أشهر الأطباق الشعبية القطرية .. مجبوس الهامور ..
السلام عليكم ,, بناء على طلب أختي ,, عاشقة الجنوب ,, ورغبتها في معرفة بعض الأكلات الشعبية القطرية قررت ,, أنزل موضوع متجدد ,, أنزل فيه ,, أشهر أكلاتنا الشعبية ,, اللي أكيد ما تختلف عن الخليجية ,, وان شاء الله يعجبكم ,, ( 3) هذي صورة المقادير طبعا مع السمك والرزالعيش الشيلاني والمحمر وصالونة مطفي السمج http://www.liilas.com/vb3/t161407-9.html الوصفات http://www.liilas.com/vb3/t161407-12.html ( 4 )البلاليط http://www.liilas.com/vb3/t161407-13.html ( 5 )خبز الخمير http://www.liilas.com/vb3/t161407-15.html ( 6 ) الشعثا http://www.liilas.com/vb3/t161407-16.html وبدايتنا بتكون مع ملك الأطباق الشعبية ,, مجبوس الهامور http://www.9ksa.com/up/get-5-2011-9ksa_com_oudvlah4.jpg وهذا السمك مع البهارات ,, تبليه واتركيه لمدة ساعه ,,, http://www.9ksa.com/up/get-5-2011-9ksa_com_4nflcyn7.jpg بعد مرور الساعه نقلي السمج ,, بس مانقلبه وااايد عشااان ما يتفتت ,, ونرفعه قبل مايستوي كامل ,, يعني نخليه نص استوا... http://www.9ksa.com/up/get-5-2011-9ksa_com_934iikaa.jpg الحين نحمس البصل لين يصير لونه بني مثل الصورة ,, وبعدين نضيف الثوم والزنجبيل وورق الغار ونقلب الى أن تظهر ريحته ,, http://www.9ksa.com/up/get-5-2011-9ksa_com_ezs4m4xb.jpg هنيه أضفنا البهارات ,, ونقلبها شوي .. http://www.9ksa.com/up/get-5-2011-9ksa_com_xoe0zuhr.jpg وهنيه أضفنا الطماط م ونقلبه شوي لما يذوب .. http://www.9ksa.com/up/get-5-2011-9ksa_com_w5zljttk.jpg والحين نضيف الخضار ,, دفعااااات http://www.9ksa.com/up/get-5-2011-9ksa_com_qhwg8dw7.jpg لما نشوف الخضار تغير لونها ,, وبدت ريحتها تطلع ,, نصب الماي الساخن عليها ,, ولما يغلي نملح القدر ,, ونبتدي ننزل السمك المقلي فيه بهدوء عشان مايتفتت ,, وهذي الخطوة يبي لها شوية حرص وهدوء ,, وأنا أفضل تنزلين السمك بالقطعه وتكون جنبج صينية فرن مغلفة بالقصدير ,, نحط فيها السمك ,, أول مانرفعه ,, السمك خليه في الماي مدة دقيقة بس ... http://www.9ksa.com/up/get-5-2011-9ksa_com_e6murwuw.jpg ألحين خلصنا من السمك ,, وصفيناه في الصينية ,, نرشه بالقرفه المطحونه وندخله الفرن يتحمر شوي ... http://www.9ksa.com/up/get-5-2011-9ksa_com_7xmkellt.jpg بعد ما خلصنا من السمك ودخلناه الفرن ,, نضيف الرز للمرق ,, وأول مايبدا يغلي وينشف الماي ,, نخفف النار ,, ونحط قطعة صفيح تحن القدر ,, ونغطيه زين بالقصدير ,, ونتركه على النار لمدة نص ساعه ,, http://www.9ksa.com/up/get-5-2011-9ksa_com_0dc4tbwl.jpg وهذ طبختنا استوت ,, امممممممم ,, الريحه تهوووس وتهبل ,, ومعاه سلطة الجرجير بالرمان والجوز ,, وسلطة البصل ,, http://www.9ksa.com/up/get-5-2011-9ksa_com_6yehsnhb.jpg عااااد الشيخه بنتي عطيتها تصور آخر صورة ,, وقامت تفنن ,, ومن زوود فنها ,, ما طلعت الصحن كااامل ,,, انقهرت ,, ويوم قلت لها ,, قالت يمه ,, هذا التصوير البروفيشنااال ,, قلت ,, زين ,, عشااان أنافس بوووحه ,, ههههههههه وهذ مجبوووسنا جااهز ,,, شرايكم فيه ؟؟ http://www.9ksa.com/up/get-5-2011-9ksa_com_kimvq7vn.jpg ألحين بحط لكم المقادير كامله ,, أدري كثرت بالهذره ،، ومللتكم بالوصف والشرح ,, بس مجبوس الهامور يستحق التفصيل ,, لأنه رووووعه ,,, وان شاء الله ينال أعجااابكم ,, ويحوز على رضاااكم ,, ولا تنسوون الردود الحلوه والتقييم ,, ومن لا يشكر الناس ,, لا يشكر الله ,, المقادير : سمكة هامور 2 كيلو + 3أكواب رز بسمتي + نص كوب زيت + 2حبة طماطم متوسطة الحجم ولونها أحمر + 3بصل مقطع صغير + 2 فص ثوم مبشور + شريحة زنجبيل مبشور + 2 حبة فلفل حار + 3 حبات ليمون أسود مثقوبة بالشوكة + 6 أكواب ماء دافي + 1ونص م ش كركم مطحون + 1ونص م ش بهارات مخلوطة + نص كوب كزبرة خضراء مفرومة خشن+ حبة فلفل أخضرمقطعه مربعات كبيرة + 2 م ش ملح + 1 م ش قرفة مطحونة + 1 م ش كمون + ورق غار تقريبا 7 + 2 م ط معجون طماطم + نص م ص بابريكا ,,, لا أحلل ولا أبيح نقل مواضيعي خارج ليلاس ,, بدون اذن مني ,,, |
الهاله شو هالروعه
الريحة وصلت لعندي شكل مره مشهي ولذيذ واعجبتني سلطة الجرجير عوااااافي |
ماشاء الله روعه ارجعلك اذا بغيت اصلح سمك
|
يمال العافيه بي بي بصراحه طبقق يشهي ومرتب
سلمت الايادي |
حياتي (الهاله)يعجز اللسان عن شكرك غناتي يشرفني انك نزلتي هذا الموضوع على شاني ,,,,انتي مبدعه دائما وشهادتي مجروحه فيك ,,,,,,... يمي يمي ياام السنع الهامور من شكله يجوع الشبعانين مثلي ,, انا بصراحه احب الاكلات الشعبيه للخليج واحب اخذ الطريقه من اهلها والحين ضمنت قطر واطباقها من ايدك ياسنعتنا ,,تسلم يدينك انتي والمصوره القادمه بنتك ... تقبلي مروررري اختك (عشقي الجنوب)
|
ماشاء الله هلوله يجنن شيخ المجبوس وشغل يدس ملكي مثل ما يقولوووون
البصل ايش حاطه عليه يا ليت تحطين الوصفه انا دايما احط بصل مع السمك بس يكون منقوع بعصير الليمون تسلم يدس ويعطيس العافيه واحلى تقيييم اما السلطات ف شي ثاني |
ماشاءالله هلوله
الطبخه شكلها لذييييييييذه تسلم اييييييدك ياااارب |
هلوووووله رووووووووووعه تسلم يدينك حبيبتي ماشاء الله تبارك الله شكلها يشهي وريحتها وصلتني هههههه يعطيك الصحه والعافية |
موضوع قمه وفاق التميز حبيبتي ... اكيد الاطباق الشعبيه كلنا ماانستغني عنها وكل وحده لها طريقتها ونكهتها الخاصه تسلم يمناج سيده الذوق .. من يد مااانعدمهآ احححممممم .. لو مااعليج امر غناتي لو تعرفين طريقه العصيده الشعبيه ..اللي بالسكر تقدمين لنا طريقتج .. كل الود والشكر لقلبك النقي وروحك الطاهرة ويثبت الموضوع |
بيبي طبببببببق رووووووعة وشكله يهبل مع اني ما اكل السمك بس حبيت الصورة خخخخخ
الله يعطيك العافية حبيبتي سلمي لنا على بنتك صاحبة اجمل لقطة خخخخخخخخخ زوزو |
يمي يمـــــــــــــــي جنااااااااااااااااااااااااااااااااان عز الله ماسويتي فيني خير ياهلووو للحين بالجامعه وباقي على طلعتنا وقت . ومن الحين اشم الريحه واحس اني بجيكم بقطر.. فديت والله اللي بقطر وهـ بس
تســــــــــــــلم الايااااااادي يااعسل.. |
هلوووووووله ويش ذا الزييييييين
شهيتيني فييييييييه تسلم ايدك ي عسسسسل يعطيك العافيهـ |
يعطيك الف عافيه بي بي شكله يجنن وراح اجربه ان شاء الله
ودي لك |
يعطيك العافيه هلوووووول
شكله رهيييييييب وأكيييد طعمه يجنن تسلم يديك على المجبوس وتسلم يدين بنتك على التصوييييير.. عواااااافي.. |
اقتباس:
هلا والله أم شهوووودة ,,, الروووووعه مرورج ياعمري ,,, والسلطه سهله جدا ,, جرجير مقطع خشن وشوية بقدونس وع شوية ريحان ,, وجوز مكسر ورمان ,, والصوص ,, زيت زيتون وخل التفاح وعصير ليمون .. وملح بس ,, وبالعافيه ,,, |
اقتباس:
حياااااج الله في أي وقت ام البنين ,,,, |
اقتباس:
هلا هتوووووون ,,, الله يعافيج ياعمري ,,, جربيه وان شاء الله يعجبج ,,, |
اقتباس:
هلا عشووووقه ,, نورتي ياعمري ,,, وتسلمين على كلامج اللي يبرد القلب ,, وبعدين لا شكر على واجب ,, الشكر لله تعالى ’’ اتمنى الطريقه تعجبج وتجربينها ,, وتنزلين لنا التطبيق ,,, وأي سؤال انا حاضره ,,, مرورج أسعدني يالغاليه ,,, |
اقتباس:
هلا ام رنوووو نورتيني يالغالية ,,, تسلمين على الكلام المشجع ,,, البصل حطيت معاه شوي عصير ليمون مثل ماقلتي وشوية خل وزيت زيتون وسماق ,,, وبس ,, الله يعافيج ياعمري ,, |
اقتباس:
هلا زوزووووو الله يسلمج ياربي ,,, تسلمين ع المرور ... |
اقتباس:
هلا لي لي ,,,, الله يسلمج ياقلبي ,,, مرورج الرائع جدا أسعدني ,,, |
اقتباس:
أشكرج على التشجيع ,,, وان شاء الله أكون عند حسن ظنكم بي ,,, تحياتي لج ... |
اقتباس:
أهلين زوووووووززوو ,,, يعافيج ربي يالغاليه ,,, وسلامج وصل ,,, هي بعد تسلم عليج ,, |
اقتباس:
هههههههههه حي الله ماماتي ,, ماميتوووووو .. مامي ,, هذي بنتي لماتناديني ,, بنااات هالأيااام ,, ههههه الله يعينكم ياللي بالجامعه ,,, ويوفقكم يارب ,,, واذا الريحه بتجيبج قطر ,, بكثر من المجاااابيس ,, ههههه الله يحييج ويسلمج ياعمري ,, مرورج أسعدني ,,, |
اقتباس:
هلا غيووووم ,,, الزين منكم وفيكم ,, يالغاليه ,,, ولا يهمج أرسل لج صحن جديد ,, هذيه راااح للرجاجيل ,,, الله يسلمح ياعمري ,,, |
اقتباس:
أهلين لطوووووفه ,,, الله يعافيج ياعمري ,, جربيه وان شاء الله يعجبج ,, تسلمين ع المرور الرائع ,,, |
اقتباس:
هلا قمووووورتي ,,, الله يسلمج ياعمري ,,, وتسلمين ع المرور ,,, |
هلووولة يـارب جعل ايديك ما تمسهــا النـــار يـارب أنــا أمووووووووووووووووت في السمك يميي الطبخة تجنن يعطييك العــافية انـا متل هذاك السمك أسوييه طاجين بالفرن يطلع جوونــان ههه عوآآافي أحلى ***** + شكــر |
بي بي يا سلااااااااااااااااااااااااااااااااااااام عليكي يا عسسسسسسسسسسسسسسل
و الله انك ملح و قبله على اطباقك الخطييييييييييييييرة الريحة تشق شقهاااااااااااااااااااااا عساك بس شلتي لي شوية على جنب تراني اموووووووت في اكلات السمك كلهاااااااااااااااااااا تسلم الايادي يا قمرررررررررررررررررررر و تستاهلين احلى نجوم و اجمل تشكرات و احلى احلى بوستين على الخدين من بنووووو حبيبتك و السموحة على القصور في الردود |
اقتباس:
هلا لبوووونتي ,,, تسلمين لي على هالدعوه ,,, الله يسمع منج يارب ,, وجميع المسلمين ,,, الله يعافيج يارب ,,, وشكرا ع المرور والشكر ,,, |
اقتباس:
هلا والله بنوووووو والله انتي الملح والقبلة ,,, وشكرا على كلامج الطيب ياعمري ,, وننتظر التطبيق ونشوووفه ,, وتسلمين على الشكر والتقييم ,,, |
متابعين ،، الأكلات الشعبية القطريه ،،، وخااااصةً حبوبه ،،،، انتظروا الطبق الجديد لعيونج حبوووبه ،،، العصيدة ،،، |
العصيدة ... http://www.9ksa.com/up/get-5-2011-9ksa_com_08qid0dg.JPGمن الأطباق الشعبية المشهورة جدا ,, وتقدم أكثر شي في فصل الشتاء ,, وتؤكل على الفطور ( الريوق ) ,, كما تقدم للمرأة في فترة النفااااس ,, ولرغبة اختي حبوبة ,, سويتها بسرعه ونزلتها ,, مع اني كنت ابي انزلها بعد فترة ,, المقادير :_ كوبين طحين مشفشف + كوب ونص سكر + نص كوب زيت أو سمنة بلدي ( انا استخدمت الدهنة القطرية مع شوية زيت ) + نص م ص من كل من ( هيل مطحون + زنجبيل مطحون + وقرفة ) تقدرين تستغنين عن النكهة اللي ماتبينها ,, 6 الى 8 أكواب ماي حمسة البيض ,, 5 بيضات مخفوقه + ملح فلفل أسود + رشة هيل وشوية زعفران + قطرات من ماي الورد الطريقة : _ تحمرين السكر لين يصير لونه بني مثل الكراميل , بهالطريقة ,, http://www.9ksa.com/up/get-5-2011-9ksa_com_0tgjohrs.JPG _ يضاف الماء المغلي بهدوء ,, وحاسبي شوي http://www.9ksa.com/up/get-5-2011-9ksa_com_0gx9boaz.JPG_ ضيفي البهارات وهي ( الهيل والقرفة والزنجبيل )وشوي من الزيت للماي واتركيه يغلي شوي ,, http://www.9ksa.com/up/get-5-2011-9ksa_com_zz5mrqyc.JPG_ طفي النار ,, قسمي الماي الي قسمين ,, ونتركه يفتر ,, واحد بنضيف له الطحين والثاني ,, بنصبه على الطحين بعد مانخلص ,,, والهدف من هالخطوة حتى نسهل العملية وما يتعقد عندنا الطحين ,, التحميل من هنا_ الحين بعد ماصار الماي فاتر ,, نضيف الطحين بالتدريج واحنا نقلب ,, لين ماننتهي من المقدار ,, بتكون العصيدة يابسه ,,, و نضيف القسم الثاني من الماي ونقعد نزيد من الماي حتى نوصل للكثافه المطلوبة ,, ونحتفظ بكمية قليلة من الماي للحاجة ,, _ نرجع القدر على النار ونحرك بالملعقة الخشبيه حركة دائرية ,, نضيف كمية من الزيت والدهنة ,, ونقلب ,, هنا الخليط بيتعقد شوي ,, لا تخافين ,, استمر في التقليب ,, واضافة الزيت ,, وماي السكر اذا اجتجتي ,, لين يفك الخليط .. ممكن هنا تحتااجين لمساعدة صديق ,, ههههههه لأن القدر يبي حد يمسك لج وانتي تحركين ,, http://www.9ksa.com/up/get-5-2011-9ksa_com_bdtzl7cm.JPG_ نغطي القدر بالقصدير ونرجعه على النار بعد مانجط قطعة صفيح على النار ,, نرجع نحرك العصيدة كل خمس دقايق ,, مانتركها ,, العصيدة يبي لها تحريك على طول ,, ونكرر هالخطوة لين نشوف العصيدة بدت تفك من أطراف القدر ,, يعني نخليها على النار من نص ساعة الى 45 دقيقة ,, http://www.9ksa.com/up/get-5-2011-9ksa_com_6h7qo648.JPG_ الحين نحمس البصل ونرشه بشوية ماي لين يصير لونه بني ,, نضيف شوية زيت للبصل ,, ونضيف له البيض المخفوق مع الفلفل والملح والهيل والزعفران وماي الورد ,, ونحرك البيض بسرعه حتى يتفتت ,, _ نسكب العصيدة في صحن التقديم ,, ونعد لها بالدهنه القطرية ,, ونزينها بالبيض ,,, بهاالطريقة ,,, http://www.9ksa.com/up/get-5-2011-9ksa_com_3g8bkf7l.JPGوعليكم بالعافيه ,,, |
ماشاء الله عليك ياالهاله دائما مبدعه ومتميزه والطريقه هذي كانت جديده بالنسبه لي عجبتني كثير وان شاء الله اسويها على طريقتكم ياهل قطر وافاجئ الاهل يوم اروح
عندهم في الاجازه الصيفيه ,,,,وان شاء الله اقول لك انطباعهم مشكوووووووره غناتي على كل طبق رائع تقدميه لنا والله لايحرمنا منك:flowers2: |
...يعطيس ربي العافيه على العصيده مبين عليها صعبه وشكلها مغري بس طريقة البيض عليها غريبه ....سلمت يمناس يالغلا .... |
هلوله ماشاء الله عليس اعجبتني طريقة العصيده مرررره اكيييد الطعم يجنن
س- لو بسويها ينفع ما احط بيض عليها بس عصيده ؟؟ الف شكرا لس هلول |
بعد عمري والله هلوله العسوله...
تسلم لي عيونج ونبض قلبج وكلج ويارب ماننحرم منج ولا من طلتج الجميله نفس الطريقة اللي كان ودي فيها بالضبط لاني كنت اشوف امي الله يرحمها تسويها بس مالحقت اتعلمها منها وكل ماسألت يعطوني طريقه غير الله يحفظج ويرحم والدينا ووالديج لكن الطحين المستخدم ابيض والا زي مايقولون ماينفع الا طحين دبي مدري رقم 2 وانا بصراحه ماعرف الا الطحين العادي والبر!!! خخخخ لا خلا ولا عدم سيدة الذوق |
حرام عليج هلوله بتخليني اقوم اسويها في نص هالليل من مده مااكلتها وانتي بالصور والكلام ذبحتيني وذكرتيني بطعمها الذيذ تسلم ايديج حبيبتي
|
اقتباس:
هلا عشوووووقه ,,, تسلمين ع المرور ,,,وعليج بالعافية ,, وان شاء الله تعجبكم انتي وأهلج ,, |
اقتباس:
الله يعافيج ,,, كححوووولتي هي مب صعبه واااايد ,,, بالعكس سهله ,,, وهي أصلا بالبيض ,, بس تقدرين تستغنين عنه ,,, ويمينج سالمه ,,, |
اقتباس:
هلا ام رنا ,,, العصيدة من الأكلااات الحلوة جدا ,,, ولازالت تحتفظ بمكانتها ,,, ايه حبيبتي ’’’ تقدرين تستغنين عن البيض اذا ماتبينه ,,, وفيه ناس يقدمونه في صحن بروووووحه ,, للي مايرغب فيه نورتيني ام رنا ,,, والشكر لله تعالى |
اقتباس:
الله لا يخليني منج يالغاليه ,, |
السلااام عليكم ورحمة الله ,, مساء الورد ,, اليووم سفرتنا عااامرة ماشاء الله ,, تبارك الرحمن ,, حياااكم اقلطوا ,, مب كرامتكم ,, السمج ,, كرامتكم مفاطيح ,, فيس نوف ,, خخخخخ وعين تناظر أم الشهد ,,بس حتى تشوفون أشهر الأكلات القطريه ,, لازم نتقاضى عن بعض الأمور ,, اليوم سفرتنا أساسها السمج ,, ويكون أما مقلي أو مشوي ,, أو صالونة السمج المطفي ( المرق ) ,, ونقدم معاه ,, العيش الشيلاني ( الأبيض ) والعيش المحمر ( البرنيوش ) مع الدهنه القطرية ,,, تفضلوا ,,, سموا ,,, اليوم بحط الصور للتعذيب ,, واخترت الوقت المناسب ,, فيس النذاااله ,, :party0033: ههههههههه وهذي سفرتنا العامرة ,,, وماتحلى الا بلمة آل ليلاااس ,,, :liilas: http://www.liilas.com/up/uploads/liilas_13067526931.jpg وهذي صورة ثانية وتشوفون فيها الدهنه القطرية الأصيلة ,, وهي الصفرا وبجنبها الدقوس البحريني ,, عذااااب مع الشيلاني ,, http://www.liilas.com/up/uploads/liilas_13067519141.jpg وهذا السمج المقلي ,,, http://www.liilas.com/up/uploads/liilas_13067519142.jpg وهذا الشيلاااني ( الرز الأبيض ) ,,, http://www.liilas.com/up/uploads/liilas_13067519143.jpg وهذا المحمر ( البرنيوش ) ,,, http://www.liilas.com/up/uploads/liilas_13067519144.jpg وهذا المحمر مع مطفي السمج ,,, http://www.liilas.com/up/uploads/liilas_13067528371.jpg وهذا مجبووووس الهامور ,, اللي ماصورته بنتي لكم عدل ,, المره الفايته ,, http://www.liilas.com/up/uploads/liilas_13067578321.jpg هني وعااااافية ,,, ملاحظة ,, طبعا انا متعمدة ماوضعت الطرق ,, وخليتها اليوم سفرة للتقديم ,, تغيييير ,, ستاااايل جديد ,, هههههه :lol: وبعد لأن المحمر هو عباره عن رز بالسكر ,, ومو الكل يرغب فيه ,, لذلك ,, فيسي الفصيح ,, خخخخخ اي طريقة تبونها ,, موجودة وجاهز ع الوورد ,, بس انتو آمروا وابشروا ,, من عيوني أنزل الطريقة المطلوبة ,,, وان شاء الله تكونون عرفتوا شي جديد عن ,, بعض أكلاتنا القطرية ,,, ردووودكم ياااحلواات ,, والطلطله بدوون ردوود اتركوها عنكم ,,, خخخخخخ |
يااعيني يااعيني .. سفره عااامره حبيبتي وان شااء الله بالافراح دووم
تعذيب عــآلي المستوى للي يحبوون السمج والمحمر خخخخ كل الاطباق متميزه حتى الرز اابيض شكله غيـــــر نثري ويهبل .. تسلم ايدج هلوله والله لايحرمنا ابداعاتج كل الود والتقدير |
....الحمد الله أني متغديه قبل اشوف موضوعس ...واخترت الوقت المناسب أكيد وقت غداء وكلن مبطح عند غديه....أعجبني الاكلات الله يعطيس العافيه الرز الابيض اللي فوقه الكشنه مرره حلو تسلم يمناس هلووووو دمتي بحفظ الرحمن....... |
الله يعطيك العافيه الهاله
اكلات رووووووعه يسلمووووووووووووو يالغلا |
هلوله ماحبتس ماحبتس دبيه
ليش كل هالتعذيب العصيده والا طباق الاخيره والله بغيت ابكي وووووووووووووووووعانه مالي شغل طرشي لي ووووععععععع اسم الله عليتس طباخه شاطره وشغلتس مرتب الله يحفظتس لو ني عندتس كان وزني مايوقف الا عند 200 هههههههههههههههههههههههههههههههههههههههه |
هلوله تعذييييييييب من جد جوعانه وضرسي يعورني ومن امس ما اكل الا سوائل يعني هفتانه مررررررره الله يسامحس
ابي طريقة البريوش وليه لازم دهنه معااه وهل تقصدين السمن البري او البلدي فيس يحب يستفسر الله يعطيس العافيه ويحرم يدينس عن النار |
عيني عليك باردة هييييول
ماشاء اللله تبارك الله وش هالزين والطبخ الي يفتح النفس تصدقين اتمنى اصلح السمك بالبيت بس كان تقعد الريحه اسبوع بس لما اشوف طبخك اتحمس مره ثانية وشكلي بلزم واجيبه واطبق اكلاتك الحلوة من جد شهيتيني وانا مييييتة من الجوع ياليت من كل صحن ملعقتين ونتفة من السمك فيسي المواظب على الريجيم ولو جيت قدام هالسفرة العامرة بخرب كل شي هتونه يالله على قطر بس لاتدري بوحه عنا عواااافي |
ماشاء الله هلوله شكل الازر لذيذ وكذ مفلفل عن بعضه يعجبني الارز المحمر شكله لذيذ سلمت يمينك |
اقتباس:
هلا كحووووووله ,,, الله يسلم يمين من قاااال ياارب ,,, نورتي يالغااااليه ,,, |
اقتباس:
هلا حبووووبه ,,, عاااامرة بوجووودكم ,,, الله يسلم يمين من قااال ,,, تحياااتي لج يااالغاااليه ,,, نورتيني ,,, |
اقتباس:
الله يعااااافيج ياااعمري ,,, الرووووووعه تواجدج هنا ,,, تسلمين ع المرووور ,,, |
اقتباس:
تعااالي عندي ,, وبإذن الله مايووووصل ,,, بعد كل وجبه ,,, مشي سااااعه ,,, هههههه |
اقتباس:
هلا والله ,,, أم رنووووو الغااااليه ,,, اسم الله عليج ياااعمري ,, خطااااج الشر ,,,, ام رنا ,,, المحمر ,, يسمونه البرنيوووش ,,, ماعطيج الطريقه الا اذا حفظتي اسمه ,, ههههههههه والدهنه ,, القطريه ,, احنا نحظرها من زبدة البقر الطااازجه ,,, وتعطي طعم لذيذ للأكل ,,, والطريقه ابشري بها يااعمري لعيوونج ,, قريب ان شاء الله ,,, الله يعااافيج ,,, وجزااج الله خير على الدعوة ,, |
اقتباس:
ههههههههه حياااكم الله ,,, منزلكم العين والله ,,, |
كل اللي سألوا عن طريقة المحمر ( الرنيوووش ) ,, العيش الشيلاني ,, ومطفي السمج ,, تفضلوا الطرق ,,, الصالونة ( مطفي السمج ) : سمج هامور أو كنعد أو شعري ,, بس الهامور ألذ ( مقطع ومغسول ومنظف وتبهرينه بالبهارات المخلوطة أو الكاري مع شوية ملح ) + بصلتين كبار مقطعات صغير + ثوم وزنجبيل + ورق غار + 2 ليمون أسود + حبة فلفل بارد + 2 فلفل حار +3 طماطم أحمر مقطع أرباع ومزال القشور والذور + 2م ط تمر هندي منقوع في نص كوب ماي ومصفى + 2 م ط صلصة طماطم + كوب كزبرة خضرا مفرومة ,, ووريقات نعناع ,, شوي بس البهارات ( 1م ص بهارات مخلوطة أو الكاري + 1م ص كمون +ربع م ص بابريكا ) _ بنتبع نفس خطوات عمل مجبوس الهامور ,, بس طبعا بدون رز ,, يعني هالخطوات ,, _ نقلي السمج ,, نص استوا ونتركه على جنب ,, http://www.liilas.com/up/uploads/liilas_13070957911.jpg _ نحمر البصل في شوية زيت ,, نضيف الثوم والزنجبيل ,, ورق الغار ,, والليمون الأسود,, ثم البهارات ,, وبعدين نضيف الطماطم والفلفل البارد والحار والصلصة ,, ونترك الخضار والطماطم يتسبك الى أن يذوب الطماطم وتتجانس المقادير ,, نضيف الملح والتمر الهندي ,, http://www.liilas.com/up/uploads/liilas_13070962851.jpg وننزل السمج المقلي في القدر بهدوء ,, نضيف تقريبا أربع أكواب ماي ,, لا تحطين كمية ماي كثيرة ,, بس تتركين الماي يغطي السمج ويكون أعلى منه بشوي ,, الصالونه هذي حلاتها ,, يكون مايها قليل ,, نغطي القدر ,, ونتركه يطبخ لحد مايستوي السمج ,, وبالعافيه ,, http://www.liilas.com/up/uploads/liilas_13070957912.jpg وهنا صاالونة مطفي السمج ,, http://www.liilas.com/up/uploads/liilas_13070964791.jpg طريقة المحمر ( البرنيوووش ) : _ نحرق السكر الى أن يصبح لونه مثل لون الكراميل أو أغمق شوي ,, نضيف الماي الحاربهدوء ,, ونحرك الى أن يذوب الكراميل ,, نضيف للماي شوية زيت وحلوة ( الشمر الحلو ) ويكون مدقوق شوي ,, شوية قرفة مطحونة ,, حباات هيل ,, لما يغلي الماي ,, نضيف الرز المغسول ,, بس خلي كمية الماي زايدة ,, عشاان لما يستوي الرز بنصفيه ,, http://www.liilas.com/up/uploads/liilas_13070967262.jpg http://www.liilas.com/up/uploads/liilas_13070967263.jpg http://www.liilas.com/up/uploads/liilas_13070969322.jpg _ لما يقرب الرز يستوي ,, وهالخطوة بتتأخر شوي ,, غير عن الرز الأبيض اللي يكون نضجه أسرع ,, لأن الرز معاه سكر ,, صفيه من الماي ,, ورجعيه مرة ثانية للقدر ,, ورشيه بشوية زعفران وقرفه مطحونه ,, ونغطي القدر بالقصدير ,, ونتركه نص ساعه غلى نار خفيفه ,, ونقدمه مع صالونة السمج المطفي والرز الأبيض وسمج مقلي ,, http://www.liilas.com/up/uploads/liilas_13070970331.jpg _ الرز الأبيض : الطريقة العاديه لعمل الرز ,, بس أنا لما أصفيه وهو في المصفاة ,, أرش عليه زعفران منقوع في شوية ماي ورد ,, وعند التقديم أزينه بالرمان المجفف ,, روووووعه يطلع ,, http://www.liilas.com/up/uploads/liilas_13070971701.jpg السمج المقلي : http://www.liilas.com/up/uploads/liilas_13070972751.jpg وهذي سفرتنا كامله ,, :lol: http://www.liilas.com/up/uploads/liilas_13070974162.jpg |
يعطيك الف عافيخ هلوله يجنن السمك وطبق رهيب الحمد لله اني توني متغديه ولا رحت فيها عشقي السمك
وصفه حلوة ان شاء الله اجربها يسلمو غناتي |
اقتباس:
الله يعاااافيج يالغااااليه ... مرورج أسعدني يالغاليه ,,, |
هلوووووله ليش هالتعذييب حرااااااام عليييييييك والله اطبااق روووووووعه ومشهييييه تشهي الشبعاان خخخخ يعطيك العاافية |
الهاله تسلمين على الطبق الرائع
شكل مجبوس السمك خياااااال والاطباق الثانيه بجد عذاااااااااااب الله يصبر الي مصلحين ريجيم انا العصيده عندي غير طريقتها مشكوره الهاله |
هلووول رووعه البرنيووش والمكبوس وكل شي تسوينه ماشاء الله تبارك الله ويسلم هالايدين يارب
|
اقتباس:
الله يسلمج يالغااااااليه ,,, شاااكرة لج مروووورج الرائع ,,, نورتي مواضيعي ,,, |
اقتباس:
هلا بك ,,, ام رناااااا الحمدلله قلتيها صح ,,, البرنيوووش ,,, ههههههه والحمدلله انو اعجبج ,,, وماعليييييج زووووود انتظر التطبيق ياااعمري ,,, |
هلا ويا مرحبا فيكم ,,, يامرحبا ياريحة الورد والهيل ,,, لاهبت النسمه وتطاير عطرها ,, الووم بقدم لكم طيق شعبي قطري وخليجي ,, وهو البلاليط ,,, وهونوع من الحلويات ينوكل على الفطور ( الريوق ) أو العصر ,, خاصة اذا جااانا ضيوووف ,, أخليكم مع الصور ,,, http://www.liilas.com/up/uploads/liilas_13083157391.jpg http://www.liilas.com/up/uploads/liilas_13083141632.jpg http://www.liilas.com/up/uploads/liilas_13083141633.jpg http://www.liilas.com/up/uploads/liilas_13083141634.jpg http://www.liilas.com/up/uploads/liilas_13083167311.jpg http://www.liilas.com/up/uploads/liilas_13083167312.jpg http://www.liilas.com/up/uploads/liilas_13083169351.jpg http://www.liilas.com/up/uploads/liilas_13083173771.jpg وان شاء الله يكوون أعجبكم ,,, تحياااتي للجميع ,,, |
تسلم ايدك هاله
البلاليط فعلن طبق رائع وسهل |
هللللووول يسلم يدس يارب وبأقرب فرصه اقولس ر أيي فيها
|
يممممي يمــــــــــــــــــــي ,, الله ع الريحه اللي تخـــــــــــبل ..
من احب الاطباق الشعبيه عندي ... بس محد يشجع اني اسووويه الكل يستغرب من طعم البيض مع الشعيريه اكثر شي يتقبلون الشعيريه الحمرا .. يعطيج العااافيه هلولتي لاخلا ولا عدم |
اقتباس:
هلا طيف ,,, نورتي تحياتي لج ياااعمري ,,, |
اقتباس:
أهلين حبووووبه ,,, وأنا واااجد احبه ,, وعودت عيااالي عليه ,,, الجمعه بلاليط والسبت خبز الخمير ,,, صااار عندنا هالشي تقليد ,,, وتقليد حلووووو ,, وبالنسبه للشعيريه الحمرا ,, احنا كنا مثلج ,, ويوم سويت لهم البيضا ,, حبوها أكثر ,,, يقولون لي أخف من الحمرا ,, انتي جربيها يوم وشوفي انطباعهم ,, تحياااتي لج يالغاااليه ,,, |
وش ذا الزين ماشاء الله عليك يالهاله
السفره كانت مره ابداع كل طبق احلى من الثاني اعذريني يالغاليه على الرد المتاخر بس انشغلت مع الامتحانات ولاانتم في القلب ,,والبلاليط اسمع فيه كثير بس ماجربته |
صباح الخير
تسلمين الهاله على الاطبلق القطريه روووووووووووووعه وخاصه العصيده يمي اشتهيتهى هذا انا جبت لي صحت ولعيالي ياليت تغرفين لنا شوي |
اقتباس:
أهليييين عشووووقه ,, نورتي يالغاااليه ,,, معذورة ياقلبي ,, والله يوفقج يااارب ,,, هذا الحين شفتيه ,, وان شاء الله تجربينه ويعجبج ,, الإبدااااع مرورج غلاااي ,, |
اقتباس:
هلا والله ,,,, عبق الرياحين ,,, الله يسلمج ياعمري ,,, والحمدلله انو عجبتج السفره القطريه ,,, حبيبتي حياااج ,, انتي راعية مكان ,,, قدامج القدر كله لج ولعيااالج ,,, لبي قلوبهم والله ,,, |
خبز الخمير من أحلى وألذ أنواع الخبز الخفيفه والصحيه ,, لإحتواءه على التمر والبيض والحلوه ( الشمر ) ,,, خبز الخمير يؤكل الصباح ,, وصار عندي تقليد كل ويك اند لازم يكون البلاليط حاضر يوم الجمعه والسبت خبز الخمير ,, وصااروا العيااال الله يحفظهم متعودين على هالشي ,,, المقادير ,, 2 ك طحين رقم 2 ( الأسمر ) بس مو طحين البر ,, انتبهوا + بيضه + رشة ملح + 1 م ك سكر + م ص حلوه ( الشمر ) 7 حبات تمر منقوع في ماي دافي ,, وتعجنينه ثم تصفينه بالمصفاة + 2 ك الى 3 ك ماي دافي نصفي التمر بالمصفاة ,, ثم نعجن جميع المقادير ,, الى ان يصبح عندنا عجينه مثل عجينة البان كيك ,, تترك في مكان دافي طول الليل ,, والصباح نسوييها وبتشوفون الطريقه بالصور ,,, هنا العجينه ,, بس مالحقت أصور المقادير ,, بس اعتقد كل ألمور واضحه ,, مافيها شي ن غريب ,, هههه http://www.liilas.com/up/uploads/liilas_13090009661.jpg نصب كميه بسيط على التاوه الحاره ,, بعد مانهنها بشوية زيت ,, http://www.liilas.com/up/uploads/liilas_13090009662.jpg نحرك بالملعقه بحركه دائرية حتى يتوزع الخليط ,, ويتكون عندنا قرص رقيق ,, http://www.liilas.com/up/uploads/liilas_13090009663.jpg شوفوا شلوون القرص رقيق ,, ترى اذا كان سميك ,, يكون مب حلو ,, ونصب شوية زيت على أطراف القرص ,, ونتركه يتحمر شوي ,, واحنا نضغط بالملعقه عليه عشان يتحمر ,, http://www.liilas.com/up/uploads/liilas_13090009664.jpg نقلبه على الجهه الثانيه ,, http://www.liilas.com/up/uploads/liilas_13090012321.jpg وهذا قروص خبز الخمير جاهزه ,, بالعافيه ان شاء الله ,, العض يحب يرش عليها شوية سكر أو عسل ,, وآنا احبها بدون أي اضافات ,,ماأحب شي ثاني يغير الطعم الأصلي لها ,,, روووووعه وسهله ,, لاتفوتكم ,,, جربوها ,,, http://www.liilas.com/up/uploads/liilas_13090012322.jpg |
,,,,,تسلمي غناتي عجبني كثيرررررر واحسه
صحي ومغذي وبما اني من مدمنين التمر فاكيد راح اجربه في اقرب وقت وانزل تطبيقي ,,,,لاخلى ولاعدم يالغاليه |
صباح الورد والبنفسج وش ناويه عليه هاله تبين تعذبينا ولا شلون الاطباق شكلها عذاااااب ولونها واااااو تدرين اهم شي عندي شكل الطبق واللون يكون واضح مو شي حيل الله البرياني هالطبق عذاااااااب واحبه حيل واي طريقه اشوفها جديدة لازم اجربها وكلها الحمدلله تطلع لذيذه و ........ يمي يمي اممممممم العصيده عندنا غير احنا بزيادة التمر المطحون وبالبر الاسمر وتزين بالزيت السمسم والعسل مع اني مااكلها لانها دسمه وتسمن بس هذا الي اعرفه عنها سؤال هاله : الارز المحمر مابيطلع حالي مع السكر الي فيه اخاف اجربه واخذ لي بوكس على وجهي يقولو لي مسوية لنا كريم كراميل على الرز خخخخخخخخخ السمك على اني مااحبه بس هنا شهيتيني اكله وهالشي صعب بس روعة التقديم وطبعا الطبخ يشهي الي مايشتهي يسلم دياتك شيف هاله هاله اطباقك القطريه تنقلنا لقطر ولروح قطر .... الله يعطيك العافيه وتسلم الايادي الي طبخت وصورت ونقلت ...... من يد مانعدمها يارب ..... تستاهلي التقييم والله على هالمجهود |
هلوووووووووووووووووووووولتي .. شيء راااااااااااائع جدا جدا جدا .. خصووووووصا مجبووس الهامووووور .. شكلو لزيـــــز كتيــــر .. يسلمو ايديكي ياقلبي .. |
مساء الخير ,,, جبت لكم اليوم طريقة لأكله قطريه ,,, ذكرني فيها اخوي قمم ,, وهي عبارة عن الأقط والتمر الأخلاص,, مع الدهنه القطريه ,, ويسوونها بالبيت ,, طعمها مع الأكل رووووعه ,, خاصه مع العيش الشيلاني والمجبووووس ,, واذا لاحظتوا قبل ,, انا حاطتها مع الأطبااااق المذكوره ,, استخدمها في الأكل دايما ,, لأنها تعطيه نكهه مميزه ,, الأقط يسووونه لما يغلووون لبن البقر ,, على نار هاديه ,, لما يترسب اللبن ويصير اقط أو مثل مانسميه (( يقط )) ,, تفضلوا الصور ,, وتعرفوا على الطريقه ,, والمكونات ,,, تمر اخلاص + اقط طازج ومعصور من الماء جيدا + دهن قطري أو عداني ... http://www.liilas.com/up/uploads/liilas_13136645251.jpg نعجن المكونات باليد ,, الى أن يتجانس التمر مع الأقط ... http://www.liilas.com/up/uploads/liilas_13136645252.jpg وهنا الشعثا جاهزه ,,, http://www.liilas.com/up/uploads/liilas_13136637121.jpg http://www.liilas.com/up/uploads/liilas_13136637122.jpg تحياااتي للجميع ... |
اقتباس:
أهلين عشووووقه ,,, من زمااان عنج يالغااااليه ,,, لا يفوووتج ,, الصراااحه ,, واااجد حلووو ,, خاصه لما يكوون توه حار وترشين فوقه شوية سكرررر ,, رووووعه ,, انتظر تطبيقج له ,, وتقولين انطباااعج عنه ,,, منوررررره يالغلا ,,, |
اقتباس:
هلا والله ,,, شوشو ,,, شرفتيني ونورتي المكاااان ,, الحمدلله انو الأطباااق جااازت لج ,,, وان شاااء الله تجربينها في أقرررب وقت ,, بالنسبه لسؤالج عن المحمر ,, هو أكيد بيكووون طعم السكر واضح ,,, وفعلا مثل ماوصفتي ,, رز بالكراميل ,, ههههههه وصف جديد ,, بس ماعرررف ,, يعني اللي بيذوووقه أول مررره ,, ايش بيكوون انطباااعه ,, بس تصدقين اذا جونا ضيوووف من السعوديه ,,, يعجبهم ,, ويطلبووونه انتي جررربي ,,, وشوفي الآرااااء ,, يمكن يعجبهم ,, وتاخذين بدل البوكس ,, أحلى تشجيع ,, أخاااف يكووون العكس ,, ههههههه |
اقتباس:
نووووووني ,,, هلا والله ,,, حي الله أهل الجنوووب ,,, نورررتي يالغاااااليه ,,, الله يسلمج يااااقلبي ,,, تحيااااتي ,,, |
اختي الهاله
تسلم يدينك مبين انها حلوة الاقط الطازج او المضير غريب علي بخلي الوالدة تصلحها لبكرة ان شاء الله عوافي |
أخيرا طريقة المضرووووبه ,,, بينكم المكونات ,, 4 أكواب جريش مغسول ومنقوع لمدة ساعة أو أكثر ,,, http://www.liilas.com/up/uploads/liilas_13136719991.jpg دجاجه مقطعه ومغسولة زين ,,,, http://www.liilas.com/up/uploads/liilas_13136717661.jpg المكونات اللي تشوفونها في الصورة ,, http://www.liilas.com/up/uploads/liilas_13136717662.jpg وهي بالتقريب : 5 م ص بهارات كاري مدراس أو بهارات الدجاج + 2 ونص م ص بابريكا + 3 م ص معجون الثوم والزنجبيل + 2 م ص قرفه مطحونه +4 م ص أجينا موتو + 2 م ط جريش مطحون ( يعطينا قوام غليظ للمضروبه ) + 4 بصلات كبار شوي ( مفرومه ) + 4 حبات ليمون أسود + 4 قرن فلفل حار+ حوالي كوبين كزبره خضرا وشوية شبت مفروم + 4 طماطم ,, بعد كبار ولونهم أحمر ,, نقشرهم ويزال البذر ,, + 4 م ص صلصة ناندوز + وشطه حاره (( هذي انا اسوييها عن طريق تجفيف الفلفل الأحمر الحار وبعدين أجرشه مع ورق غار مجفف ,, ممكن تستغنين عنه بالشطه الكريستال ,, أو الحاره اللي تنباع بالكيلو عند اللي يبيع الأجبان ,, وهذي صورة الشطه اللي انا سويتها ,, واستخدمها في معظم الأكلات ,, http://www.liilas.com/up/uploads/liilas_13136721751.jpg الحين تابعوا الصور وبتعرفون الطريقه ,,,, نحمس البصل لين يصير لونه بني هالشكل ,, http://www.liilas.com/up/uploads/liilas_13136730421.jpg نضيف الثوم ثم البهارات ,,, http://www.liilas.com/up/uploads/liilas_13136730422.jpg بعدين الدجاج ,,, http://www.liilas.com/up/uploads/liilas_13136732702.jpg ثم الطماطم ,, http://www.liilas.com/up/uploads/liilas_13136732701.jpg ونقلب شوي الى أن يتسبك الخليط ,,, نضيف حبات الفلفل الحار والليمون الأسود ,, وبعدين نصب حوالي اربع غلايات ماي حار للقدر وممكن نحتاج زياده ,, عشاان جذيه خلي جنبج مقدار غلاية تكونين مذوبه فيها مكعب ماجي ,, مع اضافة شوية يهارات للماي ,, اذا اضفتي ماي خالي ,, بتضيع نكهة البهارات ,, عووووولم ,,, هههههههههه http://www.liilas.com/up/uploads/liilas_13136732703.jpg نترك القدر لمدة 45 دقيقة الى أن ينضج الدجاج جيدا ,, نطلعه من القدر ونشيل العظام ونرجعه مره ثانيه ,, http://www.liilas.com/up/uploads/liilas_13136737611.jpg نضيف الجريش بعد ماصفيناه من الماي ,, http://www.liilas.com/up/uploads/liilas_13136739191.jpg وهنا نضيف الجريش المطحون ,, ونحرك شوي ,, ثم نغطي القدر ,, ونخفف على النار ,,مع التحريك من وقت لآخر ,, و حاولي وانتي تحركين ,, تهرسين حبااات الجريش بالملعقه الخشب ,, بس لا تحكين قاااعدة القدر وتطلعين حكاكة القدر ,,, :lol: http://www.liilas.com/up/uploads/liilas_13136742721.jpg المضروبة تحتاج وقت طويل شوي ,, مثل الهريس ,, نطول بالنا ونحاسب مايحترق القدر علينا ويضيع تعبنا ,, الوقت ممكن يكون من ساعتين ونص الى ثلاث ساعااات وأحيانا أكثر شوي ,, حتى نستوي حباات الجريش ,,, وفيه بعض المكونات تقدرين تستغنين عنها إذا ماتحبينها ,, وهنا مضروبتنا جاااهزه ,,, وفيه ناااس عندي استعجلو وخربوا التزيين علي ,, بس حصلوا لهم ززززف وهواااش من الزييين ,,, بس ترى ماتنلااام بنتي ,, هههههههه http://www.liilas.com/up/uploads/liilas_13136742722.jpg وهذا الصحن ,, ورشي فوقه شطة كريستااال وليمووون ,,, واااااو ,,, رووووعه ,,, http://www.liilas.com/up/uploads/liilas_13136742723.jpg اتمنى الطريقه تعجبكم وتكوووون سهله عليكم ,,, وبالعاااافيه على قلوبكم ,,, وأول وحده بتسوي المضروووبه لها :hR604426: تحياااتي ,,, |
ووووووااااي هلووول شكلها يجنن ان شاء الله اجربها بس يتوفر عندي الجريش ماشاء الله تبارك الله اشتهيت اذوقها
الله يسلم الايادي ويحرمها على النار |
مرررررررررره يشهي
تسلم ايدك وما الوم بنتك استاثمتي فيني اليوم مافطرت زين هههههههههههههه |
هلووووووووووووووووولة يا خطيييييييييييرة انتي مضرووووووووووووووووووووبة جوناااااااااااااااااااان يا بنت
تسلم يدك ممكن شوي بنتي تموووت على المضروبة تسلم الايادي الي جهزت و سوت و صورت يا قمرررررررررررررررررررر |
واو شهالزين شهالحلاة والله شي يفتح النفس ممممممممممم احس الريحة وصلت لعندي بس من الصور خاطري فيها الله يعني ويصبرني الين تطيب يدي وبأذن الله بسويها وبحط لك الصور كان خاطري اطبقها بكرة على طول بس صعبة والله هالايام لانو ملتهبة وحالتها بالويل خخخخ كل هذا من الطبخ والنفخ
جد جد طريقة حلوة وسهلة مو معقدة حيل وتشجعت اسويها تسلم ايدك ياقلبي لاخلا ولا عدم .... |
هالـــــــــتي ايه الابداع ده ايه الحرفنه دي
انا مش ادرة ابص لها ومازوئهاش >>> فيسي المصري ههههههههه وااااااو هاله بصراحه خطيرة وتجيني انت من ايدي الي توجعني تقولي فلفل وشطة وليمون احس بحماااااااااااس وباني ابي انط واخد لي ملعقه تسلم ايديك الي عملت وصورت وتعبت ونفذت عشانا رغم مشاغلها مع خالص ودي واحترامي لك |
تسلم الايادي
واخيرا تعرفنا على المضروبه شكله مره حلو واكيد الطعم احلى |
وااااااااااااااااااااو
هلوللتي شكله يمي يمي يشهي ويخلي الواحد يجوع من الصورة بس عندي سؤال عندك ترجمة للجريش معلش حاولت اعرف اية من الصورة بس مقدرتش وده ميمنعش اني فعلا حبيته من الصورة تسلم الايادي يا جميل ولا تحرمينا من ابداعاتك |
اقتباس:
أهلين ام رنا ,,, منورررررررره ,,, الله يسلمج ياااعمررري ,,, وجزاج الله خير ع الدعوووه ,,, |
اقتباس:
هلا أخوووي ,, الإقط هو نفسه المضير ,, بس المضير هو الإقط لما يتم تنشيفه من الماي وبعدين يعمل أقراص مثل البسكويت ويتم تجفيفه ,, وهنا يصبح مضير ,,, احنا مانجففه ,, مجررررد نغلي اللبن مدة ساعتين على نار هاديه ,, و نصفيه من الماي الزايد ,, وبعدين يتوكل أما خالي مع التمر ,و أو مثل الطريقه الموضحه فوووق ,, تحياااتي ,,, |
اقتباس:
هلا لولي ,, اله يسلمج ياااعمررري ,,, ومرورررك هنا ,,, مرررررررررررررره ,, أسعدني ,, هههههههه |
اقتباس:
هلا بنوووووووو ,,, الله يسلمج يالغااااليه ,,, كل شي تحت امررررج ,, تااامرررين امررر انتي وبنتج ,,, |
اقتباس:
هلا ياااعمرررري ,,, الله يشفيج يااارب ,,, لازم مع رمضااان نحط أوسمه باجسامنا ,, من الطبخ والنفخ ,, ياحررريق ,, والا جرح سكييين ,, هههههههه الحمدلله انو الطريقه جااازت لج ,,, وانتظرر التطبيق ,, أسعدني مرورررج ,, ياالغاااليه ,,, |
اقتباس:
هلا شوشوووو الإبداااع ده ,, شويتيتن من اللي عندك يختي >> يس يقول وينج ياأسوووله ,, تشوفينا واحنا نحجي مصررري ,, ههههههه والمضروووووبه ماتحلى الا بالكماااليااااات معاها ,, ههههههه الله يسلمج ياااعمررري ,,, وأهم شي انها جااازت لكم ,,, تحياااتي ,,, |
اقتباس:
الله يسلمج ياااااااعمرررري ,,, شفتي شلووون ,, أخيرا حصل لها الشرررف تتعرررف عليج ,, هههههه الطعم رووووووعه ,,, تحيااااتي ,,, نورتي |
اقتباس:
أهلين اسووووله ,,, نورررتي ياااعمررري ,,, الجريش هو حب القمح ,, بس يكوووون مكسر أو مجروووووش شوووي ,, وبس أتمنى تكوووونين عرفتيه ,,, ويسعدني انج تجربين الطبق ,, هو نفس طريقة المكبوس ,, لكن بزيادة كمية الماء واستبدال الرز بالقمح ,, تحيااااتي,,, |
صبااااح الخير
هااااااااله يالغلا تسلم يدينك جعلهااااااا ماتمسهااااااااا الناااااااار يالله على المضروبه ذكرتني بخالتي كانت تسويهااااااا لجدتي الله يرحمهااااا وكنت اول مره اعرفه واسالهااااااا على كل خطوه وهي كل وقت تقول الله يخلف علينا من بنات هالوقت الي حتى المضروبه مايعرفونهااااااااا ههههههههه مشكوره يالغلا طيق رااااائع |
اقتباس:
انا اسميه المشعريه الحلوه او غير هي الي تسمى بلاليط او طريقتكم غير عن الكويت انا اموت به وبيتي كلهم مايحبونه طريقتي ماضيف له بصل تحمست لهالطبق |
هلوله قلب ينبض لتس صدز الصور تتحدث ماشاء الله
الشعيريه لازم نحمصها ويصير لنها يوني <اهل الشرقيه ولا نجد بيضاء ولانحط بيض مع سوكر وسمنه بلدي يمي اشتهيتها |
هتونه لا حنا نحمسه ومثلك سكر وزبده
|
اقتباس:
هلا والله عبووووقه سلمين ياااعمررري ع الدعوووه ,,, ولك مثلها ,,, من سهولتها تقول لج هلكلام ,, نوررررتي ,, |
اقتباس:
هلا ام البنين ,,, زوجة أخوووي ,, ماتضيف له بصل ,, وتقووول حلو ,, جربيه يااعمررري ,, وان شاء الله يجوز لك ,, |
اقتباس:
هلا هتوووون ,, نورررتي يااعمرري ,, والحمدلله انو الوصفه جااازت لج ياعمررري ,,, |
رد: أشهر الأطباق الشعبية القطرية .. متجدد ..
الله يعطيكم العافية
صار خاطري في البلاليط |
رد: أشهر الأطباق الشعبية القطرية .. متجدد ..
تسلم ايدك هلهوله
احنا اهل الاحساء المضروبه عندنا تختلف مانستخدم الجريش نستخدم يا اما الرز الابيض العادي او مخلوط رز ابيض مع رز حساوي او رز حساوي وطريقة الوالده في البلاليط تختلف اه جعت يوم تذكرت المضروبه ان شاء الله يوم اخذ الطريقه من الوالده واسويها لعيونكم ال ليلاس |
رد: أشهر الأطباق الشعبية القطرية .. متجدد ..
جميله جدا
تسلم ايدك |
الساعة الآن 06:18 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية