|
الله يسامح غلاك ويقطع الحاجه
مرحبـــــا ؛؛
شدني منتداكم الرائـــــــع وحبيت اشاركم بروايتي اللـــــــه يسامح غـــلاكـ ويقطع الحاجه بقلمي :: .. .. .. البارت السادس + السابع .. http://www.liilas.com/vb3/t170368-3.html البارت الثامن .. http://www.liilas.com/vb3/t170368-4.html البارت التاسع + العاشر .. http://www.liilas.com/vb3/t170368-5.html البارت الحادي عشر .. http://www.liilas.com/vb3/t170368-7.html البارت الثاني عشر .. http://www.liilas.com/vb3/t170368-8.html البارت الثالث عشر + الرابع عشر ... http://www.liilas.com/vb3/t170368-9.html البارت الخامس عشر ... http://www.liilas.com/vb3/t170368-10.html البارت السادس عشر ... http://www.liilas.com/vb3/t170368-12.html البارت السابع عشر + الثامن عشر ... http://www.liilas.com/vb3/t170368-13.html البارت التاسع عشر ... http://www.liilas.com/vb3/t170368-15.html البارت العشرون + الحادي و العشرون ... http://www.liilas.com/vb3/t170368-16.html ..البارت الثاني والعشرون http://www.liilas.com/vb3/t170368-17.html ..البارت الثالث والعشرون http://www.liilas.com/vb3/t170368-18.html .. |
"اللــــه يسامــــــح غــــــلاك ويقطع الحاجــــــه" بقلم ( غنادير الشقى) هذه روايتي الاولـــــى في عالم النت اتمنى ان تحوز على رضاكم يلا نبدأ "بسم الله في احدى المناطق السكنيه في الكويت وبالتحديد في منطقه القرين تعيش عجوز تبلغ من العمر خمسه وستين وابناء بنتها يتيمين الاب والام حور عمرها سبع تعش سنه ومنار عمرها أربع تعش سنه وخالد عمره تسع سنوات"من توفى ابوهم وامهم من تسع سنين بحادث سياره وهم مايطلعون من مناطق القرين اللي قسموها لاربع مناطق (القرين والعدان ومبارك الكبير والقصور)وهم ساكنين بالتحديد فالعدان، جدتهم من كثر ماتخاف عليهم ماودها يطلعون برى هالمناطق ودايم تقول لهم اذا بغوا شي عندكم ثلاث جمعيات تعاونيه بالمنطقه كبار وفيها كل شي محلات ملابس وجمعيه ومحلات نظارات وصيدليه وصالون نسائي ومحل عطور ومكياج ومكتبه وخضره وكل شي واذا زهقوا وحبوا يغيرون جو طلعتهم لحديقه القرين اللي عند الجمعيه الكبيره رقم واحد واللي مايعرف حديقه القرين هذا شرح مبسط لها (هي حديقه صغيره بالنسبه للحدايق الكبار فيها اشجار وورود وعشب والعابها بسيطه زحلاقيات وديارف(مراجح باللغه العربيه) وعربه حصان يركبون فوقها ونطاطيه والصحن الدائري وفيه كشكات تبيع عصاير وذره واكلات بطاط ككاو وهالسوالف) امتحانات نص السنه لعام ألفين وسته اللي شاده حيلها فيها حور لانها اخر سنه وكانت ادبي ومنار صف تاسع وخالد صف خامس" (الفصل الاول ) حور:اوووف من هالماده بيفجر راسي هالتاريخ عله انا يالله اتذكر عشاي امس عشان احفظ كل هالمعارك والحروب . الجده:ماعليه يابنتي كلها كم شهر وتفتكين من الثانويه . حور: لايمه العودا الكورس الاول يهون الموت الكورس الثاني بيمتحنونا الفصلين الاول والثاني بيوم واحد شكثر الكميه حشى حسبالهم كمبيوتر مخنا . الجده: يووه امحق نظام متي يمديكم تحفظون الفصلين وتذكرون كل هالمعلومات ماقالوا انهم بيغيرون هالنظام . حور: امبلي يمه بس انا حظي نحس مالحق على الشي الزين بطبقون نظام الكورس الواحد يمكن سنه ألفين وثمانيه يعني يمتحنون الفصل الاول بروحه و امتحانات اخر السنه يمتحنون بس الفصل الثاني بس دفعتنا والدفعه اللي ورانا ماراح يمشي عليهم هالنظام . الجده:الله يعينكم يابنتي ويوفقكم. (في هالحظه دخلت عليهم منار اللي خلصه مذاكرة الرياضيات) منار: منو اللي الله يعينه يمه العودا الجده: كلكم بس هالمساكين الثانويه العامه اللي اهلكوهم بهالنظام. حور:منور انتي ان شاءالله بتلحقين على النظام الجديد. منار:الله وناسه اذا طبقوه غير التسعين بالميه ماراح اقبل بأقل منها ناويه على طب حور:ان شاءالله عاد املي فيج انتي وخلودي واللي انا اهم شي انجح حتي لو اجيب نسبه زينه تاليتي بدخل يا معهد سنتين واخلص او التجاري سنتين ونص واخلص وتوظف . الجده : يابنتي انتي شاطره وان شاءالله تدخلين الكليه اللي بخاطرج حور :يمه العودا الكليه اربع سنين واللى نسيتي اني لازم اشتغل واسدد هالدين اللي صار لنا تسع سنين نسدد فيه ولا راضي يخلص حتى معاش ابوي ما يبقي منه اللى أميه وخمسين دينار وانتي معاشج على الخدامه وفي هالدين اللي حملنا ياه ابوي الله يرحمه الله يعزالحكومه اللي عطته بيت حكومه وزين بعد ماباعه . الجده :الله يرحمه اكثر من مره نصحته وحذرته قلت له لاتدخل الاسهم ربحها مو مضمون بس كان دايم يرد ابي أئمن مستقبل عيالي وقام يتسلف من هذا ومن هذا وياخذ قروض لين صار الدين الي عليه فوق أميه ألف دينار وصاروا الديانه يبون حقهم واغلبهم جزاهم الله خير تنازل عن حقه قالوا متنازلين عن حقني عشان هاليتامى والله كريم يابنتي منار: حنا صار لنا تسع سنين ندفع بهالدين كل شهر ندفع ست أميه دينار من معاش ابوي ومايبقي لنا اللى أميه وخمسين دينار هذا غيرمعاش جدتي اللى تدفع منه بعد والباقي على الخدامه والخامات اللي تشتريها تخيط البراقع والنقابات والملافع والدراريع والعطور عشان خلطات العطور والبخور اللي تسوها اتوقع ماباقي واجد من هالدين . حور : ياحلوج يامنور هذا وانتي شاطره بالرياضيات ياعمري باقي تقريبا أربعين ألف دينار يعني ياخال ابوي حك ظهري . منور :اوف لو عندنا عمى ينشد فيه الظهر واللى خال لكن ماعندنا اللي هالعم الردي اللي مافيه احقر منه ومتزوج هالسكينه اللي احقر منه انطبق عليهم المثل اللي يقول التم الخايب على ردي الحظ واللي خالي بدر رحمه الله عليه الشجاعه تجري بدمه استشهد بالغزو الغاشم الجده:عمكم عناد عسى مافيه عناد عساه العمى من عم لايحترم أحد ولايخاف ربه اذكر هذاك اليوم ثالث ايام عزى ابوكم وامكم كان جاي يبي نكتب البيت باسمه ماحشم احد بس يخسي نكتب البيت باسمه مكسوره وتبرد لامن خيره ولا كفايه شره بس ربي كريم ابوكم كان حاس انه بيصيرله شي وقبل لايتوفى بثلاث ايام كتب البيت بسمكم ثلاثتكم حسبي الله عليه من عم حتى انا يالهالعجوز اللي كبر امه رحمة الله عليها مااحترمني عزالله امه كانت اجوديه وطيبه وشقرديه وراعية واجب وماقصرت في تربيته وتربيت ابوكم هو طلع شري ونذل وابوكم طلع شهم وكريم وراعي واجب وطيب واللي يشوفهم يحلفه انهم موأخوان . حور : وع وع إشجاب طاري هالحقير هذا عم هذا هم موعم اذكر يوم توفوا ابوي وامي كان عمري ثمان سنين كان يقول ملامح الجمال ماخذتها من امج اكبري شوي عشان اخذج اتربح من وراج عمري مانسيت هالكلمه ترن بذني وكل ماتذكرتها اكرهه زياده لامو بس اكرهم اللى وصلت لي مرحله البغض له لاوفوق شينه قوات عينه يوم صار عمري أربع تعش سنه جا يبي ياخذني بس فديت امي العودا اللي ماخلته ياخذني ورفعه قضيه عليه وحكمت المحكمه ان الحضانه لجدتي ومن بعد هالسالفه ماشفنا وجهه . منور:الله ينتقم منه هو وزوجته سبحان الله منو يصدق ان سكينه زوجته اخت العم مصطفي انسان مصلي ويخاف ربه وطيب وعمره مانسى جميل ابوي عليه وكل اسبوع يمرنا ومايقصر هذا غير انه كل مانزل خامات جديده بالمحل عنده مستحيل ينسانا يجيب لنا منها هدايا وولده عصام فاتح له خياط رجالي ومايقصر ويا خلود اخوي . حور : ياحليله العم مصطفي اطيب منه ماشفت كل ماشاف مراجعات لصف الثاني عشرادبي في هالمكتبات جاب لي منها يقول عاوز حور بنت حمد تبأ دكتوره (ابي حور بنت حمد تصير دكتوره) الجده :يابنتي بعض البعيد احسن من القريب بميه مره والاصيل يبين فيه الجميل ماللجنسيه ولاصله القرابه دخل وبعدين ماشاالله طقيتوها سوالف وانتي ياحويران (اسم حويران اذا عصبت الجده على حور نادتها فيه) للحين ماخلصتي وبكره الامتحان يافرحتي والله فيكم وخالد وينه قمي يامناروه سمعيله وانتي قاعده اتضحكين على اختج . حور تضحك :هههه الحلو اقلبت علينا انحش منار: ههههاي اما حويران هذي طالعه شي اقول حوره ماتلاحظين امي العودا اذا جبنا طاري همنا قصدي عمنا اتكهرب الجده (عصبت ومسكت العصا): أيا قليلة الخاتمه كهرب يشفط العدو (البنات اول ماشافوها مسكت العصى انحاشوا) في بيت عناد (او مثل مايطلق عليه ابو فواز) عناد الشيشه قدامه والدخان مالي البيت:ياسكينه وين الجمر خلصينا سكينه (شايله صحن الجمر بدينها اللي كلها ذهب ست مضاعد واربع خواتم فاليمين وثلاث اساور وثلاث خواتم باليسار):ايوه ياخويا قيا لك إيده معندكش صبر عناد :هاتي بس فديت انا الفتح والثوب ويلا شغلي المسجل وهزيلي سكينه (تضحك ضحكتها اللي تلج بالمكان كله):ههههههااااي اوعى ياود يابتاع الحركات انتي ماتكسفنيش فواز(داخل وغترته على كتفه وكشته شكبرها):ههههاي اما تكسفني قويه يمه انتي وين والحيا وين هههاااي شر البليه مايضحك سكينه:استح ياولى ماتستحيش فواز:اقول قرقشي بس بطلع الحين سكينه:أيه قرقشي دي فواز:عطيني فلوس مواعد الربع عندي اليوم تحدي مهم عناد:تحدي شنو فواز:يعني إشريكم شراح يكون التحدي غير تحدي تقحيص بزر توه متعلم السواقه امس جاي يتحداني وبعدين يالله خلصوني عطوني فلوس مشتغلين لي محقق كونان سكينه: يابني كول حياتك كيدا من القهرا(الجهرا) للوفره من البيت للتقحيص بالوفره فواز: يووه لاتبدين بالنصح انصحي نفسج ورجلج بعدين انصحوا الناس عطوني فلوس وخلوكم بسهراتكم انتوا والخمه اللي وياكم سكينه: ايدا الواد ياربي انا عملتي إيه بحياتي الفلوس المنيله فوا فالغرفه فواز(يضحك ضحكه استهزاء):هههااي كل هذا اللي سويتيه بدنياج وماكفاج ولا ملى عينج هههاي شر البليه مايضحك (وراح فوق ) خذا الفلوس من غرفة امه والتفت للغرفه قبل لايطلع منها وهز راسه بستهزاء على منظر الملابس والقمصان اللي طايحه على الارض ، قبل لاينزل من الدرج لف وجهه للغرفه اللي مقابل غرفته وابتسم وراح لها طق الباب،، ...... :منو فواز : انا فواز ابتسمت وقامت تفتحله:هلا حياك فواز يمسح على راسها ويبتسم:دلوعه اخواها شخبارها فوزيه:دامني اشوفك بخير فواز:عسى دوم بشوفي وبدون شوفتي طيب حبيبتي انا طالع تامرين على شي. فوزيه: ابي سلامتكم بس لاطول وابي رصيد مافي تلفوني الا ميتين فلس فواز:ابشري فديتج ومايحتاج اوصيج واعيد الاصطوانه فوزيه تحط ايدها على فم فواز:انا بقولها حفظتها قفلي باب غرفتج ولاتفتيح الباب لأي مخلوق حتى ابوي وامي وشغلي القران وحطي الهتفون بإذنج واذا حسيتي بشي غريب دقي علي " هاه شرايك في حفظي . فواز يبتسم:ههه لاتمام يلا ودعتج الله الذي لاتظيع ودائعه (وحب رأسها) فوزيه تبتسم له واتأشر على غمازتها: وانت بحفظه بس وين البوسه لغمازتي فواز:ههه طيب ياستي وهذي بوسة غمزاتج يلا سلام فوزيه: مع السلامه فديتك (فواز شاب طايش ربى في بيئه وسخه بس ربي سخر له استاذ تربيه بدنيه كان دايم ينصحه بس العيشه في بيتهم اطبعه فيه هالطيش والتهور عمره سته وعشرين سنه سنه مخلص المتوسط بطالي يحشش نادرا طوله وسط ضعيف اسمر شعره كشه ابتسامته جذابه يعني ابتسامته خطيره" يخاف على اعراض الناس مثل مايخاف على اخته عمره ماغازل رغم طيشه يحب اخته فوزيه اللي عمرها ثمان تعش سنه تدرس بالمعهد التطبيقي تخصص محضرة علوم حلوه ومملوحه برونزيه عيونها وساع بس اكثر شي محليها ابتسامتها اللي تقارب لابتسامه اخوها وغمازتها جهه اليمين) (في مدرسه ثانويه العدان بنات) طلعوا من الامتحان حدهم مستانسين " منايل : وااااو الامتحان حلو توقعت يصعبونه حور : يابنت الحلال كليت الكتاب اكال الصراحه الحمدالله سهل لا عاد امس لو شايفين امي العودا قامت علي بالعصى يوم طقيتها سوالف انا ومنور عن عناد منال غصت بالقمه : كح كح كح منايل تعطيها الماي : بسم الله عليج مالت عليه وعلى طاريه حت طاريه هم صدقتي ياحوره يوم سميتيه الهم . منال :اوف هذا بس طاريه وجذي الله يخسه واسمه هذا اسمه عناد الرجيم ينافس الشيطان بحقارته ولعانته حور :هههه هوب هوب منول هذا وانتي ماشفتي وجهه الودر منال : من حلات ويهه على قوله امي ويه ابن فهره منايل : هههاااي ياحلوج انتي وامج اما وجه ابن فهره طالعه منج مثل العسل عاد انا اللي شفته بسم الله علي بغيت انصرع من الخرعه وع ضروسه اصفر غامج على اسود والثه سودا نفس سواد جوتيج وعيونه مبققه وحمر هذا غير وصاخت لبسه وريحته زباله شكله لايوصف منال : اكيد هذاك اليوم نمتي بحظن امج حور : هههه لاشكلها عاد لوشفتيه ماسكه بلوزتي من وراي وتقول سكنهم مساكنهم منال: قصدها يوم شافته بالمحكمه يوم القضيه صح حور تذكر شكل منايل وتضحك : ههههههههههههههههه اي صح منايل : انا ووجهي رايحه وياها من طقت صديقتي ولازم اوقف وياها بالشده وكنت ناويه اذا ربحنا القضيه وطلعنا برى المحكمه احذف بالنعال على وجهه بس من شفت شكله بلعت العافيه وقعد اقرى المعوذات بشع بشكل ماتخيليناه لاهذا غير مديرته الخاصه سكينه عسى مافيه سكينه حشى سوق ذهب متنقل ماخلت ذهب مالبسته ماباقي اللى الهامه زين مالبستها بعد منال: ميمي لاتقولين بعد لابسه الحزام الذهب حور : لاشكلها حاطته احتياط بالسياره عشان اذا اربحت القضيه تلبسه وتغني رأصني ياقدع الكل: ههههههههههههههههههههههههههه (منايل ومنال صديقاتها من الابتدائي يحبون بعض بشكل لايوصف منايل من عايله غنيه ابوها تاجر عنده شركه سيارات لها فروع بدول الخليج عندها اختين وأخو ورغم غناها اللى انها عمرها ماشافت نفسها عليهم او حسستهم بالفرق وكل ماسافرت وشرت لها شي تشتريلهم نفسه اكثر من مره يحاولون فيها اهلها ينقلونها مدرسه خاصه بس ترفض لانها ماتقدر تستغني عن اغلى صديقاتها حور ومنال بين ابوها وابوحور صله قرابه جدها ابوابوها وجد حور عيال الخاله منال من عايله حضريه حالتها الماديه متوسطه ابوها متوفي عندها اخت واخو وامها انسانه طيبه وحقانيه وتقول الحق لو على قص رقبتها كانت تربطها صداقه قويه بأم حور حزنت على فرقاها حزن الاخت على اختها) واقفين عند الباب ينطرون اهلهم وصلت سيارة منايل الحوت ونزلت الخدامه تشيل جنطتها ونزل السايق يفتح لها الباب منايل : يلا فديتكم اشوفكم عمى خير حور ومنال :الله معاج وصله الكامري البيضا وتقدموا حور ومنال وركبوا حور ومنال :السلام عليكم ام منال :وعليكم السلام هلا وغلا هاه شلونكم شخبار الامتحان حور :لاخالتي ابشرج تمام نشف دمنا امس من الدراسه منال : يمه سهل وانا مسويه مناحه امس وخايفه وطلع شربه ماي ام منال : سهل لانكم درستوا عدل يلا بالتوفيق اقول حور امج العودا دقت علي تقول لاتنسين اللي وصتج فيه حور : اوه نسيت خالتي اذا ماعليج امر مري فرعه الجمعيه اللي عند بيتنا ام منال : من عيوني حبيبتي (منال بيتهم بالشارع اللي ورى بيت حور ودايم تودي ام منال حور ومنار لمدرسه ويا بناتها منال ونرجس اما خالد يداوم ويا فهد ولدها بالباص ) خذت حور من فرع الجمعيه لبن خالي الدسم وخبز وبيض شافت مجله زهره الخليج والمختلف وكانت تبي تشتريها بعدين ردتها قال مولازم اخلي هالدينارين مصروف لخلودي ومنور هالثلاث الايام الباقيه من الاسبوع (دايم تشوف اشيا ودها تشتريها بس اتنازل عن هالاشيا تخاف يجي يوم ماتلقي فيه فلوس مصروف لمنار وخالد عشان اكلهم فالمدرسه ماتبي تحسسهم انهم اقل من غيرهم لدرجه ان مصروفها المدرسه بس تشتري فيه عصير بأميه فلس والباقي تحطه في حصاله احتياط للحاجه ودايم يهوشونها منايل ومنال وتحط العذر لها انها تسوي دايت اي دايت ووزنها تسعه وأربعين كيلو بس منايل ماعليها منها دايم تشتري سندويتشات من برى المدرسه لهم ثلاثتهم وتغصب حور تاكل سندويتشاتها كلها واذا ماكلت تزعل وتحلف ماتاكل اللى اذا كلت حور فتستسلم حور وتطر تاكل) "مرات الحاجه تجبر الانسان عزيز النفس يسوي شي اكبر من قدرته حتى لوعلى حساب صحته عشان مايمد إيده للبعيد واللى القريب" ( حور دايم تردد هالقصيده وحاطتها حكمه لها بهالدنيا) الزمن لاصار ضدك وأحتوى درب المصايب (القصيده منقوله[/SIZE][/FONT][/COLOR] |
;
"الــــجزء الثــــاني " اليوم الاحد"تاريخ الخامس عشر من شهر يناير لعام الفين وسته" خالد واقف فالشارع عند باب بيتهم ينطر الباص منار لابسه مريول المدرسه وحجابها وقاعده بالحوش تراجع وتنطر ام منال تمرهم عشان توديهم للمدرسه ويا بناتها حور خلصت مراجعه والبست مريولها ونزلت لجدتها بالصاله وعبايتها وملفعها ونقابها السير بيدها حور :صباح الخير يمه وين منور وخلود الجده :صباح النور يابنتي خالد بري ينطر الباص ومنار بالحوش تنطر ام منال حور :وليش تنطر برى اذا وصلت خالتي بدق التلفون في هالحظه دخل خالد يركض وهو يصارخ بشكل هستيري ودموعه على خده ومنار تركض وراه وماتدري شالسالفه حور بخوف :خالد إشفيك تكلم طيحت قلوبنا الجده :يمه إش بلاك خالد يشاهق ودموعه ماوقفت: يمه تكفين قولي انها إشاعه لاتقولون انه مات الجده وحور ومنار :منــــو اللي مــــــــات تكلم خالد :بـــابـــــا جــــابر تــــوفى منار بصدمه:بسم الله عليه لاتفاول عليه خالد :مافاول عليه ابوفيصل جارنا شافني واقف برى وقال ادخل ياخالد مافيه مدرسه اليوم الشيخ جابر عطاك عمره تكفــــون قولــــوا انها إشــــاعه حور اركضت لتلفزيون تشغله وتحطه على القناه الاولى وهي تدعي بقلبها انه إشاعه لكن انصدمت لما شافت حاطين قرآن وخبر وفاته في الشريط الاخباري فأسفل الشاشه :يــــمه الحقــــي علــــي ركضوا كلهم صوبها الجده بخوف وايقنت ان الخبر حقيقه ولامفر من الموت:هاه يابنتي عسى خير حور بدت دموعها وشهقاتها: ابونا ابونا بابا جابر راح خذاه الموت عنا يمه ابواليتامي والمساكين راح يعني ماعاد انشوفه آآآآآآه يمه الجده طاحت على ركبها:لاإله إلا الله إنا لله وإن إليه راجعون ربي اجرنا في مصيبتنا واخلف لنا خيرا منها (منار وخالد حالتهم نفس حالة حور هستيريا دموع وشهقات وحزن كبير) منار من بين دموعها: ليش ليش ياخذه الموت ويخلي عمي ليش الطيب يروح والخبيث عمره طويل عمرنا ماحسينا باليتم وهو موجود خالد : اطيب انسان شافته عيني يوم ودونا المدرسه نستقبله كان يضحك ويانا ويمسح على روسنا ويحبنا كان في قمة التواضع ليش الطيب ياخذه الموت بسرعه الجده :استغفرالله ياعيالي الموت حق وكل نفس ذايقته والشيخ جابر رحمه الله عليه اسم على مسمي جابر القلوب ومن حبه الله حبب خلقه فيه والكل كان يحبه فرض حبه على الناس بطيبته وعدله وتواضعه حور : اللي مثله قليل كان مساوي شعبه بعياله اللي من صلبه حتى مره واحد من عياله ماجاب نسبه ادخله لجامعة الكويت وطلب من بابا جابر تقبله الجامعه ورفض بابا جابر قال مثل ماأنتوا عيالي حتي شعبي عيالي واللي يمشي عليهم يمشي عليكم منو اللى بيعدل كل هالعدل القليل اللي مثله آآآآآآآآآآآآه يامــــوت ليتــــك خذيت عمي وخلــــيه منار :تذكرون يوم فرحنا بالمنحه كل كويتي صغير او كبير حتى المواليد ميتين دينار صار لنا تسع سنين نبي نسوي ماي سبيل لامي وابوي وماقدرنا وبفضل الله ثم فضله سوينالهم وصبغنا بيتنا وغيرنا اثاثنا الكحيان اللي صار له عشر سنين كله من خيره بعد الله الجده تمسح دموعها :عسى مثواه الجنه اللي طيبه لو وزعوه على العالم كله كفاه وزاد اذكر يوم بغوا يغتالونه عيال الحرام وقبظوا عليهم وسلموهم له عفى عنهم والكل تضايق وقالوا ليش تعفوا عنهم هذولا مجرمين قال وراهم امهات وماودي احرق قلوب امهاتهم عليهم" رحمه الله عليه ماوده يضيق صدر أحد عسى قبره روض من رياض الجنه (السامع والقاري يقول أمين"غنادير) الكويت كلها كبير وصغير حزنت على فرقاه ولبست ثوب الحزن واعلنوا الحداد لمده أربعين يوم وبدت ثلاث ايام العزى وبدوا الوفود يتوافدون من جميع انحاء العالم قاصي وداني لتعازي كل من عرف جابر الخير او سمع عنه حزن على فرقاه لو اكتب عن انجازاته على مستوى الكويت او خارجها ماراح اوفيه حقه يكفي فكرته في انشاء مجلس التعاون الخليجي اللي زاد من تعاون وترابط اهل الخليج "يعجز اللسان عن وصف هذا الرجل اللي انجازاته وحسن أخلاقه تعدي الوصف " (إلــــي جنــــات الخلــــد ياجــــابر الخيــــر ) بعد انتهاء ايام العزى ارجعوا الطلبه لدواماتهم في المدرسه" جميع الطالبات لابسين صوره والمدرسات اغلبيتهم لابسين اسود وصوره معلقينها على صدرهم الكل عزى بعضهم البعض على فقدانه (هذا نموذج من نماذج حزن المدارس عليه تقريبا كل المدارس فالكويت امتلت بصوره والطلبه والطالبات والمدرسات والمدرسين كذلك) حبيت اوصف جزء بسيط من حزن الكويت واهلها عليه واضن التلفزيون كفى ووفى في نقل حزن الكويت وشعبها سواء الشوارع المدارس الجامعات الدوائر الحكوميه الصغير الكبير المواطن المقيم والكل " رحمة الله عليه" ============== اليوم موعد النتايج حور مكبره المخده وماتبي تشوف النتيجه منار تسحب الحاف من حور:حور وجع بلا ملاغه تراج صايره سخيفه قومي وياي نشوف النتايج حور اتلحف مره ثانيه :نتايج مابي اروح من امس قلتلكم واطلعي برى وصكي اليت منار عصبت :بالطقاق زين عمرج ماشفتيها حور :لاتنسين شوفي نتيجه خلودي فديته منار :ياليتج تهتمين بنفسج قبل الناس اوف منج (طلعت وصكت باب الغرفه على حور) حور ولاكأن شي صاير رجعت تنام مره ثانيه" الساعه الصبح جرس الباب يرن فتحت كارين الباب منايل ومنال :قوه كارين شلونج كارين :اهلا حبيبي كويس انت شلونكم منايل :طيبين"كارين وين حور كارين :فوق نايم منال :ماما كبير فيه كارين:لا ماما كبير ومنور وخالد يروح مدرسه بابا مصطفي يجي يأخذ منال تلتفت لمنايل :يعني نايمه ولا هامها شي منايل :افا عليج الحين نعلمها شلون النوم"خلاص كارين شكرا احنا نروح لها دخلوا غرفتها اللي كانت دافيه بسبب الدفايه شغلوا اليت وابتسموا على شكلها مغطيه جسمها وراسها وبسبب وزنها مومبين ان فيه احد تحت اللحاف منايل اشرت لمنال عشان تاخذ قلاص الماي اللي على الكمدينه وخذته منال وتقدموا لسرير منايل ارفعت الحاف ومنال كملت باقي المهمه وكبت الماي على حور حور فزت وشهقت :يمــــــــه منايل ومنال :هههههههههههههههههههههه حور تفتح عيونها وتصكرها ومو مستوعبه :بسم الله منايل تضحك: هههه بسم الله عليج ياقلبي بس عشان مره ثانيه اذا قلنا تعالي ويانا نشوف النتايج تقومين حور : محد قالكم انكم سخيفات منال : محد قالج ان شكلج وانتي مبلله عجيب حور اشرت بإيدها :اقول اطلعوا وصكوا الباب توني طارده منور منايل :محد قالج انج مو وجه بشاره كنا بنبشرج بس انتي موكفو يلا منول مشينا حور اول ماقالوا بشاره نطت :لحظه لحظه بشاره شنو شفتوا النتايج منال تلعب بعصابها : لاماله داعي كملي نومج توج طاردتنا يلا ميمي مشينا وطلعوا برى الغرفه وحور وقفت على السرير وركضت صوبهم: لحظــــه بلا سخافه عاد ترى نرفزتوني منايل :خلاص بنتكلم واللي فيها فيها احنا ياحووره كنا نبي نقولج انج نجحتي بس للاسف حور تحطمت :سقطت منايل بصوت عالي:نجحتــــــــي ونسبتج خمسه وثمانين ونطوا عليها وحور للحين مو مستوعبه:قولوا والله منال: هههههههه لاوذابحتنا مابي اروح مابي اروح انتي وويهج شفنا نتيجتج قبل نتايجنا حور :اومبيــــه ماني مصدقه يمكن شفتوا الثمانيه بالمقلوب يمكن انا ماخذه خمسه وسبعين زين وانتوا منايل: واااااااي ياناس بتذبحني اقولها ثور تقول احلبه كلنا نجحنا انا ثنين وتسعين ومنوله سته وثمانين وانتي خمسه وثمانين حور بدت هستيريا الفرح ادور وتغني وتناقز: هااااي نجحنا نجحنا ايــــوه ايــــوه عاشوا عاشوا ايــــوه نجحنا وغنــــوا نجحنا وشاركوا منايل ومنال هالفرحه اسمعوا تحت صوت (لولاش"يباب"زغروطه)بكل الهجات قلتها" ونزلوا ركض وشافوا الجده شايله تورته وبيدها ورقه بيضا ومنار وخالد كل واحد وياه ورقه وركضوا لحور خالد بفرح:حور ابشرج الاول نسبتي تسعه وتسعين حور شالت خالد وقعدت ادور فيه:مبــــــــروك بعدي ياروح اختك انت منار يعني معصبه:لحظه لحظه بس خالد يعني لوسمحتي وانا ابي لمه بعد أحم أحم نسبتي سبعه وتسعين صرخت حور: الــــــــف الــــــــــــف مبــــــــروك فديتج "وراحت تلمها الجده: لحظه لحظه وانا بعد لوسمحتي ابي بوسه وفتحت الورقه "نسبتي خمسه وثمانين الكــــل ضحك على الجده:ههههههههههههههههههههاااااي وحور ركضت لجدتها وتوها صدقت لان الشهاده اللي ويا جدتها شهادتها:فديتج انتي راس المال كله "لمتها وبدت تبوس خدها وراسها وخشمها وإيدها ونزلت لرجولها وباستها" دقت الجده على ام منال عشان تشاركها هالاحتفال البسيط جدا اللى سوتها بمناسبه نجاح الكل" فرشوا السفره على الارض وحطوا التورته والفطاير والحلويات والعصاير والمشروبات"وحطوا الرادو على الـFM وكانوا حاطين اغانين عن النجاح وطلعت أغنيه احلام نجحنا والله وفقنا" وبدوا البنات يستهبلون ويرقصون وسوالف وضحك" وبعد ماكلوا واستانسوا الجده وأم منال قعدوا يسولفون وتأخذ الجده رايها في خلطات العطور اللي مسويتها والبخور ام منال(تشم العطور):ماشاالله ياخالتي ريحتها روعه لاوبعد رخيصه تدرين ياخالتي الحريم بالمعارض يسون خلطات عطور ماتسوا ويبعونها بثمان وعشر دنانير وانتي خلطاتج ريحتها عجيبه وبس بثلاث دنانير شوفي ياخالتي انا بشور عليج شور اعرضي بضاعتج بالمعارض الربح اكثر وزباينج راح يزيدون. الجده :يابنتي انا مالي بهالمعارض ولا اعرف وينها ام منال :شوفي خالتي انتي ماعليج مكان المعارض علي كل ماسمعت عن معرض بحجزلج طاوله واوديج وانتي ماعليج اللي اتييبين بضاعتج وتحطينها على الطاوله وتقعدين على الكرسي وبس اتفرجين وتشرفين وعندج بناتي وحور ومنار وكارين هم اللي يبعون هاه إشرايج الجده بدت تقتنع:خلاص اللي تشوفينه زين سويه بس ترى حجز الطاوله علي ولاتدفعين ولاشي واللى بهون ام منال:هههه خلاص ولايهمج بس ترى بنرفع الاسعار شوي يعني العطور بخمسه أو عشر دنانير والبخور بعشره او ثمان دنانير والدراريع الناعمه بخمسه وعشره واللي فيها شغل وشوارفسكي من خمسه عشرين وفوق والملافع والبراقع والنقابات انتي حددي اسعارها الجده :خلاص توكلنا على الله بس الربح بالنص ام منال: لاوالله حشى والحشى عن الف يمين ماخذ شي وبعدين التعب والخساير كلها عليج وتالي ايي واخذ نص الربح بارده مبرده كله علشان بوديج لاوالله واللى ترى بزعل الجده :انتي ماقصرتي بتكفلين بالروحه والرده وبناتج بيبيعون ويانا حرام نتعبهم بدون فايده ام منال:لاتعب ولاشي ومن قال ماراح يستفيدون اللى بيستفيدون خليهم عالاقل يعتمدون على نفسهم ويستقلون وقت فراغهم بشي يفيدهم الجده بجديه:خلاص بس عندي شرط والله اذا ماوافقتي عليه ماطب المعرض ولا اجيه اي شي يعجبج انتي وبناتج من البضاعه تأخذينه بدون ماتدفعين شي ام منال تضحك:هههه ولا يهمج اصلا بدون ماتقولين انتي مو غريبه ياخالتي انتي أم نوره الغاليه رحمه الله عليها الجده تبتسم:خلاص الحين متفقين وابدي حجز ام منال:خلاص ولايهمج فيه الحين معرض الروضان بالصباحيه بروح احجز لج طاوله والا طاولتين وعيالي عندج بدر لايطلع ترى بيقص عليج يقول ابي ملابس من البيت عشان يروح لأرانب ام جراح فشلني في المره ذبح ارانب عيالها بس يشوت فيها حسباله كوره الجده:ههههههه ولايهمج انتي روحي ولاتوصين حريص الجــــــــزء الثــــــــالــــث" في معرض الروضان بمنطقه الصباحيه(المعرض نسائي فقط) الجده قاعده على الكرسي وكارين تعلق الدراريع استعدادا لزباين والبنات يرتبون البضاعه على الطاولتين بدوا الزباين يتوافدون" حور:الله يسهل الرزق شوفي أمي العودا متحمسه ومتفائله منال:الله كريم البضاعه حلوه وأسعارها مناسبه وانا حاسه ان البضاعه بتمشي. وقفوا عندهم ثلاث بنات :السلام عليكم حور و منال:وعليكم السلام ياهلا البنت الاولى :شرايكم بالدراعه الصدفيه حلوه صح البنت الثانيه: الصراحه حلوه وتصلح للعرايس فخمه وانيقه أخذيها دام ماباقي على عرسج اللي شهرين. البنت الاولى :لو سمحتي جم سعرها حور: هذي بخمسه وعشرين دينار البنت:زين الشوارفسكي اللي فيها اصلي اكيد حور: أكيد اصلي شوفي لمعته البنت : لا استغربت السعر احسه رخيص وهي فخمه والشوارفسكي اصلي حور: حبيبتي احنا حاطين اسعار خاصه عشان المعرض البنت:فيه منها الوان حور :بس صدفي ومنقاوي احنا بس نسوي من القطعه لونين البنت :انا حابه اشتري كذا دراعه منكم بس ياليت تراعوني بالسعر حور:بكون صريحه وياج احنا مانقدر انزل الاسعار اكثر من جذي اسعارنا حيل مناسبه البنت :خلاص ابي هذي الصدفيه وابي التركوزيه ابي هذي الورديه حور:ان شاءالله ترى مقاسها كلها مديم البنت:اي مديم مقاسي الزين والسعر حور:التركوزيه والصدفيه كل وحده بخمسه وعشرين اما الورديه بخمسه وأربعين يعني الحساب كله خمسه وتسعين دينار دفعت البنت الفلوس وخذت الدراعات اللي كانت فعلا روعه البضاعه اغلبيتها انباعت والربح كان ممتاز واستانست الجده وصارت كل ماسمعت عن معرض احجزت فيه وعلى النيات ترزقون ربي ثمن تعبها وعطاها على قد نيتها انتهت عطلت الربيع وبدت المدارس كان الكل مجتهد يبي ينجح وحور شدت حيلها اكثر لان صار عندها امل تدخل الكليه لان حالتهم الماديه تحسنت" الطلابات كثرت والزباين ايتزايدون والطلب على البخور وخلطات العطور اللي تسويها الجده صار بالهبل وصارت الطلبات حتى من دول الخليج وقررت انها تترك شغل الدراريع لانها مكلفه ومتعبه"وتفرغت لخلطات العطور والبخور اللي الطلبات عليها زادت"البخور كذا نوع وافضل نوع تسويه سمته معمول نوره وخلطه تصلح للعروس سمتها خلطة حور للعروس وخلطه ثانيه رجاليه سمتها خلطه خالد وخلطه ثالثه للبيت والمفارش سمتها خلطه منار هذي غير خلطاتها القديمه" الساعه الثانيه فجرا من يوم الخميس الضحك والغنا والمياعه وريحه الدخان والخمر تلج بالمكان "في سرداب عناد" عناد ماسك إيد وحده من الصايعات :هاه شخبار الشغل نبي وجوه جديده حسينه(تصير بنت خالة سكينه): ان شاء الله ربنا يسهل بس انت وسكينه لو بس تأدروا تأنعوا بنتكم فوزيه دي قمال ودلال والطلب على نوعية قمالها زايد دي لو ترضى حدخل لنا كنوز شوف بنتي شريهان ازي ادره تقمع الفلوس كولها هزت خصر على غمزة عين وحضن وألف دينار بقيبها عناد :لو علي من زمان متربح منها بس الكلب فواز لوشم ريحه خبر اني بس فكرت بس مجرد فكره على طول بيبلغ علينا العاق ماهمه ابوه وأمه لو يدخلون السجن مايخاف الله (سبحان الله الحين فواز عاق ومايخاف الله وأهم والخائفين العابدين"غنادير) حسينه بخوف :لا ياخويا سقن إه لا بعيد الشر في ستين داهيه وإحنا مالنا ومالها عمرها بربحت بلاش فوزيه ياخويا ويلا نرقع للقماعه رجع عناد ويا حسينه وهو يفكر لو حور عايشه عندي أوه عزالله سعرها بيكون غالي والربح مضمون بنت الكلب خذت جمال امها نوره آآآه يانوره " بس عجوز النار هذي مو سهله ماخلتني اخذهم يلا ياعناد اصبر الصبر مفتاح الفرج كلها كم سنه وتفنقش هالغبرا واخذهم عندي آووه شغل عدل" جوهم نجس ووصخ هذي بحضن هذا وقاعد ويصفق للي تهز خسرها وكل شوى مقربه صدرها له وهذي شريهان تبوس بوجاسم بمياعه في كل جزء من وجهه والسبب ان سعر البوسه على حسب المكان يعني البوسه اللي على الجبين غير عن بوسه الخد وغير عن بوسه الشفه" والعياذ بالله نسوا ان الفلوس وسخ دنيا نسوا ان ملك الموت في اي لحظه يمكن يزورهم نسوا ان الله قادر انه يخسف فيهم نسوا قدرت الله على كل شي انساهم الشيطان وجود الله حلى الحرام فعيونهم لدرجه ان بوجاسم يقول: اتلذذ معاج ياشريهان بشكل ماتصورين بعكس زوجتي اللي مهما البست وتعطرت ماحس بأي شعور اتجاهها" (اعوذ بالله صارت ريحة الخمر والدخان اللى خالطه ريحه عرقهم الوسخ ونجاستهم احسن من ريحه البخور والمسك والعنبر عندهم" صار الحرام الذ عندهم من الحلال فعلا الشيطان يحلي الحرام في عيون ضعاف الايمان وضعاف النفوس) في نفس البيت ولكن في الدور الثاني صوت القرآن مالي الغرفه" حاضنه رجولها لصدرها وترجف من الخوف اليوم الصوت عالي بزياده تحس البيت بتزلزل من كثر الرقص والصراخ والضحك والفجور في هالحزه المباركه الرب نازل من السماء الاولى إلى السماء السابعه يقول هل من داعي استجب له هل من سائل فأعطيه" فوزيه ترفع إيدها وتدعي ربها:يارب ساعدني يارب اكفيني شرهم واجعل كيدهم في نحرهم واجعل بيني وبينهم حاجز كبير لايستطيعون عبوره ولا الوصول إلي يارب تبعدهم عني وتجعل على اعينهم غشاوه لايروني" وصارت تردد"وجعلنا بين اعينهم سدا ومن خلفهم سدا فأغشيناهم فهم لايبصرون" تشوف مسكت الباب ترفع وتنزل احد يحاول يفتح الباب زاد الخوف فيها الحركه اتكرر اكثر من مره "في كل خميس من كل شهر هذا حالها بس اليوم بزياده الاسبوع اللي طاف كانوا مجتمعين وهذا الاسبوع بعد شكلهم بيحطون جمعاتهم الكبار اسبوعيه بدال ماتكون شهريه وجمعاتهم الصغار يوميه بدال ماتكون اسبوعيه "اكتمت صوتها وبداخلها تدعي ربها يكفيها شرهم ترك مسكت الباب وبدت خطواته تبتعد من الغرفه وعلى طول ركضت وسحبت مكتبها ولزقته بالباب وشالت الكوميدينه وحطتها فوق المكتب حاولة تسحب الكبت بس ماقدرت ثقيل حيل خذت تلفونها تبي ادق على فواز بس الشحن طافي وقامت ادور الشاحن بس تذكرت ان فواز خذاه يشحن تلفونه T] [/][/E][/SIZE][/COLOR] |
"الجــــــزء الرابــــــع" بكل غروره المعتاد يمشي فالمستشفى ويدور على مرضاه يشوفهم قبل مايرجع للبيب إيده اليمين داخل جيب البالطو ويمشي ورافع راسه يانــــــاس مغــــــرور حور ومنار قاعدين ينطرون جدتهم يسون لها اشعه على ركبتها تعورها" منار بهمس :العن بليس الصاروخ اللي واقف عند الرسبشن بس شكله مغرور حور التفتت : الله يلوع جبدج تدرين هذا منو منار : منو وانتي شعرفج فيه حور :هذى سعود اخو منايل منار :قولي والله هذى اللي يقول لمنايل صادقي بنات اهلهم يشرفون حور : اي هذى هو قطيعه شوي وتنكسر رقبته من كثر رفعه الراس هذي سبحان الله خلق وفرق من يصدق انه اخو منايل منار: الله يخليج بس شدعوه بس اهو المغرور حتى خواته خاصه عذاري املغ منها ماشفت حور ابتسم: سبحان الله الطيب عند ذكره هذي منايل وصلت اللى براسه تسويه قلت لها لاتجي بس مافيه فايده دخلت المستشفى وراحت صوب سعود اللي كان واقف عند الرسبشن وابتسم لها منايل:مــــــرحبا سعود(بحب وابتسامه):اهلين يامرحبتين نور المستشفى منايل :ادري ماقلت شي جديد سعود:ابوك يالغرور منايل: ههههه بعض ماعندكم لاتاخذني بالكلام يلاعن اذنك بروح لحور سعود تنرفز: يا هالحور اللي ذبحتينا فيها منايل:سعود لوسمحت لاتغلط اذا فعلا تحبني لاتسبها تراها نظر عيني اللي اشوف فيها سعود: طيب خلاص ياكلمه ردي مكانج منايل ابتسمت:يلا مع السلامه سعود :بحفظ الله يلا اذا خلصتي دقي علي انا بنطرج منايل:لا انا مطول برجع ويا السايق سعود:ماله داعي تروحين وياه وانا بنطرج ماوراي شي منايل:خلاص براحتك راحت لحور اللي اول ماشافت منايل جايه صوبهم وقفت وسلمت عليها حور:يعني اللي براسج تسوينه يعني تسوينه منايل:اقول عن الهذره الزايده وقوليلي شخبار جدتج حور:للحين ماطلعت من الاشعه منايل:منور شلونج إشفيج عالصامت منار:الحمدالله بخير مافيني شي بس تعبت من النطره حور شافت جدتها طلعت من غرفة الاشعه وراحت لها:هاه يمه شلونج شي يعورج الجده:الحمدالله بخير منار:يمه وين الاشعه الجده:يقولون انطري شوي منايل :مرحبا ياخالتي الجده توها تنتبه لمنايل:هلا يابنتي شلونج منايل :الحمدالله انتي شلون ركبتج الجده:الحمدالله على كل حال الممرضه طلعت ماسكه الاشعه ونادت حصه عبدالله راحت حور وخذت الاشعه منها ودخلوا على الدكتور طلع عندها خشونه كتب لها دوا وطلعوا حور:يمه خليج قاعده انا بروح اجيب الدوا وارجع زين يمه الجده:خلاص يمه بس لاتاخرين حور:ان شاالله يمه راحت حور تصرف الدوا وشافت سعود واقف يسولف ويا الصيدلاني ومغطي شباك الصيدليه وقفت تنطره يروح بس شكله مطول تقدمت حور : لوسمحت شوي التفت سعود لها وخزها من فوق لي تحت و قال بنفس شينه : اتفضلي عطت حور الوصفه الصيدلي الصيدلي : هذا مرهم مرتين باليوم صباحا وفي المساء وهذي حبه وحده في المساء وهذي ثلاث حبات يوميا بالعافيه ان شاالله حور: مشكور" خذت الدوا وقبل لاتمشي خزت سعود من فوق لي تحت باستهزاء نفس طريقه نظرته لها ومشت" انقهر منها ويقول بداخله:بعد بنت فقر وشايفه نفسها راحت حور لجدتها والبنات حور:يلا يمه مشينى منايل:خلصتوا حور:اي حبيبتي خلصنا منايل:يلا ماتشوفون شر عن اذنكم بروح لسعود ينطرنا الكل:الشر مايجيج راحت منايل لسعود كان واقف يسولف ويا واحد من زملائه الدكاتره يوم شافها اقبلت صوبه استاذن وراح لها سعود:يلا مشينا منايل:مشينا مشوا يطلعون من باب المستشفى وشافوا حور واقفه توقف تكسي ومنار والجده قاعدين قريب من باب المستشفى منايل:لحظه سعود هذي حور توقف لهم تكسي خلنا نوصلهم سعود:ليش هم ماعندهم سياره منايل:لا بس انا توقعت ان اللي جايبهم ام منال جارتهم او السايقه ام حسام متعاملين وياها توصلهم سعود:يلا امشي لها قوليلها تركب ويانا نوصلهم منايل:ماظن ترضى بس يلا نروح لها راحوا لها ولما حور شافتهم جايين صوبها ابتسمت لمنايل منايل:حور ليش توقفين تاكسي وين ام حسام حور:ام حسام وصلتنا وراحت عندها شغل منايل:امشي نوصلكم دربنا واحد حور:لاحبيبتي يعطيكم العافيه وقفت تاكسي الحين بيوصلنا منايل: مولازم تكسي دربنا واحد امشي بلا سخافه حور:لاالغاليه شكرا التاكسي ينطرنا بروح انادي امي العودا سعود:منايل خلاص مولازم هالاشكال متعوده عالتكاسي عمرهم موراكبين سياره عدله حور:اي والله متعودين عالتكاسي بس ماعندي مانع اذا بتوصلنا وندفعلك مثل ماندفع لتكسي يعني حالك من حاله مومشكله نركب وياك سعود عصب:انا حالي من حال التكسي حور ببرود:قصدي ندفع لك حساب التوصيل الصراحه ماننطر منت احد علينا سعود بعصبيه:الشرهه علي اخر زمن اكلم اشكالكم يلا منايل انا بالسياره (ومشى لسيارته) منايل: هههههاااي ياقويه انتي نرفزتيه ماتوقعت بتردين عليه هالرد حور:يستاهل شايف نفسه درينا ان سيارته كشخه منايل:ههههه يلاحبيبتي باي بروح لسعود قبل يعصب علي حور:باي راحت منايل وحور راحت تنادي جدتها ومنار وركبوا التكسي ورجعوا بيتهم === فواز:طيب انتي الحين ليش معصبه فوزيه:وشلون ماتبيني اعصب كل خميس وهذا حالنا خلاص طفح الكيل ماصارت انا خايفه احد يكسر الباب علي واللي ابوي يجرني وينزلني لهم فواز يبتسم:فوزه هدي مايقدر احد يقرب صوبج انا محذرهم لوبس فكروا يجون صوبج تلفون واحد يوديهم بستين داهيه مايقدرون يقربون حطي ببطنج بطيخه صيفي ولاتخافين فوزيه:زين بس انت يوم الخميس لاتطول بالسهر ارجع بسرعه فواز:من عيوني يالغاليه يلا بعد اوامر ثانيه والا اروح فوزيه ابتسمت:لامابي اللى سلامتك فواز طلع منها وفوزيه قعدت تفكر وتلوم نفسها انا ليش ماقلتله عن اللي يحاول يفتح باب غرفتي يوووه ياربي ساعدني مادري شلون اتصرف بهالمصيبه" (في المدرسه) منال:منايل خلصتوا المناهج منايل:اي خلصناها كلها هالاسبوع اخر دوام لنا اشوى خلصنا المناهج عشان يمدينا ندرس تقريبا عندنا عشرين يوم حور:اوف بس زهق الناس يمتحنون واحنا لا واذا خلصوا امتحانات احنا نبدأ امتحانات منال:يلا الله يعين غمضي عين وفتحي عين نكون خلصنا وافتكينا من الثانويه منايل:مادري اي مدرسه راح نمتحن فيها ياليت نمتحن في مدرستنا حور:لااتوقع هالسنه الادبي يمتحنون بالضاحيه منال:دام بالضاحيه اكيد في ثانويه موضي العبيد منايل:مادري اخلاق مدرساتهم شلون صايره منال:بنت خالتي تدرس هناك تمدحهم اخلاقهم حلوه حور:ترى انا اخر يوم بداوم الثلاثاء بقعد ادرس منال:حتى انا خلاص اخر شي يوم الثلاثاء منايل:لاانا على كلام ابله التاريخ اخر درس بناخذه الاربعاء حور:ترى العم مصطفى جاب لي مراجعات وامتحانات السنين اللي طافت صوروها لكم طابعتي خالص حبرها منايل :خلاص انا دز السايق لج العصر عطيها ياه وانا بصور لي ولمنول وبردها باليل حور :خلاص اوكي منال :صوري لكل وحده منا نسختين عشان النسخه الثانيه نحطها امتحان لنا نشوف حلنا شلون منايل:ولا يهمكم ان شاءالله" إشرايكم نطلع اليوم للافنيوز حور:انا اكيد لا صح تطورت امي العودا وصرنا نطلع برى مناطق القرين للمعارض وغيرها بس للحين ماترضى نطلع حيل ونطول بالطلعه" منايل:انا بقول لها عالاقل نرفه عن نفسنا شوي قبل تحبسنا الامتحانات منال:خلوها بعد الامتحانات الحين كل تفكيرنا بالامتحانات وحتى لو طلعنا ماراح نستانس حور:اي والله صح كلام منال في بيت بوسعود ام سعود (تكلم بالتلفون):لا إن شاء الله منايل بنتي ماعليها خوف شاطره بسم الله عليها بس تنجح ان شاء الله راح اسوي لها حفله لاصارت ولا استوت"اي هذي بنت بوسعود لازم حفله الكل يتكلم فيها نزلت عذاري وقعدت اطالع التلفزيون وبعد ماصكت امها التلفون:يــــــمه منو تكلمين ام سعود:هذي ام داليا عذاري:اي ام داليا ياحليلها صح يمه داليا نفس منايل اخر سنه بالثانويه ام سعود:اي يمه اخر سنه ليش تسألين عذاري:لابس انا مادري منايل ليش ماتصادق داليا بدال صديقاتها هذول اللي يفشلون عالاقل داليا نفس مستوانا بنت عز وشايفه خير مو مثل هذول احسهم يستغلون منايل ام سعود بعصبيه:عذاري شهالكلام كلنا عيال ادم وحوا مخلوقين من طين ومنال وحور والنعم فيهم متربيات واخلاقهم حلوه اذا سمعتج منايل تقولين هالكلام عنهم بتزعل في هالحظه دخلت منايل لصاله الداخليه معصبه: لا انا سمعت كل شي والف مره قلت لج مالج شغل بصديقاتي فاهمه وإلا لا عذاري بدون اهتمام:الله والصديقات زباله منايل:زباله انتي عالاقل صديقاتي صار لنا اكثر من عشر سنين ويا بعض و وياي عالحلوه والمره صح على قد حالهم بس عندهم عزت نفس مو عندج عالاقل صديقاتي قلبهم علي ودايم متواصلين وياي مو نفسج انتي وصديقاتج كل وحده انا شريت وسافرت ورحت بس تكلمون بعض اذا وحده حبت تقهر الثانيه انها سافرت او ابوها حط لها الحساب لفلاني بالبنك خوش صداقه حتى لما سويتي عمليه الزايده ولاوحده دقت عليج او زارتج حور ومنال زاروج وتحمدوا لج بالسلامه واهم حيالله صديقات اختج عصبت ام سعود:بــــــس عاد مافيه احترام لي هذا وانا موجوده منايل:السموحه يمه حقج عالراس من فوق بس انتي تدرين اكره شي عندي احد يسب حور ومنال اغليهم كثر غلاتي لروحي ام سعود:حور ومنال والنعم فيهم وماعاش من يسبهم منايل:يلا يمه عن اذنج بروح ابدل وانام اذا اذن العصر قعدوني اصلي ام سعود:ماتبين غدا يمه منايل:لايمه مومشتهيه الحين خليهم يخلون لي اذا قعدت باكل ام سعود:اللي يريحج يمه العصــــــر في بيت الجده خلصت صلاتها وصفطت سجادتها راحت تاخذ الاوراق اللي على الكومدينا ونزلت لجدتها بالصاله الجده:صح النوم حور بكسل:صح بدنج يمه خالد راح يصلي بالمسجد الجده:اي راح إشهالاوراق اللي وياج حور:مراجعات بيمر سايق منايل ياخذها تبي تصورها الجده:يمه إشفيج حور: مافيني شي بس ضايق خلقي شوي احاتي الامتحانات (اللي مضيق خلقها الحلم اللي صار له شهر يتكرر بس ماتبي تقول لجدتها شي خذت ورقه وقلم وبدت تكتب بعض الكلمات) سمعت صوت الباب يتصكر دخل خالد يتزحلق على السراميك:سلام الجده وحور:وعليكم السلام تقبل الله خالد (ياكل كتكات وعصير سانكست):منا ومنكم هاكم جبت لكم عصير سانكست وكتكات الجده:انا مابيه عطوا كارين حور خذت لهاعصير وسانكست: خلودي شوف منور قعدت تصلي" منار نازله من الدرج:اي قعدت وصليت اللــــــه ابي كتكات خالد:بسم الله طرينا القط جانا ينط حور:هههه هذي عتوي مو قطو منار:هيهيهي ضحكتي يازخفج انتي واخوج(خذت كتكات تاكله) خالد:سوي رجيم صايره بالونه عطي حور من هالشحم والحم مسكينه شكلها بتختفي ويا الامتحانات حور:تكفى انت ياعقلت الاصبع قصير وضعيف منار:انت ماتعرف تشتري غير هالعصير ذبحتنا بالسانكست ياقدمي هالعصير خالد:يوم شربته سبته حور تذكرين قبل اعلانات كرسي بوتمه ماتذكرج فيه حور:هههههههاي ياقدمي كرسي بوتمبه عاد تذكرون جدتي يوم شرته وقعدت عليه تخيط طاحت الابره وانغزت فيه وانفجر وجدتي عليه منار تذكرت شكل جدتها:ههههههاي يااااو ياشكلها يوم طاحت حور تمسح دموع الضحك: ههه استغفر الله حرام علينا اذا سمعتنا بتعصب خلودي هذا صوت جرس الباب اكيد هذا سايق منايل اخذ الاوراق طلعها له خذا الاوراق كلها حتى الورقه اللي كان تكتب عليها وعطاها السايق عطى السايق الخدامه الاوراق كان سعود قاعد بالصاله وشاف الاوراق ويا الخدامه سعود:سلين شنو هذا ورق سلين:هذا من حور حق منايل سعود:اهـــا خلاص جيبي انا يعطي حور عطته الاوراق وقعد يقلب فيها شافها مراجعات وطاحت عينه على ورقه مكتوبه بخط اليد اشيــــاء تؤالـــم ان تشعر بأنك وحيد والناس من حولك ملايين" ان ترى الظلم في عيون اقاربك" ان تتنازل عن اشياء كثيره تحتاجها كي لايأتي يوم تشعر بالحاجه لمن ظلمك" ان تبتسم شفاتك كي تخفي دموع عينك" ان تتمنى عودت اناس تعلم انهم قد فارقوا الحياه" ان تبني قصور من احلامك فتأتي نسمه هواء الواقع وتهدمها" ان تظهر مدى قوتك لتوهم من حولك وانت من الداخل ضعيف" عسى الله يعين"7oor " خذا الورقه وصفطها وحطها بجيبه وعطا باقي الاوراق لسلين توديها لمنايل ============== مرت الايام والمراحل الدراسيه كلهم خلصوا امتحاناتهم وطلعت نتايجهم منار وخالد نجحوا بمتياز الثانويه العامه للحين يمتحنون اليوم اخر امتحان عندهم طلعوا من الامتحان حور عيونها ذبلانه من التعب:هاه إشسويتوا انا بالنسبه لي سهل منايل ومنال بتعب:حلو وسهل منايل :يلا امشوا السايق ينطرني برى منال:وصلينا امي عندها شغل اليوم قالت روحوا ويا منايل منايل بوناسه:الســــاعه المباركه يلا مشينا ركبوا السياره ومروا على مطعم تريقوا فيه ورجعوا كل وحده لبيتها حور :السلام عليكم (حبة راس جدتها) الجده:وعليكم السلام يامرحبتين هاه إشسويتي حور:الحمدالله زين الجده:متى النتايج حور:بعد يومين عالنت يلا يمه انا بنام اذا اذن الظهر قعديني اصلي الجده:ان شاالله يمه انتي روحي ارتاحي ====== طلعت النتايج حور نسبته خمسه وثمانين ومنايل تسعه وثمانين ومنال ثمانين الفرحه كانت لاتوصف في بيت كل وحده منهم حور حمدت ربها انه ثمن تعبها كانت متوقعه ان نسبتها حلوه لان حماسها زاد بعد ماتحسنت حالتهم الماديه وتأكدت انها بتدخل كليه التربيه الاساسيه قسم تربيه فنيه تحب الرسم من كانت صغيره وكانت اتمنى تصير مدرسه رسم" سوت الجده و ام منال حفله بسيطه لبناتهم المعازيم كانوا العايلتين وبعض الجيران منايل ماحضرت الحفله لانها سافرت ويا امها لإيطاليا عشان الفستان اللي صممته امها لها لحفلة تخرجها عند مصمم لبناني في إيطاليا بس طبعا مانست هدايا صديقاتها ارسلتها لهم وكانت لكل وحده ساعه من جورج ارماني وطقم عطور من نينا رتشي خاتم الماس" يوم الخميس حفله تخرج منايل كانت في قمه اناقتها لابلسه فستان اورنج داخل فيه الون اليموني فالخامه نفسها ممسوك الصدر ببروش الماس مكياجها مسويته عند الاء دشتي مبرز ملامح الجمال فيها شعرها مسويته بالجل وحاطه مساكه كرستال صغيره لابسه تراجي وخاتم الماس وساعه من شوبارد القصر في قمت الفخامه ديكوره الفخم المذهب فخامة الانوار واشكال الثريا جمال التحف الزجاجيه المنتشره في ارجاء القصر لمعه الرخام والاثاث الراقي بالمختصر القصر في قمه الروعــــــه منايل كانت واقفه وكل شوي اطالع ساعتها دق تلفونها اللي ماسكته بيدها:هلا وينكم خلاص الحين بجيكم خليكم واقفين عند باب الملحق راحت لباب الحديقه اللي من صوب الملحق منايل: هلا والله تعالوا للملحق دخلوا الملحق وفصخوا عباياتهم وفصخوا ملافعهم حور مالبست نقاب غطت وجها بالشيله عشان مايخرب مكياجهم صرخت منايل لما شافت اشكالهم:وااااااااو ماشاءالله تهبلون إشهالزين صكيتوا علي (حور لابسه فستان فوشي مخصر على جسمها حفر سبعه من الصدر والظهر من تحت الصدر شوارفسكي على شكل معين لون سلفر داير مدار مكياجها مدرجات الوردي وحمره وبلشر وردي ولابسه عدسات رمادي شعرها طويل لي تحت ظهرها مسويته بف بسيط وحاطت كل شعرها قدام جهة اليمين وحاطه ورده طبيعيه ورديه على جمب شكلها خيــــــال ابصم بالعــــــشر انها بتكون نجمــــــه الحفل جمالها يبهر"منال لابسه فستان حرير تايقر لي فوق الركبه كت ومن تحت الصدر شريطه شعرها لكتفها مسويته ألاشات وحاطه مكياج ترابي وحمره وبلشر مشمشي ولابسه عدسات عسليه شكلها حلو وكيوت والثنتين لابسين الساعات اللي من منايل ولابسين تراجي بس ) منال وحور: صج والله منايل :ورب الكعبه روعه بيستخفون اليوم الحريم عليكم منال:اي الشاذي بعين امه غزال منايل:اقول عن الدلع الزايد بتصكون علي وتقولون شاذي انا بروح شوي وراده جهزوا نفسكم على مارد اوكي حور ومنال:اوكي طلعت منايل وخلت باب الملحق الداخلي اللي من صوب بيتهم فاتح منال:انا بروح الحمام حور: مو تاخذين ساعه اعرفج تنسين نفسج منال:خلاص وااااي مناشبتني حتى بالحمام شوي ويايه كان داخل من باب الحديقه الخلفي يبي يروح لجناحه ياخذ الملف اللي نساه بغرفته جناحه له درج خارجي من صوب باب الحديقه الخارجي والملحق التفت وشاف انوار الملحق استغرب:غريبه منو مشغل اليتات وراح للملحق كانت واقفه عند المرايه الكبيره بالصاله تشوف شكلها وتعدل الورده اللي بشعرها وقف عند الباب مبهور يبي ينطق يتكلم لكن الكلام جمد وصار يردد بداخله: ماشاالله ماشاالله هذي منو إشجايبها إهني ياربي على جمالها سبحان خالقها حور:اقول منال اذا خلصتي دقي على منايل انا خلصت خل تلقي نظره اخيره علينا قبل نطلع مادري إشفيني متوتره منال واقفه عند المغسله تغسل إيدها وتعدل مكياجها: تصدقين حتى انا متوتره جوهم غير عن جونا هذا كله كوم وعذاري والسانها اللي ينقط سم كوم ترى ماراح اسكت لها اذا اغلطت حور:اوف ياليتنا قعدنا في بيوتنا مالي خلق تعليقاتها السخيفه وكل ساعه جايبه سيرت عمي الهم عشان تحرجني منال:احنا يايين عشان منايل مو عشانها واذا تكلمة انا بعرف اسكتها عانس مستقويه حور:لامنول استغفرالله حرام لاتشمتين صح ماحبها بس ماحب احد يتشمت بحد خلينا منها وقوليلي بصراحه حلفتج بربج لاتجامليني شكلي زين قولي الصج فيني شي غلط اعدله عشان ماتقعد تستهزاء بلبسي وشكلي عذاري اذا تحبيني قولي الصج منال:هههه ياحلوج ياحور كل هالزين ومو واثقه وربي واحلف وانا واثقه انج بتكونين ملكه جمــــــال الحفل الله يخليج بس هذي عذاري من زين لبسها صح ماركه بس كله ترقيع واللي يعافيج بس سعود:هذي حور ياويل قلبي كل هالجمال ومو واثقه عزالله بتكونين نجمة الحفل يلا ياسعود الفرصه وجت لي عندك عطها درس تعرف مره ثانيه شلون تقول حالك من حال التكسي |
"الجزء الخامس"
[ كانت نازله تعدل خيوط كعبها ومنال تسولف وياها:اقول حور وين حطيتي هدية منايل حور مندمجه بتعديل الخيوط: تلقينها على (وانقطع الصوت) حط إيده اليمين على فمها وكتم الصوت ولف إيده اليسار على خصرها ورفعها حور تحاول اطلع صوت وترافس برجولها استغربت منال إشفي حور اسكتت طلعت من المغسله : حور إشفيـــ (انصدمت من المنظر شخص غريب ماسك حور وكاتمها وحور ترافس برجولها) منال بصدمه وصراخ:هــــــاي انت منو هدها لادق عالشرطه سعود يستهبل نزل ايده اليمين من فمها ولفها على خصرها ويضغط خصرها بإيديه الثنتين وقرب فمه من ارقبتها ويتكلم وانفاسه تصطدم برقبتها وهو متقصد الحركه: أوووه طلعتوا ثنتين مو وحده انا اللي بدق عالشرطه وابلغ عن وجود حراميتين بالملحق منال جن جنونها:انت تستهبل احنا مو حراميات هدها احنا صديقات منايل يقرب راسه اكثر من حور ويزيد استهبال:شاللي يثبتلي انكم صديقاتها وبعدين الحفله بالقصر مو بالملحق حور تبعد راسها منه منقرفه منه وتحاول تهد إيدينه: يازبـــاله هدني منال سوي شي هذا شكله مجنون او سكران راحت منال تركض للمطبخ تبي ادور اي شي حاد سعود يهمس بأذنها: إشرايج احبسج بغرفتي بدال ماتحبسج الشرطه بالسجن المركزي حرام هالجمال ينحبس بالسجن (استنشق عطرها)على فكره ريحة عطرج حلوه بس مو احلى من ريحة انفاسج وانتي خايفه حور بققت عيونها وانهبلت من حركته وارفسته بكل قوتها على ............(اظن فهمتوا قصدي) هد إيدينه منها وطاحت وهو طاح وضم رجوله لبطنه: آآآآه إشسويتي بعدت حور بسرعه عنه ومنال خذت الساطوره وراحت تركض صوبهم قومت حور ووقفتها وراها:اذا حاولت تقرب ماراح يحصللك طيب حور دقي على منايل في هالحظه دخلت منايل وانصدمت من المنظر سعود طايح على الارض ومنال ماسكه الساطوره وحور لازقه في منال وخايفه منايل:إشفيـــكم إشصـــاير (ركضت لسعود) سعود إشفيـــك منال وحور انصدموا:سعــــــود (حور تعرف شكل سعود بس من الخوف ماركزت على شكل الشخص اللي ماسكها) منايل:منال وحور إشفيكم إشصاير منال:مادري هذا كان ماسك حور وكاتمها ويقول عنا حراميه وماهدها اللى لما ارفسته سعود يعدل قعدته ويحاول يرقع الموضوع:ضنيتهم حراميه منايل:اي حراميه الله يهداك هذولي صديقاتي وبعدين حراميه كاشخين جذي وشاللي يجيب الحراميه عندنا (حور ومنال توهم استوعبوا انهم مو متغطين لما قالت منايل كاشخين ركضوا داخل) ابتسم سعود على شكلهم لما دخلوا ياحليلهم توهم يستوعبون فديت الوردي انا طيب ياحور اثنين صفر لصالحج (يقصد موقف المستشفى وهالموقف) الايام بينا سعود وقف:دام طلعوا صديقاتج انا استأذن طلع سعود وراحت منايل لصديقاتها اللي كانوا يتحلطمون منايل:ههههههـــااااي يامجرمات بغيتوا تذبحون اخوي ساطوره مره وحده ياقــــــويـــات حور:اي قويات وأي خرابيط بغى يوقف قلبي والسبه اخوج السخيف منايل: هههه رافسته هالرفسه الخطيره وتقولين بغى يوقف قلبج حور:شسوي ماوصلت رجلي اللى هالمكان منال:لا وانا ماسكه الساطوره واحسها بأي لحظه باطيح من إيدي من الخوف منايل:بسم الله على قلوبكم خلونا من هالسالفه ويلا امشوا للقصر عدلوا البنات اشكالهم وحور ضبطت مكياجها وزادت حمرتها وراحوا وياها للقصر (دخلوا للقصر والكل التفت صوبهم اشكالهم ملفته للابتباه واناقتهم روعه صح اكثر وحده اناقه منايل بس حور جمالها يفتن ومنال نعومتها وشكلها الكيوت روعه) عرفت منايل الحضور على صديقاتها رحبت فيهم ام منايل وسلمت عليهم وضيفتهم راحت منايل تسلم على وحده من جماعتهم شافتهم عذاري وراحت تمشي لهم بغرور قربت منهم ومدت إيدها:مرحبا (سلمت بطراف اصابعها) حور ومنال سوى نفس حركتها وسلموا بطراف اصابعهم: هلا عذاري انقهرت من حركتهم وحبت تقهرهم:اشوى اشكالكم عدله عشان ماتفشلونا تعرفون الحضور كلهم من طبقه راقيه مو من مستواكم حور ابتسمت وببرود قالت: والله حبيبتي انا ومنوله الذوق كله والذرابه الدور عليج انتي الصراحه شكلج مع احترامي لج يفشل يعني الوحده اذا بتحط مكياج تحط بنفس طبقة لونها وانتي حنطاويه وحاطه كريم ابيض بزياده يعني فرق بين جسمج ووجهج منال تزيد:او على الاقل حطيتي كريم جسم عشان يتساوا الون الصراحه جنج مدخله ويهج بطحين ومطلعته وبعدين على فكره هالعقد الكبير اللي لابسته ماله داعي فستانج مومحتاج هالعقد(كانت لابسه فستان ممسوك من الرقبه وكله شوارفسكي من الرقبه لصدر يعني ماله داعي هالعقد) حور تكمل:وهالتراجي اللي لابستها كلها خيوط اصفر وازرق وفستانج لونه عنابي ترى حدج ترقيع عذاري عصبت وماعرفت ترد:انا انا ترقيع (وراحت وخلتهم) حور ومنال فطسوا ضحك حور:تستاهل خبزن خبزتيه يالرفله اكليه جايه تستهبل علينا شوفي شكلج وبعدين تكلمي منال:هههه اومبيه صج تفشلت من حلايه هالويه يايه تتكلم فوق شينه قوات عينه حور:خليها تولي وامشي نقعد اهناك قعدوا على القنفه انفجرت منال من الضحك: ههههههاي اومبيــــــه لا مو من صجها حور: وجع إشفيج شاللي يضحكج منال:هههه شوفي هالعيوزه شمسويه بنفسها ههههاي حور:وين اي وحده منال تكتم ضحكتها:اللي لابسه اصفر قاعده على يمينج التفتت حور وانفجرت ضحك: هههههههههههاي الله لايبلانا ياويلي فشله ههههه (عجوز عمرها تقريبا ستين سنه لابسه تنوره فوق الركبه وبدي جبنيز ونافخه البراطم والخدود وصابغه شعرها برغندي والتجاعيد مبينه حيل ) منال:استغفرالله شوفي تجاعيد اريولها وإيدينها ورقبتها حيل مبينه ماله داعي هالبس وين بس امج العودا عنها حور:يوه امي العودا اشوى انها مو ويانا واللى بتفظحنا ماعليها من احد بتقوم عليها بالعصى منال:هههه تخيلي شكل امج وهي تلحقها صدق المثل اللي يقول يوم شاب ودوه الكتاب يوم عيزت البست هالبس تبي الزين وماحولها زين يازينها بدراعتها وملفعها حور:انا بعد اسبوعين بكمل18سنه واستحي البس تنوره فوق الركبه وهذي الوضع عندها عـــادي منال:قالوا مجتمع راقي امحق راقي اذا اللي عمرها ستين جذي عيل اللي عمرها عشرين بتفصخ مره وحده حور:قالوا حريه وين العادات والتقاليد قلنا تطور بس موجذي منال:بسم الله سكنهم مساكنهم ياتج الثانيه اعوذ بالله (بنت سمرا صابغه شعرها ثلجي فاتح وقاصه بوي وحافه حواجبها كلها وبس حاطه شخطت قلم ونافخه براطمها تقولون اعتبت باب ولابسه تنوره طولها شبر وبدي مشقق من كل صوب بس ساتر صدرها ) حور:هذي منو بعد اعوذ بالله منال:هههه احنا نضحك عليهم واهم تلقينهم ناقدين علينا يقولون شهالمتخلفات. حور:بسم الله علينا إشفينا ملابسنا ذربه واشكالنا حلوه لانفخنا براطم ولا حتينا حواجبنا منال:شوفي هالاربعه اللى دخلوا هذي الاشكال اللي تفتح النفس من دخلوا وهم مبتسمين ياليتهم يقعدون عندنا عشان انتعرف عليهم حور:انتي ليش رزت وجه شكوا نتعرف عليهم مالنا شغل لانتعرف على احد ولا احد يتعرف علينا منال(برطمت نفس الصغار):زين ليش تفشليني حور تتكلم كلام طفولي:حلاس مااعيدها احل مره(خلاص مااعيدها اخر مره) منال:لا مابي انا زعلانه عطيني بوسه حور:فديت الزعلانين وهذي بوسه لاحلي منوله امـــــــــواه شافتهم وابتسمت وراحت لهم منايل:انتوا ماتخلون سوالفكم حور:زعلت علي وتعرفين ماترضا اللى ببوسه منال:اقول هذي منو اللي مشيبه شعرها منايل:ههههه ياحلوج انتي ومصطلحاتج هذا الشيب عندها موضه حور:امحق موضه لاعبه بعمرها لعب منايل:هذي ريما بنت خالتي كانت عايشه باسبانيا خمس سنين ابوها كان يشتغل هناك عاد توها جاتني تبيني اتعرف عليكم بس انا قلت لها مايحبون يتعرفون على احد خجولات منال:لايامعوده مالي خلق احلام مرعبه فاليل حور:اذا طلعت برى جذي ماتلبس شي منايل:لاتلبس عبايه وشيله بس على قولتهم حجاب بوطقه نص الشعر طالع حور:الله لايبلانا امها عادي ماتقول شي منايل:خالتي كل شي عندها حريه شخصيه انتي شوفي لبسها اللي قاعده عاليمين حور ومنايل طالعوا بعض وانفجروا ضحك : ههههههههههههههههههههههههههههههههههههههههه منايل بستغراب:ليش تضحكون على شنو حور تمسك ضحكتها:ههه سوري منايل بس لبسها مولايق على عمرها ومن اول مادخلنا واحنا نضحك عليها حسبالنا مو خالتج سوري منايل:هههه لاعادي اصلا شكلها يضحك متشببه على كبر المهم خلونا منهم وقوموا لصاله الثانيه هناك كلهم بنات ورقص حور:لاتقولين نرقص منايل:لاماراح اقول لكم اعرفكم حافضتكم اذا فيه كاميرة فيديوا لو اموت ماترقصون منال:وقولي للمصوره لاتحط الكاميرا علينا منايل:اوف خلاص فهمنا يلا قوموا راحوا لصاله الثانيه كانت مليانه بنات ويرقصون اجنبي شرقي خليجي مغربي قعدوا حور ومنايل على قنفه بعيده شوي عن التصوير وقعدوا يتفرجون منال:ياكرهي كرهاه للاغاني الاجنبيه شوفي الرقص بس ليتكم منثبرين احسن لكم حور:خلاص كيفهم كل واحد حر بنفسه منال:قومي تكفين خنطلع من إهني راسي بينفجر حور :انطري شوي فشله عشان منايل اقبلت صوبهم وكانت تمشي مشيه رجوليه مصطنعه منال:اكمـــلت حور:إشتبي هذي بصوت خشن:يسعد مساكم حور ومنال بدون نفس: هلا ريما:اعرفكم على نفسي ريما او اسم الشهره راكان حور غمزت لمنال يعني نبدى استهبال:يـــوووه شلون عندج اسمين يعني ريما بالصبح وراكان باليل منال تكمل استهبال:لا يالخبله اسمها ريما وابوها راكان صح ريما بستغراب وتعجب: وت هبن حور:هذا اكيد اسم امها ياختي شهالاسم الصعب لو مسمينها ود او هبه بدال هالاسم المركب ريما:نـــو وت هبن يعني إشفيكم مو اسم امي انتوا تستهبلون منال: اقول طسي مانبي نتعرف عليج كيفنا حور:امي قالت لاتعرفون على احد غريب ريما ناقده عليهم:امكم من اي قرن وشنو احد غريب منال:امنا من قرن الدينصورات احد غريب يعني مخلوق من كوكب المريخ مثلج وشرواج ريما عصبت: هيلـــق الشرهه علي انا نازله لمستواكم حور:هيلــــــق شكلج يالشيفه من حلايا هالبراطم الصحن الدوار على غفله منال:بعد لما عدد ثلاث يعني نمبر ثري اذا ماطسيتي ماراح يحصل لج طيب ريما تخشن صوتها:يعني إشبتسون منال:لا ابد بس بكفخج بالكعب على راسج عشان تلزق الكعب وتصير شباصه اخر موديل حور:ونصبغ هالشيب بعصير التوت هذا منال:ونرسم بالسجين خريطه اسبانيا على ويهج عشان تصير ذكرى حلوه حور:ونسويلج من كريمة الكيكه هذي كريم لتفتيح الوجه منال:واخيرا بنعطرج بعطر يديد توه نازل اسمه بف باف اذا حابه تشمينه تعالي ويانا المطبخ ريما تراجعت خطواتها وخافت: لا لا خلاص مولازم نتعرف عن اذنكم (وماشافوا اللى اغبرتها انحاشت) طالعوا بعض واسحبوهـــا ضحكه هههههههههههههااااااي الساعه 12 قصت منايل التورته كانت كبيره وكلها صور منايل من كان عمرها سنه لما عمرها الحالي بعد ماقصت التورته مسكت عذاري المايك:اول شي الـــف مبروك حبيبتي والحين دور الهدايا واللي بنبداها بأول هديه من طويل العمر الوالد الغالي بوسعود وهي عباره عن سيــــــاره BM (طارت من الفرحه منايل وعلا التصفيق والتصفير) اما الهديه الثانيه من طويلة العمر الوالده الغاليه ام سعود وهي عباره عن ســــــاعه مرصعه بالالماس قيمتها 10ألاف دينار وتذكرت سفر لجنيف اما الثالثه من الدكتور سعود وهي عباره عن طقم ألماس (اول ماقالت اسم سعود مسكوا حور ومنال إيدين بعض وضعطوا عليها كل وحده تبي تحسس الثانيه بالامان وعدم الخوف احساسهم يقول ان سعود موهين) اما الان الكل يتفضل بتقديم الهدايا خذوا الكيس الاحمر الكبير اللي بداخله صندوق احمر بورود بيضا داخله طقم عطور من فرزاتشي" وسلسال فيه ثلاث احجار كريمه كل حجره مكتوب فيها اسم الاولى منايل والثانيه حور والثالثه منال"ودرع عليه صوره تجمعهم ايام الابتدائي منال بأيدها ثلاث ككاوات ووجها مليان ككاو ومنايل قاعده تاكل اضافرها وكشتها طايره وحور معصبه لان منال وصخت مريولها وتمسح مريولها بإيدها اشكالهم حدها تضحك وكاتبين تحت الصوره بيتين شعر إهداء لمنايل الاول من حور والثاني من منال لوتحتاجني.. تلقى قلبي وقتها لبــاك... رفيق أقرب من أنفاسك تامر بس ياخلي.. من اختج 7oor أبيع الناس والدنيا لخاطر ضحكتك بشفـاك.. ولو قصرت ياعمري.. دخيل عيونك إسمحلــي... من اختج Manool حور ومنال سلموا عليها:الـــــف مبـــــروك هذي هديه بسيطه منا انتمنى تعجبج منايل تبتسم:تسلمون حبايبي وبدا الكل يقدم هدايهم (فتحوا البوفيه) بعد العشى بدوا المعازيم يقلون حور بتوتر:الساعه وحده ونص وين امج منال:دقيت عليها قبل شوي قالت خربة السياره عليها وخالي فهد يايها بالطريج حور:ياليـــــل اقول وين عبايتنا الحين بيدخل ابومنايل واخوها منايل:ليـــــش للحين فيه حريم حور:هذولا بس خالاتهم وعماتهم وبناتهم منايل:يمـــــه ياويلنا البسي عبايتج بسرعه قبل هالغبر سعود أيي ياويلنا منه انا حاسه انه ماراح يطوف هاليله على خير حور:مالنا شغل فيهم بنقعد بروحنا بعيد عنهم (البسوا عباياتهم وخذت حور طرف شيلتها وتلثمت فيه ولفت باقي شيلتها ولحسن حظها شيلتها كبيره وعريضه ونزلتها حيل غطت حواجبها وبس خلت عيونها ومنال على الرغم انها مو متنقبه بس سوت نفس حركة حور عشان مايعرفهم سعود ) دخل سعود وابوها وسلموا على اهله وباركوا لمنايل وعطاها مفتاح السياره وبدوا قعده وسوالف بوسعود:منو هالثنتين اللي قاعدين بروحم هناك حور بصوت واطي:لاتلتفتين سوي نفسج ماتسمعين ام منايل:هذول صديقات منايل حور بنت حمد ومنال بنت سامي منال بصوت واطي:ياووه كملت " فضحتنا بوسعود:يامرحب حيالله بناتي حور ومنال(اطروا يردون):هلاعمي الله يحيك بوسعود:شلونكم وشلون الاهل حورومنال:بخيرالله يسلمك عمي بوسعود:مبروك النجاح منال وحور :الله يبارك فيك عمي بو سعود: يابوكم علامكم قعدين بروحكم ماعليكم حنا اهلكم لاتستحون منايل:يبه خلهم براحتهم هم حيل خجولات بو سعود:على راحتهم يابوج ياحور امج العودا شلونها ان شاءالله رجولها تحسنت حور:بخير الله يسلمك الحمدالله احسن بوسعود:وأخوانج شلونهم ان شاءالله ماعليكم قصور حور:بخيرالله يسلمك عمي ماعلينا خلاف بوسعود:اي شي تحتاجونه لايردكم الا السانكم عاد انتوا عيال حمد الغالي ابوج يابنتي كان أخو غالي علي حور:تسلم عمي ماتقصر منال بصوت واطي:ههه إشفيج علقتي على بخير الله يسلمك ماعندج غيرها حور:جب بروحي مرتبكه زين عرفة ارد بعد من دخل وعينه عليهم وقف ومشى بخطوات هاديه صوبهم منال بخوف:يمـــــه قومي قومي خلينا ننحاش ياي صوبنا حور بنفس الخوف:إشيبي هذا وين ننحاش انثبري بس منال:خلاص تكفي قومي ننخش تحت القنفه عشان مايشوفنا حور:حشى نملات مو بنات عشان مايشوفنا انثبري بس ولاتطالعينه سوي نفسج ماتشوفينه(خذت شوكه على الطاوله اللي عندهم) وقف عند الطاوله اللي عندهم وعينه مانزلها ابتسم على حركتها لما خذت الشوكه قرب اكثر من جهة حور ونزل راسه ومد إيده إهني وقف قلب حور ومنال بس تقرصها من الخوف واخر شي خذى مطارت القهوه اللي عند حور وصب له فنجال قهوه سعود بهمس مايسمعه اللى حور ومنال:المره الاولى ساطوره وهالمره شوكه صفوا النيه جاي اصب لي قهوه (مشى وخلاهم ) حور:وجع عمي بعينه بغى يغمى علي من الخوف منال:ويعه ان شاءالله يعني خلى القهوه اللي عنده وياي عندنا دق موبايلها وقالت لها امها انها برى عند الباب منال:يلا امشي بسرعه امي برى خن روح لها قبل يسويلنا شي هالغبر ودعوا منايل وطلعوا وقلوبهم ترقع مثل رقع طبول الحرب من الخوف"نظرات سعود ماطمن بالخير[/ |
السلام عليكم و رحمة الله و بركاته
صباح الخير و الرضا من الرحمن غنادير يا هلا و مليون مرحبا فيج بينا في ليلاس و بالأخص في وحي الأعضاء كاتبه مميزة بإذن الله ضمن كوكبة كاتبا ليلاس و كل الأماني انج تلاقين كل التشجيع اللي تستحقينه و كل الاماني أن هالروايه المميزة بـ عنوانها و كاتبتها تكون ضمن الروايات المكتملة و ما تكون ضمن الرواياتالمهملة بالتوفيق يا الغلا و لي باك بعد القراءة و ربي يعطيج الف عافيه .. .. .. |
السلام عليكم و رحمة الله و بركاته مساء الخير و الرضا من الرحمن غنادير فعلا كاتبة مميزة اسلوب خطير بالكتابة و حكاية و حبكة روعه ربي يعطيج الف عافية ياعسل استمري بهالتألق دائما غنادير الله يسامج دموعي ما وقفت من موقف موت الشيخ جابر رحمته الله عليه لإني عشت اللي عاشته حور كان عندي امتحان فيزياء ثانوية عامة و لابسة و خالص انتظر الأهل و لا تلفون البيت يرن و يقولون لنا هالخبر ما اكذب اني من ست و نص لين صلاة الظهر و أنا متسمره قدام التلفزيون و ملابسي المدرسة و كتابي بحضني و دموعي تنزل لا إرادي موقف مهيب و كل لحظة أقول اللحين يطلع احد من الديوان الأميري و يكذب الخبر بس الموت ما منه مفر و الحمد الله خير سلف بأبو ناصر لخير سلف ... هذرت واجد نجي للروايه ... ================== (( حور )) يا شين حاجة اليتيم و قلة حيلته و خصوصا لاكان في وراه احد يكون مسؤل عنه حور صغيرة بعدها على هالهم الكبير بس الحمدالله هي قوية شخصية و قد حالها و وجود الجده و صديقاتها هذا دافع كبير اللي يخليها تكون قوية في ظل هاللي يصير و خصوصا مع وجود العم الهم على قولتها اللي بدال لا يكون عون صار فرعون حياة حور بالبداية و اكيد الجاي بيكون في طلعات و نزلات ,, اتوقع ان الجدة يمكن تموت و هذا أكيد راح يكون اكبر ضربة لحور و خصوصا انها هي اللي حامية هاليتامى بعد الله سبحانه و تعالى تحت ظلها ... =================== (( منال و منايل )) حلوه الصداقة و حلو يكون في جبنك صديق على طول معاك بالمره قبل الحلوه الله يديم بينهم هالصداقة لإنها من اهم الأسباب اللي تمد حور بالقوة ... =================== (( سعود )) في كثير نفسه اللي ما يشوفون اللي اقل منهم مادية شيء و كأنهم مجرد حشرات بس مالها بس الواضح انه جمال حور سوى له غسيل مخ ,, و ممكن تيخلى عن هالغرور اللي ماله داعي ,, او انه هالغرور و كبرة الرأس هي اللي تدفعه يسوي شيء ممكن يغير من حياة حور ... =================== (( العم الهم و سكينة جعلها للسكينة )) الحال اللي فيه كهرب لي جسمي معقولة وصلت فيهانه بيبيع ضناه عشان شوية الفلوس و لا أبد ما همه و لا خاف إلا من شرطة شيء يعور القلب هذا الشيطان اللي استعمر و استوطن قلبه ما عاد فيه محل للخير و الصلاح بس سبحان الله يمكن في يوم يفوق من غفلته و بعدها يمكن ما يفيده الندم على اللي الراح ,, للأسف ان هالرجال لقى شريكته بالحياة و اللي مفروض تأسس بيتها على الصلاح و التقوى هي و اهلها وراها كلهم فساد هذا زاد الطين بله يعني لو كان هو يحب المال فمن بعدها صار عبد للمعاصي ,, اما تصرفه مع عيال اخوه شيء متوقع للي مثله ما همه أحد إذا ضناه ما خاف عليه بيخاف على ضنى غيره بس الحمد الله الجدة موجود توقفه عند حده ... ================= (( فواز و فوزية )) يسكرون الخاطر و الله للأسف ما لهم من يربيهم و يهتم فيهم و خصوصا فوزية اللي عايشة برعب كل ليلة الله يجازيها على صبرها بالرجال الصالح قريب و تفتك من هالأهل العلة على القلب ,, أما فواز فهو رجال قادر يدافع عن عمره بس للأسف هو اختار طريق غلط و راح وراء المصبنه و التقحيص و نسى ان شهادته عزه ... ================= سلمتي يا غنادير و يارب تستمرين للنهاية بــ انتظارج يا عسل و ياليت تحددين يوم للبارت عوافي .. .. .. |
يعطيج العافيه روايه روعه وننتظرالبارتات الجايه سعود مغرور بس شكله بحب حور وننتظر الجاى بفارق الصبر
|
اقتباس:
وعليكم السلام ورحمة الله وبركاته ياهلا ومرحبا نورتي يالغــــــــلا فالبدايه اشكرج على الترحيب والكلام الطيب اممممم الحين ندخل بتعليقاتج الممتعــــــه جدا على شخصيات القصه بياض الصبح من فينا مابكى على بابا جابر الله يرحمه وانا حبيت تكون اول روايه لي فيها اسمه وحبيت اوصف جزء بسيط من الحزن اللي عم الكويت على فراقه صغيرها قبل كبيرها والله اني لي يومج هذا اذا شفت صورته تغورق عيوني بالدموع الله يرحمه والحمدالله اللي ربي عوضنا بابو ناصر وصدقتي خير خلف لخير سلف الله يحفظه لنا """ بصراحه ابدعتي وانتي توصفين كل شخصيه جد جد تعليقج على كل شخصيه كان روعه"" بياااض الصبح متابعتج لروايتي وتعليقج شرف لي واسعدني حيـــل بشكل ماتخيلينه وان شاءالله اذا الله جعلنا من الحيين بكمل الروايه واتمنى اكون عند حسن ضنكم"" وفالوقت الحالي بنزل بارتيين كل جمعه من كل اسبوووع وحياكم الله""" مااننحرم من هالتواجد الروعه كروعه حضور صاحبته لاخلا ولا عدم تحياتي وتقديري |
اقتباس:
halazona هلا وغلا يالغلا يعافيج ربي الارووع حضورج اللي زادني شرف وان شاءالله يوم الجمعه بنزل بارتين واتمنى يعجبكم اسعدني تواجدج لاخلا ولا عدم |
هلا غنادير بدايه موفقه وحلوة وربي يوفقك ,,,,,,,,, والشخصيات ملرحه خاصه منال ومنايل
|
اقتباس:
|
[الجــــزء الســــادس
دخلت البيت ولقت جدتها نايمه بالصاله تنطرها ابتسمت وراحت لها حطت ايدها على راسها وهمست بصوت واطي ماتبي تخوفها: يمه يمه حبيبتي فتحت عينها وماوضحت لها الصوره:من انتي حور بحب:يمه حبيبتي انا حور ليش نايمه بالصاله قومي اوديج غرفتج توهي تستوعب قعدت وهي معصبه:حويران ووجع ليش تأخرتي هذي اللي تقول حدها 12 الحين كم الساعه ابتسمت : اسفه يمه شسوي منايل ماخلتني اطلع قبل العشى وبعد ماتعشينا دقينا على خالتي سعاد وقالت اخربت عليها السياره وجا اخوها وصلحها وخذا وقت في تصليحها الجده:يمج خوفتيني عليج المهم عساج استانستي حور : أي استانست وابوسعود وام سعود يسلمون عليج الجده:الله يسلمهم إلا بوسعود وين شفتيه حور: جا واحنا للحين مارحنا كنا قاعدين انا ومنال بعيد عنهم متغطين ومستحين وسأل عنا وعلمته ام سعود رحب فينا وبارك لنا عالنجاح وسأل عنج وعن ركبتج وسألني اذا ناقصنا شي او بغينا شي لايردني الا الساني " يلا قومي اوديج لغرفتج الجده: انتي بتنامين الحين حور : لافديتج بقعد لما يأذن الفجر بصلي بعدين بنام انتي روحي نامي ولايهمج اذا اذن قعدتج تصلين الجده تقوم: بارك الله فيج يابنتي وصلت جدتها للغرفه وجت تبي تصعد سمعت صوت التلفزيون ابتسمت واتجهت صوبها حور تبسمت: مرحبــــا منار تعدل قعدتها:هلا وينج صيفتي حور :ابد خالتي سعاد خربت سيارتها وجا اخوها وطول بتصليحها منار:زين ليش واقفه تعالي قوليلي شلون الحفله وشصار حور تحط ايدها على خدها وتفتح عيونه:يــــووه شقول وشخلي تعالي فوق عشان ابدل ملابسي واقولج صارت بلاوي منار بحماس صكت التلفزيون :يلا امشي غرفتج قوليلي شصار وبالتفصيل حور:ههه على طول قمتي عشان السوالف خطيره يمه منج يلا امشي راحوا فوق غرفة حور بدلت وغسلت وجها كانت تبي تأخذ شور بس منار لزقت فيها عشان تقول السالفه البست بجامه برمودا بيضا وبلوزه وردي بورد ابيض واصفر قعدت عالسرير وتربعت لمت شعرها بكماشه: يــــلا نبدأ السالفــــه شوفي احنا كنا بالملحق ( ـــــــــ وقالت السالفه كامله ـــــــــــــــ ) منار حطت إيدها فوق راسها منصدمه:اوووووه كــــل هذا صج مايستحي حتى لو حراميه مايمسكج هالمسكه جنه مومصدق وسـخ وكلامه وسخ شكوى عطرج حلو بس مو احلى من انفاسج وقح وحركته بــــايخه حور:لا ومثبتني عدل عمى بعينه صرت بيبي عنده يافضحي عاد ماشافني اللى وانا بهالشكل استغفرالله لما هدني ماعاد استوعبت لنفسي اني مومتغطيه قعدت واقفه ساعه وتالي انحشت انا ومنول داخل منار: اشوى انج رفستيه وإلا الله يعلم إش كان بيسوي هو شاف شكلج واستخف اذا عمي من لحمنا ودمنا منبهر بجمالج شلون واحد صار بينكم تصادم فالمستشفى ودايم يسبكم عند اخته ومو عاجبه تمسكها فيكم انتي ومنال تصدقين شكله كان متوقع شكلج مبهذل وملابسج مقطنه ومظهرج يكسر الخاطر شكله كان متوقع شكلج مثل الطرارات فأنبهر من جمالج شوفي من اليوم ورايح ماتروحين بيت منايل احنا ناس موقدهم وبعدين انتي قايله ان بينه وبين بنت عمه حب يعني مستحيل يفكر فيج كزوجه تفكيره اكيد شي ثاني حور خافت:يمــــه شنو شي ثاني وجع لاتخرعيني بروحي كارهه نفسي لانه شافني وصار هالموقف البايخ بينا منار:حبيبتي هذولا الناس يشوفونا يلي على قد حالنا ولاشي يمكن بليس يوسوس له او شي خلينا بعيد ابعد عن الشر وغني له حور:ادري انهم غير عنا تصدقين اليوم اول ماشفت الكيكه طريتي على بالي لما كنتي تقولين ودي اقص كيكه كبر الوحه وعليها صورتي وضحكة على بساطة احلامج تدرين عاد إشكبر الكيكه مغطيه الطاوله عاد الطاوله كبيره وطويله والكيكه مليانه صور منايل من كان عمرها سنه لما عمرها الحالي الله يهنيهم ويزيدهم من خيره ولايحرمنا منار منبهره:اذا الكيكه كبرالطاوله إشراح تطلع هداياها حور ابتسمت: ماشاءالله ابوها اهداها سيارهBM وامها ساعه الماس قيمتها 10ألاف دينار وتذكره سفر لجنيف واخوها طقم الماس هذا غير عن هدايا عمامها وخوالها منار طيحت راسها عالسرير من الصدمه:هههههه فرق بين هداياهم لها وهدايانا لج جدتي شرتلج موبايل وخط رقمه مطشر وانا و خالد عطر نولي بـ6 دنانير وساعه تقليد ماركه بــ10دنانير حور:وربي ان هداياكم تسوى عندي الكثير وبعدين الموبايل ماعليه زين اهم شي اكلم فيه وعطر نولي صح رخيص بس وربي اموت فيه وريحته روعه ونسبة تركيزه حلوه حتى مره شمته منايل وانهبلت عليه وشرت نفسه والساعه إشفيها حلوه وكشخه وبعدين كل واحد على قد حاله ومو مهم قيمة الهديه الماديه قد ماهو مهم قيمتها المعنويه وبعدين قولي ماشاءالله الله يهنيهم منار:ماشاءالله ماقلنا شي بس صج الدنيا حظوظ ناس صار لها اكثر من تسع سنين تحاول تقضي دين ابوهم وناس تقط 10ألاف في ساعه بتنلبس مره وحده وخلاص حور:إشفيج صايره حسوده خلاص الله يهني كل انسان برزقه منار:لاحسود ولاشي بس اقارن حور:اللى على طاري دين ابوي بحاول القى شغل في هالثلاث شهور لما تبتدي الدراسه على الاقل اكون جمعت ألف دينار او أقل ازيدها على معاش ابوي الثلاث اشهر عشان يقل الدين واذا قدرت اداوم الصبح بالكليه والعصر اشتغل منار:وين بتلاقين شغل بشهادة الثانويه حور:عادي اي شغل بشركه وبعدين انا عندي خبره بالكمبيوتر وزينه باللغه الانجليزيه بروح شركه ابومنايل واقدم واشوف عادي لو حتي يشغلوني اي شي إشرايج منار:مادري بس احسه ضغط عليج وبعدين راح تزيد الحكومه المعاشات بعد فتره بس مادري متى بالضبط حور:اذا زادوا المعاشات يصير خير بس اهم شي اشتغل ويخلص هالدين خلي ابوي يرتاح بقبره منار:الله كريم الله يسهل خلاص توكلي على الله وروحي بكره ويصير خير :هلا حبي هـاه شخبارج مانمتي :لاحبيبي توالساعه عندنا 12 انت شخبارك شخبار الحفله :انا مشتــــاق والحفل حريم انا شدراني عنها رغد بدلع مصطنع: وانا مشتاقه لك اكثر سعود:ترى عمي طول السالفه متى تردون للديره رغد:بيبي انت تعرف دادي يحب الدراسه يبي ياخذ الدكتوراه والماجستير سعود:زين الصيف بتجون لكويت رغد بدلع: نــــو اومبسبل لكويت حدها شــــوب بالسمر مااستحمل حرها والرطوبه انتوا تعالوا لندن سعود:انا ماقدر ماعندي اجازه والاهل يمكن على شهر8 يجونكم رغد بدلع بايخ: واااي بيبي انا مشتاقه لك حيــــل سعود:وانا اكثر انتي لوترضين نكتب كتابنا ونرتاح من البعد رغد:لابيبي توالناس توعمري22 توني صغيره عالزواج وبعدين انا ابي اخذ الماجستير سعود:وين صغيره وبعدين تدرين انا بعد شهر بكمل الثلاثين بشيب وانا للحين ماتزوجة ولاشفت عيالي رغد منصدمه وتدلع: لاسعود شنو عيال لاحقين عالهم وبعدين انا مابي احمل اللي بــ28 ومافوق اكون تمتعت بشبابي وبعدين يكفينا واحد ماتخيل نفسي بربي اكثر من واحد حده صعب سعود بعصبيه:رغد وبعدين وياج لازم نعيد ونزيد انتي حيل متأثره بالمجتمع الاوربي انا ابي درزن عيال وشنو تأجلين الحمل لــــ28 انتي صاحيه رغد:وااااي شنو درزن هذا انتوا يالخليجين ماتطورون وبعدين هذا رايي عاجبك عاجبك مو عاجبك بكيفك يكفي التعب اللي بيجيني بطفل واحد وانت تبي درزن ســــوري مااقدر سعود عصب:انتي الكلام معاج ضايع يلا مع السلامه (وصكر التلفون بوجهها) طلع من جناحه يبي ينزل لصاله سمع صوت ضحك من غرفة منايل استغرب تضحك مع منو واتجه لغرفتها فتح الباب وشافها ماسكه درع وتضحك من قلب سعود بستغراب:منايل إشفيج ضحكج واصل لصاله منايل تمسح دموع الضحك: لابس قاعده اشوف الهدايا تعال تعال شوف صورتي شلون كشتي طايره ههههه تقدم وقعد عالسرير: اشوف (ابتسم) اووه شعرج كان كشه لما كنتي صغيره ومن هذول مستمره بضحكها: هههه هذي اللي تاكل ككاو منال وهذي اللي معصبه وتمش مريولها من الككاو حور مادري من وين لهم هالصوره مسك الدرع يدقق فيه اعجبه شكل الدرع واعجبته ابيات الشعر المهداه لمنايل وكل بيت مكتوب تحته اسم ابتسم على طريقه كتابة اسمها وتذكر الورقه قعد يدقق في ملامحها ماشاءالله عيونها وساع من صغرها كنت متوقع العدسات مكبرتها نزل على رسمة فمها كأنه حبة كرز وجه نظره لشكل منال وضحك وجها مليــــان ككاو انتبه لمنايل تكلم بموبايلها منايل:هههه فديتكم شكرا عالهديه وربي احلى هديه إلا من وين جايبين هالصوره حور:العفو حبيبتي هذي يوم كنا ثاني ابتدائي لقيتها عند جدتي ويا صور لنا قديمه منايل:فطست ضحك على شكلنا منول مدمنة ككاو من صغرها حور:لا وشرانيه تمش إيدها الوسخه بمريولي شايفتني كلينكس منايل:لا وانتي معصبه سبحان الله من صغرج وهذي شكل تعصيبتج وإلا أنا وكشتي ههههه سبحان الله شلون تنعم شعري حور:ههههه أي والله كان شعرج فلافل سبحان الله شلون تنعم منايل:ههه ياحلوا اشكالنا تضحك انتي للحين مانمتي حور:لا توني خذيت شور لزقت فيني منور اسولف لها عن الحفله ولما قلت لها كل شي بالحفله رحت تسبحت وقريت قرآن والحين بقعد انا ومنور لما يأذن الفجر بنصلي ونقعد امي العودا حرام لقيتها نايمه بالصاله قلتلها نامي وانا بسهر لما يأذن واقعدج منايل طالعة ساعتها:تو الناس باقي يمكن ساعتين عالاذان إلا تعالي إشسالفتكم ويا ريما بنت خالتي شفتها جت صوبكم وبعدين عصبت حور تذكرت اهبالهم وفطست ضحك: هههههههه لا ولاشي منايل :لاوالله ولاشي على مين ياروحي انتي خبز إيدي يلا قولي حور:اممممم مالي خلق اتكلم منايل:وليش مالج خلق تتكلم حور:بعدين نقولج انا ومنال لما نتقابل المهم تدرين بعد يومين عيد ميلاد خالد ومنور بيكمل خالد10ومنور15 مادري شاشتريلهم هديه منايل:اوووه توني تذكرت اذكر ان عيد ميلادهم بيوم واحد بس ناسيه متى إلا صج إشسالفتكم ويا شهر7 خالد ومنار وانتي حور تنسدح عالسرير:مادري شكل الطلق حالف مايجي امي رحمة الله عليها اللى بشهر 7 منايل تستهبل:ياحليلج انتي بعد اسبوعين بيصير عمرج 18 نفسنا انا ومنول توج بيبي احنا بعد خمس شهور بنصير 19 وانتي للحين بيبي حور:اي عادي تعجزون قبلي وانا توني بعز شبابي في عمر الزهور منايل:نعجز ليش قالولج فرق 10سنين المهم ياعمرالزهور دامج بتسهرين انا بنام واذا اذن قعديني مالي خلق احط منبه حور:شوفي مالي شغل فيج بدق مره وحده اذا ماقعدتي كيفج اعرفج تحطين تلفونج سايلنت منايل:لا والله ماحطه صامت وأول ماتقعديني بقعد حور: خلاص ان شاءالله يلاتصبحين على خير واحلام سعيده منايل:وانتي من أهله حبيبتي انتبهت لوجود سعود: اوووه انت للحين موجود تصدق نسيتك سعود بابتسامه:انتي زين مانسيتي نفسج ويا حور إلا جد هي توهي بتكمل 18 سنه بعد اسبوعين انتي اكبر منها منايل:اي انا اكبر منها بخمس شهور ليش تسأل سعود وقف:لابس سؤال يلا تصبحين على خير منايل:وانت من أهله صبــــاح يــــوم جديد قعدت الساعه 8صباحا على الرغم من انها نامت متأخر دقت ع منال ردت بصوت مبين عليه النوم: هــــاه إشتبين حور ابتسمت:اوف اشهالنفسيه منال:يووه فيني نوم حور:طيب بصير احسن منج صباح الورد منال:صباح النوم حور بجديه :شوفي صحصحي وياي شفتي بومنايل بس عنده شركه سيارات منال قعدت وبجديه:ليش إشفيج حور:اول شي ردي على سؤالي منال:عنده معارض سيارات وعنده شركه مقاولات ليش حور:أها اوكي تعرفين اسم شركتهم ووين مكانها منال:يوووه فهميني شالسالفه حور:ابي اقدم على وظيفه عندهم اي وظيفه منال:خلاص قررتي حور:اي قررت نبي نفتك من هالديون خلي ابوي يرتاح بقبره منال : وامج رضت حور :انا معطتها خبر من زمان بس ماراح اقول لها شي اليوم لما كل شي يتم منال: منو بيوديج ومنايل عندها خبر بشي حور :لاماعندها خبر ودقيت على ام حسام وجايتني الحين يلا شسم الشركه ووين قالت منال اسم الشركه وعنوانها البست ونزلت قبل لاتشوفها جدتها لقت ام حسام تنطرها عند الباب ركبت وسلمت عليها وعطتها عنوان الشركه وصلت الشركه وسمت بالرحمن ودخلت الشركه راحت لسكرتيره حور :السلام عليكم السكرتيره:وعليكم السلام تفضلي كيف اقدر اخدمك حور: بو سعود موجود السكرتيره:من حضرتك عندك موعد حور: من الاهل قوليله حور بنت حمد دخلت السكرتيره وعطت بوسعود خبر وقال لها اتدخلها السكرتيره:تفضلي حور : شكرا حور :السلام عليكم عمي بوسعود :وعليكم السلام ياهلا ومرحبا حياالله بنت حمد حور:الله يحيك عمي اسفه اني جيت من غير موعد بوسعود: إشهالكلام يابنتي حياج الله بأي وقت حور :تسلم عمي مابي اطول عليك وأخذ من وقتك انا بصراحه ياعمي مثل منت عارف خلصت الثانوي ونسبتي زينه وابي اتوظف عندكم اي وظيفه في هالثلاث اشهر واذا بدت المدارس اداوم بالعصر مثل منت عارف ابوي عليه ديون كبيره وصار لنا تسع سنين نسددها من معاشه وللحين ماخلصت وانا ابي اتوظف عشان اسددها واريحه بقبره بوسعود ابتسم :ماشاءالله تبارك الرحمن بنت بعمرج هذا تفكيرها عزالله انج بنت حمد شوفي يابنتي جميع الاقسام مكتفيه بالموظفين ومافيه اللى قسم الملفات وهالوظيفه ماتصلحلج شوفي يابنتي انا بشوفلج وظيفه بأحد الشركات المعروفه حور: لاياعمي مافيها شي ارتب ملفات واصور اوراق عادي ماعندي مشكله انا مابي اشتغل اللى عندك بوسعود ابتسم :بس يابتي الملفات قديمه وبعضها مغبر وثقال عليج حور :لا عادي عمي مومشكله بوسعود :خلاص توكلي على الله واعتبري نفسج موظفه من اليوم أما بخصوص الراتب بيكون400دينار شهريا وراح يمشي معاشج من الشهر الجاي حور انصدمت:عمي 400دينار احسها واجد علي بوسعود :لاواجد ولاشي انتي بنت حمد وتستاهلين اكثر من بكره تقدرين اتداومين حور بفرح:مشــــكور عمي ماقصرت بوسعود:العفو ماسوينا شي حور:تسلم عمي ماقصرت يلا انا استاذن عطلتك عن شغلك بوسعود:لاتخليني ازعل منج انتي بنتي حور :تسلم عمي يلامع السلامه بوسعود:مع السلامه يابنتي طلعت حور من الشركه وهي طايره من الفرحه ارجعت للبيت ولقت جدتها قاعده بالصاله وقالتلها عن كل شي بالبدايه زعلت الجده عشانها طلعت بدون ماتقولها بعدين فرحة على تفكير حور تحملها للمسؤليه[/ |
يتبـــع
[اليــــوم اول يوم دوام لها] البست عبايتها ونقابها ولفتها ونزلت لقت جدتها قاعده ومزهبه لها الريوق حور ابتسمت:صبـــاح الخير ياحلو الجده :صباح الرضا يابنتي يلا تعالي تريقي حور قعدت عالسفره :أوه شهالحركات فديتج ليش متعبه نفسج صمونه وجبنه تكفي الجده :لازم اتغذين عدل يلا تريقي واشربي هالعصير البرتقال الطازج سويته لج عشان ينشطج حور : تسلمين يالغاليه عسى عيني ماتفقد زولج (كلت بيض وفول وشربت العصير ) يلا يمه فمان الله أم حسام تنطرني برى الجده :بحفظ الرحمن يمه اول ماتوصلين دقي علي حور :من عيوني ياعيوني انتي طلعت حور والجده تدعي لها ان ربي يوفقها ويفتحها بوجها (في بيت بوسعود) على طاوله الطعام الفخمه كان قاعد بوسعود وام سعود وسعود يتريقون (يفطرون) نزلت منايل وهي لابسه عباتها منايل :صبــــاح الخــــير الكل :صبــــاح النــــور سعود :غريبه منايل قاعده الساعه 9 فالعطله بنكتبها بالتاريخ ام سعود :على وين يمه منايل :بروح ويا ابوي الشركه ام سعود ابتسمت :اي الحين حبيتي الشركه منايل : اكيــــد مايبيله كلام ابوسعود : تعالي تريقي يابوج منايل :يبه حبيبي مابي بطلبلي بعدين انا ويا حور ام سعود :الحين تلقين امها العودا ماخلتها تطلع اللى متريقه سعود : وحور هذي شكو بالموضوع ام سعود :حور توظفة عند ابوك بالشركه منايل : يبه مالقيت لها وظيفه بقسم غير قسم الملفات بوسعود : والله يابنتي جميع الاقسام مكتفيه وكنت بكلم احد الشركات توظفها عندهم بس هي رفضه قالت مابي اتوظف بشركه غير شركتك سعود : مامعاها اللي شهادة الثانويه تحمد ربها لقت لها وظيفه ام سعود :والله ماشاءالله عليها زين منها فكرت تتوظف عشان تقضي ديون ابوها وهي في هالعمر غيرها من بنات هالوقت بتفكر تكمل دراستها وتشتري احلى الملابس والعطورات والمكياج منايل : حــــور غير غير كل يوم اكتشف فيها شي جديد يبه تصدق يوم كنا ندرس ماتشتري إلا عصير وتعذر انها تسوي دايت وانا ادري انها بس تشتري عصير عشان باقي مصروفها اتجمعه احتياط لخوانها كل تفكيرها واهتمامها بأخوانها و أمها العودا ودها تريح امها العودا من المسؤليه تصدق يبه ماقالت لجدتها انها رايحه ادور وظيفه عشان ماتحلف عليها ماتوظف حتى انا ماقالتلي اتوسط لها او شي ولما دريت من منال انها توظفت عند ابوي بالشركه عصبت عليها وقلت لها ليش ماقالتلي قالت صداقتنا شي والشغل عند ابوج شي ثاني انا قصدت ماقولج عشان ابوج مايوظفني عنده عشانج قايله له يوظفني انا ابيه يوظفني وظيفه على قد شهادتي بوسعود :ماشاءالله عليها أمس وهي تتكلم كأني أشوف حمد قدامي نفس عزة نفس ابوها ونفس تحمله المسؤوليه بنت ابوها الله يوفقها سعود كان وده يقول ترى ازعجتونا بهالحور بس مايقدر يقول شي بوجود امه وابوه وقف :الحمدالله شبعت عن اذنكم بروح للمستشفى تأخرت عليهم الكل : اذنك معاك (في الشركه ) كانت الموظفه المصريه منى تعلمها الشغل وحور تفهم الشغل بسرعه دخل عليهم بوعادل (رجل كبير فالسن طيب ودمه خفيف المسؤول عن القسم ) : السلام عليكم منى وحور :وعليكم السلام بوعادل :حياالله بنيتنا حور شلونج يابوج ترى العم بوسعود موصيني عليج حور بأدب:الله يحيك عمي شكرا ماتقصر بوعادل :اي شي تحتاجينه انا موجود مكتبي يمكم حور :شكرا عمي بوعادل :يلا عن اذنكم اخليكم تكملون شغلكم حور ومنى :اذنك معاك دخلت الشركه ويا ابوها وعلى طول طلبت من ابوها يخلي السكرتيره توديها قسم الملفات خذتها السكرتيره للقسم دخلت المكتب ولقتها مندمجه بترتيب الملفات وظهرها للباب ابتسمت واشرت لسكرتيره بإيدها تروح مشت صوب حور وغمضت عيونها ( منايل اطول من حور طولها تقريبا 165سم وحور 159سم ) حور تحاول توخر إيد منايل :منــــو منايل تحاول تغير صوتها :حزري فزري حور ابتسمت على طول: هلا ميمي وخرت إيدها من عيونها ولفت جسمها صوبها ولمتها :فديتج شخبارج حور : دامني اشوفج انتي وأخواني وامي ومنول تأكدي اني بخير "إشهالمفاجئه الحلوه منايل : افا عليج وتظنين اني مازورج بشغلج عاد تدري أول مره بحياتي ادخل شركة ابوي حور ابتسمت :المهم شخبارج وشخبار اليسن (رخصه القياده) متي اطلعينه منايل : انا تمام واليسن الاسبوع الجاي اطلعه وترى حالفه أول من راح يركب سيارتي انتي ومنول حور : لايامعوده انا وجهي نحس اخاف انحس عليج انتي وسيارتج منايل :هههه عادي النحس اذا جا منج فهو عندي الخير كله حور : أمــــوت انا باللي يرفعون المعنويات منايل :خلينا من هالسوالف وقولي شخبار الشغل ان شاءالله مرتاحه حور : الحمدالله احس اني مرتاحه عمي بوسعود ماقصر موصي الكل علي ونفسيتي احسها بدت ترتاح فتره بسيطه ان شاءالله واقضي دين ابوي واريحه بقبره مثايل : حور حبيبتي لاتحملين نفسج اكثر من قدرها كل شي بيتعدل وتفتكون من الديون بس انتي لاتفكرين حيل وبعدين انتي الله يهديج لو وافقتي ان ابوي يقضي هالديون يوم قالج جان من زمان ارتحي حور : منايل اذا لحور خاطر عندج لاتعيدين بهالسالفه انتي تعرفين رايي بهالموضوع منايل تغير الموضوع حست ان حور تضايقت من هالسالفه: ماقلتيلي إشناويه تسوين اليوم لحبايب قلبج خلود ومنور حور ابتسمت لطاريهم: اذا خلصت دوام بروح اشتري السياره اللي برموت لخلود خاطره فيها و منور باشتريلها عطر كوكو مدموزيل من زمان خاطرها فيه وساعات وبمر الجمعيه التعاونيه بشتري كيكه وعصير وهالسوالف منايل :بذمتج عندج فلوس أو اعطيج اعتبريه سلف اذا استلمتي راتبج رديها اعرف ان عطر كوكو غالي والسياره غاليه حور ابتسمت : الله لايحرمني من طيبة قلبج ابوج ماقصر عطاني 200دينار قال مكافئه لج عشانج موظفه جديده نبي نشجعج فالبدايه رفضة بس اهو حلف اذا ماخذيتها مايطب السانه الساني منايل :انزيل الحين الساعه 10وانتي ماراح تخلصين دوامج اللى وحده أو ثنتين تكون المحلات صكرت بروح الحين استاذن لج من ابوي انروح نشتري هداياهم ونرجع والكيك اشتريه وانتي راده عادي الجمعيه فاتحه 24ساعه ماتصكر حور :لا اومبيــــه فشله إشبيقول ابوج اول يوم شغل لها وعلى طول ملت من الشغل وقامت اتهرب منايل ماهتمت :اصلا انا اعطيج خبر ماأخذ رايج يلا بروح له خمس دقايق وراجعه راحت منايل وقالت لابوها ووافق خذت حور وراحوا لمحلات قريبه من الشركه شرت لخالد سياره ام ريموت وساعه ومنار عطر كوكو وساعه وشرت لجدتها دهن عود ودراعه قطنيه وشرت لكارين حجاب وشباصات واساور ملونه تحبها كارين تصلح للخدامات (ابتسمت منايل وقالت بخاطرها شرت للكل ولاحتي فكرت تشتري لنفسها غرشة عطر او أي شي هذي انتي ياحور دايم تبدينهم على نفسج) خلصوا ورجعت حور لشركه ماخذت تقريبا اللي ساعه شرت الاغراض بسرعه ماتبي اتاخر عالشغل وصلتها منايل لشركه وارجعت للبيت بعد ماخلصت دوامها دقت على ام حسام عشان تاخذها من الشغل وصلت ام حسام لشركه ودقت على حور عشان تطلع طلعت من مكتبها وكانت واقفه عند الاسنصير وشايله الاغراض اللي شرتها بوعادل : يعطيج العافيه يابنيتي حور :يعافيك عمي كان يبي يشيل وياها الاغراض: عطيني يابنتي اساعدج حور بجديه :لاوالله ماتشيل شي سلامة راسك ياعمي مايحتاج اتعبك بوعادل :خليني اساعدج يابنتي عادي مافيها تعب حور : لاوالله انا حلفت ماتشيل شي (انفتح الاسنصير وصعدت حور اما بوعادل رجع لمكتبه يأخذ تلفونه نساه ) ركبت ويا ام حسام وطلبت منها تمر الجمعيه التعاونيه نزلت : ام حسام ماراح اتأخر شوي وجايه أم حسام : اخذي راحتك يابنتي ماوراي شي ابتسمت لها حور ودخلت الجمعيه خذت لها عربانه حطت فيها عصير فراوله نادك وعصير مانجو نادك وعصير كوكتيل المراعي خذت صحون بلاستك ومرت على قسم الكيك وطلبت تورته حجم وسط بالتوت مكتوب عليها عقبال مية عام ياأغلى منور وتورته حجم وسط بالفانيلا مكتوب عليها كل عام وأنت بخير ياشيخ المراجل ياخالد في هالحظه كان واقف يتذوق بعض الحلويات وشافها وهي تطلب التورته وابتسم بخبث حور :خلصها بروح شوي وراجعه البائع : حاضر يافندم نص ساعه وكل حاقه حتكون قهزه راحت تكمل باقي الاغراض شرت بسكوت مشكل وماكنتوش وحلاو جلكسي وشافت رهش وابتسمت جدتها تحبه وخذت تمر مسمسم جدتها تحبه وسمبوسه وكبه مجمده خذت صمون وخبز وجبن ولبن وحليب ونواشف وبيض ودجاج وملح وبهارات (أغراض للبيت) خذت شموع كبار ورجعت تأخذ الكيك حور : لوسمحت خلص طلبي البائع: أيو يافندم عطاها كيكة الفانيلا وحطتها فوق الاغراض شوي شوي عشان ماتخترب خذا له 10بيبسي وشالها بإيده كلها كان حاظنها واتجه بسرعه صوبها في نفس الوقت كانت ماخذه تورتة التوت وحطتها بالصوب الثاني من العربانه رفعت راسها والتفتت للبائع :مشكور جا بكل خبث مسرع ودعم العربانه وطيح البيبسي بكل قصدت على تورته التوت رفعت عيونها بعصبيه خرب التورته شافته وهو يمشي مسرع متجه صوبها كان متقصد واضــــــــحه السالفه انه متعمد حور بكل عصبيه وقهر: عمى ماتشوف شوف إشسويت خربت الكيكه سعود بنفسه الشينه : يعمي عينج كل هالتعصيبه عشان كيكه هذا انتوا ياعيال الفقر ماتغيرون اللي يشوف تعصيبتج هذي يقول ذابح اهلج هاج هالــ40دينار اشتري بدال الكيكه الوحده اربع (وحذفها ع الاغراض ) حور خذت الفلوس بعصبيه وشقتها : انا ماأقبل صدقه من أمثالك فاهم وفلوسك تحرقها تقطها بالطقاق وانت وفلوسك حسبالك محد عنده فلوس غيرك سعود: مسكينــــه اقول ماباقي اللى تسوين مناحه عشان كيكه تصدقين نعالي اللي لابسها بسعرها اشتريج واشتري أهلج حور : كفوك النعال ياجبــــان مسوي نفسك رجال وانت ماتسوى ظفر من أظافر أخوي خالد انا وأهلي نسواك ونسوى عشره من أمثالك فــــاهم سعود :هههه قالت أهلي أي أهل عمج السكير اللي مادرى عنكم واللى ولد عمج الصايع الضايع اقول انتي حبي إيدج مقلوبه ان ابوي عطف على وحده ماوراها رجال الله العالم وين تروح ومع من تطلع وشغلج لا وفوق هذا عمج ذبح ابوج وتقولين أهلي أمحق اهل (وقط عليها عشرين دينار ومشي وهو يضحك ) حست الارض ادور فيها والكلمه ترن في أذنها (عمج ذبح ابوج أمحق أهل ) بدت عيونها تغرغر بالدموع وتحاول تمسك دمعتها كسرت خاطر البائع : اختي مايهمك التورته تعديل بسيط بالكريمه وحتزبط حور العبره خانقتها : لاشكــــرا مايحتاج (دزت العربانه واتجهت للكاشير وهي مافيها حيل حاسبت وطلعت وهي ماسكه دمعتها ماتبيها أطيح والكلمه ترن بأذنها) (عمــــج ذبــــح أبــــــــوج أمحــــق أهــــــــل) (عمــــــــج ذبــــح ابــــوج أمحــــــــق أهــــــــل ) (عمـــــــج ذبــــــــح ابــــــوج أمحـــــــق أهــــــل) |
الجـــــزء الســـــابع"
سحبت أرجولها سحب واتجهت لسيارة أم حسام وهي من داخلها دمـــــار في نفس الوقت كانت سيارته قريبه من سيارة أم حسام ويطالعها وهو مبتسم مبين عليها تأثرها بكلامه وبداخله يردد (تستاهل ماجاها بنت فقر وشايفه نفسها ) ركب الهندي الاغراض بالسياره وركبت بدون أي كلمه أم حسام استغربت شكلها : حور خلاص نمشي حور هزت رأسها بنعم بدون ولاكلمه ام حسام : فيكي شي يابنتي تعبانه شي هزت رأسها بــــ لا وصلوا للبيت طلعت موبايلها ودقت على تلفون البيت ردت كارين قالتلها تطلع تشيل الاغراض من السياره حور بتعب : مشكوره أم حسام الحين تطلع كارين تأخذ الاغراض فتحت كارين الباب وراحت تشيل الاغراض من السياره وحور دخلت للبيت مافيها حيل تشيل شي حمدت ربها ان جدتها منسدحه بغرفتها سحبت رجولها لغرفتها فتحت باب غرفتها ودخلت وصكت الباب وتسندت عليه بدت رجولها ترتخي قعدت وسندت راسها على الباب واعلنت الدمــــوع مجراهــــا تحس بنار تشتعل داخلها ألف سؤال يدور برأسها ومالقت لها إجابه ليش ذبحه "وشلون " اللي أعرفه انه توفى بحادث " وسعود إشدراه "وليش ماحد قال ان عمي السبب بموتهم " وشنو مصلحة سعود من هالشي عشان يحرجني أو قصده شي ثاني" انا لازم أعرف الحقيقه بس شلون ماقدر اسأل جدتي اخاف يصير لها شي اذا درت اني عرفت بهالسالفه وليش انا حاسه ان كلام سعود صحيح يمكن يكون غلط او هو مألف هالقصه من راسه لالا ليش يألف (مسكت راسها بإيديها الثنتين وتنهدت بقوه حست ان ضلوعها بتكسر من قوة التنهيده مسحت دموعها لازم ماتبين شي ماتبي تخرب فرحة اخوانها ) (سمعت اذان العصر) فصخت عبايتها وخذت روب الحمام خذت لها شور دافي والبست بجامى سودا وعليها رسومات صفرا لبست ثوب الصلاه وفرشت سجادتها وصلت ودعت ربها يعدي هاليوم على خير ويعينها على الايام الجايه نزلت للمطبخ وجهزت كل شي وسوت كريمه وضبطت طرف التورته اللي خربه سعود كانت تشتغل وهي ساكته استغربت كارين سكوتها كارين : هور هبيبي شنو في تعبانه حور : لابس راسي يعورني كارين : يبي بندول حور : شوي اذا خلاص شغل ياخذ بندول بخرت البيت وضبطت كل شي أذان المغرب صلت بالصاله وقعدت تنطر خالد يرجع من المسجد بعد مارجع خذت دشداشته اللي بيلبسها وعطتها كارين تكويها وبعد مازهبت كل شي راحت تبدل ملابسها لبست تنوره أخضر روتانا حرير وبلوزه اخضر روتانا وفوقها بدي حفر لون ابيض عليه طبعات اخضر فاتح وزيتي واصفر ممسوك من ورى بأربع حدايد مربعه لون ذهبي لبست عدسات زيتيه كثفت المسكرا والكحل حطت بلاشر مشمشي وحمره مشمشي لبست تراجي مربعه لونها مدرجات الاخضر وعليها شريطه مربوطه بشكل ورده زيتي تعطرت بعطر نولي ومسحت تحت اذنها بدهن عود (كانت ناويه تلبس نفنوف احمر ضيق على جسمها لي تحت الركبه بس نفسيتها تعبانه وطلعت لها هالتنوره بدون نفس) بعد ماجهزت راحت لغرفة منار تشوفها خلصت حور :مرحبا منار كانت تلبس تراجيها : أهلين هاه شرايج (كانت لابسه نفنوف فوق الركبه اصفر وعليه جاكيت لصدر اسود وكعب اسود وعدسات بنيه وحاطه مسكره وقلوس وردي وبلاشر وردي) حور ابتسمت : تهبلين يلا خلصي انا بنزل الحين وانتي اذا خلصتي نزلي منار غمزت لها :من عيوني يالغلا نزلت ولقت جدتها كاشخه لابسه دراعه مطرزه لونها عنابي ولابسه بوشيه مطرزه حوافها بتطريز عنابي بذهبي ولابسه برقع ماتستغني عن البرقع حتى في البيب ابتسمت ابتسامه عريضه وجود أمها العودا بحياتها يريحها ويحسسها بالامان حور : فديت الناس الكاشخه فديت اللى مطقم عنابي الجده : اي أشجع العنابي القطري حور :هههههه اموت انا بالناس اللى تشجع الكوره إشهالدراعه الحلوه الجده :هذي من جارتنا ام محسن يوم سافرت لبنتها بقطر جابتلي ياها صوغه وخشيتها مابيكم تشوفونها اللى اذا لبستها حور : فديتج انتي تحلين الملابس وتزينيها مو هي إللي تزينج الجده : فديت قليبج الطيب هاه كل شي جاهز حور :اي ياغلات الروح كل شي زين الجده : وخويطرج(دلع لكلمة خاطر) إشفيه احس ان به ضيقه حور اتصنع :ههه ابد مافيني اللى الزين بس ارهاق الشغل الجده : ياعساج على القوه ياروح جدتج منار وهي نازله :ياسلام سلم يعني طايحتلي انتي وحفيدتج حب ومغازل وناسيتني عطيني شوي من هالحب الجده : يامرحبا بالقدساويه الحب كله لكم ماعندي غيركم حور : هههه ياحلو جدتي مادري إشفيها على الكوره اليوم قبل شوي تقول تشجع العنابي القطري والحين ترحب بالقدساويه منار : هههه وانتي ماقالت عنج شي الجده : لو انها مخليه الون الزيتي بس اخضر وابيض بيضبط بس ماعليه هي الاخضر السعودي دخل خالد : ألعب ياخطيره ياجده حافظه الوان المنتخبات الجده :أي شقالولك متخلفه وانت تشجع الابيض الاماراتي الكل :هههههههههه حور :ياحلوج وانتي تسولفين عن الكوره دق الباب وراح خالد يفتح كانت ام منال وبناتها وولدها بعد ماسلموا على بعض وقعدوا الجده :خلاص الحين اكتمل كأس الخليج سعاد تشجع الاحمرالبحريني ونرجس الاحمر العماني ومنال الازرق الكويتي منار وحور :هههههههه منار :يمه للحين مواصله اليوم فاصله على الكوره ام منال موفاهمه شي :إشفيكم تضحكون حور : لا خالتي سلمج الله امي اليوم مشتاقه لكاس الخليج مصنفتنا منتخبات هي العنابي القطري وانا الاخضر السعودي وخالد الابيض الاماراتي وانتوا جيتوا وكملتوا الناقص انتي الاحمر البحريني ونرجس الاحمر العماني ومنول الازرق الكويتي منال :ههههه ماشاالله حافظه الالوان انا يالله اعرف لون منتخبنا أصلا ماتابع الكوره الجده :لانج متخلفه خليجيه وماتعرفين منتخبات الخليج لاتسمعج الفيفا تضحك عليج الكل :هههههههههههههههههه خالد:الجده موسهله تعرفين بعد الفيفا الحلو متابع من ورانا الجده :اي واعرف بروش وريال منار :ههههه لاعاد إهني خانج التعبير اسمها برشلونا وريال مدريد الجده : خلاص ماقصرت جبت احرفها الاساسيه سعاد : ماعليج منهم بس وانتوا يلا هناك خلوا خالتي على كيفها ألا قوليلي يالغاليه خلصتي البخور اللي طالبته ام سعد الجده :اي خلصتها كلها بخور أم سعد وعطورات ام محسن سعاد :احسن بعد مره وحده اخذها اليوم واعطيهم ياها صارلهم يومين يقولون لي اييبها اذا مريت عليج منال : منايل بتيي حور : اي كلمتني وقالت بجي بعد شوي منال : شخبار الشغل ان شاءالله مرتاحه حور : ماعليه زين أهم شي شغل والسلام منال : الله يعينج يالغاليه ادري ضغط بس ماعليه بتفرج ان شاءالله حور ابتسمت : اووه نسيت مابارك لج عاليسن(رخصه قياده ) هاه بتشترين سياره منال : الله يبارك فيج ويااااه سياره انطر ياحمار شدعوه توالناس اذا توظفت ان شاءالله بشتري اصلا مطلعه اليسن عشان الضروره يعني اذا امي تعبت الله لايقوله او اذا داومت بالكليه اداوم على سيارة امي بس ترى باجر انا اللي بوصلج شغلج حور : لايامعوده لاتهورين توج اعليميه ترى اهلي للحين يبوني منال : عادي يابنت الحلال اذا متنى نموت يميع عشان مانذوق حزن بعض حور : امحق فال اقول لاتقعدين تفاولين منال : الموت حق كل نفس ذايقته حور : ونعما بالله ادري حق بس ان شاءالله مايخذني الموت اللى بعد مااقضي ديون ابوي خليه يرتاح بقبره منال : بعد عمر طويل يعل عمرج من عمر النبي شعيب خلينا من هالسيره وقوليلي تذكرين فوزيه بنت عمج صح اسمها فوزيه عناد حور بستغراب : أيه ليش تسألين إشجاب طاريها منال : سبحان الله صج الدنيا صغيره تدرين طلعت صديقه مي بنت خالتي وياها بالمعهد حرام مسكينه دايم تشتكي لمي من ابوها وامها ومن بلاويهم اللي يسونها تكره يوم الخميس والسبه حفلاتهم الوسخه حور تذكرت فوزيه : ياسبحان الله الدنيا تفرق قبل لما كنا صغار ويا بعض نتقاسم لقمة الاكل وتحبني وتخاف علي تكره ابوها اذا طقني او هاوشني اللـــــه يافوزيه ياحلو طاريج بس الله يسامح الزمن نساني ياها مادري نسيتها واللى تناسيت بس اللي اعرفه اني اكره اي شي يذكرني بعناد تكفين صكي الموضوع(تنهدت طاري فوزيه ذكرها بكلام سعود) في هالحظه دخلت منايل بأناقتها المعتاده وريحة عطرها المفضل فرزاتشي حور اول ماشافتها صكها راسها وصوت سعود وكلامه وضحكه واستهزائه فيها يرن باذنها والمشهد يتكرر قدام عيونها "قعدت تغمض وتفتح عيونها وتكرر بداخلها لاياحور هذي حبيبة قلبج وصديقتج منايل مالها شغل بالموضوع لاتشبكين المواضيع ويا بعض سلمت منايل عالكل وحور للحين واقفه بمكانها تغمض عيونها وتفتحها انتبهت لها منال وطقتها بكوعها عشان تنبها ومنايل استغربت برود حور العاده تلمها وترحب وتهلي فيها حور استوعبت لنفسها وتصنعت : هلا هلا منايل (ولمتها وسلمت عليها بس ماكان السلام المتعوده عليه منايل ) منايل : هلا حياتي شخبارج حور تحاول ماترفع عينها فيها : تمام انتي شخبارج يلا دام منايل وصلت خن نشعل الشموع (اشعلوا الشموع واحتفلوا والكل قدم هدايا لخالد ومنار واستانسوا وبعد ماخلصوا احتفالهم قعدوا ضحك وسوالف ) قعدوا البنات ويا بعض والجده وام منال ويا بعض وخالد وفهد مايتعطلون يلعبون بلاستيشن نرجس دمها خفيف وتضحك شكلها مقبول بس عليها كشه لاحول ولاقوه وصابغتها اشقر منار :انتي مافيه فايده منج انتي وهالكشه ليش ماستشورتيها نرجس اتدلع بشعرها : ليش محتره خلي كشتي اتنفس تعبت نفسيتها من كثر ماحط فيها مليون شباصه خليها تأخذ راحتها اليوم يوم مفتوح لكشتي منال : شدعوه مو مستشورتها مسكين الاستشوار احترق من كشتها ولا فيه فايده حشى شمس الصباح مو شعر نرجس : اصلا يكفي ان نبيل شعيل غنى ياشمس لالاتغيبي قصده كشتي الناعمه الكل : ههههههههههههه كانوا مندمجين بالسوالف لفت منايل لحور وهمست لها:إشفيـــــج حياتي حور مسكت إيد منايل وقعدت تلعب بخاتمها ماتبي تحط عينها بعين منايل : ابد بس شوي ارهاق وراسي عورني من العدسات منايل ماصدقت : مالحظتي شي من اول مادخلت وانتي اتحاشين اطالعيني ضايقتج بشي وانا مادري حور رفعت عينها منصدمة: ليش تقولين جذي وإشهالتفكير لاتحاشي اطالعج ولاشي بس انا تعبانه منايل باهتمام: جسدين ولا نفسين حور تحاول تضيع السالفه: لاجسمي شوي تعبان مانمت عدل منايل مومقتنعه : اتمنى ان هالشي اللي فيج مو شي ثاني حور : منايل تكفين لاتخبصين بالكلام منايل : خلاص صكي الموضوع لاخبص ولاتخبصين اسكتوا الثنتين ومنال لاحظت توترهم بس ماقالت شي ماتبي منار ونرجس ينتبهون لهم قعدت نرجس تسولف وتنكت والباقي مستمعين ويضحكون الساعه11الليل الكل رجع بيته حور خذت لها شور ولبست بجامتها وانسدحت على سريرها تفكر وصلها مسج خذت موبايلها شافت الاسم منيه الروح ابتسم بتعب وفتحته (اذا كان تعبج جسدي عسى التعب بعروق قلبي ولافيج واذا هو نفسي عساني ماكون السبب فيه ) تنهدت حور بهم:يااللـــــه يامنايل لاتزيديني وربي اللي فيني مكفيني كتبت لها (بسم الله على قلبج لاتدعين على نفسج انتي تدرين بغلاج ليش تقولين هالكلام مافيني اللى شوية ارهاق ) ردت عليه (احسه شي اكبر من الارهاق انتي ليش ماتبين اتكلمين ) حور مافيها حيل للكلام تبي تنهي السالفه (تصبحين على خير بنام ) دقت منايل على حور وحور ماردت دزت منايل لها (الحين تأكدت ان فيه شي انتي متغيره فيج شي) انطرت مسج من حور بس حور ماردت دقت على منال وحدها معصبه منال : هلا ميمي منايل بعصبيه: منال إشسالفة رفيجتج اليوم منال : منايل إشفيج معصبه ومنو رفيجتي منايل :بعد منو حور شفتيها اليوم مابغت تسلم علي وطول الوقت اتحاشى اطالعني وقبل شوي دزيت لها مسج ابي اعرف إشفيها ردت انه شويت ارهاق ودزيت لها احس ان فيج شي اكبر من الارهاق دزت تصبحين على خير بنام ودقيت عليها ماردت منال : أولا حور رفيجتج مثل ماهي رفيجتي ثانيا اليوم عادي حور طبيعيه بس راسها يعورها وكانت تقول قبل ماتيين ان العدسات زادت عوار راسها وانتي اتوهمين اشياء ماصارت وبعدين يمكن صج مرهقه وتبي تنام انتي ليش تكبرين السالفه منايل : يعني انا الحين طلعت غلطانه لاني مهتمه فيها منال : ممكن تكبرين عقلج شوي انا ماقلت انج غلطانه منايل وضع حور غير لاتلومينها توهي بشبابها ومتحمله المسؤوليه وكل تفكيرها شلون تقضي دين ابوها هذا غير عمها ومشاكله اتشوفينها سهله تطلب تشتغل عند ابو رفيجتها أي شغله انا وانتي اذا حطينا راسنا عالمخده مانفكر إلا بنفسنا دراستنا وأخر موضه نزلت وحور أخر شي تفكر فيه نفسها هذا وانتي قايله بلسانج لما رحتوا لسوق انها شرت لاخوانها وأمها العودا وكارين ولافكرت تشتري لنفسها حتى غرشة عطر منايل إشفيج هذي حور إذا ماوقفنا وياها وتحملناها منو بيوقف وياها وتحملها منايل : انتي تدرين اني احبها اكثر من روحي بس ماتحمل تطنيشها أو عدم اهتمامها فيني لو أحد غيرها ماراح اهتم ولا اعصب بس حور غير منال : والله العظيم ادري انج تحبينها بس خفي عليها شوي منايل : خلاص أوكي تصبحين على خير منال : وانتي من أهله حبيبتي يـــــوم جـــــديـــــد كانت منال واقفه تنطر حور طلعت من البيت وركبة السياره حور :صباح الخير منال : صباح الورد شخبار الحلوين حور :ماشي الحال منال : تحبين نتكلم الحين واللى بعدين حور : لاتكفين خليها بعدين خليني اروح لشغل ورأسي فاضي مابي افكر بأي شي منال : اوكي حبيبتي براحتج تريقتي حور : مالي نفس منال ببتسامه : انزين نأخذ لنا عصير فرش حور ابتسمت : كيفج شرولهم عصير برتقال فرش وصلت منال حور لشركه وراحت بيت خالتها "الشـــــركـــــه" حور كانت ترتب الملفات على الرف ومنى قاده تصور اوراق طق الباب : السلام عليكم منى خلت الاوراق وفزت من مكانها وحور لفت وردت السلام عادي ورجعت تكمل شغلها مني : اهلا بيك استاز سعود حضرتك تأمر بحاقه سعود : شخبار الشغل منى : الحمدالله كولو تمام سعود يبي حور اتكلم بس حور ماعبرته وتكمل شغلها وهي ساكته سعود يسوي نفسه مايدري : هذي موظفه جديده حور ولا كأنها تسمع ماردت منى بربكه :ايوه حضرتك لساتها قديده سعود هذي شكلها مطوله بسكوتها : بغيت الملفات اللي عند بوعادل ياليت اجيبينها لي يامنى منى : حاضر استاز سعود طلعت منى وبقى سعود وحور بالمكتب قعد على مكتب حور سعود : شخبار الشغل وياج حور بدون ماطالعه: الحمدالله زين سعود يبي يقهرها: اكيد بيكون زين بالنسبه لوحده مثلج شهادة ثانويه حور ماردت عليه مالها خلق تسمع صوته ولاترد عليه سعود ابتسم وحب يستلعن: تحبين اساعدج بترتيب الملفات حور ياسخفه بروحي لايعه جبدي منه بعد يستخف دمه: ماردت عليه سعود : إشفيج ماتردين وين ألسانج كلته العصفوره حور خزته من فوق لي تحت وصدت سعود ابتسم ابتسامه عريضه: ليش هالنظره فيني شي غلط في هالحظه دخلت منى بالملفات وارتاحت حور أما سعود تضايق للحين ماخلص يبي يقهر حور بكلامه منى : حور بوعادل عاوزك حور: ان شاءالله حطت الملفات اللي بإيدها على مكتبها وسعود يطالعها خذت ملفات من بوعادل عشان ترتبها وأول مادخلت وشافت ان سعود راح استانست حور : أوووف وأخيرا راح منى : بتصدئي اول مره بيعملها ويقي لقسم الملفات حور : أول مره وان شاء الله أخر مره الساعه وحده ونص ظهرا اغلبيت الموظفين طلعوا دخلت منال لشركه وراحت لمكتب حور منال ببتسامه : مـــــرحبا ياحلوه حور : اهلين حبيبتي تعالي رتاحي على مكتبي شوي وأخلص منال قعدت على كرسي مكتبها: وين اللي تشتغل وياج راحت حور: منو قصدج منى اي راحت اصلا خلص الدوام بس انا شوي بخلص ترتيب اوراق هالملف ونروح منال : مي تسلم عليج حور : الله يسلمها شخبارها :ماشاءالله فاتحين الشركه لسوالف والضحك انت ورفيجاتج حور كانت مندمجه بالترتيب وخافت وطاحت بعض الاوراق: بسم الله خير إن شاءالله سعود : لاوالله تسوين نفسج ماتدرين عازمه صديقتج وطاقتها سوالف ومخليه الشغل حور بدون اهتمام خذت الاوراق اللي طاحت ترتبها بالملف: اضن ان الدوام الرسمي خلص وشوفة عينك انا اقرى جرايد وأكل فستق ماعندي شغل سعود : تستهبلين حور : مادري عنك شتشوفني قاعده اسوي سعود التفت لمنال : وانتي ترى هذي شركه محترمه مو كوفي شوب منال حاطه إيدها تحت المكتب وتكش عليه : صج والله طلعت شركه اشوى انك قلت لي لاني من اليوم حسبالي كوفي شوب حور ماسكه ضحكتها بالغصب تعرف نفسها اذا ضحكت ماراح تسكت سعود : تصدقين انج بايخه وحركتج بايخه ترى هالحركات اللي تسوينها تحت المكتب ماسويها اللى اطفال الروضه (طاولة المكتب مفتوحه من قدام يعني بينه إيد منال وهي تكش عليه بس منال ماتدري ان الطاوله مفتوحه ) منال لاإردي نزلت راسها تحت طاولت المكتب تبي تشوف شلون شافها: اووه مادريت حسبالي مصكره من اليوم حور انفجرت ضحك على شكل منال وهي متنحه كانت حور تضحك بصوت عالي تبي تمسك ضحكتها بس ماعاد قدرت سعود كان يبي يكمل عصبيته عليهم بس شاف حور تضحك ابتسم وطلع وخلاهم منال : عمى بعينه شلون انتبه حور فاطسه ضحك : ههههههههههه أأأأي يابطني تكفين خلاص سكتي منال : هههههه شفتي شكله لما قال حركات روضه حور : ههههههههههههههه امشي نطلع خذت حور جنطتها وهي مستمره بالضحك وطلعوا وركبوا السياره حور : اوف ابي هوا تعبت من الضحك ياحلوج يامنوله شكلج كان تحفه منال : فديت الضحكه ياعساها دوم مو يوم حور : فديت قلبج منال : يلا انا عازمتج عالغدا بمطعم بس هاه تطلبين بس سلطه مو تستانسين تطلبين دسومات ترى ماعندي فلوس حور : واااااي قحيطيه ماتندي خلاص اصلا انا شبعانه توني ماكله ويا منى ساندوتشات منال : فديتج اتغشمر اصلا انا كلي حلالج حور : يابعدهم كلهم انتي [في المطعم] طلبوا بس عصير حور فعلا شبعانه من الساندويتشات ومنال متغديه ببيت خالتها بس عازمه حور عشان تقول لها شاللي صاير لها (حور قالت لمنال سالفة الجمعيه والكلام اللي قاله سعود ان عمها ذبح ابوها) منال مصدومه : حور هذا الكلام كبير حور : ادري انه كبير وهذا اللي ذابحني ألف سؤال يدور براسي شالسبب اللي يخلي عمي يذبح ابوي منال : هذا اذا كلام سعود صحيح حور : إحساسي يقول انه صحيح اصلا إشمصلحته من الجذب منال : ليش ماسألتي أمج العودا حور : مستحيــــــل اسألها أخاف يصير فيها شي اذا عرفت اني دريت منال : وأمي اذا عندها خبر بهالموضوع مستحيل تقول حور : لا أمج خليها بعيد عن السالفه اذا سألناها أكيد بتقول لأمي العودا منال : أيه لقيتها نسأل العم مصطفى حور : العم مصطفى ماراح يعطينا أي معلومه لاتنسين ان هالموضوع صار له أكثر من تسع سنين صعب بعد مااندفن هالسنين كلها انبش فيه منال : والحين شلون بنعرف اذا ماسألنا واحد من هالثلاثه حور : فيه شخص اكيد راح يكون عارف بالموضوع بس صعب أوصل له منال بحماس : منو هالشخص حور : فــــــواز ولد عمي منال بصدمه : فواز إشعرفه حور : لاتنسين ان فواز يوم حادث ابوي وأمي كان كبير عمره تقريبا 17أو18 سنه أكيد يعرف وبعدين اذكر يوم العزا كان يقول لابوه ليش يتمتهم وهم توهم صغار منال : دام جذي أكيد عنده خبر بالموضوع بس شلون تشوفينه صعب لايشتغل عشان نقول تروحين شغله والبيت انسي تروحين بيت عمج تروحين لنار بريولج حور : أكيد بيتهم مستحيل ادخله بس لازم القى حل اشوفه انا تعبانه احس بنار تشتعل بداخلي ابي اعرف الحقيقه منال : ان شاءالله حبيبتي بتعرفينها بس صبري شوي حور : انتي لوشفتي سعود وإستهزائه فيني وشلون قال الكلام ولا أهتم وطريقته لما قط الفلوس علي ماراح تقولين لي اصبر مادري ليش حاط علي وبس وده يهيني ويدور على أي شي عشان يهيني كل ماتذكر كلامه وسخريته احس بطعنات سجاجين بداخلي منال تصدقين كسرت خاطر اللي يسوي الكيك رحمني وهذا ولا همه بنت فقر وبنت فقر صح اني على قد حالي بس عازه نفسي وماطلبت من احد شي أمس أول ماشفت منايل كأني شايفه شكل سعود واستهزائه وكلامه قعد يرن بأذني قعدت اغمض عيوني وافتحها ابي استوعب ان اللي قدامي منايل بس ماقدرت ادري اني لما تميت واقفه وماسلمت عليها جرحتها بس والله موبيدي منال : يعله مايتوفق روح ياسعود يعلك الساحي والماحي روح عسى ربي يسلط عليك ناس مافي قلوبهم رحمه يعلك ماتربح حور : منول لاتدعين عليه ماحبج تدعين على احد لاتدعي على من تكره ترجع على من تحب خليه الله فوق وعالم بكل شي وانا سلمت امري لله هو وحده القادر على كل شي منال : ونعم بالله حبيبتي بس منايل مالها شغل بسعود حور : انتي تعرفين شكثر أحبها بس موبيدي لما شفتها ماشفت اللى شكل سعود وإهانته لي منال انا اغلي منايل ومابي اجرحها او ازعلها بس مادري شاللي قاعد يصير لي إذا شفت رقمها مارد عليها أحس اني اذا سمعت صوتها بسمع إهاناته منايل : امس كلمتني وكانت متضايقه وانا هديتها وقلت حور مضغوطه من الشغل والمسؤوليه حور : انا ماودي ياها تنزعل بس انا والله تعبانه وفي نفس الوقت مابيها تدري عن اللي صار بيني وبين سعود مابي اتسبب بمشاكل بينهم منال : ماعليه حبيبتي كل مشكله ولها حل وسعودوه هذا حلات واحد وزنه 300كيلو راكب فوق بطنه وينط عليه عشان يتعدل حور :هههههه الله لايحرمني منج ومن سوالفج اللي مادري من وين اتجيبينها منال : ولايحرمني من هالضحكه حور : يلا خلينا نرد للبيت تأخرنا كانت قاعده بالصاله ومعصبه وادق على حور وحور ماترد منايل بعصبيه : إشفيها هذي دخلت عذاري كانت جايه من برى : مرحبا منايل منايل بدون نفس: هلا عذاري :إشفيج معصبه منايل مالها خلق: مافيني شي عذاري : غريبه ماطلعتي ويا حور و منال شفتهم بالمطعم منايل بصدمه: وين شفتيهم ومتي عذاري : شفتهم بالمطعم اللي تغديت فيه انا وصديقاتي ليش شكلهم ماقالولج تطلعين وياهم منايل تحاول ماتبين شي: امبلى قالولي بس انا راسي يعورني وقلت مابي اروح وياكم عذاري : زين أمي وين منايل قامت وهي معصبه : وانا شــدراني وينهــــا دخلت لغرفتها وهي معصبه هين ياحور انا مطنشتني ومالج خلق لي ومنال غير هذا وانا مأجله السفره لجنيف عشان خاطر عيونها عشان عيد ميلادها دقت على منال حدها معصبه منال : هلا ومرحبا منايل : لاهلا ولامرحبا منال : أفــــــا ليش منايل : حور وياج منال : أيه وياي ليش إشصاير منايل : ممكن تحطينه سبيكر منال حطته سبيكر : حطيته منايل : مرحبا حور حور : هلا حبيبتي منايل : ههه حبيبتج أي هين إذا ماتبين تردين عادي قولي مابي ارد عليج موتخليني احاتي وحالتي حاله وبالاخير طالعه ويا حبيبة قلبج منال وطاقتها ضحك وسوالف حور : منايل ممكن تهدين شوي منايل بدت تخبص : اهدى انا هاديه بس حركاتج البايخه واسلوبج امس وياي وتطنيشج وتغيرج المفاجئ مايخلي الواحد يهدى انتي من توظفتي بشركة ابوي وانتي متغيره شكلج بس كنتي مصادقتني مصلحه ويوم حصلتي على المصلحه قلتي خلاص شبي فيها صدقت عذاري يوم قالت انج مصادقتني مصلحه بس انا الغبيه اللي ماصدقتها واعتبرتج اختي وحبيتج اكثر من حبي لخواتي حور انصدمت وطاحت منها دمعه: منايل لاتخبصين منال انقهرت لما شافت دمعة حور : منايل إشفيج ينيتي إشهالكلام اللي تقولينه منايل : انا ماخبصت وهذا الكلام الصج الشرهه علي اللي مأجله السفره لجنيف عشان خاطر عيونج عشان احظر عيد ميلادج بس انتي مو كفوا شغلج بالخش والدس وماقصرتي خليتيني اتعلق فيج وبالاخر خذيتي اللي تبين وغدرتي فيني حور انصدمت وانجرحت وكل الكلام وقف بداخلها وماقالت ولاشي منال عصبت : انتي وحده سخيفه وعقلج صغير معقوله هذا تفكيرج بحور كل هالسنين صداقه واخر شي عشان شي تافــــــه تقولين لها هالكلام حور تستاهل منج هالشي منايل غصتها العبره وسكتت ماردت منال بعصبيه اكثر : ردي علي تستاهل منج هالشي منايل :اصلا انا بريحها مني وكلها يومين واسافر خليها تفرح وتستانس (وانفجرت بكي وصكت التلفون) منال التفتت لحور اللي كانت دموعها تجري على خدها بدون صوت متحطمه لاخر درجه صعب صداقه 12سنه وبالاخر هذا تفكيرها فيها انها مصلحجيه منال شوي وتبجي شكل حور يحطم أول مره تشوفها تبجي جذي: حور لاتبجين تأكل تبن هذي ماعليج منها ولا من كلامها انتي احسن صديقه بالدنيا كلها حور متحطمه وتبتسم ابتسامة اسى: ههه كل هالعمر صداقه وهذا تفكيرها فيني انا مارديت عليها لاني اعرف نفسي ماراح اسولف ولا أكون مثل ماهي متعوده علي انا نفسيتي زباله ومابيها تفكر فيني واتعب نفسها منال : اذا لي خاطر عندج لاتبجين تكفين حور لاتهمج حور : منال وديني للبيت منال : من عيوني حبيبتي بس انتي هدي وصلتها للبيت ونزلت وياها دخلوا وشافهم خالد خالد بخوف : حور إشفيج منال : مافيها شي بس تعبانه شوي بطنها يعورها وصلتها لغرفتها منال : انتي ارتاحي الحين واذا بغيتي شي دقي علي حور هزت راسها بزين منال باست راسها : يلا اخليج الحين مع السلامه حور بتعب: مع السلامه طلعت منال من حور وخالد كان بالغرفه ومنصدم من شكل حور مد إيده ومسح دموعها وباس دموعها : دموعج غاليه على خالد علميني منو السبب في نزولها واوريج فيه حور تبتسم بتعب: حبيبي مافيني شي بس بطني يعورني خالد: قوليلي احد قالج شي فالشركه علميني عشان ادوس ببطنه حسبالهم ماوراج رجال حور : فديتك انت شيخ المراجل كلها صدقني حبيبي كليت ساندوتشات وعورني بطني ورجعت بس هذا كل شي خالد :خلاص ارتاحي الحين وانا بخلي كارين تسويلج عصير ليمون حور انسدحت عالسرير: لامابي شي الحين بس ابي انام واذا قعدت يصير خير خالد نزل راسه لبطنها وباسه : سلامتج يالغاليه يقولون البوسه تخفف الالم حور مسكت إيدها وباستها : انت كلك على بعضك بلسم للروح دامني اشوفك بكون بخير ابتسم لها وطلع عشان تريح في هالحظه وصلها مسج فتحته الصاحب اللي ماسأل عني ولا اهتم لبكاي ماحدني ربي اداري خاطره وابكي معه _&_&_&_&_ والمشكله المشكله لا من طعني من وراي وانا اكتم الصرخه أخاف يهل لاجلي مدمعه _&_&_&_&_ عليت قدره بالشعر ابيه يوصل مستواي بس الدني دايم دني مهما تحاول ترفعه لاحول ولاقوه وبعدين وياج يامنايل هالبنت دايم تخبص بالكلام اغلقة حور موبايلها وماردت عليها ماتبي السالفه تكبر منال بعد ماوصلت حور للبيت راحت لمنايل فتحت لها الباب الخدامه ووصلتها لغرفة منايل طقت باب غرفة منايل منايل بدون نفس : تفضل دخلت منال معصبه : السلام منايل : وعليكم السلام تعالي ليش واقفه عند الباب دخلت منال وصكت الباب : ممكن اعرف شاللي سويتيه منايل : منال لوسمحتي صكي الموضوع مالي خلق منال : لا ماراح اصكه عاجبج اللي سويتيه جرحتي حور وهنتيها ولا جنج مسويه شي منايل : انتي ليش واقفه وياها منال بصوت عالي : انا مو واقفه وياها ولا وياج انا واقفه ويا الحق منايل : اي حق الحق انها تستغلني كل هالسنين وبالاخير اطنشني وتخليني أولي منال جن جنونها : انتي هذا (تأشر بصبعها على رأس منايل) مافيه مخ هذا فيه نعال انتي مادري شلون تفكرين منايل بدت تبجي : انتي ليش واقفه وياها ومطلعتني انا الغلطانه منال : احسن ابجي تستاهلين أكثر لوشايفه شكل حور شلون تحطمت من كلامج اللي ينقط سم جان عرفتي انج غلطانه منايل : يعني همتج دموعها وانا لا منال : انتي ليش غبيه انتي عارفه شنو الكلام اللي قلتيه وإلا بس خبصتي على كيفج منايل : ماخبصت انا قلت الصج منال : اقولها ثور تقول احلبوه اول مره اعرف انج حسود وماتحبين اللي نفسج حاسدتها على طلعه لمطعم توسع خاطرها وتنسيها الهم منايل : انا مو حاسدتها وماهمني المطعم رايحه لاحلى المطاعم واحسنها بالعالم انا قهرني تطنيشها منال : مبروك رايحه لاحسن المطاعم توني ادري منايل : منال لاتستهبلين احر ماعندي ابرد ماعندج عذاري شافتكم بالمطعم طاقينها ضحك وسوالف منال : مالت عليج وعلى اختج السالفه ومافيها انا اليوم وصلتها لشغل وبعدين رحت بيت خالتي وعقب ماخلص الدوام رحت اخذها ورحنا لمطعم ابيها تغير جو وطلبنا بس عصير حتى ماتغدت بس انتي ماقصرتي طلعتي العصير من جبدها بكلامج السخيفه منايل : وليش ترد عليج وانا لا منال : تدرين عاد الكلام معاج ضايع بالطقاق عمرج مارضيتي وعمرج مافهمتي منايل : قوليلها لاتسوي نفسها طيبه وهامتها صداقتنا كله يومين وترتاح منال : اكلي تبن ماراح اقول لها شي واذا دزيتي لها اي مسج يضايقها ماراح يحصل لج خير منايل : أهم شي عندج حور وانا بالطقاق منال : حور تعبــــــانه انتي ماتفهمين منايل : حتى انا تعبانه منال : تعب عن تعب يفرق انا الحين بخليج واتمنى انج تكبرين عقلج وتفكرين زين يلا مع السلامه منايل : مع السلامه صباح يوم جديد صلت الفجر وقعدت تقرى قرآن شافت الشمس اشرقت خذت روب الحمام وخذت لها شور ينشطها ألبست بجامتها وقعدت تجفف شعرها بالاستشوار شافت الساعه صارت 7إلا ربع ألبست عبايتها وخذت تلفونها وجنطتهاونزلت لقت جدتها مجهزه لها الريوق ومنسدحه بالصاله شربت لها عصير وباست راس جدتها وطلعت لأم حسام برى وصلت الشركه لقت منى توهي واصله سلمت عليها وبدت تكمل شغل الملفات اللي امس ماخلصتها منى : بطلب الأهوه تحبي اطلبلك معي حور : لاحبيبتي ماحب اشرب قهوه الصبح منى : عاوزه عصير شي تاني حور : لاحبوبه شكرا طلبت منى قهوه وحور تذكرت انها مصكره تلفونهاخذت تلفونها وفتحته لقت مسج من منايل إرحل لو إن الرحيل أعظم من السكره.. بقزر اللي بقى من الوقت وأعبر.. إبعد وأنا ببتعد لكن.. على فكره.. محبتي لك تواضع وأنت متكبر.. ابتسمت ودزت لها يعلم الله لك وسط قلبي غلا.. ماهقيت إن يأخذه غيرالخوات لكن أنتي غيرعن كل الملا.. صرتي أختي والغلا والأمنيات.. قلبي اللي لك من الحب أمتلأ.. ماأظن إنه يجف حتى الممااااات.. ..اهدااااااااء~~~~خااااااااااااااااص.. الساعه خمس العصـــــــر حور تكلم منال : متي بتسافر منال : بعد باجر حور : أوف منها مايطاوعني قلبي تسافر وهي زعلانه منال : إشناويه تسوين حور : بلبس وبروح لها الحين منال : إهي اللي غلطانه المفروض هي تييج مو انتي تروحين لها حور : مو مهم منو يروح لثاني المهم ماتسافر وهي زعلانه ادري بغلاتي عندها بس الله يهديها اذا عصبت تخبص بالكلام منال : حور لاتروحين لها اخاف تغلط عليج وانتي اللي فيج مكفيج حور : بروح واذا ردتني بكون سويت اللي علي بس راح تخسرني للابد ماعندي استعداد اسمع تجريحها وإهاناتها واسكت منال : الله يكتب اللي فيه خير حور : الله يسمع منج يلا حبيبتي اخليج مع السلامه منال: مع السلامه حبيبتي بدلت ملابسها وراحت لمنايل فتحت لها الخدامه حور : السلام عليكم الخدامه : وعليكم السلام حور : وين منايل الخدامه : فوق يبي يودي حور : لا روحي قوليلها حور موجوده تحت تبي تكلمج الخدامه : ان شاءالله تفدلي(تفضلي) حور : لا شكرا انا بنطرها عند الباب راحت الخدامه لمنايل الخدامه : هور في تحت يبي انتي منايل فزت من السرير وابتسمت بس للحين زعلانه : تحت متي يجي الخدامه : الحين يجي منايل : قوليلها منايل ماتبي تشوفج الخدامه : إن شاءالله كان سعود توه طالع من المطبخ وبيده عصير شاف الخدامه نازله من الدرج ورايحه للباب الخدامه : يقول مايبي يشوف انتي حور مسكت اعصابها وتنهدت : روحي قوليلها بنطرها خمس دقايق اذا مانزلت تنساني دزت حور لمنايل مسج (بنطرج خمس دقايق اذا مانزلتي بفهم انج ماتبيني وتأكدي انج خسرتيني للابـــــــد) سعود سمع الخدامه لما قالت لحور ان منايل ماتبي تشوفها وماصدق خبر راح لها حور كانت واقفه عند الباب شافته جاي صوبها وصدت: اوف ناقصني هذا بعد سعود : خير للحين واقفه قالت ماتبي تشوفج انتي شمسويه لها حور بعصبيه : انت مالك شغل فاهم محد حاطك وصي علي سعود : تصدقين خوفتيني حور : سعود انت ماعندك احد تطلع شرك فيه غيري يابن الحلال فكني من شرك ولوسمحت ممكن ماتكلمني (عطته ضهرها ومشت برى تبي ترجع للبيت ) نزلت منايل تركض على الدرج حافيه وعليها بجامه ماهتمت لوجود سعود وركضت لحور اللي تمشي بالحديقه تبي ترجع للبيت منايل تركض : حـــــــور لحظـــــــه وقفت حور والتفت شافتها تركض صوبها ودموعها على خدها حور كانت جد متضايقه من منايل بس ماهانت عليها دموعها تروح وتخليها وصلت منايل لحور ولمتـــــــها بكل قـــــــوه منايل ضامه حور وتبجي : انا أسفـــــــه سامحينـــــــي والله اني احبـــــــج وأمـــــــوت فيج حور ماسكه نفسها: لهـــــــدرجه هنت عليـــــــج تسمعيني كلام ماينقال لهدرجه شايفتني استغلاليه وراعيت مصلحه منايل زادت دموعها : لا وربـــــــي انتي أحسن صديقه بالـــــــدنيا كلها بس انا كنت مقهوره منج وقلت هالكلام حور : مقهوره وتقولين كلام يجرح ماثمنتي كلامج قعدتي تخبصين ولا همج ان كلامج جرحني أهم شي عندج تبردين حرتج منايل ضامه حور وماتبي تهدها: اسفـــــــه انا اصلا وحده مااستاهل اتعنين لي سامحيني ياحور حور للحين متضايقه: صدقيني لو احد غيرج قايل هالكلام جان تصرفت وياه تصرف ثاني بس عشاني اغليج سكت وماحبيت اجرحج لاتظنين ان سكوتي ضعف لاانا مارديت عليج مابي اجرحج بالكلام خفت على مشاعرج وانتي اخر همج مشاعر اذا انتي شايفه صداقتي لج عشان اشتغل عند ابوج فمن بكره بقدم إستقالتي منايل انصدمت : حور حلفتج بربج لاتقولين هالكلام ادري اني خبصت وخرتها بس وربي لوتعرفين غلاج بهالقلب بتعذريني انا احبج اكثر من روحي حور تنهدت : خلاص انتي ليش تبجين الحين ضربني وبكى وسبأني واشتكى خلاص مسحي دموعج منايل : ماراح امسحها اللى اذا قلتي انج سامحتيني حور ابتسمت ومسحت دموع منايل : خلاص مسامحتج يلا عاد بلا دلع تأخرت على امي العودا منايل ابتسمت : فديت قلبج الطيب انا بروح اجيب عبايتي ووصلج انطريني شوي حور : اوكي يلا لاتأخرين منايل : من عيوني انتهى البارت اتمنى يعجبكم وانتظر تعليقاتكم اختكم غناديرالشقى |
اختى العزيزه مبدعه فى كل حالاتك وحوراتمنى مايأثر سعود على صداقتها بمنايل لانها هى ومنار صداقتهم لاتتأثرباى احد حواليهم
|
السلام عليكم و رحمة الله و بركاته
صباح الخير و الرضا من الرحمن غنادير بارتين قمة تسلم ايدينج يارب ====================== (( حور )) يا شين الألم اللي حست فيه من كلام صديقة الروح كلام يضرب بالصميم و خصوصا أنه من صديقة تعتبر مثل الأخت و هي اللي دوم تمد حور بالقوة عشان تواجهه زمنها القاسي باللي فيه فلما تسمع هالكلام شيء مؤلم جدا .. بس الحمد الله وجود منال بالطرف الثاني اللي كانت السند هون شوي .. هالشيء يصير كثير بين الصديقات و بس بلحظته يكون قاسي و خصوصا اللي تعتبرهم هم كل شيء لنا الدنيا .. أما سالفة شغلها برافو عليها تستقل العطلة بشيء ينفعها و يكسبها خبرة و الاهم يخفف من الدين اللي عليها .. مدري حاسة هالوظيفة ممكن تجيب لها المتاعب و أولها زعلها مع منايل اتوقع عمها الهم يعرف بالوظيفة و يسوي لها مشكلة و بعد سعود اللي كل شوي وهو ناط لها .. أما سالفة ذبح عمها لأبوها اتوقع حور راح تنبش بالسالفة لما تعرف الحقيقة و الطريق اللي توصل له لفواز يمكن عن طريق بنت خالة منال بما أنها صديقة فوزية .. ==================== (( سعود )) الغرور هذا بيذبحه بيوم ما و يتمنى أنه ما بالغ فيه بس هو اللحين قاعد يغطي على إعجابه أو ممكن حبه لحور بهالغرور و الكلام السم اللي يقوله لها و يجرح نفسه قبل ما يجرحها بس الغرور مشكلة عويصة و خصوصا مع وجود رغد البنت التافهه اللي همها السفرات و الازياء و هالسوالف بالمقابل يسمع و يخوف حور اللي تناضل عشان تقضي الدين و يلبي حاجات اخوانها و المقارنة هني تسبب له مشكلة كبيرة لإنه كفة حور اللي ترجح دايما فيغطي عليه بالكلام اللي يقوله .. اتوقع ما راح يفوق من الغرور الإ بعد ما يحصل شيء كبير و الله يستر ... ================== (( منايل )) قست كثير على حور بالكلام بس هذا من حبها لها و حور عارفة ان صديقتها من قاصدة و خصوصا أنها عارفة تخبيصها بالحكي لاعصبت بس الوقت اللي جاء فيه الكلام هو اللي حرج حور زيادة يعني فوق ضيقتها من سعود تجي منايل و تزيد عليها .. أما منايل قست و كثير المفروض هالكلام ما ينقال حتى لو معصبة و لا الحبيبة هي اللي زعلت و هذا كله من الغيرة هو جذي الصديقات كل وحدة تبي تكون قريبة من الثانية أكثر من الثالثة ... ====================== سلمتي يا غنادير بــ انتظارج بكل شوق .. .. .. |
halazona
هلا وغلا خيتوو الابدااع نستمده من تواجدج الجميل تسعدني متابعتج وماانحرم من هالتواجد بياض الصبح وعليكم السلام والرحمه والبركات اهلين ومرحبتين حياج الله خيتووو يسلم عمرج يالغلا الروعه حضورج المميز اشكرج على تعليقاتج المميزه لكل شخصيه استمتع كثير انا اقرى تعليقاتج واتحمس لتنزيل البارتات اسعدني تواجدج ماننحرم من هالتواجد |
سحر الحلال هلا حبوبه انول بارتين في يوم الجمعه من كل اسبوع وحياج الله |
الجـــــزء الثـــــامن
في عيـــــد ميـــــلادي ابـــــي بس لقيـــــاك شوفتـــــك تغـــــنيني عن أغـــــلا الهـــــدايا كانت في قمة جمالها لابسه فستان حرير لون فيروزي على صدره لولو ومن ظهرها خيوط تربط قصته طالعه روعه على جسمها خاصه ان وزنها زاد وصل52كيلو ورسمت جسمها روعه "أما شعرها قصته شلال على طوله وبس استشورته وطلعت القصه مكياجها مكتفه الكحل شوي ومادته على برى حاطه شدو فيروزي خفيف ودامجته ويا الكحل بطريقه حلوه راسمه حواجبها وحاطه إضاءه على عظمة الحواجب من تحت وحاطه بلاشر بنك وقلوس بنك اما الاكسسوارات لابسه تراجي لولو وخاتم لولو وساعه من شوبارد الخاله سعاد احلفت تسوي عيد ميلاد حور ببيتها وماقصرت تفنتكت في البيت وماخلت شي ماسوته من حلويات وفطاير وعصاير كل شي سوته بإيدها بس التورته طلبتها وعزمت خواتها وبنات خواتها والجيران أول مره يكون حفلة العيد ميلاد كبيره شوي العاده بس بيت الجده وبيت ام منال ومنايل بس هالمره حبت الخاله سعاد تفرح حور وتحسسها بالاهتمام اكثر " منال : فديت الحلوين اليوم تحطمين القلوب لو قيس عايش وشافج بيعيف ليلي العامريه حور : الشاذي بعين ام غزال منال : تصدقين منو ودي يشوفج الحين حور : منـــــو يأم الخيال الواسع انتي منال : سعـــــود حور شرقت : كح كح كح أمحق طاري إشجاب طاري شين الحلايا الحين منال : لويشوفج وانتي جذي بيتحطم ويحرم يسويلج شي حور تستهبل : أي مو ملكه جمال العالم قدامه منال : من زينهم ملكات الجمال إييبون وحده ملامح سيتا خدامتنا احلى منها ويقولون ملكة جمال زينهم ساكتين بس حور : خلينا من هالسيره وقوليلي كلمتي منايل منال : اي مستانسه بجنيف واحنا ذابحتنا الرطوبه إهني حور تبتسم : تصدقين اشتقت لها صارلها الحين تقريبا عشر أيام فقدناها لوكانت موجوده بتكون أول الحضور منال : ياحليلها صج مكانها فاضي : منـــــو اللي ياحليلها حور ومنال التفتوا بسرعه الصوت مو غريب عليهم واول ماشافوها صرخوا ولمـــــوها سلموا على بعض بشوق بجد اشتاقوا لبعض منايل : وتضنين ماحضر عيد ميلادج حور : فديتج متى وصلتي منايل : من ساعتين تقريبا لبست وكشخت وجيت حتى مانمت منال : بسم الله طرينا الأط قانا ينط ام قليب ماطوف منايل : قاعده على قلبج موتي حره منال : ياليتني مطرين مليون حور : منايل تسوى ملايين الدنيا كلها منايل تبتسم : فديت انا الناس اللي يقدرون تعب السفر مو مثلج يا البومه منال تشهق : انا بومه ياسلاحف النينجا انا بومه ياحديقة الحيوان بكبرها منايل كانت تبي ترد بس حور طقتها بكوعها عشان تسكت خالة منال جايه صوبهم بتسلم عليهم ام مي :اكيد انتي حور ماشاءالله تبارك الرحمن قالولي انج حلوه بس طلعتي قمر بسم الله عليج شلونج حور وجها طماطه : تسلمين خالتي بخيرالله يسلمج منايل تهمس لمنال : شكل خالتج حطت العين عليها منال بهمس : شدعوه عندها احد ماعندها اللى سلوم عمر12سنه ومي ام مي التفت لمنايل ومنال : وانتوا يالحلوات شلونكم منال ومنايل يبتسمون : بخيرالله يسلمج ام مي : منول وين امج ماشفتها منال : مادري يمكن بالمطبخ ام مي : وانتي ياحسره ليش ماتهزين طولج وتصبين لضيوف شي منال : اومبيه خالتي استحي إيدي تقعد ترجف من الخوف ماعرف اصب ام مي : كل شي ماتعرفونه يابنات هالوقت انتي وميون ملوعين جبدي بالرباده لكن هين بعدين اتفرغ لكم منال تضيع السالفه : اللـــــه تصدقين خالتي حلوه دراعتج روحي لصاله داخل عشان يشوفونج الحريم ام مي وهي رايحه: يمـــــه منج ومن حركاتج بعيد عن اجواء الفرح كانت خايفه ومتسنده عالباب :اقولج افتحي الباب لاأكسره :ماراح افتح واذا مارحت بدق عالشرطه :يابنت الكلب افتحي ابيج تنزلين وياي تحت فوزيه : اذا مارحت بدق عالشرطه عناد : تبلغين عن ابوج ياكلبه فوزيه : الابوى اذا مايخاف الله ومافيه غاريه على بيته وأهل بيته مايستاهل يكون ابوى روح احسن لك ترى بدق عالشرطه عناد سكران طينه: هين يابنت الشوارع ان ماربيتج من جديد انا اعلمج شريهان : بصي يافوزيه انتي تعالي قربي وشوفي اد إيه حتغرأي بالفلوس واد إيه حتنبسطي فوزيه : شوفي ياواطيه اذا ماأخذتي ابوي ورحتي ببلغ عنكم وهذا أخر انذار لكم شريهان بخوف : خلاص خلاص براحتك راحوا تحت يكملون سهرتهم اول مره يتجرؤن ويوصلون لغرفتها ويطلبون هالطلب الواطي" لي غاب القطو العب يافار "استغلوا سفر فواز للبحرين وحبوا يقنعونها بالسهره ويحلون الحرام في عينها ويغرونها بالفلوس بس المؤمن الصالح مايلتفت لهالاغرأت الدنيويه مسكت موبايلها وضغطت الارقام بصعوبه فوزيه: ألـــــو خالي مصطفى الحق علي انا بموت من الخوف مصطفى: ايه مالك يابنتي فوزيه دموعها تغطي خدها: لازم تجي تأخذني الحين انا خايفه مصطفى: فوزيه اهدأي وأوليلي حصل أيه فوزيه : جاين يطقون الباب علي يبوني انزل اسهر وياهم غصب مصطفى بخوف : أيه مين دول وتسهري فين دالواتي فوزيه : ابوي وشريهان يبوني اسهر ويا خرابيطهم مصطفى : فين فواز فوزيه : سافر للبحرين واستغلوا الفرصه انا خايفه مصطفى : طب قهزي نفسك انا قيلك دالواتي بس ماتفتحيش الباب لي حد كان وخلي موبايلك معاكي فوزيه : ان شاءالله خالي بس بسرعه تعال مصطفى : حاضر ان شاءالله سعود معصب حده:ممكن افهم من كنتي تكلمين ساعه وانا انتظار رغد : سعود وت هبن ليش معصب مانتبهت انك انتظار سعود : ردي علي من كنتي تكلمين رغد بخوف وارتباك : هاه كنت اكلم وحده من صديقاتي سعود : منو صديقاتج خابر ماعندج صديقات رغد : شنو هو تحقيق قلتلك اكلم صديقتي سعود : شسمها صديقتج رغد ارتبكت : هاه اسمها روز سعود : عطيني اسمها الكامل رغد : إشتبي بأسمها الكامل سعود : ابي اتأكد من اخلاقها رغد بعصبيه : يوووه تراك مصختها مالك شغل فيني زين (صكت التلفون بوجهه) سعود عصب : هين انا اعلمج تصكين التلفون بوجهي طيب يارغد (يدق عليها وجهازها مغلق ) ادواج عندي بعدين ==== ===== ===== الكــــل كان مستانس ضحك وسوالف ومسابقات ورقص منال كانت ماخذه دور المذيعه: الحين دور مسابقة الايس كريم نبي ثنتين من الحريم الكبار وثنتين من البنات قامت منار وسحبت جدتها وقامت نرجس وسحبت ام محسن ام محسن : يالعنبوا بليسكم اركبي توجعني نرجس ولاهامها : ماعليه بيروح العوار الحين تعالي نلعب عشان نفوز وناخذ هديه ام محسن استسلمت لنرجس وراحت وياها اما منار وجدتها للحين طق مطاقق منار ماسكه جدتها: خلاص خلي الدلع وتعالي وياي الجده : ياقليلة الخاتمه انا بزر عندج منار: يمه شوفي ام محسن احسن منج تنشطت وقامت تبي تفوز بالهديه وانتي للحين الجده : ام محسن بتلعب منار : اي يمه خن فوز عليهم الجده تحمست وقامت منال : يلا فريق ام محسن وفريق ام نوره(الجده ) المسابقه نغمض عيونكم كلكم وام محسن وام نوره يوكلون البنات الايس كريم والفريق اللي يخلص اول هو الفايز يلا جاهزين الكل : جــــاهزين ربطوا عيونهم وبدت المسابقه وتعالوا شوفوا ام محسن حاطه حيلها توكل خشم نرجس وخدها اما الجده احسن من ام محسن كانت توكل منار زين بس لازم تلطيخ الخشم شي اساسي انتهت المسابقه وفازت الجده ومنار نرجس : شنو هذا لطختي ويهي عدل ولا لقمه صح ام محسن : شسوي لج كشتج قامت بالواجب منال : خلاص فاز فريق ام نوره ام محسن ونرجس : لاغش مايصير منال : شنو غش الكتاب مبين من عنوانه خلصوا قبلكم وطريقة اكلهم صح الجده تعبت من الوقفه: خلاص عطوني هديتي خلوني اقعد الكل ضحك عليها وهي متحمسه للهديه استمرت الحفله ضحك ووناسه والساعه 11شبوا الشمعات وقصه حور الكيكه والكل بارك لحور وعطاها هديه اما منايل بعد ماقدمت لحور الهديه ودعت صديقاتها وراحت لان طيارتها الساعه 6 الصبح للندن بعد ما خلصوا من جنيف رجعت تحضر عيد ميلاد حور واهلها راحوا لندن عند عمها الخال مصطفى خذا فوزيه اللي كانت خايفه حدها وقال بتقعدين عندي لما يرجع فواز من السفر دام فواز مو موجود ماراح يخلونها بحالها وخاف عليها منهم لايدهورونا في خرابيطهم دخلت منايل البيت ولقت سعود قاعد بالصاله ومعصب منايل : مساء الخير سعود :مساء النور منايل : سعود إشفيك عسى ماشر سعود طرت عليه فكره : منايل ممكن اطلب منج خدمه منايل باستغراب : تفضل امرني سعود : مايامر عليج ظالم ابيج ادقين الحين على بيت عمي وتطلبين رغد منايل : وليش انت ما تطلبها سعود : سوي اللي اقولج بدون اسأله منايل : اوكي دقت على بيت عمها بلندن وحطته سبيكر ردت روان بنت عمها الصغيره عمرها 11سنه منايل : مرحبا روان روان : اهلين منو منايل : انا منايل وين رغد ابي اكلمها روان : رغد بغرفتها تكلم سعود رغد استغربت: انتي متأكده شدراج انه سعود روان : توها مطلعتني من غرفتها قلت لها منو تكلمين قالت اكلم سعود رغد : روان انتي متأكده انه سعود روان : ايه حتى سمعتها تقول احبك ومشتاقه لك (سعود كأنه صابته صاعقه بس تمالك نفسه واشر لرغد تقول لروان تودي التلفون عند باب غرفتها عشان يتأكد) رغد : روان حبيبتي ودي التلفون عند باب غرفتها ابي اسمع صوتها بس لاتقولين لها شي روان : انزين ودت التلفون عند باب غرفتها وسمعوا رغد تتكلم بصوت عالي رغد : هههههه اكيد احبك خلاص وين اشوفك لاني مشتاقه لك حدي ابيك ادفيني بحبك (منايل وسعود انصدموا صدمة عمرهم " سعود اشرلمنايل انه خلاص تأكد وراح لغرفته) روان : هاه سمعتيها منايل استوعبت : اي حبيبتي خلاص لاتقولين لرغد اني دقيت انا بعدين اكلمها يلا مع السلامه روان : انزين مع السلامه منايل منصدمه من اللي سمعته عمرها ماتوقعت ان بنت عمها تكلم احد غير سعود حسبي الله عليها صدمت اخوي خن اروح اشوفه كان قاعد بغرفته ومعصب حده ايا حقيره انا تلعبين من وراي وموهمه اهلج انج تكلميني انا اعلمج دق على ابوه بلندن : مرحبا يالغالي ابوسعود : هلا سعود شخباركم وشخبار الشغل سعود : بخيرالله يسلمك ابشرك كل شي زين ابوسعود : الحمدالله لاتنسى وانا ابوك طيارة أختك بكره الساعه 6 الصبح سعود : ابشر ولايهمك لاتوصي حريص ابوسعود: بارك الله فيك ياولدي سعود : يبه بغيت اكلمك بموضوع ابوسعود: تفضل وانا ابوك سعود : يبه بصراحه وبدون مقدمات انا خلصت من رغد بنت عمي ماعاد ابيها ابوسعود انصدم : افــــا ليش شاللي صاير سعود ماحب يقول السبب الرئيسي : يبه رغد بنت متفتحه زياده عن الزوم ومتأثره بالمجتمع البريطاني وعمي مدلعها بزياده ابوسعود : ليش إشسوت سعود : ماتبي اتزوج الحين تقول توني صغيره عالزواج وماتفكر بالحمل واذا فكرت تقول بس ابي واحد وتبي تعيش بلندن بختصار ماتصلح تكون زوجه لي ابوسعود : ياولدي لاتسرع اصبر اكيد انها بتغير سعود : طول هالمده وانا صابر على امل انها اتغير بس كل مالها واردا ابوسعود : ياولدي هذي الاسباب تافهه ومع الزواج بتغير سعود تنرفز: زواج مستحيــــل اتزوج وحده مثل هذي بوسعود فهم ان السبب اكبر من اللي قاله : سعود تكلم بصراحه انت شايف عليها شي سعود عصب : قلتلكم ماتصلح لي وبس ولو مابقى غيرها من البنات ماخذيتها بوسعود حس بضيقة ولده: خلاص خير إن شاءالله انت هد الحين وانا بتصرف سعود ريحه كلام ابوه: خلاص تأمر على شي بوسعود : سلامتك يلا فمان الله سعود : فمان الكريم منايل كانت واقفه تنطره يخلص المكالمه : سعود سعود انتبه لها : هلا منايل من متى وانتي واقفه منايل : لاتهتم فيها هذي وحده ماتستاهل اتضايق عشانها ألف بنت اتمناك سعود : اللي قاهرني تلقينها دايم تكلمه وتقول لأهلها اني اكلم سعود منايل : ليش ماقلت لابوي عن اللي سمعته سعود : مابي اضيق خلقه بهالليل منايل : بس ابوي ماراح اطوف عليه السالفه بهالسهوله ابوي بيتصرف وبيعرف الحقيقه سعود : إشقصدج بيسألها منايل : لا مستحيل شنو قالوا للحرامي أحلف قال جاك الفرج لا ابوي فاهم الامور وبيعرف السالفه بنفسه سعود : اتوقعين إشبيسوي منايل : مادري بس أغلب الضن انه بيراقب تصرفاتها سعود حب يغير السالفه : استانستي بالحفله منايل ابتسمت : حيــــل استانست بصراحه رغم البساطه اللى اني عمري ماستانست بحفلة عيد ميلاد مثل الليله سعود ابتسم لاخته: يمكن عشانها حفلة حور منايل : لا مو عشان جذي بصراحه بساطة الناس ضحكهم سوالفهم مساعدتهم لبعض اهتمامهم بأن الكل يستانس سواء كان صغير او كبير عكس حفلاتنا اللي كل وحده شايفه نفسها وسوالفهم عن السفر والفلوس والماركات العالميه سعود : يلا روحي ريحي طيارتج الساعه 6 الصبح لازم نكون بالمطار قبل الساعه5 الصبح منايل : يووه نسيت السفر يلا تصبح على خير سعود : وانتي من اهله (في بيت مصطفى) مصطفى معصب حده : دول ناس مابيستحوش بتصدئي وانا قاي أخود فوزيه شوفت الصايعه شريهان بحضن واحد وعناد الكلب بيتفرق سكران طينه كونت ناوي ابلغ عنهم بس خفت الفضيحه ام عصام تهديه : سيبهم منهم لله دول ناس مابيخافوش ربهم المهم قبت فوزيه ياألبي عليها دي خايفه وبتعيط مصطفى : لساتها بتعيط ام عصام : لا دلواتي نامت وسبتها ترتاح مصطفى : حسبي الله وانعم الوكيل فيهم يوم جديد قعدت حور على صوت أذان الفجر توضت وصلت وقعدت تقرى قرآن شافت الساعه 5 إلا عشر دقت على منايل في سيارة سعود رايحيين للمطار دق موبايلها بجنطتها سعود : منو بيدق عليج هالحزه منايل ابتسمت : اكيد حور شافت الاسم "أغلى ناسي" منايل : اهلين ومرحبتين حور صوتها مبحوح تعبانه : صباح الخير منايل : ياصباح الورد اول مادق تلفوني قلت اكيد انتي حور : هاه رحتي المطار منايل : اي شوي ونوصل سلامات إشفي صوتج حور : البارح بعد مارجعت من الحفله خذيت شور ونمت بالمكيف يوم قعدت اللى بلاعيمي تعورني وخشمي مصكر منايل : سلامتج حبيبتي ماتشوفين شر حور :الله يسلمج حياتي منايل : بداومين اليوم حور : اكيد بداوم توني متوظفه منايل : حبيبتي اذا تعبانه مولازم هذا سعود يمي اذا تبيني استأذن لج منه حور على طول : لالا تقولين شي عادي نشله عاديه منايل : خلاص براحتج كنت بتوسطلج ترى واسطتي قويه حور : لايامعوده مولازم واسطات المهم اذا ركبتي الطياره دقي علي منايل : ان شاءالله حور : ولاتنسين دفي نفسج عدل هناك منايل تضحك : ههه ان شاءالله اي اوامر ثانيه حور : لابس اذا شريتيلج خط هناك دزيه لي أوكي منايل :اوكي من عيوني حور : يلا فمان الله منايل : فمان الكريم سلمي على منوله حور: الله يسلمج يوصل سعود : إشفيها تعبانه منايل : اي صوتها رايح فيها سعود :دقي عليها قوليلها اذا مافيها حيل اداوم لااداوم منايل : قلت لها بس مارضت سعود : براحتها وصلوا للمطار والساعه 6 طارت الطياره وسعود رجع للبيت يريح بعدين بيروح لشركه لان دوامه فالمستشفى اليوم عصر "اذا كان دوامه بالمستشفى عصر يروح لشركه الصبح واذا كان دوامه صبح يروح لشركه عصر " الشركه الساعه 9الصبح داوم قبل لايروح مكتب ابوه اللي هو مكتب المدير العام مر على قسم الملفات صار روتين يومي عنده يمر على هالقسم كانت تحط اوراق بملف وتكح بقوه وظهرها للباب ومنى عند بوعادل وقف عند الباب وشافها تكح وكحتها كل مالها تزيد كسرت خاطره سعود بسلوب رسمي : السلام عليكم لفت وردت بصوت مبحوح ويالله يطلع : وعليكم السلام سعود : كل عام وانتي بخير حور استغربت واستحت : شكرا سعود لاحظ خجلها وابتسم : سلامـــــات عسى ماشر تعبانه حور منزله عيونها : الله يسلمك نشله بسيطه سعود : دام تعبانه ليش مارتحتي بالبيت حور : لاعادي مايحتاج سعود : رحتي الطبيب حور إشفيه هذا اليوم : لامو لازم سعود رفع حاجبه وراح جهة التلفون اللي على مكتب منى: بومحمد اذا ماعليك امر واحد عصير ليمون بالنعناع ولايكون بارد جيبه قسم الملفات شكرا سعود لف وجهه صوبها : الحين بيجيب لج بومحمد (الفراش) العصير اشربيه وارتاحي خلي الشغل اليوم مو لازم حور حدها مستحيه : ماكان له داعي سعود مشى يطلع من المكتب: ماحب اعيد كلامي مرتين راح لمكتب المدير العام ووقع على بعض الاوراق طلع موبايله من مخباه واتصل على ام نوره جدت حور وسلم عليها وطلب منها شغله ووافقت السايق سليم : هلا سليم سليم : هلا بابا سعود سعود : سليم تعال سياره لشركه واذا انت يوصل شركه كلام انا عشان ينزل وجيب وياك سالي سليم : إن شاءالله بابا الحين يجي وصل العصير وشربت منه شوي منى : ياحبيبتي اشربيه كولو حور بتعب : بس مابي احس اني برجع منى : عاوزه اوديك الطبيب حور : كح كح كح لامشكوره اذا رجعت البيت بروح منى تلمس جبينها : دنتي سخنه أوي أومي معاي لطبيب حور : لا ماله داعي شوي وتخف الحراره توني كليت بندول منى : عوزه اقيب لك حقه تكليها حور : لا واللي يسلمج مابي شي دخل عليهم سعود : مرحبا حور ومني :هلا سعود : ليش ماشربتي العصير حور : بس مابي سعود : ليش إن شاءالله حور سكتت ماردت منى : دي سخنه اوي وبأولها أقيب لك حاقه تكليها ورافضه سعود : يلا حور قومي حور بستغراب : وين سعود : السايق ينطرج تحت عشان ترجعين للبيت حور فتحت عيونها : لا مابي سعود بجديه : ليش إن شاءالله انتي تعبانه وقومي ردي للبيت حور : خلاص منى توصلني سعود : لا منى عندها شغل يلا خلصيني حور : خلاص بدق على منال سعود قعد على طاولة المكتب وربع إيدينه : يلا دقي (منايل قايله له ان منال تحب النوم وماتقوم الصبح وكان واثق انها ماراح ترد) دقت حور على منال طلع جهازها مغلق : مغلق سعود : خلاص يلا أمشي حور ادور اعذار : أمي ماترضى اركب ويا السايق بروحي سعود يبتسم : ادري ماترضى وعشان جذي خليت ياخذ الخدامه وياه حور ماتبي تروح : خلاص اشوف جدتي توافق او لا سعود : توني داق عليها اخذ اذنها ووافقت واذا تبين اتأكدين اكثر دقي عليها حور اوف منه مضبط كل شي دقت على جدتها : هلا يمه الجده: هلا حور سلامتج يمه حور : الله يسلمج يمه الاستاذ سعود طلب من السايق يردني للبيت الجده : اي يمه دق علي وقال لي وبعدين سعود من أهلنا عادي موغريب حور ارتفع ضغطها : خلاص مع السلامه طالعت سعود وهو رفع حاجبه وابتسم لها : يـــــلا مشينا خذت جنطتها ومشت وياه وقفوا عند الاسنصير سعود : لازم كل هالحوسه عشان توافقين حور طالعته وصدت ماردت عليه بروحها مرتبكه ومستحيه وخايفه انفتح الاسنصير سعود: تفضلي دخلت حور الاسنصير بدون ولاكلمه سعود : من متى وانتي تعبانه حور منزله راسها : قعدت الصبح وانا تعبانه انفتح الاسنصير وطلعوا سعود : مره ثانيه اذا كنتي تعبانه دقي علي واستأذني مو لازم اداومين حور هذا اللي ناقص ادق عليك انا بروحي مستحيه وهذا بعد يبيني ادق عليه : إن شاءالله وصلوا السياره سعود : سليم ودي أول طبيب بعدين بيت وانا يمشي وراك حور التفت لسعود معصبه: لاشنو طبيب مابي اروح الطبيب سعود : وبعدين وياج قلت تروحين يعني تروحين خلاص لاتسوينها سالفه حور كل ماعلا صوتها زادت البحه: خلاص كيفي انا اللي تعبانه وإلا انت مابي اروح سعود : لاحول انتي ماتشوفين صوتج شلون رايح وحرارتج مرتفعه وبعدين أمج اللي قالت اوديج الطبيب حور : مابي خلاص مابي اروح وياك (مشت تبي ترد لشركه ومسك إيدها بعصبيه) سعود معصب : قاعدين نلعب أمشي اركبي وبلا دلع كان شاد على إيدها وعورها: هد إيدي سعود : أول اركبي وبعدين اهدها حور حدها تعبانه : هدني عورتني سعود شاف التعب بعيونها وهدها: أسف ماكان قصدي بس انتي تنرفزيني حور : خلاص مو غصب اروح سعود : ترى والله إن ماركبتي لشيلج واركبج بسيارتي ووديج غصب حور فتحت عيونها وعصبة : أوووف منك (وركبت سيارة السايق) سعود ابتسم وقال ياحلوها اذا عصبت راح يركب سيارته عشان يلحقهم |
الجـــــــــزء التاسع
وصلوا المستوصف وقف سيارته بالمصافط ونزل وحور نزلت وخذت وياها الخدامه جا صوبهم سعود سعود : يلا ادخلوا وانا شوي وجايكم حور : شنو تجينا بتدخل ويانا المستوصف سعود : لابدخل وياكم الجمعيه اي بدخل وياكم المستوصف عندج مانع حور : خلاص مولازم تدخل سعود : وبعدين وياج بعد بنتهاوش فالمستوصف حور : أوف خلاص مالي شغل فيك بس لاتفكر تدخل وياي عند الطبيب ترى والله مادخل اذا دخلت وسواللي تسويه ماعلي منك سعود ابتسم : خلاص هدي الطبيب ماراح ادخل معاج يلا روحي دخلت حور والخدامه المستوصف وسعود راح لسليم سعود :سليم خلاص ارجع بيت انا يودي سليم : إن شاءالله بابا دخل سعود المستوصف وشاف حور طالعه من الطبيب وراح صوبها سعود : هاه شقال حور : احتقان سعود : والحراره حور : قال39 سعود : كتب لج ابره حور : ايه بروح لغرفة الضماد الحين سعود : عطيني الوصفه وانتي روحي لغرفة الضماد وإذا خلصتي تعاليلي انا عند الصيدليه حور : ان شاءالله سعود ابتسم : أول مره توافقين بدون هواش عساه دوم مو يوم حور رفعت حاجبها: اذا وافقنا موعاجبك واذا ماوافقنا هم بعد موعاجبك سعود : لاانتي تعجبيني بكل حالاتج (وراح وخلاها) حور انصدمت : إشفيه هذا قام يقط خيط وخيط إشقصده نادتها الممرضه ودخلت وبعد ماغزوها ابره راحت ويا الخدامه لسعود اللي كان واقف ينطرهم عند باب المستوصف سعود : خلصتي حور : ايه خلصت وين الدوا سعود عطاها الدوا : يلا مشينا مشى سعود ومشت وراه حور وكانت منزله راسها تقرى الدوا سعود لف صوبها وابتسم وبدا يبطي سرعته عشان تكون قريبه منه شاف الفرق بين طوله وطولها وابتسم حور : وين السياره ماشوفها سعود : الحقيني وبتشوفينها حور لحقته ووقفوا عند سياره سعود :يلا اركبي وإلا تبيني افتح لج الباب حور : وين اركب بسيارتك وين سليم سعود : ليش موعاجبتج سيارتي حور تنرفزت: سعود وين سليم سعود : بدت موجة الهواش تونا قلنا ياهادي حور : تراني تعبانه ومالي خلق استهبالك وين سليم سعود ببرود : تعبانه سلامتج من التعب وسليم خربت السياره وخليته يرجعها للبيت حور :أوف والحين شلون سعود : لازم تتكرمين وتركبين سيارتي المتواضعه حور انقهرت من بروده: انت ليش جذي مره ثانيه ماراح اصدقك حتي لوتقول لي أمي العودا اروح وياك زيـــــن سعود يموت على تعصيبتها : حاضر يافندم يلا تفضلي حور طالعته وصدت مقهوره منه ركبت وركبت الخدامه جمبها ركب ووجه المرايه عليها وطلع نظارته الشمسيه ولبسها عشان يطالع براحته سعود : لازم تاكلين قبل الدوا لاتاكلين على معده خاليه حور ماردت عليه سعود يرفع صوته متقصد: يقول الدكتور لاتاكلين الدوا على معده خاليه حور ماردت عليه قعدت تكح سعود : سلامة روحج من الكحه هذا من العصبيه الزايده حور : ممكن ماتكلمني سعود يستهبل: انا أول مره اشوف موظفه تقول لمديره لاتكلمني ماتخافين اخصم من معاشج حور ماردت سعود بجديه : حور ممكن سؤال حور اوف فاضي : خير سعود : انتي ليش ماوافقتي ان ابوي يدفع ديون ابوج حور : محد مكلوف يدفع ديون ابوي غيري سعود : طيب بس ابوي قاطعته حور: استاذ سعود ممكن تصكر الموضوع سعود احترم رغبتها وسكت وصلها للبيت سعود : لااداومين هالاسبوع كله انا مرخص لج حور : ليش انا توني موظفه جديده مايصير سعود : بس انا المدير وموافق ومابي كلام زايد حور : شكرا سعود ابتسم : عفوا بس على شنو شكرا حور : كل شي سعود : ماسويت شي يستحق الشكر اللي سويته واجب ولاشكر على واجب حور : انت ماقصرت بس ممكن اسألك سؤال سعود : تفضلي حور : انت شد وإلا اقول خلاص خلاص مع السلامه (نزلت لبيتهم وخلته مستغرب ليش ماكملت سؤالها) كانت تبي تسأله انت شدراك ان عمي السبب بموت ابوي بس هونت تبي تسأل بألاول فواز لنـــــدن مدينه الضبـــــاب نزلت من شقتهم وهي تتكلم بالموبايل: يلا عشر دقايق واوصل اوكي حبيبي بـــــاي كانت متجهه للهايدبارك لحقها بوسعود يتابعها من بعيد عشان ماتنتبه له فيه شاب ناطرها وأول ماشافها جايه صوبه ابتسم رغد : مرحبا حبيبي حسن : هلا الحب فديتج(مسك إيدها) رغد : اليوم برد صح حسن فصخ جاكيته ولبسها: افا حبيبتي بردانه وانا موجود رغد : فديتك حبيبي وجودك يدفيني طلع بوسعود موبايله ودق على اخوه بورغد وقاله تعال للهايدبارك (بورغد انسان شايف نفسه على الناس ومتكبر ومتفتح زياده عن الزوم ومعطي رغد حريه زياده عن الزوم ولو قاله بوسعود عن حركات بنته ماراح يصدق فحب يناديه عشان يشوف بعينه) وصل بورغد لبوسعود اللي كان قاعد يطالع الناس ابورغد : السلام عليكم ابوسعود : وعليكم السلام قلت ادق عليك نتمشى ونسولف من زمان ماقعدنا ويا بعض ابورغد : إي والله من زمان ماقعدنا ويا بعض (بوسعود كان متقصد مايقول شي عن رغد قاموا يتمشون وبوسعود يقرب من المكان اللي واقفه فيه رغد ويا الشاب ويسولفون عن ذكرياتهم ) رغد تضحك بصوت عالي: هههههههه فديتك حبيبي بس عاد بورغد لف الضحكه هذي موغريبه عليه وانصدم من اللي شافه بنته ماسكه إيد شاب غريب ولابسه جاكيته وتسولف وتضحك وياه بمياعه ركض صوبها: رغـــــــــــــــد رغد بخوف وصدمه هدت إيد حسن : يبــــــــــه عطاها كف خلاها اطيح من طولها : ياكلبـــــه مسكها من كتفها ووقفها مره ثانيه وعطاها كف أقوى من اللي قبله رغد خشمها بدا ينزف تكلمت بخوف : يبه بفهمك كل شي حسن يحبني ويبي يتزوجني حسن انصدم وخاف من الطق اللي جا رغد : هاه لا أي زواج انا اشوفج زميله وبس مالي شغل فيج (راح وخلاها) بوسعود مسك بورغد : تفاهموا فالبيت لاتفضحونا قدام الناس بورغد سحب بنته بإيدها للبيت وأول مادخلها بدا تكفيخ وطق سنه بساعه: ياكلبه نزلتي راسي هذا جزاي عطيتج حريه ماتحلم فيها أي بنت بعمرج(وطراق ورى طراق ورفس ) بوسعود يحاول يمسكه يهديه بس بورغد كأنه ثور هايج ام رغد تحاول تحمي بنتها : إشصاير يابورغد تعوذ من بليس بتذبح بنتك بورغد : لاتقولين بنتي ياكلبه صار شي بينج وبينه تكلمي رغد تبكي وحالتها حاله: لاوالله ماصار شي بوسعود مسكه وسحبه للمكتب يهديه وأم رغد خذت بنتها للغرفه وعرفت السالفه كلها" فواز معصب حده : ليش مادقيت علي وقلت لي وربي لاعفسها عليها لكـــــلاب محذرهم مايقربون من فوزيه مصطفى يحاول يهديه: إهدا ياأبني فواز : انا أعلمهم طلع من شقه خاله مصطفى متجه لبيتهم دخل البيت ولقى شريهان قدامه عطاها كـــــف طيحها من طولها عناد وسكينه وحسينه انصدمـــــوا فواز في حالة هستيريه من العصبيه : ياكـــــلبه شلون اتجرئين وتطلبين من فوزيه هالطلب الحقير شريها خافت وماردت فواز يرعبهم بعصبيته فواز : يالخـــــمه انا محذركم ماتقربون من فوزيه صح محد رد فواز بعصبيه: ردوا لا أوديكم في ستين داهيه كلكم صغيركم وكبيركم كلهم خافوا : صـــــح فواز : أهـــــا طيب ياعناد ياوالدي العزيز دام صح ليش تروحون لها عنا د قام يتلعثم : ماكنت في وعيي سامحنا مانعيدها شريهان : بص واللـــــه فواز قاطعها : لاتحلفين يازبـــــاله ولا اسمع صوتج حسينه خافت حدها: اسكوتي يابت ماتتكلميش فواز : شوفوا المره هذي بطوفها بس عشان فوزيه بس واللي رفع سبع وبسط سبع اذا فكرتوا تعيدونها ويا فوزيه ماراح يحصل لكم خيـــــر فاهمين الكل: فاهمـــــين فواز :وبعدين حدكم السرداب لو شميت خبر ان واحد منكم وإلا من خمتكم متعدي السرداب مايحتاج اقولكم إشبسوي مفهـــــوم الكل : مفهــــــــــوم رجع لبيت خاله مصطفى فواز : خالي ممكن تناديلي فوزيه مصطفى : زعلانه مش عاوزه تشوفك فواز ابتسم : طيب ممكن ادخل لها مصطفى : تفضل ياأبني البيب بيتك خود راحتك كانت قاعده بالغرفه ضايق خلقها تعبت من هالحال" فتح الباب بدون مايطقه ومانتبهت له وقف عند الباب يطالعها ويبتسم فواز : مااشتقتي لفواز لفت وطالعته وصدت زعلانه عليه ليش راح وخلاها فواز : زعـــــلانه انا أسف فوزيه بكت: اي زعلانه ومابي اكلمك رحت وخليتني بين اللي مايخافون ربهم ماخفت علي منهم فواز فتح إيدينه: تعـــــالي مشتـــــاق لج فوزيه ركضت لحضنه وبدت موجة الصياح والعتب : انت وعدتني محد يأذيني ولايقرب صوبي منهم فواز رفع وجها وباس جبينها وعيونها : تدري ان دموعج غاليه على فواز أمسحيها واللي خلقني وسواج لوفكروا يعيدونها لذبحهم فوزيه مسحت دموعها : لامابيك تضيع نفسك عشانهم وجودك بهالدنيا هو الامان بكبره لي فواز : ووجودج بهالدنيا هو الحياه لي عسى الله لايخليني منج فوزيه ابتسمت: ولا يخليني منك ولا من طيبت قلبك فواز : يلا جيبي اغراضج وأمشي نرجع للبيت فوزيه : فواز الله يخليك ابي اقعد إهني عند خالي وارتاح من ازعاجهم خلني العطله كلها إهني واذا بدت الدوامات برجع فواز : خلاص دام هالشي يريحج ابشري صار في غرفة حور منال : انتي صاحيه شلون تشوفينه حور : بنطره عند بيتهم وبكلمه انا لازم اعرف الحقيقه منال : انتي اتدلين بيتهم للحين تذكرينه حور : لا مااذكره بس لقيت في اوراق ابوي القديمه صورة لبطاقة عمي المدنيه ومكتوب فيها عنوان بيتهم منال : الله يستر من هالمغامره ياحور حور : منال تكفين انا لازم اعرف كل شي أحس بنار تشتعل داخلي منال : خلاص بنتوكل على الله وبنروح بس ترى انا مادل الجهرا ماعمري طبيتها حور : من سأل ماضاع نسأل وبندل منال : لاشرايج ناخذ تكسي يدلينا العنوان واحنا نمشي وراه بالسياره حور : ايه جذي أحسن خلاص بكره موعدنا منال : بنروح العصر لان يمكن الصبح مانلقاه حور : خلاص بنكون هناك الساعه3 أحسن عشان اذا طلع نشوفه منال : خلاص شورج وهداية الله بس الله يستر لانبتلش بعمج حور : منول إذا خايفه خلاص اروح بروحي منال : لاوالله وتظنين بوافق انا مستحيل اخليج تروحين بروحج انا مستعده اروح وياج حتى للموت حور ابتسمت : الله لايخليني منج منال : ولا يخليني منج يلا بخليج الحين ولاتنسين تاكلين دواج حور : إن شاءالله منال : يلا تصبحين على خير حور : تلاقين الخير صبـــــاح يوم الخميس قعدت الساعه 9 الصبح ونزلت لجدتها لقتها مزهبه الريوق وقاعده تسمع الرادو حور باست راسها : صباح الخير يمه الجده : صباح الرضا يامرحبا تعالي عندي تريقي حور قعدت: بس ابي حليب مو مشتهيه أكل الجده : لازم تاكلين عشان الدوا يمه حور : خلاص بس ابي صمونه الجده : احط فيها جبن حور : لايمه باكلها فاضيه الجده:اشربي أحليبه(دلع حليب) حاطه عليه زنجبيل حور : فديتج الله لايحرمني منج الجده : متى بداومين يمه حور : ان شاءالله السبت الجده : يمه انا قلت لخالتج سعاد تعلمج السواقه فالبر عشان تطلعين ليسن ونشتري سياره تنفعنا واداومين عليها بدال التكاسي وام حسام اللي كلونا حور : خلاص إن شاءالله بس شوي انطري علي اجمع ألف دينار عشان ندفع مقدم والباقي اقساط الجده : لايمه الحمدالله الطلبات عالبخور وخلطات العطور ماتوقف ولله الحمد وانا صار لي مده اجمع والحين عندي 1500دينار ندفعها مقدم والباقي اقساط على معاشج حور : ابشري بتعلم السواقه وبشتري السياره أول ماينزل معاشي عشان ازيده عاللي عندج عشان توصل 2000دينار الجده : بارك الله فيج يمه حور : اقول يمه الجده : لبيه يمه حور : لبيتي في منى حاجه اليوم بروح انا ومنال نزور وحده من صديقاتنا ايام المدرسه فالمستشفى الجده : ليش يمه إشفيها حور : لابس عملية لوز الجده : خلاص يمه روحي بس متى بتروحون حور : بتمرني الساعه 2الظهر على مانشتري جاكليت وهالسوالف تكون صارت الساعه ثلاث ثلاث ونص بروح لها الجده : خلاص ماتشوفون شر الله يحفظكم يلا خلصي ريوقج واشربي دواج حور اشوى وافقت بهالسهوله: إن شاءالله يمه الحين بشربه على الغدا قالت منال لامها انها بتطلع ويا حور بعد شوي عشان يزورون صديقتهم ام منال : وإشهالزياره اللي الظهر منال : لايمه على مانروح نشتري ورد وجاكليت وهالسوالف وبعدين مسافة الطريج والزحمه بنكون هناك الساعه اربع ام منال : بأي مستشفى منال ياليل تحقيق : بمستشفى مبارك الكبير ام منال : ومتى بتردون منال : يعني اذا سمحتي لنا ودنا بعد مانخلص زياره نشرب لنا شي وأوعدج قبل اذان المغرب بنكون موجودين ام منال: خلاص بس لاتأخرون منال استانست : إن شاءالله ولا يهمج خلصت غداها وطارت تغسل وتبدل ملابسها لاتأخر على حور منال تكلم حور : يلا دقايق واكون عندج حور : ليش تأخرتي الساعه الحين ثلاث إلا ثلث منال : شسوي على ماتغديت واقنعت امي حور : يلا بسرعه انا انطرج منال : يلا يايه مرت منال حور وراحوا منال : هاه الحين شلون ناخذ تكسي حور : لاخلينا نطلع عالخط السريع بنلقى تكاسي الجوال تارسه الديره بنخليها توصلنا يكون احسن والسعر ارخص منال : خلاص توكلنا على الله لقوا تكسي الجوال وعطوه العنوان ودلاهم دخلوا الجهرا وقلوبهم طبول أما حور بدت اتذكر شوارع الجهرا اووه تغيرت من عشر سنين مادخلت الجهرا وصلوا لشارع اللي فيه بيت عمها عطوا التكسي حسابه وتموا واقفين ينطرون فواز يطلع سمعوا أذان العصر منال : أذن خلينا ننزل نصلي بهالمسجد وعقب نكمل مراقبه حور : يلا توكلنا على الله خلوا سيارتهم واقفه بمكانها ونزلوا يمشون المسجد قريب خطوتين دخلوا مصلى النساء وصلوا وعقب رجعوا يراقبون ملوا من طول الانتظار منال : صارت الساعه اربع وربع ومحد طلع حور : مايخالف ننطر بعد منال : انا خايفه عليج من هالمغامره حور : مافيه شي يخوف إن شاءالله مافيه إلا العافيه منال : شوفي شوفي انفتح الباب (طلع من بيت عمها شاب اسمر طوله متوسط ) حور عرفته: هذا فواز منال : الله ياحلوه يهبل (فواز من نوعية الناس اللي اشكالهم مبهذله وحوسه بس رغم هذا فيهم جاذبيه ) حور التفتت لها : ترى مووقته منال : ادري بس مادري شكله يجذب يلا بتنزلين حور خافت : يمه إشفيني خفت منال : إذا خايفه خلينا نرجع حور تشجعت : لاماصدقت القاه عشان نرجع يلا انا بنزل ادعي لي منال : الله معاج (نزلت حور وقلبها طبول اتجهت لفواز اللي كان واقف ويحوس بالكشن الخلفي سمع خطوات جايه صوبه رفع راسه شاف بنت جايه صوبه وقف مستغرب) حور مرتبكه : السلام عليكم فواز : وعليكم السلام خير اختي حور بخوف وربكه : انت فواز فواز استغرب : أي انا فواز حور : انت فواز ولد عناد فواز : أي نعم انا فواز ولد عناد خير أختي بغيتي شي حور توترت : أنا أنا أأأ فواز : عسى ماشر اختي حور : انا حور فواز : حور أي حور حور : انا حور بنت عمك حمد فواز ابتسم واستانس ماتوقع بعد هالسنين يشوف حور : ياهلا ومرحبا شخبارج وشخبار منار وخالد عساكم بخير حور ارتاحت شوي : كلنا بخير انت شخبارك وشخبار فوزيه فواز : كلنا بخير حور بجديه : فواز ممكن اكلمك بموضوع فواز : تفضلي عسى ماشر تكلمي حور : لا مو إهني ياليت نتقابل بالكوفي شوب القريب منكم فواز : خلاص صار روحي وانا شوي وجاي حور : يلا عن أذنك فواز : أذنج معاج (ركبت حور السياره وفواز تم يطالعها وفي راسه يدور الف سؤال شالسبب اللي خلا حور اتذكرنا بعد كل هالسنين ) منال : هـــــاه إشصار حور : بنتقابل بالكوفي شوب اللي إهني منال : ياحلـــــوه يوم ابتسم انا تحطمت حور بجديه: منال لاتعلقين بسراب فواز مو راعي زواج ولا مسؤوليه فواز يالله شايل نفسه منال : انا موقصدي حب بس اعجبني شكله حور : بس عيونج تقول غير هالكلام اتمنى يكون كلامج صج ويخيب ظني منال ماردت واتجهت للكوفي شوب حور : يلا انا بنزل إن شاءالله ماطول منال : للحين ماوصل حور : ادري بس بنطره داخل منال : خلاص اوكي نزلت وقعدت تنطره في نفس الوقت كانت فيه عيوان متابعتها من اول مادخلت الكوفي مستغربه وجودها وقف سيارته ونزل دخل وتمت عيونها ادورها شافها سرحانه وابتسم وراح لها وقف عند طاولتها ومانتبهت لوجوده طق الطاوله باصابعه عشان تنتبه له حور لفت : هلا فواز تفضل فواز : زاد فضلج حور : شتحب تشرب فواز ابتسم : انا اللي مفروض اقولج شتحبين تشربين انتي ضيفه عندنا بالجهرا حور : لاعادي فواز : لاوالله ماتقولين شي شتحبين تشربين حور : ملزم فواز : اكيد حور : موكا بارد فواز اشر للوتر : واحد موكا بارد وواحد كابتشينو حور : انا بدخل بالموضوع على طول مابي اعطلك فواز بستغراب : أخذي راحتج حور نزلت راسها : انا ابيك اتجاوبني بكل صراحه وبدون لف ولادوران عمي اللي هو ابوك السبب بموت اهلي صح فواز تنح وانصدم شلون اعرفت: انتي من قالج حور : يعني الكلام صحيح فواز : حور هذي سالفه دارت عليها عشر سنين شاللي ذكرج فيها حور : لاتجاوب سؤالي بسؤال انا ماتعنين لك إلا عشان اعرف الحقيقه فواز : حتي لو كانت الحقيقه مره حور : ماراح تكون أمر من فراق امي وابوي فواز : ايه هالكلام صحيح حور : وشلون انا اللي اعرفه انهم ماتوا بحادث سياره فواز : حور خلي الحقيقه تندفن ليش تنبشين في أمور بتتعبج حقيقته حور : بس بعض الامور اذا ماعرفنا حقيقتها يشتعل فالروح جمره فواز :طيب بقولج وامري لله ابوي وصى اثنين من ربعه عندهم شاحنات يدعمهم قاموا راعين الشاحنات حدوهم من الجهتين لين فقد عمي السيطره على السياره وانقلب فيهم حور تخيلت شكل أهلها شلون انقلبوا حست بالعبره تغصها بس مابينت شي : طيب وشالسبب اللي يخليه يذبح أخوه عشانه فواز مستحيل يقولها : ماعرف شي عن السبب حور : أمبلي انت تعرف كل شي انا سمعتك أيام العزا تقول لابوك ليش يتمتهم وهم صغار فواز : حور انا قلت الكلام اللي عندي ماعندي شي ازيده حور تنرفزت: بس انا ابي اعرف السبب فواز : لاادورين السبب عندي ماراح تحصلين اجابه حور : بس انا متأكده انك تعرف السبب فواز : اي اعرفه بس ماعندي استعداد اقوله حور وقفت معصبه: بس مصيري اعرف هالسبب(ومشت) فواز تنرفز :حور لحضه (ماردت عليه وكملت دربها) سعود صدفه كان موجود بالكوفي واستغرب وجودها أول مادخلت ولما شاف فواز دخل وقعد وياها مات من القهـــــر ماشاءالله مواعيد غراميه وانا معطيها اجازه ظنيتها جد تعبانه شكلها بس تمثل هين ياحور إن ماطلعت أسبوع الاجازه من عينج ماكون سعود ركبت السياره وهي بتنفجر من القهر منال : هاه شصار حور معصبه ومقهوره : تخيلي حقارت عناد لوين وصلت هو السبب بموتهم داز اثنين من ربعه عندهم شاحنات حدوا ابوي من الجهتين لين فقد السيطره عالسياره وانقلبت فيهم منال تخيلت المنظر : حسبي الله عليهم وليش شالسبب حور مقهوره : ولد ابوه ماقال السبب طبعا ماراح يقول شي عن ابوه خايف عليه حسبي الله عليهم منال : خلاص حور هدي مصيرج تعرفين السبب حور : منال انا مقهوره ليش ابوي إشسوى له عشان يذبحه الله لايوفقه دنيا واخره منال : خلاص نرجع للبيت حور : أي خلينا نرجع رجعت للبيت ضايق خلقها والدنيا ضايقه فيها راحت لغرفتها خذت لها شور ولبست برمودا زيتي وبلوزه جبنيز برتقاليه أوووف كله منك ياسعود انت اللي نبشت جروح مدفونه ياليتك ماقلت لي شي وخليتني على عماي كنت مرتاح من التفكير ومن الهم مادري إشسالفتك ياهالانسان تستمتع بتعذيبي أوف الله يعيني بداوم يوم السبت وبينشب لي بكل شي متى يرجع بوسعود ويداوم بالشركه ونفتك من سعود وأوامره واستهزائه اليـــــوم الجمعـــــه بعد صـــــلاة الجمعه فواز راح لبيت خاله مصطفي يشوف اخته ويتطمن عليها وفي نفس الوقت خاله عازمه يتغدا عندهم كان قاعد ويسولف ويا فوزيه فواز : تتوقعين أمس من شفت فوزيه : منو فواز : أممم ناس تحبينهم ومشتاقه لهم فوزيه : يوووه يلا قول فواز : شفت حور بنت عمي فوزيه شهقت بشوق: تكفى انت من صجك وشلون ووين ليش ماقلتلي وربـــــي مشتاقه لها شوق ماينوصف فواز : لهدرجه تحبينها فوزيه : واكثـــــر تكفى ابي اشوفها فواز تنهد بحزن : لا خليها بعيده عنا وعن ابوي وشره خليها يكفيهم اللي سواه ابوي فيهم فوزيه : فواز وين شفتها (فواز قال السالفه كلها لفوزيه ) فوزيه : شاللي ذكرها بسالفه اندفنت من سنين فواز : مصير عيال عمي يعرفون الحقيقه طال الزمن وإلا قصر فوزيه تنهدت : خلهم يعرفونها من غيرنا حنا مالنا وجه نقولهم شي يكفي سواد الوجه إللي سواه ابوي فواز : حسبي الله ونعم الوكيل قعدت من النوم وتمت ساعه عالسرير اتمطط مالها خلق إللي يشوفها يقول بتروح السجن مورايحه لدوام اوف مالي خلق شافت الساعه أوه صارت 7 لاحول الحين بتأخر ألبست بسرعه ودقت على أم حسام جاتها أم حسام الساعه7ونص زحمة السير أخرتها زياده أوصلت الشركه الساعه 8الصبح شافته يصفط سيارته وبسرعه راحت طيران لمكتبها ياليل الله يعيني على تهزيئه حور : صباح الخير منى : صباح النور مالك تأخرتي حور : أوف الله يعيني عالتهزيئ شافني وانا نازله منى : عادي تأخير نصف ساعه مش محتاق تهزيئ أو حاقه حور : مو هو مايصدق خبر يحصل شي يهزأني عليه دخل سعود عليهم وحور منزله عينها مارفعتها سعود : السلام عليكم حور ومنى : وعليكم السلام دخل بوعادل : صباح الخير طال عمرك سعود عينه على حور : هلا صباح النور سعود : ممكن اعرف سبب التأخير انسه حور وإلا فاكره نفسج مديرة الشركه حور : أسفه زحمة السير سعود بعصبيه:أسفج هذا وين اصرفه حور بهدوء: تقدر تخصم من راتبي سعود بدت موجة الإهانات: مو انتي اللي تقررين أخصم أو ماخصم انتي حيالله موظفه بقسم الملفات وإلا عشان عطيتج اجازه اسبوع بفضل تمثيلج بالمرض ضنيتي انج خلاص صرتي اداومين على كيفج فالحة لي بالمواعيد الغراميه مع ولد عمج الصايع الضايع على قولة المثل ألتم الخايب على ردي الحظ حور انحرجت وانقهرت : ممكن ماتغلط وتحترم نفسك سعود : ضحكتيني أكيد ماترضين على حبيب القلب انتي احمدي ربج ان ابوي ضفج وشغلج وإلا انتي وأهلج موكفو للاحترام الاخو ذابح أخوه والبنت هايته مسويه حب وغرام مع ولد العم ماوراها والي والله اعلم شالبلاوي إللي مسويتها بعد حور وصلت حدها: انت مالك شغل فيني احترم نفسك انا وأهلي اشرف منك لاتظن اني مشتغله عندك انا مشتغله عند ابوك وإلاحسبالك اني عبده عندك ابوعادل : تعوذوا من بليس ياجماعه السالفه ماتستاهل سعود عصب زياده : بوعادل لوسمحت لاتدخل وانتي يالطراره بنت فقر كل يوم تنطر احد يعطف عليها ويوصلها لبيتها انا أعلمج الادب حور : اذا جيت وطريت منك تكلم ومالك شغل طلبت من فلانه وإلا علانه توصلني كيفي انا حره والادب متعلمته من قبل اشوفك بس انت وأشكالك لازم يكون الواحد بمستوى وقاحتكم لان الاحترام ماينفع معاكم سعود : وانا ولد ابوي وصلت فيج المواصيل اطولين السانج طيب والله لدفعج ثمن طولت السان هذي سعود ألتفت لابوعادل : الملفات كلها تخلص اليوم وهذي إللي بتخلصها بدون مساعدة احد مفهوم (طلع وخلاهم) حور ماتت من القهر يعني أهلها شكوا كل ساعه جايب سيرتهم وبعدين مايصدق خبر عشان يغلط عليها وعلى أهلها بوعادل كسرت خاطره حور ماتستاهل : يابنتي ماعليج منه ومن كلامه اصبري لاتقطعين رزقج حور : الله كريم ممكن الملفات عشان اخلصها وافتك من شره بوعادل : إن شاءالله راح بوعادل يجيب الملفات مايبي يرجع سعود يهاوشها مره ثانيه منى : مايهمكش كلامه انتي بنت محترمه وبتخاف ربها مايهمكش ربنا حياخد حأك منه حور ماتبي تزيد بالكلام لان العبره قريبه منها واكتفت بهز راسها خلص الدوام وهي للحين ماخلصت الملفات باقي ثلاث ملفات ومنى قاعده وياها تنطرها عشان توصلها دخل رافع خشمه : منى اظن الدوام خلص تقدرين تمشين منى : حنتصر حور (بنتظر حور) سعود : انا قلت خلص الدوام اظن فهمتي حور بدون ماطالعه: منى خلاص حبيبتي انطريني بالسياره عشر دقايق واخلص منى قامت : طب انا حنتصرك بالعربيه عن ازنكم طلعت منى وسعود قعد عالكرسي يطالعها بستهزاء سعود : شفتي مافادتج طولت السان بشي حور ماردت عليه تبي تخلص بسرعه وتفتك من شره سعود : خلاص خلي إللي بيدج تقدرين تمشين حور تغلي غلي من داخل احقرته وكملت أخر ملف سعود وقف : طيب براحتج ماهميتيني (مشى وخلاها) خلصت شغلها ونزلت لمصافط السيارات شافته واقف بسيارته قريب من سيارة منى راحت له سعود شافها متجهه صوبه ونزل من السياره حور معصبه : اسمع ياأبن الناس أول شي انا متربيه احسن تربيه وقبل لاأخاف من الناس أخاف من ربي إللي فوقي ويشوفني والردا مايطلع مني وانا بنت حمد ثاني شي مالك حق اتجيب سيرت هلي لافي زينه ولاشينه اظن أهلي مو من اختصاصات الشركه وثالث شي صح حنا على قد حالنا بس عندنا كرامه ماتوصلها لا أنت ولاعشره من أشكالك (دمعتها نزلت ومشت وخلته ماتبيه يشوف دمعة انكسارها) سعود لحقها: حور حور لحظه خلينا نتفاهم طيب اسمعيني (كملت دربها ومالتفتت له أركبت سيارة منى وحركوا بسرعه قبل يوصلهم) انقهر عمره ماتوقع ان دمعتها بتنزل شكله يظن انها حجر ماعندها أحاسيس سعود ركب سيارته متحسف على أهانتها قدام بوعادل ومنى السالفه ماتحتاج يهينها ويجرحها حرام البنت مؤدبه ويتيمه والظروف اللي حدتها تشتغل عندهم وفوق هذا كله البنت من جماعته مسحت دموعها ماتبي منى تشوفها ومن ركبت السياره وإهي ساكته ومنى احترمت سكوتها وماتكلمت (فـــــوق الزمــان وطيحـــــت الحـــــظ هم انت صـــــدق المصـــايب لاترامــت ترامــــــــت) دخلت بيتهم وعلى طول راحت غرفتها ودقت على منال وانفجرت بكي منال : حور هدي فهميني إشصاير حور تشاهق ودموعها ماوقفت: الحقير أحرجني واهاني قدام الموظفين منال : هدي منو اتكلمين عنه حور : الحقير سعود منال : إشسوى لج يعل مافيه سعود (حور قالت لها السالفه كلها بالتفاصيل ) منال : انزين الحين انتي ليش تبجين ماقصرتي بالرد ماتستاهل السالفه دموعج حور : منال انا تعبت ماسويت له شي وهو بس يدور شي يهيني فيه اللـــــه يقطع الحاجه اللي حدتني على الشغل عندهم منال : خلاص حبيبتي أهدي كله شهر ويرجع بوسعود وتفتكين منه حور : شايف نفسه حسباله الناس عبيد عنده منال : ماعليج منه روحي غسلي ويهج ونامي عشان العصر تعلمج امي السواقه حور : بكره ابيج تكونين عندي من الساعه 6الصبح منال : خلاص ولا يهمج تأمرين أمر بعد أسبوع نزل معاش حور وراحت ويا جدتها والخاله سعاد يشترون سياره شروا كامري موديل2005 وحور تعلمت السواقه بسرعه ونجحت في اختبار القياده وبعد أسبوع يطلع ليسنها من الساعه 7الصبح تكون موجوده بالشركه تبي تفتك من شر سعود خلاص زهقت من إهاناته بعد المشكله اللي صارت بينهم صار لسعود اسبوعين يداوم بالشركه فالعصر اليـــــوم الســـــبت موعد استلام حور لليسن خذت اذن من بوعادل انها بتأخر ووافق لها راحت ويا منال عشان تستلم اليسن منال : مبـــــروك حور : الله يبارك فيج يلا وصليني للبيت عشان اداوم عالسياره يلا مابي اتأخر منال : إن شاءالله منال وصلتها للبيت وعلى طول دخلت تبشر أمها العودا وبسرعه طلعت عشان ماتأخر عالشغل سمت بالرحمن وركبة السياره وقرت دعاء ركوب السياره دخلت للمكتب مبتسمه منى : نأول مبروك حور ابتسمت : الله يبارك فيج منى : ربنا يوفأك حور : تسلمين حبيبتي وقف عند باب المكتب يطالعها ومبتسم اشتـــــاق لها صار له أسبوعين ماشافها ماانتبهوا لوجوده سعود : صباح الخير منى : صباح النور حور ماردت ولا حتى عبرته بنظره سعود ابتسم : شخبار الشغل والناس إللي يشتغلون منى : كولوا تمام استاز سعود : وحور شخبارها حور ماردت سعود : منى ممكن تخلينا بروحنا شوي منى طلعت وخلتهم سعود : ممكن اتكلم وياج حور : اذا بالشغل تفضل وإذا بغيره مابينا كلام سعود تضايق وطلع: خلاص براحتج دخل الشركه بدشداشته الصفرا الوسخه ونعاله المقطع وريحته الكريهه سأل الحارس قسم الملفات أي دور وعلمه الحارس كانت تشتغل بهدوء وتركيز : هههه أكيد انتي حـــــور حور انصدمت أكره انسان بالوجود قدامها شاللي جايبه وعرفه اني اشتغل حور تجمدت عظامها: نعم خير إشبغيت عناد : هههه ياحليلج طلع لج ألسان يابنت حمد حور : ايه ياعنـــــاد طلع لي لسان خير جاي إشبغيت منى منصدمه ماتدري شالسالفه : أي ياحور دا مين عناد : انتي جب محد كلمج وانتي ياحور يلا عطيني 500دينار الحين حور : ههه ضحكتني أعطيك عشان سواد عيونك وإلا عشان علومك السنعه عناد : ترادديني يابنت الكلب حور : كلب انت وأشكالك عناد : انا اعلمج ياواطيه (وبدى يطق حور ويرفسها مدت حور إيدها عشان تأخذ المقص من المكتب عشان ادافع عن نفسها بس ماقدرت قام يطقها ويرفسها منى تحاول تبعده عنها بس ماقدرت سمع بو عادل الصوت وركض لهم يدز عناد من حور بس ماقدر بسبب كبر سن بوعاد مافيه حيل (ركضت منى تعلم سعود) عناد طيح شيلتها ونقابها وماسكها من شعرها ويكفخ وجهها دخلت اصبعه بفمها وماصدقت حور خبر عظتها بكل قوه ماعاد هدتها عناد يطقها عشان تهد صبعه بس مافيه فايده: هدي اصبعي يابنت الكلب وحور تزيد عظ دخل سعود وجن جنونه حور طايحه وهو ماسك شعرها ويرفسها ويطقها طق مايتحمله ادمي مسكه من كتوفه ودزه دزه طيرته عند الرفوف التفت لحور وقط غترته عليها عشان اتغطى فيها مسك عناد وطراق ورى طراق بقسات رفس عناد من قوة الضرب ماعاد قدر يدافع عن نفسه عناد ميت من الخوف: خلاص هدني واهدك سعود : ياكلب مستقوي على بنت (عطاه بقس على خشمه) تجمعوا الموظفين وفرقوهم وعناد ماصدق سعود هده انحاش ماعاد شافوا إلا غبرته سعود طلب من الموظفين يرجعون لشغلهم ركض لحور وصك باب المكتب كانت منى حاظنتها وخشمها ينزف قعد مقابلها ومسكها من كتوفها وبعيونه الخوف عليها : حور صار لج شي ردي علي حور مصدومه من إللي صار وبس اطالع مثل لمسبهه والدموع تسيل على خدها سعود : منى روحي جيبي ماي بسرعه طلعت منى وصكت الباب سعود قرب منها اكثر وقعد يمسح دم خشمها بغترته : لاتخافين من أحد انا موجود خذيت حقج منه وزياده حور تكفين كلميني حور تذكرت إهاناته وماتبيه يسويلها أي شي بعدين يتحسف ويقعد يعايرها ويسبها : وخر عني سعود : حور انا مستحيل أخليج وانتي بهالحال حور : اكيد ماتبي اطوف منظر مثل هذا مايصير لازم تستمتع بعذابي فرصه جت لعندك عشان تستهزأ فيني عدل وتلقى عذر تهيني فيه سعود : حور تكفين لاتزيديني انا أسف على كل كلمه قاطعته منى دخلت بالماي وسعود سكت وبعد عن حور عشان إتشربها منى الماي شربت حور ماي: منى عطيني شيلتي ونقابي ووديني للمغاسل اغسل منى : حاضر ياحبيبتي منى عطت حور شيلتها ونقابها ألبستها ومدت لسعود غترته حور باستهزاء : اسفين دمرناها بالدم العذر والسموحه منك سعود : حور خلاص عاد لاتزيديني غسلت حور وجها وخشمها فالمغاسل وعدلت شيلتها ونقابها وطلعت سعود قال لمنى توصل حور للبيت نزلت حور ومنى ونزل سعود وراها خاف على حور لاتتعب واطيح كانت تمشي حور ومنى حور : منى شوي بأخذ مفتاح البيت من سيارتي وانتي روحي شغلي سيارتج على ماأجيلج منى : اوصلك حاسه بحاقه حور: لا حبيبتي أقدر أمشي راحت منى تشغل سيارتها وحور خذت مفتاح البيت ورجعت تبي تركب ويا منى سعود يركض حده جهة حور: حــــــــــور انتبهـــــي لفت حور وراها وشافت سيارة عمها جايه صوبهـــــا تجمدت بمكانها ماعاد قدرت تتحرك من مكانها خلاص ياحـــــور بتمـــــوتين على يد عنـــــاد خلاص انتهيتي ماامداج تفرحين بسيارتج انتهـــــــى البارت تمنياتي لكم قرائه ممتعه انتظر تعليقاتكم |
الله يعطيكي العافيه مبدعه واضن سعود لمي عناد بيدصدم حور بسياره بينقذها وعسي هو مايتاذى يارب بنتظارك بفارق الصبر
|
السلام عليكم و رحمة الله و بركاته مساء الخير و الرضا من الرحمن إبداع يا غنادير بارتين رووعه بس كسرت خاطري حور ======================= (( حور و سعود )) يالله شقد كسرت خاطري و خصوصا بعد كلام سعود لها بالدوام و اللي زاده عمها الهم .. بس مع كل هذا ماوالت حور تتصنع القوة و باقيه بعزة نفسها و زين أنها هالعزة ما تغلبت عليها و قدمت استقالتها لإنها قبل ما تفكر بنفسها تفكر باللي وراها و اللي معتمدين اعتماد كبير عليها .. حور و بحثها وراء اللي ذبح ابوها و امها ما زادها إلا غبة عليهم و حسرة لإنها و بكل تأكيد ما اتوقع أنها بتفتح ملف قضية كانت قضاء و قدر بالنسبة للشرطة و تتهم عمها من جديد و اصلا محد بيسمع لها ياليتها ما بحثت عن هالشيء .. بس سعود حرق دمها عليهم و حبت تعرف اللي صار و الله يعينها على الحقيقة كاملة .. سعود زين سوا برغد و انه فك الخطبة اللي مثلها ما يستاهل من يلتفت لها و لو نظرة بس متى على الله يترك هالغرور عنه و يترك حور بروحها و ما يسمها بكلامه و تصرفاتها اتوقع التصرف الاخير كان من غيرته عليها لإنه واضح انه واقع لشوشته خلاص بس غروره يمنعه يعترف حتى لنفسه بس بعد موقف عمها و عدم تقبلها له ممكن يفكر يغير اسلوبه و اتوقع انه بيعرض نفسه للخطر و يحمي حور من عمها الهم اللي استغل خروج حور من الدوام و حاول يصدمها ... ================= (( فواز )) اتوقع في سبب كبير اللي خلاه ما يقول الحقيقة كاملة لحور و اتوقع تتعلق بأمها و أنه ابوه كان يبيها لجمالها أو شيء يتعلق فيها فهو ما حب يشوه صورة ابوه فوق ما متشوه في نظر حور و خوف انه الكلام يطلع لبرا .. الصراحه فواز يقهر ليش ما يبلغ عن ابوه يعني كأنه راضي عن اللي يصير في بيتهم ماالومه لإنه ابوه و أمه الله يعينه بسن نارين نار اخته و كيف يحميها و نار ابوه و امه و تصرفاتهم الوسخة ... فواز و فوزية مصطفى هو خالهم اخو أمهم سكينه و لا مجرد احترام و هل هو نفسه اللي يساعد حور أو غيره ..؟؟؟ ================ (( عناد الهم )) ياااايي من يمسكني اياه عشان اغوله هالهم فوق شينه قواة عينه مالت عليه و على حرمته فوقه .. اتوقع انه بيحاول يصدم حور بس سعود ماراح يخليه و ممكن يشتكي عليه و ياليت و الله ...<< فيس التمني =================== غنادير حسستيني ان الجهراء برا حدوود الكويت << فيس جهراوي ^ـ^ خخخخ ترا الجهراوي كلهم يحسون المنطقة العاشرة برا حدوود الكويت و هذا و الكويت يا قلبي عليها قد عين الطير من صغرها ... سلمتي يالغلا بـ انتظار القادم .. .. .. |
halazona
هلا وغلا خيتوو يعافيج ربي ويسلم قلبج مانحرم من هالتواجد الحلو بياض الصبح وعليكم السلام والرحمه هلا وغلا ومراحب يسلم لي التعليق وراعيته الروعه تواجدج الممتع دايم ماانحرم من عالتواجد اقتباس:
خخخخخ فديت هل الجهراا انا "" تدرين ليش اهل المنطقه العاشره الجهرا بعيد واهل الجهرا يحسون اهل المنطقه العاشره بعيد لان الجهرا شمال واهل المنطقه العاشره جنوب فتكون المسافه بعيده شووووي بس الاطباااع نفس الشي وحيل متقاربه """ والبارت الحين بينزل من هالجمعه وطالع بنزل بارت كل جمعه واتمنى اشوف ردود اكثر |
الجــــــزء العـــــــاشر
سعود يركض حده جهة حور: حــــــــــور انتبهـــــي لفت حور وراها وشافت سيارة عمها جايه صوبهـــــا تجمدت بمكانها ماعاد قدرت تتحرك من مكانها خلاص ياحـــــور بتمـــــوتين على يد عنـــــاد خلاص انتهيتي ماامداج تفرحين بسيارتج غمضت عيونها وجمدت مكانها حست ان رجولها انشلت ماتقدر تبعد خطوه وحده سعود جن جنونه لما شافها غمضت عيونها وجمدت بمكانها كان مستمر بالركض صوبها ويصرخ : حــــور حــــور (يبي صراخه ينبهها عشان اتحرك بس حور ماكانت تسمع إلا نبضات قلبها الخايف) منى نزلت من سيارته وطاحت على ركبتها من الخوف : ياربــــنا استــــر ياربــــنا استــــر ياخـــــرابي قتك نيلـــــه منيلـــــه ياعناد واخيــــــــرا وصلهــــــــا ضمهــــا بكل قوه وبعــــــــدها (خلاص ماكان بينها وبين سيارة عمها إلا خطوه) للحين مغمظه عيونها وهو لامها سعود بحنيه : حور شوفيني انتي بخير توها تستوعب ان سعود لامها فتحت عيونها وبعدت إيده عن خصرها تأكد انها بخير وقام وهو معصــــب حــــده لعناد إللي نزل من سيارته متجه صوب سعود عناد : انت شكوا يابن الكلب بيني وبينها سعود مسكه من إرقبته : شكله ماكفاك الطق إللي جاك بالشركه (وبدى الطق مسكه من إرقبته ورفعه لفوق وطيحه وبدى يرفسه برجله"عناد كان ولاشي بالنسبه لطول جسم سعود وعرضه) سعود : انا اعلمك من ابن الكلب يالخسيس مستقوي على بنت استمرت الهوشه بينهم لين برد سعود حرته في النذل عناد هده ومشى يأخذ غترته وعقاله ومفاتيحه اللي طايحه للحين قاعده بمكانها منصدمه من إللي صار شافت عمها يدخل إيده بمخباه وسعود معطيه ظهره ويأخذ أغراضه شهقت وركضت صوبه تبي تصارخ تنبه سعود بس ألسانها انربط عناد مش دم خشمه بظهر إيده تسند على إيده ووقف رفع السكين وبــــدى يتقدم بخطواته وصلته ومسكت إيده : عناد خلاص فكنا من شرك (تكره تناديه عمي لانه مايستحق ينقاله عم) عناد رفسها ببطنها : انا أعلمج السنع يابنت حمد ركض سعود صوبهم وتماسكوا باليدين سعود وعناد والسكين بإيد عناد حور وقفت وصارت بينهم : خلاص بس الله يخليكم هدوا بعض سعود معصب : حور وخري روحي لسياره حور برجاء: سعود الله يخليك هده لاتبلش نفسك فيه خلاص السالفه بيني وبينه لاتدخل سعود زادت عصبيته: حور اقولج ارجعي وراي حور :ماراح ارجع سعود بصوت عالي : منــــى تعالي أخذي حور منى توهي استوعبت لنفسها وركضت صوبهم بس ارتبكت مادرت شتسوي ووقفت سعود نزل وحده من إيديه يبي يسحب حور من بينهم ويحطها وراه سحبها من بينهم عشان يحطها وراه : أقــــولج أرجعي حور الدمعه بعينها : سعود ماراح ارجع عناد استغل انشغال سعود بحور ورفسه على بطنه طاح سعود على ظهره وعناد رفع السكين عشان يطعن سعود وجات حور بينهم حــــور طاحت على ركبها: آآآآآآآآآآآآآآآآآآه منى تصارخ : يــــاخــــرابي يــــاخرابي ياناس ألحأونا عناد أول ماشاف الدم ركب سيارته وانحاش سعود انصدم لا إلا حــــور لايصير لها شي مسكها : حور حور حور ماسكه صدرها الايمن بإيدها الدم ينزف واتكلم بصعوبه : سعود الله يخليك ودني بيتنا ابي اشوف امي وخواني قبل لاموت أول ماسمع طاري الموت جن جنونها شالها وركض لسياره : يومي قبل يومج إن شاءالله يومي قبل يومج إن شاءالله ركبها السياره ومنى ركبت وياهم ودعس حده للمستشفى حور نايمه بحضن منى منى : استاز بسورعه شويه (حور اتألم ماينسمع إلا أنينها) سعود حالته حاله يحس راسه بينفجر مجرد ماتمر فكرة إن حور يمكن تموت : حور حياتي أصبري شوي تكفين تحملي شوي ونوصل مد إيده يلمس الجرح يبي يشوفه عميق وإلا بسيط حور تألمت : آآآآآه وخر إيده بسرعه : أسف اسف الله يأخذني عورتج ماكان قصدي تكفين تحملي شوي مد غترته لمنى : منى حاولي توقفين النزيف بغترتي لحد مانوصل خذت منى الغتره وحطتها عالجرح حور زاد العوار عليه وبدت دموعها تنزل: آآآآه يــــارب ســــاعدني أول ماشاف دموعها حس قلبه بيتقطع مد إيده يمسح دموعها: فيني ولافيج سلامتج من الآه وصلوا المستشفى وعلق بالهرن طلعوا الممرضات بالسرير نزل وفتح الباب وشالها وحطها عالسرير سعود :بسرعه عالعمليات لبس لبس العمليات ودخلوها العمليات منى كانت واقفه على اعصابها تنطر احد يطلع يطمنها : ياربي أوستر ألبي عليك ياحور يارب تساعدها يامنتى كريم يارب وأخيــــرا سعود طلع من غرفة العمليات وسجد سجود شكر رفع إيده : اللهم لك الحمد اللهم لك الحمد ركضت صوبه منى : هاه حصل إيه سعود ابتسم : ابشرج بخير الحمدالله الجرح متوسط ماكان عميق قدرنا نسيطر عالنزيف وخيطناه بعد شوي بيطلعونها منى : الحمدلله يامنتي كريم ياربي ودألواتي نعمل إيه نتصل بأهلها سعود طالع ساعته: لا لاتتصلين تو الساعه 11 الساعه وحده بتصل أنا انتي الحين روحي أخذي اغراضها إللي طاحت وجيبي سيارتها منى : حاضر يلا انا ماشيه مع السلامه سعود : مع السلامه طلعوها من غرفة العمليات ودوها غرفة خاصه حاجزها سعود لها دق سعود على سليم وصاه يجيب له ملابس للمستشفى لان دشداشته اللي كانت عليه تدمرت بدم حور ( وصى الممرضات يهتمون فيها ) بدل ملابسه ولبس بالطوه واتجه لغرفتها يبي يتطم عليها دخل لغرفتها ولقاها للحين نايمه ابتسم وتقدم لها سحب الكرسي وحطه يم سريرها وقعد عليه مد إيده ووخر خصلة طايحه على وجهها مسك إيدها : لوتدرين شكثر خفت عليج ماتقولين هذا سعود إللي قبل مده مهاوشج ويدور الزله عليج (تنهد) حرام هالانسانه تعاني ماتستاهلين إللي يصير لج ياحور سمع أذان الظهر واستوعب لنفسه : استغفرالله انا شقاعد اسوي (طلع وراح للمرضات ووصاهم عليها) جابت منى أغراض حور جنطتها ومفاتيحها وموبايلها وعطته سعود راحت اتطمن على حور وبعدين رجعت لبيتها سعود ماسك موبايل حور ومتوتر مايدري يدق على منو من أهلها دق تلفونها (خويـــه الـــروح) يتصل بك ارتبك يرد أو لا اخيرا رد سعود : ألو منال باستغراب : ألو سعود : هلا منال :هذا تلفون حور سعود : اي نعم منال : زين منو انت ووين حور سعود : انتي منال صح منال :اي انا منال انت منو سعود : انا سعود منال مستغربه : وين حور وليش ترد على تلفونها سعود : منال انا ابيج تمسكين اعصابج وتسمعين الكلام إللي بقوله منال بخوف: سعود إشصاير حور صاير لها شي تكلم سعود ياليل هذي للحين ماقلت لها شي وخايفه: منال هدي واسمعيني حور تعبت شوي ووديناها للمستشفى منال : هـــــاه شتقول ليش إشفيها إشصار سعود : تعب بسيط وبينومونها كم يوم منال بدت موجة الصياح : انت إشسويت لها أكيد كله منك حسبي الله عليك ياويـــــل قلبي عليج ياحور سعاد بخوف: منال إشفيج إشفيها حور تكلمي منال تبجي: كلـــــه منـــــك سعود مسك اعصابه: عطيني الوالده انتي الكلام معاج ضايع سعاد سحبت التلفون من بنتها: ألو منو معاي سعود : هلا أم منال معاج سعود سعاد : أي سعود سعود: سعود ولد بوسعود مدير الشركه سعاد عرفته: أي هلا إشصاير حور إشفيها سعود : حور تعبت علينا شوي ونقلناها للمستشفى ياليت تعطين امها العودا خبر سعاد بخوف : طمنا على صحتها إن شاءالله بخير سعود :إن شاءالله بخير تطمنوا سعاد: انزين موجوده بأي مستشفى (سعود عطاها اسم المستشفى و سعاد على طول راحت للجده وقالت لها وراحوا كلهم للمستشفى) دخل البيت كان خايف ومرتبك وعلى ملابسه دم سكينه بخوف: إيه مالك كدا خايف وإيدا الدم عناد يرجف : طعنت حور سكينه صرخت: إيـــــه عملـــــت إيه يامقنون وماتت عناد مرتبك: هاه مادري لالا ماظن مادري انا شدراني سكينه: قتك نيله منيله إيه يعني شدراني شفتها ماتت وإلا لسى عناد :أول ماشفت الدم انحشت سكينه تصفق وجهها: ياخرابي يخرب بيتك والبيت إللي قمب بيتك عملت إيه يالهـــــوي يالهـــــوي عناد : لاتقعدين تولولين على راسي إللي فيني مكفيني (لنــــــــــدن) رغد قاعده بغرفتها وتلوم نفسها خسرت ثقة اهلها وخسرت ولدعمها أو نقدر نقول خطيبها وابوها قرر يرجعون لديره وللحين مايكلمها " صار لها فتره تتصل على سعود وادز له مسجات ومايرد عليها للحين عندها أمل يرجع لها تبي ترجع له بأي طريقه وللحين مومصدقه كلام اهلها إن سعود قال لعمها انه طاب خاطره من رغد " دخلت عليها روان : رغد رغد بدون نفس: هاه انتي إشتبين بعد روان : انا بقولج شي مهم صار قبل يهاوشج ابوي بيومين رغد : خير شنو اكيد ماعندج سالفه مثل كل مره روان : انا بقولج وانتي احكمي رغد : هاه يلا قولي ترى مالي خلق لج روان : تذكرين اليوم إللي كنتي تكلمين سعود فيه وطردتيني من الغرفه رغد باهتمام : أي أذكر ليش روان : دق تلفون البيت ورديت إلا تطلع رغد سألت عنج قلت لها انج تكلمين سعود رغد بخوف : أي بعدين كملـــــي روان : المهم قالت انتي متأكده قلت أيه متأكده قالت خلاص ودي التلفون عند باب غرفتها ابي اتأكد رغد شهقت: وانتي وديتيه روان : اي عادي الكل يدري انج تكلمين سعود ليش خايفه رغد : هاه لامو خايفه يلا كملي روان: بعد ماسمعتج قالت خلاص لاتقولين لها إني دقيت انا بعدين اكلمها رغد عصبت وقعدت تولول : اللـــــه يأخذج ياويلي ياويلي اكيد سعود عرف كل شي الله يأخذج يازباله وانتي أي واحد يقولج شي تسمعين كلامه قومي طسي عن وجهي لا اذبحج الحين (روان خافت وطلعت) وانا أقول ليش مايرد كنت برقع السالفه بقول انهم فهموا غلط وإني كنت ابي اخذ مراجعه بس الحين شلون كل من هالحيوانه منايل والله ماخليج هين قامت بدلت ملابسها وراحت شقه عمها فتحت لها الخدامه وعلى طول راحت لغرفة منايل فتحت الباب بدون إستاذان رغد : إنتي بأي حق تجسسين علي منايل كانت قاعده تقرى روايه: أولا فيه شي اسمه استأذان ولا ماتعرفين الاستأذان رغد: ههه ضحكتيني علمي نفسج بعدين علمي الناس منايل تتكلم ببرود: الحمدالله انا متعلمه الادب والاحترام مو مثلج لاتستحين ولاتخيلين فوق شينه قوات عينه رغد عصبت: جب ولاكلمه قوليلي انتي شكو فيني إشتبين داقه على يا لزقة عنزروت منايل : اعصابج ياماما لايطق لج عرج أولا انتي ماتهميني اصلا كلج على بعضج مو شايفتج كنت داقه عشان سعود قالي ادق ولما قالت روان انج تكلمين سعود انصدمنا وطلب مني اخلي روان تودي التلفون عند غرفتج وسمع كل شي ياوسخه ياحقيره رغد : أنا حقيره هين راح تندمين ياواطيه منايل قامت عليها: يلا يلا برى ماباقي إلا المزبله تتكلم يلا بري برى (منايل دزتها من كتفها وطلعتها برى بعد شين وقوي عين) دخلوا المستشفى يركضون شافهم سعود وراح لهم الجده بخوف : سعود يمه وين حور إشفيها سعود : هدوا شوي حور ماعليها إلا العافيه منال : زين وينهي نبي نشوفها سعود : هي الحين منومه ماراح تحس فيكم وأنا مابي اخش عليكم الكل : حــــور إشفيهـــــا سعود بجديه : عناد طعن حور بس الحمد الله الجرح ماكان عميق وحالتها الحين مستقره الجده انصعقت من الخبر حست إن ارجولها انشلت ارتفع عندها الضغط وحست إنها فقدت توازنها مسكتها سعاد وقعدتها عالكرسي تهديها منال و منار سوا مناحه دموع وسب في عناد منال : يعلك الشلل يعلك الحادث إللي يقطعك قطعه قطعه وكل قطعه تحترق بالنار منار : روح عساك النار إللي تشوه وجهك الله يبلاك بالايدز إن شاءالله سعود انصدم من دعواتهم سعاد عصبت: عمى بعين عدوكم جب انتي وياها ولا كلمه منال : لامابي اسكت بدعي عليه ليل ونهار ماكفاج إللي سواه بحور بغى يذبحها سعاد: والله إذا ماسكتي لكفخج بهالكرسي ماتشوفين يدتها تعبانه وضغطها مرتفع وأنتي والثانيه تزيدون عليها منار: خلاص بنسكت بس نبي نشوفها سعود : تفضلوا تقدرون تشوفونها بس لاتعبونها دخلوا لغرفتها وشافوها نايمه للحين مخدره من البنج قربت الجده من السرير ودموعها على خدها مسكت إيدها وباستها: سلامتج يالغاليه حسبي عليه الظالم ماخاف ربه فيج منال ومنار ماقدروا يمسكون نفسهم وبدت موجة الصياح سحبتهم نرجس وطلعتهم برى نرجس : ويعة يدي انتي وياها بدال ماتهدون وتدعون لها مشغلين لي هالنفورات إللي ماتوقف منال : جب انتي ماشفتي حالتها شلون ويها مصفر وموحاسه فينا نرجس: شي طبيعي هذي طعنة صدر مو طعنة إيد اكيد بتكون صعبه وبعدين احمدوا ربنا وشكروه إن الطعنه موجهة القلب وإنها للحين على قيد الحياه منال مجرد فكرت إن حور ممكن تكون ميت الحين زادت صياح نرجس: انتي مطوله على هالحال وبعدين يعني منال تمسح دموعها: شسوي موقادره اسكت منار: بس منال خلينا نمسك نفسنا اللي في امي العودا مكفيها منال لفت عليها: انتي متخيله المنظر شلون طعنها والدم شلون نزف والعوار إللي ذاقته منار هزت راسها بالنفي لموا بعض وانفجروا الثنتين مره ثانيه بجي نرجس زهقت منهم ماراح يسكتون لين تحج البقر على قرونها خلتهم يولون ودخلت لحور سعاد : نرجس يمه انا بودي خالتي للبيت تعبت وبييب ملابس لحور وانتي خليج عندها نرجس : إن شاءالله يمه بس واللي يسلمج اخذي العلتين وياج ترى بطوا جبدي ووتروني سعاد : هذولي وين الواحد يعتمد عليهم خلاص أنتي خليج اهني وانا باخذهم نرجس : خلاص يمه انتوا روحوا ولاتحاتين سعاد : يلا خالتي خلينا اروح ترتاحين وتأكلين دواج وتالي انرد الجده : لا انا بقعد عند حور ماني مخليتها سعاد : ياخالتي الله يهديج نرجس بتقعد عندها وانتي تعبانه حور إذا قعدت وشافتج تعبانه بتتعب زياده الجده : لالا خلاص بروح كل شي ولاتتعب حور يمه نرجس لاوصيج عليها نرجس : لاتوصين حريص انتي روحي ولاتحاتين الجده حبة رأس حور وطلعت وسعاد مسندتها منال ومنار كانوا قاعدين عالكراسي ودموعهم اربع اربع سعاد بجديه: انتوا للحين ماخلصت دموعكم يلا جدامي للبيت منال ومنار طالعوا بعض: مانبي اروح سعاد عصبت: لما اقول كلمه تسمعونها يـــــلا جدامي منال ومنار انقزوا من الخوف ومشوا منار بصوت واطي: ترى امج حدها دكتاتوريه وعصبيتها تخرع منال: توج تدرين سكتي بس لاتسمعنا والله لاتكوفنا إهني نرجس كانت قاعده عند راس حور وتقرى قرآن امممم ماي نرجس لفت جهة حور تبي اتأكد من الصوت : حور تسمعيني حور تحرك شفايفها بتعب : ماي نرجس ركضت تنادي الدكتور دخل سعود ونرجس والممرضه سعود قرب منها : حور تسمعيني شوفيني حور عقدت حواجبها فتحت عيونها بس ماتشوف إلا ضباب وصوره مشوشه غمضت عيونها وفتحتها مره ثانيه حست ان الصوره بدت توضح شوي وغمضت وفتحت مره ثالثه حست ان الصوره احسن : ابي ماي نرجس بفرح : حور انتي بخير حور بتعب: انا وين سعود بحنان : انتي بالمستشفى سستر لوسمحتي قيسي ضغطها قاست ضغطها ولقته زين وطلعت حور : ابي ماي سعود متحطم : حور تحملي شوي مايصير تشربين شي انتي مسويه عمليه مايصير تشربين شي لمدة 24ساعه حور برجاء: عطشانه بس ابي شوي سعود بحنان: حور ممنوع والله لوبيدي لشربج بس خايف عليج ماقدر نرجس ساكته وتراقب الموقف باستغراب سعود قلبه متقطع على حور وخوفه موطبيعي حور:دكتور الله يخليك بس شوي سعود ياويل قلبك ياسعود اشهدانك رحت وطي : حور تكفين لاترجيني وانا مابيدي شي خذى كلينكس وبلله ماي بارد وقرب منها قعد عالسرير ومسح على شفايفها بالكلينكس : الحين بيخف العطش بس انتي لاتكثرين بالكلام حور : الجرح يعورني سعود فيني ولافيج : خلاص الحين بأخليهم يعطونج ابره مهديه بتريحج حور : متى اطيب سعود : إن شاءالله بطيبين بس انتي لاتعبين نفسج حور : وين امي سعود : كلهم كانوا موجودين وتوهم راحوا حور الشرطه تبي تحقق وياج تقدرين اتجاوبين على اسألتهم حور : ليش تحقق سعود : نسيتي إللي صار حور : انا متنازله عن القضيه سعود عصب : ليش اتنازلين الحقير بغى يذبحج وانتي اتنازلين حور بتعب : دكتور انا تعبانه ممكن ادخلهم وتخلصني (عصب سعود ودخل الضابط وبدأ بسألته ووقعت حور على التنازل عن القضيه وطلبت انهم يكتبون عناد تعهد انه مايتعرض لها) سعود وصل الضابط ورجع وهو حده معصب : عاجبج إللي سويتيه حور تعبانه مافيها حيل للأخذ والعطا صدت عنه وماردت عليه سعود نسى انها تعبانه: ليش ماتردين نرجس : دكتور إشفيك حور تعبانه مافيها حيل للكلام سعود استوعب لنفسه وتنهد: أسف نسيت نفسي قرب منها ومد إيده مسح راسها: انتي ارتاحي الحين بخليهم يعطونج ابره مهدئه طلع ونرجس مصدومه من إللي صار قدامها سعود يحب حور اكيد يحبها وإلا ليش هالاهتمام كله حور ماكانت مستوعبه إللي يصير العمليه ذابحتها والبنج للحين مخدرها دخلت الممرضه وعطت حور ابره مهدئه وغطت بنوم عميق دخلوا منال ومنار المستشفى ووياهم أغراض ( سعاد عطتهم ملابس لحور وفراش لنرجس وقالت لهم يشترون اغراض وياهم لانها ماتقدر تخلي الجده بروحها تعبانه) دخلوا الغرفه بهدوء شافوا حور نايمه منال ومنار بصوت واطي: سلام نرجس : وعليكم السلام نايمه ماراح تحس فيكم منال: للحين نايمه نرجس : قعدت وطلبت ماي بس الدكتور مارضى قال مايصير ودخل الضابط عشان يحقق معها وتنازلت عن القضيه منار : ليش تنازلت عن القضيه ليش ماخلتهم يسجنون هالزفت ويفكونا من شره نرجس : أوف خلاص كيفها نخلص من سعود وتطلعين لنا انتي منال ومنار باستغراب : ليش سعود إشفيه (نرجس قالت لهم كل شي شافته وخوف سعود وكلامه لحور واهتمامه فيها ) منال : نرجسوه بلا جذب لاتبالغين نرجس : وربي مااجذب هذا الصج واذا منتوا مصدقين شوفوه بعد شوي بيمر عليها منار : نرجس اعرف حركاتج تسوين اكشنات نرجس : خلاص كيفكم عمركم ماصدقتوا المهم امي ويدتي وين منار : نرجسوه قولي الصج نرجس : خلاص بتشوفون بعينكم منال : منور خلاص إللي بالجدر يطلعه الملاس نرجس : المهم وين أمي منار : أمي العودا تعبانه وقعدت عندها يمكن مايقدرون ايجون اليوم باجر الصبح بيكونون عندنا منال : نرجس حور العمليه كانت تعورها وإلا لا نرجس : أكيد تعورها هذي عمليه موجرح بسيط حتى عطاها الدكتور ابره مهدئه الله يعينها منال : أوه العشا اذن وأمي قالت نرجع قبل العشا يلا منور خلينا نصلي بعدين انرد للبيت منار : لا انا بقعد عند حور نرجس : اقول روحي روحي شدعوه تعرفين تسوين شي غير البجي بعد تقوم حور تبي شي بدال ماتساعدينها بطقينها بجيه منار : ههه تراج سخيفه نرجس : شكرا عالمجامله الطيفه منال : اقول خلصينا نصلي ونرد قبل تعصب امي علينا منار : زين ليش ماانام كلنا عند حور نرجس : حشى حفله مو مستشفى حسبالج بيرضون مايصير لازم مرافق واحد منار : ادري يالغبيه ننخش تحت السرير ماراح يدرون منال اعجبتها الفكره: أي والله صج ماراح يدرون عنا بدق على أمي وأقولها نرجس : يلا دقي إن شاء توافق تراني خايفه ارافق بروحي (دقت منال على امها وقالت لها ان نرجس ماتقدر تسند حور بروحها لازم احد معاها وان نرجس خايفه وانهم بينخشون وماراح احد يدري عنهم وياللـــــه وافقت) منار : هاه وافقت منال : افـــــا عليج حنيت على راسها لين وافقت نرجس : خلاص إذا انتهت الزياره على طول تنخشون عشان إذا يت الممرضه تشوف الزوار ماتشوفكم منار: خلاص زين أي بس شلون عالفراش ماجبنا إلا لحاف لج ولحاف لحور منال : أي سيارة أمي فيها لحاف بروح اييبه منار : يلا بسرعه لاتأخرين منال : انزين خليني اصلي أول وانتوا قوموا صلوا صلوا البنات وعقب نزلت منال اتجيب الحاف من السياره دخلت للغرفه ولقت سعود موجود سعود لف لنرجس : للحين نايمه ماتكلمت ولاطلبت شي نرجس : لا ماطلبت شي أصلا من عطيتوها الابره وهي نايمه سعود : احسن خلوها ترتاح الابره بتنومها لي بكره منال : انزين دكتور متى نقدر انطلعها سعود : توالناس يبيلها اسبوع إلى عشرة أيام منار : أوللـــــه ليش انت موتقول إن الجرح بسيط سعود : لازم يلتأم الجرح منار : انزين دكتور بكره إذا قعدت راح تعورها العمليه وإلا الابره ماراح تخليها تحس بالعوار سعود تنهد : منى لي بكره يصير خير إن شاء الله بتكون بخير وحالتها احسن " يلا انا استأذن وأي شي تحس فيه نادوني انا بمكتبي نرجس : إن شاءالله مايصير لها شي سعود ابتسم : اللهم اميـــــن إن شاء تقوم لنا بالسلامه(طلع) نرجس بثقه : هاه انا جـــــذابه وابــــالغ منال : عزالله الريال مفضوح شفتوا نظراته ونبرة الخوف إللي بصوته منار : أي والله لا ويوم قال تقومها لنا بالسلامه شكوا ملزق نفسه فينا نرجس : الحب ياحبيبتي ومايسوي هذا إللي شفتوه شي بسيط من إللي شفته (بيت عناد) عناد : اقولج هذي قطوه ام سبع ارواح ماتموت سكينه : قدتك نيله دي لو ماتت كونا روحنا بستين داهيه ودلواتي خلاص الآطيه (القضيه)انتهت عناد : اي خلاص تنازلة عن القضيه ووقعوني على تعهد وخلاص سكينه : وحتسيبها خلاص عناد : بعيدن عن خشمها اسيبها لابس بشكل مؤاقت لين تهدى الامور سكينه تزيد النار حطب : أيوه ياخويا خوفت ألبك حن عليها وحتبطل منها عناد : هههه انا قلبي يحن عليها تهبى بنت حمد لو الكافر يحن عليها ماحنيت عليها مصير الايام اتجيبها والله لحط حرة ابوها الكلب فيها ""مااقدر اكرهـــــك ولكن ماقدر أحبـــــك بين متناقضات الـــــذات وش جـــــابك لاخفق لك خفـــــوق ولا تحدربـــــك دمع عينـــــي وإلا جرحي تغنـــــابك كيف اجل صـــــارت عيوني تخاشـــــربك ليه طـــــارت بنومي زحمة اسرابـــــك كيف حبـــــك تسلل دون مااشعربـــــك كيف صـــــرت افقدك واحن لعتابـــــك كيف انا محيـــــرك صرت اتحيربـــــك الشعور اتجاهـــــك صار متشابـــــك مقدر اكتم غـــــلاك ولا اقدر اجهربـــــك بيني وبين نفســـــي ضعت بسبابـــــك""" : ليش تبعدين : قربك عذاب سعود: بس انا أحبج حور : هو إللي يحب يتلذذ بتعذيب محبوبه سعود : اسف على كل شي حور : شكلي بتعب من كثر مااسمع هالكلمه سعود : انتي حيرتيني مرات أحس اني اعشقج ومرات احس اني اكرهج بين متناقضات الذات وش جابج حور : عمر الحب مايجتمع مع الكره انت عمرك ماراح تحبني سعود : طيب لحظى لاتروحين حور اسمعيني المكان هذا خطر لاتروحين له حـــــور حـــــور فز من نومه مخترع : اعوذ بالله من الشيطان الرجيم إشهالحلم الله يكفيني شره سمع اذان الفجر قام وتوضى وراح للمسجد الساعـــــه 6 الصبـــــح فتحت عيونها الشمس اشرقت وبدت اشعتها اتسلل للغرفه التفتت شافت ثلاث نايمين عالارض شافت الشمس ساطعه على شعر نرجس الاشقر ابتسمت اعرفت انها نرجس حور بتعب صوتها يالله يطلع : نرجس نرجس ماسمعتها حور تحاول تعلي صوتها اكثر : نرجس نرجس حست فيها وفزت من فراشها : حور إشفيج شي يعورج حور ابتسمت بتعب: انتوا صليتوا نرجس شافت ساعتها لقتها6: قصدج الفجر أي صليناه الساعه الحين 6 حور : انزين ابي اصلي الصلوات إللي فاتتني نرجس : إن شاءالله حبيبتي الحين احط لج بالطاسه ماي بس خليني أغسل واقعد هذولي راحت للحمام تغسل وتفرش اسنانها وعقب راحت تقعد البنات نرجس : منال منال يلا قومي منال قامت مخترعه: هاه شنو حور فيها شي نرجس : بسم الله عليج لامافيها شي بس يلا قوموا غسلوا قبل إيون الممرضات منار حست فيهم وقعدت شافت حور مفتحه عيونها نقزت لها باست راسها وإيدها : صباح الخير حبيبتي سلامتج هاه شلونج إن شاءالله احسن حور ابتسمت بتعب : الحمدالله منال تفرك عيونها وللحين قاعده عالفراش : الله يخسج خيستيها روحي غسلي منار : اوه نسيت شسوي من الفرحه نرجس : خلصوني غسلوا وشيلوا قشكم قبل لاإيون الممرضات منال ومنار راحوا يغسلون ونرجس جابت طاسه فيها ماي لحور عشان اتوضى نرجس :يلا حبيبتي غسلي شوي شوي وهذي الزباله بمسكها تمضمضي وغسلي وإيدينج وريولج خليها انا امسحها بالماي منار: لوجايبين تراب عشان اتيمم احسن لها نرجس: شنسوي نسينا والحين ماقدر انزل يلا مايخالف تتمضمض وتغسل خشمها وويها والباقي إحنا بنكمله لها سندوا حور غسلت وجها وتمضمضت وعقب سدحوها ومسحوا إيدينها وراسها وإذونها ومنار مسحت رجولها صلت الصلوات إللي فاتتها وهي منسدحه وعقب ماخلصت منال سلمت عليها : حياتي سلامتج حسبي الله عليه يعله الماحي حور بتعب : الله يسلمج منال : يلا حبيبتي خلينا انلبسج ملابسج حور : بس شوي شوي لاتلمسون الجرح منار : لاتخافين حبيبتي ماراح نقرب منه نرجس : منال انا ومنار نقعدها وانتي لبسيها منال : خلونا بالاول نوخر هالبس إللي عليها حور : لاشنو تشوفون جسمي منال : ياحليلج تستحين منا خلاص اول ندخل راسج ومنار تساعدج وانا ونرجس بنغمض حور : لاحتى منار تغمض نرجس : اقول خلصينا شنو تستحين منا أحنا خواتج وإللي عندج عندنا (لبسوها ثوب قطني واسع مريح لها وكانت معانات خايفين لايعورونها وفي نفس الوقت حور كل شوى لاتطالعون غمضوا عيونكم بس فالاخيرا خلصوا) منار : أوف مابغينا حشى صار بنيان بيت مو لبس حور : لبسوني شيله منار : جبنالج ملفع قطني اريحلج ويثبت حور : مايخالف المهم شي يغطي شعري نرجس : يلا انتوا انخشوا بفتح الباب الحين الممرضات بييون منال : اوه نسينا يلا منور تعالي ننخش (منال ومنار انخشو تحت السرير ونرجس خذت الحاف وفرشته عالسرير بحيث انه يغطي فتحات السرير من تحت عشان مايبينون البنات وعقب فتحت الباب ) دخلوا الفطور( توست وجبن وشرائح طماط وخيار وكوب حليب ) نرجس : خلاص أكل الممرضه : لا أول يشوف دكتور بعدين أكل نرجس : متى يجي دكتور الممرضه : الحين يجي قاست الممرضه ضغط حور وسجلته بالملف طق الباب ودخل بهيبته سعود مبتسم وعينه على حور: صبـــاح الخير هاه شلون مريضتنا اليوم حور بتعب : الحمد الله سعود يقرى ملف المريضه: لا ماشاء الله الوجه اليوم منور نرجس : دكتور تقدر الحين تأكل سعود : أيه تقدر تأكل وتشرب إللي تبيه عساه مداخيل العافيه حور : ماردت نرجس : يعافيك دكتور (تحت السرير ) منال بصوت واطي: ألعن أم الجوتي شحلاته منار مدت اصبعها تلمس جوتي سعود سحبتها منال : حمدالله شتسوين يالهبله منار : كسر عيني بلمعته منال : منـــــو منار : الجوتي منال : الحمدالله والشكر أكيد بيكون يلمع وإلا حسبالج مثل جواتيكم المدرسه انتي ونرجس مغبره عمركم ماتصدقتوا عليها ومسحتوها منار : فكينا بس كلها جواتي مدرسه منال : أوص خلينا نسمع شيقول سعود : ليش ماتبين لازم تأكلين حور بتعب :بس مابي بس ابي ماي سعود : خلاص الحين اعطيج ماي بس بالاول أكلي لو عالاقل لقمه حور صوتها يالله يطلع : خلاص بس ابي طماطه سعود فديت انا الطماط اللي تأكلينه : خلاص بسويلج توسته واحط فيها جبن وطماط واكلي لو ربعها لازم عشان الدوا حور شوي وتبجي : خلاص بس شوي أكل سعود ابتسم : خلاص بس شوي أهم شي تأكلين قرب الطاوله منها وحط الجبنه بالتوست وحط فيها طماط سعود : يلا انا بروح وبرجع بعد شوي ابيج تأكلين عدل اتفقنا هزت حور راسها بنعم طلع سعود وطلعوا البنات من تحت السرير خلاص الحين فتحوا الزياره عادي لو احد شافهم البنات غصبوا حور يالله كلت لها لقمتين وشربت ماي منال : حوره عشان خاطري بس لقمه اخر لقمه حور بدت تبكي : مابي خلاص نرجس : خلاص حبيبتي لاتبجين خلاص على راحتج حور تبجي: ابي أمي نادوها منار : خلاص حبيبتي الحين بتجي أمي وخالتي سعاد منال : خلاص حبيبتي انتي ليش تبجين ترى والله لطقها بجيه وياج حور بدت جبدها تقلب : عطيني الزباله برجع منال قربت الزباله منها ورجعت كل إللي كلته وبدت ترجع وتبجي وحالتها حاله نرجس تشربها ماي : شربي حبيبتي شوي حور شكلها يقطع القلب : أأآي ابي أمي أأأأه البنات ارتبكوا واختبصوا حالتها تقطع القلب منار ركضت تنادي الدكتور دخل سعود وهي تبكي : إشفيهـــــا منال بخوف: دكتور كلت وعقب رجعت إللي كلته وشكل العمليه عورتها من الترجيع سعود بحنان : حور حور اسمعيني هدي شوي قوليلي شاللي يعورج حور تبجي وتشاهق : كله منك قلت لي اكلي لما عورتني ابي امي (تشاهق) نادوا امي سعود عوره قلبه : حور عادي إذا رجعتي عشان البنج يطلع من جسمج لاتخافين مارح يصير للعمليه شي هدي خلاص عاد حطت إيدها على فمها بترجع قربت منها نرجس الزباله وبدت ترجع مره ثانيه تحس روحى بتطلع سعود خذى كلينكس وبلله بالماي وقعد عالسرير مد إيده عشان يمسح دموعها وصدت عنه حور مد الكلينكس لمنال : مسحي وجهها خذت منال الكلينكس ومسحت دموعها ووجهها سعود خذى قلاص وصب فيه ماي : هاكم شربوها خذت نرجس الماي : حور يلا اشربي شوي حور للحين مستمره بالبكي: مابي سعود اعتفس يحاول يهديها قلبه عوره : حور خلاص ماتبين لاتشربين بس تكفين خلاص هدي ماله داعي كل هالدموع منال : حووره حبيبتي شنو العمليه تعورج حور دموعها على خدها هزت راسها : أي تعورني يمكن انفتحت سعود قرب منها : ممكن اشوفها حور : لامابي ابي دكتوره سعود بحنان : حور انا الدكتور المسؤؤل عن حالتج ومافيه دكتوره الحين فاضيه حور : خلاص خل السستر تشوفها سعود : هذي شغلة الدكتور مو شغلة الممرضه منال : حور خلاص خلي الدكتور يشوفها حبيبتي هدي اعصابج نرجس : خليه يشوفها إن شاءالله ماتكون مفتوحه يلا عاد منار ماسكه نفسها العبره تروح وترجع حور للحين مستمره بالصياح : مابي خلو امي أول تجي في هالحظه دخلت الجده والخاله سعاد الجده بخوف لمت حور : حبيبتي بسم الله عليج إشفيج حور لامه جدتها وتبكي : يمه ليش خليتيني الجده بدت تدمع عيونها : يايمه ماخليتج هذا أنا جيت بسم الله إشفيج حور : يمـــــه أنا خايفه الجده : بسم الله عليج إشخايفه منه حور تشاهق: من كل شي من كل شي (سعود ما قدر يتحمل حور قطعت قلبه طلع وراح لمكتبه ) (دخل مكتبه والدنيا ضايقه فيه ماتخيل يشوف حور بهالمنظر عمره ماتخيل يشوفها بهالضعف والخوف صح إللي صار لها موبشويه بس ماتخيل انها بتكون ضعيفه لهدرجه يمكن من المرض خاصه إن المريض ابسط شي يتعبه واتفه الامور اتضايقه ) سعاد تحاول تلطف الجو: أولله كل هذي دموع يالدلوعه اتدلعين على خالتي وانا حسبالي إنج شجاعه شخليتي لأم دمعه منال ومنار نرجس لفت لمنال ومنار : وانتوا لازم مجرى السيل هذا الحين ليش تبجون حور سكتت وانتوا للحين تبجون منار : انتى انطمي ترى مالنا خلق لج منال تمسح دموعها: حسبالها كل الناس مثلها قلوبهم حجر نرجس تضحك: ههههه روحوا غسلوا الله يفشلكم اولى روضه احسن منكم منار : ههه ترى حدج مليغه منال :هي بروحها سخيفه وتستخف دمها حور ضحكت على سوالفهم سعاد : فديت الضحكه لوندري انج بتضحكين جان مخلينهم يتناجرون من زمان الجده : عساها دوم هاه يمه شي يعورج حور تبتسم : يمه يوم رجعت العمليه عورتني الجده : يمه ماشافها الطبيب نرجس : ماخلته يشوفها الجده : ليش يمه حور : يمه ابي دكتوره العمليه مكانها حساس الجده : يايمه مافيها شي عند الضروره تحل المحرمات وبعدين سعود هو إللي سوا لج العمليه مافيها شي حور : يـمه فشله وبعدين سعود من جماعتنا والله فشله سعاد : لافشله ولاشي وبعدين هو دكتور ويعرف شغله وإذا من جماعتكم يعني شنو هو دكتور وبيحفظ اسرار مرضاه وبعدين لاتنسين القسم إللي اقسموا عليه حور اسكتت ماردت الجده : يمه منال روحي ناديه خليه يشوفها حور بسرعه: لا لاتنادينه إذا مر عالمرضى بيمر علي (فوزيه تكلم فواز) فواز معصب : انتي متأكده من الكلام إللي تقولينه فوزيه : أي متأكده مي رفيجتي قالتلي فواز : هذا استخف إشناوي عليه لي متى يعني ماكفاه إللي سواه فوزيه: لاوفوق هذا تنازلت عن القضيه بس اعتقد انهم وقعوه على تعهد مايتعرض لها فواز : شدعوه ابوج بيلتزم بتعهد أوغيره مادري وين بيوصله هالحقد فوزيه : فواز لازم نزورها فواز : إن شاءالله بس مواليوم فوزيه : إللي تشوفه فواز : يلا تبين شي فوزيه : سلامتك فواز : يلا فمان الله فوزيه : فمان الكريم سكر من فوزيه ونزل لابوه فالصاله وهو حده معصب (عناد وسكينه مثل العاده الشيشه و الاغاني و سكينه ماتتعب ولاتمل من الرقص والهز على طول الخط وهذا حالها ) دخل الصاله واتجه لتلفزيون وصكه فواز معصب: ماشاءالله اغاني ورقص ومسخره ولا كأنك مسوي شي انت ماتخاف ربك لي متى وهالحقد إللي بقلبك موراضي اتخلص منه عناد ولاكأنه مسوي شي: خير شعندك معصب عسى ماشر فواز عصب زياده: إللى الشر بعينه وعلمه لي متى وانت قلبك مليان حقد منت قادر تنسى تعيد وتزيد في سالفه صار لها فوق25سنه حور إشدخلها فالموضوع مثل منت كاف خيرك عنهم كف شرك عناد عصب هذي السالفه تنرفزه: لا ماني مخليهم في حالهم والله لذوقها العذاب بنواعه بنت الكلب حمد إللي ذوقني العذاب 30سنه خذى مني حلم عمري فواز : عمي حمد ماله شغل في شي خلاص هذا النصيب بونوره هو إللي طلب من عمي يتزوجها بس انت منت راضي تقتنع بهالشي خليت الحقد يعمي عينك المره ماحبتك ولافكرت فيك وأصلا ليش تحبك من برك بوالديك وإلا من حسن تعاملك مع الناس وإلا من شهامتك وإلا أمانتك انت توهم نفسك عناد : انا إللي شفتها أول و حبيتها أيه حبيتها من كل قلبي وهو النذل قام يتقرب من ابوها ويمثل عليه إنه شهم وشجاع وأمين لين وثق فيه وحطه الذراع ليمن له وعقب زوجه حلمي فواز : عمي حمد ماكان يدري ان خاطرك فيها انت ماقلت له شي وبعدين انت نسيت انك سرقت ابوها ولو مابقي من الرياجيل إلا انت مازوجك ياها عناد : كنت بتزوجها غصب عن ابوها وعنها كنت بذبح ابوها واتزوجها بس الحقير جا في طريقي فواز : ههه الذبح عندك عادي مثل شربة الماي حتى لو افترضنا انك ذبحته وتزوجتها اتضن انك بتجبرها تحبك ماتنجر روح(ن) على روح عناد : إلا بتحبني بخليها تحبني كنت بحطها بعيوني بسوي كل شي تبيه بس هو خذاها مهما سويت فيه ماراح يشفي غليلي فواز:ماكفاك إللي سويته ذبحت فرحتهم الاولى ذبحت ولدها إللي هو ولد اخوك إللي لوكان عايش بيكون بعمري أواكبر مني بسنه وتسببت بموتها وموت أخوك الوحيد الحقد اعماك خليت الشيطان يركبك ضيعتنا وضيعت نفسك وتبي تضيعنا اكثر عناد : هو السبب في كل شي خلاني اكرهه وحلفت ماتزوج من بنات الديره وتزوجت سكينه وزاد كرهي له اي نعم ذبحت ولده وهو في الاشهر ذبحته عشان اشفي غليلي وماشفيته ووهقته بالقروض والديون وحاولت ادمره بالمخدرات بس ماقدرت كان إيمانه بالله قوي وصلاته دايم فالمسجد ماقدرت عزمته أكثر من مره عالغدا وحطيت له سم فالاكل وفي كل مره يصير شي يخليه يطلع قبل لاياكل وفي الاخير دزيت له ناس عشان يدعمونه ويموت والجو يخلى لي واتزوجها بس ماصار إللي ابيه ماكنت ادري انها معاه بالسياره(بدى يصيح ) آآآآآه يانوره آآآآه بس والله ماخليهم لفني عايلته كلها وببدأ ببنته حور وبعدين اخوانها مابيهم يعيشون بدمرهم مثل مادمرني ابوهم فواز : اصحى لنفسك الدنيا ماتجي على الكيف الدنيا دواره انا ادري اني مهما اعيد وازيد مايفيد معاك الكلام بس بقولك كلمه لاتظن نفسك قوي وانهم ضعاف فيه رب العالمين أقوى من كل ظالم سكينه تزيد النار حطب : إيـــــه بتوأول إيـــــه ابوك زالم(ظالم) انت معاهم ولامع ابوك دنتى المفروض توأف في صف ابوك وتوريهم العزاب(العذاب) فواز طالعهم بسخريه: ونعم الزوجه انتي لو زوجه صالحه لو كنتي تحبينه وتخافين عليه كنتي قدرتي تنسينه نوره وتخليه يحبج ويغار عليج ويبعد عنه الحقد وخليتيه يهتم ببيته وزوجته وعياله بس انتي كل همج الفلوس سواء حرام أو حلال (طلع وخلاهم يعرف لويتكلم سنه كامله ماراح يفيد معاهم الكلام) ( اظن الحين عرفتوا سر كره عناد لاخوه حمد اكيد الكل يتسأل فواز إشعرفه بالسالفه كلها " السالفه هذي من قبل لايولد فواز قبل لايتزوج عناد سكينه بخمس أو أربع سنين عناد كان يشتغل فراش بشركة بونوره وفي مره من المرات طلب منه يوصل اغراض للبيت وشاف نوره وتعلق فيها وحبها نوره كان يكسر خاطرها لانه فقيروشري ومنبوذ بين الناس الكل كان يكرهه فكانت تشتريله ملابس وتعامله بعطف وهو كان يضن انها تحبه وفي مره من المرات سرق فلوس من سيارة بونوره عشان يتاجر فيها ويصير من مستواها ويتزوجها لكن بونوره شافه وطرده من الشركه وفي نفس الوقت حمد كان موظف بسيط فالشركه بس الكل يشهد بأمانته وأخلاقه ترجى حمد بونوره عشان يرجع عناد لشغل ووافق بونوره بس بشرط يشتغل بنص الراتب ووافق حمد وصار يزيد من راتبه على راتب عناد بدون مايدري عناد ان بونوره طلب انه يشتغل بنص الراتب بونوره عرف بهالامر من ام حمد إللي كانت صديقه لأم نوره وكبر حمد في عينه وبدى يرقيه ويقربه منه اكثر ويأمنه على اسراره لين صار الذراع الايمن له" وبعد مرور الوقت عناد صار مايداوم وكل همه يجمع المال تخاوى ويا شله فاسده وصاروا يسرقون الناس وكل مره يسوي مشروع وفي كل مره يفشل لان مال الحرام مايتبارك نصحه ابوه وعصب عليه وهاوشه ومافاد معاه كان عاق في والديه إذا هاوشه ابوه وحمد في الشغل يدز ابوه ويكسر عصاته ويحذفها عليه وأمه يسرق ذهبها" وفي يوم من الايام بونوره طلب من حمد يتزوج بنته لانه ماراح يلقى احسن منه لبنته ومن عرف عناد بزواج حمد لنوره وهو يكرهه ويحقد عليه واستمر على هالحال وتزوج سكينه وتوقعت أمه انه بيهتدي وبينصلح حاله بس زاد الطين بله ومات ابوه بسبته من القهر فضحه بين الناس بسواته الشينه يسرق ويسكر ويتكلم فعراض الناس " أما شعرف فواز بالسالفه فهو إن فواز كان قريب من جدته ومره سألها عن حال ابوه قبل لاتموت جدته بسنه كان وقتها عمره 15سنه وقالت له كل شي خافت ان ابوه يزور بالكلام ويزرع الحقد بقلب فواز اتجاه عمه ) ( لنــــــــــدن ) منايل كانت قاعده بأحد المقاهي زهقانه صار لها ثلاث أيام ادق على حور ومنال ومايردون منايل : أوف هذولي وينهم وحده تلفونها مغلق والثانيه ماترد قامت خذت جنطتها والروايه إللي تقراها بترجع للبيت مشت وكانت ادق رقم بيت حور جا شاب بإيده أوراق وشكله مستعجل ودعمها طاحت أوراقه وطاحت روايتها بندر عصب : عمى ماتشوفين منايل : يعمي عيونك بندر نزل يأخذ أوراقه : بعد غلطانه ولسانج طويل إذا ماتشوفين البسي نظارات عشان تشوفين عدل (مشى وخلاها ) منايل تنرفزت: مالت عليه متخلف حتى ماكلف نفسه يشيل روايتي صج تافه(شالت روايتها ورجعه للبيت) (في منطقه جليب الشيوخ احد المناطق القديمه والمتواضعه في الكويت ) الجده هيا : يالعنود اخلصي خلينا اروح قبل الليل نوير : ياليل الشقى عجلي بيجي الليل ماوصلنا السوق العنود تلبس غطوتها : خلاص جيت أوف مابغيت القى غطوتي الجده هيا: يلا مشينا نلحق نبسط عسى ربي يرزقنا حلال (بندر والجده هيا والعنود ونوير شخصيات جديده بتعرفون عليها فالبارتات الجايه) "صبـــــاح يوم جديد" الجده ماسكه كوب حليب عليه حلبه: يايمه اشربي هالحليبه خلي جرحج يبرى حور تكره ريحه الحلبه : يمه تكفين ماحب الحلبه ليش تحطينها الجده تحاول تقنعها : يابنتي الحلبه زينه تقوي مناعتج وتقوي جسمج حور يعتفس وجهها : يمه ماحبها الله يديم النعمه الجده : خلاص بس شوي عشان خاطري حور خذت الكوب وسدت خشمها وشربت شوي : يلا خلاص شربت عشان خاطرج الجده : فيه العافيه حور ابتسمت : يعافيج وخليج لي الجده : الساعه صارت 9 وسعاد للحين ماجت مادري علامها دخلت الممرضه: السلام عليكم حور والجده : وعليكم السلام الممرضه : حور جهزي نفسك هلأ بتجي الدكتوره سمر لتكشف على عمليتك الجده : والطبيب سعود وينه الممرضه : مش حور طالبه دكتوره تكشف عليها والدكتور سعود طلب من الدكتوره سمر تكشف عليها حور ارتاحت : خلاص انا جاهزه الممرضه : هلأ بتجي دخلت الدكتوره سمر : صباح الخير حور : صباح النور الدكتوره مبتسمه : هاه شلون مريضتنا الحلوه حور ابتسمت : الحمدالله احسن الدكتوره : الحمدالله يلا اشوف العمليه حور خافت: تكفين شوي شوي لاتعوريني الدكتوره ابتسمت : إن شاء ماراح اعورج بس بشوفها وترى الدكتور سعود اذاني من كثر مايوصيني عليج شكلج تهمينه حيل حور انقلب لونها وماردت الجده على نياتها : الله يعطيه العافيه عسى عياله يتوصون فيه شافت الدكتوره عمليه حور والحمدالله مافيها شي ومانفتحت خياطتها بس حور من الخوف صارت اتوهم الدكتوره : لا الحمدالله مافيج إلا العافيه بس انتي لاتخافين وتقعدين تفكرين فيها الجده : الحمدالله الله يعطيج الصحه والعافيه يادكتوره الدكتوره : الله يعافيج ماسوينا إلا واجبنا يلا عن اذنكم بروح اطمن الدكتور سعود ينطرني بالمكتب حور : شكرا دكتوره الدكتوره: العفو طلعت الدكتوره سمر راحت لمكتبها لقت سعود على اعصابه سعود متوتر : هاه دكتوره سمر بشري الدكتوره سمر ابتسمت : شوي شوي على عمرك ماله داعي كل هالتوتر مافيها إلا العافيه والعمليه مافيها أي شي تطمن سعود تنهد براحه : الله يبشرج بالخير يلا عن اذبج تعبتج وياي ويعطيج العافيه الدكتوره سمر : الله يعافيك (وصلت سعاد والبنات وخالد ماخلوا شي ماجابوه عصاير وفطاير وحلويات وككاوات بالمختصر خموا الجمعيه خم) خالد يحب رأس حور وخشمها وخدها : سلامتج ماتشوفين شر تصدقين ماقالولي انج بالمستشفي كل ماسأل عنج يقولون بالشغل أو نايمه حور تبتسم : الله يسلمك حبيبي انا قلت لهم مايقولون لك مابي اخرب عليك لعب البلاستيشن انت ماصدقت العطله اتجي عشان تلعب 24ساعه خالد : حور قوليلي شلون الحرامي طعنج ماكان فيه احد بالشركه وسعود وينه (طبعا قالوا لخالد ان فيه حرامي كان يبي يسرق جنطتها وحور مسكت جنطتها وقعدت تصارخ وطعنها"ماقالواله ان عناد هو السبب " خالد توه صغير مايبون قلبه يمتلي حقد على عناد وكل ماكبر يكبر هالحقد معاه) حور : لاحبيبي الموظفين اغلبهم طلعوا وانا كنت طالعه من باب الشركه ماشفت إلا الحرامي جاي صوبي يبي ياخذ جنطتي وماخليته وعقب شاف سعود يركض صوبنا وطعني ونحاش خالد : والله لوكنت اعرفه لذبحه وادخل بسبته الاحداث حور بخوف: خالد إشهالكلام انت إشعرفك بالاحداث وين سامعها خالد: واحد كان يدرس عندنا زواج أمه كان مأذيه ويعذبه ويعذب أمه ويوم شافه نايم طعنه ومات زوج امه وهو دخل الاحداث حور : خالد مابي اسمع هالكلام حنا مسلمين وقتل النفس حرام وبعدين الله فوق وعالم بكل شي وهو بياخذ حق كل مظلوم من كل ظالم خالد : بس زوج امه كان يعذبه حور : حتى ولو هذا حرام الله بيأخذ حقه منه وكل ظالم له يوم الحين هو شستفاد دخلوه الاحداث وخسر مستقبله ياخالد المسلم الصالح يخاف ربه ومايسوي شي يغضب ربه ويعرف إن كل ظالم له يوم يلا ابيك تستعفر ربك ولاعاد اسمع هالكلام منك خالد : استغفرالله خلاص اوعدج ماعاد اقول شي يغضب الله [حور : أي بارك الله فيك سعاد والجده ومنال كانوا فارشين لهم عالارض وقاعدين يتقهون ويسولفون ومانتبهوا لخالد وحور الجده : إلا نرجس ومنار وينهم ماشفتهم منال : قالوا يبون يشترون موكا من الكوفي إللي تحت منار ونرجس شايلين موكا ودونات ويمشون فالممر شافوا غرفه من برى كلها بوكيهات ورد منار: أوه لحظه لحظه شوفي بوكيهات الورد هذي تهبل كل واحد احلى من الثاني نرجس: أي صج تصدقين مايبنا ورد لحور هاج هاج مسكي الموكا منار مسكت الموكا: ليش إشبتسوين نرجس : الحين أوريج إشبسوي بس انتي راقبي منار شهقت : نرجسوه يالخبله إشبتسوين (نرجس راحت خذت بوكيه ورد كبير لونه احمر وفيه دباديب بيض وعليه سلاسل على شكل حلقات صغار طايحه لون اصفر واحمر شكله روعه تلفتت يسار يمين ماشافت احد شالته ومشت ولاكأنها سوت شي) منار :ههههه نرجسوه يالحراميه إشسويتي نرجس : اللي يسمعج يقول بايقه ذهب كله ورد بنحطه بغرفة حور وإذا طلعت من المستشفى بالسلامه برده مكانه وبعدين انتي ماشفتي الممر شلون تارسه الورد يعني بوكيه واحد ماراح يأثر منار: ههههه لاانتي حراميه شريفه دام جذي يلا خلينا اروح لأهلنا نرجس: منور بذمتج البوكيه مو يهبل منار : يهبل وبس إلا يأخذ العقل نرجس : أوه أي صج اذا سألوا أهلنا بجم شارينه شنقول منار : صج وهقه مادري بس اتوقع يمكن بعشرين دينار نرجس : هههههه يالخبله واحنا من وين لنا عشرين دينار كل اللي عطتني أمي خمس دنانير منار: لاعادي نقول فتحنا اليوم حصالاتنا وكل وحده مجمعه 15دينار خذينا عشرين وشرينا فيها هاه شرايج فيني نرجس ضحكت: ههههه والله ويبتيها يأم دماغ انتي منار : افا عليج اعجبج يلا سكتي وصلنا دخلوا الغرفه نرجس ومنار : السلام عليكم الكل: وعليكم السلام حطوا بكيه الورد عالطاوله منال : الله إشحلاته من وين شريتوه منار بصوت واطي: اختج هذي لوتنطم احسن نرجس : اي والله زينها ماكله تبن وساكته منار : هاه أي هذا شرينه من محل بوكيه الورد إللي تحت سعاد : صج والله عنده بكيهات حلوه وينها ماشفتها يوم دخلته نرجس ارتبكت : ههههه لااحنا نبشنا بالمحل تنبش وشفنا هالبوكيه هو الوحيد الحلو والباقي عاديه باقات ورد عاديه حور : مشكورين حبايبي يعطيكم العافيه ليش تكلفون على عمركم منار بصوت واطي: خاف صج مكلفين على عمرنا نرجس طقته بكوعها وابتسمت : شدعوه لاكلافه ولاشي إن شاءالله اعجبج حور ابتسمت : يهبل حده روعه منال : إلا صج وين الكرت نرجس بهمس هذي إللي بتجلطني : هاه اي الكرت منور صج وينه منار توهقت: اي هاه مادري يمكن طاح اي اكيد طاح نرجس : اي حسافه طاح يلا مايخالف اهم شي البوكيه انطق الباب الكل : اتفضل محد دخل الجده : ادخل اتفضل محد رد الجده : انا بقوم اشوف منو فواز : خلاص دشي فوزيه:خايفه ادخل وياي طلعت الجده وسكتوا الجده عرفتهم : نعم فواز: السلام عليكم الجده بدون نفس : وعليكم السلام خير فواز : شكلج ماعرفتينا انا فواز وهذي فوزيه عيال عناد الجده : والله والكوبه خير ماكفاكم إللي سواه ابوكم جايين بعد تكملون الناقص فواز انحرج : لاحنا مايرضينا إللي سواه ابوي حنا بس جايين انتحمد لحور بالسلامه الجده : خلاص سلامك وصل ولاعاد اشوفكم جايين واللي جانا منكم كفايه ومثل ماابوكم كاف خيره خلوه يكف شره فواز تمنى الارض تنشق وتبلعه ولاسمع هالكلام : حنا اسفين عالازعاج بس تأكدي إن حنا موراضين باللي سواه ابوي يلا عن اذبج التفت لفوزيه وحط إيده على كتفها: يلا مشينا دخلت الجده الغرفه وهي معصبه واتحلطم : بعد ماكفاهم إللي سواه ابوهم جايين ولهم عين بعد (الكل مستغرب عن منو اتكلم) سعاد : خالتي عن منو اتكلمين الجده : بعد عن من عن عيال عناد فوق إللي سواه ابوهم جايين يقولون نبي نتحمد بالسلامه لحور حور شهقت : يمه عيال عمي كانوا اهني ليش ماخليتيهم يدخلون قامت تبي تنزل من السرير الجده: وين قايمه شوي شوي على عمليتج حور: بروح الحق عليهم هم مالهم شغل بالسالفه ليش ماخليتيهم يدخلون الجده حست بالذنب : خلاص خليج بروح اناديهم منال :يدتي خليج انا بروح اناديهم طلعت منال بسرعه عشان تلحق عليهم ماشافتهم وبسرعه اتجهت للاسنصير لقتهم واقفين ينطرون الاسنصير يفتح فتح الاسنصير تقدموا عشان يركبون منال : فواز فوزيه لحظه فواز لف جهة الصوت واستغرب البنت إللي تناديه منال تنحت فيه واسكتت وقعدت اطالعه فواز: نعم اختي نادتيني منال توهي تستوعب: هاه أي انت فواز ولد عم حور صح فواز باستغراب: اي انا فواز خير منال : حور تبي اتشوفكم اتناديكم فواز : سلمينا عليها وقوليلها الحمدالله عالسلامه حنا ماودنا انجي ونضيق على احد منال : اذا قصدك يدتها فتراها ماتقصد وقلبها طيب بس من حر مافيها لاتشره عليها فواز كان بيرفض بس شاف فوزيه خاطرها تشوف حور وهون فواز : خير إن شاءالله يلا جايين مشت منال ومشوا وراها وصلوا للغرفه وقفت منال ومدت إيدها لفوزيه: يلا تعالي حور ميته على شوفتج ابتسمت فوزيه ومسكت إيد منال ودخلت ويا منال الغرفه وفواز وقف عند الباب منال خذت بوكيه الورد وسلة الحلاو من فوزيه فوزيه دخلت فصخت نقابها وجمدت بمكانها منال سحبتها: وهذي فوزيه وجبناها فوزيه جمدت بمكانها التقت عيونها بعيون حور الانسانه إللي ياما اشتاقت لها وماتوقعت ان الدنيا بتجمعها فيها مره ثانيه حور ماكانت اقل منها شوق اربط السانها قعدت اطالعها بكل شوق وفرح اشتاقت لها أي نعم اشتاقت لصديقة الطفوله طولت بينهم النظرات منال : شنو مطولين وانتوا اطالعون بعض حور استوعبت لنفسها وفتحت إيدها : فـــــوزيه فوزيه ركضت لها ولمتها على خفيف ماقربت من عمليتها بعدت منها ومسكت إيدينها الثنتين بكل قوه وباستها: سلامتج يالغاليه حور نفس الشي ماسكه إيد فوزيه واطالعها بشوق: فوزيه اشتقت لج فوزيه نزلت دمعتها: وانا اكثر بس ماكان ودي نلتقي بهالظروف حور اسفه عاللي يسويه ابوي حور مدت إيدها تمسح دموع فوزيه : ياحلو هالظروف إللي خلتني اشوفج عمري ماتخيلت ان الزمن بيجمعني فيج مره ثانيه فوزيه :كبرتي وتغيرتي احلويتي بس قلبج مثل ماهو طيب وحنون حور ابتسمت: حتى انتي كبرتي واحلويتي تغيرت ملامحج بس ماتغيرت ابتسامتج وغمازاتج منار: يـــــووه ماصارت خلولي شوي من هالحب فوزيه ابتسمت وعلى طول عرفت انها منار : أكيد انتي منار منار ابتسمت وسلمت عليها: وهل يخفى القمر فوزيه: هههه شلونج شخبارج منار : تمام انتي شخبارج اشتقنالج فوزيه: والله وانا اكثر منار : تعالي خليني اعرفج عالموجودين هذا امي العودا وهذي خالتي سعاد وهذولي بناتها نرجس ومنال سلمت عليهم ورحبوا فيها وسألوها شخبارها صح الجده مالها خلق لها ومبين عليها العصبيه بس فوزيه من فرحتها بشوفت حور وعيال عمها ماهتمت منار :و هذا خالد اخوي تذكرينه يوم كان صغير بريعصي موولد فوزيه تفاجئة تذكره يوم كان بالاشهر : هلا خلودي ياحلوك كبر صرت رجال سلمت عليه شلونك شخبارك خالد: الحمدالله انتي شلونج واخيرا شفناكم فوزيه ضحكت: هههه اي والله اخيرا سعاد صبت لفوزيه قهوه: تفضلي منال ييبي الحلو خذت فوزيه فنجال القهوه: تسلمين منال مدت صينية الحلو: تفضلي فوزيه خذت له قطعه كيكه : تسلمين حور : خالد روح سلم على فواز خالد : وينه حور : فوزيه فواز برى فوزيه : اي برى خالد يعتزي : أخو حور ولد عمي برى ومحد قالي ويركض مسرع للباب الكل ضحك عليه شلون متحمس طلع ولقى شاب قاعد على الكراسي وراح له خالد : السلام عليك فواز : وعليكم السلام خالد : انت فواز فواز : اي نعم خالد ابتسم ومد إيده : يالله حيه انا خالد ولد عمك حمد (تصرفاته كأنه رجل مو طفل ) فواز فتح عيونه تفاجأ وفرح : هلا يامرحبا الله يحيك انت خلود (شاله وضمه) خالد قعد يضحك : ههههه يارجال نزلني فواز نزله : شلونك وشلون خواتك والله وكبرت وصرت رجال خالد يضحك : هههه بخيرالله يسلمك انت وشلونك بشرنا عنك يالله حيه فواز اعجبه كلام خالد حس انه اكبر من سنه: الله يحيك الحمدالله بخير إلا قولي ياخالد انت كم عمرك خالد : انا عمري 10سنين فواز ابتسم: ماشاءالله كبرت خابرك يومك بالاشهر خالد : أي كبرت ومابغيت اشوف ولد عمي اسمع فيك ولاشفتك فواز استانس عليه: هههه لاخلاص الحين شفتني وبنصير ربع إلا خالد انا ودي اتحمد لحور بالسلامه ياليت تسوي لي درب خالد : ابشر ثواني دخل لغرفه : فواز يبي يتحمد لج بالسلامه ياحور حور لفت شيلتها عليها ومسكت طرفها بإيدها عشان تغطي وجها :خله يتفضل خالد طلع لفواز : فواز تفضل قام فواز تنحنح ودخل وقف عند الباب كان معطيهم جنبه : السلام عليكم الكل : وعليكم السلام فواز : صبحج الله بالخير يابنت العم حور :صبحك الله بالنور فواز : اشلونج وشلون صحتج بشرينا عنج حور : بخيرالله يسلمك فواز : سلامتج ماتشوفين شر حور : الشر مايجيك سعاد : شلونك يافواز عساك بخير فواز ماعرفها : بخيرالله يسلمكم فوزيه : فواز هذي ام فهد جارتهم صديقة خالتي نوره تذكرها فواز ذكرها : هلا يامرحبا يالله حيها السموحه ماعرفتج وشلونكم بشرونا عنكم سعاد :الله يحيك ابشرك بخير مانسأل إلا عنكم فواز : تسأل عنكم العافيه يلا انا استأذن سعاد : لاحشى وين ماضيفناك منال قومي صبي قهوه لفواز منال اختبصت قلبها قام يرقع مثل رقع طبول الحرب : إن شاءالله يمه خذت مطارة القهوه وفنجال وراحت له صبت له وإيدها ترجف منال : تفضل فواز كان صاد ومنزل عينه ماطالعها مد إيده يأخذ الفنجال وشاف الفنجال يهتز من رجفت إيدها ابتسم ومارفع عينه: زاد فضلج منال تنحت قعدت اطالعه استغلت الفرصه انه منزل عينه وقعدت ادقق بملامحه عليه جاذبيه موطبيعيه سعاد عطت خالد الصينيه : خالد هاك الحلو خل فواز يحلي خذا خالد صينيه الحلو: تفضل ياولد العم حل فواز ابتسم :اممم شأختار أي وحده حلوه خالد : والله مادري كلها عندي زينه فواز ضحك : هههه خلاص نجرب هذي إللي عليها كاجو (خذى حلو الكاجو وكلاه) خالد : هاه اعجبتك فواز : امم لذيذه (وخذى وحده ثانيه منها) منال متصنمه وشوي وتذوب لما ضحك وبينت غمازته وبخاطرها تقول اروح شوربة عدس لهالغمازه فواز مد فنجاله وطول وهو ماده ومنال مانتبهت رفع طرف عينه وشاف البنت متنحه فيه خالد بدفاشه وصوت عالي: هـــــاي يابنت صبي قهوه منال اخترعت من صراخه ومدت إيدها بسرعه تاخذ الفنجال فواز ابتسم على شكل خالد خرع البنت منال صبت قهوه ومدت الفنجال ومن داخل اتحلف بخالد بدوي دفش ماعنده إسلوب فواز شرب القهوه ومد الفنجال وهزه : بس اكرمج الله منال خذت الفنجال واربط السانها ماردت فواز : اكرمكم الله ياجماعه استأذن الكل : حياك الله طلع فواز ومنال للحين متنحه بمكانها خالد بلعانه قرب منها وصرخ : هــــــــــاي صبي قهوه منال نقزت اخترعه : عمى بعينك ياخويلد لايكون انا خدامه عندك وانا مادري خالد يضحك وبين ضرسه المكسور : هههههههه منال بصوت واطي: هين خل البنت تروح اعلمك الشغل بدوي دفش ماعنده اسلوب بعد تضحك من حلات الضروس خالد زاد ضحكه : ههههههههههههههههههههه سعاد : انتوا شعندكم اتساسرون وتضحكون منال : لايمه ولاشي سلامتج فوزيه قعدت شوي تسولف ويا حور وعقب سلمت عليها وعالكل وقبل لاتطلع خذت رقم حور وعطتها رقمها عشان يتواصلون طلعت لفواز كان وقف ينطرها عند الباب فواز : يلا مشينا فوزيه ابتسمت : يلا سعود كان واقف وشاف فواز طالع من غرفة حور وانقهر منال مسكت خالد :تعال يالخايس اعلمك الادب خالد بصوت واطي : اللي شعندج تخزين ولد عمي ساعه اطالعينه هديني وإلا بعلم امج منال هدته بسرعه وخالد ضحك وراح لحور منال تكلم نفسها بصوت واطي : اومبيه هذا إللي بيفضحنا عمى بعين عدوه مايطوفه شي خن اخذه ونروح للكوفي قبل لايخر الاكو والماكو لحور عاد شيفكني من اسألت حور منال اتمصلح: خلودي امش اروح للكوفي نشتريلنا شي كابتشينو او أي شي خالد:اي والله يلا مشينا منار : وانا بروح وياكم نرجس تروحين ويانا نرجس : لامالي خلق روحوا انتوا منال : كيفج يلا منور وخلود مشينا منار وخالد : يلا وهم طالعين إلا سعود جاي لغرفة حور مااهتموله وكملوا دربهم دخل سعود بعد ماطق الباب: السلام عليكم الكل :وعليكم السلام سعود : صبحج الله بالخير يأم نوره الجده : هلا صباحك النور شلونك سعود : نسأل عنكم الجده : تسأل عنك العافيه نرجس يمه قهوي الدكتور سعود : لا يالغاليه اكرمكم الله توني شارب وان كثرت فيها تتعب معدتي الجده : خلاص براحتك ماني ملزمه عليك معنى انك انت إللي تستاهل القهوه حور فهمت قصدها : يمـــــه وبعدين الجده صدت عنها وماردت عليها سعود : قبل شوي لمحت فواز ولد عناد ومعاه وحده طالعين من عندكم الجده ماصدقت خبر: اي يقولون جايين يزورن حور ماكفاهم إللي سواه ابوهم حور : يمـــــه هم مالهم شغل باللي سواه ابوهم وبعدين هذولا عيال عمي وانا مارضي عليهم الجده : خلاص درينا درينا سعود كان ماسك الملف يقراه قرب من حور وقال بصوت واطي مايسمعه إلا حور: اكيد هذا حبيب القلب ماترضين عليه حور خزته بعصبيه وقالت بصوت واطي : انت وبعدين وياك ممكن مااتدخل فيني سعود رفع حاجبه: أووه عصبتي جرحت مشاعرج ماترضين على حبيب القلب حور انقهرت منه وماردت سعود شافها عصبت وغير الموضوع : الدكتوره سمر طمنتني عليج وتقول عمليتج زينه مافيها شي بس انا احب اتطمن اكثر وأسألج تحسين بنغزات أو شي حور صدت عنه وماردت عليه سعاد استغربت: حور اشفيج ماتردين عالدكتور قاعد يكلمج حور :كيفي مابي ارد عليه الجده عصبت : حور ووجع انهبلتي إشقلت الادب هذي حور اسكتت ماردت سعود حس انه زودها : خلاص خلوها براحتها انا بعدين امر عليها يلاعن اذنكم قبل لايطلع همس لها : هدي يالغلا لوماتهميني ماتدخلت انتهـــــى البـــــارت |
يعطيكى العافيه يالغلا بارت ولااروع واتمنى ان عناد تمسكه الشرطه ان حاول مره ثانيه يتعرض لحور وينسجن مؤبد واتمنى. ان البارت الجاى ينزل بسرعه وشكرا
|
السلام عليكم و رحمة الله و بركاته
مساء الخير و الرضا من الرحمن أبدعتي يا غنادير تسلم ايدينج يا غلاتي :55: في عتب صغيرون بس خليه بالاخير ^ــ^ =================== (( حور )) الحمد الله على سلامتها .. بس طيبتها الزايدة ممكن توديها بداهيه يعني وش ضرها لو خلتهم يحبسونه يومين بس .. بس بالتالي الطيب بأصله يتصرف و هذا عمها مهما سوى ..و هي كـ العادة حطت الكل بعين الأعتبار من خالد عشان ما يكره عمه إلى عيال عمها و وش ممكن يحسون و أبوهم فوق بلاويه هالبلوه هذي ..حور و تصرفها اتجاه سعود و تطنيشه يستاهل يسب و يشتم و يتمسخر و أخرتها يبيها ترضى و تعطيه وجه و كأنه ما سوى شيء ..الأيام الجاية بتكون صعبه عليهم الأثنين لإنه احساسي انه الجده ممكن يصير لها شيء و ما راح تلقى حور من يوقف معاها إلا الخالة سعاد و بيت ابو سعود ... =================== (( سعود )) يا عيني يا عيني و الله و طحت و محد سمى عليك يا ولد أبوك .. طلع كل هالغرور من عينك لما شفت حور بتروح من بيد ايدينك و لا فكرت انه احد موجود بس شكلها هذي تأثير الصدمه و الخوف عليها و راح يطلع وجه الثاني المغرور بس يحسها طابت عشان يغطي على نفسه و ما ينفضح قدامها... =================== (( العم الهم )) إنسان مسكين و سكين >ــ< الحياة اللي عاشها أكيد ما كانت سويه اللي خلفت هالامراض النفسية و التفكير الأجرامي و حبه و للحصول على الشيء اللي يبيه زاد من هالمرض و حبه النرجسي إذا صح نسميه جذي و اللأسف أنه ما لقى من شريكة الحياة أي دافع أنه يخليه ينسى اللي كان عايشه و يبدى من جديد كـ إنسان نظيف بالعكس هي قاعدة تزيده و تحلي المعاصي بعينه .. بس اللي صدمني أنه قتل اخو حور شيء غير متوقع أنه يقتل طفل رضيع ما حليته شيء بالدنيا بس عشان يحرق قلب أمه و ابوه عليه ..اتوقع هذا كله بسبب الغيره من اخوه و شوي من حب نوره الغيره تسوي مصايب الله يجيرنا و اياكم ..بيجي يوم و يندم على كل شيء سواه بس ياليت قبل ما يفوت الفوت ... ================== الجده هيا و العنود و نوره احس وراهم حكايه و وجودهم بيزيد القصة حلاة فوق حلاتها منال شكلها العسوله طاحت بفواز و لا حد سمى عليها و منايل و بدايه حكايه من الصدمه مع بندر ================== العتب غنادير .. غندوره .. حبوبه .. شفتي << فيسي المسكين :redface: يطالب بزيادة عدد البارتات بالأسبوع بما انه القصه ماشية انتي فيها حني علي أنا و الحلوه حلزونه أدري انتي طيوبه و حنا نستاهل صح << فيس الثقه :peace: أما بارت واحد مع هالإبداع ما ينفع كلش سلمتي يا الغلا بــ انتظار القادم .. .. .. |
السلام عليكم ورحمه الله وبركاته
اخبارك غندوره قصه جميله جدا جدا واعجبتني صراحه بشكل وقراءتها من كم يوم واليوم نزل الجزء فوجب ارد بما اني تقريبا قراءت كل الاجزاء مع بعض فردي بيكون شامل وبسيط ومن المره الجايه ان شاء الله ندخل بالعميق فيس مشمر وناوي يفصفص البارتات ****** حور واخوانها وعيشتهم البسيطه مع جدتهم ا(امهم العودا) سبحان الله اذا كان الانسان كافل ايتام ويحاول بكل مايقدر مايقصر عليهم الله يكون بعونه ويسخر له اللي يعينه ويساعده على هالشي وكان هذا اللي سوته سعاد مع عائله حور تساؤلي هنا انتي قلتي ان ابو نوره كان انسان غني وعنده فلوس وماعنده على حسب فهمي غير نوره وين راحه شركته وفلوسه والا مخبيه قصتهم للجاي ؟؟ عناد هذا انسان مريض عقليا ونفسيا ارسلوه لنا نحطه بشهار(مستشفى للامراض العقليه بالطايف ) اذا كان عندكم زحمه بمواعيد مستشفياتكم للهالمرضى فيس مستعجل يصعقه بالكهربا فوق حقارته وسواد وجهه وقتل اخوه وموت اهله عليه غاضبين للان يحس نفسه مريض والا هالسكينه اللي كنها سكينه (اخت الملعقه ) وش تحس فيه والله ما قاطع قلبي الا فواز وفوزيه ويارب يعقل فواز ويتوضف مثل العالم وياجر بيت له ولاخته عن هالعفن اللي اسمهم اهله ******* سعووووووووووووووووود وما ادراك ما سعود ايه ياداك التطورات ذي صراحه بعد موقفك بحفله مناير وووي لوعت كبدي وقلت هذا الصيايع حرام يصير دكتور بس بعد موقفك بعد ماعنادوه طعن حور كني بديت اعجب فيك شوي يعني يبي لك شويه ذرابه مع حور وماتخلي الغيره تعمي عيونك وتقط هالكلام عن حور وشهو اللي حبيب ماحبيب يابن الحلال ولد عمها واكيد ماترضى عليه غنادير قلم مميز اسلوب سلس تستحق القراءه بالتوفيق يارب متااااااااااابعه لك ان شاء الله |
اقتباس:
هلا وغلا halazona يعفيج ربي يالغلا الاروع تواجدج المستمر""" ههههه اما عناد تمسكه الشرطه امممممم ماراح اقول شراح يصير عشان مااحرق البارت:peace: تابعي الاحداث ومتاكده انها راح تعجبج:lol: والبارت بينزل الجمعه واتمنى يعجبج وحياج الله |
اقتباس:
|
اقتباس:
تسلمين يالغلا ويشرفني متابعتج وان شاءالله اكون عند حسن ظنكم |
الجــــــــزء الحادي عشر
قبل لايطلع همس لها : هدي يالغلا لوماتهميني ماتدخلت طالعها نظرت استحقار وطلع حور تعرف هالنظره مو اول مره يطالعها هالنظره هذي هي نظرته المتكرره لها الجده وسعاد مانتبهوا له بس نرجس ماطوف عليها كانت قريبه من حور وسمعت كلمته لها وحست بنغزه بقلبها وهي تشوف نظرة الاستحقار بعيونه كل المفاهيم إللي ادور برأسها تخربطت وأولها مفهومها إن سعود يمكن يكون يحب حور الجده معصبه: انتي ماتستحين ولاتخيلين تقلين ادبج عالرجال هذا جزاه حور : يمه وإللي يعافيج ممكن تصكين الموضوع الجده : لا ولـــوا يلوي عدوج من زين اعلومج نصك الموضوع حور تحاول تمسك اعصابها ماتبي ترفع صوتها على امها: خلاص ابشري ولا يهمج ماراح نصك الموضوع ودامج تبيني اتكلم بتكلم أولا فضايح عمي ماله داعي تنقال للي يسوى وإللي مايسوى ومالحد شغل فيها وعيال عمي مالهم شغل وانتي تدرين انهم اكثر المعارضين لعمايل ابوهم الجده : ليش إشسويت لهم حور : جايين يتحمدون بالسلامه لي وانتي ماقصرتي بالمعامله الطيبه لهم نسيتي كلام الله تعالى " و لا تزر وازرة وزر أخرى " يمه انتي عمرج ماكنتي جذي هم مالهم ذنب يكفيهم ان امهم وابوهم ضيعوهم وبيضيعونهم اكثر الجده تكابر ماتبي تعترف بخطاها: اولا وسمعناه سمعينا بعد شعندج حور : وثانيا سعود دكتور وانا مريضه يعاملني مثل مايعامل أي مريضه ولايتدخل بأمورنا الخاصه وواحد من الاثنين ياأطلع على مسؤوليتي يا يغيرون لي الدكتور الجده : انتي انهبلتي ماعاد فيج عقل هذي جزاته متوصي فيج ومهتم حور: لايتوصى ولايهتم يفكنا من شره وبنكون بخير الجده : انتي إشجاج من الرجال علميني حور: بس مابيــــه كيفــــي والله ان ماقلتولهم يغيرونه لا اطلع من المستشفى وبالطقاق لو يلتهب الجرح لويصير إللي يصير الجده عصبت وقامت : والله لولا خوف من ربي لااكسر هالعصى عليج ياقليلة الخاتمه سعاد انا بنطرج تحت وصليني للبيت حور سكتت خافت لايرتفع ضغط جدتها سعاد : خالتي هدي السالفه ماتحتاج هالعصبيه ارتاحي الجده معصبه: لاماني مرتاحه بتوديني وإلا بأخذ تاكسي سعاد : لاشدعوه تاكسي ان شاءالله بوديج الجده : انا بنطرج تحت إذا خلصتي تعالي سعاد : إن شاءالله خالتي شوي وبييج طلعت الجده سعاد بجديه : امج وراحت قوليلي إشصاير حور ارتبكت : شنو إشصاير سعاد: حور الف والدوران هذا مايمشي علي قوليلي إشصاير إشبينج وبين سعود حور: شنو مابيني وبينه شي سعاد : حور تعرفيني كلمتي ماثنيها قوليلي إشصاير حور سكتت ماردت سعاد بحده: حــــــور تكلمي حور ماقدرت تكتم اكثر : إشتبيني اقول اقولج اني ماارتاح لهرجال ومابيه يقرب مني لامن بعيد ولاقريب وان هالشخص إللي عادينه ملاك خالي من العيوب هاني وتشمت فيني وكل كلمه والثانيه بنت فقر بنت فقر وبالشركه يدور علي الزله عشان يسب ويشتم وماسك علي عمج وفعايله وانا صابره وبالعه الإهانات عشان ماخسر هالوظيفه وانه يشوفني انا واهلي ولاشي وانه يقول انتي واهلج ماتسون نعالي هــــاه يكفيج إللي سمعتيه وإلا تحبين اقولج اكثر سعاد انصدمت : انتي شتقولين انتي متأكده من إللي تقولينه حور : اي اكيد مومصدقه كلامي موهو لابس قناع الشهامه والرجوله قدامكم وفالحقيقه انه واحد حقير مغرور ومتكبر يشوفني انا واهلي ولا شي سعاد عصبت : وليش ساكته ماقلتيلي ليش تسمحين له يهينج حور : كنت مجبوره اسكت قلت كلها كم شهر ويرجع بوسعود ويداوم بالشركه وافتك من سعود وشره سكت لأني مابي اخسر هالوظيفه لاني محتاجه لها سكت لاني خايفه امي العودا تدري بأي شي وتتعب سعاد شافت ساعتها: تأخرت على خالتي بنزل لها عشان ماتحاتي وباجر لي كلام معاج انزين حور : انزين سعاد : نرجس ديري بالج عليها اي شي يصير دقي علي نرجس : إن شاءالله يمه سعاد : انا بأخذ خالد وياي للبيت ومنال ومنار بيقعدون عندكم وإذا خلصت الزياره انتي رافقي عند حور ومنال ومنار يردون بسيارة حور المفتاح ويا منال نرجس : إن شاءالله يمه بتلقينهم في الكوفي سعاد : خلاص مع السلامه حور ونرجس : مع السلامه طلعت سعاد وخلتهم نرجس كان ألف سؤال يدور برأسها نرجس : حور انا مصدومه من الكلام إللي قلتيه معقوله سعود جذي حور : لاتنصدمين ولاشي ياما بتشوفين في هالدنيا من عجايب وغرايب نرجس : أي بس شمعنى خوفه عليج واهتمامه فيج حور انا بقولج شي حور طالعتها نظرت استفهام نرجس : سعود كان مهتم فيج بشكل ماتخيلينه وخايف عليج حتي تخيلي لما كنتي نايمه يمر عليج يسأل عنج حور ابتسمت بسخريه: يمكن يكون شعور بالذنب لااكثر ولا اقل وبعدين انا لما كنت تحت تخدير البنج مادري شلون سمحت له انه يقرب مني ويبلل الكلينكس ويمسح شفايفي يمكن شعوري بالعطش وتخدير البنج ماخلاني انتبه لهالموقف السخيــــــف بس انتي شلون تسمحين له امس يوم تذكرت الموقف كرهت نفسي نرجس : مادري خوفي عليج ماخلاني انتبه حور : خلاص غيري السالفه فكينا من سيرته نرجس : اوكي بروح اييب قلم من الممرضات عشان نلعب اكس أو حور ابتسمت : وبدربج شوفي وين منال ومنار ترى طولوا نرجس وهي طالعه : اوكي (بيت الجده هيا) نوير تخظ البن وتغني : يانار شبي من ضلوعي حطبكي صابر على نار المولع وابكي أي والله ابكي واكثر الناس تبكي والناس لي سمعوا خبر شين يبكون جاتها العنود وقعدت عندها : للحين ماخلصتي نوير : لاماخلصت وانتي خلصتي الجريش العنود : يوه من زمان وودته امي لجارتنا أم محيسن نوير : أي زين العنود متردده : اقول يانوير نوير : اممم قولي العنود : ابسألج سؤال وجاوبيني بصراحه نوير : هاه اخلصي علي اسألي ترى ماني فاضيه العنود : انا عيوني لي لبست البرقع زينه نوير طالعتها : اي زينه وش فيها العنود : ادري زينه بس انا اقصد تلفت الانتباه يعني تفتن يعني تصلح لي اغنيه ماهقيت إن البراقع يفتنني نوير شهقت : ياويلي ويلاه انتي انهبلتي وش تفتن انتي إشبلاج استخفيتي ماعاد استحيتي العنود : يــــــوووه بسم الله الرحمن انا ماكفرت اسولف وياج نوير : امحق سالفه اني داريه ان ورى هالسالفه شي اخلصي قوليلي إشصاير لج العنود : خلاص انا بقول وإللي فيها فيها امس يوم كنا بالسوق يوم عطتني امي فلوس اشتري عصاير وماي شافني واحد وكان يبي يعطيني ورقه وانا صديته وعقب قعد يقصد ويغني ماهقيت إن البراقع يفتنني نوير مسكت رأسها : يافظحنا بين العربان ياشيب رأسي ياقليله الخاتمه وليه رافعه غطوتج ماتسترتي وشنهي الورقه وهو سوالج شي العنود : يــــــووه يانوير تراج تكرهيني بالسوالف معج الغطوه مااشوف منها وانتي تدرين اني اتغصب بها عشان امي ياسلام انا اتغطى وانتي لا وبعدين الرجال ماسوالي شي إشبلاج قومتي الدنيا نوير : امي تغصبج اتغطين عشانها تدري ان عيونج زينه تفتن الرجاجيل وإلا انا عيوني حبوب مص محد ملتفت يمها نقطتين صغار المهم علميني إشصار العنود: ماصار شي التفت عليه وقلت يابن الحلال رح في حالك ماني من صيداتك انا بنت اصل وفصل وصديت عنه ومشيت نوير : أي بعدي ياختي خليج بنتن صاحيه ماتلتفت لضعاف النفوس العنود : لا وانا اخت بندر مايهز شعري واحد من اشكاله وانا العنود نوير : إلا على طاري بندر أمس يوم كلم أمي ماقال متى بيرجع العنود تنهدت : لا ماقال كل إللي قاله قريب بيرجع الله يحفظه اشتقناله نوير : أي والله اشتقناله الله يستر عليه وين ماكان ___ ___ ____ ___ ____ دز الباب بقوه ودخل بدون استأذان حور كانت تقرى مجله واخترعت وطاحت المجله من إيدها حور بعصبيه : انت شلون تسمح لنفسك تدخل بدون استأذان وإلا ماتعرف الاستأذان يادكتور يامحترم سعود رافع حاجبه : اووه والله وطلع لج السان يابنت الفقر انتي ليكون صدقتي عمرج وعشتي الدور اني احبج اصحي ياماما ترى كل إللي سويته مجرد شعور بالذنب ومجرد واجبي كدكتور ترى مو سعود إللي يلتفت لوحده من عايله منحطه حور : منحط انت واشكالك انت واحد حقير تستغل مهنتك عشان تشفي غليلك وحقدك تدري انت واحد مسكــــــين سعود : هههه ضحكتيني انا مسكين وإلا المسكين إللي لاأهل ولاسند وإلا المسكين إللي عمه طال الزمن وإلا قصر بيتاجر بشرفها لضعاف النفوس يتربح منهم حور انربط السانها حست بنبضات قلبها كأنها طبول من الخوف مجرد مامرت في بالها فكرت ان عمها بيستغل ضعفها ويتاجر بشرفها سعود عرف تأثير كلامه عليها وكمل اهاناته: انتي احمدي ربج انج للحين عايشه لولا الله ثم انا وإلا انتي الحين من اعداد الميتين حور تحاول تكون قويه : الموت إشيلك ويأخذك انت واحد قذر منحط اطلــــــع برى سعود : اطلع برى لا توني ماخلصت كلامي انتي المفروض إللي مثلج مايتكلم يبلع العافيه ويسكت هذا بدال ماتشكريني وتحبين إيدج حور : اشكرك على شنو على منتك انك خلصتني من إيدين عمي وإلا على اسلوبك العدل عالعموم مشكور ومره ثانيه لوتشوف عمي ذابحني لاتسوي دور البطل وتساعدني سعود : انا ساعدتج عشان نفسي مااقبل الاهانه على نفسي ان بنت تنطق قدامي واتم واقف واتفرج مو عشان سواد عيونج حور : انزين انت الحين اشتبي جاي سعود : انا جاي عشان اعلمج الادب شكل اهلج ماعلموج الادب قبل شوي مستقويه وتنافخين هـــاه يلا وين السانج اشوفج سكتي منال ونرجس ومنار فتحوا الباب وسمعوا الصوت وتموا وقفين عند الباب مادخلوا حور طالعته من فوق لي تحت وهزت راسها : مسكين اشفق على حالك تصدق خالد اخوي عقله اكبر من عقلك ويعرف الاصول ياولد الاصول سعود نرفزته طريقتها واستهزائها: شكل لسانج طال يابزر ويبيله قص حور بستهزاء : لا يارجال تصدق توني ادري انه طال اقول يلا يلا هناك (وتأشر بإيدها) لاصرت رجال مثل الرياجيل تكلم سعود جن جنونه : رجال وغصب عنج (قرب ورفع إيده يبي يصطرها) حور غمضت عيونها وغطت وجها بإيدينها عشان تحمي نفسها من الكف منال ونرجس ومنار بصوت واحد : لاتمــــــد إيــــــدك (دخلوا ووقفوا جمب حور) سعود انصدم ماتوقع احد منهم موجود وترجع بخطواته منال بصوت عالي : يالوطي اطلع مرايلك على بنت هاي هاي اصحى ترى احنا بديره فيها قانون ماحنا في غابه نرجس اتخصر: لاوقبل شوي يمثل دور الشهم الشجاع إللي يعرف الاصول منار : مسكين يبي يطلع عضلاته مالقى يطلعها إلا على بنت يحسب المراجل بمدت اليد منال : اقول يادكتور يامحترم يابن الاصول هذي الاصول إللي ربوك عليها اهلك سعود اربط السانه وماعاد عرف يتكلم وفضل الانسحاب وطلع حور للحين مصدومه واطالعهم مثل المسبهه منال تلم حور : يابعد عمري يعل إيده الكسر منار ماسكه إيد حور وتمسح عليها : حور إشفيج ليش ساكته حور ساكته ماردت نرجس : حور ردي علينا حور بهدوء: هالشخص مابيه يقرب صوبي دقوا على خالتي سعاد وخلوها اتصرف ابيهم يغيرونه نرجس : هدي ماله داعي ندق على امي نربكها عالفاضي باجر يصير خير منار : حور صدقيني بعد إللي صار ماراح تشوفين رقعة وجهه بس انتي ماعليج منه ياكل تبن منال : حور شفتيه شلون ارتبك وماعرف يرد هو متقصد يحرج ويقهرج انتي بالذات حور : انا بفهم إشسويت له عشان كل هالإهانات ماجاه مني شي نرجس : خليه يولي وإللي على رأسه بطحى يحسسها منال : حور فديت عيونج انسي السالفه وقطيها ورى ظهرج ولاجنه صار شي تكفين ماحب اشوفج معصبه حور ابتسمت : انا بالطقاق ماهمني اصلا كله على بعضه موشايفته بس انا مستغربه إشهالكره حشي ولا ماكله حلاله منار : ههههه حور شفتينا شلون صرنا قويات والسان الوحده فينا شطوله نرجس : هههههه لاشفتوا شكله انربط السانه انصدم منا منال : خل ياكل تبن يستاهل يزاه وأقل من يزاه حور ابتسمت : فديتكم دخلتوا فالوقت المناسب منال : خلينا من سيرته منايل دقت علي وقلت لها عنج وبغت تستخف وعصبت علي ليش ماقلت لها المهم طمنتها عليج حور : الله يهديج ليش تقولين لها الحين تقعد تحاتي وحالتها حاله منال : لاتحاتي ولاشي قالت بدق عليج وإذا سمعت صوتج بتطمن حور : ماقالت متى بيردون منال : تقول بعد اسبوع حور : يردون بالسلامه "لنــــــــــــدن" بوسعود وأم سعود ومنايل كانوا قاعدين بأحد المقاهي بوسعود : أقول يأم سعود وين عذاري أم سعود : راحت اتسوق ويا داليا صديقتها بوسعود : هالبنت ماتشبع من السوق أم سعود : خلها على راحتها ماوراها شي منايل : يبه دريت إشصار لحور بوسعود : أي الله يقطع هالعم احد يسوي بلحمه ودمه هالسوات حسبي الله عليه الظالم ام سعود : عاد حور ماتستاهل شاف شاب جاي صوبه بوسعود : هذا بندر ولد حسن وإلا يتهيئ لي بندر مبتسم : السلام عليكم بوسعود قام يسلم عليه : وعليكم السلام يالله حيه بندر : الله يحيك شلونك يابوسعود عساك طيب بوسعود : بخير الله يسلمك انت شلونك وشلون الاهل بندر : بخيرالله يسلمك الساعه المباركه إللي شفناك فيها بوسعود يبتسم : ساعتك ابرك هاه شعندك في لندن سياحه وإلا شغل بندر ابتسم : لا ويـــن انا والسياحه في لندن وين إلا جاي زياره واحد من الربع يتعالج إهنيا وجاي اشوفه بوسعود : أفـــا عسى ماشر بندر : الشر مايجيك عنده ورم في رأسه وسوى له عمليه استأصلوه بوسعود : وعساه طيب الحين بندر: إن شاءالله انه طيب يلا انا استاذن تأمر على شي بوسعود : وين توالناس ماضيفناك بندر :والله مستعجل الجايات اكثر إن شاءالله بوسعود : المره هذي بأسمح لك لانك مستعجل لكن المره الثانيه مالك عذر بندر ابتسم : ابشر ان شاءالله يلا فمان الله بوسعود : ياهلا فمان الكريم ام سعود : هذا بندر ولد حسن ماغيره غريبه جا لندن بوسعود : اي هذا بندر يقول جاي يزور واحد من ربعه ام سعود : ماشاءالله عليه من يصدق انه بيصير مهندس بوسعود : أي ماشاءالله عليه اجتهد وكمل دراسته إلا خواته للحين ويا جدتهم في السوق مادرسوا ولاشي ام سعود : لادخلوا محوا الاميه درسوا سنتين وفصلوا اهم شي عندهم يقرون ويكتبون بوسعود يبتسم: ياحليلهم للحين عالدقه القديمه منايل : ليش يمه أهم عجايز وإلا شنو ام سعود : لا مو عجايز توهم شباب العنود عمرها23 سنه ونوير يمكن 28 سنه وبندر 29سنه منايل مستغربه: أووه يمه توهم شباب ليش محو الاميه ام سعود : توفوا اهلهم وربتهم جدتهم وجدتهم حرمه من الدقه القديمه تبسط فالسوق وعندها مزرعه صغيره فيها غنم وبقر ودجاج وتروح كل يومين ويا البنات يحلبون الغنم والبقر ويخضون البن للحين عالعيشه القديمه منايل مستغربه : صــــــج يمه معقوله للحين فيه ناس بالكويت جذي يمه شلون عايشين ام سعود: اي يمه فيه ليش مافيه عايشين على البساطه ومرتاحين منايل : يمه شنو بيتهم عشه وإلا عايشين بخيام ام سعود : لا عندهم بيت قديم في جليب الشيوخ بس ماعندهم تلفزيون ولا إلكترونيات منايل تحمست : يمه شلون للحين عالرودي والفانوس والماي يجيبونه من البير وجذي ام سعود : لاشدعوه عندهم كهربا وماي بس للحين عالرادو وينامون بعد صلاة العشا ويقعدون الفجر ويتريقون خبز رقاق ولبن غنيمتهم وزبده بقرتهم منايل : اومبيه يمه حدهم سوفـــاج احسهم من العصر الحجري _____ _____ _____ _____ ""رومــــــــــــا"" نايف شاب يبلغ من العمر 29سنه يشتغل في السفاره الكويتيه في روما قاعد يشرب كابتشينو في احد المقاهي نايف يتكلم بالتلفون : احلف بذمتك جاي بكره يامرحبا ومسهلا " يارجال والله لك وحشه " شاللي غير رايك وخلوهم يعطونك اجازه " يارجال احمد ربك اسبوع نعمه اهم شي احد يجي من ريحة اهلي " انا ان شاءالله شهر بالكثير واخلص اموري واستقر فالديره ياخي تعبنا من الغربه" ههههه يلا تأمر على شي " هلا مع السلامه سكر الموبايل انتبه للبنات إللي يطالعونه من أول مادخل مبين عليهم خليجيات نايف يكلم نفسه : ياليل هذولا شعندهم مبحلقين عيونهم فيني من أول مادخلت البنات كان النقاش محتد بينهم الاولى :شوفيه سبحان الله نسخه من فزاع الثانيه : لا هذا احلى شوفيه يهبل الثالثه : بس ترى مصختوها نايف زهق من خزهم قام وطلع (نايف شاب وسيم بكل ماتعنيه الكلمه فيه شبه من فزاع وكثير يشبهونه بفزاع بس نايف اسمر شوي وعيونه اوسع) الدكتوره سمر : صباح الخير حور : صباح النور الدكتوره : هاه شلون مريضتنا حور : الحمدالله الدكتوره : من اليوم ورايح انا المسؤوله عن حالتج نرجس : ليش دكتوره وين الدكتور سعود الدكتوره : الدكتور سعود ماخذ اجازه اسبوع نرجس ابتسمت وغمزت لحور حور ابتسمت لنرجس فهمت قصدها : دكتوره لو سمحتي متى اطلع الدكتوره : يومين ثلاث بالكثير وان شاءالله اكتبلج على خروج حور : مشكوره دكتوره الدكتوره : العفو يلا عن اذنكم حور ونرجس : هلا اذنج معاج طلعت الدكتوره وانفجرت حور ونرجس ضحك نرجس : ههههه كفج كفج حور كفت نرجس : هههه الحمدالله جت من الله فكه افتكيت منه نرجس : يلا إن شاء كلها يومين وتطلعين من المستشفى (في منطقه جليب الشيوخ في احدى البيوت القديمه) الجده هيا : تجهزوا يابنات اليوم بروح نبسط بسوق الفحيحيل ام محيسن تمدح الربح فيه تقول ماشاءالله بضاعتها ماشيه فيه نوير : يمه متى بنروح الجده هيا : بعد شوي العنود : يمه وإذا لقينا الربح زين فيه خلاص بنقعد نبسط هناك الجده هيا : إن شاءالله إذا ربي سهل الرزق فيه بنستقر فيه نوير : يلا انا بروح اجيب البضاعه وانتي يالعنود سوي قهوة أمي عشان اتقهوى هناك العنود : خلاص جهزت القهوه والتمر وحطيتها بالسله انتي بس روحي جيبي البضاعه ويلا خلونا انروح الدرب طويل نوير : يلا إن شاءالله (جابت نوير البضاعه وراحوا ويا أم محيسن لسوق الفحيحيل ) دخلوا سوق الفحيحيل ومروا من عند المنشر والكوت (احد اكبر المجمعات في الفحيحيل) (نوير والعنود كانوا مبهورين من اشكال المجمعات اول مره يطلعون ويبسطون برى سوق الجليب) نوير : ياماشاءالله يازين هالقصور اكيد انها بيت واحد من الشيوخ ام محيسن مطوره شوي : لا هذا مو بيت هذي مجمعات فيها محلات ومطاعم وفنادق العنود شافت نافورت الكوت اتراقص : اللــــــه تكفون وقفوا بروح المسها نوير : يوه وجع لا شلون تلمسينها يمكن فيها كهربا تشفطج واطيرج فوق انتي مهبوله ماتعرفين شي العنود شافت باسكن روبنز: الله تكفين يمه هذا باسكن روبنز خلينا نشتري بريد (بكسر الراء) ( العنود تقرى مجلات بكثره ودايم تشوف علانات إيس كريم من باسكن روبنز عالغلاف وحفظته) نوير : ليه وهذا سكن روز وشفيه زود العنود : لا اسمه باسكن روبنز هذا محل معروف بجميع انحاء العالم البريد إللي يسويه روعه مافيه مثله نوير : قولي والله اجل يأم محيسن تكفين وقفي حنا نبي نشتري منه ام محيسن : إن شاءالله بس لاطولون الجده هيا : انزلوا واشتروا بسرعه وتعالوا نوير والعنود : ابشري يمه نزلوا العنود ونوير ودخلوا باسكن روبنز ووقفوا عند الباب وقعدوا يطالعون الناس العنود مسكت إيد نوير : امشي إشفيج خايفه تعالي نقول للي يبيع نبي إيس كريم نوير : يافضحي فضحاه انكلم الرجال عويذ الله من شرج العنود : حنا بنشتري بريد ماراح نطقها سوالف نوير : الله يستر منج انتي والعسكريم العنود : اسكتي فضحتينا اسمه إيس كريم لاتفشليني نوير : خليني على بريد احسن لي من عسكريم يلا كلمي الحجي قوليلها يعطينا بريد العنود : حجي بعينج اسكتي فضحتينا اسم قرسون موحجي انتي تحسبين انه نفس راعي البرد إللي يبيع فالشارع نوير : قرصــــــان امحق اسم العنود اسفهتها وتقدمت : لوسمحت نبي إيس كريم القرسون : أي تكرمي شوبتحبي أي نوع العنود توهقت ماتعرف الانواع : هاه شنو عندكم القرسون : في بالفانيلا وفي العنود قاطعته : أي هذا هو نبي بالفانيلا القرسون : شو بتحبي نوع الصوص العنود ونوير بتعجب : فصــــــوص؟؟؟ نوير : ياويلي يالعنود لايغشنا ويحط لنا في البرد فصوص وإلا ترتر (الفصوص عندها الشوارفسكي) العنود : وين حنا جايين محل خياطه وإلا مطعم اسكتي انا بتفاهم معه العنود : احم لوسمحت يعني شلون فصوص القرسون : لامش فصوص صوص يعني نكهه يعني شوكلت كراميل شوبتحبي العنود : أيــــــه نكهه خلاص حط شوكلت القرسون : تكرمي نوير : الله يستر من خرابيطج لو مخليتنا على بريد بوصاروخ وبوذهب احسن لنا من الفصوص والخرابيط الله يستر لاتنشب الفصوص في بلعومنا العنود : خلاص اسكتي فشلتينا قدام العرب نوير : والله محد بفاضحنا إلا انتي مادري شاللي خلاني اطاوعج واجي معج العنود : انطمي خلاص نوير : خلاص بننطم ونشوف اخرت الفصوص (جا طلبهم ودفعوا الفلوس وطلعوا أول ماركبوا السياره كل وحده خذت إيس كريمها ) نوير تاكل : اللــــــه يازين طعمه اجل وين الفصوص العنود : خــــــلاص انتي علقتي فصوص وفصوص اسمه صوص هذا الاسود إللي من فوق هذا هو الصوص نوير : خلاص ياختي لاتفشليني أول مره اكل بريد كشخه وصلوا المكان إللي يبسطون فيه الحريم وإنزلوا ونزلوا بضاعتهم بعد مابسطوا وضبطوا بضاعتهم نوير : يازين سوق الفحيحيل يالعنود كشخه احسن من الجليب العنود : إن شاءالله يتسهل رزقنا عشان نقعد نبسط إهنيا ام محيسن : ياأمش يالعنود روحي اشترينا عصاير من المطعم (ملاحظه ام محيسن اتكلم بحرف الشين فيه قبايل في الكويت يتكلمون بالشين وكذالك فيه قبايل يتكلمون بالسين "بس حبيت اوضح "غنادير ) العنود : وين مادل المطعم ام محيسن : هذا إللي قدامنا شوفيه العنود : أي هذا زين شقوله ام محيسن : قوليلها نبي 4عصير برتقال طازج وهو بيعطيش العنود : إن شاءالله يلا يانوير امشي وياي نوير : يلا مشينا راحوا نوير والعنود يمشون للمطعم نوير : تصدقين يالعنود انا مستانسه إن حنا طلعنا نشوف الدنيا من عرفت نفسي وانا من البيت لي سوق الجليب ومن البيت لي مزرعة جدي الله يرحمه في الوفره العنود : وانا والله مستانسه ياختي عالاقل شوفي ياكثر الناس ياكثر الكويتين إهنيا اما هناك ياكثر الاسويين الواحد يخاف منهم مر شاب من عندهم : ادوخ انا ممكن تفتحوا البلوتوث (نوير والعنود لزقوا في بعض) نوير : ياويلي يالعنود هذا شيقول شنو البتوث العنود : مادري ياأختج بس تقضبي في برقعج لحد يقطعه نوير : ومسويه نفسج فاهمه وتعرفين كل شي العنود : وانا شدراني نوير : انا إللي بعلمج فيه العنود : إشبتسوين يامهبوله نوير : الحين بتشوفين (فسخت نعالها وحذفته فيها وماشافوا إلا غبرته ) نوير : لابوك لابو ستين كلب ــــــ ــــــ ــــــ ــــــ ــــــ (في بيت الجده ) اليوم طلعت حور من المستشفى والجده الفرحه مو سايعتها ماخلت حلويات ولا كيك ولافطاير ماشرتها سعاد : الحمدالله على سلامتج يالغاليه حور : الله يسلمج خالتي نرجس : اواللــــــه كل هالحلويات وهالسوالف عشان حور الجده : أي عشانها وحور شويه هذي الغاليه حور : عساني ماخلى منج يمه منار تحنحن : احم احم نحنوا هنا تراني اغار منال : واااي ياكثر ماتغارين الله يعين إللي بياخذج منار : اصلا يحمد ربه إني بتنزل ووافق عليه نرجس : تلقينه يازبال ياحفار قبور منار : حفار قبور بعينج أي هذي الغير وماتسوي يالبطه نرجس : اي هين اغار منج شكيرا على غفله سعاد تحط كيك وفطاير بصحن : خلو عنكم السوالف وانتي تعالي ودي هالصحن لخلود وفهود نرجس : ياسلام عليهم هالبريعصيات وليش ماييون سعاد : يلعبون بلاستيشن يلا قومي وديه ماراح ينقص منج شي نرجس تقوم تأخذ الصحن وهي اتحلطم : نرجس صارت خدامه لهاشواذي عمى بعينهم حتى عمى بعينهم حور ومنال كانوا يسولفون بصوت واطي حور : ليش وانتي إشدراج منال : منايل قالت لي حور : وقالت بيستغرون في الكويت منال : اي بيستقرون بورغد للحين معصب وزعلان على رغد عقب إللي سوته والظاهر زادت عصبيته بعد ما سعود قال مايبيها حور : بس إللي اعرفه انه يحبها ويموت فيها منال : بس هذي خيانه مو شي سهل حور : عما بعينه وانا اقول ليش معصب اثاريه زعلان على حبيبة القلب ومالقى يطلع حرة رغد إلا فيني بلعنته هو ورغد انا شكوى فيهم منال : اصلا هذي رغد مابلعتها سخيفـــــه ودلعها ييب الجلطه حور : بس سبحان الله سعود ورغد لايقين على بعض هو خبيث وخسيس وهي نفس الشي كلهم من طينه وحده منال : لابس ماتوقع بيرجع لها بعد إللي صار حور : ماعليج القطو مايحب إلا خناقه إذا ردت لديره بيرد لها واحنا شعلينا منهم بالطقاق منال : أي والله بالطقاق المهم ترى منايل بتوصل يوم اليمعه حور : اي ادري قالتلي امس يوم كلمتني فديتها حدي مشتاقة لها ( رومــــــــــــا ) نايف : طيب علمني انت جاي روما عشان توسع خاطرك وتقط همومك وإلا عشان تقعد مكتم سعود : نايف انا مقهور وفي قلبي إللي فيه انت منت حاس فيني نايف : انت إللي جايبه لنفسك رغد ماتستاهل حتى اتحسف عليها سعود : رغد بلعنتها ماهوسعود إللي يتحسف على وحده خاينه وانت تدري بهالشي انا منقهر على الحب إللي عطيتها نايف : لاتقعد تقولين كلام المسلسلات منقهر على الحب ومدري شنو انت إللي مضيق شي ثاني وانا عارفه سعود ارتبك : إشقصدك نايف : انا ولد عمتك وصديق دربك واكثر واحد فاهمك انت متضايق عشان حور سعود طاريها اربكه: انسى حور اصلا حور تحب ولد عمها وتاليتها بتزوجه نايف مستغرب : وانت إشدراك شاللي مخليك واثق سعود تنهد : شفته زارها وكأن فيه بينهم موده وحب نايف : يمكن تكون غلطان ماتوقع حور بعد إللي سواه عمها بترضى في فواز سعود : اصلا هي ماتهمني ولايمكن افكر فيها انت نسيت ان عمها عناد سيرته على كل ألسان نايف : سعود حرام عليك هي مالها ذنب ان عناد عمها سعود : ياأخي تستريــح هذا إللي ناقص انا اخذ وحده اهلها الله لايبلانا سمعتهم في الحظيظ نايف : انا عن نفسي عادي عندي اذا البنت زينه وسمعتها طيبه وعاجبتني ماعلي من اهلها انا بتزوجها ماني متزوج اهلها وبعدين الشخص إذا حب كل الامور تهون عشان الحب سعود : لاماني معك بكره اذا تزوجت وحده سمعت اهلها فالحظيظ وجاني عيال وسألوا من خوالهم إلا خوالهم يوطون الراس لاابوه من حب نايف : والله لو احب وحده والبنت وابوها سمعتهم طيبه ماعاد يهمني باقي عايلتها يكفي سمعت ابوها سعود : خلنا من هالسالفه وعلمني متى تستقر فالديره نايف : إن شاءالله عشرين يوم شهر بالكثير واخلص اموري واقدم استغالتي وارجع سعود : وين ناوي تشتغل نايف : بشتغل بشركة ابوي سعود : اوه يافرحة عمتي بالخبر قلت لها شي وإلا للحين نايف : افا عليك أول من درا هي اصلا ماحدني على هالشي إلا محاتاتها سعود : ياخي لاتلومها انت وحيدها ماعندها غيرك نايف : إشفيك نسيت شهد سعود : ياخي انسى ان عندك اخت من ابوك وان امك مربيتها نايف : هههه يالحبيب انت نسيت اني راضع معك واخواتك خواتي سعود : لاعاد هذا الشي مستحيل انساه بعد مناشبني في حليب امي وتبيني انسى عزالله انك نشبه من صغرك نايف : ههههه راضع منها غصبا عنك سعود : تلايط يابزر نايف : تكفى ياشيخ انت الكبير تراك اكبر مني بست اشهر بس سعود : ماعلينا اسمع انا بروح انام مصدع وتلفوني بخليه عندك إذا دق الوالد قوله ان الشغل إللي قالي عليه خلصته والاوراق بدزها بالفاكس نايف : ابشر ولايهمك بس علمني متى بترجع بكره وإلا بعده سعود : لابعدبكره إن شاءالله نايف : انا مادري شمطيرك توالناس ياخي مامداك جاي قبل امس بترجع بعد بكره سعود : لازم ارجع قبل لايوصلون اهلي ــــــــــــ ــــــــــــ ـــــــــــ اليوم الجمعــــــه سعود مسوي عزيمه لابوه وعمه (في الصاله ) رغد كانت قاعده تسولف ويا عذاري شافت سعود داخل للمطبخ قامت واتجهت للمطبخ وقبل لا تدخل شافت نفسها بالمرايه إللي بالممر ضبطت شعرها ومشت كانت لابسه نفنوف حرير لي فوق الركبه لونه أوف وايت حفر ومن تحت الصدر شريطه حمرا لابسه كعب احمر وتراجي احمر حاطه ميك اب خفيف مسكره وبلشر ترابي والحمره حاطته بارزه احمر فاقع دخلت وشافت سعود معطيها ظهره ينطر الخدامه تصب القهوه فالدله عشان يأخذها مشت بمياعه وصوت الكعب كان عالي لف سعود وشافها صد عنها ولاعبرها رغد انقهرت من حركته بس ماهمها مشت ووقفت قدامه مدت إيدها وقالت بمياعه : مرحبـــــا سعود طالعها من فوق لي تحت باستهزاء : تستري يابنت رغد بمياعه : شدعوه مستخسر تسلم علي رغودتك سعودي إشفيك مااشتقت لي سعود بعصبيه : رغد اقصري الشر واطلعي برى رغد : سعودي إشفيك تخليت عني مادري إشقالولك وألفوا معقوله تصدق كلامهم وتجذب رغودتك سعود : انا اصدق اذني اصدق الكلام إللي سمعته رغد خلاص انا طاب خاطري منج والله لوتحطين لي القمر بإيد والشمس بإيد ماارجع لج خلاص انا عفتـــج رغد : شنو عفتني انا ملابس عندك عشان تعيفني اي اكيد وحده قصت عليك و أوهمتك بحبها وانت صدقتها سعود عصب : انطمي ولاكلمه ويلا برى قبل لاتشوفين شي ماشفتيه رغد خافت من شكل سعود وهو معصب : خلاص انا بخليك الحين بس تأكد إني لايمكن اتنازل عنك بسهوله وطلعت وخلته رغد كانت طالعه من المطبخ وهي معصبه ودعمت منايل وماعبرتها كملت دربها منايل كانت اتكلم بموبايلها : اوف منال وينج ماصارت يكفي حور ماراح تجي بعد انتي تأخرتي ترى حدي مشتاقه لج " شنو اي وصلت ووياها منار " يلا حبيبتي لاتأخرين " يلا باي صكت منايل من منال وشافت سعود ماخذ الدله وبيطلع منايل : هلا سعود سعود ابتسم لها : هلا منالي منايل : إشفي هالخبله طالعه معصبه ماتشوف الدرب سعود : خليها بلعنتها فوق شينه قوات عينه جايه بقوات عين تقول سعود مااشتقت لي منايل هزت كتوفها : عادي مو غريبه عليها إن لم تستحي ففعل ماتشاء سعود : يلا انا بودي القهوه تأخرت منايل : الله معاك ــــــ ــــــ ــــــ ــــــ حور كانت قاعده اطالع التلفزيون جدتها ومنار راحوا للعزيمه وهي تعذرت لمنايل انها خايفه على عمليتها لاتلتهب من العطور والبخور وفي الحقيقه انها ماتبي اطب بيت بوسعود خير شر سمعت صوت جرس الباب وراحت كارين تفتح الباب دخلت لحور وبأيدها كيس ابيض حور : كارين منو عند باب كارين : هذا تأكسي يعطي هزا كيس يقول لحور حور بأستغراب : لي انا مافي يقول من منو كارين : لامافي قول حور خذت الكيس : اوكي خلاص روحي فتحت الكيس طلعت الكرتون إللي داخله فتحته كان الكرتون ابيض ومن داخل مليان ورد جوري طبيعي لقت عطر إيدول من جورج أرماني وساعه من جورج ارماني خذت الكرت مكتوب فيه [ " خنجرآلشــوق' منتصف ~ بين ~ آلآضلاع لآهو..اللي ذبحنــــي' ولآني..اللي قويته " الحمدالله على السلامه ياحور تحياتي ] انتهى البارت |
الله يعطيكي العافيه اختي غنادير صراحه روايه روعه وسعود يحب حور بس يكابر بس خليه يخف عليها شوي وشكل نايف اذا شاف حور راح يحبها
|
السلام عليكم و رحمة الله و بركاته
صباح الخير و الرضا من الرحمن ابدعتي يا غنادير .. بس تراني حنانه زنانه و بارت واحد بالأسبوع ما يكفي بس عشانج سويت دسكاونت و اطالب ببارتين بس << حليلي قنوعه ^ـ^ ================ (( حور و سعود )) و الله سعود الغيرة لعبت فيه لعب و لا وصلت فيه انه يبي يصطرها بس كنه زاد عن حده و مسخها بزود يعني اللحين بعد ما عرف حقيقه رغد القشرا و ازاحت عن دربه يحاول يتقرب من حور عن يكسبها و خصوصا ما اتوقع لا أبو و أم سعود راح يرفضون ارتباطه فيها بس شنقول مخها مصدي ولد الحلال ... الهديه اللي جت لحور اتوقع انها منه و يمكن سمع كلامي و هذي أول خطوة << حيل واثقه >ــ< ===================== (( عناد الهم )) يا حر قلبي منه الاهبل ما تاب بعد يبي ينقتم و يدور طريقة ثانيه كله من السكينه اللي متزوجها اللي الظاهر الغيره من نوره معشعشه بقلبها و تطلعها بحور المسكينه ... =================== (( العنود و نوير )) يالبييييييه يا حلوهم يهبلون .. ياحلو الناس اللي على سجيتها تدخل القلب على طول اتوقع بتكون لهم حكايه و خصوصا بعد وصولهم اسواق الفحيحيل و يمكن يلتقون بحور و منال و تصير بينهم علاقه ... ===================== (( رغد )) وجععععععع في عينها بعد شين و قواة عين و لا كنها مسويه شيء تستاهل اللي جاها و اكثر ... سلمتي يارب بــ انتظار القادم .. .. .. |
كيف احوالك عزيزتي الغاليه غنادير صراحه الحده هيا ونويروالعنود حضورهم فى القصه يهبل حلوه بساطتهم ومواقفهم وأظن بندر بيسيرله دور فى بحياة حور وسعود ذبحته الغيره من فواز على حور ويكابر وعناد شكله بيتحد مع غدير لماتعرف ان سعود يحب حور ودمتى لمحبتك
|
ام متعب""
يعافيج ربي وحياج الله اسعدني تواجدج بياص الصبح"" هلا وغلا متابعتعج وتعليقاتج حيل تعجبني وان شاء الله الاجزاء الجايه تكون عند حسن ضنكم اما بخصوص ان بارت واحد مايكفي خلاص فيه اسابيع بحط بارت واسابيع بحط بارتين اوكيك :peace: halazona"" هلا وغلا يالغلا الحمدالله انا تمام " اممممم الجده هيا والعنود ونوير ان شاءالله تعجبكم تعجبكم شخصياتهم ومواقفهم وحياج الله |
"الجــــــزء الثــــاني عشــــر"
افتحت الكيس طلعت الكرتون إللي داخله فتحته كان الكرتون ابيض ومن داخل مليان ورد جوري طبيعي لقت عطر إيدول من جورج أرماني وساعه من جورج ارماني خذت الكرت مكتوب فيه [ " خنجرآلشــوق' منتصف ~ بين ~ آلآضلاع لآهو..اللي ذبحنــــي' ولآني..اللي قويته " الحمدالله على السلامه ياحور تحياتي ] صكت الكرت وألف سؤال يدور برأسها من منو الهديه غريبه مانكتب اسم عليها يمكن وحده من صديقاتي ايام الثانوي بس ليش ماكتبوا الاسم لا لا مااعتقد صديقاتي بيكتبون اسمهم بس من له مصلحه من بين الافكار إللي توديها وتجيبه تذكرت شغله ورجعت تفتح قفص الساعه مره ثانيه لفت انتباهها إن الساعه رجاليه اي رجاليه ياربي هي رجاليه وإلا يتهيئ لي حمدالله والشكر من هذا الاحول إللي شاري ساعه رجاليه رنة تلفون البيت نقزتها من الخوف بسم الله إشفيني خايفه كانت متردده ترد وإلا ماترد فالاخير قررت ترد ارفعت السماعه بخوف حور بخوف : ألو وصلها صوت مرعب خشن : وصلتج الهديه ياقمر حور مرعوبه والكلمات جمدت بداخلها كمل كلامه : على فكره تراني متقصد بالساعه الرجاليه وقصدي فيها اوصلج خبر ان فيه رجل يراقبج على مدار الاربعه والعشرين ساعه حور خذت نفس وحاولت ماتبين خوفها : احم عفوا من يتكلم : بــــــدري ياقمر بعدين بتعرفيني حور: ألــــــو ألــــــو صكر الخــــــط للحين ماسكه السماعه بإيدها ومصدومه صرخـــت بخوف ورعب : كــــــــــــــــــارين جتها كارين تركض : شنو فيه حور بدون مقدمات ركضت وحضنت كارين بخوف كارين مليون علامة استفهام على وجها : هور شنو فيه حور وخرت من حضنها وركضت بسرعه للباب شافته مقفل وراحت لدرايش تبي اتأكد من انها مصكر بعد ماتأكدت إن كل شي مصكر رجعت لصاله قعدت عالقنفه مسكت موبايلها بإيدها وضمت رجولها وتمت تراقب حركة عقارب الساعه الموجوده بالصاله وكل هذا تحت استغراب من كارين : إنتي ليش خوف حور بخوف : كارين مره ثانيه لاتفتحين الباب لأي احد ماتعرفينه كارين : إن شاءالله بس انت مافيه خوف مسكت موبايلها بتردد ادق على خالتها سعاد أو لا شافت الساعه توها تسع يعني توهم فالعزيمه مامداهم قعدوا حطت الموبايل على الطاوله وقعدت تقرى المعوذات خذت الريموت وشغلت التلفزيون وحطته على قناة المجد القرآن وعلت على الصوت تبي تبتعد عن الافكار إللي توديها وتجيبها ياربــــــي إشهالورطه منــــــو يطلع هذا بعد يمــــــه صوته يخرع موبس يخرع إلا يرعب إذا صوته ارعبني بهالشكل شلون وهو يراقبني 24ساعه ياربــــــي ساعدني والله خايفــــــه &" "& & & " " & قاعدين بعيد عن المعازيم في احدى زوايا الصاله الفخمه (منايل ماسكه إيد منال) منايل اتكلم بلهفه : وربي لكم وحشه اشتقت لكم انتي وحور منال تبتسم : واحنا اكثر هاه إن شاءالله استانستي منايل : اي عادي مافيه شي جديد نفس كل سفره بس تمنيتكم انتي وحور وياي منال ضحكت : هههه لايامعوده احنا متعودين على حر الكويت فديتها خلاص صار الحر عندنا شي اساسي منايل ابتسمت على بساطه صديقتها : خلينا من هالسالفه وقوليلي بالضبط سالفة حور ويا الحيوان عمها منال عبست وجهها بقرف من طاري عناد : عنادوه يعله العمى هذا عم هذا غم وهم منايل : ادري طاريه يلوع جبدج بس قوليلي السالفه منال عدلت قعدتها : اوكي سمعي ياطويلة العمر منايل لفت راسها تشوف ريما إللي جايه صوبها : منال لحضه انشوف هذي إشتبي ريما تمشي وهي رافعه كتوفها بطريقه اشبه لمشيت الرجال قربت منهم خشنت صوتها : مرحبا منال تكره هالاشكال ماتحب البويات بدون نفس : هلا ريما مدت إيدها تسلم : شخبارج منال مدت إيدها كمجامله : تمام ريما مسكت إيد منال ورفعتها لفمها عشان تبوسها منال سحبت إيدها بسرعه وبققت عيونها بدهشه : انتي ماتستحين عمى بعينج ليكون حسبالج انا اليدي مالتج ريما ببرود ولامبالاه : عفوا ليش كل هالعصبيه منال فتحت عيونها بزياده طالعت منايل باستغراب واشرت بإيدها اشارة هذي مجنونه منايل فاطسه على شكل منال شلون مصدومه : ههههههههه ريما بليز ممكن تخلينا بروحنا ريما هزت راسها : اوكي بس قبل لا اروح حبيت اسأل الحلوه إللي كان وياج وينها منال للحين اطالعها نظرت تعجب وضع ريما عند أهلها شي عادي ولاكأنها شاذه منايل بسرعه: تعبانه شوي خلاص ريما خلينا بروحنا ريما : اوكي اوكي اخذوا راحتكم مشت مشيتها الرجوليه بلبسها الساخر جنز مشقق لوست وبلوزه حمرا عليها صورت جيفارا مدخله نصها ومطلعه نصها الثاني بطريقه مبهذله ولابسه سلسله عريضه ورابطه سكارف احمر دمي بإيدها وشعرها الثلجي مطيرته فوق بشكل مبهذل منال ودها ترجع شكلها مقرف ومغزز : وووع جبدي لاعت الله يخسها انتوا عادي عندكم محد ينصحها منايل هزت كتوفها بلامبالاه : كيفها كل واحد حر بنفسه منال : عالاقل انصحوها لعن الله المتشبهين بالنساء والمتشبهات بالرجال منايل : شسويلها ماتسمع النصيحه وامها كل ماقلت لها شي قالت بلاتعقيد بلاتعقيد منال : تكسر خاطري احسها من داخل طيبه وحبوبه بس تسوي نفسها بويه عشان تلفت الانظار منايل : خلاص صرتي مصلح اجتماعي خلينا من ريما وقوليلي سالفة حور بالتفصيل منال : اوه نسيت السالفه ومافيها كانت مداومه وياها عمها بالشركه - - - - - - ( وقالت لها السالفه كامله) & - && - & - && - & في فيلا واسعه ذات فخامه يحيط بها الحرس من جميع الجهات كان قاعد بهيبه وكبرياء جاه واحد من الحرس : سم طال عمرك : هاه شالاخبار الحارس : كل شي يمشي مثل الساعه طال عمرك : قواكم الله ابي المرقابه أربعه وعشرين ساعه الحارس : ان شاءالله طال عمرك && - & - & - && شافت الساعه صارت 11 الليل ماعاد قدرت تصبر اكثر الخوف ذبحه دقت على منال ردت منال : ألو حور بخوف : انتي بروحج وإلا احد عندج منال باستغراب : لا محد عندي منايل راحت تكلم خالتها ليش إشفيج حور شوي وتبكي: منال انا خايفه متى ترجعون منال بخوف : حور إشفيج إشصاير حور : ماينفع إذا جيتي بقولج كل شي بس لاتأخرون منال : خلاص نص ساعه ونطلع بس قوليلي فيج شي حور تحاول اطمنها : لابس خايفه شوي لاتطولون منال : إن شاءالله حبيبتي حور : يلا باي منال :باي && && *** *** && && ( بيت عناد ) عناد : تخيلي ياسكينه بيدفع مليونين دينار فيها سكينه مسكت قلبها : أيه مليونين دينار ياخرابي دي حتعيشنا امراء طول عمرنا عناد : اي التجار ماتهمهم الفلوس شي يبونه يحبون ياخذونه سواء غالي أو رخيص سكينه : مايكونش دا عاوز ينصب عليك معأوله عاوز يدفع مليونين دينار في دي البت (البنت) عناد : اي انا في البدايه انصدمت بس بعدين شفته متمسك فيها والبنت شكلها عاجبته وداخله مزاجه سكينه: ومالك آعد ماتأوم تقيبها وإلا آآولك دا المدارس بعد اسبوع وحور حداوم في كليه التربيه روح خدها بالغصب وعطها ابوفيصل وخد المليونين عناد : كنت بسويها بس هو شرط اني ماأخذها بالغصب من عند جدتها يعني لازم تموت جدها بعدين اخذها تعيش عندنا سكينه: ودا عندو صبر دي قدتها عمرها طويل يمكن نموت وهي لساتها ماماتتش عناد بخبث : لا إن شاء الله بتموت قريب بس انا افكر في طريقه بعيده عن شوشرت الشرطه ـــــ:ـــــ:ـــــ (في غرفة حور) منال تسوي نفسها مغمى عليها عالسرير : واااي ياحلات الساعه حور خن روح انبيعها شرايج حور فتحت عيونها وعصبت : احر ماعندي ابرد ماعندج شنو لهدرجه تشوفين السالفه بسيطه عشان تستهبلين اقولج رجال غريب وصوته رعب دازلي الهديه وتقولين خن بيع الساعه تراج سخيفه والشرهه موعليج علي انا منال تفشلت : اسفه حور حبيبتي انتي والله موقصدي بس الساعه حدها ادوخ شوفيها تهبل حور : ادري الساعه حلوه وغاليه بس ماتهمني كثر مايهمني اعرف منو الشخص هذا إللي متعب نفسه وجايب هالهديه ولابعد يراقبني منال : حور يمكن احد معجب فيج حور : حمدالله والشكر ومنو شافني عشان يعجب فيني منال : انزين منو بيكون انتي لابنت شيخ ولابنت وزير عشان نقول يبي ينتقم أو شي حور بخوف: وجع شنو ينتقم عمى بعين عدوج لاتقعدين تسوين فلم هندي منال : وانتي بس خايفه وموعاجبج كلامي حور : اقول نامي بس وخليه يولي منال انسدحت عالسرير تنهدت : آآه ياحور لوكنتي اليوم معاي وشفتي الالماسات والساعات إللي لابسينها خالات منايل وعماتها وبناتهم بيغمى عليج حور : الله يهنيهم قولي ماشاءالله منال تنهدت : ماشاءالله الله يعطينا مثل ماعطاهم :ـــــ:ـــــ:ـــــ: (مـــــزرعه الجده هيا ) نوير تحلب الغنم والعنود تحلب البقره العنود مالها خلق : أوف من هالبقره كل البقر ماتوا وماباقي إلا انتي ياهالبقره عزالله عمرتي نوير شايله طاسة الحليب وتبي تطلع من زريبة الغنم : وجع ياعنيده انتي انهبلتي قولي ماشاءالله تبين تذبحين ابقرتنا العنود : من زينج انتي والبقره لاتخافين عمرها طويل مثل عمرج نوير طلعت من الزريبه وصكتها وحطت الطاسه عالطاوله وغطتها وقعدت عالكرسي: انت استخفيتي من قعدنا نبسط في سوق الفحيحيل وكل شوي شاريه مجلات وكتب من المكتبه وانتي مستخفه العنود توقف وتخصر : ليه مستخفه شايفتني مجنونه والله ابي اقرى واتثقف يكفي اني ماكملت تعليمي وهالبقره احلبيها وإللي بالطقاق انا ماعادني حالبتها (طلعت من الزريبه وخلت البقره وماعاد كملت حلب ) نوير : العنود عنيده تعالي تعالي كملي حلب البقره العنود احقرتها وخلتها تسب وتلعن وهي خذت مجلة قطوف وقعدت تقراها ـــــــــــــــــــــــــــــــــــ بدأ العام الدراسي الجديد اليوم أول يوم دوام لحور ومنال ومنايل واتفقوا يروحون بسياره وحده سيارة حور بس إللي تسوق منال حور حالفه عليها جدتها ماتسوق لان مامر على عمليتها إلا شهر ونص بس حور تحس نفسها صارت زينه بس جدتها راكبه راسها وقفوا عند بيت منايل وشافوا بوسعود وسعود يتريقون فالحديقه منال : هذا بوسعود موجود نزلي سلمي عليه واشكريه عالاجازه شعليج ماراح اداومين إلا ورى رمضان حور شهقت : انزل والغثيث اهني هذا إللي ناقص بروحي لايعه جبدي منه منال : حور فشله روحي اشكريه هذا هو موجود حور : منول والله لايعه جبدي من هالغثه مالي خلق له منال : خلاص انا انزل وياج فشله الريال ماقصر وياج وهو اكبر من ابوج عادي امشي ننزل سلمي عليه واشكريه وبس ماراح انطقها سوالف حور تغصب نفسها : لازم منال بحده : أي لازم حور عقدت وجهها : أوف يلا منال : خليج طبيعيه وماعليج منه نزلوا من السياره واتجهوا صوب الحديقه بوسعود اول ماشافهم ابتسم وقعد يرحب فيهم : يامرحبــــــا يلا حيهم حور ومنال ابتسموا : الله يحيك صبحك الله بالخير بوسعود : هلا صباح النور حيالله هالبنيات الحلوات حور ومنال : الله يحيك عمي بوسعود : شلونكم عساكم بخير حور ومنال : بخير الله يسلمك بوسعود : وانتي ياحور شلون العمليه إن شاءالله احسن حور: بخير الله يسلمك يعطيك العافيه ياعمي عالاجازه ماقصرت بوسعود : افا عليج يابنتي ماسوينا إلا الواجب وإذا تبين زود ابشري حور : ماقصرت ياعمي خيرك سابق سعود يسوي نفسه مايشوفها ولا معبرها ياكل ولا رفع عينه جاتهم منايل منايل تبتسم : صباح الخير الكل : صباح النور باست رأس ابوها : شلون الشيخ بوسعود : بخير دامه يشوف الشيخه منايل منايل راحت جهة سعود وباسته على خده : شلون دكتورنا سعود قاعد عالكرسي ابتسم وسحبها عشان تنزل لمستوه وباس خدها : بخير يالطالبه المجتهده ضحكت وسلمت على حور ومنال منايل : يلا نمشي حور ومنايل : يلا عن اذنكم بوسعود : الله معاكم منايل : يلا مع السلامه سعود وبوسعود : مع السلامه حور مشت تبي تركب السياره ووقفها صوته سعود : حــــــور الكل لف جهة سعود حور وقفت بمكانها وهي معطته ظهرها وعقب لفت له : نعم سعود طالعها وطول وهو ساكت عقب انتبه لنفسه : احم حبيت اذكرج بموعد جدتج الاسبوع الجاي حور : شكرا انا ذاكره مانسيت عن اذنكم سعود : اذنج معاج (اركبوا البنات السياره وراحوا لكليتهم ) (بيت الجده هيا ) الجده هيا معصبه : انتي انهبلتي العنود عصبة : ليه انهبلت انا كفرت وإلا اجرمت بندر غمز للعنود بعينه عشان تسكت : يمه هدي اعصابج كل شي بالتفاهم ينحل إشفيها إذا كملت تعليمها وادرسة عادي العلم نور والرسول قال اطلبوا العلم ولو فالصين الجده هيا : يوم شاب ودوه الكتاب تدرس على كبر إشتبي بالدراسه اهم شي تعرف تقرى وتكتب بندر : العلم مايعرف صغير ولا كبير وبعدين مافيها شي انتي ليش معصبه الجده هيا شغلت الرادو ورفعته لاذنها : خلاص كيفكم إللي تبون تسونه سوه انا مالي شغل العنود استانست وقامت تحب راس جدتها : الله يخليج لنا نوير : العنود فشيله تدرسين ابتدائي وانتي بهالعمر بندر : لا بخليهم يمتحنونها اختبار مستوى وإذا انجحت بيحطونها متوسط تدرس مسائي العنود : نوير ماودج تدرسين وياي نوير بققت عيونها : لاوالله مابي ادرس انا انسانه كسلانه وماحب الدراسه وزين اني عرفت اقرى واكتب (في الكوفي شوب) نايف صار له اسبوعين راجع من روما وسوى له عزيمه كبيره استقر في الكويت واشتغل بشركة ابوه سعود : تصدق من زمان عن هالقعده والسوالف تذكر ايام الجامعه24 ساعه مع بعض نايف يتسند عالكرسي : اي والله ياشين الغربه تبعد الواحد فديت الكويت وترابها سعود : يارجال زين انك استقريت وارتحت في ديرتك وبين اهلك نايف : اي والله ياخوك مافيه احلى من الاستقرار وراحة البال دق تلفون سعود وعتفس وجهه وحطه سايلنت نايف : إشفيك من داق عليك سعود : هذي مادري متي تفهم وتبطل هالحركات نايف عرف من يقصد : رغــد سعود بعصبيه : اي رغد ماهي راضيه تفهم اني خلاص شلتها من راسي ولايمكن افكر فيها مهما تسوي نايف يحاول يهديه : يارجال هد اعصابك مصيرها تمل وتبطل هالحركات ــــــ : ــــــ : ــــــ : ــــــ من جهه ثانيه رغد كانت ادور في السوق ومقهوره ان سعود مايرد عليها ولايعبرها لابسه عبايه مخصره على جسمها وشيله شفاف لافتها وشعرها كله إمبين وجود الشيله وعدمها نفس الشي وحاطه حمره احمر فاقع ومكثفه المسكره والكحل مر واحد من عندها : اموت انا عالاحمر رغد لفت بمياعه صوبه ورفعت حاجبها ومشت الشاب مشى وراها يبي يرقمها: البلوتوث رغد بمياعه وقفت وتخصرت واشرت بصبعها : هاردلك مالك نصيب (لفت وكملت تسوقها والخدامه وراها تشيل الاغراض ) منار قاعده بالصاله تقرظ اظافرها حاطه التلفزيون على قناة الكويت الاولى تنطر الاخبار جاتها جدتها بسرعه : هاه اعلنوا رمضان بكره منار : لا للحين ماجات الاخبار دخلت حور : للحين ماعلنوا منار : لا للحين ماطلع شي قعدت حور عالقنفه ورفعة سماعه التلفون تبي ادق على منال إلا يطلع خبر عاجر ( غدا الاول من شهر رمضان المبارك ) منار بصوت عالي : بكره رمضان يمه الجده بفرح : جعله مبارك حور قامت وحبة راس جدتها : الشهر عليج مبارك يمه الجده : علينا وعلى المسلمين يتبارك منار : الشهر عليج مبارك يمه الجده : علينا وعليج يابنتي دق التلفون وركضت حور : هذي اكيد منال رفعت اسماعه وبسرعه قالت : بسبقج واقول الشهر عليج مبارك ياأحلى منوله سعود: علينا وعليكم والشهر عليكم مبارك حور تجمدت ماتكلمت ولاكلمه سعود : ألو ألو حور استوعبت : ألو سعود : من الادب إذا احد قالج الشهر عليج مبارك تقولين علينا وعليك وإلا ماتعرفين حور بعناد : لاماعرف ونعم داق سعود : اقلبي وجهج وعطيني جدتج حور شهقت بعدين وطت صوتها عشان ماتسمعها جدتها : انت إللي اقلب وجهك ( وصكت التلفون بوجهه ) الجده : من إللي داق حور : هاه لاغلطانين يبون مطعم (من جهه ثانيه) سعود تنرفز : صكت التلفون بوجهي هين نايف يضحك : ههههه تستاهل انت إللي بديت سعود دق الرقم وينطر احد يرد شالت التلفون حور وعطته جدتها : يمه ردي الجده : وليه انتي ماتردين حور : يمكن احد من جاراتنا يبون يباركون لج بالشهر الجده رفعت السماعه : ألو سعود طخ : مساكم الله بالخير الجده : مساك الله بالنور هلا سعود : شلونكم ياخاله عساكم بخير الجده : بخير الله يسلمك شلونك وشلون اهلك سعود : كلهم بخير والشهر عليكم مبارك الجده : علينا وعليكم يتبارك سعود : حبيت اسلم عليكم واسأل عن صحتج وابارك لكم بالشهر الجده : الله يبارك فيك ياولدي ويسلمك من كل شر ويخليك لعين ترجيك سعود : الله يسلمج ياخاله احم-كمل بتردد- اقول خاله بغيت اسأل عن رقم ملفج واسم الدكتور إللي متابع حالتج الجده : والله ياولدي مادري سعود بابتسامه خبيثه: اجل حور عندج عشان اسألها اكيد تعرف الجده : أي والله عندي حور حور تعالي حور شرقت بالعصير : كح كح كح احم (اشرت بإيدها شنو) الجده : تعالي تعالي سعود يبي يسألج حور فتحت عيونها : يسألني عن شنو الجده : مادري يقول اسم الدكتور ورقم الملف مادري تعالي كلميه وهو بيقولج حور : لاوالله قوليله انتي اسم الدكتور لؤي الجده ماعرفت تنطق اسمه : لوي حور : لايمه لؤي الجده : ماعرفت اقوله حور : يمه مابي اكلمه خلي منار تكلمه الجده : خلاص تعالي يامنار علميه بالاسم حور غمزت لمنار ومنار فهمت وقامت خذت السماعه : ألو سعود انقهر وبدون نفس : هلا شسم الدكتور منار بلعانه :الدكتور لؤي ورقم الملف سعود قاطعها : لاخلاص مايحتاج رقم الملف منار بلعانه اكثر : ليش توك تقول لامي تبي رقم الملف سعود بعصبيه :لا خلاص ماله داعي مع السلامه منار ببرود : براحتك مع السلامه نايف : هههههههههه من حفر حفره لأخيه المسلم وقع فيها سعود : وانت بفهم شاللي يضحكك نايف يمسك ضحكته : ابد سلامتك ــــــ & & ــــــ & & ــــــ & & منال تسوي الفطاير ونرجس تقص السلطه منال : نرجس ترى العصر ماراح نتابع ولا مسلسل نخليها باليل نرجس : اي احسن خن خلص شغلنا بنودي اليوم لمنو من جيرانا منال ادخل الفطاير بالفرن : بس بنودي لبيت حور وبيت ام محسن والباقي الايام اليايه نرجس خلصت تقطيع السلطه : انا خلصت السلطه بسوي الحلو وانتي سوي الشوربه منال : خلاص شوي واخلص الفطاير بعدين بسوي الشوربه نرجس : امي سوت هريس وقالت بتسوي لقيمات وبرياني دياي حور تسوي الجريش : منور طلعي السمبوسه والكبه عشان نقليها منار : ترى مالي شغل ماراح اقليها يطشر علي الزيت حور : خلاص جيبيها وانا بقليها الحين بسكر عالجريش وانتي قصي السلطه ولاتحطين عليها مايونيز امي ماتحبه منار : ترى الساعه 4ونص وانتي للحين ماسويتي لقيمات حور :خلاص الحين بسوي لقيمات بعدين بقلي السمبوسه والكبه بس انتي خفي إيدج عشان باقي الشوربه ماسويتها دخلت الجده : قواكم الله حور : الله يقويج يمه الجده : هاه إشسويتوا حور : سوينا جريش ومعكرونه بالباشمل والحين بسوي لقيمات واقلي السمبوسه والكبه الجده : خلاص انا بسوي الشوربه حور : لاوالله ماتسوين شي انتي وين فيج حيل عالوقفه وانتي صايمه روحي ارتاحي وانا بخلص كل شي الجده : خليني اساعدج يمه من رجعتي من الكليه وانتي بالمطبخ حور ابتسمت : لافديتج ارتاحي وهذي منور وكارين يساعدوني بس قوليلي تبين شوربة عدس وإلا خضره وإلاشعيريه الجده : سوي شوربه عدس وإذا خلصتي ودي لبيت سعاد وأم حمد وأم محسن وتنقصي لمريم الهنديه من الجريش ولقيمات تراها تحب جريشنا والقيمات حور تشيل القيمات من الزيت : ابشري من عيوني الجده : اي ولاتنسين خلي خالد يودي للمسجد فطور صدقه لنا ولموتانا بيتجمعون هالمساكين الضعفان فيه يبون الفطور حور : ابشري ولا يهمج يالغاليه انا حاسبه احسابهم الجده :بارك الله فيكم منايل أول مارجعت من الكليه صلت العصر ونامت طبعا بحكم كثرت الخدم إللي تارسين البيت وعندهم 3طباخات فماعمرها دخلت المطبخ تطبخ أو حتي تسويلها قلاص عصير حتى تستغرب لما تشوف حور ومنال يطبخون قعدت من النوم شافت الساعه5 للحين مااذن الاذان قامت غسلت وجهها ونزلت شغلت التلفزيون تنطر الاذان يإذن دخلت امها : صح النوم منوله قعدتي منايل ابتسمت : صح بدنج مامي وين ابوي وسعود وعذاري مالهم حس امها : ابوج وسعود راحوا لجدتج عنده فطور وعذاري للحين نايمه منايل : وليش مارحتي وياهم امها : عبير اختج وبناتها بيفطرون عندنا اليوم منايل : اوه نسيت عبير من كثر ماتسافر ألمانيا لأم زوجها وتقعد بالشهور انسى إن عندي اخت اسمها عبير حور بعد الفطور خذت لها شور وريحت ساعه قبل اذان العشا عشان تروح ويا جدتها ومنار يصلون العشا والتراويح في المسجد" فوزيه من بدى رمضان وهي عند خالها مصطفى تبي تبعد عن بيتهم والجو الوسخ إللي هم فيه حتى في رمضان هذا جوهم رقص وخمر وفجور (في بيت عناد ) سكينه دايخه : ياخرابي دي الشمس شرق وإحنا لسا سهرانين ماحسيناش عناد سكران : هههه الشمس شرقت عطيها ماي هههه سكينه شالت بطل الخمر : اووم روح انخمد فوأ دنتى اضيت عالخمر كله عناد يتطوطح : قضيت عليه وإلا ذبحته ههههه سكينه : خلاص روح نام فوأ عناد : انام وإلا اقعد ههههه وقعدوا على هالحال لي الساعه 9الصبح) دق الجرس وفتح خالد خالد :يمه قرقيعان الجده : دخلهم يمه دخلهم دخلوا صبيان وبنيات ووياهم خدامتين الصبيان والبنيات يغنون :قرقيعان وقرقيعان بين قصير ورمضان عطوا الله يعطيكم بيت مكه يوديكم منار : قولوا الله يخلي منور الصبيان والبنيات يغنون: الله يخلي منور الله يخلها لامها عسى البقعا ماتخمها ولاتواسي على خالد : قولوا سلم خالد يغنون: سلم ولدهم يالله خله لأمه يالله سلم خالد يالله خله لامه يالله عسى البقعا ماتخمه ولا تواسي على امه حور توزع عليهم قرقيعان : خلاص نشفتوا ريجهم غنوا وغنوا خلاص قواكم الله منار ماسكه ولد صغير وتبوسه وتقرص خدوده : ياحلوك شاسمك الولد يدزها : وحلي يالبطه حور وخالد فطسوا ضحك : ههههه وشهد شاهد من أهله منار عصبة: جب من حلاتك مره ثانيه ماراح اعطيك قرقيعان الولد : من حلاتج انتي عادي هذا تعطيني (ويأشر على حور ) حور باسته على خده : ماعليك منها انا اعطيك خلها تولي بيت أم سعود مسوين قرقيعان لبنات عبير ريماس وريناد منايل عزمت حور ومنال حور ماراحت تعذرت إن جدتها تعبانه ومنال راحت ويا اختها نرجس وزعوا القرقيعان فتحت نرجس القرقيعان وشهقت شهقه عاليه طقتها منال بكوعها : يالخايسه فضحتينا نرجس تفرك مكان الطقه وتقصر صوتها : شوفي القرقيعان فيه جنيه ذهب منال بصوت واطي : عادي عندهم هم جذي يحطون بالقرقيعان جنيهات ومرات مفتاح سياره حسبالج نفس قرقيعانا حلاو وبسكوت ومكسرات نرجس : مفتاح سياره انتي من صجج انا بروح افتش بقرقيعان اليهالوه يمكن القاه منال : ويعه لاتفضحينا شنو تفتشين حسبالج هاليهال مايعرفون مفتاح السياره انثبري بس ترى دوختي راسي بالهذره نرجس : منول شوفي اليهال شلون يقطون الجنيهات بروح اخذها وماعلي منج (قامت ولاهمها ) منال بصوت واطي : نرجسوه نرجسوه تعالي لاتفضحينا نرجس راحت عند بنيه صغيره :هاه حبيبتي افتح لج الحلاو البنيه مدت لها الحلاو : اي فتحيه نرجس تضحك للبنيه وتسوي نفسها تلعبها فتحت لها الحلاو وخذت جنيهين كانوا طايحين عند رجل البنيه ورجعت قعدت عند منال منال بصوت واطي : يالخايسه إشسويتي نرجس : ماسويت شي بس خذيت جنيهين طايحه بدال مايخذونها الخدم منال : انتي ماتستحين حراميه تبوقين نرجس :مابقت شي اهم إللى حاطين الجنيهات عشان الناس تاخذها مو عشان تنقط وانا ماسويت شي خذيتها العنود امتحنت امتحان مستوى وانجحت ودخلت متوسط صارت اداوم مسائي تعرفت على بنات نصهم متزوجات وفيه منهم للحين ماتزوجوا ارتفعت معنوياتها يوم شافت بنات بعمرها يدرسون (في المدرسه المسائيه) العنود قاعده ويا بنتين صارلها فتره متعرفه عليهم الجازي : العنود انتي بنت طيبه وعالفطره وماتعرفين البنات توس جديده عليهم ونصيحه لاتسولفين قدام احد منهم انس تبسطين وتبعين معا جدتس (الجازي اتكلم بالسين فيه قبايل كلامهم بالسين ووضحه بالشين انا وضحت لكم فالبارت السابق بس حبيت اذكركم *غنادير ) العنود إبرائه :ليش انا ماقلت شي غلط وضحه : ندري يالعنود انش ماغلطتي بس انتي على نياتش وبعض البنات بيقعد يستهبل عليش ويتطنز العنود : ليش يتطنزون علي وش فيها البسطه حنا مابعنا شي حرام وإلا عيب وضحه : ندري بس تعرفين الناس تطوروا وصاروا مايشترون إلا من الاسواق والمجمعات الجازي : وضحه صادقه وانتي خليس معي انا ووضحه وإي شي تبينه ماتعرفينه اسألينا وبنعلمس وتعرفين الحين الناس همهم يشتروا كل شي ماركه العنود : والماركه هذا شنو الجازي : اسمعي انا ببسطلس شوفي الحين الملابس والعطورات والشناط والنعول صاروا يجيبونا من برى من دول خارجيه مثل فرنسا وإيطاليا وامريكا وبريطانيا وغيرها وكل ماركه لها اسم يعني كل نوعيه لها اسم فهمتي علي يعني هذي الجنطه إللي معاي ماركة ديور وفيه من هالماركه عطور ونعول ومكياج وغيرها فهمتي علي العنود بدت تفهم:اي يعني الماركه نوعيه زينه وضحه : اي يعني نوعيه زينه وغاليه العنود : غاليه يعني كم دناريين ثلاث دنانير كم يعني الجازي ابتسمت : لافديتس اكثر يعني هذي الجنطه انا شريتها تقريبا بثلاثين دينار العنود فتحت عيونها مصدومه : ثلاثيــــــن دينار انتي صاحيه وضحه ابتسمت بحب : ماعليه انتي محيطش بس البيت والبسطه فالسوق والمزرعه مابعد تعودتي على هالاسعار مع الوقت بتعرفين الناس والبضايع الماركه واسعارها (سوق الفحيحيل ) نوير اتهاوش ويا وحده مصريه دعمتها نوير بدون قصد وطاح عصيرها المصريه : قتيك نيله منيله دنتي عميا ماتشوفيش ياوليه ياحربايه انتي نوير : عمى يعمي عينج يادرام البلديه لابوج لابو ستين كلب المصريه : كلب ابوكي يابت الحرام خذت نوير النعال تبي اطقها وتمسكها العنود : نوير امشي خليها تولي لاتفضحينا نوير اتفلت :تف عليج هديني عليها انا بنت حرام ياصايعه ياضايعه المصريه : غوري غوري عن وشي نوير : انا غوري يادلة القهوه انا غوري ياكبت المواعين بكبره (نايف كان مار من عندهم ويوم سمعها تقول كبت المواعين فطس من الضحك وقعد يتفرج عليهم) العنود : امشي فضحتينا غوري عندهم بالمصري يعني اذلفي مو غوري الشاي نوير بصوت واطي :قولي والله العنود : والله نوير تخصرت: غوري انتي واهلج غوري انتي وقبيلتكم كلهم العنود سحبت نوير بالغصب : خلاص فضحتينا نوير : ليه ماخليتيني اتوطى ببطنها الكلبه العنود : خلاص المره راحت والسالفه انتهت وانتي للحين اتسبين نوير انتبهت لواحد يطالعهم ويضحك : خير إن شاءالله فيه شي يضحك نايف ابتسم : ابد سلامتكم (ومشى) (نايف مايعرفهم بس كان رايح يخيط له دشداشه عند خياط متعامل وياه وشده منظر الهوشه وقعد يتفرج ) العنود : تستاهلين خليتي إللي يسوى وإللي مايسوى يضحكون امشي نرجع لأمي لابعد تفضحينا الجده حصه كانت واقفه عند الحريم تشتريلها بوشيه وقفت عن الجده هيا الجده حصه : عندكم بوشيه الجده هيا شبهت عليها : انتي حصه بنت عبدالله الجده حصه عرفتها : يامرحبا انتي هيا ويقومون يسلمون على بعض ويرحبون ببعض الجده حصه : شلونج ياهيا سعد عيني يوم شفتج الجده هيا : بخير دامني شفتج يامرحبا بالساعه إللي جابتج وقعدوا يسولفون وياخذون علوم بعض حصه وهيا بنات خاله صار لهم 15 سنه ماشافوا بعض فرقتهم الظروف وجمعتهم الصدفه ــــــ && ــــــ && ــــــ بعد مرور اشهر حور راجعه من الكليه اليوم اخر امتحان عندها حور : السلام عليكم الجده : هلا وعليكم السلام قواج الله يمه حور فصخت عبايتها وحبت راس جدتها : الله يقويج يمه الجده : هاه شلون الامتحان حور : لاابشرج إن شاءالله زين الجده : يلا إن شاءالله تنجحين حور : إن شاءالله ضامنه النجاح طلعت كل المواد ناجحه فيها وبس باقي لي ماده وواثقه بإذن الله إني ناجحه فيها الجده : الله يوفقكم انتي واخوانج بكره نتايجهم حور : الله يسمع منج سبحان الله مسرع مشت الايام ماني مصدقه إني خلصت أول سنه بالكليه وباقيلي ثلاث سنين الجده : بتركض الايام وإن شاءالله اشوفج لابسه لبس التخرج (كملت بحزن) امج رحمة الله عليها كانت تحب العلم والدراسه دايم كانت تقول عيالي ابيهم يكونون جامعيين حور : رحمة الله عليها والله يطول لي بعمرج ياأغلى من بالكون يلا يمه بروح اريح لي شوي وإذا اذن الظهر قعدوني الجده مسكت إيدها : لحظه يمه ابيج بسالفه حور بخوف : خير يمه امريني الجده تنهدت : شوفي يمه انا بتكلم بدون مقدمات الكلام إللي بقوله يمكن يفرحج أو يمكن يزعلج بس تأكدي إن إللي سويته لمصلحتج انتي واخوانج حور باهتمام وخوف : خير يمه قولي الجده : بتكلم بس لاتقاطعيني لين اخلص كلامي حور : ابشري يمه بس قولي الجده : شوفي يمه ماباقي من العمر كثر ماراح وانا يابنتي كان عندي مطعم صغير ومصبغه كاتبها جدتج رحمة الله عليه باسمي كنت مخليتها ابيكم لي كبرتوا يكون عندكم مدخول ثاني وتقعد لكم لليوم الاسود عسى عيونكم ماتشوفه بس ديون ابوكم والهم إللي اشوفه بعيونج شايلته عشان تخلصين هالدين حدني على شي ماكنت ابي اسويه وخلاني ابيع المطعم والمصبغه واسدد باقي ديون ابوج واسدد اقساط سيارتج (توضيح للي مايعرف مصبغه عندنا يعني المحل إللي يسون غسيل وكوي للملابس ) حور كانت بتكلم بس اشرت لها جدتها بإيدها عشان ماتقاطعها ففضلت حور السكوت الجده تكمل كلامها : خليني اكمل يابنتي انا خايفه عليكم غدر الايام خايفه اموت وانا مرتاحه وماتكونون شايلين هم شي حور خنقتها العبره : يمه تكفين لاتطرين الموت يومي قبل يومج الجده كملت : يابنتي الموت حق وماعاد باقي من العمر كثر مامضى وخلاص يابنتي ان كان لي خاطر عندج بكره ابيج تقدمين استقالتج من شركة بوسعود وترتاحين بالبيت وتهتمين بس بدراستج حور : يمه ليش تقضين دين ابوي ليش ماخليتي المطعم والمصبغه لج تأجرينها وتستفيدين من فلوسها الجده : موضوع المطعم والمصبغه انتهينا منه وخلاص صكي موضوعه بس انتي للحين ماوافقتي على طلبي حور : ابشري من عيوني إذا على الشغل من بكره بقدم استغالتي الجده ابتسمت : بارك الله فيج يابنتي الموضوع الاول خلصنا منه باقي الموضوع الثاني حور : امري يمه الجده : مايامر عليج ظالم انتي ياحور كبرتي وماعدج صغيره ولازم تعرفين كل شي (تنهدت وكملت ) إن شاءالله إللي سويته صح بس قبل لاكمل ابيكم تعرفون انتي واخوانج انكم اغلى من مشى على هالارض يابنتي البيت هذا سجله ابوج باسمي واسمكم بس انا قلت لكم انه مسجل بأسمكم ولاتسأليني عن السبب حور بخوف ليش جدتها اتكلم هالكلام وكأنها خلاص بتروح : يمــــــه الجده : خليني اكمل كلامي حور : تفضلي الجده : امس رحت انا وخالتج سعاد وسجلت نصيبي فالبيت باسمها خفت ياخذني الموت وانتوا الوريث الوحيد لي وعقب عيني يغصبكم عمكم ويجبركم اتبيعون البيت وتالي يقطكم بالشارع فسجلت نصيبي باسمها عشان مايقدر يبيعه وانا ادري ان سعاد عمرها ماراح تضركم حور خلاص ماعاد اقدرت تستحمل كلام جدتها دمعت عيونها وضمت جدتها بقوه تبي تحس بالامان كلام جدتها خلاها تحس بالخوف الجده حاضنه حور وتكمل كلامها : حور يمه انتي كبرتي وبعد كم يوم بيكمل عمرج 19 سنه وانا ادري ان عقلج اكبر من عمرج انتبهي لنفسج واحذري من شر مرة عمج سكينه قبل لاتحذرين من شر عمج ولاتأمنين لهم تراهم نجسين ومايخافون ربهم وخليج قريبه من ربج وحافظي على صلاتج مهما كانت ضروفج خليج قريبه من الله هو وحده القادر انه يحميكم حافظي على شرفج ونفسج وحافظي على اخوانج ترى توهم صغار ومايعرفون لدنيا يمكن تمر عليكم ظروف صعبه بس هالله الله ماوصيج بالدعاء والصبر ترى الصبر مفتاح الفرج حور زادت بالبكي : يمه تكفين ليش تقولين هالكلام الجده ارفعت راسها وحبته وامسحت دموعها : روحي توضي وصلي لج ركعتين وريحي شوي حور هزت راسها وراحت (صبــــــاح يوم جديد ) قعدوا الساعه 8 الصبح حور : خلود يلا خلصنا يالله يمدينا نشوف نتايجكم انت ومنور بعدين بامر عالكليه باقي ماده اليوم بتطلع نتايجها خالد لبس دشداشته: يلا خلاص خلصت حور : يلا ننزل منور تنطرنا تحت نزلوا لقوا منار وجدتهم قاعدين بالصاله يتريقون حور حبة راس جدتها : صباحج الخير يمه الجده : صباحج الرضا يابنتي خالد حب راس جدته : صباح الخير يالغاليه الجده ابتسمت : صباح النور يالغالي حور : يلا يمه حنا بنروح انشوف نتايجنا تامرين على شي الجده : لاوالله ماتروحون إلا وانتوا متريقين حور : يمه اذا رجعنا بنتريق الجده بحده : انا حلفت حور ابتسمت وقعدت : ان شاءالله من عيوني كم حصه عندنا وحده وعسى ربي يخليها لنا الجده ابتسمت : ويخليكم لي منار : إلا على طاري حصه يمه فديتج شنو الاسامي إللي تحبينها من البنات الجده : والله الاسامي الزينه واجد بس انا فيه اسم احبه وإذا الله عطاني عمر وزوجت حور وجاتها بنت باسميها جود حور ابتسمت : فديتج يمه إن شاء تشوفين عيالنا وعيال عيالنا خالد ومنار : إن شاءالله الله يعطيج طولت العمر يمه (بعد ماخلصوا ريوقهم غسلوا وقاموا يبون يروحون قامت وياهم الجده وقبل لايطلعون مسكت خالد وحضنته بقوه ) الجده حاضنه خالد : يمه خالد ماوصيك في نفسك وخواتك ودراستك وصلاتك صل دايم فالمسجد خالد باستغراب : ابشري يالغاليه لاتوصين الجده هدت خالد ونفس الشي حضنت منار : هالله الله فالصلاه وفي دراستج و نفسج واخوانج خلوا إيدكم وحده منار بنفس استغراب خالد : ابشري يمه واخيرا الجده مسكت حور وضمتها بقوه اكثر : يمه حور انتي كبيره وفاهمه هالله الله بنفسكم وخلوكم جميع لايفرقكم الزمن حور بدا قلبها ينبض بخوف خافت يصير لجدتها شي وحست ان دمعتها قريب بس مسكت نفسها عشان ماتخوف اخوانها : ابشري يمه كل واحد فيهم حب راس جدته وإيدها واطلعوا الجده : ودعتكم الله الذي لاتضيع ودايعه مروا اول شي مدرسة خالد شافوا نتيجته ناجح ماخذ الاول نسبة 99% ومنار ناجحه ونسبتها 96% وحور نجحت فالماده الباقيه مروا الجمعيه وشروا تورته صغيره وعصيرات وحلويات وشروا تمر مسمسم تحبه جدتهم دخلوا البيت يركضون كل واحد يبي يبشر جدته الاول لقوها في الصاله تصلي قعدوا ينطرونها تخلص صلاتها طولت وهي ساجده صار لهم تقريبا ربع ساعه من دخلوا وهي ساجده منار طالعت حور بخوف : ماتحسين إن امي طولة في سجودها من دخلنا وهي ساجده خالد بنفس الخوف : إلا طولت حور قامت وقلبها يدق بخوف قربت من جدتها مدت إيدها وهزتها عالخفيف : يمه على طول طاحت ووجها مبتسم حور بخوف : يمــــــه يمــــــه إشفيج حور حاضنه جدتها ودموعها بعينها صرخة : خالد بسرعه دق على الاسعاف ركض خالد بخوف ودق على الاسعاف منار جمدت عند رجول جدتها ودمعتها حارت بعينها خافت تكون ماتت حور بدت تبكي : يمه فديتج قومي لاتخوفينا عليج خذت حور تلفونها وضغطت على رقم خالتها سعاد : خالتي سعاد لحقي علينا امي مادري إشفيها منار بداخلها تقول خلاص ماتت تبي تصرخ وتقول حور ترى امنا ماتت خلاص بس السانها اربط وجسمها تجمد والدموع حارت بعينها وصلت الاسعاف وانقلوها للمستشفى دخلوها سعاد ايقنت ان الجده حصه خلاص فارقت الحياه بس كان صعب عليها تقولهم هالخبر منار على حالها عرفة ان جدتها او بالاصح امها إللي ربتهم راحت خلاص فارقت هالحياه صابها ذهول وصدمه بس اطالعهم مثل المسبهه والدموع في عينها خالد قاعد عالارض ويبكي خايف على جدته ونرجس عنده تهديه حور حالتها حاله تركض في الممر رايحه جايه تبي احد يطلع يطمنها على امها للحين عندها امل انها بتعيش سعود كان يمشي فالمستشفى وشافهم وراح لهم سعود : ام فهد خير إن شاءالله عسى ماشر سعاد بحزن : يالله عسى خير مادري امهم العودا طاحت عليهم ويابها الاسعاف للحين محد طلع في هالحظه طلع الدكتور الكل وقف وحور ركضت لدكتور حور ماسكه دمعتها بخوف : هاه دكتور الله يخليك طمنى الدكتور بحزن : البقى برأسكم الوالده توفت الكـــــــل : لالالالالالا (انتــــــهى البــــــارت قراءه ممتعه ) |
تسلم ايدك ع البارت بصراحه شوقتيني اعرف منو ها الرجال الي مراقب حور بس شكله هو الرجال الي كلم عمها انو يبيها
ننتظر البارت الجاي وانشالله انه يظهر ع الصوره لان عندي فضوووووول |
الله يعطيش العافيه علي هاالبارت روعه والي الامام ان شاء الله بس ابي اعرف متي تنزلين البارت
|
اقتباس:
أم متعب البارت كل جمعه بــ إذن الله ===================== غنادير ربي يسلمج على هالبارت اللي نهايته موجعه من قلب (( حور )) الظاهر أنه رحلة العذاب بدت من جديد مع عمها الهم و خصوصا بعد وفاة الجده اللي اتوقع انه ممكن تهد حور بس وجود الناس اللي حولها و صديقاتها راح يقويها و الأهم عشان اخوانها .. الله يقوي قلبج يا حور =================== (( سعود )) اتوقع راح يغير استرايجيته في التعامل مع حور و خصوصا بعد وفاة الجده و راح يكون هو المدافع الخفي عنها يمكن و يأخذ خطوة و يطلب يتزوجها ... =================== (( العم الهم )) مالت عليك يا رجال ليش مو انت اللي مت .. إن شاء الله قريبا ... اتوقع الرجال هو أبو فيصل واحد من اللي يجونه أو يتعامل معاهم في توصيل شيء أو جذي و هو عرض عليه حور و زينها بعينه فكانت هي الضحيه .. بس ممكن يغير رأيه بعد ما يعرف بوفاة الجده أو أنه يجعل بخطته ... ==================== الباقي ربي يستر عليهم سلمتي يا غنادير بــ انتظارج على أحر من الجمر .. .. .. |
يعطيكي العافيه ياسيدالغانادير صراحه حزنت على موت الجده واظن بدات معانات حور الحين وبنتظار البارت الجاي
|
اهاجيس " ام متعب " بياض الصبح " halazona
اشكركم من كل قلبي على متبعتكم وتعليقاتكم اللي اسعدتني اتمنى اكون عند حسن ضنكم وعشان خاطركم بنزل هالاسبوع بارتين واتمنى تحوز على عجابكم حبايبي |
" الجــــــــزء الثالث عشر "
في هالحظه طلع الدكتور الكل وقف وحور ركضت لدكتور حور ماسكه دمعتها بخوف : هاه دكتور الله يخليك طمنى الدكتور بحزن : البقى برأسكم الوالده توفت الكـــــــل : لالالالالالا حور لاشعوريا امسكت الدكتور من قميصه وقعدت تهزه : انت مستوعب إشقاعد تقول شنو ماتت يعني خلاص ماعد عندنا ام الدكتور مقدر موقفها : اطلبيلها الرحمه والمغفر حور تبكي بهستيريا : انت اصلا نصاب انت اصلا مو دكتور انت شكلك مزور شهادتك ( راحت تركض لخالد ومنار ) ماعليكم منه لاتصدقونه هذا يقص علينا أمي الحين بتقوم لاتصدقونه هذا خبل مايدري شقول وقفت منار بحزن : حور خلاص امنا راحت راحت قبل لانبشرها بنجاحنا حور مسكت منار من كتوفها وقعدت تهزها وتصرخ: لا ماماتت أمي ماراح تخلينا الحين بتقوم وتاكل التمر المسمسم هي تحبه انا شريته لانها تحبه جت سعاد وهدت منار من حور ومسكت حور وضمتها : تعوذي من بليس حبيبتي ادعيلها بالمغفره حور وخرت نفسها من حضن سعاد وراحت تركض للغرفه إللي فيها جدتها دخلت الغرفه ووقفت مصدومه شافتها متمدده على السرير ومغطينها تقدمت بخطوات بطيئه لسرير لحقوها سعود وسعاد ومنار ونرجس وخالد ومنال وقفوا عند الباب خالد منهار ونرجس ماسكته وتهديه ومنال ماسكه منار حور مدت إيدينها برجفه ورفعت الغطا عن وجه اغلى مخلوقه على وجه الارض عندها تمنت انه يخيب ضنهم وتطلع على قيد الحياه شالت الغطا وشافت وجه جدتها مبتسم وبدت هستيريا البكي : يمه حبيبتي قومي خيبي ظنهم وقومي يمه حنا نجحنا يمه مابشرناج بنجاحنا يمه انا شريت لج تمر مسمسم قومي اكليه ويا قهوتج منار عند رجول جدتها تبكي : خــلاص ياحور خـــلاص امنا راحت وخلتنا خذاها الموت عنا خالد ماسك إيد جدته وضامها وحاله نفس حال خواته : يمه يمه قومي انتي إذا رحتي خلاص ماعاد عندنا أم خلاص ماعاد نقول يمه سعاد دموعها على خدها : خلاص تعوذوا من ابليس واطلبولها الرحمه منار من بين دموعها: خالتي سعاد حنا من بعد أمي بنضيع سعاد حضنت منار : لايمه إللي خلقكم ماينساكم قوموا حبايبي دموعنا تحرقها نرجس خذت خالد عشان اطلعه: خلود اطلب لها الرحمه خالد : نرجس انا بشتاقلها ماعاد راح اشوفها يعني خلاص راحت مثل ماراحوا امي وابوي نرجس انزلت دموعها ولمته: هذا إللي ربي كاتبه خلاص خلنا نطلع دموعنا تحرقها سعاد تحاول تتماسك وتصير قويه : نرجس اخذي خالد وطلعيه خالد حب رأس جدته حزين والدموع على خده: الله يرحمج يمه نرجس خذت خالد وطلعوا برى منال راحت لحور إللي كانت بحاله يشفق عليها العدو قبل الصديق مسكتها من كتوفها : حور حبيبتي قومي اروح للبيت حور تمسح وجه جدتها بإيدها والدموع رسمت مجرى غزير على خدها : ماردت عليها منال بحزن التفتت لأمها والعبره خانقتها : يمه كلميها سعاد بحزن : خلاص اخذي منور وروحوا لسياره منال مسكت منار إللي كانت حاضنه رجول جدتها : منور قومي معاي منار وخرت إيدها من منال : منول وخري خليني اشبع منها سعاد امسكت حور وحاولت قومها بالقوه : حور خلاص عاد مايصير إللي تسوينه حور : وخروا عني ابي اقعد عندها مالكم شغل فيني (وقامت ترفع راس جدتها وتضمه) سعاد التفتت لسعود: سعود واللي يسلمك وخرها منها سعود كان حزين عليهم بس متماسك وقوي تقدم ومسك حور من إيدينها ووخر الجده منها حور تصارخ : وخــــــــر وخــــــــر مالك شغل فيني ابي امي ابيها سعود مسك حور وطلعها برى الغرفه وسعاد ومنال مسكوا منار وطلعوها سعود ماسك حور وهي ترافس فيه قال للممرضات يطلعون الجده وودونها للثلاجه حور ترفس سعود برجولها وتصارخ بهستيريا ودموعها مجرى سيل على خدودها : انت جب مالك شغل فيني ابي امي لاتودونها وخــــــــر عني وخــــــــر سعود يحاول يهديها : تعوذي من بليس يابنت الحلال اهدي منال صابها ذهول من حالة حور وخافت إيصير لها شي وركضت لحور : حور حبيبتي طالعيني شوفيني انا منال هدي شوي حور مستمره على حاله : وخروا عني مابيكــــــــم مابيكــــــــم بس ابي امي منار راحت لحور سحبتها من سعود وضمتها والدموع على خدها : خلاص حور حبيبتي هدي حور مسكت منار بقوه وكأنها خايفه انها بعد تروح وضمتها وهي تبكي وتشاهق: منور شفتي امنا راحت خلاص يعني يعني يعني صرنا الحين ايتام وانا قبل ماكنت اعرف معنى اليتم بس الحين عرفته منار لامتها وتبكي : هذا إللي ربي كاتبه مانقدر نعارض حكمة الله حور بهدوء تحس ماعاد فيها قوه : الله يرحمها ويثبتها (واغمى عليها وطاحت ) منار صرخت بخوف : حــــــــور مسكتها سعاد بخوف : يمه حور ردي علي سعود صرخ للممرضات يجيبون سرير قعد عند حور ومسك إيدها يشوف النبض منار ومنال بخوف : دكتور إشفيها سعود يحاول يطمنهم : إن شاء الله خير وصل السرير وشالها سعود وحطها على السرير دخلوها الغرفه نرجس بالسياره ويا خالد منسدح عليها ودموع الحزن مغرقته ونرجس تقرى قرآن عليه طلع سعود وركضوا له سعاد ومنار ومنال سعاد : دكتور طمنى سعود : تطمنوا انهيار عصبي بسيط منار بخوف : يعني شنو سعود : تحتاج راحه إن شاءالله تصير احسن سعاد : منال يمه انتي خليج عند حور وانا بودي منار وخالد للبيت منار بحزن : لا انا بقعد ويا حور سعاد : يمه منار انتي تعبانه وحور وياها منال يلا امشي تأخرنا على خالد منار هزت راسها بحزن ومشت ويا سعاد للبيت والحزن كاسرها سعاد خذت منار وخالد ونرجس ورجعوا للبيت والحزن كاسيهم منال دخلت الغرفه إللي منومه فيها حور قعدت على الكرسي إللي عند راس حور حزينه على فراق الجده حصه الانسانه الطيبه بس إللي زايد حزنها حزن حور ومنار وخالد وخوفها من إللي راح يواجهونه من مشاكل وهموم أهم فقدوا انسانه صارت لهم الام والاب والحضن الدافي والقلب الحنون انسانه كنوز الدنيا كلها ماتعوضهم فراقها لمحت دموع حور تسيل خذت كلينكس وقعدت تمسحها وكل مامسحت دمعه الثانيه تنزل وراها ماقدرت تستحمل شكل حور ونزلت دموعها وقعدت مره تمسح دموعها ومره تمسح دموع حور بعد ساعه صحت حور منال مسكت نفسها ماتبي تبكي وتشوفها حور وتزيد منال بحنان : تبين شي حبيبتي إييب لج شي حور منزله نظرها والدموع تجري على خدها هزت رأسها بــ لا منال قلبها يتقطع على صديقتها : هاه حبيبتي إشلونج الحين حور هزت رأسها وقالت بحزن: انتي يامنال إللي تسألين شلوني هو بعد فرقى امي عاد لي لون ماعاد اشوف بهالدنيا إلا اللون الاسود سعود توه فتحت الباب يبي يدخل وسمع كلامها وحزن ووقف بمكانه منال تحاول تخفف عنها: حور حبيبتي هذا قضاء وقدر والموت حق وكل نفس ذايقته ادعيلها بالمغفره حور دموعها ماوقفت والحزن كسرها تنهدت : آه ونعم بالله منال تمسح دموع حور: خلاص ياحبيبتي خفي على نفسج شوي حور بحزن : اخف عليها والله ان يبطي هالدمع وهو سايل وان مابكتها عيني يبكيها قلبي منال إن مادمعت عيني على فرقاها بتدمع على فرقى منو انا فقدت روحي فقدت أمي وكل شي في هالدنيا انا ماعرفت معنى اليتم إلا بعد فرقاها (وانفجرت بكي وقعدت تشاهق ولمت منال وقعدوا يبجون) سعود يوم شاف حالتهم فضل الانسحاب وطلع راح مكتبه وخذا موبايله ودق على ابوه سعود: مساك الله بالخير يبه بوسعود: مساك الله بالنور سعود : شلون صحتك عساك طيب بوسعود: بخير عساك بخير سعود تردد: يبه ام نوره عطتك عمرها بوسعود بسرعه : توفـــــت سعود : رحمة الله عليها بوسعود تأثر : الله يرحمها ويبرد عليها قبرها متى توفت وشلون توفت سعود : اليوم راحوا عيال بنتها يشوفون نتايجهم ورجعوا يبون يبشرونها بنجاحهم لقوها تصلي الظهر شافوها طولت في سجودها حركوها وطاحت دقوا على الاسعاف وجابوها للمستشفى بوسعود: الله يرحمها موتتها زينه بتبعث يوم القيامه وهي ساجده رحمة الله عليها من أهل الخير سعود : الله يرحمها ويرحم اموات المسلمين يبه ماعليك امر عط منايل خبر تجيني فالمستشفى بوسعود بخوف : ليه عسى ماشر سعود : ماشر بس حور جاها انهيار وطاحت علينا وهي الحين منومه فالمستشفى وابيها تجي عندها بوسعود بحزن: يالله الخيره انهيــــار الله يصبرهم يجبر قلوبهم يلا ربع ساعه ونكون عندكم وصلوا بوسعود وام سعود ومنايل ونايف للمستشفى شفوا سعود واقف فالممر إللي عند غرفة حور وراحوا له بوسعود : السلام عليكم سعود حب راس ابوه وامه: وعليكم السلام زين انكم جيتوا منايل بخوف : سعود وين حور وين غرفتها سعود اشر على غرفتها: هذي غرفتها منايل مشت بسرعه تبي تروح لحور ومسكها سعود سعود باهتمام وحنان : تكفين يامنايل ديري بالج عليها تراهي حيل متأثره منايل هزت راسها : إن شاءالله وراحت دخلت منايل الغرفه وشافت منال حاضنه حور وحور تبكي وحالتها تقطع القلب منايل خنقتها العبره بس مسكت نفسها :حور منال لفت جهة منايل وحور وخرت نفسها من حضن منال وحلها مايسر لاعدو ولاصديق حور بتعب وحزن ودموع : شفتي شاللي صار يامنايل امي راحت منايل ماقدرت تمسك نفسها اكثر ركض لها ولمتها ودمعت عينها: رحمة الله عليها الله يوسع قبرها حور الحزن ذابحها : انا تعبانه من فرقاها احس مافيني حيل عالوقفه كل شي فيني حزين على فرقاها منايل تحاول تهون عليها: الله يجعل مثواها الجنه ويجبر قلوبكم منال ماقدرت تستحمل اكثر شكل حور وكلامها وطلعت برى بوسعود: هذي منال طلعت من عندها روحي ياأم سعود لها ام سعود: إن شاءالله راحت ام سعود لمنال ودخلت وياها لحور بوسعود : سعود دقيت على بندر عطيته خبر سعود : اي دقيت وبجي هو ويا جدته نايف: وبندر شيقربلهم بوسعود: جدة بندر العجوز هيا بنت خالة ام نوره وهو نايفه امه بنت عم نوره ام حور نايف : طيب دقيتوا على عمهم وإلا ولد عمهم بوسعود بسرعه : لالا لحد يدق على عناد هذا واحد مايخاف الله ولافي وجهه حيا وبيزيد الطين بله إذا بتعلمون علموا فواز اما عناد فكونا من شره وإذا مادرا يكون احسن سعود : ابشر طال عمرك بوسعود : هذا بندر وجدته وصلوا امشوا لهم شكلهم ماشافونا مشى بوسعود ونايف وسعود وراه سعود بصوت واطي: اسمع انت إللي دق على فواز وعلمه ترى مالي خلق ادق عليه نايف ابتسم : كل هذي غيره منه وتقول انها ماتهمك سعود : زينك ساكت ترى مووقتك نايف : ماشي ولا يهمك بدق عليها الحين( نايف طلع موبايله ودق على فواز وعطاه خبر بوفاة ام نوره) وصلوا لبندر وجدته إللي كانوا واقفين عند الرسبشن بوسعود ونايف وسعود : السلام عليكم بندر انتبه لهم: وعليكم السلام يالله حيهم (وسلموا على بعض) بوسعود: شلونج ياأم حسن الجده هيا حزينه وتمسح دموعها بطرف شيلتها : الحمدالله على كل حال بوسعود : عظم الله اجركم وعسى مثواها الجنه الجده هيا: جزاك الله خير بندر : سعود الله لايهينك الوالده ودها تشوف المرحومه قبل ندفنها سعود : ابشر ولا يهمك تفضلوا وياي مسك بندر جدته إللي كانت حيل حزينه ومتأثره بوفاة اختها وبنت خالتها إللي فرقتهم الدنيا 15 سنه وجمعتهم الصدفه ومامداها فرحة بشوفتها طلعت منايل من غرفة حور وراحت لابوها منايل : يبه وين سعود بوسعود بخوف: ليش عسى ماشر منايل : حور تبي تطلع تقول تبي تروح لخوانها نايف : شلونها الحين عساها احسن منايل : لاوالله يانايف حالها لايسر لاعدو ولاصديق بوسعود : ودي ادخل اعزيها منايل : لايبه وإللي يعافيك بعدين حالتها دمار بوسعود هز رأسه بحزن : الله يجبر قلبها ويعينها جاهم سعود مسرع لما شاف منايل : هاه منايل شلونها عسى مافيها شي منايل : تبي تطلع تقول تبي تروح لخوانها سعود بحزن : شلون حالها منايل متأثره : مانقول إلا عسى ربي يجبر قلوبهم ويصبرهم بوسعود : وين بندر وجدته سعود باله منشغل على حور : وصلتهم للغرفه وخليتهم عشان يأخذون راحتهم نايف : والحين شلون على حور بتكتب لها خروج سعود بحزن : بروح لها الحين واشوف بوسعود : منايل روحي نادي امج ابيها منايل : إن شاءالله يبه (التفتت على سعود) هاه شقول لها سعود : امشي انا رايح معاج (دخل سعود ومنايل الغرفه) سعود عيونه على حور: السلام عليكم ام سعود ومنال : وعليكم السلام حور منزله راسها ودموعها مغرقتها والحزن مدمرها منايل : يمه ابوي يناديج ام سعود قامت باست راس حور : الله يجبر قلبج يابنتي ويصبرج حور : لا رد طلعت ام سعود لابوسعود سعود غمز لمنايل يعني اطلعوا برى منايل فهمت : منول امشي نشتري ماي وعصير منال فهمت: يلا امشي (طلعوا منال ومنايل ) حور على حالها مستمره دموعها تنزل بدون صوت سعود تنهد : عظم الله اجرج حور هزت راسها بدون أي كلمه حتى مارفعت راسها سعود متقطع قلبه من حالتها والحزن إللي فيه : تبيني اكتب لج خروج حور رفعت راسها وطالعته وعيونها غرقانه دموع وهزت راسها بـــ أيه سعود انصدم من شكل عيونها ذبلانه وغرقانه بالدموع وحمر سعود : ابشــــري حور نزلت راسها ولاتكلمت سعود يحاول يهديها: حور انتي مؤمنه والمؤمن لازم يرضى بقضاء الله وقدره مايصير إللي قاعده تسوينه بنفسج الدموع ماهي مرجعتها خفي على نفسج حور رفعت نظرها وطالعته بحزن وقالت بصوت مبحوح من البكي والحزن : توديني لها اشوفها وودعها اخر وداع سعود بحنان : اذا الشي هذا يريحج ابشري حور بحزن ودموعها مستمره : اي يريحني سعود : دامه يريحج يلا مشينا حور نزلت من السرير بتعب واتسند على السرير سعود : انادي منايل تساعدج حور هزت راسها: لا اقدر امشي طلع سعود من الغرفه وطلعت حور وراه منال ومنايل كانوا واقفين بالممر وأول ماشافوا حور طالعه من الغرفه خافوا عليها وراحوالها منال : حور إشفيج وين رايحه حور بحزن : ابي اروح اودعها اخر مره منايل بخوف: خلاص حور خفي على نفسج شوفتها بتزيدج حور : خلوني اشبع من شوفتها بعيش طول عمري فاقدتها سعود كان واقف ينطرهم يخلصون : خلوها على راحتها منايل : خلاص براحتج حبيبتي بس بنجي وياج هزت حور راسها : يلا سعود ودني لها مشى سعود ومشت حور وراه ومنال ومنايل ماسكينها الجده هيا كانت عند المرحومه تبكي وبندر يهديها سعود دق الباب إللي كان مفتوح بندر لف جهة الباب : هلا دكتور ندري طولنا سعود : لا اخذوا راحتكم بس حفيدتها ودها تشوفها ( التفت لحور) تفضلي ادخلي الجده هيا يوم قال حفيدتها التفتت جهة الباب حور وقفت عند الباب انصدمة يوم شافت الجده هيا هيأتها نسخه من هيأت جدتها حصه حور بصدمه : منو هذي سعود : هذي بنت خالة جدتج الجده هيا اتجهت لحور وحضنتها وتمت تبكي : تعالي يمه تعالي حور حضنتها وتموا يبكون الجده هيا هدت حور : عظم الله اجركم والله يجبر قلوبكم حور وعيونها على جدتها إللي امددت على السرير ومفارقه الحياة: جزاج الله خير الجده هيا : روحي يمه لها مشت حور لجدتها حصه بخطوات بطيئه وعيونها مستمره بالدمع طلع بندر من الغرفه وطلع وراه سعود عشان تأخذ حور راحتها وصلت لجدتها وحبة رجولها وإيدينها وخشمها وعيونها وراسها ورفعتها وضمتها ضمه اخيره وهمست في اذنها: يمه اوعدج اكون عند حسن ضنج واهتم في خواني بس سامحيني ماقدر انفذ طلبج واقدم استقالتي عقب هدتها وغطت وجه جدتها بالغطا وطلعت خلصوا الاجراءات وبيصلون عليها بعد صلاة العصر راحت حور ومنايل ومنال لبيت الجده حصه إللي كانت فيه سعاد ونرجس ومنار وخالد وفهد العزا بيقام فيه دخلت حور للبيت خالد كان قاعد وحاضن رجوله ويبكي ومنار بحضن خالتها سعاد تبكي أول ماشافوا حور ركضوا لها وحضنوا ثلاثتهم بعض وتموا يبكون خالد من بين دموعه: حور خلاص امنا راحت وخلتنا حور على حالها حزينه وحزنها لو يوزع على الكوره الارضيه يكفيها ويزيد: هذا يومها ومحد يموت قبل يومه ادعولها بالرحمه والثبات عند السؤال منار : بس فراقها صعب على الروح حور : هذا المكتوب خالد : وإن اشتقنا لها شنسوي حور : مالنا غير الدعا لها والصبر ومناظر صورتها يمكن تخفف الشوق منار : وين الصبر وروحنا فقدناها حور : الله وحده إللي بصبرنا ويجبر قلوبنا منار : ليتني الكفن لي كفونوها وابقى معها بالقبر ويدفنوني حور : استغفرالله مايصير هاللكلام مالنا إلا الدعا لها والصدقه والصبر خالد : حور إذا مت حطوا قبري جمبها حور : بسم الله على عمرك يومي قبلك إن شاءالله خالد : لاتكفين لاتدعين على عمرج انا ومنار مالنا بهالدنيا غنى عنج منار: حور الزمن يقدر ينسينا ياها حور : بيبطي الزمن مانسانا ياها خالد :زين والصبر من إللي بصبرنا على فرقاها حور : إللي خلقنا ماينسانا هو وحده القادر على كل شي دفنوها وصلوا عليها راحت من هالدنيا وماخذت إلا الكفن وعملها الصالح هذي حال الدنيا ماينفع الواحد إلا صلاته وعبادته وعمله الصالح عسى ربي إثبتنا وياكم على طالعته وعبادته تم العزا في بيت الجده حصه وكل من عرف المرحومه حضر عزاها كانت انسانه طيبه والكل يذكرها بالخير حور قاعده عالغنفه تحس خلاص ماعاد فيها حيل عالوقفه حزينه والحزن كاسرها منزله راسها ودموع مستمره في مجراها قامت سعاد خذت كوشيه كبيره وراحت لها : رفعي حبيبتي ريولج خن احط هالكوشيه تحتها رفعت حور رجولها وحطت سعاد الكوشيه تحتها سعاد حسست على راسها: تصبري ودعيلها بالمغفره حور هزت راسها بحزن نوير والعنود كانوا قاعدين جمب جدتهم إللي حزينه وتبكي الجده هيا : نوير روحي لحور عطيها شي تشربه نوير :ابشري يمه خذت قلاص ماي زمزم وراحت لحور قعدت جمبها : تفضلي اشربي هذا ماي زمزم حور مافيها حيل حتى تبلع الماي بس ماحبت تكسر بخاطر نوير خذت الماي وشربت جغمه: بس نوير خذت القلاص منها وحطته عالطاوله مــــرحوم شخــــص(ن) عزيــــز(ن) خسرتــــه" راح وتركنــــي وحالــــي بالحيــــل مجــــروح" يهــــل دمــــع العيــــن لامــــن ذكرتــــه" طيفــــه معــــي من ويــــن لاجيــــت واروح" (عند الرجاجيل) بوسعود وسعود وبندر ونايف وفواز كانوا قايمين بالعزا خالد كان واقف وياهم بعزى جدته رغم صغر سنه إلا انه ماشاءالله عليه افعاله وكلامه اكبر من سنه عناد للحين مادرا بوفاة الجده وعساه مايدري الساعه 11 الليل بعد ما المعزين راحوا فواز يدق على فوزيه : هلا فيه احد عندكم وإلا راحوا اجل خلاص شوفيلي درب بعزي البنات وام حسن سعود أول ماسمع فواز يقول بيدخل يعزي لف صوبه نايف كان قاعد جمب سعود وانتبه له ومسك إيده وضغط عليها عشان ينبهه مايتكلم سعود لف لنايف بصوت واطي : يبي يدخل نايف بصوت واطي: وإذا عادي لاتنسى انهم بنات عمه سعود سكت بوسعود : فواز انت بتدخل تعزي البنات فواز: اي طالع عمرك مابعد عزيتهم ولاعزيت ام حسن بوسعود: اجل عطهم خبر اني بدخل معك اعزي البنات فواز : ابشر طال عمرك عذاري ماراحت للعزا كانت قاعده في بيب عمها ويا رغد رغد : ماصارت مامي طولت بالعزا اوف عذاري : الحين بتجي رغد : غريبه وانتي ليش مارحتي للعزا وياهم عذاري : بكره بروح اوف معنا اني مالي خلق بس شسوي امي وابوي بعصبون علي رغد تلعب بخصل شعرها : ليش مالج خلق عذاري: ماحب حور اكرها ومالي خلق اروح اعزيها رغد بدون اهتمام : دام تكرهينها بالعكس فرصه وجت عندج روحي تشمتي فيها وشوفيها وهي تبجي وزيدي عليها بالكلام السم يمكن تجيها جلطه وتموت عذاري ابتسمت بخبث: تجين وياي رغد : نــــو اومبسبل عذاري: ليش رغد: وانا شكوا اروح وياج انتي تكرهينها انا شكوا وبعدين جو العزا حده سوفاج ماحب اروح هالاماكن عذاري:انزين انتي ماسألتيني ليش اكرها رغد : مايهمني وإذا شي مايهمني اعرفه ماأسأل عذاري : انزين انا بقولج ليش اكرها رغد : براحتج تبين تقولين قولي عالاقل يمشي الوقت وتجي امي عذاري : انا اكرها عشانها بنت فقر وشايفه نفسها واحلي مني وملابسها بالرغم انها رخيصه بس متناسقه وجسمها اي شي تلبسه يطلع حلو وإذا حاولت اتطنز عليها ثقتها بنفسها وكلامها يسكتني رغد بملل اطالع ساعتها: اوف وين امي ابي اروح لصديقتي بالشاليه عذاري : ليش بتروحين وانا جايه انام عندج رغد : بتنامين بحضني شسويلج نامي البيت شكبره اختاري غرفه ونامي فيها دخلوا بوسعود وفواز لصاله بعد ماتغطوا الحريم كان موجود بالصاله الجده هيا وبناتها العنود ونوير وسعاد وبناتها نرجس ومنال وام سعود ومنايل وحور ومنار بوسعود وفواز: السلام عليكم الكــل : وعليكم السلام بوسعود التفت لحور ومنار إللي كانوا قاعدين جمب بعض على غنفه وحده والحزن ذابحهم : مساكم بالخير يابناتي حور ومنار بحزن :هلا عمي بوسعود : عظم الله اجركم ورحمة الله عليها والله يلهمكم الصبر والسلوان حور ومنار : جزاك الله خير بوسعود : تامرون على شي حور ومنار : سلامتك بوسعود : يلا ودعناكم الله انا استاذن الكل : الله معاك طلع بوسعود وفواز للحين مشى فواز جهة منار وحور سحب الطاوله المقابله للغنفه إللي قاعدين عليها البنات وقعد مقابلهم فواز : شلونكم حور ومنار بحزن: الحمدالله على كل حال فواز : عظم الله اجركم حور ومنار غاصتهم العبره: جزاك الله خير فواز : هذا حال الدنيا وانا اخوكم هالله الله بالصبر والدعاء لها منار ماقدرت تستحمل وبكت فواز : لالا ماهقيت انج ضعيفه الحين شتفيد الدموع حور دمعة عيونها ونزلت راسها وقعدت تبكي بدون صوت فواز : خلاص وانا اخوكم الدموع ماترد الميت ادعولها بالمغفره والرحمه حور هزت راسها : الله يرحمها فواز : اخليكم الحين وانا فالدوانيه بنام فيها ان بغيتوا شي لايردكم إلا السانكم حور : جزاك الله خير فواز قام : يلا عن اذنكم منال كانت واقفه تراقب كل حركه يسويها شتسوي وجوده وحركاته يشد انتباها اليوم الثاني للعزا حور على حالها قاعده والناس يعزونها تحس إن كل الطاقه إللي بجسمها انهاها الحزن دخلت عذاري مدت إيدها: عظم الله اجرج حور بحزن : جزاج الله خير عذاري ابتسمت بخبث بصوت واطي: خلاص عمرت عجوز شكبرها إللي بعمرها مات اوه عاد الفرصه جت لعمج بياخذكم وماراح يقصر فيكم منايل كانت جايبه ماي لحور وسمعت كلام عذاري سحبت عذاري برى الصاله عشان ماحد يحس فيهم منايل : انتي وحده حقيره ونجسه الموت فيه شماته عذاري خافت لاتعلم منايل عليها ابوها : هاه ماقلت شي منايل تهددها : وربي إن ماذلفتي الحين وفكيتينا من شرج وشلتي حور من راسج مايحصل لج خير عذاري بخوف : لاخلاص تكفين لاتعلمين ابوي انا الحين بطلع وخذت جنطتها وطلعت بعد مرور شهر من انتهاء العزى (سعاد بعد ماخلص العزى خذت حور ومنار وخالد يعيشون عندها عشان يبعدو عن عيون عمهم إللي كان لاهي بخرابيطه ولا درى عن وفاة الجده ) (في غرفة منار) حور : اكيد ماني موافقه سعاد : حور حبيبتي فكري بالموضوع ليش الرفض على طول حور : قلت لا يعني لا جدتي ماصار لها شهر من توفت جايين يخطبون سعاد : حور يمه بس خطبه ماقالوا عرس وبعدين سعود والنعم فيه ريال ينشرى حور : تفكير ماني مفكره وزواج ماني موافقه ورديلهم خبر قوليلهم رفضت منال : حور فكري سعود ماتقدم إلا وهو شاريج حور : قصدج ماخطب إلا شفقه علي ماني محتاجه شفقت احد ورجاء صكوا الموضوع سعاد : خلاص براحتج بعد يومين برد عليهم بقول مالكم نصيب حور : يكون احسن طلعت سعاد وخلت حور ويا البنات منال ومنار ونرجس نرجس : هذي امي وطلعت بفهم انتي ليش ماتفكرين سعود موقاصره شي وماخطبج إلا وهو شاريج وبالعكس اذا وافقتي عليه بيوقف بويه عمج إللي لودرى بوفاة امج مادري إشبسوي حور : قصدج ماخطبني إلا شفقه وإلا هو لايحبني ولا يواطني منار : حور انا خايفه من عمي وافقي يمكن زواجج من سعود يحسن امور كثير حور : موضوع سعود صكوه مابي اتزوج واحد يقعد يهيني عالطالعه والنازله بنت فقر وبنت فقر وعمي لاتخافين إللي ربي كاتبه لنا بيصير سواء تزوجت سعود وإلا ماتزوجته نرجس : بس انا احساسي يقول انه يحبج وشاريج وإن الكلام إللي كان يقوله من ورى قلبه حور طالعتها وصدت : اقول عن التفلسف وصكوا الموضوع رغد كانت قاعده بالصاله الداخليه واسمعت ابوها وامها يتكلمون إن سعود خطب حور راحت فوق لغرفتها كانت مقهوره وتلعن وتسب انا رغد بنت العز يخليني ويخطب بنت الفقر هذي" منو حور هذي ومن تكون عشان يفضلها علي "شلون شكلها حلوه شينه " انا لازم اشوفها بس شلون وانا ماعرفها اي هذي حور إللي تكرهها عذاري مافيه إلا عذاري ادق عليها معنا اني مالي خلق إلــ هالعانس بس شسوي خذت موبايلها ودقت على عذاري رغد : هاي عذاري عذاري مستانسه ان رغد دقت عليه : هلا وغلا بحبيبتي رغوده رغد تجامل : شلونج عذوره عذاري : بخير الله يسلمج انتي شلونج شخبارج رغد : تمام شفت نفسي فاضيه قلت بدق على عذاري اسولف معاها عذاري مستانسه: الساعه المباركه انا دايم ادق عليج وماتردين رغد مالها خلق بس مطره اتجامل : اي اغلب الوقت احطه سايلنت ومانتبه للمكالمات انتي لاتدقين انا اذا شفت نفسي فاضيه ادق عليج اوكي عذاري : اوكي إللي يريحج رغد : اقول عذاري عذاري : هلا رغد : تذكرين البنت إللي قلتي ماتحبينها ورحتي تعزينها مادري قبل شهر او شهرين مادري بالضبط متى عذاري : اي قصدج حور رغد : اي هذي إللي اسمها حور هاه إشسويتي وياها عذاري بدت تنصب : اي لوشفتيني إشسويت فيها شرشحتها وزفيتها قعدت تبجي واتراجف من الخوف مني خليتها بيزه ماتسوى شي رغد تعطيها على جوها: اي احسن عمى بعينها الخايسه قطيعه تقطعها إلا انتي ماعندج صورتها عذاري : لاماعندي حتى منايل ماعندها صورتها ماعندها إلاصوره لما كانت صغيره بالابتدائي رغد : انزين اذا لقيتي لها صوره دزيها عشان اعلمج شسوي فيها عذاري : قولي والله انتي بتصيرين بصفي ضدها رغد لاعت جبدها من عذاري: اي انتي بنت عمي ومارضى إن هالاشكال اتطاول عليج يلا باي معاي خط ثاني عذاري : باي رغد واي صج تلوع الجبد حسبالها داقه عشان سواد عيونها لاخذيت منها لاحق ولاباطل سعاد ردت على ام سعود وعطتهم خبر إن حور رفضت سعود وصله خبر رفضها وهو قاعد ويا نايف بالكوفي وحالته حاله معصب ومقهور نايف يهديه: سعود تعوذ من بليس ماله داعي كل هالتعصيبه سعود معصب: اقولك رفضت وتقول ماله داعي هالتعصيبه نايف يبتسم : اثاريك تحبها يارجال وتهايط على راسي ماحبها ولاتهمني ولا افكر فيها وانت رايح وطي سعود صد عنه: والله انك فاضي نايف يضحك : هههه انت علمني يومك اتصدد ويعني اني علمني اذا انت ماتبيها اروح انا اخطبها لعمري سعود عطاه نظره : عشان اذبحك إن خطبتها نايف فطس من الضحك : هههههه لهدرجه تحبها اروح شوربه للناس العشاق اي يارجال والله إن تعترف بحبها وانا ولد ابوي سعود : اي احبها واموت فيها بعد شعندك نايف يصفق : ايــــووه ايـــووه سعود: بس فضحتنا فالناس انت تحسب انك في بيتك تصفق نايف : نسيت عمري شسوي تحمست سعود : شيفيد اعترافي بحبها وهي ارفضتني نايف: ماعليك لاتيأس هي للحين حزينه على جدتها ماعليك اصبر عليها شوي وبتوافق سعود تنهد : ماقول إلا الله يعين قلبي على الحب وبلاويه (في النمسا ) بوفيصل معصب : صار لها شهر متوفيه جدتها وانا ماعندي خبر مطر واحد من رجاله : طويل العمر انت مصكر تلفونك إللي نعطيك معلومات عنها عليه وحاولة اكثر من مره اقولك وانت ترفض تسمع مني تقول ماني فاضي بوفيصل : وحور شلونها الحين مطر : اول ماسمعت الخبر صابها انهيار عصبي وهي للحين حزينه وعايشين عند جارتهم سعاد بوفيصل : اي خلاص انتوا وقفوا مراقبه هي الحين حزينه وانا ماني فاضي عندي شغل اهم من حور ومراقبتها لي خلصت شغلي بشوف شأسوي مطر : طويل العمر يعني نوقف المراقبه لمدت كم شهر بوفيصل : يعني لين اخلص شغلي يعني تقريبا 6 شهور اكثر اقل انا بعطيكم خبر مطر : صار طال عمرك تامر بشي ثاني بوفيصل : لا (تعريف بسيط عن بوفيصل رجل يبلغ من العمر40سنه مليونير عنده ولد واحد زوجته توفت من 15 سنه مزوانجي اي وحده تعجبه يتزوجها او يدفع فيها مبلغ وياخذها بدون زواج ولي شبع منها يقطها وبالطقاق فيها وفي اهلها أهم شي يشبع رغبته) صبــــاح يوم جديد" حور قعدت مبكر البست عبايتها وشيلتها ونقابها خذت جنطتها وانزلت لقت خالتها سعاد قاعده تعلم الخدامه الجديده الشغل حور: صباح الخير خالتي سعاد : صباح الخير يمه وين من صباح الله خير حور : رايحه الدوام اجازتي خلصت سعاد : يابتي ليش ماتقدمين استقالتج وترتاحين فالبيت الديون إللي كنتي تشتغلين عشانها انقضت حور : خالتي الواحد يالله يلقاله شغله وانا مابي افرط بهالوظيفه ماندري هالدنيا إشخاشه لنا سعاد : بس انا خايفه عليج من عمج يشوف سيارتج واقفه عند الشركه ويدري انج موجوده بالشركه ويسوي لج شي هذا ماله امان حور : لاتخافين الله الحافظ وإذا على السياره عطيني مفتاح سيارتج وهاج مفتاح سيارتي (سيارة حور بعد العزا دخلوها في حوش سعاد عشان مايشوفها عناد) سعاد : اخذيه من فوق الطاوله وإذا وصلتي لشركه دقي علي طمنيني حور ابتسمت بحزن تذكرت جدتها دايم تقول لها هالكلام : إن شاءالله خالتي يلا مع السلامه سعاد : بحفظ الرحمن خذت المفتاح وحركت لدوامها في الوقت نفسه سعود قام مبكر وكشخ وتعطر متعمد اليوم يروح الشركه يدري ان حور خلصت إجازتها ويبي يشوف بداوم او لا وكل امله انها اتداوم متوله على شوفتها حور بعد وفات جدتها ضعفت ضعف الحزن ذبحها عيونها للحين فيها دمعة الحزن" صفطت السياره بالمصافط وانزلت دخلت الشركه حور نبرة الحزن امبينه فيها : السلام عليكم الحراس : وعليكم السلام ياميت مرحب ياانسه حور ازيك حور : الحمدالله بخير ركبت الاسنصير متجهه لقسم الملفات الحارس عبدالعال : ياخويا عليها دا الحزن هدي حيلها دي ضفيعه اوي الحارس عبدالصمد: ربنا يلطف بحالها دي حال الدنيا محدش مرتاح فيها الحارس عبدالعال : ربنا يهدي سرها دخلت قسم الملفات وبالتحديد مكتبها حور : السلام عليكم منى : وعليكم السلام اهلا ياحبيبتي نورتي (وسلموا على بعض) حور: شلونج وشلون الشغل منى: كويسه كوله تمام انتي ازيك عمله إيه دالواتي حور بنبرة حزن : الحمدالله على كل حال من جهه اخرى سعود وقف سيارته وقعد يتلفت يدور سيارتها وضاق خلقه لما ماشاف سيارتها واقفه بالمصافط دخل الشركه وماله خلق كان متأمل يشوفها واليوم بالذات مداوم عشانها اتجه لمكتب المدير سعود : السلام عليكم السكرتيره: وعليكم السلام سعود بتردد: فيه احد من الموظفين ماخذ اجازه وانتهت اجازته السكرتيره: اي استاز الانسه حور انتهت اجازتها وداومة اليوم سعود بفرح : حـــــور داومة السكرتيره مستغربه: اي استاز سعود انتبه لنفسه : اي خلاص كملي شغلج ابتسم واتجه لقسم الملفات دخل القسم وعلى طول اتجه لمكتبها وقف عند الباب وعلى وجهه ابتسامه عريضه ماكان بالمكتب إلا حور كانت مندمجه في الشغل سعود تحنحن : احم حور التفتت جهته سعود ابتسم : صبـــــاح الخير حور تمنت الارض تنشق وتبلعها ارتبكت واستحت ويالله طلعت منها الكلمه : صباح النور (اول مره تقابله بعد الخطبه ورفضها له) سعود : مابغيتوا تحنون على الشركه وتنورونها حور منزله راسها وذابحها الحيا ماردت سعود حس بخجلها : حور شلونج حور بحة الحزن واضحه بصوتها : الحمدالله بخير سعود : شخباركم حور قلبها طبول من الخجل والربكه: بخير سعود عاجبه خجلها وحب يزودها : مالكم نيه تسألون عن اخبارنا حور منزله راسها وتحس بيغمى عليها من الخوف ماردت سعود ابتسم : حور فيه مجال اخذ من وقتج ساعه في هالحظه دخلت منى حور شكرت ربها ان منى دخلت في الوقت المناسب سعود تعكر مزاجه وقتها هذي منى: ازيك يااستاز سعود سعود بدون نفس : بخير يلا عن اذنكم (وطلع ) بعد انتهاء الدوام نزلت حور متجهه لسيارتها او بالاصح سيارة سعاد في الوقت نفسه سعود صار له ربع ساعه قاعد في سيارته ينطرها تطلع من الشركه أول ماشافها متجهه لسياره نزل لها سعود يناديها : حور حور حور سوت نفسها ماسمعت وتمت تمشي بسرعه لسياره سعود يسرع خطوته يبي يلحق عليها وصلت حور لسيارة دخلت المفتاح تبي تفتح إلا سعود واصلها حط إيده عالباب وابتسم رفعت عيونها حور والتقت عيونهم ببعض ونزلت حور على طول عيونها سعود تم يطالعها ويبتسم : كل هذا ماتسمعين وإلا اتهربين مني حور تحاول ماتبين ارتباكها وتكون طبيعيه : بغيت شي استاذ سعود سعود رفع حاجبه وابتسم على كلمة استاذ وتسند على باب السياره : بغيت اعرف سبب رفضج يااستاذه حور حور ارتبكت من حركته وبعدت تبي تسوي نفسها عاديه ومو مرتبكه : الزواج رفض وقبول وقسمه ونصيب سعود يأشر على قلبه: إشذنب هالقلب يعاني بسبب رفضج له حور رفعت حاجبها وطالعته : أهـــــا وانا شدخلني فيه سعود : انا ماخطبتج إلا وهالقلب غرقان فيج حور : قصدك ماخطبتني إلاشفقه حبيت اقولك إن إللي خلقنا ماينسانا صحيح موت امي العودا كسرنا بس مانحتاج شفقة احد سعود : إشهالكلام انا ماتقدمت إلا وانا شاريج حور ببرود: لالا مايصير ولد العز يتنزل وياخذ بنت الفقر هذي كارثه سعود : تستهبلين حور بجديه : لامااستهبل هذي كلمتك المعتاده لي بنت فقر وإلا نسيت سعود : اســـــف حور طالعته واسكتت سعود بحنان : اسف على كل كلمه زعلتج فيها انسي كل اللي صار وخلينا نفتح صفحه جديده حور ارتبكت : ممكن توخر انا تأخرت سعود : بوخر بس قبل لاتروحين ابيج تعرفين شي واحد اني بنتظرج طول العمر حور طالعته واركبت السياره بدون ماترد عليه (بيت عناد) عناد دخل معصب ويلعن ويسب سكينه : هاه حصلت حاقه عناد : لا الله يلعنهم رحت بيتهم ومالقيتهم سألت الجيران وقالوا ماندري عنهم درت في شارعهم ادور سيارة هالكلبه حور ومالقيتها سكينه : دول راحوا فين عناد : مادري الله ياخذهم يعني عجوز النار صار لها شهر مادري اكثر متوفيه وانا توني ادري بس والله ماخليهم لو اطلعهم من تحت الارض |
الجـــــزء الرابع عشر
رجعت حور للبيت والافكار توديها وتجيبها ألف سؤال يدور في بالها دخلت البيت كانوا سعاد والبنات قاعدين بالصاله يسولفون وفهد وخالد كالعاده يلعبون بلاستيشن حور : الســـــلام عليكـــــم الكل : وعليكم السلام سعاد: هلا حبيبتي شخبارج شلون الشغل حور باختصار : الحمدالله كل شي تمام سعاد : يلا حبيبتي بدلي وصلي وتعالي بحط الغدا حور : صليت فالدوام والغدا حطوه انا مابيه بروح انام سعاد : ليش يمه ماتبين حور : بس مو مشتهيه سعاد : انزين اخليلج إذا قعدتي يمكن تشتهينه حور : بس فديتج موشتهيه اي شي بس ابي انام دايخه سعاد : براحتج متى مااشتهيتي قوليلي حور ابتسمت: تسلمين يالغاليه حور التفتت لمنار : منور خلي كارين تصعدلي فوق تاخذ ملابسي تغسلها منار : ان شاءالله حور: يلا عن اذنكم (راحت للغرفه) (توضيح حور وخوانها من اسكنوا عند سعاد صارت حور ويا منال بغرفتها ومنار ويا نرجس وخالد ويافهد) حور خذت لها شور بارد طلعت من الحمام(عزكم الله) لقت منال متمدده عالسرير وتقرى مجله منال صكت المجله : نعيم(ن) حور تعطر بدهن العود : الله ينعم عليج ليش ماتغديتي منال : كليت سلطه اليوم باديه رجيمي زايده 4كيلو حور : عطيني الاربعه كيلو احس اني شوي ضعفانه منال : اي والله ضعفانه حيل موشويه شوي وتختفين صرتي قلم رصاص حور منصدمه : لاعاد قويه قلم رصاص شدعوه مو لي هالدرجه منال بجديه : والله العظيم انج حيل ضعفانه جم كان وزنج حور : اخر مره وزنت قبل شهر ونص كان 54كيلو بالنسبه لطولي زين منال : الحين اتوقع وزنج 45 او 46 كيلو تراج حيل ضعفانه من صجي اتكلم ما تغشمر حور : لاتبالغين مولهدرجه منال : خلاص اليوم انروح لصيدليه توزنين ومره وحده نشتري ميزان عشان اشوف جم كيلو انزل في الاسبوع حور : اوكي انروح وانشوف ماورانا شي (حور من النوع إللي وزنها ينقص ويزيد على حسب النفسيه) منال تعدل قعدتها : خلينا من الوزن وقوليلي شعندج حور تمددت عالاريكه اتصفح مجلة المختلف : إشعندي ماعندي شي منال رفعت حاجبها : علينا علينا صرتي تخشين ليش مالج نفس للغدا حور : حمدالله والشكر هذي مو اول مره ماتغدا فيها صار لي فتره مااشتهي اكل منال : اي ادري بس مادري احس وراج شي حور طالعتها وصدت تقرى المجله : حمدالله والشكر منال : إلا اقول ماشفتي سعود اليوم حور تسوي نفسها طبيعيه : وانا شكوى في سعود منال : اقصد داوم فالشركه تصادفتوا شي ماشيات حور : مادري عنه داوم وإلا لا انا شكوى منال عبست بوجها : حسافـــه حور : شنو إللي حسافه منال : كنت متأمله انه بيشوفج وتصير بينكم اكشنات وسوالف يمكن تغيرين رايج وتوافقين حور بداخلها (لوتدرين شصار بينا إشبتقولين احسن إني ماقلت لحد باللي صار بينا اعرف سوالفهم يقعدون يقنعوني ويقولون يحبج ومادري شنو وانا مابي اضعف ووافق عليه) منال تاشر بإيدها : هـــــاي هـــــاي وين وصلتي حور استوعبت : هاه شنو إشتبين منال اتمط بالكلام : شبـــــي صـــار لي ساعـــــه اكلمــج وانتي مادري وين عقلج إللي ماخذ عقلج ياختي حور ابتسمت : خليه يتهنى فيه منال : منو إللي يتهنى فيه حور :إللي ماخذ عقلي منال : يعني فيه احد ماخذ عقلج حور بلعانه تبي تقهر منال: اي فيه فواز ولد عمي من شفته بالعزا وانا مدودهه منال عقدت حواجبها وقالت بقهر : انتي من صجج تفكرين فيه وانتي تدرين فيني حور تستعبط : وانتي إشفيج منال بعصبيه صدت : تهني فيه مالت عليج وعليه حور فطست ضحك : هههههههههههههههههههههههههههههههههههههههههههههههههه هههههههههههههههههههههه منال ابتسمت بسعاده اول مره تشوف حور تضحك بهالشكل بعد وفات جدتها بس مابينت ابتسامتها لحور معصبه عليها : عساها دوم هالضحكه لهدرجه طاريه غير مزاجج وونسج حور زاد ضحكها تمسك بطنها : هههههههههههههههههههههههههههههههههههههههههههههههههه هههههههههههههههههههههههههههههههههههه منال صدت عنها وسوت نفسها تقرى مجله وهي مقهور منها حور تمسح دموع الضحك : آه الله يغربل بليسج ضحكتيني اموت انا في الناس الغيورين منال صاده عنها وماردت حور قامت من الاريكا وقعدت عالسرير مقابله منال وجه لوجه : ياسخفج وانتي معصبه وانتي صدقتي يالغبيه يعني بخلي خلق الله كلهم وافكر بواحد انتي متولعه فيه منال للحين معصبه : من قال اني متولعه في ولد عمج من زينج انتي وياه حور بلعانه : يعني ماتبينـــــه خلاص بحط العين عليه عاد عليه ابتسامه وغمازات تذوب منال صرخة وطقتها بالمخده: ويعـــــه إن شاء الله مسرع غيرتي كلامج ياخطافة الرياييل حور طايحه من السرير وتضحك : هههههه أأأأأي عمى بعين عدوج كسرتي ضلوعي بروحي صايره هيكل عظمي منال : تستاهلـــــين عشان مره ثانيه تحرمين اتييبين سيرة فواز على السانج حور تصفر : ايوا ايوا لهدرجه تحبينه منال تنهدت : آه عزتي لمحبوب محد درى عنه حور : اكشخ اكشخ يالعاشقه منال تكش على وجهها : مالت على ويهي يوم حبيت ماحبيت إلا واحد انا وياه بعد الارض عن السما حور : مافيه شي بعيد عن رب العالمين إذا ربي كاتب إن لج نصيب فيه بتاخذينه غصب عن الكل منال اطالع شكلها بالمنظره: العن ابوشكل بليسك يابوكشه (تقصد فواز شعره طويل وامبهذل) إشسويت فيني خليتني ماعرف كوعي من بوعي فديت والله الغمازه إللي تربكني وتحوسني حوس السكر بالجاي حور : يـــــازينج ساكته(تقلدها) تحوسني حوس السكر بالجاي امحق تعبير منال : على قولة الشاعر ابن فطيس بعض العرب حبه يوردك الجنون حور ترد بنفس القصيده : مالك إلا الصبر وش وداك له منال : أي والله صاج ابن فطيس مالنا إلا الصبر يازينه وزين حبه وبلواه حور : منـــــو منال :بعد منو مافيه احد مدوخني ومغربلني غير بوالفوز حور: امش يابو رمش ياعيني صرنا نقول بوالفوز منال : اقول سكتي بس لاتسمعني امي وتفتح لي محضر ينفتح مايتسكر العصـــــر راحت حور ومنال للصيدليه وزنت حور وطلع توقع منال صح وصل وزنها 46 كيلو وتحطمت حور خذت لها من الصيدليه فاتح شهيه ومكمل غذائي ومنال شرت ميزان ماطولوا خذوا اغراضهم وارجعوا للبيت حتى الجمعيه مامروها مالهم خلق يتمشون عناد صار له اسبوعين من درا بوفاة الجده وهو يدورهم وحتى الشركه راح لها يشوف سيارة حور موجوده بس مالقاها والشركه مايقدر يدخلها سعود معطي تعليمات لسكيورتي مايدخلونه فعلا سعاد ماغلطت يوم خلت حور اداوم على سيارتها وسيارة حور دخلوها بالحوش (بيت بوعناد) عناد معصب : لويروحون للمريخ بوصل لهم يعني بوصل فواز : انا بفهم ليش ماتكفيهم شرك مثل منت كاف خيرك عناد : علمني انا ابوك وإلا عدوك يومك صاف وياهم فوزيه: يبه فواز يقول الحق خلهم في حالهم يكفيهم إللي فيهم عناد : انتي انطمي لااتوطى في بطنج يالسلقه الجربا فواز : ليش تنطم عشانها قالت الحقيقه إللي ماتعجبك ولاانت راضي تقتنع فيها عناد : انت تلايط يالرخمه (الرخمه مصطلح بدوي ) لو انك رجال مارضيت ان بنات عمك لحمك ودمك صار لهم شهر وزياده مادري وين داجين في الشوارع فواز : عزالله صدقة ماني برجال لو إني رجال مارضيت فالمسخره إللي كل ليل في بيتنا مارضيت إن الناس تاكل وجهي بالكلام والسبه سهراتك انت والخمه كل ليله عناد : انت تعلمني الصح من الخطا يالخسيس مالك شغل فيني انا ابوك انا إللي اعلمك مو انت إللي تعلمني فوزيه لازقه في فواز خايفه من ابوها : يبه فواز معاه حق إللي تسويه انت وامي لايرضي الله ولارسوله عناد رفع إيده يبي يصطر فوزيه وقف فواز قدامه وحط فوزيه وراه وجا الكف في وجه فواز فواز مسك خده : اتمون ياوالدي تمون الله يهديك والله لو إن الكف من غيرك لاكسر إيده واعلمه السنع فوزيه منخشه ورا فواز ومدخله وجهها في ظهره وتبكي مو خوف لكن عورها قلبها على فواز مايستاهل تمنت انها اسكتت ولاتكلمت عناد : اكسر راسك وراسها ياملاعين الخير السانكم طال فواز : ترى الصبر له حد انا وفوزيه ماشفنا منكم إلا التعاسه انا فاشل في الدراسه عطالي بطال لاشغل ولامشغله وفوزيه صار فيها خوف ورعب من كل شي والسبب انتوا وعمايلكم كفوا شركم عنا مابي اسوي شي يغضب الله عناد ولا هامه : حافظ كم كلمه من المسلسلات وجاي تقولها لي لابوك لابو ستين كلب فواز مسك فوزيه وصعدوا فوق يعرف إن الكلام ويا ابوه لايودي ولايجيب سعود صار له اسبوعين حاله معتفس من بعد ماكلم حور فالشركه وهو نفسيته تعبانه نايف يوم شاف نفسيته تعبانه قال يطلع وياه لشاليه ومره وحده يقنعه يروحون ويا الشباب لجزيره كبر (في الشاليه) سعود منسدح عالغنفه ويفكر وضايق خلقه نايف طلع من المطبخ التحضيري شايل قلاصين عصير برتقال: ياليل مطولك انا جايبك الشاليه عشان توسع خاطرك وانت ماد بوزك وخاطرك شين (مد له العصير) اخذ بس برد على قلبك سعود عدل قعدته وخذا العصير : تسلم إيدك نايف : يسلم قلبك يابعد راسي سعود ابتسم : القلب شكله بيبطي ماسلم دامه دخل في الحب وبلاويه نايف : يارجال وسع صدرك ماتضيق إلا تتسع بس انت هونها سعود تنهد : آآه لو إنك شفت حالها شلون ضعفانه والحزن كاسرها قطعت قلبي دمعه الحزن للحين في عينها وحالها مكسور نايف : لتلومها فقدت انسانه كانت بالنسبه لهم كل شي سعود : تدري اول ماشفت شكلها شلون ذبلانه تمنين انها حليله لي اضمها واحسسها بالامان (كمل بقهر وندم) بس حسافه وين تصير حليله لي وهي كارهه حتى انها اطالعني نايف : لاتلومها انت ماقصرت بالكلام السم إللي كنت تقوله لها سعود : والله اني ندمان قد شعر راسي على كل كلمه قلتها لها مادري إشفيني على البنت ماخليت كلمه شينه ماقلتها لها كنت اكرهها كره واستانس اذا قهرتها نايف : على قولت القايل مابعد الكره إلا المحبه سبحان من خلاك تهواها سعود : طيب يانايف علمني شسوي نايف: والله ياخوك سوات الله ابرك مادري شقولك سعود : انا قلبي شاب نار من الشوق ودي اشوفها اسمع صوتي مادري مادري شسوي نايف : اصبر هي للحين مجروحه من كلامك وحزينه على فراق جدتها سعود : طيب انا تأسفة لها وعلمتها اني شاريها هي وش تبيني اسوي اكثر نايف : حور اتوقع ان خطبتك لها شفقه انت هد شوي واصبر هي مع الوقت بتعرف انك شاريها سعود : يانايف انت شتقول اي صبر انا وانا اكلمك الحين قلبي محترق يبي يسمع لوعالاقل صوت انا خـــــلاص رحت وطي نايف : طيب إشتبيني اقولك اللي يريحك سوه سعود : بكلمها نايف : انت انهبلت إشبتقول لها سعود : طيب ممكن تخليني لحالي انا من جدي بكلمها نايف :كيفك بس لاتجيني وتقعد تشتكي شسوي يانايف وعطني رايك يانايف سعود : يصير خير بس اطلع انت الحين نايف قام : انا بطلع اتمشى عالبحر إذا خلص تعال سعود : ابشر بس خلصني رح نايف وهو طالع : انا اشهد انك طحت ياسعود ومحد سمى عليك سعود ابتسم خذا موبايله واتصل على رقم حور مسيفه عنده بدون اسم في الوقت نفسه حور كانت قاعده بالغرفه شابكه عالنت تقرى روايه دق تلفونها شافت رقم مميز وغريب استغربت وماردت دق مره ثانيه ونفس الشي ماردت سعود : ياحول هذي شكلها مطوله ماراح ترد بدز لها مسج وصل المسج لحور افتحته (حور ردي انا منايل ) حور ابتسمت : والله خطيره يامنول على هالرقم المميز (دق تلفونها) حور ابتسمت وردت: هلا وغلا بأحلى منوله سعود ابتسم وتنح ماتكلم حور استغربت : ألـــــو سعود بقلبه فديت الالو وراعيته: مساء الخير حور ألف علامة استفهام على وجهها استغربت وتنحت ماتكلمت سعود : أولا وقبل لاتقولين اي كلمه اسف انجبرت اقول اني منايل عشان تردين وانا سعود حور أول ماقال سعود انقبض قلبها سعود كمل : ادري اني غلطان بس شسوي لوقلت اني سعود ماراح تردين حور مصدومه وساكته سعود : حور انا ابتليت والحب بلوه يابنت الناس ارحمي عزيز قوم(ن) ذل حور ساكته بس تسمع سعود : سمعتي إللي يقول "قلب(ن) سكنته كيف يقدر يخليك ~ وروح(ن) تعزك كيف تحيا بدونك" سعود يكمل :وسمعتي إللي يقول " تـــدري وش إللي داخل الصدر موجود~ قـــلب(ن) ملاه الشوق والله يعينه~ حور توهقت وارتبكت تحس عقلها وقف عن التفكير ماتدري تصكر الخط وإلا شتقول سعود : حـــــور حور بخوف وربكه: نعم سعود : ليش ساكته حور توهقت : شقول سعود : اي شي بس لاتسكتين حور : ماعندي كلام اقوله سعود : انتي متى بتصدقيني يابنت الحلال بالعربي الفصيح (علا صوته) كل إللي ابيه موافقتج حور: قلتلك الف مره انا مااصلح لك سعود : وانا قلتلج الف مره انا شاريج حور حاولة تقوي نفسها وتصير جريئه شوي : بس انا مافكر بالزواج كل همي اخواني وبس سعود : وانا كل همي انتي انا ابيج تفهمين شغله وحده انتي حديتي قلبي على اقصاه قلبي تولع فيج ولاقادر يتنازل عنج حور توهقت : عن اذنك خالتي تناديني سعود يدري انها اتهرب تنهد: آه كل مره اتهربين يعني لي متي حور ماعرفت شترد سعود : خلاص بخليج الحين يكفيني ان قلبي ارتاح بسماع صوتج بس ابيج تفهمين شي واحد اني شاريج على طول العمر حور ماردت سعود : ودعتج الله بس قبل لاسكر ترى قلبي امانه بين اياديج وانتي وضميرج مع السلامه حور من الصدمه صكت على طول ماصدقت قال مع السلامه عشان تسكر وصلها مسج من سعود " انـــا عنــدي امـــل في يـــوم تجي كــلك بـــذاتك~ احس انـــك تنادينـــي على اللـــه يصــــدق احساســــي" قرته المسج وانسخت القصيده في الملاحظات وامسحت المسج عشان ماحد يقراه بروحهها مدودهه واتحس راسها بينفجر من التفكير حور: ياربي ساعدني انا الحين كل همي اخواني وادري لوتزوجت عمي بياخذ اخواني وبنتفرق وانحرم منهم وانا مقدر اعيش بعيد عنهم اوف منك ياسعود ضيعتني عمري ماتوقعت انك بتقدم لي وتعترف بأنك تحبني اوف مادري هو من جده يتكلم وإلا شنو ماعرف هو يحبني فعلا وإلا مجرد نزوه (هزت راسها تبي تبعد هالافكار عنها) بس إللي اعرفه اني مستحيل افكر بالزواج في هالوقت بالذات دخل نايف ولقى سعود رايح في سابع نومه على العنفه نايف ابتسم : الله يعينك على مابلاك والله يلين قلبها عليك (خذا الحاف وغطاه وخذا الموبايل من إيده وحطه عالطاوله) رغد قاعده بغرفتها وتكلم واحد من الشباب توها متعرفه عليه كل ماخلصت من واحد تعرفت على واحد جديد رغد بدلع : لابيبي ماقدر نو وي صلاح : ليش ديومه (ديمه اسم الشهره لرغد) انا حدي مشتاق لج لازم انتقابل مايصير بس مكالمات ارحميني رغد : صلوحي بابي حابسني في البيت ماقدر اطلع ومرت ابوي مطلعه قروني ماتخليني حتى اتهنى في الاكل بس اطقني صلاح: ياحياتي ماتستاهلين انزين عطيني عنوان بيتكم انتقابل اخر الليل اذا اهلج ناموا اسهر عندج رغد تكمل نصب : لاحبيبي ماقدر مرت ابوي تقفل علي الغرفه بعد الساعه 9الليل يعني ماقدر اطلع كلش صلاح بدا ينفذ صبره : مايصير لاني قادر اتقابل وياج ولاحتى اجي بيتكم تراني مليت صار لنا خمس شهور على هالحال رغد طلعت على حقيقتها: تصدق حتى انا مليت منك وطقت جبدي كل ماكلمتك ابي اشوفج ابي اشوفج انت مو مشفوح موشايف خير قطيعه تقطعك يلا طس باللي مايحفظك (صكت الخط بوجهه واغلقت الموبايل) رغد قطت الموبايل اللي مخليته للمغازل بالدرج وشغلت الموسيقى خذت الروب ودخلت تاخذ شور عشان اتجهز تروح اتقز بالمجمعات (في بيت الجده هيا) بندر يحاول يقنع جدته يرمم ويعدل شوي في البيت لا الجدران تشققت وبدا يتقشر الصبغ هذا غير الادوات الصحيه إللي كل ثلاث شهور يغيرونها والاثاث القديم إللي دار عليه الزمن والجده مو راضيه تغيره والسبب ماتبي تغير شي في البيت لان كل شي فيه إيذكرها بالمرحوم زوجها إللي صار له 16 سنه متوفي بندر : يالغاليه انا ماقلت انغير البيت انا قلت انعدل فيه شوفي السقف شلون صاير شوي وينهدم علينا وما خفي اعظم الجده معصبه : لا يعني لا قلت مافيه شي بيتغير في البيت دامني عايشه غرفكم كيفكم فيها بس باقي البيت مالكم شغل فيه بندر : لاحول ولاقوة إلا بالله خلاص انبدل الاثاث ونصبغ الجده هيا راكبه راسها: لا ولاشي بيتي وانا حره فيه بندر : يمه انا الحمدالله عندي خير وبيتنا إللي يشوفه يقول بيت اسويين رايح فيها إشبيقولون الناس عني بيقولون قحيطي ومايندي الجده هيا : يقولون إللي يقولونه المهم اني مرتاحه والبيت عاجبني وماعلي من الناس نوير : يمه بس تعديلات بسيطه شوفي بيت ام محيسن على قد حالهم وعدلوا في بيتهم وصار ماشاءالله عليه يهبل العنود : اي يمه لو تشوفين البنات في المدرسه شلون يتكلمون عن بيوتهم نص الكلام مادري شيقولون تصدقين وحده تقول مغيرين سرابيت بيتهم عاد انا مادريت شيطلع هالسرابيت بالاخير طلع بلاط مربعاته كبار و يلمع بندر ضحك : هههه اسمه سراميك مو سرابيت الله يهديج الجده هيا: انتي بالذات انطمي من دخلتي هالمدرسه وانتي خربانه كل يوم جايتني بشي مره تبين تصبغين شعرج ومره تبين تشترين صبغ للوجه خربتي يالمهبوله العنود : والله نبي نعيش حياتنا مثل بنات خلق الله من عرفنى نفسنا وحنا نمشط هالشعر بالدهن والحنا والسدر والكحل مابعد طبع عيونا نبي نغير الجده هيا : مالت عليج اني داريه ماورا هالمدرسه خير نعنبوا بليسج تبين اتكحلين وانتي مابعد اعرستي تبين تفضحينا العنود : هدا على ايامكم البنت ماتكحل إلا إذا اعرست لكن الحين الكل يتكحل سوا متزوجه او لا الحين قوليلي من البنات إللي بعمرنا مو دارسين وللحين يحلبون الغنم ويعشون البقره وينظفون الزريبه علميني الجده هيا عصبت خذت العصى وحذفت العنود فيها : روحي نعنبوا هالخشه ياوجه بن فهره العنود طيران داخل البيت ماحاشتها العصى مابغت إلا عمرها بندر : مايصير يالغاليه كل ماتناقشنا في شي عصبتي وماوصلنا لحل الزمن تغير والناس تغيروا مافيه شي يظل على حاله نوير قالت الكلمتين إللي قالتها وصدت عنهم شغلت الرادو تسمعه طلعت اغنية عتاب "بدى يحبني يحبني قوه قوه يحبني بشويش واحبه قوه قوه" وقعدت تغني وياها (مادري الاغنيه صح وإلا انا خرتها"غنادير) الجده هيا مااعجبها كلام بندر ولفت عنه مالقت تحط حرتها إلا في نوير خذت النعول وحذفتها : قومي طسي نعنبوا هالخشه لابوج لابو من حبج اي ماعاد في وجيهكم حيا بدى يحبني من إللي بدا يحبج ياقليلة الخاتمه نوير قامت تفرك كتفها من الطقه وقامت اتحلطم: ياليل مطولك اغني بعد الواحد مايغني اغني للجن لزرق حتى الواحد مايقدر يطرب نفسه كل شي فيه إن مالت على حظي الطايح انا المفروض في بيت رجلي وعيالي حوالي البسهم واعشيهم لكن شقول الحظ الطايح طايح الجده بصوت عالي : أي هذا إللي ذابحج حب العرس لا سحى ولامستحى مالت عليكم يابنات هالوقت منايل واقفه قدام المنظره تحط المساتها الاخيره من مكياجها كانت لابسه ثوب حرير ليموني كت لي فوق الركبه ومن تحت الصدر دانتيل اسود خلصت البست كعب اسود وتعطرت بعطرها المفضل شوبارد خذت جنطتها وانزلت لامها تحت تنطرها بالصاله منايل بدلع : هاي مامي ام سعود ابتسمت: هلا وغلا إشهالزين منايل ادور : هاه شرايج حلو ام سعود بفخر : تهبلين بسم الله عليج بتكونين نجمة الحفل منايل تقعد جمب امها وتبوس خدها : فديتج حياتي انتي هاه متى اروح ام سعود : مادري عذاري وينها ماصارت منايل : واي يمه عذاري لبسها كلش مومتناسق تحب تلبس كل شي مره وحده يمه اكثر من مره نبهتها مافيه فايده ام سعود: بس عيب هذي اختج الكبيره منايل : وعشانها اختي اكثر من مره قلتلها بس هي تأخذ الامر بحساسيه واتظن اني قصدي افشلها واقلل من قدرها ام سعود : خلاص بس كيفها خليها على راحتها منايل : اوكي براحتها انزلت عذاري كانت لابسه ثوب مخصر على جسمها تركواز له فتحتين لي الركب والصدر كله اكرستال اصفر حاطه شدوا تركواز وعليه زري اصفر حاطه حمره برتقالي فاقع وبلاشر احمر عذاري : هاه يمه شرايج ام سعود : يمه ليش حاطه هالزري الاصفر ماله داعي عذاري : يمه هذي الموضه انتي إشعرفج يلا يلا اروح تأخرنا نايف اقنع سعود يطلع وياهم لجزيره كبر بيقعدون يومين ويرجعون سعود كان رافض لانه خاف هالطلعه تأخره عن الشركه ولهان على شوفت حور صار له اكثر من اسبوعين ماشافها من بعد اخر مره لما اعترف لها بحبه جهزوا الشباب عدتهم كامله طلعوا للجزيره جمعت شباب صيد وشوي ووناسه وضحك وسوالف بعد الوناسه و الضحك الكل راح لفراشه الشباب كل واحد منهم حط راسه عالمخده وراح في سابع نومه إلا سعود إللي ماجاه النوم يتقلب يمين يسار لكن النوم مجافيه لف يشوف نايف قاعد وإلا نايم يبي يسولف وياه شافه ورايح بسابع نومه قام سعود خذا الموبايل وراح يتمشى على الشاطي شاف الساعه صارت 2 الفجر قرى المسج إللي دزه لحور وابتسم وخذته الافكار صوبها يتذكر كل موقف صار بينهم موقف المستشفى موقف الجمعيه موقف الحفله مواقف الشركه شاف تلفونه فيه سيرسف خفيف دز لها مسج (في الوقت نفسه في بيت سعاد) سعاد نامت والبنات وخالد وفهد سهرانين كعادتهم عطله وماوراهم شي حور بأيام الوك اند تسهر وياهم اما إذا وراها دوام تنام من الساعه11 قاعدين بالصاله البنات يلعبون اونو والصبيان يلعبون بلاستيشن نرجس : اوف ماصارت الطلب طول وانا ميته يوع حور : اي والله تصدقون طول خلود قوم دق على هارديز شوف إشسالفته طول علينا خالد متحمس للعب : يوه دقوا انتوا انا مو فاضي حور : منور قومي دقي منار توها بتقوم إلا صوت الجرس منال : يلا وصل خلود وفهود قوموا ناخذ الطلب فهد : اخذوه من فوق الباب احنا مو فاضين شوي وينتهي الشوط منار : مالت عليكم يلا قوموا بنات راحوا البنات يأخذون الطلب من فوق باب الحوش مستحيل يفتحون الباب هالحزه حتى للمطعم بعد احد يخطفهم الدنيا مافيها امان نرجس ماده إيدها: لوسمحت اخذ الفلوس من فوق وعطنا الطلب واحد واحد السايق : حينكب البيبسي حور: لاماراح ينكب عطنا واحد واحد اول عطنا الوجبات بعدين اخر شي البيبسي عطاهم الوجبات وعقب مد البيبسي واحد واحد خذوا الاكل ودخلوا كانو حدهم جوعانين لازم هذا السهر ومايسوي وصل المسج لتلفون حور وماهتمت كانوا مندمجين بالاكل نرجس كانت طالبه وجبة فايف استار الحجم وتأكل ولا هامها الكتشب يسيح والطماط يطيح والوضع عندها إيـــــزي منار : صج مشفوحه ماتعرفين تأكلين قصيها واكليها وانتي ادخلينها مره وحده منال : سكتي بس هذي تفشل تدرين امي حرمت ناكل بمطاعم الوجبات السريعه والسبه الدرام هذي منار: لاتقولين انها تأكل جذي منال : فشلتنا الكتشب يسيح من جوانب حلجها ويطيح على ملابسها والصمونه تعتفس والخس بجهه والوضع عندها عادي فشلتنا قعدوا الناس يطالعونا حور : وانتوا شحاركم خلوها اتلذذ كيفها تأكل بالطريقه إللي تعجبها منال : لا وازيدج من الشعر بيت اذا اشربت البيبسي وخلص كله تقعد خلاص مايبقى إلا الثلج تقعد تشفط تشفط واطلع صوت والناس يطالعونها وهي عمك اصمخ ولا معبره حور : كيـــــفها عاجبها طريقة اكلها انتوا إشحاركم منال : حارنا انها تفشل بالمجتمع نرجس ساحبه عليهم تبي تقهرهم اكثر قامت تغني : وطني حبيبي وطني الغالي وطني النجم العالي وطني شعله موضيئه كلمن جريئه وطني وطني الغالي وطني حور قعدت تغني معاها : الله الله ياشمس الحياه منال : الحمد الله الشكر احترموا النعمه حور ونرجس : استغفرالله دق موبايل حور شافت المتصل منية الروح ابتسمت حور : هلا وغلا بالرقم وراعيته منايل : هلا فديت روحج شخباركم حور : عال العال هذا حنا طالبين من هارديز وقاعدين ناكل منايل : شنو توكم اتعشيتوا يلا اخليج اتعشين حور : لا وين رايحه اصلا متعشين بس تعرفين السهر والضحك والسوالف جوعتنا بعدين انا الحمدالله شبعت منايل : فيه العافيه حور : يعافيج حبيبتي منايل : وين راعية الرجيم امحق رجيم حور توطي صوتها : اي والله امحق رجيم تمسك نفسها طول اليوم وباليل تسوي بوفي مفتوح تاكل كل شي مره وحده منايل : ههههه خليها هذي العطله لازم سهر واكل خليها إذا بدت الكليه بتضعف حور : خلينا منها قوليلي شخبارج منايل : تمام توني راجعه انا وامي وعذاري من حفله تخرج وحده من بنات عم امي حور : هاه شلون الحفله استانستي منايل : عادي مافيه شي جديد نفس حفلاتنا المعتاده ملل حور : مادري احس هالصيف طولتوا ماسافرتوا شنو مالكم نيه اتسافرون منايل : انا مالي خلق مابي اسافر لندن هالسنه قلت لهم بقعد ويا سعود وامي وابوي وعذاري يمكن بعد اسبوع ابوي عنده شغل إذا خلصه بيسافرون حور اربكها طاري سعود بس سوت نفسها طبيعيه : ليش مالج خلق السفر روحي غيري جو واستانسي منايل : لا هالسنه كلش مالي خلق لسفر وبعدين ماراح يطولون عشرأيام اسبوعين بالكثير وراجعين ابوي عنده شغل حور : خلاص إللي يريحج سويه منايل : اقول حور عندج رقم مفسر احلام حور : لاوالله ماعندي ليش إشفيج منايل : مادري صار لي فتره اتحلم حلم وابي افسره حور : شنو هالحلم عسى خير منايل : مادري حلمت اني في مكان ظلما وفيه حفره كبيره كل ماجيت بعبرها اتعثر فيها وامسك اطرافها عشان ماطيح واقعد اصارخ اصارخ والخدم يحاولون يساعدوني بس مايقدرون بالاخير يجيني واحد مادققت بوجهه ويسحبني ويطلعني بعدين يأخذني لبيت قديم وانا اصارخ مابي اقعد بهالبيت وابوي وسعود يقولون لازم تقعدين فيه هذا بيتج وينتهي الحلم واقوم وانا خايفه حور : عسى خير إن شاء سمي بالرحمن قبل لاتنامين وإن شاءالله بيكون خير منايل : بس اكثر من مره يتكرر علي وخاطري افسره حور : توكلي على الله ولاتقعدين توسوسين حافظي على اذكار الصباح والمساء وإللي ربي كاتبه لج بيصير منايل : ونعم بالله يلا انا اخليج عذاري تناديني بشوف اشتبي سلمي على منول والبنات حور : الله يسلمج حبيبتي تصبحين على خير واحلام سعيده منايل : وانتي من اهله فديتج صكت حور من منايل وانتبهت للمسج إللي واصلها افتحته "تـــرى لـــوك تهجـــا نظرتــي يمديـــك قــريت اللـــي اسولــف به على إيدينــــي تنطـــح غيبتـــي واللـــه لا يعطيــــك ســـوى حـــب ربـــا من بينـــي وبينــــي تــــرى درب دعانـــي راح لـــك يدعيــــك بلاقيـــك بطريقـــه او تلاقينـــــي لــذا ماجيــــت ابســـأل يالغــلا وش فيـــــك انـــا جـــيت اســـألك بالله وش فينـــــي كثــر ماقلــت ابشطـب صورتــك وامحيـــــك كثـــر ماقمـــت ابـــروزها على عينـــــي " إهـــــدااااء خـــــاآاآاآص انتهـــــى البـــــارت قرائه ممتعه اتمناها لكم واتمنى اشوف ردود تثلج صدري واشكر المستمرين بردودهم على كل بارت |
يعطيك العافيه ع البارتين
ياليت حور تحنن قلبها لسعود لان شكله راح تجيها مصايب من عمها وبو فيصل ع العموم الروايه في بديتها وراح نعرف احداثها مع غندوره |
الله يعطيكي العافيه علي البارت وشكل ابو فيصل بيتزوج حور لان سعود في حلمه انها تبتعد مو قادر يوصل لها واتوقع فواز راح يحميهم من ابوه علشان كذا توقعت ابو فيصل راح يتزوجها وتكفين فكيها من عمها حطيه اي مصيبه لانه دابل كبدي وفي انتظار البارت وعلي القوه
|
السلام عليكم و رحمة الله و بركاته
مساء الخير و الرضا من الرحمن فديتج غنادير تسلمين على هالبارتين الروعه ===================== (( حور و أخوانها )) الله وش كثر هالفقد صعب عليهم و خصوصا أنهم ما عرفوا ام غيرها هي اللي تحميهم و هي اللي ترعاهم .. بس سبحان الله ربي يأخذ من جهه و يعطي من جهه ربي رزقهم بالخاله سعاد اللي تحبهم و تخاف عليهم مثل عيالها .. اتوقع بيكون لها مواقف كثيره بحياتهم و خصوصا حور .. حور و رفضها لــ سعود شيء طبيعي من كل ما سمعت منه كرهت تكون قريبه و لو شوي .. بس ممكن يضغطون عليها اخوانها لما تشوف عمها الهم يحاول يقرب منهم أو حتى أبو فيصل يحاول يتزوجها ... ======================= (( سعود )) أكلن طبختيه يالرفله اكليه " و هذا اللي صاير معاه من أول بس شغال يعايرها و يعذب فيها و اللي هي قاعدة تردله الصاع صاعين .. حس شوي من اللي شويته فيها .. بس حور الظاهر انها تحس بشوية مشاعر اتجاهه و يمكن مع الوقت تحن عليه ... ===================== (( الجده هيا )) خخخخخخخ عجيبة ذا المرأة ما تبي تغير شيء من حياتها .. ياليت اغلب الحريم نفسها اللحين الوحدة ما تصدق على الله تطلع العدة راحت ترزرز بالعروس عشان تتزوج الأ من رحم ربي .. بس غنادرير سين سؤال << الجليب من صار عليها تثمين خخخخ يعني ممكن يحوش بيتهم و تطلع منه مجبره و تفرح العنود بالتغير .. و لا لا راح يبقى نفس ما هو على حسب حلم منايل .. اللي ممكن يكون نصيبها بندر ... ====================== سلمتي يالغلا بــ انتظارج .. .. .. |
عزيزتى غنارير بارتين روعه والاروع منها اليد اللي كتبتهاهالروايه يليت حورتحن على سعود وشكلها بترضي فيه لما يتقدم لها ابوفيصل وارجوا ماتخلينا ننتظرللجمعه صراحه بعدعالبارت الجمعه بعيديليت فيه اقرب ودمتى غنادير
|
اهاجيس
يعافيج ربي يالغلا واشكر تواجدج المستمر اللي يسعدني وحياج الله ام متعب هلا وغلا حياج الله اممممممممممم توقعات غلط تابعي وبتعرفين الاحداث يالغلا:peace: اما بخصوص عناد ههههههههه ولايهمج كل ظالم له يوم بس شوفي متى"" اسعدني تواجدج بياض الصبح هلا وغلا حبيبتي دايما مبدعه في تعليقاتج على الاحداث اما بخصوص الجده هيا والبنات خخخخخخخخخخخ للحين ماشفتي شي وفعلا ياحلو الناس اللي للحين عايشين على البساطه وقلوبهم نظاف halazona هلا وغلا بالغلا تسلملي العيون المتابعه وراعيتها الاروع تواجدج المستمر اللي يسعدني" مااااااافيه البارت حلاته يتاخر عشان اتحمسون وتشتاقون له <<<< فيس نذاله خخخخ |
الجـــــزء الخامـــــس عشر
صكت حور من منايل وانتبهت للمسج إللي واصلها افتحته "تـــرى لـــوك تهجـــا نظرتــي يمديـــك قــريت اللـــي اسولــف به على إيدينــــي تنطـــح غيبتـــي واللـــه لا يعطيــــك ســـوى حـــب ربـــا من بينـــي وبينــــي تــــرى درب دعانـــي راح لـــك يدعيــــك بلاقيـــك بطريقـــه او تلاقينـــــي لــذا ماجيــــت ابســـأل يالغــلا وش فيـــــك انـــا جـــيت اســـألك بالله وش فينـــــي كثــر ماقلــت ابشطـب صورتــك وامحيـــــك كثـــر ماقمـــت ابـــروزها على عينـــــي " إهـــــدااااء خـــــاآاآاآص (القصيده منقوله لشاعر محمد بن ساقان ) ردت قرت المسج مره ثانيه وثالثه ورابعه تبي تفهم كل بيت فيه وسوت نفس حركتها الاوله نسخت المسج فالملاحظات ومسحته من الصندوق الوارد تسندت عالغنفه وقعدت تفكر لوظروفها احسن من الظروف إللي هي فيها بتوافق عليه او لا لو سعود من بداية معرفته بحور ماكان يجرحها ويحسسها بالنقص وانها بنت فقر ومو من مستواه بتوافق عليه لو عندها عم سنع بيكون هذا حالهم بتكون سعاد الغريبه احن عليهم من عمهم لحمهم ودمهم لو كان ابوهم وامهم عايشين بيسمحون لهااتوظف هالوظيفه لو و لو ولو اشياء كثيره لو كانت موجوده بتغير حياتهم اسمعت اذان الفجر يأذن وتذكرت ان كلمة لو اعتراض على حكمة الله استغفرت ربها وانفضت هالافكار منها حور : يلا الصلاه شباب هدوا البلاستيشن وقوموا توضوا وصلوا جماعه وبعدين ناموا خالد : شوي بس هالشوط ونصلي حور بحده: عمى بعين العدوى البلاستيشن اهم من الصلاه إشبيكون عذركم يوم القيامه إشبتقولون لربكم ياربي كنا نلعب بلاستيشن والهانا عن الصلاه يلا تعوذوا من بليس وقوموا خالد : استغفرالله اعوذ بالله منك يابليس فهد : خلود اضغط استار ويلا انتوضى ضغط خالد استار وقاموا يتوضون حور التفتت للبنات : وانتوا إن شاءالله متى تقومون نعلم الصغار وانتوا يالكبار قدوتهم منال : انا توني متوضيه الحين بصلي منار : وانا عندي عذر نرجس : وانا بروح اقعد امي لصلاه وبتوضى مره وحده فوق بصلي وانام حدي دايخه حور : وانا بعد بروح وياج اصلي وانام دايخه منار : دام بتنامون انا شيقعدني حور : خلاص قبل لاتصعدون صكوا اليتات وخلوا خالد وفهد يصكون البلاستيشن وينامون منار : خلاص اوكي اذا خلصت منول صلاتها بنصك كل شي وانصعد انام ذبحنا السهر صعدوا نرجس وحور قعدوا سعاد لصلاه وصلوا وناموا ( الساعة الواحده ظهرا ) دخلت سعاد غرفة منال وحور لقت فراش حور فاضي ومنال للحين نايمه سعاد اتقعد منال: منال منالوه ويهد قومي صلي الساعه صارت وحده منال تغطي وجهها بالحاف: يمه صليت صليت سعاد : متى صليتي منال نايمه واتغصب بالكلام: قبل لا انام صليت سعاد : اي صلاه صليت منال : الفجر سعاد: حمدالله والشكر قومي صلي الظهر الساعه صارت وحده منال تفرك عيونها للحين فيها نوم مومستوعبه : الظهر ليش متى صار الظهر سعاد : قومي صحصحي خلصيني طلعت حور من الحمام عليها الروب ولامه شعرها بالفوطه شافت سعاد واستحت وارجعت مو متعوده تطلع بالروب قدامها سعاد : تعالي يمه شنو تستحين مني حور ابتسمت بخجل: شلونج خالتي سعاد : بخير الله يسلمج نعيم(ن حور : الله ينعم عليج هذي للحين ماقعدت منال مغطيه وجهها : امبلى قعدت يالحراشه تحرشينها علي سعاد : قومي وخلي الهذره الزايده إللي لاتودي ولاتييب يمه حور متى قعدتي حور : قعدت 12وربع صليت وقلت بأخذ لي شور وبقعدها بس شكلي طولت منال : حشى خلصتي الماي كل هذا اتسبحين حور : وانتي شكوى إشحارج سعاد : خلوا عنكم الكلام ويلا خلصوا ونزلوا تغدوا عشان العصر بروح الخيران طلال اخوي ومرته عازمينا بالشاليه منال فزت : صج يمه قولي والله سعاد : والله بس يلا خلصونا منال : زين يمه منو بعد بيي سعاد : بس بيت خالج وخالتج ام مي منال : اشوى يعني اهل مرت خالي ماراح إيون مالنا خلق لهم سعاد : وانتي كل الناس مالج خلق لهم منال قامت : بروح اتوضى واصلي واجهز اغراضي حور : خالتي انا ماراح اروح وياكم وراي دوام بعد بكره سعاد : اي عادي انروح اليوم وانبات وباجر بعد المغرب نرجع حور : خالتي فشله استحي من اخوج سعاد : حمدالله والشكر شنو تستحين منه وبعدين اهو بيكون 24ساعه ربعه عندهم شاليه وحتى بينام عندهم بس إذا بغينا شي اناديه لاتحاتين انا قايلة له عشان تأخذون راحتكم حور : فشله الشاليه شاليهه وماياخذ راحته فيه بسبتنا سعاد : شنو فشله اصلا طلال دايم جذي يستانس ويا ربعه يلا عن العياره العصر تكونون جاهزين حور ابتسمت وحبة راسها: الله يخليج ذخر لنا ولايحرمنا منج سعاد : ويخليكم ويحفظكم يلا انا بروح انجب الغدا لاتأخرون حور : إن شاء الله بالبس وانزلج (في جزيرة كبر) سعود : الساعه خمس العصر انا برجع لشاليه اللي بيرج وياي حياه واحد من الشباب اسمه عمر : وانا بعد برجع المره حامل خاف تولد شي وماعندها احد اهلها مسافرين سالم : وانا بعد تذكرت الوالد بيسافر للامارات عنده شغليبيني وياه نايف : يعني ماباقي إلا ان شيقعدني برجع وياكم سعود : خلاص بحيل الله وقوته الساعه خمس نكون محركين نايف : على بركة الله توكلنا على الله بعد ماتغدوا الكل كان حايس نرجس : منول ماشفتي مايوهي الفوشي مالقيته بس لقيت الاحمر منال : مادري عنه خلاص مولازم اخذي الاحمر وخلاص نرجس : حسافه كنت ابي الفوشي عشان اطقم ويا منور منال : عادي شدعوه بتوضح الالوان واحنا ماراح نسبح إلا إذا ظلم الوقت حور دخلت شايله اغراض: قوه منال ونرجس : هلا منال : أوللـــــه شنو هذا كله حور : رحت الجمعيه وشريت بطاط وعصيرات وككاوات ونفيش ومكسرات يعني لزوم السهره نرجس : شريتيلي واقي من الصيدليه حور : اي شريت لج وشريت لج شامبو وبلسم موتقولين شامبوج خلص نرجس : يابعد عمري ليش تكلفين على عمرج امي كانت بتشتريلي حور : حمدالله لاكلافه ولاشي وبعدين حنا مابينا هالرسميات منال : حور شريتي كستنا حور : اي شريت عشانج على اني ماحبها الله يديم النعمه منال ترسل لها بوسه : امواااه فديتج انا يابعدهم كلهم حور : نرجس هذي اغراضج انتي ومنور بس قوليلها مالقيت كريم اولاي النوع إللي تبيه إذا رجعنا من الشاليه بدوره بصيدليه ثانيه نرجس : إن شاءالله بأقول لها حور : وعلى دربج قولي للخدامات يحطون الثلج إللي شريته بالثلاجه لايذوب منال : شكلج ماخليتي شي ماشريتيه حور : شدعوه كلها اشياء بسيطه منال : ترى خالتي بتمرنا عشان انروح على سيارتين ماتكفي سيارة امي حور : وليش مااروح على سيارتي وسيارة خالتى سعاد منال : لا امي مارضت خافت هالغبر عمج يشوف سيارتج ويعفسنا وبعدين خالتي بس إهي وسلوم وميون خل الخدامات يركبون وياها حور : خلاص إللي تشوفه بس الله يعينا على الدرب طويل منال : السوالف ماراح تخلينا انحس بطول الدرب حور لاتنسين كاميرة الفيديو اخذيها حور : خذيتها لاتحاتين هذي اول شي حطيته المهم انا بنزل لخالتي يمكن تبي شي وبنادي لكم الخدامات ينزلون الاغراض لاتنسون شي منال : بس نادي خدامتنا رياتا وكارين خليه عندكم تحت تساعدكم حور خذت عباتها ونقابها وشيلتها وانزلت تحت تساعد خالتها سعاد (بيت الجده هيا) بندر والجده هيا قاعدين فالحوش ونوير والعنود بالصاله واقفين عند الدريشه يتسمعون على امل إن بندر يقنع جدتهم وتوافق بندر : هاه إشرايج يالغاليه الجده هيا : بفكر بندر : السالفه ماتحتاج تفكير يمه المحل احسن لكم من البسطه واريح انا باستاجر لكم محل في موقع زين واجيب لكم خياطه تخيط العبي والشيال واي شي تبينه بتخيطه وانتي تشرفين عليها الجده هيا : والبراقع تعرف تخيطها وإلا لا إذا ماتعرف مابيها بندر : لاتعرف تخيط براقع وكل إللي تبينه احسن لكم من البسطه في هالحر الجده هيا : خلاص موافقه بس عندي شرط بندر استانس : انتي تأمرين امر الجده هيا : يكون المحل في الفحيحيل صارلي زباين واجد هناك ومابي اخسرهم بندر : ابشري ولايهمج غالي والطلب رخيص خلاص واحد من ربعي عنده محل في مجمع الدبوس بشتريه منه وإذا مايبي يبيعه باستاجره وبقدملج على خياطه واجهز المحل وكلها ثلاث اسابيع شهر بالكثير ويكون كل شي جاهز نوير والعنود استانسوا وطاروا من الفرحه نوير ترفع إيدينها: الحمدالله ياربي الحمدالله قدر بندر يقنعها العنود : ياويلي يالعنود ماني مصدقه واخيرا بنودع البسطه ويصير لنا محل نوير : يازين الحياه زيناه عزالله إن فرقا البسطه من ليالي العيد العنود : اي بس المحل يبيله اسم نوير : اي والله ذكرتينا شنحط له اسم العنود : مافيه احلى من اسم محل عنود الصيد لشيال والعبي نوير : لاوالله ليش مانسميه محل نوير نور الدنيا العنود : امحق اسم عزالله الناس إن شافوا الاسم هجوا نوير : ليه اسم نوير إشزينه وإشحلاته العنود : لاوالله فكينا من شرج انتي واسمج نوير : تكفين انتي إللي اسمج مسكت زينج ماكله تبن وساكته واستمروا على هالحال كل وحده تبي تسمي المحل عليها (بيت بوسعود) عذاري كانت قاعده بالصاله وكل شوي ادق على رغد ويطلع مغلق : اوف ماصارت مغلق هذي وينها كل هذا نوم منايل تقلب بالقنوات : منو هذي إللي جهازها مغلق عذاري : رغد بنت عمي ادق عليه ويطلع مغلق وإذا دقيت عالبيت الخدامه تقولي مشغوله منايل : وانتي شعندج وياها اشوفج هالفتره كله ادقين عليها بس ولامره شفتها داقه عليج عذاري : بنت عمي وكيفي بدق عليها واكلمها عندج مانع ياأنسه منايل منايل : لاماعندي مانع بس مستغربه عذاري : لاتستغربين ولاشي وبعدين انا داقه عليها اشوف إذا بتروح السوق اروح وياها ومره وحده اجهز لسفره منايل : اي بس رغد على خبري تحب اتسوق بروحها ماتحب احد يتسوق وياها عذاري : لا اصلا انا عادي اتسوق وياي لانا صرنا صديقات منايل بدون اهتمام: صرتوا صديقات مبـــــروك الله يهني سعيد بسعيده (الشاليهات) وصلوا لشاليهات البنات كانوا فالينها ضحك وسوالف ووناسه والصبيان فهود وخلود وسلوم وعيال طلال مشاري ومشعل ومشاعل كانوا يلعبون كرة قدم والحريم سعاد وام مي وزوجة طلال كانوا قاعدين برى عالكراسي قهوه وجاي وكيك سوالف وحش البنات قاعدين داخل مايبون يطلعون إلا باليل كانوا يلعبون لعبة الصراحه لفوا قوطي البيبسي وطلع نرجس تسأل مي نرجس تفكر : اممم شسألج يلا عمرج شفتي رجل اعجبج ولفت انتباهج وشنو الشي إللي لفت انتباهج فيه مي :واي شنو هالسؤال المحرج مابي اجاوب عليه غيريه نرجس : لاحبيبتي مو على كيفج انغيره هذي لعبة صراحه لازم تجاوبين مي : واي من قرادة الحظ ماطلع إلا انتي إللي تسألين نرجس : يلا جاوبي لاتحاولين تلفين وادورين مي : اممم والله فيه شخص يمكن انتوا تعرفونه أول ماشفته لفت انتباهي رغم ان شكله مبهذل بس عليه ابتسامه تذوب الصخر وهو فواز اخو فوزيه رفيجتي منال على طول خزت حور وحور غمزت لمنال انها تمسك نفسها لاتبين أي شي فوزيه اتكمل : بس اول مره شفته لفت انتباهي بعدين صار عادي عندي مااهتم له اشوفه شخص عادي مثله مثل اي انسان اشوفه بالشارع حور ابتسمت لمنال ومنال تنفست براحه وردت لها الابتسامه منار : يلا فروا القوطي فرت نرجس القوطي طلع منار تسأل نرجس نرجس : منور لاوصيج سؤال عدل لاحد يطلع فضايحنا منار ابتسمت : ماتخفيش انا سترج وغطاج يابعدهم كلهم منال : يلا خلصونا وانتوا سويتوه فلم رومانسي منار : انزيـــــن بس اتزف قطيعه حور : تقطعج لاتدعين على منولتي نرجس : خير انتي وياها لحد يقرب من منور قطعته باسناني مي : بس خلاص قلبتوها حلبة مصارعه وانتي يلا خلصينا سألي منار تبي تقهرهم : نرجوستي شنو تعنيلج منور نرجس تزيد عشان تحرهم : منوره بالنسبه لي الهوا والماي انتي اصلا الدم إللي يجري بشرياني منال وحود بصوت عالي: ياملغـــــي منار : وانتوا إشحاركم الغيره وماتسوي منال : خلاص بطلنا مانبي نلعب ويا هالمليغتين نرجس : والله محد مليغ وتخصص سخافه غيركم يامحظوظه ومبروكه حور : خير يأم السعف واليف شكلج اشتقتي لاغنية ياشمس ياشمس لالاتغيبي وتقوم منال تغني وياها وترقص : ياشمس ياشمس لالاتغيبي (وتسوي حركات بإيدها ) منار تقلدهم باستهزاء : ياشمس ياشمس لالاتغيبي وهذا إللي حافظينه بس المقطع نرجس تستهبل : منور ضحكي ضحكي لاتفشلينهم عطيهم على جوهم مي كانت فاطسه ضحك عليهم منال : تستخفين دمج انتي وشكلج جازورا على غفله حور : لا شوفي هذي بعد (وقامت تغني) ماروكو ماروكو اسمي ماروكو الصغيره اهلا بكم يا اصدقاء حور كانت قاعده عالغنفه واتعلق ولا هامها وتقوم نرجس وتقعد فوقها عاد حور ضعيفه ونرجس متروسه وتقعد اتنط فوقها وحور صراخ نرجس تغي : اخصمك اه اسيبك لا وقوا الالب هتفضل حبيبي إللي انا بتمناه حور تصارخ : أأأأي يالبطه قومي منال تسحب نرجس بس موقادره نرجس متينه شوي ماتقدر عليها وفوق هذا منار من وراها تقرص ظهرها مي اكسرت خاطرها حور بتصير خبز ارقاق من نرجس راحت تركض تسحب نرجس من حور وطاحت نرجس على الارض حور صار وجهها احمر فغصتها نرجس جد عورتها نرجس ومنار لعبهم شوي دفش خشنين مي : نرجسوه صج سخيفه إشهالدفاشه ولا لعب صبيان نرجس ومنار واقفين وحاطين إيديهم على كتف بعض ويغنون :لاتلعب بالنار تحرق اصابيعك منال : تحرقكم إن شاءالله حور : ياسخفكم بويات ولا فيكم ذرت نعومه منار : إللي تغلب بوه العب بوه (في الوقت نفسه) الشباب ارجعوا لشاليه عمر وسالم راحوا لبيوتهم ونايف وسعود خذولهم شور وبعد الشور نايف نام وسعود طلع برى يتمشى عالبحر سعود شاف صبيان صغار يلعبون كره قدم وياهم بنت عمرها تقريبا 8 سنين وشاف خالد بس ماانتبه له وقعد يتفرج عليهم ويضحك خالد : خلاص شباب انتهى الشوط الحين راحه مشعل عمره13سنه : أي خلاص تعبنا فهد : امشوا اروح للبراده نشرب ماي ونغسل مشاري عمره10 سنين: انا مشاعل بروح نييب عصير من داخل راحوا يشربون من البراده سعود كان قريب من البراده شاف خالد واستغرب وجوده ناداه عشان يتأكد انه خالد سعود : خالد خالد خالد انتبه ان احد يناديه والتفت سعود اشرله بإيده : خالد تعال خالد عرف سعود وراح له :السلام عليكم سعود : وعليكم السلام (وسلم عليه) شخبارك عساك طيب خالد : بخير الله يسلمك يسرك حالنا سعود باهتمام : شعندك جاي الشاليهات ومع من جاي ليكون جاي ويا احد ماتعرفه خالد : لاتطمن حنا جايين ويا خالتي سعاد عازمنا اخوها بومشعل عنده شاليه سعود : بس انت وفهد وخالتك سعاد خالد : لا كلنا جينا سعود باهتمام : حور جت (انتبه لنفسه) اقصد خواتك وياك خالد : اي خواتي وياي وحتى بنات خالتي سعاد هذاك شاليهنا شوفه (ويأشر على الشاليه) سعود : اي خلاص انتبه لنفسك ولخواتك وأي شي تبونه انا موجود بهالشاليه خالد : لاتوصى يعطيك العافيه سعود : الله يعافيك خالد : يلا مع السلامه الشباب ينطروا ( وراح يركض يكمل لعب) سعود ابتسم مجرد ماعرف ان حور موجوده بنفس المكان إللي هو فيه سعاد شافت خالد واقف ويا رجال وماعرفته لانها كانت بعيده نادت خالد وسألته منو هالرجال وقال لها انه سعود شافه وناداه يسلم عليه منال اسمعتهم وراحت تركض لحور بالمطبخ كانت تسوي فروت سلد منال متحمسه : حور حور لحقي لحقي حور حطت الصحن إللي بيدها خافت : خير إشفيج إشصار منال تأخذ نفس تعبت من الركض : سعود سعود حور بخوف : تكلمي خرعتيني منال : سعود موجود إهني بشاليهم حور : وانتي إشدراج منال : شاف خالد يلعب وناداه وسمعت امي تسأل خالد منو إللي كان يكلمك قال سعود شافني وسلم علي حور : قولي والله منال : والله العظيم حور : وهذا إشجايبه حبكت اليوم بالذات منال : اصلا منايل قبل يومين قالت لي ان سعود ونايف بشاليهم وبيرحون لجزيرة كبر شكلهم ردوا من كبر حور: انزين شاليهم قريب منا منال : اي قريب إشرايج اندق على منايل اتيي دامهم موجودين حور : كيفج دقي بس ماعتقد انها تجي منو بيجيبها ابوها ماراح يرضى اطق مشوار للخيران بروحها منال : خلاص بجرب وادق واشوف شتقول(دقت عليها) منال: قوه ياحلوه منايل : هلا حبيبتي منال : شخبارج شعلومج منايل : بخير الله يسلمج هذا انا بالصالون اسوي بدكير ومنكير منال : صج حسافه عاد انا داقه عشان اشوفج تقدرين تيين الخيران إحنا موجودين فيه منايل : صج انتوا بالخيران متى رحتوا منال : العصر واصلين خالي دق على امي الظهر يعزمها ورحنا بعد صلاة العصر وهذا احنا ضحك ووناسه منايل : عليكم بالعافيه عساه دوم هالوناسه منال : هاه إشقلتي بتيين وإلا لا منايل : لافديتج ماقدر مايمدي الحين المغرب وبعد ماخلص من البدكير والمنكير بسوي حمام زيت لشعري وبقصه منال : لعنبوا بليسج وانتي مقطوع سرج بالصالون بالاسبوع تروحين له مرتين ثلاث يا استشوار وإلا مكياج وإلا تنظيف بشره وإلا بدكير ومنكير وماخفي اعظم عزالله ربحتي الصالون منايل : هههه تعرفيني لازم منال : والله من الدلع والفسقه منايل : هههه لاتشتغلين على حريم قبل منال : إنزين انا اخليج تأمرين على شي منايل : لاسلامتج سلمي على حور يارب سعود اخوي يشوفها ويكحل عيونه بشوفتها ويحنن قلبها عليه منال : من بواك لي باب السما منايل : يلا باي منال : باي حور : هاه إشقالت منال : بالصالون تسوي بدكير ومنكير ياختج بنات عز مايدرون وين يحطون فلوسهم حور : قولي ماشاءالله الله يهنيهم منال : ماشاءالله ماقلنا شي حسره علينا مانعرف الصالون إلا مره بالشهر وإلا بالمناسبات بعد مانروح لهم اندق عليهم ايونا وهذولا مية مره فالشهر حتى اظافرهم يتعيزون يصبغونها حور : اعوذ بالله منج انتي ومنور خلاص قولوا الله يهنيهم ولا يحرمنا مو حسره علينا وحسره علينا حمدوا ربكم انتوا احسن من غيركم منال : أي والله الحمدالله رب العالمين حور : يلا الدنيا ظلمة خلينا نودي للحريم هالسلطه وانروح نتمشى عالبحر منال : ليش ماتبين تسبحين حور : لا مابي بس بدخل ارجولي واقعد اطالعكم راحوا البنات يلعبون فالبحر ويتسبحون مي ومنار ونرجس كانوا لابسين مايوهات طوال ومنال تسبح بملابسها كانت لابسه جنز وتشيرت ابيض فصخوا عباياتهم وشيالهم وقعدوا يتسبحون وحور مافصخت عبايتها رافعتها ورابطتها على خصرها بشيلتها كانت لابسه نفس منال جنز وتيشيرت ابيض مي تعرف تسبح وتبي تعلم نرجس السباحه : حمدالله والشكرشلون اعلمج السباحه عالشاطي خندخل شوي نرجس : لاوالله ادخل داخل عشان اغرق واموت ليش عايفه عمري وإلا اهلي عايفيني تبين تعلميني علميني على يال البحر اما داخل حامض على بوزج حور : ميون يابنت الحلال لاتبتلشين فيها هذي إن اغرقت شيطلعها نرجس : ترى حلوه لعبة النطاطيه البشريه إللي نطيت عليها داخل استمتعت فيها تبيني اعيدها مره ثانيه حور : لالا فكيني شرج بالطقاق سبحتي ماسبحتي انا إشحارني نرجس : أيوه شاطره خليج مؤدبه وإلا العقاب تعرفينه منال : اقول يابو تمبه حدج عن حور لا ادخل القبقب بجسمج وعاد انتي والقبقب ربع وحبايب نرجس خافت : لالا خلاص لاتحرشون فيني وانا ماتحرش فيكم منال :اي عفيه على الشاطره امشي معانا سيدا ونمشي معاج سيدا منار : بنات انا عطشانه احد وياه ماي منال : شربي من ماي البحر منار : بلا سخافه والله صج عطشانه تكفين حور جيبيلي ماي حور : روحي جيبي لنفسج منار : تكفين حور انتي لابسه عبايتج انا ماقدر اطلع اخذي هالطاسه عبيها ماي حور : خلاص كسرتي خاطري بروح عدلت حور عباتها البست شيلتها ونقابها والبست شحاطات عشانهم بعيد عن شاليهم وبتروح تاخذ من البراده القريب منهم البراده عندها شجر والاضاءه عندها خفيفه وصلت حور للبراده وقامت تغسل الطاسه عشان تعبيها توها بتعبي ماي ماحست إلا بشخص حاط إيده على فمها وهامس بإذنها : اووص لاتخافين انا سعود خذاها لمكان بعيد شوي عن البراده هدها وحور كانت معصبه حور معصبه: شهالحركات السخيفه سعود ببرود : لاتسألين المجنون عن سبب جنونه حور طالعته مقهوره منه بس ماتدري شتقول سعود: ربا صدفه خير من ألف ميعاد كنت جاي اخذ ماي بارد ماعندنا ماي بارد وشفتج وياحلوها من شوفه حور مشت ومسكها من إيدها حور : سعود هدني خلني اروح سعود : ماراح اتروحين إلا لما اخلص كلامي حور: خلاص هد إيدي وقول شعندك سعود هد إيدها :حور لي متى يعني قلبي معذبته حني عليه حور : ماسويت لك شي سعود: كل هالعذاب ولاكأنج مسويه شي حور طالعته وارفعت حاجبها باستنكار سعود : اي معذبته انا خلاص تعلقت فيج افهمي يابنت الحلال حور ابتسمت وصدت سعود : ليش تضحكين انا ماقلت شي يضحك حور :اضحك على كلمة يابنت الحلال قبل كنت تقول يابنت الفقر سعود: هذا انتي قلتيها قبل يعني لول تحول انتي ليش منتي راضيه تعطيني فرصه اثبت لج اني فعلا شاريج حور الله الخالق يغفر ويسامح عبيده ليش انتي يالمخلوق ماتسامحين حور :سعود صدقني انا مااكرهك بس فعلا انا مااصلح لك سعود : ليش فيه شخص بحياتج حور :وكل بنت ترفض الزواج لازم يكون فيه شخص بحياتها سعود : خلاص قوليلي شالسبب ريحيني وارتاحي حور : اسباب كثيره مصيرك مع الوقت تعرفها ومن هالاسباب اني مااصلح لك انت نسيت إن عناد عمي وانا مابي اضرك مابي يصير شي بسببي يعني بالمختصر انا كلي مشاكل ومابي هالمشاكل تضرك سعود : عادي انا راضي وبريحج من هالمشاكل اوعدج حور تنهدت وصدت مسك إيدها وحطها على قلبه : تسمعين شلون نبضات قلبي سريعه لاتسأليني ليش لان هذا حاله إذا سمع طاريج وإلا شافج انا ابيج تعرفين شي واحد وإخذيها عهد مني لوغبتي لورحتي لوجيتي غلاج ياحور لايمكن قلبي يمله حور سحبت إيدها :مابي وعد خل الوعد للمقادير لو اضمنك وشلون ابضمن ضروفي (مشت وخلته واقف وراها ) اترست الطاسه ماي وارجعت للبنات البنات بخوف : انتي وينج خوفتينا عليج حور ببرود ومالها خلق لهم: هذا انا موجوده منار : حور طولتي تونا كنا بندق على خالتي سعاد نسألها عنج حور : رحت تمشيت شوي ورديت منال : انزين إشفيج واقفه بعيد تعالي لعبي ويانا حور : مالي خلق ابي اقعد بروحي نرجس : إشفيج رحتي ورديتي مزاجج تعكر حور تسوي نفسهها عاديه: مافيني شي بس راسي صدع مي : خلاص بنات خلوها براحتها حور : انتوا ماخلصتوا مي : امبلى خلصنا يلا بنلبس ملابسنا وندخل نأخذ لنا شور وانغير ملابسنا وبعدين نرجع نقعد إهني حور : يلا لبسوا عبيكم وامشوا لبسوا البنات عباياتهم وراحوا لشاليهم (بيت الجده هيا ) نوير قاعده بغرفتها وماده البوز ودموعها اربع اربع العنود تواسي نوير : خلاص يابنت الحلال انتي الحين ليه تصيحين نوير : اصيح على حظي العوج عمره مايتعدل العنود إشهقت : نوير لايكون انتي تبين هالسكران خلف إللي جا اليوم يخطبج نوير : لا مالت عليج وعلى خلف انا حزين على عمري بيصك الثلاثين وكل إللي جاو يخطبوني طايح حظهم واخرهم هالخلف السكران العنود تحط إيدها على كتفها: لا تحزنين ولا شي ربي إن شاءالله بيعوضج خير ياختي ياحبج لطاري العرس نوير : انا ابي اعرس عشان يجيلي درزن عيال ودرزن بنات اوكلهم واسبحهم والبسهم وانيمهم والعبهم العنود : ياويلي ويلاه تبين اتجيبين درزنين لعنبوا بليسج قطوه نوير : شسوي احب البزران العنود : حشى ماما انيسه وعيال الديره نوير : ياحظها ماما انيسه تدرين اني كل يوم اتخيل اني بدالها كل يوم اروح لروضه وإلا مدرسه والعب البزران العنود تحب إيدها كف وظهر : الحمدالله والشكر حتى تخيلاتج محدوده نفسج الوحده اتخيل فارس احلامها يكون رومانسي يحبها وتحبه وانتي ادورين للغثا والشقى نوير : اقول فارقيني احسن لج لا اتوطى في بطنج الليله العنود قامت: مالت عليج الشرهه على إللي يواسيج (الشاليهات) نايف وسعود قاعدين يشون نايف : يابن الحلال والله إن البنت اصيله شوف رغم الكلام إللي كنت تقوله لها لاحقدت عليك ولاشي لاوفوق هذا رافضه الزواج منك عشان مادخلك في المشاكل سعود : بس انا ابيها حتى لوكانت حياتها كلها مشاكل انا شاريها وراغبها ياليتها تفهم هالشي نايف : ارد واقولك إذا نصيبك عندها بتاخذها لوالكل رافض وإذا نصيبك مو عندها ماراح تأخذها لو الكل موافق افهم هالشي سعود : الله كريم (رفع إيدينه) يارب ياكريم تكون حور بنت حمد من نصيبي والسامع يقول امين نايف : امـــــين البنات خذولهم شور وبدلوا ملابسهم واقعدوا عالبحر ضحك وسوالف نرجس تستنشق : اللـــــه ياحلو هالريحه شوي عصافير بطني قامت توصوص منار : اي والله ريحته تشق الخشم وين إللي يشون أي شاليه منال : هذولاك نايف وسعود يشون عند شاليهم هذي ريحة شويهم نرجس ومنار : اللـــــه نبـــــي حور خزتهم : شنو تبون ليكون تبون من شويهم نرجس : بنروح انقول لهم يعطونا شوي عادي مافيها شي منال : يالطراره انتي وياها إللي يشوفكم يقول عمركم ما كليتوا شوي منار : امبلى ماكلين بس اشتهينا شويهم منال : وعادي عندكم اتروحون اطرون من خلق الله نرجس قامت ومسكت إيد منار: قومي منور بنروح نقول لهم ماعلينا منكم حور بصوت عالي معصبه: انثبري انتي وياها وربي إللي بتروح ماراح يحصل لها خير بعد افضحونا عند خلق الله نرجس ومنار على طول خافوا وقعدوا منال : مشافيح عمرهم ماشافوا خير حشى مو اوادم فيله نرجس تفشلت: خلاص لاتسونها سالفه حور : بعد فوق شينكم قوات عينكم امبلي بنسويها سالفه الوحده تفكر مو اي شي يخطر في بالها تسويه مي : يعني مافيكم صبر خالي قال بيشون ويدزون لنا منه منار : خلاص مادرينا منال : دريتوا وإلا مادريتوا انتوا يالثنتين إذا تجمعتوا وقف مخكم عن التفكير حور : ترى لكل شي حد خلوا عنكم الاستهبال إللي ماله داعي نرجس ومنار تفشلوا واسكتوا الخال طلال دزلهم من الشوي وعقب ماتعشوا واستانسوا الكل راح لفراشه دايخ حور بعد ماشافت الكل نايم راحت تقعد في البلكونه النوم مجافيها تعبت من كثر التفكير كانت قاعده عالكرسي ومسنده جسمها ومرجعه راسها وعيونها مغمضه تفكر باللي صار اليوم بينها وبين سعود وفي كل كلمه قالها وفي شكله وهي يتكلم حست بإيد دافيه على كتفها التفتت وشافت منال منال ابتسمت: حسيت إن فيج شي ليش مانمتي حور بتعب : منول انا تعبانه منال سحبت الكرسي وقعدت اقبالها مسكت إيدها بحنان : سلامتج من التعب قوليلي إشفي خاطرج حور : حاولت اخش عليج وماقولج بس ماقدرت اعرف نفسي لازم اقولج كل شي عشان حس براحه تعدوت على هالشي من الابتدائي لازم اخذ رايج في اي موضوع متعبني منال ابتسمت : قولي شاللي متعبج حور قالت لمنال عن سالفة سعود في الشركه لما اعترف لها بحبه وعن مكالمته وعن المسجات وعن السالفه إللي صارت لها اليوم لما راحت تجيب ماي " حور ومنال جيران وصديقات ومثل الخوات 24 ساعه ويا بعض كل اسرارهم عند بعض وكل صغيره وكبيره عن حياة كل وحده فيهم تعرفها الثانيه صح منايل صديقتهم من الابتدائي وتعرف اشياء كثيره عن حياتهم بس علاقة حور ومنال غير حور بعد ماخلصت سرد الاحداث : وهذا كل شي منال : كل هذا صار وانا وانتي بغرفه وحده ولا قلتيلي عن شي انا كنت حاسه إن فيج شي وكنت حاسه إنج شفتي سعود وصار بينكم كلام بس شفتج تلفين وادورين قلت بخليج على راحتج ادري انج بالاخير بتكلمين حور بتعب : منال انا تعبانه انتي لو شايفه شكله شلون يتكلم لو شفتي اثر كلمته علي يوم قال ارحمي عزيز قوم(ن) ذل تقطع قلبي منال بحنيه تمسح على خدها : ليش ماتوافقين وتجربين حضج سعود يحبج حور اتنهد : آه يامنول قبل كان كل همي شلون اقضي ديون ابوي والحين كثرت همومي منال انا الشي الوحيد إللي مستعده اضحي بكل شي عشانه هم اخواني ماعاد تهمني مستعده اخسر دراستي بس يكملون دراستهم ويعيشون مرتاحين منال تسمعها وساكته تبيها اطلع كل إللي بخاطرها حور تكمل : سعود ألف بنت اتمناه حتى انا ماراح اقص عليج واقولج اني ماتمنى شخص مثل سعود صح كلام سعود إللي كان يقوله جرحني بس تعرفيني ماحقد على احد حتى يوم اعتذر وتأسف من داخلي على طول سامحته بس انا مابي اعطي سعود مجال يتمادى بحبي واعشمه خير وانا عقلي رافضه سعود وين وانا وين مابيه بكره إذا وافقت عليه لي شاف المشاكل يندم على انه تزوجني منال انتي نسيتي إن عناد عمي عناد يفشل بكره يروح يطر منه فلوس وإلا يتهاوش وياه وإلا يتعادى له وتعرفين عناد إذا حقد على احد او تعادى له بيسوي أي شي يحرق بيتهم يحرق سياراتهم ولاهمه سجن أو غيره بكره إذا وافقت وسوى عناد هالشي إشبيقولون بيقولون جات وجابت الشر معاها بيقولون من دخلت علينا دخل وياها الشر منال : كملي لي خلصتي تكلمت حور : هذا غير اني اذا تزوجت يمكن يبعد اخواني عني ياخذهم يعيشون عنده وانا عندي الموت اهون علي من انهم يعيشون بعيد عني منار وخالد مستحيل اضحي فيهم عشان نفسي انا ماقولج ان سعود له معزه بقلبي بس انا مابي هالمعزه تكبر ومابي قلبي يتمادى ويحبه قوليلي إشرايج كلامي صح وإلا خطا منال ابتسمت : تدرين اني احسد نفسي عليج احمد ربي ان عندي صديقة هذا تفكيرها يهمها مصلحة اخوانها قبل مصلحتها تفكر وتفكيرها منطقي ماتحب يتأذا احد بسبتها ماتحب تكون عبىء على غيرها كل كلمه قلتيها صحيحه يمكن انا في البدايه خذيتها من جهه وحده ان سعود رجال كل وحده اتمناه يعني على قولت المصريين عريس لؤطه بس الحين وبعد ماوضحتيلي وجهة نظرج احط إيدي بيدج واقولج الله يوفقج حور : بس سعود مو راضي يفهم هالشي مو راضي يقتنع ان سبب رفضي لصالحه يظن إني رافضته لان فيه شخص بحياتي وهالشخص بعتقاده إنه فواز ولد عمي مايدري إن فواز اخر شخص ممكن افكر فيه منال تبي تغير الجو : لايكون حاطه العين عليه من وراي ترى بنتحر لو سويتيها وتزوجتيه (قالتها بغشمره) حور ابتسمت : قولي امين انزف لقبري ولا انزف لشخص انتي تحبينه منال : بسم الله عليج يابعد عمري ولا ريال بدنيا يسوا غلاتج فديتج حور : فديتج الله لايخليني منج الحين احس اني ارتحت بعد ماقلت كل شي منال : ولا يحرمني منج دام ارتحتي يلا امشي انام عشان نقعد مبجر نستانس قبل لا نرجع للبيت ترى بنرجع الساعه 3العصر حور قامت : يلا امشي حلو يكون لك صديق يحس فيك قبل تتكلم تستشيره وتأخذ رايه بكل شي يشاركك احزانك وافراحك هذي هي علاقة حور ومنال " حور مجرد انها ماتكلمت لمنال حست بحمل كبير زاح منها حست براحه كبيره (بيت عناد ) سكينه جايه طايره من الفرحه : عناد عناد عناد قاعد والشيشه قدامه : خير إشعندج سكينه : دنا افتكرت حاقه موهمه بخصوص عيال اخوك عناد فز واهتم لسالفه : هاه قولي عرفتي وين مكانهم سكينه : دي سعاد قارتهم صاحبه امهم بينهم عشرة عمر الوحيده إللي مارحت لها وانا ابصم لك بالعشره حيكونوا عندها عناد : بس انا سألت جيرانهم إللي جمبهم قالوا مايدرون ومااذكر إن فيه وحده من جيرانهم اسمها سعاد سكينه : دي مش قمبهم دي في الشارع إللي وراهم انا بعرف عنوانها روح ورائب البيت وحتشوف بس دي أويه اوي عناد : قويه تخسى وتهبى الحين كم الساعه سكينه : دلواتي الساعة 3ونص العصر عناد : اي خلاص الساعه 4 العصر بروح واقعد مراقب البيت لي الليل وبشوف ياانا ياهم بس لو طلعوا فعلا عندها لج مني ياسكينه الحلاوه فوزيه كانت نازله من الدرج واسمعتهم وراحت تركض ادق على مي تبي تنبهم بس مي ماترد دقت على حور طلع جهازها مغلق وكل شوي تعيد الاتصال مره ثانيه بس مافيه امل الوقت قاعد يمشي ومحد رد دقت على بيت مي ونفس الشي محد يرد دقت على بيت سعاد ومحد يرد فوزيه جن جنونها حست مخها وقف عن التفكير ماتعرف لارقم سعاد ولا حتى رقم منال سمعت صوت الباب يتصكر ركضت اطل من الدريشه على امل انه يكون فواز لكن انصدمت شافت ابوها راكب سيارته بيروح لهم فوزيه خلاص انهارت قعدت تبكي تعبت ماعاد عرفت شتسوي خذت تلفونها ودقت مره ثانيه على مي بس مافيه فايده ماترد تذكرت خالد اكيد فواز يعرف رقمه دقت على فواز وطول مارد فوزيه خلاص توترت : هذا وينه ياربي تستر عليهم اللهم اني لا اسألك رد القضاء وانما اسألك الطف فيه (في الوقت نفسه ) سيارة سعاد وسيارة ام مي كانوا بالطريق راجعين من الخيران متجهين إلي منطقة العدان بالتحديد لبيت سعاد البنات كلهم بسيارة سعاد والخدامات والصبيان بسيارة ام مي كانوا ضحك وسوالف وشبعانين من وناسه حور موبايلها خالص من الشحن و مي حاطته صامت من امس وناسيه منه فوزيه على حالها ادق الارقام في الاخير رد فواز فوزيه حالتها حاله : فواز انت وينك فواز بخوف : فوزيه إشفيج إشصاير فوزيه : الحق الحق على عيال عمي ابوي راح لهم فواز ارتبك : هاه شلون وين راح لهم إشعرفه بمكانهم فوزيه : امي نبهته عمى سعاد وعطته عنوان بيتها وهو راح هناك يقول بيراقب البيت وهم كانوا في الخيران واتوقع انهم بطريقهم للعدان بسرعه الحق عليهم فواز : انا في الوفره رايح لهم الحين بس انتي دقي عليهم نبهيهم لايروحون للبيت فوزيه : دقيت مي ماترد وحور مغلق تكفى يافواز الحق عليهم ابوي نيته شر واتوقع انه وصل فواز : هذا انا داعس حدي بس انتي استمري في الدق وإن شاء الله مايصير إلا الخير فوزيه : يلا انا بخليك وبدق عليهم يارب يردون فواز : خلاص ماشي عطيني خبر (في الوقت نفسه) عناد واقف قريب من بيت سعاد صار له تقريبا عشر دقايق دخلت السيارتين شارع بيت سعاد صفطوا عند البيت وبدوا ينزلون سعاد فتحت باب بيتها وبدوا يدخلون الاغراض سعاد وام مي دخلو والبنات بدوا ينزلون الاغراض عناد شاف حور عرفها ونزل من السياره يركض حور كانت واقفه تنزل سلة المطارات من الدبه ماحست إلا بالايد إللي ماسكتها بقوه ولافتها حور من قوه الفه لف جسمها كله واختل توازنها حور انصدمت يوم شافت وجه عناد شهقت : انت عناد : اي انا يابنت الكلب وعطاها كف طيحها من طولها منار اول ماشافت عناد طاحت الاغراض من إيدها وشهقت حطت إيدها على فمها واجمدت بمكانها مي و منال صرخوا واركضوا لحور نرجس اركضت داخل : يمه يمه الحقي عناد عناد يسحب حور سعاد صارخت : عناد (وركضت ويا ام مي لهم) منال ماسكه حور وتصارخ :هدهـــــا ياكلب وخر عنها مي تحاول تفلت إيده من إيدها وتصارخ : وخـــــر عنها ياحقير عناد كان ماسك حور ويسحبها على الارض من إيدها ويرفس فيها : يابنت الكلب تعالي وياي حور تصارخ من قمت راسها وتبكي : خالتي سعـــــاد لحقي عليه أأأي هدني يمـــــه يبـــــه عناد مستمر بسحبها ويضحك: ههههه تستنجدين بمج وابوج إللي كلاهم الدود طلعت سعاد وبيدها عجر تركض منار توها تستوعب راحت تركض لحور خلود وسلوم وفهود قاموا يحذفونه بالحصى نرجس اركضت داخل تأخذ سكين عناد يسحب حور لجهة سيارته ومي ومنار يسحبونها جهة البيت سعاد وهي تركض والعجرا بيدها : هدها ياابن الكلب عناد يوم شاف العجر طلع الولاعه : ان قربتي خطوه زياده بحرقها قدام عيونكم سعاد اجمدت يوم شافته يشب الولاعه تعرفه ممكن يسوي اي شي تسايسه : هدها وفكنا من شرك هدها وبعطيك إللي تبي مي و منال هدوا حور خافوا لايحرقها حور طاحت شيلتها ونقابها وعناد ماسكها من شعرها ويهزها ويضغط وجهها بلولاعه من تحت ام مي : يابن الناس تعوذ من بليس عناد قعد على ركبته ومشبك شعر حور : صار لي اكثر من شهر ادورج وانتي قاعدتلي عند الغريبه حور تبكي : حرام عليك هدني عناد رفع إيده إللي فيها الولاعه لفوق وإيده الثانيه ماسك شعر حور فيها يضحك بسخريه بصوت عالي : هههههه هذي وحده من إيديني هديتها تبيني اهد الثانيه لحظه بفكر سعاد استغلت رفعت إيده وضربتها بالعجرى بكل قوتها إلا الولاعه طــــاير وركضت نرجس تأخذ الولاعه عناد صرخ من قوة الطقه : آآآآآآآ ياعيال الكلــــب ياحيوانات سعاد عطت ام مي العجرا و دخلت إيدينها الثنتين بإيده إللي للحين ماسك شعر حور من قمة راسهها إيده الثانيه ماعاد قدر يحركهها سعاد : هدها لااكسر إيدك الثانيه عناد شد على شعر حور بزياده خلاص حست حور ان شعرها بينشلع من جذوره حور تصارخ من العوار وتبكي: حرام عليك هدني سعاد وخرت إيديها منه وقالت بحده : نرجس عطيني السجين نرجس ركضت بالسكين عطتها امها سعاد واقفه : شوف اليد الاولى انكسرت بعد لي ثلاثه وربي إن ماشلتها بدون ماتشد علي شعرها وإلا ترحم على ايدك بقطعها تراني سعاد كلمتي ماثنيها عناد خاف تروح إيده طريقة سعاد خوفته وعلى طول هد شعر حور : خلاص هديتهها (في هالحظه وصل فواز) نزل فواز من السياره وهو يركض كانت حور للحين طايحه على الارض وعناد ماسك إيده إللي شكلهها انكسرت وسعاد للحين واقفه والسكين بيدها فواز اول ماشاف حور شعرها متناثر بدون غطا حذف غترته عليها وغظ انظره عنها فواز معصب : علمني شاللي سويته فيه انسان عنده عقل يسوي إللي سويته سعاد مسكت حور وقومتهها: بنات تعالوا اخذوا حور عناد : الملعونه هذي كسرت إيدي دوس ببطنهها سعاد بثقه : جزاك واقل من جزاك ياحقير فواز يقوم ابوه : قوم قوم فضحتنا عناد يقوم وهو ماسك إيده : والله لردها لج يالكلبه وقولي عناد ماقال سعاد: إللي ماطوله بإيدك واصله بريولك ياواطي فواز ماسك ابوه بيركبه السياره: السموحه منكم امسحوها بوجهي سعاد : انت يافواز والنعم فيك بس هذا لو قرب من بيتي مره ثانيه بيكون لي تصرف ثاني وياه (بعد مرور اسبوع ) بوسعود وام سعود وعذاري سافروا لندن ومابقى في البيت إلا سعود ومنايل (اليوم الجمعه) سعود عنده خفاره والخدم اغلبهم رايح عندهم إجازة الاسبوع بس كانت خدامه وحده موجوده الساعه 11 الليل في بيت بوسعود منايل كانت مسكره معظم ليتات البيت الداخليه وقالت للخدامه تروح تنام كانت قاعده بالصاله الفوقيه اطالع مسرحية صح السانك منايل كانت قاعده عالغنفه ومتلحفه وتأكل مكسرات مندمجه بالمسرحيه الصاله ظلمى إلا من اضاءة التلفزيون ونور بسيط في الممرات حست بحركه غريبه رفعت راسها تبي تشوف شافت شخص ضخم عريض طويل يمشي على الدرج ولحسن حظها درجهم طويل وهي لمحته وهو كان منزل راسه ركضت بسرعه للاسنصير ضغطته ودخلت فيه الحرامي لمح شي ابيض يركض ركض فوق توقع ان احد انخش في الغرفه نزل الاسنصير في منال لدور الاول اركضت لباب الرئيسي لقته مقفل تذكرت إن المفتاح عند الخدامه اركضت لغرفة الخدامه صوب المطبخ للكن للاسف لمحهها الحرامي وراح يركض ينزل لها منايل قعدت الخدامه خذت المفتاح وركضوا يبون يفتحون الباب الرئيسي وفي نص الطريق وصلهم كان باكستاني ظخم طويل عريض منايل والخدامه ماسكين بعض وخايفين ويرجعون بخطواتهم منايل بخوف : إن قربت بدق على الشرطه الحرامي: ههههه انتي واجد حلو انا يبي انتي منايل بخوف: يبي ذهب يبي فلوس انا يعطي بس لاتقرب الحرامي شق قميص وسحب منايل منايل تصارخ ترافسه تحاول تقاوم والخدامه اطقه ادزه بس مافيه فايده ركضت الخدامه فتحت الباب الرئيسي تصرخ لنا بندر صفط سيارته ونزل كان جايب تقارير طبيه يبي ياخذ راي سعود فيها وانصدم من الصراخ والخدامه طالعه وتصارخ بندر ركض لها : شنو فيه الخدامه تبكي وتصارخ : هرامي هرامي بندر اول ماسمع حرامي ركض داخل البيت شاف الحرامي فاصخ قميصه ويحاول يعتدي على بنت ترافسه وتحاول تقاوم بندر صرخ : يــــاكلــــــــــــب الحرامي لما شاف بندر هد منايل يبي ينحاش ويمسك بندر ويكفخه بقسات ورفس وياخذ الطاوله الصغيره ويطقه فيها لين تكسرت الحرامي بس يبي الفكه لف بندر يبي يدورشي يضربه فيه استغل الحرامي اشغاله وانحاش ومن تعاسة الحظ الخدامه كانت واقفه برى وشافتها ام دعيج (وحده هذاره فضيحه) واقفه وراحت تبي تسألها إشفيها إلا الحرامي طالع يركض ماعليه قميص وفيه دم على صدره من خشمه ام دعيج قامت تركض وتصارخ : الباكستاني اعتدى على بنتهم الباكستاني اعتدى على منايل الحقوا عليها كانوا فيه صبيان صغار شافوا الحرامي وهو منحاش وقاموا يصارخون معاها بندر سمع الصوت والكلام إللي تقوله وركض سحب الخدامه دخلها للبيت ودخل وياها وقفل الباب عشان محد يدخل ويشوف شي انتهــــي البــــارت |
الله يعطيج العافيه اختي غنادير ويغليج عند ربك بس دام توقعاتي طلعت غلط ماعادني متوقعه والله يوفقج حرام عليج عشمتينا علي بارتين ولانزلتي الا بارت وبانتظارك ولا طولين حبيبتي علينا
|
اقتباس:
و عليكم السلام و الرحمه البارت ينزل كل جمعه بــ إذن الله كوني عــ الموعد .. .. .. |
بجد فصل روعة رغم انه قصير ......... اعتقد كده ان الحلم بتاع منايل بدأ يتفسر بس يا ترى ده من تخطيط رغد لانه صعب اوى تكون صدفة عامة الفصل عجبنى الف شكر
:55: |
الله يعطيكي العافيه غندوره وصراحه سعادبردت جبدي بعناد وسعودياليت تحن حورعليه والله ياخذعنادوام دعيج ام الاشاعات دمتي يامبدعه
|
السلام عليكم و رحم الله و بركاته
صباح الخير و الرضا من الرحمن تسلم ايدينج غنادير بارت روعه و يبرد القلب و يحزن شوي ====================== (( حور )) تفكيرها و رفضها لسعود كله خوف من المستقبل تخاف أنها تحبه و تتعلق فيه بعد ما يصير زوجها و يجي يوم و يغلط عليها نفس أول وقتها اكيد ما راح تتحمل منه الزله و راح تنجرح منه حيل و الشيء الثاني خوفها على اخوانها تخاف أنه سعود و أهله ما يقبلونهم معاها و مو معقوله تخليهم يعيشون عند سعاد من غير وجودها .. بس اتوقع بترجع تفكر من جديد بعد ما لقاهم عناد الهم راح تحط اخوانها بالاعتبار الاول و اتوقع سعاد راح تقنعها بأنها توافق و حتى اخوانها ... ======================= (( منايل )) و هذا الحلم بدأ يتفسر بس اللي صار لها قاسي حيل حيل و اتوقع هالشيء راح يترك أثر كبير في حياتها و خصوصا بعد كونه اللي نشرت الخبر بالشارع .. بس اكيد بندر راح يتزوجها بس منايل شنو ممكن يكون رده فعلها أتوقع ممكن تستصغر نفسها عليه ... ====================== سعاد فديتها يارب بردت قلبي في عناد الهم ====================== سلمتي يارب بــ انتظارج .. .. .. |
يسلمووو غنادير ع ها البارت بصراحه سعاد طيبت خاطري في عناد الزفت بس هو مرح يعديها لهم بساهل
ونكسر خاطري ع منايل لان الي سار مو هين راح يحطم نفسيتها ويعرض سمعتها لكلام الناس بعد منشرت الخبر ذيك العله الى مالقي يطلع الحرامي الابوجهها بس رب كل ضارة نافعه راح تكسب بندر بس راح يلاقو صعوبه حتى تتقبل وجود بندر الي راح تنجبر عليه حتى يغطو السالفه وكمان راح تختلف طريقه حياتها معاه لان اهل بندر ناس عيشين ع البساطه في انتظار البارت القادم دمتي سالمه |
الجـــــزء الســادس عشــر
ومن تعاسة الحظ الخدامه كانت واقفه برى وشافتها ام دعيج (وحده هذاره فضيحه) واقفه وراحت تبي تسألها إشفيها إلا الحرامي طالع يركض ماعليه قميص وفيه دم على صدره من خشمه* ام دعيج قامت تركض وتصارخ : الباكستاني اعتدى على بنتهم الباكستاني اعتدى على منايل الحقوا عليها كانوا فيه صبيان صغار شافوا الحرامي وهو منحاش وقاموا يصارخون معاها بندر سمع الصوت والكلام إللي تقوله وركض سحب الخدامه دخلها للبيت ودخل وياها وقفل الباب عشان محد يدخل ويشوف شي منايل للحين طايحه بمكانها مو مستوعبه إللي صار كأنه حلم شاللي صار معقوله نجيت من يد هالوحش معقوله انا للحين على قيد الحياه الحمد الله يارب اللهم لك الحمد والشكر* (قطع عليها حبل افكارها صوت الخدامه) الخدامه ماسكتها وتحضنها : هبيبي منايل انت مافي شي انت زينه بندر راح لهم وهو مسرع يكلم الخدامه : اخذيها وروحوا فوق ولاتفتحون لاي انسان دقي على بابا سعود الخدامه : إن شاءالله بابا بندر يلتفت : مافيه باب ثاني اقدر اطلع منه غير الباب الرئيسي الخدامه : بابا مني ورى عند مطبخ* بندر : خلاص انتي اخذي بنت ودي فوق انا خلاص يعرف الخدامه : إن شاءالله بابا بندر بسرعه راح من الباب الخلفي عشان محد يشوفه ويضن الضن الشين فيه وفي منايل طلع ولحسن حضه انه كان صافط سيارته بعيد شوي عن البيت ركب سيارته ومشى بسرعه قبل لا احد ينتبه له الخدامه ودت منايل فوق لغرفتها عشان تبدل ملابسها الحرامي شق بلوزتها من الصدر منايل للحين مصدومه وإيدينها تعورها من مقاومتها للمجرم طلعت الخدامه بجامه لمنايل : يلا هبيبي يلبس منايل بتعب : انا بلبس بنفسي بس انتي روحي دقي على سعود الخدامه : إن شاء الله هبيبتي راحت الخدامه تتصل على سعود منايل قامت تحس جسمها مكسر تبي تأخذ شور بس حست ان رجولها مو شايلتها تسندت على الطوفه وبدلت ملابسها بتعب وانسدحت عالسرير دخلت عليه الخدامه والتلفون بإيدها : بابا سعود يبي انتي منايل خذت التلفون وبدت موجة صياح : سعود تعال انا خايفه سعود جن جنونه بس يحاول يمسك اعصابه : منايل هدي وقولي شاللي صار منايل تحاول تسكت من الصياح: حرامي تهجم علي (وانفجرت مره ثانيه تبكي وتشاهق) سعود بعصبيه وخوف : سوى لج شي منايل من بين دموعها : لاربي ستر في واحد دخل وساعدني والحرامي لما شافه انحاش سعود برتياح تنفس : الحمــــداللــــه خلاص هذا انا شوي ووصل لاتخافين منايل : بس ام دعيج شافت الحرامي وفضحتنا تقول (وقعدت تبكي ماقدرت تكمل) سعود فهم : خلاص هدي انا جاي منايل منهاره من الصياح : بس الجيران واقفين عند الباب انا انفضحــــت والكل اكيد صدقها سعود يحاول يهديها : ماعليج انا بتصرف يلا صكي هذا انا قريب من البيت صكت منايل التلفون وحظنت مخدتها بخوف وتكورت على نفسها مستمره بالبكي وصل سعود البيت ودخل من الباب الخلفي وصل الصاله نزل غترته مشى بخطوات واثقه جهه الباب الرئيسي سمع كلمات ام دعيج اللي تقولها من خلف الباب ولاهمها رمي المحصنات (مره تقول فضحت اهلها ومره تقول هي مدخلته ) ضغط على نفسه وحاول يكون طبيعي فتح الباب ورسم على وجهه علامه استفهام مصطنعه سعود : خير إن شاءالله عسى ماشر (لكن للاسف ماكان موجود إللى عدد قليل من الجيران الاغلبيه رجعوا لبيوتهم وهم مصدقين كلام ام دعيج ) * ام دعيج بدهشه : انت موجود في البيت واختك قاطعها سعود بحده : إشفيهــا اختي ام دعيج ارتبكت : استغفرالله مابي احط بذمتي بس العياذ بالله استغفرالله استغفرالله مااقدر اقول ضاحي احد جيرانهم :انا بقول ياطويل العمر ام دعيج وعيال الفريج شافوا باكستاني طالع من بيتكم بوضعيه مخله سعود بعصبيه: اخــس وعقــب يالــردي ضاحي خاف : هذا كلام ام دعيج سعود بحده : ام دعيج تخسى وتعقب بياعة كلام تقذف اعراض المسلمات اسمعــي يامره والله لولا كبر سنج وإلا كان علمتج السنع ام دعيج خافت : هذا إللي انا شفته سعود بحده وعصبيه: اقطعي واخسي يامره وارجعي بيتج قبل لاينقص السانج وبعدين شلون الحرامي يدخل البيت وانا موجود ام دعيج بوقاحه : يمكن انت توك جاي من الباب الخلفي وماعندك خبر سعود بحده : يامــره اقصري الشر انا موجود في البيت ماطلعت منه شكلج خرفتي* ام دعيج خافت : خلاص كيفكم الله يستر علينا ولايبلانا (راحت وهي مومصدقه كلام سعود ومستانسه عندها خبر جديد بتنشره بين خلق الله) سعود عطى نظره لباقي الجيران إللي للحين واقفين فهموها وكل واحد منهم رجع لبيته نصهم مصدق كلام ام دعيج والنص الاخر مصدق كلام سعود بس على قولت المثل الخير يخص والشر يعم* سعود تنهد ومشى بخطوات ثقيلــــــه صعد الدرج واتجهه لغرفة اخته وقف عند باب غرفتها المفتوح اشر بإيده للخدامه إللي كانت قاعده على حافة سرير اخته إللي متكوره على نفسها ومدخله وجهها بالمخده من الخوف طلعت الخدامه وتقدم سعود جهه منايل إللي ماكانت منتبهه له ولاحاسه بوجوده قعد سعود على حافة السرير* منايل حست فيه رفعت راسها والدموع مغرقه عيونها وارتمت بحظنه وقعدت تبكي : سعود تكفى لاتخليني* سعود يمسح على راسها : منوله خلاص ماصار شي هدي لاتخافين انا معج وقوليلي إشصار منايل رفعت راسهها وبدت تتكلم وتشاهق : سعود مادري مادري شي يخوف مرعب سعود كان ضخم يخرع كأنه وحــــــش حسيت ان مابيني وبين الموت إلا شعره انا حيــــــل خايفــــــه سعود : بسم الله عليج لاتخافين هذا انا موجود عندج منايل بخوف : سعود مادري شلون دخل الباب كان مقفول سعود: خلاص حبيبتي انسيه ولا كأن شي صار اعتبريه كابوس وصحيتي منه منايل: شلون تبيني انسى وانا لولا رحمة الله ثم الشخص إللي انقذني من إيدينه ولا كنت بروح فيها سعود من داخل محترق بس مايبي يبين شي لمنايل ويخوفها اكثر : طيب عرفتي هذا الشخص منايل : لا ماانتبهت لوجهه من الخوف ماكنت مركزه سعود : خلاص إهدي حصل خير (طلع موبايله من مخباته) بكلم تلفون وارجع منايل مسكت إيده: سعود الله يخليك لاتروح انا خايفه سعود : منايل مورايح مكان انا عند الباب منايل برجاء : سعود الله يخليك دق على حور او منال ابيهم عندي تكفى انا خايفه ابيهم ينامون عندي سعود : وين ادق عليهم بهاليل الساعه الحين12من اصبح افلح منايل : خلاص انا ادق عليهم ( خذت تلفونها ودقت على حور) (من جهه ثانيه ) حور توها حاطه راسهها عالمخده تبي تنام إلا صوت تلفونها من تحت مخدتها حور : بسم الله من داق هالحزه عسى خير( خذت موبايلها وشافت المتصل) حور بخوف : هلا منايل منايل بصوت باكي: حــــــور حور بخوف : منايل إشفيج تكلمي منال فزت من السرير ولزقت اذنها على السماعه بخوف* منايل ماقدرت تمسك نفسها قعدت تبكي : انا خايفه تعالوا الحين سعود خذا التلفون من منايل: هلا حور حور بخوف : سعود إشصاير فيكم شي سعود مايبي يخوفها: مافيه شي تقدرين تجين البيت حور : طيب انا جايه بس قولي إشصاير فهمني سعود : تعالي وبعدين افهمج حور : خلاص مسافه الطريق واكون عندكم* سعود : الله يرضالي عليج انتبهي لدرب لاتخافين شي بسيط حور : خير إن شاءالله (صكت التلفون وبسرعه خذت عبايتها) منال بخوف : حور إشصايــــــر إشفيها منايل تكلمي حور تلبس عبايتها ونقابها وشيلتها وتمشي بسرعه: مادري مافهمت إلا انها خايفه منال تلحقهها : انزين لحظه انطريني بروح وياج حور : لا انتي قعدي مايصير ثنتينا نروح إذا قعدت خالتي ومالقتنا بتخاف خليج وانا إذا وصلت دقيت عليج ( فتحت باب البيت ) يلا مع السلامه منال : ديري بالج انتبهي لدرب وأول ماتوصلين دقي حور تركب السياره : إن شاءالله دخلي داخل (ركبت حور سيارتها واتجهت لبيت منايل وألف فكره ادور ببالها وتدعي ربهها يكون خير) سعود : الله يهديج ماكان له داعي تخوفين البنت عليج وجودي كافي منايل مستمره على حالها: ابيها تنام عندي* سعود سكت منها طلع تلفونه دق على نايف : هلا نايف نايف : هلاسعود سعود : وينك نايف : ابد طالع من أم الهيمان (منطقه من مناطق الكويت)برجع للبيت في خاطرك شي سعود : بغيتك تمرني بغيتك بسالفه نايف ابتسم: ماينفع تنقال بالتلفون سعود : لاماينفع يلا تعال نايف : ابشر نص ساعه واكون عندك سعود :الله معك انتبه لدرب* نايف: ابشر يلا سلام سعود : سلام سعود بعد ماخلص مكالمته اتصل على حور* حور : هلا سعود انا وصلت افتح لي الباب سعود باستفهام : انتي وصلتي عندنا حور : اي افتح لي سعود صك التلفون ونزل يفتح لها سعود فتح الباب : انتي صاحيه شهالسرعه حور دخلت ومااهتمت لسؤاله: مو مهم المهم قوليلي إشصاير منايل إشفيها خرعتوني سعود تنهد : اسمعي حور منايل حيل خايفه وانا ابيج تهدينها واطمنينها* حور : انزين قولي شالسالفه سعود : اليوم حرامي دخل البيت وماكان موجود إلا منايل ووحده من الخدم وباقي الخدم اليوم عندهم إجازه والكلب تهجم عليها وحاول(وسكت ماقدر يكمل) حور حطت إيدها على فمها بخوف : صار شي سعود هز راسهه بـ لا حور تنفست براحه : الحمدالله المهم هي الحين وين سعود : بغرفتها حور صعدت الدرج : الحمدالله الحمدالله سعود يصعد وياها : حور ابيج تهدينها هي خايفه وحالتها حاله حور : لاتوصي إن شاءالله خير (رن موبايلهها) حور ردت على موبايلها: هلا منال"اي وصلت " موصاير شي بس منايل خايفه بعدين انا اكلمج واقولج كل شي" يلا مع السلامه وصلت حور لغرفه منايل : سعود لوسمحت بعد اذنك خلنا بروحك سعود : إن شاءالله انا بكون بالصاله إذا بغيتوا شي نادوني حور هزت راسها ودخلت غرفة منايل منايل اول ماشافت حور ركضت لها وسوت مناحه* حور : خلاص حبيبتي ماصار شي الحمدالله ربنا ستر خلاص انسي اللي صار اعتبريه كابوس وصحيتي منه منايل : شلون كابوس إللي صار حقيقه مو كابوس انتي لوشفتيه كأنه وحش يحاول ينهش بلحمي شلون تبيني انسى شكله والعرق يتصبب منه وشكثر جسمه كان قريب من جسمي كان مغـــــزز مغـــــزز حور سحبتها وضمتها بقوه: خلاص هدي هدي (وقعدت تقرى عليها بعض الايات القرأنيه) (في الصاله) نايف وقف معصب : وليه مابلغت الشرطه يأخذون البصمات ويسحبون ابن الكلب هذا سعود : نايف لاتزيدني إللي فيني يكفيني وشلون تبيني ابلغ الشرطه عشان ننفضح نسيت انها بنت والبنت سمعه نايف تنهد : طيب ماعرفت الرجال إللي ساعدها سعود : لا ماعرفته منايل من الخوف ماانتبهت لشكله والخدامه تقول انه قال لها تصعد منايل فوق وتتصل علي وهو طلع من الباب الخلفي اتوقع انه سمع كلام ام دعيج وطلع من الباب الخلفي عشان محد يشوفه ويثبت كلام ام دعيج عن منايل نايف : بيض الله وجهه عزالله انه رجال هذا يعرفك بس من اتوقع سعود: اي يعرفني لومايعرفني ماقال للخدامه دقي على سعود اتوقع يمكن من الجيران نايف : زين منايل وينها اقدر اشوفها سعود : منايل بغرفتها وحور عندها نايف : طيب في مجال اشوفها سعود وقف: امش منت غريب عشان تستأذن راحوا سعود ونايف لغرفه منايل طقوا الباب وتحنحنوا حور عباتها وشيلتها عليها بس كانت منزله نقابها ألبست نقابها ووقفت : تفضـــل سعود ونايف فتحوا الباب ودخلوا : السلام عليكم حور بأدب واحترام :وعليكم السلام سعود على طول دخل وقعد على سرير منايل* نايف حاس بالاحراج وخاصه وهو يشوف حور حيل مستحيه ومنحرجه: شخبارج اختي حور حور مستحيه بس تحاول تكون طبيعيه: بخير الله يسلمك اخوي نايف نايف ابتسم لمنايل وراح لها حب رأسها : شخبار دلوعتنا منايل حالتها احسن من قبل بس للحين عيونها وارمه من البكي ابتسمت له بتعب : هلا نايف سعود ونايف يسولفون ويا منايل ويضحكون يبون يطلعونها من جو الخوف يحسسونها بالامان ،،،* حور حست إن وجودها ماله داعي في الغرفه بوجود سعود ونايف طلعت من الغرفه بهـــدوء قعدت بالصاله إللي بالدور الثاني دقت على منال وقالت لها السالفه بالتفصيل منال : حسبي الله عليه وهي الحين شلونها* حور : الحمدالله احسن بواجد عن أول بس للحين متغززه من الموقف ولايعه جبدها وللحين خايفه منال : بعد عمري ماتستاهل إللي صار لها بغت تروح فيها حور: الحمدالله إللي الله نجاها منه منال : إنزين والحين شلون بتنامين عندها حور: مادري انا حاسه بالاحراج وفي نفس الوقت منايل تبيني انام عندها منال : خلاص خليج عندها الحين الوقت متأخر الساعه وحده ونص وهي مسكينه محتاجه لج حور: خلاص بقعد عندها وبكره برجع عطي خالتي خبر ومايحتاج اوصيج بمنور وخلودي منال : ولايهمج لاتحاتين حور حست بوجود احد وراها :يلا منول اخليج مع السلامه منال :مع السلامه حور صكت التلفون وشافت سعود واقف :بغيت شي سعود : مشكوره عاللي سويتيه لمنايل حالتها احسن بكثير* حور : ماله داعي تشكرني منايل اختي وانا ماسويت شي سعود ابتسم : طول عمرج اصيله يابنت حمد حور استحه من نظراته نزلت راسها : ماعليك زود سعود تم يطالعها بعدين انتبه لنفسه : طيب بغيت اقولج إن نايف راح لبيته وانا بنام تحت بالصاله اخذي راحتج البيت بيتج حور : إن شاءالله سعود : يلا انا استاذن بنزل تحت إذا بغيتوا شي انا موجود تصبحين على خير حور : وإنت من اهله نزل سعود وحور راحت لمنايل " في غرفة منايل " منايل منسدحه عالسرير وحاضنه مخدتها" ابتسمت حور وقعدت جمبها حور تحاول تلطف الجو : يلا اليوم خليت اخواني عشان افضى لج* منايل حطت راسها بحضن حور ومسكت إيدها وحطتها على قلبها : كل ماتخيلت شكان بيصير قلبي يدق بقوه حور تمسح على راسها : لاتفكرين بالشي الشين فكري بإن إللي صار مايأثر فيج منايل سكتت حور : يلا خلينا نروح انام* منايل : حور خليج وياي* حور : إن شاء حبيبتي هذا انا وياج* حور ظلت تقرى على منايل بعض الايات القرانيه لحد مانامت منايل حور ماجاها النوم ماتعودت تنام في بيت احد غريب ماتعرف تنام إلا ببيتهم او بيت الخاله سعاد (بيت الجده هيا) بندر منسدح على السرير والنوم مجافيه يفكر باللي صار مسكينه بغت تروح فيها الحمدالله جيت بالوقت المناسب مادري إشصار عليها الله يستر من كلام الناس عزالله بوسعود مايستاهل حد يتكلم في عرضه الله يعدي هالسالفه على خير ويستر علينا وعليهم " قطع تفكيره صوت اذان الفجر تعوذ من بليس وتوضى وراح يصلي بالمسجد" حور بعد ماصلت الفجر اغراها منظر ولون شروق الشمس لبست شيلتها ونقابها نزلت للحديقه تبي تحس بالنشاط لانها مانمت وتحس جسمها متكسل " قعدت عند النافوره الكبيره تلعب بالماي* دق موبايلها " طلعته من مخباتها شافت المتصل وردت " حور : هلا منور منار: صباح الخير* حور : صباح النور حبيبتي شخباركم منار بعتب : بخير بس ليش نمتي عند منايل وخليتينا حور : حياتي منايل تعبانه شوي وتعرفين ماعندها احد منار : انزين متى ترجعين حور : شوي بس تقعد منايل واتريق برجع منار : انزين لاطولين* حور : من عيوني منار : اي نسيت ماقولج لاتنسين ترى اليوم موعد اسناني الساعه8 حور : خلاص إن شاء الله بس اخلص منايل اوديج منار : يلا سلام حور : مع السلامه حبيبتي " حور شافت الساعه صارت 6وربع راحت للمطبخ تجهز الريوق على ماتقعد منايل * * * *(في المطبخ)* حور بعد ماخلصت من البيض طلعت الجبن والبنه وقطعت طماط وخيار طلعت الصمون عشان تسخنه بالمايكرويف* دخل سعود والخبز بإيده ووجهه معتفس* حور بخوف : إشفيـــك سعود : حور مصيبه حور : تكلم إشصاير سعود تنهد وسحب الكرسي وقعد عليه : الخبر وصل لابوي في لندن* حور عقدت حواجبها : أي خبر سعود : إللي صار لمنايل وطلعوا إشاعه ان (سكت ماقدر يكمل)* حور طاح كيس الصمون من إيدها وحطت إيدها على فمها : لاتقـــول سعود هز رأسه بقهر : هذا إللي صار* حور : وعمي إشقال* سعود : ابوي يقول بيرجعون بكره* حور مقهوره : حسبي الله ونعم الوكيل في هاللي يطلعون هالاشاعات على خلق الله سعود بنبره يأسه : والسوات ياحور حور : سوات ربك ابرك المهم منايل لازم ماتدري بشي* سعود : مصيرها بتعرف حور : تعرف من امك او ابوك احسن من ماتعرف منك سعود : خير إن شاءالله حور خذت الصمون حطته بالمايكرويف : انا بروح اقعدها عشان اتريق وانت خلك طبيعي لاتبين لها شي اوكي* سعود : مشكوره حور* حور : على شنو* سعود : على كل شي وعلى وقفتج مع منايل عمري ماراح انساها* حور حست بالاحراج : ماسويت شي منايل مثل اختي عن اذنك بقعد منايل (طلعت من المطبخ وهي منحرجه ) كانت قاعده تقرى قرأن بعد ماخلصت صلاتها" دخلت حور وقعدت عالاريكه تنطرها تخلص قرايه* منايل انتبهت لوجودها : صدق الله العظيم (صكت القرأن وحطته عالطاوله ) حور : تقبل الله* منايل : اجمعين وين كنتي* حور : كنت اجهز لج الريق يلا قومي انتريق* منايل : ليش تعبتي نفسج وين الطباخه حور : شدعوه ليكون ماتبين تأكلين من إيدي منايل ابتسمت: لاحشى بس مابيج تتعبين حور : لاتعب ولاشي يلاقومي مابي اتأخر على منور عندها موعد بالاسنان منايل : بتروحين وتخليني الحالي حور : وين لحالج اخوج عندج* وبعدين ترى ماقعدت الا عشانج وإلا انا مومتعوده انام في بيت فيه رجال غريب منايل : عادي إشفيها سعود ماراح ياكلج حور : لاتاخذين وتعطين معاي بهالموضوع تعرفين رأيي ويلا امشي نتريق لااتأخر على منور* منايل : يلا ياستي تأمرين حور ومنار راجعين من طبيب الاسنان نزلوا من السياره توهم واقفين يفتحون الباب سمعوا صوت سياره مسرعه* التفتت منار شهقت بخوف: حور فتحي بسرعه عنـــاد فتحت حور بسرعه ودخلوا وصكوا الباب ركضوا داخل عناد يرفس الباب :هين ياكلاب دواكم عندي لوتروحون للقمر بوصلكم حور ومنار دخلوا الصاله خايفين ويركضون* منال كانت قاعده بالصاله تشوف التلفزيون دخلوا عليها حور ومنار خايفين" منال فزت من مكانها: إشصاير إشفيكم حور تأخذ نفس : عناد برى* الخاله سعاد نازله من الدرج معصبه : هذا استخف إشهالصيحه خلاص طفح الكيل هالشي ماينسكت عنه حور مسكتها : خالتي تكفين عشان خاطري بيصارخ شوي ويذلف خليه يولي سعاد : كل مره نخليه ومافيه فايده لايستحي ولايخيل نرجس نازله : يمه خلاص راح حور : شفتي قلت لج بيصارخ شوي بعدين بيروح خلاص لاتشيلين هم سعاد تنهدت وقعدت عالغنفه: حسبي الله ونعم الوكيل فيه شوفوا من اليوم ورايح ولاوحده فيكم تطلع بروحها حتى الدوام ياحور انا اللي بوديج وارجعج حور : ابشري انتي تامرين امر مطــــار الكويــــت " موعد وصول بوسعود وام سعود وعذاري"* نايف كان في انتظار وصولهم اما سعود قعد في البيت ويا منايل* وصلت الطياره ونزلوا الركاب نايف شاف عمه بوسعود واشر له* نايف يسلم عليهم: هلا يالله حيهم انورت الديره بوسعود وجهه معتفس : الله يحيك منوره بأهلها نايف : شلونكم عساكم ماتعبتوا بوسعود : نحمدالله على كل حال نايف شاف بوسعود إمبين عليه العصبيه لفت لأم سعود إللي كانت خايفه ومتوتر حب يخفف جو التوتر سألها عن اخبارها جاوبته بأختصار نايف حس ان الجو متكهرب ففضل السكوت احسن " في السياره وكان السكوت سيد الموقف والجو متوتر* بوسعود يهز رجوله يحس إن كل ثانيه تمر سنه حس إن الوقت طول : زد السرعه شوي* نايف بهدوء : ابشر طال عمرك وصلــــوا للبيــــت" سعود ومنايل كانوا في انتظارهم في الصاله " دخل بوسعود بهيبته المعتاده : السلام عليكم فزوا سعود ومنايل :وعليكم السلام سعود :يالله حيهم سعود ومنايل سلموا على ابوهم وامهم وعذاري قعدوا والكل كان متوتر سعود خذا الدله صب القهوه سأل ابوه عن اخباره وكان يرد بكلمات مختصره* منايل قاعده عند امها وحاضنتها بوسعود تقهوا وهز فنجاله وقف وقال بصرامه : منايل إلحقيني للمكتب (خلص كلامه ومشى ) منايل خافت طالعت امها بتوسل : يمــــه ام سعود هزت راسها : روحيله يابنتي مايصير إلا الخير إن شاءالله سعود : منايل روحي لاتطولين عليه منايل بخوف : شكله معصب نايف : يابنت الحلال روحي مافيه إلا العافيه وقفت منايل بخوف واتجهت للمكتب وقفت قبل لاادق الباب خذت نفس عميق طقت الباب بخوف بوسعود بصرامه : تعــــالي منايل فتحت الباب بحذر ودخلت بصمت بوسعود كان واقف عند الدريشه ومعطيها ظهره : شاللي صار بالضبط منايل حست قلبها بيوقف من الخوف والرهبه تبي تتكلم لكن الكلام جمد بداخلها بوسعود صرخ : تكلمــــي منايل انتفضت : يبه كنت قاعده بالصاله ماشفت إلا واحد يمشي عالدرج ركضت للاسنصير دخلته ونزلت تحت ركضت للباب الرئيسي عشان انحاش لقيته مقفول تذكرت إن المفتاح عند الخدامه رحت لها قعدتها خذينا المفتاح وركضنا نبي ننحاش ماامدانا إلا وهو نازل علينا و (سكتت)* بوسعود بحده:كملــــي منايل بخوف : وحاول يعتدي علي وانا احاول اقاومه بعدين الخدامه فتحت الباب وقعدت تصارخ دخل واحد وتم يتهاوش ويا الحرامي ولعن خير الحرامي وفلت من إيده وانحاش الحرامي وسمع ام دعيج تصارخ وتخربط بالكلام عقب ركض سحب الخدامه وقفل الباب قال للخدامه تأخدني فوق وسأل فيه باب خلفي ودلته الخدامه بعدين طلع وهذا كل إللي صار بوسعود : انتي متأكده إنه ماصار شي منايل بحراج : لايبه ماصار شي من إللي في بالك بوسعود : خلاص تقدرين تروحين منايل وقفت : عن إذنك يبه طلعت منايل وعلى طول راحت غرفتها وهي تبكي " (بيت سعاد) حور بعد ماصلت الفجر خذت لها شور "لبست ملابسها وجففت شعرها عالسريع مع إنه توالناس عالدوام بس ماتدري إشفي صدرها ضايق وقلبها ناغزها تمت تفكر وتحط اسباب لهالضيقه يمكن خايفه لايصير لها مثل ماصار لمنايل " قطع عليها تفكيرها صوت شخير منال إلا كانت غاطه بالنوم بسبت السهر عالنت لحد صلاة الفجر " ابتسمت وباست راسها وغطتها بالحاف* خذت عباتها وصكت ليت الغرفه* وطلعت قبل لاتنزل شافت ليت غرفة نرجس ومنار مفتوح راحت لهم لقتهم نايمين وغرفتهم كانت حوسه عفيسه رفعت عينها للورقه الملزوقه عالكبت" ابتسمت عرفت انها طلباتهم المعتاده خذتها وصكت اليت وطلعت" قرت الورقه إللي مكتوب فيها" ( حور بعد عمرنا اشتريلنا بطاطات وككاوات وبيبسي ونفيش ومكسرات وعصير سانكست لزوم السهر قضينا عالاكل كله) صفطتها وحطتها بالجنطه" نزلت تشرب لها كوفي يصحصحها على ماتنزل خالتها سعاد شافت الساعه للحين ست إلا ثلث خذت المصحف وقعدت تقرا قرآن"* في نفس الوقت" فوزيه كانت ماسكه موبايلها ومتردده :ادق على حور احذرها وانبهها وإلا مادق " يمكن ابوي بس يتكلم جذي وماراح يسوي شي "بس هو يتحلف ويتوعد اخاف يسوي شي لسعاد وعيالها يضرهم عشان يضغط على حور تجي تعيش عندنا (شافت الساعه) بس الوقت الحين حده مومناسب اخاف ادق واخرع البنت وبالاخير ابوي يهون ويتراجع في كلامه وبالتالي اطلع ماافهم وماعندي سالفه " انام الحين احسن والعصر يصير خير " نزلت سعاد وابتسامتها المعتاده على وجهها: صباح الخير على الحلوين ابتسمت لها حور : صباح الرضا يالغاليه سعاد :تأخرت عليج* حور :لاشدعوه توالناس عالدوام لاحقه عليه سعاد ابتسمت : يلا نمشي حور خذت جنطتها : يـــلا ركبوا السياره واتجهوا لشركه " كان الجو في السياره حلو الخاله سعاد كانت تسولف عن صداقتها ويا ام حور وشكثر كانوا قراب من بعض وانهم كانوا نفس الخوات" سعاد : تصدقين إن نبرة صوتج مثل نبرة صوت امج رحمة الله عليها* حور : إيه جدتي الله يرحمها كانت دايم تقوله سعاد : انتي اصلا تشبهين امج حيل (تنهدت) رحمة الله عليها شكثر كانت طيبه وحنونه (سعاد حست إن العبره اخنقتها فحبت تغير السالفه) المهم خلينا من هالسالفه وخن اقولج ترى امس دق علي* المستأجر إللي بيستأجر بيتكم وقال يبي يستلم مفاتيح البيت بعد اسبوع حور :واتفقدوا عالاجار سعاد : ايه مثل ماقلتيلي 600دينار حور :حلو خلاص اليوم بروح اخذ باقي الاغراض عشان نكتب العقد ونعطيه المفاتيح* حور صرخت : خالتـــي انتبهــــــي سعاد لفت بقوه جهة اليمين* حور بخوف : خاله سعاد انتي بخير سعاد داست البانزين واسرعت حدها : حور هذا عناد يبي يكرر إللي سواه في امج وابوج حور مجرد ماجا في بالها إن عناد ممكن يسوي اي شي بالخاله سعاد : خالـــه وقفـــي* سعاد بعصبيه : حور انتي ينيتي اقولج عناد يلحقنا ويحاول يدعمنا وانتي تبيني اوقف استخفيتي حور الدمعه حارت بعينها : انا مستحيل اكون السبب في انه يأذيج إلا انتي تكفين ماني مستعده اخسرج يكفي إللي خسرته* سعاد : مايقدر يسوي شي حور : لايقدر ومايهمه أي شي تكفين وقفي خليني اشوف شنو يبي فيني سعاد بحده : استخفيتي لو على جثتي مااوقف له عشان ياذيج حور تمت اطالعها وعيونها تدمع تدري إن سعاد لايمكن توقف ولايمكن تخلي عناد يأذيها او يأذي اخوانها هزت راسها وصدت الجهه الثانيه وخذت قرار بداخلها ولايمكن اتراجع عنه بتقدم استقالتها اليوم* تعرف عناد بيتم كل يوم على هالحال وحور ماهي مستعده يصير في سعاد شي بسببها او بسبب هالوظيفه وبالاخص إن سعاد قايله إنها إللي بتوصل حور كل يوم لدوام" قطع عليها تفكيرها صوت سعاد سعاد : يلاحبيبتي نزلي ولاتطلعين من الشركه إلا لما ادق عليج* حور : خالتي ماله داعي تأخذيني برجع ويا منى لاتعبين نفسج سعاد : لا محد بيوديج ويرجعج غيري يلا حبيبتي ديري بالج على نفسج حور ابتسمت وحبت راس الخاله سعاد : الله يخليج لنا ولايحرمنا منج يلا مع السلامه (خذت جنطتها وانزلت) سعاد ابتسمت : الله يحفظج دخلت حور لشركه لكن هالمره مااتجهت لمكتبها اتجهت لمكتب المدير العام حور : السلام عليكم السكرتيره :وعليكم السلام اهلين حور كيفك حور : بخيرالله يسلمج انتي شخبارج السكرتيره : تمام شو بتأمري حور : تسلمين بس بغيت اسأل الدكتور سعود موجود السكرتيره : لا لساتو ماوصل بدوا شي ربع او نص ساعه ليوصل حور : اها زين ممكن قلم وورقه إذا سمحتي* السكرتيره عطتها قلم وورقه : تفضلي حور : شكرا بعد ربع ساعه وصل سعود* سعود بهيبه : السلام عليكم (ماكان منتبه لوجود حور ) السكرتيره : وعليكم السلام دكتور سعود هيدي الانسه حور موجوده بدها تأبلك سعود لف جهت حور باستغراب : هلا حور عسى ماشر* حور : بغيت من وقتك دقيقه إذا ممكن سعود : اكيد ممكن تفضلي معاي للمكتب دخل سعود وحور للمكتب وخلت حور الباب مفتوح ماتحب ينصك عليها باب إذا كانت بروحها مع رجل قعد سعود عالمكتب : تفضلي حور استريحي ليش واقفه حور واقفه وبيدها الورقه : مايحتاج ماراح اعطلك بس بغيت إذا ماعليك امر توقع على استقالتي* سعود انصدم ووقف : ليش إشفيج صاير شي انا ضايقتج بشي حور تسوي نفسها طبيعيه : لاحشى بس الاغرض إللي كنت اشتغل عشانه انقضى وخلاص ماني محتاجه للوظيفه ابي انتبه لدراستي سعود تنفس براحه وقعد : اشوى ظنيت انه صاير شي* حور بثقه : لا ابد موصاير شي بس انا مليت من الشغل سعود ابتسم : لايكون مليتي من اصحاب الشركه بس حور فاهمه حركات سعود يبي يطول السالفه قالت بجديه : لاشدعوه محد يمل من اهله بس إذا ماعليك امر وقعلي عالاستقاله لاني بمشي خالد اخوي عنده موعد بالاسنان بوديه له (طبعا الموعد من عندها ) سعود ابتسم وخذا الاستقاله* يعرف حور إذا انحرجت : ابشري وهذي الاستقاله وقعناها اوامر ثانيه حور باحترام : شكرا ماقصرت يلا انا استأذن سعود : العفو بس قبل لاانسى مري المحاسبه يعطونج مستحقاتج حور هزت راسها : شكرا مع السلامه (خذت الاستقاله وطلعت) سعود تنهد : بحفظ الرحمن * * * * * * * * * * * * * **قعدت الصبح ومالها نفس تنزل تحس نفسها مخنوقه وبالاخص بعد كلام ابوها ونظراته لها* منايل :اووف يعني انا إشذنبي وبعدين ماصار شي عشان ابوي يكبر السالفه يكفي الخوف إللي عشته بس كله من هالحيه ام دعيج حسبي الله عليها* فتحت الثلاجه الموجوده بغرفتها خذت لها عصير برتقال خذت لابتوبها الفوشي المرصع بالكرستال* افتحت المسن شافت وحده من البنات المنتدى توها متعرفه عليها متصله وقعدت تسولف وياها تقزر وقتها بيت الجده هيا " العنود ونوير قاعدين بالحوش يتصفحون مجلة زهرة الخليج العنود : شوفي الثوب هذا يهبل نوير بققت عيونها : يافضحي جلدها طالع ياويلي ويلها انتي تبين تلبسين نفسه انهبلتي العنود : يوه تراج زهقتيني انا اتكلم عن القصه والون وبعدين عدي مو لازم احطه كت بحط له اكمام* نوير : لاوالله فكيني من شرج انا بفصل الخامه لمنقطه إللي شريتها من السوق دراعه احسن من هالبس الفاضح العنود : انا ماقلت اني بتفصخ مثلها انا قلت قصت الثوب حلوه وبعدين ياخبله خلينا نغير كل ملابسنا دراعات عاد ياليتها من الدراعات الكشخه* نوير : خليني في حالي ومافيه احسن من الثياب الساتره ماسمعتي الاغنيه إللي تقول(ألا يالابس الثوب لمنقط واسمك ياحلو مافيه نقطه) العنود : ترى راحت موضتها الثياب إللي نخيطها ماعاد احد يلبسها إلا العجايز نوير : لايعني لا العنود عصبت : الشرهه موعليج الشرهه على إللي يبيلج الزين (خذت المجله اتصفح فيها بروحها) بالصاله " خالد وفهد يلعبون بلاستيشن " منار ونرجس منسدحين عالارض قدام التلفزيون يشوفون المسلسل حور منسدحه عالاريكه وماكان بالها للمسلسل سرحانه تفكر باللي سوته وشلون بتعلم خالتها سعاد باستقالتها منال نزلت تركض من الدرجه وراحت صوب منار ونرجس شافتهم مندمجين بالمسلسل طقتهم على راسهم وانحاشت بسرعه منار معصبه : اوووف وجع إن شاءالله نرجس معصبه : عمى بعينج يازفته منال ضحكت وراحت صوب حور شافتها سرحانه نطت على الاريكه واسحبت إيد حور وانسدحت جمبها حور ابتسمت : هلا انسه منال منال على حافة الاريكه متقبظه بإيد حور عشان ماطيح: علومج إللي ماخذ عقلج حور عارفه قصدها : اقول عن السخافه لا اطيحج منال : لالاتحاتين متقبظه عدل وإن طحت حضرت جنابج بيطيح معاي حور : عـــوبا ماينقدر عليج منال : شفتيه حور: منو منال : من غيره سوسو حور : أي سوسو تكلمي عدل منال : واي سوفاج سوسو دلع سعود حور : ياشين السرج على البقر تكلمي عدل وبعدين كلمة سوفاج محتكره لمنايل ياسراقه منال : لاتضيعين السالفه وقوليلي إشفيج حور بجديه تنهدت :اليوم قدمت إستقالتي منال فزت : قدمتي استـــ حور بلمتها : اوص وقص قصري صوتج لايسمعونج البنات منال بصوت واطي: ليش قدمتي استقالتج حور : سالفه طويله مختصرها اليوم عناد بغى يدعمنا بسيارته وتعرفين عناد إذا براسه شي لازم يسويه وبيتم على هالحال كل صبح وخالتي سعاد راكبه راسها تبي توصلني دوامي كل يوم وانا خفت على خالتي لايصير فيها شي بسبتي فقدمت استقالتي منال انصدمت : حسبي الله عليه هذا مايكفيه إللي سواه* حور : موغريبه عليه المهم شلون اوصل لخالتي خبر استقالتي منال : شوفي قوليلها اني مليت من هالشغله والسبب اللي كنت اشتغل عشانه انقضى والبيت بيتأجر ومعاش ابوج على اجار البيت يكفي ويزيد حور : وإذا عرفت إن السبب خوفي من عناد عليها تعرفين امج مايطوف عليها شي منال : إذا قالت شي قولي انا مقرره من زمان اول ما نحصل مستأجر اقدم استقالتي حتى منال تدري وانا إذا سألتني بقول لها ان انتي قايلتلي من اسبوع هالكلام حور ابتسمت : بعد عمري على هالافكار هاتي بوسه* منال بغرور متصنع : عشان تعرفين بس إشكثر انا مهمه بالمجتمع حور رفعت حاجبها : اموت على الناس الثقه أنا الليلـــه سعـــود حاط عزيمه بمناسبه رجعت ابوه واهله من السفر" الليلـــه غير المعازيم عددهم قليل مو على العاده مايتجاوز عددهم عشرين شخص العاده إذا كان في بيت بوسعود عزيمه تنترس الديوانيه والحديقه" بوسعود متعومس اكيد انتشر الخبر والناس صدقوا انفضحنا بندر كان من ضمن الحضور لاحظ ضيقة بوسعود كان متعومس موبالعاده" سمع اثنين قاعدين قريب منه يتهامسون الاول : الظاهر إللي سمعناه حقيقه مو إشاعه الثاني : استغفر ربك لاتحط بذمتك الاول : كل شي واضح وضوح الشمس وإلا بوسعود مايقطع سفرته إلا لشديد القوي وبعدين جيرانهم شافوا الرجال طالع من بيتهم كانت مواعدته" الثاني : يارجال كلام الناس واجد والله يستر علينا وعليهم الاول : مافيه دخان من غير نار بندر انصدم من إللي سمعه معقوله انتشرت الاشاعه بهالسرعه حرام عليهم يظلمونها البنت بريئه وانا شاهد وعارف " رفع راسه وجات عينه على بوسعود كان منزل راسه " افـــا بوسعود مايستاهل ينزل راسهه* بندر تحنحـــن ورفع صوته بثقه : بوسعود طالع عمرك بوسعود انتبه : ســـم بندر بثقه : اسمحـــلي طالع عمرك ويسمحولي الوجيه الطيبه في هاليله المباركه اتشرف واطلب إيد بنت الصغيره على سنة الله ورسوله كل الحضور إللي صدقوا الاشاعه انصدمـــوا سعود ونايف انذهلوا الخطبه جات بوقتها بوسعود تهلل وجهه بالفرح وبثقه قال : يامرحبا ومسهلا الساعه المباركه ولوها ذبيحه ماعشتك اتشرف بنسب الرجال إللي مثلك وشرواك بندر شعور مختلط صدمه من رد بوسعود على شعور فرح* بأنه سكت كل من كان عنده شك في شرف البنت : شرواك الطيب طال عمرك انا إللي لي الشرف قام بندر يسلم على بوسعود بدت التبريكات تنهال على بوسعود وبندر* بندر : الله يبارك فيكم* بومحسن شايب من الموجودين : ومتى العرس إن شاء ترى خير البر عاجله بوسعود ابتسم : على راحة معرسنا متى ماحدد حنا حاضرين بندر : انا رأيي من رأي بومحسن خير البر عاجله وانا جاهز باللي تامرون فيه بوسعود : اجل تم الملكه الخميس الجاي والعرس بعد شهر بندر ابتسم : على بركة الله إن شاء الله بيت الجده هيا" قاعدين بالحوش الجده تسمع الرادو ونوير تصب لها قهوه والعنود تنشر الملابس على الحبل دخل بندر : السلام عليكم الجده صكت الرادو : وعليكم السلام يامرحبا العنود ونوير :وعليكم السلام بندر حب رأس جدته : شعلوم الغاليه الجده بحنان : تحب الكعبه ياوليدي بندر قعد جمبها : هاه غريبه سهرانه لهالحزه الجده : اتحراك ابطيت* نوير صبت قهوه لاخوها: سم بندر خذا الفنجال : سم الله عدوج هاه شخباركم نوير : بخير الله يسلمك العنود خلصت نشر الملابس وجات قعدت عندهم : مساك الله بالخير* بندر ابتسم : هلا مسا النور عساج عالقوه العنود : يقويك ويخليك ربي لنا الجده معصبه: ماغسلتي الملابس من الصبح وانا اقولج بس مالج إلا شورج ياقليلة البصيره بندر عدل قعدته : خلونا من الملابس عندي لكم خبر بيفرحكم الجده باهتمام : خير عسى خير بندر ابتسم : ابشرج انه خير إن شاءالله يمه انتي دايم ماتقوليلي تزوج الجده : إلا ودي تعرس اليوم قبل بكره بندر ابتسم :اجل باركيلي الليله خطبة بنت بوسعود الصغيره الجده بعتب : تخطب بدون ماتعلمني افـــا ماهقيتها منك سعود مسك إيدها وباسها: اعذريني يالغاليه بس كل شي صار بسرعه الليله وانا عند بوسعود فكرت بكلامج لي دايم تقولين متى تعرس فقلت ماني محصل احسن من نسب بوسعود وخطبة ورحب فيني اعذريني يالغاليه كل شي ولازعلج الجده بفرح ماقدرت تخفيه : جعله مبـــارك نعم الاختيار ياولدي بوسعود رجال قربه يشرف كـــلولولولولولويـــش العنود ونوير طاروا من الفرحه: كـــلولولولولويـــش ألـــف ألـــف مبـــروك يالغالي بندر ابتسم : اللـــه يبـــارك فيكـــم يالغاليـــات عقبال ماافرح فيكـــم نوير على طول : اميـــن يارب العالميـــن الجده عصبت : وجـــع ياقليلة الحيا ماعاد فيه لاحشمه ولاحيا بندر فطس من ضحك على شكل نوير: ههههههههههههههههه يمه عادي خليها ماقالت شي غلط هذي سنة الحياه العنود : خلنا من نوير وقول لي متى العرس بندر مسك ضحكته وتكلم بجديه : شوفي يمه بكره ابيج تروحين لهم انتي والبنات وتشوفون طلباتهم والمهر كم وأي شي يطلبونه انا حاضر وافقوا الجده : ياولدي الله يعينك على طلباتهم هذولا ناس تبذيرهم واجد نوير : يوه عاد الله يعينك على دلعها اهلها امدلعينها بندر : وانتوا إشدراكم انها مدلعه العنود : اسكت بس ياخوي شفناها بعزى العجوز حصه الله يرحمها النعمه طالعه من عيونها نوير : يـــوووه عليها ساعه تبرق برق اكسرت عيني برقتها بندر ابتسم : اذكروا الله تراها بتصير إمرتي نوير والعنود بحسن نيه : ماشاءالله تبارك الرحمن الله لايضرها الجده : إلا هي وش اسمها نوير : يمه اسمها منايل الجده : ملايل وش هالاسم الامحق العنود : لايمه منايل ماهو ملايل* الجده : خير إن شاءالله العنود التفتت لبندر إللي كان يضحك : عزالله كدينا خير ياملايل بندر يضحك : هههههههههههههههه خليها على راحتها تسميها الاسم إللي تبيه ام سعود مصدومه : بوسعود انت شتقول بوسعود : إللي سمعتيه الملكه الخميس الجاي والعرس بعد شهر ام سعود : بوسعود إشصار لعقلك بنتي منايل يأخذها بندر* بوسعود : وبندر وش فيه رجال والنعم فيه مهندس وولد اصل وفصل والكل يشهد بأخلاقه ومعدنه الطيب ام سعود : انت نسيت وضعهم وبيتهم إللي ساكنين فيه تقول بيت للعمال الأسويين هذا غير طبعهم العتيج وعيشتهم القديمه بوسعود بحده: ام سعود انا ماخبر ان نظرتج لناس بالطريقه هذي انتي الانسانه الطيبه إللي تخاف الله يطلع منج هالكلام* ام سعود : يابوسعود انت تعرفني الناس عندي سواسيه وبندر وأهله والنعم فيهم بس بنتك ماتعودة على عيشتهم بنتك تعودت عالخدم والحشم تعودت تلبس احلى الماركات تعودت اتصيف كل سنه بديره بوسعود انسدح عالسرير: عادي مع الوقت بتعود هذي كلها اشياء كماليه ماهي اساسيه وانا اهم شي عندي رجال يصون بنتي ام سعود : بـــس بوسعود : لابس ولاشي زواج منايل من بندر بيسكت كل من تكلم وطلع إشاعه على بنتي ام سعود اقتنعت : براحتك هذي بنتك عندك وتنجازون انت وياها انا ماراح اتدخل بوسعود برضا : خلي كل شي علي انا بفاتحها بالموضوع انا عطيت الرجال كلمه ولاني راجع فيها ام سعود : الله يكتب إللي فيه خير """""" سعاد : يمه حور الساعه صارت12 ليش قاعده لي هالحزه باجر وراج دوام حور بلعت ريقها : هاه أي خالتي لا انا بكره ماراح اداوم* سعاد باستغراب : ليـــش صاير شي حور طالعت منال إللي هزت راسه عشان اتشجعها اتكلم حور بتردد : خالتي انا قدمت استقالتي* سعاد بصدمه : هـــاه شتقولين حور طالعت منال بربكه منال حست انها وقتها تتكلم : أي حور لاعت جبدها من هالشغله وقالت لي من فترها انها بتقدم استقالتها مجرد ماتحصلون مستأجر لبيتهم وأول ماقلتيلها انه فيه مستأجر للبيت قدمت استقالتها خلاص معاش ابوها واجار البيت يكفيهم ويزيد سعاد براحه : أي اشـــو حسبالي عشان إللي صار اليوم منال اتسوي نفسها ماتدري : ليش صار شي اليوم سعاد : هاه لاماصار يعني إشبيصير منال اغمزت لحور: اي بعد إشلها بعوار الراس ترتاح من هالشغله لاحقه على العنا سعاد قامت : على قوتج لاحقه عالعنا يلا انا بروح انام تصبحون على خير حور ومنال : وانتي من اهله* سعاد وهي صاعده الدرج : يمه منال طفي اليتات البيت قبل لاتنامون لاتخلين إلا ليتات الممرات منال : إن شاء الله يمه* بعد ماتأكدوا ان سعاد دخلت غرفتها" منال رافعه حاجبها : هاه إشرايج في منوله حور قامت واحظنتها : يابعد عمري انقذتيني تدودهت ماعاد عرفت اتكلم منال ابتسمت : ارتحتي الحين حور : حيل فوق ماتخيلين منال : عيل يلا انطفي اليتات عشان نصعد انكمل سهرتنا في غرفتنا حور : يـــلا * * * * * * * * * * * * * * * * * * * * * **صبـــاح يـــوم جديـــد" الساعه 10 الصبح"* قعدت منايل حاسه بنشاط اليوم غسلت وجهها بدلت ملابسها رشت عطر من مس ديور وانزلت كانت اتغني وهي نازله من الدرج اغنيه فيروز* نسم علينا الهوا من مفرا الوادي شافت ابوها وامها قاعدين بالصاله وقبل لاتروح لهم نادت الخدامه منايل : روز جهزي البريك فاست حقي بروح اصبح على امي وابوي ولااجي إلا وهو جاهز* روز : اوكي ميمي منايل اتجهت لابوها وامها إللي قاعدين بصاله منايل : قود مورننق دادي قود مورننق مامي بوسعود ابتسم: صباح النور يابوج تكلمي عربي خلي دادي ومامي عنج منايل باست رأس امها وابوها واقعدت جمب ابوها* ابتسمت : خلاص ولاتزعل صباح الخير يبه صباح الخير يمه بوسعود يضحك : أي هذا الكلام السنع شلونج يابنتي منايل : بخير الله يسلمك دام انت وامي بخير انا بخير بوسعود : عسى دوم روحي تريقي وبعد ماتخلصين من الريوق تعالي منايل قامت: إن شاء الله يبه عاد حدي جوعـــانه ام سعود : روحي يمه اكلي* عليج بالعافيه منايل : يعافيج ربي يالغاليه في الصاله " العنود : بندر متى بنروح للجماعه* بندر يتصفح الجريده : بعد صلاة العشا إن شاء الله الجده : اجل شدوا حيلك يابنات سوى لقيمات وتمر مسمسم و بندر قاطعها : لايمه لاتسون شي انا بجيب صواني حلويات وفطاير من محل للحلويات راقي وشغله حلو الجده هيا : يافضحي انروح للجماعه وإيدي فاضيه وش بيقولون الناس عنا بندر : من قال بتروحون وإيديكم فاضيه بنشتري صواني جاهزه راقيه وإذا بتسون سوا وياكم شي سوا قهوه وشاي الجده هيا: خلاص إللي اتشوفه ياوليدي انت اخبر منا الجو في بيت بوسعــــود كان متــــوتر بعد مابلغ بوسعود بنته بخبر خطبتها" منايل مصدومه : يبــــه انت شتقول انت اتكلم جــــد وإلا تضحك بوسعود بحده : وهذي الامور فيها ضحك منايل : يبــــه انت مستوعب إللي قاعد تقوله انا منايل ال&&&&& بنت أكبرها واسمنها اتزوج هذا إللي اسمه بندر بوسعود عصب : وبندر وش فيه رجال والنعم فيه واهله ناس طيبين منايل : يبه هذا تدري وين عايش قريب من العزاب الاسويين ماتخاف علي من العيشه هناك هذا غير عن بيتهم إللي زين للحين ماانهدم عليهم وأهله الله والاهل مغبرين من عصر الدينصورات بوسعود : شوفي كلام(ن) يوصلج ويتعداج انا عطيت الرجال كلمه وماني راجع فيها وانا اشتري رجال والمظاهر هذي ماتهمني منايل تبكي: يبه ليش انا إشذنبي بالناس إللي طلعوا علي إشاعات حسبي الله عليهم بوسعود : يابنتي الناس ماترحم وسيرتنا صارت على كل السان وزواجج من بندر بيسكت الناس وانا اشوف بندر رجال والنعم فيه وصدقيني يابنتي انا ماوافقت على بندر إلا لاني عارف انه رجال كفو منايل قعدت عالكرسي تبكي : يبــــه بس انا مااقدر اعيش عيشتهم انا غير عنهم* بوسعود : مع الوقـت بتعودين منايل شافت إن مافيه فايده وقفت ودموعها على خدها : إن شاء الله يبه بسوي إللي تبيه (راحت تركض لغرفتها) دخلت غرفتها طاحت على وانفجــرت من البكــــي خذت تلفونها دقت على سعود" سعود : ألــــو منايل تبكي: سعود وينك سعود بخوف : منايل إشفيج صاير شي تكلمي منايل تبكي : ابوي يبي يزوجني لواحد منتف وحافي سعود تنفس براحه : بس ارجع من الشغل نتكلم انتي هدي نفسج ومايصير إلا كل خير منايل : اوكي صكت منايل من سعود وهي حاسه ان الدنيا ضايقه فيها تبي تفضفض اتكلم الساعه 11 صباحا* في بيت سعاد" حور ومنال قاعدين يتريقون في المطبخ" منال : شوفي اليوم ضروري انروح ويا ميون بنت خالتي للمعرض حور تشرب كوفي: اوكي بس اي حزه منال : يمكن العصر حور : خير إن شاءالله منال تأكل توست: حــــوره طلبتج* حور طالعتها بنص عين : هــــاه إشعندج بعد منال اتمصلح : حبيبتي انتي بعد عمري حور : اخلصي اختصري قولي إشعندج اعرف سوالفج منال : شوفي ساره بنت جيرانا قالت لي انها راحت لسليل الجهرا وتمدحه وتقول روعــــه ويهبل كل شي فيه شي خيالي حور ترتشف من الكوفي : اها وبعدين شالمطلوب منال : تكفي حوره حياتي قنعي امي خن اروح له* حور : وليش انتي ماتقولين لها منال : قلت لها عبالج ماقلت لها بس مارضت عطتني زفه محترمه* حور بلعانه : وانتي اتروحين عشان سليل الجهرا وإلا عشان العرب إللي بالجهرا منال : ياملغج ويا ثقل طينتج لاتصيرين سخيفه نبي انروح نستانس حور : اوكي بحاول اقول لها بس على فكره ترى الناس إللي ببالج مايروحون هالاماكن ولايوطوطونها منال ضاق خلقها : صــــج حسافه خلاص ماله داعي انروح حور تضحك : ههههههههههههههه ومسويه نفسج وحده سياحيه وبتغير جو بس على منو كاشفتج خبز إيدي منال : حــــدج سخيفــــه قطع عليهم كلامهم تلفون حور* حور شافت المتصل : هذي منايل غريبه قاعده هالحزه العاده ماتقعد إلا الظهر منال : أي والله غريبه ردي شوفي إشعندها حور ردت: ألــــو وصلها صوت منايل اتصيح وحالتها حاله حور موفاهمه شي : منايل إشفيــــج صاير شي اهدي مافاهمت شي منايل تبكي : لحقــــي علي حور ابوي يبي يزوجني* حور مصدومه : اتــــزوجين منال نطت من مكانها ولزقت بسماعة التلفون منايل حالتها حاله: أي يبــــي يزوجنــــي واحد حافي ومنتف حور مستغربه: ليــــش منايل : حسبي الله على الناس إللي طلعوا علي إشاعات واظلموني وام دعيج الله لايوفقها حور : فهميني إشصار مخي قفل مافهمت شي منايل تبجي واتشاهق: عقب السالفه إللي صارت الناس قاموا اتكلمون وحتى دوانيه ابوي قلوا الناس إللي يجونه ويوم خطب هذا إللي مايتسمى ابوي على طول وافق عشان كلام الناس حور اتهديها : منايل حبيبتي هدي "قل لن يصيبكم إلا ماكتب الله لكم" وابوج لو مايشوف الرجال مناسب اكيد ماكان وافق منايل : أي مناسب وأي بطيخ هذا مو من مستواي وعيشتهم غير عن عيشتي انا مستحيل اقدر اعيش وياهم حور : زين هالرجال من معارف ابوج وإلا شنو انا اعرفه منايل زاد بكيها: أي تعرفينه بندر إللي خواته العنود ونوير حور انصدمت ماصدقت : بندر إللي جدته هيا بنت خالة جدتي الله يرحمها منايل : أي هذا إللي عايش بالعصر الحجري منال اول ماسمعت الاسم بققت عيونها وألف علامة تعجب على وجهها حور : خلاص هدي واكيد ابوج ماراح يختار لج إلا الزين وصدقيني بندر والنعم فيه رجال بكل ماتعنيه الكلمه واهله ناس طيبين وعلى الفطره صدقيني إذا عرفتيهم بتحبينهم منايل : انتي اتقولين هالكلام بس عشان اتسكتيني حور : صدقيني يامنايل انا ماقول هالكلام عشانهم يصيرون لي صح هم ناس عيشتهم بسيطه وللحين عالعيشه القديمه بس لي عرفتيهم بتحبينهم منايل : مابــــي اعرفهم ولا يعرفوني إن شاءالله ايزفوني لقبري قبل إيزفوني له حور : استغفرالله العظيم لاتقولين هالكلام* منايل : الموت احسن لي من العيشه إللي بعيشها حور : منايل صدقيني موكل من خذت تاجر وسافرت والبست احلى الماركات عاشت سعيده واكبر دليل عندج سهام بنت خالتج شوفيها تزوجت اكبر رجال الاعمال وماخلت ديره ماسافرت لها بس عمرها ماارتاحت ولا استانست وبالاخير تطلقت وبعدين تزوجت من واحد عادي وشوفيها عايشه بسعاده واتموت فيه منايل : بس عالاقل مونفسي هذولا الناس إللي بعيش عندهم سوفــــاج اومبسبــــل مااقدر اتحمل العيشه وياهم حور : لاتقولين مااقدر وبعدين بندر مهندس وحالته الماديه ممتازه هذا غير عن اخلاقه إللي الكــــل يمدحهها منايل : لوكان شنــــو إللي اعرفه ومتأكده منه اني مستحيل اتعود عليهم خلاص انا بوافق على هالزواج عشان يرتاح ابوي وكلها شهر شهرين واتطلق منه حور : استغفرالله تفألوا بالخير منايل عصبت : حور خلاص كيفي اقول إللي اقوله وبعدين أي خير ايجي من هذا واهله وإلا عشانهم يصيرون لج إذا عاجبج اخذيه انتي حور : ماراح اخذ بكلامج انتي معصبه وماتدرين شتقولين منايل عصبت وصكت الخط حور طالعت منال باستغراب : سدت الخط منال جاتها موجة ضحك هستيري : هههههههههههههههههههههههههههههههههههههههههههههههههه هههههههههههههههههههههههههههههههههههههههه حور : حمدالله والشكر شاللي يضحك منال مستمره بالضحك : ههههههههههههههههههههههههههههههههههههههههههههه لالا حده مولايق تخيلت شكل منايل اتغسل ملابسها وتطبخ وتمسح هههههههههههههههههههههههههههههههههههههههههههههههههه هههههههههه لا واتروح للمزرع واتحلب الغنم والبقر هههههههههههههههههههههههههههههههههههههههههههههههههه هههههههههه حور : وجع تضحكين على رفيجتج تحمدي ربج وبعدين بندر واهله مافيهم شي منال:ههههههههههههههههههههههههههههههههههههههههههههه ههههههههههههههه ادري بس مو راكب منايل إللي الخدم والحشم يخدمونها اتعيش هالعيشه هههههههههههههههههههههههههههههههههههههههههههههههههه هههههههههههههههههههههههههههههههههههههههه حور : مافيه شي يضحك منال :استغفرالله موقصدي اتشمت بس تخيلت شكل منايل اتقول سوفاج وهي اتحلب بقره هههههههههههههههههه هههههههههههههههههههههههههههههههههههههههههههههههههه هههههههههه حور ماقدرت تمسك ضحكتها: هههههههههههههههههههههههههههههه حــــرام عليج منايل تكسر الخاطر متعوده عالدلع والرفاهيه منال تمسح دموعها من الضحك: خنت حيلي تكسر الخاطر لاتلومينها إذا انا وانتي ناس عاديين لاسفر ولادلع مستحيل ندخل لزريبه ونحلب غنم وإلا بقر حور : لا من هالناحيه تطمني ترى العجوز هيا وبناتها طيبين امي العودا رحمة الله عليها كانت اتسولف لي عنهم* منال : يــــلا محد يأخد إلا نصيبه الصالــــه" بوسعود : شوفي ياام سعود اليوم اهل بندر بيجون بعد صلاة العشا ماوصيكم هالله الله فيهم ترى الناس اجاويد ام سعود : إن شاء الله لاتوصي ماحنا مقصرين معهم بوسعود : اتصلي على عبير بنتج عشان تستقبلهم معاج وإياني وياكم عذاري تنزل لناس وإلا ادري انها قايله شي ترى اعرف بنتج السانها طويل وماتحترم احد ام سعود : ابشر مايصير خاطرك إلا طيب بوسعود : بارك الله فيكم يلا انا بروح للمسجد اصلي العصر ام سعود : تقبل الله بوسعود : منا ومنكم صالح الاعمال غرفة منايل " سعود : يعني ماتعرفين عذاري تقول كلام والسلام واتشوف نفسها فوق الناس لاوبعد خاوت رغد وثنتينهم من طينه وحده منايل : بس عذاري اتقول انها اسمعت الناس يقولون انه بخيل وشكي وجدته عسره وخواته حراميات سعود ابتسم باستهزاء : تدرين من اللي يقول هالكلام رغد من الحره اطلع اشاعات عشان تقهرج وطبعا عذاري اي شي تقوله رغد اتصدقه منايل : يعني يقصون علي سعود : منايل صدقيني لو في بندر واهله شي من الكلام إللي قلتيه تأكدي ان ابوي ماكان وافق عليه منايل هزت راسها بيأس* سعود : يلا انا اخليج بروح للمسجد* منايل : تقبل الله سعود : منا ومنكم صالح الاعمال ـــــــــــ /// ــــــــــــ /// بعد صلاة العشا " ام سعود وبنتها عبير كانوا جاهزين لاستقبال الضيوف إللي قالوا بيجونهم بعد صلاة العشا عبير : الله يكتب إللي فيه خير تصدقين يمه زوجي عمر طار من الفرحه اول ماقلت له إن بندر خطب منايل ويمدحه ويقول النعم فيه مايعيبه شي ام سعود : ادري يابنتي هو والنعم فيه وفي اهله لكن المشكله عيشتهم اتعرفين اختج منايل متعوده على الدلع والرفاهيه عبير : اهم شي الرجال يكون صالح وفالح وسمعته زينه وباقي الامور عاديه بتعود ام سعود : الله يكتب إللي فيه خير صوت جرس الباب يرن" راحت الخدامه تفتح الباب وقامت ام سعود وعبير يستقبلون الضيوف الجده هيا من اول مادخلت وذكر الله في لسانها : بسم الله ماشاءالله خذت الخدامه من العنود ونوير اربع صواني حلويات وفطاير وقهوه وشاي* الجده هيا : السلام عليكم ام سعود : وعليكم السلام ياهلا ومرحبا يالله حيهم الجده هيا : الله يحيكم ويبقيكم سلمت ام سعود وعبير على الجده ونوير والعنود ورحبوا فيهم سألوا عن اخبار بعض وصبت عبير القهوه وبدوا يسولفون وتكلموا عن الخطبه وسألت الجده عن طلباتهم وإللي يامرون فيه* الجده هيا : هاه ياأم سعود شاللي في خاطركم وتامرون ام سعود : سلامتكم حنا ياخاله الماديات ماتهمنا اهم شي التوفيق وماوصيكم في ابنيتي* ومثل مانتي عارفه ياخاله بنتي ماتعرف تطبخ ولاعمرها اطبخت ومتعوده عالرفاهيه الجده هيا بطيبه : شوفي يأم سعود مثل مانتي عارفه ان بيتنا قديم وعيشتنا على العصر القديم وندري إن بنتكم متعوده على الرفاهيه لكن نبيكم تعرفون ان حنا ناس لاحنا هل مشاكل ومن عاش عندنا سكناه وسط عيني وبنت بتصير زوجة ولدي ويشهدالله إني اشوفها مثل بناتي ام سعود انحرجت من طيبتها: ماعندنا شك في هالشي وانتوا والنعم فيكم معروفين بمعدنكم الطيب الجده هيا : ماعليكم زود وهالحين قولولنا وين تبون العرس في صاله وإلا ( التفتت للبنات ) شسم الثاني إللي قال عنه بندر العنود :فندق يمه فندق الجده هيا : أي هذا هو ضيعت اسمه ام سعود ابتسمت : لاحنا ودنا يكون عندنا فالبيت إذا ماعليكم امر البيت وسيع ويكفي الجده هيا : ابد مافيه اخلاف ابشروا دام هذي رغبتك مالكم إللى طيبة الخاطر ام سعود : جعلج تبشرين بالجنه بعد ماتفقوا على ان العرس في بيت بوسعود قالت ام سعود انها احجزت فنانتين يحيون حفل زواج بنتها* وتموا يسولفون عن تفاصيل العرس ويتناقشون واتفقوا على كل شي اما المهر ماحددوه قالت ام سعود مثل ماقال بوسعود مايهمنا الفلوس المهم التوفيق" بعد ماتفقوا على كل شي استأذنت الجده هيا وبناتها حاولت ام سعود وعبير فيهم يتعشون عندهم لكن اعتذروا" صعدت ام سعود وعبير لغرفة منايل بعد ماراحوا الجماعه وبعد ماام سعود طمنت بوسعود إن كل شي تم على خير والملكه بتكون الخميس دخلت عبير غرفه منايل" عبير : كلولولوليش ألـــف ألـــف مبـــروك ام سعود تسلم على بنتها: بالمبارك يمه ألف مبروك يالغاليه منايل اطالعهم نظرت عتب ولوم وساكته ماردت عبير : ياللـــه ياعروس لازم نجهز الملجه يوم الخميس ماباقي شي منايل اول ماسمعت ان الملكه الخميس دخلت في دوامة التفكير ماكان بالها مع عبير وام سعود إللي كانوا يخططون إشبيسون بالملكه وشنو بيحطوا حتى ماحست بعذاري إللي دخلت وبدت تنتقد هالزواج إللي مايشرف على قولتها وان بندر واهله ناس يفشلون ومتخلفين وسفهاء وماخلت كلمه ماقالتها وبالاخير ماسكتت إلا بعد ماهاوشتها امها واطردتها برى الغرفه* منايل كان تفكيرها إشلون توصل لبندر لازم اتسوي شي عشان مايتم هالزواج : ياربي شسوي مابي هالزواج يتم لامستحيل ايأس لازم اسوي أي شي أي شي انا مستحيل اتزوجه بس اشلون انا كل إللي اعرفه عنه انه ساكن بمنطقه جليب الشيوخ بس عنوانه ماعرفه (مرت في بالها فكره وابتسمت) صبـــاح يـــوم جديد" قعدت منايل الساعه 7ونص البست خذت الورقه إللي سجلت فيها "العنوان من حور بحجة انها تبي اتشوف بيتهم عشان اتأقلم على موقعه وماتنصدم وطبعا حور عطتها العنوان" واركبت سيارتها واتجهت لمنطقه الجليب بعد عنا وجهد جهيد دلت البيت وقفت قريب من البيت طبعا انصدمت من شافت بيتهم منايل : ياويلي إشهالبيت لاويبوني اعيش فيه (تنهدت) يلا هذي سيارته البرادو إللي قالت عنها حور موجوده يعني للحين ماطلع يلا خن انطره ماوراي شي * * * * * * * * * * * * * * * * * * * * * * * * * * * * **تمت واقفه تنتظر وبعد عشر دقايق شافت شاب وسيم طلع من البيت منايل : هذا الوجه مار علي بس وين مومهم (انزلت من سيارتها واتجهت صوبه) بندر استغرب من البنت إللي جايه صوبه وتم واقف* منايل بدون مقدمات : عفوا انت بندر بندر مستغرب : هالله الله انا بندر وصلتي خير منايل طالعته من فوق لي تحت : اها هذا انت بندر بنظره حاده : خير فيه شي منايل : معاك منايل ال&&&&& اظن عرفتني بندر ابتسم وتسند على سيارته وربع إيدينه : اهلا حيالله الخطيبه امري منايل نرفزتها كلمة الخطيبه : شوف انا مو جايه اخذ واعطي معاك بالكلام هي كلمتين ورد غطاها انا مو موافقه عليك ولايشرفني اتزوج واحد مو من مستواي* بندر عصب : انا كلامي مع الرجاجيل والحين اركبي سيارتج وارجعي للبيت وبعدين لي تصرف ثاني معاج منايل : هذا تهديد وإلا شنو بندر : شوفي يابنت الناس روحي دام النفس عليج طيبه منايل تخصرت : يعني خوفتني بندر مسكها من ذراعها وفتح باب سيارتها وركبها : شكلج ماتفهمين بالكلام يلا حركي وإلا انا إللي بوصلج بنفسي لبيتكم يابنت الاصل والفصل منايل انقهرت : مالت عليك سخيف (صكت باب سيارتها وحركت ) مرت الايام وتمت الملكه على خير بندر دفع مهر15ألف دينار وشبكه بعشر ألاف دينار طبعا هم المعرس مايشوف العروس إلا ليلة العرس " وبدوا يجهزون للعرس طبعا منايل كانت رافضه اتروح تختار شي وتكفلة عبير وام سعود بتجهيزها اما فستانها كان طلبيه من إيطاليا" الليلــــه غيــــر الفــــرحه في كل ناحيه من نواحــــي القصــــر " حفــــل زواج* (بنــــدر و منــــايل) عبير :خلاص ياحياتي ماصارت خربتي مكياجج منايل تبكي والكحل سال : قلتلكــــم مابيــــه عبير : خلاص مايفيد الكلام الحين المعازيم تحت وكل شي تم مسحي دموعج وتعوذي من بليس لاتخلين الناس اتكلم فينا الصالونه : خليها على راحتها مش مشكله الميك اب بيتعدل خليها بس تخلص بكي وهلا بعدلوا عبير : خلاص انا خليج بنزل استقبل الضيوف مع امي واهل بندر انجل ماوصيج عليها * ** |
اعذروني مارديت عليكم لان الاب ماشبك ونزلت البارت من فوني حتى نزلتها من دون الوان
|
السلام عليكم و رحمة الله و بركاته
صباح الخير و الرضا من الرحمن غنادير تسلم الأيادي على هالبارت الروعه ======================= (( منايل )) الحمد الله اللي طلع بندر في طريقها و انقذها بس العله أم دعيج هي اللي خربت الدنيا بهذرتها الزايدة يمكن هالشيء هو السبب اللي خلا بندر يتشجع و يخطبها بعد ما شاف تأثير اللي صار على أبو سعود .. بس منايل رد فعلها جدا طبيعيه كانت عايشه بسلام و فاجاة يصير هالشيء و تنخطب و من ناس أقل من مستواهم .. بس تصرفها الاخير ماله داعي لأنه بندر راح يمسكها عليها .. بس متحمسه اعرف رده فعلها لما تعرف أنه بندر هو اللي انقذها بيتغير تفكيرها بس لأي جهه هني السؤال .. اتوقع أول شيء بتحس بالنقص و أنه تزوجها بس عشان يسكت الناس عنها ... ===================== (( حور )) زين سوت بتقديم الاستقاله عشان تحافظ على نفسها و على سعاد من شر عناد الهم بس ابد ما أظن انه شيء يسكته و عنده الحيى الرقطه تحن وراه ... ======================= سلمتي يا غنادرير بــ انتظارج .. .. .. |
تسلم يدك على الروايه الخيال وعذريني اختى غاندير اوالى مره انتبه لي الرويه بس اطلعت الرويه شي على قوالت اخواننا الكويتين وننتظرك في البارت اجاي ان شالله وممكن سوال متى وقت نزوال البارتات
|
اقتباس:
السلام عليكم و رحمة الله و بركاته موعد نزول البارت كل جمعة بــ إذن الله .. .. .. |
مرحبا اختي غنادير عسى ماشر على الغياب المفاجئ طمنينا عليش بانتظار حروفش المبدعه متحمسه حيييييييل على حياة بندر و منايل حور حرام عليش سامحي سعود صراحه مايستاهل صحيح هو غلط بس اعتذر يسلمو ي : يعطيك العافية س : سلمت أناملك .. سلمت يمناك ..* ل : لك حبي و تقديري .. لك ودي و تحيتي .. م : منور أهلا و سهلاً* و : والله نشكرك |
بياض الصبح"
وعليكم السلام ورحمة الله وبركاته هلا وغلا حيالله النور كله دايما تخجليني بردودج المستمره الرائعه كروعه صاحبتها تشجعني ردودج وتزيد حماسي ماانحرم من هالحضور المميز"" الريم اللعوب هـــــــلا وغـــــــلا الله يسلم عمرج يالغلا الساعه المباركه اللي انتبهتي فيها لروايتي عشان تنورينا بتواجدج الجميل نورتي الصفحه" موطني الكويت < يازين النك نيم وصاحبته >:lol: الشر مايجيج يالغلا وابشروا براضيكم بغيبتي الاسبوع اللي طاف ببارتين يطيب خاطركم وجودج في متصفحي امتعني مشكوره على الكلام الذوووووق ياذوق كشتن اهلين وسهلــــــين يسعدني متابعتج لروايتي يالغلا وان شاءالله اكون عند حسن ضنكم حبايبي متابعين روايتي اسفه مانزلت الاسبوع اللي طاف لان حنا كنا مخيمين بالبر ونسيت ما اخذ اللاب توب اعذروني على التاخير وبنزل اليوم بارتين عشان خاطركم واتمنى تحوز على عجابكم اختكم "" غنادير الشقى |
--------------------------------------------------------------------------------
الجــــزء الســــابع عشــــر " الليلــــه غيــــر الفــــرحه في كل ناحيه من نواحــــي القصــــر " حفــــل زفــــاف (بنــــدر و منــــايل) عبير :خلاص ياحياتي ماصارت خربتي مكياجج منايل تبكي والكحل سال : قلتلكــــم مابيــــه عبير : خلاص مايفيد الكلام الحين المعازيم تحت وكل شي تم مسحي دموعج وتعوذي من بليس لاتخلين الناس اتكلم فينا الصالونه : خليها على راحتها مش مشكله الميك اب بيتعدل خليها بس تخلص بكي وهلا بعدلوا عبير : خلاص انا خليج بنزل استقبل الضيوف مع امي واهل بندر انجل ماوصيج عليها الصالونه انجل: تكرمي هيدي عروستنا الأمر مابتوصي عليها &&&&&&&&&&&&&&& بدو الحضور بالتواجد والكل في ابهى حله من البس و الساعات على اخر صيحات الموضه والالماسات والمجوهرات .. كل وحده من الحضور تقول الزين والاناقه عندي .. هذي لبسها من احد ارقى دور الازياء الفرنسيه والاخرى من ارقى الدور الايطاليا.. وهذي ساعتها من الماركه لفلانيه والاخرى مجوهراتها من تصميم المصمم لفلاني ... يعني بالمختصر كل وحده اتنافس الثانيه بأناقتها.. الحضور كان خليط من الاقارب والمعارف والأصدقاء كلهم مجتمعين في الصالات الكبيره الموجوده في القصر إللي كل زاويه تحكي عن فخامته إللي تفوق الرووووعه الاثاث الفاخر جدا والتحف الزجاجيه الضخمه المنتشر في ارجاء القصر والجدران المزينه بالنحوت والزخرفات الفنيه الرائعه ... والسقف المزين بالديكور المذهب وفخامة الثريات الكرستاليه إللي كانت قمه في الفخامه والذوق .. والاضاءات المنيره لكل جزء من ارجاء القصر .. والارضيه الرخام الراقيه ... -(بالمختصر القصر تحفه فنيه تفوق الوصف) الخدم كانوا منتشرين في جميع انحاء القصر وكأنهم خلية نحل مايمدي هذي تطلع بصينيه مذهبه اطرافها الا الثانيه تدخل وبيدها صينيه مرصعه بالكرستال فيها كل مالذ وطاب .... نظام القصر أول مايدخلون الضيوف من البوابه الرئيسيه يكونون الخدم في استقبالهم يأخذون عباياتهم ويوصلونهم للغرفه إللي مخصصه عشان يضبطون الضيوف اشكالهم فيها قبل لايتجهون لصالات الاحتفال "" الغرفه كبيره شوي مليانه جدرانها بالمرايات المزخرفه حوافها بالون الذهبي " وبعد ماينتهون الضيوف من تضبيط اشكالهم يتجهون لصالات الاحتفال " وإللي كان في استقبالهم الجده هيا والعنود ونوير وعبير وام سعود وخالات منايل سحبت العنود نوير وخذتها بعيد شوي عن الناس" نوير اتفلت إيدها منها : يــــووه هدي إيدي وانتي اتسحبيني خربتي كشختي العنود رافعه حواجبها باستغراب : اخس لايطيح نصج إشفيج اتدلعين بالكلام لاتخافين ترى الحمره ماراح تخترب تكلمي عادي نوير اطالع شكلها بالمرايه إللي وراها : يافديتني اهبل خليني ادلع إللي تدلعوا احسن مني وبعدين ياختي الحبيبه بذمتج هالقصر مايعطي دافع اني اتدلع العنود : لايكون حلمتي إن القصر هذا لج نوير : لالاتحاتين نوير ماتعيش على الأحلام العنود : اجل إشفيج مانتي طبيعيه اليوم حتى سلامج على الناس متغير اتصافحينهم بأطراف اصابعج نوير: والله ياحبيبتي مثلهم شوفيهم إشلون يسلمون علينا كنهم متكرمين علينا بسلامهم ليش هم مخلوقين من ذهب وحنا من طين العنود ابتسمت : أيه بعدي اختي عطي كلن فعله إللي يسلمون زين وأخلاقهم زينه انصير احسن منهم واطيب وإللي رافعين خشمهم ويمدون اطراف اصابعهم كأنا بناكلهم انصير اردا منهم نوير رفعت اكتوفها بفخر :: افا عليج لاتوصين حريص اختج ذيبــــه ماينخاف عليها العنود لابسه ثوب طويل اصفر قصته سمكه ممسوك من الصدر ببروش كرستال ومنثور على الصدر اشوارفسكي ماسك على جسمها جبنيز وشعرها فالته مستشورته طويل يوصل لي فخذها وحاطه بف خفيف ومكياجها راسمين عيونها بشكل مبرز جمالها وحاطه بلشر وحمره وردي مايل للفوشي الفاتح شوي" ونوير ثوبها احمر حرير ناعم ممسوك بشريطه دانتيل سودا عريضه من تحت الصدر فاله شعرها إللي نفس شعر العنود بالطول والكثافه وحاطه مكياج سموكي اسود وحمره حمرا وبلشر مايل اكثر لترابي" اشكالهم كانت روعه الحضور استغرب انهم بهالاناقه والجمال جمالهم واجسامهم والشعر روعه والمكياج وحتى لبسهم كان لايق عليهم" حور ماقصرت وياهم احجزت لهم صالونه تجي للبيت شغلها روعه ودلتهم على محلات راقيه لملابس السهره وطبعا بندر وداهم لهالمحلات واختاروا هالفساتين العنود الاصفر ونوير الاحمر" نوير والعنود ابتسموا لما شافوا حور وسعاد والبنات اوصلوا نوير:: يالبيــــه حور وصلت بسم الله على روحها قمــــر العنود :: أي والله قمــــر (امسكت نوير من إيدها) /يــــلا امشي خلينا انسلم عليها حور شافت العنود ونوير جايين صوبها ابتسمت وهي تشوف اشكالهم الروعه إللي سكتت كل من قال بنحضر عشان انتطمش على لبس اهل المعرس الهمج" حور بابتسامتها العذبه : هلا وغلا إشهالزين طاح سوقنا بحضور هالزين العنود سلمت عليها بحراره وحضنتها : هههه خذينا من زينج يابنت حمد " حور ضحكت وسلمت على نوير : هههه ماينقدر عليج يالعنود " وبعدين سلموا العنود ونوير على سعاد وبناتها ومنار اخت حور بعد السلام والسؤال عن الحال وبعض السوالف الجانبيه جات عبير واستأذنت منهم تأخذ منال وحور" منال لابسه فستان سلفر كت ومن الظهر اكسات وفتحه لي نص الفخذ ولابسه كعب عالي بخيوط رابطتها على الساق اما مكياجها دخاني سلفر بأسود وبلشر وحمره فوشي غامج وشعرها مسويته كيرلي عريض اما حور لابسه فستان سلفر كت ممسوك على الجسم لي حد فوق الركبه بشوي بعدين اتسع من تحت بقصه سمكه ومن عند الركبه ربطه بافينكا حمرا ومن تحت الصدر حزام عريض احمر مسكته كرستال سلفر اما مكياجها كان نفس مكياج نفس طريقه منال دخاني سلفر بأسود والحمره حمرا والبلشر ترابي بأحمر خفيف وراسمه حواجبها بشكل عريض وناحته خشمها بشكل روعه وحاطه خزامه سلفر اما شعرها طال زياده وصل لي فوق الفخذ بشوي مسويته كيرلي عريض وحاطه ربطه حمرا بافينكا "شكلها طالع روعــــــــه (منال وحور كان قاصدين يطقمون بألوان ملابسهم وطريقه الشدو الدخاني وتسريحه الشعر الكيرلي العريض) منال : عبير شلون نفسيتها عساها تمام عبير تنهدت : الله يهديها بس كل ماضبط الميك اب خربته بالدموع حور : مو مشكله الميك أب اهم شي كلت شي عبير : ماطب بطنها شي غير الماي حور : لاتحاتين انا ومنال انعرف شغلنا وياها عبير : عساها بس تسمع لكم منال ببتسامه : اعتمدي بس عبير ردت لها الابتسامه : ماشي دخلوا البنات وابتسامه عريضه على شفايفهم " عبير بعد مادخلتهم استاذنت وطلعت عشان يأخذون راحتهم " منال وحور أول ماشافوا منايل بالفستان الابيض طاروا من الفرحه وبدوا يغنون ويصفقون" ومباركن عرس الاثنين ليله ربيع عين وقمرا " ويامعيريس عين الله تراك والقمر والنجوم تمشي وراك" وعليك سعيد وعليك مبارك" منال ترقص بستهبال عشان تضحك منايل وقامت تنفح بشعرها عالخفيف عشان ماتخرب تسريحتها ابتسمت منايل وبينت الفرحه على وجهها أول ماشافت اغلى صديقتين داخلين عليها راحولها وسلموا عليها بحراره وخذوها بالاحضان منال لمحت لمعه دمعه بعيون منايل ابتسمت وقالت بتهديد: ياويلــــج إن بجيتي ترى بطقــج منايل ابتسمت بحب حور قعدت جمب منايل ماسكه إيدها بحنان :: حياتــي ألــف ألــف مبــروك بعد عمري طالعه قمر منايل ابتسمت : الله يبارك فيج عساني ماخلا منكم منال باسلوبها الفكاهي : بنت اللذينا إشهالزين ناويه على الريال وا عليا عليه شكله بيغمى عليه من الوناسه مومصدق منايل ضاق خلقها : وإللي يرحم والديج لاتذكريني فيه حور حست بضيقة منايل فغيرت السالفه : ما شفتي منالوه العوبا إشلابسه زين ماتفصخت من اليوم وانا طق مطاقق وياها على هالبس منايل ابتسمت : عاد ماتعرفين ميمي هذا لبسها منال : حووروه بعد لج عين اتكلمين بروحج ماخليتيني اخذ راحتي واخليه شفاف من عند البطن حور : والله ماقصرتي العروس استر منج زين مالبستي مايوه منال بلعانه : تصدقين فكره يلا مايخالف بلبسه بعرسج منايل : هههههههه بس عاد وتعالوا صوروا ويا حور : موالحين بعد شوي انادي المصوره تصورنا منال قعدت عالطاوله إللي مقابل العروس : اووف سكتي بس حمواتج يهبلون وشعورهم ماشاء الله تقولين باروكه كثافه وطول روووعه حور : بسم الله اذكري الله لاتصكينهم عين منال : الف من ذكره ولاتخافين عيني موحاره المهم منوله ضبطي العلاقه وياهم واخذي منهم الوصفات إللي يستخدمونها لشعرهم ولاتنسيني منها خلاص نويت اطول شعري حور : صــــج انج مصلحجيه ومسويه روحج ذربه بعد شوي بتسألينهم اعرفج ماتستحين منايل : ههههه مشكلتها انها مكشوفه خابزينها وعاجنينها تموا البنات يسولفون ويضحكون وقدروا يطلعون منايل من المود إللي هي فيه وغصبوها تاكل كم لقمه من الفطاير وشربوها عصير بعد الموت يالله رضت تاكل" خذوا كم صوره وياها وبعدين خلوها بعد مادخلت عذاري ورغد إللي ماحبوا يحتكون فيهم " منايل كانت أيه من الجمال مكياجها خليجي مدرجات الوردي مبرز جمال عيونها متفنتكه الصالونه فيه بالاخص إن عيونها وساع ورسمة حواجبها حلوه وفيه مسافه متناسقه بين العين والحاجب خلت الصالونه تقدر اتحكم بالمكياج "والتسريحه لايقه على وجهها "والمسكه كرستال داخل فيها ورد وردي طبيعي وطايحه منه سلاسل فيها ورود كرستال صغار ولولو ابيض" امافستانها ابيض ماسي من الحرير مع دانتيل مشغول بحركات حلوه قصه الصدر روعه مرصع بالكرستال الفاخر معطيه الفستان بريق رائع مميز والظهر مكشوف وممسوك بخيطين ضعيفه ومن الوسط افيونكا صغيره ستايل الفستان راقي بقصه سمكه ماسك على الجسم الى حد نص الفخذ ومن تحت منفوش بحركات وذيل طويل منثور عليه قطع دانتيل عليها كرستالات كبار وطرحه طويله معطيها شكل الحوريه" كانت قمــــه الروعــــه بدوا الفنانات يغنون والحضور بعضهم يصفق وبعضهم يرقص وإللي واقف يتفرج وإللي يسولفون حور كانت واقفه ويا العنود وبيدهم عصير " شافتهم رغد وعذاري وراحوا صوبهم رغد وقفت اقبالهم وتمت اطالعهم من فوق لي تحت بطريقه استهزاء حور : خير فيه شي عذاري طالعتها باستحقار : شربوا شربوا من هالعصير ادري فيكم ماتشربونه إلا بالسنه حسنه موشايفين خير العنود عصبت : خير انتي ياانسه ياعانسه ياتايهه ومستانسه إشتبين جايه اتحرشين فينا شوفي احسن لج تقضبين ارضج واطسين ترى ماني بقليلة شر عذاري بذهول : انـــا عذاري ينقالي هالكلام حور تخصرت : والله من طق الباب سمع الجواب رغد : واااي انتي من كلمج يالسوقيه يابنات الفقر حور : محد سوقي غيرج وبنات الفقر يسونج عالاقل ماصعنى في لندن وحطيني روس اهلنا بالتراب رغد انصدمت : انتي اتقولين هالكلام لي انا يابنت الكلـــ حور قاطعتها : ابلعي السانج يالصايعه يالوسخه ياللي حاطينج الشباب مداس لهم اتمشين بالاسواق وتأخذين رقم هذا وتواعدين الثاني ترى ريحتج فاحت بكل مكان رغد انصدمت وتمت اطالعها بنظرت حقد وماعرفت شتقول عذاري : انتي إشلون اتجرين تقولين لرغد هالكلام (رفعت إيدها على حور ) العنود مسكت إيد عذاري ولوتها : إذا حابه اكسرها ارفعيها مره ثانيه عذاري بخوف : أي هديني عورتي إيدي ياهمجيه العنود لفت إيدها بزياده : الهمجيه على قولتج بتربيج من جديد حور : العنود هدي إيدها خليها تولي مانبي نخرب العرس عشان ناس حوثالا العنود هدت إيدها : هالمره تحذير المره الثانيه كسر رغد وعذاري ماصدقوا هدت العنود إيد عذاري انحاشوا من الخوف " انقلب السحر على الساحر كانوا جايين عشان يتمصخرون على حور ويستهزون فيها وانقلبت السالفه عليهم" وبالاخص رغد وعذاري من الناس إللي بس كلام بدون فعل العنود : وجع يوجعهم مافي وجيهم حيا ماعاد استحوا هم إشفيهم مهبل حور : خليهم يولون هذولا مثلهم مثل السفيه العنود : ياختي وش فيهم نظراتهم لج حقد وشر حور : ماهموني على قولت القايل القافله تسير والكلاب تنبح العنود : حور وانا اختج إخذي حذرج منهم ذولا وراهم بلى الشر طالع من عيونهم حور : متوكله على الله وربي بيكفيني شرهم محد انتبه للهوشه إللي صارت بين البنات الكل كان لاهي بالرقص والاغاني الســـاعه الثاني عشر " موعد زفة العروسه " طفوا الإضاءه ومابقى إلا إضاءه مركزه اتجاه نزول العروسه من السلم الطويل المزين بالورود الطبيعيه بالون الابيض والاحمر ومنثوره على اطراف الزوليه الحمرا " شغلوا الاغنيه الخاصه بزفة العروس بصوت راشد الماجد " منايل بدت تنزل من الدرج وامها ماسكتها وعبير تمشي وراها تعدل ذيل فستانها وسط الهلاهيل والولاش" كانت في قمة التوتر والخوف وبين عليها التوتر من رجفت مسكة الورد بيدها " في هالحظه تحس نفسها بيغمى عليها من الخوف حتى انها صارت ماتسمع إلا رجفات قلبها والعبره خانقتها وتحاول تبلعها وتقوي نفسها بس مافيه فايده اتحس ان الدمعه قريبه في أي لحظه ممكن تنزل " وصلت لي نهايه الدرج ولمحت حور ومنال جايين صوبها يشيلون ذيل فستانها كملت العروس مسيرتها باتجاه الكوشه وسط إضاءت اليزر والدخان" واخيـــرا بعد المجهود كبير إللي بذلته وصلت للكوشه الضخمه الفخمه بكلم ماتعنيه الكلمه بتصميم راقـــي جـــدا" بدت المصوره بتصوير وكل اهلها وجماعتها صوروا وياها وطول التصوير منزله راسها وكل ساعه والمصوره ترفع راسها " منال قعدت يسار منايل وبدت اتكلم المصوره : شوفي هذي الصوره اسبشل متعود عليها انا بسوي مجهودي وانتي بس تشوفينها ضبطت اكبسي المصوره تضحك : حاضر ياستي جات حور وبإيدها ورده جوري وقعدت يمين منايل همست بإذنها : ابتسمي لاتفشلينا منال بصوت واطي : اضحكي لا اعظ خشمج ابتسمت منايل ابتسامه خفيفه وهي منزله راسها منال بصوت واطي: انتي ماينفع وياج إلا العين الحمرا حور شوفي شغلج حور مدت لها الورده :تفضلي مسكت منايل الورده منال ارفعت راسها وحطت إيدها على إيد منايل إللي ماسكه الورده فيها ونفس الشي حطت حور إيدها على إيدهم "يعني صارت الورده ممسوكه بيدينهم ثلاثتهم " حطت منال شفايفها على خد منايل الايسر وحور على خدها الايمن وباسوها بصوت حركتهم خلت منايل تضحك واتبين اسنانها " والمصوره ماصدقت خبر على طول كبست كانت حركتهم حلوه وطلعت الصوره روعه " تمت المصوره تصور والساعه 12ونص عطت ام سعود الفنانه خبر تقول للحريم يتغطون المعرس بيدخل " قاموا حور ومنال من عند منايل سلموا عليها" حور : سمي بالرحمن حبيبتي وقوي نفسج منال تبي اتضحكها: شوفي حركات فلم هندي دموع وخرابيط مانبي منايل الخوف سيطر عليها وبدت انفاسها تزيد وصدره يرتفع وينزل بشكل سريع وإيدينها ترجف وشفايفها تهمس بصوت واطي: مابيه مابيه حور همست بإذنها : بسم الله الذي لايضر مع اسمه شي في الارض ولافي السماء وهو السميع العليم" استودعتك الله الذي لاتضيع ودائعه (باست راس منايل وراحت) ونفس الشي سوت منال باست راس منايل وراحت تلبس عبايتها واتغطى البست منال وحور عباياتهم وحطوا لثمه وقعدوا عند الطاوله إللي فيها الخاله سعاد ومنار ونرجس إللي لابسوا عباياتهم ولفوا لفاتهم" دخل المعرس وابوسعود ونايف وسعود والعيال الصغار من طقت 13سنه ونازل " على اغنية "شيخ الرجاجيل" غنوها الفنانات اللي احيوا الحفل " دخل بندر بهيبته الملكيه وطوله الفارع ولون بشرته الحنطيه المايله لسمار الخليجي بملامحه الرجوليه كان لابس بشت اسود وغتره بيضا ودشداشه بيضا " ابتسم بحب لما شاف جدته قدامه تهلل واتلوولش والفرحه مو سايعتها تقدم لها وحب راسها وإيدها بحنان : : جعله مباركن وسعيد بندر ابتسم : يبارك فيكم يالغاليه ويطولي بعمرج كمل مسيرته للكوشه وهو يبتسم على تعليقات نايف وسعود وشتت نظراته بين فهد وخالد الصغار اللي كانوا يرقصون وبين جدته من دخل وهي تصفق وتلولش" يحاول قد مايقدر ان عينه ماطيح على عروسته اللى حس انه تسرع بزواجه منها من جهه ثانيه" وبالتحديد عند العروس منايل كانت حالتها حاله تقولون حاطينها عالهزاز ترجف من الخوف تحس بيغمى عليها حتى المسكه ماباقي شي واطيح من إيدها امها وعبير جمبها ويهدونها ويقرون عليها بس مافيه فايده حتى ان ابوها لاحظها وسبق المعرس وجا عندها يحاول يهديها ويحسسها بالامان واخيـــرا وصل المعرس اللي انصفق وجهه يوم شاف رجفة منايل المبالغ فيها بس سوى نفسه طبيعي ومابين شي" قبل لايقعد جمبها قال : مسا الخير منايل بس سمعت صوته وحست انه قريب منها : نزلت راسها اكثر وشوي وتحب الارض ام سعود : مسا النور ياهلا (سلمت عليه) بندر ابتسم وسلم عليها وحب راسها ام سعود : جعله مباركن وسعيد ياوليدي منك المال ومنها العيال بندر : الله يبارك فيج ياعمه منايل اول ماسمعت منك المال ومنها العيال حست بمغص شديد ببطنها عبير : مبروك بندر الله يوفقكم إن شاء بندر مايعرف عبير رد برسميه : الله يبارك فيكم عبير : هالله الله ماوصيك باختي منايل تراها غاليه بندر عرف انها اخت منايل ابتسم : منايل بعيوني منايل بس سمعت اسمها بلسانه ودها بهالحظه تسوي مثل مسلسل على الدنيا السلام (محظوظه ومبروكه) لما انحاشت مبروكه بليلة عرسها ودها تنحاش من الدنيا كلها جا سعود وسلم على اخته وبارك لها وصور وياهم ونزل من الكوشه بدت اتغني الفنانه اغنيه عليك مبارك صيد البنيه " رقص نايف وسحب سعود اللي كان نازل من الكوشه يرقص وياه ورقصوا الصبيان الصغار " سعود يرقص بعقاله وهو فاطس من الضحك مايبي يرقص بس نايف احرجه" نرجس تهمس لمنار: العن ابوشكله هذا منو اللي يرقص بالمسباح منار : هذا نايف اخو منايل بالرضاع نرجس: يهبل صح منار بدون اهتمام : عادي نرجس : انطمي بس انتي كل شي عادي عندج منال قرصت إيد حور : وين وصلتي حور : ماوصلت مكان منال : اي صح صدقتج ترى صار لج ساعه مركزه انظرج على شخص واحد اقول اسمه وإلا مايحتاج حور تسوي نفسها مومهتمه : ياحلاتج ساكته سعود سحب امه ترقص وياه ونايف بعد سحب امه " رغد : واااي ياحلاته يهبل مااقدر اقاومه بروح اسلم عليه عذاري : لا لتروحين الحين بعد شوي لما يقعد عالكرسي روحيله خليه يشوف هالجمال كله رغد : اوف من هالعبايه بفصخها انا مادري شلون طعتج ولبستها عذاري : لالا سعود بيعصب وبيفشلج اذا جيتيه بدون عبايه ولاشيله يلا استحملي شوي رغد طقت رجلها بالارض: اووف يلا بصبر واشوف تاليت هالصبر (طبعا رغد مايهمها اصلا العبايه والشيله وعادي عندها تطلع بلبس عاري بس خايفه من عمها بوسعود اللي مايتفاهم) من جهه ثانيه " العنود ونوير صارلهم ساعه يتعازمون يبون يروحون يسلمون على اخوهم ويباركون له بس مستحين من سعود ونايف العنود : خلاص شنسويلهم الحمدالله مستترين براقعنا وعباياتنا علينا وش علينا منهم عالاقل احسن من بناتهم اللي بعضهم ماغطوا حتى شعره نوير متردده : انا خايفه لاارتبك ومن السحى اطيح العنود : امشي عادي بنسلم عليه وماعلينا من احد شوفيه صارله ساعه يسأل امي عنا نوير : اي لبى روحه امشي مشوا العنود ونوير والحيا واضح عليهم شوي ويغمى عليهم من كثر ماهم مرتبكين" بندر كانت جدته قاعده بينه وبين العروس والمصوره تصورهم " وفي نفس الحظه نايف صعد الكوشه يسلم على منايل ويسولف عليها وكان يهمس بذنها يحاول يهديها" العنود ونوير يوم شافوا نايف ارتبكوا ووقفوا بنص الطريق مادروا يرجعون وإلا يكملون" بندر انتبه لخواته وابتسم ووقف يأشر لهم ويضحك :تعالوا ماعليكم الجده هيا : تعالوا ماعليكم هذا نايف اخوها نايف انتبه ورفع عينه شاف ثنتين مبرقعات وحده منخشه ورا الثانيه ومترددين يجون او لا وعرف انهم اهل بندر يبون يسلمون عليه" ابتسم ووقف وقال لبندر : اخذوا راحتكم (نزل من الكوشه وجات عينه بعين العنود ) نوير كانت خاشه عمرها ورا العنود وتقرصها وتسبها ماخلت كلمه ماقالتها من كثر ماهي مستحيه" العنود طاح قلبها ببطنها اول ماجات عينها بدون قصد بعين نايف بس مسكت اعصابها وسوت نفسها طبيعيه " كملوا دربهم ووصلوا للكوشه" بندر واقف مبتسم لهم: يامرحبا ومسهلا مابغيتوا العنود ونوير سلموا عليه : المرحب باقي فديت روحك العنود : جعله مباركن وسعيد جعلكم اتهنون ياربي بندر مبتسم ابتسامه عريضه: الله يبارك فيكم نوير: مبروك فديت روحك مابغينا نشوفك بالبشت بندر يضحك: هههه الله يبارك بعمركم عقبالكم نوير بدون تردد بصوت واطي:امين الجده بصوت واطي : وجع إن شاءالله نوير تفشلت : يووه نسيت احسب اني فالبيت العنود وبندر ضحكوا على شكلها هالبنت ميته على العرس : هههههههههههههههههههههههههههههههههههههههههههههههههه ههههههههههههههه منايل تسمع سوالفهم وابتسمت ابتسامه خفيفه العنود ونوير سلمو على منايل وباركوا لها وصوروا وياهم ونزلوا من الكوشه " نايف كان قاعد عالكرسي يعني يسولف ويا عبير وعينه طايحه خز في اهل بندر وبالذات العنود " عبير جاكته : اقول لاتطيح عينك بس نايف ابتسم : لبى البراقع واهلها عبير : أي وحده فيه نايف قام : ياحبكم يالحريم لسوالف عبير : وانت ياحبك للخزخزه ببنات خلق الله نايف ضحك وراح لسعود اللي كانت عيونه اتلاقط يدور على حور " نايف : سعود ماصارت متى يقصون الكيكه عشان نطلع سعود بدون اهتمام : شوي شوي نايف : انت وشفيك ادور على احد سعود : مافيني شي بس رموس بنت عبير كانت قاعده عندي ومدري وين راحت نايف شاف امه تأشر له وراح لها" سعود ابتسم ابتسامه عريض يوم شاف ريماس قاعده عند حور " طبعا سعود سأل ريماس اللي عمرها 6سنين عن الطاوله اللي قاعده عليها حور وقالها تروح تقعد عندها وريماس على طول راحت تقعد عندها " منال استغربت ليش ريماس طاقه درب وقاعده عند حور وعاد منال كل شي تحط فيه إنا منال بصوت واطي : اشعندها الزقت عندج حور : عادي اشفيها كل شي تحطين فيه إنا ورموس بعدين تعرفني منال عطت حور طاف : اقول رموس انتي ليش قعدتي اهني ريماس ببراءه : خالي سعود قال روحي اقعدي عند حور حور فتحت عيونها زياده وخزت منال منال ضحكت : هههههه قلتلج فيه إنا حور رفعت عينها وجات عينها بعين سعود اللي كان يطالعها وابتسم يوم طالعته حور جات رغد بمياعتها السامجه المالغه وخربت جوه " وقفت قدامه ومدت إيدها : هاي سعود بدون نفس :هلا رغد للحين ماده إيدها : انزين سلمت سعود بدون نفس مد إيده : رغد بدلع متصنع : شخبارك شدعوه ماتسأل ولاترد على مكالمات سعود ماسك اعصابه منغث من رغد وحركاتها : مشغول رغد : مبروك زواج منايل سعود بدون نفس : الله يبارك فيج رغد بدلع ووقاحه : عقبالنا انا وانت سعود تنرفز من وقاحتها : رغد روحي دام النفس عليج طيبه لاتخليني افشلج قدام الناس رغد عصبت : اوف انت ماتقدر حبي لك سعود بعصبيه : اتروحين وإلا شلون رغد خافت تعرف نظرت سعود هذي وعلى طول راحت منال وحور كانوا يراقبون الموقف بس مايعرفون الكلام اللي دار بينهم لاحظوا نرفزت سعود الواضحه ونظرته الحاده لرغد اللي خافت وانحاشت " منال : حور اشفيهم سعود شكله عصب حور طالع وصدت : شايفتني قاعده وياهم منال تستهبل: اقول مو جنا بدت نار الغيره عندج حور : سخـــيفه وتافـــهه وماعندج هدف فالحياه منال : اروح اموت حور بدون نفس : يكون احسن انطفت الانوار ماعدا الاضاءه اللي موجهه على التورته المكونه من سبع طوابق كانوا اربع من الخدم يدزون الطاوله المذهبه المرصعه بالكرستال اللي كانت لمعته واضحه عن بعد وصلت الطاوله اللي عليها التورته للمكان المطلوب " اضاءت الانوار صعدت ام سعود للكوشه وقالت لبندر ومنايل يقومون يقصون الكيكه " منايل حست بتوتر لا الحين بيمسك إيدي لامابي ام سعود شافت منايل طولت ماقامت قالت لها بصوت واطي : خلصي قومي قصوا الكيكه منايل بصوت واطي: مابي ام سعود عطتها نظره : خلي الدلع وخلصينا لاتفضحينا استسلمت منايل ووقفت مسك إيدها بندر ونزلوا " وصلوا لطاوله خذا بندر السيف المزين مسك إيد منايل وحط إيده على ايدها اللي ماسكه السيف " طاحت عليهم ورود جوري ولافندر من فوق بشكل روعه" كانت إيد منايل ترجف والسيف صار يهتز شوي حتى بندر حس بالربكه بسبت رجفتها ضغط على إيدها بزياده عشان يثبت السيف " قصوا التورته وخذوا كم صوره جماعيه " وبعد ماخلصوا غنت الفنانه اغنيه لطلعه العروسين " سلم بوسعود ونايف وسعود على العروسين وباركولهم مره ثانيه وطلعوا" بندر باس راس جدته وسلم على خواته ومسك إيد عروسته ومشى عشان يطلعون ويركبون السياره الخاصه للعروسين عبير وام سعود كانوا يمشون معاهم يشيلون فستان العروس ويساعدونها" منايل تحس خلاص بتنفجر أول ماطلعوا من صالات الاحتفال وحست انها صارت بعيد من الناس سحبت إيدها من بندر : اوف خلاص هدني تراك زهقتني ترى ماراح اضيع بندر انصدم ومسك اعصابه وخاصه ان عبير وام سعود موجودين : انا بالسياره لاخلصت تلحقني (مشى لسياره) ام سعود عصبت : يالخايسه نعنبوا بليسج ماتستحين فيه عروس اتسوي هالسوات الشينه منايل : قلتلكم مابيـــه مابيـــه بس انتوا ماتفهمون عبير بحده : بس عاد والدلع الزايد خلصينا امشي انغطيج واركبي السياره منايل بدت تبكي : مابي اروح وياه مابيه ام سعود عصبت زياده : والله ان مامشيتي وخليتي اليله تعدي على خير لدق على ابوج يجي يتصرف وياج منايل تبكي : خلاص بمشي إن شاءالله اموت عشان ارتاح غطتها عبير ومشوا لسياره اللي كانت واقفه بالحوش فتحت عبير الباب الامامي عشان تركب منايل منايل تبكي: والله ماركب قدام مابي زين جات عبير بتكلم قاطعها بندر بحده : ركبوها ورا ماهوبلازم قدام انحرجت ام سعود وعبير من حركات منايل وحسوا ان بندر تنرفز ركبت منايل ورا ام سعود : هالله الله يمه ماوصيكم ببعض بندر : لاتوصين ياخاله سلمت ام سعود وعبير على منايل ام سعود : يلا يمه ديري بالج على نفسج واغراضج بتلقينها قدامج بالفندق اللي حاجز فيه بندر منايل تبكي ومقهوره : وهذا يعرف فندق والا شي حسره على حظي بندر سوى نفسه ماسمع : يلا فمان الله ياخاله ام سعود وعبير : فمان الله بحفظ الرحمن حركت السياره وكان الجو فيها متوتـــر لابعد حد منايل كانت تبكي بندر مقهور من كلامها: مابي اسمع صوت ازعجتينا منايل : كيفي مالك شغل فيني بندر يبي ينرفزها : هههه هذاك اول مالي شغل لكن الحين الحال تغير وإلا نسيتي اني زوجج يامدام منايل تبكي ومعصبه : انا مابيك اتكلمني ممكن بندر : وانا مابي ازعاج حتى نفسج يكون احسن لو تكتمينه فاهمه منايل صدت صوب الدريشه وبداخلها تقول :: الله يكتم انفاسك وتموت وافتك منك وصلوا الفندق" نزل بندر وراح يفتح الباب لمنايل كان ناوي يخليها تقوم بعمرها والا كيفها بس كسرت خاطره وبالاخص ان فستانها طويل وثقيل وبتوهق فيه " بندر فتح باب السياره : تفضلي خلصيني انزلي يامدام منايل قهرها اسلوبه : مابي انزل انا مو خدامه عندك اتأمر علي فاهم بندر رفع حاجبه تنرفز : بتنزلين وتخلين هاليله تعدي على خير والا شلون منايل : بنزل بس بمزاجي انا مو اتأمر بندر جاته الضحكه من كلامها بس مسك عمره : حاضر يامدام تفضلي منايل تنهدت بكبرياء وهزت كتفها ونزلت مد بندر يده لها عشان تنزل من السياره منايل ماكانت تبي تمسك إيده بس خافت اطيح بسبت الفستان ويضحك عليها نزلت وهد إيدها وصك بندر باب السياره : يلا (مشى وكانت تمشي وراه ) منايل اتحلطم من داخلها وتسبه : كش عليك من زينك وإلا من حلاتك بعد شايف نفسك يعني مافيه ذرت حساس يساعدني بهالذيل اللي اشكبره يعني مادري شلون راحت عن بالي وماخذيت وحده من الخدم تشيل الذيل بروحي يالله اشوف الدرب بندر كان يمشي ويلمحها ويبتسم على شكلها وهي حايسه بالفستان وتمشي خطوه وتوقف بس قايل خلها لين تقول ساعدني بندر يبي يقهرها زياده سوى نفسه معصب : انتي تمشين على بيض خلصينا منايل واصله حدها: والله تعال البس الفستان عشان تعرف ليش امشي على بيض وبعدين كيفي امشي على بيض والا بسرعه موشغلك بندر نرفزه كلامها رجع عندها ومسك إيدها : إلا شغلي ونص وان طولتي السانج قصيته فاهمه منايل : أأأي هد إيدي عورتني وانت اتسحب فيها بندر : عشان اتثمنين الكلام مره ثانيه وصلوا الاسنصير ودخلوه وبندر للحين ماسك إيدها منايل ماسكه دمعتها غصب : اووف خلاص عاد هدني عورتني شنو ماعندك احساس بندر : لاماعندي احساس إشبتسوين منايل كانت بترد عليه بس انفتح الاسنصير طلعوا ووصلوا باب الجناح فتح الباب وهد إيدها ودخل بندر : يلا ادخلي وصكي الباب وراج منايل انقهرت دخلت وعناد فيه ماصكت الباب بندر :انتي صمخى وإلا اتصيمخين ليش ماصكيتي الباب منايل ببرود اتمد الكلام : جعل الصمخ يجي إللي يكرهوني مشت وقعدت عالكرسي بندر راح لها ومسكها من كتفها : لاتستهبلين على راسي الدلع والمياعه اللي متعوده عليها في بيت أهلج انسيها (هدها وراح يصك الباب) منايل تسوي نفسها قويه وهي حدها خايفه هزت كتوفها بلا مبالاه : سوفــااااج بندر سوى نفسه ماسمع قعد على طاوله الاكل يتعشا : ماتبين تاكلين منايل بنظرت اشمئزاز : لا بندر : يكون احسن وفرتي منايل بصوت خفيف : كملت بعد طلع بخيل بندر يحاول يخفي ضحكته : نعم وش قلتي منايل : ماقلت شي خلص بندر اكل وراح يغسل إيده ومنايل راحت للغرفه تبدل ملابسها " كانت قاعده تشيل الطرحه وتفك تسريحه شعرها " دخل بندر وبيده بشته علق البشت على الشماعه فصخ الغتره الدشداشته الجوتي" انسدح على السرير" منايل توهقت وكانت متردده اتكلم او لا / اووه هذا شكله مطول خذت نفس عميق : لوسمحت اطلع ببدل بندر رفع راسه : تكلميني منايل غاثها : اي اكلمك ليش فيه احد غيرك موجود بندر رجع راسه عالمخده : روحي بدلي بأي مكان انا تعبان وبنام مابي ازعاج منايل فتحت عيونها : شنــو بتنام اهني ليش إن شاء وانا وين انام بندر ببرود : والشيخه وين تبيني انام إن شاءالله منايل : روح نام بالصاله وانا بنام اهني بندر تلحف بالفراش : شوفي البربره الزايده ماحبها والكلام التافه مايعجبني تبين تنامين اهنيا وإلا فالصاله وإلاحتى بالحمام بالعنه مايهمني واطلعي وصكي اليت ابرقد منايل عصبت: ترى حدك شايف نفسك هذا اللي ناقص انام اهني ماعوزك بندر : ابرك اطلعي وطفي اليت منايل انقهرت منه طلعت وماطفت اليت راحت لصاله حدها منقهره بروح الفستان مضايقها اووف تافه وسخيف ومليغ بعد ماعنده ذوق ولايعرف لذوق الحين شلون انام اوووه اشهالحظ الردي اللي طيحني فيه بندر ماهتم لها غط في نوم عميق " مرت ساعه وهي قاعده بالصاله اتعبت والبرد ذبحها راحت للغرفه فتحت الكبت طلعت لها بجامه طويله وخذت المخده وكانت بتسحب الحاف من بندر عشان تقعده من نومه وتقهره بس بالاخير خافت لايعصب ويحط الحره فيها خذت لها لحاف ثاني وطلعت من الغرفه تذكرت ان اليت شغال ابتسمت احسن ماراح اصكه حسباله بيكسر خاطري بالطقاق راحت بدلت ملابسها ونامت عالغنفه بالصاله " قعد على اذان الفجر " توضى وراح للمسجد القريب من الفندق صلى الفجر ورجع للفندق دخل لقاها للحين نايمه بالصاله< وقف متردد يقعدها أو لا بندر متعمد مايناديها باسمها : هاي انتي منايل فتحت عيونها وشافته حطت إيدينها على وجهها : خير اشتبي بندر : قومي صلي الفجر اذن منايل تفرك عينها وتشوف ساعتها : اووه صار له وقت اعوذ بالله منك يابليس وخرت الحاف وراحت اتوضى وتصلي وبندر رجع للغرفه يكمل نومته الساعه 12ونص الظهر" قعد وشاف الساعه ":اووه وش هالنوم تاخرت على الصلاه قام بسرعه توضى وصلى بعد ماخلص صلاته طلع ولقى منايل قاعده تشوف التلفزيون بندر بعصبيه : انتي ماتعرفين تقعدين الواحد لصلاه منايل ماردت عليه بندر عصب زياده : صمخى ماتسمع منايل تبي تقهره : اتكلمني بندر بحده : لا اكلم الطوفه منايل ببرود : اشوى عبالي تكلمني بندر عصب من برودها ومسكها من كتفها بقوه : تستهبلين حظرتج منايل تخرعت من عصبيته وعيونه اللي حست انه بيطلع منها شرار من العصبيه : شنو انت اشفيك هدني بندر ضغط اكثر عليها : اذا كلمتج لاعاد اشوف الاستهبال فاهمه منايل كتفها عورها بس تسوي نفسها قويه صدت عنه ولاعبرته بندر ضغط بقوه اكثر وقرب وجهه من وجهها : فاهمــه منايل دمعتها قريب بس تسوي نفسها قويه : مااستهبلت انت سألت وانا جاوبت انت اللي قلت انك تكلم الطوفه يعني شسويلك بندر هد إيدها تنهد خذا سماعة التلفون : شتحبين تاكلين منايل مالها خلق له بس حدها جوعانه : باستا وبيبسي بندر ابتسم : وش تطلع الباستا هذي منايل بدون نفس : اكله بعد شنو بندر : ادري اكله بس شنو محتوياتها منايل : ماعرف اشرح بندر : بتشرحين رياضيات مثلا عالعموم شكرا خلي مانبي شرحج منايل بصوت واطي : احسن طلب بندر باستا وبيبسي لمنايل وسلطه فتوش برياني لحم وعصير برتقال له" "" قعدت منال من النوم وبعد ماصلت الظهر تمددت عالسرير وانسدحت على حور اللي كانت تلعب بتلفونها منال فيها نوم : اتهقين منايل اشسوت احسها حايسه حور : مادري مانقول اللي الله يسعدهم ويهنيهم دخلوا عليهم نرجس ومنار وعلى طول نطوا عالسرير منال : هاي انتي وياها مافيه شي اسمه استأذان على طول درعمتوا نرجس بدون اهتمام : واااااو شفتوا العرس امس ولابالاحلام خيــال خيــال بكل ماتعنيه الكلمه منار : اي والله صدقتي روعه موبس روعه ماينوصف ماتدرين شاطالعين القصر وإلا الاثاث وإلا الملابس وإلا الألماسات واااي بغى يغمى علي منال : انا ماذبحني إلا التورته شفتوها سبع طوابق لا والطاوله إللي حاطينها عليها لمعتها اكسرت عيني تبرق برق حور : اذكروا الله قولوا ماشاء الله والله يهنيهم منال : يعني بنحسدهم تطمني عيونا بارده حور : حتى ولو ذكرالله زين عودوا السنتكم على كلمه ماشاءالله النفس لها فزه يمكن تحسدونهم بدون قصد نرجس : أي والله صح كلامج ماشاء الله إلا صج حور شفتي بعض بناتهم صج مايستحون ماتستروا منار شهقت : امبيييه شفتوا هذي اللي لابسه زيبرا كت ولي عند الفخذ الله لايبلانا منال بحماس : أي شفتيها عمى بعينها الوصخه والله الرياييل استحوا صاروا يغضون البصر وهذولا الحريم مااستحوا حور : ياويلهم من عذاب الله غارتهم الدنيا يظنون انهم ماوراهم حساب مانقول إلا الله يسترنا حيين وميتين منال : أي والله منار : هههههههه شفتوا جدة بندر فطست عليها من الضحك يوم جات الزفه فيه وحده كانت واقفه قريب منها لابسه شفاف وبس اللي مغطى الصدر ومن تحت وبطنها وظهرها ورجولها من الفخذ لي القدم شفاف ومخرم بعد نرجس : هههههههه لاتقولين راحت لها منار تكمل وهي تضحك : هههههههه لا قالت لها ترى الرياجيل بيدخلون قالت البنت ادري قالت الجده هيا يافضحي بتطلعين وانتي متفصخه صدت البنت عنها وقالت سوفاج قالت الجده هيا ماعليه البسي السفاج اللي تقولينه اهم شي اتسترين البنات فطسوا : هههههههههههههههههههههههههههههههههههههههههههههههههه هههههههههههههههههههههههههههههه حور تمسح دموع الضحك : هههههههههههههههههههه ياحلوها حسبالها سوفاج شي ينلبس قطع سوالفهم تلفون حور اول ماشافت حور اسم المتصل فوزيه بنت عمها اسحبت عمرها وطلعت برى الغرفه دايم اذا اتصلت فوزيه اتحس ان فيه كارثه بيسويها عمها عناد الفندق" الساعه 6 المغرب" بندر طلع من بعد الغدا ومارجع للحين استغلت منايل الفرصه ودقت على امها وعبير اختها سلمت عليهم وسوت نفسها طبيعيه وإن كل شي تمام ومابينت لهم أي شي" منايل معصبه ادق على حور ويطلع مغلق ومنال وماترد تبي اتكلمهم قبل لايرجع بندر : اوووف هذولا وينهم من تلفوناتهم ليش مايردون وصلها صوت منال : اهلـــين هـــلا بالعروس منايل معصبه : واخيرا رديتي انتو وينكم منال : اسفه حبيبتي كنت تحت وفوني فوق وحور مادري عنها المهم قوليلنا اشلونج اخبارج ياعـــروس منايل ضحكت باستهزاء : أي عروس طل بعيني اخباري قاعده بالفندق وعريس الغفله مادري وين طاس منال : افـــا شكل الجو متكهرب حده عندج احد يخلي عروسته بصباحيتهم صج ماعنده ذوق منايل : احسن خليه يولي عالاقل اخذ راحتي شوي كتم على انفاسي عمى بعينه منال : هههههههه بسم الله تونا بالبدايه ماامداكم منايل : والله يعيني عالجاي يلا انا بسكر قبل لايجي ابوالهم والغم ويسوي سالفه سلمي على حور كان ودي اسمع صوتها منال : ان شاءالله يوصل بس طمنينا عليج وديري بالج على نفسج منايل : لاتوصين كل ماحصلت لي فرصه دقيت عليكم بس انتوا ادعولي وخلي حور تدعيلي منال : لاتوصين بس انتي اهم شي طولي بالج وخلي العناد وطوفي عشان تمشي الحياه منايل : بحاول يلا سلام منال : الله معاج حياتي حور ضاقت فيها الدنيا بعد مكالمه فوزيه بعد ماقالتلها عن نيت عناد الخبيثه " بعد ماصلت المغرب اغلقت تلفونها وراحت فوق السطح" خـــلاص مخهها وقف عن التفكير تعبت من خبث عناد ونجاسته " ياربـــي ساعدني شسوي شاللي يبي يوصل له هالانسان لاهذا موتفكير انسان إلا شيطان يعني معقوله توصل فيه المواصيل انه يفكر يعتدي على خالتي سعاد وبناتها لالامستحيل يصير هالشي إلاخالتي سعاد وبناتها هالانسانه بالذات مابي اكون السبب في مضرتها طيب شسوي اروح واقابله واشوف شنو يبي ياربـــي ساعدني شسوي" خذت نفس عميق فتحت تلفونها ودزت مسج لفوزيه تبي رقم عمها عناد بعد ثواني وصلها الرقم " تنفست بعمق اضغطت على الاتصال " بعد اربع دقات وصلها صوت تكره تسمعه " عناد بصوته المقرف : ألو حور بتردد : ألو عناد ماعرفها : هاه من انتي حور : معاك حور عناد : اووه حور إشهالتواضع حور بشحمها ولحمها داقه حور : بدون لف ولادوران شالمطلوب مني وتبعد عن خالتي سعاد وبناتها عناد : هههه وشدعوه يابنت اخوي مافيه سلام ولاسؤال عن الحال حور : ارجع واقول انت إشتبي منا عناد : الكلام ماينفع بالتلفون حور : اوكي نتقابل بكره في أي مكان عام عناد : لاخليها الاسبوع الجاي انا الحين مشغول حور : طيب الاسبوع الجاي بس بمكان عام عناد بضحكه خبيثه : ههههه مااتأمنين لعمج حور : أأمن لشيطان ولا أأمن لكن بعد اسبوع بينا اتصال احدد المكان اللي نلتقي فيه عناد يضحك : ههههه حاضر يابنت اخوي العزيزه صكت حور الخط حتى ماقالت مع السلامه ""استغفرالله واتوب إليه""" الفندق" دخل بندر شاف منايل قاعده على الكرسي الهزاز تاكل مكسرات واتابع مسرحيه بندر : السلام عليكم منايل بدون ماطالعه: وعليكم السلام بندر قعد على الاريكا : تعشيتي منايل : مابي بندر وقف : جهزي اغراضج بكره الصبح بنرجع البيت منايل بحماس ووناسه لدرجه من كثر الحماس طاح صحن المكسرات من إيدها : بتودينا بيتنا بندر مستغرب ردت فعلها : أي بيت منايل : بعد أي بيت بيت ابوي بندر طالعها باستحقار : اقول لاتشققين بس بنروح بيتي انا بيت أمي هيا منايل بحباط : اللي بالجليب بندر : ليه وعندنا غير هالبيت وإلا لايكون مهو عاجب ست الحسن والدلال منايل : استغفرالله وهذا اتسميه بيت بندر بحده : وش تقصدين منايل : ماقصد شي بس بيتكم حده قديم مايصلح احد يعيش فيه البيوت اللي مثله اهلها رمموها ترميم كامل وانتوا للحين البيت على حطت ايدك بندر بحده : ماهو شغلج رممناه وإلا خليناه شي مايخصج لاتدخلين فيه فاهمه وان سمعتج عايده هالكلام وبالاخص قدام أمي بيكون لي تصرف ثاني معاج منايل ماردت عليه كملت مسرحيتها بندر قبل لايطلع : شوفي انا طالع ساعه وراجع الاغراض جهزيها بنرجع للبيت الليله منايل طالعته : الساعه الحين 9ونص واهلك اكيد ناموا انت قلت بنرجع بكره بندر بحده : لاتكثرين الكلام خلصي لمي اغراضج لااجي إلا وانتي جاهزه طلع وصك الباب بقوه " منايل بدت اتحلطم " اوف من حلات بيتهم انا اشلون بعيش فيه حتى النوم ماراح اعرف انام فيه ياليتني سكتت عالاقل كنا بنام اليله اهني ياربـــي إشهالقراده اوف خن اقوم الم اغراضي قبل لايجي ويسويلي سالفه حور وصلت لمرحله اليأس وعدم القدره على التفكير اتعبت من هالعم وخبثه ماتدري القرار اللي اتخذته صح او خطا في هالحظه كانت اتمنى يكون ابوها حي عشان يحميها من عمها تمنت تكون امها عايشه تاخذها بحظنها وتشكيلها "تمنت وجود اعظم امرأه على وجهه الكوره الارضيه في نظرها اللي كانت تمدت قوتها منها وجود جدتها اللي كان اتحس بالامان وهي جمبها بس للأسف كل امانيها انتهت من بعد وفاة جدتها" وصارت مجبوره اتواجهه كل المشاكل بروحهها " اتفكر شلون تقنع منار وخالد يقعدون عند الخاله سعاد وهي تقعد عند عناد فتره بسيطه عشان يبعد عناد عن سعاد وبناتها " اتفكر شلون بتفاتح الخاله سعاد بالموضوع بدون ماتحسسها ان روحتها لعناد تضحيه عشانهم لان لو عرفت سعاد بهالشي مستحيل تخليها تروح " وشلون بيكون لقاها ويا عمها بعد اسبوع وشنو بتكون اسبابه وطلباته عشان يبعد عنهم ويخلي الخاله سعاد وبناتها بحالهم " (استغفر الله واتوب إليه ) الفندق " دخل عليها بالغرفه كانت مخلصه ترتيب اغراضها واتصك الجنطه بندر : خلصتي منايل بدون ماطالعه : أي خلصت بندر : يلا البسي عباتج وامشي بندر عطى الجناط السيرفس ينزلها ودخل على منايل بالغرفه" منايل كانت لابسه عباية كتف وشيله ونقاب سير بندر بحده : وين عبايتج منايل : وهذي اللي لابستها شنو بندر : اسألي عمرج وبعدين هالعبايه لاعاد اشوفج لابستها منايل باستغراب: ليش اشفيها هذي عبايتي وانا متعوده البسها بندر : هذاك أول والاول تحول من اليوم ورايح لاعاد اشوفج لابسه غير عبايه الرأس منايل تخصرت : شنـــو ليش إن شاء الله وبعدين هذا لبسي وعاجبني ومالأحد شغل في لبسي بندر ببرود: إلا إن شاءالله لي شغل وبتسمعين الكلام منايل خزته من فوق لي تحت بكره وحقد بندر : اقول لايكثر يلا امشي عناد : تم طال عمرك ابشر باللي تأمر فيه : خلاص انا بس ارجع لديره اعطيك خبر اتجهزها لي عناد : متى بالضبط بتكون موجود بالديره : مو شغلك متى انت عليك اتنفذ الاوامر وبس عناد بخوف : حاضر حاضر طال عمرك السموحه منك : يلا انتهت المكالمه (صك الخط) """" وصلوا بيت الجده هيا " فتح بندر الباب ودخل ودخلت منايل وراه كانت خايفه وماسكه بذراعه حيل وتمشي داخل الحوش واتلفت يمين ويسار في كل لحظه اتحس انه شي بيطلع لها من الخوف صارت اتخيل " بندر التفت لها مستغرب : منايل وش فيج منايل بخوف : تكفى بندر خلنا نرجع للفندق وإلا ودني بيت اهلي بيتكم حده يخوف بندر : اقول خلي الدلع الماصخ ياروح ماما وخلصيني لااخليج بالحوش وادخ داخل منايل اول ماقال بخليج بالحوش ظمته من ظهره حيل من الخوف : لاتكفي خلاص بسكت بندر ضحك : هههه انتي إشفيج كل هذا خوف ترى مافيه شي يخوف منايل اسكتت ماقالت ولا كلمه خافت بعد تقول شي ويحقد عليها ويخليها بالحوش دخلوا البيت كان الكل نايم والبيت صخه صعدوا الدرج المتواضع كان بينه وبين درج بيت منايل فرق كبير " وصلوا غرفة بندر فتح الباب ودخلوا" هبت عليهم ريح البخور والعطور اللي كان ريحتها اتعج فالغرفه " الجده هيا والبنات مبخرينها ومعطرينها" الغرفه مصبوغه بصبغ جديد رغم وجود بعض التشققات بالطوفه اللي اتبين قدم البيت واثاث جديد كان الاثاث ماكان فخم ولا كان سيئ كان وسط طالعت منايل الغرفه وحست براحه كانت متوقعه الغرفه بتكون بس دوشق والحاف دخلت وعلى طول فصخت عباتها وفلت شعرها خذت فرشاةومعجون اسنانها وغسول وجهها من جنطتها الصغيره ودخلت الحمام " بعد ماطلعت من الحمام لقت بندر كان قاعد عالاريكا يقرى قرأن " منايل استانست من داخلها: احسن ريحني بينام عالاريكا عالاقل ارتاح اليوم ظهري عورني من النومه امس عليها حطت كريم بسرعه على وجهها ورشة عطر وراحت تنسدح عالسرير حدها تعبانه تبي اتنام امس مانامت عدل تلحفت وغمضت عيونها " بندر خلص قرايه قام طفى اليت ومابقى إلا اضاءة الابجورات " دخل الحمام يتسبح بعد ماطلع من الحمام لقاها غاطه في النوم لبس ملابسه وانسدح على الجهه الثانيه من السرير" منايل حست بوجود احد جمبها فزت وهي مخترعه : اشفيك بندر : بسم الله عليج اشفيج سمي بالرحمن منايل استوعبت نفسها : مافيني شي انت ليش جاي اهني بندر باستغراب : ليش جاي بعد بنام منايل : وليش ماتنام عالاريكا انا ابي انام عالسرير امس عورني ظهري من الاريكا بندر عطاها ظهره وسحب الحاف وتلحف : مشكلتج ماهي مشكلتي منايل انقهرت : اليوم دورك انا امس نمت عالاريكا وانت نمت عالسرير بندر معطيها ظهره: اسف منال انقهرت :اوف منك سخيف "سحبت مخدتها والحاف وحطتها عالاريكا بندر حب يستلعن : أي نسيت ماانبهج ترى الدريش اللي عندج احيانا يدخل منها بريعصي انتبهي منايل أول ماقال بريعصي نطت وانحاشت عند الباب وشوي وتبكي : بريعصي وانام فيها مستحيل بندر اول ماشاف شكلها فطس من الضحك :ههههههههههههههههههههههههههههههههههههههههههههههههه ههههههه منايل احر ماعندها ابرد ماعنده : مافيه شي يضحك وقوم ودني بيتنا الحين بندر يحاول يمسك ضحكته : حمدالله والشكر احد يخاف من بريعصي منايل اطالعه بحقد وتبلع العبره ماتبي تبكي قدامه بندر : اشفيج تجمدتي صكي الابجوره بنام منايل انفجرت بكي : مابي اصكها نامت عليك طوفه قوم ودني لاهلي مابي اعيش وياك انت واحد سخيف وتافه (وقعدت عند الكبت تبكي واتشاهق) (منايل عندها فوبيا من الحيوانات بالذات الحشرات والقطاوه اتخاف منهم بشكل موطبيعي) بندر انصدم ماتوقع بتكون ردت فعلها بهالطريقه قام وراح لها : منايل اضحك مافيه شي خلاص عاد ماكان قصدي منايل خاشه وجهها بيدينها وتبكي : سخيف حسبالك اتضحك بندر كسرت خاطره ماتوقعها بتبكي مسك ايديها وشالها من وجهها : خلاص اسمعيني شوفيني بس منايل تحاول توخر إيدها منه : هدني مالك شغل فيني بندر يحاول يهديها : خلاص انتي نامي عالسرير وانا بنام بالدوانيه تحت منايل زادت :ياويلك من الله انا اشسويت لك بندر كسرت خاطره سحبها وحظنها : خلاص اضحك بفهم ليش كل هالصيحه (منايل جسمها يرجف بشكل قوي من الخوف لدرجه ان قوة رجفتها جسم بندر صار يهتز) انصدم بندر اعرف ان فيها بندر مصدوم وحاضنها : منايل بسم الله عليج اشفيج مافيه شي خلاص اهدي منايل وسط رجفات خوفها ودموعها : بندر انا عندي فوبيا شديده من الحشرات والقطاوه بندر كره نفسه ماتوقع عندها شي بدا يهديها : خلاص قومي تعالي معاي قومها وخذاها يغسل وجهها بالحمام يحاول يضحكها :تعالي يالدلوعه خلاص عاد خلصتي كلينكسنا من كثر الدموع منايل ماسكه بلوزته حيل ودخله جهها بصدره : ماردت عليه بندر خذاها خلاه تنسدح على السرير غطاها : بسم الله عليج انتي نامي ترى مافيه إلا العافيه منايل ماسكه ايده خايفه : لاتخليني اخاف يجيني بندر ابتسم بحنان : ابد هذا انا جمبج ماني برايح مكان منايل : لاتصك اليت خله بندر : ابشري (على فكره يمكن البعض يستغرب من ردت فعل منايل بس حبيت أوضح لكم ان اللي عندهم فوبيا شديده موبس اعراضهم الرجفه والبكا لا بعضهم من الخوف الشديد اكرمكم الله يتبول على ملابس والبعض يهرب لأي جهه المهم يبعد عن المكان اللي الشي اللي يخاف منه) اذان الفجر " "الله اكبر الله أكبر" صوت جميل يدعي لصلاه في وقت سكون وهدوء" حور ماذق جفنها طعم النوم ابتسمت وهي تسمع صوت الاذان قامت فتحت دريشة الغرفه تمت واقفه تسمع صوت الاذان وتدعي ربها يفرج همها ويكفيها شر عمها ويرد كيده في نحره " سمعت دق على الباب ابتسمت عرفت انها خالتها سعاد جايه اتقعدهم لصلاه " حور : خلاص قعدنا ياخاله جزاج الله خير الخاله سعاد : بارك الله فيج توضت حور وصلت قعدت منال تصلي عقب حست براحه كبيره وغطت بالنوم " """"""" بندر سمع صوت الاذان فتح عيونه يبي يقوم وابتسم وهو يشوفها نايمه على ايده وحاظنتها سحب ايده منها شوي شوي باس رأسها " توضى وراح يصلي فالمسجد """"" الجو في بيت عناد غير " ناس تعبد الله وتحمده وتشكره على نعمه وناس تجحد نعمه وتقوم بالكبائر" خمر سكر فسق وفجور" ليله حمرا على قولتهم" البيت يسطح بصوت الاغاني زجاجات الخمر منتشره بارجاء البيت مياعت ال****** من حضن شخص لحضن شخص اخر" ماعدا غرفه اللي كان صوت القرأن ماليها " صلت الفجر وتمت قاعد دايم هذا حالها من تخرجت من المعهد وعينها ماتذوق النوم إلا اذا طلع نور الصبح وخلصت سهرتهم على الساعه 6 الصبح " الجده هيا من شافت بندر وهو رايح يصلي الفجر سلم عليها وعلمها انه جا هو وزوجته طارت من الفرحه قامت من الساعه سبع وماخلت شي ماسوته (رهش "لقيمات درابيل "عصيده" قرص عقيلي" قرص مفتفت عليه سمن وعسل" قهوه شاي "حليب) الساعه 9الصبح" قعد بندر التفت جهة منايل لقاها للحين نايمه بندر يقعدها: منايل منايل منايل تفتح عيونها : اممم بندر ابتسم : صباح الخير منايل استحت من قربه منها توها تستوعب اللي صار البارح قعدت سوت نفسها عاديه: صباح النور نزلت من السرير فتحت الكبت تذكرت ان جنطتها بالسياره التفتت لبندر : بندر ممكن اتنزل جنطتي ابي ملابس بندر : إن شاء بس انتي غسلي الحين وخلينا ننزل للوالد من شافتني الفجر ودرت ان حنا جينا وهي مستانسه الحين تلقينها ماخلت شي ماسوته منايل ابتسمت : يالله إن شاءالله دقايق بعد ماخلصت من الحمام خذت جنطتها الهاندباق ومن حسن حظها لقت دراعه ذربه لبستها حطت لها ميك أب ناعم سرحت شعرها تعطرت بعطر ايدول التفتت لبندر اللي جهز بس ينطرها تخلص منايل : يلا ننزل بندر : يلا نزلوا واول ماشافتهم الجده هيا والبنات وقفوا وقامت الجده هيا اتلولوش الجده هيا : كلولولولوش يامرحبا يامرحبا منايل ابتسمت ماتوقعت هالفرحه سلمت عليها وباست راسها وعقب سلموا عليها العنود ونوير قعدوا والجده هيا ماخلت شي تقربه صوبها منايل مو متعوده تاكل هالاكلات الصبح بس القيمات والرهش اللي تاكل منها في رمضان اما الباقي عمرها ماكلتها العصيده تشوفها دايم يسونها للنفاس " توهقت ماتقدر تاكلها وفي نفس الوقت ماتقدر تكسر بخاطرهم العنود بعد ماصبت قهوه لجدتها ولبندر صبت لمنايل خذت الفنجال وتوهقت ماتحب القهوه غصبت نفسها شربت غصب الجده هيا : اكلي يمه ماكليتي منايل غصبت نفسها خذت لقيمات الجده قربت منها القرص المفتفت : اكلي يمه هذا عليه سمن عداني وعسل منايل خذت لها لقمه وماقدرت ركضت للحمام رجعت كل اللي كلته الجده انحرجت : يمه بندر اشفي اكلي مهوبزين بندر عصب ضاق خلقه : فديت رجولج إلا زين جعل يزين حالج بس هي مدلعه ماتحب الاكل السنع قام باس راسها وراح لمنايل فالغرفه دخل معصب حده : اشهالسخافه دلع ومياعه امي قايمه من صباح الله خير تطبخ وتزين وحضرتج اتغصبين واتعبسين وجهج ومنقرفه تحسبين مابين على وجهج شي منايل : يـــووه لاتزهقني ترى مالي خلق لك غصب اجامل على حساب نفسي ماحب هالاكلات ولاني مستعده اجامل عشان خاطرك عاجبك عاجبك مو عاجبك بالطقاق بندر فار دمه رفع إيده وبالاخير مسك نفسه وطلع من الغرفه """"" بعد مرور اسبوع << اللقاء المرتقب < وصل عناد وقعد عالكرسي: اشلونج يابنت اخوي حور : ماظن يهمك ادخل بالموضوع شالمطلوب عناد: هههه يكون احسن حور : ادخل بالموضوع شالمطلوب وتبعد عن خالتي سعاد وبناتها عناد : تسكنين عندي مده انا احددها حور : اشكثر المده عناد : للحين ماحددت بعد اسبوع تسكنين عندي حور وقفت : بعد الاسبوع الوعد بس خذها مني شي يغضب الله ماني مسويته وانت عارف قصدي لاتحسب اني سلعه رخيصه بتاجر فيها اظنك فهمت مشت وخلته |
الجــــزء الثامــــن عشــــر"
اللقاء المرتقب < وصل عناد وقعد عالكرسي: اشلونج يابنت اخوي حور : ماظن يهمك ادخل بالموضوع شالمطلوب عناد: هههه يكون احسن حور : ادخل بالموضوع شالمطلوب وتبعد عن خالتي سعاد وبناتها عناد : تسكنين عندي مده انا احددها حور : اشكثر المده عناد : للحين ماحددت بعد اسبوع تسكنين عندي حور وقفت : بعد الاسبوع الوعد بس خذها مني شي يغضب الله ماني مسويته وانت عارف قصدي لاتحسب اني سلعه رخيصه بتاجر فيها اظنك فهمت مشت وخلته وقلبها يعتصر من القهر كانت تمشي بسرعه عشان توصل لسيارتها وعيونها بدت اتغرغر بالدموع" في نفس المكان" نايف كان قاعد ينتظر سعود وشاف حور وعمها عناد وكان وضح الخبث في عيون عناد وواضح العصبيه بردت فعل حور وبالاخص انهم ماطولوا بالقعده حتى ماطلبوا شي يشربونه " سعود وصل : السلام عليكم نايف : وعليكم السلام وينك ابطيت سعود : ابد خلصتلي كم شغله وجيت نايف : ليتك استعجلت شوي سعود مستغرب: وش عندك نايف : وانت جاي ماشفت احد سعود : انت اشعندك اتكلم بالقطار من اشوف نايف : اسمع قبل لاتجي بدقايق كانت حور قاعده ومعها عناد وكأن فيه شي يخطط له عناد الخبث امبين في عيونه سعود عقد حواجبه : قاعده معا عناد اشعندها هذي انهبلت جايه للموت برجولها طيب سمعت شقالوا نايف : لاماسمعت بس اللي شفته عناد كان يبتسم بخبث وحور واضحه العصبيه عليها سعود تنهد : اكيد مصيبه جديده جايبها مااقول إلا الله يعين هالبنت عليه من القهر والضيقه ماحست بنفسها إلا وهي واقفه قدام المقبره وقفت سيارتها تذكرت حديث الرسول صلى الله عليه وسلم عن زوارات القبور وماقدرت تنزل تزور قبور اهلها " حطت راسها على السكان واعلنت دموعها مجراها دموع القهر والحزن والضعف والخوف من المجهول" تمنت لو كان ابوها عايش ويحميها من نوايا عمها تمنت لو كانت امها عايشه تاخذها بحضنها وتشكيلها " تمنت وجود جدتها معاها اللي تفهمها من عيونها ووجودها بحد ذاته يمدها بالقوه " تعبت وهي تكتم وتحط بقلبها تعبت وهي تضحك والحزن ذابحها وتعبت من المسووليه وتعبت وتعبت وووو ..... "؟ سمعت دق خفيف على الدريشه رجعها لواقعها" رفعت عينها المليانه دموع : لاااا مو وقته يشوفني وانا بهالحال خذت نفس ومسحت دموعها نزلت الدريشه : بندر بنفعال : عسى ماشر حور صاير شي حور اتحاول تكون طبيعيه : هلا اخوي بندر ابد سلامتك مافيه شي بندر : ليه جايه المقبره حور نزلت راسها : ابد مافيه شي بس اشتقت لامي وابوي وجدتي وماحسيت بنفسي إلا وانا جايه اهني بندر كسرت خاطره : رحمة الله عليهم وانا اخوج هذا طريق كلنا ماشينه وهذي حكمه الله حور : ونعم بالله جزاك الله خير يلا انا استأذن بندر : خليني اوصلج شكلج تعبانه ولانتي قادره تسوقين حور : لالا مايحتاج مافيني شي بس اذا ممكن اطلبك طلب بندر : ابشري وانا اخوج امري حور : مايامر عليك ظالم بس مابغيت احد يعرف انك شفتني اليوم بالذات منايل بندر احترم رغبتها وماحب يكثر اسأله عليها : مايحتاج توصين حور بنبرة حزن: يلا انا استاذن مع السلامه بندر : بحفظ الله شغلت حور سيارتها ورجعت للبيت اما بندر دخل المقبره يزور قبر امه وابوه وفي راسه يدور ألف سؤال وسؤال ماقتنع بعذر حور وكان متأكد ان فيه سبب ثاني غير السبب اللي قالته " حور بعد مااطلقت العنان لدموعها حست بشوية راحه تنفست بعمق خذت تلفونها دقت على منار" منار : هلا حوره حور : هلا منور شخبارج منار: تمام وانتي حور : الحمدالله شوفي حبيبتي تجهزي انتي وخلودي بنروح مشوار منار: وين حور : بعدين تعرفين منار : بيطلعون ويانا البنات نرجوسه ومنوله حور تنرفزت : اوف تحقيق لا بس حنا ولاتقولين لخالتي سعاد شي انا بكلمها منار باستغراب : خلاص إن شاء الله لاتعصبين حور : يلا سلام منار : سلام دقت حور على الخاله سعاد قالت لها انها بتروح ويا منار وخالد للعم مصطفى عازمهم ووافقت سعاد بس قالتلهم لاتأخرون" بيت الجده هيا" دخل بندر ولقى جدته والعنود ونوير قاعدين بالصاله يتقهون بندر بابتسامه :مساكم الله بالخير الكل : مسا النور الجده هيا: هلا ومرحبا بنور البيت ياعسى عيني ماتخلى من شوفتك بندر قعد جمب جدته بعد ماحب راسها: ولا اخلا من شوفتج ياراس المال نوير : أي والله الكلام الزين لبندر اما حنا لنا الكد والكرف لاوبعد مايعجبكم الجده : انطمي انطمي اللي يشوفج يقول قايمه ببيوت المنطقه كلها وبعدين اتسمين غسيل شويت الملابس وخم البيت شغل حنا قبل الوحده منا اتحوف البيت والغنم والبقر حتى العنود تقاطعها : يمه مايحتاج تكملين حفظنا هالسالفه من كثر ماتقولينها نوير : تصدقين يمه لو احسب يمكن قايله هالسالفه الف مره الجده هيا حذفتهم بالفناجيل بس مالمسهم شي انحاشوا للحوش الجده هيا معصبه : نعنبوا الخشه الشينه انتي وياها ماعليه دواكم عندي لسنتكم طالت(خشه=وجهه) بندر فاطس من الضحك : هههههههه وسعي خاطرج يالغاليه مهوبقصدهم الجده: إلا قصدهم قليلات الحيا لكن ماعلين انا اعلمهم ان ماخليت الخيزرانه ترقص على جلدهم ماني هويا بنت متعب بندر يمسك نفسه: ونعم يابنت متعب بس هم يضحكون يمه ماعليج منهم انتي راس المال سامحيهم الجده صاده عنه وتقهوا بندر يغير السالفه : اقول يمه منايل وينها هي مانزلت اليوم الجده مالها خلق لمنايل: قصدك الاميره لامانزلت الظاهر خايفه لحد ياكلها صاكه عليها في هالغرفه طرشت عليها البنات كم مره اتجي اتقهوا معنا لكن ماعبرتنا ولاعطتنا وجهه بندر عصب وقام : خير إن شاء الله فتحت باب الغرفه بقوه " منايل ماهتمت له منبطحه عالسرير وقدامها الابتوب بندر زادت عصبيته : ماشاءالله مرتزه بالغرفه ولاهامج شي منايل طالعته ببرود : والله ماعرفنا لكم إن نزلنا ماعجبكم وان قعدنا ماعجبكم بندر معصب : من اللي جايب هالزفت اللي قدامج منايل بنفس البرود: أي زفت بندر نرفزه برودها بزياده : لاتستهبلين الابتوب هذا من وين منايل ببرود: هذا لابتوبي قلت لماماتي ادزه لي ويا السايق خلص تحقيقك وإلا بعد بندر عصب وسحب الابتوب منها : هذا الشي تنسينه الابتوب والخرابيط مو عندي فاهمه منايل نزلت من السرير معصبه : عطني لابتوبي مالك شغل فيه ابوي شاريلي ياه لاصرت انت اللي دافع فلوسه تكلمي بندر : لاترددين لاتخليني اكسره على راسج فاهمه منايل : لامو فاهمه ومالك شغل باشيائي الخاصه وعطني الابتوب قبل لادق على ابوي واعلمه بندر : انتي اتهدديني يعني وريني اشبتسوين منايل طلعت تلفونها من الكبت : الحين ادق على ابوي يشوف شغله وياك بندر سحب التلفون من ايدها وحذفه على الطوفه بقوه خلاه ينكسر نصين منايل انقهر : ياحقير يامنحط اصلا مافيك ذرت رجوله لو انك رجال ماتزوجت وحده عايفتك بندر ماتحمل الكلام حذف الابتوب عالارض ومسكها من كتوفها يهزها بقوه وعينه من العصبيه شرار احمر : من الحقير والمنحط تكلمي منايل خافت من عصبيته : هدني اقولك هدني دخلت الجده والبنات الجده مسكت بندر : تعوذ من بليس ياولدي هدها العنود ونوير يحاولون يفلتون منايل منه بس ماقدر بندر صرخ : اطلعــــوا برى خلوني اادبها الجده تهديه : عشاني ياولدي تعوذ من بليس وهدها بندر من العصبيه ماعاد يشوف : ماني بهادها والله لادبها من جديد والله لاعلمها السنع اطلعوا بــــرى منايل تبكي وحالتها حاله : وخر عني وخر والله لاعلم ابوي بندر جن جنونه زياده: وبعد اتهددين انطمي مابي اسمع حســــج تسمعين وإلا لا العنود : خلاص يابندر فديتك بتسمع هدها خلاص تكفى الجده تحب كتفه: طالبتك ياولدي طلبه هدها خلاص سامحها ماعادهي بعايدتها بندر انقهر من جدته وهي اترجاه يكره احد يترجاه وشلون لاصارت جدته هي اللي تطلبه واترجاه ضغط على كتوف منايل اكثر ودزها ومن قوة دزته طاحت على الارض هي والعنود ونوير اللي كانو ماسكينها" بندر : شوفي هالمره هديتج عشان خاطر امي لكن ان عدتيها بتشوفين اللي مابعد شفتيه منايل كانت طايحه على الارض وماسكه كتفها والعنود ونوير ماسكينها بندر قبل لايطلع من الغرفه : لاتطلع من الغرفه ولا اشوفها نازله او ماسكه تلفون البيت وان اطلعت من الغرفه والله مايحصل لها خير الجده عشان يهدا : ابشر ابشر باللي تامر فيه اول ماطلع من الغرفه منايل قعدت تسب وتلعن فيه : الله ياخذه الحيوان هين ان ماعلمت ابوي حسباله ماوراي ظهر مسوي فيها رجال يستقوي علي الجده عصبه : شوفي عويذ الله من شرج ولاعاد تدعين على ولدي منايل مقهوره وتبكي: لا والله ماشفتي إشسوى فيني وإلا عاجبج الجده : ولدي مايعصب إلا من شي وانتي اكيد قايله شي منايل : اي خلاص انا الغلطانه وانا اللي بغيت اكسر ايده ولدج ابد ملاك مايغلط ولا يسوي شي الجده قامت عشان تطلع : ماقول إلا الله يهديج يلا يابنات اطلعوا خلوها براحتها منار وخالد مصدومين : حــــور شتقولين حور بهدوء : اللي سمعتوه انا لازم اروح اقعد عند عمي منار : زين ليش فهمينا شالسبب بتروحين للموت برجولج حور : روحتي هذي ضروريه لازم ابعد عن بيت خالتي سعاد عشان مايلحقها ضرر منار منفعله : ضرر شنو فهمينا حور : اوكي انا بفهمكم لكن الكلام اللي بقوله مابي اي مخلوق يعرفه منار وخالد : طيب حور : عناد يبي يضر خالتي سعاد وبناتها عشانها ضامتنا عندها ببيتها وواقفه بوجهه وعشان يبعد عنهم بيكون الثمن نسكن عنده وانا وافقت مابي اي ضرر يلحق خالتي سعاد وبناتها مابي يصير فيهم شي بسببنا خالد : خلاص حنا بعد روح وياج مستحيل تعيشين انتي في مكان وحنا في مكان حور بخوف : لا انتوا لا بيت عناد مافيه امان وانا خايفه عليكم وبعدين نسيتوا ان المدارس بعد اسبوع منار : شوفي رجلنا على رجلج لوبتروحين للموت بروح وياج ماراح يفرقنا إلا الموت حور : بس بيت عناد لا خالد : لابس ولاشي نسيتي وصية جدتي نسيتي اشقالت نسيتي كلمتها يوم تقولنا لاتفرقون وجودكم مع بعض يزيدكم قوه حور : لامانسيت بس انا خايفه عليكم خالد : لاتخافين علينا الله الحافظ حور : ونعم بالله منار مسكت ايد حور : دام انتي معانا ماعلينا خوف حور : وشلون على مدارسكم منار : حتى انتي شلون على كليتج حور : انا عادي الكورس هذا ماني مداومه بداوم الكورس الجاي منار : مو مشكله انتي ودينا وجيبينا حور : اصلا سيارتي بخليها عند خالتي سعاد حتى كروت البنك بنخليها عشان اذا كانت خطته ياخذنا نعيش عنده عشان يستفيد من معاش ابوي مايحصل شي واذا سألنا عن معاشه نقول تروح بديون ابوي خالد : خلاص نستأجر سايق حور سكتت بعدين جات ابالها شخص : خلاص لقيتها انحلت إن شاء الله بكلم العم مصطفى وبقوله وماراح يقصر معانا وبعدين هو الوحيد اللي اظمنه منار : الحين جينا للمصيبه الكبيره خالتي سعاد شلون بنوصل لها الخبر اكيد بترفض وماراح تسمح بأي نقاش بهالموضوع حور تنهدت : آه ياخالتي سعاد كاسره ظهري ماتستاهل منا إلا كل خير منار : بتقولين لها حور : اكيد بقول لها بنروح لعناد بس ماني قايلتلها عن السبب خالد : بس اكيد بتسأل ماهي ماره عليها السالفه حور : انتوا مالكم شغل خلوا خالتي سعاد علي بس المهم انتوا لاتقولون شي ولاكأنكم تعرفون شي منار : واذا سألتنا عن سبب قعدتنا عند عناد حور : قولوا حور ماقالت لنا شي كل اللي قالته تجهزوا بروح نقعد عند عناد فتره ويوم سألناها عن السبب قالت تجهزوا وبس خالد ومنار : إن شاءالله الساعه 12 الليل " منايل بعد الهوشه خذت لها شور بارد ولبست برمودا فوشي وتشيرت رصاصي وماطلعت من غرفتها من صارت الهوشه حتى الاكل ماكلت حست بجوع شافت الساعه 12 استانست الجده والبنات نايمين هالحزه وبندر شكله بينام برى الليله نزلت للمطبخ فتحت الثلاجه مافيها إلا خضره وخبز ولحم ودجاج يعني الاشياء الاساسيه" دورت تبي عصير توست جبن بس مافيه" منايل منقهره : اووف في احد ماعنده جبن قيمر أي شي اوف منهم مره ثانيه اذا رحت لأهلي بروح للجمعيه واشتري كراتين من كل شي وإلا اقول احسن شي اجيب ثلاجتي واحطها بغرفتي إللي اهني اذا قعدت على عالحال بموت من الجوع" سمعت اصوات من بطنها " بس انا الحين جوعانه شسوي كله من هالعله كسر فوني وإلا انا كنت ابي ادق على اهلي شالسوات فكري يامنايل فكري " جات ببالها فكره وركضت لصاله تشوف تلفون البيت موجود شافته موجود ابتسمت ابتسامه عريضه وركضت دقت على سايق اهلها ومارد : اووف اكيد نايم هذا ينام من الساعه11 مافيه إلا كنتاكي ادق عليه بس اخاف يوصل بندر والطلب ماوصل (شافت ساعتها) لاشكله مطول دقت على كنتاكي وطلبت وجبه زنجر مايو" كانت قاعده عند التلفون وحدها متوتره خايفه يوصل بندر قبل لايوصل الطلب والله لايسويلي سالفه لاراحت ولاجات بعد نص ساعه من التوتر دق التلفون وبسرعه رفعت السماعه : ألو " موجود برى يلا خلاص راحت ركض عند الباب وكانت اتكلم راعي المطعم من ورا الباب منايل : لوسمحت عطني الطلب من فوق الباب المطعم : حاطر خودي (رفع لها الطلب ومدت ايدها وخذته ودفعت له الفلوس ) توها واقفه تفتح الطلب تشوفه وإلا تسمع صوت من ورا الباب بندر معصب : انت شعندك واقف المطعم خاف : طالبين طلب وانا وصلتو بندر : خلاص روح ولاعاد اشوفك جاي طلع المفتاح بسرعه وفتح الباب اما منايل او ماسمعت اركضت تبي تنحاش قبل يشوفها بس ماامداها بندر كان سريع بفتحت الباب وشافها بندر معصب :منايل ووجع (وراح يركض يلحقها ) منايل من الخرعه طاح البيبسي من ايدها بس ماهتمت للبيبسي وركضت على الدرج وهي ماسكه باقي الوجبه وهو يركض وراها بس المسافه كانت بعيده بينهم واخيرا بعد جهد جهيد وصلت غرفتها بسرعه دخلت وقفلت الباب تسندت عالباب وتنفست بارتياح طالعت الوجبه اللي بيدها وبلوزتها اللي امتلت من البيبسي وابتسمت " وصلها صوته من ورا الباب بندر مقرب من الباب ويتكلم بصوت واطي عشان ماحد يسمع : منايل افتحي الباب دام النفس عليج طيبه منايل ماردت عليه وبخاطرها تقول : ليش انا بايعه عمري افتحلك بندر : تسمعين يامال الصمخ افتحي منايل بخاطرها : صمخ يصمخك ان شاءالله بندر : هين وين بتروحين مني هين منايل تكش عليه من ورا الباب "قربت اذنها من الباب اسمعت خطواته نازل من الدرج وارتاحت قعدت تربعت وطلعت الساندوش وبدت تاكل واتلذذ فالاكل كانت حدها جوعانه بعد ماكلت واشبعت خذت لها شور ونامت براحه بالاخص ان بندر مو موجود وياها بالغرفه" الصبح الساعه 10 " فتحت عيونها شافت الساعه وابتسمت على الفرق قبل ببيت اهلها ماتقعد الا عالساعه وحده الظهر والحين من الساعه 10 تحس نفسها شبعانه نوم قامت خذت روبها ودخلت الحمام تأخذ لها شور بعد ماخلصت من الشور البست اسكني اسود وقميص طويل ابيض مشجر بأسود جففت شعرها ولفته بشكل عشوائي وحطتلها مرطب كرز لشفايفه رشت عطر فلنتينوم وجهزت عشان تنزل تقعد وياهم وتعتذر من الجده اللي حست انها علت صوتها عليها وبالاخص انها مره كبيره" انزلت و شافت الجده والبنات قاعدين بالصاله حست بشوية ارتياح من عدم وجود بندر الجده اول ماشافت منايل نازله بهالبس خزتها وصدت ناقده عليها " منايل استغربت من نظرات الجده لها اللي خلتها توقف عند اخر درجه حتى انها شكت بنفسها قامت اطالع ملابسها : اشفيها عاد انا اليوم لابسه قميص طويل عشان افتك من الهواش شجعت نفسها بنفسها : يلا شسويلهم كل واحد حر بلبسه منايل بابتسامه : صبــــاح الخير الجده ارفعت على صوت الرادو وقربته من اذنها وسوت نفسها ماسمعتها العنود ونوير بابتسامه : اهلين صباح النور راحت منايل وحبت راس الجده : صبحج الله بالاخير خالتي الجده بدون نفس : هلا هلا قعدت منايل جمب الجده العنود : منايل شاصب لج قهوه وإلا حليب منايل ابتسمت: حليب ولا عليج امر العنود صبتلها حليب : اتفضلي منايل ابتسمت لها : مشكوره نوير : منايل ترى بندر جاب صمون وجبن اذا تحبين تأكلين منه شكله حفظ شاللي تاكلينه واللي ماتاكلينه منايل كانت تشرب الحليب ومن سمعت طاري بندر شرقت : كح كح كح الجده اطقها على ظهرها : بسم الله عليج جيبي الما يالعنود جابت العنود قلاص ماي وشربتها الجده : منايل تنفست : خلاص خلاص خالتي الجده : بسم الله يابنتي سمي بالرحمن وانتي تشربين منايل : مسميه ياخاله بس شرقت سمعت صوت جاي من وراها لانها كانت معطيه ظهرها للباب بندر : صباح الخير منايل تبلعمت من سمعت صوته الجده بابتسامه : يامرحبا ياصباح الرضا العنود ونوير : صباح النور حب بندر راس جدته وقعد جمب منايل : كيف اصبحت الغاليه الجده : بخير جعلك بخير انت وينك رحت اشوفك الساعه 8 وماعينتك فالدوانيه بندر وهو ماد ايده ياخذ فنجال القهوه من العنود : ابد اتصل علي واحد من الربع وقفت فيه السياره خلص بانزينها ورحت جبت له بانزين منايل من قعد جمبها بندر وهي حاطه حيلها بالحليب تشربه التفت عليها بندر : روحي سويلي توست بجبن منايل اخترعت والتفتت صوبه : هــــاه بندر : اقول روحي للمطبخ وسويلي توست بجبن وحطي معها شرايح طماط منايل قامت بدون ماتقول كلمه في المطبخ " كانت فاتحه الثلاجه اطلع طماط اسمعت باب المطبخ تسكر والتفتت جهة الباب طاح قلبها يوم شافت بندر مصكر الباب ومتسند عليه " سوت نفسها طبيعيه ومو خايفه طلعت الطماط وراحت تغسله وقصته وحطته بصحن " خذت التوست والجبن حطته عالطاوله وبدت اتحشي التوست جبن وطماط مشى صوبها وقعد على الطاوله كان حيل مقرب منها ويلحس الجبن بأصبعه " منايل توترت وارتبكت من قربه منها "تحاول تسوي نفسها طبيعيه : اتكفيك صمونتين وإلا لا بندر يقرب اذنه منها : شتقولين ماسمعت منايل منزله راسها ومشغله نفسها بتحشيت التوست : اقول اتكفيك صمونتين وإلا تبي زياده بندر يسوي نفسه توه ينتبه : أهــــا لاتكفيني بس سوي زياده لج منايل : لا انا مابي مومشتهيه بندر : اكيد ماتشتهين عشان انصاص الليالي ادقدقين عالمطاعم منايل طاح قلبها وراحت صوب الثلاجه من طقت ادور شي بندر راح صوبها ووقف وراها بالضبط مسكها من كتفها ولفها صوبه : يلا سمعيني صوتج خابر السانج يلوط اذانج منايل رافعه حاجبها مسويه نفسها عادي مو خايفه : عادي شنو يعني طلبت وجبه ماسويت جريمه بندر يصر على اسنانه : وبعين قويه تقولين عادي طالعه لرجال انصاص الليالي وعادي منايل فتحت عيونها : هاي هاي لاتقعد اتبلا إشايفني ماتربيت من قال اني طلعت له بندر ايتمصخر : اجل اشلون خذيتي الطلب بالعصا السحريه منايل اتقلد طريقة كلامه : لاوالله مو بالعصا السحريه على قولتك بندر باستهزاء : اجل منايل بانفعال: بعد اشلون خليته يرفع الطلب من فوق الباب ومديت ايدي وخذيته بندر : ماشاءالله عليج بطله منايل خزت من فوق لي تحت قهرها : ممكن اتوخر بطلع بندر بعصبيه مسكها من كتفها : شوفي يابنت الناس دقدقه عالمطاعم انسيه تلفون البيت لاشوفج ماسكته ولي بغيتي تاكلين الثلاجه مليانه منايل باستهزاء : اي صح مليانه حفظت الوانها الخيار اخضر والطماط احمر واليمون اصفر والخبز ابيض واذا تطورتوا شوي جبتوا جزر وخس وبقدونس بندر ضغط على كتفها اكثر : تحمدي ربج غيرج مايلقى الخبزه اليابسه منايل معصبه : الحمدالله والله يديمها من نعمه بس انا وحده ماحب الخضره حيل يعني يوم تقول لاتطلبين من المطعم يعني اموت من الجوع عشانك بندر بحده : تنثبرين لين اجي واتقولين لي وإلا دقي علي بدال الدقدقه عالمطاعم منايل : اولا ماعرف رقمك وثانيا ماحب اطلب من احد شي وانا متهاوشه وياه بندر هد كتفها: اسمعي الكلام اوصلج والله اني لاعاد اشوف قاطعته منايل : لاتقعد اتحلف واتوعد خلاص شكرا بخلي اهلي يشترون لي ثلاجه واحطها بالغرفه وبترسها من كل شي بخاطري بندر عصب ومسكها من ايدها : وانا ياللي واقف قدامج طرطور وإلا ماني برجال منايل : آآآي هد ايدي عورتني بندر : شوفي من طلعتي من بيت اهلج محد مسؤؤل عنج غيري فاهمه منايل : خلاص هدني بندر هد ايدها وحذفها ومشى وخلاها منايل ماسكه ايدها اتعورها : كش عليك ياكرهي له ماواطنه بعيشة الله من حلاتك وإلا حلات بيتكم حتى ثلاجتكم اتسد النفس نفس وجهك بندر طل عليها من باب المطبخ : شتقولين منايل تخرعت : بسم الله ماقلت شي اكلم عمري بعد هذي حرام وممنوع بندر : أي عادي كلمي عمرج مثل المجانين الحمدالله والشكر ماقول إلا يالله صلاح العقل منايل نرفزها : أي كيفي انا مجنونه اشتبي راحت تمشي عشان تطلع من المطبخ تبي تروح لغرفتها حط ايدينه على الباب وسكر عليها منايل بدون مااطالعه : وخــــر بندر : قولي لوسمحت وخر وذيك الساعه افكر اوخر او لا منايل عصبت : ماني قايل شايفني خدامه عندك وخر ترى مالي خلقلك بندر: اي اجل خلي عنادج ينفعج وهذي وقفه وماني موخر ووريني اشبتسوين منايل اطالعه وناقده عليه : استغفرالله ياربي انت فيك انفصام شخصيه صح بندر : اكيد بيجيني انفصام شخصيه دامني متزوج وحده مجنونه منايل : هيهيهي ماتضحك بندر باستهزاء : ليه انا قلت نكته عشان تضحكين منايل : يعني وبعدين بندر : ولاقبلين قولي لوسمحت وخر ويصير خير منايل نرفزها حيل : مابي اقول زين بتوخر وإلا شلون بندر : شلون منايل بصوت عالي : ياخالتي تعالي شوفي بندر ايدي اتعورني بسبته بندر انصدم وفتح عيونه ماتوقعها تنادي جدته : ألعن ابو شكل بليسج وأمي اشدخلها بالموضوع ماسمع إلا صوت جدته جايه من وراه : خير خير والصيحه على هالصبح بندر على طول وخر من الباب : مافيه شي يمه اتدلع منايل : شوفي ياخالي شوفي ايدي شلون صايره حمرا منه زين ماكسرها ترى ماحنا عبيد عنده الجده هيا : خلاص يابنيتي روحي غرفتج مايصير إلا كل خير مشت منايل ورفعت حاجبها لبندر واضحكت وكأنها اتقول انتصرت عليك بندر يكره حركاتها بس مايقدر يقول شي بوجود جدته بيت الخاله سعاد " خالد من قام من النوم ورجوله اتعوره كان معلي على التكيف ومنزله عليه " منسدح عالغنفه فالصاله وتعبان " جاته حور ومعاها صينيه فيها ريوق له وزيت زيتون : يلا الحين تريق وبدلك ارجولك بزيت زيتون وماعليك إلا العافيه خالد ذابحته رجله : آآه ذابحتني رجلي اليسرى مابي ريوق حور ادلك رجله بزيت زيتون : زين ليش من البدايه اتعبثون انت وفهيدان بالمكيف انا اصلا رافعته ومقصره عليه عشان ماتمرضون تروح انت يالغبي اتنزله عليك خالد : اشدراني كنت احس انه حر وعليت عليه آآه ياحور احسها بتنكسر من الوجع حور مستمره في التدليك : من البرد دخلها هذا انا ادهنها وبس تدفى بيهدى العوار نزلت منار وراحت لصاله : صباح الخير حور التفتت صوبها : اهلين صباح النور منار باست خد حور وراس خالد : اشفيه تعبان حور : نزل المكيف عليه واذبحته ارجوله منار شافت ارجول خالد حيل ضعاف وقامت تستهبل : ياربي سلم عصاقيل زيتونه خالد عصب : انطمي يابقرة كي دي دي حور تبتسم : خلاص ياثنين لازم نجره من صباح الله خير منار تلمس رجله : هههههههه استغفرالله ياربي عود اسنان مو رجل خالد ماله خلق : حور شوفيها خليها تذلف حور : منور ووجع ترى مو وقت غشمرتج البايخه منار تمسك ضحكتها : اسفه اسفه يابو العصاقيل اوه اقصد يابوالشباب حور : وبعــــدين خلاص عادي روحي تريقي ويا منول بالمطبخ تلقينها هناك منار : اوكيك وهالريوق اللي عندكم لمنو خالد : لي ولا انتي ماكله معي عندج مانع منار : بعد لسانك طويل مكسوره واتبرد حور : خــــلاص فجرتوا راسي روحي يالسوسه تريقي مع منول منار : خلاص ريلاكس ليش معصبين حور : ترى حدج رايقه طسي دام النفس عليج طيبه منار راحت : خلاص رحنا بسم الله علي بغوا ياكلوني بقشوري مايسوى علي ريوق حور : هاه الحين رجلك احسن خالد : اي الحمدالله احسن بواجــــد حور : يلا تريق وانا بروح اجيب لك الحاف من فوق خالد : ان شاءالله حور : إلا فهد وينه ماشفته خالد : فهد راح مع خالتي سعاد للجمعيه سعود ونايف راجعين من المسجد " وقف سعود سيارته ونزلوا عشان يدخلون البيت قابلوا عذاري تبي تطلع : سلام نايف وسعود : وعليكم السلام سعود : وين على الله عذاري : بتمرني رغود وبنروح انتغدى برى سعود : خير إن شاءالله مافي البيت أكل عذاري : هذي رغود وصلت سعود ماألتفت ماله خلق يشوفها : كملت نايف انجهر : أنا ولد ابوي انتوا اتشوفون اللي اشوفه سعود التفت بسرعه شاف رغد جايه صوبهم واتبسم لابسه عبايه شفاف ومن تحت العبايه لابسه نفنوف ضيق لي فوق الركبه لونه احمر والشيله كل شعرها امبين يعني وجود الشيله والعبايه مثل عدمه رغد بمياعه وعيونها على سعود وشوي وتلزق فيه : مرحبا سعود يوم شافها بهاللبس الجن الازرق قام يرقص قدامه سحبها ودخلها داخل البيت رغد : سوسو اشفيك حبي اشوي شوي علي عورتني سعود معصب : يابنت اللذينا اشهالبس رغد : شنو لبس عادي سعود واصل حده : عذاري روحي جيبي عبايه واسعه وشيله ساتره عذاري خافت وراحت ركض فوق رغد : ليش عبايه وهذي اللي علي اشفيها سعود ماعد مسك عمره عطاها كف ودزها ومسك العقال يبي يكمل عليها : انا بربيج من جديد مسكه نايف : تعوذ من ابليس ياسعود هذي ماهي بكفو رغد تصارخ واتنافخ : ليش اتمد ايدك حسبالك انا خدامه عندك كيفي إن شاءالله اتفصخ مالك شغل دام ابوي راضي سعود ايتفلت : هدني عليها خلني اربيها نايف سحبه لبرى : انت صاحي بالعنه بتروح اتعلم ابوها وبيقعد يتفلسف على راسنا وبيسب ويلعن ومالكم شغل في بنتي وانا امربيها احسن تربيه سعود عصب : هي بنت عمي وفي وجهي الناس لي شافوها بيقولون بنات ال&&&&& صايعين مهوبقايلين بنت فلان بيشبكون بنات العايله كلها نايف : اذا ولي امرها راضي شنسويلها دق تلفون سعود وشاف الرقم : هاه هذا هو داق سعود حطه اسبيكر: ألو ابورغد : والعنه يالخسيس يالردي سعود انفعل : اسمع لاتقعد اتغلط ماني بخسيس ولاردي الخسيس إللي يعجبه تبرج محارمه والردي إللي يتفاخر في تفصاخهم بو رغد جن جنونه : تقصدني ياكلب سعود : ماني كلب وماقصدتك لكن انت عاجبك لبس بنتك ابورغد : بنتي حره في لبسها ولاحد له شغل فيها وبعدين بنتي اتحب تتبع الموضه سعود ناقد عليه : امحق موضه والله بنتك وامثالها شوهوا صورة العبايه ابو رغد : احترم نفسك ياولد لا اتوثم فيك ياكلب واسمع الكلام ولاعاد اشوفك متعرض لبنتي سعود : اجل اسمع الكلام اللي يجمد على الشارب بيتنا يتعذر بنتك وان شفتها لابسه هالبس والله ماخليها تدخل البيت وخلها اتجنب خواتي ابو رغد عصب : لكم الشرف ان ادخلت رغد بيتكم لكن من اليوم ورايح بحرمكم هالشرف (وصك التلفون بوجهه ) نايف باستهزاء : اللهم لك الحمد والشكر الناس يكبرون ويعقلون وعمك هذا يكبر ويستخف زياده سعود : نايف ادخل عليها وخلها تذلف من البيت والله ان دخلت بذبحها نايف : ياابن الحلال لاتذبحها ولاتهتم فيها كل راعي مسؤؤل عن رعيته وهي ابوها على راسها وراضيلها فاضعفتها البست وإلا قعدت أنا الحين بروح اقولها تذلف ولا قاطعته رغد وهي طالعه : انت واشكالك اللي تذلف اصلا انا مااتشرف ادخل بيوت فيها اشكالكم وانت ياسعود والله ماانسالك مدت اليد ولردها لك بس بطريقه ثانيه طال الزمن وإلا قصر سعود ماقدريتحملها مسك العقال يبي يحذفها فيه لكن مسكه نايف وهي راحت تركض لسيارتها" حور بعد ماصلت المغرب كانت قاعده بغرفتها واتفكر ماباقي إللى يومين وينتهي الاسبوع وهي للحين مافاتحت الخاله سعاد بالموضوع" قطعت منار عليها حبل افكارها : حور فاضيه حور : أي تعالي وصكي الباب وراج دخلت منار وصكت الباب : اشفيج قاعده بروحج حور : افكر شلون افاتح خالتي سعاد بالموضوع منار : حور ماباقي إلا يومين وتنتهي المهله وانتي للحين مافاتحتي خالتي بشي حور تنهدت : ادري وهذا اللي كاسر ظهري لازم افاتحها بالموضوع باسرع وقت بس خايفه من ردت فعلها منار : حور كلهم متجمعين تحت وهذا احسن وقت اتفاتحينهم بالموضوع حور : يعني رايج اقولها الحين منار : أي هذا احسن وقت حور تنهدت : شورج وهدايت الله يلا ننزل انزلوا البنات حور عورها قلبها وهي اتشوف خالتها تلعب بلاستيشن ويا فهد وخالد هي فريق وخالد وفهد فريق " ترددت وبغت اتهون لكن منار ضغطت على ايدها وهزت راسها بمعنى لاترددين" قعدت منار عند نرجس اللي كانت اتحل كلمات متقاطعه وحور قعدت على القنفه وعيونها على خالتها تنطرها اتخلص لعب عشان تفتح وياها الموضوع وتفتك اما منال كانت لاهيه على اللاب " اسرحت حور بفكارها وماانتبهت لعمرها إلا على صوت ضحك فهد وخالد على الخاله سعاد عشان فازوا عليها وهي كانت معطتهم على جوهم واتغشمر وياهم " الخاله سعاد : الله يقطع بليسكم نسيتوني احط حنا على شعري يلا انا بروح احني شعري حور : لحظه خاله لاتروحين ابي اكلمج بموضوع دام الكل مجتمع الخاله سعاد باستغراب : خير إن شاءالله عسى ماشر حور : ماشر إن شاءالله بس انتي ارتاحي قعدت الخاله عالكرسي ومنال ونرجس هدوا اللي بإيدهم وصار كل تركيزهم لحور حور خذت نفس وبدت اتكلم : خاله انتي تدرين اشكثر انا واخواني نحبج ولو انلف الدنيا بكبرها ماراح نلقى احن من قلبج علينا الخاله سعاد : حور اشفيج صاير شي دخلي بالموضوع على طول حور : خالتي خليني استرسل بالكلام سعاد : خلاص كملي حور : انا ادري كلكم بتقولون ماله داعي هالمقدمه كلها لكن انا اشوف هالمقدمه اهم عندي من الموضوع نفسه انا ادري مهما قلت وزدت فالكلام عمري مااوفي بحق خالتي سعاد اصلا مادري امي الله يرحمها لو كانت عايشه بتسويلنا نفس ماسوت خالتي سعاد اللي عمرها مافرقت بينا وبين عيالها اللي من بطنها اصلا وجودها في حياتنا هو الامان بكبره انا ادري ان الموضوع اللي بقوله بيضايقها واهون علي تفقد عيوني نظرها ولا اشوفج متضايقه بسبتي لكن شسوي في امور فالحياه لازم الواحد يضحي عشان مايضر اشخاص غالين في حياته منال خلاص توترت : حور وإللي يرحم والديج دخلي بالموضوع ترى وترتيني حور وقفت قدام الخاله سعاد وفتحت ايدها : خاله لمينــــي الخاله سعاد وقفت باستغراب وعلامات التوتر بانت عليها وماردت حور اسحبتها لحضنها ولمتهــــا منار ماقدرت تمسك عمرها دمعت عينها بس ماحد انتبه لها حور تمت لامه خالتها بقوه : خليني اشبع من حضنج يمكن ابطي ماعاد اتلميني ولاتأخديني بحظنج سعاد حست بنغزه شديده بقلبها مسكت حور من كتوفها ووخرتها من صدرها وهزتها : حــــور اشصاير تكلمي حور وخرت من سعاد ومسحت الدمعه اللي انزلت ماتبي تضعف واتردد : للحين ماصار شي بس بيصير لاني خلاص خذيت القرار منال عصبت : خــــلاص عاد صبت عظامي تكلمي حور خذت نفس وقوت نفسها : عناد عرض الخاله سعاد من اسمعت طاري عناد حطت ايدها على قلبها عرفت ان فيه شي كبير بيصير حور كملت : عناد عرض علي اعيش انا واخواني عنده لفتره هو يحددها مقابل انه يبعد عنا ولاعاد يأذينا وانا وافقت ( حور ماقالت لهم عن تهديده لسعاد وبناتها وانهم لو تموا قاعدين عند سعاد راح يحرق بيت سعاد ويعتدي على بناتها لان حور عارفه انها لو قالت لسعاد عمرها ماراح تسمح لها يروحون حتى لو كلف الثمن حياتها) الخاله سعاد عصبت وامسكت حور من كتفها وتمت اتهزها : بأمر منو اتوافقين مو على كيفج ولا راح تسكنون عند احد غيري دام راسي يشم الهوا فاهمـــه حور خلتها على راحتها حتى ماحاولت اتهد عمرها من سعاد على الرغم من ان ضغط وهز الخاله لكتوفها عورها: بس انا خلاص وافقت وعطيته الرد وبعد يومين بننتقل عنده نرجس ومنال انصدموا ومانطقوا بولا كلمه سعاد جن جنونها : يعني شنو عطيتيه خبر وانا مالي اهميه بعد ماقررتي وخلصتي يايه اتقوليلي حور بهدوء : انتي على العين والرأس بس قراري هذا عشانا كلنا سعاد هدت كتوف حور : مو على كيفج ماراح اخليج اتروحين حتى لو احبسج بالغرفه حور قربت من سعاد عشان اتهديها : خالتي سعاد صرخت عليها : لاتقولين خالتي دام هالتفكير برأسج تنسين انج اتعرفين وحده اسمها سعاد حور عورها قلبها بس مسكت نفسها عشان ماتضعف : انا مالي غنى عنج بس هالشي خارج عن ارادتي سعاد منفعله حيل : شنو خارج عن ارادتج قوليلي السبب الحقيقي اللي عشانه بتهديني واتروحين له السبب اللي قلتيه ما اقنعني قوليلي انا قصرت عليكم بشي ضايقتكم بشي حور نزلت راسها وادمعت عينها : لا والله عمرج ماقصرتي علينا بشي انتي امنا اللي ماجابتنا سعاد : لاتقولين اني امج وانتي بنتي لان مافيه بنت تطلع عن شور امها حور : خالتي تكفين لاتقولين هالكلام تراه يذبحني سعاد : وانتي وكلامج اتشوفينه مايذبح ولا يحز بالخاطر انكم اتخلون بيتي واتعيشون عند عناد ليش ليش ياحور انا قصرت بشي والله اني احبكم واخاف عليكم مثل ماحب عيالي اللي من بطني حور بحزن : ينقطع الساني اذا قلت في يوم انج قصرتي معانا بشي وللمره المليون اقولج لو كانت امي عايشه يمكن ماتسوي اللي سويتيه لنا سعاد : عيل ليش تبين اتروحين حور تنهدت : لاتسأليني عن السبب لانج مصيرج اتعرفين مع الوقت بس في هالوقت بالذات مااقدر اقول شي لكن كل اللي اتمناه اني مااطلع من البيت إلا وانتي راضيه سعاد : واذا مارضيت بتطلعين حور تنهدت : انا مجبور منال عصبت : حور موعلى كيفج تبينا نشوفج اتقطين نفسج بالنار ونرضا حور : صدقيني يامنول انا بس بساير عناد انا عارفه اشيبي يبي معاش ابوي واجار البيت وسيارتي وكل هذي بتم عندكم منال : انتي ليش تضعفين له عناد شمهددج فيه قولي حور : الكلام بهالموضوع ماعاد يفيد سعاد : يعني رضاي وعدمه واحد حور : لاوالله رضاج عندي بالدنيا لكن فيه امور مجبورين عليها سعاد بصرامه : يعني بتروحون حور هزت راسها بنعم سعاد : عيل وانتي طالعه من الباب انسي شي اسمه خالتج سعاد (ومشت تصعد الدرج رايحه لغرفتها ) الكل انصدم وحور قعدت عالغنفه وحطت ايدها على وجهها وبدت تبكي بحرقه اتحس نفسها بين نارين ان تكلمت اويلاه وان اسكتت اويلاه" منال ماقدرت اتحمل شكل حور راحت لها ولمتها : حور انتي ليش اتسوين جذي قوليلي عناد مهددج بشي قايلج شي ليش اتروحين للموت برجولج حور وسط دموعها : منال اذا اتحبيني لاعاد تسأليني عن شي لاني والله تعبت من الهم منال تمسح على راس حور : طيب قوليلي خليني اشاركج همومج حور وخرت من منال ووقفت تبي اتروح لغرفتها : كل اللي بقوله وابيج اتوصلينه لخالتي سعاد اتمنى انها مااتخلى عنا بهالظروف لاني محتاجه لها اكثر من اول ومالي غنى عنها صعدت الدرج رايحه لغرفتها وهي حيل حزينه اللي كانت خايفه منه صار كانت خايفه من زعل الخاله سعاد وهذا هو صار " -------------------------------------------------------------------------------- العصر في بيت الجده هيا كانوا قاعدين فالحوش الجده والبنات دق الباب وراحت العنود تفتح كانت وحده من خدامات اهل منايل " شافتها منايل من الدريشه : العنود ولاعليج امر دخليها انا الحين نازله العنود دخلت الخدامه " الجده : هذا من وش تبي العنود : يمه هذي خدامه اهل منايل الجده : وشفيها جايه العنود : مدري يمه انزلت منايل وياها سلة ملابس واول ماشافتها الخدامه اركضت تأخذ الملابس : هاي نينا نينا : هاي مدام منايل : wash and iron form these clotes نينا : اوكي مدام خذت الخدامه الملابس ومنايل قعدت وياهم بالحوش الجده باستغراب : انتي ليش معطتها كل هالملابس منايل : عشان اتغسلها وتكويها وابجيبها لي الجده : كل هالملابس اتغسلها وتكويها منايل :أي خالتي شسوي صار لي اسبوع ماوديتها لاهلي عشان يغسلونها ويكونها الخدم الجده ناقده عليها : ليه وانتي وش ناقصج رجل وإلا ايد ماتعرفين اتغسلين ملابسج منايل استغربت وضحكت : ههههههه منو انا اغسل الملابس ليش إن شاء الله والخدم اللي جايبهم ابوي زينه الجده : بس انتي الحين في بيت رجلج ماعادج في بيت ابوج منايل : والله شسويلكم ماعندكم خدامه الجده : يابري حالي بنات اخر زمن الرباده اذبحتهم رفلات ومايعرفون السنع منايل ماردت عليها قامت وراحت لغرفتها العنود : يمه شوي شوي عليها طول عمرها متعوده عالدلع والراحه الجده عصبت : انطمي انتي مستانسه على خبالها وهبالها حتى ملابسها ماتعرف اتغسلها من خبالة امها اللي ماعلمتها نوير بصوت واطي عشان ماتسمعها جدتها : يابري حالي تبي البنت تكرف ليل ونهار العنود : اقول ابلعي السانج وسكتي لاتسمعنا حطت لنا سالفه لا راحت ولا جات دخل بندر وابتسم يوم شافهم قاعدين بالحوش من زمان ماقعدوا فيه : السلام عليكم الجده : عليكم السلام ياهلا والله ومرحبا بالغالي ولد الغالي البنات : وعليكم السلام نزل بندر وحب راس جدته ورجولها : شخبار الغاليه الجده : بخير جعلك بخير دامني اشوفك فأنا بصحه وعافيه بندر ابتسم : جعله دوم وهالمزايين شعلومهم العنود ونوير ابتسموا : طيبين الله يطول بعمرك وقف بندر : يلا عن اذنكم انا بروح اتسبح وانزل لكم الجده : اخذ راحتك جعلني ماذوق فرقاك بندر وهو ماشي : الله لايخليني من وجودج ياراس المال انتي دخل الغرفه لقاها قاعده اتحط وتمسح بهالمكياج " بندر : بسم الله الرحمن الرحيم منايل طالعته بنظرت استحقار : منك بندر يبي يقهرها : اتلطخين بهالالوان تبين الزين ولافيه فايده منايل عصبت : عاد اتصدق انت اخر واحد يهمني رايه بندر فتح الكبت ومالقى ملابسه : اقول خلي هالخرابيط وقومي عطيني ملابسي منايل طالعته بنص عيل : خير إن شاءالله وانت ليش ماطلع لعمرك بندر : الكبت مافيه شي وين ملابسي منايل هزت كتوفها : وانا اشدراني عنها بندر على طول راح لسلة الملابس الوسخه ولقاها مليانه ملابسه الوسخه : هذي الملابس وسخه منايل : مادري بندر عصب : شلون ماتدرين ماغسلتي ملابسي منايل بانفعال: شنــــو انا اغسل ملابس هذا اللي ناقص والله ليش ماوديتها المصبغه اذا ملابسي ماغسلها هالمره اغسل ملابسك بندر : اجل من اللي يغسل ملابسج ياسندرلا ليكون خواتي منايل : والله الله يخليلي ابوي تارس البيت خدم وكل ثلاث او اربع ايام يجون ياخذون ملابسي يغسلونها ويكونها بندر : وملابسي طول هالفتره من يغسلها منايل بثقه : خواتك يجون وياخذون سلة ملابسك ويغسلونها بندر : وبثقه اتقولين خواتك يغسلونها انتي ماتعلمتي السنع عند اهلج منايل باستغراب : انا بفهم ليش معصب سألتني وجاوبتك يعني هذا الصج خواتك ياخذوا ملابسك ويغسلونها وين المشكله بندر : والمصيبه انج ماتعرفين وين المشكله ومستانسه ان خواتي يغسلون ملابسي وانتي موجوده منايل : والله ماعرفنالكم ياهالناس يعني هذا نظامكم من قبل لااجيكم خواتك يغسلون ملابسك خلاص اذا ماتبيهم يغسلونها خلاص ودها المصبغه بندر نرفزته زياده : انتي ماتفهمين عربي انتي ماتعرفين ان الزوجه هي اللي تغسل ملابس زوجها منايل : لاوالله وإن شاءالله تبيني اغسل ملابسك هذا اللي ناقص بندر بحده : وليه إن شاء الله ماتغسلينها منايل : ماعرف ولا ابي اعرف بندر هز راسه : إن شاءالله انج بتعرفين والحين يلا قومي انزلي معي منايل : وين بندر : اتعلمين الغسيل منايل شهقت : نعــــم شنــــو اتعلم الغسيل من قال ابي اتعلم هذا اللي ناقص بندر : اي والله صدقتي هذا اللي ناقصج مابعد تعلمتي الغسيل ويلا قدامي امشي تعلمي منايل : مابي ماني ماشيه ولا متعلمه واللي بتسويه سوه بندر : انتي بتمشين فاحسن لج امشي بالطيب لا امشيج بالغصب منايل قعدت على السرير وتربعت وخذت صبغ الاظافر اتصبغ : وماردت عليه بندر ايتنرفز من هالحركات خذا الصبغ : هذي الوسمه وبنقطها فالزباله ويلا قدامي امشي منايل : ماني نازله وان قربب مني والله لعظك بندر : بعد اتهددين يعني منتي قايمه بالطيب منايل : خلاص ماتفهم انت مابي اقوم مسكها بندر وشالها ومنايل ترفسه وتصارخ واخر شي شافت مافيه فايده عظت صدره بندر عورته العظه بس يبي يقهرها : وهذا حدج ماعندج ماعند جدتي منايل اتزيد في العظ بس مافاد وصلوا للحوش ونزلها منايل معصبه : انت اشتبي تراك غاثني بندر : جعله دوم المغثه ومابعد شفتي شي للحين الجده : ياولدي وشفيكم بندر : مافيه شي بس بنعلمها الغسيل الجده : يامال فرقى العين هذي وين اتعرف اتغسل هذي إلا اتلبس واتزين منايل : عليــــج نور انا ماعرف إلا اتلبس واتزين سمعت امك اشقالت بندر : أي هذا اللي تبينه بس بعيد عن خشمج العنود جيبي سطل منايل : شنو سطل عبالك ايام قبل حسبالك درب الزلق بندر مارد عليها : اخلصي يالعنود جيبي سطل وصابون منايل : اي والله يالعنود جيبيله خليه يغسل ملابسه وافتك من هواشه بندر يجاريها : اي صدقتي جابت العنود الاغراض : تفضل خذا بندر السطل وحط فيه ماي وصابون وحط في السطل ماي : تفضلي ياطويلة العمر استريحي جمبي منايل : هههه شنو انت بتغسل بايدك ماعندكم غساله بندر : لا افا عليج اغسل بايدي وانا عندي غساله بشريه تعالي اقعدي جمبي منايل شكت فالموضوع : شنو لا مابي اقعد جمبك (راحت وقعدت بين العنود ونوير على الزوليه) الجده عصبت : وجع ان شاءالله قومي غسلي ملابس رجلج وخلي الدلع الماصخ عنج منايل ماسكه ثوب العنود خايفه : والله انتوا ماخذيني وتدرون اني ماعرف هالاشياء ولا ابي اعرفها بندر جا صوبه : طولت اللسان لاعاد اسمعها ان قالت امي شي قولي تم فاهمه منايل : انا ماطولت اللساني وبعدين هذا الصج انتوا ليش تزعلون من كلام الحق نوير : خلاص يابندر انا بغسل ملابسك وماله داعي الهواش ويعني لاتلمون منايل عمرها ماتعودت على هالشي منايل استانست وودها في هالحظه تقوم اتبوس نوير وتلمها بردت قلبها الجده معصبه : انتي انطمي ومالج شغل وإذا ماتعرف اتعلم واتصير مرتن صاحيه اتعرف السنع منايل تقول بخاطرها شايفتني مجنونه مثلا" بندر : هي بتقوم اتغسل يابالطيب يا بالغصب منايل انقهرت منه : ماني قايمه ولاني غساله بشريه على قولتك وتراك مصختها انت وكلامك واسلوبك ترى ماتنجبر نفس(ن) على نفس خلاص يابن الحلال طلقني وفكني من شرك ترى بيت ابوي اللي ظمني عشرين سنه بيظمني باقي عمري بندر عصب يكره طاري الطلاق اذا جابت سيرته وده يذبحها : لو اتموتين ماطلقتج وبعدين انا إللي احدد متى اطلق فاهمه وإلا تبيني افهمج بطريقتي منايل وقفت وتخصرت : يعني اش بتسوي بتمد ايدك وإلا بتحبسني بغرفه تراني زهقت منك ومن عيشتك اللي تقصر العمر بندر جن جنونه ورفع انظره شاف بريعصي على الطوفه خذا انعاله منايل اول ماشافته مسك انعاله خقت ومن الخوف تقبظت فالعنود ونوير بندر حذف البريعصي واذبحه وشاله في جريده منايل شافته ذبح شي بس مادرت شنو جا صوبها وشايل بيده الجريده : تقولين اشبتسوي بتمد ايدك والا تحبسني افا عليج لا هذا ولا ذاك اليوم اسلوب جديد منايل ماسكه العنود ونوير حيل واطالعه وحدها خايفه ماتدري شنو ماسك بندر بحده : بتقومين اتغسلين الملابس والا اقومج بطريقتي منايل هزت راسها بلا بندر قرب منها : اتقولين لا (قرب منها الجريده عشان اتشوف البريعصي) منايل اول ماشافت البريعصي نطت بحظن العنود وقعدت اتصارخ وتبكي وخاشه وجهها بصدر العنود : يبــــــــه يمــــــه يبـــــــه الحقني الله يأخذك وخـــر عنـــي العنود ضمتها ونوير قامت :حرام عليك يابندر البنت بتستخف بندر عوره قلبه عليها بس خذاها مسألة عناد : نوير اسكتي ولا اتدخلين وانتي يامنايل قومي لاورب الكعبه ادخله في ملابسج منايل بغت اتموت من الخرعه تبكي واتصارخ وحالتها حاله " الجده ساكته وراضيه باللي يسويه بندر تبيها اتسنع واتعلم الشغل " نوير اتعرف عناد بندر لي ركب راسه اركبه : خلاص يامنايل امشي قومي غسلي وحنا بنقوم انغسل وياج العنود بحنان همست باذنها : قومي ووالله ماخليه يقرب البريعصي منج منايل تطمنت للعنود ونوير وقامت وياهم وعيونها منتفخه من البكي واتشاهق شكلها يكسر الخاطر كانت تمشي وماسكه العنود ونوير " بندر واقف يطالعهم ومنقهر من نفسه انه سوا هالحركه فيها يكره يزعل أحد" بس منايل تقهره بكلامها قط البريعصي فالزباله وراح يغسل ايده" العنود ونوير قاعدين يغسلون ملابس بندر ومنايل قاعده جمبهم وبس حاطه ايدها فالماي من طقت انها اتغسل وهي ماتعرف في الغسيل أي شي" خلصوا غسيل ملابس ونشروها عالحبل راحوا يبون يدخلون داخل ومنايل كانت تمشي وياهم بندر وقف قدامهم : يعطيكم العافيه العنود ونوير : الله يعافيك منايل ماطالعته ولاحطت عينها بعينه مالها خلق له كرهته ماردت عليه مشت تبي تروح لغرفتها بندر وقف قدامها ماخلاها تمشي يبيها اطالعه منايل مارفعت عينها فيه وراحت للجهه الثانيه وراح قدامها ماخلاها تمشي العنود ونوير حسوا وجودهم غلط راحوا وخلوهم على راحتهم بندر مسك إيدها يبي يروح وياها للجهه الثانيه من الحوش عشان ياخذ راحته بالكلام وياها لكن منايل ماعطته مجال سحبت ايدها منه ومشت تبي تدخل داخل البيت " بندر شاف انه احسن يخليها لين تهدا اعصابها خذا غترته من على المركى وطلع برا البيت" بيت الخاله سعاد" الكــــل كان حزين" منار ترتب اغراضها فالجنطه ونرجس قاعده عندها وحدها حزينه وكل وحده فيهم خانقتها العبره وساكته" حور خلصت ترتيب جنطة خالد وحطتها بالصاله اللي فوق " قعد فهد عند الجنطه حزين وخالد جا وقعد جمبه" فهد : انت اذا رحت بتنساني وبتعرف على ربع غيري خالد حط ايده على كتف فهد : افا عليك انت اخوي احد ينسى اخوه وبعدين حنا بنشوف بعض كل يوم فالمدرسه فهد : بس مو مثل الحين "الحين كل شي انسويه مع بعض انروح نصلي فالمسجد مع بعض وناكل مع بعض وانام مع بعض ونلعب مع بعض خالد حزين : ان شاءالله فتره ونرجع نعيش مع بعض في غرفة منال وحور ماكان الوضع احسن بالعكس كان اسوء لان منال بس قاعده عالسرير وتبكي " حور ترتب اغراضها والعبره خانقتها بس ماسكه نفسها بالغصب منال تبكي : يعني خلاص باجر بتروحون يعني ماراح اتغيرين رايج حور : انتي ليش تبجين يكفيني إللي فيني وانتي اتزيديني منال : يعني بتروحون واتخلونا وماتبيني ابجي تبين اضحك مثلا حور خلصت ترتيب وماعاد قدرت تمسك عمرها اكثر قعدت على السرير عند منال وجات عينها بعين منال ولاإرديا قامت تنزل دموعها لاشعوريا ثنتينهم لموا بعض وتموا يبجون وحالتهم حاله" حور ضامه منال حيل: انا ابيج اتقويني وانتي اتزيديني منال ماسكتها حيل ماتبي اتهدها : ماقوى على فراقج دقيقه علميني شلون بتغفى عيني وانتي مو يمي حور تنهدت : يكفي ان زعل خالتي كاسر ظهري لاتزيديني بكلامج منال : شوفي حالي وانتي للحين مافارقتيني وشلون لارحتي وخليتيني حور : انا محتاجه دعواتج يامنوله والله اني تعبانه من فراقكم بس علميني شسوي وانا مافي يدي حيله منال وخرت منها وبدت تمسح دموع حور بيدها وحور سوت نفس الحركه لمنال منال : اوعدج اني ادعيلج بكل صلاه ومهما طال البعد ماتغير ومتى ماحتجتيني بتلقيني حتى لو الكل تخلى عنج مستحيل اتخلى عنج حور : صدقيني لو ألف الدنيا كلها مستحيل القى احن من قلوبكم علينا منال حبت اتغير الجو : وبعدين اذا رحتي مو تنسين رفيجتج كل ماشفتي ولد عمج المزيون ابوكشه صوريه ودزيلي ياه حور ابتسمت :اخاف تحترق كاميرة فوني منال بضحك :اخاف بس تبين تروحين وتسوين قصة حب وياه واتخونين رفيجتج حور :وجع صج فاضيه من حلات ابوكشه عشان القيه وجه منال :هههههه ياحلوه وحلو كشته وغمازاته حور :ههههه ماتخلين سوالفج منايل خذت مخدتها والحافها وراحت اتنام عند العنود ونوير" الساعه 11 الليل " جا بندر ودخل سيارته فالحوش فتح الدبه ونزل ثلاجه حجم وسط صعد فوق وراح غرفته فتحها ومالقى منايل وانصدم وعلى طول راح غرفة البنات دق الباب عليهم" اسمعته نوير وقامت تفتح الباب: هلا بندر بندر بخوف : وين منايل نوير تفرك عيونها فيها نوم : منايل نايمه عندنا بندر ابتسم برتياح : متى نامت نوير : نايمه من الساعه 10 بندر بصوت واطي : نوم العافيه نوير سمعته وحبت تحرجه : الله يعافيك بندر ابتسم بحراج : يلاتصبحين على خير واسف ازعجتج نوير : لاعادي اخذ راحتك بندر وهو نازل من الدرج : يلا عن اذنج نوير : اشفيك نازل وين بتروح بتنام فالدوانيه بندر : لا برقد في غرفتي بس بروح انزل الاغراض من السياره نوير : اجل بنزل اشيل معك بندر : لامايحتاج ارتاحي نوير : إلا والله بنزل بندر : إللي يريحج نزلت نوير ويا بندر شالوا الثلاجه وحطوها بغرفة بندر وعقب بندر قال لنوير ترجع تنام وهو جاب باقي الاغراض ماخلى شي فالجمعيه ماشراه من عصاير وككاوات وبطاطات وهمبرقر وتوست وجبن بانواعه وصمون ونقت وشبس وكتشب ومايونير ماخلى شي" ضبط مكان الثلاجه وشغلها وحط الاغراض في وعقب ماخلص جمع الكراتين والوسخ ونزلها لزباله " رجع لغرفته يبي ينام لمح شي مكتوب عالمرايه" وقف قدام المنظره وضحك وهو يقرأ الكلام المكتوب بالحمره " (اكرهك ومااواطنك ) خذا كلينكس ورش كلونيا فيه ومسح الكلام وراح ينام على سريره" الساعه 10 الصبح " قعدت منايل التفتت ماشافت العنود ونوير : ياحليلهم اكيد قاعدين من الساعه ثمان خن اروح اخذلي شور وابدل ملابسي وانزل لهم خذت مخدتها والحافها وقبل لاتطلع لمحت شكلها بالمنظره انصدمت من عيونها منتفخه وصايره حمرا " فتحت باب غرفتها وانصدمت وهي تشوف بندر متمدد على السرير ماتوقعت بيكون موجود دايم يقوم من الساعه 7 اذا عنده دوام واذا ماعنده يقعد الساعه 8" بندر ابتسم لها: اهلــــين سوت نفسها مو مهتمه ولا كأنه موجود دخلت حطت مخدتها والحافها على الكرسي وفتحت الكبت تأخذ ملابسها قام بندر وراح لها" منايل حست بوجوده وراها وتوترت من قربه بس ماعطته وجه " بندر قرب منها حيل : صباح الخير ياحلو منايل سافهته ماردت عليه مسكها بندر ولف جسمها كله صوبه وضمها على صدر : ادري اني غلطت لكن انتي السبب نرفزتيني بالكلام وإلا انا هذا مهو اسلوبي منايل تصنم جسمها وتجمدت حست عظامها تيبست بندر رفع ايده اليمنى وتم يمسح على راسها ويده اليسرى لف فيها خصرها : من حقي انج كزوجه تغسلين ملابسي ومن حقي تطبخين لي ومن حقي اشياء واجد انا متغاضي عنها وانا ماغلطت في طلب حقوقي لكن غلطي الوحيد اني اعرف ان عندج رعب وخوف من الحشرات واخوفج فيها منايل حست نفسها بيغمى عليها من كثر ماهي تحس نفسها بتقطع من الخجل وبالذات وهي اتحس بحرارة انفاسه قريبه منه بندر مسك وجهها بكفوفه و قربها من وجهه : شوفي لاتظنين اني متحسف عشاني ابيج اتعلمين الغسيل والطبخ لاوالله ماني متحسف ولاني مهون من هالشي ولاني متأسف إلا على شي واحد ان الدموع كلها من سبت الخوف اللي لليوم وعيونج منتفخه بسبت الخوف اللي انا سببه ( باس عينها اليمين وعينها اليسار وجبهتها ) انا اسف على الرعب اللي سببته (وطلع من الغرفه وخلاها ) منايل للحين متجمده في مكانها ومو مستوعبه الللي صار تحس بيغمى عليها " بيت الخاله سعاد" اجواء الحـــــزن مخيم على البيت كله اليوم او بالاحرى بعد ساعتين بيمر عناد يأخذ حور وخوانها يعيشون عنده" خوف من المجهول وإلا احساس بضياع جميع المشاعر موجوده فيهم لكن شعور الحــــــــزن هو سيد الموقف " الكل كان قاعد بالصاله ماعدا الخاله سعاد قاعده بغرفتها زعلانه عليهم ورافضه اتشوفهم او اتودعهم وفي نفس الوقت حزينه حيل وخايفه عليهم وللحين عندها امل انهم يهونون" خذت حور تلفون البيت تبي ادق منال خنقتها العبره : خلاص مليتي منا تبين ادقين على عنادوه ياخذك ويحرمنا منكم حور ابتسمت ومن داخلها هم وحزن مايعلمه إلا الله : لي ملت عيوني نظرها مليت منكم وبعدين من قال بدق عليه منال برتياح : هاه بدقين على منو حور : ناقص وحده غاليه على قلبي ماوادعتها منال نزلت راسها بحزن والدمعه بعينها من طاري الوداع حور دقت على بيت الجده هيا " ردت العنود : ألو حور : ألو مرحبا العنود : مرحبتين حور : صباح الخير ياحلوه العنود عرفتها : هلا ومرحبا ياصباح الورد يالله حيها حور : الله يحيج اشلونج وشلون الوالده والاهل عساكم بخير العنود : كلنا بخير وماعلينا اخلاف ومانسأل إلاعنكم حور : بعد عمري تسأل عنكم العافيه العنود : طمنيني عنكم شلونج وشلون اخوانج حور : كلنا بخير الله يسلمج العنود : عسى دوم حور : ماني مطوله عليج يالغاليه بس بغيت منايل ضروري اذا مافيه مانع العنود : ابشري بس شوي لان بيني وبينج بندر مانعها من التلفون واذا شاف التلفون بايدها بيسويلها سالفه بس ولا يهمج بضبط الوضع واخليها ادق عليج بس عطيني خمس دقايق حور : طيب خلاص انا بنطرها على الخط والله يعطيج العافيه ماقصرتي العنود : ماسوينا شي يلا انا بروح اشوف نوير كانت قاعده فالحوش ويا جدتها وبندر" وقفت العنود عند باب الصاله واشرتلها بإيدها عشان محد ينتبه لها " فهمت نوير وجتها : خير وش فيج العنود : اسمعي حور على الخط تبي اتكلم منايل ضروري وانا ابيج اتلهين بندر وامي وانا بروح اناديها نوير : خلاص ازهليها وانتوا اذا خلصتوا عطوني اشاره العنود : خلاص زين نوير رجعت للحوش عشان اتلهيهم والعنود راحت تركض اتنادي منايل " العنود دقت الباب بسرعه : منايل بسرعه افتحي منايل افتحت بخوف : خير اشفيج العنود : بسرعه انزلي حور على الخط تبيج ضروري وقلت لنوير اتلهي امي وبندر وانا براقب الوضع يلا بسرعه منايل بفرح : يــــلا انزلوا البنات العنود وقفت ورا باب الصاله اتراقب " ومنايل ركضت لتلفون : ألو هلا حبيبتي حور بشوق : هلا حياتي شلونج طمنيني عنج منايل : حور انا مشتاقه لكم حيل لازم اشوفكم محتاجه اسولف وياكم وافضفض حور ترددت تقولها شي عن موضوع روحتهم لعناد : منايل اشفيج صاير شي منايل : صايره اشياء موشي واحد تكفين حور مشتاقه لشوفتج حور ماقدرت اتروح وماتشوفها واتسلم عليها : خلاص شوفي متى يطلع رجلج منايل : يمكن بعد ربع ساعه يروح ويا امه للمزرعه حور : خلاص انا جايه بس ترى ماني مطوله بس بسلم عليج واشوفج منايل استانست : مو مشكله اهم شي اشوفج ياحياتي حور ابتسمت : يلا سكري لايطب عليج بندر وإلا امي منايل : أي والله صدقتي يلا مع السلامه قبل لايجكوني صكت منايل السماعه : العنود خلصت العنود اشرت بإيدها لنوير بمعنى خلصنا" لبست حور عبايتها : منول تروحين وياي منال : لامالي خلق اقابل احد روحي انتي ولاتأخرين حور : بس بسلم عليها وارجع بعد نص ساعه وصلت حور وكانت منايل تنطرها عند الباب " دقت حور الباب ومن الفرحه على طول فتحت منايل " منايل ضمتها : هلا وغلا حبيبتي اشتقت لج حيــــل" حور لامتها بقوه : وانا اكثر منايل شوفتج اتكفيني عن كل شي اهم شي اني شفتج منايل ماهدتها: حور وربي فقدتكم انتي ومنوله بالاخص من بعد ماكسر تلفوني شين الحلايا انا ماحبه اكرهه حور ابتسمت : مسرع ماامداكم ماصار لكم إللي حتى شهرين توالناس توكم ماعرفتوا بعض اصبري الصبر مفتاح الفرج منايل : حور شنو هذا يبيني اغسل ملابسه واطبخ له انا حدي اسوي توست بجبن واصلا انا متهاوشه وياه تخيلي يبي يدخل البريعصي بملابسي حور : ههههه ياحلوج وحلو سوالفج شوفي مااقدر اطول اكثر بس بقولج كلمتين المره بطريقتها واسلوبها تقدر تكسب الرجال وتخليه يتعلق فيها ويحبها منايل : انا اصلا ابيه يطلقني مابيه يتعلق فيني ماقدر اعيش عيشتهم حور شافت ساعتها : منايل انا تأخر يمكن مانلتقي مره ثاني كل اللي ابيج تعرفيه اني احبج ومهما طال الغياب مستحيل انسى اغلى صديقتين عندي انتوا مو بس صديقاتي انتوا خواتي منايل بخوف : حور ليش تقولين هالكلام صاير شي حور سحبتها ولمتها : موصاير شي بس اشتقت لج منايل شكت ان فيه شي بس ماعرفت شنو حور : يلا انا اخليج ديري بالج على نفسج منايل : حور تكفين توالناس حور : مااقدر اتأخر اكثر يلا فمان الله حبيبتي منايل ودعتها : فمان الكريم حياتي رجعت حور للبيت قبل لايوصل عناد بنص ساعه دخلت سيارتها بالحوش وعطت مفتاحها لمنال وعطتها بطاقات السحب حق معاش ابوهم وقالت اذا احتجت شي بقولج تسحبين وتعطينها نرجس تعطيها منار فالمدرسه أومي ومي اتوصلها لي ويا فوزيه لانها ماتضمن عمها يمكن يأخد البطاقات غصب عنها او يسوي أي " وصل عناد وبدوا يركبون اغراضهم وكان حده مستانس يرحب ويهلي وحيالله عيال اخوي وإن ماشالكم البيت بتشيلكم عيوني " الــــوداع الاخير" نزلت الخاله سعاد ودعت منار وخالد ورفضت تسلم على حور " مشت سعاد تبي تصعد الدرج واتباهى بعدم الاهتمام وهي من داخلها حزينه" وقفت قدامها حور ودموعها تنزل لاإرديا : صح انج خالتي وعلى العين والرأس ولج حق تأخذين بخاطرج مني لكن موعلى كيفج تحرميني اوادعج الخاله سعاد قلبها يعتصر بس سوت نفسها مو مهتمه حور طاحت عند ارجولها وضمتها : ادري انج اتكابرين وادري ان كل اتسوينه من ورى قلبج بس صدقيني مصيرج مع الوقت تعرفين السبب وتعذريني سعاد العبره خنقتها رفعت راسها وكأنها تمنع دموعها ماتنزل حور تبكي وتشاهق : حتى لو زعلتي علي بس انا متأكده لو احتجت لج بأي وقت بلقاج الصدر الحنون اللي يضمني سعاد اتكابر وهي خلاص واصله حدها صدت ودموعها تنزل : هذاك قبل كنت الصدر الحنون اما مجرد ماتطلعين من هالبيت تنسين شي اسمه خالتج سعاد حور ضمت ارجولها اكثر : انتي تطلبين المستحيل مافيه قلب ينسى دقاته وقفت حور ومسحت دموعها بكفوفها ومشت : منور وخالد يلا مشينا ودعت حور منال ونرجس وفهد وخدامتهم كارين لانهم بيخلونها في بيت الخاله سعاد مايقدرون ياخذونها وياهم " سعاد ماقدرت تستحمل اكثر وفي نفس الوقت ماتبي تضعف راحت بسرعه للمطبخ عشان ماتضعف واتناديها " اما حور كانت اتجر خطواتها مثل اللي يمشي ووده احد يناديه عشان يرجع" كانت في كل خطوه اتمنى خالتها سعاد اتناديها وتحضنها لكنها للاسف وصلت للباب وركبت السياره وماتحققت هالامنيه" حور ومنار وخالد كلهم ركبوا ورا محد ركب قدام ويا عناد" اما عناد كان ينكت ويسوالف عليهم سوالف ماصخه ومحد منهم معطيه وجه ولاحتى منتبهين له" وصلوا لبيت عناد وكانت فوزيه فاستقبالهم وعلى طول خذتهم لغرفتها " مر اسبوع على وجودهم ببيت عمهم وبدت الدراسه حور وقفت قيدها اما منار وخالد تكفل العم مصطفى بتوصيلهم" الوضع للحين مستقر وعناد للحين ماطلع خياسه وسهراته الحمرا والفسق والفجور" لكن حور ماتطمنت له وعمرها ماراح اتطمن له وكانت حريصه حيل على نفسها واخوانها لدرجه انها صارت تمنع خالد يروح للمسجد بروحه صار اغلب الوقت يصلي في البيت واحيانا يمر العم مصطفى يأخذه وياه للمسجد ومنبهتهم مايرحون ويا عناد ولاحتى فواز" وبينها وبين نفسها كانت تقول هذا الهدوء إللي يسبق العاصفه عناد وزوجته ماهم خالين من الشر والحقد اللي مالي قلوبهم" انتهــــى البــــارت" اتمنــــى يحوز على عجابكم " |
يامرحبا ويامسهلا عدت والعوداحمد بارت روعه بعدالغيبه الطويله والحمدلله على السلامه وعناد يضبط خطته علشان بيزوج حور صدبقه الغني وسعاد لمي تعرف ان حور راحت من الخوف عليهم من عناد بتوقف بوجه عناد وبنتظارالبارت الجاي:55:
|
مشوره بارتين حماس والله وراح تتربين علي ايد
بدر وحور قهرتيني محسيت سببج مقنع والله اللي الله كاتبه بيصير بس نقول ربي يحميج من عناد ومؤمراته Sent from my iPhone using Tapatalkروعه |
السلام عليكم و رحمة الله و بركاته
مساء الخير و الرضا من الرحمن أن قلت إبداع ما وفيت .. و أن قلت مميزة بعد ما وفيت بارتين من أورع ما يكون تسلم الايادي يارب و أخر الغيبات يا عسل ========================= (( حور )) قد يكون تصرفها متهور و هي تعرف و تبخص عمها الهم و عارفه نواياه الشينة بس بالمقابل اللي يكون بموقفها ما راح يحس و ش كثر هي تعاني من القرار و البعد عن الناس اللي تحبهم صعب جدا .. هي قدمت تضحية و هي عارفه و متناسية وش ممكن يكون مصيرها .. لإن مو معقولة عمها بيسكت و حتى لو بغى الفلوس و ما حصل عندها بيسوي سالفة بس من غر أي اضرار لإنه باين أنه خايف من أبو فيصل صديقه اللي السلعه بتكون حور في هالصفقة .. مدري اتوقع ان خالد و منار ما راح يستكون يمكن يسمعون بالسالفة و حور اهم ما عندهم لو بلغوا الخالة سعاد أو حتى فواز المهم ينقذونها بتزعل يوم يومين و ترضا... ================================ (( بندر و منايل )) يا حبيلهم توم و جيري .. طبعا البدايه غلط و الوضع حساس جدا للأسف بندر ما عرف يتعامل معاها مو قل سنع عنه بس لإنه حس انه متندم على قراره و خصوصا أن الجده هيا مو بالعه منايل هذا خلاه يكون الند لها بكل شيء و هي مدلعه و كل شيء كان قدامها تأشر و تأمر و يقولون لها حاضر .. الوضع تغير عليها كليا .. يمكن لو لقت احد ينصحها راح تتغير لإنها ما هي عوبه و لا نسره بكلمتين تلين و هي واضح على نياتها .. يعني الجده هيا بدل لا تنقدها مفروض تكون لها الاسم و تعلمها السنع دامها ما تعلمت السنع عند اهلها . مشاكل تصير بين اي زوجين جدد بس هم ماخذينها حرب و عناد .. بس بتطخ روسهم شوي شوي .. و الواضح انه بندر يعتذر بطريقته بأنه يسوي الشيء اللي تبيه من غير ما يتكلم مثل سالفة الثلاجه اللي ترسها ... ============================== ((سعود )) يااااااااااالبى عبينك بردت كبدي بذا المالغه رغد تستاهل الحية .. بس لو لاحطها بالعقال كاااااااااااان سويت عرس >ـ< ============================== الباقي الله يستر عليهم و بــ انتظارج .. .. .. |
هلا بغنادير وحشتينا يقولو من طول الغيبات جاب الغنايم وحنا غنمنا منك بارتين تسلم ايدك
وحنا بانتظار البارت القادم ونعرف ويش راح يصير لحور من مشاكل ويا عمها دمتي سالمه |
السلام عليكم ورحمة الله وبركاته
|
هلا وغلابس ياغنادير اسفرات وانورت وستهلات وامطرت
تسلمين على البارت الخيال وماقصرتي على البارتات الرائعه وننتظر حور وعمها وعندي احسساس بيتدخال سعود في الحضات الاخيره وننتظرك على خير في البارت الجاي |
الجـــــزء التاسع عشـــــر"
(بيت عناد) الظهر الساعه ثنتين وربع " حور واقفه بالحوش تنطر رجعت اخوانها من المدرسه وفوزيه واقفه معاها " حور : اووف احس تأخروا الساعه صارت ثنتين وربع فوزيه تهديها : اكيد زحمة الشوارع وبعدين هذا وقتهم ماتأخروا حور : لادايم يكونون موجودين من الساعه ثنتين أو ثنتين إلا ربع فوزيه : يلا فرق ربع ساعه الحين تلقين الشوارع زحمه وبعدين الدرب طويل من العدان للجهراء حور ماتطمنت طلعت فونها ودقت على العم مصطفى : ألو العم مصطفى: اهلين حور حور بخوف : هلا عمي وينكم ليش تأخرتوا صاير شي العم مصطفى : هدي يابنتي مافيش حاقه دلواتي قايين خمس دآيآ وحنكون عندكم حور : شفيكم تأخرتوا مصطفى : كان فيه تفتيش فالطري عطلنا حور برتياح : حمدالله اهم شي انكم بخير فوزيه : هاه ارتحتي قلتلج مافيهم شي حور : لاتلوميني اذا ماخفت على خواني اخاف على منو سمعوا صوت عناد ينادي : فوزيه وينج طسيتي فوزيه : بسرعه خشي تلفونج لايشوفه حور بسرعه حطت تلفونها بمخباتها عناد يصارخ : ياملعونه الخير يافوزيه وينج فيه فوزيه بصوت عالي : هاه يبه انا بالحوش اشتبي راح عناد للحوش : انتوا شمقعدكم فالحوش من زين الجو الشمس حرارتها تصلخ الجلد حور : الله يجيرنا من نار جهنم اللي حرارتها اشد من حرارة الشمس عناد يشفط من الزقاره وينفخ : اسكتي انتي قعدت اتفلسف على راسنا مسويه نفسها مطوعه حور طالعته وصدت ماردت عليه لانها عارفه لو اتكلم من اليوم لي بكره مافيه فايده فوزيه : يبه تبي شي يومك تناديني عناد : ابي غدا ابي سم هاري يعني شبي ابي اكل فوزيه : اسأل امي مادري سوت غدا او لا عناد : يــــوه امج الخبله مكثره الجيله البارح وخامده متخدره يامال الضعفه وين فيها تطبخ حور وقف شعر راسها وهي تسمع عناد يقول هالكلام والوضع عنده عادي حست بلوعت جبد فوزيه انحرجت شوي : اذا هي ماسوت من يسوي انا ماعرف اطبخ وحور ماتعرف تطبخ عناد عصب : الله يلعنكم من بنات ماتعرفون تطبخون ويلعن جيرانا الكلاب ريحة غداهم تشق الخشم ياجعله زقوم في بطونهم مايدزون لنا شوي منه فوزيه : تبي خبزه وجبنه عناد : ليه هذي حزت ريوق وإلا غدا لامابي ياجعلج ماتربحين بروح اخذ لي غدا من المطعم (طلع برى يبي يروح للمطعم) فوزيه : كيفك حور باستغراب :انتي ليش تقولين مافيه غدا والغدا اللي مسويته لنا ليش ماخليتيني اعطيه منه فوزيه : الغدا اللي انتي مسويته مسويته لخوانج مو له حور : حرام عليج مهما يكون هذا ابوج فوزيه : هذا انتي قلتيها ابوي يعني اعرفه اكثر منج وبعدين ياحبيبتي لو عرف انج اتعرفين تطبخين ماراح يخليج بيخليج تطبخين اذا تجمعوا عنده الخمه يسهرون وبيجننج بالطلبات هذا اذا ماخلاج .... (سكتت ماكملت) حور فتحت عيونها : كملي ليش سكتي اذا ماخلاني اسهر وياهم عشان يتربح من وراي صح فوزيه حست بالاحراج واسكتت قطع كلامهم دخلت منار وخالد حور راحت صوبهم : هلا وغلا فديتكم تأخرتوا منار وخالد باسوا راس حور خالد : كان فيه تفتيش اخرنا حور حطت ايديها على كتوفهم : اهم شي انكم بخير يلا امشوا فوق غسلوا وبدلوا ملابسكم مسوية لكم برياني دجاج بتاكلون اصابعكم وراها منار : الله عاد حدي جوعانه وين انتغدى بالغرفه وإلا بالمطبخ حور : يعني كالعاده بنتغى بغرفة فوزيه شالجديد منار : اي نسيت ( من سكنوا حور وخوانها واغلب وقتهم يكونون فوق ماينزلون إلا اذا الصبح عشان يروحون منار وخالد للمدرسه او الظهر تنزل حور وفوزيه يسون الغدا ويصعدونه فوق اما العشا والريوق فيه ثلاجه صغيره بغرفة العصر بيت الجده هيا" العنود راحت تشوف الباب" العنود : من عند الباب نايف تحنحن : احم سلام عليكم العنود : وعليكم السلام نايف : شلونكم عساكم طيبين العنود بحده : خير من انت وش تبي نايف : بسم الله الرحمن كليتينا العنود عصبت : بسم الله الرحمن منك خير ان شاءالله من انت جاي تزعج خلق الله نايف ابتسم : يابنت الحلال انا نايف اخوى منايل جاي اسلم على منايل اذا ماعندج مانع العنود تفشلت وطاح وجهها من درت انه يصير لمنايل نايف : الله لايهينج ناديها نقعتينا فالحر العنود تفشلت وافتحت الباب : اقلط الدوانيه على يسارك نايف دخل ولمحها بطرف عينه كانت لابسه برقع وجلال : يعطيكم العافيه العنود : يعافيك ( مشت رايحه تنادي منايل ) العنود ماصدقت ادخلت داخل الصاله شافت نوير نازله من الدرج وتركض لها " العنود مفتشله ومرتبكه : تكفين يانوير افزعيلي نوير مسكتها من كتوفها : وش فيج صاير شي العنود : نايف نايف نوير باستغراب : من نايف العنود : نايف اخوى منايل بالرضاع نوير استوعبت : اي وش جاب طاريه العنود بخوف : انا قلطته فالدوانيه نوير مسكة راسها : يافضحي فضحاه قلطتيه نعنبوا بليسج ماتستحين انهبلي العنود بخوف : مدري اشدراني حسبت امي موجوده نسيت انها رايحه المزرعه نوير : روحي بسرعه علمي منايل تنزله لايجي بندر وامي ويدرون انج قلطتيه بيذبحونج العنود بخوف : ياويلي ويلاه (راحت تركض لغرفه منايل ) منايل كانت قاعده عالاريكه اتصفح مجله " العنود لاشعوريا جات ركض ادق الباب بقوه وبسرعه" فزت من مكانه من الخرعه وركضت تفتح الباب : العنود اشفيج صاير شي العنود برتباك : منايل انزلي لدوانيه منايل باستغراب : انتي اشفيج مرتبكه وحالتج حاله وبغيتي تكسرين الباب وبعدين ليش انزل العنود توترت : يــــووه خلصي نزلي اخوج فالدوانيه بسرعه روحيله قبل لايجي بندر وامي ويشوفونه منايل عقدت حواجبها : خير واذا شافوه اخو جاي لاخته بعد هذي فيها شي العنود توهقت : يابنت الحلال انتي مو فاهمه شي منايل : خلاص فهميني العنود : انا قلطت اخوج فالدوانيه نسيت حسبت امي موجوده واذا جاو امي وبندر الحين اخاف يدرون اني قلطته بيذبحوني وانا ابيج تنزلين بسرعه له عشان يعني انتي اللي فتحتي الباب ودخلتيه منايل فطست ضحك : هههههههههههههههههههههههههههههههههههههههههههههههههه هههههههههه الله يقطع سوالفج يلا خلاص بنزل بس برش عطر العنود بخوف : ريحتج حلوه مو لازم يلا بسرعه روحي منايل رشت عطر عالسريع : يلا خلصت هذا انا نازله ""الدوانيـــــه"" نايف كان قاعد يقلب بموبايله " دخلت منايل دقت الباب اتنبهه : السلام عليكم يلا حيه نايف وقف وابتسم وفتح ايده : وعليكم السلام يامرحبتين الله يحيج منايل راحت له وسلمت عليه : المرحب باقي يالله حي من جانا نايف : الله يحيج هاه شلون دلوعتنا منايل ابتسمت بتصنع : عال العال نايف بشك : اكيـــد وإلا منايل تسوي نفسها طبيعيه : وإلا شنو اشقصدك نايف ابتسم : ماقصد شي بس مبطي من سوالفج منايل وقفت : دقايق بجيب القهوه واجيك وبسولف عليك لين تزهق نايف تسند عالمركى : ههههه اربج انتي إللي مسويتها منايل ضحكت : هههههههههههههههه اخاف صج نايف ضحك : ههههههههه اني والله داري والظاهر بتحج البقر على قرونها وانتي ماتعلمتي ضحكت منايل وراحت تشوف فيه قهوه جاهزه لقت العنود قدامها شايله صينه فيها دله قهوه وشاي" منايل ابتسمت : هذي القهوه لدوانيه العنود : اي توني مسويتها زين جيتي تأخذينها منايل ابتسمت : تسلمين بعد عمري ماقصرتي العنود : ماسويت شي ويلا ودي القهوه وارجعي اخذي التمر والقيمات والرهش منايل باست خد العنود : بعد عمري عاد نايف يموت على القيمات (خذت الصينيه وراحت بسرعه لدوانيه) العنود راحت للمطبخ اتجيب الصينيه الثانيه إللي فيها التمر والرهش والقيمات " رجعت منايل خذت الصينيه من العنود وشكرتها وراحت لدوانيه في احدى الشقق" رغد قاطه الشيله على كتفها وفاتحه عبايتها المخصره الشفافه كانت لابسه تحت العبايه فستان احمر ضيق لي فوق الفخذ كت مفتوح من الظهر " رغد تشفط الزقاره وتنفخ بوجه سامي : اوكي الشغله حلوه مبدأيا لكن شكثر تعطيني على كل وحده اجيبها سامي يعض شفايفه وعينه على صدر رغد : انتي اشتامرين فيه رغد بمياعه تقرب وجهها منه : كل وحده اجيبها اخذ 200 دينار سامي لمس خشمها باصبعه : وغير هالكلام ياقمر رغد هزت كتفها : مافيه غيره سامي قرب منها وباس ارقبتها : وعشان خاطر سموي حبيبج رغد بمياعه بعدت عنه واشفطت من زقارتها : امممم اشكثر تبي سامي : تعرفين حياتي توني راجع من لندن وحدي مفلس انتي كريمه وانا استاهل رغد : اوكي ياغالي والطلب رخيص بطيح 100 دينار عشان خاطر طروفك والعيش والملح اللي بينا سامي تنهد وسحب إيدها وباسها : يابعد روحي ياأم الذوق انتي رغد ابتسمت بمياعه وسحبت ايدها وقامت : يلا انا اخليك الحين سامي وقف وياها : وين وين توالناس رغد مدتله الزقاره إللي بإيدها :تفضل كملها عني وبعدين لاحقين على بعض سامي خذا الزقاره منها وسحب رغد لحظنه : بس انا الصراحه مشتاق لأيام لندن نبي نعيدها رغد وخرت من حضنه وضحكت بمياعه : ههههه بنعيدها بس مو مثل لندن اهني مانقدر ناخذ راحتنا حيل تعرف الديره صغيره والناس مبققه عيونها سامي : من هالناحيه لاتحاتين يالغلا انتلاقى بهالشقه ونأخذ راحتنا عالاخر رغد ابتسمت له وغمزة بعينها : اوكيك يـــلا بـــاي تأخـــرت سامي ذاب : متى اشوفج رغد وهي طالعه : بينا ألو " " " " " " " " " " " " نايف هز فنجاله :بس اكرمي" عزالله إن هالقهوه ماعليها كلام من اللي مسويها منايل : العنود حماتي نايف : ماشاءالله عليها ضابطتها وانتي إشفيج ماتعلمين منها منايل ضحكت : هههههه اما اتعلم منها قويه نايف : اسفين غلطنا نسيت انج افضل طباخه على وجه الكوره الارضيه منايل خزته : اتطنز انت ووجهك نايف يستهبل : ابد لاتطنز ولاشي لكن اقول الحقيقه إللي شفتها بعيني انت طباخه ماهر منايل : اقول بلا استهبال ترى حدي طفشانه وابي اطلع نايف : وين تبين تطلعين منايل بطفش: أي مكان نايف تكفى طلعني حدي زهقانه طقت جبدي من البيت ابي اغير جو نايف كسرت خاطره : ماعندي مانع اهم روحي استأذني من زوجج واذا وافق انا ماعندي مانع البسي عبايبج وامشي منايل استانست : يـــلا دقايق بروح ادق عليه وارد لك خبر (راحت تركض داخل عشان ادق على بندر ) نايف ضحك على شكلها وهي متحمسه لطلعه : هههههههههههه شوي شوي لاتكسرين دخلت لصاله لقت العنود قاعده تقرى جريده " العنود طالعتها باستغراب : اشفيج تركضين منايل : عنوده تكفين اتعرفين رقم بندر اخوج العنود : أي اعرفه ليه منايل : زين ممكن اتدقين عليه ابيه العنود : إن شاء الله خذت التلفون العنود ودقت رقم بندر وعطت السماعه منايل وراحت للمطبخ " منايل ماسكت السماعه وقلبها يدق خايفه اول مره اتكلم بندر بالتلفون" بعد ثلاث رنه وصلها صوته : الـــو منايل سكتت شوي بعدين تكلمت بربكه : ألو بندر عرف صوتها : نعم منايل زاد ارتباكها واسكتت بندر شافها طولت : بطولين وانتي ساكته منايل خذت نفس وقوت نفسها شوي : احم سلام بندر ابتسم توالناس : وعليكم السلام خير منايل ارتبكت : آمممم بندر : تكلمي اشعندج منايل : بندر بندر بحده : خير منايل : ممكن ماتعصب عشان اعرف اتكلم بندر ماسك ضحكته : ماعصبت تكلمي منايل : نايف اخوي عندنا ويبيني اروح وياه بندر : وين اتروحين إن شاءالله منايل توهقت : هاه أي يبي يغير اثاث غرفته ويبيني اروح اختار وياه الاثاث بندر : لي جيت يصير خير منايل : يعني اروح بندر بحده : قلت يصير خير منايل : يلا مع السلامه بندر : مع السلامه منايل اول ماسدت السماعه كشت عليه : والله براحته انا عطيته خبر وخلاص راحت البست عبايتها ونقابها وخذت جنطتها ونزلت لنايف " نايف : هاه جاهزه منايل بثقه : أي جاهزه يلا خلنا انروح نايف : يلا مشينا " بيت عناد " غرفة فوزيه " حور قاعده تقرى قرآن وخالد ومنار يذاكرون دروسهم " فوزيه ماكانت موجوده كانت رايحه لفرع الجمعيه إللي جمبهم دق الباب " حور على طول صكت القرآن ولبست شيلتها ونقابها ومنار لبست لفتها حور : منو فواز تحنحن : احم احم السلام عليكم حور : وعليكم السلام (اشرت لخالد بايدها عشان يجي يفتح الباب) جا خالد فتح الباب وحور راحت تقعد عند منار" فتح خالد الباب : هلا فواز فواز ابتسم له ومد إيده : حياالله خالد خالد مد ايده : الله يحيك فواز رفع عينه وشاف بنات عمه : مساكم الله بالخير يابنات العم حور ومنار : مساك الله بالنور فواز : شلونكم عساكم طيبين حور بختصار : بخير فواز : عساكم مرتاحين عندنا حور اتجامل : مرتاحين فواز : عسى دوم مرتاحين حور : شكرا فواز : إلا فوز وينها خالد : فوزيه راحت للجمعيه فواز ابتسم له :اي راحت الجمعيه وانت ماتبي تروح مكان تغير جو خالد ببرائه : وين بندر : اشرايك اتروح وياي انتمشى حور على طول هبت بوجهه : لا لايروح وياك ولاتأخذه ولوسمحت انا ماحب اخوي يروح أي مكان فواز استغرب انفعالها : لا انا بس حبيت اخذه امشيه يغير جو حور : لامشكور مايحتاج اتمشيه فواز هز كتوفه باستغراب : على راحتكم يلا انا استأذن تأمرون على شي خالد : ابد سلامتك منار بصوت واطي : حور ماله داعي كل هالانفعال حور : احسن ابيه يعرف اني مابي خالد يروح أي مكان وياه منار : حرام احرجتيه حور : لاحرجته ولاشي ماني مستعده اجامل احد على حسابكم وبعدين صكي الموضوع فوزيه على وصول ولا ابيها تسمع كلامنا الساعه 11 الليل " بندر قاعد على اعصابه ينطرها فالحوش " رجع من المزرعه بعد المغرب ومالقاها سأل العنود عنها قالت له انها قالتلك بتروح ويا نايف اخوها وانت سمحت لها" مسك اعصابه وسوى نفسه طبيعي قدام اهله وانه سامح لها تروح" بهالحزه امه وخواته كانوا نايمين وهو قاعد على اعصابه ينطرها اتشرف حضرت جنابها " في هالحظه " دخلت وهي تبتسم كانت في قمة وناستها وبيدها اكياس ماخلت شي ماشرته " ماانتبهت لوجوده كانت لاهيه بالاكياس اتشوف إللي داخلها " بندر وقف وصفق بإيده : ماشاءالله واخيرا وصلتي حضرت جنابج منايل تخرعت ومن الخوف طاحت الاكياس من إيدها وجمدت بمكانها مشى لها بندر وهو حده معصب وبدون مايتكلم مسكها وطلع وياها برى ركبها السياره وركب وشغل السياره وحرك" منايل خافت ومادرت اشناوي عليه : بندر اشفيك وين موديني بهالليل بندر ضاغط على السكان وموجه نظره لقدام وحده معصب : مابـــي اسمع ولاهمسه تفهمـــين وإلا لا منايل حدها خافت وبدت الافكار توديها وتجيبها ماخلت سوره ولا أيه ماقرتها وماخلت دعاء ماقالته" ماتت من الخوف من شكل بندر وهو معصب ماتدري شناوي عليه خافت لايسوي فيها شي " منايل صوتها يرجف من الخوف وشوي وتبكي : بندر تعوذ من بليس انت اشناوي عليه بندر بعصبيه : ولاكلمـــه مابـــي اسمع صوتج منايل بدت تبكي : ودني لأهلي ابي ارجع بيتنا مابي اعيش وياك انت ماتصلح لي وانا مااصلحلك بندر جن جنونه من كلامها صفط على جمب ولتفت لها مسكها بقوه من كتوفها وضغط عليها : بتسكتيي وإلا شلـــون انكتمـــي لاتخليني ارتكب فيج جريمـــه منايل خلاص بتمــــــوووت من الخوف قعدت ترجف وطالعه ودموعها تنزل بدون صوت بندر هدها وكمل طريقه" وصل للمكان المنشود" مزرعتهم فالوفره" منايل زاد خوفها لما شافته وقف السياره عند وحده من المزارع ونزل يفتح باب المزرعه" منايل من الخوف قامت ادور فالسياره موبايل بندر تبي ادق على اهلها " لكن للاسف ماامداها رجع بندر لسياره دخلها داخل المزرعه " صفط ونزل من السياره وراح لباب منايل " منايل خـــلااااص من الخوف طاح قلبها ببطنها حست بيغمى عليها" فتح بندر باب منايل وهو للحين معصب : انـــزلي منايل بخوف : مابي انزل بندر يضغط على ايده ويصر على اسنانه : اقولج انـــزلي منايل تحاول تقوي نفسها : اقولك مابـــي بندر جن جنونه معصب حده وزاده عصبيته مراددتها " سحبها من إيدها ونزلها منايل اتجر ايدها منه : وخر عني هدني وخـــر بندر ساحبها من إيدها يبي يدخلها داخل البيت : بتمشـــين غصبن عنج منايل ادزه اتحاول تفلت ايدها منه بس ماكو فايده : انت اشتبي فيني اشتبي اتسويلي دخلها للبيت " دزها بقوه على القنفه " حذف غترته وعقاله : الحين اقدر اتكلم لاحاتي امي تقعد من صيحتنا ولا احاتي خواتي ( كان يتكلم بعصبيه وصوت عالي ) منايل ماسكه كتفها عورها لما حذفها عالقنفه تمت اطالعه وماتكلمت بندر بصراخ : يلا تكلمي منايل بخوف : شتكلم واقول بندر : علميني من إللي سمح لج تطلعين من البيت منايل اتسوي نفسها قويه : انا كلمتك وعطيتك خبر وانت رضيت بندر معصب : ياسلام وبعد اتألفين من عندج منايل : ماألفت انت يوم قلتلك بطلع قلت خير إن شاءالله يعني موافق وبعدين انا ماطلعت ويا احد غريب طالعه ويا اخوي بندر قعد مقابلها وقرب وجهه منها : آهـــااا قلت خير إن شاءالله ماوافق يعني فيه فرق صح منايل وقفت تبي تمشي لكن مسكها من إيدها : لي تكلمت تنثبري وتسمعين منايل خلاص تنرفزت : مابي اسمع شي وهدني ابي ارجع للبيت بندر نرفزته زياده وضغط على إيدها : بتسمعي غصب(ن) عنج منايل : يـــووه تراك اذيتني وخر عني خلاص ترى العيشه وياك اتقصر العمر بندر بأسلوب ابتزاز : قصر نفسج يـــا (سكت) وإللى ماله داعي اتكلم انتي اصلا وحده مسكينه عقلج على قدج منايل عصبت : شنو عقلي على قدي شايفني مجنونه وبعدين انت احمد ربك انك تزوجتني بندر عقد حواجبه : من السنع واللي الزين لاسنع ولاجمال ولا شي اصلا غلطة عمري اني تزوجتج منايل جن جنونها من كلامه بالذات (لاجمال ولاسنع ) اول مره في حياتي احد يقول انها موحلوه : يكون في علمك اني مغصوبه عليك وانا اصلا مابيك واللي شلون ترضى على نفسك تعيش ويا وحده عايفتك بندر ظلمت الدنيا بوجهه ماعاد شاف جن جنونه" عطاها كف خلاها اطيح من طولها : انـــا انـــا ينقالي هالكلام اخو نوير ويمسك العقال وكمل عليها : ماتعلمتي الادب انا بعلمج انتي تحسبين اني تزوجتج علشان سواد عينج منايل كانت تصارخ: ووخــــر عنــــي آآآآي ياحقيــــر وخر بندر ماعاد حس بعمره مستمر بالطق ويتكلم بصراخ لاشعوريا : انا ماخذج عشان خاطر ابوج خذيتج وانا داري بسالفتج مع الباكستاني انا اللي بأدبج انا اللي بربيج " وكان مستمر بجلدها منايل كانت تصارخ وتستنجد خلاص حست نفسها بيغمى عليها نفسها ضاق عليها صوتها بدى يختفى " تحاول ترفع نفسها على القنفه بس ماقدرت تشيل نفسها" بدا الضباب يغشى عيونها " اغمــــى عليها ماعاد حست بشي " بندر ماحس بنفسه إللي لما طاحت توه يستوعب ان اسرف فيها " حذف العقال وشالها ركض فيها للمطبخ " يغسل وجهها يصطرها على خدها بخفيف : منايل منايل تسمعيني منايل ماكانت تدري عن أي شي غايبه عن الوعي" قرب إيده من فمها وخشمها شاف نفسها مافيه ماتقدر تأخذ نفس " بندر انهبل لاتموت بسببه" سدحها على الارض وحط فمه على فمها وبدا بعمليه التنفس الصناعي" بعد عشر دقايق" من التوتر والجهد فتحت عينها " بندر بخوف : منايل انتي بخير منايل تعبانه وفي نفس الوقت مافيها حيل ترد عليه وبعد حاقده عليه "طالعته وصدت بدون ماتكلم" شالها بندر ووداعها للغرفه حطها على السرير" خذا قلاص ماي يبي يشربها دزت ايده وصدت " بندر حس بغلطه : ادري ان الاعتذار مايفيد لكن ارتاحي الحين وبعدين لكل حادث حديث طلع من الغرفه وخلى الباب مفتوح" منايل جسمها ذابحها من الجلد سحبت عمرها بالغصب للحمام فتحت الماي البارد ودخلت بملابسها فالبانيو تبي شي يبرد العوار" جسمها كله ذابحها بالغصب سحبت عمرها للحمام حتى باب الحمام ماصكته " خلت الماي البارد يملى البانيو وتنقعت فيه" بيت عناد" حور كانت نازله تسوي بيض طماط لخالد كان مشتهيه ونزلت وياها فوزيه " حور تقص الطماط " وفوزيه واقفه اطالعها : ماشاءالله عليج اتعرفين تطبخين تصدقين انا حتى البيض ماعرف اسوي حور مصدومه : ماتعرفين اتسوين بيض احلفي فوزيه : والله ماعرف ليش مستغربه انا محد علمني الطبخ حور : عادي انتي تعلمي ماتشوفين امج شلون تطبخ فوزيه باستهزاء : تطبخ لها ولرجلها اما انا لا يا اكل في كفتيريا المعهد او اطلب مطعم او مرات فواز يطبخ لي وله حور عقدت حواجبها باستغراب : ويوم كنتوا صغار من يطبخ لكم فوزيه : ياناكل فضلتهم واللى فواز يسرق اكل من البقاله وإللى مقصف المدرسه ويجيبه لي وله حور انصدمت وحست بكتمه على صدرها مصدومه شلون فيه ابو وام قلوبهم ميته" فوزيه ابتسمت بحزن : اشفيج سكتي انصدمتي ترى عادي ابوي وامي غير عن الابهات والامهات مافيه اي مشاعر بينا وبينهم حور ماعندها رد " فوزيه : الحمدالله على كل حال اللي ربي رزقني بأخوي فواز هو اغناني عن ابوي وامي واللى لولا الله ثم هو اللي انا وياهم خربانه حور : بس فواز (واسكتت) فوزيه ابتسمت : ليش سكتي كملي قصدج فواز محشش وراعي تقحيص ولايعتمد عليه شلون احس بالامان وياه حور اسكتت خافت تجرحها" فوزيه : تصدقين ياحور اني احب هالدنيا بس عشان فواز فيها احبه واموت فيه طيب ويخاف علي وحنون وشهم مايحب يتعرض لأي بنت ولاعمره فكر يسوي علاقات ويا بنات حور باستغراب : وانتي اشدراج انه ماعنده علاقات ويا بنات فوزيه ابتسمت : ادري بتقولين شلون محشش وماعنده شغل ولامشغله ولاعنده علاقات حور هزت راسها ب أيه" فوزيه : هو دايم يقول لي انتي عرضي ولاابي اتعدى على عرض الناس عشان محد يتعدى على عرضي وادري اني لو لعبت على بنات وهتكت عرضهم بدور الدنيا علي طال الزمن واللى قصر حور ابتسمت تذكرت منال لو كانت موجوده وتسمع الكلام اللي ينقال عن فواز بتذووب" فوزيه : تصدقين حتى لما يكون محشش مايجي صوب غرفتي ومعلمني ومحرصني اذا دق علي الباب في الليل اذا كان طبيعي يكون لسانه موثقيل ويقصد لي قصيده من ورى الباب اذا شفت السانه موثقيل وهو طبيعي افتح له واذا عكس ماافتحله بس فواز فديته صار له مده مايحشش عسى الله يهديه" حور : اميــــن الله يهديه ويخليــــه لج فوزيه ابتسمت بفرح : بعد عمــــري جزاج الله خير حور اتغير الموضوع : يــــوووه كله منج خذتنا السوالف وانا للحين ماخلصت البيض فوزيه ضحكت : ههههههه يلا شغلي عليه وانا بروح اجيب الخبز من غرفتي عشان انسخنه حور : اوكي بس بسرعه لاتطولين فوزيه : اوكي دقيقه بس راحت فوزيه " حور حطت البيض والطماط فالمقلى ورشت عليه ملح وبهارات وشغلة عليه " دخل عناد للمطبخ كان يبي ماي ويوم شاف حور واقفه ومعطته ظهرها " ابتسم بخبث وتم واقف يطالعها ويشوف تفاصيل جسمها وقفتها كتوفها نفس نوره ام حور بالضبط بدى يمشي صوبها بهدوء عشان ماتحس" حور كانت لابسه دراعة بيت واسعه ولابسه شيلتها ونقابها منزلته كانت اتحرك البيض بالملاس ولا حست بوجوده " حست بحرارة انفاس قريبه من ارقبتها و صوت نفس قوي " لفت على طول وصكته على وجهه بالملاس اللي بيدها اليمين : ياكلــــب عناد صرخ من قوى الضربه والملاس حار : آآآآآآآآآآه يابنت الكلــــب حور رجعت ورا تسندت على الطوفه ومسكت المقلى اللي فيه البيض بيدها اليسار والملاس بيدها اليمين : ارجــــع ورااا والله لاتقرب خطوه لحرقك عناد ماسك وجهه بإيده : ياكلبــــه ياحثالا حرقتي وجهــــى فواز توه داخل للبيت سمع الصوت جهه المطبخ وركض صوبهم" وفوزيه نازله بالخبز وسمعت الصيحه وركضت للمطبخ " وصلوا للمطبخ وشافوا عناد يصارخ ويبي يطق حور " فواز على طول ركض له ومسكه : اشفيك انجنيت خلاص ماعاد فيك عقلك عناد يتفلت : هدني عليها الكلبه تبي تحرق وجهي هدني ياملعون الوالدين فوزيه كانت واقفه خايفه ومصدومه والدمعه حايره بعيونها" حور للحين على وضعها : والله لاتقرب خطوه وحده لاأسويها واحرقك فواز انجن سحبه وثبته على الطوفه : إشتبي اتسوي فيها انهبلت وسوس لك الشيطان تحسبها نوره طرتلك نوره ياأدمــــي اصــــحى هذي بنت اخوك عرضك وشرفك عناد يخاف من فواز اذا عصب : لا انا ماني ناوي اسويلها شي بس كنت واقف وراها عشان اشوف طبخها حور صرخت : نصــــاب ووســــخ ونيتــــك وسخــــه فوزيه وفواز يعرفون ابوهم ويعرفون نجاسته" عناد خاف من فواز : هذي كلبه لاتصدقها هي تتهمني انا ماسويت شي خلااااص خلاااص هدني بخليها ترتاح من وجهي فواز كان معصب حده : بهدك لكن لو فكرت بس مجرد تفكير تعيد الحركه سواء ويا حور او منار اوحتى فوزيه واللى فكرت اتعرض لهم واللى لخالد والله لاقلب عليك الدنيا وانت عارف اشقصدي مايحتاج افهمك عناد بخوف : لايالمهبول مايحتاج اتسوي شي انا مالي شغل فيهم انت بس هدني خنا اروح فواز هده " وعناد ماصدق خبر انحاش من المطبخ التفت فواز لحور عقد حواجبه وهز راسه من القهر وهو يشوف الخوف امبين من عيونها بسبت ابوه" حور من الصدمه للحين على وضعها " مشى فواز صوبها ووقف قبالها مد ايده عشان ياخذ المقلى من ايدها : خلاص يابنت العم انتي في امان حور خلته يأخذ المقلى والملاس منها وهي للحين متجمده بمكانها ومصدومه" فوزيه ركضت لها ولمتها وقعدت تبكي : حور بعد عمري ماعليج منه لاتخافين حور بدت تنزل دموعها : والله ماتبليت عليه لاتصدقين كلامه فوزيه تبكي وتمسح دموع حور بكفوفها : ادري فيه اعرف سوالفه خلاص لاتبجين ماعليج حور بعتب : انتي ليش تأخرتي قلتي ماراح اتأخرين وتأخرتي فواز يحاول يهديهم:خلاص ماصار شي تعوذوا من بليس وهدوا فوزيه : كله مني تأخرت عليها حور توها تستوعب انها مولابسه نقاب " لبست نقابها ومسحت ادموعها وحاولت اتقوي نفسها : خلاص ماصار شي بس مابي اخواني يدرون بأي شي فوزيه عطت حور ماي : ان شاء الله ولايهمج فواز : وبعدين مره ثانيه لاتنزلون بهالوقت واذا بتنزلون انزلوا ويا بعض فوزيه : شنسوي خالد كان مشتهي بيض طماط ونزلت حور تبي اتسويله ونزلت وياها بعدين صعدت اجيب الخبز وصار اللي صار فواز ابتسم يبي يغير جو : يلا وهذا البيض وخلصته يلا فوز عطيني الخبز اسخنه حور قامت من الكرسي : لا خله انا بسخنه ماقصرت فواز يتغشمر وياها : اخاف اتجيبين العيد وتحرقين الخبز مثل بنت عمج حور ابتسمت من تحت النقاب تحاول تكون طبيعيه : حتى الخبز ماتعرفين اتسخنينه الصراحه حالتج ميؤس منها فوزيه : يــــلا عاد انتي وياها بسكم طنازه شسوي اخاف ماعرف اسخنه فواز ضحك : ههههههه شتخافين منه كلها خبزه حطيها وسخنيها بتصنعين الذره انتي حور ابتسمت غصب عنها : بتعلم إن شاءالله فواز : على ايدج يابنت الحلال فوزيه : مسوي نفسك الشيف منال العالم فواز : ههههههههههه خرطي طبخ منال العالم عند طبخي فوزيه : اي هين حور اتحط البيض بصحون : فواز احطلك من البيض فواز : لاعليكم بالعافيه انا متعشي فوزيه وقفت قباله وتخصرت : لا هذي خيانه متعشي ولاجبتلي عليك مخالفه فواز ضحك وقرص خدها : قولي فيه العافيه قولي دامك تعشيت كأني انا اللي متعشيه فوزيه : بالعافيه ودامك تعشيت كأني انا اللي ماكله بس هم عليك مخالفه فوز : وشلون طريقة تسديد المخالفه فوزيه : عشانا بكره شوي انت تشويلنا فواز : على خشمي ماطلبتوا شي فوزيه : فديت الخشم وراعيه حور حطت صحون البيض والخبز بصينه بسرعه خلاص اتحس نفسها تقلب عليها كل ماتذكرت اللي صار : يلا فوز تأخرنا عليهم بالعشا فوزيه حست بتغير نبرت صوتها : يلا مشينا فواز : يلا تصبحون على خير حور ماعاد قدرت اتحس انها وسخه وجبدها تقلب عليها خذت الصينيه وطلعت بسرعه فواز بخوف : فوز بسرعه الحقيها شكلها مو طبيعي لايكون ابوج عطاها شي تأكله فوزيه بسرعه الحقتها " فتحت حور باب الغرفه بسرعه حطت الصينيه واركضت للحمام" وسط ذهول وخوف واستغراب من خالد ومنار " دخلت فوزيه وراها : وين حور منار وخالد بخوف : إشصاير إشفيها حور فوزيه تحاول تكون طبيعيه : هاه لا مافيها شي بس جبدها قلبت عليها من ريحة البيض الظاهر منار باستغراب : جبدها قلبت غريبه اول مره تقلب جبدها من البيض فوزيه : أي البيض هذا نوعيته غير وريحة ازفرته قويه شوي منار وخالد بارتياح : الحمدالله حسبالنا فيها شي فوزيه تبتسم بتصنع : لامافيها اللى العافيه يلا خلونا انتعشى قبل يبرد البيض خالد : وحور فوزيه : حور قالت ماتبي اتعشى منار : خلاص خلونا انتعشى بسرعه عشان انطلع المواعين وانعطر الغرفه عشان الريحه في الحمام " كانت قاعده بالبانيو والماي يصب فوقها اتحس بقرف تفرك بالشامبو صوب ارقبتها اتحس بنجاسة انفاسه ووساختها كانت تفرك شعرها وجسمها حيل" ماخلت شور جل بأنواع الروائح ماتسبحت فيه " بس مافاد للحين اتحس انها اتشم ريحه نفسه الكريه " ماقدرت اتحمل رجعت (استفرغت) كل اللي كلته فوزيه وخالد ومنار فزوا من اماكنهم وركضوا للحمام خافوا عليها وهم يسمعون قوة صوت رجاعها (استفراغها) فوزيه من ورا الباب : حــــور بطلي الباب فيج شي خالد : حور تسمعيني انا خالد افتحي منار على طول بكت : حور تكفين ردي علينا وقفتي قلوبنا مافيني شي فوزيه : انزين بطلي الباب حور : فوز مافيني شي بس عطوني روبي وملابسي منار ركضت على طول جابت روبها وملابسها : حور فتحي الباب خليني البسج حور : مافيني شي لوعت جبد بسيطه عطيني ملابسي مافيني شي اقدر البس فتح حور الباب ومدت حور ايدها خذت ملابسها والبست وطلعت لهم " الكل بخوف : حور انتي بخير ابتسمت حور بتعب : اي بخير بس عطوني ماي اشرب خذا خالد الدولكه وصبلها ماي بالقلاص : اشربي بسم الله عليج خذت حور القلاص : اشفيكم مكبرين السالفه ترى مافيني اللى العافيه منار : حور خفنا عليج حور : مافيني شي حبيبتي يلا خلصوا تعشوا وناموا وراكم مدرسه خالد : خلاص تعشينا حور : يلا فرشوا اسنانكم وتوضوا وصلوا ركعتين وناموا فوزيه : يلا هذي حور وتطمنتوا عليها مافيها اللى العافيه يلا النوم وراكم مدرسه قاموا منار وخالد بعد ماتطمنوا على حور يسون اللي قالتلهم حور عليه" فوزيه بصوت واطي : حور اشفيج ابوي وكلج شي واللى سوالج شي شاللي صار بالضبط علميني حور تنهدت : مادري كنت واقفه اقلب البيض ماحسيت اللى بحراره النفس القريبه من رقبتي لفيت بسرعه والملاس بإيدي وصكيته فيه فوزيه : يعني قرب منج حيل شلون ماحسيتي بخطواته ولاسمعتيها حور : ماسمعت خطواته ولاحسيت فيه واللى وهو وراي (حست بقرف وهي اتذكر قربه منها) فوزيه هزت راسها : اكيد تخيل انج نوره امج وفقد عقله حور : خلاص تكفين سكتي لاتذكريني "الساعه 2 الفجر " صار له ساعتين قاعد على العشب ويفكر باللي صار كره نفسه الف مره على اللي سواه " عمره مامد ايده على اي مخلوق ولا اسرف في ضرب احد " كان ندمان حيل على جلدها صح كلام منايل مثل السم وتستاهل عليه الطق لكن تمنى انه ماسوى فيها اللي سواه" طالع ساعته شافها صارت 2 ونص قام ودخل البيت يبي يشوف اشصار عليها " دخل للبيت واتجه للغرفه سمع صوت انين وصوت ماي يصب وقف يبي يتأكد من وين جهة الصوت " اتجه للغرفه وكل ماله يسمع الصوت اقرب " ركض بسرعه للحمام " وقف وهو مصدوم ومكسور خاطره بنفس الوقت عليها" شافها منقعه عمرها فالبانيو بملابسها ومخليه الماي يصب عليها" دخل الحمام ووجهه معتفس ومتضايق" صكر الماي وشالها من البانيو " منايل كانت تون من العــــوار وشكلها يكسر الخاطر " خذاها للغرفه وحطها على السرير " وطلع من الكبت روب سبوحه " فصخ عبايتها الكتف ولفها بالروب" كانت لابسه تحت العبايه قميص ابيض وبرموده سودا فتح ازارير القميص يبي يوخره" منايل بتعب وكره لبندر : وخر عني انت شتسوي ماكفاك اللي سويته بندر مارد عليها فتح صيدليه الغرفه وطلع منها شاش وقطن ومطهر ومرهم للجروح" منايل شافته جاي صوبها وهي حدها حاقده عليه وفي نفس الوقت مقهوره والعوار ذبحها : وخر عني تراني اكرهك ومادانيك الله ينتقم منك بندر مارد عليها قعد قبالها وفصخ قميصها" منايل مافيها حيل اتقاومه ولاتسوي شي قعدت تبكي : ياويلك من عذاب الله على اللي سويته فيني بندر تضايق حيل وهو يشوف ظهرها شلون متجريح والدم طابع قميصها" عقم الجروح بالمطهر وحط مرهم وشاش عليها والجلدات اللي بس وارمه حط عليها مرهم " منايل حرقها المعقم وزادت بكي : آآي خلاص لاتلمسها خلها ذبحتني بندر حس في خاطره ولاشعوريا باس ظهرها وقام وخذا عقاله ومده لها وعطاها ظهره : يلا قومي اجلديني مثل ماجلدتج منايل زادت بكي وحذفت العقال عليه : وخر عني انا ماعرف اتفرعن مثلك سحبها بندر لصدره وضمها : والله إني اسف انا انفعلت وماعاد ميزت منايل تبكي وتشاهق بحضنه : كله منك جسمي كله يعورني بسبت فعايل ايدك شيفيدني اسفك بندر تنهد : الف مره قلتلج لاتقولين كلام يخليني انفعل وافقد اعصابي منايل تبكي : الحين بطلعني انا الغلطانه وانت لا بندر يمسح دموعها : كلنا غلطنا لكن غلطي انا اكبر خلاص قوليلي شاللي تبيني اسويه وبسويه منايل وخرت من حضنه وطالعته بعيونها المليانه دموع : انا وانت ماناسب بعض ابيك اتطلقني وكل واحد يروح بحاله بندر طالعها بصدمه وتنهد وهز راسه : خلاص اللي تبينه بيصير بس موالحين خليه على الاقل يمر سنه على زواجنا واذا مافيج صبر ثمان شهور منايل : ليش يعني موالحين بندر تنهد : انتي تدرين ليش مايحتاج اذكرج منايل تذكر الكلام اللي طلع عليها بسبة الحرامي اللي دخل بيتهم : سكتت ماعندها رد بندر كمل : مابي اعطي مجال لناس اتكلم منايل هزت راسها ونزلته: والله انه مالمسني بندر غير الموضوع : بنمر البيت ناخذ جوازاتنا ونسافر لمكه كم يوم انغير جو ونرتاح وتهدى النفوس وعقب ماتنقضي الثمان شهور اللي طلبتيه يصير وانتي روحي بحالج وانا بحالي "قام وطلع برى الغرفه" اما منايل قعدت تبجي ماتدري ليش تبجي وهي اللي تبي الطلاق" قامت دورت بالادراج لقت دراعه خامتها مريحه للعنود البستها وخذت عبايتها ونشرتها عالحبل عشان تنشف من الماي " مشت بخطوات ثقيله مافيها حيل طلعت برى تبي اتشوفه" لقته واقف عند باب الدوانيه وملقيها ظهره وسرحان " مشت ووقفت قباله وتمت اطالعه بدون ماتكلم بندر استغرب نظراتها ووقفتها : اشفيج منايل العبره خانقتها : بسألك سؤال انت ليش اتخاف علي ولاتبي الناس اتكلم عني وانت ماتحبني بندر ابتسم ابتسامه باهته : ماعندي جواب لسؤالج بس انتي على ذمتي واسمج مرتبط باسمي منايل : انت ليش قاسي وياي على اني اشوفك طيب ويا الناس بندر بهدوء : انتي اللي اتحديني على القسوه واللي انا مهو طبعي القساوه منايل : انا ادري اني اغلط بكلامي مرات بس انت تقهرني بندر : انتي منتي راضيه اتأقلمين ويا حياتج الجديده طايشه وماتهتمين ومتكبره وشايفه نفسج منايل عصبت : حتى انت عندك عيوب بندر ضحك : ههههه مافيه انسان خالي من العيوب منايل سكتت وراحت قعدت على الكرسي" بندر راح وقعد يمها : يلا نمشي للبيت انجهز اغراض السفر منايل بدون ماطالعه : خلنا شوي لي اذن الفجر بنصلي واروح بندر باحراج : تعبانه منايل طالعته : اشرايك قالولك جلدي صخر مايحس سبحان الله انت مثل اللي يقتل القتيل ويمشي بجنازته بندر ابتسم قال بخاطره (ماتخلي شي بخاطرها ) منايل سندت ظهرها على الكرسي ورجعت راسها وغمضت عيونها" بندر رحمها كسرت خاطره راح جاب لها مخده من الغرفه : منايل شوي بحط المخده ورا ظهرج منايل دنت وهو حط المخده ورا ظهرها ورجعت لوضعيتها وغمضت عيونها " بندر قعد يتمقل بملامح وجهها " فتحت منايل عيونها وانحرجت من نظراته ونزلت راسها وقامت راحت داخل" وهو ارتبك وابتسم في نفس الوقت اعجبه شكلها وهي منحرجه" """ أقــــرب شــــوي وخل عيني تراعيــكــ يكفــــي علي بعــدكـ ويكفي تغليــكــ لا تبخـــل بشوفـكـ على عيـــون مغليــكـ عطـــني ولو لمــحه وانا آفداك كلــي " "" في نفس الوقت منال كانت سهرانه والنوم مجافيها " امها لاراضيه اتخليها تروح اتشوف حور والمكالمات صارت صعبه بينهم" حور اغلب وقتها مسكره جهازها " اشتاقت لها واشتاقت لايامهم وطول الوقت اتحاتيها صحيح اخبارهم توصلها منار لنرجس بالمدرسه لكن لما تسمع الاخبار من حور نفسها غير عن لما أحد يوصل لها " "كان الشعور متبادل رغم بعد المسافه " حور طول الوقت اتفكر باللي صار وأول شخص تمنت اتشوفه بهالوقت هي منال تمنت ان الزمن يرجع وترجع الايام اللي كانوا مايفارقون بعض فيها" اول مره يفترقون من صغرهم كانوا ويا بعض مايعدي يوم مايشوفون بعض " مسكت فونها واكتبت لها مسج ( مشتاقه لج ومحتاجه لوجودج ) ضغطت سند ولكن فشل الارسال" شافت الرصيد مافيه إلا 15 فلس مايدز حتى مسج " وصلها مسج وضغطت فتح على طول " (تدري بعد ماغــبت وش كــنت اسوي ؟ كــنت وخيالك مثل جفن على عـــين " كــنت انتظر والوقت كــنه عدوي " لاطال زاد الشوق فيني بضعفــين " حتى قبل ملفاك هالحين تــــوي " سافرت افكربــك ولا ادري على وين ;; <اتمنى تكونين بخير ياأغلى حور >) ابتسمت حور وباست شاشة تلفونها وضمته " بعد عمري منول دايم اتحس فيني الله لايخليني منها " ~~~ ~~~ ~~~ ~~~ بعد ماصلوا الفجر " طلعوا من المزرعه متجهين للبيت " الجو بالسياره هادي كل واحد فيهم ساكت" وصلوا للبيت وعلى طول راحوا غرفتهم " جهزوا اغرضهم وخذوا جوازاتهم وانزلوا لغرفة الجده " فتح بندر الباب ودخل شافها للحين قاعده على سجادتها واتسبح " قعد على السرير " انتبهت الجده هيا لوجوده والتفتت قام بندر وحب راسها وقعد جمبها : تقبل الله الجده بحنان : منا ومنك صالح الاعمال وشفيك يمه مانمت بعد الصلاه بندر ابتسم : ابد سلامتج تعالي يامنايل دخلت منايل : صبحج الله بالخير خالتي (حبت راسها وقعدت جمب بندر سوت نفسها طبيعيه ومافيها شي) الجده بقلق واستغراب : صباح الخير عسى ماشر اشفيكم قاعدين فيكم شي بندر مسك ايدها وباسها : ابد يالغاليه بس حنا ودنا نمشي لمكه نتعمر ونغير جو ان كان ودج اتخاوينا يامرحبا ومسهلا الجده حست ان فيهم شي وفي نفس الوقت استانست انهم بيسافرون ويغيرون جو على امل ان هالسفره اتحسن حالهم واتقربهم من بعض : هذا الشور المبارك يمه روحوا اخذولكم اسبوع ترتاحون وتغيرون جو انت ومريتك ومرتن ثانيه نروح كلنا انا مافيني حيل على السفر هالوقت بندر ابتسم : اللي يريحج حنا بنأخذ لنا يومين ثلاث ونرجع مااقدر اطول عليكم اسبوع واجد الجده هيا : انتوا روحوا وإن شاءالله يعجبكم الجو واتمددون بندر قام وحب راسها وايدها : خير إن شاءالله يلا حنا ماشين توصين على شي الجده : دربكم خضر وسعوا خطركم واستانسوا سلمت منايل على الجده وودعوها" ركبوا السياره واتجهوا لمكه المكرمه اطهر بقاع الارض" الساعه وحده ونص الظهر حور وفوزيه كانوا بالمطبخ" دخلت سكينه وتنرفزت من وجود حور : بتعملي أيه ياوليه ياحربايه فوزيه : يمه اشفيج داخله بشرج حور طالعت سكينه من فوق لتحت باستهزاء وماردت عليها كملت تقطيع السلطه سكينه انقهرت من برود حور : انتي يابتعت الرقاله ياصيعه ياضيعه مابترديش ليه حور انصدمت من كلامها وعصبت لكن سوت نفسها طبيعيه وردت عليها ببرود اعصاب : ههههه كلن يرى الناس بعين طبعه فوزيه عصبت : يمه شنو تبين اتهاوشين ومالقيتي اللى حور بس عاد فضحتينا عند الجيران سكينه : انكتمي يافوزيه انا مش رايألك ( تخصرت ووقفت اقبال حور ) بتأولي أيه يابنت الشوارع حور بمنتهى البروده : اترفع عن الرد لاني وبكل بساطه ماحب انزل للاسلوب الواطي ويا الناس الواطيه سكينه عصبت صابتها هستيرية هبال ودها تذبح حور ودها اطقها اطلع حرتها بس ماتقدر مو رحمه في حور ولاعشان سواد عيونها لا هذي اوامر عناد مايبي يصير في حور شي عشان مايخسر الصفقه اللي بينه وبين بوفيصل" شاشت بغت تنفجر طلعت من المطبخ وشافت قدامها منار توها داخله البيت راجعه من المدرسه" مسكتها تبي اتطلع حرة حور فيها : قايه من وين يابنت الكلب ( قايه =جايه) منار تخرعت : وخري عني انتي اشتبين (شوي وتبجي ) سكينه مسكتها من قميصها وقعدت اطقها ماصدقت خبر اتشوف احد من طرف حور اتطلع حرتها فيه: ياصايعه خلصتي صياعه وقايه عاوزه اتخربي سمعتنا منار تبكي تحاول ادافع عن نفسها ادزها بس ماقدرت سكينه اشكبرها وعرضها : وخري عني حور الحقيني فوزيه كانت مشغله الخلاط وماسمعوا الصوت ولاانتبهوا " خالد كان واقف برى يشتري برد " دخل وشاف سكينه طايحه طق في منار وراكبه فوقها" خالد حذف جنطته والبرد اللي بيده و سحب حزامه وبدون تردد قعد يجلد سكينه : يالبطه قومي الله يأخذ عمرج هديها حــــور الحقينا سكينه للحين قاعده على منار والتفتت عليه تبي تسحبه واتحطه فوق منار واطيح فيهم طق : تعال ياابن الكلب انا حوريك حربيك من قديد خالد كان مبعد ويجلدها ماقرب منها : حــــور الحقــــي حور حست بصوت : فوز صكي صكي فوزيه صكت الخلاط بسرعه : اشصاير حور سمعت صوت خالد وعلى طول فزت وركضت للحوش " فوزيه طلعت وراها " انصدمت لما شافت امها طايحه طق في منار واجمدت بمكانها ماقدرت تسحب امها ولاقدرت ادافع عن منار وقفت بمكانه " حور ركضت صوبهم واسحبت شيلتها حذفتها على رقبة سكينه ازنطتها وسحبتها بكل قوه وطيحتها على الارض" طاحت سكينه على الارض وخالد للحين طايح فيها جلد بالحزام " حور سحبت اختها منار" حور من القهر فصخت انعالها وقعدت اطق سكينه : ياحقير ياواطيه حطيتي الحرف فيها تف عليج وعلى اشكالج سكينه طاحت على ظهرها ومن متنها ماعاد قدرت اتقوم واذبحتها حور وخالد بالطق خلاص تبي الفكه تبي تنحاش منهم : الحأيني يافوزيه ياأولاد الكلب بعدوا عني حور استوعبت نفسها لما سمعت اسم فوزيه رفعت عينها شافت فوزيه واقفه مكانها وتبكي" حز بخاطر حور يوم شافت دمعتها وحذفت النعال : خلاص ياخالد بس سمع خالد كلام حور ووقف عن الطق"" سحب جنطته وراح صوب منار يقومها" حور مدت ايدها لسكينه عشان تقومها : حديتينا على شي مانبي نسويه سكينه : بعدي عني ياحربايه تعالي يافوزيه اسنديني اولاد الكلب مرمطوني حور خلتها وراحت تأخذ منار وخالد وصعدون فوق" فوزيه راحت تقوم امها : يمه ليش جذي خلاص مالج شغل فيهم سكينه قعدت وقامت تلمس ارقبتها : بنت الحرام كانت حتزبحني (بعدين استوعبت وجود فوزيه وعطتها كف ) ياحقيره ماقيتيش تساعديني ليه ألبك حنين عليهم وقاسي على امك فوزيه مسكت خدها : عمرج ماراح اتغيرين الصراحه مالومهم على اللي سوه فيج (مشت وخلتها ) ( غرفة فوزيه ) حور كانت معصبه على منار : انتي خبله ماتعرفين ادافعين عن نفسج واقفت لها اتكفخج زين ماذبحتج منار تبكي : شسوي خفت منها وماعرف اتهاوش واطق احد حور تنرفزت ازياده : اوكي ماتعرفين اطقين احد عالاقل انحاشي مو تقعدين واقفه لها اتكفخ فيج وانتي واقفه مثل الهبله منار زاد بكيها : شسوي مامداني انحاش ماخلتني خالد كسرت خاطره منار : خلاص حور لاتلومينها سكينه فيل اشكبره ماقدرت عليه حور معصبه : ادري انها فيل بس الوحده تدافع عن نفسها وإلا يوم شفتيها قربت منح صكيتيها بجنطتج متروسه كتب منار اتشاهق : خفت خفت ماتعودت على هالشي حور كسرت خاطرها تنهدت ولمتها : خلاص حبيبتي بس انا اقول هالكلام من الحره قهرتني يوم شفتها طايحه فيج طق منار ماسكه حور حيل وتبجي : قعدت اناديج بس انتي ماسمعتيني حور اتهديها : خلاص اهدي في شي يعورج منار عيونها مليانه دموع : ظهري حسيت بينكسر يوم قعدت علي حور : والله ماردني منها اللى دمعة فوزيه واللى هي من اطيح على ظهرها خلاص ماعاد تقدر تقاوم خالد : حور بس الكلبه قويه ايدها اتقول عجرا مو ايد حور : ادري انها قويه ولو ماربي عانا عليها وطاحت على ظهرها واللى كان ماقدرنا عليها بس كل شخص له نقطة ضعف وهي نقطة ضعفها اذا طاحت على ظهرها ماعاد تقدر تقوم دخلت عليهم فوزيه " اسكتوا وغيروا الموضوع " قامت حور باست خد فوزيه : انا اسفه ادري انها امج بس انا من خوفي على منور ماعاد شفت فوزيه قاطعتها : لاتكملين انا مازعلت منكم ولاراح ازعل صدقيني ياحور امي عمرها ماراح اتغير عمرها ماراح اتحس فينا خليني ساكته احسن حور احترم رغبتها واسكتت " الساعه 12 الليل" مكه المكرمه" دخلوا الشقه بعد ماادوا مناسك العمره " سبحان الله انقلب حالهم وانشرحت صدوره كانوا جايين بحال وبعد ماعتمروا تغير حالها " بندر : الحمدالله اللى سهلها ويسرها منايل رغم التعب الجسمي اللى انها تحس براحه نفسيه عجيبه : اللهم لك الحمد يارب بندر التفت صوبها : عمره مقبوله إن شاءالله منايل : جزاك الله خير قامت منايل تبي تأخذ لها شور " طلعت من الحمام بالروب لقت بندر متمدد على السرير انحرجت من وجوده راحت للكبت خذت ملابسها تبي تروح الغرفه الثانيه " بندر قام خذا مخده والحاف: اخذي راحتج انا بنام بالصاله منايل سكتت ماقالت شي يوم شافته طلع صكت باب الغرفه البست بجامتها وجففت شعرها بالاستشوار رشت عطر من نينا رتشي" انسدحت على السرير ومامداها اتحط راسها عالمخده اللى راحت في سابع نومه من التعب" الساعه 9 الصبح " قعدت منايل راحت للمطبخ ادور شي تأكله" سمعت صوت باب الشقه ينفتح طلعت من المطبخ تشوف منو " شافت بندر داخل وبإيدها اغراض " بندر رفع عينه وشافها ابتسم لها : صباح الخير منايل برسميه : صباح النور بندر حط الريوق على الطاوله : تعالي اقربي تريقي منايل كانت حدها جوعانه بدون ماتكلم راحت قعدت على طاولة الاكل وبدت اتريق وهي ساكته ومنزله عينها بصحنها " بعكس بندر اللي ماشال عينه منها " وقف بندر : الحمدالله اللهم دمها علينا وعلى جميع المسلمين منايل ماردت بأي كلمه " بندر بابتسامه : مافيه كلمة عوافي منايل ماردت هي للحين زعلانه عليه وخذت قرار انها تكون رسميه لحد ماتخلص المده اللي بينهم وكل واحد يروح في حال سبيله " بعد ماغسل بندر إيده رجع لصاله خذا كيس صغير من الاكياس اللي جايبها " وقف ورا منايل اللي كانت قاعده على الكرسي وتشوف حركاته بس مارفعت عينها من طقة انها لاهيه بالريوق " فتح بندر الكيس وطلع منه قفص احمر مخملي مستطيل الشكل " منايل مالتفتت ولاتحركت من مكانها " فتح بندر القفص وحطه قدامها خذا العقد ولبسها ياه مسكها من كتوفها ووقفها ولفها صوبه حط كفوفه الثنتين على خدودها" باس راسها ونزل لخدها وعقب شفايفها " منايل تيبست بمكانها بغت تدخل بملابسها من الخجل انحرجت تبي اتحرك اتوخر عنه لكن تحس عضامها تيبست ماقدرت اتحرك ولاحركه " سحبها لحضنه وحضنهــــا بقــــوووه تنهد وقال : آآآه منج خليتي صدري مثل البركان حرقتي اعصابي وجننتيني بس رغم هذا كل قلبي مايطاوعني اأذيج احاول قد مااقدر امسك اعصابي لكنها تفلت غصب عني صح انتي بوادي وانا بوادي لكن فيه شي يجذبني لج منايل في هالحظه تمنت الوقت يوقف تمنت مايمر بسرعه رغم كرها للعيشه وياه ورغم انها شايله بقلبها عليه لما مد ايده عليها" اللى انها حست بشعور حلو شعور تمنته ماينتهي" حب راسها بندر مره ثانيه وهدها : يلا جهزي عمرج بنمشي لطايف وبعدين بنرجع للكويت بأخذ لي شور ونمشي منايل تحس نفسها مثل الثلجه السايحه وكل اللي قدرت عليه انها هزت راسها بالاجابه بأن شاءالله مشى بندر خذا روبه ودخل الحمام يتسبح" منايل ظلت واقفه بمكانها عشر دقايق بعدين استوعبت نفسها اسحبت عمرها بخطوات ثقيله خذت القفص وحطته بالكيس وراحت للغرفه جهزت اغراضها وخذت عبايتها وقعدت بالصاله تنطر بندر يخلص" شغلت التلفزيون وقعدت على الاريكه اطالعه بس ماكانت منتبهه على أي قناه حاطته ولا شنو فيه ولاكانت ملقيته بال" كانت سرحانه وتفكر في بندر مرات اتحس انه اطيب شخص بهالكون ومرات اتحس انه قاسي ومرات اتحسه مزاجي ومرات اتحسه عصبي لكن اللي تعرفه انه فالنهايه حنــــون قطع عليها سرحانها صوته : يلا مشينا التفتت صوبه شافته شايل جنطتها وجنطته: يلا البست عبايتها ونقابها وخذت جنطة ايدها من على الطاوله وطلعوا من الشقه" ركبوا السياره متجهين لطايف عروس المصايف " الجو في السياره كان هادي جدا " منايل سندت راسها على الكشن ولفت وجهها صوب الدريشه وسرحت بافكارها بعيد """ سعود نازل من الدرج وحده معصب : خلاص جايك الحين يلا صكر ام سعود باستغراب : يمه اشفيك عسى ماشر سعود بعصبيه : اللى الشر بعينه وعلمه ام سعود بخوف : خير اشصاير سعود : من وين يجي الخير وعناد موجود ام سعود : خير الله يقطعه ويقطع سيرته اشسوى بعد سعود وهو طالع من الباب : خذا حور واخوانها عنده فالبيت الله يأخذ عمره (طلع وصك الباب بقوه ) ام سعود ركضت لتلفون دقت على بوسعود : ألو بوسعود الحق بوسعود بخوف : خير يامره اشصاير ام سعود : عناد الله ياخذه خذا حور واخوانها عنده فالبيت وسعود توه طالع من البيت معصب تكفى يابوسعود تصرف انا خايفه على سعود لايسوي شي بوسعود عصب وتعتزوا : انا ولد ابوي متى صار هالكلام ام سعود : والله مادري بوسعود : خلاص خلاص انتي صكي وانا بشوف الموضوع سعود طلع لنايف اللي كان ينطره برى ركب السياره وهو معصب : صار لي ساعه ادق عليها وجهازها مسكر نايف يحاول يهديه : اهدى ياابن الحلال سعود : وين اهدى وهي عند عناد لا وصار لهم يمكن شهر نايف : يابن الحلال عناد عمهم وهم رايحين عنده برضاهم سعود زادت نرفزته : الشرهه مهو بعليهم الشرهه على سعاد اللي خلتهم يروحون عنده دق تلفون سعود وعلى طول رد : هلا يبه بوسعود : سعود اسمع وانا ابوك انا شفت الموضوع وعرفت انهم رايحين برضاهم محد غصبهم ودامه برضاهم مانقدر انتدخل سعود : وشلون مالنا دخل انت نسيت عناد وسوالفه بوسعود : انا بكلم حور واشوف الموضوع واذا هم راضين ماني مخليهم بتابعهم من بعيد واشوف الوضع واشوف السبب اللي خلاهم يرضون يسكنون عنده سعود : يبه وانا شيصبرني من دريت انهم عنده وانا ماهدت اعصابي بوسعود يدري ان سعود يحب حور : يابوك اصبر الصبر زين وإن شاءالله ماهو بصاير اللى كل خير سعود تنهد مايقدر يعارض ابوه : خير خير إن شاءالله " " " " " " " " " في احدى مجمعات الطايف كانوا يتمشون" بندر : هاه بعد تبين شي من هالمجمع واللى نروح غير منايل : لا انا خلصت منه بس انت كيفك مسك ايدها وكانت بارده : دام خلصتي انا خالص يلا امشي نشرب لنا كوفي يدفيج منايل طالعته وابتسمت : اذا ممكن ابي لتيه بندر : ابشري وغيره منايل انحرجت من نظراته : بس خذولهم كوفي ودونات وركبوا سيارتهم وتموا يتمشون فالطايف وقفوا عند احد المنتزهات وانزلوا يتمشون فيه" خذاهم الوقت وهم طول اليوم يتمشون من مكان لمكان " اليوم هذا المفروض يكتبونه بتاريخ حياه كل واحد فيهم لانه اجمل يوم مر عليهم من تزوجوا " الساعه 10ونص تعشوا بأحد المطاعم ورجعوا لشقتهم " ومن دخلوا الشقه كل واحد منهم نام بمكان بندر نام بالصاله ومنايل بالغرفه " انتهــــى البــــارت اتمنــــى ينال عجــــابكم" تحياتــــي" |
الكويت موطني _ حلزونه _ كتشن _ بياض الصبح _ الريم اللعوب
اشكركم من كل قلبي على متابعتكم المستمره لاحداث روايتي واعذروني اذا ما قدرت ارد عليكم وحده وحده لاني حيل مضغوطه وقاعده احاول قد ماقدر انزل البارت بوقته فلاحد يزعل اذا مارديت عليه"" |
السلام عليكم و رحمه الله و بركاته
صباح الخير و الرضا من الرحمن أبدعتي يا غنادير تسلم الأيادي يارب ===================== (( بندر و منايل )) ياليت بندر يكون صبور على منايل مثل ما هو على خواته للأسف طريقة تعامله معاها حيل قاسيه وصلت فيه أن يجلدها بالعقال لو وحده غيرها ما قعدت عنده دقيقه بس للأسف سالفتها مقيدتها حيل .. بنفس الوقت منايل للأسف للان ماهي قادره تستوعب طبع زوجها و أنها ما يحب اللي يرادده أو يغلط عليه و هي ماخذتها عناد .. إن شاء الله بعد هالعمره تكون الاحوال تعدلت و خصوصا مع القرار الجديد اللي ممكن يخلي منايل تهون عن عنادها شوي... ======================= (( حور )) اول الغيث قطره و الله يستر عليها هي و اخوانها من الجاي بس اتوقع ابو سعود راح يسأل و يعرف تخطيط عناد الهم و يحاول يرجع حور للخاله سعاد ... ======================== سلمتي يارب بــ انتظارج احم أحم << نبي ثلاثه أجزاء واحد اساسي و الثاني بمناسبة اليوم الوطني و الثالث بمناسبة ذكرى التحرير <<< فيس طماااااااااااااع ^ــ^ .. .. .. |
الله يعطيكى العافيه اتوقع سعود هواللي ينقذ حورمن ابوفيصل وعنادويخطب حوروتسلمي غناديرحبيبتي بنتظارابداعك
|
الجــــــزء العشــــــرون
بعد مرور ثلاث شهــــور " بدأ دخــــول فصل الشتاء " في بيت عناد " وبالتحديد في غرفة فوزيه" كانت فوزيه ومنار قاعدين حولين الدفايه ولازقين فيها كان البرد قارص" خالد منسدح ومتلحف بالفراش مسخن" دخلت عليهم حور شايله صينيه فيها حليب بزنجبيل وبقصم : يلا الحين تدفون اشربوا هالحليب إللي على كيف كيفكم فوزيه : بعد عمري سوري مانزلت وياج حدي متجمده حور تصب الحليب : عادي الوضع امن ابوج مسافر والوضع جدا هادي وامج بغرفتها لافيه سهر ولاخرابيط منار ارتشفت من الحليب : اللــــه تسلم ايدج عجيب حور : بالعافيه (راحت لخالد وحطت ايدها على راسه ) بخوف: حرارته حيل مرتفعه فوزيه : تبيني ادق على فواز يوديه الطبيب حور وقفت : لامايحتاج انا بروح اجيب له كمادات من تحت فوزيه : اروح وياج حور : لامايحتاج بروح بسرعه ورد طلعت من الغرفه وكانت تمشي على الدرج بسرعه " في نفس الحظه سكينه كانت طالعه من غرفتها ولمحت حور نازله " ابتسمت بخبث ولحقتها" في المطبخ " حور كانت تحط ماي وثلج في طاسه وادور على فوطه جديده عشان اتكمد خالد فيها- تسندت سكينه عالباب : اي يابت اخدتي رحتك عالاخر حور تمت ادور في الادراج وماردت عليها " مشت سكينه صوبها مسكتها من إيدها : مابترديش ليه اكل الأط السانك حور ماسكه اعصابها : لوسمحتي خليني في حالي خالد مسخن وماني فاضيه لسخافات سكينه تبيها من الله ماصدقت خبر ان حور راددتها~ مسكتها ودزتها بكل قوه إلا حور طايحه على ظهرها ^ كملت اسحبتها من ايديها للحوش ^ حور كانت اتصارخ وتحاول ادافع عن نفسها بس ماقدرت : سكينه يرحم والديج هديني سكينه ماهتمت سحبتها للحوش وقربتها من برادة الماي اللي بالحوش قعدت على رجول حور وخذت الحبل الموجود عند البراده وربطت رجولها وايديها بالحبل وثبتت الحبل بالبراده عشان ان حاولت حور تتحرك واتفك نفسها اطيح عليها البراده ^ سكينه بعد ماخلصت مهمتها وقفت : هههههههه يلا وريني شطارتك ازي حتفوكي نفسك يابنت الحرام حور تمت اطالعها بنظرت حقد وكره ويأس : اش تستفيدين من هذا كله مشت سكينه داخل للمطبخ وطلعت وبيدها قلاص ماي بارد كبته على راس حور حور اشقت من برودت الماي : ياسافلــــه عديمه حســــاس ضحكت ضحكتها الحقيره بصوت عالي ودخلت وصكت جميع الابواب وخلت حور مربوطه فالحوش ^^ الجو حيــــل بارد والارضيه بارده هذا غير عن برودت الماي اللي كتته عليها وحتى شيلتها اسحبتها من راسها ^ """ فوزيه : منور مو جنا حور تأخرت منار بخوف : اي والله تأخرت حيل امشي امشي نشوفها قاموا البنات بسرعه طلعوا من الغرفه وركضوا لدرج كان الباب اللي على الدرج مصكر فوزيه بخوف ركضت لباب الدرج تفتحه لقته مقفل طالعت منار بخوف : الباب مقفل بمفتاح منار خافت : يعني شنــــو فوزيه : تعالي وياي بسرعه منار لحقت فوزيه اللي كانت متجهه لغرفة امها ومعصبه ^^ فوزيه طقت الباب بقوه : يمــــه فتحي الباب وعطيني المفتاح سكينه ماعطتهم بال مشغله المسجل وترقص شرقي ولاهامها " فوزيه عصبت : يمــــه الساعه وحده الفجر حركاتج هذي مالها داعي بطلي الباب وعطينا المفتاح سكينه ولامهتمه ولامعبرتها -^- منار : فوز لازم انتصرف نكسر الباب انا خايفه على حور لايكون سوت لها شي فوزيه : شلون نكسره الباب المنيوم قوي ماراح نقدر منار بعصبيه : يعني شنو نقعد مكتفين ايدينا فوزيه : امشي ندق على فواز عنده مفتاح لباب الدرج راحوا للغرفه خذت فوز فونها ودقت على فواز" حاولوا اكثر من مره يدقون على فواز لكن الشبكه مشغوله " فوزيه : الشبكه حدها مو وقتها ماتشبك منار : دقي دقي إن شاء الله بيشبك فوزيه بفرح : دق دق منار :هاه رد فوزيه دقت مره ثانيه : يوه انغلق شكله خلص شحنه منار تنرفزت : مو وقته حده مو وقته فوزيه : الحين شنسوي منار بحده : تسأليني شنسوي انا شدراني شنسوي بروحي متوتره وخايفه على حور فوزيه : املنا بعد الله بفواز بننطره شنسوي منار عصبت : شنو ننطره انا مافيني صبر حتى مانعرف حور وين بالضبط فوزيه عصبت بعد : اوكي عندج حل قوليه اشتبيني اسوي يعني حتى انا خايفه عليها وإلا حسبالج حور مو هامتني منار : موقصدي موهامتج بس انا متوتره ومادري شخربط > الساعه 2 الفجر < وتحديدا فالحوش الجو كان بــــــــارد حيل " حور حست عظامها بتكسر من البرد كل جسمها يرجف وحتى الكلام جمد صوتها ماعاد طلع " اطراف اصابعها تيبست تحس انها مو قادره اتحركها ولاحركه متشدده ومتيبسه " حالتها كان يرثى لها العدو لو شافها بيحن عليها ^ متكوره على نفسها وشعرها متناثر عليها ومبلل ماي < >في هالحظه دخل فواز كان رايق حده مقحص وفاز بالتحدي < يغني < حط الكاسه عالكاسه قلبك عاشق رقاصه > وقف بمكانه منصدم يفتح عيونه ويصكرها يبي يتأكد من اللي يشوفه قدام عينه هو خيال وإلا حقيقه " : بسم الله الرحمن الرحيم من انتي حور رفعت راسها وماقدرت اتكلم صوتها مايطلع كل إللي قدرت اتسويه انها اتهز راسها" فواز قرب منها واستوعب انها حور انصدم : حــــــــور حور هزت رأسها بتعب خلاص ماعاد فيها حيل تحس بيغمى عليها ~ ركض لها فواز فصخ جاكيته وحطه عليها : اشجايبج فالحوش ومن اللى مسوي فيج هالسواه (كان يتكلم بنفعال وعصبيه ويحاول يفك الحبل إللي كان مربوط بقوه واتقان ) حور كانت تحاول اتقاوم انها تصمد تفتح عيونها وترجع عيونها اتصكر غصب عنها تحاول تسند رقبتها وماتقدر " فواز كان معصب حده : اكيد هذي سوالف امي مادري متى قلبها المتحجر يحن وبعدين البنات فوز ومنار وينهم عنج شلون يخلونها اتسوي هالسواه حور بدا الضباب يغشى عيونها وماعاد ميزت ملامح فواز ولاعاد درت هو شيقول استسلم جسمها واغمى عليها " فواز ارتبك وتوهق فتح الحبل ومادرا شيسوي اول مره في حياته يقرب من بنت اصلا ماعمره تعامل ويا البنات ماعرف شيسوي ينادي البنات وإلا يشيلها توهق" قعد يصفق وجهها عالخفيف : حور حور انتي تسمعيني حور كانت جثه هامده غير قادره عالحركه " فواز فالاخير شاف ان مافيه فايده لف جاكيته عليها وشالها على كتفه بإيد وحده " مشى فيها فتح الباب بإيده الثانيه ودخل صعد الدرج بسرعه وفتح باب الدرج " البنات كانوا قاعدين ينطرون واول ماسمعوا صوت المشي على الدرج ركضوا للباب ~ وأول مافتح فواز الباب لقاهم بوجهه : بسرعه شغلوا الدفايه وجيبوا لحاف ثقيل منار وفوزيه أول ماشافوا فواز شايل حور وهي مغمى عليها صرخوا بصوت واحد : إشفيهــــــــا فواز كمل دربه للغرفه وبحده قال : مو وقت اسألتكم خلصوني البنت متجمده من البرد البنات كانوا متخرعين لحقوه وهم مرتبكين مايدرون شيسون ~ سحب فواز بطانيه ثقيله فرشها وحط حور فيها ولفها وقرب الدفايه منها : جيبوا بعد بطانيه ثانيه فوزيه ركضت سحبت بطانيه من الكبت : فواز شكل البرد داخل عظامها خلنا نسبحها بماي دافي فواز : خلاص يلا عبوا البانيو بماي دافي ويلا شيلوها وسبحوها بعدين لبسوها ملابس ثقيله وغطوها يلا انا بخليكم واذا صار شي نادوني انا بقعد عند باب غرفتكم فوزيه : خلاص انت اطلع وان شاءالله مايصير إلا كل خير منار كانت واقفه تبكي وترجف من الخوف على اختها إللي ماكانت حاسه بأي شي حواليها ~ فوزيه : منور مو وقت بجي مافيها شي إن شاءالله يلا خلينا نشيلها نسبحها منار تمسح دموعها: فوز تكفين خايفه عليها شاللي صار لها فوزيه : مومهم خلينا نسبحها عشان يدفى جسمها يلا > شالوا البنات حور وبدوا يصبون عليها الماي الدافي ويسبحونها ويهمزون ايدينها وبدا الماي يدخل شعرها وينزل على وجهها < بدت تحس شوي تحاول تفتح عيونها اتشوف ضباب وترجع اتصكرها بدت اتحس فيها والوعي بدا يرجع لها ~ منار : بعد عمري حور انتي بخير انتي اتشوفيني فوزيه : أي رجع لها الوعي يلا خلصي انا بروح اجيب لها ملابس وروب السبوح عشان البسها وماتطلع من الحمام إلا وهي دافيه منار : خلاص يلا انتي روحي انا بخلصها ¥¥¥¥ منايل كانت واقفه قدام المنظره اتمشط شعرها " دخل بندر : سلام منايل لفت جهته : وعليكم السلام بدون مايتكلم علق دشداشته وغترته ولبس بجامه وراح ينسدح على الاريكه يبي ينام " منايل بتردد : بندر بتنام بندر طالعها باستغراب : بغيتي شي منايل ارتبكت : هاه اي حبيت اذكرك بعرس بنت خالة امي ترى بكره بندر : خير إن شاءالله اجهزي وبكره بوديج منايل توهقت : لابندر مايحتاج اتعب نفسك بروح ويا امي لان استحي ادخل بروحي بندر رفع حاجبه : خلاص الوقت اللي بتكون امج موجوده بتكونين انتي بعد موجوده منايل : اي بس على ماروح الصالون ويا عذاري ومريم بندر بنظره : ماقلتيلي عن الصالون وبعدين الصالونه اتجيج للبيت انا مابيج تروحين لها منايل انصدمت فتحت عيونها : بنـــدر اكيد انك اتغشمر شي انا متعامله ويا صالون دايم اسوي عنده وبعدين الصالونه اللي تجي البيت لازم حجز قبلها بمده والعرس بكره يعني مافيه مجال بندر رجع ايدينه على راسه وانسدح : مشكلتج مو مشكلتي دبري نفسج منايل انقهرت : انت اشفيك اشفيها يعني اذا رحت بندر : مافيها شي بس انا روحت الصوالين هذي ماحبها تبين صالونه خليها تجيج البيت وغير هالكلام ماعندي (وعطاها ظهره ونام ) منايل خذت نفس وحاولت تمسك اعصابها قد ماتقدر ماتبي اتهاوش وياها وغير رايه ومايخليها اتحضر العرس : خلاص عطني تلفونك شوي بشوف لي وحده اتجي للبيت بندر يتكلم وهو معطيها ظهره وفيه ضحكه : اخذيه من الشاحن قامت منايل لتلفون وهي اتحلطم من داخلها ودها تزنطه " خذت التلفون دقت على مريم اختها : هلا مريم مريم : هلا منول شخبارج منايل تسوي نفسها طبيعيه : تمام الله يسلمج انتي شلونج وشلون بناتج مريم : كلنا بخير منايل : ماني مطوله عليج بس بغيت وحده من الصالونات اللي تعرفينهم تجيني للبيت مريم بصدمه : ليش ماراح تروحين ويانا منايل : لاماقدر وابي وحده تجيني للبيت مريم : انزين ليش ماتكلمتي من زمان يوم صار حده حده تكلمتي كلهم لازم حجز منايل شوي وتبكي : تكفين مريوم دبريني شسوي طلع لي ظرف طارئ مريم عصبت : يعني شهالظرف تدرين ان هالعرس لازم تحضرينه وتكونين بكامل اناقتج شلون ادبر لج خلاص روحي ويانا الصالون طول عمرج متعامله ويا هالصالون ومايعجبج إلا شغلهم شاللي غير رايج منايل قصرت صوتها عشان مايسمعها بندر : قلتلج ظرف ماقدر اروح بدبرين لي صالون وإلا ترى ماراح اروح مريم عصبت : بتروحي غصب عنج وإلا بعد خلي الناس يطلعون سوالف يلا صكي بدق على انجل بحاول فيها تجيج منايل : وقوليلها مومشكله الفلوس مستعده اعطيها دبل بس المهم تجيني بليز مريوم اقنعيها ادري وقتي غلط بس شسوي (علت صوتها عشان يسمع بندر ) مريوم بحده : خلاص بحاول قد ماقدر عسى ترضى ومره ثانيه جهزي نفسج من وقت فاهمه منايل : ابشري ابشري بس انتي دبريني الحين مريوم : يلا بدق عليها وارد لج خبر منايل : خلاص دقي على تلفون بندر تراه وياي مريم : اوكي بندر فيه ضحكه : هاه لقيتي منايل بدون نفس : بترد لي خبر مريم بندر ببرود : اي خير إن شاءالله منايل ودها تقوم تزنطه" بعد ربع ساعه دق الموبايل وعلى طول ردت منايل : هلا مريوم هاه بشري مريم : خلاص تم منايل بوناسه : بعد عمري الله لايخليني منج مريم : بعد طلعت الروح وافقت قلت بعطيج دبل ويالله اقتنعت منايل تنفست براحه : أوووف ريحتيني الله يريحج والفلوس مو مشكله عادي بس اهم شي تجي مريم : يلا ومره ثانيه لاتعيدينها منايل : بعد عمري فديتج ماقصرتي مريم : يلا انا اخليج تصبحين على خير منايل : وانتي من اهله حبيبتي ~ بندر رفع راسه : هاه اشصار منايل بدون ماطالعه: بتجي بس بروح وياهم للعرس وانت ردني بندر ابتسم : زين يلا تصبحين ع خير منايل : يعني اخليهم يمروني بندر: خليهم يمرون """ بيت الخاله سعاد ~ غرفه منال " منال منفعله : الله ياخذها الحقيره نجسه حيوانه نرجس : اي حيوانه مافي قلبها رحمه منال : وحور الحين شلونها ودوها الطبيب شي نرجس : تقول منور انها اليوم صارت احسن اصلا منور امس كانت غايبه عشان تقعد عندها واليوم داومت وقالتلي السالفه انصدمت عمري ماتخيلت فيه ناس بهالقسوه منال عورها قلبها على صديقتها : حسبي الله على سكينه يامال الشلل اللي يشل إيدها نرجس : بعد عمري حور ماتستاهل اللي يصير لها بس الحمدالله ان فوز وفواز زينين وياهم عالاقل هالشي مهون عليهم منال من جابوا طاري فواز ابتسمت وسرحت " نرجس : تصدقين ياحليله فواز تدرين شيقول منال سرحانه ماانتبهت لها" نرجس اتشر بإيدها : هااي قاعده اكلمج وين سرحتي منال استوعبت نفسها : هـــاه نرجس : وين سرحتي منال : ماسرحت مكان كملي شتقولين نرجس : اقول ياحليل فواز واعدهم يوم الخميس يطلعهم يغيرون أي مكان يختارونه منال تنهدت : ياحلـــوه نرجس خزتها : شنو ياحلوه منال استوعبت نفسها : اقصد ياحليله طيب عالاقل فكر يطلعهم يغيرون جو ويفتكون من روتين البيت الممل نرجس قامت :بدقين على حور منال : اكيد بدق عليها بس على الله ماتطلع مسكره جهازها نرجس : يلا انا بروح ادرس اذا كلمتيها سلمي عليها منال : اوكي يبلغ بس صكي الباب وراج طلعت نرجس" خذت منال موبايلها وعلى طول دقت على رقم حور " من ثاني دقه وصلها صوتها المبحوح من التعب : هلا والله وغلا يامرحبا بالرقم وراعيته منال : بعـــد عمري روح وقلب منال انتي سلامات حور : هههههه امداهم وكاله كونا يوصلون لج الخبر منال باهتمام : شخبارج شلونج قوليلي عسى ماصار فيج شي حور تحاول اطمنها : الحمدالله جات سليمه وربي ستر منال مقهوره : الله يأخذها حسبي الله عليها الظالمه الحقيره الوسخه حور ابتسمت : هدي هدي اعصابج منال منفعله : انا لو اشوفها الحين بمسكها واترفس في بطنها لين تطلع امعاءها حور : ههههههههههههههههههههههه فديت المنفعلين انا منال : اقهرتني الحيوانه هذي سوات اتسويها حور تنهدت : خليها على الله يابنت الحلال الحمدالله ان فواز لحق علي والله يامنول اني حسيت ان عظامي بتكسر من البرد لدرجه ان اصابع ايدي يبست ماعاد قدرت احركها منال بحب : بعد عمـــري زين مره ثانيه لو شيصير ماتنزلين بروحج حور : لاخلاص توبه مابغيت إلا عمري هذي ماتخاف الله وإللي مايخاف الله توقعي يسوي أي شي منال : اي يامال الشلل اللي يشلها حور : خلينا منها وقوليلي شخباركم وشلون خالتي ونرجس وفهود منال : كلنا طيبين بس ناقصنا شوفتكم البيت مافيه حلا بدونكم حور : خالتي شلونها للحين زعلانه علي منال : نرجس تقول انها تسألها دايم عنكم بس انا ماتسألني لان تدري اني بوصلج حور تنهدت : بعدعمـــري خالتي ادري لوشيصير مافيه قلب بالدنيا بيكون احن منها علينا منال : امي تكابر والا قلبها عليكم حتى لوكانت زعلانه عليج حور : لايكون قلتولها باللي صار لي منال : لا نرجس ماقالت شي وانا مستحيل اقول لان لو درت اني اكلمج ياويلي منها حور : اي لاتقولون لها شي انا مافيني الا العافيه واعرفها حتى لوكانت زعلانه مني بينشغل بالها وتقعد اتحاتي منال : ماعلينا ماقلتيلي انتوا شلونكم كلكم حور ابتسمت فهمت قصدها : منو قصدج كلنا قصدج انا وخالد ومنور منال : اوف اي انتوا والناس الثانين حور تستهبل : أي ناس ثانين وضحي منال : حور جب زين حور فطست : ههههههههههههه الناس الثانين طيبين وعايشين حياتهم منال : عساه دوم طيب وبخير حور : ياوقحج وقحاه ياصديقتي الصدوق حور : والله تطورنا وصرنا انبوح بمشاعرنا منال : شسوي مالت على قلبي الخبل حتى يوم حب حب واحد مادرى عن هوا داري حور ابتسمت : حالتج ميؤوس منها منال : حيـــل حور : منول تكفين انا لازم اشوفج مشتاقه لج حيل منال : واللـــه وانا اكثر بس شلون حور : شوفي فواز مواعدنا يطلعنا الخميس سليل الجهرا ومي اعتقد بتجي لانها قالت لفوزيه انها بتجي اقنعي خالتي تخليكم تروحون ويا خالتج ومي بس لاتقولون لها ان حنا بنكون هناك ولاشي منال تحمست : صج مي بتروح حور : اي فوز تقول منال : خلاص اوكي بدق على مي واتفق وياها واقول لها لاتطري انكم بتروحون لا انتوا ولافوزيه وبعدين بقول لامي ان مي عازمتنا حور : خلاص اوكي انا اخليج الحين وانتي شيصير قوليلي منال : اوكي جاااو ^^^^ دخل الغرفه وانصدم من اللي شافه " كانت في قمة جمالها لابسه فستان حرير فوشي كت صدره ورود بلولو ابيض ومسويه مكياج مبرز ملامحها اما تسريحه شعرها كانت مرفوعه وحاطه اكسسوار فوشي " بندر كان مبهور من جمالها وفي نفس الوقت معصب علشانها لابسه كت منايل بدلع : شرايك حلوه بندر بداخله (حلوه إلا تطيرين العقل) بس لازم يسوي نفسه يعنني : إن شاءالله بتروحين بهالبس المفصخ منايل عبست وجهها : شنو مفصخ بندر بعصبيه : هذا كله مومفصخ منايل : بندر شنو يعني عادي هذا ثوب عرس جذي موديله بندر رفع حاجبه : مافيه روحه بهالبس تلبسين فوق شي وإلا مافيه روحه منايل : بندر الله يخليك هو جذي لاتخرب علي بندر بحده : قلت تلبسين فوقه شي يعني تلبسين منايل شكلها كان عاجبها وماتبي تخربه ومزاجها كان رايق وماتبي شو يعكر مزاجها وتعرف بندر مايمشي بالعناد " لفت إيدها على رقبته وباسته على خده الايمن وبعدين الايسر : تكفى بس هالمره سماح بندر ذاب وتمت عيونه اطالعها ولا نطق بأي كلمه منايل استغلت الوضع وكملت : يلا بندوري وافق بس هالمره يلا لاتردني بندر ماقدر يقاومها هز راسه بالموافق منايل استانست : مشكور خذت عبايتها بسرعه وطلعت من الغرفه لان امها وخواها برا ينطرونها " اما بندر كان للحين واقف مكانه ومو مستوعب اللي سوته منايل" لف جسمه للمنظر وتم يطالع خده ورسمه شفايفها المطبوعه عليه ابتسم وحط ايده على خده مسح الحمره وحذف نفسه على السرير " """ سعود قاعد فالحديقه وتلفونه بإيده " يدق نفس الرقم اللي كل يوم يحاول يتصل فيه وعقب يهون" : اتصل زين واذا اتصلت بصفتي من اتصل وإلا ماتصل لالاشكلي بتصل واللي فيها فيها في نفس الوقت حور كانت ماسكه موبايلها وتكتب مسج لمنال تسألها اشصار" سعود يتصل بك " حور شافت المتصل ارتبكت وطاح التلفون من ايدها تمت اطالع التلفون وماردت : شعنده داق اشيبي تمت يرن موبايلها لما انقطع ورد يتصل مره ثانيه حور ارتبكت : ارد والا مارد ليش متصل وتم يتصل للمره الثالثه" خذت حور تلفونها وخذت نفس : ألو سعود طار قلبه من سمع صوتها وبينت نبرة الفرحه بصوته : مرحبا حور صوتها مبحوح من التعب : هلا سعود : هلا بكم زود حور سكتت سعود : شلونكم عساكم طيبين حور : بخير الله يسلمك سعود : سلامات اشفي صوتج حور : ابد تغير جو سعود : ماتشوفين شر حور : الشر مايجيك سعود : شلونج وشلون خالد ومنار حور : كلنا بخير انتوا شلونكم شلون عمي وخالتي سعود : نسأل عنكم حور استحت : تسأل عنكم العافيه منايل شلونها سعود : منايل طيبه بس اخوى منايل اللي ماهوبطيب حور توهقت ماعرفت شتقول سعود : انا اسف اذا مكالمتي ازعجتج لكن الشاهد الله اني داق عشان اتطمن عليكم انتي ماتدرين بغلاج عندي حور : ساكته سعود كمل : حور انتي من قعدتوا عند عمج وانا بالي مشغول احاتيكم وبين فتره وفتره امر من بيت عمج اتم واقف اقول يمكن اشوفج بس للاسف مافيه فايده واكثر من مره امر مدرسه خالد اشوفه واسأله عنكم ويقول انكم بخير حور تحاول تكون طبيعيه : الحمدالله حنا بخير وطيبين ماله داعي ينشغل بالكم علينا سعود ابتسم يعرف انها انحرجت : عساكم دوم بخير يلا انا اخليكم وأي شي أي شي تحتاجينه انا حاضر فيه ومايردج الا لسانج حور : مشكور ماتقصر سعود : يلا ودعتج الله الذي لاتضيع ودائعه وتصبحين على خير حور بخجل : وانت من اهله صكت التلفون وضمته لصدرها نبضات قلبها كانت ادق بسرعه جنونه وفي داخلها يدور هالكلام : ياقلبي لاتحبه سعود هو بالذات لاتحبه مابي اتعلق فيه مابي غلاه يزيد هو بالذات مابي قلبي يتمادى في حبه صح انه ينحب وألف وحده اتمناه بس انا مابي قلبي يتمادى في حبه لاني اعرف انه من ضمن المستحيل واعرف اني مااصلح له يارب لايذلني حبه" اووف منك ياسعود احاول قد مااقدر اجاهد نفسي وامنعها من حبك وكل ماقلت اني تناسيت تجي وتخرب كل شي انا وين وانت وين حتى لوحبيتني مصيرك بتزهق مني ومن مشاكل عناد وانا اعرف لو وافقت عليك وتزوجتك بيقعد عناد رايح جاي يبي فلوس آآآه من عناد ومشاكله وآآآه مــن سعـــود وحبـــه " ابعديه يابنت من راسج احسن لج واريح" قامت خذت لها مجله تقرآها تحاول تشغل نفسها عشان ماتفكر في سعود " في هالحظه وصلها مسج من منال (ابشرج الموضوع تم ) ^^^^ الساعه 2 الفجر" دخلت الغرفه ولقته منسدح على السرير" بندر أول ماشافها قعد منايل فصخت عبايتها : مرحبا بندر يطالها : مراحب مابغيتي طولتي منايل : على ماخلص العرس وتعرف درب انت للحين مانمت بندر : انطرج منايل استحت وقامت اتغير الموضوع واتعلق عبايتها : العرس كان يهبل وراقي بندر وقف وراح لها مسكها من كتوفها : والله انتي اللي اتهبلين منايل انحرجت : عن اذنك بروح ابدل بندر مسكها وقعدها على السرير : لالا وين اتبدلين انا للحين ماشبعت منج وبعدين مره ثانيه الكشخه هذي تكشخينها لي انا مهوب لناس منايل نزلت عيونها في الارض انحرجت بندر يمسح شعرها ووجهها (سحبها على السرير وصار اللي صار ) ^^^ الساعه 10الصبح " فتحت عيونها وشافت نفسها بحظنه وهو نايم ومو حاس بشي " رفعت نفسها وبعدت ايده من خصرها " طاحت عينها على الوحمه الكبيره اللي بإيده اول مره تنتبه لها تمت اطالع ايده والوحمه" اليد هذي ماره عليها انا وين شايفه ايده وبالذات الوحمه اللي فيها وين شايفتها يا منايل ويـــن " سحبت نفسها من السرير خذت روبها ودخلت الحمام تأخذ شور وبالها مشغول تحاول تذكر اليد وين شايفتها " ~~~ الخميس " فالسياره البنات كانوا حيل مستانسين انهم بيطلعون من البيت اللي يضيق الخلق ويغيرون جو منار وفوزيه وحور راكبين ورا وخالد راكب قدام ويا فواز " منار بصوت واطي : أول مره في حياتي اركب سيارة جيتي فوزيه : ههههههه انا عن نفسي ماركبت إلا الجيتي حور : شعور غريب اذا البت راكبه هالسياره احس اني مهستره منار : هههههه العن ام التشبيه الخايس فواز حط شريط مطربه المفضله ساريه السواس وطول على الصوت " اسمع بس اسمع بس اسمع مني يلي مجنني بس اسمع مني اني المتعذب وانته المتهني اسمع بس اسمع يلعينك تدمع جانك ماتسمع الله يصبرني ليلي وياليلي اه ياأم كذيله شلون اوصل كلبج شنهو الوسيله طرف الهباري اسمر ياسابي العين حبوك اجباري القلب قبل العين منار وحور قاموا يتشهدون كان مسرع وحاط اغاني " حور : اشهد ان لاإله إلا الله يارب سترك تكفين فوز خليه يقصر على هالزفت اللي اتغني لاتنقلب فينا السياره ونموت ويكون اخر ماسمعناها هالاغاني فوزيه : مالج امل هو جذي المسجل حده والسرعه طاير منار خافت : ياربي سترك ياربي لاتخفس فينا ياربي لاتغضب علينا اما فواز كان عايش جو والوضع عنده عادي خالد تضايق من الصوت مد إيده وقصر : فجرت اذانينا الله يهديك فواز مد ايده ورجع يطول : وشفيك خويلد اسمع اسمع وش اتقول اسمع مني يلي مجنني اسمع مني {من جهه ثانيه عند البنات} حور : ياليل مطولك اخوج عايش جو فوزيه تضحك على شكل حور وهي خايفه: هههههههههههههههههه عاد ساريه السوس مطربته المفضله منار : حور لايطوفج شوفيه يغني ويدق ارقبه بعد حور : مايحتاج اشوف الارسال واصل فوزيه : ههههههههه عادي بعدين اتعودون على سياقته وتصير السرعه عادي عندكم حور : امحق سياقه هذا بيودي نفسه لتهلكه انا من ركبة وانا اتشهد احس ان حنا بننقلب بأي لحظه ساريه اتغني وفواز يغني وياها ( اسمع مني يلي مجنني ) خالد متنرفز مايحب الاغاني : ياجعل يركبها جني فواز فاطس من الضحك: هههههههههههههههههههههههههههههههههههههههههههههههه وشفيك ياخلود خالد ابتسم : قصر الله يحفظك وخفف السرعه ولاعليك امر ترى خواتي مومتعودين على السرعه تلقاهم الحين ميتين من الخوف فواز مستمر بالضحك ورفع عينه للمرايه وشاف بنات عمه لازقين في فوزيه والخوف مبين عليهم طفى المسجل وزاد ضحكه : هههههههههههههههههههههههههههههههههه خالد التفت صوب خواته وابتسم عرف ان فواز يضحك على اشكالهم وهم خايفين : طير قلوبكم بسرعته حور هزت رأسها وتأشر لخالد بإيدها عشان يقول لفواز يخفف السرعه فواز مسك ضحكته غصب خفف السرعه قبل لايقول خالد له مره ثانيه بس كل شوي يبتسم " فواز التفت لخالد : ترى عشانكم مخفف السرعه والا انا ماعمري سقت 120 خالد : جعله دوم مهو بيوم تخفف السرعه فواز يبتسم : غلطت في حقي ياولد العم أنا ان ماوصلت الطبلون حده والا ماحس اني اسوق خالد : وش تبي فالسرعه تهلكه لي فلتت السياره من ايدك ماعاد قدرت اتحكم فيها حتى لو انك احسن سايق فالعالم فواز : يارجال محد يموت قبل يوم خالد : ونعم بالله لكن لاتودي نفسك لتهلكه قطع عليهم سوالفهم موبايل فوزيه" فوزيه : هلا مي " الحين جايين " عشر دقايق بالكثير " خلاص اوكي اذا وصلنا بدق عليج فواز : هاه وصلت صديقتج فوزيه : اي تقول صار لهم ربع ساعه من وصلوا فواز : يلا حتى حنا خمس دقايق ونوصل في نفس الوقت حور كانت تكتب مسج لمنال (خمس دقايق ونكون عندكم بس اطلبيلي كوفي راسي صدع) بدال مادز المسج لمنال دزته لسعود بدون ماتنتبه" """ سعود كان فالمستشفى ووصله المسج فتح المسج وابتسم يدري انه بالغلط كتب مسج ودزه لها " حور كانت اتسولف ويا فوزيه وصلها المسج وانصدمت من شافت الاسم فتحت المسج ( الساعه المباركه اللي بتكونين فيها عندنا مهوب بس بنطلب لج كوفي الا بنذبح ذبيحه ان شرفتينا بزيارتج وسلامة راسج من الصداع ) بسرعه راحت لرسايل المرسله وشافت المسج دازته لها وانصدمت وفي خاطرها كانت تشتم نفسها مالت علي غبيه ماانتبهت الحين بيقول اني قاصده كش علي يوم غلطت ماغلطت إلا في رقمه " كتبت مسج ودزته له (اسفه وصلك بالغلط ) وصل المسج لسعود إللي كان ماسك موبايله وينطر منها مسج " فتح المسج وابتسم ودز لها مسج " (الساعه المباركه اللي وصلنا فيها منكم مسج حتى لو بالغلط وجعله دوم تغلطين في رقمي مهوب بيوم ) وصل المسج حور تبلعمت اول ماقرت المسج وبسرعه مسحت المسج من الخرعه وسوت نفسها طبيعيه والتفتت لفوزيه ومنار اللي كانوا يسولفون وشاركتهم السوالف " وصلوا منتجع ومنتزه سليل الجهرا ~ ~ صفطوا سيارتهم ونزلوا فواز : انتوا روحوا اقعدوا هناك على الكراسي وانا بروح اشوف في حجز شاليه فوزيه : فواز بعد اهل مي يبون يحجزون بس ينطرونا عشان يكون شاليهاتنا جمب بعض فواز : هم كم ليله يبون الحجز فوزيه : الحين ادق عليها دق على مي : هلا مي مي : هلا فوز انتوا وين فوزيه : مي شوفي فواز بيحجز لنا شاليه ولكم شاليه كم ليله تبون الحجز مي : خليه ايي اصلا احنا الحين قاعد نحجز فوزيه : خلاص اوكي يلا سلام مي : سلام فواز : هاه اشقالت فوزيه : خلاص روح هم اصلا قاعد يحجزون فواز : خلاص انتوا على الكراسي هذيك وانا بروح احجز فوزيه : خلاص إن شاءالله فواز : خالد تروح وياي خالد : لا انت روح احجز وانا بقعد ويا البنات واذا حجزت دق علينا وبنجيك فواز : خلاص تم راح فواز يحجز وشاف ام مي وثلاث بنات وياها هو يعرف ام مي ودايم لي شافها يسلم عليها" فواز : السلام عليكم ام مي : هلا يمه وعليكم السلام شلونك فواز : بخير الله يسلمج ياخاله انتي شلونج وشلون صحتج ام مي : بخير الله يسلم عمرك إلا انتوا وينكم تاخرتوا فواز : على ماخلصوا البنات المهم حجزتوا انتوا ام مي : اي يمه حجزنا وفيه شاليه فاضي يم شاليهنا احجزه فواز : خير إن شاء بروح احجز يلا تأمريني بشي يا خاله ام مي : سلامة عمرك يمه استأذن فواز وراح يحجز " كانت فيه عيون من وصل وهي مانزلت نظرها منه ماتبي يطوفها اي حركه يسويها او أي كلمه يقولها " ام مي : يلا يابنات انحط اغراضنا بالشاليه مي : يلا يمه نرجس طقت منال بكوعها بصوت واطي : روحي وياه احسن منال استوعبت نفسها : هاه شنو جب يلا امشي راحوا لشاليه إللي احجزوه وكان عباره عن صاله ومطبخ وغرفتين وحمامين وحديقه" البنات خذوا غرفه وام مي غرفه " حطوا اغراضهم وطلعوا للحديقه " فواز حجز الشاليه اللي جمب شاليه ام مي ودق على خالد قال له رقم الشاليه وجا خالد والبنات لشاليه وكان فواز واقف ينطرهم البنات شافوا ام مي والبنات وراحوا يسلمون عليهم ويقعدون وياهم " اما خالد وفواز دخلوا الاغراض فالشاليه واختاروا لهم غرفه والغرفه الثانيه للبنات " طلعوا خالد وفواز من الشاليه واشر فواز لفوزيه عشان تجي " فوزيه : هلا فواز فواز : حنا بنروح نتمشى وانتوا اذا بغيتوا شي دقوا علي لاتحركون من مكانكم الا وانتوا قايلين لي فوزيه : إن شاءالله |
الجــــــزء الواحـــــــد والعشـــــرون
منال وحور قاعدين جمب بعض ويسولفون بصوت واطي " حور : ياقليلة الادب بسج خز منال : العن شكل ولد عمج هذا بينني يهبل من اشوفه اتنح حور : خلي عنج الطفاقه وصيري ثقيله ولاعاد اتخزينه لابط عينج منال تنهدت : بحاول امسك نفسي حور : حالتج ميؤوس منها ياصديقتي العزيزه منال : حــــدها حالتي مأساويه حور شسوي بعمري انا احبه حور تخرعة لحد يسمعها قرصتها : وجع قصري صوتج لحد يسمع منال : قومي خلينا انتمشى بروحنا ابي اسولف ابي افضفض حور : مو فشله نخليهم منال : لاموفشله ويلا قومي قامت منال ومسكت ايد حور : يلا عن اذنكم خالتي بنروح سنتربوينت بنأخذ لنا شغله ونرجع ام مي : خلاص روحوا بس لاطولون منال وحور : إن شاءالله """"" منايل كانت قاعده بغرفتها واتصفح المجله فجأه تذكرت شغله واشهقت وحذفت المجله : اي تذكرت وين شايفه هاليد الشخص اللي ساعدني كانت ايده فيها وحمه نفس الوحمه اللي بإيد بندرنفس الون والحجم لالا مستحيل يعني يمكن يكون بندر هو نفسه الشخص اللي ساعدني زين ليش وعمره مالمح لهالشي لالا انا اشفيني قمت اخرف " لاماخرف يمكن تكون هذي الحقيقه وبندر يطلع هو نفسه الشخص اللي بس انا ماشفت وجهه اللي ساعدني " اي تذكرت الخدامه روز هي كانت وياي وشافت هذاك الرجال انا لازم اروح لأهلي اليوم واخذ صوره من صور بندر وسألها " """ كانوا قاعدين عند حوض السباحه والجو كان هادي منال : يالخايسه وليش ماقلتيلي كل هذا صار بينج وبين سعود وانا اخر من يدري حور : إللي يسمعج يقول قايله لأحد غير اصلا انتي الوحيده اللي اقولج عن سوالف سعود منال : حتى ولو مره ثانيه أي شي يصير ادقين علي والا عالاقل دزي مسج حور : إن شاءالله عمتي منال ابتسمت : حور خلاص سعود فضح نفسه يحبج ويموت فيج انا ماني فاهمه ليش ماتوافقين عليه عالاقل تفتكين من عناد وشر عناد حور : لاوالله اتسوين نفسج ماتعرفين شي انتي اكثر وحده اتعرفين ليش رفضت سعود منال : انزين ليش انتي تسبقين الاحداث عناد يخاف من سعود ولو تزوجتيه ماراح يقرب صوبج حور : صح سعود وابوسعود مستحيل اطلع من جزاهم وصح سعود سوا اشياءكثيره ادل على حبه لي انا اصلا كل ماتذكر مواقفه لما دافع عني ولما تهاوش ويا عناد وغيرته علي قلبي يعورني لاني رفضته بس في نفس الوقت سعود جرحني جرح عمري ماراح انسى كلامه الجارح واهاناته كل شي ولا الكرامه منال : كلامه واهاناته كانت قبل لايحبج يوم كان يكرهج وعلى قولتهم مابعد الكره الا المحبه حور : شوفي اطلع نصابه لوقلت اني سعود ماله مكانه بقلبي او اني ماغليه لكن كرامتي فوق الحب مابي بكره يتزوجني واذا شاف عناد ومشاكله يتحسف ويقول لوماخذ من بنات عمامي اوخوالي احسن منال : انتي ليش تصعبين الامور بالعكس اذا يحبج بيتحمل لجل عين تكرم مدينه حور : انا ماراح احلف واقول ماني متزوجته لان النصيب ربي وحده اللي يعرفه لكن اتمنى ان الظروف ماتحدني اني اوافق واتزوجه منال : اوووف منج لازم اتعقدين الامور عيشي حياتج واخذي اللي تحبينه ويحبج حور : ممكن اتغيرين السالفه منال تنهدت : آآآه ياحور انا شسوي في عمري ولد عمج شغل تفكيري وعقلي وقلبي وهو مادرا عني حور : من البدايه انا اشقلت لج ماقلت لج لاتفكرين فيه وشيليه من مخج لكن انتي ماتسمعين الكلام اعرف سوالفج كل ليله تقعدين تفكرين فيه واتخيلين انه يحبج ويجي يخطبج واهلج يوافقون واتزوجينه صح منال : ههههههههههههه انتي اشدراج شنو قاعده بمخي وتقرين افكاري وتخيلاتي حور : خبز ايدي واعرفج زين لاحبيتي حبيتي من قلب وعلى طول تدخلين بالعميق واتفكرين وتسوين مسلسل من خيالج منال : حور شسوي احبه مو بيدي حور :الحب مو كل شي بالدنيا انتي مافكرتي لوتزوجتيه وين بتعيشون وشلون بيصرف عليج لا وفوق هذا محشش ولاهو راعي مسؤوليه ولاشي منال :المشكله اني عارفه كل هذا ومتعلقه فيه اقولج شي بس لاتضحكين علي حور ابتسمت : هاه قولي منال : انا كل يوم ادعيله بصلاتي ان ربي يهديه ويلقاله وظيفه ويصلحه ويخلي عنه الخلابيط حور ابتسمت : الله الهادي يلا قومي الحين بيأذن المغرب خلينا نرجع منال : والاغراض اللي قلنا بنشتريها من سنتربوينت بتسألنا خالتي حور : بنقول مالقيناها يلا امشي مشوا حور ومنال كانوا راجعين لشاليهم ولقوا بطريقهم فواز شايل عدت الشوي فواز وقف : من وين جايين حور : كنا نبي شغله من محل ومالقيناها ورجعنا المهم وين خالد مو وياك فواز ابتسم وبانت غمازته : اخوج نصاب شال خيشه الفحم الصغيره وانحاش قال بيرجع يشيل وياي وسحب علي عند عمره جويد منال مانزلت عينها منه ويوم ضحك وبانت غمازته بغى يغمى عليها تموت على ابتسامته " حور ابتسمت : انت احمد ربك شال الفحم خلود مايداني يشيل هو زين يشيل عمره عطنا خلنا نشيل وياك فواز : لالاشدعوه اضحك مهو من كثر الاغراض حور بصرار : لاوالله حلفت لاتخليني اصوم ثلاث ايام عطنا نشيل وياك فواز ابتسم : خلاص دام حلفتي يلا هذي الدوه شيليها حور فتحت عيونها : يلا عاد قلنا عطنا انشيل وياك يعني اشياء خفيفه وانت ماصدقت خبر على طول عطيتنا الدوه اثقل شي الصراحه ياولد عمي مع احترامي لك ماعندك ذوق فواز يضحك : ههههههههههههههههههه الله يقطع بليسج اضحك اضحك اشايفتني عديم ذوق حور ابتسمت : مادري عنك صدمتني فواز :هههههههه خلاص شيلوا كيس الطماط والخبز وخلاص واجد عليكم حور : بعد خيرا تفعل شرا تلقى يلا عطني الاكياس وعلى قولت المثل سو خير وقطه بحر (خذت حور كيس الطماط وعطت منال الخبز ومشوا لشاليه ) فواز يضحك : هههههههههههههه اذا ثقيله الاكياس خلونا انتبادل شيلوا الدوه وعطوني الاكياس حور وهي رايحه : اي هيــــن انتبادل لحقهم فواز وهو يضحك " """"" منايل توها مخلصه صلاة المغرب صفطت السجاده ولبس الصلاه ~ دخل بندر وبإيده كيس : مساء الخير منايل اتسوي نفسها اتصفط كبتها من بعد اللي صار بينهم وهي منحرجه واتهرب منه ماتبي عينها تجي بعينه : مساءالنور بندر حط غترته على الكومدينه وقعد على السرير : شخبارج منايل معطته ظهرها وترتب كبتها : الحمدالله بخير بندر قام من السرير وراح لها : انتي شتسوين منايل ارتبكت من قربه : ابد قاعده ارتب مسك ايدها : خلي عنج الترتيب وتعالي ابي اتكلم وياج منايل قعدت وياها وكانت منزله راسها وساكته وتشغل نفسها بأظافرها بندر بجديه : احم منايل انا بتكلم بكل صراحه وابيج تسمعين للاخر طبعا اللى صار البارح هذا حق من حقوقي وانا لازلت على كلامي اللي قلته بعد مايعدي ثمان شهور من زواجنا وانتي لازلتي تبين الطلاق بطلقج ولاني بغاصبج على العيشه وياي منايل ساكته وودها الارض تنشق وتبلعها من الاحراج " بندر خذا الكيس وطلع كرتون موبايل : هذا تلفون وخط شريته لج بدال تلفونج اللي كسرته منايل رفعت راسها وطالعته بصدمه وفرح ماتوقعت في يوم بيجيب لها موبايل بندر باستغراب : لايكون ماعجبج شريت نفس تلفونج بالضبط منايل ابتسمت : من قال ماعجبني بالعكس عجبني مشكور ماقصرت بندر انرسمت ابتسامه عريضه على وجهه : اهم شي انه اعجبج وتراني سجلت رقمي عندج باسم بندر منايل ابتسمت : زين انت مسيف رقمي عندك ابي احفظ رقمي بندر : رقمج مميز سهل شوفيه منايل شافت رقمها : اكشخ خطير احلى بعد من رقمي الاولي مشكور بندر بندر ابتسم : العفـــو """" نرجع لشاليه والجو الحلو بالذات من دخل الليل بدا الجو يبرد " فواز كان يشوي وخالد يسولف عليه جات ام مي وقعدت عندهم تموا يسولفون " اما البنات كانو قاعدين على الطاوله قريب منهم " فواز : يلا وهذي الدفعه الاولى خلصت تفضلي ياخاله هذا صيخج ذوقي شويي عساه يعجبج ام مي خذت الصيخ : مايحتاج من شكله وريحته امبين انه لذيذ فواز : هههه عليج بالعافيه هاك خالد صيخك وود للبنات الباقي قول لهم فيه بعد دفعه ثانيه خالد يأكل : والله كل وحده تجي تأخذ صيخها وإلا كيفهم فوزيه : يمه منك بطيني خلاص شاف الاكل وين يقوم خالد : انفع نفسك بنفسك فوزيه جات تأخذ الاصياخ : مشكور مانبي منتك فواز ابتسم : يلا هذا صيخج يلا كل وحده تأخذ صيخها فوزيه : عطني لي وللبنات اوديها مره وحده فواز : لا على قولت خالد انفع نفسك بنفسك كل وحده تجي تأخذ صيخها فوزيه : يــــووه عاد انت وخالد اذا تجمعتوا شيقنعكم خلاص عطني صيخي فواز مد لها الصيخ : يلا يابنات لاتستحون كل وحده تجي تأخذ صيخها لايقضي عليه خالد حور : يلا يابنات ترى خلود لي شاف الاكل نسى عمره زين ماياكل الصحن بعد ام مي : تعالوا يمه لاتستحون ترى القعده عالارض وعند الشوي تشرح الصدر جاوا البنات كلهم وقعدوا" عطا فواز البنات كل وحده صيخ وبقى منال " فواز : افا نقص يلا ولايهمج الحين الدفعه الثانيه اتخلص لاوبعد بضبطها منال سكتت ماقالت شي فوزيه : شمعنى يعني الدفعه الثانيه بتضبطها يعني ناس وناس فواز رفع عينه وشاف منال حيل منحرجه : وانتي وش حارج وبعدين انا مابعد كليت وشي طبيعي بفنن لنفسي وبعدين حامض على بوزج تاكلين من الدفعه الثانيه حور تبي اتغير السالفه لانها حست بحراج منال : اهم شي تحسب حسابي ياولد العم لان الصراحه شويك عجيب فواز : ههههههه الله يسلمج يعني تهقين لافتحت لي مطعم شوي بربح حور : افا عليك انت عليك الشوي وانا علي اكل فواز : تأكلين وتدفعين وإلا بلاش حور : لابلاش اسويلك دعايه اعلم الزباين ان الطعم لذيذ فواز : عزالله كدينا خير الكل ضحك : ههههههههههههه مد فواز الصيخ لمنال : تفضلي مدت ايدها منال والرجفه باينه فإيدها : شكرا فواز لاحظ رجفة ايدها : العفو """ العنود ونوير ومنايل كانوا قاعدين بالحوش وحاطين الدوه ومسوين حليب بزنجبيل وخبز صاج ويسولفون ويأكلون الجده هيا عند ام محيسن وبندر طالع" نوير : منايل ماسولفتي لنا عن العرس منايل تشرب حليب ومتلحفه بالفروه : ابد حلو وراقي كانوا جايبين مطربه العروس كان شكلها حلو العنود بلعانه : انتي إلا والله كان شكلج حلو اخوي المسكين ماعاد طلع من الغرفه ينتظرج على احر من الجمر منايل فتحت عيونها وحذفتها بكرتون الكلينكس : خايسه ومقطنه العنود تضحك : هههههههه لعنبوا لايمه متزينه وحاطه شي مابعد شافه واخوي بدوي مايدري وين الله قاطه منايل : يــــووه عنودوه فكيني من شرج نوير شوفيها نوير : امسي علينا ياعنيده وخلي المره ورجلها في حالها وشدخلج فيهم العنود : انتي اسكتي مأذيتني كل ليله متى بعرس ياربي زوجني وانا شسوي يالعنود ابي اعرس نوير تفشلت من منايل وقامت اتغمز للعنود عشان تسكت : وجع متى قلته خلي عنج الصواريخ منايل فطست من الضحك : ههههههههههههههه أي عادي وان قالته مافيها شي الزواج سنة الحياه نوير ماصدقت : أي والله ياختي سنة الحياه واستقرار العنود : يــــااااو مسرع قلبتي كان كملتي الحيا قبل شوي اتغمزين ويعني انج مستحيه وماصدقتي شجعتج منايل على طول قلبتي نوير ماهتمت : والله هذا الكلام الحق ان الزواج سنة الحياه قولوا اميــــن جعلكم اتشوفوني عروس قريب منايل والعنود طالعوا بعض وفطسوا : هههههههههههههههه اميــــن """"" الساعه وحده الفجر " ام مي والبنات دخلوا ينامون من الساعه 12 ومابقى إلا منال وحور قاعدين برى يسولفون~ منال : احس الكل لاحظني حور : انتي بعد الله يهديج من يتكلم فواز ماتنزلين عينج منه (في هالحظه فواز كان طالع من الشاليه يبي يروح لربعه وسمع كلام حور راجع شوي لطوفه عشان مايشوفونه وتم واقف يبي يفهم ليش جايبين سيرته ) منال تنهدت : حور والله مو بيدي انا نفسي مستغربه من نفسي انا من اول مره شفته يوم تقابلتي وياه وهو شاغل فكري بالعربي الفصيح انا احب ولد عمج فواز ياحور (فواز كانت كلمة انا احب ولد عمج فواز مثل الصاعقه انصدم عمره ماتخيل ان فيه بنت بتحبه او انه بيلفت انتباه بنت ولاحتى فكر بالحب ) حور : انتي مثل الظميان إللي يلحق سراب منال : والمشكله اني ادري انه سراب ومتعلقه في هالسراب حور كل ليله اقوم في ثلث اليل ادعيله حتى ادعيله اكثر من ماادعي لنفسي حور : انا مستغربه منج يعني تدرين انه سراب وللحين متعشمه خير قلتها لج قبل وبقولها الحين فواز مايصلحلج انسيه ولاعاد اتفكرين فيه منال : الكلام سهل بس الفعل صعب انا كل مره اقول ماراح افكر فيه وبنساه بس كل ماجيت احط راسي عالمخده القاه يتسلل لافكاري والقى نفسي افكر فيه بدون مادري (فواز ماعاد يبي يسمع شي سحب عمره ورجع لغرفته وهو مصدوم ) حور حبت تغير السالفه : الجو برد امشي ندخل منال : خلاص امشي نامي عندنا بشاليهنا انام انا وانتي بالصاله حور : يلا امشي في الشاليه إللي استاجره فواز وبالتحديد فالصاله" فواز كان واقف عند الدريشه والف فكره ادور في راسه (هذي من جدها اتحبني شتحب فيني لاوظيفه ولاشهاده ولامال ولاسمعه ومهستر ولاني راعي مسؤوليه ولاني بذاك الجمال إللي يلفت انتباه البنات يعني مافيه شي زين بقول انه اتحبني عشان هالشي والله حرام انها اتحبني واتعذب بالتفكير فيني وانا ماني بكفوا شالسوات يافواز انا لازم ماعاد اتكلم وياها وانتبه لحركاتي عشان ماتعشم خير أنا لااصلح لها وحرام اظلمها واعشمها بحبي وانا خابر نفسي لاني راعي حب ولازواج ولامسؤوليه ) """"" يوم جديد " منايل من الساعه 11الصبح استأذنت من بندر بتروح لأهلها اتغدى عندهم ~ وهي طبعا حاطه الغدا وان امها ملزمه عليها اتغدى عندهم عذر وإلا كل روحته عشان اتشوف الخدامه وتسألها" بعد ماقعدت ويا امها وسولفوا راحت للمطبخ " الخدم أول ماشافوها ابتسموا " منايل ببتسامه : سلام الخدم : سلام لجمي (وحده من الخدم صار لها عندهم عشر سنين ) : شلونج هبيبي منايل منايل ابتسمت : هلا لجمي تمام انتي شلونج شلون ماما وبيبي لجمي : كله زين يسلم عليج منايل : الله يسلمهم لجمي وين روز لجمي : روز يسافر قبل يومين منايل بصدمه : سافرت لا زين ومتى قالت بترجع لجمي : يقول شهرين ثلاث عشان ماما تعبان منايل ضاق خلقها : يــــووه شهرين ثلاث وأنا شيصبرني لجمي باستغراب : ليش يبي شي منها انا في رقم منايل : لالا مايبي شي خلاص مشكوره """" رجعوا للدوامات والمدارس بعد عطلة الاسبوع إللي غيروا فيها جو واستانسوا " حور : يلا بسرعه خلص عشان ننزل الحين بجي عمي مصطفى لاتأخرون عليه خالد يلبس جوتيه : يلا خلصت يلا ننزل فوزيه : اوووف واخيرا يلا نبي نرجع انام خالد : عزالله بتكبرون المخده وحنا المساكين اهلكونا بالدروس منار سحبت خالد : امش امش الحين فتحتي له سالفه شيسكته منار كانت ماسكه خالد ونازلين من الدرج وفوزيه وحور وراهم تصادفوا ويا عناد " عناد بنفس خايسه : امحق صباح صبحنا بالوجيه الودره محد رد عليه عناد طالع فوزيه : هاي انتي يالعاله للحين ماطلعتلج وظيفه فوزيه : لا للحين انطر اسمي عناد : الله يأخذج انتي واخوج مامنكم فايده عطالين بطالين حور مالها خلق لعناد وسوالفه : يلا خالد يلا منار تأخرتوا امشوا مشت حور وأخوانها ومشت فوزيه وراها وخلوا عناد إللي مستمر سب وشتم فيهم " وصل العم مصطفى وخذا خالد ومنار يوديهم للمدرسه ورجعت فوزيه وحور لغرفتهم " فوزيه منسدحه على فراشها : حور حور اتحط لوشن على ايدها : هلا فوزيه : حور ضايق خلقي وودي اروح لسوق ناقصني شغلات وابيج تروحين وياي حور طالعت ساعتها : الحين 6ونص مافيه شي فاتح هالحزه فوزيه : لامو الحين بروح عالساعه 9 حور : أوكي بس منو بيودينا فوزيه : فيه سايق انا اذا بغيت شي ادق عليه يوديني متعامله وياه حتى كان مرات يوديني للمعهد حور : أوكي خلاص انا بنام الحين ومتى مابغيتينا نروح قعديني بس هاه اهم شي نرجع قبل الساعه وحده عشان يمديني اسوي غدا لمنور وخالد فوزيه : مومشكله بنشتريلنا غدا جاهز شدعوه الثلاجه فيها شي حتى خضره مافيها فواز قال بيشتري اليوم ماجلت للبيت حور : خلاص اوكي §§§§ نايف : صباح الخير منايل : صباح النور ياهلا نايف : اخباركم منايل : الحمدالله بخير انت شخبارك نايف : نحمد الله المهم منول انا الحين قريب منكم جهزتي التقارير الطبيه اللي يبيها سعود منايل : تقارير ولد جارتنا أي جاهزه نايف : خلاص بمر أخذها منايل : حياك الله ¿¿¿¿¿ الستي سنتر " حور وفوزيه كانوا يتسوقون" فوزيه : اشرايج بهالبوت حور : حلو بس الون الاسود احلى حتى الفرو اللي عليه احلى من البني فوزيه : يعني اخذ الاسود حور : والله انا عاجبني الاسود وانتي كيفج في نفس المكان " واقف يشوف الجواتي الرجاليه سمع الصوت وشبه عليه : هذا صوت حور وإلا يتهيئ لي التفت وشاف بنتين واقفين ومعطينه ظهره " فوزيه : خلاص بأخذ الاسود بروح اقوله يعطيني مقاس 38 حور : وأنا بشوف احصل شي لي ولمنور راحت فوزيه تشوف مقاسها وحور كانت واقفه تشوف الجواتي" اما هو كان واقف يطالعها يبي يتأكد " لفت حور للجهه الثانيه وجات عينها في عينه ابتسم ابتسامه عريضه وراح لها : مادري اقول صباح الخير وإلا انتي الخير كله حور تنحت ماجا في بالها انها بتشوفه : سعــــود (قالتها بصدمه ) سعود : عيون سعود وروحه حور انحرجت منه دايم يمسخها بالكلام سعود : اشهالصباح الحلو اللي جمعني فيج شلونج طمنيني عليج حور تحاول تكون طبيعيه : الحمدالله بخير انتوا شلونكم شلون عمي وخالتي سعود ابتسم : انا عن نفسي بأحسن حال من بعد ماشفتج حور توهقت اليوم جرأته زايده ماعرفت شتقول سعود : ممكن اعزمج على كوفي حور : اسفه اعذرني مااقدر في هالحظه جات فوزيه وطالعت حور بأستغراب : حور خلصتي حور حست بنظرات فوزيه انها تبي تعرف منو هذا اللي واقف وياها : اعرفكم هذي فوزيه بنت عمي وهذا سعود ولد العم بوسعود واخوى منايل سعود : هلا تشرفنا فوزيه هزت راسها : هلا حور : يلا حنا نستأذن سلم على الاهل سعود ماحب يحرجها بالاخص قدام بنت عمها وإلا هو ماصدق يشوفها وكان وده يطول فالسوالف وياها : يوصل إن شاءالله سلامج فوزيه وحور : يلا بالأذن سعود : الله معاكم حاسبت فوزيه البوت وطلعوا من المحل وراحوا محل ثاني " حور انقلب حالها من شافت سعود حتى ماعاد عرفت تشتري" فوزيه : حور اشفيج صاير شي "" الجده هيا قاعده بالحوش وقهوتها وريوقها ودوة الفحم عندها نوير كانت قاعده وياها وعقب ارجعت اتكمل نومتها " منايل : صبحج الله بالخير (حبت رأسها وقعدت ) الجده : هلا صباح الخير صح النوم منايل تصب لها حليب : صح بدنج محد قعد من البنات الجده : إلا نوير قامت سوت القهوه والريوق وشبت الفحم وقعدت وياي شوي وراحت اتكمل نومتها الظاهر انهم يسهرون قليلات الخاتمه منايل : لاوين يسهرون المساكين يمكن مانامت البارحه عدل الجده : اي يمكن إلا انتي وش الاوراق هذي اللي بيدج منايل : هذي تقارير ولد ام محيسن تبي سعود اخوي يشوفها الجده : اي الله يشافيه وسعود بيمر يأخذها منايل : لا نايف قال بيمر يأخذها ويوديها لسعود الجده : اي حياه الله اذا جا انا اللي بفتحله واقلطه يتقهوا ويعين من الله خير منايل ابتسمت : إللي يريحج سويه سمعوا الباب يدق " الجده قامت : هذا اكيد نايف بروح افتح له فتحت الباب " نايف : السلام عليكم الجده : وعليكم السلام يامرحبا نايف : صبحج الله بالخير ياخاله شلون صحتج الجده : ياصباح الخير بخير جعلك بخير اقلط اقلط نايف : خليها مره ثانيه إن شاءالله انا مستعجل الجده : والله إن تقلط اتقهوى معي وإلا ان ازعل عليك نايف ضحك : هههه افا عاد كل شي ولازعلج ابشري والله ماردج الجده : اقلط حياك الله نايف : الله يحيج دخلوا للحوش وقامت منايل سلمت على نايف وقعدوا قهوه وسوالف وضحك " العنود توها قاعده من النوم غسلت وجهها ومشطت شعرها ونزلت سوت لها قلاص حليب وراحت للحوش " شافت ظهر نايف وظنته بندر ماتوقعت انه احد غريب " العنود : الله الله على القعده الصراحه قعدتكم ماتطوف الكل التفت صوبها " العنود شافت الوجه مو وجه بندر اخوها وانصدمت وتجمدت في مكانها وبعدين استوعبت طاح قلاص الحليب من ايدها :يــــوووه (وركضت داخل) شكلها كان يضحك " الجده عصبت : وجــــع إن شاءالله نايف نزل راسه يعني انه يأكل من القرص وماسك ضحكته غصب يحس انه بينفجر من الضحك منايل حطت حرتها في الحليب وماسكه ضحكتها خافت من الجده نايف قام : الله يغنيكم ويكثر خيركم الجده : فيه العافيه ماكليت نايف : إلا والله كليت الله يعطيكم العافيه الجده : فيه العافيه نايف : يلا انا استأذن تأمرون ع شي الجده :وين توالناس نايف : والله مشغول ياخاله وماقعدت إلا عشانج الجده : خلاص المره هذي بعذرك لكن المره الجايه لازم تتغدى عندنا نايف ابتسم واشر على خشمه : على خشمي الجده ابتسمت : عليه الشحم خذا نايف الاوراق ووصلته منايل للباب " ~~~ فوزيه : حور اشفيج حالج انعفس من شفتي سعود صاير شي حور رفعت حاجبها : لانعفس ولاشي يتهيأ لج وبعدين يعني اشبيكون صاير فوزيه : مادري احس بينكم شي نظراته ماكانت طبيعيه حور تنرفزت : مافيه شي عادي شافني وسلم ماصار شي فوزيه : اي بس انا سمعت انه خطبج وانتي رفضتي حور سوت نفسها مو مهتمه شلون عرفت : عادي خطب وانا رفضت لاني مافكر بالزواج وبعدين الزواج قسمه ونصيب وبعدين ممكن اتغيرين الموضوع فوزيه : على قولتج قسمه ونصيب """"" بدت امتحانات الكورس الاول والكل كان شاد حيله حور كانت اتحاول قد ماتقدر اتوفر سبل الراحه لأخوانها عشان يجيبون نتايج زينه " في نفس الوقت منار وخالد كانوا شاديين حيلهم يبون ايام الامتحانات تخلص عشان المده اللي متفقين يقعدون عند عمهم قربت تنتهي " كانوا ناطرين اليوم اللي يطلعون فيه من بيت عناد ويرجعون لبيت خالتهم سعاد والاستقرار والراحه والامان إللي فقدوها من قعدوا في بيت عناد " صباح يوم جديد " حور : اكلي الصمونه لاتروحين بمعده خاليه منار : حور مولازم مولازم بعدين اذا رديت من الامتحان بأكل لين اقول بس حور : والله ماتطلعين إلا وانتي ماكلتها خلصيني وبلا دلع منار : لاتلوميني ماني مصدقه ان اليوم اخر امتحان ونفتك خالد : ترى العطله الصغيره اللي بنعطلها مو العطله الكبير على هالفرحه اللي فارحتها منار تأكل الصمونه : هذا انت قلتها عطله سواء كانت كبيره او صغيره اهم شي عطله نأخذ راحه واستجمام حور : اهم شي تبيضون وجهي وتجيبون الدرجات العاليه خالد : من هالناحيه لاتحاتين اخوج سبع دايم الاول الخوف على هالعنز لاتجيب العيد منار : عنز بعينك ياقليل الادب يالتيس بعد السانك طويل حور : اقول انطموا ثنيناتكم ويلا هذا صوت هرن العم مصطفى طلعوله خالد حب راس حور : دعواتج لنا حور : الله يوفقكم ويسهل امركم منار خذت جنطتها وطبعت بوسه على خد حور : وانا بعد دعواتج حور ابتسمت : الله يوفقكم إن شاءالله ويسمح امركم راحوا منار وخالد لمدارسهم ورجعت فوزيه وحور لغرفتهم شافوا عناد يكلم بالتلفون ومستانس " عناد : ابشر طال عمرك "اي جاهزه "انت فصل وحنا نلبس " بعد يوم او يومين خلاص تم " ابشر باللي يرضيك حور وفوزيه ماكانوا معطين عناد ومكالمته أي اهميه راحوا لغرفتهم يكملون نومتهم " >><<>><<>><< ليله تعتبر من اليالي التى لايمكن أن تنسى ليله امتزج فيها الخبث وحب المال والشهوه ليله لايمكن ان يتخيلها العقل مايهم الشرف مايهم الانسانيه مايهم العرض كل اللي يهم في هذي الليله ( المال و اشباع الشهوات ) صفقه دامة شهور واليله موعد اتمام الصفقه " الساعه 12 الليل " خالد نايم وغرقان فالنوم " حور منسدحه واتألم من بطنها يمغصها ألم موطبيعي " منار وفوز قاعدين عند حور ويشوفون كتالوج سحر الشرق " فواز مسافر لرياض معزوم على تحدي تقحيص " منار : حور حطي الكماده كمديه حور العوار ذبحها : امممم أأأي يابطني فوزيه : حسافه خلصت الحبوب اللي كانت عندي تبيني اسويلج حليب واحط عليه من دوا الحريم حور : لالا مابي جبدي تقلب ان شربت شي برجع فوزيه : الله يعينج وانتي كل شهر تعورج منار : أي دايم هذا حالها قبل يوم كنا عند خالتي سعاد كانت اتسويلها بابونج يهدي العوار واتسويلها دارسين ونعناع فيخف عليها العوار في هالحظه انفتح الباب وكل الانظار توجهت للباب ونظرات الخوف كانت سيدة الموقف " فوزيه خافت : انتي ماصكيتي الباب منار ماتت من الخوف من شافت عناد وسكينه وحسينه داخلين عليهم والخبث امبين عليهم : مادري مادري عناد يبتسم بخبث : اووه بعد الباب فاتح اليوم الامور كلها تمشي لصالحنا حور كانت اتألم بس من شافت عناد داخل نست العوار وتمت تردد بداخلها (وجعلنا من بين ايديهم سدا ومن خلفهم سدا فأغشيناهم فهم لايبصرون ) فوزيه تحاول تكون قويه وماتبين خوفها : خير فيه شي عناد يغني : واليله سهرتنا خلوها صباحي البنات انقبضت قلوبهم حسوا ان فيه كارثه بتصير " فوزيه سحبت تلفونه ودقت على فواز بدون محد ينتبه لكن للاسف الجهاز مغلق " منار لزقت في حور وقامت ترجف من الخوف " حور تمت اطالعهم وتدعي ربها يرد كيدهم في نحرهم " طالعها عناد : فديت العيون انا فديت اللي بسببها بيجينا الخير كله حور تحس بمثل الصاعقه تحاول تقوي نفسها : خير إن شاءالله اطلعوا برى نبي انام سكينه تضحك ضحكتها المعتاده : هههههههاااي أل أيه تنام مافيش نوم ياروح امك دنتي اليوم مش حتأدري تغمضي عينيكي فوزيه بخوف : يعني شنو سكينه : دنتي تخرسي خارس خالد سمع الصوت وفز : خير عناد بلعانه : كمل نومتك ابرك كملها فوزيه : انتوا اشناوين عليه عناد : ابد بس نبي حور بكلمة راس حور تحس بيغمى عليها من الخوف ومن العوار : مابيني وبينكم لاكلمه راس ولاشي عناد جا صوبها : موبكيفج غصب عنج خالد فز من مكانه وركض صوب خواته : وراك وراك واقضب ارضك عناد يطالعه باستهزاء : والله وصرت رجال واتعرف اتكلم ياولد حمد خالد وقف في وجه عناد : اي رجال غصب عن اللي مايرضى عناد دز خالد بقوه وسحب حور من ايدها : اجل ورني مراجلك منار تمسك حور وفوزيه تحاول ادز ابوها حور : هدني يالخسيس اتحط حيلك على بزر وحريم عناد يسحبها بقوه وخالد يرفسه وتركض سكينه تمسك خالد وحسينه تمسك فوزيه فوزيه جن جنونها : هدوها هدوها وخروا عنها حرام عليكم وش تبون اتسون فيها خالد كان يقاوم سكينه ويرفسها ويحاول يفلت منها لكن جسمه صغيره وقوته ولاشي عند قوة وجسم سكينه منار طاحت عند رجول عناد : الله يخليك هدها ابوس رجلك بكل قسوه وبدون رحمه رفسها وسحب حور ودزت سكينه خالد وركضت برى ونفس الشي سوت حسينه بفوزيه " طلعوا من الغرفه وقفلوها عليها حور كانت تصارخ : هدوني وخروا عني وين تبون تودوني وعناد يسحبها : انطمي لاقص السانج حور زاد صراخها حست انها خلاص اليوم نهايتها : يانــــاس يانــــاس الحقــــوني دقــــوا على الشرطه سكينه : صرخي كمان ياختي مفش حدي حيسمعك هههههاي عناد كان يسحب حور لوحده من الغرف وحور اتصارخ واتسب وتلعن وتقاومهم بس مافيه فايده دخلها الغرفه وحور ترجاه : عناد الله يخليك انا لحمك ودمك انا عرضك خاف ربك فيني عناد دزها : سكينه جهزيها يلا الرجال على وصول حور من اسمعت الرجال بغت تموت : لالالالالالا ياويلكم من الله ياكــــلاب يالنجس ياحقير ياويلكم من فواز الحين بيجي فواز ويأدبكم عناد ضحك باستهزاء : فواز فالرياض ياماما شوي شوي على بلاعيمج ههههههههه (وطلع وخلاها ) طلعت وراه حسينه وتمت حور وسكينه فالغرفه ~ حور طاحت عند رجول سكينه : ابوس رجلج تكفين مستعده اصير خدامه بس الا هالشي لاتسونه خافوا الله سكينه : ماتغلبينيش خلصيني اومي البسي البس دى حور طالعته بحقد وكره : البس وجع يوجع قلبج يالحقيره يالنجسه يالوسخه انتي مستنقع وسخ سكينه تحاول تمسك نفسها مو عشان حور لاعشان بوفيصل طالب انهم يجهزون حور له : أومى يابت خلصيني مش حيحصل حاقه اومي دا بس حيبوسك ويشوفك وخلاص حور جن جنونها : ياحقيره يازباله تبيني اصير نفسج انتي مثل الحمام العام اللى الكل يستخدمه ماتخافين الله ماتخافين نار جهنم إللي حرارتها تصهر العظام سكينه بدت تنفعل مسكت حور تبي اتلبسها قميص نوم احمر شفاف : أومي خلصيني ماتخربيش كل حاقه حور شقت القميص : والله ماالبسه لو على موتي يارب يارب رد كيدهم في نحرهم سكينه عصبت يوم شافتها شقت القميص : يخرب بيتك عملتي ايه ياوليه بوصي دنا نفسى في منخاري خلصيني ابل ماأعمل فيكي حاقه ماتخطرش ببالك حور برودت السراميك زادت عوار بطنها لكن تصبر وتحاول تكون قويه : سوي اللي بتسويه لبس ماني لابسه ولو تموتين ماعطيتكم اللي تبون من جهه ثانيه " فوزيه محتاسه تحاول تلقى سبير لغرفتها خالد يحاول يفتح الباب بسكين منار منهاره من البكي وتحاول تدق على فواز او العم مصطفى لكن شحن التلفون خلص وحتى الشاحن ادوره مالقته وانهارت : حــــور حــــور تكفين فوزيه سوي شي عشانها حرام اللي يبون يسونه فيها فوزيه هي الثانيه ارتبكت وماعاد استوعبت : إن شاءالله بلقى الاسبير وبنساعدها ماراح يصير شي انتي بس هدي عشان اقدر اركز والقى المفتاح منار منهاره : وين اهدى وانا مادري اشسوى في اختي حسبي الله عليهم نرجع لحور وسكينه " سكينه مسكت حور من شعرها : حتلبسي يعني حتلبسي حور تفلت على وجه سكينه من القهر عصبت سكينه وانفعلت : يابت الكلب حوريكي وبدت ترفس حور على بطنها وتمسك شعره وتمت ترفس بطن حور حور كانت تصارخ من العوار : أأأأأأي خالتي سعاد الحقيني وخري عني يالنجسه وسكينه مستمره بالرفس بكل قوتها ترفس حور تحس خلاص بيغمى عليها : خلاص بموت وخري عني ياربي سكينه ولااهتمت مستمره حور خلاص خدر جسمها وحست بنزيف ماعاد اقدرت اتكلم جسمها انهار حست نفسها قصر سكينه للحين ماشفت غليلها : حربيكي يابنت الشوارع حعلمك الادب (ومستمره بالرفس) حور طاحت على الارض ماعاد فيها حيل وصارت تنزف حيل انترست ملابسها والسراميك سكينه توها تستوعب يوم شافت الدم خافت وماعرفت شتسوي ركضت برى الغرفه وصكت الباب ونزلت تحت" حالة حور يرثا لها ألم يقطعها ونزيف تحاول تزحف للباب عشان تطلع لكن مافيها حيل تزحف شوي وتنهار قواها " خالد ركض لدريشه : فوز بسرعه عطوني حبل فوزيه : خالد إشبتسوي خالد : بربط جسمي وانزل على سقف الدوانيه وبعدين بنزل طوفة الحوش وبعده عادي المسافه بسيطه بس انتو امسكوا الحبل عشان اذا فلت جسمي او زلقت ماطيح منار بخوف : وين تنزل لامستحيل تبي اطيح خالد : اجل نقعد انتفرج وماندري شنسوي انا بنزل عشان اقدر افتح لكم وانشوف حور وينها فوزيه : ماقدامنا إلا هالحل لازم نسوين خالد : يلا بسرعه جيبي الحبل جابت فوزيه الحبل وربطته بخصر خالد ومسكوا طرف الحبل " صعد خالد الدريشه وبدأ يمشي على حافة الطوفه الموصوله على سطح الدوانيه ومن وصل سطح الدوانيه نزل على طوفة الحوش وفك الحبل وطمر للحوش " منار وفوزيه استانسوا واشر لهم خالد ان كل شي اوكيه " بوفيصل يمشي بهيبه : وين نروح عناد شوي ويحب ايده : نصعد فوق طال عمرك بوفيصل بخبث : القمر فوق عناد : اي طال عمرك فنتظارك بوفيصل : طيب علمني أي غرفه وتسهل عناد تفشل : طال عمرك ثاني غرفه عاليسار بوفيصل هز راسه واشر له بإيده يروح حور تسمع الصوت حست ان قواها انهارت وتمت تدعي ربها (وجعلنا من بين ايديهم سدا ومن خلفهم سدا فأغشيناهم فهم لايبصرون ) طاح قلبها وهي تسمع الخطوات واقفت عند الباب ومسكت الباب تحركت فتح الباب وابتسامه عريضه على شفاته لكن سرعان ماختفت الابتسامه وتحولت لصدمه وهو يشوف حور تسبح بدمها والسراميك متلطخ بالدم وقف منصدم وماجا في باله إلا إن عناد غشه وفي داخله يهدد ويتوعد عناد" حور لسانها كان مستمر بالدعاء خالد قدر يدخل بدون محد يحس فيه وعلى طول راح لغرفة البنات ومن حسن حظه ان سكينه نست المفتاح فالباب " خالد فتح الباب : يلا بنات بسرعه منار : خالد لقيت حور خالد : لا انا بنزل وانتوا دوروا فالغرف فوزيه : وين تنزل اذا شافوك ماراح يهدونك خالد : لاتخافون علي انا بكون حذر فوزيه : خلاص حنا بندور وانت دور واللي يلقاها يعطي الثاني خبر خالد هز رأسه ونزل ~ فوزيه : امشي منار نشوفه بغرفه امي او الغرفه الثانيه اللي جنبها وهم ماشين متجهين صوب الغرف سمعوا صوت حور : لاتقرب ولاخطوه اطلع برى ركضوا البنات صوب الغرفه وانصدموا وهم يشوفون رجال غريب واقف وحور منترسه دم منار ركضت على طول لأختها " فوزيه بصدمه : اشسويت انت منو بوفيصل ارتبك : هاه انا انا فوزيه عصبت : اطلع برى ياحقير لاادق على الشرطه ياخسيس بوفيصل مابغى الا عمره نزل على طول وطلع من البيت ركب سيارته وحرك " خالد شافه وهو نازل وعلى طول ركض للبنات فوق " فوزيه للحين مصدومه وتردد بداخلها : لاحرام عليك يبه ليش بعتها اشسوى فيها الحقير هذا المتوحش حرام عليهم ضيعوا حور نبهها صوت خالد وخلاها ترجع للواقع : حور اشفيج اشفيها غرقانه في دمها حور بتعب مافيها حيل : خلونا نطلع من هالبيت منار صرخة على فوزيه : فوز تحركي شوفي حور تنزف فوزيه استوعبت نفسها : بروح اجيب لها ملابس والحاف وانتي دخليها الحمام وانت ياخالد خلك واقف عند الدرج عشان نخلص حور وتطلعون من البيت وجودكم فيه خطر عليكم خالد : خلاص يلا يلا خلصوا خالد راح يراقب عند الدرج ومنار دخلت حور الحمام قطت ملابسها المليانه دم وغسلتها عطتها فوزيه الملابس ولبستها منار بخوف فتحت باب الحمام : فوز حور قاعد بكثافه فوزيه بخوف : هي عليها العاده الشهريه منار بخوف : اي بس نزيفها موطبيعي الحمام انترس دخلت فوز ولبستها ولفوها بالحاف وطلعوها من الحمام: حور تقدرين تمشين انتوا لازم تطلعون من البيت حور بتعب : اي اي بأقدر خلونا نطلع بسرعه فوزيه مسكت حور وطلعتها لخالد : منار بسرعه البسي عبايتج وجيبي شي انحطه على راس حور وجيبي تلفون حور اخذوه وياكم خالد ماسك حور : خلاص خذيت تلفون حور وبوكها بس البسي عبايتج وجيبي شي انغطي راس حور ركضت منار لبست عبايتها وشيلتها وجابت شرشف عشان تغطي راس حور : يلا امشوا فوزيه : يلا شيلوها من ظهرها وانا من رجولها وشوي شوي شالوها ونزلوها من الدرج فوزيه : بسرعه انا براقب وانتوا طلعوا خالد : مانتي جايه ويانا فوزيه : لا انا متعوده عليهم لكن انتوا عليكم خطر خالد : انتبهي لنفسج فوزيه ابتسمت: لاتوصي اهم شي انتوا طلعوا وروحوا للجمعيه ومن هناك دقوا على خالي مصطفى يأخذكم منار وخالد ماسكين حور ويمشون : إن شاءالله طلعوا من البيت وبدوا يمشون فالشارع الجوا كان بــــارد والساعه 1ونص الفجر وحور تحاول تصمد وتتحمل خالد : شيلي حور من رجولها وانا من فوق حور ماعاد فيها حيل منار : يلا يلا (شالوها وتموا يمشون لين وصلوا الجمعيه ) قعدوا عند المصافط داخل وانخشوا عشان محد يشوفهم خالد : انتوا خليكم لاتحركون بدخل ادق على العم مصطفى وارجع منار بخوف : خالد شوف حور اشفيها اغمى عليها وإلا شنو خالد يصفق وجهها عالخفيف : حور حور تسمعيني منار خايفه وتبكي : ياويلي اشصار فيها خالد شنسوي خالد ارتبك : حنا لازم نوديها المستشفى انتي خليج وانا بشوف تكسي مشى خالد يشوف تكسي ووقف له رجال في منتصف عمره لابس لبس الحرس الوطني الرجال باستغراب : خير ياولد خالد والخوف واضح على وجهه : تكفى ودنا للمستشفى اختي مريضه الرجال : وين اختك يلا اركب خالد : اختي عند المصافط خلك واقف وبنجيبها الرجال استغرب ماكان مصدق : يلا انا بوقق ركض خالد للمصافط وشال حور هو ومنار الرجال يوم شافه شايل اخته وتأكد من صدق كلامه قرب السياره منهم ونزل وفتح الباب الرجال بخوف : هي وشفيها انتوا وين اهلكم شمقعدكم هالحزه في هالمكان خالد : هذي سالفه طويل انت بس وصلنا اقرب مستشفى وجزاك الله خير ركبوا ووصلوا لمستشفى وكان مستشفى خاص " علق الرجال بالهرنات وطلعوا السسترات بسرير ركبوا حور ودخلوها " الرجال نزل وياهم كانوا واقفين ينطرون احد من الدكاتره يطلع ويطمنهم " خالد : جزاك الله خير انت تقدر تروح ماقصر الرجال : وين اروح واخليك انا معكم لين يوصلون اهلكم منار تمسح دموعها : خالد روح دق على خالتي سعاد وإلا عمي مصطفى خالد : إن شاء الله بروح ادق عليهم بس لنتي اهدي الرجال يوم شاف خالد راح التفت على منار وسألها : يابنتي انتوا وش سالفتكم شاللي مطلعكم من بيتكم هالحزه منار ماحبت تقول شي : لاسالفه ولاشي ابوي مسافر واختي طاحت علينا وتلفون البيت مقطوع وجينا نبي ندق من تلفون الجمعيه الرجال : زين وين امكم محد ساكن وياكم منار : امنا متوفيه والحين خالتي وعمي الرجال : الله يقوم اختكم بالسلامه منار :جزاك الله خير ~~ خالد واقف يدق من عند الرسبشن فوق العشر مرات دق على خالته سعاد لكن ماردت في الاخير دق على العم مصطفى إللي من ثاني دقه رد " : ألو خالد : الو عم مصطفى انا خالد مصطفى بخوف : خالد مالك انت فين خالد : حنا بالمستشفى انحشنا من بيت عناد حور طاحت علينا مصطفى بخوف : مستشفى ليه مالها حد عملها حاقه خالد : تعال وبعدين نفهمك السالفه بس اهم شي عناد لايعرف شي عناد مصطفى : ربنا يأخد عناد قاي لكم يابني ماتخافوش ~~~ وصل العم مصطفى المستشفى " منار وخالد اول ماشافوه ركضوا له " منار تبكي : عم مصطفى الحقنا حور مادري اشفيها العم مصطفى يحاول يهديهم : اهدي يابتي اولولي هي فين خالد العبره خانقته : دخلوها للعمليات وللحين محد طلع يطمنا العم مصطفى انصدم : عمليات هي حصل لها ايه منار مستمره دموعها : مادري دخلوا علينا عناد وسكينه وحسينه وسحبوها غصب وقفلوا الباب علينا وعقب خالد طب من الدريشه وفتح الباب ورحنا ندورها لقيناها غرقانه بدمها مصطفى تأثر : ياولاد الكلب عملوا فيها ايه المقرمين دول خالد : مادري حسبي الله عليه عم مصطفى عناد مالازم يعرف مكانا اكيد بيسوي شي اذا عرف مكانا هذا مجرم العم مصطفى : حسبي الله ونعم الوكيل فيه ماتخافوش ماتخافوش الرجال اللي ساعدهم جا : السلام عليكم العم مصطفى : وعليكم السلام خالد : عم هذا اللي ساعدنا ووصلنا للمستشفى مصطفى : متشكرين ياخويا قزاك الله خير الرجال : العفو ماسوينا شي بس ياخوي انتبهولهم مايصير يطلعون هالحزه من البيت العم مصطفى : معاك حأ ياخويا متشكرين تعبناك معانا تأدر تروح الرجال : اقدر اساعدكم في شي العم مصطفى : لامتشكرين الرجال مد كرته : اذا احتجتوا شي هذا كرتي فيه كل ارقامي العم مصطفى خذا الكرت : شكرا ياخويا الرجال : يلا مع السلامه العم مصطفى : مع السلامه طلع الطبيب والكل ركض صوبه " مصطفى : ايه يادكتور طمنا الدكتور : الحمدالله قدرنا نسيطر على الوضع كان وياها نزيف حاد بسبب تعرضها لضرب شديد على منطقه البطن قدرنا نسيطر عليه بفضل الله النزيف هذا لو استمر كان يمكن بيأدي لأصابتها بالعقم الكل بصدمه : عقــــم الدكتور : اي عقم هي متعرضه لضرب شديد وانا راح استدعي الشرطه عشان تفتح محضر العم مصطفى : استحلفك بالله يادكتور بلاش شرطه خلها تصحى ونعرف منها الحكايه وبلاش شرطه الدكتور : انا بنتظرها لين تصحى اذا تعدت الاربعه والعشرين ساعه بخير اقدر اقول انها تعدت مرحلة الخطر منار بخوف : يعني حالتها خطيره الدكتور : انتوا ادعولها والله كريم انتهــــــــى البــــــارت قـــــــرائه ممتعــــــــــــه |
بياض الصبح >>>
الابداع كلماتج الروووووعه"" خخخخخخخخخخخخخخخخخخ فديت انا الطماعين تستاهلون كل خير انا نزلت بارتين لان الاحداث فيها واجد ومتنوعه ويسعدلي هلطله الحلوه "" حلزونه تسلمين يالغلا على الكلمات الروعه كروعه صاحبتها يسعدلي مرورج وطلتج المتميزه " تنويه اعذروني اذا تاخرت بالبارت انا امر بظروف واتمنى منكم تدعون لي ان ربي يسهل اموري واشكركم على تشجيعكم ومتابعتكم لروايتي واتمنى اكون عند حسن ضنكم"" |
عزيزتي غناديرالذوق والطرح الحلو اتمني من الله العزيزبفرج من عنده ان ييسر مابدي من امورك ويسهل لك كل مافينا من عتب شوقنا اليك والاطرحك المميز واتمني بعد هذه المشكله ان سعود يتقدم لها هذا ماشوهوا سمعتها ودمتي لمحبيك عزيزتي غنادير
|
الله يعطيكي العافيه اختي غنادير بصراحه قليل علي روايتك كلمة روعه واتوقع ان فواز ينصلح حاله بعد كلام منال عنه ومنايل راح تحب بندر وبتمسك فيه بعد ماتعرف انه هو اللي انقذها وحور الله يشافيها وأكيد راح ترجع للخاله سعاد بعد الحادثه اللي صارت لها والله ياخذ سكينه الكلبه فوق شينها قوات عين الله ياخذها هي وعناد ونشكرش علي تعويضش لنا في البارتات ياالغاليه
|
تقتح بطلب من الكاتبه
عودا حميدا |
مساكم//صباحكم رضا وسعادة
اسفه عالانقطاع الخارج عن ارادتي واتمني تعذروني؛؛؛ |
الجزء الثاني والعشرون
مشى الدكتور وخلاهم " منار مسكت يد العم مصطفى : تكفى عمي سو شي لايبلغون الشرطه ان بلغوا الشرطه عناد بيدري بمكانا وانت تعرفه انجس منه مافيه يمكن يسوي أي شي العم مصطفى يهديها: ماتخافيش انا حتصرف مش حيعرف عناد مكانكو* خالد : حنا ليش مانشتكي عليه ونرتاح منه ملينا من الصبر العم مصطفى تذكر عناد اشسوى في اخوه حمد وكان السبب في موته هو وزوجته نوره وتنهد : لا ياخالد دنتوا مش ادوا دا مايخافش الله ماعندوش مشكله يعمل أي حاقه حتى لو يأتلكم منار وخالد انصدموا : يذبحنا وحنا لحمه ودمه ليش وش سوينا له العم مصطفى : الكره والحأد (الحقد) بيعمي العيون منار : خلاص فكونا من شره مانبي قربه ولاشي من صوبه خالد : عم مصطفى تهقى حور بتقوم بالسلامه انا خايف عليها خايف يصير فيها شي العم مصطفى : ربنا كريم يابني إن شاءالله حتأوم بالسلامه وحتكون بخير خالد ومنار : يــــارب يــــارب الساعه 3الفجر " الخاله سعاد متعوده تقوم هالحزه تصلي وتدعي ربها وتقرى قرآن وتم قاعده لي صلاة الفجر " بعد ماصلت الفجر راحت تقعد عيالها لصلاة وعقب رجعت تبي تكمل نومتها " خذت موبايلها تبي تضبط المنبه وانصدمت لما شافت فوق العشر مكالمات من رقم قرصها قلبها من شافت الرقم من الجهرا " بدون تردد دقت على الرقم وصلها الرد ( أهلا وسهلا بكم في مستشفى ...... التخصصي اذا كنت تعرف الرقم الداخلي ادخله آلان او اضغط صفر للمساعده )* ضغطت صفر* ردعليها موظف : ألو كيف اقدر اساعدك سعاد : ألو سلام عليكم الموظف : وعليكم السلام تفضلي سعاد : لوسمحت اخوي بغيت اسأل عن الاسماء هذي اذا موجوده عندكم الموظف : تفضلي عطيني الاسم سعاد اول اسم جا في بالها حور : اسمها حور حمد ال ــــ الموظف يشوف الاسم : ثواني بس سعاد على اعصابها : اخذ راحتك الموظف : اي نعم اختي المريضه موجوده في غرفة العنايه المركزه سعاد بصدمه وخوف : شنــــو شتقول العنايه ليش اشفيها الموظف ارتبك من خوفها : إن شاءالله خير بس الزياره ممنوعه عنها الحين سعاد : لوسمحت عطني عنوان المستشفى عطاها الموظف العنوان وعلى طول صكت التلفون وخذت عبايتها ومفتاح سيارتها وركضت لغرفه منال سعاد : لبسي عباتج وامشي وياي منال كانت تصفط سجاده الصلاه بخوف قالت : خير يمه اشصاير سعاد عصبت : مو وقت اسأله الحين خلصيني لبسي عبايتج وامشي بفهمج كل شي بالسياره منال : إن شاءالله يمه كاني بلبسها (لبست عبايتها وملفعها )* كاني خلصت اشصاير سعاد : يلا امشي امشي بعدين افهمج بالسياره منال لبست عبايتها وشيلتها ولحقت امها وهي حاطه ايدها على قلبها وتردد : الله يستر* ركبوا السياره وقالت الخاله سعاد السالفه كلها لمنال طبعا سوت مناحه منال بالسياره " وصلوا المستشفى" نزلوا وعلى طول سألوا الرسبشن عن مكان حور ودلوهم " شافوا مصطفى واقف فالممر ماسك موبايله ويتصل " الخاله سعاد بوجه قلق ركضت له : اخوي مصطفى وين حور اشفيها طمني عليها العم مصطفى يهديها : هدي هدي ياأختي إن شاءالله حتكون بخير سعاد بقلق اكثر : شقالوا فيها شاللي صار لها تكلم مصطفى : مش عارف اأولك ايه ياختي سعاد اتصل علي خالد ألي ان هم هربوا من بيت عناد وانهم فالمستشفى وان حور كانت تنزف وقيت أل (قال) الدكتور انها تعرضت لضرب قوي على منطقة البطن سبب لها نزيف* سعاد اختل توازنها من هول الكلام : نــــزيف تعرضت لضرب من منو وليش حسبي الله عليهم مصطفى : محدش عارف مين ضربها خالد ومنار مش عارفين بيأولوا ان هموا لأوها تنزف وخدوها وهربوا من البيت ] ** * سعاد جن جنونها : انا مستحيل اسكت عنهم اكيد عناد وإلا الحقيره سكينه إلا طقوها مصطفى : لا المره دي لازم تسكتي لأن الوضع خطير* سعاد بأستغراب : خطير ليش شصار مصطفى : لساتنا ماعرفناش عملولها ايه لكن خالد ومنار ألوا عناد لازم مايعرفش مكانا* سعاد توها تذكر خالد ومنار : وينهم انا شلون نسيتهم مصطفى : تعالي معايا حنروح لهم* سعاد التفت لمنال : يلا امشي (لحقوا مصطفى متجهين للممر اللي واقفين فيه منار وخالد ) منار متسنده على الطوفه وتدعي ربها يشافي اختها" خالد التفت : هذي خالتي سعاد جات منار التفت وشافت الخاله سعاد وركضوا صوبها منار على طول ارتمت بحضن الخاله سعاد : خاله الحقينا حور بالعنايه والدكتور يقول حالتها خطيره لمتها الخاله سعاد : هدي حبيبتي بتكون بخير إن شاءالله* منال بخوف : منور ابي اشوف حور خالد بغصه : مانعين الزياره حالتها ماستغرت الله ينتقم من اللي كان السبب سعاد : منو اللي طقها انتوا وينكم عنها خالد تنهد : آه ياخاله دخلوا علينا عناد الزفت وسكينه وحسينه واسحبوها غصب وقفلوا علينا الباب وبعدها مادري شصار جينا ولقينا حور غرقانه بدمها وماهي قادره اتكلم خذيناها وانحشنا من البيت سعاد قرصها قلبها خذت منار على طرف : منار قوليلي فيه شي صار غير اللي قاله خالد منار تمسح دموعها : اي خالتي خالد نزل يدور حور تحت وانا وفوز كنا ندورها بالغرف فجأه سمعنا صوت حور تصارخ تقول وخر عني لاتقرب الخاله سعاد حطت إيدها على حلجها طاح قلبها : وبعدين منار : ركضنا لها لقينا واحد كان واقف عند الباب وصرخت عليه فوز وهاوشته وانحاش سعاد الف فكره دارت براسها : سوالها شي* منار بخوف : مادري يعني شنو سوالها مافهمت سعاد تنهدت : منور ركزي وياي حبيبتي انتي لما دخلتي على حور ملابسها متشققه والا شي منار بدت تستوعب قصد سعاد حطت ايدها على حلجها : خالتي سعاد يعني معقوله يكون سوالها شي سعاد : انا اسألج ملابسها مشققه شي منار : لا بس كأني شفت قميص احمر مشقوق كان طايح عندها سعاد شهقت : قميص انتي متأكده والا يتهيئ لج منار زاد خوفها : تكفين خالتي سعاد لاتقولين ان هالخسيس سوا لحور شي نظراتج هذي نفس نظرات فوز* سعاد تحاول تهدي الامور وتكون طبيعيه : لا إن شاءالله ماصار لها شي بس انتي لاتقعدين تفاولين منال جاتهم : ليش واقفين اهني اشفيكم ويوهكم معتفسه سعاد : مو صاير شي بس منور تحاتي اختها منال : يمه خالد يقول ان عناد لازم مايعرف مكانهم لانه اذا عرف مكانهم بيحاول يرجعهم واذا مارجعوا بيسوي أي شي يضرهم خالد يقول ان بيته دايم سهرات واغاني وحريم ورياييل وانهم طول اليوم من يرجعون من المدرسه يكونون قاعدين بغرفة فوزيه سعاد : تعلموني في عناد عارفته وعارفه سوالفه حسبي الله عليه منار : خاله الدكتور قال انه بيبلغ الشرطه وحاول فيه عمي مصطفى وقال بنطر لين تقوم المريضه وببلغ الشرطه* منال بصدمه : ليش الشرطه منار : الدكتور يقول انها متعرضه لضرب قوي سبب لها نزيف وكان ممكن يسبب لها عقم الخاله سعاد ومنال بخوف وصدمه : عقـــم منار : اي عقم وقال هذي جريمه وانه لازم يبلغ الشرطه واذا بلغ الشرطه معناته عناد بيعرف مكانا منال : واذا عرف مكانكم شنو بيسوي يعني وهو اصلا راح يدخل السجن بسبة الجريمه اللي سواها منار : بس يمكن مايكون هو اللي طق حور يمكن تكون سكينه يعني ماراح نفتك من شره هذا واحد ممكن يسوي أي شي* سعاد : صدقتي يابنتي عناد هذا خسيس مافي قلبه ذرة رحمه مايخاف الله* منار: الفتره اللي عشناها عنده عرفتنا فيه تصدقون عادي عنده حتى لو يبيع بنته عشان فلوس سعاد محروق قلبها على حور : حسبي الله عليه سبع التحاسيب يعله مايتوفق يعل حوبة هالمسكينه ماتعداه اهو وسكينوه عسى ربي يبلاهم بمرض ماله طب خالد جاهم يركض : خاله سعاد الخاله سعاد بخوف : خير اشفيك خالد : بوسعود وصل* سعاد باستغراب : وصل وليش من قاله انكم بالمستشفى خالد : عمي مصطفى دق عليه عشان يتصرف ويا المستشفى ومايبلغون الشرطه سعاد منحرجه : فشله مطلع الريال هالحزه الله يهدي مصطفى مافيه صبر جان نطر لي الساعه 9 وإلا 10الصبح منال : يمه لاتلومينه اكيد احتاس ماعرف شيسوي ودق على بوسعود منار : هذا شكله بوسعود جاي صوبنا منال : اي اي هذا بوسعود* بوسعود بهيبته المعتاده : السلام عليكم الكل : وعليكم السلام بوسعود : شلونكم وشلون صحة حور سعاد : إن شاءالله تكون بخير اسمح لنا تعبناك ويانا بوسعود : افا يأم فهد عيال حمد هم عيالي والمفروض اكون اول من يعرف باللي صار سعاد : ماتقصر يابوسعود راعي واجب بوسعود التفت لمنار وخالد : لاتحاتون وانا ابوكم إن شاءالله بتقوم بالسلامه خالد : عمي بوسعود شصار بموضوع الشرطه الدكتور يقول بيبلغ بوسعود : لاتحاتي انهيت الموضوع مدير المستشفى اعرفه وطلبت منه يكتم على الموضوع مانبي الشرطه تدخل وقال لي تم خالد : مشكور ياعم جزاك الله خير لولا الله ثم انت ماعرفنا شنسوي بوسعود بتواضع : ماسويت شي ياولدي هذا واجبي سعاد : ماتقصر بوسعود : خالد يابوك شلون قدرتوا تنحاشون من البيت ووصلتوا للمستشفى واختك بهالحال خالد : فالبدايه كانت تمشي بس تعبت وماعاد قدرت وشلتها انا ومنار وفيه رجال طيب جزاه الله خير وصلنا للمستشفى بوسعود هز رأسه : حسبي الله ونعم الوكيل في عناد أنا لولا خوفي على عيال حمد وإلا كان من زمان مدخله السجن لكن اعرفه نجس حتى وهو داخل السجن ربعه وشلته الفاسده بيسون اللي يقوله " " "* الساعه 8 الصبح " * ام سعود قاعده بالصاله تكلم ابوسعود بالتلفون : حسبي الله عليهم والحين حور شلونها* سعود كان نازل من الدرج بيروح لدوامه بالمستشفى وأول ماسمع اسم حور سرع خطواته لصاله " ام سعود مانتبهت لسعود وكانت مستمره بمكالمتها : فالعنايه لاحول "خلاص خلاص ابشر ماني قايله شي لسعود " لاتوصي خير إن شاءالله " مع السلامه سعود واقف ورا امه ينطرها تخلص مكالمتها مامداها صكت السماعه : يمــــه خير حور إشفيها ام سعود التفتت وارتبكت : بسم الله انت من متى واقف سعود انفعل : مومهم المهم قوليلي حور وشفيها ام سعود تحاول ترقع السالفه : حور ليش وشفيها من جاب طاري حور سعود ماسك نفسه مايبي يرفع صوته : يمه فديت روحج خلصيني علميني حور وشفيها ام سعود بقلة حيله : شوي تعبت وودوها المستشفى وابوك موجود عندهم وسعاد وماعليها إن شاءالله خلاف سعود ماسك اعصابه : أي مستشفى ام سعود : مادري ياأمك سعود حب رأس امه وطلع : خير إن شاءالله ام سعود : وين رايح سعود : اكيد بروح لها ام سعود : يامك ماله داعي رح لدوامك وهي ماعليها شر وبعدين ابوك موصيني ماقولك شي سعود : يمه أنا رايح تأمرين بشي ام سعود : يعني ملزم سعود يمشي : مايحتاج ام سعود : الله يستر عليكم ماقدر اقول شي """ خذا سعود اسم المستشفى من الخاله سعاد واتجه لهم~ وصل المستشفى " لقى قدامه ابوه ومصطفى كانوا واقفين ويا الدكتور شرح لهم حالتها والوضع وراح يكمل شغله " بوسعود عقد حواجبه من شاف سعود داخل المستشفى : هذا وش جايبه سعود شافهم وجاهم مسرع ومتوتر : يبــــه طمني على حور* بوسعود قدر توتره : هد هد مافيها إلا العافيه إن شاءالله * سعود بعدم ارتياح : وينهــــا بوسعود سكت وعقب تكلم : فالعنايه سعود عقد حواجبه مصدوم : العنايــــه يبه علمني وشاللي صار بوسعود تنهد : يابوك لي صحت إن شاءالله بنعرف كل شي اللي نعرف من كلام اخوانها انهم لقوها تنزف وخذوها وانحاشوا من البيت وجابوها للمستشفى سعود هز راسه ومشى : أنا رايح لدكتور """ الجده هيا رايحه تشوف المحل وتشوف اخبار البيع فيه وماخذه وياها العنود " دخلوا المحل " الجده والعنود : السلام عليكم رانا (تشتغل بياعه فالمحل ) : هلا ماما سلام الجده تقعد على الكرسي : هاه شلونج شلون الشغل رانا : زين ماما كله كويس* العنود : جيبيلي الفواتير اشوف رانا : إن شاءالله ( جابت دفتر الفواتير ) الجده تقهوى وتقدع من التمر : شوفي كل شي وعلميني العنود : ابشري بس بأخذ الدفتر معي للبيت اشوف الحسابات* الجده قامت : إلا شوفيه اهنيا وانا بروح اشوف ام محيسن واعود عليج العنود : لاوالله خلصت من البسطه تبيني اشتغل بياعه فالمحل وانتي تروحين تسولفين ياسلام الجده : ماني مطوله شوي وبجي بشوف ام محيسن تقول جايبه بضاعه جديده العنود عصبت : مابي اقعد فالمحل لحالي الجده : ليه بياكلج الذيب العنود : ايه بياكلني الجده مشت ولااهتمت : يلا سلميني عليج لين اجي العنود انقهرت وقعدت اتحلطم : مصدقين عماركم ياهالعجاير انكم بزنزومن فالحين تقبضون الربح اخر الشهر وبس يالعنود سوي يالعنود شوفي في هالوقت كانت في عيون تراقبهم وسمع الكلام اللي دار بينهم كان واقف ويضحك ~ دخل المحل والعنود معصبه تشوف الفواتير وتحلطم : صباح الخير العنود مدنقه مارفعت راسها ماردت عليه ~ رانا : صباح النور شنو يبي بابا* وجه الكلام للعنود : لو سمحتي يالأخت بغيت شيله للوالده على ذوقج رانا : يبي انا يختار عشان هذا ماما مشغول : لا ابي على ذوق الانسه العنود معصبه وتكتب ومارفعت راسها : اختار لعمرك واللى كيفك المحل مليان شيال نق منها اللي تبي : لالا مايصير المفروض تكسبون الزباين عشان تمشي بضاعتكم مايصير النفس الشينه على الصبح العنود حذفت القلم : اليوم مانبي نبيع وش عندك واذا (سكتت عقب ماانتبهت للوجه وتنحت ) نايف ببتسامه ساحره رافع حواجبه : اي كملي واذا شنو العنود طاح وجهها ماعاد عرفت شتقول ~ نايف قعد على الكرسي : افا الصراحه صدمتوني انا قلت دامنا ربع واهل اشترى للوالده من محلكم احسن من مااشتري من غيركم* العنود اتعتع فالكلام : اااا نايف اعجبته السالفه وحب يكمل : هذا جزاي ابي اربحكم العنود تنحنحت ويالله طلع الكلام : احم السموحه وش بغيت نايف عاجبه شكل العنود وهي منحرجه : وش عقبه عقب ماتهزأنا العنود ودها تقول ترى ماني فاضيه لك وبالطقاق تبي تشتري وإلا طس لكن ماتقدر : قلنا السموحه ماقصدنا نايف شاف القهوه وابتسم : إن كانكم بتقهونا رضينا العنود تنرفزت : والله الظاهر هذا محل مهو دوانيه* نايف ضحك : هههههههه خلاص هونا من القهوه بس نبي تختارون شيله للوالده وياليت تكون حرير العنود قامت عشان تختار : إن شاءالله طلعت كذا شيله : تفضل شوف اللي يعجبك منها هذي اخر الموديلات نايف : انتي وش رايج* العنود ودها تصفقه على وجهه والميانه الزايده بس ماسكه نفسها : الراي رايك انت اللي بتشتري نايف يطالعها ويبتسم : انتي اختاري وانا بشتري العنود اوف مسخها : انا ماعرف ذوق امك عشان اختار شي يمكن مايعجبها نايف : لا اختاري وانا واثق انه بيعجبها العنود اختارت له وحده من الشيال : تفضل هذي نايف : وبعد ثانيه اذا ماعليج كلافه العنود اختارت بعد وحده : تفضل نايف يشوف الشيال : دام فضلج بصراحه ذوق وانا متأكد انها بتعجب الوالده انقذها دخول الجده اللي مانتبهت لوجود احد فالمحل : ام محيسن محلها مصكر مادري اشبلاها نايف التفت جهة الباب وشاف الجده هيا داخله ووقف : يالله حيها الجده هيا انتبهت له : يامرحبا يالله تحييه وشلونك نايف يبتسم : بخير دامكم بخير انتي كيف حالج وشلون صحتج الجده هيا : الله يجمل حالك ياولدي وش هالساعه المباركه اللي شفناك فيها نايف مبتسم : ساعتكم ابرك طال عمرج جيت اشتري شيله للوالده قلت اشتري من محلج الجده مستانسه : ياجعل ربي يحفظك ~ العنود جيبي القهوه انتي ماقهويتي نايف من قهوتي نايف بلعانه : لاماقهوتني تقول هذا محل مهو بدوانيه الجده : ياجعلج ماتربحين جيبي جيبي القهوه العنود خزت نايف ونايف يضحك " العنود جابب القهوه وصبت لنايف خذا الفنجال وتعمد يلمس اصبعها وابتسم العنود تخرعت وارتبكت بغت تكب القهوه الجده بحده : صبيلي قهوه العنود تحاول تكون طبيعيه : ابشري تم نايف يسولف ويا الجده هيا والعنود استغلت انشغالهم بالسوالف وطلعت من المحل انحرجت من وجود نايف " """ يوم جديد مليئ بالأمل والتفاؤل ~ حور صحت ونقلوها للجناح وحالتها مستقره" الكل كان فرحان لها " عندها بالغرفه الخاله سعاد وبناتها وولدها فهد ومنار وخالد " دق الباب* سعاد : تفضل بوسعود فتح الباب وتنحنح : احم احم غطوا شعر حور اللي للحين تعبانه والتعب واضح على وجهها سعاد : تفضل يابوسعود حياك دخل بوسعود : السلام عليكم * الكل : وعليكم السلام بوسعود يبتسم وراح صوب حور : اجر وعافيه إن شاءالله سعاد : يعافيك بوسعود وقف عند حور وحط ايده على راسها : سلامات وانا عمج ماتشوفين شر حور بتعب واضح ابتسمت له ويالله تقدر تكلم يالله يبين صوتها : الشر مايجيك بوسعود سحب الكرسي وقعد عندها وايده للحين على راسها : شلونج الحين إن شاءالله احسن حور هزت راسها بتعب بأنها احسن بوسعود : لاتحاتين انا عمج ولاينشغل بالج الامور كلها تسهلت اهم شي تشدين حيلج وتقومين لنا بالسلامه حور بتعب : عمي ادري تعبتك وياي بس انا بطلبك طلب ولاتناقشني بوسعود : خير يابنتي حور تكمل بتعب : ابيك تدور لنا ملحق او شقه صغيره على قدي انا واخواني ابي اطلع من المستشفى على طول لشقه مابي نروح لابيتنا ولابيت خالتي سعاد ولاحتى عمي مصطفى بوسعود باستغراب : خير يابنتي وش صاير سعاد وقفت : حور يمه ليش ماتبين بيتي اشفيج* حور هد حيلها التعب : ابي مكان مايعرفه عناد ولاتسألوني ليش بعدين افهمكم كل شي مافيني حيل اتكلم بوسعود قدر حالتها وتعبها : خلاص تم اعتبريه صار حور ابتسمت بتعب : الله يجبر بخاطرك ويفتحها بوجهك بوسعود وقف بيطلع : ماسويت شي انتي بنتي وطلباتج أوامر يلا انا استأذن تأمرون على شي سعاد : سلامة عمرك يابوسعود طلع بوسعود بعد ماتطمن على حور" الكل كان على وجهه علامة استفهام من طلب حور لكن قدروا وضعها الصحي " في احد ممرات المستشفى سعود ناطر على جمر وده يشوف حور ويتطمن عليها لكن صعبه بوجود الكل عندها* نرفزه صوت موبايله رد بدون نفس : ألو نايف : ياخوي وينك ماترد سعود متنرفز : خير شعندك نايف مقدر وضعه : هد يارجال ماعليها شر قبل شوي مكلم عمي كان عندها ويقول انها بخير سعود : كلمني وقال لي لكن انا ماني متطمن ولايهدالي بال لين اشوفها نايف : وين تشوفها بصفتك شنو سعود باستعجال : نايف صكر صكر بعدين اكلمك (صكر الخط بوجه نايف) سعود شاف سعاد طالعه من غرفة حور وياها فهد وخالد وطلعت من المستشفى " اتجه غرفتها بدون أي تردد دق الباب " منار : تفضل سعود تحنحن ودخل : السلام عليكم منار ومنال ونرجس مصدومين من دخلته وعلامة الاستفهام مرسومه على وجوهم : وعليكم السلام حوركانت مغطيه شعرها جات عينها بعينه ونزلت عينها تمنت مايشوفها وهي بهالحال* سعود اعتفس وجهه وتضايق من شاف التعب مبين عليها ووجهها ذبلان~ تقدم لها وقعد مقابلها وهومانزل عينه منها ~ تنهد وقال بصوت كله حب وحنان : سلامات ياروح سعود حور طالعته واسكتت انحرجت من نظراته وجرأته فالكلام سعود بحنان : علميني من اللي سوا هالسوات* حور طالعته بتعب : ابي اطلع من المستشفى سعود : ليش تضيعين السالفه قوليلي عناد اللي طقج حور : محد سعود : مصيري اعرف وان طلع عناد وقسم بالله ماخليه حور : سعود انا تعبانه صك الموضوع سعود بحنان : ابشري (مسك ايدها ) ممكن اشوف نبضج* حور هزت راسها سعود يشوف النبض : شاللي يعورج حور بتعب : كل جسمي خلهم يعطوني منوم ابي ارتاح* سعود انقهر وهو يشوف نظرت التعب والانكسار في عيونها : ابشري انتي ارتاحي وانا بروح اقول لدكتور* مسح على ايدها وطلع وفي داخله يلعن عناد ويتوعده * * |
"بعد وصول فواز من السفر بيومين رجع للبيت وانصعق بالخبر اللي قالته فوزيه بعد ماسألها عن عيال*
عمه" فواز " حس ان عقله توقف عن التفكير عروقه من شدت العصبيه والتوتر كأنها بتنقطع قطع صغيره نار تشتعل في داخله رجفه بأطرافه سكاكين تنغرس بصدره " : ليـــه ماحولتوا تمنعونه ليش مادقيتوا علي* فوزيه تراجعت للخلف تحس بأخوها كره ناريه في اي لحظه بتحرق الخضر واليابس : دقينا عليك وجهازك مغلق حاولنا نقاومهم ماقدرنا هم اقوا منا فواز بحاله غضب هستيريه : دقوا على الشرطه سوا شي لكن ليش خليتوه يسوي اللي براسه* وقف والغضب يتناثر منه مشى وهو يتوعد متوجه لصاله* عناد وسكينه كعادتهم قاعدين فالصاله ويشيشون تطايرت عيونهم ودخل قلبهم الخوف وهم يشوفون الشر يتطاير من عيون فواز وهم يبصمون بالعشر ان فوزيه قالتله اللي صار " وقف قدامهم وصدره يعلو وينزل نفسه من العصبيه رفس الشيشه برجل وطاح الجمر على الزوليه ولا اهتم : علمني شاللي سويته مالقيت اللى حور ليه حور ليه ماكفاك شريهان هي خربانه ومتعوده على الوضع ليه مادخلت الزباله اللي انت جايبه عليها دامها ماعدهي بنت* عناد قام يتبلعم : اسمع صرخ فواز : شسمع وشتقول مالقيت إلا حور لحمك ودمك هذي شرفك عرضك (ضحك بحسره واستهزاء) هههه اوه نسيت انك ماتعرف الشرف وان هالكلمه ممسوحه من قاموسك سكينه تحاول تتكلم : بص فواز صرخ فيها : ولاكلمه انتي بالذات مابي اسمع صوتج (مسك راسه بإيدينه ورمى نفسه على القنفه وهو منهار ) حور بنت وانتوا السبب في اغتصابها حور بريئه وعفيفه وطاهره وانتوا طيحتوها في مستنقعكم الوسخ (صرخ بحسره وهو يكمل بحسره ) ياليتها انحاشت قبل يصير اللي صار ياليتها انحاشت قبل تفقد اغلى ماتملكه البنت عناد يحاول يبرر لنفسه بخبث : هي فالبدايه كانت رافضه بعدين وافقت من عرفت ان اللي طالبها هامور وخذت مقابل هذيك اليله مبلغ ماتحلم فيه وقف واصر على اسنانه والشر يتطاير من عيونه : وبعد تنصب وتقذف المحصنات كم دفعلك مقابل الليله كم دفع لك مقابل نهشه في لحم بنت اخوك عناد بتبرير : مادفع لي شي وهي اللي وافقت على هالشي فواز بغيض : علمني شسمه والله لأذبحه واشرب من دمه عناد بخوف : ماعرف اسمه ولا اعرفه هذا صاحب حور وهو متواعد وياها فواز بقهر والدمعه تحجرت بعينه : ياليتكم منت بأبوي والله لأذبحك واشفي غليلي مالقيتوا إلا حور حور ياعناد حور يايبه عناد : انت ادافع عن وحده صايعه ونجسه بعد ماسوت فعلتها انحاشت هي وأخوانها الله لايردها فواز بغضب : حور طاهره وشريفه هي اطهر من الطهاره واشرف من الشرف لكن انتوا وسختوا طهارتها وشوهتوا برأتها* عناد سكت وقعدت عيونه تلاقط من الخوف فواز كمل بقهر : هي وين الحين عناد بخوف : ماندري وين ذلفوا صار لهم ثلاث ايام ماندري عنهم فواز صرخ فيه : سألت عنهم خالي مصطفى او سعاد عناد تلعثم : سألت سكينه مصطفى وقال مايدري عنهم وسألت فوزيه سعاد العينه عنهم وقالت ماتدري عنهم فواز زاده عصبيته : وين بيكونون راحوا انا لازم القاهم* عناد يحاول يبري نفسه : بالعنه جعلهم في حريقه هذولا منكر حسنا مايبين في عينهم المعروف طالعين على ابوهم* خلهم يولون فواز عصب وضرب الطاوله : لاماني مخليهم انا لازم القاهم واتزوج حور بأسرع وقت قبل لاينتشر خبر اغتصابها وننفضح """" * ياغـــايه القلب وصلك طالت دروبه ~ وأنا مشيت لوصالك والقدم حافي ~ الحب لاهو سراب ولاهو اكذوبه ~ الحب نهر الحياه ومنبعه صافي ~ وانت اعذب أنواع كل الحب واعجوبه ~ اعجوبه مثل فكري لاحتضن قافي ~ * سعود قاعد على كراسي الممر إللي قدام غرفتها* طلعت سعاد من الغرفه تبي تروح للكفتيريا واستوقفها وجوده ~ من دخلت حورالمستشفى وهو مايفارق المستشفى واذا راح بس يتسبح ويبدل ملابسه ويرجع " اتجهت له : السلام عليكم سعود عدل قعدته : وعليكم السلام ياهلا سعاد بتردد : الله يعطيك العافيه تقدر تروح حور الحمدالله تحسنت وأنا موجوده عندها وجودك ماله داعي روح ارتاح سعود بجديه : ومن قال ماني مرتاح وجودي بقربها اقصد فالمستشفى مريحني سعاد عرفت ان مافيه فايده من الكلام : عالعموم يعطيك العافيه سعود ببتسامه : الله يعافيج سعاد : عن اذنك انا نازله للكفتيريا تأمر على شي سعود : ابد سلامتج (بيت بوسعود) منايل راجعه من المستشفى بعد ماتطمنت على حور " شافت امها وابوها قاعدين بالصاله وراحت لهم " منايل : السلام عليكم (اتجهت تحب راس ابوهم وامها ) ردوا السلام وبعدها سأل بوسعود : هاه شلون حور اليوم منايل فصخت عباتها وقعدت عالغنفه : الحمدالله احسن والدكتور يقول احتمال يرخص لها اخر الاسبوع ابوسعود : الحمدالله عدت على خير منايل تذكرت شغله : اي يبه على فكره ترى حور سألتني اذا حصلت لهم شقه أو ملحق بوسعود تنهد : لاوالله يابنتي للحين مالقيت شي قريب منا كل إللي لقيتها بعاد وانا ابيهم يكونون قريب مني وتحت عيني منايل لمحة فكره وابتسمت : يبه انا عندي فكره وان شاء الله تعجبك وتريحك ابوسعود بتفاؤل : قولي يابنتي عسى خير منايل ابتسمت : شوف يالغالي بما انك تبيهم قريب منك وتحت عينك انا عندي الحل وهو انك تسكنهم فالملحق اللي بحديقتنا* بوسعود تهلل وجهه بالفرح وتنهد براحه :هذي والله الفكر الزينه انا وين غابت عني هالفكره منايل بفخر ابتسمت : انا منايل مو حياالله بس لحظه نسيت ماقولك* بوسعود : خير يابنتي منايل: ترى حور مستحيل توافق تعيش بالملحق بدون ماتدفع اجار ابوسعود باستغراب : وليه تدفع اجار وهي بتعيش عندنا منايل : يووه يبه انت ماتعرف حور عندها عزة نفس وماتحب احد يتفضل عليها وهذا انا اقولك اذا ماقلت لها انك بتأخذ منها اجار مستحيل توافق ابوسعود بحنيه : خلاص تدفع عشر دنانير بالشهر منايل فطست : ههههههه يبه شدعوه ترى حور موغبيه لهدرجه لوقلت لها ان الاجار عشر دنانير بالشهر بتفسرها انهم كاسرين خاطرك وانك متفضل عليهم ومستحيل توافق ابوسعود عقد حواجبه : لاحول ولا قوة إلا بالله والحل منايل قعدت جمب ابوها : شوف ياطويل العمر الحل انك تقول الاجار 100دينار فالشهر منها الاجار مناسب لهم ومنها مايحسون ان انت اشفقت عليهم ابوسعود ابتسم : خلاص تم والحين روحي لها عطيها خبر واذا وافقت انجهز لهم الملحق وقفت منايل وابتسمت : عولم طال عمرك الحين بروح """ نهايه الاسبوع " تحسنت حالة حور وطلعت من المستشفى وانتقلوا للملحق " طبعا بوسعود ضبط الملحق واثثه اثاث جديد على الرغم من ان اثاثه جديد لكن حب يغيره على قولته علشان يرتاحون عيال حمد وحتى الغرف جهزها وصار الملحق كأنه جناح في فندق خمس نجوم " اليوم اول يوم لهم فالسكن الجديد " منار بالمطبخ تفتح الادراج وتستكشف : واااي حور عمي بوسعود الصراحه ماقصر ماخلى شي ماجابه حتى المواعين تهبل حور منسدحه على القنفه اللي بالصاله : طول عمره كريم ومايقصر* طلعت منار من المطبخ متجهه لصاله وبيدها صينيه فيها قلاصين عصير وسندويتشات : اي والله مايقصر إلا حور ماقلتيلي كارين بنأخذها تسكن عندنا والا بتقعد عند خالتي سعاد حور بتعب تقعد وتشرب عصير : خالتي سعاد توها مكلمتني تقول بتمر علينا عشان تشوف شنو ناقصنا وتحط كارين* منار تمد السندويتش لحور : ياحليلها كارين فقدناها* حور :إلا على طاري كارين خالد وين منار: خالد بالدوانيه ابوسعود قايله يقعد عنده بالدوانيه حور: احس فشله لايثقل عليهم منار: لافشله ولاشي دوانيتهم شكبرها يطرد فيها الخيل وبعدين والكل يجيها وبعدين بوسعود هو إللي نادا خالد ولزم عليه في هالحظه دق الباب* وقامت منار تفتح " حور : منو عند الباب منور دخلت منار وبيدها بوكيه ورد منسق بشكل روعه : هذي الخدامه جيجي جايبه هالبوكيه حور : من منو ماعليه كرت منار خذت الكرت تقراه : (الحمدالله على السلامه نورتوا المكان وعساه منزل مبارك تحياتي سعود ) منار بعوابه : ياعيني ياعيني على الذوق والله وطلع عنده حركات سعودوه مو هين على قولت المثل لجل عين تكرم مدينه حور ابتسمت بخجل : جب عاد منار تذكرت شغله : اوه حور نسيت ماقولج حور باستغراب : شنو منار : ام سعود قالت ان عيال اخوها اللي كانوا عايشين بامريكا بيوصلون اليوم ويستقرون اهني واليوم بوسعود بيسوي عزيمه كبيره على شرفهم وقالت لي لازم نحضر حور باستغراب : غريبه بيستقرون يعني سند وسعد نقول يمكن امهم كويتيه وعاشوا فتره بالكويت قبل لايفتح ابوهم الله يرحمه فرع لشركته فامريكا لكن سامي هذا امه امريكيه وطول عمره عايش هناك حتى ماكان يجي الكويت حيل اذكر ماجا إلا مرتين او ثلاث يوم وفاة ابوه* منار : انتي تعرفينهم حور : اعرف سند وسعد امهم كانت تزور خالتي سعاد قبل لاتروح ويا عيالها لامريكا اما سامي عمري ماشفت ولا اعرفه منار : يعني ينقاله امريكي يوووه احس شكله بيكون تحفه وهو قاعد بالدوانيه ومايعرف سلوم الرجاجيل حور ابتسمت : اما تحفه بيكون تحفه تخيلي شكله يصبون له قهوه ويمد بيساره منار : ههههههههه شكله بيكون مسرحيه كوميديا حور : بس على ماعتقد يعرف يتكلم عربي اذكر منايل كانت تقولي ان ابوه معوده على الكلام العربي منار : الحين تلقينه اشقر وعيونه خضر وااااع ياكرهي لرجال الاشقر حور : امه بالاساس اصولها اسبانيه بس ولدت فامريكا وصارت امريكيه منار : وابوهم ليش تزوجها لاهي من ثوبه ولامن هو ثوبها حور : مادري السالفه من زمان قبل لاحتى ابوي يتزوج امي يمكن من 25 سنه او اكثر بعد بس مادروا اهله بزواجه من الامريكيه إلا من صار عمر سامي 10سنين منار : انزين وبعدين شصار يوم عرفوا حور : مادري بس هذا اللي اعرفه من سوالف منايل علي منار : زين والامريكيه بعد بتجي تعيش اهني حور : الامريكيه على كلام منايل انه طلقها قبل لايتوفى وتزوجت بواحد برازيلي وعاشت فالبرازيل منار : وولدها خذته وياها حور : لا الظاهر عاش ويا اخوانه وزوجة ابوه ام سند هي انسانه طيبه وتخاف الله منار : المهم ماعلينا قوليلي شالبس حور : كيفج البسي اللي يريحج ملابسج شكثرها """ في مطار الكويت ~ نايف كان في استقبالهم " ابتسم وهو يشوف خالته ام سند وعيال خالته سند وسعد يأشرون له لكن اختفت ابتسامته وهو يشوف سامي وشكله ولبسه السلاسله المقرفه ولا كأنه عربي " تقدم وسلم عليهم وركبهم السياره متجهين بيت بوسعود " """ منايل اول ماوصلت سلمت على امها وخواتها وراحت للملحق " لقت الباب مفتوح ودخلت : هـــاي حور ابتسمت وقامت فتحت ايدها : هلا وغلا منايل لمت حور : بعد عمري اخبارج حور مسكتها وقعدوا على القنفه : تمام ياروحي انتي شلونج متى جيتي منايل : توني واصله على طول سلمت على امي والبنات وجيتكم ركض حور ابتسمت : يابنت شهالكشخه وين بندر عنج منايل غمزت لها : تعرفين لازم العب بحسبته شوي حور : شاف كشختج منايل : أي كلاني بعيونه بس يسوي نفسه يعنني سألته حلو لبسي قال عادي ماشف الحلا* حور : ههههه يعني مسوي نفسه ثقيل وهو ميت عليج منايل حبت تغير السالفه : وين منور* حور : قاعده تلبس الحين تجي ماامدا حور تخلص كلمتها إلا منار طالعه من الغرفه : شبيك لبيك منور بين ايديك منايل صرخة باعجاب : وووااااووو شنو هذا تعالي يابنت احبج على هالكشخه (منار لابسه تنوره حرير سودا واسعه لفوق الركبه وبدي جبنيز اسود وحزام وكعب فضي حاطه مسكره وكحل ولابسه عدسات رماديه وحاطه قلوس وردي ) منار ضحكت بدلع وسلمت على منايل : شرايج اطيح الطير من السما منايل ضحكت : هههههه وتنتفين ريشه بعد منار : على هالمدح كله وين يجيني نوم الليله منايل قرصت خدها : يلا خلصوا وتعالوا خالتي على وصول حور : اوكي بلبس ونجيكم منايل قبل لاتطلع : اي نسيت ماقولكم اليوم بيوصل السايق الجديد ابوي جابه عشان يساعد السايق القديم وقال لي اذا بغيتوا تروحون مشوار او شي السايق تحت امركم حور بمتنان : مشكور مايقصر طول عمره راعي واجب """ دوانيه ابوسعود " الكل كان يرحب بعيال محمد (سعد وسند وسامي ) سعد وسند كانوا متأقلمين ويا الوضع ويأخذون ويعطون بالكلام اما سامي فكانت متضايق مو متعود على هالاجواء وزاد توتره نظرات الموجودين كانوا ناقدين على لبسه قميصه مفتوح كله وسلاسل معلقه على صدره والجينز مشقق والاساور ماليه ايده الكل كان ناقد عليه " """ الاجواء كانت مختلفه عند الحريم سوالف وضحك الكل كان متواجد حتى الخاله سعاد وبناتها " حور كانت قاعده على الغنفه ولابسه نفنوف طويل اخضر ناعم وحاطه ميك اب بسيط~ منار قعدت عندها : اشفيج شي يعورج حور ابتسمت بتعب : نسيت الحبوب المهدئه ماكليتها واحس بعوار منار وقفت : يلا انا رايحه اجيبها ماراح اتأخر* حور بحب : بعد عمري ~~~ منار بعد مالبست عبايتها وشيلتها طلعت من الباب الخلفي رايحه تجيب حبوب حور من الملحق " انصدمت من وجود شخص غريب فالحديقه قاعد على الكراسي القريبه من الملحق " وقفت منار : يوه هذا اكيد السايق الجديد العن خيره هندي مزيون سامي قاعد على الكرسي ومسند راسه ورا ويدخن بشراهه رفع راسه وشافها طالعها بنظرت استهزاء منار بعد يخز عمى بعينه : هي انت يلا روح مناك هذا في غرفه درايفر الصوب الثاني مافي مني ابتسم باستهزاء وشفط من الزقاره إللي بيده ولا عبرها منار كملت دربها وهي تقول : يالعنبوا الوجه الشين بعد هندي وشايف نفسه (ومن سوء حظها ان سامي يعرف يتكلم كويتي ويعرف كل كلمه ) سامي ^ شاب وسيم عمره 27 يتمتع بعيون رماديه واسعه وخشم مسلول وبشره صافيه مايله للقمحي وشعر كستنائي " سامي حس باهانه بحكم ان مافيه بنت شافته في امريكا قدرت تقاوم وسامته حس انها جرحت كبريائه وغروره أنا سامي ينقال لي الوجه الشين هههه متخلفه هي ولبسها كأنها بات مان (يقصد العبايه ) طلعت منار وبيدها الحبوب وشافته للحين قاعد مكانه : انت للحين مارحت سامي : مارد عليها منار : هذا غبي شكله مايعرف عربي هو وسلاسله كأنه عنز شقرا سامي اشر لها بيده يعني روحي منار كشت عليه ومشت : اقول مالت عليك بالطقاق عمرك مافهمت انتهى البااارت |
عزيزتي الغاليه غنادير عودتي والعوداحمد لقد اشتقنا لكي ولابداعك وبنتظار ابداعتك والبارت القادم وشكرا من القلب
|
الحمدلله علي السلامه والله اشتقنا لك واتوقع سامي راح تصير بينه وبين منار اكشن بس عسي مايحقد عليها ويضرها ودمتي
|
اشكركم حبايبي عالمتابعه
وبنزل بارت الحين اتكنى يحوز على اعجابكم وانتظر ردودكم |
الجـــزء الثالث والعشرون "
منار كشت عليه ومشت : اقول مالت عليك بالطقاق عمرك مافهمت سامي" هذي مصختها وقف ومشى صوبها وهو في قمة عصبيته وبإيدها سيجارته منار " كانت تمشي متجهه لباب الفيلا الخلفي القريب من الملحق وماكانت منتبهه ان فيه احد جاي بتجاها ومعصب سامي" مسكها من زندها ولفها جهته بقوه خلت توازنها يختل وبغت اطيح لكنه كان مثبتها منار" فتحت عيونها من الخرعه انصدمت ويالله قدرت تطلع منها الكلمه: انــ ـت مجــ ـــ ـنون سامي" مسكها من فكها وضغط عليه : الاولى طوفتها وعنز شقرا طوفتها لكن انتي مصختيها"قرب السيجاره من شفتها" وكمل باستحقار: ودج احرق هالشفه اخليها تصير علامه منار" طارت عيونها من الخرعه جمدت عضامها وايدها ترجف ونفسها يعلو وينزل تبي تنطق اتكلم لكن ولاكلمه طلعت سامي" ابتسم بسخريه : هاه وين لسانج كلاه القطو هههههههاااي ~دز وجها بقوه خلتها اطيح على الارض عطاها ظهره وشفط من معشوقته سيجارته ولا اهتم منار " كانت في حالة ذهول وخوف وصدمه وجمود استوعبت نفسها انها طايحه على الارض رفعت ايدها شافت كف ايدها انجرح "انا هالحثاله يتجرأ ويسوي إللي سواه والله ماخليها له وانا بنت ابوي" وقفت خذت حبوب حور اللي طاح على الارض انفظت عبايتها ولاكأنه صار شي مشت بخطوات واثقه مبتعده عنه ومتجهه للفيلا سامي" لازل واقف بوضعيته ويدخن بشراهه لمحها يوم وقفت ومشت رفع حاجبه بغرور ابتسم بسخريه وقال في داخله" اخر زمن وحده ترفع صوتها على سامي امحيها من الارض" ماامداه انهى كلمته بخاطره إلا الضربه القويه اللي على كتفه خلت يلتفت وهو يقول : آآآآآآآه منار" يوم حست انها بعدت عنه وانها صارت قريبه من باب الفيله شافت طابوقه مربعه صغيره طايحه خذتها وحذفته بكل قوتها وعاد هي بالحذف صياده سامي" لما التفت وشاف ان الضربه منها ركض صوبها والشياطين راكبته ناوي يذبحها لكن منار كانت اذكى واسرع منه وصلت للباب ودخلت للفيلا بسرعه وصكت الباب سامي" جن جنونه من شافها افلتت منه وهو مالحق عليها وفي نفس الوقت مايقدر يدخل بدون استأذن عصب وصار يلعن:أنا سامي تتجرأ هالحيوانه وتحذفني أنا اللى الكل يهابني والله ماخليها تظن نفسها انها دخلت داخل بتسلم مني هين هين منال" بعد ماتأكدت انها صارت بأمان تنفست براحه وضحكت على جنونها وهبالها اول مره في حياتها تهاوش ويا احد ويوم تهاوشت قطها حظها المايل على سامي إللي راسه ايبس من راسها" جتها نرجس اللي فقدت وجودها واستبطتها وراحت تبي تشوف وينها استغربت من وقفتها : اشفيـــج واقفه اهني وبعديـــن انتي وينج منار ماقدرت تمسك ضحكتها وطلقت ضحكه عاليه : هههههههههههههههههههههههههااااااي نرجس باستغراب وتعجب : حمدالله والشكـــر اشفيـــج ينيتي تضحكين بروحج منار" مسكتها من ايدها واسحبته لدريشه المطله على الحديقه اللي جهة الملحق : الحين اقولج اشفيني وقفوا قدام الدريشه وشافت منار سامي للحين واقف وماسك كتفه والعصبيه واضحه عليه يمشي ويضرب الارض برجله وشات واحد من الكرسي برجله وزاد ضحكها : هههههههههههههههههههههههااااااااي نرجس عصبت وتنرفزت منها : اووووووه انتي ماتقوليلي اشفيج ساحبتني وانا امشي مثل الهبله وراج ولا ادري شالسالفه منار امسكت ضحكتها وقالت بوناسه : الحين اقولج كل شي شفتي هذا اللي واقف نرجس واقفه بندماج هزت راسها : أي اشفيه منار بدت تقولها السالفه من البدايه لي النهايه" نرجس فتحت عيونها بذهول وانفجرت ضحك : ههههههههههههههههاااااي منـــور لامو من صجج كل هذا سويتيه وانا ويني عنج ليش ماناديتيني عشان اقوم بالواجب ههههههههههههههااااااي منار ابتسمت : مايحتاج صاحبتج قامت بالواجب وزياده نرجس تمسح دموعها من الضحك وترد تضحك : ههههههههههاااي موقادره اتخيل الموقف والله وطلعتي بطله ياشريره انتي منار اختفت ابتسامتها : ابيييييه نرجوسه تهقين منو هذا وشنو موقعه من الاعراب ماخذ راحته فالبيت نرجس تحاول اتخمن : اممممم يمكن هذولا من عيال خال منايل اللي جايين من امريكا منار استوعبت وشهقت بخوف : ابييييييه هذا لايكون اللي امه امريكيه مادري اسبانيه نرجسوه بديت اخاف شكله شراني نرجس بثقه : ياكل تبن هالخروف هذا خروف مسلسل فيه خير خل يسويلج شي وبعدين لاتحاتين هذا عايش بامريكا يعني متطبع من الامريكان طول عمره هناك بيأخذ السالفه على انها مشاجره بسيطه وانتهت منار بشك : تهقـــين مسكتها نرجس من ايدها واسحبتها لصاله : خليه يولي بس اتجهوا لصاله " اللي كان فيها اعداد كبيره من الحريم ولاحظوا وجود العنود ونوير اللي كانوا قاعدين جمب حور راحوا سلموا على الجده هيا اللي قاعده بجهه الحريم الكبار وعقب راحوا للجهه الثانيه من الصاله اللي كانوا قاعدين فيها البنات وسلموا على العنود ونوير واندمجوا بالسوالف ويا بعض" حور " بعد ماخذت الحبوب من منار قامت متجهه للمطبخ تبي تأخذ قلاص ماي عشان تأكل الحبوب دخلت ريما المطبخ وشافتها تشرب ماي ابتسمت لها وحور ردت الابتسامه وقالت : هلا ريما شلونج ريما اللي كان شعرها كاثف وطايل واصل لي نهاية ارقبتها تشجعت وتقدمت مدت ايدها : هلافيج اكثر حور بدورها مدت ايدها بابتسامه وقالت : إشهالحلاوه شعرج طايل وطالع عليج حلو (دايم تحس بالشفقه على هالبنت تحس انها من داخل طيبه ونظيفه بس ماهي عارفه سبب ليش هي ماخذه دور البويه وتحاول تلفت الانتباه ) ريما حست بفرح ينتابها وامسحت شعرها باصابع ايدها : صج والله عاد الربع قالولي اقصه وكنت بروح اليوم لصالون بس قلت ااجلها ليوم ثاني حور بدت تأخذ وتعطي وياها : لالا ماعليج منهم مع احترامي لهم ماعندهم ذوق بالعكس شعرج الحين احلى بواجد من قبل ريما ابتسمت : شكرا على المجامله اللطيفه حور : بس هذي مو مجامله ريما ارتاحت بالسوالف وحبت ان السوالف بينهم اطول : اممممم اي الحمدالله على سلامتج بغيت انسى حور ابتسمت : الله يسلمج مشكوره ريما ريما : ماسويت شي يحتاج الشكر في هالحظه دخلت عليهم رغد " رغد طالعت حور من فوق لتحت ولفت على ريما : اشوفج قاعده تسولفين ويا اللي يسوى واللي مايسوى حور كانت بترد لكن ريما سبقتها : والله ياماما حور السوالف معاها بحد ذاتها شرف وانا حره اسولف ويا اللي ابي حور ابتسمت وعطت رغد نظرة احتقار : يلا ريما انا استأذن ماحب اخذ واعطي ويا هالاشكال واعطيها اكبر من حجمها ريما : لحظه بروح وياج لان بصراحه فيه ناس وجودهم يغث واحس ماعندهم هدف بالحياه رغد عصبت : ريمـــا قصدج انا ريما احقرتها ومسكت ايد حور : يلا حور امشي نقعد ويا البنات حور مشت وياها : يكون احسن طلعوا ريما وحور راحوا يقعدون ويا البنات اما رغد ظلت واقفه وهي مقهوره من حور إللي الكل يكون بصفها حتى ريما اخر انسانه توقعتها تتوفق ويا حور " انتهت العزيمه على خير والكل راح بيته " حور لبست عبايتها ونقابها : يلا حنا نستأذن تصبحون على خير ام سعود : وين يمه كملوا السهره ويانا حور : تسهر عندكم العافيه الجايات اكثر منايل : حوره قعدوا شوي اليوم بنام عند اهلي خليج من زمان ماقعدنا ويا بعض حور : بكره بنقعد الحين تلقين خالد نام بالدوانيه وتوهق فيه عمي بوسعود عذاري كانت قاعده اطقطق بتلفونها : يابخت من زار وخفف ام سعود بعصبيه : جــــــب انطمـــي ياقليلة الادب لي صار بيتج تكلمي عذاري تفشله : يمه اشفيج ماقلت شي ام سعود : وصمه إن شاءالله شوفي كلام يوصلج ويتعداج حور وأخوانها اهل بيت ماهم ضيوف هم الداخلين وحنا الطالعين فاهمــــــه عذاري انقهرت بس ماتقدر تقول شي : فاهمه يمه فاهمه (خذت تلفونها وصعدت فوق ) ام سعود : حور يمه ماعليج منها انتوا اهل بيت مايحتاج اقول حور ابتسمت بحب : عسى راسج سالم يالغاليه ماتقصرين يلا بالاذن تصبحون على خير منايل : اوف خلاص دام بتروحين بروح وياكم اكمل السهره عندكم الصراحه مافيني نوم وامي بتروح تنام وتخليني قاعده بروحي حور ابتسمت : حياج منايل قامت حبت راس امها : يلا يمه تصبحين على خير حور ومنار : تصبحين على خير خالتي ام سعود : تلاقون الخير حبيباتي مشوا منار وحور ومنايل طالعين من الباب اللي من جهة الملحق " وفي نفس الوقت سعود كان جاي من جهة هالباب وماسك بيده خالد اللي نام بالدوانيه حور كانت بوجهه وبغت تصدمه ماكان بينهم شي واتصادم اجسامهم تراجعت والخجل بان عليها : اوه سوري ماانتبهت سعود ابتسم وتم يطالعها ومانطق بأي كلمه منايل حبت تحرجه : احم احم نحنوا هنا انتبه سعود لنفسه :احم هذا خالد نام بالدوانيه قلت اجيبه يكمل نومته بفراشه حور مسكت خالد بيده: يعطيك العافيه تعبناك ويانا عطني ياه بوديه لفراشه سعود بحب : تعبكم راحه منايل : اقول سعود ترى ربعك بالدوانيه ينطرونك سعود تنرفز منها : اقول منايل الظاهر ان حنا زوجناج شعندج مارحتي ويا زوجج منايل ابتسمت بلعانه : قلت بنام اليوم عندكم بصراحه مشتاقه لحور من زمان عنها عندك مانع ياخوي العزيز سعود فلتت منه الكلمه: دام السالفه فيها حور ماقدر اقول شي حور انحرجت ونزلت راسها من الخجل حمر وجهها سعود حس بحراجها وغير السالفه : حور لاتنسين ترى موعدج بالطبيب بعد بكره حور لازالت منزله راسها : إن شاءالله منايل : يلا حنا نستأذن تصبح على خير سعود وده بهالحظه يذبح منايل هو ماصدق يشوف حور وده يطول بالسوالف وياها وهذي خربت عليه قال من غير نفس : وانتي من اهله حور ماسكه خالد : تصبح على خير سعود تنهد بحب : وانتي من اهله راحوا البنات وخالد للملحق وسعود رجع يكمل السهره بالدوانيه ويا الشباب " ~~~ العنود ونوير بغرفتهم وكل وحده فيهم منسدحه على فراشها " العنود تلعب بشعرها : اقول نوير نوير نعسانه ومالها خلق : امممممم العنود : شفتي ام سند طول اليوم كانت تخزج وتبتسم شكلج عجبتيها نوير : مالاحظت هالشي يتهيئ لج العنود : حتى الاعمى بيلاحظ وانت ياحظي مالاحظتي هالشي نوير : اقول ترى ماعندج سالفه وانا ابي انام ممكن تسكتين العنود : الشرهه موعليج الشرهه على اللي يسولف وياج نوير : شكرا العنود عطتها ظهرها : مو عفوا منايل وحور كانوا قاعدين بالصاله يسولفون ماخذين راحتهم بالسوالف بالذات بعد ماناموا خالد ومنار " منايل مصدومه من اللي تسمعه : حسبي الله عليه الحقير هذا شنو من جنس البشر مايخاف الله حور بقهر : هذا شيطان بشري أنا احمد ربي الف مره ان ضرب سكينه سبب لي نزيف وإلا الله العالم وحده إشكان بيصير لي منايل للحين مصدومه ومو مستوعبه الكلام : يعني كان يبي يتربح من وراج ماهمه انج بنت اخوه وشرفه ولحمه ودمه حور باستهزاء : ههه هذا الكلام موعند عناد اللي كلمة شرف ممسوحه من قاموسه منايل لاشعوريا سحبت وحور ولمتها : ياحياتي الحمدالله اللي ربي فكج من شرهم ورد كيدهم في نحرهم حور تنهدت : منايل لوشفتي الرجال اللي دخلوه على كبير والحقاره تطلع من عيونه أنا احس اني شايفته هو امبين عليه من الهوامير منايل باستغراب : وين يعني شايفته حور : مادري بس يمكن في جريده او شي منايل بحقد : حسبي الله عليه الحقير هذا وحش بشري الحمدالله اللي ربي انقذج منهم ومن نواياهم حور تنهدت براحه : ألف حمد وشكر الشعور اللي حسيت فيه بهذيك الحظه كان اشبه بالضياع شعور جميع الكلمات تعجز عن وصفه منايل بحب : ياحياتي اهم شي افتكيتي منهم إلا ماقلتيلي خالتي سعاد درت بتفاصيل السالفه حور : اكيد درت ماارتاحت إلا لما عرفت التفاصيل بالكامل منايل : اهم شي انج بصحه وعافيه وربي فكج من شرهم حور : اللهم لك الحمد (ابتسمت وغمزة لمنايل ) خلينا مني وقوليلي شخبارج ويا بندر منايل تنهدت : آآآه حور : أولله اشهالتنهيده اكيد وراها شي يلا قولي كلي اذان صاغيه منايل ابتسمت : والله ياحور انا وبندر مد وجزر مرات احسه طيب وحنون ومافيه احسن منه ومرات احسه قاسي وعصبي وعسر ولايمكن يلين حور : تحبينه منايل هالكلمه جمدتها عمرها ماسألت نفسها هل هي تحب بندر أو لا حور انتبهت لسرحان صديقتها : وين وصلتي ابتسمت منايل ابتسامه جانبيه : ماوصلت مكان لكن تصدقين عمري ماسألت نفسي اذا احبه او لا حور : انتي مرتاحه وياه منايل : حور تصدقين كذا مره طقني حور فتحت عيونها : طقــــــج لـــيش منايل : دايم اقوله انت مورجال شلون ترضى على نفسك تعيش ويا وحده كارهتك حور شهقت وحطت ايدها على حلجها : منايل انتي جنيتي شلون تقولين له هالكلام حمدي ربج ماذبحج منايل : مادري هو يقهرني وانا ماعندي اللي الكلام وابي اقهره حور : بس هالكلام قوي وماينقال منايل : انا ماقدرت اتأقلم ويا العيشه وياه يمكن عشاني كنت مغصوبه على هالزواج حور : انتي ماتبين تتأقلمين على العيشه وياه وحطيتي هالفكره برأسج صح منايل بتعب : يمكن بس تبين الصراحه بندر رجال بكل ماتعنيه الكلمه حتى لما تفلت اعصابه ويمد ايده يندم ويعتذر حور : ماجاوبتيني تحبينه منايل ضحكت باستهزاء : ههه شالفايده اصلا انا وياه بننفصل بعد كم شهر حور انصدمت : تنفصلـــوووون ليـــش منايل بدت تسرد لها الاحداث : صارت سالفه وخذاني للمزرعه ومنه كلمه ومني كلمه وقلتله كلام قوي فلتت اعصابه وطقني لما اغمى على وبعدها على طول رحنى مكه والطايف وقال اللي تأمرين فيه بيصير قلت له ابيك اطلقني قال خلاص بس خليه على الاقل تمر سنه او عالاقل ثمان شهور على زواجنا وبعدين بيصير اللي تبين قلت له ليش مو الحين قال مابي اعطي مجال الناس مجال يتكلمون فيج ومن هذاك اليوم لي هاليوم وكل واحد فينا يتجبنب الثاني حور : طيب ماسألتي نفسج ليش ماطلقج اول ماطلبتي الطلاق منايل هزت كتوفها : لا حور : لأنه شاريج ووده المده تطول بينكم على امل انكم تتأقلمون ويا بعض منايل انتشاها الفرحه : يعني تهقين انه يحبني حور : اذا هو شاريج يعني يحبج منايل سرحت بفكرها : فيه شي ابي اتأكد منه اذا تأكد من هالشي راح اغير مجرى حياتي ويا بندر حور ابتسمت بحب : اقدر اعرف هالشي منايل ابتسمت وهزت كتوفها : مو الحين اذا تأكدت قلتلج حور بحب : الله يوفقج ويسعدج منايل اثلجت صدرها دعوة حور : اجمعيـــن ياحياتي صباح يوم جديد " ام سند اتريق ويا سند ولدها في قصرهم الفاخر " ام سند صبت حليب لولدها : بتروح الشركه يمه سند خذا قلاص الحليب : أيه يمه بغيتي شي ام سند : اي يمه بغيت اكلمك بموضوع سند بحب : تفضلي يالغاليه اسمع ام سند : البارحه شفتلك وحده من البنات نفس الشروط اللي تبيها عاقله ورزينه وفوق هذا مزيونه سند بعد اهتمام : مايهمني اذا مزيونه أو لا أهم شي عمرها مابي وحده مراهقه اقعد اعلم فيها ام سند : من هالناحيه تطمن سألت عن عمرها بحدود 28أو 29 يعني ناضجه وعاقله سند بدى يهتم للموضوع : ومن بنته هذي ام سند بسعاده : بنت حسين ال(....) سند برضا : ونعم اخت بندر ام سند : اي اخته سند : خلاص خير وبكره بنروح نخطب واذا صار نصيب مابي حفله وخرابيط ابي بس ملكه وعشا وخلاص ام سند استانست انه واخيرا وافق : ابشر باللي تبيه خلاص انت كلم عمك بوسعود وروح انت وياه واخوانك اخطبوا واذا تم كل شي انا بقول لجدتها عن رغبتك بأن يتم الزواج بأسرع وقت وانك ماتبي حفله سند وقف : خلاص تم يلا الحمدالله انا شبعت بروح لشركه ام سند تنفست براحه : بحفظ الله يمه سند" نبذه بسيطه عنه ( رجل نظامي عملي لابعد حد عمره35سنه ماسك كل الشغل بشركات ابوه امابالنسبه لشكله طويل شكله مقبول جسم رياضي بشرته حنطيه ) بتعرفون على باقي شخصيته في احداث القصه " بعد اسبوع " تمت الخطبه نوير وافقت على سند وتحدد موعد الملجه بعد اسبوعين " دخلت منايل غرفة العنود ونوير وهي فرحانه لنوير : كلولولولويش ألف الف مبروك (باست خدها ) نوير ضاعت جرأتها بالكلام وكساها الخجل : الله يبارك فيج العنود ومنايل طالعوا بعض وبطوها ضحكه : ههههههههههههههاااااي نوير باستغراب : وجع إشفيكم العنود تمسك ضحكتها : ابد مافينا شي بس شكلج روعه وانتي مستحيه منايل تمسح دموع الضحك : صراحه ماتوقعناج بتستحين من طاري العرس نوير خزتهم : ليش إشقالولكم عديمه احساس منايل بخوف مصطنع : لاتقعدين تخزين ماقلنا عديمه احساس بس جرأتج بالكلام عن الزواج توقعناج بتكونين صامده العنود شهقت : شلون نسينا منايل ونوير باستغراب : شنــــــــو العنود : نوير بتزوج بعد اسبوعين ومايمدينا نسوي شي نوير توترت : اي مايمديني اسوي شي منايل تحاول تطمن نوير : لاتحاتين بنخلص كل شي بنبدأ تسوق من اليوم بما انهم جابوا المهر خلاص العنود : بس اليوم بندر دوام وبيرجع متأخر مايمديه يودينا لسوق منايل ابتسمت : امممم خلاص موضوع السوق خلوه علي عطوني خمس دقايق وارد لكم خبر العنود ونوير هزوا كتوفهم باستسلام : طيب طلعت منايل من غرفتهم وراحت لغرفتها خذت تلفونها ودقت على بندر ~ بعد دقايق وصلها صوته : ألو منايل لازال ينتابها شعور التوتر كل ماكلمته بالتلفون : هلا بندر بندر بجديه : هلا منايل توترت زياده من جديته : امممم بندر نزرها : خير بغيتي شي منايل بعتب : اوف منك شوي شوي عشان اعرف اتكلم بندر ابتسم ابتسامه جانبيه على طريقه كلامها تنهد وقال : يلا اخذي راحتج اسمع منايل خذت نفس وبدت تكلم : اول شي مبروك خطبه نوير البارحه نسيت مابارك لك بندر ابتسم : الله يبارك فيج منايل : ثاني شي انا الصراحه داقه عشان اقولك نبي نروح السوق عشان نبدأ نجهز نوير تعرف مافيه وقت بندر استانس على اهتمام منايل بتجهيز نوير : إن شاءالله اذا رجعت من الدوام وديتكم منايل : بس انت بتأخر وبترجع من الدوام تعبان وتعرفنا يالحريم حوسه بالسوق بندر حس ان وراها شي : والمطلوب منايل : يعني انا اقول لو نروح ويا واحد من سواويق اهلي أنا والبنات نتسوق ونحاول نخلص الشغلات المهمه بندر يحك لحيته : والمطلوب مني اوافق صح منايل حست انها توهقت : انت كريم ونوير تستاهل تعرف مافيه وقت بندر فكر فيها وشاف ان الوقت حيل ضيق : عشان مافيه وقت راح اسمح لكم بس بشرط منايل طارت من الفرحه ماتوقعت يوافق بهالسهوله : انت تأمر بندر : حدكم لي الساعه 8 مافيه تأخير منايل : ولا يهمك الساعه 8 بنكون طالعين من المجمع أي اوامر ثانيه بعد بندر : كل شوي بدق عليكم ردي لاتحطين تلفونج صامت منايل : إن شاءالله بندر يشوف الاوراق اللي قدامه : أي مجمع بتروحون منايل : بنروح للافنيوز واذا امدانا ودنا نروح نخيط لها كم دراعه بالعربيد بندر : روحوا اليوم للافنيوز وانا بكره الصبح اوديكم تخيطون لها دراريع والعصر بعد بوديكم بكره ماعندي دوام منايل : ماتقصر عساك ذخر لخواتكم بندر حب يحرجها : بس لخواتي منايل انحرجت : عساك ذخر للكل بندر : انتي من ظمن الكل وإلا لا منايل انحرجت وغيرت السالفه : بندر نسيت ماقولك ترى الاسبوع الجاي اهلي بيطلعون للمخيمات بالبر بروح وياهم زين بندر للحين مصر : لاتغيرين السالفه وقوليلي انتي من ضمن الكل منايل بحنان قالت : عساك ذخر للكل وانا اكيد من ضمنهم بندر استانس وتنفس براحه : اي هذا الكلام السنع منايل انحرجت: يلا اخليك مع السلامه بندر : بحفظ الله ~~~ مر الاسبوع وكانوا البنات نوير ومنايل والعنود بشكل يومي فالسوق يجهزون لعرس نوير شروا العطور والمكياج وخيطوا لها كذا دراعه وشروا لها بدل يعني قطعوا شوط كبير " ~~ يوم الخميس الساعه 6صباحا " الجو قارص البروده " الوجهه للمخيمات في بر منطقه الجليعه ~ السيارات جاهزه وناطرين وصول الخاله سعاد وعيالها " حور ومنايل لازقين في بعض وكل وحده ماسكه الثانيه يحاولون يدفون بعض واقفين عند السياره ينطرون الخدم يحطون الاغراض عشان يركبون " حور متجمده من البرد : حده برد ماخليت شي مالبسته بس برد منايل لزقت نفسي بحور اكثر : اي حيل برد درجه الحراره 5درجات مئويه في هالحظه جاهم سعود : صباح الخير منايل وحور بصوت راجف : صباح النور سعود ابتسم على شكلهم وهم لازقين في بعض : اشفيكم ماركبتوا السياره عن البرد منايل تشد على جاكيتها الفرو : هذولا للحين يحطون الاغراض (دق تلفونها واستأذنت) عن اذنكم حور وسعود : اذنج معاج التفت سعود على حور بعد ماراحت منايل : هاه برد حور شدت على شالها الصوف : أي حيل برد ابتسم وفصخ جاكيته : البسيه يدفيج انا ماحس بالبرد حور انحرجت : لالا مايحتاج الشال يكفي خل جاكيتك عليك سعود ماهتم لكلامها وحط جاكيته على كتوفى حور حست بالاحراج وعلى طول جت بتشيله لكن قاطعها سعود بصرامه : والله ماتشيلينه خليه يدفيج حور بتبرير : سعود بس انا مو بردانه مابيه سعود ابتسم ابتسامه جانبيه: بس انا قلت خليه حور رفعت حاجبها : يعني غصب سعود توسعت ابتسامته : لا رضا حور حست بالاحراج وغيرت السالفه : خالتي سعاد تأخرت سعود شاف ساعته : دقيت عليها قالت جايين بالطريق |
حور سكتت تمت اطالع فالارض
ولاحظ سعود سكوتها قال بحنان : حــــور رفعت راسها وجات عينها بعينه بدون ماتكلم سعود بدون مقدمات : اتزوجيني حور حست بحراره وبروده احراج على صدمه حاولت اتحرك لكن رجولها مااسعفتها كل اللي قدرت تسويه انها نزلت راسها وتمنت الارض تنشق وتبلعها مد ايده سعود ورفع راسها وهو يعيد الكلمه : تتــــزوجيني حور " يالله مو وقتج يارجولي تحركي امشي شموقفج ياربي هذا إشفيه مو لهدرجه جرأه شاللي خلاني اتكلم وياه وينج يامنايل الحقي علي " للحين منصدمه من طلبه ومانطقت بولاكلمه " سعود فلت شعوره : اسف على جرأتي لكن ابيج تعرفين اني شاريج ولو سألتيني ليه انا متمسك فيج بقولج ان انتي الحاجه الوحيده اللي احتاجها حور يالله قدرت تنطق : سعود الله يخليك اسكت سعود تجاهل طلبها وكمل كلامه : اعترف اني فالبدايه كنت احتقرج لكن رغم احتقاري لج كان بداخلي شي يدفعني لج لكني ماتوقعت ان هذا الشي تمادى لين وصل للحب حور انا مااتخيلج تكونين لغيري ولا حتى ابي اتخيل هالشي حور" يالله هذا إشفيه اليوم خلاص احس بيغمى علي اذا هو يحبني مره انا احبه ألف استمر سعود في كلامه : انا مستعد انتظر لكن لاتطول المده لان مافيني صبر بس ابيج توعديني تكونين لي حور خلاص وجهها حمر ورغم برودت الجو إلا انها تحس بحراره موطبيعيه تمت منزله راسها وساكته تنهد سعود وقال بصرار : اوعدينــــي حور ماقدرت تنطق بأي كلمه سعود حس بحراجها وانها لايمكن اتكلم : خلاص لاتكلمين بس هزي راسج بالإجاب اذا انتي توعديني وانا بفهم ولاراح احرجج اكثر على طول بمشي حور تحاول تأخذ نفس وتقوي نفسها واتكلم لكن ماطلع الكلام سعود بتوسل : حور اوعدينــــي اوعدينــــي حور اخيرا قدرت تهز رأسها بالإجاب سعود طار من الفرحه واستهل وجهه بالابتسامه وعلى طول مشى ماحب يحرجها زياده اما حور اول ماشافته ابتعد تنفست الصعداء اول مره تحس ان حتى نفسها صار صعب اتحكم فيه من الاحراج حست خلاص جسمها كله خدر ~ اركبت السياره الفان واستوعبت ان جاكيته للحين موجود على اكتافها وخرته وحطته بحضنها واستنشقت عطره شعور جميل تحس فيه تحس كأنها طايره فالسما اعترافه لها بحبه واصراره على انها توعده تكون له عمرها ماتخيلت إنه بجي يوم ويقول سعود هالكلام " ماحست بمنايل إللي ركبت السياره كانت تقلب بالاشرطه : امممم حور تبيني احط شريط معين حور لايوجد رد منايل لاحظت سرحانها وصرخت عليها : هــــااااي قاعده اكلمج حور انقزت : هاه شنو إشتبين منايل بلعانه : وين كنتي سرحانه حور : ولا مكان منايل ارفعت حاجبها وطالعت الجاكيت اللي بحضن حور : علينا هالكلام يلا يلا اعترفي كنتي سرحانه بالجاكيت وإلا صاحب الجاكيت حور طالعت الجاكيت وعلى طول حذفت على الكشن : منالوه بلا سخافه زين منايل ضحكت على شكل حور إللي بين عليها الإحراج : هههههههههاااي ماشي ماشي لكن مصيري راح اعرف حور طنشتها وقعدت اطالع من الدريشه شغلت منايل أغنيه فيروز شافت مرت خالها ام سند وصلت ونزلت من السياره راحت تسلم عليها " اما حور اندمجت ويا الاغنيه وكانت عايشه جو وتغني ويا الأغنيه " رجعــــت الشتويه ضــــل افتكر في رجعــــت الشتويه ياحبيبي الهوى مشاوير وقصص الهوى مثل العصافير ماتحــــزن ياحبيبي اذا طارت العصافير وغنيه منسيه ع دراج السهريه رجعــــت الشتويه ياحبيبي الهوى غلاب عجــــل وتعا السنه ورا البــــاب ولو فيي بعيني بخبيك بعيني رجعت الشتويه ضل افتكر في ضل افتكر في رجعت الشتويه منال كانت فاتحه باب السياره واطالع صديقتها اللي مندمجه بالأغنيه ولاحتى انتبهت لوجودها : ياعيني ياعيني حور نقزت : بسم الله خرعتيني منال ابتسمت وركبت جمب حور وباست خدها : بسم الله عليج من الخرعه حور : متى جيتوا وينكم تأخرتوا منال : تونا يايين حور : متى بنمشي منال : ينطرون بورغد واهله الحين تلقين المايعه رغد إللي مأخرتهم حور : ريما وأمها جاو منال : ام سعود تقول بيون ويا بورغد واهله ترى ام سند وصلت سلمتي عليها حور : لا يلا امشي ننزل اسلم عليها وعلى خالتي سعاد نزلت حور ومنال سلمت حور على خالتها سعاد وام سند " في هالوقت وصلوا البقيه وركبوا الجميع السيارات كانت 6 سيارات سعاد وام سند وام سعود ويا سند " وام رغد وبناتها وزوجته وعذاري وام ريما ويا بورغد "بوسعود يسوق الفان كانوا وياه خالد والبنات منال ومنايل وحور وريما ومنار ونرجس " اما سعود كانوا حاطين نص الاغراض بسيارته " والنص الثاني بالفان وبسيارة سعد " اما السياره السادسه كان فيها الخدم يسوقها السايق " حركة السيارات متجه لمنطقه الجليعه ~ بالسيارة اللي يسوقها بوسعود " نرجس ومنار قاعدين فالكشن الاخير" نرجس تساسر منار : اشوا العله سامي ما يا منار : اي فكه خلينا نفتك من شره قطيعه نرجس : ماتلاحظين شي منار : شنو نرجس : ريما صايره تقعد ويانا يالبنات وتسولف خاصه ويا حور منار : اي تكسر خاطري هالبنت ــــ ــــ ــــ ــــ ــــ ــــ كيــــف اموتك جر وأحيــــابك جروح " كيــــف ألمك شوق وارجــــع انثرك " كيــــف اصور للجسد نــــزعات روح " كيــــف أنامك ليل وارجــــع اسهرك " المحــــاجر ملحها ملــــح يفوح " والحنايــــا قسوته من سكــــرك " الجو في سيارة سعود غير كان ممتلي فرح وسعاده سعود في هاليوم يحس نفسه مولود من جديد من بعد ماخذا الوعد من حبيبته حور " طرى على باله شكلها وهي مستحيه وابتسم بحب وهو يتمتم : أحبها أي والله احبها ولا ابي غيرها قطع صوت تلفونه خلوته تنرفز من المتصل : انت دايم وقتك غلط نايف رايق : أولا صباح الخير سعود : صباح النور هاه وإللي بعده نايف : ياخوي إشهالنفس الشينه الله يعينك على نفسك ترى محد متحملك إلا انا فأحمد ربك اني متنزل ومتصل عليك سعود ابتسم : ابوك يالثقه المهم وينك نايف يتمطط : والله للحين مابعد قمت من فراشي سعود : اخلص خل الكسل عنك وتعال انت وعمتي نايف : ياخوي برد يكسر العظام ان جيتكم بجيكم الظهر سعود يغريه : بطوفك شبت الضو (النار) والقهوه والقرص والعلوم الزينه نايف : لاتحاول إلا يازين النوم في فراشي الدافي سعود : انت الخسران نايف : إلا اقول ولد خالك المسيو راح معكم سعود ضحك : هههههههه قصدك سامي هذا وين والبر وين تدري ذاك اليوم بغيت ارتكب فيه جريمه نايف : الله يأخذ عمره هو وسلاسله وش سوا بعد سعود زاد ضحكه : ههههههههه اسمع ياطويل العمر جايني يقول عندك وسكي في ثلاجة الدوانيه نايف عصب : أنا ولد ابوي ماعاد استحى تكفى ماعطيته كف سعود مستمر بالضحك : ههههههههههههههههه نايف انت صاحي هو بزر عشان اعطيه كف نايف : اجل إشسويت سعود : عطيته كم كلمه نقدته على عمره خلا الدوانيه بكبرها وذلف نايف : ياخي اخوانه مايعلمونه مايتفشلون منه سعود : عجزوا فيه هو متعود على هالشي ويشوف ان اللي يسويه حريه شخصيه نايف : ليته انثبر في امريكا ماجا من جا وهو على كل لسان فضحنا سعود : يانايف لاتلومه امه مربيته على هالشي وكان يشوفها تشرب قدامه وخالي الله يرحمه قصر حيل في تربيته مارباه على الصلاه وطاعه الله ماعلمه الحلال من الحرام بالعكس اذا شافه يسكر يقول بكره يكبر ويتعلم اذا شافه يجيب البنات وينومهم عنده يقول طيش شباب نايف : لاحول ولاقوة إلا بالله الله لايبلانا ويصلحه ويهديه سعود : هو يحب ابوي وحتى يستحي يشرب قدامه نايف : الا اقول انتبهوا على بناتنا منه سعود ضحك : ههههههه البنات إللي عنده مكفينه وزياده بعدين هو متعود على ان البنات يركضون وراه يعني غرقان بنات نايف : والله والكوبه سعود : وبعدين انا رايق وجوي رايق وجيت انت خربت علي بسوالفك التافهه نايف : الله الله نقدر نعرف من السبب فالروقان هذا كله سعود : ماهوبشغلك نايف بلعانه : لابس حبينا نشكره سعود : اقول انت مطول نايف فهم عليه : مايحتاج تصكر بوجهي سعود ابتسم : يلا مع السلامه نايف يبي ينرفزه : إلا ماقلتلي سبب الروقان واحد وإلا وحده سعود : انت ماينفع معك إلا التصكير فالوجه نايف يضحك : ههههههههاااي مع السلامه مع السلامه (صك الخط قبل لايصك بوجهه سعود ) ابتسم سعود وحط السي دي وسرح مع قصيدة محمد ابن فطيس " ماكني اعرفه ولاكني ابغيه" وأنا عليه من أمه احب واجرى" ياكثرها تسليمه يوم الاقيه" لي عين تكتب له وله عين تقرى " وإن حل طاريه تجاهلت طاريه " ماكني ادري عنه وانا به ادرى " بسكات يغليني وانا حيل مغليه" لاتلفون ولامواعيد غدرى" يصون ودي عن عذوله واحاميه" وانا عليه احجى من القلب واذرى" حب(ن)عفيف والصراحه سواقيه" في وقتنا ماظنتي قد يطرى " لاأسولف بحبه ولانيب كانيه" وغيري لو إنه يوالفه كان هذرى " احشم قريبه حشمة له واداريه" وأخشى يجي في خاطره شي وادرى" """ البنات بعد ماتغدوا قعدوا يلعبون لعبه الصراحه ماعدا عذاري ورغد إللي كانوا شايفيين نفسهم وقاعدين على الكراسي يتساسرون ويضحكون بروحهم " رغد وعذاري بصوت عالى : وااااو ســــام (اشروا له بيديهم) ريما ابتسمت : اوه ياحليله سامي جاي صوبنا منار ونرجس من شافوه جاي صوبهم وقفوا يبون يدخلون الخيمه مالهم خلق له وفي نفس الوقت خافوا لايسوي لهم شي " رغد على طول ركضت صوبه وسامي بدوره فتح إيده وحضنها منار ونرجس حطوا ايديهم على حلوجهم منصدمين شهقوا بصوت عالي : ابيييييييييه حبتــــه نرجس للحين منصدمه واتكلم بصوت عالي : منــــور شفتيهم مايستحون حبتــــه رغد تفشلت بس سوت نفسها مو مهتمه : كيفي ولد خالتي سامي طالعهم باستغراب : خير فيه شي منار ونرجس يطالعونه ناقدين عليهم عذاري مدت ايدها : هلا سام شخبارك اشتقنالك سامي ماسك ايدها : اهلين عذوره قامت ريما ومنايل وصافحوه وقفوا يسولفون البنات ويا سامي شوي بعدين راح لرجاجيل " منال تهاوش منار ونرجس بصوت واطي : يابقره انتي وياها بالطقاق لمته حبته بالعنه هذا الشي عادي عندهم نرجس للحين مصدومه : شفتيها الوسخه منار بنفس الصدمه : أي ماتستحي وهو بعد مايستحي حور نرفزوها : خلاص انتي وياها مالكم شغل فيهم منار مستمره بالكلام : حور شفتيها لمته ودار فيها بعد حور خزتها : انا عميا ماشفت خلاص ادري شفتهم بالطقاق منار : يوه حور ليش معصبه حور تأففت : أوف مو معصبه بس حركتكم تنرفز شدخلكم فيهم هذا الشي عادي عندهم نرجس : لاتلومونا انصدمنا يعني اول مره نشوف لقطات مشفره على ارض الواقع منال : خلاص غيروا السالفه البنات ياوا ــــ ــــ ــــ العنود منسدحه على القنفه : اوف تعبت تكسرت رجلي من السوق لابارك الله فيه نوير تمشط شعرها : اوف مابغيت اخلص خلاص فكه خلصنا كل شي العنود : اي اشوى هالمعرس مرجوج اول مره اشوف احد يتزوج بأسبوعين نوير تنهدت وقعدت قبالها : العنود انا خايفه من هالعرس العنود عدلت قعدتها وحطت ايدها على يد اختها : ليش إشفيج شاللي مخوفج نوير بيأس : هذا الرجال ماعرفه وعايش بامريكا وحتى حفله زواج مايبي العنود اطمنها : حبيبتي هو كيفه بس حنا بنسوي ببيتنا حفله وبنرقص وبتنزفين على اغنيه ولاعلينا منه نوير بحزن : احس اني استعجلت العنود تحاول تطمن اختها : بعدين يالخبله شعور الخوف والقلق شعور عادي كل عروس تحس فيه نوير متردده : انا خايفه العنود بغشمره : لاتخافين ولاشي من يشوف زينج بتضيع علومه نوير ابتسمت : الله لايخليني منج العنود ردت لها الابتسامه : ولا منج """ البنات ركبوا بقيات ماعدا حور اللي للحين تحس بعوار ببطنها بين فتره وفتره "كانت قاعده على كرسي اطالعهم وتضحك على اشكالهم وهم يقحصون " وفي نفس الوقت سامي راكب بانشي ويطالع من بعيد واستقل انشغال الكل في نفسه وشاف منار بعيده عن البنات وواقف البقي فيها " استقل الفرصه واتجه لها طيران وبنيته الشر " منار نزلت من البقي تحاول تشغله بس مافيه فايده : اوف وقته يخرب الحين شلون ارجع للمخيم طلعت تلفونها من جاكيتها تبي ادق على نرجس : لاااا الشحن خالص حــــده مو وقته اوف شافت شخص راكب بانشي جاي صوبها وطاح قلبها ببطنها : يمه منو هذا وجعلنا من بين أيديهم سدا ومن خلفهم سدا فأغشيناهم فهم لايبصرون بدا يقرب الشخص ووضحت ملامحه لمنار اللي من عرفته زاد خوفها سوت نفسها قويه وراحت تمشي جهت مخيمهم سامي وقفها : وقفي منار ماهتمت له كملت مشي سامي حدها ووقف قدامها : ارجعي للمكان اللي قلتلج فيه وقفي منار تخصرت : انت إشتبي سامي بصرامه : اقولج ارجعي منار بعناد : ماني راجعه سامي بتحدي : بترجعين غصب عنج منار خافت وتمت اطالعه وساكته سامي نزل من البانشي وقرب منها بحيث صار مقابلها ومابينهم الا مسافه بسيطه منار خافت من قربه وتراجعت للخلف سامي صرخ عليها : ويــــن إيدج اللي حذفت علي الطابوقه منار خافت وبحركه عفويه خشت إيديها الثنتين ورا ظهرها : انت إشتبي سامي بعصبيه : ابي اكسر الايد اللي انمدت علي منار طاح قلبها لكن انتشتها القوه من شافت نرجس جايه صوبها قالت بثقه : مابعد جابته امه إللي يبي يكسر إيدي سامي انصدم من ثقتها وزادت عصبيته : لاتحــــدين تراني سامي اللي في راسي بسويه منار بتحدي : ههه وخير ياسامي واحد من البشر مخلوق من طين مثل باقي البشر سامي جن جنونه : لاتراددين لاتخليني افرم وجهج منار شافت نرجس قربت منهم واضمنت انه مايقدر يمد إيده وفي نفس الوقت تبي تقهره زياده صفقت بإيديها : بصراحه اهنيك على رجولتك وعضلاتك إللي ماتطلع إلا على الحريم سامي زادت عصبيته ورفع إيده يبي يصطر منار لكن استوقفه الصوت إللي جا من وراه نرجس من شافته رفع ايده صرخت : لاااااااا سامي التفت شاف نرجس ونزل إيده نرجس : منور صاير شي منار عطت سامي نظره من فوق لي تحت ومرت من جنبه ركبت ورا نرجس وقالت بنبرة استهزاء : ابد بس حب يجرب عضلاته نرجس اول ماخلصت منار كلامها حركت وماعطت سامي مجال انه يرد اما سامي زاد غيضه وشات تاير الباشي برجله وهو يلعن ويسب : والله ماخليها بنت اللذينا تحط راسها براسي ظلم الوقت ورجعوا البنات للمخيم " راحوا لخيمه الحريم " منار : نرجوسه انا بروح للخيمه إللي فيها اغراضنا ببدل ملفعي واشحن تلفوني نرجس : خلاص اوكي اذا خلصتي تعالي انا بروح لخيمه الحريم منار : خلاص زين راحت نرجس لخيمه الحريم ومنار توجهت للخيمه المقصوده وماانتبهت لشخص إللي كان واقف يكلم بالموبايل عند سيارته" دخلت الخيمه " فصخت عبايتها وملفعها فتحت الهاند باق ادور لها ملفع ثقيل سامي استغل وجود البنات بخيمه الحريم وشاف منار راحت للخيمه البعيده شوي عن خيمه الحريم بروحها" وبدون تردد دخل الخيمه منار التفتت بخوف للجهه اللي دخل منها سامي وانصدمت من وجوده بالخيمه سحبت ملفعها بسرعه وغطت شعرها وقفت بسرعه تبي تطلع من الخيمه لكن سامي كان اسرع منها سحبها من ايده وثبت ظهرها على الخيمه : يــــلا وريني إشبتسوين منار صدرها يطلع وينزل من الخوف والصدمه : وخـ ـــ ر عنــــــــي ياحقـيـ ــر سامي بلعانه قرب جسمه من جسمها ووجهه من وجهها منار رفعت رجلها ورفسته بكل قوه على المنطقه الحساسه خلته يطيح ويلتوي على نفسه وهو يقول : جــــدا عنيفــــه منار ركضت برا الخيمه لاهي طيبه ولا الطيب حولها جسمها يرجف وشعور غثيان اتجهت للحمام واستفرغت كانت تستفرغ بصوت عالي وتأخذ نفس وترجع تستفرغ ريما كانت جايه للحمام وسمعت صوت الاستفراغ وباب الحمام كان مفتوح : منار إشفيــــج منار تحاول تكون طبيعيه بصوت مبحوح : ابي ماي لوسمحتي ريما : إن شاءالله إن شاءالله راحت ريما جابت قلاص ماي ريما بإيدها الماي : هاج منور شربي ماي منار غسلت وجهها وطلعت من الحمام خذت الماي : مشكوره ريما بقلق : شلونج الحين احسن منار : اي احسن شكله دخلني برد ريما : تبين تروحين لطبيب منار : لامايحتاج الحين بقول للخدامه تسويلي عصير ليمون وبصير احسن بس ولاعليج امر نادي نرجس ريما برحابت صدر ابتسمت : إن شاءالله ريما نادت نرجس إللي جت على الفور وقالت لها منار إللي صار وكانوا ناويين يروحون لابوسعود يخلونه يوقف سامي عند حده لكن تراجعوا بأخر لحظه " بعد مرور اسبوع " تم العرس " دخلوا المعاريس جناحهم الخاص في القصر " نوير كانت أيه فالجمال ترجف ميته من الخوف وزاد خوفها سند اللي حتى ماساعدها على المشي على الدرج كان يمشي قدامها ولا مهتم لوجودها " قعدت نوير على الاريكه وهي صاده عنه وكارهه وجوده سند فصخ بشته : روحي للغرفه بدلي نوير العبره خانقتها بروحها خايفه ومرتبكه وهذا زاد الطين بأله بنفسه الشينه وقفت بدون ماتكلم راحت للغرفه تبدل " ألبست قميص حرير ابيض طويل عليه روب قعدت تفك تسريحتها فتحت الباب بدون استأذان خلها تنقز من الخرعه وبدون أي مقدمات خذا حاجته منها وكمل سهرته برى البيت" تاركها لوحدها وهي عروس بليله عرسها وكأنه ماخذها بس عشان يشبع رغباته حتى كلمة مبــــروك ماقالها " انتهــــى البارت قرائه ممتعه اتمناها لكم وانتظر ردودكم " |
يعطيكي العافيه يامبدعه بارت روعه وانشأ لله رغد وسامي مايسون لمنار شي واتمنى فواز ما يخرب علي سعود وحور ودمتي يامبدعه
|
تغلق لتاخير
|
رد: الله يسامح غلاك ويقطع الحاجه
تنقل ﻷارشيف لعدم اكتمالها
....... |
| الساعة الآن 10:45 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية