|
إلى من يهمها أمري ؟
قبل البـــــــــدايه سأحشوا مسدس تفكيري .. بصورك وسأطلق نارها علي جميع النساء في ذاكرتي .. إلى الفناء يا نساء فـ إن حبيبتي الجديدة تريد رجلاً جديداً .. تريد قلباً جديداً تريد رجلاً في الثلاثين ويحبها كـ المبتدئين سعدعلوش على طريق البداية ... http://www.liilas.com/vb3/t162522-4.html نهاية البداية ... http://www.liilas.com/vb3/t162522-8.html الجزء الأول... http://www.liilas.com/vb3/t162522-11.html الجزء الثاني ... http://www.liilas.com/vb3/t162522-13.html[/B] الجزء الثالث ... http://www.liilas.com/vb3/t162522-15.html الجزء الرابع ... http://www.liilas.com/vb3/t162522-16.html الجزء الخامس ... http://www.liilas.com/vb3/t162522-17.html الجزء السادس ... http://www.liilas.com/vb3/t162522-19.html الجزء السابع ... http://www.liilas.com/vb3/t162522-21.html الجزء الثامن ... http://www.liilas.com/vb3/t162522-23.html الجزء التاسع ... http://www.liilas.com/vb3/t162522-25.html الجزء العاشر ... http://www.liilas.com/vb3/t162522-29.html الجزء الحادي عشر ... http://www.liilas.com/vb3/t162522-32.html الجزء الثاني عشر ... http://www.liilas.com/vb3/t162522-37.html الجزء الثالث عشر ... http://www.liilas.com/vb3/t162522-40.html الجزء الرابع عشر ... http://www.liilas.com/vb3/t162522-43.html الجزء الخامس عشر ... http://www.liilas.com/vb3/t162522-46.html الجزء السادس عشر ... http://www.liilas.com/vb3/t162522-49.html الجزء السابع عشر ... http://www.liilas.com/vb3/t162522-53.html نقطة التحول ... http://www.liilas.com/vb3/t162522-56.html#post2857795 الجزء الثامن عشر ... http://www.liilas.com/vb3/t162522-56.html#post2857795 الجزء التاسع عشر ... http://www.liilas.com/vb3/t162522-59.html الجزء العشرون ... http://www.liilas.com/vb3/t162522-64.html الجزء الواحد و العشرون ... http://www.liilas.com/vb3/t162522-67.html الجزء الثاني و العشرون ... http://www.liilas.com/vb3/t162522-70.html#post2888445 .. .. .. عند المقبره ابومحمد: أحسن الله عزاكم وجعلها خاتمه للاحزان يارب ابوخالد : جزاك الله كل خيرأقلط معنا للبيت ابومحمد : تكرم يابوخالد بس أنا عندي موضوع ودي أكلمك فيه والله أني مالي وجه ابوخالد:أفى يابو محمد تكلم وانا أخوك والكلام هذا موبينا حنا أهل ان شاء الله واللي في خاطرك قوله ولا يردك الا لسانك ابومحمد: يابوخالد صبي العود وش راح تسوون فيه ابو خالد : والله ما أدري انت عارف يابومحمد أنه مع ابوي من يوم هو صغير وانا مثلك خابر البيت كله حريم وصعبه أني أخليه في البيت عندي لانه وجوده راح يسوي مشاكل غير كلام الناس اللي ماحد يقدر يوقفه ابومحمد: مدام الوضع كذا انا عندي شور وياليت يابوخالد تطيعني فيه ابوخالد : ابومحمد شورك يمشي علي ياخوك حتى لو ماعجبني ابومحمد : تسلم والله انا يابوخالد أبي الصبي محتاجه ومثلك خابر انا ماعندي أحد يصب قهوتي ويعاين في ضيوفي ويباشرهم ويسوقبي أنا معاد في شدة لهذا كله وعلم أخوانك انا جاهز من الالف للمليون أبوخالد : انت يابو محمد ماترد بس الشور ماهوب لي لحالي خلني اشوف وش راح يقولون عيال العود وأرد لك خبر أبومحمد: اجل بينا اتصال ابو خالد صار ان شاء الله عبدالعزيز:أقول مؤيد انت تشوف اللي اشوفه مؤيد: وش تشوف عبدالعزيز: كل هذا عمى ماتشوف ابو محمد ماسك من اليوم في ابوخالد وموهوب راضي يفكه مؤيد : واذا يا اخي عادي تونا دافنين العود واكيد يعزينه عبدالعزيز: يعزيه امش بس اركب السيارة اقص يدي لو السالفه مافيها دراهم مؤيد: تصدق عاد أن تفكيرك محدود ياخي حس شوي ممدانا دفنا الوالدهرجت في الفلوس عبدالعزيز : بكره راح نشوف من اللي تفكيره محدود بعدالعزاء بثلاث ايام عبدالعزيز: فهد يافهد فهد : سم ياعمي عبدالعزيز: وعمى وين القهوة فهد: الحين اجيبها ياعمي بعد ماطلع فهد ابو خالد : ياعيال أنا عندي موضوع ابي اقوله لكم عبدالعزيز : بس اكيد موضوع أبو محمد ابوخالد :وش دراك من اللي نقلك الخبر علمني عبدالعزيز: تطمن ما حد قالي شئ بس شفته يكلمك عند المقبره واكيد أخذ من الوالد دينه ويبيك تصبر عليه وانت طبعا تبي توسط له عندنا صح كلامي والا لا ابوخالد: على هونك ياخي السالفة ماهي كذا مؤيد: أجل وش السالفه يابوخالد ابوخالد: السالفه ومافيها أنه يبي يشتري الصبي احساسي أني ذنب فعيـون اهلـك إحساسي بالإحسـاس ذا أبادنـي كنت منسدح عند افلام كرتون ومالي من الشيطان طاري لين ناداني الشايب الله يشيله اف هذا وقته ابوشيهانه : فهد يافهد وين رحت ياصبي فهد : نعم يبه بغيت شئ ابوشيهانه : كم مرة قلت لك لاتناديني يبه انت مهبول فهد: سم ياعمي انت تامر امر ابوشيهانه : فهد رح تحرى شيهانه برا يالله عجل فهد: ياعمي شيهانه توها اليوم عندها حصة رياده ماتطلع الا الساعة وحدة ابوشيهانه : فهد وانت اصلا وش دراك تبي تتاخر والا لا فهد: ابوي الله يهديك هي قالت لك على الفطور ابوشيهانه : فهد رح تحرى البنت برا ومابي هرج زايد فهد: ابوي بقولك شئ في خاطري بس ماتزعل علي ابوشيهانه : هذي والله النشبه صدق انت ماتفهم ياصبي فهد: يبه ليه مادرستني مثل شيهانه انا توني صغير عمري عشر سنين والمدير لاتوسطت عنده بيقبلني ابوشيهانه : يافهد كلمة ابوي لاعاد اسمعها منك خص قدام العيال وشئ ثاني احفظه واجتهد فيه زين القهوة هي تعليمك ولاعاداسمع طاري تفهم والا معكازي يعلمك فهد: افهم ياعمي طلعت برا انتظر ست الحسن والدلال واشيل شنطتها لانها ثقيله عليها واخيرا وصلت فهد: شيهانه عطيني شنطك اشيلها شكلها ثقيله شيهانه :..................... فهد: شيهانه جبتي لي حلاو من المدرسه شيهانه : .............. فهد: شيهانه ليش ماتردين علي شهانه : انت ماتفهم مابي اكلمك وخر عني فهد: ليش وش سويت شيهانه : يبه.. يبه ابوشيهانه : سمي يبه انا بالمجلس رميت الشنطه وبعصبيه شيهانه : يبه وش يشتغل فهد عندنا ابوشيهانه : فهد يصب القهوة لضيوفي ويباشرهم شيهانه : يعني ويش ابو شيهانه : مافهمت يعني ويش شيهانه : يبه تكفي لاتزهقني فهد ماهوب صبي عندك ابوشيهانه : الا ليش تنشدين شيهانه : ياربي صبرني يعني وش يناديك ابوشيهانه : يناديني ياعمي شيهانه : الحمدلله ياربي قله يناديني عمتي لان صبيك صبيي ابوشيهانه : بس كذا فهد لاعاد تنادي شيهانه الا عمتي جاك العلم والا لا خلاص انا ماتوقعت اسمع الكلام هذا من شيهانه وكنت مستبعد اني انحط في هالموقف ماسلمت من سعد وعبدالعزيز تجين انت ياشيهانه شيهانه: يبه خل الصبي يصب لعمته قهوة ابوشيهانه : لا وانا ابوك البنت اللي بعمرك ماتشرب القهوة عيب شيهانه : يبه اتصل على سعد يجيب بناته ابي العب معهم ابو شيهانه : العبي مع فهد والا خليه يحط التلفزيون الك على اللي تبين شيهانه: يبه عمرك شفت عمة تلعب مع صبيها ابو شيهانة :ههههه لا ماشفت خلاص بدق لك على سعد يجيب بناته والشكوى لله شيهانه: يبه ليش اخواني يقولون لسعد ابو خالد وهو ماعنده اعيال عاذرك لا ضقت يا قلب الخطا و الهاله أسجد بعوج المحاني و أدع ربك وأرجه حالتك من حيلتك يرثا لها من حاله كل منها سقتها مصلوبه و منعرجه سمعت كل شئ من ورى باب المقلط وماقدرت اعترض عبدالعزيز: وش يبي في ورع عمر اثنعشرسنه وش حاجه فيه ابوخالد: ابد مثل ابوكم يبيه يصب قهوته مؤيد: السالفه هذي مالي دخل فيها احد يبيع ابن ادم عبدالعزيز: انا ماني موافق خلو الصبي في البيت يعاين فيه ويداريه ابوخالد: ياعبدالعزيز الرجال دافع في الولد مليون المبلغ ماهوب بسيط والبيت حطلك هندي فيه بست ميه ريال وش قلت عبدالعزيز: المبلغ والله ماهوب بسيط ويبي من يراجع فيه مرة وثنتين وثلاث ابوخالد: اسمعوا لاصملتوا من الحين اعلمكم ترى قسمي لشيهانه مؤيد: وانا مثله مابي شئ من السالفه هذي عبدالعزيز: لاوالله انا ابي وابي هذي فلوس ماهيب لعبه واختفت احلامي احسب اني بموت العود بعيش مثل الاوادم بس شكل العبوديه وراي وين مااروح مالي حل الا مؤيد هو الوحيد اللي راح ينقذني بس كيف لازم اتصرف انا طفشت من عيشتي |
السلام عليكم ورحمة الله وبركاته..
بدايه رهييييبه أخوي قمم.. من جد فكره جديده..وطالعه مع إسلوبك وطريقة سردك لللأحداث بشكل ولا أروع.. قصة فهد غريبه عندي إحساس إنه له علاقة قرابه بأبو شيهانه أكثر من إنه صبي عنده.. وأتوقع أبو محمد عارف بقصته.ويبي ياخذه ويعتقه.. عبدالعزيز ماحبيت شخصيته أبد..ينرفز وبقوه.. أما مؤيد حسيته حبوب ومتفهم ويخاف الله.. أبو خالد مافهمت شخصيته إلى الآن.. وشيهاااانه ترفع الضغط..ههههه<<<مالقيت لها تعبير أحسن من كذا.. الله يعطيك العافيه وبإنتظار باقي الأجزاء بإذن الله... |
الفقر و الغنى ليس قرار يملكه المرء و عدم سعة الرزق ليس بيد المرء وان تستعبد الناس على فقرهم ليس بـ إنجاز لكن أن تخرج من دائرة الإستعباد فتضع أول خطواتك للإنتماء لهذا العالم الذي لا يعرف من الإنسانية إلا مالها هي بمثابة مجد لن يُزيله أحد ! عني , أتوقع لفهد نوتة عُمرية فاحشة الثراء فهو شخص هام أُخفيت هويته , لذلك تم تثمينه بهذا المبلغ ! بداييية موفقة , وملفتة ! وإن سمحت لي فضلاً ً لا أمراً أتمنى فقط تغيير الخط , فهذا الخط لا يشجعني للقراءة |
صراحه فكرره جديده وغريبه
ممكن يكوون لفهد قصه وماضي يعطيك الف عافيه اخوووي قمم وبداية موووفقه ... |
تسلم على الروايه وبدايه رائعه لقصه جديدة وغريبه بنفس الوقت .
فهد: الله يعينه كان متصور انه بموت العود انه بعتق وبيكون له مستقبل بس ابو شيهانه ماخلاه يدرس يبيه صبى عنده عندى احساس انه فهد له قصه وانه مو صبى بس العود خلاه عنده صبى علشان عياله مايدرون وش وراه . ابو محمد: شكل ابو محمد يعرف عن فهد وانه العود قايله له عنه وحب انه ياخذ فهد عنده على انه صبى بس بيكون لفهد مستقبل عند ابو محمد . شيهانه: وهذا وانت لسى طفله وعندك شوفت النفس والظاهر بيصير لس مواقف مع فهد اذا كبرتوا . مشكور على البارت الرائع وبانتظار البارت القادم بشوق |
السلام عليكم
بدايه موفقه اخ قمم فهد شخصيه مو عاديه واكيييد ان ابو شيهانه ماخذه لسبب قوي يمكن يحميه من شي وخلا صبي عنده لانه مايبغى يثير الشكوك عنه وابو محمد عارف بسالفته واتوقع انه بيعتقه شيهانه ترفقي شوي يالعمه والله شكل نظرتك عنه بتتغير لما يكبر ويمكن تتمنين نظرة منه فكره جديدة ورائعه انتظر الجديد بكل شوق |
السلام عليكم
مرحبا بك اخي الكريم القصة عجيبة صدك طبعا اقرة واني عيوني مفتوحة على الاخر بس اريد استوعب الفكرة بس والله ابداع الله يوفقك ننتظر توضيح الامور اكثر |
السلام عليكم و رحمة الله و بركاته مساء الخير و الرضا من الرحمن أخي قمم الأعالي ظلالي بداية موفقة إن شاء الله الفكرة اللي تدور عنها حولها القصة و هي الصبي و يكون سعودي شوي غريبة أخذت وقت لغاية ما استوعبت ... بس السؤال هل هو فهد صدق صبي , و لا هالمهنة مجرد غطاء على شيء خايف منه أبو شيهانة أنه ينكشف و أبو محمد له علم بالسالفة ... اللي واضح أنه فهد ساكن عند ابو شيهانة بس ليش أبو محمد طلبه من ابو خالد و أخوانه مؤيد و عبدالعزيز , ؟؟ و أبو شيهانة وش سالفته على فهد ما يبيه يناديه يبا , أكيد خايف من شيء كبير . هل ممكن يكون فهد ولده بس مو حاب يفصح عن هالشيء و خصوصا أنه مرخي الحبل لشيهانة باللعب و القعدة مع فهد حتى لو أعمارهم صغار ... ==================== بانتظار القادم لكشف المستور ... ... ... ... |
فكره جديده وبدايه غامضه اعتقد فهد محور الروايه وفيه سر يخلي ابو محمد يدفع هالمبلغ الكبير .
بدايه موفقه اخوي تستحق المتابعه . اتمنى لك التوفيق. |
السلام عليكم ورحمة الله وبركاته اخووي قمم بدااية راائعه ومشووقه فهد محوور الرواايه اعتقد ان له قصه مخفيها ابو شيهانه وخايف انها تنكشف وابو محمد يدري فيها والا ماكان دفع هالمبلغ واذا اشتراه بيعتقه او بيستغل هالشي شيهاانه لو كانت بجنبي كان علمتها كيف تشوف نفسها هالعمه المغروره المتكبرة تخميني انها لما تكبر بتتمنى انه يعبرها لو بكلمه خخخخ بانتظار البارت القادم يعطيك العافية |
قصة احداثها مبهمه
يلفها الغموض فكلنا نجزم ان لفهد قصه وحكايه رغم اختلاف القصص بداية موفقه لقصة جميله بانتظار باقي القصه |
السلام عليكم
بداية موفقة (فهد)شخصية يلفها الغموض و له سالفة كبيرة (ابو محمد) اكيد انه عارف قصته وما قرر ياخذه الاعلى شان يحميه وبنتظاركـــــــــــ |
_ قمّم ، : بدآيةةْ غريبــةة وتشّد آلقآرئ حتّـى لآ يششعر إلآ وهوَ في النهآيهْ ، ! بِ صرآحهْ إبتهججتْ لِ توآجدككَ فِي قسسمْ القصّصْ ، وَ آكـآدُ آجزمُ أنّنـي سَ آتـآبعُ هنَـآ بِ شغفْ .....، ! فهـدْ ، لِ الوهلةةِ الآولَـى آحببتهْ ، ليَ شفقةةَ وفقطْ ، لكنْ آعتقدْ آنّ حيآةةَ مـآ سَ تمرّ بهْ ، ! آعتقِدْ آنْه ستمّر بهِ آوقـآتْ ، يصصبحْ ليسَ فهـدْ ، يقسُوْ وَ يكـــآبرْ ، !! مممم ، آعتقِدْ آنّنَـآ سَ نقفِزْ لِ عمرٍ معيّن لهْ ، وهذهِ الآوقـآتْ ستمرّ بهِ عندمَـــآ يككبرْ ، ! أجدُ فِي العنوآنْ ، ( إلى من يهمّهـآ آمريْ ) فهـدْ حينمَـآ يصصبِحُ فِي العششرينَـآتْ آو ربّمَـآ آوآئل الثلآثينَـآت ، وسَ يوّجهُ هذهِ الرسسـآلهِ لِ آحدآهنّ ، سَ آحتفِظْ بِ رأييِ لِ بآقِي البشخصيّــآت ، : ) متـآبعهْ دآئماً ، ( الجود ) ...........، : ) |
السلام عليكم اخ قمم
ماشاء الله تبارك الله بدايه قويه واتوقع لها النجاح فهد الصبي ربي يعينه واكييد ان ابو محمد يبيه لانه عارف اساسه ووش سالفته ابو شيهانه معقول يكون ابو فهد وان ام فهد كانت امه عند ابو شيهانه وما يبي يعترف بولده فخلاه صبي له بدليل انه رافض مناداته ب يبه الاخوان كلهم ما حبيتهم الا مؤيد عبد العزيز شكله يعشق الفلوس شيهانه كره هالوجه ارحمي عمرس من صغره وانتي متكبره وش خليتي لا كبرتي بالتوفيق اخ قمم واكييد متابعه معاك |
حياك الله اخوي بدايه رائعه وموفقه ان شاء الله ,صحيح البدايه غامضه بس الاسلوب وطريقة السرد فيها ابداع وهذا مو غريب عليك ما شاء الله,, وان شاء الله منها لاعلى يارب:)
|
:
شدني ردود القراء على غرابة الفصل الاول فعلا غريب وغامض .. متتوقه لمعرفة سر الصبي .. وليه يقول للعود يبه ..والاخر ينهره بـ انت صبي وتقول عمي ...هل يعود زمن الرق والعبيد ...؟! هذه الروايه وروايه اخرى _ للكاتبه صدود تتكلم عن امتلاك فتاه كـ جاريه شكرا لك : |
أرحب بكل اللي شرفني
وتواجدي في متصفحي واول الحاضرين القمري طين وماء غيمة شتاء نسمة امل ام الشهد أرادة الحياة بياض الصبح وردة منسيه لي لي كريشا بحة حنين الجود أم رنا طيوبه واخـــــــــــر الحاضرين أرتواء نورتونـــــــي مثلما أنارت نجوم السمـــــاء أرضنا الرحبه مجرد ترحيب وراجع للردود أن شاء الله وجودكم أسعدني |
على طريق البــــــــداية
كالمخالب تنشب كلماتك في ذاكرتي ... كالسجناء نلتقي وعيوننا معلقة على الزمن الهارب _ العائم مثل طائرة ورقية يلهو بها طفل لا مبال _ كشجرة لبلاب جهنمية تنمو أيامنا حول أعصابي ... وتأتيني يا حبيبي تطالعني مهيباً لا يقاوم كسمكة القرش وأبحث بنفسي عن أسنانك كي أوسدها قلبي وأنام بطمأنينة الأطفال ... والمحتضرين .. المبدعة دونما شك : غادة سمان من حسن حظي اني سمعت اللي قاعد يصير بين ثلاثي الشر يعني يبون يبيعوني هب ياللي ماتخافون الله بس وش اقول الله يرحم الشايب هالحين تجوز الرحمة عليه كنت ذكي وهو ماقصر علمني اشياء يمكن الكبار انفسهم يجهلونها وش تسوي يافهد لازم أدور لي مخرج واكيد مراح يكون أحسن من مؤيد لانه اضعفهم شخصية الحين بروح فوق واذا سألوا عني بحط نفسي ابكي على ابوهم واني تعبان من الشئ هذا مؤيد : خلونا من الكلام هذا فيه شئ أهم عبدالعزيز: فيه أهم من الفلوس والله أنك خبل ماله حيله ابوي يوم خلاك تذلف برا داري ماوراك رجا مؤيد: عبدالعزيزاحترم نفسك وش هالكلام تدري عاد باحترم نفسي وماني راد عليك ابوخالد: عبدالعزيز وش هالكلام احفظ لسانك وانتبه على كلامك ترى مؤيد أخوك وخماله خمال الك انتبه لاتقول الكلام هذا قدام احد وتقدح فينا كلنا مؤيد: علمه مايفهم ابوخالد:خلاص مؤيد عبدالعزيز فهم وماراح يتكلم بالكلام هذا مرة ثانيه مؤيد وش موضوعك المهم مؤيد: انتم من اليوم تكلمون في مواضيع تافهه وناسين شيهانه عبدالعزيز: وش فيها بعد اطربنا مؤيد : ابد ياطويل العمر شيهانه وين بتسكن عقب موت الوالد ابوخالد : وين يعني عندي مع بناتي هن متوالفات من يومن صغار وانا ابيها عندي وتحت عيني بعد عبدالعزيز:انا يابوخالد ابي شيهانه عندي مافي البيت الا انا ومها وراح تاخذ راحتها اكثر مؤيد : انا شوري تروح عند سعد هناك تبي تسلا اسرع وانت تعرف انها متعلقة في الوالد عبدالعزيز: مؤيد اسكت انت اصلا وش دخلك فالسالفه كلها لاعندك بيت ولامره وش عرفك ابوخالد : خلاص ياعبدالعزيز انا ومؤيد نبيها عندي البنت صغيره وتبي من يفهمها عبدالعزيز: وش تقصد ينعني علشان ماجبت أحد تعيرني أبو خالد : حشى ماكان قصدي عبدالعزيز: أجل وش تقصد ابوخالد : اقصد ان البنت لازم تكبر مع ناس يفهمونها ويفهمون مشاعرها يعني تبي بيئه مستقره وانت ومرتك من ديرة لديرة عبدالعزيز: هقوتك نلعب نسافر نتعالج والله لايبلاك مؤيد : خلاص ياعبدالعزيز انت وش تبي فيها حتى لو جيت تسافر مثلا راح تبتلش فيها وهي مسكينه حتى تبيها تشيل عفشها من بيت لبيت هذا وصية الوالد ياعبدالعزيز عبدالعزيز : خلاص نيتي اني اكفل يتيم بس ازعجوتوني انا أقتنعت بكلامكم بس لي شرط هيّن أبوخالد : وش هو شرطك المرة ذي أنت اللي بتطربنا عبدالعزيز : اكون أنا الوصي الشرعي على شيهانه يعني ماتصرف شئ والا تسوي شئ ألا بتوقيعي مؤيد : قول كذا من البدايه عبدالعزيز: بقول بس ماعطيتني فرصه ابوخالد : خلاص مافيه مشكله بس انا عندي شرط عبدالعزيز: وش هو مؤيد: حمدلله راحت كلها شروط ابوخالد : مالك شغل فيها لين تعرف العلم وتعرف وش لها وش عليها يعني ماتعرض لها لابخير ولابشر عبدالعزيز: تم وهذا اللي أبيه بس متى تسوي الصك من يآخذ همومي ويعطيني إنسآن مآجـآه مثل آللي من آلحـزن جآني أخيرا طلعوا أوف مابغوا وش الحل يافهد خزنة العود لازم أفتشها يمكن القى شئ ينفعني وفكيت عمري لغرفته أشوف وين مفتاحها يوه تذكرت داخل معكازه وعياله قالوا راح نتصدق فيه مالت عليهم يحسبونه من النوع الغالي رحت للمخزن وطلعت المفتاح ورجعت للغرفه فتحت الخزنة زين زين فلوس اوراق بطاقتي الشخصيه واهم من هذا كله ختم العود اول شئ سويته علشان الخطه اللي في بالي تنفذ جبت لي اوراق وختمتها مع اني ما عرف كيف يختمون وثاني شئ أخذت من الفلوس مبلغ بحدود الالفين علشان الخطة تمشي مضبوط واخذت بطاقتي الشخصيه اللي كاتب فيها الشايب شئ راح يفيدني ويخليني أعيش مثل العالم ورحت لغرفتي وماقدرت أنام أتحرى الصبح متى يطلع بس واول مابان الفجر طلعت للمسجد صليت صلاة الفجر ودورت لي واحد يعرف يقرا ويكتب وحاولت أنه مايكون معة ألا سادس أبتدائي فهد: عبيد صباح الخير عبيد :صباح النور طبعا عبيد يعرف عمي أبو شيهانه بالشكل ومايتواجهون ألا نادرا علشان كذا فرحت يوم سأل عنه وقلت أكيد الله موفقني عبيد : وشلون عمك يافهد فهد : والله أنه ماهوب نشيط عبيد: سلامتة أن شاء الله مايشوف شر فهد: تسلم ياعبيد الشر مايجيك وسويت نفسي محتار وقلقان وابي أحد يساعدني عبيد : علامك يافهد شكلك مهموم فهد: أي والله عمي قالي رح للمسجد ودور لي أحد يعرف يكتب عبيد: أنا أعرف أكتب بس ترى كتابتي لك عليها وهذا هو المطلوب فهد : خلاص أجل اذا ماعندك شغل تعال معي للبقالة عبيد : بسم الله عليك وش نبي بالبقالة أنت ماتقول أن عمك يبيله أحد يكتب الا ما قلت لي عمك وش يبي يكتب حاولت أجاوبه وانا اتصنع الحزن واعصر عيوني أبي دموعي تطلع فهد: عمي يبي أحد يكتب وصيته ومايبي عياله يدرون وهو الله يشفيه مايقدر يتكلم علمني وش يبي وختم الورقه بختمة وقالي دور احد خله يكتب الكلام الك لانك عارف انا ماقدر اكتب واقرا عبيد:خلاص مافيه مشكلة بس ليش توديني للبقالة فهد: عمي قال اللي يكتب لك الورقه باشر عليه بيبسي عبيد: ياحليلك انت وعمك مع اني مااعرفه يالله مشينا للبقاله رحت انا والرجال للبقاله وقبل ادخلها عطيته الظرف اللي فيه الاوراق وانا داري انه بيتروع لا شافها دخلت البقالة وراقبته زين ويوم شفته رجع البطاقة اخذت البيبسي وطلعت عبيد: هافهد عمك وش يبي يكتب واخذ عبيد الورقه وحطها على الظرف يبي يكتب فهد : عمي يقول خل اللي يكتب لك يكتب ان صاحب الاوراق الرسميه اللي داخل يتكفلون عياله بمصارف دراسته وانه يسافر مع ولدي مؤيد وسويت نفسي أفكر عبيد : وش بعد يافهد .... فهد وش عند سرحت فهد : نسيت أسم الديرة اللي يدرس فيها عمي مؤيد ياربي وش عبيد: حاول تذكر يافهد هذي وصيه مو لعبه فهد : عبيد أفتح لك البيبسي عبيد: هههههه والله انك على نياتك يافهد فهد: تصدق تذكرت عمي مويد رايح لندن عبيد : وشلون عرفت وانت ماتذكر فهد: تذكرتها حرام الواحد يقعد ناسي دايم عبيد : لا فهد هاه علمني وش قال عمك بعد فهد: قال تسجل رقم الهويه واسم صاحبها في الوصيه وشفت عبيد يعاين فيني يبي يتأكد أني صادق وما عرف أقرأ واكتب وطلع الا وراق والبطاقه ولان حظي حلو البطاقه مافيها صورة بس ختم عبيد: فهد تعرف راعي البطاقه فهد : لا مااعرفه بس أكيد عامل يبيه يخدم عمي مؤيد عبيد: خذ أوراقك يافهد الله يوفقك ودايم أذكرني بالخير فهد: ابشر ياعبيد بس أنت تاتروح محل عبيد: الله يوفقك يافهد انت على نياتك والله بيرزقك عطاني عبيد الاوراق وفكيت عمري لمصري واقف عند البقالة وقلت مرحبا فهد: ممكن تقرا الورقه هاذي لي وأعطيك عشرة ريال المصري : هات يابني وعلمني باللي مكتوب فيها وتأكدت ان عبيد كاتب كل الكلام اللي قلته له ومسجل رقم البطاقه وأسم صاحبها وبقى النصف الثاني من خطة خلاصي وهاذي هينه بس يبي لها فلوس |
تسلم على البارت عيال العود جالسين يتهاوشون على من تسكن عنده شيهانه وطلع عبد العززيز مايبيى شيهانه عنده الا علشان يكون وصى على حلالها ومؤيد ضحكنى انه صارت الجلسه كلها شروط بين الاخوان كلن يتشرط علشان شيهانه عاد بنشوف بتسكن عند منو من اخوانها الحين هم كانوا يخططون انهم يكسبون من ابو محمد فلوس اذا اعطوه فهد بس فهد سوء حطه عليهم عاد ودى اشوف صدمتهم . فهد: اتاريك طلعت داهيه وانت صغير سويت شى ماحد طراء على باله بتخلىهم يوافقون انك تكمل دراستك وبعد تروح مع مؤيد للندن اجل بيصير لك مستقبل باهر ان شاء الله بانتظار البارت القادم بشوق لمعرفه رده فعل عيال العود , |
مــــــــــرآحـــــــــــبـ استـــــآذ قمم..
بدايه غريبه شووي,,, لكنهآ تبشر باحداث ممتعه جدآ ؛ اووخس يا فهيدآن والله مو هيـــــــن على صغر سنك.. خطط وترتيباات تبي تروح لندن مره وحده >> قوويه : الحين يااقمم ..مؤيد وابو خالد وعبد العزيز اخووان الشايب اللي مات والا عياااله؟؟ >> فيس مايجمع ابد خخخخ ؛ بانتظار الاحداث القادمه بكل شوووق بالتوفيقـــ |
مساء الخير ,,, بااااارت رائع ,,, واتضحت فيه بعض الأمور البسيطه ,,, فهد ,,, قمة الذكاء والتخطيط العبقري ,,, وحرصه على اكمال تعليمه اللي انحرم منه ,,, شيهاااانه ,,,, ايش اللي ينتظرها ,,, عياااال العود ,,,, طمعهم وين بيوصل فيهم ؟؟؟ أخيرا ,,, حوارات هادئه ,, وفكرة القصه رووووعه ,,, أحس فيه فرق كبير بين روايتك هذي وبين الأولى ( للأمل بقيه ) مومعناه انو عليها قااااااااصر ,,, لا ,, لكن اعتقد هذي بتكووون أحلى وأكمل من جميع النواااحي ,,, واتشرف ان أكووون من المتابعاااات ,,, بالتوفيق ان شاء الله ,, |
مساااء الخييير
غرايب هالاخوان كل واحد عنده هم مشغله بس صدمني تفكير عبدالعزيز وهمه يكون وصي عليها خايف يعني على الحلال ولا وش قصته فهد ياحليله والله اعجبني ذكاءه وفطنته وان شاء الله تمشي عليهم هالحيلة ويكمل دراسته واتوقع يكون له شأن كبيير شيهانه احس بتتعب بحياتها عقب الدلال الي كانت عايشته بأيام ابوها ننتظر الجديد بكل شوق |
السلام عليكم ورحمة الله وبركاته
اولا مبرووووووك عليك اخوي القصة الجديدة ان شاء الله بتكون مثل اختها واحسن بعد .. شدني بصراحة الاسم بدايةً الى من يهمها امري من اللي يقولها وومن هي هالمقصودة هل فهد اللي يقوله وشيهانة المقصودة والا للحين الشخصيات الرئيسية ما ظهرت لنا وباقي الكثير من الخفايا ما انكشفت فهد :: على رغم صغر عمره بس الولد ذكي وفطين يمكن ان العود ساهم في تربية هالولد وعلمه اللي ما ينوجد بالمدارس والجامعات .. بس وش حكاية هالصبي ومن هو ابوه معقولة يكون ولد العود مع اني استبعد هالشيء احس انه ولد اخوه والعود عمه صدق وهالعيال مو عارفين قيمته ولا حقيقته ومو مهتمين فيه بس اكيد ابو محمد عنده العلم كله اللي يشتري بالملايين يعرف قدر المشترى .. الحين شدني موضوع البطاقة والاسم اللي عليها بما انه قال اسمه راح يساعده يعني اكيد انه يحمل اسم كبير من هاللي كان عندهم او حولهم .. شبهانة :: ومن راح يمسك امورها هالبنت راح تتعذب وهو كل يوم في بيت يمكنها لو راحت مع مؤيد بترتاح ابو خالد وعبدالعزيز كلن طمعان فيها بس ما عليه بما ان اوراقها حاليا مؤيد الوحيد اللي يتصرف فيها يمكن انها بترجع بالاخير تسافر برا مع فهد اذا ضاقت الاحوال فيها او ان هالصبي اللي كانت تبيه يقول لها عمتي يرجع وينتقم منها بالنهاية الاخوان :: ما حبيتهم حسيت فيهم المنافق اللي هو ابو خالد وفيهم الطماع اللي هو عزوز وهالمؤيد ضعيف شخصية لا يقدم ولا يأخر عموما ننتظر اللي راح يصدر منهم بخصوص الوصية المكتوبة وردود افعالهم عليها .. اخوي قمم الله يعطيك العافية بداية قوية وجذبت الاعضاء لها يا ريت تستمر هالقوة من البداية للنهاية وتنتقل هالقصة للمكتملة بتميز .. عندي ملاحظة صغيرة يا ريت تغير نوع الخط اللي تكتب فيه ولا تخليه مائل ابد مزعج جداً بالقراءة ويأثر على استمتاع القارئ بالقصة زوزو |
مساء النووووور
بارت وضح لنا شووي من الشخصيات فهد ..ماشاء الله ماهو بهين طلع ذكي ..وان شاء الله تمشي عليهم حيلته ويسافر عبد العزيز حسيته طماع ووراه مقصد من اه يكون الوصي عليها يبغى يكون وصي لى شيهانه بما انه المفروض يكوون ابو خالد هو الوصي عليها.. مؤيد .. حسيته ضعيف الشخصيه .وطيب وعلى نياته عشان كذا ممكن يصدق كلام فهد وبيكون بصفه مع المكتوب بالوصيه.. شيهانه .. احسها راح تتعذب شووي وبذات لما يكوون عزيز هو الوصي عليها بنتظار القادم وكشف المستوور يعطيك الععافيهـ |
اقتباس:
القمري الله يعافيك ولي الشرف تكوني من متابعيني بالنسبه للتوقعات صدقيني فهد في كل جزء راح يفجأ الكل اقتباس:
طين وماء ياهلا فيك وابشري راح أحاول أعدلة اقتباس:
غيمة شتاء شرفني تواجد الله يعافيك اقتباس:
نسمة امل ياهلا فيك أول وتالي واحساسك في محلة |
اقتباس:
وجودك في متصفحي شرف بس مثل ماقلت من قبل فهد راح يفاجأة الكل اقتباس:
أرادة الحياة شرفتيني والابداع انت منبعه بدون مجاملة اقتباس:
بياض الصبي السعودي كان موجود الى عهد الملك فيصل وفهد راح يكشف كل شئ في وقته اقتباس:
ياهلا فيك اول تالي شرفني وجودك اقتباس:
لي لي ياهلا فيك والله يعطيك العافيه |
اقتباس:
ياهلا نورتيني اقتباس:
ياهلا شرفتيني بتواجدك هنا وانا بديت من القسم هذا أول تواجد كان به ومتابعتك صدقيني تسعدني ا اقتباس:
سعدت بتواجدك وجود مبدعة مثلك هنا فخر لي ومتابعتك صدقيني تزيدني شرف اقتباس:
طيوبه ياهلا فيك وجودك نورني اقتباس:
ارتواء وجودك شرف بس انتي نبهتني لشئ وهو تشابه ماكتبت مع كتابك الاخت صدود الحقيقه أنا الى الان لم اقرا ماكتبت صدود بارد على تساؤلاتك بعد مااطلع على روايتها على العموم الروايه كامله عندي وماراح اقدر اسوي فيها شئ وتوارد الافكار حاصل ليس في فن القصه وحدة بل في فنون عديدة |
البااارت وضح امووور بسيطه فهد يااحليله رغم صغر سنه الا انه ذكي وفطين ولعبها صح لمصلحته قبل مايتعشوا فيه تغدا فيهم ان شاء الله راح تمشي عليهم خطته ابو خالد وعبد العزيز الاول حسيته منافق والثاني طمااع يبغى يكون وصي على شيهانه باين ان شيهانه بتتعذب من بعد العوود اما مؤيد ماله شخصيه او انه للحين مسالم وراح تطلع شخصيته مع الايام بانتظار البارت القادم لمعرفه راي عيال العود بالوصيه |
روايه بدايتها اكثر من جميله
اتوقع فهد عنده اسرار عارفها عن عمه وهي اللي بتفيده انه يعيش حياته بعيد عن العبوديه شيهانه بعد ما تكبر بتتمنى لو فهد يفكر فيها مؤيد راح يعامل فهد زين لانه شكله طيب ابو محمد شكله عارف سر العود في النهايه اشكر لك اخ قمم على الابداع واتمنى لقملك العلو |
السلام عليكم و رحمة الله و بركاته صباح الخير و الرضا من الرحمن بارت رائع كشف شوي من الغموض المتلبس البارت السابق ================== (( فهد )) إنسان ذكي أو بالأصح " داهية " تفكيره أكبر من عمره و عرف كيف يطلع نفسه من ايدين الأخوان و لا يبقى طول عمره مجرد صبي بس السؤال هل راح ينجح تخطيطه للنهاية و لا في شيء ممكن يجي و يخرب عليه ,اللي فهمته أن فهد صبي عند العود زين العود هو نفسه "أبو شيهانه "أو أحد غيره ؟؟؟ و عبدالعزيز و مؤيد و أبو خالد عيال العود و لا بعد اختلطت علي الأمور و هل ممكن يصدقون الوصية اللي اوجدها فهد و لا ممكن يحاولون يطعنون فيها ... =================== (( عبدالعزيز و ابو خالد )) كل واحد منهم يفكر بطريقة عبدالعزيز يبي الوصاية على شيهانة لان وراها خير و ممكن يستفيد منها بما أنه واضح حبه للفلوس و ابو خالد عارف هالتفكير و عشان هالشيء شرط أنه ما يتحكم فيها إلا إذا وعت و عرفت الدنيا ... =================== بانتظار القادم ... .. .. .. |
اقتباس:
نسمة أمل ياهلا شرفني تواصلك اقتباس:
ياهلا فيك والمرحب باقي أن شاء الله لا عياله وحياك الله اقتباس:
الهاله أنا اللي اتشرف والبدايه لازم يكون فيها عثرات وتواصلك يسعدني |
اقتباس:
ياهلا فيك ويما بتشوفين منهم وشكرا لتواصلك اقتباس:
ياهلا فيك ولاتخافين القصه مكتمله وراح تنزل بشكل متسلسل زي ماخططت وهذا كله من صالح القصه والخط أبشري أرسلت مرسول خاص لبياض الصبح تعدل الخط لكم لاني ماعرف الخط اللي ممكن يكون مريح بالقراءة اقتباس:
غيمه أسعدني وجودك ومتابعتك الله يعافيك |
اقتباس:
لي لي ياهلا فيك ومشكورة لتواصلك اقتباس:
ياهلا والله فيك أسعدني وجودك اقتباس:
بياض حياك الله العود هو نفسه أبو شيهانه تواصلك أسعدني |
'،
لطآلمآ كنت ممن يرفعون شعارات مردده بأن التغيير والتقدم نابعه من دآخل الشخص ونفسه إرتقى فهد بنفسه وإنتشلهآ من وحي الجهل واهله فالتسعفه الظروف وتبتعد عن دربه المصآعب فالابتعآد عن ذوي النظره المحدوده والدونيه والمستعبده غنيمه! " بكل تأكيد لشاهه تأثير إن كان سلباً او إيجاباً فنحن بإنتظآره ولابناء العود كذلك بصمات مؤثره كم اتوق لرؤيتها " سيدي الكريم تميزت بالأولى فلتبدع بأختها ..سلم بنانك عن النار ووالديك سيدي الفاضل لا اعلم لما تراودت افكاري لتخبرني بشيء خفي لايعلمه إلا من عاشر العود قديكون فهد ابن من امراءه اخرى؟ وقد يكون مصدراً لحفظ سر لطالما تم كتمانه! وقد يكون.. لا اعلم ولكن شيء مميز سيثبت نفسه شاءوا ام أبوا ،'* |
اقتباس:
لم اقصد تشابه الروايتين .. أقصد فكرة الرق والجواري..وهذا شيء مألوف جدا وبذلك يتميز اسلوب كاتب عن اخر http://im.gulfup.com/2011-06-13/1307966808921.gif |
♪♪♪ مسسسسسسسساء الخير قمم .. امممم ما قريت روايتك الاولى للحين .. بس هذي شدني عنوانها كثير ، وباين انها مختلفة .. فهد مهوب هين اكيد هالشي من رفقته لـ ابو شيهانة .. وعبدالعزيز باين نيته سودآ .. شكله طماااع والله يستر منه .. مؤيد حسيته مسااالم وابوخالد بين الشخصيتين .. يعطيك العافية .. متحمسسسة مرة وبانتظاار البقيــــــــــــــــة .. ♪♪♪ |
بداية مشوقة جدا
وأسلوب مختلف عن أول رواية أتوقع المقصود بعنوان الرواية شيهانة وبتكون فيها حقائق ستظهر فيما بعد تصدم الجميع وخصوصا شيهانة أعتقد سيكون هناك رابط صداقة وأخوة بين مؤيد وفهد قمم ممكن تضع روابط لأجزاء الرواية في أول صفحة الله يعطيك العافية متابعة بإذن الله حفظك الله ورعاك |
طاغية حس وشعور
♫ معزوفة حنين ♫ ألحان الوفاء شرفتوني واسعدني تواجدكم |
نهاية البدايــــــــــــة اني أحرضك على قتلي .. فليجلبوا حروفي بعد مصرعي كأحد الشهود على براءتك من هدر دمي على أرصفة الغربة ... غادة سمان ياربي الشايب هذا وين القاه الحين لاصار مابغينناه جا واذا بغيناة عنينا وراه وين ألقاك يابو زويد وين ألقاك مالي ألا الحوش اللي ساكن فيه باروح أدوره وان شاء الله ألقاه جيت المكان وكان عباره عن حوش بدون باب وفي وسطه خيمة ساكن فيها أبوزويد فهد: ياولد ياهل المكان ابو زويد : أقرب جاي من هناك فهد: أنا فهد صبي العم ابوسعد أبو زويد : ادخل يا ولد ماعندي غريب قربت ودخلت الخيمة أووووف كانت معفنة بس كل شئ يهون عند خلاصي من اللي أنا فيه فهد : مرحبا ياعم ابوزويد: المرحب باقي وش تبي ياصبي فهد:مابي شئ بس عمي مرسل أمانه معي الك ابوزويد : ايه أقرب ياصبي وش أرسل عمك عساها دراهم فهد: يابوزويد عمي يطلبك الحل ابوزويد : افى ان لله وانا اليه راجعون متى صار الشئ هذا ياصبي فهد : قبل اسبوع تقريبا وتراه مرسل معي المقسوم وامانه يبيك تحطها في يد ولده مؤيد وقال قله أني كنت ناوي أعطيه الامانه بنفسي بس ماكنت أقدر اطلع برا البيت بسبة المرض ابوزويد : وين الامانة عطنيها الله يرحمك يابو سعد عز الله مادرى بسرك أحد فهد: الله يرحمك ياعمي وحطيت نفسي ابكي ابوزويد: لاتبكي ياصبي والله انه راح للي ابرك مني ومنك وانا أشاهق بقوة رديت فهد : الله يرحمه مالي احد من بعده تصدق يابوزويد أبوزويد : ليه وين بيسكنونك ماعلمتني فهد: والله مادري بس شكل ماحد يبي ياخذني عندة أبوزويد: أفى خلاص وانا أبوك خلاص تعال أسكن عندي وان كانك تحس أنك تبي تضايقني اجلس عندي وصب لي قهوة حتى أنت يابوزويد طمعان فيني وش عندهم خلق الله تكسرت يدينهم حتى القهوة ماعاد يعرفون يصبونها وبعدين من زينه هو وخيمة المعفنه يباني أجلس فيها صدق الناس ماعاد فيهم خير فهد : الله يعافيك ويخلي لك حلالك وجعله محل عامر وابشر اول واحد أروح عنده أنت لان مالي في الدنيا احد عقب وفاة عمي الله يرحمه ويغفرله ابوزويد : تعيش ياصبي والمحل محلك فهد: عاشت أيامك ياعم انا اترخص وان شاء نتواجه ابوزويد : فهد متى اعطي الظرف عمك اوف نسيت الظرف كله منه ومن مكانه المعفن ودي اخلص بسرعة واروح فهد: اليوم بعد صلاة العصر بس ياعمي باقولك شئ تراك ماشفتني واللي عطاك الظرف عمي اخر مره جيته فيها خلاص لان هذي وصيته يذل عياله الثانين يلقونه وماينفذون اللي فيه ابوزويد : لا حول الله ابشر بس الكلام هذا كله ماعرفه بقول ابوك عطاني الظرف وقال عطه مؤيد فهد: تسلم ياعم عمي مايبي اكثر من كذا ابوزويد : فهد عمك وش حاط في الظرف الضيق ضيق الافق واكظام الشفاه وفهم الحياه على انها مزايده افضل وسيله للسعاده والنجاه سهله على الراغب ولا هي كايده مها : ليش سويت كذا ياعبدالعزيز حنا سادتنا ذنوبنا عن ذنوب خلق الله عبدالعزيز: ليه وش سويت مها : وش تبي بشيهانه وحلالها افتك منه ويرزقنا الله عبدالعزيز: شيهانه اللي انتي تبيني افتك منها وارثه ملايين وفوقهن البيت الكبير ومزرعة تبيني اخليها لسعد يلعب فيها مها : وحنا وش دخلنا الذنب عليه مهوب علينا ياعبدالعزيز مال اليتيم ذنبه عظيم عبدالعزيز: والله انك خبلة هذا مال هذي ملايين وان خليت كل من هب ودب يصرف منها عزالله ماعينا خير يالله أنا طالع تبين شئ مها : ابد سلامتك وين تبي تروح عبدالعزيز : مشوار عند أخوي ابوخالد وراجع مها : ماتشوف شر ابوزويد : أرب الظرف مافيه دراهم بس فهد: لايابو زويد بس يمكن أوراق مهمه لولده ابوزويد : الله يعين خلاص اوصلها ان شاءالله الله يرحمك يابوسعد جعل النار ماتاكل عظامك فهد: بغيت انسى خذ هذي من عمي يقول لاعطيته الظرف عطه هالصره وماهيب جزاه والله ان جزاه الجنه ابوزويد : الله يجزاه الجنه امين فهد: امين متى تجينا ابوزويد: العصر ان شاء الله بس جهز القهوة من غير نفس رديت عليه فهد: ابشر عبدالعزيز: وشهوله جامعنا يابوخالد أبوخالد : شيهانه تبيك أنت ومؤيد عندها طلب وتبيكم تسمعونه عبدالعزيز : نادها طيب أبو خالد : أصبر لين يجي مؤيد ويجهز الغدا أنتغدا ونعين من الله خير وبعدين تشوف البنت وش تبي عبدالعزيز: مع أني ماعلمت مها أني باطول بس يالله الشكوى لله أبوخالد: عن أذنك أشوفهم خلصوا الغدا والا لا عبدالعزيز : أستعجلهم وشف اخوك أكيد أنه للحين نايم ومادرى عنا أبوخالد : ابشر دقايق أم خالد: هاه وش قال أبوخالد : ماقلت له شئ للحين الله يهديك مافيك صبر أم خالد: أنت لاعلمته البنت أدعمها وماعليك هي عنيدة وقويه ويبي يمشي رايها وبتشوف أبوخالد : والله أنها فضيحه يامره عبدالعزيز ماتجهله الامور هاذي وانا عارف نهايتها بيفضحوني خواني أم خالد : وانت قلت شئ الامر هذا تبيه أختهم أنت خلك برا الموضوع وكنك مادريت أبوخالد: والله أنك يامرة تحديني على أقصاي طلعت من عند ابو زويد راجع للبيت يمدي عمي مؤيد قام أروح اجهز له الفطور والقهوة دخلت البيت وع طول لمطبخ المجلس وبعد ماطلعت منه لقيت عمي مؤيد قايم يحتريني ومجهز شنطته فهد: صباح الخير ياعمي تبي فطور الحين مؤيد : الله يهداك يافهد فطورالحين الحين حزة غدا فهد : خلاص ولايهمك ياعمي الحين أطلب لك غدا مؤيد : لاتطلب لي أطلب لنفسك أنا يافهد طالع أتغدا عند اخوي ابو خالد وبعدها طالع للمطار فهد: تقوله صادق ياعمي مؤيد: فهد أنتبه على نفسك والله يوفقك ودايم أذكرني بالخير مثل ماراح أذكرك ان شاء الله أنت يافهد من ريحة الوالد مع السلامه رديت عليه بدون شعور فهد : مع السلامه ياعمي ورددت في نفسي أكيد أنتهى حلمي وضاقت فيني الدنيا في فن علم النفس وانماط الحياه مصيبتك طلّع وراها فايده |
مشكوررر على البارت وقفت على مرحله ودنا نعرف ايش كاتب فيها فهد بالوصيه وشيهانه ايش بتقول لاخوانها انا احساسى بيقول انه شيهانه تبى تروح مع مؤيد وتعيش معه بانتظار البارت القادم بشوق |
♪♪♪ لا لا ما ظنيت حلمه طار ! أتمنى يصير شي يوصل الرف لمؤيد قبل لا يسافر .. رحمته هالفهد والله .. على طريقته ملتوية بس من حقه يدرس .. يعطيك العاافية .. ♪♪♪ |
بسم الله الرحمن الرحيم السلام عليكم ورحمة الله وبركاته قد أكون متأخرة قليلاً ولكن أن تأتي متأخراً خيراً من ألا تأتي أبداً قرأتها منذ البداية وكنت متأهبة للرد ولكن انسل الوقت من يدي حتى أتتني دعوة كريمة من الأخت بياض الصبح لقراءتها ورغم أني لست بحاجة للدعوة لمثلها ولكنني أشكرها جزيل الشكر لتذكيري بتقصيري في الرد عليها فقلمك لا يخفى عليّ وكنت أعلم أنه بعد رائعتك الأولى ستتحفنا بإبداع آخر ومن نوع آخر ولكن ما أرجوه ألا تكون نهايتها كنهاية سابقتها فليس للألم في القلب مكان فهد......... لا زلت غير مقتنعة أنه طفل في الثانية عشر من عمره فقط على هذه التصرفات التي نراها منه إلا أنه يتمتع بذكاءٍ حاد وهو في هذه السن والذي إن لم يوجه الوجهة الصحيحة قد يودي به إلى طريق الإجرام يراودني هاجس أن علاقته بأبي سعد أقوى من كونه صبي فقط فهل تكون بينهما صلة قرابة كأن يكون والده مثلاً من زواجٍ غير معلن وغير متكافئ أعلم أن حياته لن تقف عند هذا الحد وستبدأ منذ اللحظة الأولى لخروجه من عباءة أبو سعد وأبنائه ربما يكون هذا الخروج على يد مؤيد وربما لا ولكنه بهذا الذكاء الحاد لن يقف مكتوف اليدين وحياته تُمتهن على أيديهم دون أن يفعل شيء شيهانة........ لم يظهر منها حتى الآن إلا موقفها مع فهد وهي تطالبه أن يقول لها عمه ولكن يبدو من الموقف أنها فتاة مدللة أفسدها الدلال وأُعطيت أكبر من حجمها ووالدها قد سمح لها بما لم يسمح به لغيرها بحيث باتت لا ترى أبعد من أنفها وتضخم غرورها وهي بهذا العمر يبدوا لي أنها هي من صيغ لأجلها العنوان ولكن كيف ستكون علاقتها بفهد مستقبلاً على الصعيدين سواء كان أخيها أو لم يكن فإن كان أخيها فربما هو من سيقف دونها حين تكثر مشاكلها مع إخوتها الكبار وإن لم يكن فعلى ضوء ما ستتحول إليه حياته قد يربطها به علاقة ما أبو خالد.......... تبدو شخصيته مقارنة بعبدالعزيز هشة جداً فهو لم يستطع أن يواجهه في موضوع إرث شيهانه وكأنه يريد فقط أن يتجنب المشاكل معه في سبيل أن تبقى الفتاة بحضانته متخلياً بالتالي عن حقها في حفظ إرثها وموقفه من زوجته وهي تحدثه عن أخته وكأنه يخشى أن يفتح عليه هذا الموضوع مواجهة لا يريدها مع عبدالعزيز لعدم قدرته على المواجهة قد تثبت الأيام أن نظرتي له خاطئة وقد لا يكون عبدالعزيز........... يطغى على شخصيته الطمع والغرور رغم أن المشكلة التي يعاني منها يجب أن تهذب شخصيته أكثر ماذا سيكون موقفه من الطلب الذي تريده شيهانه خصوصاً إذا كان يتعلق بإرثها أو بفهد؟؟؟؟ مؤيد......... رغم ما ذكره عبدالعزيز عن ضعف شخصيته إلا أنني أظن أنه أكثرهم حناناً وعطفاً لذا يعتبرونه ضعفاً منه ولكن ستظهر شخصيته الحقيقية في موقفه من وصية والده المزعومة التي سيحضرها أبو زويد وسيصر على تنفيذها رغم ما قد يواجهه من مشاكل مع إخوته أخي...... حق لهذا القلم أن يستحق الثناء فلك جزيل الشكر على ما خطت يداك دمت بحفظ الله ورعايته |
ياااااربي والله اني زعلت على فهد رغم ان طرقه ملتويه شوي الا انه من حقه يدرس ان شاء الله الظرف يوصل لمؤيد قبل سفره توقعي شيهانه تبغى تسافر مع مؤيد وبكلام ام خالد باين عليها قويه واللي براسها بتنفذه الله يعين ويش بيصير بين الاخوان يعطيك العافية دكتور قمم اذا سمحت اخوي في ممكن تحدد لنا الايام اللي بتنزل فيه البارت عشاان مايفوتنا الاجزاء ونحنا ماندري |
رساااله حبرها دمي رسااله تصرخ بهمي سألت الريح ودروب القوافل سألت الغيم عن لون السنابل سألت الناس عن وجهك حبيبي الى من يهمها امري الى من رجاء الى متى صبري رجاءا يااالبييييييييييه ياابو نورره <<<<فيسي العااااااااااشق لابو نووره ياارب تقومه بالسلااامه صراااحه جذبني العنوااان ......وانشااء الله تكوون متميزه ....انا قراءت الباارت الاول ....واااضح انه اسلوووبك تطوور كثييير ....عن روااايتك الاولى .....بالرغم انه قصتك الاولى جميله ...لكن نهاااايتهااااااا ......قهرررررتني كثييير ....خليتهم كلهم ارااامل ....عشااان كذاااا ....اتمنى انه تكووون رواييتك هذي نهااايتهااا سعيده ..... اختييااااار موفق للعنواان .....سجلني من متاابعينك .....شكرااا اخوي ..... |
السلام عليكم و رحمة الله و بركاته مساء الخير و الرضا من الرحمن أخ قمم ربي يعطيك الف عافية على البارت =================== (( فهد )) هالتصرفات و التخطيط الدقيق معقولة يطلع من ولد عمره ما تعدى 13 سنه يمكن فيها مبالغة شوي بس الاكيد هالشخصية و الذكاء اللي عند فهد تكونت من ملازمته للعود أو مثل ما يقولون ربنا يأخذ من صوب و يعوض من صوب ثاني ,,, خطة فهد للخلاص من الواقع اللي يعيش فيه و من تقاسم عيال العود عليه بين الفشل و بين دخول الصدفة لإكمالها فــ الله يستر مسكين فهد ما يستاهل أتوقع حتى لو فشلت مستحيل يستسلم واحد مثله ما يرضا بالفشل و ما يتهاون من أول مره ... ==================== (( شيهانة )) شنو الشيء اللي ممكن تطالب فيه أخوانها و بالخصوص عبدالعزيز و اتوقع هالطلب من منها شخصينا ممكن من أم خالد مأثرة عليها أنها تبقى عندهم و ما يكون لعبدالعزيز أي سلطة عليها... ==================== بــ انتظار القادم ... .. .. .. |
اقتباس:
ماقصدت شئ بس حبيت أشوف لاي مدى كان التشابه في الروايتين ومثل ماأضفتي تميز أسلوب الكاتب هو اللي يثبت تميز الروايه أرتواء ياهلا فيك وباسألتك في اي وقت |
اقتباس:
نسمة أمل ماقدر أرد على توقعاتكم لاني بكذا قاعد أحرق الاحداث شرفتيني |
اقتباس:
♫ معزوفة حنين ♫ حتى أنا أتمنى تابعيني صدقيني راح تتفاجأين كل مرة على فكرة الروايه ألى الان مابدت |
اقتباس:
أرادة أسعدني حظورك قارئه مبدعة لي الشرف في تواجدها هنا لا ادري ماذا أقول الف شكر |
اقتباس:
لي لي دايم تشرفيني بس راح أقول شئ بما أنك سألتي عن الاجزاء الجزء الاول ان شاء الله يوم الجمعة والله يعافيك |
اقتباس:
ريماس ياهلافيك وان شاء الله أكون عند حسن ظن الجميع |
اقتباس:
بياض ياهلا فيك والله يعافيك الكل تفاجأ من فهد وتفكيره والكل راح يتفاجا في مستقبل فهد بياض نورتيني |
يعطيك العافيه اخوي قمم على البارتات الحلو
فهد الذيب مايهرول عبث انشاء الله ميروح تعبك تخطيطك هدر (عن تصرف فهد وترى فيه ناس اكثر دهاء وتفكير اكبر من عمرهم وعرف واحد مات ابو وهو عمره 14 سنه وكان عده اخ اكبر منه بس مافي حكمه هذا الولد اخفاهااوراق وصكوك ابيه كل من سال قال ماعندي شي لين صار عمره قانوني طلع الاراق وتصرف في حلاله وحلال اخوانه فقول لاتستغربون فيه ناس عنهم فطنه ونباههه اكبر من سنهم ) شهانه يوم تقول لفهد قول عمتى من الكلام هي اصغر من فهد وكانت بينهم نوع من الصداقه البريه بس يمكن تسمع من البنات في المدرسه هو صبي عندكم وشلون يقولش شهانه كذا ليش مايقول عمتي علشان قالت الكلام بعد مارجعت من المدرسه بس فهد وراك لغز توقع يكون ولد ناس عنهم خير ومخلينه عند ابوشهانه ويكون ابوه عنده زوجه ثانيه ماتبي فهد وامه متوفيه او مايكون يعرفون بوجوده وعندهم ولد |
اقتباس:
ياهلا فيك نورني مروك |
الجـــــــــــزء الاول
مساعد : سم ياطويل العمر فواز : وش صار على موضوع مشرف مساعد : سواقكم ياطويل العمر فواز: أيه ياغبي فيه أحد غيره مساعد: ماصار شئ للان ياطويل العمر فواز : وضح لي كيف ماصار شئ ماوافقوا مساعد: لابس يقولون يبون فرصه يفكرون فواز: وش يفكرون فيه تحب يدها واحد مثل مشرف ماينرد أبد مساعد: صادق ياطويل العمر مشرف والنعم رجال ماينعاف فواز : طيب وراهم مترددين مساعد : ياطويل العمر هم لا مترددين ولاشئ بس يبون فرصه يفكرون فيها أبوخالد: هاياعبدالعزيز وش قلت في الرجال عبدالعزيز: ماقلت شئ الراي رايكم بس قبل كل شئ شرطي معروف ويتنفذ يعني توقع من هنا يملك الشيخ من هنا وبعدين مشرف هذا وش عرفنا فيه يمكن انه طمعان فينا أبوخالد : الله يهديك ياعبدالعزيز الرجال شاري وشكله راعي خير يقولون من يوم هو صغير وبرا الديرة عبدالعزيز: حتى ولو الحذر واجب وانا اخوك واجب واللي عند شيهانه ماهو قليل أبوخالد : ياعبدالعزيز خف الله في الضعيفه كل ماجاها رجال كفو رديته كله علشان الدراهم عبدالعزيز: يابوخالد هذا تعب ثلاثة وعشرين سنه اعطيه الغريب على البارد المستريح ابوخالد : انا ماقلت كذا بس لاتقطع نصيب اليتيمه خلها تعرس واقدر ازوج بناتي بعد عبدالعزيز: ومن رادك لاتزوج بناتك أبوخالد : اللي رادني ماابي أكسر في خاطر شيهانه بناتي اللي اصغر منها يعرسن وهي لا فهمت وش رادني هيا : أقول ياعمه تهقين عمي عبدالعزيز يوافق شيهانه : ماأدري هيا : عمة أقولك شئ وماتزعلين شيهانه : قولي يام العريف هيا: عمه ليش عمي عبدالعزيز ماعطاك حلالك وانت خلاص وصلتي السن القانوني من زمان شيهانه : لانه ياغبيه مسويه له وكاله عامة وصعبة ألغيها له لانه بمجرد مالغي الوكاله بيت ابوي اللي ساكنين فيه راح ينباع واللي بيبيعة عبدالعزيز وانتِ عارفه سعد ماله شخصيه قدامة وبعد موت مؤيد خلاص رضى خواني قبل كل شئ الفلوس مو مهمة بالنسبه لي لاني ماراح أقدر اتصرف فيها لازم وكيل شرعي حتى لوبشتري عقار أو أصرف مبلغ كبير من البنك لازم معرف وجود عبدالعزيز ضروري بالنسبه لي وصلت لبيتي وانا خلاص واصل حدي من التفكير كيف أقدر اخلص اعمالي بلندن وارجع للسعودية هنا كل شئ اعمالي علاقاتي أهل زوجتي كل شئ بس ولو شيهانه ماخلت فيني عقل ثلاثة وعشرين سنه مو قادر أنسى حسنا : فواز عسى ماشر من يوم دخلت البيت وانت تهوجس فيه شئ مشغلك فواز : أبد شئ هيّن واحاول أحله باقل الخساير حسنا : والشئ هذا عسى مهوب سر علينا بس فواز : لا أبد انت عارفه ان لي مدة طويله أفكر أرجع للديرة خلاص شبعت غربه ثلاثة وعشرين سنه وانا كل سنه أقول هانت لين القلب ذاب شوق لها حسنا : فواز انا مقدرة شعورك بس أنت عارف ولدي يدرس وانا أبيه يكمل تعليمة هنا بلندن مابيه يرجع الديرة ألا بشهادة تنفعة فواز : ياحسنا كل مرة افتح السالفة وعذرك نفسه ماتغير الجامعات اللي هناك تقريبا نفس اللي هنا وانا رجال مرهي ربي علي يعني ولدك لاكبر مو في حاجة الشهادات أحنا في عصر الفلوس تجيب اللي أكبر من الشهادات حسنا : لا يافواز أنا ضدك في هذي الشباب في الديرة يتمنى يلقى فرصه يعيشها هنا ويكمل تعليمه وانا أحرم ولدي هالفرصه فواز : أنت ياحسنا موقصدك الولد أنت قصدك نفسك ماتقدرين تعيشين برا لندن خلاص الديرة ذي صارت كل شئ بالنسبة لك مها : ها ياعبدالعزيز وش يبي بك أبوخالد عبدالعزيز: شغله عائليه مالك سنع فيها مها : الحين صرت برا العايلة ومالي عازة عبدالعزيز: من اللي قال كذا مها : أنت والا بعد نسيت عبدالعزيز: بسم الله عليك مشعل أنا قلت لامك كذا مشعل : لا ماسمعتك مها : حتى أنت يامشعل قمت على أمك مشعل : من قال يمه أفهمي الهرج هالحين أنت وش أسمك مها : مها بنت سالم العلي مشعل : زين طيب ركزي معي أبوي أسمه عبد العزيزبن خالد بن سعد مها : والعبرة يافالح عبدالعزيز: ههههه أصبري يامرة خلي الولد يكمل وش فيك مطيوره مشعل : سؤال موجه لامي الغاليه على قلبي مها أنت أخت أبوي عبدالعزيز: جاوبي ياختي مها : ياحظك وش هالسؤال الغبي أكيد لا وشلون أنت ولدي مشعل : الخلاصة وبدون مناقشه أو تداول أنت مو من عايلتهم عبدالعزيز: عليك نور مشعل : مدام علي نور وش سويت في موضوع عايلتنا عبدالعزيز: أي موضوع مشعل : يبه مسرع نسيت الله يهديك موضوعي انا ودانه كلمت عمي عبدالعزيز: لاماكلمته وش قلنا البنت ماعندي نيه أخطبها لك افهم الكلمة انا ماني بجالس أعيد وازيد في السالفه مشعل : ليه يبه حرام عليك أنا أبيها عبدالعزيز: وانا ماأبيها كم مرة أقولك أمها مره طماعه مشعل : وانا ماني متزوج أمها بتزوجها هي عبدالعزيز: وانا يامشعل صدقني قبل أخطب لك اول شخص اسأل عنه ام البنت مو أبوها مشعل : يمه كلمي أبوي ماتشوفين وش يقول مها : نسيت أنا مو من العايله مشعل : يمـــــــــــــــه مها : لا يامشعل لاتحاول انا ماتدخل بخصوصيات عايلتكم الموقرة ونصيحه أبوك أول مرة يصدق خلك وراه صدقني بترتاح عبدالعزيز: مشعل قفل على الموضوع أنا طالع أرتاح لاخلص الاكل صحوني ام خالد: وش قال أخوك ابوخالد : ماقال شئ مثل كل مرة توقع التنازل وويملك لها ام خالد : اسمعني يابوخالد أنا مالي دخل في اختك صح أنا ساكنين في بيتها بس أنا ظفيتها ثلاثة وعشرين سنه عندي ومعاد أستحملها زود شف لك صرفه أنا مره بزوج بناتي وانت حي ترى لامت ياسعد أول من يتقاسم الحلال مع بناتك أختك واخوك الطماع أبوخالد : انت ماتملين من الهرج هذا يامرة أم خالد: لاماأمل لين يتزوجن البنات وخله قريب احسن لهم لاني تعبت من المناهد سمعت كلام بدريه لاخوي سعد والحقيقه معها حق سعد موراضي يزوج البنات قبلي مع أنه ماقالي بس الشئ هذا واضح من تصرفاته كل ماجاه أحد يخطب قال لزوجته لاتستقبلينهم بس أنا لازم أفكر بجديه أكبر واكون أذكى لي فترة طويله وانا يجيني خطاب وكل ماقال عبدالعزيز شرطه رفضت هو عنيد وانا ماأبيه يمشي كلمته علي وفي النهايه الفلوس راح تروح له هو وولده انا لازم أتنازل لوشوي مو عشاني علشان بنات سعد انا بكلم سعد وبحاول أني أخلي لي دخل بسيط أقدر أستفيد منه بعدين نزلت في الصالة أنتظره لاجا يطلع لصلاة العصر واخذت شئ بسيط وبالفعل نزل سعد: حياالله الشيهانه شيهانه : الله يحيك يابوخالد سعد : علامك جالسه لحالك شيهانه : البنات قيلوا وانا ماجاني نوم سعد: ليه تعبانه تشكين من شئ شيهانه : لاأبد ماقدرت أرقد أبي أعرف وش قال عبدالعزيزلك بخصوص الرجال اللي أخذت رايي فيه سعد : مثل كل مرة الرد نفسه توقعين يملك لك والله أني يشيهانه ندمان أني عطيته الوكاله وخليت حلالك تحت يدة بس وش أسوي ما أبيه ياخذك شيهانه : ماعليه يابوخالد اللي راح راح وعبدالعزيز لو ماوكلته بعد الوصايه شب فينا أنت خابره ماعليه من أحد ولا يقدر أحد ويوم جاه الولد نزل عليه الزود معاد يعاين فينا سعد : انا يشيهانه ماقدر اقول شئ الا بشورك انت الامره الناهيه واللي تقوليه يصير وماعليك من عبدالعزيز شيهانه : لا يابوخالد أنا قررت أوافق على طلب عبدالعزيز بس قبل هذا كله أنا عندي شرط وتقدر تسميه طلب أخير أذا وافق خل الرجال يبدأ بالاجراءات |
السلام عليكم ...
مع ان فهد اختفى من هذا الجزء ....لكن انا متأكدة انه راح يكون سبب في الحدث الرئيسي في القصة .... على الرغم من النقلة الهائلة من الماضي ...لكن معالم القصة بدت توضح و تتشكل ... و هذا تقييمي لكل شخصية ... -عبد العزيز : انسان طماع بكل معنى الكلمة .....و همه الأول و الأخير الفلوس .....لكن لفتني تفاهمه و وفاقه مع زوجته إلي حسيتها طيوبه .... - حزنت كثير على موت مؤيد كنت اتوقع انه راح يفير في تفاصيل القصة ... -سعد : حنون جدا ...و لكن قليل حيلة ..لو كان عنده القوة في الشخصية ...كان منع اخوه عبد العزيز من التمادي .. سعد يحب اخته و عيلته كثر ... -شيهانه : انسانة قنوعة و بسيطة ...في هذا الجزء ما شفنا الكبر و رفعة النفس إلي كانو فيها و هي تتعامل مع فهد في طفولتها ...يمكن السنين غيرت منها ...على العموم لفتني تفكيرها في بنات اخوها و انها ممكن تتخلى عن ثروتها عشانهم ..... فهد مستقبلة المجهول بالنسبه لنا شكل عندي فضول كبير ...اتوقع انه تحرر من العبوديه و كمل دراسته و سار شي كبير ...متأكدة انه راح يزلزل في احداث الأجزاء الجاية ... ابدعت اسلوبا و احداثا ....اتمنى ان ارى الأجزاء القادمة قريبا .... |
تسلم على البارت الرايع
صارت نقله جديده للاحداث وماعرفنا ايش كان فهد كاتب بالوصييه وهل هو راح مع مؤيد ولا قدر يدبر نفسه بنفسه وسافر لوحده وغير اسمه ويمكن هو الى خاطب شيهانه وهم مايعرفونه لانه غير اسمه وجاى من برا . عبدالعزيز: الا الحين وانت بطمعك وحتى انه شيهانه وكلتك بحلالها طمعان انها تتزوج وياخذ زوجها حلالها ومسوى انك حريص عليها وانت بس طماعن انه يروح الحلال عليك وحتى ولدك يبيك تخطب بنت عمه ورافض لانه بتصورك انه امها طماعه بحلالكم الله يعينك على نفسك. سعد: انت حنون وخايف على مشاعر اختك شيهانه بانك تزوج بناتك قبلها وتكسر بخاطرها بس مايصير حرام زوج بناتك وحاول انك تحل الاشكال الى عند اخوك عبد العزيز بانه هو الى يرفض خطاب شيهانه. شيهانه: كسرت خاطرى يوم عرفت انه سبب وقفه بنات اخوها عن الزواج لانه اخوها مايبي يكسر خاطرها بس عين العقل الى بتسويه وتنازلها شوى لاعبد العزيز بيخليه يلين ويوافق على زواجها من الى خاطبها . بانتظار البارت القادم بشوق |
اخوووي قمم مشكووور على البااارت الباارت اليوم رغم القفز في السنيييييين الا انه رااائع ووضح امووور اكيييييد هالايام بتكوون على شكل مذكرااات وذكرى مؤيد مااتالله يرحمه ياترا متى مااات قبل سفرة او بعد السفر او بعد دراسته او بعد رجعته للديرة وويش قصة وفاته هل وفاة طبيعيه او مرض او حادث مين هالفواااز وهالمسااعد اللي بهالباارت هل مشرف هو عريس شيهاانه وحسنا كماان جديده بهالباارت يمكن مشرف هو نفسه فهد وهو اللي متقدم لشيهانه وعبد العزيز يااابرها عند الله بتااكل مال اليتيم هالرجال من اول مره عرفت انه طماااع ويحب الفلووس اكثر من نفسه سعد ابو خاالد احس ماله كلمه على اخوه عبد العزيز ابو مشعل رغم انه اكبر منه بصرااحه ماني عارفه ويش كتبت ولا ويش قاعده اكتب لاني احس انشخصياات جديده دخلت للروايه وهي بالبداية الله يستر من اللي جااي بانتظار القاادم بفارغ الصبر |
تسلم اخو قمم على البارت
سعد على انك الكبير بس ضعف شخصيتك وطيبتك مخلى الكل يستغلك عبدالعزيز انسان طماع وفيه من شاكلته كثير واخته اخر مايهمه وفيه وحده قالت لي ابوها انه مرضى يزوجها لين تقاعد علشان الفلوس شهانه انسانه عقلانيه وطيبه ويمكن اللي يثبت طيبتها تنازلها لعبدالعزيز علشان بنات سعد فهد اتوقع ظهور الشخصيات الجديده لهم رابط مشترك بس هل هو المعزب ولا السواق في انتظار كشف الحقايق على نار |
تنقل للارشيف بناء على طلب الكاتب
|
تفتح بطلب من الكاتب
مشرفات القسم.. |
مشرفات القسم
وكل اللي أرسل لي ع الخاص يطالب بعودة الروايه عاجزعن الشـــــــكر |
الجزءالثاني
اشبهه بالّلي عسيفٍ من الخيل تلعب وانا حبل الرّسَن في يديّا أورق غرامه مثل غرسٍ على سيل مشهاة قلبي يوم جالي شهيّا أعن له عنَّة هَل الكيف للهيل ما ذاق راعي الكيف انا ذقته هنيّا خالدالفيصل قفى عمي مؤيدمن عندي وأنا كان يديني مربطه ماقدرت اسوي شئ رجعت لغرفتي اجمع أغراضي خلاص مابقالي ألا اني أنحاش هذا الشئ اللي بينفعني بعد شوي كاني سمعت عمي مؤيد يناديني مؤيد: فهد ... يافهد فهد: نعم ياعمي ليش رجعت نسيت شئ مؤيد : لامانسيت بس فيه رجال جا شف قلطته بالمجلس رح سو قهوة لين أدق على خواني شكله يباهم خلاص قلبي نقزمن مكانه معقول اللي قاعد يصير التفت للساعة 2:30 باقي ساعة بالضبط على صلاة العصر يعني يمدي عمي مؤيد يواجة ابوزويد ياربي شكلة يحبني رحت ع السريع بهرت الدله لاني ملقمها من قبل احسب عمي مؤيد يبي يتقهوى أخذت الدله والفناجيل والقدوع وعلى طول للمجلس فهد: ياهلا مرحبا حيا الله من جاني أبومحمد : الله يحيك ياصبي فهد: تحيا ياعمي أبومحمد: أنت فهد فهد: أيه ياعمي أبومحمد: الله يرحم عمك أنت مرتاح يافهد هنا فهد: الحمدالله وعمي الله يرحمة ويديم عزوته من بعدة ماقصر ماعلي قصور أن شاء الله أبومحمد: ماشاءالله عليك تحب عمانك يافهد فهد: أحبهم واغليهم لان عماني طيبين فيني مؤيد: حيالله أبومحمد أبومحمد : الله يحيك ياولد العود مؤيد: تحيا اكثر أبو محمد: مؤيد مشاء الله على الولد والله أنه تربية خالد وماخلا عنه شئ مؤيد: أيه الوالد يحبه ويغليه واللي يغليه الوالد نحطه في عيونا فهد: تسلم ياعمي مؤيد : فهد الباب يطق رح أفتحه يمكنه عمانك فهد: أن شاء الله طلعت أركض جهت الباب مو مني من الفرحه أن عمي مؤيد ماسافر فتحت الباب وطلع في وجهي أبوزويد فهد: نعم وش تبي هالحين موقلت لك بعد صلاة العصر أبوزويد: ياصبي أنا جاي أسلم الامانه واروح جاني بناخي لي من المدينه ويبيني أروح معه ويمكن ماأرجع هنا أبدا ياولد نادعمك بعطيه اللي معي واتوكل على الله فهد : زين خمس دقايق بناديه أبوزويد: عجل علينا ياصبي فهد : ابشردقايق فهد : عمي مؤيد في رجال واقف عند باب البيت يبيك مؤيد: يبيني أنا عرفت من فهد : أيه ياعمي ابو زويد مؤيد: وش يبي هالحين قلطه يتقهوى فهد: لاياعمي يبيك بالاسم يقول ناد عمك مؤيد ومايبي يقلط يقول مستعجل مؤيد: خير أن شاء الله عن أذنك يابومحمد دقايق وراجع أبومحمد: تفضل خذ راحتك شيهانه : عمتي ماأعرف اقول الكلام هذا لعبدالعزيز أخاف منه أم خالد: لاتخافين ولاشئ عبدالعزيز وابوخالد خوانك ومستحيل يردون لك طلب لانك أختهم الوحيدة شيهانه : عمتي بس أنا مرتاحه هنا مع البنات أم خالد: حبيبتي أنت ماتبين لنا الزين شيهانه : ألا ابي أم خالد: الزين انا نسكن في بيت أبوك الله يرحمه جعله من سكان الجنه أمين وبدال ماتضيق غرف البيت فينا نروح لبيت كبير فيه حوش وملاحق ومسبح أنت ِ تشوفين بيتنا مافيه هذا كله ومقدر أجيب خدامة مثل عمتك مها ولاتخافين ولاشئ هذا بيتك واللي المفروض يسكن فيه أنتِ شيهانه : طيب ولا سألني عبدالعزيزمن اللي قالي أقول الكلام هذا أم خالد: قولي ماحد بيت سعد ضيق ومايعجبني شيهانه : خاف يقول أراحك اسكني عندي وانا أبي البنات أم خالد: ماعليك منه قولي مابي مرتك ابي بنات سعد شيهانه : خلاص بقول ويارب يوافق بدون مايعصب علي عبدالعزيز : وش يبي أخوك داقن عليك أبوخالد : والله ماأدري يقول أبو محمد عنده ويبينا كلنا تغدى خلنا نروح عبدالعزيز: خلاص هات الشاهي و ناد أختك خلني أشوف وش تبي أبوخالد : خله بعدين يارجال لين يحضر مؤيد عبدالعزيز : مزري من الروحه والجيه نادها خلنا نشوف وتبي ست الحسن أبوخالد: زين ابشر باروح أناديها تقهو عبدالعزيز: ياهلا والله بشيهانتنا والله يالله تحيها شيهانه : هلا عبدالعزيز: تعالي أجلسي وعلميني وش في خاطرك شيهانه : عبدالعزيز أبي أرجع لبيتنا أبوخالد: افى ليه ياشيهانه منتى مرتاحه هنا شيهانه : بلى بس أنا ابي غرفتي واغراضي والمسبح وبيت سعد مافيه مسبح عبدالعزيز: هههه بس كذا أبوخالد حط مسبح الله يهداك أبوخالد: تنكت ماتشوف مساحة البيت وشلون صغير عبدالعزيز: بصراحة قويه يابوخالد قصرالعود مرة وحدة وش خلت منيرة بعد أبوخالد : منيرة مالها دخل أختك عندك وانت تفاهم معها عبدالعزيز: هاياشيهانه وش تبين بعد شيهانه : ماأبي ألا بيتنا بترجعني يمه عبدالعزيز: ارجعك ليش لا بس وش رايك ترجعين معي أنا ونسكن في بيت ابوك وش قلتي شيهانه : خلاص موافقه بس بنات سعد معنا عبدالعزيز: شكل مرتك محفظه البنت الدرس صح والا يا سعد أبوخالد: والله أنك ظالمها ياعبدالعزيز عبدالعزيز: ظالمها الله واكبر أمش بس نشوف وشيبي اللي عند مؤيد مؤيد : حياالله أبو زويد ياهلا والله فيك أبوزويد: الله يحيك ويبقيك أن شاء الله مؤيد: أقلط يا بوزويد القهوة والمه ابو زويد : لاوالله مالي فيها أنا رجال مستعجل وراي خط للمدينه مؤيد : ليه أفى تجي على الباب وماتقلط على مجلس العود أقلط يارجال ابوزويد : لاياولدي انا والله ماجيت الا محتد مؤيد: يابوزويد لايهمك من أمور الدنيا شئ اللي تبيه أنا سداد أن شاء الله ابوزويد: لاوالله ابوك خيره سابق وانا والله ماجيت الالخاطره معي أمانه ووماتحط الابيد مؤيد بالاسم واخوانك لايدرون عنها الله الله وانا بوك مؤيد: وش الامانه اللي أبوي مخليها معك أبوزويد : ظرف وانا والله مادري وش فيه خذا وانا بوك ولامانه أن شاء الله أنها وصلت راعيها مؤيد : خلاص يابوزويد أن شاء الله أنك ماقصرت أبوزويد: مع السلامه وانا بوك وان شاء الله مايعقبنا عليكم شر عبدالعزيز: سعد تشوف اللي أنا أشوفه ابوخالد :لا ماشوف شئ عيدالعزيز : الرجال اللي لبسه أجرب شفه يعطي مؤيد شئ عند باب البيت أبوخالد: وينه عبدالعزيز: خلاص ياخوي ركب السيارة وراح أبوخالد: ماشفته عبدالعزيز: انت الله يعوض عليك تشوف اللي تبي وتخلي اللي تبي أبوخالد: وش قصدك ياعبدالعزيز عبد العزيز:سلامتك أم خالد: هاشيهانه وش قال أخوك شيهانه : ماقال شئ أم خالد : يعني وش لون ماقال شئ نبي ننقل والا لا شيهانه : مأدري ياعمة يقول نشوف والله ماانت هين ياعبدالعزيز تبي تشوف أجل شيهانه :هالحين أروح ألعب مع البنات أم خالد: روحي ياقلبي سعد: حيالله أبومحمد هذي والله الساعة المباركة يوم جيتنا أبومحمد: تحيا أن شاء الله يابوخالد سعد: ورى مسيرت على بيتي الله يهداك ابومحمد: ماعرفت عنوانه وقلت بيت الوالد أقرب لي عبدالعزيز: الله يحيك في أي وقت يابومحمد أخو عزيزوغالي شفت أبو محمدوعبدالعزيز وسعد وتأكدت ان الموضوع ماراح يعدي على خير |
رواية في قمة الروعه ونخراط عذب وماهر في الاحداث إلى درجة لايشعر القراء بها عودة حميدآ لنزف قلمك من جديد توقعتي أن مؤيد نفض الوصية وفهد كان معة قبل وفاتة وبعد موت مؤيد لم يعد إلى أولاد العود مجددآآ وقام إيضآ بتغير أسمة وهو فواز الذي كان في بلد الغربة |
تسلم اخوي قمم على البارت
شكرا للعوده اخوي وعوده محمود باذن الله شهانه توقعي طفله الكل يحاول يستغلها من جهه مؤيد توقعي مات بحادث وفهد كان معه بس فهد نجى وهم توقعو موته وهذا الى سهل له تغير اسمه اعتقد انه فواز |
صباح الانوار
الف الف شكراخوي على عودة الرواية صدكني تستحق روايتك المتابعة واسلوبك بهذه الرواية متطور كثيرا عن الرواية السابقة فهد لازال يخطط ونحن ننتظر النتيجة زوجة ابو خالد مثال لنساء التي تلقن الاطفال كلام كبار وتكشف بسهولة ولكن في اغلب الاحيان تحصل على ما تريد ننتظرك بشوق لنعرف بقية الحكاية الله يوفقك اخي الكريم |
شكرا اخ قمم على عودة القصه
وشكرا على الجزء الجديد عبد العزييز بغيض بس ذكي وفطيين سعد طيب وعلى نياته ومؤيد واضح انه طيب وحقاني وصول ابو محمد غير في الاحداث واخرسفرة مؤيد وكملها ابو زويد يوم بكر بجيته اعتقد عبد العزيز يوقف بوجه الوصيه ومؤيد يصر عليها بس اعتقد فهد يهرب منهم ويروح لابو محمد لان ابو محمد عنده خبر عن فهد ومن يكووون كل الشكر لك اخوي |
السلام عليكم و رحمة الله و بركاته مساء الخير و الرضا من الرحمن أخ قمم ألف ألف شكر بــ حجم السماء و الله يعز مقدارك يارب اللي ما خذلتنا و رجعت " لمن يهمها أمري " لانها و بعدها بــ المهد روعه ما بالك بعد فترة وش بــ تصير ... ==================== تعليق سريع ... و لي باك من فواز و مشرف اللي طلعوا على الساحه ؟؟؟ أتوقع واحد فيهم هو فهد و الله أنه مشرف ... أم خالد من الحريم الكثير اللي لا بغت شيء و صعب توصله تحشي رأس الصغار عشان يطلبونه و الأغلب تصدف معاها و يتنفذ اللي تبي ... عجبني النقله اللي بديت فيها الجزء الاول ... موفق أخ قمم .. .. .. .. باااااااااااااك ... فهد القدر قاعد يقلبه بين ايدينه حضور أبو زويد كنت اتمنى انه يبجر عشان يلحق على مؤيد بس وجود أبو محمد و أبو خالد و عبد العزيز خطر على الجلسة لو قال مؤيد شنو الشيء اللي سلمه أبو زويد اكيد ما راح يصدقون ليش يعني العود عطا أبو زويد ما عطا غيره مثلا أوب محمد وهو قريب من العود ================== عندي شك أنه فواز و مشرف ما هم إلا مؤيد و فهد و اللي قال عنها فواز أنها مشتاق لها ممكن تكون شيهانه ... ================== بــ انتظار القادم |
مشكوووور اخوى على عودتك واكمال الروايه فهد: خطتك ان شاء الله بتنجح ويستلم مؤيد الوصيه بس الخوف من عبد العزيز يوم شاف الرجال الى سلم مؤيد شى شكله بيهتم من الى اخذه مؤيد من الرجال وبيعرف وشو هذا الشئ بس ان شاء الله تسافر مع مؤيد وتحقق حلمك بالدراسه والمستقبل . ابو محمد: جائ لعيال العود وشكله بيكمل الى قاله لهم انه بيشترى فهد وعبد العزيز طماع وبيصير خلاف بينه وبين مؤيد ان درا عن الوصيه لانه يبي ينفذ وصية ابوه وعبد العزيز يبي الفلوس من بيعة فهد الله يستر لايصير هواشه قويه بينهم. سعد: شخصيتة طيبه وحنون ويبى شيهانه تعيش عنده . شيهانه : مسكينه سمعت كلام ام خالد بانه تقول لاخوانها انها تبى تعيش ببيت العود لانه كبير وفيه مسبح وهى ماتدرى عن نوايا ام خالد. بانتظار البارت القادم بشوق |
اخووي قمم الحمد لله على رجوع قلمك للنوور لانه بالفعل يستحق الروااايه تستحق القراءة والمتابعه ام خالد زي كثييير من النساء ان ماقدرت على شي تجي عن طريق الاطفال وشيهانه طفله ماتدري عن شي كل اللي تبغاه تلعب مع بنات قريبين من عمرها عبد العزيز داهيه اكيييد بيسأل مؤيد عن الرجال اللي اعطاه الظرف مؤيد هل بيخبي عليه ويكتم السر لوا بيقول له وتخرب خطة فهد فهد اعتقادي انه غير اسمه وبيكون فوااز او مشرف يعطيك العافية اخووي وبانتظار البارت القااادم بشووووق |
غرام الكادي
شموخ السلاطين أم رنا نسمة أمل لي لي هلا ومرحبا والله الله يسلم كل من مر وتواجد واسعدني وشرفني تسلمون والله أرادة الحياة بياض الصبح شرفتوني لولا دعمكم ماتواجدت هنا نورتوا المتصفح كل الشكر لكم |
الجــــــزء الثالث
لا تحسب إني بجنّب عن اللي ما يطاق والله إن صبري على خونة أيامي مدي كل ما الأيام تصفقني فـ بعدك طراق كل ما استذكي على الحزن وأصحى واهتدي سعد علوش شيهانه : سعد دق على أبو مشعل وخلنا ننهي الموضوع بسرعة لان التقديم والتأخير في المواضيع هذي ماينفع أبد سعد: خلاص مافيه مشكله هالحين أدق عليه واقول يتقهوى العصر معنا شيهانه : خلاص تم أنا قايمة اسوي القهوة وانت دق عليه أبوخالد: الو السلام عليكم عبدالعزيز: هلا وعليكم السلام ابوخالد : نايم عبدالعزيز: مهوب نوم نوم مقيل بس أبوخالد: أجل قم توض والحق صلاة العصر وبعد الصلاة قهوتك عندي أن شاء الله عبدالعزيز: خير ان شاء الله وش عندك مهي عوايدك وانت خابرني أنا بعد العصر أما في المكتب والارايح للمصنع أبوخالد : عارف مشاغلك يابومشعل بس لازم تجينا عبدالعزيز: وش تبي أذا الموضوع مهم لهدرجة بجيك بعد صلاة العشاء أبوخالد: لامهم بس أبيك هالحين مر علي لو نص ساعة لاهنت عبدالعزيز: خلاص لاتحن جايك مع السلامه أبوخالد: مع السلامه فواز: حسنا وش قلتي حسنا : فواز أنت قاعد تطلب مني شئ مستحيل فواز : والله لامستحيل ولاشئ أغلب رجال الاعمال يسوون الشئ هذا يسجلون عيالهم مدارس داخليه ويسافرون لاعمالهم ومالهم بإذن الله شر ها وشقلتي حسنا : فواز أنت ماتحس باللي أحس به أخلي ولدي وراي في ديرة غربه واروح معك واجلس بالشهور ماشوف وجه الشئ هذا صعب علي أعذرني فواز : والنهايه ياحسنا حسنا : النهايه أنا ماأبي أنزل الديرة هالحين الين ولدي يخلص دراسة ويتخصص في الحالة ذي بس أقرر اذا كنت أبي انزل والا لا فواز: على راحتك ياحسنا أخر الشهر أنا نازل أذا حبيتي سجلت الولد وتجين معي والا أنا معاد لي في الديرة هذي مقام حسنا : فواز الله يرضى عليك ليش تسوي كذا تشوفني متعلقة بالولد وماأقدر أخليه ومع كذا تخيرني فواز: أذا جت على ياحسنا أنا ماأخير أنا آمر بس مقدر ظروفك واحاول أراعيها أنا نازل يتجين معي حياك الله ماتبين ماتشوفين شر ومصروفكم يجيكم والخدم والسواقين راح أخليهم والفلة هذي بعد ماراح أبيعها حسنا : ماعمري تهنيت في شئ لازم تنكد علي فواز : لا والله هالحين أناانكد عليك بالله يوم أخذتيني ماأستانستي قولي الصدق حسنا : حمدلله والشكر دايم تقلب الجد مزح فواز: وين الولد بس حسنا : طلع فواز: وين راح حسنا : راح يتمشى يقول طفش من البيت ويبي يطلع فواز: وش طفشه كل شئ متوفر حسنا الولد صغير ولاعاد أسمع انه طالع فاهمة حسنا : فاهمة فواز: انا طالع عندي أمور لازمأخلصها لحقته لعند باب البيت لقيته يعدل شماغة عند مراية المدخل وحاولت أستعطفة حسنا : فواز مالي عندك خاطر اكيد انا بحلم حسنا تلحقتني بس تشوف اذاكان لها عندي خاطر ان لازم اعطيها على جوها فواز : هاحسنا غريبه لاحقتني لباب البيت وخاطري وخاطرك عسى ماشر حسنا : الشر مايجيك يابعد طوافي كلهم عبدالعزيز: مها أنا طالع بمر أخوي عبدالعزيز يبيني بشغله بخلصها وبعد ماروح للمكتب بطلع للاستراحه معزوم هناك تبين شئ مها : وانت عطيتني فرصه سلامتك عبدالعزيز: كل هالتقرير وماقلت شئ الله يهداك بس ياام مشعل مها :خلاص ياعبدالعزيزماصارت شرهه مشعل : يبه بروح معك عبدالعزيز: للشركه هذي والله الساعة المباركه من زمان نحتريها ولاجت اخيرا يبي يشرفنا الشيخ مشعل مشعل : يبه ذبحتني زرايا من اليوم وانت ماسكني ماشبعت عبدالعزيز: لا ماشبعت مشعل : يبه والله أخلى أمي تنسبني لها واصير من عايلتها عبدالعزيز: لاوالله جعلك قوي مشعل : ها يمه موافقه مها : أعوذ بالله وش أبي بواحد كل شوي يقلب علي مشعل : يمه أبوي يحبك مها : وهل في ذالك شك ياعزيزي مشعل :خلاص أطلبيه ياخذني معه يم عمي تكفين عبدالعزيز: خلاص باخذك حتى قبل تطلب أمك شفت أني أغليها أعرف هرجتها قبل تقولها مها: هههههه بس أنا ماأبيك تاخذه ودي يوديني بسير على أهلي عبدالعزيز: على كيفك انتِ اللي تقررين تبينه يروح معي والا يوديك ولدك وانت أدرى به مشعل يركض ويحب يد أمه تكفين يمه الله يخليك لي ولايحرمني منك يارب ودي أروح معه كود أقنعه باللي خبري خبرك مها : أذا كان كذا ماتشوف شرالله يحفظكم ركض على باب السايق أبي أركب قبل أبوي علشان أسوق عنه شغلت السيارة واحتريت أبوي يجي أقبل علي أبوي من بعيد واستعديت أبدا بهجومي عليه وأول ما سكر الباب عبدالعزيز: ولا كلمه تفهم أذا كنت تبيني أخذك لبيت عمك سق وانت ساكت مشعل : يبه أفهمني عبدالعزيز : لا تفهمني ولا أفهمك مشعل : خلاص اللي تبي بس مؤقتا عبدالعزيز: اشوى حسبك تبي تصدع براسي قبل عمك أبوخالد : أقلط يابومشعل حيا الله من جانا ومشعل معك هذي والله الساعة المباركه ياهلا والله عبدالعزيز: الله يحيك يارب مشعل أدخل المجلس أبوخالد ناد البنات في الملقط بسلم عليهن وناد شيهانه معهن أبيها ابوخالد: تامرأمر أدخل حياك الله أكيد أبوي يبي يقهرني وش تفسير تصرفه اكيد بيرفع ضغطي شيهانه : هلا بمشعل وشلونك وشلون أمك طيبه مشعل : بخير ياعمة ماتنشد ألا عن صحتك كيفك يقولون به معرس جديد وش الاخبار شيهانه : من علمك مشعل: مصادري السريه شيهانه : ومصادرك السريه ورى ماعلمتك بالاخبار مشعل : في هذي معك حق ياعمه عبدالعزيز: حيالله بنات سعد وش العلوم والاخبار كل شئ زين نورة : الحمدلله عبدالعزيز: من الكبيرة نورة : انا ياعمي وبعدي هيا وبعدها دانه عبدالعزيز: مشاء الله تبارك الله أبوخالد: أبومشعل أراحك للمجلس أبيك أنا واختك عبدالعزيز: أن شاء الله يالله فمان الله يابنات والله ولدي مهوب هين أصغرهن وازينهن يامشعل والله مانت بهين وانا أقول الذيب مايهرول عبث طلع ولد أبوه مهوب هين أبد *مواعيد تنزيل الاجزاء الجمعة _ الاحد_ الثلاثاء |
مشكور على البارت على انه صغير شويات فواز & حسنا: شخصيات عايشه برا بس من هم هل لهم علاقه بعيال العود وحسنا ماتبى ترجع للديره الى ان خلص ولدها دراسته وشكله فواز بيرجع لحاله وبيتركها مع ولدها . عبد العزيز: حتى اخوك سعد يبيك بسالفه ويبيك تجيه ضرورى العصر وانت تخلى نفسك مهم ماتبى تجى الا بعد العشا من كثر اعمال . مشعل: على قول ابوك اتاريك داهيه ومختار الصغيره دانه لانها ازينهم عاد بنشوف ايش بيسوى ابوك مع عمك سعد ان خطبها لك. مشكور على تحديدك للبارتات |
يعطيك العافية اخوي قمم الرواية قصتها مختلفه تماما عن الروايه الاولى الي كتبتها فهد : يا ترى شنو كتب بالرساله لمؤيد شيهانه : الله يعينج على طمع عبدالعزيز واحسها شخصيه قويه وواثقة من نفسها بس سكوتها عن ظلم عبدالعزيز مو خوف ولا جبن بس على شان تحس بالراحة وما تقلق نفسها على شيء تافه بنظرها عبدالعزيز : الشخص الطماااع الصراح باط جبدي يعني عندك الفلوس الي تكفيك حق شنو اللعانه والجمبزه على فلوس شيهانه سعد : انسان عديم الشخصيه جبان ما حبيت شخصيته حيل على الرغم انه يحمل قلب ابيض وشفاف فواز و حسنا : اتوقع في البارتات اليايه توضح اكثر حكايتهم <<اتوقع الولد مو ولد فواز >احساس مشعل : مزيج من طيبه امه وحنانها وخبث ابوه واتمنى انه ما يشابه ابوه ويكون احساسي غلط مها : انسانه مسالم وطيب حيل وحنونه همسه " اتمنى تحدد عمر شيهانه وفهد و انتقلت من حدث لاخر تحط فواصل لانني يوم اقرا المقاطع تدخل موقفين ببعض فاتلخبط لك ودي فوز |
بسم الله الرحمن الرحيم السلام عليكم ورحمة الله وبركاته شيهانه وفايز.......... بدأت الخيوط تتشابك فبين خطبة شيهانة وظهور الشخص الجديد فايز والذي يبدو أنه يبحث عن ثأرٍ ما عند شيهانه لذا هو مصر على إتمام هذا الزواج بقدر إصراره على العودة إلى الرياض رغم رفض زوجته العودة معه دون ابنهما وبين ميل شيهانه للتنازل لعبدالعزيز عن أموالها ليتم هذا الزواج رغم أنها كانت ترفض ذلك طوال هذه المدة لماذا الآن ولأجل هذا الشخص بالذات هي مستعده أن تتنازل لعبدالعزيز ما هي الميزات التي ظهر بها ليقنعها بالقبول به رغم أنه مجرد سائق عند فايز أم أنها تخشى أن يفوتها قطار الزواج لذا هي تريد التمسك بهذا الأمل لتعيش حياتها كما تريد بعيداً عن تحكمات عبدالعزيز فهل فايز هو فهد؟؟؟؟؟؟؟؟؟؟؟ أميل كثيراً لهذا الاعتقاد خصوصاً أن هويته التي أعطاها أبو زويد مع الوصية لم يكن بها صوره فما الذي يمنع أن يكون قد غير اسمه بعد أن نفذ ما يريد ورافق مؤيد إلى لندن على فرض أنه ذهب معه خصوصاً أنه يتمتع بذكاءٍ حاد يمكن أن يجعله يقدم على أي خطوة يرى أنها في صالحه ويمكن أن توصله لما يريد عبدالعزيز.......... شخصية انتهازية لا تعبأ بأحد ويمكن أن يدوس على كل شيء يمكن أن يقف في طريقة حتى ولو كانوا إخوته فهل يكون ابنه مثله ويعامله مستقبلاً كما يعامل هو إخوته خصوصاً أنه منعه عما يريد دون سبب ودون أن يعطيه أي مبرر لذلك والفتاة ابنة أخيه فما الذي يعيبها ليرفضها هكذا مؤيد............. ما سبب موته؟؟؟ وهل نفذ الوصية وأخذ فهد معه إلى لندن أم أنه واجه صعوبات في ذلك من عبدالعزيز بانتظار حل هذه الألغاز سلمت يداك على هذا الإبداع دمت بحفظ الله ورعايته |
السلام عليكم مازالت القصه يكتنفها بعض الغموض يعني كم عمر فهد في البارت الثاني وكم عمره في البارت الثالث؟ كذلك شيهانه ,اتوقع البارت الثاني كانت شيهانه طفله بدليل تلقينها الكلام من زوجة اخيها وبالبارت الثالث اصبحت شابه. والله اعلم :) شكرا لك واتمنى لك التوفيق :)
|
تسلم اخي قمم على الرواايه
الحلوه وفكرتك جديده .. وقلم راقي انا علقت بس انمسح من قبل عن فتحك لرواايه لانها بصراااحه من الروايات اللي محتاجين انها تكتمل عشان نشوووف وش هالفكره الغريبه وعشان ما تحرمنا الاستمتااع فيها تقبل مروري .. مع اني من خلف الكواليس اقرا بصمت |
الجـــــــــزء الرابع
ما تضيق وخالقي رب الــســــــما ولا نصـدّرهـن مــــن المــارد حـيــــــام ما قصدت ازعجك يــا عذب اللـــمـا يــا مـعـــرّب مــن خـوال ومـن عـمــــام سايقٍ روحي عــلــى شوفــك ظـما مــن هـجـــير الــشـوق طــاويــها هيــام شعرالوافي أبومحمد: تكرم فهد: سلمت أبوخالد: فهد رح داخل وانا أبوك طلعت من عندهم وانا ماني مطمن للي يصير داخل سكرت الباب وقفت وراه علشان أشوف وش راح يصير أبومحمد: أبو خالد وش صار على موضوعنا أبوخالد :أي موضوع أبو محمد: الصبي وش قلتوا تبغون تعطونياه والا لا ابوخالد: والله يابو محمد العيال قدامك وأسألهم أنا شاورتهم وما عطوني علم بين أبومحمد : ها يعيال وش قلتو مؤيد: والله يابومحمد أنا اشوف الصبي ماله عندك سنع عبد العزيز: انا عني ماعندي مانع مؤيد : عن أذنكم أبومحمد: وانت يابوخالد ابوخالد: والله مادري ياخوي انا مع عبدالعزيز بس أصبر شوي مدام العيال مختلفين أنا أقول نأجل الموضوع لين نفهم وجة نظر مؤيد مؤيد: فهد وش تسوي عند الباب وراك جالس هنا فهد: أحتري عمي سعد قلت يمكن يناديني مؤيد: رح نزل شناطي من السيارة عجل فهد: عمي هونت عن السفر مؤيد: لابس أجلت أسبوع ماتشوف الرجال خرب السفره علينا فهد : ابشر ياعمي طلعت غرفتي بشوف الامانه اللي عطانيها الرجال فتحتها وما توقعت اللي فيها أول شئ سويته أخذت الظرف وطلعت من البيت أدور لي أحد يفهم بالامور هذي اتصلت على صديق لي مؤيد :ألو السلام عليكم غانم : هلا وعليكم السلام مؤيد: كيف الحال ياغانم عساك طيب غانم : الحمدلله كل شئ تمام وينك أنت مؤيد: والله طالع من البيت غانم : خلاص تقهوى عندي والله ماتردني قل تم مؤيد : خلاص تم أصلا أنا أبيك بموضوع عانم : اجل احتريك لاتبطي عبدالعزيز: فهد وين عمك مؤيد ابيه فهد: والله مادري ياعمي قال لي نزل شناطي وبعدين طلع عبد العزيز: وين راح مايمديه توه كان هنا فهد: ماأدري ياعمي عبدالعزيز: خلاص تعال معي أبي أشوف البيت والغرف المقفله جب مفاتيحها فهد: أبشر ياعمي بس ثواني بروح دورة المياة عبدالعزيز: عجل ياصبي باحتريك طلعت بسرعة لغرفة عمي مؤيد خفت أنه نسى الظرف وذليت أن عمي عبدالعزيز يحصله الحمدلله مالقيت شئ شلت الاوراق اللي مقطعها عمي مؤيد ورميتها في الزباله وطفيت النور وطلعت من الغرفة أبوخالد : لاتزعل ياأبومحمد مؤيد مايقصد شئ بسؤاله وانت تعرفه دايم متسرع يسبق فعله تفكيره أبو محمد: لامازعلت ولاشئ الله يهديك بسمتى ترد لي علم بين أبو خالد : اليوم هذي بإذن الله مايكون خاطرك ألا طيب أبومحمد : فمان الله أبو خالد : فمان الكريم عبدالعزيز: شف يافهد أبيك تكفل الملاحق وتجيب مفاتيحها لي والجناح الغربي وابي مفتاح غرفتك بعد فهد : ابشر ياعمي أبوخالد: علامك وش تبي بالمفاتيح عبدالعزيز: أبد ننفذ أمر الشيخه منيرة أبو خالد : عبدالعزيزلا تظلم حظك منيرة ماقالت شئ عبدالعزيز: تتازيعل يابوخالد خلاص الشيخة شيهانه أبوخالد: فهد رح جددالدلال لين يجي عمك مؤيد فهد: تامر ياعمي عبدالعزيز: أنتبه من منيرة يابوخالد لو تبي لك الخير كان جا خالد منها والا من غيرها ابو خالد : وش تقصد عبدالعزيز: ماأقصد شئ بس انت قلبك منفضخ والعلم ماتطعمة كم مرة أقولك حط وحدة على راسها علشان تعرف ان الله حق وانت ماكنك تسمع للي أقول ما أكيد انها ساحرتك أبو خالد : يامعلم الناس علم نفسك كم لك وانت من دكتور لمداوي وماعينا شئ كله حكي عبدالعزيز: انا ومها الحمدلله مانشكي من شئ مسألت وقت بس الرود اللي عند بدل البنت ثنتين ولها خمس سنين ماجابت احد ابوخالد : عبدالعزيز وش سوت لك منيرة علمني وراك ماتدانيها عبدالعزيز: حرمة طردها أبوي من بيته وش اللي يحدني أرجعها له مره ثانيه أبوخالد : من طلب منك ترجعها عبدالعزيز: أختي وانت خابر ان شيهانه تسوى عيوني وانا ماأقدر أردها عن حلالها البيت بأسمها وانا وانت الوحيدين اللي عندنا علم بالشئ هذا ابوخالد: جاز الله من هالعلم عبدالعزيز: سعد أنا ماأقصد شئ والبيت وانا أخوك على حسابك ولاسافر مؤيد تقدر تنقل أنت واهلك ولاتاخذ في خاطرك انا والله ماتكلم ألا لمصلحتك أبوخالد: عارف ياعبدالعزيزوانا والحمدلله الله مغنيني ولو أختك ماتبي الشئ هذا ماسويته مؤيد : غانم انت تقوله صادق غانم : هذا اللي أشوفه الختم رسمي بس فيه شئ الكلام موهوب موزون يعني كأنه يقوله ويكتبه واحد مستعجل مؤيد: يعني ممكن الكلام هذ يكون صدق غانم : ممكن ليش لا خاصه أن أبوك اخر ايامه كان تعبان وممكن يكون يضمر الشئ هذا من زمان ومالقى أحد يحفظ سره ألا ابو زويد مؤيد : ماأعتقد ابوزويد راعي هرج والشئ هذا مايخفى على الوالد الله يرحمه غانم : واذا يمكن كان تعبان ومالقى ألا الرجال هذا بما أنه دايم يتقهوى عنده مؤيد: أبو زويد ممكن أي أحد يسأله يجيب الخيط والمخيط يعني مستحيل الوالد يأمنه على سر مثل هذا غانم : وش قصدك مؤيد : ماأدري الختم رسمي بس الهرج اللي في الاوراق ماأعتقد أنه اسلوب ابوي غانم : يعني أنت شاك مؤيد : حتى لو كنت شاك اثبات الشخصيه يأكد الكلام اللي بألاوراق وبرر وصية الوالد اللي مستحيل تكون جت من فراغ غانم : طيب انت وش راح تسوي مؤيد: والله ماأدري الى الان بس لي عندك طلب ياغانم غانم : انت ماتطلب يامؤيد أنت تامر أمر مؤيد : ماأبي الموضوع هذا يطلع من بينا حتى أخواني مابيهم يدرون غانم: أفى يامؤيد هذي هقوتك فيني أني أطلع سرك مؤيد : لا ياغانم الله يهداك لاتفهمني غلط أنا ماأبي خواني يدرون لان هذي رغبة الوالد لانه لوبغاهم يدرون ما عطى الظرف الرجال وقال عطه مؤيد بالاسم كان قال عطه العيال أو حتى حطه في الخزنه الشئ هذا ياغانم يحط العقل في الكف أصبر لحظه جوالي يدق أبوخالد: السلام عليكم مؤيد: وعليكم السلام أبوخالد: وينك وراك طلعت وماعلمتنا مؤيد : قريب بغيت شئ أبو خالد : ايه أبيك تعال عندي موضوع مهم لازم نحله مؤيد : عبدالعزيزموجود أبوخالد: ايه موجود مؤيد : مسافة الطريق وانا عندكم عبدالعزيز: وينه أبوخالد: يقول مسافة الطريق ماتقول ألا جا عبدالعزيز: فهدوين القهوة فهد: الحين أجيبها ياعمي وش يبي سعد الحين أشوف اكيد عندهم مصيبه دايم مواضيعهم مهم ولاجيتهم مالقى ألا سوالف شيهانه عبدالعزيز :أخيرا شرفت ياخي من اليوم ننتظرك وينك مؤيد: واصل قريب خير وش عندكم عبدالعزيز: أبد نبي نعلمك أن أبوخالد واهله بينقلون للبيت هذا مؤيد: ليه عبدالعزيز: طلبات شيهانه بس لاجيت تسافر أقفل غرفتك وخذ مفتاحها مؤيد: وفهد أبوخالد: بنعطيه أبو محمد مؤيد: بأمر من عبدالعزيز: بأمري أنا مليون من يردها ألا اللي في عقله وش مؤيد : لو عشرة أنا أردها ابوخالد: وخير ليش تردها مؤيد: أسمع ياعبدالعزيز ولا يهون أبوخالد فهد بيسافر معي للخارج |
راجع
بأذن الله مع الردود |
اقتباس:
نسمة أمل ياهلا والله والشكر لكم للمتابعه اقتباس:
ياهلا فهد راح يظهر بأعمار مختلفة في الروايه عمرة يوم كان صغير وعمرة بعد ماتطور وبدأ حياة جديدة طبعا تكلمت عن عمر فهد قبل وهو أاثنعشر سنه وطبعا تطور ثلاث وعشرين سنه قدروا العمر الافتراضي له أما الفواصل صعب ماأقدر احطها حتى القارى يكون منتبه أكثر للمواقف فوز جد نورتيني |
اقتباس:
أرادة مجرد تواجدك هنا شرف التوقع الاول غير صحيح للاسف وراح نكتشفه بين طيات أجزاء الروايه عبدالعزيز والله ظلمتيه وراه يثت للكل العكس مؤيد نهايه أكيد الكل مارح يتوقعها أرادة سلمت يمينك على التعليق بجد نورتيني اقتباس:
طيوبه ياهلا فيك عمر فهد راح ماراح يكون ثابت فيه مواقف من الصغر له راح تظهر في الروايه ومواقف له وهو كبير يعني راح نتابع التطور مع فهد خطوة بخطوة وشيهانه بالمثل اقتباس:
اثرني أحبه ياهلا ومرحبا نورتيني سوا خلف الكواليس أوعلى صفحاتها دايم يشرفني حضورك |
اخ قمم
مو بعيد عنك الابداع ماشاء الله عليك ماحصلي الشرف وقريت روايتك الاولى بس بإذن الله اكمل هذي رووووايه روووعه يلفها الغموووض وهذا اكثر شي محليها .... فهد هالولد بيطلع من وراااااااه اشيا كثييييييييره شيهانه الله العالم وش بيصير معاها لحد اللحين مافهمت بس ان شاء الله ماتوافق على الخاطب الجديد عبدالعزيز مافهمت شخصيته مرررررره ابو خالد يمكن انه على نياته او يمشي على امر زوجته اخويا طلب لاهنت ممكن تكتب اعمار الشخصيات اللحين يعني مشعل وفهد وشيهانه وبنات ابو خالد ماعرفنا اعمارهم مع غموض الاحداث قلم مبدع وسيظل مبدع للأبد متااااااااابعه اخ قمم لك الف شكر ودي |
مشكوررر على البارت والحمد لله انه مؤيد وقف لاخوانه وقالهم انه بياخذ فهد معه يسافر بعد متاكد من الوصيه من صديقه بس صديقه كانه شك بالوصيه من سرعه الكتابه بس الحمد لله انه مؤيد ماحط بباله من شكوك خويه. وعبد العزيز: خلك بطمعك تبى تبيع فهد لابو محمد علشان تكسب من قريشات بي ان شاء الله فهد يروح مع مؤيد يسافر وتموت بحرتك . بانتظار البارت القادم بشوق |
اقتباس:
أحاسيس ياهلا ومرحبا فيك نورني وجودك وتعليقك على الشخصيات تسلمين والله اقتباس:
نسمه امل دايم ينورني وجودك وتعليقك على الاجزاء له عندي نكهة خاصه وجودك هنا نورني |
الجــــــــــــزء الخامس لا تامن الوقت لاشفت الحفاه الرعاه يشيّدون القصور ويلبسون الوبر وإن حاصرك زول من تغلي وضامك غلاه إن ماذكرت النعش وإلاذكرت القبر تدري متى تنفض يديك وتعاف الحياه؟ لأعطاك ربّي ( معاناه ) وحرمك ( الصبر ) مدغم أبو شيبه عبدالعزيز: ماشاء الله ياسعد بناتك ماعليهم كلام أخلاق وادب وش اسم الكبيرة أبوخالد: نورة عبدالعزيز: ماشاء الله عليها وين وصلت في الدراسه أبوخالد: الله يهداك يابو مشعل البنت مدرسه عبدالعزيز: ماشاء الله هي مع شيهانه والا لا أبوخالد: لا ماهي معها في مدرسة ثانيه عبدالعزيز: الله يخليها لك ويخليك لها أبوخالد : تسلم ياخوي مشعل : وشلونك ياعمي ابوخالد : بخير الله يسلمك وشلون الوالدة عساها طيبه مشعل : الحمدلله عبدالعزيز: وش عندها شيهانه جامعتنا أبوخالد: شيهانه موافقه على الرجال يابو مشعل عبدالعزيز: أي ياتهم أبوخالد: مشرف ابن تركي نسيت الله يهداك بس عبدالعزيز: وشرطي وش صار عليه شيهانه : ابومشعل انا موافقه بس بعد لي شرط عبدالعزيز: وش الشرط ياشيهانه شيهانه : البيت الكبير تكتبه بأسم أبوخالد عبدالعزيز: منتي هينه يامنيرة للحين على هالموال مامليتي شيهانه : ابومشعل والله منيرة مالها دخل وعمرها ما قالت سجلي البيت بأسمنا أنا من كيفي أبي أسجله عندك مانع أبوخالد: انا أول مره اسمع بالكلام هذا ياعبدالعزيز عبدالعزيز: ماعليه يابوخالد أنا ماني موافق ياشيهانه على هالشرط كله ولا بيت العود شيهانه : عبدالعزيزانا صامله على شرطي عبدالعزيز: وانا صامل على رايي وخلك في بيت ابوك ياالله يامشعل مشينا مشعل :لحظه يبه عبدالعزيز: وش لحظته أمش بس مشعل : لحظه ياعمه ثواني وبرجعه أن شاء الله طلعت من المجلس لاحق أبوي أركض لقيته مشغل السيارة وشكله ناوي يتركني ركبت جنبه وترجيته مايحرك مشعل : يبه لحظه شوي عبدالعزيز: خير مشعل : يبه فكر بعقل شوي عبدالعزيز: مشعل أحترم نفسك وش قصدك يعني ابوك مجنون مشعل : العفو يبه بس لازم تفكيرنا أبعد من كذا عبدالعزيز: كيف يعني مافهمت عليك مشعل : يايبه الله لايخليني منك الحلال هذا كله مصيره راجع لي ولك نسيت أني الولد الوحيد في العائله يعني راح أورث كل حلال جدي فهمت عبدالعزيز: لايذكي قديمه وخابرها مشعل : يبه أنت خابرها ومع كذا تعقد الموضوع عمتي شيهانه وش ذنبها خلها تشوف حياتها وترى اللي أسمه مشرف مهو من طيبه خله يتزوجها شهر والا ثنين وبنطلقها منه يبه خلك معي الدراهم ممكن نرجعها في أي وقت بس زعل عمتي مانقدر عليه خلنا نحسسها انا مالها ألا انا وانت وحنا الوحيدين اللي نسعى في سعادتها يبه تعلم لو شوي من عمي سعد عبدالعزيز: وش قصدك سعد وش سوى مشعل : مايبيلها ذكاء عمي راح ياخذ البيت هالحين وبعدين كل شئ يجي على هونه ولاتنسى يبه جدي الله يرحمه نص أملاكه بأسم شيهانه بيع وشراء وفوق هذا وارثه معكم يعني الحلال كله لها عبدالعزيز: أزعجتني والمطلوب مشعل : هذا سهل توافق على تسجيل البيت والملكه وخلك كريم وقل الاجراءات نبدأ فيها بكرا خلك أطيب منهم عبدالعزيز: هالمرة بطيعك يامشعل واشوف وش يصير مشعل : صدقني يبه ماراح تندم يالله أنزل واذكر الله وسع صدرك يارجال عبدالعزيز: طيب بس والله أن تسجيل البيت لمنيرة وبناتها غصبن عن خشمي مشعل : أفى ماعاش من يغصبك والله أن أمة ماجابته ما عليك منهم شنبي ماهوب على رجال ان خليته لهم كنت أنا ظر مشعل مع الشباك وماني مصدقه معقول هذا مشعل ولد عمي نورة : هيا وش تسوين عند الشباك هيا : أبد كنت اطالع وشفت عمي راح لسيارته معصب ولحقه ولده وكلمه وبعد فتره نزلوا مرة ثانيه ودخلو المجلس نورة : هيا وماأستحيتي لو أحد منهم طالع فوق وشافك وش يكون موقفنا مهوب قايل هيا بيقول بنات سعد الشئ هذا يرضيك هيا : أكيد مايرضيني بس هالولد مزيون يستاهل من ياقف عندالشباك على شانه نورة : الله يخليه لاهله هم في حاجته أم خالد : من هذا اللي تهرجون عنه نورة : مشعل ولد عمي عبدالعزيز أم خالد : مشعل مزيون مفارقه الزين وابوه عبدالعزيز وأمه مها أبو خالد : أدحر الشيطان ياعبدالعزيز شيهانه أختنا وحنا مالنا غناة عنها عبدالعزيز: اعوذ بالله من الشيطان الرجيم خلاص أنا موافق دق على الرجال يابو خالد وبلغة بموافقتنا وبكره نمر أنا ومشعل شيهانه أول نروح نحلل وبعدها نروح للمحكمة تتنازل واسجل البيت بأسم سعد وش قلتم أبوخالد: مابعد قولك قول يابو مشعل اللي تامر فيه على العين والراس مشعل : عمة تجهزي بكره ان شاء الله شيهانه : أوكي مافيه مشكله عبدالعزيز: شيهانه جيبي لي ماء ماعليك أمر شيهانه : من عيوني ثواني عبدالعزيز: سعد دق على الرجال وعطنيه بكلمه قبل تجي شيهانه سعد : وش تبي به عبدالعزيز: أبد بسولف معه وش أبي به أبي أعرف ردة فعلة لادرى أنّا وافقنا عليه سعد: دقايق عبدالعزيز: الو السلام عليكم مشرف : هلا وعليكم السلام عبدالعزيز: الاخ مشرف بن تركي مشرف : معك من معي عبدالعزيز: معك عبدالعزيزبن خالد مشرف : ياهلا مرحبا كيف الاحوال أن شاء الله بخير عبدالعزيز: الحمدلله كل شئ تمام أخ مشرف قبل فتره طلبت يد كريمتنا وترى أحنا موافقين على طلبك ونتشرف بنسبك مشرف: العفو الشرف لي والله وان شاء الله ماتسمعون ألا كل علم غانم وطيب وكريمتكم في عيوني بس متى نسوي التحاليل عبدالعزيز: هذا العشم فيك والتحاليل بكره بنروح نسويها مشرف : على خير وان شاء الله أكون عند حسن الظن عبدالعزيز: أن شاء الله تامر شئ مشرف : سلامتك يابو مشعل عبدالعزيز: مع السلامه مشرف : مع السلامه مشعل : وش قال عبدالعزيز: ماقال شئ بس علمته أنّا بنسوي التحاليل بكره على شان يكون على بيّنه شيهانه :أبو مشعل الماء عبدالعزيز: سلمتي شيهانه : الله يسلمك مساعد : ألو مرحبا ياطويل العمر فواز : هلا مساعد وش فيك تتصل هالحزة مساعد : أبيك تفتح جوالك عندك خط خارجي فواز : مالي مزاج أرد على أحد يامساعد شف وش يبون مساعد: آسف ياطويل العمر الخط شخصي فواز : من مساعد : مشرف بن تركي دق على وقال لي أكلمك تفتح جوالك يبيك في موضوع مهم فواز : مشرف أجل يالله مع السلامه مساعد : مع السلامه وان شاء الله تسمع اللي يسرك ياطويل العمر فتحت جوالي وجلست أكثر من ربع ساعة أحتري مشرف يدق ومادق وين راح هين خله يدق بس وين رحت يامشرف ياترى وش صار معك فواز : ألو مشرف : هلا ياطويل العمر فواز : لاهلا ولامرحبا وينك من اليوم وانا أحتريك هاحين تدق على مساعد وخله طويل العمر يفتح جواله وبعدين تطنش وماتدق وش اللي ردك مشرف : حقك علي ياطويل العمر والله عذري معي كنت بالمستشفى آخذ غذايه ودوبني خلصت فواز: مشرف علمني أنا على نار وش صار معك مشرف : البشارة ياطويل العمر وافقوا |
مشكوررر على البارت عبد العزيز: اخيرا وافقت على شرط شيهانه وعلى زواجها ماوافقت الا بعد ما مشعل اقنعك انك تكون الطيب والى يبي مصلحة شيهانه وبعد ماتتزوج المسكينه تخططون انت وولدك على طلاقها وعلى انكم تورثون سعد بعد عمر طويل. نوره: مسكنه اعجبت بولد عمها مشعل وهى ماتدرى انه يبي اختها الصغيره الله يعينها على الصدمه. مشرف بن تركى : الحين انت مرسول من فواز علشان زواج شيهانه بس منو الى يتزوجها انت ولا فواز. فواز: شكلك انت الى بتتزوج شيهانه ومخطط على شى بس مادرى وشو ان شاء الله البارت الجاى نعرف كل شى. بانتظار البارت القادم بشوق |
مممممم ماتمنيت شيهانه توافق حاسه بيصير شي مو لله هالزواجه
وبعدين هالمشعل يطلع منه طالع لابوه اتوقع ان مؤيد مامات اخوياااا شوقتني مررررره للبارتات الجايه |
السلام عليكم الصرااحة بارت يخفي الكثير من الغمووض شنو الي مكتوب بالرساااله وليش مؤيد يبي يسفرفهد معاه تساولات عديده ننتظر البارت الياي لكي تكشف عن التساولات فهد : يا ترى ما ذا يخفيه تحت القناع الي يلبسه من الجهل والتعبيه مؤيد : ماذا تخطط له وما الذي تسوقه لذاك الفهد في سفره معك في الخارج عبدالعزيز : غريبه هذا الحنان الذي تتحجث عنه سعد : ايها الانسان الشفاف متى تستيقظ من طيتك التي تستدعيك للسذاجه او ضعف الشخصيه واخيرا استمتعت اخي الكريم بابداعك اكمل مشوارك ونحن معك .. |
السلام عليكم و رحمة الله و بركاته صباح الخير و الرضا من الرحمن بارت رائع ربي يعطيك ألف عافية بس مليء بالغموض ===================== (( شيهانة )) مدري هالشرط اللي طلبته من عبدالعزيز هل بقناعة منها و لا مجرد رد جميل لسعد و زوجته و بناته أنها عاشت عندهم ,, بس الأكيد هي غلطانه أبوها ما كتب هالبيت باسمها إلا لمصلحتها و عشان يكون لها إذا دار الزمن فيها صح عندها أملاك بس البيت هو الأهم ,, و مسألة زواجها مدري لي حاسة انه مو خير لها شيء بدايته لف و كر أكيد الخافي اعظم و الله يستر ... ======================= (( مشعل و عبد العزيز )) و الله مشعل طلع يفكر صح و يعرف شلون يجيب رأس أبوه و يقنعه أجل ليش ما اقنعه بسالفة زواجه .. سؤال :: البنت اللي يبيها مشعل هي بنت عمه هيا و لا غيرها ... و إذا كانت هي فتدخل مشعل باقناع أبوه ما هي إلا وسيلة عشان يرضاله يتزوج من بنت عمه ... ====================== (( مشرف و فواز و مساعد )) ما زالت شخصيات غامضة ,, بس الأكيد واحد منهم فهد ... ===================== بــ انتظار القادم .. .. .. أخ قمم طلب و لا عليك أمر يا ليت تفصل بين الحوارات لاني أنا شخصيا قاعدة أخربط مدري وين كنت و ين صرت .. .. .. |
رواية رائعة وجميلة جدا واسمها شذني وخلاني ادخل اقرأ اول بارت ..............وكملت الباقي مرة وحدة عن جدا اسلوب الرواية والغموض يشد القارئ وبقوة لمتابعت الاحداث والتعرف اكثر على الشخصيات ............ بس الغموض مسيطر على الاحداث وبقوة ويثير الكثير من التساؤل ...........
فهد من اول بارت لفت انتباهي شخصيته وهويته ومين يكون وايش يسوي عند ابو سعد اذا كان صبي مثل ماهو كان ظاهر للكل وين اهله ومن وين جابه هالشايب ............وليه حرمه من الدراسة بينما هو كان يعلمه بعض الدروس تنفعه بحياته الهوية الي استخدمها فهد هل هي تخصه واذا كانت له كيف عرفها وهو مايعرف يقرأ والبطاقة مافيها صورة .........يعني الاسم ممكن يكون غير طيب هو خلى الي كتب الرساله يذكر انو صاحب البطاقة ياخذه مؤيد معاه وماادري اذا كان في تكملة في الوصية المزعومة ماعرفناه ............ اتوقع الاسم الي بالبطاقة غير اسم فهد وهو بعد مااخذ الظرف حط صورته على البطاقة وبعدين اخذ الظرف لابو زويد وبكذا يكون صاحب البطاقة هو فهد حتى لو الاسم مغير .............ز والخط كان مو ذاك الزود علشان مؤيد مايشك بالخط انو مو لواحد شايب مثل ابو زويد .......... وبكذا يكون فهد نفذ اول خطوة له وماعرفنا كيف تصرف مؤيد مع اخوانه خصوصا عبد العزيز الي يموت على الفلوس واتوقع في اوراق ثانية بتظهر مع فهد وبتكون صدمة لسعد وعبد العزيز لانو اذا ماكنت غلطانة فهد ختم اكثر من ورقة بختم ابو سعد بس ماعرفنا لاي غرض بيستخدمهم ابو محمد واصراره انو ياخذ فهد بمبلغ ضخم يخلي الواحد يشك انو شخصية فهد وراها سر كبير والا ليه يدفع هالمبلغ في ولد او صبي يقدر يجيب بداله عامل مابيكلفه ربع هالمبلغ بس هل اتضح السر والسبب او لا لانو بعد هالسنين مااعتقد ابو محمد عايش وبصحته مؤيد شخصية مالها راي وكأنو تكملة عدد عند اخوانه حتى وهم يتكلمون في موضوع اخته ماكان له ذاك الراي ولا ابدى نيته انو يجلس معاها وشايل ايده منها .......... بس هل قدر على اخوانه في موضوع فهد وخصوصا عبد العزيز والسالفة فيها فلوس ............وكيف اقنعهم يمكن عطى عبد العزيز مبلغ يسكته فيه ........ بس متى وكيف مات ؟؟؟؟؟؟؟؟؟؟؟ ابو خالد شخصية ضعيفة وانقيادية كلمة توديه وكلمة تجيبه وشكل منيرة هي الي قايدته ومبين انها خبيثة وطماعة من اول ماطلبت من شيهانة تسكن بالبيت العود .......... والي فهمته انها كانت على خلاف مع ابوهم وسبق طردها منه ..... بس غريبة مافضلت مصلحة بناتها على شيهانة وزوجت بناتها ومااهتمت فيها مثل زوجها الي موقف نصيب بناته على شان شيهانة ............هو طيب وعلى نياته وواضح حبه لاخته بس عبد العزيز الي واقف عظمة بالبلعوم في طريقها عبد العزيز انسان يحب الفلوس بطريقة بشعة وهو بالمقبرة ومو قادر يشيل عيونه عن اخوه وابو محمد وعلى طول خمن انو السالفة فيها فلوس ...........والاعظم من هالشي طمعه في فلوس اخته وورثها وهو ماعليه قصور وربي ماعطاه هالولد الا بطلوع الروح وبدل مايكفر عن ذنوبه علشان ربه يرزقه يوقف بنصيب اخته وبيضيع عمرها علشان فلوس مو دايم لها ومااتعظ من موت مؤيد بعز شبابه والفلوس مانفعته برد قضاء ربه يمكن له وجهة نظر بالنسبة لفلوس اخته بس مو لدرجة يوقف بوجهها وحياتها ويمنعها من الزواج بس علشان يضمن الفلوس بجيبه وبعدين معترض على البيت الي سجلته لابو خالد ليه هو ضامن عمره وعمر ولده يمكن يموتون وفلوسه تروح لاخوه سعد والله حاله الحين ماعنده الا ولد واحد وهو الي كان يعاير منيرة على انها وقفت خمس سنين بعد البنتين الي عندها وهو وزوجته ماكان عندهم ولا ولد ولا كان ضامن يجيه ولد وهذا هو ماجاب غيره ليه ماتزوج على حرمته ومنيرة دامها جابت دانة الي هي اصغر من مشعل يعني فيها عيال شخصية متناقضة جدا بس احساسي بنتفاجئ بشخصيته وبيطلع فيه جانب غير متوقع ................... شيهانة لحد الحين مااتضح لنا شي من شخصيتها وخباياها ...........بس شكلها قوية وعنيدة والا ماوقفت بوجه عبد العزيز مع انو الي يقرأ اول مقطع لها وهي صغيرة يحط بباله الكثير لشخصيتها الدلوعة والانانية بس الي استشفيته من تنازلها ورضوخها لعبد العزيز علشان تتزوج وتفتح الطريق لبنات اخوها نورة وهيا وودانة شخصياتهم ماوضحت لحد الان وماندري بيكون لهم ظهور قوي او لا لانو مازلنا بالبداية بس والله عبد العزيز يقهر بنات اخوه مايعرف اساميهم ولا يدري مين الكبيرة من الصغيرة ........... وهيا الي جالسة نتاظر ولد عمها مو المفروض انها اكبر منه دامها الثانية وابوهم كان عنده ثنتين قبل حتى مها ماتحمل بمشعل يعني كلامها ماله داعي ...........والله يستر منها ابو خالد رفض يزوج بناته قبل اخته هل بيرضى يزوج دانة الصغيرة قبل خواتها الكبار ؟؟؟؟؟؟؟؟؟ غير كذا امهم شكلها بتوقف بطريقهم بههالزواجة لانو مشعل ولد عبد العزيز فواز ومشرف بن تركي ومساعد فواز مين هو بالظبط هل ممكن يكون فهد واسمه بعد التغيير فواز ومن وين يعرف شيهانة اذا هو غير فهد وايش غرضه من هالزواجة والاغرب مشرف هذا على اساس سواق هل بيزوج شيهانة لسواقه للانتقام والاهانة وهي الي كانت عمته في يوم من الايام ............والزواج هل بيتوم والله هناك خطوة ثانية الله العالم هو متزوج وعنده ولد وفهد لو جينا لعمره الان مابيقل عن 35سنة يعني ممكن يكون هو فواز وشكل زوجته موهامته لانو امبين مايكن لها اي مشاعر واصراره على الرجوع للرياض اكيد وراه شي كبير وخطير والي يخلينا نشك بهويته انو فهد وجوده بلندن نفس البلد الي كان المفروض يسافر فيها مع مؤيد ............ رواية رائعة ومحيرة وصعب التكهن بالتوقعات الصحيحة ........مع انو ماحصل لي الشرف اقرأ روايتك الاولى ياليت تعطيني اسمها الله لايهينك ..........بس عن جد هالرواية اخذت حيز كبير من تفكيري وشوقتني اعرف الاسرار والخفايا فيها في انتظار البارت القادم بكل شوق |
نسمة أمل
أحاسيس منسيه فوز بياض الصبح وردة الزيزفون نورتــــــــــــــــــوني كل مره يزيد المتصفح نور بوجودكم |
الجــــــــــزء السادس
الحي اليا منه غدى ميت الياس دنياه ضاقت به ودقت جرسها في واقعه يرجي ولو بعض نوماس شحت له الايام تعلن فلسها مخاوي الليل عبدالعزيز: تقوله صادق مؤيد : فيها شك أبوخالد : وانت وش تبي فيه يامؤيد فهد توه صغير ومايعرف شئ وين تاخذه مؤيد : باخذه معي أبيه يخدمني ماعندي أحد هناك أبي شخص يرد علي الصوت وهنا محد محتاجه بالعكس بيكون عالة على الجميع عبدالعزيز: من يقول أحنا وعدنا أبومحمد أنه ياخذ فهد وبيعطينا عوض عنه المليون مؤيد : بس أنا ماوعدته بعدين أنت في عقلك تبيع الضعيّف حرام عليكم ياعبدالعزيز كل شئ له حوبه فكر بحالتك الحين وش راح تفيد الفلوس لو مت أوصار لك شئ وبعدين أبو محمد وش هالعين الضيقه عنده مالقى الافهد أبوخالد: ونهايتها أستقروا على راي مؤيد: النهايه فهد يسافر معي أنا في حاجته عبدالعزيز: خلاص يامؤيد أنا معاد لي كلمة وش تبى بالورع لا وباخذه برا فكر فيها يامؤيد الصبي بيتعبك أكثر ماينفعك وش رايك يابو خالد تكلم أبوخالد : أنا معاد أدري بس الولد كان الوالد يعزه وأذا كان مؤيد يباه خلوه يروح معه ترى انا من البدايه ماني مرتاح لطلب أبو محمد عبدالعزيز: والمليون راح يعني أبو خالد : في اللي مايرده ترى اذا فكرت فيها لقيتها ماهي زينه نبيع واحد اكل وشرب معنا وخدم ابونا لين مات مؤيد : أصلا منهي في دينه علموني عبدالعزيز: أجل الشكوى لله أبو خالد : خلاص يامؤيد فهد تحت شورك هالحين خف الله فيه تراه طيب والدنيا ماترحم مؤيد: والله يابوخالد الكلام هذا المفروض مايطلع منك لانك قبل يوم بس كنت ناوي تبيعه وكنه غرض من أغراض ابوك أبوخالد:عاد الشكوى لله احسب الكل موافق قلت أنا مابي اسوي شئ من كيفي أشاوركم مادريت أنكم تاتختلفون عبدالعزيز: مادام أتفقتوا وماطعتوني أناأستأذن بروح لبيتي لان مالي عازة أبوخالد :أفى ياعبدالعزيز أنت الخير والبركه والله أنّا مانسوى بدونك عبدالعزيز: حكي مؤيد : لو هو حكي ماوكلناك على حلال شيهانه عبدالعزيز: هذاك موضوع ثاني مؤيد : المهم أنا بكرة بروح أسوي أوراق فهد وخلال أسبوع بالكثير أن شاء الله مسافرين عبدالعزيز: مع السلامه لان الهرج أصله ضايع معكم أبوخالد: مع السلامه ياعبدالعزيز ماتشوف شر وانت يامؤيد الله يوفقك وان شاء الله ماتندم أنك سويت الشئ هذا وأذكر الامانه اللي شلتها ترى مهيب سهله مؤيد: عارف ياسعد والله أنها ثقيله بس أنا ابي فهد معي ماني مرتاح وانتم تبيعون وتشترون فيه أبوخالد: الله يعين أنا أستاذن بعد بنياتي يحترني صيفت عليهن مؤيد : مع السلامه ***************************************** طلع عمي سعد وانا خلاص دايخ ودي أحط راسي على المخدة وأرقد معاد في حيل لي يومين وانا ماغير أركض من مكان لثاني أوف الفراش قاسي وانا ظهري ويدي يعوروني من الوقفه وصب القهوة توني غفيت واسمع مؤيد : فهد فهد قم ياولد أبيك رصيت عمري زود عارف عمي مؤيد أكيد يبيني أسوي له شاهي وانا تعبان والنوم سلطان ماودي أقوم صرت أحس أحد يهزني بقوة قايم قايم مافيها مفر مؤيد : فهد فهد أنت ماتسمع أنطرشت فهد: نعم ياعمي وش تبي والله أني تعبان من صلاة الفجر مانمت مؤيد: فهد عندك ملابس جديده فهد: ليش ياعمي مؤيد: بكره بأخذك أقص لك بطاقه وجواز سفر فهد: ليش ياعمي مؤيد: فهد أنت راح تسافر معي لندن طرت من الفرحه وبدون شعور رحت أركض للدولاب واطلع ثيابي فهد: شف ياعمي الملابس عندي واجد وش تبيني ألبس بس علمني مؤيد: البس اللي على كيفك ويجوز لك فهد: عمي صدق بروح معك مؤيد: صدق يافهد ليش ماأنت مصدق يالله أرجع أرقد علشان تقوم بدري ونلحق نخلص أوراقك فهد : تامرياعمي وين أرقد شكل النوم ماراح يجيني عقب اللي سمعته انا أسافر ماكنت أدري أنها سهله كذا يارب ان فرحتي ماتخرب ****************************************** مادري الشئ اللي أنا سويته صح والا خطأ والله أني محتار أصدق من الاوراق عليها ختم أبوي وانا محتار من قراره أن الاوراق تسلم لي انا طول وقت تعبه موجود ليش ماعلمني ليش أبوي يعلم أبو زويد وهو دايم يقولي خله مافيه ألا صدقه شخص كان الوالد يعتبر مجلاسه في مجلسه صدقه ليش يعطيه أرواق ووصيه مهمة بالشكل هذا وبعد أبوي عنده خزنه مقفوله في البيت ليش ماحط الاوراق فيها الموضوع محيرني ومتعبني في نفس الوقت بس وس أسوي ختم الوالد على الاوراق أخاف أهمل وصيتها وهو كاتبها فعلا بس خلاص لازم أحسم أمري باخذ فهد معي لين الله يفرجها بس لو عبدالعزيز موحاط في باله انه يعطيه أبومحمد كان خليته عند أبو خالد وماعليه خوف ************************************************** الصبح قمت نشيط والدنيا ماتاسعني من الفرحه اليوم بيكون أول بداياتي علشان أصير سيد نفسي وماأحد له سلطه علي مؤيد: ها فهد جاهز فهد: جاهز ياعمي مؤيد : أجل توكلنا على الله ************************************ أبوخالد : هذا العلم وماجاك يابومحمد أبومحمد: وش عندهم خوانك كنتم موافقين المبلغ ماجاز لكم تبوني أزيده أبوخالد : وش هالكلام يابو محمد أنت عارف انا مابينا هالكلام وانت قبل معرفتك لي معرفه للوالد والكلام هذا موبينا أبومحمد: أجل مليونين أبوخالد : ولاعشرة يا بومحمد العيال ماوفقوا ابومحمد: ولاهنت يابوخالد باكلم عبدالعزيز ابوخالد : مايسدك علمي يابومحمد الولدسنعنا أوراقه وبيسافر مع مؤيد أبومحمد: الله يوفقه محمد : وش السالفه يبه ابومحمد : والله السالفه مهيب هينه وانا أبوك محمد: ليه ابومحمد: مؤيد بياخذ فهد معه محمد: خله ياخذه فكة من جحا غنيمة أبومحمد: يامحمد فهد لازم يكون تحت عيونا وما يدري عن أي شئ صار على حياة أبوه محمد: من اللي يدري أنت نسيت أن الموضوع مايدري عنه ألا انا وانت وابوسعد ولولا انت ماعلمتني مادريت أبومحمد: الحرص واجب وانا أبوك بس أنا كيف أوصل للاوراق حقت فهد محمد: هذي عاد مافيدك يبه والله صعبه أبومحمد: يامحمد مافيه شئ صعب على أبوك تذكرها ***************************************** خلص عمي مؤيد كل اوراقي والشئ هذا ماأخذ له يومين ماني مصدق أني في المطار رايح لدنيا غير أحس فيها أني غير اعيش لاول مره بشكل غير |
بسم الله الرحمن الرحيم السلام عليكم ورحمة الله وبركاته جزء رائع رغم أنه لا زال يحمل بعض الغموض حول {{ عريس الغفلة }} سلمت يداك مشعل............ ينطبق عليه المثل القائل: {{ الابن سر أبيه }} ماذا يمكن أن ننتظر من إنسان يفكر أن يرث أهله وهم على الدنيا ويحاول أن يتخلص من عمته بتزويجها لرجل يعلم أنه لا يصلح لها كنت أتمنى أن يكون لمشعل دور مفيد يقف فيه مع عمته ضد ظلم والده ولكن للأسف يظهر أنه أسوأ من والده أتمنى أن تكون نظرتي له خاطئة ونرى مستقبلاً إنساناً آخر يهمه أمر من يعنونه ولا يرتضي لهم الغبن والمذلة شيهانه.......... إذا كان هذا هو مستوى الأهل في التعامل فماذا ترجو من رجل لا تعرفه لتصر هكذا على الارتباط به وتتخلى عن مالها لأجله فالمرأة التي لا تجد عزها من رجالها لن تجده من الآخرين ماذا سيفيدها أن يكتب البيت باسم سعد وهي تتخلى عن كل شيء لعبدالعزيز وعلى فرض أنه كما قال مشعل أنها لن تطول فترة زواجها لتعود لهم مطلقة كيف ستعيش بعد ذلك في بيت سعد تحت رحمة منيرة التي يبدو أنها ما عادت قادرة على تحملها أكثر من ذلك عريس الغفلة........... هل هو مريض أم أنه كبير بالسن وبحاجة لرعاية طبية ما؟؟؟؟؟؟ وكيف قبله سعد دوناً عن من تقدموا لها إن كان يعلم ما يعلمه عبدالعزيز وابنه عن صحته وحياته فايز............. رغم أنك قلت أن توقعي خاطيء عن كونه فهد ولكن لا زلت مصره أن له علاقة ما بفهد وأنه لن يكلف نفسه عناء متابعة هذه الخطبة والإصرار عليها إن لم يكن كذلك لينتقم منها على ما فعلت به سابقاً إلا إذا كان عمله هذا انتقاماً من عبدالعزيز على شيء فعله له ولم يجد ما يرد له به الانتقام إلا اخته فهد.......... ما هو هذا السر الخطير حول والده الذي لا يعلمه أحد إلا أبا محمد وولده وأبا سعد وهل سيستطيع فهد السفر أم أن أبو محمد سيمنع ذلك وما حجته حين يمنع سفره وكيف سيواجه مؤيد هذا الأمر؟؟؟؟؟ تساؤلات كثيرة بانتظار أن ينفك غموضها إخي.......... سلمت يداك على هذا الابداع دمت بحفظ الله ورعايته |
اممممممم السلام عليكم
انا للحين ما قرت الا البدايه لاكنها مبشره بسطور رائعه ومميزة وتختلف كثيرا عن غيرها راح اواصل القرايه لين اوصل لكم بعدين بعلق عليها لاكن كبديه روعه اتمنى لك التوفيق وتخلصها على خير |
يعطيك العافية على القصة .. اناكنت من متابعين قصتك الاولى والحمد لله لحقت اكون من متابعينك مرة ثانية ..
احس المعرس له علاقة بفهد .. وفهد انسان غني بس له سالفه مع ابو محمد بتنكشف في البارتات الجاية .. الله يعطيك العافية |
يسلمو على البار ت بس والله زادت الحيرة اكثر وماندري هل فهد سافر مع مؤيد والله ابو محمد منعه من السفر حتى لو هم في المطار ........... والله متشوقة اعرف الي صار
طيب اذا مؤيد مات وفهد سافر معاه متى مات مؤيد وكم كان عمر فهد واواضح انو مؤيد مات في عز شبابه حتى مامداه يتزوج ...........اجل فهد بعده صغير وين راح وكيف دبر حاله في الغربة انا كنت متوقعة انو فهد وراه سر كبير لذلك ابو محمد دفع هالمبلغ ومستعد يدبله بس مين ابوه وايش سالفته واكيد حرمانه من المدرسة علشان لاينفضح امره وينفضح ابوه لذلك هو حريص يلقى اوراق فهد قبل ماحد يشوفها في انتظار البارت القادم |
صباح الورود
بداية كانت فرصه سعيده اني اشارك بالمسابقه والي خلتني ادور على روايه لسى ببداياتها والحق على الركب معكم وانتظم فيها و المطلوب مني احط اراء للبارتات الجايه وانا شكلي بخربها من كثر اسئلتي فببدا بالشخصيات على طول : فهد : طفل ذكي انوجد ببيئه تقتل الموهبه وتدفنها لكنه استطاع بنبوغه الهروب من الهاويه الي كانت مصيره بس عليه علامات استفهام كثير منها بالبدايه استخدم بطاقته الشخصيه بالهروب ولما جاء يصحيه مؤيد بعد نجاح الخطه قاله قوم بطلع لك بطاقه وجواز سفر طيب شلون يطلعها له وهو اتاكد من صحة الوصيه بارقام البطاقه المكتوبه وقارنها بالاصليه ؟؟؟؟؟ والالفين الي اخذها ليه اكيد مو بس لعبيد و ابو زويد .... لابد اتصرف فيها بشكل لسى ماوضح لنا يطلع ولد مين ؟؟؟ خصوصا وان الشايب العود كان يعامله بحنيه غير انه على حسب البدايه علمه اشياء ماعلمها لاولاده اتوقع انها بتفيده بالمستقبل البعيد لانه عارف انها بتفيده دون اولاده ايش علاقته بالعود وبابو محمد لازم بينهم صله نسب او قرابه حتى يهتم فيه العود ويخليه تحت نظره وبنفس الوقت يستعبده ويحرمه من التعليم حتى مايعرف الي مخبيه عنه وبنفس الوقت يخلي ابومحمد باول العزاء مايستنى ويجي عالسريع يطالب بشراءه وبمليون فاكثر اتوقع ان فهد يكون صاحب الحلال الاصلي والكبار اغتصبوا حق الولد لخلاف او غيره مع اهل فهد اتوقع ان ابو محمد بالماضي قدر انه يوصل للاوراق الرسميه الخاصه بفهد وعشان كذا رجع لنا فهد باسم مختلف الي هو يااما فواز او مشرف بس السؤال الاكبر شلون هو صبي عندهم وباوراق ماتنتسب لهم لان المفروض الصبي ملك خاص فيهم وكل مايملك يرجع لهم فاذا كانت له اوراق خاصه فهي تثبت شي لازم يبقى طي الكتمان وهو الي يبحث وراه ويسعى ابو محمد مؤيد متى مات بعد سفر فهد على طول ولابعد ماقدر يكون نفسه ويعرف يشق طريقه فلو كان موته في الحاله الاولى فهو مشرف ولو كان في الحاله الثانيه فهو فواز لانه مبين من صغره ذكي ويعرف من اين تؤكل الكتف ومن بدايته منافق اجتماعي صغير يحشهم بنفسه ويمدحهم امامهم عبدالعزيز ٍ:انسان اناني ويحب الفلووووس مووووت وزي ماله اثر كبير بحياة شيهانه سلبي بيكون له اثر كبير بحياة فهد وطمعه هو الي بيساعد فهد بتحقيق اماله ولده مشعل على مااظن : اعجبتني شخصيته على كبته من ابوه الا انه يحاول يستغل صفات ابوه لصالحه بقد مايقدر وفيه من طيبة امه لكن اظن ان جينات ابوه بتكون الاقوى وبيقدر يقنع ابوه انه يتزوج دانه حتى يرجع البيت الكبير من امها لهم ومايطلع لبرى لو تزوجو البنات من احد غريب وخصوصا ان شيهانه خلاص ماعاد تملك شي فالعين الحين بتروح لبنات سعد بالورث ابو خالد وزوجته : سعد رجال عايش بحاله وكلمه تجيبه وكلمه ترجعه والى الان زوجته مااشوف فيها الشر الي يشوفه عبدالعزيز بالعكس هي عشانها عارفته وعارفه طمعه فهي تحاول تضمن حقها وحق بناتها بالمستطاع وعشان كذا طلبت السكن بالبيت الكبير ورغم انها عارفه انه لشيهانه لكن عشان تثبت مستقبلا انهم عاشوا فيه طول العمر فهم الاحق فيه شيهانه ٍ: على طوالة لسانها وهي صغيرة الا انها تهذبت لما كبرت وصارت تفكر بالعلاقات الاسريه واهميتها اكثر من تفكيرها بالمال وشكلها اخطات خطا كبير بشرطها على قبولها على التنازل لاخوها بجميع اموالها فهي هنا تنازلت عن كل شي لاخوها الطماع والبيت الي المفروض يضفها لاضامها الدهر كتبته للثاني مادري لزوجته يعني اخرتها الشارع او تنكتم ببيت زوجها الي ماينعرف اصله ايش وغرضه منها ايش واصراره عليها ليه ؟؟؟؟؟ فواز : متزوج وشكله بايع زوجته بس مجامله صابر عليها او انها هي واهلها سبب ثروته فهالشي هو الي مكتمه ومسكته ومصبره على العيشه بالغربه حتى يحقق الي بباله وبعدها يقدر يرجع بكل قوة لتنفيذ باقي مخططه بس ليش يطلبها لسواقه مشرف ويصر عليها وينتظر جوابهم بكل لهفه ويفرح لموافقتهم بطريقه مو طبيعيه ابدا ويوهمهم ان مشرف رجل معروف وذو خير بالخارج واذا كان مو فهد ايش عرفه فيها وليه يزوجها لسواقه وهي بنت الحسب والنسب الدلوووعه بعايلتها وذا كان فهد فهل خطبها لسواقه انتقام لكرامته بصغره منهم اما اذا كان مشرف هو فهد فاساسا كيف عاش بالفترة الماضيه ولوين وصل بتعليمه وكيف وصل لفواز هل عن طريق مؤيد قبل موته او عن طريق ابو محمد سلط له احد يتابع اخباره ويوظفه عنده حتى يكون تحت عينه امممممم مااظن بقى احد ماذكرته .... روايه رائعه وافكار غريبه شوي بس لو سمحت اخ قمم وضح لنا لما تكتب عن الشخصيه وهي تتكلم مع نفسها مين لاننا ننتقل كم مرة من شخص لشخص كذا فجاه وبدون توضيح او خط فاصل بالتوفيق وارجو قبولي كمتابعة جديدة بالروايه بعد سيل الاسئله الي هلكتكم فيه :biggrin: |
يسلم يدك استاذ قمم ...
روايه رائعه بفكرتها واسلوبها بس لسه غامضه شوويه اتوقع فهد يقرب لهم يمكن يكون هو فواز واش قصته فواز هاذا ؟؟ ... وتحكم عبد العزيز ما عجبني يعني يا تتنازل يا ياخذ حلالها شيهانه المفروض تطلب لنفسها شي ومشعل الصغير ذا طلع داهيه زي ابووه وابوخالد شكله مسالم ماله راي بشي واش السر الى مخبيه ابو محمد شكله خطير عشان يدفع فيه مليووون منتظره باقي الرواايه بشوووووق لكشف الغموض عن احدااث كثيره |
السلام عليكم باارت روعة صج انه ما كشف لنا سر الرساله ولا ليش مؤيد راح ياخذ فهد معاه بس استشفيت من الموقف اني الي مكتووب شيء مو سهل وسر كبير ان شاء الله توضح قي البارتات اليايه فهد : انسان تعاطفت معاه على الرغم اني احس بوادر خبيثه منه >>احساس لا اكثر مؤيد : انسان حنون له كلمته تعجبني شخصيته عبد العزيز : كثير هم من على شاكلتك واتمنى انهم لم يخلقووووو ابو محمد : غريبه اصراره على شراء فهد اكيد ورااه سر كبير قد يدمره اذا انكشف بانتظااار البارت الياي واتمنى انه يكشف الغموض .. |
السلام عليكم .................
روايه احداثها حلوه وشيقه:55: واتمنى لها نهايه رائعه وسعيده انا كنت من متابعين الروايه الاول متى مواعيد البارتات ؟ |
أرادة
دايم يشرفني وجودك وحضورك هنا فخر لي أحلامي كبيرة نورتي المتصفح ياهلا والله اميرة الورد الله يعافيك وياهلا فيك شرفتيني |
وردة الزيزفون
ياهلافيك ومافيه حيره أن شاء الله كل شئ راح عن فهد راح ينكشف قريب ونورتيني همسات وردة بدايه ياهلافيك واسئلتك في محلها وراح تتضح ن خلال أحداث الروايه الله يسلمك وانا اللي لي الشرف بمتابعتك ملاك الجزيرة الله يسلمك والروايه لسى فيها أحداث كثيرة فوز ياهلا فيك دايم منورتني ووجودك هنا هو الرائع وجودي يكفي الله يحيك متابعه عزيزه أن شاء الله ومواعيد الاجزاء الجمعة _ الاحد _ الثلاثاء |
الجزء في موعده
أن شاء الله يوم الجمعة مانزلت لاني أبي القصه اللي شاركت بها في المسابقه تاخذ حقها من المشاهده بس موعدنا في وقته ان شاء الله ويعطيكم العافيه متابعين سواء وراء الكواليس أو هنا |
الجزء السابع
في يدينها الموت لمتني وفلتني ثم عرضتني غياب هب نسناسه والدمعه اللي بقاع الحزن هلتني خلت قوي العزايم يخذله باسه الله يا مكبر هموم على متني والبعد مركي على صدري بوسواسه شعر: سلطان المسلط مشرف: اللي جاك ياطويل العمر فواز : ومتى واعدوك مشرف : بكرة بعطيهم المهر فواز : كم شرطوا عليك مشرف : ماقالوا شئ ولاجابوا طاري الفلوس وش تآمر فيه طال عمرك فواز:أبد مثل حرصتك عطهم الدراهم وخل موعد الزواج قريب مشرف : متى ياطويل العمر بالظبط فواز: من شهر وراى مشرف : تامر طال عمرك فواز: خلاص سكر الحين ولارجعت من عندهم بكره كلمنتي مشرف : تم طال عمر فواز: لحظة يامشرف أكيد مايحتاج أوصيك ما أبي أي احد يحس بالموضوع بيني وبينك مشرف : لاتوصي حريص ياطويل العمر فواز : خلاص تقدر تسكر مشرف : مع السلامه ياطويل العمر بس لوأعرف طويل العمر وشراح يستفيد من زواجي من شيهانه شغله تحط العقل في الكف انسان مقتدر وش حاجته في زواجي أتزوج والا لا من يوم ماتوضفت ماسأل عني ألا من بعد ما قدمت عليه المعروض وطريقه معي هو وسكرتيرة حتى يوم طلبت أنزل واستقر في السعوديه طلبوا مني هالطلب الغريب على العموم ماراح أشيل هم المليون اللي وعدني فيه طويل العمر ليله زواجي راح أخذه بأذن الله وغيره مالي شغل عساهم يشبون حريقه ريوف : علامك يامشرف سرحان وماأنت معجبني من يوم أعفاك طويل العمر من الشغل وخلاك ترجع للديرة وانت حالتك حاله فيك شئ والله أعلم قلبي حاسني وانت ماودك تعلمني مشرف : ريوفه وش قلنا مالك شغل بالسوالف هذي عيالك ناموا ريوف : أيه ناموا تبي شئ مشرف : لاسلامتكم حتى انت روحي نامي وش مجلسك لها الحزة ريوف : قلت أحتريك يمكن تبي شئ مشرف : لا ماأبي شئ روحي نامي ياالله تصبحين على خير ريوف : وانت من اهله *********************************** هيا : عمة متى تطلع التحاليل شيهانه : يمكن بعد أسبوع هيا : عمة يمكن ماتوافق التحاليل نورة : فال الله ولا فالك وش هالكلام أحد يفاول على عروس بالكلام هذا هيا : ماقلت شئ قلت يمكن شيهانه : شوي شوي عليها يانوره تراها ما قالت شئ نوره : ماتسمعين ياعمة الله يهديها بس ام خالد: وشلون عروسنا عسى ماتعبتي من التحليل شيهانه :لا أبد ماتعبت الحمد لله أم خالد: أقول شيهانه شفتي المعرس عساه مزيون بس شيهانه : لا ماشفته يوم طلعنا دق على أبوخالد يسأل وينا قاله أبو خالد أنا خلصنا وطلعنا وما قال لنا شئ هيا : أقول عمة ماقال متى العرس شيهانه : لا ماقال أول خليه يجيب المهر وبعدين نشوف على حسب التجهيزات أنت تعرفين الرياض كلها مافيها ألا شيهانه وحدة أم خالد : وانا اشهد مايبي لها شور بس أقول شيهانه ماتبيني أشرط لك عند الشيخ لاجا مايقدر يهرج قدام الرياجيل والا نكتب ورقه ونرسلها لهم شيهانه : لا أم خالد الحركات هذي ماتعجبني أنا ربي مرهي علي البيت عندي والدراهم وجعلني ماخلا من أخواني ماخلوني متاجه شئ أم خالد: صدقتي الله يخليلك أياهم شيهانه : أمين أم خالد : يعني مابتشرطين شيهانه : لا ******************************************* حسنا : فواز من اللي يكلمك المغرب وطلعت من الغرفه مستعجل فواز : كلمني والمغرب أكيد شغل وش بيكون يعني حسنا : شغل وتقول واعدهم وحللت وش العلم يافواز فواز : أيه ذكرت هذا مشرف سواقي مو أعفيته من الشغل ورجع لاهله خطب وراح يتزوج حسنا : وانت وش حاجتك فيه مو أعفيته ليه تتواصل معه فواز : أبد أتصل يعزمني على زواجه ويعلمني بموعده أذا كان يناسبني والا لا حسنا : وليش يعلمك أنت ورى مايعلم مساعد فواز : ليه ماتدرين أني بارجع للسعوديه بعد شهر وأني محتاج سواق هناك فواز : أنت ماعدلت عن قرارك فواز : لا ياحسنا ولااني بمغير رايي خلاص تقبلي الواقع يامره حسنا : على راحتك يافواز فواز : أكيد على راحتي بس يكون في علمك راح تسافرين معي حسنا : ومن قال فواز : أنا قلت حسنا : وولدي وش راح أسوي به فواز : ماعليه شر الخدم عنده كلها أسبوع وترجعين حسنا : وش الفايده أنا ماراح أتطمن ولدي بعيد عني فواز : قلنا أسبوع يامره مايموت أحد جهزي عفشك بس حسنا : يصير خير أن شاء الله فواز: أنا طالع تبين شئ حسنا : سلامتك ****************************** فواز : ها مساعد جهزت الاوراق حقت المدرسه الداخليه مساعد : كل شئ تمام وماباقي ألا موافقتكم طال عمرك فواز : هات الاوراق أوقعها وما أبي أي أحد يدري عن السالفه والولد يدخل المدرسه بعد أسبوع بالظبط مساعد: تم طال عمرك فواز : وش صار على نقل مقر الشركه الام للرياض مساعد : كل شئ ماشي تمام ماعدا نسيبك أبو محمد مسوي لنا شويه عواقب ومانقدر نتحرك مضبوط فواز : خلاص خله علي أنا أخلص موضوعه أبومحمد : سلطان شف من اللي يدق على من صباح الله خير سلطان : يبه هذي حسنا أبو محمد : مادقت بهالوقت ألا تبي شئ والا عندها علم تبي تظهره عطنيها وانا أبوك أبومحمد : هلا حسنا صباح الخير حسنا : هلا يبه صباح النور أبومحمد : علامه صوتك وجعانه حسنا : يبه تكفى ألحق علي |
السلام عليكم ورحمة الله
مازلنا نعيش الغموض ولم تتضح الرؤيه بعد هل فهد هو فواز ولالا ؟؟؟وان كان الارجح انه هو فواز راجع للانتقام وبقوة يعني بيزوج بنت الاصل والفصل للسواق ومقابل هالخطه مليون واكيد يطير العريس ومايحضر للفرح وتبقى العروس بخيبتها وفضيحتها قدام الناس طيب شفايدته وواضح انه مناسب ابو محمد الي كان مخطط على فهد وعلى الاستيلاء على اوراقه الشخصيه واشياء لسى ماوضحت وشكل فواز فاهمه وساكت عنه حتى ينول الي بباله وبنفس الطريقه ابو محمد يستفيد من بنته حسنا حتى يعرف اي خبر جديد منها عن زوجها فواز حسنا واضح انها ماتكن اي حب اوتقدير لزوجها حدها ابنها وبس ويمكن حتى يكون ابنها من زواج سابق وفواز ناوي له على نيه شكله بيدخله لمدرسه داخليه بدون علمها لانه يقولها بنسافر بعد شهر وارجعي له بعد اسبوع وطلب من مساعد انه يدخله بدون معرفة احد بعد اسبوع يعني بيخفيه عنها وبيكون ورقة الضغط عليهم بس كان الي فهمته من البارتات السابقه انه كبير مو صغير يعني فيه شي ضايع مادري شنو ؟؟؟؟ شيهانه نايمه بالعسل ولا تدري بالي ينحاك من وراها لا ومطمنه من جهة اخوانها ماتدري ان اول ناس بدير ظهرها لها هم اخوانها اولهم عبدالعزيز وبعد مقاومه ضعيفه من ابوخالد لمرته بيستسلم وبيضعف ووقتها بيجي وقت ظهور فواز بالخط ننتظر البارت الجاي بقوة وياليت اطوله شوي |
يسلمو على البارت بس مافهمنا لحد الحين غرض فواز من سالفة الزواج ابد ...........وليه مصر يرجع مع زوجته ويخليها معاه اسبوع وبيرجعها يعني اسبوع زواج شيهانة
وحتى ولده ليه مدخله بمدرسة داخلية ومايبغي احد يعرف مكانه ...........ابو محمد هل هو نفسه ابو محمد الي كان يبغي فهد وهو صغير ؟؟؟؟؟؟؟؟؟؟؟او هو واحد ثاني اذا كان نفسه يعني ابو محمد اخذ فهد وهو نفسه فواز الي ممكن يكون اسمه الحقيقي وكبر عنده وزوجه بنته والحين يبغي ينتقم منهم او عنده هدف من رجوعه لذلك مايبغي نسيبة يدري عنه شي مشرف واح فقير وكحيان ضايع بالطوشة بس ليه يبغي يزوجه لشيهانة بالذات هل بينتقم او وراه غرض معين ويبغي الزواج وقت رجوعه للسعودية هل بيتم الزواج او فواز وراه شي بيسويه ويصير هو زوج شيهانة ...............اشياء كثيرة تدور بأفكارنا وماندري هل هي صحيحة او لا في انتظار البارت الجاي |
السلام عليكم
غموض لازال والمعالم مجهوله فواز منهو معقول يكون فهد ؟؟ شيهانه اكيييد ماراح تتزوج مشرف مشرف مجرد اداة والمليوون عشان مايحضر العرس واكييييد بينط فواااز وبيتزوج الشيهانه ولد حسنا ماهو لد فواااز هذا اللي جى في بالي وعشان كذا ماهمه ينترك في مدرسه داخليه شكرا اخوي قمم واكييد بانتظار القادم وفك الغموض |
يعطيك العافية قمم
اول شيء ما توقعت ولا واحد بالميه ان حسنا تصير حق ابو محمد وليش فواز مصر ان الولد يدش مدرسه داخليه بدون علم احد وبعدين فهد غريبه ما طلع له دور في البارت هذا ((مختفي )) شيهانه ربي يوفقج وتاخذين لج واحد يستاهل ويا ليت ما تتوافق تحاليلها مع مشرف احسه متزوج مو لله |
البارت قصير اتمنا لو يطول شوي لان يدوووب انسجمت الا خلص
الغموض مسيطر على الاحداث قمم تقبل مروري دمت بحفظ الرحمن |
يعطيك العافيه اخوي قمم على البارت
فواز ياهو فهد او اخو له ابو محمد اعتقد انه شرى فهد مادري فيه غموض يبيله حل |
بسم الله الرحمن الرحيم السلام عليكم ورحمة الله وبركاته مازلنا نعيش الغموض المحيط بفواز وإصراره على زواج مشرف من شيهانه ما الذي سيجنيه من الأمر وما مدى أهميته له قلت في السابق أنه قد يكون فهد ومع معرفتي الآن بعلاقته بأبو محمد يتضح أن هناك لغز ما يربط هذه العوائل ببعضها ربما يكون فهد وربما لا وربما تكون مصالح مشتركة بينهم ويريد السيطرة على الوضع حتى لا يخرج من يده وربما انتقام وتصفية حسابات فهو من جهة يضغط على حسنا ويريد إبعادها عن ولدها ومن جهة أخرى يريد توريط شيهانه بزواجها من مشرف فهل انتقامه أو لنقل تصفية حسابه مع والدي الفتاتين هو ما حداه على التعامل معهما هكذا فعودته وإصراره على رجوع حسنا معه قد يوحي بأنه يريد التخلص منها لذا هو مصر على إدخال ابنه مدرسة داخلية حتى لا تستطيع والدته الوصول إليه حسنا ووالدها......... هل هي عينه على فواز وهل تخون فواز لمصلحة والدها وهو اكتشف ذلك لذا يريد إبعادها؟؟؟؟ شيهانه......... ما هذا الإصرار الشديد على إتمام زواجها رغم عدم معرفتها بالخاطب ومدى ملاءمته لها من عدمه حتى أنها لم تهتم بمعرفة أدق تفاصيل حياته وعمره ولم تهتم بمعرفة تفاصيل الزواج من مهر وسكنى وكأنها هي الرجل وليس هو وهي من سيقوم بأعباء الزواج وهو فقط خيال مآته زوج بالاسم دون تحمل أي تكاليف أو مسؤولية!!!!!!! أخي سلمت يداك بانتظار الجزء القادم بشوق دمت بحفظ الله ورعايته |
همسات وردة
وردة الزيزفون أم رنا فوز وجودي يكفي شموخ السلاطين أرادة أعذروني ماأقدر أرد عليكم أعيش أزمة ردود مع صيف ليلاس مشكورين ع المتابعه والتواجد وتحليلكم لمواقف الشخصيات له أثر عظيم في نفسي |
الجزء الثامن
مؤيد : فهد أخذ شنطتي ورتب ملابسي في الدولاب أنا طالع عندي مشوار ضروري وماراح أتأخر أنتبه لنفسك وترى بقفل الباب من برى فهد: خلاص عمي ماتشوف شر أخذت شنطتي الصغيره وطلعت كان معي أوراق فهد اللي صلحتها من الاحوال في الرياض عدلت الاسم وضبطه بحظور أثنين شهود من معارف الوالد بعد ماأكتشفت أن ابوي ضايف فهد في بطاقه لحاله وناسبه لجدي الاول يعني كذا والا كذا فهد راح يكون من عايلتنا والشئ هذا ماراح يرضي أخواني وأولهم عبدالعزيز أول شئ قمت فيه أخفيت الاوراق الرسميه وبلغت عنها بدل فاقد أخذت فهد وسويت له تحاليل وقصيت له جواز سفر وكل هذا خلص خلال أسبوع بس والواسطه والفلوس كان لهم الدور الاكبر خاصه أن معارف أبوي اكثرهم من الداخلية رحت للسفارة وسويت أوراق فهد على أساس يدخل مدرسة أوبالاصح أكاديميه ويلحق اللي فات من الدراسه والشئ هذا موغريب على الولد فهد ذكي ماشاء الله عليه وحتى الوالد لوماوصاني عليه فهد يستاهل كل خير أوراق فهد القديمة أحتفظت بها خفت من خواني عليه لو أكتشفو في يوم أنه يقرب لنا فالاسم كان أني أسافر بها أم خالد : شيهانه علامك وش مضيق خاطرك أشوفك ما أنتي فرحانه أنا جينا عندك في البيت شيهانه : لا ماني فرحانه ولو داريه أن جيتكم هنا بتخلي فهد يسافر برا مع مؤيد كان ماقلت تعالوا أم خالد : عاشت الشيخه بدينا بالمنّه شيهانه : وين سعد أم خالد: وش فيه أحد زعلك بعد شيهانه : لا بس أبيه يوديني مؤيد أم خالد : بس كذا أبشري لاجا علمته عبدالعزيز: والله أني ماني بمرتاح بروحة الصبي مع مؤيد أبوخالد :ليه خله يابن الحلال يبياريه ويسوي قهوته مؤيد عزابي ويبي له من يعاين فيه عبدالعزيز: والله ماني مرتاح أنا خايف انا خسرنا الولد والمليون أبوخالد وش العلم ياعبد العزيز مؤيد رجال وان شاء الله بيحافظ عليه خل عنك الهوجاس بس عبدالعزيز: خلنا من طاريهم أسمع بعد أسبوعين بسافر للتشيك وراي شغل أنتبه للمعارض أبو خالد : وعسى مها تبي تسافر معك عبدالعزيز: مايابيلها كلام أنت ياعبدالعزيز من الروح ومثلك عارف أرسلت الاوراق قبل شهر لمستشفى هناك وقالوا أن فيه أحتمال كبير للحمل راح أخذ المره واسافر بس ماأبي أي احد يدري عن الموضوع هذا أبوخالد : أفى لاتوصي حريص ياخوك واعتبر نفسك ماعلمت أحد عبدالعزيز: تسلم يابوخالد والله يخليك لنا وهذي صرافة شيهانه خلها معك يمكن تحتاج شئ وانا ماني بموجود أبوخالد خيرك سابق ياعبدالعزيز والله يرزقك بالضنى اللي تبيه وخاطرك فيه عبدالعزيز: سعد مايشرط على كريم بخيل الله يرزقني ويرزقك بالولد الصاح الفالح أبوخالد : أمين رجعت للبيت بعد معناة تسجيل فهد في مدرسه خاصه لاني سنه كبير شوي بس أطريت أخذ له مدرسين لمدة شهر لين يدخل الاكاديميه وهناك طبعا بيبدا من الصفر مؤيد : فهد وين رحت فهد: أبد عمي أرتب الشقه مؤيد : الله يعطيك العافيه فهد: الله يعافيك مؤيد: أسمعني يافهد أنا يوم جبتك هنا ماجبتك تحرف علي أنا جايبك هنا علشان تكمل دراستك وتطلع شئ كبير فهد: صدق ياعمي تبي تخليني أدرس مؤيد : وليش ماخليك أنت يافهد تستاهل كل خير ولد ذكي وان شاء الله ظني بك مايخيب فهد : عمي والله أني أحبك من بد عماني مؤيد : أنا يافهد وش قلت لك قبل مابيك تناديني عمي أبيك تناديني مؤيد وبس فهد :خلاص أبشر باللي تنيه ماني مصدق انا اللحين في لندن مدينة الضباب على قولت مؤيد صارلي شهر هنا كل يوم كنت أخذ دروس من مدرسين متختلفين خمسه يتناوبون على تعليمي ومؤيد ماقصر كان يتابعني ويباشر المدرسين اللي يجوني كاني موصبي عندهم كاني واحد منهم رجعت للرياض والفرحه عندي ماتوصف بعد ماتأكدت أن مها حامل في الاسبوع الثاني خليتها أستأجرت بيت بخدمه وخليتها هناك رجعت أخذ أوراق رسميه مهمه لاني قررت أسوي توكيل باسم شيهانه لاحدى الماركات العالميه وتكون شركتها الوكيل الحصري لها المنتج وطبعا تواجهت معي أخوي سعد ووصيته على شيهانه وقلت يمكن ماأرجع للسعودية دون خمس شهور أنتبه على شيهانه ولاينقصها شئ مها : عبدالعزيز من يوم رجعت من الرياض وأنت مهموم وشكلك تعبان أنت تشكي من شئ عبدالعزيز: أبد بس أفكر كيف سعد بيديرأملاكنا سعد الله يهداه ماعنده خبرة في التجارة وممكن يضيع كل اللي بناة الوالد في سنين في شهر يعني عادي عنده جت الفلوس وألا راحت مها : خلاص ياعبدالعزيز أبد ماعلينا أنت أذا كنت ما أنت مرتاح خلنا نرجع عبدالعزيز: أنت أكيد أنهبلتي أرجع بعد ماخلاص قرب حلمي يتحقق وأجيب الوريث الوحيد لكل هالاملاك مها : وش أسوي بك أنت هذا اللي تبيه ما أنت مع العالم دايم عبدالعزيز: وتلوميني يامها انا جالس هنا مادري عن شئ لازم يصير اللي أنت تشوفين مها : خلاص هانت ياعمري كلها شهرين ونرجع عبدالعزيز : وهذا اللي مهون علي والله يسرها أم خالد : أقول ياسعد ما تحس فيه شئ غريب صاير أبوخالد : من ناحية من يعني أم خالد : أخوك عبدالعزيز له مدة طويله ماهو مبين وحرمته كل مادقيت على بيت أهلها قالوا ماهيب فيه والا مشغوله شكل الحرمه طامح واخوك أخذ عليها ونايم في العسل أبو خالد : وانت وش دراك لوأنه معرس مثل ماقلتي كان علمني وألا علم مؤيد حنا أخوانه يامرة ماحنا بغرب أم خالد : سعد تعلمني في أخوك والله أنه وراه علم أجل مخلي البنت عندك ومعطيك دراهم لها لسواد عيونك أبو خالد : لالسواد عيونها مهوب أخته ومن حقها تصرف من فلوسها والا لك راي ثاني أم خالد: أبد لاثاني ولا ثالث أخوان وتجازون بس أقطع يدي لوما كان ورا هالغيبه مصلحه له وعلي بحق بعد أبوخالد : خلك عند وعدك اجل أم خالد : أكيد عنده ونشوف ياسعد اليوم راح يدخل فهد الاكاديميه بعد ماأتقن تقريبا جميع اللمهارات الحقيقه أنا أختر يدرس في البدايه العلوم وبعدها يتخصص في السياسة لان اللي يملك فطنه مثل فهد لازم يكون هذا مجاله مؤيد: فهد وانا أخوك موتنسى مثل ماقلت لك فهد: طيب وش حاجتي في تغير أسمي مؤيد : أبيك أنسان ثاني فهد أنا أخترت أسمك لاني أبي يكون لك منه نصيب أبيك فواز تفوز بكل شئ أن شاء الله وترفع راسي تكفى يافواز |
البار ت تحفه .جننننننننننان
وش ذا عيني عليك بارده تسلم يدك الروايه مشوقه وتجذب بشكل ما يتخيل عموض واخر شي كنت اتوقعه انو فواز فهد مع اني كنت شاكه بس وين مؤيد وش صار عليه وش يبي بزوج شيهانه من مشرف نستناك ولا تطول علينا متابعه حجزت مقعدي معك من ذو بداية الروايه . |
تسلم اخوي قمم
بدة تتظح الرايه الحين فواز هو فهد بس وش مقصده من زواج شيهانه هل انتقام في انتظار البارت القادم |
بارت جدا رائع اخي قمم .............الان تأكدنا ان فواز هو نفسه فهد وان مؤيد استطاع ان يسافر به الى لندن ليكمل تعليمه
لكن بقي ان نعرف لماذا هو مصر على زواج شيهانة من هذا السائق مشرف وهل هو حقا قريب لهذه العائلة او بمعنى اصح هل هو ابن عم لهم اذا كان كذلك لماذا اخفى الرجل العجوز هويته وحرمه من العيش الكريم مثل اولاده مؤيد متى مات وبأي عمر وماكان مصير فهد او فواز ؟؟؟؟؟؟؟؟؟؟؟؟؟؟ لابد ان هناك شيء كبير حدث اثر على نفسية فواز ربما تكون كل هذه الثروة ملك لفهد والرجل العجوز طمع فيها .............ابو محمد من هو ومادوره في حياة فواز .... شيهانة في هذا البارت من سؤالها اتضح لنا انها تعز فهد وتفتقده ياترى كيف كانت علاقتهما معا .......... غير ذلك هل مازالت تذكره وتفتقده .............واين هي الاوراق التي اخفاها مؤيد اما عبد العزيز حتى عند حمل زوجته لم يكن الا لهدف وغرض واحد وهو الثروة فقط لم يهتم ان يكون الولد سليم صحيا ولا ان يكون نوع الجنين بنت ولن تكون الوريثة كما يخطط لكن عندي احساس ان فواز لن يترك لهم هذه الثروة في انتظار انكشاف المزيد من الاسرار |
السلام عليكم و رحمة الله و بركاته
صباح الخير و الرضا من الرحمن بارت رائع بارت بداية كشف الغموض و الأسرار ==================== (( فهد او فواز )) أخيرا كشف السر عن هالأسماء فهي شخصية واحدة مركبة من ماضي فهد و حاضر فهد بس الواضح ان طول السنين ما زادت فهد إلا ذكاء و دهاء بدليل تخطيطه و تدخله بزواج شيهانه بس يبقى السؤال شنو سر مشرف و مساعد و من هم و من اللي بيكون زوج شيهانة هل هو مشرف و شنو سبب تدخل فواز هل هو مجرد انتقام مثلا أو رد جميل لمؤيد على اللي سواه له و أنه يبي يحميها من طمع عبدالعزيز و أم خالد و سذاجة أبو خالد ... فواز اللي متزوج من بنت أبو محمد معقولة أبو محمد ما عرف فهد أو شبه عليه و هذا يعني أن فواز رجع السعودية بعد الدراسة ,,الواضح انه علاقة فواز مع زوجته متوترة شوي اتوقع السبب شيهانه و انها باقية في عقله ... ===================== (( مؤيد )) وينه من الحاضر اللي يعيش فيه فهد أو فواز ,, مؤيد كل اللي سواه أكيد وراه سر عن حقيقة فهد مو مجرد تشابه بالاسم بس اكيد أنه عرف شيء ثاني و ما بينه و هو اللي خايف على فهد منه من عبدالعزيز و أبو خالد و اللي سواه هذا أن دل دل على طيبة و سماحه مؤيد اتوقع انه حسنا زوجة فواز ماهي إلا زوجة مؤيد و فواز تزوجها بعد موته و الولد ولد مؤيد لانه واضح انه فواز ما فيه اي احساس اتجاه هالولد اللي راضي يخليه بمدرسة خاصة و يرجع هو و أمه السعودية ... ====================== بــ انتظار القادم ... .. .. .. |
♪♪♪ طيب وفهد وش مصلحته انه يزوج مشرف لـ شيهانة !! هل هو يبي ينتقم لنفسه كونه كان صبي عندهم وتصير شيهانة مرت سوااقه وبمثابة الخدامة عنده !! ولا كيف يعني ؟ يعطيك الف عافية .. ♪♪♪ |
يعطيك العافيه .......قمم
بارت رائع لكن ليش فواز يبي يزوج سواقه لشاهه رغم اني اتوقع انه يحبها |
صباح الزهور
الان اذا العود اضاف فهد للجد الاول فهو اخ للعود وعم للاولاد عبدالعزيز وسعد ومؤيد وشيهانه اذن من ناحية الورث فلن يكون له شيء الا اذا كان المال اساسا له واستولى عليه العود وغير كذا لاتحل له شيهانه لانه عمها هذا ان كانت الاوراق صحيحه ولم يتم تغييرها من ابو محمد ونرجع للسؤال ماعلاقة ابو محمد في فهد ولماذا اصر على شراءه الا اذا كان يخشى من انتقامه او استيلاءه على امواله عند معرفته للحقيقه بما ان فهد سابقا هو فواز حاليا فانا اعتقد بانه سلط مشرف للتقدم للزواج من شيهانه وبنفس ليلة الزواج او العقد عليه الانسحاب ان لم يكن بصباحيتها وعندها يتقدم للزواج منها ولخوفهم من الفضيحه سيوافقون دون سؤال عنه او عن اصله خصوصا ان ماله وسمعته بالخارج تغني عن اصله المخفي عنهم وهنا نعود للمساله الاولى كيف ذلك وهو عمها مؤيد قام بواجبه كاملا واختار له مجالا يفتح له ابواب كثيره من المعرفه والعلاقات والمصالح المشتركه ولكن يتبقى سؤال اين اخفى الاوراق وهل الى الان لم تصل الى يد فهد واذا كانت الاجابه بلا فهل هي محفوظه ام وصلت الى ايد عابثه مثل يد ابو محمد وبالتاكيد ابو محمد على علم بان فهد سافر للخارج مع مؤيد ولذلك زوجه ابنته ولكن من كان زوجها الاول الذي تكفل فهد بتربية ابنه ومن ثم ادخله للمدرسه الخاصه لربما الزمن يعيد نفسه ومثلما فعل الاب بفهد الان فهد يفعل بابن مؤيد ولربما باخفاء اسمه كما فعل به رد شيهانه على سفر فهد يحتمل تفسيرين اما انها انغاضت لسفره للتعليم بالخارج وهي لم يحصل لها ذلك وهذا الانسب لتفكيرها بذلك الوقت او انها تكن له نوعا من الشعور تجهله ولذلك حزنت على فراقه ام خالد تداهن شيهانه منذ البدايه حتى تحصل على ماتريد ولذلك اول ماتعود شيهانه لبيت والدها بعد طلاقها او هروب الزوج المفترض ستكون صدمتها عظيمة بها ولردة فعلها بكيفية استقبالها لها بانتظار المزيد من كشف الغموض ومصير شيهانه بين الجميع |
لحظات عمري
شموخ السلاطين وردة الزيزفون بياض الصبح معزوفة حنين وجودي يكفي همسات وردة نورتوني ووجودكم زادني شرف آسف ماقدرت أرد على تساؤلاتكم بخصوص الاحداث بس الشئ هذا راح يتبين مع سياق الروايه كل الشكر على تواجدكــــــــــــم العطر |
الجزء التاسع
أبومحمد : أنا بوحسنا وش العلم يابنت حسنا : يبه فواز بيرجع للسعوديه وبيستقر هناك أبومحمد: من علمك حسنا : هو يبه قاله قال أنه بيرجع ويستقر هناك وماراح يرجع لندن أبد أبومحمد : ماعليك وانا ابوك ماغير حكي الرجال مايقدر يسوي شئ ألا معلمني وانا لاقال لي برده حسنا : يبه المره هذي غير عن كل مره فواز معزم على رايه وشكله مرتب كل شئ قبل يقولي حتى أبومحمد : ماعليك منه هرج السعة واجد سكري انت وانا بتصرف حسنا : الله يخليك لي يابوي ذخر ماتقصر بس كلمة عن ولدي تكفى أبو محمد : خلاص ابشري وانا بوك فواز عاقل وماهوب رادني مساعد: طلبك ياطويل العمر صعب شوي ويبي له وقت فواز: يعني شلون مالقوا مساعد : المدة قصيرة جدا على أنا نلقى مثل طلبك الشئ اللي تطلبه صعب يتوفر قبل سته شهور على الاقل فواز : وش وظيفتكم ادفع رواتب كذا في الهوا أسمع يامساعد بلغ الفرع بالرياض وبالحرف على على لساني القصر يتوفر خلال ثلاث اسابيع يعني أنزل الرياض لبيتي على طول فنادق ماراح أنزل وبلغهم يكون بنفس الشروط اللي طلبت مساعد : تامر طال عمرك بس فواز : وش بس بعد مساعد بديت افقد صبري كل شئ لازم أسويه أنا مساعد: ياطويل العمر انت تبي كل شئ بسرعة والشئ هذا صعب علينا فواز : خلاص رح أنت الحين وانا اتصرف أف شكل الروحة متعسرة من بدايتها بس انا لازم أكون في الرياض قبل موعد العرس بيومين أقل شئ مساعد : أسف أزعجتك ياطويل العمر فواز : اصلا انت يامساعد سبب ربكتي هنا كل اللي يفاجأني ويزعجني تجيبه مساعد: صدقني اسف ياطويل العمر فواز : أطربني وش عندك مساعد : نسيبك أبو محمد فواز: علامه مساعد : على الخط ياطويل العمر فواز: من جدك والا تمزح مساعد: لا أتكلم جد ياطويل العمر وهو يحتريك على الخط الثاني فواز : خلاص رح انا ما دري وش الله بلاني بمثلكم رح يالله ونفذ اللي قلت لك مساعد: تامر طال عمرك فواز: هلا حيا لله أبومحمد أبومحمد: الله يحيك ويبقيك وشلونك يافواز فواز: بخير ياطويل العمر عسى ماشر أبومحمد: أبد داق اتطمن عليك هالحين صارت النشده عنك يافواز غريبه فواز: لاياعمي الله يحيك في أي وقت بس أستغربت مكالمتك بالعادة أسمع اخبارك من حسنا ابومحمد : وانت صادق يافواز أنا كلمت حسنا وسمعت منها علم ماجازلي فواز : أي علم ياعمي أبومحمد : الشئ اللي انت تدابل فيه ومشغل نفسك به يافواز فواز: مافهمت يابومحمد أبومحمد: أفى هالحين صرت أبومحمد يافواز فواز : لاوالله ياعمي أنته تعرف انك على عيني وراسي أبومحمد : وهذا العشم يافواز فواز : آمر ياعمي ابومحمد: مايامر عليك عدو بس الرياض تنساها فواز : وش معنى أبومحمد : خل الطابق مستور يافواز وانت مالك في الرياض حاجة فواز: أنا ياعمي تعبت من الغربة ومن حقي أرتاح وديرتي أولى بخيري والا أنا غلطان أبومحمد : مانت غلطان يا فواز بس الماضي وانا لواني مكانك رجعت بس أنت ظروفك صعبه يافواز فواز : أنا ياعمي قررت أرجع الديرة بشكل مؤقت يعني زيارات متكررة لحد مأثبت رجليني هناك وابدا بداية صحيحه أبومحمد : والماضي يافواز فواز : الماضي له وقت ومصير الكل يعرفه في حياتي والا بعد موتي أبومحمد : وحسنا فواز : ياعمي ألف مرة قلت هالكلمه حسنا على عيني وراسي زوجتي وانا مستحيل اتخلى عنها وانا يوم أقدمت على خطبتها مافكرت في يوم أفرط فيها أبومحمد : حتى ولو يا فواز حسنا ماتقدر تستغني عن ولدها وانت تبيها تنزل للرياض معك حكم عقلك يافواز فواز: في هذي ماأقدراقولك شئ ياعمي حسنا تبيني تروح معي وين ما أروح والمرة تتبع رجلها لحتى لو للموت ماهوب لديرة يبي يسكنها أبومحمد: أسمع يافواز أنا طولت بالكلام وانت شكلك عازم على رايك مير أسمعني الله الله في حسنا كانك تبي تجيبها معك شورها قبل لاتجيبها غصب عنها وعن ولدها فواز: انا ياعمي وحسنا متفاهمين على كل شئ الا أذا هي قالت لك شئ ثاني أبومحمد : لا ماقالت شئ مير الله الله فيها فواز: تأمر ياعمي عبدالعزيز: مها وين ولدك مها : ماأدري يمكن طلع للاستراحات عبدالعزيز: وش يدور هناك مها : عبدالعزيز الله يهداك أكيد يدور ربعه من يدور بعد عبدالعزيز: ومتى بيعقل علميني لاخط الشيب في عارضه مها : ماأدري عنك أنت اللي ماتبيه يعقل عبدالعزيز: انا خافي الله يامرة انا وش سويت مها : الولد يصيح عليك يبيك تزوجه وانت ماترد عليه ماتعلمني ليه عبدالعزيز: مابيه ياخذ من بنات منيرة مها : وانا احط عندك خبر ولدك ماراح يأخذ الا من بنات منيرة جات العلم عبدالعزيز: وراك تقولينها وانت ماليه يدك مها : ولدك وانت تعرفه اكثر مني الولد طبعك مايفرق عنك وانت أن قلت شئ ماراح ياخذ الا ضده وان طعت شوري ياعبدالعزيز وافق أربنا نشوف له ضنى قبل نموت عبدالعزيز: بسم الله علي يامرة تفاولي على نفسك وبعدين انت تشوفين بعينك منيرة مرة ماتنقرب مها : هقوتك أنا راضيه بس وش أقول ولدك وراسه مثل راسك مافيه جديد بس أنت طع شوري وخلني أتنقى له من البنات عبدالعزيز: تصدقين عاد أنك عطيتيني فكرة تخرب الخطبة كلها وانا وانت نكون برا الموضوع مها : وش فكرته عبدالعزيز: أسمعي يامرة أول شئ لازم نتفق أنت تبين من بنات منيرة مها : أكيد لامنيرة مرة عوبا وانا بنات العوبا ماأبيهن بس وش أسوي حكم ولدك عبدالعزيز: طيب تذكرين ولدك من كان يبي من البنات أنا أذكر أنه علمنا بأسمها مها : أصبر خلني أتذكر يمكن دانه عبدالعزيز: دانه الصغيرة صح مها : مو الصغيرة مرة الوسطانيه عبدالعزيز: وانا بخطب له الكبيرة نورة |
السلام عليكم ورحمة الله
بارت قصير وان كان اوضح لنا القليل من الغموض ابومحمد يبدو انه وجد له طريقا ليصل الى فواز ويحقق مبتغاه ولكن هل الى الان لايعلم فواز بذلك الشيء لااظن فهو من الذكاء والفطنه بحيث انه يداهنه الان ليصل الى ارض الوطن ومن بعدها يبدا بتحقيق حلمه والوصول لهدفه وماحديث ابو محمد عن الماضي الا تذكير له باصله الضعيف وعبوديتهم له اما فواز فله خطط طويلة الامد ذات نتائج مضمونه وان كانت بعيدة المدى وزواجه من حسنا لرعاية ابنها الذي اشك بانه ابن لمؤيد منها وذلك كرد دين ومعروف له ورجاء لفائدة من ابو محمد لم تتضح لنا بعد ابوعبدالعزيز هذا الرجل لو وزنوه ذهبا لما شبع او قنع سيظل يطلب المزيد والمزيد ولكن كيف ستكون ردة فعل مشعل على مخطط والديه هل سيقبل ام سيوضع امام الامر الواقع وهذا الاب الغبي بالتاكيد لايعلم شيئا عن بنات اخيه من الطيبه ومن الشريرة ارجو ان تكون نورة من ذلك الصنف الطماع حتى تكيل لابوعبدالعزيز ماكال للناس به |
السلام علييك ورحمه الله
اخوي قمم الرواايه الصراحه مبدعه استمتعت كثير وانا اقرااهاااا والي جذبني لهااا الغموض الي فيهاااااااا ابو محمد انت لييييييه خاااايف من رجعة فوااز لديره اكييييد انه عنده سرر وما يبي احد يكشفه عشااان كذااااااا افض جيته لديره فواااااااز وش تستفييد من زوااج شيهانه لمشرف ووشو الغرض منه وبعدييييين واكيييييد انك تبي تنتقم منهم بزواااج شيهانه من وااحد يشتغل عندك بس عشااااان تذلهم زي ماذلووووووك من قبل عبدالعزيز ومهااااا سبحاااان الله وافق شنن طبقه كل وااااحد فيهم ما يفكر الا بنفسه ومصلحته وعزيز كل همه الفلوووس والحلال ويمكن تكووون اغلى من وحيده تسلم اخوي على البااااااارت الحلو |
صباح الخير .............بارت جميل ولكنه لم يكشف لنا اي خيط من خيوط الماضي او الحاضر او حتى حقيقة فواز الحقيقية
ابو محمد يحمل الكثير من الاسرار والخفايا واصراره وخوفه من رجوع فواز لسبب معين ولكن هل هو صادق فعلا مع فواز او هناك اكاذيب ملفقة فواز رجوعه للرياض ابدي وليس مؤقت ولكنه يخفي الكثير عن ابو محمد لانه لايثق به ثقة كبيرة ..............ولكن الى الان لم نعرف غرض فواز من تزويج شيهانة لمشرف وهل سيتم هذا الزواج ام ان هناك مخطط خفي فواز لماذا تزوج حسنا بالاصل ولماذا يريدها ان تعود معه واذا كانت زوجة لمؤيد والولد لمؤيد اذا فارق السن كبير بين حسنا وفواز لان مؤيد اكبر من فواز بسنوات اما مخطط عبد العزيز من انه سيخطب نورة بدل دانة ربما تنجح فكرته ومشعل يرفض هذه الخطبة وربما مشعل يكون اذكى من والده ويفعل شيء غير متوقع وهو من يحرج والده ويحقق غايته لان مشعل لايفتقر للذكاء غير انه يعرف والده وتفكيره حق المعرفة في انتظار البارت القادم |
سيد قمم استفسار بسيط .. هل قام مشرف بعقد قرانه على شيهانة ؟ اذا كانت اجابتك بلا فانا اجزم بأن فواز يريد العودة الى الرياض ليقوم بابطال كل شي .. وبطريقة ما يكشف من هو ويعقد قرانه عليها .. هذا ما طرآ في بالي للتو .. اما ابا محمد فهو يريده ان يبقة في الخارج حتى لا يفضح امر فواز .. اليس كذلك ؟ |
صباح الخير
بارت رائع لكن وش السالفه الروايه الاولى البطله اكبر من البطل واللحين بتورط ولد عبد العزيز بنت عمه اللي اكبر منه ..... الله يستر بس لا يوافقون وهو يبي دانه تقبل مروري |
باارتان ولا اروووع
اخيرا طلع فواز هو فهد وحلت الغمووض في الروااايه واكيد انه فهد او ان صح فهد يكون اخوو لهم وبعدين فواز شنو مصلحته بزواج شيهانه >>اتوقع هو الي يتزوجها مو الموظف :) ابو محمد : الحين متحسر على فواز يرد ديرته على شان ما يكشف الماضي ؟؟ مؤيد : شنو صار له بعد السنين الي طافت ؟؟ شيهانه : ايتها الرقيقه الشفافه اما آن لك اتخاذ موقف من تصرف عبدالعزيز عبدالعزيز: اما عليه خبث مو طبيعي الله يعينك على نفسك ومخططك اتوقع يفشل لان الولد سر ابيه ولدك نفس دهائك فما راح يوقف عند كلمتك .. بانتظاار البااارت الياي ولك الف شكر ومعذره على عدم تتبعي البارت بوقتها لانشغالي بصيف ليلاس :peace: |
اخ قمممممم
انا اقولك اللحين بدت الاحداث توضح مع اني مو مستوعبه ان فواز هو فهد وحسناا والولد معقوله يكون الولد ابنه مررررررررره حلووو البارت تسلم الانامل |
السلام عليكم و رحمة الله و بركاته صباح الخير و الرضا من الرحمن أخ ربي يعطيك العافية << بس البارت قصير ========================= (( فواز أو فهد )) مازال قصده وراء زواج شيهانة مجهولة ,, معقولة أنه هو اللي بيتزوجها أو كل هالمدابك بس عشان مشرف ؟؟؟ اتوقع انه فهد ممكن ينفذ وصية مؤيد أو العود ,, و حسنا اتوقع أنها زوجة مؤيد و الولد ولده لانه الكل يقول ولدها ما يقولون ولدك !!! ===================== (( أبو محمد )) عارف شخصية فواز و عارف مؤيد شنو صارله بس السؤال ليش هالخوف من رجعة فواز ؟؟ معقولة يكون له يد في هالسالفة ؟؟ ==================== (( عبدالعزيز )) ليش هالرفض لبنات أخوه ؟؟؟ شنو مصلحته ؟؟؟ بس هالتخطيط ما يمشي على مشعل لانه نسخة مصغرة من أبوه يعني إذا هو قرر يلعب عليه مشعل بيلعب عليه أكثر ... ========================= بانتظار القادم |
تسلم اخوي قمم
بس احس فيه لغز بين سفر فهد وابو محمد هل شراه بعد موت اخوهم وش سر تزويجه من بنته اذا كان صبي احس اني ضعت في الالغاز |
اقتباس:
راح أقول شئ بالنسبه لقصر الاجزاء أوطولها انا انتهيت من الروايه وماأقدر أطول في الاجزاء لاني تعوديت ماأكتب الجزء أكثر من كذا همسات وردة يشرفني أرد عليك بس مو بالفصحى اعجبني تحليلك للشخصيات بس الكل ظالم عبدالعزيز صدقوني راح تتفاجأون فيه |
اقتباس:
عبق الرياحين ياهلا والله شرف لي وجودك هنا معك حق كل الاسرار راح تنكشف تبعا مع رجوع فواز نورتيني |
اقتباس:
وردة الزيزفون أسأله واسأله كلها راح تعرفين أجابتها مع فواز وعبدالعزيز ريض في مخططاته ياهلا فيك بجد نورتيني |
اقتباس:
أحسك وانت تردين تكلمين مثل اللي في كتب المطالعه اختي شلال جواب واحد فقط لا لم يعقد قرانه شرفني وجودك |
اقتباس:
الاروع تواجد متابعين مثلكم لاسالفه ولا شئ الاحداث تبي كذا انت بس تابعي وبتشوفين الانقلابات |
اقتباس:
فوز هلا والله اف وش التحليل للشخصيات مشاء الله عليك فوز والله شرفتيني |
اقتباس:
أحاسيس الحلو تواجدكم تونرتيني الحمدلله أن الاحداث وضحت لك شرفني مرورك |
اقتباس:
بياض ياهلا والله مشاء الله عليك فهد أو فواز راح تنكشف الا حداث تباعا مع رجوعة تابعيني بياض وجودك شرفني |
اقتباس:
الله يسلمك تابعيني والالغاز كلها أن شاء الله بتنحل شموخ نورتيني |
صببأح ألخخخير وآلله قريت آلبدأيه وششدتنِي لهآ ., حسسسيت آلبطل رججل <~ الي اسمه فههد وتعأطفت معه ,’ لكنِي اتوقع مسستحيل يسستمر حأله كذا ., بكمل وبششوف طبعأ منيب حأكمه عليهأ الحين لأني توي ب آلبدأيه بس اكيد سسجلنِي من آلمتإبععين يععطيك آلععآفيه ,, |
اقتباس:
ريم ياهلا والله لا خذي وقتك لا تحكمين الحين الحكم بعد المداوله افي عليك بسجلك بس ياويلك لوماشفتك في سجل الزوار انا ماتكلمتك أنت قلتي سجلني والله يعافيك شرفتيني |
الجزء العاشر
أبو خالد : ألو السلام عليكم عبدالعزيز: هلا وعليكم السلام ابوخالد: الحمدلله على السلامه عبدالعزيز: الله يسلمك ابوخالد : حياالله عبدالعزيز وين يارجال من طول الغيبات جاب الغنايم عبدالعزيز: صدقت يابو خالد طالت الغيبات والله بس الغنايم جايه بحول الله وعلى وجه السعد شيهانه ابوخالد : ماشاء الله الله يخليك ياعبدالعزيز دايم ماتسعى ألا بالخير وين اهلك عسى ماعليهم باس عبدالعزيز: أهلي الحمدلله بخير ابوخالد: الحمدلله أجل اسمع عشاك الله عندنا عبدالعزيز: خلاص تم وانا اخوك بس علم شيهانه الليله مايقلط على العشاء الا هي أبوخالد: لا ياعبدالعزيز أنا ودي أعزم معارف الوالد علشان رجعتك بالسلامه قل تم والله ماتردني عبدالعزيز : تم بس مو الليله يارجال الليله أبي أجي أسلم على شيهانه وأشوف أخبارها أبو خالد: على هواك ياعبدالعزيز بس والله لويدرون الناس أنك في الرياض وما عشيتك والله ليفضحوني عبدالعزيز: أسمع يابو خالد أنا أبيك الليله في موضوع مهم ولا أبي أحد يدري ابوخالد: خير أن شاء الله وش العلم عبدالعزيز: لا جيتك علمتك أبوخالد : لهاالدرجه ماتبي تعلمني على التيلفون عبدالعزيز: يارجال العلم مايصلح ألا وجهي بوجهك أبوخالد : خير أن شاء الله اجل مع السلا مه عبدالعزيز: ماتشوف شر Professor: hello Mr. Fawaz you have a phone line in a room Director Fawaz: Do you know me Professor: I do not know, but they asked me as soon as I entered the classroomThblgyek Fawaz hello to me told me that there is a call that I received by ترجمة سريعة وفوريه لعيون منسيه الاستاذ : سيد فواز هناك مكالمه لك لدى المدير فواز: اشكرك ولكن هل تعلم من الاستاذ: لا ولكنهم طلبوا مني دعوتك حال دخولي الصف فواز : أشكرك استاذ عن أذنك مؤيد : مرحبا فواز وشلونك وش مسوي فواز : مؤيد أنا الحمدلله بخير أنت كيف أحوالك عماني سعد وعبدالعزيز كيفهم أخبارهم كلموا عليك تو وشلون الديرة مؤيد: هههه الله يهديك بس يافواز شوي شوي انا الحمدلله بخير ومدبر نفسي وعمانك ماعليهم كلمتهم قبل فترة والوضع عندهم بالديرة الحمدلله تمام أنت علمني عن أحوالك وش مسوي وكيف الدراسه معك واجهة صعوبه والا كل شئ تمام فواز :أنا بخير ياعمي بس أسأل عن أخبارك واتحرى مؤيد : خلك مني الحين وش سويت بالدراسة ها الله الله يافواز فواز: الحمدلله كل شئ على ماتحب ياعمي واجه صعوبه في البداية ياعمي بس بعدين الحمدلله تسهلت مؤيد : زين يافواز خلك كذا أسمع أنا يمكن معاد أقدر أكلم عليك والا أزورك لا بطلع للسعوديه خواني يبوني هناك في بعض الاوراق لازم أوقعها وانت الله الله في الدراسه بيض الوجه يافواز فواز : أن شا الله ياعمي أبو محمد : يعني الولد طلع من السعوديه محمد : طلع يبه والولد مزور له بطاقه جديدة بأسم جديد أبومحمد: من اللي سوى الشئ هذا محمد : من بعد يبه الله يهداك عيال أبو سعد أبومحمد: متى بس تبون تفلحون ياعيالي محمد: ليه يبه الله يخليك لنا أبومحمد: دامك تدعي بداعوي العجز ماظنتي نحصل خير محمد: صبرك علي يبيه فهمني وش تبي تقول بالظبط أبومحمد : الحين انا اللي المفروض أفهمك والا انت المفروض تفهمها على الطاير قم ناد أخوك علشان أفهمكم جميع مزري من الحكي محمد: ابشر يبه ابوخالد: الله يحيك ياعبدالعزيز في بيتك والله أن الديرة زاد نورها عبدالعزيز : تسلم ياسعد وشلونك انت وبنياتك عساهن طيبات ابوخالد: الحمدلله بخير وابشرك بعد الحرمه حامل عبدالعزيز: ماشاء الله والله انها دعاوي المرحومه ياسعد اجل الخير يهل مرة وحدة ياربي لك الشكر الاوين شيهانه ابوخالد : موجوده بس قبل علمني وش الموضوع اللي بغيتني فيه وخلاك تدق علي من المطار على طول عبدالعزيز: أول ناد شيهانه خلني أسلم عليها وعقب يصير خير ابوخالد: خل شيهانه عنك الحين وعلمني والله أني حاس ا ورى مكالمتك شئ كايد مير علمني الحين ابومحمد: مادامنكم جيتوا الحين ابيكم تعلموني الصبي كيف طلع من السعوديه محمد: كيف يبه بطيارة يعني بويش هماه سافر مع ولد العودالصغير ابومحمد : أدري ياخبل بس ماتدرون الطريقه اللي طلع فيها محمد: مثل الناس بجوازسفر ابومحمد: هذا والله النشبه اسكت يامحمد لاعاداسمع صوتك تفهم علمني يامطلق مطلق : والله ماأدري يبه أنت أدرى أنت أبوها وسمها أبومحمد : بعدي والله ولدي تعلم يامحمد انا ماني مورث لكم تبن انا بورث لكم ملايين محمد: اللي تقوله يبه على راسي حتى لو زعلني أبومحمد: اشهد يامطلق انا لو تجيني الجلطة تراها من محمد نعنبوك أنا ابوك لو آطى على رقبتك لاتكلم محمد: أبشر يبه اللي تامر فيه ابومحمد: ابيكم تعرفون كيف طلع الولد برا السعوديه وهو مع مؤيد والا لا وشئ بعد وين محله هالحين كيف نقدر نوصله فهمتوا مطلق : أبشر يبه عطنا شهر بالكثير وان شاء الله تشوف اللي يسرك ويشرح خاطرك أبومحمد: كفو وانا بوك بس شهر كثير عشر ايام وانت يامحمد وانا ابوك عنز لاخوك ولا تخليه محمد: أبشر يبه ماأدري كيف راح أخلي فهد لحاله وارجع الولد حرام توه بس الله يستر عليه عبدالعزيز يوم كلمني مكالمته ماأطمن وش كان يبي يوصله وهو عارف ان فهد معي شكله حاس والا وش اللي يخليه يطلبني على تيلفون الشقه كل شوي ويطلب يكلم فهد والله ان الرجال حاس بس الله يستر يالله كلها يومين واعرف الخبر من فم عبدالعزيز نفسه أبوخالد: وانت وش دراك ياعبدالعزيز عبدالعزيز: قبل يومين دق علي واحد من معارف الوالد في الداخليه يبيني اوظف واحد من عيالهم وصار يذكرني بسالفة مؤيد والوالد اللي معة وقلت له اني ماأعرف السالفه قال انت تقول كذا تبي تهرب علشان ماأوظف ولد عمهم وش رايك ابوخالد والله ماأدري بس مؤيد ليش يسوي كذا بدون مايقول لنا وش يحده عبدالعزيز: ماأدري اكيد ان العلم كايد الرجال مزور جواز للولد وضايفه معنا في البطاقه والله أن أخوك مخربها من كل جهة ابوخالد : والحل ياطويل العمر عبدالعزيز: الحل الاول ان الولد يرجع للسعوديه واوراقه القديمه نحرقها ونتلفها ونرجع نعرضه للبيع على أبو محمد ابوخالد: الله يهديك ياعبدالعزيز هذا ماهوب حل والله أن أخوك خبل اجل يؤرث الصبي معنا عجز وعقلي قفل بس وش حلك الثاني عبدالعزيز: هذا صعب شوي واعسر من الا ول ويبي له صرف فلوس وفيه خطورة أبوخالد: ماعليك من الدراهم بس وش هو عبدالعزيز: أسافر لندن وأجر من يقتل الصبي هناك ولا أحد يدري عن خبره |
باااارت حلوووووووووووووووووووو
اكتشفت حاجه بسس ماراح اقول الا اذا تأكدت:peace: اتوقع انو ابو محمد وراه سسسر خصوصا ان يبي فهد والسر اكيد متعلق بفهد والعوود بسس اللي مافهمته للحين ليش فهد ورى زواجة شيهانه بااارت مررره حلووووو بانتظار البارت اللي بعده خصوصا القفله مرره حلوو >>اخويا رجاء خخخخخخ :lol: معك وحده ماتفهم بالانقلش حاجه ممكن تترجم المقطع اللي فووووووووق فضلا ولييس امرا:peace: |
تسلم اخوي قمم على البارت
فهد ولغزه اللي كل مقلنا انفرجت تعقدت زياده فهد احترت في سر ه اللي يعرفه ابو محمد وهل كان العود يعرفهذا السر عبد العزيز والله انك مجرم تذبح الصبي على طول بشتغل مع المافيا |
يسلمو قمم على البارت والله هالفهد وراه سر كبير الله العالم ايش هو وابو محمد وعياله مايراكضون وراه الا لشي كبير حيل
بس ابو محمد كيف وصل لفهد هل بطريقته هو وعياله او من عبد العزيز بعد ماباعه له .................ومؤيد وينه عنهم لايكون هو الضحية وانقتل بسبب ملاحقهم لفهد طيب هل غرضه من تزويج شيهانة انتقام من عيال العود والله ابو محمد الي شكله مسوي مصيبة كبيرة وخايف فواز يعرفها والا ليه تارك السعودية وماله نية يرجع وهو من ايش خايف اذا كان اسم فواز مزور اجل كيف ابو محمد زوج بنته لفواز يعني عقد الزواج باطل وشكله مايحب حسنا ولا مهتم فيها ويمكن يبغي ياخذها علشان يبتز ابو محمد فيها والولد يمكن مااحد يعرف اسم مدرسته غيره هو وجماعته وعبد العزيز شهالتفكير الظالم يااما يحرق اوراق فهد ويبيعه لابو محمد والله يقتله كل هذا علشان الفلوس ماخاف ربه يحرمه من ولده الي ماشافه ولا طلع للدنيا ماادري الفلوس بأيش تنفعه لو مرض مرض خبيث ماله علاج والله فقد ولده وحيده مااعتقد مبرراته مقنعة بصراحة في انتظار البارت الجاي |
السلام عليك ورحمه الله
اخوي قمم انت كالعااااده قمه في سماااااااء الابداااااع ولاسمك نصيب منك بااااارت اليوم راائع وشيق شكل فهد عنده اسرار كثيره وما يبي احد يدري عنهاااااااااا قبل لايوصل للسعوديه عشاان يصير هو المتحكم بالامووووووور وهو ماتزوج من حسنا الى انه يبي قرب بو فهد و يبعد الشك عنه بالرغم من انه ما حس بينهم مشاعر متباادله او اي اهتمام بو محمد ليييييييييه هالاصرار العجيييييب انك تعرف كيييف خرج فهد وساااااافر وليييييييه خاااااايف من وجوده بالديره شكله مااسك عليك شيء وانت خااااايف منه عبد العزيز وصلت فيك الحقااااااره والدنااءه وحبك للمااااااال انك تضيع هويه فهد او انك تقتله وش هالاجرام الي انت فيه وشكل القتل بدل ما يروووح فيهااااا فهد رااااح فيهااااا مؤيد تسلم اخوي ربي لايحرمنا من ابدااااعك |
صصباح الخخير رجععت ي قمم ومماسسحبت واششهد انك قمم بحق وربِي الرووايه ابداع من الرودو اتضح لي انه لك روايه ثانيه بسس قريب بأذن الله اقرأهأ ., الرواييييييييه خطططيره ب قوه مااشااء الله عليييك بسس بعدي فيه اششياء منيب فاااهمتها لكن اتضح بعض الأمممور فوزا هو فففهوود ., الغغغريب ليه يبي سوواقه يتزوج ششيهانه اومكن هو الي بيععرس عليها بععدين طيب كيف تزوج ححسسنا ووصل لها بعد ششي مححير عععبد العزيز اششهد انه الطمع معممي قلبك ., الي مسستغربته وراه حححاقد على مرت اخخوه لهدرجه ؟ سسسعد قاهرني احسه ضعيف ششخصيه بقووه ففواااز شكل بينتقم من عيال ابو سسسعد ب ششيهانه ., بس السسسؤال ليه ينتقم منهم ؟ يعني للحين مااحس سوو له ششي الا اذا كان بينتقم من الكلام الي سمعه منهم لما كان صصغغير يوم كانو بيبعونه <~ معقوله بينتقم عن شي مااصاار !! قمم رجااء ي ليت تحط فواصل خط نقط اي ششي بين كل مششهد والثااني وربِي اتشششتت كذا ماعدني اعععرف اجمع ولاهنت ع الروايه الاكثر من رااائعه = ) |
بسم الله الرحمن الرحيم السلام عليكم ورحمة الله وبركاته صباحكم ورد جزئين ولا أروع سلمت يداك على هذا الإبداع وهذا الغموض المشوق الذي بت متشوقة أكثر لمعرفة المزيد عنه كنت متأكدة منذ البداية أن فواز هو فهد ولكن ما مدى معرفة أبو محمد بذلك وهل كان يزوجه ابنته لو كان يعلم أنه فواز وما مصلحته من ذلك إذا كان يعرف وإلى أين يريد أن يصل إذا كان قد زوجه إياها لتكون عينه عليه وفواز هل زواجه منها انتقام من أبيها لما كان يريد فعله به أم أنه اتقاء لشره فقط وحتى يضمن أنه لن يضره خوفاً على ابنته وما يمكن أن يفعل بها لو فكر بالإساءة إليه أو خداعه وهل زواج شيهانه من مشرف امتداد لانتقامه منها ومن أبيها وإخوتها على ما كانوا سيفعلونه به أم أن له أهداف أخرى من وراء ذلك لازال الغموض يلف القصة مع ما توضح في الأجزاء السابقة ولازال تغيير مؤيد لبيانات فهد يشكل لغزاً محيراً فلماذا فعل هذا وكيف مات مؤيد أساساً وهل لفهد يدٌ بذلك أم أن ما خطط له عبدالعزيز حين أراد قتل فهد هو ما أودى بحياة مؤيد أسئلة كثيرة أعلم أن أجوبتها لديك وأنها ستتكشف تباعاً فلك كل الشكر على ما تمتعنا به من إبداع دمت بحفظ الله ورعايته |
صباح الورد
عبدالعزيز : هالانسان عجزت افهمه يعني لسى بالمطار وابي شيهانه وابيها وعندي خبر بقوله بس بحضور شيهانه يعني هذا حب لها اشك والله الي بيعها الاولي والتالي وماخلى لها شي اشك انه يحبها او لها مكان بقلبه يمكن جزء من تمثيليته حتى تتاكد من حبه لها وتثق فيه ( عبدالعزيز: هذا صعب شوي واعسر من الا ول ويبي له صرف فلوس وفيه خطورة ) يعني قلبها من جميع الجهات ومافكر بان القتل حرام وان الانتقام ممكن يجي باحب الناس لقلبه مؤيد : ليه قال لفهد اني ماراح اكلمك او ازورك هل خاف ان فيه احد يراقبه او يراقب مكالماته خصوصا انه الوحيد الي عنده فكرة عن حقيقة فهد وهل موته صار قبل رجوعه لاخوانه او بعده وهل هو بنفس الفترة هذيك ولا بعدها بوقت لان لو بنفس الوقت بيكون ولد حسنا مو ولده او انه بيكون متزوج بالسر بدون علم اخوانه وحتى ولو بيكون فيه فرق كبير بالسن بين حسنا وفهد يمنع زواجه منها لانه لسى صغير بهذيك الفترة هذا على فرض ان مؤيد مات على طول هالي داق من معارف العود شكله مرسول من ابو محمد حتى يضغط عليهم مزبوط وفعلا تنيجته جات بسرعه اول مافكر عبدالعزيز بحرق الاوراق وبيعه لابو محمد مااتوقع هالحوسه والقلق كله الي عايش فيه ابو محمد عشان شويه فلوس بيناشبهم فيها فهد لااااااااا شكل السالفه كايده وفيها نصب واستيلاء على حلال اهل فهد ان ماكان توريطهم بمصيبة تسببت بموتهم او اختفاءهم او سجنهم الماااااضي راجع لهم قريبا ولابد كل من له يد فيه انه ياخذ جزاءه ومااتوقع ان اوراق فهد الي اخفاها مؤيد ماوصلت ليده الى الان مستحييييييل بانتظار البارت القادم بكل الحماس |
السلام عليكم
روايه ولا اروع والله طلعت مبدع ياريييس ههههه جد ابدعت اعجبني اسلوبك والروايه موجود فيها غمووض مع الاجزاء بنعرف الحين انت تدمج بين الماضي والحاضر مره حلوو اسلوبك فهد او فائز الحين تزوج بنت ابومحمد تيب ابو محمد يعرف انه فهد؟؟؟؟ وليه تزوج بنت ابو محمد؟؟؟ ابو محمد كان يبي فهد وبيعرف كان طلع خارج السعوديه عشان سالفه!!! وليه بيترك ولده وليه يقول لمشرف تزوج شيهانه يعني بدايه انتقامه عبد العزيز قال بيرسل رجال يقتل فهد الظاهر قتلو اخوه وماعرفو فين فائز عشان كذا كمل حياته برا واتوقع ان ابو محمد يعرف ومايبيه يرجع غشان لايعرفون عبد العزيز واخوه بس انت خطيييييير بنتظار البارت الجاي |
اقتباس:
والله وش اكتشفتي علمينا تصدقين موب القراء اللي صابهم الحماس انا يالله عجلي علمينا ذبحنا الفضول والحلو تواجدك هنا تمت الترجمة ولايهمك اقتباس:
الله يسلمك يارب لاتطمني الفرج قريب ان شاء الله ولعيونك بفجر قنبله زي مايقولوا السر ابو محمد والعود دافنينه سوا وش رايك هههههه عبدالعزيز الله يعنيك دخلت عالم الاجرام والقادم أعظم شموخ لاحرمنا الله تواجدك |
اقتباس:
زيزفونه حياك الله والله يسلمك يارب اعجبتي فكرة عبدالعزيز والمرض الخبيث بس للاسف انا خلاص مخلص الروايه ومابقدر اعدل فيها بس تابعيني وبتشوفين العجب منه زيزفونه لاحرمني الله متابعتك وردودك التحليليه ويارب المسابقه ماتنتهي علشان نشوفك اقتباس:
رياحين القمة وجودك هنا فهد عنده أسرار وسرار وعبدالعزيز مشاء الله عليكم دخلتوه عالم الاجرام ماعليه مقدين فيه رياحين دايم تواجدي وعطري المتصفح لاحرمنا الله وجودك |
اقتباس:
ريم حياك الله مرة ثانيه وراه حاقد على مرة اخوه لاتستعجلين على رزقك بتعرفين مع الاحداث وابشري ماطلبتي شئ اقتباس:
ارادة حياك الله يابنت وين غطيتي غموض وغموض بس مصيرة ينجلي ولا يهمك كيف مات مؤيد قريب بتعرفون أرادة حياك الله اسعدني تواجدك هنا |
اقتباس:
حياك الله أنت وحماسك مشاء الله وش هالتحليل الدقيق للشخصيات عجبتي الجمله الاخيرة وبالفعل تحكي واقع ماسيحدث همسات حياك الله دائما اقتباس:
اهلا بك يافتاة والابداع تواجد مثلك هنا ليلكي والله ما انتي بهينه بس وليه وليه وليه بتعرفين مع الاحداث ليلكي تعالي هنا دايم علم ترى هذي اوامر عليا |
الجزء الحادي عشر
انورت بقدومك الدار يا غالي وأسفرت من عقب ميعاد غايبها طالت الفرقا على وانشغل بالي غربتك يا زين باليوم حاسبها يوم طولت السفر زاد غربالي ما تعيش النفس من غير صاحبها احسبنى عنك يا صاحبي سالي شف دموع العين ماوقف ساكبها الله اكبر كيف حبك برا حالى وانت عندك مهجت الروح سالبها كلمات : المشتاق رحت أخذ عمي فواز وعمتي حسنا من المطار علشان أوصلهم للفله الجديده اللي أختارها عمي على آخر طرز علشان تليق بعمتي حسنا ومكانتها أنتظرت وانتظرت واخيرا عمي وصل ركب هو عمتي السيارة وسيده على الفله مشرف : هلا نورت الديرة ياطويل العمر فواز : الديرة منورة باهلها يامشرف مشرف : الله يسلمك ياعمي مشرف : الحمدلله على السلامه ياعمة حسنا : الله يسلمك يامشرف مبروك الزواج مشرف : الله يبارك فيك بس للحين ماصار شئ حسنا : كيف ماصار شئ ماتملكت مشرف : لا ياعمة الملكه أجلتها مع العرس لاني أبي عمي فواز يكون شاهد عليها حسنا : أجل مبروك مشرف : الله يبارك فيك ياعمة ********************************************* هيا : عمه وش سويتي شيهانه : في وش يافالحة هيا: في الموضوع اللي كلمك أبوي فيه ماعندك نيه تغيرين رايك شيهانه: لاماعندي نيه وتراكم صجيتوني ماجلس أحد ماكلمني حتى رايي ماراح أغيره وياليت تقتنعون عاد دانه : تكفين ياعمة وش بتخسرين ماراح تخسرين شئ شيهانه : بلاك ماتدرين مع كذا باخذكم على قد عقولكم وبعلمكم أنا يافالحه أنت وياها يوم عيت اني اسوي الزواج في قاعة ويكون هنا في بيت العود الله يرحمة ويسكنه فسيح جناته أبي أطلع عروس من بيت أبوي يأخذني من هنا ابيه يعرف قيمة شيهانه بيت خالد وانها موأي وحدة لها بيت أبو وعزوة تستند عليها وترى هذي بس البدايه لاني ابيه مايخالف لي شور وهذا اللي يصير بعد فرضي عليه العرس في بيتنا دانه : عمة والفساتين اللي شريناها وش نسوي فيها يعني نبلها ونشرب ماها شيهانه : عليك نور تصدقين كنت بقولك بس سبقتيني أوووص جوالي يدق ومن مشعل الله لايحرمني الطاري عارف من اللي صاجتني وشكله بينقذني منها شيهانه : حيالله هالصوت مشعل : الله يحيك ياعمه وشلونك عساك طيبه شيهانه : الحمدلله تمام بس ماتعرف تدق على عمتك وتشوف وش محتاجه خلصت اغراضي وماعينتك وكل يوم أقول مشعل بيدق على ولاعينتك مشعل : سامحيني ياعمة والله كنت مشغول شيهانه : مشغول والا ذابحك الكسل والربادة مشعل : لا الحلو زعلان خلاص يا قميل اللي فات مات شيهانه : مشعل الفات مات معقول وش عندك ياولد عبدالعزيز مشعل : سبحان الله فاهمتني ياعمة عمه ليش ماتسوين الزواج بقاعة الزواج كذا ماراح يطلع حلو وفوق هذا تكاليف على الفاضي حرام عمي سعد وش يشيل على شان يشيل شيهانه :ههههه سبحان الله نفس تفكير بعض ناس لا العرس بالبيت وماراح نجيب قهوجيه أنت اللي بتصب القهوة يافالح مشعل : مادام فيها صب قهوة يعني مافيه أمل طيب ياعمه ليش عيتي على التصوير متبيني أدخل والا ايش شيهانه : ههههه مشعل بقولك شئ انت تصلح مع ناس عندي بس بجوابك ومابخليها بخاطرك مثل الاوله لان التصوير حرام ههههه وش رايك مشعل : عمة مع السلامه قبل أتهور شيهانه : الله يسلمك يارب سلم على أبوك مشعل : ياصل ياحلو ************************************************* أبوخالد : وش راح نسوي الحين بعد ماأختك يبست راسها عبدالعزيز: بصراحه أنا جايز لي خلها هذي بنت خالد مثل ماتقول دايم ولازم عرسها يطلع غير ابوخالد : اذا جايزلك تصرف أنت ورنا وشراح تسوي عبدالعزيز: سهلة مايبلي لها شئ أدق على مكتب تنظيم الحفلات وهم بسووون لي كل شئ من حبة المسمار الى خيمة الضيافه للرجال أبوخالد: ليش أنت بتعزم أحد عبدالعزيز: اللي بيعزم أنت لانك الكبير واكيد بنعزم ماراح أخلي ولاشخصيه معروفه في الرياض تعتب على هذا عرس شيهانه انت للحين ماأستوعبت العرس مسوينه حنا عيال خالد يعني نعزم اللي نبي أبوخالد: والله أنها فضيحة يارجال قبل العرس بثلاث أيام نقول للرجال ألغ الحجز العرس نبيه عندنا عبدالعزيز: والله أختك مهيب هينه بتكسر خشم الرجال من أبولها الله يعينه على عوابتها خلنا بس في التنظيم أبوخالد: على طاري التظيم الرجال وين نحطهم عبدالعزيز: وين نحطهم بعد توني معلمك نبي ننصب خيمه بتجيبها شركة التنظيم مقابل بيت العود وخل الحي كله يدري أن شيهانه بنت خالد وراها أخوان يقومون زواجها وانها ماطلعت من بيت أبوها سكيتي أبوخالد : تصدق أنت وياها نفس التفكير ياخي الناس تطوروا وماحد يفكر بالطريقه هذي خلونا نواكب التطوير عبدالعزيز: عاد من الاخر لو العود حي كان سوى مثلنا واكثر صح قبل أنسى الحين جب جوالك وكلم على أبو محمد ابيه هو وعياله أول المعازيم ابومحمد رجال عزيز وله قيمته في السوق أبوخالد : ماظنتي يجي الرجال مايقدر يمشي مغير يشيلونه ويحطونه عبدالعزيز: أنت أعزمه وماعليك أبوخالد : خلاص على هواك عبدالعزيز: شئ ثاني وش صار على موضوع نورة بعطينيها لمشعل والا لا أبوخالد : مالك لوى نورة مزوجها عبدالعزيز: مزوجها لمن أنا خاطب منك ماعلمتني أبوخالد : الحين علمتك البنت معطينها لولد خالها بس أنا كنت ناسي عبدالعزيز: الحين تزوج أخوان منيرة وتعي عن أخوك ماهقيتها منك ياسعد أبوخالد: من قال أني ماودي أزوج ولدك ياعبدالعزيز ولدك ولدي ولكانه يبي خله يجي وأزوجه عنده هيا ودانه يختار اللي يبي وأملك له والزعل والكلام اللي ماله معنى مهوب بينا ولاتخلي الحريم يفرقنا وانا أخوك عبدالعزيز: خلاص لاتهتم وانا بشاور واردلك خبر ******************************************** مشرف: هذا اللي صار ياطويل العمر فواز: ورى ماعلمتني ياغبي مشرف: ماعلموني ألا اليوم الظهر فواز : وانت وش قلت مشرف : وش أقول بعد ياطويل العمروافقت غصب عني العرس مابقى عليه ثلاث أيام وبعدين أخوها عبدالعزيز احسه وهو يكلمني يبي يذبحني ياطويل العمر والله أني لاوقفت قدامه ارتجف اذل يكشفني عيونه تروع ياعمي فواز : انا والله اللي بذبحك الحين ياغبي نخلي القاعه ونروح نسوي العرس عندهم هذا اللي نقول ثور ويقول أحلبوة مشرف: عمي أنت زعلت والله مادريت انك بتزعل قلت احسن وفروا فواز: أحد شكالك ماعليه أنت رح هالحين معك أجازه عشرة أيام مشرف : تامر طال عمرك بس من بيجي ياخذك يوم الزواج فواز: خلاص يامشرف أنا بدبر عمري بعدين مساعد معي يالله روح مشرف : مع السلامه حسنا : علامك على الرجال صراخك عليه واصلني وانا في المطبخ فواز: وش عليك كم مرة قلت لك ياحسنا شغلي ابعدي عنه وبعدين انا خابرانك ورى الباب من أنت في المطبخ ولاشئ ماتعبتي ياحسنا حسنا: انت تتوهم يافواز سبحان الله دايم ظالمك فواز: انك انك ظالمتك ياحسنا الله لايخليني حسنا : بسم الله عليك فواز : خايفه علي ياحسنا حسنا : اكيد يافواز فيها شك أنت زوجي وحبيبي وبينا عشرة عمر فواز: مدامني زوجك وحبيبك خلي التصنت على شغلي وقولي لابوك فواز ماشي على رايه وماراح يردة الا الشديد القوي والا اموت حسنا : وش فيك يارجال أنت وطاري الموت اللي يبعده عنا سم الله عليك جعلك تعيش لين تزوج مشاري وتشوف عياله والحين بعلمك فواز البيت مو معجبني بغيرة فواز: وليه أن شاء الله حسنا : البيت كبير وبصراح هابي بيت قريب من بيت أبوي فواز : كملت بعدي عن طريقي ************************************** أم خالد : نورة وانا امك روحي قومي عمتك الحين تجي الكوفيرة وهي للحين نايمه عجلي وانا أمك نورة : ابشري يمه أم خالد : وقومي خواتك خل يخلصون قبل يجون المعازيم ابوك لزم علي اعزم ناس معرفهم غير معازيم عمتك مها يالله روحي وانا امك نورة : خلاص يمه علم ****************************************************** الرجال اليوم مهوب طبيعي ماأدري وش علته له ساعة في الحمام وطالب صالون حلاقه عند في ملحق السواق شكله فوت بدري احد يسوي مع سواقه كذا احسن شئ اروح أنتظرة بس أول بشب جمر واحط عليه عود علشان يكون عندي عذر اخذ المبخرة ودخلت جناحنا وانتظرته طلع من الحمام معقول انا متزوجه هذا سم الله علي عيوني أكيد صابهم شئ فواز: هيييه وش فيك حسنا : أبد حبيبي شبيت العود وقلت أجي اطيبك فواز : مشكورة بس بعدي بغير ملابسي سفهني وراح يلبس ملابسه وقف عند المرايه يصفف شعرة عمري ماأنتبهت له شعر فواز يجنن ابك موشعرة كله يجنن الله يسترعلي بس نزلت المخرة وقربت منه وحطيت يدي على صدرة فواز: حسنا انت اليوم مو طبيعيه حسنا : ليشع لشان قربت اسكر ازارير ثوبك فواز: بس غريبه صح الحقيقه تصرفاتك كذا تخوفني الله يستر بس قربت أكثر وصرت اسكر ازرت الثوب بشويش وخطرلي خاطر وعلى طول قلته حسنا : فوازشئ بخاطري ودي اقوله فواز : أنا داري الذيب ما يهرول عبث حسنا: فوازبس عاد كنت بقول لك اللي يشوف الكشخه هذي كلها يقول انت المعرس موسواقك قلي غلطانه |
قمم الاعالي ظلالي, ارادة الحياة, Lammo, NOOFA_N
أم احمد منورتني والله |
يسلمو على البارت الحلو .............بارت اليوم كله عن الحاضر مافيه عن الماضي شي .............
فواز شكله هو الي بيتمم الزواج والله العالم ومشرف ماراح يكون العريس ماادري من اهتمامه بشكله وتجهزه الي حتى زوجته شكت في الامر بس بنشوف هل هالشي صدق او لا بس ليه عصب لانو الزواج ببيت العود مو بقاعة افراح ايش الي بيفرق يعني والله بس علشان ماكان عامل حسابه من قبل فواز من معاملته لحسنا يوحي انو متزوجها بس لمصلحة او غاية بباله وحتى جيتها معاه للسعودية لغرض ورسالة بيوصلها لابوها بس ليش الله العالم وابو محمد لو مو مسوي شي كايد ماخلى بنته تشتغل جاسوسة على زوجها وتنقل له كل كلمة مع انو فواز عارف كل الي يدور ورى ظهره اكيد للماضي دور كبير بكل تصرفات فواز الحالية سواء مع ابو محمد او مع عيال العود وشيهانة اما شيهانة تفكيرها غبي يعني لو الرجال رضى لها مكان الزواج هذا مو دليل انو بيصير خاتم بأصبعها وهي لسى ماعرفت خيره من شره صدق تفكير سطحي وغبي وهي الي بتدفع ثمن كل تصرف منها لانها ماتدي ايش الي ينطبخ لها من وراها ولاتدري ايش الهدف من هالزواجة كلها اما عبد العزيز اي ابو محمد الي بيعزمه لايكون ابو محمد الي فواز متزوج بنته يختلف عن ابو محمد القديم مااعتقد اصلا بس شكل عبد العزيز من زمان مايدي عنه ولا يدري عن مكانه وبعدين ابو خالد كيف مااستغرب خطبة اخوه لبنته الكبيرة الي اصلا اكبر من مشعل نفسه واصلا حتى هيا اكبر منه لانو ببداية الاحداث ابو خالد كان عنده بنتين وزوجته حملت بعد حمل مها زوجة عبد العزيز على الاقل ابدى استغرابه من اختيار الكبار الحين عبد العزيز ماعنده الا هيا غير دانة تمنيت بعد تكون محجوزة لاحد وساعتها مابيقدر ينفذ الا براسه بس بنشوف خطته الجديدة ورد مشعل عليه في انتظار البارت الجاي |
تسلم على البارات الرائع يعنى الحين تاكدت انه الى بيتزوج شيهانه هو فواز الى كان فهد سابقا مو مشرف وهو مسوى تمويه علىيهم بس ايش بتكون رده فعلهم ان عرفوا انه مو مشرف الى بيتزوج والى بيتزوجها فواز الى كان صبى عندهم وخاصه شيهانه مسكينه . حسنا مسكينه عندها احساس انه فواز هو المعرس مو سواقه وشكلها بتروح لابوها وبتصير مشاكل بين فواز وابو حسنا وعندى احساس انه ابومحمد هو ابو حسنا . بانتظار البارت القادم بشوف لمعرفه ردة فعل الجميع من الموقف الى بيصيرون فيه من مفاجاتهم من فواز. |
هيييئئئئئ والله اني قلت فواز وراه شي
معقووووله ز يتزوج شيهانه وحسنا؟؟؟ بس شكل زواجه مع حسنا زواج على ورق ولا معقوله فيه وحده ماتدري شلوون شعر زوجها وشكله وواااااي قمم حمسسسسسستني مرررره للبارت الجاااي الله يعطيك العافيه يارب |
اقتباس:
اخوووووووووويا تسسسسلم والله مانخلى منكـ ياارب |
♪♪♪ خخخخخخخخخخخخ كشششخه .. يعني بيقولون العريس ما جا يقوم فوازووووووه يسوي فيها الجنتل مان ويخطبها ويملك عليها ! علشان الفشايل والفضيحة بين الناس ولا ؟؟ عواافي قمم احس بدآ الحماس من هالبارت .. ♪♪♪ |
اقتباس:
♪♪♪ حسوسة بسم الله على عقلك ياقلبي .. وشلون على ورق ! وولدهم اللي ضل برا بمدرسة داخلية وشو ذآ :V8Q04529: !! ♪♪♪ |
الللله حماس من زمان ما رديت
صراحه الروايه خطيرررره والاسلووب اخطر تسلم اناملك اخوي قمم على هالرائعه ودي اعرف وش صار على مؤيد وايش بيسوي فواز ومشعل مين بياخذ وابو محمد وش سالفته يلا عاد اخوي زيد لنا الجرعه شوي وتسلم مره ثانيه |
واااااااااااااو يعني صح توقعي .. يوم قلت ان فواز هو بياخذها بدل مشرف ~_~ .. مو هين فهد عارف انه لو تقدم لها ماراح يوافقون عليه .. فيبغى يستغل فرصة هروب العريس الموقر علشان يسوي نفسه الشهم او الجنتل على قولة حنون .. وينقذهم من الفضيحة امممممم خبيث هالفهد .. وحسنا هذي شايفة نفسها مرة ماحبيتها .. شكلها ما كانت تهتم في فواز كثير ولا تلقيه بال .. يمكن الحين لا تزوج عليها تحترق وتتحرك شوي .. بس ابو محمد بيسكت له ؟؟ اممممم ما اظن يسكت له .. طيب فواز او فهد الحين هو مهوب باسمه الحقيقي ! اذا جا يملك على البنت بأي اوراق بيملك عليها ؟؟ باسمه الاصلي فهد ولد عمهم ..؟؟ ولا باسم فواز الجديد ؟؟ انا ما اظن انهم بيتذكرونه اصلا لا هو ولا ملامحه .. طيب وشغلة اخيرة .. مو كانوا يبون يقتلون فهد ! والميت الحين مؤيد ؟؟ هل ممكن انهم قتلوا مؤيد بالغلط ولا موت مؤيد طبيعي ؟؟ يعطيك العافية قمم حسين بالحماس بهالبارت .. |
لالا ي حسسنأ مأأنتِي غغلطأنه زوجتس نأوين على نييه وآلظأهر هو الِي بييعرس عليتس .., ماهوب سسوآقه الي بيعرس=) زواجه من حسنا ماهوب ارادته او انه مصلحه حتى حسنأ شكلهآ مإتحبه ., يمممكن علـأقتهم ببعض مأهي مثل أي زوججين وخأصه يوم قالت عن شكل شعره زوجتس ماتعرفين وش لون شكل شععره |؟~؛ يمكن بعد ماجأبو ولدهم أبتععدو عن بعض وهو مخخليهأ عشأن عنده مصألحه معه أبوهأ ., آلسسسؤآل آلِي خخطر ببآلي آلححين , .. ليه فوأز مأأرأح وخخطب شيهأنه بنفسسسه بدل مأيقول لسوأقه لـأنه ب آلححآلتين ممأأتوقع بيييععرفون من هو فوأز ., هذا طبعأ أذآ ككآن مؤيد مأت ولـأ قألهم أنه غغير اسم فهد وصأر فوأز ب هآلححآله يقدر يخخطب بدون مأححدن يعرفه عدأ أنه بيبعد عن آلممشأكل لا ععرفو انه غغشهم وبيكسبهم لـه ., أمأ أذأ ككأن هم يععرفون انه فوأز نفسسه فههد ف هذا شي ثأنِي مع أنِي للحين منيب فأأهمه سسبب أنه فوأز مأيبهم يععرفون انه خخأطب بنتهم ., ولنفرض مأيبي الخخبر يوصل لعمه ابو بنته ., ومع ذلك <~ هالتحليل خخطأ لانه الححين بيكشف لهم كل شي بعد مايغيب مششرف وأكيد هو ععأرف انه أبو مححمد يعرف اهل ششيهأنه ف اكيد بيوصله الخخبر <~ مدري مأاععرفت ادور مبرر لتصرفأت فوأز ^,^ المهم احس تعليققي داخخل ببعض لـأنِي اكتب اي شي يجيِ فِ بألي =) ع الععموم يسسسلمو ع آلبأأرت وننتظرك ب آلبأرت الجأي |
حماااس البارت اقتباس:
الحين هو بيشعل الحرب بينهم وبيزيد الحقد بين عبد العزيز واخوة وبين ابو محمد اتوقع ويعذب شيهانه هذا الهدف ليه فواز انزعج لما عرف ان الزواج بالبيت مو بالقصر الحين هو بيتزوج بنتهم بعدين بيكشف نفسه انو الصبي الي كان عندهم وان تزوج بنتهم وحيدتهم تيب الحين معقوله تكون متزوج حسنا باسمهم المزور؟؟؟؟ حسنا الحين هي مع ابوها ولامع زوجها واضح انها ماتحبه وانها متزوجته عشان ابوها او السر او ماعرف هعهع ابو محمد والسر ودي اعرفه بسرعه اكشف السر ياريييييييس السر مدفون مع ابو محمد وعياله وفائز ياترى ماذا يكون السر ؟؟؟؟ وراح يتفاجا بزواج زواج وشيهانه الله يستر وخاصه انو بيحضر بنتظار البارت الحمااس تسلم ايدك يارييييس |
كان عندي احساس إن فواز له يد بالزواج أثاريه طلع موهين الله يعينك يا شيهانة وحنن قلبه عليك
ننتظر البارت القادم وينكشف سر فواز |
السلام عليكم ورحمه الله وبركاته
قراءت الى نهايه الجزء السابع وبداءت في الثامن كان المفروض ارد من بدري بس للاسف ماربي كتب قصه مميزه جدا اخوي قمم نقله نوعيه وتختلف تمام الاختلاف عن سابقتها اعجبتني جدا فكرتها المميزه وترابط الاحداث فيها واعجبني اسلوبك القديم اللي اعرفه من قصتك الماضيه تجيب حدث مصيبه بدون شرح وتبداء بالتفاصيل بالجزء اللي بعده وهذا نوع من الاكشن المحبب للنفس قمم بهالقصه فهد ذا وش يطلع وكيف ينسبونه للجد الاولى هل هو ابن لهم صدق حتى لو ابن امه (جاريه لاني اتخيلهم بالعهد القديم والا له قصه ثانيه والجد ضالمه وسارقه من اهله بصراحه محتاره طبعا ردي بالتفاصيل والتوقعات بيكون غباء لان الاحداث قد صارت لا وصلت معكم بابداء بالتوقعات لي عوده قريب ان شاء الله |
السلام عليك ورحمه الله
بااااااارت رااااااااائع جدا واحس انه مقدمه للاكشناااااات الي رااااااح نشوفهااا بعد كذااا اجل انت المعرس مو سوااقك والله شكل احساسك المتاخر بزوجك يا حسنا راااااح يصيب اجل الرجاااااااال متعب عمره ونااازل للرياض ومخلي شغله ورااااه بس عشاااااان يزف سوااااقه وانتي ياحظي توك تتفكرين بزوجك ماتنلامين لله مشغوله انك تتجسسين عليييه وتبلغين ابوك بكل شي مو فاضيه تشوفين زين رجلك بس بعد وشو شيهاانه هو صحيح حلوووو كثير ان البنت تطلع من بيت ابوهاااااا لبيت رجلهاااااا عشاان تحس بالفخر والعزوه بس انتي تحسبي بكذا انك راح تحكمينه غلطاااااانهكثير وخاصه اذا كان عريس الغفله فوااااااز بوخااالد حدث العاقل بما يعقل اجل فيييه اب ينسى ان بنته انخطبت ووافق ياارجاااال العب غيرهااااا لا وتقول لاتخلي الحريم يفرقونااااا والله ان واخوك ماكنكم الاميدليااات بيديهم بعدين يا بو مشعل وش الفرق ترى كلهم واااااحد والي تبيه من الكبيره بتحصله من الثاااانيه يعني ماراح يخترب تخطيطك بو محمد ياترى وش الي خااااايف منه لدرجه انك مزوج بنتك لفوااااز ومخليه جاااسوسه لك عنده توفيك بكل اخبار والتقارير اخوي قمم كالعاااده ابدعت الله لايضرك |
تسلم الايادي على البارت اخوي قمم
فواز بدة تتضح حياته مع حسنا هو زوجها ليس ابو ولدها حسنا صح النوم توش تشوفين مميزات زوجش الهاش التجسس عن تشوفين ممميزاته او صفاته شيهانه تبين تكسرين راسه مسكينه ماتدرين انك راح تاخذين اكبر مقلب في حياتش وتزوجين الصبي اللي كان يشيل شنطتش ابو محمد وش الغرض من مراقبته وتجسسه على فواز فواز لو كان صبي مازوجه ابو محمد بنته فيه سر في نسب فواز عبد العزيز والله انك نحيس الولد يقول ابي هيا تروح تخطب نوره يعني تقرد الاثنين ابو خالد ليمته بتم ضعيف والكل يحرك على هواه |
السلام عليكم و رحمة الله و بركاته صباح الخير و الرضا من الرحمن بااااااااارت أكثر من رائع تسلم الأيادي أخ قمم ========================= (( فواز و حسنا )) و الله و طلع مو هين هالفواز يخطط على شيء كبير بس السؤال شنو سبب هالتخطيط ليش ما جاء هو بنفسه و خطب شيهانه بما أنه مر عمر و محد عارفة هل هو انتقام من أبو خالد و اخوانه و خصوصا عبدالعزيز أو أنه هالشيء وصية من مؤيد عشان يحمي أخته ,, و هذا طبعا يعتبر دليل أن فواز مو أخوهم بس لحظة اللحين بالأوراق اللي سواها مؤيد اسم فواز نفس اسمهم من حيث الأب أو بس اسم الجد الثالث و جذي يعتبر ولد عمهم ؟؟؟ حسنا يالليل الليل عليج توج تلاحظن زين رجلج اي مو حضرتج مو فاضية بس فاضية تنبشين وراه ,, اي اللحين هو المعرس وش بيدج يا حسنا و تسوينه تروحين تعلمين أبوج مثلا ؟؟؟ و اصلا أبوج وش بيده إذا الرجال معزم النية ... مشاري هالولد عندي احساس انه ولد مؤيد ... ========================== (( شيهانة )) حلو البنت تطلع من بيت ابوها هذا يبين قدرها و مكانتها عند زوجها و حتى ما يستهين فيها بيوم من الأيام ,, بس السؤال شيهانة شنو ممكن تكون ردة فعلها هي و اخوانها لما يشوفون المعرس تغير و طلع فواز ؟؟؟ و هل ممكن أنهم يعرفونه ؟؟؟ الله يستر ... ========================== (( أبو محمد )) ليش كل هالخوف و المدابك وراء فهد (فواز) شنو السر ؟؟؟ هل شيء له علاقة بالحلال أو شيء له علاقة خاصة فيك انت ؟؟؟ الليحن أبو محمد مو فواز زوج بنته و هو يدري أنه مؤيد مغير اسم فهد هالاسم يعني يدري انه فهد هو فواز ,, معقولة عشان جذي زوجه بنته ,, يعني لحاجة في نفسه ... =========================== أخ قمم أبدعت << فيس الاوكي بانتظار القادم .. .. .. |
بسم الله الرحمن الرحيم السلام عليكم ورحمة الله وبركاته جزء أكثر من رائع وليس بمستغرب عليك سلمت يداك على هذا الإبداع فواز.......... ما الذي يرمي إليه من تصرفه هذا وإن كان هو العريس المنتظر لشيهانة فما هي ردة فعلها وردة فعل إخوتها حين يكتشفون ذلك ثم أن مؤيد قد سجله باسم جدهم كما أذكر فهل هو أخٌ لهم من أبيهم أم عمهم وبهذه الحالة ما هدفه من هذه الخطوة وهو يعلم أنه محرم عليه الزواج بها هل يريد أن يضع إخوتها أمام الأمر الواقع ليعترفوا بعلاقته بهم وماذا سيكون تصرف أبو محمد حيال الموضوع وهو يعرف كل شيء عن فواز هل سيسكت وكأنه لا يعرف شيئاً في حال لم يكن إخوة شاهة يعلمون بصلة قرابة فهد بهم خيوط متشابكة كلما توصلنا إلى حل أحدها تعقدت أكثر شيهانه............ ما سبب إصرارها على إقامة العرس في بيت أبيها هل كما قالت أم لأنها خشيت أن يرى الناس زوجها فيلومونها أو يشمتون بها على اختيارها فهي ابنة نعمه ومثلها لا تتنازل عن أن تقيم حفلة زواجها في أفخم قاعة إلا إذا كان هناك سبب قاهر ظهر لها في آخر لحظة جعلها تغير رأيها بالزواج وحتى لا تخسر كرامتها برفض العريس قبل الزواج بفترة بسيطة أصرت على أن يكون الحفل في بيت أبيها أخي العزيز أبدعت فحق لك الثناء بانتظار القادم بشوق دمت بألف خير |
اقتباس:
زيزفونه حياك الله بالنسبه لعزيمة أبومحمد عليك نور هو نفسه زيزفونه ودي أعطيك تفاصيل أكبر بس كذا راح أحرق الاحداث ياهلا فيك دائما اقتباس:
نسمه وينك من طول الغيبات ههههه ياهلا فيك بكل وقت خلاص انتظري ردة الفعل بس مو الجزء هذا اللي بعدة ونورتيني اقتباس:
منسيه وش هالعبقريه يابنت حمستك انتظري الحماس الاكبر في الاجزاء الجايه نورتيني |
اقتباس:
ولامنك ولو هذا واجبي اقتباس:
وش هالتفكير يارب مايصدمك اللي راح يصير حاس الكل بيذبحني ههههههههه الله يعافيك يارب اقتباس:
لا لا تستغربين ياذكيه منسيه عندها وجهة نظر يمكن تكون صح ويمكن يكون لا واصلي المتابعه وان شاء الله يرضيك القادم |
اقتباس:
ياهلا فيك من جديد الله يسلمك ازيد اكثر من كذا ما اقدر واالله نورتيني اقتباس:
شلال يارب تحسين بالحماس دايما كل هذي اسئله بس ولا يهمك الاجوبه في الاجزاء الجايه الله يعافيك نورتيني |
اقتباس:
لا لاااااااااااااااا لا تحكمين على موقف حسنا شوية صبر بس ريم ياهلا فيك دايما نورتيني اقتباس:
الله يسلمك يابنت ابشري ماطلبتي شئ السر كاشفه كاشفه ولايهمك كلش ولا فريقي هم بس يامرووون ويارب يكون الحماس موجود على طول نورتيني اقتباس:
كويتيه ياهلا فيك أسعدني تحليلك نورتيني |
اقتباس:
ياهلا والله وانا أقول ورى المتصفح منور اثر اهل الابداع حاضرين ام نواف المميز تواجدك هنا حضورك وتشجيعك وسام على صدري لم يكن قلمي ليحضر لولا دعمك وتواجدك انت اول من تنبأ لي بمستقبل مختلف في الكتابه نوف بنت نايف لاتسعني الفرحه لرؤيه حضورك هنا هذا بحد ذاته شرف اقتباس:
عبق الرياحين الرائع حضور شخص مميز مثلك هنا كل التعليقات اللي ابديتها راح أكشف النقاب عنها قريبا <<<< مو كلمه تستحق ههههه عبق دائما نوريني |
اقتباس:
شموخ هلا والله نورني وجودك وش غرض ابومحمد من التجسس على فواز ودي أقول بس كذا راح احرق الاحداث واصلي متابعتك وراح تلقين جواب تساؤلك نورتيني اقتباس:
حياالله بياض الرائع حضور مثلك هنا والاوكي تبعك على راسي والله وشهادة مثلك فخر لي نفس شموخ ودي اعلمك بس تابعوا معي وراح تشوفون كل شئ يتضح في وقته بياض ياهلا فيك منورتني اقتباس:
ارادة الابداع حضورك هنا مادري وش اقول تابعي معي وان شاء الله تتضح الصورة يارب نورتيني |
مساء الزهور
ومباركين عرسان اثنين واخيرا وصلنا لالتقاء الاطراف المعنيه فواز وشيهانه بس خطته بالزواج شلون بتصير تغيير اسامي العرسان بالكتيمي او بفضيحه وارغامهم على تقبله بالقوة واعادة كل شي لنصابه بانتقام مدروس نفسي اعرف شموقف ابو محمد لما يعرف بزواج زوج بنته من شيهانه وكيف حتكون ردة فعله واصلا اش صلته فيهم لابد فيه صله اقل شي بينه وبين العود الي خلا هالسر بينهم بس الحين فواز مالقى يتزوج الا هالثنتين الي كل وحده تقول انا نسبي مافيه زيه حسنا ومتزوجها وصابر على خشتها لغرض بنفسه وقرب ينتهي منه اما شيهانه فلسى مابدا معها يعني مشواره معها ياليل ماطولك صباح الخير حسنا توك تشوفين شعره وشكله ويش هالزواج المفقود فيه ابسط شي سبحان الله الشي مانعرف قيمته الا اذا فقدناه وحسنا سنين وسنين فواز عندها وتوها تشوف زينه وملحه اقول خلك باستخباراتك ابرك لك طالما ان زواجك منه كان لرعاية الولد ونقل اخباره اول باول فالاولى فيه الي تستحقه شيهانه الحمدلله والشكر يعني اذا صار الزواج بقاعه فخمه ووزعت كروت فمالك اهل ولاعزوة واذا في البيت طلعتي مسنودة باخوانك وراسك مرفوع فوق ويش هالتفكير المتخلف ولا يمكن لك نظرة ماحبيتي توضحيها لبنات اخوك او بس هدفك انك فرضتي رايك باول موقف وفي وقت حساس بصراحه حركتك ماهضمتها ابد وحتى التصوير رافضته لانه حرام طيب بالفيديو حلال ولا لانك خايفه يطلع شيفه يعني ولا ايش ؟؟؟؟ خخخخخخ بس حلو كل شوي وتلمحين لمشعل بدانوه الولد خالص وقاضي مو منتظر التلميح منك ( عبدالعزيز: سهلة مايبلي لها شئ أدق على مكتب تنظيم الحفلات وهم بسووون لي كل شئ من حبة المسمار الى خيمة الضيافه للرجال ) غريبه ماحسبتها بالهلله ياسي عبدالعزيز ( عبدالعزيز: أنت أعزمه وماعليك ) احيانا اشك ان انت الكبير مو ابو خالد اعتقد بان ام خالد هي راعية الاقتراح بان نورة مخطوبه لابن خالها لانها تدري بان مشعل يبي دانه ودانه تبيه فاقترحت عليه يكذب هالكذبه ويترك له الخيار بين الثنتين الباقيات واعتقد انه هيا مو سهله من بارت سابق عشان كذا بيرجع لدانه غصبا عنه فواز شكله كان يبي البدايه خاصه فيه من غير اي تدخل ويمكن كان وده يسوي الموقف الي بباله بالقاعه لانها بتكون فضيحه بجلاجل اخ قمم ننتظر البارت لا تتاخر علينا وخل المطربه وفرقتها علي انا |
اقتباس:
همسات والله عبدالعزيز اذا بيعزم ماراح يشاورنا تعالي يابنت والله يطلع منك وش دراك عن سوالف ام خالد بس عفوا ماراح اقول صح والا لا علشان محرق الطبحة <<<الله يغربل العدو من دخله وحدة هوجسنا قصدي ترا الاحداث اوف بدون حلفان يابنت المطربه عليك يالله روحي احجزيها ليوم الثلاثاء وفرتي علي لاني ماأعرف بشغلات الحريم همسات انطلقي ولاتجين ألا بها اقتباس:
غيوض هلافيك والحلو تواجدكم متى أنزل الاجزاء حاليا الاحد_ الثلاثاء _ والجمعه بس أكيد راح يتغير الموعد في رمضان مرة ثانيه ياهلافيك ونورتيني |
الجزء الثاني عشر
استسلمي يا عزّتي لا صارت أيامي سلاح و كان نَفسي أسعدك بس الليالي طوّلن انا شعاري دنياي الصبر وأشعار الدنيا الكفاح لاقلت يوم وتستوي مرت سنين ومستون شعر : مساعد الشمراني عبدالعزيز: مات أنت وش تقول وشلون مات مؤيد : هذاللي صار الولد مات بعد مكالمتك لي بثلاث ايام تقريبا ارتحت الحين ابوخالد : لاوالله مارتحنا ولاعينا خير اذا الولد صدق مات كيف مات مؤيد تلعب علينا عبدالعزيز: أبوخالد صادق تلعب علينا انت انا اصلا ماني مصدقك حدث العاقل بما يعقل مؤيد : اسمع انت وياة انالي اسبوع مانمت من السفارة للمستشفى واخرها البلديه اطلع تصريح لدفن الولد ومن قال اصلا اني ابيكم تصدقوني اما كيف مات الولد الولد صابته حمى ودخلته المستشفى ومع الوقت زادت عليه الولد طلع مريض من زمان وماجلس اسبوع الا وهو متوفي الله يرحمه بس أبوخالد : لا اله الا الله انا لله وانا اليه راجعون تصدق عاد الولد تعبان انا ملاحظ عليه من زمان وجهه ماكان طبيعي عبدالعزيز: سعد على طول صدقت الله يعوضك بس وين شهادة الوفاة يا مؤيد لكانك صادق مؤيد : الشهادة معي موجودة لاتخاف بس على فكرة ترى خلاص بستقر هنا بس مادري وين بتحطوني مشاء الله البيت فيه ام خالد وبناتها وقالبين غرفتي مجلس لهم انا وين اروح احد يرد علي عبدالعزيز: تعال عندي في البيت وان شاء الله ترتاح مؤيد: ماعدي مانع بس شيهانه مولازم تروح معنا عبدالعزيز: خلاص ماعندي مانع خل تجيب اغراضها أبوخالد: لاياجماعة شيهانه بتجلس عندي موالفه بناتي ومستانسه عندنا لاتعكرون عليها عبدالعزيز : خلاص اللي تشوفه مؤيد: خلاص مثل ماتبي ياسعد *************************** منيرة : الو سعد تعال داخل أختك صجتنا بالصياح تعال شف لك حل معها أبوخالد : علامها وش جاها اولا تلعب مافيها شئ منيرة : تبكي وموراضيه توقف ابوخالد : سكري جايك ************************************ ابومحمد: وش صار معكم اشوفكم اليوم متجمعين مطلق : جينا باللي أنت تبي ابومحمد : عسى حصلتوا سنع بس بشروا محمد: الولد سافر على بريطانيا وتحديدا متواجد بلندن العاصمة والحي اللي ساكن فيه مؤيد أسمه حي اكتون مطلق : والولد مدرج أسمه اللي بلغنا في الرجال في اكاديمية الولد طلعه مؤيد قبل سفرة بيوم من أكاديميه أنجليزيه والحقه في أكاديمية الملك فهد في نفس الحي ابومحمد: وغيرة الولد منين يصرف محمد: فاتح له مؤيد دفتر توفير بس للاسف ماقدرنا نعرف المبلغ الموجود فيه بحدود كم أبومحمد: طيب وش الاسباب اللي خلت مؤيد يطلع الولد من الاولى ويدخله الثانيه مطلق : التفسير المنطقي لكذا تصرف شخص ثالث دخل على الخط وتكفل في فهد للاسف والخبر اللي راح تتفاجأ فيه ياطويل العمر مؤيد راجع للسعوديه على طول والكارثه مسوي شهادة وفاة لفهد ودافع فيها مبلغ كبير بالنسبه لامكانياته 20050 الف ريال وساحبها من حسابه الشخصي بلندن ابومحمد: كل هذا والله مؤيد يلعب معنا على الثقيل شباب وش تقترحون محمد: واضح ياتاج راسنا مؤيد يختفي من الدنيا وفهد يرجع لحضنك ابومحمد: عليك نور اول مرة تبرد كبدي يامحمد *********************************** سعد: علام شيهانتنا وش مزعلك وانا أخوك علميني عليه وانا أذبحه شيهانه : ورى فهد مارجع مع مؤيد سعد: بيجي بكرة بس انت لاتبكين شيهانه : وش تحسبني صغيرة تلعب علي أنا سمعت مؤيد يقول ان فهد مات يعني مثل ابوي راح وماعاد يرجع انت تلعب علي سعد: خلاص انا مدري عنه مؤيد يقول كذا علشان مانقول ليش ماجبته شفتي عاد الولد طيب مو انا اللي ألعب عليك هذا مؤيد يالله وانا خوك قومي غسلي وجهك والله ان راسي صدع من صياحك عندك خبر شيهانه : صدق سعد والاماتبيني أبكي سعد : لا والله صدق يالله قومي الله يهديك منيرة : علامها ست الحسن اختك سعد: مدري من علمها بموت فهد والصجه هذي كلها علشانه منيرة : هالحين شيهانه اللي على حياة العود ماخلت ولامشكله تعتب عليها الاوطلعتها من عيون فهد وش تغير يازمن سعد : منيرة الناس في ويش وانت في ويش *********************************** سالم : وش طموحك يافواز فواز : ماتوقع احد يفهم وين راح يكون طموحي بس راح أقول شئ بسيط يمكن لي سنه تقريبا بالندن والى الان طموحي وصل النجوم بعدها مدري وين يكون سالم : مشاء الله عليك يابطل وش يقرب لك مؤيد فواز: ليش مؤيد ماقالك سالم : لا ما قالي فواز : اكيد مايبيك تدري يعني انا مقدر اقولك بس عندي حل حلو لي ولك لاجا مؤيد من سفرته أسأله واكيد بيجاوبك سالم : فواز عمرك ثلاث طعش ومع كذا متحفظ يعني مؤيد لو علمتني بيمسك على رقبتك سيف ويقصها فواز : لا مؤيد يمكن مايدري اني علمتك بس انا من يوم جيت هنا بالحي هذا وعرف الكل أن مؤيد يصير لي وانتم مزعجيني بالاسئله يوم الفضول ياكل فيك ليش ماسألته هو سالم : الله يابطل ياحلوك وانت زعلان ومعصب وترى مؤيد يعرفني واعتبر انا وياه اخوان وش رايك فواز : انا اول مره اشوفك هنا بالمقهى العربي واذا كنت تعرف مؤيد هذا شئ خاص فيكم والشئ هذا مايعني لي سالم : سؤال أخير وتراه يعنيك واكيد جوابه عندك ليش مؤيد سافر وتركك هنا *********************************** عبدالعزيز: اف شلت هم والله مؤيد: عسى ماشر هم ويش وانا خوك عبدالعزيز: هم الصبي اللي سحبته وشيخته علينا تحسب اني بسكت عن اللي سويته يامؤيد بس ماراح يشفع لك الااذاصدق طلع فهد ميت والا والله يامؤيد مايفكك مني احد حتى لوكنت اخوي |
اخوي قمم يعطيك العافيه على البارت
بس رجعنا على الماضي وانا كنت متشوقه اشوف ردت فعل شيهانه لشافت العريس الغير متوقع بس انا اقول عن شيهانه الصغيره لما نكون صغار مانحسب لعواقب الامور المهم الساعه اللي حنا فيها لو نكدنا على غيرنا بس نفقد الشخص نتالم لما فعلنا معه وهذا حال شيهانه الصغيره بالمقابل فهد او فواز الشخص المعذب او متلقي المقالب بدون القدره على ردها هذي فرصته لاخذ الثائر او رد الصفعات والاعتبار بس عند المواجهه ربما يتردد من الحنين للماضي وهذا احتمال او يقدم بكل قوه ام خالد والله النحيسه ماكفاش سكنتي في البيت استحليتي غرفة مؤيد حتى البزر ماسلمت منش ناقده عليها وهذي هي مسكنتش في بيتها مؤيد معقوله موته يكون حادث مدبر من ابو محمد فواز وابو محمد الظاهر فيه قرابه تربطهم مع بعض |
يسلمو قمم على هالبارت الحلو والله شكل ابو محمد وعياله مجرمين من الدرجة الاولى وشكل اهمية فهد جدا كبيرة لذلك ابو محمد مصر يوصل له ويذبح مؤيد حسبي الله عليه اجل هروبه من السعودية لانو خاف ينكشف
اتوقع انو ابو محمد قتل مؤيد بطريقته وبعدها سافر علشان ياخذ فواز او فهد واستقر معاه هناك او خلى احد من عياله يكون معاه الين مرت هالسنين وماخلى فواز يرجع ولا بين لاحد وجوده على قيد الحياة وشكل فهد وراه فلوس وخير والشياب مستولين عليها ويمكن فهد وصل لبعض الحقائق الي ابو محمد مايبغي فواز يعرفها وخايف من رجوعه انو عيال العود يعرفونه ويعرفون انه حي وفواز يسأل عن مؤيد وكيف مات هذا اذا ماعرف واعتقد انو ابو محمد مألف ديباجة كبيرة على فواز وعلشان يعرف كل تحركاته حتى في بيته زوجه بنته الارملة او المطلقة وشكل فواز ماعاملها كزوجة الا على ورق وقدام الناس لانو ماجاب عيال منها وغير كذا لما شافته البارت الي راح كأنها اول مرة تشوفة وفواز رجوعه لغاية كبيرة وانتقام حتى من ابو محمد بيكون خافي ولد بنته وبنته حسنا عنده وبيهدده فيها بس زواج شيهانة هل بيكون هو العريس واللبه بيكمل لعبته وبيزوجها مشرف متشوقة اعرف خطته ........... عبد العزيز شكله مايدري شي عن ابو محمد والي سواه بمؤيد والا لما فكر يعزمه يالله قمم البارت الجاي نبغيه عن العرس علشان نكشخ دام هموس بتجيب لنا مطربة ومتكلفة وحالة بكون اول وحدة هناك علشان اقز الي رايح والي جاي خخخخ لقافة حريم يادفع البلا مانشبع عروس |
قمم ., روآيتك فررة مخخِي وخلتنِي اتحممس اششوف بأقِي آلـأححدأث ., أحسس كل بطل تصرفآته ورآهآ تفسسسيرآت وش كثرهآ ., عنِدي أحسسآس من هآلبآرت أنه مؤيد مآمآت موته ععآديه ., يممكن أبو محمد قتله ., يععنـِي بعد مأععرف وين ففوأز فيه وقربه منه وخله يتزوج بنته قتل مؤؤيد !! تدري اححتإج لقرآءة آلبأرت أكثر من مره ععشأن أفكك وأحلل ععدل ., عبدالعزيز وسسعد ., مؤيد !! سسؤآل ليه مؤيد قآل لهم أنه فهد مأأت ولي دفع هآلمبلغ كله بسس ععشأن يثبت وفأته ؟! يممكن ععشأنه أضآف فههد معهم وصأر له نصصيب ب آلورث عشأن كذا قال بيأمن ششرهم ؟ زين ليه هو أنسب لهم من آلـأسآس ؟. يييمكن ععشأن يقدر يأمن مستقبله ويدرس ْ~< أحس اني اسأل واجأوب على نفسِي كأنٍي ب اختبأر ^,^ <>ٍ~ اتوقع كل اجوبتِي خطأ هع أبو مححمد وش علأقتك ب فووأز <~ ممأتوقع ولدك ., لـأنه حتى عيأله مهتمين لأمره مأهوب معقوله يقول لعيأله ترى اخوكم !! قمم تكفى نبِي تططول لنآ آلببأرت وآلله ممألحق أفكك وأحلل شي فيهم كل ششي غأمض ننتظرك ب البارت الججأي ويعطيك العأفيه ع الـأبدأع ^_^ |
لاااااااااااااااااااااااااااااااا
يعني مؤيد مات بسسب فهد وابو محمد قتال قتلا وست شيهانه تو ذكرت فهد يوم قالوا مات وهي لاعنه خيره .... صدق حريم >>>>>>فيس ماله دخل في حركات الحريم متحمسه للاحداث قمم لا تحير علينا بالبارت تقبل مروري |
السلام عليكم كيفك قمم ان شاء الله تكون بأحسن حال روايتك انا من عنوانها انجذبت لها وليه عودة بس اقرا الفصول اللي فاتتني وبرجع ارد عليك كل فصل لحاله وان شاء الله اكون مستمره فيها معاك وربي يوفقك ويقووويك |
صباح الياسمين
اقتباس:
وش عرفني البركه في عبدالعزيز هو واياها مناقر تقول ديك ودجاجه . . يمه ماصدقت قطيت علي المطربه وتوابعها خلاااااص ولايهمك بجيبها قبلي بس ترى بجيبها من النوع الي ينسمع ماينشاف عشان لايقزز فيها فواز وانا اخذ اثمها وبرضه غناها اسلامي عشان مااخذ اثمكم على ظهري الحين مؤيد قضى على نفسه بنفسه موت الولد عشان يحميه قام ابومحمد وخمته اتفقوا عليه حتى يظل سره لهم بس الي عارفين كل شي عنه ام خالد من زمان وهي منشنه على البيت الكبير وحتى تقصر على نفسها السالفه استولت على غرفة مؤيد حتى مايكون له مكان رغم كبر البيت والحين شيهانه عطتهم اياه وياويلها من عجلتها الي خلتها تتنازل عن الاولي والتالي بتاكل تبن من ورا ام خالد وعبدالعزيز مع اني مااتوقع ان عبدالعزيز بيكون بنذاله ام خالد بيكون اقل خصوصا انها اخته مهما كان هل اعتقادهم بان فيه كفيل او طرف ثالث لفهد هو الي خلاهم يترددون بمخططاتهم ومايرجعونه لهم كصبي من جديد شمعنى يعني هالخمسين ب ( 20050 الف ريال ) >> لسى متاثرة بمسائل صبوحه شيهانه هذي المرة الثانيه الي تحزن فيها على فراق فهد الاولى كانت اخف عشانه بيسافر وبيرجع وهالمرة اقوى لانه راح وماعاد يرجع يعني ممكن يكون له مكان بقلبها ومو بسيط ابدا بس كانت تغطيه بدلعها عليه وبانها ذات الحسب والنسب عشان ماحد يعتب عليها ليه تجلسين مع الصبي وانت شيهانه بنت العود ويمكن كانت ترفض شرط اخوها بالتوقيع على التنازل حتى تاخذ موافقته بالزواج مو لشي الا املا برجوع فهد وبانه لسى حي ولما طال املها وتحول لسراب وافقت على مشرف بدون ماتعرف عنه شي كردة فعل على ياسها وقنوطها ويمكن عشان كذا رفضت اقامة العرس بقاعه لانها تشوف بنظرها ان الموضوع مايستاهل حفله وهي مو فرحانه بالاصل سالم هذا من طرف ابو محمد يبي يجره بالكلام حتى يعرف هو عارف السر ولا لا ..... واذا تطمن نفذ بقية مخططه ولان فهد ذكي مااعطاه الي يريحه وخلاه بناره بس حاول انه يثيره بان مؤيد تركه وتخلى عنه حتى يستدرجه بالكلام بطريقه ثانيه ( والا والله يامؤيد مايفكك مني احد حتى لو كنت اخوي ) الا بيفكه منك الموت وعلى يد ابو محمد اقتباس:
زيزو يادافع البلا مو امس تشكين لي من كثر هالعروس ماتبطلين يعني شلخ ونصب خلاص بحجز لك طاولة الشرف بس باخر القاعه خخخخخخخ عشان ماتحشين بخلق الله تدري اخ قمم كل مااقرا روايتك افتكر مسلسل لوست وهو يناقز بنا من زمن لزمن ومن ناس لناس متعه وحمااااس بانتظار العرس بكرة والمفاجاه الغير متوقعه من فواز |
امبيييه كثرو الاستغلالين يعني ماكفاك عرس ياسر من قبل تبين تحضرين عرس فواز بعد
زيزو يادافع البلا مو امس تشكين لي من كثر هالعروس ماتبطلين يعني شلخ ونصب خلاص بحجز لك طاولة الشرف بس باخر القاعه خخخخخخخ عشان ماتحشين بخلق الله هموس شفيك حاسدتني على العروس دام الفستان جاهز وانا دوبني جاية من عرس بكشختي عادي اكشخ بكرة بنفس الفستان ترى ماحللت فلوسه وبعدين انا بطلتي البهية اجلس اخر القاعة ليه عاد قالو لك ام خالد وبناتها والله الشيفة حسنا الي توها تشوف شعر زوجها ونعومته خخخخخخخخ لا حبيبتي انا شيهانة ملزمة علي اكون او ل المعازيم وطاولتي عند المنصة والله حالفة ماتدخل القاعة وبعدين تعالي يالشلاخة اي طاولة واي قاعة والزواج بيكون ببيت العود والله شكل الزهايمر وقيمة الطقاقة طيرت مخك قايلة لك قومي اوديك يقرون عليك ماسمعتي كلامي حالتك من سيء لاسوء كنتي تعاني من الزهايمر والحين النذالة مستفحلة بدمك لاحول ولا قوة الا باالله والله ماتستاهلي ياهموس شكلها عين صابتك انا ملزمة اخذك لشيخ يقرأ عليك بس لما يخلص عرس شيهانة ونشوف شراح يصير فيه |
يانصبك يازيزو من متى قلتي لي بوديك عند شيخ يقرا علي
لو ادري بروح اتصلح واتسنع يمكن بعد قرايته يروح عني الزهايمر وتفك عني عيونك وعيون حسادي ياكافي الشر ومن زود النصب مهتمه فيك شيهانه مع عيونك الذبلانه وورودك الحمراء اقول خلي البنيه بحالها الي جايها بينسيها اسمها وبتنظم لي بالنسيان وعقبالك ماتصفي معنا يادوووبه اشوفك بكرة مترززه عند المطربه وتطلبين الاغنيه الفلانيه ولاترقصين على غناها ياويلك مني على هالحش تدرين عاد جاتني فكرة غريبه ليه ماتحضر حسنا للزواج مع شكها بزوجها عشان تتاكد لاغير ووقتها تنفجع بالحقيقه المرة والله لاادفك بالنص بينهم واخليك تاكلين الضرب بدل فواز هههههههههههه |
السلام عليكم
اخ قمم الله يعطيك العافيه على الروايه المعقده صح انا قاراه جديده لروايه بصراحه اعجبتني مره بس عقدتني بالبدايه وان شالله اكون منتضمه بالقرائه معكم عندي بعض اتسالات بس مراح اقولها الحين اقولها بعدين بالبارت الجاي وعندي توقع بسيط اتوقع فهد او فواز يكون ولد عم اعيال الشايب وان الحلال كله له مجرد توقع الف شكر |
لوسمحت ابي اعرف البارت الجاي متى بينزل وهل انت برمضان بتنزل بارتات و لا الف شكر
|
اقتباس:
حنووووووووون>>فيس يطالعك بطرف عينه خخخخخ وش دراك ان ولدهم يمكن ولد حسنا بسسس شفتي حتى قمم يقول اني عبقريه ههههههه والله مدري :lol: منسيه وش هالعبقريه يابنت حمستك انتظري الحماس الاكبر في الاجزاء الجايه نورتيني [/QUOTE] قممممم متأكد اني عبقريه ولااااااا ***** النووور نورك اخوي اي والله حمسستني وبقوووه اقتباس:
حنووون ياذكيه لاتستغربين ههههههههه >>فييس الشماته |
اقتباس:
حياك الله نورتيني وتشرفيك هنا يسعدني اقتباس:
بالكشخه مدام ربي فكني من التكاليف زيزفزنه حياك الله نورتيني اقتباس:
ريم تسلمين والله يعافيك انت على المتابعه نورتيني |
اقتباس:
حياك الله نورتيني اقتباس:
خياليه حياك الله في اي وقت المتصفح يزيد نور بوجودك اقتباس:
يارب اكون الحماس اكثر واكثر حياك الله نورتيني ووجودك هنا شرفني |
اقتباس:
دموع الوادي ياهلا فيك اسم الله عليك من العقد حياك الله انت وتساؤلاتك دموع نورتيني وتابعني علشان نشوف التوقع يظبط والا لا اقتباس:
برمضان ان شاء الله اذا سمحت لي الظروف راح أكون متواصل معكم |
الجزء الثالث عشر
مغترب في عذاب وانتي يمي قريبة حلم وسط السراب والامل من يجيبة عادت لي الالام بعد ماعني بعدت انا مثل الكتاب بالحفظ لاتيأسيبة رغبتي في اقتراب عمري بدونك شبيبة لي بالظروف احكام ياحبيبة لي حكمت شعر : مخاوي الليل مشعل : يبه وش هالبهرجه الزائدة عبدالعزيز: هذه زائدة الله يعوضك بس الناس تحط اكثر من كذا مشعل : تحط اكثر من كذا اول مرة أشوف خيمة بثريات يبيه كم صرفت عبدالعزيز: مالك شغل كله من جيبي احد أخذ منك شئ مشعل : لا يبه بس أحس مالها داعي عبدالعزيز: انت والله اللي مالك داعي دق على عمتك شفها خلصت مشعل : أبشر يبه عبدالعزيز: عجل بروح لعمك واوقف معه شوي مشعل : تفضل يبه سعد: هلا عبدالعزيز وينك من اليوم عبدالعزيز: ويني يعني اشرف على التجهيز هابشر من حضر سعد : من حضر يا شيخ امة محمد ماخليت احد ماعزمته شوف وراك ماجلس احد في الرياض ما جا احد اعرفة واحد ما اعرفه الله يستر من تاليتها بس عبدالعزيز: تاليها سعادة وونس ان شاء الله هذة فرحة شيهانه الله يوفقها يارب ************************************** معقول حسنا حست بشئ وش التصرفات الغريبه اللي تسويها الحرمة مهيب صاحيه حسنا : فواز ماجوبتني يعني ليكون انت عريس الغفلة انت فواز: ههههه ضحكتيني ياام مشاري الحين لوفرضنا اني عريس وش بتسوين انت تدري يافواز اني ماراح اسوي شئ بس ابو محمد اكيد ماراح يسكت وبعدين هقوتك لاناديتني باسم مشاري باكبر انا ماراح أعجز لين تصير عود ياقلبي فواز: وش الهبال اللي تقولينه مهوب فواز اللي يتهدد ياحسنا اصلا وشنهو أبومحمد اللي بازة به على هونك خل رجولك على الارض نصيحه لانها لو في خاطري بعيد ووالا قريب راح أسويها حسنا : والمعنى فواز: اذا تبين نعيش صح لاأسمع حسك وابوك تشيلينه من حياتنا مفهوم حسنا : مفهوم ياقلبي فواز: عندلك راي من الصبح ياقلبي وياحبي حسنا اذا للحين ماعرفتيني تراي فواز والحين بعدي عني هنا ***************************************** طلع من الغرفة بعد مانسف شماغه وماخليته طلعت وراه حسنا : فواز جد رايح لزواج سواقك فواز: ليه عمري مزحت معك حسنا : الله يستر عليك *********************************** دانه : عمة وش هالزين وش الحلا شيهانه : اسكتي بس احس روحي بتطلع دانه : سلامتك ياعمة وش تحسين فيه شيهانه : ابد ماأحس بشئ بس العالم ماهو مثل قبل مختلف دانه : عمة عادي هذا بس من الربكه شيهانه : والله ماأدري احس بقلبي بيطلع من مكانه وماني مرتاحه دانه : عادي يابنت الحلال هذا بس من خاطرك شيهانه : دانه روحي تأكدي من أغراضي وشوفي جوالي قفليه وحطيه بالشنطه الصغيرة دانه : من عيوني شيهانه : تسلم عيونك عجلي مافيه وقت ************************************** رحت أرتب أغراض عمتي زي ماطلبت واخذت جوالها وحطيته بالشنطه وفجأة سمعت يرن طلعته وشفت المتصل كان مكتوب على الشاشه ولد اخوي الحلو ماأدري وش صابني ضيعت وسألت نفسي من ولد أخوها ونسيت مشعل ولد عمي عبدالعزيز اخذني الحماس ورديت على الجوال وبدون مقدمات دانه : نعم مشعل : انعم الله عليك يارب عمة ابوي يكول خلصتي دانه : من معي تواستوعبت الصوت مشعل : انت اللي من ومن سمح لك تردين على الجوال دانه : اولا انا سمحت لنفسي ثانيا مالك شغل راعيته راضيه ثالثا اقلقتنا لاعاد تدق وبدون مقدمات طبعت الجوال بوجهه فقدت صبري من هذا اللي متلقفه على جوال عمتي وسكرت السماعة في وجهي اوف أن مامصعت رقبتها ماكون مشعل دقيت على الثابت وردت على عمتي منيرة مشعل : الو السلام عليكم أم خالد : هلا وعليكم السلام مشعل : عمتي منيرة أم خالد: أيه من معي مشعل : معك مشعل أم خالد : هلا الله يحيك أمر وانا عمتك مشعل : مايامر عليك عدو شوفي عمتي خلصت والا لا أم خالد: ايه عمتك خلصت من زمان ليه الرجال جا مشعل : لا ما جا للحين بس أبوي يقول شفها خلصت والا لا أم خالد: قل لاعمانك أن عمتك خلصت وما ماحبوا يملكون مشعل : خلاص عمة تامرين على شئ أم خالد:لا مع السلامه ********************************* عبدالعزيز: سعدأنت تشوف اللي أشوفه سعد: وين عبدالعزيز: أمش معي بسرعة الله يهديك بس سعد: امش طيب عبدالعزيز: حيا الله أبومحمد وين يارجال كل هذي غيبه الشمس اشرقت علينا والله أبومحمد: تسلم ياعبدالعزيز وشلونك ياسعد عساك طيب أبوخالد : هلا والله انت وشلونك يابومحمد عساك بخير والله أني أنشد عن أخبارك دايم وتراها تجيني اول بأول ابومحمد : تسلم ياسعد بس مدامك تنشد عن أخباري وراك ماتخذها مني ماله داعي الوسايط عبدالعزيز: مشاغل دنيا وانت يابومحمد عزيز وغالي ترى انت من ريحة الوالد أبومحمد:وانت قلتها والله لولا غلا العود ماجينا فواز : مساعد وينك انت انا خلاص قربت اوصل مساعد: قريب ياطويل العمر بس انتظرنا شوي فواز :مشرف معك مساعد : معي ياطويل العمر انت اللي نور سيارتك ليزر جنب الخيمة من الجنوب فواز : أيه تعال بسرعة انا بنزل واحتريكم عند باب الخيمه مساعد: خلاص تم ياطويل العمر ******************************** بصوت هامس مطلق : اقول يبه وراهم مسوين العرس في خيمة كل هذا قل ابومحمد: قل بلاك ماعرفت عبدالعزيزللحين مطلق : والله يبه مدري وش مجيبنا هنا ابومحمد: كملي وانا أعلمكم مرة وحده اقضبوا العلم ولاتخلوني اكتشف ان البنيته طول السنين هذي ماراح ينهدم مطلق : حنا جالسين ونشوف اخرها ************************************ مها : وش هالزين كامله والكامل الله يابنت خالد شيهانه : تسلمين يام مشعل مها : منيرة عندكم شئ اساعدكم عليه أم خالد: لاتسلمين حبيبتي بس شوفي الضيوف برا اذا محتاجين شئ ايه وانتبهي للطقاقه لاجت علميها عن مكانها <<< همسه ماقدرتي على المطربه جبتي طقاقه واسلامي بعد >> مها : خلاص ولا يهمك اعتمدي مساعد: مرحبا ياطويل العمر عسى ماتأخرنا عليك فواز: لاوالله وتقولها بعد وعريس الغفل هجا معك مساعد: ايه جا بس شوي شوي عليه الرجال تعبان فواز: تدري كم الساعة الحين عشر يعني المفروض يجي قبلي بنص ساعة ويكون في استقبالي مهوب انا اللي استقبله مساعد : ياطويل العمر الظرف حكم الرجال جته النوبه واحنا عند الحلاق واطرينا ندخله المستشفى وتنوم ثلاث ساعات والله اني مطلعه على مسؤليتي فواز : زين وين الرجال اللي بيدخلون معه على اساس انهم معازيمه مساعد : موجودين ياطويل العمر فواز: خلهم يدخلون الحين وبعدها بعشر دقايق بندخل انا وياك مساعد: تامر طال عمرك ************************************** مشعل : يبه المعرس وصل عبدالعزيز: خلاص وش تحتروون خل القهوجيه يستقبلونه بالطيب عجل يا غبي مشعل : تامريبه سعد: شكل المعرس مهم وش هالجيش اللي جايبه معه عبدالعزيز: والله انك صادق امش نسلم عليه ************************************* ماعجبني شكل العريس واول ماشفت ابوي وعمي قربوا بيسلمون عليه مشيت عندابوي وكلمته بيني وبينه مشعل : يبه تشوف اللي اشوفه الرجال فيه بلاء عبدالعزيز: من تقصد مشعل : من الله يهديك اللي سلمت عليه عريسنا عبدالعزيز: بعد هنا بدقق مشعل: خذ راحتك عبدالعزيز: والله انك صادق وانا ابوك بس ترى معه عذر الرجال معرس عقبالك وانا ابوك بدون شعورمشعل : يارب مطلق : هلا والله كملت شف نسيبك حاضر بعد ابومحمد: والله ههههه اجل انا ليش موجود هنا لسواد عيونهم بشوف وش بسوي فهد بعد كل هالسنين مطلق : يبه والله أنك مخ وانا أقول ابوي وش عنده أثر عندك خبر ان فواز بيحضر العرس ابومحمد: الحمدلله والشكر وانا دائم اقول والله ماتعينون خير لامت سعد: شرف الرجال هذا انت عازمه عبدالعزيز: ولا أرعرفه سعد: شف جيش المعرس راح يستقبله مشعل : يبه شفت الرجال اللي جا وقلط عند مشرف عبدالعزيز: علامه بعد مشعل : يبه وبدون زعل هذا المفروض المعرس مهوب مشرف عمتي مايليق بجمالها الاواحد مثل الرجال هذا عبدالعزيز: بدون كثرة حكي ولاتفخ راسي بتروح معنا للملكه والزفه مشعل : يبه تشاورني اكيد الله يهديك عبدالعزيز: أجل رح قلط الرياجيل وكلم المعرس ياخذ شاهد من عنده لان الشاهد الثاني اكيد من عندنا ومافيه غيرك يافالح مشعل : زين كلم على امي وعلمها ان الرجال بيجون وانا بتكفل بالباقي عبدالعزيز: خلاص أجل انا وعمك سابقينك على البيت لاتبطي خل الليله تعدي على خير مشعل : خلاص يبه أزهلها ********************************** مثل ماطلب مني الوالد بالضبط قلطت الضيوف ورحت للمعرس علشان أبلغه بالكلام اللي قاله الوالد مشعل : مشرف يالله تفضل علشان نملك وتدخل ومبروووك مقدما ان شاء الله مشرف : مشعل انا باخذ شهود معي ترى مشعل : عادي ابوي سبقك ويقول الله يحيه هو واللي معه مشرف : خلاص توكلنا على الله الحمدلله كل شئ الى الان مثل ماخططت له مشرف ,المأذون الشرعي ,اهل العروس هذا عمي عبدالعزيز, عمي سعد, اوووف ومشعل الولد الوحيد في العائله فواز: مشرف ماودك تعرف نسايبك علي مشرف : أمرك ياعمي فواز: وش تحتري مشرف : يابوخالد وانت ياعبدالعزيز اعرفك طويل العمر عمي فواز عبدالعزيز: هلا فيك أنت وعمك مشعل : يبه وش قصده بعمه عبدالعزيز: وش قصده بعد عمه عمه مشعل : بالعقل يبه الحين هذاعم هذا والله ماأصدق عبدالعزيز: مشعل اسكت نفخت راسي خلنا نسمع الشيخ المأذون : بطاقات الشهود والعريس عبدالعزيز: مشعل ماتسمع الحس رح قلط الرجال مشعل : تامر يبه أبومحمد: وين أبوك مشعل :داخل حياك تفضل أبومحمد: السلام عليكم وقبل تردون السلام والله مايشهد على ملكة بنت العـــــــــود ألا أنــــــــا |
يسلمو قمم على البارت .............حسبي الله على ابو محمد جعله جلطة سريعة تصرعه وتريح الناس من شره شكل بنته مرسيته على كل تحركات فهد والخايس شاك انو فهد هو الي بيتزوج مو مشرف
اجل داخل بدون عزيمة قال ايش بيشهد جعلهم يكتبون شهادة وفاته قبل عقد الزواج قادر ياكريم .......... جد مقهورة دام الشايب تدخل بيخرب علينا العرس وبينكد على البنت بزواجها من هالمريض الي جايبينه .............فواز لازم يكون عنده خطة جاهزة وبديلة والا كل خططه بتخترب وشيهانة الي بتاكلها اتمنى ياخذ الشايب على جنب ويكون عنده شي يوقفه عند حده ويخليه ينطم ابو محمد همه الفلوس والخير الي هو لهفها من فهد وماتخلص من مؤيد الا علشان الفلوس ومتأكدة مليون بالمية انو هو مسوي بلاوي وخاش اسرار كثيرة ان شاء الله فواز ينتقم من ابو محمد ببنته حسنوه وولدها ويكون هو الورقة الرابحة الي بيبتز فيها الشايب اقول همسو تعالي شيلي طقاقتك الي جايبتها شكل وجهها نحس خربت علينا العرس قبل ماتطق وتغني يادافع البلا وبعدين مو حسنوه الي جاية شايبها بكبرة رئيس العصابة جاي مايحتاج عجوز خيبر تجي وتخرعنا بطلتها القشرة شكل فواز متزوج العجوز مجبر وهي مصدقة حالها انو مابيفكر بغيرها قمم ماعلي منك صراحة شيهانة لاياخذها راعي الامراض مشرف سوي اي شي في ابو محمد عطيتك الضوء الاخضر مايصير نكشخ ونحضر العرس والطقاقة مافتحت فمها ونطلع كذا من العرس اوووووووف قهر وربي يالله عاد لاتتنيذل وتحط البارت الجاي من الماضي ترى مافينا صبر |
يالله وقف البارت عند لحظه حاسمه مين راح يتزوج شيهانه فواز ولامشرف
واذا فواز بيتزوج شيهانه وش بيسوي وبو محمد يبي يشهد على عقد قرانها تكفى يقمم كمل البارت مانبي ترجع للماضي كمل الموقف بعدين وضح كيف مات مؤيد ويعطيك العافيه على الروايه الرائعه |
صباح الهنا والرضا
اخ قمم وش هالقفله حرام عليك وبعدين يبي لنا كم بارت عشان يخلص هالعرس بس عشان اعرف متى احاسب المطربه خبرك فيه مقدم ومؤخر ولازم اكون متواجده بوقتها :1247681139wfox61500 بالله مو لو شافها فواز بينصرع من جمالها وبيسحب على شيهانه ( مشعل : يبه وش هالبهرجه الزائدة ) شفت شلون حتى مشعل مو مصدق في ابوه مثلي هالحسنا باطه جبدي يعني مالها هدف في الحياة الا مراقبة زوجها ونقل الاخبار بس يعني لامهتمه بزوجها ولا ولدها ولافكرت تكون اسرة جديده سعيده بعد زواجها الاولي وحياتها متوقفه على اوامر ابوها بس .... شكلها هي الوحيده الفالحه بنظر ابو محمد من عياله كلهم ( اوف أن مامصعت رقبتها ماكون مشعل ) اتحداك يامشيعل تمصع رقبتها :YkE04454: ( أبومحمد:وانت قلتها والله لولا غلا العود ماجينا ) ياربي من هالشلخ رجل بالدنيا ورجل بالقبر وتكذب لا وماتمشي عدل بعد مو تو تقول لولدك انا جاي عشان فواز تروح تقول عشان العود رغم كل شي ورغم كل هالعز مازال فهد يناديهم باعمامه واحترامهم راسخ بباله بس ليش متنرفز من مشعل شالسبب الي يخليه يتضايق من وجوده الا اذا كان يخرب جزء من مخططاته خصوصا انه ماينافسه بموضوع شيهانه ( مشعل : بالعقل يبه الحين هذا عم هذا والله ماأصدق ) ايه ليش عاد صدق غبي انا وبنات اخوي وبنات اخواتي بنفس السن عادي مافيها شي انا متاكده وباصمه بالعشرة ان فواز متوقع حضور ابومحمد ومتوقع حركته ولا ليش يطلب من حسنا ترجع معه نهائي وبعد هو عارف انها عارفه هو وين رايح ومتوقع كل شي فاكيد مجهز لحركة ابو محمد وهذي بداية خطة الانتقام على حبس وقهر السنين الي كابت فيها على نفسه بسبة هالشايب المخرف ويمكن اولها تهديده بابن حسنا الي غير مدرسته نفس حركة مؤيد السابقه والحين مايدرون الولد فين موجود وخله وقتها يوقف بوجهه وثانيها انه هو يشهد على زواج زوج بنته بزواجه الثاني يعني قمة السخريه من فواز بابو محمد ووقتها يفتح فمه هالشايب بس الي محيرني الحين الزواج بيتم وهو يبي مشرف يسافر ويهج كيف بيتدخل بالموضوع هل من خطته ان مشرف يطلب ان عمه فواز يجي يشهد على الزواج ووقتها يكتشفون انه مجرد سواق له ههههههههههههههه ياليت اقدر اشوف وجه عبدالعزيز وقتها اقتباس:
اقتباس:
>> زيزو مع وجهك الحين مو انا مسويه عرس كامل من الى لياسر العاجي وتم على خير مايرام ولاتقدين تنكرين هالشي وضمضم الشاهده وجميع المتابعات الي فرق بس هو حضورك يعني النحس منك مو مني ومن طقاقتي وبعدين يالمخرفه مو عبدالعزيز بالبارت السابق قال لاخوه اعزم ابو محمد شلون تقولين جاء بلاعزيمه >> والله منك مو مني بعرس ياسر العريس ملتزم مادخل فطلبت كم مطربه من لبنان ومصر :lol: وانت الا تدخل العريس صراحه خفت على شيهانه تروح عليها ليلتها اذا شاف اليسا ونانسي *_^ وبعدين يهون عليك آخذ اثمه اذا شافهم بفساتين ...... او اثم الحضور بسماع الاغاني لاني بطلت اسمع اغاني عاد انت عازم جيش على قولتك :81: عندي اقتراح اخ قمم بما انه الفعاليات خلصت واحتفالا بانتهائها على خير مايرام تنزل بارت بكرة او بعده هديه بس على شرط زيزفون ماتشوفه فحط عليه طاقية الاخفاء هديتها لانها الاولى :56: |
| الساعة الآن 06:57 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية