منتديات ليلاس - أحيا وأموت وعزتي راس مالي عهدً على نفسي بنفسي قطعته

( البارت الخامس )*

مشو لين السياره وركبت معه وبأسها فهد على جبينها
: بندر ماوصيك عليها الله الله فيها

بندر : أبشر

مشت السياره في هدوء تام كل منهم سارح في خياله
وصلو الفندق
: يالله أنزلي

وسميه تحس أرجولها ماتشيلها من الرجفه

بندر : يالله أخلصي أنزلي لاتسوين لي فيها مستحيه وحركات
يوم قلت لبيش آبغي العرس عقب شهر على طول وافقتي وابلشتيني

وسميه منصصصصدمه "حححقير بس ماقدر أقول شي لأن كل شي في صفه "

بندر : خلصيني أنزلي مت حر قومي

وسميه ماقالت ولا كلمه نزلت بكل هدوء مشى قبلها وهي تتبعه دخلو علي جناحهم ماقدرت تكمل خلاص بتموت رجفه قعدت على طول في أقرب كنبه
فضخت الشيله والغطوه عن وجها بندر وهو معطيها ظهره حس فيها يوم قعدت
: لاتصدقين عمرش ترإ ماراح أقعد معش مثل العروسين ليتله عرسهم

وسميه عصبت وش يحسب نفسه بأموت عليها كل شوي يقط كلمه
: هيه انت لاتفض رأسي ترإ موافقه عليك عشان أبي ؤلا عارفه أعلومك السودا ( لاتفض = لاتزيد الوجع )

بندر التفت لها بغضب من كلمتها ” علومك السودا“ انصدم باللي يشوفه
"وش هالنعومه وش هالرقه مختلفه مع شخصيتها وعنادها أبداً ماتخيلتها كذا يأرب رحمتك لاتخلي جمالها بضعفني "
: وش علومي السودا يا محترمه

وسميه استحت من نضراته كان يتفحصها بقوه ماقدرت تتكلم ؤلا ودها تقول كل حاجه

بندر سكت فتره بعد ما إشبعه نظره فيها : قومي بدلي عشان نصلي

وسميه بضحكة استهزاء : ياحليلك للحين تعرف الدين

بندر اقترب لها بغضب أمسك فكها بقوه تكلم من بين أسنانه: وسميه خلي الليل يعدي على لاتجربين زعلي تندمين

وسميه تحاول تشيل يده منها تحس فكها بينكسر أمسكت يديه بقوه لعله يحس بالمها ويتركها عقدت حاجبيها بألم " وسميه لاتبكين لاتضعفين خليش قويه لاتشمتينه فيش " لم بفدها تشجيعها لنفسها نزلت دمعتها على يده

بندر انصعق من دمعتها يعرف غرورها مستحيل تنزل تدمعتها "أكيد أوجعتها ولا ذا النعومه تنمسك كذا أكيد جرحت خدها يمكن كسرت فكها " قبل خدها بنعومه ولم يستطيع ترك شفتيها اللتي ترتجف من الخوف قبلها ططوويلاً
تركها بعد ما حس برجفتها وأبتعادها
: أسف إنتي اللي ألحقتيني أقصاي

وسميه مشت لحمام ( الله يعزكم ) تحس أنها موب في وعيها " معقوله هو سوا كذا وقح وقح وقح " وبكككت طويلاً

( بيت أبو محمد )

فهد : يمه فديتش ترإ قريبه بيت عمها متى مآبغيتيها سحبتها لش

أم محمد. وهي تبكي : بتنظام يا فهد بتنظام

فهد : يا دافع البلا وش ذا الكلام استغفري لاتفولين عليها وسميه من عرفها حبها وبندر رجال

أم محمد :انت داري أنه استخف عقب دارسته الأخيره وتعرف أن وسميه ماتدانيه وعنيده وتقط الكلمه مايهمها اللي توها

فهد : يمه تردين أن فهد أكبر منها بواجد مهوب شوي وعاقل بيكبر عقله وبتحملها بينه وبينها 10 سنين ولا 8 بيعرف يتصرف

أم محمد : ??لہ يسمع منك يا أمك

في زاويه آخرا

أبو محمد : وش ذا الكلام يمه أنا أظيمها

أم حمد : والله لا يظيمها بندر انك ماتعين خير

أبو محمد : ههههههههه يمه ترإ قدني رجال وجد بعد وش ذا الكلام

أم حمد وهي تقوم وتتعكز على عصاها رايحه للغرفه
: العلم جاك لاتشتكي لي شغلك انت وبندر عندي

أبو محمد : مهوب حاصل إلا الخير جعلني فداش . . قام يساعدها

الجده : خلني يطيعني إسنع روحي رح سنع أمورك وأمور بنتك

أبو محمد يبوس رأسها : آبشرري

( الكويـــــت )

مزنه : هلا بندر

بندر : هلا بش آخبارش

مزنه : تمام الحمدالله هنيه وماكو شي جديد انت آخبارك طول هالمره مادقيت

بندر : لهيت الهاني ترتيبات عرسي ..........

قاطعته مزنه : عرسسسسك بتتجوز يا بندر ليش وانا وين رحت

بندر : مهوب باعرس أنا اعرست خلاص

مزنه تبكي وتصرخ : حقير حقير أكرهك وسكرت الخط

( الفندق )

بندر سكر الخط ورجع لخرفة النوم حيث كانت وسميه جالسه تمشط شعرها
وسمعة مكالمته " إيه الأخ متزوجني عشان يتخلص منها شكلها كان ناشبه له الخبل من جدها تحبه وش ينحب فيه أخلاقه زفت أعوذ بالله بس دواك عندي يا بندر "

بندر جلس على السرير ويتاملها شافها تمشط شعرها وسرحانه : هيه إنتي وش تهوجسين فيه خطيبش هاه

وسميه ابتسمة على الفكره اللي جاتها خلت بندر يذوب من جمال ابتسامتها " آبغي اقهرك بس ماتوقعت بهالسرعه ههههه والله لا أرويك "
تنهدت : يأخي وش تبغي كافيه حلت بيني وبينه والحين تخرب علي وانا أهوجس فيه وبعدين لي اسم

بندر مثل الطياره جا عندها ومسكها من شعرها صرخ فيها : وبكل وقاحه تقولينها قدامي ماتستحين إنتي

وسميه ماهمها مسكته لشعرها اللي تحس آنه بينقطع في يده ابتسمت ورفعة حاجب : ليه حرام علي وحلال على غيري . . كانت تقصده

بندر قربها منه وهمس في أذنها : إنتي مره مايحق لش أما الرجال يحق له . . أبعدها عنه ومتاكد أنه اغاضها بس أصدمته بردت فعلها

مسكته من جاغة بجامته وردت له حركته همس في أذنه : لا حبيبي إلمره لها قلب ويحق لها وانا اللي بارويك . . بعدته عنها وهي متأكده أنها قلبت الطاوله عليه وراحت تكمل شغلها اللي كانت تسويه

بندر وافق مكانه حس بتخذير من حركتها وكلمتها "حبيبي" بندر يتكلم عكس اللي داخله : ههههههههه تبطططططين ثم تبططططين

وسميه بدون ولا كلمه ناظرت له فالمرإيه وابتسمت له بتحدي

( بيت أبو محمد )

محمد جامع ابوه وأمه والجده ومريم

أبو محمد : هاه وش عندك عساه خير

أم محمد : قول يأمك مادني انتظر

محمد : آبغي أخطب العنود بنت عمي راجح

أم محمد : كفوو العنود ماعليها كلام

أبو محمد. : حلوا العنود بنتي ومتربيه معا بنتي باخسها منثل بناتي ( باخسها = عارفها جيداً )

الجده بهدوء وهي معتنزه على كفها : مآبغيت بغيت تعنس بدل مانقولها للبنات نقولها لك

محمد : آفآ آفآ يأم حمد قدني بنت

الجده : ههههههههه أقول بغيت بغيت

( بيت مبارك أبو نايف )

شوق معتصمه غرفتها من عقب مكالمة تركي تحس أنها مجروحه ماصارت تطلع مثل أول مشتاقه له حبته بسرعه بس هو قاسي معها

رن هاتفها المتصل " تركي "

على طول ردت : لبيه

تركي : السلام عليكم

شوق : وعليكم السلام

تركي : وشحالش

شوق : طيبه بوجودك

تركي : آبغي أحدد العرس عقب أسبوعين عندش مانع ؟؟

شوق بفرحه : لالا آبد اللي ودك يصير

تركي " هاذي ماصدق على طول اللي ودك يصير "
: خلاص أنا جاي أحاكي عمي فالموضوع وسكر الخط

شوق وهي طايره من الفرح "أحبك أحبك أحبك "

(القاكم بإذن ??لہ يوم الثلاثاء أن شـألله الله )