|
روايتي الاولى أرجوك ميز بيننا فهي ليست انا انما تريد ان تفرق حبنا
بسم الله الرحمن الرحيم اليوم اول مرة بحياتي اكتب رواية وابغى اهديها لصحباتي حنو واسوم وانو والكل زاتمنى انها تعجبكم وحاولت فيها تكون قصتها جديدة عشان لا تملون وانا برجو منكم تنصحوني لو ما عجبكم شي لانه انا يديدة ع كتابة الروايات يا ريت تشجعوني ^^ اقدم لكم اليوم ما خطت يدي وفيها اعبر عن جميع مشاعري اهديك قلبي هدية بعد ان ملكته وقلبي ينبض خوفا خشية الا تحبه .. .. البارت الثاني + الثالث + الرابع http://www.liilas.com/vb3/t174207-2.html البارت الخامس http://www.liilas.com/vb3/t174207-3.html .. .. البارت الأول تناظر حالها بالمراية وتشوف تقويم اسنانها وشعرها الي رابطته ذيل حصان ولبسها الي موضته قديمة ومكبر في عمرها ليال : والله معك حق ياليان شكلي يخلي الكل يصد عني يعني ما فيني جمال وأناقة ( ليش يا ليال ما عندج ثقة بعمرك وش فيها ليان زيادة عني , احنا توأم وزي ما انا اشوفها حلوة معناتها انا كمان حلوة .... اخ الله يسامحك يمه انتي السبب بالي فيني ) ليان تفك باب غرفة ليال ليان : لين متى وانتي بتظلي واقفة قدام المراية يعني خلاص مو لازم تثبتي لعمرج انج ما فيكي جمال ليال : حبيبتي احنا توأم يعني لو انا ما فيني جمال معناتها انتي زي ليان : حتى مع انه احنا توأم بس لا تحلمي انك بيوم تصيرين مثلي ........ شوفي شكلك مثل جدتي انتي و تقويم اسنانك.... ولبسج وع مثل لبس جدتي ليال : انا ما تهمني المظاهر .... وبعدين وش يدريكي انتي بلبس جدتي ولا شكلها وانتي اصلا لا تسئلي عنها ليان بنظرة استحقار نم فوق لتحت : صراحة انا مو مهمتة لو تحبيها انتي زوريها انا ما دخلني ليال : اكيد بزورها ليش تحسبيني زيك ! ... المهم ليش كنتي جايتني ليان : اه صح بغباءك نسيتيني ... ترا امي تبغاكي فانزلي لها تحت بالمجلس ليال وهي طالعة من غرفتها ونازلة ع الدرج وبهمس : ما غيرك الي فيه غباء ونزلت بسرعة قبل لا تسمع كلام يجرحها ليان ( انا وريكي يا ليال) ********* تحت في المجلس ++++++++ ليال : نعم يمه بغيتي شي ؟! مريم _(ام ليال ) : هاذي السنة بناخذك معنا بلندن تدرسي انتي واختج اخر سنة في ثانوي ليال : طيب بس يمة حتى الجامعة تبغيني اخذها بلندن !1 مريم : ليش ما تبغينها هناك ولا تبغينها هني بالكويت ليال: ياريت لانه ما تعودت اسافر برا الكويت ويعني يكفي علي سنة كاملة برا مريم : مو مهم السنة الياية اهم شي هاذي السنة معنا بلندن وبعدها قرري اذا تبيها في لندن او الكويت مع اني واثقة انك بعد هالسنة هتحبي لندن وتطلبي مني انك تدخلي الجامعه فيها ليال : يصير خير يمه .... يمه ! مريم : خير بنتي ليال : بروح ازور جدتي واقضي معها هالشهر مريم : شهر كثير وما هتقدري تلحقي تحضري للسفر ليال : لا تخافي بحضر فالوقت المناسب بس اروح لها ولا تنسي انها هي الي ربتني ولازم اكون معها قبل لا اسافر لانه مقدر اسافر بدون ما اودع الي احبهم واسيبهم عشان ......... مريم قاطعتها : اوص يا بنتي لا تكملي انتي ليش قلبك قاسي وللحين ما نسيتي ليال: يا ريتني قاسية وقلبي حجر عشان ما احس بالحزن مريم : يا بنتي انا ... قاطعتها ليال : امي انا رايحة الحين ... توصيني شي ؟ مريم بحزن : سلامتك يا ليال واهتمي بنفسك ليال: ان شاء الله يمه ودق جوالها ليال: الو طلال : كيفك ليال ؟ ليال ووجها حمر : تمام وانت كيفك؟ ليان والي لاحظت شكل وجه ليال الي تغير ( معقولة لهدرجة تحبيه ووجهك يحمر من شوفته ..... والله الصراحة هوا حلو ) طلال: ليال اجهزي الحين بجي اخذك ونروح لجدتك ليال : انا جاهزة ... طلال طلال : امري ليال : خايفة ع جدتي تكون مرا تعبانة وبصراحة مدري كيف بسافر واسيبها طلال : لا تخافي والحين نروح ونطمن وان شاء الله تكون بخير ليال : ان شاء الله .... يلا باي طلال : باي ليان تنزل من الدرج وتروح لليال : ليول اشتقت لجدتي ابغى اروح لعندها ليال وما استوعبت : هاه ؟! ليان : عرفت انها تعبانه وبصراحة خفت عليها والي يخلكي ابي اروح معك ليال : طيب اجهزي بسرعة لانه طلال جاي الحين ياخذني لها ليان : لا تقوليلي انتي بتقابلي طلال وانتي لبسك تشذي ليال كانت لابسة بنطول ازرق وبلوزة مخططة بالاحمر والاخضر ولامة شعرها ذيل حصان ولابسة نظارتها السودة ليال مستغربة من ليان : اجل وش البس ؟! اخذت ليان يد ليال وراحو غرفة ليان ليان فتحت دولابها واخت لليال تنورة تحت الركبة بشوي بينك وبلوزة نص كم بيضا وفيها ورود لونها فوشي ليان : بسرعة غيري لبسك ليال : طيب ولبست ليال اللبس وانبسطت من شكلها ليال : مرا حلو صراحة عجبني ... ليان يسلمو ليان بضحكة : عفوا حبي ليال ويدق جولها ليال : طلال يدق بسرعة البسي ولحقيني ليان بابتسامة : طيب ونزلت بسرعة ليال لطلال ليال : هلا طلال طلال : واو حركات صراحة جنان ليال بخجل : يسلمو ...... ترا الحين ليان جاية معنا ليان وهي نازلة وتقول : جهزت ليول وناظرت طلال وبابتسامة اهلين طلال طلال بدلها الابتسامة بخير ليال اضايقت من شكل اختها الي كانت فاكه شعرها الاشقر واحطه قلوس بينك ناعم ولابسة تنورة فوق الركبة بشويتين وبلوزة دون اكمام وطبعا كان شكل ليان احلى كثير ليال بضيق : خلونا نمشي وركبوا سيارة طلال وليان فتحت الباب جنب طلال وجلست وليال بهدوء ركبت ورا وليان : طلال معليه توقف عند محل لهدايا لانه مو معقولة اروح لجدتي حبيبتي بيدي فاضية دون هدية طلال : شكلك مرا تحبيها ليان : اعشقها طبعا اصلا لو ما عشقت اهلي منو اعشق طلال متفاجئ : لهدرجة تحبيهم ليان : طبعا ...... ليش اتفاجأت طلال: اسف ليان بس انا ما اعرفك زين فما اتوقعتك مهتمة باهلك بس الباين انه العكس ليان بابتسامة ناعمة : ما الومك لانك ما تعرفني لكن اهلي لو طلبو روحي اعطيتهم طلال باعجاب : قلبك مرا طيب ليان : كل يرا الناس بعين طبعه ووقف طلال ونزل هوا وليان وراحو يشتروا هدية طلال : ما بتدخلي معنا ياليال ليال : ما له داعي لانه انا خلاص اخذت لجدتي هديتها من اول وراح طلال وليان وخرجوا وهما بيدهم هدية ويبتسمو ويسولفو وليال مستغربة من ليان الي فجاة قررت تزور جدتها وبعدها اخذت لها هدية دخل طلال وليان السيارة وكملو الطريق وهما يسولفوا ويضحكو وليال ساكتة ووصلو لعند الجدة وبسرعة ليال نزلت من السيارة ودخلت فيلا جدتها وبسرعة راحت لغرفة جدتها ولقت جدتها جالسة ع السرير ليال راحت لمت جدتها حيل : اشتقت لك جدتها تمسح ع شعرها بحنان : وانتي اكثر حبيبتي ليال وعيونها كلها دموع : ما ابي اسافر .. اشلون اسافر وسيبك هني ..... اصلا انا ما تعودت على احد منهم شيخة (جدتها) : مصيرك تتعودي وتنسي ليال : اشلون انسى 9 سنوات راحو من عمري بدونهم وهما توهم يتذكروني شيخة: ما كان بيدهم اعذريهم ع الاقل سامحيهم عشاني ليال: عشانج بحاول.. امم ترا ليان وطلال تحت شيخة : طيب الحين ننزل لهم ونزلت ليال وشيخة ليان : جدتي حبيبتي خبريني كيفج الحين ؟ شيخة باستغراب : تمام وانتي كيفج ؟ ليان بابتسامة : تمام دام شفتج .... صج اشتقتلك شيخة : وانتي اكثر ..... كيفك طلال من زمان عنك طلال: تمام بشوفتك .... اعذريني من مدة ما زرتك شيخة :لا تعب عمرج عشاني اهم شي يكفيني اني اعرف انك بخير وقعدو يسولفو وفنص الكلام ليان : سوري بدق ع السواق وكملو السوالف وودعو شيخة وخرجو ليال ناظرت سيارة سواقهم موجودة قدام فيلا جدتها ليال تناظر ليان : انتي الي خبرتيه يي ؟ ليان : اي عشان تروحي معه تيبي اغراضج من فيلاتنا ليال وهي تركب السيارة ما بتيي معي ليان ؟ ليان : لا حبي ..باي ليال: باي وراحت ليال للفيلا وهيا تفكر ( يا ربي شلون اتغيرت تشذي ... زارت شيخة معي ويابت هدية وعطتني ملابس من عندها .. اكيد وراها شي ) وصلت وطلعت يابت اغراضها ونزلت للسواق وهيا تدخل السيارة دق جوالها ليال : الو ليان : باركيلي ليول ليال : مبروك بس ع ايش ؟! ليان بابتسامة : طلال قال معجب فيني ويبغى يتعرف علي زين فبنطلع سوا ليال : ...... ليان تتضحك بقلبها : ليال الحين بيدق علي يلا باي ليال ..... ونهو المكالمة وكنها نهاية حب طفولة ليال . معقولة طلال معجب بليان وبيخرج معها ؟! ( وليش ما يعجب فيها يا ليال ... هي لبسها ومكياجها وشكلها وجرئتها وكل شي ينحب لكن انا الغبية الي محد يناظرها ... لهدرجة انا محد يحبني والكل يحب ليان ... اخذتي كل شي مني يا ليان امي وابوي ووالاهتمام والحنان .كل شي كل شي ... اه ما بقى غيرك يا شيخة ) نزلت دمعتها خايفة من الياي ( لا تخافي ليال المهم يكون عندج احد يحبك حتى لو شخص واحد .... يا رب احفظ لي شيخة .... ما ابي اسافر ) قطع عليها تفكيرها صوت السواق : وصلنا انسة ليال ليال : اوكي نزلت ودخلو الخدم اغراضها لفيلا جدتها وطلعت لعند جدتها ودخلت الغرفة ليال ولحظة صمت من الصدمة الي شافتها ********* انتهى البارت الاول ليال ليش تكره امها وما تبي تسامحها؟ ليش ليان تحقد ع ليال؟ ليان كذبت ع ليال او انه طلال فعلا معجب فيها؟ وش الي صدم ليال لمن دخلت غرفة شيخة ؟ |
اتمنى عجبكم البارت ^^
|
بنات متى تبون موعد البارتات :AaZ04485:
|
على راحتج غناتي متى يناسبج تنزلين البارتات
|
انا بارتاتي جاهزة فاقدر انزل باي وقت
لكن انتم شوفو ايت وقت يناسبكم اكثر ^^ |
البارت الثاني
مليت قـــــلبي بالــــفـــــرح والسعادة الله يـــــشرح خـــــاطرك حيث ما كنت يعـــــطيك ربي من نعــيمه زيــــــــادة زي منت ع قلبي عطفت وتحــــسنــت تحـــقـــــق لقـلبي بقــــــربك مــــراده شي ً سعيـــــنـا لأجله اليوم انا ونــت شــــــكراً لسعيك يا طبــــــــيب العيادة الحــــــــمد لله طاب حــــالي وتحسنت فــعــــــــلاج قـــلبي حايز اكبر شهــادة ونا طبــــــــيب الحـــــب لو منه سخـنت يـــــا روح قـــــــلبي يا شـــــــرابه وزاده يا من بحـــــــــبك مع حبيـــــبك تفـنـنت فيــــــــك الغــــــلا والذوق فيك الركـادة أبكل مـــا فــــــيك ع خافــــــــقي منت الحــــب سعــــــره دايــــــماً في زيـادة دام الــــولد موجود في عــــــالم البنـت ************** ليال : شيخة صج هاذ ريان ولا انا بتخيل ؟ شيخة بضحكة : تعالي اقرصج عشان تعرفي انج صاحية وانه ريان صج ريان : منو هاذي ؟ ليال بصدمة : ريان من صج ما عرفتني ريان : سوري بس احس شكلج مو غريب علي يعني اعتقد اني اعرفج شيخة : هاذي ... قاطعتها ليال : لو ما عرفتني ما اقولك منو انا ريان بضحك : غبية ومتهورة اممم ليان ؟ ليال بعصبية : لا تيب طاريها .. ولو تبيها روح لها شيخة انا بروح غرفتي لين يطلع من هني وايي ريان : طيب قولي الحمد لله ع سلامتك أول ليال : لا دق ع ليان خليها هي الي تقولك الحمد لله ع سلامتك دام مهمتم فيها ريان : اعوذ بالله وش هالاستقبال الحار .... صراحة اتوقعت استقبال حار تلميني حيل وتقولي اشتقت لك بس استقبالك وايد قوي يعني مو ناقص غير تضربيني من القهر ليال ابتسمت : اسفة ... الحمد لله ع سلامتك وراحت له ولمته وهيا تبكي : ريان انا تعبانة ... حيل تعبانة .... اه يا قلبي ريان بخوف : اشفيج ؟ شيخة بحزن : بتسافر مع مريم وليان لندن هالسنة ريان بابتسامة : يعني عشان ما تبي تفارقيني ؟ .... لهدرجة تحبيني ليال : يالله الحين صدق عمره .. اقول مالت عليك .... لا بس بشتاق لشيخة ريان : شيخة شفتي الحين شلون تحبني وتستحي تعترف ليال اخذت المخدة وضربته بيها وريان يضحك عليها : ومن الحب ما قتل وبعدها قامو خرجو من غرفة شيخة وراحو لغرفة ليال وجلسو ع السرير ريان : اشفيج ليال ؟ وش الي يتعبك ؟ّ! اخذج المستشفى؟ ليال وهي تتنهد : تعبي مهو تعب حسي ...... تعب الروح والعاطفة اقوى شي يصيب الواحد ريان : سلامة روحج .... ما شاء الله صرتي فيلسوفة من وراي ... ليال : انا ماني قادرة اتحمل بعد ... خلاص تعبت ريان : طب حكيني وش صاير معج ... عشان السفر للندن ؟! ليال : حزني للسفر مهو قد حزني للصار اه يا قلبي ريان بصبر : حكيني وانا بساعدج ليال بابتسامة حزينة: انت تعرف انه انا اعرف من طلال من انا اربع سنوات وانه انا احبه للحين ريان : طيب وش المشكلة ليال : صار معجب بليان وبيخرج معها ريان بصدمة : متى وكيف وش صار ؟! ليال ما تبغى تتذكر الي صار وتحكيه وتتهرب من سؤاله :ريان بسئلك انا غبية ؟ لهدرجة انا بشعة وما فيني جمال؟ ريان بضحكة : ما عاش مين قال عنج غبية غيري ...بعدين انتي حدك حلوة وايد بس ليش هالاسئلة ؟ ليال وعيونها فيها الدموع : طيب ليش محد يهتم فيني ومحد يحبني ؟! ليش الكل يقارني فيها ؟ ليش لمن عرفها نص يوم حبها وانا معه من 9 سنوات ما حس فيني ؟! بدون ما تحس نزلت دمعة ألم من عيونها ( هاذي الدمعة نزلت من عيوني عشان كرهي لليان ؟ ... لا ياليال شلون تكرهي اختج ... ولا ع فراق حب طلال ..... ولا عشان اهلي سابوني سنوات وتهم يتذكروني .... ولا عشان فراق شيخة .... ولا عشان خوفي من السفر ) قطع تفكيرها صوت ريان : ليال الحين هاذي الدمعة ليش تنزل ؟ وبهدوء مسحها ريان : الحين من كلامج فمته انه طلال سابج وراح لليان صح ؟ ليال : ريان ليش سابوني عشانها ريان طلبتك ريان : امري ليال : ما يأمر عليك عدو ... اوعدني انك ما تسبيني فيوم عشانها ريان : اوعدج مع انه حتى بدون هالوعد وانا مستحيل اسيبج عشانها ليال ابتسمت وما ردت ريان: ليول انتي لج سنتين حاطة هالتقويم متى تشيليه ؟ ليال : ما بعرف بس اعتقد المفروض من اسبوعين اكون شايلته ريان : انا اعرف الوحدة ما تصدق ع الله تشيله بسرعة وانتي للحين حاطته .... امم ليال ليال: نعم ! ريان : بكرة بنروح لدكتور الاسنان نشيل عنج التقويم ليال: طيب وبنروح دكتور العيون نحطلج عدسات عشان معد ابغى اشوفج بهالنظارة ليال : التقويم بشيله لكن النظارة ما بشيلها لانه تعرف امي دايما تحب تشوف ليان احلى مني ولو شلتها عني امي بتتضايق وبصراحة ماني ناوية اضايقها ريان: ليش هي قبل قالت لجلا تشيليها ليال : ريان ترا ما يحتاج هي امي وانا اعرفها اصلا سابتني عند شيخة عشان ليان ههههه تدري لمن كنت ايب نسبة اعلى من ليان واروح فرحانه لامي كانت تقول مدارس الكويت سهلة عشان تشذي نسبتي اعلى منها ريان: يالله منك ياليال اقول قومي عشان بنام ليال : اقول انت الي برا تراها غرفتي مهي غرفتك ريان : اي صح ... طيب تصبحي ع خير ليال : وانت من اهله *********** الحين نعرف بالشخصيات ليال ( 17 سنة بنت طيبة ودايما دمعتها بعيونها بس ما تقدر تسامح بسهولة واذا زعلت محد يقدر ع زعلها ..شعرها بني فاتح لين نص ظهرها وعيونها وساع لونهم بني فاتح بيضا وجسمها حلو ويجذب ومتوسطة الطول وعندها غمازة بخد واحد وخشمها صغير وشفايفها وردية وضحكتها تذوب ) ليان : نفس شكل ليال بس عندها شامة (خال) فنص خدها ... تكره ليال وفيها غرور واذا عجبها شي مستحيل ما تخليه لها وتعرف تتكلم بكل جرائة وتخلي الكل يتعود عليها بسرعة ) مريم ( 38 سنة شعرها بني فاتح وعيونها بني فاتح وخشم صغير وتشبه بناتها . طيبة وتخاف من تحمل المسؤولية ودموعها بعيونها زي ليال) فهد (ابو ليال) : 40 سنة طويل وله هيبته شعره اسود ناعم وعيونه وساع ... يعشق مريم ويحب الكل ويساعد من يحتاجه ويخاف ع بناته حيل ) ********* ريان ( 24 سنة خسمه صغير حاد وشعره اسود ناعم لنص رقبته وابيض وشفايفه لونها وردي باهت وعيونه وساع وسود ورموش طويلة وكثيفة والي يطالع عيونه ينسحر فيها .... يهتم بليال كنها اخته ويساعدها لو طلبته ..طيب وحبوب ما يحب يزعل احد حتى لو يكرهه وكل البنات يحبوه ويتمنو منه ولو نظرة ) ********** طلال( 18 سنة عيونه عسلية وشعره اشقر فيه حمال يسحر البنات ... طيب ويحب الي حوله ويحب البنت الناعمه الهادئه ومخلص للي يحب ويعرف ليال من 9 سنوات ويهتم فيها ) في شخصيات بتظهر وبنعرفها ومهمة بالرواية لمن نيب طاريها بنعرفها صح البارت قصير بس عشان عرفت ع الشخصيات يلا توقعاتكم ريان بيغير بليال؟ ولو غير ريان بليال هيحبها طلال؟ ريان يحب ليال؟ واش يقرب ريان لليال؟ وليش مريم وفهد اخذو ليان وتركو ليال ؟ استنى ردودكم |
البارت 3
******** في لندن خالد: د. تهاني في جوالج يدق تهاني : اوكي وردت تهاني :الو .......: كفيج تهاني تهاني عرفته من صوته : اهلين كيفك ؟ ......: هاذي السنة اخر سنة علاج ! تهاني: ان شاء الله ......:: يعني في أمل انه يتم الشفى بالكامل هاذي السنة تهاني : ان شاء الله .......: طيب مع السلامة تهاني: سلام نعرف ( د. تهاني عمرها 25 سنة حنطاوية وشعرها بني غامق طويل لين نهاية ظهرها رموشها طوال كثيفين وعيونها وساع ولونهم بني غامق وضعيفة وطويلة زي عارضات الازياء ..... جدية وكل اهتمامها لشغلها ما تبي تتزوج لانها تعتقد انه يلغي طموح المرأة ) حست بيد تهزها ليال بكسل وبدون ما تفتح عيونها : اممم شيخة ابي انام ريان بهدوء وقعد يمها : ليول قومي ليال فتحت عيونها وهي تطالع فيه ومهي مستوعبة انه يمها ع السرير : ريان وش هالجرأة الي فيك قاعد يمي ريان بزعل : مالت عليج ليول يرحم ايام زمان لمن تنامي بحضني ليال وحزنت ع ريان : اسفة ريان بس استحي احد يمي ع السرير ريان بابتسامة : يلا قومي خلينا نطلع وغمز : يلا بنسوي نيو لوك ليال باحباط : مابي اقوم اصلا ماله داعي ريان : تدرين الحين لو ما قمتي بتشوفين العيون الحمرا ليال فهمت انه بيدغدغها : خلاص خلاص بقوم بس والي يخليك لا ريان يضحك : يا خايسة دامج تخافين ليش ما تقومي بسرعة ليال : اوف منك طيب خلاص بقوم وراحت واخذت شاور ولبست بنطلون جينز وبلوزا لونها اصفر فسفوري وطلعت لريان : خلصت ريان : يلا طيب ودخلو سيارة ريان وليال قعدت قدام يم ريان ( يا ربي يا ريان ليش تتعب عمرك ع الفاضي دامه ما حبني بعد 9 سنين بيحبني الحين ؟! ...لا تحلمي ليال اصلا مستحيل يحبج ... بعدين لو حبني وساب ليان بتصير مصايب ومعد تحبني ليان ..... ليس يا ليال انتي تتوقعي ان ليان كانت تحبج او بتحبج في يوم من الايام ....... عادي ياليال ولا انتي تحبيها ..... وشلون احبها وهي .......) ريان : ليول وصلنا انزلي يلا ليال : اوكي ونزلو ودخلو المستشفى النيرس : اتفضلي ميس ليال ليال : اوكي ودخلو عند الدكتور الدكتور : اتفضلي ريان : الحين هيا لها سنتين لابسة تقويم اسنانها ونبي نشيله لها الدكتور: الاول نشوف اسنانها اتعدلت ولا لا ريان : اوكي الدكتور: اشوف اسنانها معد تحتاج تقويم والحين نشيله ريان بفرح : اوكي وضلو فترة لين شاله الدكتور ليال : ريان شلون شكلي ؟! ريان : ابتسمي طيب عشان اشوف ليال ابتسمت : هاه حلو ؟! ريان : اقول لا تبتسمي شكل مهو حلو ليال : وجع فشكلك ريان : ههههه ليول ما يحتاج اقول انتي حلوة بدون شي ليال ووجها حمر ومبسوطة : عيونك الحلوة ريان : يلا ليول نبي نحطلج عدسات ليال : طيب يلا وراحو واختارت عدسة شفافة طبية للعين بس قالو بيستلموها بعد ساعتين لانه العدسات تحتاج وقت لمن تكون طبيه عشان تكون مناسبة للشخص حسب ضعف نظره وبعدها اخذها واخذ لها ريان جنط من Louis Vuitton و Fendi و Todsو نفوف من Emilio Pucci واحزمة وملابس من D&G و عطورات من شانيل و GUCCI وربعدها رجعو اخدو العدسات وفي البيت لمن رجعو وشالت ليال نظارتها ولبست العدسات واخذها قصت اطراف شعرها وعدلت شكلو وخلته ويفي وحطت قلوس وردي وطلعت نفوف وردي قصير من الي جابه ريان لها فوق تحت نص فخذها بشوي فيه حزام من الخصر وبدون اكمام وبعدين خرجت بشكلها النهائي لريان الي كان يستناها برا الغرفة ليال : ريان انا خلصت رأتك عيناي فسقطت في هواك أحقيقة أنت أم صورة في خيالي نسيت بها العالم ولم أنســاك يا من أحببتك من قبل رؤيــــــــاك أحببت فيك بـــــراءة عينـــــاك أحببت فيك زهوتــــــك وبهــــاك أبشر أنـــــت أم مــــــــــلاك جعلت في هواك كطفل بـــــــاك ويزداد بكاؤه لكي يــراك هل تقبليه عاشقـــــــــا لعينـــــاك راض هو بالقليل في هــــــواك تبعثي في نفسه نشوة حين يراك أم هو في وهم ماضي أتحبية ؟ لعلك تريحين قلبــــــه الواهــــــــي مع أنه يتلذذ في عذاب هواك صاع الحب وبـــــــــــات واهي ريان ومو مستوعب شكلها صاير غير ( هاذي ليال ؟! ولا انا بتخيل .... طول عمري بعرفك حلوة ياليال واتوقعتج بتصيرين حلوة بس الحين كنج ملاك ...... وينك يا طلال عشان تشوفها ..... بس ليش يشوفها وهو ما يبيها....صج انه غبي ) ريان ويبلع ريقه : لي...ال انا ..... طالع وبسرعة سحب مفاتيحه وخرج يلا توقعاتكم منو الي كان يكلم تهاني؟ ولو طلال شاف ليال بعد النيو لوك بيعجب فيها ولا لا؟ وليش ريان خرج ع طول بعد ما شاف ليال ؟ |
يوم الاثنين البارت الجاي ان شاء الله
|
البارت الرابع
********* في لندن خالد: هاذ فهد صح ؟ تهاني : أي فهد خالد: اااه المرض يصيب الكل بدون رحمة تهاني : أي والله ما يخلي احد الا ويصيبه خالد: هاذي السنة بتخلصي علاج بنته؟ تهاني : أي ان شاء ..... بس البنت حدها تحزن .خالد: أي تحزن يعني توها 17 سنة وهاذ المرض يجيها تهاني : الله يشفيها ويجعلني سبب في شفاها اخالد: امين دخلت النيرس : د. خالد الحين دور المريض الياي خالد: اوكي ....... عن اذنج تهاني تهاني : اذنك معك نعرف خالد ( دكتور خالد عمره 25 سنة وتهاني اكبر منه باسبوعين .... شعره بني غامق وعيونه وساع لونهم بني غامق خشمه صغير وبشرته بيضا وعنده غمازات محليته وجسم رياضي وطويل وكل البنات ينهبلوا عليه .... طيب وحساس ومهتم بشغله ...ويهتم بتهاني ويخاف عليها .... عاش 5 سنوات بلندن و بلندن اتعرف ع تهاني ) في kuwait في قصر ال .......... ام ريم ( دلال) : ريم يا بنتي ابيج ريم : سم يمة دلال : سم الله عدوج ..... يا بنتي انتي كبرتي الحين وبصراحة في احد طلبك وما نقدر نرده ريم بتوتر : منو يمه؟! دلال بفرح : خالد ولد عمك ريم وهي توقف وتقوم من مكانها : لا يمه ما ابيه دلال بتعجب: ليه يا بنتي ؟ ريم : يمه خالد زي اخوي وما ابي اتزوجه دلال : يا بنتي اعطيني سبب مقنع .... يا بنتي الولد ما فيه عيب اخلاق وجمال ومن عيلة ابوك وكمان دكتور يعني علم وثقافة .... وش تبي بعد ؟! ريم : كل الي ابيه اني ما اتزوجه دلال : طيب يا بنتي خذي وقتج وجاوبيني ريم : يصير خير يمه ..... عن اذنج وراحت ع غرفتة دانة ريم بصراخ : دانه دانه دانه لحقيني دانه بخوف: وش فيج ؟ ريم : خالد طلبني للزواج دانه بفرح : يس واخيرا بتتزوج وارتاح منج ريم : مالت عليج انتي وشكلج دانه : هههه بمزح معج ريم بخوف: اانا قلت لامي اني ما ابيه دانه تصارخ : هاااااااااااه مينونة انتي ؟! ريم بحزن : دانه افهميني انا ما ابيه دانه بتعجب: شلون ما تبيه وانتي دايما ما عندج سالفه غير طاريه ريم : صراحة دانه انا ما اقدر اتزوج واحد ما يحبني حتى لو احبه دانه : منو قلج انه ما يحبج ي حماره ريم : خلاص انا عارفة ..... دانه : ريم لا تعصبيني واعطيني سبب ! ريم : دانه صراحة انا سمعت خالد وهو يم سعود ويتكلمون عن وحده اسمها تهاني دانه بصبر : طيب الحين انتي سمعتي انه يحبها او يبي يتزوجها ريم : يا دانه ما يحتاج يقول اصلا طول ما هم يتكلمون وهوا يخبر سعود عن اعجابه بها دانه ( يا ربي لو هوا فعلا معجب بتهاني ليش طلب اختي للزواج .... امكن عشان عمي غصبه عليها ؟! .... الله يعينك يا رويم ) : خالد عاقل يا ريم لو ميبيج ما كان طلبج للزواج الحين حبيبتي خلينا نروح نتغدى .... حدي يوعانه ريم : طيب يلا ريم ( 20 سنة بيضا وخدودها لونهم وردي وشفايفيها مليانه ووردية وعيونها سود وساع ورموشها طوال وكثيفين وخشمها صغيرون وشعرها لين نهاية رقبتها وجسمها حلو ومرسوم يعني ناعمه حيل .... طيبة وحساسه وتكره انها تزعل احد وما تبين حزنها الا لاقرب الناام س لها وتحب خالد ابن عمها ) دانه ( 26 سنة متزوجة وعندها توأم طيبة ورزينة وتحب اخواتها وتخاف عليهم حيل وتشبه ريم بس شفايفها انحف وخشمها متوسط) ****** لت : أذا كنت تهـــواني وتعتبـــرُ *** هــذا الجمال الذي أهداني القــــدرُ مقيــاسُ حُــبٍ اليّ جئـــت تظهــــرهُ *** فقد نسيــتَ بطبعـــك .. أنني بشـرُ وقد عشــقتَ جمــالاً لا بقـــاء لــــهُ *** أنّ الجمــالَ مــع الأيــــام ينـــــدثرُ فقلتُ : رفقــاً بقلبــــي يا مُعـــذبتي *** حُـسـنٌ سباني .. وأن الحُسن مُقتدر قالت : وهل في جمالي مايخــــلدهُ *** في حين تمضي سنينُ العمر والدهرُ أن الــورود التي راقــت مناظــرها *** تموت حتماً ويذبلُ غصنهـــا الخضــرُ فقلتُ : انّـي وحــق اللـــه مُعـــتجـبٌ *** لئن عشقــتُ جمالَكِ , ماهو الضــررُ قالت : أتعشق جمالاً قد حظيــتُ بــهِ *** وفي طباعي عيوبـــاً ليـس تستتــرُ عشقــتَ زهــراً .. ولكن لاشــذاء لـــهُ *** هل يُـعشقُ الزهرُ لولا الريـحُ والعطرُ فقلتُ : سبحــان من أهداكِ موعظــةً *** لقد هواكِ لعمري السمـــع والبصـــرُ فما سبيلي الى وصلٍ أعيــــشُ بـــهِ *** أنـّـي قتيلٌ بحبــــكِ دونمـــا خبـــرُ قالت : أذا كنت للأخــلاق تعشقنـــي *** وغايـة النفــس مني جوهري النضــرُ فسوف أعلم بأنك في الهوى قدري *** وان ( حُـبي ) يقينـــاً ســوف ينتصــــرُ ان الجمــال جمــال الروح فـادركـهُ *** ورونـق الحُــسـنِ مقياس ٌ لمن خسـروا عند ريان ركب سيارته وباله مشغول ع ليال ( مستحيل يا ليال اخلي طلال يشوفج ..... اخاف يعجب فيج وبعدها يجرحك ...... ليش حبيتي ي ليال منو ما يقدرج ولا يحبج ..... ما ابي طلال يشوقج وترجعي تتعلقي فيه وبعدها يجرح قلبج انتي قلبج ما يتحمل حزن اكثر من تشذي ) لف بسيارته بالشوارع ورجع البيت بعد ساعة ولقى ليال ع القنفة تستناه اول ما شافته راحت له ليال بخوف: ريان فيك شي ؟ تعبان ؟ ريان : لا انا بخير ليال : خوقتني عليك ريان بابتسامة : لا تخافي انا بخير ليال ردت له الابتسامة ريان ( واااااي شكلها يخقق وهي تبستم ..... اه يا ليال كان وين هالجمال مختفي عنا ..... وشفيك يا ريان ترا ليال من اول حلوة وانت تدري ) ريان : ليول شكلج عذاب وانتي تبتسمي ليال بحيا : تسلم ريان : انتي دارية انج زي اختي وما ارضى احد يزعلج والي بيضايقج انا ما هسمح له واحنا نحب الي يحبنا يا ليول ولو طلال بيضايقج انسيه تراه ما يستاهلج ليال : لا تشغل بالك ريان : ولو انتي ليول ليال : امممم ريان ... بخبرك شي بس لا تزعل ريان بتوتر : ع حسب ليال : اليوم طلال دق علي وقلي خلينا نخرج سوا ريان بصبر : طيب !.؟ ليال وهوا بعد شوي ياي ياخذني ريان : طيب بس اتذكري الي قلته ليال بابتسامه: من عيوني ريان : تسلم لي عيونج قطع عليهم صوت جوال ليال يدق ليال : ريان يدق علي الحين ريان : طيب ردي ليال وترد ليال : الو طلال : اهلين ليال ليال : بخير انت كيفك؟ طلال : بخير ..... ليال ليال : نعم طلال : انا اسف بس انشغلت وما بقدر اخرج معج اليوم ليال بحزن : لا عادي .... اكيد مشغول بشي مهم طلال : أي وايد مهم ..... بس لا تزعلي ليال : لا ماكو زعل ....... يلا باي طلال : باي ريان طالع ليال : اكيد قال مشغول وما بيخرج ليال : أي ريان يبي ينسي ليال : ليول طلبتك ليال : امر ريان : ما يأمر عليج عدو ... تعالي نخرج سوا : ليال بفرح : اوكي ريان : عندي اعتراف بقوله لج اليوم ليال : وانا بعد و.............. نهاية البارت تتوقعون خالد معجب بتهاني ولا لا؟ ابو خالد غصبو ع انه يطلب ريم للزواج ؟ خالد بيتزوج ريم ولا لا؟ ريم بتوافق ع الزواج من خالد ؟ بشنو كان طلال مشغول ؟ وشنو الاعتراف الي يبي يعترفه ريان لليال؟ وشنو اعتراف ليال لريان ؟ |
البارت الجاي يوم الجمعة انشاء الله
|
البارت الخامس
في لندن خالد وجواله يدق خالد : الو مشاعل (ام خالد ) : خالد خالد : هلا بالحب كله ..... كيفج يمه ؟! مشاعل : الحمد لله بخير ....انت طمني كيف الاحوال بلندن خالد: ماشي الحال ... يمه بغيتي شي !! مشاعل : بغيت اطمن عليك يا ولدي وعندي لك خبر حلو خالد : بشري يمه مشاعل : كلمت دلال مرت عمك وبملك لك بنتها ريم خالد : لا يمه ما ابيها مشاعل : وليش ما تبيها ؟! خالد : يمه ما ابي اظلمها معي وافرقها عن اهلها واخليها تسافر معي .... يمي حرام اظلمها معي مشاعل : لا يكون شفت بنت بلندن وعجبتك ؟ خالد : لا يمه ما شفت مشاعل : طيب ليش اعطيني سبب مقتع يدخل الدماغ خالد : السفر يمه بيتعبها وما هتلقى احد تكون مع بلندن وبتتفرق عن اهلها مشاعل : وليش ما تكمل شغلك هني بالكويت خالد : يمه انا خلاص اتعودت ع لندن و صراحة صعب اسيب شغلي بلندن وايي الكويت مشاعل : خالد احنا ما وافقنا انا وابوك ع سفرك الا عشان دراستك والدراسة خلصتها يعني خلاص ارجع اشتغل بالكويت .... ع الاقل اشتغل و فيد الناس بالكويت بدل ما انت تعالجهم بلندن خالد : يصير خير يمه مشاعل : طيب مع السلامة .. خالد: سلام يا الغالية دخلت تهاني ع خالد تهاني حست انه مضايق تهاني : خالد فيك شي ؟! ..... تعبان ؟! خالد : ااااااه انا تعبت تهاني : من ايش ؟1 خالد : تهاني انتي متى ناوية تردي الكويت ؟! تهاني : انا ارد الكويت بالاجازات لكن انا عايشة هنا خالد : طيب ما اشتقتي للكويت ؟! تهاني : مع اني عايشة هنا بس اشتاق لها خالد : طيب مهو بخاطرج تردي لها ؟! تهاني : صعب لانه ان شغلي وبيتي هنا اممم خالد انت ودك ترد الكويت ؟! خالد : اليوم الوالدة اتصلت علي وقالت تبيني ارد الكويت تهاني : وانت تبي ترد الكويت ؟! خالد : الوالدة كان معها حق بكلامها يعني لين متى بنضل هنا تهاني ؟! تهاني : طيب ارجع الكويت خالد : هاذ الي بخاطري اسويه تهاني : وطمني عنك لمن ترجع خالد : طيب ليش ما تردي انتي بعد تهاني : انت ناسي انه بنت فهد بتيي هالسنة تكمل علاجها خالد : أي صح نسيت ..... الله يعينج تهاني بابتسامة : ويعينك خالد : تهاني انتي متى ناوية تتزوجي ؟! تهاني بضحك : بالقبر خالد: تهاني انا من صج اتكلم تهاني: خالد انت تعرفني الزواج شي انا شايلته من راسي من زمان خالد: وليش؟ تهاني : لانه يلغي طموح المرأة وما يخليها تحقق اهدافها وبعدين بس تخدم زوجها ..... ليش هي زوجة ولا خدامة ؟! خالد: تفكيرج حدة غريب ..... يعني الزواج سنة الحياة وبالنسبة لطموحج انتي خلاص حققتيها وصرتي دكتورة شنو تبي بعد ؟! .... وبعدين كلمو خدامة كلمة قاسية يعني هيا تساعده ويساعدها ويعينو بعض ع امور الحياة تهاني : خالد شكلك ناوي تتزوج صح ؟! خالد : بصراحة أي ناوي تهاني بفرح : مبروك عليك بس منو هي خالد : بنت عمي ريم تهاني : الله يسعدكم خالد : تهاني خلاص انا قررت انه برد الكويت بعد اسبوع تهاني : ان شاء الله موفق خالد : يا ريت انتي بعد تردي بعد ما تكملي علاج بنت فهد تهاني : يصير خير خالد : طيب عن اذنج تهاني : اذنك معك خرج خالد ورد بيته بلندن واخذ جواله ودق ع مشاعل مشاعل : هلا خالد خالد : اهلين يالغالية ...... يمه انا ما اقدر ع زعلج مشاعل : الله يرضيك ويهديك يا ولدي خالد : يمه انا قررت ارد الكويت مشاعل مهي مستوعبة : هاه ؟1 خالد: زي ما سمعتي يمه بعد اسبوع انا برد الكويت مشاعل وقلبها طار من الفرح : من صجك ؟! خالد بابتسامة : أي مشاعل : الحمد لله .... ولا تخاف دامك سمعت كلامي ان شاء الهلب يصير خير والكويت بتنور برجعتك خالد : يمه الكويت منورة باهلها وما تحتاج نوري بس عشان الاهل وانت اولهم انا برد ..... يلا انا الحين بنام تصبحي ع خير يمه مشاعل : وانت من اهله وع طول راحت بشرت ابو خالد واخواته واخوانه واتصلت ع دلال ( ام ريم ) مشاعل : السلام عليكم دلال : وعليكم السلام ... هلا يا أم سعود مشاعل : هلا فيج ... متصلة عليج عشان حدي فرحانة وعندي خبر حلو دلال بفرح : طيب فرحينا مهج مشاعل : خالد بيرد الكويت بعد اسبوع وبيضل فيها ومعد يرد لندن دلال : من صجك ؟! ...... واخيرا ..... من زمان ع خالد .. اشتقنا له مشاعل : أي والله اشتقنا له ....... عشان كذا وش رأيك نعجل ملكة خالد وريم دلال وملامح الفرح ع ويها طارت لمن جابو طاري الملكة لانه ريم مي موافقة : ان شاء الله مشاعل : طيب بشري العروس دلال : من عيوني مشاعل: تسلم لي عيونج ..... يلا مع السلامة دلال : سلام ******** عند ريم بغرفة دانة ريم وهي تلعب مع التوأم : دانه متى فيصل (زوج دانه) بيرد من السفر دانه : امس اتصل علي وقال لي بعد شهر ان شاء الله ريم : غريبة .... اعتقد المفروض كان يرد الاسبوع الي فات والحين يقول بعد شهر دانه : انا عاذرته يعني مسؤولية شركات مهي سهله عليه ريم : الله يعينه دانه : امين .... ريوم وش رأيك انتي بعد تيبي توأم حلو ريم بحيا : هاه ؟! ....... اقول دانه بلاش هالطاري دانه : صراحة انتي غبية وهبله حيل ريم : انا ؟! دانه : أي انتي اجل منو .الجني مثلا .... ريم : ليش؟ دانه : لانج تحبيه وتقولي ما ابيه مع انه طلبج بدون ما احد يغصبه يعني باين يحبج بس انتي حماره ريم : خايفة ما يكون يحبني ويكون مغصوب علي وانا ابي راحته دانه : اوف انتي صج تنرفزي ودق جوال دانه دانه : هلا يمه وصارت دانه تتطالع ريم : اوكي يمه سلام ريم : خير امي وش تبي ؟ دانه : خالد بيرد من السفر بعد اسبوع ريم بفرح : صج ؟! وبعدين سوت عمرها مهي مهتمة : الحمد لله ع سلامته دانه وتضحك عليها : اقول لا تسوي عمرج انج منتي مهتمه اصلا لو تشوفي شكلج اول ما قلت بيرد من السفر شوي وشوي وتقومي ترقصي من الفرح هههههه ريم وهي متفشلة : لازم افرح ولو هاذ ولد عمي دانه : طيب الحين امج قالت انه مع يدر لندن ويااي بيملك عليج ريم وميته من الوناسة : صج ؟! يعني رد عشاني دانه : أي عشان تبطلي تفكيرج الغبي ريم : المهم يرد اول بعدين نتفاهم دانه : ان شاء الله عند ليان دق جوالها ليان : طلول حبيبي وينك انا ماني شايفتك طلال من وراها ولمها من ورا : انا هنا ..... وشفيج اتصلتي علي وانتي تبجين؟! ليان وعيونها فيها الدموع : اشتقت لك طلال بحزن ويمسح ع شعرها : وليش الدموع؟! ليان : عشان احبك وانت ما تحبني ولا تسئل عني .... يعني لو ما كنت اتصلت عليك اليوم وبجيت ما كنت يتني طلال: انا كان وراي موعد مع ...... كان وراي موعد ولغيته عشانج ليان : تسلم لي يا حبي .... فديتك طلال : تسلمين لي حبي . .. يلا مشينا ليان بابتسامة حلوة : اوكي ودخلو المطعم عند ريان وليال ريان سحب ليال من يدها وركبوا السيارة ريان : ليول خلينا نروح مطعم ونتكلم سوا ليال بفرح : اوكي ريان : عندي كلام كثير لازم اخبرج عنه ليال : وانا بعد ..... ابي احكيك اشياء بقلبي واريح قلبي منها ريان : اوكي يلا نهاية البارت تراه طويل لا تقولون قصير تهاني منو بتعالج ولمن تخلص علاج بنت فهد ( لا تسألوني منو فهد لا نه عرفتكم فيه من قببل ) بترد ع الكويت ؟ خالد بيملك ع ريم ؟ ليان وطلال وريان وليال بيكونو بنفس المطعم ؟ لو التقو وش بيصير لليال؟ وش الكلام الي ليال تبي تقوله لريان وتريح قلبها منه ؟ |
تغلق لتاخير
|
رد: روايتي الاولى أرجوك ميز بيننا فهي ليست انا انما تريد ان تفرق حبنا
الى الارشيف
|
| الساعة الآن 02:42 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية