|
رد: رواية نبي رد الثنا الفصل التاسع والثلاثون
ان شاء الله تستمتعون بالقراءه..
..البارت الاربعون.. ماانتبهت انه حط جواله هنا انسدحت ع السرير بسرعه وغمضت عيوني ع اني معاي النوم وهو بيتأخر ماعندي احد يوديني غيره وبعدين ماابغى اطلبه يمكن يرفض كذا راح يعطيني الرد برساله نفس الشي او يتجاهلني وبعد كذا احسن هو مسئول عني ولازم يتحمل وبعدين من متى انا قد طلبت منه شي عادي المفروض ارهقه من كثر الطلبات لما انفتح باب الحمام انشدت اعصابي وانا انتظر احس فيه ينسدح ع السرير دقيقه وجات رساله بجوالي احترت هي من رماح ولا من حامد وزاد توقعاتي مع فضولي اذا نام راح افتح جوالي واشوف انتظرته ينسدح وقت طويل ماطلع من الغرفه ولا دخل الحمام اش يسوي فتحت عيوني بشويش اشوفه لقيته واقف قدامي ومرجع ظهره ع الجدار ومكتف يده ويطالع فيني طالعت فيه ثواني وكل الكلام الي قاله لي قبل ماروح بيتنا يجي بعقلي وبذات لما قال كويس انتبهت قبل مااندم رجعت غمضت عيوني واحساس التشتت يسكني كتمت انفاسي وفكره وحده براسي ليه واقف اش لسى يبغى يقوله ماني عارفه للحين مصدق كلام حامد ولا لا سمعته يقول بنبرة صوت خفيفه""ليش كنتي تحبيني"" بسؤال وضح حاجتين انه مصدق كلام حامد وانه حاس انه كان ما قال ليش تحبيني مع اني قلت بطنشه بس جاني نفس مو طبيعي ارد بأسلوبه ودام معاي الجرائه الحين استغليتها قلت وانا مغمضه عيوني لسى""كنت طفله وانت تدري"" لسى مابرد قلبي ماحسيت اني تكلمت بأسلوبه فقلت وانا افتح عيوني علشان اشوف ردة فعله""خلاص كبرت وفهمت وصرت احب الي يستاهل"" مع ان كلامي غلط بحقي قبل حقه ولا بيوم فكرت اتكلم كذا بس طلعت مني كذا كنت ابغى اي شي يبرد قلبي اي شي حاسه انه زايد كل شي يسويه ينتظر مني عكس افعاله يبغى الاحترام والالتزام والثقه كانت ملامح وجهه عكس ماتوقعت كنت ابغى اقهره بس ملامحه تدل ع انه ماسك ابتسامته يعني يتريق علي مو هو صدق في البدايه ان الدفتر لرائد ليش الحين يتريق لما قال بنبرة صوت مرحه""بس هو قال ان الدفتر لي واعطاني اخر ورقه في الدفتر تتذكرين اش كاتبه فيها"" قلت بعصبيه""قلت لك كنت طفله مو متذكره وانا الحين ندمانه ع كل حرف فيها"" وانسدحت ع صدري ودفنت وجهي بالمخده مو مهتم والله مو مهتم احب مين يكون المهم الشخص مايبادلني هذا الحب حسيت بأكثر كأبه يمكن يحس فيها شخص انا قلت بطنشه اش الي خلاني اتكلم اش الي خلاني افتح عيوني سمعته قال بنبرة صوت رايقه""عندي الورقه محتفظ فيها تبغين تشوفينها"" انا عارفه ان كل صفحه فيها كل معاني الحب اش بتفرق الصفحه الاخيره اكيد مثلها ليش مبسوط قلت له ندمانه وكنت صغيره ولسى رايق حاسه اني حتى خسرت نفسي مع كل هذي الحياه خسرت عفويتي خسرت روحي المتفأله وخسرت اهتمامي بالي حولي خسرت راحت بالي خسرت كل شي كنت مفتخره انه عندي واهمها الثقه ماني واثقه بأحد هو لما قال اني بعد هذي الفتره كلها مو واثق فيني وانه كويس انتبه قبل مايندم كانت اكبر خساره لانوثتي وكاني شلون اقولها جلست بعنف ولفيت بوجهي عليه وقلت بحده""اسمع كلامك الي قلته لي اول ماراح اسامحك عليه ابدا ابدا ابدا والله ماراح اسامحك"" ونزلت من السرير وانا مااشوف قدامي من الضغط الي باعصابي والله ماراح اسامحه حتى ع اهماله لي والله لاخليه يندم انه خسرني لما مد ذراعه قدامي يمنعني كأني ماصدقت ضربتها بكل قوتي باليدين مع ان يمديني ادفها بسهوله وطلعت من الغرفه وطلعت الحوش مره وحده ودخلت مجلس الرجال وقفلت الباب بقوه مره وانا اشوف رماح جاي بتجاهي دق الباب وقال وانا لسى واقفه""افتحي الباب"" كنت اطالع الباب وكاني اشوف الي وراه ماراح ارد عليه التفت ادور شي وكاني اذا رميت الباب بتوصله وبس علشان اريح نفسي اخذت فنجان ورميت الباب فيه وبعده سكت شوي وقال بنبرة صوت متوتره""رؤيا اش تسوين"" مارديت عليه جلست ع الجلسه الارضيه حقت الرجال وانا اسمعه يقول بعصبيه""بلا جنون ردي علي"" خايف ع ايش انتحر مثلا من هو ماراح استمر كذا اذا ابغى احمي نفسي من كلامه لازم ابعد هذي مو حياه راح اتغير والله راح اتغير وانا حاسه اني بديت اتغير لو اتم اسبوع مااشوفه ماراح اهتم واسأل مو هذا تغير غير عن اول منجد قرب ينتهي حبي له قال بصوت عالي""والله ان مافتحتي الباب لااكسره"" مارديت عليه اولا هذي النوعيه من الابواب مستحيل تنكسر من رجال واحد مهما كانت قوته وثانيا اش بيسوي لو فتح الباب سمعته يحاول يفتح الباب وبعدها قال شتيمه قويه واختفى صوته البرود هو التصرف السليم تعبت وانا احاول القى طريقه اتفاهم معاه فيها احسه استنزف صبري ومكانته عندي اش يبغى هذي الحياه الي كنت ابغاها هذا الرجال الي كنت ابغاه زوجي وين عقلي كان وين لا يتعب نفسه ولا يحاول يسوي شي قمت وفتحت الباب وطلعت من مجلس اش الي خلاني ادخله بالاساس هذي الحياه كلها من خلاني ادخلها تو امشي خطوتين شفت رماح يطلع من الصاله وهو يقلب بيده مفاتيح والخوف واضح في وجهه ابتسمت بحسره وقلت لنفسي بس بصوت عالي""راح اكرر هذي الحركه اذا تميت هنا"" وقف مكانه وطالع فيني شوي وبعدها لف ودخل البيت وهو يوجه كل سبات الدنيا لي وسكر الباب وسمعته لما قفله بالمفتاح بس بعد نص ثانيه رجع فتح المفتاح انقهر لهذا السبب التافه كيف انا وش المفروض تكون ردة فعلي وقفت مكاني وتكتفت وانا اطالع بالسماء اش اسوي علشان يمتلي وقتي كيف اهمل حياتي الخاصه راح ادور لي شي يخليني بالنهار مشغوله في الدوام وباليل اكمل الشغل في البيت حتى غصب القى لي وقت لنوم متى يجي هذا اليوم كان الجو مايل للبروده شوي يعني الجو مريح احس اني اكثر وحده بالدنيا حياتي محتاسه ومخربطه كذا مشيت بتجاه الباب بقراء وردي وبأرتاح ان شاء الله وبرجع اطلع هنا الجو حلو فتحت الباب بس ماانفتح لي حاولت فيه ورفض يفتح منجده رماح سكره كان هذا اخر طاقتي والله كان اخر شي منجد حسيت بكره له مو طبيعي كرهته والله العظيم كرهته ولا ابغى منه الا شي واحد وهو الطلاق كذا عرف النهايه حسيت بقناعه تامه ومعاها راحه اني قررت شي بهذا الوضوح كويس انه بتصرفه خلاني استقر ع قرار بكامل حواسي موافقه عليه اعطيت الباب ظهري وطالع بالسماء شويه وانا حاسه باستقرار روحي من بعد هذا الشتات مايستاهل رماح اصبر عليه اكثر من كذا لفيت للباب ودقيت بخفيف وقت حتى فتحه رماح بنفسه ونظرت الصدمه بعيونه قال وانا امر من جنبه""انا فتحت الباب"" ماطالعت فيه ولا علقت دخلت حمام الضيوف وضيت وطلعت ماراح اروح البيت الحين هم نايمين ومن بعد هذا الثبات الي احس فيه عادي اروح الصبح مو مشكله وقفت لما شفته فجاءه في وجهي قال""انا متأكد اني فتحت الباب استغربت لما سمعت الدق"" حركت راسي بطريقة طيب بعدم اقتناع واضح ومريت من جنبه ودخلت الغرفه علشان اخذ القران فتحت الدرج واخذته لما لفيت شفته واقف ع الباب وقال بنبرة صوت جديه""انا صح قفلته من قهري لاني خفت ان صار لك شي بالمجلس وشفتك مافيك شي بس رفعتي ضغطي بس رجعت فتحته بسرعه وانا متأكد"" قلت بضحكه وانا امشي بتجاه الباب يعني بتجاهه""تصدق كنت بصدقك"" انسدت نفسي عنه ماابغى منه حتى الاهتمام لما وصلت عنده رفعت عيوني بعيونه بثقه وقوه وقلت برسميه جافه""ممكن طريق"" ..نهاية البارت.. ..عافاكم.. ..عجايب.. الحمدلله. ...بٲذن الله لي حسنه ولك حسنه... (الله أكبر الله أكبر الله أكبر لا إله الا الله الله أكبر الله أكبر ولله الحمد الله أكبر كبيراً والحمدلله كثيراً وسبحان الله بكرةً وأصيلا) |
رد: رواية نبي رد الثنا الفصل التاسع والثلاثون
ان شاء الله تستمتعون بالقراءه..
..البارت الواحد والاربعون.. صدق حاسه اني محميه منه الحين مهما راح يقول ماراح يأثر فيني طالع فيني بنظرات غريبه مافهمتها وهو يقول""مهما يكون مستحيل يطلع مني هذا التصرف(سكت شوي وكمل)وانتي تدرين"" ع قد ماحاولت افهم نظراته ع قد ماتنفزت لما تذكرت اني وجهة له نفس الكلام قبل فتره ورديت برده قلت""لا انا ماادري مااعرفك"" بعد هذا الكلام اتوقع اكتفينا من بعض لانه بعد عن الباب وانا طلعت اتوقع الحين كل واحد فينا عنده القناعه التامه فالبعد كذا اريح والله من فتره طويله وانا حاسه اني مو عارفه اش ابغى لاني خايفه من نتيجة الي ابغاه بس الحين مرتاحه جليت ع الكنبه الي بالصاله وبديت اقراء وردي لما خلصته طالعت بالساعه كانت وحده وربع رجعت ظهري بكره ان شاء الله بروح مدرسة نجود ومن بعدها برجع معاها هناك واغراضي بخلي عمتي تجيبها لاني ماراح استعد قدامه وكاني اطلب منه يحاول فيني اللتفت لما سمعت صوت بغرفة زيدان شكله صاحي للحين حطيت القران ع الطاوله وانا عندي فضول اعرف اش يسوي قمت ومشيت بتجاه غرفته كل مااقرب اسمع الصوت عالي كأنه مو وحده مين عنده بهذا الوقت ماسمعت الباب يمكن كان برا ينتظره بس ماشفته ترددت لما وصلت عند الباب بلحظه احس مالي دخل وبلحظه احس اذا في احد عنده انا اشوف ولا رماح ماادري شلون بتكون ردة فعله حطيت يدي ع المقبض تو كنت بفتح الباب اللتفت لما سمعت خطوات رماح القريبه وقف وراي وحط يده ع يدي وفتح الباب رجعت طالعت قدام شفت زيدان جالس ع السرير وولد واقف وريحة الغرفه كلها دخان قبل مايطلع من رماح اي تصرف الولد بلحظه طلع مع شباك الغرفه بسرعه قياسيه وزيدان وقف ورجع ورا السرير كانت نظرة الرعب واضحه بعيون زيدان اللتفت وراي اشوف رماح وعرفت سبب هذي النظره لفيت بكامل جسمي ع رماح وحطيت يدي الثنتين ع ذراعه وضغطت عليها وقلت""لا تصحي امك وتخوفها"" نزل عيونه وطالع فيني ورفع عيونه لزيدان ولف بكامل جسمه وراح بتجاه باب الصاله بخطوات سريعه جريت بسرعه ووقفت قدام الباب وقلت""رماح مالك دخل فيه عنده اهل سيبه"" قال بصوت منخفظ بس حاد جدا""هذا ماعنده اهل انا اوريه(وحط يده ع كتفي يبعدني عن الباب وكمل)بعدي رؤيا"" مسكت يده الي ع كتفي احاول اخفف ضغطه وقلت بجديه""رماح منجدك خلاص الولد راح وين بتروح"" كنت اتعمد ااخره علشان يكون الولد بعد عن البيت بس المشكله الحين زيدان نظرة الرعب بعيونه خلتني اوعد نفسي ان رماح مايقرب منه قال رماح بغضب وهو يبعدني""هذي مو اول مره"" عرفت ان العقاب راح يكون اكبر لزيدان صح هو غلط بس مايستاهل كل هذا الغضب فتح الباب وطلع قلت وانا واقفه عند الباب""اكيد تصرفك اول مره كان غلط ولا كان ماعادوها"" لف علي وقال""يعني انا الغلطان"" كنت هذا الي ابغاه ااخره قلت""اش سويت اول مره مديت يدك"" حرك راسه بطريقة لا وقال""بس هذي المره ايوه"" وطلع مع الباب اخذت نفس قوي شكل الولد سريع طلع من الغرفه حتى قبل مانرمش ان شاء الله مايلقاه سكرت الباب ورحت غرفة زيدان كان الباب مفتوح بس مو موجود بالغرفه خفت يكون راح عند عمتي رحت للحمام حتى اتاكد ولقيته مقفل ع نفسه قلت وانا ادق الباب""افتح زيدان رماح طلع"" فتح الباب بدون تردد وامنت نفسي اني مااخيب ثقته فيني قلت اول ماشفت وجهه المحمر كان واضح انه ماسك البكيه بالغصب""والله مااخليه يقرب منك"" قال بعد مابلع ريقه كذا مره""والله اني مالمست السقاير بس هو"" حركت راسي بطريقة ايوه بقوه يعني اسانده قلت وانا امسك يده""يمكن حتى رماح حاس كذا لانه راح للولد ماجاء عندك"" حرك راسه بطريقة لا بدون مايتكلم لان البكيه خانقته سحبته وقربته مني وقلت وعيوني بعيونه""اذا انت ماسويت شي غلط لا تخاف"" قال""انا مادخنت بس رماح قال لي لا اكلمه كيف يدخل غرفتي"" مسحت ع شعره وانا حاسه ان رماح معاه حق بس الرعب الي حاس فيه زيدان هو الغلط مع انه يقول المره الاولى مامد يده ليه هذا الخوف ولا حاس بتأنيب الضمير قلت""عادي نتفاهم مع رماح اذا جاء وانت اعتذر له بالغلط الي سويته وبس لا تعتذر ع شي ماسويته وانا بكون جنبك خلاص"" حرك راسه بطريقة طيب وسحب يده من يدي ومسح وجهه كذا مره ابتسمت بتشجيع له لفيت بكامل جسمي لما سمعت باب الصاله انفتح وصار زيدان وراي انتظرته حتى وقف عند الباب وطالع بزيدان الي وراي شوي وبعده رفع عيونه شوي وطالع فيني قلت بأندفاع""يقول انه مادخن الولد بس لا تصير ظالم"" قال بسخريه""طلعت ظالم(وكمل بأبتسامه)طبعا غير الصفات الي سمعتها من ابو راكان"" مافهمت بس اتوقع ابو الولد يعني راح لبيت الرجال بهذا الوقت منجده قال زيدان بصوت يرتجف""والله انه اول مره يجي عندي وانا مادخنت بس في المدرسه اكلمه ماقطعته"" لما سمعت كلامه وحسيت بشجاعته حطيت يدي ع كتفي وقدمته وخليته جنبي قال رماح وهو يتكتف""وليش ماقطعته"" رفع زيدان راسه وقال بعد تردد""في المدرسه مايجيب شي معاه وبعدين كل اصحابي اصحابه مااقدر اقطعه"" قال بتهديد واضح""يعني انقلك مدرسه جديده"" قلت""رماح لا تجلس تخوفه اذا هو من اول معاه وماتأثر فيه فعادي"" قال بحده وهو يطالع فيني""ومين يقول انه ماتأثر"" قال زيدان بدون ندم""بس جربت كل اصحابي....."" سكت لما اندفع رماح بتجاهه وقفت قدامه وحطيت يدي ع صدر رماح وقلت""اهدا رماح اهدا خليه يقول كل الي بقلبه"" قال وعيونه ع زيدان وراي""سمعتيه اش يقول"" ماكنت انا الي امنع تقدمه كان واقف بكيفه وبمزاجه قال زيدان بسرعه""اسف ماكنت اقصد الي ابغى اقوله اني اقدر مااتأثر فيه واني كبير اعرف الصح والغلط هو جاء لين غرفتي وحاول فيني وانا رفضت من نفسي مو خوف منك ماابغاك تزعل مني بس تتذكر وقت رفضت اروح الرحله ورحت يعني انا مثلك مااسوي الشي الا اذا كنت مقتنع فيه"" حسيت ان جسمه ارتخى شوي وكان كلام زيدان ارضاه قال""وراكان"" قال زيدان بقوه""بقطعه علشان ابوه غلط عليك بس"" حاسه اني متفأجاه من طريقة كلامهم كلها ومن اسلوب زيدان حسيته يتكلم بأسلوب كبير قدر يقنع اخوه بثواني سبحان الله انا من متى احاول اقنعه فيني وهذا مااخذ وقت كثير رفض يرجع لعقلي صورته قبل مايجي رماح وانا بعد استرخيت وارتحت بشكل كبير حتى استغربت من التوتر الي كنت شايلته مع ان الجو هدي وراح التوتر الا اني ماانتبهت ان يدي ع صدره للحين حتى طالع فيني شوي بتركيز نزلت يدي وبعدت خطوه لورا وطالعت بزيدان وقلت""نام بكره وراك مدرسه"" واللتفت ع رماح وانا احك شعري وطلعت من الغرفه وانا مبتسمه ماادري ع ايش بس مبتسمه جلست بالصاله عدلت جلستي لما سمعته سكر الباب ..نهاية البارت.. ..عافاكم.. ..عجايب.. الحمدلله. ...بٲذن الله لي حسنه ولك حسنه... (الله أكبر الله أكبر الله أكبر لا إله الا الله الله أكبر الله أكبر ولله الحمد الله أكبر كبيراً والحمدلله كثيراً وسبحان الله بكرةً وأصيلا) |
رد: رواية نبي رد الثنا الفصل التاسع والثلاثون
ان شاء الله تستمتعين بالقراءه..
..البارت الثاني والاربعون.. ماادري توقعت الموضوع يكون كبير من ردة فعل رماح الاولى وخوف زيدان بس هذا هو انتهى والحمدلله مافي خساير من اي جهه يعني لما قالت لي عمتي زمان انهم رجعو هنا علشان رماح نقل زيدان شكل له سوابق طيب ليش رضي بسرعه رماح ولا علشان يعطيه الثقه احس اني في مواضيع مثل كذا مااعرف اتصرف بعقل ومنطق اي شي يجي في بالي اسويه والدليل اني كنت مع زيدان وهو كان الغلطان بس علشان هذا الي جاء في بالي اساسا احسن رماح مايستاهل اكون بصفه مهما كان والحمدلله اني للحين ع موقفي منه ولا حسيت بأي ردة فعل اجابيه ع موقفه مع ان ردة فعله ع الموقف من النوعيه الي احبها رفعت راسي بطريقه طبيعيه لما جلس رماح ع الكنبه الي مقابله لي ورجعت نزلت نظري اتوقع مافي شي بيننا ينقال بس هو قال وهو مغمض عيونه""تحسين اني ظالم"" ابتسمت بدون ماارد ع كلامه للحين في باله هذي الكلمه احسن ياليتني قلت اكثر طالعت بيدي الي بحضني اكيد الحين عرف الاجابه قال بعد وقت طويل بصوت واضح الكسل فيه""بتنامين متى مافي وقت علشان بكر تصحين بدري ماتبغين تروحين مدرسة اختك"" رفعت راسي وطالعت فيه اكثر شي مااحبه انه يتصرف وكأن مافي شي صار قلت وانا اضغط ع الحروف""طيب انتبه بكره لا تسكر الباب وتقول رجعت فتحته لان ضروري اروح مدرستها"" طالع فيني شوي وطبطب ع الفراغ البسيط الي جنبه وقال""تعالي"" قالها بصوت امر رقيق اخذت نفس عميق ووقفت ومشيت بس مو بتجاهه بتجاه الغرفه وانا اقول بدون ماافكر""رماح لا تحاول خلاص هي تراكمات لكل المواقف الي بيننا معد اقدر اكون معاك بأي مكان كيف بجنبك"" ودخلت الغرفه واتوقع كلامي كان واضح سكرت الباب بالمفتاح ومن غير مااحس لقيت نفسي ابكي راح ابكي لاخر مره علشانه برجع بيتنا وماراح يكون هو السبب انسدحت ع السرير طول الليل وانا مو قادره انام ولا حتى اغمض عيوني طول الوقت اطالع بالفراغ واتذكر اشياء ماكنت ابغاه تجي براسي كل شي كل شي بس بصدق حاسه نفسي اودع هذي الحياه الي عشتها هنا يقولون تجرب شي وتندم احسن من انك ماتجرب شي وانا الحين ضد كلامهم ميه بالميه لو ماجربت كان ماندمت والندم شعور مو سهل كل الناس مثلي كذا ماقدرت اخذ موقف الا بشي مو كبير بعد ماتراكم كل المواقف وانتهى صبري ع الاقل انا حاولت انجح حياتنا بس هو مو راضي بعدين ماراح اندم ع شي كل فكره جات في بالي جربتها يعني قبل ماانام كل يوم راح يزيد العتب عليه وماراح احس اني انا الغلطانه طالعت بالباب وانا اسمع صوت اذان الفجر راح يجي يدق الباب ولا لا بعد عشر دقايق من الانتظار تأكدت انه راح للمسجد بدون مايدخل الغرفه جلست ورجعت شعري ورفعته ودخلت الحمام وضيت وصليت الفجر حسيت ان معاي النوم خلاص بنام واعدل المنبه الساعه ثمانيه ع بال مااصحصح وافطر واتجهز الا الساعه تسعه انسدحت ع السرير واخذت الجوال لما فتحته شفت الرساله وتذكرتها والله بجد نسيتها فتحتها كانت من رماح كاتب فيها(حاضر يااجمل احلامي)قريتها كذا مره وانا مو فاهمه هو يقصد انها لي ولا يتريق بالعباره الي اكتبها جنب حرفه في الدفتر دايما مسحتها وانا اتذكر كلامه لما طلع من الحمام كان اسلوبه تريقه يعني هذي مثلها حطيت الجوال وغمضت عيوني قرا كل شي بضمير نفسي افهم اذا الدفتر زاده غرور بنفسه اش بيكون لو قلت شي بلساني الحمدلله انتهى كل شي بدون مااغلط بالكلام بتصرفاتي ياني خربتها بس عادي اسمها جربت لفيت للجهه الي ينام فيها رماح وفتحت عيوني وتنهدت وقمت بدافع رد الجميل انه بيوديني اليوم المدرسه وفتحت الباب ورجعت انسدحت حتى هو مانام امس قدامه كم ساعه هذا اذا ماداوم اليوم بس ماجاء اخذ بذلته يمكن عنده مشوار غمضت عيوني وانا اتمتم بسورة الملك وبعدها نمت.. فتحت عيوني وانا اسمع احد يناديني وبيد ع ذراعي رفعت عيوني بشويش اشوف مين الي يكلمني قال رماح""قومي الساعه تسعه ماتبغين تروحين مدرسة اختك"" حركت راسي بطريقة ايوه بخفيف وانا ارجع اغمض عيوني رجعت احس باليد ع كتفي تهزني""رؤيا قومي مافي وقت"" رجعت حركت راسي بطريقة طيب بدون ماافتح عيوني مااشوف شي معاي النوم احس اني تو غمضت عيوني سمعته يقول كلام بس مافهمته وهو يهزني ارتحت لما راح ورجعت انام بعمق بس بعد وقت حسيت بنفس الازعاج قلت بطفش""طيب"" قال""الساعه عشره"" جلست بدون ماافتح عيوني زين ورجعت شعري وانا احس بطفش مو طبيعي طالعت فيه وقمت ومشيت بتجاه الحمام لما استوعبت استغربت المفروض يصحيني المنبه وش جاب رماح هذا الوقت لما طلعت ماكان موجود رماح بالغرفه خلاص مافي وقت اخذت لبس سريع وغيرت ومشطت شعري وحطيت لمحه من المكياج واخذت عبايتي وطلعت وانا البس عبايتي بسرعه لما وصلت عند باب الصاله تذكرت جوالي كيف يرجع لي فرجعت بسرعه الغرفه ودورت عليه ومالقيته وقفت وانا محتاره وين ادور عليه خلاص بروح اهم شي مااتأخر طلعت وفتحت باب الشارع وكان رماح موجود بالسياره فتحت الباب وطلعت وسكرت الباب وانا اطالع بالساعه كانت عشره وثلث يالله ان شاء الله الحق اللتفت لما مد رماح الجوال وقال""عرفت بتنسينه"" قلت وانا اخذه""الي اخرني اني ادور عليه يلله"" حرك السياره وانا سؤال في بالي مانام للحين معقوله نزلت المرايه وعدلت شكلي رفعتها وانا اسمع رماح يقول بسؤال""مااكلتي شي"" قلت وانا ارجع ظهري""ماابغى شي بس احس اني تأخرت"" قال وبصوت واضح الضحكه""انتي نايمه بقوه"" طالعت فيه ورجعت طالعت قدام ماراح افكر بشي الحين بروح المدرسه وبس متى اخر مره رحت مدرستها قبل سنه تقريبا قال لما قربنا من المدرسه""بنتظرك عند الباب"" طيب اش فايدة الجوال قلت""بتأخر"" قال بتأكيد غريب""بنتظرك"" وقف السياره وفتحت الباب بس قبل ماانزل سمعته قال""بنتظرك"" طالعت فيه بستغراب ليش كل هذا التأكيد اش فيه خايف يعني اهرب مثلا اساس هو الي بيوصلني لين بيتنا ومعد برجع له وهو شكله عارف نزلت وسكرت الباب ودخلت المدرسه ولاني قد زرتها اعرفها زين فرحت فصل نجود ودقيت الباب وفتحت الباب سلمت ع الاستاذه وانا ادور بعيوني ع نجود مو في الفصل قلت""وين نجود"" قالت الاستاذه بستغراب""ماداومت استأذنت اليوم"" ..نهاية البارت.. ..عافاكم.. ..عجايب.. الحمدلله. ...بٲذن الله لي حسنه ولك حسنه.. (الله أكبر الله أكبر الله أكبر لا إله الا الله الله أكبر الله أكبر ولله الحمد الله أكبر كبيراً والحمدلله كثيراً وسبحان الله بكرةً وأصيلا |
رد: رواية نبي رد الثنا الفصل التاسع والثلاثون
عجاااااااااايب
الصمت في حرم الجمال جمال ♡ |
رد: رواية نبي رد الثنا الفصل التاسع والثلاثون
ثلاث بارتات اقل مايقال عنهم روعه تسلم ايدك ياقلبي
تم الإرسال بواسطة iPhone بإستخدام Tapatalk |
رد: رواية نبي رد الثنا الفصل التاسع والثلاثون
واخيرا نطق ابو الهول. ولو برساله
بس لازال مخ رؤيا تنكه مصديه افهمي زين. يامال العافيه يحبس ومن زمان بعد اف. منكم تعبتولي نفسيتي يعطيس العافيه عجوبه. ماقصرتي والله |
رد: رواية نبي رد الثنا الفصل التاسع والثلاثون
السلام عليكم ورحمةالله وبركاته بارتات قمه في الروعه الله يسعدك عجايب مثل ماتسعديننا رؤيا أخيرا حسيتي وتصرفتي صح لاتتنازلين مثل كل مره إلا لما يعترف رماح بحبك بالقول الصريح والفعل شفتي كيف لما حس إنه بيخسرك إعتدل وفكك من لسانه وصار ذرب رماح قال ايش بأنتظرك أقطع ذراعي إذا ماكنت عارف إن نجود ماراحت المدرسه هذا إذا ماكنت متفق مح حامد إنها ماتروح ومخطط تاخذ رؤيا لمكان بتراضيها لأن عرفت إنها ماهي ناويه ترجع معاك البيت ولوطلبت منها تخرج معاك لأي مكان ماراح توافق ياليت رؤيا تطلع عيونك حتى ترضى عليك وحتى تحرم تزعلها بعد كذا مبدعه عجايب ثلاث بارتات دارت حول ثلاث شخصيات استمتعنا بها منتظرين بقية الاحداث بفارغ الصبر |
رد: رواية نبي رد الثنا الفصل التاسع والثلاثون
ياليت يستمر هالتحسن في رماح بس باقي رؤيا لازم تكون بينهم جلسة صراحه ويوضحوا كل النقاط المبهمه بينهم
سلمت بنانك عجايب |
رد: رواية نبي رد الثنا الفصل التاسع والثلاثون
مساء الفل ،، وي اكيد يوم ما يت رؤيا استأذنت نجود مقهوره ليش ما وفت بوعدها ،، احس الثنائي بمد و جزر رماح كانت رؤيا من احلامه و جايز يكون حبها من اعترافها الطفولي او من قبل ،، بس الحلو ان رؤيا بدت تتكلم و تطلع الي بخاطرها على الأقل ما تكتم ،، و الله يستر حامد سبحان الله الحقاره منه و فيه و مرته تحسب موت يعني ماراح يغلط عليها يا مالها من هال غلط دامها من البدايه كانت معاه بغلط بحوشها حجي و بتندم على اساس بدايتها معاه اذا اخته ما رضاها لها لانه يدري انه غلط و خيانه و قط الكلام جدامها تحسب بدا عليها بهالموضوع ،، اهي معاه من نفس الطينه ،، اتمنى رؤيا تأدب رماح عدل و حتى حامد غلط بحقها مو شويه ان الاخو ما يثق بأخته ،، دمت بود |
رد: رواية نبي رد الثنا الفصل التاسع والثلاثون
بــارتات مــشــوقه ونقــدر نقــول في قــفــزة بـالآحداث شوفي الصدق حـامد يرفع الضغط بعني م اتمنى عندي اخ مثله مهمل أخواته ولأيوقف ويسأل عنهم مو محسسهم بمعنى لكم ظهر تستندون عليه حتى زواجه ع كيفه عايش بروحه ..فلا نلوم رؤيا بقراراتها اللي تأخذها من رأسـهـا يعني رؤيا وأختها الصغيره مهملهم درجه اولى ============= نجي عند أبو الهول رماح ..عين الله عليه تو يتكلم بعد ماجردو البنت من أحاسيها الطبيعيه بعد ما اشبع غروره انه كانت تحبه م علينا أهم شي عجبتني رؤيا صااامده وترد عليه ماتسكت وتأخذ حقها بيدها احسن يستاهل .. ومن تقدم لتقدم رؤيا خانووم وانا بعد اتوقع نفس توقع فيتامين سين انه يبي يطلعها يغيرو جو بعد الاعتراف اللي مبسوط فيه ============== عجااايب يسعدش ربي وعساك ع القوووه ونبي دوووم هالعاده 3 بارتات ..صدقينا نفرح فوووق ماتتصورين |
رد: رواية نبي رد الثنا الفصل التاسع والثلاثون
يوووه الله يسعدوو اللي بينزلنا ثلاث بارتات=)
البازتات طبعاا جميله مافي شك.. حبيتها وحبيت انه رؤيا بدت تطلع اللي بقلبها.. والحمد لله انه رمااح قال جمله حلووة لها.. انا احس انه مو بيتريق عليها. بيحكي من جده.. اما السؤال فهو ليش نجود غايبه اليوم!. جوجو.. بارتات رائعه.... وبانتظار القادم بشوق.. سلااام Sent from my GT-I8150T using Tapatalk 2 |
رد: رواية نبي رد الثنا الفصل التاسع والثلاثون
عجايب يا عجايب انت بقيتي حديث الموسم بابطالك اللي بيفكروا البنات بزمن الابيض واسود وافن بتاع زمان بالنسبه ليا انا كمان شايفه كده الصراجه يا جوجو بتخليني اعيش في جوهم رغم انك بتقطعي مودي لما الاقي كلمة النهايه عااااااااا ببقي اهو هعيش احساسهم الاقي هوب البارت خلص
مممم نبدأ من اول فرح حامد وجميلة اللي انا كنت وثقه ان حامد يعرفها وانها وقفته في الماركت بتعمد وادي يا ستي توقعي صاب يووووووووووووووووووبي عااااااااا حرق دمي رماح يوميها الواد ولا كانه ايفها ومش كفايه اللي عمله فيها بغباءه بس نقول ايه هنصبر عليه شويه الصراحه اتعصبت هنا من رؤيا يعني اخوها تجوز وتعرف انه اتجوز بنت بيحبها والناس كلها عارفه وبرضوا زعلتلها شويه وعدت الليله كنت عايزاها تاخد موقف ولو حتى ربع ساعه ههههههههههه هي فالحه تزعل مع نفسها وهييييييييييييييييح اخيرا الموكوس اخد باله وقالها انت حلوة والموكوسه مصدقت ودابت عااااااااااا حد يضرب البت دي الواد قالها كلمين كان هيغمن عليها هههههههههههه << سبوني افطمها بس مش اكتر دي زي اختي << هههه يا سلام شالها وريحت راسها على كتفه ولفت دراعها حولين رقبته ايه الحلوه دي هههههههههه ده لو قالها بحبك هتنام في حضنه هههههههههه < سبوني افطمها انا مش هضربها والله انا هفطمها بس هههههههههه << اهو الموكوس فهم غلط تاني عااااااااااااا يعني البت تعمل ايه تغنيهاله << بحبك واداري ليلي ونهاري انا والقمر سهران << هههههه حد يقتل البت دي هههههه طيب تمام اهي قالتله اهو انا مش خايفه ومش عارفه ايه وسبلتله شويه بعنيها شوفتوا البنيه عداها العيب وازح بس هو برضوا عمل نفسه من بنها ولا كانه شايفها اصلا ههههههههههههه اصوت واقول بوووووووو واعلقك الموكوس ده على باب القسم عااااااااااا بعد كل المده دي وشاكك فيها ومصدق ابن عمها يقول كلمه وهوب البوتجاز اشتغل على اعلى درجه لا والهبله بتفكر تعمله مفجأة هههههه يلا يا يا موكوسه من هنا الواد ده عايز يتعلق من عايز مفجأة ههههههههههههه واخها كمان غاظني اه صحيح معذروين لان الغبي ده ابن عمه معاه مذكرتها بس عايزه اعرف مذكرتها دي راحتله ازاي وعارفه بقي لو مزعلتش من اخها واخدت موقف انا اللي هضربها واعلقها عاااااا يعني لازم البوتجاز يتكلم ويدخل شمال قال صغيره بس مش صغيره على الكلام والحب وبتقولي لكل واحد بحبه << تصدق كنت قريبت احبك واقول عليك كويس وهنزلق من التعليقه خليك متعلق شويه كمان تستاهل ههههههه >> بس عجبني رد فعل جميله ودخولها المميز بجد شخصيه زي العسل وردها على حامد ضحكني وعفويتها لذيذه ده غير طريتها مع رؤيا المميزه حبيتها جدا وقفتها جنب رؤيا مميزه وحلوة عجبتني وشكل جميله هتبقي سند لرؤيا مش بقول البت دي زي العسل اهي رؤيا قررت تستقوى شويه ولولولوولولولوولي قررت اخيرا تتقل ماشي عجبتني حركه البدله وحركه الدولاب ايوه كده يا دويع انا بكنام وانا ماسكه في نفسي هههههههههه واااااو واخيرا فرحت بيها قبل ما اموت ههههههههههه ايون يا رورو حياه عيلاء اثبتي على كده يومين بس مش كتير مش هتقل عليكي ههههههههههههه انا عارف انه صعب بس عشاني اتقلي يومين << رساله مني الى رؤيا << ابوس راس ام بنت خال عمت اللي جابت ابوكي اتقلي شويه وخدي موقف ههههههههههههههههههههه حلوة حركة الايد دي اهو يلا لما نشوف الموكوس هيصلحها ازاي مووووووووووووووووووووه ليكي يا قمر ومعلش تعليق سريع وضامم كذا فصل بس عشان عندي ضغط كبير معلش |
رد: رواية نبي رد الثنا الفصل التاسع والثلاثون
حلووووووووووووو جدا جدا جدا في تغيرات كتير سواء مع رؤيا او مع رماح
وهييييييييييييييييييح اخيرا رؤيا اخدت حبوب الشجاعه انا مش عايزه افرقهم بس عايزة صحوه لرماح حجه تهزه تخليه يتحرك شويه يلا عقبال ما يحس يا رب ههههههههههههه عااااااااااااااا :( صعبت عليا رؤيا كتير ايه ده حد يججبي رماح اضربه عشاني عشاني خلينه اضربه ههههههههه حلوووو معلجتك لخطأ زيدان كتير حلو حلو حلو الضرب عمره مكان حل صحيح لولا رؤيا كان اضرب بس حلوووو بجد اتمنى و الكل بيفكر كده بس الغضب بجد بيعمي العين نعممممممممممممممممممم اجمل احلامي الواد ده يا مجنون يا مدمين هههههههه سبوني اضربه يعني ما هو بعرف يقول كلام حلو اومال معذب البت ليه مممممم عجبني حنيته بس برضوا هضررررررررررررررررررررررررربه نجود غايبه غريبه اكيد مدرسه نجود هتعلق على وضعها اللي وثقه بعد اخواتها اثر على مستواها الدراسي عواف عجايب تسلمي يا قلبي |
رد: رواية نبي رد الثنا الفصل الثاني والاربعون
ان شاء الله تستمتعون بالقراءه..
..البارت الثالث والاربعون.. قلت بصدمه""استأذنت متى"" قالت""في الصبح انتي اختها صح"" قلت وانا افكر بسبب استأذانها من المدرسه""ايوه اختها"" قالت بشك""وليش استأذنت ماتدرين"" ضحكت بتوتر وقلت""قالت لي امس بس ع بالي تمزح"" طالعت فيني بستصغار وبعدها طالعت بساعه الي بيدها فهمت وقلت بأحراج""يعطيك العافيه"" وطلعت من الفصل حسيت نفسي غبيه بدرجه كبيره وزادت نظراتها احساسي رفعت الجوال واتصلت ع حامد اشوف اش السالفه لايكون تعبانه ولا فيهم شي فجاءه زاد خوفي وانا انتظر رده في الاتصال الاول مارد بس رجعت اتصلت وانا اجلس ع كرسي ولما رد زفرت لاني شبه ارتحت وصوته الرايق لما قال""هلا رؤيا"" زاد راحتي اكثر قلت بسرعه""اش فيها نجود رحت لها المدرسه وقالت استأذنت ليش تعبانه هي"" قال بعد ضحكه""لا مافيها الا الخير"" قلت""الحمدلله(وسكت شوي وبعدها كملت)وليش استأذنت دلع"" قال بستغراب""شكلك منجد بالمدرسه"" قلت باستغراب اكثر منه""ايوه قلت لك اني بالمدرسه"" قال""يعني ماتتريقين"" قلت بعدم صبر""لا قول لي ليش اش صاير"" قال بأبتسامه واضحه بصوته""ماتعرفين ماتعرفين"" قلت""لا"" قال طيب سكري خليني اسأل رماح اش اقول لك"" قلت بعصبيه""لا ياشيخ"" ضحك بقوه وبعدها سمعت صوت احد جنبه يتكلم معاه شكلها جميله ومنجد طلعت هي لانها اخذت الجوال منه وكلمتني""سيبيك منه احنا مسافرين ونجود معنا لا تخافين عليها واشكري زوجك ع الهديه"" عقدت حواجبي وحطيت يدي ع جبهتي بعدم فهم فجاءه كذا مسافرين ونجود امس ماقالت لي الا طلبت مني بعتب اني اجيها المدرسه والحين مسافره وهدية ايش قلت""اسمعي جميله والله مو فاهمه شي ليش فجاءه كذا سافرتو وهدية ايش الي اعطاكم اياها رماح"" قالت بعدم فهم""رؤيا منجدك من زمان زوجك هديته لزواجنا تذاكر السفره هذي بس مااعطانا الا امس وكانت وقتها الصبح ماتدين ماقال لك"" قلت من بين اسناني""الا جابني المدرسه"" سكتت وقت طويل اش تقول منجدها مافي كلام قلت وانا ابين ان الموضوع عادي""وكم بتجلسون ان شاء الله"" قالت بتردد""اسبوع ويمكن اقل"" خايفه تخربط بالكلام ماتدري اني مااعرف شي اساسا قلت""سلمي ع نجود وان شاء الله تستمتعون بالسفره يلله مع السلامه"" وسكرت حركت اصابعي ع جبهتي كل شي كوم ويسفرهم وانا ماسفرني كوم ثاني ولا مره طلعت الا علشان اصحابه بس كلموه والحين يسفرهم لا الصدق يسفرهم وانا لا كوم وانه مايقول لي ويجيبني المدرسه كوم ثاني اش يبغى رماح مني اش يبغى يحسسني فيه اكثر من كذا اني ولا شي بحياته نزلت الجوال وتغطيت وقمت ولما وصلت عند باب الشارع ماقدرت اطلع رجعت فسخت نقابي وجلست مرو من عندي صاحبات نجود وسألو عنها وطبعا قلت لهم مسافره وكلهم يسألون ليش ماقالت لهم وليش تسأفر الحين وانا ماعندي اجابه جاوبت مثل عند الاستاذه اجابات غبيه بس هم صغيرين مشيتها عليهم لما راحو وقفت وسمعت الجوال يدق رفعته كان حامد مارديت ماادري ليش بس كذا شي قالي لا تردين بس بنهاية الاتصال رديت رفعته وقلت""هلا"" قال حامد""اسمعي بقفل جوالي لا تنشغلين علينا وعيشي حياتك"" قال الاخيره بضحكه ماسخه يعني كان حياتي واقفه عليهم انتظرهم يروحون واخذ راحتي مايدرون اني بروح بيتنا وبأنتظرهم فيه ولما ماسمع اني علقت قال""المفتاح الاحتياط بمكانه اذا ابغيتي شي روحي"" قلت بأبتسامه ع جنب""اكيد"" قال""اذا يلله مع السلامه وسلمي ع رماح كثير"" قلت وانا ابعد الجوال عن اذني""يوصل"" وسكرت راح يوصل سلامه بتوصيل خاص تغطيت وقمت فتحت الباب وطلعت الشارع وكان رماح ينتظرني بنفس مكانه طالعت فيه بنظره خاليه من كل شي فتحت باب السياره وطلعت وسكرته وعدلت جلستي ورجعت ظهري بدون مااطالع فيه احساسي بهذي اللحظه اني ابغى اسافر حتى انا ابغى اغير جو واطلع من هذا الروتين الي عايشه فيه حتى احساسي صار مافيه اي تغير بس انتظر و انتبه لوجوده بس طبعا ماابغى مع رماح ابدا ليش ماخلاني اروح معاهم الصدق الصدق لا ماابغى اروح معاهم بس ابغى اسافر اخذت نفس بس راح وقتها لو اول ماتزوجنا كان راح يكون بيننا تقارب اكثر من كذا شالني وحطني بين اهله وراح لشغله مو مشكله انا زمان ماكنت ابغى اطلع من البيت كنت مكتفيه بحياتي ومقتنعه بكل شي بس الحين لا حاسه بنقص بكل شي يعني لما ارجع بيتنا راح ارجع نفس احساسي القديم حسيت فيه لما التفت علي وقال واحنا لسى واقفين ماحرك السياره""تأخرتي مره"" اش قصده عرفتي ولا لا قلت ببرود""حامد يسلم عليك كثير"" شلون كان يبغى يوصل لي الخبر وشلون يبغى تكون ردة فعلي قال بأبتسامه""يعني وصلو الحمدلله"" وحرك السياره والابتسامه لسى ع شفايفه كنت اشوفه بطرف عيوني كنت ابغى اعرف ردة فعله بس كانت عاديه وهذا الي قهرني اكثر لو سأل كان قلت يبغى يقهرني ولو ركز بقول مهتم يعرف رائي اي شي المهم مو كذا وكأن منجد ماجيت في باله صدق ماجيت في باله تمنيت امسح هذي الابتسامه ع وجهه ويحس بأحساسي انقهرت وقلت علشان نرجع لنفس الموضوع""ويشكرونك ع الهديه كثير"" قلتها وانا اضغط ع الحروف اتسعت ابتسامته واللتفت علي ورجع يطالع قدام وهو يقول""يستاهل حامد(وطالع فيني شوي وكمل بنبره مخمليه هاديه)وعلشان سبب ثاني بعد"" ورجع يطالع قدام قلت من بين اسناني""اذا كان السبب الي في بالي فانت نجحت وبقوه"" حاسه بفراغ كبير جواتي تفاجأة اني للحين عندي امل فيه توقعت بعد قرار امس انتهى بنسبه لي زاد تأكيده مو بس كلام صار فعل حاسه اني مستحيل راح انسى هذا الاسلوب منه صح مقهوره منه وبقوه لدرجة حتى مو قادره ارتاح ع جلسه معينه كل ثانيه اتحرك بس فكرة لثانيه بعمق علاقته مع اخوي ليش مو انا طالع فيني ثواني ووقف السياره ع جنب وقال بجديه""اش الي في بالك"" رفعت اكتافي لاني مو قادره اتكلم لما قررت اروح بيتنا والقى المسانده من اخوي طلع اخوي مسافر حاسه اني ضعيفه طيب ليش ماقال لي من امس كان ع الاقل نمت وهو اساسا صحاني بأصرار قوي يعني ايش ماله معنى الا الشي الي في بالي قال وهو يلف بكامل جسمه بتجاهي وقرب وجهه شوي وقال""ماتشوفين شي بالموضوع ايجابي"" غير انه زاد قناعتي بأن البعد افضل لا حركت راسي بطريقة لا وبقوه وين الايجابي ولا قصده يعني موضوع انفصالنا فهم قصدي زين لما قلت امس اني مااقدر اكون معاه في مكان واحد ولا اهتمامه بأخوي المبالغ خلاه يروح علشان ماازعجه طالعت فيه وانا بلسعة الدموع بعيوني انتظر اي تفسير بس اهم شي مو الي في بالي حسيت بنظرته تغيرت لصدمه تقريبا لما شافني واخذ يدي وحطها بين يدينه وقال وهو يقلب فيها ويطالع فيها""انا من اول ناوي للهديه هذي حتى كلمته انها علي بس امس(ورفع عيونه وكمل)من طريقتك فهمت انك تبغين تروحين بيت اهلك فقلت هذا وقت مناسب علشان ماتطلعين من بيتنا خلينا نتفاهم ع كل شي و ع الوقت الي تحتاجينه بدون ماتروحين بيت اهلك"" ..نهاية البارت.. ..عافاكم.. ..عجايب.. الحمدلله. ...بٲذن الله لي حسنه ولك حسنه... (الله أكبر الله أكبر الله أكبر لا إله الا الله الله أكبر الله أكبر ولله الحمد الله أكبر كبيراً والحمدلله كثيراً وسبحان الله بكرةً وأصيلا) |
رد: رواية نبي رد الثنا الفصل الثاني والاربعون
ان شاء الله تستمتعون بالقراءه..
..البارت الرابع والاربعون.. كان واضح بوجهه انه جاد بكلامه وقالها بنبرة صوت مخلصه بس منجد كانت صدمتي لما قال كلامه الاخير بنبره قريبه من الترجي يعني يبغى اكون معاه يحاول يعدل علاقتنا هذا الشي كان كبير بنسبه لي كبير بقوه مجرد نية انه يحاول كبيره تحولت نظراتي من الاستماع بتركيز لحب واضح انا الحين عندي الاستعداد والقوه ارجع احاول انا بعد نزلت نظراتي بخجل من الي كان واضح علي ومن نظراته العميقه ومن يدي الي بين يدينه قال رماح بنبرة صوت منخفظه""اوعديني رؤيا"" نقزت بقوه من صوت بوري السياره العالي وطالعت بالسياره الي كانت واقفه تبغى تتحرك واحنا مسكرين عليها بسيارتنا ترك يدي وهو يقول شتيمه صغيره وحرك السياره احسه صار يشتم كثير اخس شي لما يتعود عليها بس بصدق الحين كانت بنسبه لي حلوه لانه كان مايبغاه يقطع عليه عدلت جلستي ورجعت ظهري تنحنح رماح وقال""اش تبغين تاكلين"" قلت بأبتسامه مخفيه""ماابغى شي"" حسيت بقوه وغرور واحساس فريد صراحه لما قال انه يحاول علشان كذا راح استمر بنفس طريقتي هذا الي خلاه ينتبه لي لما تعود ع الاهتمام والحب ماصار يفرق معاه بس لما يأست منه ونويت البعد انتبه لوجودي مع اني غيرت رائي ميه في الميه وان حتى انا ابغى اكون معاه بس راح اوضح اني لسى ع رائي ابغى احس بالاهتمام منه وبنفس الوقت يكون في مكاني قال""ليش"" لاني ابغى اكون في مكان الاهتمام واني للحين ع رائي ومااقنعني كلامه""ليش طيب وديتني المدرسه ماقلت لي من البيت"" صدق كان هذا السؤال في بالي بقوه اش قصده قال وهو يتجاهل كلامي""ماتبغين نطلع مكان انا استأذنت اليوم"" حسيت بشك لما ماجاوب ع سؤال وغير الموضوع فقلت بختصار""لا"" وانا مشغوله بالموضوع ليش مصغر الموضوع ومو مهتم فيه معقوله يلعب علي بالكلام وبس طالع فيني وقال بستغراب""ليش تغيرين جو وانتي اختاري المكان الي تبغينه"" حسيت بربكه وتوتر من احساسي المخربط بكل شي حاسه بامتنان لاهتمامه المفأجئ وبنفس الوقت بستغراب ليش كذا فجاءه وحاسه اني ابغى اطلع بس مو معاه علشان ماتورط ابغى اكون بنفس هذي السيطره ع نفسي ابغى يكون عندي الخيارين وبنفس الوقت حاسه ان في شي بالموضوع مو مريحني ابدا قلت بصوت احسه بعيد وكأنه طالع من مكان قديم""بنام"" متخربطه بقوه ماابغى اخسر هذي اللحظه ولا ابغاها تغير شي بخططي ماقد حسيت بحيره مثل هذي قال""خلاص طيب بليل"" والله اصراره زادني خوف مو متخيله ان رماح يتغير بين يوم وليله اكيد في شي في باله اخذت نفس هو الي اخذ مني الثقه فيه عارفه اني اذا رجعت البيت ماراح انام بس اكون بمكاني وعندي كذا مخرج اذا ماابغى اكون معاه اساسا وين بنروح بهذي الشمس ارتاح ضميري ورجعت ظهري وانا اطالع بالساعه كانت احدعشر ونص ساعه ويأذن الظهر عذر حلو ماراح انام استمر السكوت وانا كل شوي اطالع فيه كان وجهه خالي من اي تعبير وعيونه قدام حتى وصلنا البيت نزلت وهو ماطفى السياره يعني مابيدخل البيت مسكت لساني في اخر لحظه ماراح اسأله وكأني مو مهتمه سكرت الباب ودخلت البيت كانت عمتي جالسه بالصاله فسخت عبايتي وسلمت عليها وجلست جنبها وقلت""اش اخبارك"" قالت""بخير الحمدلله رجعت امس الساعه تسعه ماكنتي في البيت صح"" قلت""ايوه رجعت الساعه احدعشر بليل"" قالت بستغراب""تأخرتي عندهم"" قلت بأبتسامه لاني فهمت تفكيرها""لا هم راحو مطعم وانا جلست عند نجود"" ابتسمت وهي تحرك راسها بطريقة طيب وقالت""سويتي خير وين رماح مادخل"" قلت بعد تردد""مشغول شوي"" قالت""وين رحتو من الصبح"" حسيت فضولها خلاها تتكلم لان واضح ان من اول مادخلت وهي تبغى تسأل بس متردده ليش يعني متردده قلت بأبتسامه واسعه بدون تفكير""رحت مدرسة نجود"" طالعت فيني شوي وبعدها حركت راسها وقالت بأستنتاج""رحتى تأخذين لها اجازه"" يعني تعرف هذي اول فكره جات في راسي تعرف حتى قبلي قلت وانا ناويه افهم منها لان رماح مافهمت منه شي""لا والله رحت اسأل عنها مدرساتها بس طلعت مستأذنه"" لفت علي شوي وقالت بستغراب""وداك رماح"" حركت راسي بطريقة طيب وانا مركزه عليها ابغى افهم من ملامحها بس المفاجأه هي وضحت ع ملامحها اكدت لي انها بعد مو فاهمه ع ولدها قلت بتفكير""ايوه وصحاني من النوم لاني نسيت اعدل المنبه"" وضح عليها التفكير العميق رجعت ظهري وتكتفت وقلت بتفكير بعد""يقول من اول قال ان سفرتهم عليه"" حسيت بشك يزيد اكثر في راسي قالت وهي تقوم""اذا جاء اسأليه"" وقفت معاها وقلت بسرعه""متى قال لك"" قالت وهي تلف علي""امس لما كنت معاه بالسياره"" قلت بسرعه""ماقال شي ثاني"" قالت بعد تفكير""لا مااتذكر ماقال شي بس الدوره الي اعطوه بي(لما شافت ملامحي عرفت اني مااعرف كملت بتردد وانا ابلع ريقي)ماتعرفين ماقال لك صح"" عضيت ع شفايفي بقوه لدرجة اوجعتني منجده رماح هذا منجده قلت وانا احس بصداع قوي بقوه""لا ماقال لي متى بيروح الدوره رماح"" قالت بسرعه وبنبرة تكذب نفسها فيها وهي تقرب مني""اتوقع انه اعتذر اذا ماكلمك يعني ماراح يروح صدقيني"" حركت راسي بطريقة طيب باصرار فهمت الحين يبغى حتى هو يروح دورته ويتركني هنا قال ايش قال خلينا نتفاهم بس بفهم ليش يسفرهم اش يستفيد يأدبني يعني ويخليني هنا انتظره حتى اسلوب عمتي وضح انها ابدا مو معاه قالت عمتي بسرعه""صدقيني رؤيا قال عن دورته لاني زمان سمعته تكلم عنها وسألت بس"" حركت راسي بطريقة طيب بقوه غريبه ع احساسي وشي واحد براسي ماراح انتظره هنا ولا راح اخليه يتهنى بأفكاره يشوف والله يشوف مسحت خدي بعنف وقلت""بذمتك ياعمه ماتقولين لرماح انك قلتي لي اكيد نسي بشوف متى يقول لي"" قالت""صدقيني اذا ماقال لك يعني اعتذر من زمان لان السالفه قديمه صدقيني"" ابتسمت من اسلوب عمتي السريع وكأنها تبغى تدخلها راسي بالغصب قلت اطمنها هي ليش خايفه كذا انا ماعندي شي اسويه ماعندي حتى ردة فعل مثل الناس اذا بتخاف تخاف علي انا من رماح بنبرة صوت هاديه""مو مشكله راح نتفاهم اذا فيه او مافيه"" هذي نتفاهم قلتها بنفس المعنى الي قالها لي بالسياره يعني نتفاهم قالت عمتي بشبه راحه""لا تأخذين ع خاطرك لو بيروح اكيد بيكلمك تتجهزين"" اتجهز ضحكتني حاسه اني الحين بجد بجد اني فاهمه عليه والشك كان احسن لي من التصديق كانت راح تكون صدمتي اكبر لو صدقت واندمجت معاه المخادع اوكي كذا انا مركز القوه انا عارفه اش بيسوي بس هو مو عارف اش بسوي يمكن ابالغ بس ماراح امشيها اخذت عبايتي والجوال الي جنبها ..نهاية البارت.. ..عافاكم.. ..عجايب.. الحمدلله. ...بٲذن الله لي حسنه ولك حسنه... (الله أكبر الله أكبر الله أكبر لا إله الا الله الله أكبر الله أكبر ولله الحمد الله أكبر كبيراً والحمدلله كثيراً وسبحان الله بكرةً وأصيلا) |
رد: رواية نبي رد الثنا الفصل الثاني والاربعون
ان شاء الله تستمتعون بالقراءه..
..البارت الخامس والاربعون.. قلت لعمتي الي تطالع فيني بهتمام""خلاص طيب بتكلم معاه بعدين"" ودخلت الغرفه حاسه الحين اني بايعته بمعنى الكلمه لا بتكلم ولا بفتح معاه موضوع ولا حتى بشوف وجهه جلست ع طرف السرير وانا مو مصدقه ان هذا هو الي كنت احلم فيه ليل ونهار كنت خايفه من تفكيري فيه اغلط والحين لما صرت زوجته ماافكر فيه بنفس الطريقه وهو السبب لو اعرفه من بعيد مثل اول كان استمر حبه بس الحين مااقول انه انتهى او خف مدري شعور اني ابغى ابعد عنه وارتاح طاغي ع كل شي ثاني بس ابغى اريح عقلي من تفسير كل حرف ابدا ماكانت عادتي ولا كان اسلوبي هو علمني وقفت وفتحت الباب ع خفيف اشوف عمتي لما تأكدت انها مو بصاله طلعت بسرعه للحوش ولبست عبايتي فيها وجوالي لسى بيدي ندمت اني ماحطيته خلاص بأخذه معاي انا خلاص ماابغى اكون جالسه هنا وبغرفته وانتظر منه يتكرم ويلتفت علي بدل مايروح هو لدورته انا اروح اذا يبغاني انا بحد ذاتي يجيني وانا عارفه انه بيجي علشان امه وعلشان صاحبه وعلشان البيت فاضي علشان كذا ماراح افرح او اهتم لاني عارفه انها مو لي مثل ذيك المره كل مااتذكرها احس نفسي غبيه وشعور لما سمعته يكلم امه ان شاء الله مااجربه مره ثانيه الوحده المفروض تشرط ان يكون لها بيت وحدها مع ان عمتي مافي احسن منها والله بس ماابغى يجي لي عشان امه تغطيت وطلعت مع باب الشارع يمكن الموضوع فيه خيره اكون وحدي بدون ضغط من اخوي لا بالكلام ولا بالاحساس ولا لما يتكلم عن رماح كذا احسن دخلت بيتنا وغريب عن العاده سكرت باب الشارع لو يدري حامد بيخاصم بس هو مسافر وبعيد انا متعوده بهذا الوقت دايما اكون وحدي علشان كذا مافي شي غريب علي خليني ارجع لجوي الاول وحياتي الاولى سكرت الباب بالمفتاح الي اخذته من مكانه المعتاد فسخت العبايه واخذت نفس احس اني هربانه منه حتى مااخذت معاي لبس ولا شي بس يمكن كذا يجي في باله اني برجع لان اغراضي ماشلتها احسن حتى مايجي ويحاول كان هذا الكلام من ورا قلبي كذا ماراح يحاول يراضيني كذا بيخليني حتى ارضى من نفسي وارجع بس انا ماراح ارضى ولا حتى بمحاولاته راح ارضى الا اذا كانت قويه جلست بالصاله ورجعت ظهري وغمضت عيوني حتى لو ماقلت لعمتي بيعرف اني هنا ليش يعني حاولت ماتشوفني رماح ماراح يقلق علي ولا راح يفكر مثل العاده ماراح احط عليه اي توقعات طالعت بارجاء المكان مااكلت شي احس اني جيعانه قمت ودخلت المطبخ توقعت لما ارجع هنا بقرار ثابت راح اكون مستقره ومرتاحه لما كنت هناك وقررت ارجع حسيت براحع بس لما جيت ماحسيت فيها حسيت اني مضيعه وقتي وان في كل يوم انلعب علي او انسحب علي مو حياه الي عشتها كانت تجربه فاشله بكل معنى لهذي الكلمه فشلت بتمسكه فشلت بثقته فشلت باهتمامه ولا لحظه حسيت اني قريبه منه ولا لحظه وحده رجعت ظهري ع الجدار وغطيت عيوني بيدي مافي ولا لحظة تشارك بيننا ولا لحظة تفاعل كنت الطرف الوحيد بهذي العلاقه كنت اعطي واعطي ولا شي بالمقابل تذكرت كل احساس عيشني اياه كانت اكثرها مو حلوه معقوله بعد فتره اصير مااحب اتذكر هذي المرحله من حياتي ولا ابغى احد يذكرني فيها ولا افكر فيها معقوله لان مافيها شي حلو جلست ع الارض وانا اطلق دموعي واعطي الحريه لاحساسي خليني اطلع كل شي خلاص انتهت هذي المرحله وانتهى رماح من حياتي اذا خليني انهيها بطريقتي وهي الدموع والاستسلام كنت كل مااسترجع موقف تزيد دموعي ويزيد احساس النقص جواتي كل شي يذكرني بضعفي قدامه ولا يوم حسيت اني تصرفت مثل مايقول لي عقلي بديت من اول مره حسيت بوجوده من اول سالفه لفتت انتباهي له حتى تذكرت لما قال لنجود يوم اعطته المحفظه الي نسيها بالمجلس عندنا بمعنى كلامه اتذكر انه احسن من بعض ناس تفتش باغراض الناس ابتسمت وانا ادخل هواء لصدري بعمق احس انها من زمان احس اني كنت بذيك الفتره سعيده وكنت احس نفسي حياه عايشه مو الحين احس اني كبرت بالعمر سنوات وين نشاطي وين حماسي ووين تركيزي ووين اهتمامي حاسه اني مجهوده بقوه عندي اسبوع استرخي فيها استرخاء تام ماراح اشوف ولا اكلم احد راح اعرف اش ابغى وراح اتحمل نتايجه قمت وانا امسح وجهي من الدموع احس اني الحين ارتحت شوي اخذت نفس ثاني عميق وفتحت الثلاجه اسوي لي فطور ماابغى اطبخ الي موجود بطلعه واكله ان شاء الله شلت فطوري وحطيته بصاله اليوم بدلل نفسي لاخر درجه مو محتاجه تدليل من احد صح دايما اقول اني اذا بعدت برتاح وكاني تفكيري بمزاجي بس مو مشكله بشغل نفسي حتى لو بشي تافهه شغلت التلفزيون وعليت الصوت بزياده واكلت وعيوني بالتلفزيون وتابعت بدون هدف لما خلصت شلت الصحن وحطيته بالمطبخ بدون مااغسله بس رجعت الاغراض الثلاجه ماراح ارتب شي برتاح دخلت غرفت نجود وفتحت دولابي اشوف الملابس الموجوده لاني بعد مااصلي الظهر ان شاء الله بأخذ لي دش طويل كانت ثلاث ملابس وبس وقديمه بس راح البسها انا وحدي هنا مع اني في البدايه فكرت اهتم بنفسي بزياده وضيت وصليت بالغرفه واخذت ثوب ورحت لتلفزيون وعليته اكثر ودخلت الحمام بس ابغى اغير كل شي اليوم بعد وقت طويل طلعت بدون مااجفف شعري وقفت عند باب الغرفه وانا مو مرتاحه من الثوب بس يمشي الحال ودخلت المطبخ ولقيت ايس كريم رجعت شعري بحماس واخذته ومشيت وانا اقلب فيه بعني اكيد لما يرجعون ماراح يسألون عن شي وانا موجوده هنا جلست بالصاله وخفظت الصوت شوي وقلبت حتى استقريت ع قناه وتو بديت اكل بالايس كريم سمعت جوالي يدق رفعته من ع الطاوله كان رماح الي يدق بكل برود ظاهري فقط قفلت بوجهه وقفلت الجوال مره وحده بعد ماشفت ان له ثلاث مكالمات شكل لما كنت بالحمام ورميت الجوال ع ابعد كنبه مع اني احس بديت اسوي لنفسي جو بس بعد اتصاله حسيته خرب علي جوي وشغل بالي بيجي ولا لا قالت له امه انه دريت بسالفة دورته قالت له اني هربت بدون ماتشوفني خفظت الصوت بزياده ورجعت ظهري وانا اكل بشهيه كل تسألاتي ايوه ولا لا اش تفرق عندي مو قلت انه خلاص انتهينا من هذي المرحله خلاص بس كان هذا كلام فقط ماقدرت انفذ كلامي بالحرف الواحد حاسه اني مو بالقوه الي ادعيتها مجرد اتصال منه زعزعني كيف لو جاء اش بسوي ماعندي الا التجاهل مدري هذا يعتبر حل ولا لا توقعت الصبح انه حل لان اسلوبه تغير معاي بس طلع قاصده وتخطيط منه يعني يمكن مايكون حل معاه طيب اش بيسوي اذا تجاهلته شلون بيتصرف لما اكتفيت رجعته الثلاجه وطالعت بالمطبخ وقت ادور لي ع حاجه وبنهايه اخذت لي كوب مويه ورجعت جلست وانا اطالع بالساعه كانت وحده ونص ياربي وانا ع بالي مر وقت طويل تأففت ماعندي شي اسوي طيب وين اروح ماعندي صاحبات ولا معارف لزيارات تذكرت قد قالت لي عمتي انها راحت محاظره في دار تحفيظ قران قريب من هنا حلو حسيت بفرح ان جات هذي الفكره في راسي زمان فكرت اروح بس كنت احس ان وقتي مشغول ولا راح اركز معاهم وحفظت في البيت جزء عم بروح واكمل جزء ثاني راح استفيد ان شاء الله ماراح اضيع وقتي وراح انشغل حسيت انها فكره جهنميه انا مستغربه انها جات ع بالي احس اني اكتشفت اني غبيه علشان كذا مستغربه اخذت الريموت وخفظت الصوت اكثر وكأنه ازعجني او بالاصح والاصدق والامانه انتظر اسمع صوت الباب وماابغاه اذا دق يسمع صوت التلفزيون وماطال انتظاري سمعت دق الباب ..نهاية البارت.. ..عافاكم.. ..عجايب.. الحمدلله. ...بٲذن الله لي حسنه ولك حسنه... (استغفر الله العظيم واتوب اليه اللهم عافنا واسعدنا ووفقنا وارزقنا من حيث لا نحتسب اللهم حقق ما نتمنا..امين) |
رد: رواية نبي رد الثنا الفصل التاسع والثلاثون
اقتباس:
بلعون مامنك عذاريب.. شكرا.. |
رد: رواية نبي رد الثنا الفصل التاسع والثلاثون
اقتباس:
تسلمين هذا من ذوقك والله.. ان شاء الله مااخيب ظنك.. ربي يسلمك.. |
رد: رواية نبي رد الثنا الفصل الثاني والاربعون
صباح الفل عجوووووب حرام عليج نفسيتي تعبت اول مره اقرى روايه اتعب النفسيه ،، من صج عورت قلبي رؤيا صعب الانسان يكتشف انه بكل شي اخر من يعلم و من الناس الي المفروض يكونون قراب منه ،، رؤيا مقهوره رؤيا كل ما عدلت رؤيا شي خرب بتصرفه الغبي ،، و مشكلة رؤيا ردود أفعالها وليدة لحظه بدون اصرار و تتغير بسرعه ما ترسي على بر ،، |
رد: رواية نبي رد الثنا الفصل الثاني والاربعون
ع كثر ماني مستانسه ع الخطوه اللي اتخذتها رؤيا
ع كثر ما انا حزنانه عليها وكميه اﻻلم واﻻسئله اللي ما لها جواب فراسها ع كثر ماني متعاطفه مع رماح وهوه يبا يفتح معاها صفحه جديده ع كثر ماني متشمته فيه وابيه يذوق الكاس اللي ذوقها رؤيا ع كثر ماني كارهه حامد وجميله .. اتمنى انهم ما كان لهم دور فروايه خربوا مودي ونرفزوني جميلتي عجايب ... اتكلم عن كرمج بالبارتات وﻻ ردج اللي يونسى اكثر من البارت وﻻ التزامج معانا شكراااااااااااااااااا |
رد: رواية نبي رد الثنا الفصل الثاني والاربعون
ابدعتي عجايب عيشتينا جو مع هالاثنين
انا اميل اني ماالوم رماح لانه ماعنده اخوات ومايعرف يتعامل مع الانثى لكن الوم رؤيا على الصمت المطبق واعيد واكرر سلبيه ليتها تطلع حواراتها الداخليه مع رماح راح تنحل امور كثير لازمتناقش معه الاشياء اللي مضايقتها في شخصيته في تعامله ومشكلتها الثانيه كل ماشافت منه تصرف يعجبها تنسى كل اللي صار وتعتقد ان الامور اتعدلت ماراح تتعدل وانتي ماوقفتي وقفه جاده وعلمتيه اخطائه حامد ودي افجر فيه سامج صاير |
رد: رواية نبي رد الثنا الفصل الثاني والاربعون
صباح الوناااسه والكرم الحاتمي
جوجو ... ياشبيهة حاتم الطائي اغرقتينا بكرمك وسخائك ربي يسلم يديك عن النار ويعطيك حتي يرضيك ويسعدك مثل ماتسعدينا .. جوجو انتي رااااااائعه بألتزامك واحترامك لقراءك وبكرمك الذي نعجز عن شكرك عنه .. اعذرينا ان قصرنا في حقك .. |
رد: رواية نبي رد الثنا الفصل الثاني والاربعون
انهيت القراءه. وفي مقطع براسي. يدور. مدري من يغنيه
ياهلي الروح تعبانه. جيبو لي دكتور نفسيه وش ذاااااااا تعبيتي نفساااانه نفسيتي تعبانه مثل رؤيا متى بترتاح هاالمسكينه وتريحنا معها اما رماااح لو ايش مافهمت قصده انه يوديها للمدرسه واختها غايبه وش يبي. والا حااااااامد عساك ماتتهنا بهالسفره يا بارد يا بليد يالوح |
رد: رواية نبي رد الثنا الفصل الخامس والاربعون
السلام عليكم..
ياهلا بحبية الملاايين جوجو.. ياعيني عالثلاث بارتات اليوميه.. ماشالله التزامك بتنزيل البارتات وكرمك بعددهن نحسد عليه... .... رؤيا ورماح... بس اق ا البارتات احس خالي اجري بمارثون من سرعه تغبر مشاعر رؤيا... هالبنت مسككينه.. مرره تحس حالها مهمية.. ومرة محبوبه.. ومرة تخس انه يتم تجاهلها... مرة تحب رماح.. ومرة تحقد عليه... مش عارفه ايش سر هالدورة.. وايش السر من ورا طلب رماح اخوها للسفر.. بس اكيد رماح مو خالي... عجووبه كالعاده البارتات اكثر من رائعه.. لا خلا ولا عدم.... بانتظاو القادم سلاااام Sent from my GT-I8150T using Tapatalk 2 |
رد: رواية نبي رد الثنا الفصل الخامس والاربعون
- |
رد: رواية نبي رد الثنا الفصل الخامس والاربعون
*
* وصآر اسمك (رِمآح) تضخ الالم في سااحه حياتهآ !!! فهل ستسمح لحبك المجنون الذي تربع فوق عرش قلبها ان يرحل ؟؟؟ : : وقهر الزوج اشد واقسى انوااع القهر يفقدك مرونتك وصفاء نيتك ويدفعك لتصرفات خارجه عن المـألووف * همسه .. حبك لرماح ياارؤيا يمدك بالقووة اما كرهك لضعفك يقتلك من الداخل ربي يريح كل القلووب اللي تحس باشيااء ماتقدر تشرحهآآ لاحد * مشكووره عجآآيب تصبحون على سعادة |
رد: رواية نبي رد الثنا الفصل الخامس والاربعون
صبآح الخير .. مااااا شاء الله كل المتابعات الحلوات متجمعات هنا^^ اخيراً لحقت >< عجآيب ي عجآيب .. اش الجمال الأسلوب جميل وبسيط والقصه ممتعه رمآح .. يآرربي من هالرجال اشك ان اللي في رأسه تنكه ماهو مخ .. يقهرر رؤيا مالها الا واحد من هالحلين يآ انها تتعامل معه زي أسلوبه بالضبط او خلاص كل شي تعطيه اياه في الوجه ولا تسكت له. هو شكله يحبها بس ماش ماعنده أسلوب ابدأ .!! ًوالكذبة السخيفه حقت في وحده بالقلب هو ي عساه يحب نفسه عشان يحب غيره. بس نفسي تجبينه وهو يتكلم عن نفسه كذا ابغى اشوف هو كيف يحس ;( رؤيا .. مسكينه هي ماتلام لان ماعندها احد ممكن ينصحها ويوجها .. او يمكن لان حبه استولى ع قلبها ولاعاد تتحكم بتصرفاتها وتشوفوها من قلب محب .. بس ان شاء الله هالمره تثبت ع موقفها ولا تتراجع مع اني أشك^^ اتوقع هالمره رح ترفض والاخ رماح بيبات عندها في البيت .. حامد وجميلة ... حامد حقييير مررا يقههههر يعرف يشك بأخته اللي معه في نفس البيت بس زوجته لا ..!! يقهر لمن كلم رؤيا في موضوعها قدام زوجته هالشي خاص فيها ومن خصوصياتها .. !! بس تصدقين جميله ماكرهتها باين أنها موريته العين الحمرا ^^ احس زواجهم مو طبيعي بينهم شي او مصلحه ولا كيف يرضى وهو اول كان ينتقد مثل تصرفات جميله .. والموقف الاول جميله اش جابها قدام بيتهم اول مررا !! جوجو يعطيك العافيه بآنتظارك... * همسه لـ معذبني حبك .. شكرا ع النقل ي جميله قريتها من عند الجيران^^ [emoji257] |
رد: رواية نبي رد الثنا الفصل الخامس والاربعون
ماشاء الله تبارك الله روايه روايه جميله من كاتبه اجمل يعطيك العافيه
على الانتظام ماقصرتي بس لي ملاحظه بسيطه وهي قصر البارتات تفقد شوي من جمال البارتات بس بماانك منتظمه في تنزيلها صارت الاحداث مرتبطه الله يوفقك وتستمرين لاحسن من كذا ان شاء الله |
رد: رواية نبي رد الثنا الفصل الخامس والاربعون
السلام عليكم ورحمة الله وبركاته..
اعذروني حبايبي مارديت عليكم والله انقطعت عندي فجاءه بس كنت حاسه علشان كذا اضفت البارت في البدايه والحين نفس الشي بضيف البارات في البدايه وارد عليكم براحتي علشان مااتٲخر عليكم.. ان شاء الله تحبوها.. |
رد: رواية نبي رد الثنا الفصل الخامس والاربعون
ان شاء الله تستمتعون بالقراءه..
..البارت السادس والاربعون.. حسيته طرب دقه للباب مع اني عارفه ومتوقعه انه بيجي مو علشانه او علشاني اسباب ثانيه بس جيته بحد ذاتها فرحتني ع الاقل ان في سبب عنده يخليه يجي طفيت التلفزيون كذا ارتحت دخلت غرفة نجود وانسدحت ع سريري انا متأكده اني قفلت باب الشارع كيف دخل مااهتميت كثير غمضت عيوني بنام حتى الساعه ثلاثه وراح اصحى ان شاء الله استعد هو مو بعيد كل مامريت من عنده بالسياره احسه قريب واتذكر ان وداها رماح فأستغرب بس انا بروح وحدي ان شاء الله بس يمكن مااصحى وانا ابغى من اليوم ابداء ماعندي الا منبه الجوال المنبه الي كان عند سريري مو موجود مدري وينه قمت وطلعت الصاله بشويش ماسمعت الدق مسرع يأس مايأس طفش لان عرف اكيد اني هنا من باب الشارع المسكر ماعلينا دق ولا لا ماراح ارد فيختصر ع نفسه كنت اقنع نفسي بهذي الافكار رفعت الجوال من ع الكنبه وفتحته وانتظرت ثواني وجاتني المحاولات من رماح خمس مرات بس مسحت الرسايل دق الجوال وهو بيدي كان رماح راح اسكر عليه كل الطرق انا عارفت اني من كلمتين برضى وانسى الموضوع وانا ماابغى كذا ابغى اتغير نفسي كل كلمه او تصرف يحاسب عليه خوف من زعلي ابتسمت وانا اشوف اسمه رماح ويخاف من زعلي وكأني اقول الطير يسبح بالبحر طيب دام عارفه هذا الشي ليش ماتسكرين في وجهه ليش ماتردين ع الباب وتقولين مابفتح ليش تفضلين يفكرك نايمه وماسمعتي وتبغي يحس بزعلك جلست ع الكنبه ولاتصال وقف اخذت نفس والله اني ابغاه يرجع يتصل مسحت وجهي وانا احس اني مو قويه لا مو قويه لاتخاذ كذا قرار ليش مو قادره اشيله من تفكيري يمكن علشانه اول يوم وبس مع الوقت راح انسى وراح احاول بس الي غريب بالموضوع ليش حاسه ان حامد مشترك معاه حتى هو يسافر ويتركني هنا مايعرف ان مالي احد قمت والجوال لسى بيدي شكله مافكر يتصل مره ثانيه مرت كم دقيقه بدون مايتصل دخلت الغرفه وعدلت المنبه وانسدحت اذا دق اكيد راح اسمعه واصحى نمت وهذي فكرتي الاكيده وكأني للحين انتظر اتصاله.. صحيت ع صوت المنبه وبعد كم ثانيه اول فكره خطرت في بالي انه مااتصل قمت دخلت الحمام وطلعت ووقفت قدام المرايه ماراح انزل العبايه راح اعرف الوقت والنظام وارجع ومن بكره ان شاء الله راح ابداء معاهم يعني مايحتاج اتعدل طلعت من الغرفه ووقفت بالصاله شوي وبعدها دخلت المطبخ وسويت لي غداء سريع واكلت بالمطبخ وانا اطالع بكل زاويه في المطبخ كذا احساس بملل وبعدم فايده متملكني مااحس اني افرق عند احد بس مع السلامه اذا كنت راضيه عن نفسي مع السلامه وان شاء الله اذا رجعت اليوم بعد مااشترك راح اكون راضيه عن نفسي ان شاء الله وماراح اقطع احد راح اتواصل وراح اكون علاقات وطلعت من المطبخ وفتحت غرف البيت كله طبعا من غير غرفة حامد بدون ماارتبها مثل العاده ودخلت الغرفه وجلست امشط شعري وبعدها صليت وجلست بالصاله ماراح اروح الحين كذا ساعه ان شاء الله واطلع شغلت التلفزيون وجلست عليه حاسه بالوحده وحاسه بملل مو طبيعي وليش كل هذا التجهم خلاص انا تعبت من كثر هذي الاحاسيس البايخه اذا رجع اخوي ان شاء الله راح يعرف يتصرف معاه لما في بداية زواجي عصب لما عرف انه داوم كيف لو اجمع كل تصرف وكل كلمه راح يقاطعه شي جواتي قال لي واذا ماوقف معاك ورماح برر له من عقله وحامد صدقه شلون بتتصرفين نفيت هذي الفكره من راسي بسرعه وقمت ع اني بستعد مع ان بقي ساعه مثل ماقلت اخذت عبايتي وبعد وقت من عيوني ع الجوال محتاره اخذه ولا لا تركته وطلعت من الغرفه اش بستفيد منه مو حامد مقفل جواله طلعت ورجعت جلست بالصاله احس حركتي كثير من غير معنى وكأنها تعكس توتري الخفي خايفه من كل شي خايفه من روحتي وحدي خايفه من رماح مايصدق ع الله وخايفه اكثر شي اني اندم ع قراري بس راح اجرب وراح اتشجع حتى لو كذب قلبت حتى استقريت ع مشهد من فلم شدني كان بنت وولد جالسين بغابه ع المغرب توقعته رعب من التصوير فجلست اغير جوي واشد اعصابي ع شي ثاني بس بعد وقت طلع رومنسي وهم طالعين رحله ندمت اني شغلت التلفزيون حتى طفيته وانا لسى عقلي مع الفلم واقارنها من غير مااحس بحياتي بنص الافكار قمت بسرعه لاني تعمقت بزياده واخذت عبايتي ودخلت المطبخ صبيت لي عصير بكوب شربته وانا افتح باب الصاله بعد الفلم ماكنت مهتمه قوه اني اتهرب من رماح او احاول اجيب الوقت المناسب الي اطلع فيه وانا متأكده انه مو موجود وكلمه وحده ارضي فيها نفسي ماراح يجي ماراح يجي كان الجو تمام يعني يمديني اروح الحين بس الحين بس كم الساعه الحين بسرعه دخلت واخذت الجوال من الغرفه وطلعت وكأني ماصدقت القى عذر اشيله معاي اشوف الساعه كم فتحته كانت الساعه خمسه ودقيقتين لهم ساعه من فتح لانهم حتى العصر يصلون فيه يعني حتى تأخرت بعد ماقريت الاذكار قفلت باب الصاله بالمفتاح وشلته معاي وطلعت من البيت بعد ماقطعت مسافه والله بعيد مو مثل ماتوقعته بديت احس بالخوف وشكيت في مكانه بس بعد مالفيت وشفت اللوحه حسيت براحه بس لما وصلت الباب حسيت بتوتر شوي لاني اول مره اسوي شي وحدي سميت بالله ودخلت سلمت وتعرفت ع الموجودين تعريف سريع بعد ماسجلت وهي كانت خيارين اما تمشين سوره سوره معاهم او انتي تحفظين الي تقدرين عليه وتجين و ع كيفك بالايام واخترت الثاني لاني ماابغى سوره سوره ابغى بسرعه واذا قدرت احفظ جزء ثاني وطلبت جزء الملك مع مراجعة جزء عم كذا ارتحت حسيت ان نظامهم حلو ومعطينا كامل الحريه بالخيارات لان ناس كثير ماشاء الله ومافي وقت لنشاط الصيفي مع اني متأخره الا انهم قبلوني ارتحت للمكان وحبيته ان شاء الله استفيد استأذنت وقلت من بكره ان شاء الله بأبدا معاهم وراح اوصل لهم وقتهم من صلاة العصر حتى بعد صلاة العشاء وفي محاظره بعد الصلاه دايما واذا جلسنا لها فينتهي الساعه تسعه تغطيت وطلعت من الدار وانا احس اني انجزت شي الحمدلله رجعت البيت بثقه غير وانا رايحه صح المسافه طويله العصر عادي بس العشى عادي اطلع مع وحده يكون بيتها قريب يمديني لما وصلت لبيتنا طالعت بجهة بيتهم لقيت سيارة رماح الي واقفه عند بيته للحين في البيت ولا مره سواها وانا موجوده والحين اخذ راحته وكأني كنت ثقيله عليه وهذا اصعب فكره جات ع بالي لا والله الا جات ع افكاري اشياء كثيره مره تعوذت من الشيطان ودخلت البيت ماسكرته ماهتميت لما طلعت من البيت كان مفتوح معد تفرق اهم شي اني اسكر باب الصاله زين فسخت نقابي واخذت نفس من المشوار الطويل معاها حق لما تروح مع رماح صعب المشي بس انا بروح وارجع كل يوم ان شاء الله وماراح يصير شي ان شاء الله فتحت باب الصاله وانا اسحب الطرحه دخلت وقبل مااسكر باب الصاله في شي منع سكرته رماح اسكره لامه دخل بنص جسمه وقال بحزم""بدخل رؤيا""من غير مااحس حاولت اسكر الباب ..نهاية البارت.. ..عافاكم.. ..عجايب.. الحمدلله. ..بٲذن الله لي حسنه ولك حسنه... (الله أكبر الله أكبر الله أكبر لا إله الا الله الله أكبر الله أكبر ولله الحمد الله أكبر كبيراً والحمدلله كثيراً وسبحان الله بكرةً وأصيلا) |
رد: رواية نبي رد الثنا الفصل الخامس والاربعون
ان شاء الله تستمتعون بالقراءه..
..البارت السابع والاربعون.. من غير مااحس حاولت اسكر الباب بقوه بس رماح كان اقوى فتحه كله طالعت فيه انا ماشفته ولا حسيت فيه يعني دخل البيت وراي بدون مااحس فيه لما رجع لي وعي الحقيقي اعطيت الباب ظهري ومشيت بتجاه المطبخ وانا اقول بصوت هادي""ادخل وسكر الباب بعدك"" عارفه ان دخل قبل مااقول بس ابغى يحس ان برضاي دخل مو غصب عني وبأسلوبي يوضح اني مو زعلانه احتاج رضوه مشيت بتزان حتى قربت من المطبخ بأخر خطوتين سرعت دخلت المطبخ وانا احس دقات قلبي سريعه ليش جاء واش يبغى يقول هذا السؤالين المعتادين بس السؤال الغريب الي خطر في بالي ليش شال عوارضه كانت حلوه تعجبني عليه ومتى شالها في اي وقت اخذت كوب وانا افتح الثلاجه شفت رماح دخل المطبخ صبيت لي عصير ورفعت عيوني له وقلت""تبغى عصير"" كانت ملامح وجهه تدل ع عدم الصبر علشان كذا تفاجأة لما حرك راسه بطريقة ايوه قلت بثقالة دم مقصوده""شوف الكوب بالدولاب جيبه"" ماني عارفه ليش كل هذا التوتر الي حاسه فيه وكان الجو مشحون بسالب حاسه بضغط كبير كيف يفهم اني ماابغى منه اي كلام ابغاه يبعد وبس نزلت عيوني بالثلاجه بعد ماشفت عضله بخده تنبض وكانه بالغصب ماسك اعصابه زاد توتري وانشدت اعصابي لاخر درجه دامه كذا مو متحمل ليش جاي يهدد ويخاصم يعني شفته بطرف عيوني مشى لدولاب اش فيه طريقته كانه يمشي الموضوع ينتظر شي لفيت نص جسمي ووجهي كله لما وقف وراي ومديت يدي اخذ الكوب وعيوني بيده مسكته بس هو ماتركه لسى ماسك فيه رفعت عيوني بعفويه اشوفه ليش ماسكه لما جات عيوني بعيونه قال بصوت منخفظ عاتب""ليش طلعتي من البيت"" كان واضح عليه انه ينتظر الاجابه باهتمام قلت بتسأل بعدم فهم وانا اسيب الكوب وانزل يدي""ليش رحت الدار"" غمض عيونه ثواني ورجع فتحها ومد ذراعه ومال علي شوي وحط الكوب بالثلاجه ورجع عدل وقفته واخذ من يدي كوبي الي مليان عصير ولانه احرص عليه من كوبه الفاضي مال علي بزياده لدرجة صدره لمس كتفي كورة يدي بقوه حط الكوب ورجع عدل وقفته وحط يده ع كتفي ولفني عليه وصرت مقابله له وكل هذا مر وكان احساس واحد متملكني وهو الانتظار ماني فاهمه عليه كل شي منه انتظره رفعت عيوني له وانا شاده ع اسناني ماراح اضعف قال بصوت مستفسر""لا ليش طلعتي من بيتنا وانا قلت لك نتفاهم والوقت الي تحتاجين له انا راضي ليش طلعتي"" تذكرت اسلوبه بالسياره لما قالها وتذكرت كلام عمتي ضغطت ع اسناني اكثر وانا اطالع فيه بحده وانا اهز رجلي مو قادره اتحمل شوي واخفي شعوري قدامه ليش تطلعين مافهمت شلون يبغانا نتفاهم بالحلم يعني مو هو رايح الدوره وبدون حتى مايذكرها وحتى لو رفضها خلاص اسلوبه مايحتمل قلت وانا اضغط ع كل حرف علشان توصل لعقله""مايكفيني العمر كله عندك صبر ع كذا"" قال بسرعه وهو يمرر كفه ع اكتافي""ليش صدقيني راح تنسين بفتره قصيره"" سكرت فمي بقوه وبعدها قلت بصوت منخفظ""واثق"" مع كل عصبيتي من كلامه حركت يده اخذت حيز مني ثبت يد ع رقبتي وهو يقول""الصبح كان عندك استعداد"" حسيت انه يضغط علي بحركات يده سحبت يده من ع رقبتي ويد الثانيه من ع كتفي وقلت وانا انظم انفاسي""تغير الوقت"" طالعت بيدي الي ماسكه يدينه وبعدها سحبها وتكتف وقال بشوي رسميه وكانها قربت تطلع حقيقته""والسبب"" تكتفت انا بعد وانا احس بالقهر والعصبيه من حركته من اول ماصديته رجع لطريقته العاديه وكانه كان يلعب علي بس وقلت بدافع قهري مع اني توقعت انه اسلوب بس والله انقهرت لاخر حد انا مو لعبه وبذات بهذا الوقت الي المفروض يكون نابع من نفسه""السبب اني معد ابغاك وقررت ان الطلاق هو الحل"" حتى بعد ماقلت هذا الكلام كان وجهه خالي من اي معاني جامد وبس ابغى اقهره انا بتركه بتركه ليش مااقول الي في خاطري عليه ماراح اخسره لانه بالاساس مو لي كملت بعد ثواني لما ماعلق قلت ابغى الطلاق ولا نهاني بقوه ولا ردة فعل واضحه وكأن الفكره معقوله بنسبه له قلت بنبرة صوت منخفظه بس كان واضح اني اقصد كل معنى حرف من الكلمه وانا اطالع بصدره""انت اناني ماتفكر الا بنفسك وبمصلحتك من اول يوم بزواجنا وانت قلت عني كلام قدام اخوك وامك وانت حتى ماتعرفني بحجت ايش اني ماطلعت لك ليش مااعتبرته خجل وجيت انت لي وثاني يوم قلت لي تعالي غرفتي نامي فيها بدون ماتراعي شعوري وقلتها بدون اسلوب ليش مااعتبرت اني خايفه وقربت مني شوي شوي وثالث يوم قلت لي انك بالقلب غيرك واني لا احاول اكسبك(حكيت بين حواجبي وكاني امنع الدموع تتجمع بعيوني)ليش مااعتبرت اني انسانه ولي شعور واحتفظت بهذا الشي لنفسك ورابع يوم جيت لي هنا مثل الحين علشان امك قالت لك تراضيني ليش ماتعتبرني......(ماقدرت اكمل الغصه وقفت كلامي حركت راسي بطريقة ايوه وانا اطالع بالارض بعد ثواني من السكوت كملت بصوت منخفظ مره بس ينسمع)ليش ارجع لك"" حط يده الثنتين ع خدودي ورفع وجهي طالعت فيه كانت نظرة عيونه غريبه مافهمتها لانها مستحيل يكون هذا الي واضح بعيونه الندم ابتسم بسخريه وهو يقول وهو يرفع نظره بشكل مستقيم""شايله علي كثير"" قلت وانا حاسه بارهاق كبير ابغى هذي المهزله تنتهي تعبت والله""واكثر من تتوقع"" حرك راسه بطريقة تفهم وقال وهو يحرك ابهامه اليمين ع خدي وعيونه ع اصبعه""واستاهل"" استمر السكوت وقت وهو كانه يفكر بشي وعيونه لسى ع اصبعه كنت حاسه ان ودي ينتهي هذا الموقف وخلاص لما قال استاهل في شي جواتي مارضي ع كلمته ليش يأس اخذ نفس واضح ورفع عيونه لعيوني ورفع يده لشعري وسحب الشعر لورا بيده الثنتين ومسك راسي من ورا وبهذي الحركه قرب وجهي منه وقال وهو ينتقل من عيون لعيون""رؤيا انا عارف ان حياتنا كانت اكثرها غلط بس كان فيها شي صح ماتنكرين انها مو غلط كلها(حسيت من تركيزه ع هذا الكلام يوضح لي ان في غلط وماتوقع هذي النهايه بس مين الغلطان بنظره انا ولا هو)ومع كل هذا انا ابدا مو ندمان لثانيه اني تزوجتك رؤيا ولو يرجع الوقت راح اكررها"" طالعت فيه بعمق وتركيز وانا حاسه بقلبي بعدت دقاته وانخفظت كان كلامه توديع قلت بدون تفكير""يعني خلاص وكلامك جائزة ترضيه"" كان هذا احساسي والله صادق او لا بكلامه قاله بوقت غلط وكانه وهو طالع يمدح العشى ويشكرهم ع كرمهم كان احساس بشع جدا قال رماح بسرعه وهو يقرب راسي منه اكثر""اش هذا العقل الي معاك"" قلت باندفاع وانا احس بلسعة الدموع بعيوني""ادري غبيه"" اني حبيتك من البدايه حاولت بعنف ابعد يده الثنتين الي كانت ماسكه راسي بس هو نزل يده لبداية ذراعي وثبتني قدامه مع حركتي البسيطه وقال بصوت تأكيد رقيق""مو غبيه بس بريئه رؤيا(اخيرا قالها اني مااعرف شي الا معاه ولا عاد يشك فيني وبنوايياي ابدا ياليته عند كذا وسكت بس كمل)من بعد اليوم وانا اشوفك داخله دار التحفيظ قررت انك تستحقين الثقه كلها"" عضيت ع شفايفي بخفيف وانا طالعت فيه ثواني بتفحيص وقلت""شكيت فيني ومشيت وراي حتى شفتني دخلت الدار"" كنت انتظر اجابته بدون ماافكر بالاحتمالات كنت انتظر كلمة لا وبس قال بعد ثواني وهو يطالع فيني بتركيز وكأنه مو متوقع ردة فعلي""ايو..."" بدون مااخليه يكمل كلمته او يبرر لنفسه وموقفه اندفعت بقوه بتجاهه وضربته بيديني الثنتين بكل مكان توصل له يدي وانا اصيح من القهر ..نهاية البارت.. ..عافاكم.. ..عجايب.. الحمدلله. ...بٲذن الله لي حسنه ولك حسنه... (اللهم اغننا بالعلم""وزينا بالحلم"" وأكرمنا بالتقوى""وجملنا بالعافية"" اللهم فرغنا لما خلقتنا له""ولاتفرغنا لماخلقته لنا"" ولاتحرمنا ونحن نسألك""ولا تعذبنا ونحن نستغفرك"" اللهم إنا نعوذ بك من قطيعة الأقرباء""ومن جفوة الأحباء""وشماتةالأعداء"" اللهم اجعلنا من الذين""إذا أحسنوا استبشروا""وإذا أساؤوا استغفروا ...امين ) |
رد: رواية نبي رد الثنا الفصل الخامس والاربعون
ان شاء الله تستمتعون بالقراءه..
..البارت الثامن والاربعون.. يخرب دايما يخرب كنت اضربه بقبظة يدي في اي مكان توصل له يدي وهو لثواني بسيطه ماكان عنده ردة فعل بس بعدها مسك كفيني بيدينه بدون مايقول كلام لما ثبت يديني رفعت عيوني وانا احس اني ارتجف من الغيض قلت بحده""سيبني"" وانا احاول ابعد عنه وتنفسي واضح حرك راسه بطريقة لا بدون مايتكلم او يتحرك كانت ملامح وجهه مشدوده صح بس بدون عصبيه لما حرك راسه جن جنوني حسيته يتحداني شوته بساقه بقوه بس هو رجع خطوه وهو لسى ماسك يدي وقال""كنت متوقع"" ورجع وتقدم هذي الخطوه وحط رجله ع رجلي اليمين الي شوته فيها وثبتها بالارض نزلت عيوني بسرعه اطالع برجله مع انه مو ضاغط ع رجلي بس مثبتها في مكانها بس لما طالعت تحت تفاجأة اني لسى بعبايتي بس مااهتميت قلت وانا احاول اسحب رجلي""اااي اوجعتني"" قال بهدوء""اذا حاولتي بتوجعك حقيقه"" رفعت عيوني بسرعه وحده يهدد قلت وانا احس اعصابي فلتانه يستعرض قوته علي""اطلع من البيت الحين"" شديت ع اخر كلمه ومن عصبيتي احس ان عروقي طلعت كلها قال بهدوء ولمحة استمتاع""رجع عقلك"" اخذت نفس ووقفت المحاولات من يدي ورجلي مستمتع بالوضع وهو يشكك بأخلاقي مستمتع وانا اقول له ابغى الطلاق حسيت بضعف مفاجئ حسيت بوهن بكل عظامي كانت عصبيتي الي شاحنه قوتي بس الحين تحولت العصبيه لاحساس فاضي فارغ وقلت بصوت منخفظ""اطلع"" اخذ نفس واضح وهو يشيل رجله من ع رجلي بس ماترك يدي خفف الضغط بس قال بسؤال""تبغيني اطلع"" حركت راسي بطريقة ايوه بدون ماافكر اطلع من حياتي كلها ضغط ع اسناني وشعور الضعف مسيطر علي قال بصوت رقيق حاني""رؤيا"" كان اخر شي اقدر اتحمل كنت محتاجه حنان وبذات بهذي اللحظات محتاجه احد يطمني ان كل شي بخير وان الامور بتتعدل وان الي نمر فيه شي طبيعي وبنتفاهم رفعت عيوني بشويش البي ندائه كانت ملامح وجهه متسامحه لاخر درجه رفع يديني الي ماسكه وحطها ع اكتافه وتقدم خطوه وعدم المسافه الي بيننا وحضني ورفعني عن الارض مسافه بسيطه وقال بصوت هامس وخده ع خدي""محبوبتي رؤيا"" حوطت رقبته وانا مغطيه عيوني بكتفه كنت هذا الي محتاجته ضغطت ع يدي اكثر وانا اتنفس ريحته قال بصوت اجش""انتبهي لنفسك"" ونزلني ع الارض بشوية خشونه نزلت يدي جنبي وهو طلع من المطبخ بخطوات سريعه لما سمعت باب الصاله تسكر بقوه عرفت انها اخر مره اشوفه فيها اعطيت المكان الي كان واقف فيه ظهري كان شي نفسي بس لقيت الثلاجه مفتوحه للحين اخذت كوبي الي فيه عصير وسكرت الثلاجه بدون مااطلع كوبه وطلعت من المطبخ كنت امشي بخطوات بطيئه جلست ع الكنبه الي بالصاله واخذت الريموت من ع الطاوله بعد ماحطيت الكوب وجلست اقلب بسرعه قويه لدرجة قبل ماتجي الصوره حتى طاح الريموت من يدي بدون قصد رفعت رجلي وحطيت راسي ع ركبي وبكيت بكيت كل حياتي معاه وبكيت عن كل الناس لما هديت حسيت راسي ينبض بقوه يوجعني ضغطت بيدي عليه اخفف الالم رفعت عيوني لساعه كان باقي ع الصلاه اقل من ربع ساعه قمت ودخلت الغرفه فسخت عبايتي الي للحين كانت علي وفتحت الادراج ابغى لي حبه تخفف هذا الصداع مالقيت شي دخلت الحمام غسلت شعري مع التدليك سمعت انه يخفف بس مااستفدت شي طلعت صليت وبعدها انسدحت ع السرير بعد ماطفيت النور وبدون مااشغل المكيف تقلبت تقلبت حتى سمعت اذان العشى وراسي مااخف المه قمت صليت لاني متأكده من وضوئي ومافيني اوضي وبعدها رجعت انسدحت بدون مااحس باي تطور يوجعني راسي بقوه بعد كم دقيقه قمت ورجعت ادور بالادراج اتأكد وماكان فيها شي يمكن بغرفة حامد مع اني ضد هذي الطريقه وغلط التفتيش بس مع الالم هذا ماكان عندي حل بس لما فتحت الباب ماانتفح لي كان مسكر بالمفتاح تنهدت ورجعت الحمام اغسل شعري وادلكه ماعندي الا هذي الطريقه رجعت انسدحت ع وجهي علشان يخف الالم تعبت والله بعد عشر دقايق يمكن من التقلب يأست انام ويأست يخف الالم طلعت من الغرفه وجلست بالصاله بتسلى علشان انسى بس لما طلعت علشان الانوار زاد صداعي طاحت عيوني ع الجوال اخذته وطالعت فيه شويه اتصل ع مين لو مسجله مين يعني اسجل اتصل ع الصيدليه ويجيبونه لين البيت فاضين لي طالعت بالساعه كانت تسعه بتصل ع البيت بهذا الوقت زيدان موجود بالبيت فتحت الجوال مسجله انا رقم التلفون من غير تردد اتصلت ع التلفون بس لما سمعت صوت رماح يقول""الو"" رجعت سكرته مستحيل اطلب منه مهما كانت حالتي خلاص هو انهى علاقتنا حسيت الصداع زاد ضغط بيدي ع راسي وانا اطالع بالساعه بعد دقيقه بدق بس ماقدرت اتحمل رجعت اتصلت بعد ثواني ورد علي زيدان طرت من الفرحه لما قال""الو"" قلت بستنجاد""زيدان ابغاك تروح الصيدليه تقدر"" بعد سكوت شوي قال""مين معاي"" قلت ودموعي تتجمع بعيوني""انا رؤيا"" قال""رؤيا اش تبغين طيب"" ماني عارفه كيف شرح لهم رماح الي يهمني الحين يجيب لي الحبوب قلت""ابغى حبوب الصداع"" قال""اي نوع"" قلت""اقوى شي الله يخليك استعجل"" قال""طيب يلله مع السلامه"" قلت براحه""مع السلامه وشكرا"" وسكرت دقايق راح اتحملها ان شاء الله حطيت الجوال ع الكنبه ودخلت الغرفه وانسدحت ع السرير هنا احسن غمضت عيوني وانا حاطه ذراعي عليها كنت احسب الوقت انقلبت ع صدري ودفنت وجهي بالمخده بعد كم دقيقه سمعت باب الصاله ينفتح فرحت اني نسيت مااسكر الباب بعد ماطلع رماح لان مافيني اقوم لما دخل زيدان الغرفه قلت بضعف""تكفى جيب كوب مويه"" وانقلبت ع ظهري وانا لسى مغمضه عيوني فتحت عيوني لما قال""هاك"" كان رماح مو زيدان بس كنت من الالم ماافكر بشي غير بالحبوب لي كم ساعه وانا صابره ع الالم جلست واخذت الحبه والكوب وبلعتها وحطيت الكوب ع الطاوله وانا ارجع انسدح بس ع صدري فهمها كانت واضح له اني بنام وتوكل ع الله لاني سمعت الباب تسكر مااخذ فعالية الحبه الا بعد تقريبا نص ساعه من التقلب حسيت براحه وحمدة الله ع الصحه لما انتهى الالم ناس يتألمون اكثر من كذا الحمدلله ع نعمة الصحه هذي الحبوب لازم تكون معاي تذكرت ان رماح هو الي جابها فتحت عيوني في الظلام وطالعت فوق بدون مااشوف شي جاء اهتمام ولا الوقت متأخر يطلع اخوه خلاص من الشك والتعقيد كذا مره يطلع زيدان الساعه تسعه يعني جاء مسؤليه هذا بالنص لا اهتمام ولا علشان اخوه اخذت نفس عميق وانا احس ان هذا اللفته حلوه حتى لو مسؤاليه يمديه يوصل زيدان للباب وينتظره عند الباب بس جاء بنفسه لفيت ع جنب وعلشان عيوني متعوده ع الظلام شفت ع سرير نجود احد طار عقلي صرخت وانا ارمي الغطا واقوم من السرير وعشرين الف فكره براسي وسواس واكبر فكره اني تركت الباب مفتوح من العصر حتى الساعه تسعه الي بغى يدخل يدخل واكيد يدرون ان اخوي مسافر هذا الافكار شلت اطرافي ومن الخرعه ماعرفت انزل رجلي من السرير لان لف عليها الغطا جاء صوت رماح مثل المطر بالصيف قال""هذا انا لا تخافين"" ..نهاية البارت.. ..عافاكم.. ..عجايب.. الحمدلله. ...بٲذن الله لي حسنه ولك حسنه... (الله أكبر الله أكبر الله أكبر لا إله الا الله الله أكبر الله أكبر ولله الحمد الله أكبر كبيراً والحمدلله كثيراً وسبحان الله بكرةً وأصيلا) |
رد: رواية نبي رد الثنا الفصل الخامس والاربعون
ان شاء الله تستمتعون بالقراءه..
..البارا التاسع والاربعون.. لا اخاف طير عقبي اسوئ الحتمالات جات في بالي بس لما سمعت صوته راح خوفي قلت براحه وانا ابعد الغطا عن رجلي وعيوني ع رجلي""رماح الحمدلله والله خفت"" قال بصوت نعسان""هذا درس لك علشان ماتسيبين الباب مفتوح وخلاص نامي مافي احد"" طالعت فيه كنت اشوف هيئته بس كان منسدح ع جنبه ومقابل لي اش انام منجده الحين بينام عندي صح استاهل هذا الدرس ع قوله بس ليش جاء كان يمديه يسكر علي ويروح بعد مااعطاني الحبوب ليش انسدح بالغرفه عندي قلت بتسأل""بتنام"" كنت انتظره يجاوب علشان الحقه بالسؤال الثاني وهو ليش تنام هنا روح بيتكم بس جاوبني فعلي وهو انه مارد علي يعني نام بهذي السرعه معقوله قمت وشغلت النور علشان اشوفه نام او لا بعد الكلام الي قاله العصر يجي ينام عندي انزعج من النور وقال وذراعه ع عيونه""طفي النور"" قلت بعناد""انا ابغى النور شغال وتبغى تنام روح غرفتك هناك"" قلتها علشان استفزه ابغى اعرف ليش نام عندي معقوله خايف علي بس كلامه بدد هذي الفكره نهائيا قال ولسى ذراعه ع عيونه""انا قلت بتركك براحتك بس تصرفك ماخلى عندي خيارات انتي مسؤليتي حتى يرجع اخوك"" بدون مااعلق طفيت النور علشان ماابغاه يشوف ملامح وجهي مع انه حط ذراعه ع عيونه بس خفت يختلس النظر ويشوف تأثير كلامه علي كلامه حسسني انه مايبغى كذا بس مجبور مثل زواجه مني مشيت لسريري وانسدحت واعطيته ظهري ماراح يفرق وجوده وراح انام وعلشان اثبت لنفسي تمتمت بسورة الملك وبعدها حاولت ماافكر بس اتخيل من غير شعور تخيلت اني مكان جميله ورماح مكان حامد نحب بعض قبل الزواج مع انه غلط بس بخيالي كان حلو وبعدها نتزوج بفتره بسيطه لانه مايقدر يصبر اكثر ع بعدي وانا اتحدا اهلي لاني واثقه بحبه وواثقه بنجاح مستقبلنا سوا تنهدت ماجاني النوم الا اسهبت بالخيال وصلت لاول طفل لفيت للجهه الثانيه وفتحت عيوني اطالع بهيئته قلت ماراح احس بوجوده بس هذي كانت اكبر كذبه بحياتي شكله نايم ومرتاح وانا حتى اقدر اعد انفاسه قلت بصوت منخفظ متسأل""رماح"" انتظرت الاجابه بس ماجاني رد يعني نايم بعمق اذا جاء علشان المسؤليه ليش ينام بهذا العمق كيف بيحميني كيف لو تعبت ماراح يحس فيني بس جاء علشان تنحسب علي انه جاء راح يصير الطلاق سواء تأخر او لا خايفه من ايش ابغى احافظ ع ايش اش يهمني براحته او بهتمامه كيفي هذا بيتي وهذي غرفتي هذي الافكار قومتني من السرير بقوه حتى اثبت لنفسي اني بديت اتأقلم مشيت وشغلت النور انزعج بعد هذي المره وطالع بالساعه وانا اطلع كتاب قديم من الدولاب وبعدها انسدحت ع السرير وانا تفتح الكتاب سمعت رماح يقول""طفي النور رؤيا"" مارديت عليه اذا مو عاجبه الوضع يرجع بيته وهذا الي ابغاه منجده بينام للفجر هنا قال بانزعاج واضح""بنام شويه بس"" شكله مو مستوعب انه عندي قلبت الصفحه الثانيه بدون ماافهم شي بالصفحه الاولى مع اني قريتها كامله بس عقلي مع الي يتقلب في شي جواتي قلي بتحذير بس كذا بيروح وانتي ماتبغين كذا خمدت هذا الصوت جواتي خليه يروح ابغى اتأقلم ع هذي الفكره قبل الطلاق قبل مايرجع اخوي وهو كذا مايعطيني فرصه بالعكس يزيد كمية الذكرى وانا مو محتاجه شي زياده قلت بعدم صبر""روح نام بغرفتك في بيتك انا كبيره ومسؤله عن نفسي"" كان رده ضحكه بسيطه سخريه ع كلامي عصبت ماابغى ارجع اتأثر مره ثانيه اذا ودعني اول حسيت اني ماراح اشوفه ويمكن لو مااتصلت ع تلفون البيت كان ماجاء يمكن عمتي سمعت وارسلت ولدها لي بعد تحذيرات جمه اخذت نفس وانا اقلب الصفحه الي بعدها وكان نصيبها مثل نصيب الصفحه الاولى مافهمت شي من الحروف الملصقه مو مشكله مايبغى يروح يبغى يشقي نفسه كيفه حتى لو مهتمه راح ابين ان وجوده وعدمه واحد ماراح انتظر منه شي راح انشغل بالدار راح يعبي كل وقتي سكرت الكتاب وحطيته وغمضت بنام واتبعت اقدم اسلوب وهو العد ونجحت بنص العد نمت بدون مااحس بنفسي.. فتحت عيوني بشويش في شي صحاني بس ماني عارفه اش هو ماادري الحلم ولا صوت لفيت راسي وشفت رماح لسى نايم رفعت عيوني وطالعت بالساعه كانت ثلاثه وعشر بقي ساعه كامله ع صلاة الفجر علشان كذا رجعت غمضت عيوني علشان انام بس رجعت سمعت صوت برا بس قريب ماني عارفه اش نوع الصوت مو قادره احدد بس الي مستغربته ان الصوت مو واضح واعالي لدرجة انه يصحيني يمكن التوتر والخوف مأثر علي طالعت بالجدار وانا مركزه سمعي ماسمعت شي معقوله وهم طالعت برماح بنطرات استنجاد بس هو كان نايم وقفت ع اطراف اصابع رجلي ولما وصلت وصلت لباب الغرفه سكرته بالمفتاح وانا احس يدي ترتجف من الخوف سمعت رماح يقول بصوت تقريبا نايم""ليش"" مارديت عليه مافهمت كلامه يمكن قصده ليش قفلت الباب بعدين هو ماراح يسمع الاجابه وينتظر لانه نايم تقريبا ماشاء الله بس قلت لما رجع سأل نفس السؤال بصوت نايم بعد""مافي شي"" ماراح استفيد منه شي وهو كذا نايم وهو ماصدق علشان يرجع ينام اخذت نفس وجلست ع حافة سريري ومقابله لسرير نجود تأملت ملامح وجهه وهو نايم ومسترخي ومافي اي شد في ملامحه وتنفسه منتظم يعني نايم رفعت عيوني لساعه اش هذا اليوم الطويل رافض يمر نقزت بقوه وانا اسمع صوت قريب من شباك الغرفه المسكر دايما قريب مره قمت وقلت بنبرة صوت ترتجف وانا اتلفت""رماح قوم في اصوات برا"" مارد علي شكله تعبان مانام من وقت طويل قربت منه وهزيت كتفه وانا ارجع اقول""رماح والله في صوات برا"" فتح عيونه شوي ورجع غمضها وهو يقول""رؤيا نامي خلصيني"" حسيت كلامه مثل المويه في وجه النايم وانا الي اطلب النجده منه رجعت وجلست وانا اتلفت حولي بخوف وجوده مثل عدمه وانا الي توقعت بوجوده احس بالامان اكثر جات في بالي فكره لو مو موجود في البيت اش بتحسين مو ضعف هذا الخوف بمراحل يعني نفعني من غير قصد منه فجاءه سمعت صوت دق بالشباك وقفت من الخرعه وكان هذا الشي اخترق الشباك ويهدد فيني جلس رماح وهو يقول بصوت مبحوح لانه توه صاحي""هذا من برا"" مارديت عليه لان كلامه الاول سد نفسي بس طالعت فيه بنتصار لانه عرف اني مااكذب وخوفي مو مبالغ فيه قال وهو يقوم""دامك خايفه كل هذا الخوف ليش تركتي الباب مفتوح"" ماينفع هذا الوقت للعتاب والتفهم بيذلني ع هذا التصرف لفتره طويله ادري اني غلطانه بس ذاك الوقت ماجاء في بالي شي فتح باب الغرفه بشويش وقال""سكريه بعدي"" قمت بسرعه وسكرته بعده مو خايفه عليه يمديه يدبر نفسه بس بعد ثواني بسيطه قلقت عليه حسيت بخوف يمكن احد سوا فيه شي بعد خمس دقايق اذا مارجع راح اطلع له مرت الدقايق بس ماخذ وقت كثير سمعت دق ع الباب قلت بعد تردد""مين"" جاني صوته يقول""افتحي"" فتحت الباب بشويش وكانت انتظر رجعته بفارغ الصبر طالعت فيه وانا متوقعه في بالي احد وراه يهدد وكان التلفزيون اثر بافكاري وخيالي كان واقف ومرجع ظهره ع الجدار وهو يحك شعره قلت باستفسار وترقب""صوت مين"" دخل وسكر الباب بالمفتاح وقال بدون مايطالع فيني""ماادري ماشفت احد بس شفت اثار احد بالحوش"" اخذت نفس عميق من الخوف وانا ادلك جبهتي وقلت بشد اعصاب""تتوقع كم شخص"" طالعت فيه وهو يقول وهو يمشي بتجاه السرير""ماادري بس شكله مو شخص واحد والحين نامي مافي خوف"" وانسدح وغمض عيونه مع اني حاسه انه يخوفني عن قصد الا اني خفت منجد من بعد ماشفته متخيله باي وقت احد يكون مكانه قلت برجاء""لا تنام رماح"" طالع فيني بنظره غريبه وقال""ليش"" ماعرفت اش يقصد بس قلت بدون تفكير""انت خوفتني"" قال بنبرة صوت خاليه من التعبير""تعالي انسدحي عندي ونامي من امس مانمت انا"" بعد مابعد لي مكان جنبه كان الفراغ بسيط ..نهاية البارت.. ..عافاكم.. ..عجايب.. الحمدلله. ...بٲذن الله لي حسنه ولك حسنه... (الله أكبر الله أكبر الله أكبر لا إله الا الله الله أكبر الله أكبر ولله الحمد الله أكبر كبيراً والحمدلله كثيراً وسبحان الله بكرةً وأصيلا) |
رد: رواية نبي رد الثنا الفصل الخامس والاربعون
ههههه عقد ما حاولت رؤيا تهرب من رماح.. عقد ماهي نفسها تلقاه في وجهها.. تناااقض!
ههه بس الحمد لله انه اجا.. وهيها برضو سكرت الباب بوجهه... هههه متى بيرتاحوا هالاثنين.. والله تعبونا=( ) عجووبه البارت رائع مثلك حبيبتي لا خلا ولا عدم بانتظار القادم سلااااام Sent from my GT-I8150T using Tapatalk 2 |
رد: رواية نبي رد الثنا الفصل الخامس والاربعون
ا'ووه ثلات بارتات زيااده كمااان... هعهه ما كانن اتو..
ههه لي عووده ان شالله Sent from my GT-I8150T using Tapatalk 2 |
رد: رواية نبي رد الثنا الفصل التاسع والثلاثون
اقتباس:
اسعدني جدا تفاعلك وحماسك ربي يكتب لك ايام حلوه.. يعافيك حبيبتي هذا من ذوقك.. خليك دايما قريبه.. |
رد: رواية نبي رد الثنا الفصل الخامس والاربعون
رماح انا موفاهمه ايش ييفكر... ونفسي اقرا روايه من وجهه نظرة..
احيانا احس انه بيحب رؤيا ومو قادر عفراقها. واحيانا احسه مكيف عشان طلبت الطلاق... بس المشهد الاخير كتل صرااحه هههه متاكده انه رؤيا مش حتمشي عنده... بس يمكن تخيب توقعاااتي.. ابصر خخخ عجووبه واللهي انك راااااائعه اول مرة اتابع لكاتبه بهالالتزام... والكرم حبيبتي انني.. بانتظار القادم.. سلاام Sent from my GT-I8150T using Tapatalk 2 |
رد: رواية نبي رد الثنا الفصل الخامس والاربعون
صباح الورد رواية في قمة الروعة سلمت يدك ومشكوره على الالتزام والكرم
وكل عام وانتم بألف خير |
رد: رواية نبي رد الثنا الفصل التاسع والثلاثون
اقتباس:
عليك السلام ورحمة الله وبركاته.. وربي انكم تستاهلون لتشجيعكم وحماسكم وان شاء الله دوم تكون الروايه بنظركم كذا.. اسعدني جدا تفاعلك وتحليلك ووجودك والله اكثر.. ان شاء الله مااخيب ظنك ودوم اشوف مرورك.. ربي يسعدك وين ماتكونين.. |
رد: رواية نبي رد الثنا الفصل التاسع والثلاثون
اقتباس:
تسلمين ع المشلركه والمرور حبيبتي ربي يسعدك.. يسلمك روحا وجسدا.. |
رد: رواية نبي رد الثنا الفصل التاسع والثلاثون
اقتباس:
دايما والله احب اقرٲ تحليلك للوضع شكرا بحجم حبي لكم ع هذا التشجيع.. ان شاء الله مااخيب ظنك حبيبتي ودوم اشوف الحماس هذا والتفاعل بمشاركتك.. ربي يكتب لك سنين حلوه.. خليك دايما قريبه.. |
رد: رواية نبي رد الثنا الفصل التاسع والثلاثون
اقتباس:
اسعدني وجودك ومشاركتك وتفاعلك وتحيلك وكل حرفوالله خليك دوم قريبه.. ربي يعطيك حتى يرضيك.. شكرا لتشجيعك ومرورك وان شاء الله مااخيب ظنك ابدا.. وياك يارب.. تستاهلون كل التعب والوقت.. دوم ان شاء الله تكون الروايه كذا بعيونكم.. |
رد: رواية نبي رد الثنا الفصل التاسع والثلاثون
اقتباس:
وياك يارب سعاده مع راحت بال.. شكرا لك لثقتك بحروفي وان شاء الله مااخيب هذي الثقه واكون استحقها.. تسلمين ع التفاعل والمشاركه والمرور والتواجد الدايم ربي مايحرمني منك.. ان شاء الله تعجبك الروايه لنهايه.. |
رد: رواية نبي رد الثنا الفصل الثامن والاربعون
ما استبعد ان الي صار مقصود من رماح عشان ترجع يوم شافت ان كونها بروحها مو امان و رماح معاها صار جذي شلون لو بروحها .. :) الوضع كسيف اتمنى جد ما ترجع اهي قالت كل الي بقلبها ليش ما تكلم و برر ليش يقطر الكلام منه بالقطاره .. و الحركه الي ختم فيها الي بينهم اهي مقصوده و ثاني مره يسويها و هو بيتركها بعدها يعرف شلون يشغل روحها فيه و يعلقها .. :( |
رد: رواية نبي رد الثنا الفصل الثامن والاربعون
انتِ نزلتِ البارت يا عجوبة وانا بقتل نفسي من الطفش واقول عجوبة ما نزلت
ردت على الردود وما نزلت للحظة حسيت اني صرت رؤيا بأفكاري خخخخخخخ أعتذر على الشك الي بغير محله :) |
رد: رواية نبي رد الثنا الفصل التاسع والثلاثون
اقتباس:
ياهلا والله حبيبتي نورتي.. الحمدلله ان شاء الله دوم هذا الي اتمناه والله.. حجم البارت صغير عارفه وقلت لكم من البدايه بس انا اضيف يوميا واكثر من بارت اتوقع كذا كفايه.. والله قريت تعليقك كذا مره بجد يسلم روحك الحلوه يارب.. من اول احاول اكتب ماني عارفه شكرا لتشجيعك ومرورك وتفاعلك طبعا وان شاء الله مااخيب ظنك.. ربي يسعدك مثل مااسعدتيني.. بجد اتمنى دوم اشوف تعليقاتك الي لها طعم مميز ربي يحميك.. خليك دايما قريبه وان شاء الله تلقين الي يرضيك بالنهايه.. وشكرا لجهودك.. |
رد: رواية نبي رد الثنا الفصل الثاني والاربعون
اقتباس:
حياتي حبيت تركيزك واندماجك بس انا ماقصدي الا تستمتعون بالروايه بس ان شاء الله تغيرين رايك بالنهايه.. شكرا لمرورك وتعليقك ووجودك ربي مايخيب لك رجا.. وجودك يفرق خليك دايما قريبه وان شاء الله مااخيب ظنك.. |
رد: رواية نبي رد الثنا الفصل الثاني والاربعون
اقتباس:
تسلمين ع المشاركه والمرور و ع وقتك ووجودك ربي يكتب لك ايام حلوه.. شكرا لتفاعلك ان شاء الله دوم الروايه كذا بعيونك ويارب مااخيب ظنك وتستمتعين لاخر بارت.. حبيبتي انتي يكفيني مشاركتك ربي يسلمك.. الشكر لك.. خليك دايما قريبه وان شاء الله تلقين شي بين سطوري يرضيك حتى لو شي بسيط.. |
رد: رواية نبي رد الثنا الفصل الثامن والاربعون
قريت البارتات ع السريع واحس ما استمتعت فيه بسبب اﻻزعاج اللي عندي برجع اقرا مره ثانيه
بس اللي اعرفه ااني فصف رماح حالياا فكل اللي يسويه لي باك .... مشكوره اعجووووووبتنااا ع البارتات يعطيج العافيه |
رد: رواية نبي رد الثنا الفصل الثامن والاربعون
هلا والله براعيه الكرم الحـاتمي
في تطــور كبيــر ببارتات اليــوم أول شي وأخيرا مكان واحد جمعهم بدون تدخل وأزعاج الاخرين ثاني شي مرااا مبسوطـه من رؤيا لآنها واجهته بكل عمايله السوداء اللي هببها فيها ويستاهل الصريخ والضرب ..قسم بالله كأنها نفست عني ههههههههههههههه يستاهل استهبالها بتشغيل النور خخخخ اجل روح بيتكم اذ متضايق حبيت بساطه روايتك عجايب ..والله أنك رجعتينا للزمن الماضي الجميل ألف شككر لك بس صراحه جدا مصدومه من ردت فعل رماح .. يعيد ويزيد رؤيا انتي بريئه ..ليه هالكلمه اكيييد انه مصدوم من واقع او احد قريب ..ما أحد يكرر الكلمه الا عاش واقع خيبه |
رد: رواية نبي رد الثنا الفصل الثامن والاربعون
السلام عليكم ورحمة الله وبركاته عجايب الله يسعدك دنيا وآخره مثل ماتسعديننا ومشكوره ياعمري على التزامك وكرمك لاخلا ولا عدم منك يارب رؤيا خوفتيني قلت رجعت ريما لعادتها القديمه بدل ماتتعلقين في رقبة رماح بعلقك في حبل المشنقه من همسه ولمسه نسيتي كل شيء يا بنت أثقلي شوي خليه يخاف يفقدك وإنك ماراح تفوتين له كلامه وتصرفاته لما يعتذر ويطلب السماح ويبين لك إنه شاريك قربي رؤيا أبغاك بكلمة راس :friends: رماح يحبك ويموت فيك لكن هوشايف إنك صغيره وكلمه توديك وكلمه تجيبك ومشاعرك يمكن تتغير بعد نضجك وتكتشفين إنك ماتحبينه لهذاالسبب قال أنتي بريئه أعتقد إن ماكان ناوي يتزوج في هذه ه الفتره وبينتظر لما تكبرين اظنه لما قال تبعك وكان شاك ماكان يشك في اخلاقك لكن كان خايف من شيء براسه لكن كعادته يتلاعب بالالفاظ ويستفزك كل مافربتي منه وضعف قدامك حتى تبعدين عنه لانه ما يبغى يبتدي حياته معك الا لما يتأكد من مشاعرك ناحيته وإنها ماهي حب طفوله ومراهقه رماح أظن الصوت اللي سمعته كان حامد أو يمكن شيء ثاني وكلامك مجرد تخويف لها واستغلال للوضع حتى تبقى عندها بعد ماطردتك تحافظ به على كرامتك وإنك جلست لهذا السبب الليله لقيت حجه لكن بكره الله يعينك دور لك حجه لماتخلص كل حججك وماقدامك غير ترفع الرايه البيضاء وتعلن حبك لها تسلم يمينك عجايب منتظرين بقية الأحداث يعطيك العافيه |
رد: رواية نبي رد الثنا الفصل الثامن والاربعون
ي مساء النور ... جوجو ربي يسعد قلبك ع كرمك ويسلم ايديك.. كذا بتخربينا ماعاد نرضى الا بثلاث بارتات^^ رمآح .. معاه حق مايتركها الا لمن يجي اخوها ..بس المفروض مايقولها كذا بهالطريقه وكأن ولاهمه..!! ماني عارفه اش قصته بالضبط مررا يشك فيها ومررا بريئة !! ،، مستفز عارف بمشاعرها وجالس يلعب فيها .. ماادري كيف يفكر !! الموقف اتوقع مستقصد منه عشان في النهايه تخاف وترجع معه .. رؤيا .. ي عيني عليها ربي يصبرها ع اللي هي فيه تلقاها من زوج ولا اخو ... بس ان شاء الله تكون مصره ع موقفها ولا تغيره ولا ع قول فيتامين سي يبغالها علقة ع حبل مشنقة ربي يسعدك ضحكتيني^^ جوج يعطيك العافيه .. يارب بانتظارك .. [emoji257] |
رد: رواية نبي رد الثنا الفصل الثاني والاربعون
اقتباس:
تسلمين ربي يخليك هذا من ذوقك.. اسعدني تفاعلك ومرورك ان شاء الله مااخيب ظنك ابدا.. خليك قريبه وان شاء الله تعجبك لنهايه واكون استحق متابعتك.. شكرا حبيبتي لوجودك.. |
رد: رواية نبي رد الثنا الفصل الثاني والاربعون
اقتباس:
انتم الي اغرقتوني بمساندتكم والله ابدا ماجاء في بالي كل هذا التشجيع بيكون لي.. امين وياك يارب وكل من شاف هذي السطور.. الرائع وجودك ومشاركاتك فلا تحرميني منها.. والله مامنكم قصور سلمتو وماسلم ردي العزيمه.. |
رد: رواية نبي رد الثنا الفصل الثاني والاربعون
اقتباس:
اسعدني جدا اندماجك بس مااقصد اتعبكم تابعيني لنهايه وان شاء الله تلقين شي يرضيك.. ربي يعطيك من فضله.. ان شاء الله مااخيب ظنك.. |
رد: رواية نبي رد الثنا الفصل الخامس والاربعون
اقتباس:
الملايين مره وحده شكرا لرفع المعنويات يكفيني اني استمتع بالكتابه.. تستاهلون اكثر والله.. اسعدني مشاركتك ومرورك ان شاء الله مااخيب ظنك ابدا ودوم اشوف مرورك لانه يفرق.. شكرا ع الثقه ان شاء الله اكون استحقها.. ربي يسعدك ويسر لك امورك.. |
رد: رواية نبي رد الثنا الفصل الخامس والاربعون
اقتباس:
ربي يسعدك حبيبتي مثل مااسعدني كلامك وربي هذا لانك ذوق بس.. الحمدلله انها نالت ع استحسانك وان شاء الله مااخيب ظنك لاخر حرف.. وربي هذا شرف لي ان اول مشاركه لك بالمنتدى في روايتي يارب تكون الروايه تستحق.. ان شاء الله.. ربي يخليك لاحبابك.. |
رد: رواية نبي رد الثنا الفصل الخامس والاربعون
اقتباس:
اسعدتني جدا جدا مشاركتك وكلامك المنسق والمنمق جعل ربي مايخيب لك رجا.. حبيت همستك مره.. امين يارب العالمين.. الشكر لك ع المتابعه و ع وقتك ان شاء الله اكون استحق.. كل اوقاتك يارب.. |
رد: رواية نبي رد الثنا الفصل الخامس والاربعون
اقتباس:
ياهلا والله حبيبتي وياهلا بٲنظامامك.. هذا من فضل ربي الحمدلله.. الحمدلله انها نالت ع استحسانك الروايه ان شاء الله دوم تكون بعيونك كذا.. اسعدني جدا تفاعلك وحماسك ومشاركتك ووجودك اكثر ربي يكتب لك ايام حلوه.. تابعيني وان شاء الله تشوفين الي يرضيك.. ربي يسعدك مثل مااسعدتيني.. يعافيك يارب وان شاء الله مااخيب ظنك لاخر حرف اكتبه.. بجد شكرا لها لجهودها وتعبها ووقتها الي اعطته لروايتي جعل ربي يكتب سكنك بالفردوس الاعلى بعد طولت عمر بصحه.. |
رد: رواية نبي رد الثنا الفصل الثامن والاربعون
يعطيك العافيه بس رماح يقهههههههههههههههر
الله يصبرها عليه وش ذا البرود الي عنده وشلون ماحن عليها وشكله يحبها ويموت عليها من قبل الزواج بس هو لين الحين ماتكلم عن نفسه كثير يعني القصه بمنظور رؤيا بس اتوقع اذا جاء دوره وصار هو الي يتكلم في القصه بتتضح الرؤيا ونبي عيديه منك محترمه انتي كريمه واحنا نستاهل |
رد: رواية نبي رد الثنا الفصل الخامس والاربعون
اقتباس:
الحمدلله انها نالت ع استحسانك دوم ان شاء الله لنهاية الروايه.. تسلمين هذا من ذوقك.. بتنتهي الروايه واحنا ع نفس النقطه ماراح نتفق.. امين وياك يارب.. ان شاء الله اهم شي تستمتعون بالقراءه.. خليك قريبه.. ربي يسعدك وين ماتكونين.. |
رد: رواية نبي رد الثنا الفصل الثامن والاربعون
السلام عليكم ورحمة الله وبركاته..
اعذروني حبايبي والله مره مشغوله وكل مانويت ارد او بديت ماقدرت اكمل علشان كذا ياليت تعذروني ليوم العيد متعشمه بقلبكم الكبير.. ويوم العيد ان شاء الله راح انزل البارت الاخير وهو بحجم خمس بارتات تقريبا.. ان شاء الله اني اكون استاهل صبركم والبارت الاخير يرضيكم يارب.. وخلال هذا اليومين كل مافضيت ان شاء الله راح ارد ع مشاركاتكم العزيزه ع قلبي.. انتظروني.. اليوم موعد تحقيق الأمنيات !يقول أحد الصالحين والله مادعوت دعوة يوم عرفة ومادار عليها الحول إلا رأيتها مثل فلق الصبح فأستعدو ليوم عظيم وادعوه مخلصين واثقين ، جهزو امنياتكم اكتبو دعواتكم استعدو ليوم عظيم ورب كريم يسمع الدعاء ويفتح ابواب السماء (اذكروني بدعوه).. ..عجايب.. |
رد: رواية نبي رد الثنا الفصل الثامن والاربعون
الفصل الاخير بكرا :eek:
مش عاارفه انبسط ولا لا.. رااح اشتاق لرؤيا وهبلها.. ورماح وتعقيداته... عجووبه احنا بانتطااااارك... وبنتمني من كل قلبببنا انها ما تكون روايتك الاخيزه لانك اسرتينا باسلوبك البسيط العميق :( Sent from my GT-I8150T using Tapatalk 2 |
رد: رواية نبي رد الثنا الفصل الثامن والاربعون
السلام عليكم وتقبل الله طاعتكم جميعا
على قد ما ودي اعرف النهايه بس ما ابيها تنتهي وروايه جميله مثل كذا وكاتبه ملتزمه تستحق روايتها التثبيت. والتميز اتمنى المشرفات مايقصرون مع عجايب واكيد بانتظارس عجايب |
رد: رواية نبي رد الثنا الفصل الثامن والاربعون
http://img.tapatalk.com/d/14/10/03/y5egysa3.jpg
كل عام وانتم بالف خير Sent from my GT-I8150T using Tapatalk 2 |
رد: رواية نبي رد الثنا الفصل الثامن والاربعون
كل عام وانتم بخير جميعاا
وتقبل الله طاعتكم انا مع ام رنا الروايه تستحق التثبيت والتميز .. |
رد: رواية نبي رد الثنا الفصل الثامن والاربعون
كل عام وانتم بخير
تستاهل الروايه وتستاهل الخير عجايب |
رد: رواية نبي رد الثنا الفصل الثامن والاربعون
خلص يوم العيد وانا في رجى النهايه. عجايب حني علينا ياقمر
|
رد: رواية نبي رد الثنا الفصل الثامن والاربعون
السلام عليكم ورحمة الله وبركاته
كل عام وانتم بخير وصحة وسلامة اول شي الله يعطيك العافية على هالرواية من زمان وانا انتظر مثل هالكتابات الجميلة بعد توقف بعض الكاتبات للاسف.. وطبعا بديت لي يومين بالرواية والحمدالله وصلت مع الاحداث.. اول شي رؤيا بكثر مااحبها قاهرتني بقوووة ليش شخصيتها كذا معه ليش تضعف وحامد يقهر سحب على اخته مع زوجته^^^خروووووف طلع هههههههه رماح هذا عاد حاله خاصه لكن الشخصيات هذي تعجبني وبقوووة لكن يقهر بعض الاحيان ... وتوقعاتي للاسف بترجع رؤيا مع رماح للبيت وبالنهاية هي اللي بتعترف لها بحبه وعاد بعد جهد جهييييييد يعترف لها .....^^^^وانا اقرا شخصية رماح تذكرت سلطان بطل رواية طيييييش ههههههههه وبالاخير سلمت اناملك على هذه الروايه وبإنتظار باقي البارتات وبالتوفيق |
رد: رواية نبي رد الثنا الفصل الخامس والاربعون
اقتباس:
ياهلا والله.. حبيبتي اسعدني جدا تواصلك الدايم بجد ممتنه لك.. ربي يسعدك مثل ماتسعديني.. ربي يخليك هذا من رقي ذوقك.. يارب مااخيب ظنك.. |
رد: رواية نبي رد الثنا الفصل الخامس والاربعون
اقتباس:
يارب ع قد مايفرحني مرورك ومشاركاتك تلقين التوفيق بطريقك.. |
رد: رواية نبي رد الثنا الفصل الخامس والاربعون
اقتباس:
ياهلا والله بٲنظمامك والحمدلله انها نالت ع استحسانك وان شاء الله لنهايه.. الشكر لك ع المتابعه ربي يخليك.. وانتي الخير بكل عام.. |
رد: رواية نبي رد الثنا الفصل الثامن والاربعون
اقتباس:
ياهلا والله بحبيبتي.. والله مره حبيت تعليقك ربي يسر لك كل صعبه.. شكرا لمرورك وتعليقاتك المميزه.. يسعدك ربي مثل ماتسعديني.. ان شاء الله ترضيك النهايه وتعجبك.. |
رد: رواية نبي رد الثنا الفصل الثامن والاربعون
اقتباس:
عادي حبيبتي المهم تستمتعين بالروايه.. حابه اشكرك لنقلك الروايه حبيبتي و ع اخلاقك العاليه تسلم يد من رباك.. |
رد: رواية نبي رد الثنا الفصل الثامن والاربعون
اقتباس:
ياهلا والله.. حبيبتي اسعدني ان رغم انشغالك قريتي حتى لو ع السريع ان شاء الله مااخيب ظنك.. الشكر لك ع المتابعه ان شاء الله ترضيك النهايه.. يعافيك ويخليك.. |
رد: رواية نبي رد الثنا الفصل الثامن والاربعون
اقتباس:
الا الهلا فيك والله.. اسعدني والله كلامك مره وحابه بقوه ترضيك النهايه.. تسلمين ع التفاعل والحماس ربي يزيدك خير.. هذا والله من كرم اخلاقك وحلاوة روحك شكرا.. ربي يسعدك مثل ماتسعديني.. |
رد: رواية نبي رد الثنا الفصل الثامن والاربعون
اقتباس:
عليك السلام ورحمة الله وبركاته ياهلا والله بحياتي.. قبل كل شي شكرا من اعماق قلبي لنقلك الروايه وشكرا لوقتك وجهدك وروحك الساميه.. امين يارب وكل من شاف هذي السطور.. والله مره اسعدني تركيزك وتعليقك للوضع واكثر شي تحليلك يارب يارب مااخيب ظنك بالنهايه.. يعافيك ويخليك ويسعدك.. شكرا حبيبتي لمرورك.. تسلمين.. |
رد: رواية نبي رد الثنا الفصل الثامن والاربعون
اقتباس:
ياهلا والله.. ويسعدك ويسعد احبابك يارب.. شكرا لك من قلبي ع تعليقك ومرورك وان شاء الله تستمتعين بالنهايه وتحبيها وترضيك.. اسعدني وجودك كيف بمتابعتك ان شاء الله مااخيب ظنك.. يعافيك يارب.. |
رد: رواية نبي رد الثنا الفصل الثامن والاربعون
اقتباس:
ياهلا والله.. يعافيك حبيبتي يارب.. تسلمين ع المشاركه والتفاعل ان شاء الله ترضيك النهايه.. لنهاية الروايه راح تكون بنظرة رؤيا.. شكرا ع وقتك ومرورك.. ربي يخلي لك احبابك ويخليك لهم.. انا كنت من البدايه انهيها بالعيد واحط اجزاء كثيره بس مع تشجيعكم وحماسكم ماقدرت انتظر.. ان شاء الله تستمتعين.. |
رد: رواية نبي رد الثنا الفصل الثامن والاربعون
اقتباس:
ان شاء الله يرضيك حبيبتي.. يسعدني كلامك هذا كثير الحمدلله اني قدرت اوصل لو شي بسيط من احساسها.. ان شاء الله ماراح تكون الاخيره لسى للحين ماحسيت بالرضا بروايه.. شكرا بكثر حلاوة روحك.. |
رد: رواية نبي رد الثنا الفصل الثامن والاربعون
اقتباس:
عليك السلام ياهلا.. امين يارب العالمين.. يارب ان النهايه ترضيك وتستمتعين فيها.. شكرا لوجودك المميز كيف بكلامك هذا ربي يكتب لك بكل خطوه راحة بال.. |
رد: رواية نبي رد الثنا الفصل الثامن والاربعون
اقتباس:
والله ماعرف اش اكتب لك ولا كيف اوصل لك احساسي كان نفسي اضغط ع ايقونة شكرا كذا مره مو بس هذي لفته بنسبه لي هذا تركيز كامل ربي يزيدك صحه وراحه وسعاده ويعطيك حتى يرضيك.. كل عام وانتي الخير الي فيه ربي يحفظك لاحبابك ولنا.. |
رد: رواية نبي رد الثنا الفصل الثامن والاربعون
اقتباس:
ياهلا والله بالغاليه.. امين يارب وانتي بخير.. امين يارب العالمين.. شكرا هذا من كرم اخلاقكم.. |
رد: رواية نبي رد الثنا الفصل الثامن والاربعون
اقتباس:
ياهلا والله.. والله انكم تحرجوني بنبالة روحكم ربي يسعدكم يكفيني كلامكم هذا.. |
رد: رواية نبي رد الثنا الفصل الثامن والاربعون
اقتباس:
لا ماانتهى انا انزلها بليل اكثر الايام وكنت ناويه اضيفها هذا الوقت علشان الكل يكون فاضي.. ان شاء الله ان النهايه تستاهل هذا الانتظار.. |
رد: رواية نبي رد الثنا الفصل الثامن والاربعون
اقتباس:
عليك السلام ورحمة الله وبركاته ياهلا حبيبتي بٲنظمامك والحمدلله ان الروايه نالت ع استحسانك وان شاء الله لنهايه.. امين يارب وياك.. شكرا لثقتك وشكرا لدفعه هذي من التشجيع ربي يقبل دعواتك.. اسعدني تفاعلك وحماسك وان شاء الله مااخيب ظنك بالنهايه.. يكفيني ان ذكرتك بالكاتبه طيش لو حرف فخر لي بس بصدق في العمق اختلاف كبير.. ربي يسلم روحك من الذنوب.. يارب ترضيك.. شكرا.. |
رد: رواية نبي رد الثنا الفصل الثامن والاربعون
ان شاء الله تستمتعون بالقراءه..
..البارت الخمسون والاخير.. قالها بنبرة صوت خاليه من اي معنى وكانه يبغى يتخلص مني وينام والفراغ الي تركه لي بسيط وغمض عيونه كأنه ماقال شي طالعت بالشباك مافي صوت والخوف الي كان بنفسي راح لان رماح راح ورجع لو في شي كان مارجع وهو لسى معاه النوم بس احساسي داخلي قلي خليه يندم ع كلمته خليك تعكسين تواقعاته ليش يقولها في برود خليه ماينام الليل وبعدين هي اخر مره تكونين بهذا القرب ابغى استغل الفرصه وبنفس الوقت عذر حلو خايفه بس الاقوى بكل شي اني ابغى يحس بالكلمه الي قالها مشيت بخطوات وكانها متردد وجلست ع طرف السرير وانا معطيته ظهري لما جلست حسيت ان حتى انا بندم ع الفكره المجنونه هذي بس لما لف للجهه الثانيه زاد اصرار ارجع ثقتي بنفسي والله مااخليه ينام انسدحت وانا بعد معطيته ظهري مثله بس ماغمضت عيوني نفسي اقوم واطفي النور بس كذا يعني اني مو خايفه انشدت اعصابي وحسيت بقهر لما سمعت انفاسه منظمه قلت بسرعه""رماح تسمع الصوت روح شوف"" مافي ولا صوت بس ماراح ينام يبغى ينام يروح غرفته مو هنا قال بصوت مو واضح فيه النوم""مافي تتوهمين"" استغربت ان صوته مو واضح فيه النوم او النعاس او الكسل حتى حسيت بانتصار يعني يمثل انه نايم حلو مره حلو قلت وانا الف عليه وارفع راسي علشان اشوف وجهه ويدي ع كتفه""طيب تأكد مااقدر انام كذا"" حرك كتفه الي تحت يدي بمعني ابعديها وهو يقول""غمضي عيونك وتنامين"" قلت ابغى اجربه""مااقدر(وبتفكير مصطنع)قفلت باب الصاله ولا اروح اتأكد"" قال بختصار""مقفل"" حسيت بطفش منه منجده مااثر فيه اساسا من متى ورماح يهتم رجعت انسدحت واعطيته ظهري راح احاول اخر محاوله ان مانفع راح اقوم وانسدح ع سريري اساسا من متى ااثر فيه حسيت ثقتي بنفسي اهتزت كيف جات الفكره براسي اساسا اش كان فيه عقلي اكيد الصداع اثر علي جلست بحده جلس بعد رماح وقال""اش فيك قلت لك مسكر الباب"" طالعت فيه ثواني ورجعت طالعت قدام وقلت بشك مصطنع""مافي اصوات"" كان عذري بعد عذري التافه الاول الي خلاني انسدح عنده قال بعد صمت وكأنه يركز سمعه""يمكن سمعو اصواتنا علشان كذا سكتو"" طالعت في بطرف عيوني وبعدها ثبتت عيوني ع الباب وقلت""يمكن راحو"" قال""يمكن"" كانت اخر محاوله اذا يبغاني اكون جنبه او لا وكان رده واضح نزلت رجولي ع الارض وقلت من بين اسناني""الحين اقدر انام"" قال""اذا تقدرين تنامين انسدحي ليش تقومين"" اللتفت عليه بسرعه بعفويه كان واضح عليه انه يبغاني اقوم ليش الحين يقولي نامي حركت راسي بطريقة لا وانا اقوم ع الاقل حسست نفسي او بمعنى اصح لعبت ع نفسي اني انا الي قمت مو هو ماقدرت انسدح ع سريري حاسه بضغط كبير ع قلبي حاسه ان موقف اليوم ماعبرت عن شعوري كثير بس بكيت الحين حاسه بسخط من كلامه الاول ومن تصرفه الحين شكل منجده مقرر انه ينهي علاقته فيني ولا جاء الا علشان انا اتصلت ع بيتهم لو ماتكلمت كان مو موجود الحين ومواساه لنفسي جلست ع الارض من الجهه الثانيه لسريري واحسس نفسي ان محد موجود بالغرفه وهذا كان تعزيز لنفسي ولكرامتي هو مايبغاني ع سريره انا ماابغاه بالغرفه كلها بعد ثواني اللتفت لما حسيت برماح جلس جنبي بدون مايقول حرف وانا بعد ماتكلمت كانت لحظة صمت مشتركه كنت مثبته عيوني قدام ماطالعت فيه ابدا بعد وقت قال""لدرجه هذي خايفه"" حركت راسي بطريقة ايوه خايفه من بعدين خايفه لما ينهي العلاقه منجد لما افكر فيه واتمناه وهو بيوم كان جنبي بدون مااحس بوجوده خايفه من نفسي من شعوري الحين تأثرت وهو ماقال بصريح العباره كيف لو طلق راح تكون ايام قاسيه انا عارفه خايفه اني احاول وهو حرام علي وخايفه حتى الغرفه هذي تكون فيها ذكريات لنا او بالاصح لرماح اذا ماابغى افكر فيه اروح وين ماخلى لي مكان قال رماح بصوت حنون وهو ياخذ يدي""لا تخافين انا عندك"" لين متى طيب عضيت ع شفايفي بقوه مو فاهمني حركت راسي بطريقة طيب هو يقول مسؤل عني حتى يرجع اخوي بس مو مسؤل عن تفهمي ومعذور سحبت يدي من يده رجعت شعري ورا اذني كعذر لسحب يدي وحطيتها بحضني وحاولت اقول باكثر صوت عادي""خلاص نام"" احنى ظهره شوي علشان يكون وجهه قدام وجهي وقال""وانتي"" طالعت فيه انا مااقدر انام حتى تطلع من هنا قلت بهدوء""بنام بعد شوي"" حط يده وراي ع السرير وارتفع وسحب مخدتين من سريري وحطها ع الارض وقال""يلله نامي"" كانت الارض مفروشه بسجاده يعني مو ع الارض وسحب الغطا بعد بانسياغ لكلامه انسدحت ع المخده الاقرب مني وهي الي عند السرير وهو انسدح ع المخده الي جنب الجدار كان الفراغ بين السرير والجدار كبير بس مو مره بس اكبر من سرير نجود تغطيت وطالعت بالسقف وانا اتكتف بنوصل لايش كذا مليت قال رماح بصوت حسيته بعيد""زمان يوم كنت طفل كنت انسدح ع سريري حتى تقفل امي الغرفه وانسدح ع الارض كنت مااحب السرير"" طالعت فيه كان هو بعد يطالع بالسقف وكانه يشوف نفسه زمان قلت بستغراب واهتمام""ليش ماتحبه"" طبعا اهتمام بالكلام فكرت انه طاح منه وهو صغير ع شي وجرحه وبعده تعقد ضحك ضحكه قصيره وقال""كنت احسه للبنات بس والرجال ينامون بالارض"" ضحكت بخفه لاني تفاجاءة وقلت""من وين جبت هذي المعلومه الفريده"" ركى ع مخدته وصار مطل علي وقال بنبرة صوت مستمتعه""من عقلي مثل الحذياه بس للبنات"" ياهذي الافكار ضحكت من قلبي متخيلته وهو صغير والله خشن بزياده يبغى يثبت من هو صغير انه رجال فديته والله انه رجال من طلع من بطن امه في احد بيكون مثله سكتت عن الضحك وانا اطالع فيه وحتى وهو متبهذل كذا ينبض رجوله قلت""يعني عيالك بتعلمهم هذي المعلومات"" مافي رجال بيكون غيره رجع شعري ورا اذني وسحب يده لرقبتي ورسم عليها خطوط وهميه مثل السلسال حتى بداية صدري وقال بنبرة صوت حالمه""اذا كنتي انتي امهم"" نسيت كل شي كل شي حسيت الجو توتر من قلت عيالك وندمت عليها ليش قلتها وحركت يده خلتني اشد اعصابي بس بلذه بس كلامه كان احلى غزل سمعته بحياتي حسيت باحساس ثقيل ملى قلبي وكأن تفجر حبه بروحي كانت دقات قلبي سريعه لدرجة واضح النبض بصدري وعيونه كانت ع يده يعني اكيد يشوف ويحس فيها ماعرفت اش اقول له احس كل الحروف مالها معنى الحين رفع عيونه بشويش حتى وصلت عيوني والتقت عيوننا كانت نظراته عميقه وطلب خلت قلبي يرفرف بصدري وكانه يبغى يطلع قرب وجهه اكثر من وجهي وسحب يده من بداية صدري لذقني برقه وبطئ شديد ومرر اصبعه ع حدود ذقني ووصل لقلبي وروحي كل حركه منه كانت عيونه لسى بعيوني كنت مسترخيه بمكاني ماسويت ولا حركه حتى كنت بلحظات اكتم انفاسي من غير مااحس كان مصر انه يسمع جوابي كان واضح بنظره انه ينتظر جوابي بس كنت احس لساني ثقيل مو عارفه اش اقول مو موعارفه اش اقرر كنت مقرره ومخلصه بس ماني عارفه كيف اقولها او كيف ابينها قال بنبرة صوت منخفظه خاصه جدا""من اول ماشغلتي النور وشفتك"" كان واضح باقي الكلام بعيونه وبنفسه العميق الي اخذه بسرعه حاولت اتذكر اش لابسه وش مسويه بشعري وحاطه مكياج او لا كنت لابسه لبس قديم بنسبه لي مافي اي شي يلفت النظر وشعري غسلته وجف وحده ومافي اي مكياج بوجهي هذا الشي زادني حب له وزادني تفاني من غير مااسوي شي او اهتم بنفسي شافني كذا حلوه بعيونه ابتسمت بعشق له وانا اميل راسي بتجاه يده ولان يده كانت اليسار فميلت وجهي بالاتجاه يده يعني بالتجاه المعاكس له فلف وجهي باصابع يده برشاقه وصار مقابل لوجهه الي قريب مني وقال وهو فهم حركتي انها موافقه له وعيونه كانت تلمع قالها وكأنها وعد""ماراح انسى هذا اليوم رؤيا"" غمضت عيوني من الخجل الي حاسه فيه بس قلت بوعد مثله""ولا انا"" راح اتذكر هذا اليوم راح يكون شي مميز بحياتنا قال وهو يمرر اصبعه ع رموشي بخفه ورشاقه""انتي ولا ايش"" حسيت بحميميه وانا احس بانفاسه ع وجهي كانت نبرة صوته تدل ع انه يبغى يسمعها مني قلت بتلعثم بدون ماافتح عيوني وانا احس ان نظره ع كل شي في وجهي""ماانسى""حسيت اجابتي ماتفيد شي وغبيه بعد فزاد كمية الخجل لدرجة غطيت بيديني وجهي وانا اعض شفايفي بقوه قال وهو يبعد يديني ع وجهي برقه""طالعي فيني رؤيا"" حركت راسي بطريقة لا وانا اضغط يدي ع وجهي علشان مايحركها قال بنبرة صوت حانيه ومطمنه""ماراح يصير شي الا برضاك رؤيا طالعي فيني"" بعدت يدي شوي عن عيوني بس ماشلتها كلها وطالعت فيه بنظره جانبيه كنت مع احساسي العميق بوجوده وبسلطته علي الا اني حاسه بعد انه حاس بوجودي وقربي وهذا اعطاني الشجاعه ابعد يدي عن وجهي كليا بس مارفعت عيوني بعيونه كان يحتاج طاقه ثانيه قال وواضح بصوته الابتسامه""رؤيا طالعي فيني"" كان اصراره مع نبرة صوته اعطتني دافع ارفع عيوني بعيونه لما التقت نظراتنا حسيت برجفه بكامل جسمي بكل خليه من جسمي بكل مساحه من روحي كانت نظراته نظرات حب وحنان وتفهم واحتواء حسيت قلبي توقف لثواني ورجع بسرعه كبيره انسدح ع مخدته ولفني له بشوية خشونه حسستني بعمق رجولته وذكرتني بانوثتي طالع في كل جزء في وجهي وكأنه يبغى يحفظه ويثبته بذاكرته مد ذراعه وحطه ع ظهري وضغط ع يده وقربني منه حسيت بقشعريره بعمودي الفقري وهو يطالع بعيوني وينتقل من عيون لعيون بتركيز وكانه يبغى يدخل جواتي ويعرف كل شي قرب وجهه مني وباس جبهتي برقه وببطئ غمضت عيوني وانا حالمه مو مصدقه ان هذا رماح حاسه انه عاشق لما بعد راسه فتحت عيوني واتوقع كل الاحاسيس الي حاسه فيه الحين موجوده بعيوني ماقدرت اخبيها اساسا ماحاولت اخبيها خليه يشوف ويعرف ايش مكانته عندي قال ببحه وهو يرسم حواجبي الثنتين""انتي جميله"" وسحبني لحضنه سجني بين ذراعيه كان شادني ع صدره بس عقلي اشتغل فجاءه وكانه كان منوم وفجاءه رجع للواقع لما قال جميله تذكرت جميله زوجة حامد وسفرهم ومن سفرهم وردة فعلي ولما جاء هنا كل شي جاني دفعه وحده وعرفة اش يقصد بالمعنى الحقيقي لوعده انه ماينسى اليوم هذا ايش بالتحديد نفضت نفسي منه بقوه وقمت واقفه وقلت وانا اخذ انفاسي من الصدمه""اطلع"" كان واضح عليه انه مو فاهم شي اساسا مو مستوعب كلامي فجاءه كذا قلت بصراخ وانا ااشر ع الباب""اطلع برا"" جلس بشويش ونظره مثبت علي وكانه مو مصدق قلت بصوت واضحه فيه رجفة الغضب""اطلع اطلع"" علشان يصدق قام ووقف قدامي توقعت يسأل ليش وكنت مستعده لتهم والسب الي موجهتها له بس هو طالع فيني ثواني بنظرات غريبه بس الي فهمت من حركته الاستصغار مشى ومر من جنبي بدون مايرف لي جفن اللتفت عليه فتح باب الغرفه وقبل مايطلع منها مسكت الباب واول ماطلع سكرت الغرفه بقوتي كلها لدرجة اهتز الباب وقفلته بالمفتاح لين اخره وانا ارتجف من الغضب ومن البكى رميت نفسي ع سريري واطلقت العنان لنفسي كل ماحسيت اني هديت ارجع حاسه بخيانه كبيره منه ماكان بيغير رايه وهذي الليله ماكانت راح تعني له شي مجرد تجاذب قالها من اول ماشفتك يعني مو احساس وروح مجرد تجاذب من تزوجنا وهو ماسك نفسه للحين بس لما تأكد اني بنتهي من حياته فكر انه ماراح يخسر شي وطبعا قالها ماراح يصير شي الي بموافقتك يعني كيفك وانتي تحملي النتايج دخلت الحمام اغسل وجهي علشان اهدى بس لما شفت وجهي بالمرايه زاد بكاي كان يلعب علي والله يلعب ع الاقل كان قال تعالي البيت مو هنا في بيتنا رميت المويه ع المرايه وطلعت من الحمام كنت بغلط مع انه تعبير غلط كيف اغلط مع زوجي بس هو تعبير مجازي كنت راح اغلط اخذت نفس عميق وطلعت الهواء من صدري دفعه وحده وحطيت يدي ع وجهي غبيه وطول عمري راح اكون غبيه هو عنده وحده يحبها مهما كانت علاقته فيك ليش كذا انا ليش لفيت ودفنت وجهي بالمخده بس بالاخير وقفته عند حده حتى مافكر يسأل ليش غيرتي رايك يحاول اي كلمه كان عارف اني فهمت واختصر ع نفسه وطلع مهما تضايق اليوم ماراح يوصل لمقدار الالم الي حسيت فيه بس الشي الوحيد الي متسأله عنه وودي اعرف الاجابه شلون لو ماوقفته شلون بتكون ردة فعله بعدين بس الافضل اني مااعرف لاني ابدا مو ناقصه مسحت خدي وانا عارفه انها مو اخر مره امسح فيها خدي اليوم سمعت اذان الفجر كررت وراه حتى ابعد تفكيري بس بنصه فكرت ان رماح اكيد الحين رايح المسجد اش احساسه عن تصرفي بنسبه لي مفتخره وحتى لو متأخر اني بعدته عني لنا كم من تزوجنا قلت ماابغى الا باحساي ولا لا ماراح يكررها اساسا اذا سمعتي باسمه هذا الاسبوع فهذا انجاز حتى يجي اخوي وينهي السالفه قمت دخلت الحمام وضيت وطلعت وقفت عند باب الحمام وعيوني ع المخاد الي بالارض مهما ادعي اني مفتخره واني تجاوزتها احساس بداخلي يموت وهو يتألم واحساس يقول لي مو لازم نفكر ببكره نعيش حياتنا بعفويه الي يصير يصير دامه مو حرام كان تغير شي مو معقوله بتنتهي كذا مهما كان نذل كيف رماح رجعت الدموع تنزل بغزاره حاسه بندم ع اسلوبي القاسي معاه مع ان هذا اقل من جزاء وهو ماقصر علي احساس متناقض يعيش جواتي حاولت اتماسك وقدرت صليت الفجر ورجعت انسدحت ع السرير وانا حاسه بجوع بس مانفسي بشي ولا ابغى اطلع من الغرفه ابغى انام وبس غمضت عيوني وشفت صورة رماح قدامي فتحت عيوني وانا اتنهد بكل مكان خوفي الاول تحقق وفي كل شي كان موجود واذا مو موجود بالمكان نفسه كان عقلي مشغول فيه بالمكان هذا الشي الوحيد الي جديد علي هو الدار قمت واخذت قرآن نجود براجع الي حافظته انا عارفه ان مافي يشغلني عنه من غير مااحس ارجع له بس الشي الي يبغى له تركيز مثل المراجعه مااتوقع يجي في بالي بعد ماخلصت طلعت من الغرفه مااتوقع يجلس ومااتوقع انه فكر حتى ومنجد ماكن احد موجود بالمكان وتذكرت صوت امس وتذكرت ان في اغراض بالمجلس وبابه مايتقفل فتحت باب الصاله بالمفتاح الي تحت عند الباب يعني سكره ودخله من تحت الباب طلعت ودخلت المجلس مافي شي ناقص ولا واضح اثار لاحد دخل رحت ورا غرفتي مكان الشباك ولقيت كور كثير صغيره نزلت واخذت وحده من الكور هذي الاثار الي قال عنها رماح انها مو لشخص واحد يعني كان يخوفني بس ولا مايشوفها بليل اقنعتني الاولى كيف مايشوف ولانوار شغاله يعني لما ناداني انام معاه ع السرير ماكان يبغى يفتك مني كان قال انها لاطفال بس ماراح اصدقه فاختار الطريقه الاسهل وخوفني رميت الكوره بالارض ودخلت الصاله وانا فكري مشغول ليش اش بيستفيد من ترعيبي يبغى احسسه دايما اني محتاجه له وضروري وجوده جنبي هذا يشبع غروره دخلت المطبخ وتفاجأة بالكيس الموجود واسم مطعم عليه فطور جابه رماح متى اللتفت ادور عليه بالمطبخ بس مو موجود رجعت دقات قلبي منتظمه حطه وراح بس لما طلعت من المطبخ والكيس بيدي شفت رماح طالع من حمام الضيوف |
رد: رواية نبي رد الثنا الفصل الثامن والاربعون
بحركه عفويه صادره من اعماق قلبي رجعت دخلت المطبخ بسرعه وكاني اختبي منه ليش ماراح مو اليوم دوام وقبل كل شي طردته حسيت بفرحه بسيطه اني رجعتها له وطردته مثل ماطردني من غرفته تو الاحظ اني رجعتها حسيت بثقه البيت بيتي والمكان مكاني وهو المتطفل وهو الي المفروض يروح وانا الحين متخبيه في المطبخ وهو يمشي في البيت مثل مايبغى رجعت كيس الاكل في مكانه وطلعت من المطبخ بعد ماتوكلت ع الله وسميت كان جالس بالصاله مع اني نويت اني اتصرف بثقه وان البيت بيتي واني ماابغى وجوده هنا الا اني غيرت اتجاهي ومشيت لغرفتي بخطوات شوي سريعه بعد ماشفت جلسته المسترخيه قدام التلفزيون وقدامه اكل كأنه اكل وشبع يعني ذاك زاد عنه بس مو لي جابه دخلت الغرفه قبل مايلاحظ وجودي وسكرت الباب بهدوء بعد ماابغاه يعرف اني طلعت ورجعت بدون مااسوي شي ولا ابين وجودي انسدحت ع سريري بالعرض وعيوني ع المخدات الي بالارض طالعت فيها ثواني وبعدها مديت يدي وشلتها بعصبيه وقمت حطيتها بسرير نجود واخذت مخداتها وحطيتها ع سرير والغطا سويت فيه نفس الشي كان هذا شي نفسي بس علشان ارتاح انسدحت وحطيت يدي الثنتين تحت راسي وانا اطالع بالسقف لسى احس بالجوع بس مستحيل اطلع مره ثانيه وهو موجود غمضت عيوني وانا عارفه اني ماراح انام جاء في بالي ارسل له رساله اذا ماقدرت اتكلم قدامه واقول له لايرجع ومن هذا الكلام بس بسرعه حسيت بسخف الفكره مو لهذي الدرجه انا ضعيفه الكلام الي ابغى اقول له اقوله في وجهه ولا اسكت احسن لي من هذي الطريقه يارب يروح حسيت بقهر من نفسي اخر شي اتمنى انه يروح مااعرف اتصرف مالي ردة فعلي اخذت نفس عميق وفتحت عيوني متى بحلها مع نفسي متى بارسى ع شي حاسه انه في اي لحظه يقدر يستغلني وهذا الشي افلت اعصابي انا مو شي وقت ماجاء ع باله وتذكر جاء انا عندي شعور واحساس ومااقبل غير بشعور واحساس جلست والغضب يعطيني دافع بروح افهمه كيف العالم تتصرف وبقول له ماله كلام معاي اي شي يبغى يقوله لي يقوله لحامد وقت مايرجع وهو يقوله لي قمت وفتحت باب الغرفه ماكان موجود بالصاله بس عرفت انه ماراح لاني سمعت موية المطبخ شغاله مشيت بخطوات ثابته وفكره وحده براسي بنحلها ونرتاح من هذا التعب لما دخلت المطبخ شفته واقف ويغسل صحن بيده هذي الصوره حسيتها ثبتت براسي فكرت اتراجع واطلع من المطبخ بس شكله ماخلاني اطلع وكاني استغل الفرصه بجد شكله كذا حسسني بالعائله حسسني بتعاون والمشاركه ليش احنا مو كذا اخذت نفس حسيت نفسي جبانه والكلام الي مجهزته ترددت فيه واحسه من غير معنى قلت بسرعه قبل ماتختفي شجاعتي كليا""خلينا نتفاهم مثل الناس المتحضرين""
اللتفت علي وواضح عليه انه ماتفاجاء بوجودي واللتفت وسكر المويه ولف علي بكامل جسمه بدون مايقول حرف وتكتف ينتظر كلامي او توضيح لكلامي شكله بهذا التباعد الواضح والبرد ذكرني بتصرف امس واعطاني الثقه قلت بهدوء بدون ماابين بصوتي اي انفعال داخلي""ليش مارحت"" قال بعد وقت طويل متعمد""وين"" حسيت وجودي خطا وكلامي اكثر خطا ليت ماطلعت من الغرفه قلت باكثر ثقه وبرود حاولت ابينها""بيتك"" قال بتفكير واضح انه يتمسخر علي""بيتي ليش"" قلت وانا اضغط ع اسناني""قلت بنتفاهم مثل الناس المتحضرين لا تخليني اغير رائي"" طالع فيني من فوق لتحت وقال بابتسامه ع جنب""اش بتسوين بتشوتين"" حسيت بضغط كبير ع اعصابي من طريقة كلامه كأن انا الي جالسه بمحيطه مو هو وكانت الفكره الي قالها مغريه مره بس قلت بابتسامه مثله ونظره لها معنى مختلف""لا"" اتوقع فهم لان بانت ع ملامحه العصبيه رجع لف واخذ كم صحن الي غسلهم وحطهم بالدولاب ولف علي وواضح انه رجع مسك اعصابه وقال وهو يرجع ظهره لدولاب كانت المسافه صح اقل من اول بس لسى بيننا مسافه كبيره""ايوه قولي كيف بنتفاهم بطريقه حضارييه"" كانت اخر كلمه تنقط مسخره واستخفاف بس ماخليته يأثر فيني رفعت ذقني بتصميم وقلت بهدوء ينرفز""انت تقول مسئول عني حتي يرجع اخوي تمام اتفقنا في ساعه وحده من اليوم تجي تشوف الي تبغى تشوفه وبعدها تروح لين يرجع اخوي"" كان في بالي اني ماراح افتح له الباب قلتها بطريقه منرفزه اكثر من الهدوء نفسه ووضحت عليه النرفزه قال شتيمه قويه وهو يطالع بالارض خوفتني بس ماتحركت من مكاني ويمكن لاني خايفه ماقدرت اتحرك تقدم خطوه ورجع لورا نفس الخطوه وكأنه غير رايه ورفع راسه وقال بختصار شديد""ماراح اعيد ياتجين معاي او انا بكون معاك"" قالها باسلوب غير معاني الكلمات وكأنه يقول غصب عنك نكون مع بعض حتى يرجع اخوك وكأنه مو واثق فيني كان يمديه يقولها باسلوب احسن قلت بسخط منه""وانا ماراح اعيد انت مو مسئول عني وكل شي بكيفي"" كان رده ابتسامه مصقعه من البرود عضيت شفايفي وبقوه وطلعت من المطبخ ومشيت لغرفتي بخطوات سريعه وانا اضرب الارض برجلي افرغ شوي من العصبيه وين احد يتفاهم معاه دخلت الغرفه بطلع من البيت واوريه انه بكيفي وانا حره بس وين اروح وبصراحه اخاف اطلع وحدي واروح بعيد صح العصبيه هذي بتخليني اروح مكان ماابغى بدون خوف بس بعد مااهدا وانا راجعه بكون ميته خوف اخذت نفس وجلست ع السرير مهما كانت افكاري شخصيتي هي نفسها جبانه ومااعتمد ع نفسي يعني معاه حق لما قال بجلس هنا طيب وين اروح مااعرف مكان قريب حتى المشاغل بعيده عن بيتنا مااتذكر ان في قريب ولا حتى سوق بس في صيدليه قريبه اروح واخذ منها اي شي لو شي تافهه المهم اطلع من البيت وابين انه كيفي اخذت عبايتي ولبستها وطلعت من الغرفه ماراح اخبيها بيدي ولا ورا ظهري راح اكون لابستها واتحداه مشيت وعيوني ع الباب وكانه خلاصي فيه فتحت باب الصاله وسكرته وراي بدون مااسمع لرماح صوت ومشيت بخطوات بطيئه للباب انتظر رماح يشوفني علشان يقول لا واطلع بدون مااسمع رايه بس طلعت بدون مايشوفني خلاص اذا رجعت بتعمد يشوفني علشان يعرف اني طلعت مشيت لصيدليه كان الشارع هادي ومافي حركه الكل راح دوامه ومدارسهم يمكن الحين الساعه سبعه ونص والصيدليه فاتحه اربعه وعشرين ساعه يعني مو بدري دخلت الصيدليه واخذت لي كم غرض وانا احمد الله ان حتى باعصابي ذيك مانسيت الفلوس دفعت وانا مركزه ان الاغراض ماتكون كبيره علشان اخبيها ومايعرف رماح وين كنت طلعت انا كنت ع اقل من مهلي اطالع بكل شي بشويش وحتى خطواتي لبيت بشويش اول شي حسيت اني غيرت محيط الجو الكئيب مع هذي الشمس المشرقه فتحت باب الشارع ودخلت وطالعت بكل مكان اتأكد ان رماح ماتبعني وبعدها نزلت نقابي وطرحتي ع كتفي وفتحت باب الصاله بهدوء وطالعت بالصاله وكان جالس عن نفس الكنبه و ع نفس الاسترخاء فرحت لحاجتين انه هنا وماتبعني والثانيه انه هنا وبيشوفني وانا داخله دخلت ولفيت وسكرت الباب بطريقه عاديه وانا متأكده اني مخبيه الاغراض بطرحتي زين ومو واضح بالاساس ان في شي بطرحتي لفيت ومشيت بدون مااطالع فيه وانا رافعه ذقني بثقه انتظر صوته يتكلم بعصبيه بس وصلت لغرفتي بدون شكله حتى يلاحظ وجودي دخلت وسكرت الباب وراي وانا احس اني فشلت مااستفدت شي ياليت بدل مارحت الصيدليه واشتريت هذي الاغراض الي بدون داعي واشتريت لي اي شي اكله لاني بجد جيعانه ولا بطلع واحرج نفسي اكيد يضحك ع حركتي كأني طفله وبجد ان ماعندي عقل فتحت الدولاب وطالعت بدرجي القديم مستحيل البس شي من هذي هي بلوزتين لفوق الركبه بشوي وبناطيلها اخذتها لانها تعجبني يعني مستحيل البسها بدون بنطلون خلاص بغسل لبسي الي جيت فيه والبسه طيب والدار اش البس فيه ماتفرق لان عبايتي علي حتى لو ماراح البس كذا اذا الحين اغسلها والبسها وانام واصحى طالعت بالساعه الحين ثمانيه اخذ دش واغسل البس والعبايه الا الساعه عشره وماانام الا الساعه عشره ونص يعني اصحى ان شاء الله الساعه ثلاثه اتجهز واطلع واذا رجعت من الدار اخذ دش والبس وحده من هذي يعني عادي فستان قصير وانام فيها حسيت اني دبرتها مشيت وقفلت باب الغرفه بالمفتاح ودخلت الحمام غسلت البس والعبايه اخذت دش ولفيت علي المنشفه ومددت الثوب والعبايه ع السرير علشان يجف اكثر واخذت مشط من الدرج ومشطت شعري علشان لما اخلصه بلبس حتى لو ماجف لما خلصت شعري لميته فوق ولبست لبسي وعلقت المنشفه ع الدولاب وانسدحت ع سرير نجود لان سريري شوي انبل وانا نسيت هذا الشي وبعد عبايتي لسى ممدده عليه تغطيت وغمضت عيوني بس الجوع خلاني ماانام فتحت عيوني شكل رماح مانام بليل واكياس الاكل توضح انه طلع وكذا يعني احتمال الحين نايم فتحت باب الغرفه بشويش كان التلفزيون مشغل بس بدون صوت ورماح مو جالس يعني طلع تقدمت شوي وشفت رماح متمدد ع الكنبه ونايم استفدت من الفرصه بدون مااهتم بنومته الي مو مريحه ابدا او انتبه ع سدحته الي مو مريحه ع ذيك الكنبه لان رجله رافعها فتحت الكيس وكانت مقفله يعني مافتح واخذ منها يعني كان جايبها لي ولا اش السالفه سكرته لانه كان فضول بس اعرف اش فيها الا انا ماباكل من الي جابه سويت لي بيضه وكوب حليب واكلت في المطبخ وغسلتها ورجعت الاغراض مكانها وطلعت من المطبخ ع اطراف اصابعي ولسى رماح مثل ماهو دخلت الغرفه وطالعت بالساعه كانت احدعشر ونص يعني اقل من ساعه ويأذن الظهر خلاص بنتظر الصلاه وانام مره وحده منجد صليت الظهر وانسدحت بعد اقل من نص ساعه نمت فتحت عيوني بعد وقت طالعت بالساعه كانت الساعه ثنين ونص رجعت غمضت عيوني وبعدها كل ربع ساعه افتح لان حاسه ان وراي شي وماعدلت منبه الجوال يعني حاسه اني مشغوله من شي الساعه ثلاثه وكم دقيقه جلست وانا احس اني معاي النوم لو مااشتركت امس كان مستحيل اليوم اشترك عارفه نفسي مو وجه انتظام بس دام بديت راح اكمل ان شاء الله قمت غسلت وجهي علشان اتنشط وبعدها اهتميت بوجهي وبشعري ووضيت وصليت العصر واخذت عبايتي وانا احس انه شغل غير امس براجع معاهم جزء عم واحفظ جزء الملك ان شاء الله واذا تعودت ع الجو وارتحت راح استمر ان شاء الله بالصيف وطلعت من الغرفه ماكان رماح موجود اكيد مو موجود راح يصلي العصر طلعت من البيت ووصلت لدار الا انا نشيطه ومتحمسه للبدايه بس علشان كان معاي النوم دخلت كان لسى مابدئو جلست مع البنات الي مو متذكره اسماهم مع ان امس قالو لي لما جات سميره سلمت عليها احس اني مااعرف احد غيرها وقالت ان اليوم بنبدا من سورة الملك علشان تكون السور الكبيره بالبدايه وقت الحماس والاندفاع وبعدها تصغر السور كان اسلوبها مقنع وذكي حسيت اني حبيتها بدائت تشرح معاني الكلمات وتفسر معاني الايات وقرئتها لنا باحكام التجويد بصوت خاشع مرتل وبعدها قرئناها احنا وكان عددنا اقل من عشره لانهم مفرقينا لمجموعات حسب طلب الوقت من الساعه كم لساعه كم وحسب كم يوم وتخلص جزء وحسب كم جزء تبغى وهو حافظه او لا حسيت المكان مرتب ومنظم والشغل طالع من قلبهم ومع هذا التنظيم والذكاء بتوزيع والشغل بدون ماندفه للاشتراك منجد ناس تعمل لاخرتها بعد ماخلصنا سمعت للي حافظين لما سمعتها حسيت ان السوره جديده علي لاني حاولت اقرائها باحكام التجويد ولاني صرت اعرف معنى كل حرف فيها وسبب نزول هذي الايه وموجهه لمين لما خلصناها بدائت وقرائت سوره القلم بس اول ماخلصتها قمنا لصلاة المغرب صلينا جماعه ورجعنا مكاننا وفسرتها لنا بتفصيل وسمعت لبنتين حافظين وقالت من بكره نجي حافظين هذي السورتين وكل يوم بنمشي بحسب الوقت اذا قدرنا بتصير ثلاث سور وجزء عم الي حافظينه يروحون مكان ثاني عند وحده ثانيه اسمها خلود تراجع للجزئين كامله وقالت واحنا رايحين بيوتنا نمر نستلم لبس معين لهذي الدار ونلبسه اذا جينا وبعدها صلينا العشى وجات بعدها محاضره عن اوقات الصلاه لما خلصت المحاضره كنت احس بروحانيه وشعور بالامان والاستقرار الروحي حبيت المكان مره ان شاء الله بستمر سلمت ع مجموعتي و ع سميره ورفعت طرحتي ولبست نقابي وطلعت من الدار وانا حاسه انه برجع له كل يوم ان شاء الله وراح اكون صاحبات هم احسن ناس وقريبين من بيتي ابتسمت وانا احس ان عندي شي دخلت مع باب الشارع بدون مااحس بالخوف من الطريق لاني مشيت وحدي وفتحت باب الصاله ودخلت ماكان رماح موجود بالصاله ولا له اثار المكان مرتب والتلفزيون طافي مريت من عند المطبخ وعيوني جوا وماكان موجود رجعت ودخلته بعد مافي اثار حتى الكيس مو موجود المفروض يكون رجع خلصت صلاة العشى من وقت حتى ماراح الدوام اليوم هو المهم بس علشان يوضح ان هو الاثبت والاقوى شكله تعب يعتني بنفسه ويأس وفكر انه ماله دخل فيني وعذره لما طلعت الصبح طلعت من المطبخ وانا احس بشوي خيبه المفروض يكون عند كلمته دخلت الغرفه وفسخت العبايه واخذت لبس ودخلت الحمام اخذت دش ولبسته وطلعت مانمت اليوم زين باكل وانام واصحى الصبح ان شاء الله واحفظها ع روقان وهدوء طلعت من الغرفه ودخلت المطبخ وانا محتاره اش اكل شي خفيف احس اني كسلانه مافيني اسوي شي فتحت الثلاجه وطالعت وبعدها فتحت الدولاب الي فوق وطلعت صحون صغيره وفتحت الدولاب الي تحت علشان اطلع صحن كبير انحنيت لما مسكت الصحن تفاجأة بصوت رماح معصب يقول""لين متى(رفعت راسي ودق بباب الدولاب بقوه)وانتي سايبه الباب مفتوح"" حطيت يدي ع راسي اضغط ع المكان الي دقيت فيه حسيت انه يوجعني مره مااستوعبت كلامه بس الي فهمته العصبيه قلت وانا منقهره من خرعته ومن الالم الي براسي حسيت انه وصل لنص راسي لاني قمت باندفاع وشاكه انه طلع دم""لا تصارخ اوجعتني"" وحطيت الصحن ع الارض وحطيت يدي ع راسي وحطيتها قدام عيوني اشوف فيها دم بس الحمدلله مافي شي طلع بيدي قال بحقد""تستاهلين ليش الباب مفتوح"" قلت بعصبيه وانا اضغط ع راسي""نسيت نسيت نسيت"" مططت اخر كلمه ونزلت اخذت الصحن من الارض ورفعت راسي بشويش وسكرت الدولاب الي فوق وانا اسمعه يقول بمسخره بس لسى العصبيه واضحه بصوته""وتقول مسئوله عن نفسها"" سكرت الدولاب الي فوق وسكرت الي تحت وتكتفت وانا احس الم راسي خف بس شوي وقلت""اش شايفني طفله تو دخلت الحين كنت بسكره"" ادري انها كذبه بس اش يعرفه هو صراحه قلتها بكل ثقه وكاني منجد صادقه قال من بين اسنانه""ايوه طفله اخرها معاك يارؤيا""فتحت فمي شوي |
رد: رواية نبي رد الثنا الفصل الثامن والاربعون
ورجعت سكرته بدون مااقول حرف كانت حركة استنكار واضحه اعطيته ظهري وغسلت الصحن حلوه ذي اخرها معاك هو الي اخرتها معاه وتجاهلت وجوده وحطيت الصحون الصغيره في الصحن الكبير اللتفت لما سمعت الثلاجه تقفلت قفلها برجوله انا فتحتها وطلعت الصحون قلت بسرعه وش عرفني ان رماح بيدخل قال وهو يحرك راسه بطريقة لا""وبعد ناسيتها مفتوحه من متى""
حسيت انه زودها مابررت له طالعت فيه بستصغار وشلت الصحن ومشيت بتجاه الثلاجه تقدم هو وفتحها وحط يده الثنتين ع باب الثلاجه وهو يطالع فيني وكانه بيشوف اعرف اتصرف ولا لا انقهرت انا تعبانه وكسلانه لدرجة مافيني اطبخ وهذا واقف لي بحلقي بس حبيت اثبت له فجلست نص جلسه وحطيت الصحن بالارض وعبيت الصحون وطلعت خضار شوي وشلت الصحن وحطيته ع الطاوله وجبت صحن وحطيت فيه علشان اغسلها انقهرت حاسه ان نظراته مسخره ع البطئ الي عايشه فيه وانقهرت اكثر لما اخذت سكينه وغسلتها اكيد بنساها وهو يطالع فيني كذا بديت اقطعها بعصبيه اخذ السكينه من يدي وقال""انا بقطعها"" تركتها ورحت لنار سخنت المويه بسوي كوبين شاهي بما انه الواضح انه بياكل معاي جهزت الكوبين وانا كل شوي اطالع فيه كان يقطعها بتركيز بس قطعته حلو يعني تبرر لتركيزه صبيت المويه الساخنه بالكوبين وشلتها ووديتها لصاله وحطيتها ع الطاوله ونزلت الاغراض الي ع الطاوله ولما قمت كان رماح طالع بالصحن حطه ع الطاوله واخذ الريموت وجلس وجلست معاه ع نفس الكنبه بس مو قريبه منه وطالعت بالتلفزيون بشوف اختياره ع ايش قلب لين استقر ع برنامج وثائقي وبدا ياكل طالعت بالصحن انا نسيت سالفة الخبز علشان كذا تفاجأة لما شفته بالصحن انحرجت حسيت بجد ان تفكيري بسيط اذا احتجت الشي بثانيته تذكرته اذا مااحتجته بنساه يعني اني ابدا مااصلح لتجيز رحلات وطلعات طالعت فيه بنظره جانبيه لما شفته مركز مع التلفزيون بديت حتى انا اكل ماتكلمنا ولا حرف لما شبعت كنت دايخه نوم من البرنامج الوثائقي الي اشوفه رجعت ظهري وتكتفت المفروض اني اقوم اشيل الصحن دامه حتى هو شكله شبع بس نفسي اقوله يشيله هو طالعت فيه اش الي يمنع قلت""انا بروح انام وانت اذا شبعت شيل الصحن ووديه المطبخ"" اللتفت علي وقال""تعودتي دايما ع الوصايا علشان كذا توصيني"" حسيت انه من اول اليوم وهو يتمسخر علي في البدايه كلامه وهو يغسل صحون الفطور وبعدها لما رحت لصيدليه ومريت من عنده ماعلق يبين صغر عقلي وبعدها لما رجعت هو لو قابلني قبل مااروح الدار كان تمسخر فيني بعد قلت بابتسامه مليانه قهر بدون تفكير""حاقد علي علشان امس"" ياليتني ماقلتها لانها غلط في غلط اش هذا الكلام اساسا ماشكله ناوي يتكلم عن هذا الموضوع عدلت جلستي وانا احس بتوتر رجع ظهره وطالع فيني بنظره جانبيه وقال""بنظرك الي سويته اش معناه طبعا غير انك طفله بارده وجبانه"" ماابغى نتطرق لهذا الكلام والتفصيل حاسه ان الموضوع حساس بقوه بس كلامه كان تجريح مبطن بس واضحه بنسبه لي عضيت خدي من جوا علشان امسك اعصابي انا الي فتحت الموضوع واستاهل ماراح ارد عليه وقفت بس رجع قال بستفزاز""السكوت علامة الرضا"" شديت رقبتي واللتفت عليه وقلت برقه متناهيه وانا الف عليه بكامل جسمي""وانت اش الي خلاك تقرب مني طبعا غير انك رجال بدون عقل"" بنفس اسلوبه سب مبطن واتوقع فهمها لان وضحت ع نظراته العصبيه مع ان ملامح وجهه الباقي متماسكه قال بملل""متى تفهمين شي انتي او انا افهمك"" وكان واضح ان كلامه طالع من قلبه رجع عدل جلسته وطالع بتلفزيون بعد يرجع ان السبب انا وانا الي خليت الثوره تقوم وانا الي حاربت وانا الي الا مالا نهايه بنسبه له قلت""دايما تصرفاتك غلط وهي تخليني افهمك زين واتوقع منك اسوء الاشياء"" وقف ومد يده الثنتين بعلامة عدم صبر ورجعها جنبه وهو يقول""مثل ايش"" استغربت من انفعاله بس هذا زاد الموضوع وزاد غلطه يعني مو حاس انه يغلط دايما قلت بختصار""ليش مارحت الدوره"" كنت راح ارتاح واتعود ع حياتي الجديده بدونه ليش لاصق فيني لاسباب تافهه طالع فيني بستغراب لثواني وكان الموضوع جديد عليه بعدها قال""اعتذرت من شهور ليش تسألين وين الغلط"" يعني منجدها عمتي لما قالت ان من زمان سمعت بالسالفه ماكان عذر له مو المهم هذا المهم قلت""وليش سفرت حامد"" طالع بكل الاتجاهات وقال""رؤيا قلت لك ليش"" قلت بعد ماعضيت ع شفايفي""ابغى الحقيقه"" مهما كانت المهم الحقيقه تعبت وانا اخمن كل تصرفاته هذي المره هو يقول كان لسى واقف وانا جالسه وقال""الحقيقه الي قلتها لك وبعدين انا مو مجبور اوضح كل شي"" حركت راسي بطريقة ايوه وقلت بمسخره""هذا سبب تفاهمنا"" جلس رماح وقال""كأني متهم وانتي ليش ماتبررين لنفسك"" قلت وانا اتكتف بنفس الطريقه""مثل ايش"" قال""دفترك الي اعطيتيه رائد"" قلت بدون صبر""والله العظيم اني مااعطيته مثل ماقال لك حامد"" قال وهو يوقف ويتقدم خطوه""طيب دام انه لي ليش تصرفاتك ماتدل ع كذا"" استغربت وقفته وجلسته وكٲنه مو مرتاح بس كلامه خلاني احس بتوتر وكاني خايفه انه يمسكني ع شي قلت ""كان لك"" وركز ع كلمة كان تقدم خطوه ثانيه وقال""لو الدفتر عندك ماتعطيني"" حركت راسي بطريقة لا بقوه مستحيل اعطيه هو مايدري وكذا تصرفاته كيف لو يدري وعنده الثقه اساسا ليش اعطيه واحنا بننفصل قال وهو مركز بعيوني بعد ماصار واقف قدامي وهو حط يدينه ع خصره""ليش"" قلت بعفويه من التوتر وكاني متهمه""ماابغى تحس ان.....(ولحقت نفسي بالنهايه)اني كذابه"" قال بصوت واثق وهو يعدل وقفته ولف وبعد عني بكذا خطوه""انتي كذابه"" ماكان ابدا سؤال دامه عارف ليش يسأل بذي الطريقه حسيت بالارهاق بمعنى كلمة الارهاق وقلت بعد ماغمضت عيوني لثواني ورجعت فتحتها وانا اوقف بيٲس""ليش ماتتركني وتروح"" قال وهو يلتفت علي""مابتركك رؤيا مهما كانت تصرفاتك"" كانت المسافه الي تفصل بيننا خطوتين تقريبا لما عقدت حواجبي حسيت بالم براسي حطيت يدي ع راسي وقلت""مابتطلق يعني"" قال بابتسامه غريبه""لا لهذي الدرجه امر كارثي تحطين يدك ع راسك"" قلت بضعف وانا اخذ نفس""يوجعني"" قرب مني الخطوات الباقيه وقال""خليني اشوفه"" وبعد يدي عن راسي وبعد الشعر عن فروة الراس قال""مااشوف شي"" قلت وانا عقلي لسى موقف ع كلامه الاول""ليش"" ورفعت راسي علشان اشوف عيونه قال بتسٲل وهو ينزل يده جنبه""ماابغى اطلق"" فهم اش كنت اقصد قلت بصوت منخفظ بٲحساس عميق""قلت انك مسئول عني حتى يرجع اخوي"" قال بابتسامه كانت الضد لثقه بنفس""كان عذر"" قلت وانا اعض شفايفي بدون مااحط امل""وبعد مايجي اخوي"" قال بٲبتسامه خفيفه وهو يحط يده الثنتين ع اكتافي""يساعدني بشيلك للبيت مو تقولين انك ثقيله"" ابتسمت يتذكر كلامي هذي قلتها يوم طلعنا البر حسيت انه يحاول يلطف الجو بس كان كلامه كله مايحتاج لتلطيف هو ناعم وخفيف ويتعمق بروحي مابيطلقني مهما كانت تصرفاتي مو هذا وعد انه مايتركني بس باسلوبه المتميز ومو قال انه سفر اهلي علشان يستغل سفرهم وجاء عندي هنا وهو عارف انه بيلقى اسلوب مو حلو مني لاني زعلانه وانه بيرجعني البيت حتى لو ماابغى تحولت ابتسامتي المرحه لابتسامه بسيطه حالمه ماناقص الا كلمه وحده كل الكلام مايقوله الا بالسحب وبالغصب راح اسحبها منه قلت بصوت هادي حاولت ماابين فيه السعاده لان هذا الكلام كفاني هو مايرضى يمشي غير كلامه وغير تخطيطه وانا غيرتها وجيت هنا وهو تبعني كان كفايه يقول تعودت عليك بس كان انا عندي طموح وانا احس بثقل يده ع اكتافي""وش اسوي اذا رحت"" قال بابتسامه روقان لان فهم اني موافقه ارجع معاه""مثل ماتسوين عادتا تتكلمين بعفويه تضحكيني تعصبيني تزعليني تراضيني تجننيني تصغريني تأسريني تخليني ماابغى احد غيرك تخليني ماني عارف اتصرف تخليني استغرب من نفسي ومن تصرفاتي تعالي رؤيا وسوي مثل ماتسوين عادتا مااطلب منك شي"" حسيت بدقات قلبي تعدت المليون بالدقيقه كانت نظرات عيونه اعمق من كلامه خلت جسمي كله يرتجف ع معاني حروفه خلت رجولي مثل العجين صعب الوقوف عليها بس حاولت بأخر ذره من عقلي ترجعني للواقع قلت وانا انزل راسي""ارجع وانت ترجع لحبيبتك"" كنت انتظر تبرير انه تركها وان خلاص عرف ان زوجته احق منها مو اكثر والله بس قال وهو ماسك ذقني بلطف ورفع وجهي له وقال""ماعندي حبيبه غيرك"" مايدري اش سوت لي كلمة في القلب غيرك طالعت بعيونه بتركيز وعدم تصديق وانا انتقل من عيون لعيون اشوفه يمزح او لا وقلت بدون تفكير""كذاب"" ضحك بقوه وطول بضحكته وقال بين ضحكاته""انتي فريده هذا رد ع اني احبك"" قلت مره ثانيه وبسرعه حتى قبل مايكمل ضحكه""كذاب"" كنت اقولها بعقلي علشان مااصدقه علشان ماانجرف لا ماراح يلعب علي مو الحين سكت عن ضحكته فجاءه لاني بعد كلمته رجعت خطوه ورا طالع فيني ولما شاف الجديه بوجهي قال بطريقه هادي وجديه غير عن شكله قبل شوي""والله اني مااكذب صح بالبدايه ماكنت اعرفك علشان احبك او اكرهك بس لما عرفتك خفت من تأثيرك علي وخفت انك بسرعه اخذتي مكان بالعايله كنت ابغى يكون عندي الخيار لاني ضد الحياه العاديه وحياة الواجب خفت بقوه يوم حسيت ان القرار مو بيدي وخفت اني اغير قناعاتي كنت احس ان الحب يجي بسرعه من اول لقاء بس معاك عرفته بطريقه ثانيه ماحبيتك حتى عرفتك زين وشفت سيأتك قبل حسناتك ومع كذا حبيتك وبقوه"" لما كان يتكلم كنت احس الارض مو سايعة فرحتي وسعادتي حاسه ان حياتي كامله مو ناقصها شي ولا شي رماح يحبني معجزه ياعالم بهذا الزمن مع ان حبه غريب مايوضح بتصرفاته بس بخليه يقولي احبك طول الوقت علشان احس فيها اخذت نفس وكأنه كان من هواء نهر عذب قلت بدلع وانا اشوف مكانتي بعيونه اخر شي في بالي""ومين الي قلت ان بالقلب غيرك"" ابتسم وحط يده الثنتين ع خدودي وقال""تتذكرين متى قلتها لك"" قلت بشوية شك لانه ماانكر غير السالفه بس يعني يحب ثنتين ولا هذي القديمه وانا الجديده مايهم المهم يحبني""ايوه والساعه بعد"" قال بابتسامة اعتذار""تتذكرين اش كنا نسوي قبل"" قلت""ايوه ع الغداء لما احاول اقنعك تروح مع اخوك المباراه"" قال وهو يرتب شعراتي الي قدام""مو بس كذا قلتي كلام كثير خرعني مو بس خوفني كنتي واثقه من نفسك وانتي تتكلمين حسيت بخطر من وجودك بيننا انا متعود ان الكلمه الاخيره لي وان عندي الحريه بكل شي من كبرت بس من دخلتي حياتي وانتي غيرتي فيني كثير علشانك ماتعرفيني قبل ماتلاحظين الاختلاف الا كل الي اعرفهم لاحظو الاختلاف ومنهم اخوك وقلتها علشان احط حدود لنفسي ولك بس مادريت انها بتكون بهذي القوه والطول وندمت ع هذي الكلمه اكثر من ندمت ع شي بحياتي"" اخذت يدينه الي بشعري وحضنتها وقلت بكل احساس احمله له""تعبتني هذي الكلمه رماح كنت احاول اكسبك بكل الطرق الي قدامي وحتى بعد كلامك هذا حاولت لاني احبك انت حلم طفولتي ومراهقتي ونضوجي"" قال بابتسامه عريضه""ماتٲكدت الا بعد الدفتر وقربت اشك طيب لو عندك الدفتر تعطيني"" ابتسمت برقه وتو اتذكر اخر ورقه كتبتها بالدفتر الي يقول احتفظ فيها قلت""اعطيك الورقه الاخيره"" ضحك بقوه وسحب يده من حضني وسحبني بكبري لحضنه وهو يقول""تعالي يامحبوبتي"" بنبرة صوت شقيه ورفعني عن الارض واخذ فيني لفه وقال بنبرة صوت مخمليه خاص""انا اليوم اخر مره بكتب هذا الدفتر ماابغاه برميه باقرب زباله لبيتنا قال لي كلام يسد النفس ماابغى اكتب علشان اذا قريتها مره ثانيه قبل ماارميه مااتذكر كلامه بنص ابغى انسى كلامه وابغى انساه مع اني عارفه اني ماراح انساه هو ع باله حب مراهقه ولا اعجاب طفوله مايدري باحساسي راح يجي يوم ويتمنى يسمع هذا الكلام من اي شخص وان شاء الله هذا الشخص مايقولها له الا بعد مايجرب نفس عذابي وبعدها بكيفه مع الي بيختارها مين ماتكون انا خلاص برمي هذا الدفتر مع كل ذكريات فيه قدامي عمر ان شاء الله راح احب وانحب وراح انساه ولا راح اقول لاحد كفايه ردة فعله بعدين ليش ماانتظر حتى اكبر كم سنه وبعدها يقرر مو الحين مهما طلع منه انا احبه وامنيتي اعيش معاه بس الحين يأس من هذي الامنيه يكفيني الحلم.. ياحبي المستحيل اتمنى بيوم تندم ع كلامك لي ولو بينك وبين نفسك بدافع الرحمه احبك(وطالع في وجهي وكمل)مو ندمان للحين عند رائي كنتي طفله ومحتاجه الكلام الي قلته لك"" ظربته ع كتفه بقوه وانا احاول انزل بس هو ثبتني اكثر الي قاله كتبته انا باخر صفحه من الدفتر قبل ماارميه حافظها صم يعني قراها كم مره يعني بجد يحبني ولا ماحفظها كنت استنى هذا الاثبات علشان انطلق واندفع بجد حسيت ان الكون كله مايسوى رماح ولا يجي لمقدار حبي له احبه والله العظيم احبه وكل ثانيه تمر تعمق وتحقق حبي له كنت حاسه بنشاط عكس جدا وقت ماقمت من الكنبه قلت بدلع""بس انا ندمت اني قلت لك كنت جلف بكلامك ماعبرت حتى انك ببيتنا"" صح ذكرايات مو حلوه بس الحين حلوه ولها بصمتها الخاصه قال بجديه مصطنعه""الحين ترضين لبنتنا تقول كذا بنفس عمرك"" قلت بسرعه""تغير الزمن الحين"" قال وهو ينزلني ع الارض وهو يقول""لا ياشيخه كيف"" نزلني قريبه منه مره يعني ملصقه فيه ماتحركت من مكاني وكأني طول عمري متعوده عليه يمكن علشان احساسي الي كان متعطش لقربه قلت بندفاع""فرق والله زمان كن....."" قاطعني وهو يقول""بسألك سؤال"" حسيت بقهر شوي لانه مااهتم لكلامي هذا رائي الازلي المفروض يسمعه ويعرفه عني ان الزمن منجد اختلف وان البنت زمان بذاك العمر اعقل وافهم واذكى من هذا الزمن الي وحدها عمرها ثمنطعش ولسى عقلها صغير دامه ماسمع هو انتم تسمعون قلت وانا معقده حواجبي""مابجاوب"" قال بدون مايعبر جوابي""ذاك اليوم الي اخذتك من القصر تسمينه يوم زواج حامد ولا تسمينه اسم ثاني مثلي"" حسيت باحراج من معنى كلامه نزلت راسي وطالعت بصدره ومررت اصابعي ع صدره يومي المتكامل قلت""زواج حامد"" قال بنبرة صوت حميميه جدا""واليوم"" حسيت لقلبي جناحات طار من صدري واستقر بصدره وعلشان اكون قريبه من قلبي ملت ع رماح وحطيت خدي ع صدره ورميت كل ثقلي عليه وانا اقول بابتسامه عريضه""بسميه اول يوم رحت فيه الدار" " الـــنــــهـــايــــه |
رد: رواية نبي رد الثنا الفصل الثامن والاربعون
لكل من شكل جزء جميل ومشروق في حياتي شكرا لكم انتم..
عشت معكم تجربه تنبض بالاحاسيس المنوعه ولكن هناك دائما مكان اخر لتجرب جديده سٲعيشها معكم بروايه جديده ان شاء الله.. انتظروني ياسكان قلبي واحبابه.. |
رد: رواية نبي رد الثنا الفصل الثامن والاربعون
صباحج فل و نوير و كادي ههههههههو قسم ان ردها الاخير غسل قلبي حسيتها تربية رماح أدبته بردها ،، و أخيرا استتب الأمن و وضحت الصوره :) عجوبه ابدعتي صج اني تعبت من هالاثنين المين بتجربتهم المينونه بس كانت تجربه ممتعه تستحق المتابعه خاصه اني عشت معاهم و بتفاصيل مشاعرهم و حياتهم و افكارهم ،، جمالية روايتج ببساطتها قدرتي تجذبينا و تخلينا نتابعها باستمتاع و نتحدى أوقاتها ،، دمت بطاعه |
رد: رواية نبي رد الثنا الفصل الثامن والاربعون
و قبل كل شي عيدج مبارك ،، |
رد: رواية نبي رد الثنا الفصل الثامن والاربعون
السلام عليكم
النهايه عجيبه جميل حبيت رد رؤيا وانهم تصارحوا وان رماح ماتركها واستحملها مثل مايتحملته ومبروك نهاية الروايه الجميله وتميز كاتبتها بالتزام واحترام قراءه+مبروك تثبيت الروايه لمدة اسبوع وبانتظارك في روايه جديده تم الإرسال بواسطة iPhone بإستخدام Tapatalk |
رد: رواية نبي رد الثنا الفصل الثامن والاربعون
السلام عليكم
صبااح الخيراات اولا مبرووووك التثبيت جوجو تستاهلين ياقلبي وثانيااا مبرووووك نهايه رائعتك يارائعه وثالثااا الف مليون مبرووووك لرؤيا عودة رماح واخيييرااا صافي يالبن هههههههعه جوجو ..علي كثر مافرحنا لهالثنائي بعودة المياه لمجاريها علي كثر حزننا علي اننا راح نصحي الصبح بدون قصتك من جد كان لها جزء من يومي ..راح افقدهاا >>فيس حزين جوجو ... احنا بانتظاااارك ..انتي وعدتينا بقصه ثانيه والوعد دين .. والي ان نلقاك بإذن الله نتمني لك التوفيق .. محبتك /نوري |
رد: رواية نبي رد الثنا الفصل الثامن والاربعون
*
* * السلام عليكم و رحمة الله و بركاته () . يا أجمــــــــــــــــــل أحلامي يا عجايب فديت قلبك على حلم اهدتينا ياه و على احلى اعجوبة يومية و على احلى تشويق و على احلى رماح و رؤيا تدرين عجــــــــــوبة اول مرة اشيل هم لا خلصت الرواية وش ممكن اسوي تدرين عجـــــــــــوبة اني ساعات اقوم من عز النوم بس عشان اشوف البارت تدرين عجــــــــــــوبة انه ساعات تجيني ابتسامة في غير موضعها وانا جالسة مع الناس ابتسم على رماح و رؤيا تدرين انـــــــك أجمل كاتبة ما توقعنا لوهلة و حدة تشعل ليلاس بوجودها والله فيني البكيه وش نسوي بالوقت المخصص لرؤيا و رماح على الأرجح نعيد اعجوبتك من اول وجديد بلا كلل أو ملل و أخيـــــــــرًا احبك أحبتس احبج وبحبك و انتظرك على خير الله يحقق كل امنياتك و ينور دربك و يحفظك وين ما رحتِ من كل سوء و يوفقك بحياتك الله يرفع قدرك و يعز شأنك دمتِ بسرور يا عجايب | $ * * * |
رد: رواية نبي رد الثنا الفصل الثامن والاربعون
مساء الفل للجميع..
سلمت اناملك وربي يعافيك .. نهاية جميله وتمنيت تكون اطول ونعيش احداث حبهم مثل ماعشنا مع عنادهم .. وتمنيت ان حامد وزوجته ماانتهى دورهم وتكلمتي عنهم اكثر لكن ماقصرتي نهاية جميله واتمنى من روايتك القادمه ان تكون فيها اكثر من شخصيه وقصه مختلفه عن الاخرى عشان نتحمس اكثر وتطوول الرواية ..وياليت تكون البطلة قووويه مرة بس طبعا حلات الروايات العناد بين الابطال..مو كذا يحبون بعض ...الخ لا احلى شي بالروايات المكابرة والعناد^^المناقر ههههههه وبالتوفيق لك بروايتك الجديده ودمتي بالف خير وصحة وسلامه وشكرا من القلب لليلاس اللي من خلاله تعرفنا على ناس طيبة وجميلة وكاتبات كباروجميلات |
رد: رواية نبي رد الثنا الفصل الثامن والاربعون
يا قلبي مو مصدقه انه خلصت قصة رماح ورؤيا..
النهايه رااائعه لا شك... حبيت اصرار رماح على هبل رؤيا ... وحبيت عنادهم... جوجو والله حيوحشووني ابطالك. وراح اشتاق للبارت الرقيق قبل ما انام... واللهفه اللي بفتح فيها الموبايل اول ما اصحى من النوم عشان اشوف في بارت ولا لا.. والفرحه اللي بحسها بس اشوف البارت... والحزن اذا كنت ميته نعااس وانتي اتاخرتي والاثااره اللي بتكون لما اقرا البارت سرقه الصبحيات وامي مفكرتني نايمه... والتشويق وانا باستنى اروح من المدرسه تاقرا البارت اذا كشفتني امي اني مش نااايمه وقومتني غضب خخخ رااح اشتاقلك جدااا واشتاق لاحساسي الجميل وانا باقرا... وبانتظار رواايتك القاادمة بشوووق... واتاكدي انه باذن الله راح اكون المتابعه الاولى لك.. لانك بتستخقي الاحترام على التزامك واحترامك للقراء وردودهم تقبلي مروري عزيزتي لنا لقاء ان شالله والسلام عليكم ورحمه الله.. Sent from my GT-I8150T using Tapatalk 2 |
رد: رواية نبي رد الثنا الفصل الثامن والاربعون
اقتباس:
والله نفس الشي يا هموسة عبرتي عن الي بداخلي نفس مغامراتك والله تصير لي بالتفصيل الله يسعدك يا عجوبة على هالإبداع |
رد: رواية نبي رد الثنا الفصل الثامن والاربعون
مشكوورة عجايب
امتعتينا باسلوب كتابتك وجمال روحك عشنا مع رؤيا ومشاعرها ويمكن حسينا انها متناقضه او غريبه ورماح وتصرفاته المبهمه اللي خلتنا نحبه اكثر من رؤياا:aNF04909: الروايه كلها جميله حتى المتابعين والردود والتوقعات بس اكثر شي شدني بالرويه تصرفات الابطال واسلوب التشويق كل الاحترام والتقدير لك ياعجايب :hR604426: والله لايخيب لك رجاء ولا يرد لك دعاء وربي يبلغك غايتك ويحقق امنياتك |
رد: رواية نبي رد الثنا الفصل الثامن والاربعون
السلام عليكم ورحمة الله وبركاته ألف مبروك عجايب اكتمال رااااائعتك وألف مبروك وسام الروايه المميزه والتثبيت استمتعنا معك واسعدنا التزامك وعدت وأوفيتي أرويتنا بعد عطش وجمعت هذه النخبه من الأعضاء اللذين أسعدونا بردودهم وهذا دليل على تميز قلمك نهايه واقعيه وسعيده ولكن حزنا لإنتهاء الروايه أرجوا أن نرى لك مولوده جديده فقلمك يعد بالكثير يعطيك العافيه ولا خلا ولا عدم منك يارب لاأقول وداعا ولكن الى اللقاء |
رد: رواية نبي رد الثنا الفصل الثامن والاربعون
ي مساء النور و السرور .. الف مبرروك ي عجآيب ع إتمامها والتثبيت ^^ أسلوبك بسيط وجميل ..بنفقدها استمتعنا مع تقلبات رؤيا .. وتصرفات رماح الغامضة شكرا ع التزامك .. وان شاء الله نشوفك في روايه اخر .. [emoji257] |
رد: رواية نبي رد الثنا الفصل الثامن والاربعون
نهاية رائعة جدا رغم اني تمنيت ان يكون هناك تفاصيل لحياة حامد وجميلة أكثر ... لكن ازعم انك امتلكت ادوات الكتابة الراقية شكرا لك من الأعماق عجايب .
|
رد: رواية نبي رد الثنا الفصل الثامن والاربعون
مساء الهناء والسرور أسعد الله مساكم كنت أنتظر الفصول بفارغ الصبر ولم انتهب لنزول الفصل الأخير واكتمال الروايه وذلك لظروف العيد الف شكر لك أختي عجايب وشكرا على إلتزامك بجد استمتعت بروايتك واسلوبك البسيط ولك مني كل الشكر والتقدير وفي إنتظار القادم إن شاءالله
|
رد: رواية نبي رد الثنا الفصل الثامن والاربعون
اقتباس:
ربي يخليك اسعدني جدا استمتاعك.. ان شاء الله اشوف مرورك اذا نزلت روايه جديده.. استودعتك الله.. |
رد: رواية نبي رد الثنا الفصل الثامن والاربعون
اقتباس:
اسعدني استمتعاك وان شاء الله اشوف مرورك اذا نزلت روايه جديده.. بتشجيعكم حبيبتي وثقتكم غاليه عندي.. استودعتك الله.. |
رد: رواية نبي رد الثنا الفصل الثامن والاربعون
اقتباس:
شكرا لثقتكم الغاليه وشكرا لوقفتك جنبي ان شاء الله اشوف مرورك اذا نزلت روايه جديده.. اذا ربي اعطاني عمر ان شاء الله مااخلف الوعد.. استودعتك الله.. |
رد: رواية نبي رد الثنا الفصل الثامن والاربعون
اقتباس:
والله بجد بجد ماعندي رد لكلامك الحلو هذا مااعرف كيف اوصل لك حجم الفخر الي حسستيني فيه شكرا من اعماق قلبي لحروفك ولوجودك ولنقلك انتي منبع الذوق وان شاء الله يارب اشوف مرورك اذا نزلت روايه جديده لان وجودك مهم مره.. حبك ربك وحبب خلقه فيك.. امين يارب وياك حبيبتي و كل من شاف هذي السطور.. استودعتك الله.. |
رد: رواية نبي رد الثنا مكتلمة
شكرا عزيزتى
|
رد: رواية نبي رد الثنا مكتلمة
ألف مبروووك أكتمال الروااايه يااعجااايب
ومبرووك التثبيت تستااهلين كل خيير |
رد: رواية نبي رد الثنا الفصل الثامن والاربعون
اقتباس:
ياهلا والله.. ربي يسلم روحك من الاخطاء.. حبيبتي روايتي الجديده قد تعديت النص في كتابتها وان شاء الله لما انزلها تكون عند حسن ظنك.. ربي يخليك.. استودعتك الله.. |
رد: رواية نبي رد الثنا الفصل الثامن والاربعون
اقتباس:
ياهلا والله بالغاليه.. اسعدني جدا كرم اخلاقك وكرم حروفك ربي يسعدك دنيا واخره.. الحمدلله حمدا كثيرا كما ينبغي لجلال وجهه وعظيم سلطانه.. الحمدلله ان الروايه كانت مٲخذه هذي الحيز من وقتك شكرا لوجودك حبيبتي وشكرا لثقتك الغاليه بالنسبه لي.. عليك السلام ورحمة الله وبركاته استودعتك الله.. |
رد: رواية نبي رد الثنا الفصل الثامن والاربعون
اقتباس:
ياهلا والله.. الشكر لك حبيبتي ع الصبر و ع وقتك.. هذا من ذوقك وطيب اصلك.. الاجمل كان مرورك ربي يسعدك.. ان شاء الله اشوفك اذا نزلت الروايه الجديده وتكون عند حسن ظنك.. امين وياك يارب وكل من شاف هذي السطور.. استودعتك الله.. |
رد: رواية نبي رد الثنا الفصل الثامن والاربعون
اقتباس:
شكرا هذا من ذوقك.. من تشجيعكم وحماسكم والله.. ان شاء الله ويارب اشوف مرورك فيها.. يعافيك ويخليك.. استودعتك الله.. |
رد: رواية نبي رد الثنا الفصل الثامن والاربعون
اقتباس:
ياهلا والله.. شكرا حياتي هذا من ذوقك.. ربي يخليك الحمدلله انها اعجبتك واستمتعتي فيها هذا الي اتمناه.. الشكر لك ع مرورك ووقتك.. ان شاء الله واشوف مرورك.. استودعتك الله.. |
رد: رواية نبي رد الثنا الفصل الثامن والاربعون
اقتباس:
ياهلا والله.. تسلمين حبيبتي هذا من ذوقك ربي يخليك.. شكرا من اعماق قلبي لثقتك وتقديرك.. استودعتك الله.. |
رد: رواية نبي رد الثنا الفصل الثامن والاربعون
اقتباس:
ياهلا والله.. اسعد الله ايامك.. الشكر لك حبيبتي ع التواجد و ع وقتك ربي يسعدك.. تسلمين هذا من ذوقك.. ان شاء الله تكون عند حسن ظنك.. استودعتك الله.. |
رد: رواية نبي رد الثنا مكتلمة
اقتباس:
الشكر لك حبيبتي ع المشاركه و ع وقتك.. استودعتك الله.. |
رد: رواية نبي رد الثنا مكتلمة
اقتباس:
ياهلا والله.. تسلمين حبيبتي هذا من ذوقك.. شكرا لثقتك ودعمك.. استودعتك الله.. |
رد: رواية نبي رد الثنا مكتلمة
ابدعتي عجايب راح نشتاق للروايه وبالاصح لاابداعك
الروايه كانت نهايتها كما يجب اهنيك جدا على هالختام الحلو اعتذر اني تاخرت بالرد واتمنى واطلب انك تفاجئينا بمولوده جديده قريبا لان الاقلام المبدعه لايكتفى منها |
رد: رواية نبي رد الثنا مكتلمة
ألف مبروك التميز والتثبيت تستاهلين عجوبه
والحمدلله الي ختمتي روايتك على خير وانحلت مشاكل رؤيا ورماح ولو ان خاطرنا نتبطح على رومانسياتهم لكن معوضين خير برواية طويلة أتمنى لك التوفيق وننتظرك برواية جديدة |
رد: رواية نبي رد الثنا مكتلمة
رواية رائعة جدا
|
رد: رواية نبي رد الثنا مكتلمة
اقتباس:
شكرا حبيبتي لوجودك ولتعليقك الحمدلله انها نالت استحسانك.. ربي يخلي لك احبابك.. ان شاء الله مااخيب ظنك وثقتك الغاليه وتكون الروايه تستاهل متابعه ذويقه مثلك.. استودعتك الله.. |
رد: رواية نبي رد الثنا مكتلمة
اقتباس:
هذا من كرم اخلاقك حبيبتي وطيب اصلك.. شكرا لمتابعتك وتعليقك وان شاء الله مااخيب ظنك ابدا.. استودعتك الله.. |
رد: رواية نبي رد الثنا مكتلمة
اقتباس:
تسلم هذا من ذوقك ربي يسعدك.. استودعتك الله.. |
رد: رواية نبي رد الثنا مكتلمة
من اجمل الروايات ..يسلم أيديك ع النهايه الجميله ننتظرك بجمالك القادم كاتبه جذبت الملايين بجمال اسلوبها الله يحفظك |
رد: رواية نبي رد الثنا مكتلمة
السلام عليكم ورحمة الله وبركاته
رواية متميزة فعلا ... أخذتني معها وعشت لحظاتها من فرح وحزن .. احسنتي الوصف ونقل اﻷحاسيس .. سلمت يداك يا رائعة وتقبلي خالص تحياتي و ودي. «اللهم أغفر لي هزلي وجدي، وخطئي وعمدي، وكل ذلك عندي» |
رد: رواية نبي رد الثنا مكتلمة
رواية تحفة بجد استمتعت كثيرا بها واستمتعت اكثر بما تخينه فى نهاية كل بارت اثابك الله وشكرا لكى واحبك فى الله
|
رد: رواية نبي رد الثنا مكتلمة
القصة رووووووووووووعه
تسلمييييين ومشكوووورة على هالقصة الجميلة تحمست وايد وانا اقراهاا :flowers2: |
رد: رواية نبي رد الثنا مكتلمة
جميله جدا وقمة الابداع ما شاء الله
يسلمو حبيبتي ووفقك الله |
رد: رواية نبي رد الثنا مكتلمة
الروايه روووعه رجعتني لروايات زمان الجميله اشكرك من قلب. من اول نفسي في روايه جميله اصبحت نادره
|
رد: رواية نبي رد الثنا مكتلمة
السلام عليكم ورحمة الله وبركاته..
اشكركم حبايبي ع التعليق والكلام الحلو ربي يسعدكم ويزيدكم رضى وقناعه.. الحمدلله كما ينبغي لجلال وجهه وعظيم سلطانه.. ..عافاكم.. |
رد: رواية نبي رد الثنا مكتلمة
أبدعتي .... القصة تستاهل تكون مسلسل أو فيلم .... تبارك الله خيالك في الحوار في حساسية مرهفه ...
الله يوفقك ويسعدك زي ما أسعدتني القصة |
| الساعة الآن 07:42 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية