|
وجه البوم بقلمي / شبيهة امي
بسم الله الرحمن الرحيم السلام عليكم ورحمةالله وبركاته شلونكم ياحلوين يعلم الله اني مشتاقه لكم كثثيير وكم مره حاولت اكتب بس تطير الافكار او استسخف اللي اكتبه اخر ماحصل ان فيني رهبه وخوف ان اللي اكتبه يكون اقل من مستوى ذائقتكم حبايبي آل ليلاس دايم تغمروني بلطف ردودكم وجمال تشجيعكم لي الله لا يحرمني منكم اتمنى ان تعجبكم ونقول بسم الله وجه البوم اليوم الخميس بعد عيد الاضحى بخمس ايام وصلنا من مكة بعد ماحجيت مع جدي واليوم والكل مجتمعين نزلت برقعي على وجهي وتعوذت من الشيطان ودخلت بكل قوة قلب لازم أكون قوية وأطنش كل اللي أسمعه المفروض اني تعودت ماهو شي جديد :السلام عليكم المجلس مليان بحريم عماني وبنات عماني وحريم عيالهم ملياان المجلس لعينه مليان بالزين مليان بالجمال مليان بالرقة والانوثه مليان بالاناقة مليان بكل شي يحرق الاعصاب :هلا وغلا ماتقولها الا زوجة اخوي ام فارس هي اللي فعلا ماقد جرحتني بكلمة تبادلنا السلام بحراره : ياهلا والله اشتقت لس مررره ابتسامتي من اقصى قلبي لها تستاهل هي الوحيده اللي تحبني واحبها هي الوحيده اللي تشوفني انسانه لها مشاعر واحاسيس :يابعد قلبي يا ام فراس انا اللي اشتقت لكم الله لايخليني منكم :كملي سلام وتعالي جنبي لا تطلعين خلي البنات يشتغلن عنس كملت سلامي على باقي المجلس اللي محد كلف نفسه يقوم كلن يمد طرف يده يرد مصافحتي وسلامي ورجعت عند ام فراس وهمست بإذنها :دقايق وراجعه لس بشوف يمكن جدي يبي شي ام فراس وهي تبسم :روحي روحي عارفه ياقلبي مابتطلعين من المطبخ هربت من المجلس للمكان اللي احبه ويحبني مطبخ بيت جديظ .. . . :ياولد جدي يقول جددو القهوه ودف صينية الفناجيل والدله الصفرا الكبيره لداخل المطبخ رحت اخذت الصينيه وغسلت الفناجيل وزليت القهوة بالدلة ونزلت غطاي على عيوني ورحت متوجهه للمجلس بنزل الصيينيه عند الباب واسمع اصوات عماني وعيال عمي وجدي اول مررره اسمع اصواتهم طالعه كذا جدي من الناس اللي له هيبه بحضوره كلن يسكت بس الوضع الحين غريب وش اللي مطلع اصواتهم داخل المجلس الكبير بسقفه الخشبي ومسانده الحمرا وزوليته الصوف اللي مرت عليها السنين وهونفسه ماتغير جالس بصدر مجلسه ببشتة البني وشماغة البرتقالي وعصابة راسة البيضاء ولحيتة الكثة المحناه وعصاة بيمناه رفعها وخبط فيها بقوه على الارض واصطدمت بصينة الشاهي واحدثت الصوت المطلوب عشان يوقف الهرج وتخرس الاصوات وتوجهت له انظار عياله واحفاده :اسمع انت واياه اخر الكلام وزبدة الهرج (الجادل )بالغصب بالطيب بتكون زوجة حداكم سكوت مع نظرات امتعاض ورفض من الكل قطع الصمت ابو فراس وهويحاول تدارك الموضوع :ياجدي الله يخليك لنا ماتجي الامور كذا مايجي شي بالغصب واختي نصيبها ما جاء للان وكمل ولد عمه بغيض مكتوم : يعني بتغصبنا ياجدي وعلى من !!! على جادل ؟! رد الثاني :انا زواجي بعد شهر مالي فيها شف اللي ماتزوجوا رد الثالث :انا اصغر منها ب15سنه ردالرابع :ياجدي والله لو مابقى الاهي ماخذتها انتفض الشايب :وش يعيب بنت عمكم يومكم عايفينها رداصغرهم بهمس واضح :ابد ياجدي شيينه شيييينه وكبيره سمعه الجد ونهره :قم تقلع الله يشين حظك اطلع من المجلس وفجأه قطع كلامهم صوت طق الباب وصينية القهوة تنزل بالارض . . ـــــــــــــــــــــــــــــــــــــــــــــــــــــــــــ . رجعت للمطبخ وفيني غصة لاتتعب نفسك ياجدي مستحيل اللي تبيه قبل مايرفضوني انا ارفضهم غصة تحجرت بحلقي لا ني قادرة ابكي ولا اني قادرة ابلعها لحظات وامتلى المطبخ من بنات عمي يساعدن في تجهيز السفر مع ان كل شي مجهزته من قبل بس حب الترزز واظهار النفس قدام جدي وعماني > > > خلص العشا وانتهت معه طاقتي الجسديه والعاطفيه خلاص عيوني تحرقني ابيهم يطلعون كلهم ماعدت طايقه وجودهم لا من خيرهم ولا كفاية شرهم وقفت بالمطبخ اللي تحول الى ساحة حرب قدور الذبيحه وصحونها والدلال والاباريق والصنايا فوق بعض بمنظر يسدالنفس والرز متناثر يملي الارض والسفر مجمعه ومرميه تنهدت بتعب وفيني الصيحه بس دخل علي جدي بالمطبخ : يمة الجادل مشوا عمانتس واخوانتس لاتنسين يايمه تحطين عند راسي ماء اذا جيتي تنامين هزيت راسي وغمضت عيوني بالموافقه وقلت له بصوت مبحوح :ابشر ياجدي ناظر بي نظره متفحصة :علامتس تونسين شي ؟ ايه اونس كلي قهر اونس الغبن ليه تسوي بي كذا هالكلام يتصارع بقلبي بس ماقلته قلت وانا امرر اصابعي على حلقي :شربت بارد وعورني حلقي عطاني نظرته الحنونه اشربي حليب مع فلفل اسود ونامي وان شاء الله تقومين تنقزين العرفج قلت :ان شاء الله وطلع جدي من المطبخ متوجه لغرفته بينام في ذيك اللحظه انهرت تثنت رجولي تحتي ماعاد فيني ورميت برقعي عن وجهي وابتدت دموعي وشهقاتي . . . :بوم والله صدق من سماها البوم :بس تراقب وساكته :والله اني اخاف منها كان هذا كلام بنات عمي واقفت معي ويقال انهن يساعدني ويحشن فيني وانا اسمع بس تعلمت من سنين ان كلام الجهال ماينرد عليه اسوي نفسي ماسمعت اتنزه عنهم بس كلام عيال عمي وعرض جدي عليهم هو اللي جاب الاول والتالي تعوذت من الشيطان بعد ماصفى راسي من البكاء واتنبهت لمكاني وانا وين ووش حولي (المطبخ بحوسته ) حطيت يدي على عيوني مثل الاطفال وانفجرت ابكي من اول وجديد :يارب كن بعوني اصيح واشاهم وافرك بالقدورواحط حرتي بالمواعين خلصت كل المطبخ وفرغت كل غضبي فيه وطلعت للحوش اللي يتوسط بيت جدي والا القمر طالع كأنه يواسيني والسماءصافيه والنسمه البارده واتوضى وافرش سجادتي بالحوش وتحت ضو النجوم واصلي الوتر ركعات خفيفات سلمت وانسدحت على سجادتي منهاره خلاص ابي النوم واناام ذيك النومه الهنيه يالله لك الحمد قراءه ممتعه لكم وردود حلوة لي ملاحظه صغيرونه : ما اقدر اوعدكم اني بكون ملتزمه بموعد محدد وحصري جدا ليلاس روابط الفصول الفصل الاول في نفس المشاركه الفصل الثاني الفصل الثالث الفصل الرابع الفصل الخامس الفصل السادس الفصل السابع الفصل الثامن الفصل التاسع الفصل العاشر الفصل الحادي عشر الفصل الثاني عشر الفصل الثالث عشر الفصلين الأخيرة 14*15 |
رد: وجه البوم
حيالله أم رنا وياهلا بالحامل والمحمول منوره الوحي يالغاليه الجادل واضح إنها عاقله وست بيت لكن ماهي جميله أو أنها جمليه لكن بمقارنتها ببقية بنات العائله تعتبر ماهي جميله الجمال ماهو كل شيء والجادل لو ماكانت جميله جدا تملك جوانب جمال أخرى ما أحد عبرها ولا أهتم بها وكل همهم الشكل الخارجي ماأعرف سبب كره زوجات عمانها لها إلا إذا كان من أجل إن الجد بيغصب عيالهن عليها وأظن مافيهم اللي يستاهلها وهذا واضح من ردود هم على جدهم وإنتقاصهم لبنت عمهم مسودين الوجه وإظن الجادل هي اللي بترفضهم أو بترفض اللي بيجبره جده عليها وإن شاء الله يجيها نصيبها وتتزوج بأحسن منهم من خارج العائله أم فارس مدري أم فراس وزوجها بيض الله وجههم الجد ومن الحب ماقتل هو من حبه لها بيجبر عيال عمها عليها ما درى أنه قتلها بتصرفه هذا بنات عم الجادل مالت عليهن واضح إنهن منظر بلا مخبر أم رنا تسلم يمينك أشتقنا لقلمك والمميز واسلوبك الممتع وأشتقنا للزمن الجميل منتظرين بقية الأحداث بفارغ الصبر لاخلا ولا عدم منك يارب |
رد: وجه البوم
هلا و الله ...
اسفرت ليلاس بالغالييين يا هي غيبه يا الغاليه ... اتمنى لك كل التوفيق .. و إن شاء الله تقدرين تقدمين الجديد و المميز كعادتك ... لك كل الحب .... |
رد: وجه البوم
اوه هلا وغلا ماصدقت لما شفت اسمك أنا طبعي مااقرأ القصة الا بعد ماتنزل أجزاء كثيرة بس مع اسمك ياام رنا ماقدرت ... حيا الله الحامل والمحمول
|
رد: وجه البوم
لا لا مانيب. مصدقه ام رنو يامرحبا. يامرحبا
اخيرا انورت والله لي عودة مابعد قريت. |
رد: وجه البوم
هلااا هلاا وملييون هلاا 😍 منووره ام رنوو اخيرا قلم من الاقلام الذهبية رجع .. ماتتصورين فرحتي وانا اشوف اسمك منوور وجه البوم .. اكيد المقصد شي للتشائم والمصايب وهو وجه الجادل يكون هي مخطوبه ومات خطيبها اول ماخطبها ولا اَهلها ماتوا بسببها اكييد شي متعلق فيها خلوا الناس متشائمين منها الجادل شكل أمها وأبوها متوفين وعايشه في بيت الجد بس ليش يكرهونها لهالدرجه ومافي احد معبرها غير ام فراس .. يكون أمها وابوها لهم ماضي سييء مع العايله ؟! ولا متشائميين منها عشانها شيينه ولا وش .. وبعدين ليش ماتزوجت للحين يعني هالدرجه شيينه وماطالها شي من الزيين لدرجة ان العيال يذكرون انها شيينه .. ولا الجد مايبيها تأخذ من برا العايله ؟! المواعين بعد العززيمه الوصف جاب لي التعب والدوخه ليش ماعندهم شغاله .. صدق جادل ذابحه نفسها بالسناعه ع ناس ماتستاهل قلة حيا ولا وحده قامت تسلم زي الاوادم .. غير ام فراس اللي يمكن تكون من اقارب أمها عشان كذا راحمتها ولا اهل ابوها كلهم مافيه خير ياحركات الشيبان اللي مايتركونها اكيد المبرر انه خايف عليها من بعد عينه بس عندها اخوان خاصه ابوفراس شكل محترم وحبيب .. اللي يبيها كان اخذها بدون عرض الجد الموقف مستتفز و جدا سيئ ومهيين وعيال العم قليلين الحيا والمرجله مافي اي احترام لبنت عمهم ولا لاخوانها اللي بالمجلس يتكلمون عنها كذا .. ان شاء الله العوض واحد برا هالعايله .. اعرف وحده مرت بنفس الموقف بالضبط باختلاف الظروف جدها عرضها ع عيال عمها وفوقها للي ياخذها فيلا ملك وسياره فخمه يعني بيعه مابعدها بيعه .. الله المستعان تسلم يدك ام رنوو .. بدايه مشوقه ومتحمسين للباقي .. |
رد: وجه البوم
السلاام عليكم..
مرحباااااااااااااااااا ملاااااايييييييين ومايسدن اسفرت وانووورت واستهلت وامطرت.. هلا بالطيب الغالي عزيز وشوفتك منوووه.. حي الله الحامل والمحمووول والمحمووول اليه.. حي الله ام رنوووووو والله اني حاسه انتس بتنزلين شي قريب بس ماتوقعت بهالسرعه وقلت لتس ذيك اليوم بالمقلط اني حاسه اننا بنشوف لتس شي قريب.. وعاااااد جيتينا وجيتي بوجه البوم.. والله يا ان البوم احسن من بنات عم الجادل كلهن يمال الضربه منظر بلا مخبر.. واصلا من قال ان البوم شين. عيونه تهبل.هخهخه ليش مسمينها كذا ؟؟ هو تشاؤم منها والا ايش؟؟؟ حسبي الله عليهم هالعمان وبنات العم جعلهم للعمى اللي يعمي عيونهن يااارب.. يااقلبي عليها الجادل ..الله يعينها وضعها صعب في ظل هالضغط النفسي اللي عايشه فيه ..شكل امها وابوها متوفين وعايشه عند جدها..شكل عمرها كبير ..يعني مو بالطعش ..يمكن باخر العشرينات او بالثلاثنين.. مدري حسيت كذا من استعجال جدها على زواجها شكلها مو صغيره وهي راعيه البيت وتغسل وتطبخ وتنفخ .. اتوقع عمرها كبير.؟؟ عسى الله يرزقها الرجال اللي يدللها ويدلعها دلع ماتدلعنه بنات الشيوخ جعله يجي الحبيب الرحيب الطيب الملياردير اللي يخلي بنات عمها تلف رووسهم وعيووونهم من الغيره والحررره ويموتن هن وامهاتهم من الغبن ..قطع لهن وش فيهن على الضعيفه شكل اصلا مابينهن أي حوار ولا سوالف ولا شي ليش يكرهونها؟؟؟ الا ان كان هالكره ممتد من بغضهن لامها وغيرتهن منها ؟؟ والجد الله يعافيه ماعنده وقت بيخطب واحد من العيال لها وقدام اخوها ابوفارس والله احراج له قدامهم ..مهذري هالعود ماله الا اللي براسه الله يخليه للجادل ويزوجها من شيخ ولد شيوخ.. وعيال عمها بمنتهى الحقاره تفووو عليهم واحد واحد كلاب يعيبون على شكلها وانها شينه..ليت من يشوف اشكالكم تلقون كلها مثل سعيدان مع الاعتذار له ..ضروس طالعه وخشم كنه بلونه وجبهه كنها سبوره من كبرها .. وتلقونها احلى منكم كلكم وقحين صحيح .. ولكن مع هذا الجادل احس بيكون نصيبها مهوب مع واحد من هالخمه اللي بالمجلس.. يمكن يكون ولد عم لها بس مهوب حاضر هالجلسه.. امممم والا يطلع لها ورث من خاله ارمله وحيده وهي وريثتها الوحيده والا شي وتصير مطمع للجميع...اولهم هالحيوانات اللي ماخلوا ولابقوا من الكلام الوقح وقدام اخوها بعد يمال الضربه..وبتقلب من وجه البوم لوجه السعد الله لايسعدهم يارب. اخوها ابو فارس مدري ليش متوقعه انه اخوها من الابو مو من الام..؟؟ بس الله يجزاه خير شكله حنون عليها.. تدرين عاد ام رنو مدري ليش الحين خطر على بالي انها بتتزوج واحد من اهل حرمة اخوها ..من اهل ام فارس.. يمكن اخوها والا خالها والا عمها .. بس بيكون من طرف هالحرمه الحبوبه..ويمكن يتزوجها لان له عيال يحتاجون ام ويبي وحده تربيهم وتهتم فيه وتكون من نقاوة ام فارس؟؟؟ المهم اللي بيتزوجها بيحبها عشان مخبرها مو عشان مظهرها.. بياخذ السنع والظفاره والطيبه مافيه منها هالبنت..يكفي انها تطبخ الذبايح>>فيس يكتب متخبي عن امه لاتقول علمي نفستس..هخهخهخه ليتها والله تطبخ بهالقدور حريم عمانها وبناتهم وتتقمص شخصية الاثيوبيه..هخهخهخه والله يفقعووون القلب .. حسبي الله عليهم.. حتى مافيهم اللي بارك لها بالحج عساهم يحجون على قرون ثيران.. ام رنوووووو .. ابدااااااااااع وامتااااع يااقلبي.. بانتظار البارت القادم وماراح اقول طوليه وسوي وحطي يعني مقدره انتس توووتس تنزلين لنا هالقصه ومابعد كتبتي شي منها.. والف الف الف الف مبرووووووووووك هالابداع وربي يوصلتس ويوووصلنا معتس لبر الامان ونشووفها بالمكتمل.. قلوووووووووووووب من عندي لعندتس .. |
رد: وجه البوم
اهلين ومرحبتين
بام رنو نورتي حبيبتي .. قلوبنا مشتاقه لحرفك .. الجادل... جعل ربي يعوضها خير ..وجعلنا نتشمت بعمانها وعيالهم وبناتهم كلهم .. اظن زارا من فرحت الرواية الجديدة ماانتبهت انك مااظهرتي البطل للان ... ولا كان تمت مصادرته من قبله مع سبق الاصرار والترصد .. زارا البطل محجوز ومقفل عليه بمليون قفل كان تبغين عيال عم الجادل بكيفك .. بانتظار البارت القادم ام رنو بكل شوق .. ونستودعكم الله .. ...فيس يقفل ع نفسه من هجوم زارا |
رد: وجه البوم
اقتباس:
لاااا يااقلبي خلاص المفرووووض انتي اذكى من كذا وشفتي ردي قبل ردتس وعند ام رنوو بعد يعني البطل بيكون قمة الاحترام والرومانس يعني مصاادر مصااادر بدون حتى ما اذكر هالشي .. ولووووو فهمكون كفايي حبيبتي..هههههههههه |
رد: وجه البوم
اقتباس:
هههههههه من سبق لبق حبيبتي .. انا صرحت صريح .. واللي بين السطور سكرنا عيوننا عنه .. بس البطل انا خوفي يطلع مثل جابر وآواس .. لين الحين متعقدة منهم 😂😂 |
رد: وجه البوم
السلام عليكم اهلا ام رنا نورت ليلاس بروايتك كالعادة بداية جميلة ومشوقة بانتظارك وانتظار مصير جادل والى اين الحياة تأخدها وجميل منك ان تحظى هذه الفئة من الناس باهتمامك وتجعليما بطلة لروايتك
|
رد: وجه البوم
السلام عليكم ياهلا بام رنا وش المفاجئه العجيبة عادي توي اخلص من قراية قصه ام احمد
ولقيت التحفه الجادل اسم غريب واضح انه عايشه عند الجد ايش قصته تحمسنا بانتضارك |
يا صباح الورد على ام رنو وعلى الغوالي الي حثو ام رنو
تنزل لنا ها الروايه الي من اولها باين انها مشوووقه (وجه السعد الجادل)الله يعين قلبك اجتمعن عليتس بنات مخينق ياما راح تسمعين وتسمعين منهن لكن ياوجه السعد حطي اذن طين واذن عجين والرزق عند الله لقب وجه البوم ماهو من عبث قيل للجادل اكيد مع ولادتها صارت احداث زلزلت كيان العايله واخوان الجادل هل هم اخوانها اشقاء او من ابوها ؟ التشائم ولقب البوم وحده من اقاربنا ولدت بنتها ومع ولادتها زوج بنتها تزوج والله لليوم والبنت عمرها تسع سنوات والجده كل ماصادفتها بمكان وجت البنت قالت قطع وجه يا لقفك من البني ياعرضت الشر والشرير أهب ياوجهتس والضعيفه حالها حال البزارين لكن ارتبط عندهم وجها اقشر انولدت واعرس ابوها على بنتهم المضحك بالسالفه ان الحرمه هذي بحياتي ماشفت حرمه تشجع عيالها على التعدد واخوانهامثلها وتقول كذا كاااش قدامهن وتتمنى يتزوجون على حريمهم بس الموضوع يوصل بناتها لا والف كلا نرجع للجادل والله قلبي اوجعني وام رنو الله يسعدها توصف شكل القدور والحوسه عقب العزيمه حسيت اني بوسط المعمعه وراسي داخ من وين ابدا اساعد الجادل تخلص شغلها الجادل مااتوقع بشعه ابدااا والي وصفها يمكن يذكرها وهي صغيره والبنات الي متكومات بالمطبخ مااداني ها الحركه جعجعه ومانشوف طحن اقلها انثبرن بمكانكن محد يبي عونتكم ريحن وارتاحن اعجبني بالجادل انها تبلع مشاعرها وتعلقها بالصلاة شي إيجابي انك تفزع لله كل ماضاقت عليك دنياك في مقوله دايم يكررونها حريم اعرفهن كل مانوت بنت تحج قالو ابشري بالعرس عقب ذا الحج وانا بعد اقول للجادل ابشري بالعرس واتوقع الي بياخذ الجادل بعيد عن عايلتهم كلها ولاهو من اقاربهم واتمنى ذلك ليش تقعد بنفس العايله الي من اول حياتها وهم ناشبين بحلقها تطلع منهم ومن ها النظره لها وش بتستفيد لو تاخذ منهم لابرينا ولاغد الشر ام رنو تكفين لاتحطين الجادل زوجه ثانيه هي ناقصة حروب الضعيفه ردي من الجوال وانا ما اعرف لرد منه تعبت لين نزلت الرد با الانتظار ام رنو بس لايطول غيابك 😘 |
بااااك سريع قبل اقوم لمعمعة الغدا ومواعين الجادل
جا في بالي يمكن الي بياخذ الجادل 🤔 احد اهله ابوه او جده تربطه صداقه بجدها وهو الي يبدا بالخطبه مايحتاج الجد يعرضها عليهم 😉 |
رد: وجه البوم
السلام عليكم ورحمة الله وبركاته
تسلم يمناك حبيبتي ام رنوووش << امووووه بدايه قويه وممتعه ومشوقه وكل شي جميل بس شوي كثيير قهرر هههههه اممم الحسناء جادل ..مآآ سبب تسميتها بهالاسم ؟؟ !!! يمكن جادل مثل كثير من الفتيات مرت ببعض التجارب الحزينه او التعيسه عند الطفوله وانعكست هالحاله على وجهها بحيث تعود وجهها على بعض التعابيرالحزينه اوالغاضبه وصارت سمه واضحه فيهاا حتى مااتتفاعل مع اي مشاعر او اخبار مبهجه لانه صاار نمطها بالحيااه بهالشكل ومن ثما 7 7 من كثر مارحمت حال جادل انقهرت منهاا >> مقهووره من كل اللي بالروايه بصراحه هعع وللحظات حسيت وجهه البوم ينااسبهآآ << الله يسامحني يعني يااحاجه جادل ليش منكده على نفسك وداخله تسلمين وتمدين يدك لهم مو انتي راعيه البيت وجايه من الحج من اللي المفروض يرحبون فيه ويخدمونه ويدعون له بكل الدعوات الزينه ؟؟ جااوبي ولابسه نقاااب في بيتك وعند الحريييم لهم حق يفكروون انك شينه وعجوز بعد وزاد تغسلين القدوور بعد عشااهم اللي عسااهم ماايحدرونه كلهم نفر نفر حتى اخوهاا اللي ساكت وما داس ببطن عيال عمه وهم يتكلمون عنها>>عساهم للعمى و... زيدينيي قهرااا زيدينيي الجد بدل ماا ياخذ بيدها ويقولها خلي المطبخ وتعالي ارتااحي يقول حطي ماا عند رااسي ابو عصاابه بيضاا خخخخخخ بس ادخل الله لايهينك وخذ ماا لنفسك ما بتنقص من هيبتك تراا بعدهاا بذلت جهد بالتفكير هههه بعد مااشبعت قهرر ههههههه حتىلو جادل شينه او نحس ماايوصل كرههم لهالدرجه وشو هالسر ياترى امممممم احلى واهم سطور الجزء ويارب يكون بكل جزء انها لجآت للحي القيوم .. الرحمن الرحيم سبحانه الخالق اللطيف بعباده اسال الله ان يرزقننا رضاه ويجمعنا في جناته اللهم امين |
رد: وجه البوم
بسم الله
تو قريت الفصل للمرة الثانية وانتبهت لبعض الاشياء اللي ما لاحظتها اول مرة يعني مثلا مثلا برقع الجادل اللي نزلته على وجهها قبلرلا تدخل هذا خلاني اتفق مع توقع طيف الاحباب ما سمونها وجه البوم لنقص جمالها لكن لحدث معين حصل مع ولادتها خصوصا انها لو مهيب جميلة زوجات اعمامها ما دخلهم بها ليكرهوها انا بالاول استغربت وش علاقة البوم (التشاؤمية عادة) بانعدام الجمال او كذا .. يمكن هي صح مهيب جميلة لكن هذا مهوب سبب التسمية برايي يعني حتى لو الصغار من الشباب والبنات مفكرينها شينة فهذا طبيعي لان واضح البنت ما توريهم وجهها اصلا فعادي بدل لا يصححون لهم اهلهم ويبينون قليلين عقل (لانه صراحة هي لو صدق صار شي سيء مع قدومها وهم تشاءمو منه فهذي قلة عقل اقل شي يعني) فتركونهم على اعتقادهم .. وطبعا يوفرون على رواحهم ان احد من عيالهم يفكر بالشينة 😒😒 >> ما يسوون مواطيها والله 😒 وعندي احساس انها بتطلع حسناء نفس ما قالت زيز 😃😃 بس زيز يا حلوة صراحة معها حق البنت تدخل تسلم ولو من ورا قلبها وغصب يعني لو طنشتهم الاكيد يسوون لها سالفة مع اعمامها وتوصل لجدها وجدها يكبر السالفة او لو اشتكت هي له نفس الوضع وبالتالي بيشيلون بقلبهم زود وياذونها اكثر اجل نسلم ونتحمل غثتهم ونفكنا من وجع الراس عقب يختي 😒😒 . . بنات عمها يبالهم من يطقهم لين يحبون القاع .. صراحة لو عندي قتلتهم وقطعتهم ورميت جثثهم لكلاب الشوارع يتعشون بها واهو نكسب فيهم ثواب اما الشباب فبقطعهم قبل لا اقتلهم 😒😒 ما برد كبدي بذا العائلة غير ابو فراس وحرمته الله يحفظهم ويا رب يتمون دائما على عقلهم كذا . . منورة ام رنا .. شوقتينا واتحتيلنا نتابع رواية متجمع فيها الكبار كلهم ما شاء الله 😍😍 ننتظرك اكيد ولا تبطين علينا ❤❤ |
رد: وجه البوم
يا هلا وغلا ومليون مرحبا بأم رنا والزمن الجميل والاقلام الذهبية
اشتقنا لابداع قلمك واشتقنا للحماس والتعليقات الممتعة كالعادة اسلوب مميز ومشوق بانتظار ما سيحصل من احداث ومن سيفوز بالجادل اللي هي وجه السعد وكل اللي حولها وجوه شؤم قدمت فأبدعت كل ودي |
رد: وجه البوم
اقتباس:
الا يا زينهم ويا زينهم ويا زينهم بعد 😍😍 بس البطل ما اظن يكون نفسهم يعني ممكن اتيس منهم شوي وكذا >> لا احد يسال منين جبت اتيس هذي 😂😂😂 . . المهم اني بخطفه اصلا 😌😌 |
رد: وجه البوم
حتى انا مع طيف أتوقع اللي بيجيها ولد صديق الجد ولا ولد عّم طفشاان من هالعايله وهجرهم وراح يدرس برا .. اسمها حلو انا يعجبني اسم الجادل ومعناه صاحبة الشعر الطويل الجميل المجدول ويقال الفتاة الجمييله وكثيير شعراء كانوا يتغنون بالاسم وفي قصيدة انشهرت لضيدان بْن قضعان اسم القصيده الجادل . الجادل الّلي يمرّ القلب شارعها بين الحنايا تعدّي ماتطالعني تقفي مع الدم بعروقي وأتابعها وأحسّ كنَها على نفسي توزّعني قامت تبعثر غلا وإن جيت أجمّعها أضمّها وآتشتّت لين تجمعني بين الحنايا تثنّى في مرابعها كنَها تقول آتحدّى من يطلّعني دام الحشى بيتها وآنا مدلّعها وش دخّل القلب يزعل يوم توجعني؟ اام رنوو كيف بعد ذا كله مااطالها شي من اسمها : ) عاد ودي اقولك عجلي علينا ولا تتأخرين بس اخاف ترتاعين واحنا توونا قلنا يافتاح ياكريم 😂 |
اقتباس:
شوفي انا جابر كنت وهموسه شايلين لين وباخر الرواية راضتنا برد وقلنا يالله نرضى ..اجى اواس خلاني اقطع ردي عن المنتدى واريح الكاتبات من هذرتي ليومك لين جت ام رنو وحررتنا من الحبس .. باقي نكمل التحرير ونرجع نعلق برواية برد 😣 |
اقتباس:
الا الاثنين عسسسسسسل وهيبة كذا كما يقول الشخوص اللي عندي (الواحد فيهم تحسه برنس في نفسه كدا يا جدع) اجل بدعي يطلع اتيس لاجل اخذه 😌😌 والا بنضطر لخوض حرب ثلاثية الابعاد ولا تختفين ولا تقطعين يختي خلش موجودة وهذي الردود بردين حرتش بها 😂😂 |
اقتباس:
ايوة كداا ياا وديع .. قصدي ياا دودي .. خليكي معانا ع الخط ياا اختي >> هذا فيسي المصري يرحب بكم وكذا 😂😂 . . هييييييييييييح من الاسم وجماله 😍😍 >> اختكم في الله اسوء من رجال البدو لا تعلق الموضوع بحب الشعر الطويل وكذا 😍😍😍😍😍😍😍😍 هيييييييييييييييييييييح بعد .. حبيت القصيدة حبيييتها بروح اشوف هاسا الشاعر واشوفله شي ثاني بعد 😍😍 . . ام رنا ممنوع تهرب .. نطب عليها في بيتها وناخذ رنا رهينه لين تكلمنا الرواية 👿👿 لقد تحمسناا وكذاا 💃💃💃💃💃💃 |
اقتباس:
بس انا خايفة من شي واحد يابنات ام رنو ترتاع منا وتهج بالرواية ..شو رايكن انا اخطف الجادل بيننا شور انا وياها ..وانتوا انقسموا احد يخطف رنو واخد يستلم عيال عمها للجادل .. وبكذا انا القصة كلها عندي تكون اقصد احم عندنا تكون .. لان شكله الفيوزات حتضرب واحنا لسه باول بارت ههههههه.. ام رنو نحتاج بارت حالا.. |
رد: وجه البوم
انا اضم صوتي لصوت نانا شرور ياا ام رناا
. . انقذينا بفصل جديد يختي منذ فترة وانا ما اسوي شي غير اعادة الروايات القديمة واعادتها واعادتها واعادتها وحتى رد فيها ما اكتب >> كسل الله يجيركم 😂 |
رد: وجه البوم
السلام عليكم ورحمة الله وبركاته جذبني عنوان الروايه مره غريب وفريد .. وقرأت البارت الوحيد هههههه افتكرت انه فيه اكثر من بارت لما خلص جلست ابحث في الصفحات عن واحد ثاني 😓.. الجادل شخصيه قويه من الخارج او خليني اقول تدعي القوه .. الكلام الجارح يؤثر على الانسان سلبا ولو مهما كانت قوة شخصيتها راح تهتز انا مااتوقع انها ماهي حلوه لهذا الدرجه اكيد فيها حاجه تجذب .. اعجبني تصرفها في بث شكواها لخالقها.. الجد ايش استفاد من عرضها على اولاد عمها مالت ثم مالت ثم مالت 😠.. يعني ماله داعي الحكي اللي قيل في مجالس الرجال عفوا الذكور لانه هذول بعيد عن المرجله وفعولها .. بإنتظارك خيتو ربي يسعدك وييسر امورك .. |
رد: وجه البوم
اقتباس:
اقتباس:
اقتباس:
اقتباس:
:liilas: |
رد: وجه البوم
اقتباس:
اقتباس:
الجادل وتفاصيل اكثر عنهاان شاء الله قدام اتمنى تكون قد التوقعات وحماسكم معي اقتباس:
:liilas: |
رد: وجه البوم
اقتباس:
اقتباس:
اقتباس:
اقتباس:
:liilas: |
رد: وجه البوم
اقتباس:
روحس الحلوة وضحت من تعليقس اقتباس:
اقتباس:
اقتباس:
:liilas: ويسعد صباحكم اسعدتوني كلكم الله لايخليني منكم يا بنات ليلاس |
رد: وجه البوم
يا حي الله شبيهة امها
جعلش من البارين بهلهم و رزقش بر عيالش الفصل الاول الا فصيل يالغلا ههههههههههههههه .. الزين ما ينشبع منه الجادل .. و اللي ما يشوفون غير وجهها كم زوينه ما مسكت بيتها لان طباعها شينه و الجادل مهيب شينه قناعتي ان ما به بنت شينه الا روحها جميله و نشوف شكلها بعيون اللي بيظويها .. في انتظار البارت الثاني .. و عيال عمانها .. كلهم في اللسته السوداء .. نورتي بيتش يالغلا |
رد: وجه البوم
السلام عليكم
ياااهلاااااويااامرحباا بام رنوو ....شبيه امها من جدد مفاجاءه حلووووه .....الله يسعدك ياأم رنوو يوم انقذتينا ونزلتي روايه لك ....اندبلت كبودنا من الروايات السامجه ...ولا الروايات اللي متتكتمل ... انا ماقريت شي لين الحين ... ماصدقت عيووني يوم شفت اسمك .....الله يسعدك زي مااسعدتينا بطلتك الحلووه .... |
رد: وجه البوم
أخوااتي اللي يتكلموون عن جابر واواس ....هذولي في ايه روايه ...
لعل وعسى تطلع روايه حلووه... ونفتك من القحطط اللي حنا فيه هههههه |
رد: وجه البوم
اقتباس:
جابر برواية اسمها (اوجاع ما بعد العاصفة) اقرينها الاول لانه بعد موجود في (حصون من جليد) اللي بطلها اواس (الثانيين اعتبريهم فوق البيعة 😂😂) الروايتين للكاتبة برد المشاعر ومكتملييين ومررررة رووووعة ❤❤ |
رد: وجه البوم
الـسـلام عـليكـم ورحمة الله وبركاته, هلا وغلاا بعودتك ام رنو نورت برجوعك يا قمر وكلي شوق لمتابعة كاتبة متميزة متلك .. ما عندي اضافة على ما تفضلوا به الاخوات العزيزات وبتمنى انه يسطع نجم الجادل وتكيد الاعادي .. تقبلي مروري مع خالص ودي بعد نهاية النقاش او الحديث مع أحد لاتنسوا دعاء كفارة المجلس: سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ |
رد: وجه البوم
اخيرا قريت الله يام رنو تدرين وش يميز قلمك بساطة الاسلوب والاسهاب القريب من القلب
من وصفتي البيت الشعبي. والجد ولبسه الا حوسة المواعين تخيلت الديره وايام زمان وطبخ الذبايح وحوسة القدور والمواعين الى قليلة الحيله ام بخت مايل الجادل كسرة نفس مابعدها كسره من عيال العم مير جعل ربي يبتلي الا ياخذك بحبك لين يشرق بغلاك عشان يعرفون يتحاذفونك قليل المروه الا يتهامزن عليك يسلط الله عليهن يالرياجيل الا سكينهم حمرا من الطبخ والصلخ والعمه الا ماترحم. بس وراتس منبوذة تسبدي لتس والله مدري ليه احس امك السبب في هالنبذ ام رنو قلوووووب تنبض لك من الشرقيه الى جده ولكل من مر هنا |
رد: وجه البوم
اقتباس:
اقتباس:
اقتباس:
اقتباس:
:liilas: دقايق ان شاء الله وينزل الجزء الثاني |
رد: وجه البوم الجزء الثاني
بسم الله
شكرا شكرا شكرا لكل من قرأ وعلق مررررررره سعيده بتفاعلكم الله يسعدكم احبكم -2- مع الصبح اللي يتنفس حتى النفسيه تنفس وتطرد كل ما يعكرها صفاء وحلاوة نفس وروح ورضا باللي يكتبه الله ياربي تزين صباحنا ومسانا باللي يرضيك عنا سمعت جدي وتهليلاته الصباحية :لا إله الا الله اصبحنا واصبح الملك لله جيت عنده وحبيت راسه مثل كل صباح :والله يا بنتي ان صباحي مبارك بشوفة عويناتس :صبحك الله بالخير ياجدي كيف ممساك البارح عساها نومة هنية ردعلي :اللهم لك الحمد قلت:ها يبه وين تبي فطورك هنا والا بالمزرعة :بالمزرعه ان الله اراد بعد ساعه ألحقيني فيه الحين بروح اشوف العامل وش سوى :زين اجيبه لك بعد ساعه ان شاء الله . . . بعد ساعة وتحت ظل الاثلة الكبيره الجادل تمد كاسة الحليب لجدها :سم ياجدي : الله يرضا عليس يا الجادل يازينتس ويازين سنعتس نزلت راسي واتلهى عن نظرة جدي كل ما قال هالكلمة يتفحص عيوني كنت اول ارد عليه واقول :لاتضحك عليّ انا عارفه ان ماهنا زين فيني وهو كان يرد علي :الا انتي منبع الزين ارجع ارد عليه بحدة :لاتكذب لاتكذب انا شينه ومنحوسه ومحد يحبني الا انت حتى جدتي ماتحبني يزعل علي جدي من كلامي :انا ولد ابوي من هو اللي قايلس انتس شينة ومنحوسة ؟؟ استغفري هذاالكلام مايجوز ارد عليه بدموع حراقه :كلهم يقولون غير انه محد يلعب معي و يهربون مني ولا يتكلمون معي يرد علي جدي وهو يشيلني على كتوفه :علميني من هو اللي ما لعب معتس وانا امحطه باالخيزرانه . . . :جادل الجاااادل وانتبهت لجدي يناديني :وين سرحتي قلت: قريب ما ابعدت سألني:هو انتي البارح سمعتي كلامي قلت ببساطه :ايه سمعت وما اعجبني اللي سمعته قال بنرفزه :خايبين الرجا والله ان مافيهم الرجال رديت بهدوء وحطيت عيوني بعيونه : زعلي ماهو عليهم لأني ما أرجي منهم شي زعلي عليك انت ياجدي ارخصتني لهم تكفى ياجدي خلاص قفل على هذا الموضوع عرس وماني بمعرسه خلاص هذي قسمة الله لي انا راضيه بحالي وعاجبني وضعي والا انت تبي فرقاي وتبسمت له بعيون دامعه رد علي وهو يستعطفني بنظراته :يا بنتي انا ابي اشوف ضناتس انا واخوتس ماحنا بدايمين لتس سكت ماقدرت اناقشه دايم يختم نقاشنا في هالموضوع بهذا الرد . . . ابو فراس:شلون جادل ماشفتها البارح ابد ام فراس:ماعليها طيبه زي العاده دخلت سلمت وقعدت بمطبخها شاريتن راسها من الكلام اللي يغثها ابو فراس :ليه فيه احد قايلن لها شي ؟! علميني ام فراس : تخبر اللمز والغمز ما جد شي جديد والله اني خجلت منها ماقدرت اساعدها طلعت وهي تحلف ما أمسك شي بالله اقنع جدك يجيب لها شغاله تساعدها ابو فراس : ياحليلتس جدي مرره رافض يقول اجيب لها الشغاله في بيت زوجها بس عندي وشعندها شغل انا وهي بس ام فراس :كل ها الشغل عليها المزرعه والغنم والبيت وضيوف جدك ومايشوفه كثير ابو فراس : هي راضيه بحالها صدقيني اخذ الفنجال من يدها وقال: خلينا منهم شلونس كيف اصبحتي ماعندس طاري ؟ ماتبين نروح للمستشفى ؟؟ ضحكت ام فراس :لا بدري توني بالثامن صبحنا بخييير خليني اكمله على خير ابو فراس :الله يقومس بالسلامة ويعوض صبرنا خير ويجي فراس ينور دنيتنا وقام يتلمس جيوب ثوبه يتأكد من مفاتيحه ومحفظته :يالله استودعتس الله انا طالع تبين اجيب معي شي وانا راجع الظهر ردت : بحفظ الله وشكرا اذا بغيت شي دقيت عليك انا بألبس عباتي وبطلع وراك طلع وهو يقول: مع السلامه وصك الباب وراه . . . انتهى فطوري مع جدي وشغلي بالمزرعه وبعد ماحلبت المعزه ركبت (ددسني) الغماره القديمة اللي مالها ابواب (((كثير من بنات القرى تسوق ))) رجعت للبيت الي مايبعد كثير عن المزرعه بيت جدي بعيد عن العمران بأطراف قرية صغيرة والبر والجبال البعيده واشجار مزرعة جدي البسيطه اهم مايميز المكان اقرب جار لنا يبعد عنا تقريبا ثلاثة كيلو من احب اللحظات عندي هاللحظه اني لحالي محد يقدر يشوفني رفعت برقعي لفوق واخذت نظرة سريعه للمراية القديمة بقدم السيارة اللي اسوقها وصاحبت نظرتي ذكرى نظرة جدتي لي الله يرحمها اذكر نبرة صوتها وهي تقولي : الله يزين حظتس يا وليدي هذي دعوة جدتي لي الله يرحمها كل ما شافت وجهي وانا صغيره ماكنت افهم هالدعوه لين كبرت وصرت اعرف ليش هالدعوه بالذات تنقال لي ماتنقال لبنات عمي من الذكريات المبهمة اللي استمرت معي ولمن كبرت بعد استوعبتها "تكبر وتزين ... "تكبر وتواسى خشتها .... " البنات بسبع وجيه الا ذي بوجه واحد ..... "الحمد لله على خلقة ربي "على من طالعه ؟؟ "مافي احد بالعايله شبهه وشين مثلها؟؟ " اصصصص جت البوم "بومه ليييش بومه ؟؟؟؟ ماهو ذنبي وفاة أمي وهي تولدني ولاهو ذنبي وفاة ابوي وعمتي وبنفس اليوم وهم راجعين بي من المستشفى هم الله اراد يتوفون وانا لا التفكير بذا الموضوع يقلب علي المواجع تنهدت استغفرالله استغفر الله استغفر الله تنفست بعمق وتعوذت بالله من الشيطان الرجيم لاح لي البيت وسياره عائلية واقفه عنده نزلت برقعي على وجهي وتأكدت من غطى عيوني ووصلت سيارة من ذي ؟؟ وقفت بمكاني المعتاد ونزلت : انفتح شباك السيارة اللي ورى السواق :السلام عليكم رديت :وعليكم السلام ورحمة الله وبركاته قالت :حنا جينا ندور مدرسة الهجره اللي هنا وضيعنا حطيت يدي على عيوني اتضلل بها من نور شمس الضحى واناظر في السياره حريم مع ولد شباب صاد عني وانا اكلم اللي معه قلت : وينكم وين المدرسه انتم عكستم الطريق المفروض ما تلفون من المفرق الاول من المفرق الثاني بتلقونها جنب قصر الامير يمكن حول ١٠كيلو من هنا ردت علي اللي تكلمني :شكرا لك ياخاله يعني نرجع من طريقنا ومع المفرق الثاني بنشوف قصرالامير صح كذا قلت: الله الله قالت :طيب في لوحه في علامة قلت: اية المدرسة بيوت جاهزه ماهي مبنيه وعليها لوحة مكتوب عليها قالت : الله يجزاك بالخير وشكرا مرره شكرا وشغل السياره سواقهم بيمشي قلت وانا احط يدي على شباك السياره :والله ماتمشون تقهووا اول قالت :شكرا ياخاله والله مستعجلين بنحط اوراقنا وبندور بيت بعد عشان السكن قلت ابد والله ما تمشون يختي فنجال واحد و تلينوا عقب السياره والدوجه والشمس ناظرت باللي معها بالسياره تكلم الحرمه اللي قدام :ها ياجده شرايك ننزل الحرمه ملزمه قالت الجدة : ايه خل ننزل والله صقعتني الشمس وتيبست عظامي رد الولد اللي يسوق بهمس مسموع :ووووين ترا ماانا بنازل فتحت الجده الباب ونزلت عصاها وركظ الولد لها يساعدها بالنزول ويكلمها وهو كاتم غيضه :ياجده وين الله يخليك لنا قالت : ياالدحمي تعبت بنريح شوي ونمشي قبل صلاة الظهر ان شاء الله وحنا خالصين رفع عيونه لفوق بتأفف وهو يسند جدته السبعينيه دخلت البيت وانا ارحب واهلي ياهلا ياالله حي ضيوف الرحمن وردت الجده :يالله يحييتس ويبقيتس وفتحت باب الغرفه الحديد ومع ضوء الشمس القوي وضألة ضوء لمبة الغرفه كانت مظلمة هلا تفضلووا قولي للولد اللي معكم يقلط للمجلس من الباب الثاني مفتوح بس يدفه ويدخل رفعت البنت جوالها واتصلت :دحمي ادخل مع الباب الثاني قدامك المجلس طلعت وانا شبه اركظ بجهز القهوة وطلعت جوالي البسيط من جيب ثوبي واتصلت على جدي : السلام عليكم ياجدي اقول ترى جاك ضيوف لقيتهم عند الباب وقلطتهم رد علي جدي :الله يحييهم انا هالحين جاي ولمي الغدا وقفل جهزت قهوتين للحريم ولجدي مع ضيفه في صينيتين و رحت غرفتي وغيرت ثوبي عقب الغنم والمزرعه ولبست منديل نظيف وبرقع نظيف ورشيت بخة عطر واخذت القهوة رايحه بها لعند ضيوفي بالمجلس ام فياض تنهر لمياء : بس يابنت عيب تصورين في بيت الناس ردت لميا ءوهي مشغوله تصور :جده خليني اصور دايم نسمع عن البيوت القديمه ولا شفناها الااليوم غرفه صغيره بسقف خشبي وشباك واحد ولمبة وحده وزولية حمرا صوف ومساندحمرا مزينه بدنتيل ابيض خفيف وعلى الجدار معلقه لوحة كبيرة سوداء ومكتوب بالذهبي آية الكرسي لمياء لقت كنز صور : كلها بنزلها بالانستقرام بتشوفوون كيف اللايكات بتهل بالالاف ام فياض :لمياء يابنت خلاص وقفي لا اكسر الكاميرا على راسك قفلت الكاميرا وجلست :اقول يا جده اشوف طلعت لهجتك اتس واتس تبسمت ام فياض بحيافطري :هذا الهرج الزين لوألقى احد اسولف معه بلهجتي ماخليتها مير ياكافي كلن خلى هرجته وهرجة اهله واجداده تركية: ابوي يا جده هو الوحيد اللي يكلمك فيها ردت ام فياض : ابوتس يحب يسوي اللي يونسني ويسعدني الله يرضا عليه مافي مثل ابوكن عسى عيني ماتبكيه مع دخلت الجادل بالقهوة وقلت : الله يحييكم ونزلت الصينيه وبديت اقهوي الجده مديت لها الفنجال: سمي يا خالة قالت ام فياض :وهي تناول مني :سم الله عدوتس انا ام فياض وهذلي بنات ولدي هذي تركيه جاها التعيين عندكم هنا وهذا لميا اختها الوسطى وهذي فرح الصغيره والوليد اللي معنا ولد بنتي جايبنا قلت وامد لها التمر ماشاء الله يخليهم لتس دق علي جدي : هاتي القهوة قمت ولقيته جايب معه الذبيحه الله الله بغدا الضيوف ورجعت لضيوفي قلت: ترى واجبكم حضر والله انها ابرك الساعات قالت ام فياض بتتعذر عن قبول العزيمة : يابنتي الا انتي ام من ؟؟ تبسمت وقلت :انا الجادل سمي قالت ام فياض: ماقصرتي يابنتي جعل خيركم كثيير بس بنمشي بنلحق على مدرسة تركيه قلت : دقايق ورفعت جوالي ادق : المديره مرت اخوي اقولها عنكم تنتظركم قراءه ممتعه لكم وردود حلوة لي |
رد: وجه البوم
السلاااااااااااام عليكم
حي الله ام رنوووو هلاا مليااار غلا حي الله الحامل والمحمووول والمحموول اليه.. وعرفنا سبب تسميه الجادل بوجه البومه.. ياقلبي عليها حسبي الله عليهم بدال لايحتوونها ويهتمون فيها يوم ان اهلها ماتوا بيوم واحد زادوا عذابها عذاب.. حسبي الله عليهم .. الله يجعل بقدوم ام فياااااض الفرج من هالديره واهلها اللي ماعندهم احسااااس .. ام فيااااض ماعندي شك ابد ابد انها اللي بتجيب العريس للجادل.. بس هالعريس من؟؟؟ هو ولدها والا ولد بنتها اللي جابهم؟؟ الدحمي اسمه .. مايركب مع الجادل..بس فياض يمشي..ههههههههه الاكيد ا ن ام فيااااض بتستانس على الجادل وبتصير هي معها صديقات.. واتوقع انهم بيصيرون جيران يعني ام فياض بتستاجر عند جد الجادل.. الا اقوول ام رنو وش رايتس نزوج الشايب والعجوز.ههههه يااحيااتي الجادل يوم اعترفت لجدها انها سمعت كلام عيال عمها الحمير.. وشكله مو اول مره يكلمهم وهي تدري .. ابو فراس وام فراااس ..الله يقوم ام فراس بالسلامه شكله يا انه واووول حمل لام فراااس ا وان خلفتها كلها بنات ويرجون انه الحمل يكون هالمره ولد.. مع اني ارجح الاول وهو انه اول حمل لها.. ويمكن يكون بعد وقت طوويل من زواجهم. اللي قهرني يوم تقول ام فراس جب لها شغاله وهو يقول هي متعوده وراضيه.. ايييييييييه وش عليك لاااا غسلت ولاكنست ولا مسحت ولاجربت تعب الشغل الله يكون بالعون وجاي تفلسف هي راضيه وصدقيني ؟؟ عز الله ماصدقت ولا حتى قربت يم الصدق.. احد يكره الراحه والدلال ؟؟محد ابد يكرهه وانت جاي تتفلسف.. يووه ذكرت بابا يوم نقول له نبي شغاله ويقول ماتحتاجونها الريم تخرجت وش وراهاااا...؟؟ آآآآآآآآآآآخ يااناااااااااااري .. يعني يوم كرفت بالجامععه وغثاها جاني غثى البيت اللي مايخلص ابد.. والله ان الشغل حاالف مايخلص ابد ابد ابد.. الله يعين بس.. حسبك الله ياا ابو فراس قلبت المواجع.. المهم الجادل نرجع لتس اقولتس ترى ام فياض هي اللي تبي تساعدتس وبتكون معتس ام . وبتشووفين الحنااان والحب للمخبر مو للمظهر.. رحمتها يووم تقول لها ام فياض انتي ام من؟؟ يعني هي كبيره اجل بالسن ؟؟يمكن مثل ماقلت اول مره انها باواخر العشرين او اول الثلاثين.. حبيتها وهي تسووووق .. بييييبببب بيييييييييب.. ياازين الديره والسواقه اللي بالديره.. اتوقع ان سيارتها بتكون مدار مواقف لها مع بنات ام فياض.. اتوقع انه بيصير لهم مغامرات بصندوق السيااره..هههههههه اهم شي بس حفيدات ام فياض مانشووفهن خايبات والا ام فراس تغار منهن؟؟؟ ولمياء هذي الله يهديها وش تبي بيت الناس تصووره..؟؟ والله مااحبيت هالسنااااب ولا تفاعلت معه.. حاطته على الخيبه يمكن لو عندي وقت حبيته بس للحين ماتعودت عليه.. اهم شي بس مو تصووور الجادل وتنزلها بالسناب عشان صديقاتها يشوفونها ويتريقون عليها بحجه انها ماتدري وش يصير بالعالم..؟؟ بس ان شااء الله ان بنات ام فياض متربيات وماراح توصل معهن للدرجه ذي.. مع اني شاكه ان هالتصوير سواء بالسناب والا بغيره بيكون له قصه بقصتنا.. والله يا ام رنوو فيني نوم الحين وماقدرت اطلع ما احط لي رد.. قد يكون لي عوده اذا الله احيانا باضافه عاد مدري .. تسلم الاياااادي يااقلبي كميه من الرااحه نحس فيها من بين السطووووووور.. دمتي بود.. |
رد: وجه البوم
ياويلي. يازين الحياه والبساطه. هلت دميعاتي ام رنو. انتي وين سريتي علي تالي هالليل اخذتي قلبي للنجد العذيه
هذي ماهو وجه البوم هذي شريط ذكريات للماضي الجميل. لا ومديرة المدرسه مرة اخوها يازين الديره وطاريها وكل شي. جت الجده ومعرس الحادل معها تخميني صح انها سبب في وفاة امها قلوب تنبض ام رنو ولكل عابر من هنا |
رد: وجه البوم
يالله شبيهة امي 😖 ربي يسعدك قطعتي علي المتعه تو بدأت ادخل جو بالجزء 😪.. هههههه من جد ربي يعطيك الصحه والعافيه ..
الجزئيه وضحت لي انه الجادل ماهي شينه بالشكل وانما بالظروف وارتباط مولودها بحدوث حوادث وفيات انا قد قرأت تعليق لعضوه هنا بالمتصفح ربي يسعدها قالت كذا لكن ناسيه اسمها 🤔.. ومن كثر ماحكو لها وجه البومه وووو هي داخليا اقتنعت بالكلام اللي قيل عنها وصدقته .. ياليتها تفتش لهم ههههههه ابقاها تسمع تعليقهم على جمال وجهه .. زارا ههههههه ماقرأت لك مصادرت هنا ههههههه .. شكلك بتصادري الدحمي او عريس الجادل ههههه .. انني اشتم 👃🏻 رائحة فرح وزواج قريب ههههههههه .. شبيهة ربي يحفظك وييسر امورك ويبارك لك في وقتك ويوفقك يارب .. تعليق صغنن لكن قرأته وماحبيت اقفل وانام قبل ما اسطر ردي خخخ .. |
رد: وجه البوم
اقتباس:
والله ما توقعت هالرد الا منس انتي بالذات مدري ليه بس فعلا هذي اجواء الديره والقرى ودي وحبي لس هتون |
رد: وجه البوم
اقتباس:
بالنسبه اني قطعت اندماجس بالجزء هو التشويق عاوز كده هههههه لا والله وصلت لها النقطه وتنحت خلاص قلت اشحن نفسي قبل ما اكتب لكم الجزء الثالث دعواتكم |
رد: وجه البوم
اقتباس:
بس تدرين عاد انا جا في بالي حاجه الحين ..هي جلست متبرقعه عن أهلها سنين يعني مايعرفون شكلها شلون صار.. اذا انا مو غلطانه هي ماكشفت يوم دخلت على أهلها خامس العيد؟؟؟ وعشان كذا فهم لهم سنواااااااااااات ماشافوا وجهها لانها خلت البرقع حاجز بينها وبينهم .. وحتى بنات عمها اتوقع مايعرفون شكلها ولايعرفون الا اللي يتناقلونه امهاتهم عن شينها وهي صغيره.. واتوقع بعد انها تبرقعت صغيره بالعمر... يعني يمكن يكون عمرها 12 يوم تبرقعت.. وبهالسنوات كلهاااااا البنت تشربت انها بشعه وتخررع .. فاتوقع انها صار اللي فعلا ماكانوا متوقعينه وهو ان خشتها تواست عقب هالسنين.. ويمكن اول من يكتشف جمالها هي ام فياض؟؟؟ الا اكييييييييد انها اوول من بيكشف شكلها.. وعندي سيناريو ثاني بعد.. وهو ان الجادل ماراح ترفع برقعها عند ام فياض وبناتها بس اتووقع ان لمياء ترفعه له وهي بغفله عنهم فبيكتشفون شكلها.. ويمكن ماتكون بقمة الجمال لكن بيكون شكلها مقبووول جدا ومو بالبشااعه اللي مصورينها لها أهلها.. ويمكن ام فياض ياصلها الكلام عن شين شكل الجادل وهي ماتصدق ويمكن هي اللي ترفع البرقع شخصيا عن الجادل.. ترى للعجايز حركات تخم الواحد مرات..ههههههه وعاد ليه ماشفتيني ماصادرت احد هنا لانه مابعد حبيبي القادم نزل للميدان ..من ينزل بيدري القاااصي قبل الداني عن المصاادره.ههههههه ام رنوووو نزلت ردي تحت البارت على طوووووووول..هع |
رد: وجه البوم
هلا وغلا أم رنا يازينك ويازين سوالفك حلوه السهل الممتع ويازين الزمن البسيط والقديم ما أحلاه ضاع وسط التطور الجادل شكلها بتعجب العجيز وأظنها بترشحها لأحد من عيالها ما أدري أحس إن ماهو عبد الرحمن يمكن أبو البنات لو ماهو متزوج حاليا يمكن زوجته متوفيه أو ولد ثاني أو قريب لها الجادل من كثر مايشوهون فيها أصبحت مقتنعه بأنها ماهي جميله رغم أظن إنها حلوه يمكن في صغرها ماكانت جميله لكن البنات لاكبرن يتغير شكلهن والبعض تحلو أكثر لكن الأولاد أعتقد محتفظين بصورتها وشكلها وهي صغيره ولما كبرتع وتغطت ماعاد شافوها تسلم يمين خطت لنا هذا الجمال منتظرين بقية الأحداث أم رنا لا تتأخرين علينا لاخلا ولا عدم منك يارب |
رد: وجه البوم
سلمت الانامل ام رنا
يا زينك وزين اسلوبك الرائع ووصفك المميز للديرة واجواء البساطة الرائعة اللي نفتقدها اليوم الجادل ، وجه البوم، رمز التشاؤم وما لها دخل بالجمال تبين انها كانت شينة على صغر ،حتى ثبتت صورتها عندالجميع واكيد زانت على كبر وما سمحت لحد يشوفها بدليل حرصها على تغطية وجهها دايم ام فياض وبناتها ، الجدة جات هالمسافة مع البنات يمكن لان الام مو موجودة لسبب ما، واعتقد ان الاب هو البطل المنتظر، وعلى الارجح الجادل ما هي صغيرة ويناسبها واحد كبير ناضج ، البنات نادوها خالة والجدة سألت ام ايش ام رنا بانتظار ابداعك دائما اللي ياخذنا لعالم ثاني لا خلا ولا عدم وبالتوفئق دايما ان شاء الله |
رد: وجه البوم
ياا اني مفهية ومضيعة وكل شي ..
من لما نزل الفصيلون الصغير فكرتني رديت .. عاد اليوم بس اللي اكتشفت اني نسيت تماما 😂😂 يييييه عاد انا لا جربت لا حياة قرية ولا حياة مدينة والله يسامح اللي ببالي ويرحمه .. هووو السبب 😭😭😭 طبعا البنات ما قصرون بالتوقعات ولا خلون لي شي وهذا جزاء اللي يتاخر ولا ينتبه انه ما رد بس بطلع برا الموضوع شوي الحين ليش البوم رمز للتشاؤم ومدري وش ؟ مع انه كيوت ولزيز وانا احبه 😍😍 بعدين حتى لو جادل كانت مهيب ذاك الزين بصغرها عاد تكون احلوت لما كبرت وترا انا كثر من واحدة اعرفها على ذا الحال .. كل ما تكبر وجهها يصير احلى واصغر بعد عاد جادل الله يعوضهاا يا رب وعسى ام فياض تااخذها عندها من الحين ❤❤ ام رنا لا تتاخرين لو سمحتي لو سمحتي :بسبوس يتمسكن: |
رد: وجه البوم
السلام عليكم ورحمة الله وبركاته,
يسلمو ايديك ام رنا .. يا سلاااام اجواء رائعة عابقة بالجود والكرم .. ابعتيلي عنوان بيتهم خليني امر من عندهم واعمل حالي ضايعة لووول حزنتني قصتها كتير دخيل الله في عقول بتجلط من كتر ماهي صغيرة وتفكيرها محدود >_< وانا كمان بتوقع انها متعقدة من حكاية شكلها وانها مو بشعة متل ما بتتخيل واكيد انهم ما بعرفوا كيف صار شكلها بعد حطت البرقع وانحجبت عنهم. يا جمال ام فياض حبيتها كتير وظني انها مو مجرد عابرة بحياة الجادل ورح تحن عليها وتنسيها شقى السنين اللي راح صحي والله ام رنا اسمعي كلام الزوري وجوزيها من الشايب وبهيك تكمل الفرحة . مشكورة يا قمر على ما خطته اناملك من ابداع ومتشوقة للقادم كتييير تقبلي خالص الود |
رد: وجه البوم
الا سؤال ام رنووو الجادل متعلمه والا ماتعلمت؟؟؟ يمكن تعرف تقرأ وتكتب ؟؟لكن هي معها شهاده ومؤهل تعليمي والا لأ؟؟؟؟؟
مدري بس اذا كانت درست بالمدرسه أتوقع انها ماكانت تتبرقع.؟؟ والا ان جدها ماعنده ميل ولا اهتمام بالتعليم وعشان كذا ماخلاها تدرس بالمدرسه؟؟ يمكن من خوووفه وحبه لها والا لانها هي ماعندها ثقه بنفسها تواجه البنات وتخاف يجرحونها بكلامهم عن قلة جمالها؟؟؟ اذا ماكانت متعلمه اتوووقع تووقع مدري يصيب والا يخيب انها بتدرس محو اميه ..ويمكن تأخذ الثانويه العامه بهالطريقه؟ يله عاد ام رنوووو استعجلي علينا بالبارت والله اشتقنا للربع انا كنت مواعده نفسي اني ماا اضغط عليتس واخليتس على راحتس بس عااد أبو طبيع مايجوز عن طبعه اعذريني عااد..هخهخهخهخه |
رد: وجه البوم
مسائكم سعااااده جميلات ليلاس
يااازين الجدان الا انت يا جد الجادل وراك ماتبي يجيبون لها شغالة لو انا منها كان اسوي اضراب يومين عن الشغل وبشوف وش تسوي شغلها مايقومن فيه اربع حى حريم الله يصلحك ناشب لها على شغاله<<فيس عاشق الشغالات واااتسبدي الي منفطره ومنوجعه بعد عليهن ام فراس يااحيها من حرمة اخو الله يقومها بالسلامه الواضح ان حملها له قصة طويله وبعد معاناه الجادل يوم تحطمين بعمرك وش بلاك كل هذا دقهم اثر عليك فعلن الحرب النفسيه والتحطيم له دور احيان نسمع عن احد من كثر المدح الي عليه ننبهر غير اذا قابلناه نشوف غير الي صور لنا قبل فتره وحده من المعارف تقولي وكنا نتناقش بموضوع الزين والطول تقول اسكنت في حارتهم وحده سبحان الله ياجمالها وطولهاالفارع الانسانه هذيك فعلن ملفته لنظر تقول وترصدت لها وحده كل ماجابو طاريها او مدحو الحريم فيها قلبت عليهم قالت انا معكن هي ماعليها حليوه لكن استغفرالله وش ذا الطول الي مشينها كنها رجال تقول من كثر ماكانت تعيب بطولها اقنعت الكثير ان طولها بشع وهو الي مشينها لدرجة تقول حتى كثير الحريم يقولون اذا جينا بنخطب لعيالنا قالو تكفون دورو طول مناسب ماهو مثل طول زوجة فلان, الجادل والوافدون الجدد لرواية حنا بعد نقول حياهم الله بنات ام فياض لمياء ابداااا ماحبيت تطفلها ولقافتها الحين تصورين بيت العرب وبتنشرينه يازين من يصور خشتك وانتي تو قاعده من النوم وشوشتك طايره والا يصور بيتكم من كل الزوايا ترضينها وينشرها با سناب وغيره هذي خصوصيات والله ماحبيتها لا من لمياء ولا من غيرها الجده ياااازينها ويسعد الجدات <<ياااارب متى اصير جده اتوقع الفارس المنتظر للجادل ماهو الدحمي ابدااا انه واضح صغير يمكن فياض الي اتوقع زوجته متوفيه او منفصل عنها والا وش معنى ام فياض قااشه العايله كلها وجابتهم معها ليش ام الدحمي ماجت مع بناتها او يمكن يكون ولد ثاني للعجوز او قريب اجودي له شروط تنطبق على الجادل وام فياض لقتها فيها بس من جد قهرني معارضة الجد لشغالات وهذا الحاصل فعلا من كثير من كبار السن الله يعافيهم ابدعتي ام رنو بالوصف الاماكن والاشخاص والمشاعر وخص الديره وبيوتهم وحياتهم باااارت رائع ام رنو حتى طوله حلو خفيف وغزير با الا نتظار |
رد: وجه البوم
مساء النور الجادل اسم غريب و حلو و قصه غير معتاده عندي احساس ان العايله الي ضيفتهم بترتبط اقدارها معاهم شلون ؟ جايز مع ابو البنت .. عجبني بصراحه صراحتها مع يدها احلى شي انها بينت له انزعاجها من كلامه صج يحز بالخاطر .. في ناس سبحان الله شكلها يمكن ينفر بس اذا عرفتيهم و عرفتي روحهم تتغير النظره و تحسين انهم عسل على القلب مثل ما يقولون روحهم حلوه و لسانهم و قلبهم احلى .. هذي الجادل باختصار .. بعدين الله يهداه اليد قلنا ماعندها شي علامه كارفها ماغير تحوس بالمطبخ و كل شي فوق راسها و العالم مرتزه و قاعده و هي تنظف و تطبخ و تنفخ وفوق هذا مو عاجبهم وهي ساكته مهما كان اهي مو خدامه عشان كل شي فوق راسها حتى بالعزايم ،، |
رد: وجه البوم
السلام عليكم
سالخير ياجميلات.. صراحه ام رنووش ياقلبي توقت احداث الروايه من زمان اول والسبب عصابه الجد هههههه بس انكشفت لنا بهالجزء ان الاحداث من زمانناهذا او قبل كم سنه او عشانهم بقريه بعيد عن ضجه وتطور المدن يالله ماحلاها من عيشه عيشتهم ع البساطه و الكرم وكثير من العادات والتقاليد اللي نفتقدهاا بهالجزء تبين لنا حب جادل لجدها وصراحتها معه وعشانها تحبه تخدمه وتسهر هلى راحته وتكرم ضيوفه واتوقع الجد بعد يفضلها على كل احفاده وبتكون كل تصرفاته لمصلحتها ومن خوفه عليهاا طبعا فرحت لما شفتهاا تسووق ماتوقت كذاا هههههه حلات من ركب بصندوق الددسن ودندن رجليه ومع المطباات ياااسلاام ههههه مدري ليش جا ع بالي رقيه اللي بطااش مااطاش خخخخخخ والله عندي احساس ان الجادل عندهاا سنع وثقافه ولباقه بتصدمناا فيهاا وتصدم ضيوفهاا اكثر وتخليهم يحبونهاا ويتقربون منهاا وهي تتصدد عنهم وتطنشهم ويمكن تصصير مشهوره بسبب السناب اذا بتنشره لمياء بااقي عااد القفله الغريبه ,,!! ؟ امممم ننتظرك ياقمرناا ربي لايحرمنا منك ورده حمرا لعيونك :14: |
رد: وجه البوم
صبااح النوور والسرور الجادل ياااساتر وش هالحظ النحس ههههههه صدق ام رنوو وش هالمصاايب اللي جاات معها .. صررت ماالومهم خخخخ امزح بس والله الإنسان بطبعه لووام يمكن الجدة الوحيدة اللي ماالومها لانها تبغى شي تفرغ فيه حرتها ع ولدها .. بس الباقي خيرر وش وضعهم ! اللي وضح لنا انها ماهي شيينه بس شيينه حظ .. كود تصيب دعوة جدتها ويقوم حظها و تأخذ واحد سنع من عايله ام فياض .. ياااليل هالجد كل هاااالشغل اللي عندها وماعندها شي هذا وانااا بس اقرأ شغلها جاب لي الضيق .. كثر الله خيره وش اللي اجيب لها شغاله في بيت زوجها يااكبدي وقتها ماهي محتاجه الفارس المغوار هو اللي بيجيب لها.. شغلها هذا يتقسم ع العمال المزرعة والغنم وش بقى بعد.. و لا راعي عزايم وذبايح انهد حيلها.. ام فراس شكل اول حمل لها بعد سنين .. ليت ابوفراس اصر ع الشغاله مسرع ماغير الموضوع ماكلف ع نفسه 😤 الجدة تجننن حبيتها صدق بس ليتها كسرت الجوال فوق راس لميا .. قليله الحيا اكرره اللي يصور بدون مايستاذن ماعاد في اي خصوصيه واحترام .. الجدة بتتعلق بالجادل وترحمها بعد ماتدري بقصتها .. يمكن عاد تزوجها واحد من عيالها او ولدها فياض بما دايما مداري خاطرها ولا يرفض لها شي .. الدحمي مااتوقع ان هو اللي بيتزوجها باين انه صغيرر .. بعدين ماشاء الله العايله كلها جاايه ماعاد باقي منهم احد 🤔 بما ان البنت بتسكن بالقرية يمكن الجده تسكن معاها وكل يوم تجي تسير ع الجادل الين ماتزوجها عاد : ) حركات حتى في هذي وااسطه مرت اخوها مديرة المدرسة😂 الا جادل كم عمرها .. بدايه الثلاثينيات ؟! ام رنووو الله يعطيك العافيه ويسعد قلبك زي ماتسعددينا.. بس يعني لو تطوولين البارت حبتيين 😍 |
رد: وجه البوم
يا حي الله قمر ليلاس
تو ما قرات البارت الثاني هييييييييييييييييييييييييييييييييييييييح يا زين الجادل زيناه عيال عمانها .. عساهم البلا و المرض اللي ماله دوا مالت عليهم طوفه فوقها طوفه و بركت فوقهم ناقه و عقب الناقه فيل .. الجادل احسها زينها من اللي ربي يزينها في عيون زوجها اخلاق و سنع وش يبون زود يامال الماني بقايله مابي ادعي عليهم .. ام فياض .. يا زينتس و زين منطوقتس يا حي الله نجد و هلها حبيت الديره و هيضتيني علي مساري العزب .. مهوب عزب ذا الزمن اللي كلها اسمنت ام فياض بيكون لها ساع ووساع مع الجادل و اتوقع فيضا و لا دحمي يكونون نصيب الجادل بس هلها يبيلهم محناية جدي تلعب علي جنوبهم في انتظار البارت الثالث .. يا زينها بس |
رد: وجه البوم
السلام عليكم ورحمة الله وبركاته
اعتذر جدا على التأخير بس كان عندي ظرف وان شاء الله راجعه لكم سامحوني ماراح اطول ان شاءالله |
رد: وجه البوم
وعليكم السلام ورحمة الله وبركاته
معذوره ياقلبي وخذي راحتك ربي يسهل لك ويحفظك يارب .. |
رد: وجه البوم
مرحباا ملاايين بام رنوو.. معذووره ياقلبي وعظم الله اجركم في عمك. الله يرحمه ويغفر له ويسكنه فسيج جناته .
|
رد: وجه البوم
السلام عليكم
والله العنوان شدني البوم! دخلت وقريت البارتين ورا بعض بدون ماحس طرح جميل الجادل ... ي تسبدي عنه هالبنت اتوقع شكله مب شين للدرجه اللي تتصور نفسه بس تأثير كلام الناس عليها الحياه البريئه والبسيطه وحياة القريه وصف ممتع رجعنا للماضي والحياه القديمه ام فياض وراه قصه هالعجيز وهي اللي بتجيب سعيد الحظ لل الجادل لميا اما انك جالسه تصورين بيت العالم بدون اذن! ماعنده وقت هالبنت الجد والله انك تحمست يا جدي وحطيت الجادل بموقف شين يوم عرضتها على احفادك وليت طلع بهم خير الا كسرو قلب المسيكينه وبانتظارك فالبارت القادم بإذن الله |
رد: وجه البوم
السلام عليكم ورحمة الله وبركاته
اتمنى ان يكون الجميع بخير و صحه وعافيه الفترة الماضيه اللي انقطعت عنكم فيها كان عمي ابو زوجي مريض وبعدها بفتره توفى الله يغفر له اتمنى ان تذكرونه بدعوة هو ووالديني وجميع اموات المسلمين الله يجزاكم خير ويحفظ لكم احبابكم نجي للردود وتعليقاتكم الممتعه المحفزه يسعدكم ربي زارا اعتذر منس جدا ما نتبهت لردس الابعدين ماشاء الله عليس احيانااقول زارا داخله مخي وتشوف وش افكرر فيه خطيره يا بت فيتامين سي صح الاطفال وخصوصا الاولاد ما ينسون الملامح وتفصيلة ان هذي الحرمه حلوة او لا وتستمر معهم لين يكبرون ويصيرون رجال sweet mimi الجادل وغطاها اوبرقعها صار جزء منها صعب تتخلى عنه مثل بعض الحريم الكبار حتى قدام عيالهم متربقعات واحيانا التربيه الصارمه مع ضغوط التعليقات تزيد من تمسك الشخص بالشي اللي يحميه شيماء علي منهو اللي ببالس لازم اعرف ههههه ماشاء الله يا شيماء مصرية بنكهه بدوية خليط جميل البوم رمز للتشاؤم عند العرب وكثير ثقافات بس على وقت الجاهليه الحمد لله بس لازال في ناس مستمرة بجاهليتها bluemay العنوان ياعيني ما يضيعش بليلاس حارة وحي الاعضاء للاسف صغر العقول وضألة التفكير هي سبب اغلب مشاكل الناس بالنسبه لجد الجادل وام فياض اقتراح بس هم يقبلون او لا هههه زارا تعليم الجادل بسيط لرابع ابتدائي بس تقرأ وتكتب وذهيينه ومثقفه اغلب ثقافتها من الراديوا مرت عليس هالنوعية من الناس او لا ؟ طيف الاحباب ههههههه يا زينس يا امالوليد ممتع ردس الله يسعدس اغلب الرجال الكبار وذاتا البدوان ما يحبون الشغاله يحسبون الشغل هين وهو لعنة خير حبيت اذكر لميا وتصويرها لان هالموضوع مهم حاليا ماعاد فيه حرمة لبيوت الناس ممكن تصور في بيتس وتنشر بدون استئذان ولا مراعاة وردة شقى يا حيا الله الوردة نورتي الجادل وجدها صاروا رفاقه مع وحدتهم وعيشتهملحالهم وبعدهم عن الناس وصلوا هذي المرحلة و وبعدالجادل عن الناس وعدم اندماجها معهم ما فكها من تعليقاتهم السلبيه zeze تصدقين لازال في ناس محتفظه بلبسها وبيوتها واثاثهم القديم ومبعدين عن التطور برضاهم زاهدين بالتطور والتمدن مع ان في ضغوط كثيره عليهم صح خدمة الجادل لجدها حب ماهو اجبار واضطرار دودي وبس سبحان الله احيانا ربي يمتحن ناس بناس الجادل امتحان لجدانها واهلها وهم نفس الشي من يصبر ويحتسب ومن يجزع ويتسخط هم تشائموا منها وهي صبرت عليهم الجادل في نهاية الثلاثين همس الريح نورتي يا قمر الجمال جمال الروح والاخلاق هذا قصدس انه ينعكس الجمال الداخلي على الوجه والملامح يسعدس ربي maysan يسعدس ربي يا ميسان زارا الله يجزاس خير واللهم آميين همس الذكرى يناجيني نورتي يا قمر الجد بتفكيره انه بعرضه الجادل على عال عمها انه من مصلحتها وان انعيال عمها هم اولى ببنت عمهم لميا وتصويرها للاسف مثلها كثير ابتلينا بالسناب وحب توثيق اللحظات وعرض وناستنا وطللعاتنا على الناس |
رد: وجه البوم3
بسم الله 3 وش اجمل من يوم ينتهي بصحبه جميله صحبه ما تبي منك إلا الدعاء صحبه تقول بعد ما يروحون ليتهم ما راحوا اذن الظهر وضيوفي ام فياض وبناتها عندي والأحلى ان اخوي وزوجته الحبيبه جونا تغدوا عندنا بعد ما اتصل جدي على ابو فراس وخلاهم يجون دخلت ام فراس وهي راسمه نفسها ومعطيه وضعية المديره بس ما تقدر تستمر طيبه قلبها تخليها تطلع بشخصيتها الحقيقيه الحنونة المعطاءة ابلا فاطمة جلستنا كانت عفويه ما فيها تكلف حسيت ان ام فياض دخلت قلبي ما ودي انها تسكت من زين كلامها كنت اروح للمطبخ اركض اخلص شغلي بسرعة عشان ارجع اجلس معهم من زمان ما حسيت بلهفتي على الجلسة مع احد مثلهم تركيه واضح انها رزينه وكلامها محسوب فرح منعكفة على جوالها ما كأنها معنا بالغرفة اما لميا تهبل خفيفة دم اخذت قلبي استأذنتي تصور في مجلسنا : يازينك يا خالة جادل ويازين جلستك ماشاء الله عايشين في متحف عادي اصوره قلت :خذي راحتس ومديت يدي اتحسس الزوليه ها لمجلس مجلس جدتي الله يرحمها وانا ما غيرت فيه شي ام فياضوهي منحرجه :السموحه منتس يا بنتي فشلتنا هالخبله تمشي وتصور وقرصت لميا زين استأذنت منتس تأوهت لميا وهي تفرك مكان القرصة وقالت بإمتعاض : آي عورتيني تبسمت لها وقلت : عادي والله خليها قالت لميا وهي تضحك وترفع حواجبها لجدتها : ههههههه جده روحوا وخلوني عند خاله الجادل قالت ام فراس بيني وبينها وهي تضحك : يازينها تستأذن ماشافت بعض الناس اللي يجون هنا دايم ويصورون من دون استئذان قلت بهمس :بالله لاتقلبين مزاجي قالت تركيه مقاطعه كلامنا :ابلا فاطمه متى ابدأ الدوام قالت فاطمه : عادي يا قلبي الاحد ان شاءالله هنا ناداني ابو فراس قمت له يستعجلني بالغدا تغدوا ضيوفنا و بسرعة مر الوقت مثله مثل كل الاوقات الحلوة والله ما كان ودي يمشون ام فياض دخلت قلبي هي وبناتها . . طلعنا بعد ما توادعنا مع اطيب انسانه مرت علي جدتي مررررره انبسطت معها حسيت كأنها لقت احد من اهلها قبل ما نطلع عطتنا الجادل اكياس شي مضير وشي زبده وشي سمن وتمر قالت : هذا طعمه يا ام فياض كلها من مزرعة جدي ام فياض جعل خيرس كثيير يا بنتي طلعنا وحنا نتشكر منها الله يسعد الجادل ماقصرت . . . اختي فرح بس قلنا يالله بنمشي فزت تركض فرحانه برجعتنا راحت معنا بعد ما اصريت اني اخذها بالغصب بس ماكان لها اي صوت او تفاعل كل تركيزها كان على جوالها عايشه معنا جسم بس عقلها وقلبها في جوالها لو ما تغصبها جدتي على الاكل وتسحبها بالكلام كان ما شفناها ولا سمعنا لها صوت ايييهه اختي ذي لازم اشوف لها حل مع وضعها ذا ضروري نادتني جدتي :تركيه رديت :سمي يا جده : عسى اخذتي رقم الجادل قربت من جدتي بمقعدها الامامي بالسياره : طبعا اخذته قالت جدتي للدحمي: عساك ما طفشت رد الدحمي : الا والله بس استحيت من الشايب وولده والشايب بس يسأل شلونك وشلون عربانك حسسني اني بمسلسل بدوي تقدمت لميا بين الكراسي : لا تقول ما صورته ؟!؟! رد الدحمي : لاااا استحيت وجهي ماهو مغسول بمرق مثلك قالت جدتي : عفيه عليك حبيبي اللهم يا كافي اختك فشلتنا مع الحرمه ردالدحمي وهو يضحك : ههههههه تعلميني فيها ذي مجنونة تصوير حتى النمل ما يسلم منها ردت لميا :عداال ياللي ما يصور ابد اصلا منين تعلمت انا الا منك هوسك بالتصوير انتقل لي في هالوقت كنا نمشي وراء سيارة ابو فراس عشان يدلنا على المدرسه ولما وصلنا للقريه اصر ابو فراس الا يقهوينا بس جدتي تعذرت منه وطلبنا منه يشوف لنا بيت عشان بنسكن هنا فترة تدريسي هنا ووعدنا خير وبعدها توادعنا وهو راح لبيته وحنا بنمشي خلاص راجعين للبيت رن الجوال وحنا واقفين ننتظر الدحمي يعبي بنزين عشان نمسك خط الرجعه كان ابوي هو المتصل :جده هذا ابوي خذي انتي كلميه فتحت الخط لها:هلا والله رد عليها: هلا والله بالغاليه وينكم فيه دخلت لقيت البيت فاضي ردت جدتي : رحت مع الدحمي نشوف مدرسة تركيه انا مكلمتك قبل كم يوم وراك نسيت رد فياض : معليش يمه والله نسيت من كثر الشغل وعسى لقيتوها وخلصتوا شغلكم ام فياض: اي الحمد لله خلصنا وراجعين انت لا تروح لين اشوفك فياض :طيب انا موجود قاعد انتظركم بجلس معكم هالاسبوع ان شاء الله .... على صلاة المغرب وصلنا للمجمع السكني اللي نسكنه مع اعمامي اللي بناه جدي الله يرحمه له ولحريمه وعيالهم جدتي ام فياض هي اول حريمه وماعندها الا فياض وعمتي فلوة اما مرت جدي الثانيه ام محمد فعندها 4 اولاد محمد وسلطان وعبدالله وبندر وكلهم متزوجين وكل واحد ساكن في فيلته الخاصه مع زوجته واطفاله بنفس المجمع عمتي فلوه ساكنه معنا مع ولدها الدحمي اللي رضع من امي الله يرحمها وصار اخونا بالرضاعه ومحرمنا الدائم اول ما نزلنا من السياره جت خدامة جدتي ام محمد تقول : ماما يقول قهوة جاهز في الحوش وماما فلوه هناك قالت ام فياض : طيب قولي لها بس نغير ونجي ان شاء الله ونصلي المغرب قالت لميا :انا جايه معك فرح بدون كلام توجهت لغرفتها وتركيه مع جدتها تسندها وتشيل عنها عباتها الدحمي اتصل على امه :سلام وينك فلوه :قريبه حبيبي هالحين جايتك ووصلت عند ولدها الدحمي نزل من السياره وسلم على يدها وراسها :هلا وغلا بالفلوه ليتك رحتي معنا هالمشوار حضنت ولدها بشوق : ليته بس تخبر عندي شغلي ما اقدر اخليه واغيب تمغط شوي وقال: مكسسسر والله بس مواعد الشباب بطلع ساعه وارجع ان شاءالله تبين شي اجيب لك شي رددت امه :لا يا قلبي مشكور بس انتبه على نفسك توجه لبيت الشعر وهو يقول : بصلي المغرب وامشي ناظرت فيه امه بحب : استودعتك الله الذي لا تضيع ودائعه في مكان ثاني بنفس البيت دخل فياض على امه لقاها تصلي وانتظر لين سلمت ونزل يسلم على رجلها ويدها وراسها : الحمد لله على السلامه يمه :الله يسلمك ويعافيك فكت شرشف الصلاه وبان ثوبها الروز الاخضر والازرق مطعم بشوية شالكي اصفر تأمل امه بإعجاب : يه يه ماشاء الله وش هالزين يمه غطيتي على كل البنات استحت ام فياض وضحكت : أي وش على بالك هذا ابسط شي عندي ضحك فياض وهو ياخذ بيدها ويجلسها على القعده الصغيرة اللي بغرفتها : بشري يمه عسى ما اتعبتس هالمشوار ردت : الاوالله الله يعين هالمدرسات على الطريق بس اللي هون علي الطريق المكان اللي رحنا له يازينه فياض:أي عاد انت تحبين أي شي يذكرس بجداني الله يغفر لهم ام فياض :اليوم زي ما تقول كان مغامره ضعنا الا شوي بس ربي ساقنا لبيت اجواد ماقصروا معنا والحمد لله طلعت مديرة تركيه زوجة ولدهم وساعدتنا : زين الحمد لله دق تلفون السنترال رفع السماعه : هلا يا يمه تبسم وقال : أي انا ماسكها عنكم دقايق واجي انا واياها نتقهوى معكم يالله فأمان الله وقام وقامت امه معه وتوجهوا لحوش ا م محمد خالته مرة ابوه على القهوة والسوالف الحلوة كانت لمتهم تتوسط جلستهم ام محمد وام فياض واللي تقهويهم لميا فياض عن يمين امه واخوانه محمد وعبد الله وبندر وسلطان وفلوة كلهم جالسين ويسمعون سوالف ام فياض عن رحلتهم اليوم وماشافوه فيها جت تركيه شايله صينيه فيها المضير والسمن والتمر المكنوز والزبده ونزلتها بين الجالسين قال فياض : وش هالكلام الكببير تمر ومضير وبدوا لشباب يتلذذون بالتمر والمضير مدت ام محمد يدها واخذت من الاقط وذاقتها وش هالزين يا ام فياض شارينه من الديره اللي رحتوا لها ؟ قالت ام فياض :لا والله هذا هديه من اللي كنا عندهم اليوم سواة يدينها باجعل ربي يسلم يدها قال فياض : بالله وش يحرمنا من هالشي الطيب غنم وعندنا وبعارين وعندنا ومزارع وعندنا ورى ما تسوون سواة هالاجوديه ضحكت فلوة وقالت :خلاص حنا تحضرنا وتطورنا والله ماعاد ندبر شي وليش نتعب انفسنا ونلقاه بالسوق قالت ام فياض : والله صحيح ذبحتنا البيوت المكيفه واعتمدنا على الخدم ونسينا سنع امهاتنا وجداتنا نطت لميا وقعدت قدام عمتها فلوة : الله ياعمه لو تشوفين بيتهم يهبل كل شي تراثي والا خاله الجادل ما كأنها في زمنا هذا والا طبخها اممم لين الحين طعم الغدا بفمي من كثر ما هو لذيذ وفتحت الكاميرا توري عمتها : شوفي شوفي هذا بيتهم من برى وهذا الحوش وهذي الغرفه اللي جلسنا فيها شوفي بالله فلووة شدتها الصور :ماشاء الله صحيح قديم بس باين النظافة والاهتمام ودارت الكاميرا بينهم يشوفون الصور والتعليقات على جمال تصوير لميا واللقطات انتهت الجلسه وكلن قام لبيته ........ صلى الوتر وقام يتفقد بناته أتجه اول شي لغرفة فرح لقى الغرفه باارده والنورمفتوح وفرح نايمه والجوال بيدها اخذ الجوال وقفله وحطه على المكتب وقرأ ايةالكرسي والمعوذات ونفث عليها شعور بالذنب سيطر عليه وهو يتأمل بنته الصغيره ام 13سنه عز المراهقه والحساسيه والنفسيه المتذبذبه وهو دايم بعيد او مشغول ومع هالشي يتيمة ام صحيح امه ماتقصر ولاخته بس مافي مثل الام تحتوي بنتها وتراعيها مع بنته فرح شعور الفقد يتعاظم عنده واحتياجه لزوجته يتزايد تنهد بحسرة الله يغفر لك يا عفاف قفل نور الغرفة وطلع راح لتركية لقاها نايمة وبعدها راح لغرفة لميا لقاها سهرانه تحمل الصور على اللاب تبي تعدل فيها وتضيف الحقوق عشان تشارك فيها بمسابقه تصوير مانمتي : اشغلتس هالصور ردت وهي تقفل اللاب :خلاص خلصت ياحيالله فياض شلونك يا ابو البنات : لوني اسمر : انسدح على سرير لميا : انتم شلونكم وانا بعيد عنكم هالمره طولت عليكم لفت كرسيها عشان تقابل ابوها :والله كانت الايام ممله جامعه بيت بيت جامعه بس صار معنا احداث واكشن اليوم غير الروتين شوي ابتسم ابتسامه هاديه : احمدي ربك يا لموش هالايام المملة اللي تقولين عنها غيرك يتمناها امن وامان ودراسه مجانيه ومكافأه حنا غرقانين بالنعم عسى ربي يرزقنا شكرها خجلت من نفسها لميا وقالت :استغفر الله واتوب إليه والله انك صادق يبه اللهم لك الحمد اسمع يبه شهر وبيكون الجو برد وتكون اجازة الربيع على الابواب حضر نفسك تكون معنا ما تقولي مااقدر اترك شغلي ونياقي ضحك : هههه والله وانا صادق ما اقدر ابعد عن نياقي بس بحاول ان مارحت معكم الدحمي او واحد من عمانك ينوبون عني بس وين تبون تقضون اجازتكم قالت لميا وهي تتبسم لاشعوريا من طاري الاجازه:امممم خليني افكر واشاور خواتي وجدتي وبعدين نبلغك عشان تحجز لنا اوكي قام من السرير وهو يتمغط بكسل :خلاص تم يا بنت فياض ::::::: فكيت شعري من ضفيرته ابي انسدح وانام وتبسمت يوم تذكرت محاولات ام فراس اني انزل برقعي اليوم واقفين بالمطبخ نجهز الغدا قالت بنرفزه :ياشيخه فكي برقعتس وخذي راحتس تراهم ماهم ربعنا تندسين عنهم قلت : لا خليني كذا ما اقدر ماتعودت احد يشوف وجهي فاطمة وهي توزع الايدام بصحون : انتي بس مكبره الموضوع ترا بس اول مره بتحسين الموضوع صعب وبعد كذا بتعودين رديت برفض : لا مره ما اقدر وقطعت الكلام يوم شلت الصحن رايحه فيه عند ضيوفي ما عندي الجرأه ابدا ان احد يشوف وجهي يكفيني ماجاني من كلام ونظرات لبسته وانا صغيرةوتعلقت فيه يوم لقيت الراحة معه ماانتهت مشكلتي معه بس خفت كثيير الوحيد اللي ممكن ارفع برقعي عنده هو جدي هواكثر انسان أمنه على نفسي ومشاعري عساني ما خلى منك با جدي قراءه ممتعة لكم وردود حلوة لي ولا تنسوني من التقييم اذا كانت تستحق |
رد: وجه البوم
اجازه سعيده يارب للجميع
|
رد: وجه البوم
تسججيل دخول بأول رد بعدد البارت على طول
قراءه ممتعه للجميع ويعطيك العافيه كاتبتنا الجميله طيران نقرا البارت ولي تعليق أن شاء الله بعده |
رد: وجه البوم
مرحبتييييييييين كبااااااااااااار لام رنووووووووووووو..
منووره يااعسل.. ايه ام رنو مرت على هالنووعيه .. مثل جدتي واللي يسمعون إذاعة القرآن عندهم ثقاافه دينيه ولا اقدعهاااا شيخ... كان عند ماما زميله مصريه تقول لها ان جدتها تعرف تتكلم فرنسي وهي ماتعلمت حتى العربي من اذاعه باللغه الفرنسيه كانت عندهم بمصر.. اقرأ البارت واذا ماقدرت ارد بدري اعذريني خبرتس الاجازه بدت والعالم بدوو يتوافدون عندنا.. |
رد: وجه البوم
بسم الله :)
الجادل طلع وضع البرقع عقده نفسيه :( اتوقع بيكون لها قصه مع فياض ولد ام فياض وتربي بناته <ههههههه مع انهم كبار بس مشوها لي:):e412::e412::e412: ولا لايصير الدحمي هو اللي يأخذ الجادل بس ليه حاطه ببالي انه صغير اصغر من الجادل ؟ لمياء طلع الادب وصارت تستأذن جمييل:) ام فياض واضح انك مااراح ترتاحين الا وانتي جايبه الجادل عندك فياض شخصيه راح يكون لها حضور قوي هذا احساسي المتواضع ممكن باقي شخصيات قويه بيكون لها ظهور قوي بالايام الجايه باقي احس الخيوط ماتشابكت براسي ؛) يعطيك العافيه وسلمت يديك ننتظرك بالبارت الجاي ♡♥ |
رد: وجه البوم
السلااااااااااااام عليكم
حي الله الحامل والمحمووول والمحمووول اليه..هلا وغلا وكراااتين حلى بام رنووو تبين الصدق كنت ناويه اني ما ارد الحين بس هوونت عن قراااري لاني حبييت البارت مرره وخصوووصاا دخووول فيااااض .. احسه بالاربعيناات.. وشكلي كذااا كذااا هو اللي بصاادره.. ام رنوو وشوشيني يااقلبي اصادره والا اصبر شووي لان فيه احد بينزل الساحه.. والا تدرين صاادرت فياااض وصاار من املااكي خبرتس هالحريم بسم الله من قبل مايشوووفن الرجال نازل الميدان وهن يتوعدني بانهم يصااادرنه..هخهخهخهخه بس عاد انا من اللي سبقت وفياااض صااار من املااكي وفيه طبعاا شاغر واحد ممكن ينضاف له شخصوووون ماااا ..هخهخهخه المهم اقوولتس ام رنووووو شفتي الاجااازه هاللي تقول عنها لمياااء لابوها اتووقع انها تكون بديرة الجاادل يعني يخيمون هناك بلا سفر برا بلا بطيخ وهالقراااار بيكون بطلب من ام فياااض شخصيا لان بيكون ودها ان اهلها وربعها يتعرفون على الجادل واهلها .. واتووقع انه بيجي ديرتهم ربيييع وعشب بتخلي فياض يحيل بحلاله هناااك ويجلس عاد عند امه وبناته .. ويشوووف الجادل وهي رااايحه ورااده بهالددسن.. >>فيس متبطح ومعجبه هالسيناريو..هخهخهخه فياااض اشووف فعلا ان اقصر طريق لقلب الرجل معدته.. وانت خلاااص يااقلبي .. قلبك وكلك بتروح مع الجااادل من عقب اقطها وسمنها وزبدها ..والله انها جيده بنت ابوها ..ههههههههه الجاادل : توولمي يااقلبي بيجيتس فياااض واهله ..هع بس يختي وش هالتشدد ماتنزلين برقتس حتى عند ام فراس الطيبه .؟؟. والله ذكرت وحده من ربعنا يوم نزلت برقعها وشالته وماعاد تلبسه يقولون انها ماتقدر ترفع راسها ولا تسولف ولا تناظرنا بعيونها من الحيا والحين عاد خلاص تعودت وانتي ياااا جووودي بتصيرين مثلها لو بس تعودتي على هالشي .. بس مشكلتس ان الثقه بالحضيض مااااش ثقه . وحتى لو احد يمدحتس ويشوف انتس جميله ويقولتس هالشي بتقولين يتطنز علي.. المشكله مو بالناااس الحين ياا جودي المشكله فيتس انتي وثقتس بنفستس.. انا والله واثقه انتس مو قبيحه .. طبعااااا مستحيل تكونين بمنتهى الجمال لكن اللي متوقعته بتكونين جذابه ومملوحه ويمكن يكون فيتس غمازه تهوووووس لما تبتسمين... >>بالله ام رنو حطي لها غمازه خلينا نستانس وتجلس لمياء تغرل بهالغمازه وترفع معنويات جوودي.. فرح : يااحيااتي صغيره وباين انها مهمله فعلاااا ..او بالاصح محد فاضي لها وكلن لاهي بشغله والجده مهما كان ماراح تقدر تتواصل معها بالشكل اللي بتتقبله فرح.. وخلاااص مالها حل الا انها تكررررررررف بالبيت..هخهخهخه الا صدق الحين اذا راحوا للديره لدوام تركيه هل بيروحون كلهم ؟؟؟ يعني الجده اكيييييد انها بتروح بس البنات فرح ولميااء وش الوضع؟؟؟؟؟؟؟؟؟ يمكن لمياء بالجامعه ماتقدر تروح وبتجلس عند عمتها فلوه..لكن فرح بياخذونها معهم وتدرس هناك وياخوفي من تعلقها بالجوال يجيب مصيبه لهم مراهقه وفاقده الحنان اخاف يلعب عليها احد وهي بزر ..بس ان شااء الله ماتوصل لهالشي .. وما اعتقد انها تقدر تغير الوضع اللي هي فيه وتعلقها بالجوال الا لو جاها شي ثاني يشغلها.. اولها انها تتعلم السواقه وبتعلمها الجادل... ويمكن تصير ترعى الغنم مع الجادل..وتخليها ترد البهم بالددسن..ههههههههههه والا بعد تركيه يمكن تسكن هي وجدتها عند الجادل والمدرسه بعيده شوي فبتصير الجادل توصلها للمدرسه وتجيبها منها.. والا الاحسن ان تركيه تتعلم السواقه بعد ويجيب لها ابوها ددسن وتجلس تفحط هي والجادل بدداسنهن بالديره..هخهخهخهخه اللي انا واثقه منه ان مثل ما الجادل بتستفيد من تواجد ام فياض وبناتها بعد هم راح يستفيدون من الجادل.. تركيه مايحتاج كني اشووفها تسوي الاقط والسمن مع الجادل .. الدحمي ابو التصوير وعشقه وهوسه فيه يخليني اتوقع انه ممكن يفتح له استديو اذا يعني ماكان عنده من الاسااااس.. عاااااااااااد يااا ام رنوووو شووفي الخبال اللي جاني على هالفجر. والخيااال اللي مدري وين نط علي منه...ههههههههههه تخيلت ان الدحمي يتزوج من الجادل ويخليها موووديل لصوره ويجلس يصوورها يمين ويسااار ويطلع مواطن الجمال فيها ويبرزها وتكون صوورها قمه .. وهالشي بيسعدها وبيخلي ثقتها بنفسها تقوى وعقب عاد تصير تعرف لنفسها وتواسي روحها مثل ماتواست خشتها بالضبط.هههههههه>> تراه خيال الا خبااااااااااااال وادري انه ماراح يصير بس لو حصل شي مثل هذا بيكون من لمياء.. قصدي لمياء والا تركيه يساعدون الجادل انها تتعلم المكياج وتقدر تبرز جمالها بنفسها... تسلم الايااادي ام رنوووو وبانتظار البارت الجاي اذا الله احيانا بكل الشوووق فلا تتركين انتظارنا يطووول.. دمتي بود.. |
رد: وجه البوم
السلام عليكم ورحمة الله وبركاته
يااهلين خيتو .. ربي يرحمه ويغفر له ويجبر كسركم ويرحم مواتنا وموتى المسلمين اجمعين .. تو انتبه انه فيه باااارت 😎.. ياااربي كنت متحمسه لام فياض انها تشوفها لكن ماتوقعتها انه من النوع اللي متمسك ببرقعه كذا ؟!! مااعرف ليه بدأت اشعر انه هي ماتعرف شكلها وممكن تكون ما معها مرآه في غرفتها ؟!! 🤔.. الدحمي اتوقع صغير والجادل بنهاية الثلاثين فالزوج المستقبلي اكيد فياااااض ههههه لكن كيف يركبوا يعني فياض متحضر كثييير والجادل مو كذا ؟!!البيئه والنشئه مختلفه كثير ؟ شبيهة ممكن سؤال صغنن ايش هو المضير ؟!! 🤔.. ربي يسعدك خيتي وييسر امورك ويسهل لك كل عسير يارب .. |
رد: وجه البوم
maysan
المضير هو الاقط او الجميد او البقل اللي هو اللبن المجفف |
رد: وجه البوم
اقتباس:
زارا مممسرع صادرتي فياض هههههههههه انا اقول انتظري عندي احساس انا البطل باقي ماشرف وذاك الوقت بنصادره قبلك :-) واهنيك على الخيال الخصب خاصه بالتفحيط بالدداسن هههههههههههههه اما الجادل تصير مودل ذي سالفه ثانيه اهنيك على التعليق وروحك الحلوه تعليقك بروحه يحتاج تعليق عليه :-* |
رد: وجه البوم
السلام عليكم ورحمة الله وبركاته
صباحكم ورد وياسمين واقط وسمن وزبده>>يميي الجزء رهييب بعد قلبي ام رنووش وكل الشخصيات وافراد العايله حسيتهم مترابطين ومتعلقين ببعض عكس عايله الجادل عجبني وصفك لثوب الجده وطريقه سلام الفياض وبره بأمه ربي يرزقه بالزوجه الصالحه اللي يبدء اسمها بحرف الجيم ههههههههه وعجبني اهتمام فياض ببناته وتفكيره فيهم فرح الله يصلحهاا ربي يسترلايكون عندها بلى بهالجوال ساعتها مايشفع لها سنها الحرج ولا يتمهاا من عقاب تركيه اللي اتوقع هي اللي مهتمه ولاحظت عليهاا تعلقها وعزلتهها تركيه من طريقه كلامها واعجابها بالجادل واضح انها بتكون صديقتها الصدوقه بس ليه تناديها بخاله يعني لهالدرجه مبين من الظاهر انها كبيره ولا بس من شكل المكان والسناعه ماتليق الا على الخالات خخخخخخخ جديده يااست الكل يوم قالت لاتروح ابيك لفياض قلت خلاص بتفاتحه انها لقت له العروس المناسبه وهههه يدر البدور الجادل الجماعه جاين لك وبيسكنون قريب منك فلابد وحتما بيشوفونك بدون برقع حتى ولو وانتي غافله ورافعته تشمين هوا اللي محيرني كيف اكلتي معهم والبرقع عليك الفياض انصدمت من شغلته وان عنده غنم وكذا ورحمت الجادل لو بتاخذه ياحياة الشقاا نبيهاا ترتاح وتسستت عقب اللي شافته لكن مااش لازم ضريبه السناعه تسلم يمناك ام رناا لا خلا ولاعدم يااحلووه |
رد: وجه البوم
الـسـلام عـليكـم ورحمة الله وبركاته, ربي يسعدك يا ام رنا بارت جميل عابق بالكرم والأصالة. . الجادل عقدتها كبيرة مو بهالسهولة بتقدر تتجاوزها هاي عوامل سنين نحتت جواها هالعقد ومو بين ليلة وضحاها رح تقدر تتخلص منها اتوقع انه رح تكون من نصيب فياض .. صحيح في فرق بالعمر بس مو كبير كتير اتوقع يعني ملائمين لبعض وبكفي انه حماتها بتحبها لووول الله يهديك يا ام رنا وشوله تقومين تفتنيننا بهالاطاييب ، منين لنا زبد ومضير وتمر من الجادل >> عاد لا تدققين عالتركيبة اللغوية المفشلكة لووول متشوقة كتير لمفاجأتك ودخيلك كتريلنا من مقاطع الاكل والمشاهد الطعامية اللذيييذة << فيس بلومى اللي جاية كرفتة من حكاياتها . سامحيني عالتقصير يا الغلاا تستاهلي تعليق يليق بروعتك تقبلي مروري وخالص ودي بعد نهاية النقاش او الحديث مع أحد لاتنسوا دعاء كفارة المجلس: سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ |
رد: وجه البوم
ياااصباح الورد جميلات ليلاس
وجماهير الجادل بنت ابوها داخله من الجوال وجاب لي الضغط المنتدى كل شوي مطيرني بديره المهم نرجع لربعنا ال فياض وال الجادل فياض عندي احساس ان فارسة احلامه القادمة هي الجادل بما انه حاس ان بناته ايتام (الله يجبر من فقد احد والديه)وخصوص البنت الصغيرة الي جوالها مااهو مريحني حاااسه انها بتجيب العيد فيه وبينسحب منها وبتتعاقب انها تروح تدرس عند تركية عاد هنا يجي دور الجادل هي الي بتربيها من جديد بما انه عفاف الله يرحمها تركت فراغ اتوقع بتعبيه الجادل الجادل وسالفة البرقع ما اتوقع انه حيا على انه زي ما قالت ماما زارا الله يسعدها البرقع فعلاً الي من عوايدهم يصعب عليهم يفكونه والله اذكر وحده صغيرة عمر لكن ماشاء الله عليها برقعها عليها ماتفكه زوجها زميل زوجي قالت انتم عوايدكم براقع قلت اي عادي لكن انا تعودت ما البسه استحت مني وافتشت وجها عندي الله يذكرها بالخير وانها تسولف علي وهي صاده وجها تستحي ماهي قادره تناظر بوجهي لين حلفت عليها ماعاد تنزل برقعها وقلت لها ترى البرقع حريه شخصية ومرات اذا زارتني البس برقع عشان ما احرجها الجادل ولبسها للبرقع عاااد بجيب توقعات مدري منين جتني اخر الليل <<< هل هو بسبب عيب خلقي مثل حبة خال كان كبرها ملفت في وجها وشالتها او مثلا انولدت بشفه ارنبيه وعملو لها عملية ترميم وضبط وضعها لكن هي تعودت على برقعها ولاعاد تستغني عنه الابطال الجدد عيال ام محمد ماودي افكر فيهم اخاف ام محمدتحط مدح ام فياض براسها ثم تروح تخطب الجادل لعيالها وحنا نبيها لفياض الله يسعدك ام رنو مثل ماتسعدينا با الاحداث الي تنقلنا لعالم جميييل واقع ممزوج باالخيااال با انتظارك 🌺 |
رد: وجه البوم
احم ..
دخول متاخر بقوووة معلش بس الحالة ما كانت تسمح برد رغم اني قريت الجزء من يوم ما نزل بل واقراه بمعدل مرة كل يوم او يومين من وقتها .. جزء لذيذ وبقوة اممم مدري اذا كان احساسي لوحدي لكن صدق كل مرة اقراه احس بالمتعة .. حياة غير تماما الجادل والله يختي لا يهمني شكلها ولا بطيخ بس ان شعرهاا طويل على ما يبدوو واختك هنا امر من الرجاال عند حاجتين الشعر الطويل ورائحة الاكل اموووووووووت عليهم 😍😍😍😍 هييييييح بسسس هيح من قلبب (طبعاا هذا سيوضح بعدين ليش اني عيوني تحولت لقلوب عند طاري التمر والمضير 😻😻 ) مياااو .. مياااو .. ميااااااااااو >> هذي اللي بتترك السالفة وتنشب بالاكل والشعر 😂😂 الموهيم ام فياض يا حبيبتي انتي تعالي تعالي اسمعي شور بنتك وما بتندمين .. شايفة هذا الفيااض الحليوة الذيذ (بالمناسبة ينتابني شعور قوي انه باقي صغير 😃😃) هذا الفياض يا ام فيااض معذبه حال عياله (ومعذبه حاله بعد بس هو المسيكين ما يدري 🙊 ) وانتي عاجبتس البنية يا ميمتي وهي بسم الله عليها سنع وثقل وادب وحتسيهااا موزون وتفهم لنياقه وبعارينه وتسذا لا بتلوعه ولا بتطلع عيونه وعاد الطريق الى قلب الرجل معدته يا ميمتي والرجاال خلاااص ذاق ذاك الاكل السنع ورفرف قلبه (بس هو ما يدري بعد) 🙊 فاسمعي شوري ووفقيلنا راسين بالحلال عسى الله يمن عليتس بشوفه عيال فياض الباقيين بدون قصور في بنياته الزوينات (تخاريف 😂 ) لميوو وعبدالرحمن وحب التصوير .. يصير تعلموني؟ ماي سيس الصغيرة مستنذلة ما تبا تعطيني من خبراتها 😂😂 ايييييييه وش مخبية لنا الاحداث القادمة ووش مخبية لنا ام رنوو لا تتاخري علينا معلش (وتعودي على قفلات ردودي الغير منطقية المتزامنة مع توقف دماغي عن العمل .. معلش يا وخيتي معلش) |
رد: وجه البوم
السلام عليكم
صبحكم الله بالخير ابيكم تعذروني على عدم التعليق اليوم على ردودكم بس يهمني ان تعرفون اني قرأتها كلها بإستمتاع واكثر من مره الله يسعدكم مثل ما تسعدوني بتفاعلكم معي واكثر دقايق وينزل الجزء الرابع بإذن الله والسموحه منكم مره ثانيه |
رد: وجه البوم4
4 الصلاة خير من النوم فزيت بسرعة من اول وأنا اتكاسل شدني دفى اللحاف وظلام الغرفة قمت اتوضأ اليوم برررد اتراجف من بعد الوضوء لبست اثقل جلابيه عندي ادور الدفى صليت وبديت اجهز الفطور والقهوة لجدي مديت يديني اتدفى بنار الغاز تحت ابريق القهووة الله يستر احس البرد بعظامي شديت شالي الصوف علي اكثر ابي ادفى خلصت فطور جدي وحطيته بسلة القهوة بسرعه ابي ألحق جدي قبل لايروح للمزرعه مافيني اوديه شافني جدي :صبحتس بالخير :كنت متلثمه بشالي نزلته عن فمي صبحك بالنور جدي هذا قهوتك وفطورك اليوم ما اقدر اروح للمزرعه احس اني تعبانه اخذ مني السله ونزلها وتحسس جبيني : الله يحفظتس يابنتي روحي انسدحي وخذي مره ان شاء الله تقومين احسن طيب ياجدي : اول ما طلع جدي رحت بسرعه اندسيت بفراشي وبطانيتي ادور الدفى ذبحني البرد ********* بسم الله توكلنا على الله ولا حول ولا قوة الا بالله سبحان الذي سخر لنا هذا وماكنا له مقرنين وإنا الى ربنا لمنقلبون يارب تهون علينا سفرنا وتطوي عنا بعده اليوم الجو بارد مع هوا شديد والسحب رمادية اتفقت مع ابوي انه هو اللي بيوديني لدوامي اليوم ابوي هالاسبوع جالس معنا خليني استغل وجوده عشان يسنعني ويروح يشرف على سكني هناك من قبل صلاة الفجر وانا وابوي بالسيارة مسكنا الطريق الطريق مره شين طريق رايح جاي وقديم من عادتي ما انام بالسياره اخاف انام واقوم على كابوس اي حركة بالسيارة تخلني اشد اعصابي واثبت نفسي بالكرسي غصب عني عيني دايم على ابوي اخاف انه ينعس او يسرح ويتشتت انتباهه اليوم صادني وانا مركزه فيه مد يده وطبطب على يدي بحنيه : امي انتي اهدي واسترخي بإذن الله ما يصيبنا الا ماكتب الله لنا اهتز صوتي فيني رهبه وخوف : غصب عني الله يخليك لي والله احاول استرخي بس بلحظه يرجع لي كل شي واتذكر الحادث تنهد ابوي وضغط على يدي اكثر : انا ما اطلب انك تنسين بالعكس شي طبيعي انك ماتنسين حدث صعب مريتي فيه سكت لحظة كأنه يرتب كلامة اللي بيقوله :تركية حبيبتي لازم وضروري تحاولين خصوصا انك بتداومين وكل اسبوع بتمشين على هالطريق قلت: الله يعيين عشان كذا اصريت ألقى سكن يخفف علي المشوار فياض: بس نوصل ان شاء الله بدور واشوف الديره اذا فيها بيوت للايجار ******** دق جوال فلوة برقم غريب فتحت الخط السلام عليكم ام عبد الرحمن : اي نعم :انا طلال اففف وش يبي ذا داق علي من صبح العالمين :نعم يا ابو عبد الرحمن خير متصل هالوقت سكت شوي وجبر نفسه يتكلم : انا مع عبد الرحمن بالمستشفى شهقت من خوفي على ولدي: وش فيه ليه بالمستشفى قال بنبره هادية : طيب طيب الحمد لله بس سوى حادث وانكسرت رجله بصوت باكي ترجيت : بالله عليك يا طلال وش فيه :والله انه طيب وخذي كلميه انا بس قلت اكلمك اول اعرفك تخافين عليه خذيه :يمه بصوت باكي: دحمي حبيبي ابوي انت وانهرت ابكي دحمي : يمه والله اني طيب حتى الكسر بسيط الحمد لله هذا جزاة اللي مايسمع كلام الفلوة رديت بعصبيه وخوف ورحمه كل المشاعر تضاربت عندي: كنت راكب الدباب !؟! قلي قلي وشلون تعورت ؟ ضحك الدحمي : زي ماقلتي قلت بسرعه ولهفة : وينك بأي مستشفى رد الدحمي بسرعه: تو طلعنا من المستشفى وهذانا بالطريق ابوي جايبني للبيت بيني وبينكم ربع ساعة قلت بعصبيه ولهفه : طيب طيب بتلقاني عند الباب قال الدحمي : لا يمه مايحتاج وماقدر يكمل كنت قفلت الجوال وركض لغرفتي ألبس عباتي وبسرعه نزلت تحت انتظر الدحمي وبعد الانتظار الطويل وصلت سيارة طلال وفتح له الحارس ودخل لين وصل قدام باب ڤيلا امي وانفتح الباب اللي جنب السواق وشفت الدحمي حبيبي طيب هاا !! واتحسس وجهه جنبه اليمين كله خدوش وكدمه وش كبرها ويده ملفوفة ورجلة اليمين مجبره قعدت ابكي وهو لامني بيده اليسار : يمه حبيبتي والله اني طيب بصوت مكتوم : حرام عليك والله ما اتحمل يصيبك شي خاف الله فيني قال طلال: اذكري الله يا فلوة الرجال طيب الحمد لله جته سلامة من الله تنبهت لوقفة طلال بجنبي وخرت واضفيت عباتي على يديني ونزلت نقابي اكثر ابعدت شوي عنهم وبقلبي اقول : الحمد لله اللي حفظه لي مد الدحمي يده لابوه يساعده بالوقفه وتسند على عكازه ومشى مع ابوه لداخل البيت وانا اسبقهم قال طلال :ها يا بطل وين اوديك تبي غرفتك قال الدحمي: لا خلني هنا بالصاله بعدين اروح غرفتي وناظر فيني يبي يطمني : يمه والله اني طيب سكت تجمعت العبرة بحلقي ان تكلمت انهرت وبكيت اكثر مدري انا ابكي على فجعتي بولدي وسلامته والا ابكي على شوفة طلال عقب هالسنين كلها ناظر طلال فيني : ماعندكم قهوة قلت ابشر دقايق وتجيك ورحت للمطبخ وكلمت الخدامة تجهز القهوة وطلعت لامي لقيتها منسدحه تسبح على سجادتها : يمة طلال تحت تكفين انزلي له *********** في داخل مدرسة القرية المتواضع اجتمعت ابلا فاطمة بالمعلمات الستة والسابعة كانت تركية اللي وصلت الساعه ٧ الصباح وانتظرت الى ان انتهت الحصة الثالثة ودق جرس الفسحة مجتمعات المعلمات على سفرة الفطور البسيطه مع الشاهي والقهوة قالت ابلا فاطمة : اعرفكم على زميلتنا الجديدة تركية الفياض اليوم اول دوام لها اليوم بنعرفها على مدرستنا وعلى نظامنا ومن بكره بنكرفها تبسمت تركيه واستقبلت ترحيبات زميلاتها لها كان الجو العام لطيف وفيه محبه بين المديره ومعلماتها ************** على الساعة عشر انشغل جد الجادل عليها من النادر انها تمرض او يطيح حيلها دايم وهي شعلة نشاط ترك شغله ورجع لها للبيت ودخل عليها غرفتها لقاها نايمة ومتلحفة ومتكوره على نفسها وتنافض من السخونه نزل عند راسها وتحسسس جبينها لقاه زي النار حار حست الجادل بيد جدها : جدي برررد زيدني ببطانيه من الدولاب قال جدها : لا انتي مسخنه وماينفع تلحفين وشد بطانيتها عنها تمسكت فيها بيدين واهنه وكحت بوهن : لا جدي برررد غطني وصارت سنونها تتكتك وتصك ببعض من البرد اخذتها الرجفه بعظامها قام الجد وراح للمطبخ واخذ من الثلاجة بنادول وعبى بغضارة مويه ومنشفة ورجع للجادل :قومي يمه قومي خذي هالحبه يمكن تنزل حرارتس وبجهد قدر يسندها وجلسها شدت البطانيه عليها واخذت الحبه من جدها وياله بلعتها رجعت انسدحت وصار يقرأ عليها وينفث مرت ساعه وهي تتنافض من السخونه الى ان دق جوال الجادل رفع الجد الجوال ورد على ام فراس هلا فطيم: هلا جدي : وين الجادل عن جوالها الجد يتنهد: بنيتي تعبانه من السخونه تراعد تحت اللحف قالت فاطمة : بسم الله عليها جدي هالحين اقول لابو فراس يجي يشيلها للمستوصف قبل مايقفلون الظهر قال الجد: زين يالله انا انتظره اخاف تتعب اكثر ******* * ماشاء الله الديره باين عليها واعده واهلها ان شاء الله ناس اجواد ركب سيارته عقب ما طلع من مكتب مدير مدرسة الاولاد ابو فراس اللي دخلها يسأل عن الاوضاع في هالديره وما طلع من عند ابو فراس الا وهم متواعدين على الغدا بشرط ان ابو فراس مايتكلف والوعد بعد صلاة الظهر وكعادة القرى واهلها كان فياض وسيارته الجيب محط انظار القرية واهلها ايش تسوي سيارة جيب اخر موديل وبلوحة مميزه في مثل هالمكان المتواضع اغلب الناس على قد حالهم بيوت متواضعه وسياراتهم اكثر تواضع كلهم يعرفون بعض دايم الغريب مكشوف مشى فياض يستكشف المكان و منه يقضي وقت الى ان تطلع تركيه من دوامها ومنه يشوف البر والفياض القريبه وكل تفكيره انا ويني عن هالمكان من زمان تجول بالمكان وبعدها رجع ثاني للقرية ولفت نظره مزرعه مهجوره وقف سيارته ونزل يشوف المكان ارض محوطه بعقوم من التراب ومسوره باشجارالاثل وبواقي جذوع النخل وبيت من الطين المهدم اجزاء كثيره منه بفعل الامطار والزمن فتح كاميرا الجوال وصور البيت والبير والمزرعه من الخارج وكتب بالملاحظات مزرعة الفياض الجديده بإذن الله وحرك سيارته متجه للقريه بيسأل عن هالمكان وش قصته ومنهو راعيه ****** سبحان الله من البارح الجادل في بالي ابي اكلمها االصبح ما فضيت بس على الساعه 10 ونص ماقدرت اصبر اتصلت عليها ورد علي جدي وعلمني انها تعبانه الحين انا واياها بالمستوصف فكت الممرضه الهندية المغذي من يد الجادل اناظر الساعه الا 12 الان المفروض يدق الجرس انصراف الطالبات وكلت المهمة لوحدة من المعلمات وطلعت للجادل تسندت علي الجادل بوهن قلت :يالله ياقلبي الغدا عندنا جدي ينتظرنا بالبيت بس دقايق بمر المدرسه اخذ اغراضي وملفاتي ابوفراس كلمني الصباح يقول ان عندنا ضيف فياض الفياض ابو تركيه حلف عليه بالغدا والحمد لله ابو فراس كفاني شر الطبخ بيطبخه عند المطبخ كانت الجادل واهنه مافيهاحيل حتى ترد على كلامي تغطينا وطلعنا من المستوصف والجادل معي خطوة بخطوة يدي بيدها اخاف تدوخ وتطيح فجأه وقفت الجادل بنص الطريق بين المستوصف وبيتي وضحكت بوهن : المفروض انا اساندتس واساعدتس بالمشي انتي وكرشتس قلت مستغربه منها وانا اضحك :هههههه امشي الصخونه لاعبه فيتس يالله تعالي وسحبتها معي لداخل مبنى المدرسه لقيت تركية واقفه وماسكة عباتها ومعها المستخدمه بتقفل المدرسه ما بقي الا هن قالت تركية : ابلا فاطمة ابوي كلمني قالي انتظرك واروح معك للبيت قلت لتركية : يالله ثواني بدخل مكتبي اجيب اغراضي ونروح جميع لبيتي دخلت وانا اسمع المستخدمة تقول وهي تناظر الجادل بتفحص : من انتي؟ رفعت الجادل الغطاء عن عيونها وعرفتها المستخدمة : الجادل وسلمت عليها قالت تركية متفاجأه :خالة الجادل واقبلت تسلم عليها بفرح بان على الجادل الوهن صوتها مبحوح والتعرق من اثر المغذي حست تركيه فيها :سلامات سلامات وش فيك يا خالة قالت الجادل : الله يسلمتس وتسندت على الكرسي اللي وراها وجلست : شوي تعبانه وتوني راجعه من المستوصف رجعت فاطمة وقومت الجادل وتركيه وطلعوا لبيت فاطمة قبل البيت بخطوات وقف جيب ذهبي يجيب العافيه قدام باب بيتي ونزل منه ذاك اللي بارك الله ماوودكم العين القشرا تشوفه بثوبة الابيض وغترته البيضا امير امير حسيت على نفسي وغضيت البصر قلت : تركية هذا الوالد ؟ قالت تركية بفخر : اي هذا ابوي قالت فاطمة : ماشاء الله الله يخليه لكم اتجهنا لباب الحريم اناوالجادل وتركيه وفتحت الباب ودخلنا وانا ارحب واهلي : ياهلا الله يحييكم تفضلو ا ياهلا والله بسرعه نزلت عباتي ابي احضر مع الخادمه للغدا كان جاهز بس ينتظر نقلط عليه الرجال الحمد لله خدامتي متعوده على العزايم وتعرف وش تسوي ************** :في مجلس الرجال يبه هذا فياض الفياض صاحب مزارع الفياض سلم فياض على الجد واقبل عليه بكل احترام الله يحييك ويبيقك : ناظر الجد نظره متفحصه لفياض : شلونك وشلون شيبانك رد الفياض : بخير الله يجعلك بخير ودار ابو فراس بالقهوة والقدوع اللي دايم موجودة بمجلسه ومشبه قال ابو فراس : يبه هذا فياض ولد العرب اللي جونا قبل كم يوم اسفهل الشايب :ياهلا يالله تحييك شلونك وشلون امك والولد وش اسمه مع نظره لابو فراس رد فياض : عبد الرحمن : طيبيبن الله يرضى عليك : دارت السوالف والاخبار لين وصلت السوالف الى عشق فياض وغرامه الابل عطايا الله قال الجد : ماشاء الله عندك نياق رد فياض بعد ماعدل جلسته وفك ازرار ياقته الله الله : واليوم اخذت نظره على منطقتكم وجازت لي وشفت لي مزرعه مهجورة مدري راعيها يبيعها او لا؟؟ ووصف طريقها ومكانها قال الجد :هذي المزرعه لولدي الله يغفر له وصارت ورث لبنته وماأظن انها تبيعها قطع الحوار ابو فراس وهو يقول : الله يحييكم على الغداء تفضل يا فياض الله يحيك والله ماهو بحقك ولاقدرك بس السموحه وقلطوا على الغدا اللي كان ذبيحة محمره على رز عربي مع السلطات والفواكهة واللبن *************** اول ما دخلت بيت اخوي توجهت للمغاسل ابي اتوضاء نزلت عباتي وعلقتها و فكيت برقعي و طرحتي وبديت اتوضأ حسيت نفسي انتعشت بعد الوضوء اشهد ان لا اله الا الله وحده لا شريك له وان محمد عبدة ورسوله اخذت طرحتي بألبسها الا هذي تركية جايه مقبلة علي بتتوضأ صديت عنها بشكل لا ارادي واخذت برقعي بسرعه ولبسته وقفت جنبي متبسمة بحرج بتوضأ: اذا بتصلين انتظرييني نصلي جماعة قلت وانا انزل كمام ثوبي على ذرعاني : زين انا انتظرتس تركتها ودخلت عند فاطمة بالمطبخ : بالله عليتس ارتاحي مانبي شي قالت فاطمة : اصلا خلصت حطيت الشوربه على النار دقايق وهي جاهزه انتي لازم تشربينها مع ليمون وفلفل اسود قربت مني فاطمة وهمست : :بنت جادل شفتي المزيون ابو تركية وغمزت لي ناظرت فيها بإستغراب : لا وين ومتى شفتيه؟ ردت بهمس وعيونها على باب المطبخ :قبل شوي وحنا راجعين ماشفتيه؟؟؟ موتن حمر وحطت اصبعها تحت عينها (تعبير عن الزين والجمال) هزيت راسي بالنفي ظربتني على راسي بخفة : الله يخلف عليتس فاتس شكل الصخونة لعبت براستس ما قمتي تشوفين قلت لها وانا اطلع من المطبخ : وين ابو فراس يسمع ويشوف لحقتني وهي تضحك :يختي ماقلت شي ياربي ماقلت الا الحقيقه ورجعت تسوي نفس الحركة اصبعها تحت عينها : موووتن حمر الله يخليه لراعيته ناظرت فيها وحبيت يدي وجه وقفا وقلت الحمد لله والشكر استخفت مرة اخوي امشي امشي خلينا نصلي الظهر لايروح وقتها ماصلينا قراءة ممتعه لكم وردود حلوة لي |
مرحبااااا يعطيك العافيه الروايه واضح انها حلوه بس البارتات قصااار واجد مايمديني ادخل جو تالا مخلص البارت ياليت تطولين البارت او تنزلين كذا مره في الاسبوع تقبلي تحياتي واقتراحي 😘😘😘
|
رد: وجه البوم بقلمي / شبيهة امي
اقتباس:
|
رد: وجه البوم بقلمي / شبيهة امي
السلااام عليكم..
مرحباااا ملاايين بالحامل والمحمووول والمحمووول اليه.. ام رنووو تعالي هاتي بوووسه على هالجمال اللي القااه هنا..بجد بجد بجد اسلوووب مريح وسلسل وبسيط ويهبل ويخلي الوااحد يدخل جووووووووووو بقووووووووووووه ويزعل اذا لقى انه وصل لاخر البارت.. ووالصراحه ما الووم الاخت توا على كلامها بانتس تطولين الاجزاء .. والله اعذرها لاني وااثقه كل الثقه انها مثلي ومثلنا كلنا ياللي نقرأ ونستمتع .. يختي تراه مهوب نقد يضيق الصدر .ز بالعكس انا اشووف انه شي يوسع الصدر ويفرح يعني لو ماكانت الروايه ماكله الجو ومبسووطين فيها ماكان جينا وفرشنا فرشتنا هنا وتبطحنا وتسدحنا بربوعها. والله يختي لو اني ما اعرف اسلوبتس وان الاجزاء القصيره من مميزاتس كان صفيت مع نوا وقلت مثل اللي قالت واقول ودي ببارت اصيييييييييح من طوووله >>فيس كب العفش كله.هههههه عاد نجي لربعنا هناااا.. تدرين اني وقفت وقفة اعجاااب واجلال لام فرااس يووم انها عبرت عن اعجاابها الشديد بفياض. والله ما كذبتي ياا ام فرااس ان فياضي مووتن حمررر.. .. يختي ما الوومتس الجمال فاارض نفسه وفياااضي انا وااثقه انه جذاب وله كريزما ودخل القلب من اووسع ابواابه.. والحمد الله انتس يا فطوم متزوجه والا كان شنيت عليتس حملة لها اوول مالها اخر لكن ربي رحمتس عسى الله يقومتس بالسلامه..هع وعندي احسااااس انه بيكون لتس دوور بزواج فياض من الجادل بس مدري شلون؟؟ وفياااض الحين عاااد بيجي ويفااوض على مزرعه الجاددل وهالمزرعه هي اللي بتخلي فياااض يفكر بالجادل ليل نهاار مو قصدي انه يفكر انه يتزوجها عشان يقدر ياخذ المزرعه.. لأأأ لكن اقصد انه بيصير طاريها كل شووي يمر قدامه سواء من بنته او امه وطاريها بيلفت انتباهه.. وبيصير اسم المزرعه مزرعه الجادل مو مزرعة فياض الجديده يعني هو يمكن يشريها ويسميها باسم الجادل..؟؟ اعجبني مرره وهو يصوور المزرعه بالجوال حسيته شبااابي والحين انا وااثقه ان عمره بالاربعينات بس ليش المزرعه للجادل بروحها؟؟ وين راح نصيب جدها واخوها ابو فراس؟؟ والا هم متنازلين لها عنه؟؟؟ تركيه رحمتها وهي خاايفه من الخط .. اتوقع ان امها متوفيه بحادث؟؟ وهي كانت معها بهالحادث وهالشي كان له تاثير نفسي عليها..وبعدين ياتركيه الحرمه تعبانه وتقولين نصلي جماعه ؟؟عساها ماتصلي جالسه من التعب وانتي تبينها تأمتس جماعه..؟؟هخهخهخه فلوه وطلال : الحمد الله على سلامة الدحمي ..والله يخليه لكم يارب وتشوفون عياله وعيال عياله..والله اني توقعت ان ابو الدحمي متوفي؟؟ والحمد الله انه حي يرزق.. امممم فلوه تدرين اول ماكلمتيه وانتي تنفخين عليه وتقولين خير ليش متصل هالوقت؟؟ حسيت انتس تكرهينه ممره بس يوم جاب الدحمي وجلستي تاملين فيه حسيت انتس تحبينه؟؟ وعشان كذا استغربت ليه تطلقتوا؟؟ والا انتم منفصلين بدون طلاق؟؟؟؟ لأ الا متطلقين والا كان ماقمتي تغمغمين عنه بالعبايه ؟؟ امممممممم احس ان طلال يحبتس وانه يوم يطلب القهوه مو لانه يبي يتقهوى ولكن لانه يبي يطووول اكثر وقت بالمكان اللي انتي فيه.. ؟؟ والحين عاد وليدة حشاااشه يووفه مكسوور بيصير هالولد مسمار جحا وكل شووي بيجي يشووفه ويتطمن عليه.ويمكن يشووف زولتس بوحده من هالمرات ويرجع له الحنين اللي انا وااثقه انه للحين يحس فيه لحضرتوكم...هخهخهخه . بس ليش انتم منفصلين عن بعض؟؟ لااايكون متزوج عليتس وحده ثانيه؟؟؟ لايكون انتي صرتي ماتقدرين تحملين عقب الدحمي وقال بتزوج عليتس وانتي مارضيتي بالشريكه وطلبتي الطلاق؟؟؟؟ الا ابو الدحمي يقرب لتس يعني ولد عم والا ماتعرفونه قبل؟؟؟ يمكن يكون خال بنات فياض؟؟؟؟ >> ذكرت جدتي على هالاسئله..وبقول اخر بهالنشد..ههههههههه الجادل.. سلامتس يااقلبي طهور ان شااء الله.. قوومي قوومي يااجودي فياض زوج المستشقبل جاكم انفضي عنتس التعب واستقبليه احلى استقبال..>>فيس يحمسها.. رحمت جدهااا مرره مررره وهو يجيب لها الحبه .. جتني الصيحه صراحه رحمته.. تسلم الاياادي ام رنووو والله لايحرمنا من هالابداع والجمال.. بانتظار البارت الجاي باكثر من الشووق فلا تتركين انتظارناا يطووول.. |
رد: وجه البوم بقلمي / شبيهة امي
فرحت يوم شفت اسمك ومن غير اقرأ الروايه عارفه انها بتكون شي ولا اروع مانبي مواعيد محدده بس مانبيك تقطعينا من هالابداع او تتاخرين علينا مووووفقه
|
السلام عليكم مرحبا ومسهلا ومليون هلاااا. 🌼🌻🌸 من طول الغيبات جااب الغنايم طهور ان شاء الله ياجادل والف لابأس عليك هالفتره كلن مريض ومنتشره السخونه بشكل مااتدخل ببت الا وتمسك كل اللي فيه فردا فرداا عااد لاتمسك الشايب مسكين ويهلك منهاا الله يستر مالك الا هو بهالدنيا بعدالله .... تركيه وخوفهاا من السفر سبحان الله اذا السبب حادث قديم من وهي صغيره فصعب تتسى او يروح من تفكيرهاا الا بعلاج نفسي يمكن فلووه وطلال. الحمدلله على سلامه دحوم ورب ضاره نافعه او مصايب قوم فلوه بولدهاا عند قوم طلال فووئد ه😁😁😁 الفياض 💞 فرحت انه طلع رزه وكشخه وثقه حلال عليك المزرعه وصاحبه المزرعه خذها مني هديه مااوراهاا جزيه هههههاأااي يمكن الجادل تستكثر على نفسهاا 💔هالجماال والرزه👊 وبنتعب معهاا شووي على ماا تقتنع انها انسب وحده لفيااضنا ويمكن تطلب شووفه شرعيه تنسطل عند جمال فياض مثل مااصار لناا وتحبه من اول نظره وتنشب له كل شي يصيير 😧😠 جزء حلوو وممتع يستاهل انتظارناا وزاد شوقناا ولهفتناا للاحداث القادمه بارك الله فيك وبجهدك وتعبك لاسعادناا وادخال البهجه لقلوبنا ❤❤❤ بانتظاارك
|
رد: وجه البوم بقلمي / شبيهة امي
هههههههههه ام فراس تحفه يما يا زواقة هالحريم هههه و الله ضحكتني اهي وين و الجادل وين تركيه اسمها حلو تصدقين و نادر اسمعه مثل الجادل يا زينها هالبنت احس بتطبق مع الجادل ليس احي الجادل مو شينه بس عدم قبول بعض اهلها لها و كلامهم حط فيهم هالعقده هل بيسكت فياض ان رفضت الجدل البيع ولا بكون له تصرف مختلف و غير متوقع احس في شي بصير بيربط بين فياض و الجادل ماراح اقول زواج بحب او رضى بس في حدث بصير بأثر عليهم |
مرحباااا مشكوره على اهتمامك وردك 😘وأبد خذي راحتك 😇طيب مايجي بارت ونص 😂😂امزح والله 😊لبى السين والله انا من جيرانكم بتوع الشين 😍😍لبى قلبش
|
رد: وجه البوم بقلمي / شبيهة امي
دخول متاخر جداا كالعادة >>معلش شوي وتخلصين منه ام رنا 😂😂
اممم الواحدرمن اول الفصل والله مندمج وداخل جو ولا فجاااة هوووووب خلصنااا 😞😞 يصير اخطفك لين تكملين كتابة 😂😂 ؟ اللي هو يعني احصل الاجزاء عندي بدون لا ادخل نت >> المنتدى مع الزوار اعلاناات بطريقة صعبة >< المهم نخليناا في المهم اجلل امير ياا ام فرااس ؟؟ كلوو عند ابو فراس 👿👿 >> بحب اهدي النفوس 😌😌 الحين نقدر نقول مبروك على ذا الاثنين بعض ؟ يعني هو يباا المزرعة وهي مرسلة ذاك الاكل المرة اللي فااتت وكتشااا [بهذه المناسبة احب اقولك انك شوريرة ع فكرة .. يعني كان لازم البنت تسقط مريضة بذا اليوم ؟ كنتي تركتيها بصحتها تسوي الاكل لابو الشباب من جديد وتشق طريقها لقلبه بكل ثقة .. عاد انا اريد تعويضاا .. يعني مثلا تركية اكيد لمحت شكل الجادل فليش ما تخبرنا مثلاا البنية كيف شكلها >> فيس مترقب] ايواا نرد لموضوعنا الاساسي >> صار فيه اساسي وفرعي مع التخريف اللي انا فيه اجارك الله 🙀🙀 مستر امير لما كان بالسياارة اممم هل الحادث اللي صار ومازال ماثر على تركية له علاقة بموت امها مثلا ؟! الا ما يجيناا العلم . . فلوة وطلال وما بينهما من شرار >> طبعا انا شفت الشرار بس مش لازم حد تاني يشوفه 😂😂 امم مدري ليش جاي ببالي سيناريو مختلف تماما عن طلاقهم ما اظن ابد انه كان بسبب الخلفة مايبي هي كانت بنفس اهتمامها المفرط هذا ومثلا عصبته بمرة طلقها وكبريائها ابى انها تردله >> لا احد يعلق 😂 المهم انه شي نفس هاساا .. كداا اكون خلصت لهاسا الوقت بانتظار جديدك ام رنوو ولا تتاخرين بليز بليز بليز |
رد: وجه البوم بقلمي / شبيهة امي
متى الباااارت 😔😔😔؟؟؟؟؟
متشوقين للجاااادل 😗😗 كم عمر الجادل وعمر الزوج المستقبلي (والله نسيت اسمه 😆) ؟؟ |
رد: وجه البوم بقلمي / شبيهة امي
السلام عليكم
متى البارت ؟؟ ليت في اوقات محددة لنزول البارت |
شبيهة روايتس رابع روايه مريت عليها وأعجبتني
احب البدو والبرأقع بداية قريتها شكلها جميله ورائعة بنخلي وسائل التواصل الاجتماعي ونرجع للروايات يازينها وزين جوها أتشرف أكون احد متابعاتس فيس قلوب ورده قلب |
رد: وجه البوم بقلمي / شبيهة امي
هلا النوفي العلنقليزيه عاش من شافك
لا ابشرك ضمضم في الطريق ام رنو هلب يو بالبارت |
رد: وجه البوم بقلمي / شبيهة امي
.........................♪♪♪ يسعد صباحكم حبيباتي :flowers2: .. وهـ وش أزين من اني ارجع أتابع الروايات جزء بجزئه وأبدا من روايتك أم رنو !! والله يافيني شوووووق كبير لهذيك الأيام .. أم رنو وتعرفين وش قد شهادتنا فيك مجروحة .. دوم ترجعينا برواياتك لزمن قديم وأيام جميلة وعادات أجمل .. وش أحلى من بساطة الناس وبساطة عيشتهم مهما تطور الزمن !؟ تحمسسست معك مع البداية من اسم الجادل ‘ أعششق الأسماء اللي مثل كذا .. ما أعجبني أبوفراس وردة فعله على عيال أعمامه لما طلب منهم جدهم يتزوجها واحد منهم !! ممكن هو ما قام بأي رد فعل احترام لجده ! بس ولووو توقعت يعصب او يتفاهم معهم بعدين ويفهمهم أن أخته ماهي بحاجتهم ! بنات فياض ومناداتهم للجادل بـ " خالة " على أساس عمرها كبير ! كم عمرها هي !! ما أتوقع بتكون بعمر كبير مرة مرة لدرجة يقولوا لها ياخالة !؟ اممممم قصة الأرض بتكون هي بداية قصة الجادل وفياض .. مررة متحمسة للتكملة .. اعذريني تعليق بسيط ‘ بس دوم نتوقع منك الغير متوقع =) .. ♪♪♪......................... |
رد: وجه البوم بقلمي / شبيهة امي
السلام عليكمورحمة الله وبركاته
صبحكم الله بالخير يا حلى صحبه واطيب ناس زارا ماشاء الله عليس ردودس تجيب السعاده الله يسعدس هههه اجل حبيتي ام فراس عشان الموت الحمر فياض هههههه لاعدمت تواجدس زارا العسل نسمات الحنين الله يرضا عليس ويسعدس بإذن الله مكمله معكم لختام الروايه الله لايعوق بشر صحيح ما املك موعد محدد لكن بإذن الله معكم للنهاية zeez احلى زيزي احب حماسس مع الروايه الله لايخليني واعجبتني مصائب قوم فلووه عند قوم طلال فوائد ههههههه تأليف امثال جديده هههه لا عدمت وجودس يا احلىzeez وردة شقى ام فراس نطقها الزين سبحان الله احيانا ما تملكين عند الجمال الا ان تعبرين عنه وتذكرين الله مو شفاحه لا بس تقدير لخلق الله الحسن هههههه وهي عبرت عن هالشي تركيه اسمها ارتبط عندي بمعلمه بالثانوي سبحان من خلقها عليها طول وزين الله يذكرها بالخير الله يسعد قلبس وردة توا يسعد لي قلبش وكلش احب الوشوشه شيماء علي الله ييسرلس امورس يا قمر شعور تركيه طبيعي حادث خطير افقدها امها الله يسعدس شيوم ياعسل دانة الجادل في نهايةالثلاثين سرابالحكايا وعليكم السلام ورحمة الله وبركاته للاسف مافي موعد محدد عشان ما اوعدكم واخلف وعدي noofy يشرفني تواجدس وردس واتمنى تواصلين معي نور ليلاس عذرا يا قلب ابشري ان شاء الله معزوفة حنين ياهلا وغلا بحنو نورتي ليلاس وزينتي روايتي بردس الله يسعدس الجادل عمرها بنهاية الثلاثين لا عدمت طلتس حنو قلب ينبض لس :liilas: |
رد: وجه البوم بقلمي / شبيهة امي
السلام عليكم ورحمة الله وبركاته
حبايب قلبي الجزء والله جاهز من يومين ويوم جيت انزله لقيت ليلاس مقفل بابه للاسف والحمد لله رجع لنا على خير وسلامة والبارح كنت مررره مشغوله فالعذر والسموحه ياحبايبي ويالله دقايق بإذن الله ويكون الجزءقدامكم بس الله الله بالردود الحلوه ولا احد يقولي انه قصييير اطول جزءكتبته للان |
رد: وجه البوم بقلمي / شبيهة امي الجزء الخامس
بسم الله -5- " حتى فمان الله ما طاوعتني ماغير بالدمعة ترجمت لها الحال " غلبني الشوق وساقتني خطواتي بدون ما اشعر لقيت نفسي ادخل واجلس واسولف مع عبد الرحمن على امل اني اقابلها او حتى ألمح زولها هي ذيك المره يوم جبت عبد الرحمن من المستشفى تهربت فلوه مني وارسلت لي عمتي ام فياض اللي ماتغيرت علي وكانت دايم معي ومع رغبتي ان فلوه ترجع لي فراقها جرح عميق لايمكن يبرا . . . هذا اخر ما بيني وبينك : :طيب انتي علميني وش اسوي سدت اذانيها بقوة وبصراخ وبكى : مالي دخل والله ما اقعد بهذا البيت طلقني طلاق مستحيل اطلقك افهمي : انفتح باب الغرفة بقوه ودخلت علينا امي خير خير اشوف صوتك يلعلع بكل البيت وقفت بين امي وفلوة :يمة لو سمحتي انا واياها نتفاهم اطلعي الله يرضى عليكِ قالت امي وعيونهاعلى فلوة اسمع كلامي وخله حلق بإذنك: انت واياها بنت اختي هي الاصل واللي مو عاجبه مع السلامة سامعني تاففت فلوة وتحرقصت مكانها وطلعت امي من الغرفه بعد ما عكرت الجو اللي شكله ماراح يصفى لبست فلوة عباتها بغضب امك انهت الموضوع خلاص : ورقتي توصلني لبيت ابوي وقفت بينها وبين الباب ما ابيها تطلع والله ما ابي غيرك بس الظروف حدتني امي حلفت علي وابوي شرط رضاه علي بزواجي منها صرخت علي فلووة : وينهم ماحلفوا عليك وانت ما تزوجتني ؟؟ ليه هاالحين ؟؟ والا عشان امك بتربيني زي ماقالت لي مسكت ايدينها احبحبها : فلوتي تكفين لا تهدمين بيتنا وحياتنا ودمعت عيوني ردت وهي تمسح دموعها : امك هاللي هدمت بيتنا افهميني ياحبي: والله ما اقدر من غيرك وكملت اترجاها : لك اللي يرضيك نطلع انا وانتي ببيت مستقل وهي تجي تسكن مع خالتها نفضت يدها من يدي وصرخت ببكاء وقهر : لا يعني لا تهقى امك بتخلينا انا تصلت على ابوي واكيد انه برى ينتظرني قطع كلامنا دخلت امي وهي مبتسمة بشماته وجبروت : ابو الشيخة فلوه يقولها اطلعي اخذت عبد الرحمن من سريره وطلعت وهي تبكي ووانا وراها ابي احاول معها لاخره لحظه . . . يبه يبه: ههيييي يبه وين وصلت انتبهت لنفسي وانا في مجلس فياض وولدي عبد الرحمن جنبي قلت وانا احاول اجمع صوتي : قريب الا خالك فياض متى بيجي لنا حول الشهر ماشفناه خالي سلمك الله مشغوول : اشترى مزرعه ونقل مراح حلاله هناك وتخبر هو متولع بالحلال وشكل هوا الديره ناسبه حتى جدتي معه من اسبوعين ماشفناها رديت : ماشالله الله يزيده من خيره ********* تركية: لميا بكره اذا جيتوا بالله جيبي معك شنطتي السودا نسيتها اخرمره جيت وفيها اغراض مهمة لميا: طيب وش بعد تركية :جدتي تقول جيبوا ملابس شتويه ترى مرره برد وتقول لاتنسين فروتها ضحكت لميا: اي ما يمسك قليب جدتي الا فروتها تركية: اسمعي لممووووش في موضوع مهم لازم نتعاون فيه الموضوع يخص فرح اللي هي امانه عندنا عقب وفاة امنا لاننا بنسأل عنها يوم القيامه لمياء بإنتباه : وش فيه تركية : انتي شايفه وضع اختنا وصلت مرحلة ادمان الاجهزة هالاجهزة اللي غزتنا واشغلتنا حتى عن امور ديننا وانفسنا لميا : أي والله صادقه طيب وش تبيني اسوي تركية بجدية: حاولي تفتشين بأغراض فرح اي شاحن للايباد او الجوال اخفيه تماما واذا قدرتي تخربينه مافي مشكله لميا ء : طيب ابشري بس تعتقدين هذا حل بتسطي على شواحنا تركية : عادي انتي نفذي اللي قلت لك واذا جيتوا اقدر عليها ان شاء الله لميا: طيب ************** جالسين انا والجادل وفاطمة مديت عليها اوراق البنك : المبلغ كله بحسابتس خلاص تمت البيعه الله يبارك لتس ناظرت بي الجادل : طيب انا لي جزء بس الباقي لك ولجدي رديت :جدي وعماني وانا متنازلين من زمان لتس تذكرين من توفت جدتي بعدها بفتره علمتس ان المزرعه لتس والله يالجادل هذي وصية جدتي وبعد رغبة جدي مزرعة ابوي تكون من نصيبتس انا الحمد لله عندي خير الله مغنيني دمعت عيون الجادل وقامت حبة راسي : الله لايخليني منكم ضميتها بيدي اليمين : انت راس المال ياخيتي الله لايخلينا منتس وانا ان شاء الله بدور لتس ارض زينه وعلى شارع تجاري وابنيها لتس محلات تترزقين الله بأجاراتها قالت فاطمة : وهي تغمز للجادل شراكة انا وانتي النص بالنص الجادل : تستاهلين يا ام فراس كلي لتس ****** خلال شهر تغيرت المزرعه المهجورة وبانت جهود فياض فيها تحولت العقوم الترابيه الى اسوار حجريه والبيت الطين تبدل لاساس فيلا صغيرة ومن الجهه الثانيه بيت من البيوت الجاهزة الى ان ينتهي بنى الفلة والارض انتعشت بفسايل النخل والاشجار الجديده والارض تزينت بالممرات والاناره والثيل والري فيها عن طريق التنقيط تحولت لمزرعه عصرية بعد ماكانت مزرعه مهجورة تسكنها الكلاب وبالمنطقه القرييه منها امر فياض رعيانه يسون مراح الابل الجديد وبيوتة الشتوية المتنقلة مع الوايتات كلها وصلت من اسبوع استقر فياض وطاب له المكان وعشان يتبارك المكان كانت امه معه ومع تركية فرش البيت مثل ماتحب امه " " وصل تركية للمدرسة ورجع لامه ومزرعته جلس جنب امه في مجلسها اللي يطل بشباكه العريض على المزرعه وقعد يهمز رجيلاتها اللي مغطتيها بشرشف الصلاة الاحمر : هاا يا ام فياض عساتس مبسوطة وقفت ام فياض تسبيحها : اي بالله مبسوطه يالله لك الحمد بس باقي تكمل فرحتي وتخليني ادور لك بنت الحلال اللي تريحك قلت : الله يرضى عليس يمه هالموضوع لا عاد تفتحينه معي والله مالي خاطر بالعرس ولا افكر فيه هو انا فاضي!! خلينا من هالموضوع وقومي معي اوريس الحلال وقمت ومديت لها يدي انهضها معي وبشرشفها ونقابها طلعت معه لبرى المزرعه شوفي يمه هذي اللي شريتها اخر شي: واشر على مجموعه من النياق الوضح ماشاء الله الله يبارك لك: يازين عطايا الله سبحان اللي خلقها وهو يفرج امه على ذوده اقبلت ناقتة العذبه تتمسح فيه وهو يطبطب عليها يمة عرفتيها هذي العذبه: :اي ياربي ياحلوها حلوواه تحبك وتقبل عليك وقرب الراعي وناوله من العلف وصار فياض يأكلها بيده ويمسح على رقبتها ناظرت امه بالفحل المعقل : وراكم معقلين الفحل رد فياض : اذى الرعيان والله لو ماهو سلالة طيبه كان من زمان بايعه ناظرت فيه ام فياض: الله يعطيك من خيره ويكفيك شره : اييه ام فياض كثري لي من هالدعوات الطيبه رفعت ايدياتها: الله يعطيك لين يرضيك ويسعدك ولا يشقيك ويرزقك ويغنيك تناول يد امه وحبها : عساني ماخلى أي والله وكملوا مع بعض يد بيد شوفتهم للحلال والمراح ******** على صلاة العصر وصلن بنات فياض وفلوه جايبهن الدحمي و سواق وسيارة الرنج حقت فياض لميا بإنبهار تام : وش هالزين يا فياض ماشاء الله تمشي خطوة وتصور عشر صور استقبلهم فياض وهو مشمر كمام ثوبه يكمل شغله الناقص بس يحورف بالمزرعه يحب كل شي مضبوط وبمكانه انشرح خاطرة بشوفة بناته واخته : ياهلا وغلا بحبايب قلبي اختي وبناتي من قدي اليوم رد الدحمي: افى وانا مالي تهلي وترحيب ضحك فياض : افى يا ابو فياض انت الاساس ونور العين ياولدي لمياء : يووووه انتفخ من الوناسه وش عاد يفشه الحين بيشوف نفسه علينا يبه ردت فرح: اصلا احسن واحد هو الدحمي وهي تركض للبيت وشايله ايبادها والشاحن اللي عطاها اياه الدحمي مادرى بتخطيط تركيه ولميا وقفت تركية وتناظر بلميا نظرة لووم رفعت لميا كتوفها بعجز واشرت على الدحمي بمعنى هو اللي عطاها تركيه : ادخلوو بسرعه عن البرد تجمدت اطرافي وجدتي تنتظركم قال فياض : ادخلوو بكلم السواق والرعيان وارجع لكم ********** يالله مسا خير ناظرت الجوال والا رقم اخوي ابو فراس : هلا كلمني بصوت مرره متأثر باين فيه نبرة البكا : الجادل: ابشرس بولد اخو ابشرس بفرااس يالجاادل ضحكت بفرحة وقلت : ماشاء الله يالله لك الحمد بشرني عن فطوم قعد يشاهم ويبكي ويالله قدر ينطق : طيبه طيبه الحمد لله توها طلعت من غرفة الولاده بالله تعالي سنعيها امها بتجي بكره قلت : ابشر بعزك ياخوي اسنعها تستاهل ام فراس ويستاهل ابو فراس هالحين اجي انا وجدي وبسرعة سويت قهوة وقرفة وحليب و اخذت مرة وتمر ورشيت عليه حبة سودا ورشاد وفلفل اسود وسمن وعبطتها بسرعه كلش بسرعه ابي اطير لفطوم دخل علي جدي ودموعه بعينه وصوته متهدج : حبيت راسه قال يالله لك الحمد اللي شفت ضناهم: قلت : اي اللهم لك الحمد قالي : وعقبال ما اسوف ضناتس يابنتي سكت ما ابي اتجادل معه واتناقش مافي وقت قلت وانا اشيل سلة قهوتي توديني يم فطوم: مسح عويناته وقال : يالله مشينا ورحنا يم مستوصف القرية اللي ولدت فيه فطوم ونزلت من السيارة طايرة ابي اشوف فراس وامه وابوه يااالله ياحلو لهفتي عليه هالنتفه وصلت للغرفة اللي فيها فطوم غرفة الطوارئ كانت الممرضه الهندية تفك المغذي من يد فاطمه وفاطمة مسكينه ذبلانه و وجهها باهت ومحاجر عيونها غايره وسودا وجنبها على سرير المواليد ويبكي نتفة صغيرة ملفوف بالكافولة وابو فراس واقف ومتكتف حايس بحاله مايدري كيف يتصرف قلت : حبيب عمته النتفه يااااويسي هالصوت طالع منك وقربت من فاطمة وانا احب راسها : مبروك ماجبتي ياعمري وجدي واقف وراي اقبل عليه ابو فراس وحضن جده وانهار يبكي وجدي يتعبر ويتغصص يالله ماسك نفسه مبروك يا ولدي الله يجعله الولد المبارك ويبلغك فيه: وخرت عنهم ولفيت حول سرير فاطمة ورحت اشيل فراس ياااااا تبل الولد تبلاه ( ياكبرالولد كبراه) شلتة بشووويش خايفه عليه اول مرره اشيل نونو وورطت فيه ناظرت بالممرضة :تعالي ساعديني تبسمت فاطمة بوهن : جادل هالنتفه انا وانتي بنتعلم عليه ضحكت : اي والله لا انا ولا انتي نعرف الله يعينه علينا قال ابو فراس : اجل الحمد لله عمتي بكره بتجي عشان تنتبه لولدي قالت الممرضة مقاطعه كلامهم : بابا مدام خلاص خروج ومدت كيس ادوية قلت لابو فراس: انتظرونا برى ألبس فاطمه عباتها وطلع جدي واخوي وقمت اسند فاطمة بالراحة عشان نرجع بيتها ولفت الممرضة فراس بكافولته وبعد ماجلست فاطمة على الكرسي المتحرك حطته بحضنها وطلعت بهم لبرى المستوصف عند باب سيارة ابو فراس الحمد لله بيت اخوي قريب الله يعينس يا فطوم الليلة بررد: كانت فاطمة واهنه وبردانه واضح مسكينة وصلنا للبيت وبسرعه دخل ابو فراس السيارة بوسط الحوش وشال فاطمة وانا شلت الصغير وبسرعه لداخل البيت اللي كان مثل الفريزر شال اخوي فطوم ونزلها على السرير اللي مجهزته لنفسها بغرفة الحريم وفتح المكيف الحار ولحفها بالبطانيه بعد ما نزل عنها عباتها وشبشها استحيت منهم ونزلت النتفه فراس ورحت اركض اجيب ترامسي وتميرتي وناديت الخدامه قلت لها : ودي الدفاية عند مدام وبعدها طلعي لحمة من الفريزر بسسرعه هالحين اجيتس قبل ما اوصل غرفة الجلوس كحيت ابي انبههم اني جايه والله خجلت ادرعم كان فراس يفحط بالصياح وفاطمة تئن من المغص واخوي اول ماشافني قال عندتس اياهم الله لا يخليني من هالزول وطلع اول شي سويته صبيت بكاسة حليب وناولتها فاطمة ابي جوفها يدفى وما يمسك القلب مثل الحليب الحار ناظرت لي نظرة امتنان : الجادل قلت لها :سمي قالت :قولي اميين قلت: آمييين قالت وهي تتلذذ بالحليب وتتدفى بحرارته ياجعلني ازوجس واشوف عيالتس قبل ما تخلص هالسنه: ضحكت هههههههه لا اله الا الله كل ذا عشان جبت لتس حليب: قالت : ايييه والحليب هين كل هذا وانا احاول اركز على اني شايلة نونو بيني ايديني اخاف يطيح قلت لها: هالنتفه شكله جوعان بترضعينه والا تسوين له رضاعه قالت :والله مافيني ارضعه خليني اقدر اسند نفسي الحين الممرضه علمتني شلون اسوي له حليب شوفيه بأغراضي ونزلت النتفه بحرص شديد والخدامة جت تتسحب تبي تشوف النونو ناديتها: الله جابتس تعالي وطلعت فطينه الحمد لله وعندها خبره وصارت تضحك علي انا وفاطمة إنا ما نعرف شي سوت الرضعه ورضعت النونو وغيرت له وانا مفتحه عيوني وفاطمه المسكينه نامت من التعب والاجهاد نبي فاطمه تنام اخذنا فراس معنا للصاله انا والشغاله و بعدين بديت اسوي مرقوق باللحم والخضار لفاطمة خلصت الطبخه وغرفت لفاطمة وصحيتها تتعشى وبعدها نامت ماتحيط من التعب عشيت جدي واخوي وبعدها فرشت فراشي جنب سرير فاطمة ونمت عندها لو احتاجتني اكون قريبه وانتهى يومي تعبانه ومرهقه بس هالتعب يهون وله لذه بفرحتي بفراس ولفاطمة واخوي يستاهلون كل خيير ***** ليلة باردة وممطره بغزارة ليلة انورت فيها الارض ولمعت بالسما البروق وضجت بالرعود ليلة فتحت السما قربها وسفحت على الوديان ماها سبحان ربي من ساقاها وامرها بالمطر يحي البلاد ويفرح قلوب العباد يارب اجعلها صيبا نافعا يارب لمع البرق ودوت بالسما رعوده ولهجت بالدعا ام فياض : سبحان من سبح الرعد بحمد والملائكة من خيفته لا اله الا الله كانو واقفين على باب البيت والمطر يرشرش عليهم بفعل الهوا البارد جدا لكن لذة شوفة المطر ما منعتهم يتعرضون تركية: بكره اكيد مافي دوام اللهم لك الحمد لميا :من الله جتنا الاجازه الحمد لله فياض لبس جكيته العازل عن المطر وغطى راسه بالقبعه ولبس يركض رايح للحلال طلعته تفقدية للحارس والرعيان هم بخير متدفين والحمد لله كانت امورهم بخير ورجع يلهث وهو يفرك ايدينه ببعض :الله يرحم حال الضعووف الليله ليلة طويله عليهم الامطار غزيرة والبرد شديد لميا وهي ترفع الكاميرا : لحظه لا تدخل ولقطت صورة لابوها وهو بذا الشكل تحت المطر الله عليك يافياض احلى صوري تكون معك : دفها بخفه وتركية ودخلهم البيت وسكر الباب برررد تدفووا يا بناتي: وناظر بأمة جالسه ومتدفيه بفروتها وتسبح وتهلل اي تدفي يا ام فياض الله لا يخليني من عويناتس: طلعت من اخر غرفة فلوة وهي متلفلفة بالبطانية : وش فيكم ازعجتوني قالت لميا : صح النوم ياعمة امطار ورعود وبروق وماصحيتي الا على سوالفنا ضحكوا على فلووة لان نومها ثقيل وماتقوم بالساهل الدحمي : فديت امي اللي نومها خفيف ما تصحيها قنابل ظربته على كتفه : ولد دافع عني ********** يالله لك الحمد نومه هنيه نمتها انا ونتفتي فراس تلفت حولي لقيت الجادل نايمه تأملتها نايمه على جنبها الايمن وحاطه يدها تحت خدها نايمة ومتلفلفه بجلال صغير لي سماوي فاتح منفك عنها وجديلتها الثقيلة جنبها وبانت لي ملامحها الناعمه بالله ماهو حرام هالنعومه مالقت من يقدرها ياعزي عنتس ياخيتي ليتتس تشوفين نفستس بعيوني والله ياانتي تهولين القلب ماشاء الله تململت بنومتها كأنها حست فيني وانا رجعت تراخيت بفراشي ادور الدفى الليلة الله العالم ابرد ليلة من دخل الشتا بس فكرت اني اغمض عيوني بدى فراس يطلع اصوات ويحرك رويسه الصغيرون وبكى فزت الجادل حبيبتي وقامت على حيلها تعطيني اياه ارضعه لازم ارضعه اصح لي وافود له لبست برقعها الجادل قلت لها امطرت ماشاء الله تصب ** وقفت وقالت بصوت نعسان رضعي النتفه بروح اجيب لتس شي تاكلينه **************** مرت الايام وبعدما انتشر خبر ولادة فاطمة بدت الزيارات للمباركه اول خمس ايام كانت ام فاطمه متواجده لكن بحكم انها ام وعندها صغار من زوجها الثاني ماقدرت تطول عند بنتها استمرت الجادل بتواجدها اول النهار مع فاطمه وبالليل ترجع لجدها عشان تكون مع فاطمه اذا زارها احد واليوم كان الزوار غيير حريم عمانها وام فياض وبناتها من بعد صلاة العصر فتحت الباب لحريم عماني الاربع بعد السلام والمجاملات كعادتي معهن ما قدرت اقعد ابي اطيرللمطبخ قالت مرة عمي الكبير : الله يادنيا شفتي حالتس علينا ياجادل والا اللي تصير معه فلوس ما يناظربالناس اقعدي وين انتي رايحه قلت : قريب اجيب لي غرض من المطبخ واجي واناظر فاطمه ابيها تساعدني قالت فاطمة :بالله اجادل جيبي لي معتس كافولة فراس اسألي عنها سيتي قلت لها ابشري ورحت للمطبخ دقايق ودق باب البيت الداخلي كانت ام فياض : ياهل البيت رحت شبه اركض : هلاهلا يوم شافتني ام فياض وهي تتبسم لي : هلا بتس وكان سلامنا حار بالاحضان احب ام فيااض مرره دخلت قلبي هالادمية ودخلت معها تركية ولميا وفرح ووحده اول مره اشوفها سلمت عليهن وعرفتني تركية خالة الجادل هذي عمتي فلوة : : ياهلا تشرفنا نور البيت قالت فلوة : هلا بك اكثر والبيت منور باهله ودخلتهم غرفة الحريم تبادلوا السلامات وعرفتهم فاطمه على بعض انه هذي جدة تركية المدرسه عندها بالمدرسه ولا قالت ان هالناس هم اهل فياض الفياض اللي جا جديد على الديره واشترى اراضي فيها ونقل حلاله هنا جلست معهم اقهويهم ولميا وفرح كانوا ساكتين وتركيه تسولف مع عمتها فلوه وام فياض معي وفاطمه اما حريم الاعمام فكانوا صامتين متفرجين مراقبين لادنى حركه اوكلمه قبل صلاة المغرب استأذنوا المراقبين قصدي حريم اعمامي وبقت ام فياض والبنات بس قبل مايطلعن الا يسممن بدني بكلامهن " انامدري على بالهن ما اسمعهن والا ما اشوفهن وهن يتغامزن علي عيني عينك تقول بوجهي وهي طالعه الله اكبر وجه البوم تعرف تضحك وتسولف اثر الفلووس تنطق حتى اللي مالهن لسان قالت الثانيه حظ القبايح لا قالوا استغفرت ربي بعدما صفقت الباب وراهن ناس عجيبه غريبه خليني ارجع للناس الحبيبه دخلت لقيت لميا هنا فكت وبدت تسولف : ما اعرف اخذ راحتي اذا في ناس تراقبني بعيونها وخصوصا اذا متربقعات قالت فلوه تنهر لميا وهي محرجة من الجادل لانها ببرقعها بنت : وقالت لميا: لا الجادل غير برقعهاغير وهي غيير اسمحي لي اشوف اني اكبرك يوم اقول لك يا خالة احسك بعمرنا ماعاد بناديكِ الا الجادل استحيت : ابدخذي راحتتس يالميا الله يسعدتس قالت فلوة : وهي صادقه مير يالجادل انتي وفاطمه امي بس تهذري فيكن حبيتكن من قبل لا اشوفكن قلت انا وفاطمه بصوت واحد :الله يحبكم والله ماتحبون الا اللي يحبكم قاموا للصلاة ومديت لهم السجاجيد والشراشف ورحت اجدد القهوه والشاهي واطلع الفطاير من الفرن على ما يصلوون رتبت القهوة والشاهي والفطاير عند فطوم ورجعت فلوه وام فياض ولميا بعد ما خلصوا صلاة اما تركيه وفرح فكانوا جالسين مع فاطمة وفرح مبهورة بحجم فراس ماسك اصبعها بيده والدنيا مو واسعتها من الوناسه : ياقلبي شوفي تركية ماسك اصبعي تركيه اعجبها ان في شي لفت انتباه اختها غير الاجهزه وقالت تمزح بعد ماغمزت لفاطم : اذا حبيتيه شرايس ناخذه معنا للبيت ألتفتت مبسوطة: قولي والله نقدر ناخذه معنا ضحكت فاطمة وتركيه : لا طبعا قالت ام فياض اللي جلست جنب فرح الحين امه تنتظره من سنين وانتو تبون تاخذونه منها هههههه برطمت فرح شوي فقالت جدتها بس نقدر نجي مره ثانيه تشوفينه قالت تركيه الحين يالله قومي صلي قالت :خالة جادل وين اصلي رحت معها لاني ما صليت المغرب للحين وفردت سجاده كبيره وصليت انا وفرح مع بعض بعد ما خلصنا صلاه و ابي افك شرشفي قالت فرح : خاله ممكن اطلب منك طلب قلت لها وعيوني تبسم لها : امريني ياقلبي قولي قالت فرح بخجل وبنبرة رجاء :ممكن تعلميني شلون تلفين شرشف الصلاة امي الله يرحمها كانت تلف الشرشف مثلك ****** بعد شهر الدنيا ربيع والفياض تلونت بالزهر والاطيار وارتفع العشب يغطي الصحاري سبحان من ابدع وصور طالع من الصباح انجز اشغالي وعلى الضحى وصلت للمزرعه جاني يركض الراعي : ألحق ألحق ياعمي الفحل هاج على الراعي مرزوق ؟!؟!؟ : وش تقول عسى ماتعور الراعي : الحمد لله جات سليمه ورحت لمرزوق لقيت وجهه مجروح ويده : سلامات الحمدلله على السلامة قال مزروق: الله يسلمك ياعمي ياعم هذا الفحل هاج و انجن ماقدرنا عليه جيت اعقل رجوله لولا الله ثم مسعد كان روحتا فيها لاحول ولا قوة الا بالله وينه هالحين : ردوا الاثنين :هرب ركبت الجيب وانا احاول اتتبع اثاره خايف يأذي احد ورا اثاره وورااه الى ان بدت تختفي العشب غطى على الاثار وقفت اتلفت اتشاوفه يمكن يكون قريب مشيت يمكن ثلاثه كيلو على مهل امشي وادربل ادوره لين لمحته من بعيد واقف انا امشي بالسياره ناصيه على مهل خفت ينتبه لي ويهرب يوم قربت منه وهو يرفع راسه ويناظرني ويرجع يناظر قدامه ويركض وانا ورااه مسسرع وانا ورااه انتبهت لسياره واقفة وفي احد جالس قدامها وكل ماقربت شفت الزول اكثر هذي حرمه وبوسط البر وبسيارتها والجمل يركض قاصدها بينها وبين السياره امتار تمشي وتنزل للارض وترجع تقووم علققت البوري ابيها تنتبه ا للي جاي ناويها الله يستر زدت السرعه ابي اقرب منه ورجعت اضغط على البوري ابيها تنتبه لي واخييرا رفعت نظرها لي وشافت الجمل يوم إنه قرب منها وقفت ماعااد يمديها تلحق نفسها وانزل من السياره ركض ابي ألحق على المرة والرشاااش معي و اوقف بينها وبين الفحل وافرغ فيه المشط كامل وطاح الجمل عند رجولي وهو يرغي ولهاته برى حلقه وثور سحاب من الغبار وصرت انا بين الجمل والحرمه ألتفت لها وأنا ألهث وبصراخ : انتي صمخا عمياء ماتسمعين ولا تشوفين ناظرتها لقيت عليها اثار الصدمة وعيونها مليانه دموع قالت بصوت يتراجف وهي تأشر على البعير : وش فيه وش صار وبعدين ليش تغلط علي من تكوون؟ وبعز انفعالها وبان ثغرها هبت هوا قوية ورفعت برقعها نظره بس لثواني معدودة وبعدها صديت وبقلبي اقول لااله الا الله وش ذا انا ولدك يا بوي راحت علومك يافياض بري حالي شهقت حسيت ان روحها بتطلع :يافضحي ومسكته بيدها وصرخت فيني : واسدلت برقعها على وجهها اكسر عينك عمت عينك حست بالاحراج بعد الصدمه والروعه اللي صارت لها ركضت وركبت سيارتها وانا وراها ابي افهمها : اسمعي يابنت الاجواد الفحل اللي ذبحته تراه لي منطلق من الرعيان بعد ماهاج عليهم ولو ما لحقت عليس كان الله يعوض على اهلتس سفهتي ومشت وخلتني ما رمشت عيني الى ان اختفت سيارتها ورجعت اناظر بالبعير ونزلت امسح على راسه انت اللي حديتني اذبحك قراءه ممتعه لكم وردود حلوة لي |
رد: وجه البوم بقلمي / شبيهة امي
الله الله عليكي
نحن بالانتظار ☺ |
رد: وجه البوم بقلمي / شبيهة امي
😻😻😻😻
يا ويليي ويلااااه بصلي المغرب وبجي اشوف هذاا الحلااا 😻😻😻😻 |
رد: وجه البوم بقلمي / شبيهة امي
طبعا كان مفروض اصلي المغرب وارجع ثم تذكرت اني باقي ما تغديت وبعدين جلست انقهر شوي ليش ان بيتنا عندهم مطر وانا الجو حار جاف عندي 💔
ماعلينا نروح للفصل ابداع ابداع ابداع ابداع اشي خيال ماله وصف ابداا بتاتا البتة صراحة ما يفرق قصير ولا طويل ذا المرة لان الواحد والله لو كلمة ونص دخل جو من اول حرف بالكلمة ونص شي كذاا في الجوووول نفس ما نقول . .. من البداية كذا وقبل ما نروح للفياض والجادل احب ابدي سعادتي السعيدة جدا جدا جدااا بالشيخ فراس اللي جا اخيرا بعد طول انتظار والله حسيت كانه حدث حقيقي الله يرزق كل مشتاق الذرية الصالحة وتعالي لما الجدر وابو فراس يبكون ياا قلبيييي 💔💔💔 😻😻 ياا زين الاطفال وريحتهم وايديهم النتتتفففة 😻😻😻😻 المحظوظين جادل وطمطم عندهم بيبي سغير احد يسفرني عند امي ويجيبلي بسبوسي ابن عمي الصغير العزيز 😿 احمم نرجع لموضوعنا ايواا فلوة وطلال طلعو صدق ما افترقو بسبب العيال وان كنت انا شطحت بخيالي عشرين كيلو قدام .. يعني مدري لماسا دائما بتجنب التفكير ان العمة تكون سبب مشاكل للكنة رغم الحاجات الغريبة اللي نسمعها لكن اللي مسبب لي نوع من الاستغراب الحين بنت خالته بالفعل موجودة من قبل فليش ما زوجوها له ؟! وكمان ابو طلال له علاقة بالموضوع ومشكل مصدر ضغط مش بس امه .. زائد ان الدحمي كان باقي رضيع وقتها فيعني مش مستعجلين على بزر جديد مثلا ! باقي شي ناقص بقصتهم ما توضح ولا كيف ؟ وانا كمان مؤيدة لراي ام فياض .. رديلنا الشيبان قصدي الشباب لبعض ام رنا وارحمي قلب المسكين اللي يبا حرمته 😿😿😿 . . ننقل على الروس الكبيرة وتوابعها جادل وفياض طيب قبل ما نروح للحدث الرئيسي (وطبعا مفيش داعي اوضح مين الحدث الرئيسي داا) خليني اتجول على كم شي كذاا قبلها .. يعني مثلا كيف وافقت جادل تبيع المزرعة لفياض ؟؟ مع انها رافضة الفكرة قبلها رفضا قاطعا وكذا هل يعني يعني تركيه تدخلت وخبرتها مثلا باللي صار وانها تخاف من الطريق وتبا ابوها واهلها جنبها ؟ >> لاحظتي .. تراني بديت اشطح بخيالي حالياا 😂😂 طبعا مش هعلق على المستفزات حريم عمانها عشان الواحد مش ناقص مرار طافح ع المسا 😒😒 نجي لبعض الاشياء اللي كانت نقاط فاصلة نوعا ما بذا الجزء يعني مثلا فاطمة اللي تشوف نعومة ملامح الجادل ومش بس فاطمة لاا نوو ابسليوتلي الشيخ فياض بعد اللي شافها وضاعت علومه 😂😂 مش مهم ان درينا عن زينها من ذا الثنين مش من تركيه المهم انها زينة وبسسس 💃💃 والله هذا الفحل الله يرحمه له علينا جميلة صراحة اول ما جت سيرته قلت بياذي البنت وبعدين رديت تراجعت لحظيا اللي هو الفحل بالمزرعة وش يطلعه عند جادل ؟! طلعت ام رناا عندها افكار اخري اللقاء اكشن الحقيقة 😹😹 👏👏👏 والحين الجادل وفراس مثلا شكلو الهاء جديد لفرح عن جهازها ام فياض تباه يتزوج وهو من الفصول السابقة يحس بمسئولية بناته خصوصا فرح وكمان كمان شاف العروسة خلاص وعجبته يبئاا دفعة ياا ام رنوو معلش وساعدينا نوفق راسين في الحلال 😹😹😹😹😹 . . اييه حتى هنا وصلت لاخر الرد ولاخر رد بعد اذا اردنا الدقة الا لوو دخلت بعديييييييييين بعد نهاية الرواية وعلقت باذن الله والحمد لله جاية ع الموعد عشان اختمها خاتمة زينة غصة بقلبي وانا ماشية وانتي وباقي كاتباتنا موجودات بس الله يعين بس 💔 بدخل اقرا الفصول ان شاء الله وبعد بتفاعل معها تفاعل مقتصر علي انا وبسس صدق صدق حبيت ذا الرواية واجواءهاا وما تخيلت ابد يوم دخلتها اني ممكن ما اكمل متابعة الى النهاية اذا وصلتي لاخر ذا الرد تذكريني بدعوة حلوة كذا الله يهديني ويهدي دواخلي ويعينني اسعد نفسي واهلي يلا في امان الله ❤❤ |
رد: وجه البوم بقلمي / شبيهة امي
ام رنوووووووووووووووووو استني شوووي بس افوووق من الاغمائه واجيب ردي... ويــــــــــــــــــــــــــــــــــــل قلبي ويلااااااااااااااااااااااااااه.. الرجاااااااااااااال عشق جووودي.. واناا ادوووخ ..
|
رد: وجه البوم بقلمي / شبيهة امي
السلام عليكم
ماهذا الجمال الذي اخرجني من حالة الصمت . روعه ياام رنو راااااااائعه ماشاء الله تبارك الرحمن وصف جميل وصف يخلينا نعيش الجو ونستمتع احنا في جده ماعندنا ذي الأجواء بس عشتها معاك ام رنو السلاسه والواقعيه والبساطه في الوصف ميزت قصصك وخلتنا نعيش مع ابطالك الفرح والحزن وكل المشاعر .روايات محترمه وجميله ومريحه للأعصاب مشكووووره ياقلبي على كمية الجمال اللي نحسها معاك قبلاتي من هنا لعندك |
رد: وجه البوم بقلمي / شبيهة امي
السلام وعليكم السلام ورحمة الله وبركاته
اعتذر جدا على اللخبطه اللي صايره بالجزء من نقص لبعض الحروف انا نسختها من الورد والنص كامل ولي كم وانا انقح فيه واصحح واليوم اكتشفت ان الحروف ناقصه اعرف ان هذا يخرب على مزاج القارئ للاسف مدري كيف حصلت هالمشكله بحاول ان شاء الله اعدل النص وسامحوني |
اول شئ قبل ما بدا شكرًا اللي تحت الردود والأصبع اللي مسوي أوكي وين تلقونه أنا اكتب من الآيباد ولا الجوال ولا عندي شئ حطو لي شكرًا وأصبع فيس يترجى
نجي للروايه والجادل ذكرتني بقصيدة بدر بن عبدالمحسن الجادل اللي فيه زين ومهابه يفز له قلب وتخضع له الرقاب في حجر عينة لي غدير ومهابه. وفي وسط قلبي له تناهيا وعتاب أن قلت احبه يكفي القلب مابه وان قلت أنا مابيه بصير كذاب يكفيتس يالجادل أبيات بدر بن عبدالمحسن بس تدرين أحس الله بياثرتس على حريم عمانتس وبتاخذين فياض وبيوصلتس السماء بعدين انتي ما تشوفين عمرتس في المرايه يا لخبله ليه ماتكسرين عينهم بهرجهم فيتس ورايهم زينتس واضح ياختي وصكي خششهم وطلعي جمالتس إلا هي كم عمرها زوجيها شبية خلينا نشوف رمنسية فياض معها مبروك مبروك مبروك أبو فراس وأم فراس جعله عبد صالح يازينكم وطيب فعلكم مع الجادل الفعل الطيب ما يضيع عوضكم ربي أم فياض وعائلته الطيبه الله يسعدكم وين مارحتو حبيتكم مروره تستاهلون الجادل جاءتكم ضيفه جديده تنضم للأسرة الراقية أم عبدالرحمن ارجعي الرجالتس ذبحه الشوق لتس الحب لتس ياختي ارجعي وغيضي العذال خليهم يشوفون دلعه لتس وجيبي خوان اللدحمي شبيهة تصدقني أني اعرف رواياتس لو ما قريت الاسم قولي وشلون انتي تفصلين ماشاءالله عليتس تفصيل كامل وكل الرواية سوالف أحس جلستك من أسلوب كتابتك رايقه |
رد: وجه البوم بقلمي / شبيهة امي
السلاااااااااااااااام عليكم مرحباااااااااا ملااااااايييييين بالحامل والمحووول والمحمووول اليه.. ام رنووووووو تعالي هاتي بوووسه على هالابداااع بسم الله ماشااءاا الله تبارك الله.. احب اهنيتس يااقلبي لانتس قصرتي الزمن للابطال .. والله حركهه روووعه روووعه روعه ممره يوم انتس خليتي فياض يسكن بالديره ويبيني بيت ويشري المزرعه .. وعقب الروايه تتقدم شهر وتولد فطووم فراااس .. والله ابدعتي يااقلبي.. وخليتي الاحداث تتسرااع بدون ماتتشوه الروايه.. ام فراس وابو فراس... الف الف الف مبرووك ماجاكم والله يرزقهم بر فراس وتشووفون اخوانه وعياله ياارب.. جوودي الف مبرووك ولد اخوووتس يااعميمه.. والله اني دااريه انتس بتكووونين حلوه وجذابه ومملوحه .. والله اني مت مت مت الضحك يووم ان فيااضي اووول مرره يشووفتس فيها شاف وجهتس وامه وبناته اللي متبطحين ومتسدحين عندتس للحين ماشافووو حتى جبهتس..هههههههههههه.. استنووني شوووي جودي وفياااضي للحين ماخلصت منكم شووي وارد لكم..بسير على طلال وفلوه. طلال وفلوووه: بجد بجد ياافلووه انا معتس وين طلال عن بنت خالته قبل مايتزوجتس ..؟؟ واامه هذي عجوز ابليس تووها تصحى وتدري ان لها بنت اخت خوا جنبها يااارب..واللي قاهرني صدق ان شيبة عرعر ابوه بعد يبي بنت هالاخت لطلال ..ليه ياا الشيبه المهذري وينكم عنها قبل؟؟؟ وش اللي خلالكم تصحون لهالبنت الحين وتبون طلال يتزوجها عقب ماتزوج وجاله ولد؟؟ فكرت ا ن اهلها ماتوا وبغتها خالتها تجي وتعيش عندها.. بس بعدين قلت لأ لان فلوه تقول امك تبي تربيني؟؟؟ يعني العجووز الحقووود ناااويه على الشر والقشر .وعساها ماتت مثل ما مات ابو فلوه ونخلص من ناس تعبانه وتبي تنكد على ناس ثانيه؟؟ اتوقع انه العجوز للحين حية تسعى.. ويمكن تجي شخصيا تبي فلوه ترجع لطلال.. اقول لاايكون هالعجوووز مقاشره فلوه عشان نوم فلووه ثقيل؟؟؟؟ والله هالعجز ماينعرف لهن؟؟ عاد تدري طلال انا ارتحت لك وبووقف معك عشان ترجع لك فلوه.. بس السؤال .انت طلقتها و الا للحين زوجة لك بس انتم منفصلين؟؟؟؟؟؟؟؟؟؟؟؟؟ يمكن ان الدحمي يكون سبب في رجعة امه لابوه..؟ تركيه ولمياء وفرح.. اتوقع ان علاقتهم بتزيد ترابط وفرح بتصير كل شوي رايحه جايه على فراس وتحت عين الجادل .. فياااضي وجودي: احممم احممممم... ياازينكم زيناه.. والله من شفت الفحل وحركاته اني داريه انه بيجمع بينكم..ونفس تووقعي بالضبط صاااار .. بس تفووقتوا على توقعي بحركه البرقع اللي طار من الهوااااء.. هذا صرااحه ماتوقعته والا متوقعه ان الفحل بيهجم على الجادل وانت ياا فياض بتنقذها بس طيران البرقع هذاا احسن الف مرره من توقعي. الا فاااق كل تووقعاتي هههههههههه تعال عاد وعلمني وش راايك باللي شفته؟؟ اجل راحت علوومك ياافياااض.. خاابرين ان علوومك بتروح ياا الشيخ..هههههه الحين عاد جا دور ام فياااض وتجيب طاري تزوجيه وهو بيتذكر على طووول الجادل وبيقوول لامه تطبها له..الخطه كذا تمام..هخهخهخه بس اعتقد انه بيتوقع ان الجادل متزوجه ؟؟ ويمكن يشوفها بيوم شاايله فرااس ورايحه تهجول فيه بالسيااره وبيقول الحرمه تقحص بولدها بالسيااره..هخهخهخه ويمكن يمكن مايدري الا وبنته فرح معها بالسيااره بعد..وبيعرف منها تااريخ الجادل كله.. حريم العمان مايتساهل ان الواحد يذكركهن ويخسر حبر عليهن..هخهخهخه بس احب اقوول لهم قرررريــــــــب جدااا باذن الله بتموووتن غيض وحره .. على طاري هالسلق حريم العمان ,, ام فراس ليش ماعرفتهم على ان اام فياض هي ام فياض الفياض اللي شرى مزرعتها؟؟؟؟؟ اتوقع ان لها هدف .. وانها ترسم على تزويج هالرجال للجادل ..للله درها ان كان هذا تفكيدها؟؟ بس اتوقع انهم عارفات العلم كله ويمكن بعد بيصيرن يرسمن على الرجال عشان ياخذ وحده من بناتهن.. مير يعقبن والله ثم يعقبن فياااضي ماله الا جدووله وغيرها تاكل تبوله..هخهخهخهخه ام رنوووووو تسلم الايااادي يااقلبي والله خاطري ان ردي يكون احلى من كذا ويبين كيف انا اسمتعت بالبارت بس والله دااايخه الحين ولو حصل لي فرصه ثانيه بحط لي تحليلات وتوقعات تجلطكم..هخهخهخه بانتظار البارت الجاي اذا الله احيانا فلا تتركين انتظارنا يطووول يااعسل... دمتي بود معزوووفه ونووووف الانقليزيه مرحبااااااااا ملاايين فيكن حبيبااتي والله من شفتكن ماتتخيلون فرحتي فيكن باذن الله تكون بدايه لعودة الغوالي كلهم ياارب..>>قلووووب من عندي لعندكم.. |
رد: وجه البوم بقلمي / شبيهة امي
هالروايه في القمه عندي الصراحه كل يوم ادخل اشوف نزل بارت والا لا
قريت رواياتك كلها مبدعه شبيهة امي فياض الفياض حالته الان يتقلب على الجمر الصراحه توقعت ان وحده من بناته تشوفها ماجاء على بالي انه هو بيزاته اللي بيشوفها استمري واحنا معاااااك |
رد: وجه البوم بقلمي / شبيهة امي
بنات وش فيه المنتدى كل ما أدخل يفتح لي نافذة تحميل والغيها وأمس كتبت رد لرواية أم رنا على وورد ولمانسخته وبألصقه في صندوق الرد مايفتح لي نافذة اللي فيها النسخ واللصق أنا متعوده بعد طيران الردود أكتب ردي في وورد وبعدين أنسخ وألصق حتى لو طار عندي نسخه واليوم حاولت مره ثانيه أنزل ردي ونفس المشكله يعني لازم أعيد أكتب الرد في صندوق الرد الحال هذا معي أنا فقط والا مع الكل لانسخ ولا لصق غير نافذة التحميل اللي تفتح لي كل مادخلت الغيها وترجع تظهر أزعجتني طيب الرد ممكن اكتبه في صندوق الرد لكن الروايات اللي ناقلتها انا في العام كيف انزل فصولها هنا مستحيل اكتب البارت لافي حيل ولا وقتي يسمح شوفوا لي حل |
معزوووفه ونووووف الانقليزيه مرحبااااااااا ملاايين فيكن حبيبااتي والله من شفتكن ماتتخيلون فرحتي فيكن باذن الله تكون بدايه لعودة الغوالي كلهم ياارب..>>قلووووب من عندي لعندكم..
الله يفرحتس بمايسرتس صدق جو الروايات ومتابعتها والرد عليه غير القلوب وصلت وجاتس مثلها استلمي |
رد: وجه البوم بقلمي / شبيهة امي
صباح الفل الي الحين انا استوعبته ان الجادل مو شينه بس عيونها مميزه و ممكن مع نعومة ملامحها تعطي غرابه فياض من نظرة طاح و بنته الظاهر من الجادل بتتحسن احوالها خاصه ان لقت فيها شي يذكرها بأمها و اعتقد هالشي بيجذبها للجادل و هي البداية |
رد: وجه البوم بقلمي / شبيهة امي
مره ليلاس متغير النواافذ المنبثقه والدعايات الفاضحه مانقدر نرد ولا نفتح الصفحات
وش الحل |
رد: وجه البوم بقلمي / شبيهة امي
للاسف التصفح جدا سئ
وككثثير صفحات واعلانات نبي حل للمشكله اذا ممكن حل جذري ونهائي عموما اللي مو قادر يقرأ هنا الجزء موجود بمدونتي http://a2zaz.blogspot.com/?m=1 |
رد: وجه البوم بقلمي / شبيهة امي
كلام الأخت شبيهة امي صحيح ...اصبح تصفح موقع ليلاس سيئ لكثره الإعلانات التي تغطي اغلب الصفحة وبالتالي لا نستطيع القراءة ومع كثرة محاولاتي للدخول الا أني لا أستطيع لذلك نرجوا من ادارة الموقع اجاد حل لهذا الامر وشكرا
|
رد: وجه البوم بقلمي / شبيهة امي
الله يسعد قلبك ام رنو
زي ماتسعدينا ردي والله مدري كيف جاي من حركات المنتدى معنا الف مبروك قدوم فروسي وان شاء الله دعوة ام فراس لسماء وتتزوج الجادل فياض ويجيكم الي يسلي فرح وينسيها الاجهزه حريم عمام الجادل مدري شقول بس يعني لاخيركن ولاكفاية شركن ماعليه الوعد قدام. الجادل اليوم البوك رازه فيه البطاقه الذهبيه وبكرا تتزوج فياض الفياض على سن ورمح وماضنتي دعوات فاطمه بتروح كذا دعوتها من قلب وكانت محتاجه للجادل بنشوف وش شعوركن وش بتقولن عن وجه البوم والله محد غيركن وجه شؤم ولا يحسب لكلامه المنتدى عقدني مااعاد اعرف حتى اكتب رد اكتب وارسل اخاف يروح علي رد |
رد: وجه البوم بقلمي / شبيهة امي
الحرمه الي شافها فياض الله اعلم انها الجادل
والفحل الي راح يا فياض جاتك بداله بكرااا مالها مثيل بس عاد لاتقعد تحوس وتردد اذا قالت لك العجوز امش بنخطب لك انت قل قدام يا ام فياض تراها تعاني الي كم يوم ماتمسي ليلك لين العجوز تقرر نرجع لفلوه عسى ماشر ياطلال ماخساره الا اسم وليدي فيك واذا حلفو اهلك محد ماكلها غيرك حلوف كفر عنها وزوجتك اذا. هي معجبتك واجوديه كان افضل حل تبعدها عن مجال وصول اهلك لها لين تهدى العواصف الي بينكم الحين عاد اكل خبز ايديك فلوه بنطلقها من شاربك وبنزوجها واحد اجودي من الديرة ديرة الجادل وانت خل ضعف شخصيتك ينفعك بااارتات جدااا جميله لكن فعل المنتدى فينا ابدااا ماهو جميل ماغير يحذف بنا في انتظار القادم ام رنو |
رد: وجه البوم بقلمي / شبيهة امي
إلي يعانون من الدعايات و يستخدمون تلفونهم خل يقلبون التصفح لنموذج تصفح الكمبيوتر مو نموذج التلفون بيتسنع المنتدى معاكم ان شالله :) |
رد: وجه البوم بقلمي / شبيهة امي
كيف التغيير من جوال للتصفح العادي حاولت ونسيت الطريقة؟
|
رد: وجه البوم بقلمي / شبيهة امي
حيالله الحامل والمحمول من طول الغيبات جاب الغنايم بارت رااااااااائع جماله و طوله وياليت دوم تكونين كريمه في طول البارت تسلم يمينك لا خلا ولا عدم منك يارب ابدعتي أم رنا في الوصف وخليتينا نعيش اجواء الطبيعه وفرحة فطوم وزوجها بالمولود فلوه معها حق تطلب الطلاق مادام هذا كلام أمه وهو ماشي وراها أما عاد اللقاء اللي جاب راس فياض يازينه وفياض ضاعت علومه من شاف شيء بسيط من وجهها كيف لو شاف وجهها كامل هالحين فياض بيفكر فيها وبيغير رايه في الزواج لكن كيف بيعرف من تكون عاد أتوقع أنه بيعرفها من سيارتها بيشوفها واقفه عند بيتهم لما يزورهم أو يودي أمه وبناته لهم وأكيد بيسمع من أمه وبناته عنها وبيروح لأمه يعني بيرضيها وبيتزوج ويطلب تخطب له الجادل لكن الجادل لو عرفت إنه هو اللي قابلها هل بتوافق أو بترفض الظاهر إنها أخذت فكره عنه ماهي زينه منتظرينك أم رنا تكفين لا تطولين علينا الحمد لله أخير ظهر عندي خاصية النسخ واللصق |
رد: وجه البوم بقلمي / شبيهة امي
السلام عليكم ورحمة الله وبركاته
شكراً شبيهة امي لأنك رجعتينا للأيام الخوالي💔❤ اعجبتني القصه وستايلها احب القرى البسيطه والبراقع والبر والربييييع فياض يوم شاف جزء من وجه الجادل (اظن انه شاف الجادل)صح وانفتن باللي شافه يدل على انها مزيونه والا هو مبطي عن الحريم!!! اظن انها مزيونه وخصوصاً ثغرها اللي دايم يتغزل فيه الشعار لا جوا يتغزلون اتوقع فياض عرف منهي الحرمه من سيارتها المقربعه😬 ياليت يلحقها للبيت ويطلبها من جدها بإنتظار الجزء الجديد على احر من الجمر |
رد: وجه البوم بقلمي / شبيهة امي
عدنا من جديد بتوقع ..
الصور اللي تصورها لمياء لابوها فياااضي اتووقع ان جوودي بتشووفها وبتعرف الرجال انه ولد ام فياض ..هذاا اذااا اصلااا هي مااا فكرت انه فياض. هذا الرد بعد كان تست لخاصيه اللصق .. وتمت بنجاح... |
رد: وجه البوم بقلمي / شبيهة امي
السلام عليكم
الحين ياترى الجادل بتقول لجدها وش صار لها والا؟! والله صعبه تقوله بتخوفه عليها وهو مايتحمل وصعبه بعد تقوله فيه رجال غريب شافني !! وبنت مثلها صار لها موقفين كل واحد اصعب من الثاني يفكها الله من الموت... ويشوفها رجال غريب عنها وهي حتى الحريم ماشافن وجهها لابد بيبان عليها انه فيه شي صار لها والشيخ فياض الله يعينه على خسارة الفحل صعبه عليه بعد هو انه ذابحه بيده معروف تعلق ملاك الابل بحلالهم وش بيقول للناس حوله سبب ذبحته للفحل وامه ياترى بيقولها عن شوفته للجادل بإنتطارك شبيهة امي لاتتأخرين علينا |
رد: وجه البوم بقلمي / شبيهة امي
السلام عليكم
اناااا جيييت عذرا على التأخيير بس وش يقول المثل ان تأتي متأخرا خيرا من الا تأتي ابدا ارد على ردودكم وانزل الجزء ان شاء الله |
رد: وجه البوم بقلمي / شبيهة امي
بسم الله
سلمى سعسع حبيت حماسس للجزء بس ياليت تعطيني تعليق بسيط عن اللي قريتيه شيماء علي الله يحفظس ويسعدس وربي يسهل لس امورس وترجعين تنورين ليلاس بتعليقاتس العسل زارا مافي وصف لتعليقاتس توفيها حقها الله يسعدس تحمسين الكاتبه انها تجتهد اكثر سمرو نورتي ياقمر كلامس وسام اتشرف به الله يسعدس اما بالنسبه لجده غير لا تشكين لي ابكي لس NoOoFy احب الردود اللي تستشهد بابيات شعر ردس من كثر ما طيرني وانبسطت فيه نزلته بالانستقرام الله يسعدس ريما حرب نورتي يا جميلة الله يسعدس كلامس وسام اعتزبه فيتامين سي ام جمال دايم ردودس وافيه الله يسعدس وردة شقى منورتني يا وردة الله يسعدس انا اتصفح من الجوال وبخاصية نموذج الكمبويتر ومع ذلك كان مررره صعب ومليان صفحات منبثقه وراا بعض بشكل مستفز اللوتس الفواح و الصفا الشرقي و اغلى دانة انتظر تعليقاتكم الله يسعدكم طيف الاحباب ام الوليد شكلس مره ما حبيتي طلال هههه الله يسعدس الضوء الهادي نورتيني يا ضوء الله يسعدس :liilas: |
رد: الجزء السادس وجه البوم بقلمي / شبيهة امي
بسم الله -٦- أبي منه الخبر ويقـول لـلاه لِفا المرسول وماعيَّـن محلَّـه وقلبي تايهٍ مِـن عـام الاوَّل ألا يالله يسَّـر مـن يدلَّـه خذاه الَّلي على خدَّه علامه سوادة غيم في شمسٍ مطلَّـه سرقني مادريت إنَّه سرقنـي سلبني و أحسب إنَّي فاطنٍ له أنا يوم أرسل عيونه لقلبـي عطيته مُهجتي والمعطـي الله نصف زين الخلايق في عيونه وباقي الزَّين في باقيـه كِلَّـه الزمن : قبل اسبوعين المكان : بيت الجد الجادل مشغوله بالمطبخ تجهز الغدا اليوم ابو فراس بيجي من الرياض اتصل عليها وقال: جهزي الغدا بتغدا معكم واقفه بالمطبخ وتتسمع اذاعة القران بالها خالي من اي تفكير دام جدها وابوفراس وفاطمه وفراس بخير على صلاة الظهر دخل عليها ابو فراس وسلمت عليه بحراره : ماكأنك تأخرت قلت يومين بس والحين لك خمس ايام ضحك ابو فراس وقال :كنت مشغول بس اراكض ابي اخلص اشغالي وسحب يدها : تعالي تعالي واخذها لحوش الحريم وتفاجأت بالسياره اللي بوسط الحوش سيارة GMC غماره اخر موديل بلون فضي ضغط ابو فراس بيده الريموت واشتغلت السياره قالت الجادل : ماشاء الله وش هالزين بارك الله تتهنى يا اخوي قرب منها وفتح يدها وحط الريموت بيدها : مبروكه عليتس يختي الله يعطيتس من خيرها ويكفيتس شرها طارت عيونها من المفاجأه وتلعثمت : لي انااا تناظر بالسياره وترجع تناظر اخوها قال ابو فراس : هذي هديه بسيطه لتس ولا هو بقدرتس عندي قالت وعيونها تغورقت بدموعها امتنان : بس مرره كلفت على عمرك وبعدين توك مهديني الشهر اللي فات طقم ذهب وبذيك الحسبه ضحك وقال: هذاك الطقم شراكة بيني وبين فاطمة شفتها بتشتريه لتس قلت بالنص بيني وبينتس شفت هالسيارة وقلت هذي اللي تليق باختي اماسيارتس القديمة خلاص تصير للعامل وحاوط كتوفها وقادها للسياره تعالي خليني اعلمتس عليها وجلسها بمقعد السواق وهو جلس جنبها واخذ يشرح لها كل شي عنها ضحكت الجادل وهي فرحانه بالسياره : الحين وين بسوقها مافيه الا هالبران قال ابو فراس :اي عادي سوقيها بهالبران يا أغلى من ساق سياره الله لايخليني منتس ياخلف امي وابوي . . . بعدها بأسبوعين.. . . اليوم الجو صحو غيوم متفرقه ودرجة الحراره منخفضة بس دام الشمس ساطعه يصير البرد محتمل بعد اسبوع ممطر ربعت الفياض وازهرت والعشب بكل مكان هو نفل هو شيح والا خزامى والاحميض والا رمث وقيصوم من كل شكل ولون الربيع اغراني اروح أعشب و ركبت سيارتي واتجهت للفياض القريبه من مزرعتنا وقفت بروضة وانا اتأمل هالجمال سبحان الله اللي احياها عقب ماكانت صحاري جرد اخذت المحش والاكياس اللي اجمع بها مشغله رادو السيارة على اذاعة القران تسليني واخذه راحتي يالله لك الحمد امن وامان ومنهمكة احش من هالاعشاب واذكر الله على هالربيع فجأه رفعت راسي واخذت نظره على المكان اللي انا فيه الا ذاك البعير اللي يركض ناحيتي مقبل علي ووراه سياره جيب طااااايره ومعلق على البوري مدري وش جاني رجولي حسيتها تخشبت تصنمت ماقدرت اهج واهرب عن البعير اللي يرغي ويزبد لا ارادي نزلت برقعي على وجهي وقلبي بينشلع من الرعب والخوف قرب مررره البعير ماعاد الا يدعسني وغمضت عيوني بقوووه ومن الخووف ماعدت اسمع ولا اشوف ولا اتنفس وبقلبي اتشهد اشهد ان لا اله الا الله واشهد ان محمد رسول الله وصم اذني صوت الرصاص وراا بعض وصراخ رجال علي فتحت عيوني بذهول انتي صمخا عميا ماتسمعين ماتشوفيين انتي امتلت عيوني بالدموع وعيوني على البعير اللي طايح ودمه ملى الارض حوله وبنبرة خوف على ذهول لييه كذا وش صار وبعدين ليش تصارخ علي ومن تكون قهرني وهو ينافخ علي فجأة هب الهواء وارتفع برقعي وانكشف وجهي شهقت يافضحي فضحاه ابي الارض تنشق وتبلعني ابي اهرب وتجي عيني بعينه واقف بثوبه البني ورشاشه بيده وعيونه مانزلت عني صرخت به : اكسر عينك عمت عينك ركضت للسياره بسرعه ابي اهرب واختفي وهو وراي يبربر مدري وش يقول ايديني تتراجف يالله ماسكة الدركسون ونبضات قلبي صمت أذاني وصلت البيت ودخلت السياره بالحوش وسكرت البوابه ودخلت للبيت ألهث ياربي رحت للمطبخ واشرب مويه ولا رويت دخلت غرفتي فيني رجفه توضيت وفرشت سجادتي ابي اهدأ صليت ركعتين والحمد لله كأني احسن اخذت لي حول ساعه جالسه على سجادتي :الجادل ألتفت وراي الا هذا جدي وقلبي قام يرقع جدي وش جايبه هالحزه ماهو بوقته لايكون درى عن اللي صار ابي اقووم اشوف وش يبي تعقلت رجولي جا هو وقعد جنبي : بسم الله عليتس علامه لونتس مخطوف؟ قلت بسرعه :لا مافيني شي انت قلي وش فيه غريبه ماهي بحزة جيتك قالي :جانا ضيف ابي القهوة وان طاوعني يمكن يتعشى عندنا فزيت على حيلي : ابشر هالحين اجهز القهوة رحت للمطبخ وجدي راح لضيفه جهزت القهوة والقدوع والاقط اخذت الصينية ونزلتها عند الباب دقيت الباب وانتظرت الى ان اخذها جدي ورجعت اشوف شغلي طلعت برى البيت احط الخبز الناشف عشان ياخذه الراعي واشوف ذيك الشوفه اللي ماتسر شفت جيب اللي ذبح البعير واقف عند حوش الرجال واحط الخبز بسرعه وارجع للبيت واصك الباب بيدين تتراجف معقوله لحقني؟ معقوله عرف من انا؟ جلست بغرفتي ابي اهدا اخاف يجي جدي ويشوفني بها الحاله دقايق واتذكر اني وانا راجعه عيوني على المرايه اشوف احد لحقني او لا وغير كذا سيارتي داخل الحوش والباب مقفل قلت لنفسي ابي اطمنها ارتااحي محد لحقتس ولاعرفتس اصلا ليش بيلحقني الحمد لله والشكر ***** بعد صلاة المغرب جلسة رايقه تجمع الجده وفلوة و ولدها وبنات فياض في المزرعه فرح تلعب مع الارنب الابيض الصغير مرررره مبسوطه فيه واليوم اشترت له شريطة حمرا والان تحاول تربطها له فيونكة على رقبتة ناظرت بالدحمي : تكفى تعال ساعدني ترك كوب االنسكافة وقرب من فرح واخذ الارنب من يد فرح : هذاني مسكته لك يالله واخذت الشريطه وربطتها قالت الجدة : يابنتي لا تزنطينه فكي الشريطه قالت فلوة : يمه ما راح تزنطه بتحطها وماراح تشده على رقبته صح ماما تقاربن تركية ولميا من بعض وحطن روسهن على بعض قالت تركية بهمس ونظرة رضا : لميا ملاحظة ردت لميا وعيونها على فرح: اي والله تطور ماكنت اظن انها بتسكت وتلهى بشي ثاني بعد ما خربتي الشاحن الجديد تركيه: الله يجزاها خير الجادل اللي اهدتها هالارنب اثناء الجلسه وصل فياض ووجه ما يتفسر فزت ام فياض على حيلها : بسم الله عليك وش فيك وعيونها على ثوب فياض اللي مرشوق بالدم واقبلت عليه بتحضنه رفع ايدينه مايبيها تلمسه وحاوطنه البنات والدحمي ونظرات القلق تملاهم قال عبد الرحمن :خير ياخالي عسى ماتعورت رد بجمود : انا بخير واشر على ثوبه اليوم هاج الفحل وهرب واضطريت اذبحه ورفع رشاشه اطلقت عليه شهقت فلوة : عسى ما ذبح احد قال فياض ومشهد الحرمة يتمثل قدامه الله ستر وسلم قربت منه فرح وضمته من وسطه بدون كلام بس عرف وشتبي تقول وايش هو احساسها قال: فروحتي انا طيب يا ماما بس قرفان من نفسي خلوني اتروش واغير وابي ارتاح من الظهر وانا اطارده سحب كل طاقتي وحيلي وتركهم وتوجه لغرفته وبلحظات كان متروش ومغير ومنسدح على سريره يحاول انه يرتاح غمض عيونه ونط هالسؤال لذهنه وين ممكن تكون اختفت؟ . . . بعد ما راحت واتبعتها بنظراتي لقيت نفسي اركب سيارتي وأحاول ألحق اثار سيارتها مشيت الى ان وصلت لمزرعة جد ابو فراس طلع لي ولزم علي بالقهوة ولحقته بسيارتي وعيوني تدور سيارتها الفضيه دخلنا بيتهم المتواضع اللي مايبعد عن المزرعه كثيير لي جالس مع الرجال نص ساعه وعقلي ماهو معي سألته من حولكم جيرانكم قال ابو فارس : اخر مزرعه مزرعتنا وقبلنا مزرعة ال الناجي تبعد عنا ثلاثة كيلو وبعدنا ماتلقى الا النفود قلت : كيف الربيع هالسنه ياعم قال وهو يقرب لي القدوع : الحمد لله خير هالسنه احسن من العام جلست شوي معه و تشكرت منه انهيت الزيارة ركبت سيارتي وكل فكري وين اختفت ومن تكون ؟؟ تقلب على سريره وكأنه على شوك اشغلتيني يا بنت الاجواد ****** بعده بكم يوم فاطمة شايلة فراس وواقفه عند الجادل بالمطبخ :تعالي هنا قولي لي وين عقلتس اكلمتس وما انتي معي ابد قالت الجادل وهي تشيل القهوة وتتوجه برى المطبخ : تعالي للحوش نتقهوى واعلمتس جلسن بالحوش قالت الجادل وهي متردده تقول لفاطمة او لا : قبل كم يوم صار لي موقف ومن ذاك اليوم وانا قلبي منخرش كل ما سمعت صوت سيارة هبط قلبي قالت فاطمة : خيرر قولي اشوف تلفتت الجادل وهي واثقه ان مافي احد حولهم بس زيادة تأكيد :مو قلت لتس قبل كم يوم بروح اعشب قالت فاطمة :ايه ردت الجادل : رحت وحكت لفاطمة كل اللي صار حتى وصلت لهبت الهوا ورفعت البرقع صارت عيون فاطمة قلووب وضحكت وصفقت بيدينها :اييييييه وبعدين قالت الجادل وهي معصبه :وش بلاتس استانستي قالت فاطمة :خليني وكملي الحين وش صار بعدها قالت الجادل :هربت وهو بعدها لقيته وراي جاي لجدي قالت فاطمة بفررحه : الله اكبر لحقتس الفارس المغوار ردت الجادل : مدري هو لحقني والا صدفه ما سألت جدي عنه ولا ادري منهو قالت فاطمة : اوصفيه لي وانا اقولتس منهو ردت الجادل وحمر وجهها :وش اوصف فيه رجال بلحيه و شعره طويل فوق اكتافه هذا اللي اذكره قالت فاطمة وهي تضحك :طيب دب نحيف ابيض اسمر طويل قصير ردت الجادل بنرفزه : والله مدري عنه ما اذكر الا لحيته وشعره لاني ماقد شفت شعر رجال طويل وناعم كذا قالت فاطمة :الله الله ردت الجادل وعيونها تقدح شرر على فاطمة :خلاص بس انسي اللي قلته لتس بس انا اعلمتس يوم تقولين وش اللي مشغلني والحين علميني متى تمايم فراس ان شاء الله قالت فاطمة : بعد بكرة ان شاء الله الخميس الحريم عندنا بالبيت والرياجيل بالقاعة اللي قدام قصر الامارة قالت الجادل :على خير ان شاء الله ردت فاطمة :من بدري تعالي وكملن كلامهن عن تجهيزات تمايم فراس ****** يوم الاربعاء جدي توصلني لبيت ابو فراس فاطمة تبيني اقعد عندهم الى بكرة قال جدها :خلاص نروح العصر عشان اروح للديره اقضي للمزرعه والمزارع يلحقني بسيارتي نحملها و على صلاة العصر وصل الجد الجادل بسيارتها لبيت اخوها نزلها واخذ السياره عشان يتلاقى هو والمزارع بسوق الديرة وهناك بالسوق وقف سيارته وراح يقضي اشغاله وحمل سيارة المزارع باللي يحتاجونه ولمن رجع لسيارة الجادل لقى فيه سيارة جيب مقفله عليه مايقدر يطلعها دقايق وجا صاحب السيارة فياض الفياض وهو يتعذر من الجد ****** صليت العصر وتوجهت لسوق الديرة اقضي للمزرعة وتوني داخل السوق واشوف سيارتها الجمس الغمارة الفضي واقف وقفت ورا السيارة بالتمام ابي اشوفها وابي اعرف منهي ومن تكون نزلت من سيارتي واخذت لي مكان اشرف منه على السيارة عشان اول ما تركب سيارتها اكون قريب مرت خمس دقايق عشرة ربع ساعه نص ساعه وانا واقف جاني اتصال رديت كان طلال ابو عبد الرحمن حاولت اصرفه ما ابي افقد اثرها لدقايق ألتهيت بالمكالمة وانهيتها وارجع اناظر على السيارة لقيتها شغالة رحت بسرعه ووقفت عند شباك السايق وانكسحت يوم شفت لحية جد ابو فراس الحمرا ما تصورت ان بتكون نفس موديل السيارة عند احد ثاني تعذرت منه وركبت سيارتي وحركتها وقفت بموقف ثاني ورحت اكمل مقضاتي اللي ما بديت فيها وانا ألوم نفسي وتفكيري الي مسيطره عليه ام برقع يهفهف ******** عصر الخميس في مزرعة فياض ام فياض وفلوة جالسات يتقهون قالت ام فياض متى تبونا نروح للتمايم قالت فلوة انا من الحين جاهزه جلابيتي علي بس اخط الكحل واحط الروج وامشي قالت ام فياض لاتحطين شي يقعدن هالحريم يتمقلن بك ضحكت فلوة : يمه وش علي منهن انتي بس شوفي لميا وش بتلبس هي اللي نبهيها لا تتهور وتنسى اننا في قرية دخلت لميا وهي تتثاوب : والله لو ماهو خاطر ابلا فاطمة والجادل كان نمت جايتكم من الجامعه للمزرعه طيران وناظرت بجدتها :لا تخافين ياجدة ماني منزلتن عباتي وان نزلتها بكون لابسه فستان طويل وواسع قالت ام فياض :عفية على بنيتي المزيونه روحي تمددي شوي يابنتي وعلى صلاة المغرب اجهزي لان العشا نصلي ونمشي على صلاة العشا راحوا كلهم لتمايم فراس ام فياض وفلوة والبنات وفياض وعبد الرحمن عند بيت ابو فراس قال فياض لامه قبل تنزل: يمه انا بعد العشا برجع للمزرعه وانتو متى ما خلصتوا كلموا عبد الرحمن يجيكم قالت ام فياض: ان شاء الله ريوس عشان يرجع بطريقه وشاف السيارة الفضيه واقفه قدام البيت تنهد فياض من كل قلبه وحرك سيارته متوجه لعشا الرجال ****** تزين البيت بالانوار مثل ما زين فراس بيت امه وابوه اليوم تمايم فراس بعد صبر عشر سنوات ربي عوض عليهم بولد وكل الدعوات بأن يكون صالح بار بوالديه دخلت الجادل على فاطمه بالمبخرة تبخري وانا اختس ولاتنسين تقرين على نفستس وعلى فراس قالت فاطمه وعيونها تغورقت بدموعها وهي تناظر بفراس : اللهم لك الحمد كما ينبغي لجلالك وعظيم سلطانك الحمد لله اللي تم علي هالنعمه ورزقني بفراس تأثرت الجادل بدموع فاطمه: ياقلبي الحمد لله اللي عوض صبركم خير باست فراس واخذ المبخره يالله ياقلبي الناس على وصول عشان تستقبلينهم وبدأوالضيوف بالوصول وامتلى المجلس بالمحبين والمهنئين ابلا فاطمه حبايبها كثيير والكل حاب يهنيها بعد ما تعشوا الضيوف و انتهت المناسبه ودارت الجادل ببخور العود ومابعد العود قعود بدأوالضيوف يتناقصون دقت فلوه على الدحمي عشان يجي ياخذهم لبسوا عباياتهم بيطلعون مسكتهم فاطمه والجادل : وين ماشين ماشفناكم ولا شبعنا منكم قالت ام فياض تشوفكم العافية وربي يصلح لتس ماعطاتس قالت الجادل : خاله ام فياض اقعدوا شوي والله ما جلست معكم قالت لميا :جده شوي بس قالت فلوة تتعذر: والله عبد الرحمن برى ينتظر قالت جادل : انا اوصلكم لمعت عيون لميا وتركيه وناسه وقالت تركيه : جده حنا بنقعد شوي مع الجادل وفاطمة قالت ام فياض بتعتذر :والله يابنتي كلفه عليتس قالت الجادل: ابد ماعليتس ياخاله اصلا انا ابي ونس للطريق ابي ارجع للمزرعه وبيتكم بالنص خلي البنات يونسني قالت ام فياض :خلاص توكلنا على الله انا وفلوة وفرح بنروح مع عبد الرحمن وانتن تجن مع الجادل عبرت لميا عن فرحتها: هييييي عاشت جدتي بنفلها الليله مع الجادل ضحكت الجادل : ابد تولمي يا قلبي . . بعد ساعه فتحت الجادل السياره بالريموت قالت تركيه : عجييييب ماشاء الله والله ماتمزحين يالجادل اخر موديل سيارتك قالت الجادل : الله يسلمتس هذي هدية اخوي لي لميا طبعا مبهوره بالسياره وان الجادل بتسوق بهم قالت بعد ماركبن السياره وحركت الجادل في طريقها جادل : تكفين علميني اسوق قالت الجادل : ابشري قالت لميا : اخ ليتهم يسمحون لنا نسوق ردت الجادل : لا والله خلنا كذا احسن انا ما سوق الا بالبر لاني لحالي ماحولي احد بس لابغيت مشوار للديره ما استغني عن جدي او اخوي ابد يودوني قالت تركيه : وانا بعد اشوف انه رحمه من الله إنا مانسوق والله يصير اعتماد الرجل على المرأة كلي ويرفع يده من مسؤولية البيت بحجة انه انتي تسوقين وتكفين وتوفين قالت لميا :انا عني اتمنى اني اتعلم السواقه وترى مافي فكه مني يالجادل بتعلميني ان شاء الله قالت الجادل :من عيوني شوفي متى تبين وانا حاضره فجأه صرخت تركيه وهي تأشر على الطريق الترابي :جربووع قالت لميا :وينه رفعت الجادل النور العالي الا جرابيع تتقامز قدامهن ضحكت الجادل :زين ماقلتي فار هههههههه قالت تركيه زمان كنا نطلع للبر مع ابوي وكنا نشوفها وصلت الجادل لمزرعة الفياض وكانت البوابه مفتوحة والانوار مضاءه قالت : تركية ادخلي مع البوابه ودخلت الجادل بسيارتها ووقفت قدام باب الفلة ونزلن البنات قالت لميا وهي واقفه عند شباك الجادل: بكرة ان شاء الله اجيكِ عشان نبدأ دروس السواقه قالت الجادل: الله يحييتس قالت تركية :بالله انزلي خلينا نكمل السهره قالت الجادل :تنزل عندكم العافيه لازم امشي مره تأخرت وراي فطور جدي الصبح لازم اقوم بدري يالله يا بنيات تصبحن على خير وحركت سيارتها ودارت بالمزرعه عشان تطلع مع البوابه وكانت هناك عيون تراقب وهي منذهله من اللي تشوفه راعية البرقع بسيارتها وقدام عيونه ****** قراءه ممتعه لكم وردود حلوه لي |
رد: وجه البوم بقلمي / شبيهة امي
ارحبي والله
انتظر الجزأ وكلي شووق |
رد: وجه البوم بقلمي / شبيهة امي
بارت راائع
فيااض ويلي عنك تعلق قلبك بالجادل وصرت تدور وتبحث وراها وفي النهاية جابها ربي لبابك وشفتها بعوينااتك يارب تكون من نصيبك الجادل يازين حيااءك وسحاك وابو لحيه وشعر طويل وراتس وراتس بجيب راسس غصب عنس وبتشوفينس ادورينه ادواااره اهم شي زيني في لميا وعلميها السواقه كود انك تشوفين الفارس مرتن ثانيه بارت حلو بس عتبانه عليس صغنون التهمته بدقيقه وانا شفقانه عليه بس تسلمين ويسلم خيالك الخصب الرائع ومنتظرين الاحداث بين فارسنا وسواقتنا 😇😘 |
رد: وجه البوم بقلمي / شبيهة امي
الله عليك
والله اقرا وانا حاطه يدي على قلبي خايفه يخلص البارت تلاحقي علينا ببارت ترانا متحمسين بالمررره |
رد: وجه البوم بقلمي / شبيهة امي
ماشاء الله تبارك الله يهبل البارت أم رنا ليه هالقفله اللي تجلط كان طولتيه شوي الله يهديك أكيد فياض بيسأل بناته من وصلهن وبيسحبهن بالكلام وبيعرف منه راعية البرقع والسياره وبعدها طيران على عجيزه يكمل بقية التحقيق أو على طول يقول لها إنه قرر يتزوج عاد يا إنه يقول لها تخطب له الجادل أو يعطيها فرصه ترشح له يمكن تصيب وتختار الجادل ويامهنا جاك ماتتمنى أبو فراس يازينه من أخ واضح حبه وتقديره للجادل هو وزوجته أتوقع فاطمه عرفت منوصف الجادل إنه فياض لأنها سبق وشافته تكفين أم رنا لا تتأخرين علينا مافينا صبر بعد هالقفله تسلم يمين خطت لنا هالإبداع لا خلا ولا عدم منك يارب |
رد: وجه البوم بقلمي / شبيهة امي
لا لا ام رنو حرام عليك وش يصبرنا 💔
جزء ممتع جدا جدا يازين الديرة وبساطتها وبساطة الحياة تحمست انا بتعلم السواقه مع تركية ام فراس وفرحتها وصلتني مشاعرها الله يرزق كل محروم قلوب تنبض |
رد: وجه البوم بقلمي / شبيهة امي
لاااااااااااااااا ياا ام رنوووو حتى انتي قمتي تسووين قفلات تجلط... حرااااااااااام عليتس.. انا ماارااح انزل ردي لين توعديني بيوم معين وقريب جداا جداااا تنزلين فيه البارت الجاي.. اجل يووم بدا الوضع يزين وفيااااضي يشووف اللي خذت قلبه وفكره تسوووين كــــــــــــــت لييه عاد؟؟
انا هنا ستوووب ولما اشوف الوعد بنزل ردي... >>فيس شاايف نفسه ومصدق ان له وزن..هخهخهخ |
رد: وجه البوم بقلمي / شبيهة امي
هههههههههههه
والله مو مسألة قفله وكذا اقسم بالله ذا الجزء يالله انكتب وومحدده الافكار مسبقا هذالموقف الاخير كان هدفي من البدايه عشان كذا يوم وصلت له تنحت مافيه للان فكره للي بعده وابي صبركم معي الاسبوع ذا اختبارات عيالي ترى يشفع لي عندكم ألتزامي معكم دائما ها زارا اقتنعتي الحين |
طحت ولا احد سمى عليك الجادل غيرت علومك
كنت رافض الزواج والحين تدور أدور راعية الجمس أبو غماره بس ليش الله يهديك يابوفراس جيمس ابوغماره أحس مايركبه إلا واحد شواربه واصله أذنه يخي الجادل يبيها شئ غير بس ماعليه عقبال مايجيبه لها أبوتركيه منتظرين حبيبتي بارت أطول وأحداث أكثر عشان يكون رد أطول وشذا حسيت نفسي هنديه تقراء روايه عاميه بارت فيه طويل اشان يبغى يشوف أحداث كتير أشان أنا يكتب تاليق طويل |
رد: الجزء السادس وجه البوم بقلمي / شبيهة امي
بوركت شبيهة امها ♥
وشحال غاظني لما لقى بالسيارة جدها لكن هذي هي الاستماتة ولا بلاش خلاص يعني نستناوه يسأل بناتو عليها و يروح....ي♥خ♥ط♥ب...... بانتظار البارت القادم ان شاء الله |
رد: وجه البوم بقلمي / شبيهة امي
تسلمين ام رنو على البارت الرااائع
انا مدري منين القاااها هو من المنتدى الي كل شوي منقزني بديره والا من فياااااض الي مدري شقول عن مخه يعني بعقلك رااع الجمس بيكون من غيرها ياازين كفخة جبهتك على الزجاج الامامي كود تفهم البارتات ام رنو في اولها مازالت يعني لسى في احداث جااامده لايكون ناااويه تعسرين زواج فياض من الجادل ويقعدون عيال عمامها وامهاتهم يحوسون الدنيا 😡 معذوووره ام رنو الله يوفق عيالك وعيالنا والجميع ويسهل اختباراتهم با الانتظااار |
رد: وجه البوم بقلمي / شبيهة امي
بانتظارك ام رنو القصة مشوقة.......
عزيزتي طيف الاحباب نتمنى رؤية جديدك انت كاتبة مبدعة |
رد: وجه البوم بقلمي / شبيهة امي
يعطيج العافيه كعادتك رواية من بدايتها مشوقه
|
السلام عليكم
مرحباا ام رنووش وتسلم ييمناك 😚وروحك 😙وقلبك 😪واحساسك 😍وكلك 😘 ماشاء الله تفاعل المتابعات جميل وردودهم تجيب السعاده والروايه تستاهل صراحه مشكوره يااقمر لانك عطيتينا من وقتك عشان تسعدينا بهالاحداث والحوارات الرقيقه جادل / يااقلبي عليها اخيرا شاافها اللي بيقدرها ويعيشها باقي عمرها بحب ورومتسيه وعلى طااري الرومنصيه هههههه كثري منهاا تراناا شعب جااف ههههه ونموت على هالطااري 😉 يااخوفي من هالجادل تطلع فيهاا ويوم تشوف هالمزيون فياض ميت عليهاا تقول مو من مستواه وماستاهله او شي مثل كذا يااويلهاا مني والله اتوقع بنات فياض وخصوصا الصغنونه بتكون سبب لموافقه الجادل ورضاها مع ان الجزئين بقفلات يخلون القلب يرقع طبول ترقبا للقادم بس ابدعتي فيهم ام رنوش وكثري بعد من هالقفلات هههههه تسلمين وربي يحفظك ويخليك لنا ننتظرك ي عسل 💕💕💕 |
رد: وجه البوم بقلمي / شبيهة امي
السلام عليكم احنا مستنيين على نار تتمه الروايه طولتي علينا
|
رد: وجه البوم بقلمي / شبيهة امي
وربي جد طولتي ....😩😩
اتحفينا ببارت قصير عااادي 😆 |
رد: وجه البوم بقلمي / شبيهة امي
طولتي علينا احنا في الانتظار
|
رد: وجه البوم بقلمي / شبيهة امي
اقتباس:
الوقفة اليمه صح حماسيه |
رد: وجه البوم بقلمي / شبيهة امي
السلام عليكم ورحمة الله وبركاته
بما اني قارئه قبل ما اكون كاتبة وما احب تتأخر الكاتبه عليّ بدون ما تعتذر وتوضح اسبابها ووعد بنزول الجزء فأنا هنا اعتذر وسامحوني والله شغاله على الجزء ومااكتمل تعرفون الفترة اللي فاتت اختبارات وكنت ولازلت مريضه فاصبروا الله يسعدكم علي وبإذن الله اول ما يخلص الجزء انزله لكم |
رد: وجه البوم بقلمي / شبيهة امي
أجمل قارئة و أجمل كاتبة عندنا
نستناوك و ربي يصبرنا ☺ |
رد: وجه البوم بقلمي / شبيهة امي
غاليتى شبيهة امي لا اخفى عليك سرا اننى من عشاق الروايات المكتملة ولكننى سأكسر هذا الروتين لاتابع هذه الرواية والتى تبدو مشوقة فقد استمتعت بالستة فصول السابقة الجادل شخصية جميلة محبة معطاءة وتسعد من حولها واعتقد انها جميلة بملامح ناعمة وبجديلة طويلة ثقيلة واعتقد انها خطفت قلب فياض انتظر ماستسفر عنه الاحداث القادمة لك منى كل الشكر والتقدير دمتى بكل الخير فيض ودى |
رد: وجه البوم بقلمي / شبيهة امي
سلاامات ام رنا
شفاك الله وعافاكِ وان شاء الله بالتوفيق في اختباراتكم طبعا جزئي الشرير سعيد بالتاخير ليش اني بحصل فرصة اقرا اللي فاتني واعلق وكذا ان شاء الله فيه جديد |
رد: وجه البوم بقلمي / شبيهة امي
ممتعة وفكرتها جميلة لكن الفصول قصيرة
|
رد: وجه البوم بقلمي / شبيهة امي
السلام عليكم ورحمة الله وبركاته
رد متاخر شويتين عن الوقت اللي كان مفروض ينكتب به بس انا اعاني مع الردود لاسباب وجودية غريبة 😂😂 فجاة الرد ببالي .. فجاة الرد طاار 😒😒 المهم ما فاتني غير فصل واحد والحمد لله قبل الدخول في معركة الاختبارات اللي نجونا منها باعجوبة فصل قصير لزيز كالعادة >> فيس مش طماع ولا معترض على طول الفصل ابدا ابدا ابداا 😗😗 البداية كانت مع الاجواء الربيعية اللطيفة بعد الشتا والمطر وللحظ من لحظة ما كتبت الرد اللي فوق وللان امطار عندي بشكل شبه متواصل ما شااء الله فالواحد كان ضابط الجو اثناء القراءة بصورة عجيبة .. صراحة احلى جزء بالنسبة لي ذا المرة بعيد كل البعد عن جادل وفياض تمايم فراس صراحة حسيت بسعادة ابو فراس وزوجته مع كل حرف .. الله يرزق كل مشتاق عمي الله يرحمه كان نفس الوضع .. عشر سنين لين الله رزقه ببنته الله يرحمهم جميعا .. وبعدين نروح لمستر فياض ما شاء الله من نظرة علقته الجادل وحفظ السيارة كيف شكلها وصاير يحاول يصيدها بكل مكان وطبعا مع القفلة اللي مش قفلة ابدا وبما انه عرف من هي ذيك الشخصة اخيرا فام رنا زوجيهم بسرعة .. مفيش داعي نطول الامور وهي ئُصَيَّره 😂😂 ويا بخت من وفق راسين في الحلال >> فيس مستعجل على عرس 😂 وجادل ما شاء الله مع الرجال يوم انه ما بغى يكسر عينه على قولتها (معها حق .. انا لو مكانها ما اضمن ردة فعلي اصلا) .. وبعد ما انتبهت غير للشعر (اهم شي الشعر والعيون والساعة 😎😎) بس ضحكت من قلب على خوفها في كل مرة تشوف الجيب حقه بمكان .. سبب لها رعب الرجال بس معقول للحين ما انتبهت انه ابن ام فياض ؟! على طاري ام فياض .. جميل ان فرح تركت جوالها شوي .. الصراحة الجوالات حاليا صايرة سجن لنا معشر السناجل الفاضيين لكن بعد شهر من محاولة الحد من الالتصاق بالجوال اقدر اقول ما احلى الحرية 😂 >> وهذي فلسفات منتصف الليل طنشيها الله لا يهينك 😂😂 وعندها ارنب بعد المحظوظة 😭😭 يلا يوما ما هشتري بسة انا بعد ان شاء الله مع ان مدري وين ومع من اتركها 😂😂 والى هنا وانتهت تخريفة هذه الليلة اللي ممكن تكون اي شي الا رد على رواية وحتى تخريفة اخرى نترككم في رعاية الله وعنايته والسلام عليكم ورحمة اللخ وبركاته >> فيس متاثر باذاعة القرآن الكريم |
رد: وجه البوم بقلمي / شبيهة امي
السلام عليكم وينك ياختي عساك بخير وسلامه منتظرين بلهفه تتمه الروايه شكرًا جزيلا على الروايه
|
رد: وجه البوم بقلمي / شبيهة امي
السلام علييييكم يا آل ليلاس
اولا اسفه على التأخير وسامحووني ثانيا انا بخير اللهم لك الحمد وشكرا لكل من سأل عني وافتقدني ثالثا دقايق والجزء بين ايديكم ان شاء الله |
رد: وجه البوم بقلمي / شبيهة امي
بسم الله
٧ : : يارب مافي مثل تدبيرك بعد ما يأست اني اعرف منهي ام السيارة شانت نفسيتي لايمديني اسأل ولا يمديني اشكي شايل هواجيسي معي وافكاري تلعب بي طيب واذا طلعت متزوجه وام عيال؟!؟ طيب اذا ما لقيتها!؟! حتى لو لقيتها وش السواة!؟ وعرفت منهي ؟!؟ كيف اتصرف؟!؟ جالس اهوجس لحالي في البيت تعوذت بالله من الشيطان الرجيم انا كيف وصلت لذي المرحلة تلعب بي الافكار بوحده غريبه ماهي من محارمي الله يستر عليها لله يستر عليها من كثر التفكير ولوم النفس صدعت انتظرت امي والبنات يرجعون عشان انام وانا متطمن. . دقايق وامي وفلوة وفرح وعبد الرحمن داخلين البيت قلت :وين البنات تركية ولميا قالت فلوة : بيلحقونا بعد شوي عقدت حواجبي :ومن بيجيبهم بهالليل ؟؟ وناظرت بساعتي الوقت مره متأخر وحنا بالديره قالت امي وهي تنزل عباتها :لاتخاف تركتهم بيد امينه ان شاء الله تركتهم عند طيرة شلوى قلت :طيرة شلوى !!! منهي ذي؟؟ قالت امي :الجادل قلت وراها بإستغراب : الجادل وكأني اول مره اسمع بها الاسم كملت امي كلامها : ايه الجادل بتجيبهن قعدن يساعدنها قلت : مالتس حق يايمه ليه خليتيهن كان انتظرتوا ورجعتوا كلكم جميع قالت فلوة: ماهن بمطولات ابد احسب لهن نص ساعه ساعه بالكثير وهن جايات ان شاء الله تنرفزت وبان بوجهي قلت : امرنا لله انا كنت انتظركم تجون عشان انا مصدع وابي انام قال عبد الرحمن : خلاص ارتاح ياخال وانا انتظرهم قلت وانا اقوم واخذ جكيتي وشالي الصوف : لا انا بنتظرهن برى وامشي شوي بالمزرعه لين يجون وطلعت اتمشى بالمزرعه بعد ساعه الا ربع جالس بالظلام اذكر الله واستغفره وافكاري مع بناتي اللي تأخرن ماحبيت ان اكسر بخاطر امي مدري شلون وافقت انهن يقعدن كنت فاتح البوابه عشان اللي يجيبهن يدخل بسيارته ومايضطر ينزل البنات عند البوابه دخلت السيارة اللي ماتوقعتها ووقفت عند بوابة الفيلا وكشف الكشاف الي فوق الفيلا بكل وضوح اللي داخل السيارة كانت المبرقعه ولميا وتركية بغى قلبي يوقف من المفاجأه مدري من الوناسه نزلن البنات وانا عيوني طايرات شلللوووون منهي ذي وكيف بناتي معها لازم اعرف مشت بسيارتها وانا عيوني تتبعها الى ان طلعت من المزرعه ومثل المقروص فزيت واقف وبسرعة توجهت للبيت ابي اسمع عنها من بناتي دخلت البيت وناظرت بامي وفلوة وبناتي اللي للان بعبيهن وعبد الرحمن يقولهن :يا ويلكن من خااااالي مره تأخرتن قلت عبد الرحمن ووجهي عابس : قم قم الله يصلحك ورح قفل البوابه وعلى فراشك قام بسرعه : أبشررر على هالخشم وراح وقفت متكتف احاول اكوون ثقيييل :من اللي جابكم ؟؟ ردت تركيه : الجادل هي اللي جينا معها قلت :ومنهي الجادل ذي ؟؟ قالت لميا : يبه ذي اخت ابو فراس وناظرت بالساعه كانت ١٢ قلت : اذا هي زوجها وعيالها عادي عندهم انها تتأخر انا ماهو عادي بناتي يتأخرون الى نص الليل تبادلن تركية ولميا النظرات وقالت تركية :يبه ترى تو الناس دايم نتأخر لبعد ذا الوقت اذا رحنا مناسبات او عزايم تحرقصت من الفضووول ولا اشبعن فضولي بناتي قلت بعصبيه : ولووو حنا بديرة صغيره كل شي ينقدون عليه قامت امي على حيلها : فياض تعوذ من ابليس وش جاك خلاص البنات وهذاهن عندك وماعاااد بيتأخرن قلت : اذا غيري مايحاتي زوجته ام عياله انا احاتي بناتي واقلق عليهن قالت فلوة وهي عاقده حواجبها مستغربه :انت عن من تتكلم؟ قلت وانا ابعد عيوني عن عيون فلوه لانها راح تكشف فضولي ولهفتي اني اعرف اذا هي متزوجه او لا قالت لميا تصحح لي :لاااا يبه الجادل ماهي متزوجه ولا عندها عيال "اه ياقلبي حسيت نبضي زاد وبديت اتعرق وحسيت كل العيون علي تنتظر مني ردة فعل قلت : اخر مره واذا بتتأخرن مره ثانيه انا او عبد الرحمن اللي نرجعكم زين !! نطت لميا وحبت راسي : زين زين يا قلبي بس ترى بكره ابي اروح للجادل عندها شغل وابيها تعلمني عليه قلت وانا رايح لغرفتي : يصير خير لميا تغيرت ملامحها ممتعضه : لايكون بكره ما بيوافق اروح للجادل بكره اهم يوووم من الان الحماس عندي وصل للمليووون قالت تركيه : الله يكفينا شر شفقتس قالت ام فياض : وش عندكن تساسرن قالت تركيه : ابد ياجده الجادل بتعلم لميا السواقه بعد ما نشبت لها هالخبله قالت فلووة :حتى انا اجل ابيها تعلمني قالت ام فياض :لا بالله كدينا خيير تعلمن منها اشياء تفيدكن شلون تخبزن وشلون تحلبن والا تطبخن خلها تعلمكن السنع شهقت فلوة وهي تبتسم : اجل يايمه مانعرف السنع قالت ام فياض : توكن باول طريقه الجادل الله يحفظها مدرسه بالسنع والذرابه يالله اشوف قوميني خليني اصلي قيامي وانتن يالله كل وحده تسنن قبل لاتنام يالله ******* ثنين في ذيك الليله ماناموا لميا من كثر الحماس انها بتتعلم السواقه وعلى يد الجادل وفياااض من لخبطة المشاعر اللي صارت عنده فرح على رهبه على فضول شعور ما يقدر يوصفه شعور مخليه بس مبتسم شعور خلاه يفتح اليوتيوب ويسمع قصيدة الله اكبر كيف يجرحن العيون كيف مايبرى صويب العين ابد احسبن الرمش لاسلهم حنون اثر رمش العين ماياوي لاحد يسمع ومايشوف الا الجادل وبرقعها وياليل ما اطولك ********** صباح الجمعه من بدري ولمياء صاحيه ومجهزه القهوة والفطور كل هذا مقدمات تبي تقنع ابوها يوديها للجادل على الساعه٩ اجتمعوا على القهوة والفطور تحت ظل النخل جالسين لميا تنظر احد يتكلم عشان تحول السالفه لروحتها للجادل وفياض ينتظر احد يسولف عن الجادل بدون ما هو يسأل كلن ساكت من عنده ام فياض تقهوى وملتزمة التسبيح والصلاة على النبي وفلوة تقلب بجوالها تقرا رسايل طلال والدحمي نص نايم لو ما وراه صلاة الجمعه كان كمل نومته فرح تاكل بسرعه تبي تخلص عشان تلعب مع الارنب وتركيه مصدعه ولابسه نظارتها الشمسيه وتشرب قهوتها ناظر فياض بساعته حس مافي وقت بيقوم يتجهز للصلاه قال :لميا يبه جيبي لي المبخره بغرفتي وراح تململت لميا وقالت لتركيه : شوفي لي حل شلون اقنعه يوديني عند الجادل قالت تركية بهدوء : عادي قولي له مره ثانيه هو البارح كان معصب شوي الحين شوفيه عادي بيوافق ان شاء الله قالت لميا : طيب يارب يوافق وراحت للمطبخ وحطت الجمر بالمبخره واخذتها لغرفة ابوها دقت الباب ودخلت كان فياض يقفل كبكات ثوبه ناولته المبخره قالت لميا :يبه البارح قلت لك اني ابي اروح للجادل اساعدها بشغلها وابيها تعلمني وقف اللي كان يسويه وناظر بالمبخره وتشاغل بحطت العوده عليها مارد على لميا تحرقصت بمكانها :يبه وش قلت قال :بإيش؟ قالت :توديني والا الدحمي يوديني ابتسم لها وقال :يعني انتي ضامنه موافقتي ردت له الابتسامه وبنظرة رجاء : تكفى يبه وافق لبس شماغه واخذ المبخره وضم شماغه عليها وتبخر :طيب بعد صلاة العصر اوديكِ بس ماقلتي لي هذي اللي اسمها الجادل كم عمرها هي بعمرك او عمر تركيه قالت لميا : مدري يبه بس انت ليه تسأل!! لف عنها وتشاغل برش عطره :كذا سؤال عادي قالت لميا: مدري والله بس مع الكبار كبيره ومع الشباب شابه ومع الاطفال طفله عجيييبه يبه هالجادل كل شي تعرف له دق الباب ودخل الدحمي :هاياخا ل جاهز رد :فياض ايه يالله مشينا واتجهوا للمسجد من بدري يلحقون الصف الاول بصلاةالجمعه ******** اتصلت لميا على الجادل تذكرها بوعدها انها تعلمها على سواقة السياره ضحكت الجادل : انا منتظرتس انت تعالي بس . . . على صلاة العصر كانت لميا في قمة حماسها وفياض مايقل عنها اخذ بنته وتوجه معها للمزرعة وصلوا لبيت الجادل وكان الجد في المزرعه والجادل ماخذه له القهوة وراجعه للبيت وسمعت صوت السيارة اللي وراها تمشي متوجهه للبيت ارخت الغطا على عيونها وألتفتت وشافت لميا تلوح لها بيدها من سيارة راعي الفحل وصلوا البيت بنفس اللحظه نزلت بسرعه لميا حتى بدون ما تنتظر ابوها يوقف السياره تماما :الجااادل اناااا جيييت اضطرت الجادل توقف حست ان انظاره عليها مع انها ماتشوفه بس هذا احساسها بهمس ردت على لميا: هلا بتس ياقلبي نزل من السياره وسأل الشايب بالمجلس: ردت الجادل بهمس : جدي بالمزرعه ردت لميا بصوت عالي : لا يبه بالمزرعه تركت الجادل وتوجهت لابوها: بتنتظر هنا والا بتروح؟ قال فياض : انتي بتطولين ردت لميا : مدري ما اعرف اذا خلصت اتصل عليك قال : خلاص انا بجلس شوي مع الشايب وارجع للمزرعه واذا خلصتي دقي علي وراح ورجعت لميا لقت الجادل دخلت البيت اثناء كلامها مع ابوها دخلت وراها لقت الجادل واقفه وتهف على نفسها وهي تقول : اليوم دفى واحتريت قالت لميا : انا جاهزه متى تعلميني قالت الجادل : يالله اخذ مفتاحي وسلة القهوة عشان نتقهوى بعد برى وراحت الجادل ولميا للنفود وابتدأت رحلة تعليم لميا على يد الجادل بعد محاولات كثيره كانت لميا تسوق والفرحه ماتسعها قبل صلاة المغرب نزلن من السيارة وجلسن بروضه وتقهوون قالت لميا : شكرا شكرا حققتي لي حلمي قالت الجادل وهي تتبسم : العفو حبيبتي لمياء: كم مره اطلب ابوي يعلمني والدحمي ويرفضون ابوي مرره يخاف علينا تلهت الجادل بفنجالها : الله يخليه لكم قالت لميا : ابوي قبل وفاة امي كان كل شي يعلمنا اياه وياخذنا لكل مكان معه بس من بعد وفاة امي صار حريص مرره ودايم يروح لحاله وتباعد عنا بس من تالي تغير واحس قربنا منه اكثر وصرنا نشوفه اكثر استرسلت لميا باكلام والله مررره مبسوطه انه اشترى المزرعه ونجي عنده من اول بس بالبر مع نياقه سبحان الله قد ما كرهنا تعيين تركيه هنا الا انه كان خيره قالت الجادل : وعسى ان تكرهوا شيئا وهو خيرا لكم " . . الجو والمكان والصحبه زيُن المكان بعين لميا و قامت واخذت كامرتها تصور المكان والسياره والشمس وقت الغروب والسحب كل شي كان جميل فجأه وقفت وألتفتت للجادل وش رايك بكره نكشت كشتتة حريم جدتي مررره بتنبسط قالت الجادل : ماعندي مشكله بس ماهو بكره خليها وقت اجازه عشان تقدر تجي فاطمه ونصير جماعه قالت لميا :خلاص الاربعا الجاي اجي من الجامعه على المزرعه والخميس نطلع و بقول لابوي إنا معزومين عندتس عشان مايرفض قالت الجال : تم ان شاء الله وانتهت رحلة التعليم للسواقه بالتخطيط للكشته من لميا و الجادل ورجعوا للمزرعه وعلى الساعه ٨اتصلت لميا على فياض وجا اخذها اول ماركبت السياره قال:كان نمتي عندها طولتي علي وبعدين الدحمي ينتظر عشان يرجعكم والا نسيتي ان بكره جامعه قالت لميا : معليش والله مر الوقت ولا انتبهت ركز بالطريق وقال : لهالدرجه جلستها حلوه هالجادل قالت لميا بحماس : يوووه تجنن والله ابتسم مايدري وش يقول اكيد جلستها حلوه ناظر بيدها : وش هاللي بيدك قالت لميا : الجادل مرسله لجدتي مضير قال فياض : هاتي وحده وذوقيني ناولته لميا حبة مضير ذاقه بتلذذ :الله وش هالمضير ماشاء الله قالت لميا : سواتها ماشاء الله عليها كل شي من يدها لذيذ فجأه قالت لميا : ترا الجادل عازمه جدتي الخميس الجاي قال فياض: ماتعزمني انا بعد ناظرت فيه لميا بنص عين وشهههو!! ضحك فياض على تعابير لميا وهو بقلبه ليته بس تعزمني وقال :امزح امزح لا تاكليني وصلو للمزرعه ولقت لميا جدتها تكلم الجادل ويتفقون على الكشته الحريمي الخميس الجاي ********** انهت الجادل مكالمتها مع ام فياض واتصلت على فاطمة بعد السلام والسؤال عن الصحه قالت الجادل لفاطمه عندي لتس خبر قالت فاطمة: قولي قالت الجادل : تذكرين اللي قلت لتس ذاك اليوم اللي ذبح بعيره قالت فاطمة اييه ابو شعر طويل ومسبسب وضحكت ههههه قالت الجادل :ايييه هو عرفت من يكون قالت فاطمه : ومن يكون ووين شفتيه وشلون عرفتي بسرعه قولي قالت الجادل : شوي شوي على عمرتس فاطمه : اخلصي منهو قالت الجادل :فياض الفياض شهقت فاطمة وقعدت تكح من المفاجأه الجادل هههههه : بسم الله وش جاتس اجل لو شفتيه وش بيصير قالت فاطمه وهي تحط كوب المويه بعد ماشربت :بسسسرعه قولي شلون عرفتي قالت الجادل : ابد والله شفته اليوم وهو ينزل بنته لميا عندنا اول شي عرفت السياره بغى قلبي يوقف يوم شفتها ويوم نزل من السياره وشفته قامت ركبي تصافق والله ماتذكرت الا يوم يزاعق علي قالت فاطمة : طيب عرف انه انتي اللي ذاك اليوم قالت الجادل وهي تحسس خدودها اللي صارت حاره : لا ان شاء الله انه ماعرفني يااااوك تخيلي انه عرفني ياااااارب لا ان شاء الله انا كنت راجعه من المزرعه وهو توه موصل بنته وكنت مغطيه عيوني وسيارتي بالحوش لا لا ياشيخه ما اعتقد انه بيعرفني قطع كلامهم بكاء فراس قالت الجادل :روحي لحبيب عمته واكلمتس بعدين قالت فاطمه :يالله يوم زانت السوالف صحصح الشيخ يالله مع السلامه وانتهت المكالمه والجادل تهف على نفسها بس من مجرد فكرة ان فياض يكون عرفها ********** صباح الخميس الونيس فاطمة : تركيه اليوم بتكشت بنا الجادل تركية : لميا وفرح حتى عمتي وجدتي منتظرين هالكشته بفارغ الصبر فاطمة : قبل شوي دقت علي الجادل تقول اصرفي الطالبات بدري خليهم يطلعون بدري وحنا نكشت بعد اليوم الجو جو كشته وشبة نار قالت تركية ؛ والله انها صادقه شوفي الحين الساعه ١١ وماطلعت الشمس ياحليلها الجادل البارح جدتي كلمتها تقولها وش نجيب معنا قالت ابد كل شي جاهز بس انتو تعالوا ولا تنسون تدفون ردت فاطمه :حتى انا تقولي لا تجيبن شي موعدنا معها الساعه ١ نكون عندها وعلى الساعه ١ تجمعوا في بيت الجادل نزلهم فياض وقال لامه : يمه متى اجي اخذكم ردت ام فياض :ندق عليك اذا بغينا نرجع وكانت سيارة الجادل واقفه قدام البيت وهي محمله العزبه والحطب واغراض الكشته من فرش وادوات القهوة والطبخ قالت الجادل : يالله يالله ياحريم خالتي ام فياض وفاطمة قدام عندي وانتن يا بنات بالحوض تقامزن فرح ولميا ونطن بالحوض وتركيه وفلوة وراهم ركبت الجادل :هااا ياللي ورا جاهزين ردت لميا وفرح بحماس: جااااااااهزييين وانطلقت الجادل صوب النفود والجميع مرتسمه على ملامحه الابتسامه ام فياض تتأمل الجادل وهي تسوق : ماشاء الله يالجادل سواقتس يابنتي راكزه ضحكت فاطمة وقالت : اليوم راكزه والا دايم تصرقعبنا مع البران قالت الجادل : ههههه والله هذاك اول يوم الددسن المقربع ادناة مطب تكسرت ظهورنا منه . . ورى بالحوض لميا وفرح يقولن للجادل اسرعي شوي نبي المطبات تخضنا خض قالت فلوة بصوت عالي: لااا تكفين انخضينا لين قلنا آمين ههههههه زادت السرعه الجادل وشعللت حماس البنات وصلووا للمكان و ونزلن ونزلن العزبه وبدأت رحلة البحث عن الحطب الصغير لشبة النار بعد ما فرشوا فرشتهم وشبن ناررهن وبدت الجادل وبالتعاون مع الكل بتجهيز الغدا والقهوه والشاهي مع انها جايبه بالترامس بس مامثل قهوة البر وشاهيه وعلى جمر السمر والا الغضى كل مال الجلسه تحلى بالسوالف والحكاوي قالت ام فياض : عندي لكم لغز من تحله قالن البنات :هاتي خلينا نسمع قالت الجده : انشدك عن..... قمزت لميا وقالت :بنتن لها عشرين قرن!!!! والله ياجده اي لغز زي كذا ما اعرف له رفعت عصاها ام فياض ونغزت به لميا : اصبري يامال الصلاح اسمعي اول وبعدين تحلطمي قالت لميا وهي تمسح مكان النغزه :طيب طيب ماينمزح معك جده فلووة : اشش خلي امي تكمل كملي يمه قالت ام فياض؛: انشدك عن بيرٍ نزل فيه شخصين والكل منهم قام حسب المهمه تواعدوا بالبير على العسر واللين والكل منهم موعده في متمه الشخص الاول ضاع والثاني مالقوا غير دمه .. سكتت ام فياض: ها من تحله يالله قالت الجادل :انا عرفته بس ماني بقايله قالت ام فياض :اشوه تعالي قولي لي وقربت من ام فياض وعلمتها بالاجابه تبسمت ام فياض وقالت :صح عليتس حاولت فلووة تتسمع بس ماقدرت قالت :طيب قربي لنا الاجابه قالت ام فياض :ابد يالله شغلن مخكن قالت فاطمه وهي تشرب الشاي : طيب هالشخصين فعلا اشخاص والا كذا وكذا قالت الجادل : مانقوول ضحكت فاطمه وهي تتوعد الجادل : طيب طيب واستمرت المحاولات لحل اللغز الى ان جهز الغدا وتعاونوا على غرفه وكانت كبسه معتبره . هااااه من تحل اللغز ام فياض تسألكم . بعد العصر قامت ام فياض والجادل وفلوة يتمشن ويطلقن رجيلاتهن وام فياض تسأل الجادل عن كل نبته تلقاها رن جوال فلووه وكان الدحمي :يمه ابوي جاي الليله للمزرعه فلووة وهي توقف وتبعد عن امها بتتكلم براحتها : وش عنده ابوك الدحمي : انتي عارفه يمه خلاص وافقي تكفين تنرفزت فلوة : معليش لو سمحت اسلوب الضغط ما يمشي معي مره انت ومره امي حتى جدتك ام طلال ما وقفت رسايل دحمي : يمه ابوي قايل لي اقولك ان كل طلباتك مجابه ردت فلوة: كلها كلها !!! رد بلهفه حس انها ممكن تلين: كلها ردت فلوة : قل لابوك يرجع السنين اللي راحت قل لابوك يلم كسر قلبي قلة يمحي من ذاكرتي وجع ذيك السنين اذا قدر ارجع له سكت مالقى جواب قالت فلوة بتنهي المكالمة: يالله مع السلامه انا عند الناس انهت المكالمه ولحقت بأمها والجادل وتعكر مزاجها خلاص فرح كانت جالسه مع فاطمه وكل تركيزها للصغير فراس مررره تحبه وفاطمه هي اللي مرتاحه لقت من يعاونها على ولدها تركيه تلحفت بفروتها ومددت جنب النار واخذت لها غفوة بعد الغدوة اللذيذه بعد صلاة المغرب اشتد البرد وبدت تهب الرياح واضطرن انهن يلمن عفشهن وعزبتهن ويرجعن لبيت الجادل قالت فاطمة : مادام كلنا بالسيارة وصلينا كلن لبيته يالله يالجادل عطتها الجادل ذيك النظره وفهمت وش تحس به عرفت انها خايفه تصادف فياض الفياض وهذا اللي كانت تبيه فاطمه منها تبي تشوف هالشخص ومنها تبي تشوف وش بتسوي الجادل لو صادف وكان هناك قالت ام فياض لا يابنتي تعبناتس اليوم قالت الجادل : ابد والله ياخاله مامن تعب ومزرعتكم قريبه اصلا مسكت الخط لها شوفيها ذيك انوارها وصلت الجادل للمزرعه بعد ما ارخت غطى عيونها هي وفاطمه على براقعهن ودخلت الى ان وصلت للبوابه ونزلت فاطمه والجده عاونتها الجادل بالنزول والبنات بعد نزلن من الحوض قالت ام فياض مافي احد من العيال سياراتهم ماهي فيه خذن راحتكن واقلطن خلنا نكمل السهره قالت الجادل :اسمحي لنا بوصل فاطمه واعود لجدي قالت ام فياض: مسموحه و الله يونستس يابنتي مرره انبسطنا اليوم قالت فلووة: احلى كشته في حياتي واكدن البنات على كلامها قالت الجادل :والله انا اللي مره انبسطت معكم وحضنت لميا : يسعد ربي هالبنيه تراه هي اللي اقترحت وانا بس نفذت واذا تبون نكشت دايم ماعندي شي ترا قالت تركيه : الكشته المره الجايه علينا هنا بمزرعتنا ان شاء الله ردت فاطمة : تم ان شاء الله قالت الجادل: على خير والحين يالله تمسوا على خير بنمشي وركبت السياره ومعها فاطمة وولدها قالت ام فياض : بحفظ الله ياقلبي ومشت الجادل بسيارتها ودارت بالمزرعه عشان ترجع للبوابه وتطلع وفاطمة تناظر بفخامة المزرعه : ماشاء الله والله احيا المزرعه فياض الفياض ماكنت اتوقع تكون بهذا الجمال ووصلت سيارة الجادل عند البوابه لكن قطع عليها دخول سيارة من الجههة المقابلة وكانت سيارة فياض وكان هو اللي يسوقها ظربوا فرامل بنفس اللحظه والا كان تصاقعت السيارتين طارت عيون الجادل وفاطمه من المفاجأه وهوى قلب الجادل وهي تشوفه قدامها والعين بالعين نست انها كاشفة غطى عيونها اما فاطمة بلحظه نزلت غطاها وبعدها خففت من حضنها لولدها قبل الفرامل عشان ما يضرب بالطبلون بالجهه المقابله كان فياض بدنيا ثانيه بدنيا مافيها الا هو وعيون الجادل بس تدارك نفسه بسرعه اول شي سواه انه طفى انوار السياره وبعدين ريوس ورجع على ورى حتى يترك مجال للجادل وسيارتها انها تقدر تطلع من المزرعه قالت فاطمة: والله انه خوش رجال طفى اللمبات وريوس يالله امشي وش تستنين ؟؟ قالت الجادل وكأنها صحت من غفوه : هه وش تقولين قالت فاطمة : اقول امشي الرجال بيدخل مزرعته حركت الجادل وطلعت بسيارتها وطلعت وعيون الفياض تتابعها الا ان اختفت بظلام الليل دخل بسيارته ووقفها وطفى السياره وجلس مبتسم ياهالليله المبروكه اللي شفتس بها و ضحك على نفسه ونزل من السياره وهو يدندن ماهقيت ان البراقع يفتنني الين شفت ظبى النفود مبرقعاتي قراءه ممتعه لكم وردود حلوة لي |
رد: وجه البوم بقلمي / شبيهة امي
😭😭😭😭😭😭😭😭😭😭
قصير جداً 😢😢😢😢😢 بارت رائع ومشوق وغييييير مشبع وه ياقلبي ،،،، لي عوده بإذن الله |
رد: وجه البوم بقلمي / شبيهة امي
السلام عليكم ورحمة الله وبركاته حيالله الحامل والمحمول من طول الغيبات جاب الغنايم بارت روووووعه تسلم يمينك أم رنا تكفين لاطولين الغيبه أول شيء بعلم ام فياض بحل اللغز البير أبريق الشاهي والشخصين السكر والشاهي ومهمتهم الطعم واللون واللي ضاع السكر واللي لقو دمه الشاهي فياض ضاعت علومه وقلب محمد عبده هههه ويازينه وهو مسوي فيها المحقق كونن والبسمه شاقه الوجه لماعرفها وعرف إنها ماهي متزوجه يالله الحق كلم امك قبل ماتطير منك وأمك عاد بطير من الفرحه يامهنا جاك ماتتمنا زواجك ومن وحده عاجبتها الجادل جهزي عمرك جايينك نخطبك لفياض وياويلك ترفضين أدري بك مستحيه خاصه بعد موقفك معه لكن ما أظن جدك بيرفض هو مايصدق إنك تتزوجين إبن الحلال ويطمن عليك منتظرينك ام رنا بفارغ الصبر |
رد: وجه البوم بقلمي / شبيهة امي
ياقلبي يالجادل محرجه من موقفها مع فياض ومتأمله انه ماعرفها
ماتدري انه مهو بس عرفها الا كان ميت يدور اي معلومه عنها لين صار اسم على مسمى فياااض بالمشاعر ❤ وشتان بين مشاعرها ومشاعره تسلم يدينك ام رنا ولا تطولين علينا وهالله هالله بالأكشنات |
رد: وجه البوم بقلمي / شبيهة امي
تسلم ايدينج ام رنو على هالرواية اللي للأمانه ردتنا لزمن الروايات الجميلة
الجادل شخصية جميلة وناضجة بس ياليت تعطينا لمحة عنها عمرها شكلها احس انها فالعمر مو كبيرة حيل بس ضالمة نفسها بالبرقع وبالقوقعه اللي عيشت نفسها فيها ليش تسكت لحريم عمامها واللي حصل معاها من صغر سنها يعتبر قضاء وقدر مالها يد فيه بالعكس المفروض ما تسكت أي احد يتكلم عنها لو اتخذت موقف من البداية ماشافتهن يتناغزن عليها حتى بوجهها فياض يالله احسه جنتل ام رنو من الحين انا حاجزته لي اقرا بارت اليوم واحس يطلع من قلوب على فياض والجادل الجادل خوفها انه يكون عرفها يابوي هو ماعرفج وبس الرجال جاب السيفي كامل عنج مو باقي الا الشيخ والشهود فالبارت الجاي ان شاء الله ونفرح فيكم بس ياليت اعرف مواعيد نزول البارتات ماعليج امر تسلم يدينج غاليتي وعساها تحرم على النار ياقلبي والله رديت اكتب واعلق مع انه لي فترة طويييييله جداً ماكتبت رد بالمنتدى لكن ابداعج يردني غصب اكتب تعليق ودي ,, وبالانتظار ,,,,, |
رد: وجه البوم بقلمي / شبيهة امي
هلااا والله وحي الله.. ومن طووول الغيباات جاب الغنااايم.. بشوووف الغنايم اووول وبعدين اجي نتقاسمها..هخهخهخهخه
************************************************************ السلاام عليكم.. وحيوا ام رنووو حيوها هذي اللي مافيه زيوها.. منووورتناااااا ام رنووو وجعله اخر الغيبااات يااقلبي.. المهم البااارت بمنتهى الجمال والروووعه ومووااقف الجاادل وفياااضي يوووه تهههبل.. الجادل يوم قامت تهفهف على روحها من طاري فياض وخوفها انه يكون عرفها ذكرني باوول حب بحياااتي الله لايعيده.. حبيت العامل اللي كان يرمم مطبخنا.والله كان يهبل يشبه راعي الكرك اللي اشتهر يعني يووم خطف قلبي ماخطفه وااحد عادي المهم . كنت بثاني ابتدائي لكن اللي عنده جده مثل جدتي والله ان يعااف الحب وسنينه .. بخبالي رحت اقوولها ياا جــده يااجده العااامل اللي يزين المطبخ حلووو مممااااااا رررره.. وصقعتني بذيك الدعوووه اللي وقفت شعر رااسي قالت لي ياامااااال قصم العمر أي والله .. الله يغط الرووح قبل المكروه..ليه طيب كذا؟؟ قتلت نيتي باني احب الباكستاني بالمهد الا وش مهده الا قبل حتى ينولد.. الله يخليها لنا مايمزح معها بهالسوالف ..اللي يقول لها شي فيه حب والا حتى لو اعجاب قصفته قصف.كل عجزنا تطورن الا هي الله يخليها لنا.. المهم احب اقوول للجادل .. ترااتس حبيبيتي فياااضي ياا جووودوووله.. وهالهفهفه بدايه الحب انشديني انا ..بس جعل نهاية حبتس مهيب مثل نهاية حبي .. مغير صاروا يحبسووني بغرفة جدتي لين خلص الترميم ماعندهم ثقه فيني شكلهم خايفين انحاش معه واصير امثل بالافلام الهنديه.ههههههههههههههههههههههه ياازينتس ياا جدوووله انتي وفياض .. فياااض مير يهبل كاشف نفسه ومشااعره وعارف لنفسه البلشه انتي.. انا والله خااايفه انه لو جا يخطب ترفضين من بااااب انتس للحين فاقده الثقه بنفستس وجمالتس وبتعتبرينه اجمل منتس وهالشي هو اللي بيخرب علينا فرحتنا فيكم.. والخووف انتي تكونين موافقه ثم يجن عجز ابليس حريم عمانتس وبناتهم ويجلس يسمعنتس كلام عن جمال فياض ومستواه الاجتماعي وكيف انتي بتزوجين واحد بهالمواصفات اللي انتي ماتناسبينها.. هذا اذاا مافيه وحده من بنات عمتس شاافت فياض وحبته وبتلهطه لنفسها... فياااض : يااشيخ والله ماتخسر يووم انك حبيت جودي... وباذن الله نفرح فيكم قريبا .. والحين رووح طيراان على ام فيااااض وقلها تخطب جووودي. وايه باذن الله باذن الله تشوووف الجادل وجها لوجه الاسبووع الجاي.. هي ماراح تنزل برقعها الا اذا جت توضئ للصلاة كود انها تطلع برا وتشوفها وهي تغسل وجهها وعقب تكتمل صوورتها بعيونك.. >>>فيس متبطح معجبه هالسيناريو..ويتمنى يشووفه باسلووبتس ام رنووو. فلوه : شووفي ياا فلوه الواضح ان طلال ناادم اشد الندم على اللي صار .. والواضح انه يموووت فيتس .. وانتي عارفه هالشي واتوقع انتس بعد للحين تحبينه ..وعليه انسي اللي راح ..ترى انتي كبرتي واللي كنتي تشووفينه مصيبه وانتي صغيره المفروض الحين تشووفينه صغير الجرح بالاول يكون كبير بس مع الزمن يبرى وطلال ارجعي له وووريه نجوم الليل بعز القايله بس ارجعي كوود تلاحقين عمرتس و تجيبين للدحمي اخوان.>> نصيحة جدتي لاي وحده ماتزوجت وهي بالثلاثين.. اهم شي عندها الورعان.. ام فياااض اللغز حلته ام جمال ماشااء الله عليها .يعني خلاص عطت عقوولنا راحه..هخهخهخه بس عاد ياا ام فياض انتي ورينا شطارتس مع فياااض انا عندي احساااااس انه في داخلتس تفكرين تخطبين الجااادل لفياض بس خايفه من ردة فعل فياض .. الى جانب انتس ماتردين الجادل ليش للحين ما تزوجت؟؟ ويمكن هالمعلومات ماتقدرين تاخذينها من الجادل بس بتاخذينها من ام فراس..هي اللي بتقولتس الاولي والتالي ويمكن تقولتس ان الجادل مو واثقه من جمالها وهنا انتي عااااد بتشيلين البرقع من الجادل وتشووفينها تهبل ونعوومه وتطير طبنات العئل... ام رنوو تسلم الايااادي يااقلبي البارت اليوم ابداااااااااااع وجووو جميل جداا وكشتات ولقااءات وكل شي زين .. عاد الاسبوووع الجاي نبي كشتة المزرعه من النووع العالي والمواااقف اللي تفرح قلوووبنا .. وبانتظاااارتس يااقلبي لاتطولين علينا ..عاد يوم بدينا الجد واللقاءاات الحلوه رااح نحاسبتس على أي تأخير.. عمرتس شفتي جمهور مثلنا بيعاقب كاتبته وبينحشها منه باسلوووبه الجلف..ههههههههههه بانتظارتس ياااقلبي.. |
رد: وجه البوم بقلمي / شبيهة امي
السلام عليكم الحمد لله على السلامه بارت جميل ومشوق وانشاء الله تكوني بصحه وسلامه ومتابعينك خطوه خطوه
|
رد: وجه البوم بقلمي / شبيهة امي
غاليتى شبيهة امي وبارت فى منتهى الروعة والجمال حيث اكتشف فياض من تكون تلك الفاتنة التى شغلت افكاره وفى المقابل اكتشفت الجادل من يكون اللي ذبح بعيره ام فياض والبنات احبوا الجادل وهى احبتهم واعتقد\ سيكون لهم دور قى التقريب بين الاثنين الجادل وفياض وياخوفى من زوجات اعمامها والسنتهم السوء اما فاطمة فياحبى لها ستكون سندا للجادل فى كل مايحدث طلال عليه ان يحاول مرات كثيرة حتى يسترضى فلوة فكسر القلوب ليس بالساهل ويلزمه الكثير حتى ترضى عنه غاليتى الحبيبة سلمت يداكى على الابداع الجميل وانتظرك فى البارت القادم دمتى بكل الخير فيض ودى |
رد: وجه البوم بقلمي / شبيهة امي
السلام عليكم ورحمة الله وبركاته
صبحكم الله بالخير شكرا لكل من قرأ وعلق وشكر احب حماسكم وتعليقاتكم وكل الشكرل coha فيتامين سي الضوء الهادي من فهمني ملكني زارا azhar labir فرحه ودقايق وينزل الجزء الثامن ان شاء الله |
رد: الجزء الثامن وجه البوم بقلمي / شبيهة امي
بسم الله
٨ سقى الله بالعمر ليلة ... ظهر في صفوها بدرين .. قمرها ووجهك الفتان .. وصرنا والفراق إثنين ... . . ام فياض مسكت فلوة على جنب انتي وش قلب مزاجك قالت فلووة : يمه تكفين مصدعه وابي انام قالت ام فياض: من اللي كلمك اليوم من بعده وانتي مختبصه قالت فلوووة : الدحمي هو اللي كلمني قالت ام فياض وهو اللي عكر مزاجك اكييد قايلن لك عن طلال ألتفتت فلوة لامها : يعني انتي داريه انه بيجي الليله ويجلس مع فياض قالت ام فياض : ايه بلغني الدحمي وطلبني اتوسط لابوه بس انا رفضت عارفتك ماراح تسمعين مني فلووه : ولا راح اغير رأيي انا وطلال مالنا رجعه لبعض مدري متى بيفهم خلاص خلصنا قالت ام فياض : بالهون لا يطق لك عرق قالت فلوة : اعوذ بالله من الشيطان الرجيم شوفيني حتى اخذت اجازه ما ابي ارجع مع ولدي صرت اتحاشا اقعد معه دخل عليهم فياض متبسم ومزاجه عال العال : يا حيالله ام فياض نزل شماغه وانسدح على رجل امه تبسمت ام فياض وفلوه لا اراديا :الله يحييك يا قلب ام فياض قال: متى جيتوا؟ قالت :لنا يمكن ربع ساعه سأل فياض وهو يتفحص ذراع امه واساورها :ومن جابكم ؟؟ قالت امه : جابتنا الجادل الله يحفظها كان وده يسترسل بالاسئله بس قالت فلوة : قابلت طلال؟ قال فياض : ايه قابلته وكلمني واكيد انتي عارفه وش يبي قالت فلوة :اي وش قلت له قال فياض: انتي وش تبيني اقول له اعتدل جالس مانتظرها تقول اللي تبيه وقال : اسمعيني اول وبعدين قولي اللي تبين طلال متمسك بك وماعمره ارخص خلاص حني عليه وحني على الدحمي واللي كان زمان خلاص امر وصار بتقدرين تغيرينه ؟؟ ا بداً عشان كذا ارجعي له كشخص جديد ولايفوتكم العمر سكت شوي وكمل : انا ادري انتي بعد مثل طلال تحبينه ويحبك ليش تطويلنها استخيري وعلميني وش يصير معك وانا معك باي قرار ******* طلال مستبشر خير من مقابلته لفياض صحيح ماوعده بشي لكن حس بلين من موقفه هالمره حس إن فياض هالمره غير ومتحمس لرجعته لفلوة . . . بعد اسبوع اتصل فياض على طلال وقاله تعالي للمزرعه طلال " وانا ما صدقت على طول رحت له وهناك استقبلني وملامح وجهه عاديه ما استشفيت منه ليش مناديني حتى عبد الرحمن يوم اتصلت عليه كان ماعنده خبر وبالجامعه جلس معي شوي واستأذن مني وغاب عني لحظات ورجع ومعه قلبي اللي من سنين ماهو معي دخل علي وفلوه معه ولحقتهم ام فياض دخلت علي فلووه وتفاجأت فيني وحاولت تطلع وتهرب من المكان قالت بهمس : فياض ليه كذا لكن فياض وقف لها : هذا الرجال يبي يرجعك وانا اضمنه لك خلاص مضى عمركم وانتو متفرقين اللي راح اياَ كان هو والا امه والا انتي ضيعتوه بس الباقي من عمرك ان كان ما رجعتوا لبعض انتي اللي بتضيعينه ويكفي على عبد الرحمن ضايع بينكم خلاص انا ابي جواب الان بترجعين لطلال والا لا نبي ننهي هذا الموضوع الان وقفت ساكته ومنزله راسها وانا استرق النظر لها وودي لو تعطيني نظره بس تروي عطش قلبي المهجور وطال سكوتها لين قالت ام فياض :خلاص يا ولدي السكوت علامة الرضا قال فياض : لا ابي اسمعها منها ها يا فلوة موافقه ترجعين لطلال ضحكت ام فياض : هههه قلت لكم السكوت علامة الرضا مبروك ياطلال واخيرا استقام طلال واقف وحضن ام فياض: الله يبارك بك ياعمه واخيرا اي والله وتنفس براحه وبعدها حضن فياض : والله ما اطلع من جزاك يا فياض قال فياض : الان الاتفاق بينك وبين فلوة وتعرف وش طلباتها وتنفذها لها وريحوا قلب الدحمي الضعيف اللي متشتت بينكم قال طلال بإبتسامه عريضة: ان شاء الله وتم الاتفاق ان تكون رجعة فلوة لطلال بعد اسبوع يكون طلال نفذ شروط فلوة اللي هي بيت مستقل لها وان امه ما تتدخل بينهم ابدا ********** بيت ابو فراس وفي جلسة ود بين فاطمة والجادل قالت الجادل لفاطمة : الا وش اخبار تركيه وجدتها ام فياض قالت فاطمه وهي تغمز للجادل : وش اخبار تركيه هااا وام فياض ؟؟؟ اجل!!! قولي وش اخبار الزين قالت الجادل :وش زينه ما انتي صاحيه والله وانا صادقه وش اخبارهم اخر شي يوم كشتنا وبعدين مالهم حس بالعاده لميا تتصل والا ام فياض بس مرره مالهم حس قالت فاطمه : عادي كل يوم تداوم تركيه ومافي شي ولا قالت شي بس انتي اللي مشغلن قلبتس شي ثاني زعلت الجادل وبان في ملامحها : فطوم والله ان عدتي هالكلام ماعاد ادخل بيتس احشميني ياختس قالت فاطمه وهي تحب راس الجادل : اسفه والله بس والله اني اتمناه لتس الله يجعله من نصيبتس اخذت عباتها الجادل: خلاص مع السلامه دام هذي علومتس وقفت فاطمه بوجهها: لا خلاص توبه والله ماعودها اجلسي تكفين وجلست الجادل وقالت : ايه هالحين اجلس يله صبي لي فنحال قهوه وصبت لها فاطمة وناولتها الفنجال قالت الجادل: عطيني تمره وناولتها فاطمه الصحن قالت الجادل : لا ابيتس انتي تعطيني قالت فاطمه بعد ما رفعت حاجبها : ما كأنتس زودتيها وتبسمت الجادل وفكنها ضحك الثنتين ما يستغنن عن بعض خوات وتوأم روح رن جوال الجادل وكانت المتصلة ام فياض ورفعت الجوال توري فاطمة من المتصل قالت فاطمة :سبحان الله الطيب عند ذكره ردي عليها فتحت الخط الجادل : هلا والله ردت ام فياض :هلابتس يابنتي السلام وعليكم السلام ورحمة الله وبركاته ردت الجادل : وعليكم السلام ورحمة الله وبركاته ياهلا وغلا والله قالت ام فياض: وينتس يابنتي ماعاد شفناتس ولا اتصلتي ولاحس ولا خبر قالت الجادل :والله حتى افتقدتكم بس قلت يمكن مشغولين و تو سبحان الله اسأل فاطمه عنكم قالت ام فياض :والله يابنتي من عقبكم وحنا مشغلتنا فلوة زوجها بيرجعها وهي تعبتنا شوي بس ابشررتس بترجع لابو ولدها والبنات بيحتفلن بعمتهن ونبيتس معنا بالحفلة انتي وام فراس قالت الجادل: ماشاء الله مبروك والله يتمم على خير ابشري نجي ان شاء الله متى ؟؟ قالت ام فياض : ان شاء الله يوم الخميس ابد ليلة ١٤ وانتهت المكالمة ************* ليلة ١٤ ومن قبلها بيوم كانت التجهيزات من البنات للحفلة في مزرعة فياض الفياض قررن البنات تكون حفلة شوي بالمزرعه والجلسه تكون برى نوع من الكشته تحت النخل وجهزن جلسه بطاولات ارضية وحولها خداديات كبار وثيرة للجلوس بألوان زاهيه متناسقة مع مفارش الطاولات وفوق هذا كله مظله مدعومة باعمده تتخللها الاضاءه الصغيرة اللي اعطت للجلسه جو حالم ورومنسي كانت تركية هي المنسق وتقريبا المنفذ اما لميا فكانت الضيافه عليها ماخلت حلى ولا موالح من الانستقرام ماطلبته كل هذا وكان بدعم مالي من فياض فرحان بأخته وبفرحة بناته بعمتهم واكتشف ان امه عازمه الجادل ومرة اخوها ام فراس فكان يقول حطوا احسن شي انبسطوا ولايقصركم شي كانت التجهيزات من افخم شي واغلاه احتفالا بفلوة وعلى شرف الجادل ********* يوم الخميس عند الجادل وفاطمة وفي بيت فاطمة كانت الجادل من بدري عند فاطمه كانت لابسه عادي وبسيط ولا تكلفت ابدا لا في لبس ولا مكياج او شعر على عكس فاطمة اللي كانت متأنقه على الاخر بفستان انيق ومستشوره شعرها اول ما شافتها فاطمه بلبسها شهقت وقالت: عسى بتروحين بهذا اللبس ؟؟ ناظرت الجادل بلبسها وقالت: ليه وش فيه قالت فاطمه :الناس مسوين حفله بزواج بنتهم يعني عرس مصغر قالت الجادل : اصلاً ماني منزله عباتي قالت فاطمة : لا والله بتنزلينها وبتغيرين هاللبس وبتغيرن هالطرحه والبرقع تمسكت الجادل ببرقعها : والله ما اغيره خيير !!! عسى تبيني اشيله بعد قالت فاطمه: ادري مانتي شايلته بس ألبسي برقع المناسبات تعالي تعالي سلميني نفستس وبعد جهد جهيد وكر وفر بينهن كانت الجادل واقفه قدام المراية تتأمل نفسها بفستان اسود قطيفه وبانت فيه رشاقة قدها وطولها وبياض بشرتها وشعرها الطويل ينسدل بنعومه وكثافه على ظهرها مع صندل ناعم بكعب متوسط الطول ويغطي شعرها طرحة خفيفه من الحرير المطرز بنعومه وبرقع خفيف قصير بعيون واسعه وزينت جيدها بسلسله ذهب ناعمه قالت الجادل معترضه: لا ما اعجبني مو حلو البرقع يكشف نص وجهي ردت فاطمه بعصبيه وهي تبخر شعر الجادل وتعطرها و :والله ماتغيرين شي يالله تأخرنا على الناس بسرعه ابو فراس بينزلنا عند الناس وبيروح لجده كحت الجادل من العطر :خنقتيني بالعطر قالت فاطمه لاتخافين هالحين يبرد هذا وانا مختاره عطر خفيف "واحلى خليط عطر وبخور تخيلوا الريحه بس " وسحبتها معها وقفلت غرفتها ولبسن عبيهن وطلعن متوجهات للحفله استقبلتهن ام فياض وفلوة والبنات كانت فلوه بفستان سكري ضيق بجكيت قصير مشكوك باللولو ومكياج خفيف وشعرها ملموم بنعومه على جنب تركيه كانت بفستان ناعم اصفر وفوقه صدريه من الفرو الابيض اما لميا فكانت لابسه جاكيت قصير جلد اسود وتنورة شانيل كارهات احمر واسود وجزمه طويله سودا وفروحه فستان وجكيت وردي طبعا الجادل ما جت ويدها فاضيه صحن كبير من ورق العنب ومثله صحن فطاير قالت ام فياض وراتس كلفتي على عمرتس قالت الجادل :ادري البنات حبوا ورق العنب اخر مره قلت اجيب لهم نطت لميا وخطفت الصحون هذي كلها لي احب شغلك وبعد ما جلسوا تحت المظله وعلى الوسايد قالت ام فياض : خذو راحتكم يا بنات مافي البيت احد عيالي برى نزلت فاطمه عباتها واخذتها منها تركيه ووقفت عند الجادل تنتظرها تنزل عباتها انحرجت وترددت كثير تنزل عباتها بس فاطمه ماعطتها فرصة جادل نزلي عباتس تركيه تنتظرتس وبكل حرج نزلت عباتها وبان القد المياس والشعر الحرير ماقدرت ام فياض تسكت وماتعبر عن اعجابها بالزين اللي تشوفه :ماشاء الله ماشاء الله تبارك الله استحت الجادل وتمنت تنشق الارض وتبلعها ماعمرها مرت بهذا الموقف طول عمرها متكومه على نفسها ولاعمرها سمعت كلمة مدح لا على شكلها ولا على شعرها قالت فلوة : ماشاء الله يالجادل مخفيه هالزين عنا الله يبارك لك اما لميا وقفت تتأمل فالجادل وعطتها تصفيره اعجاب قالت ام فياض تنهرها: بنت اذكري الله تركيه وهي تضحك على لميا : تستاهل الجادل لنا كم نعرفك اول مره نشوف ذا الزين ماشاء الله قالت فاطمة :بس الحين بيغمى على الجادل خلووها هههههههه ورفعت لهم فراس لابس بربتوز على شكل دبدوب قالت :شوفو فروسي هنا الزين كله في محاوله منها لصرف الانظار عن الجادل عشان تاخذ نفس وتهدا لانها اكيد ودها تختفي اعرفها وفعلا انصرفوا بالكلام لفراس وتغير الكلام والحوار ودارت القهوة والضيافه وشوي شوي بدت الجادل تهدا وترجع للجو مع ام فياض وبناتها وكل ما بغت تمسك تقهوي او تساعد قالت ام فياض :والله ماتمسكين شي والشوي البنات بيمسكنه انتي اليوم ضيفة الشرف وابتدن البنات بالشوي وتجهيز طاولة الطعام اللي كان على جانب جلستهم وكانت مليانه بما لذ وطاب من مقبلات وسلطات وحافظات الشوي وانواع المشروبات كانت الاجواء العليله والنسمه البارده والغيوم الخفيفه واخر ضوء النهار معطي للمكان والجلسه جمال وانتهى الغدا وبعده الشاهي على المغرب ابتدا الجو يزيد بروده وكلن متدفي الا الجادل كان لبسها يعتبر خفيف في مثل هالاجواء وتكتفت تدور الدفى وحست عليها تركيه : بردتي صح قالت الجادل : شوي عطيني عباتي عشان تمسك قلبي قالت تركيه: طيب وراحت وجابت شالها الكشميري المفضل اللي كان هدية من ابوها جابته وحطته على اكتاف الجادل :خذي ياقلبي هذا بيمسك قلبك صدق دفاه حنون قالت الجادل وهي تضم الشال عليها تدور الدفى : مشكورة ياقلبي فلوة يوم سمعت اذان المغرب قالت : خلونا ندخل نصلي داخل بالصاله قالت لميا لا ما ابي الليله قمرا وابي اشوفها قالت فلوة :تعالي للصاله واجهتها قزاز بتشوفينه لاتخافين ذبحنا البرد وقامت فاطمه وفرح تعاونها على اغراض فراس والجادل اول مادخلت عرفت انها كانت متجمده راحت وجلست بحنب الدفايه صلو المغرب وجابت لميا شاهي الزنجبيل وكان لذيذ ولذته في دفاه بعد ما تدفوا وسكنت عظامهم من بعد البرد قالت فلوة وهي تتأمل القمر المطل عليهم من فوق جذوع النخل بمنظر مهيب وتتخلله الغيوم الصغير يظهر مره ويغيب مرات قالت :سبحان الله مأجمله استغرب كيف الغرب ربطوا اكتمال القمر بظهور مصاصين الدماء قالت فاطمه : افكارهم دايم سخيفه ويمكن يكون حصل اصل للحكايه لكن السينما الامريكيه تحب تملح وتبهر هالسوالف قالت تركيه : ايوووه مصاصين دماء وقمرا ونخل وظلام قالت لميا : وكلاب تعوي وجنون تطاير خافت فرح ولاحظتها الجادل وقامت وقفت على واجهت الصاله وتطل على المزرعه واشرت بيدها هالمزرعه صحيح ماعشت فيها بس كنت وانا صغيره احب ألعب هنا وهناك واشرت على زاوية مظلمة فيها اطلال البيت الطين احلى مكان هالمكان قالت لميا : يعني دايم كنت تجين هنا قالت الجادل :اي دايم وكنت اتخيل حياتي شلون بتكون لو اني عشتها هنا بين امي وابي الله يغفر لهم قالت لميا وماتخافين؟؟ ردت الجادل وهي تناظر بعيون فرح :لا وش يخوفني مافي شي يخوف قالت لميا :يا بطله انتي بالله ماتخافين حتى بمزرعتكم وانتو ماحولكم الا النفود ضحكت الجادل : ابد مافيه الاالعافيه قالت لميا : ابي اتحداس واشوف تخافين والا زي ماقلتي شجاعه ردت الجادل : تحدي قالت لميا وهي تأشر على جهه بالمزرعه مظلمه : شفتي هذيك الزاويه فيها بوابه تطل على النفود فوق البوابه كشاف اذا فعلا ماتخافين تروحين وتفتحينه وترجعين قالت ام فياض تنهر لميا :بنت وش تقولين قالت الجادل : خليها ياخالتي وناظرت بلميا بس على شرط انا اقبل هالتحدي وانتي بعد لتس عندي تحدي قالت لميا :تم صفقت فاطمه وفلوة بحماس وتركيه قامت على حيلها تشوف وطلعت الجادل وهي تلف الشال عليها تتقي فيه برد الليل ولحقنها البنات ووقفن على الدرج اللي يطل على المزرعه وسمت بالله وانطلقت متوجهه لناحيه البوابه وماعندها من الشيطان طاري قلبها قوي بالله رفعت برقعها لانه قصير ضايقها ماهو مثل برقعها اللي دايم متعوده عليه وانزلقت طرحتها الحرير ونزلت على كتوفها توغلت بالمزرعه كل ما مشت كل ما زاد الظلام ومع الاشجار والنخل غابت عن انظار المراقبين كان باقي لها مسافه قليله وتوصل للبوابه وسمعت صوت الباب يتحرك وتهزه الريح هدت من سرعة خطواتها تبي تسمع زين وماسمعت شي وكملت مشي ناصيه البوابه وفجأه وقفت سمعت خطوات وراها سمت بقلبها وبدت تتسارع نبضاتها وارخت سمعها وركزت وسمعت صوت تكسر اغصان تحت خطوات احد يمشي وتأكدت ان فيه احد حولها ومافكرت ابدا رجعت لورى وراحت تركض الخوف معميها وفجأه صدمت بجدار صلب ودخلت فيه احتواها هالشي بدفاه وريحته العذبه وهو يقول بسم الله على قلبك هدي هدي ماعليك الا العافيه بغى يزيغ عقلها من الخوف ماتدري هو جن والا انس اختفى صوتها تبي تصرخ وتستجد ما فيه صوت غير انها محبوسه ميته رعب من اللي قاعد يصير محاوطها بقوة بإيدينه الثنتين وهي تحاول تتفلت منه بعد ماخانها صوتها حست انه مربطها ومقيدها بايدينه وهي ترافس لين هو مسك دقنها بخفه ورفع وجهها له وهو يقول : بسم الله عليك ياقلبي وجت عينها بعينه اول ما شافها فلتها من يده وهي دفته من صدره وابعدت عنه وراحت بكل خزي ورعب تركض مخنوقه ببكائها ومعميتها دموعها ******** الليله كانت بارده جدا وفياض حس بالارهاق وحب انه يرجع لبيته بدري بس استحى من امه وضيوفها انه يقطع عليهم وناستهم عشان كذا فكر يرجع ويدخل من البوابه الثانيه البعيده وبهدوء يدخل غرفته دخل وكان متلثم ومتدثر بفروته عن برد هالليله الزمهرير وهو يمشي شاف زول قريب متوجه للبوابه تبسم عرف منهي وبقلبه يقول هالخبلة متى بتعقل تختلهاوصار قريب منها بس هي حست فيه وانرعبت وانطلقت تركض من الخووف تلقاها هو بذراعينه المفتوحه وهي بكل قوه اصطدمت بصدره ولفها معه بالفروة وضم عليها ايدينه وقعد يسمي عليها ويهديها وهي تحاول تهرب منه بس ما فكها خايف عليها ولماهدت انكمشت على نفسها رفع وجهها بيده وقال : بسم الله عليك يا قلبي انصدم من المنظر ماهو وجه لميا ولا وجه تركيه بعد خطوة عنها وقعد يتأمل الوجه الملائكي ونور القمر عاكس ضوه على شعرها المتناثر على وجهها بغرتها الطويله و شامتها اللي فوق خدها وعيونها المذعوره تلمست الجادل طرحتها تدورها على راسها ما لقتها ولا برقعها و صدت عنه بسرعه وهربت متجهه للبيت فياض كان بحالة ذهول مازال يتبعها بالنظر مثل كل مره يشوفها فيها يوم اختفت عنه لم الفروة على وجهه وقال :سبحان من خلق وصور لازال واقف ومبهور عرفها من عيونها بس رجع يسأل نفسه وش اللي مطلعها بهذا البرد؟؟!! وليه جايه هنا لحالها ؟!؟ وليه هالخوف كله ؟!؟ كل التساؤلات الي براسه والمشاعر المتضاربه داخله تضاءلت عند شعوره بالسعاده الكبيره إنه شافها وهالمره غير شافها بدون حاجز شاف الوجه اللي كأنه بدر مصورر ,, بس شعور ثاني غلب عليه وهوو شعوره بالذنب بأنه لمس وحده غريبه عنه ماهوبمحرم لها قام يدور لنفسه الاعذار ويقول ما قصدت هالشي هي اللي جت بحضني مشى بهدوء ودخل الفله من باب المطبخ وبخفيه تسلل الى غرفته كانت الاصوات مرتفعه وصوت امه هو اللي طاغي عليها وهي تهاوش لميا زين للي سويتيه بالبنيه الا تحدينها تقطع المزرعه لاخرها انتي خبله من يطاوعتس بس ؟؟ هذا هي رجعت ورجلها ملتويه ولولاالله ستر زين ما انكسرت لميا وهي تدخل المطبخ وتاخذ ثلج من الفريزر: والله ياجده لو ادري انها بتتعور وتنصاب ما تحديتها المسكينه منهاره من البكا من كثر الوجع قالت الجده: اخلصي بسرعه ودي الثلج تحطه على رجلها قبل تنتفخ وتورم تلقتها تركيه بسرعه واخذت الثلج ولفته بفوطه صغيره ووحطته على رجل الجادل اللي من خوفها وخزيها من اللي صار صارت تركض ودموعها معميتها وهي تحاول تدور برقعها عشان تلبسه والحمدلله لقته محشور بين فستانها والشال الكشميري فجأه تعثرت بغصن بالارض وألتوت رجلها وخبطت بكل قوتها على الارض وامتلت يدها خدوش وتغبر فستانها وانحاس شعرها انهارت هنا من الصياح والبكاء تجمعت عليها المشاعر السلبيه ألم وفشيله ورعب وخوف من انه بيلحقها ويشوفها مرميه كأنها تنتظره تحاملت على وجعها وقامت تعرج وهي تنفض شعرها وفستانها وبس وصلت لبقعة الاضواء وشافنها البنات بهذا المنظر ركضت لها فاطمة وتركيه ولميا قالت فاطمة بخوف على الجادل : ووش فيه وش صار معتس قالت الجادل وهي تحاول تسيطر على صوتها : ألتوت رجلي وتعورت قبل أوصل البوابه تساندت على تركيه ولميا وبشويش وصلنها الى داخل الفيلاا وصلن وام فياض تقول بلهفه وخوف على الجادل : بسم الله عليتس يا بنتي بسم الله عليس هاتنها هنا جنب الدفايه قالت فلووة: بسم الله عليك وش اللي جاك خلاك تطيحين ردت الجادل بصوت مهزوز : تعثرت بغصن بالارض ما شفته قامت فلوة وقالت: معي شنطةللاسعافات الاوليه بغرفتي بجيبها هالحين وانتي يالميا روحي جيبي ثلج بسرعه كدمات الرجل لازم كماده بارده قالت الجادل لفاطمه بهمس :دقي على ابو فراس خليه يجي ما اقدر اقعد تعبانه مسكت جوالها فاطمه واخذت زاويه تكلم زوجها وبعد عشر دقايق كان ابو فراس برى تحاملت على نفسها الجادل ومشت الى ان وصلت للسياره ومن السياره الى بيت جدها وحلفت على فاطمه انها ترجع لبيتها وزوجها ما تبي احد عندها دخلت غرفتها و صكت البا ب و تركت المجال لدموعها تنزل احساسها بالفشيله والخزي يتعاظم وقعدت تلوم نفسها انا غبيه انا اللي في كل مره اطلع له الحين وش يفكر فيني اخ لويدري جدي والله ان يطب ساكت ****** ام فياض بعدهالليله الطويله شالت هم الجادل اللي راحت وهي تعذر منها الليله انتهت بغير ما كنت اتمنى وتتأسف لفلوة انها خربت عليها الحفله وجع هالبنيه وجع لي قلبي رحمتها وناظرت بالساعه باقي ساعه على الفجر وفياض مارجع قلقت على ولدها مرت غرفته وفتحت الباب ولقت الابجورة اللي جنبه مفتوحه ونايم وملتحف فروته يا عزي عنك يا ولدي نمت بالفروة هذا تعب والا برد قفلت الباب بهدوء وتوجهت لغرفتها تتسنن وتنتظر صلاة الفجر ****** قراءه ممتعه لكم وردود حلوة لي |
رد: وجه البوم بقلمي / شبيهة امي
يعطيك العافية
|
رد: وجه البوم بقلمي / شبيهة امي
الرواية جميلة جدا
احداثها هادئة وسلسة بانتظار الفصل القادم باذن الله |
رد: وجه البوم بقلمي / شبيهة امي
يا زين هالصباح اللي بدا بعيالك يا أم رنا ❤❤
تو مطلعة رواية روسية بسرق منها كم صفحة قبل الكلية، لمحتك بالمتواجدين وقلت بسس بنحصل فصل مع ذا الصباح وما خيبتيني ❤❤ روووعة آخر فصلين دمار 😻😻 وأطول من الاول بعد 😺😺 تسلم يدك قاعدة أدور كلام آكتبه بس توني غارقة بالأحداث فبرجع بعدين بإذن الرحمن . . صباحك عنبر ❤❤ |
رد: وجه البوم بقلمي / شبيهة امي
غاليتى شبيهة امي فصل رائع باحداثه وممتع للغاية بدايته هى رجوع فلوة لزوجها طلال وكيف تصرف فياض بالموقف فلم بضغط عليها بل جعل الخيار لها وهى اختارت الصح بان ترجع لوالد ابنها فلا تضيع حياتها او تشتت ابنها بينها وبين والده فى هذا البارت اول وصف لجمال الجادل وروعة محياها البهى وصف الحفلة خرافى والاجواء مفعمة بالاثارة والتحدى ماهو الا القدر يلعب لعبته لمقابلتها بفياض لتسلب قلبه المسلوب مسبقا وتأخذ تفكيره على حين غره وفى نفس الوقت تسلب راحة البال والقلب من الجادل ابداع متواصل لاحرمنا منه وننتظر الفصل القادم بشوووق لك منى كل الشكر والتقدير على هذه المتعة دمتى بكل الخير فيض ودى |
رد: وجه البوم بقلمي / شبيهة امي
*السلام عليكم ورحمة الله وبركاته,*
رووعة وابداع لا يوصف ... رجعت من بعد الغياب لأجد كمية من الجمال والإبداع آآآه قلبي الرهيف لا يحتمل ... بقرأ الفصول وعيوني لآلئ <<اتخيليهم متل عيون الأنمي لووول الجادل علقت الفياض وشغلت قلبه والله كل موقف بصير معهم اقوى من اللي قبله واليوم لقاء نيزكي ارضي شوكي اقصد جوي مدري شلون صرفيها بمعرفتك >>> معذورة ضاعت علومي ههههههه ابدعتي أم رنو في تصوير المشاهد واخراجك فني عالآخر سعيدة بعودة فلوة لطلال ومبسووووووطة كتير بجية فرووس تستاهل فطوم الفرحة . سامحيني ع التقصير بالرد ولكن تأكدي إنك في طليعة اهتماماتي من الروايات تقبلي مروري المتواضع وخالص ودي "سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك" |
رد: وجه البوم بقلمي / شبيهة امي
السلام عليكم
بارت روووووووعه❤❤❤❤ ام رنا 🌸🌺🌸🌺🌸🌺🌸🌺🌸🌺🌸 مبروك رجعة فلوه لطلال .. مبسوطه اكثر شي للدحمي والله بيفقدونه البنات كان مسوي حياه بالبيت ونفعه زين فاطمه شكراً لإهتمامك بالجادل مسكينه طول عمرها مع الجد والا مع اخوها هم مايقصرون بس مو مثل يوم يكون عندها ام والا اخت ..وانتي يافاطمه صرتِ نعم الاخت النصوح الجادل كنت متأكده انها مزيونه بس كان يبي لها صقل مثل الجوهره اذا انمسحت يطلع بريقها بس صدمتني بالشامه احسها عامله عمايل😍 لقاء ابطالنا تحت القمرا او بالاصح تصادمهم 👉ترى صدمني انا بعد😍😘 فيس يهف على نفسه (يالله تذكرت الايام الخوالي) ايام انفاس قطر لو يصير لي مثل هالموقف مع فارس الاحلام اظن بحبه لو هو اشين خلق الله😂😱 احس بيغير كثير فيهم الاثنين مقدر اعبر الموقف يبي له استيعاب بس للامانه حلو واعجبني وخرط مشطي من الاخر يووووووووووووه ❤❤ ام فياض ضعيفه رحمتها تحسب ولدها نايم على نفسه بالفروه برد والا تعب ماتدري ان البلا بالفروه فيها لصقت ريحة الحبايب😂😂 الجادل مدري ليييه رحمتها مرررره 💔 وسلامتك شبيهة امي 🌸🌺ماني عارفه اعبر من مكنوناتي |
رد: وجه البوم بقلمي / شبيهة امي
اقتباس:
مش قادرة اعبر بحرف حتى الآن 😻😻😻 لا بس حلوة يصير الموقف مع فارس الأحلام هذي 😹😹 تخيلي بسس >> طبعا انا ما اغطي فما اقدر اتخيل الموقف 😸😸 |
رد: وجه البوم بقلمي / شبيهة امي
وهـ بس ياقلبي على هالبارت ام رنو اجل سبحان من خلق وصور يافياض اي بالله سبحان من خلق وصور لا وامه تقول عزي لحاله نايم بفروته عن البرد مادرت انه متلمم بالفروه فيها من ريحة الحبايب
فلوه واخيراً حنت هي كانت تبي هالدزه من زمان الله يوفقهم معاريسنا الجادل والله تخيلت شكلها بهالبارت جايبه الكشخه من اقصاها هالكشخه هي اللي بتجيب الحبيب من أفاه يخطب باجر تسلم يدينج ام رنو تدرين شنو وضعي وانا اقرا البارت تعرفين لماتشوفين اثنين حبيبه ويترمسون وانتي ماغير تقلبين راسج بينهم وقلوب تطلع فوق راسج وهذيك الابتسامه العبيطه تعرفينها هذا وضعي بالضبط لما اقرا البارت بانتظارج ياقلبي حرم الله يدينج النار |
رد: وجه البوم بقلمي / شبيهة امي
ياحي الله أم رنو
قلوب تنبض تنبض ربيع ربيع. مع هالامطار والخير اثر على الجزء وربع وطلعت الجادل مزيونه. تخيلت شكلهابالقطيفه الأسود وفياض يسمي عليها ههههههههههه وفلوة اغصبني واتغيصب. ويزوجني صبي اباعرنا. ذكرت قصة جدتي الله يرحمها ماقصرتي أم رنو |
رد: وجه البوم بقلمي / شبيهة امي
يااااويلي أمم رنووو تعالي هاااتي بوووسه على هالبااارت اللي يجنن للحين ماكملته بس شفت موووقف فياض وجدوووله وجيت طيران ابث كلمات الشكر.. زينهم زيناااااااااااااه..
************************************************************ * السلاااااام عليكم .. يااااااااااااامرحباااااااااا ملاين بام رنوووو حى الله الزين كله.. وياازين هالباارت اللي يجنن بوسط هالاجواااء الرااائعه امطار وخير وجوو يهبل وجزء يجنن ونفس اجوائنا وش نبي بعد اكثر من كذا... يااازين الكااتبه اللي تكتب مايحبونه قرائها زين ام رنوو وزين ماتكتب يااناس... والله ياا ان الجزء هذاااا كان امنيه من امنياتي من يوم بدت الروايه.. كلشي فيه يجنن. بدءأ من رجوع فلوه لطلال الى موقف فياض والجادل.. عاد تدرين ام رنووو والله من شفت لمياء جابت الشال الكشميري حقها وحطته على الجادل وانا بااصمه باصابع يدين ورجليني ان فيه موقف بيصير بين الجادل وفياض ..بس ماتوقعت موووقف يجنن كذا وانها اخرتها بتطيح بحظنه.. .. والله اننا ضعيفات يا هالمتابعات هالموقف الجمنا وربط يدينا عن الكتابه....هههههههههههه كنت منتظره كشته عاديه بس ماتوقعت كشته مفتخره مثل هذي .. صح انها انتهت باصابات وصياح وغلقه بس معليه يكبرون وينسوون الالم وتبيقى اللحظه الحلوه ماتنمحي ..هع المهم ام رنووو زيدي لنا من هالمواقف الحلوووه اللي توسع الصدر .. توسع صدورنا وصدر ابو الفياااض .. والجادل ماعلينا منها تصيح لين يصفى اللي براسها وعقب تزوجه .. ماعندنا ناااس تصير بينهم هالمواقف واخرتها كلن يروح بحاله..هخهخهخه اجل يااجدوول عندتس شامه ولاا درينا واوول من شاافها فياااضي..هخهخه اجل انتي تشبهين سميره توفيق..>> عندنا وحده من عجزنا الله يعافيها كل مامدحوا لها جمال وحده قالت أي هي وسميره توفيق..؟؟ وان قالوا لها فلانه قالت مهو صدز.. محدن مثل سميره. هالسؤال معها يقوولون فووق أربعين سنه.وعندها الجمااال وخيالها فيه توووقف عند سميره..ههههههههههههه ابارك للدحمي رجعة امه وابووووه.. وعقبال مايجي لك اخوان وخوات .. واهم شي ان فلوه شرطت اللي تبي والاهم ان فياض ماغصبها.. وفيااااض وفروته اللي متلملمن فيها وراقد شكله هو بعد منصدم من الموقف بس صدمته ايجاابيه والرجال علق في فروته ريجة الجادل بعطرها وبخورها... وعلى طاري البخور والعطر احب اشكر ام فراس على تعاملها الرااقي والحنووون مع الجادل الله يخليهن لبعض وصدق من قال رب اختن لم تلدها امك..>>ادري محرف بس هو مناسب هنا..هخهخهخه لاتطولين علينا بالجزء نبي عاد نشوف الجادل عقب ماتستوعب اللي صااار وتصحى من الصدمه وش ممكن تسوي.. اهم شي انها ماتقطع روحاتها لام فياض .. ياخوفي تصير نفسيه وماعاد تروح لهم .. يعني مثل هامواقف ماراح نشوفها الا ببيت فياض والا بالبر .. يمكن فياض يشوف الجادل بالبر ويتعذر لها من الموقف ويبين لها انه مفكرها لمياء .. اما الجادل مايحتاج بتفكر انه متقصد هالموقف وبتقول قليل ادب ماراعى اني في بيته وعند امه وبناته.. والله هذا اللي انا خايفه منه . تفكير الجادل هذا. ام رنووووووووو تكفييين ياابنت الحلال لتطولين بالجزء الجااااي خليتس كذا لهلوووبه واكتبي البارت ونزليه اليوم>>فيس ماعنده وقت..هههههههه تسلم الايااادي ياعسل ويسلم الابداع واهله بانتظاااارك فلا تتركين انتظارنا يطووول.. |
رد: وجه البوم بقلمي / شبيهة امي
السلام عليكم...
صباحات الزهر والفل والياسمين صباحات الامطار ووالرحمه من رب العالمين .. صباحات الابداع والحب والفن والزين... مع كل قطره مطر احبك صديقتي ام رنووش رويتي مشاعرنا بلقاء صاروخي ماتوقعنااه والحلو اني اشووف الصبايا قلوبهم ولعت من هالحدث ههههه وكنت اظن بلحالي عندي جفااف طلع اغلب الشعب نفسي اكسبي فينا اجر ودفينا بمثل هالمفاجأت اللي تنعشناا يالغاليه تحسبين بنقولك ماانبي نكلف عليك ههههه لا والله مانشبع وندري عندك تجارب ومواقف تفل الحديد اتحفينا ياراقيه بجمال افكارك وقوه اسلوبك ***** ابيات المقدمه مختاره بعنايه ماشاءالله ناسبت احداث الجزء بقووه فليله 14 ماكانت لفلوه وطلال بس ربي يطول بعمرها ويخليها لعيالها احسها شايله همهم بزياده تحاتي الصغير والكبير هم كذا الجدات ربي يحفظهم ضحكني فياض وهو يحاول يعرف اخبار الجادل واكيد ان حركاته بتكشفها العجوز قريباا فحبه واعجابه بيظهر بتصرفاته وكلامه اكيدد ++ دخل عليهم فياض متبسم ومزاجه عال العال : يا حيالله ام فياض نزل شماغه وانسدح على رجل امه تبسمت ام فياض وفلوه لا اراديا :الله يحييك يا قلب ام فياض قال: متى جيتوا؟ قالت :لنا يمكن ربع ساعه سأل فياض وهو يتفحص ذراع امه واساورها :ومن جابكم ؟؟ قالت امه : جابتنا الجادل الله يحفظها كان وده يسترسل بالاسئله بس ++ انرسم بخيالي هالموقف من كثر مااعجبني حسيت فياض طفل يبي يطلب شي ومستحي ++ حس إن فياض هالمره غير ومتحمس لرجعته لفلوة ++ شفتو كيف الحب يغير الانسان وهالشي صار من مصلحه طلال ومثل ماسخره ربي لفوه وطلال ربي سااق لميا وتحديها عشان تطيح الجادل بين يدينه ويشوفها ويستنشق ملامحها مع كل نبضه من نبضات قلبه اتوقع مو مغسل فرووته عقبها ابد هههه :lol: ++ استقام طلال واقف وحضن ام فياض ++ ههه المفروض هالحضن لاحد ثاني :peace: بس ام رنووش استحت هههههههههههههه *** تمنيت الحفله اللي بالمزرعه يكون فيها حضور او معازيم اكثر موعشان التكلف اللي صاار وبس الا عشان يشوفون زين الجادل وكشختها **** كله كوووم وخوف الجادل على جدها كووووووم فديت قلبك ياالقمر اناا بعلمه واضمن لك انه بيقووم يرقص زومبا من الونااسه والفرح عشانك :party0033::party0033::party0033::party0033::party0033: *** عقب الصدمه اللي صارت موبس الجادل وفياض يبي لهم علاج نفسي هههههه انا بعد معهم حاشني اضطراب نفسي وبقى يوقف قلبي ابكي ابكي يااجدوله والحمد لله ان اصابتك مو خطيره ولكنها جت مكمله وسبب عشان اللي يشوف دموعك واوجاعك يحسبها من الالم اللي برجلك ومايدرون عن مشاعرك وفشيلتك وفياضناا مستحيل بيقدر يداري مشاعره او يسكت وان قدر تصرفاته بتفضحه يااخي رجال مكتمل الرجوله وبدون زوجه فتره طويله اكيد استيقضت مشاعره بعد هالشوفه هههههههه ماقلت لكم صابني اضطراب عقب اللي قريته فاعذروني ع الهلوسه فديتكم امووووووح ام رنوووش الله لا يحرمناا منك |
رد: وجه البوم بقلمي / شبيهة امي
.........................♪♪♪ اقتباس:
:friends::friends::friends::friends::friends::friends::frien ds: هههههههههههههههههه بقوة والله فيها ريحة الحبايب .. أصلا تخيلت الريحة لما كتبت أم رنو " تخيلوا ريحة العطر والبخوور " أويلللي بس .. وتخيلت الأجواء الزينة والبراد والشوي والجلسة والوناسة هههههههه .. اممممم مدري حسيت بدري بالرواية رجعة فلوة لطلال .. بس حبيت الرجعة يوم كانت سبب اللقاء الجميل هههههههههه :lol: .. وماننسى الشال الكشميري اللي له الدور الأكبر برضو =) !! من أول كنت متمنية أن الجادل تكون مقبولة وعادية عالأقل .. وانبسطت مررررة أنها بهالزين كله ة_ة .. وأكثر شيء محمسني في أنها ترتبط بـ فياض .. علشان تكيد العذال ‘ عيال عمها وقريباتها العلل السخيفات اللي ماحبيتهم أبد .. عساك عالقوة أم رنووو ‘ مستنين البقية على نار .. ♪♪♪......................... |
رد: وجه البوم بقلمي / شبيهة امي
معزووووفه حنننييين.. حنووون هلااا وغلا استفرت وانورت .. اخباارتس يااقلبي وعلووومتس ؟؟ من زمااان عنتس يااعسل..؟؟
حننووون شفتي الزين بس.. ؟؟ البارت يجنن وزاد جماله يوم انتي جايه فيه.. الله لايحرمنا شووفة حبايبنا... قلوووووووب من عندي لعندتس يااعسل. شفتي بس جدوووله شقد حلووووه.. . |
رد: وجه البوم بقلمي / شبيهة امي
يم يم يمم ..
فصل لذيذ لذيذ لذيذ .. تسلم يدك أم رنا ❤❤ تشجعينا على التمرد والمطالبة بفصول جديدة مع كل كلمة 😻😻 شكلي بطالب بفصل لاول مرة بتاريخي تقريبا اذا استمرت الأحداث على هذا المنوال 😻😻 الفصل اللي فات قريته تقريبا خمس مرات حتى الآن بس ما لقيت كلام أكتبه 🙀🙀 فخلينا نفرغ عواطفنا هنا 😻 شوفي أهم شي يميز كتابتك السلاسة والبساطة .. ما شاء الله الواحد دايركت يدخل في الأحداث بدون أي جهد وطبعا التأثير يجي مضاعف 😻 الفصل بدء برجعة فلوة لطلال .. فياض كان معه حق برميهم بحضن بعض ولا هي اصلا (اغصبني واتغيصب) وطبعا طبعي المنيل ابى إلا أنه يحاول يحفر ورا الجانب النفسي للموضوع ظنتي فياض أولا لأنه قلبه بدا يميل للشيخة وبدا يعرف الحب فحس أكثر بمعاناة طلول المسكين وثانيا لأنه شايف حال بنوتاته بعد وفاة أمهم وافتقادهم لها وافتقادهم لحياة تجمعهم بأمهم وأبوهم مع بعض قبل وكيف الدحمي مشتت شوي هنا وشوي هناك ولا يقدر يجلس بين أمه وابوه ويقطع عليهم خلواتهم أهم شي (وظيفة العيال 😹😹 ) وطبعا لان اخته اصلا تحب ابو ولدها وهاسا شي واضح لا جدال فيه قال نرميهم على بعض ونخلص 😹😹 وفلوة ما صدقت خبر شافت الرجال من هنا وسكتت راضية من هناك 😹😹 مسكين طلال .. بينتظر أسبوع كااامل عشان يضمها بس يلا .. العوض عند أم فياض يا مسيكين 😹😹 روح حبيبي انت ضم عبد الرحمن كمان وتلاقي ريحتها علقت به .. شطور بابا طلول شطوور ولا تكرر غلطتك الأولى .. إني أحذرك 😾😾 بهجم عليك بقططي الالكترونية ونخرمشك وكدزا 😽😽 نجي للروس الكبيرة حبيب الشعب .. فياض باشا .. باشا صدق بسس بسس بسس بعترف بشي هنا :فيس يتلفت يمين يسار يسار يمين: صراحة صراحة اول ظهور له في الفصل لما دخل وحط راسه بحضن أمه عيوني حولت قلوب والغرفة انفجرت قلوب قلوب قلوب 😻😻😻 .. اما مع الجادل كانت عيوني بس قلوب 😻 >> بسبوس يريد أمه هنا 😿😿 جد جد جد جد موقف صغييير صغيير وجا بسلاسة كذا وهدوء وبدون توصيفات كثيرة ولا لفت نظر ولخص علاقته بأمه وحبه لها وقلبه الصغير الطيب الجميل وطبعا انا تخصص في الالتفات لما لا يلتفت له الاخرون 😽 وطبعا عشان هو محظوظ ما شاء الله، فقمره جته ليييين عنده .. ولا تركض بالخطوة السريعة بعد ودايركت ع الحضن بداخل الفروة ما شاء الله .. بيجلس قرن ما ينسى الرائحة وطبعا الوجه محفور بذاكرته منذ مبطي أصلا ما يحتاج 😺😺 بخور وعود 😻😻 يا قلبي الصغير المسكين لا تقلق ولا تحس بالذنب يا عمي فياض .. أنت اصلا فكرتها لميا ومش ذنبك صعبتك عليك بنتك في الليلة الباردة دي :فيس بريء: زين سلفني الفروة يوم ونص بس لين اروح البيت اخطف الفروة اللي هناك 😺😺 :فيس بريء أكثر من اللي فوق: لا أوصيك، أحلم أحلاما سعيدة وأهم شي الشعر والشامة الشعر والشامة ولا مانع من لفتين ورق عنب وشوية بخور متطاير بالأجواء كله يمشي . . جاادل .. يا تسبدي عليها المسيكينة سنين ما شاف احد وجهها ويوم ينكشف مرة واثنين يكون لغريب .. شوفة شرعية يا قلبي شوفة شرعية لا تخافي :فيس يطبطب على كتوفها بمؤازرة: والله ذا البنت سالفتها سالفة يعني واضح وجهها ما شاء الله ما به عيب اللي فتن فياض اللي ما شاء الله بعد مزيون هو وبناته واخته وكمان ما شاء الله اعجاب البنات وجدتهم بها وطبعا ام فراس شهادتها مجروحة .. زين ليش ذا القرف اللي يقوطر من أفواه حيات التبن حريم عمانها وبناتهم ؟ أقارب الهم والغم أستغفر الله بسس خوفي يحاولون يتدخلون بين البنية وعمتها أم فياض ويوسوسون لنا بالزواجة المنتظرة ساعتها بقطعهم بسناني 😾😾 وعاد مشرحتنا اشتاقت للجثث 🔪🔪🔪 نجي لفرووس التبتووب 😻😻 ياا زينوو الصغنتوت 😻😻 سآكل خدوده الصغيرة الجميلة هو وسعابيله العسسسسسل 😻😻 تخيلي انا بدفاشتي احب الاطفال الصغار 😹😹 ما يركب صح ؟؟ . . صحيح بمناسبة مصاصين الدماء وتعاويذهم وكدزا .. كنت اتفرج فيديو يمكن قبل الفصل بيوم عن اصل ذا الاسطورة وكدزا فقلت اشارككم بها 😸😸 الاصل في الموضوع مرض نادر اسمه بروفريا prophyria (الله يعافي عباده ويعافينا) بيكون بسبب خطأ بتصنيع الهيموجلوبين واهم اعراضه حساسية شديدة جدا لضوء الشمس ومع اقل قدر من الأشعة يحترق جلد الشخص (عافانا الله واياكم) فبيضطر يتم حبيس بيته وما يطلع الا بالظلام ولسبب ما الاطباء قبل ما يعرفو التفسير للمرض كانو يفكرون الشخص مصاب بنزيف ولازم يعوض الدم اللي بيفقده بشرب دم الحيوانات (يعع فعلا بس حقيقي 😹 ) وطبعا دا خطا خاالص واصلا اصلا شرب الدم مش مفيد باي حال من الاحوال لانه ينهضم ويفقد كل خواصه وطبعا المرض مش معدي باي شكل من الاشكال لكن وراثي بالتالي ممكن الام تكون سليمة ظاهريا وينولد لها طفل مريض لانها اصلا كانت حاملة للجين (اللي اتفرج فيلم توايلايت الجزء الثالث تقريبا لما بنت البطلة جت مصاصة دماء هي بعد مع ان امها بشرية كان بناءا على هذه الحكيكة العلمية) وبسس توتة توتة خلصت الحدوتة >> ملتوتة طبعا .. من يحب سيرة المرض الله يعافينا والمسلمين ؟ كان معكم مراسلتكم من القنوات المعلوماتية العربية على يوتيوب ضاكتورة بسبس او بسبوس ايهما يجيء ببالكم اولا .. شكرا لحسن الاستماع، قصدي القراءة، حبيبتنا ام رنا واعذريني طولت عليك ❤❤❤ |
يعطيك العافية
بس عندي ملاحظة : في بداية الرواية ذكرتِ انه الجادل قبيحة الوجه وانو جدها كان يقول لها الله يزين حظك يا بنتي تمام كيف دحين صارت فجأة جميلة وجذابة وكدا !!؟ |
رد: وجه البوم بقلمي / شبيهة امي
اقتباس:
بس ترى بنات عمانها مايعرفون شكلها وهالفكره ماخذينها من امهاتهم.. وبعدين تراها تبرقعت وهي صغيره يعني بعد ماتبرقعت محد شاف وجهها..ابدا حتى فطوم زوجة اخوها اللي تعبرها اخت ماتكشف عندها.. وغير كذا البنت ربطوا وضعها باللي صار لاهلها وكرهوها .. والواحد اذا كره احد والله لو تمدحه وكالة الانباااء بالزين والجمال مايشوف جمال.. وعذرا ام رنووو على الرد ويمكن يكون لتس رأي ثاني تقدرين تدلين بدلوك فيه>>فيس مذيع..هخهخه |
رد: وجه البوم بقلمي / شبيهة امي
جا اليوم اللي تجرب فيه ام رنا هوايتي المزعجة .. الرد عشرتاشر مرة بعد نفس الجزء 😽😽
قاعدة فاضية قلت اعيد القراءة من الاول مرة ثانية وكالعادة كأني اقرا من جديد لازم انتبه لبعض الاشيااء للمرة الاولى وصلت لاخر الجزء الثالث حاليا وطبعا رجعت انقهرت من عيال عم الجادل وامهاتهم 😾😾 وزعلت عليها المسكينةة وهي تسمع كلام جدها بالمجلس 🙀🙀 يا دلبي نعيد تجميع بعض الوقائع الجادل ما كانت بذاك الزين في طفولتها وقد تغير الوضع طبعا وعادي جدا اعرف اشخاص كثيرين بكبرهم احلى بمراااااااااحل من الطفولة .. لكن اطلقو عليها لقب (بوم) بسبب احداث سيئة ارتبطت بولادتها ولسبب ما للتو الاحظ ان الاحداث السيئة فعلا انذكرت بالفصول 😹 (موت امها ثم موت ابوها وعمتها 🙀 ) زين هم الله يرحمهم واللي جاية توها بسبوسة صغيرة وش ذنبهاا بسس 😾😾 الله والتفكير !! تصدقين كنت نسيت ان فياض وفلوة لهم اخوان ثانيين 🙆🙆 الحين ليش ذا الاخوان ما حضرو العشا ؟ ولا كانو بالمجلس مع فياض وطلال ؟ :فيس ما يذكر 😸 : وطبعا طبعا قاعدة اتأثر من جديد بالاكل واجواء القرية 😺 صح الشخص اللي كان ببالي بالاول بعد ثاني فصل .. ذاك اللي كان السبب باني ما جربت حياة القرية او البادية هو المرحوم الجد الاكبر للفرع المصري من العيلة مدري القبيلة واللي طفش منذ سنوات من بلدهم وقرر يجي مصر 🙀🙀 مش كان زماني دلوئت كل سنة عمرة 🙀🙀 بس نقول ايه بسس الله المستعان وبعد لقيت دليل جديد على صبر الجادل وطول نفسها اجل يدخلون يصورون بدون اذن 😾😾 كشخص فارض حظر على كل ممتلكاته لو احد دخل لمسهم او صور شي يخصني (تقريبا مفيش شي يتصور غير الكتب 😹 ) المهم ان فيها دمم .. فيها قبااايييل 😾😾 اغراضي الغالية دي 😻😹 وحصلت ميزة جديدة نضيفها لمميزات قراءة اي رواية تحمل اسم (شبيهة أمي) وطبعا بما اني تو أمس او اول امس اعيد قراءة (أيامنا الحلوة) و(الا ليت الزمان يعود) فعندي تأكيد قوي على الميزة اطمئنان وراحة نفسية بغض النظر عن رائحة القهوة شبه الملموسة والهواء النقي (كائن يعيش حرفيا في اجواء الرواية) فالواحد يقرا وهو مرتاح البال ان لو جا مقلب ما بيكون شي مزجع ببشاعة او مستعصي وانما بيجي بهدوء وينحل بهدوء رغم انه بيأثر علينا بقوة >> يا رب اكون قدرت اوصل اللي ببالي 😹😹 حاسة اني كتبت طلاسم 😸 وصح لاحظت انك ما شاء الله متقنة للمصرية الاصيييلة اللي شبه انقرضت حاليا خصوصا لما سوسو تقول (انا في ديك الساعة) .. ياااااه من زمان ما مرت علي هي واخواتها (انا في داك النهار) وكدا 😹😹 . . وكذا اكون خلصت للان بروح اكمل باقي الفصول ومدري اذا بيجي ببالي شي ثاني بس قلت احط هذا قبل النوم والا بقوم الصبح وانا ناسية كل اللي كان ببالي 😹😹 |
رد: وجه البوم بقلمي / شبيهة امي
قرأت أربع فصول كمان وقد تأكدت من أمر ما 😺😺
يبدو ان الحالة النفسية وقتها كانت مأثرة بقوة .. نص الكلام كأني ما قريته قبل 😹 وفيه جمل بالحالة الطبيعية مستحيل افوتها بدون تعليق 😹 (موتن حمر) مثلا و (ما بعد العود قعود) >> أعجبتني هذي لو عندنا نفس العادة أذان العشاا بمر بالعود وأدخل أنام بدل ما الواحد بيجلس مع الضيوف عين مفتوحة وعين مقفولة من النعس 😹😹😹 وكمان ( اليوم دفى واحتريت ) اليوم دفى ولا وشوفة الشيخ فياض هاا 😏😏 ولا العاشق الولهان اللي رايح يسمع مواويل وظبي النفود والبراقع يفتني وحاجة آخر روقااان 🎧🎵🎶 وطبعا أم جمال ما شاء الله حلت اللغز .. أنا ما عدت أتعب نفسي وأحاول افكر طالما مش لغز في العلوم 😹 وكمان لمحت بين السطور ان ام طلال نفسها اتصلت بفلوة رد فعلي بالضبط كان اني ميلت ثمي وقلت (ما كان من الأول) مع هزة راس ع الخفيف 😹 الحين ليش ما زوجتيه بنت اختك من الاول ؟ واصلا تربين فلوة على وش ياا شيخة ؟ لماساا شغل الحموات داا هو احناا ناقصين 😑😑 وفي الاخر ما اكلها غير ولدك المسكين والدحمي اللي قضاها يتنطط من هنا لهناك ومن هناك لهنا 😑😑 وأمس أقرا الفصل الرابع بالمدرج قبل المحاضرة وطلبة اول سنة باقي ما طلعوانا اضحك وهم يهزون روسهم وش بها ذا المجنونة 😹😹 >> زميلاتي خلاص عرفو الزتونة زي ما بنقول 😹😹 امم .. فياض كان يحاول يعرف عمر الجادل (وصح حلوة الطريقة اللي اتبعها عشان يعرف اذا متزوجة ولا لا) اتوقع بالثلاثينات هي بما ان فيه ابن عم 😒 بالاول قال انها اكبر منه ب ١٥ سنة وطبعا ما بيعلق الا اذا هو بسن زواج فنقول باول العشرينيات او قبلها بقليل ^ω^ ^ω^ وبالنسبة للفحل المرحوم .. من اول ظهور جا ببالي سيناريو مشابه للي صار وبعدين قلت وش يجيب الجادل لمزرعة فياض (･ิϖ･ิ)っ بس طلع عند ام رناا وسائلها الخاصة وانا اللي مخي مآخذ اجازة ✺◟(∗❛ัᴗ❛ั∗)◞✺ وبعد الكم فصل برفع شعار (زوجي الجادل وفياض) واكسبي فيني ثواب .. بعيش شوية اجواء احتفالية بدل الوحدة اللطيييييفة الي انا فيها حاليا 😹😹 صحح الحين الرواية صارلها تقريبا ثلاث شهور او اكثر 😳😳 جد 😳😳 :فيس رايح يزرع ساعة بيولوجية جديدة: ما حسيت بهم ابدد 🙆🙆 يلا بروح اكمل اخر فصلين .. تفتكري اطلع ما انتبهت لشي فيهم هم بعد ؟ كذا بزرع ذاكرة جديدة ومركز معالجة جديد للابصار 😸 |
رد: وجه البوم بقلمي / شبيهة امي
السلام عليكم ورحمة الله وبركاته 💜.
ماشاء الله عليك يا ام رنا مبدعة وكتاباتك سلسه وترد الروح ، انا من زود مَ عجبتني الرواية رحت قريت رواياتك السابقة وكل وحده احلى من الثانية مَ تحملت وسجلت وقلت لازم اهنيك على قلمك مبدعه 💜. نجي للروايه شدني العنوان ويوم قريتها قصتها مختلفة جدًا و محمسه ، وفياض انفدا خشته يستاهل الجادل وهي تستاهله الطيبون للطيبات اجواء الروايه جميله والعايله كيف كذا مترابطين عجبتني حيل صراحه عشت الدور ودخلت جو معاهم 💜. |
رد: وجه البوم بقلمي / شبيهة امي
غاليتى العزيزة شبيهة امي دائما اتابع صفحاتك لعلى اجد فصلا جديدا ينعش ارواحنا المنتظرة لقطرك المنهمر ننهل منه بعضا من الرومانسية الخجلة التى تتصف بها روايتك لتزهر ارواحنا وتستظل بظلالك الوارفة فلاتتركينا عطشى ننتظر غيث ابداعك لفترات طويلة دمتى بكل الخير فيض ودى |
رد: وجه البوم بقلمي / شبيهة امي
متى البارت يا ترى؟
|
رد: وجه البوم بقلمي / شبيهة امي
السلام عليكم ورحمة الله وبركاته
صبحكم الله بالخير ياحلوكم ويا حلوو ردودكم وتفاعلكم :liilas: كلي حب الله يعافي قلبس ندا المطر نورتي الروايه واتمنى تكملين معنا للنهايه فرحه اذا الله اراد لقاء شخصين يسرر لهم الطرق والمواقف وهذا اللي يصير مع فياضنا وجادلنا كل الشكر لكلماتس المشجعه واللي اسعدتني كثير bluemay حبيت لقاء نيزكي اري شوكي ههههههههه اسعد دوم بتواجدس مع احداث القصه الله يسعدس الضوء الهادي ههههه احب انكم تحطون نفسكم بمواقف القصه وعبرتي صح عن مكنوناتس هههههه الله يسعدس من فهمني ملكني يا زينكم اجل لازم اضاعف كمية الرومنسيه ههههه خلتكم تعبروون الله يسعدس عذرا يا قلب ههه اغصبوني واتغيصب ويزوجني صبي اباعرنا لازم تقولين لي هالسالفه ضروري الله يسعدس زارا هههههههه مت من الضحك على عجوزكم اللي وقف خيالها بالزين عند سميره توفيق الله يسعدس |
رد: وجه البوم بقلمي / شبيهة امي
zeez
يعني وش اقول يا زيزي غمرتيني بجمال كلماتس و ردس وافي ووحبيت إلتفاتاس لما بين السطور الله يسعدس صديقتي معزوفةحنين احب تعايشكم مع تفاصيل اللي اكتبها وربطها مع الاحداث الله يسعد قلبس حنو شيماء علي تفوزين عندي باكثر ردود اسعدتني حبيت تفصيلاتس للاحداث ا حسيت انس غصتي معي بالاحداث وتغلغلتي فيها وتفحصتي بتمعن اسلوبي الله يسعد قلبس يا شيماء حلم رمادي الله يعافيس في بداية الروايه وعلى لسان الجدة كانت تقول الله يزين حظك الجادل جتمع عليها تشائم جدتها منها وعدم محبتها ونحف وعدم اهتمام والبنات بعد بسبع وجوه مثل ما يقولون وشي موجود بنات وهم صغار ما فيهم جمال بس تكبر وتشب تبان عليها علامات الجمال اتمنى وضحت الفكرة زارا قلتي اللي بخاطري تويفانا نورتيني واسعدتيني يا قمر اجل تتفدين فيااض هههه يستاهل ههههه الله يسعدس فرحة والله يا فرحه ابيكم تلتمسون لي العذر وصدقوني انزل الجزء من هنا اكون باديه بالجزء اللي بعده واكتب وامسح الى ان اوصل لشي احسه بيرضيكم سلمى سعسع ابشري هذا هو وصل |
رد: وجه البوم بقلمي / شبيهة امي
طلب من المشرفات لو تكرمتوا
ممكن تكبرون حجم العنوان لانه مره صغير وماهو واضح وشكرا |
رد: وجه البوم الجزء التاسع بقلمي / شبيهة امي
بسم الله ٩ . . . بين المفارق والسهر واشــهب اللال روحي مـــواعيــــد اللقــا مــاروتها عذب المشاعر كل يومـــن لها حــال وان مرت ابها الفــاتنــه عطـــــرتها الجادل اللي حسنــها ماله امثــــــال تعشب خطاويها الدروب ان مشتها جتني تخطى زولها يشــــــرح البال ياحيها مع كل خطــــوه خطــتــــها يوم أقبلت غنا لها القلــب مـــــــوال فاعت لها خضرالجروح وســـرتها في خدها الأيسر زهت حبة الخـــال وفي عيـنــها ســــوالفن ما حكتها لاسلهمت بعيونها كحلهــــا ســــال والى ارمشت ورد الخدود جرحتها تزهى الجواهر بين أساور وخلخال وذابتـــــ ســـلاسيل الذهب برقبتها فيها من اوصاف الحلا ألوان وأشكال حتى الــــــدروب اليا مشت زينتها فلت شعــــرها واقبل الحسن يختال عنقاً جـــــدايلها الهبـــــوب انثرتها ليلٍ عتيم وقلت ابســــريه لو طال شعرن طبيعي قصـــته ما المستها الى جلست غطى جسدها تقل شال والى وقفــــــــــت قام يتثنى تحتها . . لذة الدفى فاقت لذة النوم شعور بين النعاس والحلم والصحيان شعور بالسعادة بالابتسامة فتح عيونه بكسل مع ابتسامه من القلب ضم الفروة لحضنه اكثر واتسعت الابتسامه اكثر مع ريحة الفروة ابعدها لثواني عن وجهه وسؤال لمع بذهنه هي فعلا فيها ريحتها والا يتهيأ لي !؟! رجع يتنشق الريحة العذبه وانقلبت ابتسامته لضحكة اعتدل جالس بسريره وقال : ياولد صدق اللي حصل ناظر بالساعه باقي دقايق على اذان الفجر قام بسرعه من السرير وتوضأ وراح يصلي مع الرعيان ورجع بعد الاشراق بعد ما تفقد نياقه دخل البيت لقى امه جالسه على سجادتها وفلوة تنزل صينية القهوة : السلام عليكم ونزل يسلم على راس امه ردت امه وفلوة السلام جلس متلثم وفروته عليه ويفرك ايدينه :برررد صبت فلوة لاخوها قهوة وناولته فنجاله قالت ام فياض: متى جيت البارح ماشفتك يوم دخلت؟؟ قال فياض: جيت من بدري ودخلت من باب المطبخ خفت اضايق ضيوفكم قالت :الله يصلحك كان علمتني طول ليلي قلقانه عليك الى ان دخلت عليك بنص الليل ولقيتك نايم قالت فلوة وهي تناول امها فنجالها : يمه من وجهك باين انك مانمتي قالت ام فياض :اي بالله ماذاقت عيوني النوم قلقت على اخوتس وعلى الضعيفه اللي راحت البارح وهي تتوجع قال فياض : من تقصدين ؟؟ قالت امه : الجادل البارح تعورت رجلها فياض عقد حواجبه لقى نفسه يسأل عنها ليه وش صار قالت فلوة : مسكينه تعثرت وانلوت رجلها وبقلب فياض: " يالله اكيد يوم راحت تركض من عندي رجع يسأل فلوة : : عسى ماهو كايد وجعها قالت فلوة : لا ان شاء الله انها طيبه قلق عليها ومايدري كيف يطمن قلبه قالت بعد لحظة هدوء : يمه قومي نامي لازم ترتاحين العصر بنروح وابيك معي اذا ما ارتحتي بنروح بكره قالت ام فياض :لا بقوووم وانتي بعد نامي قال فياض : كلنا ان شاء الله رايحين العصر بنزفك عروس واخيرا تبسمت وقالت : عقبال ما نزفك عريس يافياض قال بضحكة : ههههه آمييين قالت ام فياض وهي تقوم متجهه لغرفتها : هه صدقتك وانت تأمن ******* اخذت الكريم الطبي وبذهن غايب دهنت رجلها اللي ظهرت فيها كدمة بنفسجيه ألم الفشيله والخزي غطى على ألم رجلها وماتحس فيه الا اذا مشت غطت وجهها بيدينها تبي تختفي المشهد يتكرر بين ايدينه وبوسط حضنه ونظراته وصوته ودفاه وريحته عضت على شفايفها تمنع عبره تكومت بحلقها وشهقت بكا "يارب والله ما ادري وين اودي وجهي نزلت دموعها حرى مافي شي ممكن يزيل شعورها المر ********** بعد صلاة المغرب ليله من ليالي العمر كان طلال كاشخ ومضبط العوارض وبغى يتهور ويصبغ بعد بس قعد له عبد الرحمن : يبه كذا احلى معطيك وسامه اخذ البشت الاسود ولبسه ابوه :ماشاء الله يبه رزه ياحظ امي فيك قال طلال: عقبال ما اشوفك عريس وألبسك البشت بيدي حب عبد الرحمن كتف ابوه وقال : ان شاء الله والحين يالله ما نبي نتأخر على العروس وتوجهوا لبيت فياض الفياض ******** في بيت فياض الفياض واخوانه كان الكل فرحان لرجعة فلوة لزوجها واخيرا عقب كل هذي السنين تركية تحط اللمسات الاخيره لمكياج عمتها ورجعت لورا تشوف ناقص شي قالت : تمام كذا ماشاء الله احلى عروس قالت لمياء: عمه وصل العريس اذاني الدحمي اتصالات يقول لا تأخرون امي قالت فلوة بتأثر : حبيبي دحمي تركية: عمه دقيقه بس لازم تصورين حرام هالزين ما توثقينه بصوره لميييياء تعالي خذي صورة لاحلى عروس : قالت لميا : للاسف ما اقدر اصور مهددني دحمي اني اصور يبي هو اللي يصور امه وابوه بس على مين ههههه ووقفت قدام عمتها وقالت عمه قولي : جببببنننه ضحكت فلوة وتركيه على خبال لميا قالت تركية : خذي لي صوره مع عمتي جت وقفت بالنص بين عمتها وتركيه ورفعت جوالها وقالت :يالله سيلفي سريع لاني سامعه صوت الدب دحمي دخلت فرح مثل الاعصار :وانا انا بعد ابي اصور مع عمه واخذوا صور جماعيه وبكل الحالات وانتهت جلسة التصوير السريعه بدخول فياض وعبد الرحمن : جلس فياض مقابل اخته : ألف مبروك يا حبيبة اخوها تبسمت فلوة : الله يبارك بك يافياض وياارب افرح فيك عريس سكت فياض وردت لميا وهي معترضه : لا ان شاء الله .....عممممه !!! وعطت عمتها نظرة إعتراض قال عبد الرحمن : يالله يمه ابوي تحت استوى من الانتظار قالت تركيه : دقايق واخذت صوره لابوها وعمتها وعبد الرحمن وناظرت بالصورة : وه عساني ما خلى من وجيهكم ضحك عبدالرحمن وقال: مع اني قلت بس انا اللي اصور يشفع لكم اني نسيت كاميرتي تحت قال فياض: يالله ياعروسه العريس بالانتظار . . . فتح عبد الرحمن الباب الكبير للمجلس الفخم واخذ جانب وبزغروطه مضحكه : كللللللووويش مبروك يا عرايس خشي برجلك اليمين ياعروسه ضحكت ام فياض اللي كانت جالسه مع طلال واخوان فياض : زينك يا الدحمي وزين فرحتك ربي لا ينكد علينا طلال واقف وقلبه ينتفض بصدره وابتسامه عريضة تزيد مع قرب خطوات فلوة نحوه وباقي خطوات وتوصل له ماقدر يوقف ساكن اقترب بنفسه وتناول يدها من يد عبد الرحمن وبدون شعور رفع كفها وباسه بخفه وهمس : واخيرا رجعتي لي تبسمت فلوة بخجل لانها بين امها واخوانها وقدام ولدها يدها بيده ويقودها لصدر المجلس وقفت بفستانها الفخم المنسدل على جسمها بأناقه وجمال تتقبل تهاني اخوانها وسلامهم وطلال واقف يتأملها وعقله ونبضات قلبه تقول "ماينشبع والله من شوفتك يا فلوة قلبي قرب منه فياض وهمس له : اثقل ياخوك عيونك فضحتك تبسم طلال ورد على فياض : عطشان شوفتها ومارويت خلني اخذ اختك وامشي قال فياض: ابد مافيه بنسهر وبنلعبك بلوت قال طلال : لاااا ان شاء الله ربع ساعه وبعدها ما اعرفكم ولا تعرفوني ضحك وقال فياض : الله يسهل لكم وناظر بفلوة : فلووة عسى شنطتك مقفله وجاهزه قالت فلوة : اي اخذها الدحمي قالت ام فياض وهي تقوم : يالله قوموا خلاص روحوا لبيتكم بحفظ الله قالت فلوة : يمه هذي طرده قالت ام فياض : حاشا لله بس خلاص الحين ما اشوفك الا زياره وانتبهي لطلال وانت يا ولدي امنتك فلوة والله الله فيها ولا اوصيكم ببعض عوضوا السنين اللي راحت وعوضوا الدحمي قال عبد اارحمن : سامعين عوضوني وانتبهوا لي ودلعوني قال طلال : ابشري ياعمه ويبشر الدحمي قال فياض : يالله خلاص خذ مرتك وبيتك بيتك واياني واياكم اشوفكم الا زياره سامعين . . . في سيارة طلال واللي يسوقها ولده عبد الرحمن كان طلال وفلوة جالسين جنب بعض ماسك اطراف اصابع فلوة ويكلم عبد الرحمن :ماودك تخاوينا ترى حجزت بعد يومين ان شاء الله قال عبد الرحمن : شهر عسل وتاخذون عسل معكم اخاف يجيكم سكري ههههههه تخاويكم العافيه وراي مذاكره والاختبارات على الابواب وعندي مشاريع ماسلمتها بس المره الجايه انا اللي بنسق الرحله ونروح جميع خلال دقايق وصلوا الفندق ونزلوا طلال وفلوه يد بيد وعبد الرحمن لحقهم بأغراضهم حط عبد الرحمن الشنط عند الباب وسلم عليهم وراح فتح طلال باب الجناح ودخل : تفضلي ياقلبي وبدلال ورقه دخلت العروس الجناح و نزلت غطاها وعباتها ورتبت شعرها وطلال يتأملها ويذكر الله: ماشاء الله ماااشااءالله حبيبتي وقرب ماقدر يمسك نفسه ان يضمها ضمه قويه كأنه بيعوض حرمان السنين كان حضن متبادل حاضنين بعض شوقهم مايحتاج له كلام عبروا عن شجونهم وحنينهم وشوقهم وحبهم لبعض تأوهت فلوه من شدة حضن طلال خفف من قوة حضنه ورفع راسها يتأمل جمالها وزينها :عورتك ؟؟ شديت عليك بالقوه لاتلوميني افتقدتك وماشبعت ....ماشبعت ورجع يحتضنها كأنها بيزرعها داخل ضلوعه ****** . . وبعد رجعة فلوة لزوجها اضطرت ام فياض تقعد مع فرح ولميا عشان المدرسه والجامعه ما راحت للمزرعه فياض ياخذ بنته تركية للمزرعه هي للدوام وهو يشوف اشغاله ونياقه مر اسبوعين وتركية تشتكي من الوحده بالمزرعه دايم هي وفاطمه مجتمعات لكن الجادل انعزلت عنهم بوجود تركيه تعتذر بإنشغالها بجدها واشغاله ماعادت تطلع بسيارتها خوف انها تصادف فياض وف يوم اتصلت فاطمه على الجادل وسألتها بصراحه :انتي وش صاير معتس!! قالت الجادل : ماصار شي ليش تسألين قالت فاطمه بنبرة اهتمام:ابد من زمان ما زرتيني ولو ما اتصل عليتس ماسمعتيني صوتس حتى تركيه تسأل عنتس اخر شي يوم حفلتهم سكتت الجادل ماعندها رد كملت فاطمه كلامها : و ام فياض اليوم كلمتني تنشد عنتس تقول تدق عليتس ماتردين قالت الجادل :يوم تدق مشغوله اكيد واذا خلصت شغلي ان شاء الله ارجع اكلمها ناظرت فاطمه بالساعه :الليله دور ابو فراس بدورية الشباب القهوة والعشاء عندنا ماتجين تساعديني ونتونس شوي حتى انادي تركية ما دام ابوها معزوم هبط قلب الجادل بس من سيرته وعورها راسها قالت وهي تمسك راسها :والله مصدعه يا فطوم وصاحيه من الفجر فاطمة اخذت على خاطرها وقالت : طيب خليتس براحتس بس هذا وجهي اذا انتي مو صاير معتس شي وما قلتي لي عنه انتي منتي الجادل اللي اخبر وانتهت المكالمه بينهن والجادل تتنهد بضيق : اسمحي لي يا قلبي والله شي ماينقال انا كل ما تذكرت ودي الارض تنشق وتبلعني ****** في مجلس ابو فراس وبعد العشا وحوالين الوجار اللي مصفوفه عليه الدلال وبقايا النار بجمرها المتقد كان فياض سرحان وعقله ابد مو معه مع الجادل اللي اسمها تردد كثير الفتره اللي راحت من امه وبناته عرف انها مختفيه من زمان ماشافوها ولا حتى تكلمهم ليش؟؟؟ وش اللي حصل يكون عشان ذيك الليله ؟؟!؟؟! اللي يعرفه انه حصل تقارب بين امه والجادل وماقد سمع من امه مدح لاحد مثل ما سمع عنها حتى بناته دايم يتكلمون عنها بمحبه بس حسب ماسمع من مكالمة تركيه وامه ان الجادل من حفلة فلوة ماعاد شافوها ولا عادت تتصل ولا حتى ترد على اتصالاتهم وهذا الشي مسبب قلق واستغراب عند امه وتركيه بس اكد له سبب اختفائها معقوله تتحاشاهم عشاني ؟!؟ معقول اكون انا السبب في اختفائها ؟؟؟؟ انفض مجلس ابو فراس وخلى المكان لهم قال فياض لابو فراس بدون مقدمات : لو اخطب منكم تزوجوني ؟؟ ناظر فيه ابو فراس بتفحص وعقد حواجبه : تخطب من ؟؟ قال فياض : اختك قال ابوفراس وهو تتضارب عنده المشاعر اول مره تنخطب الجادل ومن اللي خطبها فياض الفياض : اممم والله الشور في هذا الموضوع لجدي واكيد صاحبة الشأن قال فياض :طيب انتظر منك الرد رد ابو فراس: ان شاء الله والله يكتب اللي فيه خير وخيره وانتهى المجلس على خطبة فياض للجادل قراءه ممتعه لكم وردود حلوة لي بنات الله يسعدكم اية اخبار مني عن القصه بيكون بحسابي ب الانستغرام اوتويتر @a2zaz |
رد: وجه البوم بقلمي / شبيهة امي
لاااا
لاا لااا لاااا .. ليييش خلصص :52::52: طب كنتي كملتي كلمتين كمان نعرف رد الجاادل او حتى رد فعلها لمما يكلمها اخوهاا :V5N05075::V5N05075: ام رنا أصابتها عدوى التشويق الشرير المتفشية بالمنتدى هذا الاسبوع . . تصدقين تو انتبه ان فلوة ما راحت مع طلال الفصل اللي فات :lol: وانا اللي كنت اتساءل اخوانهاا الثانيين ليش ما حضرو :lol: الحمد لله كذا عليه العوض في دماغي كله مش بس الذاكرة . . بروح اقرا الفصل عشر مرات كمان وبعدين ارجع ان شاء الله :e106::e106: |
رد: وجه البوم بقلمي / شبيهة امي
الـسـلام عـليكـم ورحمة الله وبركاته, يسلمو ايديك أم رنا على الفصل الجميل واخيرا بقيتها للبحصة يا شيييخ لوووولوووولييييييييش من هلأ انا عازمة حالي ع عرسهن لووول ياربي من الجادل* والله انك ابدعتِ برسمك لشخصيتها خجووولة وحساسة كتير ورغم انه ما حدا بعرف باللي صار معها* الا انها حاسة حالها مكشوفة* وهادا اللي حرّك فياض وخلاه يسرع بخطبتها بس خايفة من موقف البنات هل رح يتقبلوها ك زوجة لابوهم ؟؟ ويا سلااام اكتملت الفرحة والتم الشمل برغم بساطة اسلوبك الا انك مبدعة* بنقلك للأحاسيس والمشاعر المشهد كان نابض بالحياة حسيت باللهفة والشوق والفرح اللي كان سيد الموقف . ممتعة يا فنانة* سلمت يداك وكلي شووووق للقادم مع خالص ودي بعد نهاية النقاش او الحديث مع أحد لاتنسوا دعاء كفارة المجلس: سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ |
رد: وجه البوم بقلمي / شبيهة امي
تسلم دياتج يالغلا بس تعالي ام رنو مو كأن البارت قصير شوياااات 🤔
اييييييه ياختي زيدي المواقف الروووومنصيه 😍 ياختج طلعتنا من سبات القراءة الصامته تخبرين الجفاف العاطفي وفعايلوه 😞 المهم ماش ماعجبتني رومنصية فلوه وطلال ابددددد ماهي مثل رومنسيه الفياض والجادل ياختج نطق اساميهم بروحه موسيقى ويطَّلع فوق راسج قلوب ❤❤❤ المسكين انهبل هو وهالفروه اللي يشمشمها بالله قوليلنا شسم العطر اللي حاطته الجادل اللي من صقعه وحده ثبتت الريحه بالفروه من الحين بشتري منه كميات لعنتري المستقبلي كود يجيب فايده 🙈😊😊 يالله انا من الحين بلبس فستان الملجه والديجي بيكون برعايتي حياكم الله حضور تشريف بدون تكليف ياحبايب 💃💃🔊🔉🎼🎤 بانتظارج ام رنو عاد لاتطولين علينا حلفت اقعد بفستاني وشرطان الديجي من الحين على ابواب ليلاس وعقلي الجادل لا ترفض ولدنا ترا اللي حاطات العين عليه وايد |
رد: وجه البوم بقلمي / شبيهة امي
طلب من المشرفات لو تكرمتوا
ممكن تكبرون حجم العنوان لانه مره صغير وماهو واضح وشكرا |
رد: وجه البوم بقلمي / شبيهة امي
يا زين ها البارت يوم وصل ترانا من الشوق نترياه .. الله الله على حياء الجادل .الحياء كله خير حتى فياض الفياض طلب يدها
أم رنا نبيك توصفين الموقف لما الجادل اسمع خبر خطباها بكل تفاصيلـــــــــــــــــــــــــــــــــــــــــه :55::55::55::55::55::55: |
رد: وجه البوم الجزء التاسع بقلمي / شبيهة امي
اخيييييييييييرا هرمنا الجادل اخيرا هتكون فياض
|
رد: وجه البوم بقلمي / شبيهة امي
غاليتى العزيزة شبيهة امي وفصل اكثر من رائع اخيرا ارتاح قلب ام فياض من ناحية فلوة وسوف تفاجأ بطلب فياض للجادل مع انها تتمناه فهى لم تصدقه حين امن على دعاء اخته يالبى حياء الجادل الذى منعها من مقابلة او محادثة احد ولكن مع صديقتها فاطمة ام فراس لا اجد لها مبرر فهى صديقتها الصدوقة وزوجة اخيها فياض رجال به خير من سمع عن اختفائها وعرف سببه قام بما يتوجب عليه القيام به وطلب يدها من اخوها انتظر رد الجادل وجدها بفروغ صبر غاليتى ام رنو اعرف كيف تتعبين فى اخراج البارت الى حيز الوجود وانك تنشدين الكمال والله يعلم كم نفتقد وننتظر الجزء على احر من الجمر فالرواية رائعة والابداع منقطع النظير لك منى كل الشكر والتقدير دمتى بكل الخير فيض ودى |
رد: وجه البوم بقلمي / شبيهة امي
السلاام عليكم
مرحباااااااااااا ملااايين بالحامل والمحمووول.. ام رنووووو الله يخليتس لناااا يااارب.. يجنن البارت واهم شي ان فيااضي تحرك وخطب جدووله بس مدري ليش خفت من لمياء لما قالت فلوه يارب افرح بعرسك وهي قالت باعتراض لااااا ان شاااء الله.. الصراحه لو ان هالموقف حصل قدامي بالواقع ماراح الووم لمياء لكن بما انه بروايه بقول لها انطمي .هخهخهخه لا عاد بجد اخاف ندخل الحين بدوامه جديده عقب خطبة فياض للجادل مع بناته.. بس باذن الله ان البنات بيفرحن لابوهن وخصوصا انهم عارفات وحابات الجادل .بس يمكن يحبونها كصديقه بس من يعرفون انها بتكون حركة ابوهم . اخاف يصير العكس..؟؟ ويمكن لما يعرفن ان ابوهن بيخطب اتوقع يحزنن .. واكثر وحده بتزعل لمياء لعلاقتها القويه بابوها بس تركيه اتوقع تكلمها وتقول لها ان ابووهن ماقصر كل هالسنوات راعى مشاعرهن ولا تزوج وهن صغيرات.. وانهن عرفن الجادل وعرفن شخصيتها وهالشي بيخليهن يتقبلن الجادل بوسطهم وبينهم... اما الجااادل بتنهار لما تعرف ان فياض خطبها.. وهنااا بتعرف انه انفتن بجمالها... واتوقع ان معرفه فياض بتعب الجادل وبعدها عن امه كل هالفتره بيخليه يتمسك فيها اكثر لانه بيحب حياها بعد.. المهم ام فياض بتنصدم اذا عرفت ان فياض خطب الجادل وهي بتكون اووول من يرحب بهذا .. والثاني عاد بتروح تسوي لنا شغل العمات بتشوف العروسه وتشوووف وجهها وزينها.. او ان فياض بيقول مايهمني انكم تشووفونها.. وبقلبه بيقول اهم شي انا شفتها وتوسطت بروض القلب.. فلووه وطلال الف مبرووك وعقبال ماتزوجون الدحمي وانتي ياافلوه تسحبين وراتس ثلاثة توائم..هخهخهخه ام رنوو تسلم الايااادي والله لايحرمنا منتس ومن ابداعتس وجماله .. استمري بالكتابه وحنا باذن الله بالردود. |
رد: وجه البوم بقلمي / شبيهة امي
قصه جميله سلسه ولكن اختي الكاتبه رسمت صوره للجادل بالبنت قليلة الحظ في الجمال والتي يتهرب عيال العم منها كيف امتلكت مقومات الجمال فجأه عندما رآها فياض عيون ساحره ووجه ملائكي الخ !!!!! يعني لازم في الروايات تكون البطله جمييله انا اول مابدأت اقرأ مواصفات البطله قلت ف نفسي غريبه وين المقوم الاساسي لكل الروايات الجماال الباهر والله هذي واقعيه وبعدين تغير الوضع 😄
|
رد: وجه البوم بقلمي / شبيهة امي
اقتباس:
وبالذات الجادل وهي صغيرة كانت مو حلوة وجمع مع عدم جمالها تشائمهم منها ونفورهم زاد شينها بعيونهم وزيدي عليها عدم معرفتهم بملامحها لمن كبرت لانها لبست البرقع صغير يعني حكمهم عليها انها شينه مبني على شي قديم ونظره محكومة مسبقا وفكره تناقلوها من كبيرهم لصغيرهم اقصد عيال عمها و مر علي واكيد في غيري مر عليه البنت وهي صغيره شكل ولمن تكبر شكل ثاني |
رد: وجه البوم بقلمي / شبيهة امي
السلام عليكم ورحمة الله وبركاته
مساكِ الله بالخير، أم رنا انتي والحلوات كلهم طولت لين جيت ذا المرة بس صراحة صدمة ما بعد الفصل استمرت حبتين أكثر ما كنت قادرة أجمع كلمتين على بعض هاسا وهو فصل صغير ومقطقط شلون لو طويل او حتى بطوله العادي << مع اني كنت أتمنى يتمط شوي ونعرف رد جدول اهيء .. يلا خيرها بغيرها الافتتاحية كانت مع كلماتك المبهجة .. اقتباس:
لا أجد ما أعبر به عن مشاعري لحظتها، للحقيقة. يعني كاتبة من كاتباتي المفضلات (الكبار بسميكم انا ^-^) اللي كان متابعة رواية لها فصل بفصل شي يشبه امنية بعيدة تقول ان ردودي أكثر شي أسعدها قلبي الصغير لا يتحمل .. صدمة موازية للصدمة الناتجة عن الفصل القصير بس يحير ندخل بالفصل ؟؟ (فلت شعــــرها واقبل الحسن يختال عنقاً جـــــدايلها الهبـــــوب انثرتها ليلٍ عتيم وقلت ابســــريه لو طال شعرن طبيعي قصـــته ما المستها الى جلست غطى جسدها تقل شال والى وقفــــــــــت قام يتثنى تحتها) فيس قلوب قلوب قلوووب .. شعر طويل ياا ويلااااه .. ما الومه فياض طار عقله من اول نظرة مع وجه بدري وعطر نااااعم عالق بفروته << نمشيها عالق بفروته مش مسمر بعقله >_< حقه يقوم من النوم فااايق ورااايق وضاحك .. لا وجته الفرصة لحــــــــد عنده يوم أمه تتكلم عن الضعيفة اللي راحت فيها أمس عشان يسأل وياخذ راحته بدون لا تكشفه مدام طلال .. وطبعا طبعا من الروقان حس الدفاشة والاستلعان قصدي حس الفكاهة لازم يعلى وهو ما نراه في مناوشاته لطلول وفلوة .. هو حقه صراحة انا لو مكانه كنت أكلتهم بالتعليقات :فيسي البريء: أجل يبون يردون لنفس القفص قصدي العش بعد سنواااات من الفراق كذا بدون كلمة ؟؟ نو نو نوو واذا دحمي العسل من فرحته ما أحرجهم بكلمة من هنا ولا هناك فابو بال رايق الله يديمه عليه برسم الخدمة << دحمي طبعا فرحان بيخرب عليهم بعدين بس انه تركهم يومين العسل كذاا كخدمة انسانية :فيس يرقص حواجبه: حقيقة بالزواج، ردة فعل لميا لما عمتها تقول عساني أشوفك مدري ازفك عريس خلتني لا اراديا اقول (أهلاً .. هو انتي) بس بعدين جا ببالي بعض السيناريوهات المختلفة. يا بيدرون انها الجادل من الاول وكلهم بيفرحون. او ما بيدرون وبيتفاجئون وقتها انها هي << بس صعب شوي ياا بيفكرون انها تقربت منهم عشان ابوهم << ان شاء الله لاااااااا بسس .. فروح بتكون الداعم الاكبر لها يمكن ، لانها تذكرها بامها ونرجع للعرسان الجداد القدام وقت ما ضمها طلال بالفندق حسيت ودي اطبطب على كتفه وأقوله (يا حبيبي يا ابني يا حبيبي يا ابني) .. أماا الحدث الرئيسيي .. الواقعة الاهم اللي كلنا من شهوووور ننتظرها الخطبة الفياضية الجوادلية .. يا قلبي يا ابو فراس من الفرحة ما يدري وش يقول او يحس حتى .. الا صحيح .. هو اصلا يشوف وجه اخته ولا حتى قدامه ببرقعها؟؟ << سؤال فضولي :lol: وبما اننا زوجناهم من زمان اصلا وما يفرق معنا بتوافق جادل مباشرة ولا بترفضلها شوي (يمكن ترفض والبنات يتدخلون ويزنون فوق راسها :فيسي المتشوق: ) المهم الكل جهز فساتينه للزواج خلاص وسنحضر بدعوة او من دون دعوة .. كنت مخططة على هدية صغيرة بسس جاني مشوار ضيعها للاسف اهيء .. يلا بحاول اسويها بوقت ثاني ونجيبها بزيارة ما بعد الزواج ان شاء الله ^__^ . . برجع شوي للبدايات بعيدا عن آخر فصل عند جدة الجادل وهي تقولها الله يزين حظك يا وليدي مدري ليش جا ببالي انها وقتها ما كانت تتكلم عن الجمال تحديدا وانما عن نفور الكل من المسكينة بسبب ربطهم لها بموت اهلها طبعا الكبار لهم افكار صعبة لكن ما نقدر نقول شي كونهم تربو على كذا وكبرو عليه فهي ممكن بسس كانت خايفة تفضل جدول بدون زواج لان الكل يشوفها سبب نحس او كذاا << استغفر الله بسس كل ما اتذكر انقهرر :confused::ydJ05010: . . يلا بسوي كتت هنا << ما استفضت بالثرثرة ذا المرة هع ونشوفك قريبا ان شاء الله :c8T05285::c8T05285: |
رد: وجه البوم بقلمي / شبيهة امي
بالنسبه للي تقول الجمال صار اساس الروايه ، الله جميل يحب الجمال و البشر معروف يدورون الجمال بكل شيء .. ماشاء الله مو مدح لبيئتنا اشوف بالبيت الواحد لازم وحده او ثنتين فيهم جمال .. هذا غير اللي تهتم بنفسها و تبرز ملامحها بالاهتمام وتصير مملوحه .. ليش تشوفون الراويه الواقعيه بانعدام الزين 😒🔫 بالعكس ياما شفت بنات عندنا كل وحده زينها مختلف ، الله عز وجل جمّل عباده و خلقهم بأحسن صوره و اكمل وجه .. له الحمد كما ينبغي لجلال وجهه و عظيم سلطانه💜💜 مافي احد بالحياة قبيح اللي عادي عيونه حلوه ، و اللي اسمر ملامحه تأسر و اللي فيه غمازات واللي فيه ملح يجذب تحمست شوي 😂 بس جد كثير اقرا تعليقات تنقد اجمال بطلات الروايه .اجل اواقعيتكم كلهم عاديين او شيون !! مستحيل .. الروايه رائعه جدا واللي يقول فيها خيال طبيعي ترا ، و لابد من نسج الخيال مع الواقعيه .. ربي يحفظك و يزيدك ابداع اختي الكاتبه لك مني اجمل تحيه 🌹💜
|
رد: وجه البوم بقلمي / شبيهة امي
موعدنا ان شاء الله الاحد على خير بإذن الله ❤🌹
|
رد: وجه البوم بقلمي / شبيهة امي
اقتباس:
|
رد: وجه البوم بقلمي / شبيهة امي
السلام عليكم
روايه رائعة .. تسلمين ياشيبهه أمي .. عندي سؤال بخصوص الإعمار كم عمرها الجادل و فلوة و عبدالرحمن ولدها كيف فلوة رجعت لطلال على كبر يعني ؟ لخبطه هنا |
رد: وجه البوم بقلمي / شبيهة امي
مساء الخير
ام رنووو وش سويتي فيني😩وش هالروايه البطله الله يسعدك ياااشيخه على هالاسلوب اللي يحسسنا اننا عايشين معهم😍👌🏻 رحمتها الجادل خذوا فكره عنها انها شينه وهي صغيره ومن لبست البرقع ماشافوا التغيرات اللي تصير لكل بنت خاصه بعد المراهقه اللي تصير فيها البنت اكثر جمال وانوثه وراحت عليها فكرة انها شينه 💔😢بس احسن خلوها لولد الفياض يالله من فضلك 😍متحمسه مررره للبارت الجاي بس خايفه من ردة فعل البنات خاصه لمياء😥 |
رد: وجه البوم بقلمي / شبيهة امي
متى البارت يا ترى؟ كلنا شوق
|
رد: وجه البوم بقلمي / شبيهة امي
اقتباس:
|
رد: وجه البوم بقلمي / شبيهة امي
السلام عليييكم
اسفه جدا على التأخير والله غصب عني ظرف طارئ بإذن الله ساعه ويكون بين ايديكم |
رد: وجه البوم بقلمي / شبيهة امي
الذين يشاهدون محتوى الموضوع الآن : 25 ( الأعضاء 8 والزوار 17) فرحــــــــــة, حنين الحربي, من فهمني ملكني, انسام جبلية, كنزان العجمي, حلم يتحقق, ام امل منتظرينك بشوووق الذين يشاهدون محتوى الموضوع الآن : 36 ( الأعضاء 11 والزوار 25) فرحــــــــــة, غندة, سلمى سعسع, منيتي رضاك, سنس ديم, القمـــري, الرهف, (ميرال), azee36, rahmouna, حلم يتحقق مازلنا نتظر على احر من الجمر الذين يشاهدون محتوى الموضوع الآن : 40 ( الأعضاء 11 والزوار 29) فرحــــــــــة, ام الدره, الضوء الهادي, سلمى سعسع, منيتي رضاك, سنس ديم, القمـــري, الرهف, (ميرال), azee36, rahmouna الذين يشاهدون محتوى الموضوع الآن : 47 ( الأعضاء 13 والزوار 34) فرحــــــــــة, سلمى سعسع, شبيهة امي, ذاكرة الجسد, Aya youo, الضوء الهادي, dont tray, احساس مجنونه, الخاشعه, عبيرك, منيتي رضاك, (ميرال), ام الدره |
رد: وجه البوم بقلمي / شبيهة امي
السلام عليكم
مالي وجه تأخرت عييكم السموحة يا النشميات كل الشكر لمن قرأوعلق شيماء علي bluemay من فهمني ملكني سلمى سعسع مسعمع فرحة زارا old reader تالا الحلوة الصفا الشرقي سرابالحكايا القمري بالنسبه للاخت اللي تسأل عن عمر الجادل هي بالثلاثينات اما فلوة ببداية الاربيعين وولدها بالجامعه ورجعت لزوجها بعد سنين ودقايق ان شاء الله يكون الجزء نازل :liilas::liilas::liilas: |
رد: وجه البوم الجزء العاشر بقلمي / شبيهة امي
بسم الله ١٠ . . ليلة بات فيها احلى خبر بقلبي ماعلمت فاطمه عارفها بتروح وتعلم الجادل اول شي اكلم جدي متأكد بيفرح مثلي واخيرا ربي ساق للجادل زوج ومو اي احد فياض الفياض كلن يتمناه لبنته طول ليلي اتقلب ما جاني نوم انتظر يصبح الصبح واطير لجدي افرحه بهذا الخبر صليت الفجر وركبت سيارتي وعلى مزرعة جدي وصلت لقيت الجادل توها جايبه فطورها وقهوتها عند جدي :صباح الخير يا خيتي ردت :صباح النور ياروح اخيتك اقبل علينا جدي من عند البركة جلس قالت الجادل : عوافي عليكم وراحت للبيت حسيت انها تعبانه او متكدره افطرت مع جدي وفتحت الموضوع مافيني صبر :جدي البارح كلمني فياض الفياض يبي يخطب الجادل ترك الجد قطعة الخبز من يده وناظر بأبو فراس : قل له ماعندنا بنات للزواج تغيرت ملامح الفرح بوجه ابو فراس للاستغراب : أيش رجع الجد ياكل وقال : ماعندنا بنات للزواج قلت : طيب الجادل ماهو انت اللي كم مره تعرضها على عيال عمي وتدور لها رجال قال الجد : الجادل ما بياخذها الا واحدن من عيال عمها قال ابو فراس : بس ياجدي انت كذا ترخص اختي للي مايبونها سكته جده برفعة يده قدام وجه ابو فراس : اشششش قلت رأي واياني واياك تجيب السيره هذي مره ثانيه وترك الفطور وقام لحقته : ياجدي الله يرضى عليك ماتنوخذ الامور بذالطريقة عيال عمي بيردونك مره ومرتين وثلاث وانا ما ارضى لاختي المهانة مايبونها وجاك اللي ترضى دينه واخلاقه رد جده عليه بعصبية : تراددني اخذت يده وحبيتها وتجمعت دموعي بعيوني مقهوور على الجادل ترجيته : تكفى ياجدي لا تقطع رزق الجادل تكفى نفض يده مني وراح وخلاني بس قبل لا يبعد عني قال : اياني وآياك تعصاني وقفت اناظر مبهوت من جدي وموقفه اللي ماقدرت استوعبه ***** في بيت فياض مجتمعين على الغدا ام فياض ولميا وفرح نزل عبد الرحمن من فوق شافته لميا وكشرت : انت هنا ؟؟ خلاص ياخي رح بيتكم وش مقعدك عندنا !!! رد الدحمي هو يتمغط بكسل: لاصرت قاعد فوق راسك تكلمي قالت ام فياض بزعل لمياء: يالخبله وش هالكلام قال الدحمي وهو يحب راس جدته : صباح الخير بالظهر يا احلى جدة بالعالم ردت ام فياض مبتسمه له : هلا حبيبي تعال وتأشر على الكرسي بجنبها : اجلس تغدا معنا قال دحمي : ما ابي اتغدا ابي قهوة وتمر وطحينه وناظرت بلميا : قومي جيبي للدحمي اللي يبيه قالت لميا وهي تناظر بالدحمي من فوق لتحت : قم انت الله لا يهينك جب لنفسك اللي تبيه قال الدحمي : ماله طعم الا اذا انتي جبتيه يالله قوومي لمووووش قالت وهي تكمل اكلها : احللللم ناظر الدحمي بجدته وعطاها نظرة المسكين : جده شوفيها ماتبي تجيب القهووة قامت ام فياض : انا اجيبها خلاص فزت لميا ورمت ملعقتها : والله ما تقوميين انا هذاني قايمه خلاص بس نفسي اعرف ليه ما يخدمون نفسهم العيال ليش لازم حنا نسوي لهم كل شي راحت وهي تتحلطم والدحمي يرفع حواجبه مبسوووط انه نرفز لميا على كثر ما يتناقرون الا انهم ما يستغنون عن بعض قالت ام فياض :الدحمي تودينا للمزرعة رد عبد الرحمن : ابشري متى تبين نمشي انتي بس آمريني ام فياض :العصر عشان نوصل قبل الليل ما يمسي علينا قالت فرح: اخيرا بروح المزرعه اشتقت لأرنوبي واشتقت للجادل قالت لميا وهي تحط صينيةالقهوة : الجادل حي ذا الطاري والله صبت فنجال للدحمي وناولته : بتودينا للمزرعه؟؟ هز راسه موافق اجل تستاهل من يجيب لك القهوة ويقهويك قال الدحمي : راعية مصالح عطته نظره واخذت جوالها وارسلت لتركية : جاييينكم الليلة ان شاء الله تبين شي على طول اتصلت تركية : والله تسووون فيني خيير طفشانه لحالي هنا بسسرعه هالحين تمشوون ***** ضاقت بي الارض عقب اتصال ابو فراس الصراحة كنت مستبشر خير ابدا ما توقعت الرفض نهائيا يوم قال لي مافي نصيب هوى قلبي من ضلوعي يعني الجادل ما بتكون لي فكيت ازرار ثوبي محتاج اتنفس اخذت قارورة الما ء وكبيتها على راسي راسي يطبخ من القهر لكمت الدركسون ابي افرغ شحنة الغيض والقهر واثرني كنت مقهور بالحيل آخ يالقهرر ونفضتها من الوجع بس وجع قلبي اكبر لييه رفضوني وياترى الرفض منها والا من جدها دق الجوال اخذتها بيدي الثانيه كانت امي الله يخليها لي : هلا ام فياض: هلا بك يا حبيبي وينك ؟ قلت وانا اناظر يدي اللي تعورني وصار فيها كدمة :بالمزرعه قالت :انا بالمزرعه ماشفتك تحركت نحو المزرعه طالع من عند النياق قلت :جايكم هالحين وقفلت اخذت نفس عمييق ابي اروق قدام امي عارفها بتسألني وش فيك من تشوف وجهي وهذا اللي صار من دخلت عليها فزت واقفه واقبلت علي :وش فييك حضنتها بيدي السليمه وحبيت راسها الحمد لله على السلامة رفعت لها يدي وقلت يدي تعورني وبحنيه ورفق مسكت يدي : وش بها يدك قلت :مدري تعورني ودخلن علينا البنات من سمعن صوتي وتسابقن للسلام علي قالت امي : شوي شوي انتبهن يد ابوكن قالت لميا بعد ما شافت يدي : اووف وش فيها يدك اخذتها بحضني من زمان عنها طيب سلمي زين وبعدين حققي معي حبت راسي وبعدها فرح حضنتني وحبت يدي ضحكت : خلاص يمه طابت يدي بعد ماحبتها فرح جابت امي شنطتها وفتحتهاوطلعت الرفيق الابدي لها الفكس :اشوف الله يخليك لي قرب ادهنها لك بفكس مديتها لها وبكل حنية دهنتها : ياحبيبي تعورك خايف انها تعورني وهي تدهن عليها جابت لميا شاش وربطتها عليها تركية : داخله بالقهوة والحلى : يبه حبيبي الله يخليك لنا انتبه لنفسك قلت : بسيطه بسيطه لا تخافن بكرة ان شاء الله تكون يدي طيبه وبقلبي اقول "الوجع ماهو بيدي الوجع بقلبي" ولا ارادي يدي ارتفعت لقلبي شهقت امي وقالت : وش بك عسى ما تحس شي قلت :لا مافيني شي بانت نظرات القلق بوجه امي وبناتي وخصوصا فرح اللي قربت مني واحتضنت ذراعي وسندت راسها علي قلت لها شفتي ارنوب رفعت وجهها وعيونها لي قالت : اي شفته اول ما وصلنا وشفت اخوانه مررره حلويين واكلتهم بس باقي بكره اروشهم قالت لميا بصرخه : لاااااا لا تروشينهم ماتذكرين يوم روشنا الارنب ومات تبسمت على سوالف بناتي دايم يغيرن مزاجي مر الوقت مع سوالف بناتي وجلستهم حواليني وامي طول الوقت عيونها علي بان قلقها علي على الساعه ١١ دخلت غرفتي استعد للنوم وانا على سريري هاجمتني افكاري "الحين تكون الجادل هي اللي رافضتني معقول ان اخر موقف بيني وبينها يكون السبب لا لا لاا طيب جدها بس كم مره نتقابل يهش ويبش معي تكون ..." دق الباب وقطع علي افكاري قلت :ادخل دخلت امي قالت : شلونك الحين قلت لها وانا ارفع يدي واحرك اصابعي : طيب طيب تعورني بس احسن من اول جلست جنبي على طرف السرير وقالت : وش فيك وجهك علامه تبسمت بتعب : مافيني شي يا ام فياض قالت: إلا علمني وش صاير معك قلت: والله يمه مافي شي بس تقدرين تقولين من بعد مارجعت فلوة لزوجها وتشتتنا انا هنا مع تركيه وتركتك مع لميا وفرح هناك وشغل هنا وشغل هناك قالت امي : انت لو تطيع شوري وتخليني اخطب لك مسدت شعري من الصداع اللي لمع براسي مع خيال الجادل اللي تمنيتها وقلت : من اللي بترضى فيني شايب وبناتي كبار قالت امي : هوو وش شايب توك بعز شبابك تبسمت وقلت : تعرفين ردي اللي دايم اقوله لتس هزت راسها بيأس منه ومن رفضه اللي دوم لفكرة الزواج مرة ثانيه عقب ام بناته الله يرحمها قامت وقالت :لا تنام الا وانت موتر يالله ياحبيبي تصبح على خير طلعت عني وبقلبي اقول ليت تدرين يمه وش اللي صار ******* في غرفة البنات لمياء توقت الجوال على صلاة الفجر : بكره ان شاء الله انا اللي بفطركم عازمتكم على احلى فطور تحت النخل تركيه تعدل اللحاف على فرح : الله يقويكِ بس وش عندك قالت فرح : لمووش اذا بتسوين فطور سوي مصابيب زي الجادل مررره لذيذذذذ قالت تركية : الله مصابيب مره وحده لميا حدها جبن وزيتون واذا مرره تشطرت سوت بيض مسلوق ناظرت فيها لميا من فوق لتحت وقالت "ماراح ارد عليك بس بتنذهليين وانسدحت بسريرها وطفت الابجوره اللي بجنبها ومسكت جوالها ارسلت منه واتس اما تركيه فأخذت حبوب مسكنه وكوب مويه وراحت تتفقد ابوها دقت الباب ودخلت لقت ابوها نايم بس حس عليها : هلا تركيه قالت يبه شلون يدك الحين قال : الحمد لله قالت هذي حبه مسكنه اذا شد عليك الوجع قال بصوت ناعس خليها هنا وأشر على الكومدينه اللي جنبه وحبت راس ابوها وطلعت وراحت تنام ********* عند الجادل صلت وردها خلاص بتنام ووصلتها رساله فتحتها لقتها من لمياء كاتبه فيها: جدوله حبيبتي تكفين ابي طريقة المصابيب ابتسمت الجادل بس من خيال وخبال لميا العسل كتبت لها الطريقه وارسلتها وانسدحت بفراشها رجعت لميا ارسلت لها :طيب متى اعجنها ابيها فطور الفجر ردت عليها الجادل احسن اعجنيها الحين وغطيها وبكرها تسوينها ارسلت لها لميا شكرا يا احلى جادل بالدنيا 😘❤💕 غطت عيونها الجادل بنعاس رجعت لميا ترسل : جدوله شرايك بكره نطلع كشته بدون تفكير كتبت الجادل انا مشغوله مره ثانيه ان شاء الله ردت لميا ☹ :طيب بالليل نتلاقى عند ام فراس ردت الجادل :والله ما أقدر ردت لميا: 💔 بس ترى من زمان ماشفناكِ اشتقت لك ردت الجادل : والله انا بعد مشتاقة لكم بس مشغوله ما أقدر اترك جدي ردت لميا :تصبحين على خير واسفه ازعجتك😘 ردت الجادل :تلاقين الخير 😘 تبسمت الجادل تحب لميا وتحب عفويتها وتحب شوفتها "انا ليش حارمة نفسي من شوفتهم ؟؟ وش ذنبي وذنبهم !! ليش اعاقب نفسي على شي ماهو بمقصود !! حتى فاطمة زعلتها مني وفراس كم لي ما شفته ولعبته حبيب عمته خلاص بكره من العصر وانا عند فطوم واقولها تنادي تركيه وجدتها والبنات اذا كانو بالمزرعه رجعت اخذت الجوال وارسلت لفاطمة واتس : فطوم بكره جايتتس ان شاء الله بنام عندكم اشتقت لفرووسي ****** اليوم الثاني وفي بيت ام فراس كان اجتماع الأحبه اجتماع ام مع بنتها كانت هذي مشاعر ام فياض يوم شافت الجادل عقب غيبة يا هلا والله ببنيتي كان سلام واحضان المحبه متبادله الجادل مع ام فياض ذاقت احاسيس جديده احاسيس مامرت عليها احساس حب الام لبنتها والبنت لأمها مشاعر حلووة وفياضه جلست ام فياض ويدها بيد الجادل :تعالي جنبي والله يابنتي يعلم الله اني احبتس وناظرت بأم فراس :حتى انتي يا ام فراس يشهد الله على غلاتس ضحكت فاطمة وقالت : لا شكل الحادل تربعت بالقلب وماخلت لاحد مكان قالت لميا وانا بعد احبكم صادقة جدتي لكم غلى ومحبه ماهي لغيركم قالت ام فياض للجادل وينتس يابنتي لاعاد تبطين علينا قالت الجادل : معليش سامحيني بس كان غصب عني كنت مشغوله مع جدي بس ان شاء الله ما يبعدني عنكم الا الشديد القوي قالت تركية :تكفين والله الفترة اللي فاتت كانت طفش ضعيفه ابلا فاطمة ازعجتها كل شوي وانا عندها والا داقه عليها عقب رجعة عمتي فلوة لزوجها ما عادت جدتي تقدر تجي مثل اول بس خميس وجمعه قالت ام فياض وهي تناظر بالجادل :ان الله اراد لقيت الحل اللي بيريحني ويريحتس ياتركيه ودارت السوالف بينهم روح المحبه والألفه وقبل لا يمشون راجعين بيتهم اخذت ام فياض فاطمة على جنب وقالت لها : كلمي ابو فراس تراني ابي الجادل زوجتن لفياض تبسمت فاطمة وطارت فراشات السعادة بقلبها من اللي تقوله ام فياض واخيييرا تحققت امنيتها وبتزوج حبيبتها الجادل للي تمنته لها قالت فاطمة تحاول تلم ابتسامتها وفرحتها شوي : يوصل ان شاء الله قالت ام فياض انا ماحبيت اتكلم قدام الجادل اعرفها تستحي وقلت اكلمتس انتي اختها وان وافقتوا نجي نخطب رسمي ويكون كلام الرجال مع بعض قالت :فاطمة ان شاء الله عطيني كم يوم وارد لتس خبر والله يكتب اللي فيه خير وخيره توادعوا عند الباب وقفلت فاطمة الباب والحماس عندها ملييييووون بتنفجر من الوناسه ان اللي تمنته بيتحقق ودخلت للبيت والجادل وراها فكت ضحك هههههه قالت الجادل مستغربه : بسم الله وش يضحكتس قالت فاطمه وهي تحضن الجادل : فرحانه مرررررره فرحانه انتقلت الابتسامه للجادل : دووم يارب طيب علميني وش اللي فرحتس فرحيني قالت : لااا انتظري اذا جا اخوتس اقولكم سوا مع بعض ******* وصلت ام فياض والبنات للمزرعه وكان فياض جالس شاب ناره في بيت الشعر ومتلثم سلمن عليه البنات وراحن داخل البيت وام فياض جلست جنب ولدها متنكد ومصدع ومنغث باله مافيه يسولف ولا يسمع بس ما يقدر يبدي ضيقه لأمه عارفها بتضيق لضيقته جالس يقلب الجمر قالت ام فياض : والله يا ولدي الدنيا ذي شفت فيها اشكال الناس وانواعهم بس مثل ام فراس والجادل ما مر علي حبيبات ونشميات سكت ماعلق على كلام امه وش يقول "ماتدرين يمه آه لو تدرين ماقلتي اسمها قدامي تنهد من كل قلبه قالت امه :بسم الله عليك وش هالتنهيده كأنك شايل هموم الكون قال : مافيني شي يمه بس مصدع الله اعلم النار ودخانها اثرت علي قالت ام فياض : اسمع تراني اليوم كلمت ام فراس اشوف رايهم بخطب لك الجادل رفع عيونه لأمه متفاجئ وشك باللي سمعه: وشوو عيدي ما سمعت وش قلتي قالت : خطبت لك الجادل وانتظر ردهم عشان تخطب رسمي فز واقف وكله ينتفض "بيردوني مره ثانيه ماني حمل كسحة مره ثانيه" :لييه يمه لييه ليه ما شاورتيني قبل قامت على حيلها ام فياض :اعرفك لو بشاور ك بتقول لا راح عمرك يا ولدي ابيك ترتاح وتكون لك زوجه تهتم بك وببناتك وببيتك والله يرزقك منها ان شاء الله العيال مسح على عيونه حس بحرقه :طيب بس كان شاورتيني قالت :انت الحين شبيت علي للحين ماردوا اللي يشوفك يقول بتعرس بكره اصبر لين يردون علينا وفياض بقلبه يردد خوفي عليتس يمه من الرفض ****** في صالة ام فراس وجلسه تضمهم الثلاث ابو فراس والجادل وفاطمه صبت فاطمه لهم الشاهي وجلست بجنب الجادل وقالت :ابو فراس قال :سمي قالت بفرحه وهي تضم الجادل بيمينها : الجادل جالها عريس ويبون ردكم بسررعه كحت الجادل من المفاجأه ضحكت فاطمة وقالت اححم بسم الله عليتس وابو فراس نفس الحال تفاجأ للحظه وسأل : من ؟ قالت فاطمة : ام فياض تقول شاوري ابو فراس والجادل وان وافقت الجادل فياض بيخطب منكم تغير وجه ابو فراس وقال : فياض كلمني ورديت عليه برد جدي تغيرت ملامح الجادل وقلبها زادت خفقاته : فياض خطبني من جدي!!! قالت فاطمة : متى ؟! وشلون ؟! وش رد جدي ؟!؟ قال ابو فراس وهو يناظر بالجادل : جدي رفض ام فراس وقالت بغضب : وليييه ان شاء الله ليه يرفضه قال ابو فراس بعد تردد : جدي للحين متأمل ان اللي بياخذ الجادل واحد من عيال عمي هنا صرخت الجادل وقالت : والله ثم والله لو على مووووتي ما اخذت واحد منهم وطفرت دموعها ما ابي اتزوج لا عيال عمي ولاغيرهم قالت فاطمه بعصبيه وهي مشفقه على الجادل : والله ما تاخذين غير فياض الفياض هذا انا حلفت راح عمرتس وجدي بيكمل عليتس مع عيال عياله قال ابو فراس وهو يضم اخته ؛اهدي اهدي والله ما يصير الا اللي تبينه عيال عمي انا اللي بوقف لجدي بهذا الموضوع بس انتي فكري بكلام فاطمه وخطبة فياض ردت الجادل وهي تشاهم متنكده : تكفى يا اخوي كلم جدي لاعاد يرخصني قدام عيال عمي تكفى ******* قراءه ممتعه لكم وردود حلوه لي من جد ردودكم تعطيني دافع اكتب لا تبخلون علي بتعليقاتكم الحلوة |
رد: وجه البوم بقلمي / شبيهة امي
توني ماخلصت البارت وقريت رفض الجد.. يمااال العله له هالشايب المهذري قهرررني قهررررر .. اجل يرخصها لعيال عمها وينطلها عليهم واللي يسواهم يرفضه...؟؟
وين داعش عنه هالمشايب الخايس المهذري.. قهرني قهرررر **************************************************** السلاااام عليكم... حي الله ام رنوووو هلا ومليااار غلا وجد الجادل الله لايحييه هالمهذري.. قهررني قهرررررررررررررر .. ما استحى على وجهه وهو يقول الجادل مالها الا عيال عمها ؟؟عمت عينك يا الشايب.. فيه صراحه شياااب مايستحقون الاحترام .. البنت مهيب صغيره ياا الشيبه المهذري.. وبعدين ابو فراس كيف استسلم لجده كذا ؟؟ وين دوره بحياة اخته هالمهذري هذا بيحرمها من الحياة العدله مع فياااضي... هالشاايب للحين ما بعد استسلم وللحين يبي يريق ماء وجه الجادل لعيال عمها الحمير .. بس عاد ما الوومهم على حيونتهم دام هم من عرق هالمهذري.. يااويله من ربي ..هذا جزاها وجزا خدمتها له وحبها واحترامها له يعرضها على عيال عمانها وكنها بضاعه وكاسده بعد والامر والادهى انها بضاعه مرفوضه.. مافيه صراحه شي يخليني اعذر هالشايب لرفضه لفياض .. يعني حتى لو كان تفكيره انها بتروح تعيش بعيد عنه مع زوجها خلها تروح يا اخي وش حاسدها عليه.. او لانه من حبه لها يبيها تكون عنده وماتبعد عنه وتستمر بخدمتها له لانه اناني؟؟؟ ياليت ابو فراس يزوجها بموجب انه ولي امرها.. بس ابو فراس ماعنده هالجرأه على جده واصلا حتى الجادل ماراح توافق اذا جدها ماوافق.. الا لووووووووووو عاااااااااااااد فاجئتنا ودخلت على جدها وقالت انا موافقه على فياض وهنا عاد جدها بينصدم صدمة عمره وماراح يقدر يقول شي يوم هي بنفسها وافقت ..وهي بتوافق لانها خلاص انجرحت كرامتها من جدها اللي كل شوي مخليها كنها بسطه ويعرضها على عيال عمانها .. فياض ماتشوف شر يااقلبي .. ولا تهتم ولايضيق صدرك بحول الله الجادل من نصيبك وماراح تخلص السنه الا وهي بوسط بيتك.. واحب احيي امك على حركتها الجميله يوم خطبت الجادل من فطوم لانها هي اللي بتسوي كلش وتخلي الزواج يتم.. فطووم ياازينتس ياافطورم وياازين حلفتس والله ان يتم حلفتس يااا ام فراس وماعلينا لا من الجادل ولا المهذري جدها.. فقع مراتي هالشيبه والجادل يازينها يووم راح الحيا وجت الفرحه وتقول فياض خطبني من جدي؟؟ ايه خطبتس حسبي الله على هالشايب المهذري خرب فرحتنا اللي فرحناها البارت اللي فات قلب جونا فوق تحت. المهم يا ام رنو الشايب ودنا نصلي عليه البارت الجاي ونعزي فيه الجادل وابو فراس ومهوب لازم يسوون عرس عشا بسيط وعقب كلن يتوكل على بيته وفياضي وجدولته يسرون للرياض وباجملها فندق ..هخهخهخه تسلم الايااادي ام رنوو والله يا انا مقدر افتح عيوني من النوم وبكره ان الله احيانا بشوف وش انا كاتبه يمكن اغير الرد ..هخخهخهخه |
رد: وجه البوم بقلمي / شبيهة امي
اووووف واش هذا الرد نتاع الجد ...يقهر
لكن بما انو الان الجادل تقلقت راح تعمل انتفاضة |
رد: وجه البوم بقلمي / شبيهة امي
غاليتى العزيزة شبيهة امي وفصل رااائع ومحطم للاعصاب فى نفس الوقت فياض كُسر قلبه من رفض ابو فراس له ولم يعرف من اين اتى الرفض فمثله لايرد لم اكن اتخيل ان من يقف فى الموضوع هو جدها وكيف ان اولاد عمها رفضوها من قبل وهو يرخصها مرة تانية اعتقد ستتكون جبهة من فاطمة والجادل وابو فراس لمواجهة الجد انتظر الفصل القادم لارى كيف المواجهه لك منى كل الشكر والتقدير دمتى بكل الخير فيض ودى |
| الساعة الآن 05:41 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية