|
أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
.........................♪♪♪ صباحكم نور آل ليلاس .. رواية كاملة جميلة .. حبيت أنقلها لكم ‘ أتمنى تعجبكم .. قراءة ممتعة .. ♪♪♪......................... |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم ورحمة الله و بركاته .. أما كلام يثلج الصدر ولا اصّ ترى كلامك يجرح الله يعافيك .. روايتي حبيت انزلها بالمنتدى .. لا أحلال من ينسبها لنفسه/ـا البــارت الأول .. الصبح .. طلبت فطور .. فرحان و مسرور أخيراً تزوجت .. أمس كانت أحلى لليله بعمري .. و إن شاء الله الجاي أحلى .. جلست قدامي على الطاولة .. بعد ما أخذت شور .. دققت ببشرتها لونها مو واحد .. فيها بياض مو طبيعي على وردي .. بلعت ريقي الجاف قلت بغصة وغباء .. / خوله وش فيها بشرتك ..!! .. رفعت عيوني له أحاول استوعب اللي قاله لي .. خبيت يديني بـ أكمام بلوزتي الواسعة .. لكن تذكرت اللي برقبتي ووجهي وش اللي يخبية عن عيونه .. .. قلت و أنا ما أني متصور الجرح اللي جرحتها .. / فيك بهاق ..!! .. ناظرته و شفايفي ترتجف .. ما استحملت نظراته المتفحصة .. حطيت يدي على وجهي .. / لا تناظر .. دخلت لـ الغرفة .. أجر خيبتي ورأي .. أي زوج هذا جرحني بصباحيتي زواجنا .. دموعي خذت مجراها على خدودي .. .. سندت جسمي على عكازي .. طلعت متوجه لـ ... ما كنت متصور أنها كذا تكرهني .. ما جاء على بالي ولا واحد بالمية أنها حاقدة علي لهـ الدرجة .. ما أني متصور اللي كنت أشوفه قدام عيوني .. الصدمة الجمتني ولا قدرت ابرر لها اللي قلته .. طلعت اهرب من هـ الموقف الغير متوقع .. ابد أمس ما لاحظت أن فيها شي .. أمس غير كانت نفس الملاك .. بس اليوم أرعبني اللي بجسمها .. ولا قدرت امسك لساني عن سؤالها .. رجعت بـ أفكاري لـ قبل سنتين .. دخلت لغرفتي .. ومعها بنت أختي الكبيرة .. صغيره عمرها خمس سنين .. ... / متعب ودنا للسوق .. أنا و شوق .. ناظرتها بحدة .. / وين زوجك ؟!!. ... / بـ الإستراحه مو جاي بـ ينام هناك .. قالت تكسر خاطري .. تكفى ما بقى شي على العيد .. متعب قلت انهي النقاش .. / مالي خلق والعيد بقي له أسبوعين .. و فوق كل ذا راسي مصدع .. اطلعي برى بنام .. طلعت تجر خيبتها .. حطيت ذراعي على وجهي بنام مرهق وتعبان من الشغل .. أدور الراحة بهـ الساعات القليلة.. ماجات دقائق الا الباب ارتطم بالجدار .. فزيت بخرعة .. ناظرت اللي أزعجني وحرمني لذة النوم .. جاني صوتها الغضبان .. / مــتــعــب .. خواتي الثنتين و راها .. اللي مبتسمة و اللي جايه شماتة .. قمت احترام لها و أنا عارف وش اللي جايبها .. / لبيه .. قلت بغصة بحلقي .. من الكلمة .. يمه .. خزنه بـ أمر .. / خذ خواتك لسوق .. ما أنت شايفهن يتيمات و مسكينات .. ورك قلبك حجر منت عارف أن ما بقى على العيد شي .. رفعت يدي لشعري الناعم يصل لأخر رقبتي .. تمتمت بغبن .. / محدن مسكين ألا أنا .. بصوت واضح .. يالله بالحقكم لسيارة .. طلعت بدون لا أغير بجامتي .. ولا التفيت لهم اسمع جوابهم .. هرولت لسيارتي اختلي بنفسي .. من الهم اللي بقلبي .. حطيت راسي على دركسون السياره بتعب .. سمعت الباب يتسكر .. رفعت راسي ألا أشوفهم بالسيارة .. قلت بدون نفس .. / وين تبون .. أنطقت الصغيرة .. / سوق الـ..... ناظرتها من المرايا بقهر كأنها تتعمد تقهرني .. / المكان بعيد اختاروا سوق أقريب .. أختي الكبيرة / أغراضنا كلها هناك .. بزمجرة و قهر ../ الأسواق كلها مثل ألشي بس انتو تبغن اتعب زيادة على تعبي اففف منكم ..هم على القلب .. توجهت للمكان المطلوب .. السيارة تضج بـ سوالفهم السخيفة بنظري .. و أصواتهم المرتفعة .. مسرع بالسواقة بس أبي أوصلهم و أنام لين يجون .. فركت عيون النعاس ذبحني .. طولت على صوت المسجل .. عشان يطير النوم عني .. طلعت الشريط .. مديت يدي أدور على شريطي المفضل .. أصــوات متفاوتة .. / متعب انتبه .. ../ ابعد عنــها ... فجاءه ما حسيت ألا بـ ........ انتهى البارت أتمنى أشوف تفاعلكم ... |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم ورحمة الله و بركاته .. البارت الثاني .. فتحت عيوني والألم ذبحني بكل مفاصلي و عظامي .. ما قدرت أتحرك .. دارت عيوني على المكان اللي أنا فيه .. ريحة معقمات و منظفات .. عقد حواجبي غمضت عيوني .. أتذكر وش اللي صار .. صرخت .. / السـيـــــارة .. لفيت أدورهم .. شــــوق نـــــوره !!.. مالقيت جواب لا صد صوتي .. التفت دقيت الجرس .. جاتني النيرس .. سالتها عنهم قالت ما تعرف شي .. وراحت .. حركت راسي يمين ويسار أحاول أنسى صورت الحادث .. ... ... دخلت علي وعباتها على رأسها .. ناظرتها بحب سحبت نفسي .. بعدل جسمي بحيث أكون شبه جالس .. خزنه بخوف .. / ويـــــن بناتي !! .. حز بخاطري أنها ما أسالت عن حالي ../ أن شاء الله طيبات .. خزنه جلست على الكرسي بتعب ../ ما أني مطئمنه.. قلبي نغزني .. دخل الدكتور يتطمئن عليّ .. الدكتور ماسك دفتر الملاحظات ../ أن شاء الله طيب .. قلت و أنا خايف من رده ../ اللي معي بالحادث وش .. بلعت ريقي .. صار لهم .. الدكتور نزل رأسه بحزن ../ الله يرحمهم يطلبونكم الحل .. ما أتمالكت نفسي من الصدمة .. يرن بـأذني كلامه .. طلع يشوف شغله .. التفت لامي .. شفتها جامدة على الكرسي .. ولا طلع منها ولا صوت .. خفت من سكوتها المفاجأ ../ يمه .. بعد ثواني أنطقت بألم بقلبها ../ حسبي ربي عليك ذبحت بناتي .. صدمه كلامها لي .. بحزن على فراقهم و كلامها لي .. لو يمر دهر يا متعب ما راح تتغير أمك أو بالأصح مرت أبوك .. حليب اللي رضعته ما يشفع لي عندها !! بـ ألم حاد ../ مقدر ومكتوب .. وقفت بطولها ../ أنت اللي ذبحتهم .. الله يا خذك .. طلعت خفت عليها وين ناويه تروح .. حاولت أقوم لكن الم مو طبيعي برجلي ذبحني .. أخذت جوالي من الطاولة .. دقيت على رقمها لكن ما ترد .. طلبت كرسي بروح أدور عليها .. ضغطت على نفسي وعلى التعب اللي بجسمي .. بعد نص ساعة لقيتها بالكراسي جالسه .. قربت عندها مسكت كفها ../ واللي يرحم والديك لا تعذبيني .. ناظرتني بكره وعيونها ما فيها دموع ../ أنت السبب ليـــه تكرهني حرمتني من فلذات كبدي .. الله يحرمك من صحتك .. دعائها صم أذني .. من قوة الدعاء تركت يدها .. ما أني عارف ليه تحملني موتهم .. ليتني مت قبل لا اسمع كلامها الجارح .. ولا أكون بهـ الموقف .. .. طول أيام العزاء كنت بالمستشفى .. ما زارتني ولا خطر ببالها أنها تجيني كنت اخذ أخبارها من دانه بنت بنتها .. يوم طلعت من المستشفى .. ما كلمتني ولا شفتها .. حابسه روحها بغرفتها .. ضربت الباب .. جاني صوتها المبحوح ../ تفضل .. دخلت جالسه بسكينه على سجادتها ولابسه جلال صلاتها .. دنقت بصعوبه من رجلي و حبية رأسها .. / كيفك اليوم ..؟ شفتها تستغفر بـ أصابعها .. أرفعت رأسها لي .. بجفاء ../ تبي شي !! .. جلست على سريرها ../ لا حبيت تطمئن عليك .. قالت وهي تناظرني ../ بخير دمك بعيد .. وش تبي !! نزلت رأسها .. تخفي دموعها .. فاهم حلتها النفسية واللي مرت عليه مو شوي .. بنتين بيوم واحد يروحون منها .. أحاول الين قلبها عليّ ../ ما أبي ألا رضاك يالغالية .. خزنه أرفعت رأسها لي ../ ما أني اللي جبتك عشان تطلب مني الرضا .. ابتسمت بالغصب ../ مين اللي قال كذا .. طلعت على الدنيا و أنا بحضنك يا تاج راسي .. .. .. رجعت لأرض الواقع .. دخلت الصالة .. كلها ريحة بخور و عود .. جالسه ومعها دانه يتقهون .. بصوت غاضـب ../ يــمـه زوجتني وحده مريـضــه .. ناظرتني ببرود قاتل ../ طول صوتك ما أسمعك .. هديت شوي .. تقدمت لها .. حبيت رأسها كأعتذار .. جلست جنبها ../ ليه تزوجيني هـ البنت .. خزنه ../ كنت محتريتك تجي بس ما ظنيت تجي بهـ السرعة .. البنت وصفتها لك ولا رفضتها .. وقلت لك أنها بيضاء .. حطيت راسي بين كفييني بـ ألم و صدمه لحد الحين ما استوعبتها ../ بهـــاق يمه بهــاق عاد .!!. خزنه تشرب من فنجالها ../ احمد ربك غيرك يتمنى ظفر حرمه .. تنهدت قبل لا انفجر بـ غيضي .. طلعت بسرعة .. الكلام معها راح يتعبني زياده .. .. / خال متعب .. طلعت مطنش دانه .. ركبت سيارتي .. مدري وين أروح بس المهم بهـ لحظ ما أبي أشوفها .. و أتعب ناظري بـ اللي فيها .. الغلط كله مني عطيت أمي الخيط و المخيط بزواجي .. بدون أدنى اهتمام .. ما طلبت أشوفها لان بعائلتنا عيب الواحد يشوف زوجته قبل الزواج .. أبوها زوج عمتي لكنها هي من أم ثانيه .. أمي أمدحتها لي بـ أخلاقها .. و بدون أدنى اهتمام بالموضوع و لا كأنه يعنيني ما عرضت أي شي .. وتم كل شي على ما يرام ألا اليوم فرحتي انقلبت تعاسة من اللي شفته فيها .. ×× ×× خوله .. مسحت دموعي اللي مثل الشلال .. ما كنت أظنه كذا قاسي عليّ .. وش ذنبي أذا أنا مريضه .. جالسه على لحم بطني من أمس سد نفسي عن الأكل من كلامه الجارح .. كل ما امسح دموعي ترجع وتنزل ..جرحني وصعبه هـ الجرح يتداوى .. أول لقاء بيننا انتهى بكلمه منه و هـ الكلمة جرحتني حـــيل .. ناظرت وجهي بالمرايا .. على خدي بهاق و رقبتي بهاق .. لون بشرتي سمرا .. تحسست وجهي بيدي .. المرض غلب عليّ ودمر حياتي .. المدرسة وتركتها بسبته من نظرات البنات .. لو ما كان فيني شي كان عشت سعيدا .. خذت كريم من التسريحة .. حطيته بوجهي حاولت اخفي البهاق لكن ما في فائدة .. جلست بقلة حيله وحزن .. وش أسوي وش اللي يخفيه عن عيونه وارتاح .. امتلأت عيوني بالدموع .. ناظرت وجهي بالمرايا .. وجهي حمر من كثر البكي .. و عيوني تورمت .. سمعت صوت الباب .. ركضت للحمام اهرب منه .. وامسح اللي بوجهي ولو بكيفي مسحت هـ البهاق و ياليته يختفي .. ×× ×× دانه .. جالسه وقبالي الأب توب .. أتصفح فيه من الطفش .. أنا دانه بنت شوق الله يرحمها .. عندي أخت صغيره عمرها سبع سنين .. بعد ما ماتت أمي بكم شهر جينا وعشنا عند جدتي .. بعيد عن أبوي و زوجته .. أمي تعبت بعد ما جابتني .. بعد ما تعالجت بعد سنوات جابت الجوري .. يقولون عني حلوه .. عيوني وساع لونها اسود .. بشرتي بيضاء .. متوسطة الطوال .. شعري لنص ظهري اسود متموج .. .. عمري 24 سنه .. متزوجة صلاح عمره 29 سنه .. كسر خاطري خالي وش ذنبه ياخذ وحده مريضه هو مو ناقصة شي .. مال و جمال .. لكن الحق ينقال زوجته حلوه كثـــير .. عدلت جلستي ../ هلا جده .. جدتي خزنه ../ دقي على متعب شوفيه وينه ؟. دانه ../ استحي يمكن هو عند زوجته .. جدتي بـ اصرار ../ لا عادي دقي .. ×× ×× متعب .. دخلت و ألإرهاق ذبحني .. درت بالسيارة لين مليت ما لقيت حل ألا ارجع لها .. الهروب من الواقع مو حل .. راسي مصدع أحس انه بينفجر بأي لحظه .. انسدحت على الكنبه .. ناديتها ../ خـوله .. كررت اسمها كم مره .. شفتها تمشي لي بهدوء .. غمضت عيوني ما أبي اجرحها بكلمه .. اللي جاها اليوم الصبح كافي .. أشرت على راسي .. بتعب ../ تعالي همزي راسي .. أنطقت بخجل ../ بجيب لك حبت بندول .. مسكت يدها الناعمة ../ همزيه و يروح الصداع .. جلست عند راسي وبدت تهمزه .. ما حسيت بنفسي ألا و أنا .... ×× ×× خوله .. سمعته يناديني و أنا بالحمام .. الله يكرمكم .. ما حبيت أطنشه يمكن انه يبيني أسوي له شي .. ارتبكت لما قال لي أهمز رأسه .. حاولت أروح لكن محاولتي فشلت .. حطيت يديني بشعره الناعم .. بدية أدلك رأسه .. شفته نائم بسلام .. جيت بروح لكن .. شفته يفز أول ما سمع صوت الجوال .. ×× ×× فتحت عيوني بسرعة .. دورت على الجوال .. أخذته من الطاولة .. جوا ببالي خفت أنهم صاير لهم شي .. بدون لا أشوف الرقم .. رديت بخوف ../ هلا .. جاني صوتها القلق ../ هلا متعب وينك فيه .. بخوف من نبرتها ../ بالفندق .. صاير شي لكم ؟؟. خزنه ../ ما في شي بس حبيت تطمئن عليكم .. سكرت الجوال .. أنسدحت وغمضت عيوني .. أمرها عجيب مره تحبني و مره تكرهني والله صرت ما افهمها .. بعد ما توفوا خواتي الله يرحمهم .. صايره تخاف على الكل من السيارة .. ×× ×× قمت عنه .. جاني صوته ../ رتبي أغراضك بروح البيت .. ../ طيب .. دخلت للغرفة .. وربي قهر ما جلسنا شي ولا حسيت أني متزوجة .. مثل البنات .. لا طلعت ولا رحت مكان .. اففف يا الزواج .. رتبت أغراضي اللي ما طلعوا من الشنطة .. آآه دايم فرحتي يتيمة .. قالوا بتتزوجين و بتشوفين السعادة لكن هه السعادة وين و أنا وين .. رتبت أغراضه .. جلست أناظر يدي .. البهاق كثــير فيها .. جاني بـ ثالث ثنوي فجاءه .. وتركت الدراسة .. رحت للمستشفيات لكن بدون فائدة .. ../ خلصتي .. رفعت ناظري له ../ أية .. التفت متوجه للباب .. / أجل يالله .. .. لبست عباتي و مشيت وره .. ركبنا السيارة .. الهدوء يضج بالسيارة .. ما كلمته و لا هو كلمني بكلمة.. ×× ×× متعب .. وقفت على مول بطريقي .. بدون لا أناظرها ../ انزلي .. ما حبيت اكسر خاطرها .. ما مشيتها ولا وديتها مطعم واليوم صباحيتها .. نزلنا .. دخلنا الـ مول .. لفت انتباهي شي فيها .. اسود × اسود .. كلها ما يبين شي فيها ألا .... مسكت زندها بغضب نظرتها ../ غطي عيونك .. و متكحله بعد .. ×× ×× خوله .. استغربت نزولنا بـ مول بس ما علقت .. هـ الإنسان غريب .. ما حسيت ألا وهو يمسك زندي .. بحلقت عيوني فيه .. تكلم بين أسنانه ../ ما تسمعين .. نزلت غطوتي على عيوني .. و أنا ناسيه أمرها .. سمعته يتمتم ../ شي تغطينه وشي لا .. تغطين عيبك عن الناس .. و الزين مبينته .. بغصة بقلبي ../ رجاءً لا تغلط .. نسيت انزل الغطوا .. شي بقلبي فرح و لو أنها فرحه يتيمة و مو وقتها .. مدحني و بنفس اللحظة ذمني .. الحزن طغى على ملامحي .. .. بصوت شبه هامس .. يتبعه كلمات جارحة .. ../ كان نسيتي تلبسين قفازات .. .. كرهت كلامه القاسي لي وحنا تونا ما صار لنا مع بعض يومين وهذا كلامه .. الله يستر من اللي جاي .. سحبني من يدي .. مشاني و كأني رجل آلي بدون شعور مني هو يتحكم فيني .. نسيت والله نسيت أغطيها .. بس هو مو راضي يفهم .. .. ما حطيت الكحل بعيوني وش أسوي أذا الكحل من ربي .. أصلن من زين النفسيه عشان اتكشخ له .. دخلنا محل .. .. متعب .. نار شبت بصدر .. عيونها فتنه ما شاء الله .. ناظرت الرجاجيل .. يناظرونها ولا كأني موجود .. سحبتها عن عيونهم .. هـ البنت ملكي ولا اسمح لأي احد يناظرها .. أشرت بـ أصبعي السبابة على الملابس ../ شوفي لك شي يعجبك .. .. عيوني مليانة دموع ما أني شايفة شي .. ولا طايقه هـ السوق بكبره .. .. ما سمعت منها جواب .. ../ بسرعة يالله ترى اكره ما عندي هـ الأسواق .. .. حتى بالكلام ما يعرف يجامل .. و ينافخ عليّ بعد .. سد نفس عن السوق .. ../ ما أبي شي ربي يعطيك الله عافيه .. .. افففف الكلام معها ضايع .. خل ينفعها عنادها .. دورت بين الملابس شي حلو .. شفت فستان .. قصير مورد بألوان مختلفة .. اخترت مقاس سمول .. هي جلد على لحم .. و أظن هذا مقاسها .. حاسبت وهي وري مثل ظلي .. بدون لا أسالها عن رأيها فيه .. .. مشينا للسيارة .. أظن أن اللي بالكيس لبنت أخته .. لان على كلام مرت أبوي .. هو ما عنده خوأت كلهم متوفيات الله يرحمهم .. .. ×× ×× دانه .. سكرت الجوال .. الله يعيني عليه .. لبست عباتي .. و وداعة جدتي و الجوري .. طلعت .. ../ السلام .. التفت يمي مبتسم ../ وعليكم السلام.. كيف كان يومك ؟! باسني من فوق النقاب .. حرك السيارة .. همس بـ أذني .. ../ اشتقت لك .. ببرود ../ تسلم .. ناظرت ساعة السيارة .. خمس ونص .. بعد سبع ساعات ينقلب وحش .. تاففت من ريحة الزقاير .. ../ صلاح افتح الشباك انكتمت .. نفث الدخان على وجهي .. صديت بقرف و قحيت ../ الله يقرفك .. استنشق ريحة الدخان ببرود ../ بالعكس الريحه تجيب العافيه .. ../ افتح الشباك .. فتحها بعد اصرار مني .. خفت على جنيني لا يصبه شي من الريحه .. نزلنا للشقة .. أنصدمت من الشقة .. محيوسه فوق تحت ../ صلاح حرام عليك .. الحين كيف أرتبها لوحدي .. نزلت عباتي .. كلها يومين اللي تركتك فيها .. صلاح ../ ارتب معك ولا يهمك .. عقدة حواجبي ../ لا الله يخليك ما أبي مساعدتك .. لو ساعدني يحوس ما يرتب .. رحت أبدل و لبست بجامه .. وبدية أنظف .. تحت نظراته .. .. صلاح .. ضميتها من ظهرها بشوق و وله ../ كبر بطنك .. .. ما أني متحملته ../ ابعد ما تشوفني أنظف .. .. أبعدت بانصياع لأمرها .. جلست و أنا أتابع خطواتها .. لنا سنه متزوجين .. هي بنت عمي .. ما صار بيننا قصة حب ولا غرام .. عايش بالديرة وهي بالدمام ولا قد شفتها .. ما كانوا يجون لديره كثير .. عشان كذا ما اذكرها وهي صغيره .. اشتغلت بالدمام بعد ما كنت موظف بمنطقه قريبه عند ديرتي .. موظف حكومي .. أمي شافتها و خطبتها لي بدون علمي .. بس عشاني عايش لحالي وافقت .. ما كملت ألا المتوسطة و بعد بالدف طلعت منها اكره ما عندي المدرسة .. تقهرني لما تبعد عني و أنا مشتاق لها .. البلا لو انه وحام كان هانت لكن هي تحسسني أنها ما تبي قربي .. ×× ×× فياض .. سحبت شنطتي .. البيت هادي لكن سيارة الوالد موجوده .. كان ودي أجي أمس لكن مالقيت حجز ألا اليوم .. زواج خوله وما حضرته .. سمعت صوت بكاء جاي من غرفة أبوي .. و أنا مستغرب خوله و عند زوجها و هالصوت صوت بكي بنت .. فتحت الباب و أنا ادعي أن اللي ببالي ما أشوفه .. شفت شي شلني من الحركة .. انقطع الأكسجين من حولي .. دقات قلبي تضرب بقوه و قسوة .. بلعت ريقي الجاف .. .. .......... سبحان الله وبحمده سبحان الله العظيم .. استغفر الله .. سبحان الله .. الله اكبر .. لا اله ألا الله محمد رسول الله .. انتهى البارت لا تحرموني توقعاتكم .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم .. البارتات كل يوم اثنين .. قراءه ممتعه .. البارت الثالث .. صلاح .. دورت على المفتاح بمداليت المفاتيح اللي معي لكن ماحصلته .. التفت لها ../ دانه شفتي مفتاح الدولاب .. مندمجه تتابع الـ تي في .. حاطه البوب كورن بحضنها .. هزت راسها بـ لا .. قمت ادور بجيوب ثوبي .. مستغرب وين راح .. دايم يكون بالمداليه مع الفاتيح .. وما ضاع الا هو .. دورت تحت الخداديات .. لاحظت ابتسامتها لي .. شكيت انها هي اللي ماخذته .. مسكتها من يدها بقوه ../ وين المفتاح .. .. دانه .. ابتسمت على شكله حايس الدنيا عشان شي ما يسوا .. بحلقت عيوني عليه ..قلت ببراءه ../ مدري عنه .. لا تتبل عليَ .. .. تركتها .. مسكت راسي الوجع ذابحني .. مايداوي هالوجع الا اللي بالدولاب .. دخلت المطبخ .. حاولت اكسر الدولاب .. كسرته بعد عدت محاولات .. اخذت قاروره و اخذت ثلج .. جلست مقابلها .. .. ناظرته بقهر قلت بتهديد ../ يا ويلك ان جيت عندي .. اكفني من شرك .. .. صبيت كوب مديته لها باغاضه ../ جربي طعمه .. و ما راح تندمين .. .. شقهت من كلامه انسانه مريض و غبي ../ احترم حالك .. لا تتعد حدودك .. رحت للغرفه ادور فيها الامان قبل لا يمسكني .. .. صلاح .. شربت كم كاس احاول اتهرب من افكاري اللي جابت لي الصداااع .. ../ آآآآه ليتي ارتاح و اريح .. .. قمت متوجه لها .. جالسه على السرير و ضامه رجولها و دافنه وجهها بين يديها .. بضعف ../ دانه .. .. رفعت راسي له .. كرهت طاري اسمي على لسانه وهو بهالحاله .. ليتني اقدر اهرب من حياته اللي كلها جحيم بـ جحيم .. لكن الباب مقفله بالمفتاح ولا اقدر اطلع .. .. حطيت راسي على المخده ../ تعبان تعبان يا دانه .. .. ماهتميت لكلامه ../ اطلع برتاااح .. حطيت يدي على بطني بخوف انه يجيه شي .. .. حز بخاطري انها ما تبيني ../ لا تقسين عليَ مثلهم .. .. وقفت ابتعد عنه ../ عدل نفسك ثم اصير معك طيبه .. .. مسكتها من يدها امنعها تطلع .. همست لها بوجع ../ يمكن ايامي معدوده .. يبون حقهم مني .. بياخذون بـ ثارهم .. .. ماني فاهمه شي من كلامه .. قاعد يلخبط فوق راسي .. طلعت ما اهتميت لكلامه .. مو بعقله ولا هو عارف وش يقول .. ×× ×× فياض .. قربت اشوفها .. نظارتي مو معي و يمكن اني اتوهم .. لكن الصوت !! .. بعدت عني بسرعه .. مسكتها من يدها ../ وش تسوين هنا ؟؟ حسيت برجفتها بين يدي .. خذتها معي لسيارتي .. ابعدها عن ابوي .. قبل لا يصير شي ما هو بالحسبان .. وقفت بمكان شبه خالي .. التفيت لها ../ ميييين انتي تكلمي ..؟؟؟ لاصقه جسمها على الباب ../ ودني لبيتنا .. هزيتها من يدها ../ تكلمي ؟؟ ماسمعت الا بكيها .. انهبلت من وين ابوي جايبها .. ../ وين بيتكم ؟؟ .. برعب و خوف .. وش يبي فيني ..؟؟ .. مسكت عروة الباب لكن ما انفتح مسكره بقفل اطفال .. وش ناوي عليه ؟؟!.. .. بغضب ../ لا تحاولين تطلعين لانك راح تتعبين .. وش جابك لبيتنا ؟؟.. .. بخوف ../ رجال شايب خذاني معه .. .. ابوي خذها .. رجع لحركاته ما تاب يبي يفضحنا بين الله و خلقه .. لو رجعتها لبيتها راح تفضح ابوي وتصير سمعتنا بين الناس .. حركت السياره .. ×× ×× متعب .. دخلنا البيت وهي ولا كانها معي .. ما كلمتها ولا اهتميت لوجودها .. دخلت الصاله وهي وراي .. سلمت على امي .. وبعدي خوله .. خزنه باستغراب ../ جايين بدري .. ../ تعرفيني محب انام بعيد عنكم .. جات جوري بحضني .. سالت امي مستغراب .. وين دانه .. خزنه ../ راحت لـ بيتها .. كل ثانيه اسرق النظر لها اشوفها وش تسوي .. فاتحه فمها وتناظر الصاله .. ضحكت على شكلها .. .. خوله .. صالتهم فخمه و تلفت الانتباه بفخامتها .. التفت له مستغربه من صوت ضحكته .. ناظرته .. مافي شي يضحك .. .. متعب .. ../ وين مفهيه وربي شكلك تحفه .. اول مره تشوفين صاله .؟؟ .. خوله .. احراج .. حسبي ربي عليه احرجني .. حمر وجهي من الفشيله .. ناظرت خالته تناظرني .. نزلت عيوني متفشله و مقهوره منه .. آه منه ماراح يخليني لوحدي .. متعب مد الفنجال لي ../ قومي صبي لي .. عطيته نظره و قمت .. مسكت دلة القهوه .. توجهت له وعيوني ما طاحت من عيونه .. صبيت له .. مليت الفنجال لين اخره .. .. جلست الجوري جنبي .. نظراتها قهرتني .. مسوي فيها القويه .. حسيت بشي حار على يدي .. انفلت الفنجال بدون قصد مني .. نفضت يدي اللي حمرت من حرارت القهوه .. .. ابعدت عنه خطوتين .. ببرود ../ سوري .. خالتي ../ انتبهي مره ثانيه .. .. متعب .. عقدت حواجبي و بغضب ../ سوري هااه .. اذلفي جيبي لي مرهم .. نفخت على يدي اخفف الالم .. .. خوله .. قمت والابتسامه شاقه وجههي .. / تعالي يا حلوه .. مديت يدي لـ البنت الصغيره .. جات معي .. توجهت للمطبخ .. .. متعب .. قهرتني ابتسامتها .. اكيد انها متعمده .. ../ عن اذنك يمه .. قمت متوجه لها .. و الشر بعيوني .. ×× ×× فياض .. وقفت السياره .. لبست نظارتي الطبيه .. بغضب ../ انزلي وانتي ساكته .. .. التفت اشوف المكان .. المكان ماني عارفته و لا باي حي .. ../ بروح لبيتنا الله يخليك لا تسوي لي شي .. سحبني بقوه و دخلني العماره .. عارضته لكن بدون فائده .. ضربته لكن هو اقوى مني ولا افلتني .. دخلني للشقه .. انجنيت وش يبي يسوي فيني .. مسكت الابجوره بتهديد ../ ان قربت عندي والله لا اقتلك .. سحبت من يدها الابجوره .. ارجعت على وراه .. لحظت لون عيونها بني فاتح .. اعرف هالعيون مو غريبه عليَ .. رفعت نقابها بتاكد من اللي ببالي ..صرخت وانا ادقق بوجهها .. ../ وعــــود ؟!!. ×× ×× صلاح .. سويت كوب شاي لي .. نايمه ماحبيت اصحيها وازعجها بطلباتي .. ناظرتها واقفه قدام باب المطبخ .. ببجامتها الناعمه .. شعرها على وجهها .. تتثاوب بنعاس .. ../ صباح الخير ياكيس النوم .. .. دانه .. صحيت و انا اسمع حوسه بالمطبخ .. رفعت شعري عن وجههي .. ببرود ووجهي مايتفسر ../ ثواني و الفطور جاهز .. حط بكوبه ملعقة سكر ../ مابي شي راح اتاخر على الدوام .. باسني على خدي .. .. صلاح .. طلعت مفتاح الباب ../ انتبهي لنفسك .. ان دقيت عليك ردي .. هزت راسها بالاجابه .. طلعت و سكرت الباب بالمفتاح قفلتين لو فيه ثالثه كان قفلته .. .. دانه .. ماشوف الدرب من النوم .. هالمشهد دايم يتكرر مدري لييه كل هالخوف و الحذر .. حطيت راسي على المخده .. ونمت بعمق .. .. ×× ×× خوله .. اخذت الكريم حق الحروق من الشغاله .. مد يده لي المحمره .. يده كبيره مقارنه بيدي الصغيره .. حطيت له الكريم .. .. نظرتها بغضب ../ ان عدتيها ماراح يصير لك خييير .. قلت اقهرها .. والا تبيني اصير مثلك مشوه .. .. خوله .. مالت عليه مغرور على وش من زين حلايا هالوجهه .. قلت اردها له .. البادي اظلم.. ناظرته من فوق لتحت .. / عدال يالمغرور مدري على وش !؟ .. يا ولد الخدامه .. ببرود .. من طق الباب سمع الجواب .. .. جن اجنوني كل ولا احد يطري لي هالسالفه .. قربت عندها بعصبيه و غضب .. تكلمت بين اسناني وانا امسك ذراعها لاحظت انها ألتمت على حالها جبانه بس لسانهاااا يبي له قص .. قلت بغضب ../ ترحمي على حالك .. .. لا اله الا الله محمد رسول الله .. لا حول ولا قوة الا بالله العلي العظيم .. سبحان الله وبحمده سبحان الله العظيم .. سبحان الله .. الله اكبر .. الحمدلله .. استغفر الله واتوب اليه .. انتهى البارت توقعاتكم تهمني لا تحرموني منها .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم ورحمة الله وبركاته ..
قراءه ممتعه .. البارت الرابع .. فياض 27 سنه .. ../ وعــــود ؟!!. رفعت راسها من اسمعت كلامي .. قلت اتاكد ../ اسمك وعود ؟!.. .. نظرته بخوف .. رجعت النقاب على و جههي .. وش عرفه باسمي .. .. قلت بصراخ وانا اشد على يدها ../ تكــــلـمـي .. .. ارتجفت من شدة الرجفه لساني ثقل ما قدرت انطق .. هزيت راسي له بسرعه بالايجابه .. .. تصلبت بمكاني .. طلعت وعود .. مسكت راسي من هول الصدمه .. مسكتها من اكتافها ../ وش جايبك بيتناا هااااه .. .. مين يطلع هالانسان ؟؟.. دموعي ماوقفت ../ قلت لك الرجال خذاني .. .. ../ رجال امك وينه عنك ؟؟.. .. وعود 23 سنه .. عيونه حمره من الغضب .. ترك يدي .. وش عرفه فيني و برجال امي ؟؟ .. ركضت للغرفه .. جيت بسكر الباب لكن هو اسرع مني .. .. ×× ×× صلاح 29 سنه .. دقيت عليها لكن ماردت .. ذبحني الشك لييييه ماترد وش عندها ؟؟ .. رجعت ادق .. جاني صوتها النعسان .. ../ هلا .. بغبن ../ وينك عن الجــوال .. دانه ../ نايمه .. بغيت شي .. سكرت بوجهها قبل لا انفجر عليها .. عارف نفسي ماراح امسك لساني عن سبها .. حطيت راسي على الطاوله .. لين متى بضل اوسوس .. ذبحني الشك .. رفعت راسي ../ رحمتك ياكريم .. .. دانه 24 سنه .. صحيت على صوت الجوال .. طار عن النوم .. متعجرف انسان بلا اخلاق .. مايراعي مشاعري همه نــفــسـه .. رحت للحمام .. الله يكرمكم .. وبعدها دخلت المطبخ اجهز له الغداء .. ×× ×× متعب 29 سنه .. قربت عندها بعصبيه و غضب .. تكلمت بين اسناني وانا امسك ذراعها لاحظت انها اتالمت على حالها جبانه بس لسانهاااا يبي له قص .. قلت بقهر ../ ترحمي على حالك .. طاح العكاز .. مسكتها بيدي الثنتين باحكام من اكتافها .. ../ قد الكلام اللي قلتيه ؟!. ابعدت جسمها عني .. قربت عندها .. التصقت على الجدار .. العرق صب منها .. وجهها حمر من الخوف .. خوله ترتجف بين يدي ../ لا تحاول تمد يدك .. .. خوله 25 سنه .. الشغاله طلعت ومعها الجوري .. مصطنعه القوه .. و الرجفه افضحتني بين يديه .. بلعت ريقي ../ متعب لا تتتماد معي .. ضغط على اكتافي اكثر .. بصمت بالعشر انها راح تنقطع بين يديه من الالم اللي جاني .. صرخت بالم ../ آآآآآي .. ../ متعب اترك البنت .. ×× ×× لحقتها قبل لا تسكر الباب .. لمت عباتها على جسمها الضعيف تستر نفسها عني .. بصوت مبحوح من البكي ../ حراااام عليك انت ما عندك خواتك .. ارحم ضعفي .. والله انا مخطوبه .. و زواج قريب .. خاف من ربك .. زووج امي حسبي ربي عليه خلاني اروح مع الشايب غصب عني .. بكل كلمه تقولها سكين حاده تطعن صدري فيها .. قلت بصوت غاضب ../ ليه ما منعتيه .. ليكون مسكك ؟؟.. خايف من جوابها .. جاني صوتها الصادق ../ لا والله .. الله يخليك ارحمني و دني لبيتنا .. لفيت جسمي عنها متفشل منها لو تعرفني من ابوي ../ لا تخافين مني .. امشي بوديك بيتكم .. طلعت من الشقه .. .. وعود .. اخذت من المطبخ سكين ادافع عن نفسي منه .. خايفه يسوي لي شي .. .. وصلتها بيت جدتها مثل ما تبي .. بدون لا اقول لها شي ولا جاء لساني على لسانها .. اول ماشفتها دخلت حركت السياره .. .. ×× ×× صلاح .. جالسه عند طاولة الاكل .. بستها من خدها الاحمر .. جلست جنبها ../ كيف حالك ؟ دانه وهي مكشره وبدون نفس ../ الحمدلله .. رفعت كم ثوبي بابداء اكل ../ شكله اقشر هاللي ببطنك .. رفعت راسها لي .. وضحت لها ../ دايم مكشره و لا لك خلق لناس .. .. دانه .. على كيفه وين شفت الناس عشان مايكون لي خلق لهم .. الا مالي خلق له .. مديت له الملعقه ../ تفضل .. صلاح ../ مابيها اكل بيدي احسن .. مد يده لي كلها رز و لبن .. لاعت كبدي من طريقة اكله .. ياكل بيديه الثنتين يد يقطع فيها الدجاجه ويد ياكل فيها .. خوص النعمه لبن على سلطه على مرق كلها مع الرز بوقت واحد .. قمت وانا ساده فمي بيدي رحت للمغسله .. استفرغت .. الله يكرمكم .. بعد ماهديت طلعت له .. صلاح ناظرني ../ مو قلت لك اقشر .. لفيت عنه متوجه للمطبخ .. مسكني بيده اليمين .. تلطخت يدي باكله .. بقهر من حركته ../ صلاااح ابعد .. صلاح ببرود ../ وين رايحه .. الاكل مايحلى الا معك .. جلست مغلوب على امري .. وانا امسح يدي بالمنديل .. رجع ياكل بيده اليمين بدون لا ينظفها .. حاولت اني ما انظره .. .. قلت و بفمي الاكل ../ ابوك دق عليّ يسال عنك .. ناظرتني ../ طمئنته عليك وبكره بيجي .. رفعت حاجبي .. بيجي بدون لا احد يعزمه .. بس يالله عشانك ماشفتيه من مد خليته يجي .. .. دانه .. سكت مالي خلق اتجادل معه بالكلام .. ممنوع ابوك يجيك الا بالشهر مره .. و جارات مافيه تتعرفين عليهم .. و جدتك لحن قلبي عليك و ديتك لها .. هذا كان كلامه اول زواجنا .. عارضت و زعلت لكن بدون فائده .. ببرود ../ لا والله كثر الله خيرك يالحنون .. ../ كانه مو عاجبك كلامي !؟.. بقهر مكتوم و استهزاء ../ لا افا عليك كلامك اوامر .. قام يغسل .. شلت الاكل للمطبخ .. .. صلاح .. ما اطيق ابوها انسان شايف نفسه على الفاضي .. جلست على كنبه منفرده .. .. دانه .. جلست بعيد عنه .. تاملته .. طويل عريض .. له سكسوكه .. اسمر عيونه وساع لونها اسود .. شعره قصير لونه اسود .. له غميزات .. مملوح .. دايم وحيد ماعنده اخوياه لا برى الدوام ولا داخله .. نفسه بخشمه ولا احد يحبه .. متعب مايحبه و لا جدتي لا يحترم لا كبير و لا صغير .. مايطلع كثيير من البيت لادوامه ومن الدوام للبيت .. .. عايشه بسجن ممنوع عليّ كل شي الا اللي هو يبيه .. .. ×× ×× متعب .. تركتها استجابه لامي همست لها بعصبيه ../ الوعد فوق .. ماحبيت امي تعرف وش اللي صار بيننا .. ../ اطلعي فوق .. .. خوله .. قربت عند خالتي .. دمعت عيوني بحبث .. ضميتها ودموعي تنزل ../ آآآه يا خاله .. خزنه بتاثر ../ حسبي الله عليك .. تبكي البنت وهي توها عروس .. مسحت على شعري بحنان .. رفعت راسي لها ../ ضربني يمه وانا ماسويت له شي ... قلت لها يمه عشان تحن عليّ .. .. متعب .. بغضب .. سحبتها جهتي ../ اكسري الشر يابنت الناس وانقلعي لغرفتك .. الدموع ماليه وجهها .. وشعرها مبهذل ومتناثر حولها .. .. خوله .. شفت الشر بعيونه .. خفت اني اموت بين يديه .. بتمثيل وخوف ../ يمه الحقيني .. سحبتني خالتي من يديه .. طلعتني من المطبخ .. تناظرني بشفقه و خوف .. ضمتني لصدرها بخوف ../ عساه ما اوجعك .. بخبث زاد بكاي .. رفعت راسي لها .. وانا اشوفه جاينا ../ الا يمه .. .. متعب .. سحبتها من يدها هزيتها بقوه.. مصختها مره ../ وش ناويه عليه الليله ؟؟.. .. خوله .. حالف اليوم يقطع يدي .. ضربته من صدره والوجع ذابحني .. نزلت عيوني .. عيونه تخوف حمره وفاتحها بوسعها .. خالته خزنه ../ اتركها .. تركني .. طلعت .. الحمدلله خالته جات بالوقت المناسب والا وش يفكني من غضبه عليّ .. ماقلت الا اللي قلته الا من حر مافي قلبي .. يقط عليّ كلام مثل السم و يبيني اسكت .. فتحت باب جناح .. شفت فيه اشناطنا .. دخلته وسكرت الباب .. .. متعب .. ضربت الباب لين ارتطم بالجدار .. طلعت من البيت بكبره .. وش حدها تدافع عن الزفته خوله .. لحد الحين تكرهني ولا هي معتبرتني ولدها .. ركبت سيارتي قبل لا اتهور و اطلع لها و اذبحها بين يدي .. .. ×× ×× قبل تسعه و عشرين سنه .. جالسه عند ارجوله ..بترجي وقهر ../ طلقها تكفى مستعده ازوجك شيخة البنات والله اخطبها لك بكره .. دزها عنه بكره ../ ماتزوجتها عشان اطلقها .. وابشرك هي حامل .. تلطم خدودها وبنتها جنبها و الرضيعه تبكي و كانها حاسه بامها .. حولها تبكي بقهر وحرقه بصدرها ../ ياشماتت العذال فيك يا خزنه .. آآآآه هذا جزاتي صبرت عليك سنين واخرها تتزوج عليّ خدامه .. هانت عليك العشره .. طلع تاركها تندب حظها .. .. بعد تسع شهور .. توفت امه بعد ما اولادته .. حط الطفل بين يديها ببرود قال ../ اهتمي فيه واعتبريه ولدك .. رضعيه مع نوره .. ناظرته بقهر .. حطت الطفل على الارض بقلب قاسي ../ ولد الخدامه ماني مستعده اربيه .. بعصبه ../ ان مارضعتيه اعتبري نفسك طالق بالثلاث .. جرحها بكلامه .. يطلقها عشان ولد الخدامه .. غضبن عليها رضعته خايفه من الطلاق والناس ما ترحم .. .... .... بعدها ب سنتين .. بالمستشفى .. ابو متعب ../ وصيتي لك متعب حطيه بعيونك .. سند لك يا خزنه و لبناتي هالولد من بعد عيني .. لا اوصيك عليه .. وعلى بناتك اهتمي فيهم .. خزنه و الدموع بعيونها ../ ان شاءالله ان شاءالله .. هم بعيوني .. الله يطول بعمرك و يخليك لنا .. بعدها باسبوعين توفى الله يرحمه .. ×× ×× مسكتها من شعرها البني الطويل .. ../ مع مين جايه يا مسودة الوجه .. فضحتينا حسبي الله عليك .. .. انتهى البارت .. توقعاتكم تهمني .. موعد البارت الخامس يوم الثلاثاء ان شاء الله .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته .. البارتات يوم الجمعه و الثلاثاء .. اليوم البارت طويل واتمنى انكم ما تحرموني من توقعاتكم .. قراهء ممتعه .. البارت الخامس .. الساعه عشر بالليل .. ابعدت عنه .. دخلت الحمام اتروش .. ياليت يكون على طول حنون معي .. لكن البلا لسانه و شخصيته اللي ترفع الضغظ .. الحمدلله جاء ابوي ولا تمشكل مع صلاح والا وش يفكني من الجدال اللي يصير بينهم .. نشفت شعري بالفوطه .. دخل بعدي للحمام .. خليت شعري مفتوح بطوله يجف .. اخذت لي لحاف خفيف اتدفه فيه من برد التكيف .. طلعت للصاله جلست قدام الـ tv .. حط يده على بطني ../ كيف البيبي معك .. بنغزه ../ متعبني مثل ما انت متعبني .. صلاح ../ افا يا ذا العلم .. بستنكار .. متعبك ؟؟ اطلب أي شي تبين اراضيك فيه .. ابتسمت استغليت الفرصه ../ ابي السوق و ابي احضر العزيمه حقت حرمة خالي متعب .. صلاح ../ ابشر جاك اللي طلبتيه .. ماني مصدق ../ من جدك .. صلاح بجديه ../ ايوه .. بكره العصر بخذك للسوق .. بفرح بست خده ../ تسلم .. .. صلاح .. فرحت لفرحها .. لها اكثر من شهر ما طلبتني اوديها مكان .. ولما طلبتني ما حبيت اردها و اكسحها .. ×× ×× مسكتها من شعرها البني الطويل .. ../ مع مين جايه يا مسودة الوجه .. فضحتينا حسبي الله عليك .. .. اوجعتني من شدها لشعري ../ جده تكفين اتركي شعري .. جدتي بعصبيه ../ عمك يقول انك رايحه مع واحدن تعرفينه .. الله ياخذك دامنك فضحتينا .. دزتني على الجدار بكل قوتها .. رفعت راسي .. مسكت خشمي نزف دم .. جاتني ضربه مو طبيعيه على ظهري بعصاتها .. لفيت لها و دموعي تنزل ../ آآآآي .. بقهر و غبن ../ الله يالـ... كذاب طلعت من البيت لبيتك .. عساه يشوفها باعز الناس له .. مسكت يدها .. كيف تشكين فيني وانتي اللي مربيتني ..؟؟ جدتي بعصبيه ../ وين كنتي اجل لك ساعه برى البيت ؟؟. وخرت يدي عنها .. مسحت دموعي .. بكذبه ../ كنت بالبيت وش يطلعني منه ؟؟ .. لكن هو ما شافني وامي طالعه للزواج .. قلت له يوديني لكنه رفض و جيتك بتكسي .. جدتي بحنيه عليّ ../ حسبي الله عليه شيشني عليك .. ضمتني لها بحنان .. تحسبت عليه من اعماق قلبي .. ×× ×× خوله .. رتبت اغراضي و اغراضه .. طفشانه حدي .. نزلت تحت بعد ما تاكدت ان سيارته مو فيه .. سالت الشغاله عن خالتي وقالت انها نايمه .. طلعت لجناحي .. شدني من يدي .. لفيت اشوف مين اللي وقفني .. سحبني لجهته .. قرب وجهه لوجهي .. وجهه مسود .. تحت عيونه هالات سوداء .. معقد حواجبه ومكشر وجهه .. بلعت ريقي الجاف .. .. متعب .. مرهق و تعبان .. حاط شماغي على كتفي و مشمر اكمام ثوبي .. بصوت مرهق ../ الا امي يا خوله .. لا تدخلينا بيننا و الا بيكون لي تصرف ثاني معك .. ناظرتني .. تركت يدها .. لفيت عنها قبل لا يصير شي مو من صالحها .. صوتها الشبه متردد ../ لا تظن ان ضعيفه .. تراني عن عشر رجاجيل عطيها ظهري باستهزاء ../ واضحه القوه .. وقفت قدامي حطت يدها على خصرها ../ وش قصدك ؟؟ سحبت يدها من خصرها استفزتني حركتها .. حطيت يدي على فمها قربت منها بوحشيه ../ اسكتي لا تطلعيني من طوري .. تراني ماسك اعصابي عنك .. .. خوله .. احترق جسمي من قربه .. انفاسه حاره .. انقطع الاكسجين عني ما قدرت اتنفس .. بردت اطرافي وتجمدت عن الحركه .. ../ الا امي خط احمر بحياتي و لا احبك تتعدينه .. تركني و نزل تحت .. تنهدت برتياح .. هويت على وجهي المحمر .. .. متعب .. عدت لها كلامي يمكن انها تفهم و تطيعني .. فتحت الباب بهدواء .. نايمه و جنبها الجوري .. جلست على الكرسي اللي عند سريرها .. ناظرت ساعتي الجلد البنيه .. الساعه 2ونص .. هذا وقت قومتها لصلاة الليل .. ارفعت عنها الحاف ../ متعب !! رفعت راسي لها ../ يمه .. نزلت راسي .. قربت عندها .. زعلانه عليّ ؟؟.. مابيك تنامين وانتي زعلانه مني .. خزنه ../ ماني زعلانه .. حبيت يدها و راسها ../ مارضى عليك يالغاليه .. ولا ابيك تتتكدرين عشاني .. ابتسمت لي براضى ../ الله يرضى عليك .. ×× ×× صلاح .. مسكت يدها السوداء .. كلها سوداء مايوضح شي منها .. مسكت الاكياس عنها .. طلعنا قبل لا يكثرون الناس بالسوق .. .. دانه .. الحمدلله خلاني اشتري كل شي على ذوقي ولا علق بالاغراض اللي شريتها .. .. صلاح .. جاني اتصال من الوالد ../ هلا يبه شلونك ؟... ../ علامك معصب ؟؟ دقات قلبي زادت .. وش يبي منك محمد ؟؟.. لاحول كم مره قلت لك ما سويت له شي .. سكت اسمعه .. يبه لا تعطيه رقمي .. بتصريفه .. خلاااص بكلمه .. فمان الله .. مشيت مسرع للبيت .. وصل لابوي التـ... .. اشوه انه ما قاله عن السالفه .. .. دانه .. وش قاله عمي عشان يقلبه كذا .. الله يستر من تغيره المفاجاء .. دخلنا الشقه .. مسك يدي ../ لا تصدقين أي احد يلعب بعقلك ويقولك شي عني .. لفيت له وانا ما طلعت عباتي بشك ../ ليه مسوي شي ؟؟ .. .. صلاح .. جلست قلت كلام غير مقنع ../ الله مكثر الحساد اللي يحبون يفرقون بين الاحباب .. .. دانه .. احباب !! شكله غلطان أي محبه بيننا .. هذي اللي يتكلم عنها .. .. صلاح .. ماني عارف كيف اوصل لها اللي يدور ببالي بدون لا اوضح لها أي شي عن الخطر اللي يداهمني .. ../ انتي نفذي وبس .. .. دانه .. هزيت راسي له .. قمت اطلع عباتي .. كلامه مو مفهوم ولا هو راضي يفهمني .. خليته على راحته مصيره يفضفض لي .. وانا بطبعي ماني فضوليه .. ×× ×× فياض .. ../ يبه وش اللي حدك على بنات الناس لين متى وانت بهالحاله .. قلت اصحيه من غفوته .. عندك بنت خاف عليها لا يجيها شي .. مقدر اصرخ ولا اعصب عليه هذا ابوي الغالي .. لكن هو حطمني مالقى الا .... مسكت يده ../ يبه هذا ديّن مو لعبه .. كانك ودك بالعرس بخطب لك .. ابوي وجهه اسود من كلامي له .. بندم وحسره .. حط راسه بين كفينه ../ مادريت انها .. قال وكانها غصه ببلعومه .. خطيبتك !! .. والا والله ماخذتها ماكنت بوعي .. قلت اخفف عنه والا جمره تغلي بقلبي من اللي صار لكني كاتمها ../ احنا عيال اليوم يالغالي .. ×× ×× خوله .. بعد مرور يومين .. بهاليومين اللي مروا تجنبت التقي بمتعب لوحدنا .. اليوم خالتي خزنه مسويه عزيمه بمناسبة زواجي من متعب .. ناظرت شكلي بالمرايه .. ابتسمت ابتسامة رضى على شكلي .. نزلت وانا اقراء آية الكرسي و المعوذات ارقي نفسي .. ناظرت الحريم .. الحمدلله مو كثير الحريم .. سلمت عليهم .. جلست عند خالتي .. جاتني دانه سولفت معها .. جذبتني بنت بآخر الصاله وشكلها مره مغروره و شايفه نفسها .. سالت دانه عنها .. .. دانه .. ناظرتها ../ هذي رونق .. خوله ../ ما هضمتها شكلها مغروره لما جيت اسلم عليها رفعه خشمها .. باستنكار من كلامها ../ حراام عليك .. وربي عسل .. ارفعت اكتافها ../ هذا اللي شفته .. متزوجه ؟؟.. ناظرت رونق بحزن ../ لا ياحرام مطلقه .. .. خوله .. باستغراب ../ كل هالجمال و مطلقه .. دانه ../ مسحوره سحر تفريق .. اشرت لها تجي .. نزلت يدها ../ ليه ناديتيها .. دانه ../ اقولك البنت تنحط على الجرح يبراء .. جات و وراها ولد صغير و شكله ولدها لانه يشبها .. لبسها عادي جداَ تنوره سوداء و بلوزه نيليه منقطه باسود و فلات اسود الله يكرمكم .. شعرها احمر وشكله محناء .. يلمع و كثييف لين كتفها .. دققت بملامحها لما وصلت عندنا .. عيونها لونها عسلي .. بيضاء بشرتها .. شفايفها مليانه بالون الوردي .. اهدابها كثيفه .. بمعنى الكلمه حلوه .. .. دانه .. جلست بنعومه ../ كيفك وكيف البيبي ؟؟ دانه ../ كويسه .. والبيبي الحمدلله طيب .. مسحت على شعر ناصر ../ بوسني .. قربت خدي لشفايفه .. باسني و تخبا ورا رونق .. رونق ../ نصور عيب انت رجال لا تتخبا .. دفن راسه بحضنها .. ناظرت خوله .. شلونك يا عروس .. خوله برسميه ../ تمام .. كيف حالك ؟؟ رونق ../ الحمدلله .. منتي ناويه تسافرين شهر عسل .. .. خوله .. وين العسل دام اولها تجريح .. بثقه عكس اللي بداخلي .. ../ ان شاء الله .. سولفت مع دانه وانا ارد بالقطاره .. ظلمت البنت من جد مثل ما قالت دانه البنت عسل .. .. دانه .. الشغاله ../ بابا صلاح يبي انتا .. باستغراب قمت معها ../ عن اذنكم .. رحت معها .. واقف قدام باب المطبخ اللي يودي للحوش .. طلعت له .. هلا صلاح .. التفت يمين و يسار ..سحبني معه لداخل المطبخ .. صلاح بغيره ../ ما تستحين طالعه كذا .. ناظرني من فوق لتحت .. بتبرير ../ مافي احد .. صلاح ../ مافي احد !! والسواق وش ؟؟ لو انه مار وشافك ؟؟ .. البسي عبايتك يالله .. ../ تو الناس .. قلت لي اجلس لين العزيمه تخلص .. صلاح ../ آسف اسحب كلامي .. يبي الزله عليّ عشان ينكد عليّ و شكلها هذي هوايته .. بدون لا اعارضه .. وخرت عنه .. لاني لو عارضت بيسوي مشكله واللي ما يدري يدري .. .. صلاح .. ابتسمت وانا اشوفها رايحه .. عجبني شكلها و لبسها .. جمره حار تكوي قلبي لو انه شافها احد .. والله لا اذبحه بيدي الثنتين .. حلالي ولا احب احد يشاركني فيه .. ×× ×× الساعه الحادية عشر فالليل .. رونق .. ../ عطي اخوك لابارك الله فيك من بنت .. بقهر ../ مابقى لي شي من الضمان .. قبل امس عطيته .. ابوي بتهديد ../ عطيه والا والله لا ادق على عساف ياخذك معه .. ارتجفت بخرعه و رعب من طاري اسمه .. ركضت لجوال ابوي بدون وعي .. خذته من على الشاحن .. مديته له ويدي ترتجف وقلبي يدق بقوه ../ دق عليه .. اخوي باحراج و حزن على حالي ../ رونق خلاص مابي شي .. سحبني معه و انا كاني جماد ما تحركت ولا تكلمت دخلني للغرفه .. باسني على راسي .. قال باسف ../ آسف .. بصوت مبحوح يالله طلع مني ../ تبي فلوس ؟؟.. اخوي ../ لا خلاص .. قمت و فتحت شنطتي و مديت له مبلغ .. اخذها بعد ما حلفت عليه وطلع .. طحت على السرير وكاني جثه مافيها روح .. دموعي متحجره مي راضي تنزل و تريحني .. محد راضي يفهم اني محب طاريه وكانهم فيهم صمم ولا يسمعون كلامي .. وش اللي يحده يذكره قدامي .. ليييه يحب يعذبني مو كفايه العذاب اللي انا فيه .. خذت بوكي .. مديته له .. بتعب ../ اخذ الفلوس اللي فيه بس .. جلست عند رجوله .. حركت راسي يمين و يسار .. بحزن .. لا تذكره قدامي .. حطيت البوك بحضنه .. ابوي بنزعاج من حالي ../ يا بنت الحلال اخذي بنتك .. خذتني امي معها لغرفتي .. سدحتني على سريري .. حطت يدها على راسي .. قراءة عليّ .. لين هديت ونمت .. ×× ×× متعب .. دخلت الجناح بعد يوم طويل و تعب .. طفيت النور .. انسدحت على السرير .. شغلت النور .. جلست على كرسي التسريحه .. تطلع اكسسوارتها .. تاملتها .. ناظرتها من المرايه .. سمرا بشرتها لكن السمار الحلو .. بشرتها صافيه لكن فيها بهاق .. خدودها دايم حمرا .. حواجبها مرسومه .. عيونها فيها لمعه ولونها اسود و اهدابها كثيفه مكحله من الله .. سبحان اللي خلقها .. شعرها اسود لنص ظهرها ناعم .. طويله و نحيفه .. .. خوله .. انتبهت له يناظر فيني .. قمت اغير لبسي .. ناظرته وقف قدامي .. تعلقت عيوني بعيونه .. نزلت راسي من نظراته الغريبه .. .. متعب .. حطيت يدي على دقنها .. رفعت راسها لي .. همست لها ../ يا زينك هاديه و مسالمه .. تكونين احلى بكثير .. ناظرتني .. ابتسمت لها بروقان .. .. خوله .. علامات استفهام فوق راسي .. متغير وش عنده ؟؟ .. صاير حنون بزياده ولسانه صاير ينقط عسل .. سكت وانا احتري منه تبرير لتصرفاته .. مسح على شعري .. غمضت عيوني .. ماحبيت ارسم له صوره بداخلي وبعدين اندم .. .. متعب .. بستها على خدها .. لفيت عنها مابي اضعف قدامها و تستغل هالشي لصالحها .. سمعت جوالي يدق ../ هلا .. عقدة حواجبي .. عساف !! .. سكت اسمعه .. الشرطه ليه ؟؟ .. جايك .. بدون لا اكلمها طلعت من الجناح .. .. خوله .. ماسمعت ولا شي من المكالمه .. استغربت طلوعه .. لحقدته لكن ماحصلته .. طلعت لجناحي .. دخلت ابدل ملابسي .. وبالي مشغول فيه .. ×× ×× جاء ومعه كاس !! .. سحبت الكاس منه وكبيته على الارض بقهر منه ../ ان كنت تبي تشرب اطلع من الشقه .. وعندي لا عاد تشرب .. .. صلاح .. بقهر مكتوم ../ كبيتي النعمه .. انتهى البارت .. توقعاتكم تهمني .. دمتوا بحفظ الرحمن .. سبحان الله وبحمده سبحان الله العظيم .. لا حول ولا قوة الا بالله .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم ورحمة الله وبركاته .. لا تلهيكم الروايه عن الصلاوات .. البارت السادس .. متعب .. دخلت مركز الشرطه .. اللي اشتغل فيه .. سالت عن عساف .. توجهت له .. اخذته معي لمكتبي .. جلست على الكرسي .. ../ وش سويت ؟؟ جلس قدامي .. ناظرني ببرود ../ كان معي كيس مخدرات بالغلط بسيارتي .. ناظرته بغضب ../ لا تظن اني بتساهل معك عشانك ولد عمي .. سكت ثم قلت بهدواء .. وين كنت رايح ؟؟.. عساف واقف قدامي ../ لديره بسلم على الوالد و محمد .. .. عساف .. ببرود ../ كم اقضيها سنه على هالكيس .. ناظرته بحبث و غضب مكتوم .. الا بسالك صلاح وين بيته ؟؟ متعب ../ وش تبي بالرجال ؟؟.. بغضب ../ بيننا ديّن .. جلست ببرود .. .. متعب .. بغصب و قرف منه ../ قم وقف .. شكلك تعديت حدودك .. لو لا الشايب و الا و الله لا خليك تعفن بالسجن .. بستغراب ../ ديّن !! وش هو ؟؟ ×× ×× جاء ومعه كاس !! .. سحبت الكاس منه وكبيته على الارض بقهر منه ../ ان كنت تبي تشرب اطلع من الشقه .. وعندي لا عاد تشرب .. .. صلاح .. بقهر مكتوم ../ كبيتي النعمه .. اخذت منها الكاس بغضب .. من امس وانا كاتم غيضي عنها .. من يوم طلعت لي وهي بدون عبايه .. ناظرت الكاس .. مسكتها من رقبتها من ورى قربت الكاس من خشمها بغضب ../ شمي شمي فيه ريحه و الا ؟؟ .. دانه .. ماسك رقبتي بيده الضخمه .. قرب الكاس من خشمي .. شميته لكن مافي ريحه !!.. بصوت مبحوح والم ../ لا .. تركني .. ناظرت الارض .. شبه جالسه على الارض .. مررت اصابعي على الارض .. باستغراب ../ ماء !!.. قمت منحرجه منه .. نظفت الارض .. جالس على الكنبه .. مغمض عيونه .. ساند راسه على طرف الكنبه .. قربت عنده .. جيت بابوسه اعتذر على اللي صار .. وقفني بيده ../ ابعدي عني لا يجيك شي مني .. .. رجعت خفت من تهديده ../ آسفه .. ../ جيبي حبوبي .. جبتها له مع كاس ماء .. جلست بعيد عنه .. اخذ نص ساعه يتقلب بهالكنبه لين نام .. غطيته بالحاف .. .. صلاح .. من لما ابوي قالي عن محمد .. و انا بس اوسوس خايف عليها اكثر من نفسي مابغى احد يضرها بشي ولا حتى بكلمه .. مابغي اضرها معي و لاني حاب ابعدها عني .. راسي بينفجر من كثر ما تجيني افكار تخوفني عليها اكثر .. طلبت منها تجيب لي حبوبي حقت النوم ابي انام .. ×× ×× فياض .. طالع من البيت من امس مالي وجهه اجلس مع ابوي بنفس المكان .. كل ما تذكرت هو وش كان ناوي عليه .. ودي الارض تنشق و تبلعني .. مصيبه فوق راسي آآه ليتني ما عرفتها ولا كانت موجوده هذيك الليله بالبيت .. .. يدق ولا رديت عليه .. ما ابي اسمع منه ولا شي ولا ابيه يبرري لي كافي اللي جاءه منه .. يوم قلت له يالله طلع مني الكلام .. آآآآه ياقوها على قلبي .. يا ليته ما شافها ولا هي شافته .. مابقى شي على الزواج .. حطيت راسي على الدركسون و ضغطت عليه بهم .. تنهدت بحزن على حالي .. حركت السياره طالع من الدوام .. متوجه للبيت لو كان بودي ما اجيه .. لكنه احرق الجوال .. ×× ×× .. عساف .. وقفت قبل لا اقضي الليله بالسجن ../ ديّن يا ولد العم .. متعب ../ ليكون سالفة .. قاطعته بقهر ../ ايه سالفة نجوى والا تظن اني ناسيها .. لو يمر عليها دهر ماني ناسيها .. .. متعب .. بحاول الين قلبه ../ يا رجال السالفه مضى عليها سنين .. و الرجال صلح غلطته .. عساف بقهر ../ بعد ايش بعد ما حبين خشوم و صارت سمعتنا بين الناس .. متعب سكت ثم قلت ../ لا تتعرض له .. و فكنا من شرك .. هز راسه يسكتني .. خلصت قضيته على السريع و طلع منها مثل الشعره من العجين .. ×× ×× خوله .. انطق الباب .. قمت بكسل افتح .. الشغاله ../ بابا انت تحت بالمجلس .. فتحت عيوني على وسعها ../ ابوي !! نزلت اركض على الدرج .. الله يستر وش جاي يبي .. واقفه قدام الباب .. ناظرني مشى لي .. مو قادر يصلب طوله يترنح بمشيته .. و يدندن بكلام مو مفهوم .. ضمني بيديه .. سديت خشمي من ريحته .. ابعدت عنه بخوف ملاء قلبي .. مد يده لي ../ عطيني فلوس .. ../ ماعندي شي و لاني عاطيتك عشان تشرب السم .. حسيت بشي حار على خدي ../ لا قلت شي ما تقولين لا انقلعي اطلبي من زوجك .. رحت اجيب له فلوس قبل لا يفضحني قدام متعب و اهله .. عطيته الفلوس من شفته طلع رحت لجناحي .. مشيت على راس اصابعي .. دخلت بهدواء .. جلست على السرير .. ../ وين كنتي .. التفت له بخرعه .. بتوتر ../ كنت بالمطبخ .. اشرب ماء .. .. متعب .. توني داخل .. مستغرب منها .. وين كانت .. مررت يدي على خدها الاحمر ../ وش فيه خدك .. ضربه ؟؟ حركت راسها لي بـ لا .. قربتها عندي مسكت يدها بحنان .. ناظرتها بوله كلها على بغضها اغرتني ../ لا تحرميني من حق الشرعي .. نزلت راسها بخجل ../ ماني مانعتك .. ابتسمت لها .. ×× ×× رونق .. طلعت عبايتي و انسدحت على السرير بتعب .. جايه من الشيخ .. تعبت اليوم من القراءه .. باجبار من ابوي كل ثلاث ايام اروح له .. لو بكيفي ما رحت له .. الله يجزاءها خير اللي سحرتنا لانها سوات خير لي .. ارتحت منه ومن العذاب اللي كنت عايشه فيه معه .. دخلت امي تدهني بالزيت المقري فيه .. امي انسانه حنونه و طيبه .. هي اللي تعبت معي بمرضي .. دمعت عيوني بحزن على حالي بالقراءه اتعب كثير.. نمت يمكن اني انساه .. وامحيه من حياتي .. ×× ×× جالسين يتقهون .. حبيت راسها ../ كيفك عساك بخير و بعافيه ؟. ../ لا تظن اني ناسيه من تكون يا ولد الخدامه .. بلعت ريقي .. العرق يصب مني .. وش قلبها عليّ وش الذنب اللي اقترفته عشان تهيني قدامها .. ناظرت خوله بغضب عطيتها نظره .. ناظرت امي .. جلس عندها ../ وش صاير ؟؟ .. خوله .. استغربت من جملت خالتي لمتعب .. من حط عيونه بعيوني .. بسرعه ناظرت للفراغ عيونه تخوف .. ثم رجعت ناظرت فيه ببرود .. ما ينفع فيه الا كذا بتغداء فيه قبل لا يتعشى فيني .. حطيت رجل على رجل بشماته .. خالتي ../ الشين الاغبار جاي لبيتي .. ×× ×× وعود .. طلعت للمجلس .. قبل لا ادخل لا حظت طرف ثوب ابيض .. جدتي تسولف معه .. ناظرته من على جنب لكنه ما يوضح وجهه .. رجعت خطوتين وقفني صوت جدتي .. ../ وعود تعالي .. دخلت متردده .. جدتي اشرت على اللي جالس ../ سلمي على خطيبك .. ناظرت له و انا من اول ما شفته و لا اعرفه .. صدمه هو نفس الشخص اللي خذاني معه .. طلعت بسرعه .. هو نفس والله هو .. مسكت راسي ../ وش هالمصيبه طلع خطيبي .. ×× ×× متعب .. التفت لامي احتريها تكمل كلامها .. امي ../ خالك جاء .. عقدت حواجبي ../ مين سالم ؟؟ امي ../ كومار عسى مافي كومار .. صدمه ../ ليه جاي .. وش قال لك ؟؟ امي ../ يبغاك .. بتهرب ../ مابيني و بينه كلام .. امي بغضب ../ هالاشكال مابيها تدخل بيتي .. قلت امتص غضبها ../ ابشر من عيوني .. ما يعصبها كثر سالفتي ما تبي تتذكر خيانة ابوي معها ولا تجريحه لها .. ×× ×× قمت مفزوع .. لفيت ادورها .../ دانـــــــــــه .. .. دانه .. شغلت الـtv .. مندمجه مع الفلم .. ضميت رجولي لصدري .. جيت عند بسرعه .. بخوف .. وجهه احمر وعيونه حمرا .. والعرق مالي وجهه ../ صلاح وش صار لك .. ضمني لصدره بحنان يهذري بتعب ../ ما ابيهم يحرموني منك .. آآآه مالي ذنب باللي صار لها .. هي السبب .. ناظرته ../ وش سالفتك تكلم كل يوم بهالحال .. ابعدت عنه .. انسدح و حط ذراعه على عيونه .. سحبت يده ../ تكلم حراام عليك تعذبني معك .. مين هي ؟؟ ×× ×× عساف .. جلست ببرود .. رميت الظرف بحضنه ../ ابي رونق ترجع معي .. فتح الظرف .. تهلل وجهه بفرح ../ الحين اجيبها لك بلبسها .. طلع .. ×× ×× متعب .. الساعه الحادية عشر .. دخلت للشقه .. سكرت الباب ../ السلام .. بصوتها الناعم الرقيق ../ هلا فيك وعليكم السلام .. ضميتها بشوق .. همست لها بصوت هادي ../ اشتقت لك كثييير .. انتهى البارت .. خوله متعب .. دانه صلاح .. وعود فياض .. رونق عساف .. توقعاتكم تهمني لـ ابطالي .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته .. اعذروني على التاخير لاني انشغلت شوي .. قراءه ممتعه البارت السابع .. رونق .. وقفت بقهر ../ مابي ارجع معه .. سحبني من شعري ../ ترجعين معه و انتي ما تشوفين الدرب .. بالم ../ ترميني بالنار وانا بنتك .. ابوي ../ اخذيه قبل لا ازوجك الشايب .. ترك شعري .. مسكت يده بترجي و انكسار .. قلت و انا مقتنعه بكلامي ../ الشايب اهون عندي .. ابوي ابتسم ../ لكن عساف دفع اكثر .. بحزن على حالي و كاني سلعه عنده ../ ان كنت ما تبيني ارجع مره ثاني عندك .. بالم و قهر .. زوجني الشايب .. ×× ×× فياض .. الجده ضربت يد بيد ../ وخزياه فشلتني هاللي ماتستحي .. مسحت وجهي بتوتر من ردت فعلها المتوقعه .. وقفت الجده ../ بروح اشوفها .. طلعت لها .. سمعت صوتها العالي يملا اركان البيت الصغير .. ما حبيت احرجها و احرج نفسي .. طلعت قبل لا يصير شي مو بالحسبان .. صوتها كل ماله يعلى .. ×× ×× وعود .. ../ خليه يطلع .. ما بيني و بينه كلام .. رجلي تهتز من التوتر .. دقات قلبي سريعه .. كل ما تذكرت ابوه وش كان ناوي عليه .. كرهي له يزيد .. جدتي بعصبيه ../ ما تستحين قصري حسك لا يسمعك فشلتني .. بقهر عليت صوتي ابيه يسمعني ../ مابيه و لا عاد يدخل البيت .. الله ياخذه و ياخذ ابوه الـ .... ناظرت جدتي بقهر و ظلم ../ يمه ابوه كان ناوي .. بلعت ريقي .. خناجر بصدري تطعنه كل ما تذكرته .. آآآآي .. الم من راسي اوجعني كثييير .. رفعت عيوني اشوف مين الشخص .. صرخت بخرعه ../ لا ابعـــ ... ×× ×× متعب .. بستها على خدها .. وضميتها لي اكثر .. لاجيت لها انسى همومي و مشاكلي .. ابعدت عني ../ العشاء جاهز تفضل .. رحت معها لغرفة الطعام .. مرتبه الطاوله و مزينتها بورود الجوري الحمراء .. جلس على الكرسي .. مادت لي صحني بعد ما حطت فيه الاكل ../ تسلمين .. قالت برقه و نعومه ../ ربي يسلمك .. انتبهت لها ../ ورود علامك ما تاكلين .. .. ورود .. بكذب ../ ما فيني شي بس شوي تعبانه و دايخه .. متعب ترك الملعقه بشك ../ ليكون ما انتظمتي على الحبوب .. بصدق ../ الا منتظمه .. .. متعب .. بدون لا اراعي مشاعرها ../ لا تنسين انه هالزواج فتره و يعدي .. فلا تغلطين .. لانه محد راح يندم كثرك .. رجعت اكل ببرود .. وقفت عن الاكل من جملتها المفاجاه بتردد واضح ../ كيف زوجتك حلوه .. ابتسمت بخبث بداء شغل الغيره ../ تبين الصدق .. هزت راسها بايوه .. ببرود و صدق .. هي احلى .. وجهها انقلب علبة الوان .. قلت اهدي من الوضع و قبل لا تنفجر عليّ ../ انتي فيك اشياء حلوه وهي بعد .. غمزت لها .. لا تخافين مكانك بالقلب محفوظ .. بسرعه ترضى و بسرعه تزعل و هذا اللي يعجبني فيها .. .. ورود .. كل شي متصنعته عشان شي واحد .. مابي اكون لوحدي بيوم من الايام .. لولا الظروف ما كنت معه بنفس المكان .. حطيت يدي على خدي .. زفرت بشوق .. كان غير محد مثله بحنانه و طيبته و قلبه الكبير .. فرقنا الفقر .. يارب ترجع ايامه .. ناداني ../ ورود !! بسرحان ../ هلا مسفر .. ×× ×× صلاح .. ببرود حطيت الخداديه على وجهي ../ اصص خليني انام .. .. دانه .. سحبت الخداديه عنه احر ما عندي ابرد ما عنده .. بغضب ../ ميين هي ؟؟ رد عليّ .. .. صلاح .. ../ انسي اللي قلته و كانك ما سمعتي شي .. .. هزتني من كتفي .. باصرار ../ تكلم .. وقفت انهي النقاش .. مسكت طرف اذنها ../ هذي لا تسمع مني أي شي اقوله .. لا تدققين بكلامي .. كان كلام لا راح و لا جــاء .. ضربت راسها على الخفيف بطرف اصابعي .. اسمعي الكلام .. ولا تعورين راسي بـكثرة بربرتك .. .. دانه .. ../ يعني ما انت ناوي تقولي وش سالفتك .. .. صلاح .. رفعت جوالي .. اشرت لها تسكت ../ هلا مين معي .. طيب طيب جاااي بالطريق .. طلعت بسرعه .. سمعتها تناديني .. كلها ساعه و جاي .. طلعت المفتاح من الباب .. سكرت الباب بدون لا اتاكد انه تسكر عدل .. فكري كله مع اللي دق عليّ .. ركبت سيارتي مستعجل .. ×× ×× خوله .. خالتي مو بالبيت و متعب ما جاء من امس .. طفشانه لحالي .. دخلت للمطبخ اصلح لي شي اكله .. غليت ماء حاره للمعكرونه .. بعد ما انطبخت مسكت القدر بشخلها .. بحركه سريعه .. انفلت من يدي .. و انكب الماء الحار على يدي .. صرخت بالم ../ آآآآي .. ركضت الخدامه تجيب عبايتي ../ ماما يالله مستشفى .. لبستني عباتي و انا ابكي من الالم .. ركبت السياره .. وهي تهوي على يدي المحروقه .. و صلنا للمستشفى و انا اقاوم الالم .. ×× ×× فياض .. سديت فمها بيدي قبل لا تفضح ابوي .. ناظرت الجده ../ الملكه بتكون بكره ان شاء الله .. جدتها بعصبيه ../ ابعد عن بنتي .. و الا شايفها يتيمه ما وراها سند يحميها منك .. ابعدت يدي عنها .. خبت نفسها تحت الحاف .. .. وعود .. دموعي تنزل بغزاره على وجهي و الخوف اكل قلبي .. سترت نفسي عن عيونه المتفحصه .. بصوت مرتجف و كانه احد خانقني ../ نجوم السماء اقرب لك يا ولد ابوك .. .. فياض .. تقدمت بربيها على كلامها .. مسكت يدي الجده تمنعني عن اللي ناوي عليه .. طلعتني بره معها ../ هالبنت مالها جلسه عندك .. الجده ../ اترك هاليتيمه و خلاها ترتاح من شرك .. و الا ناوي تعيد اللي سواه ابوك ببنتي .. مو لان ابوك يقرب لامها اخليك على راحتك .. بعصبيه .. اصحى البنت ما تحللك الا بعقد .. بقهر احاول اقنعها ../ لنا كم شهر مخطوبين و كل شي جاهز ليه ناجل العرس اكثر ؟؟.. عليت صوتي اسمعها .. الملكه بتكون بكره .. وفهمي هاللي راسها يابس .. ×× ×× خوله .. دخلت البيت .. ما شوف الدرب من كثر التعب .. الحرق من الدرجه الاولى .. الحمدلله .. لكن الالم ذبحني .. طلعت لجناحي .. منسدح على السرير وشكله سرحان بشي لانه ما انتبه لي .. سلمت بتعب ../ السلام .. .. متعب .. انهبلت من سمعت اسم مسفر على لسانها .. مدري وش جاب طاريه .. الحمدلله مسكت نفسي ولا سويت لها شي .. مو حب فيها لكنها وصيه .. سمعت صوتها .. ناظرتها بغضب .. جات و جابها الله براسي شر و بفرغه فيها .. وقفت قدامها بغضب و الشر مالي وجههي ../ ويـــن كنتي يا مدام .. و الا لاغاب القط العب يافار .. .. خوله .. تاففت بصوت مسموع .. و النهايه معه .. شكلي ماني خالصه اليوم .. صرخ بغضب ../ وين كنتي هاااه .. رفعت يدي الملفوفه بشاش قدام وجهه .. باستهزاء ../ بالمستشفى بعيد عنك .. التفت عنه .. .. متعب .. قربتها عندي ../ لكن من حقوقي انك تستاذنين مني لو ان فيك الموت .. .. ناظرت ياقة ثوبه الابيض .. بقهر و غبن .. هذا وش اللي على ثوبك ../ قبل لا تسالني اسال حالك و انتبه على تصرفاتك المراهقه .. حطيت يدي على ياقة ثوبه ../ وش هذا ؟؟ بوسه !!.. .. انخطف لون وجهي من كلمتها .. خبيتها بباطن يدي .. انسدحت ببرود عكس النار اللي بداخلي .. توعدت بداخلي على ورود .. ../ رد عليّ والا ما انت قادر من سواد وجهك .. قبل لا تخاف من الناس خاف من ربك .. .. هجمت عليها بالضرب و ماني مراعي انها تعبانه و توها جايه من المستشفى .. طاحت على الارض ../ هذا كله من طول لسانك .. صدري ينزل و يصعد و انفاسي سريعه .. طلعت قبل لا اكمل عليها .. ×× ×× عساف .. فار دمي من كلامه ../ وش هالكلام يا ابو رونق .. شكلك تبي زود .. فتحت بوكي و مديته له كل اللي فيه .. اخذهم و عد الفلوس بحماس و فرح ../ فوق خشمها ترجع معك .. ابتسمت ببرود على تعبيرات وجهه و كلامه .. ../ بدق على الشيخ يجي يملك لنا .. ../ دق و انا ابوك .. ×× ×× صلاح .. اتفاجات بالباب مردود .. بلعت ريقي الجاف .. متاكد اني مسكره وش اللي فتحه .. دورتها بعيوني .. طاحت عيوني عليها .. ناظرتها .. ضامه نفسها بزاويه .. و دافنه راسها بين رجولها .. و صوت بكاها عالي .. قربت عندها و كل جسمي يرتجف من الخوف .. رفعت راسها بيدي المرتجفه ارعبني شكلها ../ آآ وش صاير لك .. جلست على ركبتي قدامها .. ما جاوبتني غير بشهقات .. وجهها مايل للسواد كثيير .. وشاحب جدا .. عيونها حمره من كثر البكي .. و خشمها احمر .. شعرها محيوس و مفتوح بطوله .. دموعها ماليه وجهها .. ناظرت جسمها بيجامتها بحاله يرثى لها .. شفايفها تنزف دم .. بين رجولها دم كثير .. بضيق و خوف .. هزيتها بقوه و دقات قلبي احسها بتوقف من منظرها ../ تــــكــلــمي .. زادت شهقاتها .. سبحان الله و بحمده سبحان الله العظيم .. انتهى البارت .. توقعاتكم تهمني .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته البارت الثامن .. خوله .. وقفت بتعب و الالم بكل جسمي .. مسحت دموعي بظهر يدي .. سندت جسمي على الجدار .. طاحت عيوني على عكاسه .. اخذتها .. نزلت على الدرج .. جالس على الكنبه .. رفعت العكاس بيدي السليمه ناويه اقضي على حياته بـ .... دموعي نزلت و كانها تعاندني .. .. متعب .. مشيت وانا اعرج .. رجلي تالمني .. عكاسي بالغرفه .. رميت ثوبي بسلة الغسيل .. جلست على الكنبه .. حسيت بحركه وراي .. التفت .. عيونها مليانه دموع و وجهها مصفر من التعب .. مسكت العصاء قبل لا تضربني فيها .. قربت عندها .. هزيتها من اكتافها .. ../ انجنيتي !! ×× ×× عساف .. متاجه للسياره .. ما عرفتها الا من ناصر .. ولدي .. ركبت جنبي بهدواء بدون لا تتكلم معي ولا حتى سلمت عليّ.. و بحضنها ولدها .. حركت السياره .. بعد ما حط اغراضها اخوها بالدبه .. .. رونق .. دقات قلبي طبول .. ما نظرته و لاني حابه اشوفه .. الحمدلله الشايب اهون عندي من عساف .. ريحة السياره مو غريبه عليّ .. حسيت بضيق و كتمه .. التفت اشوفه او بالاصح اسرق النظر له .. شهقت بخوف ../ آآآآآآه .. ×× ×× فياض .. سمعت صوتها الخفيف يخرق مسامعي ../ موافقه .. ابتسمت بفرح و سرور .. بعد ما طلع المملك و الشهود .. طلبت من جدتها تناديها لي .. دخلت المجلس بهدواء .. وهي تجر ارجولها .. ناظرتها من فوق لتحت متغطيه من راسها لرجولها .. و لا كاني زوجها .. كشرت .. كنت متخيل انها تدخل عليّ لابسه فستان و متكشخه لي .. مديت يدي بسلم عليها .. .. وعود .. جلست مغصوبه من جدتي .. لو بكيفي اطرده من البيت و انساه الا امحيه من ذاكرتي و لا كانه مر بحياتي .. ناظرت يده الممدوده لي .. تجاهلتها و جلست .. ../ اظن انك سمعت شرطي من جدتي .. بيت ابوك ماني جايته لو على قص ارقبتي .. و شغلي ما اظن انك بتمنعني عنه .. .. بهدواء و انصياع لكلامها ../ حق من حقوقك .. بلعت ريقي .. سالفة ابوي ما ودي انها تذكرني فيها .. آآآآه ليته ما حطني بهالموقف و لا طعني .. بهالشي الكبير .. ناظرت عيونها البنيه بتحدي .. مصيرها تجي عندي و شغلها تنساه .. ولا كانه طلبت مني شي .. وقفت ../ الزواج بعد شهر جهزي نفسك .. طلعت و انا اتمتم .. اللهم اني استودعتك اياها ودائعك التي لا تضيع .. سمعت الاذان .. توجهت للمسجد اللي عند بيتهم .. شمرت اكمامي .. و انا اردد الاذان مع الامام .. ×× ×× رونق .. ضربت الباب بخوف ../ نزلني ما ابييييييييك .. .. عساف .. اخترعت من الصوت اللي جاء فجاءه بعد الهدواء .. التفت لها .. ناصر قدامها واقف و يبكي .. ضربت الباب كم مره بقوه .. و تحاول تفتحه .. مسكت يدها المرتجفه وسط يدي .. اوقفها من انفعالها المفاجاء .. اضربتني من كتفي .. شدت ثوبي بقوه .. وهي تصيح بشده مؤلمه .. سفطت السياره على جنب لا تسوي لنا حادث هالمجنونه .. ناصر تكور على نفسه و دفن وجهه بين ارجوله بخوف من صوتها .. مسكتها من معصمها اهديها من ثورتها الجنونيه .. قلت بتحذير ../ ماله داعي هالحركات السخيفه .. قلت اخوفها .. و الا نزلتك بهالمكان .. ×× ×× متعب .. قربت عندها .. هزيتها من اكتافها .. ../ انجنيتي !! خوله هزت راسها بعدم استيعاب و غضب ../ ايه انجنيت .. سحبت منها العصا .. ناظرتني وجهها مليان دموع ../ تخـــوني .. مسكت راسي بتعب .. الحين هذي مين اللي يفهمها .. جلست ببرود .. الكلام معها ما يجيب نتيجه وهي بهالحاله .. مسكت الريموت اقلب بالـ tv .. سحبت مني الريموت و رمته على الارض .. انكسر نصين .. مسحت دموعها اللي بوجهها .. بطرف يدها .. الناعمه .. ../ تخوني ؟؟! ناظرت وجهها بتدقيق .. و باهتمام ../ وجهك !! .. سكت احرق دمها .. ناظرتها ناظرتني تترقب اكمل كلامي .. مصفر !! .. ولا كانك عروس .. ناظرتها ببرود .. ... خوله .. خفت من كلمته ( وجهك ) .. بلعت الغصه و سكت خفت انه يقول شي عن البهاق .. حطيت يدي على وجهي .. طلعت لغرفتي قبل يرمي عليّ كلام جارح .. نقطت ضعفي البهاق .. اصير ضعيفه قدام أي احد يقول لي شي عنه .. و لا اقدر اواجهه .. ما عندي ثقه بنفسي .. المرض هزني الا كسرني من الداخل .. ... انسدحت بارتياح .. ما قلت كلامي الا ابيها تنسى موضوعي ولا تجلس تعاتبني .. زفرت بارتياح .. لفيت للجهه الثانيه .. ونمت .. ×× ×× صلاح .. هزيتها بقوه ../ ردي عليّ .. مسكت بطنها بالم شديد ../ آآآآآي بطنــ آآ ـي الجنيـ آآآـ .. طاحت بحضني مثل الريشه .. حركتها بيدي المرتجفه .. بخوف ../ دانــــه .. شلتها بين يدي .. سترت جسمها بشرشف .. مشيت متوجه للمستشفى .. و قلبي يدق طبول من الخوف عليها .. راسي بينفجر من التفكير .. مين اللي تعداء عليها بالضرب ؟؟! .. حراره سرت بجسمي لو انه اللي تهجم عليها ..... حركت راسي يمين و يسار احاول اطرد هالافكار من راسي .. ×× ×× رونق .. التفت اشوف المكان .. بيوت مهجوره .. مرعب المكان ما فيه أي ضواء و لا فيه سيارات .. قشعريره سرت بجسمي .. اول ما تخيلت اني انزل بهالمكان .. صرخت بهستيريه ../ لاااااا .. حط يده على فمي .. احس احد يخنقني من رقبتي .. .. عساف سديت فمها بيدي .. حاولت تبعد يدي لكني ماسكها بيدي الثنتين بعصبيه و تعب ../ خلااااص .. حركت السياره .. هداءت شوي الا من البكاء .. .. صدري ضايق و لاني متحمله الجلسه معه .. ضميت ولدي على صدري ابي احس بالامان .. و بخوف منه .. مسكت عروت الباب .. عشان قبل لا يسوي لي شي .. انقذ نفسي منه وولدي .. .. مسحت جبهتي بارهاق .. رميت شماغي وعقالي بالمرتبه الثانيه باهمال .. مسكت خط الديره .. ×× ×× اليوم الثاني .. بالمستشفى .. المغرب .. صلاح .. قلت للدكتوره ان دانه كانت تغسل الدرج و ازلقت و طاحت منه .. مسكت راسي من الصدمه .. و انا اسمع صوتها اللي يدل على تعبها و ارهاقها .. دموعها تنزل على خدودها الحمره .. كل كلمه تقولها تجرحني فيها .. نزلت عيوني مالي عين اناظرها بعد كل اللي صار لها .. .. دانه .. رفعت شعري عن و جهي بيدي اللي فيها المغذي .. ../ من طلعت دخلت الغرفه .. و فجاءه حسيت بحركه بالشقه .. ظنيتك جيت و استغربت جيتك بهالسرعه .. شفت حرمتين طوال و عراض .. و متغطيات بكامل جسمهم .. تهجموا عليّ بالضرب .. غطيت وجهي ابكي .. ما قدرت احمي نفسي منهم .. صارخت ابي احد ينقذني من بين يديهم لكن ما فيه احد .. كل مالهم يزيدون الضرب على بطني و كانهم يبونه يطيح .. حطيت يدي على بطني .. حركت راسي يمين و يسار .. مدري وش سبب هذا كله .. لكن قبل يطلعون قالوا لي .. هذا درس لزوجك عشان ما يلعب ببنات الناس !! .. ناظرته ابيه يعطني أي تبرير من اللي جاني امس .. ×× ×× محمد .. سكرت جوالي مبتسم خطتي انجحت و هذا اللي ابيه .. وطيت على الزقاره .. و دعستها برجلي .. .. فرشت اسناني .. و رشيت عليّ عطر .. لاني عارف الغالي ما يحب يشم ريحت الدخان فيني .. حبيت راسه باحترام و جلست قباله .. .. مسكت يده بحنان ما يطلع هـ الحنان الا له ../ كيف حالك اليوم يالغالي عساك ما تشكي باس .. تهلل و جهه بفرح من سمع صوتي ../ بخير الحمدلله .. سكت ثواني ثم قال .. وشلونها اختك .. عمتك اليوم ما جات تشوفها .. بعصبيه من ذكرها ../ عساها بقريح .. قلت محاول اكتم غيضي .. كيف صحتك يا تاج راسي .. عساها بخير و عافيه .. ابوي ../ لا الحمدلله طيب .. سكت دقائق ثم قلت .. بدون تردد ../ ابي رونق .. انتهى البارت توقعاتكم تهمني .. اعذروني على التاخير .. عندي اختبارات و الوقت ما يساعد ادخل .. دعواتكم .. البارت يوم الخميس ان شاء الله .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته .. آسفه على التاخير لكن الظروف اقوى مني .. البارت التاسع .. محمد .. وقفت بغضب .. ../ ما رجعها .. بغضب .. كيف يرجعها .. اشرت على نفسي .. و انا .. ابوي بحزم ../ خاف ربك البنت زوجة اخوك .. طلعت اسابق الريح .. متوجه لبيت يبعد عن بيتنا كم بيت .. ×× ×× متعب .. صحيت بعد ما نمت ساعتين .. دورتها بالجناح .. ناظرتها بتمعن .. و اقفه قدام التسريحه .. وبيدها الملفوفه بشاش فيها كريم ماسكته بطرف اصابعها .. و بيدها السليمه تحط على وجهها من الكريم و رقبتها .. تقدمت سحبت يدها من وجهها .. ارتجفت يدها طاح الكريم بين رجولي .. ابتسمت لها همست لها بنبره غريبه و بحنان .. / زعلانه !؟.. .. خوله .. مسحت دموعي .. كلامه جارح و مثل السم يوصل لـ اذني .. ما يفهم اني انسانه ولي احاسيس و مشاعر احس مثل ما هو يحس .. مسكت الكريم فتحته و حطيت منه على وجهي بسرعه و كاني ابي امحي هالبهاق من وجهي .. التفت له و يدي ترتجف و سط يده السمراء العريضه .. يستعبط و الا وش سالفته !! يسالني بكل برود .. زعلانه !! .. ترك يدي الملفوف و طلع .. دخل و بيده شي .. .. متعب .. مسكت يدها المحروقه .. / الحرق ما يتغطى ؟! .. فتحت الشاش .. انصدمت من الحرق جلدها مسلوخ بشكل مخيف .. فتحت علبة العسل و حطيته على يدها بكل خذر و خوف اني آلمها بدون ما اقصد .. .. خوله .. عيوني ما طاحت منه استغربت هالحنان اللي نزل فجاءه .. وش عنده ؟؟. اكيد يبيني انسى خيانته لي و جرحه اللي من اول زواجي منه و هو ينزف .. باس يدي السليمه بعذوبه .. / يا جعل اللي فيك باللي يكرهونك .. من اعماق قلبي وانا اقصده .. / امين .. ×× ×× دانه .. منسدحه على السرير اليوم العصر طلعت من المستشفى .. من طلعنا من المستشفى وهو مطنش سوالي له ولا جاوبني .. سكت عنه مالي خلق اتجادل معه و انا تعبانه .. حط الاكل قدامي .. قال بصوت منخفض و بحنان ../ اكليه كله عساه عافيه .. ناظرت الطاوله .. بيض مسلوق و كاس حليب و نواشف و اجبان .. رفعت راسي له .. عطاني ظهره .. طلع قميصه باستعجال .. طاحت عيوني على ظهره .. بسرعه ناظرت اي شي قدامي ماعدا ظهره المشوه .. بلعت غصتي .. اكره ما عليّ اناظر ظهره .. ارتجفت شفايفي بخوف من منظر ظهره .. لييه ما راح الحمام ؟؟!.. ليه يعذبني و انا اناظر ظهره المشوه .. اتحاشى اناظره لكن عيوني و كانها تعاندني تناظر بظهره .. غمضت عيوني بيدي .. حسيت بيده تنزل يدي.. بصوت حنون ../ فيك شي ؟ تحسين بآلم ... ما فتحت عيوني اناظره ../ لا بس بـ انام .. شلت الصينيه و حطيتها بالجهه الثانيه .. غطيت و جهي بالحاف و انسدحت .. تجمعت الدموع بعيوني .. من ظهره و من اللي صار لي نفسيتي دمار .. .. صلاح .. رفعت عنها الحاف .. ضميتها لصدري العريان .. .. / تنامي و انتي متضايقه .. فضفضي لي .. رفعت راسها لي .. / البس قميصك .. قمت بهدواء عارف قد ايش هي تكره تشوف ظهري .. لبسته و جلست عندها .. تناظرني بنظرات غريبه حزن و الا خوف ماني عارف افسرها .. ولا انطقت بولا كلمه من لما طلعت من المستشفى .. ما تكلمت معي الا كلمه ورد غطاها .. خايف من سكوتها لا ياثر عليها .. مابيها تكتم ثم تنفجر .. قطعت طرف من الخبز ووكلتها .. ليتها تصارخ و تنفجر فيني .. ولا تجلس كذا ساكته .. و قلبي محروق عليها .. دموعها بعيونها متحجره .. بس تريحني من تانيب الضمير .. طاحت دمعه متمرده من عيونها .. بعدت الخبزه عن فمها .. نطقت اخيراَ .. حطت يدها على بطنها ../ وينه ماحس بحركته .. وين راح !؟.. يعني صدق كلام الدكتوره سقطته !! .. ليتها ظلت ساكته مهي راضي تنساه ولا تعذبني بكلامها .. كيف تنساه وهو قطعه منها .. قلت بحزن على حالها ../ اللي اخذه يرزقنا غيره ان شاء الله .. ×× ×× ورود .. جالسه قدم الـtv .. اتابع فلم رعب .. ارتعشت اطرافي .. وقفت بسرعه .. طفيت ال tv .. تعوذت من الشيطان .. رحت اتاكد ان الباب مقفول باحكام .. جلس على الكنبه .. / لا اله الا الله .. ابتسمت على ذكراه .. الله يفك اسره عاجلاً غير اجل .. على اني تزوجت لكن و الله ما نسيته .. كيف انساه و هو وسط قلبي ساكن .. تزوجت متعب من خمس شهور بعد ما خلصت عدة طلاقي من مسفر .. مجبوره عليه لاني لو ما تزوجته راح اسكن بالشارع .. مسفر وصى متعب عليَ .. و متعب طلبني لزواج كان ودي ارفض و احافظ على حبي لمسفر لكنه صدمني بطلاقه لي و تخليه عني بسهوله .. اكره نفسي لما اتذكره و انا ما احل له لكن وش ذنب قلبي تعلق بحبه .. ×× ×× جلست بالصاله بعد ما رتبت اغراضي بغرفتي مع ولدي .. سمعت اصوات عاليه جايه من الحوش سحبت جلالي اشوف وش اللي صاير ؟؟.. طليت من الشباك المطل للحوش .. عساف ماسك محمد من ياقة ثوبه و يهزه .. .. عساف .. طلعت من البيت لكن وقفني صوت محمد .. دخلني للحوش .. محمد هزني .. / ليه رجعتها وش تبي فيهاا ؟؟ ناظرته و الغيره شبت بصدري .. عطيته بقس يصحيه من خباله هالخبل .. مسكني من ياقة ثوبي .. بكل قوتي رميته على الارض و انا اهجم عليه بالضرب .. التفت لصوتها الباكي يترجاني اتركه .. واقفه عند الباب و بيدها ناصر ماسكته .. اكملت جايه تدافع عن الحبيب .. سحبته و طلعته من بيتي قبل لا ارتكب فيه جريمه و يضيع عمري بالسجن .. رميته على كبوت سيارتي .. / انقلع لا بارك الله فيك .. حررته من بين يدي .. وهو يتوعد فيني .. سكرت الباب بغضب و انا حالف اخلص عليها هالليله .. اول ما شافتني رجعت اركضت داخل البيت و ناصر معها .. مسكتها من كتفها قبل لا تدخل الغرفه .. غرزت اظافري بكتفها .. قلت بغيره و حقد عليها .. / وش بينك و بين محمد ؟!.. هزت راسها و دموعها على وشك انها تنزل .. / و الله مابينا شي .. ناظرتها و عيوني حمرا .. / والله ما يردني عن ذبحك شي لو سمعت بس ان بينكم شي .. تركتها قبل لا يصير لها شي بين يدي .. دخلت و سكرت الباب .. جلست على الارض .. مسكت راسي .. جاي يتهجم عليَ و يطالب اني اطلق مرتي بكل قوات عين .. وش هالجنون اللي ركب راسه .. يبيني اهدم حياتي لاجله .. ×× ×× متعب .. العسكري .. / طال عمرك اللي مسكناهم بالاستراحه المشبوه برى .. رفعت راسي وانا ماسك اوراق قضيه بيدي .. / دخلهم .. دخلوا حوالي ثمانيه او سبعه .. لكن مو هنا المشكله .. وقفت قربت عند ثالث واحد .. ادعي الله انه ما يكون هو و عيوني تخوني او انه يشبهه .. امرت العسكري انه يطلعهم و يخليه .. ضمني بين يده .. تاففت من ريحته الخايسه .. ابعدته عني بقرف .. هذا اللي ما حسبت حسابه ابو المدام يطلع صايع كملت .. وهو يترنح و يالله يتوازن بوقفته .. / افا و هذا و انا عمك .. ×× ×× نجوى .. جالسه بزاويه ضامه نفسي و دموعي على وجهي .. صارخت بقهر و ظيم وقفت ضربت الباب الخشبي البني بقوه .. / ابي اطلع فكوا الباب .. صرخت و صوتي انبح من الصراخ .. باطـــلــــع .. جاني صوت ابوي .. / نجوى يا بوك .. بلهفه و حزن .. / يبه بطلع تكفى الله يخليك .. و الله بنجن و انا بين اربع جدران .. ابوي بضعف .. / يا بوك محمد طلع و معه المفتاح لا جاء بخليه يفتح الباب لك ان شاء الله .. بلحق على الصلاه .. جلست بحسره على حالي .. ركضت لدولابي .. فتشت عن جوالي بين ملابسي .. دقيت على الرقم الوحيد المخزن بالجوال .. احتريته يرد بكل قلق و خوف انه ما يرد .. انتهى البارت .. توقعاتكم تهمني .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته ..
لا اله الا الله محمد سول الله .. الــــــــبــــــــارت العــــــــاشــــــر .. نجوى .. طاح الجوال مني بارتباك .. من سمعت صوته الجهوري .. بلعت ريقي بخوف عضيت على شفتي بندم أني دقيت عليه .. تنهدت بارتباك و أنا التقط الجوال من الارض .. تغلبت على توتري و ارتباكي الشديد .. بصوت شبه واثق .. .. / الــو .. صلاح !! .. استنكرت صوت البنت المرتبك طلعت لصاله .. مابي دانه تسالني عنها .. شكيت بصاحبة الصوت .. عقدة حواجبي .. بصوت رجولي واثق .. / أيه نعم مين معي ؟!.. .. نجوى .. بتردد لكني تشجعت .. / نجوى يا صلاح .. سمعت صوت أنفاسه الغاضبه من سمع اسمي .. .. بكره لها و غضب .. / لا عاد تتدقي على هـ الجوال .. الله لا يعيد أيامك بالخير .. سكرت بـ وجهها قبل لا ترد عليّ .. بغضب و قهر .. / أعوذ بالله هذا وش تبي فيني !؟؟ .. الله يبعدها عن حياتي .. سكرت باب الشقه بقوه افرغ فيه غضبي .. طلعت من الشقه قبل لا انفجر بـ دانه وهي مالها ذنب .. .. دانه .. سمعت صوت الباب .. استغربت طلوعه من الشقه .. جدتي و خوله بعد المغرب بيجوني .. طلعت من الغرفه و دخلت المطبخ نظفت الصحون و رتبت الأكل بالثلاجه اللي جابه الصبح .. بصعوبه و يدي على بطني .. جلست فالصاله .. اكسر الملل اللي حاسه فيه .. و ابعد الليله المشؤمه عن بالي .. كل ما سالته يطنش سوالي له .. وش هو مسوي عشان يصير فيني كذا .. الذنب ذنبه و أنا اللي تحملته .. فقدت جنيني .. هو السبب .. من لما دخل حياتي وهو مسبب لي رعب .. .. اكـــــــــــــره كــــــــــــره العــــــمــــــــى .. اللي شفته منه ما أظن احد شافه .. حسيت بقشعريره تسري بجسمي .. من هالذكـــــــره اللي تعــــــــــذبني نفــــــســــين .. ×× ×× خوله .. دخلت جناحي و علقت عبايتي على الشماعه .. مسكني من ذراعي و سحبني له .. رفعت راسي أناظر وجهه الغاضب .. بصوته الغاضب .. / وين كنتي ؟؟ بآلم .. / أوجعتني وخر يدك .. عند دانه .. .. متعب .. جلست على الكنبه .. دورتها بالجناح كله و لا حصلتها .. ويـــنــهــا !!.. بافرغ غضبي فيها بس هذا اللي ابيه منها هالوقت .. أبوها قدرت أطلعه من القضيه قبل لا يعرفون انه ابو المدام .. بعد ما صحى من سكرته وصلته لبيته .. .. / و كيفها الحين .. أبعدت يدي عنها .. خوله مررت يدها على ذراعها المحمر من قبضتي لها .. / تسلم عليك .. جلست على كرسي التسريحه تنزل اكسسوراتها .. بسخريه و نبرة مقصوده .. / الا على ذكر السلام أبوك اليوم جاي يسلم عليّ بالدوام .. لحضت ارتباكها و تغير لون وجهها .. التفتت لي .. / أبوي !! .. ببرود اخفي وره غضبي .. / أي أبوك المحترم ما سكينه باستراحه مشبوه .. .. خوله .. صدمه عنيفه .. أبوي بالسجن .. وقفت قدامه .. بصوت أشبه بالهمس .. ودموعي على وجهي .. أكيد انه سجنه عشان يلوي ذراعي .. مسكت يده هزيتها .. / سجنته ؟!. ليه لهالدرجه تكرهني .. أبوي ماله ذنب بمشاكلنا الخاصه .. .. متعب .. نفضت يدي عن يدها .. كسرت خاطر من شفت دموعها .. قلت بصدق .. / ما دخلته .. صرخت بقهر .. / ماني مصدقتك اكيد انك تبي تسكتني .. كبت الأغراض اللي بشنطتها على الارض .. دورت على شي ضايع لها بين أغراضها .. أخذت جوالها .. هتفت بفرح .. / هلا يالغالي .. ×× ×× رونق .. طلعت من المطبخ و بيدي كاس شاي .. وقفني كلامه .. بصوته المميز اللي يميزه بحته .. / لبسي نصور بأخذه معي للمسجد .. هزيت راسي له بالايجابه .. هرولت لـ غرفتي .. سكرت الباب بالمفتاح .. أخذت نفس عميق اهدي نفسي من التوتر .. من لما دخل بعد ما تهوش مع محمد .. و أنا ماسكه قلبي من الخوف .. خائفه يستفرد فيني .. دق الباب يستعجلني .. هتفت له بصوت هادي .. سحبت ثوب ناصر من الدولاب .. / دقيقه .. لبست ناصر ملابسه و خليته يروح لـ عساف .. واقفه عند باب الغرفه .. مابيه يقرب عند ماني طايقته و لا طايقه ريحته .. بعصبيه غير مبرره .. / لا تخليه بروحه .. بدون وعي مني سحبت ناصر من عساف .. ضميته لصدري احميه من عساف .. جاني احساس غريب انه يبي يحرمني منه .. بياخذه و لا هو مرجعه لي .. حط يده على كتفي .. انتفضت و أبعدت يده عني .. بغضب .. / لا تقرب .. .. عساف .. تاففت بصوت مسموع .. / اهدي يابنت الحلال .. بأخذه معي للمسجد يصلي .. رونق ابعتدت عني و هي مكشره .. / صغير ما يعرف .. جرحني بعدها عني .. عارف انه مو برضاها لكن ماقوال الا حسبي على اللي كان السبب .. بهدواء لأني مراعي مرضها .. / أبيه يتعود على الصلاه بالمسجد .. ضمته لصدرها أكثر وكأنها تحمي مني .. صرخت .. / لا لا منت مأخذه مني .. طلعت قبل لا تفلت أعصابي و أمد يدي عليها .. تعبت و الله من نفورها مني .. يا رب لطفك و رحمتك .. ×× ×× خوله .. جلست قدامه .. لبست فستان لـ تحت اركبه .. دانتيل اسود .. ظهري مغطيه دانتيل شفاف .. مسويه شعري كيرلي و فاتحته بطوله .. حاطه آي لاينر .. و مسكره .. حاطه روج لحمي .. و أكيد مخفيه البهاق و لا كأنه موجود .. .. / متعب .. .. متعب .. ابتسمت على شكلها .. نزلت الريموت من يدي .. قلت بوله و أنا معجب بشكلها .. أخيرن رضت عني .. / لــبــيــه .. .. ناظرته بغرور .. فاهمته عدل يظن أن كل هـ الكشخه له نسى كلامه و تجريحه .. ببداء العب على نار هادي لين ما اخليه يحبني و يتعلق فيني .. قلت باغاضه .. / يالله بروح لـ دانه .. خالتي مسوي لها عريك و موصيتني أوديها لها .. .. متعب .. التفت لـ التلفزيون بقهر .. ظنيت أن رضت عني و طاح الحطب .. أثريها ناويه تروح لـ دانه .. .. / ما أني موديك .. التفت لها مره ثانيه .. اشرت على فستانها .. ناويه تروحين لها كذا .. .. خوله .. بترجي .. / لا الله يخليك .. و الله أنها تعبانه و محد عندها .. بنفي .. أكيد لا بلبس دراعتي .. .. متعب .. بطمنئينه تنهدت .. / أشوا .. بخبث ضميتها لـ صدري .. / لكن رضاك أول .. خوله أرفعت أصبعها أسبابه .. / أول شي كلامك توزنه قبل لا يطلع .. أبوي ما تجيب طاريه الا بـ الزينه .. هزيت راسي بحب لها و كأني مسحور بـ جمالها .. الليله فاتنه بـ جمالها و كأنه ناويه تعذبني .. / ابشري من عيوني .. أهم شي أنها رضت عليّ و هذا اللي أبيه منها .. .. ماني خبله عشان يلعب عليّ بكلمتين .. لكن لا صارت حاجتك عند الكلب قوله يا عمي .. الله يكرمكم .. ×× ×× فياض .. طلعت من المسجد متوجه لسيارتي .. سمعت أصوات عاليه جايه من الحوش .. و الباب شبه مردود .. ضربت الباب .. .. / يا اهل البيت .. جاني صوت أم ساره .. / فياض يامك ادخل .. دخلت .. شفت اكره الناس على وجهه الأرض .. زوج ام وعود .. ماسكها من يدها و يسحبها له .. / امشي معي أمك تبغاك .. و هي عبايتها بيدها و ماسك يد جدتها بخوف منه .. صرخت بغضب أوقف هالمهزله .. / اترك البنت يا جابر .. و خل كلامك مع الرجاجيل اللي مثلك .. انتفض من سمع صوتي التفت لي .. / و أنت وش دخلك بين أب و بنته .. وعود أركضت لـ جدتها تخبت وره ظهرها .. بسخريه .. / بنتك من متى ؟!.. اطلع من البيت و لا عاد أشوفك جاي له .. جابر .. /و أنت وش لك علاقه فيها .. بنفاذة صبر .. / زوجها .. فاهم و الا أفهمك بطريقتي .. جابر تقدم للباب .. مسك عروة الباب .. قال بتهديد .. / هين يا ولد أبوك .. طلع قبل لا أقوله شي .. التفتت لـ وعود .. / مره ثانيه لجاء هالتـ... دقي عليّ .. أرفعت رأسها لي بنبره مقصوده .. / مرده منه ألا اللي عندك .. بغضب و قهر من كلامها سحبتها من معصبها لعندي .. / احترمي نفسك .. ناظرت عبايتها .. رفعت حاجبي باستغراب .. ناويه تروحين معه ؟! .. .. وعود .. بقهر منه و من زوج أمي و من أبوه .. / مو لأني يتيمه تجي حضرتك تتامر عليّ و أنا قدني ما جيت بيتك .. باستفزاز .. مو شغلك رحت و ألا لا .. جدتي أفلتت يده عن يدي .. دخلت داخل البيت قبل لا تكبر السالفه .. سمعت صوته يملا أركان البيت الهادي .. / شغلك بعد شهر أن ماقصيت ألسانك ما كون فياض .. طلعت لسيارتي .. و صورتها ما انمحت من بالي .. طويله لا هي نحيفه و لا سمينه .. بشرتها بيضاء .. شعرها بني طويل لأخر ظهرها .. خشمها صغير .. عيونها لونها اسود لا هي وساع ولا صغار بس جذابه رموشها كثيفه و طويله .. جذابه هالبنت .. من يوم خطبتها و شفتها شوفه شرعيه و هي عاجبتني .. ×× ×× الصبح الساعه 7 و نص .. خوله .. أبعدت عن حضنه .. سديت فمي بيدي السليمه .. دخلت الحمام .. الله يكرمكم .. .. متعب .. منسدح على السرير .. احتريها متى تطلع من الحمام .. الله يكرمكم .. لها مده فيه .. دقت على الباب .. / خوله افتحي الباب .. صاير لك شي ؟!.. .. خوله .. غسلت وجهي بتعب .. دخلت تحت الدش اتروش .. قلت بتعب .. / بتروش .. .. متعب .. طلعت و هي لابسه روب الحمام .. وجهها اصفر .. قربت عندها .. بخوف عليها .. / البسي أوديك المستشفى .. .. خوله .. واقفه قدام الدولاب .. اطلع لي لبس .. برفض .. / الحين أكل بندول و أصير طيبه .. مسكت بطني بخوف يا رب ما أكون حامل .. ما أبي شي يربطني فيه و حنا محنا متفاهمين .. ما أبي اظلم طفل معي بالحياء مع متعب .. و يا خوفي لجبت طفل تنتهي حياتي مع متعب بالطلاق و هو اللي بيكون الضحيه .. متعب باصرار .. / البسي .. بتروش و اطلع و القاك جاهز .. جلست على الكنبه بتعب .. بعد ما لبست .. ×× ×× صلاح .. جالس بالاستراحه .. نفسيتي تعبانه من اللي صار لها .. مين هم اللي جوها بالشقه و تهجموا عليها ؟؟ .. مافي ألا محمد و عساف هم اكيد اللي مرسلين الحرمتين لها .. تنهدت بقهر و بصدري وجع على اللي صار لها بسبتي .. من دخلت حياتي و هي بعذاب .. .. قبل سنه .. صلاح .. جالس بين أمي و خالتي مرت أبوي .. بعد أسبوع زواجي .. أمي .. / ما شاء الله عليها وش زين وش عليها جمال الله يحفظها .. خالتي .. / باقي لها سنه و تصير مدرسة عربي .. ابتسمت على مدحهم لـ دانه .. / حمستوني لها .. ما كنت متصور أن دانه كذا حلوه من كلامكم .. أمي باستنكار .. / مو اللي نتكلم عنها دانه .. هذي نجوى بنت أبو عساف شيخة البنات .. عقد حواجبي .. ارجعوا يتكلمون عنها .. أوصفوها و كأنها قدامي الحين .. زينوها بعيوني كثير .. طلعت .. وقفت قدام بيتهم .. ودي بس المحها بشوف هالزين اللي يتكلمون عنه .. جلست أراقب بيتهم .. بعد ما طلع أبوها و محمد .. تقدمت لباب بيتهم .. تلثمت بشماغي .. طقيت الباب بهدواء .. أفتحت طرف الباب .. قالت بتساؤل .. / مين ؟؟ .. دخلت يدي بطرف الباب الفتوح .. فتحته ودخلت .. سكرت الباب .. حطيت يدي على فمها امنعها من الصراخ .. ناظرتها من فوق لـ تحت .. / اششش .. .. نجوى .. سندت نفسي على الباب امنعه يدخل .. لكن قوته كانت أقوه مني .. الخوف أكل قلبي من نظراته .. وقف قدامي بطوله مقارنه بطولي و جسمه الضخم .. مرر يده على وجهي يتحسسه مثل العمى .. ثم مررها على شفايفي .. قرب وجهه لـ وجهي .. أنفاسه القذره تحرق وجهي .. رجع شعري وره أذني .. رجعت على وره خطوتين لكنه وقفني عن الحركه .. مسك يدي باحكام .. كل ماله يقرب جسمه لـ جسمي .. جسمي ارتعش و دقات قلبي زادت سرعتها .. رفعت يدي امسك طرف بلوزتي رفعتها لاعلى رقبتي احمي جسمي من نظراته.. صرخت بخوف و هلع .. / ابـــــــــعــــــــــد .. .. جالس مثل العاده بـ مجلسه و عياله و أحفاده هالوقت عنده .. رجال كبير بالسن شعره و لحيته الطويله يغطيها ألون الأبيض .. جاي يركض وقف بصدر المجلس .. اخذ نفس بعد ما تعب من الركض .. صدره ينزل و يرتفع.. / يبـه الـــحـــق صـــلاح اغتصب بنت أبو عساف و محمد متحلف فيه .. جاي لـ بيتنا و معه بندقيه .. وقف .. سند جسمه على عصاه .. عياله أوقفوا قدامه .. بصوت حازم يأملا القهر و الضيم .. / جـــيبــوه عنـــدي لــو انــه جـــثــــه .. انتهى البارت .. توقعاتكم .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته ..
البارت الحادي عشر .. صلاح .. أخواني منصور و زيد اسحبوني لـ داخل المجلس بذل و مهانه .. بعد ما ذقت منهم أنواع الضرب .. ما نطقت بكلمه لو يذبحوني كان أهون عندي بدل هـ الموقف .. أحتقرت نفسي .. رموني تحت رجول أبوي .. ما لي وجه أرفع راسي و أحط عيني بعينه .. .. أبو صلاح .. تقدمت له و بيدي خيزرانه .. ضربتها بظهره .. يدي عورتني من كثر ما ضربتها .. و صرخاته فجرت أذني .. ترجيات أمه و عمته أني أتركه و لا أزيد الضرب .. لكن الفضيحه و كلم الناس كل ما تخيلته أزيد الضرب .. جلست على الكنبه بمساندة أحد عيالي .. قلت بأمر و حزم .. / خالد روح جيب الشيخ يملك لـ .... .. صلاح .. سندت نفسي على نادر .. بعد الضرب اللي جاني صحية و فهمت وش اللي سويته .. ليتني ما سويت هاللي يسود الوجه .. مالي عذر زواجي بعد أسبوع .. لكن وش يرجع اللي سويته .. تعوذت من الشيطان .. كرهت نفسي .. ماني متصور أن كذا .. التفت لـ أمي و عمتي نظرتهم بعتب .. هم السبب هم اللي زينوها بعيوني .. دخل و الغضب مالي وجهه .. و بيده بندقيه .. وجهها عليّ صرخ بعلا صوته .. يتلفت يمين و شمال يدورني .. / صـــــــلاح !!.. منصور سحبه لـ أخر المجلس .. بعد هوشه صارت بينهم فكهم زيد .. جلسوه عند أبوي .. التف لـ أبوي بصوت غاضب و قهر و حرقه بصدره .. / جاز لك يا أبو منصور اللي صار بعرضي .. أخواني ما سكينه لا يتهجم عليَ .. أبوي بقسوه و هو يناظرني بنظرات قاتله .. / لو تبي رقبته ما راح تغفر اللي سواه بحق اليتيمه !!. وقفت بجمود صورتها مرت قدامي .. تغلبت على تعبي و آلم جسمي .. و كل شي صار بيننا .. كرهت نفسي تمنيت ما صار هالشي .. مو لها الدرجه أنا حـ... ما كنت متصور أني بهالدنا .. أخر عمري أحط نفسي بهالموقف الـ .... تمنيت الأرض تنشق و تبلعني .. حطيت نفسي بموقف كبير هذا و زواجي قريب .. ما في شي يغفر لي .. زواجي بعد أسبوع وش اللي يرحمني منهم الحين ..جملوها بعيوني أعوذ بالله من الشيطان الرجيم .. ذنب عظيم عليَ .. تمتم أستغفر الله العظيم و أتوب أليه .. أبوي و محمد اتفقوا على زواجي اليوم منها مأني قادر أنطق و أرفض هـ القرار .. و دانه وش مصيرها !؟ .. الحين تذكرت دانه .. بلعت غضتي مالها ذنب بهـ القرار .. سكت أي شي يقولونه بسويه مالي وجه أعارض .. نزلت راسي .. أبوي يناظرني بحقد و كره .. . . . . مـــلــكــت !!.. ×× ×× نجوى .. رميت ملابسي بالأرض .. جريت أرجولي لين وصلت .. تحت الدش .. دموعي أختلطت مع الماء .. أخذت أسفنجت الجسم .. فركت فيها جسمي .. تمنيت أن جلدي يتبل بدال هـ الجلد اللي جرثمه الـ .... جسمي تشوه من كثر الضرب .. كتمت شهقاتي .. كان وده يذبحني .. و يدفن فضيحتي لكن أبوي أمنعه يقرب عندي .. ليته ذبحني و لا أشوف بعيون أبوي الحزن بسبتي .. أبي أمــــــــــــوت و أرتــــــــــــــاح من العــــــار و الفضيــــحه بين الـــناس .. جلست بـ البانيو كل اللي صار مر باللحظه .. زاد بكائي آلم و قهر على نفسي و على شرفي اللي ضاع .. ×× ×× خوله .. نزلت من السياره .. جاين من المطعم فاطرين فيه .. بمناسبة حــــــــــــملـــــــــي .. رفضت لكنه و لا كأنه يسمع .. فرح بخبر حملي .. على كثر ما فرح على كثر ما حزنت على حالي .. طفل راح يربطني مع متعب أكثر .. طلعت لجناحي .. وقفني باسني على شفتي بهدوء بدون و لا حركه مني .. هدواء و جمود صابني بهاللحظه .. همس بأذني .. / مــبـــروك .. .. متعب .. ابتسمت لها يمكن هذا عاشر مره أبارك لها .. من سمعت الخبر و الفرحه مو سايعتني .. ابتعدت عني طلعت عبايتها .. جلست على الكنبه .. قلت و داريه أنه تو الناس على هالكلام .. / لو جاء ولد بسميه عبد الله .. و لو بنت بسميها الجوري .. من حبي لـ الجوري بسمي باسمها .. .. ببرود جالسه قباله و اسمعه بدون أي اهتمام .. و لا كأنه يعنيني .. قلت ببرود تام .. / على راحتك .. شفت الفرحه بعيونه .. بدون لا يتكلم من أول ما قالت السستر لنا النتيجه .. ×× ×× محمد .. ركبت سيارتي .. مرت بيت عمتي .. سلمت عليها .. و وصيتها على نجوى و أبوي .. بمشي الدمام إجازتي أخلصت .. برجع دوامي .. يمكن أرتاح .. أبعد عنها و أريحها مني .. مالها ذنب .. بيني و بين عساف .. كنت أسولف له عن أعجابي فيها و عن أخلاقها .. مفروض أنها لي و ناصر ولدي أنا .. بدون أدنا شعور أخذها مني .. بتملك منه أخذها تحت عصمته .. و لا راعى أني كنت أسولف له عنها و أني بس أتوظف .. بتقدم لها .. لكن بدون سابق إنذار صارت زوجته .. يحب يأخذ كل شي مني .. لما عرفت انه رجعها له .. مدري وش اللي صار فيني .. خلاص آخر أمل اقطعه بيني و بينها .. تمنيتها زوجه لي و راح أربي ناصر مثل أولدي و أكثر .. ابتسمت لما تذكرت .. ما راح تطول عنده أن شاء الله .. ما راح يصبر على مرضها .. و راح يطــلـــقــهـــا و بتكون لـــي .. ×× ×× صلاح .. أكثر وقتها جالسه على الأب توب .. و لا كأني معها بنفس الغرفه .. مطنشتني .. لعبت بشعرها المتناثر على أكتافها بتموجه و نعومته و لونه الأسود .. بنذاله شديت خصله من شعرها .. أرفعت رأسها لي عقدت حواجبها و أبعدت يدي عن شعرها .. سحبت الأب من حضنها و سكرته .. / ما أبيك تلهين عني بشي .. سوالفي معي .. .. دانه .. رفعت شعري على وره .. بمغزه .. / بس أنت اللي عندك السوالف مو عندي .. رفعت حاجبي باستنكار .. و الا لا !! .. صلاح .. ناظرتها بقهر .. فهمت قصدها .. بتهرب من سوألها .. بستها من خدها .. شكلها مره تعبانه .. وجهها أصفر من التعب و تحت عيونها هالات سوداء .. و صوتها مبحوح .. قالت بخجل و قهر مني .. مسحت على خدها .. / سخيف .. ابتسمت لـ خجلها الرباني مر على زواجنا سنه و كم شهر و لحد الحين خجلها ما تغير .. قرصت خدها .. / فديتك .. اليوم رايق و هي تساعد .. صايره هاديه كثير و أهم شي قليلة كلام .. العاده تصدني بـ كلام ماله داعي .. أفضل سكوتها عن الكلام الجارح .. و عن فتح الجروح .. قلت عشان تلهي عن موضوعي .. / بجيب شغاله لك .. أرفعت رأسها ناظرت عيوني .. / ماله داعي لأني بروح لبيت جدتي .. بلعت ريقي أربعين يوم بتحمل فراقها عني .. هذا اللي ما حسبت حسابه آه يا رب عفوك وش اللي يصبرني بـغيبها .. جيت برفض لكني سكت مو كافي اللي جاها مني .. بغموض .. / يصير خير .. وقفت قدام المرايا .. عدلت شماغي .. بحزن على حالي .. من وين القاها من أهلي اللي يصدوني و الا منها .. / طالع أزور الوالد بالمستشفى .. دانه باستغراب .. / عسى ما شر ؟!.. بهدواء تام .. / قبل لا تدخلين المستشفى بيوم هو فيه .. تعبان شوي .. أوقفت قدامي .. باصرار .. / بزوره .. شفت الاصرار بعيونها و بنبرة كلامها و لا حبيت أردها يمكن أن شافها .. يطيح اللي بقلبه عليَ .. يخليني أدخل له بدل لا أشوفه من بعيد .. / يالله أجهزي .. جلست أحتريها .. أقل من عشر دقائق و هي قدامي .. ركبنا السياره .. بهدواء مثل ما طلعنا من الشقه .. دق عليَ زيد و قالي أن أبوي بالمستشفى .. ليله الحادثه .. عقلي ما كان معي .. حتى الباب ما تأكدت أني مسكره بالمفتاح .. آه ليت الزمن يرجع ما كان خليتها لحضه وحده .. استغفر الله قدر الله و ما شاء فعل .. هذا اللي الله كاتبه .. التفيت لها .. سرحانه و لا هي معي .. تناظر لشباك .. مسكت يدها .. أسحبتها مني قبل لا أبوسها .. .. / أفأ يا ذال العلم .. .. دانه .. التفيت لـ قدام .. اناظر الطريق .. صرخت بخرعه .. / صــــلاح الســــياره !! ×× ×× خوله .. واقفه قدامه .. و هو جالس على الكنبه يقرأ جريده بندماج .. و قدامه كاس شاي .. سحبت منه الجريده .. ضربت بطني بقهر و كره لـ متعب .. / ما أبيـــه .. .. متعب .. تفاجأت من حركتها .. أبعدت يدها عن بطنها .. خوفي أنه يروح .. و هو توه ما ثبت .. و أخاف أنها تسوي شي .. يخليني ما أشوفه .. ما صدقت أني بصير أب و أفرح فيه .. ناوي أجيب له أن شاء الله أخوان و أخوات عزوه له .. ما أبيه يصير وحيد مثلي .. ضميتها لـ صدري .. اهديها من ثورتها .. هداة كثير .. برسميه .. / اهدي ما في شي يستاهل تكدرين خاطرك عشانه .. ×× ×× عساف .. جبرتها تجلس معي بـ الصاله .. طول اليوم حابسه نفسها بغرفتها .. لا أشوفها و لا تشوفني .. جلست على الكنبه قريب منها .. أوقفت قالت بصوت مخنوق .. / وعدتني أنك ما تقرب عندي .. سحبتها لـ حضني بـ شوق .. بعتاب قلت ما أني متحمل بعدها حتى لو هـ الشي مو بيدها .. / ليه الجفاء ؟!. .. رونق .. حاسه بضيق وسط قلبي .. أتجنبت أناظره .. أبي بس أطلع من الصاله .. أبي أرتاح من الضيقه .. بكره و قهر منه حذرته أنه ما يقرب و واعدني لكنه تراجع عن وعده .. تجمعت الدموع بعيوني .. بصوت غاضب .. / أكرهــــك .. وخر عني .. أرتجفت بحضنه .. قربني أكثر لحضنه .. / خاف ربك ما أبيك .. و لا أبي قربك .. حطيت يدي على صدره أبعده عني .. شدني له بقوه .. سديت خشمي بيدي عن ريحته .. افلت يدي منه .. مسكت كاس الماء .. و كبيته على وجهه .. رجعت كم خطوه على وره .. قرب عندي و عيونه قلبت حمره .. غطيت وجهي بيدي احميه من يده المرفوعه .. لا اله الا الله .. سبحان الله و بحمده سبحان الله العظيم .. انتهــــى البارت .. توقعاتكم .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته .. أن شاء الله البارت الجاي بيكون يوم الأربعاء .. بارت اليوم طويل و أن شاء الله أشوف توقعاتكم عن أبطالي .. البارت الثاني عشر .. عساف .. سمعت صوت بكائها .. جسمها أرتجف من قربي لها .. أبعدت عنها بضعف خائف ما أتمالك نفسي و يصير شي ما يريحها مني .. نزلت يدي قبضت عليها بقهر .. أبعدت بندم أني حاولت أغصبها عليّ .. يجرحني كثير صدها و كرها لي .. طلعت من البيت قبل لا أتهور و أندم كثير .. جلست بسيارتي .. حطيت راسي على الدركسون .. أهدي أعصابي .. ما أبي أمد يدي عليها .. و أنا عارف أني اللي تسويه مو بـ أرادتها .. التفت لـ الشخص اللي عكر هدوئي بإزعاجه .. ضرب على شباك السياره .. نزلت عقدت حواجبي .. / نعم .. ناظرته من فوق لـ تحت .. أزرار ثوبه مفتوحه و بياض ثوبه مائل للسواد .. و لحيته مهملها .. تحت عيونه هالات سوداء .. يحك جسمه بتعب و بقوه .. قرب عندي مسك يدي بترجي .. / تكفى عساف .. أبي حبه بس حبه .. بقرف أبعدته عني و من ريحته الخايسه .. / عندك فلوس عطيتك !! .. مسك يدي بترجي مؤلم و ذل .. / بس أبي حبه .. ابتسمت يمكن أنه يفيدني بعدين .. فتحت درج السياره و مديت له كيس كامل .. أخطفه من بين يدي و كأنه يخاف أني أرجع بكلامي .. .. رونق .. خفت من يده الممدوده .. الخوف أنتشر بكل جسمي .. ما قدرت أهرب منه و لا أحمي نفسي ألا بـصوتي المبحوح .. .. / لا تمد يدك .. دخلت غرفتي .. جلست بارتياح شديد على السرير .. تنفست بعمق .. الراحه سرت بـ قلبي .. ما كان ودي أرجع له و لجحيمه .. أكره و أكره سيرته .. حياتي معه خوف بـ خوف .. ما حسيت براحه و لا الأمان .. كل ما شغلت الرقيه قبل أنام اتعب كثيييير .. حطيت راسي على المخده جنب ولدي .. و قريت أذكار النوم .. و نمت بعد ما تأكدت أن الباب مقفول .. ×× ×× صلاح .. نبهني صوتها على السياره اللي جايه قدامي عكس السير .. تجنبتها بسرعه قبل لا تصدمنا .. سفطت سيارتي على جنب .. سندت راسي على سيت السياره .. رفعت راسي أشوفها و اطمئن عليها .. هزيت كفها .. ما جاني منها و لا صوت .. عيونها مثبته على قدام .. همست بخوف .. / دانه أنتي بخير !! ارتحت لما سمعتها تتمتم بـ .. .. دانه .. أنفاسي سريعه .. قلبي دقاته قويه .. شفت الموت بعيوني .. نزلت مني دموع الخوف .. حطيت يدي على قلبي .. هتف براحه .. / الحمد لله .. بعد دقائق .. حرك السياره متوجهين لشقه .. ×× ×× بعد مرور ثلاث أيام .. خوله .. أعصابي تلفانه و تعبانه .. أجبرني أني أرتاح على السرير .. حطيت يدي على بطني .. تمتم بخوف على الجنين .. / اللهم إني أستودعك جنيني الذي في رحمي، أنت الذي لا تضيع ودائعك يا الله.. جاء ببالي إجهاض دانه خوفي أنه يروح و بعدني ما شبعت منه .. .. متعب .. دخل جناحي بعد ما كنت عند أمي تقهويت معها و أبشرها بحمل خوله .. وقفت قدام المرايا اعدل شماغي .. من حركتها الكثيره تحت الفراش عرفت أنها مو نايمه .. .. / اليوم بنام بالأستراحه .. رشيت على نفسي عطر و طلعت بدون لا أسمع جوابها .. .. خوله وقفت عن الحركه .. و أبعدت الفراش عني .. جلست على كرسي التسرحه .. تنهدت براحه .. أخيرن بيعتقني .. وجوده يسبب لي عدم ثقه بنفسي .. تاملت وجهه بدقه .. البهاق بداء يخف أكثر من أول .. ابتسمت برضا و فرح .. الكريمات بدت تفيدني كثير .. و أهم شي أن شاء الله ترجع ثقتي بحالي نفس قبل و أحسن .. و لا راح يجرحني كلامه و كلام الناس .. هـ اليومين صاير كلامه مثل العسل معي .. بس عشان ولده اللي داخل أحشائي .. لو كلامه قبل كان صرنا أسعد زوجين لكن هيهات .. مو كل شي يجي بالكيف .. ×× ×× فياض .. نزلت الأغراض بـ بيت جدت وعود .. أخذتهم مني الخدامه و سالتها عن الجده و قالت أنها مسيره للجيران .. جلست احتريها بـ المجلس .. شدتني الأصوات لـ داخل البيت .. نادية الخدامه لكن ما جاني جواب .. ناظرتهم وعود واقفه و لابسه بنطلون أسكني أسود .. وبلوزه بالون البيج .. و لامه شعرها بـ إهمال.. رجعت مكان ما أنا كنت فيه .. انحرجت من نفسي .. أشياء خاص مالي دخل فيها .. أكره ما عندي فضولي أزايد عن الزوم .. لكن اللي استنتجته هي لا تحترم لا كبير و لا صغير .. بصوت منخفض .. / هه ما خذل لي وحده عاق بـ أمها .. .. وعود .. .. / تمشي معي فاهمه .. عرسك ما بقي عليه شي و أغراضك ما جهزتيها كلها .. وعود .. / يمه روح لـ بيت زوجك ماني رايحه .. لو ايش يصير .. امها .. / ما تبيني أفرح حالي حال هـ الأمهات فـ بنتها .. بحزن .. / أنتي فضلتي عليّ عيالك و زوجك .. فـ رجاء خليني بروحي .. و أغراضي كلها جاهزه .. رحت لـ غرفتي قبل لا أنفجر و أزيد عليها و أطلع كل قهر السنين .. ما هان عليّ أني أعاتبها على شي سوته و هي توها .. صغيره و أرمله و معها بنت .. من حقها أنها تتزوج لأنها بعدها صغيره .. أتركتني بـ بيت جدتي و تزوجت و أسبوع عندها و أسبوع عند جدتي .. تمرمطت على الفاضي .. هي لو كنت عندها ما تهتم فيني و لا تسال عني .. رميتني على الخدامه .. و الحين جايه بكل برود تبيني أجلس عندها قبل زواجي .. لأنها راح تفقدني .. طيب أنا ما حسيت فيها أنها أمي .. كل أهتمامها لـ عيالها من زوجها و أنا و لا كأني بــــــنــــــتــــها .. زواجي ودي أنه اليوم قبل بكره .. مو حب بـ فياض .. لكن ناره و لا جنة أهلي .. سمعت صوت الأذان .. استغفرت ربي و توضيت و صليت .. ×× ×× صلاح .. تقلبت بـ السرير حوالي ساعتين لين قدرت أنام .. ما أني متعود أنام بمكان غريب عليّ و أتقلم فيه .. بـهـ اليومين وديت دانه بيت أبوها .. و غيرت الشقه لأني ما أني ضمنهم لو يرجعون لها مره ثانيه .. لبست ملابسي .. و طلعت لسيارتي .. اشتقت لها ما أني متعود على فراقها .. لو مو هي بالأربعين كان خليتها عندي .. لكن يبي لها اهتمام و عنايه .. زرنا أبوي قبل لا أوديها بيت أبوها .. و مثل العاده ما خلاني أجلس معه و لا اسلم عليه .. كل يوم أخواني يتناوبون و ينامون عنده .. ما عادي ممنوع أسلم عليه أو أكلمه .. لأنه كل ما شافني عصب و أرتفع ضغطه .. و بكذا قررت ما أخليه يشوفني لو جيته .. صحته أهم شي عندي و راحته النفسيه .. من بعد ما تعب أخواني جابوه لـ الدمام .. لأن كبر بـ السن .. و يبي له رعايه خاصه .. أبوي و أمي و عمتي سكنوا بـ فلة منصور .. كل يوم قبل لا أروح لدوامي أمر على أمي و عمتي و اسلم عليهم .. ما نسيت اللي سوه فيني بـ مدحهم لـ نجوى .. لمتهم كثير كان مدحوا دانه .. بدل لا يزينون نجوى بعيوني .. و يصير اللي صار .. الـــــــجــــــرح بـــــعـــــــده مـــا بـــــره .. و لو أبوي رضا عني بكون بخير .. لكن زعله كايد .. ليته يغفر لي خطيتي .. لكن اللي سويته يا صلاح مصيبه بحق أهلك و بحق البنت اللي ضاع عمرها و اسبه أنت .. و بكل برود جاي تقول أنك ندمان .. الندم وش يفيده فيه ؟؟ هل بيرجع شرفها اللي سلبته منها بوحشيه !! .. قبل زواجي من دانه بـ أيام .. بعد ما طلع محمد يجيب لي أخته .. وقفت بصعوبه صرخت من ألم ظهري .. لكني كتمت الوجع اللي بصدورهم أوجع بكثيييير مني اللي بظهري .. وقفت قدام أبوي و أخواني .. ناظرتهم واحد واحد .. و عيوني تحكي ظلمهم لي و قسوتهم .. الكل كان ما يحبني و لا يتشرف أني أكون أخوه .. و أبوي بـ المثل .. منصور دكتور .. و زيد ضابط .. و خالد مهندس .. و نادر أصغر مني و يشتغل ممرض بالمستشفى .. أما أنا الثانويه ما دخلتها و لا كنت أحب المدرسه .. لأني ما أني مثلهم بـ شغالهم و تفوقهم بـ الدراسه .. جلست بركبتي قدام أبوي .. تكلمت بألم و قهر و قلبي محروق.. / يبه و دانه وش مصيرها !! التفت لجهه الثانيه .. و قال بـ قسوه .. / بنتي مالها بك عازه دام هذي سوالفك .. و قال ببرود قطع قلبي .. ما أكثر من أخوانك أنت بس طلقها و ريح البنت منك .. انجنيت و قفت بذهول يسويها أيه يسويها .. التفت لـ أخواني .. / اللي يفكر بس يفكر بـ الدانه مصيره بين يدي .. أمي قال تهون عليّ .. / تعوذ من الشيطان .. دانه لك و لا أحد يقدر يقرب عندها .. سمعت أبوي يتمتم بـ ندم و قهر .. / استغفر الله العظيم من كل ذنب عظيم .. مشيت بخطوات واسعه .. وقفني صوت زيد .. / وين رايح !! قلت بقهر .. / لا تخافون ما أني هارب .. طلعت لـ غرفتي .. دخلت الحمام .. الله يكرمكم .. تروشت على السريع من ألم ظهري ما ستحملت الماء يصب على الجروح اللي فيه .. لبست ثوبي .. و طلعت لـ المجلس .. بهدوء تام لكن اللي بصدري عكس هـ الهدوء .. دانه مو لك طلقها !! جاء اللي أحسن منك يأخذها .. بلعت غصتي بألم راح اقلب الدنيا لو ما أخذتها .. مو حب فيها لكنه تملك لا غير .. صلاح الفاشل ولد ألديره يأخذ دانه الجامعيه .. هذا الكلام اللي دائر بـ ألديره لما خطبتها أمي لي .. يحسدون الفقير على موتت الجمعه .. حتى أبوي كان رافض أن أخذها لأني مو من مستواها .. جلست على كنبه منفردة .. تأملت أخواني بحقد .. أيه أحقد عليهم ألا أحسدهم الكل مرتاح بحياته ما غيري أنا اللي مبتلش بـهـ الدنيا .. بـ السنوات اللي مفروض أكون فيها بـ الثنوي .. كنت اسافر من دوله لـ دوله مع واحد من خوالي كان كثير يسافر .. و أرجع مثل ماكنت بـ ألديره .. و هم ما كانوا يجون لـ أبوي و أمي و عمتي ألا من عطله لـ عطله .. و ما يجلسون فيها ألا كم يوم و يروحون .. ما أظلم أحد بعيشتي و أقول أن فلان هو السبب .. ما كنت أحب الدراسه .. بعد هالسنين ندمت كثير أني ما كملتها .. .. دخلت لـ غرفت أبوي الخاصه .. سلمت عليه و حبية رأسه و يده .. تأملت وجهه المتجعد .. و لحيته البيضاء .. أشبه كثير و هذا يمكن اللي يغفر لي عنده .. كان بكل فخر يسميني .. شبيه و شبيه جدي .. كان يقول أني لي أنت جدك صلاح الله يرحمه .. بقوله و فعله .. هذا كان يعني بـ الماضي يا صلاح .. لكن الحين حتى وجهي ما يداني يشوفه .. و كأني ذنب يحاول ينساه بأي طريقه .. تنهدت بـ ساء على حالي .. طلعت بسكات مثل ما دخلت .. ×× ×× دانه .. لي يومين بـ بيت أبوي .. طلبته يوديني لـ بيت جدتي .. لكنه عاند و خلاني بـ بيت أبوي .. يدري أني محب أضايق أبوي و زوجته لكنه و لا كأنه يسمع .. فاهمه مقصده يظن أني ما راح أرتاح فيه .. و أرجع معه لـ شقته .. لكن نجوم السماء أقرب له .. تعبانه وودي بـ الراحه النفسيه قبل الجسديه .. سمعت جوري تقول لـ مرة أبوي أن صلاح بـ المجلس .. جوري جالسه عند أبوي من أسبوع و على كلامها أنها مرتاحه بـ الجلسه و لا تبي تروح بيت جدتي .. لأن مرت أبوي طيبه معها و لا تقصر .. أول ما عرفت أن أبوي تزوج بعد أمي الله يرحمها .. ما استحملت الجلسه معه و مع مرت أب .. كل الظنون اللي كانت ببالي تبخرت من جلست عندها هـ اليومين .. إنسانه طيبه و خدومه .. ظلمتها و ظننتها مثل حريم الإباء ظالمه و قاسيه .. ما كان فيه فرصه أني أعرفها .. تأففت بصوت مسموع .. ما بوجه حياء وجهه مغسول بمرق .. أحد يجي هـ الوقت .. لا هو قريب مريحني و لا هو بعيد .. وكأنه يقول بجيته مالك مفر مني .. لميت شعري بربطتي لابسه بجامه مخططه بالطول بالون الأحمر و الرمادي بأكمام طويله .. قمت من السرير .. ناظرت الساعه اللي بـ يدي هديه منه .. الساعه 30: 11 .. دخلت المجلس .. حاط على الأخبار و لا هو يمها وبيده فنجال قهوه .. مجلس أخوي ليث عمره سنه و نص على فخذه .. و يسولف له .. عن حبه لي !! رجعت كم خطوه على وره .. أخذت نفس طويل .. لا تصدقينه يكذب عليك .. لو كان يحبني كان ما أحد تجرأ و أهانني بسبته .. و الدليل أنه رفض نبلغ ألشرطه عن اللي دخلوا ألشقه .. أي حب هذا اللي يتكلم عنه !! ×× ×× خوله .. طلع ثوبه ورماه على الكنبه و عيوني ما طحت من الثوب .. دخل الحمام .. الله يكرمكم .. نظرت الثوب بدقه .. أبي أمسك عليه خيانته لي اليوم .. لأني ما أني مصدقته أنه كان بـ الاستراحه .. الثوب أبيض و لا فيه أي بقعت روج .. دخلت يدي بثوبه و عيوني على باب الحمام خوفي أنه يمسكني و أنا متلبسه .. فتحت جواله بشوف أخر من دق عليه .. طاح الجوال من يدي المرتجفة .. .. / خـــوله !! .. متعب .. كنت عند ورود .. أبي الراحة بس لقيتها ما تقل عن خوله بالجفاء و تصديع الرأس .. طلعت من الحمام بهدوء .. وقفني منظرها عن الحركه .. ماسكه ثوبي و تنبش فيه .. ابتسمت على حركتها بخبث .. لكن لما شفتها مسكت جوالي .. .. / خـــوله !! سحبت جوالي من بين يديها .. لبست بجامتي بصمت مالي خلق لـ الكلام و لا الجدال .. تلحفت بفراشي ببرود .. سحبتها لحضني أتجنب غضبها .. حسيتها كأنها صنم بلا حركه .. حبية هدوءها بهاللحظه .. نشرت قبلاتي بجميع أناحا وجهها .. قالت بصوت تعبان و قهر .. / متعب أرحمني !! بهدوء ما أبي أي شي يعكر عليّ .. / أصصص .. ضميتها أكثر لـ صدري و كأني بدخلها بين ضلوعي .. .. خوله .. تلاشت قواي بين حنانه .. أكره بهاللحظه نفسي .. سلب مني قوتي بحنان .. أغرقني بحنانه الصادق .. ×× ×× اليوم الثاني .. مسفر .. الساعه وحده الظهر .. مسحت جبهتي من العرق .. لفيت شماغي على وجهي أحميه من حرارة الشمس .. تغير المكان .. هذا المبنى ما كان موجود .. و لا هـ مشيت ألا ركضت خلاص تعبت ما أبي شي يذكرني بـ اللي راااح .. مشيت لي ساعتين أبعد عن مكان السجن و ذكرياته المؤلمه .. أشرت لـ راعي تكسي يوقف لي .. راعي التكسي .. / وين يالأخ ؟! ريقي ناشف و أبي أبله بقطرات من الماء البارد .. / ودني أقرب بقاله .. ناظرته شاب بحدود 26 ـ 28 .. هذا العمر اللي خمنته من شكله .. الله يعينه يمكن أنه يكد على عائله أو أيتام .. سندت راسي .. همك أكبر يا مسفر .. عن هـ اللي عندك على الأقل هو ما سلبوا منه حياته ظلم .. كفايه عنده أنه حر طليق .. تنهدت بتعب مؤلم .. استغفرت الله .. ×× ×× محمد .. قبل لا أروح الدمام و بتحديد بـ بيت عمتي .. طلعت متوجه للباب .. وقفني صوتها .. / محمد وين يبي يروح .. بـ لهجتها المتكسره .. التفت لها بتكشيره .. / نــعـــم !! بلبس الخدم المعروف .. بني بـ اسود كاروهات .. و حجابها البني .. مع روجها الأحمر .. جنسيتها اندونيسيه .. قربت عندي .. حطت يدها على صدري .. / أنت ليه مافي كويس مع أنا .. تأففت .. يا ليل الشقا .. ابتسمت بتصنع .. هذي الحاجه و ما تسوي .. أبعدتها عن .. / بغيتي شي ؟!. لفت رأسها يمين و يسر .. / لا مايبي شي .. بس حرام بابا عساف هو مع حرمه مال هو كتييير تعبان .. أنا يبي قول عن سحـ ... بترت كلمتها قبل لا تفضحني .. سديت فمها بيدي .. بين أسناني تكلمت بغضب .. فاهم وش وره هذا كله .. / طيب بعطيك اللي تبين .. طلعت الفلوس من بوكي و مديتها لها .. ابتسمت و خذ الفلوس من يدي و بدت تعدها .. / شكراً بابا .. دخلت داخل البيت .. طلعت لـ سيارتي .. مسكت خط الدمام .. هذا كله بفعايلك .. لو فضحتني قدامهم وش ناوي تبرر لهم ؟؟ وش عذرك قدامهم !!.. بس هي ما تبي ألا الفلوس .. و لحد الحين كم خذت منك !! .. هي الربحانه و أنت ما استفدت شي من هذا كله .. هذا عساف متمسك بـ رونق .. ×× ×× ورود .. بـ الماضي .. ناظرت نفسها بـ المرايا للمره الأخيره قبل لا تفتح الباب ابتسمت بـ إعجاب على شكلها .. بترحيب حار حيته و ابتسامه شاقه وجهها الجميل .. دخلته لـ صاله .. .. ناظرته ببراءه و ابتسمت .. / عمي جيت .. التفت لي بقسوه .. / ورود وجع انقلعي غرفتك .. دخلت لغرفتي بدون نقاش .. طليت من طرف الباب .. غمضت عيوني على منظرهم .. فتحتها من سمعت صوته الغاضب .. وبيده فرده .. بلبسه العسكري .. وجهه لـ عمي و ضربه ضرب بالرصاص على صدره .. طاح على الأرض و ثوبه أنقلب للون الأحمر .. سديت أذني بطرف أصابعي .. بكيت من المنظر عمي .. و أمي تبكي بحرقه و كلامها غير مفهوم .. أبوي ركض للمطبخ .. و طلع و بيده سكين .. تقدم لـ أمي .. طعنها بـ السكين في بطنها و صدرها .. يصرخ بعلا صوته .. / يـــــالخـــاينه .. التقط فرده و ضربها بالرصاص من جميع جسمها .. دمعت عيونه بألم موجع حتى النخاع .. أخوه مع زوجته .. أخوه اللي أمنه على بيته و زوجته و بنته بغيابه يطعنه بظهره .. تخبيت وره الباب و غمضت عيوني من المشهد .. عيوني امتلأت بالدموع .. و أحرقت خدي .. سديت أذني من صوت صراخه المزعج .. تمتمت بصوت طفولي .. / يا رب بابا ما يقتل ماما .. وجهي امتلاء بالدموع .. آخر ما سمعت .. / اترك سلاحك .. لا تتحرك .. .. وبعدها سكنت بـ بيت عمي و لا تجرأت أسال عنهم .. ... بـ الحاضر .. مسحت دموعي على هـ الذكرى .. لا تبكين عليهم هم السبب باللي أنتي فيه .. بلعت غصتي بـ ألم و قهر ممزوجين بـ حزن .. .. لكنهم مو موجودين عشان أعاتبهم .. / الله يرحمهم و يغفر لهم .. دفنت وجهي بـ المخده أمنع دموعي من السيل لكنها كل مالها و تزيد .. أبوي و أمي متوفين خوالي طالبوا بالقصاص .. و عمي حي يرزق .. لكن بخليه يندم قد شعر رأسه على اللي سواه .. هو و عياله .. هم مالهم ذنب باللي سواه و أنا اللي لي ذنب باللي صار كله .. . . . . عمي أبو فياض .. ......... همسه : قال الرسول الله صلى الله عليه وسلم : ( الحمو الموت ) ......... انتهى البارت .. توقعاتكم اتهمني .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته .. البارت الثالث عشر .. بهدوء الليل و سواده .. بـ مجلس أبو ليث .. جبرتها تجلس معي بدل ما أجلس بروحي .. بعد ما تعشيت .. ما في صوت ألا صوت التلفزيون .. على الإخبار الممله .. ناظرتها عيونها ما طاحت من على ساعتها .. ابتسمت على ذكرى الساعه .. هذي أول هديه أهديها لها .. بـ أول أيام زواجنا شريتها لها .. ابتسمت لها .. مسكت يدها بكفي العريضه .. / وش تحترين ؟! .. بـ هدوء و استغراب .. تحتري مسلسل .. .. سحبت يدي منه بـ ملل لا يطاق .. تافه أنا وين و المسلسلات وين .. قلت بجفاء و قلة احترام له .. / متى تروح الوقت تأخر و أبي أنام !!.. .. تطردني ما في تفسير لـ كلامها ألا هـ الكلمه .. بـ عناد و لا كأنها قالت لي شي .. التفت لـ التلفزيون و حطيت على قناة أغاني يمكن هي الوحيد بهـ التلفزيون .. و عليت على الصوت .. .. طيرت عيوني عليه .. / أحترم رجال البيت .. سحبت منه ريموت الكنترول .. تعرف أن أبوي ما يحب يسمع ببيته الأغاني .. غيرت عن القناة .. .. انسدحت على الكنبه .. حطيت ذراعي على عيوني .. بـعتاب و أغاضه .. / الزوجه تحترم زوجها و تقدره .. مو مثلك هذا و حنا ببيت أبوك يا محترمه .. .. عصبت من كلامه .. سحبت ذراعه .. عشان يناظرني .. بكل حقد .. ناوي يخليني أنا ألمذنبه بحقه و هو المظلوم .. / و أنت حافظت على بنته !؟.. .. صلاح .. بـ تصنع و عدم اهتمام لـ سؤالها .. ألم زار قلبي بهـ الثواني و جاء مع كلامها لـ داخل قلبي بدون رحمه تغفر .. ناظرتها وجهها أحمر من الغضب .. يا ترى هل كل هذا الكره اللي تحمله بـ قلبها عليّ أو بقى كثير لـ توجع حبها بـ قلبي و تجرحه .. .. ما عندي أجابه لـ سؤال الإجابة عندها .. بتعب و ألم .. / أنتي أدرا !!.. وقفت بدل لا أزيد النار حطب .. بهدوء و قلبي مجروح من كلامها .. ليه زعلان !! .. هي ما قالت ألا الحق و الحق ما ينزعل منه .. / بتركك ترتاحين و بجي لك بكره .. توجهت للباب .. صوتها الغاضب .. / لا تجي و لا أبي أشوفك .. طلعت قبل لا تفلت أعصابي و أسوي شي هي ما تبيه .. .. طلعت لغرفتي و جسمي كله تعبان .. و قلبي اللي فيه من ألم و قهر موجع حيل و لا أحد يقدر يحس فيني .. رفعت راسي أمنع دموعي تطيح .. وقفني صوت أبوي اللي يسالني عن صلاح.. التفت له بتصنع و هدوء بارد .. وملامحي ما تتفسر .. / توه راح .. أبوي يناظر ساعته .. / ليه ما نام هنا الوقت متأخر و الشقه بعيده .. بكذب .. / هو أصر أنه يروح لأنه وره دوام .. عيوني على الأرض ما أبي أبوي يحس أن صاير معي شي .. أبوي .. / أدخلي نامي .. تصبحين على خير .. بأس جبهتي بـ حنان أبوي .. دخلت بدون لا أرد عليه .. لأني لو رديت .. أخاف ما أتمالك نفسي و أطلع كل شي عن ولد أخوه .. دفنت وجهي بـ مخدتي و دموعي عبرت عن حالتي الموجعه .. وش يبي بعد كل شي حلو بحياتي أهدمه .. شغلي و طلعني عنه بمبرر سخيف أنه ما يبيني أتعب نفسي .. حبسني بـ شقته بدون أي ذنب مني .. و هو يدعي الخوف عليّ و الحرص .. شكاك بكل ما تعنيه الكلمه .. مين يستحمل أنه يعيش مع واحد مثله !! و أحلى شي بحياتي أحرموني منه و هو السبب ... وش بقى بعد .. و ألا هو ما يفرح ألا لما يشوفني بقبري ميته قهر منه و من ظلمه .. أكــــــــــره بــــــس لـــــيته يحــــس بكـــرهي لــــه .. إنسان غير مبالي و يفرض نفسه عليّ .. بحقد عليه .. أتمنى أسمع خبر موته عاجل غير أجل .. أبي الحريه من حياته .. ×× ×× وعود .. طلعت من الحمام .. الله يكرمكم .. بعد ما تروشت .. رتبت شنطتي الصغيره .. مخنوقه و كأني بموت .. ما أني متحمله ألروحه لـ بيت زوج أمي .. لكن حكم القوي على الضعيف .. أمي أجبرتني بدموعها الغزيرة .. و كلامها اللي كسر خاطري .. ما هان عليّ أنها تروح لـ بيتها و هي زعلانه مني .. ركبت سيارة زوج أمي .. اللي يملاها صوت أخواني من أمي .. و عيونه ما طاحت مني ألا على الطريق .. ابتسامته من الأذن لـ الأذن .. دقات عنيفة أصدرها قلبي .. نزلت غطوت نقابي الأسلامي أستر على عيوني من نظراته المتفحصه و القذره .. برودة السيارة حاطتني من كل جهة .. بعكس نظراته الناريه لي .. ... أخيراً وصلنا البيت .. دخلت لغرفتي جيت بسكر الباب بـ المفتاح لـــكن .. ما حصلــــــت المفتــــــاح .. أخذت نفس بـخوف .. مسكت رأسي تعبانه من الحراره .. دخلت أمي بـ استغراب .. / وش فيك .. .. / يمه وين مفتاح الغرفه ؟!. .. جلست بـ تعب على السرير ما أني قادره أوقف من التعب حاسه أني بدوخ .. قلت بتعب .. تعبانه دخلني برد .. أمي حطت يدها على رأسي .. / سلامتك .. دخل زوج أمي .. / وش فيها وعود !! غمضت عيوني ما أني متحمله أكثر وقاحته و نظراته .. غطيت جسمي بالفراش .. أمي بحنان .. / من مكيف السياره أتعبت .. صابتها حراره .. حط يده على جبهتي .. أرتجف جسمي بخوف .. أبعدت يده عن جبهتي .. التصقت بظهر السرير .. و عيوني الدامعة بعيونه المخيفه .. أخذت علبة المنديل أمسح خشمي و عيوني .. جابر ابتسم لي .. كان ودي أرمي عليه علبة المنديل اللي بيدي لكن ما فيني حيل .. / ما عليه كاس ليمون من يديني الحلوه و تصير تمام .. عقدت حواجبي على كلامه .. الله لا يحلي أيامه .. جعل اللي فيني فيه و أرد بعد .. طلع بعد كلامه .. مد لي كاس ليمون ..ما أني قادره أتكلم من التعب .. و لا أرفضه .. أمي أجبرتني أشربه .. دموعي طاحت على خدي من نظراته ما أني قادره اتحمله أكثر .. طلعوا و تركوني .. تثاؤبت بـ نعساس .. مدري وش فيني معني صاحيه الظهر و أمس نايمه بدري .. أكيد هذا من التعب .. حطيت راسي و نمت بعمق .. ×× ×× خوله .. حطت الخدامه صينية الأكل قدامي بعد ما رفضت أنزل و أتعشى .. و هو يعاتبني .. لأني ما أكلت اليوم كله .. عيوني تتبع خطواته .. بـ ألم .. حطيت يدي على بطني .. / كل هذا عشان .. اللي هنا .. .. التفت لها .. جلست على الكنبه .. بـ أسلوب جارح .. / تقدرين تقولين أيه .. ببرود يقهر .. مو يقولون الطفل يتأثر بنفسية أمه .. بدون لا أهتم بـ مشاعرها .. أهم ما عليّ ولدي .. .. وقفت قبل لا يزيد الجروح لأن القلب فيه ما كفاه .. رحمتك يا رب .. ../ أجل ربي يا خذني منك و أرتاح .. .. سحبتها من يدها تجاهي .. بكبرياء موجع لها .. فـ أنا ما نسيت مين أبوها .. / أعيد لك الكلام يمكن .. ضربت رأسها بخفه .. هذا يستوعب .. كل اللي كنت أسويه لها عشان شي واحد الجنين ما يتأثر بنفسيتها .. .. خوله .. في شي يسمونه احترام بين الزوجين و مودى .. ما أني عتبانه عليه لأنه ما يحبني المحبه من الله .. لكن فيه شي أسمه احترام للمشاعر و هو ما يعرف هـ النقطه ألا يعرف عكسها .. .. متعب .. قلت بسرعه و بدون تفكير .. و أنا أدقق بملامحها .. بعرف ردت فعلها .. / لو جاك كلام أن متزوج وش بتكون ردت فعلك !!.. .. رفعت نظري له .. عقدة حواجبي بشوف أخرت هالكلام .. متزوج !! .. بـ انفعال حاد .. / ما راح أجلس عندك يوم واحد .. فتحت عيوني بوسعها .. بقلق ليكون ناويها .. وش له هـ الكلام !!.. .. متعب .. انسدحت على السرير ببرود يحرق الأعصاب .. و بنغزه .. / راح تعرفين قريب .. عطيتها ظهري .. / لا تزعجيني .. .. لا أنا اللي كلت و لا هو اللي علمني الصدق .. أبعدت عنه الفراش بغضب .. / تلعب بأعصابي ثم تنام ببرود .. هزيت كتفه .. أنت متزوج رد عليّ ؟!.. .. متعب .. تأففت جبت الهم لـ نفسي الحين هذي وش يسكتها .. قلت أريح رأسي من إزعاجها .. / أيه متزوج ارتحتي !! .. متــــزوج ناظرته بقهر .. / و تقولها بكل برود .. رجع و انسدح .. لبست عبايتي و أخذت شنطتي .. كبريائي ما يسمح لي أعيش مع واحد عديم أحساس و أناني أهم ما عليه نفسه .. طلعت من الغرفه بهدوء .. طلعت لـ الحوش .. التفت بخيبة أمل كنت أتمنى أشوفه جاي و يعتذر و يقول أن بس حب يلعب بـ أعصابي .. لكن شكله ما صدق على الله أني أطلع .. أرتجفت شفتي بقهر .. و دموعي حبيسه بعيوني .. خلاص ما يبيني .. و لا يبي اللي بـ بطني .. دقيت على فياض لكن ما يرد و دقيت على أبوي لكن جواله مغلق .. مسكت عروة الباب بدور على تكسي يبعدني عن هـ البيت .. التفت على صوته الغاضب .. .. متعب .. عاطيها ظهري منسدح .. استغربت هدوءها المفاجأ .. ما أسمع لا أصراخها و لا بكيها .. هل رضت بالحقيقه أو من الصدمه ما هي قادره تتكلم .. التفيت و كانت المفاجأ .. الغرفه خاليه منها و من ريحت عطرها الطاغي على حاسة خشمي .. أخذت عكاسي .. أسند جسمي فيه .. دورتها بجنون بـ الجناح و بالبيت بكبره لكن مالها أي أثر .. لمحتها بـ الحوش من أحدى الشبابيك الكبيرة .. ماسكه عروة الباب .. قربت عندها و سحبتها تجاهي .. / وين ناويه تروحين !!؟ .. أبعدت النقاب الحاجز بيني و بين جمالها الرباني .. اللي شوه و بكل قسوة البهاق .. .. خوله .. اهتزت يدي بقوه .. و خفقان بقلبي .. حرر النقاب من وجهي .. بجفاء أبعدت يديه عني لا يتماد أكثر .. و هو و لا كأنه سوا أي شي بحقي .. / بروح بيت أبوي .. .. بغضب من طاري أبوها .. تروح عنده و أنا ما أني ضامنها عنده لا يسوي لها شي أو للجنين .. بـ هدوء .. / أدخلي أنا اللي بطلع .. .. ما أني متأكد أذا أبوي بـ البيت أو لا لأنه كثيره سفراته .. مهما كان ما أبيه يحس بخوفي من أبوي .. بعناد ناظرته .. / قلت لك بروح .. متعب دخلني داخل البيت بقوته .. ضربت كتفه أمنعه من سحبه لي لـ داخل البيت .. / لا تخلين المشكله تكبر .. مين اللي يبي المشاكل غيره !! يدورها دواره .. قلت باستسلام ما عندي الا هـ الحل أبوي بيته كثير يزورونه الرجاجيل .. / ما أبيك تجيني و لا لك شغل فيني .. طلعت لـ جناحي .. قبل لا تنهمر دموعي قدامه و يستغل ضعفي لـ صالحه .. متزوج آآه يا جعله ما يتهنى مثل ما كدر خاطري .. .. رحت لـ سيارتي اللي بالكراج .. شغلتها و توجهت لـ شقة ورود .. ×× ×× عساف .. مسحت على شعرها الناعم بـ لونه الأحمر الطبيعي .. بست خدها بعذوبه .. تأملت وجهها الحسن .. كل هـ الجمال محروم منه .. ما صدقت أني أخطبها قبل محمد .. كان يسولف لي عن مدى اعجابه فيها .. و قلبي يتقطع على مدحه لها .. كنت معجب بـ جمالها بس .. ما خليت محمد يكلم أبوي قبلي .. كنت أقول له توظف ثم كلم أبوي .. لأن أبوها ما راح يوافق عليك و أنت منت ما توظف .. استغليت وظيفته بـ الدمام و طلبت من أبوي يخطبها لي .. من كانت صغيره و هي معروفه بـ جمالها .. ما فكرة مجرد التفكير و لا همني لا محمد و لا غير .. مصلحتي و نفسي أبد من الغير .. لعبت بشعرها .. عقدة حواجبها .. و كشرت حتى و هي نايمه ما تبي قربي .. بستها من شفتها قبل لا تقوم و تحرمني من قربها .. .. رونق .. حسيت بـ أنفاس حاره تحرق وجهي .. أحس بكتمه و ضيقه شديده بصدري .. و ريحته الكريه قريبه مني .. فتحت عيوني .. بلعت ريقي بصعوبه .. قمت من السرير .. تحسست ملابسي بخوف .. أرتجف جسمي بقوه .. ألم يستوطن أعماقي .. / حرااام عليك .. عساف بـ سخريه .. / لا تخافين ما أني ما خذ شي بدون رضاك .. طلعت من الغرفه .. جلست بـ زاوية الغرفه .. أنزلت دموعي بغزاره .. كتمت فمي بيدي بـ خوف أني أزعج ولدي من صوت بكائي المزعج .. وقفت بسرعه دارت عيوني بـ الغرفه .. ناصر ماله أثر وين راااح !! طلعت لـ عساف .. ما حصلته بـ الصاله .. فتحت باب غرفته .. الباب صفق بالجدار بقوه .. دليل على غضبي .. ما تعديت الباب و لا تجرأت أني أتقدم خطوه وحده لـ داخل الغرفه .. بصوت مخنوق .. / ويـــن نــاصر !؟ .. عساف .. فتحت الأب توب .. صورتها ما غابت عن عيوني .. ابتسمت عليها فرق يوم كانت نايمه و لما صحت من النوم و أهدمت صورتها الحلوه قدامي .. كرهت مرضها و حالتها .. آآآه يا مرض ليتك ترحمها و ترحم قلبي .. لكن المشكله من تزوجنا و هي ما تطيقني و لا تحبني بس على لسانها طاري الطلاق .. و أنا كنت أسكت و ابلع كلامها .. و هي كأنها تتكلم مع جدار .. بح صوتها من كثر ما تنطق بـ الطلاق .. طلقتها بعد ما عرفت بـ مرضها بـ إصرار من عمتي اللي هي أمها .. طلقتها و كنت أعرف أخبارها من أمها .. لأني قلت لها لو طلاقتها أبي أخبارها توصلني .. ما راح أكرر غلطتي مره ثانيه و أطلقها و لا راح أخلي لـ محمد فرصه عشان يأخذها مني .. التفت .. على صوتها .. تنهدت بـ ساء مُتعب .. / مالك شغل فيه .. .. مالي شغل فيه !! .. صرخت بخوف و أنا ما زلت بمكاني .. / ولدي وينه !!؟؟ وين وديته .. .. مسكت رأسي مصدع من صوت بكاها و صراخها .. بصوت مخيف .. / انقـــلعي عـــنـــي .. هرول و عيوني تناظرها لين اختفت عن نظري .. انسدحت على السرير .. اففف منها تطلع الواحد من طوره .. سمعت صوت الباب الخارج من صوته المزعج .. طلعت أهرول لـ برا .. التفت يمن و يسار أدور عليها .. شفتها تركض بـ اتجاه بيت أبوي .. لحقتها .. مسكت يدها قبل لا تضرب الجرس .. و تزعجهم .. سحبتها لـ البيت قبل لا تدخل أي أحد بـ المشكله .. سديت فمها بيدي أمنع صراخها يعلا .. قبل لا تفضحني هـ المجنون الليله بين خلق الله .. دخلتها الغرفه .. طفح الكيل منها و من تصرفاتها .. مسكت يدها .. .. رونق .. بقهر .. طلعت من البيت أبي أدور ناصر ببيت عمي أبو عساف .. لكن ما خل لي فرصه أشوف ولدي وين راح .. ضاق صدري من قربه لي أو بـ الأصح من وجوده معي .. أخذت نفسي طويل .. شفته يقرب .. رجعت كم خطوه .. مدية يدي أمنعه من قتل روحي أو من التعب اللي بنفسي لا يزد منه .. قلت بتعب .. / ناصر وينه !! طلعت نقابي أحس بكتمه و ضيق .. .. بدون وعي مني بست شفائفها المرتجفه و كأني مسحور بـ جمالها .. أصدرت صرخ هزت زوايه الغرفه .. / لااااااااا .. دفتني عنها بقوه .. أبعدت و كأنها كهرباء لسعه جسمي .. و كأن السعه تنبهني من عدم القرب منها .. و كأنها تقول رونق ممنوع تقترب منها أكثر !! .. و هي ممنوعه عليك يا عساف !! توجهت للباب بطلع قبل لا تموت بين يدي .. لكن جاني صوتها المؤلم و المكسور .. جلست تبكي و تردد .. / أبي ناصر جيبه لي .. .. دخلت و هي لحد الحين على حالها .. حطيت ناصر على السرير .. و طلعت بـ هدوء .. ×× ×× مسفر .. دخلت شقة تركي .. راعي التكسي .. طول الطريق جالس أفضفض له من باب الترويح عن نفسي .. لأني لو ما جلست أتكلم عن اللي صار لي يمكن بـ أي لحظه يصيبني مرض نفسي .. تعبت من الكتمان .. أصر عليّ أني أروح معه لشقته .. رفضت لكنه حلف عليّ .. قلت له أشياء و أشياء لا .. خلال ثواني معدوده .. تجمعوا البزارين حول تركي .. عقدة حواجبي من منظرهم .. اللي يبوسه و اللي يسلم عليه و اللي يدف اللي يبوسه يبي يسلم عليه .. ابتسمت عليه لو أنا هزئتهم على تصرفهم أما هو مبتسم و يتكلم معهم بـ هدوء .. بعد ما خلص السلام عليهم .. / يا عيال معي ضيف .. التفوا لي .. ابتسمت بـ غباء .. ما شاء الله عددهم ثلاثة .. المشهد اللي كان عند تركي تحول عندي بس بكل أدب و احترام .. بدون إزعاج .. سلمت عليهم بخدي ما عنه أول واحد مد يده يسلم لكني تجاهلتها.. لحظت شي فيهم أبد محد يشبه تركي و أصلن هم ما يشبهون بعض .. علامة استفهام أرسمت فوق راسي !!.. يمكن عيال أخوانه و خواته .. لكن الدم !! .. ما في أي صله مشتركه بينهم .. بعد السلام كلنا جلسنا بـ الصاله .. حطوا الغداء أثنين أهنود .. استغربت البيت شكله ما في حريم .. وين أهله ؟! .. يمكن هذي شقه له و لـ أخويه .. جالسين حول السفرة .. نبهني تركي .. / مد يدك يا رجال .. بخجل رجولي .. كل الأنظار عليّ .. / أبي ملعقه .. تركي بـ احترام .. / أبشر .. سامي روح جيب ملعقه .. سامي عقد حواجبه .. / و ليه ما يكل بيده ولد العز !!.. بلعت غصتي من كلامه .. تركي هزئه على كلامه .. قام بـ تأفف .. مدها لي .. أخذتها بيدي اليسار .. ناظرت الصحن بدية أكل و أحاول أنسى كلام الولد .. و كل الأنظار عليّ كأني شخص فضائي أو أي شي غريب أو ملفت لـ نظر .. و أنا ملفت بحالتي هذي .. نزلت عيوني .. و تركت الملعقه .. قمت غسلت بعد ما دلاني تركي على المغاسل .. .. تركي .. قهرني سامي بـ قلة أدبه مع مسفر .. هذا ضيفي و لا أحب أي واحد من العيال يقلل من احترام الضيف .. لكن استغربت أكله بيده اليسار بدل اليمين .. جلست قدامه و أنا أتفحص أو بالأصح أتأكد من ظنوني .. يده اليمين مخبيها داخل كم ثوبه الأبيض .. دققت أكثر ربطت كلامه عن قضيته بـ السجن و أكله بيده اليسار .. و استنتجت .. يــــده مبتـــــوره !!.. ×× ×× فياض .. دخلت بيت جابر و أنا منحرج من نفسي جاي لهم هـ الوقت .. لكن تغلبت على نفسي اللي جاي له أهم من كل شي و بس أبي أتأكد من صحت كلام جابر لي بـ الجوال .. لأنه إنسان واطـ... سمعت الأصوات العاليه الصادره من داخل البيت .. دق قلبي و كأنه يقول لي أن جابر صادق .. دخلت و توجهت لـ الغرفه اللي تضج منها الأصوات .. المنظر الجمني عن الحركه وعود متلحفه بفراشها و أنحا من جسمها باينه و أمها تضربها .. و السواق طلعه جابر و هو يصرخ عليه .. لحظه السواق كان لابس بس ملابسه الداخليه .. قربت عنده و ضربته .. فكنا جابر .. / هدىّ يا ابن الحلال .. نفضت كتفي من يده .. دخلت لـ الغرفه اللي فيها وعود .. ناوي أذبحها قبل لا تنتشر الفضيحه .. صدق أني غبي يعني صدقتها أنها راحت مع أبوي بدون رضاها طيب هذا .. اللي قدامي يدل على حقارتها .. أمها بصرخ .. / حسبي الله عليك من بنت كأنك فضحتينا الله يأخذك .. .. وعود .. ما أني متحمله دعائها القاسي و الكلام الجارح اللي أصدره زوج أمي .. غطيت نفسي بفراشي .. ناظرت فياض وش اللي جابه !! .. سديت أّذني من شتائمه و سبه لي .. و دموعي هي اللي تتكلم بهـ لحظه هذي .. لساني عجز عن الكلام و نفي كلام زوج أمي الحقير .. لكن لساني ما نطق ألا بـ .. / ظلم و الله ما سويت شي .. ما سكتني ألا شي أحرق خدي .. من فــيــاض .. انسدحت على السرير من قوة الكف .. طلع أمي من الغرفه .. سحبني من شعري بشده .. رماني على الأرض القاسيه و البارده .. متجرده من الملابس .. .. بصوت غاضب و عيوني ماليها الغضب .. / ألبـــسي بســــرعه يـــالله .. رميت عليها ملابسها بغضب .. أغلقت جوالي من صوته المزعج .. مو وقته أبد .. سحبتها من الأرض بقهر مغبون .. بنظراتي اللي تحرقها .. مسكتها من شعرها الطويل .. ضربت راسها بـ الجدار لين نزف خشمها دم .. و صرخاتها موجع لـ قلبي اللي انخدع فيها .. و استغلت روحتها لبيت أمها عشان حقارتها .. صرخت فيها .. / مـــــــــــــــــوتي .. رميتها من جديد على الأرض .. بدون رحمه .. رمى عليّ ملابسي .. بعد ما ذقت أنواع الضرب .. و لساني يكرر ../ و الله ما سويت شي .. ×× ×× صلاح .. جيت أتغداء عند عمي أبو ليث .. بعد ما طلعت من الدوم .. طلع ينام .. عدلت جلستي .. نظرتها بـ اهتمام .. / آفا وش له عازه هـ الكلام .. توك وش زينك !! .. و ألا عشان أبوك كان هنا .. .. ضربت صدري بقهر و غبن و انكسار .. / تعرف وش لك هنا !!.. .. نظرتها بخوف و خائف تصدمني بكرها الجارح حتى العمق .. بتردد .. / وش يا دانه !! .. .. بكره له .. / مالك ألا الكره .. يا أخي أكرهك و أنت منت راضي تصدقني .. وش ذنبي أذا أنت ما تحس على دمك .. فجرت كل البركان اللي بـ قلبي أبي أرتاح و أن كان هو موجود أراحه بطريق و أنا بطريق .. وقفت .. / أتمنى أنك تطلقني .. ناظرته بصدق .. ألعيشه معك ما تنطاق .. .. وقفت مصدوم و ليه الصدمه يا صلاح كنت تظن أنها تحبك أنت منت من مستواه بنت الجامعة .. أكيد أنها تتمنى تتزوج واحد أحسن منك بكل شي .. فلا تستغرب منها .. خناجرها أطعنتني وسط قلبي بـ قسوه مؤلمه حتى الموت .. وقفت كرامتي ما تسمح لي أسمع أهانتها و اسكت لها .. مو يعني أني أحبها تذلني بحبي لها .. كرامتي أهون عندي من حبها المتمرد على قلبي .. مسكتها من ذراعه .. بتهديد و شر .. / أن سمعت طاري الطلاق مره ثانيه .. يا ويلك مني .. تقدمت لباب .. ما أبي أخسرها ما يهون عليّ .. تكون لـ أحد غيري و أنحرم منها .. أوقفت بوسط الباب مدت يديها تمنعني أطلع .. حركت رأسها يمن و يسار .. / ما تطلع ألا لما تقولي أنتي طالق .. ابتسمت بحزن .. خلاص ما كفاها كرها لي ناوي على ذبحي أكثر .. دموعها أنزلت من عيونها .. قلت بنبره مقصوده .. / طيب ليه الدموع دامك تبين الطلاق !! .. مسحت دموعها المتمردة بكمها .. / ما لك دخل .. قول أنتي طالق .. أخذت نفس طويل .. و أنا أناظر ملامحها اللي بدت تبتسم بفرح .. دققت بكل شي فيها و كأني أحفظها بـ عقلي الباطني .. / أنتي .... انتهى البارت .. توقعاتكم اتهمني جداً .. أتمنى ما تحرموني منها .. دمتم بحفظ الله .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته ..
البارت الرابع عشر .. لا يلهيكم عن الصلاة و ذكر الله .. قراءه ممتعه .. صلاح .. / أنتي ط... بترت الكلمه قبل لا أكملها .. / ما يقع الطلاق .. ببرود .. فخليها بعد ما تطلعين من النفاس .. مسكت كفها البارد من برودة المجلس .. ابتسمت بحزن لها .. مقدر أطلقها هي حياتي .. قلبي المجروحه ما تاب عن حبها .. أي قلب تشيله بين ضلوعها .. ليه الكره !! .. كرها أهون من بعدها .. ما شافت معك يوم يسر .. و تسال ببرود عن الكره ليه !! شوف أفعالك و راجع أقوالك .. تنهدت بـ ساء .. أحمد ربك أنها ما فضحتك عند أهلك .. / لا تصيرين ضدي !! مو كفايه هم !! .. شي من الفرح الغريب دخل قلبي .. فرح لأنه ما طلقني !!.. أو لأنه بـ يطلقني قريب .. شي غريب حسيت فيه من نظراته الحزينه لي .. ما جاوبت عليه لأني أي كلمه بقولها .. راح أضعف بعدها .. لكني قوية قلبي بقهر مكتوم من هـ الغامض .. بقهر .. / هم مين اللي تتكلم عنهم !!.. .. قلت بضعف .. / لو عرفتِ السالفة ما أظن أنك بـ تجلسين معي .. وهي بـ تجلس أصلن !! .. خلها على عماها أحسن .. لا تشوه صورتك أكثر قدامها .. أو تتحطم بـ قسوة داخلها .. توجهت للباب تارك يدها .. بعد ما بستها بـ هدوء و دفا .. .. طلعت أركض لغرفتي .. سكرت الباب بسرعه قبل لا أحد يزعج خلوتي بـ نفسي .. أرتعش جسمي من بوسته الدافيه على جبهتي .. على رغم أني جرحته بـ الكلام .. ما زال حنون و هذي أحلى صفه فيه .. الطلاق مو سهل يا دانه .. بس الحياة معه صعبه كثييير .. ×× ×× ورود .. رتبت غرفتي .. لمحت بطاقة على التسريحه .. عقدت حواجبي كرت عائله حق متعب لكن مو هنا المشكله .. اسم زوجته .. خوله عبد الرحمن الـ ... بلعت غصتي بـ ألم حاد .. زوجته بنت عمي !! .. أحبكت ألا يأخذ بنت عمي .. آآآه يـ القهر .. ضميت رجولي لـ صدري .. دفنت رأسي بين رجولي .. و صوت القرآن مالي أركان الغرفه .. وش هـ القهر .. مالها ذنب أني أصير زوجت متعب .. لكن أنا الأولى لكن أنا .... .. بـ حقد نسيتي أبوها وش سوا بـ أهلك ؟؟ .. فرصه وجت لعندك يا ورود .. ابتسمت .. و الأفكار الحاقدة تتجمع بـ عقلي .. ×× ×× وعود .. طلع الصبح و أحنا لحد الحين بـ السيارة .. رماني بقسوه بـ المرتبه الأخيرة .. من لما ركبنا ما نطقت بـ و لا كلمه .. و هو لسانه ما وقف عن شتمي و سبي .. متكورة على نفسي .. و دموعي ما جفت .. تمتمت بـ خوف و قهر من اللي صار لي .. / اللهم أسترني بسترك المتين يا ستار الذي لا ينكشف في الدنيا و لا في الآخرة .. وقفت السيارة و نزل .. فتح الباب و سحبني من عبايتي .. رماني بقسوه على التراب المليان حجر .. تألمت من الأحجار بكل جسمي .. بكيت بـ ألم .. .. بقسوه ..ضربت رأسها بالأرض .. غرزت أصابعي بشعرها .. رفعت وجهها المليان بـ ألدم بعد ما طلعت النقاب .. بـ سخريه .. / هااه يوجع و لا بعد ما حسيتي بـ ألم صدري .. هزيتها بقوه .. زادت دموع عيونها و صراخها صم أذني .. مسحت دموعها بقسوه .. / ليه تبكين !! عشاني كشفتك على حقيقتك !! .. و فقدتي الـ ... .. حركت رأسي بنفي لكلامه القاسي لـ قلبي الطاهر .. قرصني قلبي من كلامه .. بصعوبه قلت .. / مظلومه و اللـ ... .. ضربت فمها بـ إطراف أصابعي .. قاطعت كلامها .. / لا تحلفين بـ الله و أنتي أكبر .... .. دمعت عيوني من كلمته القاسيه .. .. رحت لسيارتي .. جلست فيها .. و الباب مفتوح .. جالس أراقبها .. لحد الحين على حالها .. طايحه على الأرض .. وجهي عرق من حرارة الشمس .. صدمه و الله .. ما كنت أظن أنها بهـ الحقارة .. ما أني مرجعها لـ أمها لو تموت .. أبيها تحس باللي سوته لي .. بعد نص ساعه سحبتها .. و دخلتها السيارة .. توجهت لـ شقتي .. متوعد فيها .. بخليها تكره حياتها .. ألا أكرها بنفسها .. ×× ×× بـ الماضي .. نجوى .. تنهدت بخوف مخيف .. دخل عليّ محمد و مد لي القلم .. طلب مني أن أوقع .. بدون نقاش وقعت بهدوء بارد .. لمحت أسمه صلاح عبد العزيز الـ ..... بلعت ريقي بصعوبه .. الله يستر .. هو نفس اللي اغتصبني .. رتبت شنطتي عمتي و هي تدعي عليه بدعوات صادقه .. آمنة من أعماق قلبي .. دموعي ما جفت من على خدودي .. مظلومه لكن محد رضا يصدقني .. عساف جاء من الدمام و كملها عليّ من ضرب و شتم .. طحت على رجول أبوي فمي ينزف دم و شكلي مبهذل .. قلت بحزن .. / يبه لا تصدقهم هو اللي .. .. أبو عساف .. قاطعتها بـ قهر و ضعف طلعت نظاراتي بعدساتها الكبيره .. ما أبي أشوفها ب انكسارها .. ما شوف ملامحها عدل و هذا اللي أبيه ما أبي أضعف بضعفها .. تربيت يدي و لأني مصدقهم باللي قالوه .. لكن كلام الناس يذبح حـــيــل .. / عارف يا أبوك .. .. طحت بحضنه الحنون .. بكيت لين جفت دموعي .. قراء عليّ آيات من القرآن الكريم .. هديت لكن قلبي أبد ما هدى من جرحه .. سكاكين انغرست بـ قلبي من اللي صار .. مالي ذنب .. نشف ريقي و تقطعت أحبالي أصوتيه و أنا أقول لهم لكن محد راضي يصدقني .. .. صلاح .. فتحت الباب و دخلت و هي دخلت بعدي .. نفسي بـ خشمي .. ودي أن طلع أو أطلعها ما أني طايق المكان دامها معي .. دخلت لغرفت النوم .. و تركها بـ الصاله .. بدون أي كلمه مني .. غيرت ملابسي .. أنسدحت على بطني ظهري الألم ذابحه .. غمضت عيوني أحاول أنام بدل ما أفكر فيها و بمصيرنا .. بصعوبه قدرت أنام .. .. نجوى .. جالسه على الكنبه و عبايتي عليّ .. دقات قلبي مو راضيه ترحمني و تهدى .. خوفي كل ماله و يزيد رجعت لـ أخر الكنبه .. ضميت رجولي لصدري .. سندت دقني على ركبتي و عيوني متعلقه على باب غرفته .. و جسمي يهتز من الخوف .. الحين بيجي يكمل عليّ .. و بـ يسوي مثل ما سوا .. وقفت برعب .. من شفته طالع و هو لبس سروال بجامه بــس .. بلعت ريقي بصعوبه قسوه .. .. ما قدرت أنام .. تقدمت كم خطوه لها .. ناظرتها من فوق لحت .. هزيتها من أكتافها ../ أنتي السبب .. طلعت نقابها من وجهها .. مسكت وجهها المليان دموع بيدي .. / هذا السبب باللي أنا فيه .. تأملت وجهها المملوح لكن بهـ لحظه .. شفته بشع كثييير .. فيه كدمات ضرب .. دموعها كل مالها و تنزل بـ كثره .. أبي أشوف هـ الجمال اللي حدني على الحرام .. مو كثير حلوه .. كل اللي كانوا يقولونه عنها طلع كذب .. و الشيطان جملها بعيوني .. تركتها قبل لا تفلت أعصابي عليها .. طلعت لها بهدف واحد أبي أشوف جمالها .. لكن طلع كل شي خيال بـ خيال .. .. تركني شهقت براحه بسيطه .. ارتجفت شفايفي بـ خوف .. رجعت لحالتي .. لكني جلست ب وحده من الغرف .. سكرت على نفسي الباب .. وقفت قدامه .. هو السبب بكل شي انظلمت و إنفضحت بين الناس .. رفعت رأسي له بسبب طوله .. / فرحت !! .. ارتحت بعد اللي صار لي ضربت صدره بقوه بـ ألم و غبن .. / يا جعلك تشوفها بـ دانــه .. .. صلاح .. مسكت يدها .. سديت فمها ألا دانه .. ما أبي يجيها شي و هي مالها ذنب .. / قص يقص لسانك .. .. أبعدت عنه بعصبيه .. / طــــلــقنــي .. .. ابتسمت لها .. / لا تظنين أني بخليك على ذمتي .. .. صلاح .. مر ثلاث أيام على وجودنا مع بعض .. أبد ما صار بينا أي حوار .. بعد ما طلبت مني الطلاق .. دخلت عليها بـ الغرفه .. حصلتها متكورة على نفسها و دافنه وجهها بين رجولها .. برسميه و جمود .. / جهزي أغراضك كلها .. .. نجوى .. رفعت رأسي .. الخوف أنتشر بـ قلبي وين بيوديني !! .. وقفت على رجولي .. / وين بروح !؟. .. بغموض .. / مكان ترتاحين فيه و أنا أرتاح .. ركبنا السيارة .. وقفت قدام بيتهم بهدوء بارد .. / أنزلي .. و أنتي طالق طالق طالق .. .. تنهدت .. تجمعت دموعي بـ عيوني .. هم و انزاح عني .. نزلت .. دخلت البيت ما حصلت فيه ألا أبوي و نائم .. دخلت غرفتي .. أربع أيام مروا مثل الكوابيس .. صعبه و الله لو أجلس طول عمري بـ بيت أبوي أبرك من الزواج منه .. بكيت بفرح و حزن عليّ نفسي .. سكرت الباب .. خبيت جسمي تحت الفراش .. .. صلاح .. بعد مرور يومين .. واقف و على يدي اليمن عمي أبو دانه و على يدي اليسار منصور .. أبوي حلف أن ما يحضر زواجي .. بعد ما عرف باللي سويته .. بعد ما نزلتها .. مسكت خط الدمام .. جهزت كل شي يخص زواجي و رتبت أموري .. و أخواني طلعوا أعذار للضيوف لـ أبوي .. شلت بقلبي عليه بهـ الوقت يهمني وجوده بـ زواجي .. ×× × × خوله .. مسكت الجوال .. دورت على رقمه بين الأسماء .. أكيد أنه جالس و مرتاح معها بعد ما كدر خاطري و خلا جرح ينزف بـ قلبي بدون رحمه أو شفقه .. شي دخل قلبي و بقوه .. بلعت ريقي .. طيب أنتي الحين ارتحتي منه .. بدل لا يجلس عندك و يغثك بكلامه الجارح .. بس أنا زوجته و مهما كان أبيه لي و لا أحد يشاركني فيه .. سكرت الجوال بوجهه بعد ما سمعت صوته النعسان بـ كلمه وحده الو .. رميت الجوال بقهر على السرير .. غبيه وش أبي فيه !! بعد ما جرحني .. لكني متعوده على وجوده بـ حياتي .. جلست بندم على تسرعي .. وش بيقول عني .. أن ولهانه عليه !! سطرت الجوال و نزلت لـ خالتي .. ×× ×× عساف .. رفعت ناصر من قميص بجامته .. قدام عيونها .. .. صرخ بخوف و بكاء .. طاحت رضاعته بـ الأرض ..أبي أغيضها بس .. / هااه ولدك و ألا ألبوسه .. .. واقفه قدام باب غرفتي ملجئي الوحيد منه .. طلب مني أبوسه لكني رفضت رفض قاطع بدون لا أفكر .. و هذا هو يهددني بـ ولدي .. بخوف .. حركت راسي برفض .. .. رفعت حاجبي التهديد معها ما راح يفيد .. شلته بين يدي .. تقدمت للباب .. غرزت أظافرها بكتفي .. التفت لها بغضب .. أرجعت بخطوات سريعة على وره .. مسكت وجهها بيدي .. تلاشى غضبي .. من حسيت برجفتها .. نشرت قبلاتي بوجهها بولع .. .. بكتمه عميقه حتى الموت .. أبعدت فمه عن شفايفي .. رجع لورا .. رفعت أصبعي ألسبابه بتحذير و صراخ .. تقدم لي .. / لااااا تقرب .. .. تجاهلت تحذيراتها .. و ما أشوف قدامي ألا جمالها الفاتن .. ×× ×× بتلاء .. بصوت شبه هامس .. / خاله ليه خليته يجي .. ناظرت سيارته السوداء .. بقهر .. أن شاء الله .. ركبت سيارته .. منتشر فيها ريحة عطره .. بـ هدوء .. / السلام .. بدون لا يلتف لي .. قال برسميه تامة .. / و عليكم السلام .. حرك سيارته متوجه لبيت خالتي شيخه .. دقات قلبي قويه .. و أنفاسي سريعة .. من زمـــان ما تلاقينا .. وقف قدام بيت خالتي .. نزلت .. تأففت بصوت مسموع يا كرهي له .. .. تركي .. لمحتها واقف و تكلم بـ جوالها .. عبايتها الكتف الواسعه بدون أي زينه .. بلفتها الطويلة مغطيه أكتافها .. و نقابها الإسلامي .. صوتها ما تغير هو نفسه .. ابتسمت شبه ابتسامه بدون لا ألف لها .. نظاراتي الشمسية مغطيه عيوني كل دقيقه أخطف الأنظار لها .. حركاتها و توترها .. فركها لـ أصابعها يدل على توترها .. أنزلت .. و نزلت معها .. دخلت بيت خالتي .. وقفت بالممر الفاصل بين الصالة و الباب الخارجي .. طلعت نقابها تأملت وجهها بدقه .. لون عيونها البني الفاتح .. برموشها الكثيفة .. بخدودها الحمرة من الحار .. بفمها الصغير .. بوجهها الطفولي .. حررت شعرها من ألفة أفتحت شعرها البني القصير لفوق أكتافها .. ابتسمت على جمالها الطفولي .. و لا كأن عمرها 26سنه .. صوتها أبد ما يصل لـ مسامعي .. من دخلت و لسانها ما وقف عن الكلام مع خالتي .. بصوت مسموع .. أنبهم بوجودي .. / الســلام .. توجهت لـ خالتي .. حبية رأسها بشوق لها .. ×× ×× عبد الرحمن .. أبو فياض .. تحت أشعة الشمس الحاره .. واقف قدام باب المدرسه الحديد الأخضر .. مسكت بلهفه الولد يمكن هذا عاشر ولد أمسكه من دق جرس أطلعه للفصول العليا .. رابع و خامس و سادس .. تأملت وجهه بدقه .. / وش أسمك الكامل !! الولد عقد حواجبه مستغرب مني .. / احمد وافي الـ .... بخيبة أمل .. تركته يروح .. و مثل ما مسكت أحمد مسكت بعد كثير من الطلاب .. و سؤالي يتردد كم مره على لساني لين جف حلقي .. لكن تحملت لين طلع أخر طالب .. ما قدرت أدخل المدرسه ودور عليه .. لأني خائف أنه يكون طلع و أنا ما شفته .. عندي أمل أني أحصله بيوم من الأيام .. سالت المدرسين أذا عندهم ولد لقيط بالمدرسه .. لكن أكدوا لي أن ما فيه .. خفت أنه يكون يكون أحد متبنيه .. أو أنه متوفي من زمااااان .. نفضت هـ الأفكار من رأسي و لساني يتمتم .. / يا ربي أحفظه وين ما كان و عجل بلقاي فيه .. عمري راااح .. و عيوني ما كحلت نظرها فيه .. ركبت سيارتي بعد ما فتشت فصول المدرسه خوفي أن بقى أحد داخلها .. و لا اهتميت لنهي المدرسين و الحارس أن المدرسه خاليه .. بلعت ريقي الجاف يمكن اليوم غايب !!.. ما عليه بكره أجي أن شاء الله .. ركبت سيارتي بعد ما تعبت رجولي من الوقفة و المشي .. تعب الجسم أهون من تعب الروح و القلب بـ بعده عن عيوني .. رحمتك يا كريم .. تنهدت بوجع كل مالها و تصعب .. مشيت بسرعه .. هـ الأسبوع خلصت من حي الـ .... و لا حصلت خيط واحد يدلني عليه .. قلت بـ ألم .. / حوبتك يا ورود .. ×× ×× مسفر .. صحية على صوت العيال جاين من المدرسه .. أمس نمت عنده و واعدني أنه يحصل لي شغل .. منحرج منه و من كرمه عليّ .. و حلف عليّ أني أجلس عنده لين ما تتيسر أموري .. رحمه من الله أن التقيت بـ تركي و ألا وش بيكون مصيري !!.. لا بيت و لا أهل .. تنهدت بـ ألم من ذكرى الأهل .. ما أنسى جحدهم لي و تخليهم عني بـ أصعب المواقف .. تبروا مني بعد ما عرفوا بـ القضية .. تزوجت ورود عن قصة حب .. كانوا جيرانه و كنت ساكن عند عمي .. طلبت من عمي يزوجني ورود .. و عشان يرتاح مني زوجني .. و أنا ما أني موظف .. و سكنت بـ بيت أبوي .. صعبت عليّ الحياة أشوفها أقل من حريم عيال عمي لا تلبس مثلهم و لا تسافر مثل ما يسافرون .. حز بخاطري أني مقلل من قدرها قدامهم .. رحت لـ أعمامي و طالبت بحقي لكنهم أنكروا أن لي عندهم ورث أبوي .. تسكرت كل البيبان بوجهي .. دورت وظيفة لكن ما حصلت .. كانت مشاكلي أنا و ورود عن الفلوس .. كانت تشك من وين أجيبها لكني كنت أصرفها .. و مسكوني كم مره و لا تبت .. ألا بعد ما بتروا كفي اليمين .. و كانت أخر سرقه ما أنساها .. سرقنا محل تجاري و ما وصلنا استراحتنا ألا الشرطة ما سكتنا .. كنت أرفض أني أسرق معهم .. صعبه يخلوني أروح عشان ما بلغ عنهم و هم بـ المقابل .. كانوا يهددوني بـ ورود.... لسرعة فكي للبيبان و الخزائن .. و أهمية وجودي معهم .. ما يبون يخلون عني خوفهم أن أبلغ عنهم .. دخلنا بيوت و أي شي ثمين ناخذه و نبيعه .. أكره ماضيي اللي بـ يضل يلاحقني دام يدي كذا .. لو معطيني حقي من ورث أبوي ما صار كل هذا و لا تخليت عن ورود .. وصيت متعب عليها لأني أضمنها عنده بدل لا تتمرمط عند أخوالها أعمامها .. وصيته عليها بعد ما طلقتها و خلصت العده .. زواجها من متعب نعمه لها .. و راحت باله لي .. بدل لا احاتيها و أخاف عليها من هـ الدنيا و الناس اللي ما ترحم .. مازال حبها بقلبي .. ذنبي بـ رقبتهم .. دام أنهم جحدوني و تخلوا عني بأصعب الأوقات اللي أبي وجودهم معي .. ما لقيت ألا السرقة .. اللي أكلت منها بـ الحرام و أكلت ورود منها .. ما كان عندي ألا هـ الحال .. كرهت حياتي معها بسبب الفلوس .. كان غصب عليّ أن أسرق و أجيب لها اللي تبي بدون لا أحسسها أنها فلوس حرام .. كل اللي صار لي ظلم أهلي و أصحاب السوء .. قضيتها بـ السجن أربع سنين و بتروا يدي .. كانت أقسى أيام حياتي بين أربع جدران .. ×× ×× رونق .. دخلت البيت بمساعدة عمتي .. سانده نفسي عليها .. رفضت أي مساعده تجي من عساف .. تجنبت أي كلمه منه أو نظره .. الموقف اللي صار مرسؤخ ببالي أجباره و قسوته عليّ .. كرهته لحد الموت .. تونا جاين من المطوع .. دمعت عيوني ألم بطني مو راضي يرحمني .. ضيق شديد حاسه فيه ما أني قادره أتنفس .. .. أغسلت جسمي بـ سدر مقري فيه .. و بعدها دهنت عمتي جسمي بزيت الزيتون مقري فيه .. انسدحت على السرير .. غمضت عيوني قلت بـ ألم .. / عمه بالله انتبهي لـ ناصر .. غطيت نفسي بـ الفراش .. تعبت من الرقية و تعبت من وجود عساف بحياتي .. .. عساف .. ما أني ندمان و لا متحسف على تهوري .. هذا شي من حقوقي عليها .. تجاهلت مرضها و صراخ و بكيها .. ما كنت مستحمل أشوفها كل هـالـ مده .. صبرت لين مل الصبر مني .. تحسست وجهي المجروح من أظافرها ..ابتسمت .. كانت مثل القطوه .. اللي خائفة على عيالها من العدو .. و دافع عنهم بكل قوه و شجاعة .. حسية بتعبها اليوم .. تنهدت بتعب .. الله يعين كل مال حالتها تزيد .. تعبت من جفاها .. قررت أوديها لـ أهلها .. لين تتحسن حالتها أن شاء الله .. تعبت و لا ودي أزيدها تعب بـ وجودي .. أحسن لي و لها .. ×× ×× دانه .. سكرت الجوال منه .. نزلت من الدرج بسرعه من صوت الجرس أزعج أهلي .. طاح عليّ بجسمه العريض .. باس خدي .. تأففت من ريحته الخايسه .. سندته بصعوبه عليّ .. حسبي الله على إبليسه بيفضحنا قدام أبوي .. مشيت معه لين المجلس و هو متسند عليّ .. مو بـ عقله كيف أتفاهم معه .. طبعه خايس و ما يتركه .. جلسته على الكنبة .. سحبني لـ حضنه بقوه .. مرر يدي على شعري و وجهي .. / يرضـ آآــ آآ ـيك أعيـ آآ ـش بـ آآــدونك !! .. أبعدت عن حضنه .. بـ انزعاج .. / أوه منك يا أخي حس على دمك .. ما أبيك .. تفهم و ألا !! ب إصرار منه رجعني لحضنه غضبن عليَ .. بعد ما نام سحبت نفسي بصعوبه من حضنه .. و طلعت فوق لغرفتي .. أبد ما راح أرتاح منه .. لو أقوله أني ما أبيه ما راح يفهم و بـ يسوي اللي برأسه .. رميت ملابسي بسلة الملابس .. دخلت تحت الدش .. ريحته ألصقت بجسمي و ملابسي .. دموعي اختلطت مع الماء .. ×× ×× رونق .. طليت من الباب .. تأكدت أنه نائم على الكنبة بالصاله .. رتبت شنطت ولدي .. لبست عبايتي .. دقات قلبي سريعه و لا هي راضيه تهدي عشان أهدى .. رفعت ولدي بين يدي .. سديت فمه لا يطلع صوت و أروح فيها .. مشيت على أطراف أصابع رجولي .. فتحت الباب ببطء و هدوء .. التفت أشوفه خفت أنه يقوم من صوت الباب المزعج .. الحمد لله مثل ما هو ما تحرك .. طلعت و سكرت الباب بنفس الطريقة .. بلعت ريقي الجاف .. الله يستر من تهوري .. هرولت بين البيوت و ولدي ماسكه يده .. حسية أن أحد يلاحقني .. التفت لكـــن ما في أحد .. الدنيا لليل و الناس بـ بيوتها .. من جهة ثانيه .. .. / أقولك زوجتك .. أيه و معها ولدك .. لا ما أني مشبه هو نفسه اللي كان عندي .. رايحه لـ بيت أبوك .. سكر الجوال .. .. صدري ينزل و يطلع من الهروله و التعب .. شلت و لدي لـ حضني .. التفت لـ الشخص اللي مسك كتفي .. أنخطف لون وجهي .. القشعريرة سرت بجسمي .. جاك الموت يا تارك الصلاة .. بلعت ريقي بصعوبة .. .. عساف .. طلعت بسرعه .. من البيت بعد ما دق عليّ سلمان .. طلعت بـ بجامتي .. ركضت للجهة اللي قالي عنها سلمان .. شفتها من بعيد .. مسكتها من كتفها .. سحبتها للبيت .. التـ... بتفضحني بين الناس .. ناويه تهرب .. رميتها داخل الغرفه .. و سكرت الباب عليها .. أخذت ناصر معي .. أنسدح على الأرض و طل مع فتحت الباب و مد يده لـ الفتحة .. .. رونق .. ضربت الباب بقوه .. / أفتح الباب .. نزلت لـ الأرض .. من سمعت صوت بكيا .. دمعت عيوني .. مدية يدي له .. / ماما أنا عندك .. .. عساف .. سحبت ناصر .. فتشت الشنطة لقيت له رضاعه .. عطيته و سدحته على الكنبه .. هدى و نام بعد ما تعبت منه .. ×× ×× خوله .. بقهر و دموعي على خدي .. / يبه .. أبوي بقسوه .. / أوص و لا كلمه .. و الطلاق أن سمعتك تطلبينه يا ويلك مني بصراخ غاضب .. فـــــاهــــــمه .. أنتفض جسمي بخوف من صرخته .. ليه يقول كذا قدام متعب لو كانت بينا كان هانت و الله هانت .. طلعت لـ غرفتي قبل لا يزيد عليّ .. .. متعب .. ابتسمت لهم .. قبل شوي تهددني بـ أبوها و هذا هو صار بصفي ضدها .. هه و الله مسكينه .. راح أكسر رأسها و أخليها تعرف أن الله حق .. مو متعب اللي تمشيه مره .. كل شي تغير ما صرت أبيها ألا لأنها تشيل بين أحشائها روح اتهمني .. و راح أطلقها بس بعد ما أنتقم من أبوها .. بـ اللي سواه بـ عمتي و هي مازلت تعاني لحد الحين منه .. اليوم رحت لها بـ بيتها .. و شفت دموعها على خدها .. تشكي لي عن أبو فياض .. و أنا عارف كل شي .. أكبرت فجوة الكره له و بهـ الوقت بستغل بنته ضده .. مثل ما حرم عمتي من ضنها و الفرحة فيه راااح أحرم بنته طعم الفرح .. رفعت حاجبي .. نزلت زقارتي ببرود .. / متى ناوي تجي المحكمة !!.. أشوفك طولت بـ سخريه .. يا طويل العمر ... ... ... ... همسه .. / المطلقة أثناء النفاس لا تبدأ عدتها إلا بعد الطهر منه ولا تخرج من عدتها إلا بثلاث حيضات. جاء في الشرح الممتع للشيخ ابن عثيمين: والنفاس لا يُحسب، لأنه إذا طلقها قبل الوضع انتهت العدة بالوضع، وإن طلقها بعده انتظرت ثلاث حيض، فالنفاس لا دخل له في العدة إطلاقاً.. انتهى البارت .. أن شاء الله نال على رضاكم .. توقعاتكم اتهمني .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته .. البارت الخامس عشر .. لا اله الا الله محمد رسول الله .. بعد مرور شهر .. أبو فياض .. الساعة 12 الظهر .. قدام وحده من مدارس العيال .. مثل العادة سالتهم .. عن أسماهم .. و تأملت كل واحد حاولت ألقى شبيه لي أو لها .. لكن بدون أي فائدة .. ركبت سيارتي متوجه للبيت .. بهـ الشهر كنت أدور عليه و كأني أدور على أبره بكومة قش .. ما لقيت أي اثر له .. تنهدت بـ ألم عميق من جروحي .. نزلت .. دخلت لبيتي .. و لا كان الشمس طالع البيت مظلم و كئيب .. و لا كأن أحد قد سكن فيه ماله أي روح .. و لا صوت .. من بعد ما طلع فياض لشقته .. و أنا جالس بروحي بين أربع جدران .. متعب طلب مني أني أطلق عمته شيخه لكني رفضت .. و طلعت قبل لا يكبر الجدال و أعصب و يصير شي ما بيه .. كيف أطلقها و هي من ريحة الغالي ولدي وولدها .. ثمرة حبنا .. كانت بالأربعين .. و طفلنا بـ المستشفى .. و بيوم من الأيام رحت أطلعه .. بروحي .. نزلت لـ الصيدلية أجيب له أغراض .. رجعت و الأغراض بيدي لكن صاحبهم مو موجود بـ السيارة و لا له أي أثر .. دورت عليه مثل المجنون بين السيارات بلغت عنه لكن بدون أي فائدة تذكر .. و لحد اليوم أدور عليه و ما فقدت الأمل أن أحصله .. و أمتع ناظري فيه .. ×× ×× فياض .. كل ما تذكرت وش سوت .. أتمنى موتها بين يدي .. بـ الشهر اللي راح .. تمنيت أني أقضي عليها .. دخلت لـ الغرفة اللي هي موجودة فيها .. حطيت صينية الأكل قدامها .. سمعت صوت أنينها مالي أركان الغرفة .. الشبه خاليه من الأثاث .. مسكتها من ذقنها .. قربت وجهها المنتفخ من أثار الضرب لـ وجهي .. بكره .. / أكلي و ألا ودك تموتين !! دموعها ما وقفت من النزول .. و لسانها ما نطق ألا .. و الله مظلومة .. كل ما تذكرت السالفة أضربها أبي أشفي غليلي .. و الحرقة اللي بصدري .. قربت الملعقة لـ فمها .. دخلت الأكل غصب عليها بـ فمها .. تفلت الأكل بوجهي .. حمر وجهي بفعل الغضب .. مسحت وجهي بطرف ثوبي .. ناظرتها بغضب .. أرجعت لأخر الغرفة لين ألصقت بالجدار .. / أنتي قد الحركة .. .. وعود .. هجم عليّ بالضرب .. جسمي ذبحني من الضرب و الألم .. .. خبيت وجهي بيدي قبل لا يجيه شي أكثر من اللي جاه بـ الأيام اللي راحت .. زادت دموعي .. صارخة بفعل الألم .. ترجيته بضعف و انكسار أنه يرحمني .. لكن هو وين و الرحمة وين .. .. شديت شعرها بقسوة .. : يوجع و ألا لا .. ناظرتها بنظرات قاتله .. حسيتي بالنار اللي هنا .. ضربت صدري .. تذكرت شي مهم .. ابتسمت بخبث .. طلعت بره الغرفة .. دورت على الشي اللي بـ بالي .. حصلته داخل دولاب غرفتي .. أخذته .. دخلت غرفتها .. ضامه نفسها و دافنه رأسها بين رجولها .. كأنها تحمي نفسها مني .. تقدمت لها .. جمعت شعرها بيدي .. حسية بـ ارتجاف جسمها الهزيل .. .. رفعت رأسي .. بلعت ريقي من اللي متناثر بـ الأرض .. صرخت بخرعه .. / لااااا الله يخليك .. لكن ما في رد منه .. و كأنه يتلذذ بتعذيبي .. .. جلست جنبها .. بعد ما قضيت على شعرها الطويل .. بهدوء غريب مني .. من جبتها عندي و الهدوء ما أعرفه .. / تعرفين اليوم وش ؟؟.. هزت رأسها بـ لا و الخوف باين بوجهها .. بغضب منها .. / اليوم يا مدام زواجنـــا .. .. بلعت غصتي بـ ألم .. من كلامه .. أي زواج هو خلا فيها زواج أصلن .. لحد الحين جسمي يرتجف من الخوف اللي سكن قلبي .. .. مررت يدي على وجهها بقسوة و شعرها.. خصلات شعرها المقصوصة بين أصابع يدي .. قلت بسخريه .. / كل شي اوكيه .. ببرود و استغراب .. / ما ودك تشوفين شكلك .. بدون لا أسمع جوابها .. جبت لها .. مرايا من الغرفة .. حطيتها قدام وجهها .. بسخريه .. / تصدقين ما قد سمعت بـ زوج سوا شعر زوجته و مكياجها بنفسه .. ببرود قاتل .. ماله داعي أقارنا بـ الناس .. بـ ألم و غبن .. لأن حنا غير صـــح .. .. حط المرايا على وجهي .. شهقت من اللي شفته .. وجهي مليان كدمات بالون مختلفه .. ملامحي ما تبان من الكدمات .. هذا المكياج اللي يقصده .. شعري أطول خصلة لـ كتفي .. بعد مده من الصمت .. ما في صوت ألا صوت دموعي الحزينة على حالي .. نظراته ترعبني حيــل .. سكن بـ قلبي الخوف منه .. طلع و تركني بصمته .. بغير عاده العادة يسممني بكلامه القاسي ثم يطلع أو أنه من عند الباب يقط عليّ كم كلمه مثل الســـم .. لكن اليوم طلوعه البارد يذبــــح .. حسبي الله على اللي كان السبب باللي أنا فيه .. غطيت نفسي بالحاف أدور الأمان فيه بعد ما فقدته بـ قسوة .. ×× ×× تركي .. قبل شهر .. أول يوم التقي معها بعد ما زعلت مني .. الحين بـ نكمل شهرين و هي زعلانة .. لا أنا اللي راضي أوافق على شروطها .. و لا هي اللي راضيه تتقبل حياتي مثل ما هي .. بعد السؤال عن الحال .. خالتي شيخه .. / وين الغيبة !!.. .. بتلاء .. جلست عند خالتي .. حطيت رجل على رجل .. الجو ما تكهرب بوجوده .. بـ استهزاء .. / غاط عند أحبابه الله لا يغير عليهم .. .. تركي .. رفعت حاجبي لها .. النبرة جديدة العادة تكتم و تخبيها بصدرها لكن شكله جاء وقت الانفجار .. حياتي معها خاصة و لا كانت تحب أحد يعرف وش اللي يصير بيننا .. لكن الدنيا تغير يا تركي .. .. بـ أغاظه .. / ذكرتيني فيهم الله يذكرك بـ الشهادة .. رفعت جوالي .. دقيت على واحد من الهنود اللي عندي أتطمئن عليهم .. .. بتلاء .. القهر ملا ملامحي .. ناظرته بقهر .. ذابحه حبهم .. و أنا أخر همه .. / روح لهم لا يحسون ببعدك .. .. وقفت عشان أقهرها .. / ومن قال أني بتركهم .. بست خدها بخفه .. همست لها بـ صدق .. / تراك غالية يا بنت الغالي .. بست رأس خالتي و استأذنت .. ركبت سيارتي .. الابتسامة ما انمحت عن وجهي طول اليوم .. ×× ×× خوله .. بقهر و غضب .. / نـــعــم تجيبها بالبيت .. .. متعب .. ببرود .. / أيه أذا ما كان عندك مانع .. بـ سخريه .. / على الأقل هي تحسسني أنها أنثى مو أنتي .. شوفي شكلك كيف صاير .. عطيتها ظهري أنهي النقاش مثل العادة .. مهمله شكلها .. الروج من مده ما شفته على شفايفها .. و الكحل بعد .. تغيرت عن أول من قلت لها عن زواجي .. و هي مقلوبة فوق تحت .. .. تنهدت بهدوء بدون لا أبين له أنه قهرني بكلامه .. التفت لـ المرايا .. عيوني ذبلانه .. و تحتها هالات سوداء .. كريمات البهاق أهملتها و لا صرت أحطها .. شعري لامته بإهمال .. لبسه بجامه عاديه .. سحبت الحاف عنه .. بجنون .. / هي أحلى مني .. برجفة سرت بجسمي كله .. مررت يدي على وجهي .. تذكرت البهاق حتى لو أنا أحلى منها الصورة ما فيها أي مقارنه .. ما سمعت منه جواب .. رد عليّ .. مالي ثقة بنفسي دمنه معي كذا .. دايم يحاول أنه يشوه صورتي .. و يكرهني بـ نفسي .. .. متعب .. تأففت بتعب .. جاي من الدوام أدور الراحة هنا لكن ويني و وين الراحة .. دامني ذكرت ورود عند خوله .. يا رب الصبر .. أبي اقهرها قهرت نفسي و جبت الهم لـ نفسي .. وقفت عندها .. أحاول اهديها من جنونها .. .. جلست على الأرض .. أحاول اهدأ.. لكن جنوني زاد .. رفعت رأسي له .. ضمني له بهدوء .. قهرني هدوئه .. مفروض أنا اللي تكون أعصابي باردة مو هو .. .. ضميتها لـ حضني أحاول أهديها .. صراخها فجر طبلت أذني .. لا حول و لا قوة الا بالله .. الله يصبرني عليها .. و على لساني اللي مقدر أمسكه من أشوفها هاديه أحاول بأي طريقه أخليها تعصب .. مصر على رأي و لأني مغيره عشانها .. مهما كان الثمن .. ضربت صدري بيديها .. مسكت يديها أمنعها عن الحركة .. بستها على شفايفها .. أبعدت عنها .. الهدوء مسيطر عليها .. ابتسمت لو أني عارف أن هذا اللي بـ هديها كان من زمان سويته .. .. بهـ لحظه صابني جمود شلني من الحركة .. طلعت قبل لا يصير شي أنا ما بيه .. و يعلن انتصاره عليّ .. تركت له الغرفة جلست بـ الصالة .. ابعد عنه و عن كلامه اللي مثل السكاكين بـ صدري .. ×× ×× عساف .. بالأيام اللي راحت .. كانت عمتي تجي لنا و نودي رونق لـ الشيخ .. لكن حالتها مثل ما هي ما تغيرت .. كل يوم جفاها يزيد و لا تبي قربي .. و أن سمعت مني كلمه قبة عليّ .. رحنا لبيت أبوي عشان نسلم عليه و نطمئن على صحته .. مدت فنجال القهوة لي جات بـ تروح .. مسكتها من يدها و جلستها جنبي .. وجهها مكشر و بدون نفس تكلمني .. / وش تبغا !! بتهديد متقن .. / أن ما هديتي و جلستي عاقله صدقيني راح أخليك تنسين ناصر .. عكس لما مدته لـ الوالد .. وجهها مشرق بـ أحلى ابتسامه و كلامها مثل العسل .. انجنيت لي النفس الشينه و لغيري الكلام الطيب و الوجه الحسن .. اللي جنني أكثر دخول محمد .. .. محمد .. دخلت البيت و نفسي بـ خشمي لكن من شفت زولها كل علومي انقلبت للأحسن .. سلمت و جلست قبالها .. عساف مغطيها بظهره العريض و كأن السالفه عناد لي .. لكن كل شي يهون دمها معي بنفس المكان .. ماسكه دلة القهوة و بيدها فناجيل .. قلت بأمر و ابتسامه على وجهي و موجه كلامي لها و نظراتي لـ عساف .. لكن سرعان ما حوالتها لـ وجه رونق الجميل .. / ما ودك تقهويني .. .. رونق .. وقفت و كأني مو بوعي .. مليت الفنجال قهوة .. شدني بيده القوية و جلسني جنبه .. انتثرت القهوة الحارة على يدي .. كتمت ألمي من القهوة الحارة .. جلست تمتمت بغباء .. و الضيقة مالي قلبي .. / يبي قهوة !! .. .. عساف .. شب النار بصدري ألا بركان تفجر بداخلي من حركتها .. سحبتها تجلس عندي .. الأخت ناويه تقهويه بوجودي .. لا و الابتسامة شاقه وجهها .. وجهها !!.. .. محمد .. رافع حاجبي .. ناظرتها من فوق لـ تحت .. كحلت عيوني فيها .. صحني من سرحاني .. صوت عساف الغاضب .. / غض نظرك يا مال العمى .. .. عساف .. وقفت بسرعة ما عليها لا جلال و لا عباءة تسترها عن عيونه .. عيونها بعيونه .. رميت شماغي الأحمر على رأسها يسترها .. سحبتها معي .. كيف ما لحظت أنها بدون ستر جالسه و التـ.. موجود .. .. رونق .. الضيقة انتشرت بـ قلبي .. عيونه ما تبشر بالخير أبد .. جاء اجلي .. يا رب عفوك و رحمتك .. بلعت ريقي بصعوبة .. .. عساف .. بعد ما لبست عبايتها .. سحبتها معي لبيتي .. خليت ناصر عند نجوى .. مسكتها من رقبتها بقوه .. بصراخ .. / تخونيني عيني عينك .. وجهها أنقلب لـ ألون الأحمر مثل لون شعرها .. غطت وجهها بحركة لا إرادية .. مسكتها من زندها .. قربتها عندي .. / وش أنتي !! وجهك مغسول بمرق .. ما سمعت منها ألا صراخ و ترجيها أني أتركها .. أعصابي تحترق و هي ما همها شي .. مسكت رأسي بيدي الثنتين .. الصداع ذبحني .. .. رونق .. أبد ما استوعبت اللي سويته ألا بعد ما نبهني عساف .. و الله ما حسيت بنفسي .. تجمعت دموعي وسط عيوني .. ترجيته أن يسامحني و يسكت عن شتمي لكن لا مجيب .. الضيقة مو راضيه تتركني أرتاح مثله .. أحس بـ اختناق و تنفسي بداء يقل .. الدنيا من حولي بدت تدور .. .. عساف .. وقف لساني عن ذمها و سبها بعد ما شفتها على الأرض طايحة مثل الجثة اللي بدون روح .. شلتها بين يدي .. على السرير .. رشيت عليها ماء بارد .. بعد دقائق .. بالنسبة لي كأنها دهر .. فتحت عيونها .. شربتها ماء تبل ريقها .. طلعت من الغرفة بعد ما شفت نظرات الخوف .. ما رحمها مني ألا تعبها و ألا وش اللي يفكها من بين يدي .. تناسيت وجع رأسي .. توجهت لـ بيت الوالد .. و الشر بين عيوني .. تضاربت مع محمد لين خليت الدم يطلع بوجهه .. رونق خط أحمر و لا أبي أي كائن يأخذها مني أو يناظرها و هي ما تحل له .. دخلت للبيت الهدوء مسيطر عليه .. انسدحت على الكنبة .. بعد ما أخذت حبة بندول لـ رأسي .. و أعصابي أبد ما هدت .. ×× ×× دانه .. بـ الأيام اللي كان يجي لي فيها صلاح كنت أتعب بعدها كثير لدرجه أني مقدر أقوم من السرير من التعب و الإرهاق .. بس الحمد لله الحين حالتي بأحسن حال الحمد لله و الشكر له .. كل ساعة يدق عليّ و كأنه يبغي يطمئن عليّ .. كنت أرد عليه بـ اختصار .. لحد الحين ما فهم أن راحتي بـ بعده عني و عن حياته الكئيبة .. رن جوالي .. تأففت من قلبي .. أنقطع الرنين و رجع يدق مره ثانيه .. .. بـ زمجرة و كره .. / نعـــم ..!! ما قلت لك لا عاد تدق عليّ .. .. صلاح .. مشيت كلامها بمزاجي و يا ما مشيت كل شي عشان لا أخسرها .. ببرود .. / هــلا و غــلا .. كيف حالك ؟! .. قلت أسال دامك ما سالتي عني .. بنبرة شوق طالعه من قلبي .. اشتقت لك كــثير .. .. دانه برسميه بحت .. و برود .. / تشتاق لك العافية .. شي ثاني !! .. مشكله لصار حبيبك رسمي أو أنه ما يبدلك نفس الشعور .. بـ بحة صوت رزينة .. / أجل تشتاق لي العافية .. ما رديتي عليّ كيفك !؟.. دانه و كل مالها تزيد طعونها بصدري .. / كل ما كون بعيده عنك بكون بخير أن شاء الله .. زاد هم قلبي عن أول بـ كثير .. و كأن هذا اللي هي تبغه .. بـ ألم مكتوم .. / آه يا جعل أيامك كلها سعيدة .. تجاهلت كلامها الجارح .. منتي ناويه ترجعين لي !! .. دانه .. وجهي مليان دموع حاولت أنها ما تنزل لك بضعف مني نزلت .. أحمد الله أنه مو قدامي و ألا يمديني انفجرت قدامه .. .. بـ رجاء .. / الله يخليك أرحمني .. لـ جيت عندك جروحي راح تنفتح من جديد .. و اللي يرحم والديك .. خلني ودي أعرف الراحة .. من تزوجني نسيت معنى الراحة و الحياة الهادية .. كان خوفه عليّ شي هو خائف منه .. و أنا اللي تحملت كل شي جاني منه .. عشان أصير الزوجة المطيعة لازم محد يعرف وش اللي يصير بيننا .. لأكني تفاجات أن أمه و عمته يعرفون كل شي بيننا ألا سالفة الحريم اللي تهجموا عليّ .. ما صار بينا أي شي خاص دامه يقول كل شي لـ أهله .. وصلني صوته و كأنه يبغي يزيد جروحي بكلامه المؤلم .. / صدقيني ما لي غيرك .. و أنتي مالك غيري .. الشقة كئيبة بدون حسك و وجودك .. اللي يملا حياتي بـ الفرح .. ارجعي معي و الله أن تعبت من الوحدة .. ارتجفت شفايفي بعنف .. حركت رأسي يمين و يسار أحاول أبعد كلامه و لا أثر فيه .. أي حب هذا دام أنه بس يبيني تحت رحمته .. و أكون فاضيه له بس .. قلت بدون لا أفكر و أوزن كلامي .. / تزوج .. و راح ترتاح أن شاء الله .. .. صلاح .. أخذت نفس .. راق لي كلامها بعد ما قلبته بـ رأسي .. بعناد .. بـ ابتسامه جانبيه .. / تصدقين شورك و هداية الله .. .. دانه .. اصطنعت اللامبالاة غمضت عيوني ثم فتحتها بسرعة ما أبي أتخيل أن وحده تشاركني فيه .. وش تشاركك فيه بـ التعاسة !! .. بـ ألم .. / مبروك مقدما .. لكن قبل أي شي طلقني .. .. بتلاعب بـ أعصابها .. و بحرق دمها .. / قلتي أطلقك هاه .. شفتي نجوم السماء أقرب لك من الطلاق .. يالله سلام .. بفكر مين أخطب لي .. دامك عايفتني وش لي بوجع الرأس البنات ماليات البيوت و كلن يبي الستر .. سكرت بدون لا أسمع جوابها .. ما غير أنفاسها السريعة .. .. دانه .. مسحت دموعي بغباء أبكي على واحد ما يستاهل .. دمعه وحده مني ما يستاهلها .. يبغي يتزوج .. يبغي يقهرني حسبي الله عليه .. لا تنسين أن أنتي اللي دخلتي الفكرة بـ رأسه .. ندمت على غبائي و تسرعي بالكلام .. لو أنه يطلقني كأن هانت لو يأخذ بعدي أربع ما عليّ منه لكن أكون على ذمته و يتزوج عليّ هذا اللي ما أبيه يصير .. ×× ×× ورود .. طلعت لـ المستشفى .. بعد ما استأذنت من متعب ما تعب نفسه و قال بوديك .. الحرارة من أمس الليل ما نزلت .. أحس بخمول بكل جسمي .. جلست على كراسي الانتظار .. انتظر دوري و شغالتي يمي جالسه .. بعد ما طلعت من الدكتورة .. وقفت و خليت شغالتي تجيب الدواء من الصيدلية .. سمعت صوت مو غريب عليّ .. رفعت عيوني .. أشوف صاحب الصوت الخشن بـ بحته المميزة .. التقت عيوني بـ عيونه .. ابتسمت له .. عطاني ظهره و مشى ما تجاهلني .. بلعت غصتي بـ ألم .. حزت بخاطري حركته .. لكن ما لومه كيف بـ يعرفني و أنا ما غطيني السواد .. أكيد عيوني خانتني .. هو بـ السجن .. تعوذت من الشيطان .. أكيد هذا من الحرارة .. صحني صوت الشغالة .. مشينا متوجهين لـ السيارة .. دعيت بصدق .. يا رب فك أسره و أسر كل سجين .. الشغالة سبقتني لـ السيارة بعد ما أمرتها .. وقفت أشوف اللي قدامي .. شفته واقف على جنب .. يسولف مع خويه .. أصواتهم واضحا .. يا بنت يخلق من الشبه أربعين .. لكن الصــوت .. قلت بدون تردد .. اقطع الشك باليقين .. / مسفر !!.. انتهـــى البارت .. سبحان الله و بحمده سبحان الله العظيم .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته .. البارت السادس عشر .. مسفر .. التفت لـ صاحبة الصوت العذب .. أبد مو غريب عليّ صوتها .. و كأن بصوتها انفتحت جروحي و الذكريات القديمة .. أبعدت عن تركي .. تقدمت كم خطوه لها .. جات بـ بالي صورتها الجميلة .. كأن كل شي فيها حلو .. لكن الحين بـ جرأتها .. انمح كل شي ببالي لها .. كررت أسمي من جديد .. بصوت يملاه الحان شوق .. بـ جفاء .. / نعم .. .. ورود .. ابتسمت لما شفته يقرب عندي .. هو طلع.. متى طلع !! ناديته مره ثانية .. أحاول استوعب كلمته لي .. لكن سرعان ما انمحت الابتسامة من شفايفي .. ناظرت ملامحه ما عرفت أفسرها .. كأني وحده غريبة ما يعرفها .. قلت بـ ابتسامة و وله .. / ما عرفتني أنا ورود .. .. مسفر .. قلبي أنجرح منها و من تصرفها .. بقهر مكتوم .. / البلاء أني عرفتك .. ناظرتها من فوق لـ تحت .. السواد مغطيها و حتى ظفرها مو طالع .. التفت قبل لا يطول حديثنا من بعض .. أحنا الحين مثل الإغراب .. .. / ما عرفتك بهـ الجراءة و الو... .. ورود .. الندم و الخيبة هذا اللي حسية فيه من كلامه .. على تسرعي و تصرفي .. نسيت أنه طليقي و أني متزوجة .. مشى عني .. جلست بـ أقرب كرسي .. كلامه زاد تعبي كثير .. ندمت على غباء .. .. مسفر .. طلعت من المستشفى مع تركي .. كنت جاء مع تركي يأخذ أبرت السكر .. وش هـ الصدفة اللي خلتني التقي فيها بعد طول الغياب .. .. تركي .. استغربت من اللي كانت تناديه .. ما سلته و لا حبية أعرف مين هي .. هـ الشي ما يخصني .. ركبنا السيارة .. ×× ×× متعب .. نزلت لـ الصالة .. جالسة مع أمي تسوالف .. و ضحكتها و أصله لـ مسامعي .. أول ما شافتني .. كشرت و لفت وجهها عني .. جلست جنبها و حطيت ذراعي على أكتافها .. أمي قامت تصلي الضحى .. ما قد تركت أمي لحالها .. من تنام أمي تطلع خوله لـ جناحنا .. و هذا اللي يعجبني فيها .. همست لها بـ هدوء .. / زعلانه !! .. .. خوله .. صديت عنه .. يا بروده يسالني و هو عارف الجواب .. مشكلتي أن تعودت على وجوده و لا أقدر على فراقه .. .. همس لي بهدوء .. / أهتمي باللي ببطنك .. تراك تنسالين عنه يوم القيامة .. وقفت بغضب .. هذا اللي همه ولده و بس و لا أنا بـ طقاق يطقني .. .. قلت أرد كرامتي .. / مالي جلسه عندك .. .. سحبني لـ حضنه .. و همس بعذوبة .. شلتني عن الحركة .. .. متعب .. لحظت عليها أنها ما تأكل كثير هـ الأيام .. و أنا ذبحني الخوف على اللي ببطنها .. .. بهدوء و غموض .. ملامحي هادية .. و كل شي هادي فيني ألا قلبي .. / لا تمحين أخر الغلا .. تراك وسط القلب .. بـ الأيام الأخير صرت أشوف ايجابيتها و تصرفتها مع أمي .. لكن معي ما تعطيني وجهه .. أو تنقلب شخص ثاني .. .. وش هـ اللي قال .. أي غلا !! .. .. بهدوء مماثل لـ هدوء .. ناظرت عيونه .. / أرحمني .. سكت ثم قلت .. أما كلام يثلج الصدر و لا أصّ ترى كلامك يجرح الله يعافيك !!.. تأملت ملامح وجهه .. عيونه السود الوساع .. و لون سمر بشرته .. شامته اللي وسط خده الأيمن و شعره اللي مثل سواد الليل بلونه .. و نعومته .. طويل و عريض .. .. ابتسمت على كلامها بحبث مكتوم .. / كلامي طيب لـ الطيبين أن شاء الله .. انتبهت عليها أنها تتأملني .. / هاه عسى أعجبتك .. ابتسمت لها .. اليوم مروق و أبيها تروق معي .. و بـ بالي شي .. بست خده بعذوبة .. .. خجلت على حالي .. إذ كان هادي و مزاجه اوكي .. يخليني عنده مثل الصنم يحركني مثل ما يبغي و على مزاجه .. أكره ضعفي عنده .. ×× ×× صلاح .. طلعت لـ بيت منصور .. اليوم الوالد طلع من المستشفى و لله الحمد .. مسوي له منصور عزيمة .. دخلت المجلس مع الضيوف .. مفروض أني أستقبل الضيوف مو أصير واحد منهم .. لكن أوامره سمع و طاعة .. بعد ما سلمت عليه .. جلست جنبه .. ما عنه نهاني منصور .. لكني تجاهلته .. لين متى الجفاء !! .. قلبي ما عاد يتحمل لا منه و لا من دانه .. طيش شباب و راح .. لكن نجوى لحد الحين من الماضي تعاني .. قبل كم يوم سمعت أمي و عمتي يتكلمون عنها و عن حياتها الصعبة مع أخوانها .. فتحوا أوراق الماضي المطوية .. يقولون أنها مسكينة و مالها ذنب .. قدامهم صرت المذنب .. يلوموني بشي هم اللي دفعوني له .. رفعت رأسي .. يا رب عفوك و رحمتك .. مسكت كف الوالد .. سحبها مني بجفاء .. ابتسمت له ابتسامه صفره .. همست له بحب .. / جاملني يا الغالي قدامه الوجيه الطيبة .. لا تكبر الفجوة .. القلب فيه ما كفاه .. ما سمعت منه كلمه .. قمت و الألم ملا قلبي و كأنه أستوطن قلبي .. سحبت دلة القهوة من يد نادر .. صبيت لـ الرجاجيل .. يمكن أني أتنسى همي .. بعد ما قهوتهم جلست جنب عمي أبو دانه .. ابتسمت لـ ليث .. لبس ثوب و جالس عند أبوه .. أخذت و حطيته بحضني .. شميت ريحة عطرها فيه .. أخذته معي داخل البيت .. العزيمة عزيمة رجال .. تنحنحت .. سمعت أمي تأمرني أدخل .. ابتسمت لهم رغم الألم اللي وسط قلبي .. سلمت على الموجودين بدون لا أرفع عيوني لهم .. جلست عند أمي .. حطيت ليث على فخذي .. رفعت عيوني اللي يمد لي الفنجال .. ابتسمت لها و كأن الفرح دخل قلبي بعد ما شفت أجمل و أزين وجه .. بوله .. / دانه .. كيف حالك !! .. .. دانه .. ما توقعت وجوده أبد .. ما سلم عليّ و لا عبرني .. وقفت مجبورة لا أنفضح .. و يلاحظون أن بيننا شي .. تصنعت الابتسامة له .. سلمت على خده ببرود .. بهمس .. / قلت لك كم مره و أعيدها .. راحتي ببعدك عني .. .. صلاح .. طنشت كلامها .. و لا كأنها قالت لي شي .. نزلت ليث لـ أمه .. طلعتها معي بره الصالة .. دخلتها لـ أقرب غرفة .. ضميتها بشوق.. أبعدت عني بجفاء .. تنهدت من الألم اللي مستوطنه قلبي .. .. تأففت منه و بقرف .. وخرت عنه قبل لا يسيطر عليّ بـ حنانه .. بـ رجاء .. / صلاح بالله عليك ليه ما تحس فيني !! .. ما كفاك اللي جاني منك !! و ألا ناوي عليّ بعد !! .. صلاح بألم .. أشر على قلبه .. / أنتي بقلبي و روحي .. ارتجفت شفايفي .. / كذاب .. .. صلاح .. بحزن سيطر عليّ .. / محد دخل قلبي غيرك .. .. دانه .. حب !! .. أبد ما كان واضح عليه أنه يحبني .. ألا أنه يلعب بمشاعري بكلامه المعسول .. لما كنت عنده بـ بيته .. كنت أخدمه بعيوني و ألبي كل شي له .. كنت مثل الجارية عنده اللي يبغي أسويه .. بدون تذمر لأنه ممنوع .. متى يجيء الوقت اللي أرتاح فيه !! .. .. صلاح .. ارتحت لـ هدوها .. بست خدها .. / نروح لـ بيتنا .. .. دانه .. أنزلت دموعي .. أمس بكل غضب يقول بتزوج .. و اليوم بكل برود يبغي أروح معه .. ليه يظن أني سهله .. على كيفه يبغيني أروح معه !! .. / روحه معك ما أني ريحه .. طلعت متجاهلته .. نظراته الحزينة اللي أدمت قلبي من الحزن .. تنهدت أبعد الحزن .. ما أبيه و لا أبي العيشة معه .. دخلت لصالة و هو وري .. ×× ×× رونق .. قمت و لا حصلت ناصر و حتى عساف مو موجود .. جلست بـ الصالة .. استناه .. دخل حاولت أني ما أناظر وجهه .. يترنح بمشيته .. شعره محيوس .. و ازرارات ثوبه متقطعة .. و على وجهه بودرة و على شعره .. و حالته حاله .. ما إهتميت له .. جعله من هـ الحاله ورده .. بدون لا أناظر وجهه المخيف .. طلبته يجيب لي ناصر .. لكنه و لا كأنه يسمع .. نشف ريقي و بح صوتي و أنا اطلبه يجيب ولدي .. دخلت و لبست عبايتي .. قلت له بتهديد .. / أن ما رحت تجيبه أنا اللي بجيبه .. .. عساف .. من دخلت البيت .. و هي تطلب مني أجيب لها ناصر .. قلت لها أني تعبان و أبي أرتاح و بعدين أجيبه .. جلست مطنشها .. ودي لو أقوم و أضربها على حركتها اللي أمس .. لحد الحين حركتها بـ بالي .. كيف كانت تبتسم له و هو يأكلها بعيونه .. و أنا زوجها حرمتني من حقوقي .. وقفه و عباتها عليها .. بحلقت عيوني فيها .. تعبت منها .. و من تصرفتها .. قربت عندها مسكت يدها .. كنها لسعة كهرباء جاتها مني .. أبعدت بسرعة .. خبت وجهها بيدها .. صرخت بـ لا .. تنهدت .. أي زواج هذا اللي ما في يوم راح .. ضميتها بين يدي .. بهدوء يخالطه الحزن .. / طيب اهدي .. ما كني قلت لها شي .. ضربت صدري بقوه .. لين الدم طلع من جروحي .. رونق .. الدموع ملة خدودي .. و دمه بيدي .. صرخت بخوف من الدم .. رجعت كم خطوه على وره .. حركت رأسي يمن و يسار .. ما كان قصدي أطلع دمه .. .. مسكت صدري .. الألم ذبحني حيـــل .. جلست على الأرض ما أني قادر أصلب طولي .. .. صرخت عليها .. / جيبي الإسعافات .. .. ركضت أجيب له العلبة و كل جسمي يرتجف .. رميت العلبة عليه و ركضت لـ غرفتي .. أبد ما أني متحملة ريحته الخايس .. جلست بـ زاوية .. دموعي ما وقفت و كأنها تعاتبني على اللي سويته بـ عساف .. .. عقمت جروحي .. من الصبح ما كلت شي .. دخلت للمطبخ .. بليت ريقي بـ ماء .. أخذت لي تفاحه من الثلاجة تسد جوعي .. طلعت اليوم الفجر .. بـ عطي واحد كيس مخدرات .. لكني تفاجأت أن محمد هو وره السالفة .. كانوا مجمع من رجاله .. تضاربت معه .. ما تركني ألا و أنا منهد حيلي .. و لا فيني قوة .. هذا و أنا أخوه يسوي لي كذا .. الله يعيني عليه .. ×× ×× خوله .. نفسيتي دمار من الحمل و من متعب اللي مو تركني أرتاح .. نزلت تحت بعد ما عدلت لبسي و شكلي .. الإهمال اللي كنت فيه مو مني من نفسيتي .. صرت حتى ما طيق أحط شي على وجهي .. بعد ما كان هادي و معاملته معي طيبة و حنون .. قلب علي بعد ما أخذ اللي يبغي مني .. هز أنوثتي و حطمني بالكامل من كلامه الجارح و تصرفه القاسي .. قالي بكل قسوة أنه بـ يجيب زوجته بس ما قالي متى بـ يجيبها .. نزلت لـ المجلس بعد ما قالت لي الشغالة أن أبوي موجود .. لي مده عنه .. دخلت المجلس .. جالس و بيده فنجال القهوة .. الهم و الحزن باين بوجهه .. سلمت عليه و حبية رأسه و جبهته بحب له و شوق .. بعد ما خذنا أخبار بعض .. قلت بـ انكسار و ضعف .. خفت انه يردني .. / يبه بروح معك .. .. أبو فياض .. الحزن بأن بصوتها .. ما حبية أردها .. / طيب يلا جهزي .. الهم أكل قلبي .. لأني مريح اللي عندي و لأني مرتاح من اللي غائب عن عيوني سنين .. هتفت بفرح بأن على وجهها و صوتها .. / تسلم يا تاج رأسي .. طلعت بعد كلمتها لأخيرة .. تنهدت .. ناظرت الساعة اللي بمعصم يدي .. الساعة 12:30 .. هذا وقت طلوع الطلاب العليا من جميع المدارس .. ما قطعت الأمل لكني تعبت نفسيتي من هـ اللي أدوره أيام و سنين و لا حصلته .. رفعت رأسي أداري دموعي لا تطيح .. تنهدت بـ ساء .. وقفت على صوت خوله تنبهني أنها خلصت .. .. / يلا .. ×× ×× متعب .. بعد ما تعشيت مع عمتي شيخه .. جلسنا عند التلفزيون .. ابتسمت لها بـ الم على حالها .. عمتي .. / وش فيك يا أمك كأنك ضايق .. و أنتي عاد أحسن من حالي يالغالية .. .. / الحمد لله ما فيني ألا العافية .. عمتي .. / ليكون مرة أبوك مضايقتك بـشي .. ابتسمت على ذكراها .. / أمي يا عمه مي مرت أبوي .. هي عيوني .. ابتسمت بحب لي .. / الله يسعدك و يوفقك يا وليدي .. .. قلت و أنا عارف أنها بـ تزعل عليّ .. / عجبك حالك ..!! لا أنيس و لا ونيس .. عمتي عقدت حواجبها .. / و بتلاء وين راحت !!.. تركي كل بين فتره و فتره يجيني .. .. بهدوء .. قلت ما عني خائف من جوابها .. / ما تبين ترجعين لـ أبو فياض .. عمتي تجمعت الدموع بعيونها و بضيق بأن بكلامها .. / أرجع له و جروحي اللي راح تنفتح و هي بعدها ما برت .. بـ ألم .. على الذكره اللي جات لي و كأنها تعطني المبرر .. الله يصبر قليبها على فراقه .. قلت بجدية .. هي حرمة و تبي رجال بحياتها .. ما يصير تجلس وحيدة .. / لا أنتي مطلقه منه و لا أنتي تبين ترجعين له .. عمتي .. / خلني كذا مرتاحة .. سكتت الكلام راح يتعبها زيادة .. حبيت رأسها و استودعتها الله .. طلعت متوجه لـ ورود .. من ساعة وهي بس تدق عليّ .. ×× ×× تركي .. واحد من العيال اللي عندي جاه أبوه و خذاه .. أبوه كان مسافر و زوجته متوفيه .. هو خويي .. و خلاه عندي لين يجي .. العيال مسؤولية و هم أمانه برقبتي لين يجي أبوي من السفر .. لأنه هو مسؤول عنهم .. أشتغل بـ شركة أبوي و عندي مكتب لـ تاكسي .. و عمري 30 سنه .. متزوج بتلاء .. سامي و عزام .. هم السبب بـ زعل بتلاء .. أو بـ الأصح هي تبيها من الله .. كانت تقول يا أنا يا العيال .. التفت لـ مسفر اللي يناديني .. / لبيه .. .. مسفر .. الولد سرحان و لا هو يم الأخبار .. .. / وين رحت !؟.. .. تركي .. تنهدت براحه .. أحاول أزيح الهم عن قلبي .. / معك .. .. مسفر .. الحمد لله بفضل الله ثم تركي حصلت وظيفة بشركة أبوه .. ابتسمت له هـ الرجال شهادتي فيه مجروحة .. نعم الأخ و نعم الصاحب .. .. / وش فيك كأنك شايل هموم الدنيا على رأسك .. .. ابتسمت ابتسامه صفراء .. كل ما تذكرتها ينقلب حالي و نفسيتي تصير صفر .. بهدوء .. / ما فيني شي يا رجال .. .. كلن و له همه .. تنهدت بـ ضيقه .. تعبت من الوحدة .. بهـ الأيام طيف ورود يلاحقني .. من بعد ما شفتها .. و هي بـ بالي .. ابتسمت على ذكراها .. اشتقت لها .. انمحت الابتسامة .. استغفر الله وش جاري عليك يا مسفر البنت ما تحل لك .. قرصني قلبي .. آه الله يوفقها .. مدية فنجال القهوة له .. / سم .. .. تركي .. أخذته منه .. اليوم أبوي جاي من السفر .. لي أكثر من شهرين ما شفته بسبب أشغاله .. وقفت على صوت الجوال .. / الو .. هلا .. وينك فيه !! جاي لك .. طلعت بسرعة لـ سيارتي .. مطنش نداء مسفر لي .. ×× ×× ورود .. من شفته بـ المستشفى .. و أنا ناويه على شي .. حياتي من غير تعيسة .. اتصلت على متعب و خليته يجي .. مصره على اللي بـ بالي و لا هو ردني شي أن شاء الله .. .. / طلقني .. .. متعب .. التفت على كلمتها .. هذا زبدة الإزعاج اللي جاني منها .. مسكت رأسي من صراخها اللي فقع طبلت أذني .. ناظرتها .. / تبين الطلاق .. هزت راسها بـ الأيجابه .. أخذت نفس و بهدوء و بدون تردد .. / أنتي طالق !! .. انتهى البارت .. . سبحان الله و بحمده سبحان الله العظيم .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته ..
البارت السابع عشر .. دانه .. المغرب .. الكل بـ لحظة تجمع حول عمي .. عياله و حريمه و حريم عياله .. ما عده هو جالس يستمع لا غير .. حتى عيونه ما رفعها لـ الموجودين عادي .. بلعت ريقي من نظراته لي .. عمي .. / مزعلك صلاح يا بنتي !! نزلت رأسي بخجل محب أي احد يدخل بخصوصياتنا .. كنت بارد عليه تحت نظرات صلاح المتفحصة .. لكن عمتي سبقتني .. عمتي .. / ولدك الله يهديه مزعلها و لا هي راضية ترجع معه .. الكل يناظرني .. صرنا مفضوحين و أنا اللي أحاول أستر علينا .. أمه مرة كبيرة و عجوز ما ينشره عليها لكن هو !! .. قالت عنه أنه يجي سكران لـ عندي .. حريم أخوانه و الكل يسمع عنه كلام مو طيب .. بلعت عبرتي .. ودي لو الأرض تنشق و تبلعني .. أبد ما ودي أسمع منها هـ الكلام .. هو لا تكلم و لا برر لهم .. لكن اللي صدمني و جمد حركتي .. سالفة نجوى !!.. .. صلاح .. تناظرني بصدمة من كلام أمي .. وش له داعي ترجع الماضي !! .. أخذتها معي بره عنهم .. أخذتها لـ المقلط .. طلعت نقابها .. ملامحها جامدة .. نظراتها موجهتهم لي .. سديت أذنيها .. / صح ما سمعتي شي !! .. دموعها نزلت و كأنه تجاوبني .. بألم عميق .. / ما كان بـ ختياري .. هم اللي ساقوني لـ الحرام .. .. دانه .. بألم مقهور .. خلاص مو كافي اللي سمعت !! .. .. بغضب .. / ألا سمعت زين !! .. طلقني .. .. برفض قاطع .. / مستحيل .. .. دانه .. كل اللي سمعته من أمه جرح كرامتي و جرحني حيـــل .. كل اللي صار و أنا على ذمته حتى مخجل على نفسه و قال ما بقى على زواجي شي .. لبست نقابي .. وقلت بتحدي و إصرار .. / بـ طلقني .. طلعت لـ عندهم .. .. صلاح .. مسكت رأسي من هول الصدمة .. أمي افضحتني قدامها و قدام الكل .. يا رب رحمتك .. لحقتها .. .. دانه .. وقفت قدام الكل .. بقوة و لا هامني أي أحد من الموجودين .. دام الكل عرف سالفتنا .. .. / عمي .. رفع عيونه لي .. .. / ما أني مثل بناتك !! .. عمي .. / ألا بالله أن معزتك من معزتهم .. ناظرت صلاح بتحدي و قهر .. .. / أجل أنت ترضى على وحدة من بناتك أنها تجلس مع رجالها و هي مو طايقته .. عمي .. / لا بالله .. بلعت ريقي و قلت بـ إصرار .. / أبي صلاح يطلقني .. العيشة معه ما تنطاق .. .. صلاح .. تنهدت بهدوء مؤلم .. / يبه ما عليك منها .. ناظرني .. / طلقها و لا و أنت ولدي و لأني أبوك .. .. بقهر من كلامه مو كافي الجفاء اللي بيننا .. يبغي يزيده أكثر .. / زوجتي يالغالي ما لها عيش ألا معي .. .. دانه .. مو كيفه يقرر مصيري .. .. / لا يا عم راحتي ببعده عني .. .. صلاح .. التفت لها .. بغضب .. / أسكتي .. التفت لـ أبوي بهدوء .. ما بيه يرتفع ضغطه بسبتي .. كافي مرضه .. / هي الحين معصبه .. و أن هدت تفهمنا .. .. دانه .. برفض ما أبيه يختلي فيني .. و يجبرني أغير رأي .. .. برجاء .. / عمي الله يخليك .. .. صلاح .. الغضب سر بدمي .. سحبتها لـي .. / مال أي احد علاقة بيننا .. تفهميني .. منصور .. / تعوذ من الشيطان يا رجال .. منصور أمر زوجته .. تأخذ دانه معها فوق .. الكل طلع ما عدة أخواني و أمي و عمتي .. جلست بـ ساء على حالي .. تفشلت قدامها و هيبتي طاحت .. سمعت أبوي يأمرني .. / طلق دانه .. وش هـ الحقد يبغون يحرموني من زوجتي .. آه يا الله رحمتك .. قربت عنده .. حبية رأسه .. / من حقي أعيش حالي حال أخواني .. يا ليت محد يتدخل بيننا .. طلعت لـ الصالة تنحنحت .. اللي تغطت و اللي طلعت من حريم أخواني .. .. قلت بـ أمر .. / أمشي يالله .. ضامه نفسها .. و دموعها تنزل على خدودها .. بغضب .. / الحقيني لـ السيارة .. و ما له داعي تسوين ضجة .. لـ أسوي شي ما يعجبك .. صوت شهقاتها خرم أذني .. طلعت قبل لا اضعف و أضمها .. .. لبست عبايتي بقهر .. أبوي و زوجته راحوا و تركوني هنا .. طلعت قبل لا يصير شي بيننا قدامهم .. كافي اللي صار .. .. ×× ×× فياض .. العرق صب بجسمي من الحر و أشعة الشمس .. بلعت ريقي الجاف .. صدري يطلع و ينزل .. سحبته لـ السيارة .. بعد ما ضربته ضرب لين حلف لي أنه ما مسكها و لا قرب عندها .. لكن اللي صدمني أكثر أنه يقول أن جابر وره السالفة كلها .. ما أني مصدقة .. ركبته حركت السيارة متوجه لـ جابر .. .. رميته تحت رجول جابر .. صرخت بقهر .. / صدق كلامه الـ .. جابر رفع رأسه لي ببرود .. تجاهل سؤالي له .. / و أنت رجال مخليها على ذمتك لحد الحين .. مسكته من ياقة ثوبه .. تمنيته يموت بين يدي .. بعد كلامه .. .. / أحترم حالك .. جابر بعد ما أفلته مني .. / لو أنك قد الشنب اللي بوجهك كأن طلقتها يوم شفتها مع .. قاطعت كلامه .. حطيت فردي على رأسه .. بغضب و الشر مالي رأسي .. / بـ تتكلم و ألا لا .. .. جابر .. بخوف .. / تعوذ من الشيطان .. فياض .. / ما وري شي اخسره .. المهم أن الحقيقة تبان بين عيوني .. بخوف شديد .. / بنت و الله أنها بنت .. بس أتركني .. كل اللي سويته عشان تطلقها .. لكني شفتك متمسك فيها .. .. فياض .. كلامه الأخير صب الفرح بقلبي .. أقسم لي بالله أن السواق و هو ما شفوا من جسمها شي .. ما تركته ألا و الدم ينزف منه .. و الغضب لحد الحين باين بملامحي .. توجهت لـ الشقة .. مسرع من أبي أشوفها و نفتح صفحه جديد .. جاءت بوجهي سيارة قاطعه الإشارة .. حاولت أبتعد عنها لكـــــن .. ×× ×× بتلاء .. دخلت عند عمي أبو تركي اللي جاء من المطار لبيت خالتي .. و وري خالتي .. بعد ما سلمت عليه خالتي من بعيد .. قربت اسلم عليه بخجل .. عمي .. / كيفك يا أبوي .!! .. / الحمد لله تمام جعلك سالم .. نظراته ما بعدها عن خالتي .. و كأنه يبي يلمح أي شي منها .. لكنها متسترة عنه .. رفع رأسه لي .. / يالله يا بنتي .. الجفاء طال .. و وليدي صبره نفذ .. دمني جئت وش له الجلسة بعيدة عنه .. بخجل .. / لكن شروطي يا عم !!.. عمي .. / شروطك منفذه يا بنت .. ابتسمت له لو مو مجيه عندي و اللي ما رجعت لـ تركي .. من حقي أعيش حالي حال البنات .. أنا و زوجي و بس و لا أحد يكون معنا ألا أطفالنا بـ المستقبل أن شاء الله .. كنت مانعه أن العيال اللي عنده يجوني عندي بـ شقتي .. مو أناني لكني غيـــورة مره .. أغار من معاملته الحلو لهم و اهتمامه فيهم أبي أكون أنا بس شغله الشاغل .. هذا من حقي كـ زوجة .. رتبت أغراضي .. ورحت مع عمي .. بعد ما أقنعتني خالتي .. ×× ×× عساف .. دائم اشغل سورة البقرة بـ بيتي .. تقريباً كل يومين أوديها لـ الشيخ .. تعبت منها و من تصرفتها .. وديتها لـ بيت أهلها .. بعد ما قطعت الأمل بشفائها .. استغفر الله .. تعبت كثيــر منها .. أي شي أسوي لها تخلق منه مشكلة تافه و تكبرها .. طلعت متوجه لـ ألديره .. بعد ما نزلتها و طلبت مني أني ما جيء لها .. ×× ×× متعب .. نزلتها لبيت عمها .. بكره لها .. تنهدت هم و أنزاح عني .. الحمد لله أن الطلاق جاء منها .. ما أني ندمان و لا تسرعت بطلاقها .. استغربت أنها مو موجودة بـ البيت .. سالت الشغالة عنها .. و قالت أنها راحت مع أبوها .. رجعت مكان ما جئت منه .. الغضب مالي ملامحي .. كيف تطلع بدون شوري !! .. ×× ×× محمد .. دقت عليّ عمتي .. و طلبت مني أني أجي لها .. دخلت بيتها .. جالسة و قدامها دلة القهوة و الشاي .. قربت بحب رأسها .. أبعدتني عنها .. قلت بـ استغراب .. / افا مزعلك بشي !! .. عمتي ناظرتني بعصبية .. / وش بينك و بين رونق !! .. و كأن أحد صب عليّ ماء بارد .. بلعت ريقي .. / ما بينا شي .. عمتي .. / و السحر !! .. دقات قلبي سرعة .. وش اللي عرفها !! .. أكيد الـ ... عمتي بغضب باين بصوتها .. / الشغالة قبل لا تسافر علمتني عنك .. بقهر .. حسبي الله عليك .. وش لك بالبنت دمها تزوجت !! .. قلت بقهر و غبن .. / أحبها .. عساف كان يدري و أخذها مني بدون أي شعور .. عمتي .. / البنت راحت بحال سبيلها .. وش هـ الحقد اللي بقلبك تعذبهم .. بقهر ملا قلبي .. / مثل ما قهروني أبيهم يحسون بـ اللي فيني .. عمتي .. / لا حول و لا قوة الا بالله .. حسبي الله عليك .. بقهر و عصبيه .. / لا تتحسبين عليّ .. مثل ما خذها مني حبية أنه يعرف مو كل اللي يبغيا يجيه بـ الساهل .. عمتي .. / البنت حالتها من أسوا لـ أسوا .. اللي بينك و بين أخوك هي ما لها علاقة فيه .. دمك تبغي الزواج راح أخطب لك أحلى البنات .. بس أترك رونق و عساف بحالهم .. الله يهديك .. أنسدحت على الكنبة .. بـ ألم بصدري .. مين اللي ما سلم من شري .. رونق و عساف و صلاح و زوجته .. قلت بـ الم و بصوت خفيف .. / اللهم طهر قلبي من كل حقد و حسد و غل .. ×× ×× وعود .. دقيت على جدتي .. من التلفون اللي مخبية عني بغرفته .. طلع و نسى يسكرها .. رحت معها لبيتها .. انسدحت على السرير .. جسمي كله فيه كدمات من ضربه لي .. لساني و لسان جدتي ما وقف عن الدعاء عليه .. ظلمني و لا فكر أني مظلومة .. شوه شكلي .. شعري و جسمي و وجهي .. ما خله صورة له حلوه أذكره فيها .. كل شي فيني طعنه بقسوة و ظلم .. حاولت أنام .. ما أبي اتعب نفسي بتفكير فيه .. أبي أرتاح .. بعد ما شفت العذاب عنده .. ×× ×× خوله .. بقهر .. / وش !! .. قالت ببرود .. / أنا زوجت متعب .. بـ دلع يقهر قالت .. / زوجك فهمتي .. ناظرتها من فوق لـ تحت .. ما فيها أي شي زود عني .. لكن البلاء أنها بنت عمي .. ما صدقتها .. / كذابة .. .. ورود .. من شفتها حطيت حرتي فيها .. و كل الماضي اللي كان السبب أبوها فيه .. و كأني أنتقم منه فيها .. صارت أحلى بكثير عن قبل .. و بطنها البارز .. قهرني .. أنا حرمني و هي معطيها حقوقها .. أشعلت الغيرة بقلبها .. .. حطية رجل على رجل .. و ببرود .. / أيه حبيبتي زوجـــــتــه .. .. خوله .. حسبي الله عليه .. ناوي يجلطني .. بنت عمي .. ما لقا ألا هي .. التفت على صوته الغاضب .. / طليقتي يا هانم .. ×× ×× بعد مرور أسبوع .. رونق .. منسدحة على السرير .. بعد ما جينا من المطوع .. أحس بخمول و تعب بكل جسمي .. فرغت كل اللي ببطني .. و الألم اللي كنت أحس فيها .. الحمد لله .. اختفت تنهدت براحة .. الراحة سرت بقلبي .. دخلت اتروش .. و صليت ركعتين شكر لله .. جلست مع ولد .. لين ما غالبني النوم .. و بالي مشغول بـ عساف .. ×× ×× تركي .. بـ السوبر ماركت .. السواق معه سامي و عزام .. رائح يشترون لهم أغراض .. شفت واحد ما سك يد سامي ولا هو راضي يتركه .. تقدمت لهم و أنا معقد حواجبي الشخص مو غريب عليّ .. استغرب .. / أبو فياض !! .. .. أبو فياض .. دخلت السوبر ماركت .. من شفته مع الهندي و ولد بعمره .. كذبت عيوني لكن ملامح كلها تنطق فيني .. أنزعج مني و طلب مني أني أتركه لكني رفضت و بقوة .. كيف أتركه بعد هـ السنين .. سلمت عليه و يدي ما تركت الصغير .. .. تركي .. استغربت أنه متمسك بـ سامي .. سمعت منه كلمه شلت جسمي .. .. / هذا ولدي ..!! انتهى البارت .. لقنا بـ البارت الأخير أن شاء الله .. دعواتكم لـ أختي أن الله يثبت حملها و يرزقها ذريه صالحه بـ كمل خلقة .. لا حول و لا قوة الا بالله .. لا اله الا الله محمد رسول الله .. سبحان الله و بحمده سبحان الله العظيم .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
السلام عليكم و رحمة الله و بركاته ..
البارت الثامن عشر و الأخير .. أبو فياض .. ماسك بيدي .. أنزعج مني .. لكني ما تركت لو لـ ثانيه .. .. طلعت مع تركي بـ سيارتي .. و ولدي معي .. دخلت شقة تركي .. سلمت على مسفر و تحمده له بالسلامة .. استغربت من وجود شخص مختفي من اثنا عشر سنه .. سلمت عليه ببرود .. جلست و بيدي يد ولدي .. أبو تركي ببرود .. / يشبه ولدك الله يرحمه صح !! .. ناظرته بقهر .. / و ليه ما تقول أنه هو !! .. أبو تركي .. / هو مات من زمــان !! وقفت بغضب .. كل شي فيه يدل أنه ولدي .. عيونه مثل عيوني .. و لون شعره مثل لون شعر أمه .. وكل شي فيه ينطق فينا .. أبو تركي بقهر و غضب .. / حسية بالقهر و الضيم .. و ألا بعدك .. حسية بفقد غالي على قلبك .. رفعت رأسي له .. وش فائدة هـ الكلام !! .. أبو تركي .. / مثل ما حرمتني من شيخه حرمتك من ولدك .. بقهر مسكته من ياقة ثوبه .. أبعدوني تركي و مسفر .. كل شي يدل أنه ولدي .. أخذته معي لـ السيارة .. لحقني مسفر .. دخلت المجلس .. ما تركت لو لحظة .. سنين أدروه .. و هذا هو قدامي وبغاني أتركه !! .. طلع ولدي .. ظميت بين يدي .. نزلت دموعي من الفرح .. هو جامد و لا تكلم .. و أن كلمته ما رد عليّ .. بارك لي مسفر .. .. سامي .. انزعجت منه .. أبعدت عنه .. تأملت وجهه بـ ألم .. ودي القي أي شي يدل أنه مؤ أبوي .. عيون السوداء .. بشرته السمراء .. شعر لحيته الأسود يتخالط شعرات بيضاء .. تحت عيونه هالات سوداء .. وقفت مخنوق من المكان .. .. / وين يا بوك !! .. أحس بكتمه فضيعه .. التفت له .. / أبي أمي وينها !! .. .. أبو فياض .. أصر عليّ أني أوديه لـ أمه .. وديته بدون أي اعتراض مني .. ×× ×× عساف .. الصبح اليوم طلعت لـ الدمام .. اشتقت لـ رونق .. جالسه قدامي بتوتر بليغ واضح عليها تفرك أصابعها .. أبعدت شعرها من على وجهها .. / عندك كلام ودك تقولينه لي .. ارتعشت بوضوح .. أبعدت يدي عنها .. الجفاء متى ينتهي !! .. .. رونق .. وقفت بسرعة بخجل و حياء .. مستحيه منه .. .. / عساف أعذرني و اللـ.. .. عساف .. بحزن على حالي .. حتى و هي متعافية ما تبغي قربي .. صبرك يا الله .. عطيتها ظهري .. قلت بعزة نفس .. / تبغين الطلاق !! تراني مستعد أطلقك .. أبغي أرتاح من هـ الأنانية شوي .. قلبي أعتصر من الألم .. .. رونق .. تنفست بـ قهر من نفسي و تصرفاتي .. تقدمت له .. ضميته بخجل من ظهره .. / لا تروح الله يخليك .. .. عساف .. التفت لها .. ابتسمت براحة و هدوء .. ×× ×× صلاح .. جالسة بهدوء قدام التي في .. مطنشها .. صراخها علا بـ الشقة .. التفت لها بغضب .. .. وقفت لها .. مسكتها من معصمها .. / صبري نفذ يا دوينه .. هزيتها بغضب .. دموعها نزلت .. تركتها جلست على الكنبة .. حطيت يدي على رأسي .. من وين القها من أهلي و ألا منها .. ما أني مرتاح أبد .. .. دانه .. ندمت على غبائي .. جالسه أحاسبه على ماضي فات .. جالس و هموم الدنيا على رأسه .. همست له بـ أسف .. / أسفه يا الغالي .. مشيت وقفني بكلامه .. .. / لو تبغين الطلاق .. جهزي أغراضك !!.. .. صلاح .. عندها أغراض من أول بالغرفة .. لا هي اللي خذتهم و لا أنا اللي وديتهم لها .. أبغي ريحتها بالبيت تبقى .. يمكن أني أحس بالراحة لو حررتها مني .. أعتصر قلبي من كلامي .. راحت بدون لا ترد عليّ .. سكرت على نفسها باب الغرفة .. جلست على أعصابي .. عيوني ما أنزلت من الباب .. خائف أنها تطلع و تقولي لي ما أبيك و بعدها وش يصير فيني بـ لياها !!.. ×× ×× نجوى .. مسكت يد أبوي برجاء .. / ما بيه .. لو أموت ما أخذ .. محمد بعصبيه .. / أحمدي ربك أنه جاء لك .. البلاء أنه يعرف سواد وجهك .. وقفت بقهر من كلامه .. .. / مظلومة و الله العظيم .. دموعي خطت على خدودي من القهر و الظلم .. سديت أذني من كلامه القاسي .. صدري يطلع و ينزل .. صرخ فيني .. / يالله الشيخ يبغي موافقتك .. ناظرت أبوي بعتب .. ليه ما يدافع عني !! و ألا هو مثلهم يبغي الفكه مني .. رحت وره مجبورة .. بعد ما عطية الشيخ موافقتي .. دخلت غرفتي و دموعي لحد الحين تنزل .. سمعت محمد يأمرني .. رتبت أغراضي بروح .. قرصني قلبي من الخوف .. رتبتها مجبورة .. ×× ×× بعد مرور سنه .. مسفر .. وقعت على عقد زواجي .. كل اللي حولي باركوا لي .. بعد نص ساعة .. طلعت وره عمها .. أخذت نفس عميق .. دخلت لـ غرفة الضيوف .. طاحت عيوني عليها .. تأملتها .. عيونها لونها بني فاتح .. خشمها طويل .. لها غمازة بـ خدها الأيمن .. و شعرها لتحت أكتافها بـ لونه الأشقر المصبوغ .. بـ بياض بشرتها .. ما تغيرت مثل ما هي .. تركنا عمها .. سلمت عليها بجفاء .. جلست قدامها .. ما نسيت جرأتها لحد اليوم .. عيونها ما رفعتها بوجودي .. و لا كأني كنت زوجها !! .. .. ورود .. بـ السنة اللي راحت .. عشت مع عمي و زوجته شيخه .. حز بخاطري أن عمي هو اللي طلب من مسفر أنه يتزوجني .. أرخصني .. حابسة دموعي من الألم .. يد باردة ألمست ذقني .. بصوته الهادي .. مسح دموعي .. / ليه تبكين !! .. ارتميت بحضنه أدور على الأمان من الدنيا و همومها .. حاوطني بذراعيه .. شعرت بالحنان و الأمان اللي كنت أدور عليه .. .. مسفر .. من شفت دموعها تبخر كل شي مؤ زين عنها بذاكرتي .. نأوي أفتح صفحة جديد معها و نعيش بسلام .. ×× ×× صلاح .. شلت كتبي بين أذراعي .. / ما من مجلس عندك أنتي و بزرك .. مشيت لـ غرفتي .. .. دانه .. من حولي العاب بنتي .. و هي بحضني تبكي .. لحقته بقهر .. فتحت الباب .. حطيت بنتي بحضنه اللي مليان كتب و أقلام .. .. / مثل ما هي بنتي بنتك .. طلعت و تركته .. لميت أغراض بنتي من على الأرض .. .. / دانه .. بقهر و العبرة خانقتني .. / الحين أحط لك العشاء .. .. صلاح .. سحبتها لـ صدري .. تناثرت الألعاب حولنا .. .. / من قال أبغي عشاء !! .. / مؤ هذا شغلي !! أكنس و أنظف و أهتم بـ بنتي !! .. / عشان كذا زعلانه !! خلاص أجهزي بروح نتعشى بره .. .. دانه .. أبعدت عنه .. ارتجف فكي .. هذا هو يعوضني يوم و ينساني أسبوع .. كل يوم يقول أنه بـ يتغير .. لكن ما من تغير .. صح أنه مشغول بدراسته لكن من حقي أنه يعطيني شوي من اهتماماته .. .. صلاح .. بعد ما رضيتها .. و عدتها أن نسافر مع بعض بعد اختباراتي .. ادرس أول ثانوي .. و أن شاء الله ناوي على جامعة البترول .. أموري من أبوي زانت الحمد لله بعد زواج نجوى .. ×× ×× محمد .. ناظرت السماء بفرح .. تنفس بهدوء .. سجدت سجود الشكر .. حطيت شنطتي على الأرض .. سلمت على عساف .. ركبت معه .. وصلنا لـ بيته .. تأملت الصالة .. صورته تتوسط الصالة .. ابتسمت بحزن .. هتفت بـ ألم .. / جعله شافع لـ أبوه و لـ أمه .. تنهدت أحاول أبعد الضيقة .. دخلت أتسبح .. و أرتاح شوي .. .. رونق .. شلت بين يدي ولد نجوى ناصر .. و بسته على خده .. ابتسمت له .. نجوى تزوجت ولد عمتي .. الحمد لله مرتاحة معه .. جاء بـ بالي .. ابتسمت بحزن .. حرمني من فلذت كبدي .. مات قدام عيوني .. تركت ولدها .. طلعت لـ غرفتي .. جاء لي و ناصر بين يديه .. وجهه أنقلب لـ ألون الأزرق و شفايفة لونها بنفسجي .. و على فمه بودرة بيضا !! صرخت بـ عساف .. / وش صار له !! .. تركه على الأرض .. جلس جنبه .. مسح على شعره الناعم .. تمتم بكلام ما أني فاهمته .. لبست جلالي .. شلته بين يدي .. طلبت أنه يأخذ المستشفى لكن و لا كأنه يسمع .. ركضت فيه لـ بيت محمد .. أخذه للمستشفى و طلب مني عمي أني أجل عنده .. جلست على جمره أكتوي من الخوف و الألم على ضناي .. .. عساف .. دخلت المخزن .. مظلم و الغبار منتشر فيه .. لقيته طايح على الأرض .. و حوله أكياس المخدرات .. و البودرة على وجهه و شعره .. جلست عنده بخوف .. هزيته لكن ما جاني منه و لا صوت .. بلعت غصتي بخوف .. وقفت شلته بين يدي .. تركته عند رونق .. بعد ما طلعت فيه .. ركضت لـ المخزن مثل المجنون .. نظفت المكان .. و تخلصت من المخدرات .. و دموعي على وجهي .. تعاقبني على فعلتي بـ ولدي .. ولدي !! ما قد حسسته أني أبوه .. فـ أي أب أنا !! .. .. دخلت بهدوء عند رونق .. بستها من خدها بحب .. ناظرت بطنها اللي بدء يكبر .. تحسسته بيدي .. أبعدت يدي عن بطنها بجفاء حاد .. رونق .. / ما أني مخليتك تحرمني منه .. .. رونق .. محمد تحمل القضية عن عساف .. عساف بالفترة اللي راحت صار قليل الكلام .. و أن تكلم أختصر .. و الكوابيس تطارده بنومه من تنيب الضمير .. جلست عنده مجبورة لأنه ولد عمي و ولد ولدي .. لكن حياتنا باردة مثل برود الجليد .. كلن بحاله .. ×× ×× محمد .. مررت يدي على لحيتي اللي بدية أربيعها .. الحمد لله بفضل الله .. حفظت كم جزء من القرآن .. و كنت أمام مسجد السجن .. يا جعل اللي صار تكفير عن ذنوبي .. ناوي أكمل نص ديني .. ×× ×× وعود .. دخلت غرفة و بيدي صيني الأكل .. تقدمت ببرود يملاه الغرفة و صاحبها .. حطيت الصينية على رجليه .. أكل بدون لا يناظرني و لا يكلمني .. ناظرت وجهه الحزين .. نص خده الأيسر مشوه بفعل الحادث .. صار مشلول بلعت ريقي .. رجليه ما يحركهن .. تكلم بصوت حزين .. / سامحتني !! هـ الكلمة باليوم أسمعها بكثرة منه .. ناظرته بحزن و ضعف .. و قلت بغصة .. / مسامحتك .. حطيت يدي على بطني .. ما بينا ألا اللي بـ بطني .. عمري ما أنسى قسوته عليّ و ظلمه لي .. لكني و الله سامحته .. شكله يكسر الخاطر .. نظراته لي كلها أسف و ندم .. مسحت على وجهه .. / مسموح .. لكني اللي أنكسر وش يجبره !! .. ×× ×× متعب .. جالسة تحبي على الأرض .. ابتسمت لها .. من جاءت جابت الفرحة لنا .. من أخر موقف مع خوله و ورود .. أرفضت أنها تروح معي .. و ما جاءت لي ألا لما ولادة و جابت بنتنا .. من يوم عمتي أرجعت لـ أبوها و حنا الحمد لله حياتنا ماشي طبيعيه .. .. خوله .. أخذت بنتي خزنه .. مرت أبوه أو مثل ما يحب يناديها أمه توفت الله يرحمها .. قبل لا أجيب خزنه بـ شهرين .. عاش بحزن بوفاتها و فقدها كثير .. و هذا أحد الأسباب اللي خلتني أرجع معه .. و السبب الثاني ما أبي بنتي تعيش بعيد عني أو عن أبوها .. تشبهني بعيونها و كل شي فيها .. الحمد لله البهاق اللي كان كابوس بحياتي عالجته .. و ارتحت نفسين و رجعت ثقتي بنفسي .. التفت لـ متعب .. ابتسمت له .. ما قصر بعلاج فياض و الحمد لله كل ما لها و تتحسن حالته و نفسيته و حياته مع وعود .. و لا مع أبوي لما جاء يرجع شيخه له .. و أقنع سامي مثل ما هو يحب نناديه أنه يسامح أبوي .. و لا يحمله ذنب هو ماله دخل فيه .. بست خده بخجل .. / أحبك .. النـــــهايـــة .. تمت بحمد الله .. 10 / 11 / 1433هـ .. أشكر كل من دعمني لـ أكمل روايتي المتواضعة .. دمتم بـ حفظ الله و رعايته .. |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
♪♪♪ تمـــــــــت :5rfd3: .. ♪♪♪ |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
♪♪♪ لـ تحميل الرواية كاملة .. من هنا لملفات الوورد والتكست العادية / http://www.liilas.com/vb3/t147664-39.html#post3250672 من هنا لملفات الآيباد والهواتف الذكية / http://www.liilas.com/vb3/t174654-36.html#post3250674 ♪♪♪ |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
حنوووونه
مشكوره على النقل. روايه فكرتها غريبه ماهي متداوله تقريبااا كل الابطال. خطاياهم كبيره ومدمره احس ان الكاتبه متعجله. وما اعطت الاحداث حقها احداث مبتوره. نهايه سريعه . شخوص الروايه كثير بالنسبه لأنها تعتبر قصيرة نوعا ما عوافي حنو |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
رائعـــــــــــــــــــــــــــــــــــــــــــــــــة جدااااااااااا
اصنفها 10 على 10 :55: |
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
صراحه ماقدرت اكملها ماني ناقصه اوجاع واحزان الكاتبه اسلوبها تعبيري يوصل الإحساس بصدق وروايه متعوب عليها لكن من كثر ماتأثرت بأحداثها ماقدرت اكملها ...ومشكوره معزوفه على النقل .....ودمتم
|
رد: أما كلام يثلج الصدر ولا أصّ ترى كلامك يجرح الله يعافيك ، للكاتبة : أوجاع قلبي
جميله جدا ما شاء الله
يسلمو حبيبتي ويعطيك العافيه |
| الساعة الآن 06:28 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية