|
lما ازيد على كلام اخواتي السعوديات بشي
الا انه شان سعودي بحت ولا يحق لاي اخر مهما كان ولو كان اخ ينتمي لدوله شقيقه هي على العين والراس ويضل حقنا كسعوديات بمطالبه او دحض رئي خاص بنا محفوضا اراده اعتذر على لهجتي القاسيه ولاكن لكل دوله خصوصيتها ولابنائها احقيه مناقشة امورها وان كان هناك نسب للمناقشين بهذا الموضوع فصدقيني نسبه تفوق التسعين من السعوديات ضد النقاش حتى في هذا الامر اذن الاغلبيه تفوز ولاداعي لجعل امر تافه ومتبنينه نسبه لا تحصى بعدد لاقليتها امر مهما يطرح للنقاش كلامك عن حكر وجهه النظر المخالفه لنا انا معه لو كان هناك تكافؤ بالموضوعين اراده اعذري تشبيههي القادم ولكن لو جائنا احدهم بيوم وقال انا مع الحريه باقامه دور السنما او البارات للخمور هل انا مرغمه على نقاشه ام ساقول موضوع خاطئ محرم دينا وعرفا لاتقولي وما وجه الشبه وجهه واحد فكلاهما لم ولن يجيزه الشرع ولو اختلفت نسبه الحرمه في الاثنين اراده اتعرفين لم حرمة الخمر لان ضررها اكبر من نفعها ولم يقال هيا نناقش حرمتها |
. السلام عليكم ,, أنا مع (haiol-طيف الأحباب-ام رنا-الهاله<< كلام ولا اروع -فجر الامال-اوركيد-نوف بنت نــــايف) الموضوع شكله عن الحوار أكثر من انه عن سياقه السعودياتـ ’’ بس هي مو سالفة حوار أكثر من انه سالفة حب خراب لمملكتي ,, اذا انتوا تشوفوها حوار هم يشوفونها من باب المكيده و حب تخريب لديرتي ,, اسمحيلي ياحلوه الحوار تحاور واحد يعطيك مجال تقنعه بس الآخر مو راضي يتركنا بحالنا كافي خيرهم ششرهم ابد الا يسوون بربره ,, الموضوع بأختصار أن الآخر ما اخذ الرأي الآخر و أصدر قرار و حكم وهمش رأيي فيه ,, هل هذا يتحاور معه ,,!! أذا كان أساس يرى أني لست على حق و ليس لوجهة نظري أي أهميه و انما هي ثرثره ليثبت للجميع انه حاور فقط ,, هل هولاء يتحاور معهم !! و كيف سيكون حواري معهم أن كاونوا يهمشون رأي ولا ينظرون له البته ؟!! هالبربرة امتداد لحنين بس هولاء نواعم حنين ,, أذا كان الآخر يريد بي السوء فماذا تتوقعين أن يحاورني ,,!! صحيح الحوار يكون راقي ولكن مايستفز بالحوار ان تقول قال الله ورسوله وهو يقول العالم يقول !! العالم يقول و أنا صاحب الشأن مهمش رأي لماذا !! و بعدين أي حق اللي يتكلمون عنه !!!! ليش هي نبغى حجاب و الكل مانعها تتحجب !! ليش أحد هاتك عرضها ولا احد وقف معها !! ليش احد مانعها من عبادتها !! وش هالحق اللي مدري من وين طلعوا لنا فيه ,, نسيوا هالحديث (من اصبح امن في سربه معافى في بدنه وله قوت يومه فكأنما حيزت له الدنيا بحذافيرها) أي حق و هي لها الحريه تسوي اللي تبغى ,, والا من كثر مالها من الحرية لازم تسوي لفت انتباه ,, السالفه مخلصين منها من سنين ,, ليش نفتح ملفات قديمه و احنا عارفين الجواب !! أهل مكه ادرى بشعابها أهل مكه ادرى بشعابها أهل مكه ادرى بشعابها وبعدين أحنا ناقصين مشاكل بالمحاكم !! اذا هي باليبت و فيه الف قضية ابتزاز و تحرش ,, اذا المحاكم فاضيه يخلون الحريم يسوقون ,, بس تدرين لو ساقوا الحريم بكره بالمحاكم قضايا خلع و طلاق عشان زوجها خانها مع شغالتها وهي رايحه مشوار ,, ولا البيت يصير كله عـ راسها حتى السوبر ماركت هي اللي تروح ,, مو الاغراض حق البيت و هي المسؤله عنها و الرجال اكيد بيرتاح من هالمسؤليه بس يعطي فلوس و أنتي اللي روحي وجيبي و وصلي هذا و جيبي هذا من المدرسه ,, والبيت يصير فندق للرجال أكل وشرب ونوم و صرف بس ,, عاد عندنا الاسترحات والبر والقنص و البحر و الشباب يموتون على الجمعات الشبابيه والطلعات ,, الواحد اذا تزوج مجبور يقعد بيته مع بنت الناس مو يجيبها مثل الاثاث اجل لاصار لها سياره وريني وجهه ذاك اليوم ,, و أنا صارت لي ضروف السواق خلصت اقامته وسافر و ,, وابويه الله يطول بعمره بعيد عنا 3 سنوات وهو شغله بمدينه ثانيه ,, واخوي صار عليه حادث ورغم هذا أمي تعرف تسوق ولا ساقة ,, لان المشاوير اللي براء البيت مو من قدرها انها تسويها ,, هي مو قد انها تنزل تقضي وتروح وتجيب , اجل وش فايدة الرجال اذا هي بتقوم بشغله ورغم هذا أحنـــــــــا ضد ان الوحده تسوق ,, طيب أجل اللي تبي تسوق وش خلت للرجال من مسؤلية بيت !! وبعدين اذا سمعتوا وحده زمان تسوق ناقه سلمولي عليها ,, و احنا لنا عاداتنا وتقاليدنا و نظل ثابتين عليها ما يهمنا كيف الغرب يشوفونا ,,,, والله يعين ,, . |
السلااام عليكم
الف شكر على طرح الموضوع لي عوده ان شاء الله ربي يحفظك |
♪♪♪ الموضوع يحمس .. الحوار وابداء الراي حرية للكل وانتقاااء الألفااااظ مهم جدا .. بس مو نوصل لدرجة التجريح و نقول عنهم متخلفين وفئة ضالة !! النقاااش اذا كان عقيم مثل ما قالوا الحلوات قبلي .. تركه افضل من الخوض فيه .. هذا شي لا نقاش فيه .. الكل تقريبا ضد السسسسسسووواااااقة .. سمعت بالراديو قبل أسبوع أو أكثر .. وحدة تطالب بهالشي وأعطوها حرية التعبير على الـ FM .. قالت بما معنااه ان : السوااقة مهي ممنوعة شرعا .. ولا فيه نص في الدولة ينص على منعها .. انما هي قصة عاداااات وتقااااليد .. احنا مجتمع محافظ مقارنة بالمجتمعاااات الاخرى .. مجتمعنا او محيطنا ما يسمح بتجول البنت لوحدها .. تخيلي معي .. بيت فيه شباب وبنات وابوهم وامهم ، كم سيارة بتصير بالبيت ..!! البيت وقتهاا بيصير فندق للنوم بس .. وزين على زين لو شفتي أهلك وقت الطلعة ولا وقت الدخلة .. الحين الولد يطلع بسيارته وامه يدها على قلبها وتحاتيه لو تآخر .. فـ كيف بالبنت او المرآه عموما .. تخيلي برضو .. لما يصيرون حريمنا يسوقون .. وقتها اي وحدة بيزعلها أبوها ولا أخوها ولا رجلها .. بـ تآخذ مفتاااحها وتهج ..! وين بيلقونها ..!! سواقة المرآه بـ تفتح علينا ابوااااب مقفلة احنا في غنى عنهاا .. واذا على كلامك غناتي ارادة .. عن اللي شفتيهن يسوقن بالقصيم .. انا اقول لك أعرف من قرايبي شاف حرمة بالشمال .. تسوق شاااص ومتحسمة ورايحة لمزرعتهم هذا شي عندهم مو غريب بذيك المنطقة .. وتخيلي المصيبة الأعظم خخخخخخخـ .. شوااارعنا قمة بالزحمة وبالموت وبطلعة الروح نوصل لمشوارنا بسهالة !! كيف لو صارن الحريم يسوقن ! ♪♪♪ |
♪♪♪ واللي يدل على ان السواقة عندنا مو ممنوعة .. ان فيه وحدة ماسكينها الشرطة بالخبر تسوق سيارة .. وسجلوا قضيتها بانها تسوق بدون رخصة ، وطلعوها بكفاالة ووقعت تعهد على ما سمعت .. في نفس الاسبوع انتشر لها فيديو وهي تسوق ومسكوها تسوق مرة ثانية .. وعالاصلالاحية بنفس التهمة القبيلة ولانها ما التزمت .. ♪♪♪ |
| الساعة الآن 09:43 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية