|
أوعدك ، لا توسدت التراب .. ما أبكيك!
السَّلامُ عليكم ورحمتهُ عَزَّ و جلَّ, . . تعبر خيالاتي الكثير من الصور، تتجمع، تلتهب تود المضي قُدماً! و أبقيها أنا في قعر بعيد، عله يندمل! لا أملك الأنامل الذهبية لتخط ما بخيالاتي من | أحلام! ، و أعبر الواقع، ألهث من وراء أحرفي .. و تَستجيب، تلتفتُ لي، تلبي ندائي، و تقر بين أصابعي .. مُمتنة و أكثر .. كَــأنا .. أتمنى، و الأماني بعيدة، لكنني شعرتُ بها قريبة هُنا .. أتمنى حقاً ، أن تصل خيالاتي لظل هُنا ,, تستظل به .. تنتمي له! و تَــبقى ما بَــقيت الأحرف تحت عُهدتي! لي عودة، مع أولى نزفات الخيال .. ترقبوا ^^ .. .. البارت الثاني + الثالث + الرابع http://www.liilas.com/vb3/t179415-2.html البارت الخامس + السادس + السابع http://www.liilas.com/vb3/t179415-3.html البارت الثامن + التاسع + العاشر http://www.liilas.com/vb3/t179415-4.html البارت الحادي عشر + الثاني عشر http://www.liilas.com/vb3/t179415-5.html البارت الثالث عشر http://www.liilas.com/vb3/t179415-6.html .. .. نُقطة على الرَّف : أصرَّت أختي أن أرفق قصَّتي الأولى بين صفحات منتداكم، نظراً لأنه كان من الأفضلية عندها / عندي لذا، ها أنا هُـــنا .. و أكرر أمنيتي اليتيمة في الأعلى ^ |
سأضعُ بينَ أيديكم أول جزءين ، ثم سأكمل بإذنه حتّى أصل آخر جزء وصلتُ إليهِ و هو - الثَّـاني و العُشرُون- ! اتمنّى أن أجد تَفاعل كَما سمعتُ عن التفاعل الجميل من صديقاتي ^^ بِسمِ الله نبدأ، لا تحسب ان دمعي نـزل دون سبّـه ابكي من الفرقا وهـي مابعـد جـات ، أوْعِ ـدكْ ، لَا توَسّدتْ التِّرابْ .. | مَا أبْكِيكْ | وَ أوْعِ ـدكْ لَا شِفْت اَلْفَـرَحْ فِي عُيُونكْ ، .. | بـكِــيتْ !| . , الجزء الأول .. | غـايه | يوم الاثنين . الساعه خمس وربع العصر .. حطيت الدلة بعد ما صبيت لعمتيه و ختها .. كانت ترمس عنيه و تسولف ع ختها و انا يالسه عدالها !!! جد شفتو حد جيه !!؟ يعني فأول ايام عرسي الي كانت قبل اسبوع واحد كانت تعزني بشكل غرييب و ترمس ويايه و تسولف عن اي شي بس المهم ما نسكت! و من ثالث يوم ، يوم ردينا من جميرا بدت حقيقتها تبان .. خلوني اقولكم عن ليلة عرسي احسن وانتو احكموا .. كانت الساعة 6 و شي عقب المغرب ، يوم يت مالت الصالون تعدلني، مع انها متأخره فبدينا التعديل و انا كنت ميييييييييييته! فيني حمى وزجام .. مررررره تعباااااانه .. بس ماخبرت حد غير امايه الي هزبتني و قالت من لعبج ويا خوانج الصغار قبل العرس .. ترا قبل ليلة العرس يا مطر صبيييييييييييييييييب وأنا عااد اموت فشي اسمه مطر ،، ظهرت ويا خواني سهيل ومحمد و لبعنا فالغدير الي فالحوي .. آخر شي ركبنا موتر ابويه النيسان و انا الي اسوق على فكره و سرنا العراقيب ،، يوم كااامل كنت برع البيت .. و عقب باجر العرس .. فتخيلوا .. حتى خواني الكبار ماخبرتهم اني بظهر ومحد يدري غير خوانيه الصغار!! المهم يتني حمى رهييبه و حتى مارقدت فالليل ، بس غصبت عمريه ونشيت عالساعه وحده الظهر تغديت و خذت لي دوا .. وغفيت لي عقب الغدى شويه ..!! خفت شويه البارحه .. لكنه ماكان لي خاطر آكل شي و نسيت آخذ الدوى لني كنت مرتبشه اونه باااجر عرسي!! المهم ، فيوم العرس و عالساعه 8 ونص كانت مالت الصالون مخلصه وانا مخلصه بعد!!! مييته بالأحرى ,, احس كل شي عدالي يدوور و يدوووور ،، يتني خت ريلي ، "منى" و عطتني عيش اونه امها مطرشته تقول كلي و خذي الدوا .. اصلا منوه خبرها مادل .. المهم انه محد سأل عنيه غيرهن وخواتي الثلاث ماشاء الله ولااااوحده كلفت ع عمرها و يت طلت عليه .. أعرفهن خواتيه لو انطبقت السما على الارض مايغيرن من برستيجهم، و البرستيج عااد! يوم يت الساعه 10 الا ، زفوني و المستر ريلي ماطاع يدش ..... يقول مايبا و مادري شوه .. احسن ولا مادل شو كنت بسوي !! كنت لابسه فستان عرس طبيعي .. بس العرس نفسه كان فخم .. ريل عمتيه ماشاء الله عنده خير ومسوي لولده عرس خيااالي .. المهم اني يلست وانا ماشوف شي .. لاحظت ان خواتي محد يا وسلم عليه .. غير امايه محد يا !! اللهم خالتيه حمده يت شويه وروحت .. حليلها بتربي عقب شهر تقريباً .. نص ساعه تميت و ماقدرت استحمل .. زقرت ختيه ميره وقلت الها بظهر خلااص .. ظهروني ودوني الحجرة و ع طووووول للحمام .. رجعت الي فبطني كللله اكرمكم الله ... بس حسيت عمريه واااايد احسن .. وراايه ليلة بعدها فأولها احم احم !!! عدلتلي ميره مكياجي ودخنتني من يديد و عطرتني .. و خلاااص يت اللحظة الحاسمه .. احينه بيدخل ناصر الي هوه ريلي.. طبعا انا ماشفته قبل .. بس هوه شافني فبيتهم ، مرتزه فالمطبخ جان يحدر هوه و يتحراني امه !! دخيييييلكم عاد من كبريه عشان يتحراني امه .. ظعيفه و قصيره!! إلا جذبه بيظا .. المهم انه حدر وانا نزلت عيوني يوم سمعت حسه .. قال شي ماذكره بس يوم جرب منيه قلت: انا هب عموه و سكتّ!! جان يظهر ع طول !! .. المهم، يااااربيييه بطني جلب .. شكلي برجع مره ثااانيه!! استحملت طووول ماهو يالس عدالي وسااااكت و عيوني احمرن من التوتر .. عقب مادري كم من الوقت مرّ لني مااحسييت بشي و لا حتى جاوبت حد ولا رمست حد بما فيهم ريلي .. اول ماا ظهر لفيت عالصوب الثاني عن فستاني و رجعت .. جدام خته و اماايه و خواتي الثنتين مهره و عايشه!! بطني اصلا مافيها شي .. بس ماي و بلغم اكرمكم الله !! هالمره حدرت و اتسبحت كليي و تلبست كندورة مخورة فخمه وااااااااااايد و ثجييييلة سوده و حمره و الوقايه مالتها حمرا شفااااااافه وفيها لمعه وايد عيبتني ، خليت شعري مفلول و شعري ماشاء الله طويل وبني غااااامج .. تجحلت و حطيت مكياج عااادي وبسيط ، دخااني على ابيظ فاااااتح هب واااضح اصلا .. عالساعه 12 و نص كنت فالسياره و يا ريلي المبجل .. سرنا بيتهم اول شي .. بنبات هناك الليله و على حسب اتفاقه ويا امه بنتم فجميرا ثلاث ايام و نرد .. و لنه بداية السنه و دوامات فأجلنا السفر مع اني مابا .. عادي هب مهم !! كانت الساعه ثنتين .. وانا يالسه ع كرسي التسريحه اتريا البرنس يشرف .. من اول ماوصلنا قال خذي راحتج و ظهر .. اسمع اصواتهم فالصاله الي عن يمين قسمنا .. المهم اني يلست و يلست و يلست .. آخر شي عصبت جان اغير لبسي وارقد .....!!! اليوم الثاني نشيت ع صوت عمتيه واقفه عند باب الحجره ، وانا هب متلبسه غير لبس رقاد شفاف .. كانت تقول نشوا و صلاه و مادل شووه !! نسيت انا وين اصلا بس حسيت بحركة عدالي و ايد ترص ع خصري .. شهقت بقو يوم تذكرت انا وين و ها منوه الي ويايه ع السرير .. جان اشل اللحاف الي كان على ريولي و افره علينا ،، عمتييييه شووووووتسوي عندنا؟!!!!! ، : غااااااايه بلاااج ماتردين ع امايه!؟ لفيت بسرعه عليهم بعد مانشيت من احلام اليقظه .. عدلت يلستيه وانا اقول : سمحيلي عمتيه سهيت شويه .. رفعت عيونها فيني و قالت : هب منج من هالبلاك بيري الي من صباح ربي فايدج .. عقب لفت ع ناصر وقالت له : فدييتك ولديه انا ماقلتلك ماتشتريه عنبوو هالتيليفونات ماسلم منهن حد .. بعد يابوك هب زين للبنيه هااذاا ..! انا انصدمت للمره الألف فعمتيه .. يعني هاي هيه عمتيه الي الكل يحبها و يعزها .. !! طالعت ريلي المصون بشوف شو بيقول جان يقول : خلييها امايه هيه تبااه .. لاحظت انها تدخل نفسها امبينا وايد، مادري شياها عليه ... عصبت منهم ثنيناتهم، لفيت على خالته، احسها غير عن ختها الي هيه عمتيه، لحظة ، أحيد بنتها شوق معرسه قبلي اظني بشهر او اكثر، .. قلتلها: خالوه، شحالها شوق؟ لفت عليه عمتيه بسرعه و قالت : بخير ماتشكي بااس فديييتها .. حامل احييينه! و كملت و هي تمسد ريول ناصر الي طايح عندها : فدييييتك نبا نشوف عيااالك ..!! شرقت بالجاي الي كنت اشربه و انا اسمعها .. حشى... تونا نقول بسم الله !!! ناصر مارد عليها وانا انقهرت زياااده .. عقب خمس دقايق ما استحملت غلااااستهم فقمت فوق صوب منى بطالع فشو منخشه!! . . |مريم| يوم الاثنين فالليل .. الساعه 11 وشي! : كل شي جااهز متأكده ؟! : ياااا عبدالله ياااااا عبدالله دخييييييييييييلك اظهر .. اقوووولك خلاااص كل شي جااهز .. انته بس سر ارقد ! طالعني بنظره و ظهر من الحجره و بند الباب وراااه .. أول ماظهر نطيت على لحافي و انسدحت برقد .. تذكرت اللييت .. اففففففففففففف .. احينه الساعه 12 وانحن بنسير من 6 الصبح متى بلحق أنش !! قمت من سدحتيه و بندت الليت .. توني بلف جان يفج خويه الثاني الباب .. قالي: مريووم فديييتج نبا عشى ..!! : لااااااااااااااااء دخيييييييييلك حمد ابا ارقد .. انتو ما بتشتغلون باجر انا الي بشل وبحط!! قال: لا و الله بنساعدج بخلي عمور و عمير يساعدونج ،احينه ابا عشا لي و لسلطاان ولد عمي .. : حمد عااد شو عشى احينه .. زخني من ايدي وقال : ياالله فدييتج انا سويت جاي كرك نبا بس سندويشات جبن و بيظ حق ولد عمج!! سرت ويّاه صوب المطبخ ، اتذكر اني خليته مبهدل عقب الترتيب و اونه حرمة خاليه بتطرش بشكارتها تنظف باجر يوم انحن انسير .. اول مادخلت يتني ريحة تايد و كلوروكس قوية خلتني اعطس .. بعدين استوعبت انه نظيييييييييييييييف !! فجيت عيونيه مستغربه!! : حمد ؟ .. منوه غسل المطبخ ؟! قال : اليهال !! : الشيخه مريم واعيه وانحن ننغصب ع شغلها .. حراام عليك حمد!! لفيت على عمير و عمر .. و نقعت من الظحك!!! كانوا متلبسين صراويل جنز قاصينها بالمقص من تحت ركبهم و فانيلة كت سوده .. وخرسااانييين ماا!! : انتو غسلتووه؟!! هههههههههههههههههههه و الله دوااكم محد قالكم تشوون دياي عالفحم داخل المطبخ!! تساند عمر عالباب و قال: ياااامخ هذا تحضّر .. احينه كل شي قاموا يسوونه داخل .. قال عمير : هيه نعم .. بعد حراام بشرتنا تخترب!!! سرت صوب الثلاجه بظهر بيظ و طماط و الاشيا الثانيه .. وانا اقولهم : عاااااااد و البشره !! .. تقول سيلانيات شاردات عز القيظ!! قلتها وظحكت عليهم بس محد ظحك غيري .. لفيت عليهم جان يطالع عمر عمير و يقول : حراام عمووور اظحك اظحك بنجرح مشاعرها !!! و نقعوا من الظحك .. عااااااد انا فولللللت هنيه .. جان اشل البروش و اظربهم به .. كل هذا و حمد الي اكبر منا واقف يطالعنا بنص عين .. استحيت ع ويهي و سرت اسويلهم السندويشات ... اكيييد تبون تعرفون منوه نحن و شو هالحشره الي فينا .. انحن عايلة سلطان بن عيد .. حشششششره و ظراابه ليل نهاار .. ابويه متوفي من 10 سنين .. امايه تشتغل فالوزارة مادل شو تسوي .. هيه صح موجهة اونه!! المهم انا محدثتكم " عاااااش العربي " مريم سلطان عيد ، عمريه 21 سنه ، متخرجه من ثلاث سنين وزابنه فالبيت .. عمر و عمير توام 20 سنه أول سنه خراب .. هب طايعين يدشون الجامعه .. عقب فشل سنه من الثانويه!! حمد 25 سنه .. يشتغل فالبلدية ، عاااازب على وشك الزوااج بس كل يوم يأجل .. "يعني احذفوا على وشك هاي !! مبارك 27 سنه ، ضابط فالجيش .. من الحول للحول نشوفه .. مطلق و عنده بنيه صغيروونه سماها على خته الوحيد الي هيه انا!!! مريوم الصغيرونه ساكنه فالشارجة ويا امها .. و فإجازة مبارك اييبها عندنا ويحووط اياها .. نحن مرات نشلها يوم امايه تبا تشوفها او نحن نتوله عليها .. فنشلها يوم او يومين ونردها عقب ما تتصل امها تباها .. خويه العود عبدالله ، مهووس النظام و الترتيب .. عمره 29 ، هو ويا خالي براهيم فكل شي .. يحب كل شيء يكون مرتب .. مالج ع بنت عميه هند ، و عرسهم فالاجازة هاي .. يشتغل محامي .. مرررره لابق عليه هوه و نظاراته!! اما اصغر واااحد عيد ، 16 سنه ، انسان مشكلجي ، مخرب بيوت ، مجرم بمعنى الكلمه ، و هب دلووووع شرات ما المفترض ان آخر العنقود يكون ، الا وااحد خشن تقول اكبر عن عمره .. مره ريناه منخش ورا سكة بيتنا يدووخ!! خخخخخخخخخخخخ اسميه حمد ظربه ظرب هاك اليوم .. صف ثاني ثنوي، أدبي طبعاً مافيه رجا هذا!! المهم بعد منووه منووه .. خلااص محد .. هيه الفرد الرجالي الأخير .. خالي ابراهيم .. هذا واحد نظامي روتيني بحت ، معرس و حرمته شراااااااااااااااته ، كل شي يمشي عندهم بالساعه ، الساعه تسع مايتعدونها الا تلقاهم رقووووووووود تقول دياااي ، عالساعه خمس تلقاهم ناشين ، و مااشاء الله ميلسهم دووومه ممزور رياييل ، عندهم ولدين، راشد وسعيد، راشد: 12 سنه، سعيد 10 ... بس يوم تيلس وياهم تحسهم كباااااااار و عليهم اجرام، فاقوا عيد خويه! ، ... هاي عايلتنا المقربه ، اما من قوم ابويه ، فعندنا ثلاث عمومه ، واحد مسافر كندا و عنده بنتين صغار وحده اول تاسيسي و الثانيه خامس .. عميه الثاني معرس جريب مع انه رياال عود تقريبا فنهاية الثلاثين .. خذله وحده من هلنا مطلقه و عندها ولد واحد صغير اظني انه فصف سادس او سابع ماعرف .. عميه الثالث ، ماااشااء الله عنده خيير .. خخخخخخخخخ لا قصدي عيااال شراتنا ماشاء الله .. بس هوه عنده ثلاث اولاد و اربع بنات .. البنات هند اكبر وحده 27 حرمة خويه عبدالله ، انسانه رهيييييييييييييييييبه ، جميييييييييلة بمعنى الكلمة .. وماااشااء الله ربة بيت عن اصل .. يعني فعلاً هالبنيه من حظ خويه لنه صراحه مابيلقى شراتها ... عليها منطوق يخبل بي .. وااايه عليها بس ... انا تخبلت عليها فكيف بخويه البارد ، ههههههه هيه بتسخنه!! الله يحفظها بس ! عذيجة الثانيه ، يت عقب هند بسنة وحده معرسه من ولد خالها من سنتين بس .. عندها ولد سموه سلطان على ابويه .. عليا فدييت روووحها 25.. ماشاء الله عليها .. عكسي انا ، حياتا مقرونات ، و عيونها وساع ماشاء الله ، يعني بنووته .. أما انا حليلي من الشغل الي فوق راسي غديت ريااله!! الرابعة شما توها فالثانويه، كل شيء عندها ، انمي ×انمي× انمي .. تمووت فشي اسمه رسوم متحركه .. و تموت فرمسة اليابانيين .. مسويه حرب ويا امها اونه تبا تتعلم اللغة اليابانية وامها تنازعها اونه عيب و شوتبينها .. اما الاولاد فاكبرهم سلطان عمره 23 سنه يدرس طب فجامعة دبي .. ها الريال عليه حركات ، مال امها داعي ع قولت عيد !! يعني انحن ماعندنا ان الفروخ ييلسن ويا البني .. مع ان خواته عادي ييلسن ويا خواني .. بس انا ابويه الله يرحمه معودني ان ما اظهر يدام اي ريال غريب يجربلي او مايجربلي!! بس هوه يوم اي بيتنا ومحد من خواني يكون موجود فانا اتغشى عنه و ارحبه عادي واقهويه بس ما ايلس وياه اكثر عن خمس دقايق اخبره ان خواني محد فهو يستحي ع ويهه بعد مووت طبعا و يسير!! الأخير ، خويه بالرضاعه ، بخييت فديته انا .. ماشاء الله واااايد يحب ييلس ويا امايه واااايد يعزها .. كان وايد متعلق فيدوه ام اميه .. يوم توفت انجلبت شخصيته .. ليته بس يرد شرا ما كان .. احينه يقول بيسير بعثه صوب كندا يتعلم الانجليزية و اسس ادارة الاعمال 6 شهور وبيرد ان شاء الله منها دراسه و منها زيارة لعمه .. و بــــــــس! هاي عايلتنا الكريمة .. شي بعد هلنا من صوب يدة اميه ساكنين عدالنا و نعرفهم .. بس وااايد بعاد عنا .. يعني بس فالعزايم نشوفهم .. الممممممممهم ، خلصت السندويشات ، وطرشتهم ويا عمر الي كان برع يحوط هوه و عمير .. هاييلا بووماات مرره مايرقدون فالليل .. طبعا لا شغل و لامشغله!! و عالساعه 2 وشي رقدت!!! وااايد بسرعه صح !؟ . . | حمد | يوم الاثنين .. الساعه اربع فالليل .. انا و سلطان ولد عميه يالسين فالميلس نسولف .. ع قولت امايه غادين حريم .. خخخخخخخخ ، مرّ علينا شهر تقريباً و ما سرنا اي مكان ، طبعاً غير للضرورة .. انزين شونسوي شهر 12 بررررررررررررد موووووت .. و الله انحن فالبيت ويالسين بلحافاتنا .. : اقولك بوشهاب .. هب جنه بخيت تأخر.؟ .. أحيد بي عشر احينه يت اربع وهو بعده ما يا ... : و الله هب منه منا انحن الي نسيناه .!. اصبر بدق له .. شليت تيليفونيه و اتصلت بولد العم .. رد عليه : مرحبا .. : هلا بخييت شحالك؟ : بخير الحمدلله .. انته شحالك ؟! : حيالله ولد العم ، فنعمه طاب حالك .. هاه وين دارك؟! : و االله هنيه فميلس بن علي .. جيه ماييتو؟! لفيت على سلطان : الحبيب فميلس بوسلطان و انحن نترياه .. يالهرم شعنه ماتخبر ؟! قال : شو هرم بعد تراني خبرتكم .. وصلت لين باب بيتكم و ريت عمير هناك و خبرته !!.. والا ماقالك .!؟ : بوتفق ماقاللي .. انزين انته بعدك هناك؟ ..بسك رد البيت والا تعال صوبنا .. عبلت عالعرب! : منوه عرب بعد .. الا هم سعيدوه و الخال .. آآآآخ يلعن شكلك يالهرم .. سمعت حس سعيد يهزبه يوم قال سعيدوه جان ابند عنه، صديت صوب سلطان الي كان يزط!! : خوك هذا عليه هفاات .. تحيد العام يوم نقد علينا اونه سهرنا لين الساعه 3 فبيت سعيدوه!؟ : ههههههههه يعيبك هوه و تفكيره .. الا اتخبرك قوم سعيدوه منوه متوفي عندهم الاسبوع الماضي؟! : محد ؟! : لا الله كان عندهم عزى .. حتى سرت ويايه .. و الله ما عرفت شو اقوله بوسعيد اونه عظم الله اجركم و انا مادل منوه متوفي !! انسدحت وتلحفت عدل وانا اقوله : منووه؟ ,, ماحيد و الله ... جانك خرفت ياولد علي؟! : خسك الله محد غيرك .. مااتحييد كنا صوب العزبة ويا الاهل .. يوم قالتلك امك وصل مريوم صوب الجمعيه .. و كمل : يااااخي مامنك امل انته ! عقدت حياتي يوم سمعته يقول مريوم ..! .. ياااخي وين تباا .. فريت عليه مسنده و قلت: يالثوور شو بعد مريووم هاي .. حشم غربلك الله .. مره وحده انجلب ويهه وفج عيونه .. : هههههههههه خيييبه شوي شوي .. مايسوى عليه كلمه وقلناها ..! سكت خلاف قال على طول : سمحلي حمد والله هب قاصد .. و حج راسه و هوه يقول : عااده انتو خوانها دوم تطرونها الا مريوم و مريوم !! و لف الصوب الثاني و كمل : بعدين شوفيها؟ .. بنت عميه ودلعتها .. شومن مشكله فيها هاي بعد؟! فجيت عيوني وصدق عاد عصبت : يالهرييمااا اشو بعد شو مشكلته .. جيه حرمتك ادلعها !؟ ... حشم سلطان والا مابييك خير !! : و لعثره .. عصب بوالشبااب بوويه بخليك انا تصبح على خير .. بنتلاقا فالبر ..! و ظهر من الميلس ..! .. صدق مايستحي سليطين الهرم ..! يااااااااااااللله يالرقاد .. بمووت من البرد انا .. جان ما ارقد هنييه .. عااد باجر ورانا سيرة بر .. اففففففف الله يعين على عميه بوهند ، مرره بيتم الا يتخبر عنا و عن مريوم وشو سوت ومادل شوه .. انسدحت ع ينبيه وانا اشل ريموت التلفزيون واطالع اي شي فيها .. هالايام احس عميه يلمح جنه يبا يخطب مريوم لواحد من عياله .. واظني انه سلطان لنه هوه اروحه احسه يباها!! طحت على ظهريه وانا اقول بصوت عالي: اسميه بيتخبل ان درى بتخطيط ابوه .. : حمد منوه ترمس انته!؟ بسم الله الرحمن الرحيم .. : غربلج الله مرييييييييييييم زيغتيينيه .. شووتسوين خاري .. .. قالت و هيه تحدر الميلس : ماشي رقدت عقب نشيت بطالع وين انتو .. ماريتك فالحجرة و اتصلت محد رد .. عاد شعنه مبند الليت ماكنت ادري انك هنيه .. فديييت انا الحنوونه دومها جيه ماترقد الا يوم تعرف انه انحن فالبيت .. و الله لو امايه ماتسويها .. : لا فديتج امبوني ويا سلطان هنيه وتوه روح .. : اها عيل بترقد هنيه ..!؟ : هيه برقد .. يت وشغلت المكيف جان اقولها: لا لا مريووم برد .. بندييه بنديييه ! لفت عليه باستنكار و قالت : شووه ؟ .. كتمه غاديه الحجرة ! : لا بنديه بموت من البرد انا .. و تعالي شلي وياج هالصينيه .. و تسلميييين عالسندويشاات الغاليه .. ابتسمت و هيه تقول : الله يسلمك ماسويت شي .. الا اقولك ، مبارك بيي من الدوام باجر صح ؟! : لاء ، عقب باجر ان شاء الله .. و بيخطف ع هل مريوم الصغيرونه واييبها صوبنا .. : هيه زين ، عيل انته مابتنش قبل الساعه عشر .. يت و شلت الصينيه وهي تقول : انته بتييب امايه يوم تخلص من دوامها ولا؟ ياااربيييه وااايد ترمس هالبينه : هيييه اناا .. وبسج رمسه ظهري وبندي الباب زين .. : حشى شوي انزين .. تصبح على خير .. : ونتي من هله .. . . . | شما | يوم الثلاثاء .. الساعه 7 ونص! : شموووووووووووووووووووه بسج رقاد نشي ..! : شمييييييييييييم بذبحج تراني يالعنز نشي .. اووهووووه مايخلون حد يرقد هاييلا .. : هاه نشييييييييييييت و الله نشييييت .. لفيت على الجهه الثانيه وتلحفت مره ثانيه .. اللللللللللله محلى الرقاد .! : شموووووووووه .. و الله يجب عليج ما بارد ان مانشيتي ..شموووه .. ماعليه صبري عليه .!. مادري كم رقدت بس ماحسيت الا بما بارد ينجب على ويهي ..: لااااااااا حرام عليج هناادي .. فريت عنيه اللحاف : افففففففففف انزين قلت لج نشيييت .. قالت وهيه واقفه عند الباب: تعرفين الساعه كم ؟.. يت ثمان وانحن بعدنا ماظهرنا .. نشي غربل الله عدووج امايه محتشره عليج .. : دخييييييييييييل الله هناادي خبريها بس ساعه .. و الله امبارحه مررره مارقدت كله انجهز السامان .. يت صوب الدريشه وبطلتها: انزين حتى انا مارقدت شو تتحرين السالفه لعبه .. شوساعته بعد نشي وعيني من الله خير !! اافففففففففففففففففففف .. شو هالحاله و الله لو اتم فالبيت اكمل انمي كود جياس احسن .. فدييييت ليلوووش انا .. يوم تذكرته فرحت الصرااحه وقمت من مكاني وانا انطط !! : بسم الله .. بلاااج؟.. تخبلتي شووه .. شمووه استعيلي و الله انا تأخرنا .. بعد قوم عمييه ويانا فظييييحه! و الله هناادي وااايد تحاتي .. شليت لبسي والفوطه الي مجهزتنهم من البارحه ودخلت الحمام .. اوهاايو ميينااا .. انا شما فديتني .. اكيد مستغربين شو هالكلمه الي توني قلتها بكل احاسييس السعاده هع.. هاي الكلمه سلمكم الله تعني صباح الخير جميعاً بالياباني .. فديت اليابايني انا .. لا تقولون متخبله .. بس انا جيه .. المهم خلوني اخلص بسرعه عن اتي امايه بالعصا .. تلبست مخور اصفر فاااااااااقع و شيله صفرا على ابيظ .. تجحلت و تعطرت و شليت لاب توبي و الكيميرا مالتي شووو بعد نسييت ..!! مااشي .. ظهرت من الحجرة ريت البيت مشتل ،، ابويه اشوفه من باب الصاله ويا بخيت خويه يشلون السامان و سلطان حسه واصلني من هنيه هوه وامايه .. اما علايه اكيد بعدها فحجرتها .. فدييتها الاسبوع الماضي كانت طايحه فالمستشفى ... بعدين بتعرفون سالفتها ، المهم .. : شماااااااااا و يهد انقفظي فازعيهن ... علني بلاكن من حريم محد يوديكن مكان !! اف اف ابوويه متفتف!! .. بسرعه سرت موتر سلطان و حطيت ساماني فيها و ربعت ربعان صوب المطبخ .. : اووهااايووو كـ.. صباح الخيير !! ابتسمت ابتسامه عووووووده وحبيت راس اميه و انا اقول : شحالج اميه عساج بخير .. هاه تبون فزعه مرره حااظره انا .!. : شما هب فايجتلج انا .. سيري فازعي علايه فديتها اسمعها تبا الخدامه و انا مطرشتنها صوب الزراعه تييب خظره ... : علايه تعين عمرها مرره لاتستهمين منها .. و : شميييم سيري من دون رمسه زايده .. اففففف يعني انا اصغر وحده و لا علايه .. انزين حتى لو مريظه جنه محد مرظ غيرها ... استغفر الله ،انا شو اقول .. اففففففف كله من هالسيره الي ربشتنا عالفاضي .. سرت صوب علايه و فالطريج لاقيت ابويه جان اقوله : مرحبا ابويه شحالك .. مره وحده صرخ فويهي : هب بخير و كله منكن يالحريم .. انزربي فالموتر جانج خلصتي .. و روح عنييه .. غومينا ساي ، اكيد تقولون ليش ابويه جيه .. عاده هوه جيه من وانحن صغار .. مايدااني البنات يكرهههههن .. طبعا إلا مريوم بنت عميه الي تقهرنيييييي!! المهم اني سرت صوب علايه اشوف شو تبا .. خطف عليه بخيت مستعيل و قال: شما شلي هالسفره و كويها و خليها عندج .. ولا اقولج ..! يا صوبي و قال : سيري اركبي الموتر وشلي وياج علايه و السامان مالكن ولاتخلين ابويه يشوفج ونتي سايره بسرعه ... دزني صوب حجرة علايه و هناادي وهو يكمل : بسرعه الشيبه معصب اليوم .. قلتله وانا الف صوب ممر الحجر: يعني هوه متى كان هب معصب .. الله يعين بس ..!! : بس عن الهذربان الزايد و انقفظي !! سرت صوب علايه الي شكلي مابوصلها اليوم خخخخخ ، كانت فالحمام و اشياءها كلها جاهزة جان اقولها : علايه بشل قشارج و اسير به صوب موتر سلطان .. بخيت يقول ايلسن فيها لين مايخلصون السامان فموتر ابويه .. و الجو مطر!! ابتسمت وهيه تقول : افففففففف لا تقووولين .. الله يعيين .. يوم نقول انا والبنات برع مطر او السما مطر يعني ابويه معصب .. شفتو كيف انحن مجرماااات ..!! شليت سامانها وكنت بظهر يوم قالت : شمووه صبري !! و ظهرت من الحمام .. كانت متلبسه كندورة مخورة بيظا وحمرا وااايد غاويه عليها ..: اف اف مانرووم صرااحه طاع شو متلبسه .. عقب كملت :انزين شوتبين بسرعه ابويه معصب!!! : خخخخخخ مالت عليج .. اباج تسيرين ويايه صوب الميلس نسيت ادخنه ومافيني على حشرة امايه ولا ابويه .. : خليييه يولي محد بيتم فالبيت .. ولا قولي حق رشيد يدخنه .. .. فجأة سمعنا ابويه يقول : ياااحرمه مايسد هذا كله .. وين تتحرين عمرج سايره انتي ..!؟ عنبوو ماخليتي شي فالمطبخ جان ماتشلين الثلاجه وياج .. حشى!! سكتنا يوم امايه تهازب هيه الثانيه : شو بعد وين سايره .. تراه بنبات هناك يومين ماتباني اشل قشاري ويايه .. بعد الواحد مايظمن شو يصيبه هناك .. قطع رمستها ابويه يوم قال : صدقج و الله عيل هب سايرين امبوني انا متواعد ايا بوسلطان .. بس خلاص ردو السامان .. شقهت انا بقوة : لاااااااا حرااام ! علايه : لاااا .. و الله خاطري انسير ..! امايه ماسمعتها قالت شي الا خطفت عدالنا وهي تتحرطم على ابويه : الله يهديك من ريال .. عنبو جبريت !! يت هند ويها احمر وقالت : بنات خلاص هب سايرين تعالن نرد السامان داخل .. حرااااااااااااااااام و الله خاطري .. شفت ابويه دخل الميلس و دخل وراه بخيت وسلطان .. : حراام و الله .. يعني انا مبارحه مارمت اشوف كود جياس بس عسبت هالسيره وو يلست انا وهنادي لين صلاة الفير نجهز السامان .. افففففف!! وصراحه صرااحه ..صدق حزت فخاطري رمست ابويه .. يعني هو معصب شو يخصنا انحن؟! .. بعدين انحن من زمااااااااااان ماظهرنا من البيت .. على كل حال سرت اعاونهن و هند حليلها شكلها وايد تعبانة .. اصلا كله فوق راسها ومحد اتيه رمسه من ابويه كثرها .. يا سلطان وبخيت صوبنا قال بخيت : بناات خلاص خلنه بنسير .. انا بسير صوب امايه .. و لف على سلطان : ونته شل البنات و الحق عبدالله قبل مايظهر من بيت عميه .. انا فرحت صراحه .. بس هند فرت الي فايدها وقالت وهيه تصيح : وابويه انزين ؟!. انصدمت ، هناادي تصييح ؟! سكتنا بس سلطان قال : خل عنج ابويه .. هوه مظيق شويه بس .. وقفت وقالت : انا هب سايره .. ودخلت داخل .. اففففففف يعني شو ما بتعدي السيره على خير! قلت الهم : خلها عنك سلطان انا برمسها .. سرت صوبها و الله حرام عليه ابويه ليش جيه يسوي .. . . | هند | يوم الثلاثاء .. الساعه 8 و أربعين دقيقه ! : سلطان قلت لك مابا خلااص .. : عاااد هنووود لاتمين جيه شوتبين ..!؟ : سلطااااااااااان اي دكان بعد؟ بسك رمسه فاظيه و طالع الدرب ،، اففف جد وصلو قوم عميه وانحن تونا ظاهرين من الشعبيه .. لو نشينا من وقت كان احسن .. : صدقج عاد انتن البني مـ.. مره وحده نطن عليه البنات : و الله يـتنطب ان قلت رمسه ثانيه عنا بذبحك ..! : حشى عليه ثرني شوقلت انا ؟! : بس اسكت لا ترمس ..! لفيت عالدريشه وانا قابظه عمريه عن اصيح .. و الله ماعرف شوياني .. يعني في ذمتكم ماتحز فالخاطر رمسة ابويه ، من متى وانحن نتريا نظهر من البيت و محد حافل ابنا ..!؟ اللهم عبدالله حليله قالهم عن السيره دامنا اجازة احينه و اتفقنا نبات فالبر يومين .. ولا قبل محد مهتم ابنا .. اصلا ابويه الله يهديه من يوم ما امايه يابتنا ثلاثتنا ورى بعض وهو جيه ... عاد قلنا بيتغير يوم يا سلطان و عقبه حامد ، بس ماشي بعده الا هوه نفسه! : هنااااااااااااااادي ارمسج ؟! لفيت على شميم الي يالسه ورى ويا علايه : هااه شوتبين انتي بعد؟! قالت : قوم عذوووج بيون ؟ .. و لا ريلها المصون مابيبها ؟! : شدراني عنها .. محد منكم رمسها؟! : أنا مارمستها .. علايه .. حوووه ام تفاحه رمستي عذوج جريب؟! قالت علايه بعد ماخوزت سماعة الآي فون : له .. من زمان عديبها .. ! جيه مابتي اليوم ..!؟ : انا اسألج .. سكتنا يوم صاح تليفون سلطان .. قلتله : جانه واحد من ولاد عميه وعنده مريوم عطني اياها! عطاني نظرة وهو يقول : شو بقوله يعني عطني ختك تباها ختيه ؟! عقدت حياتي مستغربه : هيه عيل شو بتقول !؟ : خلاص سكتي .. حيالله بوحميد .. فنعمه طاب حالك .. و الله العلووم طيبه .. هاه وين واصلين .. ماشاء الله ، لا هالله بعدنا ساعه لين مانوصل .. هيه ، هيه هيه عرفته .. جيه هناك مخيمين ؟! ... زين هب مشكله .. لا و الله فالموتر ايا بويه وامايه .. و الله طال عمرك تعرف انته البني ويا كثرة شغلهن مايخلون الواحد يظهر من وقت .. هههههه هيه نعم .. ماعليه .. الا اتخبرك الغالي .. هههههه عيل هب غالي افا عليك بس .. لا ماشي بس بغيت اتخبرك جان الرظيعه وياك هند تباها .. اوكيه لحظة .. دوج هاه .. يا ويلج لو طولتي .. عطاني التيليفون وانا اقوله : ماايخصك انزين يالزطي .. ثره هب رصيدك .. ألوه مرحبا .. : مرحبتين الشيخه .. ماعليه سمحيلي مريوم ترمس فالتيليفون .. خمس دقايق وترد عليج .. اوه اوه .. هذا عبدالله .. يااااويلي سمع رمستيه .. : أ .. أ لا خلاص هب مشكله .. هذووه عبدالـ.. قصدي سلطان يباك ..! فريت على سلطان التيلفون وانا انتفظ .. عبدالله سمعنيه !!! .. واايه فواادي يعورنيه .. : حووووووووه انتي بلااج ماتردين ..! لفيت على سلطان الي عطاني التيلفون مره ثانيه وقال: بلاج غاديه صخامه .!؟ صدقه و الله احس الجو حاااار .. شليت التيلفون و لفيت على البنات اطالع جانهن شافن شي ولا حسّن ..و الله لو يدرون بيمصخروني مصخره! قالي سلطان: هناادي البنيه ترمسج فالتيليفون ..! اووه صح : مرحبااا .. هلاا ريماان سمحيلي ماسمعتج .. : مرحبتييين بحرمة خوويه شحالج الا بخير؟. : مااالت عليج شو حرمـ... انطبي غربل الله عدووج .. شحالج يالمشخله؟ : محد غييرج مشخله .. أنا مشخله ؟ .. انا بخير ونعمه ربي يسلمج ونتي؟.. و الله من زمان عنكن .. اشتقنالك ياجمييل!! فدييت مريوم انا و الله انها ترد الروح برمستها : بخير طال عمرج .. تشتاقلج العافيه غناتيه .. هاه وين واصلين ؟! سمعتها تسأل عبدالله : وين واصلين احينه !؟ جان يرد عليها: تونا داشين ليوا .. : سمعتيه ، تونا دشينا ليوا ... ونتو؟؟ أكيد بعدكم فالبيت ؟! : لا لا ظهرنا من نص ساعه تقريباً .. انتو متى ظهرتو؟! ظحكت عقب قالت : فدييتج انحن واعين من صلاة الفير و مررره مايت سبع لا ونحن ظاهرين .. : ماشاء الله .. هب نحن الساعه ثمان ونص تونا ظهرنا من البيت .. : هههههههههههه مرره من وقت ماشاء الله ،، طال عمرج نحن عندنا هنيه ساعه توقيتها حصري .. آآخ اسوولف ياريااال بلاك! : بلااج . ؟؟ اقولج مريوم قوم خالج بيون؟! : مادل و الله ، صبري .. لفيت على البنات اطالع شو يسون كانت شما منسدحه على ريل علايه وراقده وعلايه تسمع فالآي فون مالها .. وسلطان يسوق وهو يدندن .. قلتله: سلطان كم باقيلنا ؟! لف عليه وقال : ساعه تقريباً .. جيه منو يتخبر ؟! فديت سليطين يتحرى مريوم الي تتخبر مسوي عمره اونه مايحبها .. الا يموت فهواها !! قلتله: محد الا انا .. مريوم : منووه ترمسين انتي .. عبدالله يقول لا مابيون .. هيه صح مابتي اياكم ختج العنز؟! : ههههههههههه مالت عليج شو عنز بعد .. ماعرفلها امبوني بتصل بس قلت خلها تولي .. : ليييييييييييش و الله بتستاانس ويانا .. تولهت ع ولدها الطفس ..!! ..: اقولج مريم حد يتصل ع سلطان بخليج الغاليه .. يالله ردي السلام .. : زيين الله يحفظكم .. عطيت سلطان التيليفون : حد يتصل بك .. ياااربييه ماصدق انا كنا مابنسير .. فديت امايه ياترى شومسويه ويا ابويه .. اكيد بعده معصب .. بعد بخيت ساير اياهم .. الله يهديه ابوويه هالايام غادي جبريت .. تبون تعرفون ليش .. لنه عبدالله الي هوه ولد عميه وريلي ..ابطى ماحدد يوم العرس .. انحن تقريباً من ثلاث سنين مالجين وللين احينه ماحدد شي .. الا امبارحه عمتيه متصله على امايه تخبرها اونه العرس اجازة الصيف الياي.. يعني بعده وايد ... الله يعييين دعوولي الله ييسر لي اموريه .. . . |مريم | يوم الثلاثاء .. الساعه 9 بالضبط .. : عييييدووه بسك هذره راسي عورني .. : عااااااااااد يتكم الريم وراسها .. اتخبرج انتي شو حاطه فالصندقه الي اونها راس .. جان مافيها عش فيروس!! لفيت عليه وانا شوي وبكفخه : قسم بالله ان ماسكت يصمك طراق يلف راسك لف .. بس عااد!! ظحك وقال: هههههههه دخييييلج لا لا خفت انا .. اصلا ايدج هاي ماتي سنتيمتر ..ونتي اونج تبين تصطريني ابها .. سكت عنه وانا اسأل عبدالله : احينه مبارك كم عاطينه اجازة؟! : تقريباً شهر أو أقل .. : اها .. اتذكرت عمر و عمير الي ماطاعو ينشون : هيه صح عمر وعمير منوه بيبهم؟! : بيون رواحهم ، مريووم فدييييتج لاتستهمين انا وعيتهم قبل لا اظهر ورمست البيدار يوعيهم جان مانشو ... انتي صبيلي جاي وسويلي سندويتش لني ميت يوع .. سكت خلاف كمل : عيييييييد اجووفك تراني .. بسك تقردين !! عيد : هههههههههههه خييبه كيف شفتني ؟!؟ .. عيد يقردن ؟ : شوتقردين بعد ؟..! لفيت على عيد الي شال البلاك بيري ويظحك : منوه تقردن يالخايس .. و الله ياخبر مبارك عليك .. : جب جب انتي محد رمسج .. عبدالله والله ما اقردن .. هذا بخيت يقول دفاان عندهم اليوم .. عقدت حياتي : دفاان شوه ؟! .. : عميه متفتف ..يقول اونه كنسلو السيره و .. قلتله: شووووووووووووووووه ؟ .. يعني مابيون ؟! .. لا تقوول ! : اووهوووه البنااات غبياات عن جداره صراحه .. اتخبرج انتي منوه توج ترمسين ؟ .. هب هندووه تقول فالدرب يايين ..سكت عنيه وانا بغيت اصمه طراق الهرم .. قال : المهم اني ماااقردن وخلااص صخي عنيه .. فريت عليه الكنينكس وانا اقوله : مااالت عليييك هب منك من رمستك الي شرات ويهك ... : يااخي ادري ان ويهي حلو هب لازم تلفين وادورين بس لنج مستحيه تقولين ويهي حلوو .. شكراً شكراً!! : هاهاهاه واايد يظحك تدري .. : وبعديييييييييييين ؟! .. مابتصخوون يعني .. ! اووبس عصب عبدالله .. عيد : و الله هاي ختك الغبيه ماتعرف ترمس .. صبِّي صبِّي جاي وسكتي .. : و الله ماصبيت لك عيل .. شليت الدله وصبيت لعبدالله وانا اقوله : فديت خويه الغالي .. اندووك فدييتك .. اول مامديت ايدي جان يلقف عيد الكوب وزين ما انجب على ايدي ..: هاها صبيتيلي ولاااا !.. مقصه ! : اصلا امبوني بصب لك بس انته واحد ثور ومستعيل .. : بس سكتو برمس امايه .. لفيت اطالع الدرب .. شو اطالع !! اصلا كله صحراااء .. بس و الله الجو فنااان .. لنه الاسبوع الماضي يا مطر صبيب و البقعه غاديه غدييير .. عقب فترة هدووء قال عبدالله :امايه تسلم عليكم .. و تقولج يا مريوم عابلي الغدا ويا حرمة عميه لين ماتي هيه ,, ابتسمت بهدوء ، امايه تعرف اني و من دون لا تقول بسوي الغدى عن حرمة عميه .. بس تبا تتأكد أو شي ثاني !! الحمدلله على الأقل باقي تقريباً اقل عن نص ساعه ونوصل ليوا .. سأعودُ ليلاً لأكمل الجزء الثاني، أترقب نَقدكم أحبّتي. |
السلام عليكم
مساء الورد ورمضان كريم عليج نورتي ليلاس واعتبري نفسج بين اهلج وخواتج واتمنى من كل قلبي اشوفج قصتج بالمكتملة من غير تعثر هلا بيج ومرحبا عيوني |
مرحباا بج حبيبتي بين كوكبه كاتباات ليلااااس
وان شاا الله تووصلين ويانا لضفاف النهاايه وحيااج الله |
ياااااهلا والله وغلا بنووح الحمااااااام
مرحبااااا ملاااااين ولااا يسدن ون زاااادن فلاااااااا بااااس قصتك روووعه وانا متاااابعه معك من قبل بس مااارديت وان شاء الله الردوود تككوون هنااااا عاااد غرااامي القصص الاماراتيه لاتتاخرين عليناااا ياااقلبي وكل عام وانتي بخيييير |
الجــزء الثــاني .. . . في الليل ، بيت بوناصر !! |غايه| الساعه 9 .. ، ماصدق صراحه !.. عمتيه الليلة راضيه عليه شكلها .. ولا من متى هيه تزقرني الغاليه حرمة الغالي .... ههههههههه مت من الظحك يوم يلست تقول حق حرمة عم ناصر اونه محد شراتي واني اسمع الرمسه واعاونها فالبيت و من هالسوالف !! آآخ بطني يعورني من الظحك!! .. سرت صوب المطبخ بطالع العشى شو بقى عليه .. ريت منى و بنت عمها هناك .. : السلام عليكن .. شحالكن بنيات؟! ردن عليه : بخير وسهاله ، انتي شحالج؟! يلست على الطاولة وصبيت لي عصير وانا اقولهن : بخير طاب حالكن ،، هاه منّووه، شو تم عالعشى !؟ قالت : ناصر ساير اييبه ويا ولاد عميه .. اقولج حرمة يارنا بعدها هنيه!؟ كنت شاله عصير برتقال بشربه ويوم هيه تخبرت عن يارتهم شرقت به ..: كح كح كح هههههههههههههه !! و مت من الظحك !! : بلااج غايه بسم الله!؟ كانت ساره بنت عمها اطالعني مستغربه .. يحق الها ما جد شافت شخصيتي الخريش هاي .. : هههههههههه ماشي بس يارتكم هاي و الله انها سوالف .. لفيت على ساره وقلت الها : ساارووه فديتج عن تنطر عيوونج بس .. انتي بعدج ماشفتي شي منيه!! ظحكت منى وقالت : هههههههههههههه صدقها ساارووه انتي لو تشوفين فالثانويه شو كنا نسوي بتموتين من الظحك .. خص هاي الي اونها حرمه اليوم !! نزلت من عالطاولة يوم سمعت عمتيه يايه وانا امسح العصير عن ثيابيه : شو عالعشى تأخرنا عاليماعه !! و لفت عليه : غايه فديت روحج سيري أم حميد تتخبر عنج .. : اها زين عمووه بس ببدل وبرد صوب الحريم .. ظهرت بسرعه من المطبخ قبل ماتعلق وسرت قسمي انا وناصر .. سلمكم الله سالفة يارتهم هاي .. انه كل ماقالت عمتيه سالفه يرتها هيه من عندها وقالتها .. لين ما قالت عمتيه شي عن ناصر جان تقول يارتهم : هيه فديته ناصر كان .. و حتى ماكملت رمستها قالت الها عمتيه : عنبوو حتى عن ولديه بتعرفين شو برمس!! و مت عاد انا من الظحك .. بس خزتني عمتيه بنظره بغيت اموت منها!! المهم وصلت قسمنا الي كان في آخر البيت عاليمين .. وله باب يودي للحوي من ورى .. عااده و القسم ، تقول فله بكبرها .. و الله اني اظيع فالصاله من كبرها .. حتى مرات يكون ناصر يالس فالحجرة وانا فالصالة اطالع التيلفزيون ماسمع شويقولي من كبر الصاله .. اما حجرة الرقاد مررررررررره ماعليها رمسه ، فنااانه بشكل ، يعني انا ماكان قاصر عليه شي فبيت ابويه بس بعد ماكان عندنا مثلهم هنيه .. يعني صدق ماخذين فلوسهم بالصح ، مرفهين اعمارهم .. ماشااء الله عن انظلهم بس!! حدرت الحجرة وسييده صوب الحجرة مالت الملابس .. يلست اتنقى لبس فنان .. قلت بتلبس تنورة وقميص جيه اغير عن الكنادير و المغربي .. ظرهتلي تنورة وردية مع اخظر فاتح ، و قميص نص كم راص عليه بس فوقه كنزه خفيييييييييييفه بلون الاخظر الفاااتح .. سحيت شعريه وحطيتله مقبظ اصفر و تجحلت مره ثانيه وزدت الروج الاحمر شويه .. قلت بدخن مره ثانيه بس هونت يوم شفت اني خذت عشر دقايق اتلبس .. : غوووويه شوتسوين هنيه؟! بسم الله .. من وين ظهر هذا بعد؟!! لفيت عالباب الي كان مفتوح .. زين انه ماحدر قبل خمس دقايق ولا كنت صدق بتقفط !! اغير ثيابيه وهب منبده الباب!!! قلتله: ماشي اغير ثيابيه .. شي بغيت!؟ لف عنيه وقال : لا ماشي .. سيري اسمع امايه ادورج ,, وحطن العشى ماتم وقت .. و ظهر .. حتى ماقال شي عن لبسيه تقول من خمس سنين معرسين ! هب جنا الا من شهر واحد بس معرسين!!!! المهم اني ظهرت مره ثانيه وسرت صوب ميلس الحريم الي تميت دقيقتين لين ماوصلته !! خخخخخخخخخ ادري بتقولون قولي ماشاء الله .. قلتها بس هب لازم انتو تسمعونها !! عقب ربع ساعه كنا فالميلس نتعشى يوم صاح تيليفونيه .. شفت عمتيه اطالعني اونه لا تردين .. بس ماحفلتها وشليته .. كانت ميره ختيه .. : مرحبا ... هلا ميراني .. بسم الله شو بلاج .. شوووووووه؟ ظهرت عنهم بسرعه وانا اقولها : غربلج الله لاتقووليين ؟ .!! قالت : غووويه و الله مارمت له يااختيه .. خلاااص عفته وعفت طاريه .. بعدين حرام عليه عيالنا مالهم ذنب .. سكتت خلاف كملت وهيه تصيح : تخيلي .. يقولي مالج فالقلب محل لكن دومج انتي الكل بالكل .. عيني عينك يايبنها يدامي ويقول هاي حرمتيه اليديده!! حطيت ايدي على ثميه وانا منصدمه .. عيال عميه بلاااهم متخبلين هاي السنه .. يلست فالصاله وانا اهديها : فدييتج و الله مايسوى دمعه من عيونج .. تبيني اييج البيت ..؟ : يااليييت والله تعرفين انتي امايه وخواني جالبين البيت اونه رديله .. و الله انه يخسي!! وتمت تصيح وانا ساكته .. ماعرف شو اقولها ! : ميراني بس خلاص و الله مايسوى.. : انتي ماتعرفين شو في يوووفي .. حرييييييييييييييجه صايبتنيه .. وقسم باالله يوم شفت شيفتها الخايسه بغيت اقطعها بظرووسي!! : ههههههههه حشى قطوو هب بنيه !! : بعد تظحكيييييين ..! سكتت شوي خلاف ظحكت وقالت : انا ابا اصيح ونتي تظحكيني! : فديييت خشمج انا .. بس لاتصيحينه مايستاهل .. والا صدق مادل شوبلاهم عيال عمومتيه متخبلين .. سكتنا يوم قلت جيه جان تقولي: برايج غويه غثيج برمستيه .. : لا شووه غثيتينيه؟!.. عنبو خوات عالفاضي .. وقفت وطليت على الحريم فالصاله الثانيه بطالع شو يسوون ريتهم بعدهم الاا يالسين و منى و ساره محد .. : اقولج باجر ان شاء الله من الصبح بييج , بخلي ناصر يفرني صوبكم قبل لايسير الدوام .. خبري امايه عن تحتشر بعد .. ماعليه .. فمان الله .. اففففففففففف و الله قلبي طااح يوم سمعتها تصيح .. قلت شي مستويبهم .. تعرفون ليش .. لنه محد من هليه يتصل للثاني يشكيله .. كلن على همه سرى .. واذا شي مشكله عوده ذيج الساعه كل واحد يحاول يحلها ,,, الله يعين بس .. سرت اغسل يديه وانا افكر فميراني حليلها .. احينه اكيد خليفه بيقولها ترد له .. . . فالليل .. عالساعه 2 وربع .. في منطقة ليوا الصحراوية .. | عليا | .. مرحباا ملاااييين و لا يسدن .. حيااكم الله قربو ، جاي حليب ، كرك ، اقهوة ، ولا لبن بوش .؟ اي شي مررره حاظرين انحن .. ياامرحباابكم و الله ... رهييييييييييبه صح ! هههههههه وياكم عليا بنت علي .. طول الله بعماركم انحن يالسين عدال خيمتنا مورين ظو و سواالف وعلووم .. الا شمووه العنز سارت ترقد اونه مارقدت اليوم الصبح .. يالسين انا وختيه هنادي ومريوم بنت عميه وخويه بخيت على اساس انه خو مريم بالرظاعه .. فديت بنت عميه اليوم سوتلنا غدى فناااااان ماشاء الله عليها .. : هاه علااايه دوورج .. !! : دوري فشوه ؟! لفيت على بخيت الي قال وهو يصب حليب : سرحااانه فشووه ؟! ابتسمت وانا اشل عنه الكوب : مااشي فرحاانه انه طلعنا اليوم !! انزين دوري فشوه !؟ قالت مريوم وهي تتمتح : ياااااااااااااااااااختييه دورج فميلس الشعراء .. ههههههههههه وصلنا حرف الميم .. اها يلعبون مناظرة شعريه .. خخخخخخخخخخخ اونه ميلس الشعراء! .. : ممممممممم حرف الميم .. عربي ولا عامي ؟! نقزو مره وحده : اي شي بس بسرعه !! : بسم الله روعتونيه .. انزييييييييين .. ماكل ما يتـ.. قال بخيت : قلنااااااااااااااهااااا واحد ثاني .. : هههههههه انزييييين .. أ .. حرف الميم .. قالت هند : خلاااص محرم عليييج .. دوورك بخييت .. لفيت على هند : لا لا شووه محرم .. صبري و الله اعرفه بس صبرولي دقيقه !! بسرعه بسرعه قولولي اي بيت شعر يبدا بحرف الميم ... أ .أأ شووه يااربييه .. هيييه صح نفخت عمريه وقلت وانا اطالع القمر : ماعاد للناس طيب وقدر بحظورك .. انتي قمر ليلة العشاق يظويها ! قلتها بنفس طريقة الشاعر يوم يلقيها جان تصفر مريوم : يااويلي مااانرووووم جان قلتي انته بدر ليلة العشاا !! ظربها بخيت على راسها : جب جب ماشي مستحى !! .. جني الا هب يالس !! ردت عليه : اوووووه اتحراك شماا من الصبح .. سوري سوري خيووو ..!! وقف بخيت و قال : اونه شما .. المهم بسكن سهره انا بسير ارقد ياالله رقاااد ! هند : سر ارقد حد قابظنك ؟! قالها : لا لا فدييت خشمج !! .. اخليكن ارواحكن ماااشي .. عبدالله موصي وصااااااااة خوي شماا !! قلتله : هاها خوي شما اونه .. ؟ جان ريته خبرني!! هالمره صدق ظربني على راسي بقو : يالهرمه جيه شو جايفتنيه ..؟ .. يلا انقفظن .. و قومي انتي بوصلج خيمتكم .. قالها وهو يأشر على مريوم الي قامت وياه وقالت : يلا خوااتي العزيزاات بسير ارقد .. تراني من الصبح بوعيكن ان مانشيتن بقصااابكن!! بخيت : بسسكن هذره يلا هناادي .. نشت هند وهيه تقول: قومي علووي بنودي السامان المطبخ .. قتلتها اوني بتمصخر : خييييييييبه بتمشين لييين البيت ؟! ... لفت عليه وقالت شوي شوي : بـ ا يـ خـ ـ ـه !! : احم .. قفطتيني .. شليت و ياها الدلال و الكوبات و الفطاير الباقيه وسرنا خيمة المطبخ الي كانت بين خيمتنا و خيمة خوانيه .. كانوا خواني قبل يومين ويا عبدالله ولد عميه مرتبين المكان على شكل دائرة عوودة .. والبقعه كيييييييف فناااااااانه .. المهم مسوين خييمه عوده شويه وحاطين فيها يلسة عربية و مفتوحه من يدام ... عدالها من اليمين بس شويه بعيد خيمتنا نحن بس الباب مالها ياي عكس باب خيمة الرياييل عشان ما نضطر كل شوي نطالع جانه حد من الرياييل برع او لا .. المهم و عدالنا خيمة المطبخ عووووده و حاطين فيها كل شي حق المطبخ فرن و تنور و كل شي الا ثلاجه ماشي خخخخ بعد من وين بنييب الكهرب ماله .. بس شلينا سيارة ابويه ,, حاط فيها كل شي مال سيرات البر و فيها مال الكهرب الي نشغل به الثلاجه الصغيرونه مالت الما و وحده مستطيلة مالت الثلج عسب اللحم و الدياي و هالاشيا .. المهم و عدال خيمة المطبخ خيمة حق خوانيه بخيت و سلطان .. و عدالها خيمة امايه وابويه .. بعديين مساااحه فااااااااااظية عووده و عاليسار من الجهه الثانيه خيمة هل مريوم .. وحده حقها وحق اماه و الثانيه حق خوانها .. ماشاء الله خوانها خمس لازم خيمه عووده .. و ع قولتها عمر وعمير لازم من خيمه ارواحهم بس عبدالله تقول استنحس وماسوى الهم خيمه ارواحهم .. الممممممهم خلصنا ترتيب السامان وكان سلطان واقف فوق روسنا جنه بنشرد ولا شي ..: يلا بناات ماخلصتن .. عااد انا ماداني حد يوقف فوق راسي وانا اشتغل : بخيت عاد يعني شو بيستويبنا لو تمينا ارواحنا ، وانتو الا هنيه عنبوو فرة حصى .. : جب انتي .. و يلا بسرعه !! هند : سكتوا اييه الساعه 3 وانتو تظاربون .. جان ماينش ابويه ويتحرانا سكن! !! : بسم الله ، ايييه هندووه شو هالرمسه بعد !! رفعت حياتي وانا اقوله الخواف: وااااااااايه البيبي خاااف!! : جب اقووولج !! : هههههههههه زين !! غسلت ايديه وظهرت انا وهنادي و يا سلطان .. البادي قارد مالنا .. ههههههههههه ..!! . . فنفس الوقت : | بخيت | : يعني شو بتسوي ؟! قلتلها وانحن يلوس عدال خيمتهم : مااشي .. عاد انتي تعرفينه هذا ربيعي ماروم الا اخبره .. قالت : حراام بخييت بعد هيه اكيد الا تلعب وجيه ، لو انته خبرته بيلعن بو خامسها ..!! : تستااهل ولا شو تبانيه هيه .. عنبوو تمت شهر احينه كل شوي تتصل!! ظهرت تيليفوني من مخبايه وراويتها الرسايل الي مطرشه خت ربيعي : شوفي انتي .. الي يشوف الرسايل يقول ريلها !! شلت التليفون ويلست تقرا عقب دقايق قالت : اخيييييها ماتستحي هااي .. وسكتنا .. سلمكم الله هاي خت ربيعي عبيد .. عاد ربيعي هذا محد شراته .. وخته سلامه ملاحقتنيه من زماان تقريباً شهر .. تمت الا كل شوي تتصل!!! و اطرش مسجاات شرات ويهها الخايس .. يع و الله لاعت جبديه منها !! بعد مده من سكوتنا قالت مريوم : مادل و الله .. جانك تباني اادبها مرره فالك طيب .. يوم تتصل عطني اياها ! : ههههههههه ادريبج انتي الخريش محد يروملج .. : هههههه في ذمتك ماتستاهل .. رفعت راسي ع حس عمير يظحك : ههههههههه و الله خلاااص ، والله مااعييدها !! شوي ويا صوبنا هوه و سلطان يربع وراه .. قامت مريوم وقالت : زين عيل تصبح على خير.. وقول حق اليهال هاييلا يسيرون الصوب الثاني امايه راقده .. : زين .. تصبحين على خير .. اذا نشيتي الصبح و انا هب واعي طرشي صوبي حد من خوانج يوعيني .. وصلتها لين باب الخيمه و سرت صوب المخبل .. : حووه انتو تتحرون محد هنيه غيركم ... قصرو حسوسكم ! : بخيييت شل اخووك هذاا المينون .. طالعت سلطان الي كان شال قب مال عنبر بيسبول ومتلبس صروال جنز خفيف وفانيله كت ..: حووه انته بسك لعب بنسير نرقد ! طالعت ساعتيه ريتها تعدت 3 ونص .. خييييييييييبه : ايييه بسكم بغيم خيمة قوم مريوم هاي هب خيمتنا .. لاحظت ان سلطان على طول فر القب عنه وقال وهو يبتسم : هيه صح .. روحنا بنغث العرب .. خووويه العزيز راايح في هواهاا !! .. سرت وياهم صوب الخيمه رينا عبدالله و عمر و حمد رقوود الا مبارك مايا اليوم .. حمد يقول باجر ان شاء الله بي هوه وبنته .. لحظة لحظة .. هب جنه عيد من عقب العشى سار و لا رد ,,؟؟! ظهرت مره ثانيه ودورت له .. ماشفت شي جان أتصله .. مشغول؟!؟ شو سالفته عيد هذا ؟! لفيت مره ثانيه عالمخيم آخر شي شفت ليت تيليفونه صوب عرقوب عدالنا .. درت على العرقوب الي هوه يالس عليه وييت من وراه .. بطالع في شوه مشغول .. تجربت منه لين وصلت ورى ظهره حتى مااحس !!! طالعت البلاك بيري ماله كان يرمس فالمسن .. خل اقرى شو السالفه .. ! [ مهلوس ] : اقووولك .. [ شــيخهم ] : شووو تبا انته بعد ؟! [ مهلوس ] : شو يعني .. I love you !! شووه؟؟! منوه هالغبي الي مايعرف شو يعني i love you !! قاله عيد [ شيخهم ] : من صدقك انته ؟! ههههه سؤال وجيه ! [ مهلوس ] : انته قوول اول شي .. [ شيخهم ] : يااخساارة التقردين فيك .. و يا خسارة المدرسه فيك !! [ مهلوس ] : عن الطنااازة بتقول ولا ؟! [ شيخهم ] : يااااااااااااحماااااااااااار i love you يعني أحبك .. ياااااحماااااااار !! [ مهلوس ] : احلف ؟ ... قول و الله !؟ هههههههههههه شَكّل الريال !! [ شيخهم ] : ترا اقولك خسااره فيك التقردين .. جيه منوه قالك أحبك؟! [ مهلوس ] : هاي ربيعتي فديتها .. برايك برايك !! [ شيخهم ] : جلب ويهك .. حمار!! عقب ماخلص المهزله بند عنه .. جان أزخه من رقبته واقوله : تقدرن يااالهرم ؟! قال بكل بهدوء : هيه عندك ماانع؟! : جنك كنت تدري اني هنيه؟! خوزت ايديه عنه يوم قال: هيه عيل ، امبوني يالس اروحي حليلي يعني مابحس بك .! يلست عداله : تعاال .. منوه هالثوور الي مايعرف شو يعني أحبك بالانجليزي ! : ههههههههههههههههه !! .. واحد من الربع ..! سكت عنه .. الجو حلو فالليل .. عقب فتره قلت له : لا تكون انته بعد تقدرن ؟! قال : و الي عنده خوان شرات مبارك و عبدالله بيخلون حد فحاله!؟ : اييه عيب عليك ، شوهالرمسه بعد!؟ نش من محله وقال : عيل في ذمتك انا هب ريال احينه ؟ أروم أعتمد على عمريه .. وقفت وياه وسرنا صوب الخيم : خل عنك ، تعرفهم انته خوانك مايبون غير مصلحتك .. المهم .. . . . | شما | يوم الاربعاء .. الساعه 5 ونص .. اوهايوو غُزَاايْمَس .. دايجُوبُو مِيينَّاااا؟! هههههههه ادري ادري وحده مخرفه .. بس هب مشكله اخبركم شو يعني .. مرحباابكم الساااع ، شحالكم كلن بحاااله؟! خخخخخ و الله صدق بس خوزوا كلمة الساااع و بس ..!! المهم .. تعرفون انا وين .. ياسه على العرقوب الي ورى خيم الفرووخ و شاله ويايه كيميرتي .. الجو .. خباااااااااال روعه روعه .. يعني صدق بتخبل .. الشمس بعدها ماظهرت .. اصلا تووووهم بيصلون الفير .. و بعده محد نش .. الا انا الديايه .. رقدت البارحه عقب العشى على طووول .. يعني من الساعه عشر وانا راقده ... كانوا يبوني ايلس وياهم قوم امايه وحرمة عميه .. الا انا ماداني مريوم بنت عميه و مابغيت افر عليها رمسه ... لنه في يلستنا امبارحه هيه الي ترمس اكثر شي .. خلووونااا منهااا .. المهم اني ياسه اصور السما حلوو شكلها .. غادي بنفسجي غااامج ويا احمر .. فنااانه ! لحظة .. منوه هذا ظاهر من الخيمه .. مممم هب واحد من خوانيه .. هيه صح هاي خيمة قوم مريومووه .. يا عبدالله او حمد .. لنهم اطول ثنينه من خوان مريوومووه .. هع انا اعرف شو بسوي .. حطيت الكيميره على الفيديو و زووووووووم على ولد عميه .. هههههههههه و الله لو تجوفني هنادي او علايه بينقدن عليه .. و الله محد قاله يظهر فهالوقت !! اصلا شو موعنه احينه ؟! اكيد تسألون نفس السؤال اليه انا .. صح؟! شكله يرمس بالتيليفون .. منوه يرمس؟ .. لااا اكييد ربيعته و لا ما قام من رقاده .. خخخخخخخخخخخ من عندي اتخيل .... بندت الكيميرا .. لحظة ! اووه ماي قاااد ، شي موتر ياي ... يااويلي جانهم شافوني .. اكيد واضحه الهم .. انسدحت بسرعه بس ها الي راكب الموتر ما بند الليتات فرحان بالكشافات الي حاطنهن شووه ؟!!! اتجربت السيارة من خيمة الرياييل ووقفت عندها بالظبط ,, يااخي وين تبااا ؟! يلست اطالع منوه فيها .. نزل منها ريال طوييييييييل وسار صوب الباب الي ورى وفجه .. و هذا الي كان يرمس فالتيليفون ساير صوبه .. اقولكم شي .. أنا اقول انه حمد .. خلاص حمد سار صوب الي فج باب الموتر من ورى وظهر حد منه .. صبي صغيرون .. لا بنيه شكلها .. منووه هذا يااربيييه ..؟ .. اهااااااااااااااا هذا مبااارك خو مريوومووه .. فديييييييييييت مريووم أنا .. سوري سوري مريوم بنت مبارك قصدي هب ام تفق العووده .. شفتهم ساروا صوب خيمة قوم مريووم .. اففففف لازم ارد .. احينه بينشوون .. نزلت شوي شوي وانا عيني عليهم .. أول ما يلسو يرمسون ربعت ربعان صوب خيمة خواني اوني عااد بوعيهم .. لنها كانت اجرب وحده لي .. طااع لمخبل مخلينها مفجووجه .. اووووووووووبس على طاري باب الخيمه ، شكلي خليت باب خيمتنا مفجوووج وااااااخيبتيييه ياويلي من هناادي .. بتقصبني اليوم ، لو هب اليوم باجر !! المهم دخلت بس مارمت اشوف شي .. ظهرت الكيميرا مالتي وحطيتها على تصوير فالليل .. ههههههههههههههههههههههههه شو هالاشكال بس ... !! لحظة .. هب جنهم خواني كثروا؟! منوه هالي وياهم .. شييمَّااتَّااااا .. هذا حد من عيال عميه .. : منوووووووووه ؟! يااويلي .. ليت الكيميرا الأحمر ظااهر .. قلت بصوت خفييف ، ياارب ياارب يكون حد من خوانيه : أنا شما بنت علي ..! بنت علي ؟ ,,, مااااااشي موووونه و الله!! : شميييييييييم ؟ ,,, شوتسوين هنيييه .. عقب قام ويا صووبي .. أنا من الزيغه ماعرفت حس منوه هذا .. نزلت الكيميرا وقلت : منوه ؟ : أنا بخيت يالعنز ، شوتبين؟! : كنت بوعيكم ، عقب شوي بيأذن. قال: منوه الي بيأذن .؟ عقب كمل وهوه يظهرني وياه من الخيمه : عيال عميه راقدين هنيه .. انزين خلاص نشينا .. دزني برع وقال : يالله سيري ومشكورة!!! ظهرت برع و الحمدلله عيال عميه ماكانوا برع .. سرت صوب خيمتنا .. بس زقرتني بنت عميه مريم ..: شميييييييم ،؟ .. شو موعنج؟.! سويت عمريه اوني ماسمعتها ودشيت الخيمه وانا اسمعها تقول: شمييييم ماتسمعين؟! أول مادخلت فرتني هند بكرتون لكنينيس وقالت بغيظ: ماااالت علييج يالعنز .. شعنه مخليه الباب مفجووج ! و كملت عليا : لو دخل علينا حد احينه ؟! قلت الهن وانا انسدح محلي واتلحف : منوه بيدش بعد؟ .. عيال عميه مثلاً!! احمرت عليا مره وحده وقالت: خايسه! ظحكتني والله هيه وتفكيرها جان اقولها : هههههههه محد غيرج .. جيه وين سار تفكيرج؟! قالت هند : بس صخن .. شوكنتي تسوين خاري؟ قلت وانا اتثاوب : وعيت خوانيه ورديت .. ابا ارقد !! : ماتم شي عن الصلاه لا ترقدين.. رمسة هند كانت آخر شي سمعته قبل ما ارقد!! . . فنفس اليوم ... الساعه 7 ونص الصبح .. في خيمة الرياييل .. | سـلـطان | . . ابويه شياه اليوم؟ مررررره الموود فناااااااااان عنده .. الحمدالله الي شفنا ظحكته ولا هذا بس عشان قوم عميه!؟ بعدين انا قلت بيخبر عيال عميه اليوم اني ابا مريم حـليله لي ..!! شكله نااسني وناسي طوايفي .. افففففففف .. عااااد مريووم فديت روحها محد يستاهلها غيري ، احم!! : سلطاااااااااااااااااان ! رفعت راسي على صوت مبارك ولد عميه يوم زقرنيه ..: هلااا !؟ .. آمر بو مريووم ! قال : الي ماخذ عقلك .. !! كملت عنه وانا اطالع لبويه واغمز له : يعله يتهنى به يااربيي .. شحالك الوالد ! قال ابويه وهو يلف على مبارك : ياحي الله بومريم .. ها شو مسوي فالدوام!؟ آخ يا ويهي !! ... مسويلي طااااااف!! كانوا يرمسون عن الشغل و الدوامات وما إلى ذلك من بياخه .. على طاري الشغل .. انا طالت أعماركم بكون دكتور في يوم من الايام ! ماينفع صح!! صدق هو الطب وااااايد صعب ويباله بال فااظي .. مع اني انا بالي هب فاظي .. لو بس يطيع ابويه اني اعرس على مريوم بنت عميه واسير اكمل دراستيه برع .. احلى كلاااااااااام و الله!! دخلو عمر وعمير شالين الريوق وياهم. .: السلام عليكم .. قمت شليت عنهم السفره وفرشتها .. عاااااد اليوم بنفطر كلنا رباعه ! .. أصلا متى فطرنا رباعه و يا قوم عميه .!؟ أظني إنا ما جد سويناها.. المهم يلسنا كلنا نفطر وسوالف وعلووم .. جذبتني سالفة عند عمر وعمير: تراني خبرتك عااد وانته تصرف!! عمر: شقا بعد بتسير وياهم ولا تخبرني ؟! .. اتم بروحي شو اسوي؟! رفعت حاجبي اليمين وانا اسمع عمر ، جيه محد فالدنيا غير عمير!؟ .. عيال عميه سالفتهم هب طبييعيه ، بس لا يسير فكركم بعييييد ، قصدي يعني انهم متعلقين فبعض تقول عنز وصخله!! قال عمير: مااايخصني .. انا قلت قبلك وهو فاز بتذكرتين بس.. قالي تعال ويايه قلتله هب مشكله!! عمر: اونه؟ .. عيل بظهر لي تذكره انا .. !! عمير: امنين لك ؟ .. عبدالله و تعرفه مابيطيع! عمر: مايخصه فيني ، بقول لامايه! كنت اطالعهم وانا رافع حاجبي ابا اعرف شو بيصفون عليه .. جان يلف عليه عمير وظربني على ظهريه : ولد العم مايقصر .. بيسير ويانا وعبدالله مابيقول شي!! قلتله: اسير وياكم وين؟! قالوا رباعه: مـــصر أم الدنيا!! : حبايب البي انتو و الله .!.. عندي اجازة اسبوع واااااحد بس!! سوّالي عمر "مالت" بإيده و عمير قال: ماااالت بس!! فتحت عيوني فيهم وانا اقول: حشى !.. و الله ماتستحوون!! عقب ربع ساعه جيه كنت يالس عدال حمد و عبدالله و مبارك و عميه يرمسون رباعه و عمير وعمر وعيد برع مادل وين ساروا! رن تيليفون حمد الي كان عدالي .. يوم لفيت كان كاتب : مريومتي! ابتسمت من دون لا احس بس صرطت الابتسامة يوم شفت ويه حمد الي عقد حياته و رد على التيليفون : مرحبا .. اوكيه! و بند .. جان اقوله : افردهاا ياااخي!! قالي وهوه واقف: تراك ماتحشم سليطين ..! و سار .. للعلم يعني انا وحمد رباعه حتى لو انه هوه اكبر عنيه .. بس هوه من بد عيال عميه غير .. احسه صدق تفكيره اوكيه و راااقي جداً .. انا شو يعيبني فيه.. ذوقه !..خخخخخخخخخ سخافه صح؟! لا صدق ، ماشاء الله عليه عنده اسلوب وذوق .. الله يوفقه بس .. عقب دقايق رد و هو شال صينيه عوده .. شوفيها مادل!! يوم حطها سمعت مبارك يقول: فديت مريوم بعدها تسويلكم هالخبال كل يوم!! فتحت عيوني يوم شفت الي فالصينيه .. تسع كوبات كابتشينو ، وكيك شوكليت، و صحن فواكه ويا الاي سكريم!!! شوو هالدلع بس!! ويلوموني يوم احبها!.. آآه فديت خشمها بس!! : اقرب سلطان .. ولا ماتبا !! قلت لحمد: لا شوو مابا جيه كل يوم الواحد يحصل هالدلع !! طالعني بنظره جان ابتسم فويهه : عدييها عديييها !! . . نفس اليوم .. الساعه 8 ونص .. | مريم | شو سالفتها شما؟... يااربي كيف تقهرني .. يااهل والله .. من الصبح يالسه عدال اميه وتدلع عليها .. لا بعد يوم شافتنيه اسوي الكابتشينو حق خوانيه والي وياهم .. قالت اونه ليش هالحركه بعد.! انا من تعلمت اسوي الكابتشينو والكيك قمت كل يوم اسوي لي ولامايه وخوانيه .... انا اعرف هيه شوقصدها .. اونه ابا اتقرب من سلطان ولد عميه ... و الله ولااا حفلته .. المهم انا كنا يالسين جدام خيمتنا و فارشين الحصير و امايه وحرمة عميه ويانا .. و انحن يالسين كنا نروم نشوف خوانيه وعيال عميه يلعبون عنبر بيسبول .. اصواتهم عاليه .. وكل شوي واحد يصارخ اونه لاتصلخ!! هههههههههههه اشكالهم تظحك .. : مريم قومي هاتي تليفونيه فالخيمه .. هاي امايه ترمسني .. لاتستغربون ، هيه جيه يوم ترمسنيه .. جاافه واايد جنها شايفه عليه شي.. قمت و قلت لعليا: علاايه قومي ويايه .. قامت عليا جان تقول اميه: شعنه بعد اتعبين بنت عمج .. خليها .. ولفت لعليا وقالت : خلج يالسه محلج .. بعد يوم الواحد مريظ احسن له يهتم بصحته .. و كملت وانا افتح عيوني بقو من رمستها: اجوفج ظعفاانه فديتج؟ .. شو ماتاكلين؟ كانت عليا تستحي من امايه واااايد و من اول مارمستها وهي محمره .. و هند عاقده حياتها مستغربه من امايه .. أما أنا .. متعوده على امايه ، بس ماتوقعت ترمس علايه جيه .. علايه معروف عنها انها هاديه و واااااايد منطوية على نفسها .. المهم اني خليتهم و سرت صوب خيمتنا .. و انا سايره مادريت الا بكورة تصع فظهريه .. : آآآآآي !! لفيت اطالع شو السالفه وانا اقول: ايييييييييه ظربتوووني! كانوا الفروخ على يمين الخيم يلعبون .. عاد وانا سايره من خيمة قوم عميه لين خيمتنا الي فالجهه الثانيه..، فيه فراغ لين ما اوصل خيمتنا ... جان تظربني الكورة .. و عاد نسيييييييت ان سلطان ولد عميه وياهم ... شو اسوي !! يوم افكر بقوم عميه افكر ببخيت واقول انه خويه بالرظاعه يعني عادي .. ودوومني انسى سلطان .. المهم اني سرت بسرعه صوب الخيمه يوم يا حمد بيشل الكورة .. سمعته يقول : قري محلج و مابتيج الكورة ..! ههههههه شكله معصب ... شليت تيليفون امايه وسرت صوبهم ... الجو اليوم وااايد حلو .. ومبارك الحمدلله يا الفير وياه مريوم الصغيرونه .. على طااريها بعدها راقده لين احينه! عطيت امايه تيليفونها جان تقول: محد اتصل؟! قلتلها: لا محد !! امايه و الله غرييييبه .. يعني انتي بتاخذينه احينه ليش تسألين!؟ يلست بين هند و شما الي يالسه عدال امايه .. اول مايلست قالت شما: ها مريووم ماتبين تكملين الجامعه؟! قلتلها: لا فديتج ، انا مب مال دراسه .. جان تقول: هيه صح، مال عرس هاه؟! انصدمت من رمستها و كنت برد عليها ، بس حرمة عميه لفت علينا وقالت: هيه فديتها الريم ماناقصها شي .. حسيت ويهي احترق جان اطالع شما بغيظ ، شو مشكلتها هاي!! : ههههههههههه مريوووم تستحييين؟!.. و الله مايليق!!! هالمره ظربتها هند على راسها وقالت: بس ايييه ، شو هالرمسه بعد؟! قالت علايه : عيل تتحرينها شراتج مامن مستحى!؟ ماردت عليهن و انا سكت ... شما يااهل وانا ماانزل من مستوايه بس عشان ارد عليها .. صاح تليفونيه .. كنت بشله بس امايه قالت: منوه متصلج احينه ؟ .. حشى من صباح ربيه؟! اول ماسكتت ويوم حطيت انا تليفونيه على الصامت جان يصيح تليفونها هيه .. قالت حرمة عميه: هاه اشوووفه عيل تليفونج صااح؟! عقدت امايه حياتها وقالت: هيه الغاليه هذا من الوزارة متصلين .. سمحولي.. وسارت بعيد شوي ترمس فالتيليفون .. امايه وحرمة عميه، امبينهن ثأر ماعرف شوه .. عليهن حركات و منازع ، صدق يعني انتو حريم كبار بس خلاص!! اووووه نسيت تليفونيه .. اوووه هاي غوويه ... رديت اتصل الها .. ماردت .. قلت بتصلها خلاف يمكن انشغلت .. دقيقه و صاح تليفونيه مره ثانيه ... قالت حرمة عميه : بلاج ماتردين فديتج؟؟ قلتلها : عموه هاي غايه بنت سالم .. اتصلها وماترد عليه ...تتغلى! ابتسمت حرمة عميه وقالت : هيه ما شاء الله بنت عاليه .. سلمي عليها .. رديت على غايه : مرحبا الساااع فذمتيه .. : لمرحب لااهاان .. حيّها بنت سلطان .. وشحاالج؟ : الله يحييج ويبقيج ، طيبه طاب حالج .. شحالج انتي؟ قالت : فنعمه ربي يسلمج .. هااه العلوووم؟! قلت الها: و الله االا هنييه مامن علووم .. الا جان من صوبج .. خذت عن حرمة عميه كوب حليب و هيه تقول: شربي فديتج اشوفج سويتي الحليب ولا شربتي .. ردت عليه غايه: و الله ماشي ... ملل الا .. سكتت و انا قلت : ياحيج و الله .. علومج و يا المسؤولية و الريل و هالسوالف!! جان تظحك وهيه تقول: رقيييييييييص ... مررره كل طلباتي اوامر .. كنت برد عليها جان تكمل: خريييييييييييييييط و الله .. ماتغير شي .. الاا اني مارقد اروحي وبس!! ظحكت من رمستها: هههههههههههه اسميج انتي ماتيوزين عن سوالفج .. اونه عاد غايووه ماشي تغير؟! قالت: و الله جني بعدني فبيت بويه، تحيدين يوم اقولج ان عفرا اتي فالليل وترقد عندي مرات؟! قلتلها : هيه احيدج تقولين .. ليش.؟! قالت وهي تظحك: وتذكرين يوم اقولج انها ماتخليني اتلبس وياها اللحاف واني اتظارب وياها فالليل!؟ : هيه ، تراج دوختيني؟! قالت: نفــــــــس الشي ناصر!! فجيت عيوني من رمستها : خااااااااااااااااايسه!! حطيت ايدي على ثميه و انا اسمعها تقول: انزين انتي تخبرتينيه! ... اووووونج عاد مريووم استحيتي!؟ طاالع العنز اوونه استحيتي ... صدق ماشي مذهب عندها هاي!! قلت الها : جب جب .... ماتستحين .. ماتت من الظحك: هههههههههههههههههه فدييييتج و الله ... تراني بعدني ماقلت شي وانتي شكلج سخنتي!! عقب كملت : هيه على طاري السخووونه!! ... تعرفين ان ولد عميه سالم طلع معرس على ختيه ميران؟! انصدمت: شوووه؟ .. احلفي؟! : والله .. تخيلي متصله عليه امسات واونه يابها عندها فالبيت .. و الخايس يقولها انتي دوم الكل بالكل لكن مالج محل فالقلب!!! : خيييييييييييبه .. و شو سوت ميره؟! قالت: دفااااااااااااان استوى عندهم!!! : جييه ؟ قالت: اقوولج من سمعته يقولها هاي حرمتيه اليديه ، سيييده نقزت عليها ومطت شعرها ، ولعنت بو خاامسها!! فجيت عيوني بصدمه: جذااااابه؟ ميره تسوي جيه؟! كملت: لا فدييييتج حتى بغت تذبحها، شلت السجين و ربعت صوبهم لو ما ريلها صفعها جان تلقينها اليوم فالسجن المؤبد!! قلت بعصبيه: الهرم .. جيه منوه هوه عسب يصفعها؟ .. شين وقوي عين!! : هههههههههه احينه انتي ماقلتي شي يوم قلت لج بغت تذبح بنت الناس ،ويوم انه ريلها صفعها عسب تخلي ينونها قمتي حاميتي عنها؟! قلتلها بغيظ: هيه عيل، و الله حرام عليه ميره ماتستاهل .. انزين و شو استوى بعدين؟! قالت بكل هدوء: اقص عليج .. مررره ماسوت كاني ماني ركبت موترها وسارت صوب بيت ابويه! : مافهمت ، ؟ شو الي قصـــ.... ياللللللللللللللخاااايسه .. يعني مااستوى شي من السالفه؟! قالت: هههههههههههههه اسووولف ياخي .. بس صدق الهرم يابها لين ريولها وقالها هاي حرمتي اليديده، جان تظهر ميره من البيت ... وانا سايره صوبهم احينه .. قلت : يالبايخه ، واونه بغت تذبحها ، و الله انج اكبر جذاابه!! : شو اسويبج يوم انتي مقصه! شفت امايه يايه من الخيمه .. لحظة انا وين؟! يوم طالعت عدالي ريتني يالسه على العرقوب الي ورى خيمتنا .. لحـــــــــــــــــــــــــزن،! .. أنا شو يابني هنيه!!! : الووووووووووووه ارمسج انا .؟! قلتلها: علني بلااج يا غووويه ، وين وديتيني .. هيه صح ماخبرتج انا سرنا البر الحمدلله!!! قالت: قوووولي و الله؟ ... يااااحيكم !! : هيه من امسات وانحن هنيه ... وانا ارمسج كنت يالسه ويا قوم عميه ، و احينه ريتني يالسه على العرقوب بعيد عنهم .. عااده متى وصلت مادل!! : ههههههههههههههههه مشخله تراج!! : اييه تراج من الصبح تسبيني!! : انزيين وعلوومج بعد! تنهدت وانا اقولها : و االله ماشي علووم .. وجاان اغير منج ياغوويه!! استغربت: تغيرين؟ ,, من شووه ياااحسره!! رديت قصتيه ورى اذنيه يوم ظهرها المهب وانا اقولها: ابا اعـــــرس!!! : هههههههههههه .. ماعليه شدي حيلج وبتعرسين .. ولا تمين ترفظيين الي ايوونج ، تتحرين عمرج اميرة ولا شووه؟! : لا فدييتج انا مابا اي واحد بعد!! قالت: ياااامصاختج عاااد .. الا هوه ريال !! و كملت وهيه تظحك: لا تغدين شرات هيييج المصريه الي تمت تتشرط و آخر شي يوم غدت عيوز قالت : عاايزه راااجل وخلاااص!! : ههههههههههههههههههه ولعثره ، عااد هب لهالدرجه انتي بعد!! شفت عيد ياي و غايه تقول: مريووم فديت خشمج بخليج ... وصلت بيت ابويه .. قلتلها: زين وردي السلام على ميره .. الله يحفظج.. : ويااج الغاليه ، ويااوييلج ان دريت انج رفضتي الريال الي ياينج!! قلت باستغراب: اي ريال؟! : الي بيخطبج .. انتي بس لاترفظين!.. يالله سلاام! بندت عنها وانا اظحك عليها .. و الله غايه سواالف .. : هاه مريييماا علومج؟! يلس عدالي .. قلتله: طيبه .. ونتو.؟ : زيينه الحمدلله .. مطرشتنيه امايه تقولج ردي و بس هذره عالفاضي .. اففففففففففف ، الواحد مايروم ياخذ راحته بعد .. . . يوم الأربعاء العصر .. الساعه 5 وخمس .. | عيد | . . حيّــهم ! شحالكم يااعرب؟ وياكم عيد بن سلطان بن عيد .. المهم! كنا يالسين نيمع قشارنا بنويه صوب البيت .. بس مشكلة البنات الي ماتخلص .. قلة صنعه!! من الساعه 4 وانا واقف عند باب الخيمة اترياهن يظهرن ويا سامانهن عشان احطهن فالسيايير .. عبدالله مطرشنيه اوني اصغر وااحد وعادي ومن هالسوالف ... انا ماقول انه هب عادي عندي ، لاا عاادي وزياااده بعد، بس .. مال امي دااعي ، شوف الوقفه كيف انته بس؟! واقف عند باب الخيمه شال البلاك بيري مالي ارمس عواااش !! ههههههههههه و الله هاي هب ربيعتيه ، بس ربيعي اونه يقول ابا اشوف جانها بترمسك ولا .. على فكره انا من البارحه ارمسها و قاص عليه اقوله انها ماطاعت ترمسنيه واونه تستحي!! فرح حليله قالي شكلها صدق ماتجذب انها ماترمس غيري!! مشكله والله الغبااء .. بعد رمسة و سوالف وياها بندت يوم زقرتني مريوم ختيه : هاااه يييت لحظة .. حطيته فمخبايه وعدلت السفرة ولفيتها على رقبتيه زين عن البرد .. كنت بسير صوب خيمة امايه و مريوم بس وحده من البنات ظهرت من الخيمه .. لفيت مره ثانيه وانا اقول : حياا الله بنت العم، مابغييتي تظهرين !! كانت بعدها هب متلبسه عباه جان اقولها: حيّ، بعدج هب متلبسه عباتج!! اتجدمت شويه بشل الشنطه الي وطتها، ومادريت بشي الا غبرتها!! بلاها هاي!! سمعت حسها من داخل: لحقي هناادي واحد من عيال عميه واقف برع .. لا بعد الي مايستحي يقولي مابغيتي تظهرين!! و كملت بصوت مظيج: جني مواعدتنه الهرم!!! عصبت بي رمستها جان اقول بصوت عالي: و الله محد غيرج مواعده الشيييخه .. ماتستحين تقولين هالرمسه ..، لا وجداامي بعد!! سمعت حسوسهن جنه حد ذبحن و يتشاهقن!! شليت الشنطه و لفيت بسير صوب الموتر و انا صدق معصب!! حطيتهن و رديت صوب مريم : هاه انتي بعد شو تبين؟ قالت: شوي عن تاكلني .. قلة ادب والله، امايه تباك! و روحت برع .. سرت لامايه الي كانت فزاوية الخيمة عند شنطتها مادل شو تسوي .. : هاه امييه شي بغيتي؟ : هيه فديتك ودي هالشنطه صوب موتر عبدالله .. و قوله يتصل للبشكار يخبره ان خالك براهيم بيتعشى عندنا الليله .. : اوووووهووووه بيون وياه المخبل؟! لفت عليه وقالت: يالهرم .. ماتستحي تقول جيه عن عيال خالك؟! رفعت حاجب وانا اقولها: اميه فديتج هاييلا هب عياله ، عيال العيوز الي عنده! رفعت ايدها بتظربني بس انا خزت عنها: هههههههه اسووولف، بس صدق هاييلا خطر على المجتمع!! ماردت عليه ، عرفت انها عصبت .. شليت شنطتها و سرت عند عبدالله .. مستوي حماالي صح!! قالي : ماقلت لك سر خيمة قوم عمك تشل الشنط عن عميه؟! وطيت شنطة اميه وقلت له: تراني سرت بشلهن بس محد ظهر، سااعه لاطعيني برع ولااا حد ظهر! قال بغيظ: وط حسك و سر ترياهن لو سنه!! : افففففففففف زين!! سرت مره ثانيه صوب خيمة عميه ...... و الله ، تراني حلفت، و الله لو رمسة هييج مره ثانيه في ذمتيه لصفعها و مالي خص! وقفت وقلت: يااااااعرب، أبا الشنط بشلهن .. ظهرت وحده متلبسه العباة .. الحمدلله!!! قالت : مرحبا عيود شحالك؟! نزلت راسي يوم عرفتها: بخير ونعمه .. و من صوبج؟! قالت : فنعمه طاب حالك .. اسمحلنا عاد الشيخ شما ماكانت تدري انك انته الي بتشل السامان.. رديت عليها: افا عليج حرم عبدالله مامن مشكله .. بس لو ينصان اللسان شويه، !! ظهرن البنات وراها جان اكمل: لو عبدالله الي سامع الرمسه كان لعن خيرها!! قالت باحراج: ماعليه السموحه منك .. رفعت راسي صوبهن: شحالكن بنات؟ وحده بس الي ردت ، وماكانت شما الي شردت عنيه : بخير الحمدلله ، انته شحالك!؟ : بخير يعلج الخير .. خليهن عنج هند انا بشلهن .. خلت شنطتها ورى ظهرها وقالت: و الله ماشليتها .. هب ثجيله! أصريت عليها: لا لا موصيني عرب انا .. خليهن عنج! شكلها عرفت منوه اقصد بالعرب جان تقول و هيه سايره صوب المواتر: تسلم ولد العم ، ما بنعبل عليك.. تمن الا هالهنتين الي جدامي جان تقول الي ردت السلام: اسمحلنا الشيخ .. و روحت ، تمت الا وحده واظني انها شما .. وطت شنطتها وقالت: عيل شل هاي .. ومشكور!! و ربعت ربعان صوب خواتاا ... انصدمت من حركتها !! بذبحهااا انا هاي!! شليت الشنطه وسرت وراهن .. يوم شافنيه عميه قال: ماقصرت ياولد سلطان .. تسلم ! يااالله عاد الي يسمع يقول ذبحت الهم ذبيحه ،، الا هن شنط ، وشكلهن مافيهن شي!! قلت له: ربي يسلمك الغالي ، وين أحطهن..؟ قالي: مرره وطهن هنييه .. كانو البنات راكبين فالستيشن مالت عميه و هييج ام لسان واقفه عدال عميه و تقوله شي ... اشر لي عميه احطهن فالدبة الي كانت مفتوحه وهوه يرد عليها: سيري عند بخيت وسلطان .. يالله انقفظي .. يوم انا لفيت على ورى بحط الشنطه فالدبه، تحركت هيه بتخطف من ورايه سايره صوب لكززس سلطان الي واقفه عدالنا .. لفيت عليها وانا احط الشنطه، بس ما انتبهت اني حطيتهن على صحون في شنطه عوده او مادري جنه دبب ماي،، فريت الي فايدي وخزت عن الما يوم انجب عن يخيسنيه و طاحت الشنطه وانفجت .. اوووووووووووووبس .. كمبيوووتر ، انجب عليه الماا!!! يوم خزت عن الدبه صدمت فيها يوم هيه خاطفه ورايه، جان تبتعد و تطيح غشوتها ، الخفيييفه على فكره!! حطيت ايدي على ثميه يوم عرفت الي فالشنطه لاب توب و لفيت عليها على طوول .. يوم هيه بعد شافت الاب توب ، قالت : كمبيووووترييييييييييييييه .. لااااااااااااااااء!! و سارت صوبه بسرعه و قبظته!! لـــحزن، جان ماتنقع علينا!! ابتعدت عنها يوم يا عميه وقال: شو السالفه؟ ... شعنه عالي حسج؟! قالت له: ابووووويه كمبيووترييييه انجب عليه مااا .. عصب عميه جان يقول: نفااد ينفدج انتي وهوووه، انجلعي سيري صوب الموتر .. اخرتينا .. ولف عليه : ماعليه مشكور بويه ، اسمحلنا!!! شكله يبا يختلي ببنته ، وانا اشوف في عيونه انها يبا يصلخها .. قلت حرام انا الي خربت كمبيوترها : السمووحه منج بنت العم ، ماكنت قااصد ... ولفيت على عميه حبيت راسه وسرت عنهم !! ههههههههههههههههههههههههههههههه و الله تستاااااااهل ، ولا انا عيد بن سلطان بن عيد .. حد يرد عليه جيه.!؟ . . قبل ساعه .. | مريم | مادري ليش زقرني عميه .. و يوم وصلت محد كان فالخيمه الا بخيت .. جان يقوله خلينا رواحنا ... استغربت الصراحه .. قمت وصبيت له قهوة و يلست عداله .. قالي: حيّ الله بنت سلطان .. شحالج الغاليه ؟ قلتله و التوتر يزيد: بخير الحمدلله ... وطّى الفنيال و قال بهدوء: فديتج الريم ، انتي كبرتي احينه، و غديتي حرمه ماشاء الله عليج .. شو هالمقدماات .. نفس مال المسلسلات!! قلتله: يطولي بعمرك عميه .. خخخخخخخ انا شو اقول ، اصلا ماعرفت شو اقوله! كمل و هوه يقبظ ايدي الي كنت العب ابها: ياينج خطاطيب يا بنتيه!! رفعت راسي بسرعه: خطاب؟ عقب نزلته يوم ابتسم و كمل: هيه فديتج .. واحد من معارف بوج الله يحرمه .. ريال و النعم فيه .. يشتغل مدير فالبنك ماشاء الله .. متيسره اموره .... عاد قلت بشاورج قبل ما اخبر خوانج، خفت حد يغصبج على شي ولا شي .. هاه شو قلتي..؟! ماعرفت شو ارد عليه .. هاي اللحظة مافكرت فيها .. قلت اذا ياني خاطب ، بتكون شرات كل مره بييني مبارك او عبدالله يخبروني.. هب عميه!!! شووو اقوله!؟ سكت ومرررره مارمست ، جان يكمل : شوفي يابنتيه، انتي الغاليه بنت الغالي، ومحد بيغصبج على شي انتي ماتبينه .. ومنصور انا اعرفه واعرف هله، ريال زين ومامن شراته، .. و انا لو ماكان ايوز لج جان ماسويت له سالفه و ماقربت به حتى!! ياااربيييييييييييه احس ويهي يعورنيه .. مااعرفت صراحه شو ارد عليه .. كنت منزله راسي واطالع تحت و اقوول في خاااطري: يااااااااارب يدش واحد من خواانييه يااارب!! بس محد دش!! يوم شافنيه ساكته كمل: عيل شوفيه يابنتيه .. جانج تبينه تعالي العزيمة الي بسويها الاسبوع الياي .. وجانج ماتبينه لاتين، وانا بعرف، هب لازم تردين عليه انتي...!! كان بيوقف بس انا قلت بصوت واطي: خواني يعرفونه؟! تم فتره واقف ويمسح لحيته عقب قال: انا اشوف انه هب لازم يدرون .. عقدت حياتي مستغربه؟ .. ليش؟! بس طبعا مارمت اقوله .. جان يكمل عقب مارد ويلس عدالي ..: شوفي يابنتيه ، فكري زين و استخيري ربج و محد بيغصبج على شي ماتبينه .... بس بغيت اقولج انه هذا الريال من بد وايديين يو وخطبوج ، هوه الوحيد الي اعرف انه يستاهلج .. ريال ماعليه رمسه ..، الناس تعرفه و هله معروفين بطيب الاصل و الكرم .. بس انهم ساكنين فدبي و يمكن انه خوانج مايعرفونه زين شرات ما انا اعرفه .. تراه ابوه كان ربيع ابوج قبل .. سكت ..... شوووووووووو اقووول ياناس .. لو كانوا خواني بقول الشور من شوركم بس تخبروا عنه وعرفو منوه هوه و شو حالته فالدنيا ... مااريت شي اقوله جان اقوله: الشور شورك عميه .. و محد له رمسه من عقبك .. مادري كيف طلعت هالرمسه .. بس حسيت انه فرح و قال: زين زين ياابنتييه ، بس انتي لا تستعيلين .. فكري زين .. ومن صوب الريال مررره ظامننه انا .. خذيها رمسه من عنديه .. وماعليج من حد .. وقف بيظهر خلاف رد وقال: وخوانج خليهم عليه ، جانه شي نصيب امبينكم انا بقولهم ... وجانه ماشي نصيب ، مرره جنه ماشي استوى .. الله يوفقج يابنتيه !!! تميت ارويحتيه فالخيييمه .... لحظة كم عمره؟! و شو يشتغل قال؟ و شو اسمه اصلاً؟!!! . . |
ياهلا بأول مولوده لك و إن شاء الله يحتضنه ليلاس
الروايه من بدايته شكله جميله حبيت شخصية مريوم و تعاملها مع اخوانها :") اممم سلطان ما ارتحت له احسه ورآه بلاوي.. بخيت احسه بريئ و طيب >3 همسه الافضل نترك التلعين لانه كلنا ندري انه ترجع اللعنه لقائلها اذا ماكانت تستحق المطلقه له .. و "حرام عليك" تطلق احيانا بعفويه لكن ممكن نظل بأحد ع حكم مآ متابعه لك ان شاء الله |
عليج السلااام والرحمه ارادة الحياة، مساج الله بالنور والسرور .. علينا وعليكم يعله ينوّر قُلوبنا أجمعين ^^ و الله النور نوركم يَ الغلا .. فالج طيّب .. ان شاء الله جريب بتكتمل ، دعوااتج بس ^^ . . بوح قلم، مرحبابج الغاليه، ان شاء الله ^^ يحيج ربيه . . . remas2007 ، و يا هلااابج زووود يَ الغويلي ، لمرحب لااا هاان فذمّتيه .. حيّ الله مُتابعيني حيّ ^^ وانتي بخير الغلا، ان شاء الله ما بتأخر .. سلمتِ . . . النور ! ... يا مرحبا والله وهلابج زووود الغويلي .. سلمتِ ع المرور الحلو يا النّور ^^ . . |
الجزء الثالث! بعد اسبوع .. في بيت بوهند ... الساعه 7 ونص المغرب .. | هند | ابويه عازم رياييل الليله .. و الشغل كله فوق راسي و راس اميه .. حظرت شما سايره صوب ربيعتها من العصر .. اونهن يذاكرن .. و علايه اليوم كانت مريظة و يالسه فحجرتها ... خواني شفت ابويه اتصل عليهم و خبرهم اونه لازم ايون .. وشكله عازم عيال عميه ، على الاقل مريوم بتي .. منها تعاوني ومنها تسليني .. اسمع سياره يايه .. طليت من دريشة المطبخ و شفت صني حرمة عميه الله يرحمه ... نزلت منها مريوم و نزلت وراها امها ... مريوم ماكانت متليسه عباه .. من بعد البيت يعني عسب تتلبس عباه ، الا فالشعبيه الي عدالنا .. ظهرت من المطبخ ورحبت بهن و دخلتهن ميلس الحريم .. كانت ريحتيه بصل وثوم .. واستحييت من حرمة عميه يوم قالت: هاه هنادي عطر يديد هاذا؟! قلتلها وانا ايلس عدال مريوم بعد ماقهويتهن: عااد سمحينا عمووه توني يايه من المطبخ .. قالت : ماعليه فديتج ، ادريبج الا فالمطبخ .. عيل وين امج؟! كانت امايه توها ظاهره من المطبخ سايره تبدل ثيابها .. كنت بقوم ازقرها بس هيه دخلت .. : يامرحبا يااامرحباا الساااع .. شحالج يام عبدالله ..؟ وقفت حرمة عميه و سلمت عليها و مريوم سوت نفس الشي .. عقب خمس دقايق وقفت وقلت لمريوم: يااجمييل انته تعالي ويايه المطبخ .. قالت اميه: خليها عنج فديتها... بدخلينها المطبخ وتخيسن ريحتها ... و كملت وهيه اطالع مريوم وعيونها تلمع: حافظ عليج يابنت سلطان .. الله يحفظج .. صدقها اميه ماشاء الله مريم عليها جسم، مرتب ماشاء الله ... ملامحها عاديه بس هيه محلتنها برمستها ومذهبها .. يااحظه الي بتظويه! استحت مريوم من رمسة اميه جان تقول: ماعليه عموه عادي.. بسير اعاونها .. ظهرنا عنهم و سرنا حجرة علايه قلتلها: تعالي ريمان بخبر علايه انكن ييتن عسب تسلم على امج .. لاحظت انه يوم ظهرنا من الصاله مريوم ماحدرت قصتها ولا تغشت .. جان اقولها: سلطان بعده هنيه جانج بتتغشين .. قالت وهيه تعدل قصتها: لا هب هنيه شفته حادر الميلس وانحن يايين .. ولا ماشفتيني مظهره الشيفه!! : هههههههه اونه شيفه؟ ,, محلوه ريمان؟! قالت : و الله ؟.. اوني بديت اهتم بعمريه من عقب سيرة البر .. استحيت منكن والله .. صدق بنات هب انا!! استغربت من رمستها : جيه انتي ماكنتي بنيه ..؟! قالت: خخخخخخخخ لا هب جيه قصدي,, انا ايديه خشنات من شغل البيت و المطبخ .. شوفي كيف؟! و مطت ايديها ، ماكان بلاهن شي .. بس مسمره .. قلت الها: و الله مابلاهن شي .. تتخيلين .. فتحت باب الحجرة وانا اكمل: الا جانج سامعه رمسه منيه ولا مناااك ، وقمتي تستعدين جسدياً .!! عقدت حياتها وقالت: كيييف؟ .. مافهمت!؟ حدرنا حجرة علايه الي كانت منسدحه ويوم شافتنا قالت: مريوووووووووم؟ .. هلا و الله! سارت مريوم وخاشمتها ويلست عدالها: اهليييين .. شحالج علووي؟! : بخير الحمدلله ... ونتي؟! و كملت : اووش اووش ماانروووم شو هالحلاااه مرييم!! قالت مريوم وهيه توقف عند المنظره: تراكن خليتني اشك اني مسويه عملية تجميل .. بعدني الا انا !! قالت علايه: لا و الله محلوة .. من زمان ماشفتج متجحله .. اصلاً من زماان ماشفتج!! لفيت على مريوم .. صدق كانت متغيره .. مظهره قصتها، و متجحله ، ولن مريوم مب من عادتها تتعدل ..فطالع شكلها غير و متلبسه مغربي حلو عليها .. راص على جسمها شويه ، ولونه اخظر و يا اسود واايد حلوو .. قالت مريوم: و الله؟ .. ماادري ..!! قلت الهن: ياالله قومن نسير المطبخ ابويه محتشر يقول بيظو الويه يدام الريال .. عاده منوه الريال ماعرف!! شفت مريوم حمرن خدوودها يوم قلت جيه ... جان تقول علايه: زيين انا بتلبس وبسلم على عموه وبلحقكن .. ظهرت ويا مريوم الي سكتت من عقب رمستيه .. قلت الها يوم وصلنا المطبخ: شو ساالفتج انتي!! لفت عليه وقالت: شووه؟ .. ماشي سالفه .. ماقلتيلي، شو بغيتي اساعدج فيه؟! قبظتها من ايدها ويلسنا على عتبة باب المطبخ ، ولن المطبخ بعيد عن الميلس فمحد بيشوفنا الا اذا جرب منا .. قلتلها: و الله انج متغيره؟! .. طالعت في عيونها وانا اصغر عيونيه وقلت بعد فتره: ياينج خاطب صح؟! فجت عيونها وقالت بسرعه: كيف عرفتي؟!! ابتسمت بهدوء وقلت: نفس الي استوالي يوم خطبني عبدالله خوج .. استحت ونزلت راسها .. خلاف قالت: تراه محد يعرف غيرج .. قلتلها : حتى امج وخوانج؟! قالت : هيه .. عميه قال اذا استوى نصيب بيخبرهم .. عقدت حياتي : ابويه؟ ... قولي السالفه كلها اشووف ، يااالله .. قالت: تحيدين يوم سرنا البر ..؟ .. هزيت راسي بهيه وانا اركز وياها : عميه زقرني و قالي قبل مانسير بساعه او اكثر .. و من اسبوع ويومين وانا افكر و استخرت ... و ...! ابتسمت يوم سكتت و قلتلها: وافقتي؟! .. كنت بكمل وبقول ياحظ سلطان خويه فيج .. لنه سلطان خبرني يباها من اكثر عن شهر .. وابويه الي مرمسها يعني اكيد خبرها عن سالفة سلطان .. لكنها هيه كملت رمستها: منصور بن غاشم .. انا ماعرفه زين بس عميه يقول ... تمت ترمس وتقولي بقية السالفه وانا انصدمت ..! .. منوه منصور؟! قلتلها: منوه منصور ؟ ,, وسـ... : شمييييم؟ .. من وين يايه؟! قطع رمستيه صوت سلطان ، لفينا على الجهه الثانيه كانت شما نازله من موتر الدريول و سلطان ظاهر من الميلس شال الدلال .. اتغشت مريوم وحدرت المطبخ و انا قلبي عورنيه على خووويه .. سرت صوبهم يوم قالت شما: يايه من بيت ربيعتيه .. خبرت اماااااايه قالتلي سييري .. بعدين ماالك حق جيه ترمسني !! قالها سلطان بعصبيه: يلعن شكلج يالخايسه .. انجلعي داااخل .. ولف عليه : هنوود سوي اقهوة زياده .. ويقولج ابويه عقب الصلاة على طول تحطون العشى .. شليت عنه الدلال و مررره مارمست .. حدرت شما داخل البيت و سرت انا المطبخ .. كانت مريوم عند الجدور ... قالت : هناادي منوه مسوي اللحم؟! رديت عليها وانا سوي قهوة: امايه ... ليش؟ قالت: فنااااااااااان .. هاه شوتبيني اسوي بعد؟! مارديت عليها .. جان تقول: شو كان يبا سلطان؟ : ماشي .. كملت القهوة ووقفت اترياها تفور .. ومريوم تقول: شميم من وين يايه؟ : من بيت ربيعتها .. : جيه شو كانت تسوي هناك؟! : تدرس وياها ، عندهن امتحان فيزيا يوم الأحد .. قالت : اهاااه ... انزين انتي شوتسوين ؟! و يت صوبي جان اقولها بعصبيه: يااربييه شو هالفضول الي ياينج؟! وقفت وقالت باستغراب: مااشي .. شوبلاج معصبه؟! لفيت عنها و تنفست بهدوء ... مريوم مايخصها .. ابويه الي ماخبرها .. ! بس كيف بتأكد انه ماشاورها بين هالمنصور وبين سلطان خويه ؟! : هناااااااادي .. لفيت عليها وانا ابند الدلة : هاه شوه!! كانت متغشيه وتأشر على الباب .. لفيت صوبه كان سلطان واقف ومنزل راسه .. قال: خلصتي؟ ابويه محتشر يقول خلصن بسرعه!! وطيت الدلة على الصينيه و حطيت الغسول وياها و السح .. وعطيته .. قلتله: الله يعينك ياخويه !! قال وهو ظاهر : ويعيينج!! يوم سلطان ظهر حدر وراه بخيت وقال بسرعه: هناادي بسرعه ابا يمر، لولي برد!! و لف صوب مريوم و قال: اووه الشيخه هنييه .. سارت صوبه مريوم وخاشمته: هلا بخييت .. شحالك؟! قال: بخير الحمدللله ، ونتي ؟؟ ,,, اووب مانروووم بنت العم شو هالجمال!! قالت مريوم: خل عنك بعدني الا انا ماتغيرت!! قال : صدقج و الله .. ريحتيني من المجامله!! ظربته على جتفه وقالت: خاايس!! لف عليه وقال: هااه هنوود ابا يمر .. كنت مشغوله ارتب صحون العشى وافكر فهالمصيبه .. جان اقوله : خل مريوم تسويلك ماتشوفني مشغوله!! قالت مريوم: زين لحظة شويه .. كانوا يرمسون ونا مب عندهم اصلاً .. و الله قلبي عورنيه عليه سلطان .. أنا اعرف انه يباها من زمان .. و قالي انه رمس ابويه وقاله يصير خير .. بس كييف بعرف جانه شاورها امبينهم ولا! . . . الساعه 8 وخمسين دقيقه! في ميلس بو هند .. | عبدالله | . . كنا يلوس فالميلس انا وحمد و مبارك خوانيه .. وعيال عميه و رياييل من الشعبيه .. و كم ريال ماعرفتهم يايين من دبي .. اشوف عميه مشتط، و عيال عميه سلطان وبخيت يترابعون سايرين رادين .. كل شوي يايبين حايه .. المهم انهم مرتبشين ... فيه شي مب مرتاح له .. شفت عميه قام و ظهر من الميلس .. و اول ماظهر يتني رساله منه يقولي تعال برع اباك .. استغربت؟ .. شو يبا؟ ظهرت برع ريته واقف عند الباب الرئيسي .. ييت وسلمت: هاه عميه شي بغيت؟! قال: ماشي بس بغيت اخبر بسالفه ، من كمن شهر، ياني ريال خاطب لاختك مريم .. و سكت .. قلتله: منوه هالريال؟ ! قال : منصور بن غاشم ، تعرفه انته اظني .. انصدمت انه منصور بن غاشم مااغييره الي خاطب .. بعد فتره سكوت كمل عميه ..: وانا قربت به! : شووووه؟! .. عميه هاييلا هب من ثوبنا .. و كيف تقرب به وانحن ماندري عن السالفة اصلا؟! قال و هوه يطالع ساعته: عبدالله اسمعنيه .. انا ما بفر بنت خويه على واحد انا هب ظامننه .. الريال يعرف ابوك و انحن نعرفه و نعرف هله .. العرب كلها تعرفهم وتعرف طيب اصلهم وكرمهم .. قلتله : بس عميه ها هب سبب يخليك تقرب به . .. بعد الله يطولي بعمرك شعنه ماخبرتنا ..؟! قال بهدوء: انزين لو خبرتكم شو بتسوي؟ قلتله بعصبيه: هب سؤال هذا ، بتخبر عن الريال بطالع شو يشتغل ، وشو من مذهب عليه .. يعني نتخبر عنه جانه زين ولا ..! قال بعصبيه : عيل انا مابتخبر عنه .؟ بنت خويه اغلى عنك وعن عيالي .. تتحراني مابتخبر عن الي خاطبنها؟! استحيت منه صراحه، بس هذا هب عذر .. قلتله: عميه يطولي بعمرك .. تريا شويه ، لا ترد عليهم .. و عقب كملت كآخر فرصه .. .أكيد مريوم مابتوافق يوم تعرف ان خوانها مايعرفون بالسالفه .. : على الاقل لين مانشوف مريوم شو بتقول .. قال : مريم انا مرمسنها من اسبوع وشي.. و هيه موافقه ! انصدمت .. انصدمت .. انصدمت!! أنا وين من هالسالفه كلها ..؟! قلت بتعجب: مريم موافقه؟ : هيه نعم .. جانك هب واثق من رمستيه اندوك التيليفون تخبرها .. و كمل : تراني انا الي قلت الها لا تخبرين خوانج .. : ليش؟ قال وهو يطالع ساعته للمره الألف : لني ااباها تفكر زين .. و ان كان شي نصيب اخبركم انا .. وان ما كان ، ماسمعنا شي ولا سمعتو شي ! مسحت على ويهي .. أحاول استوعب هالمصيبه .. اختي الصغيره و و الوحيده انخطبت وانا آخر من يعلم .. لا و موافقه بعد!! قلتله : ماعليه عميه بعد لا ترد عليه .. بنتخبر عنه زياده .. عصب عاد عميه و قال بعصبيه: جيه هب واثق منيه؟ .. عيل يا ولد سلطان علمن يوصلك ويتعداك ، الريال ياي فالدرب و جد وصل احينه .. ومريوم موافقه .. الليله برد عليه خبر .. وان بغى العرس الخميس الياي ، بيكون عرس ختك الاسبوع الياي !! قال رمسته وسار صوب الميلس .. يااااااااااااااااااااالله !!!!! شو بسوي احينه .. محد من خوانيه يعرف ولا امييييه .. مريوووووم العنز ليييييش ماقالت ؟ .. و حتى لو عميه قالها لا تخبرين خوانج ، المفترض تقول مالي بد منهم !! شليت تيليفونيه واتصلت الها .. بعد رنتين ردت..: هلا بوحميد .. آمر ؟! : انتي موافقه على هالمنصور؟ سكتت خلاف قالت بخفوت: شووه؟! قلت بعصبيه: موافقه حظرتج على منصور ولد غاشم؟ .. عقب تنهدت وكملت : مريوم فديتج جانج ماتبينه انتي بس قولي ... عميه غاصبنج؟! قالت بسرعه: لا لا والله ... تخبرنيه من اسبوع و قال لاتخبرين خوانج ..... وانا فكرت واستخرت ... وسكتت ... جان اقول : و شوه ؟! قال بصوت مبحوح: الشور شور خوانيه ... و انا قلت لعميه بخبركم بس ماطاع .... قلت : يعني موافقه عليه ..؟ ماردت ... عااد المستحى الي هب في وقته ..: مريووم ردي عليه موافقه ولا ؟ : هيه .. : هيه شوه ؟! قالت بصوت بالموت قدرت اسمعه: موافقه!! غمظت عيونيه وقلت الها: مبروك عيل .. و بندت عنها ...... مريوم ختيه الصغيرونه غدت عروووس!!! صراحه حركة بايخه .. اصلا امبونه عميه جيه حركاته .. من عقب سالفة ابويه الله يرحمه وهو جيه .. ويعني اذا بغى ريال انه يعرس على حرمته شو يعني؟ ارتكب جريمة ...... ابويه الله يرحمه قبل مايتوفى بسنه، كان مقرر انه يعرس على خت ربيعه .. على اساس انه ربيعه بيسافر وخايف على خته ، جان يقوله انه هوه بياخذها ... طبعا أخوها ماطاع ، وقاله انته معرس وعندك عيال ، ومن هالسوالف .. بس ابويه ماسوى له سالفه و قاله انته ماعليك ..... وربيعه مابيرده دامهم ربع من زمن .. المهم خطبها ابويه من دون لا يخبر حد .. عميه يوم درى عصب .. و على طول خبر امايه الي عصبت بدورها .. وسارت لبيت خاليه شهرين تقريباً ... هالشهرين كنا انحن فعذااب وبين نارين .. يا انا نوقف ويا ابويه او نوقف ويا امايه، مريم وقفت ويا ابوها ... وانا ماهانت عليه امايه .. وخوانيه مرات عند ابويه ومرات عند امايه ,, تمينا شهرين بالضبط، و عقب ردت اميه للبيت .... بس المحرج فالسالفه انها غيرت حجرتها، و خلت ابويه فالحجره لوليه ..... هيه جيه امايه يوم تحط شي في بالها تسويه لو شو هوه .. تمت معصبه على ابويه ... فهالوقت كان ابويه سوى ملجة عادية وخذ خت ربيعه .. وفي يوم بعد 3 شهور او اكثر ... ردت لابويه .. و ردت لحجرتها .. وتمينا مرتاحين من سالفة ابويه لمدة نص سنه ... حتى انا ماطريناها ولا سألنا هيه منوه ولا شوه السالفه ، مرت ايام عقب السالفه وهدوءها .... يوم كان صيف 2001 ، سافر ابويه صوب السعودية .. و يا حرمته اليديده ... خبر اميه و قالت يومين وبرد .. ماقالها بسير ويا فلانه .. يا صوبي وخبرنيه .. قلت ماعليك انا بخبر امايه .. ويوم درت امايه عصبت .. بس ماظهرت من البيت .. كان عمريه هييج السنه 21 سنه او اكثر مادري .. المهم تمينا يومين و على اساس ان ابويه بيي فاليوم الي عقبه .. بس محد يا .. اتصلنا مايرد علينا .. و مر اسبوع .. و اسبوع ثاني .. آخر شي ما ترينا و سرت انا ومبارك وعميه وخاليه براهيم ندور له ... تمينا يومين .... ويوم ردينا ... ردينا بجثمانه ويانا .. ماتتخيلون كيف احساسي كان .. ساير بطالع هو وين .. ارد بجثته ..!! حرمته الثانيه مادرينا شو استوابها .. بس عميه تحرى عن السالفه و عرفنا انها طايحه فغيبوبه من الحادث الي استوالهم يوم هم رادين من العمره على طريج مكه سايين صوب المدينة .. اتصل على اخوها وخيره .. وانتهت من حياتنا ... بعد ماخذت اغلى روح علينا ! يوم ردينا .. انا ماقدرت اخبر اميه .. فخاليه حدر عليها الحجرة وخبرها .. و انا وعميه تولينا خوانيه .. مبارك كان ويانا ويدري .. كنا فالصاله نتريا خاليه يطلع من عند اميه .. بس طلع وهو شالنها ... الدكتور قال انه ياها انهيار عصبي .. وانه لازم ترتاح .. تمت فالمستشفى اكثر عن اسبوع ... و انا وخاليه متولين مسؤولية خوانيه .. عيد كان توه 7 سنين ، ويباله تسجيل فالمدرسه و متابعه ومن هالسوالفه .. عمر وعمير كانوا صف رابع .. و مريوم صف خامس ... لاقينا صعوبة فانا انخبرهم، عصبوا وقالوا انا نجذب عليهم .. بس يوم عن يوم بدا يستوعبون شو يعني الموت وشو يعني انه ابويه خلاص مابشنوفه مره ثانيه ... الخيره في طيحة امايه وانها تمت اكثر عن اسبوع فالمستشفى .. انه خوانيه الصغار كانوا يتريونها تظهر .. على الاقل واحد منهم يرد النا .. هب ثنينتهم يروحون مره وحده! و منها السالفه توفت احاسيس امايه ويا ابويه ... تغيرت تغير جذري ... وايد من اشياء تتغاضى عنها فالوقت الي هيه المفترض تكون شديده فيها .. عاملتنا نحن الاولاد غييييير عن مريم .. كان المفترض انها تهتم فيها على اساس انها البنت الوحيده .. بس سوت العكس تماما .. مريم انطوت على عمرها ، عيد غدا واحد شراني .. و عمر وعمير فاشلين فسلك الدراسه .. أنا ومبارك كنا الوحيد الي ماتأثرنا ... كملنا حياتنا .. مبارك دخل الجيش أول ماتخرج على طول .. و أنا كملت دراستيه فالجامعة ، درست قانون ومحاماة، و احينه عندي مكتبيه الخاص .. عقب مافتحت المكتب بسنتين ... ملجت على بنت عميه هند ، كان ابويه الله يرحمه محيرنها الي .. بس انا ما فكرت فيها على اساس انها بتكون حرمتيه ،.. طالعت الساعه، كانت 9 الا عشر، الوقت فات ونا واقف هنيه ... و المعرس حظرته لين احينه مايا.. انا اعرف شي واحد بس . .. اذا انضامت مريوم على يد هالمنصور .. ماشي بيوقف فويهي عن دمه!! . . . الساعه 9 و خمس دقايق.. جدام بيت بو هند .. | منصور بن غاشم | نزلت من المارسيدس و انا اطالع الشعبيه و االبيت .. هذا بيت بوهند الي ابويه يرمس عنه؟! احينه يومنه ابويه طاير لهالعرب الي اول مره اسمع عنهم .. و خاطب بنت اخو بو هند .. ليش مايخطب لي هند و تنتهي السالفه؟! و الله مظيعة وقت وبس .... طالعت عمريه على الدريشة العاكسه صورتيه ... وعدلت السفره و العقال .. الله يعين ... لو قلت لأحمدووه يسير ويايه هب أخير لي؟ ناس أول مره اييهم ، تأخرت ... الله يعين بس ... لفيت على البيت ، بيت شعبي حلو .. بس وااايد بسيط .. الله يخلي فلة ابويه، تسده و تسد البيت الي عداله بعد .. سرت صوب باب الميلس الي كان برع .. يعني مسوين تصميم البيت على انه الميلس له باب من برع .. عشان الضيوف الي ما جد طاحوا ارظهم يعرفون انه هذا هوه الميلس، الي مثلي يعني!! تجربت من الباب .. وتحمحمت .. و دخلت !! : السلاااام عليكم و الرحمه .. كل الي الميلس لفو عليه وسكتو .. ماكانوا وايدين اصلا .. بس كمن واحد عرفت منهم بوهند .. سرت له اول واحد وحبيته على راسه : مرحبا عميه شحالك؟! شكله فرح يوم شافنيه ..: بخيير طاب حالك .. و من يداك؟! رديت عليه وانا اصلب طولي: فنعمه ربي يعافيك .. اسمحلنا عالتأخير تعرف طريج و الزحمه!! قال بسرعه: لا لا مرره مسمووحه .. حياك حيااك .. لفيت على الي عداله كانوا ثلاثه شياب ، و على يمينه ريال شكله فالثلاثين .. شراتي يعنيه!! : مرحبا السااع .. شحالك؟! رد عليه : بخير وسهاله ، من صووبك ؟ رديت عليه وانا الف على الي عداله: فنعمه طاب حالك ، مرحبا .. كملت السلام على الي فالميلس كلهم و يلست عدال بوهند .. كانوا تقريباً اقل عن 15 ريال .. من ضمنهم عيال بو هند سلطان وبخيت .. والثانين ماظبطت اساميهن عيال خو بوهند .. يعني خوان الي بتكون حرمتيه!! المهم ، كل اليلسه كانت عن سوالف الشغل ومادل شووه .. !! وقف يدامي ولد بوهند سلطان .. قال: حياالله هل دبي .. شحالك الا بخير؟! رديت عليه وانا آخذ عنه الفنيال: فنعمه ربي يسلمك .. الله يحييك .. عقب تقريباً ربع ساعه من وصلت ، حطو العشى .. صراحه ياني تفكير .. وين بيحطون العشى؟! بس الي ماكنت ادريبه انه شي حجرة عوده متصله بالميلس مالت الطعام اونه .. زين زين انا قلت بيحطونه يدامنا .. يلست عدال واحد من خوان حرمتيه .. هههههه صدقت عمريه قمت اقول حرمتيه!! المهم سمه مبارك اظنيه .. يلسنا نتعشى ومااشاء الله حاطين كل شي ... بس صراحه ناقصنهم تحظر شويه .. ماااشي غير عيش ولحم و صالونة عيش و من هالسوالف الدسمه ... انا مش متعود على هالاشياء فاللييل آكل بس نواشف ، يعني اشياء بسيطه ، مرات اتعشى بس بخظره!! : بلاك ماتاكل ياريال .. اقرب !! قالها خو الي خاطبنها .. خلاص بلااها حرمتيه هاي .. قلتله : جريييب طال عمرك .. ما كان لي خاطر آكل شي .. بس كلت كم لقمه وقمت .. لاحظت انه عميه بوهند اول ماقمت انا قام ورايه .. وصلني صوب المغاسل و ظهر هوه من الميلس .. خلصت غسول.. بس صاح تيليفونيه ، كان أحمدووه قلت مابرد عليه .. رديت مره ثانيه للميلس كان موجود شباب ماشفتهم يوم ييت ... سلمت: السلام عليكم .. يوم شافونيه قاموا وردو السلام .. وسلمنا عليهم ويلسنا .. لفيت على ولد بوهند: بخيت صح؟! قال: هيه نعم .. آمر ؟! قلتله: مايامر عليك عدو .. ماشي بس ماعرفتنا!! وابتسمت ببلاهه!! صدق انا ماعرفهم .. ابتسم هوه بعد وقال: انزين حتى انا ماعرفك؟!! : ههههههه وياك منصور بن غاشم ... انته اعرفك بخيت ولد علي .. ولفيت على الثانيين : اما الشيوخ ماعرفناهم؟! قال بخيت : عيال عميه سلطان بن عيد .. عمر و عمير .. : مرحباابكم الساع .. قالوا رباعه: لمحرب باجي طال عمرك .. : ما شاء الله تتشابهون... قال بخيت: ههههه هيه توام .. بعد فتره ردو الرياييل من حجرة الطعام ، نفس قبل العشىى ردو يسولفون .. وانا ساكت و عميه سار ولا رد!! استغربت انهم مارمسو ويايه وايد ، قصدي يعني ماعطوني اهميتيه .. غير عن ميالسنا يوم ادش الميلس كل الموجود يرحبون بي و يبون الا يسولوفون ويايه .. فيه واحد يالس آخر شي عدال سلطان ولد بو هند و كله يطالعنيه بنظره مافهمتها .. جنه يقيمنيه ولا شي .. بعد يحق له خته بتكون حرمتيه .. ان شاء الله!! عقب دقايق يا ويلس عدالي بعد ماقوم بخيت حليله ... قال: مرحبا منصور .. أكيد ماعرفتنيه .. وياك عبدالله بن سلطان بن عيد .. رفعت راسي و انا اقوله: والنعم .. : والنعم بحالك .. سمحلي عااد بس بنغثك شويه !! ابتستمت بهدوء وكمل هوه بصوت خفيف: الاهل موافقين .. عقدت حياتيه و قلتله: الاهل؟ رفع حاجبه اليمين وقال: هيه الاهل .. ادري عميه ماخبرك .. بس طرشنيه وقال خبره السالفه .. بس كنت بقولك انا نترياك الخميس الياي فبيتنا .. نتفاهم على راحتنا .. تعرف بعد هنيه يمعة رياييل مانروم ناخذ راحتنا فالرمسه ... شو قلت؟! توني استوعبت شو قصده بالاهل .. يعني الي انا خاطبنها موافقه .. اهاااا، لحظة شو كان سمها .. الريم اظنيه .. قلتله: الاهل قصدك الريم ..؟! شفت ويهه تغير و قال بقو: هيه مريم ..!! اووب عصب .. ابتسمت وقلت له : ماعليه بنييكم الاسبوع الياي ويا هليه .. مش مشكله .. و اسمحلنا عاد مارمسنا فالسالفه ، عميه بوهند قال خلو السالفه عليه و مابغينا نعبل عليكم .. لف عنيه و قال: غايته عيل ، نترياكم الخميس الياي .. . . يوم الجمعة .. الساعة 10 و ربع! | غايه | . . توني ظاهره من الحجرة كنت اكوي كندورة ناصر الي اتجسفت من الكبت، و شاله فايدي الثانيه سفرته و العقال فوقها .. يعني مافيه أي مجال اني اسوي أي شي بايديه الحينه ... قبل ما اسير صوب باب قسمنا .. صاح تليفونيه و انا فالصاله العوده .. تلعوزت عااده وياه هوه ونغمته العاليه .. حاطه غنية ميحد حمد عسى عامك سعاده و حب عااده ادري جدييمه بس احبها! كان فمخبايه ، بس طنشته وانا اسير بسرعه صوب باب القسم .. بس قبل ما ادش انخشت ايد داخل مخبايه و ظهرت التيليفون و صوت ريال يقول: منوه هالمتصل من صباح الله خير؟! لفيت بسرعه بطالع منوه ... روعنييييييييييييييه!! كان أحمد خو ناصر الصغير ... أي صغير ها فالثانويه احينه ... ابتعدت عنه و انا اقول: ايييييييييه انته ماتستحي؟! لف عليه وهو شال التيليفون: بعده يصيح .... منوه هاي حرم الشيخ؟! ... طااااااااااااالع بلاه هذااا ... قلت له : ممكن ترده؟! قال : اكيد ، وهو يتجدم صوبي مره ثانيه ، جان اقوله بسرعه ..: خلاص خلاااص !! رفع حاجب و قال بغيظ: بلاج انتي ؟ .. ماكل انا تراني .. بعدين ليش لافه عنيه هاك الصوب؟! و اتجدم وقف جدامي و كمل: تحسسيني انج وحده عووده!؟؟ فتحت عيونيه و قلتله: جيه انا هب عوده؟! قال وهو يبتسم ابتسامة الخبيثه .... ناوي على شر !! : هاي كندورة نويصر؟! قلتله وانا اسير صوب الباب: أحمد ممكن طلب ...؟! قال بسرعه: اكيد .. قلتله : انزين بس لو سمحت انا ماحب حد يرمسنيه جيه ... قال بصدمه: لييييييييييش؟ .. اسولف و الله .. و كمل : انزين خلاص اذا دخلت بيتيــه -شدد على كلمته الاخيره ليين حسيت اني وحده مالي خص فهالبيت - بهود و لا بشل ايايه طبل يوم انا حادر .. عشان حظرتج تتغشين عنيه .. مع انج اكبر عنيه بخمس سنييين يعني عااادي!!! قلت بصدمه: أي خمس سنين ... ؟ .. ظحك وقال: ههههههههه خلاص ولا تزعلين سنتين بس .. قلتله: من وين تييب انته هالرمسه؟! قال وهو يفكر متجاهلني : لا صدق، انتي اكبر عنيه بمممممم .. انا احينه توني داش 17، وانتي اذا ماخاب ظنيه 22 ..صح!! قلتله بغيظ: وحاسبها ماشاء الله ... انزين ممكن توخر عن دربيه! كان بيقول شي بس صاح التيليفون مره ثانيه ، قالي: احينه الريم شيخة الحريم !!! و قال وهو يرفع راسه صوبي: ارد؟ قبل ما اقوله شي ، انفج باب القسم و ظهر منه ناصر ...... كان بيكمل دربه بس وقف يوم شافنا واقفين عند الباب .... لف على احمد و قاله: انته الي من الصبح ترمس وياها؟! رفع احمد ايده بسرعه وشل عنيه معلاق الكندورة و قال بسرعه: هيه كنت شال عنها الكندورة .. حرمتك ماتروم تشل عمرها بتشل كندورتك بعد؟! و ابتسم ببلاهه !! كمل ناصر يوم صاح تليفونيه: رد على تليفونك صدعنا!!! و اتساند على اليدار عدالي .... قلتله انا : هذا تليفونيه انا قلتله اييبه من الصاله يوم صاح قبل شويه !! طالعته وانا افتح عيونيه فويهه، يعني افهم ولا تييب طاري اللي سويته،! طالعنا ناصر بشك و قال : اهاه ..... ماعليه .. وطي الكندورة و السفره على الشبرية .. بسلم على امايه و برد .. كان التيليفون بعده يصيح و احمد بعده واقف ويطالعه .. اول ماظهر برع ناصر قال احمد بخوف: يااااااي تروعت ..... ريلج يزيغ هوه و عيونه!! و دخل داخل ... وانا عاد نسيت انه هذا قسمي وتبعته بعد ماشليت تيليفونيه من عنده .. كنت اطالع منوه الي متصل ... الاولى حرم الشيخ ، حرمة اخويه مهره ، و الريم شيخة الحريم ، مريوم فديت خشمها .. حطيته فمخبايه و لفيت صوب حجرة الرقاد ... كان أحمد واقف فنص الحجرة و يوم انا دخلت قال: حشى يا حرمة اخويه ، انتو كنتو تظاربون هنيه؟! اول مادخلت ، شهقت بقو و انا اشوف الاشياء الي كنت مرتبتنها كلهااااااااا برع و على الشبرية ، ولبسيه الي كنت مجهزتنه .. وفوطتيه و اشياء ثاانيه ... استحيييييييييييييييييييييييييييييييييييييييييييييي ييييييييييت و الله ... بعده شو هاي نظارب؟! لفيت عنه وانا بسرعه : اظهر احمد .. وطى الكندورة وظهر وهوه يقول: مالومه ظاهر معصب!!!! يوم ظهر لفيت اطالع الحجرة كيف غاديه .... عاده سخيفه صراحه ... كل يوم جيه .. انا ارتب وهو يخرب .. ويوم اقوله بظهر لك لبسك يقولي لاء، هب عيزان عنه اونه!! علقت الكندورة و السفرة و العقال على المعلاق الي عدال التسريحه ..... و بدأت ارتب مره ثانيه .. خذت السماعه وركبتها على التليفون و اتصلت على حرمة خويه مهاري : مرحبااا ام غايه .. شحالج؟! مهره: هلا غايووه ، الحمدلله انتي شحالج؟! قلت وانا اطوي اللحاف للمره الثانيه: فنعمه الحمدلله ... هاه شو تبين؟! قالت: بغيت اخبرج انه امج مسويه عزيمة اليوم ، قالتلي اتصل عليج .. رفعت حاجب وقلتلها: ليش؟ قالت بسرعه: قوم خالتج رادين من العمره ... انزين غايوه فديتج بسير اسمع سميتج تصيح .. : زين ... سلمي على حمود .. الله الحافظ! بندت عنها و انا اطالع شو تم من الحجرة ... كانت كندورتيه اليديده و شيلتي مالت الصفوه متقرفصه .. جني ماكويت شي ... افففففففففف يا ناصر .. شليتها و ظهرت بعطيها للبشكاره تكويها ، مع انيه ماحب حد يكويلي ثيابيه ، ... لفيت ناصر راد من برع، قالي من بعيد: تعالي اباج ..!! قلتله: لحظة بعطي البشكارة ثيابيه تكويهن ... يوم رديت من الحجرة كان أحمد يالس فالصاله ، ... قالي: ناصر يصارخ يباج!! و كمل وهو يغمز: شكله يبا يظاربج!!!! طاااااااااالع هذا مايستحي ... خطفت من عداله وشليت مخده صغيروونه وفريتها عليه : ماتستحي!! ظحك وقال: احب اغصص بج شو اسوي بعمريه!! صدقه ناصر كان يصارخ بعصبيه ... ربعت صوب القسم و انا اقول : هااه ييييت و الله!! دخلت كان واقف عند الكندورة و السفره .. قال بعصبيه: انا قلت لج العربيه هب القطريه .... مافهمت قصده قلت: شوه؟! قال: الكندووووووووووووورة .. ماقلت لج تعطينها الكندورة العربيه ، ليش خليتيها تكوي القطريه ؟! كنت بقوله انه عيبتني القطريه، فعطيتها و انه اكيد بتكون حلوه عليه ، بس فحالته هذي .. احسن شي اقول اني ما انتبهت . قلت بخفوت: انزين مانتبهت ... بعدين عادي الا هيه كندورة !!! طالعني بنظره و قال: سويلي دخون بسرعه .... ماتم شي عن الصلاه !! شل فوطته و سار صوب حجرة الملابس .. افففففف !! طلبات طلباااات و اوامر ، وانا خبر كااااااااااان!! احينه كيف بقوله ان امايه عازمتنا اليوم .. . . يوم اليمعه، الصبح .. الساعه 11 و خمس دقايق .. | مريم | كنت يالسه جدام دريشة حجرتيه المطله على البيت من ورى .. اليوم الوحيد من كبرت ماطلعت من حجرتيه ... مستحيه، متلخبطه، و مصدووومه! عبدالله البارحه يا عندي فالليل، كان معصب لدرجه رهيبه .. كلماته بعدها فاذنيه لين احينه ... طرى ابويه الله يرحمه وايد .. قال انه ماربانا على انا ندس مثل هالمواضيع عن بعض .. قال ان الي سويته شي سخيف، وانه حتى لو عميه قالي ماخبر حد .. انه هب معناته اني ما اخبر اجرب الناس ليه، الي هم خوانيه وامايه ... هه الي يصيح صدق، انه هب موافق على السالفه .. بس قالي : الله يوفقج، طبعاً أنا مابحقد عليج .. بس بقولج من احينه، اني هب موافق على عرسج! و ظهر من الحجره عشان أي دور حمد الي تم يصارخ فوق راسي، وانا ماسمعت ولا كلمه من الي قال من صدمتيه فعبدالله ..... صح انا سويت شي غلط! بس بعد مايحق الهم يعاتبونيه بهالطريقه ......... عمييه قالي لاتخبرين حد وانا بخبر خوانج ..! قالي لا تخبرين حد بس انا خبرت امايه ..... الي صدمتنيه هيه الثانيه ... تعرفون شو قالت .. قالت بكل بساطه: هاي حياتج، فكري زين و اتأكدي انه محد بيغصبج على شي ... انا مابقدر افيدج بشي لني انا نفسي ماعرفه ...! وبس! ماقالت شي .. ولا أي شي ثانيه ، مانصحتنيه، ماخبرتنيه شو المفترض اسوي .. ولا شي! ويوم خبرتها اني موافقه و عن السالفه الي قالي عميه، قالت: زين ... الله يوفقج! و خلاااااااااااااص ..... حاسه قلبي يعورنيه، ... ماظهرت الهم اليوم، ماوعيت خوانيه شرات كل يوم .. حاسه بفرااااغ فظييييع ...... حتى انيه ماصحت ..... ماطاحت منيه و لا دمعه ... احسني ابا اصيح ، بس مب قادره .. بندت الدريشه يوم شفت البيدار أي شال الفوز وياه، شكله بيسقي النخل شرات كل يوم .. يلست على كرسي التسريحه ..... كان عندي كتاب صغيرون .. مرات اكتب فيه خواطر و مرات شعر و من هالسسوالف .. بس لا اغتر عليكم بس.. مال خرابيط و سخافه!!! شليت القلم ، و فتحت على آخر صفحه ، آخر مره كتبت مكتوب التاريخ، في 2-1-2009 ، خيييييبه ، عقب عقب باجر بتكون مرت سنه على هالتاريخ ... على طاري السنه، اليوم كنا مخططين نسير دبي نتعشى فمطعم ، خوانيه حاجزين فالمطعم الي عدال برج خليفه ، عاد مادل شو اسم المطعم، المهم انه كنا بنسير نحوط، مع انه حمد تظارب ويايه ع سالفة السيره، اونه هب مكان مال بنات، و انا صراحه اقول نفس الشي، بس يوم انه عبدالله موافق وماعنده مانع، قلت خلااص غصبن عنيه بسير!! عاده مادل جانه بعدنا بنسير عقب هالسالفه ولا؟! المهم، فتحت على الصفحه الي عقبها و كتبت التاريخ، 30-12-2009 .. يوم اليمعه، الساعه 12 الا ربع .. كتبت : Some times, you have a lot of feelings that you want to talk about... But, you always feel that you don't have the words!!! And some times, you have a lot of words that is gathering in your maind... But, you always don't have any feelings to say about!!! أول ماخلصت انفج الباب بسرعه وحدر عيد ... قالي وهو ساد الباب: مريوووم المفتااح وين؟ .. بسرعه!! قمت بسرعه مادري شو السالفه بس عيد يوم يقول شي انا انفذ وبسرعه ... كان المفتاح فالباب بس الخبل مالاحظ ، حطيت ايدي على المقبظ ببنده بالمفتاح ، بس ايدي انعوت من قوة دزت الباب و طحت انا وعيد على الارضيه، كان الكرسي ورانا بس انا الي طحت عليه ... آآآآآخ يا ظهريييييه! حسيت انه انقسم نصين لنه الكرسي من مال الخشب الثجال، حطيت ايدي على ظهريه بسرعه وانا اهوس عليه .. آآآآآآآآآي!! ماشفت منوه دخل لنه كان وايد يعورنيه، بس سمعت صوت عمر و عمير يتظاربون ويا عيد ... كنت بقوم ، بس حسيت بدموعي تطيح ، عيوني ادمع اروحها ، مابا اصيييح !! حطيت ايديه على ويهيه وقمت اصيح بصوت خفيف، االويع الي فظهريه، و سالفة العرس، و زعل خوانيه ، كل شيء خطر فبالي ...... واولهم ابويه الي ماتمنيت انه حد يخبريني عن الي خطبني غيره .. حسيت بقهر من عميه يوم سوى هالشي وخلا خواني يزعلون منيه ....... و صحت زياده واانا اضم نفسي و اغطي و يهي بايديه!! . . فنفس الوقت، حجرة مريم بنت سلطان .. الساعه 12 الا اربع دقايق! | عمير | . . كنت زاخ عيد من جتوفه و عمر واقف جدامي يزغده، و كنا واقفين فوق شربية مريوم ختيه ، السالفه ومافيها انا كنا نلعب كورة فالبليستيشن و عيد يوم غلبه عمر فر ايد السوني لين ما انكسرت، و على فكره هاي هب اول مره يسويها، المره الثالثه اظنيه، كل مره نلعب يكسر الجهاز لنه لنه مايعرف يغلبنا،،!! وانا بعدني زاخ عيد، قال وهو يدز عمير عنه: اييه قوم عنيه … مريوم تصيح! على طول فجيته وخوزته عن طريجي و عمر وقف يطالعنا، سرت صوبها كانت بعدها طايحه عند الباب و الكرسي طايح وراها …. مريوم تصيح؟! يلست عدالها وانا احط ايدي على جتفها: مريوووم بلاج؟! صاحت زياده يوم انا رمست، عااده انا ماحب اشوف حد يصيح ، فتوترت و لفيت صوب عيد: انته ششو قلت لها؟! قال باستغراب وهو ييلس عدالها من الصوب الثاني: مااشي، و كمل وهو ينزل راسه و يحاول يفج ايدينها عن ويها: ياالله عااد مريووووم تصيحين اونج؟! كم وهو يتمصخر عليها: اونه طلع عندج انوووثه!!!! دزت ايده و قالت و هيه بعدها تصيح: خووز عنيه انته وسخافتك … انصدمت يوم شفت ويها ،،، غااادي احححححححححمر و خشمها جنه كبر عن ما كان عليه؟! عيد خوز ايدينه عنها بسرعه و قال بقلق: مريوم صدق عاد شو بلاج!؟ كانت بعدها تصيح و انا خلااص بصيح وراها ان ماصكتت!! : ماشي …… ممكن تظهرون! وقفت بس لاحظت انها حطت ايدها على ظهرها و تأوهت بصوت واطي، عورني قلبي عليها، وقفت وياها وقلت: فديييت انا الدلوووعه …. بس جيه يج هفت صياح وصحتي!! لفت عنا وهيه تمسح عيونها: هيه عندك مانع؟! قال عيد بسرعه: لا عندنا منصوووووووور يا حرم منصووووووور!!! لفيت عليه مستغرب وقلت: شوه؟! كنت بقولها شو سالفة حرم هاي بس هوه كمل : اوووووه انتو ماكنتو هنيه البارحه، اوووف فااااااااتكم!! عقدت حياتيه و قلت له: ليش شو الساللفه!؟ قبل مايرمس عيد سمعنا الاذان الثاااني، شتتتتتت، نسيت الصلاه انا، الله يغربل العدو! ظهر عمر قبلنا، الي كان طول الوقت ساكت و يطالعنا …. . . يوم ردينا من الصلاة .. كانت مريوم وامايه يالسين فالصالة يطالعون التيلفزيون ... كنت أنا وعمر و حمد رادين قبل عبدالله و عيد، مبارك حليله فالدوام .. المهم سلمت على امايه و يلست عدال مريم : هاه مريوم ، بعده ظهرج يعورج .؟ قالت وهيه توقف: لا فديتك .. بتتغدون أحينه؟ .. و لا بسيرون الخيمه؟! رفعت ساعتيه وقلت : أنا وعمر يمكن بنتغدى هنيه ، الباجين عاد مادري .. كان حمد يالس عدال مريم و يطالعها بنظره وامايه ترمس وياه بصوت واطي ,, أما عمر سار حجرتنا، المهم يوم ظهرت مريوم اتذكرت سالفة منصور الي قال عيد .. لفيت عليهم وانا اسأل حمد: حمد شو سالفة المنصور هذا؟! .. خاطب لمريوم شوه؟! فج سفرته وانسدح على ريول امايه وقال بسخريه: لا الغالي .. ريلها قول .. خطبها من شهر وهيه موافقه وعميه مدبر السالفه كلها .. رفعت حياتي مستغرب من رمسته: شوه؟! .. كيف يعني موافقه ؟ .. أنا توني أدري؟! عقب قلت بغيظ: ولا يتكم الحاله وقمتوا ادسون عنا السوالف بعد !! قال بهدوء: لا مادسينا عنكم شي .. أنحن بروحنا ماكنا ندري .. عمك المبجل ماطاع يخبرنا ، قال يمكن نغصب اختنا الوحيده على شي هيه ماتباه!؟ ظربته اميه على راسه وهيه تقول: اييه جب يالي ماتستحي ، شو بعد المبجل هاي؟! قلت لامايه: انزين وبعدين شو استوى؟! و كملت : لا يكون رد على الريال وانحن آخر من يعلم!؟ كان حمد بيرد عليه بس امايه سكتته وقالت: سمعوني ، عمكم مايبالكم غير الخير .. ويومنه موافق على الريال وقربه ، ها مايعني غير انه واثق منه .. لاتيلسون توسوسون .. : لا و الله اميه انه مايبالنا الخير .. شوفي شو سوى، احينه يومنه موافق عليه جان خبرنا وانحن مابنقول لاء .. يعني على الاقل نكون نعرف بالموضوع، هب نكون شرات الثيران نتخبر عن السالفه، مع انها تخصنا!! كان هذا عبدالله الي حدر من باب الصالة .. قالت له اميه بعصبيه: انزين ومادريتوا، وبعدين!؟ قالها بغيظ: شو بعد وبعدين؟ .. على الاقل نتخبر عن الريال مثل ماخوان اي بنيه تنخطب يسووون ، ليش حتى من هالحق حرمنا!؟ ماردت عليه اميه وهيه تقوم .. قالها: بتعصبين احينه جنا نحن الي مسوين الغلط .. ردت عليه بصراخ: عبدالله لاتحدني اعصب عليك على سبب تافه .. مريم كانت بتنخطب اصلا .. اعتبرو ان هالريال اي واحد خاطبنها ، بس انتو لو ماتحسستو من عمكم ماترتاحون .. كملت وهيه تظهر من الصاله: الا شرات ابوكم .. مايعرف الخير وين!! يلس عبدالله مظيج عدال حمد .. و انا سكت .. خمس دقايق و دخلت مريم ... اول ماشافت عبدالله ، كانت بترد بس قالها بعصبيه: تعالي انتي تعالي!! نزلت راسها وقالت: هلا ... وقفت عداله و عبدالله سكت .. جان يقول حمد: انحن ندري انه عميه قالج ماتخبرينا .. بس والله .. ويلس ثم كمل: هذاني حلفت يا مـريم ، لو عميه غاصبنج و لافيه سالفه ثانيه .. و الله ينه مايطيح لساني بلسانج .. دامنا بعدنا عالبر ، رمسي .. قولي الي فخاطرج! كلنا سكتنا نترياها ترمس .. ويوم يت بترمس حدر عمر الصاله .. وقف وقال باستغراب: شو السالفه؟! محد رد عليه ، وانا اشرت له اي ييلس ويصرط لسانه احسن له .. عقب فتره قالت مريم: أنا مادري ليش انتو مكبرين السالفه .. عميه قال انه واثق منه .. وانا استخرت .. السالفه ماتسوى انكم تعصبون عليه بهالطريقه .. تبوني ارد عميه فرمسته جدام العرب، رديتها وانا ماشوف الدرب .. بس .. قالها عبدالله بعصبيته المعروفه: احينه السالفه ماتسوى؟! حسيت مريم بتصيح يوم قال جيه .. جان تكمل : عبدالله انا ماقصدي انه السالفه ماتسوى .. قصدي يعني انتو ماهمكم مستقبليه انا .. على طول قلتو ليش ماخبرتينا .. رفعت راسها وقالت: ليش انتو مافكرتوا فاني صدق ماكنت اقدر اخبركم يوم انه عميه قال لاتخبرين حد!؟ حمد: ليش ماقلتيله انج بتخبرينا؟! قالت بسرعه : و الله قلت له .. بس هو ماطاع .. بعدين مثل ماقال عبدالله السالفه بعدها فاولها .. جانكم هب موافقين ردوه .. قولوا ماهي نصيب .. وبس! قالها عبدالله: لا .... انتي موافقه و عميه ظامننه على قولته .. السالفه انتهت .. ولف علينا: يوم الخميس هل دبي بيوون .. كلكم تكونون موجودين .. وقف وكان بيظهر يوم مريم قالت: مابتتغدى؟! قالها بصوت عالي: لاااء ... عفته الغدى!! عقب ماظهر عبدالله من الصاله .. قال حمد: انا بسير ارقد .. يوم اتي الساعه 4 وعيني عالصلاة .. تمينا نحن رواحنا .. كنت بقوم انا بعد بس عمر رد وقال: بلااكم انتو؟ .. شو السالفه؟ .. ومنوه هل دبي؟! طالعتنا مريم وقالت بصوت خفيف: انتو بعد مابتتغدون؟! قالها عمر بسرعه: لا شو مابنتغدى .. يالله بسرعه حطيه انا يووعاان!! لفيت على عمير وانا اقوله: بتتغدى هنيه ولا بتسير صوب سهيل؟! قال بسرعه: لا مابسير .. يالله مريم نترياج .. وكمل: يالله قولي شو السالفه؟! قالت مريم قبل ماتسير: اتصلوا بعيود طاعوا وينه جانه بيتغدى هنيه .. . . بعد يومين .. فمدرسة الأولاد ... | عيد | . . ابتعدت عنه بسرعه وانا ارفع كندورتي واربع صوب باب المدرسه .. كان فايز يربع ورايه وحمدان من ورااه .. اول صف ريته جدامي دخلته وانا ابند الباب، بس فايز لحقني بسرعه ودزه لين مابغيت اطيح على ورى لو اتساندت على اليدار .. ما انتبهت أي صف دخلنا .. بس الي يهمني ان حمدان مايزخنا .. كنت اقول لفايز بنفس مقطوع: بنده بنده زين لا يدش ، حشىى هب عضلات عليه!! سمعت صوت من ورايه .. صوت نعال تظرب على الارض، جن صاحبها هب موافق على شي ولا مستنكر شي!! يوم لفيت، فتحت عيونيه .. حااااااااااافظ دخلنا حجرة الاستادين... لحزن هذا استاد علي!! : احم .. السلام عليك استاد!! حجيت شعري من ورى ، وفايز سرط لسانه يوم لف هو الثاني .. سلمكم الله السالفه انا البراحه كنا سهرانين صوب العرقوب الي ورى شعبيتنا، و مسوين مقلب فحمدان .. اتصلنا عليه من رقم فايز اليديد، ورققت انا صوتيه و سويت عمريه بنيه، وصدق عاد هوه ,, تميت اسولف وياه .. خلاف شهقت بقو وقلت له ان خويه شافنيه ارمس فالتيليفون وانه بيذبحنيه .. وبندت بسرعه!! عقب دقايق اتصلت عليه وخشنت صوتي فوق ماهو خشن .. وهازبته على اساس اني اخو البنيه ، وبغى يزق العافيه من الزيغه .. وبس، اليوم يوم يينا المدرسه كان متأخر وما يا الا عقب الفسحه .. وتوه يشوفنا ، كان علينا عقب الفسحه حصة العربي وشردت انا وفايز من الصف .. و الله يغربله طااع شو سوى ابنا .. خلانا ندش حجرة الاستادين، لا ونطيح فايد استاد علي!! سكت وماارمس ، بس فايز قال: يالله نسلم عليكم .. ويرني من كندورتيه .. بس الاستاد ماخلانا وهو يشل عصاه: تعالوا تعاالوا يالمخبل!! دزني انا وفايز جدامه وهو يقول: تتحرون السالفه سهله تشردون من الحصه ، وتبونها تمر بالسااهل .. افف ، ياكم عااد ، هذا اكثر استاد اكرهه .. مادانيه ..! المهم ودانا صوب المدير .. يوم دخلنا كا فيه ريال واقف ويا المدير .. فقال الاستاد : تريوا هنيه! اول ماحدر الحجرة .. شردنا بسرعه وسرنا صفنا .. قلت لفايز وانحن فالدرب: السالفه انك كنت تعبان وسرت صوب العياده الي هنيه .. زيين لا تحور من عندك وتخينا فدايه!! قال بغيظ: جب ، منوه الي خلانا فداهيه، هب انته ويا حمدانوه الطفس!! قلت وانا افج باب الصف: جب خلاص انته مريظ اونك .. سكر حلجك .. دخلت وانا اسلم وفايز ورايه .. على طول قال الاستاد: حضرااتكو كنتو فيين!؟؟ يعني كانكو مش عارفين ان الحصه فيها امتحان!!! كنت بقوله السالفه ، بس صوت فايز الواطي والي صدق جنه واحد عايف حياته ومريظ: السموحه استاد بس والله مرظت مادري شو ياني ووداني عيود صوب الدختر هنيه!! قاله الاستاد بسرعه: اييه فييه أي؟ .. لايكون انفولونزا؟ .. ابعد يبني دي معديه أوي .. لفيت عنهم وانا شوي وبنقع من الظحك، حشى يالتمثيل!! قال فايز: لا لا هب انفولونزا .. شوه تفاول عليه استاد .. بس شوي حمى، خذت دوا وبصح .. قال الاستاد وهو ييلس : آآه طيب معليش، ح اعيد لكم الامتحان ، وانته يا عيد مريض كمان؟! لفيت عليه وانا اقول: لا حشى عليه .. بس حرام فايز كان يغمظ فوديته! قال باستغراب: كان اييه!؟ .. م تحكي عربي يبني؟! قتله: هههههههه استاد قصدي انه كان .. ممم شو تقولون لها انتو؟! .. كان يعور القلب هو وشكله! قال: اهاا .. خلاص طب اعدو مكانكم .. ود يا سعيييييييد شايفك بتغشك .. سرت ويلست محليه فآخر الصف يوم قام الاستاد صوب سعيد، اكبر غشاش فالصف .. تصدقون انه يبيع براشيم!؟ ههههههههههههه قسم بالله انه سوالف! .. حليلهم الشباب يمتحنون !! يوم يلست لف عليه مهير الي يالس عدالي وقال: هاه الهروووم ، وين سرتوا؟! قلتله وانا امسد ظهريه: لاتذكرنيه .. صلخني حمدان بعصاته، لعنت الله عصيره!! قال وهو يلف صوب فايز الي يلس يعابل فتيليفونه: شو بلاه فايز مريظ؟! : هههههههههههه انته صدقت انه مريظ؟؟ .. تمثييل الا .. عشان الاستاد مايخبر علينا .. قال بصدمه: احلف؟ .. والله ماشكيت اصلا .. حشى هب تمثيل هذا! يا صوبنا الاستاد وقال بصرامه: ابعد عنو يا مهير .. و كمل وهو يشل ورقة مهير البيظا: أي دااه .. انته ماحليتج حاقه؟ ورأتك لسه بييظا ..!؟ .. انته مش مزاكر يا مهير!! قاله بغيظ: استاد انته اسئلتك وايد صعبه، انحن شو درانا بالاعراب بعد .. اونه اعرب المدرسه!! قلتله: سهله ياخي، سجن للشباب وفوايدهم الصاروخيه ، و تنحر الفواد قبل مايشوف الدنيا .. منصوبه بالاهمال و علامة نصبها ظروس الاستاد الطايحه!! ظحك مهير والشباب الي عدالنا .. طالعنيه الاستاد بغيظ وقال: انته بتأول اييه! وكمل : انا معرفش ليه بأحس انك بتسبنيه وانا مش فاهم انته بتأول اييه!! : ههههههههههههه و الله استاد ماسبيتك .. اقول لمهير انه الامتحان سهل ولو انا بحله كله!! لف الاستاد صوب مكتبه وقال: طب خد الورقة وحل احسن منته آعد من دون فايده! فتحت عيونيه وانا اقوله: لا استاد هب مذااكر!! قال: مافيش .. حتمتن يعني حتمتحن!! قلتله بصوت واطي: فقدتك يالشيبه المكسر!! . . . |
الجزء الرابع .. بعد سنه وشوي ... في قاعة فندق الهيلتون العملاقة ... دبي ! الساعه 4 ونص العصر .. | منصور بن غاشم| : أحمدوووووووووووووووه قوله يشله من هاك الصوب، و يخليه عند المدخل ... طااع شكله كييف!! لف عليه أحمد معصب و فر كتاب التعليمات الي فايده: بس صخ عنيييييييييييه ...! و كمل: ربشتنيه ياااخي .. أنا امبوني بقولهم يحطوها هناااك !! قلتله وانا اشل تليفونيه الي من الصبح يصيح : الفيوزات ظاربه اليوم سمحلنا ولد العم!! رديت على التلفون: مرحبا !..... فجأة ياني صوت بخيت ولد عم حرمتيه المصون: انته وييييييييييييييينك؟ خوزت السماعه عن اذنيه و قلت بهدوء: قصر حسك أسمعك انا !! رد يصارخ: ابووووويه يترياك من ربع ساعه ، والمعازيم يو .. !! : انزين ياي انا، بشيك على ترتيب القاعه وبرد ... قالي بغيظ: يعني و خوان مريم شو يسوون هناك في ذمتك؟ .. خل عنك وتعال ياريال .. رفعت حاجب وانا اقوله: خوان مريم؟ ...... منوه مريم؟! سكت بخيت عقب قال: حرمتك يالشيخ ..... اونك عاد ماتعرف سمها؟! حسيت بغيظ منه و من رمسته ، منوه هوه عسب يطريها جدامي!! : اييه انته شو تتحرا عمرك ؟ .. لعبه هيه ولا لعبه؟! قال باستغراب: شوه؟ ... أي لعبه بعد!؟ قلتله بصوت عالي: منوه انته عسب تطريها جدامي.؟؟ و كملت قبل مايرمس: قول حق ابوك اني ياي احينه! بندت عنه و فسخت سفرتيه .... و كالعاده طاح شعريه على ويهي !!!! افففففففففف رديته على ورى بس ماطاع، من نعومته الا يرد .. شكلي بحلقه ..! لا لا عايبنيه ، افففف صدق متفيج .. شليت السفره مره ثانيه و سرت صوب أحمد: اقولك بسير أنا .. يقولي بخيت المعازيم يو .. تروم تكمل اروحك .. عقب اتذكرت انه قال انه خوانها هنيه ... جان أقوله: ولا اقولك ، خوان الحرمه هنيه ... بتصلهم اقولهم ايون ايعابلون اياك .. قال بسرعه: لا لا خلصنا .. احينه بيون طاقم الفندق يكملون شغلهم ... طالعت القاعه من حولي، تقريباً أكثر عن 300 طاولة، و كل طاولة عليها 6 كراسي .. القاعه خليتهم يغيرون ديكوراتها كلها .. المهم انه عايبنيه وحلو .. قال أحمد: ياالله روحنا، انته وكشتك هاي، مابتيزها؟! : تخسي، شو ايزها بعد؟!. .. مابا أحبها جيه ! : ههههههه انتبه بس لا تفسخ السفره يدام بوهند ويتحراك بنيه انته وهالشعر!! : ههههههههههههه اتخيل بس!!! طلعنا من القاعه بعد مسيرة دقيقه تقريباً .. احسن شي فالهيلتون انه قاعته وايد عووده ، و عندها قسم خاص فيها .. اذا حد حجزها لحفل نساءي ، مثل عرس الحريم مثلاً .. يوم طلعنا كان حمد و عمر و عمير توهم يايين ... تلاقينا فنص الدرب و عقب السلام قال حمد: هاه اشوفكم ظاهرين؟ .... وين؟! قلتله: بنسير عرس الرياييل، كنا نشيك على ترتيبات قاعة الحريم ..... انتو وين كنتو؟! قال : تونا يايين من بوظبي، كنت أعدل موتريه .. كنت بقوله ليش؟ بس صاح تليفونيه : سمحولي شويه .. ظهرت التيليفون و كان عميه بوهند .. اوووبس!! اشرت الهم اني بسير و يا ورايه أحمد الي كان ياي ويايه ، و الشباب حدروا القاعه! ركبت موتريه وأحمد يقولي: بلاك انته عى العرب؟! لفيت عليه مستغرب: شوه؟ .. مابلاني شي؟! قال وهو رافع حايبه الغليظ: لا مرره مابلاك شي .. ترمسهم من طرف خشمك! ابتسمت بهدوء وانا اقول: ماحبيتهم . بس هاي السالفه! قال: وشعنه ماحبيتهم امير زمانك؟! مارديت عليه .. عقب قال بهدوء: تراهم غدوا هلك .. يعني على الاقل عشان خاطر حرمتك لا ترمسهم جيه يدامها .. لنها صدقني مابترظى .. قلتله: انا مارمسهم من طرف خشميه شرات ماتقول .. بس ماحبيتهم وهب واظح فرمستيه! قال بعصبيه: لا فديتك، انته ماسمعت صوتك كيف .. جنهم عبيد عندك! رديت عليه بنفس العصبيه: أحمد .. لا تكبر السالفه .. انته تعرف اني اصلا معارض فكرة العرس بس عمك الي راكب راسه هوس العرس! . . الساعه 5 العصر .. بيت بو عبدالله الله يرحمه ، حجرة أم عبدالله! |هند | : عموه فديت خشمج انتي اروحج صوتج رايح ، خليج هنيه وانا بسير، بعدين مريوم تبا حد يسير وياها عند مالت التعديل!! ردت عليه عمتيه بصوت المبحوح : لا لا انا بسير .. حشى عليه عرس بنتيه ولا اوقف فالاستقبال .. قلت الها وانا اعطيها الدوا للمره الخامسه: انزين عموه بس خذي الدوا، هب زين جيه!! قالت وهيه تشل عنيه الدوا: زين .. انتي سيري خذي سامانج و يوم أي عبدالله بيوديكن .. ظهرت عنها و انا اطالع البيت الي عايبنيه ، استوى شكله واااااااااااايد غير، خص الديكور الي طالبنه مبارك خو مريوم، عجيييييييييييب ذوقه هالريال، كان فيه حجره شويه عوده عدال الصاله الرئيسيه، فتحو الباب الي امبينها ، او بالاحرى كسرو اليدار الي امبينهم و غدت واايد واسعه، فوق السيراميك حطوا خشب شكله وايد حلو، و لا اليلسه محلاااتها، عشبيه على أسود محمر ... مع اني احسهم هب مرتاحين لريل مريوم ، بس كل هالتجهيزات و العباله ماحد يسويها الي وهو متريح للطرف الآخر ولا يبون يقولون له ان مريم غاليه عليهم ،، ماعرف، بس احس انه شي امبينهم .. خص عبدالله الي ولا مره سمعته يرمس عن منصور !! المهم ، سرت حجرة مريوم، دقيت الباب وفتحته، بس كان مسكر، قلتلها: مريوووم هاي انا ! ابطت مافتحت الباب و استغربت عاد ... يوم فتحت الباب كانت الحجره مجلوبه فوق تحت !! و كل شي مظهر من الكبت .. شهقت وانا اشوف الشنطه الي رتبتها الها ..: مريوووووووووووم لييييييييش سويتي جيه!! قالت بغيظ: هناادي شو هال حالطتنه فالشنطه، في ذمتج ها لبس!!! ظحكت عليها يوم شفت الي شالتنه: ههههههههههه مريوم انتي الي شريتيه!! فردته جدامي و قالت بصدمه: أنا؟؟؟ ... مستحيييييييييييييييل!!! و كملت وهي تفره فالزباله الي عن يمينها: انا مينوونه جاني لبسة هذا فاول ليله!! دخلت و بندت الباب ورايه : محد قالج لبسيه، انتي الي تفكيرج مادري وين سار!! احمر ويها وقالت: مالت علييييج ،،، طالعت الحجره وانا اقولها بقهر: ليش مسويه جيه، حتى الشنط ماسلمو منج!! قالت وهيه تنسدح على شربيتها: ماحب انا حد يرتب لي ساماني، بعدين مابعرف وين حاطه هذا و وين حاطه هذاك! قلت الها بغيظ: قومي رتبي ويايه .. شو هالبياخه مريم؟! قامت و هيه تقول: انزين .. الشنط الكبار منوه وداهم؟! قتلها وانا اطوي لبسها : ياه منصور ووداه صوب بيتكم .. بسرعه ايييه ماتم شي ... وانحن نرتب السامان انفج الباب و بس محد دخل ... آخر شي شفنا قطوة بييييييييييييييظااااااااا تدخل ... انا من شفت شي صغيروني يتحرك بيدخل نقزت صوب الشبريه وانا اصارخ: آآآآآآآآآ !!!! ومريوم جنها كانت مظيعه شي و رته.. ربعت صوبها و قالت بفرحه: أأأأأأأأأأألله منوه يايبنها؟! وشلتها وانا احس ظهري بينقسم ..... فتحت عيونيه بقو وانا اشوفها تتمسح فيها، ياااويلي هاي قطوة ول اشوه؟! دخل عيد الي كن ميييييييييييت من الظحك: ههههههههههههههههههههههه قسم بالله انج نكته!!! حطيت ايدي على صدريه وانا احمد ربيه انه عيد هب واحد ثاني .. اففففففففف!! بس بعدنيه راكبه فوق ومجدمه ايديه بطريقة دفاعيه ... قلتله: يالخاااااااااااايس ؟!... شو هالي يايبنه؟! قال وهو يشلها عن مريوم: طال عمرج هاي هدية الفكه من مريوم ... وكمل وهو يتجرب صوبي: شوفي محلاتها ,,, انا من تجرب منيه وانا ابعد واقوله بصرامه: عيوود و الله ان تجربت بذبحك؟! قال وهو بعده يتجدم صوبي: والله ماتعظ شوووفي انتي بس!! لفيت بنزل من الشربية بس القطوة نقزت من ايد عيد و سارت الصوب الثاني و انا من الزيغه اتحراها ورايه جان اربع وانخش فالحمام: عيووووووووووووووووووووووووووووود شلها غربلك الله!! بندت الباب عليه وانا اتنفس بسرعه، ماحب القطاوة ، يع مريوم كيف شلتها !! سمعت مريوم تقوله: بس عيوود هنادي تتروع من القطاوة!! قال: زييين ، عبدالله يقولج بعد نص ساعه بي ايشلكم .. طلعت راسي من الباب وانا اقولهم: ظهرت ولا بعدها هالسكنيه؟! ظحك عيد: هههههه لا ظهرت الشيخه، بسرعه ماتم وقت ... انا بسير الدوبي بييب كندورتيه و بسير ويا امايه ومبارك .. ظهر من الحجره وانا ومريوم ردينها نرتب .. كانت ساكته و مارمست حتى .. قلتلها: منوه يايبلج القطوة؟! قالت بهدوء: عيوود .. من زمان انا كانت في خاطريه .. ابتسمت وهيه تكمل: احيده يقولي شوتبينها و فيها امراض الدنيا وماعرف شوه .. فديته و الله! خلصنا كل شي فغضون ربع ساعه و ظهرت من عندها.. قلت يمكن تبا تتختلي بعمرها .. شرات ما انا سويت فيوم عرسيه .. اسميني تميت يوم كامل صايبتنيه غبنه و مارمس حد ... فدييت مريوم، انا على الاقل خذت واحد اعرفه ومتعوده عليه .. بس هيه بتاخذ واحد مانعرفه و هب من جبيلتنا بعد ، و يختلف اختلاف جذري عنا .... الله يعينها .. . . بعد صلاة المغرب بخمس دقايق .. فالصاله .. | غايه | . . يلست وانا متلبسه عباتيه واتريا ناصر أي من الصلاة عسب نسير دبي صوب عرس مريوم .. كانت الساعه بعدها 6 و خمس دقايق .. قبل لا يسير الصلاة شليت عنه السويج و طرشت ويا البشكاره كل ساماني و سامان بنتيه ... على طاريها كانت عند احمد العصر .. خل اييبها عن يعصب بعد ويقول اني انا الي اخرته .. سرت فوق صوب حجرة أحمد ... كان الباب مفتوح و البشكاره يالسه عنده و عذابه راقده على الشربيه .. فديييييييييتها ياناس ,, قلتها: منوه رقدها هنيه؟ : باباه أهمد قول خلي منيه! قلتلها: خلاص انا بشلها .. قامت متأففه وقالت: ماماه بأدين باباه أهمد فيه عصب .. : زيين قلتلج انا بشلها ماتسمعين .. : أم عذووبتي انقفظي ريلج معصب تحت! لفيت على أحمد الي دخل الحجرة ، كان توه ياي من المسيد قلتله: ناصر يا؟! قال: هيه يا ... وكمل وهو يتجرب منا: خليها انا بشلها .. شلها وانا سرت قبله .. بطالع عمتيه اول شي .. دقيت باب القسم قالت بعد فتره: ادخل .. دخلت و شلتني ريحة الدخون .. لحــــــــزن بتختنق جيه .. قلتها : عموه بتخنقج الريحه ببطل الدريشه .. قالت: لا لا خليها ... انتي خلصتي؟! : هيه ؟ بتسيرين ويانا؟! قالت : لا ... كانت فالحجره وانا فالصاله ويوم ظهرت ، كانت متلبسه كندورة مغربيه فخمه ، وااايد حلوه ,,, بعده صغرتها مع انها هب صغيره .. قالت بصدمه: وين عدووولج؟ ,, و لا بسيرين جيه؟! ظحكت: هههههههه لا عموه ، بتعدل ويا العروس .. رفعت حاجب وقالت: اها ..... يامنكركن يالبنات ، وشوفيها لو تعدلتي هنيه؟! مارديت عليها و انا اغير السالفه: زين عموه ناصر يترياني تحت، بغيتي شي؟! اشرت بيدها و قالت: له ، شو ابا بعد؟ ... البشاجير وايد لو بيغ تشي زقرتهم! قلت : زين .. يالله فمان الله ... ظهرت من حجرتها وانا اتأفف ، حتى عقب مايبت عذوب ما غيرت اسلوبها .. وانا نازله كان تليفونيه يصيح .. شليته وكانت مريوم .. : هلاااا و الله بالعرووووس .. : غايوووووووووووه وينج؟ وصلت برع الحوي وانا اتلفت ادور موتر ناصر بس ماكان فيه غير موتر أحمد .. قلتلها: توني بظهر فديتج .. انتي وين؟! قالت: توني ظاهره بعد ... بسرعه غويوه ياويلج ان ماييتي عقب ساعه! بندت عنها و اتصلت فناصر: ناصر وينك؟! قالي بغيظ: حظرتج وين كنتي؟ .. لاطعتنيه ساعه برع آخر شي تقولين وينك؟! استغفرت فنفسي وقلت بهدوء: ناصر الله يهديك أنـ.... قطع رمستيه وهوه يصارخ: لا تقولي الله يهديك، تتحريني مينون شووه؟! عقب كمل بغضب: سيري ويا أحمد انتي وبنتج!! قتلها: ناااصر عااد ، كيف اسير ويا احمد، انته وينك انزين؟! قال بغيظ: عقب نص ساعه بدش دبي .... سيري ويا احمد! وبند عنيه .. عصبت صراحه، شو هالحركه .. انا حرمته هوه ولا حرمة احمد ، الي من يبت عذوب وهو اكثر شي يوديني وايبني!!! : هاه ام عذوب ، ولا ماتبين تركيبن ويايه؟! مالفيت عليه لن دموعيه كانت اطيح ، .. وانا حتى شنطتيه خليتها عند موتر ناصر .. قالي: يالله ويهنا .. بنتج اروحها فالسياره .... تجدم قبليه ، وانا سرت وراه .. كانت عذوب توها ناشه وبدت اتصيح .. دخيييلج لا تزيدين عليه .. اروحي قابظه عمريه عن انفجر بالصياح .... شليتها وركبت جدام و صورة ناصر يوم ركبت ويا أحمد جدام فآخر مره تلوح لي ... اونه عصب وقالي لاتركبين جدام اركبي ورى .. بس و الله ماحفلت به .. لو هوه مب مسوي لاحمد قدر فأنا وايد اعزه و مستحيل اخلي أي شي يجرح كرامته .. : اوهوووووه سكتيييها هاي ام حلج!! ابتسمت من نبرة صوته، حرام عليه ناصر يسولي جيه ,, يعني حتى لو احمد اخوه الصغير، بس انا حرمته ومايحق له يغصبه يوديني .. قلت له : السموحه منك أحمد .. لااكون بس معطلتنك عن شغلك .. لف عليه وقال : لا لا ، انا اصلا ساير ... عيد ملزم عليه أي .. مسوين الشارة لاحسن رزيف.. : ياحيهم .. ... مره وحده بغمت عذوب لني لفيت بسرعه ونسيتها .. قال: حشى يابنتج هاي ... سكيييييييتها سندرتلي راسي!! رفعتها فوق وانا اقول: خلاااص ماماه، شوفي حمودي مودينا ... عذوووبي قولي حمووووودي! سكتت و تمت تمط ايدينها صوب أحمد و تناغيه ... قال: فدييتها ياربيه .. و الله ناصر مافيه شي زين لاا انه هالحلووه بنته!! فتحت عيوني بصدمة من رمسته .. اول مره يقول شي هب زين عن اخوه العود ... حزت فخاطريه صراحه ... بس ماقلت شي ...... . . . الساعه 7 ونص .. حجرة العروس فقاعة الهيلتون .. دبي | مريم | . . رفعت التنوره عن ريولي شويه وانا اراوي عذيجه بنت عميه الحرج .... قالت بصدمه: من شوه هذا؟! قلتلها بهدوء: انجب عليه الماي الاسبوع الماضي .. حطيت له كريم و مرهم مال الحروق وسرت العياده، بس مافيه فايده .. يلست عند ريولي وتحسسته وهيه تقول: وااايد معلم .. بعد غادي بنفسجي ...... رفعت راسها وابتسمت بخبثها المعروف: ياااااالله ماريتي وقت تحرقين عمرج الا قبل عرسج باسبوع؟! قلتلها: عااد ربج شونسوي ... بعدين الا حرق شوي ويخوز .. قالت: ماظنتيه انه بيخوز بسرعه .... انتي تمي حطي عليه الكريم الصبح والليل .. و ان شاء الله انه بيخوز .. كملت وهيه توقف وكرشتها جدامها: انتي متى بتخلين عنج الخبال و تخلين مالت الصالون تعدلج ... قلت بهدوء وانا استرخي عقب نوبة الصياح الي يتني اول مادخلت الحجرة وشفت فستاني الفظيييييييييييييييييييييع و عرفت خلاص انه هالليله عرسي وبداية حياة يديده .. : قبل ماتي غايه ، مابيصكنيه شي!! كانت بتقول شي بس الباب الي مفتوح على الجناح انفج ودخلن منه شما وعليا .. شما مارمست ولا قالت شي ... اما عليا يت وانسدحت عدالي: اونج عاد انتي ووفائج لربيعتج .. تراه ماتم شي ... قلتلها وانا اطيح على ينبي : بترياها يعني بترياها ... كنت منسدحه و عيوني اطالع شما الي وقفت جدام المنظره و يلست ترمس عذيجه .. كانت متلبسه فستان اخظر، حلو .... وهيه من عقب مامتنت غدت احسن ... نفسيتها زفت .. عقدت حياتي يوم تذكرت السالفه ..... حسيت انه شي انكسر فيني ومابينجبر .. ، قبل سنه يوم خطبني منصور بن غاشم .. ووافقت، و عصبوا خوانيه .. واستوت سالفه فالبيت .. وانا مادري شياني وقلت اني مابغير رايي ...... عبدالله زعل منيه تقريبا شهر او اكثر .. وعقب يوم عرس على هند بنت عميه تغيرت نفسيته، ويا وقالي انه حتى لو هو هب واثق من منصور انه يستاهلني، بيتم يعزني ويبالي الخير وبيوقف ويايه .. قالي انه اذا استوت أي مشكله بيني وبين منصور فالمستقبل، اني لو ماييته هو الاول، انه صدق بيزعل منيه ... ومابيرمسنيه ...! المهم، عقب اسبوع، الاوضاع كانت هاديه ، ويوم الخميس كان المفترض انه هل منصور ايوون يرمسون فالسالفه .. المهم يت شما بنت عميه ويا بخيت ... زيارتها كانت غريبه وانا دريت انه فيه سالفه من ييتها ... رحبت بها كالعاده، بس هيه قالت ابا ارمسج فموضوع خاص، سرت وياها حجرتيه ، يوم دخلنا، انفجرت فويهي ، قالت: انتي ماتستحين؟ ... مافي ويهج مستحى!؟ وكملت وهيه ترفع خشمها فوق: ولا لنه ولد نااااااس و بطرااااااان قلتي خلني اخذه اظمن عمريه و اخلي ولد عميه يولي.. الا هوه ولد عم لا سار ولا رد ؟! انا يتني حالة صدمه ، اول شي من هجومها، ثاني شي من رمستها الي مافهمت منها شي .. كملت وصوته كل ماله ويعلى: حراام عليج خويه جيه تسوين به ... اصلا انتي ماتستاهلينه بس لنه هوه يحبج استغليتيه؟ .. ولعبتيبه؟ ... قلتلها وانا ابتعد شويه عنها: شما؟ ..... انتي شوتقولين؟! كنت بكمل بس هي صارخت فويهي، وشفت دموع فعيونها، او تهيئ لي ، مادري!! : جب ولا كلمه .. شوتتحررين عمرج؟؟؟ كملت بغييظ حسيت انه بيظهر من عيونها: تعرفين انه سلطان بيسافر ، بيشرد بس عسبج انتي؟! فتحت عيونيه بصدمه من رمستها ....... مارمست .. ماقلت شي ..... وهيه كملت: تعرفين شوه؟! رديت على ورى مره ثانيه يوم هيه تجدمت وكملت جنها ترمس عمرها .... والله اني خفت منها !! : انا ماصدق انج ماتعرفين منصوروه هذا؟! ... يعني السالفه ماتدخل العقل... رفعت عيونها اطالعنيه وقالت بشك اقرب لليقين: انتي تعرفين منصور صح؟ .. وخطبته مايت صدفه؟! كملت : طبعاً مايت صدفه، ولا شو هالوقت الي يا فيه واحد مانعرفه ويخطب فنفس الوقت الي يخطب فيه ولد عمج؟ ... ويبون نفس البنيه!!!! صابتني نفظه من آخر كلمه!؟ .. يبون نفس البنيه؟! قلتلها بصوت عالي: انتي شوتقولين؟ جانه شي فـخاطرج قوليه و بـــ... قطعت رمستيه بصوت اعلى: جب اقولج ... انا والله اكرهج، لكني حاولت احبج بس على شان خاطر سلطان ..بس انتي طلعتي نذله ...... ماتحملت صراحه رمستها .. من الصبح تسبنيه وانا ساكته الها .... رفعت ايدي اليسار وصفعتها بقو على خدها اليمين .... التف راسها وانا اقول: جب ياقليلة الادب ... وكملت وايدي تنتفظ: انتي الي شوه تتحرين عمرج؟! ... لاتنسين اني اكبر مـ... ماكملت رمستيه لنها ردت لي الصفعه بأوقوى منها .... حسيت بلسعة فخدي اليمين، جني حطيت عليه الكواية لثانيه وخوزتها ..... رفعت ايدي وحطيتها عليه ..... شو هالخبال الي انا فيه؟! قالت بغيظ و دموعها اطيح: لاتسوينت عمرج البريئة .. اكرهج انتي وهالويه لج ...... لاتسوين عمرج بريييئة ونتي اكبر جذابه .. وكملت وهيه تتجرب منيه: اعترفي انج تعرفين منصور من قبل، انا متأكده انه انتي خليتيه يخطبج!! رفعت راسي صوبها وقلبي حسيته انقص نصين ..... انا تشك فيني؟!... تشك فبنت عمها!؟ .. من لحمها ودمها!!!! بحركه لا اراديه رفعت ايدي برد اصفعها على كلامها البايخ مثل ويها ... بس ايد ريال سبقتنيه وصفعتها .... وكملت عليها يوم مسك ايدها عن اطيح ولف ويها وصفعها مره ثانيه وصوته يقول: جب ياملعونة الصير .. يالي ماتستحين ... رفعت راسي بطالع منوه ... دموعي طاحن من دون لا احس عشان جيه ماقدرت اعرف منوه .. مسحت دموعي وانا اسمع صوت شما تصيح بقو وتقول: خووز عنيه .... فجني!!! حطيت ايدي على ثميه يوم عرفته وانا اقول: عييييييد!؟ ...!! قالت شما بصراخ: انتي الي ماتستحي ... خووز عنيه الله يلعنك!! رد عيد وصفعها ودزها وهو يقول : وترادين بعد!؟ طاحت على الارضيه ... كل هذا وانا فاجه عيوني واصيح من دون لا احس ... يااربيييه شو هالخبال .. اول شي شما ورمستها الي ماعرف من وين يايبتنها ... وكملت بظرب عيد الها !! تميت واقفه وعيد لف عليه وقال بغضب: شو السالفه ؟ ... شوهالرمسه الي قالتها الخايسه بنت عمج؟! كنت برد عليه واقوله ماشي بس شما ردت عليه: مايخصك .... انته اصلا كـ.... ماكملت رمستها لنه عيد اتجرب منها بيظربها جان ازخه بسرعه عن يذبحها، عيد واعرفه يوم يعصب مايعرفه ابوه من امه .. وفنفس الوقت دخل بخيت وهو يصارخ: بلاااكم انتو؟؟؟ شو هالبغيم الي واصل آخر الدنيا!!! فتح عيونهه بصدمه يوم شافنيه اصيح وشما هب متلبسه شيلتها عقب ماطاحت عنها و تصيح جنها حد ذابحنها ... وعيد واقف فاانص بيني وبينها...!! طالعنيه وطالع عيد و رد يطالع شما الي تكورت على مفسها وكملت صياح: بلااااكم!؟ عيد ظهر من الحجرة و انا يلست على الارض اصيح ,,,, مارمت اقوله شي ... اصلا شو اقوله!؟ حطيت ايدي على ويهي وتميت اصيح وانا اسمع شما تقوله: ولد عمك الخايس ظربني .. انا ماسويت له شي .... اصلا كيف يسمح لنفسه يظربنيه؟!!! قمت بسرعه يوم شفت بخيت ظهر من الحجرة بسرعه ... لحقته وحظنته من ورى وانا اصيح واقوله: والله ماتسيرله ... خل ... خلني اقولك السالفه .. شهقت وانا اكمل: انا السبب .. والله انا! مادري ليش قلتله جيه .. بس عشان مايسير له وتستوي سالفه ثانيه ... لفنيه على جدام وحظنيه .. ونا زدت صياح ... كل الي الدموع الي قبظتهم من استوت السالفه كلها ، طلعتهم على كندورة بخيت الي خاست دموع!! قالي: انزيين خلاااص ... قولي السالفه ...! مارمت اسكت جان يعصب: مريم ..! ..... بس اقولج! خوزنيه عنه وانا احاول اسكت وامسح عيونيه ... قالي: تعالي .. ردينا الحجرة ، بس ماشفت شما .... لكن شيلتها بعدها موجوده ..سرت صوب التسريحه وخذت كلينيكس ومسحت ويهي ........شو اقوله؟! تم واقف ورايه وحاط ايديه على خصره وعاقد حياته: بطولين؟ !! لفيت عليه ...... كنت بقول السالفه كلها .. بس شما الي ظهرت من الحمام قالت: لا تقولين له ساره ماتبا حد يدري؟! رفعت عيونيه صوبها ... وعقدت حياتيه.؟ .منوه ساره؟ ,, !! غمزت ليه قبل مايلف عليها بخيت الي قال:منوه ساره؟ ... وكمل بعصبيه: شوفن، ان ماقلتن السالفه احينه و الله يني بصفعن ثنينتكن!! قلتله: بخيت السالفه ماتسوى انا وشمـ... : وحده من ربيعاتيه طلعت ترمس شباب وتظهر وياهم ، لين ماقص عليها واحد وباتت برع البيت وياه، كنت اخبر مريوم اني مصدومه فيها ، وعصبت عليه و قالتلي لاترمسينها مره ثانيه بس انا ماسمعت رمستها ... بس! لحظة ......... هاي شما الي توها بغت تذبحنيه!؟ قالها بخيت بعصبيه: شووووووووووووووووووه!؟ ... منووووه هاي بعد ساره، ؟؟؟ بنت منوه؟! وكمل وهو يتجرب منها ويزخ ايدها بقو: وانتي كيف تسمحين لنفسج ترابعين هالاشكال..؟ .. انا ماقلت لج قبل انتبهي من البنات الخايسات!؟ نزلت راسها وقالت: انا ماااكنت ادري .. ويوم دريت قلت بخبر مريوم، يمكن ننصحها ولا شي!! : تنصحونها؟ ... خوز ايده عن شما وقال بصرامه و عصبيه: والله الي رفع سابع سماه، لو ياني خبر او سمعت ان وحده منكن ترابع هالاشكال ينه ماييها خير ... تسمعييييييييييييييييين انتي وهيه؟! هزيت راسي وشما تقول: زين.. قال بصوت اعلى: تسمعيييييييييين ولا يامريم؟! قلتله بصوت خفيف: هيه اسمع .. طالعنيه بنظره وقال : منوه الي صفعج انتي الثانيه؟! عقب قال بسرعه: عيد شو كان يسوي هنيه؟! قالت شما بسرعه: سمعنا نرمس فالسالفه وعصب ... لف عليها وقال بصراخ: أنا ماسألتج .. لف عليه وقال: ردي! قلتله: مثل ماقالت ..... سمع آخر السالفه يوم ، يوم قالت شما انه البنيه باتت برع ويا ربيعها .. وتحرانا نرمس عن حد منا .. و!! قطع رمستيه وقال بصدمه: شوووووووووه؟ ... يعني شك فيكن، الهرم!!! كمل وهو يظهر من الحجره: وظربكن بعد .... فتحت عيوني بصدمه .... ييت بجحلها عميتها .... كنت بظهر بس شما قالت بغيظ: اييه سمعيني ... هب اني قلت لبخيت سالفه ثانيه يعني اني ما اعني السالفة الاصليه .. لااااا قطعت رمستها وانا اقولها بغضب: شما.. اقصري الشر اخير لج .. و لا قسم بالله يقوله السالفه الصدقيه ، وعاده شوفي منوه الي بينظرب!! طلعت بسرعه ويلست ادور عنهم .... بخيت شرات عيد، لو عصبوا تتكسر الدنيا من وراهم! كانوا فالحوي و يوم انا وصلت قال بخيت لعيد: حتى لو .. بس ماتمد ايدك عليهن! وصلت الهم وعيد قاله بصوت واطي مستحي: ماعليه ولد العم اسمحلي ... لكن الرمسه الي سمعتها خلتني اعصب وما انتبهت! طلعت بسرعه ويلست ادور عنهم .... بخيت شرات عيد، لو عصبوا تتكسر الدنيا من وراهم! كانوا فالحوي و يوم انا وصلت قال بخيت لعيد: حتى لو .. بس ماتمد ايدك عليهن! وصلت الهم وعيد قاله بصوت واطي مستحي: ماعليه ولد العم اسمحلي ... لكن الرمسه الي سمعتها خلتني اعصب وما انتبهت! حطيت ايدي على صدري وتنفست الصعداء ..... الحمدلله عدت السالفه على خير .. . . : العروووووووووووووووس!! نقزت من محليه وانا اقول بصوت عالي: بسم الله ، شووه؟! ظحكن البنات على ردت فعلي و انا شفت بنت غايوه فحظنيه .. متى يت؟! كانت شما واقفه عدال الباب بتظهر وقالت: انا بسبقكم .. وظهرت بعد ماتلبست عباتها .. غمظت عيونيه .. كل الي ابا اعرفه .. متى سلطان خطبنيه ..؟ قبل منصور ولا عقبه ..؟ .. و شو سالفة شما يوم تقول اني تخيرته على الغريب ..؟ من هييج الليله وانا متخوفه ان سلطان سافر يدرس برع عسب هالسالفه ... و لا محد من خواته كانت تطري انه يبا يسافر يكمل دراسته برع!؟ و الله لو السالفه منيه انا .. صدق ماعرف شو بيستويبي .. هب لنه ولد عميه او اني احبه او أي شي ثاني .. لا والله .. انا اصلا ماعده غير شرات بخيت و خوانيه .. بس تحز فالخاطر لو هوه خطبنيه وانا بديت عليه منصور .. بس انا ماكنت ادري .. الله يعيين .. ماشاء الله عليه، صدق عروس ياسه افكر فواحد ثاني وانا بتعدل احينه لريليه!! وقفت يوم ظهرت مالت الصالون .. يلست على الكرسي وانا اغمظ عيوني .. وأحلم بوايد أشياء .. بأبويه .. بأيام يوم نحن صغار .. يوم الواحد همه انه يشتري شبس عمان وعصير بونص!! . . بعد ساعتين .. الساعه 8 وربع .. وقفت جدام المنظرة و غايه جدامي ومسكرتنها بستارتها ... تلبست الفستان الي كان طلبيه خاصه، مطرشنها منصور من صوب ايطاليا اونه .. الفستان من دون حمالات ... و وراص من تحت صدريه ليين فوق الركب بشوي .. ويبدا ينفج شوي شوي ... تصميمه واايد راقي .. والمسكه مالته فخمه!! سويت تسريحه ، وخليت نص شعريه مفلول، و قصيته من جدام ، غدا وااايد حلوو! المهم، المكياج مادري عنه شي .. لنه غويه هيه الي نصحتنيه اسويه وانه بيطلع حلو عليه .. قالت: هااه افج؟! غمظت عيونيه و تنفست بعمق ... خلاف قلت الها: زين ....... قبل ماتفجها قلت بصوت واطي: بسم الله الرحمن الرحيم .. : هههههههههههههه جيه بتشوفين يني؟! كنت مغمظه عيونيه يوم ردت قالت: ياالله الريم .... ماشاء الله عليج .... الله يحفظج من كل شر .. فتحت عيونيه شوي شوي ، أول شي سويته اني شهقت وحطيت ايديه على ثميه .. بس صريخ غايه روعنيه: لااااااااااااااء، خوزي ايديج !؟؟ خوزت ايديه بسرعه ... و .. : هههههههههههههههههههههههههههههه هاي أنا؟! تميت اظحك واظحك ... وغايه واقفه مستغربه ... : مريووم؟ .. بلااج؟! سكت شويه وتنفست وانا ارد وارفع راسيه ...... شكلي خيااااااااااااااااااااال، انا بتخبل، عيل ريليه شو بيستويبه؟! اخ شو هالتفكير؟! المهم، مكياجي كان أحمر ويا لون غريب خليط بين البني الفااااتح و الدخاني ... طاالع واااااااااايد حلو .. خص الروج الاحمر الفاقع هوه ولمعته .... رموشي غدن يوصلن لتحت خدي من طولهم، بس لايغركم، تركيبه ،، مع ان رموشي مابلاهن شي .. وويهي مبيظ .... انا اصلا سمره، بس عقب الخلطات الي كانت هنود تسويهن لي، فخلال هالسنه والنص .. فايدني واايد.. : هاه؟ حلوو؟! لفيت على غايه وانا اقول بابتسامة: واااااااااااايد ... خص الفستان قالت: طبعاً لنه من عند حبيب القلب ... : أي حبيب قلب؟ ... بعدني ماعرف عنه غير اسمه .. : اونه؟ خوانج ماخبرونج عن شي ؟! تميت واقفه اطالع عمريه فالمنظرة .. مستغربه .... شكلي وايد تغير .. و متنت .. قبل شو كان زين فيني غير جسميه، واحينه غديت وحده ثااااااااااااانيه .... الحمدلله ان شعري طويل ، ولا كنت بتلعوز احاول اطوله .. : مريووووووووووووووووم؟! لفيت عليها: هاه؟ ... رفعت ايدي بشله عشان اقدر ايلس على الكرسي الي عن يميني ... عقب انتبهت انه ماعنده ايد ... : غااااااااااااااااااايه!؟ قلتلها بصدمه: الفستان ماعنده ايد؟! : حلفي انتي بس؟ .. توج تدرين؟! قلتلها بسرعه: غاايه كيف بطلع يدام المعازيم جيه .. و عذووج تقول خلق الله ماخلق تحت ..! رفعت ايديه و انا اكمل: وشاحه وااايد خفييف ... قالت وهيه تفر عليه الوشاح الاحمر ، كان شفااااااااف لدرجه رهييييبه وهب مخلي شي مابينه ..! : مريوم عادي، كل العرايس جيه يتلبسون .. : حتى لو ...؟ و كيف بسلم على خوانيه جيه؟! لفيت عليها وانا شوي وبصيح .. ادري سبب سخيف بس انا بستغله واصيح لني قابظتنيه غبنه من السالفه كلها ..... . . نفس المكان، نفس الوقت، | غايه | يلست عند ريول مريوم وانا امسح دموعها الي بدن يطيحن .. : مريوووووووووووم الله يخسج بس .. و الله مايسوى ... مريووووووووووم خربتي الكياج! رفعت راسها فوق وقالت: زين زين .... لحظة شوي .... رفعت ايدها وتمت تهف على ويهها و قالت: هاتيلي أي شي .. مستحيل اسلم على خوانيه او انزل على المعازيم جيه .. ونزلت راسها وقالت بغيظ: لو منصور متخبل فأنا ما بسايره !! قلت الها بغيظ: بس بس يالخقاقه .. حد يلقاله ريل شرات ريلج ويقول مابا .. طاعي فستانج محلاته .. و الله من قمت اسير الاعراس ماشفت شرات فستانج .. بسج دلع .. ردت تقول: وانا اقولج مايخصنيه .. اتصلي فاي حد .. مااايخصنيه .... استغفرت فنفسي وانا اقولها : زين .. بسير ازقرلج هند وامج .. وانطالع شو بيقولن .. عطيتها تليفونها وجربت الها الطاوله الي فيها العصير والكلينكس .. : ياويلج ان خربتيه .. اذا بغيتي عصير شربي شويه و انتهي .. بسير بسرعه وبرد .. قالتلي : غايه بندي الباب بالمفتاح وياج .. شليت المفتاح من داخل و وتلبست العباه و تغشيت زين .. : يالله بسير وانتبهي على الفستان عن ايخيس .. اشّرت لي "باي" .. قفلت الباب بالمفتاح مرتين و سرت فالممر الي يودي لباب القاعه ، فجيت العباه عند المدخل وعدلت شكليه ... هاي اول مره احدر القاعه .. امبنوي بدخل ويا مريوم .. بس يالله دلع العروس شو نسويله ... تعطرت مره ثانيه .. و دخلت رافعه راسي ... فتحت عيوني بقو وانا اشوف القاعه كيف مليااااااااااااااااااااااااااااااانه .. مليااااانه، اصلا نهايتها من هينيه ماشوفها .. بس الكوشه واضحه من هنيه ... رهييييييييييييييييييييييييبه ، ياااحيج يامريوووم ، احينه هذا ذوق ريلها .. وقسم بالله انه ذوييق .. القاعه كلها غاديه حمره واضاءتها بيظه .. و الطاولات و الكراسي بيظ ... انا شوعيبنيه .. مال الضيافه. حريم متلبسات شرات الخدم الي فالافلام الاسطورية .. شرات مال فلم تايتانيك .. متلبسات لبس رسمي أبيظ بس واايد حلو ومرتب ... و الكووشه ... وما أدراك مالكووشه .. المهم ، خلوني اسير ادور ام عبدالله وهنود .. وانا سايره ماتمت وحده ماسلمت عليها .. اظني انهم اكثر عن 500 حرمه ...وبنات ماعرفهن اول مره اشوفهن .. عدال الكوشه كانت عليا و شما و كمن بنت وياهم واقفين ... سرت الهم : بناات شحالكن؟ ردن: تماام .. قلت لعليا: علايه وين ام العروس و هنوود؟! قالت وهيه تعدل شعرها الي فلته: مادري .. احيدها عند الاستقبال ويا حريم الوزارة .. لفيت بسير عند الاستقبال .. بس اتذكرت عذووب: علايه وين عذوب؟! عقدت حياتها وقالت: عذوب؟ .. مادري .. قالت شما: عذووب اظني انها شلتها ختج ميره .. او مادري .. شفتها ويا حرمه وانا ياي هنيه .. : ياسلام .. وين الي اتمنتها على بنتييه؟ .. هااه علااايه؟! استحت وقالت بفرحه: عااااااااد غوويه شو اسوي .. مرتبشه .. هب كل مره نحظر عرس .. لا بعد مثل هالعرس! لفيت عنهم .. و صراحه ماعيبتنيه حركاتهم .. خص شما ... المهم تميت احوط فالقاعه و انا ادور عنها .. و نسيت سالفة مريم .. ريت ميره ختيه فالدرب قالتلي: عذووب وين؟ .. عمتج ادور عنها؟! حطيت ايدي على صدري بخوف وانا اقولها: قالتلي شما انها كانت عندج؟! : شما منوه؟ رديت عليها بنفس الخوف: بنت عم العروس! قالت بسرعه: ماكانت عنديه .. العكس انا ماشفتها من ييت .. وااايه ياقلبيه .. ونيه بنيتيه فديتها .. قبظت ايد ميره وقلت الها: قومي اندور عنها .. فدييتها وينها؟! حطنا فالقاعه كلها وماريتها .. البنيه توها بدت تمشي ... يااويلي لو شي ياها .. قسم اللله ما اسامح نفسي .. : غايه فديتج هدي ... مابطير البنيه، أكيد انها الا هنيه .. كانت ميره ترمس ومادري شوتقول لني كنت شوي وبستخف و انا ادور الها بعيوني .. كنا واقفين على ينب باب الاستقبال .. وفلحظه لمحتها ويا ولد صغيرون .. ربعت صوبهم و حظنتها بقو وانا اسمعه يقول: تمت تصيح تبا امها .... قلتله : فديت خشمك انا .. طالعتها ... ويها محمر شكلها كانت تصيح .. لفيت عليه ويلست على ركبي عسب اطوله: ولد منوه انته؟! نفخ عمره وقال: علي بن سعيد بن غاشم .. ظحكت على رمسته ، اونه شيخ: و النعم بحالك .... قال : ماعليج زود ... كنت بسير عنه بس يت حرمه ووقفت عداله: علاوي وين كنت؟! لف عليها وقال بغيظ: جب جب يالصخله، انا ادورج من الصبح .... ابتسمت على رمسته ... شكله مايقول بو خمس سنين .. كم عمره هوه اصلا!؟. سرت صوب الحرمه وسلمت عليها: مرحبا الساع ... : مرحبتيين ..شحالج؟! وايهتها وانا اقول: فنعمه ... انتي شحالج؟! قالت : بخير وسهاله ... مبرووك عليييكم .. رديت عليها: الله يبارج فيج .. طالعت علي وقلت: ولدج ماشاء الله؟! قالت بظحكه: ههههههههه لا لا ولد ريليه ... وياج فاطمة حرمة خو المعرس .. السالفه طوييله خخخخخخ .. ابتسمت: هيه ماشاء الله ... والنعم .. أنا غايه ربيعة العروس. . : ياحيج .. الا متى هيه بتدخل ... سعيد متصل يقول عالساعه 11 بيون هنيه .. نزلت عذوب وقبظت ايدها عن تشرد عنيه: اها .. ماعليه هيه بعدها شوي .. عالساعه 9 و اربعين بندخلها .. قالت بفرحه: عااد حرمة منصور يبالنا نسويلها جو ... منصور مامن شراته و الله يوفقها وياه .. ابتسمت لرمستها، الله يوفقج يامريوم .. لحظة .. شهقت وانا اقول: ولخييييييييييييييييبه !! قالت بسرعه: شوه؟ ؟؟ .. لفيت عليها وانا اقول: ماشي فديتج بس نسيت مريوم من زمان زقرتنيه وانا نسيت .. اول ماطريت مريوم قبظت عذوب عنيه وشلتها وهيه تقول: عيل بسير وياج .. كنت برد اقولها خليها عنج ومادري .. مريوم بتعصب لو اييب ويايه وحده من هل المعرس .. كملت بسرعه: ولا العروس مابطيع؟! كنت بقول هيه ، بس قلت هب زينه صراحه : لا لا اكيد .. حياج الله .. كملت وانا امط ايدينه لعذوب و اقول: هاتيها عنج ، بصيح احينه ، ومافيني على حشرتها .. قالت بابتسامه: لا فديتج، اخافها تعور اخوها .. فتحت عيونيه بصدمه وانا اقول: شوه؟! قالت بظحكه: هههههههه انتي حامل صح؟! مارمست .. شو هالساحره .. كيف عرفت وانا من شهرين بس حامل .. حتى مريوم ماخبرتها و لا هليه !!! : هههههههههههه سمحيلي الغاليه بس لساني مارمت اقبظه .. ابتسمت بهدوء وانا اقولها : لا هب قصدي شي .. بس انتي ماشاء الله ثاني وحده تعرف عقب ريلي .. حتى هليه ماخبرتهم .. الا من شهرين بس .. قالت ببسمه حلوه و انحن ظاهرين من القاعه .. و ولد ريلها يتبعنا بكل هدوء: هيه ماشاء الله .. انا جيه من زمان أي وحده اشوفها اعرف اذا حامل ولا لاء !! قلت بهدوء: ياحيج و الله ... عباتج وين عيل؟! سألتها وأنا آخذ عباتيه من سكيوريتي القاعه .. قالت وهيه اطالع عمرها فالمنظرة الي جدامنا: هب لازم الا فالقسم الي هنيه صح؟! قلت باستغراب: صح .. بس اخاف حد من خوانها هناك ولا شي .. قالت بسرعه: هيه صح تذكرت .. هيه ماشاء الله عندها ست خوان صح؟! : هيه ... طلعنا من القاعه وسرنا مسافه صغيره شويه ، فالممر المؤدي لقسم العروس .. لفيت بقولها اني بخبر مريوم اول شي ، لمحت علي بعده يلحقنا .. سألتها: هوه ماشاء الله علي دومه جيه !؟ قالت : كيف يعني ؟ .. قصدج انه هادي .. قلت: هيه ... ماشاء الله ساكت ، ورمسته ماتقول صبي صغيرون .. كم عمره؟! قالت : خمس سنين .. هوه متعود على ميالس ابوه وعمه .. عسب جيه .. قلتلها بهدوء وانحن نوقف جدام باب القسم ..: ماشااء الله عليه .. ماعليه فديتج بدش اخبر مريوم ,, ثواني بس .. فتحت الباب ودخلت بسرعه و انا ابنده ورايه .. . . |
واخيراااااا وصلتي لزواااج مريووومه من المزيووون ابو شعر نااااعم منصوووري
ياااعيني على اللي مقطعه الحياااا ههههههه لااا وصيك على المزيوون خليه في عيووونك احمد وعيد احلى شخصيتين وخصوووصاااا عيييييد على قولتكم ياااحيه والله غاااااايه ونويصيييير معليش استحملي حركااته حتى يفوووق على نفسه تقهرني الشخصياااات اللي زي كذاااا متابعه معاااك يعطيك العافيه ياالغلاااا |
الجزء الخامس .. فنفس الوقت .. يدام بيت منصور بن غاشم .. | مبارك | . . : انزيييييييين لييييش؟! حطيت التيليفون على اذنيه الثانيه وانا ارد واقولها: اماايه الريال يبا يحدر ، هوه اروحه قايل .. يعني بالله عليج شو اقوله احينه؟! نزلت راسي : استغفر الله .. وشله هيه تتلبس بعد جيه .. خل تحط عليه عباه ولا شي .. : اماايه .. انزين لحظة .. اميييييه سمعيني .. انا بقوله انج تبينه قبل لا يحدر القاعه .. ويوم هوه أي هناك قوليله .. ماعليه .. احينه يت عشر وانتو بعدكم ماحدرتوها .. لا لا عندكم نص ساعه خلوها تدخل و تظهر قبل لا انيي .. لا تخبرونه لين ما اييكم هناك، .. عاد امايه انا مايخصني انتو الي ماتناقشتو فالبدايه .. خلااص .. هب مشكله .. شووه!؟ .. كيف بعد ماندخل وياه؟ .. هاي بنتج تتشرط علينا شووه.! .. وقفت ساير صوب قوم عبدالله و عميه وانا ابند التيليفون .. هاي امايه تقول اونه مريوم ماتبا منصور يحدر وياها القاعه، لااا بعد شوه يوم أي يسلم عليها ويشلها انحن مانحدر وياه، يا قبله يا عقبه ونختار عاد نحن ! كان عبدالله و عميه وبو منصور و سعيد خو منصور واقفين عند باب الخيمة يرحبون بالدفعه اليديده الي يت ... انا مع اني عنديه ربع فالجيش و السفاره و الوزارة و كل مكان .. ماكان عرسي بها الكبر و الفخامه .. لو عديت الرياييل الي ياين بلقاهم اكثر عن 600 ... و الخيمه من كبرها الجهه الثانيه منها ماروم اشوفها .... تقربت منهم وانا اسلم .. وقفت عدال عبدالله وقلتله بصوت واطي: امايه توها اتصلت .. خبرته السالفه جان يقول: زين .. هب مشكله .. أحينه سر انته و الفروخ .. و انا وعميه و بومنصور بنخاوي المعرس عقب ساعه او اقل .. قلتله: وليش مايحدر وياها القاعه شرات العالم و الناس ..!؟ قالي: لنه مريوم هب شرات العالم والناس ,, يومنها بغت هالشي خلاص، بنسويلها الي تباه .. وكمل : وخلي منصور عليه انا بقوله .. تنفست بعمق وانا ارد واقوله: ماعليه .. والشواب خبرهم بعد .... تميت واقف وياهم لين ماخلصوا الرياييل الي توهم يايين سلام .. و جيكت على ترتيب المقهوين بما ان عبدالله مشغول بالترحيب بالمعازيم .. الخيمه كانت وايد فنانه .. و صدق عرس شيوخ .. مع انهم مخسرين وايد ..بس ترتيييب و الله .. كنت ظاهر من الخيمه من الجهه الثانيه بسير صوب مكان الرزيفه يوم صاح تيليفونيه .. كان ربيعي راشد و خال مريومتي ... رديت عليه: مرحبااا .. حي الله بوسنيده .. قال: مرحب باااجي طال عمرك ، شحالك ياريال ..؟ .. عنبو ماتنشاف؟! قلتله: فنعمه .. انته الي وين؟ .. هاذا الي بيقول بيي عقب الصلاة على طول ..!؟ راشد: والله ظروف استوت عندنا .. المهم انا توني واصل .. و تعيبت ماشاء الله من هالعرب .. ثلاثة ارباعهم ماعرفهم .. ماشاء الله ترتييب العرس .. مبرووك عليكم .. رديت عليه وانا ااشر على حمد الي كان واقف ويا عمر و بخيت يدام الفرقة : الله يبارج فيك .. وين انزين انته؟ .. انا واقف صوب الفرقه .. راشد: وين ؟.. اقولك وين الروس الكبار ، بسلم عليهم وبرد عليك خلاف .. خبرته عن مكان الروس الكبار على قولته و سرت صوب حمد .. وقفت عداللهم وانا اقول: ماتبون تسلمون على العرووس؟!! لفو عليه وقال بخيت بسرعه: إلا .. بس مرتبين المواتر بنسوي مسيره يوم المعرس بنويّه صوبهم .. قلتله: لا غيرنا الخطه .. العروس ماتبا المعرس يحدر وياها القاعه .. المهم انحن بنسير احينه نسلم عليها وبيلحقنا عبدالله وعميه و المعرس وهله ,, وين عيد و عمير؟! كنت بكمل بس يا عيد وهو يقول: يالله شباب منصور روح القاعه هوه وعميه و عبدالله .. رفعت حياتي وانا اقوله: شوه؟ .. توني مرمسنهم ، منوه قالك..؟ رفع تيليفونه يدام ويهي .. كان عبدالله مطرشله مسج: تعالوا القاعه بسرعه .. انا وعميه ومنصور ويهنا .. جانكم تبون تسوون مسيره ، يالله انقفظو .. وخبر مبارك تليفونه مغلق! حطيت ايدي فمخبايه الا انه صدق تيليفونيه مغلق ,, استغربت صراحه، اكيد هذا منصور بو راس يابس الي ماطاع ,,, افففففففف!! . . . بعيداً عن تلك الأجواء .. حيثُ ذلك القلب المحترق ... يُدمي روحه قبل جراحه! . . أمريكا ، يدام سكن الجامعه .. | سلطان | واقف يدام البحيره الاصطناعيه الي حاطينها فسكن الطلاب فالجامعة .. لابس فانيلتين و جاكيت قطني .. و لاف وشاح على رقبتيه .. عقلي موقف .. وكل شي من حولي احسه يحترق .. القهر الي فينيه مايسد امريكا كلها، حاسه بظيجه فظيييعه ، وباجر عليه امتحان تدريبي وانا يالس هنيه ماذاكرت شي .. لو الصياح بيفيدني كان صحت .. هب عسب انه مريوم بنت عميه خذت واحد غيري ، لا وفضلته عليه .. لا ، عسب انه ابويه كسر بخاطريه، بدا الغريب عليه .. عندي سؤال واحد بس ابا اسئله .. ليش سويت جيه؟! حطني فموقف سخيف يدام حمد ولد عميه .. كسرني يدامه وكسر روحي قبل ماتكتمل فرحتيه يوم حمد قالي انته ماعليك و تعالوا خطبوا !! حسيت عمريه بموت هييج الليله .... أخر شي توقعته ان ابويه يقولي اني ما اناسب بنت عميه .. ومنوه هالمنصور عشان يناسبها اكثر عنيه؟؟! انزين واكبر عنها ويعرف فالدنيا و مدير بنك .. وبعدين؟! انا اولى بها ، ها اول شي، ثاني شي انا ولد عمها وماحد فالعالم يروم يقدرها شرات ما انا بقدرها .. هالمنصور من وين طلع!؟ انا اعرف انه ابويه عنده وايد ربع فدبي .. بس ادري انهم هب لدرجه انه يقرب ابهم .. وبعدين هاييلا هب من ثوبنا .. مستواهم وايد عالي ، وحظر .. غير عنا ،غير بوايد اشيا .. لفيت الصوب الثاني ويلست اتمشى .. اتذكر اليوم الي خبرنا فيه ابويه ان ملجت مريوم عقب شهر .. صدق حسيت ان شي من روحي انكسر ... اعتزلت ابويه وماقمت ارمس وياه .. وايد اشياء تغيرت .. حسيت ان الكل متعاطف ويايه .. ما استحملت نظرات هند وبخيت .. اميه تعرف اني احبها من زمان .. فتمت تحاول فيني اعرس واني كل وحده تتمنى اني اكون ريلها .. خذت بشورها و ع قولتها بنحير البنيه لين ماتخلص دراسه ... خطبتلي وحده تعرفها .. انا سامع بهلها .. بس من سوء حظي، ان اميه ما لاحظت ان البنيه سمها مريم .. شوفوا السخافه؟! شارد من مريم و من طاريها، احير لي وحده ثانيه سمها مريم؟! انا مادريت ان سمها مريم الا عقب ماوافقوا .. وعلى اساس بسير اكمل دراسه اربع سنين وارد اعرس عليها .. قلت بقهر مريم بنت عميه مثل ماقهرتني .. بس ماقهرت الا نفسيه ... كيف اقهرها وهيه ماتدري عن طوايفي اصلاً ..!؟ مادري ليش ماحطيت فبالي انها يمكن ماتوافق عليه ، او انه ماتباني .. هاك اليوم يوم قالي بخيت : حط فبالك ان مريم يمكن ماتباك، ؟! انصدمت اني كنت اناني ومافكرت الا فنفسي ..! كيف احبها وانا يوم فكرت اخطبها كنت حاط فبالي انها مستحيل ماتوافق عليه .. ولد عمها وبعد كمن سنه بيغدي دكتور! كييييييييييييف؟! المهم اني من سنه وكمن شهر سافرت .. قدمت اوراقي فالجامعه هنيه ، وقبلوني على طول .. معدلي كان 97 ، وانا خاطري فطب من زمان .. احاول اتناسا .. و كل ماسرت مكان .. اتذكر اني ما باخذ مريوم الي حتى حياتي وياها تخيلت كيف بتكون .. حتى عيالنا فالمتسقبل سميتهم .. قلت اول ولد بنسميه على عميه الله يرحمه .. واول بنيه بنسميها الريم .. على اساس ان اسمها يتم جريب من اسم امها .. كيف هنت عليج يامريم؟! الي قاهرني احينه ان هب قادر ارقد .. الساعه عندهم احينه تقريباً عشر ونص و العرس في اوله.. وانحن تونا 12 الظهر .. اليوم عاطينا اجازة على اساس انه باجر امتحان .. انا مواصل من البارحه .. هب قادر ارقد، كل ماغمظت عيونيه .. تتخيل لي مريوم ففستان العرس .. الفرق عن احلامي الجديمه، انه الريال الي واقف يدامها ولابس بشته الاسود .. هب أنا .. واحد ثاني!؟ واحـــــــــــــــــــــــــــــــــد ثاني!! . . . . . . الساعه 8 ونص .. خيمة الرياييل .. جدام بيت منصور بن غاشم .. | حمد | . . ركبنا المواتر بسرعه يوم طرش عبدالله المسج لعيد .. انا وعيد فموتريه .. و عمر وعمير فموترهم .. ومبارك و واحد من ربعه .. كل واحد فينا اتصل لربيعه وخبرناهم انه احينه بنظهر ... طلعنا تقريباً 15 موتر .. الخمس مواتر الاولى ، كنت انا اول شي .. عقبي مبارك و بعدين عمر وعمير .. والشباب وايدين ورانا .. قالي عيد: بطل بطل الجامه الي فوق .. كنت حاطه فرقة الحربيه، و الموتر مرتبش .. بطلت الجامه لعيد جان يوقف وهو شال العصا وايبس ويا الغنيه، يبالنا تقريبا نص ساع عسب نوصل القاعه، الشباب اخترشو .. وكلن قام يطلع مواهبه .. المواتر الثانيات كل واحد حاط غنيه .. جان يتصلي مبارك .. قال: حمد خبر هالمخبل ربعكم اني بشغل المسجل الي عندي .. البارحه سرت و حطيت له مكبرات صوت يداد .. : انزين .. عندك مالت الحربيه؟! : الي انته حاطنها؟ قلتله: هيه .. : هيه عندي .. يالله ماتم شي عن نوصل .. بندت عنه وانا اير عيد عسب يسمعني .. : عيوووود !؟ نزل راسه وهو يقول: هاااه ،؟ ليش بندت المسجل؟! قلتله: اتصل فربعك، خلهم يبندون المسجل مالهم، مبارك عنده مكبر صوت بيشغل من موتره .. : أهاا .. اوكيه لحظه .. اتصلت و عيد اتصل .. دقيقتين و الهدوء عم المكان عقب الحشره الي توها .. بس ما ابطينا الا وصوت فرقة الحربية مشتل .. حشى ! هب مكبرات ماشاء الله .. يا خوفي تلحقنا الشرطه بس! .. صدق بنغدي مصخره!! الصوت كان وايد عالي ، يعني جنا كلنا شغلنا على نفس الغنيه وطولنا الصوت على آخر شي.. تمينا ربع ساعه ووصلنا الفندق .. يوم وصلنا .. كل الشباب حولوا ويلسنا نرزف يدام الفندق .. الجو وايد حلو .. صدق عرس .. لفيت على عيد الي عدالي وقلتله: سلطاان قم نرزف رباعه شرات قبل!! كنت بكمل بس بترت رمستيه يوم اتذكرت انه عيد ... هب سلطان!! نزلت ايدي و قلت لعيد : انا بسبقكم فوق .. لفيت صوب بوابة الفندق ودخلت .. قلبي عورني يوم تذكرت سلطان الي حتى ماتريا العرس .. قبل اربع شهور يا وسلم ورد مره ثانيه .. بعد شو بيسوي يوم ان مريم اختارته على واحد غريب .. وهو يحبها .. وايد قويه صراحه .. انا كنت ادري انه يباها .. ويوم خبرني اني اسألها قبل ماعميه يخبرها .. قلتله انزين .. بس وايد اشيا وقفت فويهي ومارمت اخبرها .. فأجلت السالفه يوم افظى .. خلاف يت سيرة البر .. و يت سالفة منصور .. انصدمت يوم عرفت .. اتصلت له على طول وخبرني انه عميه قال ان مريم موافقه .. اذكر انا كنا يالسين فالكوفي .. قالي بهدوء: ابويه يقول مريم موافقه .. خلاص السالفه انتهت .. عصبت وانا ارد عليه: انته اولى ابها .. بعدين دامك من أول مشكله امبينكم خليتها يعني انك ماتباها .. قال بغيظ: حمد ، انته تدري كيف انا احب اختك .. بس دامها هيه اختارت الغريب عليه .. كمل وهو يلف الصوب الثاني: الي مايباك لا تصيح تباه .. فتحت عيوني بقو وانا اقول بصدمه: مريم اختارته عليك؟! قال بنفس الهدوء الغريب عليه: هيه .. خلاص حمد السالفه انتهت .. رديت على ورى افكر .. مريم مستحيل تبدي الغريب ولا ولد عمها .. الا اذا كان عميه غاصبنها .. بس عميه بعد يعزها وايد، لو كان بيغصبها على حد كان غصبها على الي خطبوها قبل .. السالفه هب مفهومه .. قالي: انا بسافر عقب شهرين ان شاء الله .. لفيت له بسرعه: تسافر؟ .. وين؟! و ليش؟! قال وهو يوقف : بسير امريكا اكمل دراستيه هناك .. قدمت اوراقي الاسبوع الي طاف وقبلوني .. وقفت وياه .. ماعرفت شو اقوله .. كل الي قلته: الله يوفقك .. عاد انته تعرف بنتم خوان لو شو استوى .. لا تحط فخاطرك .. ابتسم بهدوء غريب: افا عليك ولد العم .. هب امبينا هالسوالف .. . . شليت تيليفونيه واتصلت على امايه ... ردت: هلا بويه .. : امايه فديتج ابا اسلم على مريوم .. قالت بسرعه: تعال فديتك .، توه اخوك وعمك ومنصور حادرين .. : انزين .. الفروخ بعدهم تحت يرزفون ويا الشباب .. خلاف بيون .. بندت عنها .. أتمنى انه منصور يقدر الجوهرة الي خذها و خلا سلطان يشرد من البلاد عشانها ..! . . . في قسم العروس .. قبل ساعه .. | مريم | وقفت يوم قالتلي غايه انه حرمة خو المعرس بتحدر .. المعرس؟! .. ليش ما اقول منصور وخلاص! قالتلي غايه: ماتبين تتغطين ولا شي؟! هزيت راسي بهدوء وانا اتنفس .. اول فرد من عايلة ريلي ... اول حد بشوفه من العايلة الي بسكن وياها .. اذكر انه حمد قالي ان امه مريظه وماتروم تتحرك .. وابوه يا يوم الملجه .. ومن عقبه ماشفناهم .. عايلة غريبه .. اصلا الي كان يخليني احس اني وحده مالجه الهدايا الي يطرشها منصور .. عمريه ماحد طرشلي هدايا .. ويوم حد طرشلي هدايا، الاولى كانت بلاك بيري أخظر غامج .. و الثانيه كانت سواره الماس واايد حلوة .. الثالثه لاب توب ... صراحه، ماعيبتني الحركه يوم خواني نقدوها عليه .. بس انا من خاطري ، صدق استانست .. يعني طلع ذووق ريلي العزيز!! كان خاطريه اعرف أي حد من هله .. وحاولت ويا هند يوم عرست ويت صوب بيتنا انا نحاول نتعرف على حرمة اخوه .. بما انه ماعنده غير خت وحده ومعرسه .. و خته من ابوه بعد .. يعني هب جريبه منهم وايد .. ابوه طرشلي هديه ... طقم عبي وخمس كنادير واربع اثواب مغربي .. ودرزن نعال و اشياء ثانيه .. صدق صدق حبيتهم .. بس كل الفرحه اطير يوم واحد من خواني ينغزني بالرمسه .. تعرفون.. أنا اصلا تغيرت فهالسنه ونص .. قبل ، كانت فرحة خوانيه من فرحتيه .. كل شي هم مايحبونه انا ماحبه .. حتى لو كان غالي عليه .. وايد اشياء انا كنت امنع نفسي عنها بس عسب خاطرهم .. مثل النت الي ماطاعوا يدخلونه البيت .. و اني اكمل جامعه .. لا حرام هب هم الي قالوا لاتكملين .. بس انا تعودت على خدمتهم وقمت الاشياء الثانويه ماحبها او اسعى اني اسويها او استمتع ابها .. فالجامعه انا قلت لهم اني مابكمل ... فقالوا لي على طول احسنتي اونه هب لازم .. وانه نسمع رمسه هب زينه عن الجامعات ومن هالسوالف .. حزت فخاطريه .. ويوم قلت لهم خلاص غيرت رايي واني ابا اكمل .. قال عبدالله خلاص انتي قلتي لاء من البدايه .. سكت ، كله عشان خاطرهم .. خليت كل شي عشان خاطرهم .. ويوم يت سالفة منصور .. ركبني هوس اني اخليهم ولو مره يخضعون لقرار انا الي مقررته .. عصبوا و مارمسوني ، بس عيد فديت خشمه كان يرمسني عادي اونه الريال زين وهاي حياتج مايخصني فيج .. امايه تمت مثل ماهيه .. جنه ماشي تغير .. اداوم وترد ترقد لين صلاة العصر .. العصر نيلس فالحوي عند الفواله .. نرمس بسوالف عاديه .. وخلاف انشغلنا بعرس عبدالله .. وخلص العرس ,, وتغير البيت يوم يت هند .. كنت انا اسوي تقريبا كل شي .. ويوم يت هند .. اكثر الاشياء هيه كانت تسويها .. وحتى كانت وايد تهتم فيني وتقولي لاتسوين جيه .. ويم حددوا العرس ، ماخلتني اطبخ ولااااشي .. على اساس اني اهتم فعمريه .. وصدق تغيرت .. وخوانيه تغيروا .. ماقاموا ينغزوني بالرمسه .. بالعكس حسيتهم وااايد مهتمين فعرسي .. حتى ان مبارك غير اثاث البيت كله .. من و إلى .. بس انا ماخليته يغير اثاث حجرتيه .. كل شي فالبيت تغير .. وحسيت انه العرس ماباقي عنه شي .. قبل العرس باسبوع .. حطو ليتات على البيت كله .. ومع هذا كله ، ماصحت .. ماحسيت اني بفارقهم ... يعني غييير كان احساسي .. و اليوم .. وانا داخله القسم ويا هند وعبدالله خويه .. اول شي سويته اني سرت الحمام وصحت من خاطريه .. يعني صدق انتفخت من الصياح .. يوم ظهرت انصدمت هند من شكليه .. وعصبت .. بس جنها كانت تدري اني بصيح يابت وياها ماسك للبشره و خلطه ثانيه من خلطاتها الي ماتخلص.. رديت للواقع يوم دخلت حرمه متغشيه وهيه تقول: حشى نقعتوني خاري .. مانزلت راسي .. ابا اشوفها .. يمكن فيها شبه من منصور .. !! ابا اعرف أي شي عنهم .. خوزت هيه الغشوه عن ويها .. وانا فتحت عيوني .. ماشاء الله عليها .. قالت وهي تلف صوبي بكامل جسمها : مرحبا مرحبا السااااع فذمتييه .. كنت بتجدم بس هيه قالت: و الله ماتحركتي من مكاانج .. فديت هالويه والله ! استحيت من رمستها وانا حتى مارديت على ترحيبها .. يت صوبي وباستي وعقب خاشمتنيه و انا اقولها بصوت واطي: لمحرب لاهان .. الله يحييج .. قالت بظحكه: واااااااااايه، هههههههه و الله منصور بيتخبل ! نزلت راسي وغايه تقول: هههههههه طاعي كيف احمرت .. قالت بفرحه : فدييت ويهج .. ماشاء الله علييج الريم .. يلست ويلست هيه عدالي .. وغايه صبت الها عصير .. كملت هيه رمستها : ماشاء الله .. و الله ماتوقعتج جيه .. رفعت حياتي وانا اقولها : افا .. عيل كيف تخيلتيني .. قالت براحه: خفت تكونين خسفه !! رفعت راسي بسرعه مستغربه من رمستها .. حشى فالويه!! : هههههههههههههه فدييتج و الله اسولف اسوولف! ابتسمت بهدوء .. على الاقل شكلها وحده مالت سوالف ومصخره ..! قالت غايه : فديتج فطيم عطيني عذوب رقدت .. شلتها عنها غايه وانا اقولها: شحالج ..؟ .. وشحال ام منصور .. ربها ماتشكي باس؟! مادري ليش سألتها .. بس ماريت شي اقوله .. ردت هيه وعيونها تتأملني : بخيير وسهاله ربي يعافيج .. وكملت : انا فاطمة حرمة سعيد خو ريلج .. قلتلها : والنعم ... حياج الله .. قالت ببسمه حلوه: الله يحييج .. ولفت على غايه: قريتوا عليها ولا؟! قالت غايه: مادري .. مريوم امج قرت عليج ؟! هزيت راسي بلاء وانا ارد شعري ورى اذنيه: لا .. هنوود تقول بتي عقب شوي .. وقفت فاطمة بسرعه وقالت: عيل انا بتشرف وااقرى على العروس .. وقفت عدالي وتمت تقرا عليه .. صوتها وايد حلو .. طالعت غايه بشوف شو تسوي .. كانت واقفه اطالعنا مبتسمه .. اشرت على ثمها ومطت ايدينها .. يعني ابتسمي .. ابتسمت بقو عشان خاطرها .. تعبتها ويايه .. كانت بعدها شاله عذوب يوم فاطمة قالتلها بغيظ: ام عذوب ، ووطي عنج البنيه بتذبح اخوها .. عقدت حياتي مستغربه وغايه تقول وهيه تظحك: هههههه يالساحره .. انا اروحي نسييت ..! رفعت حياتي وانا اقولها: أي اخو!؟ قالت فاطمة يوم ردت تيلس: فدييتها حامل .. شهقت وانا احط ايدي على ثميه .. بس هالمره ثنينتهن صرخن فويهي: لاااء خوزي ايدج!! خوزت ايدي بسرعه وانا اقول: بسم الله .. روعتوني .. لفيت على غايه وقلت: و الله غوويه حامل؟! قالت وهي مبتسمه: هيه فديتج .. عاد انتي كنتي اول وحده بخبرج .. بس هاي الساحره مادري كيف عرفت !! ابتسمت بقو وانا اقولها: فديييتج و الله .. ان شاء الله زايد شرات ماتبين .. كانت فاطمة كله اطالعني ... لفيت عليها وانا اقول وانا اظحك: هاه عيبتج؟! .. ولا خايفه على خو ريلج لا اطيح فجبده وحده خسفه؟! قالت بهدوء: لا والله .. ماشاء الله عليج .. اصلا منصور يحمد ربه يومن الغزال وافق عليه .. نزلت عيوني وانا اقولها: اونه .. شو غزاله بعد! قالت وهي ترد شعري على ورى : الله يحفظج .. فديت ليش فاله شعرج .. بيعطونه بعين جيه .. بعد ماشاء الله طويل وكثيف .. قالت غايه: انا الي قلتلها جيه تسويه .. انا ماقلت شي .. بس فاطمة ردت تقول: هيه وعسب اطيح منصور من طوله .. عاده هوه عووقه والشعر الطويل .. استحيت من رمستها .. واستغربت فنفس الوقت .. كيف تعرف هالكثر عن منصور .. تمينا نسولف تقريباً ربع ساعه .. يوم اتصلت اميه على غايه .. مدت اليه التيليفون : امج تباج .. بسرعه تقول ظروري .. شليت التيلفون : هلا اميه .. هاه؟! قالت: سمعيني .. ادري انج مستحيه عسب فستانج عاري شويه .. بس الريال مصمم انه يحدر وياج .. خلي عنج الدلع و اتجهزي هو احينه تحت ويا عمج و عبدالله .. فتحت عيوني وانا اوقف بسرعه ..: اماايه شو احيينه؟! حسيت بقلبي يطيح يوم قالت: يالله احينه انا يايه و عبدالله هذووه يتصل! بندت عنيه وانا طاح التيليفون من ايدي وغايه تقول : بسم الله بلاج !! قلت الها وانا احط أيدي على صدري: تحت .. الرياييل تحت!! قالت باستغراب: شوه؟ .. منوه الي تحت؟! شليت اطراف الفستان بتوتر وانا اقولها: منصوووور!! ظحكت فاطمه: هههههههههه ها كله عسب انه منصور يا .. هذوه سعيد مطرش مسج يقول وصل المعرس .. حسيت بخبصه فقلبي وبطني وكل شي .. وقفت يدامي غايه وقالت: مريوم بس بلاج ترتجفين .. رفعت صبعي يدام ويهي وانا احلف: والله مايدش قبل عبدالله وخوانيه .. عقدت فاطمه حياتها وقالت: ليش عاده ..؟ المفروض هوه اول واحد يشوفج!؟ لفيت عليها وقلت بعصبيه: اول شي خوانيه بعدين هوه! تجتفت ايديه وغايه تقول: شو هالمصااخه مريوم .. بسج دلع!! مارمستها وانا اشل التيليفون واتصل بعبدالله .. بعد رنتين رد : عبدالله طلبتك لاتدرني .. قال بسرعه: تم .. شوبغيتي؟! قلتله برجاء: دخييلك اول شي انتو دخلو خلاف منـ... خلاف هوه! قال : فديتج مريوم وصلنا نحن .. نتريا اميه اتي ادخلنا .. يلست على الكرسي وانا انتفظ: دخييييييييلك .. عااد انته قلت تم !! تنفس بعمق وقال: ماعليه .. تمين جان تبين .. انا ياينج احينه! فريت التيلفون وانا اقول براحه: قال تم .. كانت غايه معصبه وهيه تقول: بايخه صراحه حركتج .. الريال وصل لين هنيه .. شوبيقوله اخوج احينه!؟ رديت عليها بثقه: عبدالله يروم يدبر عمره .. المهم اني اشوف خوانيه اول شي .. وقفت فاطمه وقالت لغايه: خليها عنج غوويه ، عروووس لازم تدلع .. ويت صوبي : يالله بسير انا عيل .. طرشت علي للقاعه ويا الخدامه وماعرف شو استوى عليه .. اشوفج فالقاعه .. باستنيه مره ثانيه وظهرت عقب ماتغشت .. كانت غايه واقفه صوب الشبريه الي فطرف الحجره عدال عذوب .. قلتلها: غويه انتي ماتعرفين ليش انا جيه سويت .. ابا اشوف خوانيه قبل لا احس اني معرسه خلااص .. قالت بسرعه: انتي معرسه من سنه .. قلت بهدوء وانا اسمع صوت الباب يندق: غايه عبدالله وصل .. وقفت غايه وتغشت وتلبست قفازها عشان انها متحنيه .. قالت انا بوقف هينه يوم يدخل هوه بتريا برع .. قلتلها اونا اوقف: انزين .. قبل ما تسير تفتح الباب قلتلها: غايه شكلي اوكيه .. لفت عليه مبتسمه: واايد .. لاتحاتيين .. بس انا كنت احاتي فستاني .. انا اصلا بغيت عبدالله يدخل قبل منصور عشان يشوف الفستان .. وقلت فبالي لو عبدالله قال شي عنه و الله يفجه قبل ما أي منصور ومايخصنيه .. فتحت غايه الباب وهيه تقول باحترام: حيااك الله بوحمييد .. نزلت راسي يوم شفت طرف ثوبه الابيض .. احس قلبي يدق بقو! : السلاام عليكم و الرحمه .. شفت وحده دخلت وراه و صوت غايه تقول: سمحولي عيل .. وظهرت وبندت الباب .. اخيراً رفعت راسي وانا احس بعيوني ادمع ... فدييت اخوويه انا! حط ايدينه على جتوفي وقال بعمق: مبرووك الغاليه .. رفعت راسي اطالع ويهه وانا اقوله بصوت مخنوق: الله يبارج في حيااتك .. باسني على يبهتيه وهو يقول بهدوء: فديت هالويه و الله .. قمر قمر مشاء الله !! حسيتني بصيح وانا اهز راسي .. مارمت ارمس ! . . . نفس الوقت .. | هند | كنت واقفه ورى عبدالله وانا اشوفه يرمس مريم .. عيوني بدت تعورني .. قبل لا نحدر كنت اوصيه عليها .. قلتله انها بعدها متأثره من السالفه .. وتتحراه بعده هب موافق على عرسها .. ريلي واعرفه .. يحب مريوم مثل بنته .. يلسها ويلس عدالها وهو يقول بظحكه: شو متلبسه انتي؟! قالت مريم بسرعه: هب حلو .. ؟ و الله اغيره لو تبا .!؟ قال عبدالله : لا لا هب قصدي ... ماشاء الله حلو .. وكمل وهو يقول بصوته الي يخبل بي: فديت بنتيه انا ، غدت عرووس ! شهقت مريوم وهيه تصيح وتزخ ايده وتقول بسرعه: عبدالله والله نا ماقصدي اطلع من شوركم .. سرت صوبهم وانا اقوله بغيظ: طالع صيحتها ؟ .. مريوم فدييتج بيختررب المكياج .. قالت وهيه ترفع راسها: قولي انك موافق ؟! .. دخييلك حتى لو هب موافق بس قص عليه لني اذا انته هب موافق بفر عمريه من الدريشه وخلو هالمنصور يدور له عروس غيري! ظحك عبدالله: هههههههه حشى فلم هب عرس! .. وكمل بجديه وهو يعطيها الكلينكس الي عطيته: سمعيني زين يابنت ابويه .. انا لو كنت هب موافق ، ولو بنسبة واحد فالاميه على هالمنصور .. مابتشوفين عمرج يالسه هنيه .. يوم قال جيه .. انفجرت مريم من الصياح .. حطت ايدنها على ويها وتمت اتصيح وانا انصدمت .. : مريوووم المكيااااج .. قال عبدالله وهو يظهر تيليفونه: خليها ... سمعته يتصل على واحد يعرفه جنه عنده صالون و قاله يطرش الكوافيره صوب فندق الهيلتون ..و بند عنه ورد يتصل .. سرت ويلست عدال مريم من الصوب الثاني وانا اهديها: مريووم فدييت روحج بس .. حرام عليج خربتي المكياج و المعرس حتى مادخل .. رفعت ايدينها عن ويها وقالت: خله يولي .. ردت تنزل راسها وعبدالله يقولها: بس خلاااص خربتي شكلج .. احينه منصور الي بيفر عمره من الدريشه من الزيغه ، هب انتي! ظحكت وهيه تقول: مايظحك! ضحك عبدالله وهو يلوي عليها من جتفها: فدييت ختييه انا .. من وين ظهرت هالدموع ؟ .. احيدج مافيج دلع ، وكنتي تلعبين ويانا كورة!! قالت مريم وهيه تتنفس بعمق وتمسح دموعها: يعني شكلي ماينفع يوم اصيح!؟ .. ولا ماينفع اكون بنيه من الاساس؟! قالها: خخخخخخ لا هاي ولا هييج ... الا انتي الدلع كله فيج!! وكمل وهو يوقف: انا اتصلت بواحد من الربع عنده صالون حريم بيطرش وحده من عنده .. قلتله: منوه هالي عنده صالون حريم!؟ قال: واحد من الربع ، المهم انا بسير اشوف منصور شو سوى هو وعميه ، وبقولهم انكم بعدكم ماجهزتو .. يوم كان بيظهر دق تليفونه .. رد عليه خلاف قالنا : يالله المعدله يت .. بطرش حد اييبها هنيه ، وانتو عندكم نص ساعه قبل 12 .. ظهر عبدالله من صوب ، ومريم قالت بظحكه من صوب: ههههههه و الله يا هناادي ماتعرفيين كييف ارتحت .. رااحه نفسيه و الله .. قلتلها: راحه نفسيه وانتي هالشكل! قالت : والله المكياج يفداااه و يفدا طوايفه .. كملت وهيه توقف صوب المنظره : لحـــــــــــــــزن، صدقه بوحميد يوم انه بيشرد عنيه .. شليت كلينكس ، ويبت ما ، ويلست امسح الها المكياج على ما اتي مالت التعديل، دقيقتين وحدرت المعدله ووياها غايه وعذيجه .. قالت عذيجه وهيه تحط ايدها على بطنها و تقول بتعب: يااالله احس عظامي بينكسرن .. وكملت وهيه اطالع مريم: ولخييبه، بلااج مريوم،؟ ,, صحتي اكيد!؟ قالت غايه بغيظ: اونه تتدلع علينا .. خلت المعرس حليله يتريا تحت! يلست على الكرسي جدام التسريحه الي مجهزه ويا القسم، وفيها كل ادوات المكياج .. تمينا تقريباً نص ساعه او اكثر .. وخلصت المكياج، طبعاً مابيكون شرات القبلي .. بس حاولنا نقولها تسويه شراته .. اندق الباب .. كل وحده لفت على الثانيه وهيه تقول: لايكون المعرس؟! وقفت مريم عند غايه الي كانت بدخنها ..و انا سرت للباب بطالع منوه .. وقفت وقلت بهدوء: منوووه؟! : انا فجي ..! فتحت الباب بسرعه يوم سمعت صوت عمتيه المبحوح .. دخلت وهيه تقول: هاه خلصوتو؟ .. نقعتو الريال حليله!! دخلت ووقفت جدام مريم .. ، اشرت للبنات انا نظهر احسن ونخليهن ارواحهن .. كلنا تلبسنا عبينا و غايه شلت عذوب .. وظهرنا عنهم .. أكيد تبا ترمسها عن شي ولا شي!! . . . الساعه 12 وخمس دقايق .. في صالة الفندق .. | منصور | واقف من ساعه اتريا .. والله لو الاميره ديانا جد خلصت .. طالعت ساعتيه للمره الالف .. عقب اربع ساعات رحلتنا .. والحبيبه بعدها ماخلصت .. انا شوله مسوي كل شي من يومين ومجهز .. مش عشان العروس ما تتأخر .. كنت بيلس يوم يا عبدالله وعمه .. وقفت صوبهم وانا اسمع عمه يقول: خبرهم ايون احينه .. اتاخر الوقت .. يوم وصلت قالي عبدالله: سمحلنا منصوور .. تأخرنا عليك .. تعرف انته الحريم و عبالتهم! ابتسمت بغيظ وانا اقول: لا ماعليك .. نتريا شو ورانا .. قال عميه بوهند: يالله عيل .. بنسلم على العروس .. عسب تحدرون القاعه .. نص المعازيم بيسرون .. قلت فنفسي : و الله كله الا من فعايل بنتكم .. ولا انا مخطط عالساعه 11 ننزف .. الا حرييم ماعندهن مونه! بعد اربع دقايق .. وقفنا يدام القسم .. كنا نقدر نسمع اصوات الاغاني من صوب القاعه .. مد عميه بو هند ايده بيفتح الباب بس سمعنا اصوات الشباب يايين .. لفينا عليهم .. وتأففت صراحه .. شووهذا يعني مابحدر انا اليوم .. يا عيد يربع وقال بسرعه: ورفجه ياعمي تخليني احدر قبل ..! ابتسم عميه وقال : افا عليييك .. حيااك! افففففف والله حاااله .. يو خوانه وراه وقالهم عبدالله عندكم خمس دقايق بس .. قاله بخيت وهو يحدر آخر واحد : خمس دقايق اذا ماظهرنا انتو حدروا !! لحظة، .. هذا كيف بيحدر؟! كنت بمطه من اذنه ، بس فآخر لحظة اتذكرت انه خوها بالرظاعه .. قبظت ايدي بالقو وانا احمد ربيه اني ما استعيلت ... كنت اروم اسمع اصواتهم وانحن واقفين يدام القسم ... مارمست ويا عميه و لا عبدالله .. ياني اتصال من سعيد خويه: وينك انته!؟ قتلته وانا ابتعد عنهم شوي: واقف شرات المطيرزي يدام باب قسم العروس .. قالي بصدمه: بعدك ماحدرت؟!! قلتله بغيظ: اقولك استوت سالفه وماعرف بلاهم يقولون بعدهم مش جاهزين! قالي بسرعه: الله بسرعه ابويه يقول بيتم فالخيمه ويا الرياييل .. بعد الله يهداكم من ساعتين المعازيم متعشين، يالله بسرعه! قلتله وانا اشوف حمد يظهر من القسم .. : زين انا بحدر احينه .. نص ساعه بالكثير وبنظهر صوب البيت .. بندت عنه .. عدلت البشت زين .. و سرت صوبهم .. دخل قبليه عمي بوهند و عبدالله .. والفروخ وقفو عنديه .. قالي حمد: هالله هالله بالريم يامنصور .. تراك خذت شمعة بيتنا .. وكمل عنه عمير بهدوء: هيه نعم .. ياويلك ان زعلتها! رفعت حاجبي بخقه وانا اقولهم بثقه: افا عليكم النسايب .. مرره ريمان فعيوني ! تعمدت اقول ريمان .. بس قفطني عيد: هههههههه حشى مسرع مادلعتها!! هالمفعوص يرمسنيه جيه؟! قاله بخيت: هيه عيل، منوه يشوف الغاليه ومايدلعها .. الا الدلع حقها اروحها .. طل عبدالله من الباب وقال : هاه المعرس ولا ماتبا تحدر .. قلتله بسرعه: لا ابحدر شو مابحدر..! رد عيد وقال: خيييبه مستعيل الريال! هالعيد انا حطيته فمخي خلااص .. خل يصبر عليه بس!! تنفست بعمق وحدرت .. هاليوم من بدايته وانا نادم اني ماشفتها قبل .. مع اني طلبت انيه اشوفها .. بس خوانها ماوافقوا .. لكن عمها قال ماعليك منهم .. بنطالع العروس جانها ماعندها مانع حياك الله .. يوم ييت هاك اليوم متعني، وشال ويايه هديه كان قبل عرسنا بخمس شهور اظنيه .. المهم كنت ماخذ الها وايد اشياء، ومنها طقم ذهب وايد عيبنيه فاشتريته .. خليتم فالسياره على اساس اني بيلس وياها .. ويوم اسير بطرشه ويا بشكارتهم .. يلست فالميلس وماكان حد من خوانها موجود غير عيد .. قالي بنبرة غريبه: حيا الله ريل ختيه! ابتسمت له: الله يحييك .. علوومك ويا الدراسه؟! قال وهو يحيس ثمه: زيينه .. انته شي تبا ياي؟! وانسدح على الغنفه! .. عقدت حياتي مستغرب منه ؟ .. شو شي تبا؟! ... جيه يردون هالضيوف!! قلتله بقو: ماتستحي انته جيه ترد عليه ... نسيبك انا!! قال وهو يظحك: هههههههههه عصب النسيب .. يارياال انا ماعرف ارمس بجديه شرات خوانيه .. وانته بما انك ريل ختييه .. خلااص برمسك على انك واحد من الاهل .. وكمل وهو يبدل فالتلفيزون: وانا جيه اسولف ويا كل حد من هليه .. سكت عنه وانا اتريا عميه يرد .. بعد دقايق دخل ... ويهه متغير .. عرفت على طول شو النتيجه .. عصبت قبل مايرمس .. يلس وقال بهدوء : السموحه منك منصور .. بس مريم ماطاعت .. لفيت على عيد ريته حاط ايده على ثمه ويحاول يكتم ظحكته .. حسيت ويهي طااااح .. منوووه هيه عسبت ترد طلبيه!؟ .. انا مش ريلها والمفترض تسمع رمستيه؟! وقفت وانا ايمع ويهيه واقوله: تامر الريم .. جانها ماتبا ، مابنغصبها .. وقف ويايه وهو يقول بهدوء: اسمحلنا .. قلت وانا اسلم على عيد: ماعليه ,.. يالله نسلم عليكم .. اشر لي عيد اونه باي، ومن دون لا يقوم .. ظهر ويايه عمي بوهند .. سلمت عليه عند الباب .. ويوم ركبت الموتر .. ظربت بقووو على السكاان .. قهـــر .. شو هالسخافه بس ..!! تتحرا انيه بسكت الها .. ماعليه خل نشوف يامريم ..!! ظهرت من شعبيتهم وقبظت درب العين دبي .. عدلت الجامه جان اطيح عيونيه على الهديه .. خساااره فيج و الله!! كنت بوقف افرها .. بس قلت حراام مخسر فيها وايد انا .. . . ردييت للواقع وانا اسمي بالله وادش الحجرة .. كان عبدالله واقف عند الباب وعميه واقف عندها .. كانت منزله راسها .. كل الي شفته، جســـمها الطويل و المتناسق! .. حشى! سلمت: السلام عليكم و الرحمه .. رد عميه وعبدالله السلام و انا وقفت جدامها .. شوي وتوصلنيه .. اكيد متلبسه كعب .. وخيت عليها بحب يبهتها بس تحركت ، شكلها كانت بترفع راسها .. بس صقعتني على لحيتيه!! عنبوو من اولها ظراابه .. الحمدلله انه عبدالله ما لاحظ ولا كان بيمصخرني صدق .. ظحك عميه وقال: شوي شوي عالريال يابنتيه!! نزلت راسها زياده .. ابتسمت بهدوء وانا ارفع راسها بايدي وابوس يبهتها .. قلتلها: مبروووك .. ماعرفت شو اسوي ، سرت وقفت عدالها ,, دخلت عمتيه .. هاي اول مره اشوفها ,, كانت متلبسه عباه شوي خفيفه .. ومتغشيه .. سرت صوبها قبل لا هيه اتي صوبنا .. سلمت عليها: السلااام عليييج عمتييه .. : عليك السلام .. مبرووك الغالي .. وكملت وهيه تسير صوب العروس الي ماشفت منها غير الفستان! : هالله هالله فبنتيه يامنصور .. تراها غاليه علينا .. وقفت عدالهم وانا اقولها بابتسامه: لاتحاتين فعيونيه .. قالت : يالله عيل .. جهزنا كل شي .. عدلت البشت ووقفت عدالها .. قالت عمتيه : اقبظ ايدها عن اطيح ، الفستان وايد طويل ..! مديت ايدي بقبظ ايدها .. حشى مبردها!! ايدها نااعمه! .. شو هالاحساس!! قال عميه بوهند وهو يحب العروس على راسها: يالله بنتيه .. ماوصيج على ريلج .. هالله هالله فالمعامله الزينه ! قالت شي بس مارمت اسمعه .. ظهر عميه و يا عبدالله : ها مريووم نحن بنترياكم تحت .. قالتله: مابتدخلون ويانا؟! رفعت حياتي وانا اقول: لا شووه يدخلوون !؟ .. فديتج رواحنا بندخل! قلت فديتج بتلقائيه، بس مادريت انها جيه بتسويلها .. يبست ايديها الي انا قابظنها وانتفظت بكبرها.. قال عبدالله : عيل نحن بنترياكم تحت .. اصلا اتأخر الوقت ! ظهر عبدالله وعميه وتميت انا وهيه وامها .. خوزت امها الغشوة عنها ,, واانا انصدمت من شكلها .. ماتقول وحده فالاربعين .. او فنهاية الاربعين مادري .. ابتسمت بهدوء ,. على الاقل شي يبشر بالخير .. دام امها جيه فأكيد هيه بتكون بعد حلوه .. قالتنا: يالله .. توها هند تقول احينه بتبدا الزفه .. قلت: يالله انزين .. ظهرنا من الحجرة والعروس تمشي شوي شوي .. دخلنا من باب القاعه العود .. قبل مانلف صوب الباب الصغير الفاتح على القاعه كلها .. وقفت العروس .. قالت بصوت واطي: لحظة .. امها سبقتنا وتمينا رواحنا .. وخيت عليها وانا اقول: شوه؟! .. ماترومين تمشين .؟ ماردت عليه .. جان انزل شويه اطالع ويها ... فتحت عيوني بقوة يوم شفتها .. حلللوة! ماتوقعتها جيه .. يعني محد رمسنيه عنها .. حطيت فبالي انها يمكن تكون خسفه .. بس ماتوقعتها جيه .. ياويلي على الاحمر انا !! لفت الصوب الثاني وهي تقول: النعال انفج .. لو سمحت تروم تزقر امايه تعدله! نزلت عند ريولها وانا اقول: لا هب لازم أنا اعدله .. كملت كلامي وانا ارفع الفستان ، ابداً ماتوقعت الفستان الي انا شريته جيه بيطلع على جسمها .. حشى هذا مش جسم صاااروخ!! . . |
الجزء السادس .. قبل ساعة .. | مريم | وقف يدامي عيد عاقد حياته .. قال بنبرة غريبه: شو هالي متلبسه انتي؟.! رفعت ايدي بتوتر وحطيتها على زندي الثاني وانا اقوله: فستان عرس ... بعد شوه! كان متلبس كندورة بنية .. و متسفر بسفرة بيظا .. طالع عليه اللون حلو .. رفع حاجبه اليمين و قال بسخريه : لو تلبستي أعرى عن جيه هب أحسن؟! و كمل : بعد ليلة عرسج عاادي؟! شهقت وانا اقول بصدمه: عييد .. شو هالرمسه بعد! قال بعصبيه وهو يشل الوشاح الاحمر: شو هذاا؟ .. عنبوو كل شيء ظااهر .. عييب عليج و الله! كنت برد عليه بس دخل عمر وعمير ووراهم حمد و مبارك وبخيت.. نزلت راسي وعيوني تحرقنيه ، من بدهم كلهم ماتحريت ان عيد بيقول جيه .. بعدين عبدالله شافه ماقال شي! حسيت بايدين على جتوفيه ومبارك يقول بحنانه المعروف: فدييت الريم انا .. مبروك فديتج! مارديت عليه ... احسني لو فتحت ثميه بصيح! سمعت عمر يقول بفرحه: ياويلي ياويلي .. شو هالعرووس هااي ..! رفعت راسي وابتسمت بهدوء وانا اقولهم: شحالكم؟! قالوا : بخير .. وكمل مبارك: انتي شحالج؟ ,, ها مرتااحه؟ ,, ناقصنج شي! هزيت راسي بلاء ... عقب يا حمد وسلم عليه .. قالي : حشى يامريووووم .. من وين طاح عليج هالفستان! صفر عمير و قال : من عند حبيب القلب اليديد .. !! كمل عمر وانا حسيت خدودي شبت فيهم نااااار!! : لا وطلبية خااصه بعد!! مبارك: هههههههههههه اونه؟! قال حمد بهدوء: يالله شباب بنرزف لمريوم ..!!! عبرة خنقتنيه وانا اشوف عيد واقف وما رمس ... طاحت عيونيه فعيونه ..شوي ابتسم وتجرب منيه بعد ما عمر وعمير سلموا وبدت ظرابتهم المعتادة .. قالي فاذنيه: والله بيفظى البيت من عقبج .. لو شفتيني مطيح صوب دار الحي لا تلوميني ...!! ابتسمت .. عقب ظحكت .. الحمدلله عدت على خير ..: فدييتك والله حيااك الله دوووم .. تجرب منيه حمد وحط ايدينه على جتوفي وقال لعمر: يالله وين كيمرتك؟ .. صورنا! قالي مبارك: عيل وين المصورين ..؟ لفيت على الباب الي كان فالجهه الثانيه وانا ااشر: كانوا فالحجرة هاي ، يرتبونها عسب التصوير .. قبظنيه حمد من ايدي و قال وهو يقودني صوب الباب: يالله عيل بنتصور قبل ما ايي ريلج! حسيت قلبي انتفظ يوم قال ريلج! ريلي؟ .. كلمة غريبة و الله !! قاله مبارك: عيل وين الخمس دقايق الي قلتوها لعبدالله!! وقفنا .. فقال عيد: انا بخبرهم بنقولهم انا بنصور .. بعد قصوره يقول لاء!! رفع عمر حاجبه وقال : منوه الي قصوره!؟ .. قاله: كلهم قصورهم .. ختنا وكيفنا .. شفته يفج الباب واسمعه يقول: بنصور ويا العروس عقب انتو دشو! سمعت اصوات برع و وصت عميه يقوله عندكم عشر دقايق .. لفيت على بخيت الي طل من باب الحجرة وقال : يييييييييييهاااااااااء يامريوووم، اسمييه ريلج بطران!! كان بخيت ظعفاان وايد، ومتغير عقب سفر سلطان خوه .. و كل ماشفته اتذكرت هييج الليله، يوم شما تقولي اونه سلطان كان يباني! نزلت راسي و بخيت يقول لمبارك: يالله بسرعه ابطينا ع الريال! و حدر داخل يوم رد عيد من برع.. قاله حمد: والله انك فنتك .. حتى ماخليتهم يردون! رقص حواجبه وقال: اعيبك .. خو العرووس انا! ظربه مبارك على ظهره وقال: يااولد .. وكمل : يالله ماشي وقت .. حسيت بالفرحه .. توني حسيت بفرحه من اكثر عن نص سنه .. محلااة هالشعور بس .. الكل راظي ويسولف ويايه .. الحياااة حلوه والله! رديت لمريم الجديمه، الي كل شي عادي عندها دامها عند خوانها .. مبارك، حمد ، عمر وعمير، و عيد أكثر واحد أعزه .. غير احسااس وايد حلوو، .. ماكان ناقصنا غير عبدالله .. بس أنا ادري انه مايبا يصور .. فعرسه بالكاد خليناه يصور .. فعرسي انا بيصور ويايه؟؟! يوم دخلنا الحجرة .. او القسم قصديه .. كان مرتب بشكل خيالي .. روووعه، الكووشة تخبلت عليها .. كوشه صغيرونه .. لونها أحمر فاقع على ابيظ .. وحولها وروود حمر وبيظ .. مفروشين على الارض .. و الاضاءه خافته شويه .. وثلاث مصورات واقفات وكلهن عندهن كيميرات، الا وحده فالنص وعندها الكيمره الي تثبت على الارض! قال عيد: ياااوييييلي .. ياااويلي انا!! ربع ويلس على الكوشه وهو يقول: يالله وين العروووس هاتوها بنصور اياها! قاله عمر وهو ييلس عداله: طاع الترتيب كيف؟ وانته وويهك أي عروس؟! .. انته منوه الي بتاخذك أصلا؟! كان القسم فاظي الا من هالكوشه .. مبارك و قف ورى الكوشة الي كانت من دون ظهر و اشر لبخيت يوقف وياه، كانوا هم الوحيدين الي متلسين سفرة وعقال! والباقيين متعصمين،.. رد حمد يسحبني وهو يلوح بعصاته على الفروخ: يالله ياالله مناااك .. قومو انا بيلس عدالها !! قاله مبارك: يالله ايييييييييه .. شوفوا الساعه كم ..؟ يت 1 !! قال عمير: أحسن .. خل انقّع ريل مريوم شويه! رفعت عيونيه صوبه بتلقائيه يوم قال ريل مريوم.. جان يقول: اهب ادافع عنه من احينه !؟ خلاااص نزلي عيوونج اسوولف!! تجاهلت رمسته وانا احس عمريه بموت من المستحى، عقب ابتسمت وانا اقولهم: انزين يالله كيف بنيلس ..!؟ قال مبارك: انا وبخيت بتم واقفين وراج .. و .. كان بيقول شي ، بس عمر دز عيد لين ماطاح الجهه الثانيه ويرني من ايدي ويلسني عداله .. قال بسرعه: و الله محد ييلس عدالها غيييري!! اصلا الكرسي كان يسد لثلاثه .. يعني من كبرهم هم، امتن واحد حمد ، ووزنه اظنيه انه 70 او اقل!! قاله عيد وهو يوقف ويحط ايدينه على خصره: لييش تحلف انزين ؟ .. شو هذاا انا ييت قبلك! قالهم مبارك بصرامه: اييه انته وهو ، صخو ثنينتكم، يعني انحن بنصور صورة وحده!؟ كنت طول الوقت اطالعهم ومبتسمه .. فدييتهم ياربيه .. عدلت الفستان لنه يوم يرني عمر يلست على طرفه فما قدرت اعدله زين .. رديت ايلس و اقبظ ايد عمر وانا اقولهم: بنصور واايد عادي! يلس عيد عند ريولي و حمد كان يالس على طرف الكرسي .. وكل شوي يعدل يلسته او يغيرها !! قاله عيد: حووه انته؟ .. شو تسوي بعدهم مابدو تصوير!! قال بهدوء: من اول مادخلنا وهم يصورون .. بس من صوتك يالثور ماسمعنا صوت الكيميره!! : خخخخخخخخخخ أحسن ! تمينا اكثر عن خمس دقايق نصور .. كل مره بطريقة ويلسه غير! بعد سبع دقايق .. دخل عبدالله .. وقف وقال بعصبيه: ماخلصتو ؟؟ وقف عيد بسرعه وقال: و الله قلت الهم بس هم ماطاعوا!! قال مبارك بهدوء: يالله خبره يدش ! وكمل: عميه وين؟! قال: بيروح الخيمه ، بومنصور يقول الرياييل بعدهم ماساروا .. ويبالهم حد ييلس وياهم ، هب كلنا هنيه! ما انتبهت شو قالوا عقب ... بيدش احينه!!! ياويلي ...! قلت لعبدالله: انزين قول لعميه يدش بسلم عليه قبل مايسير!! قاله حمد: هيه صح، يالله يالله انحن اصلا خلصنا .. بسير اقولهم يدشون ! يا صوبي وحبني على راسي .. عقب قالي فاذنيه: صدقيني لو دريت انج ماخبرتينا عن أي شي ، أي شي ظايقج به منصور.. صدق بزعل منج! قلتله بهدوء: حمد فديت روحك .. انا صح ماخبرتكم يوم الخطبه، بس انا هب ناقصة كرامة ولا شي لدرجة اني ماخبركم اذا ظايجنيه منصور بشي .. اتأكد انك اول واحد بتعرف! ابتسم وباسني على يبهتيه ، يا عيد وقاله: بسك تبويس .. حشى تقول حرمتك! ظحك عيد عقب جملته بس سرطها يوم عمير صقعه على راسه وقال بغيظ: استح ع ويهك يالهرم! طالعه عيد بغيظ و اتجدم صوبي وخاشمنيه و قال: يالله انا مابحب على راسج .. عشان ماتيني قشره من شعرج فلحيتيه! قلتله بظحكه: هههه و ونيه هاللحيه!!؟ حط ايده على لحيته وقال بصدمه: هب عايبتنج؟! وكمل: اكيد مابتعيبج يوم انه منصور هب حالق! فتحت عيونيه وقلتله: عيد تراك غادي خايس .. ظحك: ههههههه ياخي اسوولف .. يالله باجر بتعشى وياكم!! كمل وهو يعدل سفرته: ادري تقولين فخاطرج غاوي نكد ... بس ماعليه ، عروووس!! ابتسمت ، عيد عقب ماحول المدرسه اليديده تغيرت شخصيته .. مابقول للأحسن .. بس بعد غادي احسن عن شخصيته لوليه ... احينه بدى يهتم فدراسته،، على اساس انه ثانويه عامه ادبي .. و لنه بعد مبارك قاله اذا يبت نسبه زينة بوديك عمره و حواطه صوب الاردن و سوريا و قطر هالي جراب على السعودية ,,, بس انا اعرف انه سبب ثاني ... لن شما بنت عميه يابت نسبه زينه .. وهيه علمي ... اظني انها 95 .. او اقل ما اذكر .. المهم انه تغير .. رديت للواقع يوم عمر قالي: سلمنا وحبيناج و كل شيء وانتي سرحانه!! رفعت راسي عليه وانا اقوله: سمعتك انزين ... ! ابتسم وقال: يالله ، هالله هالله فعمرج .. ولو استوى شي مرره لاتترين وعلى طول خبرينا! هزيت راسي بهيه .. نفس السالفه عند عمير و مبارك قال: تعرفين شو بفتقد؟ ابتسمت اترياه يرمس .. قال: يوم اييب مريوم البيت تسبحينها واذا صاحت تسكتينها!! قلت له بغيظ: لا والله؟! ظحك: ههههههه لا و الله اسولف .. يالله فديتج انا باجر ساير بعثه صوب كندا .. بخيت خبرج؟! لفيت على بخيت الي وقاف وراه وعقدت حياتي وقلت له: لا شوه؟! قال مبارك: السنه الي طافت يوم سار ما كمل دورته .. وقطعها .. المهم انا عندي كمن شغله بسويها هناك .. وهو يبا يسير لنفس الدورة .. ومنها نسلم على عميه! يوم قال عميه .. نزلت راسيه .. ولا حد من عمومتيه يا يسلم .. اصلا من عقب سالفه ابوية الله يرحمه وهم مقاطعينا .. عميه غيث مع انه فراس الخيمه .. يعني ويانا فالبلاد، الا انه مررره مايفتر صوبنا حتى لو باللغلط .. اللهم بالاعياد وبس .. عميه الي فكندا شويه لين .. بس بعد حاقد علينا .. مادري ليش .. او يمكن هب حاقد بس الدنيا تغير و بما نه ساكن برع لبلاد فبيكون غير .. مادري .. الله يخلي عميه بوسلطان .. قالي مبارك: يالله بخليج .. وانتبهي لعمرج .. مابقولج شي، انتي تعرفين على شوه نحن تربينا .. وانسي السوالف الجديمه .. حبني مره ثانيه وانا الا اهز راسيه .. خلاااص العداد وصل حده! قال بخيت بسرعه: يالله مريوم ماوصيج انتبهي لعمرج! اشر بايده اونه باي باي و ظهر! بخيت يستحي يسلم عليه شرات خوانيه، مع انه هوه بعد خويه بالرضاعه، بس بعد غير! وقفت يوم طل عبدالله مره ثانيه عقب ماظهروا الشباب ، قال: يالله مريم، منصور وعميه يو .. هزيت له راسي .. ظهر وعقب شوي سمعت صوته يقول: حياكم الله هنييه فالحجرة! رفعت راسي .. مابنزله ابا اشوف شكله .. اكيد يوم يدش مابتكون عيونه على فوق.. قصدي يعني اكيد انه بينزلهم .. ادري المفترض انا الي انزلهم ! بس اانا من خطوبتنا ونا خاطري اشوفه .. اول ماشفت كندورة بيظا و طرف البشت ... نزلت راسي .. ياويلي مااقدر .. حسيت ان جسمي غدى حاااار يوم سمعت صوته: السلام عليكم و الرحمه .. مارديت .. يا عميه ووقف عدالي عقب ماباسنيه على راسي: فديت الغاليه بنت الغالي .. شحالج فديتج؟! رديت عليه: الحمدلله عميه .. ! وبس !!!.... سكت .. لحظات وشفت ثوبه والبشت يدامي .. مايفصل عنا غير خطوتين .. يتني رغبه اني ارفع راسي واشوفه من جريب .. ويتني الشجاعه .. واول مارفعت راسي .. حسيت اني ظربت بشي قاسي .. و صوت عميه يقول: هههه شوي شوي عليه يابنتيه!! عرفت اني ظربت لحيته او خشمه او أي شي .. وهذا كفيل انه يخليني انتفظ .. غمظت عيونيه يوم حسيت باديه على لحيتي وهو يقول : مبروك .. و ملمس شفايفه على يبهتيه .. ياااااااااااويلي بمووت! فتحت عيوني عقب ماخوز ايده عنيه وعلى طول نزلت راسي .. ثوانيه ودخلت اميه متغشيه .. كانت الغرفه هااديه .. الا من نفسه السريع!! او تخيل ليه .. يمكن من التوتر قمت اتخيل،، ولا ليش بيتنفس بسرعه .. الحجرة بارده!! سار صوب اميه وسلم عليها وهيه سلمت على عميه .. يت اميه ووقفت عدالي .. قالت له: هالله هالله فبينتيه يامنصور .. تراها غاليه علينا .. جان يقولها: لاتحاتين فعيونيه .. قالت : يالله عيل .. جهزنا كل شي .. مسكت امايه ايدي وقالت له: اقبظ ايدها عن اطيح ، الفستان وايد طويل .. رفعت راسي صوب اميه .. امايه تستهبل؟ شو بعد اقبظ ايدها! كنت بير ايدي من عن ايده بس يوم حسيت بايده الخشنه على ايدي ، حسيت بشعور غريب .. ياويلي شوهذا؟! سمعت عميه يقول وهو واقف عند الباب ويا عبدالله: يالله بنتيه .. ماوصيج على ريلج .. هالله هالله فالمعامله الزينه ! نزلت عيونيه وانا اهز راسي بهدوء .. ايده راصه على ايدي .. شو قصده من هالحركه! قالي عبدالله قبل مايظهر: ها مريووم نحن بنترياكم تحت .. رفعت راسي بسرعه وقلت: مابتدخلون ويانا؟! جان يقول الريال الي واقف عدالي وهو يرص على ايدي زياده: لا شووه يدخلوون !؟ .. فديتج رواحنا بندخل..! صلبت ظهريه .. شووو ؟؟ .. فديتج؟! .. ها من اولها فر كل الرسميات!! رصيت ايدي فاايده بالغلط .. قلبي احسه بيشرد!! قالت اميه : يالله .. توها هند تقول احين بتبدا الزفه .. جان يقولها منصور بعد ما ظهروا عمي وعبدالله: يالله انزين .. انا كنت طول الوقت ساكته .. قلت اذا يت اميه .. مابستحي دامنها ويايه .. وبرمس .. مع انه مافيه شي بنرمس عنه .. بس ماعرف .. المهم امايه كانت جنها تربع جدامنا .. واختفت من جدام عيونا .. وتميت انا وهو ارواحنا فالممر .. وصلنا عند باب القاعه العود، الي بعده جدامه ممر صغيرون عقب باب القاعه المفتوح عليها كلها .. اول ماوطيت ريلي على المفرش الاحمر الي فبداية الممر حسيتني بطيح بس قبظت عمريه .. كان النعال الي فريلي اليسار مفجوج .. امبونه هوه اوسع عنيه .. دخييييييلك لا تنفج! دخلنا من الباب .. وخلااص مارمت امشي جان اوقف .. كيييف بقوله احينه! كنت منزله راسي بحيث هو مايقدر يشوفنيه ،قلت بصوت خفيف: لحـــظة! ويااااليييتني ماقلتها .. فجأة كان ويهه يدام ويهي ... حتى نفسه حسيته على ويهي ! وييييييين تبا! قال بكل هدوء: ... شوه؟! .. ماترومين تمشين .؟ تميت لحظات اطالعه ويطالعنيه .. عيونه عسليه .. خشمه سلة سيف .. الي لاحظته شعره الي طاح من ورى يوم نزل راسه .. بعدت عيونيه عنه وانا الف .. قلتله : النعال انفج .. لو سمحت تروم تزقر امايه تعدله! : لا هب لازم .. ما انتبهت للي قاله .. بس انصدمت انه وخى عند ريولي و هو يكمل : أنا بعدله امج جد وصلت القاعه ! انصدمت .. تميت واااقفه .. ماتحركت .. عيوني على جدام وانا احسه يرفع الفستان .. وايده البارده على ريلي الدافيه .. يوم انتبهت للسالفه .. وهو بعده مابنده ، او على تقديري .. ابتعدت بسرعه وانا احس ويهي احترق .. اووه مااااااااي قاد!! يوم ابتعدت رفع راسه صوبي وابتسم .. ياويلي لا تبتسم اييه!! قال بهدوء: بلاج؟! .. عادي يا بنت الحلال بس بربطه لج! هزيت راسي بالنفي بسرعه وانا اتفس .. قلبي وييييين!! فحياتي ماصكني ريال غير خوانيه .. ويوم أي اول ريال فحياتيه مره وحده يزخ ريلي جيه! .. حشى عليَه!! وقف وقال : ماعليه .. انـ.. قطعت رمسته وحده من الحرمات ظاهره: منصووور ... وينك انته؟! كانت فاطمة .. وهب متغشيه .. ها اول شي لاحظته .. وقفت عنده وقالت بخبث: هااه؟ .. شو تسووون ؟! .. عقب عقدت حياتها وقالت وهي تتجرب منيه: بلاج مريوم؟! هزيت راسي بهدوء و منصور يقول: نعالها انفج .. يالله عدليه فطيم ..! ابتسمت وقالت: حليلج خليناج اروحج .. امبونها غايه ولا هند بينج، بس استحن من منصور .. عدلتلي النعال وانا عيونيه فعيونه! لا اطالعونيه جيه .. عيونه فيهن شي يجذب .. اول مره اشوف عيون بهاللون .. وقفت يدامي فاطمة بعد ماكانت تعدل النعال، وحجبت عنيه صورة ويهه وهو يبتسم .. شكليه طحت ولا حد سما عليه!! اتجرب منيه مره ثانيه و فاطمة تقول: يالله اسمع الغنيه بدأت .. وفعلاً الغنية كانت باديه .. موسيقى حلووة ويا دق خفيف فالخلفيه .. اول مادخلت القاعه .. كان فيه بابين كل واحد أكبر عن الثاني .. ومفجوجين ، على اليمين فيه حريم متلبسات لبس رسمي مثل مال الافلام و كل وحده فايدها كيميره .. والقاعه !.؟ .... القاعه واااااااااااااااااايد عووده، و الناااس مكثرهم!! قبظت ايده بقو وانا امشي .. وخى عليه شوي وقال: شو بلاج ترتجفين!؟ مادري ليش حسيت بالراحه وانا اقوله: لا ما ارتجف .. من الحماس! يوم ظحك، حسيت قلبي فز .. و الله انه فــز! رفعت راسي وانا ابتسم .. كانوا الحريم وايد، اكثرهم متغشيات بس قلة الي هب متغشيات! مشينا تقريباً خمس دقايق .. كانت فاطمة ورانا ، وطول الوقت تزغرد! ..! كنت اطالع ترتيبات الخيمه .. هاي اول مرة اشوفها، مع انيه كنت بنزل الها العصر يوم ييت هنيه .. بس هنادي قالت ان المعرس كان فيها ... راسي عورنيه من كبرها .. بس و الله حلوووة .. خص الالوان .. كل شي احمر وابيظ .. يوم اتجدمنا من الكوشه! ما انتبهت لشكلها الا يوم وصلت الها .. رديت ارص على ايده وانا اتنفس بقو ..... عرس شيوخي! هاي الكلمة الوحيده الي طرت فبالي يوم شفت الكوشه! كانوا كرسين ملكيين بشكل .. شفتو كراسي الملوك البريطانيين؟! .. الي مشغول فيهم عدل! نفسهم، و حمر و بيظ .. الي عيبني صدق .. انهم كبار ، وظهورهم مرتبه بشكل حلو.. وطولهم يوصل تقريباً للسقف! رووووعة بمعنى الكلمة .. من دون لا احس قلت: هاييلا كيف دخلتوهم القاعه!!؟ قال وهو يظحك: عيبوج؟! .. لفيت عليه وانحن عند دري الكوشه وقلت: صراحه ترتيب ماشاء الله! تم يطالعنيه بطريقة غريبه، و عقب قال: تسلمين ..! ولف للصوب الثاني! حسيت رده بارد! .. يت فاطمة جدامي وقالت: مريوم فديتج روحج شوي شوي عن يرد النعال ينفج!؟ قلتلها بابتسامة: إن شاء الله! قالت: انزين .. يوم تيلسين بيون هلج يسلمون عليج .. و استعدي للحريم بعد .. لنه نص هاللي فالقاعه من معارف منصور .. قالها: لا مابيون يسلمون لنا خمس دقايق وبنظهر .. قلتله: انزين عادي، خلهم ايون .... بعد عيب نجفيبهم وانحن دخلنا ! مادري شياني وقمت ارمس وياه عادي .!.. بس الي ادريبه فهاللحظة اني قمت ارتاح له! . . فوحده من الطاولات الي جدام الكوشه! | شما | . . كانت دموعي اطيح .. مادري بلانيه .. بس الي اعرفه ان تولهت على سلطان و منازعته لي! تولهت على ظحكته، على عصبيته .. حتى صريخه تولهت عليه ! وفنفس الوقت .. قمت اكره مريم بنت عميه اكثر واكثر ... تخيلت سلطان يالس عدالها .. هب هالشيبه! تخيلت وااايد اشياء .. بس ابد ماتوقعت انها بتغدر به جيه! شليت كلينكس من الطاولة الي يالسه عليها ربيعاتيه من الجامعه .. بنات تعرفت عليهن يديد .. وكلهن ساكنات فدبي .. فقلت بعزمهن .. وكل شوي يتمدحن فمريم ومنصور ويقولن انهم يتناسبون! يعني سلطان خويه ماكان بيناسبها! قالت أسما: اسمييكم ياشميم .. ماشاء الله بنت عمج مارت اطيح الا ع منصووووور بن غاااشم! لفيت عليها وقلت وانا رافعه حاجبيه: ليش شو بلاه الشيبه! نقعت من الظحك وقالت: ههههههههههههههه الشيبه؟!.. أي شيبه الله يخليج .. منصور لو يوصل للخمسين بيتم شباب .. فديتج هذا منصور بن غااشم هب أي حد! قالت حصه: انا يايه ولا ادري انه عرس بن غاشم .. ادري انهم حاجزين فالهيلتون ... بس قلت اكيد شموه غلطت! قلتلها بغيظ: لا فديتج ماغلطت ... بعدين انا هب شايفه فهالمصنور شي يخليكن تعزنه جيه! قالت أسما ببلاهة : نحن مانعزه .. نحن نحبه! لفيت عنهن وانا اشوف مريم و هالمنصور وقفوا .. شكلهم بيظهرون .. لفيت على القاعه ادور لعليا و هند .. بس كيف بشوفهن في هالكم الهائل من الحريم .. تقريباً انه محد سار .. و الساعه يت 1 وخمسين دقيقه! قلت للبنات: انا بسير .. بقول لامايه اني ابا ارد البيت .. يالله نسلم عليكن .. قالت اسما باعتراض: يالله عااد شمووه .. بعدنا نبا نرقص عقب مايسيرون .. وكملت حصه: اونج انتي ترقدين من وقت .. يالله عااد خمس دقايق! رديت ايلس وفكره انا نرقص ربشتنيه: هيه و الله .. هكم بيظهرون .. وقفت مره ثانيه وانا اقولهم بحماس استغربوه! : يالله عيل بقول للمغنيه تحط شي حلو نرقص عليه .. يالله قومن .. بعد ربع ساعه .. كانت القاعه باديه تفظى .. منوه يبا يتم بعده.؟ العروس وروحت و عشى وتعشو خلااص! وقفت انا وربيعاتيه عدال المسجل من ورى الكوشه ويلسنا نتنقى من الاغاني الموجوده .. كل اغاني 2010 موجوده و السنوات القبليه بعد أنا عاد ابا عييظه وحصه تبا ميحد تقول الوحيد الي يخليها ترتبش .. وعااد اسمووه ماتحب غير راشد المايد .. فشليت سيدي مال ويش جاه ، جان تقول اسموه: يااااااااااااالله مجدمها ، مغبره اييه؟! شغلتها بسرعه وسرت ارقص جدام الكوشه .. احب ارقص عليها ، لنها اول غنيه تعيبني حق راشد المايد و اول غنيه رقصت عليها انا وعلايه ختيه .. تميت ارقص واهز و ويايه اسما وحصه تستهبل الا! تقريبا ماتم فالقاعه غير كمن حرمه بس .. وقوم امايه مادل وين هم ... بس شفت علايه ويا ربيعاتها عند وحده من الطاولات! . . الساعه 2 ونص .. | غايه | . . رفعت التيليفون يوم صاح .. و عذوب هب طايعه تسكت و كل شوي يزيد صياحها! رديت: الووه!؟ سمعت صوت نااصر من بعييييييييييييييد من كثر الحشره الي عنديه: هاه مااخلصتيه؟! قلتلها وانا اصارخ عسب يسمعنيه: نااصر ما اسمعك .. دق عقب دقايق يوم اظهر من القاعه! ماسمعت شو قال بس انا بندت وقمت وانا اسكت هالبنيه الي ذبحتنيه .. يالله جانها فيها حمى .. احسها جسمها حار وصوتها متغير .. يمكن من الدخون؟ .. تراني الغبيه رقدتها فالحجره الي كانت فيها مريوم ودخناها هناك وعطرناها و البنيه راقده! .. افف! : ياربييييه عذوووب .. بس حبيبي خلااص! مافيه فايده .. ويها غدى احمر .. شفت علايه سايره صوب امها الي واقفه عند الاستقبال ويا هند وحرمة خو المعرس يودعون آخر المعازيم .. قلتلها: علااااااااااااااايه بليييز شوي تعالي! لفت عليه وقالت: هاه ؟ .. فدييتها بلاها تصيح؟! عطيتها اياها يوم يت . وقلت: فديتج شوي شليها بسير ارمس ناصر برع عن الحشره الي هنيه .. عقدت حياتها وقالت: مابتسكت غوويه؟! قلتلها بترجي وانا البس عباتيه: فدييتج علووي شوي بس خمس دقاايق وراده ! تمت تهزها .. عقب قالت: ياويلج ان بطيتي! خطّفتها بسرعه وانا اتغشى .. لفتني ام هند: هااه ام عذوب وين ابها!؟ قلتلها بسرعه: عموه فديت خشمج بس برمس فالتيليفون وبرد! اشرت انه اوكيه وحدرت فالقاعه و هند كانت سابقتنها .. وقفت فالممر و حسيت ان اذنيه ردت طبيعيه يوم سكتت الاصوات .. يالله يالحشره .. شليت التيلفون واتصلت فناصر .. رنتين ورد عليه .. كالعاده معصب: شو هالحشره الي عندج !؟ قلتلها بهدوء: عنبو ياناصر جانك ماتعرف العرس وحشرته .. المهم وين انته؟! تعمدت ارمسه برسميه .. يتحرا اني بخليه مثل كل مره واقول يمكن عنده ظروف عسب جيه يتجاهلني .. و الله اما اعديها له بالساهل .. قال : ونتي بلاج بعد؟ .. قلتله بهدوء: مابلاني شي الشيخ .. وين انته ؟ .. خلصنا مابتسير؟! قال بعصبيه: هيه خلصت ومن الصبح اترياج .. يالله اظهرن انا فاللوبي عند مدخل القاعه .. قلتله: انزين خمس دقايق وبظهر .. بندت عنه وانا اتنفس بهدوء .. مهما سوى اتم احبه .. بس كل شي وله حدود .. من عرسنا وهو حاله منجلب ع قولت منى .. مايرمس وايد ، و على طول معصب .. و مايطيق يرمس ويايه اكثر عن ساعه! و الود وده يطلقنيه .. بس لني حملت ، غير رايه .. ماقول انه ماتغير عقب مايبت عذوب ، بس بعده جاف وبالنااااااااااااادر يقولي كلمة وحده ، وبالمقابل، انا الطمه اقول عادي وشي طبيعي بين أي زوجين .. بس يوم شفت ريل عفاري ختيه ، الي عرست ع نهاية السنه الي طافت .. حسيت صدق انه حالنا هب طبيعي .. يوم نتيمع انا وخواتيه فبيتنا .. كل خمس دقايق يتصلها اونه ماخلصتي! وانا مع اني كنت توني معرسه، تقريباً من 8 شهور او اكثر .. بس بعد مايتصلي غير اذا ابطيت ويت 12 .. او اسبقه انا واتصله .. واكثر المرات يطرش خوه احمد ايي يشلنيه .. تميت مستحمله اقول عل وعسى يتغير .. يمكن يوم اييب ولد بيتقرب منيه او حاله بيتغير وبيحس بالمسؤوليه .. بس تم نفس الشي، باختلاف بسييييييط انه اذا كان برع البيت يتصل مره الصبح ومره فالليل .. يطمن على منوه؟! .. على امه وعلى بنته .. جني انا بشكارة مأجرنها ابوه له تراعيه وتهتم به وبعياله!! هب جني حرمته ولي حق عليه انه يهتم فيني او يسأل عنيه .. بس طااااااااااااف في ذمتيه! رن تيليفونيه .. كان مكتوب على الشاشه: الغالي ..! بتظحكون اذا عرفتو منوه اقصد .. اولاً هو هب واحد من خوانيه .. ولا ابويه .. ولا واحد من خوالي ولا عمومتي بعد! تعرفوون منووه؟! أحمد خو نــاصر !!!! فدييت خشمه والله ، صدق انه ريال .. رديت بسرعه: مرحباا الساااع فذمتييه .. كنت بكمل وبقول: مرحبا بعم بنتييه الغالي! بس انصدمت ,, انصدمت انه ياني صوت ناصر: لا والله؟ .. احلفي انتي بس؟! ورد يصارخ: توج ترمسينيه من طرف خشمج ماعرف على شوه .. يوم انه احمدووه متصل ترحبين به جيه! مارديت .. لني بكل بساطه مصدومة ... تلعثمت وانا ارد عليه: تَ حريتك .. أحمد! وياليتني ماقلتها ، لنه رد بصارخ: ياسلاام .. واحمد انتي دووم ترمسينه بهالطريقه .. جنه هو ريلج هب انا! صدمتيه حلت مكانها اكبر علامة استفهام؟ .. اصلاً هو يخليلي مجال اني ارمسه مثل ما أي حرمه ترمس ريلها!؟ قلتله بحزن وظح فصوتيه: ليش انته تخليني ارمسك على اساس انك ريلي؟! وكملت بهدوء ظاهري، ولا انا مناك بصييح: بشل عذوب وبظهر .. بندت التيليفون ودخلت القاعه .. وقفت ادور علايه بعيونيه .. كانت يالسه عند الطاولة الي يالسه فيها هند وعمتها و ام هند وشما .. تقربت منهم وانا ابتسم ..: السلام عليكن .. ردو السلام و هند تقول: هاه غوويه بسيرين؟! لاحظت ان عذوب كانت فحظن هند .. قلتلها: هيه فديتج .. سمحيلي عموه .. وقفت ويايه هند عقب ماوايهت الحريم وظهرت .. قالتلي: سلمتي على مريوم قبل ما تسير؟! تذكرت مريوم .. فدييت خشمها كم صااحت يوم يا وقت السيره .. تمت تصيح فحظن امها وانحن واقفين عدالها .. هييج اللحظة كانت اول مره اشوف ام مريوم متأثره وعيونها بغت ادمع ... كلنا صحنا وياها .. بس طبعا هب مثل ماهي صاحت .. سلمنا عليها و ظهرت هيه وريلها .. كانت الساعه 2 ونص .. و على قولة فاطمة هم رحلتهم الساعه 4 .. واظني ان مريوم ماتعرف عن الرحله شي .. لنها ماجهزت شنط ولا شي .. المهم رديت لهند وانحن نوقف عند الباب: تسمليين فدييتج هاتيها عنج .. قالت: فديتها حبوبه .. يالله مابطول عليج .. بس لاتنسين تعطينها دوى للحمى .. عقدت حياتي: ذكرتيني .. فديتها شكلها مرظت من ريحة الدخون والعطور .. سلمت عليها وطلعت عقب ماتغشيت .. كنت شاله عذوب .. وشنطتيه وفنفس الوقت اخافنيه اطيح من طول الفستان .. اول ماظهرت من الممر .. فتحت عيونيه ، ياله مكثر الريايييل الواقفيين ... حشى هاييلا شويسوون هنيه!! لفيت بعيونيه ادور لناصر .. آخر شي شفته فالطرف الثاني .. وقفت اترياه يشوفني، لني مابقدر اتصل عليه .. بعد دقيقه شفت أحمد ياي صوبي .. دخييلك ياناصر لاتزيدها وتقولي ردي ويا أحمد!! وقف عدالي وقال: السلام عليج حرم ناصر!! رديت عليه: عليك السلام ... مرحبا بوشهاب شحالك!؟ قال وهو يمد ايده: بخير طال عمرج .. عطيني عذوب ناصر قالي اشلها عنج .. يتني خيبة امل فظيييعه .. ورغبة فاني اصيح ... مديت له عذوب وانا اقوله: وقالك تردنا بعد؟! قال بهدوء: لا شكله استحى على وييه قالي اوصلج للسياره لين مايخلص سلاماته.. مشيت وراه وانا اقوله: اهاا .. ياحيه عيل..! مادري ليش هالمره ماتظايقت من رمسة أحمد عن ناصر .. يمكن طفح الكيل!! . . الساعه 3 بالضبط .. فالدرب صوب بيت غاشم بن علي .. | منصور | كنت قابظ السكان بقو ... وعيوني على الدرب، لا لفيت يسار ولا يمين .. والريم يالسه عدالي ... متوشحه بالسواد .. ماشوف منها شي .. حتى ايدها متلبسه قفاز اسود ... شكلها يخوف .. ماحب حد يكون يالس عدالي ومتلبس جيه ... وشكلها غييير، عقب مااكانت قبل نص ساعه تبرق من البياظ .. جنه النور الا من عقبها ... وقفت عند شيشة البترول فالدوار الي قبل بيتنا .. لفيت عليها ... سااكته .. مرره مارمست .. شوبتقول يعني! اظني انها ماترمس لمدة ساعه عقب الصياح الي صاحته! حشى من وين ايبون الحريم هالدموع .. اظنيه لو صحت عمري كله مابصيح شرات ماصاحت هيه فليله وحده! قلت بهدوء: تبين شي ؟ .. ماي عصير اي شي! هزت راسها بلاء .. عقب قالت: نحن وين سايرين؟! كانت صوتها مبحوح .. أحلى من صوتها القبلي .. سكت ومارديت عليها يوم يا العامل، عطيته بطاقتي وسحب منها .. عقب رد وعطاني ورقة .. وقعت عليها وبندت الدريشه .. عقب قلت الها: طال عمرج سايرين بيت ابويه .. بنرتب شنطنا .. مع اني قلت لفيروز تجهز شنطج .. لفت عليه وقالت: اي شنط؟!.. قلتلها وانا آخذ يمين صوب مدخل بيتنا: شنط السفر بعد شوه؟! قالت بصدمه: نحن بنسافر؟! .. متى؟! لفيت عليها مستغرب: انتي محد خبرج؟! قالت: لا .... اي سفر منصور؟! منصور ..... ياالله كيف تقول اسميه .....! قلتلها: الساعه اربع لازم نكون فمطار دبي .. الساعه اربع ونص تقلع الطياره .. بنسير ايطاليا .. وعقبها اسبوع فماليزيا ونرد عقب شهر ونص ان شاء الله! سكتت .... يوم دخلت البيت .. او القصر ، لفيت حوالين الدوار الصغير الي جدام البوابة الرئيسة الفاتحه على صالة الاستقبال .. وقفت الموتر ولفيت عليها .. قلت بهدوء: جيه ماتبين تسافرين!؟ قالت بهدوء: لا هب قصديه .... بس .. يعني محد خبرنيه ... ماسلمت عليهم على اساس اني بسافر! رفعت حاجبي .. عنبو ها كله وهب سلام! يوم طلعنا من القاعه وقفت عشر دقايق عند السياره تودع خوانها .. وقبلها عشر دقايق عند الحريم .. ها كله وانا الا اتريا!! نزلت من الموتر .. فتحت الها الباب وانا اقول: حياج .. تجاهلت سكونها وقبظت ايدها .. نزلت واسمعها تقول: بسم الله! ليش بدش على ينانوه هيه؟! تميت قابظ ايدها وانا اشرح لها البيت ... اول ماوصلنا البيت .. وقبل ما افتح الباب .. انفتح بروحه ، وتعالت زغاريط من داخل البيت .. هاي اكيد فيروز و الخدامات الثانيات .. كانوا واقفين بترتيب على اليمين وعلى اليسار .. ثلاث على اليمين وثنتين على اليسار، وفيروز واقفه فالنص .. قالت اول مادخلنا: لك أهلين و سهلييين .. وردت تزغرط ، عيبتنيه الحركة الي مسويه .. وقفت الخدامات جيه تعطيك احساس انك يايب اميره وياك .. لفيت على الريم بطالع شو ردت فعلها .. ريتها بدها ماشلت الغشوة .. قلتها: فجيها محد غريب هنيه ، الا الخدامات .. فجتها هيه تقول: روعتنيه خدامتكم هاي! وظحكت، هاي البنيه ناعمه بشكل رهيب، حتى ظحكتها احسها طالعه بطيئه وناعمه .. وقفنا وتجربت منا فيروز شاله باقة ورد بيظا وحمرا .. ياترى بالصدفه ولا هيه تعرف انه الليله من بدايتها بيظا وحمرا؟! مدتها للريم الي شلتها وهيه تقول: تعبلتي على عمرج الغاليه! رفعت حاجبي اليمين وانا اقولها: الغاليه!؟ قالت فيروز: لك تأبرني شو حلوة .. وليييك منصور ما ألتلي انا حلوة هييك! حطيت ايدي لى جتفها .. مقصرها ، انا تأكدت انها لابسه كعب فالعرس .. احينه راسها عند بداية جتفيه ..: هيه اكيد بتكون حلوة .. هب حرمتيه!! حسيت انها تصلبت مره ثانيه .. جان خوز ايدي وانا اقول لفيروز: يالله ياالله شلي طاقمج هذا .. رديت اقبظ ايد الريم وانا اسألها قبل مانركب الدري: امايه واعيه ولا رقدت؟! قالت فيروز: لأ .. نامت من وأت متل كل يوم ... بس ماتعشت .. آلت مابدا .. ومنشان هيك ماعطيتها دواها .. مو زين لما تكون مانا متعشيه! عقدت حياتي ... الله يهدييييها امييه .. يعني لازم كل يوم يا انا يا سعيد الي يعشيها ! سمعت صوت الريم تقول: هيه صح .. انا ما سلمت على عموه .. حتى ماشفتها! لفيت عليها .. ياترى شو بتقول ااذا عرفت ان اميه مغربيه! قلتلها ونحن نركب الدري: راقده .. قالت بهدوء: اها ... ممكن سؤال؟! يوم وصلنا الطابق الي فوق .. كان القسم مرتب مثل ماقلتلهم .. كل شي ابيظ وأحمر .. قلتلهم يغيرونه من طأ طأ للسلامو عليكوم! وقفت الريم وقالت: ياااي .. وايد حلو التصميم!! كانن الغنفات حمر .. المفرش ابيظ .. ها فجهة اليسار، اما اليمين فالعكس .. الغنفات بيظ ، والمفرش أحمر .. والمخدات خلط .. والزهور الي مزينه المكان بيظ وحمر .. يعني صدق هاي فيروز عليها ترتييب .. !! المهم .. قلتها : اكييد .. تفضلي .. وقفت وقالت: امك شوبلاها؟! تنفست بعمق ... توقعت انها بتسأل هالسؤال .. بس قلت مابتسأل اول يوم! قلتلها وانا اسير صوب باب القسم ..: تعالي اول شي .. تبعتنيه وانا فتحت الباب على مصراعيه .. دخلت داخل وهي وراي .. يلست على اول كرسي .. بعدين قمت وقلت الها: تبين تسافرين ولا؟! قالت متفاجأة: كيف؟! كملت انا: بلغي الحجز جانج تبين نسافر فوقت ثاني؟! حسيتها مستحيه .. جان اقولها: ماعليج الريم ، ماتبين نلغي الحجز لين الاسبوع الياي .. ولو عادي عندج نسير عقب نص ساعه! قالت وهيه تنزل راسها: اذا ممكن يعني .. افظل انا نسافر الاسبوع الياي .. حتى ماسلمت على عميه وعموه! هزيت راسي بتفهم وانا اقولها: خذي راحتج عيل .. انا بسير المكتب فالصاله، بلغي الحجز وبرد عقب ربع ساعه! .. . . قبل ربع ساعه .. | مريم | . . وقفنا عند الشيشه .. كنت ارتجف .. من البرد .. ومن التوتر ! ها هب حاس بالبرد!؟ .. مشغل التكييف على ثلاثه وانا شوي وبثلج .. بس طبعا ماقلتله شي .. لف عليه فجأة: ماتبين شي؟ .. ماي عصير اي شي؟! هزيت راسي بلاء .. عقب قلتله اول سؤال يا فبالي عشان اكسر هالصمت! : نحن وين سايرين؟ طلع صوتي مبحووح .. حتى حسيته ماسمعنيه ... عقب الصياح الي صحته يوم كنا بنظهر من القاعه .. ياويلي حسيت صدق اني عروس يوم اني رديت بليا امايه او خوانيه ... و يوم شفت ستيشن منصور المزين و اليديد، عرفت اني خلااص بفارقهم وبرقد الليله فحجره غير حجرتيه .. ابطى مارد عليه ، ويوم روح العامل قالي بهدوء استغربته: طال عمرج سايرين بيت ابويه .. بنرتب شنطنا .. مع اني قلت لفيروز تجهز شنطج .. كان بيكمل بس أنا قلت بسرعه: أي شنط؟! قالي باستغراب: شنط السفر بعد شوه؟! رفعت حياتي مستغربه .. محد قاليه؟ قلتله: نحن بنسافر؟! .. متى؟! شفته دخل لفه على اليمين، ودخلنا شعبية شكلها راقيه .. قالي: انتي محد خبرج؟! حسيته يستهبل .. يعني بالله منوه بيخبرنيه؟.. قلتله بهدوء و صوتيه بدا يرد طبيعي: لا .... اي سفر منصور؟! سكت، ولا رد عليه .. حسيته يفكر .. سكت عنه وانا الف واطالع المكان الي دخلنا .. بوابة عودة، استغربت انها مفتوحه فالساعه من الليل .. يوم دخلنا، ماكنت اروم اشوف شي من الظلمه، بس شوي شوي بدت الصورة تتوضح، قال بهدوء عقب فترة صمت: الساعه اربع لازم نكون فمطار دبي .. الساعه اربع ونص تقلع الطياره .. بنسير ايطاليا .. وعقبها اسبوع فماليزيا ونرد عقب شهر ونص ان شاء الله! أنا ماكنت وياه، يالسه اطالع البيت الي بسكن فيه !! وااااو الحوي واااايد عووود و رهييييب ترتيبه، شي درب طويل شوي لين الفله الي رابظه عالارض جنها صقر قابظ فريسته، وفالنفص يدام باب الفله دوار صغيرون فيه نافورة صغيييره و وروود عدالها ، الفله روووووعه ، والنخل محاوط الدرب من بداية المدخل لين باب الفله .. وقفنا عداله بعد مادرنا عالدوار الصغير .. يوم وقف الموتر عند باب الفله، لف عليه .. تم يطالعنيه شويه، أنا كنت هب متغشيه بما ان الموتر مخفي .. وترتني نظرة عقب قال بهدوء :جيه ماتبين تسافرين!؟ سكت، خلاف قلتله أول عذر يا فبالي: لا هب قصديه .... بس .. يعني محد خبرنيه ... ماسلمت عليهم على اساس اني بسافر! رفع حايبه ... شوه؟ .. هب عايبنه الي قلتله؟! .. تبون الصدق، أنا عادي عندي نسافر، بس خاطري اتعرف عليه اول شي .. اعرف اطباعه، شو يحب شو مايحب، خلاف عاد يوم نسافر بكون عرفته وبتهنى فالسيره ..و يومني مستحيه منه شقا بتهنى بالله!؟ سكت ولا قال شي هوه بعد ... شفته ينزل من الموتر .. رفعت عيوني اطالع الفله الي وقفنا عندها .. فناانه و الله .. بس ياحي بيتنا الحلوو البسييط .. بشتاقله والله! حسيت بالباب الي صوبي ينفتح .. كان جرييييييب واااايد، قالي : حياج! تميت اطالعه ماعرف ليش .. بس حسيت انه احلو!!! مد ايده ومسكني .. انا ماقاومت ولا رمست .. زخيت ايده ونزلت وياه .. عدلت غشوتي بالايد الثانيه، عقب رفعت ابها الفستان الطويل .. كان يمشي شوي شوي ، عالاقل مراعي اني ماروم امشي بسرعه ، يلس يشرحلي البيت و الميالس و المطابخ و من هالسوالف .. ولا ظبطت اشي .. بيتهم واايد عوود! أول ماوقفنا يدام الباب مد ايده بيفتح .. بس انفتح اروحه .. و صمتنا الزغاريط الي طلعت!! فتحت عيوني وانا اسمعهم، خيبه! شوهذا!؟ كانن حريم واقفات ع يمينا وع يسارنا .. استنتجت انهن بشاجير من لبسهم المنسق المتشابه، ووحده غير عنهن فالنص واقفه، وهيه الي تزغرط! ،، انا قلت حاطين مسجل! قالت اول ما تجدمنا: لك أهلين و سهلييين ..! حي لبنانيه!! حسيت بمنصور يتجرب منيه ويقول : فجيها محد غريب هنيه ، الا الخدامات .. فجيت الغشوه وقلت له: روعتنيه خدامتكم هاي! خاطري اظحك، يوم اقول لغايه شو استوى .. بتموت من الظحك، حشى ماتقول غير برنسيس ديانا يايتنهم! اجدمنا شويه و وقفنا وتجربت منا هاي الحرمه الي من الصبح تلعلع شاله باقة ورد بيظا وحمرا .. ؟! مدتها لي ، استغربت من حركتها ، شو هالدلع! شكلي بخترب من اولها قلتلها بهدوء: تعبلتي على عمرج الغاليه! كنت اطالعه وهي اطالعني فرحاااانه ، شوي وبتاكلني بعيونها، سمعت منصور يقول: الغاليه!؟ ماقلتله شي .. شو يعني اذا قلت لها غاليه وانا اول مره اشوفها! حطت الحرمه ايدها خدها وقالت: لك تأبرني شو حلوة .. وليييك منصور ما ألتلي انا حلوة هييك! ابتسمت من لهجتها ، بس اتيبست يوم حسيت بايده تتسلل ويحطها على طول جتفيه .. حسيت بويهي احترق .. هاذ ما يستحي يسوي جيه يدامها؟! نزلت راسي وانا اسمعه يقولها..: هيه اكيد بتكون حلوة .. هب حرمتيه!! بس ما ابطى وعلى طول خوز ايده وقالها : يالله ياالله شلي طاقمج هذا .. رد يقبظ ايدي ويمشيني، لاحظت انه فيروز اشرت بايدها للخدامات الثانيات و هن على طول ويهن! .. حشى تقول فقصر ملكي ولاشي!! قالها وانحن يدام الدري: امايه واعيه ولا رقدت؟! صدق والله، امه وين!؟ .. انا تخبرت فاطمة حرمة خوه، بس ياها اتصال وماردت عليه وانا نسيت اتخبرها مره ثانيه .. احس انه شي فيها .. ولا كيف ماتحضر عرس ولدها؟! قالت الحرمه، تعالوا هيه شو سمها؟!: لأ .. نامت متل كل يوم ... بس ماتعشت .. آلت مابدا .. ومنشان هيك ماعطيتها دواها .. مو زين لما تكون مانا متعشيه! لاحظت انه عقد حياته وتأفف .. شو السالفه؟!! ياربي الفظول بيذبحنيه! .. رفعت راسي صوبه وقلت: هيه صح .. انا ما سلمت على عموه .. حتى ماشفتها! لف عليه .. وسكت! جنه يفكر انه بيقول شي ولا مايبا يقول شي .. عقب قال: راقده .. يا دوري ارفع حايبي مستغربه ،، قلتله: اها ... ممكن سؤال؟! يوم وصلنا الطابق الي فوق .. كان القسم مرتب بشكل فظيييع .. كل شي ابيظ وأحمر .. من دون لا احس قلتله: ياااي .. وايد حلو التصميم!! كانن الغنفات حمر .. المفرش ابيظ .. ها فجهة اليسار، اما اليمين فالعكس .. الغنفات بيظ ، والمفرش احمر .. والمخدات خلط .. والزهور الي مزينه المكان بيظ وحمر .. يعني صدق ترتييب .. !! قال بهدوء بارد ..: اكييد .. تفضلي .. وقفت وقلت: شوبلاها عمتي؟! تنفس بعمق ... عقدت حياتيه وانا اطالعه .. شو السالفه؟! تجاهلنيه وقال..: تعالي اول شي .. تبعته يجذبني الفضول، ابا اعرف سالفة امه، و سالفته هوه وياها!.. دخلنا داخل قسم .. .. تميت واقفه وهو يلس على اول كرسي .. عقب قام وقال : تبين تسافرين ولا؟! تفاجأت من سؤاله: كيف؟! : بلغي الحجز جانج تبين نسافر فوقت ثاني؟! استحيييييت منه صراحه ... شكله مرتب كل شي .. ..نزلت راسي يوم قال: ماعليج الريم ، ماتبين نلغي الحجز لين الاسبوع الياي .. ولو عادي عندج نسير عقب نص ساعه! قلتله بخجل : اذا ممكن يعني .. افظل انا نسافر الاسبوع الياي .. حتى ماسلمت على عميه وعموه! هز راسه و قال وهو يظهر: خذي راحتج عيل .. انا بسير المكتب فالصاله، بلغي الحجز وبرد عقب ربع ساعه! .. بند الباب وراه ... رفعت راسي اطالع القسم .. صالتين مفتوحات على بعض .. وحده عمليه لونها ابيظ .. و فيها كمبيوتر و تلفزيووون ضــخم! لفيت على الجهه الثانيه .. يلسه عربيه، استغربت وجودها فهالفله .. يعني هم بهالتحضر ، آخر شي يلسه عربيه!؟ بس عيبتنيه واااايد .. تنفست بعمق وانا اغمظ عيونيه! خلااص .. انا عرست احينه، وريلي يترياني برع.. فتحت عيونيه وانا اتذكر اني ماشفت حجرة الرقاد! فجيت العباه وفريتها .. و شليت الشيله وحطيتها على الفستان .. لنه صراحه وايد عاري .. اتجدمت استكشف القسم ونا احاول ابعد عيونيه عن البابين المقفولين يدامي .. واحد منهم حجرة الرقاد! كانن الصالات وايد مرتبات .. اكيد هب ترتيب عزابي .. جادنها هييج اللبنانيه! وقفت عدال البابين .. واحد بعيد شويه عن يميني عدال الدريشه العوده الماخذه نص اليدار .. شكلها بلكونه بس مافتحتها لني هب متلبسه لبس يسمح لي افتحها ... مديت ايدي وفتحته ... تنهدت وانا اشوف الحجرة كيف.. واايد عووده، ومرتبه ... وريحة الدخون الي ترد الروح! السرير احمر، المفارش بيظ ,, و الغنفات الي يدام السرير حمر و المخدات بيظ .. كل شي ابيظ و احمر ... اصلا هالليله كلها بيظا وحمرا .. من القاعه ليين حجرة الرقاد! دخلت داخل وعيونيه اطالع الديكور .. حلوو .. بس وااايد رسمي .. يعني السرير من هاييلا الرسميين الي فيهم نقوش وايده .. و بابين فالحجرة نفسها .. شكله واحد حمام والثاني حجرة الملابس .. تقربت من الستاره .. رفعتها شوي بطالع .. كانت بلكونه كبيره شوي .. على طول اليدار كامل .. و برع فيه يلسه خشبيه حلووه و عليها مظله من الخشب بعد .. حلوووه و الله .. نزلت الستاره و رديت اطالع ... ياااويلي بطني احسه بيطيح .. هاي حجرتيه وحجرة منصور !! منصور!؟ .. قمت اقول اسمه جنه واحد اعرفه من زمان! تنهدت وانا ايلس على الكرسي يدام السرير .. عقب وقفت .. هو عطاني ربع ساعه عسب اتلبس .. اووووه ماتم شي .. جد خلصت احينه!! فتحت اول باب على يمين كان الحمام .. حشى هب حمام هذا! .. واايد عوود، المهم ، يبالي اغير لبسيه قبل ما اي .. فتحت الباب الثاني وانا اسمع صوته فالصاله! وقفت اسمع صوته.. قال: اذا خلصتي تعالي الصاله! زين بعد .. فكنيه .. قلت بصوت عالي: زيييين! عقب انتبهت لعمري .. ها هب واحد من خوانيه عسب اكون دفشه وياه! يبالي اغير اسلوببيه !! كانت حجرة الملابس مثل ماتوقعت .. بس شو الحجرة، فناااانه، يالله خل الشرح يولي بتلبس قبل مايعفد عليه ويقول اتأخرت بعد! فتحت الكبتات ابا اعرف شو ترتيب الثياب .. فتحت عيونيه يوم شفت السده الاولى ... لحــــــــــزن شوهذاااا!!! ولاااا واحد منهم طويييل .. ماعليه ياهندووه ان ماراويتج! شليت اول واحد صادفنيه .. لونه أخظر قصير لتحت الركبه بشوي .. مستحييل اتلبس هذا ارووحه .. ممم، فتحت الباب الثاني .. كانن فيه بدلاتي الي اشتريتهن ويا غايووه .. دورت عن سكيني اخظر او ابيظ .. و الحمدلله ريت واحد ابيظ .. خسااره اتلبسه ويا هالقميص، بس بعد عييب شوها من اول ليله بتفصخ!! سرت الحمام .. يبالي ساعه لين ما افج التسريحه .. بس بحاول اخلص بسرعه .. بعد ربع ساعه ثااانيه .. ظهرت من الحمام جاهزة .. اول شي فتحت الباب شوي شوي، طليت براسي ماشفت حد .. جان اظهر وانا احط شعريه على يدام .. يبالي اسشوره عسب ينشف بسرعه .. كان الفستاان راص عليه من فوق، صدره مزموم و يبدء ينفتح لين تحت الركبه يسنتيمتر وااحد!! السكيني تحته طالع حلوو!! ماحطيت فويهي شي ، خذت الفوطه ونشفت شعريه مره ثانيه وانا اقرر اخليه خرسان ماي .. عسب ما اتأخر زياده .. اول ماتجدمت بظهر من الحجرة وانا اشجع نفسي، منااااك انا احس اني بموووت من البرد و لا المستحى مااادري! ظميت ايدي على صدري وانا اسمي ... كنت بظهر بس صوته وقفني! اووه ماي قااد! كان صوته جريب استنتجت انه ورايه! لفيت ببطء وانا اقول بصوته خفيض: هـ...هلا! القميص ماكان عنده ايدين، و حسيييت بالبرد زياااده و شي يمشي على طوول ظهري! .. ها الي يسمونها قشعريره! تم ساكت .. ماقال شي، حسيت انه يطالعنيه، بعد شو بيطالع تراه واقف يدامي!! رفعت راسي شوي شوي .. بس هو سبقني وحط ايده على رقبتيه.. قال بهدوء: بردانه؟! فتحت عيونيه بقو وانا ارتجف صدق .. ايده دافية .. من دون شعور هزيت راسي بهيه .. جان يقول وهو يحط ايده الثانيه على رقبتيه: تعرفين؟! ... عيونج حلووة !! تميت ارمش/، شووه؟! عقب استوعبت جان ابتعد وانا اقوله: اها .. أ .. المطبخ وين!؟ طااااااخ شو هالسؤال الي مثل ويهيه!! : هههههه فالصاله، على طول عقب يمينج! ابتسمت بتوتر وانا اقوله: زين! وظهرت من الحجرة بسرعه! قلبي قلبي! ياويلي محلو غربل الله عدووه هو وشعره الطويل! وقفت عند المغسله فالمطبخ .. تنفست بهدوء وانا احط ايدي مكان ايده! يااربي احسني رابعه مارثون! ابتسمت .. يعرف يرمس بعد، مادري ليش ياني احساس انه بارد او بلييد! هههههههههه الحمدلله شوفته عدت على خير.. انا قلت بذوب قبل ما اوصل .. بس هب جنه القميص راص وايد ..!؟ فتحت الثلاجه بطالع شوفيها .. انا بلااني؟ رديت ابندها و الف شعري على ورى، قلبي احسه بيظهر من مكانه! كان الثلاجه من هالكبار وتعكس الصورة، طالعت شكلي، يااالله احينه انا ظهرت جدام منصور جيه!؟ صدق ما استحي! لفيت بظهر .. وقفت عند الباب وتنفست بعمق وانا اوزع شعري على ورى وجدام عله يغطي شي من جسميه! رفعت راسي وظهرت .. كان يالس يدامي على الغنفات و مشغل التلفزيون .. يطالع فلم الحبيب .. الحمدلله انه عاطني ظهره، تميت اطالعه من دون لا يحس فيني! شعره وايد حلو .. اسود على بني .. و متناسق ويا عيونه العسليه! اتجدمت شوي بس سمعت صوت الباب! لفيت بسرعه اطالع منوه بيدش!! شفت بشكارتين داشات ومتلبسات نفس اللبس! نفس التسريحه، نفس كل شي! حشــــى! اتذكرت اني هب متلبسه شي فوق القميص، وعيب اوقف يدامهن جيه! جان ارد وانخش في المطبخ .. سمعته يرمس وياهن بالانجليزي .. اها يايبات العشى! ياحيه .. طليت بطالع جانهن روحن ريته واقف عند طاولة .. هالطاولة ماكانت هنيه! ظهرت ماعرفت شو اسوي، لف عليه و ابتسم ابتسمت بهدوء وانا اتقرب منه .. لازم اتعود عليه واخوز عنيه هالتوتر .. بس بعد ماروم ، يبالي اسبوع او اكثر! وقفت عند الطاولة وانا اطلع شو فيها .. عنبو هب عشى هذا! كل شي موجود، رفعت راسي اقوله : لـيـش هـ.. بس قطعت رمستيه يوم حط ايده على خصري وقال : تعالي ليش واقفه .. ويلسنيه عداله على الكرسي الطويل! هو الجو حار، ولا انا سخنت فجأة! كان بعده حاط ايده على خصري ويقول: شو تبين تاكلين؟! بس انا مارديت .. ياويييلي ، خزت عنه شوي بس بغيت اطيح عن الكرسي، جان يردني لنفس اليلسه، عنبوو شوي وبيلس فثبانه! كان زاخنيه بايده اليسار، و ايده اليمين يخوز بها عن الطبقات غطاهن! نزلت راسي وانا ارد عليه: احم .. أ .. أي شي عادي ..! بس انا شهيتي للعشى طااااااااااااااااااااارت! |
الجزء السابع .. الساعه 3 ونص .. | عيد | . . كنت واقف ويا حمدان عند خيمة الرياييل، تقريباً العرب كلهم روحوا.. تمو شويه منهم انا وربعيه و وشباب يجربون للمعرس .. لف عليه حمدان بسرعه وقال: هذووه الي خبرتك عنه! نزلت عيوني وانا اقوله: يلعن شكلك لا تأشر! قال ببساطة : مايطالع! .. شوفه انته! رفعت راسي وشفت واحد اسمراني متلبس سفرة وعقال و كندورة زرقا، وفايده عصى، كان يرمس ويا سعيد خو المعرس .. الي توه كان بيسير! قلت بحمدان: هذا هوه؟! قال بسرعه: هيه هوه، يقولك ماخذ المركز لول! رفعت حياتي وانا اسمع الريال يقول: عاده ماسلمنا عليه المعرس ,, أنا كنت فالعين صوب المزرعة، ماروم اخلي الشغل ع العمال، بيخربون كل شي! رد عليه سعيد: عاد انته وهالرجاب الي ماتخليهم، و الله لو حرمتك مابتجابلها جيه! فجأة لف عليه و تم يطالعنيه، جان الف عنه و اقول لحمدان: جني شايفنه مكان! وقف حمدان وقال وهو يعدل سفرته: مادلك، المهم، روحنا يالله .. : يالله .. بنسلم عليهم وبنروح! وقفت عندهم انا وحمدان، قال سعيد: هاه شباب مروحين؟! قلتله: هيه نعم ، ياريال اتأخرنا ورانا درب .. بنوصل الثور بعد! وظربت حمدان على ظهره، فقال: محد غيرك ثوور .. يالله بوعلي اسمحلنا! لف علينا الريال وقال: مرحبااابكم السااع .. سمحولنا عاد مايسلنا وياكم! كمل عنه سعيد: هذا مايد بن سعيد بن علي، ولد عميه ..! ابتسم مايد واتجربت منه وخاشمته و حمدان نفس الشي .. قلتله: افا عليك الشيخ خيركم وااصل .. مرره لاتستهم! سلمنا عليهم و روحنا .. قالي حمدان: ياريال له هيييبه هالمايد .. حسيت عمريه صغير عداله! قلتله: والله يوم انك هب واثق من عمرك اكيد بتحس انك صغير عداله! قالي: هب سالفة ثقة بالنفس، هوه اروحه يخليك جيه تحس! وقفنا عند موتريه وفريت السويج على حمدان وقلتله: اندوووك دورك تسوق! شله و قال: ماعليه، مردوده .. يلسنا وشغل حمدان المسجل على ميحد وقال: اسمييك بتم تذلنيه على هالسيره! ظحكت وانا اشل تلفونيه واتصل على عبدالله: هههههههه يارياااااال اسووولف وياك انا! حمدان: جب جب ، لو فايز ساير ويانا، صدق بنرتبش! رديت على عبدالله: مرحبا بوحميد .. : مرحبا عيد .. شحالك؟ : بخير وسهاله .. اقولك امايه بتسير وياك؟! قالي: لا روحت ويا حمد و بخيت! قلتله: اها زين .. انا توني ظاهر من الخيمه .. اقولك بعدهم سعيد و ابوه هنيه، عادي نخليهم رواحهم! قالي بسرعه: انا توني واصلهم، يالله بخليك واتقف وانته ساير ، شي ضباب الليله! قلت بهدوء: ماعليه .. يالله سلم! : يبلغ .. الله الحافظ . بندت عنه وقلت لحمدان: منوه من هل فايز مسوي الحادث؟! قالي: خته اظني .. احيده يقول عند جامعة زايد! : اها .. ماسرنا صوبهم عيل! : والله من عرسكم انتو الي هب في وقته الصراحه،! قلتله بلوووعة: اسسسسسسسكت ادري شو بتطري احينه! : هههههههههههه عقب باااجر امتحااااان رياضيااااات!! ظربته على جتفه ونا اقول: جب اقولك .. عقب يلست و انا اقوله بسرعه: تعااال اييه .. شفته حميد!؟ لف عليه وقال: منوه حميد؟! قلتله: اييه طالع الدرب تبا تنفدنا!؟ .. كملت : حمييد هاللي ويا قوم فايز! قال وهو يرصص عيونه: الي يدوخ؟! قلت بسرعه: هييييه هوه! .. شفته يوم الاثنين الماضي شو سوى؟! قال : لا .. انته شله تسير وياه يوم المدير هازبنكم! لفيت عنه وانا اتجاهل سؤاله: اقولك متظارب ويا الاخصائي اليديد، و الشباب يقولون ابوه طرده،! فتح عيونه وقال: قول والله! ورد يلف عليه : قلتلك تراني هالحميد ينخاف منه .. وانته وفايز تقولون عااادي .. و ين عاادي وهو مطرود من المدرسه الجديمة، لا بعد مسوي مشاكل ويا الادارة .. لفيت على يدام وانا اقول : حميد ماعليـ..... حمدااااااااااااااااان! فتحت عيونيه وانا اشوف التريلا الي جدامنا تنجلب على ينبها و تتجدم صوبنا ! قبظت السكان ولفيته فنفس الوقت الي لفه حمدان، فلفت السيارة بقو لين ما انشلت على تايرين وطاحت على ينبها من صوبي .. ظربت فالباب بقو و حسيت بجتفي انخلع من مكانه! طاح فوقي حمدان بس لنه كان حاط الحزام ماياه شي ، عدل يلسته وهو يصارخ: عيوووووود بسرعه التريلا بعدها يايه صووبنا! لفيت براسي على جدام ، قلبي كان يدق بقو و انا اشوف التريلا تزحف صوبنا .. كان آخر شي حسيت به ايد حمدان الي مادنها صوبي وهو راكب على الموتر وهي مجلوبه و السياره تهتز بقو و صوت الحديد يسحت على الارض يوم التريلا ظربتنا! . . الجزء الثامن .. نفس الليلة، بعد ساعه .. 4 واربعين دقيقه .. | منصور | حاس ابها تبا اطير للجهه الثانيه! بس انا لعبتيه توها بدات! و ماتخلص غير يوم يقول game over ! كانت منزله راسها، وترد عليه ببطء .. عقب دقيقه من يلسنا .. صاح تيليفونيه ، كان على الجرج فالحجرة .. طنشته وانا اخوز ايدي عنها واقول: انتي تعشيتي! هزت راسها بهيه بسرعه .. حشى! ما تجامل! كانن الخدامات مسويات فطور، هب عشى، وانا عاد موتيه والبلاليط .. فخليت كل شي و حطيت لي منه و لها هيه بعد ,, لفيت عليها .. بعدها منزله راسها! طبعاً بتقول هذا جرييء ومادري شوه .. بس انا جيه، هاي تصرفاتي ماحب اخلي رسميات بيني وبين أي حد! وهاي حرمتيه هب أي حد! مديت ايدي ورفعت شعرها الناعم على الجهه الثانيه! وهيه ماتحركت، قلت بهدوء وانا اتقرب منها زياده: ريمان .. شعرج صابغتنه؟! كان شعرها بني غااامج، راد على الاحمر .. عيبني ، وطوييييل! ,, ياموتي عاد انا عالشعر الطويل، و الله لو ما المستحى جان طولت شعريه زياده! رفعت راسي وقالت: هاه؟! طااااااااااااالع، هاي راقده شوه!؟ بس و الله انها حلوه، طبعا أحلى بالمكياج، بس اتم حلوة! تميت اطالعها وهيه اطالعنيه .. عيونها سوود و تلمع .. خشمها رفيع من جدام .. هب سلة سيف شرا مايقولون، بس ماشي حاله، شفايفها ورديات، هب صغار وهب كبار! صراحه، عيبتني كلها على بعضها! و لا جسمها، ياويلي على الجسم انا .. ياربي كيف مرتب و متنااااسق، رهيييييييييب! قالت بعد فتره: الساعه كم؟! انا ابا اعرف! شو هالأسئلة الي تسألها، ؟! بالله عليكم هذا سؤال تسأله احينه؟! لفيت على الساعه على يميني، كانت الساعه اربع وخمس دقايق! قلت لها: الساعه اربع وخمس دقايق. .. ليش؟! لفت عنيه وهيه تقول: ماشي، بس فات الوقت! ووقفت ... قبظت ايدها قبل ما تبتعد وانا اقولها بخبث: فات الوقت على شوه؟! لفت عليه مستغربه عاقده حياتها ، جان اقولها بهدوء: فديتج بعده عندنا العمر كله! اول ماخلصت رمستيه ، يرت ايدها من ايدي و حسيت ويها غدا طماطه من الحمرة الي فجأة غزت خدودها!! قالت ببطء : أ.. أنا مـ..ما قصدي ! لفت عنيه .. ظحكت وقلتلها: هههههههههههههههههه ادري بس اسولف وياج! رحمتها صراحه، هذا وانا بعدني ماقلت شي! كانت لافه عنيه .. بس اقدر اشوف ويها، عاظه ع شفتها و ايدها على صدرها .. ياربي كيف شكلها حلو .. يريتها مره ثانيه وانا اقول: تعالي تعشي ويايه! يلستها وانا احط ايدي على جتفها .. ! كلت كمن لقمة وقمت .. قلتلها: احينه بيأذن! قامت ويايه وهي ترد شعرها ورى اذنها: هيه صح .. المسيد عدالكم!؟ وقفت عدالها .. مقصرها عليه .. كانت منزله راسها، قلت وانا اتجرب منها: هيه، فرة حصى عنا! حطيت ايديه على خدودها وانا اتجرب: ماقلتيلي .. صابغه شعرج ولا لونه جيه! رفعت راسها ، كانت اطالعنيه وهيه تقول: لاء .. هوه جيه! خللت صبوعي فشعرها وانا ارد: أها .. وايد حلو . جان زين لون شعريه جيه! ابتسمت بهدوء وقالت: لون شعرك حلو انزين! واحمرت على طوول !، .. اونها تغزلت فيني احينه؟! وخيت عليها جان ترد على ورى .. بس انا ماخليتها وانا احبها على خدودها الثنينه! صلبت ظهريه وانا اقول: بسير اصلي وبرد! دخلت الحجرة ، و تسبحت بسرعه، هب شراتها هيه الي تمت ساعه فالحمام .. بس يمكن من شعرها الطويل!! يوم ظهرت ، وقفت اتسفر عند المنظرة الي فالصاله .. لاحظت انها ماكانت موجوده! سمعت صوت صحون فالمطبخ .. عقدت حياتي .. لايكون تغسل الصحون؟! وقفت عند المطبخ ... فتحت عيونيه وانا اطالعها .. كانت صدق تغسلهم! : انتي شو تسوين؟! نقزت ولفت عليه .. طار شعرها واياها وهي تقول بصدمه: بسم الله .. روعتنييه منصور! ياالله كيف تقول اسميه! بس رديت اعقد حياتي: ليش تغسلين الصحون!؟ جان زقرتي الخدامه!؟ قالت بهدوء: لا عادي، متعودة! لا و الله! .. طالعت ايدينها المحنايه .. بتخرب الحنه هاااي! سرت عندها وانا اشل ايدينها عن الصابون: ان شفتج مره ثانيه تغسلين صحون مابييج خير! طالعتني وهي عاقده حياتها: ليش؟! وكملت وهيه تخوز ايدي عنها: بيت ريليه و كيفيه، .. كانت اطالعنيه ... شكلي طحت ولا حد سما عليه! عيونها وساع وحلوات .. وخيت عليها وبستها بين عيونها عقب قلت: ولنه بيت ريلج .. مابتشتغلين فيه! ظهرت من المطبخ وقلبي يدق دق .. مادريت انه العرس بيخليني جيه! صح انا كان خاطري اعرس من قبل سنين ، بس ابويه كل مره يأجل، لين ماشكيت اني عفت العرس ,, بس شكلي الا حبيته زياده! هب كل ممنوع مرغوب!؟ و الريم .. لحظة هيه الريم ولا مريم؟! ياالله كله واحد، ريمان دلع للاسمين!! اوووه يبالي اعيد وظوئي احينه! .. يالبلشه!، رديت للحجرة وتوظيت بسرعه وظهرت! تلاقيت ويا سعيد خويه عند المسيد ,, يوم شافنيه قال بصدمه: منصور؟! قلتله: هيه منصور بلاك؟! قال بسرعه: ليش ماسافرت؟! واطالع الساعه عقب قال: بتفوتكم الطياره؟! قلتله: مابنسافر، عالاسبوع الياي ان شاء الله! قال : ليش؟! كنت بقوله ريمان ماتبا .. بس قلت: الحرمه ماتبا! هز راسه بهدوء وقال: اها ياحيكم عيل، عاده ماخبرتونا نجهز للذبايح! وطلع تليفونه وانا اقوله: هب مشكله اتصل على مايد .. هاي شغلته هوه و عزبته الي ماينشاف منها! ابتسم و هو يقول: و الله هو يا امسات، بس انته كنت ساير صوب القاعه .. وتراه هو الي مرتب الخيمه ويايه يوم كنت مسافر! هزيت ايدي مش مهتم وانا اقوله: ولد عمك هذا ماعنده سالفه! صلينا رباعه .. ويوم دخلنا البيت .. كانت فاطمة حرمة سعيد واقفه تتظارب ويا علي! واول مادخلنا ، فرت جلابية علي وقالت: تعال سعيد تفاهم ويا ولدك . هب طايع يسير يرقد! كان علي يالس على الغنفه، او منسدح و فايده جهاز البلاي ستيشن ومطنش فاطمة .. قلتلها: خليه عنج شيخ الشباب شو تبينه؟! لفت عليه وقالت بغيظ: بس عاد منصور انته مدلعنه وايد! ولفت على سعيد الي انسدح عدال ولده ..: سعيييد انا اباك ترمسه تسير تلعب وياه! قالها: بس ياحرمه بلاج تباغمين من صباح الله .. علوه شوتبا؟ ,, فرنسا ولا ايطاليا! حطت ايدها على خصرها وهيه تقول: شوف شوف .. انا اربي وهو يخرب .. عقب لفت عليه .. عقدت حياتها .. وشهقت وهي تقول: انته شوتسوي هنييه؟! و رفعت ايدها اطالع الساعه: اتأخرتو على الطيااره.!؟ قلتلها: بنسافر الاسبوع الياي .. المهم دامج واعيه .. لاتنسين اطرشين مسج لقوم عميه ايون على الغدا .. و هالله هالله فالغدا السنع .. بنعزم هل الريم! قالت بصدمه: لااااااااااء .. كيف جيه، حرام عليكم ماخبرتونا من وقت! خطفتهم وانا اتثاوب: ماعليه .. عندكم وقت ليين ثلاث الظهر! ركبت فوق .. بس رديت اتخبر سعيد: بو علي ماشفت امايه امسات!؟ قالت فاطمه: انا شفتها .. كانت راقده .. بس نشت صلت وردت رقدت! هزيت راسي وانا اقول: ماتقصرين .. ركبت فوق وانا اتنفس الصعداء .. لو قلت لهم اني بسير اول ماييت الصاله بيتمون يعلقون . عسب جيه تميت ارمس وياهم لين ماينسون شوي! وقفت عند باب القسم .. ياترا رقدت!؟ فتحت الباب .. كانت واقفه فويهي .. متلبسه لبس صلاه ابيظ .. ياااااالله كيف ويها منور! ابتسمت يوم شافتنيه وقالت بسرعه: الحمدلله انك يييت .. سمعت اصواتكم تحت ويلست اترياك اتي ..! تجربت منها وانا اقول: ليش .؟؟ .. آمري! قالت بهدوء: شوفت عينك .. بدي صلي! عقدت حياتي وانا اوقف جدامها بالضبط: صلي، في حدا آلك ماتصلي! ابتسمت وهي ترد: ماعرف وين القبله!؟ اهاا .. حطيت ادي على جفتها ومشيتها ويايه : اها .. من هاك الصوب .. وأشرت على جهة اليسار صوب البلكونة .. قالت بسرعه وهي تنزل راسها: انزين ..بسير اصلي قبل ماتطلع الشمس! ووخت لين ماخطفت من تحت ايدي من دون لا تخوزها .. يوم اقولكم قصيره! خطفت من جدامي ، وفرشت سيادتها وبدت تصلي .. فريت انا عنيه السفره و سرت الحجرة .. خذت لي بيجامه خفيفه و تلبستها بدل الكندورة .. يالله كيف تعباان! من أمس الصبح وانا برع البيت ليين صلاة المغرب! سرت صوب تيليفونيه يوم تذكرت انه صاح يوم نحن نتعشى .. كانت رساله من سكرتيتي .. اففف .. تقول الاجتماع مايرومون يأجلونه .. لحظة بما اني مابسافر هالاسبوع، بقولهم يسوون الاجتماع يوم الاثنين و على يوم الخميس نحن بنكون سافرنا .. ياالله زين .. طرشت لها مسج على التخطيط اليديد و بندت التيليفون .. انسدحت على السرير .. عنبو شو هالصلاة الي تصليها .. ابا ارقد .. بس بعد مابا ارقد لين ماتي الريم .. شكلي غفيت قبل ماتي هيه .. لني وعيت عليها تيلس عدالي على السرير بكل بطء .. خخخخخ ماتباني انش! كنت راقد على ظهريه .. ويوم هيه هدت ورقدت على جتفها وويها صوبي .. لفيت عليها وانا اقول: ابطييتي بنت سلطان!! نقزت محلها وهيه تقول: انته واعي؟! تساندت على ايدي وانا اطالع فويهها ... وهيه جريبه مني جيه ملامحها اوضح عيونها سوود ووسااع .. انا ماتوقعت جيه بتكون حلوة .. بس طبعاً هيه مش جمييييلة ، بس متعة للنظر! قالت بجرأة: شو تطالع!؟ تجربت منها وانا اقول: اطالع ويهج الغاوي !! اول ماتقربت زحفت هيه على ورى واحمرت! مسكت ايدينها وانا اقول بصوت خفيض: تبين تخوزين حناج انتي بغسول الصحون؟! ابتسمت بهدوء، وتخبلت انا بهدوء! قالت: منصور انا متعودة على الشغل فالبيت .. خوانيه ماكان حد يطبخ الهم غيري انا، والصحون انا الي اغسلهم وكل شي انا الي اسويه .. يعني متعودة على الشغل .. رفعت ايدها وبستها وانا اقول ببطء: لا فديتج، البيت ممزور خدامات .. و المطبخ ماتدخلينه .. بعدين فيه خدامات و طباخين بس حق هالشغل .. انتي عندج شغل ثاني لازم تتهمين فيه! نزلت عيونها وهيه تقول: وشو هالشغل الي بياخذ منيه اربع وعشرين ساعه متواصله؟! انسدحت عدالها و ظميتها وانا استنشق ريحة شعرها .. عقب قلت بهدوء: أنا! . . اليوم الثاني ,, الساعه 6 ونص .. | عبدالله | . . كنت راقد ومتريح يوم حسيت بتليفوني وتيليفون هند يصيحون! فزيت بسرعه و ومديت ايدي اطالع منوه الي متصل .. بسم الله! شفت مكتوب حمد .. رديت انسدح وانا اقول لهند الي ماقامت: هنووود تليفونج يصيح! لفت عليه وهيه تقول: خله يولي .. نعساااانه! ابتسمت بهدوء وانا انش وارد اتصل لحمد .. اول مارد قال بسرعه: عبدالله .. انته وين؟! .. قلت: فالبيت .. ياريال وعيتني من عز رقادي، شو تبا!؟ قال : تعال انا برع .. ابا فرمسه! وبند عنيه .. فريت التيليفون وظهرت متلبس وزار وفانيله .. ريته فالصاله ساير راد .. اول ماشافنيه قال: بسرعه عبدالله تلبس بنسير المستشفى .. قلتله بصدمة: ليش شو الساالفه؟! قال بسرعه: عيد و ربيعه مسوين حادث ، توهم متصلين فيني .. بسرعه بترياك فالموتر! رديت للحجرة بسرعه ، شليت كندورتي الي فصختها اليوم الفير يوم انا راد من الصلاة، شفت هند واعيه وترمس فالتيليفون .. لفيت بظهر وانا اسمعها تقول بصدمه: شووووه؟! .. منووه قالج؟! يت بسرعه وقبظتنيه من ايدي وهيه ترد على الي فالتيليفون: لحظة علايه! قالت لي: عبدالله صدق عيد مسوي حادث؟! قلت بهدوء وانا قلبي احسه بينفجر من الروعة: هيه .. بس ماعليه شر يقولون هوه بخير .. طالعي امايه ولا تخبرينها الا يوم اانا اتصلج .. يالله مع السلامه! ظهرت عنها و سرت صوب موتر حمد .. قلتله: منوه عنده؟! قالي: مبارك وعميه هناك .. قلتله: شو السالفه؟! قالي: تريلا انجلبت يدامهم و هو لف يبا يتفاداها جان تجلب سيارته لنه كان مسرع .. وشلوه صوب توام! : شو استوى على ربيعه؟! قال بسرعه: ماعرف انا شي .. بس مبارك خبرنيه وقالي اخبرك .. الله يستر .. ان شاء الله يكون بخير .. وصلنا المستشفى الي كان زحمه .. ربعت ورى حمد الي دخل صوب الطواري وخلينا الموتر مفتوح و حالته حاله .. دخلنا صوبهم وانا اشوف مبارك وعميه .. قلتلهم: شوو بلااه عيد؟! شو قالولكم؟! قال مبارك: فالعمليات بعده .. الله يستر ! قال عميه: استهدو بالله، ان شاء الله انه بخير .. الشرطه تقول الحادث بسيط .. قال حمد: انزين محد ظهر ولا شي؟ قال مبارك: لا و الله .. من دخلوا قبل ساعه محد ظهر .. الله يستر ياريال .! لفيت عنهم وانا اقول: بسير اطالع حد اتخبره عن ربيعه! قالي مبارك: ربيعه فالحجرة الثانيه .. بس الحمدلله ماياه شي .. الظربة يت من صوب عيد! ياااالله .. ياالله عووونك! سرت صوب الحجرة و دخلت .. ريته يالس على السرير وصدره عاري وعليه كمن جرح . و الممرضه تحط شاش على راسه .. و ايده ملفوفه! : السلام عليكم .. لف عليه .. كانن عيونه حمر .. و راسه فيه كمن خدش .. قال بهدوء: وعليكم السلااام .. مرحبا بوحميد! قلتله: السلووومه يا حمدان ، الحمدلله ع السلامة .. قال: الله يسلمك .. اانا ماياني شي .. ياغير عيد الي تم فالموتر! وقال بغبنه: شو حاله هوه؟ .. ماقالولكم شي! قلت اهديه مع اني ماعرف شي: ماعليه شر .. عيود ماينخاف عليه! هز راسه وهو يقول: كله منيه .. انا الي ماطالعت الدرب ! حطيت ايدي على جفته وانا ارص عليه: لا تقول جيه ، انته غالي شرات عيد .. ان شاء الله انه خير .. صاح تيليفونيه ، فقلت له وانا اظهر: بسير اطالعهم، اسمحلي .. قال بسرعه: ردي خبر ماعليك امر! هزيت راسي وانا ارد على التيليفون: هاه هند؟ .. شوه؟! قالت بسرعه: عبدالله شو استوى؟! .. بلاه عيد؟! قلت بهدوء: بعدهم ماظهروه ، انتي بس لاتخبرين حد .. واذا حد اتصل عليج قولي اي شي! قالت: منوه بيتصل من صباح الله خير.. انته خبرني شوبيستوي عليكم، لاخلوني احاتي اروحي! قلتلها: ماعليه فديتج .. يالله مع السلامه! : مع السلامه .. الله يحفظكم .. تنفست بعمق وانا اتنهد، على الاقل صوت هند ريحني شوي .. سرت صوبهم .. كان دكتور ظاهر وواقف وياهم .. وصلت وانا اسمعه يقول: هو بخير الحمدلله، بس جتفه انخلع، وعنده ظربه فالراس وكمن ظربه بسيطه فجسمه.. ان شاء الله انه مافيه شي ثاني .. بس نترياه ينش و عقب كل شي بيكون بخير .. قاله عميه: نروم نشوفه؟! هز راسه بلاء وهو يقول: اسمحلنا، عقب مايظهر بيودونه العنايه فما بترومون تحدورن عنده، مافيه اي مجال .. قلتله: الله يسلمك دكتور بس خبرنا بكل شي .. لا تخبي شي! كنت اطالع ويهه وعيونه، اعرفهم انا الدكاتره كل شي يخبونه ويتحرون الاهل مايبون يعرفون على حالته المريض .. قال ببسمه: والله كل شي تمام ، بس نترياه ينش .. ومابجذب عليكم .. في احتمال انه يكون عنده ارتجاج فالمخ لنه كان فيه نزيف، بس عدا على خير الحمدلله، يوم ينش بنعرف كل شي، بس ان شاء الله انه خير .. قال مبارك بصدمه: ارتجاج فالمخ؟! قلتله: دكتور وهالارتجاج بيأثر عليه اذا نش؟! قال : اكييد .. بس نحن لين احينه مانعرف شو بيسوتي ، اذا نش عقب عقب اقل عن 20 ساعه بيكون بخير .. واذا مانش .. الله يعين بس! نزلت راسي وانا اتنساند على اليدار وعميه وحمد يلسوا على الكراسي .. يالله، شمعنا بس اصغرنا جيه يستويبه؟! . . | هند | الساعه 8 وربع الصبح .. كنت يالسه على اعصابي، كل شوي اوقف ولا اظهر برع يوم اسمع صوت سياره، بس اكتشف انه صوت سياره خاطفه من جدام البيت لنه الباب العود كان مشرع! شليت التيليفون بتصل على عبدالله .. بس شفت انه حد اتصل عليه ومارديت عليه .. اتذكرت انه حطيته على الصامت يوم سرت اسوي الريوق ويا البشكاره ، كانت علايه .. حليلها مستهمه هيه بعد .. رديت اتصل الها .. قالت على طول: وينج انتي عن التيليفون؟ ,, انا تروعت ومن الروعه ما اتصلت مره ثانيه خفت يكون شي استوى! قلت بهدوء: لا ماشي .. عبدالله يقول الدكتور قالهم انه بخير، بس يتريونه ينش عسب يتأكدون انه مافيه شي .. سكت يوم سمعت موتر عند باب الصاله، قلت لعلايه: علايه فديتج بسير شكله حد منهم يا ! بندت عنها وانا احط الشيله على راسي .. كان حمد ومبارك داخلين من الباب .. : السلام عليكم .. رديت السلام و انا ابعد عن الباب عسب يحدرون .. قلتلهم: هاه شو قالوا عن عيد؟! قال حمد وهو يطيح على الغنفه: ماشي .. بعدهم يتريونه ينش .. امايه مانشت!؟ هزيت راسي بلاء .. استحيت اتم وياهم ارواحنا .. فقلت لهم: قربوا تريقوا .. انتو ماكلتو شي من عشا البارحه صح؟! قال مبارك وهو يسير صوب قسمه : انا ما اشتهي .. ماعليج امر بنت العم طرشي حد يوعيني عالساعه 11 عسب الصلاة .. قتلته: تامر .. ان شاء الله .. كان حمد منسدح ورافع ريوله على الطاولة .. قلتله: بخيت كان وياكم هو وابويه؟! قال وهو يعدل يلسته: عميه هناك بعده ويا عبدالله .. لكن بخيت مايا ! اتجدمت صوب الطاولة وصبيت له كوب جاي وحطيته على الطاولة وانا اقوله: عيل اسمحلي بسير اغفي شويه .. بغيت شي؟! هز راسه بلاء .. وقال: تسلمين بنت العم .. ماتقصرين .. كنت توني بفج باب القسم وبدخل يوم قالي: لحظة هند .. لفيت عليه وقلت بهدوء: آمر؟! قال بسرعه: مريوم مطرشه مسج .. وسكت ، خفت تكون درت عن الي استوى لعيد فقلت له بسرعه: لايكون خبرتوها!؟ قال بسرعه: لا لا .. عنبو تبينا نروعها .. لا تقول مابيسافرون غير الاسبوع الياي، واونهم مسوين غدا اليوم صوبهم .. فلازم حد اييهم .. قلت: وعيد؟ .. بتخبرونها يعني!؟ تنفست بهدوء وقال: لا ماظني .. بنطالع عبدالله شو بيقول هو وامايه! هزيت راسي وقلت: زين عيل .. اسمحلي .. : مسمووحه .. دخلت داخل و عقيت الشيله .. سرت حجرة الملابس وغيرت الكندورة بلبس رقاد خفيف .. دام انه حمد ومبارك ردو من عند عيد ، فاكيد السالفه خير .. انسدحت على الشبريه وانا اطرش مسج لعبدالله .. قلتله: غناتي انا بغفي شويه .. مابتي ترقد قبل الصلاة؟! .. انته من البارحه هب راقد؟! رد عليه عقب لحظات : ماروم اخلي عيد اروحه .. انتي رقدي ماعليج .. واذا استوى شي بخبرج .. خلي تليفونج مفتوح .. قلتله: زين .. انتبه على عمرك الغالي .. الله يحفظكم .. حطيت التيلفون عدالي، و شليت مخدت عبدالله وحظنتها! وغطيت فرقادي! . . | علايه | الساعه 10 ونص .. في ميلس قوم بو هند .. . . حطيت المدخن فممر المغاسل، و فتحت حجرة الطعام و الميلس و شغلت المكيفات كلها .. كان فايدي عطر للمفارش، و يلست اعطر به المفرش اليديد .. اليوم الغدا عند ابويه، و صلاة اليمعه ماتم عنها غير ساعه ونص او اقل .. سمعت صوت ورايه .. يوم لفيت، كان خالد ولد خالتي واقف عند الباب وفايده سويج موتره !! رفعت حايبي بغيظ وانا اقوله: مرحبا خالد .. اقرب! ابتسم ابتسامة وسيعه وهو يرد: لمرحب لااهاان .. حي الله علايه .. شحالج؟ كنت يالسه على اركبي واعطر المفرش ، جان اي هو وييلس على الغنفه الي عدالي على طول .. وقفت و ابتعدت شويه .. ماتغشيت، لنه متعودين عليه، و بعدين هوه حسبة ريلي! قال : افا ماتردين!؟ .. انزين علومج؟! .. وشو الصحه ربج ماتشكين باس؟! لفيت عنه وانا ارد بامتغاظ: زينه ربي يسلمك . شحال خالوه؟! .. وهلك عساهم طيبين؟! قال بهدوء: كلهم بخير .. وسكت ، عقب قال : وانا بخير من شفتج .. تأففت بصوت عالي و سرت صوب المغاسل عسب اشل المدخن واظهر عنه .. بيفتح السالفه مره ثانيه .. !! تبعني وقال : يعني مابتردين؟! .. ياحرمه تراني تعبت من كثر ما اتريا .. لفيت صوبه وانا اقول بغبنه: خالد بلييز لا تبدا .. وكملت وانا ااشر بايدي اني بخطف .. بس هوه ماتحرك : انا قلتلك مليون مره، مابا ملجه ... ورفعت راسي وانا اقول بصرامه: مابا العرس بكبره .. بس انته .. قطع كلامي وقال بصرامة اكبر من صرامتي: وانا قلتلج من زمان لاتفكرين مجرد تفكرين اني بفرط فيج .. اذا انتي ماتبيني فأنا مليون أباج .. مايخصني .. نزلت راسي .. حاسه بظيج واحينه يا هذا يزيدها عليه .. قال بهدوء وهو يتجرب منيه: علايه فدييتج روحج انا والله مابا غير الخير لج .. ليش ماتفهمين؟ ابتعدت شويه وانا اقول بسرعه: خالد بليييز بلا هالكلام .. انحن هب مالجين عسب تسمعني كلماتك هاي .. واتجرأت وانا ارفع راسي واقول: الي مثل ويهك! ابتسم بقو وهو يقول: ياحلاات المدح من ثمج .. حتى شكله غيير .. اونج تسبين؟! لفيت عنه وانا احاول ما ابتسم .. قلبي يتقطع عليه .. خالد هذا رفيق الطفولة .. احبه من واحن صغار .. بس انا المرض الي فيني يباله عنايه وانا ماباه يتعذب ويايه .. يسد الي يستوي كل ماسرت افحص او آخذ الدوى .. قلبي ظعيف من وانا صغيره، لني ولدت عالشهر السادس .. و الحمدلله اني كبرت اصلاً .. و انقباضات القلب الي تستويلي، الدكتور يقول يمكن تتحول لمشاكل عصبيه،... انا حتى شغل البيت ماروم عليه، كل ماتعبت شويه احس قلبي جنه حد يضغط عليه او حزام يشد عليه .. عسب جيه طول الوقت ما اسوي شي غير الاشياء العاديه الي مافيها مجهود .. واي ضغط من اي نوع، يمكن يسبب لذبحة صدرية شرا ما يقولون .. مد خالد ايده جدامي وعقد حياته وهو يقول: علايه ؟؟ ..علاايه بلااج؟! هزيت راسي ببطء وانا اقوله: خالد .. خلاص اذا تبا مجلة انا عادي عندي! فتح عيونه بصدمه وقال: شووه؟! عقب ظحك: هههههههه قولي والله؟! .. صدق علااايه؟! ابتسمت بحزن وانا اقول بغبنه: هيه صدق .. بس ابويه لا يدري اني رمستك .. عقب تذكرت ان عيد مسوي حادث فقلت وانا اظهر من ممر المغاسل: ولد عميه مسوي حادث اليوم الصبح .. فأجل رمستك لين مانعرف شو بلاه! قال بسرعه: افا عليييج انتي تامرين أمر .. وشو بلاه ولد عمج؟! قلت بهدوء: مادري .. ماعطونا خبر، ابويه بعده عنده فالمستشفى .. شليت العطر و المدخن .. ووقفت عند الباب .. عقب لفيت عليه وطالعته .. ابتسم وقال: لا تحاتين ... بحطج فعيوني .. و هالظنون الي فراسج خوزيها ، انتي تعرفيني من وانحن صغار .. بعدني خلوود ربيعج ماتغيرت! ابتسمت وانا اقوله: هيه صح، انته و هالسمنه ..!! ظحك: هههههههههه جانج تبين انقص وزني ماااعندي مشكله .. هزيت راسي بهيه وانا اقول بسرعه: هيه هيه ، واذا ماوصل وزنك ل70 ما بوافق عليك! ورفعت حياتي فويهه وانا اكمل: ولا بنت علي ماتاخذ بو تمبه!! ظهرت وانا اسمع ظحكته .. ادري قرار مينون مثلي .. بس انا مليت من حياتي .. من عقبب ختيه عذووج وانا ظايجه، و شما متغيره من دخلت هالجامعه، و هند عرست .. تميت الا انا وامايه متجابلات .. وامايه اكثر اوقاتها عند ربيعاتها ويمعاتهم فالشعبيه او هنيه فالبيت .. مليييييييت من تسلط ابويه .. صح هو يعزني على اساس اني مريظه وجيه .. بس ابويه اصلا طبعه عوف ..! مابا اقظي عمريه فهالحياة .. على الاقل اكون ويا واحد اعرفه ويعرفني احسن من انه ياخذني واحد مايجربنا شرات عذوج الي استوت الها واااايد مشاكل بداية عرسها، وتوها يوم يابت سلطان بدت حياتها تتصلح .. الله يعيين ..! دخلت البيت ، كانت اميه فالمطبخ عند البشاجير .. و البييت هاااادي، شما طبعا بعدها راقده، .. بس قلت يمكن نشت .. لازم ارمس حد ولا بتخبل! دخلت قسمنا ، كان باب حجرتها مفتوح، سمعت صوتها ترمس فالتيليفون شكلها .. سمعتها تقول: اموووووني خبريه يوم الاحد الياي .. هالايام ماروم! اموني؟ .. منوه اموني ماحيد حد من ربايعها سمها امنه! فتحت الباب وطليت .. طالعتني وعقدت حياتها .. عقب قالت : اقولج برمسج خلاف .. الدنيا مغيمه! رفعت حايبي وانا اقول: الدنيا مغيمه!؟ .. قصدج يعني اظهري؟! طالعتني عقب مابندت وقالت: افففف علايه غاديه حسااسه تراج! قلت بصدمه: شوه؟ .. انا حساسه ولا انتي متغيره وغاديه عوفه! قالت بظحكة سخريه: فدييتج روحج انا .. يعني حد عايش ويا ابو مثل ابوج و حالة مثل حالة عيالتنا .. المشاكل منها وفيها .. ماتبيني اغدي عوفه! قامت من الكرسي الي كانت يالسه عليه وقالت بهدوء: لو سمحتي من غير مطرود .. برقد !! كنت بعدني فصدمتي .. بس تذكرت انها اول مايينا البارحه شلت واير النت الي بخيت حطه الها على اساس انها بتحتاجه عسب الجامعه، قلت بصرامه: انتي هب راقده من البارحه شوه؟! قالت وهيه تتلحف: اففففف بتبدا احينه .. هيه كنت ارمس ربايعي متفقه وياهم .. و قبل ساعه بندت عنهم .. زييييييين جيه؟ ارتحتي؟! هزيت راسي بصدمه وانا احس قلبي بدا يعروني : انتي متخبله؟! قالت بصوت عالي : علايه عاااااد ؟ .. ابا ارقد بتظهرين ولا شوه! حيت ايدي على صدري وانا اضغط عليه وقلت بصوت خفيف من الالم الي ياني فجأة: بظهر بظهر ، عن تاكلييني بعد .. بندت الباب ورايه وتساندت عليه .. شوي شوي بدا الالم يخف .. حاااسه بظييجه ياناس .. وانا مغمظه عيوني سمعت صوت ابويه عند راسي: عليا .. شوبلاج؟! رفعت راسي صوبه وانا احاول اتحايل على روحي: فدييتك ابويه مابلاني شوي .. حسيت بتعب فيلست .. تم يطالعني ببطء جنه يبا يقول شي .. بس نظرة الحنان الي يت فعيونه للحظة، اختفت بسرعه مثل ماظهرت .. قال وهو يمسح لحيته: هيه زين .. سيري عاوني امج ولا تخلون شي ينقص على الغدى .. قلت وانا اوقف زين: ماعليك ابويه . عيد شو استوى عليه؟! قال بسرعه وهو يظهر: ولد عمج زين .. لكنه بعده مانش .. يالله بخليج! وظهر من القسم .. سرت بسرعه صوب حجرتيه .. شليت مسكن للآلام و شربته ويا الماي .. وفريت روحي على السرير .. احس عمريه رابعه 100 متر!! . . |
مرحباا السّاع ريماس .. شحالج الا بخير؟
شُكراً لمرورج يَ الغلا ^^ حيّاج الله |
الجزء الثامن .. | غايه | اليوم الي عقب ليلة العرس .. اليمعه، الساعه 1 الظهر! . . كنت يالسه فحجرة الطعام ااكل بنتيه .. كانت منسدحه فحظنيه وانا سرحانه! اتذكر شو استوى البارحه .. ناصر كان وايد هادي! يوم دخل الموتر، سلم وسكت .. و من عقبها مارمس! لييين احيينه مارمسني فشي يسوى يعني .. سمعت صووت ويايه فالحجرة .. لفيت ماريت حد .. شكلي اتخيل .. هل البيت كلهم مروحين صوب بيت عمهم .. الغدا اليوم عندهم، وانا ومنى تمينا .. منى فوق تقول عندها امتحان يوم الاحد وبتذاكر له عسب باجر يوم نسير المزرعة تكون فاظيه ! نزلت راسي و يلست عذوب .. بس ريتها رقدت .. نفظت ايدي وكنت بوقف وانا اشل عذوب بايد وحده .. مادريت الا بويه سكنيه يدامي وصراااخ مادري منووه! مااحسيت بشي الا اني احط ايدي على ويهي واصااااارخ: آآآآآآآآآآآآآآآ! قلبي احسه طااااااااار! خوزت ايدي بسرعه وانا ابتعد شويه .. بس ما ابتعدت وايد وانا اشوف أحمدوووه ينزل تحت وصيااح عذووب! اتذكرت انها كانت فثباني .. على طول وخيت عنده وانا اشوف الدم سايح من خشمها .. تخبلت .. وانا اصااارخ: الله يغربلك طااالع شووووو سوييت! شليتها وانا اصيح وياها: فدييتج والله .. حبيبي خلااص .. منى ... منــــــــى! تميت اصارخ و نا ادور محلي ويا عذوب .. مادريت الا بايدين احمد تشل عنيه عذوب ويصارخ : تلبسي عباتج بسرعه بوديها المستشفى! يوم حسيت انها فامان فايده ربعت برع بسير القسم .. لفيت منى يايه تربع وهيه تقول: اييه غاايه لا تربعييين .. بلااج تصارخين توج؟! دخلت الغرفه مثل المينونه وانا ادور لعباتي واخرط على منى: عباتي .. طااحت عذووب من ايدي .. دم فيييهااااا دم يا منى!! وقفتني فالنص وانا مييييته من الصيااح .. عطتني طراق خفيف وهي تقول بصدمه: غوووويه بلاااج .. شوي شوي عسب افهم؟ دزيتها عني وانا ادور لعباتي : عباتي ويييين؟! دورت عند الشبريه ماريتها .. سرت صوب الشماعه كانت الغشوة و الشيله .. تلبستهم بسرعه و يتني منى شاله العباه .. عطتني اياها وانا ظهرت من القسم وانا اتلبسها .. قالت بسرعه: ويين ساايره انزين؟! ظهرت من البيت اربع .. حتى نسيت نعالي .. بس يوم ظهرت محد كان موجود! لا موتر أحمد ولاا أي مووتر! يلست على الدري اصييح مثل المينونه! يتني منى وحظنتني وبدت تصيح ويايه: غاااايه بلااج؟! قلت بتقتطع: احمد .. احمد خلاني اطيح .. عذوب ، كان فيها دم، يااربييييييييييه! شكلها مافهمت شي ، بس يوم سمعت احمد شلت تليفونها من مخباها واتصلت به .. وانا ال اصيح واتخيل شو بيكون فيها .. هيه اصلا توها ظاهرين الها ظروس من جدام .. و صغروونه و البارحه سرنا المستشفى وعطوها مغذي .. يا ويلي عليج يا عذووب! سمعتها ترمس: انته وين ؟؟ شو بلاك انته خبلت البنيه! .. وصلت انزين .. ماعليه اتقف فالدرب .. لاااتسرع احمدوووه! يريت عنها التليفون وانا اصارخ: وييين ساااير ببنتي انته!؟ قال بهدوء بس كنت اسمع صوت عذووب تصييح: ام عذووب هدي شوي .. تراج انتي .. رديت اصارخ: رد رد احينه .. انا ابا اسير وياها ! . انته ليش اصلا تسير من دوني! قال بصراخ مثلي: تراني اسوق وعذووب فثبااني تصيح .. لاتخليني ادعم احينه!! بلمت مره وحده يوم قال ادعم .. تخيل شكل عذوووب و الدم .. انا هالدم شويه ماتحملت يوم شفته!! قلت بصوت اهدى، بس بعدني اصارخ بالنسبه لصوتي الطبيعي: ليش سرت انزين تراني كنت بييب عباتي! قال بهدوء: اتاخرتي عليه .. فسرت .. خلي الدريول اييكم .. ولا اتصلي فناصر! قلت: انتبه لها احمد .. دخيييييلك شوي شوي عليها! قال : ماعليج انتي .. بس خلو حد ايبكم .. لني مابعرف اسكتها! بندت عنه واتصلت على ناصر على طول .. ابطى مارد عليه .. اول مارد: نااصر تعاال بسرعه البيت .. قال : بسم الله .. عنبوووج يا منى سلمي انزييين .. ما حلفت سالفة انه ماعرف صوتي .. ولا كيف واحد له 2 ونص مايعرف صوت حرمته : عذوب طاحت ، وابا اسيرلها المستشفى .. حسيت انه فز من مكانه وقال بسرعه:شووه ؟ . كيف يعني طاحت ..؟ .. يالله يالله ياينج انا! بندت عنه و فريت التليفون على منى الي قالت: الله يهدييج والله انج روعتيني .. قلت : يعني ها مايروع بالله علييج .. اخوج هذا بيذبحني يووم! قالت: هو شو سوى انزين! وقفت وصارخت فويها: اقولج ياي بهاك القناع الي يروع بلد، وبغا يحدر فحظني وروعني هو وصرااخه ... قالت بصدمه: هو خوفج بقناعه؟! .. انا قلت له انج تتروعين ولا يسير لج! قتل بغيظ: لا الحبيب يايني ومخوفني ، وهو يشوف عذوب فحظني .. كيف جيه يسوي!! قالت باستغراب: يمكن ما شافها! قلت بعصبيه: الاعمى بيشوفها .. يعني انا يالسه اروحي فالحجرة شو اسوي! قالت: تتغدين! لفيت عليها بعيون اطلع شرار وانا ارد بنفس العصبيه: اكيد بدافعين عنه هب اخوج! خطفتها ووقفت فنص الحوي اتريا ناصر .. و الله لو استوى الها شي .. انا بقول لناصر يظهرنا من البيت .. عنبو كل يوم فلم رعب .. هذا احمدوووه ماتقول ريال بو عشرين سنه .. جنه بو سبعتطش! . . الساعه 2 ونص الظهر .. بيت بو منصور .. | مريم | تلحفت زين يوم حسيت بمنصور يتحرك فالحجرة .. لفيت اللحاف ليييييين ويهي! ماكان شي طالع منيه .. بمووووت يااربييه! تصدقوون؟! .. أنا عرست! هيه و الله عرست بالمعنى يعني .. يعني غديت حرمة و عندي حيااااة وريال اعابله! اووه ماي قاد! .. غمظت عيوني بقو يوم تذكرت شو استوى اليوم ، و الله انه يوم حظني ، حسيت بجسمي كله ينتفظ! .. انا كيف سويت جيه! والله حسيت عمريه خايسه! .. بس عادي انا حرمته احينه! صح؟ بس مب مصدقه؟ .. كييييييف بين ليلة وضحاها؟! ... حسيت به ييلس على الشبريه، لااا دخييييييييلك .. رديت اغمظ عيوني واتلحف زين .. بس هو ير اللحاف بقو وهو يقول: مطوله وانتي منخشه عني؟! نزلت راسي لين ماطاحت قصتيه على ويهي .. كييف مجابله؟ .. انا بالكاد اروم ارمسه فكيف اطالعه و اعيش ويااااه؟! كيييييييييف؟! كييف البارحه ماحسيت بالمسحتى شرات احينه؟! قال ببطء وهو يتجرب منيه: لاا شكلج تبينا تأخر زوود .. ! نشيت بسرعه وانا اعدل لبسيه .. مارديت عليه وانا ادور الحمام بعيوني .. كان بيمسك ايدي الي تنتفظ بس انا ربعت ربعان يوم تذكرت انه الحمام على يمين الشبريه! دخلت وبندت الباب بالمفتاح مرتين .. ووقفت اتنفس .. يااااالله .. كيف بتكون حياتي عقب اليوم.! طالعت شكلي فالمنظرة .. محمره .. اووف .. بدت الحياة الصعبة .. ماكنت ادري ان الحياة الزوجية جيه! صح هناادي بنت عمي وحرمة خويه خبرتني بسوالفهم .. بس بعد ماتوقعتها جيه! تساندت على المغسله وانا اتنفس بهدوء، اذا كنت ابا حياتي تكون هادية وزينة .. لازم اتعود على منصور وعلى هله , شكلهم عادي عندهم انا نيلس ويا الرياييل .. اتخيل شكلي يالسه ويا سعيد خوه .. ولا ابوووه اوه ماي قااد .. لحظة، اخته شفتها فالعرس، وحده شكلها مغروورة وجافه نفسها، هيه اصلاً خته من ابوه .. وخوانه من ابوه بعد ماعرفهم .. الغريب في السالفه، امه .. مايت العرس .. بديت اشك والله! يعني اشو الي بيخلي ام ماتحضر عرس ولدها .. عندي احساس انه منصور داخل فالسالفه، يعني معقووووله ماخلاها تحضر؟! لا ماظني .. ااوووف خلوني اتسبح احسن .. دورت عيوني فالحمام .. مم فيه فوطه من هالكبار .. على الاقل اقدر اتسبح من دون لا اظهر واييب مالتي والثياب .. تميت اتسبح ساعه و انظف شعري زين من عقب التسريحه الي نتفته .. خلصت و فتحت الباب .. كانت الحجرة فاضيه .. طالعت الساعه جدامي كانت 2 واربعين دقيقة! اووووبس ، اتأخرت وايد ! دام انه محد يا يوعينا، فأكيد العزيمة بيسونها الليله، هذا اذا كان فيه عزيمة! دخلت حجرة الملابس و يلست اتنقى .. كان فيه مخور رهيييييب ، يعني هو هب مخور، يشبه المغربي بس ، ماادري خلاطهم جنه! المهم خذته، لونه اصفر واسود، تلبسته بسرعه و نشفت شعريه، وسشورته .. خليت قصتيه على ورى وشويه منها ظاهر .. حطيت مكياج عاادي و روج وردي فااااتح ، يعني لونه هب واضح وايد .. و خلصت ! لحظة، شو بحط على راسي .. لازم اشل ويايه شيلة صلاه ولا شي .. دورت عن شيله صفوة شفافه لونها اصفر .. ريتها فالسدة الاخيره، شكلها فاطمة حرمة اخو منصور مرتبه ثيابي .. سرت و خذت عطر بويزن ميد نايت وتعطرت، و خلاااص احينه صدق خلصت! اووووووووه ماصلييييت الظهر! حاافظ عليه ..! تلبست لبس الصلاة و صليت .. و انا فالركعة الاخيرة، حسيت بحد يدخل الحجرة .. تحريته منصور فبديت اتوتر، لكني خلصت صلاتي بهدوء ويوم سلمت مااالفييت .. اووف احينه شو بسوي! . . | منصور | يلست عدال مايد ولد عمي وانا اقوله: حيه ولد العم .. قالي بغرور: وبك حي ولد العم! قلت باستفزاز: عيل ماشفناك امبارحه؟ قال: والله تعرف انته اشغال و بعد المركاظ جرب ، ماشي وقت ويبالي اجابل رجابي! رفعت حياتي بتأفف : بعدك ويا رجابك!؟ .. لف عليه و قال: هيه .. و لا عندك رمسه عليه يا منصور!؟ قلت ونا اطالع عيونه: لا ابد .. ياغير انك ماتنشاف ! قال: من زود الغلا يعني .. خل عنك منصور وقول شوتبا!؟ على طول جلبت جدي وانا اقوله: ليش سحبت فلوسك من البنك؟! مد بوزه باستفزاز وقال: و الله مايازلي .. وانا ريال ماعندي رمستين ! قلت بهدوء: اها، عيل لا ترد في رمستك مره ثانيه ... مش الريال الي يرد فرمسته مرتين و لا! لف عليه وقال بتهديد: ان عدت فهالسالفه مره ثانيه مابييك خير ترا! رفعت حايبي اليسار وقلت : شو بتسوي يعني؟! .. و كملت وانا ارد و اطالع الظيوف الي يدامي: ولعلمك يعني ، ترا مليونينك الي فرحان فيهن ، ماين ربع ميزان البنك .. و جانك ماتبانا ..مرره ماينصيحك! وقفت وظهرت من الميلس .. مش لني خايف منه، لا والله .. لنه يلسته ماحبها .. مشيت لين البيت .. تذكرت الريم الي خليتها ورايه! كيف بدل الصالة الي فيها فاطمة واميه .!. خاطري اشوف ردت فعلها يوم تشوف اميه! واكيييد هيه تتساءل ليش اميه ماحضرت العرس! يالله دقايق وتعرف، الا اذا كانت سابقتني ودخلت عليهن! وانا داخل من باب الصاله صاح تيليفوني .. كان عبدالله خو الريم! رديت عليه: مرحباا السااااع بوحميد! : لمرحب لاهاان .. حيه منصور .. شحالك؟! : فنعمه طال عمرك .. انته شحالك؟ وشحال هلك؟! رد عليه: مانشكي باس .. يقولي حمد مطرش له رساله! قلت وانا ادخل الصاله: هيه نعم .. اتصلت عليك لكن تليفونك كان مبند، قلت بتصل فحمد اخبره! قال بهدوء: عيل ماتبسافرون؟! طليت الصاله ماكان فيها حد .. رديت عليه: بنسافر الخميس الياي ان شاء الله .. عيل مابتون بوحميد؟ .. يت 3 ؟! قال بهدوء: والله شو اقولك .. عقدت حياتي وقلت: افا ؟ .. شوه؟! قال: عيد ياريال. مسوي حادث هو وربيعه! قلت بصدمه: متى؟! قال: يوم ظهروا من العرس، كان فيه ضباب تراه وهم بعد الله يهديهم مانتبهوا فالدرب! شفت اميه و فاطمة حرمة خويه و الريم يايين من الصالة الثانيه . قلتله: وبلاه عيد؟ شو استوى عليه! قال: قالوا انه بخير، لكنه بعده مانش وكان فيه نزيف ادى لارتجاج مخ .. بس الحمدلله ماشي ثاني .. قلت بهدوء: اها .. ياينكم انا عيل! قال بسرعه: لا لا و الله ماتي ! اشرت لهم وانا اسلم من بعيد و سرت الصاله الثانيه: شعنه مااي بعد.! قال بعد هدوؤ: بتعرف مريم .. وبتحتشر علينا، ماتعرفها انته هيه وايد متعلقه فعيد! هزيت راسي جنه واقف يدامي: هييييه زين .. بس بيكم العصر جيه .. بتكون هيه يالسه ويا هليه .. خبرني اذا طرا عليكم شي! بندت عنه بعد ماوصيته مره ثانيه .. ودخلت الصاله .. ياويلي انا عالاصفر! اول مادخلت انا نتزلت هيه راسها ,,, سرت عند اميه وسلمت عليها ,, كانت وايد ظعفانه .. قالت فاطمة على طول: مرحبا منصور ، شحالك؟! قلت بهدوء وانا ايلس يدام حرمتي: بخير وسهااله .. ونتي؟! قالت ببسمه وهي اطالع الريم: بخير الحمدلله .. مابغيت تعرس أي حد يردلي الصوت! لفيت عليها بحده وانا اقول: شو قصدج؟ ارتبكت وقالت : عاد منصور ماقصدي شي!! كنت ابا اطالع ويها كيف .. بس هيه منزلتنه وايد فما رمت .. شكلها توه استوعبت انها حرمتيه .. ولا البارحه مرره ماكانت مستحيه! قلت وانا اوقف: ريمان تعالي شوي! رفعت راسي وقالت: شوه؟! كان ويها احممممممممممممر .. ابتسمت بهدوء وانا اقول: تعالي شوي اباج! وطلعت من الصاله ، يلست اترياها عند اليلسه الصغيره الي على طرف الباب .. طلعتلي تتسحب .. : ههههههههه تعالي ماباكلج انا! كانت منزله راسها .. وقفت يدامي وقالت بهدوء: آمر؟! مديت ايدي ومسكته ويلستها على ريولي .. لني كنت يالس على كرسي واحد! انتفظت بكبرها وحاولت تقوم ، بس انا حاوطت خصرها بايديه وقلت بتملك: وين سايره؟! قالت بترجي: منصور دخليك فجني .. لو حد دخل احينه!؟ أنا صراحه دخت من نظرة عيونها الحور .. ماشاء الله وايد كبار وسود! قلت بهدوء وانا اطالع فويها: مايخصه فينا .. معااااريس! لفت عنيه .. و سكتت! عرفت انها مستحيه .. بس غريبه البارحه ماكانت جيه .. العكس حسيتها عادي! ابتسمت بخبث، يمكن من الي استوى امبينا .. شكلها ماكانت متخيله انه العرس جيه! قلت: اونج مستحيه مني؟.. وين الي كانت تسولف على الكوشه!؟ قالت بهدوء: احينه انته شوتبا؟ وقفتها ووقفت وياها .. مادري ليش قهرني ردها .. خوزتها عني و قلت وانا اطلع من الباب ..: ماشي .. بس كنت بقولج انه خوج الدلوع مسوي حادث! طلعت من البيت وسرت الميلس .. واتصلت بالطباخ وخبرته يحطون الغدا لنه الوقت تأخر .. يوم يلسنا نتغدى .. عورني قلبي! حراام ليش قلتلها جيه!؟ .. اووف مني انا وطبعي الخايس! طالعني سعيد: بلاك تتأفف!؟ قلت بسرحان: خو الريم مسوي حادث! قال باستغراب: منوه الريم؟! قلت : حرمتي .. بعد منوه؟! قالي: حرمتك سمها مريم هب الريم! لفيت عليه .. شوه؟.! .. ونا من الصبح اقولها الريم .. بس عادي تراه دلع لمريم بعد! قلت : شو يعني ؟ .. نفس الشي! قال: انزين شوبلاه خوها؟ .. عساه مايشكي باس؟! قلت بهدوء وانا اقوم: مادله يقولي مبارك انه بخير .. بسيرله المغرب وقت الزياره بطالع شوبلاه .. يعني ماسوى الحادث الا فايام عرسي انا! قال سعيد: اييه استغفر شو هذا؟! اشرت بايدي بعدم اهتمام وطلعت من الميلس! . . العصر .. الساعه 4 وخمسين دقيقه .. | عيد | حاولت افتح عيوني وانا اسمع صوت مزعج عند راسي .. اول ماتحرك راسي، حسيت بكل خليه فجسمي تنبض بالويع ..! آآآآآخ ... شواستوالي انا .. اكيد هذا عمر ولا عمير مخلين تليفوناتهم وفارينهم عندي فالحجرة! كنت ابا الف للجهة الثانيه واتغطى زين .. بس كل ماحاولت الف او اتحرك احس جسمي بيتكسر! سمعت اصوات وايده .. وايد بارده على يبهتي وتفتح عيوني .. بس انا غمظتها بقو يوم يا الليت فعينه بالضبط! اوووف .. هايلا شويسون؟.! فتحت عيوني ببطء .. بس رديت ابندها واون: آآخ ..! كان فيه حد فوق راسي يحوال يفتح عيوني .. آآآخ منوه هذا؟! آخر شي ما استحملت فقلت بصووت انا بالكاد سمعته: شوبلاك؟! سمعت الاصوات تشتد وانا الويع اشتد زياده .. آخر شي ماحسيت بالدنيا .. وغبت عن الوعي او رقدت! بعد فتره اظني .. فتحت عيوني ببطء .. كانت الليتات مبنده، هب منبده بس خفيفه .. ماكان فيه صوت .. فتحت عيوني ببطء وانا احس بصداع فظيييع .. و شده فرقبتي .. هب قادر احركها .. لفيت بعيوني فالمكان .. فجأة ، سمعت صوت صرير تواير الموتر، و الحديد الي يسحت على الشارع، و شفت التريلا يدامي!! غمظت عيوني بقو وانا اتذكر شو استوى! يااالله .. شو استوى خلاف .. ماذكر شي! فتحت عيوني وانا اقول: حمدان .. اتذكرت حمدان .. هو الي كان يسوق .. شو استوى عليه! حاولت احرك راسي .. بس رديت لنفس الوضعيه يوم عرفت ان الي مايخليني اتحرك هو مقبض حاطينه ع رقبتي .. عليت صوتي وانا اقول: حمدااان! مادري ليش حسيت انه هنييه .. خفت والله انه شي استوابه! بعد شوي حسيت بحد ويايه فالحجرة ، حركت راسي ، وعروني بس ابا عرف منوه! شفت نيرس .. حاولت ااشر الها ، بس كل جسمي يعورني .. وهيه يوم شافتني .. يت تربع وقالت: لا لا شوي شوي .. مافي زين! حسيت عمري بصيح من الخوف .. قلت بسرعه: حمدان .,, حمدان وين؟! عقدت حياتها وهي اطالعنيه .. عقب هزت راسها بالنفي وببطء! على طول يا فبالي الافلام الاجنبيه، يوم واحد يموت يهزون روسهم جيه! لااا .. هاي بعد هنديه، لاااا ... لاا حمداان! قتلها بعصبيه: حمدان ربيعي .. وينه! قالت وهيه تحاول تهديني: خلاص خلاص انا في يقول دكتور يجي! حسيت بدموعي اطيح وانا اهز راسي، ورقبتي تعورني .. صووتي رااح! حمدااان مات!؟ انا لييش خليته هو الي يسوق!كله مني .. كله مني! يوم غمظت عيوني .. تراوالي الحادث كله .. يوم مد ايده يبا يساعدني .. عسب جيه تم .. ولا كان يقدر يسير بعيد عن التريلا .. اكيد داسته! دااسته ؟؟ وو .. فعصته تحتها .. حسيت بدموعي تطيح مره ثانيه وانا اهز راسي بصدمه ..: لا لا .. حمدااان! دخلو وايد دكاتره وانا احاول افهم شي منهم .. يا واحد شكله مواطن قال: هاه عيد شو حالك احينه!؟ قلتله بصوت بالكاد يوضح: حمدان .. مات؟! ابتسم وهو يقول: ماسمعك .. شوقلت؟! سكت يوم يا يفحص عيوني .. قال بهدوء وهو يبتسم: افا عييد الريال مايصيح! قلت بغيظ: حمدان وينه؟! قال: حمدان الي كان وياك؟! رد يفحصني مره ثانيه بكل برود و الدكاتره عداله الا يطالعوني .. قالي: ماتحس راسك يعورك؟! غمظت عيوني ببطء .. يوم الواحد مايبا يرمسك عن شي، يعني هالشي الي انته تسأل عنه صح! يعني حمدان مات .. و السبه انا! يوم غمظت عيوني قال الدكتور: عيد تسمعني؟! مارديت عليه .. فيني غصه .. ابا اصيح! كيييف بعيش احينه!؟ .. حمداان ماات ياانااس و هالبايخ يخورط فوق راسي! قال مره ثانيه وهو يفتح عيوني ويرد يفحصهم: ماقلتلي؟ .. راسك يعورك؟ ,, ولا عيونك!؟ قلت بعد فتره وانا عيوني ادمع: شو تباني اقولك .. ماشي يعورني غير قلبي! قال بهدوء: افا .. بلاه قلبك؟! طالعته بحزن وانا اقول: اونك ماتعرف! لف على النيرس ويالها شي بالانجليزي .. بس طبعا مافهمته! لف عليه وابتسم بقو قوال: شو قالت لك عن ربيعك هالغبيه؟! فتحت عيوني وقلت: حمدان مات صح؟! وكملت بحزن: خلاص انا عرفت ، هب لازم تغبي عني .. يعني انا هب ياهل عسب اصيح! ابتسم وقال وهو يأشر على المخده الي خاست: عيل بلاها مخدتك خرسانه؟! قلت بغيظ: وين خوانيه؟ .. وين عمييه ؟! قال بهدوء وهو يحط ايده على جتفي: شوف عيد انا مابجذب عليك .. انته حالتك يبالها شويه عنايه . جسمك كله تمكسر من راسك لين ريولك .. بس الحمدلله مافيه شي جايد! يلس يرمس ويرمس ,, وانا قلبي يتقطع! قاطعته: انا ابا اعرف عن حمدان؟! عقب كملت: هو مات اول ماوصلنا ولا .. ولا كان فالعنايه؟! قال باستغراب: الي كان وياك ؟ .. اصلا مادخل العمليات! انصدمت .. يعني مات على طول .!؟ بس احسن له .. عن يتعذب! غمظت عيوني مره ثانيه! خلااص شو ابا اعرف من حالتيه انا .. حمدان ومات .. شو بسوي! قال الدكتور وهو يكتب على ورقة: انا بخليهم يودونك صوب غرفتك .. لنه خوك عبدالله حجزها .. و لنك ماشاء الله غديت احسن .. بس يبالك وقت لين ماترد مثل ماكنت .. قلت بهدوء: الساعه كم؟! قال: 6 العصر .. قلت: عيل حمدان دفنوه اكيد؟! قال: شوه؟ .. دفنوه؟! فتحت عيوني وقلت بشبه صراخ لنه صوتي رايح: قلت لك خلااص انا عرفت ، لاتيلس تستهبل وتسوي حركات الدكاتره !! قال بصدمه: أي حركات؟ .. انا اصلا رمست.؟! قلت بغيظ: انا عرفت انه حمدان مات، وانته ادريبك بتيلس تلف وادور وتقول سوالف عشان ماتخبرني على طول .. بس انا انصدمت وخلاص! قال بظحكه: منوه قالك ان ربيعك مات؟! ,, و الله انه بخير .. وسار بيتهم يقول بيغير وبيرد! فتحت عيوني بقو: لا تجذب عليه؟! قال بهدوء: و الله ماجذب! .. ثرك انته فاهم السالفه غلط؟! ابتسمت .. عقب ظحكت ، بس ماواحيت الا وانا : آآآآخ ! قال: هاه هااه شوي على عمرك! رفعت ايدي، بس ردت تعورني بقو .. بس رفعت شوي شوي وانا امسح عيوني .. قال: ها الي مايصيح؟! لفيت عنه وانا احاول ما اصيح من الفرحه عقب وقف زين وقال: احينه بيون النيرسات وبيودونك صوب حجرتك .. تراهم هلك كانوا هنيه بس روحوا يصلون وبيردون احينه! انا ماسمعت شي من الي قال .. غمظت عيوني ورقدت برااااااااااحه .. حمدان حي و انا بخير .. شو ابا بعدني؟! . . | شما | الساعه 8 فالليل .. . . بندت التيليفون عن اموني ربيعتيه اليديده وانا ابتسم .. يوم الاحد عندي موعد ضروووري !! حطيت التيليفون على الصامت وخشيته فمخبايه وظهرت من الحجرة .. شفت امايه داخله مثل الصاروخ و شاله فايدها التيليفون .. فتحت باب حجرة علايه بقو .. بس انا قلت لها: اميه علايه ورى البيت .. بلاج؟! لفت عليه .. ويها كان احمر جنها صايحه، و قالت: سيري زقريها .. بسرعه قولها اترياها فالحجرة! عقدت حياتي باستغراب .. بلاها امايه ,, بس عقب ابتسمت، على الاقل بيستوي اكشن!! ظهرت برع .. كان بخيت منسدح فالصاله و عنده كتب وحااله .. قالي: امايه وين روحت؟ قلتله وانا اظهر: سارت حجرة علايه تباها .. انته شوتسوي هنيه؟.. بالعاده تكون ظاهر! تأفف وقال: انا المفترض اكون فدورة كندا احينه .. بس ولد عمج هذا الي ماعنده توقييييت!! و كمل رمسته بصوت واطي ... قلتله وانا اوقف عند باب الصاله: أي ولد عم؟ .. عندي مزر الدنيا عيال عم؟! طالعني بغيظ وقال: ردي الشهادة ع ويهج .. عيد مسوي حادث اليوم الفير! شهقت وحطيت ايدي على ثميه: شوووه؟ .. وشو بلاه!؟ .. لايكون مات! رد يطالعني بغيظ و قال بعصبيه: جب .. وجلبي ويهج الخايس شرات فالج! ابتسمت باستمتاع وانا اقول: ياريال شو قلت انا .. اتخبر عن ولد عمي! سكت عنيه ومارمس .. جان اظهر وانا اتخيل شكله، هالولد عم اكرهه من يوم البر .. يوم خربلي كمبيوتري ... كان فيه كل شي عندي .. واحينه صفيت عالى الحديده شرات مايقولون .. يقولون هاي اخر سنه عنده .. بنشوف جانه بييب نسبه شراتي .. هههههه اصلا يخسي، انا علمي وهو الا ادبي! سرت ورى البيت ، ريتها يالسه عند الزراعه .. وقفت وحطيت ايدي على خصريه: انتي هنييه وامييه ادورج من الصبح؟! رفعت راسها عن دفترها وقالت بهدوء: شوتبين؟! قلت وانا ايلس عدالها: ماباج انا .. اميه تباج .. وفجأة شليت عنها دفترها وفتحت الصفحه الي كانت فاتحتها ... شهقت و حاولت تيره عنيه .. بس مارامت عليه وانا اوقف وابعد عنها و اظحك: هههههههههههه والله برده بس ابا اشوفه! بس سرطت لساني وانا اشوف الصورة الشخصيه و الرسم بالفحم الي عدالها .. نسخه طبق الاصل من الصورة .. بس ما انصدمت فالصورة كثر ما انصدمت فصاحب الصورة! .. خالد ولد خالتي!؟!!! وقفت عليا بسرعه وشلتها وهيه تصارخ فويهي : انتي ماتستحين؟! كنت بعدني فصدمتي يوم يت اميه ... طالعتها عليا وقالت: السموحه اميه كنت توني بسير .. بس هاي العنز شغلتني ...! وقفت يدامها اميه .. طالعت امايه .. كانت متغيره .. وعيونها حمر! فجأة .. مادريت بشي الا اميه ظاربه عليا طراق .. من الي يحبه قلبكم!! فتحت عيوني بصدمه .!!! هاييلاا بلاهم! .. عليا لف راسها على ورى .. واميه قالت بصراخ وهيه تفرها بالتيليفون: يومنج تبينه؟ ,, شعنه رديتيه اول مايا يخبطج؟! .. وكملت وهيه تتجرب منها: من ورانا يا عليا؟! .. وانا الي قلت عليا مستحيل تسويها!! نزلت عليا راسها وقالت: انا شو سويت انزين؟! صارخت اميه وانا واقفه بعيد اطمش: خااالد يالخايسه .. متصلي يقول انه اقنعج .. جنه ماهي مذهب، متصلي يقولي بنتج رمستها ووافقت .. هاي آخرتها! رفعت عليا راسها بصدمه وقالت: خالد اتصلج؟! حطت اميه ايدها على راسها وقالت: حسبي الله ونعم الوكيل.. لو ابوج هو الي رد عليه .. شو كان بيستوي! .. و الله ينه الدفن فيج هب حرام!! لفيت على امايه وقبظت ايدها وانا اقولها: اميه خلاص مايسوى عليج .. انتي ماتقولين السالفه انتهت .. خلاص لا ..! تملصت مني اميه بسرعه وهيه تصارخ: علياااااااااااا! لفيت صوب جهة عليا بسرعه .. ريتها طايحه و عيونها طالعه على فوق وتنتفظ! وخت عليها اميه وتمت تهزها بصدمه .. و انا ربعت صوب بخيت اخبره .. خمس دقايق وكنا فالدرب صوب المستشفى .. اميه ورى وانا جدام .. وعليا انغمى عليها! بخيت كان وايد مسرع .. واكثر عن مره بغينا ندعم لو ما الله ستر! دخلنا المستشفى .. كان زحمه كالعاده .. كان بخيت شالنها واميه وراه تولول!! انا استحييت من شكلهم .. كل العرب يلسوا يطالعونا! كان فيه شلت شباب واقفه الصوب الثاني .. لفت نظريه واحد منهم سار صوب الدكتورة وخبرها ويت تربع هيه و النيرسات ، يابولها حماله وحطها بخيت عليها .. لحقتهم اميه وبخيت تم واقف .. سرت وقفت عداله .. قالي بسرعه: سيري ويا اميه .. مابتعرف الهم ! .. سرت صوب الحجرة الي دخلوها ... كانت اميه واقفه برع و زاخه المقبظ مال الباب وتصيح .. سمعتها تقول: فدييتج ياعلياا .. كله مني كله مني .. سرت الها وحظتنها .. قلت بهدوء: اميه هاي هب اول مره تييها هالحاله .. قالت: خوزي عني .. ان شاء الله انها بخير ..! خوزتنيه عنها وقالت : اتصلي فبوج وخبريه! قلتلها: مايبت تليفونيه اميه .. قالت : خوج عنده تليفون .. سيريله عن يعصب بعد .. شفت نيرس واقفه عن الريسيبشن على يمينا .. سرت الها وقلت: اقولج هاتي كرسي وعطيه هييج الحرمه .. رفعت راسها اطالعني .. كانت تاكل علوج .. رفعت حياتها وقالت: جايفتنيه بشكارتج!؟ .. قولي حق عاملة النظافة بتوديلها! طالعتها بغيظ .. عقب قلت قبل لا اسير: عيل جلبي ويهج! فتحت عيونها اطالعني بصدمه .. بس انا ماعطيتها وقت عسب اترد عليه .. سرت وشليت اول كرسي يا يدامي و عطيته امي .. طلعت من الممر وانا ادور بعيوني عن بخيت .. ريته ساير راد .. سرتله بسرعه .. لف عليه وقال: انتي ليش هب متغشيه؟! توني اتذكرت اني هب متغشيه .. فقلت له بسرعه: نسييت .. امايه تقول اتصل فبويه خبره ! قال بصرامه: انجلعي يلسي عند امايه .. وتغشي! حست بوزي وانا اقوله: زيين! . . | مريم | الساعه 8 ونص .. . . كنت واقفه عن باب البلوكنه فقسمي .. متلبسه روب خفيف .. ويهي منتفخ! وقلبي متقطع! ماصدق ان عيد سوى حادث صدق! تساندت براسي على الزجاج وانا اتنفس بهدوء .. اووف .. اتصل على اميه ماترد .. ويوم اتصلت على البيت قالتلي انها سارت المستشفى! و منصور يقولي انا سرت له العصر .. وربعه عنده .. لفيت على الباب الي انفتح .. كانت فطيم .. طالعتني ، ثم قالت بصدمة: مريوووووووم، بعدج مالتبستي؟! .. العرب تحت يتريونج .. بعد العشا قب نص ساعه بينحط! لفيت عنها وانا اقول بغبنه: ومنوه له نفس يتعدل ويجابل العرب وهو خوه مرقد فالمستشفى! يت صوبي وقالت بحنان: فدييتج و الله .. خلي عنج هالتشائم .. تراه منصور يقول انه بخير .. يعني خلاص عدا مرحلة الخطر .. يوم حطت ايدها على جتفي .. بدت دموعي اطيح .. قلت الها بصوت يتخلله الصياح: انا .. ابا اجوفه .. حرام هذا عيد هب أي حد! حظتني وانا ماصدقت ، مت من الصياح، والله انه قلبي عورني يوم قالي العصر وهو ظاهر: ماشي .. بس كنت بقولج انه خوج الدلوع مسوي حادث! يتني فتره تميت جاااااامده، لاا واقفه واطالع الباب الي ظهر منه .. ويوم يتني البشاكرة تتخبرني بلاني اني ابطيت وانا واقفه .. ربعت صوب الحجرة وتميت فيها .. واتصلت بخواني كله ماردوا .. وخفت زياده .. ويوم اتصلت على اميه بعد ماردت، و البشكارة زادت الطين بله يوم رمستني ، .. قالت بعد فتره: يالله يالدلع عاد .. خلي عنج .. حرمة عم منصور تحت، و بناتها الثنتين .. بعد يارتنا يايه .. هاي ربيعة ام منصور من زماان، و اميه و خواتي تحت بعد ... يالله عااد! مشيت دموعي وانا اقولها : لو خلاني منصور اسيير كان ماصحت جيه .. على الاقل اعرف هو بلاه .. : تراني قلت لج مابلاه شي .. شوية رضوض واحينه شلوه حجرة خاصه وراقد متريح ! لفيت انا وفاطمة صوب الباب الي كان منصور واقف عداله .. نزلت عيوني .. قهرتني حركته .. بس بعد استحي ارمسه وايد! قالت فااطمة: ههههههه تعال شوف حرمتك الدلووعه .. من الصبح تصيح وحابسه عمرها من العصر! يا صوبنا ويرني عن فاطمة .. و حـــظني! اووه هذا ويين يباا! حسيت ويهي يعورني من المستحى وانا احاول اخوز عنه وهو يقول: لا تحاولين مابفجج! غمظت عيوني وقلت بصوت واطي: بس منصور .. بسير ابدل! فجني وقال وهو يزخ ويهي: انزين .. بس لاتبطين على العرب! فتحت عيوني بصدمه من حركتها .. لفيت بسرعه وانا اطالع فاطمة .. بس كانت محد! قال: روحت، يعني تتحرين بسوي هالحركة وهي مجابلتنا! مادري كيف قلت: والله ما استغربها عليك .. وايد جريء! ظحك: ههههههه عادي عادي .. حرمتي ولا! طالعته بنظره، بس ماطولت وانا انزل راسي .. ياربييه منه ومن عيونه! كنت بسير ابدل .. يوم سمعته يقول: شو شفتي امايه!؟ كنت حاطه ايدي على مقبض باب حجرة الملابس .. بس تيبست من سألني .. ردتلي الرجفه! .. ابداً ,, لا فسااابع تخيلي، ان امه بتكون مغربيه .. لا بعد! مقعده، و و .. ويها محروق!!! انا مااصدقت .. وقلبي عورني .. مررررررره مارمست وياها ولا طالعتها .. بالكاااااد سلمت عليها اول مادخلت .. ويلست بعيد عنهم .. وهيه تتخبرني عن العرس و عن كل شي! ساعتها، حسيت بالووعة .. حسيت اني برجع الي فبطني كله! بس استحملت لين مايا منصور وزقرني .. كنت منزله راسي مستحيه منه و من امه،!! .. ياربي كييف! اتذكرت اول مادخلت .. كانت يالسه .. انا مالاحظت الكرسي .. لنها كانت يالسه على الغنفه، و الكرسي محطوط ورى الغنفه .. اتجدمت ويا فاطمة، ووقفت يدامها، وخيت عليها بحبها على راسها وانا اسلم .. بس من رفعت راسها، فتحت عيوني بصدمه، وشهقت بالغلط، و الله اني سميت ففؤادي من الروعة، ويها ,, كان محروووق، عيونها واضحه، خدها اليمين كله محروق، و نص ثمها، و ويها من اليسار محروق بس هب شرات اليمين .. و ايدينها نفس الشي! انصدمت .. سلمت وبسرعه ابتعدت وهيه تسلم عليه ..! و يوم يلست .. لاحظت الكرسي .. وانصدمت زياده ..!! رديت للواقع يوم حسيت بايدين منصور على جتفي . انتفظت مره ثانيه .. نزلت راسي وانا اسمع يقوله: شوه ؟ .. تروعتي؟! .. وكمل وهو يسند راسه براسي: هيه جيه شكلها من كان عمري 10 سنين .. انا تعايشت مع السالفه .. قمت اشوفه شي عادي .. ماطاعت تسوي عمليات تجميل، و تمت مثل ما هيه .. نادر ما تحضر اعراس او تظهر من البيت .. وعشان جيه ماطاعت تحضر عرسي .. بس انا بعد مابغيتها تحضر، لنهم ، اولا بيعلقون انها مغربيه، ثانياً ان مشووه! غمظت عيوني من وصفه .. قلت بهدوء وانا بعدني ارجف: بس .. كاان .. كنت تروم تخبرني .. هب انصدم جيه! .. انا والله ... ماعرفت شو اقول! لفني صوبه و قال وهو يبتسم: خفتي صح؟! كانت ابتسامته حزينه .. بس بعد حلوة .. بعدت نظري عنه وانا اقول الصدق : هيه .. تروعت وايد .. و تروعت زود يوم شفت الكرسي المتحرك! قال وهو يسند يبتهته بيبهتيه: هيه ماتمشي من الروماتيزم، هب انها محروقه او شي ثاني .. كمل بعد فترة صمت: انتي ترجفين .. من المستحى ولا من شكل اميه؟! رديت اقول بصدق وانا اطالع فعيونه: الثنينه! ابتعد عنيه وقال: بتتعودين .. مثل ماتعودت فاطمة .. اتمنى انج ماتكونين مثلها وتطلبين بيت خاص فيج .. لأني ما بفكر فيوم اني اسير عن هالبيت .. قلت بهدوء: ابداً؟ .. قال بثقة: موول .. لاتفكرين حتى! قلت: و البيت مالك؟! قال باستغراب: منوه خبرج عنه؟! رفعت حاجبي وانا اقوله بثقه: اعرف .. خواني قالولي انا نحن بنسكن هناك!؟ قال وهو يبتعد: لا .. بنتنم هنيه .. صح هذاك بيتي .. بس ابويه باننه عسب المستقبل .. وكمل وهو يظهر: البعيييييد ان شاء الله! لفيت عنه وانا اقول: اصلا هالكلام سابق لأوانه .. لفيت بقوله اني بسير صوب عيد .. بس ماريته فالحجرة! طالعت الباب الي خلاه مفتوح .. ليش احس انه مزاجي بزياده؟! .. يعني مرات يسولف ويستهبل ، مرات جدي! .. ومرات ينطش الي ما ايوزله والي مايبا يسمعه!! . . |
الجــزء التاسع .. | مريم | اليمعه ، الساعه 9 فالليل! بيت بو منصور .. . . لفيت الحزام على خصريه زين وربطته بطريقه حلوه، خليت شعريه مرفوع و قصتيه كلها ظهرتها على طرف، كنت حاطه مكياج ازرق ويا وردي فااااااااااااااااتح، على لون البدله .. حطيت وايد مكياج عسب مايطلع ويهي تعبان .. تعطرت و ادخنت قبل شويه، يعني انا جاهزة، لفيت الشيله البيظا عليه، وفايدي الثانيه الشيله الي متناسبه ويا البدله، زرقة شفاافه، القميص كان مزموم من عند الصدر ويبدأ ينفتح شوي شوي ليين مايووصل لتحت الصدر بشوي وينفتح على شكل جلباب طويل نازل من ورى بس .. و الحزام الوردي الكبير محاوط خصري بشكل حلو .. تنفست بهدوء ونزلت .. كنت اسمع اصوات الحريم من الصالة العودة، الي كانت على يمين المرر الي فالنص .. نزلت آخر درجه وانا اتنهد .. ياربي كيف بسلم عليهن اروحي؟! سمعت صوت حد بيدخل من الباب الي جدامي .. فتغشيت بالشيله بسرعه .. كان خو منصور .. سعيد اظني .. كان شال فايديه الولد لصغيرون .. قال: فااطمة .. فطيييم تعاالي شوي ! وقفت متورتة ماعرف شو اسوي .. شكله ما انتبه اني هنيه .. و لا كان سلم! يت فاطمة من باب الصاله وقفلته وراها .. كانت متلبسه فستان احمر واايد حلوو علييها .. قالت: ها بوعلي ؟!. . شو بغيت؟! و لفت عليه : هلاا بالعرووس .. ليش واقفه؟ .,. تعالي الحريم يترينج؟! اول ما رمستنيه ، جان يلف بوعلي على قولتها .. قال برزانه: مرحبا بنت سلطان .. سمحيلي ما شفتج .. شحالج الا بخير؟! رديت عليه وانا ارفع ايدي واحطه تحت الشيله " بخير ربي يسلمك، لا ماعليك، مسموح ،، انته شحالك؟! قال بهدوء: بخير ونعمه .. سمحولي .. تعالي فطيم! اشرت لي فاطمة وقالت: حدري حدري انا بي احينه .. اول ماشفته دخل باب الصاله الثانيه، ربعت صوبها وزخيتها من ايديها .. قلت: فطييم عاد شو ادخل اروحي .. تعالي ويايه! كانت بتقول شي بس سمعنا صوت سعيد: فااااااااااااطمة .. قالت بصوت عالي: لحظة سعيد .. عقب وقفت عند باب الصاله الي فيها الحريم وقالت: ريمان تعالي شويه .. فتحت عيوني وقلت: انا؟! بعدين استوعبت يوم سمعت حس بنيه عندها تقول: وينها عرووسكم ؟ .. امايه مشتطه تبا تشوفها ..؟! ابتسمت بهدوء و قالت: هذييه هاا مستحيه ادش اروحها .. المهم سيريلها وانا بسير ريلي يباني .. تابعت بعيوني فاطمة تدخل الصاله الثانيه، بعدين لفيت على البنيه الي وقفت يدامي .. خوزت الشيله بسرعه و ناا اقول: مرحباا السااع .. وقفت يدامي بالضبط وقالت بابتساامه،: ياامرحبا و الله .. حي الله العرووس .. خاشمتنها بهدوء عقب قالت: ياويلي .. اسمييك ظوييت القمر يا منصور! ظحكت على رمستها وقلت بهدوء: لا شو القمر بعد .. تبالغين ! قالت وهي تزخ زندي: لا و الله ماشاء الله علييج .. تعالي انزين الحريم يترينج من الصبح .. وقفت وحطيت الشيله على الطاولة الي عند باب الصاله، و تلبست الشيله الزرقا .. قالت: انا ريم خت فاطمة حرمة خو ريلج ، ههههههههه يييهااااء مطولها!! : ههههههههههههه لا عرفتج .. وقفت زين وانا اقولها: ماعليه سمحيلي بنغثج شويه .. قالت وهي تظحك: لا مااعلييج حسيت بنفس احسااسج .. رفعت حايبي و انا اقول: معرسه؟! قالت: لا ويين .. بعدني فالثنويه .. بس مالجه! : اها .. مبروك عيل .. قالت وهي تفتح الباب: الله يبارج فيج، بس من زماان انا مالجه .. المهم حيااج! دخلت الصاله بتوتر وانا اسمع الاصوات تهدا .. رفعت عيوني ببطء و طاحت على عيون ام منصور .. الرجفه ردتلي مره ثانيه بس كان شكلها غير وهي متعدله .. بس بعده الحرق واضح عليها .. لفيت بعيوني على الي يالسه عدالها .. بديت اسلم من اليمين .. كانن فيه ثلاث بنات يالسات عدال بعض .. اعمارهن متقاربه وحلوات ماشاء الله .. خلصت السلام و لفيت على الكراسي صوب الحريم .. اربع حريم كبار و الخامسه ام منصور ، سلمت على اول وحده: السلام عليج .. شحاالج الا بخير؟! قالت بهدوء وهي تتفحصني: بخيير يابنتيه .. انتي شحالج؟ .. مبرووك مبرووك عليكم .. استحيت ارد عليها، شو اقول الله يبارج فيج شرا الي ماتستحي! : بخير ونعمه .. رديت اسلم عليهن، و آخر وحده كان شكلها أصغرهن، قالت وهي تيلسني عدالها: يييهاااااء، اسميه مابيبات الليل منصور ..!! لفيت الصوب الثاني عنها !!!!... لحــــــــــــــــزن، هب جنها وايد قويه الرمسه ؟! طاحت عيوني على حرمتين يالسات الصوب الثاني ، ما انتبهت الهن .. فقمت بسير اسلم عليهن : سمحيلي بكمل السلام طالعتني مبتسمه: مسمووحة فديتج.. كان الميلس هدوء يوم اسلم، و يوم يلست على الكرسي الي عدال ريم، على الاقل هاي الوحيده الي عرفت عنها شي .. صاصرتني ..: اول ثلاث بنات، عايشه و حصه و بخيته .. عايشه اكبر عنيه بسنه تجرب لريلج، بس امها مايت.. و المها وشما، بنات عم رييلج .. هزيت راسي بهدوء و انا اشوف الي ترمس عنهن ، وانا ساكته .. قامت وحده من الحريم الي سلمت عليهن آخر شي .. شكلها هب عووده،كانت بتصب الهن اقهوة، فظيييييحه البنات كلهن يالسات وهيه بتقهويهن، لا و الله ماكان .. وقفت بسرعه وشليت عنها القهوة وانا اقول: والله ماصبيتيلهن .. خليه عنج انا بقهويهن .. شكلها ابد ماتوقعت حركتيه، فقالت متلعمثه: لا لا و الله ماتصبين .. عنبوو عرووس وبتقهوينا .. لا و الله ما كان! قالت وحده من الحريم : هيه صدقها أم حمد .. خليها عنج بنتيه .. ولفت على البنات: حصووه نشي قهويهن .. قامت حصه وشلت عني القهوة وهيه تبتسم ..: ماعليه سمحيلنا .. رديت الها الابتسامه ويلست عدال ريم .. قالتلي: ماشاء الله علييج .. لو انا مكانج والله يحط ريل على ريل واتأمر عليهن! ابتسمت بهدوء وانا اقولها: خلي عنج، هالشي مطبوع فاخلاقج ماترومين تتنصلين منه! قالت: هيه صح .. انزين بنكمل الشرح .. حصه الي شلت عنج الدله، هاي فعمريه .. و الثانيه بخيته اكبر عن عايشه بسنتين اظنيه .. يعني عمرها تقولين 21 او 23 .. و الحرمات .. لوله هاي اميه، أم سالم .. و الثانيه، أم مايد، الي هو خو بخيته و حصه، و الثالثه عااد، هاي عمت ريلج، ماعندها عيال .. و الرابعه أم منصور ريلج .. و الخامسه يارتكم أم حميد .. اما آخر هنتين سلمتي عليهن .. الي قامت بتصب اقهوة، هاي أم حمد، حرمت خويه ظاعن، أم حمد يسمونها .. ولدها بعده صف اول .. والثانيه بنت أم مايد، المها .. عمرها 26 .. هب معرسه .. وبس .. وطااال عمرج، كانت وياج ريم بنت عبدالله بن زايد ..!! ابتسمت بقوة يوم خلصت الشرح .. وانا كانت طوول الوقت امشي وياها بعيوني .. يوم ترمس عن وحده طالعتها و ابتسمت، آخر شي يوم وقفت عند المها، فتحت عيوني واحمريييييييييييييييييييييييييت!!!! متلبسه نفس بدلتيييي .. نفس الشي! رصيت بايدي وانا الف عليها واطالع كيف شكلها أحلى عني بواااااااااايد، جسم و ابتسامة، و عيوون ,, ماشاء الله! نزلت عيوني وانا احس بفشــــــــله، المفترض، بما اني العروس، اكون أحلى وحده، بس انه تكون وحده متلبسه نفس بدلتيه، ها مااخطر فبالي حتى .. طالعتني ريم يوم احمريت وقالت: بلاج؟! فكرت، اقولها؟ .. يمكن مالاحظت، يعني بالله شو فيها اذا قلتها اصلا واظحكه! لفيت عليها وانا اقول بصوت واطي: يالفشله، المها متلبسه نفس بدلتييه .. آآخ ياويهي!! قلتها بطريقه هزليه علها تخفف عني شوي من التوتر، بس يوم لفت ريم صوبها ونقعت من الظحك .. حسيت اني هب متلبسه شي!! قالت وهيه بعدها تظحك: هههه عادي فديتج .. بس والله صدفه عجيييبه،!! لفيت على المها وانا اقول: بس هيه ماشاء الله عليها حلوة اكثر عني ..! شفتها تقوم من مكانها و تيلس على يسار ريم الي يالسه على يساري.. قالت : ها ريووم، العلوووم؟! لفيت عنها .. وسكت وانا اطالعها .. قالتلها ريم: و الله ماشي علووم .. انتو الي عندكم العلووم !! رفعت ايدها البيظا وردت شعرها السايح على ورى وهي تقول واطالعنيه: حي الله بنت سلطان .. شحالج ؟! رديت وانا ابتسم: بخير وسهاله ربي يسلمج .. ومن صوبج، ربج ماتشكين باس؟! قالت بهدوء: بخيير ونعمه .. مانشكي باس .. هاه خبرينا .. علووم العرس! رفعت حياتي وانا ابتسم ، بس مسرع مايا فبالي منصور يوم يخبرني عن عيد خويه، فاعتفس ويهي بسرعه، بس رديت طبيعيه وانا اقول: زوين و الله .. قالت: وعلووم منصور وياج!؟ .. بعده الا هو وجرأته؟! عقدت حياتي مستغربه .. على حسب ريم .. فالمها بنت عم منصور، ليش تسسأل هالسؤال وجنها مجربه جرأته!؟ قلت وانا ابتسم: منصور بخير و مايشكي باس ربي يسلمج .. قالت ريم بسرعه: مريوم ... عقب حطت ايدها على ثمها وقالت: عادي اقول مريوم؟! رفعت حياتي مستغربه مره ثانيه .. قلت: اكييييد .. اي شي عادي! كانت بتكمل بس المها قطعت رمستها: صدق الي سمعناه؟! شفت ايد ريم تمتد بهدوء صوب ايد المها وتقرصها وهي اطالعني مبتسمه .. قلت: شو الي سمعتوه؟! بديت اشك فهالبنيه .. تصرفاتها جنها وحده غيرانه او .. شي مادري! قالت وهي ترد شعرها على ورى: انج مغصوبه على العرس ..؟! فتحت عيوني بقو وكنت برد عليها .. بس هيه قالت بسرعه: خلاص خلاص ، وصلني الجواب .. عقب قالت بسرعه وهي توقف: الله يعينج على منصور الصراحه! وقامت ..! تميت ارمش بهدوء، عقب قلت لريم: هاي شو بلاها؟! ظحكت ريم بارتباك وقالت: هههه ههه ماشي .. بس هيه جيه ..! وكملت رمستها: انزين انتي كم خوات عندج؟! وانا عيوني على المها، الي يلست عدال أم حمد وتمت ترمس وياها بصوت واطي .. ياني احساس انها ترمس عنيه .. واتأكدت يوم لفت ام حمد بسرعه وطالعتني .. بس يوم شافتني انا بعد اطالعها .. لفت عيونها عني .. هزتني ريم: حووه، ارمسج ! لفيت عليها وقلت: سمحيلي ما انتبهت .. شو قلتي؟! قالت بابتسامة هاديه: و لا شي .. بس شكله العرس شاغل بالج .. وغمزت بعيونها .. ظحكت على كلمتها وقلت وانا ارد قصتيه: هو من ناحية شاغلني، فهو شاغلني .. بس هب في هاللحظة .. قالت وهيه تيلس موايهتني: عيل خبريني عنج؟ قلت بهدوء وانا اشل الفنيال عن حصه: سلمتي .. والله انا ماعندي خوات، بس خوان! وابتسمت يوم تذكرتهم .. قلت بمزح وانا اشوف حصه تيلس عدال ريم: ولو انج هب معرسه كان خطبتج لواحد منهم! قالت بسرعه: خلااص هذييه حصيص بتعنس فبيت هلها، سوي خير واخـ.. ظربتها حصه وهي تقول : عاانس فعيينج يام عيون! .. خلي عنج تباه حق عمرها هيه!! قالت ريم: شو ابابه، اكيد خسفـ هذا اولاً! طالعتها رافعه حايبي ، وكملت وهيه تغمز: ثانياً اكيد عنده بنت عم، دومهم هل العين بنات العم محيرات لعيال العم، !! قاللتلي حصه: ماعندج خوات؟! هزيت راسي بلاء وانا اقول: عندي خوان .. عبدالله معرس العام، ومبارك كان معرس، عنده بنيه واحينه مطلق حرمته، كنت بكمل بس ريم قالت وهيه تلف على حصه: ولقييييييييناااه معرسج .. ولفت عليه وهيه تكمل: خلااص طرشيه صوبها والبنيه موافقه!! ظحكت: ههههههه مررره وااصل جان تبين! حطت حصه ايدها على خدها وقالت: عنبو، جنه الا جوتي، شو واصل بعد هاي!! ظحكني ردها : هههههههههههههههههههه لا شو جوتي بعد انتي .. قالت ريم: اففف هاي ماتبا مصلحتها .. المهم منوه بعد .. خبرينا عن الحليو فيهم .. قالت حصه قبل ما ارد على ريم: دام انها هيه حلوة اكيد خوانها حلوين!! ابتسمت وانا اقول: من ناحية الحلاه، فهم كلهم حلوين، بس حمد احلى واحد فيهم .. نطت ريم: ها هااه حدج .. منوه حمدكم هذا؟! عقدت حياتي وقلت: حمد خويه ، أكبر عنيه بسنتين .. وهب معرس ، ابشرج! قالت ريم وهيه تحط ريل على ريل وترفع حايبها: مابيكون احلى عن حمدي! : حمدج؟ .. ريلج سمه حمد؟! قالت وهيه تهز راسها بقو: و النعم قولي ..! ابتسمت: والنعم و السبعت انعااام! قالت حصه: كم خوانج ماشاء الله؟! قلت وانا ااشر بايدي: ست! قالت ريم بسرعه: ماشاء الله ماشاء الله .. انحن عوايلنا هنيه عنده نقص في الانجاب و .. وهيه تقول هالكلمة، كان الميلس فجأة هادي، وصوتها كان عالي .. فكل الحريم طالعونا! لفيت بعيوني بفشله وحصه تظحك عليها .. قالت أمها: مسودة الويه ريمووه .. شو هالرمسه بعد!؟ لفت عليها ريم ببرائه: شووه؟! .. والله ماقلت شي غلط .. شوفي ماشاء الله عروسكم عندها ست خوان، وانحن الواحد مايلقا خو ييلس وياها .. وكملت وهيه تمط رمستها: وانتو العيايز متحرين اعماركن صغار .. واونه مانبا عياااال!!.. وييين تبوون؟! كان امها شاله فنيال فايدها، ففرته عليها وهي تقول بعصبيه: جب ياللي ماتستحيين .. تمن الحريم يظحكن عليها وحصه تقول: عنز تراج .. حد يرمس جيه عدال الحريم .. اشرت ريم بايدها اونه هب مهتمه وقالت: كملي كملي انتي .. منوه تم من خوانج! قلت وانا اعدل يلستيه: اخافج تنظلينهم؟! .. قالت وهي تظرب صدرها: يالهويي.. دنا عيني مش حاره يابت .. اي ده! كملي بس و عين الله تحرسهم! ظحكت عليها: ههههههههه والله انج سوالف! قالت حصه: بعدج ماشفتي شي .. انا صراحه فخاطري سؤال من زمان؟! قالت ريم: افف بدأت الشيخه حصه وتخصصها! قالت حصه: بس سؤال وبسكت عنج!؟ حطيت ايدي على خدي اطالعهن وطاحت عيوني على المها الي كانت اطالعني .. اشرت بايدها وابتسمت عقب لفت .. عقدت حياتي مستغربه .. رديت لريم الي قالت: حمد يؤبرني ، بيحبني منشان هيك حلف انو مانعأود الا مزوجين .. حتى لو أنا فالتانويه! ابتسمت على حركاتها، ذكرتني بعذوج بنت عمي .. كانت نفس الشي قبل ماتعرس .. طالعت الموجودين ببطء وانا اتمعن فويوهم، غير عن يمعاتنا نحن صوب العين .. يوم نتيمع نكون كلنا رباعه ونسولف والبنات يتيمعن رباعه، بس هنيه .. رديت اطالع المها، غصه يتني يوم شفتها تظحك بصوت عالي وترد شعرها على ورى .. حسيت بتهدييد او شي .. اففففف عقدت حياتي يوم شفت فاطمة تدخل بسرعه .. وقفت عند الحريم وقالت: حياااكن العشا جاهز .. وقفت انا على طول وسرت صوبها .. قالتلي: اووب اووب شو هالحلا كله .. ابتسمت بهدوء وانا اقولها: ليش مازقرتيني اساعدج؟ .. عنبو اروحج واقفه فالمطبخ ,, مسكت ايدي وظهرتني من الميلس وهي تقول: اي اروحي الله يخليج .. خمس خدامات ويايه .. انا اصلا ماسويت شي غير اني اتأمر عليهن .. ودتني لصالة كانت فآخر المرر، كااانت وااايد عوووده وفيها طاولات مرتبه بشكل حلو، اصلا شكلهن غريب، هب دائري وهب مستطيل .. غريييبه بس حلوة! و خمس خدامات واقفات على اليمين عدال البوفيه و متلبسات لبس ازرق شرات مال المطاعم!! خييبه ليش هالعباله كلها .. وقفت وياها عند الباب، حسيت باني غرييبه يوم دخلن الحريم و البنات وياهن .. و الخدامات بدن يرتبن العشا .. كنت هب مرتااحه اولاً عشان لبسي الي مثل لبس المها، وثانياً عشاني هب متعودة على هالاجواء، و اول مره تكون فيه عزيمة عوده جيه واميه هب ويايه، يوم تذكرت امايه على طول اعتفس ويهي، اكيد عند عيد و خوانيه كلهم هناك، حسييت بغبنه .. ابا اشوفه و الله ,, رفعت ايدي عن صحني وانا ارفع عيوني صوب فاطمة الي كانت تاكل ويا المها وتسولف وياها .. لفيت بعيوني صوب ريم الي هالمره اختارت تيلس عدال ربيعاتها، حسدتها فداخلي والله على اندفاعها وانها هب مستحيه ..... قالتلي فاطمة وهي تأشر على المها: سبحان الله .. شوفي انتي ومريوم شو متلبسات ..! طالعتني المها وقالت : هيه والله .. ماكنت ادري اني بكون متلبسه نفس العروس! اعتفس ويهي زياااده، ياربي منج يا فاطمة، ظحكت ظحكه مفتعله وانا اقول: مصادفه غريبه! قالت المها بدلع: وطبعا أحلى علييييه لني بييظا ونتي سمرا!! رفعت حايبي وانا ارمش .. واثقه الأخت! عقب لفت عليه وهي تظحك: اسوولف واالله، انتي بعد حلوة! نزلت عيوني عنها، شو هالاحساس، جني فمنافسه وياها !! : مريوووم بلاج ماتاكليين؟! طالعت فاطمة ورديت عليها بابتسامة: الحمدلله .. بسني كلت وايد! رفعت المها حايبها و قالت وانا ارفع كوب البيبسي اشرب منه: لاايكووووون ...! وظحكت بخبث وااضح .. قالت لها فاطمة وانا اعقد حياتي: لايكون شوه؟! قالت وهيه تحط ايدها على ثمها و اطالعني: لا يكون حاامل؟! شرقت بقو من كلمتها، الي قالتها وظحكت بقو ، بطريقة خلتني اكرهها ... تميت اكح واكح و البيبسي خيسني وهو يظهر من خشميه .. حسيت عمري ماروم اتنفس من قوة الشرقه وفاطمة توقف عدالي وتظربني على ظهريه .. ما انتبهت لشيء وانا احاول اتنفس الا مسكتني ام منصور من جتوفي واسمعها تقول: تنفسي من أنفك! رفعت عيوني الحمر صوبها .. وتوني بديت اتنفس زين .. الا صابتني قشعريره قوية خلت دموعي اطيح من قربها .. شكلها .. شكلها يخوف!!!!!! سكت ودموعي اطيح و الهدوء عم المكان .. تساندت على الطاولة ووقفت ببطء وانا اقول بصوت مبحوح: سمحولي .. وطلعت من الصالة .. وقفت فنص الدرب وانا اشهق .. بدت نوبة الصياح، يبالي انخش فمكان .. سمعت اصواتهم جنه حد بيلحقني وصوت فاطمة و المها يايات .. نزلت عند ريولي وفتحت النعال بسرعه و شليته بايدي وربعت صوب الدور الي فوق ... ماكنت اظن اني فيوم بشتاق لاميه او احتاجها شرات احينه .. حطيت ايدي على خشميه وثميه بسرعه وانا اسمع اصوات فالصاله الي فوق .. نزلت بسرعه ويلست على الدري عن يشوفوني .. كان صوت منصور وحد ثاني وياه .. : بسك لعب .. سر تسبح وارقد! عقدت حياتي يوم سمعت صوت علي ولد فاطمة: مابا .. سر انته ارقد! سمعت صوت فاطمة و المها عند بداية الدري: يمكن طلعت فوق .. قالت المها: خلينا نسير الها .. انا كنت اسولف مادريت انها جيه مستحيه! .. مع ان شكلها مايعطي وحده مستحيه! قهرتني رمستها، حطيت ايدي على عيوني وانا اغمظهن، كله من منصور ، لو وداني اشوف عيد شو كان بيستوي، ولا العزيمة اهم عنه؟! نزلت وانا ارفع الفستان عن ريولي .. بخطف بسرعه من عدالهم .. منصور بيتحراني اي وحده من البنات .. مابيعرف منوه انا ... حزمت امري ومسحت دموعي، اكيد شكلي يروع بلد احينه !! ركبت الدري بسرعه وانا اسمع اصوات نعولهن، رفعت التنورة زياده لين وصلت تحت اركبي و ربعت بسرعه .. سمعت صوت علي يقول: بسم الله .. كان الدرب لين باب القسم طويل شويه، ممر طويل وعلى يمينه صاله وعلى يساره صاله، وهم يالسين على اليسار، فأكيد بيشوفوني .. سمعته يكمل وانا اوقف عند باب القسم: عمي منصور حرمتك تربع شرات ناقة عمي مايد!! مديت ايدي بفتح الباب .. بس كان مقفول ... لااااااااااا!! تساندت براسي عليه وانا اصيح مره ثانيه . هالي ناقصني والله .. ابا امااااااااااااااايه ... حطيت ايدي على ويهي و النعال طاح وصحت من خاطريه! حسيت بحد يوقف ورايه ،، بس ماعرفت منوه، مابغيت الف، خفتها تكون فاطمة و المها، وصدق احينه بطلع رمسه عليه ، مع اني ماعرفتها غير اليوم! حسيت بايد تلفني من جتفي وتبعدني عن الباب .. نزلت ايديه ببطء يوم سمعت صوت مفتاح و الباب ينفج .. خوزت ايده يوم عرفت انه منصور وربعت صوب الحجرة ومنها للحمام .. بندته ورايه مرتين .. ويلست اصيييييييييييييح ..! سمعت صوته برع: مريم .. فجي الباب .. مش زين اتصيحين داخل الحماام .. صحت زياده و انا اطيح على الارضيه .. و الله ابا امايه .. ابا حظنها! . . | منصور | الساعه 11 ونص! . . كنت يالس ويا علي ولد خويه سعيد فالصاله الي فوق يوم خطفت علينا مريم تصييح و تربع شرات الخبله !! تخبلت يوم شفت شكلها، و تروعت .. قلت شي مستوي ..!! شفتها وقفت عند بااب القسم وكانت بتفج الباب بس انا كنت قافلنه .. وقفت بسرعه وانا اشوف فاطمة تطلع الدري .. ردت بسرعه يوم شافتني و قالت: منصور شفت مريوم؟! اشرت الها تسير وسرت صوب مريم .. حطيت ايدي على جتفها وانا اشوفها تصيح من الخاطر، قطعت قلبي بشكلها .. فتحت الباب وكنت بحدرها بس هيه خوزت ايدي عنها وربعت صوب الحجرة واختفت داخلها ..! تبعتها وانا مستغرب من حالتها .. عنبو عروس جيه اتصيح! وقفت عند باب الحمام يوم عرفت انها داخل وصوت صياحها واصلني، دقيته وقلتلها: مريم فجي الباب .. مش زين تصيحين داخل الحمام! ماسمعت غير صياحها .. لفيت برمس فاطمة اشوف شو بلاها .. لنها شكلها مابتطلع .. بس اول مالفيت سمعت صوت باب الحمام .. لفيت عليها .. وقفت عند الباب وتمت اطالعني .. روعني شكلها الصراحه، قصتها لاصقه على ويها وخدودها محمرة و الكحل سايح تحت عيونها، مع هذا فيها شي يجذب .. حسيت ابها ترتجف، قالت بصوت مبحوح: ابا اسير لامايه .. ابا .. ابا اشوفها! صدمني طلبها .. قلت بتقول اي شي .. بس تبا تشوف امها؟ .. شو السالفه، لايكون حد مظايقنها؟! تجربت منها .. بس هيه حركت صبعها السبابه بلاء وهيه تهز راسها .. وقفت قلت بهدوء: شو بلاج انزين؟ .. خبريني!؟ اشرت على راسها وهي تصيح: بس جيه .. ابا اشوف اميه حراام! عقدت حياتي .. ماعيبني ردها .. قلتلها: قوليلي شو بلاج وانا بوديج؟! رفعت حياتها وقالت: تتحراني ياهل تقص عليه .... عقب لفت وقالت: بتصل فعبدالله اقوله اييني .. وسارت بتنفذ رمستها .. وقفت بطالع شو بتسوي .. مستحيل تسويها .. الساعه 11 ونص ، اذا اتصلت على خوها وقالتله تعال شلني، بيقول متظاربين .. وانحن ثاني يوم معرسين .. شو بتقول النااس!؟ .. شفتها صدق تفتح تليفونها و تضعط على الارقام .. سرت بسرعه صوبها ويريت عنها التيليفون .. شهقت وهي تلف عليه بعصبيه .. قلتلها: انتي مينونه؟! .. تبين تتصلين على خوج والساعه 11 و شي! قالت بغيظ .. استغربته الصراحه .. ابد ماتوقعت شخصيتها جيه .. : اتنه شو يخصك؟ .. خويه وانا حره!! قلتلها بصوت عالي: لا مش حره .. بعدين انا ريلج وغصبن عن شكلج بتسمعين رمستيه!؟ .. فاهمه ولا لاء؟! ارتدت على ورى وفتحت عيونها بصدمة .. حسيتها مش في عقلها .. بلاها؟! نزلت عيونها .. وخطفت من عدالي .. راقبتها بعيوني شو بستوي .. دخلت حجرة الملابس ثواني طلعت شاله فوطة و لبس رقاد .. دخلت الحمام و خلتني مثل الاهبل واقف!! فريت تيليفونها بعصبيه على الشبريه .. بس اتذكرت انها يمكن صدق تسويها و رديت اشله وانا اطلع من القسم .. اتصلت على رقم فاطمة من الصاله وقلتلها اتي فوق بسرعه .. كان علي بعده فالصاله يلعب سوني .. عصبت عليه: انا ماقلتلك بسك لعب؟ .. انجلع وسر ارقد! طالعني بسرعه و فر ايد السوني وربع تحت .. خطف على فاطمة الي قالتها: علوي شوي شوي عن اطيح! يت متلبسه شيله بيظا عوده لكنها مش متغشيه .. نزلت عيوني وقلت من دون مقدمات: بلاها مريم يايه اتصيح؟! قالت بصدمه: كانت تصيح!؟ .. وينها هيه؟! : اففففف فطيييم انا سألت بلاها ؟؟ ,.,. منوه رمسها؟ .. وشو قالها؟ . رفعت راسي الها و انا اكمل: عنبو البنيه بغت تموت من الصياح .. سكتت وعقدت حياتها ..: والله ماشي .. كنا نسولف انا وهيه و المها و .. نطت شياطيني يوم سمعت اسم المها .. و وقفت وقلت بعصبيه وصوت عالي: وشو قالتلها الآنسه مها؟! لفت بارتباك وهيه تقول: منصور وطي صوتك الحريم تحت .. اشرت بايدي وقلت بعصبيه: بيتي وكييفي .. خبريني شو قالت الها الخايسه؟! شهقت وهي تحط ايدها على ثمها: منصووور بس .. اقولك ماقالت الها شي .. بس هيه شرقت بالبيبسي وماكنت تروم تتنفس .. بس هالي استوى! طالعتها بعصبيه و قلت: خلااص سيري ... لفت عني بتنزل .. طاحت عيوني على الساعه .. 12 ودقيقتين .. قلت بعصبيه وانا افر السفره عن راسي: وبعديين هاييلا متى بيسيرون ..؟ عنبو السااعه 12!! لفت وقالت بغيظ: بس عاد منصور .. شو بتطردهم يعني؟! نزلت بسرعه وانا اسمعها تتحرطم!! .. يلست على الغنفة وانا اشل ريموت التلفزيون .. شو هالحاله .. انا ليش عصبت اصلا؟! .. لا يكون حبيت هالمفعوصه بعد؟! .. تخسي الا هيه .. مش حيالله بنيه بتاخذ قلبي .. حتى لو حرمتي .. بعدين مها هاي ماتستحي على ويها عقب كل الي استوى ترد واتي بيتنا؟! .. صدق شين وقوي عين ..! : افففف شو هالحاله!! انسدحت على الغنفه وانا افكر .. باجر السبت، وعقبه الاحد .. ظحكت من تفكيري، احلف انته بس؟! لحظة، يوم الاحد بسير البنك عشان الاجتماع، ويبالي احجز للسفر بعد .. خلاص عقب الاجتماع بحجز على يوم الاربعاء، اكون خلصت كل شي وبتفرغ للاجازة .. مع اني مالي خاطر، مش متحمس، بس لازم عشان رمسة الناس .. يلست وبندت التلفزيون وشليت سفرتيه وسرت القسم .. كان الباب مقفول، فتحت بهدوء ودخلت وبندته ورايه، .. كانت الصاله منورة و الحجرة ظلاام .. دخلت و دورتها بعيوني .. شفتها متكورة في اللحاف على الشبريه .. فريت السفره بغيظ .. وشغلت الليت .. شفتها تجلبت ... ماكنت بسوي شي انا الصراحه، بس عصبتبي، منوه قالها ترقد قبلي؟! .. وقفت فنص الحجرة، ويوم تحركت فكرت بجذبه محترمه اذا سألتني ليش شغلت الليت .. وما ابطت الا وخوزت عنها اللحاف وقالت بهدوء: بغيت شي ؟! رفعت حايبي وقلت ببرود: لا .. كملي رقادج! ردت تتلحف وقالت بهدوء: تصبح على خير .. لا والله!؟ .. عصبت زياده .. فسرت حجرة الملابس وشليت ثياب وفوطة، وسرت اتسبح .. تعمدت اتاخر، بطالع اذا بتقفل الليت ولا .. يوم خلصت طلعت وانصدمت انها مابندته .. بدلت ثيابيه بسرعه وطلعت ساير صوب المكتب، شليت لابتوبي والهارد ديسك مالي ورديت .. مديت ايدي وبندت الليت وسرت عند مكاني من الشبريه .. فريت شنطة الاب توب و فتحته وانا اير اللحاف بقو على اساس يعني برقد .. انسدحت عدالها وطالعتها بطرف عيني .. ماتحركت .. تأففت وانا احط لاب توبي على ريولي واشغله .. طلع صوت يوم انفج .. ترييته يوم ينفج ومااحطييت سماعات .. ركبت الهارد ديسك و دورت عن فلم عشان اطالعه .. تعمدت آخذ فلم اكشن ..، بس لنها عصبتبي بطالعه و بطول على الصوت بعد! .. شوخصه؟!؟!؟! و من الغيظ ما حطيت سماعات .. بدت غنيه الفلم .. و طولت على الصوت .. بعد فتره اندمجت فالفلم .. من فتره لفتره اتي لقطات صدق اكشن بدرجة ان الصوت يكون عالي ، سيايير ورصاص وحااله .. كنت بعدل يلستيه لن ظرهي عورني من اليلسه جيه .. فحطيت الاب توب جدامي وانسدحت على بطني .. ورديت اشغل الفلم .. ماحسيت الا بصوت مريم: اييه وانا كيف بشوف جيه؟! لفيت عليها بسرعه وانا اقول: بسم الله الرحمن .!! عقدت حياتي يوم شفتها تخوز عنها اللحاف وتنسدح عدالي، كانت جريبه مني وايد جتفي ملاصق جتفها .. مدت ايدها ووقفت الفلم، وانا الا اطالعها .. جنها مش مسويه شي! يوم طولت وانا اطالعها قالت: مطول؟ .. ابا اخلص الفلم!! لفيت عنها وانا ارد الفلم على ورى شويه و اشغله.. عيوني على الشاشه بس عقلي مش ويايه ... ماقدرت اركز وهيه اطالعه ويايه!! آخر شي بندته وقلت بعصبيه وانا ايلس: اونج يعني مش مسويه شي؟! تأففت وهيه تيلس .. عقب قالت بهدوء وانا اترياها ترمس: خلاص منصور، انا كنت مظايجه شويه وعصبت، بس .! رفعت حياتي وانا اقول بنفس العصبيه: وليش كنتي تصيحين؟! لفت عنيه وقالت: اشتقت لمايه وخواني .. بس! مادري ليش حسيتها جذابه .. بس مشيتها وانا احضنها بايدي اليسار واكمل الفلم ... بعد كمن ثانية قلتلها وعيوني على الفلم: مره ثانيه لا تصارخين فويهي .. وكملت وانا اطالعها بطرف عيني : لمصلحتج طبعاً! . . . . | غايه | . . اليوم الثاني .. السبت .. الساعه 7 وخمسين دقيقه الصبح! واقفه يدام الحجرة، مساندة راسي بايدي و الايد الثانيه متسانده على اليدار عن اطيح .. احس الدنيا ادور فيني، وصراخ ناصر واصلني من حجرة الدكتور الي ع يميني .. كيف يعني يتها مضاعفات و الحمى زايده عليها ..؟! .. وشو قصده يوم قال يمكن تتضاعف الحالة لأكثر من جيه!؟ قصده يعني تموت؟! .. مستحييل اصلا .. كيف تموت؟ .. هيه بس طاحت من ايدي على الارضيه ..!؟ هزيت راسي ببطء وانا اقول بهمس: لا مستحيييل بنتيه تمووت .. ياربيييه لااء دخييلك! رديت راسي على ورى وانا اشهق .. قلبي يعورني .. منوه يتخيل؟! لعبه سخيفه من أحمد جيه بتسويبنا؟! .. احينه عذوب طايحه مانعرف بتنش ولا لاء؟! و انا اروحي احس عمريه بطيح من طولي .. بطني يعورني وتوني زعت الي فبطني كله .. جنه كان فيه شي اصلا! لفيت على يميني يوم حسيت بناصر يطلع من الحجرة .. كان ويهه مصدووم و تعباان وايد .. وقف عدالي وتم ساكت .. مديت ايدي ومسكت ايده بقو .. قلت برجفة: قولي انها بتكون بخير؟! .. دخييييلك نااصر .. كان بيقول شي وهو عاقد حياته .. بس انا قاطعته بانهيار وانا اقول بصوت واطي واسند راسي على جتفه: خلي خلافاتنا تولي، خلي الظرابه وانك ماتحبني .. بس قولي .. قولي ان عذوووب مابتمووت! هزيت ايده بقو وانا اصارخ: نااااصر انا ارمسك؟! لف عليه ... و لمحت فعينه دمعه .... لا .. لا يااربيييه دخييييييييلك لاتفجعني فبنتيه .. غمظت عيوني يوم قال: غايه ... عذوب طاحت على راسها .. و الظربه كانت قويه ، يعني هيه طايحه من مرتفع ، شي هب بسيط، وانتي تعرفين انها على اي شي تمرظ وتتعب .. اصلا جسمها ظعيف وما تاكل زين .. ها كله ، وزياده طيحتها اليوم .. كنت اهز راسي بلاء كل ماتجدم فرمسته .. بس يوم سكت .. كملت انا: و بتموت يعني بس لنها طايحه على راسها!. قالي : لا طبعاً .. استوت مظاعفات على حالتها، و كان فيها نزيف داخلي، ويوم استقرت حالتها ، ردت انتكست ويتها حمى، احينه هيه عليها حمى .. وصلت حرارتها 40 قبل ساعه ..! حظنت نفسي وانا افتح عيوني: يعني؟! لف بويهه عنيه وهو يقول: حطي فبالج، فيه احتمال كبير انها ... انها تموت! شهقت بقو .. و حطيت ايدي على ثميه .. تموت!؟ سندت راسي على ايده وانا اصيح .. رفع ايده وظمني من جتفيه .. آآآآه يا قلبي ..! قالي: تعالي بنسير نطالعها .. سرت وياه ببطء وانا اصيح، احس روحي بتطلع ..! وقفنا عند الباب، قالت الممرضة اونه مانروم ندخل ، بس بعد محاولات ويوم يا الدكتور، خلانا ندخل .. دخل ناصر قبلي، وانا وقفت عند الباب .. سمعت صوت الاجهزة اول مادخلت الحجرة، اصوات وايده، بس رتيييبه وتعور الراس ... رفعت راسي ببطء وانا اسمي .. بس ماواحيت الا وشهقت ونا احط ايدي على حلجي .. بنتييه الصغيرووونه جيه يستويبها!؟ كانوا ملبسينها بامبرز بس، و حوالينها وعلى جسمها اسلاك وايده، ناصر كان واقف عندها وزاخ ايدها الصغيرونه .. انا ماقدرت اتحرك .. لف عليه ناصر وقال بغبنه واااضحه فصوته: تعالي غايه .. مسحت ويهي .. و تنفست بعمق وسرت صوبهم .. كانت فيه ممرضه واقفه على يمين الحجرة، و شالة فايدها ملف .. لفيت عنها صوب ناصر ووقفت على يمين عذوب .. رخيت راسي عليها .. و بست خدودها ببطء .. مسكت ايديها .. و من دون شعور بديت ارمسها ..: عذووبتي .. فدييت رووحج ، حيااااتي نشي .. يالله حبيبي عشان تشوفين اخوج .. بعدين مابيلقا حد يلعب وياه .. مديت ايدي ومسحت على ويها .. بس ماقدرت اوصل لثمها عشانهم حاطين مال التنفس .. ماقدرت استحمل زياده، لفيت الصوب الثاني وكملت صياح .. يا ناصر وزخني ، تم يطالعني فتره ، عقب حظني بقو وقال: بس بس غاايه سكتي .. ان شاء الله انها بتكون بخير!! رفعت راسي عن حظنه وانا اقول: نااااصر عذووووب بتموووت، شوف ويها كييف!! اشرت بايدي وكنت بكمل، بس صوت الاجهزه سكتتني .. وقبل ما استوعب شو السالفه، كان الدكتور داخل، و ممرظتين واقفين عند عذوب، شفتهم يطالعونها ويفحصونها، و الاجهزة ماوقفت اصواتها .. شيئاً فشيئاً حسيت الدنيا تدور فيني، و الاصوات ماتوصلني ، ماحسيت غير بايدين ناصر تلفني بقو وانا احاول اتملص منه .. ابا اسير لعذوب، شهقت بقو يوم شفت الدكتور يشل جهاز غريب ، عيوني كانت تتحرك بسرعه مع حركت الدكاتره، شفت الممرضه تسوي شي بالجهاز و الدكتور يحركه بسرعه ، وابتعدو عنها، فتحت عيوني بقو وانا اشوف جسم بنتيه الصغيرون يرتفع بسرعه وينزل، و الدكتور يرفع راسه صوب الجهاز .. ماكنت ادري شو استوى .. كل الي اعرفه اني ابا احظنها .. آخر شي سمعته صراخي انا و احساسي بايدين ناصر ترص عليه زياده .. رفعت عيوني وانا اشاهق و ابعد ناصر عني، شفت الدكاتره يبتعدون عن عذوب .. وانا ابتعد عن المكان كله .. ماحسيت بشي غير خدر فجسمي كله وان الليتات اتسكرت فجأة! . . | عمير | السبت الساعه 8 .. رفعت ايدي عن الصحن وانا اسمع امايه تقول: وليش مايت؟! قالها عمر: كان عندهم عزيمة وماقدرت اتي ..! لفيت بعيوني اطالع ويه امايه الي اعتفس وهي تكمل: حتى لو .. عنبو خوها هذا!... ولا نستكم يوم عرست؟! قلتلها بهدوء وانا اكمل ريوقي: مريوم ماتسويها .. تربيتج يا اميه! قالت بعصبيه استغربتها: لا والله هب تربيتي ، الا ابوكم الي كان امبزيها! نفظت ايدي عن البلاليط وقلت لعمر: يالله قم نسير صوب عيد .. قال: هيه زين .. بترياك فالموتر .. سرت للمغاسل الي على يمين الصالة وانا اسمع اميه تقول: خطفوني صوب بيت خالكم .. قلت بصوت عالي: عيل استعيلي الله يخليج .. قالت بصوت عالي: مابستعيل .. وتريو انتو لين ما اييكم!! رفعت حايبي مستغرب من تصرفاتها .. ولاا تقول هاي امنا .. والله مرات احسها فعمرنا من مسخرتها وعصبيتها !! ظهرت من المغاسل وانا امش ايديه فوزاري .. طلعت فويهي هند حرمة خويه .. قالت بسرعه وهيه تعدل شيلتها : سمحلي ماكنت ادري انك هنيه .. قلتلها وانا اخوز عن الدرب شويه: لا افا علييج بنت العم .. حيااج! دخلت المغاسل وهيه شاله الغسول والفنايل وياها .. قالت: بتسيرون صوب عيد؟! قلت وانا اتلبس كندورتي الي كنت حاطنها على الغنفه: هيه ، بس بنوصل اميه صوب خالي براهيم ! طلعت وهيه تقول: اها .. بتتغدا هناك عموه؟! هزيت راسي اني مادري وقلت: تخبريها فالحجرة هيه .. ولفيت بطلع من الصاله، بس رديت وقلتلها بصوت واطي: واستعيليها الله يخليج .. بس من دون لا تدري اني قلت شي! ظحكت : ههههه ولا يهمك ، ردو السلام على عيد .. : الله يسلمج، سلامن يبلغ! ظهرت من الصاله وشفت عمر توه محدر الموتر للحوي، طبعاً لنه الحوي هب عود لين هناك، وعبدالله ومبارك وحمد حاطين كراجاتهم داخل الحوي، فانا وعمير ما رينا مكان لمواترنا .. واطرينا نسوي كراجات برع .. فتحت الباب وقلتله قبل مايحرك: اميه بتسير ويانا .. قال بسرعه: ونييه انزيين؟! عقب قال وهو يلف عليه: بعدين منوه بيردها؟ .. ترانا بنسير صوب مريوم! قلتله: ماعرف .. يمكن بتتغدا هناك .. اصبر انته يوم اتي بنتخبرها .. كنت يالس ورى عسب امايه بتركب يدام، يوم يت قالت: ليش يالس ورى انته؟! قلت: بعد ليش؟ .. انتي بتيلسين يدام! عقدت حياتها عقب قالت: قم قم ايلس جدام، انتو بتوطوني فبيت خالكم وبتويهون، انا بتم هناك وبتغدا عنده! نزلت و ركبت يدام، ويوم يلست هيه ظهرت هند من باب الصاله، اشرت النا وهيه تتجرب .. فتحت دريشتي جان تقول: عموه عندكم؟! اشرت على ورى جان اتسير، وقفت عند دريشتها الي فتحتها وقالت: هاه شوتبين؟! سمعت هند تقول: عموه متى بتردين؟! قالت اميه بصوت عالي: ليش تسألين؟! هند: ماشي فديتج، ابغي اقيل عند هليه، كنت بطالع جانج بتردين ولا؟! امايه: لا لا مابرد انا لين العصر .. تمي انتي هنيه وباجر سيري لهلج! ابتعدت هند عن الموتر وهيه تقول: تامرين .. الله يحفظكم .. طالعتها بطرف عيني وهيه تدخل البيت وتبند باب الصاله وراها .. حليلها، بتذوقين الي ذقناه قبلج، صح اميه تعاملنا اوكيه وتخاف علينا، بس هيه البنات ما ادانيييهن، الله يهديها .. تمينا ساكتين طول الدرب لين وصلنا بيت خالي، قالت اميه وهيه تنزل: مابتسلمون؟! لفيت على عمر وقلت: شي وقت .. خل ننزل! تأفف وهو يبند الموتر ونزلنا وياها .. اتجدمتنا هيه عسب تفظيلنا الدرب .. اول مادخلنا، مادرينا بشي الا وكورة يايه صوب اميه!! بما انها جريبه مني ، مديت ايدي بسرعه وخوزتها عنها قبل ماتظربها، لــــحزن لفت ايدي وبغت تكسرها! لفيت ادور منوه الي شايتنها واميه تقول: حسبي الله عليكم من فروخ .. لفيت سعيد وراشد عيال حرمة خالي واقفين جدامنا .. راشد بما انه الصغير ربع داخل وانخش .. بس سعيد اتجدم منا وييه غاادي احمر .. كان خاطري اظحك يوم شفت اميه تزخه من اذنه يوم يا بيسلم عليها: يالهرم انته وخوك، بغيتو تنفدوني ..! نزل راسه وقال بهدوء: سمحيلنا عموه ماشفناج .. بعدين محد اي هالوقت! ماقدرت امسك ظحكتي يوم اميه قالتله بغيظ: استح عويهك .. ولفت عليه وظربتني على جتفيه: جب انته الثاني! وقف يدامي سعيد ووايهته: مرحبا بو عسكور .. شحالك؟! قال وهو يمشي صوب عمر: بخير ربي يسلمك .. ماشاء الله عليه غادي ريال! دخلنا .. فتحت حرمة خالي باب الصاله وهي ترحب ابنا: مرحبا مرحبا .. حيا الله من يانا .. وقفت اميه وسلمت عليها .. دخلوا وبدينا نحن السلام .. : شحالج ام سعيد؟! .. عساج الا بخير؟! كان سعيد يقهوينا وراشد يالس عدال امه .. قالت وهيه تعدل غشاها: بخير وسهاله ربي يسلمكم .. شحالكم انتوا.؟ ربكم ماتشكون باس؟! قال عمر: بخير ربي يسلمج .. وين خالي عيل؟! قال سعيد وهو يمد له الفنيال: عمي توه ظاهر .. كان ساير صوبكم! ظحكت وانا اقول: عيل سبقناه .. هاه اميه نسير ولا شوه؟! بالعاده اميه يوم ماتلقا الي تباه، على طول ترد البيت ومرره ماتيلس .. بس استغربت يوم قالت : لا لا بيلس انا هنيه .. انتو سيروا وقولوا لعيد بييه عقب صلاة المغرب ان شاء الله ., وقفت انا وعمر وحرمة خالي تقول: يالسين؟ اشرت بهدوء وانا اظهر من الصاله: ماعليه سمحيلنا .. الله الحافظ! قال عمر: مره ثانيه ان شاء الله .. الله يحفظكم! بعد ربع ساعه كنا فالدرب .. حطيت سيدي اغاني كان فالموتر وانا اقول لعمر: مبارك رد لدوامه؟! قال: هيه .. قلت وانا اتساند على الكرسي: عيل ماخلا مريوم الصغيرونة ويانا لين الاحد نردها صوب هلها! قال: يقول امها بسير بيت عمهم صوب الفجيرة وبيباتون، وتباها وياها! : اها .. مابيردها هوه؟! لف عليه باستغراب: ليش؟؟ .. يعني هو مطلقها عسب يردها؟! اشرت بايدي وانا اوضح له: لا هب قصدي، يعني غريبه هم كانوا اوكيه رباعه، شو الي استوى؟! قال: ماعرف، يمكن ما توافقوا! قلت: يمكن، بعد ربك! وصلنا توام ونزلنا .. قالي عمر: احينه هو متى بيرخصونه؟! قلت: مادل ياريال، احيد حمد يقول الدكتور قال بعد اسبوع .. وصلنا المصعد ، دخل ورانا ريال ، لحظة!؟ هب جنه هذا احمد!! دخل بسرعه وتساند على اليدار جنه تعبان ولا شي ،، .. قلت لعمر بصوت واطي: هب جنه هذا احمد خو ناصر؟! قال وهو يطالعه: هيه شكله! اتجربت منه وظربته على ظهره بقو وانا اقول: هلاا بو الشباااب! نقز محله وقال بصوت عالي: أهـــب!! رديت على ورى بصدمه من ردت فعله وويهه التعبان! تم يطالعني فتره عقب قال بعصبيه وهو يمسح ويهه: الله يلعنك يالثـور! لفيت على عمر الي قال: شحالك بوشهاب؟! اشر بايده وقال: بخير ... عقب كمل وهو يحط ايده على صدره: الله يغربل العدو، عنبوو نقزتلي قلبي!! ظحكت وانا اقول: ياريال بلاك غادي رخمه!؟ رد يطالعني عقب قال وهو يعقد حياته: شو تسوون هنيه؟! قلتله وانحن نطلع من المصعد: عيد مسوي حادث سلمك الله و .. قال بصدمه وهو يمد ايده يمسك الباب عن يبند: افاا؟! .. متى؟! ,, محد خبرني انا! قلتله بهدوء: ماياه شي الحمدلله بخير .. هذوه مرقد هنيه .. قال عمر وهو يبتعد عنا: انا بسبقكم .. انتو شكلكم بتسولفون .. قال أحمد وهو يظهر ورانا: لا لا بسير وياكم انا .. حلييله عيووود ، كيف سوى الحادث؟! قاله عمر: يوم اليمعه فالليل كان شي ضباب تراه، فهو وربيعه حمدان رادين متأخرين و انجلبت السياره عليهم .. قال : وشو ياه حمدان؟! .. هذا حمدان بن سلطان و لا؟! هزيت راسي بهيه وانا افتح باب حجرة عيد: هيه هووه .. ماياه شي ماشاء الله .. الذيب ظهر من الموتر قبل ماتظربه التريلا! ظربني عمر على جتفي وهو يقول: جب اييه .. شو ذيب بعد حرام عليك .. بغا ينفد هوه بعد! فتحت الباب وانا اقول: عااااااااادي شو قلت انا! سمعت صوت حريم داخل .. فحطيت ايدي على صدر أحمد قبل مايدش وقلت: لحــظة .. اسمع صوت حريم! ظهر بسرعه وعمر يقول: سر طالع منوه! لفيت بطالع منوه عنده، ولنه الحجرة مصممه على انه الباب اول شي عقب ممر صغيرون وعلى يسارك الحمام، عقب الحجرة الي فيها عيد، سرير وتلفزيون، دخلت، شفت فويهي مريوم الي من شافتني قالت: عموووووووووووور .. حياااك تعال! شفت وحده يالسه عدالها .. نزلت عيوني وقلت: سمحولنا ماكنا نردي انه حد عنده! عقب عقدت حياتي يوم سمعت حس بنيه تقول بسرعه: اونننننننننه عمر يستحي، تعال تعال بويه هاي انا! كنت بلف، بس شفت صبي صغيرون ياي من صوبهم ، وقف جدامي وهو حاط صبعه فثمه ومتلبس كندورة ومتسفر!!!! منوه هذا؟! اتجدمت وانا عاقد حياتي. لفيت على عيد ريته راقد، رديت اطالعهم ومريوم يت صوبي وخامشتني: حياا الله عمير، شحالك فديتك؟! قلت بصوت واطي وانا ااشر على الي وراها: منوه وياج؟! قالت: هاي عذوج بنت عميه! .. تعال حياك! اتجدمت قبلي ورفعت انا راسي اشوف هالعذوج!! كانت هب متغشيه، بس بعد هب حاطه شي فويها: السلام عليكم! قالت وهيه توقف: مرحبا ، علييك السلام و الرحمه .. حياك عمر شحالك؟! ابتسمت وانا انزل عيوني: الله يحييج بخير وسهاله، انتي شحالج؟ .. حيها بنت عبدالله! قالت وهيه تظحك: بخير ونعمه طال عمرك .. عااد انته عمر ولا عمير؟! قلت: عمير طال عمرج .. وشحالهم هل الشارجه؟ ربهم مايشكون باس؟! وهيه تجاوبني نزلت اسلم على ولدها سلطان، احينه عرفته بما انه محد من هلنا عنده عيال غيرها: حيه الشيخ سلطان، شحاالك؟! خامشني بسرعه ولف صوب امه .. وقفت وانا ااشر على عيد: متى رقد هذا؟! قالت مريوم وهيه تعدل له لحافه: فدييييته توه رقد .. حد وياك انته؟! .. ونوه عمر؟ .. ليش مايا! ظربت يبهتيه وانا اقول بسرعه: اوووب نسيت عمر خاري .. لحظة! طلعت بسرعه و شفته واقف عدال أحمد .. لفو عليه وقال عمر: منوه عنده؟ قلت له مريم وعذيجه بنت عميه .. تعال مريوم تتخبر عنك .. قال احمد بسرعه: عيل بسير انا .. و .. قلتله وانا ازخه: والله ماسرت، اصبر احينه بوعيه سلم عليه وروح! قال وهو يخوز ايدي: ياريال لاتحلف .. دامه راقد خله عنك .. يالله نسلم عليكم! ابتعد عنيه بسرعه و انا اقول: ماعليه اسمحلنا بو شهاب! اشر بايده وهو يبتسم .. وروح! دخلت ورا عمر وانا اسمعه يسلم على عذيجه .. اول مادخلت ووقفت عند شبريه عيد .. قال بصوت عالي: ياربيييه محد يروم يرقد عندكم انتو؟! وفتح عيونه وكمل بعصبيه: حشره عيااال سلطاان .. !! اتجربت منه مريوم وقالت: فديييت خشمك تبا ترقد؟! مديت ايدي وظربته على ريله وانا اقول: هرم واحد .. والله لو مب طايح جيه كان راويتك شغلك! ظحكت عذيجه وهيه تقول: شحالك عيد؟ .. الحمدلله على السلامه؟! شكله ما انتبه منوه هاي .. لنه تم يطالعها عاقد حياته مستغرب .. عقب لف عليه بما اني على يساره بعيد شوي عن قوم عذيجه: منوه هاي؟! بس الغبي صوته كان عالي ، كالعادة .. دفش وماعنده اسلوب! : ههههههه افاااا عيوود .. ماعرفت بنت عمك؟! تم عاقد حياته عقب قال بابتسامة: والله ماحصلي الشرف يابنت العم؟! عقب قال بسرعه: لا يكون هييج الخريش الـ... قبل مايكمل ظربته مره ثانيه على ريله وانا اقول: هاي عذيجه .. ام سلطان يالهرم .. شو خريشه بعد؟! خوز عني ريله وهو يقول بغيظ:اييييه نفدتني انته وهالطابوقه لك؟! .. بلاااك؟ سكتنا فجأة .. ومحد رمس .. قالت مريوم: هاه علوومكم؟! لفيت عليها مبتسم وانا اقول: انتي علومج؟! .. وعلوم العرس؟! قالت عذيجه: ياربي يالسؤال؟ .. صدقيني بتتلعوزين من كثر مابيسلئلونج هالسؤال .. جربتها قبلج! ظحكت مريوم: ههههه زوين فديتك .. انتو شحالكم؟ . .و اميه وين؟! قال عمر الي كان طول الوقت ساكت: امايه صوب خالي مقيله عنده .. ونوه منصور مريوم؟! قالت: فرني وروح .. بيرد عقب شوي يشلني .. كنت بسير البيت اسلم ع امايه .. لفينا على عذيجه الي صاح تليفونها، عقب وقفت وهيه تقول: يالله شباب بسير انا .. عقدت حياتي وانا اقول باستغراب: هيه صح؟ .. سلطون وين؟! شفتها تلف بسرعه في الحجرة وهيه تقول بصوت عالي: ولخيييبه نسيييته؟! .. ياويلي ونووه سلطااني؟! قال عيد: حااافظ علييج بنت العم فاره ولدج وماتعرفين وين دااره!! وقف عمر: بطالعه جانه خاري .. وقفت عذيجه عند الباب وتغشت وهيه تلف علينا: يالله نسلم عليكم .. مريوم لاتنسين تسيرين صوب علايه .. اشرت بايدها اونه باي باي وظهرت .. جان يقول عيد: يييهاااء بنت عمكم هاي خرييش نمبر ون .. ونا اقول ختها من وين يايبه هالخراشه!! لفيت لمريوم وسألتها: شو بلاها عليا بنت عمي ؟!.. قالت بتأثر: فدييت روحها تعبت عليهم مبارحه، وهيه هنيه ، كانت مرقده امسات! رفعت حايبي مستغرب: بلاهم العرب اليوم .. كلهم فالمستشفى .. لفيت على عيد الي رد يغمظ عيونه: احمد خو ناصر كان هنيه بعد .. كان بيحدر يسلم عليك، بس استحى من البنات .. قال : شو يسوي هنيه!؟ قلت وانا ايلس: ماسألته .. كان شكله تعبان يمكن حد من هله هنيه! لفت علينا مريوم: احمد خو ناصر هو ريل غايه ربيعتيه؟! ابتسمت وانا اقول: لحزن مطولها .. شدراني انا ربيعتج غايه تجرب لاحمد ولا!!؟ طالعتها بهدوء يوم لفت على عيد ترمسه .. كانت متعدله ومطلعه قصتها ... غرييب شكلها لنه مريوم ماكانت تطلع وهي متعدله .. احينه غدت عروس!! اندق الباب ومريوم تقول: عمير امايه ماقالت متى بترد من عند خالي؟! وقفت بفتح الباب وانا اقول: قالت بتي المغرب لعيوود .. لحظة! فتحت الباب وظهرت اطالع منوه برع .. كان ريال واقف وعاطني ظهره .. قلت: مرحبا الشيخ! لف عليه وابتسم .. منصوور .. حافظ ماعرفته! اتجرب منيه وخاشمنيه: مرحبابك زود .. شحالك ؟! قلت: فنعمه طال عمرك .. حي الله منصور ، شحالك انته؟ .. ربك ماتشكي باس؟! عدل عقاله وهو يرد: بخير ربي يسلمك ، حد عندكم؟! اشرت بايدي : لا لا حياااك .. دخلنا داخل، .. منصور: السلام علييكم .. ردو السلام عيد ومريوم: عليك السلام و الرحمه .. عيد اول ماشافه عدل يلسته وهو يقول: حيه بو غاشم .. اقرب .. منصور: جريييب طال عمرك .. شحالك؟ .. الحمدلله على السلامه .. عيد: الله يسلمك ويبجيك .. انا بخير وماشكي باس، شحالك انته؟ .. وشحال العرس؟! كان منصور واقف عند طرف السرير و انا عدال عيد من اليسار، ومريوم يالسه على الغنفة الي على يمين الحجرة فالطرف .. كانت منزله راسها من يوم دخل منصور .. حااافظ مستحيه الاخت! سكتنا فتره، رفع منصور ايده وحج شعره من ورى السفره وقال بهدوء: عموه وين عيل؟! قاله عيد وانا الا اطالع مريوم ومنصور .. شكلهم يظحك كل واحد مستحي من الثاني: اميه فبيت خالي .. اقرب منصور بلاك واقف؟! طالع الحجرة بنظرة عقب قال وهو يتساند على اليدار: لا عادي .. شكله مستحي ييلس على الغنفه عدال مريوم .. كمل منصور: شحاله ربيعك؟ .. قالي الدكتور ظهر من المستشفى؟ قاله عيد: هيه الحمدلله مابلاه شي .. كمن كدمه وبتخف ان شاء الله .. و كمل وهو يظحك: انا الي كلتها يا ريال! ظحك منصور: ههههه ربي سلمك ولا الي يشوف الموتر يقول نافدين! صاح تليفوني .. طالعته كان واحد من الربع .. وقفت وانا اقولهم: سمحولي شويه..! . . | عليا | . . كنت مغمظة عيوني بقو، وقابظه اللحاف .. اذا فتحت عيوني، بيتخبرني بويه شو السالفه؟ و انا ماعرف شو اقوله .. تخيلوا لو يدري اني رمست خالد ولد خالتي .. لااا وبعد وااافقت اني اعرس !!بينفدني و الله! ... اسمع حسه يرمس ويا بخيت خويه ، كان يتخبره عن عيد .. وعقب فتره ماحسيت بحد فالحجرة .. فتحت عيوني ببطء .. بس تخميني كان غلط، لنه طاحت عيوني على بويه يالس عدالي .. من شافني قام واقف وقال: الحمدلله على السلامه ..! تحركت عيوني ببطء على ويهه، دموعي طاحت وانا اقوله ببطء: الله يسلمك الغالي .. حاولت ايلس بس يتني دوخه .. غمظت عيوني يوم حسيت بشفايف بويه على يبهتيه ويقول: ارتاحي فديتج .. احينه بتي امج .. انا بسير عندي اشغال! هزيت راسي وانا بعدني مغمظه عيوني .. يوم سمعت صوت الباب يتبند، ماقاومت اني اصيح! ليش يا خالد سويت جيه؟! يعني بالله هو مايعرف بويه واميه كيف يفكرون؟! .. دامه مستعيل يخبرهم بس مايطريني .. عدلت يلستي ببطء وانا احاول ارتاح شويه، مافيه شي يسوى و الله .. خلوني اعيش حياتي شويه على الاقل .. رفعت ايدي بسرعه وانا امسح دموعي يوم شفت الباب يتبطل .. طلت منه وحده متغشيه .. وبندت الباب وراها .. رفعت غشاها وقالت: بلاج اطالعيني جيه؟! .. عنبو هب جني ظاهره من عندج قبل شوي!؟ مارمستها وانا انزل راسي .. يت ويلست عدالي وقالت: افا علوووي ، تصيحين؟! هزيت راسي بلاء وانا اقول بغبنه: خالد الغبي خبر اميه اني موافقه عليه .. ظحكت عذوج وقالت بسرعه: ههههههههه قولي والله؟ ,, لاتقولين انج طايحه عسب جيه؟! قلت بعصبيه: يعني اونج ماتعرفين اميه كيف، هيه صح هب قصدها، بس خايفه ابويه يعرف شي عن السالفه، و تحيدين انتي يوم بغاني آخر مره رفضت وابويه قالي مابغصبج على شي .. وكملت وانا امد ايدي بعجز: تخيلي تقوله اميه بنتك خبرت الريال انها تباه؟! ظحكت: هههههههههههه و الله حلوو .. بس انتي ماخذه الموضوع بجديه ومسويه ساالفه .. عادي ياخي .. الدنيا حلوة ياختي! لفيت عليها مبتسمه وانا اقول: ياحيج ياعذوج معرسه ومفتكه من الصدعه و التأمير! قالت: لا يغرج، تراني انا بعد عندي صدعه، لا صدعتين بعد، سلطون وبوه! عقب قالت : على طاري بوه ، تراه ياي بيسلم عليج وبنويه! طالعتها بصدمه: عنبو مالكم ساعه يايين، وين تبون؟! .. قالت وهيه توقف: راشد عليه زام الليله، ولين مانوصل الشارجه بي المغرب ،، انزين انتي احينه عدلي شعرج بسير ازقره .. طلعت عذيجه وانا عدلت شيلتي وتغشيت ابها .. دخل راشد وهو شال سلطان ولده: السلام عليج يا عليا .. رديت: عليك السلام و الرحمه .. اقرب بو سلطان .. قال: جريب طال عمرج .. الحمدلله على السلامه .. ماتشوفين شر .. قلتله: الله يسلمك، عبلتو على عماركم مايحتاي ها كله .. قلت جيه عشاني شفت العامل اي ويوطي سلال خظرة وشوكلت على الطاولة .. قال: لا افا عليج .. كمل وهو بيظهر: السلوومه بنت عبدالله ، سمحيلنا بنويه عاد .. الله الحافظ .. قلتله: يسلمك ربي .. فمان الله .. قالت عذيجه وهيه تبوسني: يالله فديتج، بسير البيت انا، بخبر اميه انا مانروم نبطي وبنويه .. الله يحفظج، ولا تنسين تخبريني بالطواري كلها! ابتسمت الها وانا اقول: زين .. الله يحفظكم .. ظهرت عنيه وتميت انا ارويحتي فالحجرة .. انسدحت وانا افكر .. صدقها اميه لو بويه الي درا. ,, و الله ينه بينفدني!! ابتسمت وانا اتذكر خالد، اسميييه ماعين خير .. على طول اتصل باميه وخبرها .. مع اني قايله له ولد عميه مرقد فالمستشفى! اعتفس ويهي من شفت الممرضه تدخل الحجرة و قالت : دكتور يجي .. رديت الغشا على ويهي وانا اشوفه يدخل .. قال: السلام عليكو .. ازيك يا عليا؟ قلتله بهدوء: عليكم السلام .. بخير الحمدلله .. قال وهو يطالع فالاوراق عنده: اي ده يا عليا، احنا مش أولنا ما تتعبيش نفسك كده.؟؟ لويت بوزي بغيظ، .. شو يخصك انته زين؟! كمل : دنتي ألبك رقيق مبيستحملش حاقه .. عليا: دكتور متى بقدر اظهر؟! قالي: على العموم انا كتبتلك خروج وتأدري تمشي .. بس هاه؟! طالعته وهو يمد صبيعه فويهي: انتبهي لنفسك و ماتتعبيش حالك .. هزيت راسي بهدوء .. قال: يالله انا حروح .. هوا خوك فين؟! قلت: احينه بي دكتور .. ظهر من الحجرة ويت الممرضه تخوز عنيه ابرة المغذي .. يوم ظهرت، مديت ايدي وشليت تليفوني بتصل على بخيت اي يشلني .. اول مافتحت على الارقام .. ياني اتصال من سلطان؟! رديت بفرحه: حــيّه بو زايد .. شحاالك؟ سلطان: يحييييج بنت عبدالله .. شحالج الا بخير؟! .. قلت وانا اعدل شيلتي: بخيير ربي يسلمك .. شحالك انته؟ .. وشو الدوام صوبكم؟! سلطان: طيبه طاب حالج .. السلووومه علايا ماتشوفين شر .. قلتله باستغراب: منوه خبرك؟! لفيت على الباب الي انفتح وانا افر عليه طرف الشيله بسرعه وسلطان يقولي: شميم خبرتني اليوم .. شو ياج مره وحده طحتي؟! دخل ريال وانا رفعت عيوني اطالعه،.. :سلــــــــــــطااااان! قلتها بصوت عالي بصدمه وانا اطالع سلطان واقف جدامي .... قالي و التليفون بعده فاذنه: خسج الله طريتي اذني!! .. هيه سلطان بلاج؟! طاح التليفون من ايدي وانا اوقف واسير صوبه .. لويييت علييييييه بقو وانا اقول: فديييت خشمك انا .. الحمدلله على السلامه، متى ييت؟! .. وليش ماخبرتنا؟! ابتعدت عنه وانا اخوز عني الغشوه: ظعفااااااان سلطاان .. ابتسم وهو يحبني على راسي وقال: فديت روحج يالغاليه، ماتشوفين شر .. و كمل وهو يمسكني وايلسني على الكراسي الي عدال الشبريه: يلسي انتي احينه و لاحقين ع السوالف .. خبريني شو سالفت طيحتج هاي؟! يلس عدالي وانا اقول: ماشي فديتك .. سالفه ماتسوى .. انته شحالك انزين؟! عقد حياته وقال: عليا .. قولي شو السالفه .. كنت برمسه بس تليفونه سكتني .. سكت وانا اطالعه .. رفع راسه وقال: سكتي برمس ربيعي .. لفيت بعيوني عنه وانا افكر، اقوله ان خالد فالسالفه ولا شوه؟! .. هو سلطان صح حبوب وسوالف وجيه .. بس بعد لوخبرته اني رمست خالد بيصلخني بالعصا .. حلااتي وانا اقوله رمسته ووافقت اعرس به!؟!؟ سمعته يقول: توني .. تعالوا انتو .. خلاص عيل بييكم احينه .. ترييته يبند عقب قلت على طول: خل امايه تخبرك السالفه .. انا مافيني .. قال: انزين، بس بعدني بعرفها انا .. المهم عيال عمي يايين بيسلمون .. قلت: منوه؟! قال وهو يوقف: عمر و عمير .. قلتله وانا اوقف: شفته انته عيد؟! قال وهو يعدل سفرته: لا احينه بسير .. حلييله عيود مايستاهل .. عدلت كندورتي الي يايبتنها امايه لي اليوم وانا اقوله: متى ييت انته!؟ قال: امسات الساعه 3! شفته يسير صوب الباب .. قلتله: وين؟ قال: بسير ادليهم، مايعرفون رقم الحجرة .. قلتله: زين يوم اتون دق الباب عسب اتغشى! اشر لي باي وظهر .. . . | سلطان | مستشفى توام .. الساعه 9 الا ربع .. . . وقفت على طرف الممر لين ماخطفن الحريم وانا شال تليفونيه اتصل على عمر .. رد عليه: حيه .. وين بو الشباب؟! قلتله و انا اظهر من الممر: ياينكم انا .. بسلم على عيود وبنسير رباعه .. بندت عنه عقب ماخذت رقم حجرته .. فتحت الباب بهدوء وانا اسلم: السلااااام عليييكم و الرحمه .. خطفت الممر وانا اسمعهم يردون السلام .. اول مادخلت الحجرة شفت حرمه يالسه، جان الف بسرعه و عمر يقول: حيااك بو زايد، محد غريب .. يوم قال جيه .. انتفظ قلبي .. تنفست بعمق وانا ارد عليه واتجدم: يحييك .. كان عيد طايح ع الشبريه، وعمر عداله، وفالجهه الثانيه وحده يالسه عدال عمير ، و .... وريال واقف عند نهاية الشبريه!! وايهت عمر : شحالك عمر؟ قالي: بخير وسهاله .. شحالك انته؟! وخيت على عيد الي قال: حيّه راعي امريكا .. شحالك يا ريال؟ وايهته وانا ارد عليه: يحييك ولد العم .. شحالك؟ .. الحمدلله على السلامه .. رد عليه: طيب طاب حالك .. الله يسلمك من الشر .. اعتدلت فوقفتيه وانا اسير صوب الريال الي اتجدم صوبي: مرحبا بو زايد .. شحالك؟! رديت عليه وانا اوايهه: مرحبابك زود، بخير الله يسلمك انته شحالك؟! و عقدت حياتي واانا اطالعه .. ياربي منوه هذا؟! .. ويالس وياهم و ... و مريم بنت عمي هنيه .. لفيت عنه ووايهت عمير الي يا صوبي: الحمدلله على السلامه سلطان .. مابغيت ترد يا ريال .. قلتله وانا اوقف بعيد شوي: الله يسلمك .. الحمدلله بخير .. ورفعت عيوني صوب مريم وانا اقول بصوت عالي: السلام عليج بنت العم .. شحالج الا بخير؟ سمعت صوتها الي مايخفى عليه: وعليك السلام .. الحمدلله طيبه ، الله يسلمك .. و كملت : الحمدلله على السلامه .. نزلت عيوني وانا اعدل سفرتي للمرة المليون: الله يسلمج .. وسكت وانا مستغرب من هالريال ... لحـــــــــــــــــــــــظة!! رفعت عيوني بسرعه صوبه .. كان يطالع تليفونه وجنه يطرش مسج ... رفع عيونه صوبي فنفس اللحظة وهو يقول: علوم الدراسه هناك بو زايد؟! رمشت بعيوني بقو وانا ارد عليه بصعوبه: زوينه الحمدلله .. لاباس!! نزلت عيوني وانا فصدمه .. انا فحجرة وحده، ويا غلايه و ريلها؟!!!!!! توني استوعبت السالفه .. ثره الغريب هنيه هب هوه .. الا انا ..!! هزيت راسي ببطء وانا ارفعه، عقب قلت: ماعليه عيل، بسير انا .. قالي عمر وهو يوقف: يالله عيل بنسير نسلم على بنت العم .. قلتله: يالله بترياكم عند الباب .. مديت ايدي لمنصور وانا اقول بخفوت: اسمحلنا بوغاشم .. اشوفك ع خير .. قال: مرحباابك .. الله الحافظ .. لفيت بسرعه و طلعت من الحجرة .. ماقلتله مبروك؟! .. هه اقوله مبروك على غلايه؟! ظربت ايدي على اليدار بغيظ .. شو من زود فييييييييييييييه؟! شوووووووه ياربيه؟! . . |
السلااااام عليكم
سلطاااااان ياااقلبي عووورني قلبي عليييك وضعفاااان بعد اتاري العشق مسوي بلااااوي فييك حزني كثيييير يووم كان في المستشفى في غرفه عيد وقال ان الغريب طلع اناااا مااالك الا الصبببببببببر منصوووور ومريوووومه والله ماعرفنااالك سااعه طيب وحنون وساااعه تقلب بسرررعه ياااا ااخي ارسااالك على بررررر ومريوووم الله يعينك من بنت عمه لسه جاااايتك ايااااااااااام سوداءءء عييييد والله انت ابو الوناااسه كللللهاااااا ودينا عندك كلللل شي عااااااااااااااادي المهاااااااا اللله ياااخذك ويفكنا منك مع انه مااااش الاخباار الجديده في المنتدى الثاااني مااااتسرررررر ابداااااااااا نوووووح ياااااقلبي ماا كانك بديتي تعكييين بين منصووور ومريوووم انااااا اقووول شااااوري عمررررك اكييييييييد رااح تلقين نفسك غلطاااانه باللي صاار بينهم وتغيييرين رااايك بعديين |
اقتباس:
بس مافهمت شو قصدج بـ: ماكنك بديتي تعكييين بين منصووور ومريوووم ؟! مافهمت خخخخ ... شو يعني تعكين؟ تخلطين يعني؟ ومشكووورة الغويلي .. حيّاج الله. |
الجــزء العــاشر .. يوم الأحد .. الساعه 4 ونص الفير .. | غايه | . : حسيت بخنقه وانا راقده .. بس هديت من سمعت صوت حد يقرا قرآن .. تجلبت فمكاني وانا افتح عيوني ببطء .. طاحت عيوني على ناصر الي يالس على الارض يقرا قرآن بصوت هادي .. رفعت نظري صوب الساعه .. كانت اربع ونص .. غمظت عيوني وانا ارد ارقد .. بعد فتره حسيت به ييلس عدالي .. تميت مغمظه عيوني .. سمعته يزقرني، بس انا من التعب مارمت ارد عليه .. حسيت بايده تمسح على راسي: غايه .. غايوتي يالله نشي صلي .. قلتله وانا اخذ ايده واخليها تحت خدي: شوي بس ..! ، كنت يالسه برع فالحوي .. ومتلبسه برقع عود شوي .. استغربت الصراحه ليش لبسته، بس خليته .. كانت ام ناصر يالسه ويايه .. شكلها جنها كبرت مية سنه .. منى يالسه الصوب الثاني تلعب بالاب توب مالها .. وانا اسولف ويا مريم فالتلفون .. قالتلي: الجو حلو شورايج نسير البحر ..؟ : هيه و الله .. بس ناصر محد .. لفيت الصوب الثاني يوم قالتلي منى: هذوه احمد ماعنده دوام بيودينا .. على طول اعتفس ويهي وقلتلها: لا لا مابا .. بتريا ناصر .. اقولج مريوم شو عندج باجر؟ قالت: ماشي .. كنت بسير صوب هليه تعرفين يوم اليمعه لازم اسير الهم .. هزيت راسي بتفهم .. وسكت .. طالعت منى الي نزلت راسها بهدوء وتمت تشتغل على الاب توب مالها ... غمظتني .. بس اسير ويا احمد ؟.. لا مابا! رديت لمريم الي قالت: وينج؟ قلت: هنيه .. انزين علومج انتي؟ قالت وهيه تظحك: ماشي .. بعد شوه ؟ .. الا انا ومنصور وظرابتنا الي ماتخلص .. اقولج من عقب امه متغير وايد ..! قلت بتأثر: طبعا حبيبتي .. الشي هب سهل .. انزين انا بخليج بسير .. قالت: انزين ، اذا ماسرت صوب هليه باجر بتصلج نتلاقا ع البحر .. ابتسمت وانا اقول: انزين .. بردلج خبر انا .. الله يحفظج .. بندت عنها وقمت .. جان تقولي ام ناصر: وين ابها؟ قلتلها بهدوء: فديتج عموه بسير صوب عذوب اطالعها ..! نزلت راسها وقالت: لا تبطين .. وهاتيه هنيه يوم تخلصين .. خطفت عنها و دخلت داخل .. لفيت أحمد فالصاله .. طالعته بهدوء و سلمت .. رد السلام و نزل راسه .. خطفت عنه وسرت فوق .. وانا اركب الدري سمعت صوت يهال يلعبون، ابتسمت يوم سمعت صوت عذوبتي .. وصلت الصاله الي فوق .. كانت البشكارة عاطتني ظهرها وعذوب يالسه جدامها وتلعب وياها مال التركيب .. اتجدمت وانا ابتسم .. تجربت منهم وطليت براسي وانا اقول: عذوووووبتي .. حبيبي ماماه هنيييه! عقدت حياتي وانا اطالعها .. منوه قص شعرها .. حسيت قلبي عورني فجأة .. وتيبست محلي .. رمشت بعيوني بقو يوم مارفعت راسها .. دريت اقولها: عذووووبتي . طالعيني ..! ماتحركت .. حتى البشكارة طالعتني مستغربه .. اشرت الها تسير ويلست انا عند عذوب .. مديت ايدي ورفعت راسها .. حسيت بدموعي اطيح و الصدمه شلتني! . . : غاااااااااااااااااايه بلااااج؟! خوزت عنيه اللحاف وانا اصيح واتنفس بقو .. مديت ايدي ومسكت ايد ناصر وانا انتفض .. : غايه ؟ . بسم الله عليج .. بسم الله .. كانت عيوني تتحرك ويا ناصر الي مسح عليه وقال بهدوء وهو يظمني: تعوذي من الشيطان .. كنتي تحلمين فدييتج .. بس بس ! ماكنت احس بشي .. بس ويه عذوب الي فجاة غدا نفس ملامح أحمد خو ناصر بس مصغر ... عذوب كانت جنها ولد صغيرون فنفس عمرها .. حظنته بقو اونا اقول بصوت مبمحوح: نــ نــاصر .. عَــ ـعذوب كانت ولد .. انفجرت اصيح وانا احظنه بقو وهو الا يسمي عليه .. آآآآخ ياقلبي .. غمظت عيوني بقو يوم تراوالي ويهه مره ثانيه .. قلت بصوت عالي: بسم الله .. اعوذ بالله من الشيطان الرجيم .. خاز عنيه شوي وطالعني .. عقب ابتسم بتعب وقال: روعتيني انتي وبغيمج؟! نزلت عيوني ومارديت .. جان يكمل: كنتي تصارخين باسمي .. عقب حظني وقال: انا هنيه .. انتي بس هدي .. ساندت راسي بتعب على جتفه .. قلتله: شو استوى على عذوب؟! قلتها بصوت خفيييييييظ .. اخاف يقولي شي واطيح من طولي .. تنهد وقال: بعدها على نفس الحاله .. بس .. الدكتور يقول حالتها صعبه .. رصيت بايدي على كندورته وقلت: لا تقول ناصر .. ان شاء الله بتكون بخير .. خاز عني و قال: انا بسير عند اميه شويه .. انتي قومي صلي .. هزيت راسي له .. ويوم وصل عند الباب قلتله بسرعه: ناصر فج الليتات .. رد على ورى ومد ايده وفجهم .. قالي: صلي وادعيلها غايوه .. الله ماينسا حد! نزلت راسي يوم ظهر .. رديت انسدح وانا اقول: شو هالحلم الي يخوف .. بسم الله عليج يا عذوب .. انشاء الله تكون بخير .. بس .. و الله غريب .. يعني .. انا ماابا افكر فيه اصلا .. قمت و سرت الحمام بتوظى وبصلي ! . . | مبارك | نفس اليوم .. الساعه 9 الصبح .. . . مديت ايدي وعطيت مريوم العصير وقلتلها: لاتخيسين ثيابج .. هزت راسها وشلته ... رديت اطالع الدرب وانا ساكت .. خذت درب الشارجه بودي مريوم صوب هلها .. بس يا في بالي سؤال راشد الاسبوع الماظي ... قالي: بوحمد مابتعرس عسب تغدي صدق بوحمد! ظحكني رده فقلتله: بي ان شاء الله ان راد ربك .. بس احينه تسدني مريوم .. اذكر انه قال: يعني ماعندك تخطيطات حق عرس ولا ولا شي ثاني يعني؟! انا هب غبي عسب افهم هو شوقصده ... بس كنت متردد .. اعرف انه يباني ارد ام مريم .. بس ... ياترا بعدها على نفس الموال ولا شوه؟! لفيت على مريوم اطالعها .. غاديه تشبهها وايد .. قلتلها: مريومتي تبين الدكان؟! لفت عليه وابتسمت .. جان تطلع غمازتها الي ماخذتنها عن امها .. عقب قالت بفرحه: ابا ماماه وخالوه مريووووم .. : وعموه مريوم ماتبينها؟! قالتلي: لا ماباها ... هيه سارت عنيه .. ابا خالوه مريوم بس! لفيت صوب اليمين يوم وصلنا دوار شعبيتهم وقلت: عيب حبيبي .. عموه مريوم ماسارت .. مدت بوزها وقالت: بس هيه سارت دبي .. بعيييييد عنا! وقفت عند باب البيت و قلتلها: يالله حبيبي وصلنا .. احـ.. كنت بقولها شي بس هيه فتحت الباب ونزلت تربع صوب البيت .. : اييييييييييييه تعالي!! وقفت فنص الحوي يوم شافتني ازقرها .. عقب اشرت بايدها اونه باي باي وروحت داخل .. نزلت من الموتر وبندته و دخلت وراها .. أول مادخلت سمعت اصواتهم فالحوي .. لفيت صوبهم و طاحت عيوني على مريوم متعلقه فرقبة امها .. كانت هب متغشيه .. سلمت بصوت عالي وانا الف عنهم و دخلت الميلس .. ماكان فيه حد .. فاتصلت براشد عسب ايني .. رن و رن و رن ومااحد رد .. اتصلت مره ثانيه .. رد عليه بصوت راااااااااااقد: ألوووووووووووووه! ابتسمت وانا ارد عليه بصوت عالي: الهرم راااقد ثرك؟! قال: مبارك؟ ... اففففف ياخي جلب ويهك! وبند فويهي .. طالعت التلفون بصدمه .. عقب ظحكت: هههههههههه غربلك الله من ريال! وقفت بقهوي عمري دامه الهرم مايا .. صبيت لي فنيال وشغلت التلفزيون وانسدحت على الغنفه .. هالوقت محد اييهم .. تميت تقريباً خمس دقايق لين ما انفج الباب ودخل منه .. ياربي منوه سمه؟ .. المهم انه ولد عم راشد .. وقفت بسرعه وسلمت عليه: عليك السلام و الرحمه .. حي الشيخ .. قال وهو ييلس : يحييك بوحمد .. شحالك عساك طيب؟ : بخير ونعمه ربي يسلمك .. انته شحالك؟ وشحال عربانكم؟ قال: يسرك الحال .. مانشكي باس الحمدلله .. اشوفك اروحك .. جيه وينه راشد .. قلتله: و الله اتصلت عليه لكن الهرم بند فويهي .. شكله راقد! طالعني وظحك: هههههههه دومه جيه دفش .. : هههههههه من الجيش الي ماسوى فينا خير .. قال: ياريااااال و الله انه فنااان .. أنا الصراحه خاطري احول جيش ، بس بويه الله يهديه يباني وياه .. : تجارة؟! : هيه .. انا صح درست ادارة واقتصاد و خذت دورة لرجال الاعمال، بس احسه هب تخصصي .. يعني غييير .. انا ابا شرطه ولا جيش .. قلتله: و الله اخيرك ويا بوك الصراحه .. فالجيش بتتلعوز ، ماشي نظام ثابت ، مره هنيه مره هناك .. حتى الاجازات اتيك غلط ..! قال: عاادي المهم اظهر عن نطاق التجارة .. :ههههه اسميييك .. سكتنا شوي عقب قلتله وانا اظحك: هههه على فكره انا هب مذكر اسمك!! ,, ارتفعن حوايبه وقال : افاااا .. ماعرفتني بوحمد؟! قتلته: انا اعرف انك ولد عم راشد .. لكن اسمك ماعرفه الصراحه! .. قال بابتسامه: خليفة .. ههههه صدق مأثر فيكم الجيش .. الله يعيينكم.. : ههههههه والنعم بك .... شو نسوي ياريال .. النفس وماتهوى .. وقفت بسير بس دخل علينا راشد ,, مدثـــــــــــــــــــــــر!! اول ماشفته: ههههههههههههههه خييييييييبه يالعوينات كيف مويفنااات! اشر بايده وقال: جب جب .. ياخي شو ها لاحقني من الدوام لين هنيه شو تبا؟! .. سر بيتكم ارقد ! اففففففففف! وطاح على الغنفه وانا وخليفة ميتين ظحك .. قاله خليفه: حافظ عليك بو سنيده .. انزين سلم! اشر بايده اونه سكتو وقال: انته شايفنك البارحه .. عنبووو انا ميت تعب ... عقب لف عليه وقال بعصبيه: وبنتك هاي شلها عنيه .. دشت عليه الحجرة ونطت فوق بطني وذبحتني ببغيمها .. تقول مادري شوه؟! : اييه بسك عااد .. كله ولا مريومتي .. ظحكت يوم سوى مالت بايده: هههههههههههه غربلك الله من ريال .. انا امبوني بسير .. لكن بغيت اسلم على عمي .. ونوه بوك رويشد؟! قال وهو يصب له فنيال: مادري انا .. امبوني راقد ومتريح ، لكن الشياطين شكلهم مايرقدون! كان يقول هذا وهو يطالعني .. قتله وانا اقوم: عنبوووووووووووك بظهر و الله اني بظهر .. سلمت على خليفة و فريت راشد بالمسند الصغير وقلتله: يااااااااالله يا راشد يعلهم يتصلون عليك من الدوام ويــ..... ماكملت رمستي لنه راشد فز ويا صوبي ومسكني من كندورتي: يعلك الحووووووووووم .. والله ياتسكت! :هههههههههههه انزيييييييين خلاااااص ... فجني اييييه! قالنا خليفه وهو يشرب فنياله: يهال والله انكم يهال .. ياالله بالعقل! خوزته عنيه وسرت بظهر: يالله نسلم عليكم .. وسلم على عمي .. ظهرت من الميلس وركبت الموتر .. كنت بسير بس شفت مريوم تربع من البيت يايه صوبي ,, فتحت الباب وقالت: باباه ماماه تقول تغدى هنيه! ابتسمت وانا اقول: انزين .. يالله حبيبي مع السلامه .. أشرت بايدها وردت داخل .. رفع نظري اطلع بيتهم .. ياترا شو تسوي اسما أحين؟! شغلت الموتر و ظهرت من الشعبيه ... يتني هفه الصراحه .. مسكت تليفوني وفتحت على الرسايل ,, سجلت رقم أسما الي هيه ام مريم وكتبت ..: اذا انتي الي بتسوين الغدى ماعندي خلاف .. لكن .. ولا عشان خاطرج جان تبين؟! طرشتها وبعد دقيقتين ياني الرد : البشكارة الي مسويه الغدى .. وحياك الله دوم .. ابتسمت من ردها .. ماعليه ماتبين تاخذين وتعطين ويايه فالرمسه .. دريت اطرش: لا لا ، احب آكل الي انتي تتطبخينه .. البشكاره هب حلوة مثلج .. يحييج أم مريوم .. ترييت واااايد بس ماياني الرد .. فريت التيليفون يوم قلت خلاص مابترد .. بس بعد تقريباً عشر دقايق ردت: شكلك اطالع كل وحده وتقارن .. حتى البشكارة؟ ,, مسكين حالك! : هههههههههههههههه عنبوووج زااد يابنت زايد ..! . . | مريم | . . ركبت الموتر ومنصور يقول: ولد عمج الي يا آخر شي؟ ,, ماشفته فالعرس وين كان ثره؟! لفيت عنه وقلبي ينتفظ وانا ارد: كان يدرس برع .. خواته يقولن مارا اجازة .. عسب جيه! قال: أها .. وين بسيرين أحينه؟! ماسمعت شو قال، لني كنت سرحانه فالي استوى اليوم .. ياربي كيف شوفته هيظة ذكريااات .. تذكرت رمسة شما، ... كيف احساسه يوم شاف ريلي؟ .. الي على اساس اني خيرته على ولد عميه؟! .. حطيت ايدي على خدي وانا اتنهد .. والله قلبي لين احينه يدق، مادري شو احساسي، بس الي اعرفه انه شي تغير فيني من شفته! نقزت محلي يوم ير منصور الغشوة عن ويهي وهو يصارخ: مريـــــــــــــــــــــــــم! حطيت ايدي على صدري من الروعه ونا اسمي: بسم الله .. بلاااك؟! فر عليه الغشاه وقال بعصبيه: انا منوه ارمس من الصبح؟! رفعت حياتي مستغربه .. بلاه هالريل بعد؟ .. عنبو تقول من سنه معرسين؟! رديت الف صوب الدريشه وقلت بهدوء: ماسمعتك .. بعدين لو سمحت لاتصارخ فويهي .. قال بنفس الصوت العالي: هيه تراه مش انتي الي تصارخين شرات العنز! .. وين تبين تسيرين خليصيني؟! لفيت عليه .. طالعته بصمت وانا عاقده حياتي .. شو بلاه؟! .. بعد فتره سكوت .. قلتله: منصور انته من شوه معصب احينه!؟ لف عليه .. وقال: انا مش معصب! .. ورد يطالع الدرب .. قلتله: ابا اسير صوب بيت خالي .. اميه هناك ..! قال: تعرفين الدرب .. قلت: لاء ,, تخبر حد من خوانيه .. تأفف وهو يزخ تليفونه ويتصل .. لفيت الصوب الثاني وانا الي بديت اعصب .. انتو شفتو الي استوى .. ليش يعصب بسرعه جيه؟ .. مرات احس انه .. : تبين شي من الجمعيه ؟! كنا واقفين عند الجمعيه .. فقلتله: لا مشكور .. بس بسرعه عن نتأخر لنه اذا يينا قبل الصلاه بشوي مابيطيع خالي نسير قبل نتغدا! نزل من الموتر وانا قبظت تليفوني .. بتصل فغايوه من زمان عنها .. اتصلت مرتين بس محد رد .. غريبه .. بالعاده يوم اتصل ترد بسرعه ... دورت عن رقم بيتهم .. انا متأكده انه كان مسجل عندي .. هذووه .. بعد رنتين رد عليه واحد: السلام عليكم .. : وعليكم السلام و الرحمه .. غايه موجوده؟! سكت فتره عقب قال: لا والله الشيخه .. طالعه .. : ماعليه اسمحلنا .. الله الحافظ .. : يحفظج .. بندت عنه وانا الصراحه فقمة استغرابي .. ليش ماترد؟! بعدين هذا بلاه اتأخر ؟! .. جنه بييب ذبايح عنبوو .. بعد خمس دقايق رديت اتصل لغايه .. جان ترد عليه .. على طول قلت: ياخي مابغييتي .. ولا حد يخلي العروس جيه تتريا؟! ردت عليه وبالكاد سمعت شوقالت: هلا مريوم .. عقدت حياتي وقلت: غايوه بلاج؟! سكتت .. عقب قالت: مريوم انتي وين؟! قلت: و الله هنيه فالعين .. شوبلاه صوتج؟! قالت: مريوووووووم .. عذبه .. عقدت حياتي اترياها ترمس .. بس ماسمعت غير صياحها .. انصدمت: غاايه؟ .. بسم الله بلاااج فديتج؟! ماردت عليه .. : غاايوووه روعتيني تراج شوبلااج؟! سكتت شويه بس بعدها تشهق: عذوب يامريوم .. طاحت عليه على الارض .. و .. وردت تصيح .. انا قلبي خلااااااااااص ، اختبص .. : غايه والله ان مارمستي بييج تراني؟! قالت بغبنه: و الله محتايتنج مريووووم .. تخيلي .. يقولون حالتها صعبه .. ويمكن .. يمكن تموت! شقهت بقو اونا احط ايدي على صدري .: خييبه ؟ .. ليش ؟ .. شو استوى انزين؟! قالتلي: احمدووووه الطفس ... وسكتت .. قلتلها بعصبيه ونا اشوف منصور يركب الموتر: بلاه احمدوووه بعد؟! لف عليه مستغرب بغيمي .. وتم يطالعني .. قالت غايه: روعني .. يا متلبس قناع .. اقووولج والله زياااغ وانتي تعرفينتي على اتف الاشياء اتروع .. وانا كنت اغدي عذووب ويالسه فحظني .. جان اي فجأة جدامي ونا من الروعه فريتها من ايدي جان تصك القااع! شقهت مره ثانيه وانا اقول: فدييييييييييتها .. وشوقالولج بعد.؟! قالت: يقولون حالتها خطرة .. مرييووووم يمكن تمووت .. عذووووب بتمووت تخيلي؟! غمظت عيوني وانا احسني بصيح وياها: فديييت روحج انا .. خلاص فديتج ان شاء الله انها بتكون بخير .. فجأة صارخت عليه: اي بخير ..؟ .. اقولج الظربه يت على راسها وبتمووووت!! مديت ايدي ويهت المكيف صوب ويهي وانا احاول ما اصيح: فدييييتج خشمج غايه غنااتي .. سمعيني انزين .. غايه؟! طالعت التليفون ريته مبند .. حااااااااافظ وقتك انته بعد! فريته عنيه وانا اقول بغيظ: شو هالتلفون التعبان؟! قالي منصور: شو السالفه!؟ نسيت اصلا انه هنيه .. لفيت عليه وقلت بحزن: تخيل .. ربيعتيه بنتها طايحه من ايدها وصك راسها القاع .. يقولون حالتها خطرة وايد ويمكن تموت! قال: شدراهم هم بتموت ولا .. على كيف ابوه هو! نزلت راسي بهدوء وانا اتنهد .. حليلج ياغايه .. الله يعينها الصراحه هب هين الي استوى .. يبالي اسيرلها .. لفيت على منصور: كم الساعه؟! قال: عشر بالضبط .. ليش؟! مممم اقولها يخطفني بيت ربيعتيه ولا؟! .. لا لا بعد عيب ايها من احينه .. لو هيه فبيت اروحها صدق .. لكن هيه فبيت هل ريلها .. يالله بقولها بييها خلاف .. : ماشي .. دليت الدرب؟! قال: هيه خذته من خوج العود! قلت: عبدالله .. وينه؟! : مادري .. ماتخبرته .. :ليش؟ لف عليه وقال: تتحرونا شراتكن يالحريم .. ماتخلن شي ماتخبرتن عنه! : هههههههههه هب لهالدرجه .. تبالغ! بعد ربع ساعه وصلنا بيت خالي .. اول ماوقفنا الموتر كان موتر خالي داش الحوي .. نزلت ونزل ورايه منصور .. سرت صوب خالي: السلاااااااااااااام علييييييكم .. لف عليه وقال: حييييييها العروووس .. مرحبا مرحبا الساااع فذمتيه .. فديته خالي وياد حنون .. خاشمتنه وانا اقول: يحييك الغالي .. شحالك؟! قال وهو يحط ايده على جتفي: بخيير ربي يسلمج ونتي شحالج؟! .. ربج ماتشكين باس؟! كنت برد عليه بس يا منصور وسلم عليه : السلام عليك بوسعيد .. خالي: عليك السلام والرحمه .. شحالك منصور؟! .. عساك طيب؟! منصور: الحمدلله طيب طاب حالك .. انته شحالك؟! .. وشحال عربكم؟! طول الوقت كنا واقفين فالحوي .. جان يقول خالي: حيااكم حيااكم داخل .. لفيت بدخل جان يقول منصور: ماعليه اسمحلنا مستعيلين .. كان خالي عاطني ظهره ومنصور جدامي .. فتحت عيوني بقو وانا ااشر بلاء .. بس خالي على طول قال: والله العزيز ماظهرتو الا متغدين .. ابتسمت بقو وانا اقول: فدييتك خالي هب لازم تعبل على عمرك.. لف عليه وقال بمزح: هاه الريم .. اشوفه طلعلج لساان؟! .. ولا قبل من طريناج احمريتي وسكتي! قلتله: كبرنا عاد شو نسوي! غمزلي وقال بمزح: كبرنا ولا عرسنا؟! لفيت بسرعه وانا اقول:بسير اسلم على ام سعيد! سمعت ظحكته وانا ادش من باب الصاله .. : السلااااااااااام علييييييكم والرحمه .. شفت سعيد وراشد يالسين عند التلفزيون واول ماشافوني قاموا .. قال سعيد: وعليج السلام .. مرحبا مريوم .. سلمت عليه .. عقب دخلت الصاله مالت الحريم .. سمعت اصوات قبل ما ادخل .. فرديت بسرعه وطلعت عطر من شنطتيه وتعطرت .. وعدلت من شكلي ودخلت .. . . | منصور | بعد صلاة الظهر .. ميلس بوسعيد .. . . فجأة ... امتزر الميلس ,, و شكله ماتم حد فالعين مايا .. كنت الا انا وبوسعيد وعياله الثنينه وكمن واحد من ييرانهم .. بس فخلال ربع ساعه العرب كلها تيمعت .. متى خبرهم اني هنيه؟! لكني .. وبعد فتره اكتشفت انه كان اصلا مسوي هالعزيمة على سلامة واحد من عيال شعبيتهم ، مسوي حادث وعدا مرحلة الخطر ,, تقريباً اني ماعرف حد منهم .. بس اليلسه كانت حلوة .. قبل مايحطون الغدا يو خوان مريم .. عمر وعمير وحمد وعبدالله .. يلس عدالي عبدالله وقال: المعرس هينه ماشاء الله ..! قلتله: ربك عااد .. قال وهو يظحك: اكيد خبلت بك تبا تشوف عيد .. خيته واعرفها .. : من ناحية انها خبلت بي .. فهيه خبلت بي ..!! ظحك: ههههههههه بعدك ماشفت شي .. الا كنتوا صوبه ماشاء الله؟! قلتله: هيه نعم .. تستحقون سلامته .. قالي: ربي يسلمك .. وشحالهم هلك ..؟! رفعت عيوني لولد خالهم الي كان يقهوينا هوه و عمر : سلمت الشيخ ,, مايشكون باس الحمدلله .. انتو شحالكم؟! .. داومة اليوم؟! قالي: طيبين طاب حالك .. هيه تتحرانا شراتك ماخذين اجازة .. : هههههههه انزين انا بعد بداوم باجر ..! لف عليه مستغرب: افا .. شعنه؟! قلتله: و الله عندنا كمن موظف يداد وابا اسوي وياهم مقابلة .. تعرف انته محد يأتمن هالايام .. : هيه والله .. ياحيك عيل .. اسمحلي شوي .. طلع من الميلس .. وخلاني يالس مره ثانيه اروحتيه .. ياربي كيف يمعاتهم غير عنا .. طلعت تليفونيه بتصل فأحمدوه الهرم .. مرره جني مش ربيعه! بس رديته من شفت بوسعيد يوقف ويقول: يالله يايماعة الخير .. حياكم! تميت يالس لين مافظى الميلس وطلعت آخر واحد .. طرشت لمريم مسج: اول مايخلص الغدى القاج برع .. لاتتأخرين .. تغدينا وخلصنا .. ويوم يت الساعه 3 الا ربع .. وقفت بطلع .. جان يقولي بوسعيد: وين ابها منصور؟! ابتسمت بهدوء وانا اسلم عليه: اسملحلنا بوسعيد .. اتأخر الوقت ورانا درب لين دبي .. قالي: ماعليه الله يحفظكم .. اسمحلي ماروم اخلي الظيوف .. البيت بيتك .. سلمت على الموجودين وظهرت .. جان يظهر ورايه حمد .. قالي: مروحين بوغاشم؟ : هيه طالع عمرك .. شي بغيت؟! قال: لا والله بس بسلم على مريوم .. سار ويايه لين عند الموتر اللي وقفته عند باب الصاله .. قالي: بحدر استعيلها .. اسمحلي .. : مسمووح .. بس ماعليك امر خل عمتي تظهر بسلم عليها .. : تامر .. ثواني بس .. بعد كمن دقيقه ظهرت عمتي: مرحبا منصور.. شحالك؟ : مرحبابج زود .. بخير ربي يسلمج .. شحالج عمتي؟! طلعت وراها مريم وحمد حاطه ايده على جتفها ويظحكون .. : يامرحبا والله .. وشحالهم هلك ياولديه؟ رديت عليها: طيبين طاب حالج .. مايشكون باس .. قالت: هيه زين عيل ... يالله مابطول عليك .. الله يحفظك .. قالتها وهيه تدخل مره ثانيه .. شفت مريم تتنصل من حمد وتقول: افا اميه ماتبين تسلمين عليه؟! قالت عمتي: من الصبح يالسه وياج .. ودخلت داخل! غمظتني الصراحه يوم وقفت فنص الدرب وحمد يقول: هع قفطووج! لاحظت انها ماردت علينا .. قالي حمد: رادين دبي؟! وكمل: هيه صح ؟ ,, بتسافرون والا؟! قلت انا: طبعاً .. قالت مريم فنفس الوقت وهيه تلف علينا: لا طبعاً ! وسكتنا .. جان يقول حمد: ههههههه .. شوي شوي انزين .. كنت بكمل رمستيه بس تليفوني صاح جان اقولهم: يالله حمد اسمحلنا .. رد السلام! قال: الله يسلمك يبلغ .. خطفت عنهم وانا ارد على تليفونيه: مرحبا .. : السلام عليك منصور .. شحالك؟! : وعليك السلام .. بخير الحمدلله ونته؟! : الحمدلله .. اقولك رادين دبي انتو ولا بتباتون هناك؟! قلتله وانا اركب الموتر: لا يايين .. ليش؟ : عميه بومايد عازمنا عالعشى ... : قولي انه على شرفي عشان اقولك جذاب؟! : هههه هيه على شرفك وانا مش جذاب! رفعت حايبي مستغرب ؟: قول والله .. غريبه .. بالعاده من سنه للسنه يعزمون هاييلا! قال: شدراني .. المهم، لاتتأخرون، عزيمة للصنفين تراها .. : افففف .. انا كنت ابا اتعشى برع اليوم .. يالله مره ثانيه .. بندت عنه و لفيت اطالع مريم الي توها تركب: جان بتي احسن؟! قالت: تراك كنت ترمس فالتليفون .. سكت عنها .. وخذت درب العين دبي رادين! . . | خالد | الساعه 6 ونص المغرب .. نفس اليوم .. كنت فاتح كبتي ارتب ثيابي فيه يوم دخلت عليه ختيه هند .. وقفت ورايه وانا اشوفها من مراية الكبت، حطت ايدها على خصرها وعقدت حياتها، ترييتها ترمس تقول شي، بس هيه الا تهز ريلها اليمين وحاطيه ايدها على خصرها .. علقت آخر دفعة من كناديري الي توني يايبنهم من الدوبي ، ولفيت عليها ..! رفعت حايبي مثلها و سكت ... تمت اطالعني .. آخر شي قالت بعصبيتها المعتادة: انته كل مرة يوم ترد من سفراتك الي ماتخلص، لااازم تسوي مشاكل، !! عقدت حياتي مستغرب، وقلت: شوه!؟ .. شو سويت ياحضرة جنابج؟! قالت بعصبية زايدة: يا حبيب امك، ترا عليا بنت خالتي طايحه فالمستشفى والسبه انته .. بعد بقوات ويه تتصل على امها تخبرها عن سواياكم انته واياها!! فتحت عيوني وقلت بصدمه: شوووه؟! .. شو بلاها علايه؟!. . و كملت بعصبيه من تلميحاتها: و شو قصدج بسواياكم؟! .. بعدين انا ماسويت شي، بس خبرتها اني ابا املج! قالت وهي تحط ايدها على يبهتها: بس ؟! .. بعد لك ويه تقول بس .!؟ .. انته شو ماسويت بس!؟ .. يعني انته ماتعرف انته ريل خالتي كيف حار، وخوانها؟ .. بعد خالتي لو ما هيه رحيمه شوي ، كانت ماتت البنيه ؟! لفيت على الكبت بسرعه وشليت سفرة ويلست اتسفر بسرعه وانا ادور لسويج موتريه بعيوني .. وهند تكمل: شما ختها تقول امها هازبتنها هزاااب وفرتها بالتيليفوون بعد .. وعلايه اروحها ماتستحمل .! شليت السويج وبوكي، وظهرتها من الحجرة ويايه، مانسيت اقفلها وانا اقولها: بسير الهم احينه .. بطالع غناتي شوفيها! لفيت بسرعه بنزل واسير للموتر، بس ايد هند القوية الي لفتني صوبها ماخلتني . قالت بغيظ وعصبيه: انته زورت!؟ .. وين تبا الشيخ؟! .. تبا ابوها ينحرك واقف!؟ فريت ايدها عني وقلت بغضب: كم مره قلت لج لاتزخيني جيه؟! قالت بصراخ: احترم نفسك .. صح انته ريال بس انا بعدني اكبر عنك .. وكملت بهدوء: بعدين هيه طلعت .. وتلقاهم كلهم عندها .. طالعت الساعه فايدي: عادي بسير اتحمد لبنت خالتي بالسلامه .. طالعتني وقالت: ياااااااااااااالله ياللوتي .. من متى هب ساير انته لبيت خالتي ..!؟ .. صدق رياييل ماهمكم غير اعماركم .. ونحن نتظارب يت اميه وقالت: بلاكم انتوا؟ .. عنبو ماتستحون؟! قالتها هند: اميه ولدج الي مايستحي بيسير صوب بيت خالتـ.. ماخليتها تكمل رمستها وانا اقول لاميه: طويلة العمر ماتبين تسلمين على ختج؟! قالت اميه بسرعه: الا ابا .. سايرلهم انته؟! قلت بهدوء وانا ااشر لهند تسكت: افا عليييج .. لو هب ساير بسير عشان خاطرج .. تأففت هند وهيه تقول بصوت واطي يوم اميه روحت حجرتها: بقولك من احينه يا خالد .. قوم خالي غير عنا .. تبا عليا، سر اخطبها من ابوها وخوانها .. لاتسير تلف وادور عليها .. بعدين حط فبالك يمكن مايقبلونك .. قلت بصدمه: يخسووون .. ولد خالتها مستحيل يرفظون .. قالت: اقولك من احينه .. حطها فبالك .. بعدين لاتنسى عيال عمها .. : لـــحزن ... انا كنت ناسنهم ... خيييييييييييبه .. كم واحد هم احيد؟! قالت: اربع هب معرسين .. ثنينه اصغر عنها .. بس عادي عندهم .. يمكن اي واحد فيهم يحيرها يوم انتها تخطبها .. حط فبالك هالشي .. مسحت على لحيتي وانا اقول: خل يجربون منها ويشوفون خالد شو بيسوي! خطفت عنها وهيه تقول من ورايه: خااااالد .. لاتسوي حركات .. خل عنك المشاكل ..! ركبت الموتر ويا امايه الي قالت: خطف الجمعيه ناخذ لبنت خالتك حلاوة .. : ههههههههههههههههههه والله انج يا اميه .. حلاوة عاد؟! .. قولي زهور وشوكلت شي .. هب حلاوة!! قالت: هيه ماعليه .. المهم خطف انته .. : تااااااااامرين انتي .. مايغلى على علايه .. طلعتني اميه بطرف عينها: استح على ويهك .. شو علايه؟! قلت بهدوء: دامج طريتيها بقول علايه .. المهم .. سمعي امايه .. قالت: شو عندك؟ : هالاسبوع ابا اخطب عليا رسمي .. قالت: اخطبها انزين .. حد قابظنك!؟ قلتلها بنفاذ صبر: امااايه انا اما استهبل .. قالت بسرعه: تراك من السنه الماظيه تقول بخطبها وبخطبها .. سر يابوك محد بيزخك!! سكت عنها .. شكلها اميه ماتباها .. طبعاً مابتوافق .. على قولتها عليا مريظة وماتصلح لي !! . . |
الجـزء الحادي عـشر .. بعد أسبوعين و نص .. | حمد | بيت بو عبدالله .. الساعه 5 وربع العصر .. . . : أنا الصراحه هب عايبنيه .. سفراته كثرت السنتين الي طافت .. و بعدين انحن مانعرف هله ولا ربعه ولا اي شي عنه .. تميت ساكت وأنا منـزل راسي وأفرك ايديه .. كل إلي أباه انهم مايطروني .. قالت اميه: هذوه حمد عندك .. بعد اكبر عنها إلا بشهرين .. خله ياخذها!! رفعت راسي بحده وانا اسمع عبدالله يكمل: هيه والله .. صدقها اميه،.. ولف عليه: وحمد مابيقول لاء .. بنت عمه وهو اولى ابها .. سكت عنهم وانا افرك ايديه واقلب رمسته فراسي .. انا وعليا؟ ... عمري مافكرت ابها اصلا .. شوتحب؟ ,, شوتكره، شو وشووو!! قالت امايه:ساكت اشوفك؟! تخيلت شكلي وياها .. لا لا .. وقفت وقلت بعصبيه أنا اروحي استغربتها: لا طبعاً ماباها .. خلو ولد خالها ياخذها .. أنا ماباها! كنت بكمل دربي وبطلع، بس عبدالله قال بعصبيه وصوت عالي: وليش ان شاء الله ماتباها؟! أشرت بايدي بغيظ: ماباها ياخي .. جيه غصب هوه؟! قالت اميه بكل هدوء وهي تقرا الجريدة: عمكم ماخبركم الا انه يبا واحد منكم الها .. وانته ياحمد لاتستبطر على النعمه .. قلت بصوت عالي: شوخصه اصلاً؟ .. الريال يباها خلوه ياخذاها ومحد له خص فيهم! بعدين عميه صح يبا نفس الي قلتي .. بس هب غصب السالفه .. لفيت على عمر وعمير .. وقهروني يوم ما قالولهم شي .. فقلت وانا ااشر عليهم: بعدين عندك هاييلا .. جانه خالد هب عايبنك خل واحد منهم ياخذها .. انا ماباها! وقف عمر بسرعه وقال : ايييه انته شوتقول؟! .. بعدين هيه اكبر عنا؟! قال عبدالله : جب انته .. حتى لو أكبر عنك شوفيها!؟ .. وايدين معرسين حريمهم اكبر عنهم وهذم هااه .. محد شراتهم .. ولف عليه: وانته ماعطيتني سبب .. ليش حضرتك ماتبا بنت عمك؟! بديت أعصب الصراحه .. ياخي ماباها وخلااص .. غصب هووه! قلتله وانا ارد ايلس: بس جيه .. ماباها .. وكملت: بعد هب لازم كلنا ناخذ من بنات عميه .. سكتنا فتره وعبدالله طلع معصب و عيد يالس على الغنفه .. واميه الا تقرا الجريدة .. عقب قالت بهدوء: انتو متظاربين عليها وهيه مادرت عن هوا داركم اصلا! لفيت عليها: شوه؟! .. كيف يعني؟! وكملت: انتو اصلا مكبرين السالفه .. خلوها لولد خالها .. عقدت حياتي باستغراب .. وهيه تكمل: كيفكم .. أصلا هيه تباه .. طالعت عمر الي طالعني .. تباه؟! .. يعني تحبه؟! .. وقفت يوم وصلت لهالاستكشاف .. تــحبه؟! من وين تعرفه عشان تحبه؟!.. اصلا المفترض محد يخبرها لين مانرخصها نحن!! قال عمر بسرعه: تباه؟! .. كيف يعني تباه؟! لفيت على اميه ابا اشوف ردها .. جان تلف علينا وتقول: تحبه بعد شوه؟! وكملت وهيه تلف داخل: لاتبطون على عمكم .. ردوله خبر بسرعه ..! رمشت بعيوني ... يعني الحبيبه تعرفه .. لا وتحبه بعد .. و أذا كانت تحبه فهيه اكيد تعرفه .. عقدت حياتي بعصبيه .. شو هالحاله!! طاحت عيوني على عمر وعمير الي من اشكالهم تعرفه انهم يفكرون نفس تفكيري .. قال عمر: شو الشور؟! لفينا كلنا على عيد الي قال:لاتسون النا فلم هندي احينه .. وشو يعني اذا كانت تباه؟! .. أكيد شاوروها خواتا وقالت تباه ...! بعدين انتو ولا واحد فيكم فكر ابها كحرمه له .. خلوها تسير فحال سبيلها! عصبتني رمسة عيد زياده .. فقلت: لاوالله؟! .. حتى لو مافكرنا ابها .. صلا وين تتحرا عمرها هاي؟! .. شو تباه وتحبه ؟! قال عمير: و الله شكلها بنت العم تلعب من ورانا!! فريت عليه مخده وقلت بعيظ: شو هالرمسه انته بعد؟! .. قال عيد: عنبوو انته ماعندك ون تو ؟ .. على طول تلعب من ورانا ؟! .. و الله انكم مكبرين السالفه .. مسحت على لحيتي وانا اقول: اصلا خالد هذا هب نازلي من زور الصراحه ...! وسكت .. ما باابها ياريال .. شو الشور احينه؟! .. آخذها عسب اراويها انه ماعندنا هالسوالف قبل العرس؟! .. ولا ... وأنا افكر طلع عبدالله من قسمه ووراه هند متلبسه عباتا! قال وهو يعدل سفتره عند المنظرة الي عند الباب: شو ياعيال ابويه؟! .. منوه الي بيضحي بعزوبيته؟! رفعت حايبي بغيظ .. وقلت له بهدوء: بنت العم ماتاخذ غير ولد العم .. وكملت : متى نسير نخطب رسمي؟! . . نفس اليوم، الخميس .. الساعه ست وخمس دقايق .. | هند | . . كنت ساكته ومستغربه .. ماكنت ادري انه حمد يبا علايه؟! .. غريبه الصراحه .. يعني مارمسنا ولا قال شي، ولا بس لنه خالد ولد خالتي خطبها .؟! كان عبدالله نازل يصلي .. وانا اترياه عسب نسير الجمعيه .. عندي اشياء ابا اشتريها .. وعقب بسير الخياط اشل كناديري .. بعد دقايق، يا عبدالله . ويوم حركنا الموتر .. قلتله باستغراب: حمد كان حاط في خاطره انه يبا علايه؟! قال بكل صراحه: لا طبعاً .. عميه الي تخبرنا جان حد من خوانيه في خاطريه بنت العم .. وحمد قال يباها! فتحت عيوني بصدمه: كيف؟!.. يعني ماخطبها لنه هو يباها؟! قال: لا اقولج .. تراه لنه ولد خالج قال يباها .. لاوالله؟! .. شو هالانانيه؟! قلتله: وشو فيها اذا قال خالد انه يباها؟! .. ولا حلال عليكم حرام عليه؟! لف عليه وابتسم .. عقب قال: اونج عاد؟! .. شو بعد هالرمسه .. تعرفين انه لازم يرخصونها خواني عقب جانه يباها ولد خالج محد بيمنعهبه! قلت بعصبيه: شو هالانانيه ؟! .. جيه موتر هيه يرخصها ولا مايرخصها؟! .. هيه الي تتشاور وان بغت هذا تاخذه وان بغت هـ... قاطعني: هيدي هيدي يابنت الحلال .. اقولج انحن جيه .. هاي عاداتنا .. لفيت عنه وانا اكمل: و الله انكم الصراحه! .. قال: ههههههه والله انج الصراحه ؟! .. شوبلاج عصبتي انزين؟! قلت وانا ااشر بايدي بغيظ: قهرتووني انتو وافكاركم .. انا اعرفه خالد .. واعرف انه خاطره فيها! .. ليش تخربون عليه؟!! قال بهدوء: هيه ؟ .. وشو تعرفينه عنه الشيخ خالد؟! قلت بعصبيه: عبدالله بلا استهبال .. انا اعرف انه بويه الي رمسكم .. وانه يباكم انتو عن عيال خالتي .. بس بعد مايحق الكم جيه تسوون! .. فهالوقت كنا وقفنا عند الجمعيه .. فقال وهو يبند الموتر: الموضوع انتهى .. انزلي يالله! نزل وبند الباب وراه ... وانا من العصبيه مانزلت .....! فتح الباب من صوبي وقال: هاه؟! .. مابتنزلين؟! لفيت الصوب الثاني وقلت: لا مابا .. تعال ردني البيت! قال وهو يمد ايده يزخ ايدي: يالله عاد عن الدلع هنوووود! خوزت ايدي وقلت بصوت عالي: مااابااا غصب هوه! فنفس اللحظه كانوا فيه شباب خاطفين عدال الموتر .. فرفعوا روسهم يطالعونا .. انا بما اني ماكنت متلبسه النقاب لفيت بسرعه وعبدالله يبند الباب بعصبيه! اوووووووه وقته هذا بعد! ... سكت يوم ركب ولا قال شي .. بس من وصلنا الشارع الرئيسي قال: لاترفعين صوتج مره ثانيه .. لني انا عندي اذنين واسمع زين الحمدلله! استحييييييييت الصرااااحه! ... فقلتله: زين ..!! ماعرفت شو اسولف شو اقول .. بسكت احسن لي ! .. بعد دقايق كنا واقفين عند كافتيريا .. قالي: تبين عصير؟! لفيت عليه اطالعه .. فديت هالخشم انا .. قلتله وانا ابتسم: دامك تباه فأنا اباه! لف عليه .. وسكت .. عقب ظحك وهو يقول: لوتــــيه! . . |عيد | يوم اليمعه فاليل! . . تلبست الفانيله بصعوبة وانا احاول ما احرك ايدي اليمين وايد، و حتى رقبتي بعده عليها هالجبس العود، هو هب جبس، ياخي المهم انه هذا الي يحطونه على الرقبه يوم تكون معوايه .. و ريلي اليسار بعدها مفدوعه، ماروم اوقف عليها وايد! تعطرت وتسفرت بايد وحده، اففف طلعت بايخه .. بخلي حد من خواني يعدلها! خذت اغراضي وطلعت .. كانت امايه يالسه ويا هند بنت عمي وحرمة ثانيه وياهن! سلمت وطلعت بسرعه! بس صوت امايه وقفني: عيييد تعال وين ساير! رديت على ورى وقلتلها: هاه اميه؟ .. ساير ويا الشباب ، شي بغيتي! قالت بعصبيه: شو الشباب بعد وانته مكسر؟ .. ماشي سيره تعال يالله! رفعت حايبي وتنفست بعمق وانا ارد عليها: افا اميه.؟ .. جيه ياهل انا؟ .. بسير ومابتأخر .. قالت بنفس العصبيه: اقولك رد .. بعدين ويا امنوه ساير؟ تأففت: يالله امييييه عاااااد ساير وياااا الربع! سكتت ، وتحريتها رظت وكنت بسير، بس ما ابطيت الا وهي ظاهره وزاختني من ايدي: انا يوم اقول شي تسمعه! عورتني ايدي من مسكتها ..قلت بعصبيه: اماااااااااااااايه عااد شوها!؟ قالت وهيه بعدها زاختني: تعال سلم على حرمة عمك .. وماشي سيره .. عنبو تبا تتنفد مره ثانيه! ردينا الصاله وهي تيرني شرات الصخله! قفطت الصراحه يوم قالت حرمة عمي: الله يهديك يا عيد خلك اول شي لين ماتتعافى ولاحق ع ربعك! يلست اميه ويلست انا وياها، سلمت عليها و سكت .. تمن هن يرمسن وامايه كل شوي اطالعني بنظره! رن تليفونيه .. كان حمدان .. على طول لفت عليه اميه: قلهم ان يوك عرب ومارمت تسير! رفعت حايبي بغيظ وانا اقول: ولا اقولهم اني مربوط فشيرة البيت شرات الصخله! .. عادي تراه! ظحكت هند: هههههههه هب لهالدرجة عيود! قلتلها: انتي سكتي، ..! قالت حرمة عمي: شحاله ربيعك الي كان وياك؟! قلتلها وانا ارد على حمدان: بخير ماياه شي، الا انا الي لين احينه اعاني الصدمه! قالت شي بس ماسمعتها لن حمدان قال بعصبيه: انته بتخليني ادعم مره ثانيه من رمستك الخايسه هاي؟ .. يالحماااااار قول بخير وخلااااص!! : ههههههههههههههههههه لا لازم اراويك انك محظوظ ..! طلعت من الصالة ويلست عند الدري ..قالي: هاه وين؟! قلتله بعصبيه: اقوووووووولك اميه ماخلتني اطلع .. تقول خلهم يولوا!! وكملت وانا افر الحصى الي شليته من الأرض: تخيل .. والله ماتقول غير ,, مادري شوه! نقع من الظحك: ههههههههههههههههههههههه غربلك الله من ياهل! ,, احلف انها ماخلتك تظهر! : يالحمااار لاتظحك .. اقولك ماخلتني .. بجذب يعني! قال وهو بعده يظحك: هههههههه و الله ان امك الصراحه .. فنتك .! : جب .. المهم خبرهم مابيي .. بعدين انا اصلا تعبان! : افا شوبلاك؟! : ماشي، ادلع! : والله انك ياااهل ، يالله يالله جلب ويهك .. انا مارمس يهال ماماتهم ماتخليهم يطلعون من البييت!! عصبت الصراحه، قلتله بعصبيه وصوت عالي: جااااااااااااااب يالخام!! .. و الله يتشوف، خل الاجازة تخلص وبراويك منوه عيد بن سلطان بن عيد! بندت فويهه من الغيظ، اووووووووف شو هالسخافه! حطيت ايدي علة عيوني يوم دخل موتر فالحوي، يعني فرحان بليتاتك شوه! ماحيد حد من خواني مركب مدعميه هالكبر! وقفت يوم شفت حد نزل! ،، لحظة هاي ستيشن عمي! .. صدق غباء! نزلت منه بنيه متلبسه كندورة حمرا على ابيظ، طبعاً عرفت اللون من كثر ما انا مركز منوه بيطلع .. كانت ترمس فالتلفون و حاطه السماعه فذنها، .. : ههههههههه و الله سوري حبيبي كنت بي بس امايه ماخلتني! رفعت حياتي بدهشه وعصبيه يوم عرفتها! .. ومنوه مايعرف الخريييش شما! حطيت ايدي اليسار على خصري ووقفت وقفة استهزاء وانا اشوفها تبند الموتر وتفر السويج فوق وتمسكه وترد تفره مره ثانيه!! صدق بنات آخر زمن، اول شي يايه اروحها وهيه الي تسوق، ثاني شي ظاهره من البيت من دون عباه، ثالث شي داخل بيت عمها الي كله شباب وهيه تتمختر جيه وصوت ظحكها وصل بيت بوسالم الي فآخر الشعبيه! لفت عليه واتجدمت، فجت عيونها بقو ولفت الصوب الثاني، فصفصتج تفصفيص هب لازم تتغشين! ..ردت طالعتني وهيه متغشيه وتقول: يالله اموني ارمسج بعدين .. تميت على نفس وضعيتي ولاااانزلت عيوني، شو هالخيااااس! قالتلي وهيه تتجرب ببطء: السلام عليكم و الرحمه! رديت عليها وانا امط رمستي شراتها قبل شوي يوم ترمس فالتلفون: عليييييييييييييج السلااااااااااااااااام والرحمه .. حي الله بنت العم! حسيت انها اظيقت لنها تحركت بسرعه وهيه تقول: يحييك ... شوي بخطف! وقفت جدامها بسرعه وقلت بغيظ: ليش يايه بروحج ان شاء الله؟! سكت شوي بعدين طلعت الي فخاطري كله: وبعدين من متى انتي تسوقين؟! .. و شعنه هب متلبسه عباه!؟ .. لا بعد داشه البيت وانتي ترمسين فالتيليفون شرات مادل شوه!؟ .. عنبوو حسج واصل آخر الدنيا .. ماتستحين انتي؟! ماحسيت بشي غير ايدها الي دزتني بقو! .. وبما اني ماكنت متوازن زين ، وريلي اصلا تعورني فطحت من طولي على الدري .. حسيت برقبتي تعورني مووت لني لفيت بسرعه ابا اتساند على شي، وماتساندت الا على ايدي المكسورة! : آآآآآآخ .. يلعن شكلج! طيحت عمري على الارض وانا اضغط على رقبتي، آآآآآخ يالويع كيف! ,, جني لفيتها كلها لين الصوب الثاني، حتى ايدي جنه فيها مسامير! سمعت صوتها تقول بسرعه و جنه حد يربع وراها: هذا عشان ايدك الي مديتها زمان، وبعدين احترم نفسك انا اكبر عنك! و دخلت داخل، وانا فوووووووووووووووووووووووووووووووووووولت! من دون شعور صارخت وراها: ااااااااااااااااااالله يلعنج من بنيه .. يالخااااااااااااااااااايسه! حسيت بنفسي بحترق من الغيظ، يلست بصعوبة، آآآآآخ يارقبتي، و الله يتشوووفين يالهرمه، ماعليه ,, و الله و الله ياراويها .. وقفت ودخلت البيت وانا امشي شوي شوي، ريلي انعوت زياااده ، الخايسه ام ايد طويله، واونها بنت هاي؟! خطفت عليهم فالصاله ولااعبرتهم ولا قلتلهم شي! سمعت اميه تقولي: عيد اتصل ع خوانك خلهم ايون يتعشون! قلت بعصبيه: انتو اتصلوا عليهم .. الوحده منكن عندها ثلاث تليفونات خلوهن يكونن بفايدة!! دخلت حجرتي وبندت ورايه الباب، واوني اقول الليله بتكون حلوة!! . . | هند | . . طالعت شما بنظرة ووقفت بسير المطبخ الي برع .. لحقتني هيه بعد دقايق، وكانت نفس حالتها القبليه، حاطه التيليفون فمخباها وتسمع اغاني، قلتلها: ويا منوه يايه؟! قالت وهيه تيلس على الطاولة: اروحي يايه .. خذت السويج من حجرة اميه! قلت بصدمه: سويتيها ؟ .. وليش ماقلتي لبخيت ايبج؟! قالت بلامبالاه: بس جيه .. انا ابا اسوق .. بعدين ابويه محد! طلعت كيكة الشوكلت من الثلاجة: ياويلج ان عديتيها مره ثانيه .. احينه سيري زقري البشكارة خليها تحط العشى! قالتلي: شفت عيد وانا يايه! لفيت عنها وقلت: جافج وانتي يايه؟! قالت ببساطة: هيه وهزبني بعد! فجيت عيوني وقلت بسرعه: اونه؟ .. شوقالج؟! قالت بعصبيه: الخايس مادري منوه يتحرى عمره .. اقولج سبني سب .. اونه ليش يايه اروحج! قلت بنفس عصبيتها: صدقه .. ويحق له يسبج ويكسر راسج بعد .. ماتستحين انتي يايه اروحج وياليت بعباه، لو استوى عليج شي احينه؟ شو بتسوين وانتي هب متلبسه عباه! كملت وانا اقطع الكيكة: لو قايله لبخيت اييبج احسن .. انا كم مره قايله لج لاتسوينها مره ثانيه!، بس انتي ماتستحين! قالت بصوت عالي: انتي احنيه ماعلقتي الا على هالنقطه؟ .. وليش ماتشوفينه هوه؟ هو شو يخصه فيني يهزبني ولا مايهزبني؟ ظربت على الطاولة بالسكين الي بايدي بغضب: شما .. لاترفعين حسج ياقليلة الادب .. سيري سيري داخل احسن لج! طالعتني بنظرة عقب لفت بسرعه وهيه تقول: والله انتوا تتحرون انكم تعرفون كل شي .. ومناك! رفعت حياتي بدهشه، هاي بلاها؟! .. اصلا هيه متغيره واخلاقها غاديه زفت شرات ويها! الله يهديها بس .. انا والله كنت ادري ان الجامعه جيه بتسويلها! .. ياليت بس ابويه قالها ماتسير! طالعت تليفوني الي كان يصيح على الطاولة جدامي .. كان عبدالله .. غسلت ايديه بسرعه ورديت: هلا الغالي .. : اهلين .. السلام عليح هنادي .. ابتسمت وانا ارد: عليك السلام .. : شحالج ؟ ,, شوتسوين؟! رديت عليه وانا ارتب الكيكة فالصحون: بخير فديتك، والله ياسه اقطع كيكة.. انته وين؟! قال بسرعه: كيكة شوه؟! : شوكلت ..تبا؟! : الا .. احينه بي اانا .. بس فديتج هناادي طالعي الميلس وحطوا فوالة، بي ويايه ريال .. : افا عليييك .. تامر الغالي .. ثنينه بس؟! : هيه .. ويمكن اي خالي .. تعشيتوا؟! : لا فديتك ، نترياكم بعدنا! قال بصوت خفيف: هيه زين عيل .. يالله هذووه يا بخليج .. ودخنوا الميلس بعد .. فمان الله! بندت عنه ورديت التيليفون ... زين على الاقل مايخترب العشى الي مسوين .. الله يهديهم عيال عمي نادر ماشوفهم متعشين رباعه! رتبت الكيكة و سويت عصير همبا وحطيته فالثلاجه وطلعت .. سرت البيت بطالع البشكارة وين .. كانت ترتب الصالة الثانية .. قلتلها ترتب الميلس واتي تاخذ الدخون تحطه هناك .. خطفت على عمتيه واميه .. كانن بعدهن يرمس فنفس السالفة .. قالت اميه اول ماشافتني: هذيه هند ... اقولج بنت بخيته ماكانت وياج فالمدرسه؟! قلتلها وانا ايلس عدالها: منوه بخيته؟! .. بنت معضد؟! قالت وهيه تعدل برقعها: هييييييييييه مرره هيه .. قلت باستغراب: هيه كانت ويايه .. شوذكركم ابها؟! قالت عمتيه بكل برود وهي تشرب عصير: توفت الاسبوع الماضي! انتفظ قلبي، وسكت .. ماتت؟! حطيت ايدي على حلجي بصدمه: ماتت؟! .. متى؟ ,, قصدي كيف؟! قالت اميه: حليلها كانت حامل وماتت وهيه تربي؟! مخصني بطني يوم قالت جيه .. هيه اصلا ماكانت تحمل .. احيد انها اطلقت من ريلها لولي على اساس انها ماتحمل .. ورد خذها ولد عمها .. واحينه ماتت وهيه تربي؟! قمت ببطء وانا اقول: بسير شوي وبرد! طلعت من الحجرة وسرت قسمي .. دخلت وسرت للحمام على طول وزعت الي فبطني كلله! . . يوم الأحد .. الصبح، الساعه 8 وربع .. | خالد | . . : منوه منهم؟! قلتها بعصبيه وانا افر التليفون من ايدي ,, قالت هند: ايييه بلااااك؟! قلتلها بنفس العصبيه: منوه خبريني؟ ,, موه هالخايس الي توه اذكر ان عنده بنت عم؟ .. منوه منهم!؟ قالت بهدوء: خالد شوبلاك؟! .. هدي شوي .. قلت بصراخ: هند رمسي! قالت: مابرمس .. شو بتسوي يعني؟! طلعت من حجرتها وانا مفوووووووووووووول .. منوه ياربي الي حيرها!؟ .. هذا مايستحي، شقا بعد يحيرها وانا خاطبنها؟! وقفت فنص الصاله بغضب وحيرة .. شو اسوي، اني افرط فعليا .. هالشي مستحيل .. فريت عني سفرتي بغيظ، اوووووووووووه!! : حمد .. اسمه حمد ، وياويلك ياخالد ان سويت الهم مشاكل .. تباه سر صوبه ورمسه بهدوء وتخبره! لفيت عليها وقلت بسرعه: حمد بن سلطان؟! .. زين عيل! شليت سفرتي مره ثانيه وطلعت من البيت .. باخذ رقمه، وبرمسه!، لحظة، شو بقوله؟! ركبت موتريه وطلعت من البيت .. كانت الساعه توها 9 الا .. اتصلت على خالتي .. ابطت ماردت: مرحبا! : مرحبتيييين الساااع .. شحالج ام سلطان؟! : فدييييت هالحس انا .. بخير فديتك، انته شحالك؟ ,, وشحال هلك!؟ قلتلها ونا اوقف عند الاشارة: طيبين طاب حالج .. : خالوه ,, طلبتج! قالت بسرعه: تم .. مرره تاامر فديتك! : ههههه فديت خشمج انا .. ابا رقم حمد سلطان .. ولد خو بوسلطان؟ قالت: حمد؟ .. شتباه؟ ماعرفت شو اقولها .. بس عديتها: اباه عاااد .. عندج ولا؟! قالت: هيه زين .. اصبر عيل ازقر علايا تعطيك اياه! تشققت عاد انا يوم قالت علايا .. دقيقه وياني صوتها: مرحبا .. 050 **********! : هههههههههههههه انزين سلمي .. تخبري عن حالي.. هب جيه مره وحده!! قالت: هيه هذيه اميه .. لحظة شوي! ابتسمت من ردها، عليا حتى لو تجرأت ورمستني اتم تستحي وايد .. بندت عن خالتي .. واحينه الرقم عندي .. شو اقوله؟! خطفت الشيشه بعبي بترول وانا افكر .. آخر شي اتصلت عليه .. والي بي من لساني ,,, حياه الله!! . . نفس اليوم ، | حمد | . . كنت فمكتب واحد من الربع نتريق رباعه يوم صاح تليفونيه .. كان رقم ماعرفه فما تفيجت ارد عليه .. تنطشته وكملت سوالف .. لكنه بعد تقريباً عشر دقايق رد يصيح .. تأففت ورديت عليه: ألووووه مرحبا! كان هدوء اول شي عقب سمعت صوت واحد: مرحبتين، السلام عليك .. رديت باستغراب: وعليك السلام و الرحمه .. حيه الشيخ؟ : يحييك .. شحالك حمد؟! يوم قال حمد ، رديت اطالع الرقم باستغراب وانا اقول: بخير وسهاله .. ومن يداك؟! : طيب طاب حالك .. وشحال عربكم؟ .. ربهم مايشكون باس؟! وقفت بطلع من الحجرة وقلتله: طيبين ومايشكون باس .. الله يسلمك .. وسكت ، اترياه يقول شي ,, سوم ابطى مارمس ، قلت: الطيب ماعرفتك؟! قال: هيه سمحلي وياك خالد بن محمد .. وين بومبارك؟! خالد ؟ .. خالد بن محمد،؟ .. منوه اعرف انا خالد؟! .. هب وايدين .. لحظة! لايكون خالد هذا ولد خالة قوم عمي؟! .. لا لا ماظني! رديت عليه: والنعم بك .. فالدوام طال عمرك .. آمر شي بغيت! قالي بسرعه: عيل مابعمل عليك .. ماعليك امر ادليني بيتكم وين .. بغيتك فسالفه! استغربت زوووووووووووووووووووووود ياربي منوه هذا!؟ : ماعليه قولي انته شو تبا؟ .. لاحقين عالدوام! رد يقول : السالفه ماتنقال فالتيليفون .. : اها .. قلتلي منوه الشيخ؟! : خالد بن محمد .. تعرفه عبدالله بن عيد؟! الي بيت فشعبية ****؟! فتحت عيوني وانا اقول بحيرة: نعااام اني اعرفهم .. وياك حمد بن سلطان بن عيد .. عبدالله بن عيد يستوي عمي .. وصلت الشيخ ، آمر؟! : مايامر عليك ظالم .. ماهي والله الا ان السالفه ماتنقال فالتيليفون .. وين بيتكم عن قوم عبدالله بن عيد.!؟ امري لله .. دامه يعرف قوم عمي فأكيد انه حد نعرفه: ماعليه الشيخ .. يوم انته ظاهر من الشعبيه، خذ يمين و الشعبيه الي ع يسارك دشها .. بتلقا دوار فالبداية، خذ يمين وعقب سار ومرره وصلت .. وحياك الله! : الله يحييك ويبجييك .. ماعليه العصر بكون هناك .. : حياك الله الشيخ .. : اسمحلي عاد عالمغثه ! : لا افا علييك ، حياك الله فأي وقت .. : ماعليه بخليك عيل .. فمان الله ؟؟ قلتله بهدوء: فمان الله! انا شاك انه هذا خالد الي خاطب بنت عميه .. لايكون هو وياي يقولي بقوات ويه انا اباها!؟ ..يبالي اظهر كلاشن ابويه ، و الله ان قالي اباها، يا ان الذبح فيه حلال! ولا اي واحد ماتعرفه ويقولك بنت عمك الي انته حيرتها يوم خطبتها، انا اباها شو بتسويله؟! .. يخسي ويهبي .. اصلا مابيسويها ، مستحييييل! رديا للمكتب و السالفة محيرتني .. يبالي اخبر اميه بعد يجهزون الفواله ..! . . الجزء الثاني عشر .. | حمد | العصر، ميلس بو عبدالله .. . . : نعم؟! : الي سمعته! .. بنت عمك انا اباها .. فتحت عيوني على وسعهن، يالس جدامي ريال ماعرفه ولاعرف اطباعه ولا شي عنه، واسمعوا شو يقولي: بنت عمك انا اباها؟! رمشت اكثر عن مره عقب قلت بهدوء: حظرتك شوقلت؟! عقد حياته وقال: سمعتني .. قلت اني ابا عليا بنت عبدالله بن عيد ، الي هيه بنت خالتي! وقت بعصبيه: انته تخبلت؟.. يايني فبيتي وتقولي ابا بنت عمك؟! . تخبلت انته؟! وقف ويايه وقال بثقه وهو يرد سفرته على ورى: هيه نعم تخبلت دام السالفه فيها عليا ,, اسمعني ياحمد! قاطعته: اسمعني انته يا خالد .. ترا هالرمسه لمصلحتك .. تطلع من هالباب وماشوف رقعة ويهك .. و كملت وانا امد صبعي فويهه: وبسوي عمري ماسمعت انته شوقلت .. يعني .. و حطيت صبعي على صدغي: بمشيهالك على مزااجي .. حسيته تنرفز من آخر كلمة .. خله يتنرفز لقعه تقلعه الخايس الي مايستحي ..! : حمد بلاها هالرمسه .. خل عنك العصبيه وايلس نتفاهم .. عصبت عاد انا: اي تفاهم الي ترمس عنه؟! .. انته متخيل الي تقوله؟! .. انا ولد عمها واولا ابها .. وان قلتلي مره ثانيه ابا عليا بنت عمك بفرغ فيك كلاشن ابويه .. وهيج الساعه عاد ارمس!! اتجدم مني وزخني وقال بعصبيه واظحه: حمد انا هب ياي اتظارب .. انته اسمعني وبس! خوزته عني وانا اقول بنفس العصبيه: جب اقوووولك وبـ...... قطع رمستنا دخول عمير الميلس ، واول ماشافنا ربع صوبنا وزخني : حمد شو تسوي انته! قلت بصوت عالي: طالع الخايس شو يقول ؟ .. اونه بنت عمك اباها! طالعنا عمير عقب قال: عنبوووو بتظاربون يعني! انصدمت من رمسته .. قلتله: بلااااك انته؟! .. اقولك .. قال: حمد اسمعني .. خلنا نيلس ونتفاهم احسن .. فريت ايده عني وانا اطالع خالد الي رد ييلس بثقه ..... في داخلي .. اباه يصر ويتظارب عشان انا اتنازل واخليها له .... بس كرامتي ماتسمح لي اني اقولها فويهه! خلني احرق اعصابه بس! قال خالد عقب فتره: انا هب ياي اسوي مشكله .... انا خطبت عليا بنت عمكم اكثر عن مره وردتني ... وانا من خاطري اباها ..... كنت بقطع رمسته بس هو كمل بسرعه: وهيه احبها .. من واحن صغار .. وعليا مريظة وتحتاي متابعه! .. كمل بهدوء: احينه يوم هيه وافقت، انا مستحيييل افرط فيها .. وسكت .... قلبت رمسته بهدوء فراسي ... طالعني عمير وقال بصوت واطي: انته تباها حمد؟! غمظت عيوني وقلت بنفس الهمس: لاء ..... بس مابخليه يشلها جيه! قال عمير بصوت عالي: وشو يضمن النا انك ماتهينها وبتطلقها دام انها مريظه؟! قال بقوة وصوت عالي: اخسي اهينها ... ماعاش الي يهين عليا بنت عبدالله وانا اشم الهوا ... وكمل بنفس النبرة وهو يأشر بايده: بعديين انا اقولك اباها من خاطري .. مستحيييل اطلقها ... سكتنا ... ماعرفت شو اقول الصراحه! جان يقول عمير: اذا انته قد هالرمسه ... نحن بنـ... قطعت رمسة عمير: انا يا خالد ماباها بنت عميه .. بس انته هب عايبني! قال بسخريه: وليش ان شاء الله هب عايبنك؟! قلت وانا ااشر بصبعي: اولاً ... سفراتك وايده ... ومديت صبعي الثاني: ثانياً .. ما أعرفك عشان ارخص بنت عمي لك .. و كملت : واخيراً ماعطيتني سبب مقنع يخليني ارخصها عشانك! سكت ... تميت اطالعه انا وعمير نترياه يرمس .. عقب عدل يلسته وقال بهدوء: انزين .. بس هاي اسبابك؟! هزيت راسي: هيه ...... اشوفك متسعد تجاوب؟! ابتسم بثقه غاظتني وقال: طبعاً .. شوف .. واشر بصبعه السبابه: اولاً .. سفراتي كثرانه لشي واحد ..... الي هوه اني ادور لعلاج حق بنت خالتي .. الي بستوي خطيبتي ان شاء الله! عقدت حياتي ...: شوه؟! .. كيف يعني دوا؟! كمل هو: وثانياً .. انته هب لازم تعرفني شخصياً .. تخير اي حد من يماعتنا وبيقولك منوه انا، وثالثاً و السبب الرئيس الي بترخص بنت عمك عشاني، اني احبها واباها وانته العكس طبعا! سكتني رده ...... شو اقول! قاله عمير: انته شو تدرس؟! قال وهو يحط ريل على ريل: انا ما ادرس ... انا تخرجت السنه الماظيه .... انا دكتور جراحه و قلب! فتحت عيوني على وسعهن ...... جراحه وقلب!؟ قال عمير: اها .... وشو ريت عن العلاج! قال بهدوء: ممممممم ... انا هب ملزوم اني اخبركم عن حالتها ... الي انا درستها من اول ماكانت هيه ياهل .. بس بخبركم .. السبب الرئيسي فتعبها .. هو عصبيتكم انتم يا عيال عيد! قلتله: نعم؟! .. بتقولي انها مريظه بالقلب بسبة عصبيتنا؟! وكملت بفخر: انحن عيال عيد! قال: انا اقول الي شفته كمنظور دكتور ... هب ولد خاله! وكمل: على العموم، نحن ظهرنا عن موضوعنا .... شو شورك؟! بعد تفكير .. و منطقيه، هو احسن عني .. طبعاً ماابا اقول هالشي. بس الحق ينقال! وقفت وانا اقوله: ان سمعت ، او يتني الينيه وخبرتني ان عليا مظيومه يا خالد ولد سعيد! و كملت وانا افتح الباب بطلع: بتكون الناس متيمعه تصلي على الدكتور خالد! . . . . بعد اسبوع .. | بخيت | .. الساعه 8 فالليل .. : خلااااااص بودييييج .. اففففف! طلعت من الصاله بظييييج من حنة شما، هالبنيه غاديه نكديه وطلباتها ماتخلص، سلطان مسافر وانا اروحي عندها، سر هات وسر ود، وكل يوم لازم اسير مكان، يا السوق يا الجمعيه او الدكان و دووووووووووووم المكتبه، لاعت جبدي من كثر السيرات! بسير اشل سويج لكززس ابويه اليديده اطمش ابها على الاقل، كنت متلبس وزار وفانيله ، يعني شكلي تحفه، ماطالعت جانه حد عنده فالميلس دخلت وسلمت .. رد عليه ابويه وريال وياه: عليك السلام و الرحمه! وقفت عند الباب بقفطه بس عقب كملت دربي وسلمت على الريال: مرحبا الشيخ شحالك؟! : بخير ونعمه .. الله يسلمك .. يلست بهدوء وانا اطالعهم يرمسون، فجأة لف عليه الريال: حي الله بخيت، شكلك ماعرفتي ..؟ طالعته وهو يرمس، متلبس سفره وعقال، وكندورة بنيه غامجه، و شال فايده عصا جنه بيرزف، شكله فناان غربله الله! قلتله:لا والله ماعرفتك .. قال بفخر واضح فرمسته: وياك مايد بن علي، ولد عم نسيبك منصور بن غاشم! رفعت حايبي بدهشه، هيه و الله، بس شو هالخقه، ومايد بن علي، خير ياطير؟! قلت بهدوء: و النعم بك .. الله حيهم هل دبي .. قال: يحييك الطيب .. و علومك ويا الدنيا؟! قلتله: طيبين طاب حالك، بعدنا عايشين الحمدلله .. قال: مدييييم ياربي .. ولف على ابويه: شو قلت بوهند؟! .. بعدك معزم؟! قال ابويه وهو يطالعني: مايد يابخيت ياي يشتري الريم! عقدت حياتي باستغراب: الريم!؟ .. اي ريم بعد؟! قال مايد بدهشه: ناقة ابوك ماتعرفها؟! قال ابويه وانا بعدني افكر شو قصده: الريم ناقة بخيت يا مايد .. عسب جيه انا قلتك اصبر بشاورهم! آآآآه هاي ناقتي الي عاطني اياها عمي من زمااااان! قلت: شقا بعد يبا يشتري الريم!؟ قال مايد: ناقتك هيه ؟ ,, ياحيك عيل يوم ييت .. بغيت اشتريها عن ابوك انا .. كم تبيع؟! رفعت حايبي باستغراب من ثقته: مابيع انا .. ناقتي واباها! لف عليه ابويه: مايد عارض عليك 3 ملايين، فكر زين يابخيت .. انته امبونك ماتعابلها! قلت : تراني مخلنها فالعزبه عند البيدار .. وموكل ريال يعابلها! وكملت بثقه وانا ارفع راسي: بعدين بوهناد العام قايل ب4 و مابعت! قال بسرعه: انا مازيد عن ثلاث، الريم صح انها ناقة فنانه وسبوق، لكن بعد يباله ترويض ومراجعه ، انته شرات ماقال ابوك مابتعابلها شرات مابسوي انا! ماعيبتني رمسته، مع اني انا قايل ببيعها لبوهناد و افتك .. بس ماببعيها لمايد، شو هالخقه الي فيه! قلتلهم بهدوء وانا اطلع: ماعليه سمحلي .. مابيع انا .. قال: فكر ياريال .. اباها انا .. قلت وانا اوقف: ماعليه بفكر وبرد لك خبر .. احينه سمحولي ورايه مشوار .. الله الحافظ .. ظهرت من الميلس الي كان عيد واقف عنده ويرمس فالتليفون، يوم خلص مسكته من ايده وقلت: ويا منوه ياي؟! قالي باستغراب: عليك السلام والرحمه .. انا بخير الحمدلله انته شحالك؟! : اففففففف .. انته وسخافتك الي ماتخلص .. ويا منوه ياي؟! قال وهو يخوز ايده عني: ويا أنا ..!! طالعته بظيج جان يقول بظحكه: هههههههه انزييييين ياي اروحي .. ليش؟! يودته ووديته ويايه وانا اقوله: تعال عيل بنسير الستي! قال: لا لا اانا يااي بيلس ويا عمي .. قلت وانا ااشر: يارياااال بنسير الدوبي وبشل كندورتي وبنويه الستي نطمش شويه ورااااد لعمك ان شاء الله! هز راسه وقال: نسير الستي شو وراانا! ركبنا الموتر وهو يقول: عيل بنخطف على حمدان كان يبا يسير ويايه بس انا قلت بخطف صوب عمي الليله! طاحت عيوني على لكززس ذهبيه موقفه عند الباب قلت: عنبوووج زاد ياللكززس! قال عيد: هيه و الله انها فناااانه، مالت منوه؟! .. حد عندكم! قلت : شكلها مالت مايد .. هيه ولد عم نسيبكم! : نسيبنا؟! قلت : خطف الدوبي على يمينك .. نسيبكم منصور بن غاشم .. هذا ولد عمه! لف الدوبي وهو يقول: اها .. اقولك مارمست مريوم جريب! : لا والله .. ببدل كندورتي وبيي! نزلت .. تلاقيت فالدرب بواحد من الشباب ويايه فالجامعه، قال: مرحبااا بخوووت! اففففففففف، يقهرني يوم يقول بخوووت .. قلتله وانا اسلم عليه: جب يالهرم .. شو بخوت بعد!؟ .. شحالك؟! ظربني على جتفي وقال وهو يظحك: يالسباااال انا هرم؟! قلتله وانحن نحدر الدوبي: هرم وسبال وثور بعد .. اييه رفيق وين كندور مال انا .. اقولك سعييد ، ولد عمك علي متى بيرد ان شاء الله!؟ قالي وهو يشل كناديره عن راعي الدوبي: باجر ان شاء الله .. يالله سلم ع عربانك بخوت! لفيت عليه بسبه لكنه ويه! الهرم، شليت كندورتي الزرقا وتلبستها وسرت صوب عيد الي قال: بعد لو تميت هناك احسن! قلتله: جب جب .. والله انك غادي ملسون يالبايخ! رفع حايبه وقال: تراك ياي ويايه .. يعني احترمني! اشرت بايدي: يالله يارياااال بتذلني عالسيره يعني!! خطفنا على شعبيتهم بنشل ربيعه حمدان .. بعد ربع ساعه كنا فالدرب سايرين الستي .. قالي حمدان: حيه بو بخيته .. وعلوومك! : يحييك بوحمده، علوم الخير! اشرت لعيد: لف لف ناخذ شاي كرك .. طالعني: اقولك ولد العم .. هب جنها عيبتك السالفه!؟ .. قلتله: شوه؟! قال: لايكون تتحراني صبي ابوك ولا ختك تتأمر عليها؟! يوم قال ختك، فجأة يت فويهي صورة شما يوم تقول تبا تسير الخياط! قلت بصوت عالي: خييييييييييبه ذكرتي بشميم! وكملت من دون لا احس: كانت تبا تسير الخياط ، لحزن جان ماتنقع الشوزن عندهم! ماحسيت الا بايد عيد تظربني وصوته المعصب: لا بعد قولنا كم مقاسها جاد ربك بعد نلقالها فستان فالدرب! طالعته بغيظ: وايد تظرب تراك .. علني بلا هالايد لك! حجيت فخذي مكان ظربته وانا اقول: يالهرم ، هب ايد عنبووو! صدق والله بتسوي سالفه شميم ... بس خلها تولي .. . . | شما | قبل ربع ساعه! . . شليت نقابي ، ولا احسن الغشوه، فريت نقابي وخطفت على عليا بشل عنها غشوتها، ريتها راقده دخلت شوي شوي وشليت الغشاه وطلعت صوب اميه .. خذت عنها فلوس وربعت ربعان برع عن يسير عني بخيت .. قالي بنسير بلكززس ابويه اليديده، ونيه انزين!؟ .. اانا حتى ماشفتها! شفت لكززس ذهبيه طر واقفه برع البيت، شكلها طرررررررر، عنبوووك زاااد يابووويه، شو هالذوق هذا! طلعت ووقفت عندها، ماشاء الله وايد حلوة .. كنت بيلس جدام، بس هونت يوم تذكرت بغيمه عليه اليوم الصبح عسبت اني تأخرت على الباص ولا سرت وياه واونه مايبا يلف لين جامعتي ويفرني وانه بيتأخر على كلاسه! ركبت ورى وشغلت الاي بود مالي اترياه ايي .. غمظت عيوني واسترخيت وانا اسمع اغاني يابانيه .. ناروتو بالاخص! بعد دقايق حسيت بالموتر يتحرك، تميت على نفس وضعي اترياه يهزبني .. بس ماقال شي .. فتحت عيوني شفت انا طلعنا من الشعبيه .. طالعت الي جدامي بكل هدوء! لحظة، احيد بخيت مخفف لحيته، هذا الي يالس جدامي هب مخفف، بالعكس وايد غليظه! فتحت عيوني بقو وانا استوعب ان الي يالس جدامي هب بخيت! هذا مايشبه بخيت .. منـــــــــــــــــــــــــــــــــــــــوووه هــــــــــــــــذاا ؟! نزلت السماعه بهدوء وانا ادقق فيه! .. قبظت الآي بود بقو من الروعه .. ياويلج يا شما.؟ .. موتر منوه ركبتي انتي!! من الظلمه شكله ما انتبه انه فيه وحده يالسه وياه ورى!! لفيت اطلع الدرب .. لااا .. هذا شارع الامارات! ... خطفنا عن الشعبيه! .. وايد بعدنا! .. شو اسوي!؟ .. شو اسوي! حطيت ايدي على ثمي بسرعه يوم شفت يرد على ورى ويطالع الدرب من جهة اليسار، لو انحن فالصبح كان من زماااان اكتشف اني ورى .. بس فهالظلمه ماتروم تشوف زين! ظكيت على يسار شوي شوي عشان ما اطلع فالمنظرة .. شو اسوي ياناااس؟! رفعت ايدي على صدري اهدي من ظربات قلبي .. بصييييييييييييح! شفت يشل تليفونه ويرمس عمره: لو شاري الريم احينه كانت السيره بفايدتها .. شكلي بويه ليوا! رصيت على ثمي وانا اشهق .. ليوا؟! .. ليوا آخر الدنيا .. ياربي شو اسوي! بديت اصيح من الظيجه و الخوف .. ياربي ، ياويلج يا شما ياويلج من ابوج ! عورني قلبي يوم تخيلت انه عرف .. والله انه يذبحني ويدفني جدام العرب! سمعته يرمس فالتيليفون: هلا شموووه! رفعت حايبي بدهشه وخوف شـ...شما .. شما قال؟! سمعته يكمل: لا مابي .. قولي لامايه اني ببات فليوا .. لا بي باجر العصر ان شاء الله! غمظت عيوني بصدمه من الموقف الي انحطيت فيه .. شو اسوي ياناس! لاحظت انه بدت تخف المواتر الي حوالينا .. يعني ماتم غير موترنا نحن وكمن موتر ثاني .. هذا درب ليوا .. أنا اعرفه .. كله صحرا! بعد دقايق كانت جدامنا شييشه، وقف عندها ونزل .. فكرت انزل واتصل على بخيت اي يشلني .. هيه احسن، بي يشلني ، بس، بس بيعصب وبيذبحني هو الثاني .. مديت ايدي بفتح الباب والي فيها فيها! بس قبل ما افتح الباب كان هالريال داخل الموتر .. ساندت راسي وانا اصيح من دون صوت وراصه على ثمي .. شو اسوي! اصلا حتى لو بغيت اقوله اني انا هنيه ، بيشك فيني! بيتحراني ينيه! .. شفته يفر كيس على الكرسي الي عداله وحرك الموتر وطلعنا من الشيشه! يوم اتجدمنا فالدرب، بدا الظلام صدق اي .. ماشي ليتات على طرف الطريج .. انا هينه بغيت اموت من الزيغه .. شو اسوي ياناس! حتى صوت صياحي بدا يعلا! .. رفعت عيوني صوبه .. شكله هب شرات هالشباب الخياس .. يارب يارب يكون معرس .. ان شاء الله مايسويلي شي! حطيت ايدي الثانيه على ثمي احاول اكتم صوتي .. بس ماشي فايده .. ارتجف واصيح من الزيغه .. يااااااااااااااارب سترك! . . | مايد | . . فريت عني السفره و العقال ورديت الكرسي شوي على ورى .. كان الجو هادي و درب ليوا دومه هادي اصلا، ظلام ، ومافيه سيايير وايد .. مديت ايدي بشغل المسجل، بس جني سمعت صوت .. عقدت حياتي وانا اتصوخ .. شوه هالصوت؟! .. يمكن تليفوني .. طلعته بس ماكان يصيح .. فريته على الكرسي عدالي وشليت ما ويلست اشرب منه .. بعد ثواني يوم هدت حركتي وهديت، رد نفس الصوت .. جنه صوت حد يصيح .. بسم الله الرحمن ..! هديت السرعه شوي شوي وانا احاول اعرف من وين ياي الصوت، ياريال بتخبل! صلبت ظهريه بقو يوم عرفت انه من ورى! .. بسم الله الرحمن .. منوه يصيح فالموتر من ورى؟! .. بدينا بالتخريف يامايد، منوه بيكون فالموتر وياك يعني!؟ .. ام الدويس! حطيت ايدي على الكرسي ولفيت على ورى بسرعه وانا عاقد حياتي .. فتحت عيوني بقو وانا اشوف شي اسود يالس ورى .. و هالصوت بدا يعلا! تميت اطالعه وانا ارمش بصدمه! منوه هاي؟! .. واضح انها متلبسه عباه! .. من دون شعور قلت: بسم الله الرحمن الرحيم .. حسيت بالسكان لف مره وحده والموتر دخل عالرمل، لفيت بسرعه ورديت الموتر على الدرب .. كنت اتنفس بسرعه واحس عظامي بردت! .. انا ما اتوهم .. فيه وحده يالسه ورى عندي فالموتر .. صوت صياحها بدا يعلا .. وانا تنفسي يعلا! ,, بتخبل من الروعه! وقفت الموتر على طرف ونزلت بسرعه ... ياويل حاااااالي .. بسم الله عليه .. : اعوذ بالله من الشيطان الرجيم .. بسم الله الرحمن .. شو الي شفت انا؟! حكيت شعر راسي بقو اوانا افكر .. تكون صدق ينيه!؟ .. وانا كيف اصلا اشو الين .. ؟ ,, هب قالوا مايروم حد يشوفهم! .. بسم الله الرحمن الرحيم! اتجدمت شويه ومديت ايدي بفتح الباب .. بس هونت! لو كانت صدق ينيه شو بسوي!؟ .. شو مايد متروع! .. الصدق اني متروع .. بس بعد ابا اعرف شو السالفه! فتحت الباب بعد ماسميت للمره المليون .. اول مافتحته صارخت فويه لدرجه اني رديت على ورى: الله يخليك لاتسويلي شي .. و الله انا .. انا ماكنت .. هو بخيت .. بخيت قالي .. وانته موترك نفس ابويه .. انا! مافهمت غير بخيت قالي .. فجيت عيوني على وسعهن وانا اطالعها .. خطفت عدالي سياره مسرعه فخزت عن الدرب بسرعه عن تدعمني واموت ونا متروع من ينيه! وقفت عند الباب وهيه تصيح .. الينانوة يصيحون بعد؟! قلت بسكون: انتي منوه؟! .. وشو تسوين فموتري؟! طلع صوتي وايد واطي .. صدق اني ياهل! يتني فكره ، الينانوة مايتمون فمكان فيه قرآن .. ركبت الموتر وشغلت سيدي سورة الكهف عندي .. عليت ع الصوت شويه وطلعت .... اذا كانت بعدها موجوده فهي هب ينيه، واذا روحت فهي ينيه، بسم الله الرحمن عليه .. والله لو طلعت ينيه يني مادش الموتر مره ثانيه! رديت عليها شفتها بعدها تصيح! تنفست بقو وانا اتساند على ركبي واقول بصوت عالي: غربلج الله من بنيه روعتيني! وكملت وانا امسك الباب: تحريتج ينيه! بس لحظه هالنبيه شو تسوي فموتري؟! قلت بصوت عالي يوم ردت لي روحي: بس خلاص سكتي .. انتي شو تسوين هنيه؟! قالت بصوت مبحوح: بخيت قالي بترياج برع .. وانا ظهرت وماريت غير هالموتر .. ابويه .. قلت بغيظ : بتقوليلي قصة حياتج انتي .. شو يايبنج هنيه؟! .. وكيف ماعرفتي انه هب موتر بخيت هذا؟! قال : والله تحريته مال ابويه ... هو كان مشتري لكززس يديده وانا اول مره اشوفها .. فتحريتها مالته .. وكملت وهيه ترد تصيح: الله يخليك لاتسويلي شي .. و الله مابخبر حد بس لاتسويلي شي! عصبت يوم قالت جيه جان اقول بعصبيه: وشو بسويلج ان شاء الله!؟ .. قالت بقوات ويه: أنا اعرف انتو الريايل ماهم غير رغباتكم .. بتغتصبني! فتحت عيوني وانا اقول باشمئزاز: يع .. جيه متحرتني افكر شراتج!؟ وكملت وانا ابعد شويه عنها: بنت منوه انتي؟!. قالت : بنت عبدالله بن عيد! : عبدالله بن عيد!؟ .. انتي بنت بو هند؟! هزت راسها وقالت: والله ماكنت ادري انه موترك! عقدت حياتي افكر .. شو هالمصيبه!؟ .. شو اسويلها هاي؟! : شو هالعقل الي فيج ؟ .. يعني ماتعرفين ارقام مواتركم؟! قالت وهيه تصيح: والله ماعرف .. دخيييييلك ردني البيت .. الله يخليك ! بندت الباب وانا اقول: حسبي الله ونعم الوكيل .. افففففففف، شو هالمصيبه! ركبت الموتر وبندت المسجل، شو اسوي احينه!؟ .. اكيد يدورونها! وان اتصلت بيتحرون اشياء ثانيه .. حركت الموتر وانا اقول: بوصلج عند البيت بس من بعيد .. تنزلين و الله لو سمعت انج قلتي شي لهلج .. وقسم بالله ينج بتشوفين شي ماشفتيه! اففففففففف .. مصيبه والله! بعد نص ساعه كنا واقفين بعيد شوي عن بيتهم .. بندت الموتر وقلت بهدوء: يالله انزلي .. قالت بصوت مبحوح: واذا تخبروني؟ .. شو اقولهم؟! عصبت عليها: مش مشكلتي .. قوليلهم الي بتقوليلهم .. انقلعي يالله! فتحت الباب ووقفت عنده .. لفيت عليها بقولها تنتبه مره ثانيه بس هيه قالت بعصبيه: والله انك واحد خسف وماتستحي على ويهك .. مالت عليك! فتحت عيوني على وسعهن من وقاحتها .. شفتها تمشي جدام الموتر .. نزلت بسرعه بهزبها بس شفت واحد يربع صوبها ويعطيها طراق وصلني صوته، وقفت بصدمه، يارب سترك .. شفته ايرها وراه وايدشون بيتهم .. ياربي شو اسوي .. خلها تولي هيه الي يابته حق عمرها! هايييلا مايتفاهمون، وان قلت الصدق مابيصدقوني .. لفيت بسير للموتر بس ماحسيت الا وحد ايرني من ورى وواحد ثاني و اقف جدامي وعطاني بكس حسيت ظروسي تكسرت! اصواتهم كانت عاليه مافهمت شي بس عرفت انهم يسبون .. حاولت ادافع عن عمري بس هم كانوا ثنينه! : حمد شله ويايه بنوديه داخل! حسيت ابهم يسحبوني: ايييييييييييه لحظة .. انتو فاهمين غلط .. لــــحظــــــــــــــــــــــــــــة! حسيت عمري ياااااااااااهل وهم ايروني جيه .. قال واحد بغيظ: والله يتنذبح اصبر انته بس .. فروني داخل الحوي وقفوا فوق راسي .. عدلت كندورتي الي توصخت دم .. كنت بوقف بس واحد منهم شاتني على ريلي وقال: منوه انته يالخايس؟! .. أرمس يالهرم! مشيت الدم ووقفت بسرعه : محد هرم غيرك .. و .. هجم عليه مره ثانيه بس هالمره قدرت ارد له الظرب .. قام الثاني وخوزه عني وقال: جااااااااااااااااااااااااااب انته وهوه! ابتعدت عنه شويه وانا اقول بصوت عالي : انتو فاهمين السالفه غلط .. قاطعني الكبير فيهم: جب يالحيوان .. محد رمسك .. خل عمي اي ونعرف شو بنسوي لك! وقفت بعيد عنهم وانا امش الدم .. قلبي يرقع رقع ... انا قلت هاييلا مايتفاهمون .. بس هب جيه! فجأة سمعنا بغيم وظرابه فالبيت .. واصوات حريم .. ترابعوا داخل وانا تميت واقف .. كنت اقدر اشرد .. بس جيه بأكد الي فبالهم .. فسرت الميلس اغسل ويهي .. خييييييييييييبه ، ظرسي الي يدام طاح! .. شكلي نكته! .. و الله انك فايج يامايد .. انفج باب الحمام بقو ووقف عنده هذاك الي ظربني .. قال بسخريه: وبقوات ويه بعدك هنيه .. جان شردت؟! وقفت بشموخ وانا اقول: لو شردت بأكد الكم الي تبونه .. بس ارد واقول انتو فاهمين غلط! قال بعصبيه وهو يتجرب منيه: فهمني كيف فاهمين غلط!؟ وكمل وهو يزخني: شايفنك بعيوني موقف موترك بعيد عن البيت ونزلت منه شما .. وانته نزلت وراها .. الكتاب واضح من عنوانه! سبيت عمري مليون الف مره على هالفكره الي طلعتلي .. لو موقف عند باب البيت كان احسن .. فريت عني ايده وقلت بغيظ: والي خلقني وخلقك اني مش مواعدها ولا عرفها! قال بنفس العصبيه: هه .. تتحراني ياهل .. شما تقول انته الي قاص عليها! وكمل بغيظ: تنجلع تيلس هنيه لين ما اي عمي .. طلع من الحمام ومن الصدمه تميت واقف .. الخايسه تبلت عليه .. أنا أواعد هالاشكال! حطيت ايدي على راسي يوم يتني دورة .. مصييييييييييبه مصييييييييييبه يامايد! رفعت راسي يوم دخل مره ثانيه: مطول يعني؟! قلت: وين بوهند!؟ رفع حايبه بدهشه: تعرف عمي يعني!؟ .. صدق انك ماتستحي على ويهك! طلعت من الحمام وانا اقول: هاتلي عمك .. انته ماتعرفني عسب جيه مابتصدقني! قال بعصبيه: اها .. ياي عمي عيل .. بعد دقايق دخل بو هند ووراه شباب .. بخيت عرفته .. و الثانيين ماعرفتهم .. وقفت بسرعه وانا اشوفه معصب وويه محمر .. يلس وحط ايده على راسه بهم .. قال واحد من الشباب: بسم الله .. بلاك يارياال؟ .. شو السالفه؟! وقفوا كلهم ساكتين وقال عميه: مايد، سر غسل ويهك و عطوه كندورة غير هاللي متلبسها! فتحت عيوني وقلت بعصبيه: شعنه بعد؟! .. بوهند تراك فاهم السالفه غلط ..! وقف فجأة وقال بصوت هزني هز: جااااااااااااااااااااااااااااااب ولا كلمه ... يالخايس الي ماتستحي على ويهك .. تتحرا انك بتقص عليه مره ثانيه .. يايني اونك تبا تشتري الريم وخلاف انته مواعد بنتي! حسيت النفس انقطع عني، كلهم شهقوا .. قال العود فيهم: عمي شو تقول ؟! اشرت بايدي وانا اقول بعصبيه: والي رفع سابع سماه يا بوهند الي ما اجذب .. تخبر بنتك بعد .. انا اروحي استغربت شو تسوي فموتري؟! قال واحد منهم: نعم!؟ .. عيد .. عيد شوقلت؟! قال بوهند بنفس الصوت العالي: تغير كندورتك احينه و تتغسل .. المطوع ياي فالدرب! لا لا .. اي مطوع .. شو هالمصيبه الي طحت فيها يا مايد! قلتله بصدمه: اي مطوع؟ ,., وحق شوه؟! قال وهو ييلس: المطوع بيملج لكم! شقهت وانا اقول: اي ملجه؟! .. بوهند ورفجة هلي انك تسمعني .. أنا .. قاطعني مره ثانيه: انا قلت جب .. انته تحمد ربك اني ماذبحتك .. المطوع بيملج لكم وانته ساكت ومنطم! قلت بصدمه: منوه؟! ,., يملج لمنوه.! كنت اعرف الاجابه بس ابا اتأكد .. قال بهدوء والشباب الا يطالعون: انته وشما بنتي! . . . . | شما | . . نزلت راسي وساندته على اركبي وانا يالسه ورا الشبرية ..... كنت اصيح بقو من الزياغ .. اصواتهم واصلتني من الصاله .. كنت فصدمه بعدني، خدي ورم من صفعة حمد ولد عمي اقصد من تكفيخه! حسيت بروحي راحت يوم شفته ياي صوبي يربع وعيونه تنقط شرار .. كنت ابا اربع ,, اسير اي مكان، بس ما اطيح فإيده .. بس انا من الزياع والصدمه تميت واقفه محلي وماحسيت بشي غير يوم فرني داخل صالة البيت وين ماكانت اميه وعلايه يالسات .. كانت امايه تصيح وعليا واقفه وفاجه حلجها! ياليته بس فرني وافتكيت منه .. لااا كفخني تكفيخ وسبني سب وامايه ماحركت ساكن .. بعد ظرابه وصراخ خوزته عني عليا بعد موت .. حتى خذتهلها كمن ظربه .... كنت جني اشوف كابوس جدام عيوني. بس هالكابوس كان واضح لدرجة خوفتني!! يرتني عنه عليا وقالتله يظهر بس هو كان جنه شيطان فشكل انس، يوم شفته يلف يمين ويسار جنه يدور عن شي، ويوم ربع صوب صينية الخظرة المحطوطة على السفرة على طرف، طاحت عيوني على السكين الموجود هناك .. وتخبلت ! حسيت الروح ردت فيني فجأة وقوتي ردت .. ربع هوه صوب السكين وشله، وانا دزيت عني عليا بكل قوتي الي ماعرف من وين طلعلتي، وربعت ربعان صوب حجرتي .. كان يلحقني، حسيت به من صوته الي يخوف .. بس انا كنت اخف منه واسرع بندت الباب بالمفتاح ورايه و انخشيت ورى الشبرية وماتحركت لين احينه! سمعت صوت عليا عند الباب، وقفت بسرعه .. كان صوتها عالي : بخيت بس اظهر .. اقولك سر عنها .. والله ان شبرت الباب بذبحك! تحرك مقبض الباب ومادري جانه يتهيء لي ولا صدق الباب تحرك من مكانه جنه بيطيح! سمعت صوته يصارخ: فجي الباب يا عليا احسن لج ... سكت دقايق وسكنت انفاسي انا لحظة .. بس ثواني، وحسيت بالدريشه الي وراايه تنكسر ,, تابعت بعيوني الحصا العودة الي كسرتها .. وفجأة كان بخيت جدامي ، يوم شفت ويهه بهالقرب مني، اطلقت العنان على قولتهم، صارخت وصارخت وصااارخت لين ماسكتتني صفعة دورتلي راسي .. ومن بعدها ماحسيت بشي! فتحت عيوني وماشفت شي .. كان الظلام فكل مكان و المكيف مشتغل .. حسيت بشوية امان .. رديت اصيح مره ثانيه وانا اتحسس ويهي ... ظاع شبابج يا شما .. ظااااااااع و انتهى .. انا كنت اتحرا انهم بيصدقوني على الاقل .. بس انا غبيه .. غبيه والله اني غبيه .. لو قلت لهم الصدق .. ياليتني قلت الصدق ، يااااااااااليييييييييييت! غمظت عيوني بقو وانا اصيح .. ياربي شو بيستوي ... عدلت يلستي يوم شفت الباب ينفتح .. حاولت اعرف منوه، بس ويهي منتفخ وعيوني مويفنات، شفت عليا شاله صحن وكوب ما .. حطته عند الباب وردت بندته بالمفتاح .. نزلت راسي يوم تقربت مني .. يلست عدالي بعد ما فتحت الليت .. سمعتها تقول: شما واعيه؟! رفعت ايدي وحطيتها على خشمي .. قلت بصوت مبحوح وانا ارد اصيح: عليا .. انا! .. و الله ماكنت وياه! حسيت بصوتها وايد ضعيف ..: شما عيال عمي شافوج وانتي نازله من موتره .. هب لازم تنكرين .. و السالفه كلن درا ابها خلااص! : والله .. و الله اني ماعرفه .. والله العزييييييز! قالتلي وهيه ترفع راسي وتقول بحنان .. اول مره الاحظ انه صدقي: خلاص فديتج .. نشي بلي ريقج وكلي شي .. الساعه 10 ونص، ماصليتي العشا بعدج .. حاولت ايلس بس ماقدرت .. قلت وانا اغمظ عيوني: ماحد بيصدقني .. محد! قالت: نشي احينه وخبريني شو السالفه! يلستني بعد موت وانا احاول ما اصيح .. خبرتها السالفه كلها .. جان تقول: ليش جذبتي عيل؟! .. لو قايله الصدق؟! هزيت راسي بخوف وانا اقول بسرعه: تروعت منهم .. ماعرفت شو اقول .. ماعرفت .. قالت بغيظ: وعلى طول يا الجذب فبالج! وكملت : صدق انه بوطبيع مايوز عن طبعه! رفعت حايبي: شوه؟! .. انتي احينه ويا منوه؟! لفيت بسرعه صوب الباب الي اندق بقو وصوت بخيت : عليا فجي! وقفت عليا بتفتح وانا تخبلت يوم شفتها واقفه، زخيتها من كندورتها وعلى طول بديت اصيح: لا لا علاااايه لاااا .. الله يخليج لاتفجين! خوزت ايدي عنها وقالت بصرامه: بشوف شو يبا ..! رديت ازخها: والله لا .. دخييييلج لاااااااء! بخيت: عليا فجي الباب ولا بكسره! قالتلي بهدوء: مابيصكج وانا هنيه .. شفتها تسير صوب الباب، وتفتحه، ويه بخيت الي طاحت عيونه عليه ... كان يخوف، جنه اسوووود! قال بصوت عالي: خليها تي يالله ! عقدت حياتي بخوف : اي ؟ اي وين؟! لف عليه وقال بصراخ: جااااااااااااااااب و لااا كلمه! وكمل: لبسيها عباتها يالله خلصيني! عطاني ظهره وهو يقول: خسارة العمر فيج و الله! صيحني قوله ... حطيت ايديه على ويهي وقلت بصوت عالي: والله ماعرفه .. و الله ماااعرفه انا بالغلط ركبت الموتر اتحراه مال ابويه! وقفتني علايه وهو تقول: نشي شما، مابسيرين مكان، بس بيتخبرج المطوع جانج موافقه ولا لاء! فتحت عيوني على وسعهن .... مطوع؟! ,, اي مطوع! لف علينا وقال بصوت عالي يخوف: بتقول موافقه ولا بدفنها حيه!! حسيت بروحي تطلع وانا البس العباه بصدمه ... يوم وصلنا صوبه، مسكت ايده وقلت بانهيار وانا اصيح: بخيت ياخويه والله ماعرفه .. قسم بالله والي خلقني وخلقك اني ركبت بالغلط و .. دفرني عنه بقو لين ماطحت وهو يطالعني نظرة حزينه: ولا كلمه .. جدامي يالله! حسيت اني خلاااص بموت .. زحفت عند ريوله وانا احاول احبهم واقول: دخييييييييييييييييييييييلك لاء و الله مابا لا الله يخلييييك! ماحسيت غير بحد ايرني من شعري ، يوم سمعت صوت ابويه ....... اقشعر جسمي، وصدق ، صدق حسيت بالموت يظحك جدامي! : لسانج تصرطينه ... بيسألج المطوع وتقولين موافقه وانتي خايسه! صرطت لساني، صرطته وسرت وياه، عفواً ...... يرني وراه! سألني المطوع اذا كنت موافقه .. كنت منزله عيوني فالارض .. بخيت عن يميني وابويه واقف جدامي حاط ايده على رقبتي، وراص عليها بقو .. قلت بصوت بالكاد ،بالكاد سمعته انا: موافقه! قالي ابويه بصوت عالي: علي حسج! حطيت ايدي على ايده وضغطت بقو وانا اجمع قوتي: موافقه! . . نفس الوقت ، | عليا | . . كنت واقفه ورى باب الصاله واشوف ابويه واقف ويا شما وبخيت .. شفتهم خلصوا فقلت بسير انخش عن يذبحني ابويه .. وقفت فنص الصاله اترياهم ايون .. بس مايا غير بخيت الي اشرلي اييه .. وقفت عنده جان يقولي: تعالي ابويه يباج! قلتله بخوف: ليش؟ .. شو السالفه!؟ قال بهدوء وهو منزل راسه: المطوع بيسألج عن شي! رمشت بهدوء وانا اقول بغبنه: شوه؟! .. بخيت انته شو تقول؟! سمعنا صوت ابويه من برع: بخيت .. يا بخيت! مسكني من ايدي وقال: تغشي! رفعت طرف الشيله وتغشيت ابها واانا اقوله: شو السالفه؟! شو استوى على شما؟! قالي: تعالي انتي ..! مشيت وياه وانا قلبي يرقع رقع ... شما مب موجوده؟! .. وين سارت؟ .. وقفت عدال ابويه الي حط ايده على جتفي وقال: جاوبي على المطوع يابنتي! فتحت عيوني على وسعهن يوم قال المطوع: انتي عليا بنت عبدالله بن عيد؟! قلت بهمس: هيه .. قال بعد لحظة: يابنتي موافقه على ولد عمك حمد بن سلطان؟! فجأة .. ماحسيت بالدنيا ... كنت اطالع بخيت واقف جدامي، ومركزه فويهه ، بس فجأة صغر ويهه واستوت الدنيا كنها ادوووووور .. مديت ايدي ومسكت ايده بسرعه .. ضغط عليه بقو .. وانا رديت للواقع يوم سأل مره ثانيه : موافقه على ولد عمك حمد يابنتي!؟ قالي ابويه بهمس: ردي عليه يا عليا! لفيت عليه ..... قلتله: ليش يابويه؟! .. ليش؟! عقد حياته وقال بصوت عالي: يالطيب بنتي ماسمعت سؤالك .. عاد المطوع نفس سؤاله .. نزلت راسي وانا اضغط بايدي الثانيه على صدري: هيه موافقه! و كل أحلامي، كل لحظة تخيلتها ويا خالد ..... غابت ويا المطوع الي خذ الموافقه وروح ويا ابويه ...! حسيت بالدنيا ادور ..... انا شو ذنبي؟! ماحسيت بعمري يوم مسكني بخيت عن اطيح .. قالي بهدوء: استهدي بالله يا عليا .. ورب ضارة نافعه .. حطيت ايديه على ويهي وصحت : ليش؟ انا شو ذنبي؟ .. ليش جيه يسوي!؟ قال وهو يوقف: بس عليا .. احينه سيري لشما تلقينها فالموتر فالحوي ..... وحطيلها اي لبس جاهز ، بتسري ويا ريلها احينه! روح عني وخلاني ... ويا بقايا احلام و .... نفس حتى!! وقفت ببطء .. على االاقل انا هب الي بتسير ويا ريال ماتعرفه .. على الاقل انا اعرف ولد عمي، بس شما .. شما الي ماتعرف شي عن هالريال الي بيشلها .. سرت صوبها ببطء وانا احاول ما اصيح .. كانت يالسه فالموتر من جدام .. صوتها وهيه تصيح وصلني .. فتحت الباب وقفت عنده ... طالعتني بعيونها الحمر .. قالت: قالي بيشلج احينه! ... بسير وياه يا عليا .. عقب كملت وهيه ترد تصيح: بموت من الخوف .... بيذبحني يا عليا .. شو اسوي!؟ مديت ايدي وحطيتها على شعرها ومسحت عليه: تعوذي من الشيطان .. اقري الي حافظه من القرآن و استغفري .. ربج كبير يا شما .. واذا ابويه وهليه ماصدقوج .. الله ان شاء بيسخرلج ريلج ويصدقج .. قالت بغبنه: انا خايفه ..! خايفه وايد .. قلتها: شما فديتج سمعيني .. مهما كان اسمعي الي يقولج ريلج .. بس لاتذلين نفسج له ... صح انتي غلطتي .. بس هالشي مايسمح له انه يذلج .. تسمعين؟! هزت راسها وقالت بسرعه: اذا شفته احينه شو اقوله؟! :لاتقولين شي .. خليه هو الي يرمس .. ولا تنسين انه ريلج وله حقوق عليج! فتحت عيونها وقالت: اي حقوق؟! .. لا شو حقوووق .. علااايه انا مغصوووبه عليه!! ابتسمت بحزن وانا اقولها: شما حقوقه من حقه ، حتى لو كان عدوج! شهقت وهيه تقول: يا ... يا علااااايه! لفيت اطالع الميلس الي ظهر منه ريال منزل راسه .. هذا هو مايد .... رفع راسه وطالعنا عقب نزله .. وقفت انا بعيد شوي وبندت بااب شما .. قلتلها قبل ما اسكره: انتبهي لنفسج .. وانا عندي تليفونيه .. اذا استوى عليج اي شي .. اي شي اتصلي وخبريني ... الله يحفظج ياختي .. ويهديج يارب. بندت الباب وانا اسمعها تقول وهيه ترد تصيح: علايه سمحيلي والله انا آسفه .. آسفه على كل شي! فتحت الباب وحبيتها بين عيونها وانا اقول ودموعي اطيح: فديتج انا .... انتي اختي ما اسمح لنفسي ازعل منج على اشياء المفترض اكون أنا العضيد فيها .. انتبهي لنفسج .. وطمنيني عيلج .. هزت راسها و انا بندت الباب وابتعدت شوي .. اتجدم هو وسلم .. قلتله: : السلام عليك .. كنت اترياك عشان اقولك ان شما مظلومة شراتك .. و الله يقول: "ولا تَزِرُ وَازِرَةٌ وِزْرَ أُخْرَىٰ " قالي بهدوء: يزاج الله خير .. وسكت ... انا يوم شفته يتجدم رديت للبيت .. وقفت عند باب الصاله لين تأكدت انه طلع من البيت .. وبندت باب الصاله ورايه .. يلست على اول غنفه جابلتني .... وفتحت منااااااحه! تميييييت اصيييييح واصييييييييييح! ماصدق اني غديت حرمة حمد .. كيييييييييف استوى هالشي ..؟! .. كيف سمحت لنفسي اكون لغيره .. انا واعدتنه؟! كيييييييف؟! .. رفعت راسي .. كانت امايه واقفه عند باب القسم .. قالتلي: سارت ختج؟! هزيت راسي بهيه .. قالت: وليش تصيحينها ان شاء الله!؟ .. نشي غسلي ويهج وسيري ارقدي .. ماصدقت رمستها .. كيف تكون قاسيه جيه .. قتلها وانا اوقف: انا ما اصيح شما .. انا اصيح نفسي الي انجبرت اسوي اشياء انا هب الغلطانه فيها! قالت باستغراب وجمود: ليش؟ .. شو سويتي انتي بعد!؟ رفعت حايبي .. تنهدت وانا اقولها: تريبتج يا اميه .. دلعتيها وايد .. اكيد بيكون دربها معواي! سكتت .. جان اكمل: حمد ولد عمي ملج عليه. .. شقهت: اشوه!؟ .. وشو خصج انتي وحمد!؟ قلتها وانا امسح ويهي: اسألي ابويه .. وكملت بغبنه: مع ان خالد ولد خالتي خطبني قبله! قالت بصدمه: ملج عليج!؟ كنت بكمل رمستيه بس بخيت فتح باب الصاله وقال: عليا .. سيري الصاله الصغيرة حمد يباج! فتحت عيوني بصدمه: شوه؟! كيف يباني بعد؟! قال : يباج بيرمسج .. ابويه قاله سر الصاله الثانيه! رمشت اكثر عن مره ...... حسيت بضيق تنفس ... دوايه ماخذته! .. يلست وانا اضغط على صدري .. قالي: خذتي دواج؟! هزيت راسي بلاء وانا اقول: لاء .. سير هاته الله يخليك تلقاه فسدتي الثانيه .. ربع داخل وبعد دقيقه كان واقف فوق راسي وشاله فايده ويا الكوب .. خذت الدوا وتميت دقايق مغمضة عيوني .. ردت لي الروح .. جان اقوله: انا مستحيل ايلس وياه قبل العرس ... كيف اصلا ابويه يقوله سر عندها؟! مسك بخيت ايدي ووقفني .. قال: نشي ويايه عليا .. واصلتلي هنيه .. لاتخليني اطلع حرة الخايسه فيج! وقفت وياه بانصياع وانا اقول ببرود: هيه .. هاذو انتوا .. تاخذون اغلاط الغير وتحطونها على الي مايخصهم .. خوزته عني ايده وانا اقول بصوت عالي: مايحتاي تقودني .. انا هب مسويه شي غلط عشان جيه ترمسني .. واحترم نفسك انا بعدني اكبر عنك .. دخلت شعري ومسحت ويهي بالكلينيكس و سرت الصاله الثانية .. بنشوف حمد شو يبا! فتحت الباب بعد ماتغشيت .. وقفت عنده وسلمت: السلام عليكم .. كان يالس على الغنفه، من دون سفره ولا قحفيه .. وقف بسرعه وهو منزل راسه وقال: عليج السلام ... حياج بنت العم .. يلسي! تميت واقفه عند الباب جان يرفع راسه ويقول: مطوله وانتي واقفه؟! قلتله: نعم حمد؟ .. ممكن تقول الي تبا؟! تنهد .. عقب رفع راسه: شوفي يابنت الناس .. انا ماباج! و أعرف انه خالد ولد خالتج يباج وخطبج .. انا بخليج على ذمتي كمن شهر عقب العرس وبطلق .. عقب بيخطبج خالد ! رمشت بقو ... يوم قلت انهم انانيين، ماكنت واثقه .. احينه انا متأكده اميه بالاميه ان الي جدامي ااناني درجة أولى! قلتله بصرامه: اسمعني يا ولد العم .. يا ريلي .. انا هب بنت شوارع تلعب بي جيه .. انا بنت عمك، من لحمك ودمك .. ان طلقتي عقب العرس على قولتك، مابييك شي، انا الي باكلها .. وانا الي مايخصني شي اصلا! و كملت وانا اطلع: طلاق ، طلق لو تبا من احينه .. بس تذكر اني مستحيل ارظاها لخواتك لو هن فمكاني ..... كنت بطلع بس كلامه وقفني: انا رمست خالد .. ورخصتج له .. بس سالفة ختج الخايسه هيه الي خبصت كل شي! و ابوج عصب وانا بما اني ولد عمج .. ما ارظاها لنفسي ان اقوله ازقر ولد خالتها خله يملج عليها! لفيت عليه .... سكت وتم يطالعني .. قلتله بهدوء وبرود: انا مايخصني .. انته احينه ريلي .... اذا طلقتني عقب العرس، او قبله حتى، بترد السالفه عليه انا وانته بتظهر منها .. بس ، طبعاً بيك شي من الرمسه، و لا ليش ولد عمها طلقها؟! وكملت بصعوبة: وصدف انه فنفس الوقت الي طلعت منه اختها من البيت معرسه من دون لا عرس ولا اي شي؟! سكت مارمس حتى .. تنهدت انا وكملت: حمد .. انا موافقه عليك خلاص .. خلونا نخلص من هالسالفه ......... عن اذنك! طلعت من الصاله ... ونسيت قلبي ورايه! . . قبل دقايق! | مايد | . . كنت منزل راسي وانا يالس فالميلس .. جدامي عبدالله ، العود الي من عرف السالفه وهو يطالعني باستحقار! واخوه الصغير .. عيد ، هذا الثاني كان منسدح على الغنفه ويطالعني بنظرة حزينه .. ماعرفت على شوه! .. يمكن كان يباها! رفعت راسي يوم دخل بوهند ووراه بخيت! وقفت انا ببطء .. قال بخشونه: يالله شلها وروحوا، وان شفتك انته ولا هيه مره ثانيه ذبحتكم وفريتكم للجلابه! كمل عنه بخيت: الطيور على اشكالها تقع! طالعتهم بنظرة خاويه، الرمسه ماتفيد عندهم! .. خطفت وقلت بهدوء: الله ع الظالم بس! قال عبدالله الي وقف عند عمه: و الله يمهل ولا يهمل يا مايد! .. تذكر زين انها بترد على هلك! يوم قال جيه نطت شياطيني .. شما ومها! .. مستحيييييل يسوونها خواتي واعرفهم! قلت بصوت عالي وانا الف عليه: الي يربي زين يا عبدالله مايخاف .. شوف الي ياكم من تربيتكم! وكملت وانا اطلع: والي ويهه ابيظ، عمره مايسود! طلعت من الميلس، رفعت راسي للسما وتنهدت .. يارب عفوك! .. كانت اللكززس موقفه فالحوي .. و الله يلعنج من لكززس!! راس المشاكل كلها! شفت حرمه واقفه عندها .. عرفت انها ختها، اكيد امها مابتي توقف هنيه! اتجدمت ووقفت بعيد شويه! قالتلي من بعيد: السلام عليك .. كنت اترياك عشان اقولك ان شما مظلومة شراتك .. و الله يقول: "ولا تَزِرُ وَازِرَةٌ وِزْرَ أُخْرَىٰ " رديت عليها: يزاج الله خير... ماعرفت شو اقولها الصراحه .. انا اصلا ميت تعب وين بسوق احينه! رفعت راسي وشفتها يالسه جدام .. بقواااااااااات ويه .. في ذمتي ذمه .. و الله الي خلقني ، ماسكت لج يالمفعوصه الجذابه! ركبت عدالها وانا احاول اسيطر على اعصابي! شوفوا المفارقه، طلعت من بيتهم ابا اشتري الريم، و ظهرت منه منقهر على اني ماشريتها .. واحينه طلعت منه مكفخ وبذبح عمري من القهر على السالفه! يوم تأكدت انا طلعنا عن الشعبيه، وقفت الموتر على طرف وقلت بصوت هادي: اطلعي! شقهت شهقه حسيت ان روحها طلعت وياها! .. رديت اقول يوم ماتحركت: قلت اطلعي من موتري! سمعتها ترمس تقول شي .. واتذكرت يوم سمعت صوتها فموتري اول مره وكيف اني تحريتها ينيه، ياليتج طلعتي ينيه .. على الاقل الينانوه مايوزون بهالطريقه! .. قلت بصوت عالي: قلت انزلي! قالت بصوت مبحوح: ليش؟! يوم قالت جيه! ... خلااااص انا زورت مديت ايدي على كل شي جدامي الهرن السكان الي لفيته والاوراق الي كانت جدام وكل شي جدامي ظربته وانا اصارخ: لييييييييييييييش؟ لج عيين تسأليييييييييييين!؟ .. يالجذاابه الخاااايسه تتبلين عليه !؟ انا .. انا مايد جيه يستويلي!؟ .. كيف تسمحين لنفسج جيه تسوييين!؟! .. مافيج حيا انتي!؟ ماعندج مذهب! مديت ايدي ومسكت فكها بقو وانا اخوز الغشا عن ويها: ويهج لوح؟! .. تتبلين عليه وانا الي ساعدتج؟! .. كيف سمحتي لنفسج! كانت عيونها متورمه، ويهها منتفخ .. خشمها احمر وشفتها متورمة وعليها بقايا دم .. فريت ويها الصوب الثاني وانا اسمعها تصيح ! يااااااااااااربي شو اسوي احينه؟! .. صارخت مره ثاااانيه: انجلعي يلسي ورا لا اذبحج احينه! نزلت بسرعه وركبت ورى .. مسكت راسي وتساندت على السكان... تم الهرن يصيح وانا مهوس على صدغي ... راسي يدور وعيوني تعورني، كل شي فيني يعورني ... رفعت راسي وقلتلها: اذا ماسكتي بفرج هنيه تراني! كانت تشهق وتصيح بقو .. لو انا فموقف ثاني كان حن قلبي عليها .. امبوني على قولت اميه حنين! .. بس انا يوم اعصب ماعرف اميه من ابويه! .. على طاري ابويه!؟ .. شو اقوله؟! ,, اصلا شو اقولهم كلهم؟! حركت الموتر .. بسير ليوا .. المزرعة هنيه محد ايها , بيلس فيها ويا هالبلوة وبحاول اعرف كيف احل هالمصيبه! بعد ساعه وربع من الهدوء الي يتخلله شهقاتها وتنهيداتي انا .. وصلنا المزرعه .. وقفت الموتر برع وهرنت على البيدار عسب يفج الباب ... طلع بسرعه مستغرب ويوم شافني فتح الباب .. دخلت الموتر ووقفت فالنص .... المزرعه وايد عوده .. والفله كبيييره .. شو بسوي ابها هاي الي عندي؟! ماعندي اي فكره عن كيف بعاملها؟! .. شو اسويلها!؟ .. كل الي اعرفه احينه اني ابا اتسبح وارقد! نزلت من الموتر ولاقلتلها شي .. خلها تولي .. بس عقب رديت صوبها ، فتحت الباب ومديت ايدي ومسكتها ويريتها ويايه! قالت: آآآآي ايدي! هيه اصلا كانت متوازنه عليه ، ويوم فريت ايدها طاحت .. طاح غشاها وهيه تقول: حرام عليك انا الا مظلومة شراتك! : هه! .. قلتيلي مظلومة؟! .. منوه الي تبلا على الثاني؟! .. سكتي بس والحقيني! قالت: شو بتسويلي؟! يوم قالت جيه! ,, على طول يا فبالي الي استوى فالموتر .... اذكر انها قالت بتغتصبني؟! ههه ياج الي تبين يا شما! .. كانت بعدها طايحه .. وخيت عليها وقلتها: تحيدين شو قلتي فالموتر.!؟ رفعت عيونها صوبي ... تميت اطالعها ... مع انها متورمة ، بس عيونها واظح انهن وساع وخشمها سلة سيف .. بشرتها شكلها كانت ناعمه بس الظرب خلاها تكون مجرحه جيه! قالتلي: شو بتسويلي؟! مديت ايديه الثنتين وانا ابتسم بخبث ، وشليتها .. ياخي انا ريال! وعطوني حرمه ابلاش! وهي اروحها معصبه بي، ومتهمتني فوق كل هذا، وقبل تقولي اونه مادري شو اسويلها! كانت اطالعني بعيون اونها مفتوحه! خطفت باب الفله وانا اقولها: بغتصبج بالحلال! . . | مايد | . . طالعت ويهي فالمنظرة .. حشى قطوة !! .. كان ويهي مجرح من كل صوب جني مظارب ويا قطوة .. اصلا انا ماكنت بسوي الها شي ، بس ابا اراويها اني اقدر اسوي الي ابا ... بس فكرة كانت و الله .. لو بس هيه شوي هدت .. كان!! الله يلعن الشيطان! .. نزلت راسي تحت الماي وانا اتنهد .. شو اسوي ؟! .. اسير الهم مره ثانيه واحايلهم!؟ .. يعني حتى لو ماقبلوا، انا شو اسوي بهاي القطوة الي عندي؟! امايه طبعاً مابتوافق .. اووووه يا اماايه مشكله ثااانيه بعد! ... افففف! بندت الماي وطلعت .تلبست بسرعه..... وين التقعت هاي بعد!؟ .. طلعت برع الفله وسرت صوب حجرة البيدار ...: محمد هات المفتاح وسير المزرعه . أحسن شي اسويه احينه، اني اخذ مفاتيح الحجر و البيدار اخليه يسير المزرعه الثانيه. مافيني احينه يخبر اميه اني ييت وويايه حرمه! يوم طلع بالكلوزر بندت باب المزرعة وراه ورديت للفله .. بندت الباب بالمفتاح مرتين عن تشرد بعد! .. اتخيل شكلي اسير ادور الها! .. قسم بالله مصخره! . . | شما | . . يلست ورى الباب وانا اشهق! ..... هذا هب هوه نفسه الي كان فالموتر.. مستحيييييل ... هو ماسوالي شي يوم كنت عنده و لو حتى فكر محد كان بيعرف .. احينه جيه يسويلي!؟؟ طالعت ظفوري الي فيهم آثار دم .... وظحكت ... جني مينونه.. على الاقل طلعت حرتي شويه وشمخت ويهه الي فرحان فيه!.. مسحت ويهي وانا أحاول اهدي نفسي .... بعد لحظات استوعبت اني كنت قبل شوي فأحضان ريال غريب عني! ..... بس غربله الله حليو! شو بيستوي احينه .. سمعت خطوات برع الحجرة .. وقفت على طول وسديت الباب بظهري .. و الله لو يحدر احينه ..... ماعرف شو بسوي! حسيت بمقبض الباب يتحرك .. لا لا !! سديته بقو وانا أحاول ما ارد واصيح .. على قولت عليا انا صح غلطت بس ما بذل عمري له! لحظات ونقزت بعيد عن الباب يوم اندز بقو وانفتح .. طالعته بعيون مفتوحه ومتروعه ... كان ويهه احمر ومتلبس شورت وفانيله كت .. شكله يخوف! ابتعدت شوي شوي وانا اشوفه جدامي .. اتذكرت يوم يرني بقو وفرني فالحجرة ..... عورتني عظامي .. كان يتجرب وكنت انا ابعد، لين ماصكيت اليدار .. وقفت جدامي بهدوء وانا عيوني مقدرت اخوزهن عنه .. تساند على اليدار عدالي وبايده الثانيه مسح على شعري .. غمظت عيوني ونزلت راسي .. ابا اماااايه! .. و الله ما اسوي شي حتى ما اطلع من البيت .. بس ابا اماااايه! مسك شعري من ورى وقال بهدوء: ليش متروعه؟! .. خلاص انتي حرمتي احينه! شهقت وانا احط ايدي على ثمي .... ماقدرت ارد عليه من كثر ما انا اصيح! نزل ايده لين ماوصل لخدي ومسح دموعي ... يوم سوى جيه حسيت بجسمي اقشعر ... ابا حظن اامايه اصيح عندها وتهديني .. وهذا مستوي حنون فجأة! قرص خدي بقو وهو يصارخ: جاااااااااااااب! .. اسكتيى عشان اتفاهم وياج! نقزت محلي من صوته العالي .. بس صحت اكثر .... رد يقول بهدوء: اسمج شما صح؟! هزيت راسي بقو وانا افتح عيوني .... طالعته ، كان وييه جريب وايد، مكان ظفوري واضح ..... حسيت به يتقرب مني ويقول فاذني: ان ماراويتج ان الله واحد ... ماكون مايد ولد ابوه! ابتعدت عنه بقو وانا افتح عيوني على وسعهن ...... طالعته بغبنه وانا اقول: انا شو ذنبـ.. كان بيمد ايده عليه، بس ظرب اليدار الي ورايه وقال بتهديد: تنثبرين هنيه .. وان شبرتي الحجرة ........ سويت الي اباااااه فيج! لفيت عنه بحزن .... هذي آخرتها .... واحد ماعرفه يهددني جيه! فجأة يا فويهي عيد ولد عمي ...... يوم عصبت به ودزيته يوم كان مريظ! قلبي عورني .. ماحسيت به يوم طلع ويوم بند الباب بالمفتاح وراه .. كل الي احسه اني ابا امايه .. نزلت شوي شوي وضميت نفسي وتميت اصيح .. . . | عيد | . . شفته يوم يوقع، ويوم يترادد ويا عمي وخواني، كنت يالس عدال عمر منصدم! شما؟! .. شما بنت عمي مواعده مايد!؟ .. شو هالمصيبه هاي؟! قالي عمر: لو انا من عمي كان ذبحته الهرم! انا ما كنت وياه! .. كنت افكر كيف قدرت شما تواعد ، كيييييييييف؟! انا عرفت انه هالبنيه فيه حركات هب حلوة .. بس انها تواعد!؟ .. والله قويه! كان عبدالله يالس عدال عمي يهديه، وحمد واقف عند الباب، وبخيت فبيتهم .. احسه بيموت من القهر، عمي اصلا زين انه ماطاح علينا .. شفته يوقف هو وعبدالله وطلعوا من الميلس .. بعد فتره كل واحد روح .. انا تميت اتريا بخيت .. بطالع شو بلاه مايا! شو بعد شوبلاه؟! .. اكيد منقهر! عيل ليش قالت لبخيت انها تبا تسير الخياط؟! .. يوم انها بتواعد؟! غريبه والله! شفت بخيت يدش وويهه مسود! اول مادخل قال بصدمه: انته هنيه؟! قلت وانا اوقف: هيه .. شحالك؟! قال بعصبيه: تتخبر عن حالي .. بتخبل يا عيد .. بتخبل من هالبنيه! سكت عنه .. اباه يطلع الي فخاطره ولا بينفجر قال بنفس الصوت العالي: تخيل؟ ,, كانت مواعدتنه؟ .. وهو بقوات ويه ياي هنيه اونه يبا يشتري الريم .. ثره مواعدنا الهرمه! رفع ايده فالسما وقال: يااااااالله يعلها تمووت ونفتك منها! زخيت ايده وقلتله: بس بخيت .. مايسوى عليك .. خلها تولي احينه هو ريلها استوى خلهم يولّون ثنينتهم! قال بصراخ: و العرب الي درت .. شو نقولهم!؟ .. شووو نقوووول! قلت باستغراب: محد عرف بخيت؟! قال: لا والله .. تراهم خوانك سطعوهم جدام الباب .. وماتم حد من الشعبيه ماعرف! قلت بهدوء: بخيت حمد يقول شافوهم عدال البيت وزخوه وفروه فالحوي هنيه .. محد عرف! يلس على الغنفه وزخ راسه بصدمه وهو يقول: انا ماصدق الصراحه .. شما، شما الصغيرونه جيه تسوي؟! .. كيف ومتى؟! يلست عداله وقلت بغيظ: الصراحه يابخيت انا ملاحظ عليها حركات من زمان! لف عليه وقال بسرعه: وشعنه مارمست؟! .. لييييييييييييش خليتنا بعمانا!؟ قلتله بهدوء: احينه مايفيد هذا .. قولي عمي رقد؟! قال : هيه رقد .. واظني الا انه مابيرقد ,, دخل حجرته .. الخايسه تصيح وتقول انه هوه الي غصبها تطلع وياه؟! قلت: هذا هوه مايد ولد عم نسيبنا صح؟! هز راسه بهيه .. كملت: كيف عرفها؟! ..او هي كيف تعرفت عليه؟! قالي وهو يوقف: ماعررف انا .. كل الي اعرفه اني لو شفتها طالعه من حجرتها والله يدفنها هنيه! كان بيطلع عقب قال: سمحلي عيود بسير اطيح شويه ولا بتخبل من التفكير! قلتله وانا اطلع وياه: افا عليك ولد العم .. ربي يحفظك وتصبح على خير! قال بهدوء: ونته من هله .. طلعت من بيتهم .. لحظة حمد سار عني .. منوه بيوصلني احينه! اتصلت على عمير ابغيه يشلني، بس تليفونه كان مغلق! اتصلت على عمر، نفس الشي.. وحمد مايرد .. عبدلله مستحيل اتصل عليه .. جربت اتصل على البيت ، يمكن اميه واعيه ,, اتخيل هيه اتي تشلني ههههههههههه! : مرحبا .. : ماااااامااااااااااتي .. قالت بروعه: بسم الله .. بلاك عيد؟! قلت بظحكه: اماايه محد عندي ايبني .. شو اسوي!؟ قالت بغيظ: غربلك الله وانا اتحرا شي استوى عليك .. وين انته؟! قلت بتمسكن: فدييت اميه انا ... حليلي واقف عند بيت عمي شرات الناطور .. قالت بهدوء: يالله يايتنك انا .. بندت عنها وانا اظحك: زين اترياج! يلست عند باب الميلس من برى ... والله وعرست الخايسه! .. تذكرت هاك اليوم يوم طيحتني .. و الله ما انساها لها .. آخر زمن والله .. بعد عشر دقايق شفت موتر امايه .. سرت صوبها يلست عدالها .. قالت: شعنه ماييت ويا خوانك!؟ قلت وانا احب راسها: فديييت اميييه انا .. روحوا عني الهروم! طالعتني بنظره وقالت: محد هرم غيرك .. كلهم اكبر عنك! قلت بهدوء: عااادي امييه عاادي! طلعنا من الشعبيه وهي تقول: شو كان عنده عمكم؟! لفيت عليها باستغراب: جيه محد خبرج؟! قال: له .. عبدالله ارمسه يقولي باجر هب متفيج .. وحمد ماشفته ، عمير وعمير رقدوا! قلت: اها .. مممممم ماعرف شو اقولج الصراحه! قالت بعصبيه: شو تقول بعد .. قول الي استوى! قلت ببساطة عن تعصب عليه: شما بنت عمي ملج عليها مايد بن علي ... شقهت ولفت عليه بصدمه: اشوووووووووه!؟ .. شما عرست؟! قلت: هيه .. اميه طالعي الدرب عن تنفدينا! لفت على الدرب وهيه تقول بنفس الصدمه: شقا بعد تعرس؟! .. وعليا؟! .. بعدين منوه هالمايد؟! قلت وانا اسدح الكرسي: مايد ولد عم ريل مريوم ختيه .. قالت: ولعثره، شو وداها هناك .. عنبو ولايخبرون حد! قلت وانا اغمظ عيوني : شدراني ابهم .. اذاوصلنا البيت وعيني! حطيت ايديه تحت راسي وانا افكر .. شما وعرست .. وعليا بياخذها حمد خويه .. ومبارك اسمعه يخبر اميه يقول بيرد حرمته .. تميت الا انا وعمير وعمر .. انا كنت حاط فبالي شما الصراحه .. بس يالله خيرها فغيرها! يوم وصلنا البيت ، شربت لي ماي وانسدحت برقد .. ورقدت وويه شما فمخيلتي! . . اليوم الي عقبه .. الساعه 7 و7دقايق بتوقيت جنوب أفريقيا –جوهانسبورغ- المكان : شارع سموتس يناير، مدينة رأسا، جوهانسبورغ .. جنوب أفريقيا! فندق ويستكليف! | مريم | . . فريت عصا الغولف عني بغيييييظ و انا اسمع ظحك منصور .. قال وهو يطالعني: ههههههه والله انج حوووله! رديت اشلها وانا اقول بغيظ: جااااااب .. انا هب حوووووله! رد يظحك وهو يأشر على الحفره الي جدامي على بعد خطوات مني: انتي بس طالعي المسافه الي بينج وبينها! طالعت المسافه مثل ماقال .. جان يكمل وهو يظحك: وتقولين مش حوله هههههه! فريت عليه العصا وانا اقول بعصبيه: اففففف منك انته و هاللعبه البايخه .. انا بسير اسبح .. وبنسير الحديقه عقب .. سكت وهو يكمل لعبه .. شفته كيف واقف و ماسك العصا بطريقة حلوة و يوم يظرب الكورة .. تمشي شوي شوي وتستقر فالحفرة ... عصبت لني انا ماعرفت كيف اييبها ... ابتعدت عنه جان يقولي: صبري بوصلج! قلتلها: مايحتاي .. ادل الدرب! قال : لا صبري! مابغيت انا نظارب وكالعاده على اشياء سخيفه! .. فوقفت اترياه لين مالم اشياءه و ردينا للفندق ، الي لين احينه بتخبل عليه .. رووووعه الصراااحه، فندق ولا اي فندق! الشكل ارووحه فنتك .. خذ النا منصور جناح جونيور على قولتهم .. بس شو هالجناح، عجييييييييييب! ... مطل على حديقة الحيوان الي هنيه ، مرره فرة حصا عنهم .. و الاجوااء وايد حلوة ، بعد الجو هب بارد ولا حار، بالعكس وايد حلو .. وفالليل يغدي الجو جنه فالشتا صوب العين .. وقفت عند الباب اترياه يفتحه .. بس بطرف عيني من الدريشه الي فالممر شفت منطاد ازرق يطير ! ربعت صوب الدريشه وانا اقوله: منطاااااااااااد ... ااااااااااالله ابا اركبه! وقف عدالي وقال: والله تبين؟! لفيت عليه وعيوني تلمع: والله عادي؟! ابتسم وهو يمسح على خدي: افا علييييج .. اكيد عادي! : ياااااااااااااي عيل يالله احيينه! قال وهو يمسك ايدي: اول شي بنتسبح وبننزل نتريق عقب نسير ... فتح الباب ودخلنا داخل ... سرت بسرعه وانا اقوله: اوكيه .. قلتله: من وين هم فاجينه؟! قال وهو يفصخ فانيلته ويفرها كالعاده على الارظ: مادل .. يالله بسرعه خلصي .. سرت حجرة الملابس : زين .. خذتلي كندورة سودا وورديه ، وشيلة صفوة و فوطتي وسرت الحمام الي فالصاله بما ان منصور سار صوب الي فالحجرة! بعد ربع ساعه كنا تحت فمطعم وجيا .. او ماعرف كيف يقولون اسمه .. المهم اني طلبت كروسان جبن وكابتشينو .. قلتله وانا آكل: هالفندق احلى فندق سرتله الصراحه! قال وهو ياكل عنب: ومتى سرتي انتي فندق برع البلاد؟! عقدت حياتي وانا اقول: اصلا عمري ماطلعت من البلاد .. بس سرت دبي مره .. بتنا ففندق .. ياربي شو كان اسمه؟! .. ماحيد والله! رشفت من الكابتشينو وكملت وهو يطالعني بابتسامة: احيد انا حجزنا جناح كامل .. ثلاث حجر بحماماتهم، وصاله ومطبخ تحضيري ، وشو الي عيبني التلفزيون، بلازما 60 بوصه! عيبني بشكل .. هيييج السنه كنت توني مخلصه ثانويه، ومتخبله عاااد عندي اجاااازة .. سكت شوي وكملت وانا ااشر بايدي: كنا بنحضر عرس حد من هلنا .. ويلسنا يومين .. وهاليومين انا مارقدت .. على طول يالسه عند التلفزيون واطالع فهالافلام .. رفعت عيوني صوبه .. شفته يطالع الساعه .. ابتسمت بهدوء .. غادي هادي وحبووب .. رفع راسه صوبي وقال: هاه خلصتي؟! شربت ماي وقلتله: هيه .. يالله نسير . بعد دقايق كنا نمشي على ريولنا صوب الحديقة .. لنا يوم سألنا راعي الريسيبشن عن المناطيد وين ، قال انه فحديقة الحيوان الي هنيه .. تمينا نمشي ونمشي .. وين هالحديقة هاي ! خطفنا على وايد اشياء حلوة فالدرب .. خص الدكاكين الصغار .. وايد حلوة جوهانسبورغ .. انا اصلا ماتوقعت جنوب افريقيا جيه بتكون .. احيد يوم قالي بنسير جنوب افريقيا .. اول شي يا فبالي العبيد الي هنيه .. والحر ..! مادري شعنه حاطه فبالي انهم غادين سود من الشمس! بعد نص ساعه وقفت وانا اقوله: وين هالحديقه الي قال جريبه! لف عليه وقال: يالله عاد يالدلع .. تعالي باقي شوي! كان ماد لي ايده قلتله: اففففف لو خذت موتر اخيرلنا .. قال وهو يأشر على جسمي: احسن .. عشان تخسين .. غاديه دبدوبه! شهقت وانا اطالع نفسي: انا دبدوبه؟! .. حرام عليك! ظحك: هههههه اسووولف .. يالله بسرعه! مسكت ايده بهدوء وانا اقول: زين .. عقب مانرد بتصل على خواني .. من زمان عنهم! . . في البلاد ,, بيت بوناصر .. | غايه | . . انسدحت ببطء على الشبريه .. بطني كبر، و قلبي صغر وضاق .. طالعت شبرية عذوب الي فالجهه الثانيه من الجحرة .. كانت يوم ترقد احطها هناك، و مرات ارقدها عندي هنيه .. انسدحت على ظهري وانا اتنهد، مر اسبوع ونص ... اسبوع ونص متعب ومنهك الصراحه .. انا اصلا تبلدت مشاعري خلاااص ! ولا الي يشوفني يقول هاي ماتت بنتها الوحيده قبل اسبوع وشوي؟! غطيت ويهي بايديه احاول ما اصيح .. تنفست بعمق وانا اتحسس خشمي، غادي خشن ويعورني من كثر ماصحت .. اول يوم! .. تخبلت عليهم .. ماتم شي فالقسم ماكسرته .. كل شي كسرته، عذبه وماتت! .. وناصر تغير .. حتى هل البيت متغيرين .. كل شي تغير .. حتى مريوم تغيرت، كنت اباها ويايه .. بس هيه من عرست مارمستني غير مرتين او ثلاث! وروحت قبل ماتزورني حتى يوم ما كانت عذوب فالمستشفى .... واحينه اتصلها ابا اخبرها ، اباها عدالي فهالوقت .. بس هيه ماترد ! عدلت يلستي يوم سمعت الباب يندق .... الغرفه فاظيه .. فيها الشبريه و اشياء عذوووب الله يرحمها، و الكبت بس .. وانا اتريا ناصر يرتب البيت ، بيتنا عشان ننتقل .. قلت بصوت عالي: منوه؟! سمعت صوت ريال: أم عـ.... غايه ناصر يباج تحت! حسيت اني بموت من الغيظ .. نطيت من مكاني وشليت شيلتي وتلبستها بسرعه .. فتحت الباب وانا عاقده حياتي .. شكلي كان وايد تعبان وعيوني حمر ووارمه .. كان أحمد واقف عند الباب وكان بيمشي .. بس انا مديت ايدي ومسكت ايده وقلت بتهديد: اسمع أحمد .. لف عليه مستغرب نبرة صوتي ، ويطالع ايدي الي بعدها قابظه زنده .. كملت وانا اطالع فعيونه وبنبرة صوت عاليه: لا تزقرني ولا ترمسني ولاااا حتى تسلم عليه .. وان شفتك مره ثانيه واقف عند باب قسمي .. و الله بتشوف ويهي الثاني .. وقفت ثانيتين اطالعه .. كان يطالعني بعيون مفتوحه، منصدم أكيد! نزلت عيوني وايدي وانا اكمل بصوت واطي: عمري مابسامحك على اللي سويته! رديت داخل القسم وبندت الباب ورايه .. تساندت عليه وانا اصيح : لييييييييش يااااربي؟ .. لييييييييييش من بدهم كلهم يكون أحمد!؟ .. الوحيد الي كنت اسولف وياه و الوحيد الي كنت استانس وياه هنيه! .. ليييييييييش؟! يلست ورى الباب وانا اصيح .. مابا اتم هنيه .. اذا تميت هنيه بتخبل .. واذا شفت احمد بتعذب زياده .. سرت الحمام وغسلت ويهي ... وصلت الصاله بعد عشر دقايق من الوقت الي زقرني فيه احمد .. شفته يالس عدال التلفزيون، وناصر يالس تحت ويا امه و منى عدالهم .. سلمت ويلست عدال منى .. قالت عمتيه: جان ابطيتي!؟ رفعت عيوني صوبها وطالعتها بملل .... كل شيء تغير الا عمتيه .. بعدها نفسها! مارديت عليها ، نزلت عيوني وصبيت لي فنيال اقهوة ومنى تقول: غويه تبين تسيرين ويايه الخياط .. ابا افصل للعيد قبل رمضان .. هزيت راسي بلاء وهيه تكمل: دخيييلج ابا ذوقج فالقطع .. رديت اهز راسي بلاء وانا اشرب فنيالي .. قالي ناصر: بسيرين لهلج؟! رفعت عيوني صوبه ، يمكن من بدهم كلهم ناصر الوحيد الي غادي حنون .. غير عن قبل، ودوم ويايه يالس فالبيت .. قلتله: ماعليه .. متى؟! طالع ساعته وقال: احينه!؟ : ماعندي خلاف انا .. قال وهو يوقف: عيل اترياج فالموتر .. وقفت وياه وانا اقول: انزين .. سمحولي! خطفت عنهم وانا اسمع عمتيه تقول لناصر: بلاها حرمتك ترمسنا بطرف خشمها؟! بالعاده اوقف اسمع شو تقول عني .. بس انا احينه ماشي يهمني .. بس وقفت من سمعت صوت ناصر يقول بضيق: امييه عاد شو تبيني اقولج؟! ,, عنبو عذبه ماتم الها اسبوعين من توفت ، وانتي تسألين ليش ترمسنا جيه؟! وكمل بصوت عالي: اذا ماعذرتوها وهيه هاي حالتها ، متى بتعذرونها؟! وقفت عند باب الصاله الي توني ظهرت منها .. خطف عدالي ناصر مسرع وظهر بعد ما رقع الباب بقو وراه! لفيت عليهم .. كانت عمتيه ساكته ومنى اطالع أحمد الي كان يطالعني ..! عقدت حياتي فويهه ... عقب لفيت عنه ... مافيه حد يستاهل اني ازعل عشانه .. حتى ناصر! |
هههههههههههههه
تعكيييين يعني بديتي تخبصين يعني بدت الاسلاااك تشبك في بعضهااااا ولا انتو ماتقلون اسلااك تقولون واايراات يااربي والله مااا اعرف ايش تعكيين بالامااارااتي هههههههه المهمممممم انك بديتي تخربين الموووضووع بين منصووووره العلللله اللي كاان مزيوووون ساااابقاااا ومريووووم حبيبت قلبي المسكيينه |
الجزء الثاني عشر .. . . | مايد | . . وقفت عند باب الفله .... الساعه يت ثلاث انا مايبت غدا ولا سويت شي! هاي المفعوصه بعد مارمست ولا قالت شي! .. رديت فوق ببدل وبشل بوكي .. اشتريلي شوارما وبيبسي وخلاص ! ماحسيت غير بهاي السكنيه ظاربه فيني .. مسكتها وانا اقول بغيظ: لقعه تلقعج .. بلاج تترابعين! كان ويها اصفر و عيونها وارمه ومحمره .. عقدت حياتي يوم ماردت عليه .. غمظني حالها الصراحه .. بعدتها عني وقلتلها بهدوء: بلاج؟! رفعت ايدها واشرت على حلجها .. عقب قالت بصوت مبحوح: ابا ماي! خيييييييبه تقول يدتي ترمس هب .. شو سمها احيد؟! تمت واقفه وتميت واقف .. شو نسوي مادري .. فريت ايدها عني وقلت: بسير اشتري غدا .. المطبخ على يمينج ورى الدري! سرت الحجرة وانا عيوني عليها .. تمت واقفه ثواني عقب كملت دربها .. وهيه تعري! دزيت باب حجرتي بقو : افففففف شو هالحاله! تلبست ع السريع وظهرت من المزرعه .. سرت اول كافيتيرا وخذت اربع شوارما و2 بيبسي ودبة ما .. ! وانا راد صاح تليفونيه .. ماعرفت الرقم ولنه عز الظهر مارديت .. خله يستحي على ويهه .. حد يتصل احينه، عنبو يمكن راقد ولا شي! رد يتصل مره ثانيه يوم وقفت يدام باب الفله .. دخلت داخل وفريت الكيس على الطاولة عدالي ورديت على التليفون: مرحبا .. : السلام عليك ... شحالك مايد!؟ عقدت حياتي باستغراب : عليك السلام .. طيب طاب حالك .. ومن صوبكم!؟ : بخير الحمدلله ... اسمع ! رفعت حايبي ، بعااااد .. اونه اسمع ! .. انته منوه اصلاً!؟ كمل وانا ايلس على الغنفه: وياك عبدالله بن سلطان بن عيد .. عقدت حياتي احاول اتذكر منوه .. جان يكمل: ولد عم حرمتك! صلبت ظهريه وانا اقول بقو: حيّـه! قال بهدوء: المهم، متى بتسوي العرس؟! : اي عرس؟! قال بسرعه: عرس بنت عمي ...! اها ..... احينه يوم افتكوا منها، و يوزوني اياها، وغدت على ذمتيه .. يايين اونه متى عرسها؟! قلتله وانا انسدح: والله ياطويل العمر .. انا ماعطيتوني فرصه اني ارمس حتى .. واحينه يايين تبون العرس؟! وكملت بسخريه: انحن اصلا ماخطبنا عسب نسوي عرس! قال: اسمعني مايد .. هب معناته اني متصل عليك اباك تسوي عرس اني خلاص صدقتك ومتنازل عن اقوالي القبليه .. انا ارمس عشان رمسة الناس و سمعتنا! رمسته صح .. و انا اصلا امبوني بقولهم .. جان اقوله: وبعدين؟! قالي: شهر واحد تسوي العرس .. باقي اقل عن شهرين ..! سكت فتره ... جان اقوله: ماعليه .. امبوني انا ابا اقولكم .. بس انتو .. قالي: اسمعني مايد .. بنتنا مانبالها غير بياظ الويه .. و .. قطعت رمسته وانا اوقف واقول بصرامه: انته اسمعني يا ولد سلطان .. عرسي ماتحطون فيه ريال ... و ان كنتوا شاكين فاني بقولكم سووا لبنتكم عرس فانتوا غلطانيين .. عرسي انا .. انا مايد ولد علي بن راشد .. ان قلت شي ، اسويه .. وكملت : يوم واحد، واحد 2011 حياكم الله لعرسي أنا .. و حرمتي الي متبرين منها .... وشي ثاني بعد .. حسيت ابها توقف عند باب الصالة الداخليه .. رفعت عيوني صوبها .. كانت واقفه وحاطه ايدها على ثمها، تصيح طبعاً ,, غمظتني ، جان اقوله بصوت عالي: بنت عمك ان طريتها مره ثانيه ....... بييك شي مابيعيبك الصراحه .. بنت عبدالله بن عيد حرمة مايد بن علي بن راشد ، مش اي حد يرمس عنها! قال بنفس طريقة رمستيه: عيل مابينا رمسه لين هاك اليوم .... الله الحافظ! بند التيليفون فويهي الهرم .. لقعه تلقعه .. رفعت عيوني صوبها جان تنزلهم .. قلتلها بهدوء: تعالي .. يلست وانا افتح كيس السندويشات .. يلست هيه آخر شي على الغنفه .. لفيت صوبها وانا اقول: تعالي هنيه .! رفعت راسها وقالت بنفس الصوت المبحوح: لا بتم هنيه .. وقفت انا ويلست عدالها وانا اقول: بداية السنه ان شاء الله بيكون العرس .. باقي شهرين الا كم يوم ..... رفعت راسها بسرعه وقالت بنفس الصوت المبحوح: هاه؟! .. اي عرس؟! طالعتها وقلت: عرسي وعرسج! نزلت راسها بسرعه وسكتت ..تنهدت أنا.. ياربي كيف بخبر هليه!؟ قالت: كنت ترمس ابويه؟! رفعت حايبي .. ابوج!؟ .. احينه عرفتيه ابوج؟! مديت ايدي ورفعت راسها صوبي .. قلت بصرامه: سمعيني .. عقب عقدت حياتي وقلت: انتي شو اسمج؟! قالت وهيه منزله عيونها: شما! كملت: سمعيني يا شما .. انا ماعرف انتي ليش دخلتي موتريه .. ولا اعرف شو نيتج ولاا اعرف اذا كنتي صادقه ... بس ابا منج شي واحد بس! خوزت ايدي عنها وانا اقول: اذا يينا صوب هليه ان شاء الله .. السالفه الي استوت محد يعرف عنها .. لو الينيه يتني وخبرتي انج رمستي عنها، لوحتى ويا عمرج، بدفنج فحوي بيتنا .. سمعتيني ..!؟ هزت راسها جان اكمل: كم عمرج؟! رفعت عيونها صوبي .... اول مره الاحظ ان عيونها وساع وسود، رموشها طوال .. مخرب عليها التكفيخ الي خذته .. ابتسمتْ بمرارة واضحه فعيونها! عقب حطت ايدها على ثمها وهيه تلف الصوب الثاني .. بحركتها هاي!، اتذكرت منو انا ومنو هيه!! وقفت بسرعه .. انا ليش ارمس وياها اصلا؟! .. ماتستاهل اني اسولف وابرر الها ..... مسحت على ويهي وقلت: بسيـ.. : 20 .. عمري 20 سنه! فتحت عيوني على وسعهن! .. 20؟ .. عنبووو ياهل هاي!! وقفت جدامي، وبان طولي عدال قصرها! قالت بنبرة حزينة وهادية: لاتخاف .. انا ما افظح عمري للناس .. وكملت وهيه تخطف عدالي: افظح عمري على شي انا ماسويته! تميت واقف فتره عقب ماطلعت هيه فوق .... يلست على الغنفه افكر .... من الحاله الي كانت فيها يوم دخلت موتريه، فشكلها صادقه .. بس! .. ليش تبلت عليه؟! افففف و الله حاااله! .. شليت سندوتش ويلست آكلها وانا اطالع التلفزيون ... العرس بيكون واحد واحد الفين ويدعش!! .. متى بلحق احجز!؟ .. اووووف ، اصلا هيه كيف بتظهر للعرب وهيه مكفخه جيه؟! يبالنا نأجله! .. ولا .... نسافر لندن ،اوديها مصحه هناك، تتعالج و تريح عمرها وتفكيرها .. عقب اتي ليلة العرس .. بعد اركب لي ظرس بدل هالي طااح! رفعت ايدي اتأحسسه! .. ههههههههههههه و الله شكلي نكته! بس والله صدق، هاي احسن طريقة، ابوها مابيخليها عنده لين ليلة العرس . والله ويبتها يا مايد! بس لحظة ... اميه شو اقولها!؟ .. على طاريها .. غرييبه ما اتصلت! شليت تليفوني بتصل، بس اميه بنت حلال .. كانت متصله .. رديت عليها بسرعه! : حيّــــها بنت مايد وأم مايد .. وشحااالج الغاليه؟! قالت بعصبيه: جب جب يالهرم.. شعنه بايت فليوا؟! و كملت بصوت عالي: ولا تتصل تخبرينه؟! .. تخلي هالمفعوصه شميم تقولي! .. جني مش امك! قلتلها: امااااااااااااايه عااااد .. يـ... : اقوولك جب .. انته ماتستحي على ويهك!؟ سكتت شوي عقب كملت: امسات ماقلتلك لاتسرح العين يايين عرب العصر؟! عقدت حياتي واانا اقولها: امايه سمعيـ.. : ميووووود لاتقولي سمعيني ماسمعيني .. فظحتني فالعرب .. اقولهم موجود وانته ساير .. وين تبا العين!؟ . هاه ماتقولي؟! مسحت على ويهي وانا ساااااااااكت .. يااالله يا اميييه كيف تصعب الأمور! قالت: ما لك حس اشوف؟! ... ولا شو بتقول ثرك .. ماشي .. قلتلها: انزين شحالج؟! قالت بسرعه: حالي مش زين .. عنبوووك من صبي ... صاك الثلاثين وماتقول غير بو سبعتعش!! ظحكتني : ههههههه امايه تراج من الصبح تسبيني و أنا .. : اقووووولك جب ، مابا اسمع نصخك .. امبارحه يايه خالتك هدى وبنتها مهره، وانته مررررررره ولا عليييك .. ماتقولي شعنه فازع العين؟! سكت مارديت عليها .. شو اقولها .... قولولي بس شو اقولها!؟ ردت تقول بعصبيه: ميووووود ارمسك انا يالهرم .. ارمس .. قلت وانا احاول مااظحك:تراج تقولين مابا اسمع نصخك .. شو تبيني اقولج؟! قالت بصوت عالي: استح على ويهك .. مايسد انك فاظحني فختيه .. ومررررررره بولباااااااااس عاطنا .. ولا حتى خطف يسلم! : امايه انا قلتلج عندي شغل ماروم اتم لين فالليل .. : وشعنه مارديت يوم خلصت؟ .. تراك مروح من غبشه .. شو اتسوي هالكثر صوب العين؟! وكملت بتهديد: و ااااااااااالله يا مايد يا ولد علي لو يتني الينيه وخبرتني انك ماخذنلك حرمه وفارنها فالعين ينك ماتيلس عندي دقيقه وحده .. ماتقووولي شو تسوي فالعين؟! مت من الظحك على رمستها ..: ههههههههههههه امييييييييييه بلااااج مره وحده جلبتي عليه .. و الله اني مش معرس ولا شياااااته! لحظة .. استغفر الله .. هه والله مسخره ، منوه كان يفكر اني انا بعرس بهالطريقه؟! سمعت اميه تتنهد وتقول: انزين ماعلينا .. شو عندك انته هناك؟! قلتلها وانا اوقف: والله ساير صوب عرب هنيه .. امبوني بشتري ناقه من عندهم، لكن ربج ماكتب .. : بعااااااااد .. و الله وكملت الصراحه، ساير العين عسب ناقه؟ .. ومخلي بنت خالتك هنيه تترياك؟! عقدت حياتي وقلتلها: اي بنت خاله؟! .. وليش تترياني بعد؟! قالت بصوت هادي فجأة: ميود فديت خشمك .. نسيت؟! تمشيت فالصاله وانا اقول: شوه!؟ ردت تقول بصوت خفيييض: بنت خالتك مهره؟! .. نسيت انك بتشوفها عسب تخطبها؟! : شووووووووووووووه!؟ .. أنا ؟! .. متى ومنو قال؟! قالت بعصبيه: مايد .. لا تصارخ عليه .. المهم .. سكتت وانا سكت ... اي مهره واي خطبه!؟ .. وهاي المصييييبه الي عندي!؟ قالت: اسمعني .. انا كنت بخليك تشوفها فبيتهم .. لكن ابوها ماعنده هالسوالف .. قطَعْت رمستها: حتى نحن ماعندنا هالسوالف!.. وكملْت بعصبيه: وبعدين انا ماقلت اني بخطبها؟! قالت بصوت عالي: انته كنت موافق..! .. شو غير رايك!؟ عصبت الصراحه .. صح انها اميه، بس مش انها تسوي جيه!؟ : امايه .. انا اصلا خطبت و .. : نعم نعم؟! .. شو خطبت هاي بعد؟! اووووووووووووه ... لا لا .. ليييييييييييييييش خبرتها احينه!؟ غمظت عيوني بعصبيه وانا اتنهد ... اففففففف يااااااربي ... كملت هيه : ميوووود .. انته معرس؟! كنت بقول هيه ، بس فآخر لحظة قبظت لساني وانا ابرر: مش خطبت خطبت، قصدي يعني اخترت البنيه الي اباها! قالت بسخريه: لاوالله؟! .. احلف انته بس؟! .. بعد لو معرس ومسوي عرس اروحك احسن بعد .. ليش تخبرنا نحن هلك ، مش لازم ندري .. قالتها بطريقة نرفزتني .. جان اقولها: اماااايه عاااد .. قالت بعصبيه: ومتى كنت ناوي تخبرني ان شاء الله؟! : شوفي الصراحه انا كنت بيي باجر واخبرج .. و البنيه ماعليها رمسه! قلتها وانا اظحك على عمري في داخلي .. قال ماعليها رمسه قال!! ردت تقول: بنت امنوه؟! قلت: سمها شما و بنت عرب اياويد وانتي ماتعرفينهم لكن انا اعرفهم .. قالت: ميود لا تينني .. قولي بنت امنوه؟! .. ربك بعد اكون اعرفها؟ امرنا لله ... قلتلها بهدوء: بنت عبدالله بن عيد .. قلتها وخليت التليفون بين اذني وجتفي ورفعت ايديه فالسما وانا اهمس: ياااارب تكون ماتعرفهم يارب تكون ماتعرفهم! قالت بعد صمت: بنت عبدالله بن عيد؟! ... يابويه ماعرفهم هاييلا انا .. وشو بلاها بنت خالتك ماتاخذها؟! .. شعنه طاير صوب العين! تنفست بعمق ،احسن شي اني اجذب عليها .. هديت صوتي وقلت بنبرة حنونه: عاد اباها ..! وسكت ... ادري شو بتفهم .. بتتتحراني احبها!!! قالت على طول: يييييييييييييييهاااااااااااء ياولد علي .. شلت فوادك بنت دار الزين .. تنحنحت وانا اظحك بهدوء: ههههههههه عااد انتي فهميها ... وسكت، جان تقول: حافظ عليك .. ومهره؟! ردييييييييييينا على هالمهره .. قلتلها: اميييه انتي الي رمستيهم .. انا ماقلت لحد اني ابا اخطب .. شو الشور احينه؟! قالت بعد فتره: يوم انك انته تباها ماعندنا شور ... تنفست بارتياح .. بس ماواحيت الا وهيه تقول: بس بشوفها قبل ... بتي باجر انته؟! فجيت عيوني على وسعهن .. نعم؟! .. تشوفينها؟! .. اي شووووفه وهيه بهالحال؟! قلت بسرعه: اميه هيه تدرس برع ... وبداية السنه بتخلص .. و .. سكت عقب قلت اكمل جذبتي بسرعه عسب تقتنع: وانا رمست ابوها .. و اتفقنا على موعد العرس! خوزت التيليفون عن اذني يوم صارخت: اشووووووووووه؟! .. مش توك تقولي ماخطبتها الا بس رمسه؟! .. اشوفك تجذب يا ولد علي؟! قلت بهدوء: اميه سمعيني .. انا ابوها اعرفه .. ريال والنعم .. و .. : خلاص خلاص .. يوم اتي نرمس .. الله يحفظك..! طالعت التيليفون الي بندته فويهي .. مقوااااااااج يا امييييييييه .. مسحت ويهي بغيييظ .. شو اسوي احينه؟! : اوووووووووووووووووووووف الله يلعن هالحاله! . . | عمر | الساعه 10 ونص .. يوم الاربعاء فالليل . . . : نش يالله بنسير؟! رديت عليه وانا انسدح: خليه حق باجر عمير ماروم! غمظت عيوني بس ماواحالي الا وهو يار عني اللحاف: اقووووولك نش .. بيرقد عبدالله .. عقب منو بيقنعه!؟ افففففف .. قلتله وانا ايلس: يقنعه باشوه؟! قال بعصبيه: عمااااااااااااار بلااااااااااك خرفت؟! .. على السفر بعد شوه؟! ظربت يبهتيه وانا اقول بسرعه: هيييييييييه صح ، نسيييييييت و الله! فر عليه اللحاف وهو يطلع: يالله بترياك فالصاله .. طلع من الحجرة وانا رديت انسدح ..مستغرب الصراحه من عمير، شعنه يبا يسافر يدرس برع؟! .. لو كان راعي دراسه كان درس هنيه .. تلبست كندورتي وطلعت صوب الصاله .. اول مادخلت شفت مريوم بنت مبارك داشه الصاله تصارخ وتصيح: ماباااااا مااااباااااا ... وربعت صوب عبدالله الي حظنها وقال: مريوووووم فديتج بلاااج؟! وقفت عند الباب الدالخلي وانا اطالعهم .. كانت هند حرمة عبدالله يالسه على الارض تقطع خظره و عبدالله يالس عدالها ، وعمير يالس على الغنفه مجابلنهم .. و عيد محد، و امايه بعد هب هنيييه حتى حمد! دخل مبارك معصب وفر شنطة صغيرونه ورديه عرفت انها لمريوم بنته ، وقال: سكتها هاااااي ولا والله يفرها فالدرااام! لفت عليه مريوم وصاارخت: مااااااااااااباااااااااااااااااك ابا ماااااااااامااااااااااااااااااه! قال بعصبيه: جااااااااااااااااااااااااااااااب .. تعاااالي هنييييه انتي! واتجدم بيسير صوبها بس عبدالله قبظها وهيه انخشت فثبانه .. قلتله: بلاااااااااك يا ريااااااال ؟! عبدالله: مبارك بلاك على البنيه؟! .. خلااااص حبيبي سكتي!! يلس مبارك عدال عمير: اقووووولك من سرينا من بيت عمي وهيه الا تباغم وتصاااارخ .. طرتلي اذني ..! كان بيكمل بس تليفونه صااااح ، طالعه عقب فره على اليدار ورايه وهو يقول: يلعنكم انتو الثانييين .. عنبووو الواحد مايروم يرتااح! طالعته منصدم من حركته .. اول مره اشوف مبارك معصب جيه .. قاله عبدالله بعصبيه : مبااااااااااااااااااااااارك .. شو هالحركاااات بعد ؟! .. ياهل عنبووو! وقف مبارك بعصبيه وقال بصراخ: اسكت عنييييي عبدالله .. واصلتلي لهنييييييييه! سكتنا كلنا فهاللحظة .. الا من صياح مريوم .. ويوم ماسكتت رد مبارك يصارخ ويتجدم صوبها: هااتها عبدالله، هاااتها.! زاد صياحها وهند تشلها بسرعه وتقول: بسم الله عليك يامبارك .. شوي شوي على البنيه .. خبرنا شو الســ.. ماخلاها تكمل رمستها لنه ير عنها مريوم بعصبيه وهو يصارخ: محد له خص فيني وفبنتي .. هاتيييييها! بسم الله .. شو بلاه مبارك ..، صلبت ظهريه يوم حسيت السالفه بتكبر، عمير وقف بسرعه وحط ايده على جتف عبدالله الي وقف بعصبيه وغضب واااظحيييين فعيونه الوساع: لااا اله الا الله .. استهدوا بالله .. قال عبدالله بصوت عالي: لاتقرب لهند يالي ماتستحي .. وبعدين بنتك ياااااااااهل شوي شوي عليها! وقفت هند ورى عبدالله وعدلت شيلتها وهيه تقول: ما استوى شي عبدالله .. قاله مبارك: قم عن دربي عبدالله! وقفوا مجابلين بعض ، انا الي استغربته ان مريوم متعلقه فرقبة ابوها وتصيييح، هب جنه هو الي هازبنها! خاز عبدالله عن دربه وهو يقول: وين ساير! قال مبارك وهو يخطف من عدالي: لــجهـــنم! سكتنا كلنا بصدمه .. بلاه مبارك!؟ .. اول مره اشوفه جيه! قالت هند: اخافه يظرب مريوم ......! شفت عبدالله يلس وقال بهدوء: مايسويها .. بنته هاي..! قالت بخوف: انزين سيروا طالعوه .. تخبروه شو السالفه .. هب زين جيه! اتجدمت ويلست عدال عمير الي قال: مابيسوي شي يا هند .. مبارك ريال مابيظرب بنته! ابتسمت يوم شفتها تقول بعصبيه: ياااااااااااااربي مبرد اعصاااابكم! لو ذبحها وانتو يالسين جيه!؟ قالها عبدالله: يلسي يلسي ... مبارك ريال وشوره فراسه .. ان بغى يذبحها كان ذبحها قبل ما ايي هنيه! شهقت هند: بسم الله!! .. شو يذبحها بعد؟! ظحكتني: هههههههههههه يسوووولف بوحميد .. طالعني عبدالله: شو عندك انته اليوم صوب غانم؟! حجيت راسي بهدوء وانا ابتسم .. لحزن، شو ذكره بالسالفه احينه! .. صدق محامي! قاله عمير: ساير يشـ... قاطعه عبدالله بعصبيه: انا ماتخبرتك .. خله هو يجاوب ... عنبو غادين لي حريمات، من رمست واحد منكم رد عنه الثاني .. اصطلبوا شويه! لف عنه عمير يوم رد يقول: ماقلتلي ؟! .. شوتباه غانم؟! قلتله بهدوء: ماشي .. كان شال موتريه وسرت اييبه! قال بعصبيه: انا كم مره قايلك لاتعطيه الموتر .. هب العام مسوي حادث وماعنده ليسن .. وانته الي تلعوزت ؟! وكمل: ان شفتك عاطنه الموتر مره ثانيه شليته عنك! لف عليه عمير بعصبيه: عااده عبدالله نحن كبرنا هب اتم جيه! قال عبدالله بهدوء وهو يطالعنا: قول والله؟! .. تعال بعد اظربني .. احسن بعد! سكتنا فتره ... عقب قال عبدالله: ومتى ناويين تشتغلون ولا تدرسون ، ولا بتمون هنيه فالبيت لا شغل ولا مشغله!؟ .. قاله عمير : محد يوظف بشهادة الثانويه!... رد عليه عبدالله: هيه عيل .. شوتتحرون عماركم انتوا .. متخرجين من هارفرد ولا يال ؟!.. الا ثانويه ويلستوا؟! .. وكمل بسخريه : لو مخبريني من زمان انكم مابتكملون كان قلتولي ما اييب البيدار والبشاجير .. شغلتكم مكانهم احسن! وقف عمير وقال بصوت عالي: تراك واااايد تعق رمسه عبدالله .. قاطعه عبدالله بصرامه: ايلس ايلس .. لو فيك خير كان طلعته من زمان! نزلت راسي بهدوء .. تميت ساكت ماقلت شي .. عبدالله عنده حق .. بس هب جيه يرمسنا .. سمعت عمير يقوله: نحن حجزنا صوب بريطانيا بنكمل دراسه هناك .. هدووووء .. محد رمس .. كانت هند يالسه واطالعنا بهدوء .. وعبدالله فايده ريموت التلفزيون ويجلب فيهن ويرمسنا .. كمل عمير: انا مابا موافقتك .. انا بس اخبرك! رفعت عيوني صوبه وانا اقول بهمس: عمييييييييير بس! قال عبدالله بهدوء: كيف بعد ماتبا موافقتي ؟! قال عمير : حجزت على الاسبوع الياي .. الكورس بيبدا بعد شهرين، بناخذ دورة انجليزي وبنبدا شهر واحد .. تميييت سااااكت .. دامه رمس، خله هو يكمل .. مافيني على عبدالله! قاله عبدالله: اها .. ووقف ، فر الريموت عنه وقال وهو يطالع عمير بنظرة .. حسيته تحسس من نبرة عمير .. جنه يقوله هب انته ابونا!!! : سيروا انزين .. محد قبظكم .. بس تذكر اني اخوك العود، واني دوم بتم هنيه وراك! نزل عمير عيونه .. وسكت! شو بيقول بعد! .. دخل عبدالله داخل وتمينا نحن رواحنا .. قالت هند: بسيرون الاسبوع الياي؟! مارد عليها عمير وطلع، جان اقولها: هيه .. يوم الاثنين اظني .. ابتسمت بهدوء وقالت: ماعليكم من عبدالله، هو بس يبا مصلحتكم، صح عمير شويه زودها .. بس احسن لكم تكملون دراسه .. هزيت راسي بشرود وانا افكر ... عمير ليش مصر على السيره؟! . . | مبارك | الساعه 1 ونص فالليل .. يالس ورى الشبريه، قابظ راسي بعصبيه ... بمووووت من القهر .. كيف جيه استوى .. وليش ماخبروني .. كيف اصلا يقربون به وهيه كانت حرمتي!!!! فريت المخده عني وانا اتأفف ... شو بسوي احينه! رفعت عيوني صوب مريوم الراقده على شبريتي .. من العصبيه شليتها بالقوة ويبتها هنيه .. حتى امها ماشافتها! امها!؟ ... اسما الخايسه مواااااافقه بعد! .. و الله ماخليتها لك يا خليفه .. انا اروحي من شفته حسيت بتهديد .. بس ماخمنت انه بيسويها ويخطبها! كيف تجرأ اصلا! .. مايعرف انها كانت حرمتي! كانت؟! .. وانا لييش متخبل لهالدرجه ومشتط وهيه بس كانت حرمتي؟! تراها ام بنتي بعد! ... وقفت وتميت امشي فالحجرة ساير راد ... شو الشور ... انا مستحييييل اخليه ياخذها .. اصلا هالشي هب فالحسبان ! والا يبون بنتي يربيها الغريب وانا حي! لا و الله ماكان! مسحت على ويهي بهدوء .. اتصل لراشد اشوف شو السالفه احسن! اوووه بعد تليفوني فريته على اليدار ,, شو هالحاله!؟ ظهرت من الحجرة بييب تليفون حد من خواني .. بعد هايييلاااا مايعرفون انه يوم الواحد معصب ، محد يرمسه! اول ماظهرت من الحجرة شفت عيد ظاهر من حجرته يرمس فالتيليفون .. شافني وابتسم ، ورفع صوته: بو مريوم علومك! اشرت بايدي تعال جان يقول: عقب بييك ارمس فالتيليفون احينه! سرت صوبه يوم لف الصوب الثاني بيظهر من الممر: تعاااال اقووولك! وقفت عنده وزخيته من فانيلته وشليت التيليفون عنه .. لف عليه وقال: مبااااااااارك بلااااك؟! حطيييت التيليفون على اذني: عيوووووووودي بلااااك حبيبي؟! صوت بنيه .. حبيبي بعد و الله واكملت! قلت بعصبيه: الله يلعنج من بنيه .. سيري ستري عمرج احسن لج! طالعت عيد الي حط ايده على خده وقال بصدمه: سبيييييييييييييتها حراام عليك! ظربته على جتفه وانا اقول بعصبيه: عيووووووود يالهرم، من متى تغازل بنات الناااس؟! حط ايده على ثميه وهو يقول بهمس: مباااااااااااااارك قصر حسك، بيسمعونك القوات المسلحه ! ماقدرت الا ابتسم وانا اقوله: مالت عليييييك يالخايس .. قول ماشاء الله! ابتسم وهو يشل عنيه التيليفون: اسوووولف ياريااااال .. رديت اشل التيليفون وانا اقول: ابا تليفونك سر ارقد انته! قال بسرعه: اهاااا .. تسب ربيعتيه وتشل تليفوني والساعه وصلت هنتييين .. الساااالفه وااضحه ياملااازم! رديت اظربه وانا اصد صوب قسمي: جااااب يالخام .. صدق كلن يرى الناس بعين طبعه .. سر انخمد وراك مدرسه! قال : اااااااففففففف .. يا اللووووعه ... شعنه تذكرني! سويت له طاف ودخلت حجرتي .. طالعت تليفونه، بلاك بيري حاط عليه من ورى صورته، الحبييييب فرحان بعمره! لا والخلفيه العجيييييييييبه! .. مصور عمره على العرقوب! .. طالعت بيت الشعر الي مكتوب: آه من خلن جفاني وعذب القلب .... و آه من غدره الي عماني بتفجيره! اسمييييييييك يا عيووووود! .. خلوني اتصل لراشد احينه .. اعرف منه شو سالفتهم ويا خليفه ولد عمه .. اتصلت عليه ورد من اول رنه: مرحبااا بالشيخ عيد .. يدريبك عبدالله انك واعي لين احينه؟! قلت بسرعه: انا مبارك هب عيد .. شحالك راشد؟ يلست على الغنفه وهو يقول: مرحبتيييييييين .. فعنمه وانته شحالك؟! قلتله بهدوء ، عكس البراكين الي فصدري: والله حالي هب زين يا النسيب! قلت النسيب بقصد .. ابا اشوف شو رده .. قال بسرعه: افا وانا اخو شما .. مامن شر؟؟! قلت بظيجه: الا الشر بنفسه .. شو سالفة ولد عمك خليفه يا راشد؟! سكت .. مررررررره صخ .. جان اكمل: وشعنه ماخبرتني .. ولا تشوفها حلوه اني ادري من العرب ؟! قال بهدوء: ماريتك انا عسب اخبرك .. بعدين السالفه ماتسوى .. قلت بعصبيه: ماتسوى .. اونك عاد ... ان ولد عمك يخطب اسما شي مايسوى!؟ قال بهدوء: مبارك .. هدي ياريال .. مايسوى عليك .. بعدين شو فيها لو خطبها؟! .. هب بنت عمه؟! قلت بصراخ: وانا اشوووووووووه؟! .. طمه يالس؟! قال بهدوء: وانته شوه يامبارك؟! سكت أنا ... جان يكمل: انا اقولك انته شوه .. انته ربيعي و الي مطلق ختيه الغاليه لاسباب سخيفه! قلتله: هب سخيفه .. بعد انا لي حق انكم تخبروني اذا حد خطبها! قال بعصبيه: وشعنه ان شاء الله نخبرك؟! .. لا انته ابوها ولا اخوها!؟ .. شو خصك فالسالفه؟! انصدمت من رمسته ... قلته: راشد .. انا ابو بنتها ، وريلها القبلي!؟ قال بنفس العصبيه: وخييييييييير يااااطير؟! .. تراك تقولها اروحك يا مبارك .. ريلها القبلي .. يعني مالك خص فيها من اللحظة الي طلقتها فيها! : رااااااااااااااشد .. انته تعرف اني كنت افكر اردها .. حتى قلتلك برمس ابوك فالسالفه بس الدوام منعني! قال: لقعه تلقعه الدوام .. لو تباها صدق كنت رمستني من زماان، هب تتريا يوم اي واحد كفو يخطبها تحتشر علينا جنا انحن الغلطاانين .. : واحد كفو!؟ .. شو قصدك يعني! .. لا قولها سيده احسن!؟ قول اني انا هب كفو!؟ قولها! قال بهدوء: مبارك بلاااك مشتط وتصارخ؟! .. ياريال مايسوى علينا والله! .. البنيه خطبها ولد عمها وابويه موافق .. بعدين انا اكثر عن مره رمستك وتخبرتك جانه في خاطرك تعرس مره ثانيه .. دووووووومك تقولي له مابا! قلت بعصبيه: حتى لو ... راشد .. لاتقربون بخليفه .. قاطعني: خبرك عتيييييييييج .. ابويه من قاله عميه وخليفه، وافق .. وأسما مابتسير عن راي ابوها! انصدمت .. انصدمت صدق! قالي: مبارك استهدي بالله .. أسما خلااااص هب حرمتك .. انته طلقتها من سنتين، يعني خلااااااااااص شلها من بالك! قلتله بيأس: برايك راشد! بندت التيليفون ... فريته الصوب الثاني .. القهههههههههر اني كنت اتريا اجازتي عسب اقول لعبدالله ونسير نخطبها مره ثانيه! .. بس ..! خلييييييييييييييييفه من وين طلعلي؟! . . | مريم | نفس الوقت .. مطار دبي .. وقفت اتريا منصور اييب الشنط .. وانا مييييييييييييته نعاااااااااااااس .. مررره ماارقدت فالرده، مارمت اصلا .. هب مرتااحه واحس بظيجه .. جنه شي بيستوي .. شفته يأشر لي فسرت صوبه .. قالي بعصبيه: الدريول الهرم مايا .. يعله النفاااااااااد! تأففت: لااااااااا لاتقووول .. منصور انا بطيح من طوووووولي ميته تعب! رفع تليفونه وهو يقول: جني انا الي اناقز من النشاط .. صبري بتصل فسعيد! قلتله: لا حرام توعيه من رقاده .. طالع انزين الدريول مره ثانيه! قال: بتتترين بعدج نص ساعه؟! نزلت جتوفي بخيبه وانا اقول: نص ساعه!؟ .. وكملت : اففف انزين نتريا ..! شفته يتصل وانا اقوله: بسير عند الكراسي .. قالي: صبري بنسير فوق صوب المطاعم، ابا اتعشى ميت يوع! وقفت دقايق وانا اشوفه يهزب الدريول .. محلى الرده والله .. ملييييت من السفر الصراحه، هههههههه و الله اني هب جايفه خير، اصلا انا امبوني هب راعية سفر .. قالي منصور بعد مابند التليفون: يالله روحنا .. يباله نص ساعه لين ايي هذا .. الهرم قايله عالساعه 1 تكون هنيه .. احينه يت 2 وعشر وهو راقد! كل رمسته وتحرطيمه ماكنت اسمعه .. ببساطه ميته تعب .. سرنا فوق ويلسنا عند واحد من المطاعم .. قالي: تبين شي؟! اشرت بايدي لاء وانا اساند راسي على الطاوله : لااااااااااااااء ابا ارقد بس! قال بعصبيه: نشي اييييه ... شو هالطيحه بعد؟! رفعت راسي بغبنه: منصووووووووووور تعبااااااااااانه! قال: حتى لو .. استحملي شويه .. قبظت صدري وانا احس الظيجه تزيد .. ياربي شو هالاحساااس .. احس عمري بصيح! وقفت ، جان يقولي: بلاج؟! قلتله بصوت واطي: ابا اسير الحمام .. وقف وياايه وقال: تعالي .. وصلني صوب الحمام ووقف بعيد شويه .. طبعاً عقب ماقالي اذا خلصت اسيرله هناك .. دخلت وسرت واحد من الحماميم بسرعه .. وزعت .. ياربي قلبي وصدري، احس بظيييييييييييجه .. انا هب مرتااحه .. شو استوى ياربي؟! طلعت من الحمام .. طالعت ويهي، غادي احمر .. غسلت ويهي وانا اتنهد .. شو استوى! بعد دقايق طلعت من الحمام .. قالي: حشى سنه!؟ .. شو تسوين هالكثر؟! عقب كمل: لا يكون تسبحتي هنيه؟! يلست على الكرسي بوهن .. قلتله بهدوء: شوه تتحراني خبله! قال: مريوم بلاج؟! حط ايده على ايدي وقال بهدوء: تبين تشربين شي؟! .. تاكلين شي؟! هزيت راسي بالنفي .. عقب قلت: توني زعت! عقد حياته .. عقب قال: ليش؟! .. انتي هب ماكله شي اصلا!! هزيت راسي بهدوء وسكت .. امايه، خواني ..من اسبوع ما اتصلت عليهم .. شو استوى عليهم!؟ نزلت راسي ببطء على الطاولة وانا اقول: مادري! سكت هو و سكت انا .. فتحت عيوني على وسعهن! .. غايه! من سرت مارمستها .. يعني حول الاسبوعين! ... يااااربيييه لايكون فيها شي؟! : مريم نشي اشربي جاي .. رفعت راسي صوبه .. كان يالس يشرب جاي وياكل كيكه جوكلت .. قلتله: بعده مطول هالدريول؟! : لا .. ربع ساعه وبيي! رديت انزل راسي ...... ميييييييته تعب! بعد اكثر عن ربع ساعه اتصل الدريول على منصور .. قاله: تعال شل الشنط! طلعنا بعد انتظار ساعه الا عشر دقايق .. في الدرب كان منصور يالس جدام وانا ورى ... تساندت على كرسي .. حتى رقدت من دون لا أحس! بعد فتره نشيت بهدوء .. شفت انا وصلنا البيت .. فتحت الباب ونزلت .. تلاقيت ويا منصور الي قال: كنت بحدر الشنط عقب بوعيج! اشرت بايدي: لا عادي .. حد واعي؟! هز راسه بالنفي: لا طبعاً .. الساعه 3 واربعين دقيقه! خطفت عنه بسرعه .. بزوع! سرت الصاله الداخلية بسرعه ودخلت حمامها وبندت ورايه الباب ، وفرغت الي فبطني كللللللله! بعد فتره حسيت براحه شويه .. غسلت ويهي وثميه وطلعت اترنح! سرت فوق صوب قسمنا .. وطحت على الشبريه .. وماحسيت بالدنيا! . . اليوم الثاني .. | شما | . . تلحفت باللحاف زين .. برد .. آنس عمري بموت .. طاحت دموعي للمره المليون وانا اتخيل اني بموت من دون لا يكون حد عندي! غمظت عيوني بقو ... عظامي يعورنّي خشمي ، عيني اليمين بتنقع! كل شي فيني يعروني .. تجلبت ببطء عشان ما يعورني ظهري .. بخيت ظربني ظرب .. وحمد ولد عمي قبله .. كلهم كلهم شاكين فيني .. اي شاكين اصلا غدوا متأكدين اني ظاهره ويا هالوحش! : الله يسامحكم ، ظلمتوني من دون لا تخلوني اشرح الكم السالفه! حطيت ايدي على ثمي وانا اصيح .. و الله الحياة ماتسوى .. اموت احسن لي! حسيت اني بزوع فقمت بسرعه وسرت الحمام .. اصلا هب ماكله شي! تساندت على المغسله وانا اتنفس بسرعه .. ليش ؟! .. ليش انا الي يستويلي جيه؟! ............ ليش من بد هالعالم هليه يشكون فيني؟! رفعت عيوني صوب المنظرة .. كان فيه وراها سده .. فتحتها، كانت مليانه اشياء .. شفت منها بنادول .. آكله كله عسب اموت وافتك!؟ انتحر يعني؟! رديت على ورى بخوف يوم تخيلت عمري انتحر! .. بكون من هل النار اذا انتحرت! .. بس .. اتم فهالحاله؟ .. اموت ولا اتم جيه .. رفعت ايدي ببطء .... باكل اربع حبات بس ..... بس اربع مابتذبحني! اول مامسكت العلبه ببطلها .. تبطل الباب ورايه ... شفته واقف يطالعني بعصبيه .. فريت العلبة الصوب الثاني وابتعدت عن الباب لين ماصكيت اليدار .... تم يطالعني بعيونه الوساع، عيونه جنها تعرف انا شو كنت بسوي ، اتجدم صوبي .. رفعت ايديه وغطيت ويهي وانا اصارخ: والله ماكنت بنتحر ، بس ابا الويع يخوووز الله يخلييييك لاتظربني! حسيت بالدنيا ادووووور و خلااااص قلت بموت .. قلت بصوت واطي وانا اترنح وهو الا يطالعني بنفس العيون: والله ماكنت ..... آخر شي حسيت به .. ان راسي مال ، او الدنيا مالت! . . بعد ساعه ونص ... رفعت ايدي بحج خشمي .. احس شي عليه .. بس عورتني ايدي! رديتها وانا احرك راسي ببطء .. شو هالاحساس، راسي ثجيييييل! شو هالريحه؟! فتحت عيوني ببطء، كانت الليتات فوق راسي بالضبط .. رديت اغمظهم .. : شما؟! .. انتي واعيه؟! لفيت راسي بسرعه صوب صوته .. عقدت حياتي وانا اطالعه .. منوه هذا؟! ... رديت اغمظ عيوني بتعب .. منوه هذا؟ وانا شو اسوي هنيه! : انته منوه؟! فتحت عيوني يوم قال: انا مايد .. بعد منوه؟! عقدت حياتي .. مايد؟! .. ماحيد حد من هليه اسمه مايد؟! حسيت براااسي يعورني موووووت! .. رفعت ايدي ببطء وفتحت عيوني .. طالعته! .. متلبس سفره وعقال، عيونه وساع سود، خشمه سلت سيفه .. بشرته سمرا .. وحاط ايده على ثمه! بس .... مايد؟! فتحت عيوني على وسعهن .. رديت راسي على ورى وانا احط ايدي على ثمي .... هذا .. وانا ،، حسيت بالدموع تتجمع فعيوني .. لفيت الصوب الثاني وبديت اصيح ...... يعني ، انا ما مت! : بلاج؟! هزيت راسي بالنفي .. وكملت صياح! هذا الي قالوا اني مواعدتنه ... هذا الي غدا ريلي ..... هذا الي يتحراني خايسه ... فهاللحظة دخلت حرمة متلبسه لبس ابيظ .. وهنيه عرفت اني فالمستشفى! رفعت عيوني صوبها .. طالعتني وقالت بسرعه: ليش تبكي؟! عقب كملت: عم تتوجعي؟! هزيت راسي بلاء وانا اسمعه يقول بسرعه: متى تروم تطلع!؟ لفت عليه وقالت بعصبيه: ما بتشوفا كيف تبكي ؟! .. شوعملتلا؟! قال: ماسويت الها شي .. هيه الي من نشت صاحت! .. احينه متى بتطلع!؟ ماردت عليه النيرس ويلست اطالع المغذي .. عقب شلته وقال: حرارتك مرتفعه كتير .. انتي ماعم تاكلي؟! غمظت عيوني رديت راسي على المخده .. خلاص ماروم اتحرك .. عظامي وجسمي كللله احسه حاااااااااار! ماحسيت به يوم رمسها ولا شو استوى عقب لني رقدت! . . نفس اليوم الساعه 10 وربع الصبح! | غايه | . . : لاااااا هذاك خله يحطه الصوب الثاني! : غايه تراج من الصبح تتشرطين .. شوتبينها الغنفه تنحط هناك؟! قلتله بعصبيه: اول شي هاي هب غنفه، ثاني شي انا اباها تنحط هناك .. بيتي وكيفي! طالعني فتره عقب سكت .. جان اقوله: بسير اطالع كيف رتبوا حجرة النوم! خطفت من عداله وانا اسمعه يزاقر على الهنود .. خطفت على صالة الحريم الداخليه .. و الحمامات، و الميلس العود، وحجرة الطعام المتصله ويا المطبخ .. عقب باب قسمي وعداله من اليسار باب قسم الضيوف .. دخلت القسم وانا ادعي ربي يكونون رتبوه مثل ماقلت لناصر .. كانت الحجرة واااااااايد عوده، ومربعيه، اول ما ادش القى على يميني باب ، الي هو باب الحمام و المغاسل .. عقب الكبت مجابل باب الحمام، عقب عاد اقصى اليمين الشبريه الحمرى و الذهبية، وجدامها مساحه شوي عوده فيها غنفات وطاولة مستديرة .. تنفست الصعداء، البيت حلو وصغير على قدنا، باقي بس ميلس الرياييل والمطبخ الي برع .. و الحديقه و شو بعد .. مكان البشاجير خلص من زمان ، وطلبناهم من المكتب بعد، بشكارتين وبشكار للطبخ .. يلست على الشبريه وانا اتنهد .. حطيت ايدي على بطني، كبر .. اصلا باقيلي اربع شهور واربي .. وافتك من هالمعاناه .. واييب عذبه ان شاء الله! مسحت دموعي بسرعه يوم دخل ناصر: هاه ؟ .. عيبتج؟! هزيت راسي بهيه وانا اقول: هيه حلوة .. شو سووا على الصاله؟ يلس عدالي وقال: لا رتبوها شرات ماتبين .. باقي الميلس بيي باجر، والبشاجير باجر تراهم يايين .. نزلت راسي وقلتله: ومتى بننتقل؟! قال وهو يحط ايده على جتفي: الاسبوع الياي ان شاء الله .. شحالج انتي؟! قلت بهدوء: الحمدلله .. عموه شو قالت؟! سكت .. جان اقوله: اكيد احتشرت، وهب بعيده عليها تكون سبتني!؟ قال بسرعه: ماقالت شي .. طبعاً بتحتشر بس هب لدرجة انها تسبج .. بعدين حطي فبالج انها اميه، يعني بتزعل ان ولدها العود بيظهر من البيت، بعد ماكان اكثر عن 29 سنه عندها! رفعت عيوني صوبه وقلت: صح .. ابا اعتمر ناصر؟ رفع حياته وقال: شو تعتمرين!؟ .. تبين تعقين ولدي فالحرم؟! .. لا بويه قري! قلتله بسرعه: لا عاااادي بنسير فالموتر او فالباص .. الله يخلييييك ناصر .. قال: ماعليه بنطالع .. احينه نشي بنرد البيت، ميت تعب ابا ارقد! وقفت وياه وانا اقول: ابا اسير صوب اميه .. بقيّل عندها .. طلعنا من البيت وهو يقول: هب جنج امسات مقيله عندها؟! ركبت الموتر وسكت .. صح .. بس مابا اسير لعمتيه احينه .. قلتله بعد فتره: عالعصر بكون فالبيت ان شاء الله .. قال: انزين .. بس الاسبوع الياي ماتظهرين من البيت .. تساندت على الباب وسكت عنه .. الاسبوع الياي بننتقل .. يعني ماتم شي وافتك من نغزات عمتيه، ونظرات أحمد .. خلاص ما استحمل اني اشوف المكان الي كانت بنتي تلعب فيه .. المكان الي ترقد فيه، وهب رايمه استحمل شوفة أحمد .. انا ادري انه هب قاصد او هب هو المسؤول عن موتها ، بس شوفته تهيظ مشاعري كلها .. ما اقدر حتى احط عيوني فعيونه! وصلني صوب هليه وروح ... دخلت الصاله وانا اسمع اصوات اليهال .. بالعاده كنت اييب عذوب ويايه، وتلعب ويا عيال خويه خليفه .. بس ! مسحت ويهي قبل ما افتح الباب .. عقب دخلت، كانت اميه يالسه على الارض وعفاري منسدحه على ريولها .. و اليهال يترابعون من الصاله للحوي! سلمت عليهن ويلست الصوب الثاني .. قالت اميه: فديتج غويه ليش متعبه عمرج، ترانا كنا بنييكم الليله! عقدت حياتي: ليش؟ .. محد خبرني!... قالت عفرا وهيه تيلس: اووووووه فاااااتج غاااايه، الشيخ حمااااادي قال بيعرس!! : اونه ... صدق اميه؟! قالت امايه: هيه والله .. ياني الاسبوع الي طاف وقالي ابا اعرس! و .. قاطعتها عفرا: اقووولج امايه تخبلت واشتطّت! ظربتها اميه على جتفها: محد تخبل غيرج .. المهم، سايرين الليله بنخطب له منى! رفعت عيوني صوبهن: اي منى؟! قالت عفرا: حماااااتك يابت .. الله دنتي نسيتيها؟! فتحت عيوني وانا اقول بصدمه: شوه؟! .. منى خت ناصر؟! قالت امايه: هيه .. خبرته وقال ماعليه .. هزيت راسي وقلت: بس منى .. منى ماتنفع لحمادي .. قالت اميه بسرعه: جيه بلاها؟! .. بنيه ماعليها قاصر ومزيونه! قلتلها: امايه انا خبرتج قبل شلّي منى من بالج! قالت عفرا: ليش شو بلاها منايه؟! .. والله انها فنانه !. قلت بعصبيه: بس ماتنفع لحمادي .. حمادي انا اعرفه، يبا وحده جاده، ومتعلمه ... هب وحده كملت سنه فالجامعه عقب وقفت .. بعدين منى عندها عيال عمها .. مستحيل يخلونها .. مادري شياني مره وحده وانجلبت عليهم .. بس اي طاري عن هل ناصر يخليني اتنرفز .....! قالت اميه: انزين انتي ليش معصبه؟! .. مسحت على ويهي وعفرا تقول: غايه فديتج امايه اتصلت بعمتج وخبرتها .. يعني السالفه .. وقفت بسرعه وانا ااشر واقول: خلاااص كيفكم .. يوزوه الي بتيوزوونه .. انا اصلا شو يخصني! طلعت من الصاله وسرت حجرة عفرا وبندت الباب بقو ورايه .. . . . | مايد | . . بعد عشرين دقيقه بوصل بيتنا .. خليت شما فالمستشفى لنها باجر بتطلع .. وبسير احينه ارمس امايه فسالفة العرس .. عسى الله تقتنع .. شليت تيليفوني بتصل فالمها اطالع وينها .. بعد فتره ردت: هلا مايد .. : اهليين .. شحالج؟! : بخير الحمدلله .. انته وين؟! قلتلها وانا اوقف عند الاشاره: احينه ياي .. اقولج .. : قووول !! : امايه وين؟! قالت بصوت واطي: هنيه .. ليش؟! قلتلها بسرعه: وابويه؟! قالت: مادري .. ليش شو تبا؟! قلتلها: انزين .. خبري امايه اني احينه ياي .. و .. خلها تترياني فحجرتي انزين! : انزين .. بس شو السالفه؟! قلتلها وانا الف صوب لفة شعبيتنا: بعدين بخبرج .. يالله برايج انا توني داش الشعبيه .. دقايق وبوصل. بندت عنها ، ومثل الميانين يلست اتدرب شو اقولها! والا خلي الرمسه اروحها اتي احسن .. نزلت من الموتر بعد دقيقتين ، ودخلت البيت .. كانت المها وشما يالسين فالصالة الي عن يمين المدخل .. على طول حطيت ايدي على ثميه و يتني شما تربع: ميوووووووود شو قايل لاميه انته؟! سلمت عليها وانا اقول: ليش؟ .. شو السالفه؟! لفيت على المها الي قالت: بتعرس شوه؟! شهقت شما وقالت: واااااااالله؟! .. منوه منوه بتاخذ؟! سكتها : جااااب اييه .. شو اعرس ما اعرس .. امايه وين؟! قالت المها: سارت مكتب ابويه .. ليش حاط ايدك على ثمك؟! طنشت سؤالها وقلت: والخيييييبه .. لايكون ابويه هناك؟! : لا هب هنييه .. شوتبابها امايه!؟! .. بعدت شما عني وانا اقول: بعدين بعدين .. يالله ادعولي! المها: جيه ساير حرب؟! طنشتها وسرت صوب المكتب .. تنفست بعمق وفتحت الباب ودخلت! كانت اميه يالسه على الغنفه الي جدام المكتب واول ماشافتني حطت الكتاب الي فايدها وقالت: شرفت حضرتك .. تعال تعال! : السلام عليج اميه .. شحالج؟! حبيتها على راسها ويلست عدالها .. قالت: بخير الحمدلله ... احينه خبرني شو سالفة خطبتك؟! لفينا على المها الي قالت: اها .. مثل ماتوقعت السالفه فيها خطبه! قلتلها بعصبيه: منوه سمح لج تدخلين ...!؟ رفعت صينية فيها كيكه وكوبين عصير و قالت بصوتها الممطوط: افا اخويه العود ياي وما اعطيه من الكيكه الي انا مسوتنها!؟ عقب كملت يوم شافت ظرسي: لحـــزن بلاه ظرسك طاح؟! رديت ايدي على ثميه وانا اقول بعصبيه: ماااايخصج ، يالله اظهري! قالت اميه: تعااالي تعااالي شوفي سوايا اخوج العوووود .. ساير يخطب ومش مخبر حد! حطيت ايديه على راسي وانا اقول: لا إله إلا الله .. وااالله يامي كنت بخبرج لكن انتي مره وحده انفجرتي فويهي! قالت بعصبيه: ومنوه هاي ان شاء الله الي فرت مخك؟! وكمل وهيه تزخ ويهي: صدقها المها، بلاه ظرسك؟ ,, متظارب ويا واحد انته؟ قالت مها وهيه تيلس: شكلك نكته الصراحه؟! اشرت امايه بايدها: مش مهم ظرسه احينه، قولي منوه هاي الي تباها وخطبتها حظرتك؟! وقفت وقلت بعصبيه: اووووووه .. بلاكن انتن ومنوه قال اباها !؟ قالت اميه : ومنوه قالي اليوم فالتيليفون .. ورققت صوتها: "عاد اباها" ... عقب كملت: تقص عليه ياولد علي؟! اففففففف .. كملت قسم بالله! رديت ايلس عدالها وانا امسك ايدها واقول: امايه سمعيني .. انا عقب يومين بسافر لندن .. عندي مشروع هناك لازم احضره، وبتم لين نهاية شهر 12 .. وانا متفق ويا ابو البنيه ، على واحد واحد بكون هنيه ، وبيكون يوم عرسي .. انزييييييين؟! فتحت عيونها وقالت وهيه تظرب صدرها: ياااااااااالله ياللوتي ... ها كله وانا آخر من يعلم!؟ .. ماتستحي على ويهك انته؟! ... قالت مها: صدق ميود !؟ .. ليش ماخبرتنا انزين؟! ردت امايه تقول بعصبيه: ربك بعد ماتعيبني ؟ .. شوبتسوي هييج الساعه؟! مسكت شعري من القهر وانا اقول: امااااااااايه انا ريال شوري فراسي .. اعرف شو ابا وشو ما ابا .. وكملت وانا اوقف: وانا هالبنيه اباها .. بنت عبدالله بن عيد .. سمها شما ، عمرها 20 سنه، توها باديه جامعه .. وعرسنا يوم واحد واحد الفين ويدعش! شهقت اميه: عقب شهرين؟! .. لا يابويه شو هذا؟! قالت مها: يااااااالله كيف مستعيل .. وين بتلحق تسوي كل شي؟! قلتلهم بثقه، ومنااااك انا اروحي ماعرف شو اسوي: ماعليكن، انا اعرف شو اسوي .. وكل شي بيكون جاهز ليلة العرس ان شاء الله! يلست اميه زين وحطت ريل على ريل .. يوم شفتها سوت هالحركة، تنفست الصعدااااااااااااء، عرفت انها اقتنعت وبدت تفكر جدي .. قالت: انزين .. ومتى الملجه؟! اي ملجة الله يخليج؟! .. اتخيل اسوي ملجه وانا خلااااص غديت ريلها؟! قلتلها: ويا العرس .. انتو رتبو عماركم ومايخصكم فامور العرس .. كل شي انا بسويه .. قالت مها: حافظ .. شقا جيه بعد ميود .. عنبو اول حد من خواني يعرس وجيه يكون عرسه .. مابنلقى وقت؟ سكتت اميه .. جان اقول: عاادي، شلو مريوين وسيروا لندن وتشروا .. انتوا بعد مايبالكم وايد! قالت اميه: صدقه ... انا ماصدقت على الله توافق تعرس .. ماعليه .. بس بشوفها يامايد! عقب قالت: ولا ماقلتلي انته انها تدرس برع؟! .. لندن ولا؟! وااخيييبتك يا ماااايد .. انا كيف نسيت اني قلتلها انها تدرس برع! ياااااااااااااااربي .. قالت مها: والله؟! .. عيل نسير لندن نتشرا و نسير نطالعها بعد؟! عقب لفت عليه وانا مغطي ويهي بايديه وقالت: تخلص شهر واحد هيه؟! هزيت راسي بالنفي بيأس .... كل ماقلت هانت وفرجت، افر لي كلمة تجلب الموازين كلها! رفعت راسي وقلتلهن: شوفن .. يوم تخلصن من كل شي هنيه ... خبرني، انا بحجز الكن صوب لندن واتون هناك تشوفنها .. بس خلن شوفها آخر محطه .. لنها عندها امتحانات وعباااله! قالت اميه: بس عاد لو خبرتنا من قبل كنا رتبنا زين .. بعدين تعال !!!! طالعتها وانا اتريا القنبله اليديده: ويا منوه خطبت انته؟! : منوه خطب بعد؟! اوه ماي قااااااااااد! .. دخييييييييييل الله ابا ارتاااااااااااااااااااااااااااااح! .. لفن على ابويه الي دخل وكمل: منوه خطب؟! قالت امايه بسرعه: تعال شوف ولدك .. سار وخطب وحدد يوم العرس وانحن آخر من يعلم! تميت منزل راسي اتريا ابويه شو بيقول .. بس ابد ماتوقعت يوم قال: ياحيه .. زين ماتسوي ياولدي .. عاده بنت منوه الي فرت راسك وخلتك تعزم؟! رفعت راسي وانا ابتسم لا تلقائي: فديتك يابويه .. شووووفن هاي هيه الرمسه السنعه، مش الظرابه الي سويتولي .. قالت اميه وهيه مد بوزها: هيه قلتلي .. قلت لابويه: بنت عبدالله بن عيد .. الريال الي كنت بشتري من عنده الناقه! قال ابويه وهو يبطل سدته ويظهر منها اوراق: هيييييييه والنعم و الله .. متى عاد العرس عسب اسوي البطايق؟! : ههههههههه يعني قصدك عليك الا البطايق؟! ظحك وقال: ههههههه هيه عيل .. عندك فلوسك سو ابهن عرس ولا بيتمن على جبدك .. ! قلتله وانا اخاشمه: واحد واحد ان شاء الله .. بعدني اليوم ان شاء الله بحجز .. خطف عنا وقال: هييه زين زين ، الله يوفقك .. طرشلي الي بتعزمهم، وانتو يا عاليه طرشولي الي بتعزمونهم .. ظهر ابويه من المكتب وقالت اميه: هيه ناصرنك ابوك، مانروم نقولك شي! حبيتها بقو على راسها وانا اقول: فدييييييييت ماماااتي .. انا بسير فوق ارتب شنطتي عسب السفر .. يالله سلااام! اشرت بايدها اونه باي وهيه ترمس المها عن سالفة العرس .. على الاقل بينشغلون فهالسالفه عني .. ظهرت من المكتب وتلاقيت ويا شما .. كانت يالسه عند التلفيزون .. قالتلي بحزن: هييه تخلون المها ادش وانا اتم اروحي هنيييه .. سرتلها وقلت : سيري يلسي وياهن .. تراها سميتج! قالت بسرعه وهي توقف: منوووووووووه؟! قلتلها وانا امط خشمها الصغيرون: حرمتي .. سمها شما .. سيري عند امايه ومها يخبرنج بالتفاصيل! قالت بفرحه وصراااخ: يااااااااااااااااااااااااااااااي اسمها شما؟! ..فديييتها وفدييت طاريها! طالعتها بصدمه وهيه تفر الريموت على الغنفه وتربع صوب المكتب! هزيت راسي بسخريه .. الله يعييين! . . تتِّـمة الجزء الثـــاني عشر .. . . | مايد | اليوم الثاني .. وقفت اترياها تيلس صوب الدريشه وانا شال شنطتها .. يلست بهدوء وسكتت .. يلست عدالها وحطيت شنطتها فثبانها .. قلتلها: تعرفين تعدلين حزامج؟! هزت راسها بلاء ، عقب قالت: ما جد ركبت طياره!! رفعت حايبي باستهزاء .. كملت .. مديت ايديه بربطه بس هيه قالت بسرعه: لا خلاااص .. انا بسويه! خوزت ايدها بعصبيه وانا اقول بصوت واطي: قصري حسج .. عدلت الها الحزام وهيه لافه الصوب الثاني، من زييييييينج يعني .. قلتلها: الفتره الي بنتم فيها اقل عن شهرين، سجلتج فمصحه جنوب بريطانيا .. شهر و يومين ، يسدنج تردين مثل ماكنتي واخس! كملت وانا الف صوبها: وانا برتب للعرس .. طبعاً انتي مابتلقين وقت تشترين فيه، فالله يبارك لج فذوقي، و طبعاً بيعيبج وغصبن عن شكلج .. الفستان ترومين تختارينه فاليومين الي بنتم فيهن عقب طلعتج من المصح، او انا اشتريه مش مشكله .. عدلت يلستي يوم قال الطيار انا بنقلع احينه وانا اكمل: العرس بيكون فالهيلتون، ليلة واحد واحد الفين ويدعش!!.. و هلج معزومين، بس ابوج ما بيي انا متأكد! .. واذا يا فخوانج غصبوه! و لا تتحرين انه لسواد عيونج .. هذا اذا كانن سود .. سكتْ .. عقب كملت وانا الف عليها: الا خايف على سمعته .. و من يخلص العرس بنسير بيت هليه .. ولاتفكرين فشهر عسل، لنه العسل خلص من ايام عنتره و قيس!! لفت عليه وقالت : أوامر يعني؟! رفعت حايبي وقلت بتحدي: مش بس أوامر .. أوامر و تتنفذ! عدلت يلستها ولفت الصوب الثاني وهي ساكته .. سكت عنها و استرخيت فمكاني ، الرحله وايد طويله ...! بوفر شي من رمستيه .. ولا بمل! . . | شما | . . بعد ساعتين .. طالعته وهو راقد عدالي .. مالت على ويهك يالخقاق .. انته وظرسك هذا!! لفيت اطالع العالم تحتي .. مصغرهم ياربي .. جنهم سماسيم .. رفعت ايدي وطالعت مكان ابرة المغذي الي غادي بنفسجي .. شكلها النيرس ابطت ادور العرج .. تذكرت خبالي يوم كنت بنتحر .. ابتسمت بسخريه على حالي .. والله ولا فأشد كوابيسي! غمظت عيوني وانا افكر فترتيبه للسيره وللي بنسويه فلندن .. كنت محتشره على سلطان و بخيت العام عسب يقنعون ابويه نسافر لندن فالصيف .. هه وهذيه انا سافرت، ويا ريال ماعرف عنه غير اسمه .. واسمه لولي بس! ياليتنا على الاقل سرنا صوب امريكا .. ربكم بعد اتلاقا ويا سلطان .. فتحت عيوني بسرعه .. لا و الله الحمدلله ماسرنا .. والا كان سلطان ذبحني صدق .. لوان ابويه ماسواها ، .....! ابويه؟! .. غمظت عيوني بقو عن اطيح دموعي ... ابويه الي المفترض يكون سنديه فالحياة ... سندي و العضييييييد .. حتى ماطالع فعيوني .. مارمسني .. ماشفته حتى .. كيييف يكونون اقرب الناس لك يشكون فيك !؟ .. كيف يكونون متأكدين لهالدرجه؟! .. وبخيييييييت! ماااصدق انه ماشك ولو لحظه اني مغلطه فالموتر .. كيف ، يعني هو كان يعرف اني متفقه وياه عسب نسير الخياط .. كيف اكون بهالغباء واتفق وياه وانا متواعده ويا واحد ثاني؟! ماحيد هليه اغبياء جيه!.... فتحت عيوني وانا اتساند على ايدي واطالع من الدريشه .. العالم على صغره، ظالم وجاحد! .. سخريه القدر و الله، ما جد في حياتي سافرت، آخر شي سافرت من دون هليه، ماودعت ابويه، ماحبيته على راسه، ماغايظت عليا اني بسافر عنها، ماشفت هنادي، ولااا حتى عذيجه الي من تقريباً شهرين ماطاحت العين، ... وخواني .. بخيت وسلطان .. خواني الوحيدين، واحد مايعرف عن شي، و الثاني تبرا مني بكل بساطه ... رفعت ايدي ومسحت دمعه خانتني ونزلت .. ياااااالله ياقلبي كيف يعورني، حتى امايه ماشفتها .. احيد انها كانت فالصاله يوم حمد كفخني .. ومن عقبها ماشفتها .. كيف ، كيف خلتني اسير من دون لاترمسني .. كيف قدرت تخلي بنتها الصغيره تطلع من البيت مظيومه وهيه يالسه فحجرتها، جنه ماشي استوى .. ماقدرت استحمل الصراحه .. بديت اصيح مره ثانيه .. وفي كل مره احس عظامي تعورني، واتذكر حمد و بخيت كيف كفخوني .. الناس الي المفترض تكون اقرب من انفاسي الي .. تكون بهالطريقه .. بهالوحشيه ..! غطيت ويهي بايديه وانا اصيح .. ياربي كيف استوى هالشي .. كيف جيه؟ .. : بس ايييييييييه فظحتينا!!! لفيت عليه بغيظ وانا اقول بغبنه وبصوت مبحوح من الصياح: جب لاترمسني .. اكرهك ومااحبك .. اصلا انته كل السبب .. كل شي استوالي بسبتك .. تميت اطالعه بكره فظييييييع .. ومن داخلي انا ميييييييته خوف .. قلبي يرقع رقع! قال بكل هدوء: يوم نوصل صيحي لين ماتموتين ، بس احينه اسكتي احسن لج! رديت اقول بصوت مرتجف: شو بتسوي يعني؟! .. هاه ؟! .. وكملت وانا اعلي صوتي: شو بعدكم بتسوون أكثر من الي سويتوه؟! مد ايده وقبظني بقو وهو يرص بظروسه: شما .. اسكتي احسن لج! : قلتلك لاتصكـ... : عفواً .. فيه شي اخي؟! رفعت عيوني .. عقب نزلتهن يوم رص على ايدي وقال من دون لا يطالع الريال: مافيه شي ربي يسلمك .. نبا ماي لو سمحت! حطيت ايدي الثانيه على ايده وخوزتها بالقو .. قال الريال: فيه شي اختي؟! طالعت مايد الي لف عليه وقال بعصبيه: قلت مافيه شي .. لو سمحت هات كوب ما و بنادول! طالعه الريال بشك عقب طالعنيه .. نزلت عيوني بسرعه ومايد يقول: فيه شي اخويه؟! هز الريال راسه وقال بأدب: لا ابداً .. هلأ بدون اجيبو طلبك استاز! روح الريال ومايد لاف الصوب الثاني .. عرفت انه معصب .. بس انا مايهمني . حياتي انتهت من دخل هو فيها! قال ببطء وهو يلف صوبي: ان سمعت حسج مره ثانيه .. و الله بتشوفين ..! لفيت عنه ومارديت .. خله يلتقع .. مايستاهل غير اني اعامله بهالطريقة .. دقيقه وكان نفس الريال واقف وفايده صينيه صغيره عليها كوب ماي و اربع حبات بنادول .. شل مايد الكوب و حبتين بندول وقال: تسلم .. تم واقف الريال عقب قال: ازا بدكون أنو شي بتندهولي وانا بجي .. رحله سعيده! تم يطالعني وانا اطالعه لين ماروح الريال فقالي: شلي الماي اشربي واصرطي هالحبتين .. وفكيني من صدعج! لفيت الصوب الثاني: مابا بندول .. ادريبك تبا تذبحني!؟ قال بسرعه وعصبيه: هيه والله عسب افتك .. ولا شو ابا بشيفتج المكفخه!؟ حسيت بقلبي يدق بقو وانا ارد عليه ودموعي تتجمع مره ثانيه: هيه تراك هب انته الي انكفخت على شي مايخصك فيه! مد بوزه بغيظ وقال: اونه؟! وراواني ظرسه وقال بسخريه: عيل الظرس وين سار؟! .. اجازه ماخذ؟!! لفيت عنه وانا امسح دموعي: تسمي هذا ظرب؟! .. خلهم بس يظربونك شرات ماسوولي .. وقولي ان قدرت ترمس! سكت عني وحط الكوب والبنادول على الطاولة الصغيرة بين كراسينا .... حتى انا سكت! شو بعدني بقول! .. خلاااص كل شي انتهى، وحتى اذا تظاربت وياه وسبيته وقللة من ادبي .. شوبيستوي؟! .. بيتم هو ريلي! .. وبتم انا بنت عبدالله الي خانت ثقتهم !! بنتهم الخايسه! . . | مريم | . . رفعت راسي بهدوء اطالع الي فتح الباب بكل قوة .. حاولت اركز بس ماقدرت، راسي بينقع! : مريم؟! .. نشي الساعه يت 4 ونص العصر! منوه هاي؟! .. رفعت ايدي اغطي عيوني يوم فتحت الستاير .. افففففف! .. دفشه! : انتي منوه؟! فتحت عيوني بعد ماحجيتهن وهيه تقول: انا صالحه خت ريلج .. نشي يالله! نعم؟! .. خت ريلي؟! .. لحـــــــــــــــــظة! اصطلبت بسرعه وانا اعدل ثيابيه .. متى نشيت وغيرت ثيابي و رديت ارقد؟! .. احيد اني رقدت بالعباه! مسحت على شعري بسرعه و وقفت: سمحيلي مادريت انج بتين! ومنااك انا مستغربه، خت ريلي؟! .. من متى منصور عنده خت؟! انفجرت فويهي: طبعاً مابتعرفين .. تراج منخمده هنيييه ولا من سمع ولا من دري .. شو هذااا؟! طالعت وين مأشره لقيت الحجرة مجلوبه فوق تحت .. بسم الله منو سوا جيه؟! وكملت بعصبيه وانا حتى ماشفت ويهها: اونها حجرة وحده معرسه هاي؟! .. استحي على ويهج، حتى ماشفتي ريلج وين سار!؟ عقدت حياتي وقلت : لو سمحتي .. هب لازم تصارخين . .انا اروم اسمع! قالت بنفس العصبيه وهيه تتجرب منيه: لا والله!؟ .. عيل شعنه ماسمعتي تليفونج يصيح من صباح ربي؟! رفعت عيوني صوبها وطالعتها: انا يايه امسات من السفر، يعني يحق لي ارتاح شويه! كانت سمره، عيونها مجحلات و حاطه روج .. ضخمه، اطول عنيه بشويه .. و صوتها يلعلع جنها غراب .. ابتعدت عنها شوي وانا اقول بهدوء: سمحيلي بسير ابدل! اشرت بايدها بغيظ وقالت: بسرعه اترياج تحت! و ظهرت من الحجرة وهيه تتحرطم .. اسمعج انزيين! طالعت حولي وانا اضغط على صدغي، آآخ شو هالاعداااام؟! سرت حجرة الملابس وطلعت لي كندورة وملابس داخليه بسرعه ودخلت اتسبح .. بعد نص ساعه، وبعد ماصليت الي فاتني من الصلوات، اعوذ بالله راقده من 3 الين اربع اليوم الثاني .. حشى هب رقاد! تجحلت بسرعه وحطيت روج خفيف ونزلت الها .. عن تصلخني احينه .. سمعتها ترمس فالتيليفون قبل ما اي: هيييه ريتها راقده ياخويه .. هاي هيه حرمتك الي حشرتني اني ارد واحظر عرسك؟! .. ماتسوى والله! رفعت حايبي بغيظ .. انتي منوه اصلا؟! .. ماحيد ان عنده خوات منصور!؟ .. ولا لحظة، اهاااااه هاي خته من ابوه! .. ايوااااااااه! تنفست بهدوء ودخلت .. طالعتني اول مادخلت وقالت: هذييه هاه شرفت .. تعالي منصور يبا يرمسج! اتجربت منها وانا اسلم: السلام عليكم .. شحالج؟! مديت ايدي الها بغياظ جان تقول: عليج السلام .. يلسي يلسي رمسيه! رديت ايدي وانا اقولها: منوه يباني؟! فرت عليه التيليفون وهيه تقول بصوت عالي: ريلج يالعنز .. بعد منوه؟! : عنز؟! .. لو سمحتي حسني الفاظج! قلتها بعصبيه وصوت عالي جان ترد عليه: خسرتيني ردي على الريال! رفعت التيليفون على اذني: السلام عليكم! وقفت بسير بس ايدها منعتني ومنصور يقول بصوت تعبان: عليج السلام .. شحالج مريم؟! خوزت ايدها عني وانا اقول: بخير الحمدلله .. بلاه حسك؟! تعمدت ارمسه برسميه .. هه جني ارمسه بغير هالصفه .. قالي : ماشي .. ليش راقده لين احينه؟! كنت بقول شي بس صوتها سكتني: قوليله انج منخمده لين احينه .. واتجربت منيه وهي تعلي صوتها: قوليله خل يشوف الي اختارها على بنت عمه! رفعت عيوني صوبها بحده وانا اقول: لو سمحتي اختي .. احترمي نفسج! كنت بكمل بس ماسكتني غير صوت صراخ منصور: مرياااااااااام نشي بعيد بقولج شي! وقفت بسرعه وطلعت .. اعوذ بالله شو هالاخت .. قلتله بعصبيه: منصور منوه هاي؟! .. تقولي اختك! حسيت به يتنهد ، عقب قال بصوت تعبان، واهي: مريـــــــــــم .. اسمعيني! فز قلبي بقو وقلت بهدوء: بلاك!؟ .. بسم الله صوتك تعبان؟! سكتْ .. فتره طويله وانا حاطه ايدي على قلبي .. انا قلت شي بيستوي .. لا ياربي محد من هلي شي مستويله .. يارب! قال بهدوء: امايه ... وسكت .. ماجذب عليكم اني حسيت براااحه .. يعني محد من هليه ، محد بلاه شي! بس .. حرام هاي عمتيه بعد! قلتله: بلاها عمتيه؟! قال وصوته يبتعد جنه بيسكر او شي: امايه مـــــاااااتت! حطيت ايدي على ثميه وانا اشهق .. شوه ؟؟ .. عمتيه .. ماتت؟! |
اقتباس:
مرحباا ، ههههههههههه فهمت اشو تقصدين، ... قصدج اني خربطت الامور ^^ و الله ياختيه جيه طلعت الامور شو اسويلها .... يايتنج مفاجئات في الاجزاء القادمة ... يعطيج العافيه الغويلي على المرور الحلوو .. حيّاج الله. |
حبيبتي نوح الحمام .. الروايه قمه بالروعه، اسلوبج وايد حلو بالسرد والاحداث تشد الواحد انه يكملها كلها بيوم واحد
للاسف اول ما بديت اقرى ما انتبهت ان الروايه مب مكمله للنهايه ولما قريتها الحين صار لي كم يوم ادخل حتى اشيك إذا نزلتي البارت 13 ولا بعدج بس حبيت اشيد باسلوبج الحلو وبغيت اسألج هي الروايه كلها كم جزء؟ ومتى ان شاء الله بترجعين تنزلين الأجزاء الي تمت .. مو قادره اتريا اكثر ابا اعرف شو بيستوي تحياتي لج |
الجزء الثالث عشر .. . . | مايد | . . وقفت عند باب الفله .... الساعه يت ثلاث انا مايبت غدا ولا سويت شي! هاي المفعوصه بعد مارمست ولا قالت شي! .. رديت فوق ببدل وبشل بوكي .. اشتريلي شوارما وبيبسي وخلاص ! ماحسيت غير بهاي السكنيه ظاربه فيني .. مسكتها وانا اقول بغيظ: لقعه تلقعج .. بلاج تترابعين! كان ويها اصفر و عيونها وارمه ومحمره .. عقدت حياتي يوم ماردت عليه .. غمظني حالها الصراحه .. بعدتها عني وقلتلها بهدوء: بلاج؟! رفعت ايدها واشرت على حلجها .. عقب قالت بصوت مبحوح: ابا ماي! خيييييييبه تقول يدتي ترمس هب .. شو سمها احيد؟! تمت واقفه وتميت واقف .. شو نسوي مادري .. فريت ايدها عني وقلت: بسير اشتري غدا .. المطبخ على يمينج ورى الدري! سرت الحجرة وانا عيوني عليها .. تمت واقفه ثواني عقب كملت دربها .. وهيه تعري! دزيت باب حجرتي بقو : افففففف شو هالحاله! تلبست ع السريع وظهرت من المزرعه .. سرت اول كافيتيرا وخذت اربع شوارما و2 بيبسي ودبة ما .. ! وانا راد صاح تليفونيه .. ماعرفت الرقم ولنه عز الظهر مارديت .. خله يستحي على ويهه .. حد يتصل احينه، عنبو يمكن راقد ولا شي! رد يتصل مره ثانيه يوم وقفت يدام باب الفله .. دخلت داخل وفريت الكيس على الطاولة عدالي ورديت على التليفون: مرحبا .. : السلام عليك ... شحالك مايد!؟ عقدت حياتي باستغراب : عليك السلام .. طيب طاب حالك .. ومن صوبكم!؟ : بخير الحمدلله ... اسمع ! رفعت حايبي ، بعااااد .. اونه اسمع ! .. انته منوه اصلاً!؟ كمل وانا ايلس على الغنفه: وياك عبدالله بن سلطان بن عيد .. عقدت حياتي احاول اتذكر منوه .. جان يكمل: ولد عم حرمتك! صلبت ظهريه وانا اقول بقو: حيّـه! قال بهدوء: المهم، متى بتسوي العرس؟! : اي عرس؟! قال بسرعه: عرس بنت عمي ...! اها ..... احينه يوم افتكوا منها، و يوزوني اياها، وغدت على ذمتيه .. يايين اونه متى عرسها؟! قلتله وانا انسدح: والله ياطويل العمر .. انا ماعطيتوني فرصه اني ارمس حتى .. واحينه يايين تبون العرس؟! وكملت بسخريه: انحن اصلا ماخطبنا عسب نسوي عرس! قال: اسمعني مايد .. هب معناته اني متصل عليك اباك تسوي عرس اني خلاص صدقتك ومتنازل عن اقوالي القبليه .. انا ارمس عشان رمسة الناس و سمعتنا! رمسته صح .. و انا اصلا امبوني بقولهم .. جان اقوله: وبعدين؟! قالي: شهر واحد تسوي العرس .. باقي اقل عن شهرين ..! سكت فتره ... جان اقوله: ماعليه .. امبوني انا ابا اقولكم .. بس انتو .. قالي: اسمعني مايد .. بنتنا مانبالها غير بياظ الويه .. و .. قطعت رمسته وانا اوقف واقول بصرامه: انته اسمعني يا ولد سلطان .. عرسي ماتحطون فيه ريال ... و ان كنتوا شاكين فاني بقولكم سووا لبنتكم عرس فانتوا غلطانيين .. عرسي انا .. انا مايد ولد علي بن راشد .. ان قلت شي ، اسويه .. وكملت : يوم واحد، واحد 2011 حياكم الله لعرسي أنا .. و حرمتي الي متبرين منها .... وشي ثاني بعد .. حسيت ابها توقف عند باب الصالة الداخليه .. رفعت عيوني صوبها .. كانت واقفه وحاطه ايدها على ثمها، تصيح طبعاً ,, غمظتني ، جان اقوله بصوت عالي: بنت عمك ان طريتها مره ثانيه ....... بييك شي مابيعيبك الصراحه .. بنت عبدالله بن عيد حرمة مايد بن علي بن راشد ، مش اي حد يرمس عنها! قال بنفس طريقة رمستيه: عيل مابينا رمسه لين هاك اليوم .... الله الحافظ! بند التيليفون فويهي الهرم .. لقعه تلقعه .. رفعت عيوني صوبها جان تنزلهم .. قلتلها بهدوء: تعالي .. يلست وانا افتح كيس السندويشات .. يلست هيه آخر شي على الغنفه .. لفيت صوبها وانا اقول: تعالي هنيه .! رفعت راسها وقالت بنفس الصوت المبحوح: لا بتم هنيه .. وقفت انا ويلست عدالها وانا اقول: بداية السنه ان شاء الله بيكون العرس .. باقي شهرين الا كم يوم ..... رفعت راسها بسرعه وقالت بنفس الصوت المبحوح: هاه؟! .. اي عرس؟! طالعتها وقلت: عرسي وعرسج! نزلت راسها بسرعه وسكتت ..تنهدت أنا.. ياربي كيف بخبر هليه!؟ قالت: كنت ترمس ابويه؟! رفعت حايبي .. ابوج!؟ .. احينه عرفتيه ابوج؟! مديت ايدي ورفعت راسها صوبي .. قلت بصرامه: سمعيني .. عقب عقدت حياتي وقلت: انتي شو اسمج؟! قالت وهيه منزله عيونها: شما! كملت: سمعيني يا شما .. انا ماعرف انتي ليش دخلتي موتريه .. ولا اعرف شو نيتج ولاا اعرف اذا كنتي صادقه ... بس ابا منج شي واحد بس! خوزت ايدي عنها وانا اقول: اذا يينا صوب هليه ان شاء الله .. السالفه الي استوت محد يعرف عنها .. لو الينيه يتني وخبرتي انج رمستي عنها، لوحتى ويا عمرج، بدفنج فحوي بيتنا .. سمعتيني ..!؟ هزت راسها جان اكمل: كم عمرج؟! رفعت عيونها صوبي .... اول مره الاحظ ان عيونها وساع وسود، رموشها طوال .. مخرب عليها التكفيخ الي خذته .. ابتسمتْ بمرارة واضحه فعيونها! عقب حطت ايدها على ثمها وهيه تلف الصوب الثاني .. بحركتها هاي!، اتذكرت منو انا ومنو هيه!! وقفت بسرعه .. انا ليش ارمس وياها اصلا؟! .. ماتستاهل اني اسولف وابرر الها ..... مسحت على ويهي وقلت: بسيـ.. : 20 .. عمري 20 سنه! فتحت عيوني على وسعهن! .. 20؟ .. عنبووو ياهل هاي!! وقفت جدامي، وبان طولي عدال قصرها! قالت بنبرة حزينة وهادية: لاتخاف .. انا ما افظح عمري للناس .. وكملت وهيه تخطف عدالي: افظح عمري على شي انا ماسويته! تميت واقف فتره عقب ماطلعت هيه فوق .... يلست على الغنفه افكر .... من الحاله الي كانت فيها يوم دخلت موتريه، فشكلها صادقه .. بس! .. ليش تبلت عليه؟! افففف و الله حاااله! .. شليت سندوتش ويلست آكلها وانا اطالع التلفزيون ... العرس بيكون واحد واحد الفين ويدعش!! .. متى بلحق احجز!؟ .. اووووف ، اصلا هيه كيف بتظهر للعرب وهيه مكفخه جيه؟! يبالنا نأجله! .. ولا .... نسافر لندن ،اوديها مصحه هناك، تتعالج و تريح عمرها وتفكيرها .. عقب اتي ليلة العرس .. بعد اركب لي ظرس بدل هالي طااح! رفعت ايدي اتأحسسه! .. ههههههههههههه و الله شكلي نكته! بس والله صدق، هاي احسن طريقة، ابوها مابيخليها عنده لين ليلة العرس . والله ويبتها يا مايد! بس لحظة ... اميه شو اقولها!؟ .. على طاريها .. غرييبه ما اتصلت! شليت تليفوني بتصل، بس اميه بنت حلال .. كانت متصله .. رديت عليها بسرعه! : حيّــــها بنت مايد وأم مايد .. وشحااالج الغاليه؟! قالت بعصبيه: جب جب يالهرم.. شعنه بايت فليوا؟! و كملت بصوت عالي: ولا تتصل تخبرينه؟! .. تخلي هالمفعوصه شميم تقولي! .. جني مش امك! قلتلها: امااااااااااااايه عااااد .. يـ... : اقوولك جب .. انته ماتستحي على ويهك!؟ سكتت شوي عقب كملت: امسات ماقلتلك لاتسرح العين يايين عرب العصر؟! عقدت حياتي واانا اقولها: امايه سمعيـ.. : ميووووود لاتقولي سمعيني ماسمعيني .. فظحتني فالعرب .. اقولهم موجود وانته ساير .. وين تبا العين!؟ . هاه ماتقولي؟! مسحت على ويهي وانا ساااااااااكت .. يااالله يا اميييه كيف تصعب الأمور! قالت: ما لك حس اشوف؟! ... ولا شو بتقول ثرك .. ماشي .. قلتلها: انزين شحالج؟! قالت بسرعه: حالي مش زين .. عنبوووك من صبي ... صاك الثلاثين وماتقول غير بو سبعتعش!! ظحكتني : ههههههه امايه تراج من الصبح تسبيني و أنا .. : اقووووولك جب ، مابا اسمع نصخك .. امبارحه يايه خالتك هدى وبنتها مهره، وانته مررررررره ولا عليييك .. ماتقولي شعنه فازع العين؟! سكت مارديت عليها .. شو اقولها .... قولولي بس شو اقولها!؟ ردت تقول بعصبيه: ميووووود ارمسك انا يالهرم .. ارمس .. قلت وانا احاول مااظحك:تراج تقولين مابا اسمع نصخك .. شو تبيني اقولج؟! قالت بصوت عالي: استح على ويهك .. مايسد انك فاظحني فختيه .. ومررررررره بولباااااااااس عاطنا .. ولا حتى خطف يسلم! : امايه انا قلتلج عندي شغل ماروم اتم لين فالليل .. : وشعنه مارديت يوم خلصت؟ .. تراك مروح من غبشه .. شو اتسوي هالكثر صوب العين؟! وكملت بتهديد: و ااااااااااالله يا مايد يا ولد علي لو يتني الينيه وخبرتني انك ماخذنلك حرمه وفارنها فالعين ينك ماتيلس عندي دقيقه وحده .. ماتقووولي شو تسوي فالعين؟! مت من الظحك على رمستها ..: ههههههههههههه امييييييييييه بلااااج مره وحده جلبتي عليه .. و الله اني مش معرس ولا شياااااته! لحظة .. استغفر الله .. هه والله مسخره ، منوه كان يفكر اني انا بعرس بهالطريقه؟! سمعت اميه تتنهد وتقول: انزين ماعلينا .. شو عندك انته هناك؟! قلتلها وانا اوقف: والله ساير صوب عرب هنيه .. امبوني بشتري ناقه من عندهم، لكن ربج ماكتب .. : بعااااااااد .. و الله وكملت الصراحه، ساير العين عسب ناقه؟ .. ومخلي بنت خالتك هنيه تترياك؟! عقدت حياتي وقلتلها: اي بنت خاله؟! .. وليش تترياني بعد؟! قالت بصوت هادي فجأة: ميود فديت خشمك .. نسيت؟! تمشيت فالصاله وانا اقول: شوه!؟ ردت تقول بصوت خفيييض: بنت خالتك مهره؟! .. نسيت انك بتشوفها عسب تخطبها؟! : شووووووووووووووه!؟ .. أنا ؟! .. متى ومنو قال؟! قالت بعصبيه: مايد .. لا تصارخ عليه .. المهم .. سكتت وانا سكت ... اي مهره واي خطبه!؟ .. وهاي المصييييبه الي عندي!؟ قالت: اسمعني .. انا كنت بخليك تشوفها فبيتهم .. لكن ابوها ماعنده هالسوالف .. قطَعْت رمستها: حتى نحن ماعندنا هالسوالف!.. وكملْت بعصبيه: وبعدين انا ماقلت اني بخطبها؟! قالت بصوت عالي: انته كنت موافق..! .. شو غير رايك!؟ عصبت الصراحه .. صح انها اميه، بس مش انها تسوي جيه!؟ : امايه .. انا اصلا خطبت و .. : نعم نعم؟! .. شو خطبت هاي بعد؟! اووووووووووووه ... لا لا .. ليييييييييييييييش خبرتها احينه!؟ غمظت عيوني بعصبيه وانا اتنهد ... اففففففف يااااااربي ... كملت هيه : ميوووود .. انته معرس؟! كنت بقول هيه ، بس فآخر لحظة قبظت لساني وانا ابرر: مش خطبت خطبت، قصدي يعني اخترت البنيه الي اباها! قالت بسخريه: لاوالله؟! .. احلف انته بس؟! .. بعد لو معرس ومسوي عرس اروحك احسن بعد .. ليش تخبرنا نحن هلك ، مش لازم ندري .. قالتها بطريقة نرفزتني .. جان اقولها: اماااايه عاااد .. قالت بعصبيه: ومتى كنت ناوي تخبرني ان شاء الله؟! : شوفي الصراحه انا كنت بيي باجر واخبرج .. و البنيه ماعليها رمسه! قلتها وانا اظحك على عمري في داخلي .. قال ماعليها رمسه قال!! ردت تقول: بنت امنوه؟! قلت: سمها شما و بنت عرب اياويد وانتي ماتعرفينهم لكن انا اعرفهم .. قالت: ميود لا تينني .. قولي بنت امنوه؟! .. ربك بعد اكون اعرفها؟ امرنا لله ... قلتلها بهدوء: بنت عبدالله بن عيد .. قلتها وخليت التليفون بين اذني وجتفي ورفعت ايديه فالسما وانا اهمس: ياااارب تكون ماتعرفهم يارب تكون ماتعرفهم! قالت بعد صمت: بنت عبدالله بن عيد؟! ... يابويه ماعرفهم هاييلا انا .. وشو بلاها بنت خالتك ماتاخذها؟! .. شعنه طاير صوب العين! تنفست بعمق ،احسن شي اني اجذب عليها .. هديت صوتي وقلت بنبرة حنونه: عاد اباها ..! وسكت ... ادري شو بتفهم .. بتتتحراني احبها!!! قالت على طول: يييييييييييييييهاااااااااااء ياولد علي .. شلت فوادك بنت دار الزين .. تنحنحت وانا اظحك بهدوء: ههههههههه عااد انتي فهميها ... وسكت، جان تقول: حافظ عليك .. ومهره؟! ردييييييييييينا على هالمهره .. قلتلها: اميييه انتي الي رمستيهم .. انا ماقلت لحد اني ابا اخطب .. شو الشور احينه؟! قالت بعد فتره: يوم انك انته تباها ماعندنا شور ... تنفست بارتياح .. بس ماواحيت الا وهيه تقول: بس بشوفها قبل ... بتي باجر انته؟! فجيت عيوني على وسعهن .. نعم؟! .. تشوفينها؟! .. اي شووووفه وهيه بهالحال؟! قلت بسرعه: اميه هيه تدرس برع ... وبداية السنه بتخلص .. و .. سكت عقب قلت اكمل جذبتي بسرعه عسب تقتنع: وانا رمست ابوها .. و اتفقنا على موعد العرس! خوزت التيليفون عن اذني يوم صارخت: اشووووووووووه؟! .. مش توك تقولي ماخطبتها الا بس رمسه؟! .. اشوفك تجذب يا ولد علي؟! قلت بهدوء: اميه سمعيني .. انا ابوها اعرفه .. ريال والنعم .. و .. : خلاص خلاص .. يوم اتي نرمس .. الله يحفظك..! طالعت التيليفون الي بندته فويهي .. مقوااااااااج يا امييييييييه .. مسحت ويهي بغيييظ .. شو اسوي احينه؟! : اوووووووووووووووووووووف الله يلعن هالحاله! . . | عمر | الساعه 10 ونص .. يوم الاربعاء فالليل . . . : نش يالله بنسير؟! رديت عليه وانا انسدح: خليه حق باجر عمير ماروم! غمظت عيوني بس ماواحالي الا وهو يار عني اللحاف: اقووووولك نش .. بيرقد عبدالله .. عقب منو بيقنعه!؟ افففففف .. قلتله وانا ايلس: يقنعه باشوه؟! قال بعصبيه: عمااااااااااااار بلااااااااااك خرفت؟! .. على السفر بعد شوه؟! ظربت يبهتيه وانا اقول بسرعه: هيييييييييه صح ، نسيييييييت و الله! فر عليه اللحاف وهو يطلع: يالله بترياك فالصاله .. طلع من الحجرة وانا رديت انسدح ..مستغرب الصراحه من عمير، شعنه يبا يسافر يدرس برع؟! .. لو كان راعي دراسه كان درس هنيه .. تلبست كندورتي وطلعت صوب الصاله .. اول مادخلت شفت مريوم بنت مبارك داشه الصاله تصارخ وتصيح: ماباااااا مااااباااااا ... وربعت صوب عبدالله الي حظنها وقال: مريوووووم فديتج بلاااج؟! وقفت عند الباب الدالخلي وانا اطالعهم .. كانت هند حرمة عبدالله يالسه على الارض تقطع خظره و عبدالله يالس عدالها ، وعمير يالس على الغنفه مجابلنهم .. و عيد محد، و امايه بعد هب هنيييه حتى حمد! دخل مبارك معصب وفر شنطة صغيرونه ورديه عرفت انها لمريوم بنته ، وقال: سكتها هاااااي ولا والله يفرها فالدرااام! لفت عليه مريوم وصاارخت: مااااااااااااباااااااااااااااااك ابا ماااااااااامااااااااااااااااااه! قال بعصبيه: جااااااااااااااااااااااااااااااب .. تعاااالي هنييييه انتي! واتجدم بيسير صوبها بس عبدالله قبظها وهيه انخشت فثبانه .. قلتله: بلاااااااااك يا ريااااااال ؟! عبدالله: مبارك بلاك على البنيه؟! .. خلااااص حبيبي سكتي!! يلس مبارك عدال عمير: اقووووولك من سرينا من بيت عمي وهيه الا تباغم وتصاااارخ .. طرتلي اذني ..! كان بيكمل بس تليفونه صااااح ، طالعه عقب فره على اليدار ورايه وهو يقول: يلعنكم انتو الثانييين .. عنبووو الواحد مايروم يرتااح! طالعته منصدم من حركته .. اول مره اشوف مبارك معصب جيه .. قاله عبدالله بعصبيه : مبااااااااااااااااااااااارك .. شو هالحركاااات بعد ؟! .. ياهل عنبووو! وقف مبارك بعصبيه وقال بصراخ: اسكت عنييييي عبدالله .. واصلتلي لهنييييييييه! سكتنا كلنا فهاللحظة .. الا من صياح مريوم .. ويوم ماسكتت رد مبارك يصارخ ويتجدم صوبها: هااتها عبدالله، هاااتها.! زاد صياحها وهند تشلها بسرعه وتقول: بسم الله عليك يامبارك .. شوي شوي على البنيه .. خبرنا شو الســ.. ماخلاها تكمل رمستها لنه ير عنها مريوم بعصبيه وهو يصارخ: محد له خص فيني وفبنتي .. هاتيييييها! بسم الله .. شو بلاه مبارك ..، صلبت ظهريه يوم حسيت السالفه بتكبر، عمير وقف بسرعه وحط ايده على جتف عبدالله الي وقف بعصبيه وغضب واااظحيييين فعيونه الوساع: لااا اله الا الله .. استهدوا بالله .. قال عبدالله بصوت عالي: لاتقرب لهند يالي ماتستحي .. وبعدين بنتك ياااااااااهل شوي شوي عليها! وقفت هند ورى عبدالله وعدلت شيلتها وهيه تقول: ما استوى شي عبدالله .. قاله مبارك: قم عن دربي عبدالله! وقفوا مجابلين بعض ، انا الي استغربته ان مريوم متعلقه فرقبة ابوها وتصيييح، هب جنه هو الي هازبنها! خاز عبدالله عن دربه وهو يقول: وين ساير! قال مبارك وهو يخطف من عدالي: لــجهـــنم! سكتنا كلنا بصدمه .. بلاه مبارك!؟ .. اول مره اشوفه جيه! قالت هند: اخافه يظرب مريوم ......! شفت عبدالله يلس وقال بهدوء: مايسويها .. بنته هاي..! قالت بخوف: انزين سيروا طالعوه .. تخبروه شو السالفه .. هب زين جيه! اتجدمت ويلست عدال عمير الي قال: مابيسوي شي يا هند .. مبارك ريال مابيظرب بنته! ابتسمت يوم شفتها تقول بعصبيه: ياااااااااااااربي مبرد اعصاااابكم! لو ذبحها وانتو يالسين جيه!؟ قالها عبدالله: يلسي يلسي ... مبارك ريال وشوره فراسه .. ان بغى يذبحها كان ذبحها قبل ما ايي هنيه! شهقت هند: بسم الله!! .. شو يذبحها بعد؟! ظحكتني: هههههههههههه يسوووولف بوحميد .. طالعني عبدالله: شو عندك انته اليوم صوب غانم؟! حجيت راسي بهدوء وانا ابتسم .. لحزن، شو ذكره بالسالفه احينه! .. صدق محامي! قاله عمير: ساير يشـ... قاطعه عبدالله بعصبيه: انا ماتخبرتك .. خله هو يجاوب ... عنبو غادين لي حريمات، من رمست واحد منكم رد عنه الثاني .. اصطلبوا شويه! لف عنه عمير يوم رد يقول: ماقلتلي ؟! .. شوتباه غانم؟! قلتله بهدوء: ماشي .. كان شال موتريه وسرت اييبه! قال بعصبيه: انا كم مره قايلك لاتعطيه الموتر .. هب العام مسوي حادث وماعنده ليسن .. وانته الي تلعوزت ؟! وكمل: ان شفتك عاطنه الموتر مره ثانيه شليته عنك! لف عليه عمير بعصبيه: عااده عبدالله نحن كبرنا هب اتم جيه! قال عبدالله بهدوء وهو يطالعنا: قول والله؟! .. تعال بعد اظربني .. احسن بعد! سكتنا فتره ... عقب قال عبدالله: ومتى ناويين تشتغلون ولا تدرسون ، ولا بتمون هنيه فالبيت لا شغل ولا مشغله!؟ .. قاله عمير : محد يوظف بشهادة الثانويه!... رد عليه عبدالله: هيه عيل .. شوتتحرون عماركم انتوا .. متخرجين من هارفرد ولا يال ؟!.. الا ثانويه ويلستوا؟! .. وكمل بسخريه : لو مخبريني من زمان انكم مابتكملون كان قلتولي ما اييب البيدار والبشاجير .. شغلتكم مكانهم احسن! وقف عمير وقال بصوت عالي: تراك واااايد تعق رمسه عبدالله .. قاطعه عبدالله بصرامه: ايلس ايلس .. لو فيك خير كان طلعته من زمان! نزلت راسي بهدوء .. تميت ساكت ماقلت شي .. عبدالله عنده حق .. بس هب جيه يرمسنا .. سمعت عمير يقوله: نحن حجزنا صوب بريطانيا بنكمل دراسه هناك .. هدووووء .. محد رمس .. كانت هند يالسه واطالعنا بهدوء .. وعبدالله فايده ريموت التلفزيون ويجلب فيهن ويرمسنا .. كمل عمير: انا مابا موافقتك .. انا بس اخبرك! رفعت عيوني صوبه وانا اقول بهمس: عمييييييييير بس! قال عبدالله بهدوء: كيف بعد ماتبا موافقتي ؟! قال عمير : حجزت على الاسبوع الياي .. الكورس بيبدا بعد شهرين، بناخذ دورة انجليزي وبنبدا شهر واحد .. تميييت سااااكت .. دامه رمس، خله هو يكمل .. مافيني على عبدالله! قاله عبدالله: اها .. ووقف ، فر الريموت عنه وقال وهو يطالع عمير بنظرة .. حسيته تحسس من نبرة عمير .. جنه يقوله هب انته ابونا!!! : سيروا انزين .. محد قبظكم .. بس تذكر اني اخوك العود، واني دوم بتم هنيه وراك! نزل عمير عيونه .. وسكت! شو بيقول بعد! .. دخل عبدالله داخل وتمينا نحن رواحنا .. قالت هند: بسيرون الاسبوع الياي؟! مارد عليها عمير وطلع، جان اقولها: هيه .. يوم الاثنين اظني .. ابتسمت بهدوء وقالت: ماعليكم من عبدالله، هو بس يبا مصلحتكم، صح عمير شويه زودها .. بس احسن لكم تكملون دراسه .. هزيت راسي بشرود وانا افكر ... عمير ليش مصر على السيره؟! . . | مبارك | الساعه 1 ونص فالليل .. يالس ورى الشبريه، قابظ راسي بعصبيه ... بمووووت من القهر .. كيف جيه استوى .. وليش ماخبروني .. كيف اصلا يقربون به وهيه كانت حرمتي!!!! فريت المخده عني وانا اتأفف ... شو بسوي احينه! رفعت عيوني صوب مريوم الراقده على شبريتي .. من العصبيه شليتها بالقوة ويبتها هنيه .. حتى امها ماشافتها! امها!؟ ... اسما الخايسه مواااااافقه بعد! .. و الله ماخليتها لك يا خليفه .. انا اروحي من شفته حسيت بتهديد .. بس ماخمنت انه بيسويها ويخطبها! كيف تجرأ اصلا! .. مايعرف انها كانت حرمتي! كانت؟! .. وانا لييش متخبل لهالدرجه ومشتط وهيه بس كانت حرمتي؟! تراها ام بنتي بعد! ... وقفت وتميت امشي فالحجرة ساير راد ... شو الشور ... انا مستحييييل اخليه ياخذها .. اصلا هالشي هب فالحسبان ! والا يبون بنتي يربيها الغريب وانا حي! لا و الله ماكان! مسحت على ويهي بهدوء .. اتصل لراشد اشوف شو السالفه احسن! اوووه بعد تليفوني فريته على اليدار ,, شو هالحاله!؟ ظهرت من الحجرة بييب تليفون حد من خواني .. بعد هايييلاااا مايعرفون انه يوم الواحد معصب ، محد يرمسه! اول ماظهرت من الحجرة شفت عيد ظاهر من حجرته يرمس فالتيليفون .. شافني وابتسم ، ورفع صوته: بو مريوم علومك! اشرت بايدي تعال جان يقول: عقب بييك ارمس فالتيليفون احينه! سرت صوبه يوم لف الصوب الثاني بيظهر من الممر: تعاااال اقووولك! وقفت عنده وزخيته من فانيلته وشليت التيليفون عنه .. لف عليه وقال: مبااااااااارك بلااااك؟! حطيييت التيليفون على اذني: عيوووووووودي بلااااك حبيبي؟! صوت بنيه .. حبيبي بعد و الله واكملت! قلت بعصبيه: الله يلعنج من بنيه .. سيري ستري عمرج احسن لج! طالعت عيد الي حط ايده على خده وقال بصدمه: سبيييييييييييييتها حراام عليك! ظربته على جتفه وانا اقول بعصبيه: عيووووووود يالهرم، من متى تغازل بنات الناااس؟! حط ايده على ثميه وهو يقول بهمس: مباااااااااااااارك قصر حسك، بيسمعونك القوات المسلحه ! ماقدرت الا ابتسم وانا اقوله: مالت عليييييك يالخايس .. قول ماشاء الله! ابتسم وهو يشل عنيه التيليفون: اسوووولف ياريااااال .. رديت اشل التيليفون وانا اقول: ابا تليفونك سر ارقد انته! قال بسرعه: اهاااا .. تسب ربيعتيه وتشل تليفوني والساعه وصلت هنتييين .. الساااالفه وااضحه ياملااازم! رديت اظربه وانا اصد صوب قسمي: جااااب يالخام .. صدق كلن يرى الناس بعين طبعه .. سر انخمد وراك مدرسه! قال : اااااااففففففف .. يا اللووووعه ... شعنه تذكرني! سويت له طاف ودخلت حجرتي .. طالعت تليفونه، بلاك بيري حاط عليه من ورى صورته، الحبييييب فرحان بعمره! لا والخلفيه العجيييييييييبه! .. مصور عمره على العرقوب! .. طالعت بيت الشعر الي مكتوب: آه من خلن جفاني وعذب القلب .... و آه من غدره الي عماني بتفجيره! اسمييييييييك يا عيووووود! .. خلوني اتصل لراشد احينه .. اعرف منه شو سالفتهم ويا خليفه ولد عمه .. اتصلت عليه ورد من اول رنه: مرحبااا بالشيخ عيد .. يدريبك عبدالله انك واعي لين احينه؟! قلت بسرعه: انا مبارك هب عيد .. شحالك راشد؟ يلست على الغنفه وهو يقول: مرحبتيييييييين .. فعنمه وانته شحالك؟! قلتله بهدوء ، عكس البراكين الي فصدري: والله حالي هب زين يا النسيب! قلت النسيب بقصد .. ابا اشوف شو رده .. قال بسرعه: افا وانا اخو شما .. مامن شر؟؟! قلت بظيجه: الا الشر بنفسه .. شو سالفة ولد عمك خليفه يا راشد؟! سكت .. مررررررره صخ .. جان اكمل: وشعنه ماخبرتني .. ولا تشوفها حلوه اني ادري من العرب ؟! قال بهدوء: ماريتك انا عسب اخبرك .. بعدين السالفه ماتسوى .. قلت بعصبيه: ماتسوى .. اونك عاد ... ان ولد عمك يخطب اسما شي مايسوى!؟ قال بهدوء: مبارك .. هدي ياريال .. مايسوى عليك .. بعدين شو فيها لو خطبها؟! .. هب بنت عمه؟! قلت بصراخ: وانا اشوووووووووه؟! .. طمه يالس؟! قال بهدوء: وانته شوه يامبارك؟! سكت أنا ... جان يكمل: انا اقولك انته شوه .. انته ربيعي و الي مطلق ختيه الغاليه لاسباب سخيفه! قلتله: هب سخيفه .. بعد انا لي حق انكم تخبروني اذا حد خطبها! قال بعصبيه: وشعنه ان شاء الله نخبرك؟! .. لا انته ابوها ولا اخوها!؟ .. شو خصك فالسالفه؟! انصدمت من رمسته ... قلته: راشد .. انا ابو بنتها ، وريلها القبلي!؟ قال بنفس العصبيه: وخييييييييير يااااطير؟! .. تراك تقولها اروحك يا مبارك .. ريلها القبلي .. يعني مالك خص فيها من اللحظة الي طلقتها فيها! : رااااااااااااااشد .. انته تعرف اني كنت افكر اردها .. حتى قلتلك برمس ابوك فالسالفه بس الدوام منعني! قال: لقعه تلقعه الدوام .. لو تباها صدق كنت رمستني من زماان، هب تتريا يوم اي واحد كفو يخطبها تحتشر علينا جنا انحن الغلطاانين .. : واحد كفو!؟ .. شو قصدك يعني! .. لا قولها سيده احسن!؟ قول اني انا هب كفو!؟ قولها! قال بهدوء: مبارك بلاااك مشتط وتصارخ؟! .. ياريال مايسوى علينا والله! .. البنيه خطبها ولد عمها وابويه موافق .. بعدين انا اكثر عن مره رمستك وتخبرتك جانه في خاطرك تعرس مره ثانيه .. دووووووومك تقولي له مابا! قلت بعصبيه: حتى لو ... راشد .. لاتقربون بخليفه .. قاطعني: خبرك عتيييييييييج .. ابويه من قاله عميه وخليفه، وافق .. وأسما مابتسير عن راي ابوها! انصدمت .. انصدمت صدق! قالي: مبارك استهدي بالله .. أسما خلااااص هب حرمتك .. انته طلقتها من سنتين، يعني خلااااااااااص شلها من بالك! قلتله بيأس: برايك راشد! بندت التيليفون ... فريته الصوب الثاني .. القهههههههههر اني كنت اتريا اجازتي عسب اقول لعبدالله ونسير نخطبها مره ثانيه! .. بس ..! خلييييييييييييييييفه من وين طلعلي؟! . . | مريم | نفس الوقت .. مطار دبي .. وقفت اتريا منصور اييب الشنط .. وانا مييييييييييييته نعاااااااااااااس .. مررره ماارقدت فالرده، مارمت اصلا .. هب مرتااحه واحس بظيجه .. جنه شي بيستوي .. شفته يأشر لي فسرت صوبه .. قالي بعصبيه: الدريول الهرم مايا .. يعله النفاااااااااد! تأففت: لااااااااا لاتقووول .. منصور انا بطيح من طوووووولي ميته تعب! رفع تليفونه وهو يقول: جني انا الي اناقز من النشاط .. صبري بتصل فسعيد! قلتله: لا حرام توعيه من رقاده .. طالع انزين الدريول مره ثانيه! قال: بتتترين بعدج نص ساعه؟! نزلت جتوفي بخيبه وانا اقول: نص ساعه!؟ .. وكملت : اففف انزين نتريا ..! شفته يتصل وانا اقوله: بسير عند الكراسي .. قالي: صبري بنسير فوق صوب المطاعم، ابا اتعشى ميت يوع! وقفت دقايق وانا اشوفه يهزب الدريول .. محلى الرده والله .. ملييييت من السفر الصراحه، هههههههه و الله اني هب جايفه خير، اصلا انا امبوني هب راعية سفر .. قالي منصور بعد مابند التليفون: يالله روحنا .. يباله نص ساعه لين ايي هذا .. الهرم قايله عالساعه 1 تكون هنيه .. احينه يت 2 وعشر وهو راقد! كل رمسته وتحرطيمه ماكنت اسمعه .. ببساطه ميته تعب .. سرنا فوق ويلسنا عند واحد من المطاعم .. قالي: تبين شي؟! اشرت بايدي لاء وانا اساند راسي على الطاوله : لااااااااااااااء ابا ارقد بس! قال بعصبيه: نشي اييييه ... شو هالطيحه بعد؟! رفعت راسي بغبنه: منصووووووووووور تعبااااااااااانه! قال: حتى لو .. استحملي شويه .. قبظت صدري وانا احس الظيجه تزيد .. ياربي شو هالاحساااس .. احس عمري بصيح! وقفت ، جان يقولي: بلاج؟! قلتله بصوت واطي: ابا اسير الحمام .. وقف وياايه وقال: تعالي .. وصلني صوب الحمام ووقف بعيد شويه .. طبعاً عقب ماقالي اذا خلصت اسيرله هناك .. دخلت وسرت واحد من الحماميم بسرعه .. وزعت .. ياربي قلبي وصدري، احس بظيييييييييييجه .. انا هب مرتااحه .. شو استوى ياربي؟! طلعت من الحمام .. طالعت ويهي، غادي احمر .. غسلت ويهي وانا اتنهد .. شو استوى! بعد دقايق طلعت من الحمام .. قالي: حشى سنه!؟ .. شو تسوين هالكثر؟! عقب كمل: لا يكون تسبحتي هنيه؟! يلست على الكرسي بوهن .. قلتله بهدوء: شوه تتحراني خبله! قال: مريوم بلاج؟! حط ايده على ايدي وقال بهدوء: تبين تشربين شي؟! .. تاكلين شي؟! هزيت راسي بالنفي .. عقب قلت: توني زعت! عقد حياته .. عقب قال: ليش؟! .. انتي هب ماكله شي اصلا!! هزيت راسي بهدوء وسكت .. امايه، خواني ..من اسبوع ما اتصلت عليهم .. شو استوى عليهم!؟ نزلت راسي ببطء على الطاولة وانا اقول: مادري! سكت هو و سكت انا .. فتحت عيوني على وسعهن! .. غايه! من سرت مارمستها .. يعني حول الاسبوعين! ... يااااربيييه لايكون فيها شي؟! : مريم نشي اشربي جاي .. رفعت راسي صوبه .. كان يالس يشرب جاي وياكل كيكه جوكلت .. قلتله: بعده مطول هالدريول؟! : لا .. ربع ساعه وبيي! رديت انزل راسي ...... ميييييييته تعب! بعد اكثر عن ربع ساعه اتصل الدريول على منصور .. قاله: تعال شل الشنط! طلعنا بعد انتظار ساعه الا عشر دقايق .. في الدرب كان منصور يالس جدام وانا ورى ... تساندت على كرسي .. حتى رقدت من دون لا أحس! بعد فتره نشيت بهدوء .. شفت انا وصلنا البيت .. فتحت الباب ونزلت .. تلاقيت ويا منصور الي قال: كنت بحدر الشنط عقب بوعيج! اشرت بايدي: لا عادي .. حد واعي؟! هز راسه بالنفي: لا طبعاً .. الساعه 3 واربعين دقيقه! خطفت عنه بسرعه .. بزوع! سرت الصاله الداخلية بسرعه ودخلت حمامها وبندت ورايه الباب ، وفرغت الي فبطني كللللللله! بعد فتره حسيت براحه شويه .. غسلت ويهي وثميه وطلعت اترنح! سرت فوق صوب قسمنا .. وطحت على الشبريه .. وماحسيت بالدنيا! . . اليوم الثاني .. | شما | . . تلحفت باللحاف زين .. برد .. آنس عمري بموت .. طاحت دموعي للمره المليون وانا اتخيل اني بموت من دون لا يكون حد عندي! غمظت عيوني بقو ... عظامي يعورنّي خشمي ، عيني اليمين بتنقع! كل شي فيني يعروني .. تجلبت ببطء عشان ما يعورني ظهري .. بخيت ظربني ظرب .. وحمد ولد عمي قبله .. كلهم كلهم شاكين فيني .. اي شاكين اصلا غدوا متأكدين اني ظاهره ويا هالوحش! : الله يسامحكم ، ظلمتوني من دون لا تخلوني اشرح الكم السالفه! حطيت ايدي على ثمي وانا اصيح .. و الله الحياة ماتسوى .. اموت احسن لي! حسيت اني بزوع فقمت بسرعه وسرت الحمام .. اصلا هب ماكله شي! تساندت على المغسله وانا اتنفس بسرعه .. ليش ؟! .. ليش انا الي يستويلي جيه؟! ............ ليش من بد هالعالم هليه يشكون فيني؟! رفعت عيوني صوب المنظرة .. كان فيه وراها سده .. فتحتها، كانت مليانه اشياء .. شفت منها بنادول .. آكله كله عسب اموت وافتك!؟ انتحر يعني؟! رديت على ورى بخوف يوم تخيلت عمري انتحر! .. بكون من هل النار اذا انتحرت! .. بس .. اتم فهالحاله؟ .. اموت ولا اتم جيه .. رفعت ايدي ببطء .... باكل اربع حبات بس ..... بس اربع مابتذبحني! اول مامسكت العلبه ببطلها .. تبطل الباب ورايه ... شفته واقف يطالعني بعصبيه .. فريت العلبة الصوب الثاني وابتعدت عن الباب لين ماصكيت اليدار .... تم يطالعني بعيونه الوساع، عيونه جنها تعرف انا شو كنت بسوي ، اتجدم صوبي .. رفعت ايديه وغطيت ويهي وانا اصارخ: والله ماكنت بنتحر ، بس ابا الويع يخوووز الله يخلييييك لاتظربني! حسيت بالدنيا ادووووور و خلااااص قلت بموت .. قلت بصوت واطي وانا اترنح وهو الا يطالعني بنفس العيون: والله ماكنت ..... آخر شي حسيت به .. ان راسي مال ، او الدنيا مالت! . . بعد ساعه ونص ... رفعت ايدي بحج خشمي .. احس شي عليه .. بس عورتني ايدي! رديتها وانا احرك راسي ببطء .. شو هالاحساس، راسي ثجيييييل! شو هالريحه؟! فتحت عيوني ببطء، كانت الليتات فوق راسي بالضبط .. رديت اغمظهم .. : شما؟! .. انتي واعيه؟! لفيت راسي بسرعه صوب صوته .. عقدت حياتي وانا اطالعه .. منوه هذا؟! ... رديت اغمظ عيوني بتعب .. منوه هذا؟ وانا شو اسوي هنيه! : انته منوه؟! فتحت عيوني يوم قال: انا مايد .. بعد منوه؟! عقدت حياتي .. مايد؟! .. ماحيد حد من هليه اسمه مايد؟! حسيت براااسي يعورني موووووت! .. رفعت ايدي ببطء وفتحت عيوني .. طالعته! .. متلبس سفره وعقال، عيونه وساع سود، خشمه سلت سيفه .. بشرته سمرا .. وحاط ايده على ثمه! بس .... مايد؟! فتحت عيوني على وسعهن .. رديت راسي على ورى وانا احط ايدي على ثمي .... هذا .. وانا ،، حسيت بالدموع تتجمع فعيوني .. لفيت الصوب الثاني وبديت اصيح ...... يعني ، انا ما مت! : بلاج؟! هزيت راسي بالنفي .. وكملت صياح! هذا الي قالوا اني مواعدتنه ... هذا الي غدا ريلي ..... هذا الي يتحراني خايسه ... فهاللحظة دخلت حرمة متلبسه لبس ابيظ .. وهنيه عرفت اني فالمستشفى! رفعت عيوني صوبها .. طالعتني وقالت بسرعه: ليش تبكي؟! عقب كملت: عم تتوجعي؟! هزيت راسي بلاء وانا اسمعه يقول بسرعه: متى تروم تطلع!؟ لفت عليه وقالت بعصبيه: ما بتشوفا كيف تبكي ؟! .. شوعملتلا؟! قال: ماسويت الها شي .. هيه الي من نشت صاحت! .. احينه متى بتطلع!؟ ماردت عليه النيرس ويلست اطالع المغذي .. عقب شلته وقال: حرارتك مرتفعه كتير .. انتي ماعم تاكلي؟! غمظت عيوني رديت راسي على المخده .. خلاص ماروم اتحرك .. عظامي وجسمي كللله احسه حاااااااااار! ماحسيت به يوم رمسها ولا شو استوى عقب لني رقدت! . . نفس اليوم الساعه 10 وربع الصبح! | غايه | . . : لاااااا هذاك خله يحطه الصوب الثاني! : غايه تراج من الصبح تتشرطين .. شوتبينها الغنفه تنحط هناك؟! قلتله بعصبيه: اول شي هاي هب غنفه، ثاني شي انا اباها تنحط هناك .. بيتي وكيفي! طالعني فتره عقب سكت .. جان اقوله: بسير اطالع كيف رتبوا حجرة النوم! خطفت من عداله وانا اسمعه يزاقر على الهنود .. خطفت على صالة الحريم الداخليه .. و الحمامات، و الميلس العود، وحجرة الطعام المتصله ويا المطبخ .. عقب باب قسمي وعداله من اليسار باب قسم الضيوف .. دخلت القسم وانا ادعي ربي يكونون رتبوه مثل ماقلت لناصر .. كانت الحجرة واااااااايد عوده، ومربعيه، اول ما ادش القى على يميني باب ، الي هو باب الحمام و المغاسل .. عقب الكبت مجابل باب الحمام، عقب عاد اقصى اليمين الشبريه الحمرى و الذهبية، وجدامها مساحه شوي عوده فيها غنفات وطاولة مستديرة .. تنفست الصعداء، البيت حلو وصغير على قدنا، باقي بس ميلس الرياييل والمطبخ الي برع .. و الحديقه و شو بعد .. مكان البشاجير خلص من زمان ، وطلبناهم من المكتب بعد، بشكارتين وبشكار للطبخ .. يلست على الشبريه وانا اتنهد .. حطيت ايدي على بطني، كبر .. اصلا باقيلي اربع شهور واربي .. وافتك من هالمعاناه .. واييب عذبه ان شاء الله! مسحت دموعي بسرعه يوم دخل ناصر: هاه ؟ .. عيبتج؟! هزيت راسي بهيه وانا اقول: هيه حلوة .. شو سووا على الصاله؟ يلس عدالي وقال: لا رتبوها شرات ماتبين .. باقي الميلس بيي باجر، والبشاجير باجر تراهم يايين .. نزلت راسي وقلتله: ومتى بننتقل؟! قال وهو يحط ايده على جتفي: الاسبوع الياي ان شاء الله .. شحالج انتي؟! قلت بهدوء: الحمدلله .. عموه شو قالت؟! سكت .. جان اقوله: اكيد احتشرت، وهب بعيده عليها تكون سبتني!؟ قال بسرعه: ماقالت شي .. طبعاً بتحتشر بس هب لدرجة انها تسبج .. بعدين حطي فبالج انها اميه، يعني بتزعل ان ولدها العود بيظهر من البيت، بعد ماكان اكثر عن 29 سنه عندها! رفعت عيوني صوبه وقلت: صح .. ابا اعتمر ناصر؟ رفع حياته وقال: شو تعتمرين!؟ .. تبين تعقين ولدي فالحرم؟! .. لا بويه قري! قلتله بسرعه: لا عاااادي بنسير فالموتر او فالباص .. الله يخلييييك ناصر .. قال: ماعليه بنطالع .. احينه نشي بنرد البيت، ميت تعب ابا ارقد! وقفت وياه وانا اقول: ابا اسير صوب اميه .. بقيّل عندها .. طلعنا من البيت وهو يقول: هب جنج امسات مقيله عندها؟! ركبت الموتر وسكت .. صح .. بس مابا اسير لعمتيه احينه .. قلتله بعد فتره: عالعصر بكون فالبيت ان شاء الله .. قال: انزين .. بس الاسبوع الياي ماتظهرين من البيت .. تساندت على الباب وسكت عنه .. الاسبوع الياي بننتقل .. يعني ماتم شي وافتك من نغزات عمتيه، ونظرات أحمد .. خلاص ما استحمل اني اشوف المكان الي كانت بنتي تلعب فيه .. المكان الي ترقد فيه، وهب رايمه استحمل شوفة أحمد .. انا ادري انه هب قاصد او هب هو المسؤول عن موتها ، بس شوفته تهيظ مشاعري كلها .. ما اقدر حتى احط عيوني فعيونه! وصلني صوب هليه وروح ... دخلت الصاله وانا اسمع اصوات اليهال .. بالعاده كنت اييب عذوب ويايه، وتلعب ويا عيال خويه خليفه .. بس ! مسحت ويهي قبل ما افتح الباب .. عقب دخلت، كانت اميه يالسه على الارض وعفاري منسدحه على ريولها .. و اليهال يترابعون من الصاله للحوي! سلمت عليهن ويلست الصوب الثاني .. قالت اميه: فديتج غويه ليش متعبه عمرج، ترانا كنا بنييكم الليله! عقدت حياتي: ليش؟ .. محد خبرني!... قالت عفرا وهيه تيلس: اووووووه فاااااتج غاااايه، الشيخ حمااااادي قال بيعرس!! : اونه ... صدق اميه؟! قالت امايه: هيه والله .. ياني الاسبوع الي طاف وقالي ابا اعرس! و .. قاطعتها عفرا: اقووولج امايه تخبلت واشتطّت! ظربتها اميه على جتفها: محد تخبل غيرج .. المهم، سايرين الليله بنخطب له منى! رفعت عيوني صوبهن: اي منى؟! قالت عفرا: حماااااتك يابت .. الله دنتي نسيتيها؟! فتحت عيوني وانا اقول بصدمه: شوه؟! .. منى خت ناصر؟! قالت امايه: هيه .. خبرته وقال ماعليه .. هزيت راسي وقلت: بس منى .. منى ماتنفع لحمادي .. قالت اميه بسرعه: جيه بلاها؟! .. بنيه ماعليها قاصر ومزيونه! قلتلها: امايه انا خبرتج قبل شلّي منى من بالج! قالت عفرا: ليش شو بلاها منايه؟! .. والله انها فنانه !. قلت بعصبيه: بس ماتنفع لحمادي .. حمادي انا اعرفه، يبا وحده جاده، ومتعلمه ... هب وحده كملت سنه فالجامعه عقب وقفت .. بعدين منى عندها عيال عمها .. مستحيل يخلونها .. مادري شياني مره وحده وانجلبت عليهم .. بس اي طاري عن هل ناصر يخليني اتنرفز .....! قالت اميه: انزين انتي ليش معصبه؟! .. مسحت على ويهي وعفرا تقول: غايه فديتج امايه اتصلت بعمتج وخبرتها .. يعني السالفه .. وقفت بسرعه وانا ااشر واقول: خلاااص كيفكم .. يوزوه الي بتيوزوونه .. انا اصلا شو يخصني! طلعت من الصاله وسرت حجرة عفرا وبندت الباب بقو ورايه .. . . . | مايد | . . بعد عشرين دقيقه بوصل بيتنا .. خليت شما فالمستشفى لنها باجر بتطلع .. وبسير احينه ارمس امايه فسالفة العرس .. عسى الله تقتنع .. شليت تيليفوني بتصل فالمها اطالع وينها .. بعد فتره ردت: هلا مايد .. : اهليين .. شحالج؟! : بخير الحمدلله .. انته وين؟! قلتلها وانا اوقف عند الاشاره: احينه ياي .. اقولج .. : قووول !! : امايه وين؟! قالت بصوت واطي: هنيه .. ليش؟! قلتلها بسرعه: وابويه؟! قالت: مادري .. ليش شو تبا؟! قلتلها: انزين .. خبري امايه اني احينه ياي .. و .. خلها تترياني فحجرتي انزين! : انزين .. بس شو السالفه؟! قلتلها وانا الف صوب لفة شعبيتنا: بعدين بخبرج .. يالله برايج انا توني داش الشعبيه .. دقايق وبوصل. بندت عنها ، ومثل الميانين يلست اتدرب شو اقولها! والا خلي الرمسه اروحها اتي احسن .. نزلت من الموتر بعد دقيقتين ، ودخلت البيت .. كانت المها وشما يالسين فالصالة الي عن يمين المدخل .. على طول حطيت ايدي على ثميه و يتني شما تربع: ميوووووووود شو قايل لاميه انته؟! سلمت عليها وانا اقول: ليش؟ .. شو السالفه؟! لفيت على المها الي قالت: بتعرس شوه؟! شهقت شما وقالت: واااااااالله؟! .. منوه منوه بتاخذ؟! سكتها : جااااب اييه .. شو اعرس ما اعرس .. امايه وين؟! قالت المها: سارت مكتب ابويه .. ليش حاط ايدك على ثمك؟! طنشت سؤالها وقلت: والخيييييبه .. لايكون ابويه هناك؟! : لا هب هنييه .. شوتبابها امايه!؟! .. بعدت شما عني وانا اقول: بعدين بعدين .. يالله ادعولي! المها: جيه ساير حرب؟! طنشتها وسرت صوب المكتب .. تنفست بعمق وفتحت الباب ودخلت! كانت اميه يالسه على الغنفه الي جدام المكتب واول ماشافتني حطت الكتاب الي فايدها وقالت: شرفت حضرتك .. تعال تعال! : السلام عليج اميه .. شحالج؟! حبيتها على راسها ويلست عدالها .. قالت: بخير الحمدلله ... احينه خبرني شو سالفة خطبتك؟! لفينا على المها الي قالت: اها .. مثل ماتوقعت السالفه فيها خطبه! قلتلها بعصبيه: منوه سمح لج تدخلين ...!؟ رفعت صينية فيها كيكه وكوبين عصير و قالت بصوتها الممطوط: افا اخويه العود ياي وما اعطيه من الكيكه الي انا مسوتنها!؟ عقب كملت يوم شافت ظرسي: لحـــزن بلاه ظرسك طاح؟! رديت ايدي على ثميه وانا اقول بعصبيه: ماااايخصج ، يالله اظهري! قالت اميه: تعااالي تعااالي شوفي سوايا اخوج العوووود .. ساير يخطب ومش مخبر حد! حطيت ايديه على راسي وانا اقول: لا إله إلا الله .. وااالله يامي كنت بخبرج لكن انتي مره وحده انفجرتي فويهي! قالت بعصبيه: ومنوه هاي ان شاء الله الي فرت مخك؟! وكمل وهيه تزخ ويهي: صدقها المها، بلاه ظرسك؟ ,, متظارب ويا واحد انته؟ قالت مها وهيه تيلس: شكلك نكته الصراحه؟! اشرت امايه بايدها: مش مهم ظرسه احينه، قولي منوه هاي الي تباها وخطبتها حظرتك؟! وقفت وقلت بعصبيه: اووووووه .. بلاكن انتن ومنوه قال اباها !؟ قالت اميه : ومنوه قالي اليوم فالتيليفون .. ورققت صوتها: "عاد اباها" ... عقب كملت: تقص عليه ياولد علي؟! اففففففف .. كملت قسم بالله! رديت ايلس عدالها وانا امسك ايدها واقول: امايه سمعيني .. انا عقب يومين بسافر لندن .. عندي مشروع هناك لازم احضره، وبتم لين نهاية شهر 12 .. وانا متفق ويا ابو البنيه ، على واحد واحد بكون هنيه ، وبيكون يوم عرسي .. انزييييييين؟! فتحت عيونها وقالت وهيه تظرب صدرها: ياااااااااالله ياللوتي ... ها كله وانا آخر من يعلم!؟ .. ماتستحي على ويهك انته؟! ... قالت مها: صدق ميود !؟ .. ليش ماخبرتنا انزين؟! ردت امايه تقول بعصبيه: ربك بعد ماتعيبني ؟ .. شوبتسوي هييج الساعه؟! مسكت شعري من القهر وانا اقول: امااااااااايه انا ريال شوري فراسي .. اعرف شو ابا وشو ما ابا .. وكملت وانا اوقف: وانا هالبنيه اباها .. بنت عبدالله بن عيد .. سمها شما ، عمرها 20 سنه، توها باديه جامعه .. وعرسنا يوم واحد واحد الفين ويدعش! شهقت اميه: عقب شهرين؟! .. لا يابويه شو هذا؟! قالت مها: يااااااالله كيف مستعيل .. وين بتلحق تسوي كل شي؟! قلتلهم بثقه، ومنااااك انا اروحي ماعرف شو اسوي: ماعليكن، انا اعرف شو اسوي .. وكل شي بيكون جاهز ليلة العرس ان شاء الله! يلست اميه زين وحطت ريل على ريل .. يوم شفتها سوت هالحركة، تنفست الصعدااااااااااااء، عرفت انها اقتنعت وبدت تفكر جدي .. قالت: انزين .. ومتى الملجه؟! اي ملجة الله يخليج؟! .. اتخيل اسوي ملجه وانا خلااااص غديت ريلها؟! قلتلها: ويا العرس .. انتو رتبو عماركم ومايخصكم فامور العرس .. كل شي انا بسويه .. قالت مها: حافظ .. شقا جيه بعد ميود .. عنبو اول حد من خواني يعرس وجيه يكون عرسه .. مابنلقى وقت؟ سكتت اميه .. جان اقول: عاادي، شلو مريوين وسيروا لندن وتشروا .. انتوا بعد مايبالكم وايد! قالت اميه: صدقه ... انا ماصدقت على الله توافق تعرس .. ماعليه .. بس بشوفها يامايد! عقب قالت: ولا ماقلتلي انته انها تدرس برع؟! .. لندن ولا؟! وااخيييبتك يا ماااايد .. انا كيف نسيت اني قلتلها انها تدرس برع! ياااااااااااااااربي .. قالت مها: والله؟! .. عيل نسير لندن نتشرا و نسير نطالعها بعد؟! عقب لفت عليه وانا مغطي ويهي بايديه وقالت: تخلص شهر واحد هيه؟! هزيت راسي بالنفي بيأس .... كل ماقلت هانت وفرجت، افر لي كلمة تجلب الموازين كلها! رفعت راسي وقلتلهن: شوفن .. يوم تخلصن من كل شي هنيه ... خبرني، انا بحجز الكن صوب لندن واتون هناك تشوفنها .. بس خلن شوفها آخر محطه .. لنها عندها امتحانات وعباااله! قالت اميه: بس عاد لو خبرتنا من قبل كنا رتبنا زين .. بعدين تعال !!!! طالعتها وانا اتريا القنبله اليديده: ويا منوه خطبت انته؟! : منوه خطب بعد؟! اوه ماي قااااااااااد! .. دخييييييييييل الله ابا ارتاااااااااااااااااااااااااااااح! .. لفن على ابويه الي دخل وكمل: منوه خطب؟! قالت امايه بسرعه: تعال شوف ولدك .. سار وخطب وحدد يوم العرس وانحن آخر من يعلم! تميت منزل راسي اتريا ابويه شو بيقول .. بس ابد ماتوقعت يوم قال: ياحيه .. زين ماتسوي ياولدي .. عاده بنت منوه الي فرت راسك وخلتك تعزم؟! رفعت راسي وانا ابتسم لا تلقائي: فديتك يابويه .. شووووفن هاي هيه الرمسه السنعه، مش الظرابه الي سويتولي .. قالت اميه وهيه مد بوزها: هيه قلتلي .. قلت لابويه: بنت عبدالله بن عيد .. الريال الي كنت بشتري من عنده الناقه! قال ابويه وهو يبطل سدته ويظهر منها اوراق: هيييييييه والنعم و الله .. متى عاد العرس عسب اسوي البطايق؟! : ههههههههه يعني قصدك عليك الا البطايق؟! ظحك وقال: ههههههه هيه عيل .. عندك فلوسك سو ابهن عرس ولا بيتمن على جبدك .. ! قلتله وانا اخاشمه: واحد واحد ان شاء الله .. بعدني اليوم ان شاء الله بحجز .. خطف عنا وقال: هييه زين زين ، الله يوفقك .. طرشلي الي بتعزمهم، وانتو يا عاليه طرشولي الي بتعزمونهم .. ظهر ابويه من المكتب وقالت اميه: هيه ناصرنك ابوك، مانروم نقولك شي! حبيتها بقو على راسها وانا اقول: فدييييييييت ماماااتي .. انا بسير فوق ارتب شنطتي عسب السفر .. يالله سلااام! اشرت بايدها اونه باي وهيه ترمس المها عن سالفة العرس .. على الاقل بينشغلون فهالسالفه عني .. ظهرت من المكتب وتلاقيت ويا شما .. كانت يالسه عند التلفيزون .. قالتلي بحزن: هييه تخلون المها ادش وانا اتم اروحي هنيييه .. سرتلها وقلت : سيري يلسي وياهن .. تراها سميتج! قالت بسرعه وهي توقف: منوووووووووه؟! قلتلها وانا امط خشمها الصغيرون: حرمتي .. سمها شما .. سيري عند امايه ومها يخبرنج بالتفاصيل! قالت بفرحه وصراااخ: يااااااااااااااااااااااااااااااي اسمها شما؟! ..فديييتها وفدييت طاريها! طالعتها بصدمه وهيه تفر الريموت على الغنفه وتربع صوب المكتب! هزيت راسي بسخريه .. الله يعييين! . . تتملة الجزء الثـــالث عشر .. . . | مايد | اليوم الثاني .. وقفت اترياها تيلس صوب الدريشه وانا شال شنطتها .. يلست بهدوء وسكتت .. يلست عدالها وحطيت شنطتها فثبانها .. قلتلها: تعرفين تعدلين حزامج؟! هزت راسها بلاء ، عقب قالت: ما جد ركبت طياره!! رفعت حايبي باستهزاء .. كملت .. مديت ايديه بربطه بس هيه قالت بسرعه: لا خلاااص .. انا بسويه! خوزت ايدها بعصبيه وانا اقول بصوت واطي: قصري حسج .. عدلت الها الحزام وهيه لافه الصوب الثاني، من زييييييينج يعني .. قلتلها: الفتره الي بنتم فيها اقل عن شهرين، سجلتج فمصحه جنوب بريطانيا .. شهر و يومين ، يسدنج تردين مثل ماكنتي واخس! كملت وانا الف صوبها: وانا برتب للعرس .. طبعاً انتي مابتلقين وقت تشترين فيه، فالله يبارك لج فذوقي، و طبعاً بيعيبج وغصبن عن شكلج .. الفستان ترومين تختارينه فاليومين الي بنتم فيهن عقب طلعتج من المصح، او انا اشتريه مش مشكله .. عدلت يلستي يوم قال الطيار انا بنقلع احينه وانا اكمل: العرس بيكون فالهيلتون، ليلة واحد واحد الفين ويدعش!!.. و هلج معزومين، بس ابوج ما بيي انا متأكد! .. واذا يا فخوانج غصبوه! و لا تتحرين انه لسواد عيونج .. هذا اذا كانن سود .. سكتْ .. عقب كملت وانا الف عليها: الا خايف على سمعته .. و من يخلص العرس بنسير بيت هليه .. ولاتفكرين فشهر عسل، لنه العسل خلص من ايام عنتره و قيس!! لفت عليه وقالت : أوامر يعني؟! رفعت حايبي وقلت بتحدي: مش بس أوامر .. أوامر و تتنفذ! عدلت يلستها ولفت الصوب الثاني وهي ساكته .. سكت عنها و استرخيت فمكاني ، الرحله وايد طويله ...! بوفر شي من رمستيه .. ولا بمل! . . | شما | . . بعد ساعتين .. طالعته وهو راقد عدالي .. مالت على ويهك يالخقاق .. انته وظرسك هذا!! لفيت اطالع العالم تحتي .. مصغرهم ياربي .. جنهم سماسيم .. رفعت ايدي وطالعت مكان ابرة المغذي الي غادي بنفسجي .. شكلها النيرس ابطت ادور العرج .. تذكرت خبالي يوم كنت بنتحر .. ابتسمت بسخريه على حالي .. والله ولا فأشد كوابيسي! غمظت عيوني وانا افكر فترتيبه للسيره وللي بنسويه فلندن .. كنت محتشره على سلطان و بخيت العام عسب يقنعون ابويه نسافر لندن فالصيف .. هه وهذيه انا سافرت، ويا ريال ماعرف عنه غير اسمه .. واسمه لولي بس! ياليتنا على الاقل سرنا صوب امريكا .. ربكم بعد اتلاقا ويا سلطان .. فتحت عيوني بسرعه .. لا و الله الحمدلله ماسرنا .. والا كان سلطان ذبحني صدق .. لوان ابويه ماسواها ، .....! ابويه؟! .. غمظت عيوني بقو عن اطيح دموعي ... ابويه الي المفترض يكون سنديه فالحياة ... سندي و العضييييييد .. حتى ماطالع فعيوني .. مارمسني .. ماشفته حتى .. كيييف يكونون اقرب الناس لك يشكون فيك !؟ .. كيف يكونون متأكدين لهالدرجه؟! .. وبخيييييييت! ماااصدق انه ماشك ولو لحظه اني مغلطه فالموتر .. كيف ، يعني هو كان يعرف اني متفقه وياه عسب نسير الخياط .. كيف اكون بهالغباء واتفق وياه وانا متواعده ويا واحد ثاني؟! ماحيد هليه اغبياء جيه!.... فتحت عيوني وانا اتساند على ايدي واطالع من الدريشه .. العالم على صغره، ظالم وجاحد! .. سخريه القدر و الله، ما جد في حياتي سافرت، آخر شي سافرت من دون هليه، ماودعت ابويه، ماحبيته على راسه، ماغايظت عليا اني بسافر عنها، ماشفت هنادي، ولااا حتى عذيجه الي من تقريباً شهرين ماطاحت العين، ... وخواني .. بخيت وسلطان .. خواني الوحيدين، واحد مايعرف عن شي، و الثاني تبرا مني بكل بساطه ... رفعت ايدي ومسحت دمعه خانتني ونزلت .. ياااااالله ياقلبي كيف يعورني، حتى امايه ماشفتها .. احيد انها كانت فالصاله يوم حمد كفخني .. ومن عقبها ماشفتها .. كيف ، كيف خلتني اسير من دون لاترمسني .. كيف قدرت تخلي بنتها الصغيره تطلع من البيت مظيومه وهيه يالسه فحجرتها، جنه ماشي استوى .. ماقدرت استحمل الصراحه .. بديت اصيح مره ثانيه .. وفي كل مره احس عظامي تعورني، واتذكر حمد و بخيت كيف كفخوني .. الناس الي المفترض تكون اقرب من انفاسي الي .. تكون بهالطريقه .. بهالوحشيه ..! غطيت ويهي بايديه وانا اصيح .. ياربي كيف استوى هالشي .. كيف جيه؟ .. : بس ايييييييييه فظحتينا!!! لفيت عليه بغيظ وانا اقول بغبنه وبصوت مبحوح من الصياح: جب لاترمسني .. اكرهك ومااحبك .. اصلا انته كل السبب .. كل شي استوالي بسبتك .. تميت اطالعه بكره فظييييييع .. ومن داخلي انا ميييييييته خوف .. قلبي يرقع رقع! قال بكل هدوء: يوم نوصل صيحي لين ماتموتين ، بس احينه اسكتي احسن لج! رديت اقول بصوت مرتجف: شو بتسوي يعني؟! .. هاه ؟! .. وكملت وانا اعلي صوتي: شو بعدكم بتسوون أكثر من الي سويتوه؟! مد ايده وقبظني بقو وهو يرص بظروسه: شما .. اسكتي احسن لج! : قلتلك لاتصكـ... : عفواً .. فيه شي اخي؟! رفعت عيوني .. عقب نزلتهن يوم رص على ايدي وقال من دون لا يطالع الريال: مافيه شي ربي يسلمك .. نبا ماي لو سمحت! حطيت ايدي الثانيه على ايده وخوزتها بالقو .. قال الريال: فيه شي اختي؟! طالعت مايد الي لف عليه وقال بعصبيه: قلت مافيه شي .. لو سمحت هات كوب ما و بنادول! طالعه الريال بشك عقب طالعنيه .. نزلت عيوني بسرعه ومايد يقول: فيه شي اخويه؟! هز الريال راسه وقال بأدب: لا ابداً .. هلأ بدون اجيبو طلبك استاز! روح الريال ومايد لاف الصوب الثاني .. عرفت انه معصب .. بس انا مايهمني . حياتي انتهت من دخل هو فيها! قال ببطء وهو يلف صوبي: ان سمعت حسج مره ثانيه .. و الله بتشوفين ..! لفيت عنه ومارديت .. خله يلتقع .. مايستاهل غير اني اعامله بهالطريقة .. دقيقه وكان نفس الريال واقف وفايده صينيه صغيره عليها كوب ماي و اربع حبات بنادول .. شل مايد الكوب و حبتين بندول وقال: تسلم .. تم واقف الريال عقب قال: ازا بدكون أنو شي بتندهولي وانا بجي .. رحله سعيده! تم يطالعني وانا اطالعه لين ماروح الريال فقالي: شلي الماي اشربي واصرطي هالحبتين .. وفكيني من صدعج! لفيت الصوب الثاني: مابا بندول .. ادريبك تبا تذبحني!؟ قال بسرعه وعصبيه: هيه والله عسب افتك .. ولا شو ابا بشيفتج المكفخه!؟ حسيت بقلبي يدق بقو وانا ارد عليه ودموعي تتجمع مره ثانيه: هيه تراك هب انته الي انكفخت على شي مايخصك فيه! مد بوزه بغيظ وقال: اونه؟! وراواني ظرسه وقال بسخريه: عيل الظرس وين سار؟! .. اجازه ماخذ؟!! لفيت عنه وانا امسح دموعي: تسمي هذا ظرب؟! .. خلهم بس يظربونك شرات ماسوولي .. وقولي ان قدرت ترمس! سكت عني وحط الكوب والبنادول على الطاولة الصغيرة بين كراسينا .... حتى انا سكت! شو بعدني بقول! .. خلاااص كل شي انتهى، وحتى اذا تظاربت وياه وسبيته وقللة من ادبي .. شوبيستوي؟! .. بيتم هو ريلي! .. وبتم انا بنت عبدالله الي خانت ثقتهم !! بنتهم الخايسه! . . | مريم | . . رفعت راسي بهدوء اطالع الي فتح الباب بكل قوة .. حاولت اركز بس ماقدرت، راسي بينقع! : مريم؟! .. نشي الساعه يت 4 ونص العصر! منوه هاي؟! .. رفعت ايدي اغطي عيوني يوم فتحت الستاير .. افففففف! .. دفشه! : انتي منوه؟! فتحت عيوني بعد ماحجيتهن وهيه تقول: انا صالحه خت ريلج .. نشي يالله! نعم؟! .. خت ريلي؟! .. لحـــــــــــــــــظة! اصطلبت بسرعه وانا اعدل ثيابيه .. متى نشيت وغيرت ثيابي و رديت ارقد؟! .. احيد اني رقدت بالعباه! مسحت على شعري بسرعه و وقفت: سمحيلي مادريت انج بتين! ومنااك انا مستغربه، خت ريلي؟! .. من متى منصور عنده خت؟! انفجرت فويهي: طبعاً مابتعرفين .. تراج منخمده هنيييه ولا من سمع ولا من دري .. شو هذااا؟! طالعت وين مأشره لقيت الحجرة مجلوبه فوق تحت .. بسم الله منو سوا جيه؟! وكملت بعصبيه وانا حتى ماشفت ويهها: اونها حجرة وحده معرسه هاي؟! .. استحي على ويهج، حتى ماشفتي ريلج وين سار!؟ عقدت حياتي وقلت : لو سمحتي .. هب لازم تصارخين . .انا اروم اسمع! قالت بنفس العصبيه وهيه تتجرب منيه: لا والله!؟ .. عيل شعنه ماسمعتي تليفونج يصيح من صباح ربي؟! رفعت عيوني صوبها وطالعتها: انا يايه امسات من السفر، يعني يحق لي ارتاح شويه! كانت سمره، عيونها مجحلات و حاطه روج .. ضخمه، اطول عنيه بشويه .. و صوتها يلعلع جنها غراب .. ابتعدت عنها شوي وانا اقول بهدوء: سمحيلي بسير ابدل! اشرت بايدها بغيظ وقالت: بسرعه اترياج تحت! و ظهرت من الحجرة وهيه تتحرطم .. اسمعج انزيين! طالعت حولي وانا اضغط على صدغي، آآخ شو هالاعداااام؟! سرت حجرة الملابس وطلعت لي كندورة وملابس داخليه بسرعه ودخلت اتسبح .. بعد نص ساعه، وبعد ماصليت الي فاتني من الصلوات، اعوذ بالله راقده من 3 الين اربع اليوم الثاني .. حشى هب رقاد! تجحلت بسرعه وحطيت روج خفيف ونزلت الها .. عن تصلخني احينه .. سمعتها ترمس فالتيليفون قبل ما اي: هيييه ريتها راقده ياخويه .. هاي هيه حرمتك الي حشرتني اني ارد واحظر عرسك؟! .. ماتسوى والله! رفعت حايبي بغيظ .. انتي منوه اصلا؟! .. ماحيد ان عنده خوات منصور!؟ .. ولا لحظة، اهاااااه هاي خته من ابوه! .. ايوااااااااه! تنفست بهدوء ودخلت .. طالعتني اول مادخلت وقالت: هذييه هاه شرفت .. تعالي منصور يبا يرمسج! اتجربت منها وانا اسلم: السلام عليكم .. شحالج؟! مديت ايدي الها بغياظ جان تقول: عليج السلام .. يلسي يلسي رمسيه! رديت ايدي وانا اقولها: منوه يباني؟! فرت عليه التيليفون وهيه تقول بصوت عالي: ريلج يالعنز .. بعد منوه؟! : عنز؟! .. لو سمحتي حسني الفاظج! قلتها بعصبيه وصوت عالي جان ترد عليه: خسرتيني ردي على الريال! رفعت التيليفون على اذني: السلام عليكم! وقفت بسير بس ايدها منعتني ومنصور يقول بصوت تعبان: عليج السلام .. شحالج مريم؟! خوزت ايدها عني وانا اقول: بخير الحمدلله .. بلاه حسك؟! تعمدت ارمسه برسميه .. هه جني ارمسه بغير هالصفه .. قالي : ماشي .. ليش راقده لين احينه؟! كنت بقول شي بس صوتها سكتني: قوليله انج منخمده لين احينه .. واتجربت منيه وهي تعلي صوتها: قوليله خل يشوف الي اختارها على بنت عمه! رفعت عيوني صوبها بحده وانا اقول: لو سمحتي اختي .. احترمي نفسج! كنت بكمل بس ماسكتني غير صوت صراخ منصور: مرياااااااااام نشي بعيد بقولج شي! وقفت بسرعه وطلعت .. اعوذ بالله شو هالاخت .. قلتله بعصبيه: منصور منوه هاي؟! .. تقولي اختك! حسيت به يتنهد ، عقب قال بصوت تعبان، واهي: مريـــــــــــم .. اسمعيني! فز قلبي بقو وقلت بهدوء: بلاك!؟ .. بسم الله صوتك تعبان؟! سكتْ .. فتره طويله وانا حاطه ايدي على قلبي .. انا قلت شي بيستوي .. لا ياربي محد من هلي شي مستويله .. يارب! قال بهدوء: امايه ... وسكت .. ماجذب عليكم اني حسيت براااحه .. يعني محد من هليه ، محد بلاه شي! بس .. حرام هاي عمتيه بعد! قلتله: بلاها عمتيه؟! قال وصوته يبتعد جنه بيسكر او شي: امايه مـــــاااااتت! حطيت ايدي على ثميه وانا اشهق .. شوه ؟؟ .. عمتيه .. ماتت؟! |
رد: أوعدك ، لا توسدت التراب .. ما أبكيك!
تم فتح الموضوع بطلب من الكاتبة......
|
رد: أوعدك ، لا توسدت التراب .. ما أبكيك!
الجزء الرابع عشر .. الاحد .. الساعه 11 فالليل! | عيد | . . يالس على العرقوب، الي صوب لفة شعبيتنا، اروم اشوف الشعبيه كللللللها من هنييه ، هكووه بيتنا مظلم، يعني كلهم رقدوا! كنت يالس ويا حمدان وفايز، و مريوين النذل! مروان: عيووووود دخيييلك رمس خوك .. يااريااااال بتمل هنييه! طالعته بطرف عيني وانا اقول: مابمل انا .. اعرف عمريه، بعدين اعرف انتو شعنه سايرين!! قال بسرعه: وشعنه سايرين يالفطين؟! سكت عنه .. اونه سايرين مصر، بعد شوتبون؟! .. الا سوالف شباب خابزنها وعايننها! قالي فايز: بتستانس ياريال .. ولا عسبة انه خوك مابيخليك!؟ قلتله وانا اصب لي جاي: لا والله . عبدالله لو قلتله بسيير مابيزخني .. انا الي قلت مابا .. كل هالوقت وحمدان ساكت .. طالعته يوم قال فجأة: اهب .. نفد الريال! طالعت المكان الي يطالعه ، لحـــزن موتر منوه هذا!! شفت موتر ناقع على طرف لفة شعبيتنا .. وقفنا بسرعه وانا اقول: نشو نطالع الريال .,, يمكن حد عنده! نزلنا بسرعه وسرنا صوبه .. كان ريال واقف على الطرف الثاني يطمش على موتره يحترق .. ارقام دبي .. الريال هب من هنييه .. : السلااااام عليك .. لف علينا وهو حاط ايدينه لى خصره: عليكم السلام .. قلتله: رب ما شر؟! .. بلاه الموتر؟! اشر بايديه باستهزاء: نفااده، ماباه اصلا عندي فيراري فالبيت! رفعت حايبي بسخريه .. وحد تخبرك انزين؟! قال مروان: ياااااااااااااالله يدييده اللكززس .. افا والله! طالعه الريال باستهزاء وصد الصوب الثاني .. بلاه هذا .. قاله مروان: يارياااال سر طالع جانه عندك شي فالموتر .. بيحترق! وقفت بهدوء عدال حمدان انطالع الوضع .. والريال يصد على مروان: ماعندي شي . شو بيكون عندي بعد؟! سكتنا .. جان يقوله فايز: اتصلت بالشرطه.! قاله الريال بقو: هيه عيل بترياك! قلتله بعصبيه: وبلااك تقولها جيه؟! .. عنبو جنا انحن الي منقعين موترك!! طالعني وسكت .. رد مروان يقوله: متأكد ماشي عندك داخل؟! .. ياريال اوراق ولا شي؟! سر طالع عن ينفدن!؟ لفيت على مروان بسكته بس هو غمز لي ورد يكمل: يديد الموتر بعد .. والله تعور شوفتها تحترق هاللكززس! قاله الريال بعصبيه: نفااادها .. عندي غيرها واروم اشتري شراتها! رفعت حايبي وانا اقول: اها .. زين عيل، المهم اتصل على الدفاع المدني خلهم ايون .. عورتلي خشمي ريحتها الخايسه! قلت للشباب: يالله روحنا، مايحتاي مساعده ,, ساد عمره ماشاء الله! قال مروان: اروم اشل توايره؟! .. بحطهن على الفيتارا .. لف عليه وقال بصوت عالي: نعم؟! .. نقعت من الظحك عليه ... خلاااص مارمت استحمل وفايز حاط ايده على ثمه وحمدان الوحيد الي قال: شو تباهن بينفدن احينه ... اخيرك تشل الجنااح فنااان و الله! بدو المصخره .. قالهم الريال: انتو شاربين؟! كان مروان بيقول شي بس خطف علينا بن سالمين الي فالشعبيه الثانيه، خييبه يهالريال كيف يروع .. عليه جسم!! المهم انه يجربلنا من بعيييد !! نزل من الموتر وقال بسرعه: رب ماشر؟! .. شو السالفه؟! ولف عليه: مرحبا عيد شحالك؟! خاشمته وانا اقول: مامن شر يطولي بعمرك .. الا الريال نقع موتره! سار صوبه ويلس يرمسه وانا اقول لحمدان: يالله نرد .. لاعت جبدي من شيفته .. قال مروان وانحن رادين: اسميييييييييييني ظحكت عليه .. لكمته على جتفه وانا اقول بظحكه: اونه بشل توايره .. ههههههههههههههههه والله انك حركااات! فايز: بيعيبكم شكله فاليوتيوب! : ههههههههههههههههه هييه عطه انته ولا علييك! قال حمدان: شو يسوي هنييه ؟ حد من هل ولد خالد من قوم دبي؟! قلتله باستغراب: وشو خصهم هل خالد؟! قال: تراه عرس ولدهم اليوم! .. ربك بعد يكون من هلهم! حطيت ايدي على خشميه وانا اقول: يع .. رد رد عيل بنلعوزه شوي بعدنا! حمدان: هههههه يالهرم .. خله عنك شتبااه؟! قلت وانا ااشر على رقبتي: مرره واقف هنييييه . ماروم ابلعه .. بوتفق! بعد دقايق من يلستنا ، يا مال الكافيتيرا الي عدالنا .. تعشينا بهمبرغر!! قالي مروان مره ثانيه: عيوووود عاد .. مابتغير رايك؟! قلتله وانا اشرب العصير: ابووويه انا عندي امتحانات نهائيه، ابا اييب نسبه! وسكتْ .. جان : هههههههههههههههههههههههههه! ماتوا من الظحك .. قلتلهم بغيظ: شوووه؟! .. هب مصدقييين يعني!؟ ونفخت صدري وانا اقول بصوت عالي: انا عيد ولو بوعبدالله بن عيد ، يوم اقول اني بييب نسبه اييبها! ظربني حمدان على ظهري وهو يقول: عن الخراااااااااااط .. لو كان فوقنا سقف كان طااح من زماان! مروان منسدح وميت من الظحك ، وفايز ساكت ويلعب بالبلاك بيري! شليت حفنة تراب وفريتها على مروان الي قال بصدمه: اييه يالطفس خيست العييييييشه، حراام يغربل شكلك! قلتله: هييج الساعه يوم انته يايب 61 و انا 90 بتقول عيد قال! قال حمدان: يالله خلصوووو بنسير الميلس نلعب سوني! قلتله وانا اطالع الساااعه: ماشي وقت .. احينه يدعش! قال: لا شي .. بنسير ميلسكم دامه اجرب بيت! : اوووه السوني فالبيت .. مافيني ادش ويقبظني عبدالله احينه! وكملت: خلوها باجر وعشاكم عندي! قال مروان على طول: تم .. لاتسويلنا عاد سندويشات جبن وبيظ وتقول هذا عشايه وانتو كيفكم! ظحكني: ههههههه لا لا .. هييج المره يايين متأخر ، بعد شو تبون اسويلكم .. زين اني وعيت البشكاره من دون لا ينش حد من خواني! بعد عشر دقايق تفارقنا عند بداية الشعبيه .. سرت اتمشى وانا اسمع ميحد فالتيليفون .. قبل ما اوصل البيت . شفت حرمتين يتمشن، لفيت عنهن الصوب الثاني، وبجيه بلف الشعبيه كلها عسب اوصل لبيتنا .... بعد خمس دقايق كنت واصل ففس الوقت الي وصلت فيه اميه .. طالعت الساعه باستغراب عنبو شوي تصك 12 ... وين كانتظ! تريتها لين مانزلت وبندت الموتر .. سلمت عليها: مرحبا امييييه، شحالج؟! قالت: عيد؟! .. مرحبتين، بخير الحمدلله انته من وين ياي؟! قلتلها وانحن ندش داخل: هنييه يالس على العرقوب ويا الربع .. قالت: هيييه يايحك والله .. وين خوانك؟! يوم دخلنا الصاله كان عمير يالس عند التلفزيون .. وقف يوم شافنا وسلم على امايه الي قالت: بسير ارقد اانا، ورايه نشه من الصبح .. انتو بعد لاتبطون .. قالها عمير: وين كنتي امايه؟! قالت بسرعه: صوب وحده من الحريم فالدختر .. قالها: يت أم سعيد تباج .. ووصلت بطايق العرس . تليقنهن فالسده فحجرتج .. قالت: هيييييييه ياحيهها أم سعيد .. وقالت قبل ماتدش قسمها: باجر اباكم تعابلون ويا ولدها .. حليله محد عنده غير هالعمام الي هب سائلين عنه .. لاتنسون عاده .. اباكم تبيظون الويه! قالها عمير: ويهج ابيظ .. مررره ماعليج .. قالت: تصبحون على خير .. : وانتي من هله! يلست عدال عمير وانا اقوله: اروحك اشوفك .. ونوه عمر عنك؟! قال: صوب دبي .. عنده كمن شغله بياخذنهن عسب السفر! عقدت حياتي باستغراب: اي سفر؟! قال: بنسير لندن نكمل دراسه هناك! قلت بصدمه: شوه؟! .. وانا آخر من يعلم؟! متى وليش؟! اشر بايده وقال: عيد لاتبدا احينه .. بنسير الاسبوع الياي والسالفه انتهت خلاص! قلتله بغيظ: وليش انا محد يخبرني؟! .. جني الا ولد السيلانيه! قال وهو يوقف: اففففففف .. بيبدا عاد احينه .. سر يابويه شل مرظعتك وارقد .. وكمل وهو يدخل الممر: تصبح على خير! اونه! .. بلاه هذا بعد .. مالت على هالويه ، العوق مني انا الي تخبرتك وعطيتك اهميه .. صدق قوم هالبيت مايتوالفون .. حشى تقول عدايل هب خوان! بندت التلفزيون و سرت حجرتي .. برقد انا بعد .. شو ورايه! ولا لحظة .. هب جني شايف مبارك البارحه .. ونوه؟! .. ماشفت اليوم الصبح ولا عالغدى! سرت قسمه ودقيت الباب .. سمعت صوت التلفزيون شغال .. بعده واعي! فتحت الباب بهدوء ، طاحت عيوني على مريوم راقده على الشبريه اطالع توم وجيري وقابظه دبدوبها .. ومبارك عدالها يجلب فاوراق !! رفع راسه صوبي وقال: حيه عيود .. اقرب! دخلت وبندت الباب ورايه .. وبديت مهمتي كل ماشفت مريوم .. هيه شكلها ماحست .. أحسن بعد! قالي مبارك: لا عيد الله يخليك بتصيح ولابترقد! قلتله بهدوء وانا اركب عداله وجدامي مريوم عاطتتني ظهرها: اششششش .. من زمان عن العوزها! انسدحت عدالها وقلت بصوت عالي: منوووه الشيييييينه؟! لفت عليه وشهقت وهيه تحط ايدها على ثمها .. كانت بتنقز تشرد عنيه بس انا قبظتها وسدحتها على ظهرها وانا اقرقطها .. تمت تتلوى وهيه تصارخ: لاا لااااا هههههه بااااااس بااااااااااس . بااااااابااااااااااااه شوووووفه! : هههههه فديييت هالحس انا .. لا لا ماشي باااس لاا يوم تقولين منووووه الشينه!؟ قالي مبارك: بسسس عيوووود صمت اذني! دمعت عيونها من كثر ماظحكت .. وقفت شويه وهيه تعدل بيجامتها وترد تقول بصوت متقطع: لا ههههه بس خلاااااااص! رفعت ايدي برد اقرقطها بس هيه رفستني بريلها وربعت الصوب الثاني من الحجره: يااالشييييييييينه تعاااااالي! وقفت وسرت صوبها بس مبارك ظرب ريلي لين ماطحت على الارض هو يقولها: تعااااالي بسرعه! ربعت صوبه وهيه تظحك .. جان اقولها: ماعليه يالشينه .. شوفي ويهج كييف!؟ لازم اصيحها .. قالتلي بغيييظ: لااااااا انته ثيييييين .. انا لااااااء! يوم شافتني قمت اندست فثبان ابوها الي قال: باااس خلاااااص ... رقااااااااااد! قالت بسرعه: لا لا ... ويت صوبي وهيه تقول: ابا عمي! مسرع ماغسرت رايها .. توها ماتباني! مديت ايدي الها وشليتها ومبارك يقول: شلها يابوك، بموت من التعب ... مريووم حبيبي بترقدين ويا عمي! هزت راسها بهييه وهيه تقول: هييييه انا وعمي! قلتله: عطوك اجازة ماشاء الله؟ قال بغيظ: لا والله انا خذت اجازه ... لاعت جبدي منهم .. قلتله وانا اظهر: دريت بعمير وعمر؟! قال : شوه!؟ .. انهم بيسافرون؟ .. هيه قالي عبدالله .. قلتله: وشعنه انا اروحي الي ماعرف؟! طالعت مريوم الي لفت ويهي صوبها وقالت: يالله نرقد! بستها على خدها وانا اقول لمبارك: يالله تصبح على خير! ظهرت عنه وبند الباب ورايه .. خلهم يولوون والله .. شو ابا اعرف جانهم بيسافرون ولا... امبونهم عمر وعمير غير عنا .. دومهم ارواحهم ومانعرف ربعهم! فريت مريوم على شبريتي وانا اقول: يااااااااالله رقاااااااااااد! .. الشينااات يرقدون بسرعه عشان ينشن حلوااات! . . بعد يوم .. مطار لندن! | مايد | . . : شما؟ .. مديت ايدي بوعيها لنا وصلنا بس هيه فتحت عيونها فآخر لحظة .. تمت اطالعني باستغراب .. قلت بسرعه: يالله بسرعه وصلنا .. عدلت يلستها وهيه تقول: وصلنا؟! مديت ايدي لفوق وشليت شنطتها الي مادري شو حاطه فيها .. وقلت: نشي يالله بننزل وصلنا لندن! : اففففففففف ... انا قلت كان كابوس! ابتسمت يوم قالت جيه ... حتى انا اروحي يوم رقدت تحريته كان كابوس .. لو مانشيت على صياحها . كنت قلت مستحييل يستويبي جيه! بعد ربع ساعه كنا واقفين عند باب المطار .. مطر يطيح، يبالنا تكسي احينه .. افففف! كان الجو بااااااااااااارد و انحن ماعندنا مظلة .. لفيت عليها لقيتها متلثمه بشيلتها وترتجف .. انا عادي عندي، متعود على جو لندن، بس هيه، تقول اول مره تسافر .. فصخت جاكيتي الابيض ولفيته عليها .. بس ماواحيت الا وهيه اطالعني بعيونها الوساع بعصبيه .. قالت: مابا جاكيتك .. خله لعمرك! خزت عنها وانا ااشر للتكسي: ما امتحنت منج اصلا .. خليني افرج فالمصح وافتك ، عقب سوي الي تبينه! ماسمعت شو قالت، او هيه مارمست .. وقفت تكسي بعد انتظار خمس دقايق .. لفيت عليها بقولها تركب .. بس ..... ويييييييييييييييينها؟! .. لفيت بعيوني بسرعه اطالع الي عدالي .. بس محد .. الجو مطر وليل وبرد .. وين تبا هاي! حطيت الشنط فدبة التكسي وقلتله يتريا .. بس الهرم ماطاع زين اني طلعت شنطي قبل مايشرد الخايس .. حطيتهن على طرف عدال اليدار وانا ادور بعيوني .. ياااااااااالله وين سارت؟! مشيت عدال المكان الي كنا واقفين فيه .. بس ماشفتها .. ياربي عونك، مافيني اتظيع عني احينه! رديت ادور مره ثانيه وانا اصارخ: شمااااااااااااااااا .... كل الناس قامت اطالعني، الي يشوفني يقول هذا يحب حرمته ومتروع عليها .. انا ماحبها .. بس متروع عليها! وقفت اطالع الشارع المقابل .. بس متسحيييل تكون سارت هناك، الخط سريع ومابتقدر تخطيه! مسحت على ويهي وانا اتنهد واتنفس بهدوء، اهم شي اركز، ولا اتخبل .. هدي يا مايد، وين بتسير يعني؟! بعد ربع ساعه خف وجود الناس .. بس لحظة .. انا مادورت داخل! دخلت بسرعه وانا ادور الها بعيوني .. درت فالدور الي تحت وانا اتنفس بسرعه وثيابيه خرسانه ماي .. وقفت فنفس المكان الي يينا منه، بس ماااااااااااااااااااااحد! بديت اعصب الصراحه .. وين تبا هاي! مسحت ويهي بهدوء .. بخبر الشرطه احسن شي .. بس .. لحظة! وانا مجابل الباب الخارجي الزجاجي .. لمحتها واقفه فالمطر .. عرفتها من الجاكيت الي عطيتها! ربعت صوبها وانا اتنفس بسرعه رهيبه والغييييظ اشتعل داخلي .. ماشفت شي الا انا واقف جدامها ورافع ايدي ، عطيييييتها طراااق برد فوادي، وماااااكفاني، مسكت جتوفها وانا اصارخ: انتي كيييييييييف تسيرين عني!؟ .. كيييف تمشين اروووحج وانتي ماتعرفيين شي هنييه؟! .. ماتحسسيييييييييين انتي؟! وكملت وانا اهزها: ويييييييين كنتي!؟ كان راسها يتحرك بقو من هزي الها، ماعرفت جانها تصيح ولا هالمطر الي خيسها ... وقفت الهز وانا اتنفس بسرعه وضاغط بايدي على جتوفها وعيوني مفتوحه على االآخر وانا اطالعها .. بعد دقايق نزلت ايديه وانا الف عنها .. مسحت ويهي وانا اتنهد .. الحمدلله ماياها شي .. لفيت صوبها وقلت بهدوء: وين كنتي؟! .. وليش سرتي اروحج؟! هزت راسها ببطء وهيه تقول: ماسرت مكان .. كنت وراك بس انته ماشفتني! عقدت حياتي بغيظ: وكيف ماشفتج وانا بغيت اموت من الزيغه عليج .. دورتج فكل مكان وانتي جنج الا شبح واختفى! نزلت عيونها وسكتت .. كنت بسير اييب الشنط بس هالمره مسكت ايدها ويريتها ويايه .. حسيت باني واحد ثاني ونا زاخ ايدها جيه، وقلبي يدق دق من الزيغه عليها .. ضغطت على ايدها بقو وانا اتنهد .. حرمتي هاي .... لازم ما اضيعها! . . | شما | . . وصلنا الفندق الي حاجز النا فيه بعد نص ساعه .. كنت احس بالحمى يايتني لني وقفت تحت المطر .. حطيت ايدي على خدي اتلمس مكان صفعته .. مع انه ظربني، الا اني مالومه ... هالريال الي ماعرفه، هذوه يدور لمصلحتي، بيوديني مصح عشان ترد صحتي مثل ماكانت .. وبيسويلي عرس .. صح مايحبني ولا يدانيني .. بس على الاقل .. تروع عليه .. يعني فيه امل! شفته واقف عند الريسيبشن ، شكله حلو وهو خرسان ماي، كان متلبس جنز اسود، وفانيله زرقا غامجه .. طالعت جاكيته الابيض الي عليه .. ريحة يوفوريا .. اعرف هالعطر ! تميت اطالعه لين مالف عليه وااشر لي .. تحركت ببطء وانا اسيرله .. ريولي تعورني وراسي يدووور! ركبنا المصعد وانحن ساكتين .. انا مافيني حيل ارمس ولا اسولف ولا اي شي! اصلا حتى لو سولفت شو بقول!؟ ولا لمنو بسولف! .. كنا فالطابق العاشر .. وقفنا عند باب القسم، تساندت على اليدار اترياه يفتح الباب، فتح ودخل الشنط وقال: تعاالي ليش واقفه؟! تحركت ببطء وانا اترنح .. دخلت داخل، كان الجو دفا .. غير عن برا .. فريت عني جاكيته على الارض وسرت لاول باب شفته، كان حمام، خطفته وخليت الباب مفتوح فتحت الثاني كانت حجرة زرقا وبيج .. الوانها حلوه .. لفيت اطالع شو يسوي .. بس اتذكرت شنطتيه .. هه شنطتيه الي عدلتها الي عليا ختيه .. ماكان فيها وايد ثياب .. بس يسدني لين باجر .. تجربت من مكان الشنط الي كان هو واقف عنده .. خذت شنطتيه .. بس و الله ماقدرت اشلها .. كان واقف حاط ايده على خصره ويطالعني .. بس والله ماقلته يشلها عنيه! خذتها بايديه الثنتين وانا امشي ببطء .. دخلت الحجرة وبندت الباب ورايه .. فريتها على الارض وطلعت منها بيجامه وفوطه ولبس داخلي ... ودخلت فالدفا .. تسبحت بماي حاااار وانا احس براسي يدوووور ودخان الما الحار زادني .. انا ماكلت شي من امسات .. يبالي اكل شي عشان آخذ الدوا وارقد .. بعد ماخلصت من السبوح ، كانت الساعه 2 ونص فالليل .. نحن سرنا بعد صلاة الفير ... فاتني الظهر و العصر و المغرب .. اففف .. صليتهن بسرعه وانا احس عمري بطيح من طولي .. بعد ساعه، كنت مخلصه .. طالعت عمري فالمنظرة, اظهر من دون الشيله؟ .. ولا اتلبس الشيله؟! كنت متلبسه روب رقاد حرير ابيظ.. ايدنه طوال ، كان شعري مفلول، وطويل، وايد طول عن آخر مره قصيته .. احينه وصل فوق خصري بشويه .. لميته بسرعه يوم تذكرت انه مايستاهل اكون حرمته .. تلبست وقايه من الي حطهتن عليا فالشنطه .. وظهرت برع .... كانت التلفزيون مشتغله .. على قناة انجليزية .. المكيف مبند احسن شي! .. طلعت بس هو ماكان موجود .. كانت الصاله وايد عوده، وفيها اربع بيبان، واحد حجرتي انا، وواحد حمام، و الثنينه الثاني ماعرف عنهم شي، اخاف افتح وحده منهن يطلع مايد فويهي .. يخرب بيته اسمه حلو وشكله حلو! هزيت راسي بضيق، يعني كل شي بتم اقرنه بهالمايد .. مايسوى عليه! لفيت بسرعه يوم انفتح باب الشقه وطلع منه مايد، وقف يطالعني ثواني عقب قال بسرعه: دشي داخل الريال بيحدر العشا! رديت لحجرتي بسرعه .... شكله غييييييييير .. ماكنت ادري انه شعره طويل .. اسود فاحم وطويل .. غربله الله والله انه حلو .. متلبس برمودها بيظا وفانيلة سودا .. مسحت على ويهي وطلعت يوم سمعت حسه : شما .. تعالي تعشي! مادري ليش حسيت قلبي نقز يوم زقرني .. .. مالت عليه .. كيف يرمسني هذا جني حرمته من زمااان؟! .. هب جنه مغصوب عليه وانا مغصوبه عليه؟! ظهرت وانا رافعه راسي .. مايخصني فيه .. باكل .. وبمزر بطني ، وباخذلي دوا وارقد .. خله يلتقع! كان يالس على الكرسي وجدامه طاوله محطوط عليها العشا، وفايده الريموت .. شكله تعمد مايطالعني .. مد ايده وشل صحن معكرونه ويلس ياكلها وهو يطالع فلم ... يلست على الكرسي الي مجابلنه وبديت انا بعد آكل . المعكرونه حلوة .. بس حاره شوي .. كلت خمس لقمات عقب حسيت ببطني يرد يعورني .. افففف .. مع اني مشتهيه، بس يالله احسن عن ازوع مره ثانيه .. : باجر الصبح بوديج المصحه .. رفعت عيوني صوبه .. بس ماكان يطالعني .. كمل بهدوء: المصحه هاي وايد فنانه، ربعي يمدحونها، بيراعونج وبتردين شرات أول! نزلت عيوني وانا اشرب عصير .. كمل هو: فيه شي نسيت اقوله لج .. رديت ارفع عيوني صوبه ... قال وهو يطالعني: اذا عرسنا.......! وابتسم بسخريه: وردينا البلاد ان شاء الله .. بتكونين حرمتي! وكمل وهو يتساند على الطاوله ويطالعني بحذر: حرمتي صدق .. مش سوالف غصيبه ما غصيبه! رفعت حوايبي بدهشه .. بس ماقلت شي .. كمل: فهمتي؟! .. ولا افهمج؟! تراجعت على ورى وانا احس ويهي يحمر .. لفيت عنه وهو يقول: انا مش مستعد ادفع نفس الي بدفعه لعرسنا، وعقب اخذلي حرمه ثانيه .. وكمل بهدوء حسيته .. غريب: مايحتاي حرمه ثانيه وانتي عندي! وقفت بسرعه وانا اقول : انا ماباك! .. بعدين .. بعدين انته ...! : انا شوه؟! .. رفع صوته وهو يطالعني: انا مايخصني فيج انتي .. بعدين انا اخبرج، مش اشاورج! كلي يالله وسيري رقدي .. مافيني تموتين عليه بعد! لفيت عليه اطالعه ... تجمعت الدموع فعيوني .. حرام عليك يا ابويه! تم ايطالعني فتره عقب نزل عيونه وكمل عشاه .. حطيت الخاشوقه من ايدي .... كنت بسير الحجرة، بس لفيت عليه وقلت بصوت مرتجف: بتبطي الساااع .. وماكون بنت عـ... فتحت عيوني بقو يوم نقز من مكانه وفر الصحن عنه .. رمشة عيني للحظة ، لحظة بس، الا وهو واقف جدامي بالضبط وايده على رقبتي ....... ماحسيت بشي .. ماسمعت بصراخه .. كل الي كنت اشوفه عيونه تنقط شرار و فمه يتحرك بسرعه رهيبه وعاقد حياته ...... للحظات بس ... وماحسيت بالدنيا! . . | بخيت | . . الاثنين فالليل .. : بخيت .. شموه وين؟! رفعت عيوني الذبلانه صوب ختيه هناادي الي وقفت عند باب ممر حجر البنات و هيهعاقده حياتها باستغراب .. كملت هيه: عنبو الساعه 11 وين بعدها هايته؟! ابتسمت بسخريه وانا اقول: هايته؟! .. اسمييج يبتيها! ووقفت فوق راسي وتساندت على الغنفه الي منسدح عليها: ونيه انزين؟! .. امايه راقده ، وعلايه فالمطبخ .. لحظة ابويه وين؟! قلتلها بهدوء وانا اجلب فهالقنوات: مادله .. وشما لاتسألين عنها مره ثانيه! قالت بسرعه: وشعنه بعد؟! .. وين سارت هيه؟! .. لين احينه برع!؟ عدلت يلستي وقلت بكل برود .. اصلا من عقب سالفة شموه احس كل العالم يدري .. كل العرب الي فشعبيتنا يعرفون ، وحتى ماطلعت من البيت الا للجامعه ومارمس حد من ربعي .. : اختج عرست وروحت بيت ريلها! قالت بظحكه: هههه شو تنكت بخيت؟! .. شو عرست بعد؟! مديت بوزي وانا اقول ببساطه: مانكت .. ربج بعد ، عرست وروحت! قالت بعصبيه وهيه اتي جدامي: بخييييييت عن الاستهبااال .. ونيه شما؟! وكملت وهيه تشل تليفونها: انا اتصلت ابها اكثر عن مليون مره، بس كله مبند! عدلت يلستي .. و مسحت على الفراغ الي عدالي وانا اقول ببطء: تعالي يلسي عدالي .. حطت ايدها على صدرها وقالت بخوف: بخيت ان كان استوالها شي قولي بسرعه .. قلت وانا اطالعها: هناادي .. يلسي وبخبرج بكل شي! يت ويلست عدالي وقالت: هااه يلسنا .. قول يالله! رفعت عيوني صوبها وقلت بدون مقدمات: الاسبوع الماضي، بالتحديد يوم الاربعاء، اكتشفنا ان شما ختيه محد فالبيت، وماخبرت حد انها بتظهر مكان، ودورناها فكل بقعه وماريناها .. آخر شي ويوم يت الساعه 11 ونص فالليل، شافها حمد ولد عمي ظاهره من لكززس واحد من ربع ابويه ، و .. وبس! انصفق ويهها مره وحده وتمت اطالعني بصدمه ... مرررره مارمست .. كملت انا : عرفه ابويه الريال كان هنيه عندنا نفس الليله بيشتري ناقتي ، المهم ان ابويه ياب المليج وملج عليها مايد .. هيه صح الخايس ربيعها ولد عم منصور ريل مريوم بنت عميه! كنت اقولها هالرمسه وتطعني فالصميم قبل ماتوصلها هيه .. والله اني حسيت اني بصيح من الغيظ و القهر ..... و الحــــزن على حال ختيه الصغيره .. رفعت ايدها وحطتها على ثمها وهيه تقول: شمـ... شما ... شمـ.... انته ... انتـ... شو تقول! مسكت ايدها بقو وانا اقول بصوت رخيم: هند .. شما اختي واختج .. بنت اميه وابوج .. من دمي ودمج ... كانت ترابع رياييل ..... كانت وحده خايسه ، حالها من حال الكشره .. ورفعت صوتي وانا اشوف دموعها اطيح وهيه فاجه عيونها على الآخر: الخاااااااايسه كانت مراااابعه وااحد .. و بقواات ويه تقولنا هوه غصبني ..... اختــــــي أنا ... عرضي و شرفي، راح هدر تحت ريولها .... اختج يا هند! هزت راسها بقو وهيه تقوم من مكانها: جذاااااااااااب .. شميم مستحيل تسويها .. حرااام تقول جيه بخيت ، حراااام تفاول على ختك! وقفت وياها وانا اصارخ: حراااام؟ .. شو افاول ما افااول .. اقوووولج شافها حمد ... والريال نفسه معترف .. وهيه اروحها قالت انه غصبها ... وتـــجذب ، بكل وقاحه تــجذب! ارتفع صوت صياحها وهيه ترد تقول: بس شما ياهل .. لا لا انا ما صدق .. مستحييل .. وكملت وهيه تأشر بايديها: ومتى استوى ها كله؟! .. هاااه وانا آخر من يعلم!؟ .. كييييييييف محد يخبرني؟! لفيت عنها وانا امسح ويهي: مادل .. ماعرف انا .. كل شي استوى بسرعه! : شما ... شما الياهل جيه تسوي؟! : اذا انتوا هلها ماصدقتوها .. كيف الغرب بيصدقونها؟! لفيت على علايه الي حطت صينيه كيك على الطاولة .. طالعتها بغضب: شو نصدق مانصدق؟! .. احينه يوم انه حمد بعيونه شايفنها نازله من موتر هالخايس .. بعد مانصدقه؟! .. ونصدق رمسة بنيه خايسه تبا هلها مايظربونها؟! رفعت راسها وقالت بقو: انا اعرف شما .. اختي من اميه وابويه، مثل ماقلت، من لحمي ودمي، تباني اصدق افعالها ولا طبعها و الطريقه الي هيه مربايه عليها؟! لفيت على هند الي يلست على الغنفه وكملت صياحها ... غمظتني .. كله ولا هند .. طنشت علايه ، يلست عدال هند وحضنتها بقو وانا اقول: استهدي بالله يام حميد .. الخايسه ماتسوى دمعه من عيونج! رفعت راسها وقالت بخمول: اختي يا بخيت .. ماتباني اصيحها؟! قالت عليا بغيظ: حتى انتي يا هند؟! .. ماتبين تصدقين رمسة شما؟ . وكملت بصراخ استغربته من شخصيته عليا الهاديه: انتي ارووحج تقولين انها اختج، كييييييف ماتصدقينها؟! لفيت عليها وصارخت فويهها: جااااااااااااب عليا ... السالف انتهت وشما شلها الريال وكفتنا من شرها.! طالعتني فتره عقب قالت: وانا؟! .... عقدت حياتي باستغراب : انتي شوه؟! قالت بغبنه: انا شو ذنبي انغصب على حمد ولد عمي؟! لفت علينا هند وقالت: نعم؟! .. انتي بعد؟! قالت علايه: انا بعد شوه!؟ .. بعد بتشكون فيني؟! قلتلها بسرعه: امبونه حمد بياخذج، من زماان بعد بس السالفه سرعت السالفه! قالت هند باستغراب: شوه!؟ .. جيه حمد ملج على علايه؟! هزيت راسي بهيه وانا اقول: السالف انتهت، لا تعيدون وتزيدون فيها، بعدين ابويه ان درى انكن رمستن فالسالفه بقصااابكن ... وكملت وانا اخطف عنهن: تصبحن على خير .. دخلت حجرتي وبندت الباب ورايه .. فسخت الكندورة وشغلت الكيف وانسدحت على الشبريه ... يا فبالي صورة شما يوم تترجاني اصدقها ... غمظت عيوني بقو وانا احط ايدي على صدري، من يوم سالفتها وانا احس بويع فصدري، مادري بلاني، بس الي اعرفه ان فيني حزن يوسع بلد .. تجلبت فمكاني، و انا افكر .. تذكرت يوم كانت تترجاني اوديها الخياط ..... ليش تقولي تبا تسير الخياط وهيه مواعده؟! لييييييش؟! .... بعدين الريال كان يبا يتشري الناقه، وبقوااات ويه مواعد شما!؟ .. حشى علييه ماجد شفت احقر منه ... بس .. بالعاده اذا حد كان مواعد وحده، لازم يتأكد انه مايعرف خوانها عشان مايشكون فيه! .. بس هذا يا لييييييين مييلسنا ودش بيتنا، وهو مواعد بنتنا؟! السالفه هب داشه مخي .. مسحت على ويهي انا اقول: الله يوفقج يا شما .. وكملت وانا اغمظ عيوني : ويسامحج على الي سويتيه! . . | هند | . . نفس اليوم فالليل .. كنت يالسه فالصاله عند علايه .. وساكتين .. لفيت اطالعها، كانت تمسح دموعها وترد اطيح، لفيت عنها وانا اغطي ويهي بايديه ..... شما الياهل جيه تسوي؟! .. وليش ماخبروني؟! .. ولا بس لني من اسبوع ماييتهم، خلااااص غديت هب بنتهم؟!.. الي استغربته فالسالفه اني تخبرت امايه جان اطنشني وتقول انها بتسير ترقد ... وكاانت تسووولف وايد الليله على عكس عادتها، جنها ماتباني اسألها عن شي! .. استغربت، بس ابد .. ابد ماظنييت ان شما بتكون مواعده واحد و عرفوا هليه ... وخلووو هالخايس الي مواعدنها يشلها وياه فنفس الليله! قلت لعليا بهدوء: مصدقه انتي؟! .. قدرتي تصدقين ان شما جيه تسوي؟! قالت بانفعال: لا طبعاً ... هند هاي شما .. الي حتى ابويه كانت تخاف منه! وكملت : كيف تبينها تخونه وهيه تتروع تسلم عليه؟! .. كيف بتواعد واحد وبخيت وانا واميه فالبيت .. وابووويه بعد كان هنيه؟! هزيت راسي ببطء وانا ارد عليها : انا هب مصدقه .. اصلا شما مستحيل تسويها ..صح عليها حركات، بس ماتوصل لدرجة انها تواعد واحد ... : السلام عليكم و الرحمه .. رفعت راسي بسرعه صوب ابويه الي دخل الصاله .. وقفت ببطء وسرت سلمت عليه .. وعلايه بعد! طالعني وقال : وين العرب هند؟! .. من اسبوع ماشفناج؟! نزلت عيوني عنه .. ولا حتى ابتسامه .. قلت بسرعه: موجودين الغالي .. بس لهينا ويا الدنيا شويه ... اسمحلنا! قالت له عليا: تعشيت بويه؟! هز راسه وقال وهو يخطفنا: هيه الحمدلله ... نشو ارقدو يالله! رفعت راسي بسرعه: ابويه .. وقف ولف عليه .. بلعت ريجي واتجدمت صوبه .... ماعرفت عن اشو اتخبر.. بس قلت بسرعه: شما وين احينه!؟ فلحظه، كانن عيونه احمر وعقد حياته، طالعني بنظرة حسيت عمري مسويه كبيره من الكباير .. قال بنبرة اول مره اسمعها، نبرة خلتني احس بالخوف .. لدرجة اني حظتني نفسي: ان سمعت هالاسم مره ثانيه فبيتي ذبحتكم ... سمعتووووووا يا عيااااااااال عبدالله!؟ فتحت عيوني بقو وسكت ... انا ليش خبرته اصلا؟! رد يقول بصوت جهوري: سمعتووووا ولا اسمعكن ثاني مره؟! قلت بسرعه بصوت واطي: هيه فديتك سـ.. : لا تتفديني ولا اتفداج ... قولي سمعت وبس! هزيت راسي بالم وانا اقول: سمعت ... : متى بييج عبدالله؟! قلت : من ربع ساعه قال انه بيي! رد يقول: عليا ... سيري ارقدي يالله! قالت بغبنه واظحه فصوتها: بس بشل الكيك احطه فالثلاجه و .. : لاتحطينه ولا يحطج .. نشي ارقدي يالله! خطفت من عداله بسرعه وانا تميت واقفه ... مسحت دموعي وانا اسمعه يقول: اصلي بريلج خله يشلج يالله! وكمل بعصبيه: ماعندي بنات يتم واعيات لين 12 ! ظهرت تليفوني فمخبايه بتصل بس ابويه قال: هذوه عبدالله يا .. يالله اظهري جدامي..! شليت عباتي الي عالمعلاق والشيله و ظهرت من باب الصاله وابويه ورايه ... نزل عبدالله من الموتر وسمعته يسلم على ابويه ... ركبت انا وفريت العباه والشيله ورى .. كنت اتنفس بسرعه وانا راصه بقو على ثمي عن يطلع صوت صياحي ... تخيلت شو استوى على شما سوم عرف ابويه .. اكيد طلعت من البييت مكفخه ... نزلت راسي وتساندت على اركبي .. دقيقه وكان عبدالله محرك الموتر وظهرنا من بيتنا .. اول ماحسيت انا ابتعدنا عن ابويه خوزت ايدي عن ثميه وصحت صياااااح ... عمري ماصحت مثله .. حتى يوم مات يدي ماصحت جيه .. حطيت ايديه على ويهي وانا اصيييييييييح .. ماحسيت بعبدالله يوم وقف الموتر .. لكني حسين بايده تمسح على ظهريه .. رفعت عيوني صوبه وانا اشهق وارمس فنفس الوقت: ليييييييييش ماخبرتني؟! .. ليييش ماقلتلي عن شما؟! .. حرااام عليييييييكم .. رديت اصيح وانا ااشر بايديه ... ماعرف شو استوالي، كل الي اعرفه ان قلبي حسيته بينقسم من كثر الويع .. رفعت عمري وانا اظرب على صدري واصارخ: آآآآه يا فواااااادي .. ياااظيااااع شبااابج يا ختيييه .. كان عبدالله سااااكت وموقف الموتر عند بدايه شعبيتنا .... رديت اصيح وانا مغطيه ويهي ... : بس هند .. خلاص مايسوى عليج والله! لفيت عليه وانا اصارخ: ماااسوى عليه؟! .. الي نرمس عنها تراها ختييه كانك ماتعرف! وكملت وانا اضغط على صدري: اختي يااا عبدالله .. من لحمي ودمي ... اختي اناااا! حسيت بغبنه وانا اسمعه يقول: اختج حانت ثقتكم ..... وانتي بعدج تصيحينها؟! مارديت عليه وانا اصيح .. واااايه عليييج يا ختيييه ... كل ها استوالها وانا محد .. عرست وهيه ماتعرف شي .. ياااااااهل ياناس، توها مخلصه الثانويه وعرست ,,, رفعت راسي صوب عبدالله وانا امسح عيوني: بتوديني اشوفها .. انا مستحيل اصدق اي شي عن ختيه الا يوم اشوفها ... لف عليه وقال بعصبيه: شو أمر هوه؟! رديت اصيح وانا اقوله بترجي: عبدالله الله يخليك ... انا لازم اشوفها .. مستحيييل اصدقكم .. لازم اشوفها واسمع السالفه من ثمها! وكملت وانا امسك ايده بقو: دخييييييلك توديني .... عبدالله هاي شما .. تعرف شو يعني شما! خوز ايده عني وقال وهو يحرك الموتر: مابوديج، وانا خلاااص، ماعندي بنت عم سمها شما! غمظت عيوني وانا اقول: دخيييلك عبدالله ... الشييييمه انك تودييني؟! رد يقول بصراخ: هند خلاااااااااص .. السالفه انتهت! لفيت عنه وانا امسح ويهي .. قلبي يعورني، واحس اني بموت من هالظيجه! حطيت ايدي على بطني .......... حتى ماقلت الهم اني حامل! . . نفس اليوم .. قبل ساعات .. | مريم | . . تساندت على طاولة المطبخ وانا اضغط على طرف بطني .. واااايد يعورني! : مريووم بلاج؟! لفيت على فاطمة وانا مغمضه عين وفاتحه الثانيه: بطني يعورني .. مادري بلاني احسه يحرقني او .. مادري! قالت بهدوء وهيه تحط صينية القهوة و الجاي على الطاولة عدالي: يمكن لنج من ييتي وانتي سايره وراده .. وكملت بخفوت: رمستي منصور؟! عدلت وقفتي وانا ارد: لاء ...آخر مره شفته يوم وصلنا اولت امس! فاطمة: اها .. سعيد يقولي ساااكت مايرمس .. حتى تليفونه غالقنه! لفيت وقلتلها: حتى ماعزيته .. أنا أصـ.. : يالسات تسولفن هنييه وانا اترياكن؟! لفينا على صالحه خت منصور ،الي كانت واقفه عند الباب اطالعنا بعصبيه ... هالحرمه عوفه بشكل .. قالت فاطمة: يايات انزين .. كنت بغير القهوة و الجاي ! طنشت رمسة فاطمة ولفت عليه : وانتي؟! .... رفعت حايبي باستغراب: وانا!؟ قالت بعصبيه: وييين هلج ما يو يعزون؟! وكملت باستهزاء: ولا انتي بنتهم، مايحتاي اشوف عليهم انهم مايوو .. يوم انه انتي هذا مذهبج عيل هم الا شراتج! عصبتبي جان اقولها بصوت عالي: صالحه .. لو سمحتي انا ماقلتلج شي .. مايحق لج ترمسيني بهالطريقة! قاطعتني: اسكتي بس وهاتي القهوة ويا فاطمة ... خلينا المعزين ارواحهم! وطلعت من المطبخ .. افففف، تقههههههههر! فاطمة: خليها عنج ... انا متعوده عليها، اتيها ايام ماتواطني، وايام انا وياها عاادي نسووولف .. وكملت وهيه تظحك: هههه بس حظج انج حرمة منصور .. هو اروحه مايدانيها وهيه اخس عنه! قلت: ليش انزين؟! .. قالت ببساطة: عسبت انه صالحه كانت واااايد ترمس عن ام منصور الله يرحمها .. وام صالحه اروحها سااالفه! وكملت وهيه تشل الصينيه عن البشكارة: عقب بقولج سالفتهن .. المهم انتي سيري ارتاحي شويه .. ويهج اصفر! مسحت على ويهي وانا ارد عليها: اخافها تنازعني .. مافيني على الظرابه، اروحي ميهوده! طلعت وياها وسرنا ميلس الحريم العود .. هذا اليوم الثاني من العزا .. امايه وهند يو اول يوم وتمن لين فالليل وروحن .. واليوم غرييبه ماين! .. عسب جيه هاي مشتطه! يلست عدال وحده من الحريم .. ماكانن وايدات .. خمس او ست ، نزلت عيوني وانا افكر .. يمكن ماكان حد يحبها ... بس، يوم ييت انا هنيه، احيد العزيمة الي سوتها كانن وايد حريم هنيه، ويسولفن رباعه ,, لكنها هيه ماكانت تسولف، يمكن هيه ماتبا حد يحبها او يسولف وياها .. وانا اصلا من ييت هنيه مارمست وياها وايد، مايلسنا رباعه وايد عسب نرمس او نسولف .. عقدت حياتي يوم تذكرت شكلها، كنت احس بقشعريره يوم اطالعها، يمكن عسب جيه هيه ماكانت تطلع وايد من حجرتها! : مريم! رفعت راسي بحده على صوت صالحه تصارخ .. قلت بسرعه: هلا ... قالت بغيظ: بلااج ماتردين؟! .. طالعت الحريم الي عدالنا .. كلهن يطالعنا باستغراب .. قلت باحراج: سمحيلي ماسمعتج! ومن دااخل انا ابا اسير اكفخها الخااايسه! قالت وحده من الحريم: حليلها روعتيها يام بخيته ... عمتها متوفيه اكيد بتسرح شويه! ام بخيته!؟ .. هاي العوفه معرسه؟! .. مالومه ريلها يوم انه فرها هنيه! قالت: ادريبها .. نشي منصور يباج فالصاله الثانيه! فز قلبي يوم قالت منصور .. اخيراً بشوفه عقب العزا .. آخر مره شفته يوم يينا من المطار، وآخر مره رمسته يوم نشيت من الرقاد ,, وقفت بهدوء وطلعت برع .. وقفت عند المنظرة اطالع شكلي .. عنبوو هذا ويه عروس!؟ .. مسحت على ويهي بسرعه ودخلت ... ماكان حد فالصاله! عقدت حياتي باستغراب .. دورته فالحمام او المغاسل .. بس محد! رديت اطلع ، وقفت فنص الصاله افكر .. ولخييييبه جانه عصب اني تأخرت و ظهر! .. افف ، ظهرت تليفوني من مخبايه ، جاد ربكم بعد يكون فجه .. دقيت عليه وانا مغمظه عيوني ياارب يرد! فتحت عيوني يوم سمعت صوته يرن ، الحمدلله فجه .. بعد لحظات رد عليه: ألووووه .. قلت بسرعه: السلام عليك .. شحالك منصور!؟ تم ساكت فتره عقب قال بخمول: ترييتج فالصاله ماييتي .... قلتله بهدوء: انزين شحالك؟! قال بنفس الصوت : بخير .. وسكتنا .. يلست العب بزينة التيليفون وانا احرك ريلي على زينة الارضيه .. قلتله بعد ثواني: عظم الله اجرك .. : اجرنا واجرج ... انتي وين!؟ : هنيه فالصاله! ... وكملت : وين بت البارحه منصور؟! : هنيه فالميلس ... عقدت حياتي : ليش انزين؟! .. حتى تليفونك بندته .. وكملت بهدوء: روعتني .. اتصلك كله مبند! .. وانا ماشفتك من يوم ردينا! طنش سؤالي وقال: و الليله برقد هنيه بعد .. بس بيي اشل ثيابي .. جهزيهن .. قلت باستغراب: ليش انزين؟! .. تعال بات فحجرتك وعقب نش بسرعه اذا قصدك على الظيوف! قالي بسرعه: لاء .. جهزي الي قلتلج .. مع السلامه! : لحظة منـ... تأففت يوم بند التيليفون .. شوهذا .. انزين ندري ان امك متوفيه، بس هب لهادرجه .. يعني تخبر عني شوف شو استوالي شو ما استوالي! بعد ساعتين ماتم حد فالبيت غيرنا انا وفاطمة وصالحه .. كنا يالسين فالميلس وهدوووء .. محد يرمس .. طالعت صالحه الي كانت ماسكه البلاك بيري .. جنها ترمس حد! .. رديت اطالع فاطمة الي ابتسمت واشرت بايدها اونه ابا ارقد .. ظحكت بهدوء وانا اهز جتوفي اني مادري .. شو انسويلها هاي احينه! فجأة وقفت وقالت بسرعه: يالله بسير انا .. وسكتت .. عقب كملت بخبث: لاتتحرن اني مابرد ,, يايتنكن باجر وعقبه .. يالله تصبحن على خير! وقفت بسرعه بسلم عليها بس هيه خطفت من جدامنا وظهرت من الصاله .. قالت فاطمة: اهب .... جنا بناكلها! قلت: ههههههه الا قولي هيه الي بتاكلنا .. رديت ايلس وانا اقولها بهدوء: رمست منصور .. لفت بسرعه وقالت : هاه شو حاله؟! انسدحت على الغنفه وانا ارد: بخير يقولي .. لكن حسه تعبان وايد .. ثره بايت فالميلس البارحه .. وبعد الليله بيبات هناك! قالت باستغراب: وشعنه انزين؟! : مادل .. هيه صح علي وين؟! ابتسمت: رااقد فديته .. كانت فيه حمى اليوم الفير .. تعشى وعطيته دوا ورقد .. : نوم العوافي ان شاء الله .. وكملت: نشي ارقدي انزين .. وقفت: والله بسير اطيح شويه .. ظهري بينكسر .. بطالع سعيد بعد ..! قلتلها بسرعه قبل ماتظهر من الصاله: تخبريه عن منصور! اشرت بايدها: زين .. وانتي ارقدي بعد! رديت راسي على ورى وغمظت عيوني ... رقااااااد ياناااس .. الساعه يت 12 .. اففف والله اني مييييييته تعب! فتحت عيوني بسرعه يوم تذكرت ثياب منصور ... لحـــــــزن! نقزت بسرعه وربعت فوق .. يااويلي ... فتحت باب القسم بقو ودخلت بسرعه .. كانت الصاله منوره .. لااااا! دخلت الحجرة.. طلع فويهي منصور .. رديت على ورى بسرعه وانا اقول: بسم الله ... روعتنيييه! طالعني عاقد حياته .. عقب قال: وين الي قلتلج؟! احمر ويهي وانا اقول: توها صالحه روحت ... ونسيت ! خطف عدالي وهو يقول: تصبحين على خير! كان ويهه تعبان وايد .. مسكت ايده قبل مايظهر وانا اقول: تعشيت؟! طالعني بنظره ... ماعرف كيف اشرحها، بس نظره هب زينه! .. قال: ما اشتهي .. خوزي ايدج! خوزت ايدي وانا اقول: بس منصور انـ.. تراجعت على ورى يوم لف عليه وصارخ فويهي: فجي عني .. مااااباااا عشا .. غصب هووه! رمشت اكثر عن مره وانا حاطه ايدي على صدري ... بسم الله .. بلااه هذا!؟ قلت بصوت واطي: مايحتاي تصار.... : جب سكتي عني ... ورد يقول وهو يظهر من القسم: تصبحين على خير! وطلع من القسم .. حشى ، ليش جيه يصارخ عليه! نزلت وراه وبندت الليتات وباب الصاله .. كانن الخدامات بعدهن فالمطبخ .. قلتلهن: خلااص كاميلا خله حق باجر! كانت تسوي فوالة باجر .. بعد حليلهن من الصبح يشتغلن .. قالت: ماما صالحا يقول لازم جاهز بكرا! قلت بغيظ: وانا يقول خليه .. باجر عقب صلاة الصبح كملنه! تمت اطالعني فتره عقب رطنت ويا ربيعتها وقالتلي: كلااس ماما انتي سيري ارقد .. انا بند ليتات! خطفت عنهن، كييفكن .. ماتبن ترتاحن بزواالكن! دخلت حجرتي، وغيرت ثيابي وانسدحت على بطني وانا اطالع التلفزيون .. شوفت منصور خوزت عني النعاس! اففففف .. هالويع كل شوي يردلي، جنه شي يحترق فبطني، جهة الجبد .. آآآآخ، ابا اسير افحص بس ادري الوقت غلط .. لايكون حامل!؟ ... عنبو ماواحيت!! لا لا ماظني، هاي هب اعراض الحمل .. صح زعت اكثر عن مره .. بس هالويع في بطني غير! شفت تليفوني ينور .. كنت حاطتنه على الصامت .. رساله! فتحتها .. شو يبا عيووود؟ .. كان كاتب: مرحبا ميووم .. اقولج ... شحالج اول شي؟! ولا خلي السوالف لبعدين ، واعيه؟! ابتسمت على رمسته .. فديته انا .. رديت عليه: هيه واعيه .. شو تبا ؟! رد عليه بعد دقيقه: ابا فلووووس ..! شو ابا بعد! ههههههههههههه و الله ظحكني .. بعدين شعنه يرمس بالدز! رديت عليه: مفلسه انا ، ماعندي فلوس .. صدق شوتبا؟! رد: ماعليه، بهزبه انا منصورج، مخلنج مفلسه؟! المهم، علوومج؟! رفعت حايبي بغيظ .. شو هالحركات .. اتصلت به جان يبند التيلفون فويهي .. بعااااد يالهرم! طرشلي: اييييه ، لاتدقين عليه .. السلطات العليا بيتحرا اني اقردن! المهم، تعرفين انه خوانج بيسافرون؟! نعم؟! .. منوه بيسافر؟! رديت اتصله جان يرد بسرعه: افففففففف منج! .. انتي ماتسمعين! : لا ما اسمع .. اقرا! .. منوه بيسافر؟ قال بسرعه: وحلييييييييييييييلج ماتدرين انتي .. وكمل باستهزاء: الحمدلله هب انا اروحي الي مايعرف .. قلت بغيظ: عيووود ارمممممس! قال بهدوء: صبري .. عبدالله بيدش احينه .. يوم .. سكتي لاترمسين! ماعرفت شو سوى بس سمعت صوت عبدالله: ليش واعي لين احينه انته!؟ عيد: ماشي و الله .. احينه بسير ارقد! عبدالله: شو المدرسه! قال عيد بسرعه: لوووعه .. كالعاده ماهي يديد .. عبدالله: هيه زين .. ارقد يالله عسب تنش بسرعه! عيد: ان شاء الله .. بس بخلص هالفلم وبسير! .. تصبح على خير! ماعرفت شو رد عليه عبدالله .. ردلي صوت عيد: عدت على خير .. انزييين .. شو كنا نقول .. : عن السـ.. : هييه صح .. عظم الله اجرج .. سرت اليوم ويا حمد ومبارك نعزي .. كنت ابا اشوفج بس الطفس مبارك قالي مشغوله ومادري شوه! قلتله بهدوء: اجرنا واجرك .. ماقلتلي عيود .. منوه بيسافر؟! .. لايكون انته؟! : ههههههههه انا .. الله يخلييييج بس .. لافديتج عمر وهيز توين! فتحت عيوني وقلت بسرعه: شووه! ؟ قول والله؟!.. وين ومتى؟! .. ولييييش؟ قال: ولعثرتييييييييييين .. بلااج ياحرمه تونيين .. بخبرج انزين .. شعنه مستعيله على رزقج؟! قلتله بعصبيه: هب متفيجه لسخافاتك عيود .. ارمس! .. متى سايرين؟! قال: يوم الاحد هذا .. يقولج سايرين صوب بريطانيا .. بياخذون دورة انجلش عقب يبدون شهر واحد اول كورس .. عاده فاشووه ماعرف! قلتله: وانا شعنه محد يخبرني؟! قال بظحكه: ههههه يوم انهم انا الي ساكن وياهم محد خبرني ... بيخبرونج انتي الي آخر الدنيا؟! قلت بغيظ: لا صدق ،، شو هالحركات .. وين هم احينه؟! عيد: مادل ... ليش؟! قلتله بصوت عالي: بهزبهم الخياس .. شعنه مايتصلون يخبروني! قال: كيفج انتي وهم .. وشحااااالج بعد؟! ابتسمت وانا ارد: بخيير وسهاااله .. شحالكم انتو .. وشحال قوم عميه؟! قال بسرعه: هييييييييييييييييييييه انتي مااااااااااااادريييتي!! عقدت حياتي : شووو احينه!؟ .. انته غادي رويترز الليله!؟ : ههههههههههه و الله من زمان عنج، وعااد انا بقولج شو الطاري علينا وانتي تتحرطمين! قلتله : هااه بسكت .. شو السالفه؟! قال بهدوء: ولد عم ريلج .. مايد بن علي .. تعرفينه؟! تجلبت فمكاني وانا ارد: لاء ماعرفه، مسؤوله عنه اشوه؟! : هههههه لا .. انزين هذا سلمج الله، ملج على شما بنت عميه .. وشلها! شهقت بقو .. جان اشرق وتمييت اكح واكح .. يلست بسرعه وانا احاول اتنفس من خشمي .. بعد لحظات رديت اقوله بصوت مبحوح: شوه!؟ .. شو تقول انته؟! قالي: صحه صحه .. بلاج شرقتي مره وحده!؟ خذت نفس طوييييل عقب قلت: صدق عيد؟! رد يقول: والله .. اقولج ملج عليها وشلها بعد! عقدت حياتي باستغراب : عيووود انته تخبلت؟! .. شو بعد يملج عليها ويشلها؟!.. وانتو وين عنها!؟ وعميه؟! .. قال: والله اني ماسولف ولا امزح .. بعد انتي شرقتي الا من هالسالفه .. لو خبرتج بالسالفه كلها شو بتسوين؟! حطيت ايدي على بطني وضغطت بقو يوم ردلي الويع: شو بعدك بتقول!؟ .. ياخي ذبحتني انته وسوالفك؟! قال: لا هاي السالفه جااااايده،وجاااايده وااااايد بعد .. اول شي لازم تيلسين زين وتسمين بالله .. عقب اقولج شو السالفه! روعني الصراحه .. قلتله: عيد .. اول شي صدق سالفة شما؟! قال: هيه صدق، تراني حلفت اني ما اسولف .. سمعي انتي! قلتله بسرعه: لحظة لحظة .. بشرب بنادول وبيي .. اصبر! قالي: ليش؟ .. بلاج؟! : ماشي .. بس راسي يعورني .. لحظة بس! حطيت التيليفون على الشبريه ونشيت ببطء .. يااااااااالله ياابطني .. خذت من سدتيه الثانيه حبتين بنادول وشربته بسرعه .. آآآآآخ ... انا لازم اسير افحص .. مابيلس كل ماياني الويع اشرب بنادول! بعد ماتعشييت .. اففف! رديت انسدح على الشبريه وشليت التيليفون: مرحبا .. يالله قول! قال: انزييين .. اقولج يوم الاربعا الماضي، حمد خويه كان فشعبيه قوم عميه وشاف شما تنزل من موتر واحد من ربع ابويه! : شوووووووووووووووه؟! .. شماااااااا؟! : هيييييييييه شمااااا بنت عمج .. المهم يايتنج السالفه .. اقولج وشلها حمد وفرها فالبيت وعطاها من هاك الزين .. ولا اقولج، كفَخها تكفيخ اليهد، المهم، ورد للريال وشله هو وعمر وفروه فالميلس فبيت عميه .. المهم انهم عرفوا انه كان مواعدنها .. سكت شوي ، وانا حاطه ايدي على ثمي منصدمــــــــــه، رد يقول: الخايس كان نفس الليله عند عمي بيشتري ناقته، بس عمي ماطاع او بخيت ماعرف! .. المهم ان شما قالت انه غصبها .. والريال قال انه مايدري هيه شو تسوي فموتره!!! : شما؟! ... شما بنت عميه يطلع منها هالسوالف؟! قال بغيظ: نعاااام انها وحده خايسه ،، امبوني انا مادانيها .. كمل: وهاي السالفه سلمج ربي .. ومايد ولد عم ريلج هو الريال! قلت باستغراب: بس محد طرا هالسالفه هنيه؟! .. خواته كانن هنيه امسات محد رمس!؟ قال عيد بهدوء: مااعرف .. المهم بسير ارقد انا .. يالله نسلم عليج! قلتله بغيظ : وانا شو بيرقدني احينه!؟ .. اففف منك لو ترييت الصبح واتصلت! قال بظحكه: هههههه تراج انتي الي متصله! .. المهم تصبحين على خير خيتووو! : وانته من هله .. بندت عنه وانسدحت وانا ضاغطه على بطني .. يعلللك ياربي .. شوهالويع؟! والا شمــــــــــــــــــــــــا؟! ..... ماصدق الصراحه؟! . . | مايد | . . كنت زاخنها من رقبتها وانا اصارخ: جاااااااااااااااااااب، ولاا كلمه .. انتي تنطمين ولاترمسين .. وان قلت موتي تموووتين وانتي خاااايسه .. ورمستي مابعيدها .. كللله منج انتي والخيااااس الي فيج و .. سكت فجأة وانا اشوف عيونها يتسكرن وعظامها ترتخي .. مسكتها بسرعه عن اطيح وناا منصدم .. ماكنت راص بقو لدرجه انها يغما عليها! ... سدحتها على الارضيه وانا مرتبك .. شو اسوي؟! حطيت ايدي جدام خشمها .. ماحسيت بشي .. مااتت؟! لا بسم الله شو مااتت؟! .. شوووووووو اسوي؟! ماعرف كيف اضغط على صدرها عشان ترد تتنفس .. ولا هذاك حق القلب .. شو اسوي عشان ترد تتنفس! على طول لمعة كلمة " تنفس اصطناعي" فبالي ..! زميت خشمي وانا اطالعها ,,,,,,, بس .. نشيت بسرعه ويبت واحد من عطوراتي وحطيته جدام خشمها وانا ارفعها شويه .. مابسوي تنفس اصطناعي .. يسدها العطر .. وايدين ينشون من عقب ريحته القوية .... ظربت خدها: شما ... شما تسمعيني؟! هزيتها بقو وانا ارد وازقرها: شماااااااااا نشي! بلعت ريجي يوم مانشت ...... شكلي بسوي تنفس اصطناعي واريح عمري .. سدحتها زين وخوزت شعرها الي طاح على يبهتها ... ووخيت .. ببطء وانا عاقد حياتي .. مديت ايدي بمسك ويها .. ، سديت خشمها وايدي الثانيه ماسكه فجها ...... بسم الله! وخيت عليها لدرجة ان شعري طاح على ويهها، وفجأة ، فتحت عيونها .. طالعتني وطالعتها .. جان اخوز ايدي عن خشمها وانقز مترين ورى .. وقفت بسرعه وانا اقول باحراج: هااه ،، نشيييتي .. الحمدلله .. شفتها تمسح ويها وتعقد حياتها .. عقب قالت بهدوء: شو استوالي؟! قلت بارتباك وانا ابعد عنها: مااشي طحتي .. الحمدلله مايحتاي اسويلج تنفس اصطناعي .. طالعتني بصدمه .. وقالت: نعم؟! .. تنفس اصطناعي؟! قلت بعصبيه: من زييييينج يعني عشااان اسويلج .... ! طالعتني بعيون ذبلانه وخشمها محمر .. اصلا كلها على بعضها تعبانه ومتورمه! قالت: الساعه كم؟! سكت عنها وانا امسح على صدري .. اففففففف الحمدلله اني ماتسرعت وسويته اول شي! نشت وعدلت شيلتها وهيه تقول بخمول: تصبح على خير! شفتها تتساند بسرعه على اليدار وتحط ايدها على يبهتها .. عقب كملت مشيتها صوب الحجرة وبندت الباب وراها! طالعت المكان كيف خايس .... وردتلي الظيجه يوم تذكرت سبب صراخي فويها .. بتذبحني هاي! مش جنها هيه السبب فكل الي يستويلي ... اتصلت على خدمة الغرف ... و بعد ربع ساعه كانت الحجرة نظيفة مثل ماكانت .. طرشت رساله لامايه اخبرها اني وصلت .. وبندت الليتات وسرت الحجرة .. طبعاً مانسيت أحط المنبه على الساعه 8 .. موعدنا فالمصح 9 وساعه تكفي توصلنا .. بدلت ثيابي ورقدت! . . | مبارك | يوم الثلاثاء .. التاسع عشر من اكتوبر .. سنة 2010! . . طلعت من الصاله وانا ارمس فالتيليفون: ماعليه .. الليله بكون هناك .. الله الحافظ! بندت عن راشد وفريت عمري على الغنفه .. كانت الساعه 7 وربع .. بعده محد نش .. مديت ايدي وشغلت التلفزيون ويلست اجلب فالقنوات .... ياترى شو استوى على سالفة اسما؟! فكرت اسير لعمي ارمسه .. بس شو بقول!؟ .. هم يتحرون اني طلقت اسما على عسبة الشغل.. بس انا هب غبي ولا مينون عسب اطلق حرمتي وام بنتيه على هالسبب السخييف! كانت تبا تشتغل وانا ماطعت، اسير اطلقها؟! . على قولت راشد اكتشفت انك غبي! طلقتها لسبة شي واحد، الي هو انا ماقدرنا نستحمل تدخل امها فحياتنا، هذا اولاً .. ثانياً شكها هيه اروحه يعيف الواحد فنفسه .. كانت شكاكه درجه اولى وكله من رمسة امها! تخيلوا، كل ماسرت الدوام ولا اتاخرت قالت امها اني اكيد معرس عليها .. وكل مره تعق رمسه على اني ما استاهلها .... انا طبعاً ماكنت اسكت الها، بس حرمة عوده شو برد عليها ؟!؟ الطلاق يا مني انا ... وهيه مامانعت .. تمينا ثلاث سنوات مع بعض، حملت من اول سنه، واحينه من سنتين ونص نحن مطلقين، يعني مريوم عمرها خمس سنوات . السنه هاي بدخلها الروضه! ... اكثر عن مره افكر اردها .. بس ارد واقول شو بيختلف! حتى اني مرات اقول اذا ماتت امها على طول بسير اردها .. بس استغفر ربي فالنهايه! رفعت عيوني على باب الصاله الي انفتح .. كانت امايه داخله ووراها البشكاره شاله صينيه الريوق .. وقفت وسلمت عليها: صبحج الله بالخير امايه .. قالت وهيه تعدل برقعها: صبحك الله بالنور فديتك .. شحالك؟! : بخير الحمدلله .. رديت ايلس على الغنفه بس هيه يلست تحت وقالت: تعااال تريق بويه! طالعت الريوق هب مشتهي شي .. بس يلست عدالها وصبيت لي فنيال اقهوة ... وسكتنا ... بعد فتره قالتلي: سمعت ان ام مريم خطبها ولد عمها .. صدق ولا؟! صلبت ظهريه وانا ارد: هيه صدق .. وكملت بهدوء وانا اطالع التلفزيون: منوه قالج؟! قالت : وحده من الحريم ... وانته.؟! طالعتها: وانا شوه؟! قالت: وانته ماتبا تخطب؟! عقدت حياتي: لا مابا ... ومريوم شو اسويلها؟! قالت ببساطة: ودها صوب امها .. بعد شوه!؟ قلت بسرعه: تخسي .. و الله مايربيها غيري دامني حي! سكتت عني وسكت انا ! ..... اعرس مره ثانيه؟! .. ولا مره فكرت فهالشي! لفينا على عيد ظاهر بسرعه وشال فايده كتبه .. خطف من جدامنا وقال بسرعه: السلام عليكم .. وعليكم السلام، صبحكم الله بالخير، صبحك الله بالنور والسروور يا عيود .. شحالنا انتو بخير وانا فنعمه .. رقدتو زين وانا بخيت رقاد وانا اتاخرت على الدوام .. فجيت عيوني فويهه وانا احاول استوعب شو يقول !! .. كان يرمس بسرعه وهو يتسفر جدام المنظرة عقب ما فر كتبه على الارض! قالت امايه بعصبيه: عيوووود يالي ماستتحي شل كتبك عن الارض! لف علينا وتنفس بصعوبه وهو يقول: اوووووف .. واايد رمست .. انزين ماماتي صبيلي جااااااااااي! قلتله وانا احط الفنيال فالغسول واغسل ايدي: سلم شرات الناس يالسخييف! يلس مجابلنا وقال باستجداء وصغّر عيونه: امااااايه فدييييييييييتج انا ... ومد ايده ومسك خشمها من تحت البرقع: وفديييييت هالخشم الحلوووووو الي انا يايبنه من عندها .. دخيـــ.. ظربته على ايده وهيه تقول بعصبيه: انته بلاااااك من صباح الله خير ؟! .. شو شارب؟! ظحك: ههههههههه ولا شي والله .. بس متعشي بلاليط!!! قلتله: جذاب البارحة تعشينا سندويشات دياي !! لف عليه وقال: انته اسكت .. انته وبنتك الشينه ... وكمل وهو يشل كوب الجاي من ايد اميه: مكرفووووووووون عنبووووو .... صدق صدق انته بس حطها فالجيش عندك ... وبتيك اليوم الثاني ملتحيه!!! ابتسمت وانا اظربه على راسه: بايخه .. ماتظحك! حط الكوب الي ماشرب منه غير رشفه .. عقب قال: اوووووووووووه نسيت الي كنت بقولج امايه! وكمل بسرعه: دخيييييلج امايه خليني اسير ويا ربعي صوب عمان .. يومين وبنيي الاحد الفير .. كان يرمس وامايه تهز راسها يمين وشمال .. كمل رمسته بخيبة أمل: امااايه عااااد .. و الله من زمااان ماطلعت، كله مجابل هالكتب!! غمظني الصراحه .. فقلت: متى بتسيرون؟! قال: يوم الخميس فالليل .. بسير بالموتر .. قالت امايه: مبارك خله عنك .. ماشي سيره .. قلتلها: بسير وياه انا .. مابخليه يهيت هنيه ولا هناك! طالعتني امايه: اها .. ومتى خذت اجازة انته؟! قلت: من زمان .. الاسبوع الماضي بدت .. عندي شهر كاااااااااااااااااامل اجازة! قال عيد: انزييييييييين!؟ .. هاه شو قلتي اميه!؟ قالت بنفاذ صبر: نش نش سير الدوام .. وعقب رمسنا! قام وحب راسها: فدييييت امايه الي مابتقول لاء!! ظهر عيد وامايه تقولي: سير وياه لكن يرد قبل الاحد ... وقفت وقلتلها: انزين .. انا بسير الشارجه عالعصر .. وكملت وانا سير لقسمي: بسير ارقد .. . . نفس اليوم .. الساعه 9 ونص فالليل .. |منصور | . . وصَّلت آخر المعزين الي هوه عميه بومايد لين موتره الي موقفنه فالحوي ... قالي: سلم على هلك .. وارقدلك شويه .. وايد ظعفان يابويه .. قلتله: ماعليه اسمحلنا بومايد.. ركب الموتر وروح ... لفيت انا على البيت اطالعه ... الهوى بارد، وشكله بيصب مطر ... طالعت السما ... مغيمه .. مسحت على ويهي وانا اتنهد .. اليوم الثالث من العزى و أنا هب قادر ادش البيت .... كل مادخلت الصاله اتذكر هييج الليله .. غمظت عيوني يوم ردلي صوت البشكاره : بابا منسوووور .. ماما كبيييير في موووووووووت! تنفست بقو وفتحت عيوني ... ياالله يالدنيا .. ماصدق ان اميه ماتت ... ماااااتت يعني خلاص ماتتنفس الهوى الي اتنفسه، ماااتت ياناس! مسحت على صدري واتجدمت من البيت .. كل الي اعرفه احينه .. او حتى احسه، اني مخنوووق .. وهب قادر ارقد من الساعه الي شفت فيها اميه طايحه على الارض، وعيونها مفتوحه على الآخر .. طايحه على ارضيه حجرتها وريلها معوايه بالقو لنها طاحت عليها ... منظرها ... زيغني ، صدق صدق حسيت اني ياااااهل يوم شفتها .... ماعرف شو استوالي، ماعرف شو سويت، لني ما اتذكر الا اني كنت اهزها بقو و اصارخ عليها .. و البشكاره تصيح فوق راسي .. وماتكرر غير جملة وحده .. : ماما في مووووت! بندت باب الصاله ورايه بقوة عشان اخوز عنيه هالذكرى .. كان البيت هادي ، طبعاً بيكون هادي، محد فيه ..... سلامه حرمة سعيد اكيد فوق ، و سعيد قال بيرقد لنه بيرد لدوامه باجر .. الوحيد الي حسيته ما تأثر وايد .. سعيد .. مع انه صاح شويه يوم نحن ندفنها .. بس ... حسيته غير عني! طلعت فوق بسير لقسمي ... ارقد واغمظ عيوني شويه .. مع اني اعرف اني مابرقد .. بس يالله احاول .... احسن من اني ما اسوي شي! ركبت الدري بكل هدوء ... بس رفعت راسي على صراخ علي ولد سعيد خويه: عمي منصووووووووور! صدم فيني ومسكته عن يطيح .. كان ويهه مخطوف ... ويتنفس بسرعه ... قالي على طول: حرمتك ... حرمتك ماااتت! رمشت ثواني احاول استوعب .. وصوته يدّاخل ويا صوت البشكاره: حرمتك/ ماما كبير/ مااااتت/ في موووووت! هزني بقو وقال وانا اطالعه بعيون مفتوحه: عمي بسرررررررررعه فاطمة تقول بسررررعه! يرني من ايدي وانا هب حاس في شي .. مريم ماااتت؟! لحقت امايه؟! : منصووووووووور دخيييلك بسرعه ... مريييم ، مادري شو بلاها! طالعت فاطمة هب مصدق ... قلت بصوت خفيف: مريم مااتت؟! كانت تصيح بشكل فظيع وهيه ترد عليه: الله يخليك الحق عليها .. ماعرف، قابظه بطنها وتصيييح! دزيت علي عني وانا اربع صوب القسم .. مستحيييييييل اخليها تموووت .... كيييف اصلا تموووت؟! فتحت الباب بقو وانا ادور عنها بعيوني .. وييينها؟! فاطمة: هكيييييه فحجرة الملابس .. ربعت صوب حجرة الملابس .. وشفتها .... كانت طايحه وماااتتحرك ... على طول شليت عباتها وفريتها عليها وانا اقول لفاطمة: خبري سعيد خليه اييبج ... أنا بسبقكم! كنت اتنفس بسرعه وانا اربع ابها لتحت و اصارخ على البواب يفج لي الموتر ... طلع من حجرته وفتح لي الموتر الي كان فالكراج .. سدحتها ورى ... رييييشه .. مافيها لحم هاي؟! ركبت جدام بسرعه ... وطرت صوب المستشفى ..... حسيت عمري بصيح وانا اوقف عند الاشاره ... لفيت عليها .. طايحه ومااتتحرك .. لايكون ماتت صدق شرات ماقال علي!! فتحت عيوني على وسعهن يوم استنتجت اني حتى ماشفت نبضها .... غمظت عيوني بقو وانا ارمسها: مريييم ... دخيييلج لاتمووتيييين .. تسمعيييني؟! حسيت بدموعي اطيح يوم يا فبالي شكل اميه وهم يحطون عليها التراب .. كانت متلبسه الابيض .. ابيض وتوصخ بالتراب ..... دفنوها جدام عيوني .. غطّوها بالتراب وخلوني وراها ...... عصرت السكان بايديه وانا اصارخ: ياااويييلج ان متي يا مريم ....! تحركت الاشاره ودست أنا على الريس وانا اغمظ عيوني عسب يوظح الطريج جدامي .... مابا ادفن حد مره ثانيه .. مابا اشوفهم يموتون جدامي واتم انا وراهم اصيحهم ..... مابا ادفن وحده ثانيه احبها ...... |
رد: أوعدك ، لا توسدت التراب .. ما أبكيك!
السَّلام عليكم و رحمة الله تعالى وبركاته .. ، مُطولاً أقف ، أدير ظهري للماضي، أفتح عينيّ للواقع، .. أود لو أنني أمسك بالزمن! أديره كيفما أشاء، أوقفه حين أريد، و أتركه يمضي، حين أشعر بأنني بحاجةٍ لفراغ! لكنني دوماً، و أبداً .. عاجزة أمام هذه القوة ... الزمن ليس بيدي ولن يكون ..! ، مساؤكم عِـطر، فُلٌ و يَاسمين، مَساؤكم مَطرٌ من الحَسنات، من الجَمال، مِـن كُلِّ شيء حُلو .. مَساؤكم عَطرٌ بذكر الله .. مَساؤكـــــــم رَمَــضـان، ذاك الضيف اللذيذ، المُهيب الباقي لفترة وجيزة .. لن تلبث حتى وتمضي، تنتهي دون أن نشعر ,, هو أيامٌ قليلة، لكنها تترك فينا بقايا من أمل .. و حُلماً قديماً نظل نجره معنا .. يخوض معنا الحياة .. فنرتقي به، و يرتقي بنا ... أعزائي، يطيب لي دوماً أن ألتقيكم هُنا .. و يَطيبُ لي البقاء! و عُذراً بحجم السمَاء، لخطإٍ اقترفتُه دوماً .. لستُ بحاجة لذكره ! .. و خجلي يكبر! مُباركٌ عليكم الشهر الفضيل، وجعلني الله وإياكم من الذين يصومونه و يقومونه إيماناً و احتساباً لوجهِهِ لا لِسواه .. و أدام علينا نعمة لقائه في كل عام، مبتسمين سعيدين ... اللَّهم آميـن .. . . الجزء الخامس عشر .. . . | مبارك | نفس اليوم، الساعه 9 واربعين دقيقه .. مستشفى الوصل .... دبي .. . . تلثمت بالسفره وتميت امشي ساير راد جدام غرفة العمليات .. قلبي يدق دق متروع على مريم .. من الرمسه الي قالتها حرمة سعيد خو منصور، هب مطمن .. يانها كانت حامل وبتعق ، او فيها مرض .. واتمنى يكون الاول ، لني الصراحه ماعرف شوبيستويبنا اذا كانت ختنا الوحيده مريظه مرظ .. عقيم على قولتهم! كان حمد ويايه و عمير وعمر ظهروا ويانا بس بعدهم ماوصلوا ، هاييلا بعد مخوفيني غربلهم الله! مسكت تليفوني للمره المليون عسب اتصل على امايه، بس كل مره يصيح لين تلوع جبده ولا ترد .. لييييش ماترد ابا اعرف بس؟! لفيت على حمد إلي يالس على واحد من الكراسي ومنزل راسه: حمد .. امايه كانت عند خالي ولا؟! قالي بهدوء : ماعرف .. اتصل على عيد كان وياها .. قلت بغيظ: مغلق تليفونه .. افف، شوه هالناس ، عنبو ماخذين تليفونات على الفاضي؟! رفعت راسي وانا اسمع حس عمر: هاااه مبارك شو قالوا؟! قلتله وانا اتصل لامايه: ماقالوا شي .. شعنه ابطيتوا؟! قالي عمير: ياريال وقفتنا الشرطه، سوولنا سالفه لني ناسي بوكي فالبيت و الليسن فيه! وكمل: ليش ماقالوا شي؟! .. بعدهم داخل؟ قلتله وانا افج اللثمه: هيه .. يعلهم النفااااااد مـ.. قالي حمد بعصبيه: مباااااااااارك، الي تدعي عليهم تراهم يسوون العمليه لاختك .. اسكت ولا ادعي الها! سكت عنه جان يقول عمر: وين منصور؟! .. قلتله وانا اسمع صوت تليفون امايه يصيح: مادري ، اظني انه ... امااااااااايه ... ليييش ماتردين على التليفون؟! قلتلها بعصبيه: وين انتي؟! .. وليييش مخلتنه صامت؟! ... الله يهدييييج روعتيني! قالت بنفس العصبيه: وبلاك تصارخ .. عنبووو احشم ياولد سلطان .. قلتلها وانا اهدي نفسي شويه: امايه فديتج من ساعه وانا اتصل .. هب صااامت هذا الي حاطتنه .. قالتلي: شو السالفه؟! ..و وين انتوا ؟!... البيت محد فيه! ابتعدت عنهم شويه وانا اقول بهدوء: سمعيني امايه ... انا فالمستشفى و .. صارخت عليه: شوووووووووووه؟! .. شو تسوي فالمستشفى!؟ .. بلاك؟! .. قلت وانا اغمظ عيوني: استهدي بالله مابلاني شي .. بس مريم طاحت عليهم وهيه احينه فالعمليات .. بغيت اخبرج عسب اتيين .. تمت ساكته .. واستغربت الصراحه! عقب قالت بصوت واطي: ختك فالعمليات؟! .. ليش؟ شوبلاها؟! .. ومتى استوت هالرمسه؟! خبرتها شو السالفه بالضبط من دون لا ازيد ولا احذف اي حرف .. وبندت عنها .. رديت الهم وانا اتصل لعيد اخبره عسب اييب امايه: حمد خبرتوا عبدالله ؟! قالي عمير: عبدالله فبوظبي من اليوم الفير ... قال يمكن يبات .. الحمدلله عيد فتح تليفونه .. بعد ثواني رد عليه: هلااااا بومريوووم .. شحالك؟! قلتله على طول: تشل عمرك احينه ، وتشل امايه وياك واتيون مستشفى الوصل ... قالي بسرعه: بسم الله؟! .. ليش خير ان شاء الله ؟ شو مستوي؟ شفت منصور ياي من صوب الريسيبشن معصب فقلتله: اتصل باميه وبتخبرك .. يالله نترياكم! قال: لحظة مبار... بندت التليفون وسرت لمنصور الي قال بعصبيه وصوت عالي: الخياااس ماطاعوا يخلوني ادش .. يعلهم النفاااااد! كنت برمس بس هو خطف عني وكمل: و الله ما ينيابون الا بالعين الحمرا!! شفته يدز باب غرفة العمليات و يغيب وراه! فتحت عيوني على وسعهن وانا اقول: حوووووووووووه منصووور !!! تبعته وانا اشوف الشباب يوو صوبنا وحمد يقول: بلاكم!؟ .. شو استوى؟ .. شو قالوا عن مريوم!؟ فتحت الباب وطاحت عيوني على منصور واقف وجدامه دكتور متلبس لبسهم الأزرق وعداله ممرظه ... كان صوته عالي وهو يصارخ فويه منصور: انته جيييييييييه تعرض حياة المريظه للخطر .. لو سمحتوا اطلعو برى ولا بزقر السكيوريتي! قاله منصور بعصبيه وصوت عالي: انا مش متحرك من هنيه الا يوم تخبرني حرمتي شو فيها ؟! قاله على طول وهو يأشر بايده الي حاط عليها قفاز ازرق: حرمتك بتموووت ان ماطلعت احينه، الدوده الملتهبه انفجرت و اثرت على الجنين و الرحم، واذا ما احتوينا الجراثيم الي تسربت من الالتهاب بتمووووت المريظه وفأحسن الحالات بنضطر نستأصل الرحم ... كنت اطالعه بصدمه حقيقه واحس بريجي ياااااااابس .. قاله منصور بصدمه: كيف؟ .. تموت؟! رد الدكتور يقول بعصبيه: انتو ما اييكم غير السكيوريتي .. شفته يهوس على فص على اليدار عداله وهو يكمل: خلونا نكمل شغلنا والا المريظه بتمووووت .. ما انتبهت ان السكيوريتي دخلوا من ورانا و وواحد يقول بغلظه: شو السالفه؟ خير ان شاء الله؟! والثاني يقول بعصبيه وهو يتجدم منا: انتو شو دخلكم هنيه؟ . . يالله برى لو سمحتوا؟! قال الدكتور بصوت عالي: الحبايب يتحرون المستشفى مال ابوهم ... وكمل وهو يدخل داخل الحجرة: و الله مشكلة يوم تكون متعلم وفاهم ، وآخر شي انته اخس عـ.. وغاب ورا الباب .. شفت منصور يخوز ايد الشرطي عنه ويقول: خوووز عني اروم اظهر اروحي .. خطف من عدالي بعصبيه و انا وراه ... وقف واحد من الشرطة عند باب غرفة العمليات و الثاني ظهر برع .. وقفت فالنص وانا هب مستوعب الي قاله الدكتور ... كيف يعني؟! .. فيه احتمال انها تموت؟! مريم ..... مريم اختي الصغيره؟! .. تموت!!! يا صوبي حمد وعمر وعمير .. قالي حمد وهو يرمس ببطء: شوه ..؟ .. ليش كنتوا تصارخون؟! وكمل عمر: شو قال الدكتور عن مريوم؟! ... مبــارك !! قلتلهم وانا امسح ويهي: ماعرف ... قال .... قال يمكن تموت! اسودت ويوههم مره وحده وعمير يقول بصوت مبحوح: شوه!؟؟ .. كيف بعد تموت؟ شو قال عنها هوه؟! غمظت عيوني ببطء وانا اتنفس بعمق: يقول انفجرت الدوده الزايده او الملتهبه مادري .. وأثرت على الجنين .. يقول .. حمد: كانت حامل؟! .. هزيت راسي بهيه وانا اكمل بصدمه: يقول يمكن تمووووت! . . . . | سلطان بن علي بن عيد | إحدى مستشفيات سياتل - الولايات المتحدة- نفس اليوم، الساعه 30 : 12 ظُهراً .. بتوقيت سياتل .. الساعه 30 : 09 ليلاً ، بتوقيت الإمارات .. . . لفيت على الجهه الثانيه عسب اوقف عدل عند المريض الطايح يدامي .. كانت ايده تنزف، و النيرس واقفه عدالي .. شرحت لي الحاله .. وانا يتني الحاله .. كل ما اوقف يدام واحد مريض، ابدأ ارتجف من داخل .. و خمسين مليون فكره تقولي يمكن تغلط فالدوى وتذبحه، يمكن المقص ولا المشرط ولا الابره ينحرف عن مساره ويصبيه بمقتل شرات مايقولون .. بس فكل مره، تمر الحاله سليمة .. بخياطه ذات جودة عاليه شرات ماتقول الدكتورة المشرفه عليه ...!! الجرح كان عميق شويه ،، ويحتاج اكثر عن ثلاث غرز .. كنت بعدني اخيط له ، وهاي الخياطه رقم 10 بس لليوم .. امتحان هذا بالله عليكم؟! رفعت راسي صوب النيرس ومديت ايدي وانا اقولها بالانجليزي: قطن مقعم .. مع انها هاي شغلتها ، بس انا ابا اقظي وقتيه لين ما اتي الدكتورة المشرفة علينا .. عقمت الجرح و حطيت عليه اللزق ... كان الريال مغمي عليه يوم يانا .. ولين احينه ما نش .. كل شي فيه طبيعي ، ضغط الدم،التنفس، دقات قلبه، ماعنده حراره لا داخليه ولا خارجيه .. كل شيء طبيعي .. صلبت ظهريه وانا اسمع صوت عربي عند بوابة المستشفى الي عن يميني .. وقفت اقرا ملفه مره ثانيه بسرعه وانا اقولها: اول ماينش زقريني .. خوزت الستاره و ظهرت عنها .. وقفت ادور بعيوني عن الصوت العربي الي سمعته .. ماكان فيه غير ريال واحد شال بنيه صغيرونه وواقف عند واحد من الدكاترة .. او دكتور جيف .. الدكتور العصبي الي محد يسلم من لسانه .. يااااالله كم عانيت منه فاول يوم! تميت واقف واحاول اسمع شو السالفه .. كان يرمس عن مريظه عندهم .. مممم فهمت انها مسويه عملية جراحية امسات .. كانت عندها الزايده ... وقفت اترياهم يخلصون و الحمدلله ان الطواري اليوم مافيها شي .. هادية لدرجه غريبه! يوم طولوا لفيت بسير ادور الدكتورة الي تأخرت هب من عوايدها .. واول مالفيت خطف عدالي ها الريال واسمعه يقول: ها حبيبي ، احينه بنشوف ماماه! لفيت عليه بسرعه ... ياااااااااااااااااااالله من زمااااااااااان ماسمعت واحد يرمس اماراتي !! كنت بكمل دربي وراه بس دكتور جيف زقرنيه: دكتور سولتاان!! ياااااالله كيف يحيس اسميه . .. سولتاااان اونه! قالها بالعربي .. اونه بيغايظنيه ... لفيت عليه مبتسم .. انا اليوم هب تحت ادارتك يالهرم .. شوتبا بعدك؟!! قلتله بهدوء: يس دكتور جيف؟! رفع حايبه وقال: where is Dr. sarah?! عقدت حياتي وانا اقوله: I don’t know dr. .. قال بعصبيه: she is too late, we have an important surgery after one hour! دكتورة ساره هاي ، فنتك .. عجييييييبه هالحرمه ، هيه المشرفه على الستيودنت اليداد ، يعني انا!! ماشاء الله عليها .. عقلها تقول كمبيوتر .. قطع افكاري يوم قال: with whom are you today? قلت بسرعه: Dr. kelar اشر بايده:….. she took the rest of the day off ….. you come with me. لااااااااااااااء .. مابا !! افففف ... هيه صح ماخبرتكم .. انا قررت اتخصص جراحه عامه .. احسن عن عوار الراس .... سرت وراه وانا ارد والف على ورى ... ياربيه منوه هذا؟! الغريب انه نادر مايينا عرب هنيه .. كل الي اييون ونااادر بعد يا يكونون شاميين او من الدول الاسلاميه بس هب عرب .. مثل باكستان او الهند ، تبعته بسرعه .. وانحن فالدرب قالي:you will assist me in OT.. وكمل وعطاني المعلومات اللازمه .. و انا بطيييير من الونااسه .. اخيراً بكون وياه فعمليه .. حتى لو سخيفه مثل الأكياس الدهنية ... بس بعد يسمونها جراحه .. كنا نعقم اعمارنا قبل ماندش غرفة العمليات .. كنت متلبس اللبس الازرق وجاهز .. يت النيرس الي دومها واقفة عند الباب من صوب الداخل .. لبستنيه القفاز عقب مانشفت ايدي .. و حطيت اللثمه على ثميه .. ووقفت عداله .. كانت المريظه وحده عيوز .. حشى يالشعر ، تقول مصبوغ بويه بيظا .. ويها مبيظ جنها ميته .. بس عروقها الزرق او البنفسجيين واظحين .. بدأ دكتور جيف بالعمليه .. فتحنا بطنها لان الكيس الدهني كان وايد عوود تحت السرة! ههههههه و الله اذكر هاي العيوز يوم يت .. تتحرى عمرها حاامل !! اونه بطني بروحه يكبر وحتى من الفرحة ما يت تستشير الدكتور لين ما وصل هالكبر وتم يضغط على الرئتين وسوالها ضيق تنفس .... زين ما راحت فيها! لاحظت انه الدكتور جيف يرمس شوي شوي .. جنه يسمّع حق عمره الخطوات ، الصراحة أنا هب مطمن منه .. أخافه ما يعرف شو يسوي... المهم كملنا وانا طبعا شغلتي بس اشوف و أمسك الأداة الي تخلي البطن مفتوح .. و الحمدلله ماشي اصابات لين الحين! .. الغريب انه ما لاعت جبدي ولا شي مع أنه الدم فكل مكان !! ، و النيرس تشفط منه الزايد.. وأخيرا خلص شل الدهون الي كانت متلاصقة ويا جدار البطن طبعا لازم شوي شوي نفصلهم والا بتنـزف الحرمة... بعد ساعه كنت يالس عند الاستقبال، هو هب استقبال، يعني المكان الي يحطوون فيه ملفات المرضى يعني مكان نيرسات .. وانا الدكتور الوحيد الي تميت .. باقيلي اقل من سنتين واخلص .... وارد البلاد وللناس السميه، و الويوه السمحه .. و اكبر مشكله اني ماباخذ اي اجازه فهالسنتين .. لنه بيكون امتحانات ولازم اركز .. ابا اشل الشهاده وعليها ختم " مرتبة الشرف" .. اذكر يوم ييت هنيه ماكان فيه حد عربي غيري .. وانتقلت مؤخراً الدكتورة ساره عندنا .... ماخذه الجنسيه الأمريكيه، مع انها لبنانيه، وحبووووبه و الله، وايد تراعينا، هب شرات دكتورة كلير، حشى عليها مايتها الطيبه، وحشه قسم بالله .. احيد اول مره كنت وياها ، كله اطالعني باستهزاء، ومااخلتني اسوي اي شي . مع انها المفترض تساعد الستيودنت عسب يتعلمون، وحتى نظام المستشفى نظام تدريسي، و الدكاترة هنيه ياخذون شهايد خبره فالتدريس تدعم شهادتهم الطبية .. وهاي العوفه دكتور كلير، اظني ماعندها ولا شهادة تعليم ... رفعت راسي على الحرمه الي ترمس ويا النيرس: she is my mam … I want to see her please! النيرس: she is sleeping now but you can see her .. come with me please! هاي شكلها بنت المريظه الي توني كنت عندها .. رديت اطالع الجو فالطواري .. ابد مافيه حد، مع انه الايام الي فااتت كانت الحوادث زااايده ... : السلام عليكم .. لفيت بسرعه ورايه وانا اوقف ... طالعته وقلت باستغراب: وعليكم السلام .. هذا الريال الي شفته قبل العملية .. ابتسمت يوم عرفت انه اماراتي: شحالك الطيب؟! .. رديت عليه: طيب طاب حالك .. ومن صوبك؟ ..ربك ماتشكي باس؟! قال بسرعه: الحمدلله فنعمه .. آآ .. الدكتور المشرف على امايه ادوره وماريته .. قلت اسألك! ابتسم بهدوء .. كان اسمر وااااايد وطويل لكنه عصقووول .. قلتله: افا عليك بس .. فالخدمة نحن، شو اسمه الدكتور؟! عقد حياته عقب قال: آ .. اظني انه ايروين .. او مادري نسيت!! وابتسم ببلاهه .. قلتله بسرعه: قصدك روين .. ثواني اشوفلك وينه ... سرت عند الصبورة الي نكتب فيها العمليات مالت اليوم ومنوه بيسويها ... قلتله وانا اقرا: دكتور روين فغرفة العمليات ,,, بعده مطول! لفيت عليه وانا ابتسم: شي بغيت ؟ آمر!؟ قال بسرعه: بس ابا اعرف المستجدات فحالة بنتي ... انته دكتور هنيه!؟ اتجدمت منه وانا امد ايدي بسلم: هيه طال عمرك .. وياك سلطان بن علي ,, سلم عليه وهو يقول بابتسامه: و النعم .. سالم بن محمد .. وكمل باهتمام: اول مره اشوفك هنيه؟! .. قلتله وانا احدر ايديه فمخابي البالطو : والله من سنه انا هنيه .. بس كنت فقسم الأطفال واحينه فالطواري .. رب ماشر بومحمد؟ قال: الشر ما اييك .. ماشي بس بنتي مريظه فالقلب ..ويايين نسوي عملية هنيه .. هزيت راسي بتفهم ... وسكت عنه .. جان يقول: يالله عيل اسمحلي .. : مسمووح.. وماتشوف شر بنتك .. قال بابتسامه: الشر ما اييك الشيخ .! : الله يقومها بالسلامه ... حياك الله! خطف من جدامي وانا اراقبه .. من زمان مارمست واحد اماراتي .. . . فغرفة من غرف المستشفى .. قسم النساء .. الساعه 12 وخمس وخمسين دقيقهّ! | مريم | . . حسيت بحركه على بطني .. صايبتني لووعه .. احس عمري بزوع، مديت ايدي ببطء وانا اتحسس بطني، بس ظربت ايد حد يالس عدالي .. تروعت وفتحت عيوني بسرعه، بس على طول بندتهن وانا احس بصداع فجأة غزاني .. تأوهت يوم تحركت مكاني وانا اضغط على بطني .. ياربي شو هالاحساس .. سمعت صوت منصور من بعييييييد: مريم؟! ... انتي واعيه؟ مديت ايدي ادور عنه وانا احاول ارمسه .. بس من التعب ماقدرت .. حسيته به يمسك ايدي بقو ويقول شي .. بس ماقدرت افهمه .. بعد فتره مادري جاني رقدت ولا .. ماعرف .. المهم اني فتحت عيوني ببطء .. كان الهوا بارد .. وظلام .. ماقدرت اشوف زين، بس قدرت اشوف واحد واقف عند الدريشه، عقدت حياتي باستغراب .. انا وين ... اصلا شو استوى .. احيد اني كنت ارمس ويا فاطمة وانا ارتب ثيابيه، وحسيت بان بطني يتقطع، وبعدها ماعرف شو استوى .. كل الي اعرفه اني شفت فاطمة تربع صوبي وشفايفها تتحرك بسرعه وويها متغير! ماعرف شو استوى عقبها .. رديت اطالع الي واقف عند الدريشه .. لحظة .. انا فالمستشفى! تحسست بطني باستغراب ... ماحس بشي .. رفعت عيوني صوبه وانا اقول: منصور؟! لف عليه بسرعه ويا صوبي.. كان صدق منصور .. مسك ايدي وحسيت بويهه تعبان ، قالي بسرعه: فدييتج مريوم نشيتي؟! طالعته باستغراب .... " فديتج "؟! .. قلتله وانا احاول ايلس: هيه .. أنا شـ.. آآي! مسكت بطني وانا احس ان فيه فراااااغ .. او شرخ من اليمين .. قالي بلهفه واظحه فصوته: هاه هااه .. شوي على عمرج ... الدكتور يقول لا تتحركين! غمظت عيوني بتعب وانا احاول اركز ... احس عمري ادوووور وادووووور .. . . فالظلام، و فحجرتي فبيتنا الجديم كنت يالسه .. استغربت، انا شو اسوي هنيه .. كنت اسحي شعريه واطالع ابويه راقد على الشبريه مبتسم .. رديت له الابتسامه ورديت اسحي شعري .. وقفت ببطء وفتحت الباب وطلع فويهي عمر يصيح، كان ويهه احمر ودموعه يطيحن بسرعه، ابتسمت بهدوء وربت على جتفه وانا ساكته .. خطف من عدالي ويلس عدال ابويه الي كان بعده يطالعني بنفس النظرة الحنونه وعيونه الي تلمع، انسدح عداله عمر وحط راسه فثبانه، كنت بعدني ابتسم ، بس حسيت بدموعي يطيحن ويخيسن ثيابيه، كان الجو ظلام بس قدرت اشوف دموع عمر وابتسامة ابويه، حسيت بان الدنيا ماتسوى شي وانا ايلس عدالهم وامسك ايد ابويه ... مادري شو استوى خلاف، لكن وفجأة شفتنا يالسين فحوي بيتنا اليديد جدام باب الصالة ، وياهل صغيروني يمشي عدالي ويناغي .. رفعت عيوني على الموجودين، شفت سلطان ولد عمي يالس على اركبه ويطالعني بابتسامه .. و عمر واقف فوق راسه ويقول: هاااااااانت ، يومين وتعرس .. اسميييييييك افتكيييت! عقدت حياتي وانا اشوف منصور يالس آخر شي وساكت، لف عليه سلطان ولد عمي وقال بهدوء: مبروووك ماياكم ام غانم .. ابتسمت فويهه وانا اقول : يبارك فعمرك .. . . فتحت عيوني ببطء وانا احس باذني ممزورة ماي .. مديت ايدي ومسحتها وانا اتنفس بسرعه .. رمشت اكثر عن مره وانا ابتسم بحزن، حسيت قلبي يغووووص فـ... مادري، جني حطيته فماي بارد وغوصته للقاع، رفعت راسي شوي شوي وانا بعدني احس بدوار .. شفت منصور متساند على الشبريه، شوفة ابويه فالحلم ردت لي شعور اول ايامي يوم استوعب انه خلاااص . ماعاد هو راد النا .. وانها خلاص مايتنبفس نفس الهوا الي نتنفسه .. او حتى مايتنفس .. تنهدت وانا اغمظ عيوني و امد ايدي ببطء وامسح على شعرمنصور وانا ارد انسدح زين، قلت ببطء: منصور .. انته واعي؟! وقف بسرعه ويا صوبي .. قالي بابتسامه: نشيتي؟ قلتله : انا شو اسوي هنيه!؟ تبعته بعيوني وهو يعدلي المخاد ورى ظهريه وايلّسني .. عقب مسح على ظهريه وهو يبتسم .. مستغربه منه! واستغربت زود يوم شفته يمسك ايدي ويحبها ببطء وهو يقول شي بس ماسمعته .. قلتله باستغراب: منصور؟! .. بلاك! قالي وهو يغمظ عيونه: تعرفين انج روعتيني؟! فتح عيونه وكمل بحزن: كنت اتحراج بتموتين!!!! عقدت حياتي .. ليش احس انه بيصيح! .. عورني قلبي وانا اشوفه جيه . مااحب اشوف الرياييل جيه مكسورين! قلتله بهدوء: منصور انا شو بلاني!؟ قالي وهو يرد ومسك ايديه: كان فيج دوده زايدة وانفجرت .. وسكت ... قلتله بخيبة امل: بس؟! وكملت : كنت اتحراني حامل .. ورديت اقول وانا ابتسم: الحمدلله ، و ضحكت بغباء ... يعني احساس خاطئ! حسيت ويهه تغير .. و غدى اصفر .. ما اجذب عليكم يوم حسيت بايدينه يرتجفن .. قلتله باستغراب وانا ارص على ايدينه: منصور بلاك؟! .. ليش احس انك متغير؟! قالي وهو يطالعني: ماشي .. بس اشتقت لج .. سكت عنه ونزلت عيوني ..... اشتاق لي؟! .. انته الي يبته لعمرك .. والا كنت تقدر تتفادى هذا كله لو كنت ويايه فالبيت، هب ترقد فالميلس!! ، كنت ابا اقوله هالرمسه ، بس مايهون عليه .. من عقب امه حسيته متغير .. ووايد بعد .. كنت برفع راسي صوبه بس هو سبقني وحظني بقو وهو يقول: باجر يوم تطلعين بننتقل صوب بيتنا فجميرا .. مابا اتم فالبيت من عقب .... من عقبها! كان نفسه سريع، وحسيت ببطني يرد ويعورني وهو عاصرني جيه .. بس سكت وانا احس دموعي يطيحن .. من يوم خذيته وانا احس انه ريال عصبي ودوومه مفول .. هالجانب عمري ماتوقعت انه موجود فيه .. قالي بهدوء: مريم ........ انتي كنتي حامل! عقدت حياتي وانا اسمع الي قال .. مديت ايدي بخوزه عني وانا اقول: شوه؟! .. كنت حامل؟! بس هو ماخلاني ورد يحظني بقو .. قلتله: منصور؟! .. انا كنت حامل؟! قالي ونبرة صوته غدت اقوى: هيه كنتي حامل فالشهر لوّل .. فتحت عيوني وانا اشهق .. يعني انا حامل!! حاولت اخوزه عني وبطني بدا يعورني زود: منصور يعني انا حامل ..!؟ ..جيه قصدك؟! قالي بقو وهو يخوز عنيه شويه: لا .... كنتي!..، يعني عقيتي الي فبطنج .. مريم .. كمل بقوة وهو راص على جتوفي .. عيوني كانت تدمع من دون لا أدري، رفعت ايدي ومسحت ويهي بقو وانا اسمعه: يوم انفجرت الدوده أثرت على الجنين .. فاضطروا انهم يجهضونه .. و الا كان بيولد مشوه! شهقت مره ثانيه وانا اقول بغبنه: يعني طاااااح؟! .... بس .. كيييف؟! حسيت بقلبي يعورني وبطني ....... ياربي انا كنت حامل ولا ادري ..!؟ قالي بهدوء: بعده جدامنا العمر كله ... لاتصيحين فديتج! كانت تمر فبالي المرات الي قررت اني اسير افحص، بس فكل مره اقول منصور مشغول، واكيد بيكون تعبان، ومابيقدر يوديني ... وفكل مره اهون واقول بعدين وانه مابيستويلي شي!!! واحييييينه ... رفعت راسي صوبه وانا اقوله: ليييييش؟! عقد حياته وقال: ليش شوه؟! مادري كيف قدرت وطلعت الي فقلبي كله وانا اصارخ واصيح فنفس الوقت: ليييش كنت بعييييد!؟ .. وكملت وانا اغطي ويهي بايديه: امك مااااتت بس انا هنييييه .. عندي الحق انك تسأل عنييه .. فكل مره اقول بسير افحص بس اقول منصور تعبااااان .. سكت شوي وانا اشهق .. وكملت وانا اطالع عيونه : لو كنت عدالي وتسأل عنيه كنا قدرنا ننقذ الياهل .. قالي بهدوء: مريم .. انا ماكنت ادري! قلت بصراخ: حتى انا ماكنت ادري .... ولديييه ماااات بسبتك انته ... انته الي كنت هاملني .. وكملت وانا امسح ويهي: امك مااتت؟ .. انزيييين .. وانا؟! .. منوه عندي؟! .. تعرف اني رديت من السفر تعبانه!؟. . تخبرت عنيه؟!.. لا طبعاً لنك كنت مشغول ويا نفسك .. فريتني فالبيت ويا اختك الوحشه وشردت ... انته هب قد مسؤوليه اصلاً !! مسكت بطني وانا اتأوه ..... مااصدق اني صدق كنت حامل؟ .. يااااربي كيف اموت فاليهااال، ويوم حملت اول ياااهل لي .. طااح!؟ غمظت عيوني بتعب وانا اصيح .... رديت راسي على ورى وانا اقول بحزن: لييييش يا منصور؟! .. مارد عليه وهذا الي زاد غيظي .. ضغطت على بطني وانا اصارخ: ليييش ماترد؟! .. انته اصلا دووومك ساااااكت، والي تباه يمشي ... انا آخر وحده بتسألها شوتبين ؟! مسك ايدي وقال: مريم بـ... فريت ايده عني وانا اقول بصياح: لاتصكني .... خوووز عني .. ماااباااك .. آآي .. بطني .. حسيت بألم فظييييييع فبطني، وطاحت عيوني على اللحاف الي غدا لونه أحمر ..... رفعت راسي صوب منصور وانا اصيح .. بس كان واقف عند الباب وثواني ودخلت وراه نيرس .. . . نفس اللحظة .. | منصور | . . طالعتها بهدوء بعد ما رقدت .... من كثر صراخها وصياحها .. ولنها تحركت وايد انفج مكان الخياطه فبطنها ونزفت ، الحمدلله ان النيرس عطتها مهدئ ونقلولها دم ورقدت .... مسحت على شعرها ورمستها ترن فاذني .. يعني كانت تتألم وتبا تسير تفحص، بس عشاني سكتت ...... تنهدت ببؤس وانا اشوف ويهها كيف غادي اصفر ... ماكنت ادري انها تبا يهال لهالدرجه! وماكنت ادري انها حاطه كل هذا فقلبها عني .. انا مش قد المسؤوليه!؟ .. و الا انا مايهمني غير نفسي؟! اعترف اني ماكنت ابا اعرس احينه ،بس يوم شفتها اول ليله تغيرت .. شي فيها جذبني .. يمكن عفويتها وطريقة رمستها عن اهلها ونفسها .. جنه ماشي فالعالم بيغيرها .. مادري كيف ، بس حبها تعمق فقلبي يوم سافرنا، كانت حلوة دووم وظحكتها ماتفارق ويهها، عفويه وتسولف عن اي شي .. ما انكر انه فيها لحظات تنجلب وتغدي شرات خوها الصغير عيد، ترمس شراته يووم يبا ينغز حد بالرمسه!! بس الأكيد اني حبيتها بسرعه لني ما كنت اندمج وايد ويا هليه، يعني ما اسولف وايد، ودووومه الي اباه يكون عندي، ومحد يرفظ لي طلب، ورمستيه محد يثنيها .. يمكن لنه ابويه من خذا ام صالحه وهو بعيد عنا .. سكن فام القيوين ومنها ما ايينا غير مره فالسنه .... ممم انا مش اوكيه وياه .. ما ازورهم ابد ... وصالحه ملزقه عمرها فينا .. اونه انتو خواني ، لكني انا اعرف هيه شوقصدها، واحينه يوم امايه توفت، مابسكت الها ابد على السوالف الي كانت تسويها! رديت اطالع مريوم وانا ابتسم .. خوانها اول مارمستهم يوا طيراان هنيه .. واظح انهم وايد يعزونها ، بس الي استغربته انه امها ما يت ... حتى هيه واظح انها ماتحبها او .. مادري! وخيت عليها وبستها ببطء بين عيونها .. الله يحفظج لي ويخوز عنج هالأفكار ..... طلعت من الحجرة و من المستشفى بكبره، ركبت الموتر وانا اتصل بسعيد .. رد عليه: هاه بوغاشم؟ .. بشر؟! قلتله وانا اظهر من المستشفى: الحمدلله ... كل شي بخير .. قالي: الحمدلله .... اسمحلي ماسرت وياك، علي كان مريظ وماروم اخليهم ارواحهم فالبيت .. قلتله: لا عادي .. خوانها كانوا هنيه ... شحاله علي؟! قال: توه رقد .. والا الحمى مرتفعه، كنت بوديه العياده، بس ادريبهم مابيسوون شي .. شوقالوا عنها مريم؟! : كانت فيها دوده زايده .. وانفجرت فبطنها قبل ما اتيهم، سوولها عملية، و عقت الياهل بعد! قال : افا ... ماتشوف شر ان شاء الله .. طااح الشر! : الشر ما ايييك .. مافيها شي ثاني الحمدلله ... وقفت عند الاشاير وانا اكمل :كنت بقولك اني بسير بيتنا فجميرا .. قالي بسرعه: ليش؟! .. هذوه البيت عود شعنه ساير اروحك هناك؟! قلتله: ماروم ادشه سعيد ..... تعالوا انتو انزين .. هاك البيت بعد عود .. قالي: شو بنسوي بالبيت هذا عيل؟! قلتله: بنأجره ، تراه باسم امايه الله يرحمها، بنخليه ايجار وبنسير نحن صوب جميرا .. شوقلت!؟ : و الله صعبه منصور .... متى قالوا بيظهرونها هم؟! رديت احرك الموتر بعد ماتحركت الاشاره: تخبرت النيرس قالتلي الدكتور يقول بعد اربعة ايام اسبوع بالكثير .. و مش صعبه ياسعيد، عادي تراك انته كل يوم تسير الدوام اربعين دقيقه ومرات اكثر، احينه بتزيد ربع ساعه مش وايد! قالي: الي تشوفه .. حتى انا احس البيت غادي خنقه .. خنقـــه .... هاي هيه الكلمة الي توصف احساسي بالضبط! . . الساعه 3 وربع .. بوابة المستشفى .. | عيد | . . : يعني مابتحدرين؟! قالت امايه بهدوء غريب: مابا اشوفها طايحه جيه .... ردني البيت ونييها باجر الصبح .. طالعت مبارك الي واقف عدالنا : شو الشور؟! قال لامايه وهو يحط ايده على جتفها: متأكده ماتبين تشوفينها؟ .. مع ان الزياره خلصت، الا انا نروم نشوفها شوي بس .. هزت امايه راسها ببطء وقالت وهيه تمشي: مابا اعور قلبي على الفاظي بشوفتها طايحه، بعد ماكانت تربع يدامي هنيه وهناك .. حسيت بحزن على مريوم وانا اسمع امايه تقول جيه .. قلت لمبارك: صدق هيه بخير؟ .. ولا بس عسب تهدونا؟ قالي: تبا تشوفها؟ .. سر لمنصور بعده هناك .. انا بودي امايه وانته رد ويا حمد والا عمر وعمير .. قلتله وانا ارد داخل: هيه زين .. يالله سلاام!! دخلت داخل وعلى طول سرت للريسيبشن ... خطف عليه دكتور جان اوقفه: لو سمحت الشيييخ .. لف عليه وقال بسرعه: مرحبا .. قلتله وانا احج راسي: أ ... وين .. ختيه مريوم يت هنيه وسويتولها عمليه .. عقب ظربت يبهتيه وانا اقول بسرعه.. اونه مريوم! : .. قصدي مريم بنت سلطان بن عيد، وين غرفتها؟! طالعني بطريقه غريبه وقال بابتسامه: انته اخو واحد من المخبل الي دخلوا علينا غرفة العمليات؟ عقدت حياتي وانا اقول: هاه؟ .. اي مخبل!؟ .. لا انا ماكنت هنيه ، بس .. قطع رمستيه وهو يقول: اها، ماعليك ، انا اللي سويت لاختك العمليه .. المهم انها الحمدلله عدت مرحلة الخطر وغدت احسن، اظن انهم نقلوها غرفه خاصه.. تخبر النيرس .. قلتله بسرعه وانا امشي: تسلم الشييييخ .. وكملت بعدم تصديق: يعني هيه بخير؟ قال: هيه بخير .. قلت بسرعه: لا قصدي يعني .. انته ماتقول هالرمسه عسب مانتروع؟! قال بابتسامه: لا ... اختك عدت مرحلة الخطر ، لكنها بتم اسبوع هنيه، الدوده كانت ملتهبه واثرت على الرحم ، بس الحمدلله ماطرينا انا نستأصله .. طالعت بعدم فهم وانا اقول: دوده؟! شفته يطالع ساعته ويقول بابتسامه: ماتعرف ان كل حد داخل جسمه دوده زايده؟! فتحت عيوني وقلت من دون شعور: نعم؟ .. يا رياال تتمصخر يعني ؟؟، أي دوده زايده وزايده عن اشوه؟! قال بظحكه: شو اسمك اول شي؟! قلت بسرعه: عيد بن سلطان بن عيد .. قال: والنعم والله .. شوف ياعيد .. كل انسان عنده دوده زايده، لكن الاختلاف بينك وبين ختك انها هيه التهبت عندها .. وبس! ماقدرت اخفي الاشمئزاز من ويهي وانا اقول: اخيييييييي .. لو ما خبرتني احسن .. كيف باكل احينه؟! طالعته وهو يظحك: هههههه السالفه مب جيه .. يعني .. والا اقولك .. انته مابتسير اطالع اختك؟! وكمل وهو يطالع ساعته: لن وقت الزياره خلص؟! قلتله : لا اكيد بسير.. مشكور دكتور .. ماتقصر .. اسمحلي .. اشر بايده وقال: مسموح .. روحت عنه وانا احاول ابعد الخوف الي فيني .... و الله يوم رمسني مبارك بغيت اموت من الزياغ .. حشى يقولي تعال المستشفى وعقب يوم اتخبر امايه تقولي اختك فالعمليات .. وانا البارحه مرمسنها مافيها الا العافيه ....والله عورني قلبي انا ماكنا عدالها .. وصدق صدق حسيت اني بصيح يوم قالنا مبارك الي قاله الدكتور ... مريوم تموت؟! .. قويه الصراحه! تنفست بعمق وانا اتصل على منصور .. الحمدلله انها بخير .. و الله يحفظها ان شاء الله .. بعد يوم ، الخميس .. | مايد | London brige hospital لندن .. الساعه 12 الظهر .. . . كنت واقف برع الحجرة متساند على اليدار .. اتريا البرنسيسه يلبسونها عسب اقولها فكه من ويهج وارقد وانا مرتاح انها فمكان آمن .. غمظت عيوني وانا اتذكر شو استوى اليوم .. كنت راقد ومتريح لين ماحسيت بماي بااااااااااارد ينجب عليه .. فزيت واقف وانا ارفع ايديه بصفع الي جدامي ... بس فتحت عيوني على وسعهن يوم شفت شما واقفه عند الباب ومييييييته ظحك .. يلست فتره اطالعها مش مستوعب الي استوى ... طالعتها بغرابه، كانت متلبسه كندورة بيظا، وشعرها الاسود سايح على ظهرها، جسمها مرتب، طويله شويه، البشع فيها ويهها ... كان وارم لدرجه رهيبه، جنها مظروبه بقبّ!! : ههههههههههههههه و الله شكلك يذبح من الظحك! .. آآآخ بطني! طالعتها بهدوء .. عقب مسحت ويهي وانا اقول: الساعه كم؟! قالت وهيه تظحك: هههههه 11 ونص! شهقت وانا اقول: شوووووووووووه؟! ..... تأخرنا عن الموعد! كنت بدخل الحمام بس اتذكرت انه فالحجرة الي هيه خذتها ... فاتجدمت بظهر، بس هيه تحرت اني بظربها او مادري شو بسويبها ، فربعت برع وبندت عليها الحجرة .... لاحظت انها كانت تربع وهيه بعدها تعري .... شكله الظرب الي خذته وايد، الله يعيين! تسبحت وصليت الفير ، ودقيت عليها الباب وانا اقول: غيري ثيابج يالله .. بنسير المصح! و احينه انا واقف فالممر المؤدي لحجرتها فالمصح .. شكله يفتح النفس، كل شي ابيظ ووردي، وريحته شرات المستشفى، لكن فيه ريحه خفيفه حلوة ... الدرايش كلها مبطله والجو خاري حلو، عقب مطر البارحه ,, لفيت على الباب الي انفتح والممرضه تقول: ! .. you can enter now دخلت وراها ووقفت اطالع شما طايحه على الشبريه ... كانت مثل ماهيه .. وقفت ماعرفت شو اقول .. بس يا في بالي العرس ..... انا بعدني ماسويت شي .. يبالي اشتري واقظي هالشهرين فالحواطه ... قلتلها: شو الالوان الي تحبينها؟! رفعت راسها وقالت بهدوء: مايخصك ... ولو سمحت اظهر .. مابا اشوف ويهك! كانت الممرضه واقفه فالصوب الثاني اطالعنا بتركيز وتكتب اشياء في الدفتر مالها .. عصبت طبعاً من رمسة شما، وبما ان الممرضه اكيد ماترمس عربي فصارخت فويهها: شو تكتبين انتي!؟ ... تفاجأت يوم قالت بلكنه عربيه: اكتب تعابير وجه المريظه! رمشت اكثر عن مره وسمعت شما تظحك وتقول: قفــــــــــــطة! لفيت عليها: جب انتي .... وكملت وانا اظهر: عيل الله يعينج على الي بشتريه لج ... بخليه كله اصفر فاقع وفسفوري ! بندت الباب ورايه وسرت معصب ... مالت على ويهج، كله مني انا الي آخذ بخاطرج .. اتذكرت اني ماعطيتها التليفون الي اشتريته اليوم .. فرديت ومديت ايدي بفتح الباب .. بس وقفت مصدوم وانا اسمع شما ترمس ويا حد داخل: : شفتي؟ .. انا قلت لج هالويه الحلو مايعطي واحد شرير .. شوفي شو سوى فعيني ! : اوه ماي قاد ... هايدا مو انسان .. انتي لازم تبلغي الشرطه عليه .. مابيصح هيك! انتو متخيلين شو تقول هاي!؟ .. انا ظربتها جيه؟! .... فتحت الباب بقو ووقفت عنده اطالعها بعيون معصبه .. و الله اني احس عمري احترق! على طول قالت الممرضه : خير؟! .. شو بدك؟! لفيت عليها وقلت بصوت هادي: انتي تنطمين وماترمسين ..... كانت بتقول شي بس سكتت .. اتجربت من شما الي كان واضح فويهها الخوف .... كانت ظامه ايديها فحظنها وترتجف ..... يلست عدالها على الشبريه وهيه منزله راسها ..... ومديت ايدي وحظنتها من ينب .... ادري ان هالحركه بتخليها تتخبل من الزيغه ... طالعت الممرضه الي اطالعني بصدمه .. ابتسمت الها وبست شما على راسها ببطء .. عقب رفعت راسي صوبها وقلت: ممكن ايلس ويا حبيبتي شويه؟! رصيت على كلمة حبيبتي جان تقول بارتباك: اي ولو ... عن ازنكو! اول ماتبند الباب رصيت بايدي على جتفها وانا اجرب ثميه من اذنها واقول بصوت هادي: تعرفين؟! .. شكلج بشع ..... ورمستج ابشع! وكملت يوم حسيت بعظامها تتصلب: ولو اشتركتي فمسابقة البشاعه كنتي طلعتي الاولى، وبجداره! حركت راسها ببطء ولفت عليه .... رفعت راسها عليه لني كنت اطول عنها بشوي .. قالت: من عقبك حبيبي .. ماروم اغلبك! ماجذب عليكم اني حسيت بشي غريب يوم قالت حبيبي .. اول بنيه تقولي حبيبي فحياتي .. سكت عنها .... قمت من على الشبريه وانا اقول: شما انتي ماتستاهلين الجهد الي ابذله عشانج ... وكملت وانا اعطيها كيس التليفون: بس تأكدي انه مش لسواد عيونج ... قالت: عيوني مش سود! رفعت عيوني صوبها وانا اسمعها تقلد رمستيه ... قلتلها: مش مهم ... هذا التليفون خليه عندج، وياويلج وسواد ليلج اذا مارديتي يوم اتصل! عقب يت فبالي فكره، اتجدمت منها وقلت وانا ابتسم: والله حرمتي احلى بشعه، ..! طالعتني بعيونها الوارمه بعصبيه وسكتت .. مديت ايدي وقرصت خدها: احلى شي هالسواد الي تحت عيونج .... وظحكت : هههههههه احوليتي وانتي تحطين الجحال!؟ عقدت حياتها وتمت اطالعني .... بستها ببطء على خدها وانا احترق من داخلي، هذا مش انا الي يرمس! لفيت عنها وطلعت من الحجرة وانا احس بشعور غريب، فخلال اقل عن شهر .. اتـــغيرت يا مايـــد! بعد اسبوعين .. الثلاثاء ، الثاني من نوفمبر .. سنة 2010 ! | عمير | الساعه 9 ودقايق .. بيت بوعبدالله .. غرفة عمير وعمر .. . . حطيت آخر فانيلة داخل الشنطة الصغيرة وبندتها بعد موت .. لفيت على عمر الراقد: عميروووه نش يالله .. قال بصوت مبحوح: يعني مارمت تاخذ حجز الا الليله .. جان خليته باجر لين آخذ آخر ابره وافتك من هالبلاعيم! حطيت الشنطة عند الباب عدال شنطة عمر وقلتله: جب ونش يالله .. انته لو شفت عبدالله كيف احتشر، مابتقول جيه! قال: اها .. زين، يوم تركب الموتر دقلي هرن وانا بلحقك .. ماروم انش! فتحت الباب وطلعت بعد مابندت عنه الليتات و المكيف .. من امسات وهو طايح من الحمى و البلاعيم .. انا من الزياغ مارقدت وياه عن ألقط الفيروس على قولت مريوم .. على طاريها، بتعصب ان درت انا سايرين عمرة من دونها، من ثلاث سنوات وهيه محتشره تبا تسير بس اميه هب طايعه الا اذا سارت هيه وياها .. ، عااد هيه عرست احينه خل ريلها يشلها جان تبا! دقيت الباب على امايه .. : ادخل! دخلت وسلمت .. كانت يالسه على الشبريه تقرا كتاب .. قصص أبكتني؟! .. و الله انج فايجه يا اميه! : امايه حجزت توني، بعد ساعه الطياره .. قالت وهي تبند الكتاب: هيه زين .. و كملت وهيه تبتسم : ماترييتوني عيل .. قلت بسرعه وانا ايلس عدالها: افا؟ .. ماخبرتيني .. تبين بحجزلج؟! قالت بابتسامه: متى قلتلي الطياره؟! انسدحت على ريولها وقلت: بعد ساعه .. يعني الساعه 10 .. قالت: لا خلاص ، سيروا انتو واذا يت ختك بطالع جانها بسير بخاويهم! قلت باستغراب: جيه مريوم قالت بسير؟! خوزتْ راسي عن ريولها وقامت وهيه تقول: اتصلت اليوم الصبح .. وعتني من رقادي، اونها تتخبر جاني ابا اسير وياها العمره .. ابتسمت بهدوء، ماتيوز اميه .. قلتلها وانا اوقف عدالها: هيه ؟! قالت : ماشي، الا انا ابا اسير لكن هب الحين .. المهم انها قالت بتي فالليل، وتبا تسير تعتمر .. وردت تقولي اسير وياها .. قلتلها مابا اكون عذال! : هههههههه انزين؟! كملت وهيه تلف صوبي: ماشي .. قلتلها بفكر .. انا امبوني ابا اخذ اجازة .. منها اعتمر ومنها ارتاح من الكتب!! طالعت الساعه الا انها 9 وربع .. قلتلها : يالله زين عيل .. بنسير عاد نحن .. متى قالت بتي العين؟! وخيت عليها وبستها على راسها وهيه تقول: قالت فالليل .. مادل عاد ، انزين فديتك .. انتبه لخوك .. واتقّفوا وانتو سايرين .. واول ماتوصلون اتصلوا .. قلتلها: ماعليه .. تامرين انتي .. بسير احط الشنط فالموتر، جانج بسيرين لعمر، هكوه طايح فالحجرة! ظهرت ويايه من الحجرة، تلاقينا ويا عيد شال البليستيشن فايده .. قال: انته بعدك هنيه؟! اشرت بايدي : جب انته!! .. شو عندك ويا ولد هادي؟! فتح عيونه واشر على اميه الي قالت: لاتطالعني جيه .. عبدالله خبرني .. ودامه طرا السالفه .. ابا اشوفك فالصاله بعد عشر دقايق .. خوز عن دربي احينه! خطفت من عنده وهو يقول بصوت واطي: شعنه تقول جدامها ياخي؟! .. احينه مابتخليني اسير الميلس! ابتسمت وقلتله: هرم تراك .. صطعتك تصطّيع اليهد وتباه يسكت! دخلت ويا اميه صوب حجرتي وعمر عشان اشل الشنط .. يلست هيه عند راسه وقالتلي: توه راقد هوه؟! قلت وانا اظهر: هيه .. بودي الشنط وبردلج! طلعت برع .. كان حمد توه نازل من موتره ..قال: هاه معزمين؟! قلتله: هيه و الله .. ياخي انته بعدك مابتاخذ اجازة .. وعبدالله دومه مشغول، وانا واحد مليت من هالحال، ابا اعتمر واسير ادرس ..! قال: شو قال عبدالله يوم قلتله بتكملون جامعه فكندا؟! قلت: قالي بكل هدوء ورزانه وطيبه : زين تسير عند عمك احسن عن مكان ثاني! ظحك: ههههههههههه جذااااااب! قلتله وانا احط الشنط فالموتر من ورى: هههههههه يارياااال تتخبر انته .. تعرف بعد شو يقول هوه! ليش سايرين والبلاد ممزوره جامعات، شوتبون بالدراسه برع وهناك محد بيداريكم ومن هالرمسه! تساند على الباب وقال: وكيف اقنعته!؟ قلت وانا اطالعه بنظره حزينه تكسر الخاطر وقلت: طالعته جيه وقلتله لو ابويه هنيه كان خلانا نسير!! فتح عيونه وقال بصدمه: شوه؟! .. تخبلت انته؟! عقدت حياتي وقلت: لا .. جيه شو فيها لو قلت الصدق بعد؟! قال بنفس الصدمه: يعني عبدالله ماكان مسوي الي تبونه طول هالسنتين؟! خوزت ايده عن الباب وبندته: عبدالله ماكان بيوافق الا اذا قلت جيه! قال: وانته ماعندك غير هالرمسه الماصخه .. لو قلتله الصدق وانك تبا تدرس .. كان بيوافق .. كمل وهو يدش البيت: لكن هو يعرفكم وانا اعرفكم .. مابتدرسون! الا بتيلسون تلعبون ، عسب جيه هو خايف عليكم! عقدت حياتي وقلت بصوت عالي: عيل بتشوف انته وهو يوم ارد بالشهاده! عصبتني رمسته .. اونه شوه ؟ بنصيع؟! .. اي صياعه الله يخليك ... مستحيل اسمح لنفسي اضيع حياتي فهالبياخات؟! .. بعدين شو بنلقا هناك عسب نصيع! لو البنات، فأنا ما يعيبني غير غراشيب البلاد، هب هاييلاك البرص!! تساندت على السكان وانا اتنهد .. اتذكر قبل اسبوعين يوم قررنا نسير صوب بريطانيا نكمل دراسه .. بس قبل لانسافر باسبوع توفت ام منصور ريل مريوم ختيه .. وهيه اروحها مرظت ودشت المستشفى اكثر عن اسبوع ... عقب يت صوبنا وتمت فالبيت ويا امايه اسبوع ثاني .. اجلنا السفر ، ونسينا السالفه اصلا .... هالسنه واايد اشياء استوت، ويوم عن يوم احس انا نتغير .. مريوم قظت عندنا الاسبوع عقب طلعتها من المستشفى، كانت متغيره واايد، هب مريوم ختيه الي اعرفها، طول وقتها فالحجرة .. وموووول ماشفتها ترمس ويا منصور، و المرتين الي ياهن يباها، ماطلعت ، على قولتها تعبانه وتبا ترتاح .. الغريب فالسالفه انه منصور نفسه ماكان له نفس الشي، جنهم هب معاريس .. عنبو بعده ماتم عليهم شهرين وهم جيه نكد!! لفيت على الموتر الي دخل حوي البيت ووقف ورايه .. كانت ستيشن منصور .. نزلت بسلم عليهم وسمعت مريوم تقول: مابتسلم على التوام؟! .. تراهم بيسرون احينه!؟ وقفت عندها وانا اقول بابتسامه: حيّــها أم عمير .. شحالج؟! لفت عليه وهيه تقول: بسم الله .. متى ظهرت انته؟! .. وبعدين شو ام عمير؟! تخسي!! كانت تعبانه كالعادة .. ويها مصفر وظعفاانه وايد ، قالي منصور وهو فالسيارة: مرحبا عمير .. شحالك؟! خطفت عن مريوم وانا اقول: بخير ربي يسلمك .. نزل هوه وخاشمني ورد عليه: سايرين عمرة ماشاء الله؟! قلتله: هيه ... بنسير نعتمر ونكمل دراسه صوب عميه فكندا .. قالت مريم بصدمه: شوه؟! .. بتكملون فكندا؟! .. وكملت وهيه عاقده حياتها: وليش أنا آخر من يعلم استاذ عمير؟! طالعتها باستغراب وانا اشوف ويهها، كانت عاقده حياتها وشكلها غريب وهيه ترمسني بهالنبرة الحاده .. قلتلها: وبلاج تقولينها جيه؟! .. تعالي ظربيني احسن!؟ لفت عني بعصبيه ودشت داخل وهيه تقول: اففففف كيفكم ... انا مايخصني!! لفيت على منصور وقلت: بلاها حرمتك غاديه جبريت!!؟ كان بعده يطالعها لين مادخلت ولف عليه وقال: و الله شو اقولك، هيه من يوم ما عقت وهيه غاديه جبريت!! قلت وانا اهز جتوفي بعدم اهتمام: اونه، و الله مريم غاديه بزيه!! ابتسم وقال: عيل وين عمر .. وعمتيه خلني أسلم قبل ما اسير .. قلتله: احينه بيون .. وشحالهم هلك؟! : بخير وسهاله .. سكتنا فتره وانحن واقفين عند المواتر فالحوي .. رفعت راسي على امايه ظاهره ووياها عمر .. ووراهم عيد عابس .. مع انه ياب نتايج فنانه فالفصل الاول .. بس امايه وايد شديده عليه ، ماتخليه يسير مكان ولا شي .. الا اذا اقنعها عبدالله بكلمتين ... اتجدم منصور صوبهم وسلم .. قالت امايه: هالله هالله فعماركم .. واتصلوا يوم توصلون .. قلتلها وانا واقف عند باب الموتر: ماعليج ان شاء الله اول مانوصل بنتصل .. قالي منصور: شو الترتيب هناك!؟ .. بتعتمرون وتويهون صوب كندا ولا؟! قلتله: لا بنعتمر اليوم الفير .. وبنسير المدينه نصلي فالمسجد النبوي .. و من هناك بنسير صوب كندا .. قالت امايه وهيه ماسكه ايد عمر: ان شااااء الله فديتك .. وانتبهوا لعماركم .. ولاتسيرون للمدينه فموتر، ياويلكم لو دريت انكم عصيتوا رمستيه! ابتسمت وانا احبها على راسها: فديتج امايه، تاامرين انتي .. سلمنا عليهم مره ثانيه وقبل مانسير ظهرت مريوم من البيت .. كانت متلبسه كندورة ورديه وشيلة ورديه .. قالت بغبنه وهيه توقف بعيد: اونه ؟ كنتوا بسيرون ولاتسلمون عليه!؟ قالها عمر: افااا .. اروم انا اسير ولا اسلم على ام عمر!؟ ظحك منصور وهيه تقول: حااافظ .. و الله خواني مصدقين اعمارهم، الا واحد ام عمير و الثاني ام عمر .. حبيبي انا ام ســلطااااان! قال عيد بصدمه : افااااا مريوووووم ... واتفاقنا انج تـ.... ظربته على جتفه وهيه تقول بسرعه: جب ..... يالله فديتكم تسيرون وتردون بالسلااامه! يت صوبي ولوت عليه وامايه تقول: يالله خلي خوانج يسيرون بيتأخرون! قالها عمر: يالله انسلم عليكم .. لاحظت انها كانت شوي وتصيح ، مريم غاديه حساسه وبزيه، من يوم طلعت من المستشفى وهيه متغيره... اول ماركبت الموتر شفت مريوم تمش دموعها وعيد يالس يستهبل عليها ..، وسمعت رمسته لني كنت فاج الدريشه .. امايه كانت اطالعنا وايدها على صدرها ... حسيت باحساس غريب وانا اشوفهم يدخلون كلهم و منصور يركب موتره ويظهر ويانا، هرَّن علينا وظهر قبلنا وانا عيوني على امايه الي لوحت النا ودموعها اطيح، حسيت برجفه وانا اخوز عيوني عنها وعمر يقول: والله بنشتاق له البيت .... اربع سنين وايد! . . اليوم الثاني .. العصر .. | عليا | . . : هناااااااادي، مطااااااااااااار .... تعااااالي بسرعه! فتحت باب الصاله وانا اصارخ لهند الي داخل فحجرتها: هنااااااااااااادي ... مطااااار يطيييح! ربعت برع وانا بمووت من الونااسه، كانت الساعه خمس العصر، و من اليوم الفير والجو مغيم، وتوها تمطر .. لحقتني هند بعد دقايق وهي تقول: يالخبله، لو سمعج ابويه احينه .. لفيت عليها وانا ابتسم: يوووه انتي ماتدرين ... ابويه سار صوب عميه غيث فراس الخيمه ... وكملت بابتساامه وانا امد ايديه فالمطر: بسير اوعي شموووه العنز، ولا حـ.... قطعت رمستيه وانا افتح عيوني بصدمه .... شما!! ... شما وين اصلاً؟! لفيت على هند الي قالت بنظره حزينه وهيه اطالع السما: شما وين يا عليا؟! : منوه شما؟!! لفينا على امايه الي كانت اطالعنا بنظرة غريبه ... متغيره وااايد من يوم سالفة شما ... قالت هند: شما بنتج ... آخر العنقود .. ولاا نسيتيها؟! قالت امايه بسرعه: تخسي .. انا ماعندي بنات غيركن .. و آخر العنقود بخيت فديته! سكتت عنها هند .. جان تقول: نشي احدري داخل هند ... هب زين لج .. دخلت داخل ويا امايه وانا تميت واقفه اروحي ... كل فرحتي بالمطر غااابت يوم تذكرت شما .. يالله يا فوادي كيف يتقطع عليها ...... بعد دقايق وقف المطر .. وقفت عند دري البيت وانا اطالع الجو .. لو خواني هنيه كنا سرنا صوب العرقوب، رفعت عيوني على الموتر الي دخل الحوي .. رديت على ورى شويه وانا ادقق النظر فيه .. بس ماواحيت اطالعه الا وانا اشوفه يظهر مثل المينون من الموتر ويخلي بابه مفتوحه ويربع صوب البيت .. ترووووعت يوم عرفت انه خالد .. خالد ولد خااالتي .. دخلت بسرعه وانا ازاقر على امايه: اماايااااه .. صرطت لساني يوم سمعت صراخه: علياااااااااااااااااااا .... فتحت عيوني على وسعهن وانا احط ايدي على ثميه .. ياااااوييييلي ... ظهرت امايه من حجرتها وهيه تقول بسرعه: بلااج!؟ .. منوه يباغم؟! مسكتها من ايدها وانا اقول بخوف: امااايه خالد ولد خالتي عند الباب .. يصااارخ! سمعنا صوته: يااام سلطااااااان؟! ... ياااهل البيت! كان صوته معصب لدرجه رهيبه .. و قفت عند باب الصاله الداخلي ويا هند ونسمع رمسته ويا امايه .. قالته: هاه ياوليدي .؟ بلاك تصارخ علينا؟! .. شو السالفه؟! قال بعصبيه وصوت عالي: يرضيييييج الي استوا يا خالتي؟! .. قالت امايه باستغراب: شوه الي يرضيني؟! .. قال بصراخ: هب انا من وانحن صغار محير عليا .. كيييف احينه اي ولد عمها ويملج عليها؟! قالت امايه: ياولدي مب لازم تصارخ .. اسمعك انا .. قال بخفوت: السموحه منج، لكن مب حاله هاي يا خالتي .. عنبوو الكل بات يعرف ان عليا اليه، وانا اروحي ساير صوب ولد عمها واترخصت منه .. فتحت عيوني وانا اسمع رمسته التاليه: ولا بنتج حبته النشمي؟! .. عسب ينقذها من العنوووسه؟! عصبت عليه الصراحه .. شو هالرمسه بعد؟! قالت امايه: خالد .. لاتعق رمسه مالها لزمه، بنتي ماعرفت عن السالفه الا يوم ملجتها .. وبعـ... قاطعها وهو يرد ويصارخ: زقريييها انزين ابا ارمسها .. يوم قال جيه تقبظت فهند وانا اقول: ياااوييييلي يا هنووود، شو بيستوي؟! .. اكيد بيتذابحون هو وحمد!! قالت : لا ماعليج .. بعدين انتي غديتي حليلة حمد .. خالد مايحق له يشوفج ولا يرمسج! سمعت امايه تقوله: انزين وشو بتقولها؟! وكملت : البنيه غدت حرمة ولد عمها خـلاص ما بتفيد الرمسه! رد يقول بعصبيه: الخااااااايس كيييييييييييييف يملج عليها وهو اروحه رخصها اليه؟! سمعت امايه تقول بصوت عالي: خالد .. لاتصارخ فويهي .. احينه محد فالبيت .. يوم ايي ابوها رمسه! قالها: خالوه دخييلج ابا ارمسها شويه .. شويه بس! شفت امايه تدخل وهيه تزقرني ..: عليا فديتج ولد خالتج يبا يرمسج! قلتلها بعصبيه: امايه شو يرمسني .. قوليله انا مايخصني واني خلااااص حرمة حمد! كنت اقولها بعصبيه، وانا من داخلي اتقطع .... هذا حب حياتي ياي يدافع عني .. قالت امايه: ماعليه انا وياج .. تعالي! تنهدت وسرت وياها، كان واقف عند دري البيت بالضبط، ويسير ويرد من العصبيه .. يوم شفته حسيت بغبنه .. لف علينا بسرعه وسكت .. كنا واقفين بعيد عنه جان يقول وهو عاقد حياته: ليش واقفه بعيد؟! قلتله: السلام عليك ولد خالتي .. قال بعصبيه: وعلييييج السلاااام .. ليييش وافقتي على حمد يا عليا!.؟ وكمل : هب انتي واعدتني انج ترفظين؟! رفعت راسي برد عليه ... بس وقفت عيوني على الريالين الي وقفوا جدامنا .. رمشت اكثر عن مره وعيوني اطيح على عيد ولد عمي .. ووياه حمد !! مسكت ايد امايه بقو وانا اسمعهم يسلمون .. لف عليهم خالد بسرعه ... وسكت .. كنت بسير بس حمد قال وهو عاقد حياته: خير ان شاء الله؟! .. شو السالفه؟! وقف عيد بعيد وهو يطالع الموقف باستغراب، و حمد اتجدم صوبنا .. وقال وهو يطالعني: ليش هب متغشيه عليا؟! قالها بطريقة خلتني انتفظ ... صوته حاد وعيونه تخوف .. قالت امايه: مرحبا فديتك .. اقرب!! حسيت ببطني مغصني وانا اشوف حمد يلف على خالد ويطالعه بطريقة استفزازية .. قاله خالد بعصبيه: شرفت حظرتك ...... صدق انك واحد نذل!! طالعه حمد بذهول ... جان يكمل خالد بعصبيه واظحه فصوته وهو يتجدم من حمد: يوم انك هب قد الرمسه ... لاتقولها .. وتتحرى عمرك رياااال .. الا انته الثور احسن عنك!! من دون لا نحس .. كان خالد يظارب حمد، وعيد يحاول يفج امبينهم .. انا ماكنت اشوف شي، بس اسمع صريخ حمد وخالد .. خالد: شله تقووولي رخصتها وحطها فعيووونك وانته بتملج علييها؟! .. هاااااااااااااااه! حمد: فجني يالخااايس .. انته لو فيييك ذرة كرامة ماكنت وقفت وياها هالوقفه؟! خالد يصارخ وهو يلوي ايد حمد: انته آخر وااااحد يرمس عن الكراااااامه؟! وكمل: كيف تسمح لنفسك تملج عليها وانته تعرف اني خاطري فيها!؟ ... وييين الكرامه الي ترمس عنها!! ابتعدوا عن بعض بعد ماعيد حايز امبينهم وهو يصاااارخ: بااااااااااااااااااااس انته ويااااه؟! ... استهدوووا بالله .. حمد بااااااااسسس .. لكنهم ما ابطوا الا وردوا يتظاربون يوم خالد قال: كيف تسمح لنفسك تملج عليها وانته تعرف اني أحــــــبها! يوم قال جيه جن جنون حمد ... شفته يربع صوبه ويعطيه بكس حسيت انه كسر ظروسه .. رد عيد يحاول يحايز امبينهم وهو يقول بصوت عالي: حمااااااااااااااد بااااااااااااااس ... اييييييييييه بتتجاتلون انتو!؟ .. باااااااااااا.... آآخ! زخه حمد وفره بعيد عنهم بعد مايته ظربه من خالد بالغلط! ... ماحسيت بعمري يوم ربعت صوب هند الي كانت واقفه عند الباب اطالعهم بصدمه: اتصلي فعبدالله خليه ايي .. هنـــــــد بيتذابحووووون! مادري شو استوى برع، بس الي اعرفه اني سمعت صوت شي يتكسر .. رديت صوب الباب وانا اسمع بغيمهم وصراخ عيد .. وصياح امايه الي حاولت تفج امبينهم بس من دون قصد ظربوها وطاحت على الدري .. و زجاج الباب الي تكسر يوم طاحوا عليه حمد وخالد .. جدااااامي كانوا طايحيين .. وانا خلااااص ماقدرت استحمل ... يوم شفتهم بيوووقفوون مره ثانيه سرت صوووب حمد ودزيته ووقفت بينه وبين خالد ونا اصاااارخ: باااااااااااااااااااس ..... بااااس خلاااا... ماحسيت الا بخالد يصطعني ببكس خلاني اطيح على حمد .. داااار راااااسي لدرجه رهييييبه ..وانا اسمع حمد يصارخ: ياااااااااااااااااااااااااالهرم هاي علياااااااااااا!! طحنا رباعه على الارض ..... و آخر شي شافته عيوني هو امايه الي اطالعني .... كانت عيونها مفتوحه بطريقه غريبه وهيه طايحه على الدري .. و ماتتحرك! . . |
رد: أوعدك ، لا توسدت التراب .. ما أبكيك!
الجزء السادس عشر .. بعد شهر وعشر ايام .. . . | مايد | الساعه 4 ونص العصر .. بتوقيت لندن ... . . وقفت اطالع الفستان الي كان مفرور على الشبريه ... ابيظ و فضي، كت، وراص على الجسم لييين تحت .. طالعت اللبس الي كان فايدي .. تنانيير وقمصااان و سوااالف ثانيه .. و خمس شناط جدامي .. حجيت راسي بحيرة وانا احاول اتذكر شوكنت بحط فالشنطه العوده .. اففففففففف!! فريت الثياب على الشبريه وانا احس عمري بنتحر .. هالشهر كلله قظيته فالحواطه من مول لمول .. ومن خياط لخياط!! و اليوم المود متدهور عندي .. الجذبه الي جذبتها لازم تكتمل، البارحه اتصلت امايه تبا تشوف العروس على قولتها ، والحبيبه حجزت حقها وحق شما والمها ويايين فالدرب احينه، الهيييز مرواوونوه ماخبرني انهم يايين، وانا الي قلتله اول مابتقررون انكم بتون خبروني،.. وامسات سرت وحجزت شقة فعمارة محترمه، و عدال الجامعه عسب تنطلي عليهن السالفه صدق .. خليت الشقه بحجرتين ومش عوده ولا صغيرة بعد ... وخذت الها بشكارة عسب اتم وياها لين نخلص هالمهزلة .. و المصيييبه الثانيه بعد، يوم يبت شما للمستشفى سوولنا محضر اجتماع على سبة الظرب الي خذته! وبعد مووت اقتنعوا، وسكتوا عن السالفه طبعاً بالفلوس، المشكله انه الظرب واظح فجسمها، يعني هذا هب آثار حادث، .. المممممممممهم اني احييييينه متلعوز .. و ماااعرف شو اسوي ... كيف بيون هنيه وهالاعراض كلها مفروره جيه .. و الله حجرتيه غدت حجرة عروس !! انسدحت على الشبريه وانا اتنهد .. حتى شموه العنز مش طايعه تخليني اشوفها .. حتى زياره مانعيني منها، وهييج النيرس تتحراني انا الي ظربت شما .. يعني كل شي مجلوووب فوق تحت ... اففففففف! احينه بسير اوديها للشقه و اطلعها من المستشفى .. على قولت دكتورتها انها خلاص غدت احسن بوايد، ماجذب عليكم انه فيني فظووووول ابا اشوفها يوم خازت عنها آثار الظرب .. احيد انه عيونها حلوات وكبار، بس .. اما اي شي ثاني ماعرف شي عنه! تميت ساعه كااملة ارتب اللبس الي شريته من هنيه .. و الكنادير فشنطة ارواحهن .. كل شيء عيبني او ماعيبني شريته .. وخليت المها تسير تسوي جلابيات وكنادير زياده وعطيتها المقاسات .. من عندي طبعاً .. قلت اذا يلست شهر فالمصح اكيد بتمتن .. يعني خليتها تزيد اكثر عن 5 كيلوات المهم اني قلتلها تحطهن فشنطه .. و أخيييييييييييراً وبعد ساعتين كنت مخلص كل شيء، .. أهم شي كلكشين الفساتين الي شريتهن و الكلكشين الثاني الي خليتهم يخيطونهم، بيحطونهم كل واحد فكرتون مرتب على اساس انه هديه، جيه بيكون اسهل اني احطه فالشنط .. و العبي ، اتصلت على كمن خياط فالبلاد وطرشت الهم التصاميم الي اباهن، وخلصن الحمدلله، طبعاً زيادة الفلوس تخلي الشغل يمشي بسرعه .. عالساعه سبع ونص كنت مخلص من الي عندي ... سرت الحجرة الثانيه ، كان فيها شنطتين، فتحت الزرقا ، اها هاي فيها الاكسسوارات ... بندتها وفتحت الثانيه، عقب ابتسمت بخبث وانا اشوف الالوان الحلوة الي فيها .. بتتخبل شما يوم تشوف الي شريته من نعومي و المحلات مالت هالسوالف ... ههههههههه و الله احلى كلاااام، بندتها والابتسامه شاقه حلجي .. من احينه متشوق اشوف ردت فعلها .. سممعت تليفوني يصيح .. ربعت صوب الحجرة الثانيه، ورديت بسرعه: مرحباااا .. هلاااا امااايه .. بخير وسهاااله، وانتي؟! .. طيب طاب حالج! .. هااه؟! .. احينه ... هيه ، لا مادري .. يمكن .. شوه؟! بلعت ريجي يوم تخبرتني عن مكان شقة شما ...... سكت عنها عقب قلت: اميه انتو وين؟! قالت بسرعه: مايد وايد مستعيلين انحن فديتك .. تونا ظاهرين من المطار، والبنات عندهن اشيا بعدهن ماتشرنها .. بنسير احينه صوب العروس نسلم عليها ونطالعها، بعد يمكن يكون شي ناقصنها .. وين الشقه هيه؟! تنهدت وانا اقول: عطيني مروان اخبره ... عطتني مروان وخبرته وين الشقه .. بندت عنه وفريت التليفون على الشبريه وربعت صوب حجرة الملابس وغيرت ثيابيه فدقيقه وشليت اشيائي، وظهرت من الشقه .. بما انهم توهم ظاهرين من المطار، يعني يبالهم ساعه وربع لين مايوصلون الشقه .. طلعت من الفندق وركبت موتري الي استأجرته يوم ييت هنيه، وطيرااان على المستشفى .. وانا فالدرب اتصلت عليهم أخبرهم يسوون اوراق خلوجها ... بعد ربع ساعه وصلت .. نزلت بسرعه وفخلال عشر دقايق خلصت الاوراق ودفعت وكل شي ... وقفت عند الريسيبشن تحت والنيرس تقولي بتسير تقولها تنزل .. مع اني بموووت واشوفها، الا اني سويت عمري مش مهتم وانا اترياها تحت .. بعد دقايق نزلت النيرس ووراها حرمه متغطيه من فوق لين تحت بالأسود ... لاحظت بعد انها متلبسه قفازات ... انحرقت اعصاااااابي... بس سكت عنها! سلمت ووقفت عدالي، قلتلها على طول: امايه وخواتي يايين يشووفنج .. يالله بنسير الشقه! سمعتها تشهق وهيه تلحقني بسرعه كيف تشوف من هالغطى كله: لحظة ... كيف بعد الشقه؟! .. اصلا شو دراهم اني هنيه!؟ ركبت الموتر وفالدرب .. وانا بموت من القهر لني مش قادر اشوفها .. شرحتلها بالضبط شو تسوي وشو تقولهم وان هالشقه مالتها ومالت ربيعتها فالسكن و الجامعه .. بعد ربع ساعه ثانيه وصلنا .. نزلت ونزلت هيه ورايه .. ركبنا فوق ومنه للشقه الي فالدور الرابع، فتحت الباب ودخلت .. كانت البشكارة واقفه فالمطبخ المفتوح على الصاله، اول ماشافتنا تروعت ويت صوبنا .. خبرتها ان هاي هيه حرمتي الي قلتلها عنها! ووقفت فنص الصاله .. قلتلها وانا اشوفها واقفه عند باب حجرتها وبعدها متلبسه هالاسود! : مابتفجين هاللبس .. تراهن امايه وخواتي وااايد يحبن الموضه وهالسوالف .. يعني اكشخي!! لفت عليه وقالت: ممممم .. قلتلي اقولهن اني ادرس هنيه من سنه بس .. شو هالتخصص الي ادرسه من سنه بس؟! عقدت حياتي ونا افكر ..: مممم قوليلهن انج كنتي تبين طب .. بس ماقدرتي عليه! قالت بسرعه: لا والله!؟ .. شو يعني غباء؟! قلت بعصبيه: مش وقته هالسخاااافه ... قوليلهن الي بتقوليلهن، بس يااااويييلج يا شما لو فكرتي ، لو فكرتي بس انج تخبرينهن بالصدق .. و الله بقصاااااابج .. تسمعيني!؟! قالت بهدوء: زين .. احينه اظهر برع .. لني انا المفترض ماكون اعرف انك فلندن اصلاً .. وما جد شفتك، و ماعرف عنك شي ... وقفت ماعرف شو اسوي .. بتجلطني ..... عقب ثواني طالعتها بعصبيه وقهر وقلت بصوت عالي: تلبسي شي زين واكشخي، وان غلطتي فاي شي دواج عندي ... قالت وهي تتبعني لين الباب: ان شاء الله .. تامر ريلي العزيز! طالعتها بنظرة .. وظهرت .. مااااااااااااااااالت عليييييج!! . . | شما | . . قفلت الباب بالمفتاح وراه مرتين وطالعت البشكارة الي كانت اطالعنا بخوف .. قالتلي : is there is any problem mam?! قلتلها وانا افسخ عني الغشوة و الشيله الطويله:no .. please make some of tea and orange juice .. قالت: yes … anything else? اشرت بايدي وانا اطالع شكلي فالمنظرة : mmmmm .. if there is any cake too .. قالت وهيه تسير صوب المطبخ : ok ..! أخيراً رديت لطبيعتي، وأحسن من طبيعتي بعد .. كان ويهي صاااافي وبشرتي البيظا ردت لطبيعتها، شكلي كنت مسمره من جو البلاد .. كانت الساعه 8 ودقيقه .. اوووف ماصليت العشا .. بعده وقت، اظني يصلون 9 الا .. المهم، سرت احوط فالشقه ... كان فيه حجرتين، واسعات وبحماماتهن ، وايد حلوات و الصاله بعد عوده ... طالعت الشنطه الي مفروره على الشبريه .. يوم فتحتها استغربت .. كان فيها ثياب، كنادير وتنانير .. وجنزات وقمصان .. طلعتلي كندورة خظرا وبنيه .. واايد حلوة .. ياترى من وين يابها!؟ المهم طلعتلي ثياب داخليه وانا اظحك .. اتخيل شكله يسير يشتري هالاشياء .. ههههههه و الله براويه العين الحمرا هالمايد! بعد عشر دقايق خلصت ونشفت شعري وخليته مفلول .. تلبست الكندورة الي كانت حرير .. كان وياها شيلة صفوة خظرا فاتحه ... خليتها عني لين ما ايوون البرنسيسات .. طالعت التسريحه، ههههههههه و الله انه اشتغل من الخاطر، كانت ممزورة اشياء بنات، اكسسوارات وعطور ومكياج وحاله .. وقفت عندها وانا ابتسم .. والله انه خطيير هالريال .. دعجت عيوني بالجحال، وحطيت ماسكرا وشويه شدو اخظر .. وروج وردي .. كان شكلي حلو ، قصتي طولت واايد وشعري بعد .. هب وايد وايد .. بس طول .. المهم اني خليت شعري مفلول عسب ينشف، وبما انه الحمدلله ناعم فما يحتاي سشوار .. وانا ألم شعري عسب اصلي اندق جرس الشقه .. ربعت بقول للبشكاره ماتفتحه .. و الحمدلله كانت فآخر لحظة بتفجه .. مشيت على اطراف صبوعي وطليت من العين السحريه على قولتهم .. كانت مجابلتني حرمه ، حلوة، عرفت انها امه لنها شويه عوده وتشبه مايد وايد، وراها كانت فيه وحده متلبسه شيله ملونه، واطالع ظفورها الملونة وتقول شي .. شكلهن كانن يرمسن ويا وحده فالطرف ماقدرت اشوفها .. سرت بسرعه يوم رن مره ثانيه وقلت للبشكارة تفتحه يوم انا ادش الحجرة .. دخلت وبندت الباب ورايه، طالعت عمري فالمنظره وانا انتفظ .. شو اسوي؟! شو اقولهن؟! .. اصلا كيف بدخل وانا اعرف انهن هل ريلي؟! .. او بالنسبه الهن الي بيكون ريلي!؟ تنفست بعمق وانا اسمع اصواتهن والبشكاره ادق باب الحجرة .. خليت شعري مفلول وتعطرت، وحطيت عليه الشيله ، ومشيت ببطء وانا قلبي يرقع رقع! فتحت الباب وانا ابتسم، كانت فويهي البشكاره قالت على طول: they are here mam! هزيت راسي باوكيه وابتعدت هيه عني .. وشفتهم .. ثلاث حريم .. وحده امه وثنتين خواته، وقفن اول ماشافني وانا اتجدمت صوبهن .. لاحظت انه وحده منهن والي شكلها الصغيره كانت تبتسم بقو .. يعني شاقه الحلج! ابتسمت بارتباك وانا اسمع امه تقول بهدوء وهيه تسلم عليه وتحظني: مرحبا فدييتج .. شحالج؟! .. عساج الا بخير؟! رديت باحراج وانا احس انهن يطالعني بتفصفيص: مرحبتين .. بخير ربي يسلمج .. شحالج انتي ؟ ربج ماتشكين باس؟! ردت عليه وانا اسلم على البنت الطويله: طيبين طاب حالج .. شو الدراسه وياج؟! سلمت عليه البنيه: هلا بحرمة اخويه .. شحالج؟! رديت بكل بهدوء .. وانا من داخلي احس عمري بصيح من الاحراج: بخير الحمدلله .. انتن شحالكن؟! سلمت على آخر وحده .. والوحيده الي حسيتها عفويه وهيه تحظني بقو وتقول بصوت فرحان: فديييييييت ميوووود انا .. و الله وعرف يختار الصراحه! ابتسمت بارتباك وانا ايلس .. وسكت .. ماعرفت شو اقول الصراحه .. دخلت البشكاره شاله صينيه عوده حطتها على الطاولة الي فالنص .. كانت بتصب الهن بس انا وقفت بسرعه وانا اقول بهدوء: خليه انا بصب الهن .. ولفيت عليهن وسكت .. كانن يطالعني بتركيز ، وفكل حركه اسويها ... ياااااوييييييييييلي فوادي احسه بينقع من كثر مايدق! قالتلي امه: خليه عنج هيه بتصبه وتعالي يلسي عدالي!!! نزلت الدله من ايدي وشلتها البشكارة وانا اتجدم ببطء وايلس على الغنفه عدال امه .. قالت على طول: شو مسويه فالدراسه فديتج؟! نزلت راسي وانا اقول: زوينه .. الحمدلله امشين الحال! وانا من دااخلي احس شي بيستوي من هالجذب!! قالت البنيه الصغيره: اكيد تتخبرين منوه نحن صح؟! قلت بهدوء وانا اركز فنقشة الزولية: لا خبرني مايد و ... وسكت .. فتحت عيوني على وسعهن وانا احط ايدي على ثميه .. .. أنا شو قلت؟! قالت امه على طول: مايد!؟ .. وين رمستيه انتي مايد؟! حسيت برمستها رسميه ... وحااااده .. صدقها كيف بعد مايد يقولي؟! رفعت راسي وقلت بارتباك : أ .. لا هو .. قصدي يعني .. مـ.. قالت البنيه العوده بابتسامه: قصدها ان مايد طرشلها رساله وخبرها .. صح شما؟! سكت باحراج وامه تقول بظحكه: اسميييه شالنه شل حبج .. قلت بابتسامه عبيطه وانا ارد قصتي على ورى: عندي رقمه .. بس يعني ما ارمسه، الا هو طرشلي رساله اليوم .. قالت الصغيره: اها .. ياحيج و الله ... كنت اتحرانا بنسوي مفاجأة .. يالله ماعليه .. وكملت بابتسامه وهيه تاخذ كوب العصير من البشكارة: انا شما خت مايد الصغيره .. توني ثانويه عامه .. وظحكت بفرح وهيه تكمل .. حسدتها على هالبساطه ، وعلى عفويتها .. ياليتني مكانج بس! : عااده ميووود ماقدر يصبر لين ما اخلص وافتك .. قلتلها وانا ابعد عيوني عن امه الي من الصبح تفصفصني: مرحبابج الساع .. شو الدراسه؟! قالت: حلوة .. ونتي شو علومج؟! : بخير وسـ... قطعت رمستيه البنيه العوده وهيه تحط ريل على ريل: انا المها بنت علي .. خت مايد العوده .. الا ماقلتيلي؟! رفعت راسي صوبها وانا اترياها تكمل .. ابتسمت ابتسامه غريبه وهيه تقول: مريم بنت سلطان .. بنت عمج و لا تشابه اسماء؟! عدلت الشيله مره ثانيه وانا اقول بهدوء: هيه بنت عميه .. ليش؟! قالت وهيه تلف على امها: شفتي؟! .. بنت عم حرمة منصور!! عقدت حياتي باستغراب .. شدراهم بمريم؟! قالتلي شما: هييييييه و الله .... انتي شما علي عيد ... وهيه مريم سلطان عيد ... وكملت باابتسامه : سبحان الله، بنات العم خذن عيال عم .. يالله زين عدالج حد من هلج!! بلعت ريجي وانا اقول: الحمدلله ... طالعت امه الي كانت ترمس ويا المها بصوت واطي .. شو هالاحراج، كيف يرمسن جيه جدامي؟! حسيت اني بصيح، ليش انا من بد هالعالم الي استقبل هل ريلي من دون امايه وخواتي؟! رفعت ايدي بارتجاف وانا امسح خشمي عن اصيح .. التفت على شما وابتسمت برجفه وانا اسمع سوالفها ...... [ هذه الدنيا عجايب في عجايب تنتهي من حزن وتبدأ حزن ثاني كم تفرق بين خلان وحبايب تعيشها لابد في يوم تعاني الحزن همال كما وبل السحايب والسعادة كلها لحظه وثواني الفرح سطرين والعنوه كتايب ياكتاب للحزن يحمل معاني شف سواياها تخلي الطفل شايب وش بقى ماصار ياقسوة زماني ] . . بندت الباب وراهن ، بعد ربع ساعه من الكبت و الاحراج و القلق .. ايدي كانت ترتجف، قلبي يعورني، احس عمري .... مادري شو احس اصلاً .. كل الي اعرفه اني تميت ماسكه مقبض الباب ودموعي اطيح ببطء، شوي وبديت اشهق، يلست على اركبي وانا اغطي ويهي بايديه .. ابا امايه .. ماروم اعيش من دونها، ماروم اكمل حياتي وانا ماعرف هيه راظيه عني ولا لاء .. ابا ابووويه، سنديه، وروحي وحياتي، ابا القلب الوسيع الي دام اليه اكثر عن 19 سنه .. اباه يظمني ويهديني، ويقولي ان الحياة جدامي وانها بتكون حلوة ...... ابا منه كلمتين بس .. كلمتين يردن لي حياتي القبليه، قوتي بنفسي وايماني اني مستحيل انظام وهو ابويه ! اباه يقولي : انا واثق منج! بس مابا اي شي ثاني .. ماباه يوقف ويايه، مابا اشوفه .. مابا اي شي .. بس انه يخبرني انه مستحيييل يصدق اي شي فيني .. انا بنته، تربيته، كييييييف مايصدقني؟! حسيت بالبشكارة توقف ورايه وترمس .. مادري شو قالت لني كنت اصيح بصوت عالي .. فتحت عيوني ببطء ومسحت ويهي .. وصورة قريبه مني .. واظحه تنعرض جدامي .. اشوف عمري واقفه فحجرتي، فبيتنا وويايه بخيت وعليا وامايه .. كنت اصارخ واصيح بخوف .. كنت اصارخ واقول انه غصبني .... واني هب مواعدتنه!! والحيينيه، فكرة وحده بس ... هيه الي تمت الي ليييين احييييينه .. ليش جذبت وقلت الهم انه غصبني اركب وياه؟! كيف سمحت لنفسي ادمر حياتي ... كيييييف؟! . . بعد 3 ايام .. الساعه 10 الصبح .. بتوقيت الامارات .. تحديداً مستشفى توام .. قسم النساء .. | هند | . . بندت الباب ورايه وفصخت النقاب .. طالعت الغرفه وانا احس بفرااااغ .. كانت مثل ماهيه، الزهور الي حطيتهم امسات الصبح ، بدن يذبلن .. يبالي ابدلهن .. تميت اطالع كل شي الا السرير الي طايحه عليه غنات فوادي! فتحت الستاير زين وانا اسلم: السلام عليج امايه .. شحالج اليوم؟! .. ربج بخير؟! .. لفيت عليها وانا ابتسم بتعب .. كانت راقده بهدوء، ويهها طبيعي جداً .. ايدينها طايحات عدالها، وكل شي فيها ساكن وهادي، صدرها يرتفع وينزل ببطء، .. مسحت على شعرها وعدلت الوقايه عليها .. وكملت رمستيه: انا بخير الحمدلله، عليا بعد .. وبخيت .. حتى ابويه بخير الحمدلله .. كلنا طيبين .. الا عذيجه .. امايه عذيجه وايد مظايجه وتعبانه .. وسلطون الصغيرون يناغي يباج .. غمظت عيوني : امايه سلطان يتصل بتخبر عنج .. وفكل مره نقوله انج طالعه خاري او ويا ربيعاتج، او راقده ... كل الاعذار استخدمناها .. المره اليايه مابيصدقنا .. اذا خبرناه، بيأثر على دراسته، ومابيقدر ايي لنه عنده امتحانات وماعنده اي اجازة لا هالسنه ولا اليايه .. فتحت عيوني ومسحت على بطني الي بدا يكبر وقلتلها بحنان: شوفي امايه، بطني كبر، بتغدين يده للمره الثانيه .. لازم تنشين بسرعه عشان تشوفين كيف الحمل ملعوزني .. الوحام ذابحني يا اميييه .. ابا شوربتج الحلوة الي ترد لي روحي .. اباج انتي تسوينها .. امايه!؟ طلعت مشط من شنطتيه وخوزت الشيله شوي شوي وبديت اسحيه الها .. قلت وانا اظحك: تذكرين امايه!؟ .. يوم عرست عذوج، كانت وايد منقهره انا كلنا خذنا شعرج الا هيه الي سبحان الله طلع شعرها على ابويه .. كان وايد مجعد وتتلعوز وياه .. مسكت خصلات شعرها بين ايديه، لونه اسود فاحم، ونااعم وشوي كثيف .. كملت رمستيه: شعرج ماشاء الله لين احينه حيوي ... فديتج يااميه .. امايه بسج نشي! حسيت بدموعي تطيح وانا امسح ويهي .. ياااااااالله عوونك! عقصت شعرها ولميته ورى وعدلت وقايتها ... خذتلي كرسي من طرف الحجرة ويلست عندها وانا اتساند بكوعين على الشبريه واطالعها ... ماعرف انا كيف مر علينا هالشهر .. كيف قدرنا نستحمل الألم لين احينه، كيف كملنا حياتنا بالرغم ان امايه من هييج الليله مانشت، بندت عيونها وخلتنا وراها نصيح غيابها .. كل الي اعرفه انا تغيرنا، كل شي فينا تغير، حياتنا، رمستنا، يلستنا، كل شي ... البيت غادي موحش ويزيغ، عليا قافله على عمرها الحجرة، ماتاكل ماتشرب ماترمس حد .. عذيجه خبرناها ويت ، تمت ويانا اكثر عن اسبوع، على اساس انها بتآزرنا، الا زادت علينا الهم همين يوم طاحت هيه الثانيه، الحبيبه حامل فالشهر السادس ولاتخبر .. اصلا هيه من عرست وانحن مانعرف اخبارها وايد .. كله مشغوله ويا هل ريلها وماتي دوم .. تخيلوا لها اكثر عن ثلاث شهور من يت آخر مره ... صح اتي خطافي وتسلم بس .. يعني حتى ماتيلس .. يمكن لنه ابويه مايحبنا، وهيه اكثر وحده تعرف هالشي، لنها هيه اول وحده عرست ، احيد انه ابويه ماشاورها، قالها ريال والنعم وانا اعرفه واعرف هله .. وخلاص .. وبعد شهرين من الخطبه، كانت عذيجه مسافره وهيه معرسه .. سكنوا فالشارجه آخر الدنيا ... وابتعدت عنا .. مسكت ايد امايه وانا اظغط عليها ... كلنا تعبنا من طول رقادج يا اميه .. متى بتنشين!؟ حتى ابويه تغير، ماقام ييلس فالبيت، كله خاري ولا فالعزبه، ويهازب على طول، ....... تساندت بيبهتيه على ايدها البارده، الي حتى ماتقول فيها حياه .. : امااااايه .. فديييييت روحج نشي ... خلااااص والله ما اقدر استحمل زود .. كلكم معتمدين عليه .. كلكم تبوني اكون قويه .. انا حرمه فالنهايه، ماروم استحمل كل هذا اروحي، الوحام اروحه عباله! حسيت بحد يدخل الحجرة . رفعت راسي بسرعه وانا اعدل شيلتي .. طاحت عيوني على بخيت .. الي ابتسم بحزن وقال: انتي هنيه؟! رديت على نفس وضعيتي وانا ارد عليه: هيه ... شحالك؟! وقف عدالي وقال: الحمدلله على كل حال .. منوه يابج؟! : عبدالله فرني وروح .. قالي بهدوء: شفتي الدكتور؟! .. هزيت راسي بلاء وهو يكمل: توني كنت عنده، قال حالتها مستقره ومافيها اي خطر .. رفعت راسي صوبه وانا اشوفه يوخي على راسها ويحبها بين عيونها .. قال بهدوء وهو يمسح على راسها: احسها تسمعنا .. لكن احساس انها تسمعنا وماترد ... يـعــور!! ابتسمت بغبنه وانا اسمعه يكمل: فديتج يا ااميه، و الله اشتقنالج ولصوتج .. حتى هزابج اشتقت له .. مايسد هالبعد كله؟! .. يالله بسج نشي .. قمت من الكرسي ووقفت عند الدريشه وانا حاطه ايدي على ثميه عن يطلع صوت صياحي .. واااايه يا فوادي كيف يعورني .. خلااص انا ماروم استحمل! : هند .... شفتي الي يابه البريد اليوم؟! عقدت حياتي يوم سمعت رمسته .. تنفست بعمق ولفيت عليه: لاء .. شوه؟! رفع ايده بكيس اول مره الاحظه .. كيس احمر حلو .. مديت ايدي ومسكته .. فتحته وانا مستغربه : شو هذا؟! كان فيه كرت .. فتحته ، وشــهقت! كان ... كان كرت عرس اختي ... رفعت راسي صوبه وانا اقول: من وين يبته؟! قال وهو يطالعني: اقولج البريد يايبنه اليوم .. هذا هب المهم، المهم اليوم الي فيه العرس! طالعت التاريخ .... وانصدمت وانا اقرى انه 1-1-2011 .. يعني باقي اقل عن عشرين يوم .. قلتله بصدمه: كيف؟ .. منوه مسويه؟! .. ابويه شافه؟! قالي بهدوء: هيه ... وماقال شي ......... كيف بيسون عرس واميه طايحه؟! هزيت راسي بعدم فهم: بس ... غريبه انه بيسوي عرس ... يعني ... انا قلت بيشلها وخلاص! رفعت راسي صوبه ..... ليش الدنيا قاسيه جيه؟! ليش كل شيء ينجلب ضدنا؟ و ليش نحن ... مانحس بقيمة الإنسان، إلا إذا فقدناه؟! . . | مريم | نفس اليوم .. الساعه 7 وعشر دقايق المغرب .. . . رفعت شعري بالشباصه وخليت شويه منه طايح على ارقبتي وقصتي الطويلة الي وصلت لين تحت ثميه .. آخر لمسات الزينة ،، لفيت على التليفون الي صاح .. كان رقم منصور .. رديت وحطيته سبيكر وانا بعدني اعدل شعريه: هلا ... منصور: مرحبا ريمان .. شحالج؟! : بخير الحمدلله .. سكت عنه ابا اعرف شو يبا .. قالي بهدوء: فالبيت بعدج؟ قلتله وانا اوقف: هيه .. وين انته؟ قالي: ماسمعج .. تأففت وانا امد ايدي واحطه على العادي وارد عليه: اقولك هيه فالبيت .. وين انته؟! قالي : ياينج احينه .. يالله ماتم شي عن الصلاه .. نبا نوصل قبلها .. قلت بجمود: انا جاهزة .. اترياك .. قال: انزين .. سـ.. بندت التليفون قبل ما اسمع شو قال ، وفريته على التسريحه! طالعت شكلي، كنت مسويه مكياج عادي، كل شيء فيني كان عادي .. تلبست العباه و الشيله وشليت النقاب ، من يوم قررت اني آخذ الليسن فصلتلي نقاب .. احسن عن الغشوة و عوار الراس ..تلبست نعالي مال الكعب العالي وظهرت من الحجرة بعد مابندت الليتات .. كان البيت هادي لنه قوم فطيم روحوا قبلنا صوب بيت عمهم .. بو مايد عم منصور مسوي عزيمة اليوم ، .. وقفت عند المنظرة عند باب البيت وانا اتلبس النقاب .. جان ينفج الباب ويظهر منه منصور الي وقف يطالعني وقال: جاهزة ماشاء الله؟! قلتله بهدوء وانا انزل عيوني عنه: هيه .. بسير اترياك فالموتر .. ظهرت من عداله وانا اسمعه يتنهد .. برايه ، يباه حق عمره الشقا .. شواسويله؟! ركبت الموتر وشغلت الراديو وانا فبالي شي ثاااني .. حتى ماعرف شو الي حطيته .. تساندت على الدريشه وانا افكر، اليوم يتنا بطاقة دعوة لعرس بنت عميه، وانا آخر من يعلم ... التاريخ كان 1-1-2011 .. يعني اقل عن عشرين يوم، بس .. كيف بيسون العرس وام سلطان طايحه فالمستشفى؟ مستغربه الصراحه .. يعني .. افففف، ماعرف .. خل يولون، يسوون الي يبونه مايهمني .. دخل منصور الموتر وهو يرمس فالتيليفون: هيه .. مش هو الي قالك عن السالفه؟! طالعته وهو يحرك السكان بايد والثانيه زاخ ابها التيليفون: ماعليه .. خبره اني بسوي المقابله باجر .. لفيت عنه يوم بند التيليفون وقال: بوصلج وبسير انا .. عندي كمن شـ... : هب لازم تبرر .. كيفك، سو الي تبا، فرني وكمل اشغالك! قلتها بكل برود وانا لافه عنه ... قالي بهدوء: وليش تقولينها بهالطريقه؟! .. لفيت عليه وقلت باستغراب: اي طريقة؟ .. هاي انا ما تغيرت!! رد عليه ببرود وهو يطالعني: محد قال انج تغيرتي ... وليش متلبسه هذا ؟! قالها وهو يأشر عليه من فوق لتحت بطريقة استفزتني: وليش ما اتلبسه ؟ قال وهو يلف ويطالع الدرب: لنه يظهر عيونج بطريقـة .. رفعت حايبي وقلت وانا احط ايدي على خدي: بـطريقة؟ ... شوه كمل؟ عقد حياته وقال بصرامه: آخر مره تلبسينه ... عندج غشوة تلبسيها وخلاص! سكت عنيه وهو يبدل فالراديو لين وقف على غنية لعيظة ... طنشت سالفة النقاب، لني فالنهاية بسوي الي انا اباه! اسميييه الغنا ما استوى الا لعيظة ، فنان حسه ... تميت اسمع الغنيه وانا ساكته ... و فكري فيه مليون الف فكره وفكره .. قطع تفكيري منصور يوم قال: شفتي بطاقة الدعوة!؟ : هيه شفتها ... كمل هوه: ولد عمي بيعرس بعد عشرين يوم ولاحد يخبرنا .. قلتله: عادي، شو بتسوون يعني .. فصل كندورة فاسبوع تخلص، و سر العرس وخلاص! قال بغيظ: مش جيه السالفه .. انا قصدي انه كيف بيعرس وانحن ماندري؟ .. يعني على الاقل يعطونا خبر .. وكمل : وامااايه مالها شهرين من توفت، .. ماشي مذهب والله! ابتسمت بهدوء وانا اسمع صوته الغليظ المعصب .. لو تدري شو سوى ولد عمك، كان ماقلت ليش ماخبرونا! بعد نص ساعه وصلنا لبيت بو مايد .. وقف الموتر فنص الحوي وقال وانا انزل: بييج عالساعه 11 .. خليج جاهزة .. بندت الباب من دون لا اقول شي و دخلت الصاله .. كانت فاظية ، كنت بخوز عنيه النقاب وادخل لميلس الحريم بس ظهر واحد من عيالهم ووياه المها .. سمعته يقولها: بس خلاااص انا بسير .. وقفت بهدوء وانا انزل عيوني .. يتني المها وسلمت: هلا مريم .. السلام عليج .. سلمت عليها وانا ارفع عيوني واطالع الريال الي وقف بعيد شويه ويطالع تليفونه: عليج السلام و الرحمه .. شحالج المها؟ .. ربج بخير؟ نزلت عيوني وهيه تقولي: بخير وسهاله .. حياج ميلس الحريم هالصوب .. سرت وياها وخطفنا على الريال الي صلب عمره وسلم: السلاااام عليج بنت سلطان .. شحالج؟ رديت عليه بهدوء: عليك السلام .. بخير ربي يسلمك .. كمل رمسته وهو يظهر: سمحولي بظهر انا .. الله الحافظ .. ظهر من البيت فنفس اللحظة الي قالت المها: شي حريم جانج بتغيرين لبسج ولا شي؟ قلتلها وانا اخوز عني النقاب: هيه ماعليج امر .. ابا اشل العباه .. قالت وهيه تأشر على باب عدال باب الميلس: هنيه المغاسل والحمامات .. وعطيني عباتج .. فصخت العباه وانا اعطيها الها واقول: فطيم يت؟ كنت اكلمها ببرود وهيه نفس الشي .. ردت عليه: هيه .. خطفت عنها ودخلت من الباب الي قالت .. كان فيه المغاسل اول شي، عقب باب يفتح للحمامات .. فصخت الشيله وحطيتها فشنطتيه وخذت شيلة كندورتي المغربيه من الشنطه الي يبتها ويايه .. كنت متلبسه مغربي ابيظ واحمر ... و مكياج عادي احمر .. عدلت قصتيه وزدت الروج الأحمر وظهرت .. ماحطيت فبالي جانه حد هنيه ولا لاء .. بس دخلت الميلس بسرعه .. ماكان فيه وايد .. تقريباً كلهن اعرفهن .. سلمت على ام مايد الي كانت يالسه على يمين الباب وسلمت على الحريم الثانيات .. الصوب الثاني كانن البنات يالسات .. ابتسمت يوم شفت ريم خت فطيم يالسه عدال حصه وكمن بنت ماعرفتهن .. سلمت عليه وهي تقول بفرحه: هلاااا بنت سلطان .. شحالج؟! خاشمتها وانا ارد: هلابج زود .. بخير ربي يسلمج .. وانتي؟! كملت رمستها وانا اسلم على حصه الي كانت يالسه عدالها: بخير الحمدلله .. قالتلي حصه وهيه تعرفني على البنات الثانيات: بنات هاي مريم بنت سلطان حرمة منصور ولد عمي غاشم .. وكملت وهيه ترد اطالعني: مريم ، هاييلا بخيته ختيه .. و عويش بنت عمتي .. ابتسمت فويوههن وسلمت عليهن .. عقب طالعت فطيم الي كانت يالسه الصوب الثاني ويا ام حمد، الي قالتلي ريم انها حرمة خوها .. قلت لهن: سمحلني بسير لفطيم .. قالن مع بعض: مسموحه .. خطفت عنهن وسرت لفطيم وسلمت عليها هيه وام حمد الي قالت: مرحباا بالريم .. شحالج؟! كان ويها هادي وحلو .. يعني تحسين بالراحه يوم تيلسين عدالها .. رديت عليها: طيبه طاب حالج .. علومج انتي؟ .. شو مسويه ويا الوحام؟! قالتلي ببسمه حلوة وهيه تربت على بطنها: لاتتخبرين .. جبدي لايعه على طول .. ادعيلي بس .. لفيت عنها وانا احس بغصه .. كنت انا بكون فمكانها احينه .. سمعتها تقول لفطيم: وشو قالت بعد؟ قالتلها فطيم وانا اطالعهن: ماشي .. تقولي شافنها وانها فنانه .. مابلاها شي .. سمها شما! قلتلهن: منوه هاي؟! قالت فاطمة: حرمة مايد .. قصدي الي بتكون حرمته .. ماخبرج منصور؟ قلت ببرود: اها .. هيه تراه بياخذ بنت عميه! شقهت فطيم وقالت بسرعه: واالله؟! .. ما جد سمعتج تطرينها؟! .. قلت بهدوء وانا اطالع ظفوري: هيه ادري .. بياخذ شما بنت عمي .. قالت فاطمة: وليش مستعيلين جيه؟ .. عنبو انحن مايونا البطايق الا اليوم الصبح .. استغربت الصراحه ان مايد جيه يسوي .. احيده رزين وهادي .. وكملت وهيه اطالع ام مايد الي يالسه الصوب الثاني ويا الحرمات: تقولي المها انهن سارن يشوفنها امبارحت امس، فلندن ثرها تدرس .. رفعت راسي وانا اعقد حياتي ... لندن؟ .. يعني سفرها على طول؟ .. ابتسمت بسخريه وانا اسمع فاطمة تكمل: الغريب فالسالفه ام مايد، ما احتشرت ولاا شياته .. احيد انه مايد اغلى واحد عندها .. مريوم شو بتتلبسين؟ قلت باستغراب وانا ساهيه: هاه؟ .. اتلبس فشوه؟ قالت: حق عرس بنت عمج .. شو بتتلبسين؟ قلت بلامبالاه: عندي فساتين شريتهن قبل عرسي و ماتلبست منهن شي .. باخذلي واحد! قالت وهيه تلف على ام حمد: ياحيج ... انا الصراحه ماعرف شو اتلبس .. اصلا يوم خبرني سعيد اليوم ماصدقت ... ماسمعت سوالفهن وانا اطالع بعيوني المها الي دخلت تتهادى هيه وشعرها الاسود الطويل .. كانت حلوة .. ووايد بعد .. لفيت عنها بغصه وانا احاول اتجاهل رمسة فطيم ... كان صوتها يايني من بعييييد .. من هاك اليوم الي ردينا من العين من صوب هليه .. كنت متكسره من طول الدرب، حتى اني رقدت وانا يايه .. كانت يالسه فالصاله وهيه ترمس فالتيليفون .. دخلت ببطء وانا ميته تعب وسرت المطبخ على طول بشرب لي ماي .. بس وقفتني رمستها عند باب المطبخ: انتي ماتعرفين شو السالفه .. منصور مايخصه اصلا! عقدت حياتي وانا اتصوخ الها: مهااااااااا .. كيف تقولين جيه؟! .. انتي .. بعدج تبينه؟ .. يالغبيه مريم ماااكاانت تعرف اصلا .. صدق انج هبله .. مشيت شوي شوي وانا اسمع شو تقول للطرف الثاني: سمعيني انزين .. انا اقولج مريم ماكانت تعرف شي عن منصور ... من يوم شفتها فقاعة عرسها ، عرفت انها ماتعرف شي عن منصور .. بعدين يوم انحن ماخبرنا هلها شي عن منصور منوه بيخبرهم؟! حسيت بدقات قلبي تتسارع وانا اشوفها من طرف الصاله وهيه يالسه على الغنفة وترمس فالتيليفون وعاطتنيه طرفها ... وقفت جدام الباب بالظبط وانا اسمعها تقول: يعني انتي ماعرفتي ليش عمي خطب لمنصور من هل العين؟!.. لنه محد يعرفنا هناك .. محد من هلنا هناك .. صدقيني محد يعرفج عنج وعن منصور .. سكتت شويه وانا الفظول زاد عندي وحسيت بانه شي جايد هالي مغبينه عني .. كملت هيه : لا .. ساروا العين صوب هلها .. ههههههه مش لهادرجه .. منصور واظح انه مايحبها، يعني يميل الها اظني .. لكن يحبها لاء .. هيه دوم ترمسني .. انتي عشتي ويا منصور سنتين، معقوله ماعرفتي طباعه؟! فتحت عيوني بصدمه وانا اسمعها تكمل باستهزاء: طبعاً لاء .. مريم على نياتها .. واايد طيبه وقلبها ابيظ .. تأكدي حبيبتي منصور مايحب غيرج! حطيت ايدي على صدري بصدمه .... منصور مايحب غيرج؟! عرفت انها ترمس ويا المها .. لنها اكثر عن مره زقرتها بالمها .. رديت اسمع وانا احس فوادي يتقطع .. : منصور كان يحبج وبعده .. تحيدين يوم قاطع ابوه عسب ياخذج .. و اتظارب ويا الريال الي كان خاطبنج ... حبيبتي المها محد متربع ففواد منصور غيرج .. ويوم شرت عليهم يخطبون مريم .. مش لنها حلوة او حرمة فنانه .. بس عشانها غبيه وعلى نياتها، و عايشه حياتها الا عشان خوانها .. !! رفعت راسي بحده لفوق وانا اسمع المها تقول بصوت عالي عدال راسي: مريـــــــــــــــم ..... ماتسمعين!؟ رمشت اكثر عن مره وانا اطالع ويها الي كان قريب منيه .. وابتسامتها الي حسيتها خبيثه .. رديت اطالع الارظ وانا اقول: لا اسمع .. هب لازم تصارخين شرات الحمار .. شفتها بطرف عيني توقف بسرعه .. وسكتن فاطمة وام حمد .. جان تقول المها وهيه تيلس على الكرسي جدامي وتحط ريل على ريل: انا قلت الحرمه عقب ماعقت .. شكلها عقت اذنيها وياها! رفعت راسي بحده و ام حمد تقول: عقت؟ ... مريوم انتي عقيتي؟! بلعت الغصه الي يتني ... و الدموع الي تجمعت عند باب جفوني بالقوة وانا ارفع راسي لفوق واقول: هيه فديتج .. قبل شهر وشي .. ربج ماكتب له يعيش .. وكملت وانا ارفع حايبي واطالع المها بنظره : شو اسوي بعد يوم الناس كلها ترمس عني وتعرف سوالفي .. سكتت وماقالت شي .. غير نظرة القهر الي فعيونها .. انا براويكن امنوه مريم بنت سلطان .. قالتلي ام حمد بحنيه وهيه ترص على ايدي: فديييتج لا تستهمييين .. بعده العمر جدامكم .. لفيت عنهن ومارديت .... عمري مابنسى رمستج يا فاطمة ... رمستها الي ختمت ابها اتصالها ويا المها .. كانت تقول بكل برود .. وصوت عالي، جني انا اذا سرت لبيت هليه، مابرد .. او برد وانا ناسيه قلبي هناك .. او اذنييه!! : مريم ماتعرف انج كنتي حرمة منصور .. ولاتعرف انج السبب فعلاقته ويا ابوه ... و لا حتى بيطري فبالها ..! . . | عليا | . . الصبح، الساعه 9 وربع .. . . بطلت الدريشه وخليت الهوا يدش للحجرة ... احس بخنقه، و الحجرة تزيد عليه .. تساندت عليها وانا اطالع السما .. كيف شكلها وايد حلو .. البارحه يا مطر .. غمظت عيوني وانا اتروح ريحة التراب من عقب المطر ... وايد حلوة، احسها تدخل خشمي وتسري فعروقي، احس غير! فتحت عيوني ببطء .. لو هنادي هنيه كنت سرت وياها للعرقوب الي ورى بيتنا ... او شما ! بس ولا وحده منهن هنيه! .. حتى عذوووج، الاخت الي حتى مانشوفها الا كل شهر ولا شهرين .. عذيجه الي كانت اقرب من انفاسي لي .. كانت غير، .. ابتسمت بخفة وانا اتذكر زمان، قبل 3 سنين، قبل ماتعرس عذوج .. ، رفعت الفوز ورشتني به وهيه تصارخ: نشيي من احلاااامج .. خالد مستحيل يظعف!! طالعتها بعصبيه وانا اقول: جب عذووووج .. صوتج وايد عالي! خزت عن الفوز الي ترشني به وانا اكمل: بعديين النخل هاك الصوب يالحوووله .. قالت وهيه ترد وتحطه عليه: تستاهلييين .. عشان مره ثانيه تزقريني يوم انتن سايرات العرقوب .. بعد سليييطيين شياه مره وحده وحن عليكن!! تربعت على الارض وانا امسك راس الفوز بايدي واحوله عليها: بعد شونبااااج تسيرين ويانا؟! حبيبتي السيره احلى بلياااج .. وكملت بغياظ وانا احرك حوايبي: وصيح وييلااااات .. وصعدنا عالعرقووب الي صوب الدكاان .. فاااتج نص عمرج! رفعت عذيجة حايب وقالت: هه .. التقرير كله وصلني حبيبتي .. هب لازم تقولين .. و كملت وهي تخوز عن الفوز: بس علوووي .. حطيه صوب الزراعه .. عن يحتشر ابويه بعد! عقب قالت فجأة: خبرتج هند؟ قلتلها وانا اسقي الزرع وكندورتي خرسانه ماي: له شوه!؟ .. لاتقولين عزيمة بليييز لني بذبح عمري!! قالت: ههههههههههه لاء هب عزيمة، ودج انتي اصلا، عسب تشووفيين مزااييين هااه! رديت اقولها بعصبيه: عذيجة تراها رمستج بتودينا فداهيه يوم .. انتي وهالصووت! اشرت بايدها بلامبالاه : خل يولي .. قولي شوه!؟ قلت بهدوء وانا اطالع الماي يتداخل فالتراب: شوه!؟ .. اتحفينا! قالت بسرعه جنه حد يربع وراها: قالت السلطات العليا انه فيه مجال هالسنه ان وزارة الداخليه توافق .. ان المدير العام، او الجندي العاصي .. ، يفكرون .. لاحظي اني قلت يفــكرون .. انا نسير ، او نسافر السنه ... فتحت عيوني وانا اطالعها: منوه السلطات العليا؟! وكملت وانا ااشر بصبوعي: والمدير العام ؟ و الجندي العاصي؟ .. وكملت بظحكه: وزارة الداخليه عرفناها .. عاد الباقي منوه؟! قالت وهيه تظحك: امايه السلطات العليا، و المدير العام، سليطين الخاين .. اما الجندي العاصي فبخيت، لنه الهرم سار الجمعيه يوم اليمعه الماضي ولاشلني وياه .. مع اني كنت امووووت واشتري ... ماذكر شوكنت بشتري!! مت من الظحك على رمستها ..: هههههههههههه اسميييج انتي .. واشرت بايدي عدال صدغي: عنز ، هبله، مفَهيه .. قالت: انتي اصلا مافهمتي شوقلت .. اقولج ابويه وافق انا نفكر نسافر هالسنه! قلت بصدمه: قولي والله؟! .. تمزحين ولا؟! قالت بسرعه: لا و الله .. حتى تخبري هند .. عاد سلطان قال نسير عمره ويا قوم عميه ... انا فخاطري لندن ولا تايلند ولا.. اي شي المهم بعيد عن لبلااد! قلت باستهزاء: خل عنج .. زين منا اذا خطفنا الحدود .. عنبووو عماان مارمنا نوصلها!! قالت: لا والله صدق هالمرة .. حتى سلطان قال اكيد .. لنه هو تخرج ومحد سواله سالفه!! : أحسن بعد .. نحن تخرجنا قبله محد عطانا ويه .. الا بولباااااس!! كنت واقفه عند الزرع وكندورتي خرسانه ماي، و التراب خسيتها من تحت لن كنت العب ابها بريولي، وعذيجة يالسه على الارض وتلعب بالتراب وتبني قصور على قولتها .. حطيت الفوز عند آخر نخله ويلست عدالها .. جان تقولي بهدوء: صدق علايه ، في خاطرج تاخذين خلود ولد خالوه سموي؟ طالعته بتهديد: ان رمستي فهالسالفه والله يـــسير .. وكملت بعصبيه: وكم مره قلت اناااا ماااابااااااه .. هو بس صديق طفولة وخلاص! قالت: اونننننه .. سيري قصي على هندي ياماما .. انا ادريبج تونين فالليل تبينه .. تتحرين اني ما اسمعج!! احمر ويهي وانا اقول بغييظ: يعلللللج ... انتي من وين تيبين هالرمسه ؟ .. حشى هذا وانتي هب معرسه!! : ههههههه حبييييبي ، انا يوم اعرس ..... ريلي بيتخبل! قلتلها : هيه مرررره .. بيفرج علينا، بيقول يوزتوني وحده .... قطعت رمستي قاصده جان تقول: شوه؟! .. ماترومين تعترفين .. وحده حلوة وخلاااص! : هيه قــلتيلي ..! قلتها ولفيت بسرعه صوب اليمين وانا اسمع صوت كيميرا .. سمعت عذيجة تقول وهيه توقف بسرعه: يعلج يا شميييييييييييييم .. تعاااااااااااااااااااااااااااالي! طالعت شما الي خشت تليفون امايه فمخباها وربعت صوب البيت عقب ماصورتنا انا وعذيجة! كان صوت عذيجة عالي وهيه تربع ورى شما ..: والله يصمج بطراق يوصلج افريقا .. تعااااالي اقووولج! دارن على البيت واختفى صوتهن ثواني ورد وهن يخطفن عليه .. ماشفت اصلا غير غبرتهن والتراب الي طارت فويهي من كندورة عذيجه الخرساانه!! ، ابتسمت بحــزن .. يالله يالدنيا كيف .. شوفي يا عذيجه، كنتي دوم تقولين انتي اول وحده بتعرس لنه ولد خالتي يباني .. واحينه شوفي؟ .. انتي اول وحده عرستي وبواحد مانعرفه .. و شما .. شما اليااااااهل ، عرست سكيييتي مكييتي ، وشلها ريلها! غمظت عيوني يوم تذكرت كرت العرس الي كان على طاولة الصاله اليوم ..... شما بتعرس راس السنه، وامايه طايحه من شهر وماندل جنها بتنش ولا!! سمعت صوت التليفون يصيح .. سرتله وطالعت الرقم .. كان من الخارج .. ياااالله سلطان متصل .. المره الثالثه فخلال يومين .. تنفست بعمق ورديت وانا اظهر من الحجرة: مرحبااا ملااايييين ولا يـ .. : ليش ماقلتولي؟ .. هاااااااااااااااه؟ .. ولا انا هب ولدكم!؟ .. لييييييييش محد يخبرني؟!! .. ارمسي قوووولي شي .... عااايبنكم الوضع؟ .. امايه مرقده فالمستشفى من شهر؟ .. وانا آآآآآخر من يعلم!؟ .. ماتستحووووون انتو؟ .. كييييييييييف محد يخبرني ؟ .. لو ماتت احيييينه؟ شو بتستفيدون؟ .. هااااااااااااه؟ خوزت عني التليفون شويه وانا منصدمه من بغيمه .. كان صوته عالي وااايد ومعصب .. سكت فتره وانا اسمع تنفسه العالي، قال عقب فتره: شحالها؟ رديت عليه ببطء وانا اوقف عند باب الصاله: الحمدلله بخير .. سلطان نحن ماخبرناك لنها حالتها هب خطيره هاك الزود .. يعني بس راقده و .. : غيبوووووووووووبه احييينه ... غدت بس راقده؟! .. انتي مااتعرفين انه اكثر الي يطيحون فغيبوووبه اكثرهم ماينشون؟! .. ليييش ماتخبروني وتفكون عماركم!؟؟ حرام عليكم انا هنييه ومرتاااح انكم بخير آخر شي تكون امايه طايحه من شهر؟! .. وين الي يقولولي راقده ولا مشغوووله ؟؟ .. قلتله بحزن: منوه قالك؟! قال بغيظ: ياليته واحد منكم .. اتصل على عبدالله اسلم عليه يقولي انا عند عمتيه فالمستشفى؟ .. مافي قلوبكم رحمه انتو!؟ قلتله: سلطان اسمعني .. امايه الحمدلله بخير و .. : انا ياي خلااااص .. حجزت لباجر وماايخصني فحد .. قلت بصدمه: وامتحاناتك؟ .. شوتبتسوي ابهم؟! : خل يولووون بس .. هاي اماايه تعرفييين شو يعني امايه!؟ .. لو ماتت احينه بعيد الشر عنها انا الي بتم طول حياتي متندم اني بديت عليها شهاده! ... يالله مع السلامه! طالعت التليفون بصدمه .. ياربي كيف الدنيااا قااااسيه .. احينه سلطان بيظيع السنتين الي درسهن واي .. و امايه طايحه ماندري تنش ولا ماتنش .. و شما الي صدق مانعرف عنها شي الا ان عرسها راس السنه .. وانا ... كـ... قطع افكاري التليفون الي كان يصيح .. هند .. رديت عليها: هلـ.. : علاااااااااااااااااايه ... امـ.... امااااايه يا علاااااايه .. حطيت ايدي على صدري وانا اسمعها تصيح ....... غمظت عيوني بقو و هيه تكمل: علااااااااااايه الحقي امااايه .. واااايه يعلني فداااااج .. يعلني فدا لرووووحج يا امييه .. ماقدرت ارد عليها ... ماعرفت شو اقول ...... حسيت بقلبي يعورني وانا اضغط عليه ... كملت هند بنفس الصوت العالي وهيه تصيح : الدكـ...الدكتور يقول .... انهااا ... خلاااص ... ماااااااااااااابتنش ... علاااااااااااااااايه يقول .. مخها .. مادري ، يقول ان وقف .. يعني .. خلااااااااااااااص! تساندت على الباب وانا بعدني مغمظه ... لا .. كله ولا امييه .. كله ... كله ولااا امييه! حسيت بدموعي يطيحن وهند تقول بصوت ميت: يـقولون ...... قلبها يدق .. بس .. مخها خلاااص ما .. ما بيشتغل ... علاااايه ... اماااااااااااااااااايااااااااااااااااه مااتت يااااااعليااااا ..! || رِحَ ـلْ مِنْهُو ... يِـسَلِّيني ، وَ صَارْ الْيُوم فِي قَبْرَهـ! رِحَ ـلْ عَنِّي .. وَ فَارَقْنِي ، حَـزِينٍ صِرتْ فِي حَ ـسْرَهـ|| . . | سلطان | . . اليوم الي عقبه .. الساعه 1 الظهر .. وقفت عند باب البيت وانا مستغرب من هالسياايير كلها .. كان الجو بارد، شكله مطر يا امسات .. نزلت شنطتيه من التكسي وعطيته الفلوس .. ودخلت من باب الحوي .. شو السالفه! ؟ .. عندهم عزيمة اليوم؟ حطيت الشنطه عند باب الصاله الي برع ودخلت بهدوء .. لفحتني ريحة الدخون و البراد الي ياي من الصاله الي على يميني .. كان فيه اصوات لحريم .. و .. صياح!! شو السالفه!؟ لفيت على يسار بسير لحجرتي ابدل بسرعه عسب اسير لامايه فالمستشفى .. بس وقفني صياح الحريم الي داخل الصاله .. دخلت الممر بسرعه ومنه لقسم البنات .. دقيت الباب بخفه وفتحته .. طلعت فويهي بنيه ... ماعرفها .. شهقتْ بقو وبندت الباب فويهي .. وقفت باستغراب .. دقيته مره ثانيه وانا اقول: شمااا .. علاااايه انا سلطااان .. تعالن شويه! وقفت لفتره عند الباب اتريا حد يظهر .. لفيت بسرعه صوبه .. بس عقدت حياتي وانا اشوف شبح يظهر .. حشى هب ختيه هاي؟! طالعتني بنظرة خاويه .. عيوها حمر، ويهها مسمر، كلها على بعضها ظعفانه .. وميته! ابتسمت وانا اقول: عنبووو مابتسلمين؟! يت صوبي ووقفت جدامي بالضبط .. ومادريت بعمري الا وهيه تلوي عليه بقو وتنفجر صيااااح .. ارتبكت وانا اقول: علايه؟ .. شو السالفه ؟ ها كله شوق لي؟ تقبظت فيني وهيه تصيح .. ماعرفت شو اسويلها .. ربت على ظهرها بخفه وانا اقول: خلاااااص فديييتج .. انا هنيييه انزيين .. سمعت صوتها تقول ....: أبطيت ...... واااايد ابطيييت ياااخويه! حسيت برجفه من رمستها .. بعدتها عني وانا اقول بارتباك: ابطيت على شوه؟؟! كان ويها منتفخ .. بقو وهيه تصيح وتمسح ويها : امايه .... أبطيت عليها ... خلتنا ورااااحت .. اماايه رااحت! عقدت حياتي ببطء ... امايه راحت؟! .. طالعت الباب الي انفج وراها .. طلعت منه بنيه متغشيه وخطفت من عدالنا بسرعه .. كانت عيوني تلحقها ، واذنيه تلقط صياح و صوت القرآن الي مالاحظته الا احينه ... و الدخون الي لفاني اول ماااييت .. والسيااايير الي مازريين الحوي و الباركنات الي برع .. و ... امااايه فالمستتشفى! .. || ذِكَرْتَهـ وهَلَّـتْ ادْمُوعِـي .. وَ صَارْ الْـفِكْـر فِي أسْـرَهـ|| رمشت اكثر عن مره .. خوزت ايدي عنها .. و طلعت من القسم و البيت بكبره .. سرت للميلس وانا ما احس بشي .. وقفت عنده، وتنفست بعمق وانا افتح الباب ... طالعت الرياييل الي داخل .. الميلس الي كان فعيوني عووود .. الي كان فيوم من الايام كبير وااايد ... غدى مافيه اصغر منه فوجود هالرياييل كلهم .. طاحت عيوني على ابويه .. وعلى بخيت يالس عداله، و عيال عمي فآخر الميلس .. الرياييل كلهم لفوا عليه ... شفت ابويه يوقف ويطالعني وهو متلثم .. وبخيت منزل راسه .. حسيت بحد يحط ايده على جتفي، مبارك ولد عمي .. قلت ببطء : شو السالفه؟! مسكني بقو وهو يقول: سلطااان .. تعال شـ.. قلتله بعصبيه وانا اخوز ايده عني: شو السااالفه!؟ .. ليش متيمعين جيه!؟ .. ابويه عازم ولا شوه؟! كان يدور فبايلي مليوون الف فكره .... تذكرت ليش انا قاطع دراستيه وياي هنيه .. تذكرت امايه آخر مره اتصلت عليه، كان قبل شهر وشي .. كانت تقولي ارد، وانه البلاد ممزورة جامعات .. كانت تقولي جانك بعدها في خاطرك بنت عمك، تعال وانا ايوزك الي احسن عنها .. كانت تقول وايد اشيا، وتتشكى انه محد تم فالبيت .. طالعت بالجو من حولي، كيف خنقه ماكنت احس انا شو اسوي .. ومبارك يحاول يظهرني وانا اصارخ عليه .. ابويه وقف ويا صوبي .. حسيته بيقول شي .. بيرمس، بس .. ماتوقعت انه اي يحظني بقو ويقول بصوت عالي .. هَزّنِي هَزّ: استهد بالله ياولديه .. ادعييييلها بالرحمه .. ادعيييلها ان الله يثبتها عند السؤال .. حاولت ابعده عني وانا اصارخ: ابووويه شو تقول انته؟ .. فجني؟ .. خوووز عني! خاز عني وانا ابتعد عن الميلس ووقفت جدامه عاقد حياتي .... قالي مبارك وهو يتجرب: سلطان سم بالله .. انته متى ييت!؟ قالها وهو يوقف جدامي بالضبط .. شفت عبدالله ولد عمي يظهر من الميلس وانا عيوني عليهم .. قلتله بجفا: توني ياي من المطار، بسير للمستشفى اطالع امييه! عقد مبارك حياته ولحقني: سلطان لحظة ... سلطاااااااااااااااان! ماحسيت الا بعبدالله ساحبني صوبه وهو يقول بصرامه: سلطان ... امك توفت امسات الظهر ... وهالرياييل كلهم يايين عسب العزا .. حسيت بقلبي يدق بقو وانا اسمع رمسته .. خوزت ايده عني وانا اقول: انا رمست علايه امسات .. قالت ان امايه بخيير .. خووز عني بسير الها و ... رد يمسكني ويقول بصراخ: انا ارمس جد .. هالعرب كلها متيمعه تترحم على امك .. وانته ولدها تنكر السالفه .. الله يرحمها يا سلطان .. الله يرحمها .. طالعت فويهه بصدمه ..... شفت بخيت يظهر من الميلس واي صوبنا .. طالعته وطالعني .. ويهه الاسمر ، عيونه الحمر، و وجتوفه الذابلين ...... عرفت ان الي يقولونه صدق .. و ان اماايه الي تعنييت وييت عشانها ... راحــــــــــــــت .. . وخـلـتـنـي وراهـا ....!! || حَ ـبِيبكْ رَاحْ ، يَا قَلْبِي .. وَلا حَتَّى تِشِمْ عَ ـطْرَه.. و ظِلِّكْ مَاتْ يَا ظِلِّي .. سِكِنْ وِيَّاهْ فِي قِبْرَه ، ألَا وِينِكْ .. تْسُولِفْنِي، تِحَتْ انْوَارِهَا الْـقَمْرَه.. وَتَنْشِدْنِي عِ ـنْ اخْبَارِي ، تَرَا عِقْبِكْ غِدَتْ مَرّهْـ|| . . |
رد: أوعدك ، لا توسدت التراب .. ما أبكيك!
تتمة الجزء السادس عشر .. نفس اليوم ، فالليل .. | مريم | الساعه 12 ونص .. . . كنت ألعب فشعر علايه الي منسدحه على ريلي وعيوني تطالع هند الي تصلي جدام شبرية عليا .. : ماتتصورين يامريم كيف حسيت .. غير .. تخيلي، يتظاربون جدامي، والي المفترض شي يستويبهم، .. هم الوحيدين الي ... الي حتى ماتغير فيهم شي! كملت وهيه تيلس واطالعني بعيونها الذبلانه: انا حتى ماشفتها، من دخلت المستشفى .. عيوني ماطاحت عليها .. ابتسمت بحزن وانا اضغط على ايديها: عليا .. فديتج انسيهم شويه .. خليهم يظهرون من بالج .. وعيشي حياتج و الي الله بيقدمه .. هو الخير .. قالت وهيه تتنهد: انا شو اسوي ثرني من الصيح؟ .. متوكله على الله، وحتى لو يا حمد احينه وقالي تعالي بيتي .. بـ.. قطع رمستنا عذيجة الي ماحسينا ابها يوم دخلت: يخسي ويهبي .. خل بس ايي والله يشخطه بالعصى .. الهرم!! لفيت عليها اطالعها بصدمه .. كان بطنها جدامها مترين وهيه اروحها ظعفانه وواااايد تعباااانه .. سكتت عليا وانا قلت: عذيجه الله يهداج هذا بدل ماتهدينها و .. : مريم لو سمحتي .. انتي ماتحسين بالحرييجه الي شااابه هنيييه .. واشرت على صدرها وهيه تكمل ودموعها اطيح: حريييجه شابه ففوادي، والسبه خوووج .. حتى خالد ولد خااااالتي، .. انا عمري مابسامحهم .. الخياااااس ... وكملت وهيه تيلس على الكرسي وتغطي ويهها : الله يغربلهم شرات ماغربلوونا .. الله يشربهم من نفس الكاس الـ .. قطعت رمستها بسرعه: استغفر الله .. شو هالرمسه عذوووج؟! .. عنبو هذا وانتي العاقل! كانت هند بعدها تصلي و عليا تصيح وساكته .. رديت اقولهن بغبنه: حمد وخالد مايخصهم فاللي استوى .. اروووحها امج تعبت وطاحت .. حراااام تدعين عليهم وبعـ.. : انتي ماااتحسيييين ... تراااهااا هب امج الي توفت .. حسيت بدموعي يطيحن وانا اقولها: عموووه كااانت شرات اميييه .. وحتى احسن عنها ... كيييف تقولين اني ما احس؟ حرام عليييكن والله موووتها صدمه علينا كلنا .. بس نحن مابنتعدى حدود الله ونقول فلان وعلان كانوا السبب .. و الله حراااام! مسحت ويهي وكملت: بعديين انتي تدعين على امايه، هب على حمد .. وشويخصها خالتج يوم انج تدعين عليها؟ .. و الله حراام! قطعت رمستيه هند الي قالت بهدوء وهيه يالسه على السياده: بنات بس .. استهدن بالله و صخن ... احينه فالليل باب الدعاء مفتوح وانتن تدعن على هلكن .. ادعن لامايه الله يرحمها ويثبتها عند السؤال ... اخير الكن وإلها .. سكتنا عقب رمسة هند .. وانا يلست عدال عليا الي كانت منسدحه وظامه ريولها لصدرها .. لييين احينه ماصدق ان عموه ام سلطان توفت .. طالعت عذيجه الي سرحانه وتمسح دموعها .. وهند يالسه على السياده وتدعي .. مسحت ويهي وانا افكر ... ابات عند هلي؟ ولا هنيه؟! يمـ... : مريوم تعالي ويايه ,, لفيت على عليا الي وقفت ببطء وظهرت من الحجرة .. عدلت الشيله وظهرت وراها .. بطالع شوتبا ... شفتها طلعت من البيت .. زاقرت عليها: علااايه صبري .. كانت عند الباب وتتلبس نعالها .. قالتلي: ابا آكل شي .. يوعانه! يوم طلعنا لفانا المهب، رووعه الجو .. وصلنا للمطبخ الخارجي، قالتلي وانا ايلس عند باب المطبخ: شحالج ويا هل ريلج؟! كنت سرحانه فالمهب والجو وانا ارد عليها: لوووعه .. ماعندهم سالفه!! قالت بهدوء: ليش؟ .. احيد فالعرس كانوا طيبين .. قلت وانا اظم ريولي لصدري: مادري علايه .. احس غير عنا .. كل شي فيهم غير .. عاداتهم يلساتهم طبايعهم .. كله غير .. لفيت عليها يوم قالت: ومنصور؟! قلت باستغراب: بلاه؟! لفت عليه وهيه شاله كوب جاي: يعني شراتهم ولا احسن؟ ماعرفت شو ارد عليها .... من الي سمعته عند فاطمة .. كرهته الصراحه .. كيف يخبي علينا شي جايد مثل هذا؟! لو ابويه هنييه كان ما استوى جيه؟!.. ابتسمت بحزن .. ابويه؟ .. يالله ليته هنيه بس .. حتى عبدالله مابيقصر، لكن الابو غير .... رديت افكر فالحركه السخيفة الي سووها .. اخبر خواني؟ .. ولا بيعصبون وبتستوي سالفه؟! . هو يمكن شي عادي، بس انا هب وحده هبله ولا هليه هبايل عسب يقصون علينا ولا يخبرون ان ولدهم كان معرس .. ماكان بيستوي شي .. بس انا بعد يحق لي تكون تجربتي الأولى عند واحد هو بعد تجربته الأولى .. هب واحد عايف الدنيا .. عنبووو معرس عليها سنتيين كاملات .. الشي الوحيد الي ابا اعرفه .. ليش طلقها؟! .. شو استوى امبينهم ..؟ يعني المها ماشاء الله حلوة .. هب شينه، ورمستها فنانه وراعية واجب .. بس .. ماعرف، احس فيها خبث، يوم ارمسها لازم اتقف، عن تعق كلمة ولا هنتين .. يمكن شي فيها؟ .. ماتييب عيال؟! .. يمكن .. بس غريبه والله .. رفعت حايبي بغيظ، غبيه وعلى نياتها وهبله؟ .. هاه يافطييم ؟ .. ماعليه، بروايكن هالهبله والي على نياتها شو تسوي ... في ذمتيه ذمه اني ماخليها الكن .. ترمسين عني من ورايه؟ .. وانتي جدامي ويه ثااااني، اونه خت تقولي؟ .. وين تبيييين .. تخسين وتهبييين تكون شرات ختييه .. الي حتى ماعرفها!! : حوووووووووووووووه مريوووووووم ... طالعت عليا الي يالسه عدالي بصدمه من صراخها واذني الي قامت تون من بغيمها .. ردت تقول باستغراب: حشى هب سؤال جيه يسويبج؟ : عورتيلي اذنيييييه .. بلاج تصارخين؟! قالت بسرعه: انتي الي بلاج ماتردين ؟ .. عنبو ، لو ادري اني يوم بطري منصور جيه بسوين كان ماطريته .. : وشو يخصه منصور احينه؟! .. الله يغربلج اذني عورتني .. قالت بهدوء وهيه تلف الصوب الثاني: تراني تخبرتج جانه منصور شراتهم ولا..!؟ اهاا .. ههههههههه نسيت انها سألتني اصلا .. قلت: مادري .. بعدني ماعرفته .. غريب هالريال، مره مرح، مره معصب، مره يسولف، مره يصارخ .. و كللللللللللللللله عاقد حيااااته! سكتت عني وماقالت شي ... طالعتها بحنان وانا اقول: وايد ظعفتي علوووي .. كلي فديتج .. قالت بغصه وانا اشوف دموعها يايه فالدرب: الحال مايخلي حد ياكل يابنت العم .. وكملت وهيه تحط الكوب على الارضيه: شما ماندري وينها .. سلطان قاطع دراستها وياي عسبة امـ.. عسبتها الله يرحمها .. و ناا الي ماعرف كوعي من بوعي .. ولا عذيجة الي حامل ونفسيتها زفت .. وكملت وهيه تمسح ويهها: تخيلي؟ .. كل شي مجلوب فوق تحت .. محد قام يرمس، يسولف .. كله هدووووء ومافيه اي صوت .. انتي بس تعالي الصبح وشوفي الوضع كيف .. قسم بالله السلام عليكم ماسمعها .. خنقتي العبرة الصراحه من رمستها .. ماتخيل عمري وانا اصيح امايه .. بعيد الشر عنها .. الله يخليها الي يارب! كملت هيه: تعرفين؟ .. احس اني فحلم!! .. يعني، ماكنت متوقعه، في اسوأ أحلامي اني بملج بهالطريقة .. لا ومنووووه .. حمد خوج ، ... قلتلها: وبلاه حمد خويه؟! .. تراه حـنون ..! لفت عليه بعيون تلمع حزن، وشفايفه متقطعه من كثر الصياح، و عيونها حمر ... وقالت بسخريه: قلتيلي .. هذاك الي دهج بنت عمه على سالفه هيه مايخصها فيها ... هذاك الي بغا يذبحها، والي ماخلى فيها عظم صاحي ... وكملت بصوت واطي: حنـــــون؟! قلت بصدمه: حمد الي زخها؟! قالت بحزن: هيه ... لو بس كنتي هاك اليوم هنيه .. تعرفين شو بيستويبج؟ .. بتتخبلين .. صياح وبغيم و حشرة و حزن وهم وغم .. آخر شي ركبت ويا هالمايد الي مادري من وين طلع، وشلها .. لفت عليه بصدمه واظحه فصوتها: تخيلي يا مريوم .. من شهرين ماشفتها .. مارمستها ... ما .. يعني .. حتى .. مادري احس غييير .. بدت تصيح مره ثانيه وهيه تقول: امايه وماااتت .. وابويه من اصبحنا على الدنيا وهو كارهناا .. وشما سفروووها جنها بشكاره مكنسلين ويزتها .... شوووهالدنيا؟! .. حرااااام جيه والله!! حاوطتها بايده وانا اقول بحزن على حالها: فديت خشمج بسج صياح .. احمدي ربج غيره المصايب كلها فوق راسه مره وحده و .. قالت بصوت عالي وهيه تبتعد عني: وهالي نحن نعانيه اشوووو هووه؟!! .. هالمصايب كلها ماتقوليلي كيف بنحلها!؟ .. شما خللاااص عرست .. اميه توفت والله يرحمها .. وانااااا؟! .. انا شو بسوي؟! الثنينه الي المفترض يكونون اقرب حد اليه .. تظاربو على سبتيه، وامااااااااااااااااااااااااااايه توفت بسبتيييييه .. كييف تبيني اعييييش؟ .. احس فواااادي يتقطع .. احس بسجاجين فقلبي !! كانت تصيح بقو وهيه مغطيه ويها ...... حسيت باني وحده حقيرة وتفكيري يصب صوب منصور ومشكتله اليديده ... حسيت بدموعي اطيح وياها .. هب عليها .. الا عليه انا .. على مريم بنت سلطان الي احسها تنسل مني ببطء ...... احس اني مفتقده شي .. شي وااايد مهم .. مفتقده ذاتــــــي !! . . | منصور | . . شليت تليفوني بتصل فهالحرمه الي من سارت اليوم العصر وهيه منطشتني ... رن ورن ورن ومحد شله .. طالعت علي الي يالس ويايه فالصاله ويلعب سوني .. قلتله: امك وين؟! قال : فالجنه! انصدمت من رمسته ...... بس عقب تذكرت ان فطيم مش امه .. ابتسمت وانا اقوله: الله يرحمها .. ماقال شي .. رديت اقوله: فطيم وين؟! هز جتوفه بلامبالاه وقال: ماعرف .. تخبر ابويه !! : سارت بيت هلها .... اشوفك يالس هنيه اليوم!؟ لفيت على سعيد الي حدر الصاله ويلس عدالي: اها .. شو اسوي من الملل .. قال بظحكه: هههه هيه الحرمه مش هنيه اليوم! : هههههه لا مش جيه ... يعني حتى لو كانت هنيه شو اسوي؟! .. قصدي اني ماداومت اليوم والبيت غادي ملل!! قال علي: طول عمره ملل ... شوتبا بعدك؟! فريت عليه المخده وانا اقول: جب انته .. كل ماقلت شي رديت عليه ... والا اقوووولك .. وقفت ويلست عداله وشليت ايد السوني الثانيه: حط حط كورة بنرشك شويه!! طالعني بطرف عينه وقال بسخريه: اونه؟ .. بعد عمي ينكت!! سمعت ظحكت سعيد وانا اقول : هرم ولدك هذاااا .. يالله بسك هذره وحط !! حط شريط الكورة وسعيد يسألني: بتعتمرون ولا؟! قلتله: مادري .. في خاطريه الصراحه .. بس ولد عمك عنده توقييت غلط! اخترت ايطاليا وعلي المانيا .. بدينا اللعب بهدوء .. و سعيد يقول: بش عجيييييب التاريخ الصراحه .. 1-1 .. شو قالك عمي يوم رمسته؟! قلتله وانا اغير تشكيلة اللعيبه: قالي باقي بس العروس والمعرس ايون وخلاص .. قالي باستغراب: ليش وينها العروس؟! : فلندن ... الحبيبه ويا الحبيب .. ليييش حطيت ستارت!؟ لفيت على علي الي قام وقال: بسير الحمام وبيي .. : هههههههههههههه سر انزين .. وطيت الايد وانا اشل تليفوني .. بطرشلها مسج ... ان كانت هيه مابتعبر، فانا مابخليها .. طرشتلها: سلامن عليج بنت سلطان .. شحالج ؟ مش ناوية تردين الليله ولا شوه؟ حطيت التيليفون فثبانيه وعلي ييلس عدالي .. قالي بحمااس: يالله بسرعه عمي .. بدت المباراة بكل هدوء وانا وعلي مره الكورة عندي، مره عنده .. بس طبعاً لنه ياهل، فما بستقوي عليه .. كانت الهجمه له وانا احاول اشل عنه الكورة، بس تركيزي كله صب فصوت المسج الي يا لتليفونه والي خلا علي اييب قول .. فنان الصررااحه! قام يصاارخ: قووووووووووووول .. يوم اقولك عمي انته ماتعرف تلعب! قلتله من دون تركيز وانا اشل التيليفون: هيه ادريبك فنان كورة انته .. لحظة شوي!! طالعت المسج وانا رافع حياتي بغيظ: عليك السلام ولد غاشم .. انا فبيت هليه، فأكيد بكون بخير .. لا مابيي، ببات عند امايه .. رديت عليها: ومن منوه اتستئذنت الشيخه؟ علي: يالله عمي .. ولا متروع اغلبك؟ قلتله بسرعه: تخسي .. يالله بسم الله .. لعبت وياه الشوط الاول و مريم ماطرشت مسج .. افففففففففف .. فالشوط الثاني كنا متعادلين 2-2 جان اييب قول .... ليفت عليه وانا اقول : هاه؟ .. 3-2 شو تبا بعدك؟ لفيت عنه وانا اظحك: هههههههههه شعندك اطالعني جيه؟ قال بغيظ: عمي انته تغش .. كل لعيبتك السهم ماللهم أحمر .. وعندك بوفون، كيف تباني اغلبك؟ : ههههههههههههه يعله من عذر .. حتى انته انزين لعيبتك السهم مالهم أحمر .. تراه نفس الشي!! رد يقول بغيظ: لا مش نفس الشي .. شوف انته عند قاتووزو و عندك كانافارو و عندك بيبي، والحارس بوفون .. ماروم عليهم هاييلا .. قلتله: قول انك ماتروم عليه انا .. مش الفريق الي غالـ.. قطعت رمستيه وانا اشوف مريم تتصل .. قلتله: خل عنك التحرطيم ويالله العب .. قال وهو يفر الايد: مابا .. بسير ارقد .. قلتله وانا ارد: يكون احسن بعد .. ألوووووه مرحبااا .. : السلام عليكم .. منصور انا خبرتك العصر اني ببات ... كيـ.. قللتها وانا اظهر من الصاله الي فيها سعيد: وعليج السلام .. اول شي صبري لين مارد عليج خلاف ارمسي .. عنبووو غااديه بااارده!! سكتت عني وانا كملت: ومتى قلتيلي بتباتين؟ .. انا وصلتج وانتي نزلتي بسرعه .. حتى مارمستي ماقلتي شي!! قالت بهدوء : انزين سوري .. احينه انته مابتي من دبي لين العين عسبة انك تشلني .. خـ.. : وليش لاء؟ .. مش حرمتيه؟! .. قالت: مايخصه اصلاً .. انا قصدي فالليل احينه وهب زين تسوق .. ببات وتعالي باجر فالليل وبنسري .. قلتلها وانا اتساند على باب الصاله المفتوح: اها .. انزين شحالهم هلج؟! : بخير الحمدلله .. طيبين .. قلت بغيظ: يعني مابتتخبرين انا شحالي؟ .. عنبو يمكن شي استوى علينا .. من العصر انتي مش هنيه .. بيتج بعد هذااا ..! ماردت عليه .. بعد فتره وانا اسمع تنفسها الهادي قالت: اسمحلي منصور .. بسير ارقد ، تعبانه ومن اليوم ويا وم عميه .. : تصبحين على خير .. بندت التليفون قبل ما اسمع ردها من الغيظ ..... غاديه واااايد بارده وجافه، ... من يوم ما عقت وهيه متغيره، بس على الاقل كانت تتخبر ولا تتصل .. احييينه من كم اسبوع ، ولاااجنها حرمة وربة بيت .. وماتسوي شي الا اذا انا قلتلها ... الله المستعان بس .. . . نفس الوقت .. كندا .. 4 ونص العصر .. | عمر | . . : لاااااااا عمييييييييييييييييييييييه ... اقووووولك من زماااااااااااان هب شايفنيك .. يعني قصدي .. لفيت على عمير الي منسدح وميت ظحك .. و رديت اطالع عميه الي واقف ومتساند على الباب ويطالعني بنص عين .. مسكت راسي وقلت: انتو تخلووون الواااحد يتخبل .. هب بس يزور! سمعت ظحكته وهو يلبس نظارته الشمسيه ويقول: يالله اسوووولف وياااك .. ياويلكم لو شفتكم هب هنيه يوم ارد . .. سرت صوبه: انزين عمييه ... يعني، هو هب طلب .. بس يعني تروم تقول أمر!! رد يقول بصرامه: لاء يعني لاء ... وكمل بغيظ: بعدين تعاااال هنيييه .. بناتي اكبر وحده صف سادس .. شوفيها لو تميتوا هنيه!؟ .. و الجامعه جرييب..!! قلتله بهدوء: عبدالله حاجز شقه هنيه ومسوي كل شي .. وانحن الصراحه نستحي نيلس هنيه .. صح انته عمنا .. بس مانعرفك و.. ظربني على جتفي وقال بغضب: يعلك يا عمر .. شو هالرمسه الماصخه بعد!؟ .. عنبو عمكم انا؟ .. وكمل بهدوء: والله مستحي منكم الصراحه .. من عقب عين بوعبدالله وانا لاهي عنكم .. كان لازم اتم هناك ولا ايي هنيه .. بس شو اسوي بالشغل الي مايخلص؟ قلتله وانحن نوقف عند باب الصاله: ماعليه اسمحلنا ... بس بعد بنسير الشقه .. لكن عشاااااان خااطرك .. خااااطرك بس .. بنتم لين نهاية الاسبوع وبنشل قشارنا عنك .. تعرف الشقه يبالها تجهييز وجييه .. ابتسم عميه وهو يفتح الباب: ولاااايهمك .. كل شي عليه .. اصلا انا خلااااص اشتريت وقظييييت .. المهم انتو ارتاحوا لين ما ايي .. قلتله بسرعه: لحظة .. كيف بعد اشتريييت وقظيييت؟! .. عمييييييييييييييه انا شوووووقلت ؟ والله انته جيه تزعلني منك .. قال بهدوء وهو يظهر: عمر .. انتوا عيال خويه .. الي حتى ما افتكرت اسأل عنكم .. الغلط منيه انا هب انتوا .. خلني على الاقل اسوي شويه من الدين الي عليه .. : اي دين؟! قال : بس خلاص! .. الويك اند تكونون جاهزين ، ونسير الشقه .. سكت عنه .. ماكنت متوقع انه جيه .. واااااااااااايد غير و كوووووول على قولت بنته ساره!! رديت للصاله .. اول مادخلت، طاحت عيوني على بنت عميه الصغيره يالسه ولاصقه فعمير واطالع وياه مجله .. يلست على الكرسي جان ترفع عيونها صوبي وتبتسم .. قالت: باباه يقول بتمون ؟ .. Right? هزيت راسي بهيه وانا ابتسم: هيه .. لـ... كنت بكمل رمستيه جان تصااارخ: لطوووووووووووووووف تعاااااالي .. they are not going any where !! فتحت عيوني من رمستها .. طلت علينا بنته الكبيره لطيفه .. كانت طويلة، يعني الي يشوفها يعطيها اول ثنوي، هب سادس مادري سابع .. دخلت متلبسه تنورة سودة وقميص ايده قصيره ورديه وشعرها طايح ورى ظهرها .. يلست بعيد وقالت وهيه تحط ايدها على خدها: ادري .. رفعت حايبي وعمير يسألها: شحالج لطوووف؟! طالعته بطريقه مستفزه وقالت: لطوف؟ .. ليش تزرقني لطوف؟ .. انا بنت عمك يعني لازم تستحي وتقول لطيفة .. او بنت العم .. هب .. وقالت اسمها بمياعه: لطوف ... وين تبا!! فتحت عيوني على وسعهن وانا الف على عمير الي الصدمه باينه فويهه .. شفتها تقوم وتفج التيلفزيون وترد تيلس بعد ماخذت الريموت.. كله هذا وختها الحلوة يالسه عدال عمير وماتدري شو السالفه ... عقب يوم تمينا ساكتين رفعت راسها وقالت: لطوووووف .. باباه يقول بيتمون عندنا .. cool هااه ؟ ردت عليها بنفس النفس الخايسه: بس سكتي .. طالعت ساره الي اعتفس ويها وقالت بصوت طفولي: ماماه تقول لا تقولي سكتي ... تمينا سكوت انا وعمير لين ما بدا الحوار يشتد بين الخوات .. لطيفة: سويره سكتي اقولج .. ساره: انتي ماتسمعين كلام ماماه .. بخبرها .. لطيفة: سيري لو انتي حرمه! ساره: انا هب حرمه .. انا بنوته! لفت عليها لطيفة وقالت: بنوته هبله .. قالت ساره وانا احسها بتصيح من ويهها الي احمر: I’am not هبله زييييييييييين !! لطيفة : هبله ونص .. بعد يالسه ويا ..... عيال العم!! قالتها بطريقة عصبتني جان اقولها: ايييه انتي .. بلاج على اختج؟! طالعتني بنفس النظرة القوية: انا مارمستك زييين .. قالت ساره وهيه توقف: انتي اصلا ماتحبينهم .. تبين بس اتمين ويا لينا و الخياس الثانييين!! لفت عليها لطيفة ، وطالعتها بنظرة الصراحه ماعيبتني .. جان تسكت ساره وتقول بغبنه: والله اخبر ماماه! وظهرت من الصاله ... قالت بعد ماطلعت: سخيفه !! وقفت وانا اقول بعمير: نش نسير نحوط شوي لين مايرد عميه .. قالي وهو ينسدح: فييييييييه رقااااااااااااااد ... رفعت راسي على دخول ساره وهيه تير ايد امها وياها وترطن بالانجليش .. نزلت راسي على طول وانا اسمع امها تسلم: السلام عليكم .. بس ساره فجيني!! ساره: noooo mumy .. شوفيها تقولي اسكتي .. قالت امها: شحالكم شباب!؟ .. ردينا عليها بنفس الوقت: بخير الحمدلله .. ومن صوبج؟! جان تقول لطيفة: اونه ... يعني عرفنا انكم twein هب لازم بعد تقولون نفس الرمسه!! قالت امها بصوت عالي: لطيييفااااااااان ... نشي سيري الصاله الثااانيه .. قومي مابا اشوفج هنييه! قلت بسرعه: لا عمووه خليها .. نحن بنظهر .. قالت على طول: والله ماسرتو مكان .. انا مسويه كيييك و جاي .. خلكم بنيلس خاري ررباعه .. شفت ليطفة توقف وتفر الريموت محل ماكانت هيه يالسه وتقول شي بالانجليزي بس ماسمعته .. لكن امها قالت بغضب واضح بصوتها: كم قلت هالكلمة مابا اسمعها هنييه؟! .. قليلة ادب!! حسيت شكلنا غلط واقفين فنص هالجدال العائلي .. فوقف عمير وقال: بنترياكم برع .. يالله عمر! طلعنا بسرعه من البيت وانا اسمع صوت ام لطيفة بعده عالي .. قالي: حشى .. بغت تاكلنا بعد .. قلتله وانحن نيلس على الكراسي الي فالحديقة: هاي لطيفة الصراحه، غير شكل .. قال وهو يطالع الجو : هيه شفتها .. طالعته بهدوء وقلتله: عمير .. بلاك؟! : مابلاني شي .. ليش؟ قلت وانا اطالع بتركيز: لا فيك شي .. يعني ، ساكت و ... مادري غير! قال بلامبالاه: تتوهم ... كمل وهو يوقف: بسير احوط شويه ، يوم اي عمي اتصل! قالها وخطف صوب باب الحوي ,, طالعته باستغراب .... عمير شي بلاه .. انا اعرفه، وياه من 22 سنه، ما اتيه هالحاله الا اذا كان فيه موال فراسه! و الله يستر من هالموال! . . | سلطان | . . حسيت بالرؤية ضباب جدام عيوني ... تساندت على اليدار وانا احط ايدي على صدري .. : شوه؟! قلت وانا امسح على ويهي ببطء ....... المصايب تتوالى فوق راسي، اول شي اميه ... واحينه شما؟! قالي بخيت وهو يوقف عدالي: سلطان بلاك!؟ ... شي تحس!!؟ خوزت ايده عني وقلت وانا اطالعه: انته الي شو تحس؟! و عليت صوتي وانا ااشر: ليييييييييييييش محد يخبرني؟! .. هذااااااااا كله يتسوي؟ .. وانا ماادري؟! ماكنت اعرف شو اقول ولا شو اسوي .. بس بديت اصارخ واصارخ عل وعسى هالظيجه الي اسح ابها تخوز .. : قوووووووووووم عني ...... قوووووم عني بخيييييييييييييت، و الا والله افر عليك رمسه ماتبا تسمعها .. خاز عني وانا سرت بسرعه بطلع من الميلس بس صوته وقفني وانا افتح الباب وواوقف عنده: سلطاااان لحظة .. نحن مابغينا نخبرك عشان دراسـ... صارخت فوييه وانا اطلع: يعلها النفاااااااااااااااااااااااااااد من دراااااااسه جانها جيه بتسوي ... تلبست نعالي ولفيت عليه وانا اكمل بغيمي: اناااا اخوووووكم .. كيف محد يخبرني؟ .. احييييييينه ويينها شما؟! .. و اصلا ... اصلااا كيييييييف شما جيه تسوي؟! وقف جدامي وقال : حتى نحن ماصدقنا ... و ماانعرف شو الساااالفه ... كل الي نـ... قلت باستهزاء وصوت عالي: طبعاً مابتعرفون .. يوم انكم بس فالحين فانكم تخشون السوالف عنيه ..... كملت دربي بس يت فويهي عليا .. الي قالت : بلاااكم صوتكم واصل آخر الدنيااا؟! قلت وانا امسك راسي الي احسه يدور و يدور: انتو .... كييييف قدرتوا تغبون شي .... شي جايد مثل هذا ... حسيت بعمري ثجيييييييييييييييييييل وانا اكمل واتنفس بصعوبة: اختي... اختي انا ..... تطلـ..ـلع ..... راع ...عـية ... شَـــ...شَـ....باب!! فتحت عيوني ببطء وانا اشوف عليا وعيوني يدور ... ماحسيت بشي الا راسي يصك القاع و صراخ عليا .. | بخيت | . . ربعت صوب سلطان الي فجأة اختل توازنه وطاح و صك راسه القاع ... روعتني صرخت عليا: سلطاااااااااااااااااااااااان .... وخيت عليه وانا اشل راسه واحطه على ريولي وعليا بدت تصيح وهيه تصارخ: سلطااااااااااااان لاااء ... لاااء الله يخليييييك .... سلطاااااااااااااااااان .. كنت مرتبك و متروع ماعرف شو اسوي .. صارخت فويهها: نشي هاتي ماي .. ما ي ولا اي شي يخليه ينش! شفت جدامي مريم بنت عميه واقفه فقلتلها: مريوووووووووم بسرعه ماي ... بسرعااااااااااه! ظربت خده اكثر عن مره وانا احس فوادي بيطلع من مكانه .. يت مريم تربع وطلعت عطر من شنطه عندها وقالت بصوت مرتجف: بخيييت رش العطر على كلينيس وروحه اياااه .. قلت برربكه: شوه.!! ماعندي كلينيكس ... هااااتي ماااي اصبه عليه!! قالت عليا وهيه تفصخ وقايتها: عطييييني العطر .. شفتها تبخ من العطر وهيه تصيح وانا شال راسه بايدي وحاطنه على ريولي، وجسمه طايح بلياااا روووح .. كنا فنص الحوي والساعه اظني تعدت وحده فالليل .. عليا: سلطااان .. فديييتك و الله .. نش ... الله يخليييك نش .. حسيت عمري بصيح يوم ماتحرك .. قلت لمريوم: هاتي ماي الله يخليييج .. ربعت صوب المطبخ فنفس الوقت الي ظهرت منه هند وعذيجه من باب الصاله .. على طول ين يربعن هنييه والصرااااخ شل المكااان .. من الربكه صااارخت عليهن: بااااااااااااس سكتن ... بينش انتو بس هاتوا ماااي! يت مريم وشلت عنها هند الماي ومزرت ايدها ومسحت على ويهه .. مديت انا ايدي الثانيه وانا افج عقم كندورته ... يااااارب دخييييييييييييييييييلك ... الا سلطاان مابنستحمل لو شي صابه! شفت جفونه يتحركن ببطء وعليا بعدها تصيح وعذيجة واقفه بعيد شوي وتصيح هيه الثانيه .. حرك راسه ببطء وقال: بـ..ـخيت .... آخ ، را .. راسـ...ـي! تنفست بعمق وانا اقول: شو تحس سلطان؟! .. شي يعورك؟ فتح عيونه وطالعنا بخمول وعليا ماصدقت طاحت على صدره وهيه تصيح: مااااااااااااااالت عليييك روعتنااا ...... شفته يبتسم بهدوء وحزن ...... رد يغمظ عيونه بكسـل .. قلتلهن: نشن بوديه داخل .. وقفت عليا بسرعه وهيه تمسح ويها وهند مساندته ويايه ، جان اقولها: لااا هنوووود، خلي مريوم تساعدني ... طالعت مريم الي فتحت عيونها على وسعهن وقالت بصدمه: أنـااا؟ ... تخبلت بخيت؟! طالعتني هند: مريم هب محرم له يالسخيف، بعدين عادي .. يالله .. قلت باحراج وانا توني استوعب شو قلت: اوووه سوري .. و الله اتحراه شراتي .. ساندناه لين وصلنا الصاله ووطيناه على الغنفه الطويلة .. وهو على طول رقد ، او انغما عليه ثاني مره! قالت هند وهيه تيلس وتتنهد: شو السالفه؟! .. بلاه سلطان طاح عليكم؟! قلت على طول بحقد: من سوايا الخايسه شما .. قالت بحزن: بخـــــيت .. شو خايسه بعد! قلت بغيظ : هيه عيل .. شـ.. سمعت صوت سلطان الواهي: انا ما بصدق حد منكم لين ما اسمعها باذوني من شما .... قلتله بعصبيه: اقووووولك هيه اروحها اعترفت وقالت غاصبنها ... وهو يقول اونه لقيتها فالموتر .. يقصون على هندي اشوووه؟! رد يقول وهو يرفع ايده ويحطها على عيونه: اسكـــت .. اختك هاي يا البايخ .. بتصدق عليها ولد عم شافها نازله من موتر مايعرفه؟ .. اكيد بتتروع وبتقول انهـ.. : تتتروع؟ .. يعني هزرك ماتروعت يوم ركبت ويا واحد ماتعرفه؟! قالت عليا على طوول: اروحك قلت .. ماتعرفه .. انا اعرف شما، عايشه وياها اكثر عن 19 سنه، مستحييييل تسوي جيه .. كملت عنها هند: صدقهن .. انا مابصدق الصراحه، بعدين لو تشكون فيها ، فاكيد بتشكون فعليا وفيني وفعذوج .... رديت اقول بعصبيه: انتن ماشفتن شكلها وهيه تقولي انه غصبها ...... تقولها وهيه واثقه من عمرها انا مابنسوي الها شي .. قالي سلطان بصوت عالي: بخييييييت ... بلاك انته؟ .. هاي اختك؟ تربيتك وتربيتي؟ .. هب واثق منها؟! سكتني رده .... سويت طاف الهم وظهرت برع ..... تنفست بعمق وانا اطالع السما، يالله يالدنيا .. : بخيت .. سلطان شحاله؟ لفيت بسرعه صوب مريم الي كانت يالسه صوب الزراعه على يمين باب الصاله: بسم الله .. روعتيني؟ .. قالت وهيه تبتسم بهدوء: شوه؟ .. نسيتني؟ قلت وانا امشي صوبها: شحالج؟ قالت: بخير .. ماقلتلي شو بلاه سلطان؟! يلست عدالها : ماشي، انصدم من سالفة شما ..... قالت بصوت واطي: بخيت .. طالعتها وانا اقول: هاه؟.. قالت بصوت واطي وهيه توخي عليه: سلطان صَدَّق؟ عقدت حياتي وانا اقول: صَّدق شوه؟ قالت: عن شما؟ .. يعني صدق انها وحده راعـ... انها سوت الي سوت؟! قلت باستغراب: ليش ترمسين بصوت واطي؟ قالت وهيه ترد على ورى: مادري .. قول انزين؟ قلت الها وانا اتنهد: ونتي مصدقه؟ هزت راسها بلاء ... عقب قالت: مادري .... ماعرف يمكن ... يمكن ظالمينها .. يمكن يعني .. مادري هوه شو قال؟ : قال مستحيل يصدق فيها الا اذا هيه اروحها قالت .. سكتت ولا قالت شي ... رفعت راسي على الموتر الي دخل الحوي ببطء ... عقدت حياتي: منوه هذا؟ .. عيد؟ .. ليش ياي احينه .. بسم الله! وقفت بسرعه بس صوت مريم وقفني: انا متصله عليه عسب أي يوديني صوب امايه .. لفيت عليها وانا اقول بغيظ: وانا شو واقف هنيه؟ ارقووووز!! ظحكت بهدوء وهيه توقف: هههههههه لا ... يحشم خويه عن ارقوووز .. تجربنا من الموتر ومريم تقول: ماعليه بخيت اسمحلي، وسلم على البنات، قولهن اني بيي الصبح ان شاء الله.. وقفت عند باب السايق ودقيت الدريشه ومريم ركبت من الجهه الثانيه .. طل عليه عيد متلبس نظارة شمسيه ورافع حايبه: نعم؟ .. شي تبا؟! قلت باستغراب: ليش متلبس هاي احينه؟! .. قال: مايخصك .. ويالله مع السلامه .. كان بيبند الدريشه بس انا لحقت وظربته على راسه لين طاحت النظاره: يعلك .. سر سر .. مردك هنيه .. سمعت ظحكته ... ابتسمت انا بهدوء .... عَــــجب والله! منوه كان يصدق ... امايه توفت .. وتمينا نحن وراها .... صحنا، و تعبنا .. و حسينا الدنيا فانيه من وراها، وانه ماشي يسوى ......... وان الحياه من دون ام .. هب شي .. بس بعدنا ، نحن عيال اليوم، نبتسم، نظحك ... نمشي الاشياء الصعبه، ونحلها .. ونرد نبتسم .. صدق بن فطيس يوم قال: مَأْجُـورْ يَالْـي، مِـنْ فِـرَاقِكْ تِـعَلَّمْـت إنّ الْـزَّمَنْ ....، يُومِينْ طَـيِّبْ وَ خَـيِّـبْ! فَا جَأْتِـنِي بِـمْفَارِقِكِ مَا تِـوَلَمتْ كِـذَا بِـدونْ اسْـبَابْ عَ ـنِّي تِـغَيِّبْ! . . اليوم الي عقبه ، الصبح، الساعه 8 بالضبط! | مايد | . . طاحت الفوطه من ايدي وانا امش شعريه عقب السبوح .. فتحت عيوني بصدمه وانا اقول: ماتت؟! : هيه فديتك .. الله يرحمها .. لازم ترد ونقوم بالواجب .. بعد يوم العرس لازم نغيره .. خله شهر 3 ولا 2 .. عقدت حياتي بقو وانا اقول: اماايه، صدق ترمسييين انتي؟.. يعني، ماحيد انا ان بلاها شي عسب تموت!! قالت امايه بغيظ: عبنووووو بعد الموت تبون له سبب .. بلااك يا مايد غادي وايد تسأل؟! .. بعد من ربك ماتت، شو تبانا نقول؟ .. مسحت ويهي وانا احس بقشعريره: لا مش جيه ... قصدي ... مادري والله!! قالت على طول: المهم يالله بخليك .. بسير الهم انا .. حتى المبارحه ماريت وقت اسير اعزي .. فظييييحه، بعد غدينا هل أحينه .. يالله فدييتك دور لحجز ورد .. شغلك لاحق عليه .. هزيت راسي بهيه جنها جدامي عقب قلت: انــزيـن .. مع السلامه! بندت التليفون ويلست على الكرسي على طول وانا زاخ راسي من الصدمه ... يااااااااااالله يالدنيااااا .. امها مااتت؟ .. وانحن مسوين العرس بعد اقل عن اسبوع ... يالله يالله!! والله مش مصدق؟! ... طالعت الشناط الي بعدني ماشحنتهم، و على اساس عقب يومين برمس بوها اخليها عندهم لين يوم العرس، يعني بيتم 4 ايام او اقل عن العرس، مابتثقل عليهم .. و احييييييييييييييييينه شوووو اسوي؟ كيف اصلا بخبرها؟ .... تنفست بعمق وانا اغمض عيوني ..... الله يعيين .. الله يعيينك يا مايد!! بعد ربع ساعه، كنت واقف عند العماره .. بالصدفه، او بسس تفكيري، كنت متلبس فانيله سوده و برمودا سوده، و اجاكيت الطويل بعد اسود .. بتتروع يوم تشوفني ... حسيييت بحزن لحالها ... الله يعييين .. توني راد من مال السفريات وحجزت على باجر الفير .. تنفست بعمق ودخلت ,, بخلي كل شي يمشي ببطء .. بخبرها بهدوء، و بقولها انا بنرد اليوم .. و و خلاااص .. أظنــي!!! دقيت الجرس وقفت .. الله يعيين ماتفلعني باي شي جدامها ...لكن، وانا اسمع صوت البشكارة تفتح الباب يوم عرفتني ...... قلت فبالي شي وااحد بسويه صح .... مابقسي عليها .. ولو صاحت بهديها، بخلي عمري مايد الطبيعي الي مايستحمل دمعة البنات .. و لو بغت اي شي بسويه .... هاي الأم، فراقها مش اي شي ...... ابسمت بحزن وانا ادخل .. قلتلها: where is she? اشرت على الصالة ... غمظت عيوني ببطء وانا اتفنس: بسم الله .. الله يعيييين و ييسر الأمور .. تجدمت ببطء وانا اسمع حسها: Marian who is this? لفيت على البشكاره واشرت الها تسكت .. هزت راسها وردت لحجرتها المجابله الباب .. دخلت ببطء وانا ارسم فبالي صورة الها .. من الي اذكره . اول شي طاحت عيوني عليه، ريولها .. حي، الحبيبه طايحه على الارض، كانت متلبسه برمودا بيظا، تصالق هيه وريويلاتها ..... اتجدمت زياده وشفتها كلها .. فتحت عيوني على وسعهن وانا اشوفها كلها طايحه جدامي، متلبسه برمودا بيظه، وفانيله كت زرقا ... شعرها الاسود ،لفتني بقو، يلمع وساااايح على ظهرها .. ما انتبهت لشهقتها، ولا يوم وقفت فآخر الصاله وهيه تصارخ: يالخااااااااااااااااااااااااااااااااااايس ليييييييييييييييييش تدخل جيه!؟ ماتستحي على ويهك؟! عيوني كانت تلحقها وانا بعدني فالصدمه ..... محلاااااااااااااااااااااااااتهااااا ... ماصدق انه هاي هيه نفسها الي كـ.. : انته ماتستحي؟ .. اجلب ويهك يالله!!! تمالكت اعصابي وانا اتنفس بقو وايلس على الكرسي .. خوزت عيوني عنها بالغصب وانا اقول بصوت هادي: شحالج شما؟! قالت بسرعه وبحقد واظح فصوتها: بخير يوم انته هب بخيــــر ... شوتبا؟ لفيت عليها ويلست اطالعها ..... كانت واقفه فالركن وظامه ايدينها لصدرها بخوف واضح .. حافيه، ورويلاتها كلها ظاهره، من تحت اركبها لين كعبها .. ايدينها يصلقن، بيييظ، ويهها نفس الشي، شعرها اروووحه سااااالفه .. يعلها ياااربي ... خوزت عيوني وانا استغفر في داخلي ... حشا محلااااتها!! رديت اقول: بسوي عمري ماسمعت شو قلتي .. تعالي يلسي بقولج شي .. قالت بسرعه: مابا ... مايد اظهر احينه!! ماسمعت شو قالت غير اسمي .. يعلج يا شما جانج بتخليني ... بتخليني شووووووووووووه .. مالت عليك يامايد!! تنحنحت وانا اقول بصرامه: شما تعالي يلسي .. ماسمعت ردها .. جان الف عليها واطالعها، كانت اطالعني بنظرات سم .. وعاقده حياتها المقرونات .. كل شي فيها حلو .. خشمها سلة سيف، عيووونها ، جنها فنيال من كبرها .. ماشاء الله .. احيييينه هاي حلالي؟ .. يعلك يا ماايد طااع شووو يفكر!! خوزت عيوني عنها بسرعه وانا ااشر على الكرسي عدالي: تعالي يلسي ... بسرعه! كنت منزل عيوني عنها، بس من يلست جدامي مارمت اقاوم اني اطالعها .. كانت يالسه وحاطه ريل على ريل، الي استغربته انها ما استحت .. يعني ماوظح فيلستها انها مستحيه مني .. قالت بصوت ممطوط: نعم؟ .. خير؟ شو تبا؟ فسخت الجاكيت وتميت بالفانيله السوده .. قلت بهدوء: كنت ارمس امايه قبل شوي .. وسكت، ماعرفت كيف اقولها .. طالعت ريلها الي تهزها، بتوتر او قهر او .. مادري .. مسحت ويهي وقلت: سمعي .. الي بقولج اياه .. مش من قهري ولا زعلي على السالفه الي استوت، أو حتى لني اكرهج .... بالعكس، الي بقولج استوى صدق ... و .. رفعت راسي بطالع ردت فعلها .. كانت عاقده حياتها واطالعني .. كملت: شما ... امايه رمستني توها .. و .. تنفســـــت بقو و كملت وانا اغمظ عيوني: تقول .. انه امج .. توفت اولت امس! فتحت عيوني ببطء وطاحت عليها .. شفتها ترفع حايبها و تبتسم بسخريه .. قالت: احلف بس؟ .. وتباني اصدقك يعني؟ عقدت حياتي وقلت : انا ما امزح .. ولا بحلف .. امج الله يرحمها متوفيه من يومين .. شفتها تغمظ عيونها وتفتحهن على وسعهن ... قالت ببطء: امايه؟ ... عقب عقدت حياتها ووقفت .. جان اوقف وياها .. قالت وهيه ترد شعرها على ورى: جذاب .. ادري انك تكهرني على الي سويته واني جذبت على هليه وقلت انك غصبتني .. وصاارخت فويهي وهيه تتجرب منيه: بس ماااااااااااااااايحق لك تفاول على امايه وتقول انها ماااتت!! مديت ايدي بمسكها بس خازت عني بعيد وهيه تقول بهدوء استغربته: جذاب... خوووز عني .. انته جذااااااااااااااااااااب!! قلت وانا اقرب منها: و الله ما جذب عليج .. شما ، شمااا سمعييييني! مدت ايدنها وظربتني على صدري بقو وهيه تخوز عني: مااباااا .. خوز عني .. انته جذااااااب!! قلت بصرامه وصوت عالي: انا مااا امزح ..... امج توفت اولت امس! كانت حاطه ايديها على اذونها وتصاارخ: لااااااااء خووووز عني .. مابا ، مااابا اصدقك .. رصيت بايديه على الكرسي الي هيه واقفه وراه ... عقب اتجدمت منها بسرعه وخوزت ايدينها غصب وهيه بعدها تصارخ: خوووز عني .. مايد الله يخليييييك .. الله يخليييييك لاااء .. الا اماااايه دخييييلك .. غمظتني .. و الله عورني قلبي عليها .. لويت عليها بقو اونا اقول جريب من اذنها: خلاااص ... بس سكتي ... ردت تقول بوهن: مابااااا .... لااااء ... ابااا امايه .. خوزتني عنها وهيه تقول بصراخ ودمووعها اطييح: دخيييييييييييييلك لاااء .. ودني عندها .. كييف ،هيه اصلا ... شهقت بقو وهيه تمسح ويها: هب راااظيه عليييه .... هب رااااظيه عليييييه ... تمت تكررها ، عورني قلبي .. مسكت جتوفها وانا اقول بقو: الله يرحمها ... شما قولي لا إله إلا الله ... قوووولي لا إله إلا الله .. هزت راسها يمين ويساااار وهيه تحاول تلقط نفس ... يلستها على الارض وانا اخوز شعرها الطايح على ويها: بسم الله عليييج ... شما ... خلاااص بس .. شماااااا؟ ردت راسها على ورى وهيه تقول: اباااا اماااااااااااااااااااااااااااااااااااااااااااااياا ااااااااااااااااااااه .. اباااااها و الله ابااااااها! كانت تصيييييح بقو ..... دموعها اطييييح ورى بعض، جنها شلال ... خليتها تصيح على راااحتها ورمستها تقطع قلبي .. ردت تقول وهيه تمسك ياقة قميصي: اباااا اماايه ... و الله حرااااااااااااام .... طالعتها بحزن وانا اقول: الله يرحمها يا شما .... قولي إنا لله وإنا إليه راجعون .. شفتها تحط ايدينها على ويهها وهيه تكمل صياح: هب راااظيه علييييييييييييييه ..... هب راااااااااااااااااااظيه عليييييييييييييييييه .. . . سُولِفُوا تِـكْفُـونْ لَا عادْ تَسْكِتُـون قَبِلْ لَا أهُوجِـسْ ويَاتِينِـي بِـلَاي السِّكَـاتْ يـزوّد اطْعُونِـي اطْعُـون وتِنْكِسِرْ لَا جَا عَلى رَاسِي عصَـاي سُولِفُوا لَوْ مَـا بِغِيتُـوا تِسُولفُـون قَبِلْ لَا اقْعِد فِي الْحِزنْ رَايح ..وجَاي واضْحِكُوا لَوْ بِالْعِمَالَـه تَضْحِكُـون وجَامِلُونِي لَـوْ يِضَايقْكِـم احْكَـاي لِي وِلِيفِنْ رَاحْ جِعْلِـه مَـا يِهُـون هُــو دِوايْ ودَايْ..او دَايْ ودِوَاي |
رد: أوعدك ، لا توسدت التراب .. ما أبكيك!
الجــزء السابع عــشر .. | شما | نفس اليوم .. لندن 8 فالليل .. . . يَا هَـمْ تِـك ـفَى بَـعّـدْ ، عَ ـنْ سُوُر قَـ لْ ـبـي \ رُوُحْ .. يَا دَمْـع لَا مَا عَ ــاااااد ، فِ ـيني زِيَادَةْ | .. نُــ و,حْ! ، مديت إيدي و بندت الليت الي عدال الشبريه برجفه .. أحس بالبرد .. أحس بإن عظامي تون .. حتى صوتها أحسه يصك فأذونيه .. غمظت عيوني وانا أحس بأن حرارة الشمس فيهن .. غريب، كيف أحس بالبرد فكل جسمي، بس عيوني أحسهن يحرقني .. تلحفت باللحاف وانا اتساند على اليدار .. كنت يالسه ورى الشبرية .. و الحجرة مظلمة .. أحينه المغرب، و الجو هادي، مع ان المطر يصب صبيب برع .. حسيت بدمـعة حاره تنزل من عيني اليسار .. جفوني أحسها تحرقني .. و قلبي .. و روحي مـن قبلهم .. آآآخ يا فوادي كيف يعورني .. تكورت على نفسي وانا احس اني برد واصيح من اول ويديد .. بايدي الصغيرة الي ترتجف غطيت ثميه وانا ادمع .. دمعة ورى الثانيه ، وكل وحده تحرق فوادي أكثر عن الثانية .. شو أبا من الدنيا؟ .. قولولي بس.، شو هالشي الي بيخليني أتنفـس، فهالحياة .. من دون أم؟ كنت اصيح .. واقول ان الدنيا قاسيه يوم استوت سالفتيه ويا مايد .. واحينه؟ .. شو الي بيرد لي ظحكتي، شو الي بيرد لي راحتي .. حيـــاتي القبليه .... ؟؟؟ بس عطوني سبب واحد .. يخليني أرد وأتنفس براحه من يديد؟ شو هالشي بيقنعني .. اني اقدر اعيش حياتي من أول ويديد ... وانا اظحك .. اسولف .. واتمصخر او حتى أتـــــنفس؟! أمايه وتوفت .. راحت عن الدنيا .. خلتني وراها .. راااحت وهيه هب راظيه عليه .. شهقت بقو وانا اغطي ويهي وارتجف ... هب راظيه عليه .. يعني ، بدخل الناااااار ... يوم انه رضا الوالدين من رضا رب العالميين ... عيل أنا شوووووووووه!؟ أنا خلاص .. ما أقدر أستحمل أي شي .. أحس .. أحس اني صدق بـموت .. عظامي تعورني .. كل شي فيني يعورني .. رفعت راسي ببطء وانا اتنفس بقو .. ارد نفس ورى الثاني، بس مافيه فايده ... حطيت ايدي على صدري وانا اخوز فانيلة البيجامه عنيه .. خوزت اللحاف بايدي الثانيه .. وانا اتساند على الشبريه وأوقف .. بس ثــــواني و حسيت الدنيا ادور فيني وانا اطيح على الارض .. مادري شو استوى عليه ... بس الي اعرفه اني مافقدت الوعي ... سمعت صوت ظرب عالباب، كان الصوت عالي وايد لدرجة اني حسيته داخل مخي .. بعد دقايق خف! شفت ليت الحجرة ينفج .. و انا ارتجف .. راسي صاك القاع، و السيراميك باااارد موووت .. غمظت عيوني عسب ايطيحن الدموع عشان اقدر اشوف منوه هالي دخل .. راسي ثجيل و وااايد حار .. جفوني تعورني واحس فيها حراره..... حركت ايدي بتساند على الارض ...... بس عظامي ارتخت وردت ايدي اطيح عدالي! . . | مايد | . . وقفت الموتر عند العمارة و مديت ايدي وخذت المظلة ... تكنسلت رحلتنا بسبة الجو .. مطر ورياح وعواصف ... فتحت الباب و ظهرت بسرعه عن يدخل المطر للموتر ويخيسها .. ربعت صوب العمارة فالشارع الثاني، و دخلت .. بندت المظلة وحطيتها عند الريسيبشن .. بعد خمس دقايق كنت واقف فالممر ويا البشكارة .. قالتلي ان شما ماظهرت من حجرتها من البارحه المغرب .. وانها ماطاعت تفج الباب ولا تاكل شي .. سرت صوب حجرتها ودقيت الباب اكثر عن مره .. طبعًا ما زاقرت عليها لنها اذا عرفته انه انا .. ما بتسمع لي .. دقيت الباب وماردت .. و حسيت بخوف يوم تذكرت شكلها البارحه .. كانت منهاره بقو وتصيح .. دقيت مره ثانيه .. وحاولت افتحه بس ماشي فايده .. آخر شي تراجعت على ورى .. بكسره احسن .... لاتكون ذبحت عمرها ... مرتين بس وانفج الباب .. عفوًا انكســر! الحجرة كانت ظلام .. وبارده .. مديت ايدي وفتحت الليت .. دورت بعيوني عنها بس تروعت يوم شفت بس راسها ظاهر من ورى الشبريه .. كانت ترتجف بقو .. وفاتحه عيونها و الدموع شلال!! سرت صوبها بسرعه ووخيت عليها : شما ؟ .. شما شو بلاج؟! كنت أسألها وانا امد ايدي بشلها .. بس لسعتني حرارة جسمها .. خيييييييييييييبه .. هاي فيها حمى!! حسيت بعظامها مرتخيه وايد .. واول ماشليتها طاح راسها وهيه بعدها فاتحه عيونها .. يوم شفت شكلها جيه تروعت، قلت البنيه ماتت .. سدحتها على الشبريه وانا ايلس عدالها .. خوزت شعرها عن يبهتها وحطيت ايدي عليها ... لــحزن .. وايد مرتفعه حرارتها .. مايا فبالي دوى .. و لا مستشفى ولا طواري .. فبالي بس ان الحرارة شو يطيفيها غير الماي البارد؟ وخيت عليها بشلها مره ثانيه بس صدمني صوت ونّــها .. البنيه تون، جنها .. جنها بتموت! من دون تفكير شليتها ووديتها للحمام الي فالصاله .. حطيتها فالبانيو ومديت ايدي وشغلت الماي .. مسكت الرشاش بايد والايد الثانيه كنت حاطنها ورى ظهرها وميلسنها فالبانيو .. ماقدرت الا اني ايلس عدالها عشان ما اطيح .. خليته على البارد وصوبته على راسها .. سمعتها تشهق وهيه تلصق فيني وتبتعد عن الماي .. تقطع قلبي عليها .. شيئًا فشيئًا بدت تتعود على الماي وترجف .. حتى انا بديت ارجف من برودة الماي .. كانت متقبظه بصدر فانيلتي وبعدها تون .. لويت عليها بقو وانا أسمي فداخلي.. البنيه منهاره .. وفيها حمى وانا مخلنها اروحها! بعد اقل عن خمس دقايق حسيت انها بدت تسترخي او .. سكتت! .. بندت الماي ورفعتها شوي عسب اقدر اوقف .. عقب شليتها و .... طــــــــــــــــــــــاخ! آآآخ يا ظهري .. : mr maaaaaaaayeeeeeeed !!! غمظت عيوني بقو من الالم الي حسيت به وانا طايح على ارضية الحمام .. دخلت الحمام وانا متلبس نعالي، لا والارض خرسانه ماي وأنا اروحي خرسااان ماي ,,, واتزحلقت .. آآآآي !! طحت على ظهريه وشما طاحت فوقي .. كسرت لي ظلوووعي .. آآخ .. سمعت بغيم البشكارة و قلتلها: help me carry her .. يت بسرعه و ساندت شما الي شبه مغمي عليها .. وانا وقفت ببطء ... يااالله عوووونك .. ظهري تكسر .. تساندت على اليدار وظهرت من الحمام وراهن ، شفتها دخلتها الحجرة وانا وراهن .. طيحتها على الشبريه وظهرت وهيه تقول انها بتسوي شوربه .. فسخت انا الفانيله وبندت المكيف .. طالعت شكلها كيف طايحه لاحول لها ولا قوة .. سرت صوب الكبت بظهر الها ثياب .. بتمرض زياده لو خليتها متلبسه البيجامه الخرسانه .. طلعت بيجامه ثانيه ووقفت فوق راسها .. عقب فتحت عيوني باستعـــــجاب!! شوه بتغير الها بعد يا مايد؟ .. انزين وسبحتها؟ .. بس ... فريت البيجامه على الشبريه وطلعت بسرعه عن اغير رايي .. سرت المطبخ وقلت للبشكارة تغير الها وانا بسوي الشوربة .. كانت مسويه شوربة من نوع سريع التحضير، فسويتها وحطيت دبة ماي وياها وسرت صوبهن .. كانت تعقم الها عقم البيجامه وهيه مساندتنها على ظهر الشبريه .. حطيته على التسريحه، لاحظت اني مش متلبس الفانيله .. بتتخبل لو شافتني جيه ... سرت للصاله وخذت الجاكيت ولبسته وبندت العقم ماله .. كل هذا والبشكارة توها خلصت من تلبيسها .. قالتلي: .. do you want anything else? هزيت راسي بلاء ودخلت الحجرة .. كان راسها مايل وهيه مغمظه عيونها ولافه ايدينها على جسمها .. اتجدمت منها: شما؟ .. انتي واعيه؟ شفتها تحرك راسها ببطء وتعقد حياتها .. خذت صحن الشوربة ويلست عدالها على طرف الشبريه .. حطيته على الطاولة الي عدال الشبريه ومديت ايدي وخوزت شعرها عن ويها .. شكلها بعدها محمومه .. : شما ... شما تسمعيني؟ .. لازم تاكلين عسب تاخذين الدوا .. رفعت عيونها صوبي .. حسيت بالشفقه عليها يوم شفت الدموع اطيح بسرعه .. كنت حاط ايدي على خدها ومثبت قصتها بايدي .. عيوني فعيونها .. مديت ايدي الثانيه ومسكت راسها وانا اقول: تـعبانه؟ .. تبيني اوديج المستشفى؟ هزت راسها بلاء وغمظت عيونها وهيه تعظ على شفايفها .. يلست جدامها بالضبط وانا بعدني ماسك ويهها .. سمعت صوتها المبحوح: مـايـ...ـيد .. قلت من دون شعور: لــــبيه .. آمري؟ رفعت راسها صوبي وهيه تحط ايدينها على ايديه: أبــاها .. أبا أشوفها قبل .. قبل ما يـ..يـدفـ.. فـنو .. نـهـ ـ ـا! فز قلبي من رمستها .. حسيت بالحزن عليها ... دفنت ويهها فصدري وانا الوي عليها .. وهيه بدت تصيح ..... غمظت عيوني وانا الوي عليها بقو واتروح ريحة شعرها الخرسان .. كانت ترتجف وتصيح .. جسمها نحيف وصغيرون .. تقول ياهل! خليتها تصيح ليين ماهدت اروحها .. يالله يالدنيا كيف ... صدق الشاعر يوم قال: مَا عَادْ يَاسِعْ للـحِزن أيّ كِرَّاس، و مَا عَادْ قَلْبِي يِحْـتِمِلْ أيّ ظِيقَة! ابتعدت عني وهيه تمسح ويهها .. طالعتها بحنيه وانا امسح على شعرها: شما .. حطي الرحمن فصدرج .. وتوكلي عليه .. الله ما ينسى عبيده .... و امج الله يرحمها ... ادعيلها بالرحمه .. خوزت ايدي عنها وخذت الشوربة وجربتها منها وانا اقول: شما .. اشربي هالشوربة لين ما اييب الدوى من الصيدلية الي تحت .. قالت وهيه تتلحف: مـ..ـ ـ ـا بـ.. ـ ـ ـا! رفعت الخاشوقه صوب ثمها وانا اصر عليها: لا .. لازم تاكلين .. هزت راسها بلاء وهيه تتكور على نفسها: مابا و الله بزوعه كله! مش طايعه تاكل .. بس غصبتها تاكل كمن لقمه و ظهرت عنها بعد ماوصيت البشكارة عليها .. نزلت تحت بييب الدوى .. خذت ادول مال الحمى و بنادول وشراب فاتح للشهيه .. ورديت فوق .. لقيت البشكارة يالسه عدال الشبريه على الكرسي .. وقفت اول مادخلت: mr mayed, she vomited just after you lift .. سارت المطبخ وانا سرت صوب شما الي منسدحه على الشبريه ومتلحفه كلها .. هزيتها وانا ازقرها: شما ... نشي يالله يبت الدوا .. تحركت من مكانها وهيه تقول: خلني اروحي ... خوزت عنها اللحاف ويرييت ايدها : نشي يالله .. خذي الدوا وارقدي .. صليتي المغرب؟ هزت راسها بلاء وهيه تيلس .. حشا يا عظاامها شقا مرتخيه .. تقول لعبه! يلستها وانا امد الها الدوا .. شلته وشربته دفعه وحده .. وردت رقدت .. قلت بسرعه وانا اير عنها اللحاف: ايييه نشي صلي المغرب .. احينه بيأذن العشا .. قالت بغيظ: فـفـفـفففف ... وقفت وهيه تترنح ودخلت الحمام .. بعد ثواني طلعت وهيه متسانده على اليدار .. تميت اراقبها ، شلت لبس الصلاة من الكبت وتلبسته .. وشلت السياده من الكرسي المحطوط فزاوية الحجرة .. وفرشتها وبدت تصلي ... وقفت وطلعت من الحجرة .. بتصل على المها اخليها اطرش لي رقم واحد من خوان شما .. بما إن الساعه عندي 8 ونص فالليل .. فهم عندهم مممممممم .. 11 ونص .. يعني واعيه .. ردت عليه: هلااا والله .. يلست على الكرسي: هلابج زود .. شحالج المها؟ : الحمدلله بخير ... وانته شحالك؟ تنهدت وانا اقول: الحمدلله طيب ... اقولج .. سرتوا لقوم شما؟ قالت باستغراب: قوم شما؟ .. اها قصدك خطيبتك .. هيه تونا رادين ، بعدنا فالدرب .. ليش؟ : منوه موديكم؟ : مروان .. بعد منوه؟ .. شو تبا مايد؟! سمعت حشره عندها وصوت امايه تقول: هااتيييه برمسه .. بعد لحظات ياني صوت امايه: هلا فديتك .. ماخذت حجز؟ مسحت ويهي وانا ارد عليها: هيه حجزت .. بس الجو مطر و رياح .. أجلوا الرحله .. : اهاا .. ماعليه ان شاء الله باجر اتي .. خبرتهم انك مارمت اتي؟ قلتلها: لاء .. ارقامهم ظاعت عني .. هاي جذبه ثانيه .. ارقامهم متى كانت عندي أصلا؟ ردت عليه: ماعليه فديتك بطرشهم لك .. اتصل خبرهم ... بعد انا اليوم تخبرتهم عن شما .. قالوا بعدهم ماخبروها .. حليلها .. قلتلهم احينه امتحانات فلندن واكيد مشغوله فالدراسه .. الله يعيينهم .. كنت اتنفس بسرعه وانا اسمع رمستها .. فقلت بسرعه: وشو قالوا؟ قالت: ماشي فديتك .. احينه انته اتصل ... لاتخلي القصور اي من صوبنا .. يالله بخليك .. قلت بسرعه: لحظة .. عطيني رقمهم ... قالت: هيه بقول حق خوك يطرشه .. بندت عنها واترييت الرساله لين ماتوصل .. عقب قلت بتصل باجر .. احينه فالليل مش زين! . . اليوم الي عقبه .. الساعه 4 واربعين دقيقة العصر .. جميرا دبي .. بيت منصور بن غاشم! | مريم | . . يريته من ايده وانا اقول بعصبيه: يايين لين هنيه، وماتنزل تسلم بعد!! قال وهو يظرب ايدي الي ماسكتنه: فجيني انتي .. حشاااا ياللزقة .. ماحيد حد من هلنا فيه هاللي فيج .. فجيييني اقووووولج!! دخلته للصاله وقفلت الباب .. عقب فصخت النقاب وانا اقول: حياااك مبااارك .. اول مره ادش بيتي .. بس لحظة اتأكد ان فطيم هب هنيه! قال على طول وبصدمه: شوه!؟ .. انتي حد وياج هنيه؟! قلت بسرعه وانا اشوفه يفتح باب الصاله: تعاااال والله هيه قالتلي بتظهر .. انا بس أبا أتأكد! رد يقول: يالله انزين شو تتريين؟ سرت بسرعه ودقيت باب القسم مالهم بس لفتني سعديه وقالت: مافي مدام .. كلو روح .. قلتلها: انزين سعديه، سوي اقهوة وحطيها فالصاله الصغيرة .. بسرعه! هزت راسها وروحت وانا رديت لمبارك: الدار أمـــــان! يلسته فالصاله وقلتله بسير اتلبس وقايه وارد بسرعه ... فجيت عني العباه، وخذت شيلة بيت وسرتله .. قالي على طول: منوه يلعب سوني هنيه!؟؟ لفيت على المكان الي اشر فيه وظحكت: هههههههه منصور وعلي ولد سعيد! : اها ... و الله ريلج حركاااات .. ابتسمت بهدوء وانا اتذكر الي قررته اليوم .. قلت يوم ايي بيلس وياه جلسة صراحه واتخبره عن السالفه كلها، لني الصراحه حسيته سبب سخيف يخليني اظيق جييه .. المهم خلونا من هالسالفه الي لوعت لي بجبدي .. قلت لمبارك وانا اصب له اقهوة: بو مريوم .. ماقلتلي .. شو بتسوي؟! قال : ماشي .. شو بسوي بعد؟! قلت بسرعه وانا اييلس عدااله: انا بقولك شو تسوي .. طالعني بنظرة جان اظحك: ههههههه لا صدق هالمره .. بعدييين هييييج سالفه جديييييييييييييييييمه بتذلني عليها طول عمري! قال: و الله انتي وادرى ... عنبوووو ماتخيلين انتي تخطبين لي ربيعتج وانا آخر من يعلم!؟ .. لا وبعد قفطتج اونه ولد عميه محيرني!! ابتسمت باحراج وانا اقول: يالله عاااااااد برووووك ... و الله سوالف مراهقه!! : سوالف مراهقه قالتلي؟ .. ابوووويه هذا الا من 3 سنين .. تحيدين عمرج ياهل يوم انتي ام 20 ؟ لفيت عنه وقلت: خلااااااااص .. ذلييتيني تراك .. المهم احينه .. تربع على الغنفه وقال: يالله كلي آذان صاغيه ... ابتسمت وانا اقوله بهدوء: امايه قالتلي عن اسما .. وبعد عرفت شي ثاني! سكت عني ومارمس .. جان اكمل وانا العب فطرف الوقايه: من جريب رمسة اسما .. قالتلي عن سالفة الخطبه، و قالتلي بعد انها هب موافقه، و انـ... قطع رمستيه : نعم؟ .. هب موافقه؟ .. ابويه تقص عليج هاي .. انا اروحي مرمس راشد قالي موافقه!! قلت بسرعه: لا هب موافقه .. شوف .. تقول ابوها كان يباها حق ولد عمها، حتى من قبل لاتاخذها انته .. بس هيه وافقت و عرست .. المووووووووهيم! هز راسه باهتمام وانا اكمل: المهم انها احيييينه خالية البال .... و القلب! وابتسمت بقو وانا اكمل: وموافقه عليك تراها .. قالت ابو بنتيه مالي بد مـ... : كيف بعد موافقه عليه!؟ .. ليش انتـ... وقال بصرخه: لاتكووووووووووووونين رمستيييييييييييها؟! قلت بارتباك: بسم الله ... بلاك مبارك!؟؟ كمل بنفس الصوت العالي: رمسي مريوم؟! .. رمستيها ولا لاء؟ قلت بسرعه وارتباك: انا ما خطبتها خطبتها .. يعني قلت الها اذا ردج مبارك خويه بتوافقين؟ .. يعـ.. : مريوووووووووووم .... انتـ.... منوه سمح لج تسألينها .. ؟ أحينه هيه بتتحرا انه انا الي مطرشنج؟ قلت بسرعه وانا اوقف يوم هو وقف: مباااارك والله لاء .. اصبر انزين .. اقولك والله ماقلت لها شي، بس تخبرتها ..! طالعني بنظرة قهر وقال: ها الا شرات سالفتج القبليه .. مالت على هالويه!!!! نزلت راسي وانا اقول باحراج: سوري .. سكتنا فتره ... انا العب فالوقايه، ومبارك حاط ايده على خده ويفكر .. ماحسينا الا بباب الصاله ينفج .. قال مبارك: خبرتي حرمة سعيد اني هينه؟! قلت وانا اوقف: هيه .. بسير اطالع منوه يا .. اول ماتحركت دخل منصور .. وقف عند الباب وهو بعده متلبس نظارته الشمسيه، طالعت لبسه ، كان متلبس جنز وفانيله زرقا .. شكله كان يلعب رياضه .. وقف مبارك ومنصور يقول بترحاب: مرحباااا السااااااااااع والله .. حيّه بوحمد .. مرحبااا .. تجدم منه مبارك وسلم عليه: مرحبابك زود بو غاشم .. شحالك؟ .. منصور: طيب طاب حالك ... علومكم انتوا؟ .. وشحال هلك؟ .. ربهم مايشكون باس؟ وقفت بعيد عنهم وانا اسمعهم يسلمون .. واستحيييت اسلم عليه الصراحه ومبارك موجود ، فأشرت بايدي من بعيد: هلا منصور .. شحالك؟! نزل نظارته وطالعني بنظرة، عرفت شومعناتها وقال ببرود: هلابج زود بنت سلطان .. بخير طال عمرج .. وانتي؟! رديت عليه وانا امشي صوبهم: الحمدلله ... ياي من النادي؟! هز راسه بهيه وقال لمبارك: حيااااك بوحمد .. اسمحلي بسير ابدل وارد لك .. قال مبارك: مسمووح الغالي .. بس بسير انا .. ورايه درب .. يالله نسلم عليكم .. قلت انا ومنصور فنفس الوقت: لا شووووه تسير .. يالسيييين يارياااال! طالعته باحراج ومبارك يظحك .. جان يقول منصور: ختك تقلدني فكل شي، حتى رمستيه!! قال مبارك: هههههههه فديييت ختيه والله .. وكمل: يالله سمحولي ماروم اتم زياده .. سلم عليه منصور وسرت انا وهو لين برع .. قالي قبل مايركب موتره: تراني بعدني ماقلت شي عن رمستج الماصخه ... قلت بسرعه: برووووك فدييييييييييييتك و الله مابتلقا وحده شراتها .. بعديين حرام مريوم تتلته امبينكم .. و الله السالفه سهله مادري شعنه انته مكبرنها .. قالي وهو يركب: رامسين بعدنا .. يالله سلااام .. دشي داخل يالله الباب مشرع انتي وهالكشه! رفعت ايدي بسرعه وانا اقول باستغراب: اي كشه؟ .. اشر بايده وظهر من الحوي .. تنهدت أنا بهدوء ورديت للبيت .. الله يعيييين من هالهدوء الي يلفك يا منصور! دخلت وبندت الباب ورايه .. سمعت أصوات الصحون فالمطبخ على يميني، شكلها البشكارة تغسل الصحون ... يلست فالصاله وانا افكر ... ياربي شو اقوله؟ ... وقفت بسرعه وانا اقول: احسن شي اخلي الرمسه اتي اروحها! : اي رمسه؟ شهقت وانا ارفع راسي واطالعه ... كان واقف عند الباب يعقم كندورته .. رد يقول: مارديتي؟ قلت بارتباك: أ .. ماشي ... كنت اقول ... وسكت بارتباك زايد .. شفته يدخل ويوقف جدامي، جان يوخي ويخاشمني ويحط ايده على جتفي وانا فاجه حلجي .. قادني لين الغنفات ويلسني وياه .. قال : القاااج ساكته؟! .. جنج مش من يومين محد!! مد ايده الثانيه وصب له كوب عصير برتغال و رد ييلس زين .. بلعت ريجي وانا احس بايده ثجيله .. قلت بعد فتره: شحالك؟ قال: بخير .. وانتي؟ قلت وانا اتملص من ايده: الحمدلله .. منصور .. طالعته وهو يرد عليه: هاه؟ .. قلت على طول: ليش طلقت المها بنت عمك؟ . . نفس اللحظة .. | منصور | . . شرقت بالعصير الي كنت اشربه وتمييت اكح واكح ... مدت لي مريم كوب ماي شربت شويه منه ورديت على الطاولة وانا اتنفس بعمق .. مسحت عيوني الي دمعن وانا اقول بصوت مبحوح: شوه .. شوقلتي؟ ردت تقول وهيه واقفه جدامي: قلت ليش طلقت بنت عمك؟ .. المها؟! رفعت راسي بصدمه صوبها ...... كيف عرفت؟ .. منوه خبرها؟ .. ومنوه قالها عن السالفه اصلا؟ عقدت حياتي وانا اقول: انتي عن شو ترمسين؟ طالعتني بنظرة بارده وقالت : منصور ... ماله داعي تلف وادور على السالفه .. عرفت من زماان انا .. رديت اقولها: اي سالفه؟ .. وبعدين ليش واقفه جيه فوق راسي .. يلسي! طالعتني وهيه رافعه حايب ويلست عدالي .. لفيت عليها يوم قالت: سمعت فاطمة حرمة سعيد خوك ترمس .... ويا المها .. وعرفت السالفه كلها! .... عقب قالت وهيه تعقد حياتها: ليش منصور؟ .. شو السبب الي يخليك ماتخبرنا؟ .. انزين حتى لو نحن مابنوافق عليك .. يحق لنا نعرف عنك كل شي .... ليش؟ سكت عنها وانا بعدني مصدوم ...... مريم: ليش ماخبرتنا؟ .. تعرف .. طالعتها وهيه اطالعني بنظرة حزينه: يوم عقيت الياهل .. حسيت بالحزن وظيجه صابتني .. وانته ادرى بالحال الي كنت فيها ..بس .. حسيت بانك تخون ثقتنا فيك، يوم سمعت رمسة فطيم ... وكملت وهيه ترفع عيونها الي بدت ادمع للسقف: تعرف شو كانت تقول؟ .. كانت تقول بكل ثقة " منصور مايحب غيرج يالغبيه .. و مريم ماتعرف انج كنتي حرمة منصور .. ولاتعرف انج السبب فعلاقته ويا ابوه ... و لا حتى بيطري فبالها ..! ".. انصـــــدمت من كم المعلومات الي تعرف ........ شو بقولها احينه؟! شو أقولها بس ...! قلتلها: ومن متى تعرفين؟ قالت بغبنه: من متى أعرف؟ .. بس .. هذا الي بتقوله؟ .. ماعندك تبرير؟ .. ماعندك أسباب مقنعه؟ .. ماعندك شي تقوله .. غير : وقلدتني بالرمسه: ومن متى تعرفين؟! .... وقفت بسرعه وهيه تمسح دموعها: تعرف .. انا عمري ماتوقعت اني بعرس بهالطريقة ... ولا فاحلامي .. من رمسة عميه ومن سوالف الكبار .. عرفت اني مستحيل اطلع من العايله .. ويا اني باخذ سلطان ولد عميه .. او اي حد من هلنا ... بس .. اني اعرس بواحد مايجربلنا شي .. وفدبي هب العين .. شي فاق تخيلاتي .. وقفت وياها وانا اقول: مريم .. مش لازم هالرمسه كلـ.. قطعت رمستيه وهيه تكمل بصراخ: لا خليني ارمس .. خلني اقول شي من الي فخاطريه ... ماايحق لك تغبي عني شي مثل هذا .. و سالفة انك تحبها .. مايخصني فيكم .. حبها واشبع فيها .. بس كرامتي ماتسمح لي أسكت وانا اشوف هالمهزله ..و المها تنغزني بالرمسه من عرست .. طالعتها بعصبيه وانا امسك ايدينها: مريم ... لاتصارخيين فويهي . خوزت ايديه عنها وقالت: احيييينه تقولي .. ليش طلقت المها؟ .. و ليش فطيم تقول انك تحبها؟! .. وشو هيه السالفه الي امبينك وامبين ابوك .. وكملت باستهزاء: الي ماشفته غير مرتين من خذتك!! حكمت أعصابي عن أعطيها طراق وانا اقول بصوت عالي: مابرد عليج لين تسكتين وتستحين على ويهج! شفتها تيلس وتحط ريل على ريل وتمسح ويهها وتقول بهدوء ظاهري: ويلسنا .. يالله قول؟ مسحت انا ويههي وقلت: مـريم .. السـ... : السلام عليكم .. لفيت بسرعه على صوت فاطمة حرمة سعيد خويه .. وانصدمت من صوت مريم تقول بسخريه: كملت .. يت الراس العود! رديت اطالعها وانا اقول بصوت عالي: مريم ... قالت فاطمة وهيه تدخل: شو السالفه؟ وقفت مريم وسارت صوبها وقالت بصوت عالي: يالله يالبرنسيسه .. سوي عمرج وحده طيبه واخدعي أخو ريلج شرات ماخدعتيني .. مسكت راسي يوم قالت فاطمة بعصبيه: شو هالرمسه يا مريم.؟؟ شو السالفه؟ قالت مريم وهيه تلوح بايديها بطريقة استفزازية: هيه هيه ... شوفوا البراءة ...... مرررره ماااااياج الشر! .. وفجأة جلبت ملامحها وغدت تخوف وهيه تقول بعصبيه وصوت عالي: مريم غبيه وعلى نياتها.. وماتعرف شي عنج ولا عن منصور ....... امنوه الي قال هالرمسه؟! وكملت وهيه تأشر على فاطمة الي ابتعدت شويه: هب انتي ؟... وتسوين عمرج تحبيني وتسولفين ويايه .. وييييين هالمحبه يوم انج جيه تقولين من ورايه؟! .. مسكت جتوف مريم وانا اقول بعصبيه وصوت عالي: باااااااااااس ... اسكتي يامريم بـ... قطعت رمستيه فاطمة وهيه تقول ببرود: هيه انا الي قلت .. وبعدين؟! .. مايبتي شي يديد؟ .. واذا انا الي قلت؟ .. شي استوابج؟! فتحت عيوني يوم سمعت رمستها ...... ردت مريم تقول بعصبيه وهيه تتملص منيه: اهاااا .. طلعيه طلعيييه الويه الثاااااني .... خبري منصور منوه الي خبرني انه كان ماخذ المها قبلي ... قوليله انج انتي الي ترمسين من ورى الناااااس برمسه ثاااانيه .. قوليله انج ثـــــعبااااااااااااان من تحت لتـــحت!! قالت فاطمة بعصبيه هيه الثانيه وانا بس اسمع الهن: جااااب .. منوه تتحرين عمرج انتي؟ .. انتي ولااااااشي بالنسبه للمها .. انتي اصلا بس وحده بتيييب ياااهل لمنصور وبيطلقها وخلااااااص .. عقب بيرد للمها .. حرمته الاصليه وبنت عمه ... سمعتي يالـ...... واونج معصبه على عسبة اني قلت ان منصور يحب المها .. ماقلت شي من عندي .. تراه هذا هو الصدق!!! وقفت امبينهن وانا اقول: باااااااااااااااس يااااافااطمة .. وانتي مريـ... قاطعتني مريم وهيه تلف صوب فاطمة وتقول بصوت عالي وغريب على مريم الهاديه الي اعرفها .. صوت اقل ما اقول عنه وحده همجيه: انتي الي منوه تتحرين عمرج يالخاااااااااااايسه .. كيف تسمحين لنفس جيه تقولين ....... استحي على ويـ.. ماحسيت بعمريه يوم رفعت ايدي وعطيت مريم طراق وانا اصارخ: باااااااااااااااااااااس اقوووووووووولج ... طالعتها وهيه تترنح وتبتعد عني وهيه فاتحه عيونها ... شهقت فاطمة وهيه تقول بصدمه: منصوووور .. نفخت بقهر وعصبيه من الي سويته بس مابينت وانا اصارخ عليهن: استحن على ويوووووهكن .. حريم بطول اليدار وتصارخن جيه!؟ .. عنبووووو حشمن اني واقف امبينكن على االاقل! : تظربني؟ ... تظربني انا بنت سلطااااان؟! طالعت مريم الي قالت وهيه تصيح: أنااا .. تظربني عشاااانهاااا؟! .. تظربني يا منصور؟ قلت بنفس العصبيه: لنج ماتسمعييين الرمسه ... يوم اقولج سكتي يعني سكتي ... رمشت اكثر عن مره وهيه تقول بصوت كسير وواطي: تظربني عشاني ماسكت؟! .. عيل يوم اصيع شو بتسوي؟! .... رصيت بايدي بقو وانا اقول: سويها وذيج الساعه شوفي شو بسوي ... خوزت ايدها عن خدها الي احمر وهيه تقول: انزين ... ماعليه .. خل سوالفك لنفسك .. خطفت من عدالي وسارت للمر المؤدي لقسمنا .... تنهدت انا بقو ويلست على الكرسي وانا قابظ راسي ... لا حول ولا قوة الا بالله ... شو هالمصايب الي اطيح عليه من كل صوب .. اول شي البنك الي اكتشفت فيه قضية اختلاس .. و احيييينه مريم وسالفة المها .... يعلج يالمها جااانج بتخربين حياااتي حتى وانتي ظاهره منها!! . . بعد ساعه وعشر دقايق .. | عيد | . . : يالله تعالي .. بندت عن مريم وانا واقف عند باب موتريه واترياها فحوي بيتهم فدبي .. الساعه 6 ونص المغرب ,, شفتها تطلع من البيت شاله فايدها شنطة متوسطة الحجم ... سرت صوبها وشليتها عنها و هيه ساكته .. حطيتها فالدبه و ركبت عدالها .. شغلت الموتر وريوست، وفآخر لحظة وقفت قبل ما أدعم منصور الي كان ياي من المسيد الي عدال بيتهم .. قلت لمريم: ريلج يا ... سكتي انا برمسه! طالعته بطرف عيني وانا افتح الدريشه .. بس هو عطاني بو لبااااس وسار صوب باب مريم وفتحه بعصبيه وقال: منووووووه سمح لج تظهرين من البيت ؟ .. وكمل بصراخ: ومن دوووون علمي؟! نزلت من الموتر بسرعه وسرت صوبه وانا اسمع مريم تصيح وتصارخ عليه: انته ماااااايخصك فيني .. يوم تحييييد عمرك رياااااال تعال تخبرني لمنوه رديت الشور .. يوم قالت جيه تخبل منصور وحسيته شوي ويذبحها لو ما أنا مسكته: سم بالرحمن يا منصور .. وخوز عن الدرب .. طالعني بعصبيه وهو يصارخ: انته تسمعها ختك شووووو تقوووووووووول؟! ولف على مريم وهو يوخي عليها ويمسك ايدها: ريال غصبن عن شكلج ياااااااااابنت سلطاااااااااان .. انزلي بالطيب أحسن لج ... كانت مريم تصييييح وهيه تصارخ وتخوز ايده عنها: عيييييييييييييييييييييييد خوووزه عنيييه!!! بالموت وقفت امبينهم وانا اخوزه عنها واصارخ فويهه: بااااااااااااس منصووووور .. عنبوو بتظربها وانا واقف ؟! عيونه حمر وايده الثانيه قابظنها بالقو ... طالعته بتحدي وانا قلبي يرقع رقع ... آخر مره حايزت امبين اثنيييين ....... راحَــــت فيها روح!! ابتعد عنا وهو يقول: وينه مذهبكم الي فرحانين به يوم انك تحد ختك على عصيان رمستي؟ مارديت عليه وانا ابند باب مريم واسير بسرعه اركب واظهر من بيتهم ... أول ما ابتعدنا عن شعبيتهم انفجرت مريم تصيح وتصارخ: ظربني .. ظربني الخاااااااااايس ... ظربني عسبة وحده خااايسه شراته ... وكملت وهيه تمسح ويهها وتوترني وياها: تخيل يا عييييد؟ .. كان معرس قبلي من بنت عمه ... و يوم تخبرته ظربني ... يقولك .. يقولك ظربني عسبة اني ما سكت .... انا ... انا مريم بنت سلطاااااااان يظربني هـــــذاااا!! قلت بارتباك وانا آخذ درب دبي العين: مريوم فديتج توتريني جي .... تمت تصيح وتصيح و عورني قلبي عليها ... قلتلها: فديتج مريوم خلاااص ... خليه عنج هذا مايستاهل دمعه من عيونج! قالت بغبنه: لييييييش يعني؟! .. لنه ماورايه ابو؟! ..... وكملت بعصبيه: جانه يتحرا اني بصيحه يخسي و الله ... الله يخلي خواني الواحد منهم شرات ابوووويه .. وردت تقول بصوت واطي: ماالت عليييه ... وماااالت عليييه أنا الغبية الي أحــبه! ، بعد ساعه ونص كنا موقفين عند الشيشة الي فدوار شعبيتنا .. وشفت موتر حمد هناك ... مانزلت عن يسويلي سالفه احينه ... بس خاب توقعي يوم وقف موتره عدالي وفتح دريشته: عيووووووووود ... وين ابها؟! فتحت الدريشه وانا اقوله: هنيييه .. بعبي بترول وبرد ... شي تبا؟! هز راسه بلاء وبند الدريشه .. تنفست بعمق وانا اشوفه يمشي جدامي .. دفعت لراعي الشيشه وسرت بيتنا ... اول ما وصلت وصل هو ورايه .. قلت لمريم: حمد ورانا .. بتخبرينهم؟! قالت على طول: و الله اخبرهم .. ويخسي أرد له! نزلت من الموتر وانا نزلت وراها .. قال حمد: مريم؟ ..... خير ان شاء الله؟ .. هب جنه مبارك وصلج قبـ... كمل بصدمه: ليش تصيحين؟ قلتلهم على طول: دشوا داخل اول شي .. عقب تخبروا شو السالفه! دخلنا داخل ومريم تقول: وين عبدالله!؟ : مريووووم ؟! لفينا على مبارك الي كان يالس فالصاله: بسم الله ... من وين ظاهره انتي؟ ثواني ومسكت راسي بصدمه وانا اشوف امايه اتي من المطبخ .. و عبدالله يظهر من الميلس بعد ما سمع البغيم .. و حمد شوي وينفجر .. خبرتهم بكل شي .. وأنا توني استوعب انه منـــــصور .. ظرب اختيه الوحيده! . . نفس اليوم .. فالليل .. الساعه 2 وخمسين دقيقة! | غايه | . . آآآآآخ .. ظهري .. يلست ببطء وانا اغمظ عيوني من الألم ...... ماكان جيه عقب العشا .. لفيت على ناصر بوعيه بس ياني ألم خلاني أصارخ: آآآآآآآي ... نااااااصر .. فز من رقاده ويلس بسرعه: بسم الله ؟ .. شوه شوه؟ .. بلاج؟ حسيت عمري بموت وانا احس اني بربي .. حشا ماياني جيه يوم يبت عذوب .. غمظت عيوني بقو يوم تذكرتها .. آآآآي .. تجرب منيه ناصر وهو يحط ايده على جتفي: تبين نسير المستشفى؟! هزيت راسي بهيه وانا أقول بصعوبة: هيه هيه .. آآآآآآخ ناصر بطني .. ! قال وهو ينقز ويربع صوب حجرة الملابس: بييب عباتج ... تحركت ببطء وانا اتنفس بسرعه .. نزلت من الشبريه ووقفت على طلوع ناصر من الحجرة متلبس كندورة .. عطاني العباة تلبستها وانا ااشر على الشنطة الي كنت مجهزتنها: نااصر .. الشنـ..ـنطة! حسيت بألم فظييع فوخيت وتساندت على اركبي وانا اعظ على شفايفي بقو من شدة الألم ..حسيت بايدين ناصر تصلبني بقو وهو يقول: يالله تعالي .. مشينا شوي شوي والألم كل ماله ويزيد .. انا كنت حاسه انه الالم اليوم هب طبيعي .. بس قلت اذا اشتد بسير ... بس .. هب جيه عنبو! فالموتر كل شوي اصارخ على ناصر حليله ... والحمدلله وصلنا المستشفى بأمان .. على طول ودوني صوب الولاده .. ساعتين ...... و أنا أصارخ ألم لا يوووصف ... ماحيد اني تعبت جيه يوم عذوب .. يااااالله عونك ...! . . | ناصر | . . مسحت على ويهي بارتباك وانا امشي ساير راد جدام حجرة العمليات .. يالله انك تيسر الها ... قلبي يدق دق .. اخاف شي يستويلها ويظيع الياهل مثل ماظاعت قبله عذابه .. اتصلت مره ثانيه على منايه الي مادري شوبلاها ماترد .. تنفست بعمق وانا اغمظ عيوني ... ان شاء الله تتيسر الولاده وتييب ولد .... يارب! وقفت بسرعه يوم طلعت النيرس ووياها دكتورة .. قالت على طول: استاز .. زوجتك كتير تعبانه .. فلازم نعمل الها قيصريه .. تعا منشان توقع على الاوراق! انصدمت من رمستها: شوه؟! قالت بسرعه وهيه تمد الي الاوراق الي يابتهم النيرس: مافيه وقت .. هيا تعبت والآلام بتزيد عليها .. لازم عمليه .. وقع بليز! وقعت الاوراق وانا ادعي ربي ييسر الها .. بعد دقايق صاح تليفوني رديت بسرعه يوم شفت رقم منايه: هلا .. منى اسمعي .. لا الحمدلله بخير .. اقولج انا فالمستشفى ويا غايه .. هيه بتربي .. خبري امايه وتعالوا .. لا .. مااااعرف قالوا عمليه لازم! .. لا ان شاء الله خير .. يالله مع السلامه! بندت عنها وانا ايلس على الكرسي بعد مادخلن النيرس والدكتورة مره ثانيه .. يالله انك تيسر الها! ابطوا عليه ... ساعتين احينه ... سمعت صوت الامام يقيم، و ماهان عليه اخليها اروحها، بس شفت منى ووياها امايه وخويه أحمد .. وقفت بسرعه وانا اقولهن: بعدهن داخل .. انا بسير اصلي وارد! قالت امايه على طول: وليش عمليه؟ .. ماشاء الله غايه مابلاها شي؟! مسحت ويهي وانا اقول: ماعرف يا اميييه ماعرف .. انا بسير اصلي انتن تمن هنيه لين مايطلعون .. خطفت عنهن وأحمد يقول: شلني وياك .. قالي وانحن فالدرب: ماقالولكم جانه بنت ولا ولد؟! قلتله وانحن نظهر من المستشفى: لاء .. ان شاء الله ولد! قال على طول: ليش؟ .. البنات احلى!! قلت من دون شعور وانحن ندخل المسيد المرفق ويا المستشفى: هيه عشان تموت شرات عذوب! كملت مشي لـ...، بس وقفت ولفيت على أحمد الي وقف ونزل راسه .. مديت ايدي ومسكت ايده و يريته يوقف عدالي يوم صلى الامام وانا اقول : بوشهاب ... انته مايخصك فالسالفه ... صل وادعي انه البنت اتي بالسلامه .. . . . . اليوم الثاني .. الساعه 3 الفجر .. طرقات لندن .. | مايد | . . I walk a lonely road Never shall I return Am I too young to carry this load? I still have much to learn I search far and wide to find what I seek I need you by my side I am still too weak I walk a lonely road never shall I return Am I too young to carry this load? I still have much to learn And when this task is done Where than shall I go? What I shall find there I do not know But as for the past there is only one I walk a lonely road Soon I shall return I'm not too young to carry this load But I still have much to learn خوزت سماعات الآي بود عن اذنيه وانا اربع فالحديقة الي عدال الفندق الي ساكن فيه احينه .. كان الوقت جريب الفير وماقدرت ارقد فقلت اسوي رياضة ، مع اني هامل جسمي هالايام وماقمت اسير للجيم .. وشو السبب ثركم؟! .. الا شما السكنيه!! تذكرت شكلها يوم سرت عنها .. كانت راقده وصوت تنفسها واضح .. خبرت البشكارة تخليها تشرب الدوا عالساعه 1 فالليل .. يسدها ست ساعات دام حرارتها مرتفعه .. وانا يوم سرت عنها كانت حرارتها نازلة الحمدلله .. يعني احينه تكون غدت احســن .. وقفت ارد نصخي شويه وفراسي مليون الف فكره .. بعدني بسير الصبح اقولها عن الرحله .. الي خلوها اليوم الساعه 1 الظهر .. ..و الحمدلله الحجز وغيرناه .. خليته 20 -3 . وبعد مووووت، مع انه كان محجوز لعرس .. بس تكنسل فآخر لحظة .. الحمدلله ربي انقذني .. ورمست مروان وهادي خواني يطالعون الترتيبات وماقصروا يعلني ماذوق حزنهم .. و قسمي الي بسويه فالبيت تكفل به ابويه .. باقي تجهيزاتي انا .. مع انه مافيه شي، بس ابا اشتري كمن شغله .. وجهاز العروس كله عليه انا .. من وإلى .. يعني الملجه لازم نسويها فبيتهم، و جهاز العروس لازم يكون زاهب عسب الحريم اين يشوفنه ... وأنا واحد طول عمري عايش عزوبي، ماعرف شغلات الحريم .. اللهم لبس وثياب وخياطه وبس ، وهذا وخلصته وافتكيييييت .. الشنط بينشحنن ويانا فنفس الرحله .. وبطرشهن صوب بيت المزرعة الي فليوا .. حتى فكرت ارمس المها ختيه، بس هاي بتسويلي محضر، وبتتخبرني ليش هلها مايسوونه .. يالله ... الله ييسر الأمور وتتحسن .. احينه عقب ما اخلص ربعان، و يوم تكون الساعه 6 بتصل فسلطان خو شما .. الي حتى ماكنت اعرف انه موجود .. المهم، بتكون عندهم الساعه 9 او عشر .. وبتفاهم وياه .. وبقوله عن سالفة الجهاز، عسب يشله وماتسويلي امايه سالفه يوم تعرف اني حطيته فالمزرعه .. رديت احط السماعه واسمع اغاني وانا اكمل ربعان ... بعد دقايق كانت الساعه 4 ونص، و فجأة صب مطر بااااااااااااارد! كملت ربعان لين ماوصلت بوابة الفندق، دخلت بسرعه وانا احس جسمي يعورني .. ركبت بسرعه وسرت قسمي .. وبعد ساعه كنت منسدح على الشبريه افكر، الحمدلله تسبحت وصليت، احينه ابا ارقد بس هب قادر .. الساعه يت 6 وشوي .. .. تعباااااااااااان ماروم اتصل احينه ... برقدلي ساعه ، وخلاف بتصل فسلطان .. مديت ايدي بحط منبه فالتيليفون عسب انش واقظي شي من شغلي، عندي شهرين الا عشر ايام بس! اول ماحطيت ايدي عليه صااح .. طالعت الرقم باستغراب، محد يعرف رقميه هنيه .. منوه متصل! فجيت عيوني يوم شفت مكتوب: السـكنيه! رديت على طول وانا اتخيل شكلها ذابحه عمرها! .. لحظة، إذا كانت ذابحه عمرها كيف بتتصل؟! فز قلبي يوم سمعتها تصيح وتقول: احيييييييييييينه اتي تشلني .. مابا مابا اتم هنييه اروحي! عقدت حياتي وقلت باستغراب: شما ؟! .. بلاج؟!.. : مااااااااااااااااااباااااااا اقوووولك احيينه تشلني .... وكملت بصوت واطي: أنا خايــــفه! بلعت ريجي ورديت بهدوء: شما .. شما سمعيني ....! ردت عليه بنفس الصوت المبحوح: مايد أنا وايد خايـــفه! وااااايه فوااادي، اسمعوا كيف تقول اسمي .... لا وبعد تقولي خايفه .. انا ماتحمل جيه الصراحه .. بس خوزت عني هالافكار الخايسه ورديت بجديه: خايفه من شوه؟! قالت بسرعه: كل شي ... قلتلها بهدوء: شما سمعيني ... اقري المعوذات ووطي راسج عالمخده .. وسمي بالله وارقدي .. انا بيييج الصبح ان شاء الله! وكملت وانا اوطي حسي: انزين؟! .. سكت فتره ... كنت اسمع نفسها العالي والسريع ..... انا قلتلكم هاي البنيه بتذبحني .... : انا ما جد رقدت برع البيت .. احينه مره وحده ارقد فقاره ثاااانيه ؟؟!! ، وبروووحي ؟!؟ وردت تصيح ..... لا حول ولا قوة الا بالله ..: شما خلااص عاااااد .. شو ياهل!؟ .. مادري ليش ارمسها بهالطريقه، يعني المفترض اكون عصبي وياها او اكرهها .. بس الغريب فالسالفه اني مش حاس بأي شي صوبها .. غير القهر .. قالت: انزين ...... تنفست الصعداء .. قلتلها بابتسامه: هاي الرمسه السنعه .. مش ياهل انتي و بـ.... قطعت رمستي وهيه تقول بصوت بارد .. حسيته خشن ومايلبق الها: انا اكرهك ..... فتحت عيوني على وسعهن وانا اسكت مره وحده ..... عقب صارخت يوم عرفت شو اييبها: يالحقييييييييييييييييييره .. عقب كل هذا تقولين اكرهك!؟ ... وكملت بعصبيه وانا احس اعصابي تحترق: صدق انج وحده خايسه وراعية شباب ....... بندت فويها ..... شو هالبينه هاي؟! .. وتقولي انا ماسويت شي!؟ عيل شو هالحركات ...! وطيت راسي على المخده وانا بموووت من القهر ... غربلاااااااااااااااتها يااااربي اشو هالبنيه!؟ . . |
رد: أوعدك ، لا توسدت التراب .. ما أبكيك!
الجزء الثامن عشر .. . . | عبدالله | . . : مريم .. اقصري الشر وتعالي ويايه .. هزت راسها بقو وقالت بعصبيه وهيه توقف: عبدالله؟ .. انته احينه ويا امنوه؟! أنا ولا هالـ.. قطعت كلامها بغضب: ان سبيتيه جدامي مره ثانيه والله مااييج طيب ,, تسمعين يا بنت ابويه؟! نزلت راسها ولارمست .. بندت الباب ورايه بقو وسرت للميلس .. فتحت الباب ودخلت .. كان منصور يالس واول مادخلت وقف .. طالعته بصرامه وانااقول: عطيتك ختيه وانا واثق انها بتعيش مرتاحه .. بس انته ماقدرت هالعطيه ، وللأسف الشديد اكتشفت انك هب قد هالثقه! كملت بهدوء وانا اطالع عيونه: اسمحلي .. مريم هب طايعه ترمسك .. وكملت وانا ايلس واخليه واقف: تراك تعديت حدودك وظربتها .. أنا صح سكت عن السالفه وقلت توكم فبداية حياتكم ولازم تمرون بمشاكل .. بس انك تظربها شي خارج عن حدودك ... الله يقدم الي فيه الخير يابوغاشم .. لكن مريم مابتظهر لك الليله! اتجدم هو من باب الميلس وقال: فمان الكريم .. قبل لايظهر انفج الباب ودخل منه حمد ... الي طالعه بعصبيه وخطف من عداله .. تنفست بقو يوم منصور ظهر وحمد يقول: ليش ياي هذا؟! طالعته باستهزاء وانا اقول: يباني ابيع له موتريه .. شو الراي؟! رفع حوايبه عقب ظحك وهو يقول: تنكت بوحميد؟! .. المهم .. جلب ملامحه للجديه وهو يوخي عليه: خبرت عميه؟! هزيت راسي بلاء: طبعاً لاء .. شو تباني اقوله وهم اروحهم فحاله .. الله المستعان بس ولاتقسي اختك راسها .. قال بعصبيه: يحق الها .. مايحشم هاذا ساطعنها طراق .. لاوكان معرس بـ.. قطعت رمسته وانا اقول بصوت عالي: كاااااااااااااااان .. انته اروحك قلتها ... كااان يا حمد يعني انحن ما يخصنا فماضيه .. اشرت على الدله الموطايه وانا اقوله: صب لي اقهوة .. وقف حمد وانا اقول: وحمد .. طالعني وهو يرفع الدله، فقلتله بقوة وانا ارص على رمستيه: بنت عمك تحشمها دامها على ذمتك .. و لا يوم انك ماحشمتها اللحية الي على ويهك،احشم انك ولد سلطان بن عيد .. قال بدهشه: جيه شو سويت انا؟ .. ماسويت شي؟! قلت بعصبيه وانا آخذ عنه الفنيال: رمسة آخر الليل وتقردين بنات العرب هب في صالحك .. خل عنك هالسوالف وانتبه لنفسك .. طالعني بصدمه و قال: أنا؟ قلت و انا ارد عليه الفنيال: لا أنا !!....... لا تسوي عمرك غشيم .. تراني اعرف كل صغيرة وكبيرة فهالبيت .. وهب انك فحجرتك وبين اربع يدران يعني اني ماعرف انته شو تسوي! شفت ويهه كيف تيمع الدم فيه و عقد حياته .. ثم قال بصوت عصبي: عبدالله انا هب ياهل جيه ترمسني .. بعدين تربيتك،هب انا الي امشي ورى هالسوالف! وقفت وانا اقول بحده: عيل وين بايت البارحه؟! فتح عيونه بدهشه وسكت .. قلتله: تتحر اني ماعرف .. وين بايت؟ قال بهدوء: سهران ويا الربع .. وييت عالفير .. رفعت حايبي وانا اقول بنفس النبرة: وليش ماتقول؟ .. تراك هب عايش اروحك .. قال وهو يتجدم منيه: السموحه منك بوحميد .. تطاول لين حب راسي وقال وهو موطي راسه: آخر مره أبات برع البيت .. ابتسمت وانا اظربه على جتفه: منوه قالك تحب راسي؟ .. شو شايفنيه شيبه؟! رفع راسه وقال باستغراب: ياخي انته مانعرفلك .... مره معصب مره هادي مره ... ماعرف شوه! حطيت ايدي على جتفه وانا اقول: حمد .. تراك ريال معرس احينه .. عليك مسؤولية .. لازم تتعود من أحينه انك تشيل الاثقال اروحك .. خطفت عنه وانا اطالع الساعه الي يت 6 المغرب: عيد وينه؟! قال: سار الخياط .. : أها ... يوم ايي خبره اني اباه! طلعت من الميلس وانا اتنهد .... الله يهديكم ياخواني .... كل واحد ساير فصوب .. تحركت ساير صوب البيت بس تليفوني صاح .. كان مبارك .. رديت عليه: حيّه بومريوم .. قال بسرعه: مرحبا .. عبدالله تراني ويهت الدوام .. توهم اتصلوبي .. يالله مابطول سلم على امايه .. وخبر حمد لا ينسى يوصل مريوم للشارجه! قلتله وانا افج باب الصاله: ماعليه ، مريم خلها الليله امايه ماشافتها .. وانا بوديها باجر ان شاء الله سكت عقب قال: خل مريم تخبر امها عيل .. يالله سلام! قلتله: اتقف وانته ساير .. ربي يحفظك. بندت عنه ودخلت داخل ... شفت مريوماتنا يالسات على الارض ويركبن فهاللعبه الي مجابلتنها مريوم بنت مبارك طول اليوم .. وقفت عند روسهن وانا اقول: بنيات وين امايه؟! مريم طبعا اونها زعلانه .. فما ردت .. جان تقولي مريم الصغيرة: يديده سارت عند خلوف! عقدت حياتي وانا اقول: خلوف؟ .. بعد منوه خلوف؟! رفعت راسها الحلو صوبي وهيه تبتسم ويبان ظرسها الطايح: عمييييييه .. خلفاني ربيعي .. وخيت عليها وانا اكشش شعرها: خلفانج بعد!؟ .. انتي وهالدريشه الي عندج!؟ خوزت راسها عنيه وهيه تمد ايدها وتعدل شعرها .. وبصوتها الطفولي الي اموت عليه: افففففففففف عمييييه انته وااااايد وااااااااااااااااااااااايد ... حتى أكثر عن وااااااااااااااااايد تلعوز الواحد .... افففف! فتحت عيوني من رمستها ومريوم تظحك .. جان اقولها: هاي طالعه على منوه فطولة اللسان؟! هزت جتوفها انها ما تدري ... وقفت وانا اقول: وين هند؟! قالت مريم: روحت ... ماقالتلك؟ تنفست بهدوء : لاء .... ماقلتيلي .. امايه وين؟! مريم: عند الييران .. خطفت عنهن وسرت لقسمي وانا اتصل لهند .. بعد رنتين ردت: هلا عبدالله .. أقولك مشغوله شوي .. برد أتصلك .. طالعت التليفون باستغراب ..... بندت فويههي؟! . . قبل دقايق .. فالشعبيه الثانيه .. | هند | . . : قوول والله؟! .. سلطان دخيلك لا تستهبل؟! قال سلطان وهو يرتب ثيابه فالكبت : لا ما استهبل .. طالعته بصدمه ... هو وويهه الذابل والمصفر .. رديت اقول: هو اتصل عليك!؟ رد يقول بهداوة : هيه يا هند .. شو اقول من الصبح انا ... وكمل بصوت واطي: وخبرها عن امايه بعد .. شهقت بقو وانا احط ايدي على ثميه : خبرهاااااا؟! .. ياويلي عليج يا شما .. وشوقال بعد!؟ حط آخر فانيله فسدته وقال وهو ييلس على الشبريه : اليوم الفير طيارتهم .. شفته يمسح على ويهه و يكمل: ماعرفت شو اسوي ..... اصدقه .. اجذبه ولا امشي السالفه وارمسه على انه ريل ختيه الصغيرة ... والا شوووو .. انا كنت بعدني فالصدمه .. فما انتبهت هو شو قال .. رنة تليفوني وعتني من السرحان الي انا فيه بس أسئلتي لسلطان ماخلصت فرديت على عبدالله بسرعه : هلا عبدالله .. أقولك مشغوله شوي .. برد أتصلك .. وبندت التليفون بسرعه ورديته فمخبايه .. عقب وقفت ويلست عدال سلطان الي موخي ويطالع الارض : يعني الساعه كم بيون؟ رفع راسه وطالعني بعيونه الذبلانه : قال الساعه 6 بيكونون هنيه ... هند ،تراه ابويه مايعرف شي عن السالفه؟!.. شو اقوله؟! ماعرفت شو اقوله .. بس الي اعرفه اني مستحيل ما اشوف شما .. قلتله على دخلت بخيت للحجرة: ماعرف .. بس الشي الوحيد الي لازم نسويه انا نشوف ختنا ونرمسها .. رفعت راسي يوم قال بخيت : اي خت؟! قلتله بسرعه وبفرح : شما بتي اليوم الفير .. وبنسير نطالعها .. .فديييتها والله اشتقتلها! رفع حايبه وقال : لاوالله؟! .. وابويه يعرف؟! قاله سلطان بغيظ : جب بخيت .. شوبلاك انته؟! .. عنبوه هاي اختك ، من لحمك ودمك جيه ترمس عنها ؟! قال بخيت بنفس الغيظ : عيل كيف تباني ارمس عنها .. بعد وحده راعية شباب كيف الواحد يـ.... : شو بلاكم يا عيال؟! ... اصواتكم واصله الشارع !؟ نزلت راسي يوم شفت ابويه يوقف عند الباب وسلطان يرد عليه بهدوء : اسمح النا الوالد .. بس شوي اختلفنا .. قاله بخيت باستهزاء : اختلفنا قلت؟ .. ياريال نش من احلامك .. اختك الواثق منها طلعت راعية شباااااب !! وقف سلطان بعصبيه : ايه تراك حشرتني .. راعية شباب وراعية شباب .. وكمل وهو يوقف جدامه : هااااااي تربية ابووووك يالهرم .. احشم عمرك واصطلب .. طالعت ابويه الي ماقال و لا كلمة .... عدا نظرة الحزن ، الي من يوم ما راحت اميه وهيه ملازمتنه .... حسيت بغبنه وعبرة بكبر هالكون تتجمع فعيوني واناا اوقف واسير صوبه .. تطاولت وانا متسانده على جتفه وحبيته على راسه: يعلني ماذوق حزنك يا بويه .. عقب كملت وانا امسح الدمعه الي نزلت من عيوني : ابويه .. فدييييت خشمك .. بس اسمعني ... والله ما بتندم .. كانت نظرته جامده .. بس نفس الانكسار الي شكله ما بينجبر فيــــوم .. : فديييتك يا بويه بنتك ... بنتك انته وامايه الله يرحمها .. كيف تهون عليك ولاتسمع الها؟! هدا المكان من حولي وانا ارص على ايده : دخيييل والدييينك خلنا نييبها هنيه .. بنسمعها وبنشوف شو سالفتها ... نظرة الانكسار الي فعيونه ما تبدلت .... بس قلبي تفتت .. يوم شفت دمعه تنزل من عيونه وهو يقول بصوته الرخيم : بنتي ماتت يوم سودت ويوهنا .. ووطت براسي التراب .. مسكت ايده بقو وانا اترجاه مره ثانيه وهو يجفي بي : ورفـــجة هلي يالغالي انك تسمع الها ... ووالله مابتسوي شي .. محد بيدري محد بيشوفها غيرنا والله .. بس .. بس دخييلك !.. خلنا نييبها هنيه الشيييمة انك تخلها اتيي ابويه ...!! ما رد عليه وهو يسير عني .. ما تحملت .. فربعت وراه وانا الوي عليه بقو واصيح : دخييييييلك يا بويه .... الله يخليك بس الليله .. بس الليله وبيشلها ريلها .. الله يخليك لا تكسر بخواطرنا .. يسد امايه الي روحت وخلتنا ...... ضعنا من وراها يابويه ، لاتزودها علينا ........ لا تزودها يالغـالي ..! . . | سلطان | . . سمعت رمسة هند ... واخترقت فوادي ، وبعثرته بعثــــره .. صدقها ، ضعنا من عقبج يا اميه ...... ضعنا ومابقا فالقلب شريان صاحي! اتجدمت صوبها بشلها عن ابويه .... ابويه الي انكسر شي فداخله ... وطاح العز والفخر الي كان شامخ به ...... ومابقى بداله الا الذل .... وعار حطم كل شي حلو كان فيه! : ليلة وحده .... وان زادت ، دفنتها حيـــه! ما زاد عليها ابويه .. ما زاد اي حرف وهو يتملص من هند الي طاحت على الارض تصيح بانهيار .... حسيت بغبنه قوية تجتاحني وانا اوخي عليها : خلاص فديتج ،سمعتيه تراج ... سمحلها وبنييبها وبنسمع منها ... وربج فوق يا هند .. ما يرضى بالظلم .. قالت وهيه تصيح: فوااادي يتقطع عليها يا سلطان .. شما ماشافت شي من الدنيا .. ياهل بعدها .. ماهمها غير يومها وكيف بتقظيه .... واحييينه .. شوفها شايله هموم الارض فوق جتوفها .. واروحها فبلاد ما جد طاحتها .. واايه عليها ... وقفتها ويايه و انا اقول : خلااص انزين .. احينه بتي ان شاء الله .. وبنعرف منها كل شي ....... وأنا أقولها هالرمسه .... شي واحد بس .. يدور فبالي .... والله .. والله، ثم والله يا شــما ... والي رفع سبع ... وبسط سبع، ان كنتي صدق راعية شباب ... ان الذبح فيج هب حرام! . . الفير ... مطاربوظبي .. الساعه 7 الا اربعين دقيقه ... | مايد | . . شفت الدريول واقف عند الدري المتحرك ،فأشرت لين شافني و يا صوبي .. خبرته عن الشنط وسار اييبهن .. وأنا كنت شال شنطة شما وشنطة صغيرونه مالتي .. لفيت عليها وقلت: يالله شما ... الموتر برع .. تحركت ويايه بس ايدها الي رصتها بقو على ايدي ، وهيه توقف ورايه وقفتني .. قلت الها بدهشه : شما؟ ... خوزي عني بلاج لاصقه فيني ؟! هزت راسها بلاء وهيه تقول بصوتها المبحوح: ســــ....سـلـــطان! وخيت عليها و انا اقول: شووه!؟ ردت تقول: سـ..سلطان خويه ..... مايد .. هذا سلطان؟! لفيت وين ماهيه مأشره ، ورفعت ايدي بسرعه ونزلت ايدها: لاتأشرين .. طالعت وين ما أشرت .. شفت وايد ناس .. ورياييل .. ماعرفت اي واحد .. فقلت الها: من دون لا تأشرين .. أي واحد؟! قالت بسرعه وعلى طول : متلبس كندورة بيظا وسفرة حمرا .. متعصم .. شوووفه يتحرك صوب الباب .. عقدت حياتي وانا اقول: ترليون واحد متلبس كندورة بيظا وسفرة حمرا .. أي واحد سلطان بالله عليج ؟! مشت جدامي وهيه تقول : تعال و براويك ... بس فجأة وقفت ... وقالت بصدمه واظحه فصوتها: سلطان شو يسوي هنيه!؟ .. ولفت عليه : انته..!؟ ، انته خبرته انا بنيي اليوم؟ .. صح؟ .. صح مايد!؟ .. واكيد ... اكيد قلتله اني ... يعني ... حسيتها بطيح على ويهها وهيه ترفع ايدينها وتحطهن على ويهها فوق الغشوه : بيذبحني .. بيذبحني ... حرام عليك ليش تباني اموت!؟ ... حرام عليك!! مسكت ايدها وانا اقول بسرعه : يعلج انتي وتفكييييرج الغبي .. امشي ويايه عن تفظحينا عند العرب .. مسكتها بقو ونا امشي صوب الباب .. ظهرنا وسرت على طول صوب الباركنات وانا اسمع صياحها .... قفطت وبقو وانا اشوف الناس كيف اطالعني باستغراب وانا ايرها ورايه شرات الصخله ..... وفهاللحظة .. يت فبالي عزبتيه ..... وابتسمت بقو والفكره توضحلي ... مغبااااك يامايد .... ليش ما أحطها فعزبتيه؟ .. والله اني ثور .. بس .. وين بسير لين الذيد احينه؟! وقفت عند الموتر وانا اقرر اني بتصل فسلطان واخبره انـ... قطع رمستيه صوت تليفوني ... طالعت الرقم ،محد يعرف اني بوصل احينه الاسلطان .. رفعت الخط بسرعه وانااشوف رقم سلطان: مرحبا .. كان صوته هادي : مرحبا ... وصلتوا!؟ قلتله: لا بعدنا .. قال بهدوء: نترياكم فبيتنا .. وكمل: انا توني كنت فالمطار ..... بسبقكم صوب بيتنا .. قلتله بغرابه: وشله متعني؟! قال: مع السلامه .. وبند التليفون ... استغربت من نبرة صوته .... من رمسته فلندن وانا متوجس منه الصراحه .. شفت شما بعدها واقفه وشكلها سرحانه .. قلتلها: اركبي يالله .. فتحت الباب وركبت وانا ركبت بعد ماوطيت الشنط فالدبه .. شما ماتدري اني رمسة خوها .. ولاتعرف انا احينه سايرين بيت ابوها .. طالعتها كيف ظامه ريولها على صدرها وساكته .. الاتنفسها الي مش منتظم .. قلتلها: بنسير صوب بيت هلج .. لفت عليه بصدمه: شوه!؟. . ليش؟ .. شوبنسوي هناك؟! قلت بهدوء: شما .. انا رمست اخوج فلندن .. وقالي اييبج اول مااوصل بيتكم .. وهو بيتفاهم ويا هلج ... توني كنت ارمسه وقال نترياكم .. قالت بصوت واطي: سلطان؟! .. قلتلها: هيه .. ردت تقول بغبنه: سلطان قال جيه!؟ لفيت عليها وانا ابتسم بهدوء : هيه سلطان بن علي اخوج قال جيه! سكتت عني فتره .. واول مادخلنا العين قالت: بيذبحني أكيد .. أنا اعرف سلطان ... كل شي عنده ظرابه ... استغربت من هدوءها .. بس سكت .. بعد ساعه ونص من خروجنا من المطار وصلنا لشعبيتهم .. كانت الساعه 8 الا عشر دقايق .. وانا ميت تعب .... دخلت شعبيتهم ولفتتني حركة شما .. فتحت الدريشه وهيه تخوز عنها الغشوة وتقول شي بصوت واطي .... لفيت عنها وبندت الدريشه من صوبي جان تقول: ليش؟ : عن الفظايح .. وقفت عند بابال بيت بالضبط .. وتنفست بعمق وانا اغـمض عـ... : لا تنسى تقولهم يصلون عليه على الاقل .. فتحت عيوني بصدمه من رمستها ... وانا اشوفها تفتح الباب وتنزل .... نزلت وراها بسرعه .. ووقفت محلي ... شفت باب الصاله ينفج و تظهر منه حرمتين .. والحوي نفسه كان فيه ريال واقف .. بلعت ريجي وانا متروع عليها ........ بس إحساسي يقولي ان ييتنا هاي خيرة .. أو .. سلطان خوها فيه الخير .. . . نفس اللحظة، نفس المكان، بـإحساس ثاني .. | شما | . . كنت واقفه عند باب الحوي بالضبط .. والميلس عن يساري .. البيت جدامي والمطبخ فالزاوية على اليمين .. الزرع والنخل ،نفس ما هم ... كروزر ابويه، واقفه فآخر الحوي صوب الباركنات الي ورى .. وقفت ... وأنا أحس قلبي وقف ويايه .... شفت الحصير المفروش على الارض جدام باب الصاله .. وشفت باب الصاله اليا نفتح وطلعن منه حرمتين ... وحده طويلة شويه ونحيفه وايد .. والثانيه تقريبا أقصر عنها بشوي .. ومتينه .. وشفت الريال الي يا من طرف الحوي .. والثاني الي ظهر من باب الصاله .. شفتهم كلهم .. شفت خواني .... عليا وهند .. سلطان وبخيت ... شفتهم كلهم .. إلا أعز ثنينه على وجه الأرضيه .. أبـــويه ..... أكيد مايبا يشوفني .. وامايـــــــه ..... الي توسدت التراب ..... ومابشوفها ليوم يبعثون! ماحسيت بدموعي الي طاحت .. ماحسيت بشي غير جسم طويل أبيض يلوي عليه بقو ..... بقو لدرجة اني حسيت ضلوعي تكسرت ... لفيت ايدي على ظهره ، وصحت .. صحت حياتي الي ضاعت فزلة .. فخطأ عمري ماتوقعت اني بقع فيه .. صحت أحلامي الي ملت الجو .. وطارت ويا المهب .. صحت أيامي الحلوة الي تراصت فغمضة عين ... وغابت .. صحت ظحكتي ،صحت ذكرياتي البسيطة والبريئة .. صحت امـايه ........ صحت الحضن الدافي الي ضمني 19 سنه دون تعب .. وصــــحت شُــوقي لهليه .... ولسنــديه فالحــياة! : سلطااااااااااااااااااااااااان .. والله و ... والـــلـله ... والله إنــي مـــاعرفه .. حــتى تـــخــبره .. قــوله .. شهقت بقو وانا اخوزه عني وامسك ويهه بايده الثنتين وانا اصيح: اقسملك بالله .. انـــي ماعرفه .. والله .. والـــلـــله ظلم ... ظـــلم .. ظلمووونيه .. ظـلـــمونيه ياخويه ... ورديت الوي عليه وانا اصيح وهو ساكت .. فقلت وانا اصيح: اقسم بالله العلي العظيم ... ماعرفه ... ولا فعمري شفته .. والي خلقني ماعرفه .. حسيت بايدنه القوية الي خوزتني عنه .. وسمعت نبرة صوته الي اشتقت الها .... قال بصرامه وهو يمد ايده : احلفي على المصحف يا شما ... احلفي انج ماتعرفينه .. وانج هب راعية شباب ... احلفي .. مسحت الدموع عن ايدي وانا اطالع المصحف فايده ..... ماترددت ثانيه وحده .. مديت ايديه الثنتين ومسكت المصحف وحطيته على صدري وانا اقول بصياح: والله ... والله .. والله والله ماعرفه ... والله اني عمري مارمست شباب غيركم .. والله العزيييييييييييييييييييييييييز ... رفعت عيوني صوبه وانا اكمل: ســـلطان ..... واللهأنـ... سكتني وهو يرد يلوي عليه: بس خلاااص ... انتي اختيه ... أفداااااج بروحي ولاحد يرمس عنج ... ارتاااحي غنااااتي .. حسي تبراحه .... راحه فظيعه .. وانا اصيح أكثرعن قبل ... خوزته عنيه وانا امش دموعي يوم سمعت صوت الغاليه: شميم ... يالخايسه ما بتسلمين؟ لفيت عليها ولويت عليها بقو وانا اصيح .... صحت صياح عمري ماصحته .. لويت على هند بقو وهيه الثانيه تصيح وتقولي: فدييتج روحج يا شما سامحييني .. والله ماكنت ادري .. ولا خليتهم يردونج ولايصدقون اي شي يمسج .. فدييتج يااختييه!! تنفست بعمق وانا اخوز عنها ، طاحت عيوني على بخيت واقف بعيد عنا ..عيونه الي فاتحهم على وسعهن .. وقفته المايله، وايده الي راصنها بقو ، وعقدت حياته، وصلتني ، من بعده عرفت انه هب راظي عن الي يستوي .. ابتسمت بهدوء وانا احس بعليا تلوي عليه بقو هيه الثانيه ..... كانت تصيح وانا عيوني ادمع وعلى بخيت الي شفته يحدر البيت بكل بساطة ... غمظت عيوني بقو وانا اكمل صياح وايديه لافتنهن على ظهر عليا الي قالت: فدييييت رووحج ياشما .. ياليت امايه هنييه عسب تجوفج ولا تصدق السالفه! .. ياليت بس! يوم قالت جيه ....... تذكرت امايه .. فصحت زياده وانا الوي عليها واقول: اماااااايااااااه راحت ولاشفتها ... راااااحت وخلتني ... راااااحت وهيه هب راظيه عليه .... ابااااااهاااا والله اباها .... وكملت وانا اشاهق: بس ... بس بقولها ترضى عليه ... والله مابا شي ثاني ... بس بس ترضى عليه .. لويت عليها بقو .... وكل لحظة حلوة عشتها ويا امايه فهالبيت تمر فبالي .. كل بسمه شفتها على ثغرها ... كل ظحكه طلعت من قلبها .. كل دعوة سمعتها منها ..... كل حلم،زرعته واسقيته .. يمر فبالي، بسرعة رمشة العين .. و يغـــــيب! بعد صياح قطعلي قلبي وصوتي الي راح، سمعت صوت سلطان: تعالوا داخل .. أحينه بينشون العرب وانحن مسوين فلم هندي .. ابتـــسمت ... رغم الألم الي يرقص ففوادي .. رغم الحزن الي فداخلي .. والي عمره،عمره مابيخوز! بس ابتـــسمت .. . . وأعْـيُنٌ في الخَفاء، تَرصدُ ذلكَ المشْـهَد الذي هز أعْمَاقهُ .. هَز فخرهُ ، هَـز روحه المتوجعة! وصُورةٌ قريبَة ، لمْ يَمضِ عليهَا الكَثير .. تَستقر أمَامه .. لذلك الوجهْ البَريء .. الغض، لإبنتهِ الصغيرة .. صوتها الذي راح يشغلُ كلَ فكره، يصرخ بكل قوة في أذنيه: والله اني ماعرفه يابويه .. دخييلك صدقني! وشيءٌ بحجمِ الأرواحِ .... يَكتم على أنفَاسِه! . . . . قبل عشر دقايق .. |بخيت | . . : والله انكم فايجين ,,, يعني بتقنعوني احينه انها بريئة ... كملت بسخريه وانا امسك الريموت واشغل التلفزيون: يااااخي سير قص على هنـدي! ماحسيت الا بصراخ سلطان والي ير عني الريموت وفره على اليدار لين ماتقطع قطع: ترااااااني سااااكت عنك من الصبح .... استح على ويهك يالخااااايس هاي ختك .. شوتتحرا تربية امايه وابويه بتسير بالساهل!؟ عقدت حياتي بغضب: هب ياهل انا يوم انك تصارخ عليه جيه ... و كملت بصراخ وانا ااشر بايديه: انته مااكنت موجود ... ماحسيت بالقهر الي حسيته انا .. ماشفت قواات الويه الي انا شفتها .... جدااااام عيووووني وباذنيه سامعنه يقول انها كانت راكبه وياه فالموتر .. وترد تقولي لاتصدق فيها!؟ شو ما اصدق فيها ؟ .. بس قولي وانا بصدق!؟ وقف جدامي وقال بعصبيه: انته حتى مافكرت انها يمكن تكون بريئة .. شوف الي استوى قبله .. راجع عمرك .. تخبر عن الي كانت تسويه قبل لاتستوي السالفه .. ومد ايده وحط صبعه على صدغي: خل هذا يشتغل واتذكر كيف كانت ومنوه ربيعاتها .. واذا شفت عليها اي شي ... اي شي ذيج الساعه صدق الي استوى .. وكمل وهو يظهر من الصاله: هب تقولي على طول هاي راعية شباب جنك شايف عليها شي قبل ..... قبل لا يظهر لف عليه وقال بغبنه: ماهقيتها منك يابخيت .. تصدق عيال عمك على اختك؟ يلست على الغنفه وانا راص بايديه على راسي .... افكر؟ اتذكر شو كانت تسوي؟! .. ماروم .. مااروم اتذكر شي غير دموعها وييها الاحمر والدم الي يقطر من شفتها .. ماروم اتذكر الا شوفته واقف فنص الميلس وبكل بجاحة يقول انج انتي الي ركبتي موتره .. ليش يا شما؟ .. باشوه قصرنا عليج!؟ .. كل شي تبينه كنت اسويه لج .. كل شي .. فـجأة .. يت فبالي هييج الليلة .. . . : بخييت عااااد .. والله باجر عندي برزنتيشن لازم اعرضه .. ابا عباتي اليديده .. دخييييلك الخياط فالموول .. ومب من بعده .. فرت حصا .. يالله بخووووتي! لفيت عليها بغيظ : كم مره قلت لاتقولين بخوتي؟ .. شايفتنيه وحده من ربيعاتج؟! ابتسمت عقب ظحكت وهيه تقول: هههه لا محشوووم اخويه .. بس دخيلك و الله ما ابطي .. بس بشل العباه وناخذ فرباتشينو وخلاااااص .. طالعته بنص عين وانا ابدل القناة: اها .. قبل ثواني كان بس عباه .. احينه فرباتشينو .. وعقب بيكون حواطه و عشا .. وخلااص يابخيت نرد البيت .. : هههههههه لا و الله .. بس الخياط! سكت عنها وانا اخلي على فلم على قناة تو .. جان اتي تيلس عدالي وتمسك ايدي: فديييت خشمك .. وفدييت ويهك .. الله يخلييك خويه الغالي .... فدييت هالشامه الي محليه عيونك .. فدييت شعرك المجعد الحلووو .. ابتسمت بهدوء من رمستها وهيه تكمل: وفديييت ريلك الي جنها طابوقه والي بدوس ريس وتوديني للخياط .. فدييييييييييييييييييييييييييييييت اخوووووووويه!! خوزتها عني وانا اوقف واقول: انزيييييييييييييييييييييييييييين بوديييييج ... افففف .. بترياج فلكززس ابويه اليديده! . . فتحت عيوني بقو .. وانا احس بقلبي ينتفظ .... بقو .. لدرجة اني حسيت بألم .. هوست عليه بايديه وانا ... انا توني اتذكر ، ابويه كان توه ماخذ ليكززس .. حتى انا ماشفتها .. يابها الصبح وانا ماكنت موجود .. فأكيد .. شما ، شما ماشافتها! ماتعرف شو شكلها .. ماتعرف الا ان ابويه اشترى لكززس يديده .. نزلت راسي وانا اغمظ عيوني بحسره .. يالله ... يالله يا فواادي .. معقوووله .. معقووووله شافت ليكززس هالمايد وتحرتها مالت ابويه؟! .. معقوووله انا جذبت اختييه .. وظربتها ظرب اليهود .. كسرت عظامها على شي ... على شي هيه ماسوته!؟ وقفت ببطء وانا احس الدنيا ادور فيني ... مستحييل .. طلعت برع ووقفت فنص الحوي وانا اضغط على صدري .. حسيت بكتمه .. رفعت راسي على صوت موتر يوقف .. شفت الباب الي عدال السايق ينفتح وتنزل منه حرمه .. شفت بطرف عيني عليا وهند يطلعن من باب الصاله .. وسلطان الي ظهر قبلهم.. وقفت بحــزن و انا اشوفه يمشي بسرعه صوبها ... ويلوي عليها بقو وصوت صياحها وكلامها يوصلني ... ويذبحني .. شفت سلطان يمسك المصحف بايده ويقولها: احلفي على المصحف يا شما ... احلفي انج ما تعرفينه .. وانج هب راعية شباب ... احلفي .. رصيت بقو بايدي وانا اشوفها تمسك المصحف وتحظنه وتحـــلف ... تحلف على المصحف انها ماتعرفه .. وانها هب راعية شباب .... دقايق وانا هب قادر اوقف .. حسيت ... اني واحد حقير .. ماقدرت ماقدرت اشوف دموعها وخواني يواسونها .. وانا .. انا الي اول واحد شكيت فيها .. انا اول واحد ظربتها .. أنـا! شفتها ترفع عيونها صوبي وتبتسم ... تـــــبتسم للسفاح الي ماخلى فيها عظم صاحي! ماقدرت اشوف عيونها تلومني ....... لفيت عنهم وعن صياحهم .. و عن الذنب وتأنيب الضمير الي يكبر و يكبـــر في داخلي .. ودخلت البيت! . . بعد ساعتين .. 10 وربع .. | حمد | . . وقفت جدام العين مول وانا اقول: اسميييييني افتكييت اليوم ... يالله نزلي. فجيت الباب وظهرت من الموتر بعد مابندته ونزلت مريم من الجهه الثانيه .. قلتلها وانا اشوفها تعدل نقابها: خبرتيهم انج بتاخذين الليسن؟ قالت وهيه تتجدم منيه: له .. منصور يدري ومالي خص فح دثاني .. قلت وانحن نمشي لين البوابة: تعرفين انه مبارك رافض السالفه من قبل لا تعرسين ... احينه ما بيختلف شي! قالت وانحن ندخل المول: لافيه وايد اشياء تغيرت .. منها اني اناكبرت وعرست .. خلاص .. المهم .. قالت وهيه تلف عليه يوم ركبنا الدري المتحرك: شوعن علايه؟! عقدت حياتي باستغراب: شوعنها؟! قالت بهدوء: متى بتعرسون؟! فتحت عيوني .... نعــرس؟ .. قلت بصدمه: طبعا هب احينه .. سرت وياها لين اول مطعم صادفنا ويلسنا .. قالت وهيه تحط شنطتها على الطاولة: وليش هب احينه؟! وكملت وهيه تعقد ايدينها : تراها احينه محتايتنك اكثر عن قبل ... قلت باستغراب: ليش رمستي احينه؟! .... هيه قالت لج شي؟! يا دورها هيه انها تقول بصدمه: شوتباها تقولي يعني؟ .. خلي اخوج يسوي العرس؟ قلت واناا اشر بايدي: لااااا هب القصد .. قصدي يعني هيه شو قالت عشان انتي تقولين هالشي؟ ردت تقول: و لاشي .. بس لني اشوف انها محتايتنك احينه اكثر عن قبل .. قلت باستهزاء: لا والله؟! .. قالت بسرعه : والله صدق .. احينه ام سلطان الله يرحمها راحت .. يعني بتحس بفراغ وهيه الي كانت دوم وياها .. قلت وانا أأشر على القرسون: عادي .. مابييها شي .. ولفيت عنها: هالشي انا الي اقرره .. احينه شو بتطلبين؟ . . بعد ساعه .. كنا واقفين عند جبل حفيت .. قالت لي مريم: اطلع يالله شو تتريا؟ قلت وانا الف بالسكان: لا مابا .... بسير بعيد شويه عسب ناخذ راحتنا ... قالت بسرعه: لا ااحمد .. ابا اطالع المنظر فالصبح كيف .. تجاهلت الي قالته وانا اقول: شو عن منصور احينه؟! سمعتها تتأفف وتقول: اففففففف ..... ليش تذكرني به؟ .. مابا ارمس فالسالفه .. قلت وانا اوقف الموتر فالباركنج: انا ماتخبرتج جانج تبين ترمسين ولا .. جاوبيني يا مريم .. شو عن منصور؟ .. فتحت الباب ونزلت بكل بساطه وانا اطالعها باستعجاب: اييييييييييييييييه انتي ... يعلج يا مريوم .. ارمس عمري أنا؟! سارت ويلست تحت المظلة .. و الله شكله منصور مدلعنها .. لدرجة انها نست تعاملها ويانا! بندت انا الموتر وسرت لاول دكان صغير ووقفت عنده .. : شو يريد؟! وقف جدامي الهندي، رفعت ايدي بااشر على الجبس الي اباه بس ريحة عطر نسائي وقفتني وايد بيظا بسلسال احمر فاقع وظفور مطليات بالأحمر القاني تمتد جدامي وتاخذ المجلة .. الي كانت معلقه على اليدار ورى جتفي اليمين .. لفيت بسرعه صوب البنيه وانا مستغرب من هالجرأة .. سمعتها تقول بصوت مبحوح ورقيق للهندي: اييه رفيق .. هات ثنين سنكرز و واحد ميرندا آبل وواحد ديو ... يالله جلدي! كنت اطالع ويها بابتسامة ملتوية .. ويهها الابيض وقصتها البنيه الطالعه من ورى الشيلة الحمرى ... طالعتني بطرف عينها وهيه تبتسم .. وتطلع غمازتها .. لفيت انا على راعي الدكان وقلت: هات ثنين سنيكرز و واحد ميرندا .. وكملت رمستيه وانا اطالعها بابتسامه: " تــــــفاح" وواحد ديو .. سمعت ظحكتها الحلوة ..... هوايتي اني اعلق بنات برمستيه واسلوبي .. عقب اقهرهن بكمن كلمة توطي روسهن التراب .. الي مايرتفعن عنه ابأي انش!! مديت ايدي ومسكت الكيس مالها وخذته عن الهندي الي هب داري عن شي واكيد انه يتحراها من هليه .. مديته صوبها وانا اقول: انـدوج .. رفعت عيونها وقالت بصوت واطي وهيه تمسكه من ايدي: تســـلم الشيخ .. دفعت وخذت كيسي وهيه بعدها واقفه بس ابتعدت شويه .. كانت اطالعني ويوم لفيت عليها طالعتني بحايب مرفوع .. وقفت جدامها بالضبط وقلت: شو اسمج؟! الغريب انها ابدا مااستحت .. مانزلت عيونها عنيه يوم تقربت منها .. ماخافت!! حشى يابنات هالزمن ... مع انه فيه بنات جيه .. وفيه بنات عادي عندهن أي شي .. وفيه بنات يبن هالشي موت ... وشكلها هاي منهن .. وفيه بنات،متربيات وحاشمات اعمارهن والغشا مايطيح عن ويوههن .. وهاييلا سلمهن الله وين ماكانن ^^ قالت: لــيلى .. وانته؟! قلت بقو وانا اعقد حياتي فويهها: انا شيخج وشيخ طوايفج .. وسيري نقعي فـدرام يالخايسه .. ولاتنسين تلمين هالكشه وياج .. اوه قصدي هالليفة الي مظهرتنها للغادي والياي .. لعنة الله عليج من بنيه .. ماشي مذهب! كنت اقول هالكلام وعيونها تتوسع بقو واحمرت .. وصدق صدق قفطت يوم لفت بسرعه بتسير عني بس شكله الكعب كارهنها هو بعد .. لنها لفت بسرعه فلزق بين السيراميك وطاحت على ويهها ... مت من الظحك وانا امشي راد لمريم .. اول ماوصلت قالت: شو تسوي من الصبح ويا هالبنت الخايسه؟! قلت وانا اظحك: ههههههه شفتيها كيف شلت على تايرين .. عنبووووها زاااد ولا فيتارا مروان ..! وطيت الكيس على الطاولة وهيه تقول: صدق خياس .. شوكانت تقولك؟! خذت انا الديو ومديت لمريم الميرندا بالتفاح وقلت: ماشي ... خياس على قولتج .. عقب ظحكت بقو يوم تذكرت شكلها: ههههههههههههههه و الله تظحك .. قالت مريم مبتسمة: لاتتشمت يبليك ربي .. تنفست بعمق وانا اخوز عنيه السفره واحطها على الطاولة: الله يرحم المستحى بس .. لفيت على مريم فجأة وظربتها بقو على راسها وأنا أقول: وانتي يالخااايسه .. ارمسج قبل شوي وتسويلي طاف؟ .. ماتستحين انتي ..؟ ولا نساج منصور حمد وجبروته؟! طالعتني بصدمه وهيه تمسك النقاب الي انحاس عن مكانه: حمــــــــــد .. بلااااك؟ .. نحن فمكان عام .. كيف جيه تظربني؟ قلتلها وانا افتح العصير: فجيه اصلا محد هنيه .. ويالله جاوبي؟ شفتها تخوز النقاب وترد خصلات شعرها على ورى وتتحجب زين وهيه ترفع طرف الشيله وتتلثم به: أي سؤال؟! قلت بغيظ: مريم .. بلا استهبال .. احينه انا يايبنج هنيه عسب تغيرين جو .. وترمسين وتقولين الي فخاطرج .. هب اتمين ساكته وجنه ماشي استوى ..!! قالت بهدوء: حمد .. انا منصور عفته .. اصلا من زمان وانا ماباه .. بس ساكته على اساس انه ريلي وبحشمه ومابسوي مشاكل .. بس انه هو الي يبدا .. ويظربني .. شي الصراحه انا ما ارظاه على نفسي .. قلت بهدوء نفسها: و ..؟! قالت وهيه تلف عليه: و ، شوه؟! .. ماشي واو من لام .. السالفه انتهت ...... قلت باستهزاء: هيه ... وتبين الطلاق؟! قبل ماترمس وقفت وانا اقول: احـــــلمي ... وكملت وانا اشل سفرتيه: نشي يالله .... ونحن مايوزناج عسب تتطلقين .... يالله! خطفت عنها بسير للموتر وبعد ثواني هيه لحقتني .. ومارمسنا طول الدرب! نزلتها فالبيت وسرت انا للدوبي بشل كناديري .... شفت بخيت ولد عمي ظاهر من الدكان الي عدال الدوبي .. تنهدت يوم شفته .. وغمظت عيوني وانا اتذكر هاك اليوم .. . . : امااااااااااااااايااااااااااااااااااااه .. طحت على التراب وانا اشوف عليا تخوز عنيه وتربع صوب امها الي كانت طايحه على الدري وماتتحرك .. حسيت بقلبي نقز للسما وانا اوقف بسرعه واسير الها: عموه؟! .. بسم الله عليج عموووه!؟ كانت عليا موخيه عليها وتصيح وتزقرها ، مديت ايدي بخوز عليا واشوف شوبلاها ، بس سبقني خالد الي قال: عليا خووزي عنها بشوفها .. كان الموقف اكبر من اني اعارض وانا اشوف عليا توقف والدم ظاهر من طرف شفتها وترتجف وهيه تصيح .. وهند بنت عميه تظهر من البيت هيه الثانيه وتبدا مناحه .. ارتبكت بقو وانا احس بالدم يسيل من طرف يبهتيه .. و خشمي يعورني وايديه وكل شي فيني .. شفت خالد يوقف وهو مساندها ويصارخ: تعااااال ساعدني بنشلها المستشفى! زادصياح البنات الي وترني انا لدرجة اني ماتحركت لين سار عيد بسرعه وساعده .. شفت هند تدخل وانا الحقهم وعليا واقفه تصيح ... ثواني وكنا واقفين برع وخالد يقفل باب موتره وعيد يوقف بعيد .. بتوتر وقفت عندهم وانا اشوف هند اتي بسرعه ومتلبسه عباتها وخالد يقول: بسرعاااااااااااااه يالله ... شفت هند تفتح الباب الي ورى من صوب امها وانا سرت لموتريه بسرعه وعيد ورايه .. ماكنت حاس باي الم وانا اشغل الموتر بس صوت عيد وقفني: حمد البيت مافيه حد .. وعليا اروحها ... خلنا نشلها ويانا .. توني اتذكرت عليا .. فنزلت بسرعه ودخلت البيت .. لقيتها يالسه عند الدري وتصيح بشكل يقطع القلب ... وقفت بارتباك صوبها وانا اقول: عليا ... نشي هاتي عباتج بنلحقهم .. عليا!؟ شفتها توقف ببطء وصوت شهقاتها يوصلني .. سارت للبيت بس لفت عليه وقالت: مابسامحك ... والله مابسامحك لو شي استوى على امايه! وردت تدخل داخل ... وانا التوتر يزيد .... بعد ساعه كنا بعدنا واقفين فالطواري ونتريا الدكتور يظهر ...... . . : حوووووووووووووووه بو الشباااااااااب .......... جفلت بقو من صوت هالريال الي واقف عند الباب .. ابتسمت بهدوء وانا اقول: يعلك يا بخيت .. روعتنيه ... خاشمني وتساند على الباب: شحالك؟ رديت عليه: بخير الحمدلله .. وانته؟! : طيب طاب حالك؟! .. اشوفك مادوامت اليوم! هزيت راسي بهيه وانا اخوزه عن دربي وانزل: سويت طاف .. شوتسوي؟ قال وهو يحك راسه: ماشي .. اشم هوا!! : تشم هوا؟! ... ولازم يعني اتي الدكان .. جان خمست فحوي بيتكم وشميت هوا .. انته وهالريول ماتقول غير ثور اسباني!! : هههههههه عوووذ بالله منك ..... انزين .. علومك؟! قلتله: زينه .. ماشي يديد .. احينه خوز عنيه بسير اشل كناديري وارد البيت وانخمد! . . | ناصر | نفس اليوم الي ربت فيه غايه .. . . مسكت الياهل شوي شوي وانا مرتبك .. جني اول مره اشل ياهل .. طالعته كيف احمر وصغييييييييييييير .. مايوصل طول ايدي لين مرفقي .. مسحت على راسه بحنان وانا ابوسه على يبهته ... ثواني ومدت النيرس ايدها تبا تشله وترده للحضانه .. عطيته اياها وانا اقولها تنتبه .. راس مالي هالولد .. مابا شوي يستويله! تنفست بعمق وانا اظهر من الحضانه واسير صوب قسم النساء ..... البارحه الفير .. ربت غايه، بس بالعمليه .. تمت ساعتين داخل عقب سوولها عمليه .. وتمو ساعتين بعد .. او اكثر .. عقب ودوها للحجرة و الياهل ودوه للحضانه .. ياربي كيف صغيرون واحمر .. تقول ولد سبع اشهور .. وقفت عند باب الحجرة ودقيت الباب ... فتحت الي ختها الصغيره عفرا .. قالتلي: حياك ناصر .. محد هنيه! دخلت داخل وانا اسلم .. قالت: وعليك السلام .. بسير انا عيل .. حمادي تحت يترياني .. قلتله وانا الف: بوصلج عيل .. قالت باحراج وهيه تظهر: لا هب لازم .. استريح ومشكور .. مع السلامه! و قبل لاتظهر قالت: تراها اميه بتي الليله .. هزيت راسي وانا ايلس على الكرسي واغمظ عيوني .. يااااااااالله كيف هاليوم مر عليه .. تعب تعب!! فتحت عيوني وانا اطالع غايه كيف راقده .. تحت عيونها سواد ونحفانه .. مسكت ايديها وبستها ببطء وانا واقول: الحمدلله على سلامتج يالغويلي .. حسيت ابها تتحرك .. فرفعت راسي وانا ابتسم .. شفتها تفتح عيونها ببطء .. وقفت وانا اقول: الحمدلله على السلامه فديتج .. حطيت ايدي على راسها جان تقول ببطء: شو استوى!؟ .. كان صوتها مبحوح .. اكيد عطشانه .. قلتلها: تبين تشربين فديتج؟! هزت راسها بالء .. وهيه تتحرك فمكانها ، عقب قالت: ناصر .. شو استوى؟! قلتلها وانا اوخي عليها: فديتج يا ام محمد .. يبتي ولد حلو مثلج! شفتها تعقد حياتها .. كملت وانا امسح على شعرها: تعبتي فديتج .. بس الحمدلله طلع سليم و ودوه الحضانه .. تقول الدكتورة يباله شويه .. طالعتها باستغراب وهيه اطالعني بصدمه .. قلت بهدوء : بلاج؟! .. شي يعورج!؟ قالت بصدمه: ولد!؟ ... يبت ولد!؟ هزيت راسي بهيه وبستها على يبهتها: هيه فديتج .. يبتي محمد ولد ناصر .. قالت: ابا اشوفه .. حاولت تيلس بس تأوهت .. جان اخليها طايحه وانا اقول: خليج طايحه غايه .. تراه مسويلج عمليه .. وكملت وانا امسح على راسها: البارحه الفير ربيتي .. قالت الدكتورة انه استوت لج مضاعفات عسب جيه سوولج عمليه .. غمظت عيونها ..... وسكتت .. عقب قالت: يشبه أحمد أخوك!؟ قلت بهدوء وانا ابتسم: ماعرف .. يمكن .. هب واظح بعده .. الا لحمه حمرا!! قالت وهيه تضغط على ايدي: يشبه عذوب عيل!؟ .. اكيد لنه اخوها!! طالعتها باستغراب .. كانت عيونها حمر وصدرها ينزل ويرتفع بسرعه .. شكلها تعبانه وايد .. ردت تقول وهيه تغفي: ماباه ... ماباه يشبه أحمد خوك ..! عدلت يلستيه زين وانا اشوفها ترد ترقد ...... ماتباه يشبه أحمد خويه ليش؟!! لن أحمد كان واحد من الأسباب الي ماتت منه عذوب؟! عقدت حياتي .... مستحيل تكون غايه حاقده .. مستحيل! | مايد | الساعه 11 ونص الظحى .. . . كنت واقف عند باب الموتر ومتساند عليه واطالع العراقيب الي ورا الشيشة الي عند دوار شعبية قوم شما .. الجو حلو.. مسحت على لحيتي وانا اتذكر موقف هل شما يوم شافوها ... عيبتني الصراحه حركت سلطان يوم خلاها تحلف على المصحف .. بس عورتلي قلبي يوم صاحت، وحمدت ربي مليون مره اني مايبتها الهم الا يوم يا سلطان .. وطيتها عندهم وعلى طول روحت، بس طرشت مسج لسلطان اخبره اني برد .. عن يتحرى اني بفرها عليهم واشرد .. غمظت عيوني وانا اتنفس بعمق ..... احينه يوم انحلت المشكله ... حسيت براحه فظيعه ، عندي احساس ان كل شي بيكون حلو .. بس عيال عمهم كيف بيصدقون .. يعني لو انا الي شفت بنت عميه راكبه ويا واحد ماعرفه، طبعا بشك فيها ولو شو قالولي مابصدق فيها .. الله يعين بس .. رفعت ايدي بعدل سفرتيه بس مادريت الا بشي بارد اي على جتفي ويخيس كندورتيه ورقبتيه .. عقدت حياتي وانا اطالع اللآيس كريم الي خيسني وطاح على الارض .. لفيت بسرعه وماشفت الا بنيه صغيرونه يالسه على الارض وتصيح .. مسحت عني الآيس كريم الي فرته عليه هالياهل وانا متجزز .. شو هالناس الي يخلون يهالهم جيه!؟ : اسمحلنا الشيخ ... و الله ماعرف شو اقولك .. طالعته وانا احاول اهدي عمري ولا اسير اصفع هالبنيه .... بس فتحت عيوني على وسعهن وانا اتعرف على هالريال .. والي هوه نفسه ، الي ظربني هاك اليوم .. قلتله بقو وانا اوقف جدامه عدل: دومك انته معتدي على الناس .. يانك تظرب يانك تخلي عيالك يظربون!! شفته يرمش اكثر عن مره ويطالعني باستغراب .. بس انا ابتسمت بقهر وانا اقول: هاه .. اشوفك ماعرفتني .. سلمك ربي .. انا مايد بن علي .. ريل بنت عمك!! فتح عيونه على وسعهن وقال على طول: انته إلي .... بس ما ابطى الا وقال: والله يابوعلي .. انا واحد حقاني ويوم اشوف الغلط ما اسكت .. عاده بايدي .. بلساني .. شي راجع لي!! اشرت بايدي وانا الف عنه: سر بس سكت هالونان الي عندك خلاف ارمس .. يابو حق!! قال وهو ساير: على الاقل احسن عن مشكلجي!! سويت له طاف وانا افسخ الكندورة وافرها فالدبة .. تميت بالوزار والفانيله .. راد من لندن وتعبان .. وابا ارقد .. بس لازم اسير لهل شما .. بعد عشر دقايق وصلت للبيت .. نزلت وانا مستحي من عمريه الصراحه .. حشى داش عليهم بوزار وفانيله ... اففففف .. اتصلت على سلطان جان يرد عليه بسرعه: ألوووه .. قلتله وانا ابند باب الموتر: السلام عليكم .. : وعليكم السلام مرحبا مايد .. حسيت انه يبا يخبر حد عداله انه انا الي متصل .. جان اقوله: مرحبابك ... ما عليك امر سلطان .. بغيتك شوي خاري .. قال على طول: يالله ياينك .. الله الحافظ .. بندت عنه ووقفت اترياه .. دقايق واشوفه يظهر من البيت وياي صوبي .. قال اول ماشافني: ليش واقف هنيه .؟ حياك داخل؟! قلتله: لا بسير انا .... بس بغيت اتخبرك عن العرس! شفته يعقد حياته ويقول: ويباله يلسه يوم انك بتتخبر عن العرس .. حياك الميلس .. اشرت بايدي برفض قاطع وانا اقول: اسمحلي .. مابا ادش الميلس مره ثانيه .. سكت جان اقوله: بس بغيت اخبرك انه العرس كنت مسونه تاريخ 1-1-2011 بس تعرف انته الظروف ، عسب جيه غيرته لين 1-3 .. والبطايق والقاعه ان شاء الله جاهزين .. وكملت : والجهاز باجر ان شاء الله بطرشه صوبكم .. و ماعليكم الا اتون .. كل شي جاهز! سكت وانا اشوفه عاقد حياته ويطالع الارض .. قالي : مايد .. يبالنا نرمس نحن .. حياك الميلس .. وتراه محد فالميلس .. حسيت انه يبا شي ثاني .. لايكون يباني اطلق خته!؟ .. عقب هاااا كله ... يباني اطلقها!؟ .. مستحيل!! قلتله وانا اتجدم: اول وآخر مره تراها ياسلطان ... ميلسكم انهنت فيه وعلى شي مايخصني فيه .. ومش اني ريل بنتكم يعني اني ايلس وياكم واسولف .. بتم طول عمري .. انا وانتو نتذكر كيف استوى هالعرس! دخلت قبله للميلس .. ويلست على اول كرسي .. ثواني ودخل هو ورايه .. قالي على طول: اول شي .. انا ماكنت موجود يوم استوت السالفه .. وطالعني بحايب مرفوع: ولو اني كنت موجود، طبعاً بصدق ختيه لني هب مستعد اني اصدق عليها لا غريب .. ولا عياااال عم .. اختيه واعرفها واعرف كيف هيه تربت .. سكت شوي وانا عاقد ايديه على صدري عقب كمل: ثانيًا .. الـ.. قطع كلامه دخول ريال للميلس .. وقفت انا يوم عرفته .. والله واكملت .. هذا عبدالله ولد عمهم .. افف! تأفففت وانا الف الصوب الثاني .. ويوم يا يسلم عليه، مديت ايدي .. بس هو بكل بساطه ووقاحه قال: انته شو تسوي هنيه!! سويت له طاف ويلست جان يقول سلطان: عبدالله فديتك شوي بقول شي!! تم يطالعني وانا اطالعه ... عيونه تقول بتظهر من مكانه من القهر والغيظ .. مالومه!! سار صوب سلطان الي ظهر من الميلس .. تميت ارويحتيه فالميلس .. وقفت وصبيت لي اقهوة ويلست .. والله محد قهواني اقهوي عمري .. اظني تمو خاري اكثر عن ربع ساعه .. طالعت الساعه، كانت 12 وعشر دقايق .. بعد شوي بيأذن الظهر .. ثواني وردوا للميلس .. ويلس عدالي سلطان وعبدالله الصوب الثاني .. وشكله متفتف!! طالعت سلطان بطرف عيني وهو يقول لعبدالله ولد عمه: انا مصدقنهم .. وجانك يابوحميد ماتبا تصدق .. كيفك .. بس لاتطلب مني اني اسلم او اسولف وياك لو شفتك فاي مكان .. من دخل عبدالله الي هوه ولد عم شما .. سكت، كان يطالعني بعصبيه وهو يقول لسلطان: انته متخبل من رديت .. احينه اقولك حمد شايفنهم بعيوووونه .. تقوم تقولي مصدقنهم؟! قاله سلطان: بخيت قالها بوديج الخياط وهيه غلطت فموتر ابويه ... بس هاي هيه السالفه!!! رد يقول: هيه صدقتك الصراحه .. طالعت عبدالله وانا اقول: بوحميد .. تراني ساكت من الصبح .. ولاتتحرا لني مش قادر ارد عليك .. لا و الله .. بس لني مابا ارد عليك وازيد واعيد فسالفة منتهيه .. وكملت وانا اوقف: بنت عمك دخلت موتريه وهيه ماتدري انه مش مال ابوها .. انا شويخصني؟! .. وبعديييين ياالي بس شاطر فالصراخ والعصبيه، احمد ربك اني لين احينه ماطلقتها ..ومافظحت بنت عمك الي فرحان فيها!! سكت وانا اشوفه يوقف وسلطان يوقف، وعقب كملت وانا ااشر بايدي: و تراني اروم احينه اظهر من هالباب ولا تشوفون رقعة ويهي ، ولو نبشتو الارض فوق تحت مابتلقوني .. بنت عمك على ذمتيه وغصب طييييب بتصدق انا مالنا خص فالسالفه .. قال سلطان : عبدالله .. انته تعرفني .. ولو اني هب متأكد ان شما مالها خص فالسالفه، وهب راعية هالسوالف، كان شفت العرب تصلي عليها احينه! وكمل : ويوم انك هب مصدقنا .. يلست انا جان ييلس هوه ويقول: لا تتريا اني اييك للبيت واسلم عليك وانته شاك فاختيه .. عرضها من عرضي يابوحميد والي يمسـها بالسوء، يمسني قبل لا يوصلها ... من عقب رمسة سلطان التالية سكت عبدالله .. جان اوقف واقول بهدوء: اسمحلي يا سلطان .. برد البيت .. وقف سلطان وقال: مسموح الشيخ .. واسمحلنا .. سمعت صوت عبدالله: متى بتسوي العرس؟ .. دامك مطرش البطايق على 1-1 لازم تبدله ... طنشت عبدالله ورصيت بايدي على جتف سلطان وانا اقول بعمق: واسمحلي اني ماحضرت العزى .. تعرف السالفة كانت مانعتني اني ارد ... هز سلطان راسه وبهدوء قال: مسموح ... ادريبك مابتقصــر .. كنت بسير بس وقفني صوته وهو يطالعني: وعلى طاري العرس .. تراه جانه هب في خاطرك مايردك الا لسانك! طالعته باستغراب .....: كيف؟! قالي بكل بساطه وهو يطالعني: جانك هب في خاطرك اختيه ..... طلــقها! انصدمـت ... انصـــدمت ، يعني اقدر اطلقها؟ .... قلتله بصدمه: نعم؟ .. قال وهو يوقف عدالي: ختيه هب عيزان عنها انا .. ودام السالفه كانت غلط فغلط .. فاتمنى انك تصلح هالغلط وتطلقها .. الناس ماتعرف شي .. وانته هب مجبور انك اتم وياها .. قاطعه عبدالله بثوره: سلطاااان .. انته بلاك تخبلت؟ .. شقا بعد محد يعرف؟ .. عنبو يوم انه وزع البطايق على البلاد كلها .. تقولي محد يعرف؟! .. لايابويه لا يطلق ولا تطلق .. لعبــــه هيه!؟ رد عليه سلطان بنفس الثورة: شما مااتبا العرس ..... وانا مايهموني الناس .. لقعه تقلعهم كلهم ... انا الي يهمني اختيه وبــس .. تبا العرس ، هلابه ، ماتبا .. لا انحن علينا شي ولا هو عليه شي؟! كنت برد عليه بس سبقني رد عبدالله المعصب: انته تخبلت اكيييد .. احينه كلهم يعرفون انها مالجه .. كيف يطلقها فالمجلة؟ .. لاهالله ماقال .. وكمل وهو يطالعني: لا تطلق ولا يااك خبر .. بنتنا هب لعبه تملج عليها وثاني يوم اطلقها .. قلت بصوت عالي: بس انته وهو!؟ .. هاي حياتي انا الي ترمسون عنها .. وتراني ان بغيت اطلقها ولا اخليها على ذمتيه محد يروم يقول شي ...... قالي عبدالله بصوت عالي وهو يقرب منيه: والله فسابع سماه يا ولد علي لو طلقت بنت عميه .. بتشوف شي ماشفته .. تراني هب مصدق سالفة انها ماتعرفك .. فلا تزودها على عمرك! حسيت بسلطان يبا يصفعه تصفيع يوم وقف بيني وبينه وقال بعصبيه: عبدااااااااااالله ... انته بعدك شاك فيها!؟ .. قاله عبدالله وهو يأشر بايده فالهوا: سالفة انها ماتعرف موتر ابوها هاي مادشت مخي .. عنبووو يوم انها ماتعرف موتر ابوها، موتر منوه بتعرف؟! .. وكمل باستهزاء: أصلا هب لازم اتخبر مابتعرف الا موتر ربيعها ... والي هوه انته! اتجدمت بسرعه منه وزخيت كندورته وانا اقول بغضب: كلمه ثانيه وتشوف عمرك فالعنايه!! قالي باستهزاء وهو يمسك ايدي: جرب .. وتشوف عمرك فالقبر! عصبتبتي رمسته جان اقول لسلطان: خوز ولد عمك عن دربي ياسلطان .. والا تراه مابيكم خير مني .. وكملت وانا افجه: بعدكم ماعرفتوا ولد علي .. ظهرت من الميلس بعصبيه ، بس هديت شويه يوم سمعت الأذان .. ركبت الموتر وويهت للمسيد ..... يخسون .. و الله انهم يخسون اطلقها!! احييييينه، و عقب ما استوت السالفه، وظربوني لين ماقلت بس .. و اهانوني .. و فروا بنتهم عليه .. وماتمت كلمة ماقالوها فحقي وحقها .... بكل بساطة ، يقولي طلقها!؟ .. لا والله انه حامض على بوزهم .. خل بس يجربون اي شي .... و الله يفظحهم ومايتم شي ماسويته .. خياااااااس و الله .. بعد ماعالجتها واشتريت زهابها وحجزت القاعه .. وسويت وسويت .. يقولي طلقها؟! . . السلام عليكم .. اليوم الفير ماحطيت الجزء لن الوورد الي عندي مخترش شويه، فخبصلي الرمسه كلها، وماخلى سبيس الا وشله، يعني غديت جني أكتب قصه بالهندي، فما رمت أحطه .. وأحينه و لله الحمد .. توني خلصت من التعديلات .. حياكم الله ^^ |
رد: أوعدك ، لا توسدت التراب .. ما أبكيك!
--------------------------------------------------------------------------------
الجزء التاسع عـــشر .. . . بعد اسبوع .. 1-1-2011 | مريم | . . سكرت الباب بغيظ: مالت على ويهك زييييييييين! يلست على الشبريه بقهـر وأنا أسمع صراخ عبدالله من هنيه .. افف منه مسولهم سحر هالريال ... يعني حتى مافكر انه اييب هله عسب يراضيني .. و الله لو شو سويت ماردلك لين ما ايون كل طوايفك ... انسدحت وانا أفكر بحركته السخيفه .. اليوم اشوف عبدالله هادي ومارمسني غير عن الايام الماضيه، كان كل ماشاف رقعة ويهي هب فيني .. حتى اماااايه .. امااايه يااناااس ماقالت شي غير ان الي سويته غلط!! يعني لو ماكان عيد ويايه هاك اليوم، ماكانوا بيصدقون انه هو الي ظربني؟! اففف .. طالعت الباب الي انفج ودخلت هند .. قلت على طول: دخييل والديينج ياهنووود لاترمسيني ... ابتسمت بفرح وهيه تيلس: الا بقول وبقول .. سمعي .. اشرت بايدي وانا ايلس: هنــد! .. والله مافيني، يسد ريلج ماخلى فيني شي ماقاله .. احينه انتي بعد! قطعت رمستيه وهيه تمسك ايدي وتقول بفرح من زمان ماشفته على ويهها: شما ردت! طالعتها باستعجاب وصدمه: كيف؟! قالت بسرعه وهيه توقف وتأشر بادينها: اقولج شما ختيه ردت .. وعرفنا السالفه كلها .. لفت عليه وهيه تقول بسعاده واضحه فويهها: حلفت على المصحف جدام عيوني .. وقالت انها هب راعية شباب وهالسوالف .. الحمدلله يا مريم .. ماتعرفين كيف انا مرتاحه! قلت باستغراب: كيف عرفتوا؟! .. ردت تيلس عدالي وقالت بهدوء: نفس اليوم الي استوت فيه السالفه، كان ابويه مشتري لكززس يديده، وشما قالت لبخيت يوديها للخياط، جان يقولها ينسير فلكززس ابويه وهيه عاد ماتعرف شكلها، لن ابويه اشتراها ويابها محد يدري ابها .. بلعت ريجها وانا اطالعها بابتسامه .. فديت هالعيون والله .. شوفوا بس كيف فرحانه؟! كملت رمستها وهيه تشرح بايدينها: اقووولج مايد ولد عم ريلج، كان هاك اليوم عند ابويه بيشتري ناقته .. فشما الهبله غلطت فموتره ، وتحرته مال ابويه .. ويلست تتريا بخيت الحبيبه .. المهم انه استوى سوء تفاهم واااايد كبير .. و الحمدلله احينه كل شي بخير .. بـس .. طالعتها وهيه تعدل شيلتها: ردت عقب ماروحت امايه .. وهيه هب راظيه عليها .. مسكت ايديها وانا اقول بهدوء: الحمدلله ان السالفه انتهت .. هذا اهم شي .. وام سلطان اكيد كانت مصدقتنها .. وكملت وانا ابتسم : الحمدلله على سلامتها .. ردت تبتسم بفرح وهيه تقول بظحكه: ههههههه فاتتج سوالفها .. و الله اقولج البارحه كله وانا وهيه وعلايه نسولف .. ماخلينا سؤال ما سألناها ... ظحكت وياها: ههههه فدييتها من زماااان والله .. خلينا نسير الهم العصر .. قالت هند على طول: لاء .. العصر بيون هل ريلج .. ماتعرفين؟! عقدت حياتي : لا ماعرف .. منوه قالج؟! قالت وهيه توقف: عبدالله توه خبرني .. احينه نشي سووي ويايه الفواله ... عبدالله يقول بيقبظهم عسب يتعشون .. وانتي .. كملت وهيه تظرب راسي: خلي عنج هاليباس الي فراسج وسمي بالرحمن! قلت باستهزاء وانا اتلبس شيلتيه وأظهر من الحجرة: اي يباس الله يخليج ... الا قولي مكان الصفعه .. وبعده لين احيينه معلم على فكره!!! رديت على رى بسرعه يوم شفت عيد ياي يربع ويعفد عليه ويصااارخ: اندووووووووووووج يالعصلاااا .. حطيت ايدي على صدري: بسم الله الرحمن .. بلااااااااااك ؟! حط سماعة التليفون فاذني بالغصب وهو يقول: عمر يبا يرمسج .. عبرتو رصيدي ياعيال سلطاااااااان!! ابتسمت بهدوء وانا اظربه على جتفه: يعلك ياعيووود .. السلام عليك بومريم .. رد عليه عمر بسرعه: حيّها حيّها أم عمر .. يامرحبااا و الله .. شحااالج فديتج!؟ قلت بفرح وانا اطلع من البيت : الحمدلله طيبه وانته!؟ .. شحالك وشحال عمير؟! .. يالخياااس حتى ما تسألون عنا .. مررره بولباااس عاطيينا .. قالي وهو يظحك: هههه و الله الراس العود ونرمسه ونسلم عليه .. انتو مايهمنا ..!!! رفعت راسي على هند الي قالت وهيه تخطف من عدالي: لاتمين فالحوي ، احينه بيون .. تعالي المطبخ! خطفت وياها وانا ارد على عمر: طفس واحد .. انزين قول اشتقتلج ، حلمتج وتمنيت انج هنيه .. شي يارياااال هب فالويه تعطيني! : ههههههههههههههه اسمييييج .. انزين ماعلينا .. علومج انتي؟! قلتله وانا ايلس على عتبة باب المطبخ : و الله مامن علوم .. الا هنيه .. شحال عميه!؟ .. وهله؟! .. هو كم بنيه عنده؟! قال: الحمدلله بخير .. كلهم طيبين ... سلمج ربي عنده لطوف وسويره!! ظحكت عليه: هههههه لطوف وسويره هاااه!؟ .. جان ماتقبظ لك وحده منهن ياخويه!! : هههههههههههههههههه هيه مررره .. جاد اني بربييييها على سلومنا .. هب هالخياس الي هن فيه!! قلت بصدمه: افا .. لاتقول؟! .. جيه كم اعمارهن؟! قالي: ماعرف بالضبط، اظني وحده صف رابع و الثاني ثامن ولا سابع .. ماحيد!! : حااافظ عليك ياعمر .. حليلهن يهااااال .. شوتبابهن .. المهم .. عمير شحاله؟ وشو مسوين فالدراسه؟! سمعت صوته يبعد وهو يرمس حد عدال جان اقوله: منوه هذا؟! .. قالي: مريوم فديتج بخليج .. برد اتصلج خلاف .. ابتسمت وانا اوقف وارد عليه: ماعليه فديتك .. ورد السلام على عمير وقوم عميه .. الله يحفظك! بندت التليفون وحطيته فمخبايه وسرت لهند .. قلتلها: هاه شو بنسوي؟! شفتها يالسه جدام الكبت مال الصحون الكبار وتفتش .. قلتلها وانا اوخي عليها: هنوووود!؟ رفعت راسيها وقالت: كنت اعد الصحون .. .شي ناقص تراه .. يبالنا نسير نشتري يداد .. المهم، سوي اللقيمات انتي ، جاهزه فالطاسه عندج .. قلت وانا اسير صوب الفرن: وشو تشوون من احينه!؟ قالتلي وهيه توقف: هاي كيكة قدرة قادر .. شفتها فالنت وحبيت اسويها .. قلت وانا احط الزيت فالجدر عسب اقلي الليقيمات: حـيّ .. نت بعد!؟ .. انزين البشكارة وين؟! قالت بسرعه: ايييه بس .. حشى عبرتي الزيت .. بلاج!! قلتلها وانا اوطي الزيت: بسم الله .. يالزطيه، انزييين زييتنا هب مالكم .. ابتسمت وانا اشوفها تغسل الصحن الزجاجي الملون وهيه تقول: محد زطي الا انتي .. حتى تليفون ماتردييين .. يالقاااسيه!! تجاهلت نغززتها وانا اسألها: وين البشكاره؟! قالت: سارت ويا عبدالله بتييب الناقص .. لنه خووج الحبيب مايعرف شو بيكنج باودر من الخميره!! : هههههههههه فديت اخويه انا .. حليله متعود على الدلااال هب سر وود .. قالت: جيه انتي كنتي اتييبن هالاشيا من الجمعيه؟! قلتله: هيه عيل .. ابويه خواني مايعرفون الا واحد زايد واحد يساوي اثنين .. وهالسوالف يبالها دوارة و عبااااله .. وبيخبصون لج كل شي !! قطعت رمستيه وانا اظحك: ههههههههه اقوووولج مره طرشت مبارك وحمد .. كانوا سايرين الجمعيه فعطيتهم لسته فيها كل الي اباه .. وقفت عدالي وقالت: عطيني بسوي وياج نخلص قبل لا اييون .. انزين كملي؟! كملت وانا احط الطاسه الي فيها عجينه اللقيمات وسطنا: هيه ، اقولج على اساس انا الي كنت بسير ويا اميه .. بس امايه يوها حريم .. فقالتلي طرشيها وياهم .. انا عاد نسااااايه، فكل الي اباه كتبته، حتى اشياء ماتلقينها فالجمعيه ،، مثل سوالفنا يالحريم .. ظحكت وهيه تقول: لاتقولين عطيتيهم الي فيها هالسوالف؟! : هههههههههههه الا يبت العيد اقووووولج ... كل شي حطيته .. المهم، كنت حاطه فام أزرق، وبين قوسين ( هب الأخظر الي يسوي حساسيه) .. عسب ما أنسى ... المهم وأشياء المطبخ وجيه ... بعد ماروحوا بدقايق .. اتصل مبارك على امايه ويقولها قولي حق مريم نحن هب سايرين المول عسب تطلب هالاشياء كلها .. سكت وانا اظحك وهند تقول: حليييلهم مايعرفون هالسوالف!! قلتلها وانا احرك اللقيمات فالجدر: اونه مايعرفون ؟ ,, المهم .. انا من الفشله ماطعت ارمسه .. ويوم خلصوا .. كنت يالسه ويا امايه فالصاله، وتوها صلاة العشى خلصت .. وما اشوف الا مبارك محمل بالاجياس وحمد وراه .. انا نسيت السالفه ... يا مبارك وسلم ويلس عقب ما فر الاجياس صوبي .. عاد انا من الدلاخه سألته بكل فرح يبتوا أغراضي اونه!! جان يظحك .. ويقولي : هيه ، عن تستويلج حساسيه بس ...!!! و تم يظحك .. انا هنيييه .. خلاااااااااااااص .. قفطت قفطه مابعدها قفطه .. اقوووولج سويت الهم اكبر طاااف وسرت الحجرة ومااظهرت الا عقب مارقدوا كلهم!!! هند: هههههههههه حافظ عليج .. قلتلها: والله ما انساها .. قالتلي وهيه توقف: اسمع صوت موتر ... طالعتها وهيه ترفع ستاير الدريشه وتقول: هذا حمد .. وين كان؟! قلتلها: مادري .. هنووود ... متى بيون هاييلا قلتي؟! لفت عليه وقالت: مابيتأخرون .. عبدالله قالي عالعصر بيكونون هنيه! هزيت راسي وانا اسكت ..... سبحان الله، توني اقول ليش ما اييب هله!! ابتسمت بهدوء .... الله يعين! . . | شما | . . الظهر، الساعه 4 ونص! . . هوست على ريلي الي رقدت من كثر ماكنت يالسه عليها ورفعت عيوني على عليا الي كانت تقول: ماعرف فديتج .. انزين يمكن غيرت رقمها؟! .. لا والله منااايه لاتقولين جيه ... هيه .. ظروف فديتج عسب جيه .. خلاص ياختيه فالعرس نعوض .. هيه ، قولي والله؟! .. ههههههههههه ماكنت ادري .. حتى شميم ختيه بتعرس 1-3 ... لا بعدنا ماطرشناهن .. ولايهمج .. شوه؟! طالعتها وهيه تظحك بقو ويدمعن عيونها .. ابتسمت بحزن وانا اشوف شبهها بامايه الله يرحمها ... آآآه كيف عروني قلبي، يالله كيف حسيت بغبنه قويه وانا اشوف البيت هادي من عقبها .. حتى البشاجير مايتظاربن شرات ماكانن يسوون .. شفت عليا تبند تليفونها وتقولي بابتسامه: هاي منى خت ريل غايه بنت سالم .. وكملت باستغراب: الا هيه مريم بنت عميه غيرت رقمها؟! قلت بهدوء وانا اوطي راسي واطالع ظفوري: شدراني .. تخبري عمرج .. قالت وهيه تيلس على الارض عدالي: تقولي غايه ربت الاسبوع الماضي و مريم منقطعه عنها من عرست .. قلتلها وانا اعدل شيلتيه يوم شفت باب قسم ابويه ينفج: ماعرف انا .. ماكنت هنيه تراني .. نزلت عيوني سكت ........ بيقول السلام عليكم و اذا يبا يتخبر عن شي بيسأل عليا جني انا هب موجوده .. رديت عليه السلام وقمت ويا علايه وسلمنا عليه .. وعيووونه مررره مااتيي فعيوني .. رديت ايلس بكل هدوء وانا اسمعه يتخبرها: وين عيل هند؟! قالت عليا: سارت امبارحه .. بعد هيه عندها ريل لازم ترد! قالها وهيه يظهر من الصاله: هيه زين .. ساير بيت عمكن انا جانه في خاطركن اتن .. رفعت راسي صوب عليا الي هزتني بريلها .. قلت بصوت واطي: كيفج انا مابسير .. ردت هيه على ابويه بسرعه: هيه ابويه ثواني وبنجهز ... قلت بعصبيه يوم عرفت ان ابويه ظهر: انا مابسير .. يرتني من ايدي وهيه تقول: تعاااااالي شو بنسوي هنيه!؟ .. بخيت عندهم وسلطان مادري وين روح!! قلت بغبنه وانا اير ايدي منها: علااايه ماروم .. تعرفين عقب السالفه كلهم يطالعوني غير .. قالت بقوة: شمااااا .. انتي ماسويتي شي غلط .. بعدين عيال عميه احينه يعرفون انج مالج ذنب ... حتى هاك اليوم كلهم يو يسلمون على عميه ويستسمحون منه .. قلت بهدوء وانا ايلس على كرسي التسريحه مالتها: مابا اسير علايه ... قالت وهيه تفر عليه العباه: و الله ان ماتلبستي العباه وركبتي ويا ابويه اني ازعل عليج .. عن الحركاااات شما .. وقفت باستسلام وقلت الها: بغير الكندورة اول شي .. قالت باستنكار: مابلاها شي الكندورة .. خلي عنج!! قلت باشمئزاز وانا اطالع كندورتي البيظا الي مافيها غير ورود حمر: يع .. شو اسير عقب هاي المده كلها .. صبري انتي!! ظهرت من حجرتها وسرت حجرتي وفتحت الكبت ... طاحت عيوني على الكندورة الخظرا والصفرا الي تلبستها يوم يوني هل مايد فنلدن .. ابتسمت بهدوء وانا ايرها واسير للحمام .. من يوم ييت هنيه .. ومايد ماله حس .. احس غير عقب ماكنت وياه فكل مكان .. تلبست الكندورة وظهرت وتجحلت وعدلت قصتيه وسرت لعليا .. قالتلي على طول: ابويه روح .. بخيت توه راد قلتله يودينا! نزلت ايدي باحباط عن مقبض الباب وانا اقول: بخيت؟! .. طالعتني وهيه تلبس شيلتها: شما .. تراه هو حاس بالذنب بس .. يعني لاتستوين انتي حساسه بزيااااده!! قلت بهدوء ونا اشل العباه الي فرتها عليه: انا هب حساسه! .. هو الي غير .. : يالله بنيااات قبل صلاة العصر .. مالفيت اطالعه عن يقفطني ويخطف عنيه .. تلبست العباه والشيله وخطفت من عداله وانا اسلم ..: السلام عليكم .. رد عليه السلام وكمل: يالله علايه ... بندي البيبان وراج ... سبقني على السياره وانا تباطأت لين ماخلصت علايه وبندت البيبان والليتات .. قلتلها: مانبطي علايه زين؟! قالت وهيه تركب جدام بعد ماظهرنا من البيت: نبطي مانبطي .. خلينا نوصل اول شي!! ركبت ورى وحرك بخيت الموتر .. وقال بعد فتره: هل منصور يايين عند عميه .. قالت عليا: والله!؟ .. زين حس على دمه!! قالها: بيراضونها ... مع انه السالفه هب داخله مخي .. بس يالله نمشيها عسب خاطر مريوم .. قالت عليا: عاده بخيت انته غير شكل .. يعني اختك ظاربنها ريلها وانته تقولـ... قطعت رمستها وانا ايلس فالنص واقول بصدمه: ريل مريم ظربها؟! رفعت عيوني على بخيت الي طالعني ثواني ورد يطالع الدرب .. فرديت انا على ورى وعليا تقولي: هيه .. استوت امبينهم مشكله وهيه الله يهديها عصبت وعلت حسها عليه وصفعها ... سكت وعليا تقول: منوه منهم يا؟! قال بخيت وهو يلف صوب شعبية قوم عميه: منصور وابوه وخوه .. وعمه ، وواحد من عياله ماعرفه .. مروان اسمه اظني .. خو مايد .. وقفنا فحوي بيت عميه وهو يكمل: وتراهن الحرمات بعد ين ..!! قلت بصدمه: شوه؟! .. هل عمه موجودين؟! لف عليه بخيت وقال: هيه ... هل مايد موجودين .. حسيت بنغزه قويه فقلبي يوم قال هل مايد .. مديت ايدي بتفح الباب وعليا تقوله: اها .. ماعليه .. يالله مع السلامه! نزلت وياها وبخيت ريوس وظهر من البيت ... زختني عليا من ايدي وقالت: اول مره يشووفونج هل ريلج صح؟! بارتباك هزيت راسي بلاء: لاء ... شافوني يوم كنا فلندن .. قالت بصدمه: شوه!؟ متى ؟ .. ماقلتيلي؟! قلت بسرعه: هب وقته احينه .. شو اسوي!؟ قالت عليا ببساطه وهيه تسير صوب باب الصاله: شو نسوي بعد!؟ .. ندش ونسلم! سرت وراها بسرعه وقلت: مالت عليج ... دخلنا بهدوء وسمعنا اصوات حريم من بااب ميلس الحريم الي على يسار الصاله .. شفنا هند تطلع من المغاسل شاله الغسول فايدها .. قالت على طول وبابتسامه: هلا والله ... ليش واقفات؟! قالت علايه: اهليييين .. ماشي ، بنشل العبي اول شي .. اشرت على باب فآخر الصاله: دشو القسم بتلقون حجرة مريم على يساركم ثاني وحده ... بعدها هناك .. خطفت عنا وانحن سرنا لين وين قالت .. سمعت عليا تقول قبل ماتفتح الباب: شو احتمالية انا نتلاقا ويا واحد من خوانـ... ماكملت رمستها الا وباب حجرتها انفج وظهر منه ريال بسرعه ... دعم في عليا الي شهقت بقو وهيه تسمي : بسم الله ... ردت على ورى لين دعمت فيني ..... من الصدمه ماعرفت شو اسوي .. بس الظحكه طلعت لا اراديه وانا ارص على ثميه عن يسمعها ... شفته يرد على ورى شويه ويعقد حياته وهو يطالعنا ... عقب نزل عيونه وهو يقول: سمحلي ماشفتكن ... حياكن ساير انا .. مسكتني عليا ورصت على ايدي بقو .... وانا نفس الشي يوم تعرفت عليه .. هــذا ... هـــذا حمد .. الي بغا يسل روحي هاك اليوم .. نزلت عيوني عنه بسرعه وانا احس بقشعريره تسري فجسمي .. شفته يوم يخطف من عدالنا ويظهر من بااب القسم .. طلعت مريم من الحجرة وقالت: علووووي بلا.... شمااااااااااااااااااا!! رفعت راسي بارتباك وانا اطالعها واسمع نبرة الشوق فصوتها .. يت بسرعه صوبي ولوت عليه بقو .. حسيت باحساس غريب وهيه تلوي عليه .. لويت عليها انا بعد ... سمعتها تقول: والله تولهت عليج الصراحه .. ابتعدت عني وسلمت على عليا ودخلنا حجرتها ... قالت عليا: هذا حمد توه؟! قالت بابتسامه: هيه .. لو ادري انج هنيه كان قبظته لين يشوفج .. شفت عليا تلف الصوب الثاني وهيه تعقد حياتها .. جان أقول لمريم: حمد ماتغير .. كله مستعيل! طالعتني بهدوء وهيه ترص على ايدي: فدييتج شمييم .. ماتعرفينهم خواني انتي .. ايونج شالين العصا بس لنج قلتي لاء!! نزلت راسي وانا بعدني احس برجفه وهيه تكمل: والله سمحيلي لو كنت موجوده ماخليته يسوي جيه .. بس شو نسوي ..! قلت بهدوء: ماعليه .. شحالج انتي؟! ردت بهدوء: بخير الحمدلله .. علايه بلاج؟! شفت عليا توقف وهيه تقول بسرعه: وين الحمام مريوم؟! وقفت مريوم بسرعه واشرت على باب فحجرتها الي تغيرت عن آخر مره شفتها: هذووه .. بلااااج علوووي؟! وقفت وياهن وسارت عليا للحمام وبندت الباب بالمفتاح .. ثواني وسمعنا صوتها تزوع .. قالتلي مريم بخوف: بلاها.!؟ .. شي يعورها؟! هزيت جتوفي بارتباك وانا ارد: ماعرف ... علااايه؟! . .حبيبي بلااااج؟! بعد ثواني ردت : ماشي .. احينه بطلع! يلست مريم على كرسي التسريحه وهيه تقول: شو بلاها علايه شما؟! قلت بهدوء وانا اطالعها: مادري ....... يلست على الشبريه جان تقولي: هل ريلج فالميلس ويا امايه ... هزيت راسي بهيه .. جان ترد وتقول: مابتسيرين تسلمين ..؟ رفعت راسي وقلت: ماعرف .... لازم؟! ابتسمت خلاف قالت بحنان استعجبت انه يطلع من شخصية مريم: اكيد فديتج .. لازم من أحينه تتعودين تسألين عنهم وعن أخبارهم .. بعدين أم ريلج بتكون شرات أمج .. ابتسمت بحزن وانا اقول: ماظنتيه .... محد يروم يحل محل الأم .. سكتت فتره وانا بعد سكت ... رفعت راسي يوم ظهرت علايه من الحمام وويهها أحمر ... قالتلها مريم: هاه الدلوعه؟ .. بلاج؟! قالت عليا ببرود: ماشي .... نسير شما نسلم .. وقفت ببطء وانا اطالع عمريه فالمنظرة: هاي نفس الكندورة الي شافني متلبستنها فلنلدن .. فشله ، مابسير! نقزت مريم صوب كبتها وهيه تحلف: و الله مارديتيني عيل .... تلبسي من كناديري ... اشرت بايدي باحراج: لا مريوم .. و الله لاء .. اصلا هب لازم اسلم .. يت صوبي وهيه شاله كندورة وايد حلوه حمرا وهيه تقول: حلفت أنا .. يالله سيري تلبسي .. طالعت عليا باحراج ... بس صدمتني عليا الي كانت اطالع ظفورها وعاقده حياتها .. هب ويانا!! مسكتها عنها وهيه تقول باصرار: شموووووه سمعي الرمسه ويالله! هزيت راسي ودخلت الحمام ........ مالت عليك يا مايد .. لاحقني بالاحراج و الفشله لييييييييييييين هنيييه؟! . . نفس الوقت .. | عليا | . . مسحت ويهي ببطء وأنا اتنفس بعمق ..... يالله انك ترحمني .... رفعت عيوني لمريم الي قالت وهيه تيلس عدالي: كل هذا لنج شفتي حمد؟! حسيت بقلبي يعورني وانا ارد بسرعه: لاء .. لاء و الله .. امنوه قال؟! هزت راسها وهيه تقول بحزن: علووووي ... حمد مايخصه .. كم مره بقول؟! لفيت عنها وانا احس باللوعة ترد لي ... وصورة امايه وهيه طايحه على الدري تتمركز جدام عيوني .. حسيت بغبنه وانا اغطي ويهي واقول بصوت واطي: مايخـصه .. مايــخصه! حسيت بايدها على ظهريه ... ماتحملت وبديت اصيح وانا اردد: والله مايخصه .. ليش تقولين جيه؟! قالت مريم وهيه تمسح على ظهريه: لاحظتها من دخلتي ... علايه ... تراه حمد والله مايخصه .. قالي انه حاول يخلي خالد يخطبج، بس تعرفين انتي مايروم يقول لعمه سر ازقر ولد خالتها خله ياخذها!! رفعت راسي بصدمه قويه وانا اسمع الي تقوله: شوه؟! ..... لحــظة ... حمد قالج عن خالد؟! طالعتني باستغراب وهيه تقول: هيه ..... قالي عن انه كان يباج ، وانه يا عنده فالميلس وحمد رخصج له .. بس عـ... مديت ايدي وسكتها بصدمه واشمئزاز من هالحمد: بس بس ... لاتكملين .. وتقولين اخويه مابلاه شي ومايخصه ... شوفي شو سوى!؟ قالت بسرعه وهيه توقف ويايه: والله مايخصه .. أنا الي حشرته وخليته يخبرني .. قلت بعصبيه: طبعا لنج وايد حشريه ....... وكملت بغضب وانا ااشر عليها: وااااايد تدخلين مريم ... انزين وبنت عميه، خلااااااص فهمنا، هب لازم كل شي انتي تعرفين عنه او تشرفين عليه ... كيف خوج يقولج عن خالد ...... مايستحي!!! طالعتني بعيون مفتوحه جان اقولها: لاتطالعيني جيه .. جنج البريئة الي مايخصها .. توج بلسانج قلتي حشرته لين ماخبرني .... : اييه بلاكن؟! .. لفيت عن شما الي طلعت من الحمام وانا اقول: يالله انتي بعد ... نسلم ونرد البيت .. شفتها تلبس شيلها واتي ورايه ..... قبل ما اظهر من الحجرة رديت الف على مريم الي كانت واقفه بصدمه واضحه فويهها: حمد الي تقولين انه مايخصه ... هو السبب فكل شي يستويلي!! طلعت من حجرتها وطلعت ورايه شما وهيه تقول باستغراب: شو السالفه علايه؟! قلتله: سكتي .. بنسلم وبتصل على بخيت اي يردنا ... وقفت عند باب ميلس الحريم وانا القط انفاسي .... عـجب ، عجب والله! ولا منوه كان يصدق اني بقول هالرمسه لمريم بنت عميه!؟ ... تنفست بعمق ودخلت .. كانت هند يالسه على طرف الباب وعدالها حرمه شكلها صغيرة ... وام عبدالله فمقدمة الميلس وعدالها حرمتين .... سلمت: السلام عليكم و الرحمه ... دخلت ورايه شما الي من شافتها الحرمة العوده الي يالسه عدال ام عبدالله رحبت ابها ، عرفت انها ام مايد ريل شما .. سلمنا ويوم يينا بنيلس عدال هند قالت ام مايد: فدييييتج شمااا .. تعالي هنيييه عدالي! سارت صوبها شما بارتباك و يلست عدالها ... يلست انا عدال هند الي قالت: بلاكن ابطيتن؟! قلت بهدوء وانا ابتسم للحرمه: والله شوي لهينا ويا مريوم .. شحالج ام حمد؟! ردت عليه: بخير الحمدلله ... ونتي؟ .. شحالج؟ هزيت راسي وانا اطالع شما الي يلستها الحرمه عدالها وترمسها: بخير طال عمرج ... قالت هند: هيييه يت شما وشلت عنا التراحيب كلها .. شوفي بالله عليج ام مايد كيف ترمسها .. ماتقول غير بنتها وظايعه عنها!! ظحكت ام حمد: هههههه هييه جيه عموه .... وايد مرحبانيه ماشاء الله عليها .. الا وينها مريم؟! قلت بهدوء: فالحجرة فديتج ... قالت وهيه اطالع تليفونها: ابطت اشوفها .... قالت هند بسرعه: صدقج و الله .. بسير اطالعها .. طالعت ام حمد الي سألتني يوم ظهرت هند: ماشاء الله انتي خت هند وشما صح؟! ابتسمت وانا اجاوب: هيه فديتج .. ردت تقول باستغراب: مالجه؟! قلت بهدوء: هيه ... : منوه!؟ رفعت راسي صوبها وانا ابتسم بغبنه: ولد عمي .. خو ريل هند .. ابتسمت بقو وهيه تقول: ماشاء الله عليكم هل العين ... كله تاخذون من عيال عمكن .. احسن لو تفكرين ابها ... عسب اتمون رباعه.. هزيت راسي بهدوء وانا لف عنها .... طاحت عيوني على شما الي محمره بقو .... ابتسمت .. على الأقل حد مستانس ..! . . | منصور | . . قبظت بقو على مقبض الكرسي وانا منقـــهر .. اسمعوا دخيلكم شروط الهانم ... اونه شوه؟ .. اشتريلي موتر، وفله فالعين .. و احط فحسابها 100 ألف !! جيه بعرس مره ثانيه أنا؟! قهرتني بحركتها، جني بشتريها ...لفيت على ابويه الي كل ماقال عبدالله ولا بوسلطان شي قال تم ... ابتسمت ببرود فويه عيد الي يالس جدامي ... طالعته وهو يوقف ويظهر .. افففففففف ... انا مش عيزان عن هذا كله .... بس قهرتني حركتها، جنها مش هيه الي غلطت ... بس سكت .. بعد دقايق خلصنا كل شي ... وقف ابويه وعميه جان اوقف وياه ومروان ولد عميه عدالي .. قلتله: وين مايد عيل؟! قالي بهدوء: فعزبته .. سلمنا عليهم وظهرنا .. بس قبل ما نسير قبظني عبدالله وقالي بهدوء: اسمعني منصور .. تراها هاي كلها شروط مريم ... وانا ختيه مارضى عليها لو شو كان .. و هب انا الي اتشرط على ريل ختيه جيه .. الفلوس ماتهمني شرات مايهمني الاحترام و التقدير .. وكمل وهو يرص على ايدي: ولا تنسى أبداً .. إن مريم عندها سند وخوان ..... صح هيه غلطت ، بس انك تصلح غلطها بغلط اكبر عنه ..، مابيحل من المشكله شي! كان بيكمل بس قطعت رمسته: بو حميد .... اختك غلطت عليه، بس انا طوفتها بمزاجي، تونا فبداية حياتنا .. شي بديهي انا بنمر بمشاكل .. بس هيه الي زودتها وظهرت من البيت بليا شوري .. خوزت ايده عني وانا اقول: احينه اسمحلي .. ركبت موتريه وانا اشوف عبدالله يرد البيت والحريم يظرهن من باب الصاله .. ريوست وطلعت من شعبيتهم ...... ماعليه يا مريم .. شو تتحريني لعبه؟ سير يمين اسير يمين .... تخسين فديتج!!! بعدج ماعرفتي منصور بن غاشم! مسكت تليفونيه ودقيت الها ..... ماردت ، جان اطرش لها مسج وانا اوقف عند الشيشه: السلام عليج .. شحالج مريم؟! هاه؟ .. طاح الي فراسج؟! حركت الموتر وسرت للسوبرماركت .. نزلت وخذت لي صن كويك وماي ... سمعت صوت صوت التليفون يصيح .... ابتسمت وانا اشوفها تتصل! رديت على طول وانا اظهر من السوبرماركت: هلا ... قالت بعد فتره: السلام عليكم .. رديت وانا اركب الموتر: عليج السلام .. وسكت اترياها هيه الي ترمس ... جان تقول: ماكان فيه شي فراسي عسب يطيح ... ابتسمت .. حركت الموتر وحطيت السماعه فاذني عقب قلتلها بهدوء: شحالج؟! : بخير ... : متى بتردين!؟ .. ولا تبين شروطج يتنفذن اول شي؟! سكتت ... عقب فجأة قالت: منصور ليش خذت المها؟! .. لنك تحبها؟! عقدت حياتي وقلت: لاء .. : عيل لنها بنت عمك؟! : بعد لاء! قالت بعصبيه: عيل ليش؟ .. لنه كانت امبينكم علاقه!؟ : هيه !! شهقت بقو ...... عقب قالت: شوه!؟ قلت على طول وانا آخذ درب دبي العين: انتي سألتي وانا جاوبت .. هيه كنت أحبها وانا صغير .. و هيه بعد، و .... سكت فتره وما اسمع غير صوت تنفسها العالي .. جان اقول: مريم .. يبالها يلسه هالسوالف .. بخطف عليج باجر الصبح وتعالي ... قالت بسرعه: لاء ... قبل ماتنفذ شروطي، ريلي مابطيح دبي! قلت بعصبيه: عيل شله تسألين وتتصلين؟! قالت بصوت ممطوط: اشتـــقت ...شو اسوي! فز قلبي من نبرة صوتها ... فقلت بنفس نبرتها: و انا محد يتخبر عني جاني اشتقت ولا؟! كملت انا بهدوء: اشتقت لج يالبايــخه! ابستمت وانا اسمعها تقول: منصور ..... انا آسفة على الي سويته، بس بعدني ابا اعرف شو سالفتك ويا المها بالضبط ..... قلتلها: انتي تعالي ومالج الا الي تبينه .. ردت عليه: هب قبل ماتنفذ شروطي .. احينه اسمحلي بسير .. : مع السلامه! بندت عنها وتنهدت بقو ... اففف منج، و من فطيم ومن المها الي من دخلت حياتي وانا كل شوي اتعثر!! . . نفس اليوم فالليل .. الساعه 11 وربع .. | مايد | . . : سر حره ثاني مره ... ماتسمع انته؟! طالعت فريد الي قال بعصبيه: انته كله قول سوي بارد ... هازا بارد!!! مسكت اعصابي وانا ارد عليه: واحينه اباك تحره .. يالله بسرعه!! تأفف وهو يوقف ويشل وياه طاسة حليب الناقه: اففففف .. وااجد سوي قرقر!! رفعت عيوني صوبه وقلت: سمعتك ............. طالعي وقال: وبأدين؟! : ههههههههه يعلك ياااربي يافريد .. سر حر الحليب وتعال بنسولف!! أشر بايده بلاء وسار عني .... ابتسمت على رمسته .. هالفريد ويايه من خمس سنين، وكل يوم انا وياه سوالف وظرابه .. انسدحت فمكاني زين وانا ارفع تليفوني الي كان يصيح: حيّــه .. شحالك بوهنااااد؟! : يحييك .. الحمدلله طيب .. شحالك انته؟! رديت عليه: بخير الحمدلله .. هاه وين؟! قال بسرعه: ماايد انته وين!؟ : هنيه فالذيد .. شعنه؟! قال بدهشه: شو تسوي هناك؟! .. ويييييييييييييييين الي يقول بييك!؟ قلت باستغراب وانا ايلس: شوه؟! .. قال بصوت عالي: اناا من العصر وانا اترياااااك .. وانته طاااااااااااف مسويلي! .. يالحماااار ماقلتلي اليوم الصبح بييك عالعشى؟! عظيت شفتيه وانا اقول بسرعه: فدييتك و الله يابوهنااد .. قسم بالله نسييييييت .. : يالسبااال وانا حليلي قلت مايد مابينسى .. ظرك حمار وتنسى!!! : حمار محد غيرك انزين .. لا اتم تسبني وانا ساكت! : محد قالك تسكت .. احينه شوه؟! قلت بعبط: احينه شوه؟! قال بعصبيه: ميووود يالهرم ارمس جد انا .. : هههههههههه خلااااص لاتعصب .. تعال العزبه .. و الله بتستاانس الجو فنان! سكت عقب قال: بتعشيني؟.. قلت بسرعه: تخسي .. جيه حرمتك؟! قال على طول: عيل اجلب ويهك .. قطعت رمسته: حشى .. والله لو انا الي قايل ، بتكالني .. المهم تعال بعشيك .. قال بهدوء: ابا دياي مشواي ... وابا عيش وروب .. وابا مجبوس لحم، وابا كيكة نسكافيه .. ودلة اقهوة و طاسة رطب بارد ... و ... رفعت حايبي وانا اقطع رمسته: هيه ؟ . .ماتبا بعد لحم قعود؟! .. وبرياني و صالونه دياي ... متأكد!؟ انته بس آمر؟! عقب قلت بصوت عالي: والله ماسويت ، ابوووويه بحط لك خبز وجبن وبتتعشى وانته خااااااايس .... قال بظحكه: ههههههههههه مالت عليك يالبيب!! قلت بعصبيه: سوييييييفوووووه لاتقول بيب .. ماتستحي انته ريال بلحيتيه تعايب عليه؟! : هههههههههههه عصب عصب البيب .. يالله بيييك احينه .. قلت بسرعه: والله يتشوف .. جان ما احط لك فيران مشويه .. : تهبي .. ماتسويها ولد علي! ابتسمت وانا اقوله: يالله .. حيااااك تعشى وتسحر وافطر وتغدى كل شي!! : هيه عسب تتخمني وانا الي ابتلش .. خايس واحد .. قلتله وانا اشوف فريد ياي: يالله يالله اترياك .. : جلب ويهك .. قلت بسرعه قبل لا يبند: ماعرف كيف اجلبه تعال علمني! : هيه مسؤول عنك انا ... سلام! ابتسمت وانا ارد عليه: سلام ! قالي فريد على طول: هازا ربيع مال انته؟! قلتله وانا ارفع حايبي: هيه ربيعي .. وانته بتسويله عشا .. تسمع؟! قال وهو يظرب راسه: شووو عشى هازا ساعه واحد؟! طالعت الساعه الي بعدها 12 الا عشر دقايق: يالله كيف يخرط .. اي وحده؟ عنبوووك زااد احول انته .. بعدها 12 .. سر سر بس سو عشا!! وطى الدلة جدامي وقال بغضب: آخر مره ....... يسمع انته!؟ اشرت بايدي وانا افتحها: هيه هيه اسمع الحمدلله .... وين القلاسات؟! .. و كملت وانا ابند الدله بعد ما تأكدت ان الحلي حار : يالزطي هاااات غير هذا!!! ظهر وسار للمطبخ وانا فتحت التليفزيون الي جدامي ..... احينه بيي سيف ولد عمر ربيعي .... الله يعيني يوم اقوله اني بعرس بعد 3 شهور .. اسميه بيعصب!! على طاري العرس .... تعرفون اني اشتقت لهالشما؟! ... ابتسمت وانا اشل تليفونيه واطرش الها مسج : السلام عليكم ... واعيه؟! وطيت التليفون فثبانيه .. اذا كانت واعيه بتصل الها ... ابا اعرف شو تسوي وكيف عايشه وشو تعاملهم وياها!! لقاااافه صح؟ .. والله انا مايخصني، حرمتي وبسـ... رفعت التليفون يوم سمعت صوت المسج .. ابتسمت وانا اقرا: وعليكم السلام .. ليش تسأل؟! رديت عليها: بس .. كيفي ... حرمتي ولا؟! ردت بعد فتره: مايد شو تبا؟! رديت عليها: ابا اشوفج ممكن!؟ ابطت ماردت ... بس بعد فتره طرشت: طبعا هب ممكن .. انته تخبلت؟! ابتسمت واتصلت عليها ... ماردت .. جان اطرش لي: لا تتصل .. شو تبا انته احينه؟! رديت اتصل جان ترد بعصبيه: و الله انك ياهل .. شوتبا؟! قلت ببطء: هلا والله .. مرحبا الساااع بشما .. شحالج الغاليه؟! .. عساج بخير؟! .. ماردت عليه .. بس عرفت انها مرتبكه من تنفسها السريع .. قلت بهدوء وانا ابتسمت: اشتقت لظرابتج وصوتج العالي .. شوتسوين؟! قالت بعبط: ارقص!!! : ههههههههههههههه معلايه!؟ : هيه عندك مانع؟! : لا عندي مايد .. تبينه؟! ردت على طول وببرود: بيبطي الساع .... ابتسمت وانا اقول: تراه العرس 1-3 .. جانج ماتعرفين .. وزهباج وصلته لين باب بيتكم .. شفتيه؟ : لاء ... بعدين منوه قالك تشتري الزهاب؟! هب عيزانه انا! رديت وانا اوقف يوم شفت موتر سيف وقف جدام الخيمه: هيه بتخبرج انا ... زهابج وصل لين ريولج .. وتحمدين ربج اني ان الي اشتريه .. وكملت وانا افتح الباب: احينه تصبحين على خير .. بندت عنها قبل ما اسمع ردها وانا اوايه سيف الي قال: شحالك؟! : طيب وانته؟! : الحمدلله .. يالله وين العشا!؟ قلت بابتسامه وانا ايلس جدامه: بييبه فريد احينه .... علومك انته!؟ قال وهو يفر عنه السفره ويحج شعره : مامن علوم والله .. انته الي عندك العلوم ياللوووتي .. قلت بهدوء وانا اناوله الفنيال: لوتي؟ .. قال بهدوء : هيه لوتي وابو اللواته بعد .. قالي مروان بتعرس .. صدق؟! رفعت راسي وانا ابتسم: هيه شفت عاد!!؟ قال بصدمه: قول والله؟! .. قلت بهدوء: والله ... طالعني بزعل وقال: وشعنه خاش عنيه! ؟ .. تتحرا ني بحسدك!؟ ظحكني رده: ههههههههههه لا منوه قال! قال بنفس الصوت الزعلان: عيل شله ماتقول؟! هزيت جتوفي بهدوء وقلت: ماخشيت عنك شي .. بس سالفة عوده شوي استوت قبل الملجه ... وبين ساعة وساعه لقيت عمري معرس!!! قال بعدم فهم: شقا بعد جيه؟! قلت بهدوء وانا انزل عيوني: سالفة طويلة ماتنقال ... المهم انه العرس شهر 3 ... قال بتفكير: يعني قبل عرسي باربع شهور .. لا ثلاث .. يالخااااايس غرت هااااه!!! قلتله : والله بتعرس وبتاخذ ختيه وماتباني اغاااار ... لا بعد لنا ربع .. سرت وتنقيت وحده سمها نفس الشي! شفته يبتسم بقو ويقول بصوت حالم وهو يغمظ عيونه: شمـا ... فديت هالاسم أنا!! ظربته بقو على ظهره وانا اقول: يالي ماتستحي وجدااااامي تقول! قال وهو يبتعد عنيه: حشى يا مايد .. جنك ماتعرفني .. بعدين انا معرس احينه لازم ماتظربني .. قلتله: اونه! .. ماعليه ان ماوزيت شما عليك .. عاده هيه اروحها ماتقهر، من نطري اسمك تمت تنغز بالرمسه!! قال بصدمه: افا ... شو تقول؟! قلت بمكر وانا اوقف: تقـــــول ... تقول أشياء ماتنقااااال يا الخوي!! وقف بسرعه ومسكني وهو يقول: ورفجة هلي انك تقوووول .... تملصت منه وانا ارد: لا لا .... مايووووز .. اخاف اكون السبب فطلاقكم!! شهق وهو يقول بصدمه: اي طلاق؟! ... تخسي انته وهيه .. خل تسير تعدل لسانها اخير الها لنه ماشي طلاااق .. و الله آخر زمن ..!! طالعته وانا بموت من الظحك كيف عصب يوم طريت الطلاق .. رد يقول بعصبيه: والله ياميووود لو تطريه جدامي بذبحك تراني!! اشرت بايدي وانا اظحك: هدي هدي ياريال بلاك؟! يلس بعصبيه: انته واختك بتيبون لي جلطه فيوم .... قلت باستغراب: ليش تقول جيه؟! اشر بايده: سر تخبرها .. تقول غاصبنها على شي .. عنبو يوم انه التليفون ماترد علييه كيف بتفاهم وياها؟! كنت بظهر من الخيمه جان اقوله بهدوء: تراها شما صغيره عليك سيف .. فلاتستوي حساس ... بعدين احمد ربك انه ابويه خلاك تسولف وياها وترمسها فالتيليفون ... وكملت : لاتتحرا اني ماعرف انك شفتها هاك اليوم للبيت .. وتعشيت وياها!!! رفع راسه وقال بنفس العصبيه الي ماتفارقه: وخيييييير ياااااطيييير .... شوعندك!؟ .. شو تبا؟!. .حرمتي وكيييييييفي .. واشر باصبعه وهو يصارخ فويهي: والله لو يدكم الخامس ينش من قبره احينه ويقولي لاتسوي جيه ، والله لزييييد واشلها جاني ابغي بعد!! قلت بعصبيه : ايييييييه بلاااك انته؟! .. ماقلت شي انا .. عنبووووو مايروم حد يقولك شي .. رد يقول: انته تعصببي .. لاتم جيه ترمسني وانا مابعصــب!! اتجدمت منه وظربته على راسه وانا ابتسم: يالحماااار .. انته الي فتحت السالفه ... وكملت وانا اظهر: الله يعيين ختيه عليك! سمعت صراخه ورايه: هااااااات العشى وياك!! . . بعد يوم .. | عيد | . . فريت عني الكتاب بملل وانا اطيح على ارضية الصالة ... اففففف تاريخ تاريخ ولووووعة جغراافيا ... والله لو اني علمي!! رديت ايلس وانا ايمع الكتب والدفاتر .. بسير اصلي العصر واحوط شويه .. رفعت راسي على دخول امايه من باب الصاله وشاله فايدها اوراق .. قلت على طول: امااااااااااايااااااه .. دخييييلج سويلي امتحان تجريبي؟ .. ولا خلي حد من ربايعج فالوزارة يسووونه!! طالعتني بنظرة عصبيه ... مثل هالايام الفايته كلها: انته ذاكر زين واحفظ الي فالكتاب وماشي بيصعب عليك .. قلت باحباط وانا اوقف: انزيييين تجريبي ... ماعرف انا بس اذاكر .. لازم احل فملازم!! قالت: سر اشتري ملازم من المكتبة ... تلقاهم مكودات هناك .. بوزت وانا اسير لحجرتيه: انزييييييييييين ... حتى مساعده ماتسوون!! : شوه؟! اشرت بايدي: ماشي ماشي .. دخلت الحجرة وفريت الكتب على طاولة الاب توب .. وفسخت الكندورة .. تيددت وتلبست كندورة ثانيه وتسفرت .. شليت تليفونيه وسويج الموتر وظهرت!! الي يقول احينه هذا موووتريه ... الا عبدالله وامايه الله يهديكم هب طايعين يخلوني اشتريه ... بس خذت نسيان عبدالله الجديم وعدلته!! كانت امايه بعدها فالصاله يوم انا ظهرت وهند ترمسها: عمتييه فديتج اجلوووه تراه!! وقفت عدال امايه الي قالت: هيه ادريبهم .. لكن هب زين ... عنبو تراب امج بعدها مابردت!! عقدت حياتي باستغراب: شو السالفه؟! قالتلي هند: عرس شما ختيه اجلوه لين 1-3 .. فديتج عمتيه الحي ابقى من الميت .. صح امايه الله يرحمها توها .. بس شو نسوي؟! .. ارادة ربج . قلت بقهر: هاي الخايسه بعد بتسوولها عرس .. ماحسيت الا بنفيال يظرب ينبي وصوت امايه: مالخايس الا انته .. ماتحشم ياولد سلطان!؟ مسحت على جتفي وانا اقول: وصادق انا .... سمعت هند تقول بهدوء: بعد انته هب مصدق؟! قلت وانا اظهر: مصدق ولا مب مصدق .. شي راجعلي! طلعت من البيت وانا افكر فهالشما ..... مع اني كنت شاك، بس من طريقة حمد يوم يخبرنا بالسالفه، ماتقول الا هيه الي راعية هالسوالف .. بس احيد بخيت قال انها تبا تسير الخياط فنفس الليله .. وعميه كان توه مشتري لكززس .. يعني، فيه امكانيه ان السالفه تكوت سوء تفاهم .. انا مصدق، بس عزت نفسي ماتسمح لي اصدق فيها اي شي .. هيييج الخايسه الي دفرتني هاك اليوم .. و الله ما انساها الها!!! سمعت الامام يقيم فاتجدمت بسرعه صوب المسيد عن تفوتني ... بعد نص ساعه كنت توني بركب الموتر بس وقفني مروان ولد سليم: عيوووود .. اصبر لحظة .. شفته يسلم على بوراشد وخلاف يا صوبي .. قلتله وانا افتح باب الموتر: مرحبا .. شحالك!؟ وايهني : مرحبتين .. انته شحالك؟! قلت بهدوء: الحمدلله طيب ... : علوم الاقتصاد؟! قلت باشمئزاز: يع .. لوعه!! قال وهو يظحك: يع !!!! .. يالبنيه ..المهم.. وين ساير؟! قلتله بنفاذ صبر: ساير المكان الي سايرله .. انته شلك؟! دار على الموتر وركب من الجهه الثانيه وهو يقول: يالله بنسير وياك فالمكان الي ساير له!! ربكت على مضض وحركت الموتر .. قالي: فايز مايرمسك؟! قلت بهدوء وانا اطلع من الشعبيه: له ..... من زمان مارمسته .. ليش؟! قال بخبث: ماشي .. بس سمعت انه زخوه الشرطه، ماتعرف شو مسوي؟! سكت عنه وانا اغير السالفه: علوووم ولد خالك الي مسافر؟! رد عليه: محمد؟ .. بخير والله ، لف الكافتيريا بناكل شي!! طالعته بطرف عيني وانا الف: اها .... وقفنا عند الكافتيريا جان يقول: يالله شوتتريا انزل اطلب الناا.. هرنت على راعي الكافتيريا عسب ايي وانا اقوله: بطلبنا .. شو ورايه!! فتحت الدريشه وانا اقول للهندي: هات ثنينه شوارما وثنينه بيبسي ... و .. : شو ثنينه؟ .. اربع قوله!! طالعته وانا اقول: بتسكت ولا اسكتك!؟ مد ايدي وقال: خلااص سكتنا .. رديت اقول للهندي: هات ثلاث شوراما وثنينه ببسي ودبة ما .... وقلاااساااات .. هز الهندي راسه وروح .. قالي مروان: فاتتك السيرة والله يا بوسلطان ... تجاهلت رمسته وانا افتح المسجل جان يقول: مابتتخبر شو الي سوينا؟! قلتله وانا احط سيدي لاغاني ميحد: مافيني لقافه الحمدلله ..... رد يقول باصرار: انته تخبر وبتشوف جانه فيك لقافه ولا!!! لفيت عليه وانا احط ايدي على خدي وأتخبره بملل: وشو سويتوا هناك يا مروان؟! قال وهو يبتسم ابتسامة عريضة: ربشه هناك ... كل شي تلقاه .. مرررره الي فخاطرم تلقاه هناك ، شراب وعيشه غير عن هنيه ... وملاهي فنااااانه!!! قلت باستغراب: عنبووو يهال تسيرون ملاهي؟!! رمشت اكثر عن مره وانا اشوفه ينقع من الظحك: بلااااك!؟ .. حشى شوقلت ثرني ؟ قال بعد فتره: ههههه و الله انك سوالف .. صدقه فايز يوم يقول يبالك تفهييم!! عقدت حياتي وانا اقول: شوه؟! .. وليش جيه يقول فايز؟! .. لفيت على الهندي الي دق الدريشة: كم؟! : 15 .. قلتله بسرعه: حق شوه 15؟ .. يالخرطي ، اندوك .... لحظة تعااااال .. طالعت الكيس الي ماحط فيه قلاسات جان اقوله: وين القلاسات؟! .. هات اربع!! هز راسه وروح ... مديت الكيس لمروان الي فتحه وشل سندويشه ويلس ياكل .. يعلك يامرواااان .. حتى ماقال انا بدفع!! قلتله بعد ماخذت القلاسات من الهندي وحركت: وين كنتوا امسات؟!؟ : سرنا دبي مول .. تعيشنا هناك وردينا .. : اها .. منوه وياكم؟! قال : فايز وحمدان و شباب من دبي .. قلتله وانا افتح سندويشي: هييه قوم سالم؟! هز راسه بلاء: لاء .. سرت صوب مبزرة وانا اقوله: عيل منوه؟! .. قال بعد فتره: ماتعرفهم ... طالعته بطرف عيني : ماعرفهم!؟ .. قول ماتبا تقول وخلاص ... منوه ماعرف انا فدبي؟ رد يقول: ماتعرفهم ياريال .. احينه وين ساير انته؟! قلت وانا الف صوب جبل حفيت: بطلع فوق ...... خيييبه يالزحمه كييف!! قال: جنه ماشي مدارس عقب باجر!! ظحكت: هههههههه قول حق عمرك .. لا وثانوية عامه بعد!! |
رد: أوعدك ، لا توسدت التراب .. ما أبكيك!
حي الله نوح وحمد لله على السلامة طولتي الغبيه اذكر أني قريتها بس من كثر الروايات نسيتها
بس تدرين ذكرتني فيها أختي امس وقلت لها نسيت قالت الله نسيتي من كان يراهن انها كاتبه مميزه وبتصير روايتها من اروع الروايات بليلاس عاد تدرين متى تذكرت يوم تقول انك كنت تقولين انها بتصير مثل معاني الكاتبه المتألقة احس فيه من أسلوبها كثر وهذا الي عجبني في الروايه والله أقوله وانا صادقه اندمجت مع روايتك وحبيتها بس ها بنشب لك لما تكملينها على خير وبفصفص عيالك فصفصه. راجعه لهم بتعلق اذا فضيت بس الي ماينسكت عنه منصور وزواجه من مرايم الله وكبر يبونها تفرخ لهم وبس والا السالفه طويله وعويصه يبيلها تريث بس انا ماعندي وقت كله مستعجله لو انا من مريم ولا قرش ولا بيت بيسو عندي وهذي نواياهم وتقعد في حلقه لما يقول لي السالفه كلها ماهو أقول وحشتني واسولف معه عادي كانه ماصار شي ومكفخني مايد شما سالفه ثانيه وطريقة زواجهم هههه الله لايبلانا خلي الكوري ينفعك حتى ماشافت وهي تدخل سيارة الرجال ولا منه السايق بس أبشرك طاحو ولد غاشم ولد علي في الحب وغرقانين لين شوشهم في بنات العين سلام مشغوله بس ان شاءالله أسير في الليل ألقى جزاء جديد ويبرد خاطري مشكوره نوح على البارت الطويل ومشكوره انك كملتي الروايه وماهجرتيها للأبد في انتظارك |
رد: أوعدك ، لا توسدت التراب .. ما أبكيك!
نوح الحمام شحالج خيتو شو مسوية
كملي الرواية هني ﻻن منتدى الم تسكر وكنت اتابعج |
| الساعة الآن 01:00 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية