخير يروح لها تسذا وافي: اسكت احس اني اشوف الدنيا ضباب من التعب هم من جابهم خالد : لو اقولك ماتصدق وافي: اكيد ناصر صح خالد: ايه ناصر التسلب لاحق مشيعل وهو رايح يشوف اخيته بعد ماسمح له سعود وعلم ابوي وحرشه وذيتس المره كلامه غير ياخي جننيي هالرجال انا مو راحم الاسعود ياويل قلبي عليه وش ردة فعله الحين ولا سعد اللي وجهه صار مثل الشيله سعد اللي يمشي بجنب ابوه وهو حاس بهم فضيييع وش يبرر لسعود من اليوم يرسله مايستقبل يدق ومايرد بلع ريقه وهو يدخل معهم ويشوف ولاغموض جالسه بنص وامها وخالة سعود جالسين بجنب نوره اللي تحتسي عليهم انتفضت ساره من جت عيونها بعيون الشايب البغيض بنسبه لها اردفت وهي توقف: انت وش تبي فينا مو كافيه اللي جانا منك تراها بنت ولدك مو عدوتك علشان تسحبنا كذا وتحت تهديد السلاح وين عايشين ناصر اللي جاء متاخر :اقول احترمي نفستس لا والله ارميتس بشارع غموض وقفت وهي تتخصر:ترمي من ان شاءالله انت هيييه احترم نفسك شوف من تكلم اول التفت لسعد :بالله ذا شلون مستحمله ابتسم سعد وهو بين ضيقته :مدري وانا عمتس الجد طق بعصاه الارض:كلامن يوصلتس ويتعداتس هذا ابو زوجتس ولا ماعاد فيه احترام ماعليتس شرهه تربية فهد وساره وش بيطلع منتس غموض بعصبيه:انت ياشايب العايب فهد ابرك منك الف مره وساره فوق راسك ماتشوف حالك رجلك والقبر وتتدخل بغيرك ماتخاف الله انت اردف بسخريه وسعد يحاول يهديه:ايه فهد المقطوط بالسجون صار احسن مني مابقى الا الارهابي غموض صمتت لثواني وهي تطالع نظراتهم موجهه لها ينتظرون ردة فعل مسكة حالها وهي تتذكر كلام سعود :الاقل ماصار نفسك تقطع ارزاق وتحرم اثنين من بعض وتطلقهم ماصار مجرم نفسك انت اللي تستحق السجن شفت هذول اللي وراك ترا كلهمم يتمنون بس انك تفكهم من تفكيرك الحجري طالع لها ضاري بتعب ذي لسانها وش طوله: انشهد ان سعود يوم تزوجتس وجابتس ماسوا خير غموض: والله الله يعين سعود مقابل وجهك وجهه ابوه الحمدالله اللي ماطلع عليكم بس بعدييين احمدوا ربكم رضيت ب احد منكم طالعت جدها :انت اخر انسان يتكلم عن الدين او يجادلني بسعود ولا تحاسب عمي سعد انت اخر واحد يتكلم عن ابوي فهد فهمتت ولا اعيد لك كلاميي صرخ وافي:انططططمميي ترا سكتنا لتس كثير غموض :يمهه خفت وش بتسوي يعني على صوت الصراخ دخل بعد ما اتصل ناصر يبيه: وش هالازعاج التفت لجهة غموض ب استغراب لو بس لف كان شاف ساره ودنيا وبصوت ساخر:غريبه مدخلين الشحاذين وبصوت هادي:كم تبين وتطلعين طالعته شلون ماتعرفه وهي شايفه صوره لين قايله بس اردفت وصوتها ارتجف :ابي عمري اللي عندك ابي حياتيي اللي سرقتها مني ابي ترجع ابوييي ابي اشياء كثير كنت اتمناها بس هالحيين عافها الخاطر صدت ساره بعد كلام غموض الموجع لها مسحت دموعها ونطقت بهدوء خلت كل اللي بصاله يلتفت لها واولهم سعاد: وعدتني ماترجع وتتركني بحالي وعدتني بنتي ماتنضر واليوم جاييينا اخوك وابوك بسلاح وحنا بمكانا وبمزرعتنا وجابونا هنا كأننا مسويين جريمه وفوق هذا مطلعينا غصب ومعنا خالة سعود رفعت نظرها له:عمرك ماوفيت بوعودك طول عمرك ما اعدك رجال عبدالعزيز اللي سكنت حواسه من سمع حسها وعيونه عليها مانزلها:اسف يا ام غموض التفت لناصر:شغلك عندي يابو سعود ونطق للجد:عبالك كذا جمعت اهلي بعد ماشتتهم انت ودمرت حياتي وش تبي فيهم الحين اشر على غموض وبحزن بان بصوته : حرمتني ضناي 20 سنه اول فرحتي بكري اللي لاشافتها ولا سمحت لي اذن في اذنها بعد ماسويته فيني صرخ بوجع: يمهه ترا هو اللي حلف يحرمني اياتس وانا علشانتس تركت بنتي ومرتي يرضيتس يام عبدالعزيز اللي صار يارضيتس ولدتس عشرين سنه يتقلب على جمر وقلبه محروق ماحد كان حاس فيني غير سعود سعود اللي كان يسمع ونيني تالي الليول سعود اللي حلف يلقاها ويجيبها لي ويهدي من شوق قلبي عليها لا انت ياناصر ولا اخوانك اللي من انتهى كلام الشيخ ضاري نسيتوا طالع لنوره .. طلبتها تسمي بنتها ساره على ساره ام غموض غمض عيونه مايبي يجرح سعاد بس لازام يحسون فيه نطق بعبره : علشان ما تسنت عارف وش اسم بنتي اخر توقعاتي تسانت بتسميها ساره سميتها ساره وكلما اطالعها ينفطر قلبي واتذكر بنيتي اللي ماعرف حتى اسمها غموض وهي تطالعهم متأثرين ضحكت بصخب ضحكت وكأنه جالس يقول نكته طالعوها با استغراب همست بوجع: بعد عشرين سنه جايبينا هنا علشان تجمعونا وتقولون هالحكيي رفعت حاجبها بضييق: مايهمني ولا شي من اللي قلته وقلتوه اللي يهمني ترجعوني الحييين مكان ماجبتونا عبدالعزيز وهو ماسك نفسه : ابشري الجد ضاري بغضب: مالها طلعه بتاخذ خالة سعود وامها حياك غيره لا عبدالعزيز: والله لاتطلع الجد طارت عيونه : عبدالعزيز عبدالعزيز: خلاص عاد وانتي بتطلعين امشي رجفت ايدينه وهو يسمع ولده يعصيه نطق بغضب وهو يشوف ساره ودنيا وغموض يمشون قدامه وهو وراهم : انسى هالبيت ولاتلفي عليه بحياتك خل هالحضريه وبنتها ينفعونك مالك عندنا عيال ولا حرمه بكت منى : جديي نطق بسخريه: كبرنا على التهديد يابوعبدالعزيز ماعادنا نخاف مثل اول وطلع التفت لمرته وهي تبكي: انتي على وش تبتسيين ولدتس عاصيني اما اخوانه كل واحد فيهم وجهه مخطوف ويطالعون ناصر بغضب سعد همس لمحمد : ترا مو بوعييه محمد : شلون بعني سعد : بعد شوي بعلمك بما انك اقرب واحد لناصر وتقدر عليه محمد بتفكير: طيب سعد اخذ نفس وهو يلف : يااارب اما البنات والحريم بمكانهم ويهدون سعاد اللي تبتسي خيبة احلامها وعمرها وبناته يبتسن على فراقه سعاد: انا تسنت حاسه ان عبدالعزيز مو طبيعي.. تعلقه بساره وهذي كتمت كلماتها ماتبي تهييين نفسها اكثر وقفت بحزن : انا رايحة لبيتي امشن يابنات اما ام عبدالعزيز راحت لغرفتها وهي تبكي على ضنها ومعها نوره تهديها : حسبي الله عليك ياهالشايب يامكسف بحياة عبدالعزيز نوره وهي تمسح دموعها: يمه ياحبيبتي كل شي بيتصلح ب اذن الله بس انتي اهدي لايرتفع ضغطتس رفعت شيلتها وهي تغطي وجهها وتبتسي بنحيب ماكان لنوره الا انها تشاركها البتسي اما شباب العايله ماحضروا من السالفه شي بقوا بالملحق احتراًما للي داخل ريان بضيق: شفت عمي طالع ومعه بنته وحريم تتوقعون وش صار داخل عمر: مدري بس اكيد مذبحه سالم نطق بحزن: نلقها من وين وين فيصل طايح ماندري وش علته يقولون فقر دم واشعته تمام بعدين يقولون اخطينا بتحاليل نواف: الله يعيين المهم والله اني متكسر خلونا نحط فرشنا وننام احسن ورانا بكره دوام عمر وهو يطالع الاغلب نايم مافي الا هم :يلا فرشوا فرشهم ونامو الا سالم وقف وهو يلبس ثوبه وطلع من غير لايلبس جاكيته شاف خاله وافي يطفي النور ويدخل داخل ضم ايدينه وجسمه رجف من البرد : يالله طلع بتسلل للحديقه اللي امه مهتمه فيها من زمان : جلس على الكرسي المحطوط قابل النخله مايمديه يرفع راسه الا بصوت خاله سعد ومحمد يتهامسون وقف وهو يمشي بهدوء لمحهم واقفين عند طرف الخيمه ويتناقشون مايحب يتسمع بس غصبن عنه سمع السالفه سعد بجديه: اقولك مسحور والله مسحور وسعود بنفسه قال محمد بعدم تصديق: كيف مسحور ويصلي معنا ياشيخ المسحور مايصلي ولا يحب ذكر الله وناصر اول واحد يصلي فينا سعد بتذكر لكلام سعود: السحر هذا سحر كره مايضره بسس يسبب له كدمات وضربات بجسمه ماننكر انه يصلي بس مايحب يسمع القران ولا يقراه عمرك شفته يقرا ولا يسمعه دايم يقول طفه وبعدين وش حنا خسرانين نروح نوديه ونشوف الله يخليك يامحمد ماعندي الا انت اثق فيك وسعود من قالي وانا بتسبدي نار محمد: طيب وسعود وينه من المعمعه هذي كلها سبب لنا المشاكل وهج ماله اثر مخلي الحريم لحالهم بالمزرعه ويتهم مرة ابوه بالسحر سعد وهو يمسك راسه : الحين سعود سبب المشاكل سعود مخليني عند اهله وبعدين خلاص مشكور اقول لخالد ابرك منك جاء بيمشي بس مسكه : خلاص بكلم الشيخ ونروح له الظهر بعد وش تبي سعد بضيق : ولاشي بس لاحد يتهم سعود بشي انتم ماتعرفونه الحين عطاكم نص عمره وبنهايه هذي حتسيكم عنه كلن يتهمه من صوب مارد محمد وهو يتجاهله ويمشي ___________________ بنفس المنطقه بعد ماارسلو خطاب دخل العسكري وهو ينادي ابو فيصل ويطلعه طالعه الضابط: والله مو علشانك علشان طيب سعود معنا خذه وبنفسك دخله المستشفى العسكري : ابشر _________ غموض ماتدري وش تصف احساسها وهالرجال بجنبها وبين فتره وقتره يخطف لها نظره همس : وين بترحون ساره بصوت واثق: المطار شهقت غموض : ماما ساره : ولا كلمه بنروح الدمام دنيا: ايه انا ابي اهلي غموض وهي تغمض وبصوت هادي: ممكن تمر المزرعه ابي اغراضي فيها ساره: وشو اغراضك غموض لفت عليها : اغراض خاصه ساره بعصبيه: غموض ترا بالعله متحملتك تكلم بصوت هادي: اذ ماتبينها انا موجود بعدين صوتس لايعلى على بنيتي غموض دنقت بسرعه ماتبي تطالع له وبهمس: هذي لها دخل فيني انت لا مارد وهو ياخذ طريق المزرعه الجو مره بارد نطقتها وهي تشوفه يوقف عند باب المزرعه قبل لاتنزل اردفت : مابي احد ينزل معي ونزلت ونزل معها جت بتمشي بس وقفها وهو يلبسها جاكيته وبهمس : خليه عليتس وحافظي عليه غموض ماردت وهي تمشي وهو احتار يدخل ولا يخلي الحريم لحالهن رجع لسياره وهو يقول لدنيا تقفلها وبعدها رجع يدخل للمزرعه لمحها تمشي ببطئ ومشى وراها وهو يدخل الكوخ الكبير دخلت غرفتها وهو بقى واقف ينتظرها فتحت درجها وهي تاخذ سبحته ودفتره اللي اسرقته وبعدها طلعت شافته واقف يطالعها همست: صدق ماعرفتك الا الحين بس مشكور انك طعتني طالعها وعيونه تتكلم عن اللي فيه: ممكن اطلبتس غموض وهي تطالع لفراغ: اطلب عبدالعزيز: بشوف ملامحتس ماراح اقول باخذتس عندي او اغصبتس بس ابي لاجيت اشوفتس تستقبلني بصدر رحب غموض فتحت نقابها وهي تطالع له ببرود: مالك حق تجي تشوفني اخر مابينا هاللقاء وبسس لا انت ولا ولد اخوك لاشفته علمه اني اكره اضعاف ما اكرهكك مامسك نفسه مايحضنها رغم مقاومتها وضربها الا انها بعد ثواني سكنت بحضنه تبكيي وبهمس موجع: وينك ليش كلهم لهم حق فيك الا انا حتى لو منت عليك ببقى غريبه عليك ماربيت قدام عيونك ولا تهنيت فيك ولا شهدت بملكتي ولا حظرت تخرجي كنت سؤالي الدايم لخالي فهد كنت الاستفهام الكبير بحياتك حبيتك كثير لمن كنت صغيره قبل لا اعرف حقيقتك وبعدها نذرت عمري لا اكرهك طول العمر ولا احن عليك ولا اسمح لك تشوفني بس من شفتك حسيت الدنيا كلها وقفت عندي رضيت تشوفني وانا حالفه ماتشوفني الامان اللي بحضنك ماعمري جربته ليه حارمني منه ومنك كيف شخص يقدر يمنعك عن بنتك كيف ليش خليتني ضعيفه فيك ليش خليتني مهزلة لهم وانت هنا تضحك تعرف كم احد ضحك علي لاني ماعندي صورتك ماكملت كلامها ولا بنحيبه الموجع: لاتكملين ياعين ابوتس لاتكملين لاتحتسين بهالحتسي وانتي مانتي عارفه حزنتس ابوتس ابوتس اللي حرم على نفسه كل فرحه يعيشها وانتي بعيده لاتحسبين اني نسيتس كنتي حيرة ايامي وانتظاراتي ولهفتي كنتي اللي كل ليله ادخل مكتبي واكتب اسماء البنات واحتار ايهم اسم بنتي بعد عنها وهو يحب جبينها وخدها: والله انتس عيون ابوتس وروحه لاتغبين عني غبيتس تاخذ روحي غموض وهي تبعد تسمح دموعها: بغيب وهذي اخر مره تشوفني فيها عدلت نقابها وهي تمسح عيونها وهو مثلها لف لطمته وهو يشوفها تدخل الغرفه وتطلع ومعها شنطة طلعوا وكل واحد فيهم احساسه ممتلي غبينه ركبت السياره بعد مافتحها وهي تمد الشنطه وبصوت ممبحوح: نزلت اجيب الجوازات ساره: انتي باكيه ماردت وهي تاشر انه بيدخل: ركب عبدالعزيز وهو ساكت وحرك للمطار بعد مادق على خويه يحجز لهم وصلو ودخلوا وهو معهم وبهدوء: اي شي تحتاجينه يا ام غموض اتصلي علي ومصروف غموض بيجيها حتى لو رفضته يلا مع السلامه تركهم لانه خلاص ماهو قادر يهل عبرته قدامهم ركبوا الطياره وكل وحده احزن من الثانيه دنيا ارسلت لاخوها سيف يجيها اما ساره رفضت تجلس عندهم غموض : يمه وين بنروح ساره : بنعيش لحالنا بندبر وضعنا غموض وكمية التسأولات الغريبه: صدق اللي قاله الشايب ساره وهي تبث حقدها وبهمس علشان دنيا ماتسمعهم: ايه شفتي سعود خبى عليك كنت بقولك ورفض يعلمك يقول مابيها تدري بعدين تجلس تزعجنا وتبكي واصلا خالك دخل السجن بدال سعود لان سعود هو السبب ماقلت لك هذولي دايم كذا الحقد بقلوبهم غموض طالعتها ب ابتسامه: بس انتي ماتفرقين عنه انتي بغيتي تنشرين صوري وتستغليني علشان تقهرين ابوي انا ماراح اصدق كلامك عن سعود بس يمكن ازعل علشانه خبى عني ساره وهي تطالع لها بعاند: ورب البيت ياغموض مالك معه نصيب ويا انا يا انتي ماردت وهي تلف وجهها بزعل ماتدري ليش تضايقت ودموعها بدت تنزل شدت على السبحه وهي تمسح دموعها عند ساره غمضت عيونها بتعب اشوا انها مجهزه حالها لكل شي ارسلت لوحده من صديقاتها تدبر لها سكن وسط الرياض خوفاً من سعود لايجيبهم نزلت الطياره نزلوا وهي تشد على ايد غموض ودعتهم دنيا وطلعت لاخوها رجعت ساره وحجزت على الرياض طالعت لغموض معها جوالها الكشاف وكانت تكتب لسعود: انت اجمل حب عاندته الاقدار ارسلتها رساله نصيه وبعدها مسحتها يوم شافت امها جايه اخذت الجوال بغضب: انا وش قلت لك ماردت وهي ملتزمه الصمت تكتفت وهي حاسه بضيقة شعور غرييبه طالعت لامها لاهيه مع حقين الجوازات سرقت الجوال وهي تدق ابعدت شوي وهي تدعي سعود يرد مره مرتين ثلاث مارد دمعت عيونها لاول مره تكون بهالضعف ارسلت له كثير وبنهايه لاتتخلى عني وانت اللي وعدتني لاتبعد وانت اللي حلفت ماتتركني عاندني هالمره وابقى معيي مو انت اللي كنت رافض اني اروح برا انا الحين مابي اروح لمكان الا معك سعود الله يخليك لاتخليني تعال بسرعه انتظرت يرد بس لارد ماتمالكت نفسها وهي تبكيي التفت ساره وهي تشوفها تبكي قربت لها : وش فيك غموض : وش اللي مافيني اليوم اللي التقي فيه ب اهلي وابوي تاخذيني وتبعديني عنهم وفوق ذا بتطلقيني من سعود ليش طيب انا بنتك ماني عدوتك ولا خلاص ماعاد احد يوقفك عند حدك فهد اختفى وطلعتي حقدك علي ترا فاهمه كل حركاتك ساره ببرود: خلصتي مسحي دموعك واجلسي الطياره بعد ساعه غموض وهي تطالع الناس رايحه وجايه: عبالك كذا بتبعديني عن ابوي ترا اقدر الحين ارجع له اقدر اراضيه واسامحه بس ماكنت بكسر خاطرك وبسخريه: عبالك سعود بعد بيتركني من احلامك ان سعود يبعد او يخليني بيجي يوم وبيلاقيني تدرين وش كاسرني انك امي وتسوين فيني كذا ماني قادره اقوي حالي ولاني قادره اضعف ولا عمري راح اسامحكك ولفت غموض بزعل ساره بهدوء بعد ما اربكها حديث بنتها: انتي بنتي ومافيي اغلى منك بقلبي وانا بس خايفه عليك منهم انتي شفتيهم كيف يخوفون وطبعهم غير عننا وتربيتنا غير واسلوب الحياه كله غير وانتي شفتي سعود كيف اخلاقه وتربيته غيير غير حياتنا فوق تحت وقيدنا ب اشياء كثيره وكنتي ماتحبين طاريه وش صار بيوم وليله وش اللي تغير غموض بصوت مبحوح وهي مدخله ايدينها بجاكيت ابوها وشاده على السحبه : ماتغير شي عرفت اني حماره ولا كيف اضيع اللي مثل سعود على كثر مشاكلي معه وكلامي اللي صار بينا بقى يحبني لادرا اني بكيت دق يراضيني وانا اللي مزعلته يقسى بس اعرف ان مافي احد غالي عليه كثريي انا ماعاد يهمني مستواه التعليمي ولا وش شغلته انا راضيه اعيش باقي العمر معه وتممت بصوت هادي: " القلب لا منّه غدا فيه حنّة لا عاد يسمع ولا يوحِي". وانا قلبي ياساره غدا له وحبه ذخرته للايام والعمر والسنين ولا بينفع معي تحكمك وقيودك لانك مهما سويتي مانتي شايلته من قلبي ساره بعدم استيعاب لتفكير بنتها: صدق من قاال انك بمليون شخصيه مره ابيه مره اكرهه مره ما احبه وش قصتك انتي غموض بغموض : بعد فتره وبتعرفين وش قصتي ومهما كانت قصتي مانتي قادره تنهينها لان ربي كتبها لي ضمة نفسها وهي تبتسم بغموض طالعتها ساره ب استغراب من كلامها وقفت وهي تسمع النداء طلعت الجوال وارسلت لـسعود شي ممكن يخليه ينفض الارض لجل هالشي ويلاقها ابتسمت بعد ماباحت له بسرها ومسحت الرسايل وطلعت الشريحه بسرعه وكسرتها وقطت الجوال عند اقرب حاويه ابتسمت وهي تمشي ببطئ وامها مشغوله وهي تعطي الامن التذاكر _ _ بحـايل دق على المحامي يسأله عن اخر تطورات قضية فهد بشره انهم قابلين المفاوضات وبعد تدخلات السلطات والسفاره قرروا يفتحون الجلسه بعد بكره رجع البيت وجهز اغراضه وهو متلثم حط اغراضه وهو حاس روحه تعبانه او بالاصح غادرته غمض بعد مامرت عليه نسمة عطر غموض بثوبه مالت شفته بحزن ماخذه منه الكثير ملامح منه ومن امها تنهد وهو ياخذ شطته وينزل فتح باب المكتب وهو يدخله وجمع كتبه وفتح التوجري واخذ جوازه وتأشيرته وحطهم جاء بيطلع قابلته سـعاد نطقت بحزن: هذي اللي تهذري فيها لليلك ونهارك هذي اللي علشانها للحين ماعمري عشت معك يوم واحد نفس اي متزوجين لو جيـت وبست راسي عارفه ان بقلبك وحده غيري تدري وش ابي من الدنيا ابيها ترجع لي حقي واشوفك متعذب مثل ماعذبتني وبردتني خليتني انسى نفسي انسى اني مره والسبب انت اجيك كاشخه وتبرد وجهي وتفشلني ماعمري كرهت بهالدنيا كثرك صبرت علشان عيالي صبرت علشان عمي وكلمته صبرت علشان كلما زعلت قالوا لي ارجعي ياسعاد انتي العاقله انتي الرزينه كلما تضايقت وجيتك قلت روحي لاهلج واجيهم ويجلس ابوي ينصحني يابنتي البنت العم ستر وغطا على ولد عمها سترتك 20 سنه ماشفت الشي الزين منك باااارد بكل حالاتك ماعمرك فرحة بعيالك ولا ولادتهم كل ولادتهم كنت بعيد قلب وبعيد بال ماعمرك جيت وطلعتني مثل الناس ولاحتى مبروك والتمايم عمي هو اللي يتمم كان عذرك دايم مشغول مشغول لدرجه نسيتني ونسيت بناتك وعيالك علشان علشان ساره وبنتها اللي عاشوا بعيد عنك الاقل هم بعيد عنا بس انت معنا ولا انت معنا ساكت ولا اي ردة فعل نطق بهدوء: تبين الطلاق سعـاد جمدت احاسيسها بهالحظه: هذا اللي عندك عبدالعزيز ببهدوء: هذا اللي عندي لان يابنت العم القلب ماينجبر على قلب وانا حبيت ساره وتخليت عنها وعشت معك جسد دون روح ولا اقدر اكمل وانتي حزينه مني بهالشكل وببرود: انتي طالق طالق طالق تعداها وهو يطلع جلست بالارض بصدمه بهالعمر وتتطلق نزلوا بناتها على صياحها منى ضمتها : هدي الله يخليتس هدي منايا: يمه تكفين لاتبتسين ياعيوني انتي مسك تطالعهم بعد استيعاب : وش صار سعاد : طلقني ابوكم طلقني بعد هالعمر الله ياخذتس ياساره ولايوفقتس لا انتي ولا السوسه بنتس منى بهدوء: وين راح سعاد : راح الله لايرده صدت منايا بحزن: طيب نطلع من هالبيت لبيت خوالي سعاد: لا البيت ب اسمي وهو ماله رجعه هذا ان شفتو وجهه بعد ----------------------- بعد مرور يوم على الاحداث السابقه محمد طالع سعد: يلا نمشي سعد وهو يلمح ناصر جاي: يلا وهم يركبون السياره نطق ناصر ب استغراب وين رايحين محمد بتمثيل :سعد تعبان ماينام الليل نبي نوديه شيخ يرقيه وتعرف انا ماقدر امسكه لحالي لازم احد معي سعد بهدوء: انا اخترتك انت لاني ادري ماراح تقول لا احد عن اللي فيني ناصر وجهه بدا يسود : طيب وصلو ونزلو وهو يقدم خطوه ويأخر الثانيه محمد وهو يطالع له وبدت تصرفاته توضح: يلا ياناصر دخلو ومحمد مفهم الشيخ كل شي من اول مادخل فقد السيطره على تحركاته وجسمه يرتعش بيطلع ثبتوه سعد ومحمد الشيخ بكل قوة ايمان: من الحين اعلمكم اللي قوي ايمان يطلع محمد وسعد: ماعليك كمل بدا يقرا عليه وبدا يتعب ويرتجف ويصارخ سعد عجز يستحمل رفساته وصرخ : اي احد يجي يساعدني محمد مو قادر اثبته تدخل واحد من الرجال وثبته بدال سعد اللي طلع برا البيت وهو يبكي بوجع على حال ناصر محمد اللي داخل بعد ماخلص الشيخ اغمى على ناصر محمد خاف: وش صار له الشيخ بهدوء :عادي لاتخاف هذا من السحر تطمن الحمدالله باقي بس تلقون مكان العمل والسحر شبه انفك لانه خفيف حاولو تدورونه ف بيتكم او الساحات اللي حولكم وجبوه بي افكه محمد وهو يحاول يصحي ناصر: طيب طلب من الرجال يساعدونه شالوه وحطوه بالسياره ركب محمد وهو يشوف سعد وجهه احمر وباكي: ليش البكى الحين الحمدالله انفك عنه بس باقي نلقى مكانه ونفكه مره وحده سعد وبصوت مبحوح: مقهور يامحمد سنين من عمر ناصر وولده راحت بسبب عمل وسعود مظلوم وساكت علشان اخوانه ولا رضى يوديه يفكه انت مستوعب وش سوا ناصر ناصر سوا عمايل ماتنسوا بسعود كنا دايم نقول ياصبر سعود عليه بس بالنهايه يطلع مسحور من هالتسلبه وسعود مو راضي يساعد ابوه علشان اخوانه وسمعتهم الحين لاصحى ناصر وش نقوله محمد: نعلمه بالصحيح كافي ولده مخبي عليه نخبي حنا بعد كافي اللي ضاع من اعمارهم وهو ولا عمره حس بولده سعد وهو يطالع الطريق: والله ياخوك مادري وش السوات من اليوم ارسله اللي صار بمرته ومايرد اصلا ما يستلم وجواله مقفل محمد: ليش هو عنده واتس سعد: مدري دق مره من رقم بس الظاهر مابه واتس تعرف جوالاته دايم كشاف محمد: خله لين يجي وبعده نشوف وش يصير سعد: الحين وين نروح محمد: تدل مزرعة سعود ودنا لنا سعد: ودي بس مايدخلونكم محمد ب ضحكه: هههههههه هذا قبل ناصر اصلا هو اللي حاطهم شلون وكيف مدري بس اذكر انه جابهم لابوي بعد سعد مسك راسه: الله يعينه وصلو المزرعه ونزلو ناصر اللي بدا يصحصح دخلوه داخل المجلس وجابو مويه مقريه من اللي اعطاهم الشيخ لمحمد وبدا يقرا عليه ويمسح على راسه ناصر هو يبعد محمد وبضعف: خلاص صحييبت ابعده عني محمد بهدوء: لازم يانويصر علشان ينفك السحر عنك ناصر وهو يطالعهم : ما انفك محمد: الا بس لازم تحافظ على الرقيه ولازم نلقى بعد العمل علشان ينفك مره وحده ناصر تنهد: منو سعد بحرة قلب: ام ليث اللي سوت السحر تفرقه مابينك وبين سعود اتمنى لو مره وحده بحياتك تتخذ قرار صح وتوقف مع ولدك اللي صفقته الدنيا لين اليوم ناصر صد عنهم وهو يكح وبعدها نطق: لي تصرف معها وكل اللي صار قبل انا مالي يد فيه بحاول اتكلم مع سعود بس جيبوه لي وينه محمد: مدري ندق عليه ومايرد علينا بنحاول نسأل ونشوف وينه . هز راسه وهو حاس بدوخه للحين ماستوعب اللي حصل _______________ الريـاض طلع من المستشفى مستعجل ركب السياره وهو يشغل جواله على الاشعارات الكاميرا اللي حطها ارتجفت ايده وهو يسمع مخططات خالته وامه نطق بغبنه: حسبي الله ونعم الوكيل كل هذا يطلع منك يايمه طيب انا اعلمك يامشاعل شغلك كلم مدير المستشفى بهدوء وهو يطلبه ينقله برا الرياض المدير: بس انت يياسر انسان مجتهد وشاطر بعملك ياسر : طيب انا حصلت لي ظروف هنا بنقل او اني اقدم استقالتي المدير: لا اي مستشفى تبيه بنرسلك له انتداب سنتين بس وترجع لنا ياسر: اللي تبيه بس يفضل خارج المملكه المدير: ابشر بس ارجع كمل اوراق والموضوع بياخد يومين واذ مافيك صبر سافر ومتى ماجاء القرار برسله لك ياسر: الله يسعدك يارب يلا جايك نزل وهو موجوع ومبسوط بنفس الوقت دخل على قسم الادراه وهو يكمل الاجراءت وبعدها طلع وهو يدق على اغصان تتجهز نزلت له وركبت: هلا ياسر بهدوء: معك الجوازات اغصان : ايه مثل ماقلت لي ياسر ب ابتسامه: طيب اللي قرر يبيع كل ناسه علشانك وش له اغصان طالعته بعدم استيعاب : يعني ياسر: يعني بنهاجر بنطلع بنفتك من هالمكان اغصان : واهلك ياسر: انسيهم المهم يلا وش لي اغصان ب ابتسامه: لك قلبي ان كان مايكفيك عيوني ياسر: ياعمري والله اغصان : طيب درراستي اللي طمرمطت ياسر: بندبر كل شي وتدرسين من السنه الجايه يمكن نسافر للخارج بس تصدر التأشيره والحين بنطلع الامارات اغصان: تمام يٰاسر اتصل ب امه: الو ياسر وهو ينزل: انسي ان عندك ياسر الحين يايمه اخيرك بيني ولا بين مشاعل الجازي بقسوة قلب: اكيد اختي يـاسر ببحه : واختك بتسحر وتدمرني وعادي عندك وانتي بعد تساعدينها ليش يايمه ليش تغيرتي من توفى ابوي اصححي على نفسك اصحي على ولدك وبنتك مسح دمعته انسي ياسر لو بيوم صحيتي لاتقولين ولدك عاق انتي اللي دمرتي كل شي اللي يروح درب الحرام لايمكن يرجع وانتي رحتي له وانتي راضيه كيف تتعاملين مع سحره انتي واختك ليش ماعقلتيها وين امي اللي قبل غيرتك مشاعل ومشيتي وراها لين خسرتيني وبكره بتخسرين رنا الجازي: انا اللي اقولك انسى امك ويلا فارقك غمض عيونه ب الم وهو يدخل الجوال اخذ نفس وهو يدخل وبكل برود: انسي اي احد هنا لاتقولين لي ليوم رجعني بشوف ابوي او اخوي بنترك هالعالم لهم وحنا بنعيش حياتنا برا اغصان: معك ياسر طالعها وابتسم: الله يخليك لي اغصان ب ابتسامه : امين وهنـا تنتهي قصة ياسر وأغصان ..الزمن كفيل ب انه بيداوي جروحهم اختاروا البعد اختيار سليم بس هل بيوم من الايام بيرجعهم الحنين ماعرف ... _____________ |
رد: ومالي بدجئ العاشقين ملاذ! بقلم/غسق آلليلh
البارت "31 الاخير" حال لسان صقر: قيّدت شعري عن وجع بعض البيوت ودفنتها فالصدر والضحكه غطا منقول لـ للشاعر: مشعل أبها بعد مرور يوم: الساعه1 بليل: صقر اللي قلب الخطه فوق تحت بعد ماجته اخبار من اللي مع محسن اللي حاطهم انه اليوم اجتماع مهم وفيه بيكون رئيسهم ومن حسن حظ ذيب انه دخل المهمه بخطه مدروسه بعد ما اتصل عناد على المكتب وخبرهم بكل شي من اللي مسكوهم بعد مافقدوا الامل ان شلة محسن بينقذوننه ومع اصرار عناد وشدته تكلم سعود جهز حاله دور جواله الي فقده من نزل من الطياره تنهد بضييق شكله طاح منه او نساه ما اعطى الموضوع اهميه وهو يتجهز بعد ساعه. دخل وهو يرتجف من رهبة المكان بعد ما غير الخطه صقر وقرر ولاول مره ينزل من بداية الكمين ... ذيب وهو يصوت ب اسم محسن طلع له وثواني بس وطلعو ربعه كلهم ذيب ب ابتسامه: تشرفت فيكم محسن: اقدم لكم اخوي ذيب اللي تكلمت لكم عنه قبل امس هزوا روسهم وهم يأشرون له يدخل معه المكتب صقر اللي كان بالسرداب ومعه اثنين من العسكر متنكرين باللبس دخل من الشباك وهو يشوف ماجد جالس وحوله اثنين اشر للي معه ودخلو ببطى رش المنوم بهدوء وهو يدخل بعد ما نوم اللي حوالينه تقدموا العسكر وهم يمسكون ماجد اللي حالته جداً هزيله صقر بهمس: معك الشرطه لاتطلع اي صوت وااتزن وانت تمشي بتلقى قدامك سيارات قديمه اركب وحده منها ماجد بوجع :ماقدر امشي رجلي مكسوره صقر بعجله: روحو معه طارت عيون اللي معه: وانت صقر : مو صاير شي ب اذن الله ظلوا راقبوني ب الاجهزه انتبه ابو مقرن يعرف بشي هزو روسهم وهم يطلعون: تنهد وهو يعدل السماعه والكاميرا بعد مافصل له المكان اللي علمه عن كل شي طلع من الشباك وهو يطالع بحذر دخل المستودع وهو يمشي ببطئ لمح محسن طالع ومعه ذيب صار ورا العمود وهو يسمع محسن ينطق: والله لو يطيح بس ب ايدي لا ارسله جثه مشرحه لاهله عض شفته وهو يشوف ذيب يدور بعيونه فجاءه طلع رئيسهم طارت عيـون سعود هذا الوجه مو غريب عليه ابداً هذا وجهه مار عليه اللي كان مشترك مع فهد الحين بس جمع الاحداث براسه طارت عيونه وهو يشوفه جاي ضغط على الجهاز وثواني لف ذيب على محسن وهو يحط السلاح براسه وبصراخ: اللي يقرب بس بذبحه الرئيس : لاتقرب له ذيب: نزلو اسلحتكم نزلوه بخضوع غريب صقر اللي كان خلفهم ارسل للدعم وفجاءه مع الدعم بدا الرمي طالع الرئيس وهو ينحاش لحقه وهو يصاربه برجله ركب فوقه وهو يكلبشه : عبالك بتنحاش والله لا اطلع حرة السنين منك اما محسن اللي كان ب ايدين ذيب ومطوقه رغم الضرب اللي جاه حاول يستعطفه: انا اخوك كيف تخوني علشان اللي اذبحو ابوك مارد وهو يكلبشه وبتعب نفسي: الله يوفقك يامحسن الله ياخذك شالوهم بس اللي ماكان بالحسبان ان محسن خطف السلاح من العسكري اللي معه وبصراخ: صققققررررررر لف عليه صقر اللي كان يشرف عليهم وهم يدخلونهم محسن: لو انك رجال تعال تقدم له صقر وقف بينه وبين الموت وهو عارف من لمح السلاح: وش عندك ياشبيه الرجال محسن : صدقني هالحيه مو على رجال ان ماعيشتك بجحيم صقر: ههههههههههههه توكل انا واخوك بثواني مسكنكم والحين جاي تقولي بتوريني الجحيم خير ان شاءالله محسن طالعه بشر: رفع السلاح مع صراخ ذيب اللي انهار وهو يصارخ: محسن لا يامحسن لا محسن : هذا اللي خنت علشانه اخوتنا هذا اللي غسل مخك بكى والبكى من الضيقه اللي جته بعد ماشاف وعاش الرعب اول مره بحياته يحس ان العسكريه موت لانه جاهد بكل حياته علشان يمسكهم الحين بس عرف شعور صقر طالع للعسكر الموجوديين اللي وصاهم صقر لو ايش ماكان مايتحركون علشان ماحد ينحاش من شلة محسن مسح دموعه: محسن خلني اذكرك بالخير لو مره بس لو مره محسن مارد صقر ب استفزاز : رجال بسم الله عليك اشر للعسكري خذه لف وليته مالف تغافل العسكري وهو يسحب السكين اللي بطرف خصره وحذفه بجهة صقر استقر بخصره غمض عيونه ب االم ومرت عليه ذكرياته وطاح تحت صراخ ذيب واللي حوله وبالاخص ماجد اللي رجعت له الذاكره من طيحته اللي بالمركز تحركت الاسعاف اللي كانت موجوده احتياطيه ركبوه بعجله و الباقي توجهو للشرطه بعد ماعطو ابو مقرن خبر وفجعوه بسيارة الاسعاف فكوا قناعه وفتحوا قميصه واللي كان ذيب معهم نطق الممرض بخوف: ماقدر المسه الطعنه عميقه واخاف اسحبه يسبب له نزيف ولا فقدان كلى ذيب بصوت مبحوح : وبتخليه كذا الممرض : الحين نوصل دقايق وقفت السياره وكان ب استقباله ابو مقرن وكذا عسكري طالعوا وجهه المكشوف نطق واحد منهم: سعود ابو مقرن اللي صد وجهه بتعب من منظر سعود وعلى طول بالطؤراى واقفين بتعب وبدلاتهم مازالت عليهم ابو مقرن وهو بالقوه ماسك نفسه ويحاول يهدي ذيب اللي انهار عليهم بعد ثواني نطق : ليش تمت المهمه بالليل ومن غير علمي ولا علم اي شخص مننا كيف يتصرف بهالتصرفات ويروح لحاله وياخذ معه فريق مو مهيئ ذيب : جتنا اخبار وتحركنا على اساسها لان الصبح كانو بيهربون لبر السعوديه ف صقر ماسوها من راسه بعد ماجاه اتصال من الرياض ابو مقرن: مع انك تدافع بس كيف يزرع جواسيس وحنا متنا وحنا نحاول بس ندخل واحد لشلة محسن تكلم واحد من اللي كان مع شلة محسن بس اللي دخله صقر اذ ماكنت عارف حنا دخلنا ببطى مو اليوم او امس حنا شاغلين بهالخطه من 5 سنين مع سعود ودخلنا ببطى علشان ماحد يشك واذ مانت مصدق كل شي موثق فالرياض واصدروا لنا هويه وهميه وارقام وسكن وكل شي تعبنا لين اوهمنا محسن اننا معه ابو مقرن بتعب: يصحى ونعلمه شغله طلع الدكتور بملامح متعبه: مافي اي فايده من وجوده هنا بننقلع لطؤراى الحرس بالرياض لان حالته جدا متقدمه ان صارت هنا ما اضمن لكم النجاح وقفنا النزيف بس ماقدرنا نشيل السكين خايفين نخسر المريض تحركوا بسرعه وهم يجرون اتصالهم عشر دقايق وجتهم الطياره طالعوه جسد من دون روح بكى بعد ماكان متماسك نطق بحزن: طول عمرك كنت عنيد عاند هالحظه واصحى مسح دموعه وهو يتوجه للمركز اما ذيب راح معه والباقي مع ابو مقرن دخل المركز بعد مكلمه الناصي وقال بيرسل له فرق علشان يستلمون هالمجرمين جالس على المكتب بتعب ثواني ودخلوا ماجد اللي حالته هزيله والجروح لازالت بجسمه عقد حواجبه: ابو مقرن ابو مقرن رفع راسه وهو يطالع ماجد وقف وسلم عليه: بشر عن حالك ابو مقرن بضيق: خلها على الله ماجد: وش صار على العسكري شفتهم وهم يطعنونه ابو مقرن: نقلوه للرياض وان شاءالله خيير ماجد: انا بعد جبسوا رجلي وعالجوا الجروح بس طلبتك ابي اهلي طقت كبدي من اللي مريت فيه ابو مقرن: طيب بس ننتظر الصباح نسلم هالمروجين ونرجع للدمام هز راسه وهو يرجع راسه بتفكير دق على عناد: الو عناد اللي صوته كان نايم: هلا ابو مقرن: وش وضع اللي عندك عناد : ماعليهم دقيت على الصقر وعلمته اعترفوا بكل شي جلست معهم من الظهر اليين 12 بليل وانا اسحب الكلام منهم ابو مقرن حط ايده على وجهه بتعب:ارجع الدمام وبشر كل اللي عندك القضيه انتهت وقبضنا عليهم كلهم عناد بـ استغراب :بهالسرعه ابو مقرن: الصقر وفعايله عناد بفرحه: يسلم راسه وماجد وينه ابو مقرن وهو يطالع ماجد اللي منسدح على الكنبه كانه بالبيت: هذا هو بخير وابشرك رجعت له ذاكرته وبكره جاين عناد: يلا مع السلامه ببشر اللي عندي ابو مقرن لاول مره يصرح: دعواتكم للصقر عناد: ليه ابو مقرن :انطعن من محسن عناد بحزن: الله يقومه بالسلامه ابو مقرن بصوت حزين: اميين _______ بعد مرور اسبوع هادي تم تسليم المروجين للشرطة الرياض رجع ابو مقرن لصقر وذيب اللي مرافقه بعد ماعدا مرحلة الخطر بس دخل بغيبوبه اثر الطعنه وفقدانه للدم ناصر انفك السحر عنه الدمام : بيت ابو همس: الرجال رغم تعبه الى انه كل يوم جاي يترجاك همس: ما ابيه امها بتعب: يابنت حرام عليك همس: وهو مو حرام عليه اللي صار لي ولا علشانه ماجد امدح خطاه امها: علشان اللي بطنك علشان رجلك بحاله صعبه والبنت السنعه تبين بوقفتها مع رجالها ادري انك تحبينه اغفري له علشان الحب اللي بينكم همس : ايه مايبيني الا علشان اللي ببطني امها: والله مايدري والله همس ببكى: مابييه يمه مابيه لاتغصبيني امها بتعب منها: كيفك بس عمتك اليوم عندها عشاء بسلامة ماجد وعناد تبين تجين وتبيضين الوجهه حياك ماتبين تثبري همس: وين امها: ب استراحه هاه مالي دخل للمح ماجد حدا المزايين وعافك طالعت امها بغبنه وهي تصد قامت امها تتجهز وهي ماتدري تروح ولا تبقى ان ماراحت تكلمو عليها وان راحت بتشوف ماجد غمضت عيونها وهي تتذكر الاحداث قبل اسبوع كانت الساعه9 الصباح دخل عناد وهو ينادي عمتي ...كنت جالسه مع دنيا وتسولف لي عن اللي صار لها مع اهل سعود فزينا على صوت عمتي وهي تهلل لبست جلالي واخذت جوالي وانا اطلع مع دنيا وقفت وعيوني طاحت بعيونه وهو بحضن عمتي يبكي وهي تبكي واخوانه بعد بس عناد اللي كان يطالع لهم وعليه بدلته نطق ب ابتسامه: وهذا ولدك وجبناه لك يا ام ماجد وطالع لدنيا ب استغراب : وين سعود عنك غريبه وش جابك دنيا بهدوء: ماصار شي سعود صار له شغل نطق سيف: كذابه سعود له اسبوع وعليها وهو مختفي ومخليهم بمزرعه مع عمهم وعمهم راح لحرمته وهجم عليهم ابو سعود ومعه سلاح وحراس المزرعه معه طلعوا واخذو زوجته وامها ودنيا بس عمه عبدالعزيز اخذهم غصب عن جدهم ودداهم المطار وحجز لهم وجيت ولقيت دنيا بس اما مرته وامها ببححح شكلهم انحاشوا عناد : اوهه نخلص من مشاكل الدوام وملاحق العصابات واطيح بخبال سعود دنيا بدفاع: ومتى سعود صار خبل ياخي احترموه غازي وهو يوقف وبزعل : مالنا دخل بمشاكل عمامه بس الحق ينقال سعود لاحد يتساهل سبه كلكم راجعوا نفسكم كلكم اخطيتوا عليه وبالاخص انت ياعناد وانتي يايمه سعود ماعمره اخر لك مشوار ولا اجل لك طلب كان يجيك لو انه ميت تعب اذ تذكرون يوم طلعنا من عندكم وانتم ماتدرون وبعدها زعلتو يوم يطلب من دنيا تسوي له اكل ترا جته نوبة ربوا لولا لطف الله كان اختنق سعود مريض بس ماعمركم حسيتوا فيه عطاكم من عمره ولا عطيتوا ولو عذر وهو ولدكم وتربيتك يايمه كيف تغلطين بظنون سعود كيف تتطردينه وانتي بنفسك اعلم بهمومه سعود ماعمره تكلم او عاتب او غلط على احد طول عمره ساكت ويسوي اموره بصمت والحين من راح مانتم عارفين تسون شي الشركه تطلب والعمال محتجين مزرعة ابوي انباعت نص الخيول وين سعود لو سعود هينا ماطلع فلس واحد هدر تحملوا ماجاكم وطلع وهو يسكر الباب ب اقوا ماعنده ماجد بتعب : رجلي وجسمي ذابحيني دنيا تكفين افرشي لي ب اقرب مكان ابي انام تعبت من اللي صار لي التفت للي ورا دنيا بصمت عقد حواجبه وهو ملاحظها من دخلت طالع اخوانه اللي صعدوا بصمت بعد كلام غازي وامه سكتت وسرحت وبصوت هادي جاب فيه العيد: انا طلقتك ولا همس تنرفزت : اسالك نفسك ماجد وهو يبتسم: امزح معك طيب اكشفي ترا ماحولك احد وهاه هذي امي راحت بعد همس وهي تطالعه بحنيه بعد ماركزت بجروحه: سلامتك ماجد: ماجاء على بالي الا انتي كنت اتمنى ارد للحياه لجل اتسامح منك واعيش العمر معك واحاااولك لين تتطخين وترضين لو اقولك احبك ماتكفيك همس انا اسف اسف بكل شي صاير اطلبي اللي تبينه سوي وازعلي بس الله يخليك لاتبعدين والله اللي شفته عن سنين همس وهي توقف وصوتها ارتجف: اللي بينا انتهى ابعدت وهي تطلع وتدق على مناف يجيها ________________________ الـرياض بعد ماجتهم رساله من المحكمه معاذ: تهقى وش فيه سياف: اكيد على القضيه اللي رفعناه لهم معاذ: ياربب سياف :قم البس خلنا نروح يمكن ربي يرزقنا معاذ بعد مالبس توجهوا للمحكمه اللي مرسلين لها اوراقهم من اربع شهور دخلو وهم حاسين برجفه من شافوت عمامهم وجدهم اللي يخزهم بقوه دخلوا للشيخ اللي جلس ينصحهم وبعدها نطق : القضيه شرعاً من صالحكم الورث تم حصره لكم وجدك وعمامك اخذوه نصيبهم معاذ بعدم استيعاب: يعني الحين كل شي يصير لنا ترجع الاراضي والمزارع والرواتب بحسابتنا الشيخ: ايه سياف بفرحه: الله يسعدك ياشيخ ابتسم الشيخ: بس تسامحوا منهم ترا مهما كان صلة الرحم وصل للكل خير سياف ومعاذ: بنحاول والله يسعدك طلعوا وهم يطالعون عمامهم اللي يخزونهم ابتسموا وهم يطلعون سياف برجاء: معاذ ودي اصرخ معاذ بضحكه: اصرخ سياف بمزحه: خلاص بالله شيك على حسابك معاذ: يالمشفوح بتجيينا رساله بعدين اكيد بكره ولا مامداه يكمل الا جته حواله ب 100الف ريال صرخ بفرحه: الحمدالله يارب سياف : وش نسوي معاذ معاذ : اول شي نقسممه بينا ونرجع للشيخ بكره ويقسمه سياف : وين بنستقر معاذ : شرايك بالدمام ونقدم شهايدنا ونرجع لوظيفتنا وبعده نفعل فلوسنا بمشروع والباقي نبني مسجد لاهلي سياف: تمام وهنـا انتهت قصة سياف ومعاذ والقدر اللي بكاهم بنهايه ضحكهم فقدوا اهلهم ولاشي قدر يعوضهم عن فقدهم فقدوا الامل وطلع لهم ماجد بقمة احزانهم نسوا معه حزنهم وانشغلوا فيه جربوا الكثير من الوظايف انهانوا وجاهم اكثر من مره تهديد غير اكل حقهم من قبل عمامهم بس قدموا شكواهم واخذت الشكوى والقضيه مجراها وبيوم وبوسط الحزن اللي كاسيهم حقق الله مناهم ورجع حقهم الكامل وكانها رساله لهم ولنا ان الانسان مهما حزن وتضايق الا مابعد هالحزن فرحه الا مابعد الصبر فرج مهما بكت العين مصيرها تفرح . ______________ حـايل : ريانه وهي شايفه تغير ابوها للاحسن بس اللي مو فاهمينه اختفى امهم: يبه امي وينها ناصر وهو ينطشها : جهزي حالتس اليوم نايف جاي بيملك هو واهله وعرسكم بيكون عائلي نهاية الاسبوع ريانه: يبه وش طيب ليه بهالسرعه ناصر لمخطط بباله: انتي تعبانه ولازم ترتاحين وراحتك مو هنا وبعدين نايف صار له اسبوع وهو يحاول صار عند اهل امه عزا وطلب مني ييملك وياخذك لان امه تعبانه هالحين ويبي احد معها وانتي زوجته اذ ماوقفتي معه الحين متى بتوقفين ريانه: اوقف على عيني وراسي ولا عمري بخيب ظنك او تربيتك بس يايبه انت شايف حالتي انا اللي ابي احد يقوم فيني بعدين شلون تبيني اعرس وسعود مختفي كأن القاع شقت وابلعته وعمي عبدالعزيز بعد مو هنا يبه انت شايف بيت عمامي والحزن اللي مخيم عليه شايف بيت عمي ابو مشعل كيف طافي ويعور القلب وبناته بس يبتسون وولدهم ماهو عارف باللي جالس يصير ولا فيصل وسالم واللي صار مع ابوهم فيصل اللي صابته حاله نفسيه وترك وظيفته ولا احد يدري وش السبب وتبيني افرح وانا بوسط هالمعمه والحزن ناصر: ماقلت لتس افرحي جهزي حالتس نهاية الاسبوع بياخذتس رجلتس وبعدين نبي نفرح لمتئ الحزن والبتسي الحين بروح لهم واقولهم ريانه طالعته ب اسى وطلعت لفوق ناصر وهو يدق على عياله يجمعهم وبعدها : اسمعوني اللي يقول كلمه بس لسعود والله مايحصل له طيب وخاصه انت ياليث ليث : امي وينها وين غيبتها ناصر : امك مالك دخل وينها انا زوجها مو انت ليث: يبه سالم علمني كل شي انا معك بس عالج الامر بحكمه لاتجيب لنا داهيه ناصر : وانا وش جالس اسوي ريان: وش فيه ناصر: امك ليث طالعه بترجي: يبه ناصر استغفر وهو يرد: امكم طلقتها وهالحين هي عند امها بقلعة وادرين لا اشوف احد منكم يروح لها ولا يسأل عنها امكم سوت لها شي لايرضي الله ولا رسوله ابعدو عنها لاكبرت وصارت بحاجتكم ماني مانعكم منها بس هالحين ابيكم تحفرون القاع وتطلعون لي سعود وينه اخاف صاير له شي كلما سألت احد ماحد عارف وينه ولا زوجته ولا امها كلهم اختفوا وعبدالعزيز تواصلت معه وقال انهم بدمام بس فريت الدمام وقلت لنايف يدورهم بس مالقى اثر لهم ريان: ان شاءالله نحصله انت اهدا ومايصير خاطرك الا طيب ناصر : يارب وانتم تجهزوا لملكة اختكم الليله ليث : طيب ___________________________ بيت الجد هدوء مابعد العاصفه هدى وسعد رجعو للدمام وباشر بدوامه اما نوره وبناتها وسالم وفيصل اللي بدا يعالجونه ب علاجات الاكتئاب بعد تراكمت احزانه واخرها كان وضع ابوه وهو يقبض عليه حاول يتجاهله بس طاح من طوله وسمعتهم بين الناس وكلن يتكلم فيهم حس نفسه عاجز عن اسكات هذا وهذا نوره اشارت على اخوانه تشتري بيت قريب منهم بس رفضوا واقترحت عليها سعاد كحل مؤقت انها تطلع هي وتسكن نوره وبناتها وسعاد ترجع لشقتها القديمه مع بناتها بعد ماحلف عمها انها ماتطلع ابداً عدت ملكة ريانه بسلام بعد مرور اسبوع والناس بدت تتناقل الاحاديث عن زوجة سعود واختفائها دخل خالد بغضب شقته وهو يناديها : نشمه ياعل مامن نشمه طلعت بخوف: وش فيك خالد عجز يمسك نفسه وهو يضربها: انتي ياحقيره تنشرين الاخبار وانا اللي موصيتس ماتفتحين حلقتس بحرف انتي وش يفيد معتس بس تدرين انا قبل كنت اعطف عليتس بس الحين انتي طالق دفها وهو يطالع بقهر وينزل صادف وافي ينزل وافي :هوب هوب وش فيك معصب خالد : ابعد عني طلع لبيت عبدالعزيز دخله وهو ينادي لنوره طلعت له نوره: سم خالد: اخطبي لي نوره: عوذه وش صاير خالد: تعبت من اللي عندي هي اللي ناشره الحتسي عن بنت عبدالعزيز وكل علوم البيت نوره : كنت حاسه وبهدوء انت اهدا الحين وتعوذ من ابليس خالد بتعب: ماقدر اتحملها اكثر تكفين اخطبي لي لو اخت زوجة فايز نوره: طلعني من هالموضوع زوج حالك مانتظر اصلا يطالع لها وطلع وهو معصب دق على عمه فايز اللي كان بدمام: هلا خالد خالد: اللي ملكت عليها عندها خوات فايز: وش عرفني انا نوره هي اللي سعت وانت عارف ان زواجي بيكوون بعد اسبوعين لاعرفت بعلمك خالد : ياربي صبرك فايز : اصبر على مشاكلك وانتظر ارجع وافهم وش صاير وبعدها قرر روق واهدا ولاتشتت عيالك وبناتك يلا اكيد الحين خايفين خالد : طيب سكر من عمه وهو يمسك خط مكه ________________________ بعد مرور شهر ابريطانيا ب المحكمه فرحوا بعد ماحكموا عليه براءه بعد ماطلع الرئيس اللي مسكه صقر واعترف بكل شي وانه جزء من العمليه الارهابيه اللي صارت وعلم بكل مخططاته اللي بعد دهر انكشفت عبدالعزيز وهو يضحك: الحمدالله يارب السفير: ايه والله بعد مرور وقت لبس جاكيته وهو يتجه للباب اللي يطلعون منه بعد ماعلموهم انه جالس يكمل اجراءته وبيطلع طلع فهد بجسم جداً هزيل والضرب معلم بوجهه وشعر وجهه مبهذل ضمه عبدالعزيز اللي بكى: قرت عيوني يالغالي فهد اللي بكى معه : اه ياعبدالعزيز عبدالعزيز: جعله فيني ولافيك لاتبتسي خلك قوي مثل ماعرفتك فهد ابعد وهو يصد: ماني قادر احسني تعبان نفسياً من اللي شفته عبدالعزيز وهو يمسك ايده ويشد عليها : بنرجع السعوديه وبوديك بمكه تطيب نفسك بشوفة الحرم المكي وترجع مثل اول واحسن ابعد عبدالعزيز وتقدموا يسلمون عليه السفير والمحامي فهد بعد ماراح مع عبدالعزيز الفندق اخذ شور وحلق شعر وجهه واعطاه ملابس عبدالعزيز بعد مالبس وطلع : وش اخبار سعود واهلي عبدالعزيز بهدوء: سعود صار له حوالي الشهر مختفي واهلك رجعوا الدمام لحالهم بعد ماصارت امور وانا بنفسي وديتهم فهد : كيف عبدالعزيز: انت عارف ابوي بعد ماعرف بغياب سعود جاب غموض وساره يبيهم عنده بس جيت انا وطلعتهم وقالو بيرحون الدمام وحجزت لهم مع اختك كانت معهم بعد فهد: وابوك وش سوا فيك عبدالعزيز ب ابتسامه: تبرا مني فهد : لاحول ولا قوة الا بالله... اجل احجز خلنا نرجع السعوديه ب اسرع وقت ونشوف وين اهلي وسعود عبدالعزيز : بحجز بكره فهد : الليله عبدالعزيز وهو ينسدح : طيب فهد طالع له وهو يصد: مهما حاول يكرهه الا انه صديق الايام والسنين واللي وقف معه وحاول بتشى الطرق يطلعه ________________ الريـاض بشقه: ساره بعد مارجعت من الجامعه: غموض معجبتك جلستك غموض : وش تبيني اسوي ساره: وشفيك ذبلانه كذا ليش شعرك خف ويتساقط بشكل مرعب لبسك صاير وسيع بشكل غريب الهالات تارسه عيونك وجهك شاحب غير احلامك وصياحك اخر الليل ياماما وش صار لك غموض وقفت ودموعها واصله: تعبت وانا اشكي لك تعبت وانا اقولك قلبي موجعني بس ابي اتطمن على خالي وسعود بس ابي اعرف خبر كلما جيت انام اتخيل خالي يعذبونه واقوم ارجع كلما اتذكر كلام صحباتي عن السجون اللي هناك وانها بقمة الرعب ابكي بخوف على خالي الزعل بقلبي علييك كبييير انا عارفه ان سعود ماغبى عني الا لشي كبير ولا سعود مايغيبي شي كبير عني صرخت ساره: سعود سعود سعود كذاب اقتنعي انه كذاب وارجع اقولك مالك امل فيه ولا بشوفته شفتي نساك ولا سأل عنك ولا دور حتى وفوق ذا هو السبب غموض بصراخ: ماهو السبب ماهو انا اشك فيك انتي ولا فيه عبالك غبيه ما ادري انك بنفسك داقه على جدي ومشيشيته ومعطته حتى العنوان عبالك ما افهم مكالماتك مت صديقتك وانتي تضبطين وضعك تراني ماني غبيه وان سكت ترا مو طيب مني لاني ماني فاضيه ولان سعود ماراح يتركني ولا خالي بعد واذ مانتي مطلعه على اللي جالس يصير ترا اليييوم خالي فهد طلع واللي طلعه ابوهي الحيييين هو معه مهما حاولتي تمنعيني عن الجوال الا ان الاخبار توصلني انا اول ب اول وقبلك بعد واذ شاده حيلك على سالفة خالي فهد وبكذب : تراني اعرفها بس كنت اتغابى عليك وسعود علمني من صار وصاني ما افكر بس فكرت قبل هو كان يشجعني انسى بس الحين ماقدر بس الحمدالله طلع وبيجي وبيطلعني من هالسجن ساره جلست بتعب: اها تتغباين انتي وياه طيب ياغموض طيب ماردت وهي تدخل غرفتها سكرت الباب وهي تجلس بالارض وتبكي ب انهيار بتعب بحزن اللي جالس يصير اكبر منها بكثير طلعت جوالها وهي تتصل على ابو مقرن مسحت دموعها بحزن: الو ابو مقرن: هلا يبه غموض غموض: كيفه ماصحى ابو مقرن: ماصحى يابنتي غموض: بحاول امركم اليوم بعد ابو مقرن: انتبهي لنفسك يابنتي وماعليك حنا حوالينه بس انتبهي احد من اهله يدري غموض: لاتوصي حريص هو علمني قبل يدخل المداهمه اتصل علي من رقم وقالي كل شي وعطاني رقمك علشان اذ صار شي ابو مقرن: على خير برسل لك السايق بعد المغرب غموض : طيب سكرت وهي تمسك راسها بتعب هالفتره اللي مرت حست فيها انها كبرت مية سنه امها تغيرت وبدت تمارس حقدها عليها اشوا ان سعود معطيها شريحتين قبل لايروح لو تدري امها كان كسرتها كذبت عليها انها داخله ممرضه ب احدى المستشفيات بما ان تخصصها تمرييض مشت الكذبه على امها وهي اصلا تروح يوميا تجلس عند سعود بالعنايه وتعطي امها الفلوس اللي تجي لسعود من محلات خالها بعد ماسلم ابو مقرن اغراضه لها بعد مرور وقت طلعت وهي تشوف امها مو موجوده رفعت شعرها بتعب وجلست على الكنبه وهي مالها نفس حتى تاكل تطالع الساعه متى تصير7 وتروح لسعود __________ بليل : الدمام بالاستراحه حضروا كل الحريم الا همس اللي رفضت ماجد اللي كان قلبه موجعه يبيها لو انها حاضره عند الحريم اللي دنيا وحريم اخوان همس يساعدونها وهي تقهوي ووتوزع حلا دخلت همس وهي تسلم فزوا الحريم وخاصه ام ماجد اللي قامت تهلي وترحب وبفرحه : يالله انك تحيها ابتسمت وهي تسلم وتحب راسها وبعدها بدت تساعدهم بعد مرور وقت طلعت وهي تتمشى لحالها وايدها ببطنها طلع لها ماجد وهو يسحب ايدها دخلها اللي داخل قسم الحريم من الجهه الثانيه وبصوت عالي: ماخلص زعلتس همس وهي تكتم ضحكتها على ملامحه: لا ماجد بزعل: يابنت وش باقي شوفي حوبتس وش سوت فيني وللحين مو راضيه بعدين غمضيي همس : ماببي ماجد: طيب احسن لف وهو يفتح الكبت وطلع طقم ذهب وفلوس قدموه لها: هذا لتس واسف على الايام اللي ضايقتس فيها قسم بالله ان ماجد اللي قبل راح بس ارضي عني وسامحني واللي تبينه بيصير همس : ابيك تحترمني ابيك تحسسني اني زوجتك مو شي عابر بحياتك ابيك ماتمنعني من شي ابي احس انك ماجد اللي كان يحبني ابيك سندي وظهري مابي ولدي بعدين يجي على مشاكل بين امه وابوه ماجد : ابشري باللي تبينه ولو تبين بعد اوقع لتس حاظر همس طالعته بنص عين ماجد : رضيتي همس : يعني ماجد سحبها وهو يحضنها همس: طول عمرك دفش ماعندك الا السحب ماجد : طيب تراك اوجعت رجلي همس طالعته: طول عمرك بتظل كذاب ماجد ابتسم وهو يسرح بعيونها: احبتس والله وهـنا تنتهي قصة ماجد وهمس اللي بدت بحرب وانتهت بحب لابد احدى الطرفين يتنازل للثاني لاشد طرف ارخى الثاني والزعل مهما طال بيعقبه الرضا اثبتوا للكل ان مهما طال الجفا الا بجي يوم ويحن القلب حب الطفوله لايمكن ينسي وحبهم اكتمل بطفلهم اللي كان سحابة خير على ماجد لولاه مافكرت همس ترجع اوترضخ بنهايه رجعت ودمحت خطاه ووقفت معه علشان حبها وطفلها علشان اللي يحب لايمكن يتخلى مهما كانت الظروف والمشاكل بين الطرفين _________ _________ بعد مرور 4 شهور فهد: يلا يابابا ياغموض اخلصي ابوك ينتظرك غموض: بابا دقايق ببدل لبسي بس فهد: مو منك من اللي ببطنك غموض طالعته: يبببه فهد : ههههههههههههه اخلصي طيب غموض وهي تدخل الغرفه وتلبس وقفت قدام المرايه : اليوم الاول الشهر الخامس بالنسبه ليي وسعود للحين بالغيبوبه بدت اطرافه تتحرك والدكتور يقول ب اي وقت يمكن يقعد علاقتي انا وابوي صارت حلوه امي هاوشها خالي فهدد حييييل وزعلت علي بعدين رضت بس انا زعلانه للحين بقلبي كلام لها بعد مافهمني خالي انه محلف سعود على القران ما يقول وقتها تتطمنت شوي ثاني شي ابو مقرن وقف معي وقفه لين رجع خالي فهد وابوي ودلهم لنا وشرا لنا ليت خالي بالرياض علشان سعود بس وصيتهم مايعلمون احد لانها اوامر من الداخليه مايطلع اي احد على سعود غيري انا لانه شخصيه مهمه ومخفيه للعالم ذيب صديقه كل يوم اشوفه عنده ودايم يسلم ويسأل عن احوالي واحوال الببيبي وعلمني بعد ان سعود ملك له على دنيا بس دنيا ماتدري وقالي حاولي مع دنيا واقنعيها فيني واني جاي من طرفكم بس مايدري اني انا ودنيا مانتكابس المهم مالكم بالطويله خالي شلع قلبي وهو ينادي ايه وعمي سعد بعد مازال يتواصل معي وعلمني ان زوجته حامل بشهر 4 وينتظر سعود يجي ويبشره مايدري ان سعود تعبان ولا هو حول احد نزلت وهي شبه تركض هاوشه فهد : يابنت اعقلي ابتسمت وهي ترسله بوسه ركبت معه ابوها وبهدوء: اخبارتس غموض: بخير وانت واخواني عبدالعزيز: ماعليهم غموض: يبه انت تجيهم عبدالعزيز: ايه الوقت اللي اكون مو عندكم اكون عندهم الحين مشعل طلع من دورته وعرسه تحدد نهاية الشهر غموض: اها مشعل طيب ماعندك صورته عبدالعزيز: الا عطاها جواله وهو يوريها هذا هوا غموض ركزت بعيونه : كاني شفته بس مدري وين عبدالعزيز: ايه جاك بالمزرعه غموض: اييه هو بسم الله وش عرفك عبدالعزيز: قالي سعد انه جاه وبتسى عنده يبي يشوفتس ووافق وجاتس غموض: لو قايل لي كان احسن من انه يخوفني وقتها خفت من سعود لو يدري عبدالعزيز وهو يوقف عند مستشفى الحرس: لو قايل لتس ذبحتيه وقتها اشوا الحين اطباعتس من جاء فهد متحسنه غموض خزته: يببهه مايمدي ترا امدح فيك طالعها: تتراني ابوتس هاه انا احس سعود لاصحى وشافتس ذربه بيطيح مره ثانيه ويدخل غيبوبه ماردت وهي تنزل بزعل ضحك عبدالعزيز عليها دخلت المستشفى وهي متضايقه كلهم يمصخرونها علشانها تغيرت هي ماتغيرت بس صارت واقعيه اكثر اهدا مالها خلق لشي الا لسعود وبس ومقابله دخلت القسم ولمحت ذيب جالس وعليه بدلته حزنت على شكله وجهه كلما له يشحب وجسمه نحيل غير يوم كان اول شهر هنا وقف لها وهو يسلم ويسألها عن احوالها وبعدها ابعد ب احترام وطلع صادف ابوها وجلس يسولف معه تعودوا عليه ودايم فهد يصر عليه يجي عنده ويجلس بس يرفض من الدوام لسعود وهذا وضعه دخلت وهي تنزع نقابها وقفزاتها دنقت عليه وهي تبوس جبينه مسكت ايده وهي تسولف عليه كل شي حلو وبعدها بتدت تقرا القران عليه حسته يشد على ايدها طارت عيونها بفرحه وهي تشوفه يفتح ارسلت للممرضات يجون دخلوا وهم يشربونه مويه وهي تبكيي بفرحه دخل عبدالعزيز اللي ماتحمل بكى بنته واصل لاخر القسم من شافت ابوها احضنته وهي تبكي بنحيب: بابا صحى والله صحى عبدالعزيز اللي دمعت عيونه وهو لاول مره يشوف حالة سعود وين راح جسمه الضخم وين راح وجهه البشوش شاف حالة الهزيله ونطق : مالومتس يابنتي يطالعهم ب استغراب وبعدها بثواني نطق يصوت واطي : عمي تقدم عبدالعزيز وهو ضام كتف غموض: سم سعود بتعب: جسمي يعورني وحلقي ناشف ابي اتحرك عبدالعزيز: ماعليه يايبه لازم تتحمل جسمك تعبان وصار لك5 شهور وانت بالغيبوبه اكيد جسمك بيكون خامل وعظامك تعبان سعود وهو يطالع غموض: كم مره اقولتس دموعتس لاتنزل غموض بصوت مبحوح وهي تمسك ايده: يويلك مره ثانيه تسويها فجعت قلبي سعود ابتسم: لايحرمني ربي منتس بعدين وش صاير انتي وعمي غموض: وبعد فيه مفاجاءه اكبر بس انت اطلع عبدالعزيز: شد حيلك وفرحنا بسلامتك سعود: الله كريم سكتو وهو صمت ونطق بعدها: ابي ذيب عبدالعزيز : اصلا الزياره بتنتهي بنطلع انا وغموض يلا يبه غموض وهي تطالع له وبغيره: من الحين ذيب سعود كتم ضحكته : استودعتس ربي عبدالعزيز وهو يشوف سعود مبتسم: ودعها هي واللي ببطنها سعود طالعها بقوه: انا شلون نسيت غموض وهي تصد بزعل وتقلده: ابي ذيب شغلك بعد ماتطلع هذا وانا معلمتك اول واحد سعود مارد وهو يطالعها بحنيه: الله يحفظكم انتبهي لنفسك وانت ياعمي انتبه لها طلعوا وبعد مده دخل ذيب اللي كان كلما بيدخل يدمعن عيونه ويمسحهن ويرجع ماتحمل لمن شافه بكى سعود : ذيب ليش البتسي ذيب: ايامي معك كانت اقل من شهر بس يعلم الله اني عديتك ابو واخو واهل والله ي ان طيحتك اربكت المراكز واحزنت الرياض بكبرها سعود وهو يمسك ايده ويشد عليها: والله انك بمكانة الاخو واعز بس خلني اتعافى ان شاءالله واطلع وابشر بعدين ليش وجهك كذا ليش نحفان بهالشكل ذيب: ماعليك مني ترا سالتهم عنك قالوا كل شي تمام بس بيسون لك علاج طبيعي لرجولك سعود: ان شاءالله اطلع ونتمم زواجك ذيب: الله يسرها سعود: امييين يارب ولاتخاف دام الموضوع صار عندي بدا ذيب يحتسي له عن اللي جاه وعن غموض اللي كل يوم جايهه علمه عن ابو مقرن اللي يجيه كل يوم بس اليوم اضطر يطلع للدمام بمهمه _________________ بعد مرور شهرين رجع سعود وهو يوقف على رجوله وتحسسنت حالته الصحيه وبدا جسمه يرجع مثل ماهو سكن مع عمه وذيب بالشقه علشان مايبي يواجه ساره بعد ماعرف من عمه كل اللي سوته واللي صار بغموض بغيابه لبس ثوبه وهو ناوي يروح لغموض ياخذها معه جاه ذيب وهو مرتبك: اليوم بنمشي الدمام سعود: ايه ومعنا عمي وخالي بعد وخالي ضبط العلاقه من ناحيته باقي انت وانا هز راسه بربكه حركوا مع بعض لبيت فهد اللي يستناهم نزلت غموض ووراها الخدامه شايله الاغراض اشر لها سعود تجي بسيارته بس سحبها عبدالعزيز وركبها معه ضحكت بعد ماجت لها رسايل من سعود وتهديدات ثواني وهو ناط عليهم من الشباك : عمي ابيها معي وانت اخذ ذيب عبدالعزيز: اسف بعدين الخوي مايترك خويه الحين انت مناشبه حتى بسريره المسيكين وجايي تبيها معك اسفف سعود : عمييي طنشه وهو يسكر الشباك ضحكت وهو تشوف حركاته وذيب يضحكك عليه حركوا مع بعض سعود معه ذيب وفهد معه ساره وشغالتهم وعبدالعزيز وبنته غموض: ليش يبه وش مسوي بعد عبدالعزيز: ماخبرت سعود اتكالي بس مستغل سلطته ومركزه وكارف المسيكين كل ماجاء من الدوام بيرتاح كرفه ياخلييه يساعده بغسيل الشقه ولا يطبخ معه وواذ جينا ننام اخذ سريرره وخلاه ينام بالقاع يقول علشان يتعود والولد ساكت ولا ويقوله صقر للحين بعد مشكله لازم يقطعون اجازته لانه بادي يتفرعن علي اليوم مريته الفجر منسدح ويقول عمي جب لي ماء طارت عيوني انا سعود يأمر علي بس رحمته وجبت له ولا حتى قال شكرا غموض ضحكت : هههههههه ياعمري خلوه يستانس طالعها بنص عين: على قلب ابوتس وذيب هاه وانتي مرتاحه غموض: وين يبه مرتاحه شايف بطني كيف صاير يخوف عبدالعزيز وهو يمسك ايدها: ماعليه مابقى شي غموض: عجزت اشوف جنس التؤام احس خفت جهزنا لهم انا وسعود ابيض وخالي بعد جاب السراير لهم من الحين مستعجل عبدالعزيز: الله يقومتس بالسلامه لنا يارب غموض :امين وترا مشعل دق علي وسولف معي وحاول فيني اجيه ودي والله اروح بس ماقدر وقال يمكن يجوني هو وخواتي عبدالعزيز وهو مستانس انهم صاروا مع بعض من طلع مشعل وهو يجيها ويجيب خواته وحبوها وحبتهم ابتسم: الله يخليكم لبعض غموض: ويخليك لنا يارب وصلو الدمام ونزلوا عند بيت ابو ماجد دخلو مجلس الرجال والحريم دخلو قسم الحريم بعد السلام تكلمت ساره وهي تسولف عن ذيب وتمدحه استحت دنيا : همس وهي شايله ولدها وجايه: نورت والله الدمام ابتسمت غموض : بنورك ياحلوهه ام ماجد: الله يكتب اللي فيه الخير وانا اثق براي سعود الا سعود وين كان طول هالفتره غموض بترقيعه سريعه : كان مشغول بمحلات خالي وتعرفين اشغاله كثيير وفوق ذا جالس يكمل جامعته برا والحين جايينا زياره وبيرجع دنيا : الله يوفقه همس وهي تطالع غموض: اخبارك غموض: ماعرفتك وانتي ذربه همس :تذكرين ايام الجامعه غموض: ايه يازينها همس : هههههه تذكرت الفلم الهندي اللي سويناه بعد ماشفتك غموض: يابنت انا وقف قلبي اقول همس وش جابها بيت خوال سعود همس: يازين ذاك اليوم وربي بقلبي غموض: وانا بعد همس وهي تطالع لها: متى الولاده على خير غموض اعتفست ملامحها: تكفين لاتجبين طاريها والله ان قلبي يرقع منها قاطعهم صراخ العيال فزت ام ماجد وهي تروح لهم ومن ورا الباب وراها البنات عناد بصراخ: تعالي شوفي ولدتس الخبل وسعود بيزوجون بنتس لاخو المروج مابقئ الا هذي عبدالعزيز: اهدا ياعناد الامور ماتنحل بالصراخ وذيب رجال كلن يشهد له سعود ببرود وهو من اول الجلسه متحمل عناد وصراخه مسك ايد ذيب اللي وجهه حمر وبيطلع : صراخ مايفيد اعقل وخلنا نحل الامور بهدواه صح ولا ياماجد نطق ماجد بهدوء: ذيب رجال وان اشهد له شفته كذا مره وماصدر منه اي تصرف ماغير مرحبا وياهلا واذ على اخوه تم قصاصه من ثلاث شهور ونسينا امره والراي لاخوها الكبير فهد اللي كان يطالع وساكت مايبي يجادل عناد : الراي الاول والاخير للبنت وبعدين صوتك لايعلى على سعود ولاتهين الرجال وهو بوسط ديوانا كان ماعجبك الامر تفضل مانت اللي بتتزوجه عناد طلع وهو معصب غازي وسيف:حنا راضين طالعهم فهد: وش دخلكم ارجع واقول الرايي للبنت بردت وجيهم وعبدالعزيز وماجد كاتمين ضحكتهم على ردة فعل سيف وغازي سعودوهو يهمس لعمه: شلون عناد ملك على نوف عبدالعزيز: مدري كل اللي وصلني ان قبل اربع شهور ملكوا حتى ماعلم فهد او احد من اهله راح لحاله سعود غمض بقهر: يارب صبرنيي عبدالعزيز: باقي لك حايل اصبر لايطق فيك عرق دخل فهد وهو مبتسم: والبنت موافقه عليك سعود نطق وهو شاق حلقه وطلع من جييبه الوثيقه: اجل دامها راضيه تراني ملكت لها على ذيب من 6 شهور استغليت الوكاله لان كان بيني وبين عناد مناف كان بيزوجها مناف ومناف رافضها مايبيها وتهاوشنا وزوجتها لذيب علشان عناد مايزوجها من راسه لان وصلت لي اخبار انه كان بيزوجها زميله بالدوام فهد : شغلك بالبيت ضحكوا على وجهه سعود اللي ارتبك: ابي اشوف امي طيب بعد دقايق دخلوا كلهم دخلت ساره وهمس وغموض هللت بفرحه : ياحي هالزول ياحيه ابتسم سعود وهو يضمها: اشتقت لتس يالغاليه جدته ماتحملت وهي تبتسي: وين رحت وخليتنا ضعنا من عقبك ياسعود ضعنا حب راسها ويدينها: انا معتس يالغاليه رجعت اكمل دراستي عند برا جلسوا يسولفون التمت العايله بحب وسوالف الشباب لاتخلو من المزح والجمعه الحلوه وبعدها رجعوا لذيب وعبدالعزيز حلفت الجده انهم ينامون عندهم وبكره يمشون دخل جناحه سعود ومعه غموض اللي كان مدخله منعزل تمددت بتعب: اوف سعود تعببت ابي اولد خلاص مو قادره اتنفس سعود وهو يضم ايدينها: هانت ان ان شاءالله غموض مدت شفايفها بزعل سعود ضحك: وش فيتس غموض:بتروح حايل لحالك سعود:ايه غموض:وتخليني سعود:بنفس اليوم برجع انا ابيتس تولدين بالحرس احلى لتس عنايه غموض: طيب وبعدها سعود: ارجع لتس والمكان اللي تاشرين فيه نسكنه غموض: ابي معك بس مابي قرب عمامي ابعدني قد ماتقدر سعود: انا بعد ماعرفت اللي صار اقدر اقولتس نصير بعيدين احسن نجيهم بوقت العزايم والمناسبات بس علشان خاطر جدتي وعمتي نوره بسس غموض: يرجعك بالسلامهه سعود وهو ينزع ثوبه وشماغه وينسدح بجنبها : اميين يارب ويقومتس لي بالسلامه ابتسمت بحب وهي تحضن ايده : امين يارب سعود: غموض بس تقومين بالسلامه بفر فيتس الدنيا غموض : راضيه بالبر بس لاتغيب عني سعود: هههههههههههه صرتي قنوعه غموض: لو تدري قد ايش مشتاقه لذاك اليوم يوم كان برد وحطب وحنا بالمزرعه وانا بفرووتك الطف يوم ودي يرجع بكل تفاصيله سعود فهم قصدها وابتسم وهو ينطق: ناميي ضحكت: طيبب بنام ______________ _______________________ مر يوم ورجعوا للرياض ومشى سعود لحايل اللي غاب عنها 6 شهوور بالياليها ولا احد من عمامه يعرف وش صار فيه غير عبدالعزيز دخل مدخل القريهه وهو يشوف الدنيا غرقانه من المطر ابتسم وهو يشم ريحة المطر بتراب لطالما كانت هالريحه عشققهه : دخل بيت جده وهو يسمع صراخ البزارين وجده يصارخ على الشباب يلفون الزوالي اللي برا طلع ناصر من بيته وهو يهاوش اللي كسر لمبة حوشه بس وقفت فيه الثواني وهو يلمح سعود واقف مايدري يتقدم ولا يرجع بس نطق ليث بفرحه: سعود تقدم له وسط صراخ البزارين سعود جاء ونزل المطر تعالت ضحكاتهم ودموعهم وهم يطالعون ويسلمون علييه وكان اخر واحد ناصر اللي احضنه وهو يبتسي سعود مابتسى وهو يحاول يهديه: يبه الله يهدك هذاني بصحه وسلامه كل مافي الموضوع رجعت اكمل دراستي برا وماكنت بعلمكم علشان ماترفضون ناصر همس له: اسف يابوك اسف ماكنت واعي يوم كسرتك وجرحتك سعود ب ابتسامه: الماضيي وراح وشل لنا بذاكره جده القوي اللي ماهزته ريح هزه غيابه سعود وهاوجيسه مسح دموعه بشماغه: انورت حايل سعود طالعه بزعل: ليه ياجديي تسوي فيني تسذا وانا ماحذرك ماتقرب لا اهلي نطق خالد وهو يغمز لسعود: اللي راح راح ويلا ادخل جدتك تبيك دخل مع ابوه واخوانه وكل شوي جايته وحده من حريم عمامه تسلم جالس بجنب جدته اللي كل شوي تحضن وجهه وتحبه بفرحه : بعد ماغبت حايل ماعرفت تفرح سعود ب ابتسامه: بس حايل اليوم فرحانه بجيتي وامطرت جدته بمحبه: ياعسى جياتك دايمه سعود بهدوء: بما انكم هنا انا قررت اسكن عند عمي وخالي بالرياض غير ان زوجتي ولادتها قربت وحايل مابين وقت وقت جايها ان شاءالله نوره: اللي يرحيك ياوليدي سوهه ناصر: طيب انا ابيك تسكن عندي سعود ب ابتسامه: ليث وريان يكفونك بعدين اناا بيتي مفتوح للكل اللي يبيني يجيني حياه وبقدم اوراقي وانقل للرياض وصعب اني انقل بعد لحايل ناصر عبست ملامحه : على خيير دخل محمد : عمي فايز جاء دخل وراه فايز ومعه ولده شايله: تو مانورت حايل ياحي هالشوفه والله سلم عليه : ماشاءالله يتربى بعزك فايز: عقبال ماتبشرنا بسلامة ام ناصر وولدك سعود بهدوء: اميين يارب وب استغراب : فارس وينه مالمحته مع الشباب فايز: فارس جانا قبل شهر تسامح مني ورجع سافر برا مع خاله يقول مالي مكان بعد ما انت تزوجت وخليته براحته نطق سعود: الله يعين يلا انا بقوم اشوف مخيمي وحلالي وش صار فيه ضحك ريان: ابد فيصل مقابل حلالك وصاير بس عندهم مستانس عليهم سعود اللي يعرف كل شي من عمه ابو مشعل: عز الله انه كفو وراعي محل وقف وهو يستأذن بعد ماحلف جده يذبح له ذبيحه ويعشيه طلع وصادفه سالم سلم عليه بمحبه: الله يعز شانك ياسعود سعود: امين وياك يارب بشر وش اخبار صحة الوالد سالم بفرحه: كل ماله ويتحسن بس باقي نسبة بسيطه من العلاج وبعدها يطلع سعود: الله يتمم عليه صحته وعافيته ويرجع لكم مثل اول واحسن توجهه لحلاله وصل وهو يسلم على فيصل اللي حالته من احسن لا احسسن بفضل الله ثم البر وحلال سعود سعود بعد ماجلس مع فيصل وسولف مع دقت ريانه عليه رد : هلا بهالحس والله ريانه: ايهه وش هالخيانه مجتمعين من غيري سعود بمحبه: لتس حق اللي يجيتس لين الدمامم ريانه: ياعيوني انت ماتقصر والله بس اشتقت لك مازمان ماشفتك تو عطانيي ليث رقمك الجديد سعود : ولا يهمتس امرتس بعد ما اطلع من حايل ان شاءالله وانام عندتس ريانه بفرحه: الله امحيك سعود : الله يسلمتس سكرت ريانه وهي مستانسه مسحت على بطنها وهيي حاسه براحه طلع نايف وهو لابس بدلته العسكريه: الحلوه وش عندها تتبسم ريانه بفرحه: اخوي سعود بيجي نايف: الله امحيه ريانه بحب له:الله يحيك ويخليك لي نايف:امين يلا ياروحي انتبهي لك واللي ببطنك وان احتجتي شي ارسلي لاختي ولا امي ريانه: ان شاءالله طالعت زوله ب ابتسامه من يصدق انها تعشقه اكثر من روحها وحياتها الحمدالله ماشيه ومرتاحها فيها وكثيير ومتفاهمين كلما تدق ساره تشكي لها من تصرفات مشعل تحمد ربها انها ماخذته صدق ان كل شي بحياتنا خييره وحكمه لشي اعظم __________________________________ بعد مرور سنهه ب لندن بعد ما اخذ اجازه خارجيه علشان خاله وعمه وذيب ودنيا سافروا قبله بس بقى هو وغموض وساره اللي رفضت تروح وبتجلس عند اهل فهد مر الدمام ونزل ساره وبعدها مروا ريانه اللي طارت من الفرحه بشوفتهم ركبوا السياره وهم يتجهون المطار طالعها بمحبه وهو شايل غيوض وغموض بحضنها فهد ابتسم وهو يهمس: من يصدق غموض العنيده تعقل غموض رفعت حاجبها :الله نسينا من بعد اللي كان اعند منيي ضحك بصخبب: طول عمري حليل بشهادة الكل بس انتي كلهم يقولون عوببا شيبيتي بقلبي ياغموض غموض وهي تمم بحب : " القلب لا منّه غدا فيه حنّة لا عاد يسمع ولا يوحِي". وانا قلبي غدا لك وحبك ذخرته لسنيني الجايه ابتسم: الله لايحرمني منتس ولامن قلبتس نزلوا للمطار بعد مرور وقت وصلوا لندن وتحديدا سكنوا بدزني لاند لحالهم بعد مانزلت التؤام عند خالها وابوها اللي جننوها كل شوي يقولون جبييهم دخل بزعل وهو ينطق: انا مدري ليش مناشبيني بعيالي يابنت مايمديني اعيش الابوه معهم الا القى عمي ولاخالي فوق راسي ابتسمت وهي مستغربه الايام كيف عقلتها وخلت سعود العاقل مجنون بطاريي عياله ومناشب ابوي وخاليي جننه غير جمهورهم اللي من صوب عمامي ولا جدته كل شوي تدق جيبوهم كل ويكند له مره حايل ومره الدمام نطق وهو يشوفها سرحانه ومبتسمه: ياهو وين وصلتي غموض وقفت وهي تمسك ايده وتطل من البلكونه: المنظر يأسر سعود : الا جميد وانتي ماشاءالله لاجاكيت ولا لبس دافي فصخ جاكيته وهو يلبسها ويسكره ضحكت : خلاص خنقتني سعود حضنها من كتفها وهو يجلس ويجلسها بجنبه: احبتسس غموض: قبل احبتس فيه جمله قريتها مره ببداية زواجنا وجيتنا للدمام كنت كاتب بالخط العريض :"ومـالي بـدجى العاشـقين ملاذ" وش كنت تقصد فيها ايام كثيره جلست افكر فيها بس قلت ماراح يحلها الا كاتبها سعود ب ابتسامه وهو يطالع بعيونها: وماقريتي ب اخر الدفتر "يـاغموض سعـود واعـز نـاسه" ابتسمت بحب: طيب علمنيي وش قصة الكلمه اللي قبلها سعود : قصتها ان يأست اني القاتس وكنت وقتها مطرود من القريه طردتني ابوي المهم وانا ما اعرف ابتسي ف جلست بالمخيم وكان وقتها بليل و برد ومطر قوي مالقيتني الا بسيارتي واتدفا فروتي ومن بين احزاني نطقت هالجمله اني يأست من كل شي حولي لا اهل ولاحب ..معروف ان العاشقين يعرفون بعض بس انا تعلقت بسرب وقصص حزن عمي رسمتس بخيالي كثثير سهرت الليل اكتبس وكل حرف بهالجمله يمثلني وخاصه انها قريبه من قلبببي كثيييير غموض:طيب والحيين لا لك ملاذ بوسط العاشقين ابتسم:طيب فهميني ياغموض سعود واعز ناسه ابتسمت:انك وبصراحه غامضض وكل شي يدور حولك ماحد يعرفه كيف انا مدري يعني كنا مع بعض ولا لمحتك مره تقرا ولا لمحتك تكلم الشغل يعني جد صدمتني كثثير اخذت معنا اسمي انا اوضح منك سعود: هههههههه طيب شفيتس معصبه انا انسان ماتعودت اشاور احد او استئذن وكل شغلي يتم بهدوء علشان ماحد يحس وبس والله جابتس لي وصرتي غموضي فعلا واعز ناسي اذ مو اهلي كلهم بعد غموض مهما شرحت لتس ماراح اوصلتس معاناتي اللي عشتها يكفيني بهالدنيا انتس تخافين علي وتتصلين كل ثانيه تتطمنين انا هنا احس ان وراي احد وراي اهل والحين معي سند واهل وعيال لو قلت لتس احبتس ما اظن يكفيتس حتى وقفاتس معي عمريي ماراح انساها مسكوا ايدين بعض ببسمه ثواني وطق الباب تكلم بزعل: جاوتس الشياب الحين وفعلاً دخل فهد وعبدالعزيز وهم شايلين فهد وغيوض نزلوهم على السرير طلع سعود وهو يطالع لهم: اظن نزلتوهم يلا وهو يأشر للباب طالعه فهد : شفت ياعزوز فوق ماحنا معطينه بنتنا يتشرط بعد ويطردنا عبدالعزيز : ولا استحى يقول هذولا ناس كبيره سعود طالع لغموض: حليها عاد غموض وهي تضحك: يبه واحد ويبه اثنين لو سمحتوا تفضلوا حنا ناس جايين من سفر فهد وهو ماسك عبدالعزيز ويمشي: والله حاله سفر على اساس جايين بسياره عبدالعزيز: باعتنا بريال علشان هالمليح طالعهم وهم يطلعون وقفل الباب نطق بزهق: فكه غموض وهي تعدل عيالها : ياحياتي ناموا سعود وهو يقرب ويجلس بجنبها باس جبين فهد وغيوض : ياقلبس شوفي شلون نايمين ياتسبد حيي والله غموض: سعود ماافي قصيده مني مناك سعود طالعها بحب وهو يهمس: تستاهلين الحب تستاهلينه من قلب متغرب وراجع وملهوف قلبٍ فقد طعم الرضا والسكينه كل ما ابتسمتي له تسوين معروف انا الغريب اللي رجع للمدينه ياسعد هالرجعه ويا حي هالشوف كم علمك صوت المطر تحترينه كنه يقول ان اخر الشوق مخلوف انتي سما عمري وضحكة سنينه ما انتي سحابه تعبر أوقات وتطوف دام الطريق الجاي متقاسمينه باذن الله انه ما على عمرنا خوف الشعر من قبلك بيوته حزينه وبدلتي احواله من ظروف لظروف لو فيه وقفة نفس بيني وبينه افا علي ان ماسمعتيه ياغموض منقوله لـ :فهد بن مساعد غموض تممت بحب: احبك والله ابتسم لها : لاحرمني ربي حبتس❤ وهنا انتهت قصة اجمل اثنين تعلمك الايام ان مهما رفضتي الشخص ارجعي واعطي نفسك فرصه تفهمينه تشوفينه من زواية ثانيه مهما كانت ايامك الا انها بتمر مرت ايام سعود وغموض الصعيبه وصبروا وبنهايه ناالو حب الجميع لهم ولا اطفالهم كثير مثل شخصية سعود بواقعنا الطيبه تغلب عصبيته وسعود مثال ل اتقي شر الحليم اذ غضب كان حكيم ببعض قررراته ردة فعله البارده للاشياء صعبه مثل هوشاته مع غموض ماتهور فيها وطلق صصبر لين ماعطت غموض نفسها فرصه تتعرف عليه من جديد بنهايه احب اقولكم اصبروا اصبروا واصبروا مابعد الصبر الا الرضا والمسره ومابعد الحزن الا الضحكه قرراررت كثيره ناخذه بعاطفيه ولو فكرنا بالمنطق بنلقى انفسنا مو مقتنعين وهذا اللي حصل بغموض . ____________ سعود رغم ظروفه وعثرات حظه الا انه صبر وبنهايه نال شخصية سعود كانت اصعب شخصيه كتبتها من ناحية الحوارات الحركات وردات الفعل وتعاطفكم معه خلني اكمل الشخصيه بنفس نمط بروده وعدم تهوره بنهايه احب اقول شكراً لكل من شجعني شكراً لردودكم طولت كثثير عليكم هالروايه بنسبه لي عمر اكتبها قد صار لها 3 سنين مريت بمرحلة كتابتها بظروف صعبه شكرا من قلبي انكم حمستوني اكملها واتغلب على كل اللي واجهني اسفه ان قصرت عليكم معليش ان انهيتها بدري بس ماحبيت اطولها عليكم اعذرونيي والتمسوا لي العذر اذ مارديت عليكم وارجع اقول شكراا لكل من شجعني اولهم فيتامين سي ،، انتقدوا بلطف حللوا الشخصيات انتظر ردوردكم على احر من جمر 1/ احب انوه اني ما اسمح ابدً بنقل الروايه لاي حساب على التواصل الاجتماعي 2/ماعندي اي اي حساب بالتواصل الاجتماعي وان حصلتوا احد بنفس الاسم ترا مش انا 3/ارجع واقول ما اسمح اي احد ينقلها بالتواصل الاجتماعيي 4/متحمسه جداً جداً لردودكمم ادري صدمتكم بس ابي تعليقات تبرد الخاطر. ____ والى هنا انتهت رواية: "ومـالي بدجئ العاشقين ملاذ." استودعتكم الله . اختكم: غسق آلليل. |
| الساعة الآن 04:57 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية