منتديات ليلاس - رقصة النجوم

يا نجوم الليل
ميلي بوجهي
ميلي دوخيني
ميلي ميلي
نسيني همومي
أرقص على
نغم ومواويلي
أسمع صدى
آهاتي وصراخي
ولا حدى بسمعني
إلا أنت
ولك يا نجوم ميلي
وقزازة العرق بأيدي
نسيني أسمي
عنواني أهلي
رسائل غرامي
نسيني وجودي
ووجود غيري
وكركبتي ولخمتي
وقلق وخوفي
بتفاصيل حياتي
أنا واقف بالشارع
مستني النجوم تنزل
على الشارع وتهزلي
بلاخم ومش
عارف يميني من شمالي
وزي ما قال المثل
تيتي تيتي مثل ما رحتي جيتي
يا ليل يا ليل
يا عزيز على قلبي
لونك الأسود لوني
وحامل هم الدنيا فوق راسي
بتمنى نجومك ترقصلي
وتضوي حياتي
يا قمر
يالي واقف بالعلالي
بتتحداني بتتحداني
لونك زلمة تعال واجهني
وبنشوف مين بغلب الثاني
وانا أحكي وأدبك وأغني
وقعت على وجهي
غبت عن الوعي
ولا بعرف ولا بتذكر
أي إشي ثاني
قمت ولاقيت حالي
بالمستشفى مستلقي
والممرضه فوق راسي
والدكتور بفحصني.