|
رد: روايتي الثانية خلف الكبرياء قلوب محطمة
وحده مدلعه وماترضى احد يلمسها ولو لو فكر يلمسها شاف طوابير يدافعون عنها طلع مع الصاله وهو يهمس:بس والله احبك على جنونك وغرورك وغيرتك المخفيه ههههه ... رمت الريموت على اثره بقهر مو قادره تجلس من القهر سحبت التلفون ودقت على ترف رن لين انقطع ماردت دقت على بيتهم ماردت رجعت تدق مره ثانيه عند اخر رنه انفتح الخط :لاااا احلفي بدررري استني ادق مره ثانيه بعد صوت رجال كبير :وعليكم اسلام شهقت بصدمه وارتبكت سكتت شوي بس مو حلو تسكت كذا لازم تتكلم :هلا عمي انا ايثار وش اخبارك ابو ماجد بحب:هلا يابنتي بخير وشلونك يبه بتوتر :الحمد الله عمي ممكن ترف ابو ماجد :طيب يابنتي انتظري شوي """""""""""""""" وقف مو مصدق عيونه بعد سنه كااامله واقف قدامه ماتغير فيه شي الا العوارض الي صايره كثيفه شوي همس بسمه بعدم تصديق :سعوووود سعود تقدم كم خطوه لين وقف قدامه:سعوود ياغالي مو معنا مسافر خلاص تنساني يالهيس سنه كامله فاقد حتى صوتك ليش غالي يردد:سعوود ماحلم صح سعود ضربه بخفه على كتفه:سعود قدامك بشحمه ولحمه مو حلم ياصديقي غالي استوعب انه صدق واقف قدامه حضنه بدون شعوور:سعوود يالكلـ.. اشتقت لك يعني اذا ماتصلت انت ماتتصل سعوود :هههههه بدون شتايم ياولد نايف والله حتى انا اشتقت لك بس وش اسوي ضاع رقمك من عندي حاولت اجيبه ماقدرت ادري مو عذر بس ماقدرت غالي يدفه عنه: الا قل المدام نستك صديقك ياولد ماجد وكم مرهه ادق ماترد قلت نسيني سعود ضحك وبتبرير: ههههه لا حرام عليك المدام مالها ذنب غالي :ايه دافع دافع سعود بنغزه:بنشوف وش تسوي اأذ جت الي وصلتك للجنون وهي ببيت ابوها ههههههه غالي تراجع على ورا بغرور يهرب فيه:لسى ماجبتها امها الي تجنني ياولد ماجد سعود بسخرياء يعيد كلامه:انا بيني وبين الجنون شعره ..ومنهي هاأذي ان كانها لسى مجابتها امها وانتبه لأصوره الي بالارض بس منقلبه مايشوفها نزل عليها بفضول غالي انتبه له وهو يناظر لها وبالحضه قبل سعود يفكر ياشوفها بسرعه اختطفها من وسط الزجاج الي قطع يده وهو يخترقها بقطعه الصغيره صرخ سعود عليه:يااامجنوون زجاااج مسك يده بس غالي بعد يده عنه وخبى الصوره تحت الوساده الي تلطخت بدم يده سعود طنش سالفة الصوره وهو يمسك يده بالغصب:غااالي عن الجنان يدك تنزف غالي عاادي بارد جدآ:مافيها شي خفييف الحين ياقف سعود بعصبيه:اي خفيف شكله دخل فيهازجاج تعدل خلني اشوفها لك وقف بالغصب وهو يزفر:سعوود خلاص مافيها شي اروح اغسلها الحين مشى متعدي سعود الي يناظر له بصدمه من وضعه غالي متغير مو غالي الي يذكره وش صاير له وبتفكير مجنون وهو عارف لو شافه غالي اقل شي يذبحه ناظر له وهو يدخل الحمام(تكرمون) ويسكر الباب ..رفع الوساده وسحب الصوره من تحتها ناظر فيها طفله بعمر7سنوات جالسه على ارجوحه وتضحك للي يصورها استغرب من تكون مايعرف طفله بالعمر والشكل بشعر بني وملامحها ايه بالجمال رجعها بمكانها وقلبها لنها كانت مقلوبه لفت انتبه التاريخ 1424 رفع حاجبه قبل 10سنوات من تكون يعني الحين عمرها تقريبا يا16 او17 سنه والله وطحت بيدي ياالمغرر ان ماخليتك تصرخ بسمها ماكون سعود السعـــد سمع طق الباب بسرعه رجعها وجلس على السرير معطيها ظهره طلع غالي ناظر ليده كان حاط عليها شاش رابطها فيه وقف متجه له:كيفها يدك غالي ناظر له بصمت مطنش سؤاله تعداه وجلس على طرف السرير :كيف دخلت هنا سعود مشى وجلس على التسريحه وبطنازه وهو فاهم سؤاله:مع الباب الناس من وين تدخل بالله غالي بسخرياء :مع السطح رد على قد السؤال كيف جيت سعوود بروقان :ابد الله يسلمك دخلت الحي ومشيت لين باب الفيلا ودقيت الباب فتح لي البواب ودخلت لقيت خالتي برا هي وابو نايف سلمت وجلست معهم وسئلت عنك قالت خالتي انك بجناحك قمت وصعدت لك وانا الحين قدامك وانتهت الحكايه غالي رفع حاجبه:خلصت سعود ببتسامه:ايه وبالخدمه تبي شي غالي:ايه سعود دق الصدر:امر غالي ينسدح ويتلحف:اطلع وسكر الباب معك سعود فتح فمه بصدمه:هاذا استقبال لصديقك بعد سنــــــــه غياب يالمغـــــرووور تطررردني غالي بدوون نفس كاره عمره ويجامل: سلام وسلمت وشتبي اكثر انا مصدع وابي انام بتجلس اجلس بس بدوون كلام سعوود ناظر فيه صدق ماله خلق بس يكـــذب مو نايم وبتهديد زييين ياغالي انا اعلمك كيف تطردني فتح جواله وكتب رساله وحدد كم رقم ودق ارسالها بعد ربع ساعه بالضبط كان يفرفر بالجناح بدون هدف وينتظر راح للمطبخ التحضيري فاااضي مافيه شي تافف بقرف رجع للغرفه فتح الباب بشويش شافه جالس على طرف السرير وواضح انه مو حاس باحد فتح الباب اكثر ودخل مشى لين قرب له :غالي غالي:___ رفع صوته:غاااااالي لف عليه بطفش:نعم خير وش تبي سعوود مو مصدق غالي صاير لايطااق نفسيـــــــــه همس بسره بس مو على سعوود نفسيه: قم صحصح وش مطفشك كذا .تحرك طالع من عنده وهو يرفع صوته:الشباب بالطريق لن السهره عندك يالحلو بدقيقه لو ماطلعت بتقلب غرفة نومك الى ..سكت شوي بعدين قال... الى حـــانه هههههههههههههههههه ناظر لثره بعد ماطلع من الغرفه تذكر كلامه وفز بقوه وهو يهتف:مو من صدقه جايب الشباب بجناحي لااااا ركض للباب:سعووود طلع ووقف مصدوم من الي يشوفه متعب ونايف لاااااااااا |
رد: روايتي الثانية خلف الكبرياء قلوب محطمة
يجيب القبيله كلها بس توم اوجيري لااااا نايف يرفع حواجبه:هااااي عمووو غالي يناظر لسعوود بغضب:عمت عييييينك ياسعووووووووود سعوود انفجر ضحك:ههههههههههههههه عاش ولد ولد خااااالتي نايف يضرب صدره:اعجبك متعب يتقدم للكنبه الي بصاله كان واقف على الباب : مافيه تفضلو حياكم ياخال افا بس فهد من وراهم :جدتي تقول ونسو وليدي ضايق وجيتتك من اقصى القصيم يااحلى عم غالي مو مستوعب الي يشوفه:حياكم بسـ.. بضياع مشى وجلس على الكنبه مقابل لمتعب الي جلس ماجد يدخل ووراه سعد بيديهم اكياس مطعم كنتاكي :واحلى عشاء لعمي غالي شايب النايف سعد :هههههههههههههه عيب مجيد مشو ،نزلو الكياس على الطاوله وهم يضحكون ويعلقون """""""""""""""""""""" دخل جناحه ببيت جدته بعد ماوصل خالد لبيته وجلس مع شوي سمع اصوات الشباب رفع حاجبه معقوووووله عند غالي لا مو معقول غالي مستحيل احد يدخل جناحه اخر مره دخلوه قبل 3سنوات وكان سعود هو الوحيد الي يجمع الشباب عنده يكــ.....سكت ومشى للباب فتح الباب وطل معه شاف بابه مفتوح واصوت الشباب واصله له رفع حاجبه بتعجب فتحه اكثر وطلع مشى لجهة الباب دخل ووقف على الباب فتح فمه بصدمه فارشين الارض وجالسين وتكيات والمساند حقات الكنب كلها بالارض ومتفرشينها الشباب تقدم كم خطوه اكثر لداخل هتف بصدمه:غااااالي بس نط بوجهه واحد من سنين مشافه:ارحبوووووو حياالله الشـــــــامخ ارتد على ورا بمفاجئه:سعوووود سعود قرب له:هلا وغلا يمان ..حضنه وهو يهتف بشوق:وش اخبارك يالشامخ والله اشتقت لك كثيير يمان بنفس المشاعر:ياااهلا والله بخير اللحمد الله وش اخبارك انت والله اني اشتقت لك وينك يارجال انقطعت سعوود:الحمد الله انا بخير بشوفتكم وسبب انقطاعي غصب عني ضرووف قاهره وبتعد شوي وعينه على غالي الي جالس مره يبتسم ومره يعصب على متعب ونايف يمان بتعاطف:وش سويييت بشايب النايف حرام عليك ماجاب توم واجيري الا انت اكيد سعوود :ههههههههههه يستاهل جايه مشتاق وبسهر معه يقوم يطردني ويقول بينام هاذا منطق يستاااهل متعب ناظر له بصدمه:يعني مجمعنا هنا ادات انتقام من صديقك يمان بشماته:اكيد ولا انتم من يبي قربكم نايف بتطنيش:عاد هميتونا يابابا حنى قاصدين الجيه هنا بسبيل نطفشكم قبل لايفكر الحبيب وجيت وجابك الله ابو روااد صف مع عمك هههههههههههه يمان ماله مزاجهم تراجع على ورا:لاااا خلوكم بغالي انا رجال وراي سفر وبنام سعود بستغراب:سفر وين اجلس يارجال ماجلست معك خلك شوي يمان برفض :لا والله ماقدر لازم انام بدري بس وعد مني اعزمك عزيـــــمه محصلت بس بعد مارجع طلع من عندهم راجع لجناح صدق كان ناوي يجلس مع غالي بس تذكر السفر الي كل يوم يأجله واليوم قرر يسافر بكرا بدل ملابسه وانسدح بسريره طفى النور وهو يقرا اذكاره وقط بنوم هانى ناسي او متناسي كل الي مربه اليوم """""""""""""""""""" """""""""""""""""""" مـــن بكــرا العصر بمجلس الرجال كانو مجتمعين كلهم بيودعون |
رد: روايتي الثانية خلف الكبرياء قلوب محطمة
يمان وحتى عماته كلهن فيه ....... ابو متعب تكلم بشويت غيره:يمان ليش ماتجلس معنا يمان تافف بسره مو فاضيه للمحاضرات وببتسامه مصطنعه :والله ياعمي مشغول لين راسي متعب ضحك وبمزح:ولد الخال من اشتهر صاير مايعطينا وجه مدري غرور وكبره ولا ايش ماتفسر كثر غيابك وعدم جلوسك معنا يمان فتح فمه بصدمه وش يخربط بس من ناظر له شاف نظرات الخبث زفر بقهر وهو منتظر التهزيه هو منقهر من طريقة كلام ابوه يجي هو مع انه يعرف متعب غير عن ابوه ارشتف من الشاي الي كان بيده:وش دعوا ولد العمه انا يمان ماتعرفني نايف بخبث:لاوالله يمكن راعي الحمرا مضيع علومه يمان شرق بالشاي بصدمه وهو يلف عليه بس ماقدر يرد وهو يشوف شكل ابوه الي مصدوم فيه او شي ثاني لن شكله الضغط ارتفع عنده حاول يتنحنح يبعد الشرقه بس صابته نوبة كحه قوييه حس روحه بتطلع من قوتها بعد نوبة الكحه متواصله سيطر عليها فتح فمه بيتكلم بس ابوه قاطعه ... ابو يمان ناظر فيه بغضب :يمااااان وش هالخاربيط انت رايح تشتغل او تلعب بذيلك يمان بصدمه همس:ييبه انا اسوي كذا ابوه بألم :لا يابوي بس بليس موجود يمان بقهر من نظرةلألم بعين ابوه :لاتخاف يبه انا تربيت يدك رحت وجيت وربي حافضني الحمد الله ابوه بهمس بس وصل لولده الي قريب منه:اخاف من حظ ابوك النحس يالحقك ..يمان سمعه بس التزم الصمت وبقلبه حضك لحقني وخلص يبه ..وقف وهو يقبل ابوه :يالله يبه بمشي تامر على شي ابوه بضيق:وين مامداك تجي بتمشي ريح ياولدي يمان بببتسامه حنونه:ياعلني فداك يالغالي مضطر امشي وراي سفر لماليزياء عندنا تصوير هناك ابوه بفخر :اجل الله يقويك ياولدي واحفظ نفسك يابوي يمان يسلم عليه :ان شاءالله وانا ان شاء الله مع رفقه صالحه احسبهم والله حسيبهم ..تحرك شوي ولف على المجلس كله رفع يده.. :يالله السلام عليكم.. الكل :وعليك السلام طلع من مجلس الرجال وراح لقسم الحريم بالحديقه وقف يناظر للطفال يلعبون ناظر ببنت عمه محمد ام 5سنوات وجد اصغر عياله ابتسم لها هالبنت عليها دلع مو على احد نداها والبتسامه على شفاته :وجــــــد رفعت راسها من لعبتها شافت يمان قفزت وركضت له :نعـــم يمان نزل لمستواها:ينعم الله عليك اقول الوجد وجد بضحكه :هههه لالا لتقول الوجد تزعل ايثار تقول الحقوق محفوضه لمامتي يمان رفع حاجبه على لاسم :ايثار من ايثار وجد بحماس صارت تشرح له بدلع وهي تحرك يدينها :ايثار هذيييك صديقة ترف.. لالا مو بس صديقة ترف صديقتي بعد هي تقول وبنت خالتي يمان بتعجب اول مره يسمع لها بنت خاله اسمهاايثار :من خالتك ماعرف لك بنت خاله اسمها ايثار وجد صرخت بدلع معترضه على عدم معرفته لها: لااااا ليش ماتعرفها خااالتي هذييك الي مثل اسمي لالا انا مثل اسمها ماما تقوله انتي سميت خالتك مرت بباله بنت وجد اخت غالي يكون هي اي صح تذكرت تكون اخت ام ماجد بعد اف مالي عقل وهو يهس :ايه صج نسيت اقول حبيبي روحي نادي لي عمه ام متعب ابسلم عليها وعمه ام سعد وعمه ام فارس وجد هزت راسها:طيب ..وراحت تركض .... دقايق وجت وجدان ومعها علياء.. وجدان بفرحه: هلا وغلا باراعي الحمرى يمان ضحك:هههه عمتي والله بتوديني بمصيبه انتي والحمرى انتي وولدك متفقين علي علياء بزعل :مدري متى تتنازلون وتعلموني بالحمرى وش سالفتها وجدان بضحكه:ههههههههه يبيلنا 20سنه ورا عشان نقدر نقولك يمان تقدم وسلم عليها:هههههههههه والله حرام ياام متعب كل شي ولا ام سعد ماتزعل بس لو تعلميني وش سالفتها راح اقولها وجدان ضحكت :هههههههه مزحه كل السالفه بس مدري ليش اعجبني الاسم قلت راكب عليك اناديك فيه يمان ضحك :ههههههههه مع احترامي لك ياعمتي بس ماصدقتك وجدان شهقت بصدمه:ايــــــش تكذبـــني ياولد رواااد تراجع يتفادا يدها وهي تخبطهه على كتفه بزعل:ههههههههههههه عمتي انا ماكذب حدسي وهو يقول ان ورااااك سالفه هههههههههه ام فارس من وراها :والله انك صادق ياولد اخوي ووجدان وراها بلاوي مو سالفه وبس ههههههههه يمان بعد عن عمته ام متعب وحضن ام فارس :ياحياله راما والله اني اشتقت لك راما ام فارس:ياحيااتي وانا اكثر وش اخبارك يمان بحب:الحمد الله بشوفتك بخير ..دق جواله طلع وشاف خالد :يالله ياقلبي عن اذنكم لازم امشي قرب موعد الطياره مع السلامه ودعهن وطلع من عندهم على سيارت خالد الي واقفه برا الفيلاه تنتظره ركب وهو يعتذر لخالد عن تاخره :معلييش يابو خلووود بس والله امسكوني العمات يالله فلت من عندهم هههههههه خالد بقهر:ايه انت استانس مع عماتك وانا منلطع بالشمس واكل تبن عاادي \\\\\\\\\\\\\\\\\\\\\ ابو سلطان بعجاب:والله ماااشاء الله عليه بفتره قصير اشتهر سلطان ياخذ الفنجال من يد أيثار وعنيه عليها .هي مسويه نفسها ماهمها الكلام مع انها كل تركيزها فيه :ايوالله ماشاءالله عليه ابو سلطان:وانت ملزم تخاويه سلطان ارتشف اخر رفشه وهو ياقف بستعجال ويتحرك لغرفته:والله هو الي اصر اني اخاويه ولا انا مابي بس يالله وش وراي سفره وبلااش ايثار شهقت بصدمه:بتساااااااافر سلطان وقف عن المشي ولف لها: ايه سكتت هي صدق زعلانه عليه امس بس انصدمت انه بيسافر ماتصبر عنه يومين جلست عنده وتعلقت فيــه بقووه سلطان استغرب سكوتها وبحنيه قال:تبين شي روري بدون شعور وقفت بس ماتحركت صارت تناظر له صار قلبها يدق بقووه خايفه وبقوه ليش خايف ماتعرف بس همست:لا تطــول راح نشتاق لك ابتسم وهز راسه كمل مشي لغرفته ابو سلطان ناظر لها برحمه عارف نه اكثر واحد متعلقه فيه يمكن لنه يجيها كثير بامريكا .هي ضلت واقفه لين رجع وهو ماسك شنطة السفر بيده وقف يناظر لها على وقفتها نزل الشنطه على طرف الكنبه وتقدم من ابوه وسلم عليه وعلى امه واخته بس هي ليش نظرتها حزينه كذا تعمد تصير اخر وحده عشان يسئلها وش فيها من قرب لها هي شهقت وارتمت بحضنه وسمحت لدمعتها تنزل الي من اليوم كاتمتها :لتروح سلطان تكفى طلبتك سلطان ضمها بستغراب :ترووف وش فيك بس حبيبتي هي من قال ترووف شهقت وصارت تصيــح بقووه :لاترووح سلطان لاترووووح |
رد: روايتي الثانية خلف الكبرياء قلوب محطمة
البـــــارت الثـــامن \\\\\\\\\\\\\ علمنى الكبرياء أن لا أبكي لمن لا يعرف معنى الدموع وأن لا أخضع ولا أعلم قلبي معنى الخضوع وأننا نصادف في حياتنا أصنافا من الناس يكون لكل منهم معنى في حياتنا يبقى بعضهم ويرحل أخرون ..!! فتعلمت بأن لا أحزن على رحيل بعض الأشخاص لأنهم لا يرحلون عنا إلا برغبتهم \\\\\\\\\\\\\\\\ ...نزلت الجوال على الكمدينا بعد مانقطع الخط وهي تراقبه ونسدحت بفراشها طفت النور الصغير المنبثق من الأبجوره الوقت بدري ومافيها نوم بس دخلت غرفتها عشان ترتاح منهم صح هم طيبين بتعاملهم معها بس برضو مو قادره تتأقلم معهم شافت جوالها ينور هي حطته صامت قبل تنزله تاففت :اااف مايمل هاذا مو رادين يعني اقلب وجهك اقتلبت على جنب وهي تغطي راسها عن الضؤ مر ببالها اخر موقف لها معه .......ـ .......ـ ارتمت بحضنه وهي تصيح:لاتروح سلطان لاتروح :تروووف وش فيك حبيبتي زاد صياحها:لا سلطان لااا ترووح جا بيرد عليها بس دق جواله الي كان بيده رفعه وشافه يمان:اهدي حبيبتي اهدي قولي لي ليش ماتبيني اروح ايثار:مابيك تروح راح تتاخر سلطان ابتسم وحضنها:روووري حبيبتي مراح اتاخر اوعدك برجع بسرعه عيب ارده وهو طالب خوتي يالله حبيبتي يمان يتصل برد عليه فتح الخط بعد مادق مره ثانيه:هلا يمان ..لا دقايق وانا عندك بس اودع ألأهل .طيب طيب مراح اتاخر دقايق وانا عندك مع السلامه ..سكر منه وهو يبعد ايثار بلطف: يالله روري مع السلامه ..سلم عليهم كلهم هي كانت تناظر له بقهر من نفسها كيف ذلت نفسها له وهو ماهمته بدا يمان عليها وكان نفس دايم يمان اولى منها بكل شـي عند الباب كان بيطلع صرخت عليه بدون شعور تحس انها اخر مره بتشوفه:سلطـــــان سلطان وقف ولف عليها ببتسامته:هـــلا اخذت نفس وهي تكتم عبرتها :سلطان لو تاخرت ولا صار شي لي وانت ماجيت مراح اساااااااااااامحك ..وركضت لغرفتها قبل يتكلم ....ـ ....ـ تنهدت بحزن تكتمه بقلبها من شهر ايه شهر مر بحزن يفتت قلبهـــا على اخوها الي خذلها وراح يتمشى بوناسه وتركها تواجه عمامها لوحدها وعذره كان يمان رافض يرجع يبيه يتمشى معه وبالخير ماقدرت عليهم واخذها عمها جاد بالقوه بس يوم سكنت عنده اكتشفت انهم طيبين والسبب طيبت امهم الي مأثره على عمها ويكون طيب بعض الوقات مدت يدها وفتحت الضؤ الخفيف وعتدلت بجلستها وهي تناظر لساعه الي على الحائط 10:40 بدري الوقت تاففت ليش تدخل بدري بس هي تنقرف من بنت عمهم بدر وحده دلووعه وماصخه والواضح تكرها بس ماتدري ليش تذكرها بعهد بنت سعود تكرها بس ماتدري وش السبب رمت الحاف :اااف وانا وش علي منها تكرهني على كيفها تولــــي تذكرت وصية امها ..مشت لدولابها وفتحته وسحبت اغراض امها صندوق ذهبي على شكل بيت امريكي :ااه ياماما حتى الأشياء البسيطه مئثره فيك امريكاء بس انا اجزم مو تأثر كثر ماهو هرووووووب ...نزلته على السرير وجلست متربعه وهي تفتحه بهدوو ..وصية امها قالت اذا رحتي لخووالك افتحي لاكن مدامك عند جدتك او اخوك سلطان لا تقربين له .. قبل تفتحه كله بيد مرتعشه انطلق منها وتسكر ناظرت فيه بعيون غرقانه هنا سر او شي عظيم قلبها وكيانها مايضطرب كذا الا وفيه شي كبييير كبييير اخذت نفس وهي تذكر الله وتذكر نفسها بهمس: مكتوب ياايثار مكتووب كل شي بتشوفينه وتعرفينه ثقي تماما انه قدرك ومكتوب لك لااااا لااا تعترضين عليه ..تشجعت وفتحته بهدوو طاحت عينها على ظرف بني وتحته ملف اخضر هنا بدا قلبها يدق بعنــف اول شي سحبت الظرف وقلبته بيدها خالي من اي حرف خارجي بيدين مرتعشه فتحته ناظرت داخله ورقه بيضاء تنفست بعمق سحبت الورقه وفتحتها .. ايثار او ترف تخالفنا على اسمك انا كنت ابي ايثار وابوك يبي ترف كل واحد يبيك تسوين الي هو عجز عنه انا كنت ابيك ايثار لني كنت ترف ايه ترف بالامعنى الي انا اخترته كنت انعم نفسي بالترف الي انا اصنعه لنفسي اترفت نفسي ودللتها كنت مغروره على اهلي واخواني وكل من حولي كنت اضن بالي اسويه يحميني منهم الين جاء ابوك ودخل حياتي وعرفت معنى الأيثار تمنيت اكون صاحبة ايثار يمكن تغضبين مني لو تعرفين مقصدي بس كنت ابي تحققين الي عجزت عنه ابي اثار اخوي جلاد على نفسي ابي اثار اخوي بدر اوخوي مشهور اختي وسن ابوي ابوي جدك صحيح عذب امي بس هو بالاخير ابوي واخر واحد اخوي جـــاد اخطاء بحقي مره وندم ندم اشد الندم بكى عندي ذل نفسه حتى اسامحه بس انا قلبي قـــاسي ياايثار وماسامحته ليش مدري بالرغم من الموقف مكان يستاهل وكنت اعتبره انقذني بس طبعا ماقلت لحد اول مره اصرح فيه مو مهم اقولك السبب بس كان هو اخطاء بحقي عشان شخص انا كنت اكرهه يمكن عشان كذا حقدت عليه ورفضت اسامحه بس ارجع واقولك ياايثار خوااالك طيبييين لا تفرطين فيهم انا عاارفه انك الحين عندهم ولا مكان فتحتيه حبيهم بقدر ماتقدرين ولاتنسين جدتك وخالك غالي هم اغلا شخصين على قلبي لاتنسينهم ابد كنت اتمنى تعيشين عندهم كل حياتك بس كنت عارفه الجاد مايتركون شي يعتبرونه من حقهم ومسؤليتهم احبك يابنتي امك وجــد .....سكرت الورقه ورجعتها بالظرف وعيونها عليهم ضباب من الدمووع تذكرت امها وكلامها مايوم قالت لها انها تعز اخوانها وانها هي من اخطى بحقهم يوم فرت هاربه منهم تنهدت وطاحت عينها على روقه صغيره بالظرف طلعتها وفتحتها جمد نظرها على المكتووب ((((__ســــــامحيني يابنتــي كان لازم اسوي الي سويت حتى اضمن حياتك وانك مراح تنظاامين بعد اليوم يمكن مراح تفهمين قصدي بس متى ماكتشفتي شي سويته من وراك اعرفي انه من حبي وخوفي عليك سويته ومكان قدامي غير الطريقه هاذي ___))) ابوك سلطااان .....وش يقصد ابوها وش مسوي ويطلبها تسامحه انفضت راسها عن التفكير وهي تسكر الورقه ودخلها بالظرف ...............سكرت الظرف وسحبت الملف الخضر فتحته فيه اوراق كثيره وطلعت الوراق وصارت تقلب فيهن وتقرا بصدمه صكوك وملكياات شلوون ماعمرها عرفت ان ابوها يملك كل هاذا عقد ملكية اكبر فندق بالقصيم ومعلم عملاااق شلوون ملكها مستحيــــل فنـدق ألأيثار هزت راسه بتصحي من الحلم كيف هي تملك كل هاذا وماتعرف وامها معقوله ماتعرف شي لا اكيد تعرف هي الي مخبيتهن مصدوومه كيف ومن وين له وشلون العقود صحيحه ومؤثقه باسمها قبل سنتين يعني قبل وفاة امها بسنه شي غير معقول فيه طرف ثالث يعرف بس مين واكيد هو الي يديرها مين مين رجعت الوراق كلها بمكانها وسكرت الصندوق ورفعته بمكانه بس خبته اكثر حطت عليه ملابس واغراض رجعت وجلسة على السرير بفكر شاردد من الطرف الثالث وكيف تعرفه وهو ليش ماجاء وقالها عنه سمعت طق خفيف على الباب وهمس:ترف صاحيه ابتسمت عليها من العايله حبت هالبنت بسرعه وقفت وتوجهت للباب وفتحته وهي تطل براسها :ارحبوو بالاموره ايه صاحيه وش عندك ببتاسمه قالت:كلهم جالسين الا انتي قلت اجي اناديك ترف بضحكه وسؤال ماقدرت تمسكه:ههه يالبى قلبك راح اجي معك بس ماتكون بنت عمك الدلوعه الماصخه فيه بتفكير :ممم هي فيه .وبسرعه.بسس ماعليك منها تعااالي بلييز ترف:هههه خلاص بجي لعيوون وسوني وسن بنت مشهور:تسلم عيووونك يالله بسرعه ..مسكت يدها وسحبتها معها ترف :لحظه وسون لحظه يامجنونه بلبس ليطلع من العيال احد علي وسن بسرعه:العيال محــد لن سهرت البناات بالحديقه وممنوع دخول الشباااب ترف تناظر لورا:طيب بسكر غرفتي خليت بابها فااتح انتي وش فيك مطيووره وسن برفض انها تتركها:ماحد فيه عادي خليها فاتحه """"""""""""""""""" ................... بمجلس الرجال كان جالس بدري هنا لهدف بباله تحمل الحشره لوحده عشان يحقق الي جاي من اجله فتح الباب القاطع بين الحريم والرجال ودخل داخل قسم الحريم وهو عارف دخوله هالوقت مصيـــبه لو واحد شافه بس فرصته وهو يعرف البنات برا ومافيه احد الا هي وهو لااازم يكلمها ماقدر ياصل لها حتى بالتلفون ماقدر يحصل على رقمها ناظر للمكان فاضي وبشويش تسلل لفووق لوين ماتكون غرفتها وصل اخر السلم بسلام مافيه احد هو سمع من وسن انها ملاصقه لغرفتها وهو يعرف غرفة وسن كم مره دخل لها يوم تنمرض ناظر الغرفه فاتحه وقف شوي وبخوف ليكون راحت لمكان او الحين تطلع بوجهه وتصرخ حزم امره وكمل وقف على طرف الباب وطقه بخفه خوف من جدته لاتصحي و تطلع عليه محد رد عليه بتوتر طل براسه مشاف احد ولجو داخل مظلم شوي بكل تهور دخل دخال الغرفه وتلفت مافيه احد طلع كرته من جيبه وفكر وين ينزله عشان تشوفه بس خاف احد يشوفه فكر وفكر سمع صوت وبسرعه ركض وتخبى ورا الباب وهو يرجع الكرت بجيبه سمع الصوت يقرب صوت بنت وشكلها تكلم بالتلفون وقفت عند باب الغرفه وصوتها وصل له وعرفها على طول خطيبته مي :ايه اقولك ياانا اكرها كره العمى كلهم طافين فيها مع انها ماتعطي احد وجه ومغروره سكتت تسمع الطرف الثاني وبعدها تكلمت بغضب: انتي ماتفهمين اقولك ابي حل يفكني منها هاذي حيه من تحت لتحت بس ماحد مصدقني وهي لاعبه عليهم ..رفع حاجبه بستغراب من تتكلم عنه كذا وحاقده عليها ..ايه انا الحين دخلت عنهم يوم جت اف كله من البزر وسنووه التبــ..الحيـ..جابتها لنا وكنا مستانسين عصب منها لو مكانه و مشبوه وخطر على ترف طلع ولعن جدفها كيف تسب باخته كذا وعشان ايش عشان بنت هو مايدري مين بس حس ان الابلى من هالخبله هاذي الي اسمها خطيبته انتبه لكلامها تقول:غغرفتها فاتحه من العجله ماسكرت الغرفه بس هين اوريه لخليها تتمنى اليوم الي تبعد عنا هي ووجها اصلا هي دخيله وش جايبها بينا بتفرقنا ..ماقدر يتحمل وهو يسمع الكلام من خطيبته والي بتكون زوجته بالمستقبل كيف يطلع منها كلام زي كذا لا والواضح كلامها عن تــرف وش سوت لها ليش حاقده عليها قبض على يده بقوه ليطلع ويتوطاها عند الباب كتم غضبه بس توعدها بسره ابعد صوتها شوي وسمع تسكيرت الباب دخلت غرفتها وسكرت الباب بقوه معصبه طلع من الغرفه وبسرعة البرق نزل تحت بدون لايلتفت لورا ولمجلس الرجال دخل وسكر الباب على نفسه وكلام مي يتردد بباله عن ترف ليش كارهتها وحاقده عليها كذا وش سوت لها ارتمى بفراشه وباله عند هالبنت الي دخلت حياتهم مايعررف عنها الا انها بنت عمته الي هاجرة لأمريكاء لسباب غماضه رافض ابوه وعمامه الفصاح عنها ناظر لساعه 11 تمام لازم ينام وراه شغل """"""""""" """"""""""" بالحديقه البنات مجتمعات واصواتهن واصله اخر الحي فيلاه حقت ام سلطان عباره عن قسمين قسم نسائي وقسم رجالي القسم النسائي دورين الدور الاول للبنات مقسم على غرف نوم والقسم الارضي مقسم على شقق شقه لبدر وشقه لمشهور وشقه لجاد واولداهم الي يكبر منهم ينتقل البنات لفوق والولاد بقسم الرجال لهم قسم خاص كله غرف نوم ومقابل له مجلس ومقلط وبرا بيت شعر كبييير طارق بعد ماكبر زينهم لهم بس جده ماحضره ......نرجع للبنات بالحديقه وسن وترف جالسات باخر الكراسي وحلا وبنات خالتها ساره وسديم يشون ولهن صراخ كل شوي يتخانقن على الشوي كلن تقول هي الي سوته وسن تضحك:ههههههههه وربي مهابيل حلا وبنات خالتها اذا تقابلن خربن الدنيـــاء ترف تضحك:ههههههه جد بس وربي عسوولااات مره انا بقوم اساعدهن صرخت وسن بمزحه:لااااا يامعوده وين بتطبين بتنخبليين معهن ههههههههه ترف وقفت :ههههه عادي كانه مثل اخبالهن يازينه وسن تصرخ على البنات:يابناااااات ترف السلطـــان بتشرفكم بالشووووي حلا لفت بفرحه وهي تصرخ:هلا هلا ببنت العمه كماان بليز انقذينا ساره ترمي البيز من يدها وهي تصرخ بعتراض مازح:لاااا ظلم يابنت خالتي كيف تخربين برستيجي قدام بنت عمكم الجديده سديم تكمل عنها:تخليني اشوي واكرف وبالخير افشل فشلن ذريع قدام هاالامريكيه ترف فتحت فمها بصدمه:انا امريكيه سديم ترمي الوقى من يدها وتواجها وهي تحط يدينها على خصرها: لاااا انكري بعدد انك ماعشتي حياتك كلها هناك طفوله ومراهقه وشباب كلها يالله قولي قوالي لا ترف غصب عنها انفجرة ضحك:ههههههههههههه هههههه انتي مو معقوووله سدوومه انتي الحين تتكلمين جد ساره ترد عن اختها :طبعا جد اجل امزح وسن جت ووقفت بجنب ترف وبدفاع:بس بس انتي وياها خوفتن بنت عمتي اقصد عمي ساره بستهبال:الا جد وسن ابسئلك وكان يدور ببالي من عرفت بنت عمك مدري عمتك كيف ووشلون وماذا لا اقصد كيف ووشلون تجي بنت عمتك وعمك بنفس الوقت |
رد: روايتي الثانية خلف الكبرياء قلوب محطمة
معنها يكونون اخوان ابوك كلهم اليسى كذالك حلا تهز راسها:نعم نعم هو كذالك والسؤال ليسى لهو جواب سديم بالخط:ولماذا لا يوجد جواب وسن بقرف:الله يرحم اللغة العربية حلا بخبال:النني وبصراحه استحي من قول ذالك ترف هنا بتنجن وش قعدات يخربطن وهاذي وش تقول وش تستحي منه :هي انتي وهي وش قاعدات تخربطن عادي واحد خطب بنت عمه وتزوجها وش ذنبه اذا كان ابوهات هالدلوخ اخوان مشتركين البنات ناظرن ببعض ونفجرن ضحك على شكلها وهي معصبه وتصرخ عليهن من جدها:ههههههههههههه ههههههههههههههههههههههه حلا :تروووف هههههههههههوالله لو تشوفين شكلك وانتي معصب كان هههههههههههه ماني قادره اتكلم ترف بعصبيه تحركت من عندهن :الشرهه على الي يجلس معكن اروح انام احسن لي ساره ببتسامه بعد ماسيطرت على ضحكتها:ياحبيبتي الدنياء فاانيه وكل شي بيروح استانسي ياحبيبتي ترف كملت مشي راجعه للفيلاه بدون لاترد عليها سديم تناظر لوسن:بنت عمك نفسسيه ماينمزح معها وسن بقهر :والله النفسيه انتي وهي ليش تمزحن معها كذا ماتعرفين ان الموضوع هاذا حسااس بالنسبه لها ساره :وانا وش يدريني وسن بعصبيه:يعادنك ماتعرفين وليش تتكلمين من البدايه ..ومشة لاحقه ترف بعصبيه ساره رجعت لحلا:اقول كملي شوي خليني اتعشى وامشي عندك بنات عم نفسيــــــااات عفانا الله حلا:هههههههههه انتي مجنوونه سديم :الدنيا فانيه ليش اعصب وازعل يابيبي الشوي خلص نزليه قبل ترجع النفسيه الثالثه حلا بستغراب:من بعد ساره:مي الخنـ..الصغيره هههههههههه حلا :هههههه الستغفر الله سويري انتي وهي لو مانطميتن ترا ابطردكن بدون عشاء وروح اعشيه طارق الي جالس هنا شهقت ساره بمسرحيه:يااالهوووي وانتي عرفتي ازآآي حلا :وليد قالي انه بيجلس وعشنه من عشاكن سديم صررخت بحماس :يالله يالله اغرفي له بسرعه ونادي مي وخليني اوديه قدامها احــرها بلييييييز حلا :ياااخبيييثه بتعصبين فيها ساره :تستااهل يالله بسرعه على الي قاالت حلا نزل شبكات الحم وفتحت وحطت بصحون لطارق وقبل تتحرك جتهم مــي تمشي بمياعه سديم شالت الصحون ومشت لداخل مي عينها على سديم الي تمشي:هاآآآي بنات حلا :هياااات وين غطستي كل هالوقت مي بدلع :ممم والله رحت اكلم صاحبتي سديم وين رايحه ومعها العشاء ساره بتشفي:لطاااارق شهقت مي بصدمه وصرخت:ايييييييش لطارق وطارق وينه حلا بهدو:وش فيك عصبتي راحت توديه لوسن وهي توصله له مي بقهر :وانتي وش عرفك انه هنا هاه ساره بتقهرها:ممم وش عرفها ولود اتصل وقال لاتنسوون توتو مراح معنا عشوووه مي صرخت عليها:توتو بعييييينك عدلي السانك .........سديم دخلت وشافت وسن وترف جالسات بالصاله مشت لهن ونزلته على الطاوله قدامهن :وسن حلا تقول ودي العشاء لخوك وسن بستغراب:اخــوي كيف عرفتي انه هنا سديم :وليد كلمها يقول عشو طارق مراح بينام بدري وسن وقفت وهي تشيل الصحون بقي ماقدرت لهن كلهن لفت لترف:ترووف بليز ممكن مساعده ترف وقفت وشالتهن:من عيوني حبيبتي بس وين واديهن وسن :معي لطارق ترف بصدمه :اييش اوديهن معك جنيتي انتي وسن:ايه وش فييها انا معك سديم بتريقه:بترجعين كامله مناقص منك شي توتو ترف بقهر:وليش ماتروحين انتي بالله سديم بستهبال:ياااليت والله ماقول لااا ..وبصوت حزين..بس عيييب مو ولد خالي وعمي وسن :تروووف بلييز والله مسافه اروح وارجع ترف بتردد وقفت وشالت الباقي من الصحون ومشت ورا وسن سديم بضحكه:توتو روحي والقلب دااعي لك وانا هنا على اتم استعداد لو صار لك شي صيحي واجيك طاايره ههههههههه وسن:هههههههه سدوم اسكتي عاد لتبطل روحه معي ترف مانسيت خباله بالحديقه:سديم بطليي اخبالك ترا مايروق لي سديم بتريقه:تكفين عاد انا ابنتظر لين تروقين شوفي حبي انا هاذا طبعي وماني مغيرته عشانك الا بحاله غيرتي طبعك المغرور ترف وقفت ولفت عليها بصدمه :انا مغروووره سديم لفت عنها يعني زعلانه:والله مدري عنك اسئلي نفسك وسن صرخت بعتراض:لاااا اجلي الهواش انتي وهي يالله بنودي العشاء اول سديم:ورحي محد ردك مشت ترف مطنشتها ووسن مشت قدامها وسن فتحت الباب القاطع ودخل عند باب المجلس وقفت ترف وهي تهمس :وسن طقي الباب يمكن فيه احد من العيال غير اخوك وسن وقفت وطقت الباب وهي تنادي :طرووق طاارق عندك احد جاها صوته :ادخلي وسونه مافيه احد وسونه فتحت الباب ودخلت وترف بقت واقفه عند الباب ماقدرت تدخل ماهي متعوده .وسن ولعت النور وشافت طارق باخر المجلس منسدح بفراشه مشت لين وصلته وهي تنزل الصحون :احلـــــى عشى لااحلى طروووق لفت على ورا تناظر لترف بس تفاجئة عدم وجودها :وين اختفت هاذي طارق يعتدل بجلسته:مين الي اختفت وسن وقفت ولفت راجع للباب بتشوفها:ترف جايبه معي العشاء بس مدري وين راحت جمد عن الحركه ترف جايه هنا لوين مايكون غرييبه وش عندها يكون عرفت شي لااا مستحيل وش يعرفها تعدل وهو يشوف وسن راجعه له ومعها باقي الكل :بنت عمك هاذي عليها خجل مو على احد طلبتها توصل معي الكل ومن وصلت الباب نزلته وهجت هههههههههه طارق ببتاسمه:تعلمي منها ههههههههه وسن بمزحه:قل لخطيبتك تتعلم منها ولاانا كلي حيا طارق ضاق خلقه من تذكرها :اتركيك منها هذيك وبعدين من قالك انها خطيبتي ترا كلام الشيبان انا ماوفقت وسن رفعت حاجبها:من متى مكان كلامك هاذا قبل طارق بضيق:وسونه تبيني اتعشى اسكتي وروحي لربعك لاتسدين نفسي وسن تاقف :طيب طيب يالعافيه عن اذنك طلعت من عنده وسكرت الباب ...دخلت الصاله وشافت سديم متسدحه تضحك وترف جالسه مقابل لها وصاده عنها سديم شافت وسن وصرخت:تعااااالي اخوك وش سوا بتوتو اشوفها ناقصه اكلن نصفها هههههههههههههههه ترف شالت الخداديه وضربتها فيها:بـــــــــــس عاد وش هالمصاااخه عفانا الله مو على احد سماجتك وقفت سديم :خلاااص بنسكت بس امي تعشي يالله عااد ترف :لااا مو رايحه معك لمكان وسن بمحاول اقناع:ترووف ليش عاد يالله ترا سديم كذا طبعها ومزحها ثقيل شوي واحيان سامج هههههههههه بس عاد قلبــــــها ابيــــــــــــض بياااض الثلـــج ترف سكتت وبقلبها ليش هي معصبه عادي سديم مقالت شي بس تمزح معها ابتسمت وهي تلف عليها :ادري ان قلبها ابيض وهاذا الي مخليني اسكت لها هههههههه سديم ابتسمت وبخبال:ياااااسلااااام توتو سلطان سااامحتنااا دقو الطبوول وزفو العرائس ..ركضت ومسكت يد ترف ومشت فيها... يالله على العشاء قبل المهبل يبلعووووونه بالحديقه ساره وحلا جالسات بطاوله ومي مقابلتهن جت سديم ومعها ترف ووسن سديم تقلد مي :هآآآآي ساره كانت تاكل وفمها مليان اكل انفجرت ضحك والكل تطاير منها :ههههههههههه هههههههههههههههه صرخت حلا:ياااوسخـــه سكري فمك سديم تجلس بجنبها وتضربها على ظهرها:الوسخ انتي مو اختي ترف جلست قريب من حلا بهدوو سديم درعت بالكل على طول وهي تضحك:توتو مددي يدك ولا تبيني اوكلك ياروح توتو سوسو هههههههههه مي ناظر لها بقهر وحقد وهي ساكته ماتقدر تنطق بكلمه الكل ضدها وسن لفت لحلا:حلااوه بما انك صاحبة العزيمه وين ترف ريفال ماعزمتيها حلا:هههههههه حلووه ترف ريفال لا ماعزمتها بس لنا العزيمه خاصه يعني مي بغرور تناظر لترف:ماشوفها خاصه على قولتك سديم بكره:صح مو خاصه فيه ناس غير مرغوب فيهم بس بما انهم يرمون انفسهم دايم قلنا مو مفشلينهم ساره بشماته:هههههههههه سدومه خلاص نفسي انهي اللأكل بسلام مابي اشرق وتكون نهايتي بلقمه وانتي السبب ترف ماقدرت تحمل كلامهم السخيف بالنسبه لها:بنات بليييز ستووبت انتم مو اطفال تتراشقون بالكلام خلاص سكتوو عاد حلا وساره وسديم ناظرو فيها وفجئه انفجرو ضحك:هههههههههههههههههههه هههههههههههههههههههه هههههههههههه وسن ناظرت فيهم بصدمه:خييييير وش المضحك كلام توتو صــــح سديم تحاول تمسك ضحكتها:صح ياروح توتو انتي صح ماقلنا شي ساره:بس والله الأمريكيه مو سهله ههههههههههه عندها اسلوب """"""""""""""""""""" فيلاة ام غالي ترف جالسه عن جدتها بالصاله :جدتي ليش احسك متضايق ام غالي بهم: والله افكر بالترف من راحت لعمامها ماقد جتني انا خايفه مانعينها من زيارتي ترف تطمنها:لا ياقلبي ماهم مانعينها ولا شي بس تستحي لاتطلبهم توي امس كلمتها عادي تقول هم طيبين معها ام غالي :انا كلمتها بعد بس هي ماتقول شي اعرفها لو كانو مضايقينها مراح تتكلم غالي الي جالس ويطقطق بجوواله :يمه ياقلبي لاتخافين عليها ولو تبينها الحين اروح اجيبها لك بس ارتاحي ولاتنقلين همها ابد ياجنتي ام غالي :الله يريحك يمه لا بس رح لها وشفها يرضا الله عليك يايبه وشف محتاجه شي ولا ناقصها شي غالي وقف:ابشري من عيوني يالله تصبحين على خير ام غالي:وانت من اهل الخير طلع لجناحه وعند بابه وقف وعينه على جناح ترف تنهد وبقلبه .تركتيه مثل ما امك تركته ااااه ياأيثار ياليت ترئفين بحالنا ....دخل لجناحه وهو يفكر لبكرا وروحته لها """"""""""""""""""" بكرا الساعه 9:30 الصبح بمكتبه وبعد السلام هو مو مره معهم شبه منقطعين عن بعض بس اللهم بعزايم محمد بمانهم خوال عياله عينه جت على طارق الي يشرب فنجال القهوه الي قدمه له :وش اقدر اخدمك فيه ياطارق طارق بثقه تكلم:اورق بنت عمي غالي رفع حاجب وبسغراب:اي اورق واي بنت عم طارق نزل الفنجال على الطاوله قدامه وعينه على غالي من ورا المكتب :أيثار سلطان غالي تراجع على الكرسي وراه: وبصفتك من تجي تطالب باوراقها او تسئل عن شي يخصها طارق ضيق ملامحه وبتقطيب قال:والله يأخ غالي انا مرسل من عمامي وماعتقد هالشي يضايقك غالي تعدل وهو يقرب الكرسي من المكتب ويسحب الملف الي قريب منه :اسمح لي بس طلبك مرفووض طارق عصب حاول يكتم عصبيته:نعم والسبب غالي ببرود :انت مانت مسؤل عنها ولالك حق تمس شي يخصها كان عمامك مهتمين فيها يجيون ويستلمون اوراقها او يتركونها عندي فانا خالها واكيد احرص عليها طارق وقف وبغضب:انا ماجيتك وتركت وراي الف شغله وشغله حتى اسمع منك الرد هاذا ومراح اطلع الا والأوراق معي غالي وقف معه وبعصبيه:اسمعني زين اوراق مافيه وغير كذا ماعندي كلام سمع طق الباب شوي ودخل ماجد : السلام عليكم ردو السلام بقتضاب وكل واحد ينفخ بعصبيه ماجد انتبه لطارق:ااوه طارق مشرفنا بالشركه هلا وغلا ..قرب له وصافحه..وش اخبارك طارق حاول يبتسم:هلا هلا تمام الحمد الله ماجد ناظر لعمه ورجع نظره لطارق:خير ان شاء الله وش فيه الجو متوتر كذا غالي طارق.صمت:__ ماجد انتظر رد منهم ماحد تكلم:اها موضوع خاص يعني طيب اتركم بس..لف لغالي..عمي الجتماع بيبدا باقي خمس دقايق ويمان يقول بسرعه تعال ..وتحرك طالع بدون لا يسمع رد غالي واقف بصمت ينتظر طارق يتحرك يطلع بس هدوو طارق وصمته وتره :طارق اعتقد سمعت ماجد وش يقول طارق لف عليه وبثقه:سمعت وقبل اطلع الوراق بيدي غالي بدا يفقد اعصابه:انت الظاهره ماتفهم عربي باي للغه تفهم طارق ناظر فيه وبهدوو يذبح:بلغة الحترام ياولد نايف غالي انلجم من رده بس ماسكت برر موقفه:انت خليتني افقد اعصابي ياطارق والله اني احترمك واعزك بس انا مستحيييل انفذ الي تطلب طارق ناظر لساعته:يابو نايف واري شغل اخلص علي والبنت بتقدم بالجامعه غالي :ايــه قل الجامعه وعشان كذا انا رااااافض طارق رفع حاجبه :لييش رافض غالي وتذكر مواجهتها معه:بنت عمك فقدت عقلها وبتدخل طب طارق زم شفاته وهز راسه:ااها قلت وانت رافض عشان كذا طيب وشف فيها امها كانت دكتوره ابوها كان دكتور عادي هي حلمها هاذا التخصص مراح احد ياقف بطريقها غالي عصب من رده:الا ناقف ماعندنا بنات يدخلون طيب ومستحييل تدخل طارق ببرود: مالك حق تمنعها وهي تبيه ولا غيرك يقدر غالي بعصبيه :اجل ميـــن الي له حق ياولد مشهوور ..وبسخرياء ..انـــت ...تاخر مجاء وسئل ماجد قال ان عنده طارق استغرب زيارته وبشركتهم جا بيستعجل تاخرو على الجتماع 3 دقايق جمدت يده على الباب وهو يسمع صوت طارق القوي وواضح العصبيه فيه.... طاررق بقووه:ايـــــه انــــا انا الي كل الحق معي اوافــق ولا ارفـــض غيري لاااااا ولا حتـــــــــــى ابوي يقدر يمنعني انتهـــــــــــــــــــى البارت |
| الساعة الآن 11:53 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية