يتامى زمن قاسي
 

بسم الله الرحمن الرحيم
السلام عليكم ورحمة الله وبركاته

بصراحه بعد تفكير طويل قررت انزل وحده من رواياتي

كتبت روايات كثيره لكني لم احصل على الدعم الكافي لإكمالها

هذه اول روايه اتجرء وانزلها بعالم المنتديات

والسبب اني اريد وبشده اكمالها واريد منكم دعم لا تخيبون ظني فيني فأنا متفائله جدا بكم

قرأت كثير من روايات المبدعات في هذه المنتدى والمنتديات الأخرى
وحبيت ان يكون بداية مشواري في هذا المنتدى دون غيره من المنتديات

انا مبتدئه في الكتابه وياليت تفيدوني بالنقد البناء


هذه روايتي وهي بعنوان [ يتآمى زمن قآسي ]

سأنزل اول جزء بها

والجزء الثاني سيكون بعد دعمكم ^^

رد: يتامى زمن قاسي
 

[ يتآمى زمن قآسي ]*
الجزء الأولى ...



صوت إمي لا يفارقني وهي تهمس لي في أول يوم في حياتي خارج المملكه : إبني ، نم جيداً ولا تنسى إغلاق الباب خلفك قبل نومك*
، لا تدخل شخصاً غريباً الى منزلك*
، فهذه البلاد لا يوجد بها أمان ، أرجوك ، إنتبه لنفسك جيداً ... وعُد سريعاً !! *
.
.
كم إشتقت لكِ كثيراً وكم إشتقت لثرثرتك الطويله عن القياده بسرعه جنونيه وعدم الأكل جيداً !!*
أُمي أتمنى لكِ نوماً هنياً في عالمك الأخر بعيداً عني وعن إخواني*
.
.
******************************
" عمار ، عمار ... "*
نهض ليفتح الباب وهو يهمس : نعم ! وش فيك كسرت الباب*
الفتى بخوف : عمار ، ابوي ابوي مدري وش فيه*
عمار حين سمعه يتحدث عن امر يتعلق بوالده*
تركه عن باب غرفته وهو يركض متوجهاً نحو غرفة والده*
كان الباب مفتوحاً وهو يسمع أنيناً خافتاً بالداخل*
سحب قدماه بعصوبه وهو يشعر انه يختنق*
" يبه ، يبه الله يخليك لا تخلينا ، يبه !"*
الأب بهمس : عمار !*
قفز اليه وهو يبعدهم عنه ويهتف بسرعه وهو يقبل يداه : عيونه*
ابو عمار : اخوانك يا عمار اخوانك*
عمار بهمس : لا تخاف يبه ، بعيوني*
ابو عمار همس بالشهاده بصوت خافت وبعدها شهق بقوه ليسكن جسده عن الإرتجاف*
عمار بهمس : يبه !*
.
.
******************************
كان كل هذا قبل سنتين*
توفيت أمي في أثناء بعثتي لبريطانيا*
وقبل تخرجي بسنه ، لأضطر لتقديم إجازه لحتى ينتهي العزاء اعلم جيداً اني لن استطيع متابعت الدراسه بعدها*
لكني قهرت نفسي واكملت طريقي بعد وفات أمي بشهر
تخرج وأخذت الشهاده التي كنت احلم بها طويلاً*
استطعت اخذ الدكتوراه وتوظفت في احدى الجامعات*
وبعد توظفي عملت لمدة سنه واحده لأنصدم بالخبر الأخر الذي هزني بعنف*
[ وفات والدي بأزمه قلبيه ! ]*
اضطريت ان انتقل انا وإخواني لمنزل عمي*
لكثر من الأمور اجبرتني على ذلك واولها*
قرب منزل عمي من مكان عملي بعكس منزلنا*
.
.
*******************************
هاهي السنه الثانيه من بعد وفات ابي*
اسكن مع عمي بعد ان اجرى تعديلات بسيطه لمنزله حتى يمنحنا الحريه التامه*
.
" عمار ما تعبت من القرايه .. ! "*
انزل نظارته الطبيه فقد اصيب بضعف النظر منذ ان كان في السادسه عشر من عمره*
فهو كان يجهد عيناه بالقراءه المتواصله : الا بس لازم اخلص قبل الصبح*
جالس بجواره : ها تخطط على تدمير عقول الطلاب*
عمار بإبتسامه : شي من هذا*
زين خلنا من الجامعه والمحاظرات وقول لي*
راكان وين*
اسند رأسه على الأريكه : قصدك شيطان*
شيطان في الغرفه يتعارك مع فهيد ولد عمك*
عمار بصدمه : من جدك ؟*
اخذ جهاز التحكم الخاص بالتلفاز : اجل وين بيروح ، اكيد نايم هالوقت بيجلس من الصبح ! *
عمار بغضب : جراحوه ، عن التمسخر*
ويلا اسبقني للجامعه انا بروح اشوف اخوانك والحقك*
جراح بهمس : ماني رايح اليوم*
عمار رفع حاجبه وهو يهتف : وليش إن شاء الله .. !*
جراح : بس كذا ، مالي مزاج*
عمار بهمس : بس هذا اليوم بس..*
خرج من الصاله متوجهاً نحو إخوانه الثلاثه بالغرفه المجاوره للصاله*
اما جراحاً فقد تمدد على الأريكه وهو يتذكر ما حدث له بالأمس مع احد زملائه بالجامعه*
.
.
********************************
" فواز ، فصيل ، راكانوه ... "*
" اوووف يعني الواحد ما ينام هنا ! "*
عمار بنبره غاضبه : يلا قوموا*
ولا ترى بجيب الماي واعلمكم كيف تقومون*
قفز طفل في عاشره من عمره وهو يهتف بتضجر : عماروه وراى ما تروح الجامعه وجراح يجلسنا*
عمار بثقه : ومن متى اروح الجامعه الساعه 6 ونص الصبح !*
عاد لسريره وهو يهتف بصوت ناعس : امس رحت هالوقت*
عمار وهو يبعد عنه الغطاء : امس جلست بدري مدري وش صاير لك*
لم يعطيه اي اهتمام وهو يغط في النوم ليقف بلا شعور وهو يسمع صوت اخوه الغاضب : راكـــــــــانــــــوه ..*
توجه للحمام بسرعه*
اما عمار فقد جلس على احد الأسره*
وهو يهتف بنبره حاده : فصيل متى بتقوم ؟*
فيصل : بعد اشوي*
عمار : قوم ..
فيصل : عمار ...*
قاطعه وهو يهتف بحده : قووووم*
فيصل بيأس وهو ينهض من السرير : زين زين هذا قمنا*
توجه فيصل للحمام الأخر*
بينما عمار وقف خلف احد يقف امام المراءه ويوشك على الإنتهاء*
هتف بهمس هادئ : فواز*
التفت اليه ليظهر له وجهه فيصل*
هز رأسه بالموافقه لينهض عمار ويخرج من الغرفه*
فـ فواز هو تؤام فيصل لكنه يختلف بأنه لا يتكلم*
ولكنه يستطيع السماع*
والسبب يعود لمرض أصابه في حنجرته*
جعلته يفقد صوته تدريجياً حتى إنقطع*
وقد إصيب به وهو في الخامسه من عمره*قد يكون يوجد له علاج لكنه رفض هذا كليا بحسب فهمه ان هذا افضل له من العلاج !!
مما جعله يدرس في مدرسه تختلف عن مدرسته تؤامه الذي يتمتع بصوت عالي وذو حده تشبه حدت جراح*
فقد اكملوا قبل شهرين العشرون*
وبسبب إهمال فيصل الشديد لدروسه أعاد الكثير من السنوات وأكثر في السنه الأول ثانوي فقد أعادها ثلاث مرات .. وهو الآن يفكر في إعادة السنه الثانيه لثاني ثانوي !!*
إنتهى من تجهيز نفسه وخرج ليلتقي بإخوانه حول طاولة الطعام*
راكان بصراخ : انا ما احب العسل ليش تحط لي عسل ها*
جراح بغضب : كان قلت لي قبل ما اسويها منو بياكلها الحين*
جلس بجانبهم وهو يشير لجراح : انا اكلها*
صحيح انه لا يوجد احد منهم يعرف لغة الإشاره الا فيصل الذي اصر على عمار بعد كل يوم دراسي له ان يأخذه لأحد مدارس لتعليمه هذه اللغه*
الا ان الجميع هنا يفهمون بعضاً من إشاراته وان لم يفهموها يترجم لهم فيصلاً
فيصل بتأفف : واحنا إن شاء الله متى بيجي دورانا*
جراح بنبره غاضبه : ليش وش تبي انت بعد*
فيصل : ابي الخبز *
جراح اعطاه الخبز ، ليباشر هو بالأكل*
اشار فواز لعمار ، ليعقد حاجبيه وهو يهتف : ما فهمت !*
إبتسمت بهدوء*
لهتف فيصل وهو يضحك : يبي حليب ، دايماً تنسى هالحليب مو راضي تحفظه*
عمار بسخريه : لاني اشربه*
راكان بهمس : يلا تأخرنا حييل صارت الساعه سبع وما قمنا*
مو انتوا اللي راح تحصلون تهزيئ من الصبح*
عمار بهمس : انت اخر واحد تتكلم عن التأخير*
.
.
*******************************
في الجانب الأخر من نفس المنزل*
" اووف وعدوه ، وخري خلني امشي قبلش ترى أخرتيني بسبب هالشعر اللي مو عارفه تضبطينه .. "*
وعد وهي تعيد ترتيب شعرها للمره الخامسه في منتصف السلالم : والله المكان وسيع عندش هنا ، طوفي مالت عليش*
حالما إنتهت منه بدأت بالمنزول مره أخرى لكنها لم تسعد كثير حتى سقطت الربطه مره أخرى
حينها صرخت أختها وهي تنتفض غضباً : وعييييد امشي رتبيه تحت*
وعد وهي تلتقط الربط من على السلالم وتباشر بالنزول : مو علشانش ترى ، بس لاني ابي اغيرها*
وعد إحدى بنات عم الشباب الخمسه*
تتميز بأن لها شعراً ناعماً جداً وذات بشره صافيه فهي اكملت الرابعه والعشرين من عمرها*
وهي الأن تدرس في أحدى الجامعات*
وبسبب تأخرها في التسجيل بالجامعه*
تأخرت في التخرج ...*
هي الأن بالسنه الثانيه*
وتطمح بإنجاز الشهاده العليا ( الماجستر )*
ورغم إهمالها الشديد للدراسه الا انها تستطيع ان تحصل على درجات عاليه بسبب ذكائها ودقتها في المحاظرات التي تحرص على حظورها بإنتظام*
وعد حينما إنتهت من نزول أخر سلم إلتفت لأختها وهي تهمس بخبث : إسريو ليش مستعجله حيل اليوم العاده تطلعين 7 ونص ولا 7 وربع عادي ، اليوم الساعه 7 الا ربع ومستعجله وش السالفه؟!*
إسراء بغضب : وش قصدش ؟! وش تبين توصلين له ؟*
وعد وهي تعود للسير : أبد حبيبتي ما قصدي شي أسأل وبس ..*
بغضب وهي تتعداها تنزل أخر ما تبقى لها من السلالم : شنو شايفتني ؟؟*
اصلن انا عارفه وش تقصدين بس ماعليه احسابش بعدين يالبطه*
وعد بصدمه وهي تشير لنفسها : انا .. انا تقولين لي احسابش بعدين*
وبطه بعد !!*
إسراء : ايه وش فيها ؟؟*
انا اقول للكل كذا ، منو انتي عشان افرق !!*
وعد بعدم إهتمام فهي تعرف جيداً اختها الصغرى ، لا تمل من الخناق طوال اليوم*
فهي حادة اللسان وقويه شخصيه*
تختلف عن اختها وعد التي تتميز بالهدوء والخجل الشديد بجمالها الزائد ولذلك بسبب شبهها الشديد بجدها ام امها التي كانت إمراتيه الجنسيه لكنها تعود لأصل تركي !!*
وعد بهمس : روحي حبيبتي ، لا يفوتك شوفت حبيبي القلب قبل ما يروح دوامه*
إسراء بصدمه : نعـــــم !!*
وعد وهي تضحك لردت فعلها : سلامتك ياروحي*
يلا سلام بروح افطر مع مامي*
" وين يا بنات ؟؟ "*
التفتت الفاتان لمصدر الصوت وهما تبتسمان : اهلين الوافي*
الوافي بإبتسامه : يلا يلا إسراء ع مدرستش*
إسراء : الوافي ترى اقول حق أبوي تعايرني*
الوافي وهو يضحك : زين زين ، يلا فارجي عن وجههي*
تركهم لوحدهم لتنظر إسراء لوعد بحقد اما وعد فقد بإبتسمت بهدوء وهي تخرج للغرفه المجاروه لتناول الإفطار*
إسراء توجهة للخارج على عجل فهي أخبرت والدها انها ستذهب اليوم مع الحافله الخاصه*
لكنها لم تأتي بعد فهي كثيراً ما تتأخر.
بقت واقفه لمده قصير لتتفاجأ بخروج احدهم من المجلس*
اسرعت للداخل وهي تنظر من خرج تعلم انه احد أبناء عمها لكنها إنتابها فضول لمعرفة من منهم مع انها لا تعرفهم ابداً*
فهم لم يلتقوا بهم في حياتهم ابداً عدا إخوانها الذين كانوا يزورونهم في المناسبات بسبب سكنهم بمنطقه بعيده عنهم*
اما عمهم فقد كان يأتيهم بنفسه*
للسلام عليهم وفوراً يرجع لمنزله*
انتبهت لشخص طويل القامه وهو يضحك بصوت عالي : الله يقطع شرك*
من جد غباء*
جراح : ايه غير انا مسخره لك*
فيصل : لا بس ، ههههههههههه*
غبي غبي*
جراح : فصيل ، ترى ارجع انام واخليك تروح مشي الحين*
فيصل بإبتسامه : عادي ترى أشوف سيارة الوافي بعدها موجوده*
جراح : اجل إنقع لين يطلع لك الوافي
فيصل بصدمه : تعال ، جراح ، تعال امزح معك*
اووف وش هالبلشه بعد ؟*
سمع صوت إحدى الحافلات عقد حاجبيه وهو يهمس : منو جاي هالوقت ! *
" إسريو ، الباص جاه ورا ما تطلعين ! "*
توترت : ها ، ايه ايه ما سمعتها*
البس نعالي بس*
الوافي خرج وهو يدنن بمرح ليلتقي بفيصل خارجاً*
الوافي بإبتسامه وهو يضرب*فيصل من خلف : السلام ، وش عندك واقف هنا*
فيصل التفت وهو يبتسم : وعليكم ، الله جابك*
الوافي بخبث : خير ان شاء الله*
ترى توصيل مو موصل*
فيصل بضيق : افا ، هذا وانت ولد عمي وحبيبي وووو*
تكفى ، جراحوه على انه بيوديني بس النذل سحب عليّ*
الوافي : تستاهل ، لانك من جد طويل اللسان*
ماخذ حق اخوك بعد*
فيصل بضيق اكثر : ايه ، الله يعينه*
ثم همس بهدوء : زين الزبده بتوصلني ولا ..*
الوافي بخبث : حبيبي طريقي غير عن طريقك*
فيصل بعصبيه : مشكور*
بعدها تركه وهو يسير متوجههاً لمدرسته*
اسراء خرجت وهي تحاول الإسراع فقد تأخرت كثيراً لتشاهد فيصل وهو يسير لوحده*
صعدت الحافله وهي تفكر " وين بيروح هذا !*
او ف وش هالسؤال الغبي .. ! "*
" إسراء ، منو هالخقه اللي طلع من بيتكم ؟؟"*
إسراء بعصبيه : انتي وش دخلش ؟!*
الفتاه : ابد أسأل ، لانه ما يشبهكم ، وانا اعرف اخوانش كلهم هذا غير*
إسراء بغضب : اقول بلعي إلسانك لا اصكش بالشنطه على راسش*
صج قليلة حيا ، وش لش خص منو اللي طلع ومنو اللي دخل بيتنا !! هاا*
الفتاة سكتت فهي تعرف انها لن تسلم منها*
لا الآن ولا حتى بالمدرسه فهي لن تسمح لها بالتكلم عنها والتدخل في شؤون حياتهم*
.
.
************************************
" وااال شوف هذا ... ! "*
التفت بسرعه : وين وين ؟؟*
افا راحت عليه هههههههههه*
" وليد باقي يوم يقول .. "*
" وين هذا تأخر .. "*
" الف مره قايل لك لا تتدخل فيني مو ابوي انت!! "*
" يووه شوف شوف منو جاي ، ههههههههه "*
وصل أخيراً لمكتبه وهو يفتح الباب بهدوء ، فتح ازرار ثوبه العلويه وهو يضع حقيبته على الطاوله*
اخذ اوراقه وخرج سريعاً*
وهو يدخل احدى القاعات*
وضع كتبه على المكتب وهو يهمس : السلام عليكم ...*
سمع صوت خافت من الرد*
" دكتور لو سمحت سكر الباب ... ! "*
تقدم بخطوات ثابته وأغلق الباب*
وبعدها عاد و وقف في المنتصف*
امامه زجاج وخلف الزجاج مكان مظلم وهنا يوجد به الفتايات التي يحظرنا محاظرته*
ابتسم بهدوء : اول يوم لكم بالجامعه*
" ليش ما تبدع وخلصنا *..!"*
عمار بحده : اللقافه هذه ما احبها ...*
" مو لازم تحبها ! ، انا عاجبتني !! "*
عمار بخبث : زين ، منو يكلمني ؟*
الفتاه بثقه : شهد عبدالعزيز*
عمار بإبتسامه : شهد !*
شهد بعصبيه : ليش مستغرب ، ترى من بركاتك*
عمار : زين ، خلينا نشوف انا ولا انتي في النهايه*
وانا مراح اغير شي*
شهد : اتفقنا*
عمار : زين للي ما يعرفني ، الدكتور عمار ، وتخصصي الحاسب الآلي*
.
.
****************************
في منزل العم الشباب الخمسه مجتمعون مع احد ابناء عمهم*
" ترى الشغله كلها مو شي ، شوف لك تخصص ثاني ... "
فيصل بصدق : انا افكر اترك الدراسه بكبرها*
جراح بغضب : مو على كيفك ... بتكمل وبتتخرج بعد*
راكان بسرعه : صج احسن لك اصلن وش لك بالدراسه و وجع الراس ظل هنا وبعدين بتستلم الوظيفه من شركة ابوي*
جراح بعصبيه زائده : انت انطم ولا تتدخل*
وشركة ابوك مراح يحركها احد غيري*
راكان بغضب : ليش ان شاء الله*
الوافي بهمس : اذكر الله *وش فيكم ؟*
عمار ليش ساكت ما تتكلم*
عمار بهمس : خلهم يسون اللي يبون*
جراح : افهم من كذا ان *كلامي*مو عاجبك*
عمار : ما قلت كذا انا ...*
جراح بغضب : اجل وش تقصد ؟*
عمار نهض من عندهم وهو يغلق الباب عليه*
ليزفر جراح بقوه وهو يهتف : كله عكس الناس*
الوافي : عفواً بس عمار وش فيه ؟؟*
فيصل : عمار دوم كذا*
ما يحب يجلس يمنا واحنا نتخانق*
.
.
طرقات هادئه على بابه*
همس بهدوء : ادخل فواز ...*
دخل بهدوء وهو يبتسم القى التحيه عليه وجلس جواره*
اشاره له بهدوء*
ليجيبه عمار : معليه فواز ، مو قادر اركز*
اعطاه ورقه صغير وبدأ فواز بالكتابه*
.
.
************************************
" تعالي ابيش ... "*
وعد وهي تجلس امامها : وش تبين ؟*
لكنها لم تكمل كلامها بسبب دخول ابنة عمها وهي تهتف بمرح : السلام*
شخباركم بنات .. مفاجأه صح !؟*
وعد : اهلين شموخ تعالي*
شموخ وهي تجلس بجانب إسراء : اهلين فيش حبيبتي*
وش فيش اسريو ، شكلها جيتي مو عاجبتش ؟!
إسراء : ايه كنت ابي اسولف مع اختي جيتي وخربتي كل شي*
شموخ بحذر : يعني السالفه ما تصلح معي*
إسراء بتفكير : الا تصلح*
اجل سمعوا*
ليش اعيال عمكم غير عنا !!*
شموخ بإستغراب : ما فهمت وش قصدك ؟*
إسراء إعتدلت بجلستها : اقصد ليش ما نعرف عنهم اي شي*
وليش ساكنين في منطقه بعيده عنا وكذا يعني*
شموخ ببساطه : بسبب شغل العم جابر*
إسراء بذكاء : وشغله يخلينا ما نعرف الا العم جابر واعياله ولا شي عنهم !!*
وعد : ايه والله ، الا وش سالفة اعيال عمكم !!*
شموخ : تصدقون مدري*
.
.
*************************
بالمحاظره الثانيه له*
كان يشرح لهن كل ما يتعلق بمحاظرته بشكل مختصر
فهو مرهق كثيرا ويريد ان ينجز كل هذا بوقت قياسي ، صمت قليلا ليستعيد انفاسه وبعدها همس بهدوء : كم باقي على المحاظره*
شهد بلقافه : ربع ساعه دكتور*
عمار بإبتسامه : ما شاء الله ، شهد دوم تسبق الكل*
شهد بسخريه : من بركاتك*
صمت قليلاً فهو بدأ يغلي من الغيض*
لم يعجبه إسلوب هذه الفتاه المجهوله*
كثيراً ما تتدخل وتسأله أسأله تحرجه*
لذا لا يفضل وجودها : شهد ممكن ..*
شهد ببساطه : تفضل دكتور*
عمار بإبتسامه : شكراً
شهد : عفواً ..
اخذ نفساً عميقاً لا يريد ان يتجرء او يصبح بصوره سيئه ، ويجبر على طردها
فهو طوال السنتين الماضيتين لم يطرد احداً من محاظرته*
وهو يستمتع بهم وهو يغلون من الغيض عليه : زين وين وصلنا ..*
" في المقدمة المايكروسوف ... "*
عمار : ايوا صح*
بس منو اللي تكلم*
الفتاة إحمر وجهها وسكتت*
لكن شهد هتفت بجراءه : طالبه جديده*
عمار بحده : لو سمحتي شهد*
شهد وهي تضرب إحدى زميلاتها : هذا وش إسمها ؟؟*
الفتاة بهمس : يقولون إسمها ...*
" وعد السيف .. "*
عمار إرتبك وهو يسمع إسمها ، لكنه أخفاه وهو يهتف : زين خلني اسجل لش نقطه قبل ما انسى*
وعد إيش ؟؟*
وعد : وعد وليد السيف*
عمار بداخله : انزين وش فيها لما تكون بنت عمك ، ليش ترجف كذا*
عمار بهدوء : احم ، نكمل الحين*
.
.
*******************************
" وعد ... وعد .. "*
التفت لها بهدوء : نعم ؟؟*
الفتاة وهي تمد يدها لها : معك شهد المشعل*
وعد بإبتسامه وهي تمد يدها : تشرفنا*
وانا وعد ..*
قاطعتها : ايه عارفه ، الا الدكتور عمار يقرب لك ؟*
وعد بإستغراب : عفواً ليش هالسؤال ؟*
شهد : مجرب فضول لاني اشوفش نفس اسمه*
السيف ، السيف !!*
وعد ببساطه : يمكن ولد عمنا من بعيد *
ما عندي فكره*
شهد بهمس : اها ، طيب شكراً*
وسوري على الإزعاج*
وعد بإستغراب : العفو !!*
.
.
" شهد وش فيش محترقه ، جلسي عدل .. "*
شهد وهي تهز قدميها وتضع اصابعها في فمها علامةً لتوتر : انا متأكده انها بنت عمه ...*
الفتاه ببساطه : زين وبنت عمه وش صار !!*
شهد بعصبيه : حنين اشفيش انتي*
غبيه ، وجهه تغير لما سمع بإسمها*
يا ربي كان ما يخرب كل شي سويته*
حنين بأستغراب : شهد تراش ما سويت شي الى الحين*
شهد وهي تنهض : بتشوفين بعدين*
مدامنا وصلنا لبنت عمه ، وصلنا خير اجل *
.
.
***************************
" انا كم مره قايل لش لا تسوين لي هالعصير ويع ما أحبه ما يمر ..."*
اخذته وهي تمده مره أخرى : إنزين اشرب بس اشوي*
ما كلت شي من الصبح*
التفت اليها بعصبيه : مها روحي عني قبل ما اتهور واسوي شي ما يعجبش*
مها بتلاعب : صقر كل شي تسويه فيني عسل على قلبي*
صقر بنفاذ صبر : روحي عني خلاص ، والله وصلت حدي*
مها اخذت الكأس من جانبه وهي تبتعد عنه متوجهها للمطبخ*
مسحت دمعتها التي نزلت غضباً عنها*
" يمه !! ابوي مسوي لش شي ... "*
اغتصبت الإبتسامه وهي تقبل رأسه : لا حبيبي*
يلا روح غرفتك ذاكر ، عشان اخليك تطلع العصر*
الفتى بخبث : يمه ذاكرت ولا ما ذكرت ، بتخلني اطلع اعرف لش*
مها بحده : فارس ..*
فارس بيأس : زين زين ، بس ابي اكل لي شي جوعان ما كلت شي من الصبح ابوي صرعني وخلاني اروح بدون فطور*
توجهة للفرن بعد أن احضرت صحن ، لتجهز له الغداء*
وضعت له بعضاً من الرز و سكبت قليلاً من المرق و وضعته امامه : يلا حبيبي اكل بسرعه عشان ما يعصب عليك ابوك على هالغداء المتأخر*
فارس ابتلع القمه : يمه ، جيت تعبان على طول نمت و بدون ما اغير ملابسي*
مها وهي تستعجله : زين اجل اكل*
" مها ، يا مهــــا ، مـــــــهـــــــا ... "*
مها بتوتر وهي تجيبه من أخر السلالم : زين جايه جايه*
تخطت السلالم بسرعه وهي تصل لغرفه فتحت الباب بهدوء : نعم حبيبي ...*
صقر بغضب : وينه ثوبي الجديد !*
مها وصلت اليه : شوفه اقبالك*
اخرجته و وضعته بيده*
صقر نزع ثوبه الذي يرتديه وارتدى الثوب الأخر*
توجهه الى التسريحه وبداء يأخذ اغراضه المتواجده عليها*
مها من خلفه : صقر وين بتروح هالوقت*
صقر بحده : مو شغلش*
مها برجاء : صقر انت وعدتني بتوديني لأمي بعد ساعه*
صقر رش بعض من العطر : ما استوت هالساعه*
مها صمتت وهي تراقبه وهو يضع الساعه بيده*
لتبدأ علامة الإزعاج بوجهه فهو لا يعرف كيف يرتدي الساعه بنفسه*
تقدمة اليه وهي تساعده على إرتدائها*
حالما إنتهت حول يده لرأسها وهو يقبل جبينها بهدوء : فارس لا ينام العصر كله*
ثم خرج ليتركها تحتضن الدموع بعيناها*
يقسو عليها كثير ولسانه حاد جداً ، كثير الطلبات*
لكنه يعشقها*
فهو لا يستطيع فعل شي بدونها ، ولعلى ما يجعله حاداً هكذا ومتقلب المزاج*
فهو إبتلاؤه بالمنجلي الوراثي*
مها تنهدت بعمق وهي تلهي نفسها بترتيب الغرفه وتجهيز نفسها*
لتنتقل لإبنها الذي حالما إنتهى من الغداء حتى عاد للنوم مره أخرى*
جلست على السرير وهي تهمس بهدوء : فارس ... فارس قوم صار الليل وانت نايم*
فارس بتضجر : يمه وش فيها لنمت ساعه بعد*
مراح اسهر صدقيني
مها بتنهد : زين بعد ربع ساعه بجي لك*
بس هذه المره راح تقوم وبلاها ساعه و ما ساعه*
فارس بإبتسامه يغالبها النعاس : زين*
.
.
*****************************
" مامي متى بتجي مها !! "*
ام مها : قالت لي بعد اشوي*
تستنى صقر يجي*
شموخ بضيق : اووف هالصقر هذا*
حاكم اختنا ، وهذا إذا جابها بعد*
ام مها : يا بنت قومي جهزي لنا شي ناكله*
ما يصير تجي اختش وانتي ما سويتي شي لها*
شموخ بتضجر : يمه مها مو غريبه علينا*
ام مها : لا حول ولا قوة الا بالله*
يا بنت غريبه مو غريبه ، هذه ضيفه عندنا*
لازم نقوم بواجبها*
مو هي اللي تجهز كل شي بنفسها*
ما تدرين يمكن يجي رجلها معاها*
تبين تفشلينا معاهم !!*
شموخ وهي تنهض : لا يمه*
كلش ولا الفشيله*
ام مها حذفتها بالمناديل لتسرع شموخ للمطبخ دون إصابها وهي تضحك*
.
.
****************************
" انا كم مره قايل لك على الساعه 5 تكون جالس*
والحين الساعه 6 ونايم ؟؟ "*
انتفض بقوه وهو يستقيم واقفاً*
ويفرك عيناه ليرى امامه والده : يـ..ـبه ا..نــا*
صقر بحده : بتقعد تقول لي راسي وما راسي*
هالكلام ما يمشي عندي*
صمت قليلاً بعدها اكمل : بكره نوم وقت العصر ما في ، سامع ولا*
فارس بخوف : ان شاء الله*
صقر خرج من عنده وهو يغلق الباب بقوه*
لتدخل عليه امه بعد دقائق : يمه فارس ، لا تحط بخاطرك ، ابوك يبي مصلحتك*
فارس رفع رأسه وعيناه محمرتين : مصلحتي في ان اجلس طول اليوم راسي يعورني ولا اعرف اذاكر !!*
مها بتوتر : هو بس قصده انك تنام الليل*
فارس بصراخ : يمه انا انام في الليل*
ما تجي الساعه 8 الا نايم*
لم ينهي كلامه حتى سمعوا ارتطاماً قوياً على الأرض*
خرجوا بسرعه ليجدوا صقراً ممداً على الأرض*
مها بخوف : صقر ، صـــقــــر !!*
.
.
*********************************
دخل وأنفاس تكاد تنقطع*
فقد صدوم اليوم واجبر على إكمال خطه وضعها عمه له*
اجبر على إكمالها حتى لا يخذل عمه*
حتى لا يصتغره أمام من كان يتواجد معه بالمجلس
جلس على الأريكه وجهه مصفر تماماً*
فتح ازارر ثوبه*
لم يستطيع حتى الآن تصديق ما حدث قبل قليل*
وألم قوي يعتصر رئتيه*
سحب نفساً عميقاً لعله يجد قليلاً من الهواء*
لكنه لم يتسطيع النفس بشكل طبيعي*
رمى الأكواب المتواجده أمامه ليخرج إخوانه من غرفهم وهم ينيرون الأضواء فقد كان يجلس في العتمه عدا راكان الذي كان يستغرق في النوم ، فقد اجهد نفسه كثير هذا الصباح وهو يلعب مع إبن عمه واصحابه حتى قريب المساء*
اسرعوا إليه وهم يشاهدونه مصفر الوجهه*
فيصل بقلق : عمار وش صاير ؟*
جراح بهمس وهو يهزه برفق : عمار*
عمار وش فيك اكلمك أنا*
بعدها صرخ بوجهه : عـــمــــار !!*
عمار انتبه له ، إلتفت اليه وهو يلا يزال يرجف : ها ها*
فيصل بتوتر : اشفيك جالسين نكلمك من مساعه ما ترد علينا !!*
شنو صاير ؟*
جراح وضع يده على كتفه وهو يشاهد العرق الذي يخرج من جبينه بغزاره : عمار ، هدي الله يخليك ..!*
فواز ، جيب له ماي*
عمار همس بسرعه : ما ابي ماي*
فيصل جلس بجواره ليجلس بجانب فيصل فوازاً : عمار ...!*
عمار حاول التنفس بشكل جيد : زين زين*
بقول لكم كل شي*
.
.
قبل قليل في عصر اليوم*
دخل مع صاحبه *المجلس وهو صاحبه منذ الصغر فقد أتى بزياره مفاجأه له*
عمار رحب به*
حينها تفاجئ أيضاً بوجود عمه وابن عمه*
واخذوا يتحدثون*
في أمور كثيره*
حتى طرق الباب ليدخل عدد من اصحاب عمه*
استغرب كثير و شعر ان هناك أمراً*
وما أكد له هو توتر إبن عمه الغير طبيعي حين سأله*
فقد أجاب : الحين تشوف ...*
عمار بدأت بالتوتر*يتضح عليه
وهو يسمع عمه يهتف : انا قرارت اتوزج بنتي لولد اخوي عمار*
وش تقول يا عمار !!*
عمار بصدمه : اللي تشوفه يا عمي*
ابو الوافي : اجل الليله عشاكم عندي*
والملكه بعد المغرب *
.
.
" وشو !! وش تخربط انت ! كذا على طوال توافق ، حتى بدون ما تعطينا خبر*
كل شي صار في يوم وليله مستحيل الكلام اللي تقوله ، اصلن ما يدخل العقل ، اشلون اشلــــــون !! "*
عمار بضيق : فيصل واللي يرحم والديك*
حدي تعبان*
اصلن حتى اشلون وقعت مدري الشهود مدري منو*
جراح : وليش ما تطلقها*
عمار وقف وهو يهتف بصدمه : اطلقها !!*
توني اليوم مالك عليها ، بكره اطلقها*
وش تقول انت*
جراح بعصبيه : مو انت انجبرت على هالزواج !!*
حتى ما فكروا يعطونك خبر قبل بوقت و الموافقه ما خذوها الا قبل الموعد بكم ساعه !!*
عمار بهمس : لا يا جراح ، مراح اطلقها*
شنو الزواج لعبه ؟ اطلق وما اطلق !!*
فيصل بغضب مشابه لجراح : ايه عشان يعرفون انك مو في وعيك لما وافقت !!*
عمار وهو ينهض متوجهها لغرفته : لا غلطان انا ملكت وانا في عقلي*
وانا ماني رافض هالزواج ابداً*
الحين خلوني بروحي ولا احد يجيني*
لين اطلع انا بنفسي من الغرفه*
فيصل بإستغراب : زين والتحاليل متى سواها
جراح بتفكير : شكله عمك مخطط لكل شي قبل بفتره لاني اذكر قبل كم يوم اخوك رايح المستشفى بدون سبب !!
.
.
********************************
في صباح اليوم التالي*
.
" قومي مالت عليش اسم ينقال عليش عروس "*
نهضت ، وهي تبعد خصل شعرها ليظهر وجهه المنتفخ من اثر البكاء الزائد : إسراء تكفين ، تعبانه حدي*
إسراء بـ هم : طيب ليش كل هالصياح ؟!*
وعد بغصه تخنقها : إسراء ، كنت اخطط للعرس صحيح*
لكن ..
مو كذا ، يعني في نفس اليوم خطبه العصر وعلى طول ملكه بعد المغرب !!*
انصدمت ، وبقوه بعد ، خليني افرغ طاقتي بالصياح*
يمكن اقتنع اشوي ، مو جايه تدخل راسي إني الحين في ذمة رجال*
و وراي مسؤوليات ورجال لازم اهتم فيه وغيرها*
إسراء تكفين حسي فيني اشوي*
إسراء وضعت يدها على ظهرها ، وبعدها جرتها ناحيتها لتحتضنها بقوه ، لتنفجر وعد بنوبه بكاء حاد*
.
.
" اشلون تنخطب وتملك وانا ما عندي خبر وش هالمسخره ، في اي عصر احنا !! "*
صراخ يهز البيت منذ ان علم بالخبر اغلق الهاتف واسرع لمنزل والده وبدأ بإفراغ طاقته في اخيه الأصغر الذي كان لا يرد إخباره لكن والده اجبره على ذلك : والله يا سيف ، انا ما كنت ادري
مثلك ! ما دريت الا في نفس الوقت*
سيف بغضب عارم : كذاب !؟*
جالس تألف قصص بس*
اشلون ما تدري الا بنفس اليوم وتكون شاهد بالعقد !!*
الوافي بهمس : تكفى يا سيف ، انا مالي شغل بالسالفه*
ابوك مدبر كل شي قبل ما يقول لنا*
خلص الموضوع بدون محد يقدر يعترض*
سيف : وين ابوي ؟!
" وش ناوي عليه ، بتذبحني يعني ؟!
البنت بنتي وانا حر فيها ، ازوجها لمين ما كان*
انت ما لك اي علاقه بالموضوع .. "*
سيف وقف أمامه وهو يهتف بحزم : اسمعني يبه*
اذا وعد ما تبيه ، صدقني راح اخليها تتطلق اليوم قبل باكر*
ابو سيف : وراسي يشم الهواء !!*
اختك ما تمشي على شورك وانا حي*
وش انا طرطور لك !!*
سيف بهمس : يبه ، اختي كل شي عندي*
لو ادري انه اذاها بظفر ، بقوم القيامه عليه*
.
.
*************************************
عاد من المدرسه وهو يرمي حقيبته على الأرض*
ويسرع لوالدته : ابوي نايم ؟؟*
مها بضيق : ايه امس ما نام*
فارس بإبتسامه : معناتها مراح يقوم اليوم كله*
مها بغضب : وليش كل هالوناسه*
فارس وهو يرقص حاجبيه : اسمعي*
ثم أخفض صوته قليلاً : الليله الشباب مسوين حفله بالمزرعه*
عشان وحد منهم توه طالع من المستشفى صار له 3 شهور منقع هناك*
بعد سالفه المواطير اللي قلت لش عنها*
مها وضعت يدها على صدرها وهي تقلب وجهها بتأثر : ويه ، صج ، الحين وش صار عليه*
فارس بمرح : اووه الحين الحمد لله احسن*
بس اشوي يعرج الإصابه مو هينه*
مها بحزين : الله يكفينا شر هالحوادث*
زين الحمد لله على سلامته*
ثم تركته وهي تعود للطهر*
فارس رفع حاجبه وهو يهمس : بس !!*
مها وهي تحرك المرق الموضوع على النار : ايه اشتبيني اقول اكثر من كذا*
فارس امسك يدها واجلسها امامه : يمه ، السالفه مو عن خويي
السالفه اروح المزرعه معهم ولا .. لا !؟
مها تنهدت بعمق ثم همست بحنان : حبيبي فارس إنت تدري ..*
قاطعها وهو ينهض : زين زين فهمنا*
مها قبلت جبينه و همست بإبتسامه : ما شاء الله عليك كبرت وبدأت تفهم*
يلا روح غير ملابسك عشان تتغدا*
فارس بهمس : إن شاء الله*
اعطاها ظهره وهو يخرج لتتحول ملامح وجهه لإبتسامه خبيثه وهو يحمل اغراضه ويصعد للأعلى*
فتح غرفته و رمى الحقيبه على الطاوله ، قريباً من الباب*
نزل تحت السرير وهو يسحب حقيبه صغيره*
وضع بها بعضاً من ملابسه الثقيله فقد يكون الجو بالمزرعه بارداً*
التفت حين شعر بظل امام بابه لكنه لم يرى أحد*
لم يهتم وهو يتابع عمله ، ليشعر مره أخرى بالظل
لكنه اطول من قبل قليل*
رفع رأسه بهدوء ليرى والده أمامه ،
والهيلات تحت عيناه واضحه وشكله متعب غير ان وجهه مصفر ، تراجع بسرعه وهو يهمس : بسم الله الرحمن الرحيم*
خرعتني*
صقر بهمس : وش تسوي ؟؟*
فارس بثقه : شنو يعني ، اعزل ثيابي ، قرب الشتا*
وما ابي دولابي يصير فوضى*
صقر بتعب : زين اتركهم الحين وانزل تغدا*
فارس التفت له بإبتسامه : يبه ، غريبه أول مره تجيني عشان بس انزل اتغدا*
صقر بنبرة غضب : وش تقصد ؟؟!*
فارس وهو يغلق الحقيبه : لا بس دوم تجي غرفتي عشان تهاوشني على سالفه تصير لي قبل اسبوع ولا اسبوعين*
صقر نظر اليه لفتره بعدها همس : والله مو مطمن ، شكلك ناوي على مصيبه*
تجمد الدم بعروقه وهو يسمع جملة والده لكنه لم يهتم وهو يقف ليمر من جانبه : غلطان ، بس لانك تعبان جالس توسوس*
.
.
******************************
" خلاص بنات ، يكفي هذره الحين ، خلونا نكمل اللي بدأنا قبل اشوي ... "*
اكمل حديثه رغم تعبه فهو بالأمس لم ينم جيداً*
تقلبه بالسرير ازعجه وهو يبحث عن النوم في عتمة الغرفه وسكون الليل*
لكنه لم يستطيع ، فكل الكوابيس المزعجه هاجمته ليلة البارحه*
تذكر أمه ، وبعدها لحظه وفاة والده*
واخيه الأصغر*
كل هذا مره عليه بالأمس*
كان بوده ان يتقدم على الإجازه لكنه يعلم انه سيجن ان بقيا في منزل لوحده*
لكنه بالفعل تقدم على اجازه حالما انتهى من أخر محاظره له*
.
.
بعد الظهيره*
عاد للمنزل لتناول الغدا والذي يحضره لهم يومياً ابن عمه*
فزوجة عمه تحضر دائما الوجبات ولا تنسى ان تقسم لهم نصيباً منها*
الوافي بهمس : عمار ، انا اسف ما كنت ادري بالسالفه اصلن*
عمار بإبتسامه : يا رجال ، ما صار الا الخير*
وانا صحيح دخلت الـ 34 ولا تزوجت*
والحمد لله هذا الله عطاني مره والنعم فيها*
الوافي بإبتسامه واسعه : الله يطمنك*
الحين ارتحت ، وصدقني*
مراح تلقى احسن من وعد*
ما اقول لك هذا لانها اختي ، لا بالعكس*
وعد شي نادر ، بس للي يعرف لها*
عمار بمرح : وفرضاً ما عرفت لها*
الوافي وهو يستعد للخروج : تكون ضيعت عليك فرضه ما تنعاد مره ثانيه*
يلا انا استأذن ، امي تبغاني بعد الغدا*
عمار اغلق الباب فهم يعيشون بالفعل معه بنفس المنزل*
لكنهم منفصيلن عنهم*
عمه جعل لهم جزءاً من المنزل قريباً من المجلس*
ليجلسوا فيه*
حالما ينتهي من بناء ارض والدهم على تخطيط احد ما ...
.
.
" عماروه وين رايح ؟؟ "*
عمار وهو يضع حقيبة السفر ويعدل من شكله : بروح بيتنا في الشرقيه*
فيصل قفز اليه بسرعه وهو يهتف بإستغراب : مو انت بعته !*
عمار وهو ينتهي من ترتيب غترته : الا*
بس انت ما تدري مين اللي شراه !!*
فيصل باستفسار : مين ؟*
عمار وهو يحمل حقيبته : انا !!*
فيصل شهق بقوه : لا مستحيل*
طيب ليش شريته وانت اكثر واحد المفروض تبعد عن هالبيت ...*
عمار جلس على اقرب اريكه : خلاص نكمل بعد ما يخلصون اخوانك اكل ..*
فيصل بهمس : عمار ، الله يخليك*
لا تروح هناك*
" يروح وين ؟! "*
عمار بإبتسامه : الله جابكم*
تعالوا خلوني اقول لكم*
.
.
********************************
بعد الغداء*
خرج من غرفته بعد ان اخرج الحقيبه و وضعها عند الباب*
تأكد من والديه انهم قد صعدا للأعلى*
ليخرج بعد ان احكم إقفال غرفته*
لا يعلم لما يفعل كل هذا*
ربما لأن اصحابه كانوا يعايرونه*
بضعف الشخصيه ، وإنتماءه للأطفال الصغار*
رغم انه اكمال السابعه عشر*
والده يمنعه من فعل كثير من الأمور وبالأخص*
خروجه مع اصحابه*
.
اغلق الباب بهدوء وهو يجر أغراضه*
ليرى من بعيد السياره التي اخبروه بموصفاتها*
تقدم بخطوات سريعه لتفتح نافذتها : اوووه ، كبرت وقمت تطلع معانا !!
فارس بضيق : هنوي ، تكفى مالي نفس لك الحين ولا بعدين*
هذا السياره اللي بتوصلنا للمزرعه*
هاني بإبتسامه : ايوا يا بابا*
الا تعال ، قلت حق ابوك انك راح تجي ؟ اخاف يدور عليك*
فارس نظر اليه بنظره*
بعدها صعد السياره ورمى بحقيبته خلف المقاعد
لينفجر هاني ضاحكاً وهو يحرك السياره متوجهها لمنزل أخر من اصحابه*
.
.
*******************************
دخلت الجامعه*
تغيبت لمدة ثلاثة أيام فقد كانت متعبه جداً من كثر بكاءها*
و وجهها مصفر تماماً ، وصلت عند صحباتها*
لتصرخ إحداهم وهي تأخذها في أحضانها : *وعييد بسم الله عليش ، ليش كذا وجهش اصفر*
وعد بهمس : نوير حدي تعبانه*
خليني بحالي*
نوره باستغراب : اقول اشفيش تقول لي تعبانه*
صج ما عندش سالفه*
وعد بإبتسامه باهته : نوير بعدين اقول لش خليني الحين نلحق على هالمحاظره*
نوره وهي تضحك : شكلش ما سمعتي بالخبر*
وعد باهتمام : اي خبر !!؟
نوره وهي تشرب بعضاً من العصير الذي امامها : الدكتور مقدم على إجازه*
وعد بغباء : اي دكتور ؟!
نوره وصغت يدها على رأسها وهي تهمس : بسم الله ، هالتعب ضرب مخش*
قمتي ما تستوعبين شي*
وعد بعصبيه : نوير ، خلصيني مالي نفس حق فضاوتش*
نوره : حبيبتي ، قومي عني قبل ما اتعاده*
تعرفيني ما عندي مناعه*
وعد رفعت حاجب وأنزلت الأخر : عن السخافه !!*
نوره وضعت العصير من يدها : وش تبيني اسوي لش*
وبعدين شكلش وراش سالفه كبيره*
اول مره في حياتي اشوفش كذا*
وعد وهي تأخذ العصير الأخر : ايه وشكلها مو اخر مره*
نوره بصدمه : ليش ؟!*
وعد وهي تنهض : قومي بس خلينا نتمشى*
حاسه اني مخنوقه*
نوره امسكت يدها لتعيدها جالسه : اول قولي لي ، شنو صاير*
وعد بهمس : مو قبل ما تقولين لي اي دكتور اللي مقدم على إجازه*
نوره ببساطه : الدكتور عمار ...*
وعد بصدمه : الدكتور عمار !!*
نوره التفتت اليها بخبث : ايه الدكتور عمار *
وعد : من متى مقدم عليها !!*
نوره بتفكير : يمكن من يومين ، مدري سمعت من البنات انا*
وعد بخبث : اجل ما عندنا شي اليوم كله..*
نوره بإبتسامه : بالضبط*
وعد وهي تخرج هاتفها : اجل خليني ادق على الوافي ، واروح اتسوق ارحم لي من هالجلسه في هالبرد*
.
.
********************************
وضعت له بعضاً من الأغطيه الثقيله وهي تهمس بتعب : تبي شي ثاني ؟!*
رفع الغطاء اكثر وهو يهتف : لا بس خلاص*
جلست بجانبه : زين ما تبي عشا ، شكلك ما كلت عدل ... دوم تجي من عند اهلك مو ماكل زين*
صقر بهمس : لا خلاص كلت عدل*
بس روحي شوفي فارسوه*
اليوم كلش مو مبين ...*
من تغدا الظهر ما شفته*
مها : تبيني اجيبه لك تشوفه ؟؟*
صقر وهو يغمض عيناه : لا اشوف ... ما اصدق افتك من حنته ، تجيبينه لي هنا ، لا*
بس شوفيه ، نايم !! جالس !! ، اذا جالس ، وراه احساب بكره*
مها نهضت من عنده ، وهي تتوجهه لغرفة فارس*
فتحت الباب ، لكنه لم يفتح ، لذا طرقت الباب وهي تهتف : فارس !! فارس ؟؟ فارس !!*
لم يجيبها ، لذا عادت لغرفتها وهي تستعد لتمدد*
هتف لها بإستغراب : جيتي بسرعه*
مها وهي تلتقت للجهه الأخرى : مقفل الباب*
اكيد نام ، لان الغرفه ظلمه*
صقر بحزم : الا جالس على شي وما يبينا نشوف*
مها بخوف : مثل شنو يعني ؟؟
صقر : مثل يعني على البلاستيشن ولا الاب توب ، ومسكر الباب عشان ما تدرين انه جالس*
.
.
***********************
في صباح اليوم التالي*
وصل الى منزله بالشرقيه*
يقف عند باب المنزل وينظر له بعمق*
لم يتغير*
هو كما كان قبل سنتين*
لم يتغير ، فقط يسوده بعض الغبار لكنه كما هو*
اخذ مفاتيح و وضعها بالقفل*
ادار المفتاح ليخرج صوت القفل علامة على فتحه*
اخرج المفتاح و امسك المقبض*
انزله وفتح الباب ...*
احس وكأن رائحة والديه بالداخل كأنهم متواجدين بالداخل*
رائحة القهوه الصباحيه التي اعتادت والدته على اعدادها كل صباح*
واصوات الفناجين بالصاله*
واشعة الشمس تتسلل للداخل ... وووو..وو*
وضع قدماه بالداخل وهو يأخذ نفساً عميقاً فقد ارهقته كل هذه الذكريات*
عندما رحل بجانب عمه ، كان همه الأول هو التخلص من هذه الذكريات فهي تسبب له ألماً و مواجع كثيره ، واكبر مواجعه ، شوقه الشديد لوالديه ..
" عمار ! تعال يمه "*
اغمض عيناه لتنزل أول دمعه وهو يتوسط المنزل*
" عمار ، ليش متأخر ، مو بكره وراك دوام !! "*
تقدم للأريكه وهو يجلس عليها ببطئ فهي مليئه بالغبار*
طبعت اصابع يده عليها بعدها نهض وهو ينفض ملابسه و توجهه بسرعه لغرفة والده*
فقد سمع صوتاً منها*
حينما وصل فتحها وهو يهتف بإبتسامه : يبه !!*
لكن ابتسامة تلاشت*
فقط كانت النافذه مكسوره و الرياح هي من تسبب الأصوات*
اقترب من النافذه اكثر*
ليطل خارجاً
ما سبب كسر النافذه !!*
ايعقل ان احد ما حاول سرقة المنزل في غيابهم !!*
تبخرت افكاره كلها وهو يرى كره قدم تتوسط الغرفه*
حملها ليتناثر الغبار عنها*
مسحها جيداً بعدها خرج*
اغلق الباب ، كان بوده الخروج من المنزل لكن شيئا ما يشده بالتجول فيه*
فتح غرفته كانت شبه فارغه عدا الاثاث الذي حذر اخوانه من تحريكه*
فتح دولابه ليجده فارغاً من الأغراض*
و الغبار يحتل مساحه كبيره منه*
لا يعلم ما السبب الذي جعله يكتب اسمه داخله*
اغلقه بعد ان ذهب للحمام يريد غسل يده لكنه تذكر انه قطع كل شئ هنا*
لذا خرج فوراً*
نزل السلالم و وصل للباب الرئيسي*
اغلق الباب بعد ان تأكد انه اقفل توجه للخارج*
لموقف سيارته*
حينما اراد الصعود للسياره هتف احد ما خلفه : السلام عليكم ..*
عمار بإستغراب : وعليكم السلام*
مد له يده وهو يبتسم : معاك جلال هاني*
انا ساكن بنفس هذه المنطقه*
عمار بإبتسامه : عمار السيف*
تشرفنا*
جلال بحذر : الا هذا بيتك ؟؟*
عمار وهو ينظر للمنزل ، بعدها التفت اليه : تقريباً
جلال : غريبه هذه اول مره اشوفك تجي هنا*
هذا البيت له اكثر من سنه ما احد جا له !!*
عمار بهمس : ايه انا نقلت منطقه ثانيه*
جلال : اجل البيت فاضي !!*
عمار باستغراب : ايه فاضي !!*
جلال بتوتر : والله يا خوي ،اذا يعني*
انا لي اربع شهور ادور بيت ، يعني منظهر هالبيت عاجبني ، مدامك مو هنا*
عمار بهمس : البيت مو للبيع*
جلال بسرعه : ادري عارف عارف*
بس بغيته اجار يعني لفتر ادور لي مكان ثاني*
عمار وهو يصعد سيارته وقبل ان يغلق الباب : اسف اخوي*
هذا البيت غالي كثير عليّ*
غير انه في اغراض تخصني داخل ، وما ابيها تخرب
جلال بسرعه : لحظه لحظه*
ترى ما عندي بزارين
انا بس ، ما عندي احد*
عمار : اخوي قلت لك البيت مو للبيع*
ولا حتى اجار*
جلال بهمس : طيب ما تبي تسوي خدمه لأخوك*
اوعدك ما احرك شي لك*
والاثاث مراح اغيره واذا تبي تاخذه معك ما عندي مانع*
قلت لك لمده قصيره بس و اجار مراح املكه*
وش قلت ؟؟*
.
.
.
#بعثرة#وهمـ[]

رد: يتامى زمن قاسي
 

السلام عليكم
حياك الله اختي بداية حبيت الاسلوب في اشياء كثير غامضه ودي اعرف اكثر عنها
واحس في شخصيات بتظهر مابعد
فارس انسان يقهر ابوه مريض وهو متهمه الاانه يطلع والله يستر من هالطلعه
تكسر الدم المنجلي من الامراض الوراثيه المنتشره في المنطقه الشرقيه بشكل خاص والمملكه بشكل عام
ومايعرف معانات المريض الا اللي عايش معاه
يعطيك الف عافيه واتمنى توصلين في روايتك للقصص المكتمله

رد: يتامى زمن قاسي
 

يا هلا اختي تفاحة فواحة

ألف شكر لك ع المرور واتنمى ان تلاقي اعجابك باقي الروايه

وأن شاء راح يكون الجزء القادم غداً بإذن الله

[ #بعثرة_وهمـ ]

رد: يتامى زمن قاسي
 

رد: يتامى زمن قاسي
 

يا هلا بيك اختي شبيهة القمر

والله اني فرحت كثير بردك وتفائلت كثير

الله يسعدك مثل ما اسعدتيني

وبصراحه هالسبع ما فيه وحده منهم كامله فقط البدايه =(

بصراحه كنت اتمنى تصدعين راسي من البدايه >>> البنت تحب الهذره

واللهجه سعوديه شرقيه وبالأخص حساويه << حطمتك صح فيس متوهق

الله يعطيك الف عافيه ع المرور

]#بعثرة_وهم [

رد: يتامى زمن قاسي
 

عدت مره ثانيه وعندي الغنايم

الجزء الثاني

اتمنى لكم قرآءة ممتعه

[ يتامى زمن قاسي 2 ]*

عاد في صباح اليوم التالي وهو يرمي بأغراضه ارضاً ويتمدد على الأريكه*
اغمض عيناه وهو يتنهد تنهيده طويله*
ارهقه كل هذا السفر ، فقد ذهب وعاد بنفس اليوم*
" عماروه !! متى جيت !! "*
عمار بدون ان يفتح عيناه : توني جاي*
جلس بجانبه وهو يبتسم إبتسامه واسعه : اجل الى الحين ما دريت بالخبر ...*
عمار لا يزال على وضعه هتف بإرهاق : اي خبر بعد !!*
جراح بسعاده : الشبكه ...*
عمار بتعب : منو بتاخذ انت بعد !!*
جراح بإستغراب : يؤه !! اشفيك*
هالسفره لعبت بمخك !؟؟
ثم اكمل : شبكتك انت ومرتك ، يوم الخميس الجاي*
عمار فتح عيناه بسرعه بقى لفتره جامداً بعدها اعتدل جالساً وهو يهتف بصدمه : اي خميس ؟؟!*
شتقول انت !!*
جراح ببساطه : شبكتك بكره*
اشفيك منفجع اللي يسمعك يقول بكره على المقبره !!*
عمار هتف بحزم : جراح ماني رايق لسخافتك*
هالكلام صج ولا تأليفك !!*
جراح بغضب : ليش و من متى أألف لك كلام*
سمعته من عمي أمس يتكلم بالمجلس *
وعزم الأولي والتالي يعني ما فيه مجال أنك تأجله*
عمار بقي ينظر له لفتره بعدها نهض وهو يخرج بسرعه*
.
.
********************************
" فارسوه*
ترى والله العظيم اذا ما تطلع اكسر لك الباب*
ما تسمع !! قوم وش هالنوم صار الظهر*
و مدرسه ما رحت بعد ... "*
صراخ صقر يعلو المكانه*
فهو له اكثر من خمس دقائق وهو يحاول ان يوقظه*
صقر بنبرة غضب : بكسر الباب ..*
لم يسمع منه جواب لذا ، ركل الباب ركلتين ليسقط بأكمله*
ادار وجهه للغرفه لم يجد بها احد*
طرق الحمام لكنه لم يجيبه احد ، بدأ دقات قلبه تعلو وهو يفتح الباب ببطئ*
عندما فتحه لم يجد احد بالداخل هنا جن جنونه
وهو يدور بالغرفه ، ليذهب لغرفة التبديل لكنه لم يجده ايضاً*
نزل بسرعه ليدخل المطبخ وهو يهتف بغضب : فارسوه الـ**** وينه ؟؟*
مها التفتت اليه وهي تهمس بارتباك : فوق بغرفته*
صقر بعصبيه : مو في غرفته*
مها بخوف : اجل وين راح ؟؟!*
صقر بغضب عارم : مدري عنش*
تقولين في الغرفه هذاني كسرت الباب ما فيها احد*
مها هتف بخوف اكثر : يعني طول امس*
كنت احسبه بغرفته وهو مو موجود*
ثم صمتت قليله وبعدها شهقت بعنف : لا يكون راح المزرعه*
صقر بصراخ : اي مزرعه بعد ...*
.
.
*****************************
اوقف سيارته بالمواقف الخاصه بالجامعه*
نزل وهو ينزل نظارته الشمسيه ويضعها في جيبه العلوي*
دخل المبنى وهو يبحث عن احد ما*
استغرق ربع ساعه حتى وجده جالساً مع احد من اصحابهم*
القى السلام عليهم ليرد عليه احد بعد ان ردوا عليه السلام : ها يالخويف !! جيت !؟*
جراح وهو يسحب احد المقاعد : لا ما جيت*
اصبر اشوي اوقف السياره واجيك !؟*
ثم اردف بسخريه : وش تشوف يعني خيالي !!
الشخص باستغراب : افا افا جراحوه*
وش صاير !! كل هذا عشان الدكتور عمار !*
جراح بحزم : الدكتور عمار يا حبيبي*
بيكون أخوي ... وهالشباب الزفت اللي شفناهم قبل فتره*
يتطنزون على أخوي*
يعني تعرف وش هالكلام !!*
اجابه ببساطه : بس اخوك عنده السان ويقدر يدافع عن روحه
غير كذا اشلون خذ هالدكتوراه ... اذا كان ما يعرف يتكلم !!*
جراح بحزم : سلوم تكفى واللي يرحم والديك*
من متى اخوي يتطاول على ناس غيرنا !!*
بس مدري وش هالنهايه اللي تعجبه !*
سالم باستغراب : وش قصدك ؟!
ثم ادرف بهمس : الا تعال*
اخوك يدري انك مطرود ثلاث ايام من الجامعه بسبب الاخناق !!*
جراح امسك به وهو يهتف برعب : سلوم حبيبي انت*
عماروه لا يدري بالموضوع نهائي*
سالم بسخريه : لا حبيبي تمزح*
الخناق كبير واكيد الاخ عارف اذا مو الحين بكره اللي بعده*
المهم راح يدري بالسالفه*
اكيد ما وصله الخبر اجل الى الحين*
" السلام عليكم ... "*
الشباب بإبتسامه : وعليكم السلام*
سالم بمرح : يا هلا دكتور ... تونا جايبين طاريك*
عمار نظره بنظره بعدها هتف بحزم : جراح*
تعال ابيك ..*
بعدها ابتعب عنهم بتلقائيه*
جراح همس بهدوء : جاك الموت يا تارك الصلاه*
.
.
" وش مسوي ؟؟ "*
جراح بإستغراب : افا وش تسويت بعد !!*
عمار بنبرة غضب هادئه : لا تلعب عليّ*
يكفي تراك كذبت عليّ بما فيه الكفايه*
جراح بثقه : وش وصل لك انت !!*
عمار بغضب عارم : جرح ماني بزر عندك*
تراني عارف*
اليوم بس ، اليوم بس عرفت كل شي*
جراح بخوف : عمار الله يخليك ، هدي بقول لك كل شي*
بعدها سو اللي تبيه*
بس مو الحين بوقت ثاني*
صدقني كل شي تبيه بقول لك ...*
****************************
مساء هذا اليوم*
جميع العائله تتواجد في منزل ابو سيف*
فاليوم يوم مميز بمناسبة خطوبة ابنت العم ابو سيف " وعد " على ابن عمها المجهول " عمار!"
همسات هنا وضحكات وابتسامات لا تفارقهن*
عدا وعد*
فقد كانت تجلس بغرفتها بعد ان انهت تجهيز نفسها بالكامل*
وتجلس بجاورها اختها الصغرى وهي تمسك بيدها : مبرووك حبيبتي*
عقبال ما اشوفش عروس*
وعد بتوتر : شايفتني رايقه حق التبريكات*
من جد ما ودي انزل ابداً
خايفه يالبطه وانتي مستانسه ولا همك*
مو حاسه فيني ، التوتر والخوف ذابحني*
من عرفت بهالخطبه وانا مختبصه*
لا نوم نمته عدل واكل كلت عدل*
احس بطني بيتقطع من الجوع و مو قادره اكل*
غير انه راسي يعورني ابي انام*
حرام عليكم والله اللي تسوونه فيني*
إسراء بصدمه : وعيد ، تراش مو صغير جالسه تصيحين*
وبعدين لا تخربين شغل البنات*
صار لهم ساعه وهم يعدلون فيش*
انتي شكلش تبين تطفين الفرح في البيت*
يلا اشوف ضحكي*
ترى لو تكدرتي بينعكس انش ما تبينه ومغصوبه عليه ، الا اذا ....*
الا اذا هذا الكلام صج !!*
وعد بسرعه : لا والله*
ما احد غصبني عليه*
انا وافقت بنفسي ، حتى ما احد كلمني غير ابوي وبعدها على طول تملكت*
إسراء بحذر : اجل ليش هالصياح والخوف وهالتوتر الزايد ؟؟*
وعد بهمس : لاني ما اعرف شي عنه*
حتى اسمه نسيته ما اعرفه*
شنو اهو عصبي بارد ... طويل اسمر مزاجي*
مدري شي عنه*
ما صارت لي فرصه اعرف كل هذا*
إسراء بحزم : انتي وافقتي قبل ما تعرفين هالاشياء
يعني مو مهم عندش قبل كذا هذا*
وعد : هذا انتي قلتي قبل*
الحين ودي يرجع اليوم اللي كلمني ابوي*
حتى اخذ نصيبي من المعلومات عنه !!
.
.
قررت أخيراً النزول للأسفل*
بعد ان اقنعتها اختها وهدأت من روعها قليلاً*
فقد استطاعت امتصاص القليل من توترها الزائد*
لتنزل وهي بكامل اناقتها*
جميله ورائعه فهي فائقة الجمال بتسريحتها الخفيف*
التي ترفع شعرها كله وتزل بعض الخصل على خديها*
وفستانها الناعم ذو اللون البحير به نفخه تبدأ من تحت الخصر وبعض الكسرات التي تملئه حتى نهاية*
وبسبب الظروف جعلوا الحفله بالمنزل ...
ام سيف بسعاده كبيره : الف الصلاة والسلام عليك يا حبيب الله محمد*
كلوووووش*
حين وصلت اليها قبلت رأسها لتسحبها امها وتضمها والدموع تملئ عينيها : مبرووك يمه ..
وعد تحاول الثبات حتى لا تبكي فهي لا تتحمل دموع والدتها ابداً : الله يبارك فيش وعقبال العله*
قالت جملتها وهي تشير لأختها إسراء التي تدور برأسها وكأنها تبحث عن احد ما !!
ام سيف بصدق : آمين ...*
يلا حبيبتي ، خليش هنا*
اشوي الحين وندخل يم الحريم بالمجلس*
بسم الله ما شاء الله*
كان ما يعطونش عين*
صحنتها بالآيات بعدها ذهبت عنها لتتركها بالصاله لوحدها بعد ان ذهبت اختها لإحضار شي ما !!*
جاءها اتصال من اخيها .. استغرق بعض ثواني وبعدها اغلق الهاتف*
فور اغلاقه ، ركضت للداخل وهي تمسك بأختها وتهتف بخوف : إسريوه*
لحقي عليّ بموت بموت ...*
.
.
********************************
" وينك يا رجال تعال اشوي نتسلى*
اشفيك !! "*
طلال بهمس : وهاني هذا كله على الجوال ويعزم بالناس ما عنده شغله ثانيه ؟؟*
فارس بهمس : مدري عنه هذا*
كله الجوال بأذنه بيتأذى من هالجوال*
اغلق هاتفه وهو يهتف بحزم : وش عندكم تحشون فيني ! *
فارس بإبتسامه : ابد بس نقول كثرانه تلفوناتك ؟!*
هاني وهو يتمدد على الأريكه : ايه وش حاركم ؟؟*
طلال بتوتر : تصدقون لنا الحين يومين بالمزرعه*
وما فكرنا نقول حق اهلنا شي*
هاني بعدم اهتمام : الله الحين اهم فاقدينك*
اقول صب لي قهوه خلني اروق*
فارس بخوف : تراني وحيد امي وابوي يعني مو مثلكم ، بسرعه انكشف*
انتوا حوسه ما شاء الله يمديكم تهربون اسبوعين وبعدين يعرفون انكم مو موجدين*
.
.
" يا عيال في صوت داخل النخيل .. "*
هاني ببساطه : تراني اظل هنا بالأسابيع*
ما فيه شي يخوف تلاقيه قط ولا هوا*
طلال بحزم : انا بروح اشوف السالفه*
فارس بخوف : تعال بجي معاك*
طلال : اجل روح انت هناك وانا بدور هنا*
وخل هالهاني يظل بروحه*
هاني وهو ينفث الدخان بالهواء : حبايبي روحوا*
ترى ما هزتوني ، مراح اخاف*
فارس غاب عنهم وهو يبحث في منطقه معتمه جداً
شعر بـ بعض الخوف لذا قرر الرجوع الى مكان تواجد هاني*
لكنه ..*
لم يستطع وهو يشعر بقبضه تغلق له فمه وتسحبه خارج المزرعه !!؟*
.
.
******************************
جاءها اتصال من اخيها .. استغرق بعض ثواني وبعدها اغلق الهاتف*
فور اغلاقه ، ركضت للداخل وهي تمسك بأختها وتهتف بخوف : إسريوه*
لحقي عليّ بموت بموت ...*
إسراء بخوف : خير وش فيش ؟؟*
وعد بتوتر شديد : يقول يبي يشوفني اول وبعدين يدخل بين الحريم*
إسراء بإبتسامه : احسن بعد عشان ما تتوترين*
اول مره تشوفينه واقبال حريم*
عجبني تفكيره*
وعد بصدمه : حلفي بس*
انا في اقول يمين وهي تقول يسار*
اقول تلايطي بس*
إسراء باستغراب : الحين انتي وش سالفتش !!*
وش له هالعصبيه والتوتر الزايد*
هدي ولا بتصير لش مواقف ما تعجبش*
وعد اخذت نفساً عميقاً وهي تهمس : زين كذا !!*
إسراء ضمتها وهي تهمس بسعاده : ايه زين*
الف مبروك حبيبتي ، الحمد لله ، الله استجاب دعائي وفكني منش*
وعد بصراخ : اقول انقلعي مالت عليش وعليّ تفكيرش الخايس*
روحي عند الحريم لا يجيش النعال قبل ما توصلين*
.
.
" ها وينش انتي بعد ...*
وعيد ، وعد ... "*
التفت له بإبتسامه واردف : لحظه اشوي وجاي*
تركه لوحده بالصاله*
اخذ نفساً عميقاً وهو يدير انظاره للصاله*
استغرب كثير فهي تشابه تصميم صالتهم في منزلهم*
نفس ترتيب الأريكات*
غير انه يتواجد الكثير من التحف من نفس تحفهم*
تنهد بعمق وهو يجلس على اقرب اريكه
فقد وقف كثيراً هذا اليوم وقدماه تألمانه كثيراً
وصله اتصال من أحد اخوانه*
اجابه وهو لا يزال يضغط على قدمه : ها ، وش صاير بعد !؟
اجابه الطرف الأخر : ها !! صج ما عندك اسلوب يا دكتور*
عمار بحزم : جراحوه وقسم بالله ، لساتني ما بردت قلبي فيك على سالفة الجامعه*
بس اطلع من هنا شغلك جاي لك*
جراح ببرود : اتحداك لو تذكر بس*
عمار بخبث : خلاص جربني وشوف*
انهى اتصاله وبعدها وقف وهو يهتف بهمس : وينه هذا بعد*
اطلع احسن لي من هالجلسه اللي ما لها فايده ...*
حالما انهى جملته ، شاهده يخرج من احد الممرات وهو يهتف بهمس غاضب : تراش فشلتينا مع الرجال برا يستنانا*
وصل له وهو يهتف بحرج : معليه ادري تأخرت عليك السموحه*
عمار بهمس : لا عادي وش فيها !!*
الوافي بهمس غاضب : يلا يا وعد*
وقسم بالله ...*
بتر جملته وهو يشاهدها تدخل لتتسع ابتسامته وهو يهتف : ايه كذا ، يا حلاتش بس*
تعالي يمي.*
وصلت الى جانب اخاها وهي تلتصق به*
فهي الى الآن لا ترى سوى نهاية ثوبه الابيض*
الوافي بخبث : اجل استريحوا*
انا بروح داخل عندي شغل اشوي*
وعد امسكت بطرف ثوبه وهي هتفت بارتجاف : وافي ، بلاها هالحركات البايخه*
الوافي ابتسم بخبث : باي حبيبتي*، مهمتي تنتهي هنا
قبلها على جبينها وهو يتركها لوحدها*
جالست على الاريكه وهي تتحاشى النظر اليه*
رغم انه شخص غريب بصالتهم فهي مجبره على النظر ناحيته*
مازات تتحاشى النظر اليه*
بعدها كسر حاجز الصمت وهو يهتف بهمس : شنو يعني بنظل كذا !*
شعرت وكأن نبضها قد توقف لـ لحظه*
وهي تهتف بداخلها : يا ربي صوته مو غريب*
وين سامعته انا !؟*
عمار بابتسامه : زين التفتي لي اشوي*
ما يحتاج تطالعيني*
كأنه احده ضربها على رأسها وهي تتذكر نبره صوته*
التفتت بهدوء وهي تحاول استيعاب ما يدور بدماغها*
رفعت رأسها ببطئ*
وهي تبتلع ريقها بعصوبه*
حالما التقت عيناها بعينه همست بصدمه : دكتور عمار !*
عمار بإستغراب : زين وش فيش مطيره اعيونش*
اخفضت رأسها بسرعه ودقات قلبها تزراد اكثر واكثر*
شعرت وكأنه يستطيع سماع قلبها من قوة نبضه*
[ مستحيل !!*
اشلون يصير اهو !!*
انا ليش ما فكرت انه ممكن يصير اهو لما سألتني هذيك البنت*
يا ربي ،*
قلبي يعورني حييل ،*
هدي يا وعيد ، الموضوع إيزي حييل*
هدي هدي ... ]*
عمار بسخريه : ليش ماتدرين اني نفس الدكتور اللي بجامعتش*
وعد التفتت اليه بجراءه : وانت وش دراك اني ادرس بنفس جامعتك !!*
عمار ببساطه : عرفت من ثاني يوم*
وانتي بنفسش عطتيني اسمش ولا نسيتي!!*
وعد هزت رأسها بعد ان تذكرت*
.
.
******************************
غاب عنهم وهو يبحث في منطقه معتمه جداً
شعر بـ بعض الخوف لذا قرر الرجوع الى مكان تواجد هاني*
لكنه ..*
لم يستطع وهو يشعر بقبضه تغلق له فمه وتسحبه خارج المزرعه !!؟*
.
.
لكمه على صدر محاولاً التخلص منه*
لكنه استطاع ان يرميه بالسياره ويذهب للجهه الاخرى بسرعه قبل ان ينزل*
كان الظلام يغطي المكان لذا لم يراه جداً*
حين صعد الشخص الأخر امسك بالمقود شاهد لمعان خفيف للخاتم الذي بيده*
ليدير وجهه للجهه الأخرى وهو يشاهد الطريق*
مر وقت طويل وهم بالطريق ولم يتحدث لا هو ولا الشخص الذي بجواره*
بعدها توقفت السياره في طريق شبه خالي من السيارات*
ونزل السائق ليفتح الباب ويخرجه*
فارس بخوف : يبه تكفى*
تكفى ، والله ما اعيدها مره ثانيه*
صقر بغضب عارم : وش اللي مراح تعيد وهالخرابيط*
يوم كامل وانا احسبك بغرفتك*
ولا مقفل الباب عشان اسم انك داخل*
فارس برجاء : تكفى يبه ... خلها بالبيت هنا لا تسوي فيني شي*
في البيت سو اللي تبيه فيني مو هنا*
صقر نظر اليه بنظره حاده بعدها فتح الباب وهو يرميه داخل السياره*
ليتحرك بعد ثوان قليله*
.
.
***********************************
في مكان بعيداً عن الأجواء الصاخبه*
والكثير من الهدوء والغموض*
يسكن احد في منزله الكبير*
والذي يتعدى مساحته 8000 م*
يجلس بغرفته بعد أن انهى لبس لبسه الرسمي لعمله*
طرق الباب هتف بفخامه : ادخل ...*
دخل شاب في الـ16 من عمره*
وهو يهتف بابتسامه : اووه ملازم تركي ، رايح لشغلك الحين*
تركي التفت له بحده وهو يهتف بنبره مقصوده : ملازم أول ، مو ملاحظ النجمتين !!*
شي ثاني لابس لبسي العسكري بروح السوق مثلاً !!*
هتف الشاب بحرج : السموحه منك !!*
بس يعني ..*
توديني اليوم المزرعه ، الشباب كلهم هناك وابي اروح يمهم*
تركي بحزم : لا ، يعني لا ، يعني مستحيل*
ماني ناسي السالفه اللي سويتها قبل فتره*
اطلع من الغرفه وسكر الباب وراك*
خرج من الغرفه وهو يلحقه : تكفى تروك ، بس هالمره*
صدقني مراح يتكرر اللي صار*
تركي بغضب وهو يلتفت له : برهوم ، ما فيه يعني ما فيه*
ولا عاد تقول لي تروك مره ثانيه*
لان ساعتها سلم على السانك*
.
.
" اهلين هنوي ... "*
هاني بغضب : وينك انت لي ساعه استناك برا*
ابراهيم بضيق : تركي مو راضي ...*
هاني بخبث : ليش حبيبي ، تركي ولي أمرك وابوك وينه !!*
ابراهيم : ابوي مسافر وتركي المسؤول هنا*
وبعدين انت تدري وش بيسوي فيني اذا جا ولا شافني*
هاني ببروود : وخير يا طير و ما شافك*
تراك عديت الـ 16*
انا لما كنت كبرك اطلع والعب لعب بعد*
ابراهيم بحزم : تصدق*
لو تركي يدري عنك ، كان قص لك ارقبتك*
بس انت مطنش كل شي*
هاني ببرود قاتل : وخله يدري*
ابوي مثل ما قلت مسافر*
وانا ما امشي الا بشور ابوي*
تروك حبيبي قلبي بعيد عني*
ماله شغل فيني مدام ابوي مو موجود*
ابراهيم بغضب : هاني يالخبل*
انت في يوم من الايام بجيك شي من سواتك*
صدقني راح تندم والله*
امي لها يومين مو عارف تنام وكل ما تشوفني تقول لي شفت اخوك !!*
الله ياخذك مسوي قلق في البيت*
تركي حالف بس يشوفك*
مراح يهدك*
هاني بعصبيه : بريهم .. ان تكلمت وقلت لتركي اني بالمزرعه صدقني بجي ادوس في بطنك*
ما عليك مني انا كملت الـ 18 ومحد له شور عليّ مثل ما قلت لك غير ابوي*
وانا حر ، اسوي اللي يقولهلي ابوي ولا اخالفه*
كـــيـــفــي*
ثم اردف بهدوء : الا تقول تروك طلع !!*
ابراهيم بتنهيده يخالطه شبه من الغضب : ايه طلع*
هاني : اجل افتح لي الباب ابي اشوف امي*
ابراهيم بصدمه : مو خايف يشوفك جلال ولا حتى اي احد من خوانك !!*
تراهم كلهم متوعدين فيك*
هاني بغضب : انا ماني حرمه عشان يخافون عليّ*
انا رجال واعرف ادبر روحي*
افتح الباب وانت ساكت*
.
.
" ها وينها امك ؟ "*
ابراهيم رفع حاجب وانزل الأخر : وعليكم السلام*
امرني اخوي بغيت من ؟!*
هاني ابعده عن طريقه وهو يدخل المنزل : ما شاء الله*
متى جبتوا هالاثاث ..*
ابراهيم بسخريه : خذت اسبوع من طلع من البيت بس*
هذا جايبينه من يومين*
هاني بحزم : معناتها انا مو موجود بالبيت*
ابراهيم : ايه*
هاني بنبره غضب : اجل ابلع السانك*
و قول لي امي وين ؟*
ابراهيم بدون نفس : يمكن بالمطبخ ولا بالصاله اللي فوق*
مدري دورها*
هاني بعصبيه : زفت*
انقلع عني مالت على هالخشه*
هاني توجهه للمطبخ لكنه لم يرى احد لذا قرر التوجهه للأعلى ليتفت وهو يهتف بغضب : انا مو قلت لك انقلع وش له تلاحقني*
ابراهيم بسخريه : اخاف ناسي الطريق قلت اجي ادليك*
هاني اكمل طريقه ولم يهتم به وهو يلاحقه*
وصل للصاله العليه*
ليجد امه تجلس مع زوجة اخيه*
هاني بحرج : احم*
زوجة اخيه حين سمعته اعدلت غطائها بعدها استأذنت بحجة ان لها اشغال تريد انجالها*
هاني توجهه لأمه وهو يقبل رأسها : مساش الله بالخير ام تروك*
ام تركي بخوف : وينك انت ، ادق عليك ما ترد !!*
هاني ببرود : بريهم ما يقول لك اخباري ! *
ام تركي : الا بس ...
قاطعها وهو يهتف بإبتسامه : خلاص مو يكفي ولا تزعلين ام تروك مره ثانيه ارسل لش اخباري بنفسي*
ام تركي بحزم : ادري تبي تسكتني*
وبعدين وش له تروك هذه ، ان سمعك قص لك السانك*
هاني براحه : خليه بشوفني بالاول بعدها يقص الساني حلاله*
غير كذا ، تروك و تروك وتريكي بعد*
" تريكي وجههك يا قليل الحيا*
انت ما تحترم احد ابداً "*
.
.
.
#بعثرة#وهمـ[]


والجزء الثالث إن شاء الله بكره



تمنى تصدعوني راسي بالتعليقات >>> لووول

رد: يتامى زمن قاسي
 

هلا والله هاني انسان لامبالي عديم الاحساس
فارس ابوه دل مكانه وخذاه ان شاء الله العقاب يفيد معاه
ومايعيدها مره ثانيه
اما على اللهجه فديت تراب حساي الغاليه بس تمنيت ان تدخل كلمات اكثر من اللهجه الحساويه
وبإنتظارك بكره

رد: يتامى زمن قاسي
 

يا هلا وغلا اختي تفاحه


اخاف ادخلها اكثر وتخرب السالفه >>> لووول

.والله اللهجه ضاعت مع الأيام راح احاول اكتب اكثر باللهجه الحساويه

اشكرك على المتابعه اختي وان شاء الله بكره مراح اتأخر

فديتش بنت ديرتي

#بعثرة_وهم

رد: يتامى زمن قاسي
 

عةدة مجد لروايتنا ^^

مع الجزء الثالث


[ يتآمى زمن قآسي ]*
الجزء الثالث ....


طرق الباب بهدوء*
ابتسم وهو يهتف : ادخل يا الخروف ...*
دخل الغرفه و وجهه عابس*
لينهض من مكتبه وهو يحتضن رأسه ويبعثر شعره : فوازوه الى الحين تتأثر من الخروف*
ترى الخروف حيوان اليف ومثلك يعطي الناس بس ما ياخذ شي من الناس*
فواز اشار له بضيق : انا ما احب احد يشبهني بأي شي من الحيوانات*
خليني فواز افضل*
فيصل بعناد : خروف و تيس وثور بعد*
وش تبين بعد*
فواز اشار بعصبيه وهو يستعد للخروج : خلاص انا الغلطان اجي يمك اروح يم راكان احسن لي منك يا عبقري يا ذكي يا قوي*
كان بوده الخروج لو ان فيصل امسكه وهو يجلسه على سريره : اجلس خلنا نسالف اشوي*
من زمان ما جلست معك بروحنا بدون الحشرات الي برا*
فواز بغضب : هذول اخوانك*
فيصل بعدم اهتمام : وش تحب تسمع*
تبي موسيقى ولا اغاني ولا نشيد*
وش تبي ؟؟*
فواز اشار له بإرهاق : اي شي عادي*
بعدها تمدد على السرير*
فيصل شغل له موسيقى هادئه لينهض فواز وهي يشير له بإستغراب : غريبه*
ما اعرفك رومنسي ولا هادئ ، اصلن من وين لك هالموسيقى*
فيصل ابتسم وهو يجلس بجانبه : امس حملتها*
مدري عجبتني*
دفعه على السرير بهدوء ليسقط فوراً*
استلقى هو ايضاً بجانبه وهو يغمض عيناه : لا تأشر بشي*
بس اسمعها*
فواز ابتسم وهو ينظر لأخوه المستلقي بجانبه*
و كأنه يخبئ شيئاً ما عنه*
يعرف أخاه جيداً لو لم يتكلم فهو يشعر به ويجيد فهم صمته*
ادار وجهه للأعلى وهو ينظر للسقف*
بعدها هو أيضاً اغمض عيناه وهو يسمع الموسيقى تملئ المكان*
فيصل هتف بدون ان يفتح عيناه : تصدق من زمان ما لعبنا بإهبال مثل لما كنا في السابعه*
اذكر ابوي دوم يحبسنا في الغرفه لنص يوم بعدها يطلعنا*
و يقول لنا " ما اقدر اجلس بالمكان وما اشوفك تخربون شي "*
ويطلعنا ونرجع نكسر ونخرب ويرجع يحبسنا*
ويوم يطلعنا يقول لنا نفس الكلام*
فواز رفع رأسه و وضع يده لتحمل ثقل رأسه*
بعدها وضع يده الأخرى على قلب اخيه*
ليفتح عيناه ببطئ وهو يهتف : وش فيك ؟*
وش حقه حاط يدك عليّ*
فواز اعتدل جالساً وهو يشير له : مدري عنك*
انت اللي وش فيك !!*
مختبص وجالس تحط موسيقى هادئ و تتكلم بهدوء غريبه مو عوايدك !*
اعتدل فيصل وهو يهتف بهدوء : مدري والله*
بس شكلي ابي اغير جو*
احس هالشقه الصغير اللي جالسين فيها ما تريحني*
ابي اطلع اغير مثل نروح شاليه*
ولا البحر ولا المزرعه ...*
مخنوق هنا ، من المدرسه للبيت ومن البيت للمدرسه*
مافيه تغير*
فواز بإبتسامه : خلاص نكلم عمار*
فيصل بحزم : عمار لا*
هالبطه السوده ما ينفع الا للفزعات الخطره مو مثل هذه*
ودي اكلم الوافي*
مدري احسه يصلح لـ هالاشياء*
بس تتوقع عماروه البطه بيرضى !*
فواز : علمي علمك*
بس نجرب ليش لا*
فيصل عاد للتمدد مره أخرى وهو يهتف : فوازوه*
ليش ما نكلم عمك نخليه يطلعنا طلعه عائليه*
ومره وحده نشوف اعيال عمك اللي ما نعرفهم*
فواز اشار له بحذر : انت وش تبي توصل له بالضبط ؟*
فيصل باستغراب : وش قصدك ؟*
********************************
نزل من غرفته بعد ان غير ملابسه*
جلس على طاولة الطعام وهو ينظر للطعام*
لا يريد ان يأكله لكنه مجبر على الجلوس معهم*
فهو يعلم انه لا يستطيع رفض اي اوامر من والده*
" فارسوه اكل احسن لك .."*
فارس بسرعه : اشلون تبين اكل*
وانا مو قادر ارفع يدي*
صقر ببرود : محد قال لك*
انت اللي جنيت على نفسك*
هاني هذا*
عله على اهله وانت رايح لي تصادقه*
هاني ما عنده ابو مثلك*
ابوه مخليه يسوي اللي يبيه*
فارس بحزم : ابوه معطيه حريه*
مو مثلي مانعني من كل شي*
كأني بزر*
صقر بغضب : فارسوه الزم احدودك*
مو اصغر اعيالك تطول السانك عليّ*
فارس بصراخ : اجل كل بروحك*
اكل ماني ماكل*
صقر بغضب عارم : فارسوه*
ارجع مكانك لا يصير لك شي ما يعجبك الحين*
فارس وقف في منتصف الصاله وهو يهتف ببرود : ليش باقي شي ما سويته فيني*
بعدها تركه لوحده يصرخ*
دون ان يجيبه*
اراد ان ينهض لتوبيخه لكن مها امسكت به*
وهي تهتف بتوتر : عشاني صقر*
خله الحين*
لا تزيد الطين بله*
خليه بروحه صدقني بجيك بعدين وهو ندمان*
هذيك الساعه سوو اللي تبي فيه*
بس الحين لا*
**************************************
" انا قلت لك ..*
راح يقلب الدنيا فوق راسك بس انت ما سمعتني*
شوف وش صار لك الحين ... انا ابي اعرف وش استفدت من كل هذا !! "*
هاني بتعب : اذلفي عني*
وسكر الباب وراك*
ابراهيم بهمس : هاني صدقني*
راح يكمل عليك بس ليرجع من شغله*
اطلع من هنا تكفى ، امي بتجن لو ضربك مره ثانيه*
هاني مسح الدم الذي يخرج من فمه وهو يهتف بغضب : بريهم ، انقلع عن وجههي*
بروحي اللي فيني مكفيني*
ابراهيم برجاء حاد : تكفى هاني*
ما راح اطلب منك شي ثاني*
اطلع من هنا*
بس لحتى على الأقل ابوي يرجع*
هاني بحزم وهو يعتدل بجلسته ويسند رأسه للحائط : طلعه ماني طالع*
واسناني اللي كسرهم لي*
بخليه هو بنفسه يوديني ويركب لي طقم اسنان*
غير كذا بحظور ابوي بعد*
مو أنا عسكري عنده يلعب فيني بدون ما يتحاسب*
************************************
في قاعده احدى الجامعات*
منغرس في محاظرته التي*
اوشكت على الإنتهاء*
لينهض احدهم : دكتور ممكن تعيد اخر نقطه*
عمار التفت ليه بحده : خالد انت جاي عشان تعلب مو تتعلم !!*
خالد بغيض : زين كمل .. اسف قاطعتك*
عمار ارتخت ملامحه وهو يكمل ما تبقى له*
وبعدها دقائق : وخلصنا*
تقدرون تطلعون الحين*
خرج الطلاب ليتبقى اخر طالبه وهو يرتب اغراضه على عجل*
عمار لم يخرج وهو ينظر له*
ليسرع الطالب بترتيب اغراضه وهو محرج منه*
عمار وصل اليه وهو يهتف : خلاص خلهم بعدين رتبهم*
الشاب بحرج : اسف دكتور عطلتك .. بس ..*
عمار جلس على احد المقاعد وهو يهتف : خالد انت وش سالفتك ؟؟*
ترى ربعك هذول عندهم ظهر مو مثلك*
خالد بهمس : اسف دكتور .. ما كان قصدي ..*
عمار بهدوء : ما علينا*
خلي هالسالفه على جنب و قول لي*
سلطان متى بكمل الكورس ؟؟*
خالد بتوتر : مدري عنه*
عمار : زين خلاص*
بس بغيتك بعدين*
لا تنسى كلمني ...*
خالد باستغراب : اوكي !!*
بعدها اسرع ليرتب اغراضه ويخرج من القاعه*
" ها خلصت ولا باقي لك ! "*
عمار وهو يكمل طريقه : ايه خلصت*
وش عندك ؟*
جراح بحماس : عمك عازمنا على طلعت بالبحر*
عمار بإستغراب : غريبه وش المناسبه !!
جراح : مدري علمي علمك*
بس الظاهر ان اهلك كلهم راح يجون*
ويمكن يجون خوالك واعيالهم*
عمار وهو يصعد السياره : زين لما يجي بكره يصير خير*
جراح وهو يصعد ايضاً : لا حبيبي*
الطلعه بعد المغرب يعني اليوم*
عمار وهو يحرك السياره : لما يجي المغرب اجي يصير خير*
ثم اردف بهدوء : الا اخوانك عندهم خبر بالموضوع !*
جراح وهو يريح جسده على المقعد : اول ناس يعرفون اهم*
اصلن اهم اللي مخترعين هالفكره وعمي وافق بدون اي تردد*
عمار بإبتسامه وهو يثبت نظره على الطريق : بعد ، بدون تردد*
كل يوم واكتشف بعمك اشياء تخليني اعيد حساباتي ثانيه*
الى الحين مو عارف وش يفكر فيه هالعم*
والي محيرني اكثر*
ليش استقبلنا رغم ان عمامك كلهم رفضوا يخلونا نسكن معهم !!*
*************************
وقت المغرب*
الجميع يجهزون للخروج لهذا اليوم المميز*
فقد دعا والدهم
جميع اخوانه وابناء اعمامه لقضاء يوم كامل بالبحر*
الفتيات جميعهن يجمعنا اغراضهم التي يتوقعون انهم بحاجتها هناك*
إسراء بتعب : اووف تعبت وانا احط في هالشنطه* منو مخترع هالفكره*
كان اخليه يجي ويحطط في هالاغراض عشان مره ثانيه يتوب ولا يخترع افكار لنا*
الوافي وهو يقف عند الباب : ولد عمش مخترع هالفكره*
وابوش ما صدق على الله*
قاله الصبح ، العصر كل عمامش يدرون*
وعد بهمس : عمار ؟*
الوافي بخبث : للأسف لا*
اخوه فيصل*
إسراء بحزم : كأنه احنا نعرفهم عاد*
الوافي بصراحه : تصدقون اخترع هالفكره*
وقال لأبوي عشان نعرف اعمامنا اللي ما نشوفهم الا بالسنه مره او مرتين*
وعد : صج ، احنا من زمان ما شفنا بنات عبدالمحسن*
اخر مره شفناهم بدبي وبالصدفه لما كنت في أول ثانوي*
يعني ست سنوات تقريباً*
" ما خلصتوا انتوا الى الحين*
بسرعه لا تجلسون تسالفون ... "*
إسراء بسعاده : سيفان*
من متى وانت هنا !!*
سيف بنبره غضب : سيفان عينش*
اصغر اعيالش انا*
إسراء بحماس : وينه غنوم
ولا ما جبته ؟*
*************************************
" وش تقول انت ؟؟ "*
ابراهيم بقلق : تكفى سلوم ، روح له*
مو راضي طلع من الغرفه*
يقول لين يجي ابوي وافكر اني اطلع*
الغرفه سبحت من دمانه*
سالم قفز السلالم وهو يسرع ليصل لغرفة هاني*
فتح الباب بسرعه وهي يضيء الأنوار : هاني ؟؟*
وينك هنوي ...*
اقترب من حافت السرير ليجده مستلقياً على الأرض*
حمله بسرعه وهو يضعه بحضنه ويضرب خده بخفه : هاني ، هاني انت سامعني !!*
هاني !؟*
هاني فتح عيناه بهدوء وهو يهتف : يبه !!*
ثم عاد سريعاً واغلقهما*
سالم رفعه ليحمله بين يده : ابراهيم افتح لي الباب*
ابراهيم هز رأسه وهو يفتح له الباب ليخرج سالم وبيده هاني الذي لا يشعر ابداً بما حوله*
وصل لنهاية السلالم ليقف امامه تركي وهو يهتف بحزم : وين بتوديه ؟؟*
سالم بنبرة غضب : الولد فاقد وعيه وانت تقول لي وين بتوديه*
ابراهيم افتح لي الباب بسرعه*
ام تركي بقلق : وش فيه أخوك ؟؟*
سالم بنبره مقصوده : إسألي ولدك وش مسوي فيه*
برهوم اخلص تراه ثقيل جرب شيله انت ...*
.
.
**************************
بعد العشاء*
اجتماع كبير للعائله فقد دعا ابو سيف جميع معارفه*
لهذا اليوم وبما أن اليوم الخميس فقد تواجدت العائله بأكملها*
بجانب النساء*
وضعوا اغراضهم وبعد بفتره قصيره بدء تبادل الحديث بينهم *
شموخ بحماس : والله*
حلفي ماني مصدقه ...*
اسراء بصدق : الحمد لله والشكر
يا رب لك الحمد والشكر على نعمة العقل والثقل*
الله لا يبلانا بس*
شموخ بحماس اكثر : سميوه صج بتجيبين اخو لسلطان اللي قطن وهو عندش !*
سميه بنبره مقصوده : وش فيش انفجعتي ؟*
شموخ بهباله : تدري اني ميته على هالسلطانوه*
ما شاء الله عليه ، يهبل حييل*
وفرحت حيل لما عرفت انه بجيه اخو*
اكيد احلى منه ان شاء الله بنت يا رب بنت*
سميه بحزم : بسم الله علي ، انا ما ابي الا اولاد*
شموخ باستغراب : ليش وش فيهم البنات يا حلاتهم يهبلون*
سميه : انا كذا ما ابي بنات يا رب ما يرزقني الا اولاد*
تربية البنت صعبه بالنسبه لـ الولد !!*
شموخ : بالعكس*
البنت اسهل بواجد من الولد ، وبعدين واذا جاتش بنت بتموتينها !!*
سميه برعب : لا بسم الله عليها*
اذا جبت بنت بعد حكمة ربش*
حياها الله*
ثم اردفت بنبره مقصوده : زين دامش فرحانه حيل ليش ما تجيبون من نسلكم*
مها رفعت رأسها وهي تنظر لها نظره مباشره
لتهتف سميه ببرود : قلت شي غلط !!*
ولدش كمل الـ 17 سنه*
ولا عنده اخ ولا اخت*
مها بهمس : يكفينا فارس*
عامي قلبنا عن العيال*
سميه بخبث : الا عسى ما شر*
انتي اللي ما تبين ولا حكمت ربش !!*
مها نهضت من عندهم وهي تهتف بدون نفس : قلت لش*
فارس يكفينا وزود*
انا لو ابي ولد غير فارس جبت
و الحمد لله ما فيني الا العافيه*
********************************
وصل الاب تواً*
ليعلم بخبر ابنه ، ليتحرك بسرعه للمشفى*
قبل حتى ان يبدل ملابسه*
فقد وصل للمنزل في ساعه شبه متأخره لتستقبله زوجته و دموعها تملئ خديها*
اخبرته بما حدث بعدها*
اسرع للخروج من المنزل والتوجهه فوراً للمشفى*
دخل المشفى بعد ان اوقف سيارته في المواقف الخاصه*
ليذهب فوراً للاستقبال ويعرف مكان تواجد ابنه*
وصل للمكان ليرى ابناءه يتواجدون خارج الغرفه هتف بحزم : اخوكم وينه ؟*
تركي بإحترام وهو يقبل رأسه : الحمد لله على سلامتك يبه*
جلال بهدوء وبعد ان سلم على والده : يبه توه طالع من العمليات و قالوا لنا*
بعد ساعه يفك المخدر ونشوفه*
ابو تركي بغضب عارم : اي عمليه تتكلم عنها !!*
سالم بهمس هادئ : تركيب اسنان*
ابو تركي نظر مباشره لإبنه الاكبر وهو يهتف بعتب : انا اروح وآمن لك اخوانك*
واروح وانا بالي مطمن*
عشان اجي واشوفك مكسر اسنان واحد من اللي امنتك عليهم*
تركي بهمس : يبه*
خلي العتب بعدين ... الحين احنا نتطمن عليه بعدها سوو اللي تبيه*
ابراهيم بحماس رغم انه لا يزال أثر البكاء على صوته : شوفوا جلس جلس*
الجميع توجهه نحو الزجاج لينظروا له*
وهو يفتح عيناه قليل ويغلقهما*
.
.
نقلوه لغرفه خاصه ..*
وبعدها بعشر دقائق صار الجميع بجانبه في الغرفه*
ابو تركي بتأثر : ما تشوف شر يا ابوك*
هاني لم يستطيع ان يرد عليه بسرعه فـ فمه يألمه كثير من بعد ما زال تأثير المخدر : الشر ما يجيك*
بعدها اغمض عيناه وهو يهتف بألم : خلوا هالممرضه تجي*
اسناني يعروني حيييل*
.
.
***************************
" يمه !!*
وش فيش تصيحين ؟؟ "*
مسحت دموعها بسرعه وهي تهتف بإبتسامه باهته : لا حبيبي ما فيني شي*
بس متضايقه اشوي*
فارس بضيق : افا*
ما عاش من يضايقش وانا موجود*
علميني بس منو والله لا اسود عيشته*
حتى لو كان صقر نفسه*
مها بجزع : لا صقر ما دخل بالسالفه*
بعدها اكملت بكاءها الصامت*
ليهتف فارس بألم : يمه تكفين*
تبين تصيحين صيحي بس مو اقبالي*
ما اتحمل اشوفش كذا والله العظيم قلبي يعورني*
مها احتضنه وهي تهتف بهمس : الله لا يحرمني منك*
كنت ادري انك بتكفيني عن عيال الدنيا كلها*
فارس بحزم : زين بتسكتين ولا اجيب بو فارس الحين*
مها بإبتسامه وهي تسمح دموعها المنهاره لتتساقط غيرها من جديد : خلاص فروس سكتنا*
فارس صرخ : بو فارس ، بو فارس ، صقر ...!*
مها بتوتر : وجعه فويرس*
بس انطم*
فارس لم يصمت حتى وصل صقر بجانبهم وهو ينتفض من الغضب : خير ان شاء الله*
صقر مره وحده ؟؟*
زال كل غضبه وهو يرى احمرار عيني محبوبته ليبعد فارس عنها وهو يهتف بقلق : مهاوي حبيبي وش فيش ؟!*
فارس بألم : زين بشويش .. تراني متعور !!*
صقر مسح دموعها بأصبعيه وهو يكمل همسه : مهاوي ليش ساكته قول لي وش فيش !!*
فارس بنبرة غضب : بس عاد الحين وش يفكنا من الرومنسيات*
عن اذنكم *
بس ابغي لكم شي واحد ، ترانا بمكان عام*
بليز لا تفشونا*
مها بقت صامته لفتره بعدها انفجرت بالبكاء وهي ترمي نفسها على صدر صقر*
صقر شدد احتضانه وهو يحاول تهدئتها*
فارس حينما رأى امه تحتضن ابوه شهق بنعف وهو يهتف بسرعه : ما اعرفكم ، ما اعرفكم*
ترانا في مكان عام ، يخرب بيت هالحب بكبره*
استغفر الله استغفر الله*
************************
" هيي منو هذول اللي ماخذين راحتهم حييل !! "*
جراح بهمس : وشو انت بعد*
غض النظر اللي ياخذك وش له تطالع في خلق الله*
خليك في شغلك !!*
فيصل حينما رأى فارس يجلس بجانبهم انزل رأسه لمستواه وهو يهتف : بالله عليك*
تعرف منو هذول ؟؟*
فارس بعدم اهتمام وهو يشرب بعضاً من العصير الذي امامه : منو ما اعرفهم*
فيصل بخبث : بس مو كأنه ابوك هذا !!*
فارس بحزم : ورا ما تدور لك شي ثاني غير ابوي*
اشرب شايك احسن لك*
هنا انفجر فيصل ضاحكاً وهو يشاهد تغيرات وجهه فارس*
فقد احرج كثيراً*
فواز اشار لـ فصيل وعلامات الغضب تغمر ملامح وجهه : انت كله تبي تتصيد الناس*
خليك في حالك*
فيصل وهو يحاول الصمت : بس .. بس من جد هههههههههههههه*
فواز وضع يده على فمه وهو يشير له بيد واحده : اسكت ، صرت انت اللي فشلتنا*
فيصل اعتدل وهو يبعد يده عنه ويبتسم بخبث : يعني تدري بالسالفه*
فواز عاد للجلوس وهو يشير بثقه : اصلن من اعيونك اعرف السالفه كلها*
فيصل بسخريه : تكفى يا زرقاء اليمامى*
فارس بفضول : فصيل ، وش يقول لك اخوك !!*
فيصل بحزم : مالك شغل في اخوي*
فواز ابتسم وهو يشير ببساط لفارس : ما عليك منه ، اهو دوم كذا*
فارس عقد حاجبيه*
ليشير له ببساطه اكثر ، بعدها ابتسم فارس وهو يهتف : اصلن اخوك فيه انفصام شخصيه ما اصدقه
فيصل برواقه : مو لازم تصدقني حبيبي ئلبي*
********************************
" الحمد لله على السلامه يبه .. "*
او تركي بحزم : الله يسلمك*
بعدها انتقل وهو يهمس لهاني : ما تشوف شر*
هاني بهمس : الشر ما يجيك*
ابو تركي : صقر*
ليش توك تجي تشوف اخوك !!*
صقر بحرج : والله يا يبه محد قال لي*
اليوم الصبح عرفت انه بالمستشفى*
غير كذا حتى ما تكرموا يقولون لي انك وصلت !!*
ابو تركي بحزم اشد : وانت يا فارس*
ما تدري ان عمك بالمستشفى مثلاً*
اللي اعرفه انك انت معه من تحت لتحت !!*
فارس بهدوء : جدي كنت معه قبل يومين*
بس ..*
صارت عندي شغل و ما كلمته حتى*
ابو تركي بهمس : تعال فارس ...*
اقترب فارس منه ليسحبه ويجلسه على ركبته*
وهو يفتح زره العلوي ليظهر اثر خفيف على وشك الاختفاء*
ابو تركي رفع نظر لصقر وهو يهتف بنبرة غضب : ما شفت لك شي تبرد حرتك الا بالولد*
صقر بهمس غاضب : يبه ، له يومين مو بالبيت*
وانا اللي احسب نايم بالغرفه*
ولما كسرت الباب ما لقيته*
اثاريه جالس مع ولدك بالمزرعه ...*
ابو تركي بغضب مكتوم : وتقوم تسوي فيه كذا !!*
صقر بثقه : يبه ،*ولدي انا حر فيه*
اذا ولدك معطيه حريه فـ فارس مسحيل يمشي وراه ابداً*
هاني بغضب : وش قصدك ، اني منحرف*
ولا جالس اعلم ولدك الغلط !!*
صقر بغضب اشد : انت اص ولا كلمه*
شوف نهاية افعالك وين وصلتك*
هاني بغضب مكتوم : تروك بيلقى اللي يعجبه*
وانا هاني ولد بدر*
ابو تركي بهمس : صقر نادي لي عبدالله*
قال بيروح مشوار وبيجي*
وما جا !!*
صقر فتح هاتفه واتصل بأخيه الأكبر ليأتي بعد ثواني*
هاني بهمس : يبه بتروح ؟!*
ابو تركي وهو ينهض مع ابنه : بجيك المغرب ..*
صقر حينما خرج والده*
نهض هو ايضاً فقد تأخر على عمله كثيراً : يلا فريس*
تأخرت على الشغل*
فارس وهو يتوجهه للحمام : زين خلاص اسبقني تحت وانا جاي لك*
صقر بنبره غاضبه : وقت حمام الحين*
فارس وهو داخل الحمام : يبه وش تبيني اسوي*
صقر زفر بقوه وهو يخرج من المكان*
.
.
" خلاص اطلع*
شكله راح .. "*
خرج وهو يبتسم بخبث : وقسم بالله عليك تفكير ...*
اجابه وهو يحاول النهوض : ايه قال معطيني حريه*
اشوف بس المفاتيح ..*
اخرج من جيبه المفاتيح ، مدها له*
وقبل يأخذها رفعها قليلاً : انت شلون بتوصل لتحت ؟؟*
هاني بحزم : مو بزر انا*
فارس بصراحه : بس مكسر !!*
هاني نظر اليه بحده : والزبده !*
فارس اعاد المفاتيح بجيبه وهو يهتف ببرود : ما فيه سياره يعني ما فيه سواقه*
هاني بغضب : السياره سيارتي ترى*
فارس اتصل بأحد ما وهو يهتف : مراح تسوقها انت*
خبل تبي تروح فيها بحادث ولا شي*
اجل اجلس هنا يكون افضل*
هاني : فارسوه يا..*
فارس بإبتسامه : اهلين طلول*
.......
فارس : ايه خلاص*
تعال فوق والمفاتيح بعطيك اياها بالطريق*
......
فارس : ايه تسلم*
مع السلامه*
هاني بنبره غضب : تراني ساكت للحين*
فارس التفت اليه بحده : معليه امشي معك بجنون*
لكن كل شي وله حدود*
هاني بصراخ : الا انا ، امشي على قناعتي*
فارس ابتسم له بخبث وهو يخرج : ما تشوف شر عمو ....*
.
.
****************************
اسند رأسه وهو يتنهد بعمق*
فقد قضوا الليل كله وهو يصحيح ما تبقى من اوراق*
يشعر يإرهاق شديد*
اتصل بإخوانه واخبروه انهم سيبقون لمده اطول*
ومن الممكن ان يبقوا حتى مساء يوم غد !!
لذا قرر ان يأتيهم بعد الظهيره حتى ينهي عمله بالجامعه*
يشعر بضيق كبير اتجاه الجامعه فقد صدم بما رأها من نتائج ...*
.
.
في صباح اليوم التالي*
وفي احدى قاعات الجامعه*
بعد دخل وانتهى من التحيه المعتاده*
وضع كتبه على الطاوله وهو ينزع نظارته الطبيه*
هو لا يراهم جيداً لكنه تعب كثيراً منها فقد كانت عليه طوال مساء امس*
جلس على طرف الطاوله وهو يهتف : تبون محاظرات ولا ...*
القاعه بأكملها رفضت المحاظرات*
لذا*
هتف بإبتسامه : مراح اضغط عليكم*
اليوم ما فيه محاظره*
الطلاب عند ساعهم هذا الخبر نهضوا بسرعه*
مستعدين للخروج ...*
ليشير اليهم وهو يضحك !! : جلسوا جسلوا*
قلت ما فيه محاظره مو طلعوا !!*
خالد بسرعه : دكتور ما نصدق يجي هاليوم*
بعد ما تخلينا نطلع*
عمار اعاد نظارته وهو يهتف : مين خالد ؟*
خالد : ليه لهدرجه صوتي مو واضح !*
عمار : لا بس ما شاء الله عليك دوم في الضد !*
ثم اردف : خلونا من هذا كله*
الشي اللي بقوله لكم اليوم ما يتعلق بمادتك*
يعني كـ معلومه*
تبونها ولا ...*
لم يسمع رداً*
شعر بإحباط ، ويصاحبه بعضاً من التحطم : امس ما نمت لحتى خلصت اوراق الاختبار اللي فات*
ثم اردف بإبتسامه : عشان ما ندخل جو كئيب ومدري شنو*
خلونا من هذا كله*
في احد سمع بقانون الجهد المعكوس !!*
عقد الجميع حواجبهم وعلامات التعجب فوق رؤوسهم !!*
عمار ابتسم : كتاب ( قوة العقل الباطن )*
للدكتور جوزيف ميرفى ..*
[ عندما تكون رغباتك وخيالك مُتعارضين
فإن خيالك يَكسب اليَوم دون خِلاف ]*
بعدها نهض وهو يحاول التحرك ليسمعه الجميع : عشان نوضح معنى هالقانون*
بعطيكم مثال بسيط*
اذا طلبت منكم تمشون على لوحة خشب*
طولها (10 امتار ) وعرضها ( 5 امتار )*
و محطوطه على الأرض ...*
فأكيد انك راح تمشي عليها بدون اي مشاكل*
بس ...! *لأن رغبتك في المشي ما تتعارض مع الخيال*
فخيالك يفسر*
انه اللوح على الأرض ما يمثل اي احتمال للسقوط*
وان صار فهو على الأرض !!*
ثم صمت لمده بعدها اكمل : الحين*
خلونا نقول او نفرض*
ان هاللوح محطوط على ارتفاع 20 قدم في الهواء*
وبين عمارتين مرتفعين !! *
تتوقعون انكم راح تكملون طريقكم ، وتمشون !!
ما أظن !! وليش ؟؟*
مَع أنه نَفس اللوح وبنفس الطول وبنفس العَرض !*
والسبب لهذا ...*
إنه رَغبتك في المشي عَليه بتواجه من جانب خَيالك الخوف من السقوط !
ومَع أنك تملك الرغبه في المشي , ولكن صورة الوقوع في خَيالك بتتغلب عَلى رغبتك وإرادتك وجهدك للمشي على اللوح !
والعجيب في الموضوع !*
أنك لو حاولت المشي عَليه يمكن يحقق خيالك السقوط بَنفس الشكل اللي تخيلته
يعني بتسقط نَفس السقوط اللي أرتسم في مخيلتك*
لأنه يتدرب عَليه قبل في اللاواعي اللي يدير 90% من سلوكياتك !
بعدها صمت قليلاً وهو يهتف بهدوء : الكل عنده الرَغبه في النَجاح ولكن أحياناً ما ننجح ! ليش ؟!
الإجابه من هذه القاعده !
لأن صورة الفَشل مُسيطرةِ عَلى خَيالنا*
قاعدة تقول :" لا تحاول أن تجبرالعقل الباطن على قبول فكرة بممارسة قوة الإرادة ، فسوف تحصل على عكس ما كنت تريد "
مثال :*
أذا قلت أنا أبي الشفاء " رغبة "
ولكن ما اقدر اوصول له " خيال "
بهذه الطريقه بتكره نفسك على الدعاء والعقل لا يعمل تحت إكراه
وهذه معلومه خطيرة : "أن العقل لا يعمل تحت ضغط"
بعد عندي توضيح ثاني واعتقد انكم جربتوه*
اللي يتخيل أنه بينسى فى الإمتحان
ويرتبك وتهرب منه المعلومات
ومع أن رغبته فى الاستذكار والنجاح
إلا أن الخيال أقوى*
كمان .... اللي يخاف من لقاء الناس
فهو يرسم صورة عقليه متخيله لسلوكياته وتصرفه عند لقاء الناس
لا تتفق مع رغبته فى الثقة بالنفس
وبالتالى فان الصورة التى تخيلها ورسمها فى عقله هى التى ستسيطر عليه عند تعرضه لمثل هذا الموقف
الكثير من الناس اللي يعانون من القلق أو الرهاب الاجتماعي
أو الوساوس القهرية
فهم يعانون من ( التخيل السلبى )
لكل ما يقلقهم أو يؤثر على اعصابهم
وبإدراكك لتلك القاعده المهمه*
تقدر /
ان تحقق الانسجام بين ما ترغبه حقيقه وما تتخيله وتضعه فى عقلك
فستعمل في انسجام..*
الخلاصة :*
1- عشان تحقق نجاح فى مجال لازم تتوافق رغباتك مع احلامك وخيالاتك
2- وعشان يعمل عقلك بكفآءة استريح , وابتعد عن العصبية والضغط على العقل
3- تخيل اللى تبي مو اللي ما تبيه ...
4- طريق عقلك اللاواعي دوما ً على النجاح , وأنه يعمل معاك لا ضدك
بعدها تنهد بهدوء : وبكذا ...*
باقي على طلعتكم ساعه ونص ...*
بس هديه ، تقدرون تطلعون*
.
.
***********************
نزل من السياره بعد ان اوقفها في مكان يبعد قليلاً عن الباب الرئيسي*
دخل المزرعه ليغلق الباب خلفه*
التقى بأحد الحرس : محمود ، ما ابي اي احد يدخل ، لا تفكر انك تشوف مين بعد
ولا احد يدخل الا لما اقول لك*
محمد هز رأسه بالموافقه
ليدخل هو بالمجلس الذي يتوسط المزرعه*
رمى جاكيته على الأرض*
رفع عيناه لينصدم بوجود احد أخر بالمكان*
نهض الشخص وهو يهتف بحزم : جدي قلب الدنيا عليك*
اللي جالس تسويه غلط بغلط*
زين وين كنت العصر !!*
رمى نفسه على الأريكه وهو يهتف بتعب : مو شغلك*
مو ولي أمري عشان اقول لك اخباري*
جلس بجواره وهو يهتف بعتب : حرام عليك هنوي*
تبي تموت جدي !! الا انت تبي تموته*
هاني رفع رأسه وهو يهتف بشكل حاد : فارسوه*
وش شايفني ولد عاق !*
فارس بحده : ايه عاق*
اجل تجلس بالمزرعه اسبوع كامل*
ما فكرت ترفع التلفون وتشوف اخبار اهلك !*
غير كذا لا تنسى انك متضارب مع جدي بعد هوشتك مع غانم ولد عمك*
هاني بهدوء : فارسوه قم اطلع برا ...*
لاني من جد ماني طايقك*
انا تعبان وابي ارتاح وانت تقول لي عاق وهواش*
بعدين تناقشني في هالأشياء*
فارس نهض ليهتف ببرود : تدري عاد ، احسن شي سواه عمي تركي*
انه كسر اسنانك*
عن اذنك بروح البيت اكيد ابوي ينتظرني هناك*
هاني وقف معه وقبل ان يذهب امسك بمعصمه وهو يهتف بغضب عارم : لي انا تقول هالكلام*
فارس ببرود : ليش في احد غيرك بـ هالمكان !!*
هاني لم يتحمل برود اعصابه*
رفع يده وصفعه : روح عن وجهي قبل ما اكمل عليك*
بسرعه*
.
.
.
#بعثرة_وهمـ[]


والجزء الرابع غدا بإذن الله

رد: يتامى زمن قاسي
 

رد: يتامى زمن قاسي
 

يا هلا وغلا اختي شبيهة القمر


يا قلبي كنت استناك من أمس لووول

دوم تسعديني بمرورك يالغلا

ان شاء الله راح يكون تنزيل الأجزاء يومي تقربيا حتى أخر جزء كتبته

بعدها مدري متى راح يكون تنزل الأجزاء

انا ابي دعم اقوى عشان اقدر اخلص الأجزاء بدري

مره ثانيه اشكرك كثير ع دعمك ومروك الروعه

] #بعثرة_وهم [

رد: يتامى زمن قاسي
 

ماشاء الله تبارك الله على قولت جدتنا النوري ابدعتي
ماتوقعت ان كل العوائل من نفس العائله اخوان واعيال عم
هاني يطلع عم فارس
هاني الله يعينك على اخوانك
بس حن على ابوك ورح له لايصير فيه شيء
وكنت اتمنى اشوف شعور جمال لما شاف الوعد وشنو احساسها واحساسه
اتمنى انك تزيدي الوصف سواء لبعض الاماكن او الاشخاص
وبالتوفيق لك بنت ديرتي

رد: يتامى زمن قاسي
 

يا هلا وغلا بيك تفاحه

راح أحاول أزيد الوصف وان شاء الله أوصل لشي يرضيكم

الله يسعدك على المرور الطيب

وان شاء الله راح أخذ بالنصيحه

] #بعثرة_وهم [

رد: يتامى زمن قاسي
 

رجعت مره أخرى بالجزء الرابع

هذا الجزء كنت كاتبته من فتره لكن حصلت بعض التعديلات

أتمنى تسامحوني ع القصور

[ يتآمى زمن قآسي ]*
الجزء الرابع ...


بعد مرور أسبوع ...*
دخل غرفتة اخيه وهو يشير له بالسلام*
ليرفع رأسه من على الوساده وهو يهمس له بإبتسامه فاشله : وعليكم السلام*
اشاره له بحرج : شكلك بتنام !!*
خلاص اشوفك وقت ثاني*
كان يستعد للخروج وحالما وصل للباب اوقفه وهو يهتف بهمس : طف النور معك*
لم يعلم لما احس ان اخاه يخبئ عنه شيئاً*
كان بوده أن يعود للتحدث معه ومعرفت ماذا يخبئ لكنه تراجع وأجلها لوقت أخر خرج وهو يغلق الأنوار
الساعه تشير لسادسه صباحاً والجميع يجلسون على طاولة الطعام*
حينما وصل فواز وشاركهم الإفطار*
عمار هتف بحزم : فواز ، ليش ما جا معك فصيل*
فواز : تعبان تركته نايم*
عمار نهض من على الطاولة ليجلسه فواز وهو يشير له بإبتسامه : لا تخاف ، قلة نوم بس*
عمار بتوتر : اهو قال لك !*
فواز وهو يحاول أن يطمئنه : لا ما قال لي بس واضح من شكله*
عمار بغضب : لمتى يعني*
غايب ثلاث ايام ورا بعض .. اووف عله ..*
فواز انهى فطوره اولاً لينهض استعداد للذهاب لعمله*
وصل عند السياره ليتفاجئ بأحد ما يصل له وهو في قمة الأنفعال : انت وين وديت اسوارتي !!*
.
.
*******************************
في مكان اخر*
اعتاد في الفتره الأخيره الجلوس كثيراً في غرفته*
بعد ان كان كثير الخروج ، والتأخر في النوم*
صار ينام باكراً ويجلس كثيراً بالمنزل او بأصح*
الجلوس في غرفته*
أغمض عيناه وهو يتذكر ما حدث له بالأمس
تحسس خده الأيمن وهو يهتف بضيق : هذه أخرتها يا هنوي تضربني أنا !
تنهد بعمق وهو يمدد قدماه على السرير كان يستعد للنوم لو لا دخول أبيه المفاجئ : هذا انت جالس ليش ما ترد عليّ !!*
انتفض بخفه فهو فعلا لم يسمع ان الباب كان يطرق فهو غارق بتفكيره الخاص : ما سمعته*
جلس بجانبه وهو يتأمله بدقه يعلم ما يخبئه إبنه دون أن يتكلم فهو تقربيا يشبه بتصرفاته لذا لم يصعب عليه ذاك أبداً : فارس .. ليش ما نمت الى الحين*
غريبه اشوفك قبل فتره كله تنام الساعه 8 ونص*
الحين الساعه 10 وما نمت ..*
لم يستغرب سؤاله فهو كان يتوقع أن يسأله بهذا السؤال قربياً : يبه لما انام مبكر تقول لي مو من عوايدك ولما اسهر تعاتبني*
وش الزبده*؟؟
صقر انفعل وهو يقف بحده : الزبده انه فيك شي*
من يوم جيت وخدك احمر*
لما سألتك تقول لي اخناق بسيط*
الا طل بعينك اخناق بسيط*
ثم أردف بنبرة أمر : الحين تقول لي منو اللي ضاربك ...*
فارس بحرج : يبه ماله داعي تعرف منو ..*
السالفه خلاص راحت*
هو يعلم من يفعل به هذا لكنه كان يتمنى أن يخبره هو بنفسه هتف بحزم : بس اثرها الى الحين موجود*
ثم اردف بحنان : بس قول لي منو اللي ضاربك على وجهك *
والله لا امسح فيه الأرض ، عشان يعرف على من يمد يده*
.
.
*********************************
في أحد القاعات*
يقف عمار وسط مجموعة من الطلاب*
وهو متعب تماماً *
لكنه يحاول جاهداً شرح ما تبقى من النقاط*
غير ان الطلاب اجهدوه اكثر بكثرت اسألتهم*
فهو لا يرسل له المعلومات بشكل جيد بسبب تعبه*
التفت نحو السبوره البيضاء*
وهو يغمض عيناه بقوه ، فهو يشعر بالدوران*
وقريباً سيقع ..!*
التفت مره أخرى للطلاب ليشعر بدوران قوي*
ولحسن حظه انه يقف بجانب المكتب الذي يضع عليه اوراقه واغراضه الخاصه*
همس وهو يمسك بالطاولة بقوه : طيب*
تقدرون الحين تطلعون وبالمحاظره الجايه اكمل لكم الللي بقى ..
بعض الطلاب سعد بهذا الخبر وخرج فوراً*
لكن البعض الأخر تردد لحتى خرج ...*
جمع اغراضه بسرعه وخرج من القاعه*
وفي اثناء سيره ، عاد اليه الدوار مره أخرى*
توقف لفتره وهو يغلق عيناه بقوه ويضغط على جانب رأسه بقوه*
تقدم اليه أحد الطلاب وهو يهتف بهدوء : دكتور*
عسى ما شر !!*
عمار بإتسامه وهو لا يزال على وضعه : الشر ما يجيك*
لا تخاف مافيني شي ، بس راسي اشوي يعورني*
خالد بهمس : سلامتك ... بس غريبه طلعت الشباب عشان راسك بس !!*
.
.
" وش صار الحين عليه ؟؟ "*
التفت اليه وهو يهتف بغباء : مين ؟؟*
جراح بغضب : مين يعني ... اخوك يالمفهي !!*
سالم : ايه قصدك هاني ...*
جراح بإنفعال : لا تركي*
اكيد هاني ..*
سالم بنبره حزينه : الى الحين مو مبين .. ان اظن انه بالمزرعه*
الا اكيد لانها المكان الوحيد اللي ما رحنا له*
ثم اردف بإنفعال : بس ابوي مو راضي يقتنع ان ولده يستاهل كل هذا*
والمفروض تركي يكسر ظهر عشان ما يروح ولا يجي*
ويفكنا من كل هذا الموال كله*
جراح بإبتسامه خفيفه : والله اخوك..! مدري اشلون عايش*
ما همه احد ..*
سالم باستغراب : الا جراح وش فيهم الناس متجمعه هناك !!*
جراح بعدم إهتمام : والله علمي علمك*
مر شاب بجانبهم وهو يركض ليوقفه*
جراح وهو يهتف له بإستفسار : وش فيهم الناس متجمعه هناك ..!*
الشاب بسرعه : غريبه ما جاك الخبر ...*
سالم بسخريه : ها في إجازه وتبون تتأكدون منها !!*
الشاب بجديه : يقولون في واحد من الدكاتره طايح هناك*
سالم بحزم : وهذا بدال ما يسعفونه يتجمعون عليه*
جراح لم يهتم لا هو ولا صاحبه بعرفته هويت الدكتور فهو يكره أن يشمت بالناس لذا هتف بهمس : سلوم ، هالدكتور مالقى له مكان يطيح فيه غير الساحه*
سالم : هههههه وش يعني لما يكون الواحد تعبان يطيح في المكان محدد بعد !!*
جراح صمت وهو يدور في رأسه أشياء ابعد عن هذا كله *
.
.
" ها فصيل مو ناوي تقوم اليوم بعد !! "*
فيصل بهمس : جراح واللي يرحم والديك*
اطلع وسكر الباب وراك*
راسي بينفجر ، ابي انام*
جراح بعصبيه : انت لو تبطل هالسهر ما كان راسك يعورك*
بس وش نقول وش نخلي*
نام ، نامت عليك طوفه ..*
اغلق الباب بقوه واسرع على طاولة الطعام*
بدأ يأكل بسرعه ليتوقف على همس أحد الجالسين بجانبه : جراح ، بشويش ، الشغل مو طاير
جراح وهو يبلع القمه : الا طايره ، المفروض اوصل 3 على الأقل ! والحين ثلاث وربع*
كان ما ...*
بتر جملته بعدها اردف : عمار وش فيك ؟؟*
عمار كان في عالم أخر فهو منذ ان رأى زوجته المستقبليه هو يشعر انه لا يستطيع التحكم بأفعاله هو لأول مره يختلط بجنس النساء لا يعرف اهو يظلمها بزواجه بها ام هو .... زف بقوه وهو يضع المعلقه جانباً
ليهتف اخيه مره أخرى : عمار اشفيك جالس أكلمك
عمار بهمس : وش فيك ؟
جراح بتنهيد : والله انت مو صاحي أبدا وش صاير لك وجهك أصفر بزياده ترى *
عمار بهمس : مو نايم عدل ، حتى امس ما نمت*
يعني خلاص تعودت ..*
ينتابه شعور بالضيق ايذهب ويراها أم يبقى على حاله حتى يفرج عنه ربه
" آه يمه لو أنش جنبي والله محتاجش ومشتاق لش انا ضايع بدونش ياربي وش أسوي وش ..؟ "
***************************
جفتت يداها المبلله بعد ان سمعت صوت جرس الباب*
وقفت خلف الباب وهي تهتف بهدوء : منو ؟؟*
هتف بثبات : انا هاني ..*
فتحت له الباب : ادخل *
بقى خارجاً وهو يهتف بحرج : وينه فارس ؟؟*
مها وهي تدخل للداخل : دقايق اناديه لك*
ادخل المجلس مفتوح*
دخل المجلس وهو يشعر بضيق شديد*
ليزداد ضيقه وهو يسمع احدهم يدخل تواً*
" انت وش جابك لهنا !! "*
التفت اليه وهو يهتف بثقه : ليش ما تبيني اجي بيتك ؟؟*
صقر بعصبيه : هنوي ، صار لك فتره ما جيت هنا*
وش اللي غير !!*
هاني بهمس : ابي فارس*
صقر بحده : تصفعه وتالي تجي تبيه !!*
تجمد الدم بعروقه ايعقل ان فارساً يخبر أباه بما حدث " لا فارس مستحيل يتكلم ! " يشعر ان الضيق بدأ يكتم على انفاسه لذا هتف بتوتر : منو .. قال لك اني صافعه !!*
صقر وهو يجلس على الأريكه : ما يحتاج احد يقول لي*
ادري حتى لو ما قال لي ، ما يخبي شي الا لما يكون انت وراه*
هاني بلع ريقه بعصوبه : طيب روح ناديه ، ابيه*
صقر نهض وهو يهتف بغضب عارم : هاني*
ولدي مو لعبه عندك*
ان عرفت مره ثانيه انك قارصه بس*
صدقني بيجيك شي ما شفته طول عمرك*
هاني بيرود : مثل شنو يعني*
" مثل انه يقص يدك ... "*
احس وكأن الهواء يعود لرئتينه من جديد هتف بسرعه وعلى محياه ابتسامه فاشله : ليش ما ترد عليّ صار لي يومين ادق عليك*
يشعر بغيض اتجاه كان بوده أن يرد له الصفعه مرتين او ان يهينه امام اباه لكنه لا يستطيع هناك شيء يمنعه من هذا شيء اقوى منه بكثير لذا اكتفى بهمس بارد : انا حر ارد ولا ما ارد*
هاني : تعال لي بغرفتي*
فارس التفت اليه بغضب : غضب يعني ؟؟*
هاني هتف بحده : ايه غضب*
بعدها خرج .. لينهض والده وهو يهتف : فارس مو مجبور تطيعه*
فارس بحزن واضح : هذا مو بس عمي*
في شي يخليني اتعلق فيه بشكل مو طبيعي*
لو يذبحني مراح اتكلم*
صقر بخبث : تعزه اكثر من ابوك !!*
فارس رفع رأسه وهو يهتف بخبث مشابه : مستحيل*
ابوي يزيد عنه بـ 1٪*
صقر وهو يبتسم : بس !! ، خاين ...
زين وامك*
فارس ابتسم ابتسامه شفافه وهو يستعد للخروج : اخاف اقول*
وتدفني وانا حي*
.
.
خرج فوراً بعد ان أنهى الحديث مع والده*
منزل جده لا يبعد كثيراً عن منزلهم*
فهو بالشارع الأخرى*
يلزمه فقط المشي لعشر دقائق فقط ...*
طرق الباب فهو يحتمل وجود زوجة عمه بالصاله لذا لا يريد ان يدخل بدون اذن*
فتحت له فتاه صغير وهي تهتف بغضب : نعم خير وش تبي جاي بيتنا*
فارس بحزم : في احد جالس بالصاله ؟؟*
الفتاه بغيظ : لا امي فوق بغرفتها*
جدتي في المطبخ ، وخواتي في غرفهم*
فارس بعصبيه وهو يبعدها عن الباب : وخري شايفه جدتش تتغطى عني*
بعدها رفع صوته : ها.. يا الله ،*
ماما ، وينش ؟؟*
خرجت له امه وهي تشرق إبتسامتها على الأخر : هلا يمه ، وينك ما قمت تجي هنا ...*
قبل رأسها وهو يهتف بحرج : مشغول ..*
ام تركي بنبرة عتب : مشغول ولا فيه شي صاير و ماتبي تقول لنا*
فارس بتوتر أخفاه : لا يمه ، ما فيه شي بالدنيا يبعدني عندكم*
ام تركي بهم : الله يهديك انت واللي جالس فوق*
فارس ابتسم ابتسامه واسعه : مين قصدك هاني !*
ام تركي بسرعه وهي تستعد للرجوع الى المطبخ : ليش في احد غيره مجنني*
فارس بنبرة مقصوده : يمه هو هادي بس انتوا اللي ما تعرفون له*
ثم اردف على عجل : زين اجل انا بروح اشوفه*
قبل ما ينزل ويغسل شراعي*
تأخرت عليه واجد*
صعد السلالم وهو مخفض رأسه*
واحداث كثيره تدور بذاكرته*
لينصدم بنغمة صوت يعرفها جيداً : غريبه
في الشهرين اللي طافوا ما قمت تجينا الا للمناسبات*
اشوفك جاي بدون مناسبه ولا صاعد الدرج*
فارس بهمس غاضب : سجى واللي يرحم والديش*
وخري عن طريقي ماني فاضي لسخفاتش*
سجى بحقد : نعم ، انا سخيفه*
فارس لا يعلم ما الذي جعله يتجرأ ويرفع عيناه لها وهو يهتف بنبره حاده : اقول استحي على وجهش وتغطي ، تراني مو بزر*
وعلى فكره ، لو يدري خطيبش كان طلقش*وعمي تركي غسل أشراعش
سجى بغيظ : تخسي يطلقني*
اصلن خطيبي يموت فيني ..*
شوف هذه المره الخامس اللي يتصل عليّ*
فارس لم يستطيع التحمل اكثر لذا عبرها بسرعه وهو يسير بخطوات سريعه لغرفة هاني*
فتح الباب واغلقه بقوه*
لينهض هاني من مكتبه وهو يهتف بغضب : وش له فاتح الباب بدون اذن*
فارس بغضب وهو يقف امامه : بس كيفي*
انتي ليش تخليني اجي لغرفتك ؟!*
هاني بغضب اكبر : وما تعرف تطق الباب قبل ما تدخل*
فارس بغضب اكبر واكبر : لا ما اعرف*
وبعدين اشلون تبيني اوقف على بابك لين حضرتك تكريم وتخليني ادخل*
البيت كله بنات اخوك*
هاني بذات الغضب : ايه تحنحن ومراح يطلع لك احد منهم*
فارس بألم : تدري ان جيتي الى هنا غلط في غلط ، المفروض تلاقيني بالمجلس مو هنا*
هاني : والله انا كيفي*
الاقيت بالمجلس بالمزرعه*
كيفي ، كـــيـــفــي*
فارس بغضب وهو يضرب المكتب بقوه : وانا مو عبد عندك توديني وتجيبني مكان ما تبي
هاني بخبث وهو يحرك حاجبيه : خلاص ، افضحك واعلمك كيفي عبد عندي*
فارس بإنفعال وهو يفهم قصده : انتي السبب في كل هذا*
لا تجلس تهددني تراك انت السبب ورا كل اللي صار*
هاني بحزم : وش اللي صار ، غير انها كانت بتطيح وبالصدفه كنت موجود ومسكتها ، ولا تنسى انك كنت بزر ، 14 سنه بس*يعني معقوله تجيك هالأفكار والحب والخرابيط
فارس بألم وهو يجلس على الكرسي الذي أمامه : بس مو قادر اشيلها من راسي*انا من قبل متعلق فيها بس هالموقف زاد تعلقي فيها اكثر
هاني بعصبيه وهو يجره ناحيته : تراها مخطوبه*
فارس بهمس : عارف ، بس تتوقع بنساها كذا*
بعدها ضرب صدره وهو يهتف بألم : مو انا اللي مو عارف انساها هذا اللي جالس هنا يلعب فيني وانا ما اقدر اقول شي*
بعدها اردف بإختناق : لا تفكر انك بالشي اللي سويته قدرت تنسيني اياها*
هاني ألمه ما فعله بإبن أخيه كان يريد أن يساعده لكنه أخطأ بتزويجها بغيره هتف بهدوء : فارس ، لازم تنساها*
فارس بإنفعال وعيناه بدأت بالإحمرار : اشلون ! اشلون علمني اشلون !!*
هاني بهمس : فارس تصيح عشان بزره !!*
فارس ادار له ظهره وهو يسمح لدموعه بإنهيار : وش تبيني اسوي*
قلبي يوجعني حيل لما افكر بس فكره انها راحت لواحد غيري ، مو قادر اتخيل انها ...*
خلاص تكفى*
هاني بألم وهو يجره لأحضانه : شنو تبيني اسوي يعني*
فكرت انها لما تتزوج بتنساها*
فارس وهو يدفن رأسه بكتفه : مراح تتزوج*
مو كيفك ، اذا تزوجت بموت ، بموت*والله
هاني بسرعه وهو ينظر له بخوف : فارسوه يالغبي*
انت مراهق وهذه الأشياء راح تصير لك واجد*
صدقني هذا بس اعجاب مو حب !!*
فارس شعر أنه يختنق أكثر فأكثر لذا حاول أن يبعد كل هذا وهو يهمس : كان إعجابه لكنه تحول لشي أكبر
ثم أردف بهمس : ابي انام*
هاني نظر لساعته وبعدها هتف : توك جالس*
وش تنام ما تنام*
فارس لم يستمع له وهو يتمدد على سريره المزدوج ، ليغط في النوم بعد ثواني قليله*من تمدده*
هاني شعر بألم يعتصر قلبه فهو لم يراه على مثل هذه الحاله الا قبل شهرين*
بالضبط بعد ان عرف بخطبت ابنة عمه لأحد معارف عمه هاني*
.
.
كان يبكي بشده ويترجاه أن كل ما سمعه من أبيه كذبه هو من ألفها لكنه أجابه بهمس نحره : سجى ملكت صج أمس ، واتركها عنك البنت راحت بطريقها شوف لك وحده ثانيه تفكر فيها لانها مو حلالك
لينهار بعدها أكثر وهو يهذي بإسمها
.
.
تمدد جواره بعد ان اغلق الأنوار و وضع عليه الغطاء الثقيل فالجو بارد في هذه الأيام*فتح هاتفه وأرسل رساله قصير وبعدها أغلقه وغط في النوم هو أيضاً !!
************************************
وصل لمنزل في التاسعه مساءاً*
دخل المطبخ فلم يجد احداً*
توجهه للأعلى فوراً*
فإن لم تكن بالمطبخ فهي بالتأكيد بغرفتها*
فتح الباب بهدوء ليرى ضوءاً خافتاً*
وصوت أنين خافت يعم المكان المظلم*
انار الأضواء : مها !!*
مها مسحت دموعها بسرعه*
ليصل اليها بخطواته السريعه ويجلس بجانبها : انتي اشفيش هاليومين !! كله صياحه ؟*
تدرين ما احب اشوف دموعش*
مها بهمس وهي يحاول النهوض : فارس ما جا من الصبح ...*
مدري ليش قلبي قارصني*عليه
صقر : فارس مع عمه*
يقول انه نايم بغرفته ...*
مها بخوف : نايم من الصبح الى الحين !!*
صقر بإبتسامه وهو يحاول ان يطمئنها : وش فيها*
اصلن صار له يومين ما ينام عدل*
لما ادخل اشوفه ، يمثل انه نايم*
مها بهمس وهي تعود للتمدد : زين ليش عند عمه مو هنا !!*
صقر وهو يتمدد جوارها : مدري عنه*
خليه يسوي اللي يبي*
انا تعبت منه ومن عمه*
مها بحزم : وش دخل عمه !!*
صقر وهو يغمض عيناه : مو اهو يمشي وراه*
مها بتوتر وهي تنظر له بإستغراب : زين تنام بثوبك ، قوم بدل*
صقر بهمس ناعس : تعبان خليني انام*
مها نهضت واستحمت سريعاً بعد أن اطفأت الأنوار وجعلت فقط إضاءه خافته
حالما خرجت من الحمام اخذ هاتفها وخرجت لتجلس بغرفة إبنها*
اتصلت عليه لكنه لم يرد اتصلت لأكثر من اربع مرات دون جواب !!*
شعرت بالم يعتصر قلبها فهي قلقه عليه وهو يزيد عليها بعدم الجواب !!*
" ليش ما ترد يا يمه ، رد ريح قلبي ... "
.
.
****************************
" يمه !! بتطول معه ؟؟ "*
ازالت قطعة القماش من على رأسه وهي تهمس بهم : والله ماأدري يمه*
اول مره أشوفه كذا يرتجف بس عشان حراره*
هاني وهو يجلس بجانبها : يمه يعني اللي فيه حراره ما يرتجف !!*
ام تركي وهي تغير الموضوع : ابوه يدري !!*
هاني قفز بسرعه : لا يمه ...*
ما ابي احد يدري*
ام تركي بحزم : لا والله ، وإن شاء الله تبيه ينام بغرفتك الليله*
توتر فهو يعلم إن عرف أخيه صقر عن وضع إبنه المدلل قد يجن ويتهمه ان ما أصابه بسبب
والشيء الذي يألمه أكثر أنه بالفعل هو السبب بكل ما أصابه : يمه كأنش ما تعرفين ولدش*
لو يدري انه مجروح وصار له ثلاث ايام وانا ما شفته أسبوع ، بقول انا اللي جرحته*
تكفين لا تفحتين باب شر ، اتحمل الكل
الا صقر*
فارس بدأ يهتف بكلام غير مفهوم*
بعدها هتف بتعب : هاني ...*
هاني قفز للجهه الأخرى وجلس عن رأسه : هذاني جنبك*
فارس بهمس وهو يعتصر عيناه فرأسه يألمه كثيراً : وينه ابوي !!*
هاني بتوتر واضح : ابوك في بيتكم ...*
ما يدري انك هنا*
ام تركي بنبره حزينه : يمه نام ، عشان ترتاح*
فارس بلا وعي : اشلون ارتاح ....
هاني هتف بسرعه قبل أن يفصحه ويخبر أمه بكل شي : فروس ، تبي بندول !!*
فارس لم يجيبه فهو عاد مره أخرى للنوم*
لتنهض بعد ساعه امه وهي تهتف : انا بروح انام*
اذا صار له شي ناديني*
هاني برجاء حاد : يمه لا احد يدري*
.
.
.
#بعثرة_وهمـ[]

رد: يتامى زمن قاسي
 

رد: يتامى زمن قاسي
 

يا هلا وغلا اختي شبيهة القمر

في كل مره تسعدني ردودك وتوقعاتك

ان شاء بالأجزاء القادمه توضح لك الصوره


لكن بصراحه احس بخيبت أمل خفيفه لما أشوف المشاهدات كثيره وصلت 400 مشاهد

والمتفاعلين معي فقط اثنين

انا مبتدئه في عالم الكتابه وحبيت ان يكون في ناس اكثر تنتقد نقد بناء

انا عشانك انتي والأخت تفاحه راح اكمل الروايه واكتب الأجزاء الناقصه

لا تزعلوا مني اخواتي بس هي كلمه وحبيت افضفض عنها

وانا ان شاء الله راح احاول في الأجزاء القادمه اطور اكثر من اسلوبي حتى يكون بأحسن صوره

واكيد راح اخذ بنصيحتكم ^^

]#بعثرة_ وهم[

رد: يتامى زمن قاسي
 

هلا اخت بعثرة .. لاتلومين القراء .. من كثر ما انصدمنا في كاتبات سحبوا علينا بدون اي اهتمام للمتابعينهم ..
اعذرينا يالغلا . باذن الله اذا شفنا انضباط بتنزيل البارتات . راح نتابع

موفقه حبيبتي والله يتمم لك على خير

رد: يتامى زمن قاسي
 

يا هلا وغلا اختي سهام

انا ان شاء الله راح اخلص الروايه وتنزل بإذن الله كامله

بس تمنيت على الأقل يشاركوني الأعضاء برأيهم بها

وطلبي مو صعب انل مراح اجبر اي احد يتابع معي

لكن حبت يكون لي دعم

ومثل ما قلت قبل هي كلمات وحبيت افضفض عنها

وانا مراح اخذل الاختين شبيهة القمر والاخت تفاحه

راح اكمل الروايه بإذن الله

الف شكر لك اختي ع التوضيح الفكره

واعذريني فأنا مبتدئه بعالم الروايات

واذا قلت شي غلط سامحوني ما فيه انسان معصوم عن الغلط

اعتذر لكم احبتي .

]#بعثرة_وهم[

رد: يتامى زمن قاسي
 

السلام عليكم

عودة مجددا مع الجزء الخامس

قرآءه ممتعه ....

[ يتآمى زمن قآسي 5 ]*
الجزء الخامس....

قضى الليل مع إبن أخيه ، فحرارته تنخفض وترتفع فجأه*
وبدون سبب !!*
لم يرد أن يشغل أهله فيه وكان سيتبدر كل هذا بنفسه .. لو لا ظهور أخوه في الصباح الباكر .. وأخذه لإبنه لأقرب مستشفى سريعاً*
عندما كشف الدكتورعلى حالته*
وضع له أسلاك المغذي فهو لم يتناول شيئاً أبدا بأمس*
وهاهو يقف فوق رأسه و والده يجلس بجانبه*
" انت ليش مخليه كل هالمده ، ولا فكرت حتى تقول لي ... "*
هاني بحزم : صقر ، هذا ولدك أقبالك ومافيه الا العافيه*
صقر بنبرة غضب : وش عقب !!*
بعد ما كان بموت وهو نايم بغرفتك !!*
هاني بسخريه : وش يموته !!
صقر بإنفعال : انت يبي لك كف عشان تعرف اشلون تحترم غيرك جالس تتمسخر عليّ كأني بزر عندك*
قطع عليه همسات هادئه : يبه ، هاني ما له دخل ، انا اللي قلت له ما يقول لك*
صقر بغضب : وانت بعد يبي لك تسنع ، اطلع من هنا وشوف وش بسوي فيك*
هاني بهمس : فروس ، خليك هنا ارحم لك*
فارس بعتب : لا تزيده علينا*
صقر بنبره حاده : وش تقولون !!*
.
.
*******************************
" ايه قبل ما أنسى ، عمي يبيك بعد الغدا ... "*
هتف بهمس هادئ : خير إن شاء الله*
راكان بسرعه : عمار !!*
وش مسوي عشان عمي يبيك ؟؟*
جراح بحزم : راكانوه ، ابلع لقمتك وانت ساكت ، ولما تشوفني انا وعمار نتكلم لا تتدخل زين*
راكان بإنفعال : لا والله ، تبيني انا والكرسي واحد ؟؟*
حتى فواز تسالف معه ، لما انا تكلمت ... قمت سكتني*
ثم نهض وهو يهتف بعصبيه : مابي غدا*
اشبع فيه*
جراح بغضب عارم : راكانوه ارجع تغدا*
راكانوه وعمى تعميك ... أرجع !!*
بعدها همس بحده : زين انا اراويك*
عمار بهدوء : جراح ، ما عليك منه ، خليه يسوي اللي يبي ...*
جراح بعصبيه : انا عارف ليش يسوي كذا*
كله من ولد عمك فهيدان*
هذا الولد انا ما اطيقه ويروح يسوي لي نفسه بالضبط*
هين يا راكانوه ...
فواز وضع يده على كتف أخيه وهو يشير له : وش فيك !! من جلست ما كلت ولا تكلمت !!*
فيصل بهمس : وش تبيني أقول !!
فواز اعاد يداه لمكانهما وهو يأكل بحزن*
ليتفت عمار لفيصل وهو يهتف : ها فصيل ما تبي تاكل ؟*
فيصل وهو ينهض : مدري شكلي كثرت من هالمشويات عند الربع*
فواز شعر بشيء ما غريب لذا لحق بفيصل وقبل ان يغلق الباب ، اوقفه فواز وهو يشير بعصبيه : انت وش صاير لك*
تراني مو غبي تقص عليّ*
فيصل بهمس : فواز تكفى ... هدني بروحي*
فواز دخل الغرفه وهو يغلق الباب خلفه*
ليشير له بحذر : السالفه مع بنت عمك ؟؟*
.
.
" شنو !! أجرت بيت أبوي !!*
من متى وبأي حق ؟؟ "*
عمار بحزم : ايه*
وبأي حق ، لاني بأساس البيت بأسمي*
ولا ناسي اني معطيكم كلكم حق البيت كامل بدون ما ازيد ولا انقص قرش واحد*
جراح بألم : ليش يا عمار*
انت وعدتني ان البيت بيظل نفسه ومراح يتحرك منه شي*
ليش كذا توعدني وتخلف ؟*
عمار بنبرة غضب : جراحوه ، انا ما خنت وعدك*
والبيت على ما هو*
مراح يحركه ولا يغير فيه شي*
وكلها كم شهر وبيرجع البيت مثل ما هو*
جراح وهو يجلس جواره : زين انا ابي اروح أكمل هناك*
ابي اخذ الصيف هناك مع ربعي*
عمار برجاء : جراح تكفى ، لا تفشلني مع الرجال*
إن شاء ما يجي الصيف الا هو لاقي له بيت وخالص*
جراح : زين كم شهر عطيته اياه*
عمار بهدوء : سنه كامله*
وبعدها خلاص يحلم أخليه يجلس دقيقه وحده*
*******************************
" وين رايح ؟؟ "*
تأفف وهو يلتف إليه ويهتف بحزم : نعم !!*
وقف أمامه ليهتف بغضب مكتوم : أصغر أعيالك ترد عليّ كذا !!*
أجابه ببرود وهو يلتف إستعداداً لإكمال طريقه : والله كيفك ، فسرها مثل ما تبي ،*
تركي بعصبيه : هنوي ، إذا جيت أكلمك لا تعطيني ظهرك*
هاني إلتفت له. وهو ينظر له بحده*
ليقطع عليهم حوارهم نزول أحدهم : يبه ، ممكن دقيقه أشوي !!*
تركي بحده : وش تبين ؟؟*
هاني بسخريه : الحمد لله والشكر ، حتى اعياله ما سلموا منك*
عن أذنكم تأخرت واجد*
عندما تركهم هاني ، هتفت سجى بإستغراب : يؤه وشفيه عمي هاني ؟؟*
تركي بنبرة غضب : هذه دقيقتش !!*
سجى إبتلعت ريقها وهي تهتف بتوتر : ها لا*
بس واصل بيجي اليوم ، وقال يبي يشوفك ضروري*
.
.
********************************
" غريبه !!*
إشفيهم قالبين المكان قالب ... غير انهم مغيرين الحديقه واثاثها كلها جديد ، وامس بعد شفتهم يدخلون اثاث جديد وطلعوا القديم !!"*
جراح بحزم : راكانوه ، خليك في حالك*
ولا تدخل في شي ما يعنيك زين*
راكان بنبرة غضب : وانت ليش كله تعصب عليّ لما اقول شي !!*
جراح بغضب : ابلع السانك ولا تتدخل ما تفهم !!*
فيصل : الا صج ، كلامه عدل وش صاير هاللي يبون يغيرون الاثاث كله*
فواز أشار بحذر : يمكن بيجي احد*
عمار وقف وهو يسمع صوت باب شقتهم : خلاص بس انت وياه ، ما تخلون احد يرتاح بمكان*
فتح الباب لينصدم وهو يهتف إستغراب : أنور !!*
.
.
********************************
" انا يوم بشلع لك هالقلب*
عشان تعرف وين تحطه ... "*
فارس بهم : هنوي ، واللي يرحم والديك*
فكني خلني بروحي ما تعرف !!*
هاني جلس على طرف السرير وهو يهتف بحذر : ليكون مفكر اني اخليك تاخذها*
فارس بسرعه : اصلن ما ابيها خلاص*
هاني بعصبيه : اجل ليش شايل هالهم كله !!*
فارس : مدري*
هاني بصراخ : اشلون ما تدري
وش تبي توصل له بالنهايه*
تراك مسختها ، لك اسبوع كامل ما طلعت من البيت*
فارس بهدوء : تدري عمام فيصل جاو !!*
هاني تغير وجهه الى الوضع الطبيعي وهو يهتف بإستغراب : مين فيصل !؟*
فارس : ولد جابر " الله يرحمه " وش فيك هذا المفروض مستحيل تنساه*
كله تتخانق معه لما كنتوا بالمدرسه*
هاني بإنزعاج : لا تذكريني بشي بالمدرسه*
المهم وش جديد بالموضوع*
فارس بصدمه : هنوي ركز معي*
ذاكر أنور ولد عمهم ، اكيد جاي معهم*
هاني إنقلب وجهه وهو يهتف بعصبيه مكتومه : اجل انور رجع هاا*
فارس بهمس : ايه رجع ، شكله هالمره مطولين*
هاني إلتفت إليه وهو يهتف بشبح إبتسامه : تقول مطولين ها*
الله عليك يا ولد السيف ، تعال يدي تحكني من زمان ما شميت ريحة دم ال سيف*
.
.
********************************
عمار وقف وهو يسمع صوت باب شقتهم : خلاص بس انت وياه ، ما تخلون احد يرتاح بمكان*
فتح الباب لينصدم وهو يهتف إستغراب : أنور !!*
أنور بخبث : اوه شكلي ضيعت بيت عمي*
لو سمحت اخوي ، بيت وليد السيف وين اشوفه*
جراح بحده : انور عن الملاغه ، وتلايط قبل ما افقع وجهك*
انور بنبرة مقصوده : عشتو !!*
شوفوا مين يبي يفقع وجههي*
اول انت عدل روحك وبعدين عدل اعيال الناس*
عمار امسك مقبض الباب بقوه وهو يرسم علامة الهدوء بوجهه فهو لا يريد ابدا العراك معه : انور ، ما نبي مشاكل ، وجراح لا تكلمه*
تدري عنه دمه حار ومايستحمل كلمه*
انور بهمس : انا جاي هنا عشان اقول لكم ابشاره*
ثم رفع صوته وهو يهتف بشبح ابتسامه : ترانا صرنا جيرانكم ، بالبيت اللي اقبالكم*
عشان يعني اذا بغيتوا تزورونا ...*
اذا فتحنا لكم الباب بعد*
ثم تركهم يحترقون من كلامه المسموم ولو انه كان يلمح فقط*
لكن ... هذا ليست المره الأولى التي يتلقون الكلام المسموم منه*
فقد كان يأتي بالمناسبات وهو يحمل كماً من هذا الكلام ، فقد عُرف انه حاد اللسان ...*
جراح بغضب : ليش واقف عند الباب ، كان خليتني اكسر راسه هاللي ما يستحي*
اسواته اشين من الكلام اللي مطلعينه علينا*
عمار بهمس وهو يتوجهه لغرفته : اذا احد طلع من هنا ياويله*
انا بروح ارتاح اشوي ...*
وقسم .. إن عرفت انكم طلعتوا عن فتحت الباب بس ، اول واحد بشب فيه هو انت يا جراح*
.
.
في ظلمت المكان .. كان هاتفه يضيء بإضاءه مزعجه ، غير صوته الصاخب الذي يشتت الأجواء الهادئه بالغرفه*
حمله ليرى من يتصل به ... لكنه انقطع فوراً*
ليضعه على الطاوله مره أخرى*
كان متعباً جداً فهو خرج من المشفى قبل يومين بو يكون يريد الذهاب للمشفى لكن صاحبه " ايوب " اصر عليه أن يذهب ليطمئن قلبه ، فهو وقع اما الجميع وقد ضرب رأسه بقوه بالأرض
لم يذكروا له شيء خطيراً غير انه يعاني من قلة النوم ...*
حينما غالبه النوم ، افاق بعد لحظات على رنات هاتفه*
حمله بتعب وهو يفتح الإتصال ويهتف بصوت ناعس : نعم !!*
وصل إليه صوت أحدهم *يصرخ غير انه يخالطه صراخ من حوله : الحق علينا يا عمار ، اخوك يبي يذبح ...*
لم يسمع جملته كلها وهو ينهض بسرعه ليخرج من غرفته ويسمع صراخ بالخارج*
ركض بإتجاه. الخارج وهو يفتح الباب بقوه ليرى إخوانه يجلسون امام الباب ويحتضون راكاناً الذي كان يبكي بشده*
لم يسألهم عن سبب جلوسهم هنا*
فقد توجهه بسرعه إلى الجهه الأماميه للمنزل وهو يرى مضاربه عنيفه بين اخوه وأحد ما*
لم يرى من يتعارك معه*
فهو يعطيه ظهره ... سحب أخوه وهو يلصقه بصدره ويطوق يداه حول خصره ويهمس له : جراحوه ، تكفى هدي هدي*
جراح هدئت ثورته تدريجياً بهمس أخيه له*
هو لم يكن يستوعب ما كان يفعله من شدت الغضب*
بعد ما هدء تركه وهو يسحبه خلفه ليرفع رأسه وهو يشاهد أعمامه وابناء اعمامه ينظرون له بإستغراب ، كيف استطاع ان يمتص كل غضبه بثواني بينما هم ، ومع كثرتهم لم يستطيعوا ان يوقفوا يداً واحده منه وهو يرمي بهم جميع ويضرب بقوه بالذي أمامه*
انور نهض من الأرض وهو يصرخ بوجهه : لا تعال كمل ، ليش تغيبت ورا هالطوفه اللي قبالك*
جراح كان بوده ان يكمل ما بدأه لكن عمار كان أمامه وهو يعيق طريقه هتف بهمس مكتوم : تكفى هدني عليه ... قلبي ما برد منه*
انور بغضب وهو يمسح اماكن نزف وجهه : تعال يلا .. خلني اشوف تربية الحرامي*
عمار بنبره هادئ رغم إحمرار عينيه : إنكتم*
أنور لم يحرمهم وهو ينهال بالكلام الجارح : انت ليش واقف قدامه خلني اشوف عضلات ولد النذل و الطماع وش بسوي فيني*
عمار بغضب : اص ولا كلمه ، ما بغى الا البزور يتطاولون على ابوي *
روح شوف سوى ابوي بعد ما ...
قطع كلامه وهو يُدير ظهره ليهتف لأخيه بنبرة غضب : تحرك لا اعفسك اقبالهم*
تحرك معه ليتجهوا خلف المنزل مكان باب شقتهم*
اشار لإخوانه بالنهواض للداخل وبعدها اغلق الباب بقوه*
فور إغلاقه للباب امسك بعضد أخيه جراح ليتوجهه به لغرفته*
اغلق الباب عليه بالقفل لينهال عليه بغضب عارم : مو قالت لك لا تطلع !! و محذرك بعد !!*
جراح : ما طلعت ، هو جا لي برجوله*
هو اللي جا ، وجالس يسب ومدري شقول ... خلاني اعمى ما اشوف الا هو !!*
امسك بطرف قميصه من الأعلى وهو يلصقه بالجدار : ليش تخلي كلامي بالهوا*
كم مره قايل لك كلامي يتنفذ قبل اي شي*
جراح بإختناق : عمار فكني بموت ...*
عمار بغضب عارم : موت ، موت خلني افتك من سواتك ...*
بعيد الفطر توني موقع على تعهد و مطلعك من السجن كان رحت فيها لو اني لحقت عليك قبل الفلعه*
تدري لو محولينك المحكمه كان قطنت عندهم*
تدري ولا تتغيبى ... هذا البزر لو تعارك معه مره ثانيه بيطير راسك*
عادي عنده يحلف كذب*
ويجيب شهود بعد ...*
جراح بألم : تكفى فكني ... مراح اتهاوش معه مره ثانيه ، بس هدني رقبتي تعورني*
عمار ضرب رأسه بالجدار وهو يهتف بغضب أشد : تستاهل ، ودي بعد اشيلها من مكانها*
جراح بصوت مبحوح : عمار !! خلاص هدني*
مو عشاني ، عشان ابوي اللي وصاك علينا*
عمار انزله ليسقط أرضاً وهو يكمل بألم عميق وعيناه تلمعان : مو قادر اتحملهم ، تكفى عمار طلعني من هنا ، ابي ارجع الشارقيه*
عمامك ما يطقونا ما يبونا*
تكفى رجعنا*
عمار جلس بجواره وهو يهتف بألم شفاف : ما أقدر ، ما أقدر*
صارت رجعتنا صعبه .. صعبه !!*
.
.
.
*************************************
" شنو صاير برا !!*
ليش الكل منقلب وجهه كذا ! "*
هتف بحده : مو شغلش*
مسكت بيده وهي تجره لأحد الزوايه المظلمه قليلاً : وافي .. قول لي تكفى ..*
الوافي بيأس : اعيال عمش تهاوشوا*
شهقت بعنف وهي تهتف بسرعه : وعمار !! صار له شي*
الوافي بغضب : تدرين ... انتي وحده سخيفه لما وافقتي عليه*
جبتي لنا المشاكل*
وعد لم تهتم لكلامه وهي تهتف بثبات : عطني جوالك*
الوافي بسرعه : وش تبين منه !!*
وعد بإصرار : عطني إياه*
وافتح القفل لا تلعب عليّ*
الوافي لم يعلم لما يستجيب لها هكذا فهو للتو غاضب منها والآن ينفذ ما تطلبه منه : وعيد .. قولي وش تبين من جوالي ...!*
وعد حالما إنتهت من نقش احد الأرقام لهاتفها هتف بثقه : عمار مسجله ولد الحامي !!*
الوافي رفع حاجباً وأنزل الأخر : وش عرفش باللقب*
وعد وهي تبتعد عنه : افا ، تبيني أنسى موقفك معه لما كنا بالسوق ؟؟!*
.
.
***************************
" تلايط ، ابوي ما شفته الا لما كنت بالمستشفى بس*
وبعدها سحبت علينا اسبوعين ... "*
فارس برجاء : تكفى ما ابي ادخل*
هاني بإصرار : ها يالله معاي فارس*
دخل بخطوات ثابته وهو يجره معه للداخل بعد ان تأكد انه لا يوجد أحد بالصاله : السلام عليكم ...*
اجتماع العيله ، الله يستر من اللي جاي بعدين*
ابو تركي بحزم : وين كنت من الصبح ؟؟!*
سحب إبن أخيه ليوقفه بجانبه : كنت مع هالتعبان*
الخايس ، خلاني ادور المطاعم كلها ولا كل لقمه ، بس خسرت افلوس على الفاضي*
ثم هتف بنبره مقصوده : صقور ، حول لي 6000 ريال ، ولدك خسرني مكدت 6 شهور *
صقر بغضب : اول صقور بعينك وثانياً انت اللي ماخذه معك*
وثالثاً هذه المره الساعه 10 اشوفه اقبالي مو تخليه لين الساعه 12 وفوق*
غير كذا ، محد قال لك دور بالمطاعم عشان واحد مثل فارس ، هذا ما يستاهل حتى تطلعه الحديقه العامه*
هاني سحب فارساً من رقبته وهو يقبل خده بقوه : هذا العزيز الغالي ، كل شي يبيه بجيه*
بس ...*
افلته ثم اردف : بحدود ..*
ابو تركي بحزم : هنوي تعال يمي اشوف*
هاني ارتخت ملامحه وهو يهتف بتوتر اخفاه : نعم يبه !! أمر ...*
ابو تركي اشاره له بيده ان يأتي*
هاني تقدم بخطوات ثابته ليقف أمامه*
حينها هتف ابو تركي بنبره هادئه : قرب اشوف*
هاني انحنى لوالده ليصرخ بعدها بثواني بسبب ألم أذنه*
فأبوه حالما انخفض لمستوى سحب أذنه بقوه وهو يهتف بنبره غاضبه : كم يوم نايم بالمزرعه*
هاني بألم : يبه هدني ، هدني اشلون اكلمك وانا ما اسمع الا نص الكلام*
ابو تركي شدها اكثر وهو يهتف بعصبيه : جاوبني ... لا تجلس تلف وتدور*
هاني جلس على ركبتيه وهو يحاول التخلض من يد والده التي تمسك بأذنه : اسبوع ، اسبوع*
خلاص هدني*
ابو تركي بغضب عارم : اسبوع ياللي ما تستحي*
وانا ادورك من مكان لمكان على بالي صاير لك شي*
طلعت مو كفو *
سياره وعندك وجوال اخر مديل وعندك وغير هذا كل شهر احط لك 3000 في حسابك*
لمتى بتعقل لمتى !!*
هاني بصوت مبحوح فهو يشعر ان أذنه ستنخلع بعد ثواني : يبه ... هالسالفه صار لها اسبوعين*
توك تحاسبني ، زين اذني بتنقطع بعد اشوي*
الله يخليك هدها*
ابو تركي بحزم : خلني اشوفك بالأول عشان اطلع حرتي فيك*
بعدها ترك اذنه ليقف هاني بسرعه وهو يمسح أذنه المحمره ويهتف بصوت مخنوق : حرام عليك ، صارت جمر ، صدقني مو حاس فيها*
ابو تركي بصراخ : تستاهل*
عشان مره ثانيه تسمع الكلام*
غير هذا عطني مفتاح السياره*
هاني بسرعه : ها ليش ، وش مسوي عشان تاخذه !!*
ابو تركي بغضب عارم : يرجع يقول لي وش مسوي*
سلوم ، طلع اللي بمخباه كله*
سالم وقف ليبتعد هاني وهو يهتف بتوتر : خلاص خلاص انا اطلعهم*
ابو تركي : تركي*
نهض تركي ، ليتراجع هاني وهو يهتف بخوف : يبه والله بطلعهم لك ، ما يحتاج احد يطلعهم*
تركي امسك به ليتولى سالم إخراج ما فيه جيبه*
اخرج المفاتيح والمحفظه واثنان من الهواتف الذكيه*
وضعها على الطاوله أمام والده ، ليقف ابو تركي وهو يهتف بحزم : اسمع ، الحين ترقى فوق*
وتنزل بسرعه ومعك الاب توب ، سامع ولا اسمعك !!*
هاني بهمس : إن شاء الله*
تركهم وصعد للأعلى فوراً ، ليجلس فارس بجانب والده وهو يهتف : يبه ، هاني مراح ينزل*
صقر بذات الهمس : اسكت لا يلتفت عليك انت بعد*
تراني مراح اتدخل*
فارس عقد جاجبيه ، ليسمع صوت جده : وانت بعد ...*
انتفض وهو يبلع ريقه بصعوبه : ا.. أنـ.. أنا ! وش فيني !!*
.
.
********************************
" عمار انت من صجك بتروح له !! "*
التفت اليه بسرعه وهو يهتف بسخريه : لا بس ابي اطلع اشم هوا*
وانت وش حارك !!*
جراح بتوتر : مدري خايف يسون فيك شي*
عمار بحده : وش بسون يعني*
تراني مو همجي مثلك ....*
راكان بهمس : عمار بطني يعورني ...*
عمار بسرعه وهو يخرج : روح حق جراح يشوفك*
انا مشغول …*
راكان كان ينظر لجراح الذي تركه لوحده بالصاله يعاني آلام بطنه المفاجأهـ*
.
.
باليوم التالي …*
جلس بجواره وهو يهمس بهدوء : خليك من اللعب وتعال قولي ، وش السالفه امس ؟!*
إجابه بنبره مشابه له : يعني ما تعرف اعيال عمك*
شي ثاني جراح بعد ما ينعطى وجهه*
نار ويبي اشويت حطب*
سيف : زين ، انور وش صار له !!*
عمار بإبتسامه : ليش على طول انور ، مو جراح …*
سيف بسرعه : جراح !! ، جراح قطو بو سبع ارواح ، ما ينخاف عليه*
عمار بهدوء : ما صار*شي لحقت عليهم ...*
سيف بعياره : ايه دكتور و ولد دكتور ، ما شاء الله تبارك الله ، جد اشلون قدرت على هالجراح الشيطان ، هذا لعصب ما يعرف احد*
عمار بنبره مقصوده : توك قايلها " دكتور و ولد دكتور " وش تبي زود*
سيف بنبره مشابه له : وش يعني مو عاجبك المعلم مثلاً !!*
تراك مثلي معلم بس بإسم ثاني*
عمار بإبتسامه : وش فيك ؟؟ ما قلنا شي*
وبعدين انا عاجبني شغلك ، احسه حماس*
لكن اميل للجامعه اكثر ، تدري اشوف ناس ينافسوني بالحيله ، ومرتاح واجد مع الطلاب اللي معي مع اني اتعب لحتى اخليهم ينكتمون ، غير انت !! دايركت يسكتون*
سيف بإنفعال : ومنو قال لك*
اول ما ادخل ، على طول استاذ مانبي درس*
ولا لازم بالصف الواحد تلقى لك واحد ولا اثنين يخربون عيشتك*
عمار وهو ينهض : الله يعينا ويعين الجميع*
يلا تامر على شي ؟؟*
سيف بإستغراب : أفا اجلس أشوي حتى شايك ما كملته*
عمار وهو يرتدي نظارته الطبيه ويبتسمه بخبث : مو تقول دكتور ، اكيد مشغول ، عمرك شفت دكتور فاضي ؟؟*
سيف بحزم : ايه فيه ليش لا !! *
عمار بهدوء : هذا اكيد مو مهتم بشغله*
يلا اشوفك على خير*
سيف بسرعه وهو يشاهد يعبر من امامه : تعال تعال*
الحساب الله يغربلك ، تعال ...**
.
.
*********************************
جلس بغرفته وهو يحمل احد كتبه*
قد يكون يقرأ قبلاً لكن توقف تمام عند دخول احد اخوانه*
وبقى كأنه لايزال يقرأ !!*
" فوازوه ، ادري تسوي روحك ما تسمع … "*
لم يهتم به وهو يحمل السماعات الأذن ويضعها بأذنه ويشغل احد الموسيقى الصاخبه*
اخوه كان يقف عند الباب ويكاد يقسم انه يميز بدقه ما يسمعه من قوة الصوت*
تقدم اليه بعد ان اغلق الباب*
جلس بجواره ، ليقف اخوه وهو يشير بغضب عارم : انت وش تبي ؟؟!*
قلت لك ما ابي اشوفك ، انقلع*
كرهتك ، تلوع كبدي لما اشوفك*
اطلع برا ، اطلع ولا انا اللي بطلع*
فيصل امسك يداه وهو يحضنه بقوه : تكفى فواز ، انا اصلن مو عارف اشلون صار فيني كذا*
تكفى ابيك عون لي لا تصير فرعون ، صدقني محد يدري بالسالفه*
الا احنا الثلاثه*
فواز حاول دفعه لكنه لم يستطيع فـ فيصل يتمتع بجسد قوي و معضل ... بعكس فواز*
فهو هزيل وشاحب الوجهه*
افلته وهو يهتف برجاء : فواز الله يخليك ، انت اذا هديتني صدقني بموت*
بموت ، وانا اقولها من قلب مو مبالغه*
لما تركتني للعلاج ، اسأل عمار وش صار فيني*
والله كل يومين داخل المستشفى ، غير التطريش اليومي بلا سبب*
الدكاتره يقولون ما فيني شي ، اما انا كنت اشوف الموت قدام اعيوني*
والحين انت تقول بتهدني وبتسافر عشان شغل مدري من وين طلع !!*
كل هذا عشان ما تشوفني ؟؟!*
تكفى فواز ، لا تخليني ! انا الحين محتاج لك اكثر من قبل*
فواز اشاره له بحزم : انا اخذت القرار والاوراق كلها وصلت*
خلاص ما اقدر اتراجع ، لان سفرتي بعد يومين*
فيصل هتف بجمود : يومين ؟!*
.
.
****************************
في صبآح اليوم التالي*
جهز اعراضه الخاصه جانباً بعدها خرج ليتناول فطوره*
فمن المؤكد ان اخوه حضر الفطور قبل ساعه*
عمار هتف بهدوء وهو يجلس على الطاوله : احد شاف نظارتي*
هتف راكان بسرعه وهو يبتسم بخبث : ايه ايه*
انا شفتها عن فصيل*
فيصل بغضب : فصيل بعينك ، وبعدين متى خذت نظارته انا !!*
فواز اشار له بهدوء ، لينهض عمار ويحضر نظارته المتواجده فوق التلفاز*
حينما ارتدى نظارته : جراح وين الحمص اللي قلت لك ؟؟!*
جراح وهو يباشر بأكل : نسيت*
فيصل بسرعه : كذاب ، قلت له جيب ، بس اهو قال محتاج*
عمار بتعب : وش المانع ؟؟!*
جراح بهمس : ما عندي فلوس*
عمار بصدمه : توني معطيك 3000 وين وديتهم*
جراح بسخريه : 3000 بس ، وبعدين لا تنسى اني رحت دبي بعد ما عطيتني اياهم ، يعني راحوا ملح*
ما في منهم الا ريال بس*
عمار بحزم : وليش ما قلت لي ، كان عطيتك*
جراح وهو يكمل طعامه : قلت لك ، وقلت لي ما عندي حالياً*
عمار بسرعه : متى ؟؟!!*
جراح : توني أمس*
عمار بهدوء وهو يحاول التذكر : زين ، ما علينا ، بس اخلص فطوري اسحب لك*
مراح اغامر واعطيك البطاقة ولما اطلع من الجامعه ، ذكرني احط بحسابك*
.
.
****************************
" وش بتسوين ، خلاص هدي البنت في حالها .... "*
التفت اليها وهي تهتف بغيض : لا والله ، بعد ما خذت عمار مني !!*
كتمت ضحكتها وهي تهتف بحزم : حبيبتي ، الدكتور عمار ما كان يفكر فيك اصلن !!*
وش بعد ما خذت عمار مني ....*
وش تخبطين انتي ؟؟*
شهد بحده : انا باخذه باخذه ، طول الزمن ولا قصير*
وبتشوفين لما اقول شي ما يكون عبث*
حنين بخبث : تراني دوم اسمع هالكلمه وما اشوف نتايجها ....*
شهد بابتسامه : راح تشوفين نتايجها لو مو الحين بعدين*
.
.
" اهلين وعد ، ما شاء الله صايره احسن من اول بواجد … "*
التفت لها بإبتسامه وهي تعقد حاجبيها : شهد مو !!*
مدت لها يدها وهي تهتف بمرح : اكيد*
شخبارش ؟ عساك طيبه ...!*
وعد : الحمد لله ، بخير*
.
.
**********************************
خرج من منزل كالعاده*
يحمل شياطين الارض فوق رأسه*
منذ ان ارتبط بهذه المرأه وهو لم يهنأ ابدا بيوم واحد حتى !!*
فتح سيارته صعدها وهو يتأفف بقوه*
ليتذكر انه ترك هاتفه على طاولة المطبخ*
جلس لثواني بالسياره وهو يتنفس بعمق*
بعدها قرر ان ينزل لإحضار فقط هاتفه !!*
فتح باب السياره متواجهاً للداخل*
حينما وصل للمطبخ ، هاجمته بسرعه : وش باقي ما قلته !!*
جاي تكمل معروفك فيني ؟؟*
لم يهتم بها وهو يحمل هاتفه ويستعد للخروج*
ليعود سريعا بعد ما هتفت بسخريه : مدري ليش ميت عليها ، مع انها المفروض موقعها صفر على الشمال*
امسك بها بقوه والصقها بالجدار : الجوري تسواش وتسوى طوليفش*
انا لو اجيبها هنا ، تصيرين خادمه عندها*
هتفت بألم : وش تبي منها هالقعيمه ؟؟*
عبدالله افلتها وهو يهتف بنبره ساخره : عدال عليش*
تراش حالش حالها*
اجابته بسرعه : اجل اكيد منك انت العيب*
رفع يده وانزلها بسرعه على وجهها لتسقط أرضاً وهتف بنبره غاضبه : ان فتحتي هالموضوع مره ثانيه ، صدقيني بخليش تشوفين شي ما شفتيه طول عمرش*
**********************************
" ما تسأل لازم انا أسأل !! "*
توقف عن الحراك لحظه بعدها التفت وهو يهتف بإستغراب : انتي وش مطلعش في هالبرد ؟*
تقدمت اليه وهي تحتضن الستره اليها اكثر : ما فيه برد*
انا شوفني لابس ومتدفيه ، شوف روحك ، طالع لي بنص كم ، كأنه صيف وخفيفه بعد*
عمار بهدوء : انا طبعي احتر بسرعه*
وعد بصدمه : حتى في هالبرد*
روح روح داخل البس لك شي سنع قبل ما تاخذ لك برد*
عمار بإبتسامه وهو يرفع الستره التي بيده : وهذه وش شغلتها !!*
وعد بسرعه : شايلها بيدك ما منها فايده*
عمار بهدوء : خلاص البسها ، بس انتي دخلي داخل ، قبل ما يشوفنا احد الحين*
وعد بثقه : خليهم يشوفون ، ترانا مملكين وخالصين ما سويت شي حرام*
عما بحزم : لا بس ، اخواني داخل و ما ابي احد يشوفش وانتي واقفه هنا*
ومو لابسه شي يستر راسش*
وعد بضيق : زين خلاص*
بس البس لك شي ثقيل لا تظل كذا*
اسرع اليها ، وهو يمسك بعضدها ويجرها لاقرب زاويه بالمكان*
كانت بودها ان تصرخ فقد ارعبها وهو يفاجأها بهذه الحركه ، لكنه اغلق فمها وهو يهمس : اشش ، اسكتي لا تفضحينا*
لم ينهي جملته حتى شاهد اخوه يخرج من شقتهم وهو يتوجهه للباب الرئيسي للخروج لكنه انحنى ليفرغ ما فيه بطنه فوراً وشيئاً من الدم !!*
وعد بهمس : مو مو ...*
عمار التفت لها بحده وهمس : اسكتي ...*
نهض فيصل ليجلس على الجدار القصير الذي يحيط بالحديقه ، يحاول التنفس لكنه يجد صعوبه شديده في إدخال الهواء الى رئتيه*
بقى لدقائق جالساً وبعدها نهض ، وتوجه لداخل الشقه*
وعد للتو انتبهت انها تلتصق تماماً بعمار*
لذا شعر ان جسدها يشتعل ونبضات قلبها تخفق بقوه*
ولقربه الشديد بدأ يسمع النبض او بالأصح يشعر به .... لذا ابتعد قليلاً وهو يهتف بحرج : اللي شفتيه قبل اشوي لا احد يدري عنه*
وعد بتوتر : ها ... ايه تطمن محد راح يدري*
عمار بهمس : يلا انا رايح*
ابتعد عنها ليشاهدها تدخل للداخل حالما وصل للسيارته*
فتح الباب السياره وصعد ليضع المفتاح بمكانه اشغل السياره ، وانتظر لدقائق لتسخن*
وضع يده من جهة صدره اليمنى وهو يتذكر نبضها ابتسم بهدوء*
" تحبني !؟ ولا هذا طبيعي لاني غريب عنها !*
لا وش تحبني وما تحبني*
اصلن كانت طبيعيه لما كلمتني بس لما قريبت منها تغير كل شي ، معناتها هذا الشي طبيعي …. "*
"توك ياعماروه قبل كم يوم بتموت لما عرفت انك خاطب
والحين تغير كل شي ؟؟؟ "
حرك السياره وهو ينفض الافكار كلها من رأسه*
ويتفرغ بالتفكير بما سيفعله اليوم*:
.
.
***************************
بعد أسبوع...
.
.
" فيصل ! ما تبي تقوم !! "*
هتف بتعب : خلاص اشوي و اقوم ….
نهض من سريره وهو يجر قدميه للتوجه نحو الحمام*
فتح صنبور الماء البارده ليرتعش فوراً فهو يشعر بحراره شديده بجسمه*
منذ ان علم بسفر اخيه وهو يشعر بخمول بأطرافه وحرارته ترتفع وتنخفض فجأه*
عدا انه لا ينام جيداً فالكوابيس تلاحقه حتى في اثناء غفوته*
لا يستطيع النوم جيداً ، ولا حتى الأكل جيداً يشعر بنفور شديد من الأكل*
لكنه يحاول ان يأكل حتى لو انه يطرش فوراً*
خرج من الحمام وهو ينشف شعره ليرتدي سريعاً بعض الملابس الثقيله*
لم يتعد على ارتداء هذا الملابس حتى وان كان الجو مثلج !!*
فسرعان ما يشعر بالحراره وينزعها …*
لكنه هذا الايام ، يكاد يقسم انه لا يعرف ما سبب تغيره هكذا*
منذ مدة ، تركه اخوه لمده اربع اشهر لكنه لم يشعر بهذا الحاله الا لما كان صغيره ، وبالضبط بعد إصابة اخيه بالمرض بحنجرته*
فقد تركه لمده تقارب اسبوعين ، ولو اطال لا يعلم ما الذي كان سيحدث له بعدها*
وها هو يعود ثانية الى حالته التي لازمته اسبوعين بالصغير*
لكنها اشد من قبل*
فهو يشعر بتغير كبير بصرفاته وروتينه اليومي*
خرج من غرفته و هو لا يكاد يرى شيء امامه ، جلس على الطاوله*
" لا تشرب ماي*
صار لك يومين مو ماكل شي ، اكل لك شي خفيف اول "*
همس بتعب شديد : عمار ، مو مشتهي اكل*
عمار بنبرة غضب : يعني اشلون*
تبيني اخليك على راحتك لحتى تفطس علينا*
وبعدين انا بوديك المستشفى بعد الغدا على طول*
فيصل بهمس : وش بيفيدوني هالمستشفيات*
بس بيزدون عليّ*
جراح بهمس : الحين اكل وبعدين... يصير خير*
فيصل امسك بالمعلقه ليتناول شيء بسيطاً من الطعام*
حالما وصلت اللقمه لمعدته حتى نهض بسرعه نحو الحمام ، ليفرغ ما في بطنه كله*
لكنه لم يكتفي بهذا ، ليخرج كميه ليست بسيطه من الدم*
عمار حينما لاحظ تأخره نهض اليه وطرق الباب ، لكنه لم يجيبه ، فقط سمع صوته وهو يطرش ، لذا فتح الباب ليراه جلساً على الأرض والدم يخرج من فمه*
اسرع اليه ليرفعه ويحضنه وهو يهتف بخوف : فصيل ، قايل لك بوديك المستشفى*
الحين غصب بتروح رضيت ولا ما رضيت*
فيصل بهمس : طيب وش راح يسون فيني*
عمار بتوتر : مو مهم وش بسون فيك ، المهم ان اعروقك ما تجف
فيصل بهدوء : ما ابي اروح الله يخليك *
عمار بغضب عارم : ليش ما تبي ؟! على كيفك هو !!
ثم اردف بسرعه : اصلن الكلام معك فاضي*
ثم رفع صوته اكثر : جراح ، جراح ، تعال ابيك اشوي*
بعد ثواني اتى جراح وهو يهتف بخوف : ها وش فيكم ؟!*
عمار بغضب : روح جيب لي اي شي يخدره*
جراح بصدمه : من صجك !*
تبي ؟!*
قاطعه بعصبيه : شنو ما سمعت ولا ما فهمت وش ابي ؟!*
جراح بتوتر : ها إن شاء الله ، إن شاء الله*
خرج جراح من غرفة فيصل ليهتف فيصل برجاء : تكفى عمار ، ما ابي اروح*
عمار بصراخ : مو على كيفك*
اذا انت مو مهتم بروحك وعادي جداً عندك تتمرض وتتدهور حالتك ، انت حر في روحك*
بس*
بس انا هنا المسؤول الأول قبل كل شي عنكم*
اكيد انت بتتحاسب على اللي تسويه بروحك واهمالك لروحك ، روحك أمانه وانت مأمور انك تحافظ عليها*
شي ثاني ، انا لي جزء بعد من الحساب تدري ليش*
لاني بمكان ابوي حالياً*
ولي أمرك ، ولا تبيني افصل بعد ؟!*
صمت وهو يبلع غصته عمار صادق في كل ما قاله*
هو لن يحاسب لوحده ان حدث له شيء*
يوجد اشخاص اخرون يشتركون معه بالحساب ...!*
دخل جراح يحمل احد الأدويه وهو يهتف : عمار انتبه تراه قوي حيل*
وما عندي غيره*
عمار سحب منه العلبه وهو يهتف بغضب مكتوم : جعله ينشل عادي مدامه مو مهتم*
فيصل بهمس : خلاص ، عمار
بقوم لحالي ما يحتاج*
عمار بغضب : وش عقبه ؟!
فيصل بإختناق : عمار خلاص ، والله بقوم*
ما له داعي تعصب ازياده*
عمار نهض وهو يدير ظهره وهتف بهدوء : جراح وصله المستشفى *
فيصل بسرعه : عمار اذا مراح تجي مراح اروح*
عمار التفت له بسرعه : نعم !!*
فيصل بتوتر : سمعتني ...*
عمار بحده : بتروح وغضبن على شخمك فاهم ولا*
فيصل برجاء : طيب وصلني انت ، بس لحد ما ادخل المستشفى*
عمار لأول مره يسمع رجاء هكذا*
ومِن مَن فيصل ..!!*
فيصل الذي اعتاد على التكبر وفعل ما يريد دون حتى يخبره !!*
لطالما تخانق معه في كل من الأمور وأكثرها على تصرفاته الطائشه*
يعلم انه دخل العشرون واصبح يعي جيداً ما يفعل وتعدا مرحلة المراهقه*
لكنه لا يزال مراهقاً بتصرفاته*
وها هو الأن يترجاه !! ، شعر انه يخفي شيء ولعله يريد ان يتكلم*
فلما لا يذهب معه ويعلم ماذا يريد*
او انه فقط يريد وجوده لحتى يصلوا للمشفى*
ضغط على جانب رأسه فهو يشعر بصداع قوي ومفاجأ وهتف بهدوء : طلعه على ما ابدل ملابسي*
جراح بهمس بعد ما خرج عمار : وقسم بالله ما شفت واحد نفسيه مثل اخوك*
توه بيذبحك من كثر ما هو معصب*
فيصل بخبث : عشان تعرف ادواه*
وتعرف شي ثاني بعد ، اني شيء خطير ولازم تفكر الف مره قبل ما تلعب معي*
جراح بعصبيه وهو يضربه على رأسه : شب*
يلا امسكني عدال ، بس تطيح بتقوم لحالك فاهم اخوي*
فيصل بثقه وهو يثبت قدماه بالأرض : بتشيلني غضبن عنك*
جراح بثقه : تخسي وتعقب*
ما بقى الا البزارين*
فيصل بهدوء : بنشوف ....*
.
.
" وش فيك اجلس عدل "*
فيصل بهمس : ليش ما تخليني اتسند على كتفك ، ترى مراح ينكسر*
عمار بحده : يعني مخليني اجلس ورا عشان تقول لي ابي اتسند عليك ، ترى في مخاد واجد ورا*
ماله داعي تعور روحك بعظام كتفي*
فيصل بإبتسامه : خلاص جيب لي مخده وحطها على كتفك*
عمار بتأفف : الله بلاني بواحد ما ينعطى وجهه*
وفوق هذا مليغ*
فيصل بهمس يخالطه نبرة حزن : فواز درى على حالتي ؟!*
عمار بإستغراب : ليش اهو ما كلمك*
فيصل بألم : مدري يمكن كلمني وما شفته*
عمار بهدوء : خلاص لما توصل المستشفى كلمه*
فيصل بسرعه : لا ما له داعي*
ما ابيه يتروع عشاني ، خله لين يخلص شغله ويجي وبعدها يصير خير*
عمار بنبرة مقصوده : فيصل ...!*
فيصل بتوتر : ها وش فيك ؟!*
عمار التفت له ليرفع رأسه عن كتفه ويهتف بحده : وش صاير بينك وبين فواز ؟!*
فيصل لم يتوقع ابداً ان يسأله عمار هذا السؤال*
او بالأصح توقع منه لكن ليس بهذا الوقت فهو لا يجد شيء يقول له يستر عليه لفتره فقط : مو مو صاير شي ؟!*
عمار نظره له لفتره ، ليبلع فيصل ريقه بصعوبه وهو يهتف بداخله : استاهل انا اللي جبته معي ….
عمار بعد صمت دام دقيقه او ادقيقتين هتف بحده : وش انا ابقر تقص عليّ*
مدامه مو صاير شي ليش خايف ؟!*
فيصل صمت فهو لا يعلم ماذا يقول ، ايقول له كل شي حتى يفقد اخاه الثاني وهو يعلم جيداً ان عمار لو احتقره ليومين فقط سيجن*
فلن يحتمل ان اخاه فواز وعمار يصدون عنه*
فواز اخوه التؤام ولما علم نفوره منه ، تدهورت حالته الصحيه ، ويشعر انه بالكاد يتنفس*
يشعر ان كل شي امامه يكتم على انفاسه*
وعمار اخيه الاكبر ورغم تصرفاته وعدم تنفيذه لأوامره احيانا الا انه يعزه كثير وهو لا يتخليه العيش بدون صراخه عليه او حتى معاقبته القاسيه له*
يشعر ان كل شيء من حوله توقف وهو يبلع ريقه بصعوبه فالخوف جعله يشعر بقلة الماء بجسمه : عـ.. عمار صدقني ما فيه شي*
عمار بصراخ : لا تكذب ، فواز مراح يصد عنك كذا الا لسبب مقنع*
اجل ليش سافر ، تدري وش معناته يعني مستعد يتخلى عنا لشهور ولا انه يجلس يقابل وجهك وهذا اكبر دليل انك مسوي مصيبه ..*
عاد الله يعلم وش مسوي*
فيصل بألم : والله شي تافهه ، تافهه ، بس اهو مكبر الموضوع*
عمار بعصبيه : يعني في شي*
فيصل بهمس : ايه فيه .... صاره ثلاثة اسابيع ما يكلمني*
عمار بحده : وهالشي التافهه شنو ؟!*
فيصل بهدوء : ما اقدر اقول لك*
عمار اخذ نفساً عميق وهو يهتف : يعني تافهه وما تبي تقوله ، اجل الموضوع كله مصيبه*
زين يا فصيل ، ادواك عندي*
وهالشي مراح يظل مستور ، الا ما اعرف*
.
.
.

#بعثرة_وهمـ °•°•

رد: يتامى زمن قاسي
 

السلام عليكم
عمار ماتشوف شر ان شاء الله
انوروه انسان يقهر مايحترم حرمة الميت هذا غير انه عمه واين العمام مهما بكون اخوهم ليش يرضون لعيالهم
يهينونه ويهينون اعيالهم
وعد وعمار الله يوفقهم
فيصل ياترى شنو مسوي اللي خلى توأمه يزعل منه وخايف يقول
وشنو المرض اللي فيه
الله يوفقك يابنت ديرتي وبإنتظارك

رد: يتامى زمن قاسي
 

رد: يتامى زمن قاسي
 

يا هلا وغلا اخت تفاحه

نورتي والله

ما شاء الله دوم يسعدني مرورك

رد: يتامى زمن قاسي
 

اهلين اختي شبيهة القمر

بصراحه انا من محبي الغموض كثير فتحمليني >> لوول

ما شاء الله توقعاتش دوما تفاجأني وتخليني مبسوطه كثير منك

]بعثرة_وهم[

رد: يتامى زمن قاسي
 

السلام عليكم


عوده مجددا مع جزء جديد

الجزء السادس

[ يتآمى زمن قآسي 6 ]*
الجزء السادس...

باليوم التالي*
الجو بارد جداً في هذا اليوم*
ارتدى سترته الثقيله*
وهو يحمل كتبه واقلامه استعداداً ليوم مليئ بالتعب والعمل الشاق*
يعلم ان ما يفعله هو فقط استرجاع ما درسه ومحاولة ادخاله في عقول من امامه*
لكن هذا ليس بشي السهل ان كان الذين امامه لا يريدون ان يتقبلوا ما لديه*
وضع كتبه على الطاوله وهو يهتف بهمس : السلام عليكم ….
عاد الطلاب الى اماكنهم وهو يردون عليه السلام بشكل متفاوت*
عقد حاجبيه وهو يهتف باستفسار : اي درس وصلنا ...!*
نهض طالب وهو يهتف بسرعه : عن الإتزان الكيميائي ….*
استاذ ، ممكن تعيد لي شرح التعريف وخصائصه !؟*
سيف بهمس : فارس …. انا شرحت وخلصت ، فوق كذا عدت مرتين ؟!*
فارس بيأس : استاذ لو سمحت ، حاولة افهم الدرس … ما عرفت فوق كذا ذاكرته ثلاث مرات*
سيف تنهد بهدوء وهو يلتفت لبدأ درسه : خلاص فارس ، انخلص هذا الدرس وتعال لي السابعه اشرح لك اللي مو فاهمه*
عشان بعد الطلاب ما يتأخرون بالمنهج*
فارس بهدوء : استاذ السابعه عندي اختبار*
سيف بهمس : اوكي خلص الإختبار وتعال لي*
.
.
في وقت الظهيره ….*
خرج الطلاب من المدرسه ، وبقى عدد قليل منهم*
فالبعض منهم ينتظر حافله تنقلهم لمنزلهم*
خرج سيف وهو يرتب غترته ، و وضع اغراضه بالسياره*
" لو سحمت استاذ .... "*
ادار ظهر وهو يهتف باستغراب : خير فارس ؟!*
فارس بإبتسامه : افا ما امداك نسيت ...!*
سيف ضرب جبته وهو يهتف بتذكر : اووه صج ... يلا معليه خلها ليوم ثاني *....*
فارس برجاء : لا استاذ ما ابي شي يتراكم عليّ*
لو اجي عندك البيت ، عادي ...*
سيف بحيره : وين اوديك بيتي كله لقمه واصلن بعيد من هنا*
غير كذا بيت ابوي ما فيه مجال بجونه ضيوف*
اليوم اكيد المجلس مو فاضي*
فارس بتوتر : تكفى استاذ حلها ...*
سيف وكأنه تذكر شيء ما : ايه ايه*
خلاص لقيته*
فارس بسعاده : ها فيه مكان*
سيف بإبتسامه : افا عليك ، اقلها نطير لبيتكم*
بس ما اقدر ، خلاص اعيال عمي مراح يقصرون*
تدل بيت ابوي مو ؟؟*
فارس : ايه ، مو هذا اللي يكون على طرف الشارع العام بحي الـ******* ...*
سيف بهدوء : هو بعينه ، زين استناك العصر ، اتصل عليّ قبل ما تجي بشوي اجهز لك المكان*
.
.
" مين هذا !!"*
فارس بهمس : معلم الكيميا*
قال لي تعال بيت ابوي عشان اشرح لك درس*اللي
ما فهمته ، لان الوقت ما كفاني اليوم اروح له*
صقر بحده : وانا وين شوري*
فارس بإستغراب : يبه وش فيك ؟؟*
كلها ساعه ساعتين وبجي ، وبعدين اظن انك تعرف اعيال السيف*
صقر بنبرة مقصوده : و لو كان المفروض تعطيني خبر خصوصاً اني واقف هنا*
فارس بضيق : يبه لا تكبر السالفه الرجال كان مستعجل وخفت يمشي عني وانا حتى رقم ماعندي له
وبعدين هذول اهلي ، مو امي تصير بنت عمهم !! يعني انا بروح بيت عم امي*
صقر بهمس : انا اللي بروح معك ، وبنشرف اخرتها معك*
فارس بهمس وكأنه يخاطب نفسه : اوف ، بزر بزر ما كأني بعد كم شهر بتطلع لحيتي كامله*
صقر بحده : وش قاعد تتحلطم عليه*
فارس بدون نفس : ولا شي ، انتبه بس لـ الطريق لا تسوي لنا مثل اول أمس ، اكشن !!*
*********************************
وضع قلمه جانبا
متعب جدا فهو إتخذ قرار صعب ولا يمكن التراجع عنه
يمكنه البقاء بالعمل لساعات طويله لكنه
لا يمكنه ان يبتعد عن أشقاءه لساعه واحد
فعل هذا لعله يتناسى ما فعله شقيقه بإبنة عمه
.
.
" وش السالفه مع بنت عمك ؟؟*"
ابتلع ريقه بعصوبه وهو يهتف : وانت وش دراك عنها
فواز أشار له بغضب : الحين تقول لي وش السالفه واهم شي سالفت الإسواره
فيصل نهض بسرعه وهو يقف على قدميه : اي إسواره ، اقصد منو قال لك !!
فواز لم يشير بشيء وهو ينظر له بغضب
ليجلس فيصل مره أخرى ويهمس : راح اقول لك كل شي ...
.
.
قد خرج من الشقه للتو
وهو يفكر بالذهاب الى أصحابه وترك يومه الدراسي الملل فهو يعلم ماذا سيقولون وكله غير مهم عنده
رفع هاتفه وهو يتصل بأحد أصحابه الذي تخرج منذ سنتين وهو الأن يعمل في إحدى القطاعات الخاصه
اتفق معه ان يحمله لأحد المطاعم ويفطر معه قبل ذهابه للعمل
انتبه لأحد ما يخرج من المنزل و وجهه يشع مع ضوء الشمس
ابتسم بحرج وهو يهمس : هذه ماخذه حريتها على الأخر ما تدري ان أحنا موجدين بالبيت معهم !!
تقدم لها لا يعلم ما الذي دفعه لفعل هذا لكنه فعله من تلقاء نفسه
هتف لها بصوت غاضب : نزلي غطاش يا بنت
شنو ما تعرفين انه في ناس رايح جايه واحتمال كبير تشوفش !!
اسراء بكل برود : نعم وش بغيت ؟؟ في بيتنا وجالس يتأمر بعد
فيصل بسرعه : قظبي السانش واحترمي نفسش
إسراء بغرور : اسمع انا لي أبو وأخوان وانت مالك شور علي
فيصل بغضب عارم : انتي ما تستحين ، وبعدين لو يدري ابوش أنش طالعه و وجهش مفتوح كان علمش شغلش
إسراء رفعت يدها بلا مبالاه لتظهر يدها الى المرفق والسبب يعود إلى عباءتها الواسعه عند نهاية الأكمام
فيصل عندما رأى هذا فتح عيناه إلى اقصاها : وش هذا استري روحش وش هذا اللي معبي ادينش صج انش ما تستحين
إسراء بهدوء : نعم !! ، هذا اللي ناقص مابقى الا اعيال جابر يعلموني وش البس وما البس
حبيبي ، روح شوف لبسك قبل وتربيتك بعدين تعال كلمني ...
فيصل لم يحتمل كذا هذه الإهانه وهو يسحب كل ما في يدها من اساور ويهتف وهو يخرج : هذول بظلون عندي الى اشعار أخر
يمكن اقدر اسوي شي اغير تربيتي فيها
اسراء بصدمه : انت هي منو بأمره تاخذهم ، ولا تعال أشلون بتغير تربيتك فيها
فيصل ابتسم بخبث وهو يهتف ببرود : تعرفين لما يقول لش عمي ...
.
.
فواز بصدمه : طيب وش بتسوي ؟؟
فيصل بخبث : باخذها واربيها على السانها السنع وارجعها بيت ابوها
مطلقه
فواز اشار له بسرعه : لا مستحيل انت مو أخوي
وش له تسوي في البنت كذا
فيصل بحزم : قراري هذا مراح اتراجع عنه لو تنطبق السما على الارض
وانا فيصل ولد جابر
.
.
*************************************
" تفضلوا حياكم ، البيت بيتكم ... "*
دخلوا الشقه ، لينهض احدهم وهو يرحب بهم : يا هلا ، تفضوا ، البيت بيتكم ، حياكم*
وبعد السلام والسؤال عن الأحوال*
جلسوا قليلاً لتناول اشياء خفيفه ويتبادون الحديث*
خرج عمار من غرفته وهو يهتف بنبره اقرب للغضب : جراح ، وينك فيه لي ساعه اناديك*
جراح*
نهض جراح بسرعه وه يهتف بتوتر : عمار !*
وش فيك الله يهداك*
عمار بغضب : ليش انتو خليتوا لي عقل ...! *
عشان الله يهديني !*
جراح بهمس : تكفى قصر صوتك ، عندنا ضيوف داخل*
عمار عقد حاجبيه : منو اللي جاينا بعد ؟؟
جراح بهمس : اعيال الفارس ....*
عمار باستغراب : ليش سلوم مو اول مره يجي عشان تهديني ومدري شنو ....
جراح بهدوء : لا سلوم ما جا ، هذا اخوه الكبير ومعاه ولده*
عمار بيأس : ايه ، زين وين نظارتي الله ياخذكم ، ما اجلس واشوفها اقبالي*
جراح بإبتسامه : اكيد راكان جالس يلعب فيها*
عمار بحده : وين الوناسه فيه هاللي جالس تضحك*
جراح : ولا شي ، احنا الصراحه بنزوجك ونفتك منك ، صاير عصبي بالزياده ، ما تعودنا عليك كذا ابداً*
عمار وهو يتقدم للداخل بخطوات سريع ويهتف بغضب مكتوم : مدامك مراح تغيرون تصرافاتكم معي ، تعودوا عليّ عصبي بزياده*
حالما دخل القى السلام وبعدها جلس بطرف الأريكه*
ثواني ويهتف احد الجالسين : افا عمار ، كلها اسبوعين من شفتنا اخر مره*
مسرع نسيتنا*
عمار عقد حاجبيه وهو يحاول النظر اليه لكنه سرعان ما هتف بهدوء : سامحني اخوي ، نظارتي مو عندي ، فـما اشوفك واضح*
صقر نهض من مكانه ليجلس بجانبه : ها الحين ما عندك حجيه ، هذا جلست اقبالك*
عمار بحرج : معليه ، انا شكلي ما شفت الا مره او مرتين فمو مركز عليك حيل ،*
يعني برضوا ما اشوفك عدل*
جراح استغراب : عمار ، هذا صقر زوج بنت عمنا*
عمار بحرج : تكفى صقر ، لا تزعل مني ، بس قلت لك انا ما شفتك الا مره ولا مرتين*
وبعدين لو اني لابس النظاره كان عرفتك بس وش اسوي البزور ماخذينها*
صقر بإبتسامه : حصل خير ...*
دخل اخوه الأصغر ويهتف بحزم حينما شاهد اخوه جالساً على الأريكه : عمار انت جالس مكاني*
عمار اشاره له ايقترب ، اقترب منه راكان ، ليهتف عمار بنبرة غضب : مدام هذا مكانك وزعلان لاني جلست فيه*
انا بعد ابي نظارتي وشكلي باستخدم معك اسلوب ثاني ان خذتها*
راكان بهمس : بس نظارتك مو عندي*
عمار بغضب : عند منو اجل ؟؟.*
راكان بتوتر : عند فهد اهو اخذها مني قبل اشوي*
عمار بحزم : مو انت اللي مطلعها له ... روح جيبها وان ما شفتها تعال انت وفهد عندي*
راكان بخوف : انا ما كسرتها صدقني*
عمار بصدمه : نعم !!*
راكان بإختناق : صدقني مو انا والله ، فهد اهو اللي عطاه ولد الجيران*
عمار بغضب مكتوم : انا مدري ليش تاخذون النظاره*
وش فيها !! جوال هي لتعبون فيها*
راكان بتوتر : والله مو انا اللي كاسرها*
عمار نهض وهو يشعر بغضب شديد ، لا يريد ان ينفجر به لذا*
عاد مره اخرى لغرفته وبعد ثواني خرج وهو يرتدي سترته*
ليقف راكان بسرعه : عمار صدقني مو انا*
عمار لم يجيبه وهو يفتح باب الشقه ويخرج سريعاً*
جراح كان بوده ان يتبعه لو ان سيف هتف له بهدوء : جراح ، خليه ؟؟*
جراح بعصبيه : لا والله ، يعني استنى لين يصير فيه شي !!*
سيف بهدوء : مراح يصير فيه شي*
كفايه عليه ضغط اسبوعين كاملين لا يلاقيها منكم ولا حتى من عمامي*
جراح بنبرة غضب : ليش عمامي وش سووا فيه بعد*
فارس بلا شعور : جدي يقول انه بطلعه من الشقه*
و وفوق هذا ، بيكنسل الزواج*
جراح بصدمه : وش !! وليش ان شاء الله*
صقر بغضب : فارسوه ، انت ما تعرف تسكتت*
فارس نظر لوالده بخوف وهو يهتف : ما كان قصدي صدقني*
جراح بإنفعال : مو على كيفهم يطلقونهم*
مو على كيفهم ، وبعدين عمي هو اللي فاتح لنا بيته وش دخلهم اصلن*
بعدها نهض بسرعه وتوجهه للباب : انا رايح لهم اشوف وش اخرتها معهم*
فارس بصدمه : يبه ، قوم سو شي*
ترى جدي حالف لو يشوف احد منهم يسوي اللي ما يخطر ببال احد*
صقر بغضب : قول حق روحك ، وش له تقول حق جراح وتدري انه حار حار*
فارس بضيق : طلعت مني غضب ، صدقني ما حسيت*
سيف بهمس : عمي ناصر ما يرحم ابد ، ياربي وهذا عادي عنده يقط اي شي عليه*
.
.
*********************************
خرج من عند اخيه وهو يتأفف بقوه*
لا يعلم اي حمل يحمل هذه المره ، وهو يجد صعوبه بالغه في التحكم بأشقاءه بعد ان كان يحكم السيطره عليكم*
منذ ان خطب ابنة عمه لا يعلم اي مصائب تأتي له ومن اين تأتي ؟؟*
يعلم جيداً ان زواجه من ابنة عمه غلطه وغلطه كبيره جداً*
فهو بهذا الزواج سيجعل العائلتين تتخاصم اكثر ، غير انه يسلتقي بأبناء عمومته اكثر وأكثر*
قطع عليه حبل افكاره اتصال مفاجئ ، لكنه لم يجيب فهو يسير بالطريق ويخشى ان يحدث له شي وهو يحظر الهاتف من مكانه الذي يتواجد بالأسفل
ثواني قليله حتى وصل للإشاره ، استقل هذه الفرصه بالإجابه على هاتفه*
رفعه من مكانه وأجاب باللحظه الأخيره : نعم !!*
اتاه صوت بمرح من الجهه الأخرى : اووه لكان رديت*
عمار بهمس : معليه كنت جالس اسوق والجوال تحت*
وعد بتفهم : ايه ، اجل اكلمك وقت ثاني مع ان الموضوع مهم بالنسبه لي لكن خلاص نأجله*
عمار بهمس : جاي البيت*
وعد بنبره غريبه : كيف يعني ما فهمت !!*
عمار بهدوء : خلاص افتحي لي المجلس انا جاي الحين*
اغلق هاتفه ووضعه جانباً وهو يزفر بقوه ...*
.
.
حينما اغلقت الهاتف وضعته جانباً وهي تشعر بشعور غريب جداً*
وقلبها يخفق بقوه .. وتشعر ايضاً بمغص حاد ببطنها*
لا تعلم لما ينتابها هذا الشعور ، وهذه ليست المره الأولى التي تراه*
قد يكون السبب هو نبرته الغريبه*
لا تعلم لما شعرت انه يخفي شيئاً ما ، او بالأصح انه يريد ان ينفجر من امر كتمه !!*
وبينما هي مندمجه بأفكارها وسرحانها*
اذا بالباب يطرق ليدخل بعد ان لم يسمع اي جواب : وعيد ، لي ساعه اطق عليش !! ليش ما تردين*
وعد انتفضت بقوه وهي تصرخ : بسم الله*
ما تعرف تطق الباب !!*
الوافي بسخريه : اي يا قلبي ، وش اطق ما اطق*
كسرت الباب وانا اطق ما راضيه تنطقين*
وعد بحرج : المهم ... وش تبي ؟؟*
الوافي بخبث : ولا شي ، اقصد ، عمار يبيش تحت*
وعد اسرعت وهي تقف امامه وتهتف بسرعه : احلف ، ما امداه وصل ، توه يقول عند الإشاره*
الوافي عقد حاجبيه وهو يهتف باستغراب : انتي من وين لش رقمه ؟؟*
وعد باستغراب اشد : يوه ماخذته منك انا*
الوافي بسرعه : ايه نسيت*
المهم يلا لا تعطلين الرجال*
.
.
**********************
" ليش الى الحين جالس ؟؟ "*
اغلق الجهاز المحمول وهو يبتسم بهدوء : جالس اخلص اشويت شغل ....*
امري تبين شي ؟!*
جلست على طرف السرير وهي تهمس بهدوء : لا سلامتك*
بس مستوحشه اشوي ....*
قفز يقبل رأسها وهو يهتف بجزع : افا يمه ، مستوحشه وانا موجود !!*
مها بذات الهمس : وليش لا*
ابوك طول اليوم برا ، وانت هذا كله حابس روحك بالغرفه ، من سافر عمك ما شفتك يوم جلست معي مثل قبل*
فارس بضيق : حقش عليّ ، سفرت هويني صدمتني واجد*
الى الحين مو مستوعب انه سافر*
كل مره اتصل عليه ، ما يرد ....*
مها بخوف : عسى ما صار له شي بس !!*
فارس بحماس : لا يصير له شي*
هذا قطو ، بو سبعة ارواح ، لا تخافين ، اكيد لقى له شي يسليه وينسانا*
مها بحزم : هاني مستحيل يسويها*
فارس بإستغراب : وليش كل هالثقه الزايده*
مها بهدوء : لانه مستحيل يسويها*
صحيح عليه حركات وحركاته غريبه وفيها نذاله ، بس انه يروح لطريق الحرام ، ابداً ما يسويها*
فارس اعتدل جالساً : طيب ، واذا قلت لش انه يوم لعب على بنت ونساها ابو دينها*
مها حذر : سوى لها شي !*
فارس : لا بس يكلمها ، مسكينه كانت بموت بس تبي تشوفه !*
زين ما قالت له هذا صورتي*
هذا بس كلمها وكلامه عادي جيداً ، لو يطيح فيها تغزل مدري وش بتسوي ساعتها*
اصلن استغربت انه راضي يكلمها اهو صج خراب من فوق لتحت بس على نفسه بس ، يعني ما توصل انه يأذي غيره*
بس وش نقول يأذي روحه ولا يدري انه يأذي اهله معه*
مها بإبتسامه : واضح انك تحبه حيل وجالس تبرر له*
فارس عقد حاجبيه وهو يهتف بإستغراب : افا يمه ، لهدرجه شايفه هنوي سيئ حيل !!*
مها بهدوء : لا بالعكس ، بس انتي اللي جالس تاخذ منه السيئ وبس*
.
.
اعاد كأس الكوفي على الطاوله مره اخرى وهو يتنهد بعمق*
يلزمه البقاء مستيقظاً فلديه عمل بعد الثانيه عشر ليلاً ، لذا فقد شرب اربع اكواب من الكوفي لعله لا ينام حتى ذلك الوقت*
يشعر بالملل كثيرا وهدوء المكان يشعر بالنعاس الشديد*
دخلت زوجته وهي تحتضنه من خلف ، ليرفع يداها ويقبل باطنها بعمق ليبعدها بعد ثواني وهو يهتف بنبرة مشابهه للهمس : ليش ما نمتي ، وش عندش سهرانه لـ هالوقت !!*
مها بهمس : كنتي مع فارس قبل اشوي*
الحين توه نايم*
صقر باستغراب : غريبه !! مو من عادتش تسهرين معه لـ هالوقت*
اشلون استحملش هالعله*
مها بذات الهمس : على طاري العله*
انا ودي نجيب عله ثاني*
صقر حمل كأس يشرب منه*
بقى لفتره يشرب من الكأس ولم يتكلم*
لتقطع الهدوء وهي تهتف بحزم : اشوفك ما علقت بالموضوع*
صقر بهدوء : وش اقول مثلاً*
مها بنره حزينه : مدري ، اي شي*
ثم صمتت قليلاً لهتف بعدها بذات النبرة : صرت استوحش من البيت ، انت وفارس دوم برا*
صحيح قلت طلعاته من راح هاني ، بس هو ولد واكيد مراح يرتاح بجلست البيت*
صقر بحزم : مها ، انتي عارفه انش تعبتي بفارس وبالمات جبتيه*
تبين تجيبين واحد ثاني بعد ، عاد ما ندري وش يطلع لنا هذا المره !!*
مها برجاء : صقر ، صدقني هذا المره غير*
لما كنت حامل بفارس ....*
وضع يده على فمها وهو يهمس : خلاص يكفي ، لما الله يكتب لنا عله ثاني ، ذيك الساعه ، طلعه من البيت ماكو ، وكل شي اقوله يتنفذ ....*
************************************
" وين ، ما أسرع مليت ... "*
التفت اليها وهو يهتف بهمس : ليش انا شايف احد عشان اجلس !!*
اقتربت منه اكثر وهي تهتف بحرج : حقك عليّ*
ادري تأخرت بس مو بيدي*
جلست اجهز لك الضيافه ولا ما تبي ؟!*
امسك يدها وهو يجلسها بهدوء : تقريباً ما ابي*
المهم سمعيني زين ...*
هتفت بتلقائيه : آمرني ...*
ابتسم بهدوء ليكمل : ما يمر عليش عدو*
بس عمي كم مره سافر امريكا !*
وعد بتذكر : والله ما اذكر بالضبط بس كثير يروح هناك ، ليش تسأل !*
عمار بهمس : ولا شيء*
بس ابي اتأكد من خبر ...*
وعد باستفسار : اللي اهو*
التفت اليها وهو يبتسم : لا ولا شي*
لا تشغلين بالش في شي تافهه مثل هذا واصلن كله طلع شكوك بس*
يعني الحمدلله*
ادار يده خلف ظهرها ليسحبها لتلتصق به تمام هتف بهمس : تتوقعين زواجنا بيصلح ولا بيزيد بيني وبين عمي*
دخل اخيه الأصغر وهو يبكي ، ويظهر عليه انه كان يبكي منذ فتره ليست قصير فهو محمر العين وكذا يجد صعوبه بالتنفس*
ترك زوجته وهو ينهض اليه ليهتف بخوف : راكان وش فيك ؟؟*
ليش تصيح كذا ... و من متى وانت تصيح*
راكان يريد ان يتكلم لكنه يحاول ان ينظم انفاس اول ، ليهتف بعد فتره : كلـ...ـكم خلـ..توني بروحي*
عمار بنبره حاده : ليش وجراح وينه مو جالس يمك !!*
راكان بسرعه : لا ، طلع من العصر ولا رجع*
عمار بنبره غاضبه : وشلون يطلع ويخليك بروحك*
هذا وش يحس فيه بعد ، هين لين اشوف وجهه واعلمه*
ثم اردف بحزم : وين راح ؟؟*
راكان : راح بيت عمي ....
عمار بصدمه : ايه عم ؟؟*
راكان لايزال صوته مختلط بالبكاء : عمي بو انور
.
.
***********************
خرجت من عند ابيها وهي تشعر بصدمه بالغه
لم تتوقع ان ابن عمها قد يفعل بها هكذا
دخلت غرفتها وبعد ان احكمت إغلاق الباب
رمت بنفسها على السرير وهي تنحب بشده وتهمس : انا يا ولد الذين تقول عني صايعه واوزع ارقام يا قليل الأدب
انا إسراء بنت وليد السيف اتهزء كذا
هين أنا اراويك يا الخايس
انا اراويك والله ما اخليها تمر على خير وانا بنت ابوي
وبعدها عادت للنحيب مره أخرى تشعر بالإهانه وإهانه كبرى
فهي كانت مدللت ابيها لكن كل هذا ذهب سودا بلقاء واحد مع ابن عمها
" ياويلي وش بعد قايل له هاللي سكت وما كمل كلامه !! "
.
.
.
]#بعثرة_وهم ]

رد: يتامى زمن قاسي
 

السلام عليكم
كل مال الامور تتشربك زياده
جراح ماعنده صبر عمار الله يعينه على الجاي
فيصل اخطأمع بنت عمه بس بعد بنت عمه فيها قلة ادب
وهو انتقم لنفسه ولأبوه
ياترى فيصل شنو قال لعمه علشان يزوجه بنته
بس بيوقع في حبها وماراح يطلقها هذا توقعي لو تم الزواج
تسلم ايدك وبإنتظارك

رد: يتامى زمن قاسي
 

يا هلا وغلا اختي تفاحه

نورتي يالغلا ومرورك ولا اروع

الف شكر لك اختي على دوام المتابعه ^^

تحياتي لك بنت ديرتي ....

]بعثرة_وهم[

رد: يتامى زمن قاسي
 

السلام عليكم


عودة متأخره مع الجزء السابع

اعتذر ع التأخير

[ يتآمى زمن قآسي 7 ]*
الجزء السابع ...


يوم جديد له بالجامعه*
وضع الكتب والأوراقه الخاصه به*
وهو يتنهد بصوت مسموع*
مسح على شعره وهو يتأفف*
" ها وش صاير عندك !! *
كسرت المكتب فوق هذا سحبت الأكسجين من الغرفه كلها "*
ابتسم وهو يحاول التكلم بطريقه طبيعيه : سلامتك ، بس تدري اخواني كلهم على راسي*
تنهد بهدوء وهو يهتف بصدق : اها*
الله يعينك ويعينا عليك*
عمار نظر الى ساعته بإرهاق وهو يتذكر ما حدث له بالأمس !!*
.
.
" وين بتروح ؟ يعني شنو انا اظل بروح !! "*
عمار بسرعه وهو يلتقط ما تبقى من اغراضه المتناثره على طاولة : راكان مو فاضي لك*
روح عند فهود ، روح عن سيف الوافي ، حتى لو تبي تجلس هنا*
وخر عني بسرعه*
راكان بهمس : تكفى عمار ، لا تخليني بروحي*
عمار نزل لمستواه وقبل جبينه بهدوء ليهتف بعدها بسرعه : راجع ، كلها ساعه وراجع*
راكان نظر اليه اخر نظره وهو يخرج من الباب ليرمي نفسه على الاريكه وينهار في البكاء*
لا يعلم لما يشعر بالرغبة الشديده بهذا البكاء لكنه يعلم يقينا ان اخاه جراحاً في ورطه كبيره*
لذا خرج بسرعه من الشقه ليضرب باب منزل عمه*
.
" وش تبيني اسوي يعني !! "*
العم بغضب : جاي متهجم عليّ واشوي يتعارك معي تبيني اسامحه*
عمار بهدوء : عمي ، الله يخليك ، لا تدخل الشرطه بينا*
اللي تبيه بسويه*
ابو انور بهمس : تطلق مرتك*
عمار انتفض بغضب : وش دخل مرتي بالسالفه !!*
ابو انور بنبرة مقصوده : اجل تحمل ، بتشوف راس اخوي بالمحكمه*
عمار بجزع : لا تكفى*
خذني انا بداله ، جراح وش مسوي عشان يتعاقب كذا*
ابو انور بغضب : ليش ناسي سالفة السرقه*
عمار بهمس : وقتها كانوا جهال*
وبعدين الفلوس رجعت كلها لك وكماله بدون اي نقص*
ابو انور : بس انا ما سكرت السالفه ، تبيني اضيع فرصه مثل هذا*
بدال ما تهجم عليّ فتحت السالفة القديمه من جديد عشان يعرف كيف يتصرف مره ثانيه*
عمار بصدمه : سجلت عليه حكمين*
ابو انور بثقه : واللي جاي اعظم*
عمار بحقد : يا الحقير ، وش لك مصلحه بكل هذا وش اللي تبين بالنهاية*
تبي تذبح اخوي ، زين وش اللي تستفيد منه بعدين ! *
ابو انور بنبرة مقصوده : مرابحي واجد*
لكن لما تسوي اللي ابيه منك ، راح تشوف اللي يرضيك من ناحية اخوك بس*
عمار بهمس : وش اللي تبيه لكن تحلم اطلقها*
ابو انور : لا خلاص ، خلنا من هالطلاق*
وعطنا شي احسن منه بواجد*
.
.
رمى كل شي امامه وهو يتنفس بعصوبه*
ليقفز صاحبه وهو يهتف بخوف : بسم الله*
عمار وش صاير لك*
عمار نهض وهو يهتف بهدوء : ما فيني شي ايوب ، دزيتهم وانا ما ادري*
ايوب بعتب : عليّ انا تقول لي ما فيني شي*
وش اللي صاير يمكن اقدر اساعدك*
عمار بهمس : ما تقدر صدقني*
اذا انا مو قادر عليه ، ولا حتى قادر اوقفه*
بسمع منك انت !*
.
.
***************************
اغلقت الهاتف من عنده لتخرج من غرفتها مسرعه*
صوته لم يعجبها ابداً ، قلبها ينبض بقوه خائفه جداً ، لم تكلمه كثيراً لكنها بدأت تعرف تصرفاته بالفتره الأخيره*
فتحت باب المجلس لتراه مستنداً على الأريكه و وجهه شاحب ومصفر*
جلست بجواره وهي تهتف بجزع : عمار ، وش فيك ؟! وجهك مصفر حيل*
هتف بتعب : شكلي جلستش من نومش*
وعد بهمس : مو مهم جلستني من نومي ولا انا جالسه قبل*
المهم الحين انت !*
وش صاير ليش كذا شكلك*
عمار همس بألم : جراح بالسجن وقريب يحولونه للمحكمه وشكله موضوعه مو سهل ابداً ....*
.
.
.
****************************
هاهو الاسبوع الثالث من ذهاب اخيه لتبوك
وهو لم يرد على اي رساله تأتي ابداً*
يشعر بالضيق كبير*
فهو يجلس بالمستشفى ويستمع لصرخات إحدى المرضى بجانبه*
يخاطب احد ما ويلقى بالألفاظ الحاده*
وله حتى الآن نصف ساعه*
بعد عشر دقائق*
اسند رأسه على السرير وهو يعدل اسلاك المغذي بيده يشعر بألم حاد بيده فهي تألمه من وخز الأبره لم ينزعها لمده*
نظر لانبوبة المحلول وجدها شبه فارغه*
لا يوجد بها الا القليل*
سحب الأبره من يده بهدوء وهو يمسح الدم الذي بدأ بالنزف*
فتح الدرج ليجد به شاش ابيض*
لف يدها به وقطعه بالسكين المتواجده بسله فواكه احضرها اخوه قبل يوم*
لم يجد لاصق بحث في الدرج دون ان يجد شيئاً*
ادخل طرف الشاش بإصبعه ليحكم ربطه
حالما إنتهى استند رأسه مره أخرى*
ورتب السرير للوضعه المستقيمه حتى يستطيع *النوم*
اطفئ النور الذي يتواجد فوق رأسه*
واستعد للنوم ....*
.
.
فتح عيناه بسرعه وقلبه يخفق بقوه*
" بسم الله ، وش صاير ! "*
ابتسم بهدوء عندما تأكد من الجالس بجانبه : ابد كابوس مثل كل مره*
شكلك جاي مبكر اليوم*
عمار بهدوء : ايه من الساعه ثمان انا هنا*
فيصل بهمس ناعس : ايه الحين كم الساعه ؟؟*
عمار وهو يأخذ بعضاً من الماء : تسع*
يعني صار لي بس ساعه من جيت*
فيصل وهو يعدل وضع السرير ليجعله جالساً : ايه وش عندك على هالنشاط اليوم الثلاثا مو عطله*
عمار بخبث : الحمدلله باقي فيك عقل يعني ما فقدت الذاكره*
ايه ما عندي شي ، على احسابك خليتهم يفتكون مني اشوي*
فيصل بخبث : اشوي ، الا مستانسين*
الحين تشوفهم ينقزون على البحر من الفله*
عمار بحزم : انثبر اشوف*
فيصل بتذكر : الا تعال الحين انت اشلون جيت*
مو وقت زياره الحين*
عمار بهدوء : جيت من السلالم*
ماحد شافني*
فيصل بنبرة هادئه : ما جبت راكان معك*
عمار بنبرة مقصوده : اهو ، انا الحين جالس امدح فيك ما فقدت الذاكره*
راكان بالمدرسه يالذكي*
فيصل بسرعه : ايه صح*
الا جراح وينه ، اخر مره شفته يوم الاربعا اللي فات*
حتى ادق عليه جواله مقفل*
عمار اخفض رأسه ، وعلامة الضيق بدأت تقتحم روحه ، ماذا يقول له*
لم يستعد ل الجواب على هذا السؤال*
ولم يخطر على باله انه سيواجه موقف هكذا*
اخذ نفساً عميقاً وهو يسمع هتاف اخيه المتوتر *: جراح شنو صاير له ؟؟*
عمار بهدوء : خير إن شاء الله*
فيصل بسرعه وهو يعتدل جالساً : شنو !*
عمار الله يخليك ، لا تقص عليّ ، انا متأكد ان جراح صاير له شي ، من دريت ان جواله مقفل من اسبوع اللي فات*
عمار بضيق : بالسجن ...*
شهق بعنف وهو يهتف بإنفعال : ليش ؟!*
وش مسوي !*
عمار نهض اليه بسرعه وهو يهتف بهمس : اشش ، هدي احنا بالمستشفى في ناس مراضى ، لا تصارخ*
فيصل بصوت مخنوق : ليش زين ؟!*
عمار جلس مكانه وهو يحاول ان يخبره بالموضوع بشكل مختصر : تذكر سالفة الإخناق مع ولد عمك*
حتى وصلت للشرطه لأنهم كانوا بمكان شبه عام*
فيصل بتذكر : ايه ، يومها ابوي الله يرحمه ، حشر جراح حتى نام برا البيت*
من كثر ما هو مقهور من كلام ابوي*
عمار بهمس : ايه عمك ما سكر السالفه وخلاها سلاح عنده ، لما تهجم عليه جراح قبل اسبوعين ، فتح السالفه الا الكل ظن انها خلصت*
هذا اهو له اسبوع بالسجن ، وقريب يحولونه للمحكمه*
ثم اردف بنبره حاده : بس*
انا مو اي احد عشان اخلي عمك يلعب عليّ وينصب عليّ ويستغلني وياخذ املاكي واملاكم عشان بس ، يرضى ويتنازل عن جراح*
.
.
************************************
وفي ليله أخرى من ليالي الشتاء البارد
تأخر بالمجيئ لفتره تقارب ساعتين , لقد كان الجو ممتلئ بالغيوم مما أدى الى تعطل الرحلات
وضع حقيبة على الأرض وهو يأخذ نفساً عميقاً
أخذ بسفره فقط شهراً واحداً , وها هو يحمل شوقاً كبير لـ لقاء أخوته وأخواته وأمه ...
وهو متحمس جداً لـ لقاءها وخصوصاً بعد أن عرف بخبر حملها
لكنه يحمل شوقاً خاص لإنه أخيه المزعج بالنسبه له
فهو دائماً يفسد عليه مخططاته
عندما دخل المنزل كان المكان مظلماً ولا يتواجد به أحد
توقع هذا , فالساعه الآن تقارب الثانيه ليلاً من يكون مستيقظاً في هذا الوقت
ترك حقيبة بغرفته وخرج سريعاً
.
.
بدأ يدر بالشواع حتى قاربت الساعه الرابعه فجراً وبعدها سمع صوت الأذان
توجه لأقرب مسجد لأداء الصلاه
عندما إنهتى خرج منه و عاد للمنزل
أول من رأى أمامه أخيه الأكبر , تمنى كثيراً أن يجد أباه لكن أمنياته ذهبت بالسراب
سلم عليه سريعاً وأراد أن يعبره لكنه أوقفه : ها وين رايح ؟؟
هاني بدون نفس : بروح فوق ؟؟ تبي شي ؟؟
تركي بحده : صليت ولا لازم أحد يقول لك أن الصلاه دخل وقتها
إلتفت له بهدوء : الصلاه صار لها نص ساعه
روح لحق قبل ما يسكر المسجد و تفوتك
تركي نظر اليه بنظره حاده بعدها تركه وخرج من المنزل ، ليتنهد هاني وهو يصعد الدرج*
متوجههاً لغرفته فهو يحتاج للكثير من الراحه بعد هذا السفر الطويل*
*******************************
شهقت بعنف والدموع تملئ عينيها*
لا تستطيع التصديق*
خرجت من الحمام وهي توقظ زوجها : صقر ، صقر قوم بسرعه*
صقر بصوت ناعس : وش صاير ؟! خليني نايم*
مها بسرعه وهي تبحث عن عباءتها : قوم بسرعه ، انا استناك تحت*
صقر بتكاسل : تعالي جنبي*
جلست بجانبه وهي تهتف على عجل : بتقوم ولا بخلي فارس يوديني*
صقر نهض ليجلس على السرير : اشفيش انتي ؟!*
الساعه 7 الصبح منو جالس لش ، يوم الخميس اجازه*
مها نهضت بسرعه : انا بروح حق فارس*
انت خليك نايم احسن لك*
اغلقت الباب ، ليعود صقر للنوم*
فهو للتو اغمض عيناه ، لم تكفيه النص الساعه التي ارتاح فيها*
.
.
انتهت من لبس عباءتها و توجهت الى ابنها النائم لتوقظه فهي لن تنتظر صقر حتى يستيقظ لا تستطيع الصبر اكثر*
عندما فتحت الباب ، وجدته كما توقعت ، يغط في النوم*
اضاءة الانوار لينقلب للجهه الأخرى وهو منزعج : يوووه ، طفوا النور ، اليوم الخميس خلوني نايم*
اقتربت منه وهي تنزل له : فارس حبيبي قوم ابيك بشغله*
فارس دون ان يلتفت لها : يمه ، تكفين خليني نايم بس اشوي*
مها بإنزعاج : يعني لا انت ولا ابوك*
بسرعه قوم*
التفت اليها ليجدها ترتدي عباءتها نهض بسرعه وهو يقف على قدميه وهو يهتف بصدمه : وين بتروحين ؟!*
مها بهدوء : المستشفى ...*
فارس بخوف : ليش اشفيش ؟!*
مها وهي تستعد للخروج : ما فيني شي*
لا بسرعه بدل عشان نروح ونجي بسرعه*
******************************
نهض على الصباح الباكر لا يعلم اي نشاط يجتاحه*
ومن المؤكد انه سينهض في هذا الوقت المبكر*
فقد نام لمدة يوم كامل*
وقد علم هذا عندما فتح هاتفه وراه يشير الى الثالث من فيبراير*
فقد وصل في الواحد من فيبراير*
وادى صلاة الصبح واستعد للنوم*
يتبقى عليه اربع صلوات لم يقضيها غير انه يواجه صلاة الصبح بعد ساعه من الآن*
نهض من سريره ليغسل وجهه ويستعد لقضاء ما فاته من صلوات*
حالما انتهى حتى سمع صوت الأذان*
طوى سجاده واستحم سريعاً
لينزل بسرعه وهو يغلق ازارير كم ثوبه*
التقى بأخيه الأكبر " عبدالله "*
سلم عليه سريعاً وهو في قمة الإستغراب انه قد رأه في هذا الوقت
لم تتح له الفرصه بالتحدث معه فهو قد تأخر عن الصلاة*
خرج من المنزل ليلتحق بالإمام وهو يكبر لبدأ الصلاه*
حمد الله كثيراً انه وصل في الوقت المحدد*
فرغ من الصلاة ليشاهد اخيه الاخر يجلس بجانبه : امس ما شفتك بالمسجد ؟! وين كنت !!*
هاني بهمس : توني جالس*
تركي بصدمه : يعني من الصبح اول امس توك تجلس !*
هاني نهض من مكانه وهو يعيد المصحف الى مكانه : ايه توني جالس ، فيها شي ؟ واحد تعبان وجاي من سفر وش تبيه يسوي*
اخفض رأسه ليقبل جبين والده المستغرق بالتلاوة : تقبل الله*
ابو تركي بدون ان يرفع رأسه : منا ومنكم صالح الأعمال*
ثواني وهو يغلق المصحف ليرفع رأسه ويرى الجالس بجانبه ويهتف بصدمه : هنوووي ؟!*
متى وصلت *؟!
هاني بإبتسامه : امس الصبح ؟!*
ما جيتك لاني توني جالس*
ابو تركي بضيق : حسبتك تركي*
ما شاء الله اصواتكم تتشابه*
هاني بحركه سريع وهو ينفض اعلى ثوبه : تف تف ، ويع ما بقيت الا تريكي*
ابو تركي بنبرة مقصوده : ان شاء الله يسمعك الحين*
هاني بثقه : عنده دوام يبه ، مراح يطول بالمسجد*
يعني اكيد الحين يكون طلع*
ابو تركي وهو ينهض : اجل قوم ، نسولف بالبيت ... انت عارف ما اقدر اظل جالس على الأرض واجد*
هاني بعياره : صج شيبه*
ابو تركي بنبره حازمه : والله محد شيبني غيرك انت وعبيد*
هاني بهدوء : انا اوكي ! عبيد وش دخله بالسالفه*
ابو تركي بهمس : تعال قرب*
اقترب هاني منه اكثر وهو يساعده على النزول من مرتفع المسجد حالما انزله هتف بإنزعاج : مدري ليش مسوين صبه هالرفع*
لو مخلينه واطي احسن*
هاني بهمس : يبه ، خلنا نروح المزرعه*
ابو تركي بهدوء وهو يمشي بخطوات ثابته : بعدين ... مو الحين*
هاني برجاء : وش عندك ؟ دوامك يبدأ من وحده الظهر*
ابو تركي وهو يفتح باب المنزل : وش عندي عندي بلاوي اخوك فوق راسي*
الله يستر وش مسوي هذه المره*
هاني لم يفهم ما قاله والده لذا قرر الجلوس معه فهو لم يطمئن ابداً من حاله*
اي مصيبة يخبئها اخيه وعن اي اخ يتحدث*
كان يمشي معه وذهنه شارد : مين بكون صقر متخانق مع مرته ، لا مستحيل اصلن صقر يموت على مرته وحتى لو كان متخانق وش له يقول حق ابوي ! صقر مستحيل*
تروك ! وش عنده تريكي ، يمكن عشان بنته سجوه البزره !*
ولا مسوي حرب منزليه ما لحقت احظرها*
يجوز منه كل شي هالتركي ويعايب عليّ*
ما يدري ان كل شي اسوي عن خبره من تصرفاته*
برهوم ! ابراهيموه ، يمكن!!
هو مره تخانق مع ولد جيرانه وكسر خشم الولد *
لا ما اتوقع يعيدها ، مستحيل ينسى اللي صار له توه ما خذ شي*
قطع عليه حبل افكاره وهو يشاهد عبدالله واقف امام والده ويكاد يقسم انه ان تكلم ابي سينهار كلياً*
لكن ابي لم يفعل لو ينطق بحرف واحد فقط !*
إحتـــــضــــنـــه !!*
.
إحتضنه بقوه لينهار اخوه حالما فقد كل قواه*
لم يستطيع التحمل*
انهار باكياً وهو يهتف بكلمات لم افهمها جيداً فقد كانت يبكي ويتكلم غير ان صوته كان منخفضاً وكنت اقف بعيداً عنهم*
احسست بألم عميق وانا ارى اخي بهذه الحاله*
طبعاً لكثرت خروجي لم اشاهده قبلاً هكذا*
فقط كنت اسمعهم يقولون انها ليست المره الأول التي ينهار فقد انهار قبلاً مراراً*
ولم تتح لي فرصه برأيته هكذا
وهاهي المرة الأولى التي اراه بحالته التي سمعت عنها كثيراً*
عبد الله لا يكبرني الا سنتين فقط
وقد تزوج مرتين*
بالمرة الأول اخذ بابنت خالي وهي حالياً زوجته*
وفي المره الثانيه*
تزوج بإحدى فتيات الحي المجاور لنا*
لكنها لم تدم له كثيراً حتى انفصلا*
ومنذ ان انفصل عن ( الجوري ) بدأت تتكرر عليه هذه الحالة*
التي اعتاد عليها ابي وكذاك امي وتركي*
عندما بدأ يمل من المراقبه*
خرج من المنزل دون حتى ان يقابل امه*
يشعر بضيق يخنقه لا يعلم لماذا*
رفع هاتفه وهو يتصل بأحد ما*
حالما رفع : تعال شارع الظهران مقابل مكتبة المنار*
اغلق الخط قبل ان يتيح له الفرصه حتى بالسلام عليه*
انتظر ربع ساعه حتى رأى السيارة السوداء تدخل لتقف امام المكتبه*
اشار لصاحبه الذي معه ليحرك السياره بعيداً عنهم*
اقترب منه وهو يراه يلتفت يميناً وشمالاً دون ان يجد اي شي*
او بالأصح ، لا يعلم لما هو هنا وعن ماذا يبحث
بعد ان يأس عاد لسيارته مره اخرى*
وقبل ان يرن هاتف هاني دخل هاني السياره*
ليسمع شهيقه : هنوي متى جيت ؟؟*
هاني لم يجيبه فقط جره اليه ليحتضنه بشوق كبير : صار لي يومين من جيت*
وانت حتى ما فكرت ترفع التلفون تقول لي الحمد لله على السلامه*
فارس بسرعه وهو يفلته : وش وش وش*
انا اصلن توني الحين عرفت انك هنا*
هاني بهمس : ما علينا ، روح اي مكان مخنوق*
فارس بهدوء : السياره ما فيها بانزين*
هاني بغضب : كل تبن*
هذا استقبال تستقبلني اياه*
يلا اخلص ابي مطعم يجيب الراس*
فارس بخبث : افا ، انا ابي طباخ ام تركي*
هاني بسرعه : كل تبن ، امي فاضيه لك تطبخ لك*
هي حالتها حاله ، تبيها تطبخ لك انت وجهك*
فارس بنبرة مقصوده : بس ابوي متكفل بكل شي*
هاني التفت وهو ينظر اليه بشكل مباشر : قلت لي ابوك .....*
فارس بإبتسامه واسعه وهو يهز رأسه بإجابيه*
هاني ضحك بخفه وهو يهتف : وش فيك مثل الخبل ، الحمد لله والشكر*
تفاجأ اكثر وهو يرى احتضان فارس له وهو يهتف بسعاده كبيره : هنووووي ، بصير اخو*
بصير اخو كبير ، امي حامل يا هاني حااااامل*
.
.
.
**************************************
طرقات سريعه ويتلوه صراخ يملئ المكان*
استيقظ من نومه مفزوع وهو يذهب للباب ليرى من يوقظه بهذه الطريقه*
ألا يعلم انه للتو تمدد للنوم*
فتح الباب وهو يهتف بغضب مكتوم : وش هذا ؟*
ما تعرف تطق الباب بهدوء*
روعتني من نومي ، صج ما تستحي*
راكان بسعاده : عمار عمار*
جراح جراح شوف شوف*
عمار نظر اليه بإستغراب ليرفع رأسه ويرى اخيه جراح يقف امامه وهو يبتسم له بتعب : وش فيك ؟! ما تبيني اطلع !*
عمار بسعاده وهو يجره اليه : ليش بعد ما ابيك تطلع*
اصلن اشلون طلعت وانا ما سويت اي شي*
مو مصدق انك صج اقبالي*
.
.
فتح عيناه بسرعه لينهض وهو يتنفس بسرعه*
أي يحلم ام كان واقعاً*
لا يرى الا الظلام ونور هادئ يخرج من هاتفه*
رفعه ليرى من يكون يريده في هذا الوقت*
واي وقت لا يعلم فقط اجابه بهدوء : اهلين الوافي*
الوافي بنبرة غريبه : اهلين فيك*
عمار بهمس متوتر : الوافي !*
وش صاير صوتك ابداً مو طبيعي*
عمي فيه شي ! ولا وعد فيها شي !!*
الوافي بسرعه : لا تخاف ، كلهم بخير*
بس....*
عمار بنبرة غاضبه لم يعتاد عليها : الوافي ، انا بروحي اعصابي تعبانه*
وتجي تلعب معي ، لا تخليني ادخل من الجوال واطلعك اقبالي*
الوافي شعر انه يختنق ويضيق من حوله كل شي*
ترجا اخيه ان يخبره هو ، فهو يعلم مدى تعلق عمار به ، و يعلم جيداً انه لا يستطيع اخباره بهذه السهوله*
فقد تكون له الصدمه قويه لا يستطيع احتمالها*
يكفيه ما حدث لأمه وابيه و مشاكله المستمره مع عمه وابناءه : عمار ....*
هدي واسمعني عدل*
عمار لم يتمالك اعصابه وهو ينهض من السرير واقفاً ويهتف بعصبيه : وش اهدي ما اهدي*
انت خليت لي شي اهدي فيه روحي*
كلامك يخوفني*
بعدها صمت لفتره وهتف بهدوء : اخواني فيهم شي*
صعق وهو يسمع هذه الكلمه ، نبرة صوته تكفي انه لم يحتمل ما سيقوله الآن : ها ، اااا ...*
اخذ نفساً عميقاً وهو يحاول ان يخبره الخبر بالشكل المناسب لكنه فشل بهذا وهو يهتف على عجل : اليوم ، راح يحاكمون جراح اخوك*
وكأن احدهم ضربه على رأسه ، يشعر بألم حاد بمقدمة رأسه*
وكأن الدم توقف عند رأسه*
كل شي توقف امامه ، صحيح يجلس بغرفه مظلمه ولا يكاد يرى الا نور خافت من النافذه*
لكنه لا يرى اي شيء لا يرى شيئاً ابداً*
فالمكان امامه مظلم جداً ويشعر انه يختنق شيئاً فشيئاً*
وانفاسه تعو وتهبط بسرعه كبيره ، جراح !! *
جراح ، فقط هذا ما يفكر به*
ايعدم ! ام يسجن ! ام حتى يخرج من هذا الكابوس*
تمنى كثيراً انه كابوس ويستيقظ بعدها وينتهي كل هذا*
بعد عشر دقائق وهو واقف دون حراك*
ودون ان يشعر بما حوله*
استعاد اخيراً وعيه وهو يسمع صرخات الوافي بالهاتف الذي تركه دون ان يشعر*
حمل الهاتف وهو يهمس : هلا*
الوافي تنفس براحه وهو يهتف بعتب : خوفتني لي ساعه اصارخ ابيك ترد عليّ*
على بالي صار لك شي*
عمار بصوت مخنوق : الوافي انا شفته*
جراح رجع البيت اشلون تقول لي بحاكمونه اليوم ، الله يخليك اذا مزح تراني ما اتحمل اي شي ! كفايه عليّ ارحمني تكفى و قول لي ان جراح بغرفته تكفى*
الوافي ألمه ذلك كثيراً لم يعتاد على عمار ان يرجوه هكذا ، او حتى يضعف امام احد : عمار ، انا ما امزح معك*
انا الحين واقف بالمحكمه وبعد ساعتين بحاكمون*
عمار شهق بعنف وهو يستند على اي شي امامه : ساع... ساعتين !*
الوافي بهمس : تكفى عمار*
مو متعود عليك كذا ضعيف*
هذا بس قرار محاكمه ما بعد يصدر الحكم وش بتسوي بعدها ! اصبر ، وتعال انا وابوي والكل بالمحكمه*
عمار اغلق هاتفه ليتوجهه بسرعه لغرفة اخيه جراح ، فتح الباب واضاء الأنوار*
وهو يدقق على سريره ليجد الغطاء مرتفع وكأنه يغطي احد ما*
شعر بسعاده كبيره وهو يهتف بداخله : يصقون عليّ على بالهم غبي*
تقدم اليه ليرفع الغطاء وهو يبتسم : جراح *
فجأه*
تلاشى كل شي امامه وهو يرى السرير فارغ لا يوجد به احد*
فقط كان الغطاء غير مرتب ويبدو انه يتواجد به احد*
*************************************
" هنوي اشفيك ؟!*
من مشينا وانت ساكت ، ما علقت ابداً
اعرفك ما تسكت كله هذره ! "*
هاني بهمس : واللي يرحم والديك*
نفسي في خشمي وتعبان*
فارس رفع حاجبيه : شنو ؟!
هاني بهدوء وهو يغمض عيناه : ودني المزرعه*
ما ودي اشوف احد بالمره*
فارس بهمس : كيفك*
لم تمر الا دقائق حتى قفز هاني وهو ينظر للنافذه ويبتسم بخبث : لقيتش وهذه المره مراح اطوفش*
فارس وهو ينظر له ، فقد توقف عن الإشاره : شنو تقول انت !!*
هاني انزل هاتفه وهو ينظر له وابتسامه واسعه ترسم ملامح السعاده بوجهه*
فارس سحب الهاتف من يده وهو يهتف بعصبيه : اشوف اعيونك مطيره*
خلني اشوف وش عندك !*
ليرمي الهاتف بحضنه ويهتف بغضب : يعني سويتها ...*
هاني ببرود : وليش ما اسويها*
تعال وش حارك انت !*
فارس بغضب عارم : حارني انها وحده من بنات ديرتنا*
وش له تصورها ، حرام ، ما تفهم ، البنت ما تدري وبعدين وش دراك انها راضيه*
هاني بهمس غاضب : فروس لا ترفع صوتك عليّ*
والبنت هذه انا باخذها*
فارس بسخريه : قال بياخذها قال*
فهمني اشلون بتاخذها وانت بس تعرف شكلها وبالنقاب بس !!*
لا اسم تعرف عنها ولا حتى وين ساكنه*
هاني بهدوء : سيارتها عندي*
وكلها يوم يومين وادل بيتهم واعلمك كل شي عنها وبالتفصيل الملل*
فارس بتنهد : كيفك ! انا تعبت معك ... وانت بالنهاية تمشي اللي براسك ما تسمع مني*
هاني بإبتسامه وهو يدقق بالهاتف : مين الخبل اللي يسمع من بزر !*
.
.
.

]#بعثرة_وهم]

رد: يتامى زمن قاسي
 

رد: يتامى زمن قاسي
 

السلام عليكم
بو انور يقهر هالعم في عم يساوي مع عيال اخوه هالشكل
بس ان شاء الله يتحقق حلم عمار ويطلع من المحكمه براءه
اللي يقهر انه يبي من ولد اخوه يتنازل عن حلال الايتام
مها وصقر الف مبروك الحمال وان شاء الله يطلع في حينه
هنوي هذا مو صاحي يصور البنت ويبي يخطبها لاتقولون انها اسراء
< يمكن اي ويمكن لا
عمار الله يعينك وعد صيري عون لزوجك وساعديه عنده ايتام مسؤول عنهم
وشكرا بنت ديرتي بإنتظار البارت الجاي

رد: يتامى زمن قاسي
 

السلام عليكم ورحمة الله وبركآته ..

كيفَ أنتِ يَ مبدعه ؟!!
أتمنى أن تكونيَ بَ أفضل حال ..

كنت مختبئه هناك خلف الكواليس أشهد إبداعك وحرفنتكِ وحبكتك الدراميه بِ مولودتكَ هذه
فَ طآب لي التسلل لِ ساحة روايتك والتشييد بما تحييكهَ أناملكَ الذهبيهَ
جلّ مَ أذكره من مدحَ لا أظن أن سيفوق ذاك الكم من رأيئ بككَ أنتِ حقاً فريدهَ من نوعكَ
إسلوبكَ , حبكتك الدراميهَ , سردك للوقائع والمواقف ..

جل شكريَ وتقديريَ لكك يَ جميله
إياكَ أن تسول لك نفسكَ بأن لا تكمليها
فنفسي تتوقَ للنهآيههَ..

موعد نزول البارت متى ؟؟
ي ليت ي مبدعه ماتتاخري علينا ..

رد: يتامى زمن قاسي
 

وعليكم السلام

وياهلا اختي شبيهة القمر

ما تشوف شر الخاله والله يعطيها الصحه والعافيه

اسعدني مرورك الطيب

معذوره اختي ارتاحي ، وانا واثقه انك ما رديتي الا لسبب قوي ^^

الله يسعدك وتسمعين خبر سلامة الخاله


]بعثرة_وهم[

رد: يتامى زمن قاسي
 

وعليكم السلام

يا هلا وغلا بنت ديرتي

اسعدني مرورك الطيب
خلا ولا عدم اختي

حبيبتي توقعك رهيب راح افكر فيه >>لووول

]بعثرة_وهم [

رد: يتامى زمن قاسي
 

وعليكم السلام

يا هلا وغلا بالأخت تالا ....
اسعدني جدا ان الروايه نالت إعجابك واسعدني أكثر انك رديتي على روايتي المتواضعه


واتمنى ان تكوني من المتابعين معنا دوماً ^^

وان شاء الله راح تنزل الروايه كامله ...

]بعثرة_وهم[

رد: يتامى زمن قاسي
 

السلام عليكم


عودة حميده مع جزء جديد

قراءه ممتعه ....
[ يتآمى زمن قآسي 8 ]
الجزء الثامن ...


وصل بعد نص ساعه*
وبعد ان غير ملابسه واستعد للخروج*
بدأ يدور و يدور حتى وجدهم ، قريبين من قاعة القاضي او قاعة المحكمه*
سلم عليه وهو يهتف بتعب : وصلوا ولا ؟!*
الوافي بهمس : لا لسى*
بعدها صمتوا ، يعلمون انه متعب جيداً*
فقد أتى الى هنا دون ان يرتدي غترته او حتى يغلق ما تبقى من ازرار ثوبه العلويه*
و وقوف هكذا والإنتظار ...*
يصيبه من الجنون وبالتوتر ، فهو يجلس بعيداً عنهم قليلاً لن اي شيء يقولونه*
فهو يرجف بقويه وقد لا يسيطر على اعصابه ابداً*
لم ينتبه ابداً ان هاتف يرن*
بقى يرن لربع ساعه هو لم يشعر بذلك*
" جوالك ازعج الأمه هنا ! يا ترد عليه يا تسكر بوجهه ... بصراحه ازعجتنا "*
عمار اخرج هاتفه من جيبه وهو يغلقه بالكامل*
سيف بهدوء : عمار الله يهديك*
هدي اشوي الكل لاحظ التوتر اللي عايشه ولعبت علينا من كثر ما تهز برجلك*
عمار لم يجيبه وهو ينتظر ما سيحدث بعد ساعه ، ويحاول الإستعداد لأي شي قد يصدر من هذا القاعة*
.
.
بقى صامتاً لفتره ليست قصيره *وهو يشاهدهم يتأخذون اخيه بعيداً عنه*
و يخرجونه بعيداً عن القاعة والقيود تلتف حول معصميه*
فقد حكم عليه بالسجن لمده لا تقل عن خمس سنوات !!!
جلس على الأرض يأس ، لا يعلم ماذا يفعل*
يبكي بصمت*
لا يريد ان يرى احد من اهله دموعه لكن*
دموعه لوحدها تنزل على خديه*
ألمه كثيراً ما حدث قبل قليل*
ونجح عمه بإذلاله وإذلال اخيه بخطه محكمه و ممتازه*
ينهض من على الأرض بحركه سريعه ويقف امام عمه ، وسيف من خلف يهتف بخوف : عمار ، تكفى هدي*
عمار بنبرة بارده كما اعتادوا عليه : لا تفكر انك خلاص قدرت عليّ*
انا عمار ولد جابر
تعرف منو جابر !!*
جابر اللي الى الحين تأثيره عليك واضح*
ولا تفكر واحد من ميه بس*
انك محيت جابر من الوجود ، فاللي جالس اقبالك*
اشد من جابر وانت مو اخوي عشان اتلطف معك*
هذا يخليني بموقف اقوى من موقف ابوي*
استنى عليّ بس ، صدقني بنلتقي هنا
هنا ... يوم من الأيام*
لكن ساعتها بأكون انا اللي اضحك*
وانت تترجاني*
وانا اقول لك هالشي وابيك تفكر فيه زين
*قبل ما تقدم على شي ثاني
.
.
اليأس والحزن ، والألم ... والفشل ..!!*
كلها أمور تسيطر عليه*
تجعله يلازم غرفته اسبوعاً كاملاً بعد ان طلب من احد زملائه بأن يقدم بدالاً عنه إجازه لمدة اسبوعين فهو لا يستطيع ان يقوم بواجبه على اكمل وجهه وهو بهذه الحاله*
راكان يتجول بالشقه ولا يجد من يجلس معه لذا كان يقضي معظم وقته بجانب ابن عمه.*
وقد يكون معه حتى اوقات متأخره مما يجعله ينام بغرفة ابن عمه ...*
الأمور سيئه جداً بين عمه ابو سيف وعمه ناصر ...*
.
.
يجلس بغرفته ويضع رأسه بين ركبته*
يشعر بضيق يكتم عليه انفاس*
اخيه فوار اولاً ، فقد تركه وذهب للعمل بمنطقه بعيده
بسبب خلاف نشب بينه وبين توأمه !!*
ليواجه مشكله اكبر من ذلك وهو مرض فيصل*
ليلازم المستشفى والى الآن حاله متقلب كثيراً*
لينصدم ويتشوش فكره ، بخبر سجن اخيه جراح بعد دخول فيصل المستشفى بمدة تقارب ثلاثة اسابيع*
راكان يهمله كثيراً ، وكثيراً ما يشكو من ألام ببطنه*
لكنها لا تدوم ، فسرعان ما تذهب ويعود كل شي على طبيعته*
لكنه هذه المره لم يتوقف ألم بطنه حتى بعد ان شرب الكثير من الأدويه*
دخل عليه وهو يبكي بشكل مستمر : عمار ، عمار بطني بطني ، تكفى بطني يعورني حييل*
عمار بهمس : راكان اشرب لك ماي ورد ويروح*
راكان ببكاء اكثر : مو راضي يطيب*
شربت كاس كامل مو راضي يروح*
جلس على الأرض وهو يعتصر بطنه من شدت الألم*
لينهض عمار وهو يهتف بهدوء : وش تبيني اسوي لك*
راكان برجاء : تكفى بطني ، سوي اي شيء*
تكفى يعورني حيل بأموت*
عمار بتنهيده : لا حول ولا قوة الا بالله*
قوم روح غير ملابسك على ما اغير واشغل السياره*
.
.
خرج من الشقه وهو يصعد السياره ثواني وتحركت السياره
نحو المستشفى ، القريب منهم*
نزل من السياره ليتوجه فوراً لقسم الطوارئ*
وبعد ان سجل البيانات*
استقر بمقاعد الإنتظار*
وراكان لا يزال يبكي من الألم ...*
عمار بنفس هادئ يخفي خلفها بركان من الغضب : راكانوه ، اسكت اشوي الحين يعطونك شي يهدي بطنك*
راكان بصوت مخنوق من كثرت البكاء : وش اسوي بطني يعورني مو بيدي ...*
عمار لم يرد عليه وهو يتأفف بسبب التأخير الذي يواجهه القسم : وش هذا يمديه الواحد يموت واهم ولا همهم بس*
بعدها بربع ساعه اخيراً وصل لدوره*
طلبه منه الدكتور عينه للفحص البول*
ليجد اذا كان يعاني من احد الامراض*
ام يعاني من شيء اخر*
بعد ان ارسلت عينة الفحص عادوا لمقاعد الانتظار*
وراكان لا يزال على حاله : عمار بطني الى الحين*
عمار بعصبيه : راكان خلاص عرفت ان بطنك يعورك ، يعني وش اسوي لك ، هذاني جبتك للمستشفى بس ما اقدر اسوي لك شي ثاني*
جلسوا حوالي نص ساعه وراكان يحاول كتم شهقاته حتى لا يزعج اخيه اكثر*
وبعدها بدقائق ..*
خرجت نتيجة التحليل لينادي الدكتور عليهم ويخبرهم في ان كان يعاني من مرض ما او الالم ليس خطير ...!*
************************************
" وينك ؟ لي ساعه انتظرك ... "*
اجابه بإرهاق : اشوي واجي ..*
اغلق هاتفه و وضعه جانباً وهو يتأمل زوجته وهي تعد الطعام يتأملها وهي تتحرك بمهاره ودقه عاليه مكتسبه من خبرتها طويله*
نهض من على الأريكه ليحتضنها من خلف ويهمس بأذنها : كذا تزعجين نرجوس*
التفت اليه بسرعه : نرجس !!*
صقر بإستغراب : ايه وشفيها نرجس ؟*
مها بهدوء : لا بسميها فردوس*
صقر بسرعه : طويل فردوس*
مها بتلاعب : شفت وش حلوها على السانك*
" احم ، احم ، ممكن ازعجكم اشوي ... "*
صقر ابتعد عن مها وهو يهتف بحزم : ممكن تقول لي وين كنت لين الساعه 4 الفجر ؟؟*
فارس ببساطه : مع هاني ...*
صقر بسخريه : لا عاد ، هاني له شهر بالإمارات وش جابه ؟؟*
فارس بصدق : والله جا اول امس*
انت ما شفته !*
اذا مو مصدقني إسأل جدي*
صقر بهدوء : ايه !*
طيب خلاص انقلع غرفتك*
فارس بخبث : زين نرجس ولا فردوس !!*
صقر بإبتسامه واسعه : نرجس غصبن عليك*
فارس بهمس : بس انا عجبني فردوس اكثر*
صقر بحزم : قلت نرجس يعني نرجس*
مها بهدوء : بس احنا اثنين ضد واحد*
صقر بعناد : نرجس ، وخلصنا ، وهذا اذا ما جا واحد مثل هالعله بعد*
بسمين سلطان ، غير هذا ما عندي*
لا تنسين سميته فارس عشانش*
اما الحين جا دوري*
فارس وهو يكتم ضحكته : السالفه فيها ادوار*
صقر بحده : انقلع انت وجههك*
من جد جيل خراب*
********************************
نهض من مكانه وهو يلتحق بالدكتور ويهتف له على عجل : طمني دكتور اخوي وش فيه ؟؟*
الدكتور بهدوء : تعال معي المكتب*
التحق به الى مكتبه وملاين الافكار السيئه والحسنه تملئ رأسه*
قلق جداً من ان يكون اخوه مصاب بأمراض خطيره او انها قد تكون اعراض تغيرات الجو*
شعر انه مشوش من جميع الجهات*
جلس على المقعد المجاور لمكتب الدكتور ويهتف بسرعه وتوتره يزداد : دكتور الله يخليك ، حرقت اعصابي بما فيه الكفايه*
الدكتور بهمس : انا اخذت الفحص ونتائج طلعت مثل ما توقعت
بس لا تخاف مع العلاج راح يكون احسن*
عمار بهدوء : طيب مو ناوي تقول وش فيه ؟!*
الدكتور اخذ نفساً عميق ليهتف بقنبله فجرت أذنيه ، مثل انتقلت لتصل لشرايين قلبه : اخوك عنده *السكر ... وصار له فتره يعاني من هالمرض ، بس الغريب انكم مو ملاحظين !!*
عمار بهمس بهدوء : طيب والحين ! وش راح يصير له !!*
الدكتور : راح يضل هنا لحتى نعرف كم جرعت الانسولين اللي راح نعطيه ، عشان تقدرون تعالجونه بالبيت*
نهض من عنده بعد ان شكره ليتوجهه لأخيه بنفس المستشفى*
عندما وصله اليه كان جالساً على احد المقاعد بجانب احد ما*
عمار لم يقاطعه بحديثه وهو يجلس على طرف السرير ليأتيه بعد دقائق اخيه ويجلس بجانبه : عمار !! خير وش فيك ؟!*
عمار بهدوء : متى بتطلع انت من هنا !!*
فيصل بإستغراب : مدري ، على حسب هالدكاتره ، يطلعوني ولا ...*
عمار بذات الهدوء : كلمت اخوك !*
فيصل بضيق : لسى*
مو راضيه يرد عليّ*
ولا فوق المليون رساله ، مو راضي يرد عليّ*
عمار بهمس : زين ، اخوك راكان بالغرفه 417*
روح شوف كل ما سمحت لك الفرصه*
فيصل بصدمه : ليش اشفيه راكان !!*
*********************************
" هلا يمه ... "*
الأم بسرعه : وينك أنت لي ساعه استناك*
هاني بهمس : جاي يمه جاي*
ثواني بس*
اغلق الهاتف من عندها ليلتفت الى ابن اخيه وهو يهتف بغضب : طيب خلاص وخر عني*
تراني مو بزر تسوي لي كذا ...*
فارس بضيق : هنوي حرام عليك*
بتروح عند ام تركي كذا والله بتجن*
هاني عاد انظف لك كم جرح ، عشان نقدر نرقع لها*
هاني بحزم وهو يمسك بالمقود جداً : انا ما فيني شي*
وهذه الجروح بسيطه ، مراح تأثر فيني*
فارس وهو يستند على المقعد : ايه واضح ، لدرجة انك اشوي ويغمى عليك وتروحنا في حادث ساعتها دبر لك كذبه تكذب عليهم*
هذا اذا بعد قمنا*
هاني بغضب عارم : فــــــــاروووووسوووه*
انــــطـــــم خلاص ، مو كأنك سبب في الخناق انت و وجهك يالتبن*
فارس بسرعه : وش له تقوم تسترجل عليهم*
انا محذرك مليون الف مره لا تتخانق معهم انا اعرفهم اكثر منك*
بس انت ما تسمع مني*
اوقف السيارة على جنب وهو يهتف بغضب : تدري اشلون*
انزل اشوف انزل ، بسرعه لا تجلس تطالعني كذا*
نزل وهو يهتف بخوف : هنوي وش بتسوي ؟
هاني : ما لك شغل*
نزل هو الأخر واقفل السيارة*
دخل احد المطاعم المجاور لهم ليهتف للموظف : ما في هنا حمامات ؟*
الموظف بإستغراب : الا فيه*
تشوفهم هنا على جنب*
هاني ذهب مكان الذي اشار له ، ليفتح الباب ويدخل خلفه فارس وهو يهتف بتوتر : هانيوه يا غبي ، ليش داخل هنا بدمانك !!*
هاني وهو يغسل جبينه وخده الأيمن : وش بسوون يعني ...*
فارس بخوف : مدري عنك ، المهم خلصني بسرعه*
هاني تمضمض ببعض من الماء النقي ليخرجه مليئاً بالدماء*
فارس بخوف : هنوي وش هذا ؟؟*
هاني استند على طرف المغاسل : ايه انت هجيت ويا وجهك ، مالت عليّ انا اللي شــــاـ.. شــــ...*
لم يكمل جملة لانه سقط أرض ليتلوه صرخات فارس : هاني ، هـــــنــــوووي*
هـــــــــانــــي
.
.
" هنوي الله يخليك رد عليّ ، هاني ...
هانيوه يالزفت رد عليّ ، تكفى لا تجلس تفتح وتسكر بعيونك ، كأنك لمبه خربانه
هانيوه رد عليّ "*
كان يسمع صدا صوت ابن اخيه*
لكنه لا يشعر به ابداً فقط يسمعه نبرة صوته ...*
ليختفي تماماً
استيقظ من نومه على صوت احدهم : قوم حبيبي تأخرت بالنوم*
اشدعوه مو نوم*
هاني بصوت ناعس : يمه خليني انام اشوي بس ، بس اشوي*
ام تركي بحزم : طيب ، لك عشر دقايق بس عشان تقوم خليني ارجع واشوفك نايم*
لم يعطيها وجهه وهو يكمل نوم ، ليشعر بعد ثواني بظل يقف بجانب سريره فتح عيناه بسرعه ليرى اخوه تركي يقف فوق رأسه نهض بسرعه من السرير : بسم الله*
وش هذا ليش تدخل كذا بدون حتى ما تستأذن ؟؟*
نظر اليه بحقد وهو يضربه على وجهه*
.
.
شهق بعنف وهو يفتح عيناه بسرعه*
رأى ابن اخيه فوق رأسه والمكان مظلم ، وكأنه بسيارة*
لكن لم يكن فارساً لوحده فقد كان بجانبه اثنان من الشباب*
فارس بحذر : هنوي !!*
هاني بهمس : برد لك الكف وبتشوف*
فارس بإبتسامه عريضه : ايه حلالك مدامك هههههه*
الشاب بإبتسامه : الحمد لله بخير*
هاني نهض وهو ينظر بإستغراب للشابين : مين هذول ؟؟*
فارس بمرح : هذول ساعداني عشان اطلعك من الحمام*
يا الدب وش تاكل صاير ثقيل حيل*
هاني بهمس وهو يسند رأسه للخلف : امي اتصلت ...*
فارس بهدوء : مدري ، مدري حتى وين حاط جوالك انت و وجهك*
الشاب : لازم توديه. المستشفى ، عشان تتأكد انه ما فيه شي*
هاني بسرعه : بخير ، ما فيني شي*
مشكورين ، والله يعطيكم الف عافيه*
الشابان عرفا ماذا يقصد لذا تحمدوا له على سلامته ثم ذهبا*
فارس بنبرة عتب : كان لازم تطردهم كذا*
هاني بهدوء : شب انت ، ويلا حرك ، امي بتكفخني اذا شافتني*
فارس نزل ليصعد مكان السائق وهو يهتف : زين ، خلنينا من هذا كله*
غني ...*
هاني بهمس : نعم !!*
فارس ببساطه وهو يتوجهه للطريق العام : غني شنو ما تعرف مثلاً !!*
هاني بهدوء : وش له اغني ، شايفني مبسوط عشان اغني لك !*
فارس بصدق : هنوي انت ورا الحين ما اشوفك*
خلني اتطمن انك بخير ، ولا شوف يا تغني يا تسالف حتى ما نوصل*
هاني بهدوء : طيب راح اغني لك كأنك تستاهل*
هاني بدأ يغني بهدوء ، لانه متعب جداً فقد ضرب بشده في أنحاء متفرق بجسده*
واشد ضرب اتى له ، بصدره*
فقميصه الأبيض تلون بالدم من الأعلى كثيراً وبه نقاط من الدماء بالأسفل*
غير الدماء التى على جينزه
لكنها لا تظهر يجيداً لانه ذو لون اسود
بقى يغني له لمدة ثلث ساعه بعدها صمت ...*
فارس بإبتسامه : اشفيك تعبت مثلاً لو على طريق البحر الحين كان طول الطريق وانت ترد على راشد ...*
انتظره ليرد لكنه بقى صامت*
مما اصاب فارساً بالخوف الشديد*
كان يحاول ان ينظر له من المرآه لانه لا يرى شيئاً منه*
لذا توقف بسرعه عند اقرب إشاره ليتفت له بسرعه : هاني ! *
لترتخي ملامحه وهو يشاهده يتنفس بإنتظام دلاله على دخوله بنوم عميق*
**************************
" ياربي وين راح هالولد .. "*
هتف لها بهدوء : يا مره ، هدي هدي وش هالحوسه اللي انت فيها*
توش مكلمته وقال لش انه بالطريق وش له هالتوتر والحوسه !!*
تركي بهدوء : يمه ، ولدش هذا قطو بو سيع ارواح ما ينخاف عليه*
ام تركي بسرعه : بسم الله على ولدي*
وش فيكم عليه*
ابو تركي وهو يضحك : احنا اللي وش فينا ولا انتي ؟؟*
نزلت سجى وهي تجلس بجانب جدها : هاي جدو ، شخبارك ؟*
الجد بسعاده : هلا ببنتي ، طيب طاب حالش*
سجي بهمس : وش فيها ام تركي. ؟؟*
ابو تركي بسرخيه : خايفه على عمش مقرود الحظ ، مدري وش مسوي هذا بعد*
سجي وهي تعدل نظارتها الكبيره : افا يمه ، هنوي ما ينخاف عليه*
صدقيني تلاقينه مطيح بنات خلق الله الحين*
تركي بخبث : وليش ما يكون رجلش اللي مطيح بنات خلق الله ؟؟*
سجي بثقه : لا رجلي ما يسويها ! اعرفه زين*
تركي بهمس : ايه بنشوف*
ضرب احدهم الباب وهو يهتف : درب درب*
انا فارس ...*
بعدها اختفى الصوت*
لهتف تركي بغضب : سويج قومي ما تسمعين فارس على الباب !!*
سجى بهدوء : زين وش فيها ! *فارس ترى*
تركي بغضب عارم : قومي لا تجيش النعال الحين*
قالت فارس ، شنو اهو اخوش ولا عمش*
سجى بدون نفس : اف ، زين هذا قمنا*
تركي بسرعه : بعد تتأففين*
ابو تركي بهمس : تركي ...!*
تركي بغضب : ما تشوفها وش تسوي لي ، انا مو جايب لي الضغط الا ذي*
فارس بصوت مرتفع خلف الباب : ها فيه احد*
ابو تركي : ادخل يبه ما فيه احد*
دخل فارس لثواني ، بعدها عاد وخرج ، ليدخل بعدها بثواني ، لكنه عاد مره أخرى*
لما اثار الشكوك حوله !*
من معه حتى تأخر بالخارج*
تركي بحزم : فارس ..*
دخل بعد ثواني قليله وهو يبتسم بإبتسامه عريضه : شخباركم ؟؟*
وش حالكم*
ابو تركي بحزم : مين معك ؟؟*
فارس بتوتر : ها هاني مين بيكون معي*
نهضت ام تركي بسرعه وهي تهتف : وين هاني !!*
فارس بتوتر : ها جاي جاي ، بس اشوي*
بيعدل السيارة اقصد بيوقف السياره*
ثواني قليله ويدخل سالم وهو يهتف بمرح : هاي*
اووه فروس هنا ..
ام تركي بصوت مبحوح : وينه هاني ؟!*
فارس بسرعه : والله يمه معي ، صدقيني ما فيه الا العافيه*
دخل عبدالله وهو يهتف : يبه ممكن اكلمك اشوي ؟؟*
بعدها بثواني فتح الباب ليدخل صقر وهو يسلم عليهم*
جلست ام تركي على الأريكه وهي تهتف : بس ارجولي مو قادره تشيلني*
ولدي فيه شي بس مو راضين تقولين لي*
صقر بإستغراب : فارس متى جيت*
فارس ابتلع ريقه : يبه وينه هاني ؟!*
مو برا !!*
صقر عقد حاجبيه : ما شفته وانا داخل*
فارس اسرع للباب ليخرج لكنه حالما اراد فتحت تراجع وهو يرى الباب يفتح ليدخل هاني ويهمس : السلام عليكم ...*
الجميع نظروا اليه بذعر وهو يقفون بتلقائيه*
ابو تركي بغضب : هانيوه وش هذا ؟!*
هاني ببرود : شنو ؟؟*
ام تركي بسرعه : يمه مين اللي مسوي فيك كذا !!*
هاني بهدوء : اعيال السيف*
صقر بحده : وش اللي خلاك تتخانق معهم*
هاني بهمس : ثار اخوي
تركي بعصبيه : اي اخو انت و وجهك !*
هاني بعصبيه اكثر : اخوي ابراهيم*
وش ذنبه الى الحين يعرج بسببهم*
ابو تركي بحزم : ان شاء الله بعد تبي ترجع لمشاكل لهم*
هاني بثقه : ليش لا !!*
تركي : حسبي الله عليك ما تعرف تجلس مثل اثيابك*
هاني بعياره وهو ينفض ملابسه : شوف حتى اثيابي مو عارفين يجلسون ، يلعبون بالدم*
ابو تركي بحزم : هنوي ، روح فوق ولا تنزل لين اقول لك فاهم ولا*
يعني حتى الاكل فوق*
هاني توجهه الى الأعلى بدون اي مانع*
مما جعل الجميع يشك انه يخبئ شيئاً*
فارس لحقه بسرعه لكنه اباه اوقفه وهو يهتف : وين ؟؟*
فارس وقف لثواني بعدها اكمل طريقه*
.
.
" حيييواااان ، والله مدري اشلون انت عايش "*
انفجر ضاحكاً حتى دمعت عيناه وهو يهتف بسعاده كبيره : واخيراً واخيراً*
صرتي بين اديني ، يالله مو مصدق*
فارس بهدوء : كنت بتموت والحين تقول وناسه !!*
هاني بتمثيله : آهـ ، كل شي يرخص اقبالها*
فارس بهمس : جد غبي ، الحين انت لا تعرف شكلها ولا هم يحزنون ، حلوه مو حلوه وميت عليها*
طيب لو طلعت جيكره !! وش بتسوي ؟؟*
هاني نظر اليه بحده ليتقرب منه بهدوء وينزل مستواه بصفته جالساً : عذااااب ياخي ، انت يمكن ما تتحمل جمالها*
فارس رفع حاجيبه وهو ينظر لوجهه هاني عن قرب : ويع شوف وجهك اشلون تشوه*
هاني استقام واقف وهو يضع يده على خده : معليه كلها يومين ويروحون*
مو مهم المهم هذا*
اخرج ورق صغيره : هذه كل شي عندي*
فارس انزل الورق وهو يهتف : طيب روح اخطبها بالأول ما له داعي تكلمها ! مدامك راضي فيها*
هاني بسرعه : لا والله !!*
فارس بسرعه : اجل وش بتسوي ؟!*
هاني بهمس : اول اخليها تموت فيني وبعدها بكون ضامن كل شي*
فارس ببرود : زين اهلها ضاربينك ضرب ما عمرك بتشوف مثله ، الحين بوافقون عليك انت وجهك العبد*؟؟
هاني : لي اساليبي الخاصه عشان اقدر اقنعهم*
لا تنسى ابوي افر راسه بثواني*
انا هاني ، ماني فارس*
فارس ابتسم بخبث : انت و وجهك وشفيه فارس !*
هاني بهمس وهو يستعد للتمدد : غبي مع احترامي*
.
.
في اليوم التالي ....
نزل بهدوء وهو يلتفت يميناً ويساراً*
ليكمل طريق بثقه بعد ان تأكد من خلو المكان وهو يضع نظارته الشمسيه*
قبل ان يصل للباب انتفض بقوه وهو يسمع الصوت الحاد : هنوووووي ...*
التفت بسرعه وهو يهتف بحده اشد : مالت عليك خرعتني*
سالم بهمس : انت تخرع مو تخترع المهم*
ما علينا من هذا*
وين بتروح ! على ما اظن انك معاقب لمده تزيد عن اسبوع*
وهي انك تظل بالغرفه بدون ما تطلع*
هاني بهمس وهو يقترب منه وينزع النظاره الشمسيه : الله الله*
انت اخوي وصديقي وكل شي بالدنيا عندي حلو*
سالم بسرعه : لا حبيبي ، ما تمشي عندي هالحركات ..*
هاني رفع حاجباً وانزل الأخر : لا !!*
تمشي يبه*
ابوي حالياً بالشركه ، وتريكي مو هنا*
جات عليك تخرب عليّ مثلاً*
بعدها اعاد النظاره : يبه سوو اللي تسوي انا بطلع يعني بطلع*
سالم بحزم : اطلع والله اني اقول حق ابوي*
هاني بسخريه : حبيب بابا*
قوله عااااادي عندي ، مو مشكله*
وش بصير لي مثلاً*
بعدها خرج بدون ان يهتم لما سيحدث بعدها*
.
.
.


#بعثرة_وهمـ .'.'*

رد: يتامى زمن قاسي
 

السلام عليكم
كيفك ياقمر
هنوي النشبه منو يحب ياترى ياسمين او يمكن بنت بو انور اذا كان عنده بنات
الا بعثره بو انور يصير جد فارس صح ولا لا
اذا صح اشلون يتخانق( يتهاوش) مع خواله
عمار الله يعينه جراح وانسجن خمس سنين وفيصل في المستشفى وفواز زعلان ومسافر
وراكان جاه سكر الله يصبرك ويعينك وينصرك على عمامك

رد: يتامى زمن قاسي
 

رد: يتامى زمن قاسي
 

وعليكم السلام يا هلا وغلا اختي تفاحه

ايوا بو أنور يصير جد فارس أبو أمه ^^

اما سالفه الخناق هذا الجزء راح يكشف الغموض اشوي

الله يسعدك اختي ع المرور الطيب

]بعثرة_وهم[

رد: يتامى زمن قاسي
 

يا هلا وغلا اختي شبيهة القمر

ما شاء الله شكلي حستكم حييل

راح اجاوب على أسألتكم حتى توضح الصوره عندكم

عايلة السيف تختلف عن عايلة الفارس والفارس اسم العيله
انا كتبت اسماء العوايل عشان تفرقون بينهم لاني شكلي ما عرفت أوصل الفكره صح ><

واسماء العوايل كلها خيال ^^

اعيال عم هاني من عايلة الفارس مو السيف ، السيف عايلة ام فارس فقط

اما ام تركي فهي جدة فارس لكنه يناديها كذا ، يححب يتميز >> لووول

الف شكر لك أختي ع المرور الطيب

والسموحه على هذه الحوسه

]بعثرة_وهم [

رد: يتامى زمن قاسي
 

السلام عليكم

عودة حميده مع جزء جديد

اعذروني الجزء قصير لكني كتبته توني وان شاء الله يكون ينال إعجابكم

الجزء كشف لغموض الأجزاء السابقه ، وان شاء الله يكون واضح معكم
[ يتآمى زمن قآسي 9 ]
الجزء التآسع ...

يعلم ان ما يفعله عمه اكبر غلطه لكنه يفهم شعوره فهو يعيش نفس وضعه تقربيا لكن لا يشابهه بخبثه
اغلق بابه ليطرق بطرقات خفيفه ، ليطل وجه امه بإبتسامه : فارس ، روح عمك يبيك تحت
استغرب لما لم يتصل عليه ويعطيه خبر بالموضوع
لكنه اكتفى بهز رأسه وهو يستعد للخروج من غرفته
افكار كثيره تدور برأسه كلها سيئه جدا لكنه لا يعلم سر السعاده التي يشعر بها !!
مشاعره متضاربه ولا يستطيع التفكير جيدا
يريد الوصول للمجلس بأسرع وقت لكنه يرى ان الوقت يتلاعب معه وان قدماه لا تساعدانه بالإسراع
وصل لباب المجلس وهو في قمة الإرهاق لا يعلم ما سببه
لكنه خائف جدا من فتح الباب ورؤية للمره الأولى بحياته يشعر بهذا الخوف
امسك بالمقبض وهو يجره للأسفل فتحه بهدوء وبعدها دخل ليصدم بما رأى فهو الأن عرف ما سر توتره وشعوره المتناقض
.
.
" تكفى هنوي قول غير هذا والله بموت ...
هنوي كلمني ليش ساكت ، ارحمني قول اي شي "
هاني بألم : وش تبيني اقول لك اكثر من كذا
فارس بجنون : انا باخذها ما اقدر اتحمل اكثر من كذا خلاص
هاني بعصبيه : اشلون بتاخذها وهي بذمة رجال ثاني
وبعدين حتى لو طلقها ابوك بيرضى ولا عمك راح يعطيك اياها
وش فيك انت استجنيت فتح مخك اشوي
فارس بضعف : ابي اشوفها
هاني بصدمه : نعم ! بصفتك منو
ولد عمها لا يا حبيبي لا تنسى هذه بنت اخوي
ومستحيل اخليك تشوفها لو على قطع رقبتي
فارس جلس على ركبته وهو يقبل يد عمه ويبكي : تكفى هنوي طالبك
من بعيد وانت صير يمها بحجابها مراح اشوفها الا من ورا الزجاج تكفى هنوي
ابي قلبي يرتاح تكفى
والله ماني ذال روحي اكثر من هالمره
لا تخيبني ابي اشوفها من بعيد
هاني بغضب رغم ألمه هو من تسبب لها بكل هذا لم يكن يعلم ان كل هذا سيحدث توقع ان تتضر بشكل بسيط فهو يعلم لمن اعطاها وكل هذا قهرا بفارس لكنه الأن نادم وبشده نادم على ما فعله بفتاة تستحق عقابا اقل من هذا : والله وراسي يشم الهوا ما تشوف ظفرها وهي مو حلالك
.
.
*******************
اتصلت به للمره السابعه لكنه دائما يكون الخط مغلقا
قلقها يزداد كثير عليه
منذ ان تركها بأخر لقاء يبنهم وهي لا تعرف ماذا حدث لها
وجوده بحياتها قلب كيانها رأسا على عقب
كادت ان تبكي لكثرت قلقها عليه
او بالأحرى فقد بكيت بكاء شديد
حتى علا صوتها بالنحيب
جميع من في المنزل يغط بالنوم فالوقت متأخر جدا
غير انها بقيت مستيقظه لهذا الوقت من أجل امتحانها غدا لكنها لم تستطيع ان تدرس وهي قلقه عليه
اعتصر قلبها ألم شديد لذا قررت ان تلهي نفسها عن التفكير به بفعل بعض الأمور
نزلت لتشرب الماء وعادت لغرفتها ونزلت مره أخرى لتعد لها مشروبا ساخنا وعادت لغرفتها .
فتحت هاتفها للمره الخامسه وهي تفتح كل ملف به عسى ان تجد شيئا يرسله لها
كان هاتفها فارغا من رسائله واتصالاته ايضا
ويبدو انه لم يفتح هاتفه منذ يوم امس
ارهقها التفكير به لذا وضعت رأسها على الطاوله لتنحدر دمعه ساخنه من عينها وتستقر بأعلى شفتها
.
.
" حبيبتي ، قومي انا وصلت ليش ل هالوقت نايمه "
جلس بجانبها وهو يهتف بهدوء : تصيحين ليش
عشاني ما رديت عليش انا بخير صدقيني بخير
وعد بهمس : عمار تكفى لا تخليني مره ثانيه كذا على اعصابي ، رد لو برساله فيها نقطه
عمار وهو يقبل جبينها : آه يا قلبي مو بيدي
والله لو علي ما اهملت اتصالاتش ولا رسايلش
وعد بإرهاق : عمار ..!
عمار بتلقائيه : عيونه
وعد بذات الهمس المرهق : اوعدني ما تسوي فيني هالحركه ثانيه
عمار لم يجيبها وهو ينظر لها بهدوء ل تتلاشه صورته امامها
وقفت بسرعه وهي تدير رأسها بجميع الجيهات
لكنها لا ترى الا السواد
اين اختفى ؟! لما المكان مظلم هكذا !!
ضمت ركبتها الى صدرها وهي تهذي : عمار الله يخليك لا تروح وتخليني بروحي عمار
وبعدها وقفت بسرعه وهي تصرخ بالفراغ : عمااااار عماااااااار عمـــااار
لا الله يخليك لا لا لا لا لا
عـــمـــــــار
وبعدها جلست على الأرض محطمه كليا وهي تهذي بيأس : حبيبي وين رحت ؟
.
.
عاد نور خافت اليها وهي ترفع رأسها عن الطاولة لتشاهد شعاع ضئيل يتسلل لغرفتها
همست بهدوء : اعوذ بالله .. كله من هالحلم ضيع علي صلاة الفجر
نهضت الى النافذه لتتحقق ما سر وجود هذا الضوء الخافت
وجديته انه نور القمر
عادت مره أخر للطاوله وهي تسحب هاتفها وتفتحه
حالما اضاءت الشاشه حتى شهقت بعنف وهي تشاهد رساله منه
أعادت رأسها على الطاولة وهي تكمل نحيبها
" حبيبتي انا أسف "
.
.
****************************
"أنا مو قايل لك لا تطلع ، ليش تكسر كلمتي .."
اجابه بإبتسامه صفراء : يبه مرتك اهي اللي طرشتني وسلوم يقول عنده شغل وجلالوه مو في البيت بالله يعني اردها واقول لها انك معاقبني
أبو تركي بحزم وهو يلتفت لزوجته ، التي حالما انتهى هاني من كلامه حتى شهقت بعنف : صحيح اللي يقول له هنوي ؟
أم تركي بألم : انا أسفه ، بس وش اسوي نسيت و ولدك غفلني ، يبيها من الله
ابو تركي بغضب : اخر مره لك ومره ثاني احسابك معي عسير
هاني بهدوء وهو يعبره ليصعد لغرفته : انت تامر يبه اللي تبيه ...
ابو تركي حالما اختفى هاني من أمامه حتى انهال على زوجته بعتب
وحالما انتهى زوجها من غضبه حتى نهضت وتبعت ابنها للأعلى ..
.
.
" مراح تقول لي بأي حق تكذب علي ؟ "
قفز وهو يقبل رأسها : افا ام تروك ، انا هاني ما تغطين علي اشوي
ام تركي وهي تجلس على طرف السرير وتهتف بحزن : هذا ابوك زعل مني وعطاني من الكلام السنع
وانت ولا على بالك ، عاجبك يعني ابوك يصارخ علي ، ويزعل مني عشان شي انا ما سويته
هاني بإبتسامه باهته : تكفين يمه لا تحطين بخاطرش
ابوي مستحيل يزعل منش انا متأكد
روحي له الحين تشوفينه انسان ثاني
وهذه اخر مره وعد مراح اعيدها ...
ام تركي وهي تنهض من على السرير : بنشوف اخرتها معك ، وياويلك لو ظل ابوك زعلان علي
ادواك عندي
هاني ضحك بخفه وهو يقبل رأسها مره أخر : ارتاحي ولا تشيلين بخاطرش ، بو تروك لو ظل زعلان عليش انا اراضيه ولا يصير خاطرش الا طيب
كم ام لنا ب هالدنيا احنا ...
********************************
لم تكلم احدا منذ ان قابلت اباها اخر مره
تشعر بيأس شديد ايقبل اباها ان يزوجها بإبن عمها
" لا مستحيل لو تنطبق السما على الارض مراح اخذه لو يموت ... "
امسكت هاتفها وهي تتصل بأحد ما وحالما جاءها الرد حتى انهارت : تكفى طالبتك لا تخيبني
انتفض بعنف وهو يهتف بسرعه : امرني ، عيوني لش
إسراء بألم : ولد عمي تقدم لي
تكفى ما ابيه ، لو تخرب الخطبه بس
ما أبيه ، ابوي مصمم اتزوجه
قفز بسرعه وهو يهتف بغضب : انتي لي بروحي ومراح ياخذك احد غيري
إسراء بضعف : وش اسوي ، ابوي مو راضي الا اخذه تكفى اهو ملصق السالفه عدل
جلس بأريحيه وهو يهتف بهدوء : قلت لش مراح ياخذش غيري
الا الخطبه متى ؟؟
.
.
*******************************
" يا هلا وغلا ، اهلين مهاوي ، وينش وش هالغيبه ، ما تملين من صقور ؟؟ "
مها بحزم : هلا
جلس بجانبها وهو يهتف بإستغراب : افا مهاوي ، زعلانه علي ؟
مها بحذر : وش صار على ولد عمك ؟
نهض بسرعه وهو يهتف بغضب : وش جاب سيرته الحين
مها بسرعه : انور يا قلبي ، انت الوحيد اللي تقدر تطلعه من السالفه كلها
لا يصير قلبك اسود ولا تجر ابوك على المصايب
امانه خله يرجع حق اخوانه
انور وهو يستعد للخروج : خليه يتربى قبل وعرف على منو يمد يده
كان بوده الخروج لو دخول احدهم وهو يهتف بمرح : اووه خالي متى جيت ، مساعه كنت بالصاله ما شفتك
انور وهو يبعد : روح انت الثاني بعد
فارس بإستغراب : زين ، بشويش قولي وخر و اوخر
بعدها اردف وهو يجلس بجانب امه : يمه وش فيه انوير عافس وجهه علينا
مها بدون اهتمام : يعني متى افرجها و ابتسم ، ما يعرف يكلف على روحه
.
.
******************************
اغمض عيناه وهو يتنفس الصعداء
هذا هو الاسبوع الثاني له هنا ، يشعر بضيق كبير
وهو يرى ما حوله من ناس !
اشكالهم مخيفه وغريبه ، تصرفاتهم تبدو وكأنهم من عالم ثاني
يخشى الإحتكاك بهم ، وهو ينظرون له بنظرات غريبه
يشعر وكأنه في كوكب أخر مع هؤلاء الناس !
تمدد على الأرض فهو لا يمك سرير هنا ، ينامون على الأرض ويتحملونها سوا كانت بارد جدا او ساخنه لدرجه الغليان
" انا وش وصلني الى هنا ، لو لو ... استغفر الله ، استغفر الله "
.
.
" جراح هذا الشهر الخامس ، وين الدين اللي قلتي عنه ! "
نزل من على السياره وهو يهتف بإستغراب : يا رجال قايل لك بعد سنه اصبر علي ، والله بدبره ، كلها ثلاث شهور واكمل السنه ، اصبر
اعتدل بجلست فهو يجلس على الأرض : شهر واحد بس ، ما تجيبه لك احساب ثاني
جراح بهمس : اهووو يا صبر ايوب ، الدين مو لك خلاص انت ما شاء الله مو قاصرك شي حاليا وش له تحن
التفت له بسرعه وهو يهتف بإبتسامه صفراء : لا حبيبي ما حزرت
جراح وهو يرمي علبة المشروب الفارغه أرضاً : وش بعد ؟؟
اجابه بهدوء وهو يشاهد تغيرات وجهه : هذا دين أنور السيف
.
.
"حسبي الله عليك يا داودوه ، الله ينتقم منك ، غدرت فيني غدر ... تاخد من انوير دين وتقول انهم افلوسك
و اللي خلق الكون ما اخذ دين لو اموت جوع ... "
.
.
********************
خرج من مجلسهم وهو يبتسم إبتسامه واسعه فقد نفذ ما أراد بكل بساطه
لم يملك الكثير من الجهد حتى حصل على ما يريد
" لا تفكر بخليها لك ، وراك وراك والزمن طويل ، صدقني بيجي يوم وأخذها منك طيب غضب "
هاني بهدوء وهو يبعده عن طريقه : مين قصدك زوجتي ...؟
فيصل بغضب عارم ، رغم تعبه فهو صباحاً فقط خرج من المشفى : لا تحلم ما تحرك شعره منها وانا حي
هاني ببرود : وفر كلامك ، انا عندي اشغال غيرك ، اوه نسيت عندي مره لازم اداريها تدري مشاغلي اكثرت هذا الأيام وخصوصا بعد ما طلعت من هذا الباب
تركه يصرخ دون ان يلقى جوابا ، صعد السياره وهو يهتف بهدوء : اه يا قلبي صرت حلالي
في يوم وليله وبكره في حضني يا بنت وليدوه ...
حالما انتهى من همسه حتى بدأ هاتفه بالرنين بنغمه صاخبه ...
.
.
****************************
نزل وهو يدندن بمرح ، حالما رأى أمه حتى قفز وهو يقبل رأسها : ها وش أخبار فردوس ؟؟
مها بعياره : وش دراك انها بنت ، وبعدين لا يسمعك ابوك يشيل الدنيا عليك
فارس ضحك بخفه وهو يهتف بمرح : خليه يسمع مراح يسوي لي شي
" ما تدري يمكن ، السانك هذا تاكله القطاوه يوم !"
فارس أسرع اليه وهو يقبل رأسه : افا صقور ، انا فارس تقص السانه وتعطيه القطاوه !!
صقر لم يهتم له وهو يهتف بتعب : مهاوي ، حطي لي غدا جوعان
مها هزت رأسها وهي تقوم بتحضير الغداء
اما فارس فجلس بجانب أبيه وهو يهتف بخوف : عسى ما شر يبه ؟؟
التفت اليه بسرعه وهو يهتف بغضب : اكيد تدري انت وجهك ، تسوي روحك ما تعرف عن الملكه يعني ؟؟
فارس برعب وهو ينظر الى ابيه الغاضب بلا سبب : والله يبه ما أدري عن اي ملكه اللي تتكلم عنها والله العظيم ما أدري
صقر صمت وهو يباشر بالأكل فهو جائع كثيراً ولا يريد ان يتحدث ويشغل فكره بشيء غير معدته حاليا
اما فارساً فقد نهض وهو يدور بالمنزل ، اتصل بعمه لكنه مشغول ، لذا فضل العوده للمطبخ لعله يفهم ملكت مَن مِن والده ..
حالما انتهى والده من الطعام وتوجهه للصاله ليشاهد التلفاز ، قفز اليه بسرعه وهو يجلس بجانبه ويبتسم له بهدوء : يبه يلا عاد ما تبي تقول ملكة منو ؟
صقر بجمود : هاني ...
فارس بصدمه وهو يقف بتلقائيه : هنوي عمي ؟؟؟
صقر بغضب : والله طلعت شاطر تعرف تمثل .. .
فارس بعدم إستيعاب : والله هنوي ملك ؟
صقر وهو ينظر لإبنه الواقف : ايه ملك اليوم الظهر ، وش فيك مستغرب ما عندك خلفيه عن الموضوع مثلاً
فارس بلا شعور : هاني خذ بنت الراشد ؟؟
صقر بإستغراب : اي راشد ..؟
ثم أردف : لا يا قلبي ، هنوي خذ بنت السيف
فارس بسرعه : اي سيف ؟
وبعدها انفجر غاضباً : هالحيوان ، سواها يعني
.
.
*******************************
" انت واحد ، انت واحد ، ... قليل أدب و ما تستحي ، اشلون تسوي كذا ، اشلون ، انا ما قلت لك ملك قلت خرب الخطبه بس .. "
ابتسم بهدوء : افا حياتي ، الحين زعلانه اني فكيتش من ولد عمش ...
انهارت : بس انا ما قلت لك ابي اتزوج حاليا
هاني بغضب : لا والله ، وش قصدش يعني ما تبيني ؟ خلاص اطلقش الحين وافضحش انتي واهلش كلهم
إسراء برعب : لا خلاص واللي يرحم والديك ، ابيك ، بس انا قصدي مو الحين ابي اتزوج
هاني براحه : ايه احسب بعد ...
إسراء بإستفسار : الا تعال أشلون أقنعت أبوي .. ؟!
هاني بهدوء : شبعته فلوس ، وعطاني إياش على البارد ...
يلا حياتي ، لنا لقاء ثاني بعد أسبوع في غرفتش بإذن الله ...
.
.
.

[#بعثرة_وهم ]

رد: يتامى زمن قاسي
 

رد: يتامى زمن قاسي
 

السلام عليكم ورحمة الله وبركاته
اخبارك؟
مثل ماتوقعت هنوي يكلم اسراء واكيد ماخذ السالفه انتقام
وراح تندم انها رفضت ولد عمها
فارس سجى ماتستاهلك هدها تولي هي على ذمة رجال
يعطيك الف عافيه اختي وبإنتظارك يوم الاحد ان شاء الله

رد: يتامى زمن قاسي
 

وعليكم السلام

حبيبتي بنت ديرتي

توقعاتك دوما تعجبني ^^

الله يعافيك يالغلا
موعدنا غدا بإذن الله الساعه 10 مساءاً

رد: يتامى زمن قاسي
 

رد: يتامى زمن قاسي
 

رد: يتامى زمن قاسي
 

السلام عليكم ورحمة الله وبركاته
وعد زين سويتي انك رحتي تساندين زوجك
اسراء الله يعينك على مابتلاك بس كله من يدك
فيصل يلا ارتحت من هم اسراؤه
وقرت عينك بشوفت توأمك فواز
وصحيح ان المصائب تقوي الانسان ففيصل هو وراكان كانوا يد وحده
عبدالله ولد ابو تركي مافهمت قصته بالضبط بس بإنتظار ردة فعله على خبر الحمل
وبإنتظارك يوم الثلاثاء ان شاء الله

رد: يتامى زمن قاسي
 

رد: يتامى زمن قاسي
 

رد: يتامى زمن قاسي
 

يا هلا وغلا اختي شبيهة القمر

افا الحين هنوي صار خايس لا يسمعك يحطك براسه ... لووول

ايوا عدل العوايل بإضافه لعايلة ابو تركي ابراهيم وجلال هذول مالهم خروج دايما بس ان شاء الله يطلعون بالاجزاء الجايه

وسالفة عرس هنوي حلوه مو > بدون تشليخ

لازم بالرواية يطلع شي ما يدخل العقل بس لازم تدخلينه لانه في ناس بعمره يتزوجون ولا اشرايك

امداك.صرتي حجيه <فيس منصدم

الله يسعدك اختي ع المرور الطيب ،

[بعثرة_وهم]

.
.
.

رد: يتامى زمن قاسي
 

السلام عليكم


حبايبي اللي يتابعوني خلف الكواليس

اتنمى من كل قلب تحطون على الاقل رد واحد يسعدني لو كلمة شكرا

او حتى شكرا على مشاركاتي

اذا كانتوا تتابعون روايتي وتقرون الاجزاء اتنمى تتركون بصمه لكم هنا بشكر على الاقل حتى اشوف مقدار تعبي لوين وصل

يعني احس حرام تقرون الروايه وهي عاجبتكم تطلعون لا من شاف ولا من درى

واذا ما عجبتكم فهذا الشيء راجع لكم ومو كل الناس على نفس الذوق

بصراحه انا حاز بخاطري اشوف المشاهدات تزيد بس الردود تنعد على الاصابع ، اما اذا كانت المشاهدات يدخلون ويطلعون بدون ما يقرون الاجزاء
فأمري لله

اتمنى ما تزعلوا مني لكن كلمات وحبيت اطلعها > ادري غثيتكم بس ابي افضفض في صفحتي وانا اغتذر جدا اذا اذيتكم بهذرتي الزايده ><


[بعثرة_وهم]

.
.
.

رد: يتامى زمن قاسي
 

السلام عليكم


عوده من جزء جديد

قراءه ممتعه





[ يتآمى زمن قآسي 11 ]
الجزء الحآدي عشر ...

" بس مرتك الثاني بتضل على ذمتك "
عبدالله برفض قاطع : لا يبه ، ما أخليها دقيقه عندي
" وليش ما تخليني عندك ، و ولدك منو بربيه اذا طلقتني ..... "
عبدالله وقف وهو ينظر لها بصدمه : سحر ؟؟
انتي حامل !!
سحر بهمس : ايه حامل ... واذا مو مصدق انروح المستشفى الحين
عبدالله واقف في صدمه بالغه ، هل من المكن ان تكذب عليه حتى لا يعيد زوجته الثانيه او بالأصح طليقته
هتف بحزم : ايه وش كان ، هذا الشي مراح يخليني اتراجع عن اني ارجع الجوري ....
سحر بثبات : بس الجوري ، اخطبت وباقي اسبوع بس على عرسها
عبدالله بصدمه : نعم !!
كذااااااابه ، الجوري مستحيل تبيعني وتاخذ واحد غيري انا
اناا ، فاهمه الجوري لي ملكي بروحي محد يحركها وانا حي
ابو تركي بهدوء : سحر يبه ، انتي متأكده ان الجوري بتتزوج
سحر بإنهيار : عمي انت بعد واقف معه ،، ليش ؟؟ انا وش سويت له عشان يرجعها
اصلن اهي ما تبيه والله يشهد علي انا سمعتها بإذني انها ما تبيه
واكبر دليل انها بتتزوج قريب ، عبدالله الله يخليك الجوري انساها خلاص
لو رجعتها بترجع المصايب معها
الله يخليك لا ترجعها ... انا مستعده اخذ لك وحده غيرها ، بس الجوري لا تكفى
.
.
*********************
تحركت بسرعه وهي تمسك بكتفها : بشويش ، من ساعه جالسه اناديش
ابتسمت لها بهدوء : اسفه ما سمعتش
شهد بمرح : اللي ماخذ عقلش يتهنى به
وعد بهدوء : معليه انا مشغوله اشوي
اشوفش بعدين
شهد بخبث : اوه وعد ، لحظه اشوي
ثم اردفت : ممكن اشوفش بالبيت ، عندي كم سؤال بالمحاظرات اللي فات وسمعت انش ما شاء الله كلهم عندش كاملين
وعد بتفكير : اممم ، اوك يوم الاثنين زين ؟؟
شهد بسعاده : ايوا اكيد زين ، خلاص اكلمش الأثنين عشان توصفين لي البيت
وعد وهي تبتعد عنها : اوك خلاص ...
.
.
" انتي وش سويتي ؟؟ "
شهد بخبث : حتى لو ما خذته ، والله ما أخليها تتهنى يوم واحد معه
حنين بهمس : شهيد خلي البنت بحالها
وانتي فكري اشوي بولد خالش اللي اشوي ويذبح عمره عشانش
شهد بقرف : ويع ولد خالي
احمدوه ما يبي له اللي العين الحمره ، ابصم لش بالعشره انه كذااب
والله كذاب انا بعيني شفته يكلم بنت عمته الزفته ويضحك معها
حنين بخبث : لا حبيبتي ، بس الموقف اللي صار قبل شهر يقول غير
شهد بحرج : حنينوه خلاص سكري السالفه لا تجيش الشطنه على راسش
.
.
**********************
نهتضت من السرير وهي تتوجع للمرحاض ، افرغت كل ما فيه بطنها فيه غضون ثواني
وبعدها عادت للسرير بتعب وهي تتنهد تنهيده طويله
سحبت الغطاء بحركه بطيئه حتى لا تزعج زوجها النائم بجوراها
اسندت رأسها على الوساده ليتحول تفكيرها لإبنها
اين ذهب في هذا الليل ، امسكت بهاتفها الموضوع بجوارها وهي ترسل له رساله قصيره
ليصلها الرد بعد ثواني
طمئنها لكن قلقها يزداد شيئا فشيئاً فقد تأخر كثير و لو يعلم أباه لوبخه و بشده ، لكنها كتمت كل هذا وهي تخبره بألم انه يقضي ليلة في غرفته ويشاهد التلفاز وقريباً سينام
حالما اغمضت عيناها لتقفز بسرعه متوجهه مره أخرى للمرحاض
تعبت كثير بكثرت تقؤها هذه الفتره ، اجبرها زوجها على الذهاب للمشفى لكنها اخبرته ان حالها لا يستدعي اي مشفى
عندما عادت اليها وهي تحاول التنفس بشكل طبيعي حتى لا يشعر بها لكنها فوجأت انه لا يزال مستيقظاً
هتف لها بنعاس شديد : يا بنت الحلال خليني اوديش المستشفى ، بتنشف عروقش وانتي جالسه ترجعين كل دقيقه ، والله لو افتح بطنش ما الاقي شي من العشا
مها وهي تستعد للتمدد : صقور يا قلبي ، اشوي ويخف ، لا تخاف ، ارجع نام بكره وراك دوام وتقكر فيني ان الحمد لله بخير
صقر بغضب وهو يرمي الغطاء بعيداً عنه : اي خير اللي تتكلمينه عنه
روحي طالعي وجهش اشلون منقلب ، كأنش لمبه
قومي الحين ولا والله لا شيلش بنفسي واوديش السياره
وخلي الناس تتكلم علينا
همست برعب وهي تنهض من السرير : لا خلاص ، بقوم ، بقوم
اسرعت الى خزانتها فتحتها وتناولت عباءتها فهي تعلم جدا انه قد يفعلها ويحملها امام الناس ، لا يخجل ابداً لكنها ينتابها رعب كبير بمجرد الفكره فقط
نزلت السلالم بسرعه وهي ترتب ما تبقى من لبسها حالما فتحت الباب حتى فتح ويدخل امامها ابنها مشوه الوجه وابوه خلفه ...!!!
.
.
**************************
" يبه والله يعافيك خلاص انا ما أبيه ، والله العظيم ما ابيه ... "
وقف والدها وهو يصرخ بقوه : اشلون ما تبينه قولي لي اشلون
همست برجاء : ابي اتطلق ، تكفى
ضرب الطاوله التي بجانبه وهو يصرخ بقوه أكبر : نعم ! بكيفش اهو ... وليش ان شاء الله عشانه عطاش كم كف يعلمك قدرش
انتي تستاهلين بدال الكف هذا كفين بعد يخلي وجهش ازرق مو بس احمر
عنبو رادش تطلعين معه واذا كان زوجش ما تطلعين معه
وبعدها جلس على الكرسي وهو منهلك تماماً فما سمعه قبل يومين اثار جنونه وكان بودها قتلها لولا وقوف والده بوجهه تهديده بعدم التدخل بالموضوع بتاتاً
لكنه لم يتحمل ابدا وهاهو يغفل اباه ويدخل عليها بغرف المشفى الخاص ، ويبدأ بإفراغ طاقته بها
يعلم جيداً انها ظلمت وخصوصاً عندما وافق على زواجها وهي بهذا السن فهي اكملت الخامسة عشر سنه فقط !! لم ترى من هذه الدنيا سوى القليل ليرميها وبكل قسوه على شخص مدحه له اخوه و وضع كل ثقه بحديث الاخوه المتقن بكل معاني الإقناع
لكنها ...
ايضاً اخطأت وخطؤها كبير وعذرها غير مرضي لغروره وشهامته
هتف من بين اسنانه : قولي اللي صار بتفصيل
سجى بذعر : مستحيل .. مراح اقول شي
تركي بغضب عارم وهو يمسك معصمها غير مبالي بألمها : وليش ان شاء الله ، طرطور انا عندش تكلمي ولا اخليش الحين تحت التراب ولا يهمني اي احد لا ابوي ولا امي ولا حتى امش
سجى بهمس خائف فهي صحيح لا تملك الشجاعه للحديث بما حدث لها لكنها تملك شجاعه في قولها لحقيقه اخفاءها لتفاصيل ما حدث : يبه والله العظيم ما لمسني بس ضربني والضرب واضح وانت تشوفه
لكن اقول لك التفاصيل اللي صار بينا لا ، والف لا ما ابي تهيني اكثر من كذا
وبعدين انا خايفه من ردت فعلك عليه اهو مظلوم وانظلم اكثر لما تزوجني بس الحين انا اقول لك
ما ابيه ولا ابي العيشه معه طقت كبدي منه ومن تصرفاته
تركي بعدم تصديق وهو يضغط على كل حرب ينطقه : يعني انتي بعدك بنت !!
سجي من بين شهقاتها : ايه وربي ، قلت لك ما لمسني ، انا بنت تركي ما اخلي اي قذاره توسخ سمعتي وتسمعت اهلي
بس تكفى يبه ترجيتك ولأخر مره بحياتي اترجاك
طلقني منه ..!!
و وعد علي ما اخالف اي شي تسويه فيني بعدين
تركي المه رجاءها كثيراً فهو علمها وبالغ بتعليمها بعدم رجاءها لأي مخلوق كان حتى لو كانت على انفتسها الأخيره لكن تنسى ضعفها وهو يحاول التكلم بشكل طبيعي : لش اللي تبينه ، لكن على شرط ....
.
.
******************
فقزت بسعاده وهي تهتف بمرح : والله اقدر اروح لهم اليوم ؟؟
نظر اليها بنظره لم تفهمها واجابه بكل هدوء : ما توقعت بتفرحين هالكثر ، المهم المغرب بمر واوديش
واذا ما صرتي جاهزه ابطل الروح كلها
.
.
بعد المغرب ...
أتى لصتحابها لمنزل اهلها ، نزلت بسرعه قبل ان يغير يرأيه وخلال ثواني كانت قد صعدت السياره
امسك الموقد وهو يهتف بغموض : ما صار لش الا اسبوعين من طلعتي من يمهم ما اسرع اشتقتي لهم
إسراء بغضب مكتوم : ايه ما تحس ، انت طول اليوم عند اهلك ، واشلون تشتاق لهم عشان تعرف شعوري
هاني بهمس : غلطانه ، احيانا اكثر من اسبوعين ما اشوفهم
وعادي عندي ما انقز مثلش لما اروح لهم
إسراء بإختناق : لانك ما عندك قلب ولا إحساس تحس فيه
لو عندك ذرة أحساس ما كلمت امك ذاك اليوم وكأنها واحد من ربعك ، ولا خليتني اظل لين المغرب بدون اكل ....
قاطعها بصوت غاضب : بتنطمين ولا ارجعش البيت
صمتت وهي تختنق بعبرتها
كان بودها ان تشتمه وتسبه وتسبب له بكسور بالغه في احناء متفرقه بجسمه لكنه
ولأول مره تشعر انها عاجزه عن اطلق لسانها السليط عليه
هو فقط !! ، وأيضا اهله لا تسطيع الدفاع عن نفسها كما كانت قبلاً
تشعر وكأنها محطمه كلياً ، وتتمنى انا تكل ابن عمها بأسنانها ولا تبقي منه شيئاً ابداً
فهو السبب بكل ما حدث لها مؤخراً ...
نزلت من السياره لكنه اوقفها وهو يهتف بأمر : الساعه 9 ونص اجي والاقيش عند الباب
والا بخليش تنقعين يمهم اسبوع
نزلت وهي تبتسم بخبث ، وحالما اغلقت باب منزلهم حتى همست بسعاده : خلني اظل يمهم اسبوع احسن من مجال وجهك النحس
تقدمت بخطوات واثقه وهب تلقي السلام على من كان متواجداً بالصاله ، لكنه سمعت الرد فقط من والدتها
المها ذاك لذا توجهت للأعلى بسرعه دون ان تهتم لمنادات والدتها ...
فتحت غرفة اختها بقوه وهي تهتف بمرح متجاهله ما حدث لها قبل قليل : هااااي بطووووه
وعد قفز لها بسرعه وهي تحتضنها : يالخايسه لا واتس ولا رساله ولا حتى الوو
وش دعوه كل هذا من ولد الفارس ؟؟
إسراء بضيق : ايه والله ، تحسفت جيت وشفت وجهش الخايس لو ظاله مع حبيب القلب احسن لي
بس شنو اسوي ، اسم صلت رحم
وعد ضربت مؤخرة رأسها وهي تهتف بغضب : مالت عليش وعلى الوجهه ، اسم صلت رحم هااا !!
اسراء بحماس وهي تجلس على السرير : تعالي يا البطه قولي لي شفتي عماروه ؟؟
كلمش رسل لش شي ، جا البيت بالمجلس ؟؟
وعد بغرور : وش له اقول لش ، اسفه اشياء ما تخص اصغار لين تكبرين
إسراء بجراءه : اقول انا متزوجه واعرف وش يصير بين المتزوجين تبين اقول لش بالتفاصيل
وعد قفزت بسرعه وهي تغلق فمها وتهتف بحرج : عمى عينش ، هذا اسبوعين بس واختربتي
اشلون لو ظلتي شهرين وش بصير فيش
إسراء حركت حواجبها بسرعه وهي تهتف : يلا اشوف قولي شنو صار على الدكتور عمار
وعد بحرج : ما صار شي ...
إسراء بسرعه : كذاااااااااابه من عينش
وعد بهمس : زين زين ، اسمعي
إسراء اعتدلت وهي تنصت جيداً لأختها التي بدأت بالحديث عما حدث لها بينها وبين زوجها قبل فتره
وحالما وصلت لدخولها الغرفه حتى شهقت إسراء بقوه وهي تصرخ : نـمـــتــي مـعـاااااه .... !!
وعد اغلقت فمها بقوه وهي تهتف بحرج : والله ما صار لي وقسم بالله ما صار شي
واصلن ما نمت الا نص ساعه بس
إسراء بخبث : علينا ؟؟
وعد بتفكير : تصدقين ، ما ادري شنو الشي اللي خلاني اسوي كذا
بس كنت مشتاقه له حيل ، لو اني ما رحت يمه ذيك الليله كان انا الحين في خبر كان
.
.
.


[#بعثرة_وهم]

رد: يتامى زمن قاسي
 

سجى شنو صار معاها وخلاها تطلب الطلاق
فارس بيستانس لانه يبيها
اسراء اكيد بتفرح من مفارق هويني
وعوده شنو اللي صارفي الغرفه مع عمار الله العالم
بإنتظارك حبيبتي

رد: يتامى زمن قاسي
 

يا هلا وغلا تفوحه

مرورك ما شاء الله دوماً يسعدني

الله يسعدك ع التواصل ^^

[بعثرة_وهم]

رد: يتامى زمن قاسي
 

السلام عليكم

اعتذر منكم جميعاً ...
اليوم ما فيه جزء بس سبب جمعت الأهل >_<
وراح يكون تنزل الاجزاء يومي الأحد والثلاثاء فقط
عشان بعد ما يصادفنا جمعت الأهل نهاية الاسبوع ^^

رد: يتامى زمن قاسي
 

رد: يتامى زمن قاسي
 

رد: يتامى زمن قاسي
 

الف مبروك لعمار ووعد الزواج وبالتوفيق ان شاء الله
سجى زين اللي عرفتيه على حقيقته قبل الزواج
فارس فرصتك تتزوج من سجو مها خطاك السوء بولدك والف الحمد لله على سلامته

رد: يتامى زمن قاسي
 

ســــلااام
كيفـك.؟ بعثرة
عرفتيني صح :))))
هههههههههه

نروح للروايه

فارس الحمد لله على السللامه ماتشوف شر كسرتك بعثوورهـ الشريره T^T
في البدايه حسبته عمار لانه قال
" آه يمه لو تدري وش صار فيني قبل اشوي ... "

عمار واخيييرا تحدد موعد زواجه
بس كسر خاطري مع جراح الي مايستحي على وجهـ كذا تسوي فــي عمــــــار

سجى عساك فــي هلـ الحال وخس بعد .. لاتقربـين لـفارس ســــــــــــــــــامعه

وعد مبرووووك الزواج ..

هانــي ماسمعنا عنه في هالجزء بس فيصـل تكلم عنه

الحين التوقعات

ابو سجى "تركـي" ينقلع ولايفكر يعطي سجى لفارس يويله مني

وعد يمكن تقدر تققل من حزن عمار
وعمار الله يهديـك تراك معرس فله اشــوي بعدين تفهم وعـد غلط وزعل عليك

فواز يرجع لخوانه

سجى تموت بسبب الاهمال الطبي <موووهاهاهاهههها
وفارس مايبكي عليها ^^

هاني انا متاكده 99% بيسوي مصيبه قريبا باذن لله

وبسسس

الى اللقـاء .. :peace:

T

رد: يتامى زمن قاسي
 

يا هلا وغلا اختي تفاحه

اشكرك من كل قلبي ع التواصل الدائم

محبتي لك

[بعثرة_وهم]

رد: يتامى زمن قاسي
 

رد: يتامى زمن قاسي
 

الروايه جميله جدا وممتعه متابعه معك ان شاء الله

رد: يتامى زمن قاسي
 

يا هلا وغلا فيك

نورتي بمرورك الطيب

واسعدني جدا ان تكوني من متابعيني ^^

محبتي

رد: يتامى زمن قاسي
 

رد: يتامى زمن قاسي
 

السـلام عليكم

بعثوره الحلوه واخييرا نزلت الفصل

يا الله رجع هانـي مع اعناده وهواشه مع إسراء الله يهديهم هع^

انا قايله من قبل في توقعات وياعمار ماسمعت كلامي وخليت وعد تتضايق

شهد مع احمدوه ههههههه تدرين شرايج تخلينها لفـارس احسن من سجى
عالـيه ؟؟؟؟ بدأ شغل الغموض

ابعد شيء ممكن اتوقعه ابد ماتوقعت يموت ابوهم فـي هالوقت بعد T^T كسرت خاطري وعد

واخير مقطع عن جراح اهنيكـ عليه سلطان شيء ثانيه الله يساعده على هـ المصيبه الي طاح فيها

ايوه إسراء المسكينه T^T بس هاني اعوذ بالله يخوف كل شـيء يعرفه

..التوقعات..

وعد وعمار بسميكم معاريس الحزن كل واحد عنده هم وحزن بقلبه

اتوقع البنت الي هربت من المزرعه شخصيه جديده بتطلع في الروايه او يمكن من شخصيات الروايه بس مين الله اعلم

و
بس
^^

فــي أمان الله

رد: يتامى زمن قاسي
 

السلام عليكم

هذه عودة حميده مع الجزء الأخير

اضع بين يدكم لأختم رحلتي معكم
[ يتامى زمن قاسي الأخير ]
الجزء الأخير ....

بعد 9 سنه ....
" عمار يا قلبي خذ بنتك عني اشوي ترى والله العظيم مو عارفه اسوي شي ..."
عمار وهو يلتقط إبنته ويقبلها بمرح : افا ما بغيتي الا عبورتي ، تعالي عطي البابا بوسه كبيييييره
عبير البنت الوحيده لهما ، فوعد بعد ولادتها لها نزفت كثيراً وتعرضت لمضاعفات كثيره مما سبب لها عملية بإزالت الرحم بأكمله ... ومما جعلها تتعرض لكل هذا هو علاجاتها الطويله والتي دامت خمس سنوات لحتى استطاعت الحمل !!
وهاهي ابنتهم التي غيرت الكثير من حياتي تبلغ من اربع سنوات
تعلقت برقبة والدها : بابا ابي اروح يم عمو فيصل ، كل مره اروح يمه يوديني البقاله عشان اشتري اللي ابي
عمار بصدمه : افا وابوش الفقير ما يقدر يشتري لش ؟؟
عبير بغضب مصطنع : ايه انت ما تخليني اشتري اللي ابي ، انا ابي جالكسي
عمار بهمس : اششش ، فضحتينا الحين الماما ما ترضى تخليش تروحين يمه
عبير بمرح : عادي اذا قلت لها انا ترضى
وعد وهي تجفف يداها بعد غسيل الصحون : واذا قلت لش لا ، شنو بتسوين ؟؟ فشلتينا كل يوم ناطه عندهم
عبير بسرعه : الا بروح ...
ثم اردفت بحزن : ولا بصيح ولا بسكت لين تودوني
.
.
×××××××××××××××××
دخل منزله وهو يددن برواق : حبيبتي ، الله يجيب الخير وينش ؟؟
اطلت له بإتسامه : انا هنا ... وش فيك ما قمت تشوف ؟؟
جلس بجانبها وهو يطبع قبله طويله على جبينها : الا بس من الوله ما قمت اشوف ... وش طابخ لنا ولا اروح اتغدا بيت امي ؟؟
نهضت وهي تصطنع الزعل : رح عند امك تغديك ، اصلن انت ما يعجبك طباخي ، وكل تقول لي امي طباخها احلى وتجلس تمدح في أمك ليل نهار ... وانا طيب ويني فيه !!
نهض خلفها وهي يضحك بمرح : لا بس اتأكد لانهم جايني بالطريق اهي وابوي ، ادري مسويه شي عدل عشان كذا قلت لش زيدي الأكل اليوم ... يلا روحي قبل ما يوصلون
.
.
" حياكم تفضلوا ، تو ما نور البيت ... "
دخلت أخته الصغرى وهي تهتف بإنزعاج : ها ولدك الخايس جالس ولا لا
نظر اليها بصدمه : الحين ولدي صاير خايس يالبطه ، تعالي خليني اكلش بس جوعان انا
إختبأت بأمها : يمه شوفي فويرس يبي ياكلني
ام فارس بهمس : ايه مول بس ، خليه ياكل غداه عشان ياكلش .. يلا ترى متنا من الجوع
بو فارس بهدوء : فارس وينه سلطان لايكون بيت اهله ؟
فارس وهي يدخلهم للداخل : لا بيت اهله !!
فوق جالس يلعب في غرفته دقايق وينزل وهو يصوت مثل العاده
دخلت زوجته لتسلم عليهم بمرح : يا هلا عمي شخبارك ؟ عساك طيب
بو فارس بإبتسامه : طيب طاب حالش ، ها استوى الغدا ولا نطلب لنا ترى متنا جوع ما نقدر نصبر ازياده
بعد ان سلمت على زوجة عمها جلست على الأريكه : لا عمي الغدا جاهز ، ولا يصير خاطرك الا طيب ، الحين نحطه وتشبع بطنك
جلست اخت فارس وهي تهتف بإنزعاج : سجوي ، لا يكون تجيبين لنا مثل سلطانوه ترى افيخه واخليه يرجع مكانه
سجى وهي تضع يدها على بطنها : بسم الله عليه هذا ما طلع للدنيا جالسه تتوعدين فيه نرجسوه
نرجس بدلع : انا نرجس مو نرجسوه ، خكريه
فارس بمرح : حبيبتي لا تقولين هالكلام عيب هذه مرت اخوش وبنت عمش بعد عيب ما يصلح
.
.
×××××××××××××××××
كان جالساً على جهازه المحمول يعبث بأزراه منذ اكثر من ساعتين ... جلست بجانبه وهي تهمس بتعب : لمتى بتظل جالس عليه اعيونك راحوا ؟؟
ابتسم لها بهدوء وهي يعدل نظارته فقد أصيب بضعف النظر منذ سنتين بسبب كثرت عمله على جهازه المحمول : عندي شغل واجد لازم اخلصه
ابتسمت له لكنها لم تكن على طبيعتها ، اخفضت رأسها وهي تفكر بشيء ما
قطع عليه حبل أفكارها همسه هالهادئ : تفكرين فيه صح ؟؟
همست بإختناق : هذا ثالث طفل افقده ، من لما فقدت طفل هاني ...
لو اني جايبه له طفل كان الحين هديت بال امه اللي كل يوم تصيح تحسبه بيرجع لها
فصيل بهدوء : حبيبتي ، هاني الله يرحمه ، وعشان الأولاد ، ان شاء الله الله بعوضنا خير قريب
صدقيني راح تحملين وتجيبين اعيال يترسون البيت كلهم بس انتي لا تتضايقين
إسراء بحزن : هاني صحيح كان قاسي علي واجد ، بس تمنيت من كل قلبي اجيب له ولد يحمل اسمه ولا ينقطع خبره كذا !!
فيصل بهمس : الله يهديش إسراء هاني لا جيبين طاريه ، يطلع جنوني اذا جيبتي سريته ، اصلن اهو ، استغفر الله ، استغفر الله
خليني بس ساكت وانتي ما شاء الله عليش عارفه ماضيه كلهم ، يمكن يكون هذا جزاه
إسراء حملت الجهاز وهي تقلب بالقنوات : الله يرحمه ، الا عبور اليوم ما جات ، اتصل على اخوك خله يجبها
ومره وحده يجيب وعد معها اشتقت لها ولا خشتها الدوبه
.
.
في بداية الأمر وبعد وفاة هاني بحادث قوي ، انعزلت إسراء عن العالم واستقرت في غرفتها وهي تحتفظ بمولد لهاني ذو الخمس اشهر في بطنها ، وبسبب بكاءها الشديد وحزنها على فقد زوجها ، فقدت مولودها ايضاً
ليزداد حزنها حزن على حزن ، وبعد عدة اشهر ، خطبها ابن عمها فيصلاً لكنها رفضت وبقوة ، ليعود ويخطبها ويهددها بفضح اعمال زوجها السيئه ان لم توافق عليه ، ترددت كثيراً ولكنها وافقت من أجل المحافظه على اسرار زوجها السابق ، كرهت كثيراً وكرهت المعيشه معه ، تمنت موته يوم زفافه عليها لكنها وبعد عدت اشهر اكتشفت انها ظلمته وانها من نصيب فيصل وليس هاني !! لذا تقبلت واحبته كثيراً وعندما حملت بمولود لفيصل اسقطته في شهوره الأولى واسقطت الثاني ايضاً والثالث ، بعدها اصيبت بخيبت امل في الانجاب ...
××××××××××××××××
بعد قضاء يوم شاق عليه رجع الى منزله وهو يهتف بهدوء : عاليه ، عاليه وينش يبه ؟؟
عالية وهي تخرج من غرفة ابنها : هذا انا هنا جراح هنا في غرفة علي ...
جراح وضع الأكياس وهو يهتف بخوف : ليش علي فيه شي؟؟
عاليه بإتسامه : لا اسم الله عليه ، ما فيه الا العافيه
وش جايب معك شنو هالأكياس
جراح وهو يجلس على الأريكه : ابد اغراض البيت اللي قلتي تبينهم
وعلي لمتى بيظل معند ما يسوي العمليه ، الفلوس والله جاهزين ، غير موافقته بس هذه اللي ناقصه
حاولي معه انا ابيه يرجع يوقف على ارجوله يشوف حياته ما ابي يعتمد على احد بعدين
عاليه وهي تحمل الأكياس من على الأرض : كاسر خاطرك ولد الغريب ؟؟
جراح بسرعه : لا علي ولدنا ولدنا انا وانتي ، ابوه ما سأل عنه ولا حتى جا وزاره وهو يدري انه تعبان ومحتاج من يعينه
تكفين عاليه ، لا تحسسينه اني غريب عنه ، انا ابوه حتى لو انه اسمي مو مثل اسمه لكني مثل ما عايش معه والبي كل شي يبيه فانا اعتبر ابوه اللي رباه
عاليه بهمس : انزين ومتى يحن قلبك تروح تزور اخوانك
جراح بألم : قريب ان شاء الله
عاليه بنبرة مقصوده : قريب ؟؟
جراح وهو ينهض : انا بروح اغير ملابسي انتي جهزي العيال باخذهم لبيت جدهم ....
.
.
" اهلين يا قلبي ، وين هالغيبه ؟؟ "
انتهت من السلام عليهم واجلستها بجانبها : ها طمنيني ، شخبار الطب معش
تنهدت تنهيده طويله : والله تعب حيل ، الدراسه كل مره وتصعب اشوي اشوي
عاليه بإتسامه : الله يوفقش وان شاء الله تاخذين الدرجات فوووق
شهد بصدق : امين
بعدها اكملت عاليه بخبث : وتاخذين ولد الحلام اللي يهينش
شهد تغيرت ملامح وجهه وهي تهتف بسرعه : تكفين عاليه سكري الموضوع
عاليه بغضب : وليش ان شاء الله ، انتي مو صغيره ولا تبين احمد يرجع من الموت وياخذش
ثم اردفت بحزن : احمد الله يرحمه ، صحيح ما كان عاجبش بس حرام تظلمين روحش ترفضين كل من جاش
الحين خطابش واجد بكره خلاص الرجال ما تجيش
فكري عدل شهود لا تضعين روحش عشان صدمتش بموت اخوي تكفين
شهد بهمس : علوي ، انا زواج ما ابي مو عشان اخوش بس انا كيفي ما ابي اتزوج
عاليه بخويف : بكره بيوم القيامه الله بحاسبش على حياتش اللي خلتيها بدون رجال
.
.
××××××××××××××××
جلست بجانبه بعد ان عادت من منزل اختها ، فقد كانت زيارتها ممتعه بالنسبة لها ، والاكثر متعها بها هي عراك طفلتها مع خالتها ، وفزعت عم طفلتها لها
صحيح عمها يحب الأطفال دعت الله كثيراً ان يرزقهم بطفل يملئ عليهم حياتهم : عمار ، والله اخوك شايل البنت حيل ومدلعها على الأخر ، اخاف تخرب علينا بعدين بسببه
خليه يخف عليها
عمار بإتسامه : حبيبتي خليه يدلعها ، يكفي عليها معاتبتش لها طول اليوم والتعند منش ومنها
ولا تخافين مراح تخرب
عمها انا اراقبه ما يشتري لها الا الشي الزين
وعد غيرت الموضوع بهدوء : انزين عمار ، مراح تقول لي وش سالفة ابوك مع عمامي ؟؟
عمار تنهد بعمق : السالفة هو ان ....
ان لله وانا اليه راجعون ، ابوي يكون اخوهم من الأبو
وامه اللي هي جدتي كان معها خير ما شاء الله بحكم انها الوريثه الوحيده لأمها وابوها ، سلمت املاكها لجدي عشان يمشي شغلها بس
وبعد وفاتها اسلم ابوي خيرها ، طبعا برضى جدي فهو عنده خير ومكفيه
اما عمامش فظنهم ان جدي معطيه حصه كبيره من املاكه عشان كذا كانوا يسمونه الحرامي ...
وعد بتفهم : ايه عدل ، انزين ليش ابوي الله يرحمه وهو الوحيد اللي وقف معكم ؟؟
عمار بإتسامه : ابوش هو الوحيد اللي كان يعرف بالسالفه ومصدق كلام ابوه ، بس اخوان ابوش ما صدقوا ابوهم وكل حاطين براسهم ان اخوهم بايق حلالهم ...
.
.
×××××××××××××××××
وبعد اربع شهور عاد جراح لقاء اخوانه واعنذر منهم بشده وطلب منهم مسامحته على ما فعل فهو منذ خروجه من السجن بعد خمس سنوات لم يقابل احد منهم وتركهم وذ.هب الى الدمام للعمل هناك واستقر بعد زواجه ، في بداية الأمر استصعب عليهم تقبل عذره لكنهم سامحوه في نهاية المطاف
فواز استقر بزواجه بعد ان اصير عليهم فيصل ان يخطب له اخت صاحبه وهو يثق به كثيراً وبعد عناء معه وافق عليها ، وبعد كم شهر ، احبها كثيراً وهي تبادل نفس الشعور وهي حامل بإبنه الأول ...
اسراء بشرت زوجها بحملها بطفل رابع وهي تدعو الله ان يثبته لها ، وعندما راجعت دكتورتها طمتنها انها لا يوجد معها اي خطر وبإذن الله سوفت تلد بدون مصاعب
شهد بعد حديثها مع عاليه وتخويفها لها ، وافقت أخيراً على عريس بعد ان طلبت منه ان يبقيها على دراستها ولا يمنعها من العمل بالمستقبل وهي سعيده معه وتنتظر مولودها الأول ....
.
.
.


الـنــهــآية °•°•




هذا اول رواية اكتبها بعالم والنت وارى انها كانت تجربة فاشله جداً
اتمنى من جميع الأعضاء ان يتقبلوا اعتذاري كـ كاتبة مبتدئه ورايتي كانت قصيره جيداً لاني لم احظى على التشجيع الكافي لإكمالها على افضل وجهه
و النهاية كتبتها وانا محطمه كلياً من نتيجت استقبالكم لروايتي


اشكر من كل قلبي الأعضاء اللي دعموني وخلوني اكملها للنهاية وهذا لاني وعدتهم بالنهاية واوفيت بوعدي
(تفاحه فواحه ، شبيهة القمر ، والاخت الغاليه هدوء " هي لها الجزء الأكبر بجعلي اكتب هالرواية " ، وحده من عباد الله ، تالا )

واع ـتذر كثيراً ع قصرها وعدم طولها فهي كانت تجربة الأولى والأخيره >_<
محبتي


[بعثرة_وهم]

رد: يتامى زمن قاسي
 

السلام عليكم ورحمة الله وبركاته
اسراء طلعت حامل
انا لله وانا اليه راجعون
مات ابوهم صدمه للبنات الله يصبرهم ويعينهم

رد: يتامى زمن قاسي
 

بسم الله الرحمن الرحيم

السلام علـيكـم

والله انصدمت لمن قريت "الجزء الاخير"
مستححيل .. قلت يمكن من ظروفكـِ ما توقعت ابدا عشـان ><"
سـامحيني حبيبتي ..
و ان شاء الله ماتكون الاخيـره

الروايه
هههههههه ياحليللها عبوره دلوعة الماما والبابا

المقطع الي بعده لاتعليق تدريـن هههههههه بس نرجس اعجبتني <<ضحكـة شريـره
مممممممم
بعد تفكير عميق قررت اسامح سجى لانكِ كتبتي المطقع "اهو احسن لو ماكان الاحداث كذا" بتقبله بروح رياضيـه
الله يخلي سلطانوه لهم ^^

فصيل و إسراء
ماتوقعت بيموت هاني ولا عنده فضايح بعد لا يكون هم شباب المزرعه .. ماكتبتي عن فضايحه
ياعمــري إسراء حزنت عليها T^T الله يعوضها بفيصـل

جراح تزوج عاليه مبروك لهم .. بس استغربت من جراح ماشتاق لأخوانه حرام عليه

واخيرا انكشف سر العمام واتضحت الصوره ^^

فواز مين سعيدة الحظ .؟
احلى شخصيه في الروايه كلها يدخل القلب بسرعه فواز صحيح انها سعيدة حظ

شهد الله يهديك من البدايه وافقي ههههههههههه
و
و
ومين سعيد الحظ هذا .؟ <<لازم تعرف كل شيء XD

مشكوره بعثوره على الروايه
وان شاء الله مو اخر وحده
انا اقدر اقراء رواياتكـِ كلها واستنى بعد *^*

ومع سـلامه حبيبتي
وبتوفيــق

رد: يتامى زمن قاسي
 

الف شكر لك ع المتابعه ^^


محبتي

رد: يتامى زمن قاسي
 

وعليكم السلام

يا قلبي يا هدوء ^^ ، فرحت حيل ان الرواية عجبتك ولو ان النهاية مو مثل ما ابي >_<

ان شاء الله اذا الله راد في الأيام الجايه بنزل رواية لكن مو في هذا الفتره >_<

تدرين الى الآن مصدومه

وانا اشكرك من كل قلبي على دعمك ، وانتي لك دعم خاص في كتاباتي ^^

ويمكن انا نزلت الرواية الغير مناسبه عشان كذا ما حصلت الدعم الكافي

المهم لك شكر خاص وقبلاتي وتحياتي لك يالغاليه

محبتي

رد: يتامى زمن قاسي
 

رد: يتامى زمن قاسي
 

وعليكم السلآم

يا هلا وغلا بالإخت الغاليه شبيهة القمر ،

انا كنت محطمه كلياً ما إنتبهت لشغالت المفروض اخليها في الواجهة ، اشكرك من كل قلبي ياغلا على توضيح الصوره وان ...


( الكاتب ما يكتب للناس يكتب لذاته )

وبصراحه راح من بالي كثير ان هالوقت وقت اختبارات < فيس منحرج >_<
وان شاء الله بعد كلامگ المؤلم كتأديب لي هع راح ارجع اكتب لكن ، هذا المره راح احاول ابتعد عن كل الأخطاء اللي صارت معي في هذه الرواية
لأني حطيتها گ تجربه وهي تجربه فاشله مع كثرت الأخطاء فيها

(يتامى زمن قاسي ، رواية بصراحه كان لها معزه كبيره عندي وكنت ابي اكتبها بشكل يرضيني ويرضيكم لكن للأسف ، اليأس غلبني هذه المره وحطمت روايتي بنفسي >_< )

ان شاء الله راح يكون في رجعه لي برواية ثانيه لكن بكون راجع برواية قويه وان شاء الله بتكون افضل من خذه بكثير
لكن حالياً ابي فترت راح من المجهود الكبير اللي قضيته في كتابة الروايه على عجل


انا مخبيه مفاجأه بعد قرائتي لكلام الأخت شبيهة القمر ... وهي روايه لكن هي تحت الإنشاء ويبي لها فتره لحتى اكتب الأجراء وتكون جاهزه للإنزال ، لكن متى بنزلها مدري
لاني الى الآن في بداية مشواري معها

اشكرك يا قلبي على التأديب هع وان شاء الله ما اخيب ظنك في الرواية الثانيه وينقلب التأديب لمدح

ومثل ما قلت لكم ان مبتدئه في الكتابه وهذه مع عدم معرفتي الكامله بالكتابه صارت معي هالمشاكل لكن بالمره الجاي ان شاء الله راح ابتعد عنها وراح اكون اقوى من كذا بكثير

محبتي

رد: يتامى زمن قاسي