|
رواية آلام تتبعها آمال(بقلمي)
السلام عليكم ورحمة الله وبركاته
أنا عضوة جديدة بهذا المنتدى وبإذن الله ستكون أول مشاركاتي رواية من تأليفي بعنوان آلام تتبعها آمال وهي رواية سعودية درامية كوميدية حزينة... ليس بها أي شيء مخل بالدين وأيضا هي بعيدة عن الحب... تحكي واقع شبابنا ؛تتكلم عن الظلم والوفاء والتضحية والكثير.... بإذن الله أن تتنال إعجابكم وأجد التفاعل سأبدأ بإنزال الشخصيات ووجزء بسيط من البارت الأول اليوم بإذن الله |
رد: رواية آلام تتبعها آمال(بقلمي)
موفقة حبيبتي ونحن في انتظار البارت ...لك كل التشجيع مسبقا
|
رد: رواية آلام تتبعها آمال(بقلمي)
سم الله الرحمن الرحيم
روايتي الثانية:آلام تتبعها آمال هذه الرواية من تأليفي ولاأحلل لأحد أن ينقها دون ذكر اسمي روايتي تناقش بعض قضايا المجتمع وليس بها أي شيء مخل بالدين بإذن الله كوميدية،غامضة،درامية،حزينة،دينية.. عذرا أطلت عليكم أترككم مع شخصيات الرواية وجزء بسيط من البارت الأول أبو عادل&أبو فهد&أبو سامي إخوان أم عادل&أم فهد&أم سامي أخوات نبدأ بتعريف عائلة(أبو عادل):: اﻷب-أحمد-أب طيب جدا يحب إسعاد أبناءه دائما صبور وحكيم وهو مسجون منذ سنتين اﻷم- نورة-أم طيبة وحنونة وعطوفة وحساسة جدا لكنها صبورة تحاول تعويض أبناءها بعد ابتعاد والدهم عنهم عادل:عمره20 سنة،طالب في السنة الثانية من الجامعة ،يحب افتعال المشاكل واذا غضب ﻻيستطيع إمساك أعصابه خالد:عمره19سنة في السنة اﻷولى من الجامعة، طيب وحنوووون جدا ومرح يحب يسوي مقالب ومايحب أحد يزعل عليه أبد وهو كتوووم مرة الهنوف:عمرها23سنة، فتاة جمييلة ورقيقة وهادئة وخجولة مرة وحساسة ومع ذلك حكيمة ورزينة العنود:عمرها18سنة، فتاة عنــيدة تسوي اللي براسها وهي طيييبة مرة وتحب المقالب مثل أخوها خالد البتول:آخر العنقود عمرها8سنوات في ثاني ابتدائي، طفلة حلووة برييئة وعنيدة وهي أكثر وحدة تحب خالد ﻷنه دايم يلبي لها كل اللي تطلبه ويدافع عنها مهما كان ومايرضى أحد يزعلها وتسمى في البيت دلوعة خويلد . (عائلة أبوفهد):: اﻷب-علي-أب شديد لكنه طيب وعطووف... اﻷم - حنان-أم طيــبة وحنوووونة تربي أبناءها على الخير وطاعة الله دائما فهد: عمره24سنة ،موظف في شركة أبوه وهو عاطفي بزيادة ومتهووور جدا حسان:عمره19سنة، يسمونه توأم خالد ﻷنه يشبهه في مرحه وتصرفاته وهو مزحه ثقيل بالمرة فارس:عمره16سنة ،باااارد جدا وهااادئ ورغم برودته اﻻان الكل يحبه ويكن له اﻻاحترام وهو مايحب المزح أثير: 22 سنة،شخصيتها مثل شخصية العنود اﻻ انها قلقة مرة أسرار:17سنة، طيبة وحبوبة ومو أي شي يفها عنيدة وتحب المزح وهي توأم لعنود مستحيل يفارقون بعض. (عائلة أبو سامي):: اﻷب-عبد الله-أب صارم بعض الشيء وباﻷخص في أمور الدين لكنه طيب وحنوون اﻷم-هناء-أم طيبة حنونة تتحكم بمشاعرها وتفكر مليوون مرة قبل ﻻتقدم على أي شيء سامي:29سنة ﻻيخاف قول الحق وهو مدرس لمادة الدين للمرحلة الثانوية عمر:10 سنوات،مزعج ومشاكس وعنيييييد مرة ريم:عمرها19سنة، الفتاة الوحيدة بين أخوين دلووووعة ومرحة وطيييبة مرة تحب اﻷطفال . (عائلة أبو سلطان):: ا اﻷب-إبراهيم-هذا أخو ﻷحمد وعبد الله وعلي وغيرهم سيتم ذكرهم؛أب قاسي جدا وشرير ماعنده ضمير أبدا همه كلله الفلوس ويسوي اللي براسه اﻷم-عائشة-متوفية من خمس سنوات سلطان:عمره17سنة، عكس أبوه طيييب مرة يحب الخير للكل ومايشيل في قلبه على أحد سارة: 7سنوات طفلة بريئة حساسة وتخاف مرة من أبوها ماذاقت الحنان من بعد وفاة أمها اﻻ من أخوها سلطان. (عائلة أبو غﻼ):: اﻷب-محمد-عمره35،أصغر العائلة طيب ومرح مرة اﻷم-احﻼم-عمرها33سنة، طيــــبة وحنوووووونة، وهي خووافة مرة غﻼ:عمرها3سنوات واﻵن نبدأ بتعريف العائلة الثانية:: عائلة (أبو يوسف):: اﻷب ـ سعد ـ الاخ الأكبرلحنان وهناء ونورة وغيرهم سيتم ذكرهم،أب طيب وحنون ومعطاء يحب الخير للكل.. اﻷمـ مريمـ اﻷخت الوحيدة ﻷحمد وعبد الله وعلي وإبراهيم.. يوسف:34 سنة،متزوج وله ولد اسمه عبد الإله؛مرح جدا ويحب المقالب ويعشق البر والكشتة والصيد.. راكان:27سنة، مدرس في مدرسة إبتداية لمادة العلوم،مرح جدا وذكي وعنيد ويحب يسوي المقالب.. ريان: 27سنة، توأم راكان مدرس لمادة الرياضيات مثل أخوه إلا أنه يتأثر بأبسط شيء.. غادة:14 سنة، دلووعة وحساسة أبسط شيء ينزل دمعتها.. غيداء:14 سنة، توأم غادة،دلوعة وذكية وعنيدة تاخذ حقها وحق أختها بالقوة طيبة مرة وتحب اﻻطفال.. عائلة(يوسف)أبو عبد اﻹله:: اﻷب- يوسفـ تم ذكره. اﻷمـ عبير- 26سنة ،طيبة وحنونة وحساسة بعض الشيء وهي ابنة عم يوسف. عبد اﻹله:سنة ونصف.. عائلة(أبو وائل):: اﻷب ـ عبد العزيزـﻻهي بالدنيا ومايهمه غير الفلوس.. اﻷم ـ سعادـ طيبة وحنونة وصابرة تحاول إرشاد أبنائها للطريق الصحيح.. وائل:25سنة، صايع همه كله اﻻجهزة واﻹنترنت.. عبير:زوجة يوسف تم ذكرها. عهود:15 سنة ،مثل وائل بالضبط.. بقية العائلة::: (عبد الرحمن) أصغر العائلة23 سنة، طيب وصارم في قول الحق وهو يدرس في حلقة لتحفيظ القرآن الكريم.. (خولة) 35سنة، متزوجة ولها طفلين توأم تخاف عليهم من نسمة الهواء خوافة مرة.. عائلة(أبو مشعل) زوج خولة :: اﻷب -فيصلـ 36 سنة،مرح جدا ويحب يلعب بأعصاب خولة المسكينة.. اﻷم ـ خولةـ تم ذكرها. مشعل وشادن4سنوات. (منيرة) 25 سنة،طيبة ومرحة وحكيمة وتحب اﻷطفال.. (حنين)24سنة،خوافة وحساسة وعصبية بعض اﻷحيان بس قلبها طيب مايحقد على أحد.. بأي حالٍ عدت ياعيد؟! وجوه غالية..لم تعد موجودة!! صدق قلوبهم&جمال ابتساماتهم دفئ صدورهم&رقة نظراتهم عذوبة همساتهم مــفــــــــــــــــقودة!! من شاركنا عيدنا الماضي لن يشاركنا فرحته بعد اليوم^~^ لن تشعر بدفئه وهــــــــــو يقــــــــــبــــــــلـــــــــــــك مبــــاركا!! لن تنتشي فرحــــــــــــــــاً.. وهو يدعــو لك بالقبول والعمر المديد لن تـــــــبــــتـسم خجﻼ.. عندما يـــــــــــــثـــــــنـــــــــي عليك لن تـــــــهمس له بحب "كلٌ عامٍ وأنت بخــــــــــــــــــــيـــــــر" سيظلٌ عيـــــــــــــــــدك بــــــــــــــﻼ عــــــــــــــيـــــــــــــــــــد!! وستــــــردد دومــــــــــــــــــــــــــــأ "كلٌ عامٍ وأنت ذكرىجميـــلة" البارت اﻷول1426\9\22: هجري في منطقة الرياض وبالتحديد في فيلا أحمد:الساعة الواحدة ليلا العنود: باقي7أيام عالعيد،الهنوف:هذا بدال ماتتحسرين على رمضان!! وتغتنمي الساعات الباقية!! العنود وهي تحك كتفها:آآآآي عورتيني ﻻتضربين؛وبعدين أنا ماقلت رمضان مو حلو بس العيد كمان حلو،الهنوف:روحي روحي تهجدي أحسن لك يمكن ليلة قدر!! زفرت العنود وتحركت بخطوات قوية لغرفتها وهي تمتم بغيظ؛ضحكت الهنوف وقالت وهي تتأملها:ﻻزم الواحد يزفها عشان تصلي،تنهدت اﻷم وقالت:الله يهديها ويصلحها،يوم كنتي بسنهاَ كنتي تصلين وتقرين قرآن بدون ماأحد يجري وراك،ابتسمت الهنوف ﻷمها وقالت:مو الله يكفينا الشر الجيل كل ماله في انحدار!! .....:ياعيني على بنتي العاقلة ربي يحفظها ويحميها؛التفتت الهنوف ﻷبوها وابتسمت له بخجل. خرج خالد من الغرفة وهو يعدل شماغه ووراه عادل،خالد بملل:تكفى يبه ﻻتكبر راسها مايحتاج،شايفة نفسها علينا وﻻ ياعادل؟ عادل وهو يهز راسه: طبعاً طبعاً كل ماقلته صحيح يا أخي الحبيب،الهنوف بقهر:صاير فصيح ماشاء الله! أقول رح صل أنت واياه أزين لكم، خالد بااستهبال:أنظر ياأخي لقد بدأت بنفش ريشها علينا!! عادل يكمل هبال أخوه:ياإلهي هياَ فلنهرب.. وصفقوا أيديهم ببعض وهم يضحكون عالهنوف اللي عصبت عليهم؛الهنوف بعصبية:هيَن إنت وإياه ماخذيني مسخرة هــاه!! شغلكم عندي ان شاء الله،عادل وهو رافع حاجبه:ﻻ تعرفين تهددين بعد!! قاطعه أبوه بحزم: عادل خالد عيـب عليكم تتهاوشون قدامي! يﻼ انت واياه قدامي أشوف تأخرنا والمفروض إمام المسجد مايتأخر!! لحقتهم الهنوف لعند باب الشارع،أول ماخرجوا لقوا4سيارات شرطة وجيب؛مسوين زحمة عند باب الفيﻼ والناس متجمهرين حولينه!! ناظروا خالد وعادل ببعض بصدمة يحاولون يستوعبون اللي يشوفونه قدامهم، تقدم4جنود مدججين بالسﻼح،.....:أحمد هاشم صالح آل.....إنت مقبوض عليك بتهمة***** مازال للجزء بقية أبي تفــــــاعل... |
رد: رواية آلام تتبعها آمال(بقلمي)
بداية مشوقة اخت اميرة ....في تعريف الشخصيات ذكرت ابو عادل انه داخل السجن من سنتين وفي نهاية البارت اشرت ان الشرطة تبحث عنه في بيته ..ارجو التوضيح اذا ممكن
|
رد: رواية آلام تتبعها آمال(بقلمي)
أشكرك جدا على تفاعلك معي ياأختي جزيتي خيرا^_^
لاتستعجلين بقية البارت بيبين كل شيء ..تكملة البارت الأول.. تقدم أربع جنود مدججين بالسﻼح؛...:أحمد هاشم صالح ال....إنت مقبوض عليك بتهمة****؛أمسك به الضابط الثاني بقوة مفاجئة طرحت بشته عاﻷرض!! صرخت الهنوف وهي تراقب الموقف من الداخل،اندفع خالد ﻻشعوريا ودفع الجندي عن والده وهو يصرخ:هيييي حدك إﻻ أبوي؛رفع واحد منهم العصا وضرب بها خالد حتى انطرح عاﻷرض! واندفعوا اثنين مسكوا بأحمد اللي صرخ رغما عنه:ﻻااااتضربه؛صرخ عادل وهو يحاول دفع الجنديين عن أبوه:أبوووي أتركووه وش تبوون فيه!!؟ صرخت الهنوف وهي تندفع للخارج ﻻشعوريا وهي تشوف الجنود يحاولون طرح أبوها؛خالد بعصبية وهو يحاول يقوم من عاﻷرض:أدخلللي؛دفع أحمد الجنود وانحنى ليرفع بشته وغطى به بنته الهنوف. أحمد بحزم وحنان:هنوف أدخلي،صرخت الهنوف من بين دموعها وهي تتشبث بثوب أبوها:ﻻاااترووح يبه خلك معي أرجوووك؛رفع أحمد راسه وشاف التجمهر اللي حوله بوجع الكل قاعد يفرج فيه وهو يتجرجر للسجن"اللهم إني أعوذ بك من قهر الرجال" رمى الجنود بنظرة جمدتهم بمكانهم ،وبعدها دنق على بنته وهمس في أذنيها بكلمات خلت يديها تتراخى عنه؛بعدت الهنوف عنه وطالعت فيه بعيون مليانه دموع ابتسم وهو يتأكد إنه مغطيها ببشته زين؛أحمد بحنان:خليه عندك وإذا رجعت إن شاء الله أعطيني إياه،ضمها وهو يمشي راجع للبيت ودخلها الحوش وهناك لقى نورة وبنتيه البتول والعنود بشرشف صﻼتها رمت الهنوف نفسها على صدر أمها وهي تبكي من قلبها؛ابتسم أحمد بحزن وقال:أستأذنكم؛ضمته العنود وهي تبكي بحرقة ؛أحمد بحنان وهو يضمها:يﻼ روحي صلي وادعي لي انه يكون خير هالله هالله بالصﻼة والقرآن وبأمكم يمكن أتأخر وما أجي قريب... كان يقول هالكلمات وعيونه معلقة بنورة اللي همست وهي تضم الهنوف:الله يحفظك انتبه لنفسك؛أحمد باابتسامة وهو يمرر يده على خدها بحنان:انتبهي لنفسك وللعيال كانت عيناه تصرخ«أنا بريء يانورة والله بريء»نحت ابتسامة على وجهه وقال بصوت قوي:أستودعكم الله وطبع قبلة على جبين طفلته البتول التي كانت تنظر إليهم ببراءة واستغراب!! نورة اللي كان ودها تجري وتمنعه تماسكت لما شافت بنتها العنود تصرخ:أبووي،ضمتها نورة وقالت بهمس وصوت متماسك:أش ادعوا له ادعوا له؛حاولت الهنوف تتفلت من بين يدين أمها وهي تصرخ:أبوووي الله يخليك ﻻتروووووح!! سكر الباب دون أن يلتفت لهم ووقف على عتبة بيته بشموخ وهو يناظر اللي حوله بﻼ استثناء وتحرك بثبات وانحنى يرفع غترة خالد وعقاله وأعطاه اياها ورجع عدل غترته وتقدم من الجنديين وقال:أي سيارة أركب؟ طلع واحد منهم اﻷصفاد وأشر له الثاني بمعنى مايحتاج وقال باحترام وهو يأشر عالجيب:تفضل ياشيخ. لف أحمد على خالد وعادل ومسك يديهم وقبض عليها بحنان وقال:الله الله في أمكم وأخواتكم أستودعكم الله؛اندفع خالد وضم ابوه بصمت وهو يتنفس بحدة أما عادل انسابت دموعه وهو يقول:أبشر يبه انتبه لنفسك وﻻتتأخر علينا الله يحفظكويردك لنا سالم؛ربت أحمدعلى كتفه وقال:خلك رجال مثل ماعهدتك دوم، وانتبه لنفسك وﻷمك وخالد وأخواتك؛ ثم رفع خالد عنه وقال بحزم:وانت بعد خلك رجال وﻻترهق نفسك الين يبرى جرحك وساعد أخوك وﻻتختلفون بشيء الله يحفظكم في أمان الله.. عندما ابتعد أحمد كان خالد يشعر بالبرودة بعد ماشعر بالدفئ في حجر والده؛شافه وهو يتحرك للجيب براس مرفوع وماهي اﻻ لحظات حتى أصبحت سيارات الشرطة تطوق الجيب بشكل يوحي بأن اللي فيه مجرم مطلوب من سنين مو كأنه إمام مسجد كان خالد يشعر بيد عادل تربت على كتفه الذي لم يكن أقل حزن منه وعبارات الحزن والتعازي المزيفة وعيناه معلقة بالمنعطف اللي غاب من بعده الجيب اللي حملوالده اليوم اللي راح فيه أحمد تحول ﻷسبوع . أتى العيد وصدحت تكبيراته المثيرة للنفس والروح وانتهت وهو لم يعد!! ومن عيد ثاني وثالث ورابع لم يعد!! لقد تغير كل شيء.. الوقت الحالي في حي السﻼم بالرياض 1435\3\8 الساعة الثامنة مساء في فيﻼ أحمد:: أخذت العنود نفس عميق وصرخت:خاااااالد؛فز خالد من قوة الصرخة؛خالد بعصبية:بسم الله!! خير ست عنود ليه تصارخين؟؟ تراي جنبك مو بالمريخ!! العنود بعصبية: لاياشيخ؛لي ساعة أناديك،خالد بطيلة بال:اخلصي وش تبين؟؟ العنود: ودني السووق؛خالد بااستهبال:إيش إيش وش قلتي؟؟ ماسمعت زين ممكن تعيدين؟؟ العنود بترجي:تكفى خلودي ودني السووق؛خالد:ههههههههاي سوق اللحين!! ثم كمل بجدية:من جدك أنتي!؟ أقول روحي نامي وراك مدرسة يابابا قالت إيش قالت سوق!! العنود بزعل:خلودي تكفى؛خالد:وش اللي خلودي شايفتني أصغر عيالك!! طنشته والتفتت على عادل وقبل ماتتكلم؛عادل وهو يغطي وجهه بالكتاب:أنا خارج نطاق الشبكة؛العنود وهي شوي وتبكي:مالت عليك إنت وإياه مامنكم فايدة؛طلعت العنود من الصالة زعﻼنة فلحقها خالد وقال بحنان:ماعاش من يزعل عنودتي أوعدك بكرة ان شاء الله أوديك في العصر ﻷن اللحين بالليل مايصلح وأنا أعرفكم يالبنات تتقضون السووق كلله لووديتكم اللحين ماراح تطلعون إﻻ الفجر! ضحكت العنود غصبا عنها على كﻼم خالد وقالت:توعدني؟ خالد:أوعدك ان شاء الله،يﻼ ما أحب أشوف أحد زعﻼن مني،ابتسمت العنود وقالت:الله يحفظك ويخليك لنا،خالد بضحك:آآآمين وتخلي العنود تزعل عشان أراضيها وتدعي لي؛ضربته العنود على كتفه بخفيف وقالت:ياناكر الجميل؛خالد بااستنكار مصطنع:أنا ناكر جميل!!! نورة بصوت عالي:يﻼ ياعيال العشاء جاهز؛خالد:يﻼ يمه جايين اللحين،وبعد العشاء.. فتح خالد يديه وهو يقول:يااهﻼ والله بدلوعتي،وضمها؛البتول:خالد،خالد باابتسامة:ياعيونه البتول بدلع:ودني البقالة،خالد وهو ينزلها عاﻷرض:والحاجات اللي شريتها لك قبل أمس وين راحت؟ البتول:خلصت أكلتاها ووزعت على صديقاتي منها،خالد بضحك:أجل على كذا ﻻزم أشتري لك كرتون هههههههه،البتول:يلا خالد ودني البقالة؛خالد وهو ينسدح عالكنبة:توتة حبيبتي والله تعبان أبي أناام وغمض عيونه؛البتول وهي تهزه من كتفه:خالد يﻼ ودني وبعديين نام،طبعا خالد غفت عينه ونام جد،والمسكينة بتول تهزه بس ماتحرك وﻻأصدر أي صوت!! خافت البتول وركضت ﻷمها في المطبخ وقالت بخوف:ماما ماما خالد ماات؛فزت نورة بخوف وراحت للصالة ولحقوها البنات . اﻷم بخوف وهي جالسة على طرف الكنبة وحاطه راس خالد على يدها:خالد ياولدي قم وش فيك؟؟ صحى خالد على صوت أمه الخايف وناظر لهم بااستغراب وقال:وش فيكم وش اللي صاير؟؟؟ اﻷم وهي تضم خالد وكأنه بيروح عنها:فجعتنا عليك ياولدي؛خالد وعﻼمات اﻹستفهام على راسه:فجعتكم!!! العنود وهي تأشر عالبتول:هذه الهبلة جتنا تركض وتقول خالد مات؛بعد مااستوعب خالد اللي صار انفجر يضحك على بتول الهنوف بااستنكار:اللحين كلللنا بنطير خوف عليك ونهايتها تضحك وﻻ كأن شيء صار!! خالد بضحك:انسدحت عالكنبة ومن التعب نمت وماحسيت بنفسي وأكيد البتول صحتني ومارديت عليها هذا كللل اللي صار.. الهنوف براحة:أووووه الحمد لله،ثم أكملت بعصبية:ويا أستاذ خالد مرة ثاني نام بغرفتك وشو له تنام هنا؟ طنشها خالد ومارد عليها أما عادل رجع الغرفة وكمل نومه،دفت البتول خالد وطيحته عاﻷرض وقالت وعيونها مليانة دموع:أكرهك ياخالد ماعاد أحبك وركضت على غرفة أمها ورمت نفسها عالسرير تبكي؛خالد:والله ماكنت أقصد بتوول،قام ولبس ثوبه وأخذ محفظته ومفاتيحة وتوجه لغرفة أمه؛العنود بااستغراب:بسم الله وش قصتكم أنتوا!! رمى خالد نظرة غضب للعنود وكمل طريقه؛العنود:يمه بغى يأكلني بعيونه!! الهنوف بضحك:هههه ماتعرفين خالد إذا زعلت دلوعته؛العنود بغيض:مالت عليه وعلى دلوعته المرجوجة. «طبعا خالد مايحب أحد يزعل وبالذات بتول وإذا زعلت وﻻ صار لها شيء يصير عصبي مرة ويسوي المستحيل عشانها» خالد بحنان:تويتي يلاقومي أوديك البقالة؛نطت البتول على السرير بفرح ولكأنه صار شيء؛خالد في نفسه"سبحان الله اﻷطفال ينسون بسرعة ليت كل البشر مثل اﻷطفال كان عشنا بسﻼم" في الساعة2:30منتصف الليل:: عادت إليه تلك الذكرى اﻷليمة أكثر من مرة في هذا اليوم!! خالد بألم:يارب رد أبوي لنا سالم؛قام من فراشه وتوضأ وصلى ركعتين وأوتر ودعى ﻷبوه وبعدها طالع لسريرعادل ولقيه نايم؛يبي يلقى أحد صاحي يسولف معه طلع و لقى الهنوف صاحية؛الهنوف باابتسامة:وش اللي مصحيك؟ خالد:أصﻼ مانمت وزين لقيتك صاحية الدجاجة عادل نايم وﻻكان فضيت طاقتي كلها فيه طفش وأبي أحد يسولف معي،جلسوا اﻹثنين يسولفون ﻷذان الفجر.. الهنوف:هاللحين ياخويلد أذن فجر واحنا نثرثر؛خالد بﻼ مباﻻة:طيب وش صار؟ الهنوف بأمر:قم صح عادل وروحوا صلوا بالمسجد يﻼ؛هيي خالد..خالد..ماأسرع نمت! قم صل بعدين نام الصﻼة ﻻتفوتك؛خالد وراسه مليان نوم:يالله ماتخلون الواحد ينام!؟ الهنوف وبدت تعصب:أقوووول قم صل الصﻼة ﻻتفوتك؛خالد:طيب طيب بأقوم اﻵن. بعد صﻼة الفجر:: عادل:وين رايح؟؟ خالد بطفش:أتمشى يعني بالله وين بأروح طبعا بأروح البيت؛عادل:بسم الله وش أنا قلت اللحين شوي شوي علي؛تعال نروح نتمشى بالحديقة شوي؛خالد:أقول عادل والله مو فاضي لك من البارح مانمت أبي أروح ارتاح شوي؛إﻻ على فكرة متى محاظرتك؟؟ عادل9:30ليه؟ بعدين تذكر شيء وقال:ﻻتكفى يرحم والديك نومك ثقييل؛خالد بترجي:تكفى عادل صحني على طريقك؛عادل بتفكير:أممم طيب بأصحيك وإذا ماصحيت مالي دخل فيك طنشه خالد ورجع البيت ورمى نفسه عالسرير وغاص في نوم عميييق... الساعة9:15 صباحا:: عادل بطفش وصوته عالي:خااااالد حرام عليك ياخي حبالي الصوتية تقطعت لي ساعة أصحيك!! خالد؛أففف خلني أنام؛عادل بعصبية:عنك ماصحيت،وطلع للجامعة. بعد وقت صحى خالد وطار عقله وهو يقول:يوووووه الساعة11أففففف الله يعيني عالتهزيء هذه ثالث مرة أتأخر وﻻ لنفس الدكتور بعد!! غسل وجهه ولبس ثوبه وأخذ كتبه وأغراضه وطلع.. عائلة يسودها الحب والوئام.. رغم ابتعاد والدهم إﻻ أنهم يد واحدة.. هل ستجري االرياح يوما بماﻻتشتهيه السفن ؟! وهل هناك أناس قد نال من قلبهم الحقد والكره أم مازالت قلوبهم بخير!؟ وللرواية بقية أبي تفاعل عشان أنزل البارت الثاني.. |
رد: رواية آلام تتبعها آمال(بقلمي)
السلام عليكم ورحمة الله وبركاته مساء الخير للجميع للأسف لم أجد تفاعل ولكن مع ذلك سأنزل البارتيات لعلي أجد مايفرح قلبي ويمكن تكون بداية روايتي غير حماسية لكن اتمنى بإذن الله ان تنال اعجابكم^_^ ..بسم الإله نبدأ.. ....البارت الثاني.. الساعة2:30ظهرا بعد العودة من الجامعة:: عادل:ههههههههههه تستاهل اللي جاك تأخرت على محاظرتي بسببك؛قعدت نص ساعة وأنا أصحيك؛خالد:الحمد لله عدت على خير وماراح الوقت كله تهزيء وانحرمت المادة!! اسمع بعد العصر بودي أمي وأخواتي السوق وش رايك نمر بعدها على أبوي؟ عادل:أكيد بأجي معك لنا يومين مازرناه؛أجل خلاص5:30 ان شاء الله نكون عنده؛عادل:ان شاء الله. قالها عادل وهم داخلين البيت؛خالد:بسم الله!! البتول وهي تتخبى ورى ظهر خالد:العنود تبي تضربني؛خالد :وليه تضربك؟ العنود بعصبية:خالد ﻻتدخل،شقت دفتري اللي تعبت عليه وخر والله ﻷضربها؛خالد بعناد:ﻷ مابوخر ويﻼ وريني وش بتسوين!! وحرك حواجبه يغيضها.. العنود ودمها يفور:خاااالد وخر والله ﻷضربها؛خالد:والله ما أحد قالك ارميه وﻻتهتمي فيه طفلة صغيرة وش تبينها تسوي يعني؟؟ ضربت العنود البتول وقت ماخالد كان يتكلم،خالد بعصبية:وقدامي بعد هاه!!! البتول وهي تبكي:كنت أطارد ميمو وبالغلط دعست عالدفتر وانشق؛خالد:خﻼص حبيبتي ﻻتبكين أنا اﻵن أضربها؛مسك خالد يد عنود بقوة خفيفة؛العنود بألم:آآآآي عورتني خالد زفت فك يدي والله ﻷعلم أمي،خالد:قولي توبة ماأعيدها؛العنود بعناد:ﻷماني قايلتها؛زاد خالد بالضغط وهو يقول:قوولي توبة ماأعيدها،العنود:أأي خﻼص توبة ما أعيدها فكها خالد وهو يضحك وقال:هاه توتة رضيتي اللحين؟ البتول بنذالة:ﻷ أضربها زيادة؛العنود بااستنكار:لاياشيخة ومن أنتي عشان تتأمرين ست بتول!؟ ﻻوإنت تنفذ!! الله أكبر صاروا الصغار يتأمرون والكبار ينفذون!!! الهنوف بعصبية:خلوا مناقرتكم لبعدين أمي مسكينة انبح صوتها وهي تنادي اﻷكل صارثلـــــــج! عادل:طيب جايين اﻵن. في العصر:: الهنوف:متى بترجعون؟ خالد:صﻼة المغرب ان شاء الله؛العنود:وحظراتكم ليه ماتقعدون معنا؟ عادل:أوﻻ رايحين مشوار؛خالد:وثانيا خلي اللقافة وبﻼش أسئلة فاضية ؛عادل:وثالثا وأخيرا يﻼ أنزلوا قبل ﻻنهون ونرجع البيت! العنود:ﻻﻻ خﻼص نازلة ماصدقت نروح السوق؛نورة:اللي يسمع كﻼمك يقول لنا سنة مارحنا السوق واحنا تونا قبل اسبوعين نازلينه،العنود:بس يمه في حاجات كثيرة ماأمداني أشتريها؛الهنوف:أقوول انزلي ﻻعصب عادل وش يفكنا منه! راحوا خالد وعادل وزاروا أبوهم ومر اليوم بسﻼم. مازالت اﻷمور مستتبة تجرب بأريحية للجميع.. ومازال كل شيء على مايرام.. هل سيبقى هذا اﻷمن مستقرا؟! وهل ستظهر شخصيات أخرى في اﻷجزاء القادمة؟؟ كل هذا وأكثر ستجدون اجابته في اﻷجزاء القادمة.. "بالنسبة لميمو هذا قط شراه خالد لبتول هدية نجاحها لسنة ثاني" |
رد: رواية آلام تتبعها آمال(بقلمي)
°°البارت الثالث°° يوم الثﻼثاء:3/2/1428هجري في كل يوم أربعاء تجتمع العائلة في اﻻستراحة؛وهذه اﻹستراحة ملك ﻷحمد أبو عادل وهو اللي بانيها.. أسرار:ألوو هﻼ عنودي؛العنود:مابغيتي يالدوبا الحمد لله عالسﻼمة أخبارك؟؟ أسرار:هههههه الحمد لله بخير أنتي كيفك؟؟ اشتقت لكم؛العنود:إيه إيه باين ﻻاتصاﻻت وﻻشيء،المهم أخبار عمي وخالتي وأثورة؟؟ أسرار:والله الحمد لله كلهم بخير؛تونا واصلين أمس،العنود:إيه أدري خالد قال لي؛هاه بتجون بكرة اﻹستراحة؟! أسرار:أكيد ان شاء الله أسبوع كامل ماشفناكم!! والله اشتقت لكم ولسواليفكم وخبالكم؛العنود:تصدقين عااد هجدوووا بعد مارحتي بس بكرة ان شاء الله نبي نغير الجو؛أسرار:ان شاء الله عن إذنك ياعسل بروح أرتب أغراضي وبكرة نتقابل ان شاء الله؛العنود:إذنك معك حبيبيتي يﻼ في أمان الله. خالد:ياخي والله إنه حالة؛ﻻزم نشوووف حل،حسان بعد تفكير:لقيتها!! نسوي فيه مقلب؛خالد:الله يستر من مقالبك هذه!! حسان وهو يدق الصدر:إن ماطلعته من بروده ما أكون حسان؛شوف أنا أقولك وش نسوي........................فهمت؟ خالد بعدم اقتناع: على مسؤوليتك!؟ حسان:ماعليك يارجال كل شيء على مسؤوليتي؛خالد:أجل خﻼص بكرة ننفذ ان شاء الله،دخل عليهم فهد وهو يقول:وش تسووون!!! حسان بفزع:بسم الله من فين طلعت انت؟ فهد:أكييد وراكم مصيبة؛خالد:أبد سﻼمتك ياابن عمي العزيز وابن خالتي الغالي؛فهد:ﻻاااا دام فيها كﻼم زين أكيد وراكم شيء أعترفوا؛حسان:ياخي إنت وش دخلك قاعدين على راسك احنا؟؟ نبي نسوي لنا برنامج لبكرة باﻹستراحة؛فهد:إيه برامجكم كالعادة بدايتها مناقرة ونهايتها مصيبة الله يستر منكم؛حسان:ليه التشاؤم تفاءل خير فينا؛دق جوال خالد.. خالد:ألوووو السﻼم عليكم؛عادل بعصبية:وين حظرتك؟ خالد:بسم الله طيب رد السﻼم أول؛عادل:وعليكم السﻼم والرحمة؛خالد:أنا في بيت عمي علي؛عادل بااستنكار:ماشاء الله ﻻشغل وﻻمشغلة هاه،وأنا انكسر ظهري ماغير أودي وأجيب مع عمي محمد!! خالد:عويدلووه وشو له مستعجل!؟ وغير كذا ياحبيبي أنا اللي دايم أشرف على تنظيف الإستراحة وأظبطها خلك تحس بالتعب شوي؛عادل:اسمع ﻻيكثر10دقايق وانت عندي فاهم!؟ خالد بدهشة:ليييه وش شايفني صاروخ يبي لها عاﻷقل نصف ساعة بالطريق ألووو... عادل..عادل..أفففف سكر بوجهي مو فالح اﻻ بالتهزيء وأعطاء اﻷوامر!! حسان:أووه الله يعينك عليه؛فهد:روح روح قبل ﻻيطق به عرق؛خالد:ههههههه أجل يﻼ استأذن؛حسان:الله يحفظك فهد:ﻻتسرع بالطريق؛خالد:وفر نصايحك لنفسك والله ماأدري من اللي يطير بالسيارة طيران أنا وﻻ إنت!! وطلع على ضحكهم.. سلطان:السلام عليكم يبه؛إبراهيم وعيونه عالأوراق اللي على المكتب:وعليكم اخلص وش تبي؟ سلطان:آ.يبه أعمامي بيجتمعون بالإستراحة بكرة؛إبراهيم:والمطلوب؟ سلطان:بنروح أنا و...قاطعه إبراهيم بعصبية:روح المكان اللي تبي مو شغلي ويلا انقلع مو فاضي لك؛طلع سلطان من مكتب أبوه مكسور الخاطر؛"آآه يبه ليتك تحس فينا شوي "ابتسم وهو يناظر لأخته اللي جالسة تلعب؛سلطان:سارونة عندي لك مفاجآة؛سارة بااستغراب:وشهي؟ حلوة ولا لأ؟ سلطان:هههه دامها مفاجآة أكيد بتصير حلوة؛بكرة بنروح الإستراحة؛نطت سارة في حضن أخوها والفرحة مو سايعتها وهي تقول:أخيييرا بشوف بتول وألعب معها كثيـــــــــر؛سلطان بحنان:بس هاه تسمعين الكلام،سارة:حاااظر ؛سلطان:قولي ان شاء الله؛سارة:ان شاء الله.. مازالت الأحداث تسير على مايرام.. بعض الآباء لايهتمون بأبنائهم فهل ياترى سيتغيرون يوما ما!؟ أحداث كثيرة مازالت تنتظركم... نهاية البارت... |
رد: رواية آلام تتبعها آمال(بقلمي)
~ البارت الرابع~ مقدمة للبارت الرابع وللمعلومية منقول وأنا عدلت بعض الأشياءهل شاهدتم يوما كيف تندفع مياه الأنهار؟؟ بهدوء ورتابة..لايوقفها أي عائق..مخترقة أعماق الغابة.. هل رأيتم كيف تسير حمم البركان؟؟ ساخنة مشتعلة..تكتسح ماحولها..تنهشها بحرارتها اللامحتملة!! هل أبصرتم كيف يتحرك العصار؟ بصخب وضوضاء..مقتلعا كل مايمر به.. دون أي استثناء!! هذه هي الحياة:تسير بهدوء ورتابة..بصخب وضوضاء..بحب وهناء..بوجع ومرارة.. هذه هي الحياة:تكتسحنا أحداثها يوما بعد يوم..تخترق قلوبنا وربما تقتلعها أحيانا!! ولكنها رغم هذا كله تسير وتسير دون توقف..لن تتوقف لبرهة لأجل هذا ولاذاك..لن تنتهي عند موت هذا ولاعيش ذاك..لن تنتظرك لجمع شتات نفسك!!! هذه هي الحياة!!!!!!!! °°البارت الرابع°° يوم الأربعاء:4/2/1428 في الرياض وبالتحديد في الإستراحة.. الساعة5:30مساءا بعد صلاة المغرب.. ----------------------------------------------------------------------------------------------------------------------------------- فهد:أنا وعادل وعمر وسلطان ووائل وعمي محمد فريق؛وسامي وخالد وحسان وريان وراكان وفارس ويوسف فريق؛عبد الرحمن:وأنا الحكم .. بدؤا يحددون قائد الفريق ويوزعون بقية اللاعبين في أماكنهم وبدأ اللعب. وعند البنات: العنود بملل:أفففف طفش؛مافيه شيء نتسلى به!! أسرار:أنا بأقولكم سالفة صا...قاطعتها ريم:لااايرحم والديك خلي سواليفك لك حفظناها من كثر ماتعيدينها؛أسرار بنص عين:الله أكبر اللي يشوفك يقول ماعمرنا ملينا من سواليفك! أثير بطفش:أووه من يسكتهم اللحين !! الهنوف:ههههه عادي متعودين عليهم؛...:لقيييتهاا،فزو ا من قوة الصرخة؛الهنوف بعصبية:وجع أهل الرياض كلهم سمعوك ياست عنود،طنشتها العنود وهي تقول:بأروح أجيب الكيرم من قسم العيال؛غادة:مالنا ومال المشاكل؛غيداء بحماس:يلا عنود نروح نجيبه؛ريم:لا فكونا من المشاكل وش يفكنا منهم لاعصبوا بيسوون حرب عالمية؛العنود وهي تهز كتوفها بلا مبالاة:بنلعب شوي ونرجعه لهم مارح ناكله !! غيداء:ماتبون تلعبون بكيفكم يلا عنود ... طبعا راحوا غيداء والعنود يجيبون الكيرم من غرفة الأولاد ومايهمهم إذا تهزؤوا.. في هذا الوقت عند الشباب:: حسان بصوت منخفض لخالد:يلا ياخالد هذه فرصتنا أنا بأشوت الكورة جهة المسبح وانت قل لفارس يلحقها وروح وراه؛خالد:أوك يلا شات حسان الكورة؛خالد بصوت عالي:فارس الحقها لاتطيح بالمسبح؛راكان:حسانووه أحول ماتشوف!؟ صار فارس قريب مرة من المسبح ووراه خالد على طول،خالد:واحد،اثنين،ثلاثة طراااااخ جوة المسبح؛توقف الكل عن اللعب وتجمعوا حولين المسبح؛خالد وهو يلقط أنفاسه بعد ماخرج راسه من الموية:لااجوالي احترق !! كلللله بسببك حسانوه انت وخططك اللي مثل وجهك !!! يوسف:هيي انت واياه شسالفة!؟ وانت يالخبل كيفطحت!!! خالد بقهر:كله من بركات حويسن الدجاجة؛حسان بضحك:ههههههه أنا دجاجة يانعامة!!! محمد:ياهوو شسالفة؟! وائل:أقول أنا رايح البيت مالي خلق ألعب وراح. خالد:السالفة كلها ان... حسان بتهديد:خويلد اسكت أحسن لك؛خالد بتطنيش وهو يكمل:أنا وهالدجاجة اتفقنا نسوي مقلب بفارس وهو ان نطيحه بالمسبح بس انقلب السحر على الساحر وطحت انا بداله وكله بسبب مخططات حسان اللي ماوراها إلا المصايب؛بعد مااستوعبوا اللي صار انفجروا ضحك؛خالد بحسرة:إيه اضحكوا وش وراكم !! فارس بزعل:أجل تتآمرون علي انت واياه هاه هييين بيجيكم يوم ان شاء الله؛حسان بضحك:من حفر حفرة لأخيه وقع فيها ههههههه؛خالد بااستنكار:نعم نعم نعم ومن اللي دبر هذا كله سيد حسان !! وثانيا ترى بتشتر لي جوال عوضا عن هذا اللي احترق ومن حسابك بعد؛حسان:لاياشيخ جالس على بنك أنا أول شيء ماحد ضربك على يدك وقالك طعيني وثاني شيء جوالك وش علي فيه!!! أذن لصلاة العشاء؛أبوفهد:يلا ياعيال تجهزوا للصلاة؛الكل بأصوات متفاوته:أبشر ان شاء الله خالد:هيي انتظروني أبدل وأجي بعد الصلاة:: أبو سامي:ياويلكم لو تأخرتوا؛خالد وريان وراكان وسامي:مابنتأخر ان شاء الله؛أبويوسف:وأنتوا يالثنائي المرح(يقصد ريان وراكان)أمشوا عدل وخلوا خبالكم؛ريان باابتسامة:الله يهديك يبه ترى محنا صغار عشان توصينا خالد:أقول ياخالي ماعليك فيهم أبكون بصفهم بالخبال آ.آ.أقصد ابكون أعقلهم وأعقلهم لك بعد؛ضحك أبو يوسف وقال راكان بنص عين:لاياشيخ تعقلنا هاه ! ابو سامي:أقول ماتلاحظون انكم زودتوها شوي؟؟ سامي:الآن بنروح يلا شباب؛خالد بعبط:أفاا ياعمي لهالدرجة تبي الفكة منها !! نزل أبو سامي العقال وأشر به على خالد وقال:خالد ماودك تروح قبل لا تاخذ لك علقة زينة من هالعقال!؟ خالد بضحك:لا لا خلاص بروح بس...أبو سامي بتهديد:خااالد؛ضحك الكل وهم يشوفون خالد يتخبى وراء سامي؛بعد مااشتروا العشاء وتعشوا فهد:شباب نبي شيء يسلينا طفشت؛عادل:وش رايكم نلعب كيرم؟ سامي وهو يعدل جلسته:إيه والله خلونا نلعب كيرم؛عمر:أنا بأروح أجيبه؛دور ودور ودور بس مالقاه؛.....:تبي الكيرم؟؟ عمر بفزع:بسم الله خوفتيني ايه ابيه وينه؟ البتول:شفت عنود وغيداء ياخذونه في المغرب؛عمر:أف روحي جيبيه منهم؛البتول:روح انت؛عمر بفشلة:لا ما أقدر أستحي؛البتول:مالي دخل أبروح العب مع سارة؛عمر:طيب يابتول مارح أشتري لك حلاوة وعصير،البتول وهي تطلع لسانها:عاادي خالد بيشتري لي؛رجع عمر الملحق اللي جالسين فيه الشباب؛سامي:لك ساعة اللحين وبالأخير ماجبت شيء!! وش كنت تسوي أجل؟؟ عمر:تقول بتول:العنود وغيداء أخذوه بالمغرب؛عادل:أجل عنيدووه هيين أنا أوريها كم مرة حذرتها ماتاخذه بدون اذن،خالد:أقول ارتاح انت لاعصبت شيء ثاني ترى كلها لعبة أنا بروح أجيبه؛وبعد البسطة والوناسة كلن رجع بيته.. في طرف آخر من مدينة الرياض؛ذلك البيت الحزين متآكلة جدرانه متهالكة أبوابه؛كانت تجلس في زاوية تلك الغرفة التي لطالما حملت الذكريات الحزينة والأليمة؛الذكريات تمر عليها كالسيل الجارف لمشاعرها! ذاقت أنواع الذل والعذاب في هذا البيت؛لاتدري ماتفعل أو الا أين تذهب!! خالها وزوجته أذاقوها المر والألم؛تعبت بمافيه الكفاية إلى متى هذا الظلم والعذاب!!! جمعة ودية بين الأسرة لايشوبها الحقد ولا الكراهية.. ياترى هل ستستمر حياة هادئة!؟ من هي تلك الحزينة وهل هي من أبطال روايتنا؟! وما قصتها!!! كل هذا وأكثر ستجدون إجابته في الأجزاء القادمة.. نهاية البارت |
رد: رواية آلام تتبعها آمال(بقلمي)
أكتفي لحد هنا أتمنى ألقى تفاعل... |
رد: رواية آلام تتبعها آمال(بقلمي)
لـــــــــــــــيــــــــــــــــــــــــــه مافيه تفااااااااااااااااااااااعل!!!!!!!!!!!!!!!!!!!!!!!!
|
رد: رواية آلام تتبعها آمال(بقلمي)
تغلق إلى حين عودة الكاتبة
|
| الساعة الآن 03:44 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية