|
الى زوجي العزيز .. مع التحية ، للكاتبة : ليل العشاق ..
السلام عليكم هذي قصة قريتها فاحد المنتديات و قلت انقلها لكم لو عجبتكم بكملها لو ما عجبتكم قلولي ملحوظة القصة كاملة و بحط لكم اليوم ثلاث اجزاء والتكمله بنزلها كل يومين اوثلاثه على جزئين اشكر بوح قلم على المساعده بسم الله رحلت قصة ..وحطت رحالها قصة اخرى .. قصة ذكريات احد الفتيات ... فتاة كأي فتاة اخرى .. حياتها مليئة بالحب وحنان من وإلى اهلها .. إلى ان اقتحم رجل حياتها وعاث فيها ..لا نقول بالفساد لكنه قلبها راسا على عقب ورحل في النهاية .. دعونا نرى ذكرياتها ..لعلها تكون درسا وعظة لنا .. الحلقـــــة الأولـــــــى ~~ واشرقت الشمس ~~ على نغمات اغنية فيروز ..ماادري شنو هي بالضبط بس قمت من النوم .. اكيد هذا طلول .. اقصد طلال .. قمت من السرير ورحت داره .. طقيت الباب بملل وضيق وقلت .. انا : طلول ..طليل ويهد بطل الباب .. سمعت صوت الراديو يتقصر ..وبعدها تبطل الباب .وكان يغني … طلال : يا سهر الليالي … آآآه ..يا حلو على بالي … غني ..آآآه …غني ..آآآه ..غني على الطرقات … طالعته بملل وقلت .. انا : ما تعرف تسمع بهدوء ولا لازم تسمع البيت كله ؟؟؟ قال وهو يبتسم … طلال : حبيبتي …be cool مشيت عنه ..وانا اهز راسي باستنكار .. ورديت غرفتي .. غسلت اسناني وتوضيت وصليت الفير .. ونزلت تحت .. لقيت امي قاعدة تتريق ومعاها طلال ..شكله استحى على عمره وصك المسجلة اللي دوم تصدح من الصبح بأغنية المعهودة مالت فيروز ... سلمت عليهم وتريقت ووصلني طلال المدرسة .. اليوم آخر يوم بامتحانات آخر السنة وعلي انجليزي ورقة ثانية يعني تعبير وقطعة ...مالي خلق افتح شي ... وصلت المدرسة دخلتها .. قعدت مع رفيجاتي شوي ..وبألأخص خلود .. رفيجتي الوحيدة والمخلصة ..راجعنا مع بعض .. بعدها سمعنا الجرس يدق دخلنا القاعة .. قعدت على مقعدي اللي لازمني طول فترة الأمتحانات ..اطالع يمين ..ويسار ..اشوف البنات اللي تراجع واللي تسولف واللي تضحك .. وانا قاعدة ادعي من داخلي .. ماني خايفة من الأمتحان بس اذكر ربي ولو دقيقة .. بعدها بدوا توزيع الأوراق .. ولما ياه دوري عطتني المراقبة الورقة ومعاه ملف بطلته وطالعتني بعدين طالعت الصورة اللي بالملف .. طالعتها ببلاهة واستهبال وبداخلي اقول .. " تشبهني ..مو؟؟" وابتسمت ابتسامة طفيفة .. ونزلت راسي بسرعة عشان لا تشوفها ...وكتبت اسمي وسميت بالله وبديت احل.. واندمجت بالحل .. لما خلصت .. راجعت وتأكدت من حلولي .. وسلمت الورقة ..وانا ماشية لباب القاعة ابي اطلع رفعت ايدي اطالع الساعة ..وكانت عشر وعشر دقايق .. وكملت طريجي لبرة .. شفت بنات يسولفون .. رحت انا لشلتي ولقيتها .. واول وحدة شفتها كانت سلوى .. سلوى تضحك وهي قاعدة على الأرض ويمها مشاعل وامثال ومعاهم نورة بس واقفة فوق راس سلوى .. نورة لما شافتني مقبلة .. قالت لي .. نورة: ها هناء شنو سويتي ؟؟ هزيت راسي بايجاب ورضا وقلت .. هناء : الحمدلله .. وصلت عندهم ..والتفت حوالي وقلت .. هناء: وينهي خلود ما طلعت ؟؟؟ قالت نورة ... نورة: لأ .. لسة .. قعدت معاهم ..ونورة لما شافتني قعدت قعدت هي بعد .. قلت وانا اتمغط .. هناء : الله ..آخر امتحان .. قالت مشاعل .. مشاعل : الله يستر من النتايج ... قالت سلوى .. قالت : عاد الحين من زين النتايج ... قالت امثال .. امثال : قولي لروحج .. نورة: انتي بايعتها .. احنا لأ .. طالعت نورة بنظرات عشان تسكت .. اجرحت البنت ..سلوى صج مو شادة حيلها بس مو لازم نذكرها كل شوي .. نورة ما فهمت نظراتي ..دومها جذي ..دفشة باسلوبها .. طالعت بعيد لقيت خلود ياية .. ابتسمت لها لما قربت ..وقعدت ويانا .. خذتنا السوالف الضحك .. ولما بغينا نروح فاجأتهم بالكاميرا معاي .. بصعوبة رضوا يصورون ..اخذت لهم جم صورة .. واتجهنا للبوابة ..وسلمنا على بعض .. رديت البيت ع الساعة 11 ونص .. تسبحت وقعدت تحت ..البيت فاضي مافي احد ..امي اكيد بالجمعية .. والباجي نايمين.. رديت صعدت داري .. قعدت على النت شوي .. ممل مافي شي .. ابي انام بس الحين بيأذن حرام انام .. قعدت العب بالكمبيوتر .. وانا سرحانة افكر ...خلاص انا مقبلة على الجامعة .. لازم افكر بأي تخصص ادخل .. طفيت الكمبيوتر وانسدحت على السرير .. مسرع مرت الأيام .. الحين انا ثلاث شهور وبدخل الـ18 ... ابوي متوفي من خمس سنين ..وتوفى بحادث بالكراج اللي يشتغل فيه .. ابوي الله يرحمه قبل ما يموت بسنة فتح كراج بعد ما تقاعد من الجيش .. مات في فترة حساسة ..لأن طلال يومها كان في الثانوية العامة .. بس الموت ما يعرف صغير ولا كبير ..ولا وقت حساس ولا شي ...صح ؟؟ سمعت حس تحت ..فطلعت من الغرفة ..ونزلت تحت . لقيت امي ماسكة اجياس الجمعية وتفصخ عباتها .. ابتسمت لها وقلت .. هناء : هلا والله ..هلا بنور البيت .. تفاجأت مني وقالت باستغراب .. امي: بسم الله الرحمن الرحيم .. ومن طالعة انتي ؟؟ تقربت منها وبستها على راسها وقلت .. هناء : من نص ساعة تقريبا ييت .. قالت وهي تقعد .. امي : اشسويتي بالأمتحان ؟؟؟ قلت وانا اتعبث بواحد من الأجياس .. هناء : الحمدلله .. قالت امي .. امي : ان شاء الله خير .. انا متأملة فيج تييبين نسبة ترفع الراس ..وتريحني وتدخلين الجامعة .. بغيت ارد بس سمعت صوت اسماء .. اسماء : صباح الخير .. قلنا .. امي + هناء : صباح النور .. التمينا كلنا وكل وحدة شالت جيس..ودخلنا المطبخ .. ساعدت امي بتنظيفه ..واسماء راحت الصالة ترتبها .. بعد ما خلصت المطبخ خليت امي تسوي الغدا ..صعدت فوق ودخلت داري اللي صارلها ايام مو مرتبة ..طلعت كل الأوراق الخاصة بالدراسة وقطيتهم برة الغرفة عند الباب ..ومسكت السرير وشلت عنه غطاه ..وحطيت واحد يديد ..وحطيت جل اهتمامي وتنظيفي على الأرض والدرايش وخميتها ..ومسحت عنها الغبار.. " هنوي ..يلا ما تبين تغدين ؟؟" التفت وانا ماسكة قطعة قماش انظف فيها الدريشة عرفت صاحب الصوت لأنه الوحيد اللي يناديني جذي ..فقلت .. هناء : ئي ياية ياية .. راح طلال وانا نزلت القطاعة من ايدي وهي ممتلئة بالغبار ..ورديت اغراض التنظيف مكانها ورحت الحمام واخذت شاور على السريع . ونزلت تحت .. طلال ما يحب احد يتغيب عن الأكل .. لازم كلنا نكون موجودين .. بعد ما تغدينا ... طلال صعد ينام شوي .. وامي بعد وبقينا انا واسماء وهاني .. نسولف ونضحك على مواقف هاني بالمدرسة .. صعدت فوق لداري ابي انام شوي .. وفعلا نمت .. وصحيت على صوت مزعج ..بطلت عيوني لقيت خلود فوق راسي ..قلت وانا اتحلطم .. هناء : خلودوووووووه ..خليني انام ..مالت عليج .. قالت وهي تمسك اللحاف وتبعده عني .. خلود :: قومي ..قومي ..الحين انتي ويا ويهج نايمة وما صليتي العصر اكيد ؟؟ اففففففففففف ...قلت بصدري ..وبعدين قلت علنا وانا اقوم .. هناء : مالت عليج .. انزين ... وقمت رحت الحمام اكرمكم الله توضيت وصليت العصر ... سمعت خلود تقول .. خلود: ترانا بنروح السوق ويا امي وامج ..خلصي لبسي هدومج .. التفت لها وانا اشيل لبس الصلاة عني ..وقلت باستنكار .. هناء : ومنو ان شاء الله قرر هالشي ؟؟ طالعتني وقالت .. خلود: امج وامي ..فقلت خلاص نروح انا وانتي بدل حكرة البيت .. حطيت لبس الصلاة على الكرسي وقلت وانا اقعد على الكمبيوتر . هناء :روحي انتي انا مالي خلق .. ماحسيت إلا بمخدة على راسي .. قالت بعصبية.. خلود : بتروحين غصبن عنج ..يلا قومي لبسي اشوف .. قلت بعناد .. هناء: مابي ..عناد فيج ولعانة مني مابي .. قامت هي وطفت الكمبيوتر من البلاك وقالت بتحدي .. خلود: بتروحين ...قومي لبسي عباتج خلصيني .. بغيت اتكلم بس امي دخلت علينا ..وقالت لي .. امي : هناء ..قومي لبسي عباتج بنروح السوق .. لاااااا مابي ... قالت خلود وهي تطنز علي .. خلود : هاها ..يلا قومي .. وطلعت مع امي من الغرفة ..وانا قمت بتكاسل ولبست عباتي .. نزلت تحت ..ولقيت امي وخالتي ام عبدالله اللي هي ام خلود واسما قاعدين ينطروني ..فقالت اسما اول ما شافتني .. اسما: مابغيتي تنزلين ليدي ديانا ؟؟؟ طالعتها بملل ..بس ما رديت عليها ..قالت ام خلود .. ام عبدالله : خلاص كمل العدد ..يلا مشينا .. ووقفت وامي وياها ..وبهاللحظة دخل طلال البيت .. وكان لابس لبس البنجرجية ..الأزرق ..وطاقية تغطي عيونه شوي لأن كان منزل راسه لما دخل ..وما انتبه لنا ..لما رفع راسه كان لابس نظارته الشمسية ..قال وهو يفصخها .. طلال : السلام عليكم .. كانت خلود قاعدة يمي ولما شافت طلال سوت روحها بيغمى عليها ..خبلة هالبنت .. ميتة على طلال وهو ولا على باله .. ابتسمت على حركتها وقلت لها وان اساسرها .. هناء : ركدي فضحتينا ..بيلاحظ الريال .. قالت وهي تطالعه وتستاسرني .. خلود : خليه يلاحظ ..مااقدر اخبي شعوري لما اشوفه ... كان لحظته طلال يسلم على ام عبدالله .. والتفت لنا وقال وهو منزل راسه .. طلال : اشلونج خلود ؟؟؟ شخبارج ؟؟ قالت وهي ميتة خلاص وماسكة ايد تعصرها .. خلود : الحمدلله ..انت شخبارك ..شنو مسوي ؟؟ قالوهو يفصخ الكاب .. طلال : والله بخير .. وطالعني ..وقال .. طلال : محتاجة شي هنوي ؟؟؟ ابتسمت له وقلت .. هناء : لا مشكور .. وطلع فوق بعد ما استأذن .. وطلعنا كلنا للباب الرئيسي ..ومنها للسيارة ..لما طلعت برة شفت سيارة عبدالله واقفة ..طالعت خلود بحقد وقلت وانا اشد ايدها .. هناء: يعني سويتيها ؟؟ ما فهمت علي في البداية بعدين قالت .. خلود : اكيد ..قلت لج مرودة .. وسحبت ايدها عني وركبت السيارة .. تنهد داخلي بضيق .. خلود تبي تحببني في عبدالله بس انا اعتبره مثل اخوي ..يعني تبين اتزوج اخوي ؟؟ عبدالله كبر طلال وهو ربع الروح بروح ..واخته رفيجتي وامها رفيجة امي بعد بس مو لازم نتقرب من بعض اكثر .. ركبت السيارة ..وقلت .. هناء: السلام عليكم .. كان عبدالله يتعبث بالراديو ..وقال .. عبدالله : وعليكم السلام .. قالها ببرود ..ولما حصل القناة اللي يبيها ..مسك السكان وداز على البنزين وحرك ..ومشينا .. طليت من الدريشة ..وخذتني الأفكار لبعيد .. عقب باجر النتايج وانا الصراحة خايفة من النتيجة .. الله يستر .. مرينا على البحر ..وشفت الناس تتمشى تمنيت لحظتها انزل واسبح وابلل ريولي بالماي ..غمضت عيوني اتخيل ..ماحسيت إلا بخلود تدزني .. خلود : قومي ياحظي وصلنا .. انحرجت لأن العيون كلها علي ..حتى عبدالله اللي نزل راسه وهو يبتسم شكله يظحك علي .. نزلت من السيارة وقلت لخلود اللي كانت جريبة مني بهاللحظة.. هناء : مالت عليج ..ما تعرفين تقولين لي بهدوء .. قالت اسما وهي تضحك .. اسما: انا ناديتج ..وامي نادتج ..اكثر من جذي شنو ؟؟ ووي واخزياه .. قلت باحراج .. هناء: ولو ..المفروض ما تحرجوني جذي جدام عبدالله .. طالعوني بمكر وخبث ..فقلت .. هناء: امشوا زين.. ومشيت عنهم ..دخلنا السوق ومرينا على عدة محلات .. وعجبتني الصراحة وايد اشياء .. بس امي الله يهداها لما اختار شي تطالع الخامة بعدين تقول .. " خامة خفيفة بتكش إذا غسلناها " أفففف ..مليت .. آخر شي ..كنت ماسكة تنورة وقلت باصرار.. هناء: هاذي عاد مارح اخليها .. طالعتني امي بدون اهتمام ..وقالت .. امي : مالت عليج ..طالعي اللون بس .. وخلود اوسما يضحكون علي ..فقلت بحقد .. هناء: مايضحك .. وطالعت اللون ..كان فسفوري وعليه وردي ..فضحكت انا ومعاي اضحكوا كلهم .. طلعنا من المحل ورحنا المطعم ..وتعشينا وصلينا العشا..كلهم كانوا معاهم غنائم إلا انا ..مالت علي .. وعلى ذوقي .. دقت ام عبدالله على ولدها .. بس قال ان طلال بيي ..وهني نقزت خلود وقالت مرة وحدة .. خلود : طلال بيي؟ طالعتها امها باستغراب وامي بعد ..بس انا واسما اللي فهمنا ..فقلت اخفف الجو.. هناء: إلا صج يما شنو شريتي ؟؟ قالت وهي تؤشر على جيس من الأجياس المصوفوفة على الأرض .. امي : شريت جم دراعة ..وقطعة ذهب .. وشربت الجاي اللي جدامها ..اما انا حطيت عيوني على الوجبة اللي جدامي وبديت آكل .. وتبادلنا السوالف انا وخلود واسما.. والضحك بعض المرات ليما دق طلال على امي ..وعلمها انه برة .. وقفنا ..وخلود ما بطلت تقول .. " قلبي بيوقف ...مسكيني هناء ..بيطيح" طالعتها بحسرة وقلت لروحي .. " والله انج خبلة ..تحبين واحد ما يدري عنج " ركبنا السيارة ..وتخذت انا الجانب اللي ورا طلال عمدا عشان احرج خلود .. وهي بدروها طالعتني بحقد ..فأشرت لها .. هناء: وجنت على اهلها براقش .. وطول الطريج انا واسما نسولف وخلود سرحانة بحبيب القلب ..اطالعها كل شوي ..اشوفها تنتبه لكل حركة يسويها طلال ..إذا ضحك ابتسمت ..وإذا تكلم اسمعت بانتباه ..إذا التفت لأمي او امها ..طالعته كأنها يكلمها .. مو ناقص إلا ترد على اسئلته.. وفعلا ...ردت ..شوفوا شصار.. امي : يما طلال .. باجر ملجة بنت بو سلطان ..ولازم نحضر .. طالعها طلال بملل شوي ..بعدين قال .. طلال : ان شاء الله إذا قدرت .. فقالت ام عبدالله اللي قاعدة يمي .. ام عبدالله : وتمر علينا يا ولدي عشان تاخذ البنات الصالون .. انا عن نفسي ما اعرف عن السالفة شي .. فطالعت خلود ابي اسألها بس المشكلة معلقة عيونها على طلال ..اللي قال .. طلال: والله يا خالة مو اكيد لأن باجر عندي شغل ..فما ادري اقدر ولا لأ ..بس فالج طيب .. فقالت خلود المطفوقة .. خلود: فالك ما يخيب .. طالعتها وعيوني مبققة بذهول ..وهي طالعتني ونزلت راسها ..فالتفت لطلال اشوف رد فعله ..لقيته يطالع الطريج مومهتم .. نزلت راسي انا اضحك ..فاستغربت اسما وقالت .. اسما: حمدلله والشكر ..أشفيج ؟؟ مارديت عليها ..فقال طلال.. طلال: شكلها تضحك على روحها .. قلت وانا احاول امسك نفسي من الضحك على خلود .. هناء: ههههههه .. المشكلة ..ان الناس ما تحس إلا إذا طقوها على راسها ...ههههههههه قال طلال مؤيد وفاهم للي اقوله.. طلال: صاجة .. بس امي وخلود واسما طالعوني باستغراب وطالعوا طلال بعد .. طلال يعرف عن حب خلود له ..بس مطنش ..لأنه مثل ما قالي مرة من المرات ..انها يعتبرها مثل اخته ..بس منو يفهِم خلود ؟؟؟ وصلنا البيت بعد ما وصلنا ام عبدالله وخلود .. انسدحت على السرير وانا اطالع الساعة اللي تشير ل10 : 10 دقايق .. آآآه ..مر اليوم بسرعة ... خل انام احسن ..وغطيت روحي ونمت بسرعة ... حسيت باللحاف ينشال عني ..بطلت عيوني على هز امي اللي تقول .. امي: هناء يلا يما ..قومي صلي الفير .. الساعة ست .. طالعت الساعة لقيتها ست وخمس دقايق ..سحبت ريولي سحب وانا خلاص حالتي البلا .. توضيت وصليت الفير .. ورديت نمت ..وبسرعة قياسية رحت لعالم الأحلام.. ما حسيت إلا بطراق يايني ..بطلت عيوني لقيت اسما فوق راسي ..وهي تهزني بقوة وتقول .. اسما : قومي يا المينونة ..النتايج طلعت .. مسكت خدي انا ومو مستوعبة اللي تقوله اسما ..فقالت وهي تيرني من ايدي .. اسما: النتايج طلعت ..خلود دقت عليج و... ماسمعت الباجي ..لأنا وصلنا التلفزيون .. ولقينا مذيع ..مشهور ..عبيد العتيبي إذا تعرفونه قاعد يقول اسامي الأوائل .. التفت لأسما ..وكان هاني قاعد على القنفة يتريق ... وقلت .. هناء: من متى وهم يقولون الأسماء ؟؟ قالت اسما وهي تقعد وتتريق مع هاني .. اسما: ماادري ..هاني ناداني وانا قعدتج .. قعدت وانا اتأفف .. هناء: الحين يبيلهم ساعــ... " هناء عبدالله جاسم ..مدرسة (...........) النسبة 97 .2 ..مرز العاشر على الكويت مبروك وعقــ...." انصدمت من الأسم ..لزقت بالتلفزيون ..وانا اقول لهاني .. هناء : ارفع الصوت .. رفع هاني الصوت وكلنا ساكتين ..وما صدقت لما شفت صورتي .. وقف قلبي .. صرخت اسما ونطت وهاني طار لأمي .. وانا لسة ملزقة عيوني على التلفزيون .. من صجهم ؟؟؟ اللي سمعته صج ؟؟؟ دققت بالصورة اتأكد اني انا ..ئي والله انا ... وهني ..قمت اناقز واصرخ من الفرح .. اخيرا تحقق حلمي .. امي نزلت طيران وطلال وراها .. وباركوا لي .. بعدها سمعنا صوت التلفون ورد طلال ..وكانت الجريدة .. عطاني طلال التلفون ..وتواعدنا معاهم ع الساعة 11 وفعلا رحنا الجريدة ع الساعة 11 وصورني مع امي وطلال وهاني واسما .. وامي كله تبجي .. المفروض بالمواقف هاذي ما تبجي تفرح ..بس شنو نقول غير قلب الأم .. على الساعة 12 بيتنا انترس حريم يباركون .. دقيت على خلود اللي مستغربة ما يت مع امها .. بغيت اسأل امها بس مالقيت فرصة .. هناء : خلود ويعة اشحقة ما يتي مع امج ؟؟ كانت تبجي ...فقلت بخوف .. هناء: لا تقولين انج ساقطة ؟؟ قالت بسرعة بس بصوت باكي .. خلود : فال الله وفالج .. قلت وانا حاطة ايدي على اذني من اصوات الحريم .. هناء: ها عيل ؟؟ خلود : نسبتي نازلة وتفشل ... قلت بصراخ .. هناء: شنو ؟؟ ما اسمعج .. قالت هي بنفس صراخي .. خلود : نسبتي تفشل .. قلت .. هناء: جم يعني ؟؟ خلود : مابي اقول .. قلت انا .. هناء: خلاص ..انا كنت ابي طلال يعرف عشان يبارك لج ..بس انتي ما تبين تقولين . فقالت بسرعة .. خلود : 87 ونص .. ضحكت عليها ..وباركت لها وشجعتها بس هي قالت سبب بجيها .. خلود : ابي اروح البعثة معاج .. قلت انا .. هناء: درسي هني مافي مشكلة .. قالت هي باعتراض .. خلود :بس انا ابي اسافر امريكا ادرس.. قلت بمكر . هانء: تدرسين ولا تهيتين اربع وعشرين ساعة ؟؟؟ قالت هي .. خلود : مالي شغل ابي اروح .. قلت .. هناء: اقول اعقلي ..وخلي عنج البعثة ما بعثة ..الدراسة بالكويت حلوة ..بعدين بتستانسين ..مع ربعج واهلج ..مو انا ..بروحي جني قطو .. قالت هي .. خلود : بس انا ابي اقعد بالبراد ابي اشوف ثلج ولو مرة بحياتي .. قلت انكت .. هناء: بطلي فريزر وتلقين ثلج .. قالت هي .. خلود : سخيفة .. هناء: مثلج .. خلودة تعالي عندنا يلا عاد .. خلود : وليش ما تيين انتي ؟؟ هناء :الحريم يو عشان يباركون لي مايصيراروح واخليهم وبعدين تدرين ان طلال ما يخليني ايي بروحي وعبدالله موجود .. قالت برومانسية .. خلود : واااي ..فديت طاريه ..شفتي يغار عليج .. هناء: انزين تعالي عندنا ..تكفين .. خلود : عبدالله مو موجود ..تعالي .. وصكت في ويهي .. طالعت التلفون ..وقلت .. هناء: هين خلودوه انا اوريج .. وصكيت التلفون .. وقعدت مع الحريم مع سوالفهم مملة .. بعد ما راحوا ...امي مالها خلق تطبخ وانا بعد فعزمنا طلال على الغدا .. لما ردينا البيت .. رحت غرفتي .. فسمع دق الباب .. هناء: ادخل .. بتطل الباب وكان طلال .. دخل وصك الباب..وقال .. طلال: اقدر احاجيج شوي .. قلت .. هناء: حياك .. قعد على السرير..وقال .. طلال : مبروك مرة ثانية .. قلت وانا ابتسم .. هناء: الله يبارك فيك .. قال هو يطالع الفراغ ..حسيت ان فيه شي ..قلت .. هناء: طلال ..اشفيك ؟؟ طالعني وابتسم ومسح على شعري .. طلال : ريحتيني ..كنت متخوف من النتيجة .. قلت وانا اطالعه .. قلت وانا ادقق في ملامح ويهه .. هناء: لا مو هذا اللي انت ياي علشانه .. نزل راسه ..وتنهد وهو يرفع راسه فوق ويطالع السقف ..واخيرا قال .. طلال: ادري ان حلمج انج تسافرين برة وتكملين دراستج ..سويتي المستحيل عشان جذي ..بس .. وطالعني ..وكمل .. طلال: فكرتي منو رح ياخذ باله منج ؟؟ طالعته مو فاهمة وقلت .. هناء: انا رايحة بعثة ..يعني رح اسكن بسكن .. قاطعني وقال .. طلال : انا مابي اخرب عليج فرحتج بس ..فكرتي ؟؟ طالعته مرة ثانية وانا مو فاهمة وقلت . هناء: اشقصدك ؟؟ التفت الناحية الثانية وهو ياخذ نفس ..ورد طالعني وقال .. طلال : هناء انا ماني مطمن اخليج بروحج هناك وانا هني .. ارتسمت ملامح الخوف على ويهي وقلت وانا اتراجع شوي في خطواتي ..وقلت برعب .. هناء: مستحيل .. قال طلال بسرعة .. طلال : انا مارح امنعج انج تسافرين .. وهني ارتحت ..وتنهدت بارتياح وانا حاطة ايد على صدري ..وكمل طلال .. طلال : انا بس خايف عليج ..بتقعدين بروحج واحنا هني.. مااقدر اخليج .. قلت انا .. هناء: انزين انا مع بعثة وفي بنات يعني مو بروحي .. قال .. طلال: ولو..انا ما ارتاح إلا إذا كلكم كنتوا جدام عيني ..انتوا امانة يا هناء ..امانة .. طالعت طلال شوي ..بعدين قلت .. هناء: انت رح تقعد معاي جم شهر ..ورح تتطمن على الأحوال هناك..وتأكد ان مافي شي .. طلال: انت قلتيها جم شهر .. بعدين شلي يظمني ان البنات اللي هناك مو رايحات فيها ؟؟ قلت باستنكار.. هناء: تدري اني ما اتأثر باللي حوالي ..وشخصيتي قوية .. ابتسم هو وقال يلطف الجو .. طلال: يا قوية .. ابتسمت لأبتسامته وقال هو .. طلال: والله ماادري اشلون احل المعضلة هاذي .. قلت انا .. هناء: لا تخاف يا طلال ..مارح يصير شي ان شاء الله .. هز راسه بايجاب وتفهم ..وطلع .. الله يستر لا يغير رايه ويمنعني اني اسافر ..بس هو وعدني انه ما يمنعني .. نزلت تحت ..ولقيت امي قاعدة تتكلم بالتلفون ..وهاني قاعد يلعب بلاي ستيشن .. ما يتعب منه .. سألت هاني .. هناء: وينه طلال ؟؟ قال وعيونه على التلفزيون .. هاني : بالكراج .. بعد شوي بيرد ..ويقولكم ابي القاكم جاهزين لما ايي .. شنو ؟؟ ليش ؟ اووووه صح ..ملجة عذاري ..ولين ..امي ما قالت لي عنها ..اشلون يعني اروح بثوب قديم... صعدت فوق ... وطلعت لي ثوب وردي لأني اموت على الوردي ....ولبسته .. شفت امي تدخل ..وانبهرت وقالت .. امي: اسم الله الحافظ من كل عين .. طالعتها من المنظرة وقلت . هناء: حلو علي مو ؟؟ ابتسمت هي وقالت .. امي : اينن .. بس فصخيه لأنا بنروح الصالون الحين .. وطلعت من الغرفة .. فصخت الثوب ..ولبست عباتي .. شيلتي .. ونزلت تحت ..وكان طلال موجود .. رحنا انا واسما وامي .. وهاني اللي كان زهقان من حياته لأن طلال غصبه ايي لأنه ما يقدر يخليه بالبيت بروحه مع ان عمره 13 سنة .. طلال يخاف علينا وايد .. نزلنا طلال ورحنا الصالون ..وتمكيجنا ..انا خلصت اول وحدة .. فدق طلال يعلمنا انه تحت .. قالت امي ووحدة قاعدة تحط لها الكحل .. امي: يما هناء ..روحي نزلي له وقولي بعد ربع ساعة نخلص .. هناء: اوكي .. لبست عباتي وشيلتي ..ونزلت تحت ..لقيت طلال داخل السيارة .. وقفت جدام الدريشة المبطلة .. وقلت . هناء : طلول .. امي تقولك انها بتخــ... وقفت عن الكلام ..لأن طلال كان يطالعني مذهول ..فقلت . هناء : اشفيك ؟؟؟ قال وحلجه مبطل . طلال: منو انتي؟؟ طالعته ببلاهة ..بعدين فهمت وقلت .. هناء: طلول ..هاذي انا هناء.. لهدرجة المكياج مغيرني .. ضحك هو بعدين قال .. طلال: والله ما عرفتج .. قلت انا .. هناء: انزين اسمع امي تقولك بعد ربع ساعة تنزل هي واسما .. قال هو .. طلال : خلاص مو مشكلة ..وانتي خلصتي ؟؟ قلت .. هانء: ئي ..خلصت .. ومسكت مقبض الباب وبطلته ودخلت وقعدت يم طلال .. اللي قال .. طلال : لا تحلمين تروحين العرس وانتي ميكجة جذي.. قلت بيأس .. هناء : حرام عليك طلال ..صارلي ساعة احطه وانت تقولي جذي ؟؟ ما طالعني وقال وهو يتأمل الناس .. طلال : مستحيل .. إذا انا اخوج ما عرفتج .. قلت بترجي .. هناء: حرام عليك ..خلود رح تكون احلى مني وانا مابيها تفوز علي .. التفت لي وقال وهو يتطنز .. طلال: حشى داخلين سباق .. كلها ملجة ..عيل بالعرس شنو رح تسوون ؟؟ قلت .. هناء: وإذا ملجة .. الله يخليك .. طلال ...طلولي .. التفت لي ببرود وقال .. طلال : نو واي .. مسحيه .. أفففففففففف ... مسكت الكلينكس بقهر ومسحت ..والتفت لطلال وقلت .. هناء: جذي زين ؟؟ قال .. طلال : مش بطال . قعدت طول الربع ساعة مبوزة .. ولما يت امي واسما سوى طلال نفس اللي سواه فيني باسما .. وخلاها تمسح شوي .. رحنا الملجة .. ولقيت خلود هناك ..طنشتها وسويت روحي زعلانة .. يت هي واعتذرت لي .. وقالت انها كانت مقهورة من نسبتها شوي .. فقلت . هناء: خلاص ..رضينا ..بس فكيني من حنتج .. قالت هي خلود : من زينج عاد ..احمدي ربج ياية اعتذر لج ..مالت عليج وعلى ويهج.. قلت .. هناء : احلى من ويهج .. ماردت علي ..وقعدنا نطالع اللي رايحة واللي رادة . واللي ترقص .. قالت خلود .. خلود : تدرين ولد عمتي ياي باجر من امريكا .. قلت بدون اهتمام.. هناء: سامي ؟؟ قالت .. خلود :ئي .. بيقعد شهرين وبيرد امريكا .. قلت انا .. هناء: قلت لي انه عايش هناك صح ؟؟ خلود : صح .. ودي اسأله ما زهقت من امريكا . قلت .. هناء : انتي ميتة عليها .. خلاص تزوجيه وروحي امريكا وعيشي هناك .. طالعتني مرة وحدة وقالت .. خلود : واهد طلولي ؟؟؟ مستحيل . كتمت ضحكة بداخلي ومارديت عليها .. مسكينة...مشكلتها انها تحلم وايد واحلامها ما تتحقق .. خلصت الحفلة .. وردينا البيت .. انسدحت على سريري ..اناشد النوم ..على امل البعثة اللي ماخذة بالي .. ابي اسافر برة بس ماادري شنو ادخل ..طلال باجر بياخذ اوراقي وبقدمها للجنة المختصة بالبعثات ..وهم يتصرفون .. انا مو حاطة في بالي شي محدد بس مابي شي ادبي ..لأني مو بسرعة احفظ واكره الأدب اصلا .. الله يقدم اللي فيه الخير .. إذا فيه شر فأنا اسألك اللطف فيه ..إذا خير فعجل به يارب .. -------------------------------------------------------------------------------- الحلقــــــــــــة الثانية ~~نهاية مطاف ~~ مرت الأيام بسرعة ..ومعاها طلع اسمي مع الطلاب البعثة المتجهة لأمريكا لدراسة المحاسبة .. ما استانست وايد على التخصص اللي دخلته بس حمدت ربي .. لازم الحين اجتهد وادرس واييب شهادة اللي ترفع الراس .. بس تدرون شنو المشكلة ..اني ما اعرف انجليزي عدل .. بس نتعلم اشورانا ... هالأيام كله رايحة رادة السوق.. هناء وين؟؟؟ بالسوق .. والحين انا رادة من السوق .. ومعاي اجياس وايد .. حطيتهم في غرفتي .. وقمت اقيسهم علي ..وامي معاي .. واسما بعد ... وانزل تحت واوريها لطلال وهاني ..ويقولون لي رايهم .. اليوم الثاني .. دقت علي خلود وقالت لي انها تبين اييها .. هناء: بس خلود .. قاطعتني وقالت . خلود : لا بس ولا شي ..تعالي عندي لأن بنات عمتي يايين وانا ماعندي احد .. هناء: يعني شنو بتخليني اصير خدامتكم مثلا؟؟ بعدين بنات عمتج مو غرب .. قالت وهي تأفف.. خلود : هاذي اول مرة اييون وامي طالعة ويا امهم ..يلا هناء ...تكفين .. تنهدت وقلت .. هناء: اوكي ..بلبس عباتي واييج .. قالت .. خلود: تزيني وتمكيجي .. قلت بسرعة وباستنكار.. هناء: مينونة انتي ؟؟؟ تبين طلال يذبحني ؟؟ قالت وهي اعتقد تبتسم .. خلود : وااي يا ناس ذابحني هالطلال... قلت باعتراض ... هناء : خلود ..عيب . قالت هي بفرح.. خلود : خليني استانس شوي .. خلاص تعالي عندي وتمكيجي ..ولما تبين تطلعين امسحيه .. خلاص ؟؟ سكت افكر شوي ..بعدين قلت .. هناء: اوكي ..بعد خمس دقايق اييج .. وصكيت عنها .. وصعدت داري البس عباتي .. ونزلت تحت ومريت على غرفة امي ..واستأذنت منها .. وعند الباب شفت طلال راد من الدوام ..وبايده عدة ..طالعني باستغراب بعيدن قال وهو يصك دبة السيارة . طلال: وين؟؟ سكت شوي بعدين قلت .. هناء: عند خلود .. طالع ساعته وقال وهو يمشي باتجاهي.. طلال: الحين ؟؟؟ كان الوقت الظهر ..فقلت وانا احط ايدي على عيني من الشمس .. هناء: ئي ..عيال عمتها يايين عندها وهي عزمتني .. طالعني وهو يمسك الكاب ..وقال .. طلال: قلت لأمي ؟؟ هناء: ئي .. مشى عني ودخل ..بس قال .. طلال: القاج هني عند صلاة المغرب .. قلت بفرح .. هناء: اوكي .. ومشيت ..رحت لبيت خلود ..بيتهم قريب علينا وايد .. لما وصلت .. كانت خلود تنطرني ..عند الباب .. قلت لها بخبث .. هناء: طبعا كنت تنطرين حبيب القلب ؟؟ قالت وهي شاقة الحلج .. خلود : شفته وهو يكلمج .. وشدتني من ايدي عشان ندخل داخل .. صعدنا فوق ..وبالغصب حطت لي مكياج ..المشكلة انها تحط ئي بس واايد .. بس حلو ..خلود متخصصة بالمكياج والموضة .. طلعت لي دراعة روعة على مكياجي .. لبستها ..ونزلنا تحت نرتب البيت .. تريتب خفيف ..وبخرنا البيت .. على الساعة اربع ونص ...سمعنا صوت الجرس .. رحت طليت من الدريشة لقيت حرمتين واقفين برة ..قلت بصوت عالي لخلود اللي كانت داخل المطبخ .. هناء: خلود ...بنات عمتج على الباب .. طلعت خلود من المطبخ وراحت عندالباب ..دخلتهم ورحبت فيهم ..وانا وقفت انطرهم يدخلون الصالة .. لما دخلوا ..انصدمت .. حريم كبار ..يعني تقريبا بالثلاثينات ..واااو ...بس رسمت بويهي ابتسامة ترحيب لما شفت وحدة منهم ياية تسلم علي .. لما قعدنا ..قالت وحدة فيهم ..وهي تطالع خلود .. " ما قلتي لنا ان عندج اخت ؟؟" قالت خلود .. خلود : لا هاذي مو اختي ..هاذي بنت الجيران ورفيجتي بنفس الوقت .. ابتسمت انا مجاملة ..واندمجت معاهم بالسوالف .. وعرفت ان وحدة منهم بس ولد عمة خلود والثانية بنت خالة بنت عمة خلود ..فهمتوا؟؟؟ تغدينا ..وردينا نسولف وخذتنا السوالف .. بنت خالة بنت عمة خلود اسمها عالية ..وبنت عمة خلود اسمها دلال .. دلال كانت لابسة الحجاب وعالية لأ ... عالية: تدرين عاد مع انج قاعدة بين ناس متفهمين تفكيرهم زين ..بس هذا ما يغنيج عن اهل ديرتج ؟؟ طالعتها باستغراب وقلت .. هناء: وهذا انتي عايشة عندهم ؟؟ قالت وهي تسند ظهرها على الكرسي وتمسك خصلة من خصلات شعرها .. عالية: عايشة بس ودي اقعد بالكويت خلاص .. قلت .. هناء: ئي والله ..بس ليش ما تردون تعيشون هني خلاص ؟؟ قالت وهي تبتسم ابتسامة خفيفة بخجل .. عالية: خطيبي إلا مو راضي ..يبي يعيش هناك .. اهاا ..هزيت راسي بتفهم ..مخطوبة الأخت .. بعد صلاة المغرب ..اشرت لخلود اني بروح بس هي اشرتي بهز راسها بالنفي ..فقلت لها وانا آخذها على جنب شوي .. هناء: طلال يبيني ارجع الحين .. ما اقدر اقعد اكثر من جذي .. قالت خلود بترجي .. خلود : لا تروحين هناء تو الناس ..لما يروحون روحي ...امانة .. وطالعتني بتوسل ... تنهدت وقلت .. هناء: مع ان فيها مجازفة ..بس يلا .. رديت قعدت وياهم ..بعد ساعة استأذنوا يروحون ..ولما راحوا التفت لخلود بخوف .. هناء: حسبي الله على بليسج ..تدرين الساعة جم الحين ؟؟ طالعتني بدون اهتمام وقالت .. خلود : ثمان ..أشفيها ؟؟ ماخذتها بسهالة ..قلت بنفاد صبر .. هناء: قومي وصليني .. كانت رح تقعد لما قلت جملتي التفت لي وقالت باستنكار.. خلود : نعم!! هناء: نعامة ترفسج...قومي وصليني .. قعدت وقالت وهي تحط ريل على ريل .. خلود : انا مالي شغل .. طالعتها بعصبية ..بعدين قلت وانا امسك عباتي وشيلتي .. هناء: هين يا خلود .. مو منج مني انا اللي سمعت كلامج .. والتفت ناحية الباب ..وطلعت ..سمعت صوتها وراي ..وقفت وطالعتها بحقد ..كانت لابسة عباتها وشيلتها وقالت .. خلود : امشي .. ومشت عني .. خبلة ..بس مع ذلك احبها .. وصلنا البيت ..لأنه كان قريب حيل .. قالت خلود وانا امسك باب الرئيسي ابي ابطله .. خلود : باجر بييج عشان تروحين معاي السوق نشتري حق الجامعة .. قلت بملل .. هناء: تو الناس .. لسة باجى شهرين .. قالت بعصبية .. خلود : ولو ..لازم اتكشخ و.. قاطعتها وقلت .. هناء: بس بس ..ما تسوى علينا كلمة قلناها .. ودخلت ..والتفت لها ..وقلت .. هناء: يلا فارجي .. كانت تبي تطقني بس اما صكيت الباب وانا اضحك .. " اهلا وسهلا " تجمدت بمكاني ..التفت ببطء وانا ادعي ربي ما يكون اللي في بالي ..لما طاحت عيوني عليه ..غمضت باسف ..هو ..كان قاعد على وحدة من الكراسي اللي بالحوش .. طلال : كنت قعدتي عندهم بعد ؟؟ كان عصام ولد خالتي قاعد يمه ..ويبتسم .. فقلت باستنكار.. هناء: ما يضحك .. قال وهو يقلد صوتي .. عصام : يضحكني انا ..عندج مانع ؟؟ قلت ابي احره .. هناء: عندي سالم وانت الصاج .. قال باستخفاف .. عصام : حلوة بس لا تعيدينها .. قال طلال الحين .. طلال : دشي داخل ونتفاهم عقب .. انصعت للأمر ودخلت داخل .. وعصام كان يسوي لي حركات تحرني .. عطيته ظهري وصكيت الباب .. عصام هذا دومه ويا طلال وعبدالله ..صج انه اصغر منهم بسنتين بس طيب وحبوب .. والصراحة ..الصراحة ..انا ..انا احبه من زمان ..ما ابين له ..بس ماادري عنه ..يحبني ولا يعتبرني مثل اخته ؟؟ صعدت فوق .. وفصخت الشيلة والعباة ..والدراعة بغسلها باجر واردها لخلود .. صليت العشا..ونزلت تحت مرة ثانية .. بس لبست شيلتي عشان عصام موجود اعرفه دفش يدخل بأي وقت .. لقيت اسما بالصالة قاعدة تطالع تلفزيون .. وهاني منسدح بس معطيني ظهره ..تقربت منه لقيته نايم .. قلت لأسما.. هناء: من متى نايم ؟؟ طالعتني باستغراب وقالت .. اسما: نايم هو ؟؟ قلت .. هناء: يا حظي قاعد يمج وما تعرفين نايم ولا لأ ؟؟ اسما: وانا اشدراني عنه ؟؟ هزيت راسي باستنكار ..وهزيته وقلت .. هناء: هاني ..هاني قوم نام بدارك .. بطل عيونه وطالعني بكسل وقال .. هاني : مابي بنام هني . هني دخل طلال ووراه عصام .. هزيت هاني بقوة وقلت .. هناء: هاني قوم نام بدارك يلا عاد .. قام وهو يتأفف ووقال .. هاني : مزعجة .. وطلع فوق ..قال عصام وهو يقعد .. عصام : اول مرة اخوج يقول شي عدل .. التفت له لقيته يطالع التلفزيون ..فقلت .. هناء: يا شين اللقافة .. طالعني وقال .. عصام : خير اختي ؟؟ احد كلمج ؟؟ قلت وانا اقلد صوته .. هناء: خير اخوي ؟؟في احد كلمك؟؟ ابتسم وقال .. عصام : حمدلله والشكر .. وطالع طلال وقال .. عصام : اختك مينونة.. لف طلال يحاجيه وانا مديت له لساني وصعدت فوق بسرعة .. دخلت غرفتي وانسدحت وانا فرحانة ..مو مصدقة عصام عندنا ..غمضت عيوني اتذكر ويهه ..ملامحه .. لما يضحك ..يبتسم ..يتكلم.. سمعت طق على الباب ..فقلت .. هناء: ادخل .. تبطل الباب وكان طلال ..رديت انسدحت مرة ثانية وانا لافة ويهي وقلت .. هناء: آسفة ما كان قصدي .. قال بجدية .. طلال :لفي طالعيني .. لفيت له ...قعد على الكرسي مال التسريحة ... وقال .. طلال: انا قلت بعد صلاة المغرب صح ؟؟ قعدت وقلت .. هناء: وانا قلت لك آسف ..ما كان قصدي ..خلود قاطعني وقال بعصبية شوي .. طلال: ذبحتينا بخلود ..خلود قالت خلود سوت .. اسمعيني هناء ..خلود هاذي مابيها تأثر فيج وايد .. قلت بدفاع.. هناء: انا شخصيتي قوية ..مو أي احد يأثر فيني .. بعدين خلود رفيجتي الوحيدة .. طالعني بعصبية ..ماادري اشفيه اليوم .. قلت بهدوء.. هناء: طلال ..خلود والله مافيها شي ..ليش متحامل عليها ؟؟ قال مرة وحدة.. طلال: لأني ما احب البنت هاذي ..ما ادانيها .. طالعته مصدومة .. لو سمعته خلود ..شنو رح يصير ..قلت بعتاب .. هناء: حرام عليك .. فكمل هو وقال بعصبية مشدودة .. طلال : انا ما احبها ..افهمي .. وراح للباب وقبل ما يطلع لف لي وقال بحقد .. طلال : قولي لها تعقل قبل ما اعقلها بطريقتي... وطلع وصك الباب بقوة ... هذا طلال لما يعصب ..بس ماادري ليش قال جذي ؟؟ خلود شنو سوت له ؟؟ لازم اعرف .. قمت من السرير وطلعت من الغرفة ..رحت غرفته لقيته منسدح على السرير وحاط ايده على راسه .. طقيت الباب فقال هو بدون مايغير من وضعيته .. طلال : مابي اشوف احد .. بس دخلت .. وصكيت الباب..وهو على صوت صكه شال ايده وطالعني ..قال بملل .. طلال: هناء مابي اسمع شي .. قعدت على طرف السرير وقلت بهدوء.. هناء: طلال ..شلي صاير؟؟ لف ويهه عني وقال ببرود.. طلال: مو صاير شي .. يقص علي ..قلت .. هناء: طلال .. انت صج ما تحب خلود؟ .. هالمرة لف لي وطالعني بنظرات غريبة ما عرفت معناها ..وقال .. طلال: شنو مناسبة الكلام هذا؟ قلت وشبه ابتسامة ماكرة على ويهي.. هناء: وشنو مناسبة الكلام اللي قلته لي بالغرفة ؟؟ طالعني بتمعن بعدين قال وعيونه للسقف .. طلال: خلود اعتبرها مثلج .. سكت ابيه يكمل ..حرر عيونه من السقف وطالعني بحزن.. طلال: ليش دايما تحسسوني اني مسؤول عنها.. انا ماابيها ..ماابيها . حسيته بينبط من القهر .. فقلت .. هناء :هدي هدي طلال .. ان شاء الله ما رح يصير إلا الخير .. طالعني بحسرة وقال .. طلال : أي خير .. وخلود لازقة فيني مثل الصمغ . انصدمت ..لا تكون قطت روحها عليه .. قلت بتشكك.. هناء: طلال قولي السالفة ..شنو صار ؟؟ سكت ونزل راسه وقال .. طلال: امي اليوم فاتحتني بموضوع الزواج..ولازم يا يما تتزوج ابي اشوف عيالك قبل مااموت..ومن هالأسطوانات المعهودة اللي دايما تقولها امي .. تنهد بضيق بعدين قال .. طلال : امي ملزمة اني اتزوج خلود .. وطالعني كأنه يقولي" انتي السبب "..نزلت راسي ..وقلت .. هناء: علمت امي انك ما تبيها ؟؟ هز راسه نفي ..فنزلت راسي وتنهدت .. لو درت خلود ان طلال ما يفكر فيها شنو رح تسوي .. اعيب عليها وانا اللي المفروض اعيب روحي .. احب عصام وهو ما يدري عني ..وخلود تحب طلال وهو مايبيها .. خفت من الفكرة اللي احتلت مخي ..لايكون عصام ما يحبني ويعتبرني مثل اخته ؟؟؟!!!! غمضت عيوني رافضة هالشي .. هزيت راسي على الخفيف ..سمعت طلال يقول .. طلال: اشفيج ؟ بطلت عيوني لقيته يطالعني باستغراب ..فقلت . هناء: ها ..ولا شي ..مافيني شي .. استأذنت منه وطلعت.. رحت داري وصكيت الباب بخوف .. مابي افكر ..مابي .. انسدحت على السرير وانا مغمضة عيوني غصب وماسكة راسي بايديني الأثنتين وامنع دخول اي فكرة لراسي .. وعلى جذي نمت وبداخلي صراع نفسي .. مابين حقيقة حبي لعصام وخوفي من حبي له ... اليوم الثاني طلعت السوق اشتري اغراض لي ومعاي خلود .. طول الطلعة احاول افاتحها بالموضوع .. طلال امس كان مبين عليه انه صج ما يفكر فيها .. وانا ضايعة بالنص .. اخوي مابي افرض عليه خلود غصب ..ورفيجتي مابي اقص عليها ..والله احترت ... قعدنا بمطعم وكنا نسولف .. فجأة قامت خلود ومشت طالعتها لوين تروح شفتها تسلم على وحدة ..لما دققت طلعت دلال بنت عمتها ..طالعتني فاستحيت وقمت سلمت عليها .. عرفت انها ياية عشان تشتري اغراض لأنها بترد امريكا.. خلود: وهناء بعد رايحة امريكا .. طالعتني متفاجأة وقالت .. دلال: صج ؟؟ حلو ..يعني بتخاوينا .. ابتسمت لها وقلت .. هناء : ان شاء الله .. قمنا نشتري مع بعض .. دلال: اشرايكم نتغدا هني ؟؟ قالت خلود بسرعة وهي تقط الأجياس بدفاشة على الأرض وتقعد .. خلود : ئي والله يعت .. طالعتها بعيون عتبانة..فضحتينا ..مو شايفة خير ..وهي ما ردت علي .. قالت دلال وهي تقوم .. دلال : خلاص انا بروح اطلب .. وقفت خلود وقالت .. خلود : انا بروح معاج .. قعدت انا وبطلت الأجياس اشوف اللي اشتريته ..وبعد دقايق يو ومعاهم الأكل .. قعدنا ناكل .. رن تلفون دلال ..وردت عليه ..وانا هني مسكت خلود وقلت لها .. هناء: ويعة زين .. فضحتينا جدام المرأة ...ئي والله يعت قلت الجملة الأخيرة وانا اقلد صوتها ... طقتني على راسي ع الخفيف ..كنت ابي ادر لها الطقة بس سمعت دلال تقول .. دلال : بس عاد ..خلوده ويهد كسرتي راسها .. ما عبالي انها انتبهت لنا فاستحيت على روحي وقعدت ساكتة ..اما خلود ..قالت .. خلود: هي بدت .. وطالعتني وقالت .. خلود : يعني مسوية روحج مؤدبة ؟؟ مارديت عليها ..وقعدت آكل .. لما خلصنا .. قامت دلال وقالت .. دلال : انا بروح اشتري برد احد يبي ؟؟ طالعتنا بعدين فقلت انا .. هناء: لا مشكورة .. قمات خلود وقالت.. خلود : وانا بروح الحمام .. فقمت معاها ورحت الحمام .. وبالحمام ..قعدنا نلعب بالماي شوي ..ليما يت الفراشة وعصبت علينا .. فقلت لخلود .. هناء: انا بطلع لا تذبحنا هاذي .. بس خلود قالت .. خلود : لا انا بتوضى ونصلي الظهر لانه اذن .. خليتها وطلعت من الحمام .. كنت بروح ارد للطاولة ..بس لمحت واحد قاعد فيها .. شنو ما يدري انه الطاولة محجوزة ؟؟؟ مايشوف الأجياس ؟؟؟ ولين ..هاذي والله الوهقة .. تشجعت ورحت على الأقل ألم الأجياس ..لما وصلت وقفت شوي انبهه بوجودي ..بس الأخ كان منزل راسه يطالع التلفون ..مسكت اول جيس ..بس خرعني صوته .. "شنو تسوين ؟؟" طالعته كان يطالعني باستغراب ..قلت بارتباك .. هناء: باخذ اغراضي .. قال متفاجأ.. " اغراضج ؟؟" نظراته زادت من ربكتي ..فهزيت راسي بايجاب ..ولميت الأغراض على عجل ..بس هو قال .. " لحظة .." أففففففف ..وبعدين ؟؟؟.. التفت له وقلت بملل. هناء: نعم .. قال وهو يتقرب .. " انتي متأكدة انها طاولتج؟؟" قلت وانا ابعثر نظراتي .. هناء: ئي متأكدة .. طالعني ببلاهة بعدين قال .. " شكلج غلطانة " طالعته باستنكار بعدين قلت .. هناء: اشقصدك يعني ؟؟ بغى يرد بس سمعت صوت دلال يقول .. دلال : سامي ..هلا والله ابتسم لها وقال .. سامي : اشلونج ؟؟ التفت لدلال وطالعتها بنظرات ..انا ماني فاهمة شي .. منو هذا ؟؟ يت خلود بعد ولما شافت اللي اسمه سامي قالت وهي تسلم عليه .. خلود : اخيرا ييت ما بغيت .. قال وهو يبتسم .. سامي : اشتقنا لكم .. طالعتني دلال وشافت الأجياس ..فقالت .. دلال : ليش شايلتهم ؟؟ خليهم عنج .. طالعتها بعدين عطيت العامود الواقف معانا نظرة حقد ..وقلت هناء: لا ماعليه ..الحين بنروح البيت .. ومسكت خلود ومشينا ...بس قبل عطيت دلال اجياسها .. طول الوقت ما نزل علينه صج ما يستحي .. قالت خلود وهي تبعد ايدها عني .. خلود : هييه ..وقفي شوي .. اشفيج ؟؟ التفت لها بعصبية وقلت .. هناء: الخبل ..صج ما يستحي .. طالعتني بذهول وقالت .. خلود : منو ؟ مارديت عليها لان تلفوني دق ..وكان طلال .. طلعنا ورحنا البيت ..وانا منقهرة منه .. للحين في ناس جذي ما يستحون ..حتى ما فكر ينزل علينه ؟؟؟ مالت عليك ..ضايقتني نظراته ..وتذكرت اني ما سألت خلود عنه ..منو يكون ؟؟ .. وصلت البيت .. ورحت داري بسرعة ..ونمت .. على صلاة العصر قمت ..وتغديت وصليت العصر .. وقعدت تحت ..شفت امي طالعة من غرفتها .. قعدنا نسولف .. هناء: يما .. قالت بدون ما تطالعني .. امي : خير يما ؟؟ سكت شوي احاول ألملم الكلمات اللي رح اقولها .. وبعدين قلت .. هناء: انتي مغصبة طلال يتزوج خلود ؟؟ طالعتني باستنكار وقالت .. امي : انا ؟؟ لأ طبعا .. طالعتها بنص عين وقلت .. هناء: يما ... تنهدت وقالت بهدوء ممزوج بعطف .. امي : انا مارح القى احسن من خلود لطلال ..خلود عاجل وحلوة وفوق كل هذا تعزنا .. هناء: بس يما انتي اخذتي رايه .. امي : ئي وما عارض .. طالعته باعتراض وقلت .. هناء: هو ما يبيها .. انصدمت وبققت عيونها علي ..وقالت .. امي : شنو؟؟ كررت جملتي .. هناء: هو ما يبيها .. امي : ليش ؟؟ هناء: يعتبرها مثل اخته .. قالت بعصبية .. امي : شل الحجي الفاضي هذا ؟؟ إذ.. قاطعتها وقلت .. هناء: يما حرام تجبرينه إذا صار شي رح يقول انتوا سبب ..خليه يتزوج البنت اللي يبيها .. هدت امي وقعدت تفكر شوي بكلامي .. بعدين قالت .. امي : انتي تدرين منو يبي ؟؟ هناء: لأ ..ما اعتقد طلال يفكر بوحــ... قاطعتني امي وقالت .. امي : يبي بنت عمج .. كنت ابي اكمل كلامي لأني ما سمعت امي شقالت بس سكت مرة وحدة ..توني انتبه على كلامها .. طالعته بصدمة ..بعدين قلت .. هناء: اي وحدة ؟؟ نزلت امي راسها وقالت .. امي : غالية .. الصراحة ونعم الأختيار ..ابتسمت بس لما شفت امي تطالعني بعصبية اخفيت ابتسماتي عنوة وقلت باستنكار.. هناء: ليش ؟؟ اشفيها غالية ؟؟ بنت حلوة ومؤدبة .. امي : انا ما اكرها ..انا اكره امها ..مغرورة وشايفة نفسها ماادري على شنو .. ضحكت على اسلوب امي الأخير .. وهي بعد قامت تضحك .. هناء: يما واللي يسلمج لا تغصبين طلال على شي ما يبيه .. هزت راسها بتفهم وقالت .. امي : خير ان شاء الله .. بسته على راسه وصعدت عند طلال طيران فوق .. ماكنت متوقعة ان يحب غالية .. والله هالبني آدم تتوقعين منه أي شي .. طقيت الباب ..ودخلت ..لقيته نايم ..خل العوزه .. قلت وانا اهزه .. هناء : طلول.. مارد ..شكله في سابع نومه ..طقيت ع الخفيف على راسه ..وبطل عينه ..فقلت .. هناء: قوم قوم ..أذن العصر وانت لسة نايم .. فرك عيونه ويعدني انتبه لي ..وقال بصوت ناعس .. طلال : الساعة جم الحين ؟؟ هناء : اربع ونص .. قوم يلا عندي لك بشارة .. قام بكسل وتمغط .. وقال وهو يمد ايدينه .. طلال : قولي .. كان يتثاوب ..لما قلت .. هناء: قلت لأمي انك ما تبي خلود لف علي مرة وحدة ..وطالعني بذهول ..فكملت وانا ابتسم على شكله .. هناء: امي شكلها وافقت على غالية .. قال وهو مستانس .. طلال : صج والله ؟؟؟ استغربت لهدرجة يبيها ؟؟ شكرني ودخل الحمام عزكم الله ..بس طلع بسرعة وقالي جنه توه تذكر شي .. طلال : وانتي اشدراج عن سالفة غالية ؟؟ طالعته بمكر .. وقلت .. هناء: امي قالت لي .. سكت شوي وكملت بصوت مليان خبث .. هناء: ما كنت ادري انك تحبها جذي .. مسكني ودزني للباب وقالي وهو يبتسم .. طلال :حبج برص ... برة برة .. هههههههههه استحى ..اول مرة اشوف طلال مستحي .. رحت داري وانا اضحك على طلال ..بس اخنفت ابتسامتي تدريجيا لما تذكرت خلود .. يارب تخليها تشيل طلال من بالها ..يارب .. بليل يانا عصام انتصار اخته وامه بعد .. اجتمعنا بالصالة كلنا .. وضحك وسوالف .. عصام : اللي صج سمعت بعض الناس رايحين امريكا .. طالعته باستخفاف ادري قاصدني بس مارديت عليه .. قالت خالتي .. خالتي : ان شاء الله تروح وترد ومعاها الشهادة العالية .. قالت امي مشجعة .. امي : ان شاء الله ..هناء ماتنزل راسي الأرض ابدا .. ابتسمت لها بامتنان ..فقال هاني معترض على اسلوب امي .. هاني : وانا يما ؟؟ التفتت امي له وقال بحنان .. امي :انت حبيبي .. كمل عصام ومعاه طلال اللي رايق اليوم ومكيف وقامو يغنون .. وامي وخالتي واحنا البنات نصفق ..وهاني يطبل .. صيعنا .. ليما سمعنا صوت الباب .. قام طلال وقال لعصام اللي اندمج بالغناء .. طلال : بس بس ..ما صدقت ..كاهم الشرطة يوا اكيد من صوتك النشاز .. سوا عصام روحه خايف وقال .. عصام : لا والله ؟؟ ضحكنا كلنا ..وراح طلال للباب ..وسمعته يرحب ..شفت ام عبدالله ووراها كانت خلود ... طلع عصام وانسحبوخذ معاه هاني ..وراحوا ورا طلال اللي كان مع عبدالله .. خلود : ليش طالع صوتكم جذي ؟؟ ضحكت انا وقالت انتصار .. انتصار : طلال وعصام يغنون واحنا نصفق وهاني يطبل .. طالعت خلود برة ومدت بصرها لبرة لشباب وبالأخص وانا عارفة ومتأكدة لطلال ..بغيت اتكلم بس سمعت خالتي تقول لأمي . خالتي : والله يا ختي بزوجه بس هو مصر على وحدة ذبحني ..كل شوي يفتح سالفة الزواج .. قالت امي .. امي : منو بالله ؟؟ طالعتني خالتي وانا سويت روحي لاهية مع انتصار وخلود بس قلبي واذني معاهم .. خالتي : ما قالي بس انا اعتقد هناء .. خالتي : والله هاذي الساعة المباركة .. ما سمعت الباجي لأني خلاص ذبت ..تشققت من الوناسة ..عصومي يبيني مااصدق ..واااي ..انتبهت على خلود وقالت .. خلود : حمدلله والشكر اشفيج تبتسمين خبلة ؟؟ خبلة ؟؟ قولي مينونة مو صاحية .. ضيعتهم وقمت اسولف عن أي شي ... تعشينا وعلى الساعة عشر راحوا.. صدعت داري وانسدحت على سريري .. قعدت اضحك مثل المينونة .. طلعت صورته اللي اخذته من غرفته ذاك اليوم لما دخلتها بالغلط .. قبل جم سنة .. ادري اللي سويته غلط بس مو بايدي .. ضميتها لصدري وتنهدت بارتياح .. مرت الأيام طبيعي ما عدا تلميحات خالتي اللي كانت تعلقني بعصام اكثر واكثر .. وفي يوم كنت دخل على طلا لغرفتي وكان يبتسم بغرابة ..وقال طلال : طبعا تعرفين ليش انا ياي اكلمج ؟؟ سويت روحي ماادري وقلت .. هناء: لأ طبعا .. طالعني بمكر ..وقال طلال : يما العيارة .. وقال بجدية .. طلال : في واحد خطبج مني .. وقف قلبي مع اني اعرف منو هو ..فقلت . هناء: ودراستي ؟؟ الصراحة قلتها بدون شعور ..قال طلال طلال : هو ما رح يمنعج عن الدراسة ..ورح يروح معاج .. بعد ؟؟ والله طيب عصام .. قلت اطولها .. هناء: متأكد ؟؟ طالعني بغرابة وقال .. طلال : مليون في المية .. وسكت شوي وقعد يمي .. طلال : ما تبين تعرفين من وهو ؟؟ نزلت راسي بخجل وقلت .. هناء: منو؟؟ ابتسمت وانا انطر الأجابة مع اني اعرفها ..بس قال .. طلال : سامي .. -------------------------------------------------------------------------------- الحلقـــــة الثالثة " حب وهمي " رفعت راسي اطالع طلال مو مصدقة اللي اسمعه..مستحيل .. لا لا غلطان ..عصام هو اللي خاطبني مو سامي ..اصلا منو هذا سامي ؟؟ لااراديا تجمعت الدموع في عيوني ..نزلت راسي وسقطت اول قطرة على ظهر ايدي الماسكة ببجامتي بقهر .. غمضت عيوني وشديت على قبضة ايدي .. قال طلال بخوف .. طلال : هناء ..اشفيج ؟؟ ما قدرت اتكلم .. ماقدرت انطق .. الصدمة شلتني .. وزلزلتني ..ايما زلزال .. قال طلال بنفس الخوف .. طلال : خلاص خلاص ..إذا ما تبينه ..مو لازم .. انا بصرفه .. وطلع من الغرفة .. وخلاني ..تتلاطم فيني امواج الصدمة .. ما اقدر اوصف لكم شعوري لأنه ما فوق الوصف ... من التعب نمت وما حسيت بشي ..ضميت مخدتي وغمضت عيوني انشد السلام ... لما قمت كان المغرب الدنيا بدت تظلم ...وحاسة جسمي مكسر .. صليت المغرب ..ونزلت تحت ادور اكل .. ما صادفت احد في طريجي ..دخلت المطبخ وسويت شي خفيف .. لأني ميتة يوع .. ليش صار جذي ؟؟ عصام يبيني ولا لأ ؟؟ بس امه قامت تلمح انه يبيني ..انزين ليش ما تقدم لي ؟؟؟ على هالأفكار سمعت صوت الميكروويف يعلن انتهاءه من تسخين الوجبة ...طلعت الصحن وقعدت آكل .. ولما خلصت طلعت من المطبخ ولسة الأفكار محتلة مخي ... " عصام يبيها ؟؟" " ئي يبيها .." هذا صوت امي وطلال ..اكيد قاعدين يتكلمون بسالفتي ..مابي اسمع اصلا انا رافضة الزواج .. " يما عصام مايبي يتزوج على الأقل الحين " " اشحقة امه حاجتني انزين وقالت انها تبي هناء لعصام " " امه اللي كلمتج مو عصام .. بعدين عصام مايبي هناء" وقفت ريولي على هالكلمة ..مايبيني ؟؟؟ " مايبي هناء؟؟!!!!!" " ئي ما يبي هناء .. يبي .." انا هني لصقت اذني بالباب .. " يبي اسما " شهقت ..بس منعت صرختي اللي نبعت من صدري من الطلعة ..حطيت ايدي على حلجي .. بس حتى العبرات خذلتني .. وما قدرت إلا اني اترك لها العنان ..سحبت ريولي سحب اللي كانت لازقة بالأرض كأنها لزاق .. وصعدت داري ..اول ما دخلت ..تسندت على الباب وانهرت بضعف عليه ... كل امالي اللي حطيتها على حبي اختفت فجأة .. كنت عاقدة الأمل ان عصام ايي يخطبني بس خلاص من بعد ما عرفت اللي عرفته تلاشى, انقطع الحبل اللي نسجته بيني وبين عصام ..حبل حب وهمي ..حب ما جنيت منه غير العذاب ... بعد اللي صار صرت اسيرة المحبسين ..داري ودموعي ..وإذا طلعت من داري اكتفي بالمشاركة من بعيد.. ابتسم ابتسامة باهتة ..اضحك والقلب مجروح ..ارفض الطلعة مع اي احد ..امي طلال خلود حتى بنات عمي ..حاولوا انهم يطلعوني من الحالة هاذي وهم مو عارفين شنو السبب ... في يوم طلعني طلال غصب عشان حالتي النفسية تدهورت ..صارت بالأرض .. طلعت وانا مالي نفس .. بس كانت الطلعة خاصة فينا احنا ..انا وطلال بس .. كنت عارفة ليش يبيني اطلع ..وكنت عارفة بعد بشنو رح يكلمني ...بس ما توقعت اللي قاله ..مثل ما رح تشوفون.. هناء: نعم!!!!!!! قلت هالكلمة بصدمة وذهول ..ما توقعته يقولي هالشي . طلال : هناء فكري عدل انا مابيج ترفضين الريال بحجة الدراسة .. قلت بعصبية .. هناء: يا سلام ..يعني عشان انت ما نقدر تقعد معاي خلاص تبيني اصير كبش فداء؟؟ طالعني مستغرب .. طلال : كبش فداء ؟؟ الحين بس عشان قلت لج لا ترفضينه طلعتي فيها مضحية ؟؟ قلت باعتراض .. هناء: وهذا اللي تسميه شنو مو تضحية ؟؟ قال وعصبية مو قادر يخفيها .. طلال : اولا لا ترفعين صوتج ..ثانيا انا ما قلت لج لا ترفضينه بمعنى الكلمة ..انا قصدي فكري عدل الريال ما يتطوف .. قلت بعناد . هناء : ماابيه.. طالعني طلال بعصبية ولف ويهه ..زعل ..يالله ..يعني لازم يصير جذي ..قلت اراضيه .. هناء: طلال لا تغصبني الله يخليك .. الحين انا ساعدتك بموضوعك ويا خلود .. لف لي وقال .. طلال: يعني عشان ساعدتيني لازم اصرف نظري عن المسألة؟؟ تنهد بضيق ..وقال .. طلال : هناء ..ياعمري يا حياتي ..الريال شاريج ..تصدقين حتى هو كل ما يشوفني يلمح للموضوع ..وهذا اكبر دليل على انه شاريج ..لا تصيرين عنيدة عاد ..أففففف.. وقام وراح السيارة .. شاريني ؟؟؟ مداه تعلق فيني ؟؟؟ ماشافني إلا مرة وحدة .. ركبت السيارة وطول الطريج طلال ساكت .. رحت غرفتي ..وكلمات طلال ترن فأذني ..جني اسمعها الحين .. بليل دخلت علي امي ..وكنت قاعدة اقرا رواية صارلي اقراها فترة طويلة بس من بعد اللي صار كرهت حتى اسمها .. امي : هناء فكرتي ؟؟ آآآآه ..مارح نخلص من هالسالفة ؟؟ امي : يما هناء ..طلال اخوج يقول انه ما عليه كلام بس انتي وافقي.. طالعت امي ..كانت نظراتها توسل ..قلت .. هناء: يما ليش تبيني اتزوج ؟؟ طالعتني ببلاهة ..يمكن سؤالي ما كان صحيح ..فقلت اوضح . هناء: ليش تبيني اتزوج هالريال ؟؟ امي : لانه طيب وحبوب ..واخته مدحتج جدامه عشان جذي ياي يخطبج .. قلت بنفاد صبر .. هناء: ماعليج من الريال ..انا اقصد ..انا...انا ..ليش تبيني انا اتزوج الريال ؟؟ امي :لأن .. وسكتت ..فهمت انا شنو ابي .. قلت .. هناء: شفتي ..تبوني اتزوجه والسلام .. عشان بس ريال عايش طول عمره بامريكا وانا رايحة امريكا قلتوا خل نزوجها عشان نفتك منها ...مو جذي ؟؟ " لا مو جذي .." التفت لصاحب الصوت وكان طلال ..كان واقف عند الباب وبطالعني بنظرات غريبة..قال طلال : خلاص مو لازم ترضين .. بصرف الريال وانتي شوفي من اللي يخليج تروحين البعثة .. كان بمثابة تهديد ..طلع طلال من الغرفة ..وتبعته نظراتي المصدومة ..طلال اول مرة يتبع هالأسلوب .. طلعت من غرفتي وامي وراي ..ريولي متجهة لطلال اللي كان رايح غرفته وقلبي وعقلي انشلوا ... وقفت عند باب غرفته وقلت بعدم تصديق والعصبية باينة على ويهي .. هناء : ما تقدر تمنعني اني اسافر ..إذا بروح بروح بدونك او معاك .. التفت لي طلال وشكله معصب ..تجدم لي وقال بقسوة .. طلال: جوازج عندي ..واوراق البعثة عندي ..وشهادتج عندي ..ورقة الألتحاق عندي ..سفر مافي .. قلت بضعف ودموعي تنزل .. هناء: انت شنو ؟؟ يااخي ما ابيه ماابيه .. قال بصراخ .. طلال :انا ابيه .. إذا انتي ما تبينه انا ابيه.... بس والله إذا عندتي وكبرتي راسج ما رح تسافرين ...بتنثبرين هني وبتدخلين الجامعة حالج حال البنات اللي دخلوا ..وامريكا انسيها .. كان يصرخ بعنف ..اول مرة اشوفه معصب جذي .. طالعت امي ابيها تقول كلمة ..بس قال طلال.. طلال :لا تطالعينها ..ولا تعبين نفسج ..هو واحد من الأثنين..يا سامي ..يا ماكو امريكا ..اختاري .. وطلع من الغرفة .. تبعثر وتلاشى حتى املي الأخير ..وحلمي الأول والأخير .. امي طلعت ورا طلال وهي تنادي باسمه .. وانا تصنمت بمكاني ..اول شي عصام والحين بعثتي .... حرام عليكم .. نزلت راسي ودموعي مثل النهر ...رديت داري ..ولمحت الرواية اللي كنت اقراها قبل شوي .. مسكتها وطلعت حرتي فيها .. شقيتها ونثرت اوراقها بالهوا .. ونزلت اوراقها علي مثل اوراق الخريف .. حالتي تشبهها .. تشبه اوراق الخريف اللي عصفت فيها الدنيا ولما سوت اللي عليها طاحت وداست فيها ريول الإنسان بكل بساطة .. امي يتني تبي تثنيني عن رايي بس انا عندت ...قعدنا انا وطلال يومين ما نحاجي بعض ..او بمعنى اصح نتحاشى الكلام مع بعض .. هو مصر وانا معندة .. ليما ياه عندي للغرفة .. طلال : عاجبج اللي سويتيه ؟؟ قلت ببرود. هناء: وشلي سويته ؟ قال بقهر .. طلال : عنادج ما رح يوصلج لشي .. فكري عدل لأن السفر قرب .. ماباقي شي عليه .. نبهني طلال على شي مهم ..السفر .. طالعته بحقد .. هناء: انت ليش جذي عنيد ؟؟ قال بنفس نبرة صوتي .. طلال : انتي العنيدة مو انا ..كلمتج بالطيب ما نفع .. قلت بصراخ من القهر الي فيني .. هناء: حرام عليك اللي تسويه فيني .. انا ساعدتك بموضوعك ويا خلود وامي ..والحين هاذي جزاتي ؟؟ تبي تفتك مني ؟؟ ودموعي نزلت وبدت دوامتها .. غطيت ويهي بايدي وقعدت ابجي ...حسيت بايده تلمني ..وقال بهدوء .. طلال : هناء حبيبتي ..والله العظيم انا مابي افتك منج ..بس مو مقتنع بروحتج لأمريكا بروحج ..بعدين الريال مافيه شي ..والحلو فيه ان عايش بامريكا من زمان ..صدقيني مارح تخسرين شي ..انا سالت عنه .. بعدت راسي عن صدره وطالعته بنظرات شكاكة من بين الدموع ..وقلت .. هناء: سالت عنه ؟؟ طلال : عيل تبيني ازوجج واحد مااعرف عنه شي ؟؟؟ نزلت راسي وتنهدت بضيق ..اطلع في حزني وألمي ..عصام راح ..وبعثتي بتروح إذا ما وافقت على الي خاطبني .. طلال : مابي اضغط عليج بس ..اسمحيلي روحة لأمريكا بروحج مافي .. طالعته ..كانت نظراته لي رجا ..كأنه يقولي وافقي الله يخليج ... اشلون اوافق على واحد ماادري عنه شي ؟؟ اشلون اربط حياتي بشخص الله العالم زين ولا لأ ؟؟ احترت ياربي .. قلت بالنهاية .. هناء: خل اصلي استخارة .. مارد علي ..لفيت له وكان يطالعني ببلاهة ..اشلون تصلين استخارة وانتي عندج خيارين لا ثالث لهما ؟؟ ادري غبية .. قلت بقهر ممزوج بتردد.. هناء: خلاص ..موافقة ابستم طلال وباسني على راسي..وقال طلال : ادري فيج عاجل .. وطلع من الغرفة يبشر امي ..هوطلع وروحي طلعت معاه ..بتزوج واحد لما شافني ما احترمني ..قعد يطالعني جنه مو شايف بنات من قبل .. إذا ما احترمني وانا مو زوجته اشلون بيحترمني وانا ان شاء الله بصير زوجته ؟؟؟ بعد ساعات اعلن خبر موافقتي ..ويوم الثاني يتني دلال وهي مستانسة ..وقالت .. دلال : طولتي بالرد ..ماعبالي بتاخذين كل هالوقت .. زواج هذا مو لعبة ..بعدين اشدعوة انا راضية ؟؟ ابتسمت لها مجاملة ..وقلت هناء: كنت افكر .. هزت راسها متفهمة الوضع .. وقعدنا نسولف ..هي تحاول تييب لي طاري اخوها وانا ابعدها بكل الطرق ..مرة اييب ماي ..مرة اييب جاي ..مرة ارد على التلفون ..وإذا ما قدرت اهرب اسرح ..بس سمعت جملة نبهتني .. دلال: سامي مو عصبي ..ابدا مو عصبي ..هادي ..صاحب مواهب .. زين الحمدلله ..مو عصبي ..انا بروحي عصبية ..عصبي + عصبية = انفجار نووي .. قعدت تهذر على راسي عن انجازات اخوها وانا عمك اصمخ .. ماكو استقبال ..البطارية فظت.. بعد دقايق شفتها واقفة ..وهي تقول .. دلال : شكلي تعبتج من كثر ما اتكلم .. زين انج عرفتي .. ويت سلمتي علي ..وطلعت ..وانا اول ما صكيت الباب ..تنهدت بارتياح ..أففف ما بغت .. رحت فوق وانسدحت على سريري ..واخني التفكير لبعيد للمستقبل .. بالله طلع واحد مو زين..صج طلال سائل عنه ..بس هذا ما يكفي .. والله لو ما عجبني ..لأطلع حرة الزواج واجبار طلال على الزواج فيه ..واخليه يكره الساعة اللي شافني فيها .. نمت والأفكار تلعب براسي .. يوم الثاني..امي قالت لي انهم يبون الملجة الخميس .. قلت مصعوقة .. هناء: شنووو؟ قالت امي وهي تحط الجاي على الطاولة .. امي : مثل ما سمعتي ... ولد الناس مستعيل ..لأن بيسافر عقب اسبوعين وانتي معاه .. هناء: اسافر بدون عرس؟؟؟!!!! قلت جذي وانا مستنكرة ..كنت ابي امي تقول ئي عشان افركش الزواج بالمرة ..بس امي قالت .. امي : لأ .. الملجة الخميس والعرس الخميس اللي وراه ...والجمعة بتسافرون .. لاااااااااا ...كل شي بسرعة ؟؟ طالعته بخبية امل .. هناء: ما يمديني اشتري شي .. امي : والله ريلج وتفاهمي وياه .. قلت باعتراض .. هناء: مو ريلي .. طالعتني امي وقالت وهي تبتسم .. امي : بيصير ريلج .. وقفت وطالعت امي بحزن وبغيت امشي ..بس امي لازم توقف قلبي لآخر لحظة .. امي : سامي بي اليوم المغرب عشان يشوفج . لفيت لها ..فكملت.. امي: نظرة شرعية .. تأففت وصعدت داري .. شنو على كيفه ..الزواج عقب باجر والعرس اسبوع الياي ..واليوم يقول بيي .. مالت عليك ..مو شايفني بالسوق!!!!!... سامي ماادري على شنو .. مفروض تكون سامي باخلاقك ؟؟ وانا اشدراني باخلاقه !!!! ضحكت على روحي .. المغرب يتني امي وانا قاعدة اتزهب لريل المستقبل .. كنت لابسة لبس عادي ..لون الوردي لأني اموت فيه.. ولما خلصت امي قعدت تحط لي مكياج لأن امي فنانة ..هي اللي علمت خلود ..بتسألون تقولون ليش ما تعلمتي من امج بدل خلود بقولكم اني ما احب الموضة ولا الميك اب .. امي : خلصنا .. طالعت ويهي بالمنظرة وشهقت .. هناء: يما ..وايد .. طقتني على راسي ع الخفيف .. هناء: مو وايد ..ويلا الريال الحين بيي .. وفعلا ..ياه طلال وقال .. طلال : هناء الريال صارله ربع ساعة تحت ..قعدت الهيه ..يلا خلصي .. طالعته وتأففت ...ومسكت الشيلة ..بس امي قالت وهي تمسك الشيلة من الطرف الثاني .. امي : خبلة انتي ..نظرة شرعية هاذي يعني يشوفج بدون شيلة .. طالعته متفاجأة .. اطلع له بدون شيلة !!!!! طالعت طلال اللي هو جتوفه كأنه يقول ..مالي شغل .. تضايقت ..ومشيت عند الباب .. ولما وصلت السلم ..وقف ..التفت له وقلت .. هناء: ما رح تيي ؟؟ طلال : طبعا لأ .. يلا روحي . وماخلا لي فرصة اتكلم لأنه راح ..وشفت اسما وامي ..يطالعوني ويؤشرون لي روحي .. نزلت تحت ..وانا متضايقة لأني مو لابسة شيلة .. لما وصلت تحت ..كان واقف يطالع الدريشة ..وعاقد ايدينه ورا ظهره .. تنفست بعمق ..وقلت بهمس ماادري إذا سمعه ولا لأ .. هناء: السلام عليكم .. انتبه ..ولف ..وانا هني غمضت عيوني ..ماادري ليش .. قال .. سامي : وعليكم السلام .. بطلت عيوني وطالعته لقيته يطالعني بغرابة .. بعدها طلع طلال واشرلي ادخل .. وانا ما صدقت ..طيران رحت فوق .. وامي استلمتني هي واسما .. وانا بس ارد ماصار شي .. يوم الأربعا ..قالي طلال ان سامي وافق علي ..يعني عجبته .. اصلا غصبا عنه ..بروحي شايلة عليه ..بعد ما يرضى فيني .. واثقة من نفسي صح ؟؟!!!! يوم الملجة .. لبست سماوي .. وكانت الحفلة كيوت ..طبعا ما سلمت من تعليقات بنات عمي وخالتي وخلود اللي كانت متفاجأة من الخبر ..اصلا ما علمتها إلا امس ..لأني كنت واثقة اني برده ..بس صار العكس ..والحين انا مرته ..ويحل له يشوفني وقت ما يبي .. علمني هاني ان سامي بيدخل علي .. وعند الباب ..سمعت صوته .. قعدت اقرا سورة الكرسي ..ومعوذات ..سمعت القرآن كله ..جنى ابليش بيدخل علي مو انسان .. حسيت ان الصالة فضت .. " السلام عليكم " وقف قلبي ..دخل وما حسيت فيه .. رديت وصوتي بالكاد طلع .. قعد يمي .. وقال .. سامي : اشلونج ؟؟ بلعت ريجي وقلت بخوف .. هناء: الحمدلله .. سكت وانا سكت .. وطال السكوت .. فقال .. سامي : آسف على ذاك اليوم .. بداية اسف .. قلت وانا لسة منزلة راسي .. هناء: عادي ماصارشي .. سامي : انا عرفت الطاولة من تلفون دلال.. بس ما عرفت ان معاها احد .. ما كان قصدي .. خلاص قلنا ما صار شي .. لا تحن .. شفته يقوم .. فقمت معاه ..قال وهو يبتسم لأول مرة بويهي .. سامي : مارح اطول عليج .. ومد ايده يصافحني .. ترددت في البداية بس تذكرت انه ملج علي .. مديت ايدي اللي كانت بالنسبة له صغيرة وغاصت في كف ايده ..اول ما لمسته مسك كف ايدي وغطاه بكف ايده الثاني يعني ايده محبوسة بين ايدنه اثنتين .. الصراحة موقف لا يحسد عليه ..ويهي صار اشارة مرور.. طول وهو ماسك ايدي .. والمشكلة يطالعني جنه اول مرة يشوفني ..تكلم اخيرا وقال.. سامي : بغيتج تاخذين رقمي ..إذا تحتاجين شي ..انا حاضر .. طالعته و نزل عينه لجيبه ومد ايده داخله وطلع ورقة ..ومدها لي ..اخذتها وعيني على الأرض .. قال وهو لسة محتفظ بابتسامته .. سامي : مع السلامة .. مارديت واكتفيت بابتسامة لأن صوتي من كثر الموقف اللي صار راح ..لما طلع ..ماخليت لأمي واسما فرصة وطلعت فوق سيدة.. بطلت الورقة ولقيت رقمه .. بس لحظة ما اخذ رقمي ..احسن عشان لا يزعجني .. طالعت ايدي اللي كان ماسكها احسها بحرارة فيها ...مو بس في ايدي حتى في جسمي كله .. صورته ما فارجت خيالي ..مو حبيته بس ماادري ..صج طلع هادي ..ما تكلم وايد .. مرت الأيام ونسيت الرقم ..انشغلت بتجهيز للعرس مع اني مالي نفس ... لما رديت من السوق .. دخلت باب الحوش وشفت سيارة غريبة .. بس مااهتميت ..دزيت الباب الرئيسي بس سمعت صوت يناديني ..التفت لقيت طلال يأشر لي وهو واقف عند باب الديوانية .. رحت له ..لما وصلت قالي ..وهو يهمس .. طلال : ريلج داخل .. شنو ؟؟؟ سامي هني ؟؟!!!! أفففففففففف هذا وقته تعبانة مالي خلقه ..نزلت راسي واخذت نفس .. دخلت وطلال راح .. شفته منزل راسه يطالع الأرض .. هناء: السلام عليكم .. رفع راسه وطالعني وابتسم .. طالعني يتفحص ..شنو ؟؟ لابسة عباة وشيلة اول مرة تشوف وحدة لابسة جذي ؟؟!!!! بغيت ابط عيونه ..تجدمت وقعدت قريب شوي .. سامي : وعليكم السلام ...اشلونج ؟؟ طالعته وقلت ببرود .. هناء: الحمدلله .. لأن الجو حار فصخت الشيلة وحطيتها حوالين رقبتي .. وقعدت اطالع اصابعي .. قال .. سامي : رحتي السوق ؟؟ هناء : ئي .. بغيت اقوله شتبي ياي ..بس استحيت على روحي .. بس والله وقته كلش مو حلو .. بروحي منهد حيلي من السوق .. سامي : جهزتي للعرس.. اخترعت من صوته لأني كنت سرحانة .. ولأسف لاحظ هو لأني نقزت في مكاني .. سامي : خرعتج ؟؟؟ قلت وانا خلاص مستحية .. هناء: لا عادي .. سكت شوية وانا ما صدقت سكت ..لأني بنام خلاص ..عين مغمضة وعين مفتوحة ... طالعت الساعة اللي على الطوفة كانت الساعة عشرونص .. في واحد ايي الحين ؟؟؟ سامي : معاج موبايل ؟؟ تفاجأت من سؤاله ..فقلت .. هناء: لأ .. سامي : ليش ما قلتي لي ؟؟ اقولك اني ما عندي موبايل !!!! خبلة انا !!!! سكت ما رديت ..لمحته يطلع شي من جيس اللي يمه اللي توني انتبه عليه ..ولف لي ومعاه موبايل .. شهقت متفاجأة ... قال .. سامي: مبروك التخرج ..ولو انها متأخرة .. فرحت من داخلي ..بس ما بينت له ..مسكت التلفون ..كان الصراحة عجيب .. انتبهت على لون الكفر كان وردي .. فسألته .. هناء: اشدراك اني احب اللون الوردي ؟؟ طالعني متفاجأ .. سامي : تحبين اللون الوردي ؟؟ ماادري والله ..بس انا قلت الوردي يدل على النعومة ..فأخذته .. وقف وطالع الساعة وقال .. سامي : الوقت متأخر ..مااطول عليج .. قالوهو يؤشر على التلفون .. سامي: الرقم حافظه داخل .. يلا مع السلامة .. واختفى من جدامي .. لما انفردت بغرفتي ..قعدت افكرفيه وانا حاظنة التلفون .. لما يتكلم يتكلم بهدوء وروية .. ولما يبتسم يبتسم ابتسامة رقيقة .. شكله كبير ..اعتقد بالثلاثينات .. وتحديدا واحد ثلاثين اثنين وثلاثين هالحدود .. شكله حليو..شعره كثيف لونه اسود .. عيونه لون التراب ..عسلية فاتحة وايد .. لما يطالع يركز في اللي جدامه .. ابتسمت لا شعوريا لما تذكرت اشلون يطالعني .. بس تدرون ما اعرف عنه اي شي .. اصلا ما يهمني ..خل يولي .. غطيت روحي عدل ونمت .. على صوت التلفون صحيت .. وكان مكتوب على الشاشة ... " سامي يتصل بك " ولين ..يالله صباح خير ..مسكت التلفون افكر ارد ولا لأ .. ورديت .. سامي : صباح الخير . هناء: صباح النور .. سامي : كنت نايمة ؟؟ ئي نامية ممكن تصك اللتفون عشان ابي انام..بس ما اقدر اقول جذي ..كان ودي .. هناء: لا عادي اصلا انا كنت رح اقوم بعد شوي ...اشلون عرفت رقمي ؟؟ سامي : اشلون ما اعرفه وانا اللي شاريه ؟؟ تذكرت انه هو اللي شراه وعطاني اياه ..حسيت بالغباء .. سامي : قومي بطلي باب بيتكم .. استغربت .. هناء : ليش؟ سامي : قومي ..بتشوفين بعد شوي .. خليته على الخط وقمت نزلت تحت ..ومالقيت احد بالصالة .. بطلت الباب ومالقيت احد ..كنت ماسكة التلفون بايدي الثانية رفعته لأذني وقلت .. هناء: مافي احد .. سامي : طالعي تحتج .. طالعت تحتي ..لقيت جيس صغير ابيض..اخذته ودخلت داخل وصكيت الباب .. وقلت له .. هناء: شنو هذا ؟؟ سامي :a gift هناء: وليش ؟؟ قال برقة .. سامي : حرام يهدي الزوج هدية لزوجته ؟؟ سكت ما عرفت شقول ..في هاللحظة اجتاحتني مشاعر مختلطة وغريبة .. ما اعرف اوصفها .. سامي : معاي هناء؟؟ اول مرة اسمع اسمي منه .. قلت وانا توني انتبه .. هناء: معاك .. ما قلت لي شنو الهدية ؟؟ سامي : بصك الحين وبطليها بعد شوي ..ok ?? صكيت التلفون عنه ..وبطلت الجيس لقيت فيه علبة بطلتها لقيت فيها قلادة الصراحة روووووعة .. منقوش عليها اول حرفين من اسمه واسمي .. وايد واثق من نفسك ..حاط حرفي يم حرفك ؟؟ كان افكر فيه ..وخرعني صوت الموبايل ..وكان هو .. رديت عليه .. سامي : ها حلو ؟؟ قلت وانا ارفع القلادة جدام عيني ..واقول .. هناء: روووعة .. مشكور.. سامي :you are welcome هناء: بس لا يكون كلفت عليك ؟؟ قال واعتقد انه كان لازق بالسماعة .. لأن صوته كان قريب وهادي .. سامي : مافي كلافة بين الريال ومرته ..right؟؟ ابتسمت على صوته لأنه كان عذب ورقيق .. هناء: عاد قولي شلي مصحيك مبجر ..الساعة توها ثمان ونص .. وطالعت الساعة .. قال .. سامي:I always wake up early…this is not the first time إذا انت منت نعسان انا فيني النوم ..صك السماعة لأني بنام .. مزعج . سامي : اوكي ..مابي ازعجج من الصبح ..مع السلامة .. قلت ببرود ونعاس شديد .. هناء: في امان الله .. وصكيت عنه .. رديت سريري ونمت .. على صلاة الظهر..قمت .. توضيت وصليت ..ونزلت تحت ..لقيت طلال قاعد بالمطبخ ..اليوم خميس واجازة .. ما عنده جامعة .. كان ياكل خيار ..وامي تسوي الغدا .. لما شافتني ..قالت .. امي : حياالله العروس .. البنات لما يسمعون جذي يفرحون اما انا كشرت بس ما بين لأمي لأني لفيت عنها وبطلت الثلاجة .. سمعت طلال يسألني .. طلال : خلصتي اغراضج ؟؟ قلت ببرود وملل من هالطاري .. هناء: لأ .. اليوم بروح اشوف الثوب .. مديت ايدي واخذت علبة جبن ..اسكت فيها جوعي .. وصكيت الثلاجة .. طلال : اليوم ما اقدر .. وطالعني وقال .. طلال : سامي بيوديج .. اول ما سمعت جذي ..طاحت العلبة ..وانمزج الجبن بالقاع .. قالت امي .. امي : يووه هناء ..انتبهي مرة ثانية.. ما سمعت شقالت ..ونزلت تحت تمسح الجبن..بس انا وقف تفكيري وعقلي عن كلمة طلال .. وقلت هناء: سامي بيوديني ؟؟ لف وعطاني ظهره وقال .. طلال : ئي .. انا اليوم مشغول .. قلت والدم تجمع في راسي .. هناء: لأ ..ماني رايحة .. امي وطلال طالعوني بنظرات اندهاش وقالت امي . امي : خبلة انتي ؟؟ طلال: لا تخافين ما يعض .. هاهاها..سخيفة ..طالعته باستخفاف وقلت هناء: مو وقت غشمرتك .. صج انا ماني رايحة .. قام طلال وراح للباب يبي يطلع وقال .. طلال: خلاص عيل .. ماكو سوق .. وطلع ..ببساطة قال جذي .. قلت بصوت عالي .. هناء: مو مشكلة بروح يوم ثاني .. قال وهو بالصالة يرد علي .. طلال : ماكو يوم ثاني .. اليوم آخر يوم لج بالسوق ..لأني الأسبوع الياي عندي امتحانات ما اقدر اطلع .. أووووووووه.. وسامي هذا لاحقني وين ما رحت ؟؟ .. العصر كان مرتز تحت ينطرني .. لبست عباتي وشيلتي ..ونزلت ..كان يسولف مع طلال وامي ..ويضحك مع هاني .. لما شافني ..التفت لي ووقف ضحك ..وابتسم لي ابتسامة الصراحة عذاب .. نزلت راسي بارتباك ..ومشينا ..بس طلال اشر لراسه ..يقولي " عقلي ".. لفيت عنه معصبة ..شنو بذبحه انا ؟؟ طلعنا من الباب .. وما صدق الأخ ولف لي وقال وهو يمشي .. سامي : وين الخياط ؟؟ تذكرت اني ما ادله ..وقفت ..وييييه ...يا فشلتي .. وقف وطالعني وقال .. ؟ whatسامي: قلت باحراج .. هناء: ما ادل الخياط .. طالعني شوي ببلاهة بعدين قال .. سامي : خلاص دخلي نادي طلال يعلمني .. وفعلا دل سامي الطريج ..الصراحة .. انحرجت طلعت وحدة هبلة ..امشي وما اعرف وين اروح .. ركبنا السيارة ..ومشينا .. بس اشلون يدل المناطق وهو ما يزور الكويت إلا نادرا مثل ما عرفت من خلود .. سواقته هادية ..كل شي بهالريال هادي .. ملامحه هادية ابتسامته هادية ..الصراحة بسميه هادي .. قطع تفكيري بصوته الهادي ..وقال .. سامي: هناء. بعض المرات تسرحون وتفكرون بولما تنتبهون تنطوقون باللي كنتوا تفكرون فيها صح؟؟ وهذا اللي صارلي ..شوفوا.. لفيت له وقلت .. هناء: نعم هادي .. انتبهت شنو قلت .. وعضيت على شفايفي بقهر ..يا ويلي .. طالعني باستغراب وقال وهو يرد يطالع الطريج .. سامي:?who is Hadi حطيت ايدي على حلجي ابلع ريجي .. رحت فيها ..شنو اقول الحين ..قلت بتلعثم .. هناء: أأ..امم.. هذا ولد جيراننا القديم اسمه هادي . ولف وشبح ابتسامة على ويهه .. سامي : لهدرجة يشبهني ؟؟ كان يتكلم بطريقة غريبة .. حسيته ما صدقني ..واشدعوة انا قلت الصج ؟؟ يارب سامحني .. استغفر الله .. يارب عدي اليوم على خير يالله بعدها ما قال شنو يبي ..حسيته ماادري متضايق ..وصلنا المجمع اللي فيه السوق ..ونزلنا .. دخلنا المجمع والي كان متروس ناس..عوايل وشباب ..وبنات .. حسيت الكويت كلها هني من الزحمة .. قال سامي بضيق .. it’s too crowed سامي : طالعته لقيته يطالع المجمع بملل ..حسيته زعل من اللي قلته بالسيارة .. شنو رح يقول عني .. وحدة صايعة ؟؟ بعد ما نخلص رح اقوله اللي حدني اسوي جذي .. وافك عمري .. دورنا على المحل والحمدلله لقيناه ..قست ثوبي والحمدلله طلع حلو علي ..وعند الكاشير ..طلعت بوكي بس سمعت سامي يحاجي الكاشير .. ؟؟ how much is it :سامي طالعته مندهشة ..امس معطيني طلال فلوس المهر .. والحين يبي يدفع ؟؟؟ قلت وانا امسك ذراعه .. هناء: ماله داعي سامي ..الفلوس عندي ..وانا بدفع .. كان يطالعني بعيونه الفاتحة ..ولما خلصت كلام ابتسم وقال.. سامي : اول مرة تنطقين اسمي .. بهت..بطلت عيوني على وسع ..الدم تجمع بويهي ..وحسيت شراييني بتنفجر .. ضحك سامي بخفة ..ودفع الفلوس ..ولما طلعنا .قال سامي : مابيج تدفعين من الفلوس اللي عطيتج اياها ولا فلس .. طالعته وانا لسة منحرجة من الموقف .. هناء: ليش ؟؟ سامي :جذي ..لا تصرفين منهم شي ..إذا تبين أي شي ..قولي لي انا ..اوكي ؟؟ هزيت راسي بايجاب ..ومشنينا واحنا ساكتين .. نزلنا بالسلم المتحرك .. وقال .. سامي : بعزمج على مطعم حلو ..بس ماادري إذا في مطاعم هني ؟؟ ولف حوالينه يدور بعيونه .. قلت بهدوء هناء: تغديت ..ماله داعي الأكل .. لف لي وخصلة من شعره على عينه .. بعدها وقال .. سامي : تردين ريلج ؟؟ وظل يطالعني ينطر الجواب ..فقلت .. هناء: لا اكيد .. وتنهدت بضيق من داخلي ..متى تخلص هالطلعة ؟؟؟ كل شوي يزيد احراجي .. شفته يؤشر على مطعم .. ودخلنا .. وكان مطعم فخم .. قعدنا ويانا الجرسون .. طلبت اللي طلبه هو مارح اقوله لاني ما اعرفه عمري ما دخلت مثل هالمطاعم .. راح الجرسون ..وكان سامي يطالع اللي رايح واللي راد وانا عيوني على الإعلانات اللي جدامي .. قال فجأة .. سامي : ناس فاضية والله .. طالعته ولفيت برة .كان يطالع شباب شعورهم لفوق جنه قاطين عليهم جرافي ولا واحد حاط صبعه بالكهربا وصار جذي .. قلت .. هناء: ما عندهم سالفة .. سامي : ما كان جذي قبل لما آخر مرة ييت .. طالعته وقلت .. هناء: اشلون يعني ؟؟ سامي : يعني مافي جذي شباب قصاتهم غريبة ولبسهم اغرب ..اول مرة اشوف جذي بالكويت .. هناء: وانت متى آخر مرة ييت ؟؟ سامي : ماادري اعتقد من ست سنين .. واااو..من ست سنين ما شاف الديرة ..اشلون قدر يصبر عنها ؟؟؟ هناء: حلوة امريكا ؟؟ سامي : عادية .. كان يلعب بالشوكة اللي جدامه .. حبيت اعرف اكثر وقلت .. هناء : انزين ليش ييت الكويت ؟؟ طالعني ولسة يلعب بالشوكة .. سامي : ديرتي ..بعدين انا ييت مع دلال ..هي اللي غصبتني .. هناء: وانت ما كنت تبي تيي ؟؟ سامي : لأ .. مالي احد فيها .. ونزل عينه وقعد يشخبط بالطاولة .. هناء: وامك وابوك وينهم ؟؟ بهاللحظة طالعني بحدة ..الصراحة اخترعت من نظرته .. نزلت عيني للإعلان .. وقال سامي : امي وابوي مطلقين .. تفاجأت من الرد ..رفعت عيني لقيته يطالع الشوكة .. وكان يغرسها بالطاولة ..قلت هناء: من متى ؟؟ سامي : من 16 سنة .. أها .. قلت .. هناء: وانت عايش مع منو؟؟ طالعني بانزعاج وقال .. سامي: can we talk later hana? شكلي ضايقته بالإسئلة .. فسكت ..ياه الطلب ..وقعدنا ناكل ..كنت بين الدقيقة واختها الطعه ..كان ياكل بهدوء ..بس مبين عليه متضايق .. كسر سامي حاجرالصمت ..وقال سامي : ما قلت لي انتي شنو داخلة ؟؟ قلت.. هناء: محاسبة .. طالعني بانبهار وقال .. سامي : حلو ..يعني بتقعدين اربع سنين .. هناء: وانت شنو داخل ؟؟ سامي :اقتصاد بالسنة الأخيرة وبتخرج الكورس الياي .. طالعته مندهشة .. هناء: انت للحين بالجامعة ؟؟ طالعني باستغراب وقال .. سامي : يعني اشقصدج للحين ؟؟ هناء: جم صارلك بالجامعة ؟؟ سامي :اربع سنين ...ليش ؟؟ هناء: داخل متأخر ؟؟ سامي :لأ ...ليش هالأسئلة ؟؟ سكت والدهشة تلعب فيني .. هناء:عبالي تخرجت وخلصت طالعني ببلاهة وقال .. سامي : توني ما كملت الخمس وعشرين .. صدمة ثانية .. خمس وعشرين ...واااو.. سامي : ليش شكلي جبير؟؟ قلت : لما شفتك اول مرة عبالي واحد وثلاثين .. طالعني متفاجأ..وقال سامي : لهدرجة شكلي عود ..كبرتيني ست سنين .. ابتسمت ..فقال .. فجأة وبدون سابق انذار مد ايده يبي يوكلني ..وقال سامي : بطلي حلجج .. ابتسمت بارتباك ..وبطلت حلجي وكليت .. وبعدها قعدنا ناكل واحنا ساكتين .. طول الوقت الشوكة والسجين مضايقيني ..انا عمري ما كليت فيهم ولا اعرف .. مليت ..هديتهم وحطيتهم على جنب ..واخذت قفشة ..وبديت آكل براحة.. سامي : ليش هديتي الوكة والسجين ؟؟ هناء: ما ارتاح فيهم .. سمعت صوت الكرسي يتحرك فطالعته ..لقيت قايم وياي عندي ..قعد يمي ..لصق فيني ..وقال وهو ياخذ الشوكة والسجين ..وقال سامي : انا بعلمج عليهم ..مسكي .. طالعته منحرجة وبنفس الوقت متفاجأة ..طالعت حوالي اشوف الناس ..بس قال هو سامي : محد طلع من بطن امه عالم ..مسكي انحرجت زيادة ..واخذت الشوكة بعدني السجين ..وهو هني مسك ايديني وقعد يعلمني .. بتسألون عني ؟؟ بقولكم .. ابي الأرض تنشق وتبلعني ..احترق ويهي من الفشلة والأحراج .. من قعدته يمي ومن لمسته من الموقف كله.. سألني بالأخير .. سامي: ها؟ ..understood؟ ولا ما كنت معاك اصلا .. بس قلت وللمرة الثانية اجذب .. هناء: ئي .. بس شكله القعدة حلت له ..ماقام ..وقعد يطالعني اشلون آكل .. لما خلصت قال .. سامي: Good girl ابتسمت على تعليقه ..شايفني ياهل .. قمنا وردينا السيارة .. ولما وصلنا البيت قال قبل لا اطلع من السيارة .. سامي : عندج صورة ؟؟ هناء: ئي ليش ؟؟ قال وهو يطالع الشارع .. سامي : لازم اقولج ؟؟ هناء: طبعا .. اشتبي فيها ؟؟ كنت اتكلم متنرفزة من الموقف الأخير .. طالعني باستغراب ..وقال سامي : اشفيج معصبة ؟؟ إذا ما تبين تعطيني خلاص مو مشكلة .. استحيت على روحي ..وقلت .. هناء: آسفة .. بروح اييبها لك .. سامي: .. never mind تنهدت وطلعت .. ودخلت البيت ..ورحت داري ..دورت على الصورة ..واخيرا لقيتها .. لما رديت له مرة ثانية ..لقيته يحاجي ....يحاجي ... عصام !!!!! انشلت ريولي ..وما قدرت اكمل .. تذكرت حبي اللي المكتوم ..حبي اللي دفنته غصب .. حبي اللي ضاع سدىً ..تشجعت ومشيت لعندهم .. ابتسمت مجاملة ..وقلت هناء: السلام عليكم .. لف لي عصام وقال .. عصام : وعليكم السلام ..اشلونج هناء ؟؟ نزلت راسي وخليت ريولي تلعب بحبات الرمل اللي جدامي .. هناء: الحمدلله ..انت اشلونك ؟؟ عصام : انا بخير .. يلا استأذن انا .. رفعت راسي بسرعة ..لا لاتروح .. مابيك تروح .. ابتسم لسامي وسلم عليه ومشى ..كانت نظراتي تلحقه ..ولما دخل داخل لفيت لسامي اللي كان يطالعني بملامح خالية من التعبير.. تذكرت الصورة ومديت ايدي وعطيته .. اخذها ولسة عيونه علي ..أشفيه هذا ؟؟ قال وهو يلبس نظارته الشمسية .. سامي : مع السلامة .. ما دريت عليه لأني كنت اطالع البيت .. قال بصوت شوي عالي سامي: hellow ..I’m here انتبهت ..ولفيت له ..وقلت باحراج اللي لازمني طول الطلعة .. هناء: آسفة .. كنت سرحانة .. قال بطنازة .. سامي : realy?? thanks for the information طالعته كنت ابي ابط عيونه ..بس ماباليد حيلة ..سلمت ..ودخلت داخل ... وهاذي اول طلعة معاه .. الله يستر من الباجي .. وراي حياة رح اعيشها معاه بفرحها .. بحزنها ..ببلاويها ومصايبها .. ياترى رح نكون انا وهو كفؤ للمرحلة الياية ؟؟؟ هذا اللي رح تحمله لنا الأيام الياية ... |
موفقة باذن الله يا حبيبتي ان شاء الله نقراها وتعجبنا :mo2::flowers2:
|
مرحبااااااااااا .. اشكرك على الدعوة الكريمة ان شاء الله اتابع معك القصة للنهاية تسلمى على مجهودك |
ان شاء الله نقرأها ونعطيك رأينا فيها عزيزتي:flowers2:
شكرااااااااا على المجهود الطيب وبالتوفيق:flowers2: |
تسليمن حبيبتي
ان شاء الله تحصلين الاقبال اللي ف خاطرج |
:friendsتس]
تسلمين لي ام الجوجو صراحه انا قريت الروايه وقليله فيها روعه واتمنا كل البنات يقرونها تسلمين لي يارب :friends: |
الروايه باين عليها حلوه مشكوره على الدعوه يعطيك العافيه |
السلام عليكم يعطيكى العافيه / ام الجوجو على النقل .. تسلمى حبيبتى القصه حلوه يا ريت تكمليها عشان نعرف ما سيحدث لهناء مع سامى و كيف ستكون حياتهم فى امريكا و لا ننسى ايضا طلال و خلود و باقى الشخصيات بانتظارك ان شاء الله دمتى بكل الود و الحب |
مساء الخير حبيباتي اشكر كل وحده تفاعلت معي <<المهم نرجع لى لروايه اتمنى تستمتعون فيهااا لا تنسون تضغطون ايقونة الشكر اذا اعجبتكم <<فيس يكسر الخاااطر الحلقــــــة الرابعة " حبل الوداع " صار له جم يوم ما سأل ولا دق .. من بعد ذاك اليوم ..حسيته يبي يقولي شي..بس يكتفي بالنظرات الغريبة ... شكلها دلال نست تقولي انه يحب يقط نظرات غريبة .. وبالذات لما قطني عند باب البيت ..تهقون حس باللي فيني ؟ يتني خلود العصر ..وقعدنا نسولف ونضحك ..وسألتني سؤال مباغت ما توقعته .. خلود : تحبينه؟؟ طالعته بخوف .. هناء : منو؟؟ قالت .. خلود : منو يعني ؟؟ ريلج ؟؟ ما رديت عليه ..لأن التلفون رن ..طالعته وكان سامي ..رديت خزيت خلود وقلت .. هناء: جبنا سيرة القط ياه ينط .. وحطيته عند اذني وقلت .. هناء: السلام عليكم .. سامي : وعليكم السلام .. كان صوته مبحوح .. واعليه .. سامي : اشلونج هناء ؟؟ هناء: اشفيه صوتك ؟؟ سامي: صوتي رايح ..جوكم اعوذ بالله .. حار وايد .. قلت بابتسامة .. هناء: انزين ...الناس تمرض بالجو البارد مو الحار ..؟ كح ..بعدين قال .. سامي: انا مو متعود على الجو .. قلت وانا اضحك عليه .. هناء: صحة صحة .. دير بالك على روحك .. سامي : انا اللي ادير بالي على روحي ؟؟ كأن قط نغزة!!!..بس ما فهمتها ..نزلت راسي وقلت وانا العب باصبعي وخلود لازقة فيني .. هناء: ئي انت منو عيل ؟؟ عطس فقلت .. هناء: يرحمك الله .. سامي : يهدينا ويصلح بالكم .. المهم انا داق عشان اقولج ااختي دلال عازمتج انتي وعمتي واللي يعز عليكم عندها اليوم على العشا.. لااااااا.. دلال مرة ثانية ؟؟ تنهدت من داخلي وخلود استانست ..طالعتها باستنكار عشان تسكت ..بس صوتها طلع . فقال سامي .. سامي : منو عندج ؟؟ كنت ماسكة ايد خلوداقعدها وقلت .. هناء: لا هاذي رفيجتي ..ما قلت لي انت بتيي ؟؟ سامي : اكيد ..العزيمة لي ولج ..ولا ما تبين؟؟ وقالها بلهجة غريبة .. ماادري اشفيه هذا ؟؟ هناء: لا اكيد ابي ..متى اليوم ؟؟ سكت شوي وقال .. سامي : لو انتبهتي للي كنت اقوله كنت عرفتي اني قلت اليوم ..صح ؟ استنكرت لهجته.. بهاللحظة دخلت امي ..وقالت .. امي : خلود امج تحت .. وطلعت هي وخلود ..وقال سامي .. سامي : طلعت اللي عندج؟؟ قلت بعصبية .. هناء: ئي طلعت ..عندك مانع ؟؟ سامي:اشفيج ؟؟ هناء: اسأل روحك ..من اول ما حاجيتني وانت تقط نغزات علي .. سامي : ما قلت شي .. هناء: سامي إذا عندك شي قولي اياه كاش بالويه لا تقط نغزات تراني ما احبها .. سكت جنه مصدوم من اسلوبي وكلامي ..وقال بصوت خافت بهمس .. سامي : ولا انا احبها ..بس شكلج تبين تهاوشين وانا بروحي ما فين صوت ولا شدة .. مع السلامة .. وصك بويهي .. الحين انا الغلطانة ولا هو ؟؟ حذفت التلفون ..مالت عليك ..مارح اراضيك لأني مو انا الغلطانة ..واللي ماتوصله بايدك واصله بريلك .. نزلت تحت وشاركتهم القعدة ..وقلت هناء: يما ترى دلال عازمتنا على العشا اليوم .. قالت امي .. امي: خير ان شاء الله ..عيل قومي تزهبي عشان نروح .. قلت هناء: لا انا مابي ..انتوا روحوا .. طالعتني امي باستغراب وقالت خالتي ام عبدالله .. ام عبدالله : ينيتي انتي ؟؟ توج تقولين المرآة عازمتكم ..اشحقة ما تروحين ؟؟ قلت بدون اهتمام.. هناء: مالي خلق .. قالت خلود وهي تحاجي امي .. خلود : الصراحة خالتي ..بنتج ..ترفع الضغظ .. امي: ئي والله .. وطالعتني ..وقالت . امي: قومي قومي ...روحي بدلي وادق على طلال يودينا .. قلت بعناد .. هناء: مابي ..مالي مزاج اطلع انتوا روحوا .. بطلت امي عيونها على وسع ..وقالت امي: نروح والعزيمة لج ؟؟ غمضت عيوني ..الحين الهوشة بتبتدي ..قلت بملل .. هناء: يما مابي اروح..خلاص انا عندي حل ..دقي على دلال واعتذري لها .. وقفت بعصبية وقالت .. امي : مالت عليج من بنت .. تبين تفشلينا جدامهم .. روحي بدلي اشوف ولا تكثرين حجي .. أفففففف ...طلعت ووراي خلود وانا كارهة هالسامي .. هين يا سامي انا اوريك .. لبست بدلة العيد القديمة عمدا وما حطيت مكياج ولا تكشخت ..حتى عطر ما حطيت ..وامي خالتي وخلود كلهم معارضين للبسي ..بس انا اصريت .. وصلنا خلود وامها بالأول ..ورحنا لبيت الزفت ..طبعا مو بيته بيت اخته .. اول ما دخلنا الحوش ..شفت يهال يلعبون ..ومعاهم الخدامة .. بيتهم فخم ..لما نزلنا من السيارة ..كانت دلال باستقبالنا .. دخلنا البيت .. والي كان عبارة عن صالة ..مو صالة قولي ملعب كامل .. وثريا شوي وتلمس الأرض معلقة بالسقف ..مااقدر اوصف اكثر من جذي .. قعدتنا .. دلال: حيالله من يانا ..حيالله هناء وطالعتني وهي تبتسم ..فقلت مجاملة.. هناء: الله يحييج .. قالت امي .. امي : ما شاء الله ..بيتكم حلو.. قالت دلال وهي تطالع البيت .. دلال : والله هذا من ذوقج يا ام طلال .. بهاللحظة دخلوا اليهال ..اثنين ويوا عند امهم .. دلال : حمودي وينها اختك ؟؟ قال ببراءة وهو يؤشر برة .. حمودي : خالي معاها .. طالعتني دلال وقالت .. دلال : كاهو ياه سامي .. جني كنت انظره يعني .. نزلت راسي ابتسم ابتسامة استهزاء .. سمعت صوته وهو داخل وشايل البنت .. سامي: السلام عليكم .. وكان صوته على حاله .. قالت امي .. امي : وعليكم السلام ..اشلونك يما سامي ؟؟ قال وهو يقعد .ويحط البنت بحظنه .. سامي: الحمدلله عمتي ..انتوا اشلونكم شخباركم ؟؟ طالعتني امي جنها تقولي "تحجي " بس انا لفيت ويهي .. لو تموت ما رح اراضيك .. امي : احنا الحمدلله ..هو ..سامي ..اشفيه صوتك ؟ سامي : والله يا عمة ..ماادري..مو متعود على الجو .. قالت دلال .. دلال : صارله يومين مصخن .. اقوله روح الطبيب مو راضي .. قال سامي وهو يحاجي اخته .. سامي: مااحب المستشفيات ..روحتهم تييب المرض .. حرام مصخن ..يعني اللي صار بينا من الصخونة اللي يت له ..وانا ما استحي على ويهي اللي ما سألت عنه ..خلاص عذرته .. قلت اخيرا .. هناء : اشلونك سامي ؟؟ قال وهو يحاجي امي .. سامي : إلا عمتي ما قلت لي طلال اشلونه ؟؟ بغيت بهاللحظة الأرض تنشق وتبلعني .. طنشني ولد الـ.... مسكت حبل جنطتي بعصبية بغيت اقوم ازنطه فيه .. لفيت ويهي عنه .. امي : طلال الحمدلله ..بخير .. خلاص ما باقي له شي ويتخرج ان شاء الله .. هني قامت دلال وهي وتقول دلال : شكله العشا جهز ..حياكم .. امي قامت ..وسامي وراها ..بس انا كا فيني بركان ...قمت ومسكت ايد سامي ويريته شوي وقلت .. هناء: اطنشني جدامهم؟؟ ..وانت اللي المفروض تراضيني ؟؟ قرب ويهه مني وقال ببرود وجمود .. سامي : عشان ثاني مرة تأدبين ولا ترفعين صوتج علي .. وبعَد ايدي ومشى ..انصدمت من حركته ..انا اوريك ..رحت وراه ودخلت غرفة الطعام ..وقعدت جدامه قاصدة .. امي يمي ودلال براس الطاولة وسامي جدامي .. وسمينا وقعدنا ناكل .. امي من بين فترة وفترة تسولف مع دلال ..او سامي .. امي : ما قلت يما ..امك وابوك ليش ما يوا يخطبون هناء منا ..؟ طالعته بانتصار ..لأن اعرفه ما يحب هالطاري ماادري ليش ؟؟ سماي طالع دلال ..ودلال ردت بس بارتباك .. دلال : والله يا عمة ..امي وابوي مطلقين ..ومايدرون ان سامي تزوج .. بغيت اغص باللقمة ..مايدرون؟؟ امي قالت باندهاش .. امي : مايدرون ؟؟ يعني اشلون ما يدرون ؟؟ طالعت دلال سامي اللي كان ياكل بهدوء ولا عليه .. قالت دلال دلال : الصراحة ..مو موافقين .. امي هني وقفت ..وقالت بعصبية .. امي : مو موافقين ؟؟ انتوا ناسبتوا ناس من الشارع عشان امج وابوج ما يوافقون ؟؟ قال سامي .. سامي :عمتي اهدي .. ابوي مايدري عنا ولا يعرف حتى اشكالنا ... وامي متزوجة واحد ثاني وهي بعد ما تدري عنا ..يعني باختصار امي وابوي مايدرون عنا .. كملت دلال وقالت .. دلال : اصلا انا ابوي ميت ..وانا وسامي اخوان من ام .. ابو سامي مطلق امي من 16 سنة ولا يدري عن سامي شي .. وامي تزوجت للمرة الثالثة وبعدها انقطعت اخبارها .. هدت امي شوي ..وقعدت قالت دلال تراضي امي .. دلال : انتوا الزين كله يا ام طلال لا تحطين في بالج انكم رخاص انتوا غاليين علينا كافي ان ناسبناكم واخذنا القمر .. وطالعتني وانا ابتسمت لها ..هدت الأمور ..وقعدنا ناكل بهدوء وردت امي تسولف مع سامي ودلال بعد ما اتعذرت منهم .. وانا الأفكار تلعب براسي ..عشان جذي يتضايق كل ما اكلمه عن امه وابوه .. وطالعته ونظراتي ما كانت تخلو من الأنتقام ..هين يا سامي انا تقولي جذي ..انا اعلمك .. هناء: إلا صج دلال عندكم اخوان من امكم؟؟ قالت ببساطة .. دلال : وحدة من زوجها الثالث .. وطالعت سامي إللي بدا ويهه يتغير ..وانا هني ابتسمت .. وكملت .. هناء :ما عندج اخوان من ابوج ؟؟ قالت دلال دلال : كان عندي بس توفت ..بس سامي عنده من ابوه .. هني قام سامي وقال وهو يقط القفشة بعصبية .. سامي : الحمد لله .. وطالع من الغرفة ..طالعته وشبح ابتسامة بويهي ..بعد دقايق سمعت صوت مسج ..بطلته وكان من سامي .. " حلوة منج.." عشان تعرف اني مو هينة ... بعد العشا كنا واقفين بالشارع نودع دلال ..وسامي كان يحاجي طلال ..امي مسكت ايدي وقالت .. امي: روحي سلمي عليه .. ودزتني عشان امشي ..تنهدت بضيق وكره ..ورحت .. كان يتكلم ولما شافني ياية سكت ..وطلال لف ولما شافني قال وهو يبتسم .. طلال: اخليكم عيل .. وراح .. نزل سامي راسه للأرض ويلعب بالرمل بريوله .. وانا واقفة مثل الصنم مو عارفة شقول ..والهوا حار يطق عباتي ويطير شيلتي .. قلت اخيرا ومضطرة .. هناء: آسفة .. وطالعته ..رفع راسه وقال .. سامي : على شنو ؟؟ قلت بتلعثم .. هناء: على اللي سويته .. قال وهو يتجتف .. سامي : وشنو اللي سويتيه ؟ يا حول .. قلت بنفاد صبر .. هناء: اللي سويته بالعشا .. قال هو .. سامي : قصدج انج تجرحيني بذكرج لسالفة امي وابوي ؟؟ .. طالعت انا الأرض ..وقال وهو يتقرب مني ويوقف جدامي بالضبط .. am I clear?سامي : هناء ..إذا تبين نعيش بسلام لا تيبن لي طاري امي وابوي هزيت راسي بايجاب وتفهم ..قال سامي : تجهزيتي ؟؟ الحمدلله غير السالفة ..قلت اتجاوب معاه .. هناء: ئي ..خلاص تقريبا خلصت كل شي .. ونزلت راسي وتذكرت عصام ..ماادري شلي خلاني اتذكره ..بس تعوذت من ابليس وطرت صورته من خيالي .. رفع سامي ويهي بايده وقال بصوت خافت .. سامي : آسف إذا ضايقتج او بدر مني شي ما عجبج .. قلت وانا انزل نظراتي للأرض .. هناء: انا اللي آسفة ذكرتك بشي مو لازم اذكرك فيه .. قال .. سامي :حبيبي ..طالعيني .. انا هني ويهي ولع .. اول مرة يناديني حبيبي .. رفعت نظري له لقيته يبتسم .. سامي: إذا في يوم ضايقتج ..قوليلي عشان اقط روحي من الدريشة .. قلت وانا ابتسم بخجل .. هناء: لا اشدعوة !! .. كل زوجين يمرون بهالأشياء .. سامي :انا مالي شغل بالباجين ..انا لي شغل فيج وبس .. وقتك انت بعد .. خلاص درينا انك راضي .. قلت وانا انزل نظراتي للأرض مرة ثانية .. هناء: ممكن اروح ؟؟ ضحك بخفة وبعدها كح .. قلت وانا احط جتفي عليه .. هناء: صحة صحة .. بعدما انتهت نوبة السعال ..طالعني بعيونه الفاتحة .. سامي : روحي لا تتأخرين .. وابتسم لي رديت البيت وانا اتذكر اللحظة اللي اجمعتنا قبل شوي .. يا زينه يوم يبتسم ويضحك ..والصراحة يخرع لما يزعل .. مرت الأيام وباجر ان شاء الله عرسي .. بدا الجهيز الأصلي ..طلال ماسك خيمة الرياييل وعبدالله وعصام وعيال عمي معاه ..وامي وخالتي وخلود وانتصار وبنات خالتي وعمي كلهم بالقاعة مالت العرس .. امي منعتني اني اشوف القاعة ماادري ليش .. وبيوم العرس يت الكوافيرة وسوت شغلها .. بهاليومين ما كان يدق سامي ..بس بينا مسج .. بعد ما خلصت دزيت مسج حقه وقلت .. " انا الحين داخلة القاعة " ونزلت تحت وطلال كان ينطرني ومشينا القاعة .. دخل معاي طلال وهاني على يباب الحريم امي اولهم طبعا .. ووصولني للكوشة ..باسني طلال على راسي وقال .. طلال: مابيج تشيلين علي ..مبرووك قلت ودموعيتنزل وامسك ايد طلال بقوة .. هناء: طلال لا تروح ..مسامحتك بس لا تروح .. ضحك هاني وقال .. هاني : ياحظي ..ريلج بيخترع من ويهج ..طالعي ويهج اشلون صار ؟؟ قلت وانا امسك بقوة اكبر .. هناء: مالي شغل ..لا تروح طلال.. قال وهو يهديني .. طلال: هناء شلعتي ايدي ..خلاص يبا انتي الحين مرة متزوجة..بعدين مايصير اقعد بقاعة متروسة حريم ..يلا عاد .. وسحب ايده واخذ هاني وراحوا .. بعد ساعة دخل سامي .. اللي كنا الصراحة هيبة .. لابس بشت ومتكشخ ..طالع احلى .. ويا قعد يمي .. باسني على راسي وحط ايده وقال دعاء الرسول .. وقفنا كلنا نصور وخلود اللي ما تستحي ماادري شلي ياها اليوم وقفت يم طلال ..بس طلال طالعها باستنكار ووقف يم امي بالناحية الثانية .. احسن تستاهل .. بغيت اضحك بس مسكت عمري .. مسك ايدي سامي وطالعنا من القاعة ..ورحنا شقته ... قال وهو يبطل الباب .. سامي : حياج .. ودخلت .. قعدت عند اول قنفة ..وانا خلاص مستحية حدي .. قعد يمي سامي ..وظلينا ساكتين ..بس قلت .. هناء: يوعــ.... سامي : ما تبــ.... تكلمنا بوقت واحد ..ضحكنا وقال سامي .. سامي : ما تبني تاكلين ؟ قلت وانا ابتسم .. هناء: بغيت اقولك جذي بعد ..خلاص بروح ابدل وامسح الميكب اب واييك .. رحت داخل وفصخت الثوب ومسحت المكياج ..وعدلت شعري ..وطلعت من الغرفة ..شفته مزهب العشا وقاعد ينطرني ..قلت ناء: ليش عابلت على روحك ..كنت سويته انا ؟؟ قال وهو يطالعني بتفحص .. سامي :طولتي داخل وانا يوعان قلت اسوي عشا احسن .. ويا ليته كان عشا محترم ..جبن ومربى وجاي وخبز ..لا تعبت عمرك .. قلت وانا اضحك .. هناء: الحين هذا عشا ؟؟ قال وهو يطالع الأكل .. سامي : والله بغيت ادق على المطعم بس تلفون مقطوع والموبايل ناسيه عند دلال .. قلت وانا امد ايدي للخبز.. هناء: انت شكلك تحب دلال وايد ؟؟ قال وهو يصب الجاي .. سامي : امي هاذي الي ما يابتني .. هي اللي ربتني .. قلت وانا آكل .. هناء: بس تصدق اول مرة ادري انكم اخوان من ام .. طالعني شوي بعدين قال .. سامي : ما احس جذي انا ...وما تفرق عندي اصلا .. قلت وانا اهز راسي بتفهم .. هناء: بس شفت دلال ما شفت اختك اللي من ابوك ؟؟ قلت هالسؤال وانا ناسية اللي وصاني عليه .. قال وهو يهد المطارة .. سامي : هناء.. وطالعني باستنكار ..قلت بسرعة .. هناء :آسفة ..آسفة .خلاص وعد ما اييب لك طاريهم .. وسكتنا ..قلت .. هناء: انزين ليش ما تبي احد اييب طاريهم ؟؟ هد الخبزة وبغى يقوم .. قلت وانا امسك ايده .. هناء: خلاص خلاص .. والله ما اسألك سؤال يخصهم .. وقعد وهز راسه كأنه يقول "مو صاحية" .. اليوم الثاني رحت بيت اهلي اودعهم ..لأني مسافرة .. كنت ابجي بجي جنه ميت لي احد .. وطلعنا انا وسامي المطار .. كنا سامي مستنانس انه بيفارق الكويت ..لهدرجة ما يحب اهله ؟؟؟ رطبنا الطيارة ..ولأي ما احب اقعد ساكتة ..قعدت اسولف مع سامي .. هناي: ما قلت لي بأي ولاية بنسكن ؟؟ سامي: نيوجيرسي .. هناء: واشمعنة نيوجيرسي ؟؟ سامي : لأن اغلب العرب والمسلمين فيها ..وانا عايش هناك اصلا .. اهاا ... قلت هناء: انزين ..عند ربع هناك ؟؟ طالعني كأن سؤالي غبي وقال .. سامي : عيل تبين اعيش بروحي احاجي الطوف ؟؟ قلت وانا اضحك على جملته الأخيرة .. هناء: موقصد ..بس شكلك انطوائي .. سامي: بس بالكويت ..اما بأمريكا غير .. هناء: واشمعنة ؟؟ بس عشان اهلك فيها ؟؟ وحطيت ايدي على حلجي ..اشقلت ؟؟ اشسويت ؟؟ طالعني سامي بنفاد صبر وقال .. سامي : ما عندي اهل فيها .. وبعدين للمرة الألف قلت لج لا تيبين طاري اهلي .. هناء: آسفة ... مارد علي وغمض عيونه شكله بينام .. مالت عليك ..وطلعت لساني له .. الله يستر من طبعه .. مرة زين ..مرة شين ..مرة شحالته مرة اييب المرض .. انا ما يهمني ابي اكمل دراستي وخلاص .. تسندت على الكرسي وغمضت عيوني انشد الراحة .. ماادري شنو رح تشيل الأيام لي من مفاجأت .. انا الحين مقبلة على مرحلة يديدة ومعاي سامي .. والله يستر من هالسامي .. الحلقـــة الخـــــامسة "نقطة وصول" طارت الطيارة وانا كلي امل بالسعادة ...التفت ناحية سامي لقيته مغمض عيونه شكله نايم ..لفيت للدريشة اطالع السحب وغمضت عيوني اتخيل نفسي طايرة ومتعلقة بالسما مثلهم بدون اجنحة .. الله لو يتحقق هدا .. بطلت عيوني وانا ابتسم على خيالي الخصب .. حسيت ان في عيون تطالعني ولفيت وكانت عيون سامي حرقتني بنظراتها ... قال بصوته الهادي وهو يؤشر برة .. nice …right?سامي: هزيت راسي وانا منحرجة لا يكون شافني وانا ابتسم ..بيقول عني مينونة ..يا فشلتي ... شفته يقوم ويمسك الجنطة ويطلع كتاب ويردها داخل مرة ثانية .. وقعد وبطله ... طالعت غلاف الكتاب ..وكان عن عنوانه غريب ما فهمته ...بس شكله يتكلم عن الإقتصاد وتعلقها بالسياسة .. انزين بدل ما تقرا ليش ما تسولف وياي ملل الطيارة .. أفففف .. لفيت للدريشة بقهر ..احاجي منو انا الحين ؟؟ ماقدرت اصبر ..قلت وانا التفت له .. هناء: الحلو الكتاب ؟؟ قال بدون ما يبعد عيونه عن الكتاب .. سامي : لو مو حلو ما كنت قريته.. عضيت شفايفي بقهر ..حتر ما كلف على روحه يطالعني وانا اكلمه ..ولا ردوده مثل ويهه ..مالت عليك .. قلت وانا احاول محاولة ثانية ... هناء: انزين ما قلت لي ..عندك احد يستقبلنا هناك ؟؟ قال وبنفس الحركة .. سامي : عامر رفيجي هناك قلت له اني بيي .. هناء: تثق فيه ؟؟ واخير طالعني وقال .. سامي : اكيد .. ورد للكتاب ..يا اخي حاجني ..كلمني .. زهقت انا اللي اتكلم ..بس شكلك يا سامي ما تيي إلا بالغصب .. هناء: من متى تعرفه ؟؟ طالعني باستغراب وقال .. who?سامي: لا الريال مو معاي بالمرة .. قلت بقهر وانا الف عنه .. هناء: محد..سلامتك سمعته يقول .. سامي: قصدج عامر ؟؟ من الثانوية ..كنا ندرس مع بعض .. ابتسمت خفية ولفيت له ..وقلت هناء: بامريكا ولا الكويت ؟ قال وهو يرد للكتاب ..لالالالاااااا... سامي : بامريكا.. قلت باندهاش .. هناء: انت دارس الثانوية بامريكا ؟؟ لف لي ولما شافني مندهشة قال ببساطة .. so what ?سامي: قلت بحماس .. هناء: لا يعني ..بس احس الحياة هناك غير .. طالعني شوي بعدين قال وابتسامة طفيفة على ويهه .. سامي : صج الحياة هناك غير ..بس ما تغني عن الديرة .. قلت .. هناء: لا الديرة غير ...اهلك معاك واصحابك ..بس بامريكا تعتمد على روحك ..مو بس امريكا دول اوروبا تقريبا .. صك الكتاب وقال .. سامي : بس بدون اهل ..تعتمدين على روحج بس اهلج بعيدين عنج ..وهذا اصعب شي .. حسيته يتكلم بحساسية ..كأن الكلام نابع من قلبه .. هناء : وانت ما عشت ويا اهلك ؟؟ طالعني مصدوم من سؤالي ...فتداركت نفسي وقلت اغير الموضوع قبل ما يعصب وامسك الكتاب واطالع غلافه .. هناء : ما قلت لي عن شنو يتكلم الكتاب ؟؟ قال وهو يبعد الكتاب عني بضيق .. سامي :اقتصاد والسياسة .. حسيته زعل .. قلت .. هناء: وانت تحب السياسة ؟؟ قال وهو يصك الكتاب بقوة ..ويطالعني .. سامي : لأ ..ولا اشتهيها .. وقام رد الكتاب لمكانه وقعد ونام ... افففففف ..بالله هاذي حاله؟؟ سلمت امري لله وسندت ظهري للطيارة ونمت .. بطلت عيوني وشفت الناس تتجه للباب ..عدلت قعدتي ولفيت للدريشة شفت الطيارات والناس رايحة رادة ..وصلنا .. الطيارة فظت تقريبا واحنا لسة قاعدين .. لفيت لسامي لقيته لسة نايم ..تنهدت بعصبية ..وقعدت اهزه اصحيه .. هناء : سامي ..سامي قوم وصلنا .. بطل عيونه وطالع حواليه بعدين طالعني وقال وهو يرد خصله من شعره ورا .. سامي : ما حسيت بالوقت ..قومي .. وقمنا وطلعنا من الطيارة .. واتجهنا للمطار .. لقينا هناك عامر رفيجه .. وصلنا البيت ..طبعا الطريق شوي بعيد ..بس لهيت عمري بالمناظر الطبيعية ..سبحان الخالق ... وسامي وعامر يسولفون جنهم مو شايفين بعض من قرون ..كلها شهر .. وقفت السيارة ومعاها وقفت سوالفهم اللي دوخت راسي ..بس تصدقون لاحظت ان عامر هو اللي يتكلم اكثر شي وسامي يسمع او يرد على اسئلته ..وااااي حتى مع ربعك ؟؟ وقفنا جدام بيت حلو .. بسيط حديقة وسياج يحيط فيها ..راح عامر ..ودخلنا الحديقة .. بطل سامي الباب ودخل هو اول بعدين انا ..انبهرت بالأثاث ..لونه حلو .. ازرق وبيج .. بس سامي قال .. what this?سامي: وقالها باستنكار .. طالعته وقلت .. هناء: شنو ؟؟ تنهد وراح للتفلون ودق رقم .. وتكلم بس ما سمعته ..بس سمعت صوت ضحكته اللي اول مرة اسمعها .. يا حليله ..يازين ضحكته ..مو جني اتغزل فيه ؟؟ مسكت الجنطة ..وتجدمت من سامي اللي صك السماعة ..وقلت.. هناء: وين الغرف ؟؟ قال وهو يمد ايده للجنطة ويشيلها عني .. سامي : تعالي .. دلني وكانت غرفة روعة ..كان لون الشراشف والأغطية ذهبي وبيج ..ماادري شسالفة البيج.. قلت بانبهار .. هناء: حلووو.. ابتسم وقال .. سامي : عجبج ؟؟ قلت بحماس .. هناء : اكيد ...البيت كله حلو .. مسكني من ايدي بغتة ..وسحبني وراه وقال .. سامي : ما وريتج المطبخ ولا الحديقة اللي برا ..وبالفعل كانت تستحق صورة .. بعد ما شفت البيت ..رحت فوق ورتبت الملابس وصفتهم بالكبت..دخل سامي علي وقال .. سامي : لا تعبالين على عمرج ..صوفي بتسويه .. طالعته باستنكار . هناء : ومنو صوفي هاذي ؟؟ طالعني باستغراب وقال .. سامي : الخدامة .. استحتيت على عمري ..لأني ظنيت فيه ظن السو.. قلت بارتياك وانا امسك قطعة من الملابس.. هناء: مابي خدم ..انا ما احب الغرب يدخلون بيتي .. طالعني بملامح جامدة وقال .. سامي : صوفي مو غريبة . هديت اللي كنت ماسكته وقلت وانا اتخصر .. هناء : اكيد متعود عليها .. قال ببرود ... سامي : طبعا ..هي اللي تسوي لي شغل البيت كله ..ولا تبيني اعيش بفوضى ؟؟ قلت وانا اتقرب منه وضيق حدقة عيني .. هناء: من اليوم ورايح ما رح تعيش بفوضى .. طالعني بتمعن وركز عينه بعيني ..وظلينا جذي لدقايق وانا الدم واصل لراسي من الفشيلة بس مابي ابين له اني هونت ..فدققت بعينه ..وقال اخيرا وهو يبتسم .. as you likeسامي:خلاص... ومسك الملابس وقعد يرتبهم ..فقلت هناء: شقاعد تسوي ؟؟ قال وهو يحط الملابس بالكبت .. سامي : اساعدج .. قلت .. هناء: ماله داعي ..انا برتبهم .. قال وهو يصفط قطعة ثانية .. سامي : انتي مو احسن مني .. اعجبت بتصرفه الصراحة ... ابتسمت وقلت .. هناء: شكلك من مناصري المرأة .. قال باستغراب .. سامي : شكو؟؟ قلت وانا امسك قطعة ثالثة .. هناء: عمري ما شفت ريال يساعد مراة.. سامي : ولا انا ..بس تعودت اني ارتب ملابسي بنفسي .. احبطت ..عبالي بيقولي ..انا وانت واحد ..مالت على حظي ...الريال ريال ما تغير حتى لو راح المريخ .. خلصنت ترتيب ...سمعنا صوت التلفون يرن..ما تحرك سامي ..وكمل ترتيب ..رن مرة ثانية ..قلت هناء: التلفون.. قال بدون اهتمام .. I knowسامي: تدري وما ترد ؟؟ هناء: روح رد عليه .. صك الكبت ولف لي وقال .. سامي : ردي انتي ..مالي خلق انزل تحت .. نزلت تحت ورفعت السماعة وقلت .. hellow هناء: hi …is sami here?: الطرف الثاني حرمة ...ولا تبي سامي بعد ..طالعت فوق وقلت بخاطري ..هاذي اولها ..ناديت عليه ..وعطيته السماعة ..ووقفت وراه اسمع شنو يقول ..وكان يتكلم بالعربي .. سامي : هلا .. "............................" تغير ويهه ..بعدين تنهد بعصبية وقال .. سامي : اشلون عرفتي رقمي ؟؟ "................................." قال بعصبية.. سامي : لا تحاولين ..ولا تفكرين اصلا .. وصك السماعة بقوة ..بغى يكسرها ...ومشى ..قلت هناء: منو اللي كانت على التلفون ؟؟ طالعني بحدة واخذ نفس بعدين قال .. no oneسامي: وصعد فوق ...اشفيه عصب ؟؟؟ ما حبيت اضغط عليه ..رحت المطبخ اسوي لنا لقمة ..صعدت فوق اناديه عشان ياكل ..لقيته قاعد على السرير سرحان .. قلت بصوت خافت شوي.. هناء: سامي .. مارد علي ... ناديته واخيرا لف لي ..قلت هناء: ماتبي تاكل ؟؟ غمض عيونه بتعب وتنهد فقلت بحنان.. هناء: مهما كان الإتصال مزعج لا تخليه يضايقك .. بطل عيوني وطالعني لثواني بعدين قال وهو يمسك ايدي برقة .. سامي : دامج وياي مافي شي يضايقني .. بطلت عيوني على وسع ..هيييه ..دخلنا بالمغازل ؟؟ ... اول مرة يقولي هالكلام.. مرر ايده على خدي وقال بصوت عذاب ... سامي : حبيبي مابيج تزعلين مني اذا ما كنت متجاوب وياج في اي شي .. وبعد ايده وقال .. سامي :انا بس ..بعض المرات اكون مشوش .. ابستمت له بخجل وقلت . هناء: عادي انا اللي مابيك تزعل من لقافتي ... قال وهو يلعب بشعري الأسود... سامي : احلى لقافة .. نزلنا تحت وقعدنا ناكل بهدوء ..كنت آكل وفكري شغال ..أسرني بكلامه ...تذكرت اللي صار فوق ..طل رومانسي الأخ ... فاجأني يقول .. سامي : هنوتي .. لازم تدخلين معهد ..تاخذين كورس باالإنجليزي .. هنوتي؟؟!!! مسرع طيح الميانة .. قلت هناء: انت علمني .. سامي : ودي ..بس هناك احسن .. بعدين انا كلها اسبوع وارد الشغل .. قلت اساله .. هناء : انت تشتغل هني بعد ؟ قال .. سامي : اكيد ..عندي مكتب فاتحه مع عامر شراكة .. هزيت راسي بانبهار ..وقلت هناء: تدرس وتشتغل .. وكمل .. سامي : واحضر مشروع التخرج .. كل هذا ..اشلون يقدر ؟؟؟ خلصنا الأكل .. وشلت الصحون..انظفهم.. شفته داخل المطبخ وراي ..ويلبس المريلة ..ويقول .. سامي : قلت لج انتي مو احسن مني ضحكت عليه ..وقعدنا نغسل الصحون والجلاصات ونظفنا المطبخ بالمرة ...سمعنا طق الباب .. قلت وانا اطالع الساعة اللي تشير للسبع المغرب... هناء: عازم احد ؟؟ قال وهو يفصخ المريلة .. سامي : محد يدري اني راد إلا عامر .. وراح للباب ..انا غسلت ايدي وصعدت فوق اتسبح وابدل ..لما خلصت نزلت تحت ..لقيت سامي قاعد مع واحد شكله بالأربعينات ..وكان الصراحة حليو..بس منو هذا ؟؟ اتجهت للمطبخ .. وزهبت شوية اكل وجاي..دخل سامي بهاللحظة ...وقال بحنق .. سامي : زين أنج زهبتي شي .. واخذ الصينية مني ..وقالي . سامي : تعالي سلمي على الريال .. انصدمت ..اسلم على ريال غريب عني ؟؟!!! قلت باعتراض واستنكار .. هناء: وين اسلم عليه ؟؟ قال بنفاد صبر .. سامي : تعالي وانا اقولج .. طلعت وراه ..حط سامي صينية الجاي ..وقال وهو يؤشر على الريال .. سامي : اعرفج ..ابوي .. طالعته وعيوني وشوي وتطلع من مكانها .. ابوه!!!! قلت اتدارك الموضوع .. هناء: هلا اا..هلاعمي .. وقعدت يم سامي اللي لاف ويهه عن ابوه .. ابو سامي : هلا يا بنتي ..اشلونج ؟؟..شخبارج ؟؟ هناء : الحمدلله ..انت اشلونك عمي ؟؟ بو سامي : انا بخير ...ما قالي سامي انه متزوج وحدة حلوة . ابتسمت بخجل ..وقلت هناء: تسلم .. قال سامي وصوته لا يخلو من السخرية.. سامي: زين انك عرفت اني تزوجت اصلا .. طالعته ..كفخته بايده بدون ما يلاحظ عمي ..فقال عمي .. عمي: انت ما قلت ..لولا عامر ما كنت عرفت .. لف له وقال بنرفزة.. سامي : انت اصلا تعرف اخباري من عامر ..ليش يايني عيل ؟؟ شهقت وحطيت ايدي على فمي مصدومة من كلام سامي ..ليش يحاجي ابوه جذي ؟؟ قلت اغير الموضوع قبل ما يكبر .. هناء: إلا صج عمي ..ليه ما يبت عيالك معاك ؟؟ لف لي سامي بعصبية ..انا هني بلعت لساني ..بدل ما اكحلها عميتها .. فقال عمي .. عمي : مرة ثانية ان شاء الله يا بنتي .. وقام وقال .. عمي : يلا اشوفكم على خير .. قال سامي بدون ما يقوم .. سامي : هذا إذا كان في مرة ثانية ... هذا وبعدين معاه ؟!!! طلع عمي..وقلت انا باستنكار.. هناء: ليش تحاجي ابوك جذي ؟؟ قال بعصبية .. سامي : توه ايي يسأل ... ووقف ..فقلت انا .. هناء: ولو انت المفروض ما تكلمه جذي ..هذا ابوك .. قال .. سامي :وهذا اللي قاهرني انه ابوي ... قلت .. هناء: انت شنو سالفتك بالضبط ويا اهلك؟؟ قال بحدة .. it’s none of busnesesسامي : وصعد فوق .. والله حالة ...انا اتمنى اشوف ابوي وهو يحاجيه جذي ؟؟ رحت نمت..وانا في بالي جملة وحدة ترن" لازم اعرف قصة سامي ويا اهله" اليوم الثاني ..قمت على صوت تلفون ..وكان اذان ...تقلبت الناحية الثانية ..وكان المكان فاضي ...قمت ادور سامي بنظري ..بعدت اللحاف وقمت توضيت ...وصليت ... هم سامي ما كان موجود ..نزلت تحت لقيته قاعد على الكرسي ومنزل راسه وببساطة نايم ..ولاب توب جدامه طافي ... قعدته وقلت .. هناء: اذن الفير .. قام وراح الحمام عزكم الله ..ورديت انا نمت .. قمت على الساعة ثمان .. والبيت كان فاضي ... قعدت انبش في الملفات اللي بالمكتبة ..وكانت كلها عن شغله ... هديتهم ... لفت انتباهي صور مصفوفة بعناية على احد رفوف المكتبة ..وكان فيها سامي لما تخرج ..ولما كان بالمدرسة ..وما ربعه ..وبين مدرسينه .. واخيرا وهو رضيع وشايلته وحدة..اكيد امه ...اكيد طفولته كئيبة بدون امه .. سمعت صوت الباب يتبطل .ودخل سامي لابس لبس الرياضة ... ابتسم لي وقال سامي : صح النوم .. هناء: وينك؟؟ سامي :كنت العب رياضة برة .. هزيت راسي بتفهم ..ورحت سويت الريوق ...علمني انه رح ياخذني اليوم المعهد يسجلني .. بعد ما خلصنا بدلت وطلعت معاه شوي نتمشى لين تطق الساعة عشر موعد التسجيل ... الجو كان بديع ..مشينا ..لين وصلنا لحديقة عامة تطل على البحر ... سامي : هني عاد كنت دايما ايي لما اتضايق ولا اكون مستانس .. طالعت البحر وقلت .. هناء:معاك حق تيي هني مافي احلى من البحر... كان الهوا يلعب بطرف شيلتي ..والهوا يطق ويهي برقة .. ما ادري إذا حياتي بتظل هادية جذي ولا رح تواجهني عقبات .. طالعت سامي اللي كان يطالع البحر بعد .. شنو قصتك بالضبط يا سامي ؟؟ غامض مثل البحر اللي جدامنا ...ما ادري رح نتفق في يوم ..ولا بالنهاية كل واحد رح ... "اشفيج تطالعيني ؟" انتبهت على صوته ..وقلت .. هناء: هلا ؟؟ طالعني وركز عيونه بعيوني ..وقال .. سامي : اقول اشفيج تطالعني ؟؟ صدقت عمرك انت ؟؟ قلت وانا ارد اشوف البحر .. هناء : ما كو شي .. سكتنا بعدين قلت.. هناء : متى تسجيلي؟؟؟ طالع الساعة وقال .. سامي : بعد ساعة .. هناء : لا..تسجيل الجامعة .. سامي : اممممم...تقريبا بعد شهر ..تو الناس .. هزيت راسي بتفهم ...قال هو .. سامي : انت اخترتي المحاسبة ولا هم حطوج فيها ؟؟ هناء: هم .. سامي: عاد المحاسبة صعبة كلها رياضيات ويبيلها مخ .. وانا ما عندي مخ ؟؟ قلت بصوت مستنكر .. هناء: الحمدلله انا ذكية .. ابتسم وقال .. سامي:يا واثق .. قلت بعصبية مو في محلها ... هناء: شاك بجذي ؟؟؟ طالعني وما رد علي ..فقلت بحدة .. هناء : إذا شايفني غبية اشحقة تزوجتني ؟؟ السؤال ابدا مو وقته ..والهوشة اصلا مالها داعي بس نرفزني بأسلوبه .. طالعني وملامح خالية من التعبير ..وقال بهدوء .. سامي : حبا في غباءج .. وقام وقال .. سامي : قومي نتمشى .. قلت بعناد.. هناء: مابي ..روح بروحك.. سكت وما قال شي وتحرك وخلاني .. طالعته يبتعد ..مايهمني ...ورديت طالعت البحر ..وريدت طالعته مرة ثانية لقيته بعد وايد .. خفت ..وقمت وانا اقول .. هناء: سامي ..لحظة .. خلاني اركض لين عنده ..وقلت وانا الهث من التعب .. هناء: اشفيك انت ما تصدق احد قالك روح رحت ؟؟؟ مارد علي وكمل مشي ..وانا تحركت وظليت يمه ...حط ايده بمخابيه ..وانا قعدت اراقبه خلسة .. سامي يشبه ابوه حيل ..نسخة منه .. شفته يغمض عيونه ويوقف ..اخذ نفس وبعدها بطل عيونه .. قلت انا .. هناء: الجو حلو .. طالعني ورد طالع الفراغ .. مطنشني على الآخر .. قلت وانا مليت من الطناش.. هناء : آسفة .. ما تحرك ولا لف لي اصلا ..بس قال وهو يطالع الفراغ .. سامي : شكلها حياتنا بتمشي على كلمة " آسف " وطالعني بعدها .. ماحبيت نظرة السخرية اواستخفاف النابعة من عيونه .. تمشينا واحنا ساكتين .. مرت الساعة بسرعة ورحنا المعهد وسجلت فيه ..وردينا البيت .. وطول الوقت سامي كان ساكت .. لين الحين زعلان يعني ؟؟ ما انا اعتذرت منه .. سويت الغدا مع انه مافي شي ينطبخ بالبيت ..بس اعتمدت على الخضرة القليلة اللي كانت بالثلاجة .. وصعدت فوق انادي سامي .. وصلت للباب مديت ايدي ابطله ..سمعت .. " شهر ما اشوفج ؟؟ ظلم هذا .. لا لا باجر ابي اشوفج مالي شغل " إلى زوجي العزيز مع التحيه ... الكاتبه : ليل العشاق منقولة للامانة -------------------------------------------------------------------------------- الحلقـــــــة السادسة " الحقيقة " حسيت بالبراكين الغضب تفجرت فيني وبخارها طالع من اذوني مثل الرسوم ..مسكت مقبض الباب بقوة وعصبية ودخلت الغرفة ...وهو كان شاق الحلج ويضحك لما شافني داخلة عليه بهالطريقة اختفت ضحكته وطالعني باستغراب ..بعدين انتبه للتلفون وقال .. I will talk to you later …ok? Bye . سامي: وصك التلفون وطالعني ووقف تجدمت انا بعصبية وقلت .. هناء : اشرايك تعزمها بعد ؟؟ طالعني بدهشة مو مو مستوعب وقال بهدوء .. سامي : منو؟؟ ثرت انا وقلت .. هناء: إلا كنت تكلمها قبل شوي ... كان يناظرني مو مستوعب بس تغيرت ملامحه إلا استخفاف هز راسه بحسرة وقال .. سامي : عواطفج تسبق تفكيرج .. وتجدم لي بس عداني ..انا جملته الأخيرة نرفزتني وتجاهله لي خلاني انعمي وامسك ذراعه والفه ناحيتي واقول بثورة.. هناء: انا اكلمك لا تهدني وتمشي .. سحب ايده وطالعني بحدة وراح للتلفون ودق الرقم ..وحطه على سبيكر وياه الصوت .. الطرف الثاني : سامي شوفي ازعجتني .. كانت مرة ولهجتها شامية .. طالعته بحدة وقهر ..وهو يبادلني النظرة بنظرة باردة .. قال وهو لسة يطالعني .. سامي : صوفي .. جم عمرج ؟؟ تجتفت انا ولسة كنت ارمقه بنظراتي الحادة .. قالت صوفي .. صوفي : لشو تسأل ؟؟ قال وهو يقعد .. سامي : قولي وانا بعدين اقولج ليش ... صوفي : خمس وخمسين ..قولي بأة لشو تسأل ؟؟ صعقت .. عيوز... نزلت انظاري للأرض مفتشلة .. سمعت سامي يقول .. سامي : بس عبالي ان عيد ميلادج قرب .. خلاص ماما مع السلامة .. وصك السماعة .. كان السكوت سيد الموقف .. رفعت راسي لقيته يطالعني ..وكانت نظرات تذوب الصخر ..تمنيت اكون تراب تطيره الهوا ..تمنيت ويا ليت تتحقق الأمنيات لما نتمنها ..اكون وحدة من الكماليات اللي بالغرفة ... بغيت اتكلم بس مو عارفة شقول .. لو تكلمت مارح تكفي .. لو بينت له اني متأسفة مارح يعذرني ..بس قلت بتلعثم وتحت انظاره ... هناء: آسـ... شفته يقوم ويطلع من الغرفة ..بكل هدوء .. خلاني واقفة مثل الهبلة ..وهذا اشد من التعصيب او الطق .. حسيت نفسي ولا شي .. تنهدت وطلعت وراه لازم ابرر له ولا رح يفهمني غلط ..نزلت تحت لقيته قاعد على القنفة وكان معطيني ظهره ..شديت على روحي ..واخذت نفس .. توكلنا على الله .. تقدمت وقعدت يمه وقلت وانا اطالعه .. هناء: سامي .. آسف على اللي قلته ..بس والله ما كنت اقصد ..انا عبالي انك .. قاطعني وقال بحدة هادية .. سامي : اني اكلم وحدة ؟؟ نزلت راسي اطالع اصابعي ..بس قلت .. هناء: عمتني الغيرة .. ما سمعت إلا ضحك ..رفعت راسي وقلت ببلاهة .. هناء: على شنو تضحك ؟؟ قال وهو يحاول يمسك روحه من الضحك .. سامي : تدرين هناء انج تضحكين .. أي غيرة اللي تكلمين عنها؟؟؟ انتي الحين يعني غيرانة علي ؟؟ يستهزأ فيني ؟؟ قلت بعصبية عمياء .. هناء: وانت شنو شايفها ؟؟ وقف وقال .. سامي : شايفها يا عمري ..انج تدورين علي الزلة ...شايفها يا حياتي ..انج تبين مشكلة من لاشيء .. وقرب مني بغتة واحاطني بجسمه المايل علي لجدام لدرجة ويهه صار قريب وايد وقال وهو يحط عينه بعيني .. سامي : لا تقصين على روحج هناء .. ارتبكت من قربه بس قلت .. هناء: ليش ادور عليك الزلة ..انا ما بيني وبينك شي .. بعد وقال وهو يقعد مكانه مرة ثانية بس هالمرة يطالعني .. سامي: صح ما بينا شي عشان تدورين علي الزلة ...بس ما لاحظتي انج بس قاعدة تسوين مشاكل من اول ما تزوجنا ؟؟ بدينا بالهوشة اللي صارت بالتلفون ...بعدين الحين .. والمستقبل ماادري شنو رح تسوين .. معاه حق ما احس بنفسي وانا افتعل المشاكل ...سكت مارديت عليه ..وهو بعد تنهد وسكت ..وظلينا جذي لثواني .. بس انا قلت .. هناء: سامي خل نبدأ صفحة يديدة .. لف لي وطالعني شوي وقال .. سامي : حياتنا صفحة جديدة بس رح تظل صفحة جديدة للابد ؟؟ العصر كنا في نتمشى بعد ما هدينا وصفينا النفوس .. كنت اتأمله ..ماادري ليش .. واحد حليو ومملوح وكل بنت تتمنى واحد مثله ..غني وعنده خير ..ليش اختارني انا من بد البنات ؟؟؟ ..ما شافني إلا مرة وحدة ..وثاني يوم ياه خطبني .. انزين خلود بنت عمته ليش ما تزوجها ؟؟ الأقربون اولى بالمعروف .. غريب هالإنسان ..احسه غامض ..وبحر عميق في اسرار ..والأسرار هاذي مارح تطلع إلا لما انا انبش وراه ... اموت واعرف شنو قصتك يا سامي ؟؟ وشنو قصتك ويا اهلك ؟؟ بس مع هذا حنون ..طيب ..ما يحب الفشخرة والتظاهر جدام الناس .. اللي يشوف ملابسه الحين ما يقول واحد ولد عز .. يعتمد على نفسه يدرس ويشتغل بنفس الوقت ...مو نفس شباب هالوقت اللي ما همهم إلا المغازل والحب والخرابيط.. طيبته واخلاقه العالية هي اللي تجذبني ناحيته .. ماحسيت بنفسي غلا وانا اسند راسي بذراعه .. حسيته طالعني بس رد طالع جدام ...مو اقولكم حنون ..وصلنا لمرفأ للقوارب الصيد .. شد على اصابع ايدي اللي انا شبكتهم بين اصابعه وقال .. سامي : شايفة القوارب اللي جدامج ؟؟ اشتريت واحد منهم ورحت رحلة صيد مرة مع عامر ..وكنت يومها قاعد ..... كان يحكي وانا اطالعه اشلون يتكلم ..واضحك على تعليقاته على نفسه او على ربعه ... يتكلم مثل اليهال .. لا شعوريا مديت ايدي وبعد خصلة كانت على عينه وهو يتكلم ..وقف عن الكلام وطالعني بعيونه الفاتحة ودقق بعيوني .. ابتسمت انا وقلت .. هناء: كمل ليش وقفت ؟؟ مسك ايدي وحطها على صدره ..وقال .. سامي : ما تخيلت في يوم اني القة وحدة ارتاح لها مثلج.. طالعت الرض خجلا وقلت .. هناء: ليش ؟؟...عندك عامر .. سامي : انا قلت وحدة ..عامر ريال .. ضحكت انا خبالي ..ما انتبهت عليه .. طالعني وانا اضحك وهو يبتسم ... قلت .. هناء: اشفيك تطالعني ؟ شد على ايدي بس برقة وقال بحنان.. سامي : ما ... قطع كلامه صوت تلفونه .. سامي : منو المزعج اللي يدق الحين ؟؟ طالعت حوالي وقلت .. هناء: الناس عصر رد على تلفونك . مسك تلفونه ..وطالعه باستغراب وقال .. سامي: رقم غريب .. رفع السماعة ورد وقال .. sami spaeking سامي: تغير ويهه وصار بلون الدم .. قال بعصبية يحاول يخفيها ... سامي : وانا قلت لأ ... مابي اشوف احد فيكم ...غصب ؟؟ وصك التلفون بعصبية بغى يكسره ..شفته يفرك جبهته بتوتر..فقلت .. هناء: سامي ..منو اللي كان يكلمك ؟؟ لف لي بحدة ..وعيونه ترسل سهام نارية لي..خفت ورجعت خطوة ورا ... قال هو سامي : ناس ثقال دم ... ارتحت لما شفته يتجاوب معاي .. قلت بحنان .. هناء: انت قلتها ناس ثقال دم ..لا تهتم ..ولا تحط في بالك .. قال وهو يطالعني بضعف .. سامي : تعبت وانا احاول ابتعد عنهم ..ليش مو راضيين يخلوني في حالي ..ليش ؟؟ كنت اجزم ان اهله اللي ما يحب طاريهم ..قلت اخفف عنه .. هناء: سامي ...لا تضايق نفسك بنفسك ...خلك بعيد عنهم .. هو راسه بتفهم ..سكت شوي اشوفه ليما هدأ شوي ..بعدين قلت وانا امسك ايده ..واخليه يمشي .. هناء : تعال يلا كملي عن سالفتك ويا عام وربعك يوم اجرتوا واحد من القوارب .. طالعني وابتسم ابتسامة باهتة وقال.. سامي : قطيت عامر من القارب و... وكملنا سوالف لين وصلنا للمطعم تعشينا وردينا للبيت ...وهذا كان مؤشر يرفع من رصيد حبي لسامي اللي انولد بهاليوم ... مر الأسبوع بسرعة ..وانا بين البيت والمعهد ..وسامي انشغل بالمكتب ..والدراسة مابقى عليها إلا ثلاث اسابيع .. واهلي طبعا ما نسيتهم بينا تلفون ..وبعض المرات اكلمهم على المسنجر ...والبرد بدا عندنا لأن في نص تسعة تقريبا ..بدت الدنيا تبرد ...وانا داخل البيت اغطي روحي بلحاف او البس جاكيت ..وسامي يتطنز هو متعود انا لأ ... في يوم عزمني سامي برة كترضية لأنشغاله عني بمكتبه ..وصج هاليوم كان مغيم وانذار للهطول الأمطار.. لبست وطالعنا بالسيارة نتمشى والطريق كان طويل مرينا على جبال واودية .. وبالردة .. سامي : لا عاد لازم تتعلمين اشلون تحجين انجليزي .. هناء:ئي بس مو بينا ..يعني لا تكلميني انجليزي .. طالعني باستخفاف ..وقال سامي : لا والله ؟؟ لازم تتعلمين اشلون تنطقين الكلمات عدل ..ولا اشلون بتحجين العالم والناس وانتي تكلمين حالج حال الهنود .. ضحكت على تعلقيهوبنفس الوقت طقيته على جتفه وقلت .. هناء: بايخة .. ابتسم هو ..بعدين حسيت انه خفف السرعة ...قلت باستغراب .. هناء: ليش تخفف السرعة ؟؟ قال وهو يبركن يمين .. سامي : شكله خلص البنزين ...لااا وطق السكان ع الخفيف رافض الوضع ...طالعنا حوالينا وقلت .. هناء: الطريق طويل ..يبيلنا ساعة بعد عشان نوصل البيت .. هز راسه وهو يقول .. سامي : وهذا الطريق فاضي مافي احد ... قعدنا بالسيارة ننطر على الأقل احد يمر علينا ..بس للأسف خاب املنا .. طلع سامي ووقف عند باب السيارة يحاول يدق على اي احد ..بس ماكو ارسال ... رد دخل سامي السيارة ..وقالي .. سامي : ماكو ارسال .. هناء: والحل ؟؟ طالعني وفك زرار القميص وقال .. سامي : ماكو إلا ان ننطر احد يمر علينا .. وهذا الواقع ..مر الوقت ..وبدت الدنيا تظلم والهوا بدا يشتد .. وانا بديت ابرد ..انكمشت على روحي احاول اضم نفسي واحط الجاكيت علي عدل ما اخلي هوا يدخل او يطلع .. سامي : بردانة ؟؟ طالعته وهزيت راسي بايجاب ..شفته يفضخ جاكيته وربطة اللي رابطها حوالين رقبته ويعطيني اياهم .. قلت باعتراض .. هناء: اووه سامي ..لا انت بعد رح تبرد .. قال وهو يبتسم .. سامي : ما يغلى عليج .. اخذتهم ولبستهم فوق الأكوام اللي لابستهم .. سامي : جذي احسن ؟؟ هناء: ئي .. لف وطالع حواليه .. سامي : لو ادري ان بيصير جذي ما كنت طلعتج .. هناء: انت ماتدري الله شنو كاتب . سامي : صح ..بس انا صاحب السيارة ولازم اجيك عليها فيها بنزين ولا لأ .. قلت وانا اصك الدريشة من البرد .. هناء : صار اللي صار الحين ..وثانيا انت معاي مو انا بروحي اللي علقت .. سامي : انتي امانة هناء..إذا صار فيج شي اهلج مارح يسامحوني .. قلت امزح.. هناء : اهاا ..يعني مو حبا فيني ..خوف من اهلي .. ضحك بخفة وقال .. سامي : انتي حياتي كلها اشلون ما اخاف عليج ..بس الخوف الأكبر اهلج .. ابتسمت على ضحكته وقلت .. هناء: لا تخاف اهلي بس رح يشنقونك ويقطونك لجلاب السكة .. قال ووهو يضحك .. سامي : بس ؟؟ لا طيبين اهلج .. ضحكت على اسلوبه .. بس شفته يضم ايدينه لبعض ويفركهم ناشد الحرارة ..قلت وانا حاسمة امري وامد ايدي لجاكيته افصخه.. هناء: اخذ ..انت رح تموت من البرد واهلك بيذبحوني عشانك .. انتبهت للي قلته ..لفيت ببطء مابي اشوف علامات الغضب عليه .بس شفت العكس .. لقيته هادي ..ويقول .. سامي : هذا إذا دروا اني مت .. تعجبت منه ..ليش ماخذ موقف معادي من اهله ...قلت وانا بايعتها .. هناء: سامي ..انت ليش متحامل على اهلك؟؟ وعرفت درجة حماقتي من تعبيرات اللي انرسمت على ويهه وقال بحنق .. سامي : لا تضيقين خلقي بهالسالفة ..تراني مالي خلق .. بلعت لساني وسكت .. وحاولت افصخ الجاكيت بس هو قال بضيق .. سامي : خليه .. نبرة صوته خليتني اسمع كلامه بطواعية ...واخلي الجاكيت ..واستقر نظري على الشارع..بس خذتني الأفكار .. البني آدم يتمنى يلقى اهل وهو ما يحب يسمع طاريهم ..والله غريب ... غمضت عيوني ..النوم لعب لعبته ..ونمت .. قمت على صوت سعال ..شفت سامي قاعد يسعل ..قلت وانا احط ايدي على جتفه واقول . هناء: قلت لك رح تبرد.. طالعني وقال .. سامي : قمتي ؟؟ بسرعة تنامين انتي .. ولمحنا ضوء ايي من ورانا ..لف سامي وقال وهو يطالع الشاحنة اللي تقرب .. سامي : قومي خل نوقف راعي الشاحتة هاذي .. وقام وانا وراه ... طلعنا للشارع ..والدنيا ظلام ..وقف سامي بنص الشارع ..واضطر صاحب الشاحنة ان يوقف .. بعد اخذ وعطى رضى صاحب الشاحنة..وركبنا ..بس وين..ورا ..بالدبة ..ولأن ما باليد حيلة ركبنا ..وحرك .. سامي : شكلنا ما رح نوصل إلا الفير .. طالعت الساعة اللي كانت 12 ونص نص الليل ..وبعدين طالعت حوالي ..الصناديق مالية المكان ..تسندت على احد الصناديق ..وخبيت ايديني بالمخابي ..وقلت لسامي .. هناء: باجر وراك دوام ؟؟ قال وهو يحط ايده على جبهته وبفركها بتعب .. سامي : للاسف.. وسند راسه على واحد من الصناديق ..بهيئة توحي للناظر انه تعبان او فيه شي .. قلت بخوف .. هناء: سامي ..اشفيك؟؟ طالعني وقال وهو يغمض عيونه .. سامي : راسي مصدع شوي .. قلت بامتعاض .. هناء: قلت لك رح تمرض .. وكح بعد جملتي ...وقال سامي : عادي مو اول مرة امرض.. ورد يكح ..قمت من مكاني ..ورحت قعدت يمه ..وفصخت الجاكيت وغطيته فيه ..عدل من قعدته وقال لي باعتراض بس بصوت واهن .. سامي : ماابيه اخذيه ..تدفي فيه .. ما سمعت كلامه وغطيته عدل .. ابتسم لي بتعب وقال .. سامي : حبيبتي ماابيه رح تمرضين جذي .. قلت وانا اصك سحاب الجاكيت .. هناء : مو مشكلة نمرض مع بعض ... كح للمرة الرابعة ..تحسست جبينه لقيته دافي .. هناء: بسرعة تمرض ...خل السحاب مصكوك.. قال مثل اليهال .. سامي : ان شاء الله يما .. بعدها مال علي وحط راسه على صدري وهو يتنفس بعمق كأنه يطرد الأحزان والهموم من صدره .. ماادري مهما ضحك ولا ابتسم احسه من داخل كومة من الحزن وياليت اعرف شنو هي ؟؟؟ طبعا انا تلونت بالوان الطيف السبعة ..بس خليته على راحته ... سمعت صوت نفسه انتظم..حسيته نام .. طالعته لقيته فعلا نايم .. ابتسمت على شكله ..يا حليته ..بس يا ليتك يا سامي تخليني اعرفك عدل ..لك الف ويه ..وما اعرف بأي اسلوب اعاملك .. حسيت بالشاحنة وقفت وباب الدبة يتبطل ..ناديت سامي .. هناء: سامي ..سامي قوم .. بطل عيونه بتثاقل ..بعدين انتبه لراعي الشاحنة الواقف يطالعنا ..اشرلي سامي انزل لأن وصلنا نيوجيرسي .. انتبهت للباصات الواقفة وعرفت انا في محطة الباصات ..حاسبنا راعي الشاحنة ..ومشينا للشباك التذاكر نقطع تذكرة وركبنا الباص ..وبعد دقايق حرك ..قلت انا هناء: كل هذا عشان نوصل البيت ..يا زين الكويت صغيرة وما تضيع فيها .. نطرت تعليق منه بس ما سمعت رد ..طالتعه لقيته نايم بعمق ..وانا اتبعته وسندت راسي ونمت ... " هناء..هناء" قمت على صوت سامي ..طالعت برة لقيت البيت جدامي .. نزلنا ..وسامي كان يمشي ببطء..وعيونه مغمضة .. قلت استعجله وانا واقفة عند الباب .. هناء: سامي يلا ..الجو بارد برة .. مارد علي وكان يمشي مترنح ..خفت ..وركضت عنده ..وقلت وانا اوقف جدامه .. هناء: سامي ..اشفيك تمشي جذي ؟؟ حط راسه على جبهته وقال .. سامي : راسي ماني قادر احرك ضلع من جسمي .. حطيت ايدي على راسه وكان والع ..يشع حرارة ..مسكته من ذراعه وحثثته على المشي ..دخلنا البيت ..هدني سامي وارتمى على الكرسي ..وفجأة سمعنا صوت المطر ..حمدلله وصلنا قبل ما ينزل المطر .. فصخت الجاكيت وبسرعة رحت فوق ويبت لحاف وغطيت فيه سامي عدل بعد ما عدلت من قعدته .. ورحت المطبخ وسويت كمادات .. كله مني انا اللي اخذت منه الجاكيت ..يعني لازم اقوله اني بردانة ؟؟ حطيت كمادة على جبهته ..ورحت للدفاية وعليت عليها..إذا جذي قبل الشتا عيل اشلون قبل الشتا نفسه ؟؟؟!!! بعد ربع ساعة شلت الكمادة وتحسست راسه ولسة حار .. مررت الكامدة على طول راسه ..سمعت همهمة منه .. قلت وانا اقرب منه .. هناء: سامي ..سامعني .. قال .. سامي : لا تقربين ... استغربت اشفيه ؟؟...اكيد يهذي ..بطل عيونه وطالعني وقال وهو يطلع ايده من تحت اللحاف ..ويمسك ايدي ويقول .. سامي : حبيبي قربي .. تقربت وهو كمل .. سامي : لا تبعدين عني .. وضغط على ايدي .. قلت .. هناء: سامي ..حاس بشي ؟؟ مارد علي ..غمض عيونه بعدين بطلهم وقال .. سامي : ابي ابوي وامي .. ين الريال .. الحمى اثرت عليه ...قلت وانا احط ايدي على راسه وامررها على شعره ... هناء: حبيبي ..انت تعبان لازم ترتاح .. قال وهو مطنش كلامي .. سامي : ليش يسوون فيني جذي ؟؟ بطلت عيوني على وسع وقلت هناء:سامي اسم الله عليك ..نام حبيبي نام .. قال بصوت متحشرج .. سامي : مايدرون انهم يذبحوني جذي ...انا ولدهم حرام اللي يسوونه فيني .. هني لمعت الدنيا بضوء البرق ..وانا لمحت او جني اتوهم دمعة نزلت من عيونه واستسلمت ومشت على خده .. بطلت الأبجورة القريبة علينا ..وفعلا طلعت ما اتوهم ...غمض عيونه والدمعة لسة تشق طريقها على خده .. شكلها المشكلة اللي بينه وبين اهله جايدة .. شلي صار؟؟؟ وليش سامي حاقد عليهم جذي ؟؟ ودي اعرف ..بس منو وين ؟؟ بعد ما تأكدت ان سامي نام ..قعدت انا على القنفة اللي يمه وقعدت افكر بطريقة تخليني اعرف المشكلة .. ما حسيت بروحي إلا على صوت التلفون ...بطلت عيوني ..اوووه نمت ...تذكرت سامي طالعته لقيته نايم بس الكمادة طايحة على الأرض ... رحت للتلفون ورديت وكانت صوفي ..علمتها بأن سامي مريض بعد ربع ساعة شفت وحدة جدام الباب .. وكانت لابسة تنورة قصيرة لتحت الركبة وشال حوالين رقبتها ..بطلت لها الباب ..ودخلت ..قالت .. صوفي: صباح الخير يا بنتي .. ابتسمت لها وقلت .. هناء: هلا يا خالة ..حياج .. دخلت ..وقالت على طول .. صوفي : وينو سامي؟؟ اشرت لها على سامي النايم على القنفة ..شكلها من الخوف ما شافتها ..لهدرجة تحبه ؟؟ راحت لعنده ولمست راسه ..وقالت بارتياح .. صوفي : الحمدلله ..شكلو خف .. هزيت راسي بتفهم ..ورحت المطبخ وقلت .. هناء: شنو تشربين يا خالة ؟؟ قالت وهي تدخل وراي .. صوفي : لا تعبي نفسك ..انا بسوي كل شي ..انتي روحي عدي مع جوزك .. احسن ريحتني ...طلعت من المطبخ ..وقعدت يم سامي ..وماعدت دقايق إلا وصوفي مسوية الريوق ويايبته .. قعدنا نتريق ونسولف..وعرفت ان صوفي كانت تشتغل عند ابو سامي اول بعدين سامي طلب منها انه تيي عنده ..فقلت .. هناء: ليش ؟؟ صوفي : سامي متعود على اكلي ومتعود كما انو انا يلي ارتب له البيت ..بعدين انا اللي كنت اوقف مغو بوج بيو.. وقفت عن الكلام كأنها قالت شي غلط ..بس انا استغليت الفرصة وقلت .. هناء: كانت في خلافات بين سامي وابوه ؟؟ قالت بارتباك .. صوفي: متل اي اب وابنو .. تتذيكين علي يا صوفي ؟؟ قلت .. هناء: ام سامي ما شفتها ولا مرة ... صوفي : عندها بيت وجوز ما تأدر تخليه.. قلت بخبث .. هناء: في ام تخلي ولدها وما تسال عنه ؟؟!!!! صوفي : الت لك انو عندها بيت تاني ..وهي ساكنة بولاية تانية كمان .. بغيت اقط عليها سؤال ثاني بس شفت صوت من ناحية سامي ..طالعته وكان مبطل عيونه ..ابتسم لما شاف صوفي وقال بصوت ناعس .. سامي : صباح الخير على احلى صوفي .. وقام وهو يبعد اللحاف عنه .. دعيت بهاللحظة انه ما يكون سمعني وانا اسال صوفي ... قعد وقالت صوفي وهي تقعد يمه .. صوفي : تأبرني ..قوم غسل وجك وتعى افطر معنا .. قام وماسك اللحاف ومر علي وقال وهو يمسك خشمي ويهزه بمزح.. سامي : اشلون حبيبتي هناء؟ ابتسمت له ..يا حلاته يوم يكون رايق ..قلت هناء: صباح الخير .. قال وهو يعدي .. سامي : احلى صباح لاحلى جوري عندي ..صباح النور .. وقرب مني وهمس بأذني وقال .. سامي : تأكدتي انها مثل امي ؟؟!! قصده على امس ..طقيته ع الخفيف بجتفه وهو ضحك بخفة وراح فوق ..الحمدلله خفت الحرارة .. ماادري شلي خلاني اتعلق فيه بسرعة .. طيبته وحنانه هي خلتني اكيد .. والله يا سامي لو اعرف سرك برتاح ورح احبك اكيد ..بس قولي ليش تكره اهلك ؟؟؟ طالعت صوفي وهي تجهز الريوق مرة ثانية لسامي .. وانتي يا صوفي بعرف السالفة منج بعرفها ..تتذكين علي قبل شوي ؟؟!!! شكلي بشتغل كونان على تالي عمري .. بس تستاهل يا سامي ..عشانك اقلب شارلكهومز لو تبي .. بس اعرف ... شنو قصتك بالضبط؟؟؟ الحلقــــــــة السابعة " حياتي معك" خفت حرارة سامي مع الأدوية والمضادات الحيوية .. قعدته غصب بالبيت لأن حالته ما تسمح ..وللأني حاسة بالذنب لأني انا السبب .. سامي : خلاص مابي ..زهقت والله هناء .. قلت بعناد واصرار .. هناء: لأ ..ماكو طلعة .. انا بعد قاعدة في البيت ما اشتكيت .. طالعني بنص عين وقال .. سامي : انا مومتعود على القعدة جذي ..جني عاجز .. عطيته ظهري وقلت وانا اتجه للمطبخ .. هناء: انت كله مو متعود انا بعرف على شنو انت متعود ؟؟؟ دخلت المطبخ بعد ما قلت جملتي فسمعت صوته وهو يقول .. every thing exept setting at home like womenسامي: طليت له براسي من الدريشة اللي تطل على الصالة .. هناء: انت بعد !!!! طالعني باستغراب وقال وهو يحط جلاص الماي على الطاولة .. سامي : شنو ؟؟ طلعت من المطبخ وقلت ... هناء: طلعت من اللي يقولون ان المرأة مالها فايدة بالحياة ..إذا الله كتب عليها القعدة في البيت ..اشحقة تعيب ؟؟ المرأة حلاتها قعدتها في البيت مو... قاطعني لأني كنت اتكلم بسرعة ... ... منو قالج اني اعيب على المرأة ؟؟إذا كلامي ضايقج ..خلاص يبا آسفين بسwait …waitسامي : لا تعصبين .. ما تسوى علينا كلمة قلناها .. تخصرت وقلت باستنكار .. هناء: دايما النقاش عقيم وياكم انتوا يا الرياييل .. طالعني باستخفاف وقال .. سامي : منو قال ؟؟ انتي جربتي تناقشيني في شي وما عجبتج ؟؟ قلت وانا اقعد يمه وحط ريل على ريل .. هناء: مادام قلت جذي تحمل اللي بييك ..اشتعرف عن الشعر العربي ؟؟ قال وهو يبعد اللحاف عنه ..ويقعد مثلي ..بحماس. سامي : اساليني وانا اجاوبج .. فكرت ..بما اني اعشق الشعر العربي بكل انواعه ..قلت بمكر .. هناء: منو قال ..الرأي قبل شجاعة الشجعان ..هو الأول وهي المحل الثاني ؟؟ سامي : المتنبي ..فإذا هم اجتمعا لنفس حرة ...بلغت من العلياء كل مكان ..ولربما طعن الفتى اقرانه ..بالرأي قبل تطاعن الأقران .. وطالعني بنص عين وقال .. سامي : تبيني اكمل ؟؟ الصراحة انصدمت منه ..ما توقعت يعرف ..قلت بمحاولة ثانية .. هناء: ومنو قال وإذا الشعب اراد الحياة ... قاطعني وكمل عني .. سامي : فلابد ان يستجيب القدر ..ولابد لليل ان ينجلي ..ولابد للقيد ان ينكسر ..ابو قاسم الشابي ... وطالعني بنص عين .. قلت وانا ادزه ع الخفيف واقوم عنه .. هناء: ما تنغلب .. ضحك بصوته التعبان وقال .. سامي : انزين تعالي ..انتي تحديتيني وانا ما تحديتج ..تعالي .. قلت وانا ازهب العشا .. هناء: تحداني بشنو ؟؟ بالشعر لا تحاول لأني انا اشطر منك بالشعر .. قال وهو يقوم .. ... اشرايج بالسياسة ؟؟Ok سامي: قلت وانا ااشر بملعقة خشبية .. هناء: لأ ..سياسية ما افهم فيها .. قال وهو يتسند على باب المطبخ .. سامي : و تلومونا إذا قلنا عنكم ما تعرفون شي ؟؟ طالعته وعيوني مبققة عليه مو متوقعة رده .. هناء: انا ما اعرف شي ؟؟ وما نطرته يرد علي ..هديت الملعقة الخشبية وتقربت منه بعصبية .. هناء: شكرا يا استاذ سامي ..ايي منك اكثر ..يعني انت تشوفيني جذي ؟؟ ما عليه .. وطفت جدامه بس هو مسكني من ايدي وخلاني الف له اطالعه ..وقال .. سامي : واااي انتي محد يتغشمر معاج ..خلاص يبا ..انت منو قال ما تعرفين ؟؟انتي تعرفين واحسن مني بعد .. وانا ما اقلل من قيمة المرأة ..المرأة اخت وزوجة ... وكملت عنه بعصبية .. هناء: وام..وهذا اهم شي ..هي اللي يابت وهي اللي ترضع وهي تربي ..وتصبر على عيالها .. وسحبت ايدي عنه بعصبية ..ورديت المطبخ ..كل هذا صار وانا انطر منه تعليق .. لفيت لقيت مكان اللي واقف فيه فاضي .. وين راح ؟؟ طلعت من المطبخ ..لقيته قاعد ومبطل التلفزيون .. رديت المطبخ وسويت العشا ..وحطيته بالطاولة وقلت وانا اسوي روحي زعلانة .. هناء: العشااااا لف لي وطالعني بعيونه اللي دايما تذبحني بنظراتها ..وقال .. سامي : اسمع ماني اصمخ .. قلت ارد عليه .. هناء: حمدلله انك تسمع عبالي فالح تتطنز بس.. طالعني باستنكار ..وقال وهو يقوم وايير الكرسي يبي يقعد عليه .. سامي : اللهم لك الحمد .. قلت بعصبية بس بمزح.. هناء: ليه شايفني مينونة؟؟ قال بنفاد صبر وهو يرد الكرسي مكانه .. سامي : خلاص ..مانبي ناكل ..هونت .. وراح فوق ...الحين انا المفروض ازعل مو هو .بعدين انا كنت العب معاه ..اشفيه زعل ؟؟ ..رحت وراه ..اشوف سالفته .. طقيت الباب محد رد ..دخلت ..لقيت الغرفة فاضية ..وين راح ؟؟؟ ..دورت بكل مكان ..بس مالقيته ..وانا رادة الصالة شفت ظل احد وعرفت ان هو ..واقف على برندة ( البلكونة) ..وساند كوعه عليه .. والهوا بارد ..وهو مريض .. تجدمت وانا احط الشيلة على راسي لأنها مكشوفة الييران يقدرون يطالعونا .. قلت بهدوء يقطع هدوء الليل .. هناء: سامي .. طالعني بعيونه بدون مايلف لي ..ورد طالع الفراغ ومارد علي .. ماادري شلي خلاه يزعل ..هو بعد كان يتطنز وانا قبلت طنازته بكل رحابة صدر... تجدمت اكثر وقلت وانا ادقق بويهه وهو لسة يطالع الفراغ .. هناء: سامي الجو بارد دش داخل رح تمرض اكثر .. مارد علي بس كل اللي سواه اخذ نفس وعمض عيونه ..قلت هناء: زعلت ؟؟ طالعني وما قدرت اشوف عدل لأنه ظلمة ..وقال .. سامي : لأ طبعا انا ما ازعل منج .. قلت متشككة.. هناء: متأكد ؟؟ سامي: متأكد من شنو بالضبط ؟؟ اني زعلان منج ؟؟ ولا زعلان ؟؟؟ قلت ببلاهة .. هناء: اشتفرق ؟؟ وقال وهو يلف لي بكل جسمه .. سامي : تفرق وايد ..انا إذا زعلت منج رح اقولج بس إذا كنت زعلان مارح اضايقج وياي واقولج.. يا الله ..تفكيره اشلون صاير .. انا عنده بالدرجة الأولى .. ومن وين الاقي واحد احسن منه ..بس ليش مو قادرة احبه ..ليش؟؟ واحد كامل والكامل الله ..بس والله ماني قادرة احبه ...كل منك يا عصام ..حبك لسة في قلبي ما مات..مع اني اعرف انك تحب اختي اسما ..بس ما اقدر انساك ..ما اقدر .. غمضت عيوني على هالذكرى بس بطلتهم من لمسة سامي لإيدي وهو اييرني ناحيته ويقول بحنان.. سامي: شنو يفكر فيه حبيبي ؟؟ ابتسمت له من بين احزاني مجاملة وقلت .. هناء: ولا شي .. تطايرت مني خصلة من سعري وتسللت من تحت الشيلة ..فقال سامي وهو يدخلها .. سامي : شعرج هذا وايد مينني .. قلت وانا اعدله بعد تدخيل سامي له .. هناء: قول ما شاء الله .. قال يمزح .. سامي : على شنو ؟؟ منو قالج اصلا اني احسدج عليه ؟ طقيته على صدره معصبة من اللي قاله .. هناء: بايخ .. ضحك هو ومسك ايدي وباسها وقال .. سامي : اصلا هو اللي خلاني اتعلق فيج واخطبج .. احمرت خدودي خجلا وقلت بحيا .. هناء: وانت اشلون شفت شعري قبل ما تتزوجني ؟؟ سامي : لما شفتج نظرة شرعية ..انا ما كنت ابي اشوفج اصلا بس اخوج اصر .. اول مرة ادري ..قلت وانا اعدل الشيلة .. هناء: وانت ليش ما كنت تبي تشوفني ؟؟ قال وهو يبتسم ابتسامة اللي تعذبني .. سامي : شفتج بالسوق مرة ..وتعلقت فيج ... انا بهاللحظة لا تسالون عني ..ويهي صار مثل الطماطة ...بس قلت وانا اخفي الخجل اللي اعتراني .. هناء: ذاك اليوم دعيت عليك دعاوي .. وضحكت على هالذكرى ..قال باستغراب وهو يبتسم على ضحكي .. سامي : دعيتي علي ؟؟ هزيت راسي بايجاب وقلت .. هناء: بعد ما صار الموقف بينا يريت خلود وقعدت اقولها هذا واحد ما يستحي ..ما نزل عيونه ..وهلم جرة .. بطل عيونه على وسع من الصدمة وقال وهو يبتسم من هول اللي قلته .ز سامي : حرام عليج ..ما خليتي كلمة ما قلتيها علي ... تقرب مني اكثر هالمرة ليما انفاس بدت واضحة لي .. سامي: بس حلالج ..قولي اللي تبينه . ارتبكت من كثر ما هو قريب مني وقلت وانا اغير الوضوع .. هناء: تعال تعشى ..انا مو مسوية الأكل على الفاضي .. ردينا للصالة وتعشينا وقال .. سامي: تدرين من اول ما تزوجت وزني زاد .. طالعته ادقق بجسمه وقلت . هناء: ما اشوفك متنت .. سامي: ئي لأني جدامج اربع وعشرين ساعة ... كمل وقال .. I must play sport like beforeسامي: وطالعني وقال .. سامي : انتي بعد لازم تلعبين ..شنو تاكلين الثلاجة كلها ؟؟ طالعته برعب وقلت وانا اهد القفشة .. هناء: لاااا؟؟؟ متنت؟؟ قال وهو ياكل .. سامي : اممم...يعني ..بس مبين عليج منتفخة .. ريدت آكل وانا مقررة قرار.. اليوم الثاني ..الصبح بطلت عيوني بكسل .. سمعت صوت ..قعدت وشفت سامي مبدل ملابسه وماسك تلفونه ... قلت باستغراب .. هناء: على وين من صباح الله خير ؟؟ قال وهو يحط التلفون بجيبه .. سامي : بروح اركض شوي .. كان لابس كاب وشعره طالع من ورا شكله رهيب ..ولابس هيدفون وقعد يلبس جوتي الرياضة ..قلت ..وانا اقوم من السرير .. هناء: بروح معاك .. وهذا اللي كنت مقررته امس بليل .. طالعني وقال .. سامي : معزمة؟ قلت وانا ادخل الحمام عزكم الله.. Sureهناء: وصكيت الباب ..غسلت اسناني وتوضيت لان صلاة الفير طافتني ..قلت من داخل الحمام .. هناء: ليه ما صحيتني لصلاة الفير ؟ قال .. سامي : اولا لا تتكلمين داخل الحمام مو زين ..بعدين انا قعدتج بس انت نومج ثقيل .. سكت وما رديت عليه ..صح مو زين اتكلم داخل الحمام ...فجأة تذكرت اللي صار امس على البلكونة.. ما انكر اني حبيته في لحظة..بس بعدين ما ادري امتزجت مشاعري ناحيته بمشاعري ناحية عصام ..انا ما اقول اني مو مرتاحة مع سامي ..ما رح القى احسن منه بس ماادري احس ان في شي ناقصني ...احس بفراغ من بعد ما اكتشفت ان عصام يحب اسما .. سمعت صوت سامي من برة .. hurry up سامي: هناء.. غسلت ويهي بسرعة ..وطلعت من الحمام ..صليت الفير ..ولبست بنطولون جينز وبلوزة ..وطلعت من غرفة الملابس وسامي لسة ينطر ..كنت لابسة شيلتي وكنت متجهة للعباتي ..بس سامي قال باستنكار .. سامي : بتطلعين جذي ؟؟؟ خل استعبط عليه ..اشوف ردة فعله ..رحت للتسريحة وانا اعدل شيلتي .. هناء:ئي ..اشفيها ؟؟ وطالعته من المنظرة وصورته منعكسة عليها انطر رده ..قال بهدوء وهو يفصخ الكاب ويلعب بشعره سامي: فيها بلاوي ..لبسي عباتج ولا ماكو طلعة . وطلع من الغرفة ...ابتسمت لا تحولت ابتسامتي لضحكات ...كتمتها لا يسمعني..لبست عباتي ..ونزلت تحت ..لقيته ينطرني ...طالعني وقال .. سامي : الحمدلله عقلتي .. ابتسمت وقلت وانا العب بكابه .. هناء: خبلة انا اطلع جذي ؟؟ قال وهو يقوم .. سامي : عشان جذي ما رديت عليج الرد اللي يبرد القلب لأني ادري انج مو خبلة .. وطلعنا من البيت ..قعدنا نركض طول الطريج ..من اول من طلعنا من الباب لين وصلنا للحديقة العامة .. انقطع نفسي ..وسامي ما شاء الله عليه مو حاس بشي ..قلت وانا اركع ركوع الصلاة الهث .. هناء: ســـ...سام..سامي ..انقطــ...ع ..نفسي .. وقعدت على اقرب كرسي اتنفس ..وقف وقال وهو ايي عندي .. سامي : انتي عزمتي ..قومي يلا .. وقف جدامي فقلت ردا على كلامه .. هناء: انت قلت لي امس كملت وانا اقلد صوته .. هناء: انتي بعد لازم تلعبين ..شنو تاكلين الثلاجة كلها ؟؟ ورديت لصوتي وقلت . هناء: منو قال جذي انا ولا انت ؟؟ ضحك واول مرة اشوفه يضحك من قلبه ..وقلت باستنكار. هناء: على شنو تضحك ؟؟ ما قدر يمسك نفسه ..وقال وهو يضحك سامي : آآه بطني .. من صجج ؟؟ يعني ..هههه..يعني انتي طالعة عشان انا قلت لج جذي ؟؟ لا تقولين ئي ترى رح اطيح بالأرض من الضحك .. طالعته معصبة ولفيت عنه ..وهو هني ما صدق رد يضحك ..بس الصراحة ..يا زين ضحكته .. يا حلات ويهه وهو يضحك ... قام هو وقال وهو يمسك نفسه لايضحك .. سامي : قومي ..قومي ..تراني برد اضحك .. ومشى عني ..ولأن الطريق فاضي ما في احد ..قلت بأعلى صوتي .. هناء: ما رح امشي ... لف لي وقال بهدوء .. ok set there until I finish سامي: يعرف نقطة ضعفي ..قمت بعصبية ورحت له ..وقلت .. هناء: هاذي آخر مرة تهددني فيها .. قال وهو يلف الكاب على ورا .. realy?!!! سامي : وبدا يركض وانا هزيت راسي باستنكار وبديت اركض ...بعد نص ساعة ..بديت احس الدنيا تدور حوالي .. غمضت عيوني وبطلتها ..وكملت ..بس بعد ثواني ..زاد على الدوار ..قلت بضعف وانا امد ايدي لسامي . هناء: سا...سامي .. بس الأخ كان سابقني بالأمتار ...انا خلاص مو قادرة اتكلم ..وقفت بمكاني ..والدنيا تدور حوالي ..ليما قعدت على الأرض بوهن .. بس الدوار ما رحمني ... ماحسيت بروحي لما طحت على ظهري ..وغمضت عيوني املا بانتهاء هالدوار .. بطلتهم لقيت سامي فوق راسي وماسكني من ظهري يقعدني ..ويقول بخوف .. سامي: اسم الله عليج ..هناء ..اشفيج ؟؟ قلت وانا احط ايدي على جبهتي بصوت اشك انه سمعه .. هناء: حا...ح...ـاسة ...بد...وخــ...ــة وبعدها ما حسيت بشي ...بطلت عيوني ..لقيت سامي منومني على الكرسي وحاط راسي على فخذه .. اعتقد اني فقدت وعيي لثواني ..غمضت عيوني واخذت نفس وقلت لسامي اللي قاعد يبطل بطل الماي .. هناء: خلاص ما يحتاي...انا..انا مافيني شي .. طالعني وقال بعد ما قدر يبطل البطل.. سامي: شربي ..تراج دايخة.. ومد لي علبة الماي .. بس وخرها لما شاف ايدي ممدودة وقال .. سامي : لا تعبين نفسج . شربي .. وشربني بنفسه .. شربت ليما ارتويت ..وقلت وانا احس بتحسن .. هناء: خلاص الحين احس اني احسن.. طالعني يتأكد وقال بعدين .. سامي: متأكدة ؟؟ هزيت راسي بايجاب وانا احاول اطرد الصداع .. هناء: ئي .. قمنا .. ومشينا للبيت ..وعند الباب ..لف لي سامي وقال .. سامي : شكلج لسة دايخة .. قلت وانا اطمنه .. هناء: لا تخاف مافيني إلا العافية .. ودخلنا الحديقة اللي تحيط بالبيت ..بس فجأة مسكني سامي وشالني ..قلت وانا اصرخ .. هناء: سامي ..سامي نزلني ...نزلني .. قال وهو مطنش كلامي .. سامي : شكلج دايخة .. خلاص الحين بندخل البيت .. قلت وانا ارافس مثل اليهال .. هناء: لا لا ..نزلني ..نزلني اقولك .. دخلنا البيت ..وهو لسة شايلني.. فقلت باعتراض .. قلت وانا مو مصدقة انا دخلنا البيت .. هناء: خلاص ..نزلني ..دخلنا .. بس طنشني ..وصعد فوق فقلت بصراخ قوي.. هناء: نزلني ..نزلني .. دخلنا الغرفة وحطني على السرير ...وقال .. سامي : حسبي الله على ابليسج بطيتي اذني .. قلت وانا انسدح على السرير واغطي ويهي باللحاف منحرجة من الموقف وويهي صاير احمررررر.. هناء: لا تسوي جذي مرة ثانية .. ما سمعت منه رد .. بعدت اللحاف ببطء ولين وصل لمستوى عيوني صرت منقبة .. لقيته يطالعني ويبتسم ويحاول يكتم ضحكته .. قلت وانا ارد اغطي ويهي مرة ثانية .. هناء: اطلع برة بنام .. سمعت ضحكته وبعدها صك الباب.. بعدت اللحاف ..طالعت الباب اللي طلع منه سامي ..وتذكرت اللي صار ..فشلني حسبي الله على العدو ... رحت الحمام عزكم الله وغسلت ويهي ..وبدلت هدومي ..ورديت السرير لأني لسة احس بتعب ..بس ما مداني انسدح إلا الباب تبطل .. ودخل سامي .. ومعاه صينية .. قلت وانا اقعد على السرير .. هناء: شنو هذا ؟ قال وهو يحطها على فخذي .. سامي : ريوق ..ادري مرقعبس هذا اللي عرفت اسويه .. يا الله طيب ..وحنون..وفوق كل هذا يحبني اكثر من نفسه ولو ما قالها صريحة .. بس مبين من عيونه .. والله ما ادري من وين اروح من عيونك يا سامي .. طلعني من شرودي وقال .. سامي: اكل هني مو بويهي ..يلا اكلي .. مديت ايدي وخذيت من الجبن ..بس ما كليتها قلت له .. هناء: اخذ اكل .. طالعني بعدين طالع الخبزة وقال .. سامي : الأكل لج مو لي .. قلت بعناد وسويت روحي زعلانة .. هناء: ما تبي تاخذ من ايدي ..خلاص ورديت الخبزة لصينية .. فقال وهو ياكل الخبزة .. سامي : خلاص كله ولا زعل هنوتي .. ابتسمت له ورديت آكل .. ماادري ين متى بظل على هالحالة .. حابه لحظة بعدين احتسف باجي اليوم .. احترت قلبي متلخبط وعقلي يحبه .. طالعته وهو يسولف لي وانا ابتسم عليه.. يا ترى يا سامي ..منو اللي رح يفوز بحبك ؟؟؟ قلبي ..ولا عقلي ؟؟؟ الحلقــــة الثامنـــة " المفاجأة" مرت الأيام بسرعة وياه يوم الدوام...اليوم بسجل بالجامعة .. قمت مبجر حاسة بحماس مع شوية خوف .. صليت الفير وجهزت الريوق وسامي لسة نايم..امس تأخر باليية وياه نص الليل ..بعد ما خلصت الريوق صعدت الدار شان اصحي سامي .. لف لي بكسل وقال .. سامي : شلي مقومج من الصبح؟؟ وطالع الساعة وكانت ست ونص.. قلت وانا اير اللحاف عنه .. هناء: قوم قوم صل الفير وتعال تريق ..يلا .. غمض عيونه وقال وهو يسحب اللحاف مني .. سامي : بصلي بس برد انام .. قلت باعتراض .. هناء: شنو ترد تنام ؟؟ ومتى بتقوم ؟؟ انا اليوم تسجيلي .. ما لقيت رد منه ..شكله رد نام .. هزيته بملل .. هناء: سامي ..يلا قووووم.. بطل عيونه وطالعني شوي بعدين قال بهدوء .. سامي : تراج مزعجة .. Let me sleep .. وغمض عيونه ...طنشني .. انا اوريك يا سامي ..تقربت من راسه ومسكت شعره وشديته حيل .. سامي : اااي ...هناء هدي شعري ... قلت بعناد وانا اشد اكثر .. هناء: ماكو ..قوم يلا .. مسك ايدي وقال وهو يحاول يبعدها عن شعره .. سامي : هناء قطعتي شعري ..هديه ..خلاص خلاص بقوم .. هديت شعره ..وقال وهو يمسح على مكان الشد .. سامي : حرام عليج ..مجرمة .. قلت بكبرياء .. هناء: عشان مرة ثانية لما اقولك قوم ..تقوم .. طالعني بحقد ..نظراته خلتني اضحك ..قال بضيق .. سامي : مايضحك ...قرعتيني ... وهذا ما زاد إلا من ضحكي ..حذفني بالمخدة ..بس تفاديتها ..وطلعت من الغرفة وانا اضحك ..نزلت تحت ..وقعدت على الطاولة انطره ...حطيت ايدي على خدي وسرحت ..اشتقت لأهلي...لأمي وطيبتها ..وطلال وحنانه ..وهاني ومشاغبته ولقافته ..واسما وبرودها وطيبتها ... حياتي حلوة لو انا اقدرها واحس بطعمها ..بس حب عصام الأولي معذبني ومخليني ضايعة بينه وبين حب سامي اللي قدمه لي سامي بطبق من ذهب .. والله ادري اني مقصرة معاه ..بس مو قادرة احبه مثل أي حب زوجة لزوجها ..طول سنين اللي حبيت فيها عصام كنت احس اني مالكة الكون .. ولما اكتشفت انه يعتبرني مثل اخته حسيت اني ولا شي ..حبي راح هباءا منثورا .. والأدهى والأمر انه يبي اسما ..واسما منو اختي ..لو وحدة غيرها كنت كافحت عشان ابعدها عنه ..بس هاذي اختي وانا ما اقدر ادمر مستقبلها ..وعصام يحبها وحاجزها من زمان ..ليه ما وضحت يا عصام كنت ما كلفت على عمري وملت لك ..بس الله عالم بالنفوس .. والله العالم متى رح احب سامي ..ويقدرني اني انسى عصام وما افكر فيه للأني متزوجة وهذا ما يصير ... طالعت السلم لقيت سامي ياي ..نزلت ايدي وعلدت من قعدتي وحمدت ربي ما شافني وانا سرحانة ..قال وهو يقعد بملل .. سامي : اصبحنا واصبح الملك لله .. قلت وانا اصب الجاي له .. هناء: يا الله صباح خير .. قال .. سامي : شنو بنقلبها ابتهال ؟؟ ابتسمت وقلت .. هناء: اشلون شعرك ؟؟ ومديت له الجلاص ..قال وهو ياخذه.. سامي: بقصه عشان لا تشدينه مرة ثانية ..ادري انتي اصلا محترة من شعري .. قلت وانا اسوي صمونة له .. هناء: نعم !!!! لا تصدق عمرك وايد ..مداح نفسه يبيله رفسه .. اخذ الصمونة ومارد علي ..بعدين قال .. سامي: اليوم تسجليج ..بس بسجلج وبروح كليتي .. انا اليوم عندي محاضرات ..ويمكن اتأخر عليج واطرش لج عامر مع مرته وياج بالكلية فتعالي معاهم ..اوكي ؟؟ ما عجبتني الفكرة لاني اول مرة ارطلع مع ناس غير سامي .. قلت باستسلام.. هناء: اوكي .. بس متى بتخلص ؟؟ سامي: اليوم بستلم جدولي ..ولما اخلص ادق عليج .. طلعنا من البيت وقفلنا المفتاح وعطاني سامي النسخة ..ومشينا الجامعة متوكلين على الله ومعتمدين عليه ومسميين باسمه .. عسى يكون يوم الأول لي ولسامي فاتحة خير علينا .. وصلنا الجامعة وسامي طبعا معطيني محاضرة بالجامعة وطريقتها في التعامل مع الطلبة المستجدين .. بركن سامي السيارة ونزلنا ..دخلنا الحرم الجامعي ..انا عيوني تعلقت بالناس الرايحة والرادة ..اللي لابسة بس خامة وناسية الباجي ..واللي لبسها جنها ياية كزينو ..واللي ياية وشعرها ستلايت ..مو بس البنات حتى الشباب .. فجأة دعمت شي ..وكان سامي..قلت له .. هناء: اشحقة وقفت ؟ قال وهو يقرا اعلان على الطوفة .. سامي: تسجليج يبدأ الساعة ثمان .. هناء: حلو .. طالعت الساعة وكانت سبع نص ..قال سامي وهو يطالعني .. سامي: حلو بالنسبة لج اما انا لأ ..محاضرتي تبدأ ثمان .. لاااااااا...شنو اقعد بروحي ؟؟ قلت بخوف .. هناء: خلاص عيل لا تروح محاضرتك .. قال وهو يتخصر .. سامي: لا والله ؟؟ واشرايج اسجلج المواد بعد وحضر المحاضرة بدالج ؟؟ قلت اترجاه .. هناء: سامي ..الله يخليك لا تروح وتخليني بعدين اقعد بروحي .. قال ببساطة.. سامي : قعدي .. بعدين تعالي ..انا مو كل يوم بيي معاج ..اليوم وبس ..مهمتي من اليوم ورايح رح تقتصر على توصيلج لباب الجامعة .. قلت.. هناء: اوووووف ...يعني لازم يكون عندك محاضرة ؟؟ سامي : ولازم يكون عندج تسجيل ؟؟ هناء: والله هذا مستقبلي .. قال يقلد صوتي . سامي: ومستقبلي انا بعد .. ورد لصوته الطبيعي.. سامي: يلا انا بروح يمديني الحق على المحاضرة .. مسكت ايده بخوف وقلت .. هناء: سامي .. سحب ايده وقال .. it’s over hana: سامي وراح عني ..قلت بعصبية .. هناء: وين بتروح انا بوريك في البيت .. شفته يسوي لي باي من بعيد ..طقيت ريولي بالأرض من الحرة ..ومشيت اتبع اللافتات ..لين وصلت لقاعة التسجيل اللي انصدمت من كثر الناس اللي فيها .. زحمة..وقفت بالطابور وانا ماسكة اوراقي اللي حاطتهم بملف .. خلاص انا الحين بصير طالبة في هالجامعة الجبيرة بطلابها ومبانيها ..والله يعيني على دراستها ...لازم اكرف عشان اخلص وانجح عشان ارد لأهلي ... وحدة : اووووف على هالزحمة ..وايد ناس .. وحدة ثانية : طبعا لازم يكون زحمة ..اول يوم . التفت وراي ولقيت بنتين متحجبات وعرفت انهم عرب .. تلقيفت وقلت اكلمهم .. هناء: السلام عليكم . طالعوني وما ردوا علي ..شنو مو مسلمين هذول ..قلت وانا اكمل .. هناء: اا..بس بغيت اعرف ..متى تبدأ المحاضرات ؟؟ طالعوني بتفحص ..وقالت وحدة منهم .. وحدة : على حسب جدولج .. ابتسمت بارتباك لهم من نظراتهم اللي شوي وتحرقني ..ولفيت عنهم ..حمدلله والشكر اشفيهم يطالعوني جذي ؟؟ اول مرة يشوفون وحدة ؟؟؟ وصلت اخيرا وعطيتهم الملف ..بعدها عطوني الجدول ..وعرفت بعدها انه اول محاضرة الساعة عشر .. يعني بقعد ساعتين لا شغل ولا مشغلة .. طلعت من القاعة وقعدت على واحد من هالكراسي اللي موجودة بالحرم الجامعي .. قعدت اطالع الرايح والراد واعلق على فلان وعلان ..واضحك على هذا وهاذي .. فجأة حسيت احد يتقرب مني ..نزلت راسي ..يمكن رح يعديني ويمشي ..بس وقف جدامي وقال الشاب : السلام عليكم .. عربي !!!!! رفعت راسي وقلت .. هناء: وعليكم السلام .. الشاب : انا بس بغيت اتعرف .. لا والله ؟؟ قلت وانا اقوم عنه .. هناء: تعرف على وحدة غيري.. ومشيت بس هو وقف جدامي ..وقال .. الشاب : الأخت كويتية ؟؟ اففففف ...مارديت عليه ومشيت عنه ..بس ما خلاني قام يمشي معاي وقال .. الشاب : انزين بس بغيت اعرف اسمج ..مبين عليج وحدة هادية .. طالعته بحقد وقلت .. هناء: انت وبعدين معاك ..بتذلف ولا اهفك بهالجنطة ؟؟ ضحك وقال .. الشاب : اشتقت لهلأسلوب ..بس تدرين شكلنا بتخصص واحد .. لفيت ويهي عنه مشيت ..صج قليل ادب حتى هني ؟؟ الشاب : انزين اخذي رقمي .. وقعد يقول الرقم .. وانا عمك اصمخ .. وسمعته يقول .. الشاب :اسمي عصام العالي .. عصام!!!!! بس انتبهت لصوت التلفون ..وكان سامي .. هناء: هلا سامي .. سامي : هلا فيج ..ها خلصتي ؟؟ هناء: ئي ومحاضرتي الساعة عشر .. سامي : اها ..انا الحين رايح المكتب ..إذا خلصتي دقي علي اوكي .. هناء: انت مو تقول انك رح تتاخر؟؟ سامي : دقي علي عشان ادق على عامر ايي ياخذج ..انا الساعة 11 عندي محاضرة وما اخلص إلا اربع وبعدها عندي المكتب ...فدقي لا تنسين .. نط الشاب جدامي فجأة وقالي .. الشاب : حلو عندج تلفون .. سمعت سامي يقول .. سامي : منو هذا؟؟ اربكني الشاب الخبل ..فقلت لسامي .. هناء: محد انا ...انا بالقاعة ..وو ..والناس حولي . سكت شوي بعدين قال بنفس الوقت اللي قال فيه الشاب .. عصام : تحاجين منو؟؟ قلت بدون قصد .. هناء: مالك شغل .. بغيت ارد على سامي بس شفته صكه بويهي ..يا ويلي ..اكيد عرف ..شلي خلاني ارد على هالخبل .. قلت بعصبية .. هناء: شوف ..يا تقلب ويهك ..يا مارح تشوف خير .. ابتسم وقال . عصام : ريلاكس يا حلوة ..بس بغينا نتعرف..بعدين انا قصدي شريف... مشيت عنه لما شفت ان ماكو فايدة ..بس هو ما خلاني في حالي ...يلحقني من مكان لمكان .. هناء: يا اخي مابي اكلمك غصب ؟؟ بعدين انت ما عندك محاضرات ولا ياي تلعب ؟؟ قال وهو يحط ايدينه بمخابيه .. عصام : عندي ..الساعة عشر ..وانتي ؟؟ قلت بحنق .. هناء: مالك شغل ..ويلا انقلع .. وعديته ..شفته يمد ايده بس انا بعدت بسرعة وقلت له بعصبية وتهديد.. هناء: ولا تفكر حتى .. ومشيت بسرعة عنه ..كنت خايفة ومرعوبة ..فجأة دعمت شي غمضت عيوني من الألم وطالعت فوق لقيته سامي بهيبته وطوله اللي يغطي الشمس .. قلت متفاجأة .. هناء: سامي !!!! طالعني بعدين طالع الشاب ..وقال وهو يفصخ نظارته الشمسية .. سامي: انت ؟؟ يعرفه ؟؟ عصام : سامي !!! بعد ؟؟؟ ..ما شاء الله طلعوا يعرفون بعض ..كنت واقفة بالنص بينهم جني نملة بين عامودين .. قال سامي بعصبية .. سامي: خير ؟؟ شكو لاحقها ؟؟ قال عصام ببرود.. عصام : وانت شنو اللي حارك ؟؟ بعدني سامي وخلاني وراه وقال .. سامي: انت ما تيوز ؟؟ محد يسلم منك ؟؟ قال عصام بحدة .. عصام : مالك شغل .بعدين اشفيك تدافع عنها؟؟ اخاف تصير لك وانا ما ادري .. تجدم سامي من عصام لدرجة كبيرة ..خفت انه يصكه بكس ولا شي .. بس قال بهدوء .. سامي : ان شفتك تكلمها ولا تطالعها ولا حتى بالغلط..رح اتصرف معاك تصرف ثاني ..سامع ؟؟ تجدم عصام بعد لين صاروا ويه لويه ..وقال بنبرة استهزاء... عصام: قول انك حاط عينك عليها وخلاص .. سامي: انا مو مثلك ..صايع ما عندي شي اسويه غير المغازل والدوارة بالسكيك جني متشرد .. عصب عصام وقال وهو يقرب اكثر من سامي اللي واقف مثل الجبل ما تزحزح.. عصام : احترم نفسك ..انا احسن منك يا ولد الشوارع ..ولا تبيني اذكرك ؟؟ شفت ويه سامي قلب احمر ..وقال بصوت خافت اقرب للهمس وبتهديد .. سامي : اسمع..اذلف عن ويهي قبل ما تطلع شياطيني لاني بديت اعصب .. قال عصام .. عصام : والله؟؟ خفت ...لا تسوي روحك شريف وانك ماكنت جذي ..ولا نسيت بنت خالتك ؟؟ هني رفع سامي ايده وعطاه كف سدحه بالأرض ..حطيت ايدي على فمي من الخرعة .. بس تجدمت من سامي اللي كان يطالع عصام بحقد .. ومسكت ايده وقلت بخوف .. هناء: سامي ..سامي امش .. خلنا بعيد عن المشاكل .. قام عصام وقال وهو يتحسس مكان الطراق .. عصام : بردها لك ..صدقني مردودة.. مسكني سامي ومشينا مبتعدين عن المكان ..وانا ماادري ليش واشلون صار جذي ..وقفنا بمكان هادي ..وقال سامي .. سامي: شنو قالج ؟ قلت وانا لسة خايفة ومرعوبة من الموقف .. هناء: منو هذا ؟؟ وليش سويت جذي ؟؟ ومن وين تعرفه ؟ مارد علي ..ولما شافني خايفة ..حظن ويهي بايدينه وقال بهدوء.. سامي : لا تخلين الأشكال هاذي تخوفج .. اهدي .. هزيت راسي وهو بين كفوفه .. وقلت بصوت مرتجف . هناء: انزين ..قولي ..منو هذا ؟؟ نزل ايدينه ..وقال ببرود.. سامي : واحد خبل .. المهم ..روحي محاظرتج بعد شوي بتبدا .. طالعت الساعة وكانت عشر إلا عشر...وصلني لباب القاعة ..دخلت وانا افكاري مشوشة .. قعدت على اول كرسي ..ريولي مو شايلتني من الموقف .. اول مرة اشوف سامي جذي ..الصراحة يخوف ..صج لين قالوا..اتقي شر الحليم إذا غضب ..خفت يعطيني طراق بعد عصام .. بس الله ستر .. لمحت عصام داخل القاعة بس هو ما شافني ..بدت المحاظرة ..طبعا اولها تعريف بالدكتور .. وبعدها دخلنا بالدرس ..من اولها دراسة ..عطانا اشياء خفيفة ..ومر الوقت وخلصت المحاظرة.. بدوا الطلاب يطلعون وانا قعدت انطر ليما تخف الزحمة عند الباب ..وما حسيت إلا بصوت وراي .. عصام: منو عندنا ؟؟ حبيبة سامي ؟؟ عرفته من صوته النشاز .. ما رديت عليه ولميت اغراضي وطلعت ..انصدمت لما شفت سامي قاعد برة .. مشيت لعنده وقلت .. هناء: شنو تسوي هني ؟؟ كان يلعب بموبايله ولما كلمته حطه بمخباته ورفع راسه وقال .. سامي : خلصتي ؟؟ قلت .. هناء: ئي ..مارديت علي ؟؟ وقف وقال .. سامي : ما عندي شي قلت اقعد انطرج .. بغيت ارد بس سمعت صوته النشاز مرة ثانية .. عصام : الله ..مداكم؟؟ ما شاء الله ما اقدر احسدكم الصراحة ..بس الصراحة سامي ذوقك حلو ..ولا متحجبة بعد ؟؟ الصراحة نيالك ..الحلو للحلو.. وطالعني ..هني سامي تحرك بس انا مسكته لا نسوي مشاكل على الفاضي ..ييرته وراي وعصام لسة يتكلم ..ليما قال .. عصام : رح اشتاقلج لباجر هناء ..مااقدر انام لين اشوفج باجر .. فلت ايدي سامي ..وهجم على عصام مثل الأعصار .. وقعد يقول وهو ماسك الياقة مالت قميصه .. سامي : انت ما تقولي اشتبي مني ؟؟ لاحقني وين مارحت .. حتى هني ؟؟ بعد عصام ايد سامي بقوة وقال بسخرية .. عصام: والله انا مابي منك شي ..خالتي اللي تبي ..وبنت خالتك ... اللي انت قصيت .. حط سامي ايده على رقبه عصام ولزقه بالوفه وقال وهو يضغط عليها.. سامي : اذا تبي ترجع لبيتكم سالم ابعد عني ..وبنت خالتك اللي انت مفتخر فيها وشايفها مظلومة تراها اكبر نصابة .. وبعده عن الطوفة وحذفه بالقاع ..وقال .. سامي : آخر مرة احذرك ..بعدها بدفنك وانت حي .. ومشى ..انا ظليت جامدة في مكاني ..اطالع عصام اللي كان يطالع سامي بحقد ..هني تذكرت سامي ومشيت وراه ..قلت وانا احاول امشي معاه .. هناء: سامي ..منو عصام ؟؟ ومن تعرفه ؟؟ مارد علي ..كان ماشي وهو حاط ايدينه بمخابيه ..قلت .. هناء: ليش انتوا تكرهون بعض ؟؟ لاجواب .. هناء: من اهلك هو صح ؟؟ هني لف لي وقال بعصبية .. سامي : بس سكتي عني .. بلعت لساني ومعاه الأسئلة اللي كنت ابي اسالهم اياه ..ومشينا للكفتيريا .. قعدنا ..ما كنت اتوقع اول يوم لي رح يكون بهالصورة .. هواش وخناق ..قطع حبل افكاري بصوته المتضايق .. سامي : ما تبين تاكلين ؟ قلت وانا اطالع الطاولة .. هناء: لأ .. ما علق بعدها ..رفعت راسي لقيته يطالع الفراغ ..ويهه مليان تعابير بس مو عارفة اقراهم .. ليش مو راضي تقولي ..ويقولون عنك هادي ..انت وين والهدوء وين .. طالعته وكان سارح ..يطالع الفراغ ..قلت .. هناء: سامي .. مارد علي .. ناديته مرة ثانية وهالمرة طقيت الطاولة ..اخترع وطالعني بعصبية فقلت .. هناء: اشفيك صارلي ساعة اناديك ؟؟ لف ويهه عني وقال بشرود .. سامي : ماكو شي .. ولف لي .. سامي : متى محاظرتج الثانية ؟؟ هناء: الساعة وحدة .. طالع ساعته وتنهد بضيق ..قلت .. هناء: مارحت محاظرتك ؟؟ ردل طالع الفراغ وقال بملل .. سامي : لأ.. هناء: ليش ؟؟ سامي : مالي مزاج .. هناء: ليش ؟؟ وقال .. سامي : بس جذي .. هناء: بتضيع عليك دروس جذي ..انزين متى تروح المكتب ؟؟ مارد علي ..ورد سرح ..قلت .. هناء: سامي .. لف لي وطالعني بعين نارية .وقال بحدة .. سامي : ما تلاحظين اسئلتج كثرت ؟؟ الصراحة خفت من نظراته ..ولو انه ما رفع صوته ..بلعت ريجي وسكت .. بدت المحاظرة الثانية ..وللمرة الثانية وصلني سامي للباب القاعة ..بس هالمرة ما كان عصام موجود والحمدلله..بعد المحاظرة طبعا كنت محملة بالواجبات ..ردينا البيت ..وسامي طول الوقت ساكت سرحان .. صليت الظهرودخلت المطبخ اسوي الغدا مع اني مكسرة ..بس شفت سامي واقف عند الباب ويقول .. سامي :ماله داعي تسوين شي ..انا مابي مااشتهي .. صكيت باب الثلاجة ..وقلت باستغراب من حالته .. هناء : سامي ..اشفيك؟؟ تنهد ونزل راسه الأرض وقال .. سامي :كدرني الله ياخذه ..عمري ما كرهت احد قد ما كرهت البني آدم هذا .. تجدمت وقلت .. هناء: ليش ؟؟ شلي بينك وبينه ؟؟ سامي : ولا شي ..بس هوشات قبل لما كنا يهال ... طالعته ودققت فيه وقلت .. هناء: يصير لك هو صح؟؟ مارد في البداية بس قال باستسلام لاني حاصرته .. سامي : ئي ..ولد خالتي .. كان يتكلم وهو منزل راسه ..قلت وانا ارفع ذقنه بايدي ... هناء: واشفيك تقولها وانت زعلان ؟؟ المفروض تفرح . سامي : افرح على شنو ؟؟ على ولد خالة صايع ما عنده هدف في الحياة إلا مراكض وراي ..ولا على بنت خالتي الثانية اللي تتمسكن لين تتمكن ولا على ام عصام وام عالية اللي مايعرفون في الدنيا هاذي غير الفلوس هم و.. سكت ياخذ نفس وقال بكتم الألم داخله .. سامي : هناء ..لا تفتحين علي الجروح خليها مسكرة .. وراح فوق .. كسر خاطري ..رحت وراه ..دخلت الدار..لقيته منسدح على السرير.. قعدت يمه ..وقلت وانا اطلع صورة محتفظة فيها بالكوميدنو .. هناء: طالع الصورة هاذي .. قعد واخذ الصورة ..كنا انا وخلود وطلال وعصام وعبدالله وانتصار مصورين لما كنا صغار .. قال وعيونه ما شالها عن الصورة .. سامي: حلوة ..هذول اهلج ؟؟ هناء: انا واخوي ..وعبدالله ولد الجيران وعصام ولد خالتي وخلود بنت عمتك .. ابتسم ابتسامة طفيفة ..وقال .. سامي : ياحلوج وانتي صغيرة .. قلت وانا ااشر على خلود .. هناء: وخلود بعد ..الناس عبالهم انا حنا توأم..دايما يغلطون بينا .. دقق سامي بخلود وقال .. سامي : لا تشابهج تصدقين ؟؟ يا الوقت المناسب ..قلت بهدوء.. هناء: سامي .. لف لي بدون ما يقول شي ..فقلت .. هناء : ممكن اسألك سؤال ؟؟ هز راسه بايجاب وقلت وانا منزلة راسي اطالع ريولي العب فيهم .. هناء: ليش تزوجتني ؟؟ نطرن رده بس طول ..رفعت راسي لقيته يطالعني بنظرات ما فهمتها ..نزل عيونه للصورة وقال .. سامي : انتي شنو رايج ؟؟ قلت بدون تفكير .. هناء: ماادري .. قال بخيبة امل .. سامي: ما تدرين ؟؟ قلت اصلح اللي قلته .. هناء: يعني ..ما .. وسكت ...ضاعت الكلمات مني .. طالعته ابيه يكمل ..بس حط الصورة بالسرير وقال .. سامي : قلت لج مرة وبعيدها ..اول ما شفتج تعلقت فيج ... ابتسمت وقلت .. هناء: ادري ..بس انت ماشفتني إلا مرة وحدة .. مرر ايده لى شري يلعب فيه ..وقال .. سامي : وهاذي كافية .. قلت وانا امسك ايده واحظنها بكف ايدي .. هناء: انزين ..ليش ما تزوجت خلود ؟؟ طالعني مستغرب من كلامي وموفاهم السؤال ..فقلت اوضح .. هناء: قصدي هي اولى .. سحب ايده وقال.. سامي : يعني إذا بنت عمتي خلاص اولى ؟؟ بعدين هذا زواج مو سالفة اولى ولا مو اولى .. سكت وطالعته بانبهار ..ابتسمت وقلت .. هناء: افحمتني.. قال وهو يحط ايده على صدغي .. سامي: الناس تفكر بهذا ..مو بهذا .. واشر على قلبه .. بغى يقوم بس مسكت ايده وقلت .. هناء: سؤال ثاني .. طالعني مستغرب وقال بملل .. سامي : اشفيج اليوم ؟؟ قلت وانا اقعده .. هناء: الله يخليك بس سؤال.. قال وهو يهز راسه بضجر .. سامي : قولي .. ارتبكت ..انا عارفة سؤالي بييب معاه مشاكل بس بايعتها .. هناء: شلي كان بينك وبين بنت خالتك ؟؟ انصدم من سؤالي ..نزل راسه بعدين رفعه طالعني بعدها لف ناحية الدريشة وقال بهدوء .. سامي : ما كنا بيني وبينها شي .. حسيته يقص علي ..قلت .. هناء: انزين اشحقة عصام قال جذي ؟؟ لف لي بحدة وقال بعصبية .. سامي : وانتي اشلون عرفتي اسمه ؟؟ عبالي بيقولي مالج شغل ..ما استوعبت سؤاله ..كرر .. سامي : اشلون عرفتي اسمه ؟؟ قلت بارتباك من نظراته .. هناء: انت قلت لي .. وقف جدامي وقال .. سامي : انا ما قلت لج اسمه ..اشلون عرفيته ؟ هناء: كان ..اقصد هو اللي قالي .. غمض عيونه جنه مايبيني اعرف شي وقال .. سامي : وشنو قالج بعد ؟؟ هناء :ولا شي ..بس هذا اللي صار .. بطل عيونه وطالعني ..ومشى ..قلت بصوت عالي ابيه يسمع .. هناء: مارديت علي .. قال وهو يبطل الباب وما طالعني .. سامي : رديت .. طلع وصك الباب.. يقهر هالسامي ..ما تقدرين تاخذ منه لا حق ولا باطل .. من القهر انسدحت على السرير وانا قاعدة افكر باللي صار اليوم .. وما حسيت بروحي إلا وانا نايمة .. قمت على الساعة ثلاث .. وانا حاسة بكسل ..مالي خلق شي .. نومة العصر تعب .. دورت بعيوني على سامي مالقيته ..قمت غسلت ويهي وصليت العصر ..ونزلت تحت ..وانا نازلة سمعت صوت سامي شكله يكلم احد .لما وصلت لآخر درجة ..لمحت ريال قاعد ومعطيني ظهره صعدت فوق بسرعة ..منو هذا ؟؟ طنشت ..يوعنة ابي آكل ..بس الأخ قاعد تحت ..مسكت كتبي وبطلت واحد فيهم ..تصفحته ..مااقدر ادرس وانا يوعانة .. بس ركزت شوي واندمجت ..قمت احل الواجب والمسائل اللي بالكتاب .. سمع صوت الباب يتبطل ..وكان سامي .. قلت وانا عيني على الكتاب .. هناء: راح ؟؟ سامي :ئي .. قالها وهو ينتهد ..رفعت راسي عن الكتاب ..منزل راسه كأن هموم الدنيا على راسه ..قلت اطلعه من حالته .. هناء: كليت ؟؟ هز راسه بالنفي وهو لسة منزل راسه .. هديت القلم وتسندت على الكرسي .. هناء: ليه ؟؟ رفع راسه وطالعني وقال بهدوء .. سامي : قلت لج ما اشتهي ..قومي اكلي انتي..انتي مو ماكلة شي من الصبح .. قمت من مكاني وقعدت يمه ..وقلت .. هناء: مارح آكل إلا لما تيي تاكل معاي .. طالعني بضيق وقال . سامي : هناء قلتج مو مشتهي والله ..قومي آكلي انتي .. ابتسمت له بدلع وقلت .. هناء : وإذا قلت لك انا عازمتك برة .. ابتسم مجاملة لي بس كانت ابتسامته باهتة .. سامي : تدلين مطعم عاد ؟؟ هناء: لأ ..عليك التوصيل وانا علي الفلوس .. قال بنفس الأبتسامة .. سامي: من وين ؟؟ حطيت راسي على جتفه وقلت .. هناء: منك..انا وانت واحد .. رفعت راسه عن جتفه وقلت.. هناء: صح ؟؟ وقمت وكملت .. هناء: يلا قوم .. بدلنا وطلعنا وطول الطلعة احاول اطلعه من حالته ..الصراحة يكسر الخاطر ..اهله متحاملين عليه ..شي صعب تعرف ان اهلك ما يحبونك .. سامي : ما قلتلي اشسويتي بالكلية ؟؟؟ قلت وانا اشبك ايدي بايده واطالع البحر .. هناء: ولا شي ..كان يوم عادي سجلت واخذت محاظرتين .. ما علق ..وانا عجبني منظر البحر وقت الغروب ..قلت وعيوني على البحر .. هناء: الله يا حلاة البحر ..تصدق احب البحر بالنهار بليل اكره .. قال وهو يعدل الكاب ماله .. سامي : ليه ؟؟ احلى شي البحر بليل .. هناء: لا مو حلو ..احسه غدار بليل ما تعرف شنو فيه ..حتى السباحة فيه بليل مو حلوة ..ما تشوف شي .. وقف يمي وقال وهو بطالع البحر .. سامي : مو يقولون البحر غدار .. هني تذكرت عصام ..حسيت بالغدر مع انه ما سوا لي شي ..انا اللي حبيت وانا دفعت الثمن آخر شي .. قلت وكانت نابعة من قلبي .. هناء: بس مو نفس غدر البشر .. حسيته يطالعني ..بس طنشت وقعدت اطالع البحر ...غمضت عيوني واخذت اشتنشق نسيم اللي يهب علينا .. سمعت سامي يقول .. سامي: شكلج جربتي .. بطلت عيوني ولفيت له وقلت باستغراب .. هناء: جربت شنو؟؟ سامي : الغدر.. رديت طالعت البحر وانا احاول اطرد عصام من مخيلتي ..وقلت بشرود.. هناء: قول عشتيه لحظة بلحظة.. وانتبهت للي قلته ..ولين ..طالعت سامي بس كان يطالع البحر ..الحمدلله ما انتبه ..بس خابت ظنوني .. سامي : في احد معين غدر فيج ؟؟ ارتبكت وقلت .ز هناء: لا ..بس رفيجة لي كنت احبها حيل وغدرت فيني .. سامي: وهي كانت تحبج ؟؟ ما طالعني لما قال جملته ..قلت وانا اطالع تحت ...محقق .. هناء: ما ادري ..بس اكتشفت بالنهاية انه حب من طرف واحد ..يعني كان عبالي انها تحبني ..بس طلعت غلطانة .. ونطت جدامي صورة عصام ..غمضت عيوني اطرد صورته لأنه ما يجوز..رفعت راسي وبطلت عيوني لقيت سامي يطالعني ...وجهت ويهي شطر البحر اتهرب من نظراته ..سمعته يقول .. سامي : هذا مو غدر .. طالعته مو فاهمة اللي قاله ..فكمل يوضح .. سامي: يعني اللي كنت تحبينها ما كانت تدري انج تحبينها صح ؟؟ يعني هذا مو غدر ..انتي اللي تحسسين نفسج انها غدرت فيج ..ولا هي ما سوت شي لأنها مثل ما قلتي ما كانت تدري بحبج لها .. وحط عينه بعيني كأنه عرف شنو اللي في بالي ..وقال بهمس .. سامي : صح ولا لأ؟ طالعت عيونه الفاتحة ..حسيت انها كشفتني واني محل شك .. بعثرت نظراتي ..قال سامي .. سامي: لا تظلمين البنت ما تدري عنج هي .. وشد على ايدي وقال .. سامي : امشي خل نروح نقعد على الرمل .. ورحنا للشاطئ وقعدنا فيه ..الشمس تعلن رحيلها ..قلت وانا في بالي لسة سالفة الغدر .. هناء: وانت ما تعرضت لغدر مرة ؟؟ سامي : وايد .. كنت ابي اتكلم بس سبقني وقال .. سامي : don't try ارتسمت خيبة الأمل بمحياي وقلت بضيق .. هناء: دومك جذي .. وقمت اتمشى على البحر من الضيق اللي فيني ذكرني بالماضي وما يبيني اعيش الحاضر ..يبط الجبد .. طالعت ورا لقيته قاعد وفاصخ الكاب ومغمض عيونه ..لين الحين احسه متضايق ..اول مرة اشوف احد يكره اهله ..بس شكله ما يكرهم مني والدرب اكيد سووا له شي ..رحت له ..وقلت وانا اتخصر .. هناء: تراني تعبت .. بطل عيونه شكله توه انتبه لي .. سامي : what؟؟ مسكته من ايده ويريته وقلت بعصبية .. هناء : احنا يايين عشان نستانس مو عشان نتضايق..امش جدامي يلا .. ووقف ونفض التراب عنه وقال وهو يلبس الكاب ويبتسم .. سامي : حاضرين للطيبين ..جم هناء عندي .. ومشينا على البحر وريولنا بالماي ..قلت وانا اوقف جدامه وامشي عكسه .. هناء: تدري اني ما اعرف انت اي الألوان تحب ؟؟ قال بسرعة .. سامي: الأسود.. طالعته متصنعة الخوف .. هناء: بل ..اسود !!! ليش ؟؟ قال ببساطة .. سامي: الأسود سيد الألوان .. قلت .. هناء: انا اموت على الوردي .. الوردي يدل على النعومة.. طالعني وقال يتطنز .. سامي : الله والنعومة عاد .. طقيته على راسه وقلت .. هناء: مالت عليك .. ضحك .وانا ماصدقت انه رد لي..قلت .. هناء: ئي جذي اضحك ..الدنيا ما تسوى .. ابتسم لي وما علق.. بس فاجئني سؤاله المباغت .. سامي : حبيتي احد بصدق مرة ؟؟؟ وقفت في مكاني واختفت الضحكة من ويهي ..وحلت بدالها الصدمة ..قال هو سامي: اشفيج ؟ لازم تذكرني ..قلت وانا مشتتة.. هناء: لا طبعا .. سامي : واشفيج تقولينها وانتي خايفة؟؟ قلت بسرعة هناء: مو خايفة .. طالع البحر وقال .. سامي : الحب حلو لو فهمناه وعرفنا معناه .. استغربت من كلامه وقلت .. هناء: شنو مناسبة الكلام هذا ؟ هز جتوفه دلالة البساطة وقال .. سامي: ماله مناسبة ... حكرني بالزاوية ..خبيث ..خل اقوله وارتاح ..حاسته عارف شي ..اقوله احسن ما يعرف بطريقة غلط .. هناء: ئي حبيت .. قلتها ونزلت راسي الأرض بسرعة ..رد بعد ما طال السكوت .. سامي : ممكن اعرف منو ؟؟ بطلت عيوني وكان شكله يحاول يبلع الصدمة .. قلت بطء.. هناء: عصام .. حسيته انصدم صدمة قوية ..قال بصوت خافت .. سامي : عصام !!! طالعته مو فاهمة شي ..بعدين فهمت ..قلت بسرعة .. هناء: عصام ولد خالتي انا .. هدأ شوي ..بس لسة حاسته مشدود الأعصاب..اخذ نفس بعدين قال . سامي: انا كان قصدي من السؤال انج منو تحبين احد من اهلج ربعج بصدق.. وقفت مثل الشيرة ... حسيت ان الهوا انسحب مني..او انه ما عدا فيه هوا اصلا ..خبلة ..تسرعت ... مشى عني .. وعلى الساعة ثمان ردينا البيت ..وطول الوقت احاتشى اتكلم معاه وهو بالمثل ..موقف محرج الصراحة .. من كثر ما تروح وترد صورة عصام في بالي قمت اقط خيط وخيط ..يالله سترك .. لما ييت انام ..غطيت روحي ..سمعته يقول.. سامي :ترى حتى البنت تحب..الحب مو عيب .. تجمدت في مكاني ..وظلت ايدي معلقة في الهوا ماسكة اللحاف ..لفيت له لقيته يبتسم لي بحنان ..خفت اقول شي ويطلع غلط .. غطيت روحي باللحاف بس سامي سحبه مني وقال وهوقاعد يمي .. سامي: هناء..لا تستحين..انتي ما سويتي شي غلط ..حبج كان شريف .. غمضت عيوني مابي اسمع شي ..كمل هو.. سامي : وانا ادري انج ما سويتي شس يغضب رب العالمين ..وحبج كان طاهر.. بطلت عيوني والتفت له متعجبة من كلامه .. هناء: اشدراك ان حبي كان طاهر؟؟ لو واحد غيره ودرى ان مرته كانت تحب واحد ثاني دفنه .. حط راسه براسي وقال .. سامي :حبيبي ..انا اثق فيج ..لو ما اعرف عقلج الكبير ما كنت تزوجتج .. وغطاني باللحاف وقال .. سامي :نامي وراج دوام وانا بعد وراي دوام .. وبدال ما انام ..تجمعت الدموع في عيوني ..ونزلت ..ماادري من واروح من طيبتك يا سامي ..هالبني آدم بيجلطني بمثاليته وحبه الأعمى لي .. شاف سامي دموعي فقال .. سامي : هناء..اشحقة تبجين ؟؟ قلت وانا امسح دموعي .. هناء: لو واحد غيرك ما كان نطر لين الليل ..كان ذبحني لحظتها .. قال وهو يمسح دموعي معاي .. سامي: انت قليتها بنفسج ..واحد غيري ..يلا نامي.. ابتسمت له وقلت بلحظة حب اجتاحتني ناحيته .. هناء: تصبح على خير حبيبي.. قال وهو يتلحف .. سامي : وانتي من اهله .. اليوم الثاني كان نفس امس .. ما صار شي جديد اللهم ما شفت عصام الخبل ..وسامي من درى ان عصام نفس تخصصي قال .. سامي: صج ؟؟ انا اعرف انه كان يدرس طب .. طب !!! هناء: وشلي خلاه يدرس محاسبة ؟؟ ابتسم ابتسامة استهزاء وقال .. سامي : اكيد ما فلح فيها وياه هني يجرب حظه بالمحاسبة ..واحد ما عنده هدف ..امشي .. ودخلنا الجامعة .. من اليوم ورايح هو بيوصلني لين القاعة ولما اخلص القاه عندي ..ماادري ما عنده محاضرات ولا شنو ؟؟ في يوم قلته .. هناء: سامي غلط اللي تسويه ..انت عندك محاضرات بعد .. قال وعيونه على اللاب توب .. سامي: ادري حياتي ...انا لما اوصلج اروح محاضرتي واستأذن بآخر عشر دقايق فيها .. قلت وان ااشرب النسكافيه .. هناء: والأستاذ ما يقولك شي ؟؟ سامي : يعني ..بعض المرات .. هناء: الزم ماعليك دراستك .. حرر عيونه من الشاشة وقال .. سامي: فداج الدراسة واهلها .. ابتسمت بخجل ..يغدقني بحبه ..وانا للين الحين ما نبض قلبي ناحيته .. العصر طلعنا نتمشى بعد ما درست ..وبالردة عند باب البيت .. هناء: لا والله ؟؟ اشايفني ..مينونة ؟؟ ابتسم وقال .. سامي : والله انتي ادرى بنفسج .. ووصلنا للباب حط سامي ايده بخباته وطلع المفتاح ..وبغى يحطه بالقفل بس تحرك الباب وتبطل شوي .. طالعنا انا وسامي بعض ..قلت .. هناء: شنو حرامي ؟؟ قال وهو يدز الباب .. سامي : ماادري خلج برة.. ماسمعت كلامه ودخلت وراه ..وقفت عند عتبه الباب بس ..بطل سامي الليتات ..تفاجأنا بوحدة قاعدة على القنفة واول ما تبطل الليت لفت لنا .. هني شفت ويه سامي يتلون ..كان يطالع المرة بدهشة ...وقال .. سامي Mom !!! الحلقـــــة التاسعــة "اوراق مخفية" لما نطق سامي بهالكلمة نقلت عيوني من ويه سامي للمرة اللي قاعدة تطالعنا ..هاذي امه ؟؟؟ واااااو ...رائعة الجمال .. الصراحة ولا ممثلات هوليوود .. حلوة... ما شاء الله ...شعر طويل مصبوغ اشقر ..ومكياج .. ما صدقت انها امه ..هاذي شكلها ما دخلت الثلاثين .. وقفت وانا ينيت على جسمها الفنان .. كنت اطالعها مبهورة ..حسيت سامي يطالعني وكانت نظراته شر ..فغضيت بصري ونزلته الأرض ..خفت يزعل مني .. بس شسوي مو بايدي ... حورية تمشي على الأرض ..سبحان الخالق فيما خلق ... قالت واخيرا انطقت .. ام سامي : ما رح تسلم على امك يا سامي ؟؟ طالعت انا سامي الي كان منزل راسه بهاللحظة يلعب بالسويج وقال ببرود .. سامي : اشلونج ؟؟ ورفع راسه يطالعها .. قالت امه وهي تقرب منه اكثر ومعاها كانت ريحة العطر تشتد .. ام سامي : بخير .. انت اشلونك ؟؟ طالعها سامي بنظرات استهزاء ..تحرك من مكانه وراح قعد على القنفة ..وقال وهو لسة يلعب بالسويج .. سامي: شنو سر الزيارة الغريبة ؟؟ طالعتني امه بنظرات غريبة ..ولفت لسامي وقالت .. ام سامي : ما تبي تشوفني ؟؟ ابتسم وقال .. سامي: حاشى وكلا ..انا مابي اشوفج ؟؟ واشر على روحه بس قالها وهي مليانة سخرية .. لفت لي امه فجأة لدرجة اني انتفض ماادري ليه ..وقالت وهي تؤشر علي .. ام سامي : ومنو هاذي .وحدة يديدة؟؟ طلعت عيوني من مكانها من الصدمة وطالعت سامي اللي قال وهو يتعدل بقعدته ويلف لأمه .. سامي: انا ما عندي وحدة يديدة ولا قديمة .. تخصرت امه وقالت .. ام سامي : عيل منو هاذي ؟؟ طالعني سامي بعدين طالع امه وقال .. سامي: مرتي .. صعقت ..طالعت سامي بدهشة ..وقالت بصدمة .. ام سامي : تزو..تزوجت؟؟ قال وهو يرد يلعب بالسويج .. سامي: من شهرين .. كان نفسها مسموع من العصبية .. قفصها الصدري ينزل ويرتفع من القهر .. لفت لي وتقربت مني ..وقالت وهي توجه الكلام لي بحقد .. ام سامي : قدرتي تلعبين بعقله ؟؟ انتي من وين ياية ؟؟ لا نعرف لا اصلج ولا فصلج .. اكيد انتي وحدة من الخمة ..شفتيه غني قلتي خل استفيد منه ..بس سمعي ما رح تحصلين منه ولا بيزة .. واحسلج تردين مكان ما ييتي ..و.. سامي : يماااااا قاطعها سامي بصوته العالي اللي اول مرة اسمعه ..كمل وقال .. سامي: هاذي مرتي وما اسمح لأحد ان يهينها ولا بكلمة وحدة .. وإذا على الفلوس تزوجت ولا ما تزوجت انا ما رح اعطيها لكم .. قالت وهي تؤشر على روحها .. ام سامي : تبديها علي ؟؟ انا امك . قال بانفعال مبالغ .. سامي : امي ؟؟!!!! الحين ياية تقولين انج امي ؟؟ وينج عني من سنين ؟؟ وينج يوم كنت احتاجج وما القاج ؟؟ وينج يوم كنت بدار الأيتام؟؟ وينج يوم ...( اخذ نفس ) .. وييه صار احمر من القهر ..بلع ريجه وقال وهو يقعد بضعف ويمرر ايده على شعره .. سامي : يوم اتهمتوني ظلم ... ورفع راسه وكمل بصوت بائس .. سامي : صرت يتيم وامي ابوي عايشين ... دار الأيتام !!!!! سامي كان بدار الأيتام؟؟!!!!.. تجدمت منه امه وقالت بحنان مصطنع .. ام سامي : يما انا .. وحطيت اديها على جتفه ..بس سامي بعد ايدها وقال بعصبية ومرارة.. don’t ever touch me:سامي ووقف ..وقال يوقف يمي .. سامي: كاهو عرفتي اني تزوجت ..في شي ثاني بعد؟؟ لفت له امه ببطء وقالت .. ام سامي : ادري انك ما رح تتقبلني ..بس على العموم ..انا ياية عشان عصام .. ضحك سامي وقال .. سامي: قالج دلوع امه ؟؟ قالت بعصبية .. ام سامي : ليش سويت فيه جذي ؟؟ هذا ولد خالتك .. قال باستعباط .. سامي : عبالي ولد عمتي .. قالت امه مستنكرة استهزاءه.. ام سامي : ساااامي .. ابتسم لها وقال .. سامي : والله يوم يتأدب ذيج الساعة مارح اضايقه ولا اضايق امه ..ست الحسن .. وانقلبت ملامحه بسرعة لوجه جامد مافيه تعابير .. سامي: بس إذا عرفت انه يفكر بس انه يأذيني ..بخليه يلعن الساعة اللي عرفني فيها .. تقربت منه امه ليما صارت بويهه..وقالت بقهر .. ام سامي : انت ما تقولي لين متى بتظل على هالحالة ؟؟ قال يستعبط مرة ثانية .. سامي: ماادري .. اظن ليما تعقلون انتوا .. ام سامي : شايفنا ميانين ؟ طالع فوق يفكر ..وانا كنت خايفة من العواقب ..اسكت يا سامي مالنا خلق مشاكل .. سامي: لا .. اشوفكم طماعين .. قالت امه باستخفاف .. ام سامي : على شنو ؟؟؟ وطالعتني وكملت .. ام سامي: على مرتك اللي ماادري من وين يايبها ؟؟ تقرب منها سامي وقال .. سامي: لأ وانتي الصاجة ..على فلوسي اللي انتوا حاولتوا اتسوون المستحيل عشان تاخذونها مني .. قالت امه بانفعال .. ام سامي : انت صدقت ان يدتك كتبت الثروة كلها لك ؟؟ ابتسم وقال.. سامي: وانتي صدقتي اني بعطيج منها ؟؟ انقهرت امه وقالت .. ام سامي : يدتك اللي مفتخر فيها ..ماتت وما عندها ورث .. قال باستهبال .. سامي: والله!!! توني ادري .. كملت .. ام سامي : لا تعتقد ان الحلال والخير اللي انت فيه من يدتك ..تراها فلوسي .. هز راسه بتفهم وهو اصلا يتطنز ..وقال .. سامي: والحين شنو المطلوب ؟؟ ام سامي : تعتذر من عصام .. شنوووو؟؟؟ قال سامي ببرود .. سامي: آسف .. ام سامي : مديت ايدك عليه وفشلتني جدام امه وما تبي تعتذر ..صج انك قليل ادب وما عرفت اربيك ؟؟ هني انفجر سامي يضحك ..وقال وهو يحاول يجمح نوبة الضحك .. سامي: ما عرفتي تربيني ؟؟!!!..ليش انتي اصلا ربيتيني ؟؟ وللمرة الثانية انقلبت ملامحه بسرعة بس هالمرة لعصبية وحقد وقال بصوت اشبه بحفيف الحية .. سامي: انتي ولا شي بحياتي ..ولا شي .. ودوى في البيت صوت صدى طراق ..كان هذا طراق عطته ام سامي لسامي ..شهقت انا وحطيت ايدي على حلجي.. قالت بعصبية مبالغة .. ام سامي: طول عمرك بتظل ناكر للجميل .. طالع على ابوك ..حاقد وجاحد للنعمة .. مو انا اللي طلعتك من دار الأيتام ؟؟؟ مو انا اللي سكنتك عندي ومع زوجي وخليتك مثل الملك بعرشه ؟؟ ومسكت جتوفه وهزتهم بقوة ..وكملت بصراخ .. ام سامي : رد علي ؟؟ مو اناااا؟؟ بعد سامي ايدين امه وقال بنفس صراخها واقوى .. سامي: لأ ..لأ ..مو انتي ... مو انتي .. لولا صوفي وام عامر الله يحفظها لي كنت الحين لسة طرار قاعد بالشارع ..هي الي ربتني واللي دارتني ...هي اللي خلت لحياتي معنى ..حتى ولدها عامر ..اعتبرني مثل اخوه .. صرخت امه وقالت .. ام سامي : لولاي انا ..ما كنت بني آدم واقف جدامي .. و.. قاطعها سامي بأشارة من ايده وقال.. سامي: لا تفتحين مواضيع قديمة ..تراج انتي الخسرانة .. تنهدت امه ونزلت راسها وقالت بيأس.. ام سامي : انا ماادري لين متى بتظل حاقد علي .. انا امك . قال سامي بصوت حزين نابع من قلبه .. سامي: وانا ولدج ..اللي فضلتي عليه ريلج المصون ..اللي وراني نجوم في عز الظهر ..ويوم طلعت من عندج ..رحت لأبوي ..وكانت مرته مثل السوط على ظهري ..اخرتها قطتيني دار الأيتام ..خلتيني اتوهم انج مو امي ..واني ولد شوارع ..تسع سنين ..تسع سنين وانا يتيم جدام نفسي وجدام العالم ..والحقيقة تقول العكس .. سكت شوي ونزل راسه ..وكمل بعد ما اخذ نفس .. سامي: بعد ما عرفتي ان يدتي كتبت الثروة كلها باسمي ..طلعتيني من دار الأيتام ..وقلتي لي انج امي .. وببساطة تبيني اصدقج ..لولا الأوراق اللي تثبت اني ولدج ما كنت صدقتج .. قاطعتها امه وقالت والدموع بدت تتجمع بعيونها .. ام سامي : انت ولدي ..وبتظل ولدي .. قال بنفس النبرة وبس بصوت خافت .. سامي : وهاذي المشكلة ..اني ولدج ..وانتي امي .. طالعته امه بنظرات حزن وامل بنفس الوقت يمكن يحن شوية ..بس نزلت راسها ..وردت رفعته وطالعتني ..ومشت ..طلعت برة البيت ..بهدوء .. وانا واقفة مثل عامود النور ..منصدمة من اللي سمعته .. مذهولة من الموقف اللي صار ..حزينة لسماع قصة مثل هاذي ..في ام تسوي بولدها جذي؟؟ تسع سنين قاطته بدار الأيتام !!!! تسع سنين !!!! غمضت عيوني واخذت نفس ..الموقف مو راضي ينمحي ..لفيت لسامي النايم .. وبصعوبة نام ..بعد ما بانت الحقيقة قالي كل شي .. انظلم بحياته ..عاش سنين عمره ما بين امه وابوه ..وعذاب مرت ابوه وزوج امه ..انولد ومكتوب الشقا عليه .. وبعدها بسنة تطلقوا امه اوبوه ..خذته امه وعاش ست سنين عند ريل امه ..اللي وراه الويل ..بعدها اشتكى ابوه وخذاه بقوة المحكمة ..وحطه عنده ..وتأمل سامي من العيشة اليديدة الخير ..بس للأسف ..مرت ابوه كانت مثل الحية ..بس يدته من ابوه كانت مثل البلسم ..هي اللي كانت تضحك وتلعب معاه ..لما دخل الــ11 سنة ..امه ردت تطالب فيه ..وفعلا نجحت ..خذته عندها بس بكل قسوة قطت بدار الأيتام وانكرت انه يكون ولدها ..لما حست يدته بعمايل امه وابوه فيه كتبت الورث كله له ..وماتت .. ولما درت امه طلعته من دار الأيتام وقعدته عنده ..بس سامي حزتها صار ريال مسؤول عن نفسه ..طلع من بيت امه وقعد مع عامر رفيج عمره ويا امه .. ومن هني قطع مشوار حياته وبدأها صح ..وتناسى اللي صارله ..خلص الثانوية ودخل الجامعة ..وفتح مكتب بفلوس يدته .. وللين الحين امه وابوه يلاحقونه يبون فلوس .. انا من وجهة نظري اشوف اللي سواه سامي صح من جهة ..ومن جهة ثانية احسه بالغ شوي برده على امه ..لأن مهما صار هاذي امه .. وما يصير يتكلم معاها جذي.. انتبهت على صوت المنبه ..وكانت الساعة خمس ونص ..قمت توضيت وصليت الفير ..دعيت لسامي ولي .. بعدها رحت اقعده .. هناء: سامي... بطل عيونه وطالعني ..ورد غمضهم وقال بكسل ..شكله ما نام .. سامي: ساعة جم؟؟ هناء : ست إلا ثلث..يلا حبيبي قوم صل الفير .. بطل عيونه وقال .. سامي: صباح الخير .. ابتسمت بحبور..وقلت .. هناء: صباح النور .. بعد عنه اللحاف ..وقال بعد ما قعد .. سامي: هناء.. رفعت راسي لقيته يطالعني بعيونه الفاتحة ومدقق في ويهي .. قال بجدية .. سامي : آسف على الكلام اللي قالته امي .. هناء: ماله داعي الأعتذار ..هاذي بحسبة امي .. وكملت بمزح .. هناء : ولو ان شكلها قدي .. ابتسم ابتسامة باهتة ..وقام يتوضى .. طلعت انا من الغرفة ونزلت المطبخ ازهب الريوق .. نزل سامي بعد ما ناديت عليه وقعدنا نتريق .. لو اني لاحظت انه ما ياكل .. سامي: ساعة جم بتخلصين اليوم ؟؟ قلت وانا آكل .. هناء: ساعة 12 ..بتي تاخذني ؟؟ سامي : اكيد .. طلعنا من البيت ..رحنا لمكان المعهود الجامعة .. وصلني سامي كالمعتاد لباب القاعة وراح ..بدت المحاضرة .. وانا اندمجت فيها .. لما خلصنا ..لميت اغراضي .. وطلعت من القاعة .. استغرب لما ما لقيت سامي موجود ..شكله عنده محاضرة .. خل اقعد يمكن ايي ..هو بين المحاضرات القاه جدامي ..ليما اخلص ونروح البيت ..تعودت على هالشي ..والصراحة اريح ..احسن من اني اشوف ويه العنز عصام ..مع انه ماداوم ..ايي يوم وعشرة لأ .. خلــ.. " الحلو قاعد بروحه !!" التفت للصوت ..وكان الزفت عصام ..توه على بالي ..اففففف ..لميت قشي وقمت من الطاولة .. وطبعا هو وراي مثل ظلي .. عصام : صج اللي سمعته ؟؟ انتي مرت سامي ؟؟ يازين ما اختار .. الصراحة ذوقه حلو .. لو ماادري انج مرته كنت تزوجتج .. هني انا وصل الدم لراسي ...لفيت له وقلت بعصبية .. هناء : صج انك قليل ادب ..وهذا انا مرت ولد خالتك يا الخبل تسوي فيني جذي ؟؟ قال بخبث وابتسامة شاقة الحلج .. عصام : عشان انتي مرته اسوي فيج جذي .. مارديت عليه وكملت مشيي ..سمعت صوت التلفون ..وكان سامي .. لفيت وراي مالقيته احسن ذلف ..رديت على سامي.. سامي: حبيبي ..انا آسف ما اقدر ايي ..بطرش لج عامر ..هو بيي ياخذ مرته تعالي معاهم .. هناء: وانت متى بتيي؟؟ سامي : على الساعة وحدة ..ثنتين .. يلا عمري ..مع السلامة .. حتى ما نطر ارد عليه ..شكله مستعيل .. دخلت المحاضرة الثانية .. وانا في بالي لسة جملة الأهبل عصام .." عشان انتي مرته اسوي فيج جذي " ..شلي بينه وبين سامي ؟؟ فلوس ولا شي ثاني ؟؟ والله سالفتك سالفة يا سامي .. احس انك ما قلت لي القصة كلها .. بعد ما خلصت المحاضرة المملة ..حسيت بايد على جتفي ..عبالي عصام ..فلفيت وانا ناوية شر ..بس طلعت بنت ..الحمدلله .. قالت .. : السلام عليكم ..اكيد انتي هناء .. طالعتها باستغراب وقلت .. هناء : وعليكم السلام ..بس من وين عرفتيني ؟؟ : انا اسمي شيخة مرت عامر ..انتي هناء مرت سامي رفيج ريلي .. مديت ايدي اسلم عليها وقلت .. هناء: هلا والله .. بعد السلام الكلام عرفت انها نفس تخصصي ..اكبر مني بسنتين ..قعدنا نسولف..الصراحة سوالفها ما تنمل وعقلية منفتحة ومثقفة .. ليما رن موبايلها وقالت لي ان زوجها برة .. كنت مستحية ..اول مرة اركب مع احد غريب ..طول الطريج ساكتة ..ولما وصلت .. صليت الظهر وتسبحت ونزلت اسوي الغدا مع اني مكسرة ..ليما خلصت .. مسكت التلفون ..ودقيت على سامي .. هناء: وينك فيه ؟ سامي: كاني ياي بعد ربع ساعة .. هناء: خلاص اوكي .. حطيت الأكل على الطاولة وغطيته ..وقعدت على القنفة انطره...وخذتني الأفكار .. ودي اعرف سالفته بالكامل ..بس اشلون ؟؟ اشلون ؟؟؟ رفعت راسي وطالعت الساعة ...تأخر ..قال بعد ربع ساعة والحين صارله ساعة إلا ربع ..وقفت ابي اروح للتفلون بس .تبطل الباب وكان سامي .. قلت وانا اروح له .. هناء: تاخرت .. وينك؟؟ فصخ نظارته الشمسية وقال وهو يحط مفتاحه على الطاولة اللي يم الباب .. سامي: خليني اسلم بالأول ..السلام عليكم .. قلت بسرعة .. هناء: وعليكم السلام .. عداني وقعد على القنفة ..وسند راسه على ظهرها ..استغربت منه ..قلت بخوف .. هناء: سامي ..اشفيك ؟؟ طالعني بعدين قال وهو يتنهد .. سامي: مافيني شي .. بس خالتي اليوم ماتت .. بطلت عيوني من الصدمة .. ماتت!!! .. بس انتبهت لأسلوب سامي ..ويقولها ببرود .. رحت وقعدت يمه وقلت .. هناء: واشفيك تقولها ببرود جذي ؟؟ ما طالعني ...طنش سؤالي وقال .. سامي: بروح انام ..قعديني على صلاة العصر .. قلت بسرعة .. هناء: ماتبي تاكل ؟؟ لف لي بملل وقال . سامي: لأ ..ما اشتهي .. هزيت راسي باستنكار ..حتى ما فكر يقولي نروح نعزيهم ..ولا يقولها ببساطة " خالتي ماتت " ..لو كانت امه شنو رح يسوي ..وتذكرت اللي صار امس ..مرة اقول معاه حق ومرة لأ ..والله محيرني سامي .. بطلت التلفزيون بقهر ..وقعدت اطالع اي شي .. مر الوقت بطيء .. " هناء.." صوت اعرفه دخل حلمي ..بطلت عيوني لقيته سامي واقف فوق راسي .. سمعته يقول يعاتبني .. سامي : وهذا انا موصيج تقعديني ... انحرجت ..صج نسيت ..طالعت التلفزيون اللي كان مبطل ..بعدين لفيت لسامي وقلت .. هناء: الساعة جم؟؟ سامي : اربع ونص ..قومي صلي .. وفركت عيوني وقفت بكسل رحت الحمام عزكم الله اللي تحت ما لي خلق اصعد فوق ..توضيت ورديت الصالة ..لقيته لسة قاعد عبالي بيطلع بيروح المسيد اقصد اللي يسمونه مسيد لأنه بيت صغير يصلون فيه كل صلاة .. قعدت وقلت ببرود مصطنع .. هناء : ما رح تروح الصلاة ؟؟ قال وهو ساند راسه على ظهر القنفة بطفش .. سامي: بلى ... وكمل وهو يرد شعره ورا. سامي : سمعي ..بنروح عزا خالتي ..اليوم بيودون جثمانها الكويت تندفن هناك .. جهزي روحج .. وقام طلع من البيت ..فيه الخير ..اخيرا تذكر ..الحمدلله ..ابتسمت برضا ..وتنفست بحماس ..على الأقل اشوف اهله كلهم ..صعدت فوق وصليت العصر ولبست عباتي ونزلت تحت انطره .. وفعلا وصل .. دخل وهو ساكت وركبنا السيارة وهو ساكت ..ماادري شنو فيه ..من سالفة امس ؟؟!! يمكن .. ولا زعلان على خالته ؟؟ ما اعتقد ..سامي يكره اهله .. وصلنا لعمارة ..التفت لسامي وقلت .. هناء: أي دور ؟؟ مارد علي ..طالعته عدل .سرحان ..ناديته بهدوء .. هناء: سامي .. انتبه علي اخيرا ..ولف لي بدون ما يتكلم وقلت .. هناء: اشفيك ؟؟ بعثر نظراته وقال بتشتت.. سامي: ماكو... وسكت ...كأنه يفكر بشي .. كمل وقال .. سامي: لو ..لو امي.. غمض عيونه بألم وقال وهو يلوح بايده بعشوائية .. ... الدور الثاني ..شقة سبعة ..forget it …سامي: طالعته لعلي استشف منه سبب حزنه وشروده .. بس ماكو فايدة ..له قدرة على تغيير ملامحه بجزء من الثانية .. نزلت من السيارة وانا افكر بسؤاله ..شنو كان يبي يقول ؟؟ انكمشت على روحي بسبب تيارات الهوا الباردة ..ومسكت شيلتي لا تطير ..ودخلت البناية وركبت السلالم ..وصلت الشقة طقيت الباب وبعد ثواني فتحت لي ..قلت بذهول .. هناء: عالية !!!! طالعتني كأنه ما تذكرتني ..فقلت .. هناء : انا هناء رفيجة خلود اللي زرتيها في الكويت .. دققت فيني بعدين تذكرتني ..سلمت علي ودخلتني ..البيت طبعا كان مليان حريم ..بس ما ادري منو هم .. بس لمحت ام سامي اللي كانت عيونها علي مثل الصقر ..اخترعت من نظراتها لفيت الناحية الثانية اهرب من عيونها ..ولقيت صوفي ..رحت قعدت يمها بعد ما سلمت عليها .. صوفي : الله يرحمها ...الله يعينا لعالية .. استغربت وقلت .. هناء: شكو عالية ؟؟ طالعتني صوفي ببلاهة وقالت .. صوفي : شنو بنا هناء؟؟ ام عالية هي اللي ماتت .. بطلت عيوني على وسع ام عالية ؟؟ يعني سامي يصير ولد خالة عالية ؟؟؟ " شلي يايبج هني ؟" انتهبت على الصوت ..لفيت يميني لقيت ام سامي قاعدة وعينها تقدح شر ..كررت سؤالها بصوت خافت بس بحقد .. ام سامي: شلي يايبج هني ؟؟ قلت ببساطة .. هناء: ياية اعزيج بأختج.. ابتسمت بسخرية وقالت .. ام سامي : مشكورة وما قصرتي ..والحين قومي طلعي برة .. انصدمت اول مرة انطرد ..صج انها تكرهني بس تطردني ابد ما يت على بالي .. قالت بعصبية بس بصوت واطي .. ام سامي : قومي قبل ما اطردج جدام الناس هذول كلهم .. تدخلت صوفي وقالت .. صوفي : ام سامي ..ما بيصير اللي بتعمليه هاد ..الناس بعزا .. طقت ام سامي حافة الكرسي بايدها بثورة وقالت وهي تحاول تهدي روحها .. ام سامي: سكتي انتي يا عيوز النار ..محد خرب ولدي علي إلا انتي .. ونقلت عيونها لي وقالت .. ام سامي: قومي ما تسمعين ؟؟ انحرجت الصراحة وحسيت بقلة القيمة .. تندهت بضيق وقمت من مكاني ..وطلعت .. نزلت ووقفت بالشارع ..مسكت تلفوني ودقيت على سامي ..بعد جم رنة سمعت صوتها الأجش .. سامي : هلا هناء .. قلت وعيوني على الأرض واعد البلاط .. هناء: تعال مرني .. سكت شوي جنه مو فاهم ..بعدين قال .. سامي: ليش ؟؟ خلص العزا ؟؟ ما عرفت شقول فقلت .. هناء: ئي ..ئي خلص .. سكت شوي يستوعب بعدين قال .. سامي: ثواني واكون عندج .. وصكيت عنه ..دخلت داخل العمارة احتمي من البرد ... سمعت صوت نعال اكرمكم الله ..التفت ولا هي ام سامي ومعاها عالية ..طالعتني باشمئزاز وانا لفيت عنها ..مابي احتك وياها كافي اللي صار ..قالت عالية وهي تقرب مني .. عالية : وين هناء ما قعدتي شي ؟؟ طالعت ام سامي بعديننزلت راسي.. عالية : انتي تنطرين احد ؟؟ رفعت راسي ولقيتام سامي عند الباب ماسكة المقبض تبي تطلع..قلت .. هناء:ئي ..زوجي بيي بعد شوي .. قالت بتفاجأ .. عالية : انتي متزوجة ؟؟ قلت وانا ابتسم على ملامح ويهها.. هناء: ئي ..من شهرين تقريبا .. ابتسمت بفرح وقالت .. عالية : مبروك ولو انها متأخرة .... هناء: الله يبارك في عمرج ..بس .. قاطعتني ام سامي بصوتها .. ام سامي : يلا عالية ..ورانا درب .. انحرجت للمرة الثانية ..اشفيها هاذي لهدرجة تكرهني ؟؟؟ ..نقلت بصري لبرة ..ولقيت سامي توه واصل .. تحركت مع عالية وانا اقول .. هناء: يلا اشوفج على خير .. ابتسمت لي وقالت .. عالية: مع السلامة .. طلعت انا ..وعالية مشت لأم سامي اللي كانت واقفة تطالع سامي ..دخلت السيارة .. هناء: السلام عليكم.. ما رد علي ..لفيت له بدع ما تعدلت بقعدتي ..لقيته يطالع برة ..ومثل ما توقعت كان يطالع امه ..بس اللي محيرني عالية كانت تطالعنا او تطالع سامي بصدمة ..نقلت بصري لسامي السرحان وقلت .. هناء: مارح تسلم على امك ؟؟ لف لي اخيرا طالعني شوي بنظرات غريبة ما فهمتها ..تحرك فجأة وطلع من السيارة .. شفته يلف لأمه وعالية ..الفضول ذبحني ..نزلت الجام ..وبطلت تذوني عدل .. سامي: عظم الله اجرج ..يا بنت خالتي .. ما ردت عليه اكتفت بأنها نزلت راسها وبدت تبجي ..حظنتها امه وقالت بعصبية .. ام سامي : روح لمرتك .. مانبي منك شي .. انصدمت من الموقف ..نزل سامي راسه ..ورفعه مرة ثانية ..طالع امه بعدين عالية ..وتحرك ناحية السيارة ..دخلها وحركنا للبيت ..طول الطريج كان ساكت ...ماادري اشفيه اليوم.. "تبين تروحين البيت ؟" لفيت له وقلت .. هناء: ليش ما تبي تروح البيت ؟؟ تنهد بضيق وقال .. سامي: اشرايج نتمشى بهالجو ..ونرد البيت ..؟ حسيته متضايق ..يتكلم وهو يتنهد كل دقيقة ..قلت وانا ابتسم .. هناء: ما عليه .. وكان هذا آخر حوار بينا ليما وصلنا .. وقفنا جدام البحر ..مع ان الجو بارد موت بس الحمدلله اني لابسة تحت العباة لبس ثقيل .. نزلت من السيارة وهو معاي .. لفيت الشيلة عدل حوالين راسي عشان لا تطير .. لفيت لسامي لقيته سرحان..قلت .. هناء: ماادري اشفيك اليوم ؟؟ لف لي باستغراب .. why?? سامي: هناء: ماادري ..سرحان ..وكله تفكر ..في شي مضايقك ؟؟ طالعني شوي بس ما عرفت نظراته لشنو بتوصل لأنه لابس نظارة شمسية .. نزل راسه للرمل ..بعدين قال بهدوء .. سامي : ماكو شي .. تقص علي سامي ؟؟ ... هناء: زعلان من سالفة امس ؟ لف لي بسرعة جنه مقروص ..بس سألت سؤال اللي شاغل بالي طول الطريج وما قلته لأحد .. هناء: عالية ليش كانت تبجي ؟؟ فصخ نظارته وقال ببلاهة .. سامي: علي امها طبعا .. طالعته بتشكك .. هناء: كانت عادية قبل ما تيي .. قال يبي ينهي النقاش .. how should I know? :سامي صج ؟؟.. لفيت الناحية الثانية وانا في بالي لازم اعرف شلي بينه وبين عالية ..ليش كانت تبجي ؟؟ ويهها كان مو على بعضه لما شافت سامي .. ليش؟؟ هناء: مسكينة ..امها ماتت وشكلها ما عندها احد .. قال .. سامي: عندها امي ..وام عصام .. لفيت له وكان يتكلم بهدوء ولا جنه مسوي شي .. بعرف يا سامي صدقني .. قلت ازيد الجرعة .. هناء: وين كنت قبل ما تييني ؟؟ قال بملل .. سامي: بعزا الرياييل .بالعمارة اللي يمكم... لسة ما وصلت للي أبيه .. هناء: شفت عالية انا لما كنت بالكويت .. طالعني متفاجأ .. سامي: تعرفينها ؟ هناء: ئي .. خلود بنت عمتك عزمتني عندها لما عالية ودلال اختك يو عندها .. ومن هني عرفتها .. هز راسه بتفهم ..وانا كملت .. هناء: عاد تصدق ..ودي اعرف متزوجة هي ولا لأ ؟؟ قال بضجر ... سامي: لأ ..مو متزوجة . وصلنا خير ... يبته لنفسك .. هناء: اشدراك؟؟ طالعني ببلاهة وقال.. سامي: تصدقين انها بنت خالتي ..ومتربين مع بعض ؟؟ ولف عني ..حسيت نفسي غبية ..سؤالي اهبل ادري .. قلت بمحاولة ثانية .. هناء: عاد جبيرة هي .. تقريبا بالثلاثينات .. سامي : منو قال ؟؟ عالية اصغر مني بثلاث سنين .. بطلت عيوني على وسع ...اصغر منه ؟؟؟ الله الله ..هلو .. طالعني باستغراب.. سامي: اشفيج ؟؟ تسندت على ظهر الكرسي بعد ما قعدت .. هناء: اصغر منك ؟؟ عاد شكلها كبير .. قعد يمي وقال .. سامي: الله يخلي الميك اب .. وهني تذكرت شكلها الميك اب لاعب فيه ولبسها ما تقولون امها ميتة ... بس ما شاء الله ..يعرف عنها كل شي .. بس صح هي بنت خالته ومتربين مع بعض اكيد بيعرف عنها كل شي ..والله اني خبلة .. مو مشكلة هالمرة قدرت تهرب يا سامي بس المرة الياية لأ .. دق تلفون سامي ..غمض عيونه وتأفف ..اكيد واحد من اهله .. سامي: هلا يما .. وااو امه ؟؟ الله يستر .. سامي: شنو ؟؟ (...........................) سامي: لأ طبعا ..اخذيها معاج .. (...........................) قال بعصبية ... سامي: وين اقعدها عندي ؟؟ (..........................) سامي: يا سلام .. الحين بس بيسافر؟ ..هو اخوها خل يدبرها هو ..انا شكو ؟ (..........................) سامي: يما انتي ما ينخاف عليج .. تخربين بلد ..ما شاء الله .. (.............................) سامي : لأ ...مالي شغل .. (...........................) قال بحنق .. سامي : يعني بتدفنون امها بالديرة ليش بالله ما تاخذونها معاكم ؟؟ (................................) طالع فوق بملل كأنه يدعي ..وقال بصوت خافت ..لا حول ولا قوة إلا بالله .. سامي : خلاص ..خل تيي .. وصك التلفون ...وقال بعصبية .. سامي: انا كنت حاس اليوم ما بيعدي على خير .. قلت بفضول .. هناء :خير ؟؟ تأفف للمرة المليون ..وقال .. سامي: عالية بتيي تقعد عندنا .. جم يوم لين ما ترد امي واخوها ... عشان جذي منغث ؟؟ قلت بهدوء .. هناء: حياها الله .. طالعني وده يذبحني ..بس وقف وقال .. سامي : قومي خل نروح البيت احسن.. ركبنا السيارة وتوجهنا للبيت .. بس ابي اعرف ليش عالية كانت تبجي لما شافت سامي ؟؟؟ وليش كانت مصدومة ؟؟ اكيد كان بينهم شي ...والأيام بتكشفه .. ييتج يا عالية عندنا ..رح توضح لي كل شي .. |
تسلم ايدك يا قمراية باين عليها مشوقة لكن معلش ممكن تكبرى الخط بعد كده شوية بليز
|
ويدك حبيبتي .... أنتي تامرين أمر
|
مســاء الخيــر أم جوجو الله يعطيــك العــافية قصة روعة يــاريت تكمليهــا ^^ |
lمتابعه بصمت
رووووووووووووووووووايه رررررررررررررررررررررروووووووعه تهههههههبل تجججججججججججنن >> هذي الي ع الصامت هع أم جو جو >أنا بعد أم جوجو < هع ماشاء الله عليك موفقه في نقل الروايه ومن الحين اقلك انها من المفضلات عندي روايه تشدك بأسلوبها وسهولتها وغموضها موفقه الكاتبه وان شاء الله نشوف جديدها بمنتدنا ^_^ |
السلام عليكم ...معليش حبيباتي تخرت عليكم بس الضروف مااسمحت وراح اعوضكم
اشكر كل وحده تكرمت على بالرد الحلقـــــــة العاشرة "بداية العاصفة " يت عالية مثل ما عرفتوا تعيش عندنا ...واذكر اليوم اللي يت فيه بالضبط ..لما ردينا البيت بعد العزا ..الصراحة يوم تحفة .. شكل سامي ما ينوصف ..لايعة جبده وكاره حياته .. هناء: الحمدلله والشكر اشفيك جنك مقروص ..أركد شوي .. قال بقرف .. سامي : ماادري اشلون بستحمل اشوفها جدامي اربع وعشرين ساعة .. ابتسمت على ملامح ويهه ..فلما شافني قال .. سامي: على شنو تبتسمين ؟؟ ما قدرت امسك نفسي وقعدت اضحك .. وقلت من بين ضحكاتي .. هناء: هي الحين بتقعد عندنا جم يوم ولايعة جبدك عيل لو قاعدة عندنا العمر كله ..شنو تسوي ؟؟ قال ببساطة .. سامي: واشدعوة بخيلها تقعد عندي ؟؟..انا يالله هالجم يوم ... وتسند على الكرسي وتنهد ...قلت وانا احط ايدي على ايده .. هناء: اهدا شوي ...ترى البنت بتلاحظ .. بطل عيونه ورفع راسه يطالعني ..وقال منبطة جبده .. سامي : بتتحكم بملامح ويهي بعد !!! لا إله إلا الله .. مسك ايدي فجأة كنت بسجبها بس خليتها تغرق بين خطوط ايده الدافية ..وقال بحنان.. سامي: تدرين ليش كاره ييتها عندنا ؟؟ قلت ببساطة .. هناء :لأنك ما تحب احد من اهلك .. اختفت ملامح الحنان من ويهه ..كأنه زعل او انصدم من ردي ..وقالوهو يبعثر نظراته بين ايدي والأرض .. سامي: انا ..انا ما اكرهم..انا اكره تفكيرهم المادي .. رفع راسه وقال وهو يبتسم ابتسامة ذابلة .. سامي : هذول اهلي مهما صار .. استحيت من نفسي ..اشلون قدرت اقول جذي ؟؟ ..والله اني ثولة .. قلت اغير الموضوع .. هناء: ما قلتلي شنو السبب ؟؟ ابتسم ابتسامة حلوة ..وقال سامي: لأنها بتمنعني عنج ومارح تخليني اخذ راحتي وياج .. يا الله...حتى وهو كاره نفسه يفكر اشلون يسعدني ... ابتسمت بخجل وقلت .. هناء: منو قال ؟؟ تقدر تاخذ راحتك وياي وقت ما تبي .. قال والخبث مالي ويهه.. سامي: صج ؟؟ أي وقت ؟؟..ترى عادي عندي .. طقيته على جتفه وقلت .. هناء : بايخ .. ضحك سامي وانا معاه ..سكت واكتفى بابتسامة ..قعد يطالعني او بالأحرى يتأملني ..مد ايده ومررها على ويهي بهدوء .. وقال بصوت عذب .. سامي: تدرين.. انتي الوحيدة اللي ارتاح وياها .. نزلت راسي مستحية ..هذا اشفيه علي اليوم ؟؟ .. سمعت جرس الباب ..رفعت راسي للباب وقلت .. هناء: اكيد هي .. مد بوزه شبرين وقال .. سامي : بطلي لها الباب انا بروح فوق .. وقام ..قلت باستنكار .. هناء : سامي ..البنت ياية بيتنا المفروض تسلم عليها .. حط ايده بمخابيه وقال بملل .. سامي: ان شاء الله ..روحي بطلي لها الباب .. رحت وبطلت الباب ..وقلت .. هناء : هلا والله .. ابتسمت لي بصعوبة وقالت .. عالية : اهلين .. مديت ايدي اساعدها نشيل الجنطة .. وكانت اعوذ بالله جنها قنبلة ..مليانة .. سمعت عالية تسلم على سامي ..اللي رد عليها ببرود وجفاف وهو منزل راسه للأرض .. سامي: هلا .. وطالعني وقال يأشر فوق ..كأنه يقولي " بروح فوق " قلت اوهقه .. هناء: سامي ممكن تاخذ الجنطة لدارها ..ثقيلة .. في البداية ما استوعب سامي اللي قلته ..بس بعدين طالعني بصدمة ..ولما استوعب طالعني بحقد ..نزلت راسي اضحك ..يا واخذ الجنطة من يمي وراح فوق .. لفيت لعالية وقلت .. هناء: حياج الله ..اخذي راحتج البيت بيتج .. ابتسمت لي مجاملة وقالت .. عالية: مشكورة وما قصرتي .. تأخر سامي وما نزل..اكيد راح داره .. انا اوريه .. صعدنا انا وعالية فوق اوريها الدار ..وبعد ما تأكدت من كل شي .. خليت عالية ترتاح وانا رحت لسامي ..دخلت الغرفة لقيته منسدح على السرير ومغمض عيونه وحاط الهيدفون على اذونه ..قلت وانا امسك الهيدفون واسحبه .. هناء: اشحقة ما نزلت ؟؟ طالعني باستغراب وقال .. where?سامي: تخصرت وقلت .. هناء: تحت .. لف ناحية الدريشة وقال .. سامي : صعدت هي ؟ وقفت جدامه وقلت .. هناء : بدارها هي الحين ..يلا الحين بحط العشا ...تعال تعشى معانا .. هز راسه بمعنى لأ ..فقلت .. هناء: ليش بالله ؟؟ لا تقولي عالية .. مارد علي ..وعرفت انها هي ..قلت باستنكار. هناء: جامل البنت على الأقل ..إذا نزلت بروحي وسألتني عنك اشبقولها ؟؟ مو راضي ينزل لأنج موجودة ؟؟ تأفف وبعد اللحاف عنه وقال بعصبية .. سامي : انا شلي حادني اقعد هني ..الم اغراضي ابرك واروح عند عامر ليما تذلف هاذي .. قلت بصدمة مصطنعة .. هناء: وتخليني بروحي ؟؟!! قال بخبث .. سامي: ليش بتشتاقيلي ؟؟ بغيت ارد لأني ما انتبهت على سؤاله ..بس وقفت مثل الصنم ..بعدين قلت بخجل وعناد .. هناء: لأ طبعا ..روح عند رفيجك .. وسويت روحي زعلانة ..بغيت الف اطلع بس مسكني من ايدي بقوة خلتني الف .. قال بعذوبة .. سامي : وين ؟؟ قلت وانا احاول احرر ايدي من ايده .. هناء: مالك شغل وخر .. قال بعناد ويضغط على ايدي بقوة اكبر.. سامي : وإذا قلتج مانتي طالعة ..شنو بتسوين ؟؟ قلت وانا ادوس على ريوله حيل .. هناء: هذا اللي بسويه .. حرام صرخ من الألم لأني دست بريولي وانا لابسة نعالي اكرمكم الله .. بغيت انحاش بس مسكني من خصري ورفعني فوق وقطني على السرير .. مرر ايده على شعري يخربطه لي وانا اصرخ بمرح .. هناء: سامي .. خلاص ..خلاص ..والله ما اعيدها .. قال وهو يخنقني باللحاف .. سامي : عشان مرة ثانية ما تسوينها .. قلت وانا ابعد عني اللحاف والهث بصعوبة .. هناء: خلاص ..ما رح اعورك مرة ثانية .. قال بنص عين .. سامي: ئي تسنعي مرة ثانية .. انا بروح اتسبح وبنزل بعد شوي .. هزيت راسي بايجاب ..لف هو وانا هني حذفت عليه المخدة ويت على راسه ..لف لي وانا هني وقفت على السرير بريولي وانا ابتسم واقول .. هناء: ترى بصرخ ان قربت ..وبتسمعنا عالية وبننفضح .. وقف يطالعني بخبث بعدين قال .. سامي: انا ماني راد عليج الحين ..بس صدقيني مردودة .. اخذ الفوطة ودخل الحمام ..وانا لما تأكد انه دخل ..نزلت من السرير واول ما حطيت ريلي على الأرض ..ما حسيت إلا بايد ترفعني مرة ثانية وانا اصرخ وانقط على السرير ..وبدا مرة ثانية يلعب بشعري ويشده مرات ..قلت وانا خلاص ميتة من الضحك .. هناء: سامي ..حرام عليك بتموتني ... وقف عن اللعب وقال وهو يبعد عني .. سامي: قلت لج مردودة .. قلت وانا ابتسم .. هناء: روح روح ..دش الحمام لاتطول .. دخل الحمام وانا رحت المنظرة اعدل شعري ..الله يا حلاته يوم يكون رايق .. ابتسامته تذبح ..تصدقون بالله ؟؟ بديت احبه ..مو احبه ..إلا اعشق التراب اللي يمشي عليه ..الله يخليك لي يا سامي ولا يحرمني منك .. نزلت تحت ازهب العشا ولما خلصت ناديت على عالية وسامي ..اللي نزل بعد جهد جهيد ..قعد يمي والعادة يقعد براس الطاولة ..يمكن عشان عالية ما تكون يمه.. جايز ... قالت عالية .. عالية : ما شاء الله ..كل هذا اكل ؟؟ قلت اجاملها .. هناء: اكلي عليج بالعافية .. مسكت القفشة وقالت وهي تمررها بالصحن .. عالية : انتي اللي طابخة ؟؟ هناء: ئي .. اكلي رح يعجبج انا متأكدة .. ابتسمت وبدت تاكل .. وطول العشا سامي ساكت وانا عالية نتكلم .. ليما صار الغير متوقع .. عالية : عاد تصدقين عصام قالي انه شافج بالجامعة ما كان يدري انج مرت سامي .. وطالعت سامي بنظرات غريبة ..خلتني اشك اكثر ..طالعت سامي اللي ولا على باله قاعد ياكل بهدوء .. شكلها ما تدري باللي صار بين سامي وعصام بسبتي .. هناء: صج ؟؟ يلا كاهو درى .. ونزلت راسي للصحن ..الله يعدي هاليوم على خير .. عالية: بس ما قلتيلي عن العرس كنت عزمتينا .. هناء: شكلج ما كنت موجودة..يمكن كنت هني بامريكا .. هزت راسها وقلت .. عالية :يمكن .. والحمدلله سكتت والتهت بأكلها .. بس .. عالية : باجر بتداومين ؟؟ هناء: اكيد ..وانتي ؟؟ قالت .. عالية: مالي خلق ..ما عندي إلا محاضرة وحدة ..وما اقدر اروح لأن سيارتي خربانة .. قلت بحسن نية .. هناء: خلاص سامي بيوديج ان شاء الله .. وهني غص سامي ..وبدا يكح .. قلت باستعباط وانا التفت له. هناء: اسم الله عليك اشفيك ؟؟ ماقدر يرد علي ..قامت عالية وراحت المطبخ ويابت ماي ... وعطته جلاص الماي ..قلت وانا اساعده بالشرب .. هناء: اشرب حبيبي ..عين ما صلت على النبي .. وهو طالعني بحقد وانا كنت عارفة ليش ..بس طنشت .. بعد ما شرب ..قال وهو يقوم بصوت مبحوح.. سامي: دايمة .. قالت عالية وهي توقف معاه .. عالية: ما كليت شي ..ولا متضايق من وجودي ؟؟ تدرون حسيت سامي وده يصكها بكس يكسر ويهها ..بس الحمدلله عدت على خير ..الصراحة انا شبيت ضو ..اشلون تحاجيه جذي ؟؟ولا ماخذة راحتها ؟؟ بس كلها جم يوم وتذلف .. صعد سامي فوق وكان منقهر .. قمت انا وشلت الصحون وعالية واقفة تطالع سامي وهو صاعد ..حطيت الصحن على الطاولة بقوة عشان انبهها وهي اخترعت ..طالعتها بحقد وقلت وانا ابتسم مجاملة.. هناء: عالية ..ممكن تساعديني ؟؟ شكلها ما عجبها لأنها حاست بوزها ..بطقاق ..قاعدة عندنا تاكل وتشرب وما تبي تساعد؟؟ قاعدة بفندق هي ؟؟ لما خلصنا تنظيف الطاولة ..دخلت انا المطبخ عشان اغسل الصحون ..سمعت صوت عالية تحاجيني لفيت لقيتها واقفة عند الباب .. عالية: هناء..انا بنام . قعديني باجر ..تصبحين على خير .. مو قلت لكم جنها قاعدة بفندق ..هزيت راسي باستنكار ..معاه حق سامي يكرهها ..انا اول مرة اقعد معاها حسيتها ثقيلة دم ..لايحوشك .. التهيت بغسل الصحون وتنظيف المطبخ ..وماحسيت إلا بقرصة بخصري نقزت بسببها ..وكان سامي .. قلت وانا ارش عليه الماي .. هناء: خرعتني الله ياخذ العدو .. شهق هو لأن الماي يا على ملابسه وكان بارد ولبسه كان خفيف..قال .. سامي: حرام عليج ..الجو بارد .. قلت وانا ارد اغسل الصحون .. هناء: عشان لا تخرعني مرة ثانية.. بعدها ما سمعت منه تعليق ..استغربت اكيد طلع ..التفت لقيته قاعد على الطاولة ياكل خيارة وبايده جريدة اليوم ..مع انه قاريها الصبح .. قلت وعيني على الصحون اغسلها .. هناء: مارح تنام وراك مكتب باجر .. قال .. سامي : لأ ماني رايح .. وانا عارفة ليش مو رايح عشان لا يوصل عالية ..قلت اغثه ..ياحلاته يوم ينغث او يعصب .. هناء: وعالية؟؟ مارد علي ..التفت له ابيه يجاوب فقال وهو ياكل الخيارة.. سامي: مالي شغل فيها انا .. هناء: بس انا قلتها انك بتوصلها .. قال وهو يقلب الصفحة وببرود .. سامي: انتي اللي قلتي مو انا .. وطالعني وكمل .. سامي : بعدين لا تتخذين قرار بدون ما ترجعين لي ..انا ما احب المفاجأت ..ولا مثل هاذي بعد .. كان يتكلم بقرف ..ابتسمت على ملامح ويهه ورديت غسلت الصحون وقلت .. هناء: خلاص انا اوديها .. سمعته يقول .. سامي : انتي دوري على احد يوديج بالأول .. مارديت عليه ..والتهيت بغسيل الصحون ..بس حسيته واقف يمي ..التفت وفعلا كان واقف يمي .. قلت .. هناء: خير ؟؟ مد ايده واخذ مني صحن كان بايدي وقال .. سامي : عطيني بساعدج .. تشاركنا بغسل الصحون ..انا اغسل وهو ينشف ويرد الصحون مكانها .. وكنا نسولف طبعا .. هناء : انت ما تقولي اشلون كنت تدبر روحك يوم كنت عزابي ؟؟ قال وهو ينشف صحن .. سامي: الله يخلي ام عامر ..كنت اكل عندهم يوم عامر كان عزابي بس لما تزوج طلعت انا وسكنت بشقة وام عامر كانت تطرش الأكل لي ..وبعض المرات صوفي تيي وتسوي الغدا وترتب الشقة .. هناء : يعني عامر تزوج قبلك .. قال وهو يحط الصحن بمكانه .. سامي: قبلي بجم شهر .. قلت بخبث .. هناء: وانت؟؟ طالعني باستغراب وقال .. سامي : انا ؟؟ اشفيني ؟ هناء: ما كنت تبي تزوج ؟؟ قال ببساطة .. سامي : لأ ..انا ما كنت حاط في بالي اتزوج .. بس دلال وامي ام عامر ..وعامر معاهم حنوا فوق راسي .. وصوفي بعد .. قلت وانا ارد اغسل الصحون .. هناء: ما كنت حاط في بالك وحدة ؟؟ سامي: لأ ..بس دلال وامي ام عامر اتفقوا طبعا بدون ما يقولون لي ان دلال وانا نرد الديرة عشان نخطب وحدة من الأهل طبعا بدون علمي .. قلت وانا اعطيه صحن غسلته توني .. هناء: يعني رديت الديرة على عماك ..ماكنت تعرف بالمخطط ؟؟ قال وهو ياخذه .. سامي : لأ ما كنت ادري .. تفاجأت يوم وصلنا الديرة ..وقالت لي دلال ..بس انا رفضت .. هناء: ليش ؟؟ سامي : مالي خلق مسؤولية وعيال ..انا بروحي مو قادر اشيل عمري هالدور اشيل زوجة وعيال ؟؟ كنا يقول هالكلام وانا اقول بنفسي العكس ..شايفته مسؤول عن عمره ..واحد ثاني غيره عايش بالغربة كان طلع صايع وما يخاف ربه ..بس الحمدلله الله حماه .. كمل وقال .. سامي: بس طبعا دلال اصرت ..وبعد الحنة ورنة وافقت بس ما تكون وحدة من الأهل .. ودلال رضت .. وكملت عنه وقلت .. هناء: بعدها شفتني وتزوجتني ..صح ؟؟ قال وهو يحط الصحن بمكانه ويبتسم .. سامي: صح .. تدرين عاد ..يوم اللي شفتج فيه ماخليت دلال في حالها ..اصريت إلا تعرف عنج ولو معلومة وحدة .. وبعدها انا قلت لها بخطبج ..وهي ما صدقت .. خلصت غسيل وتسند على الحنفية وقلت ابتسم بمرح .. هناء : يا عيني ع الحب .. طالعني وقال وهو يقرب مني .. سامي : شاكة ؟؟ هزيت راسي بالنفي ..ادري سامي يحبني وانا بعد ..بس فاجأني يوم قال .. سامي : وانتي ؟؟ بعثرت نظراتي يمين وشمال بخجل ..بس هو حاصرني ..مسكني من ايدي ودخل اصابعه بين اصابعي وقال بصوت اينن .. سامي : ابيج تعرفين شي واحد بس ان عمري ماحبيت ولا رح احب احد قد ما حبيتج انتي .. عاد انا ويهي صار طماطة..من الخجل والمستحاة ..ابتسمت بعفوية ونزلت راسي ..بس اللي قدرت اقوله.. هناء: الله يخليك لي .. قال وهو يقرب اكثر ويمرر ايده على شعري .. سامي : ويخليج لي .. " احم.." طالعت انا ناحية الباب لقيت عالية واقفة ..طالعت سامي اللي ما التفت بس تأفف ..قلت .. هناء: نعم عالية بغيتي شي ؟؟ دخلت المطبخ وقالت .. عالية : لا بس بغيت اشرب ماي .. التفت سامي هالمرة وطالع عالية بحقد وطلع ..وانا نطرت عالية تطلع عشان اطفي الليتات.. سمعتها تقول وهي تبتسم ما ادري طنازة ولا من قلبها .. عالية: الله يخليكم لبعض .. ومشت ..يعني سمعت كلامنا !!! فشلة ..ليش فشلة ..انا وزوجي قاعدين مع بعض هي اللي رازة ويهها عندنا .. صعدت فوق ..ودخلت الغرفة ..لقيت سامي نايم ..نمت يمه وبسرعة قياسية .. الصبح ولأن اليوم اجازة .. قمت بس مالقيت سامي يمي ..شفته طالع من الحمام اكرمكم الله .. قلت وانا ابتسم.. هناء: صباح الخير .. طالعني وابتسم .. سامي : صباح النور .. حط ايده على بطنه وشفته يتألم ..قربت منه وهو قعد ..قلت .. هناء: سامي ..اشفيك ؟؟ قال وهو يغمض عيونه يضغط على بطنه اكثر .. سامي: ماادري .ماقدرت انام من عوار بطني امس .. هناء: امس مافيك شي .. حط راسه على مسند الكرسي وبدا يتأوه ع الخفيف ..فقلت .. هناء: خل ادق على عامر ايي يوديك المستشفى .. وقارنت القول بالفعل ..بس هو مسكني وقال .. سامي : ماله داعي .الحين بيخف الألم .. اخذ نفس ووقف ..قال .. سامي: يلا رايح المكتب انا .. وقفت جدامه وقلت .. هناء: وانت تعبان جذي ؟؟..لأ .. قال وهو يروح للباب .. سامي: ماعليه حبيبتي ..مافيني شي ..وإذا تعبت برد البيت .. طالعته بتشكك وانا اتقرب منه .. هناء: متأكد ؟؟ ابتسم وقال .. سامي : ئي ..يلا حبيبتي ..مع السلامة . وطلع ورحت انا وراه ..وقلت بصوت عالي عشان يسمعني .. هناء: والريوق؟؟ قال وهو ينزل من الدري .. سامي : بتريق مع عامر .. ووصل للباب الرئيسي وسوا لي باي بايده ..رديت غرفتي ورتبتها ..ونزلت تحت بس تذكرت عالية ..صج وينها ؟؟ قالت لي قعديني مبجر ..فشلة ..رحت لدارها بسرعة طقيت الباب محد يرد ..طقيت مرة ثانية بعد محد يرد ..بطلت الباب لقيت الغرفة فاضية .. وين راحت هاذي ؟؟ ..نزلت تحت ودقيت على سامي .. هناء: حبيبي ..عالية ما تدري وينها ؟؟ قال وصوت السيارات حواليه .. سامي: راحت ويا وحدة من رفيجاتها ..شفتها الصبح وقالت لي .. هناء: اوكي حبيبي ..مع السلامة ..دير بالك على روحك . سامي: ان شاء الله .. وصكيت عنه ..التهيت بشغل البيت والطبخ والغسيل .. وماحسيت إلا جرس الباب يطق ..منو هذا اللي ايي هالحزة وانا بروحي بعد ؟؟ طالعت الساعة وكانت 12 ونص ..لبست شيلتي ورحت للباب ..وبطلته وقلت من وراه لأني كنت لابسة نص جم .. yes?? : هناء : اختي انا عامر ..بغيت اقولج سامي بالمستشفى تعب علينا .. شهقت وحطيت ايدي على فمي من الصدمة..قلت بخوف .. هناء: ليش اشفيه ؟؟ عامر: ماادري والله..وديته المستشفى بسرعة وهو وصاني اييبج لأنج بروحج في البيت .. مافكرت بشي إلا اني اركض بسرعة واروح فوق ..البس عباتي والشيلة اللي علي عدل ..وانزل تحت مرة ثانية ..بطلت الباب وقلت وانا مرعوبة .. هناء: كاني جاهزة .. مشى عامر جدامي ..وركبت السيارة في المقعد الخلفي ..وطرنا المستشفى .. ولما وصلنا نزلت انا قبل عامر ودخلت المستشفى ..وسألت الرسبشن عنه وعامر كان توه واصل عندي ..قالي .. عامر : اختي انا اعرف مكانه ..تعالي معاي .. انحرجت ..شسويت انا ؟ طنشت وجوده ..والله من الخرعة .. مشينا للغرفة وكان مكتوب عليها غرفة الملاحظة بس طبعا بالأنجليزي ... دخلناها بس كان السرير فاضي ..قال عامر متفاجأ.. عامر: وينه ؟ وطلع من الغرفة وانا اخترعت ليكون صار فيه شي ..يارب.. رد لي عامر وقال .. عامر : سامي بغرفة العمليات .. قلت مخترعة .. هناء: بغرفة العمليات ؟؟ليش؟؟ عامر: اختي لا تخافين ..بس عملية زايدة .. وهذا خفف من خوفي شوي بس هم لسة خايفة .. تذكرت لما كان يشتكي من بطنه اليوم الصبح .. بعد ساعة طلع الطبيب وطمنا عليه .. وبالغرفة ..كان سامي تحت تأثير المخدر ..قال عامر بعد ما تأكد من سلامة رفيجه .. عامر : يلا انا الحين بروح اطمن امي واييكم.. طلع من الغرفة وانا قاعدة يمه ماسكة ايده اخاف يروح عني .. ادري تفكيري اهبل ..بس الحب وما يسوي ..ما كنت اتوقع اني رح احبه لهدرجة ..حب مجنون .. قعدت على السرير عند راسه ..ومررت ايدي على خده ..ادقق في كل شي بويهه ..عيونه المغمضة وحواجبه ..وشعره البني الناعم ..دخلت ايدي فيه وقمت العب بخصلاته .. طالعت ايده اللي فيها المغذي مسكتها وبستها ع الخفيف ..والله يا سامي ما اتخيل الحياة دونك .. ضميتها لصدري ..وقمت العب باصابعه .. تذكرت اول ما عرفت انه خطبني ..واول هوشة صارت بينا ..وموقفه من عصام يوم كان يضايقني .. الصراحة غريب ..هادي وعصبي بنفس الوقت ..وذكي ..يعرف يوصل للي يبيه بسهولة .. يت الممرضة بعد شوي وعطتني اغراضه .. اللي كانت عبارة عن جاكيته ومفتاح سيارته وتلفونه ولأن الجو بارد لبست جاكيته وماحسيت بنفسي ونمت .. قمت على صوت الممرضة تنبهني ان وقت الزيارة خلص ..وبنفس الوقت ياه عامر ومعاه مرته ..قلت بعد ما سلمت على شيخة .. هناء: عامر ..انا بقعد عند سامي ابي اخذ اذن .. هز راسه عامر متفهم ..وكلم الممرضة وطلعوا مع بعض بعدين ..وقعدت شيخة تسألني .. طمنتها .. سمعت صوت تلفون سامي يرن ..وكان رقم بدون اسم ...منو هذا؟؟ مادريت خفت يطلع احد من ربع سامي ..رد دق مرة ثانية ..وهالمرة تشجعت ورديت والمتصل سبقني وتكلم .. عالية : سامي ..وينك تأخرت ؟ هذا صوت عالية .. من وين تعرف رقمه ؟؟ هناء: انا هناء .. قالت بصوت محبط .. عالية: هلا هناء..وينكم ؟ قلت وانا منقهرة .. هناء: انا بالمستشفى ..سامي مسوي عملية الزايدة .. سمعتها تشهق بس قالت .. عالية: خلاص الحين بييكم .. الله يا العيارة ..امس قايلة سيارتج خربانة بس لما عرفتي ان سامي تعبان قلتي بيي .. قلت بعناد .. هناء :لا تيين ماله داعي وقت الزيارة خلص اصلا .. انا ببات عنده ..قفلي على روحج باب البيت ..مع السلامة .. وصكيت بويهها حاقدة عليها .. راحوا شيخة وعامراللي علمني بموافقة الدكتور اني اظل وياه ..قعدت بالسرير اللي يمه وكان فاضي ..ونمت فيه .. قمت على صوت اوحد ماادري منو ؟؟ بطلت عيوني لقيته الدكتور يجيك على سامي اللي لسة تحت تأثير المخدر ..عدلت شيلتي ..واحمد ربي اني ما اخذت راحتي بالنوم .. سالته وطمني عنه .. رتبت السرير اللي نمت فيه .. وقعدت بالكرسي اللي يم سرير سامي .. مسكت ايده الباردة وسرحت ..من وين عرفت عالية رقم سامي ؟؟ يمكن هو مخزنه عنده من زمان او العكس .. حسيت ايده تضغط على ايدي ..طالعته لقيته مبطل يحاول يصحى ..بطل عيونه ببطء ..وقفت انا وقعدت عند راسه ولسة ماسكة ايده وقلت بفرح.. هناء: حمدلله على السلامة حبيبي .. بطل عيونه اخيرا وطالعني ..وابتسم بتعب وقال بصوت خافت .. سامي : الله يسلمج .. قلت وانا امسك ايده بقوة اكبر .. هناء: جذي خرعتني عليك ؟؟ هد ايدي وسدنها على حافة السرير يحاول يقعد وانا ساعدته وسندت المخدة ورا ظهره ..قال وهو يمسك ايدي .. سامي : آسف ما كنا قصدي ..امس طول الوقت وانا بالمكتب الألم مو راضي يخف وكل ماله ويزيد .. ليما عامر اصر إلا يوديني المستشفى ..وبغرفة الملاحظة عرفت انها الزايدة ..قلت لعامر اييبج لأنج بروحج في البيت .. قلت وانا احط ايدي وراه هناء : المهم انك قمت بالسلامة .. قال وهويطالعني بحب .. سامي: تدرين عاد طول العملية وانا افكر اشلون شكلج لما تعرفين اني بغرفة العمليات ؟؟ قلت وانا ابتسم على شكلي يوم عرفت .. هناء : اسأل عامر ..هو يعرف .. سامي: اكيد صرختي وفضحتينا جدام الناس .. قلت وانا اطقه على راسه بالخفيف .. هناء: ليش ..اشايفني ؟؟ مينونة ؟؟ بغى يرد بس تبطل الباب ودخلت عالية ..مشت صوب سامي وقالت .. عالية : حمدلله على السلامة سامي .. قال سامي بقرف وهو يلتفت عنها .. سامي: الله يسلمج .. قالت وهي تطالعني .. عالية: مرتك ما خلتني ايي اتطمن عليك .. بغيت ارد عليها بس قال سامي بهدوء .. سامي: وايش كنتي سويتي إذا ييتي ؟؟ انحرجت ..احسن تستاهل ..قالت تغير الموضوع .. عالية : ما قلت لي متى بيرخصونك ؟؟ توه داخل مداه يطلع ؟؟ قلت انا اجعمها .. هناء: ماندري ..جريب ان شاء الله .. طالعني سامي وقال وهو يربت على كف ايدي .. سامي : حبيبي ..ممكن جلاص ماي ؟؟ قلت بحبور .. هناء: اكيد لـ... قاطعتني عالية وهي تمشي ناحية الجلاص وتعبيه ماي . عالية: لا تعبين نفسج انا بييب له .. قال سامي بسرعة .. سامي : لا خلاص مشكورة مابي .. طالعته باستنكار بس هو ما اهتم ..لفيت لعالية اللي كانت لسة ماسكة جلاص الماي بس شكلها زعلت ..قالت وهي تحطه على الطاولة .. عالية: عن اذنكم ..وماتشوف شر يا ولد خالتي .. وطلعت من الغرفة .. قلت لسامي .. هناء: سامي حرام عليك احرجت البنت .. قال وهو لايعة جبده .. سامي: خل تولي ..انا بروحي مو طايقها هالمرة تييب لي ماي ؟؟ مستحيل اخذ منها شي .. ماكو فايدة ..صج اني استثقلها واكره تصرفاتها بس ما احرجها جذي .. قمت ورحت يبت الماي حقه .. قال بعد ما شرب .. سامي : منو اللي يابج ؟؟ هناء: محد انا ما ييت اصلا ..بت عندك .. طالعني متفاجأ .. سامي : نمتي هني ؟؟ هزيت راسي بايجاب فقال مستنكر .. سامي: لا والله ؟؟ مستانسة حظرتج ؟؟ استغربت وقلت .. هناء: شنو ؟؟ اشفيها ؟؟ سامي :اشفيها ؟؟ طبعا نمتي هني ..صح؟؟ طالعته مو فاهمة فكمل .. سامي : نمتي هني والرايح والراد يطالعج ؟؟ اهاا ..عشان جذي ..قلت اغثه اكثر بس ببرود.. هناء: ئي اشفيها .. بس الطبيب شافني .. قال .. سامي: بس ؟؟ ومنو كنتي ترجين يشوفج بالله ؟؟ قلت ببساطة .. هناء: نمت عشان كنت نعسانة ..تبيني انام بالشارع يعني ؟؟ قال وهو بدا يعصب .. سامي: لا والله ؟؟ كنتي رديتي البيت احسن ..دقي على شيخة تييج مع زوجها ..ولا ما تعرفين رقمها ؟؟ كملت التمثيلية وقلت .. هناء: بلى بس كان نص الليل وين ادق عليهم؟؟ بعدين بدل ماتقولي مشكورة تعتاتبني وتعصب علي ؟؟ قال وهو يتكلم بعصبية .. سامي: مشكورة مشكورة وما قصرتي ..ارتـ.. آآآه .. مسك مكان العملية ..وغمض عيونه بألم ..تقربت منه بسرعة وقلت وانا اقعد يمه .. هناء: سامي لا تعب روحك انت توك مسوي عملية .. قال وهو يعاتبني .. سامي: خايفة علي يعني ؟؟؟؟ قلت بحنان .. هناء: اكيد لو ما اخاف عليك اخاف على منو ؟؟ التفت لي وطالعني بتشكك ..فقلت .. هناء: اشفيك كنت العب معاك ..ما كنت ادري انك غيور جذي .. مارد علي والتفت عني ..قلت وانا احط راسي على جتفه .. هناء :آسفة والله ..ما كان قصدي ازعلك .. ورفعت راسي وقلت وانا امسك ويهه والفه ناحيتي .. هناء: سامي ..لا تزعل عاد .. طالعني بعيونه الفاتحة وقال .. سامي: رفعتي ضغطي لو مو تعبان كنت تصرفت معاج تصرف ثاني .. قلت بدلع .. هناء: لا شنو رح تسوي بالله ؟؟ بتطقني ؟؟ سامي : انا ما امد ايدي على حريم ..بعدين انا مااحب مرتي الرايح والراد يشوفها .. قلت وانا امسك ايده .. هناء: فديت اللي يغارون ..بس انا نمت والستارة مغطية حوالي وكنت لابسة عباتي وشيلتي وما اخذت راحتي بالنوم ..لا تخاف على مرتك . قال بجدية ما تتوافق مع الموقف .. سامي : اشلون ما اخاف عليج ..انتي مرتي وامانة ..هناء انتي بغربة ..واذا صار فيج شي انا المسؤول .. وراج اهل يسألون عنج اشبقولهم بعدين ؟؟ حسيته يقصد اهله ..فكل كلمة احسه يفتقد اهله ..قلت وانا اشد على ايده .. هناء: ان شاء الله مارح اسوي إلا اللي يرضيك .. نزل راسه لايدي اللي ماسكة ايده ..طالعت مكان اللي يطالعه وتفاجأت ..الخاتم ..وينه ؟؟ اكيد نسيته في البيت يوم كنت اغسل امس .. قلت بسرعة .. هناء: نسيته في البيت ..فصخته لأني .. قاطعني وقال .. سامي : وانا سالتج عنه ؟؟ قلت ابرر موقفي .. هناء: لأ ..بس قلت يمكن ..يمكن تسالني عنه .. قال وهو يمسك خشمي بمزح .. سامي : ادري انج فصختيه عشان شغل في البيت ..انا مااشك فيج .. وقال وهو يرد يحط ايده على ايدي .. سامي : وانا خلاص قررت اييب لج خدامة تساعدج ..على الأقل تيي لما نكون انا وانت مو في البيت تنظفه وتروح .. اشرايج ؟ هزيت راسي بايجاب وقلت وانا ابتسم .. هناء: سو اللي تبيه .. وبعد السوالف وبعد ما تأكدت انه نام مر عامر علي ومعاه شيخة ووصلوني البيت ..دخلت البيت لقيت عالية قاعدة تطالع تلفزيون واول ما شافتني قامت وراحت فوق .. حمدلله والشكر .. زعلانة يعني ؟؟ طقي راسج بالطوفة ..تستاهلين اللقافة مو زينة .. صعدت فوق بدلت هدومي وصليت المغرب ونمت شوي ..بعد ما قمت ..سويت لي اكل وانا بالمطبخ دخلت علي عالية وهي لابسة ومعاها جنطتها اللي يت فيها اول مرة .. عالية: هناء..انا طالعة بروح استقبل خالتي واخوي ردوا من السفر ..يلا مع السلامة .. طالعته من فوق لين تحت ..كاشخة وميك اب ..قلت .. هناء: مع السلامة .. طلعت وانا اطالعها واهز راسي باستنكار ..حمدلله والشكر ..حتى ما تقول مشطورين ما قصرتوا .. طلعت من المطبخ ورحت الصالة بطلت تلفزيون وقعدت افرفر فيه لين افتر راسي .. البيت يخرع هدوء تعودت على صوت سامي فيه .. خلص الجاي عندي ..اووف مالي خلق اقوم .. بس لازم مشتهية جلاص ثاني ..خل اقوم اييب واحد .. قمت ولما التفت تفاجأت .. هناء : عصااام!!!! الحلقة الحادية عشرة " نقطة تحول " شفته يبتسم ابتسامة خبيثة ويتقرب بشويش ..ويقول .. عصام : مساء الخير ... من الصدمة ما قدرت ارد عليه ..ونسيت اني مو لابسة شيلة ..فركضت بسرعة بس هو مسكني من ايدي وقال .. عصام : وين ؟؟ وين رايحة ؟؟ قلت مرعوبة وقلبي في بطني .. هناء: اشتبي مني ؟؟وخر . وحاولت احرر ايدي من ايده ..بس ماكو فايدة محاولاتي باءت بالفشل ..بدا يتقرب اكثر واكثر وانا ابعد وادعي ربي يخلصني من هالذيب البشري .. سمعته يقول .. عصام : اول مرة اشوفج بدون حجاب ..تصدقين ما توقعتج تطلعين احلى .. ومرر ايده على شعري وبعدها على ويهي وانا هني لفيت الناحية الثانية بألم ..ودموعي تنزل ..قلت برجا .. هناء : الله يخليك خلني .. ضحك وقال .. عصام : اخليج ؟؟ لا لا ..انا اول ما شفتج دخلتي خاطري ..وحلفت إلا اييب راسج الأرض ..تتصددين عني ؟؟ انا عصام اللي البنات كلهم يركضون وراه ..انتي وريلج هالتعبان تغلبوني ؟؟ لا والله .. كان يتكلم بعصبية ..فقلت انا هناء : انا مالي شغل بخلافاتك ويا سامي ..إذا انت لك حق عنده روح له وانا ادري ان سامي ما سوا فيك شي ..انت الطماع والحرامي .. قال بحنق .. عصام : جب .. سامي ماادري على شنو شايف روحه ولد الشوارع ..لولانا كان للحين يطر بالشارع ..بس بوطبيع ما يوز عن طبعه .. وكمل بهدوء .. عصام : بس تدرين ..سامي توفق بالإختيار ..والله لو مو متزوجة كنت خطبتج اول واحد .. وقرب اكثر ليما قمت احس بانفاسه ..صرخت بمرارة وقلت .. هناء: وخر عني ..لا تقرب .. بس لاحياة لمن تنادي ..مسكني من ذراعي وبدا يقربني منه وانا حاطه ايدي على صدره ابعد نفسي عنه قعدت اقاومه وانا اصرخ ..فجأة سمعته يقول .. عصام : شكله ما رح يفيد فيج إلا هذا .. وحط ايده بمخباته وانا انتهزت الفرصة ونحشت ..وهو وراي ..صعدت فوق ولما وصلت لباب الغرفة مسكت المقبض ابي ادخل بس للأسف مسكني ويرني ناحيته وانا اصرخ هناء: هدني ...مااااابي وخر .. لااااا.. وهو يقول .. عصام : لا تحاولين تنحاشين .. وحط قطعة خام على حلجي ..وماحسيت إلا الدنيا تدور حوالي ..وظلمت .. بطلت عيوني وشفت السقف جدامي ..راسي بينفجر..حطيت ايدي على راسي من الألم .. قعدت واستوعبت انا وين ..انا بالغرفة وبالسرير تحديدا .. وتذكرت اللي صار امس ..طالعت ملابسي مافيها شي ..طالعت حوالي ماكو احد .. النذل الجبان ..وقعدت ابجي ...اكيد اخذ راحته وسوا اللي يبيه .. تذكرت سامي ..يا ويلي ..سامي ان درى بروح فيها ..ما حسيت إلا والتلفون يرن نقزت من الخوف ..مسكته وايدي ترجف ..سمعت صوت الزفت عصام .. عصام : صباح الخير ..اخيرا قعدتي ؟؟ فوق الألف مرة ادق .. قعدت اصرخ واسب فيه وفي الساعة اللي عرفته فيها .. فقال هو .. عصام :ريلاكس يا حلوة ..تراني ما سويت إلا القليل ..إذا ما سويتي اللي ابيه ترى برد اسوي شي اقوى ..والعن من هذا .. هذا البداية بس .. كمل وقال بجدية .. عصام : انا مابي اضرج لأني احبج ومابي اخسرج وانتي اللي حدتيني على جذي .. سمعيني ..انا ابي كل ملفات سامي الخاصة بالشغل وكل مناقصات اللي ترسي عليه ..فاهمة ؟؟ قلت بحنق .. هناء: تحلم ..انا اصل ارح اقول لسامي كل اللي صار واللي سويته فيني يا الحقير .. ضحك وقال .. عصام : جربي .. قولي له وانا اضمن لج اني بصلي عليج الظهر اليوم بالمقبرة.. بابا ..إذا قلتي لسامي تراج الخسرانة ..تراني صورتج وبمجرد ما اعرف انج علمتيه صورج رح تكون في غضون ساعة منتشرة بالنت والبلوتوث .. شهقت من اللي سمعته ..صورني ؟؟؟ عصام :عقلي وسوي اللي اقولج عليه ولا ورب الكعبة بخليج تلفين حوالين نفسج مثل المينونة .. تتمنين الموت ما تحصلينه ..سامعة ؟؟ ..ابيهم هالأسبوع ..سي يو .. وصك عني ... ياربي شهالمصيبة اللي طاحت على راسي .. انسدحت على السرير وبديت ابجي من القهر اللي فيني ليما ورمت عيوني .. قمت ورحت الصالة مااقدر اقعد بالغرفة اللي جمعتني بهالنذل .. حسيت بالباب يتبطل ..وشفت سامي داخل ..واول ما شافني ابتسم .. انا وقفت مثل العامود مصدومة .. سامي : السلام عليكم .. مارديت عليه بس اكتفيت اني اطالعه مثل الهبلة.. طالعني باستغراب وقال .. سامي : اشفيج ؟؟ انتبهت على روحي وقلت وانا ابتسم له على مضض .. هناء: ماكو شي .. هلا سامي ..حمدلله على السلامة ..اشلون طلعت ؟؟ قال وهو يتقرب مني .. سامي : اصريت على الدكتور إلا اطلع لأني ما احب قعدة المستشفيات ..وعامر يابني هني .. مسك ايديني وانا بعدتهم جني مقروصة تذكرت لمسة النذل عصام .. قال بتعجب .. سامي: اشفيج ؟؟ قلت وانا امسح ويهي بتوتر .. هناء: ولا شي ..مافيني شي .. بس شوي ..( واخذت نفس ) ..شوي تعبانة .. حط ايده على جبهتي وانا هني غمضت عيوني بمرارة كل لمسة يلمسني فيها سامي اتذكر اللي صار امس .. سامي : حمدلله مافيج حرارة .. اشحاسة فيه ؟؟ قلت وانا ابعد ايده عن راسي .. هناء: قلت لك مافيني شي ..تبيني اسوي لك شي تاكله ؟؟ قال ونظراته مليانة شك .. سامي :لأ ..كليت مع عامر قبل ما ايي عندج .. قلت ابيه يحل عني هالجم ساعة ..ابي اقعد بروحي .. هناء: ليش ما تروح تنام لك جم ساعة ترتاح فيهم ..انت تعبان ويبيلك فترة راحة .. طالع عيوني مباشرة وانا اخترعت لا يحس بشي .. نزلتهم وسمعته يقول .. سامي : شبعان نوم بالمستشفى .. بروح اتسبح .. حسيته تضايق من استقبالي له .. معاه حق ..انا غلطانة ..بس والله مو بايدي هالخسيس قلب حياتي .. رحت المطبخ اشغل نفسي .. بعدها حسيت سامي يدخل علي ..وهني طاح الجلاص اللي كنت شايلته من الربكة .. ياني سامي بسرعة وقعد يلم الزجاج المكسور ..ويقول .. سامي :اسم الله عليج .. نزلت لمستواه وقعدت الم الزجاج معاه ..وقلت بصوت مرتجف.. هناء: آسفة ما حسيت بنفسي .. سامي: فداج حبيبتي .. هني ما قدرت امسك نفسي تسندت على الطاولة اللي بنص المطبخ ونزلت دموعي ..غطيت ويهي بايديني من فرط الحزن والهم اللي انا فيه ..استغرب سامي وقال .. سامي: هناء ..حياتي اشفيج ؟؟ سؤاله زاد من بجيي ..شقوله ؟؟ والله بلشة ... تقرب مني وحظني وقال .. سامي : اهدي ..اهدي ..انا اول ماشفتج عرفت انج مو طبيعية .. هدي حبيبتي هدي .. تشبثت فيه بقوة كأني اقوله " لا تخليني بروحي مرة ثانية " ..وهو ظمني بقوة اكبر يحسسني بالأمان .. وداني الغرفة وقال .. سامي :ارتاحي حبيبتي ..وبعد ما تهدين نتكلم اوكي ؟؟ غطاني وقعد يمي ..مسكت ايده بقوة وانا لسة احاول اكفكف دموعي ..تحرك هو بغى يقوم فقلت له بخوف وانا اشد ايده بقوة ألمته .. هناء :لا لا تروح ..الله يخليك لا تخليني بروحي .. قال وهو يربت على ايدي بحنان .. سامي : بروح اييب لج شي تاكلينه ..شكلج .. قاطعته بصراخ هستيري وقلت .. هناء : مابي شي ..مابي شي ..لا تخليني بروحي .. ورديت ابجي مرة ثانية ..هو تقرب مني وحط راسي على فخذه وغطاني عدل .ويقول يهديني .. سامي : خلاص حبيبي ..خلاص ماني رايح مكان .. هدي انتي بس .. كنت ابجي بجنون جنه ميت لي احد .. كنت ماسكة اللحاف بايد وايد الثانية ماسكة فيها ايد سامي .. وهو يمسح على شعري ويقرا بعض الأيات .. ومن كثر البجي حسيت بصداع .. غمضت عيوني ونمت على طول.. سمعت حس احد ماادري إذا كان حلم ولا لأ .. بطلت عيوني وشفت ويهه غريب فوقي ..عبالي عصام قمت اصرخ وانادي .. هناء: ساااامي ..سااامي ... كانت مرأة ولما صرخت كانت تحاول تهديني وتمسكني عشان لا اتحرك ..بس انا دزيتها وبعدتها عن طريجي وقمت من السرير وركضت برة ..ماادري إذا كنت لابسة شيلة ولا لأ .. بس المهم اطلع .. حسيت بايد تمسكني انا هني خلاص قمت ابجي واطق اللي جدامي .. هناء: بعد وخر عني .. مابي ..سااامي ...وخر عني .. ما سمعت اللي جدامي شنو يقول من الصراخ .. سامي: هناء ..انا سامي سامي ..اشفيج ؟؟؟ بطلت عيوني اللي مليانة دموع وشفته جدامي ..قطيت روحي بحظنه وقلت .. هناء: ليش خلتيني انا قلت لك لا تروح .. لا تخليني بروحي .. ونزلت دموعي للمرة الألف .. وهو مسح على شعري ويقول يسكتني .. سامي : آسف آسف ..ما كان قصدي والله ..خلاص حقج علي .. بهاللحظة عرفت ويني فيه ..انا بالمستشفى ..بس آآآخ احس بدوخة ..مسكت ايد سامي حيل عشان لا اطيح بس للأسف ماحسيت إلا بصوت سامي يناديني بعدها كل شي صار هادي .. " هناء ..هناء" قمت على صوت سامي يناديني ..بطلت عيوني شفته قاعد على السرير وماسك ايدي ويمسح عليها .. قلت بصوت واهن .. هناء: ويني فيه ؟؟ سامي : بالمستشفى ..صارلج هبوط .. قعدت وطالعت سامي عدل ... والله مسكين سامي ما تدري باللي يسوونه اهلك من وراك ..وانا رحت ضحيته .. نزلت راسي احاول امنع دموعي تنزل .. رفع راسي سامي بايده وقال .. سامي : هناء ..قولي لي شلي صاير لج ؟؟ امس ما كان فيج شي .. لا تسألني الله يخليك بروحي متلعوزة .. تذكرت اللي قاله عصام وخفت لساني يزل واقول شي واطلع خسرانة اخرتها ..قلت بعد ما اخذت نفس واشدد من ازري .. هناء: امس دق علي طلال يقول ان امي تعبانة .. طالعني متشكك .. سامي : بس ؟؟ كل هذا صار عشان عمتي تعبانة ؟؟ قلت وانا ابعثر عيوني يمين شمال .. هناء: ئي .. تلفت حوالي وقلت اسأله .. هناء: اشحقة يايبني المستشفى ؟؟ سامي: كنت ابي اتأكد من صحتج ..الدكتور قالي انهيار عصبي .. قلت وانا البس شيلتي وامسك عباتي .. هناء: خلاص انا الحمدلله مافيني إلا العافية .. وامي بدق عليها واتطمن .. كان متفأجا من النقلة الهائلة اللي صارت لحالتي ..بس ما قال شي .. وطلعنا من المستشفى بعد ما وقعت ورقة اخلاء مسؤولية .. ورديت البيت .. طبعا سامي كل شوي يلقي علي نظرات غريبة ..ادري فيه مو مصدق ..بس ما اقدر اقوله بضر روحي واقضي على نفسي في النهاية .. الصبح قمت على صوت المنبه ..رحت الحمام اكركم الله اتوضى وسامي كان لسة نايم .. وقفت جدام المنظرة اطالع ويهي ..اصفر وذبلان ..قضيت امس كله بالبجي والصراخ ليما بح صوتي .. تجمعت الدموع في عيوني بس مسحت ..لازم اكون طبيعية ولا حس سامي علي واروح فيها .. غسلت ويهي اكثر من مرة ..بعدها صليت الفير والتفت اقعد سامي .. وقفت فوق راسه مديت ايدي اقعده ..بس وقفت بنص الطريج .. والله ما يستاهل .. سامي مافي مثله ..بس والله مو بايدي .. إذا ما سويت اللي يبيه رح انفضح وصوري بكل مكان ..بس لحظة اشدراني ان عنده صورة لي ..يمكن يقص علي وبالأخير يطلع خرطي .. بهاللحظة سمعت صوت تلفون البيت ..نزلت تحت .. هناء: الو .. عصام : هلاااا والله ..هلا بحبيبة قلبي .. انقرفت لما سمعت صوته وقلت بصوت واطي عشان سامي لا يسمع .. هناء : حبتك حية .. شتبي داق ؟؟ قال بعد ما ضحك .. عصام : تمونين ..بس داق عشان اكد عليج ..اني ابي الأوراق هالأسبوع ..ولا .. قاطعته وقلت بعصبية .. هناء: مالت عليك وعلى هالأوراق .. تخوفني بالصور اللي عندك ؟؟ هذا إذا كان عندك صور اصلا .. العب غيرها يا حلو .. عصب وقال .. عصام : تحديني هناء ؟؟ ان شاء الله ولا يهمج ..بتشوفين .. وصك بويهي ..غمضت عيوني بألم ..تعبت من هالسالفة ..نفسيتي صارت بالأرض .. " منو اللي على التلفون ؟" نقزت من صوت سامي ..قلت بخوف .. هناء: محد ..الرقم غلط .. طالعني شوي ..بعدين قال .. سامي: ما رح تصكين التلفون ؟؟ ولا بتظلين معاه ؟؟ انتبهت اني لسة ماسكة السماعة ..رديتها مكانها بارتباك وقمت عشان اروح المطبخ .. سامي : وين ؟؟ لفيت له وقلت .. هناء: بروح اسوي الريوق .. طالعني شوي مرة ثانية جنه يتفحصني .. سامي: طريج المطبخ مني ..مو هناك.. واشر على الطريج اللي كنت ماشية فيه .. طلعت رايحة الحمام اكرمكم الله .. عدلت من جهتي ورحت المطبخ بخطوات سريعة .. سندت ايديني على الطاولة وقمت اتنفس بسرعة .. غلط غلط .. كل اسويه غلط .. سامي بيحس .. ملامحي وحركاتي تييب الشبهة ..لازم ابين طبيعية .. سويت الريوق ..وكنت افكر اشلون ابين طبيعية ..وبين الفترة والثانية اخذ نفس .. ليما هديت شوي .. طلعت ولقيت سامي قاعد على الطاولة ويلعب بتلفونه ..طولت عليه .. حطيت الأكل ..وقلت ابتسم له .. هناء: طولت عليك ؟؟ طالعني وشكله استغرب الأبتسامة .. سامي: يعني .. مووايد .. قعدت يمه وقلت وانا اصب له الجاي ..بس حط ايده على ايدي ..اخترعت ..بس قال .. سامي: هاتي عنج ..انا بحط لج الريوق .. نزلت ايدي وخليته يسوي الريوق .. واحنا ناكل ..قال .. سامي : إذا خلصتي محاضراتج دقي علي ..اوكي ؟ هزيت راسي بايجاب ورديت اكل ..بس مالي نفس ..من له نفس ياكل وفوق راسه مصيبة ..حسيته يطالعني ..وفعلا كان يطالعني ..قلت بتعجب وخوف من ان ملامحي تكشفني .. هناء: اشفيك ؟؟ قال بعد ما حط اللقمة على الطاولة .. سامي: ليه ما تأكلين ؟؟ قلت بارتباك من نظراته .. هناء: بلى ..قاعدة اكل .. وحطيت لقمة بحلجي عشان ااكد له .. بعد ما خلصنا ..رديت الصحون داخل المطبخ ..ونظفتهم على السريع .. بعدها صعدت فوق ابدل .. وركبت السيارة وحركنا للجامعة .. طول الطريج ادعي ربي ان سامي ما يكشفني ولا يعرف بالحقيقة .. دق تلفوني فجأة ..رفعته وكان رقم غريب .. مارديت ..بعدها يتني مسج .. بطلتها ..بطلت عيوني على وسع من الصدمة ..كانت المسج تقول.. " انا عصام ..أنطرج بالحديقة الساعة 11 ." النذل ..اشلون عرف رقم تلفوني ؟؟ .. ودق تلفوني مرة ثانية ونفس الرقم .. مارديت ..سمعت سامي يقول .. سامي : اشحقة ما تردين ؟؟ هناء: ها ؟ اا ..ما اعرف الرقم .. مد ايده وعيونه على الطريج وقال .. سامي : عطيني اياه .. عطيته التلفون وايدي ترجف ..اخاف يطلع عصام ..يارب سهل .. رن التلفون للمرة الثالثة ..وانا هني غمضت عيوني ..الله يستر .. سامي : الو ..الوو .. بعد التلفون عن اذونه وقال .. سامي: صك بويهي ..ناس فاضية .. اخذت نفس بارتياح ..ووصلنا الجامعة على خير .. دخلت المحاضرة..وطبعا ما سمعت ولا كلمة ..لأني كنت سرحانة طول الوقت .. شفت الطلبة يطلعون عرفت ان المحاضرة خلصت .. وطلعت انا بعد .. طالعت الساعة وكانت 11 إلا ربع .. قعدت بالحديقة انطر هالتعبان عشان انهي معاه السالفة اللي بدت امس .. " السلام عليكم " عرفته من صوته ..التفت له بعد ما قمت وقلت بعصبية .. هناء: الله لا يسلم فيك مغز ابرة .. تقرب مني وقال .. عصام : اعصابج .. لا تعبين حنجرتج الذهبية .. بعدت انا لأنه كان كل ماله ويقرب .. هناء: عبالك اني صدقت ان عندك صور لي ؟؟ انت غلطان ..انا ما اخاف من الأشكال هاذي .. قرب مني بغتة ومسكني من ذراعي وقال .. عصام : والله؟؟ يا قوية .. قلت وانا احاول احرر ذراعي منه .. هناء: هدني .. ودزيته بعيد ..قلت بعصبية .. هناء: عطني الدليل لو انت صاج .. ابتسم ابتسامة خبيثة وحط ايده داخل واحد من كتبه وطلع اوراق ..قطهم بويهي ..وقال .. عصام : تمقلي فيهم عدل ..هاذي انتي ولا لأ؟؟ مسكت وحدة من الصور ..وبهت ..صورتي وانا .... غمضت عيوني بألم ..وبدت دموعي تنزل ..قال وهو يمرر ايده على خدي بطنازة .. عصام : لااا..لاتبجين ..دموعج غالية علي .. بعدت ايده بعصبية وقلت من بين دموعي .. هناء: الله ينتقم منك ..تراها بترد لك ..صدقني .. مارد علي بس اكتفى بابتسامة شيطانية منه ..فقلت وانا امسح دموعي .. هناء : انت شتبي مني بالضبط ؟؟ ليش صورتني ؟؟ عصام : ذكية ..بس هالسؤال سأليه لريلج هو بيجاوبج .. وكمل وقال وهو يلم اغراضه وياخذ مني الصورة .. عصام : يلا تشطري ويبي لي الأوراق ..سي يو .. ومشى عني ..وخلاني اغرق اكثر بوحل المصيبة اللي طاحت فوق راسي .. ليش انا ؟؟ ليش ؟؟ كل هذا عشان خلافات بينه وبين سامي ؟؟ انا مالي شغل ..مالي شغل .. حسيت بقطرة ماي ..طالعت فوق ..تبعتها قطرات ..ونزل المطر .. دخلت داخل ..وتسندت على واحد من الطوف .. وانهرت قعدت على الأرض ..ودموعي مو راضية توقف .. صوت الرعد يصرخ بدالي ..والبرق يصور معاناتي .. مسكت تلفوني وايدي ترجف من الربكة والبرد ..وبصعوبة لقيت رقم سامي ..دقيت عليه ونطرت لين ياني صوته .. سامي : هلا حبيبي .. غمضت عيوني لما سمعت صوته وبديت ابجي بصمت ..بس مسكت عمري وقلت .. هناء: خلصت .. سامي : خلاص كاني ياي .. بعد عشر دقايق ياه .. وانا احس بالالام الدنيا كلها فيني ..وكنت متوجمة ..ساكتة عيوني حمرة..سامي اخترع لما شافني وقال بخوف واحنا تحت المطر .. سامي : هناء ..اشفيه ويهج ؟؟ قلت وانا احط الكتاب على راسي احمي روحي من المطر الي بدا يشتد .. هناء: مافيني شي ..خل نروح البيت .. ركبنا السيارة ..وانا ارجف رجفان مو طبيعي .. احس ببرودة .. فصخ سامي جاكيته ولبسني اياه .. ورحنا البيت .. وانا خلاص مو قادرة اتحرك .. احس باطرافي مشلولة .. لف لي سامي بعد ما طولت بالقومة عشان اطلع .. سامي: فيج شي هناء ؟؟ احسج مو طبيعية .. مارديت عليه بس سندت راسي على الكرسي بتعب ..لمس سامي راسي وقال بتوجس .. سامي: حرارتج مرتفعة .. بغيت اتكلم بس مو قادرة .. طلع من السيارة ولف ناحيتي ..وفتح الباب وقال وهو يمد ايده لي .. سامي : عطيني ايدج .. مديت ايدي وهو تلقفها ..ولما وقفت على حيلي ..شالني سامي وهاذي كانت المرة الثانية ..بس من التعب ما قدرت اقول شي.. صك باب السيارة بريله ومشى فيني ..وبطل الباب ودخل صعد فيني فوق ولما وصلنا للغرفة ..حطني على السرير ولحفني عدل .. وانا خلاص مو قادرة ابطل عيني ..اختفى دقايق ورد .. حسيت بشي بارد على جبهتي ..وقال وهو يمسح العرق اللي علي .. سامي: اشلون خليتج تطلعين وانتي بهالحالة ؟؟ غمضت عيوني اتلمس النوم وفعلا رحلت لعالم الأحلام .. بطلت عيوني وحسيت بشوية راحة .. خف الصداع شوي .. تلفت ما لقيت احد .. استعملت القوى الباقية وقعدت ..شفت سامي نايم على الكرسي ..مسكين تعب وياي .. طالعت الساعة وكانت ست المغرب ..واااو كل هذا نمته .. كله منه ..الحقير ..دمر حياتي ..قلبها فوق حدر ..قمت السرير ورحت لسامي ..نزلت لأذونه وهمست .. هناء: سامي .. مارد علي ... حطيت ايدي على جتفه وهمست مرة ثانية .. هناء: سامي .. فز هالمرة وبطل عيونه ..وتعدلت بوقفتي ..وقلت .. هناء: ليه نايم هني ؟؟ طالعني بعيونه الفاتحة ..وقال باستغراب .. سامي: انت اللي ليش قايمة من سريرج ؟؟ قلت ابتسم بوهن وامد ايدي العب بشعره .. هناء: ماعليه حبيبي مافيني شي .. قال بجدية .. سامي : هناء..تراني شاك .. وقف قلبي ..قلت برعب .. هناء: شاك بشنو ؟؟ قال وهو يمسك ايدي ويقوم .. سامي: بحالتج الصحية ..مو عاجبتني ..امس بالمستشفى واليوم حرارتج مرتفعة .. لازم نسوي تحليل على الأقل نتطمن .. قلت وانا الوح بايدي رافضة .. هناء: لا تخاف مافيني إلا العافية ..بس من البرد .. وانا ادري من داخلي انه من الصدمة .. سامي : متأكدة ؟؟ اليوم خرعتيني عليج .. قلت اطمنه .. هناء: ئي متأكدة .. دق تلفون سامي وكان عامر ..تحركت رحت يبت ملابس يديدة بروح اتسبح ..سمعت سامي يقول .. سامي : ماكو شي ..بس ظرف طارئ ياني .. خلاص قول لأمي اني بنيي هالأسبوع ان شاء الله .. نيي ؟؟ وين ؟؟ .. سامي : اوكي ..مع السلامة .. قلت وانا اصك باب الكبت .. هناء : طالع مكان ؟؟ قال وهو يحط التلفون بمخباه .. سامي: قصدج طالعين مكان ..لأن انا وانتي كنا بنروح نزور ام عامر عازمتنا على الغدا ..بس ما صار نصيب .. لي خلق انا اروح اشوف فلان وعلان ..والله فاضي انت .. افففف ..يا رب ارحمني .. ما علقت ورحت دخلت الحمام ..وقفت تحت الماي افكر بالمصيبة هاذي ..عصام صج عنده الصور ..وعادي عنده يركب عليهم .. مالي إلا اني ارضخ له ..واخذ الصور .. واعترف لسامي بكل شي بعدها .. وان شاء الله يسامحني ..وإذا بيطلق يطلق ..بس اخذ الصور بالأول ..اهم شي الصور .. وسامي حله عند رب العالمين .. طلعت من الحمام لقيت الغرفة فاضية .. ما اهتميت ولا فكرت وين يكون ..مالي خلق اصلا راسي لسة يعورني ..برد انام .. نزلت تحت بس عشان اخذ بندول وارد الغرفة .. سمعت سامي يتكلم بعصبية .. سامي: الو ..الو ... وصك تلفونه بعصبية ..وقال .. سامي: ناس فاضية والله ..اففف .. رحت له وقلت وانا مستغربة .. هناء: اشفيك ؟؟ الفت لي وقال وهو يرد الموبايل بمخباته بضجر .. سامي: ناس تافهة ..يدقون ولا يردون ..هاذي المرة الرابعة بيوم واحد .. مشى عني وراح المطبخ .. قلت وانا احط البندول بحلجي.. هناء: خلهم عنك ..لاترد إذا شفتهم .. هز راسه بايجاب وهو يشرب جلاص الجاي .. صعدت السلم وقلت بصوت عالي عشان يسمعني .. هناء: انا رايحة انام ..تبي شي ؟؟ سمعته يقول .. سامي : سلامتج عمري ..روحي .. كملت طريجي ..رحت نمت ...قمت على الساعة 12 ونص .. لفيت اشوف سامي ..بس ما كان موجود .. تنهدت بضيق ..انا طايحة بمشكلة عويصة .. بس انا ان شاء الله بحلها ..مابي سامي يكون طرف فيها ..لأنه لو درى بروح انا فيها ..وعصام طبعا بيطلع منها مثل الشعر من العجين .. توضيت وصليت العشا .. ونزلت تحت ..وقفت على أخر عتبة بالسلم ..شفت سامي قاعد على الطاولة وبايده ورقة يكتب عليها ولاب توب شغال واوراق منثورة على الطاولة ..شكله عنده شغل ..كملت ونزلت تحت ..مشيت له ببطء عشان لا يحس فيني ..وصلت للطاولة بس بعد ما حس فيني ..مسكت كرسي ويريته واخيرا انتبه ..طالعني وابتسم بعدها وقال وهو يحط القلم .. سامي: هلا حبيبتي ..اشلونج الحين ؟؟ وحط ايده على جبهتي ..وقال .. سامي: لا زين الحمدلله ..خفت حرارتج .. ابتسمت له مجاملة ..طالعني شوي بحنان بعدين وقف .قلت .. هناء: وين ؟؟ سامي: بروح اييب لج شي تاكلينه .. قلت وانا امسك ايده اقعده .. هناء: لا تعب روحك انا بروح ..تعشيت ؟؟ قعد هو وقال .. سامي: لأ ..اشلون آكل وانتي مريضة ؟؟ وطالعني بعيونه الفاتحة بحب ..قلت وانا اغصب نفسي اكون عادية .. هناء: حبيبي .. ومررت ايدي على شعره الناعم وهو غمض عيونه وقال .. سامي: هناء روحي قبل ما اين .. ضحكت انا ..ولما لفيت اختفت ابتسامتي ..قتلها النذل ..رحت المطبخ وسويت عشا خفيف .. حطيته على الطاولة يم سامي وهو كان قاعد يطقطق على اللاب توب ..قلت .. هناء: سامي ..يلا حبيبي ..العشا .. لف لي ومد ايده قلت انا .. هناء: عندك شغل ؟؟ قال بعد ما اكل .. سامي: عندي مشروع ..وباجر رح اقدمه .. كان يتكلم بحماس ..كمل وقال .. سامي : ادعيلي هناء.. هالمشروع مشروع عمري ..لو نجح رح اكون فوق .. قلت بحنان .. هناء: الله يوفقك حبيبي .. من متى تشتغل عليه ؟ سامي: من سنة .. بطلت عيوني وقلت بانبهار.. هناء: من سنة ؟؟ واااو .. اكيد تعبت عليه .. هز راسه بايجاب وقال .. سامي: عامر ساعدني بالفكرة وانا التنفيذ .. رد للاب توب وباد يطقطق عليه ..قلت .. هناء: خلني اشوف شنو تسوي .. وقمت وقفت وراه وسندت ايدي على كتفه ..طبعا ما فهمت شي ..قلت .. هناء: انت حافظهم عندك ولا كاتبهم؟؟ سامي : لأ ..حاط سي دي ..وحافظ عليه كل شغلي .. بعد السوالف والضحك اللي بالغصب يطلع ..صعد سامي فوق يرتاح ..فقلت .. هناء: خلهم انا بلمهم .. طالعني فكملت .. هناء: لا تخاف مافي شي رح يضيع .. قال .. سامي: مو عن .. بس مابي اتعبج .. قلت وانا الم الأوراق .. هناء: مافي تعب ..كلها اوراق .. روح نام .. ابتسم وتقرب مني وطبع بوسه على خدي وقال .. سامي: لا تطالعيني .. كنت مصدومة ..كمل وقال .. سامي: زوجتي ..حرام ؟؟ كفخت بالأوراق وهو ضحك وراح .. بس اخذ السي دي .. ولما خلصت صعدت فوق ..لقيته نام بدون ما يغطي روحه ..لحفته وانتبهت على السي دي اللي بيطيح من جيب الجاكيت ..طالعت سامي ..بس قويت قلبي واخذته حطيته بين كتبي ..ورديت نمت ..آسفة سامي ..والله آسفة .. طول الليل المطر ينزل ..وانا قلبي يرجف جنه البرد وصله .. قمت صليت الفير وقعدت سامي ..وتريقنا وركبنا السيارة ..قطني سامي ونبهني انه رح يرد متأخر وقالي ارد مع عامر .. نزلت ولما خلصت المحاضرة ..مسكت تلفوني ودقيت على عصام .. وياني بعد ربع ساعة .. عصام : احلى صباح لأحلى هناء .. قلت بقرف .. هناء: الله لايصبحك بالخير .. ابتسم وقال .. عصام : مشكورة .. وين الأوراق ؟؟ اعتقد انج داقة علي عشانهم .صح ؟؟ طلعت السي دي ..وقلت .. هناء: هاك هذا كل شغله .. مد ايده ياخذه بس بعدت ايدي وقلت بجمود.. هناء: الصور .. قال بانبهار .. عصام : حلو ..يعجبني ذكاءج .. هناء: ماكو سي دي إلا لما اشوف الصور .. تقرب وقال وهو يبتسم ابتسامته العفنة .. عصام : صج ؟؟ على العموم ..اخذيهم ..بس اذكرج ما كان بينا اتفاق .. قلت .. هناء: المفروض واحد نذل مثلك لازم يعرف ..يعني بعطيك السي دي بدون ما اخذ الصور ؟؟ هذا غباء منك .. قال وهو يحط ايده بين كتبه .. عصام : طالعة على ريلج .. عطاني الصور واخذ السي دي .. حسيت انه اخذ روحي معاه .. هناء: شلي يضمن لي انك ما نشرتهم ؟؟ قال بخبث .. عصام : وشلي يضمن ان السي دي اللي عطيتيني اياه هو اللي اتفقنا عليه ؟؟..المسالة مسألة ثقة .. ومد ايده يصافحني وقال .. عصام : استمتعت الصراحة بالتعامل معاج .. طالعت ايده بعدين طالعته وقلت .. هناء: وانا لاعت جبدي بالتعامل معاك .. ومشيت .. وصل عامر وانا ركبت معاه وشيخة كانت تسولف وياي وانا مو معاها ..قعد اتخيل ردة فعل سامي .. سمعت موبايل عامر ..ورد عليه .. عامر :... what!!!!! وينه ؟؟ استنتجت انه سامي ..غمضت عيوني بألم .. عامر: انت مو تقول انك خلصت المشروع ؟؟ (............................) عامر: سامي ..دور عليه عدل .. (...........................) عامر: في البيت انت الحين ؟؟؟ (............................) عامر: خلاص الحين نوصل ..يلا مع السلامة .. وصلنا البيت بدون ما اسأل عامر ولا هو قالي .. دخلت البيت ..لقيته معفوس فوق تحت .. دخل وراي عامر وشيخة .. انصدمت انا بس صعدنا انا وشيخة فوق .. بعد دقايق دق عامر على شيخة وراحوا ..انا نزلت تحت ..لقيته قاعد على القنفة ومنزل راسه مغطيه بايدينه .. انا السبب .. رحت قعدت يمه وقلت وانا احط ايدي على ظهره .. هناء: حبيبي ..شنو في؟؟ رفع راسه وقال وهو مو طايق نفسه .. سامي : السي دي اللي تعبت عليه راح ..ضااااع .. سويت روحي منصدمة وقلت .. هناء: وين راح ؟ قال وهو يوقف .. سامي: ماادري ..ماادري .. انا اللي اسأل وين راح ؟؟ وقفت معاه وقلت .. هناء: حبيبي هد عمرك ان شاء الله تلقاه .. قال وهو يفك ربطة العنق اللي لابسها .. سامي: شل الفايدة ؟؟ اختاروا مشروع ثاني خلاص .. غرقته بايدي ...انا اللي وصلته لهالحال ... بس ان شاء الله الله يعوضه .. طول الوقت سامي قاعد بالغرفة ..حتى اكل ما اكل ..معاه حق ..تعب عمره يروح هباءا منثورا .. ومنو السبب ؟؟ انا .. مرت الأيام والأسابيع ..وسامي بدا يتعود على اللي صار .. وتأقلم .. وبدا بمشروع يديد ..والصور اللي اخذتهم حرقتهم .. وفي يوم .. دق علي عصام وطلب مني نفس الطلب ..قلت بعصبية .. هناء: مستحيل .. عصام : إذا ما عطيتيني اياهم اليوم بتكون ورقة طلاقج موجودة عندج ..صدقيني .. خفت ..يسويها عصام ويعلم سامي .. رضخت له ..ورديت البيت ..وسويت نفس الحركة ..بس ..دخلت الغرفة وسامي ما كان موجود بالبيت .. وهالمرة علمني انه كاتبهم باوراق لأنه لسة ما حفظهم .. بعد ما اخذتهم رحت دقت عليه ..بس انصدمت لما قال .. عصام: تعالي عندي البيت .. هناء: شنووو؟ عصام : اللي سمعتيه ..ولا تبيني اعيد كلامي بطريقة ثانية .. هناء : تدري انك حقير وسافل .. ضحك وقال .. عصام: ادري ..بس تعالي ..ريلج مو موجود .. هناء: تراقبني بعد ؟ عصام : اكيد .. لازم الحذر .. عطاني العنوان ..واخذت تاكسي ..هاذي بروحها فيها دم .. وصلت للعنوان ..وكانت شقة .. صعدت .. ولما تبينت الشقة لي طقيت الباب .. فتح لي عصام .. عصام :.Hi my laidy مديت ايدي ومعاها الأوراق ..وقلت هناء: هاك .. بس قال .. عصام : دخلي لا تخافين ..مو بروحنا معاي عالية .. طلعت بعدها عالية من ورا وقالت .. عالية : هلا .. انصدمت .. شسالفة؟؟!!! ..مسكت ايدي عالية ودخلتني ..وصك عصام الباب ..قعدت وعالية يمي وعصام بعيد عنا .. قالت عالية .. عالية : زين يبتي الأوراق .. بطلت عيوني على وسع وقلت .. هناء: انتي معاه ؟؟ ضحكت بخبث وقال عصام وهو يبتسم .. عصام : هي اللي دبرت الخطة اصلا .. وانا علي التنفيذ فقط .. طالعته وقلت بصدمة .. هناء: حرام عليج ..حرام .. وقفت وقالت .. عالية: لا مو حرام ..اللي سواه فيني سامي مو شوية .. ريلج يا حلوة شوه سمعتي ..وانا حالفة إلا ادفعه الثمن غالي .. بدت الصورة عندي تتشوش..قال عصام .. عصام: انتي عبالج متزوجة واحد مثالي؟؟ ..حبيبتي ..سامي ولد شوارع ..واعتقد تعرفين القصة .. صرخت والدموع بعيني .. هناء: يا الحثالة ..صج ما تستحون .. ما حسيت إلا بايد تسحبني وتاخذني داخل .. هناء: هدني ...هدني مابي ..خلني .. دخلني عصام للغرفة ..وقفل الباب ..وانا ابتعدت وقلت .. هناء: مو كافي اللي سويته فيني .. عصام : لامو كافي .. الحين بناخذ راحتنا صج .. تقرب مني وانا صرخت بأعلى صوتي ولازقة بالطوفة .. مسكني وانا احاول احرر ايدي والشيلة طاحت وبان شعري .. بعد هو الشيلة ..وقطني على السرير ..وانا خلاص قمت اصرخ بهستيريا .. سمعته يقول .. عصام: لا تخافين ماني مسوي شي .. وابتعد عني ..وقال .. عصام : طلعي .. قعدت ..وانا مو مصدقة ..الباب مبطل ..اخذت شيلتي بسرعة وغطيت روحي بعشوائية وطلعت من الغرفة .. لقيت عالية قاعدة بالقنفة وتطالعني بخبث .. طنشت ..ورحت بطلت الباب بس تفاجأت .. مفاجأة ما كانت على الباب ولا على الخاطر ... كان سامي واقف عند الباب .. ويطالعني بعيون منصدمة ... الحلقــة الثانية عشرة " الخيانة " بعيونه الفاتحة اللي توسعت من اثر الصدمة .. طالعني سامي اللي كان واقف عند الباب .. وبخطوات ثقيلة تجدمت منه وقلت بصوت خافت اختفى من اللي شايفته جدامي .. هناء : سامي !!! ملامح الصدمة وعدم الأستيعاب كانت بادية على ويهه ..مو قادر حتى يرمش عيونه قال اخيرا بعد ما مد اصبعه يأشر علي وبصوت غير مصدق ومتفاجأ .. what you are doing here??:سامي تلعثمت وما قدرت ارد ..شقت دمعة على عيني ...سمعت عصام يقول .. عصام : واااو ..بطلنا هني ؟؟؟ يا سبحان الله ..صدفة ..رب صدفة خير من الألف ميعاد .. شفتي عالية ؟؟ قالت عالية بتشفي وهي تكلم عصام .. عالية : حلو شكلهم ..ناقصكم صورة .. شفت سامي يرفع راسه وينقل بصره مني لعصام وعالية .. قال والصدمة لسة مرتسمة عليه .. what is happing here?:سامي يت عالية ووقفت يمي وقالت وهي تطالعني .. عالية: والله مرتك حبت تساعدنا .. وعطتنا شوية معلومات .. انا هني غمضت عيوني بحسرة كملت عالية وهي تقرب اكثر مني .. عالية: مرتك يت عشان تعطينا الأوراق .. قال سامي بعدم فهم .. which papers?:سامي شكله من الصدمة نسى العربي .. قالت عالية .. عالية: اوراق شغلك ..ليش انت ما تدري ؟؟ والتفت لعصام وقالت .. عالية : عصام ما قلت له انت ؟؟ هزت راسها باستنكار مصطنع وقالت .. عالية : لاااا ..ما قلت لك هناء ؟؟ قال عصام .. عصام : انا عبالي بتقولك .. مو مشكلة كاهو دريت .. قال سامي .. I don’t understand any thing .:سامي قلت وانا حامدة ربي انه مافهم شي ..مسكت ايده وقلت وانا احاول ايره وراي .. هناء: انا افهمك ..بس امش معاي ..خلـ... قاطعتني عالية وقالت بمكر .. عالية: خايفة ؟؟؟ قال سامي وهو يطالعني مو فاهم شي .. سامي: من شنو ؟؟ طالعت عالية وعصام بحقد وقلت .. هناء: انذال ..صج انكم انذال .. ابتسم عصام بخبث وقال .. عصام : سامي .. حبيبي عمري ورفيج دربي ... رفع ايده بويه سامي ماسك السي دي ..وقال .. عصام : تعرفه ؟؟ طالعت سامي السي دي وقال .. this is mine.. how y..:سامي ما كمل جملته كأنه فهم ..طالعني مصعوق غمضت عيوني بألم.. فقال عصام.. عصام: حلو ..فهمت .. طول عمري اقول سامي ذكي ولا ما كان وصل للمكانة اللي فيها الحين .. قالت عالية تكمل عنه .. عالية: قلت لك مرتك حبت تساعدنا ..طيبة حيل .. واشرت على الأوراق اللي على الطاولة .. عالية: وكملت جميلها ويابت اوراق مشروعك اليديد ..مقابل عشرة الالاف دولار .. طالعته مصدومة وقلت .. هناء: شنو ؟؟ جذابة ... وطالعت سامي اللي لسة مصعوق .. هناء: جذابة لا تصدقها .. هي وعصام تعانوا علي و.. سحب سامي ايده فجأة مني بقوة ..وهجم على عصام ..ومسك رقبته ..طاحوا اثنيناتهم على الأرض ..وبدوا يتهاوشون ..ركضت لهم وانا احاول امسك سامي الثاير اول مرة اشوفه جذي ... هناء: سامي .. سامي ..خلك عنهم ..ساااامي .. ولفيت لعالية الواقفة تتطمش وبويهها ابتسامة انتصار .. هناء: سوي شي ..رح يذبحون بعض .. قالت بعدم اهتمام .. عالية : وانا شكو ؟؟ بعدين مو اول مرة يتهاوشون ... طالعتها باحتقار ..ولفيت لسامي ..مسكت ايده اللي بغت تطق عصام .. هناء: سامي ..لا تتهور .. لف لي بعيون شرانية ..انا تراجعت ورا ..خفت يكمل علي .. قام عن عصام اللي امتلى ويهه دم ..ومشى لي بسرعة ..قبض ذراعي بقوة ..فقلت بخوف ودموعي اربع اربع .. هناء: انا ضحية ..مالي شغل ..والله ما.. قاطعني بصرخة قوية اخرمت طبلة اذني .. shut up:سامي ودزني بعيد بوقة ..لدرجة اني طحت على القنفة .. هني لف سامي لعالية وتقرب منها وقال بتهديد .. سامي : ربحتي مرة بس المرة الياية رح تكون لي .. وطلع من البيت .. ابتسمت عالية طالعت سامي وهو طالع وقالت لي .. عالية: لحقي ريلج .. بسرعة البرق طلعت من الشقة ..ونزلت السلم اثنين اثنين ..لمحت سامي اخيرا ..زدت من سرعتي وانا انادي .. هناء: سامي ..سامي الله يخليك اسمعني ..ساااامي .. ما وقف ..وعلى اخر سلمة وصلت له اخيرا ..مسكته من ذراعه وخلته يلف لي ..قلت .. هناء: اسمعني بالأول بعدين انت احكم .. سامي انا .. دزني بعيد فجأة فاصطدمت بالطوفة .. تقرب مني وحكرني بينه وبين الطوفة .. وقال بثورة .. سامي: اشتبيني اسمع ؟؟ اسمع جذبج ؟؟ بعتيني عشان عشرة الالاف ؟؟ انا هاذي الحين قيمتي ؟؟ تعبان على مشروع صارلي سنة اشتغل فيه اخرتها .. رفع ايده وانا هني انكمشت على روحي لا يمد ايده علي بس يت الضربة على الطوفة .. وكمل بمرارة .. سامي : خدعتيني ..وانا اسأل روحي شنو سبب الربكة والتوتر اللي انت فيه ..طلعتي وكمل بصرخة قوية .. سامي: خااااينة ؟؟ كان يتفس بسرعة وبعصبية وانا دموعي ما توقف ..ابتعد عني وطلع من البناية وانا لحقته لازم يعرف الحقيقة .. قلت بصوت عالي عشان يسمعني .. هناء: انا ضحية خلافاتك مع اهلك ..انا سويت جذي عشان احمي .. وسكت ما عرفت شقول ..فكمل سامي عني وقال .. سامي : تحمين نفسج .. امنتي روحج بعشرة الالاف .. قلت بصراخ وبعصبية .. هناء: انت ليش مو راضي تسمع وتفهم ؟؟ عالية جذابة وعصام شو.. للمرة الثانية ما قدرت اكمل ..وقفت والهوا بدا يشتد فيني تبطلت شيلتي اللي لابستها بعشوائية .. ما عرفت شقوله ..اقوله الصج ولا ..؟؟ تجدمت منه ووقفت جدامه وقلت .. هناء: انا آسفة حقك علي ..مو عارفة اشلون ابرر لك اللي سويته ..بس صدقني انا ما خذيت عشرة الالاف ولا اتفقت معاهم اصلا .. انرسمت على محياه تعابير غريبة ..صدمة ..خيبة امل ..قال بصوت خافت .. سامي: بس ؟؟ ببساطة جذي ؟؟ انا آسفة ؟؟ قلت بانهيار .. هناء: اشتبيني اسوي عيل؟؟ اقط روحي بالشارع وتي سيارة تدوسني عشان ترتاح ؟؟ قال بحسرة .. سامي : لا تسوين شي .. راح لسيارته ودخل المفتاح فقلت بسرعة .. هناء: لاتروح وتخليني ..انا محتاجتك ..حرام اللي تسويه فيني .. فجأة وبلمح البصر لقيته واقف جدامي وماسك جتوفي ويهزني بقوة ويصرخ .. سامي: حرام؟؟؟ حرام؟؟ الحرام اللي سويتيه ..الحرام انج خدعتيني ..اوهمتيني انج تحبيني ولا انتي اصلا وحدة خاينة .. وهزني بقوة اكبر ...وكمل بصراخ اكبر .. سامي : خااااينة ... مع ان ايده مغروسة بلحمي وانا قاعدة اتألم بس طنشت الألم ..وقلت استعطفه .. هناء: والله مالي شغل ..ارحمني ..ارحمني .. قال بألم.. سامي: ارحمج؟؟ طلبي من اللي اكبر مني ومنج الرحمة.. مسكت ايده وقلت .. هناء: رب العباد يغفر انت ويسامح ...انتي سامحني ..وصدقني مارح اعيدها .. قال بعدم تصديق من كلامي .. سامي: انتي تبين تينيني ؟؟ عبالج اللي سويتيه شي بسيط ؟؟ انتي خنتيني ..والله اعلم كنت وحقير عصام مسوين شي .. قلت وانا احط ايدي على فمه .. هناء: لاتقول .. لاتكمل .. وانهرت ..طحت على الأرض ودموعي على خدي مثل السيل .. هناء: خلاص طلقني ..طلقني .. مسكني من ذراعي ووقفني وقال وهو يضغط بقوة آلمتني .. سامي: اطلقج ؟؟ لو تموتين جدامي ما اطلقج قبل ما اعلمج منو سامي اللي قصيتي عليه .. ويرني وراه مثل الخروف وبطل باب السيارة ..وحذفني داخل ولف ناحية باب السايق ودخل وساق بسرعة ..قلت .. هناء: شنو رح تسوي فيني ؟؟ مارد ..كررت بخوف اكبر.. هناء: شنو رح تسوي فيني ؟؟ لاجواب ..وكل مالها سرعته تزيد .. قلت .. هناء: زين خفف السرعة رح ندعم .. مادر علي .. هناء: سااامي .. وقف السيارة فجأة وانا دعمت السيت اللي جدامي ..مسكني من رقبتي وضغط عليها بغى يكسرها .. سامي : خايفة من الموت ؟؟ اللي مثلج مفروض يتمنى الموت .. اقسم برب البيت ياهناء ..رح اخليج تتمنين الموت ما تحصلينه .. كنت ماسكة ايده احاول اخفف من ضغطها لأنه منه الهوا يدخل اول يطلع .. قلت بصوت مخنوق .. هناء: سااامي ..هدني .. طالعني بعوينه اللي تقدح الشر مطولا ..ووهدني بعدين ..انا هني اخذت اتنفس بسرعة اسمح لأكبر من الهوا تدخل .. حرك السيارة ..وانا طول الطريج دموعي مو واقفة .. كدت اقتنع انه انسان مسالم وهادي وماله شغل بأحد ..بس صج لين قالوا .. اتقي شر الحليم إذا غضب .. طلع واحد شراني .. دق تلفونه ..مارد عليه وتلفونه ما وقف من الرنين ..مسك بعصبية بدون مايشوف الأسم ..وقال .. yes?? :سامي (..............................) بطل عيونه بصدمة بعدين صك التلفون بعصبية وحذفه ورا بقوة ..شكله انكسر .. وقال بعصبية يطق السكان .. سامي: ارتحتي ؟؟ ارتحتي ؟؟ خليتني بيزة ما اسوى جدام اعدائي .. شمتيهم فيني .. قلت احاول اهديه .. هناء: سامي .. قاطعني بعصبية وقال وهو يرد يطق السكان بثورة .. سامي: جب .. سكتي مابي اسمع صوتج ..مابي اسمع اسمي على لسانج .. انتي السبب ..مارح اسامحج ابدا ..ابدا .. وعلى هالحالة وصلنا البيت ..بطلت الباب ونزلت ..وهو يا ويرني من رقبتي .. وبطل الباب وحذفني على الأرض .. نزل لمستواي وقال وهو يمسك ذقني .. سامي : اشلون خططتي لخطتج الخبيثة ؟؟ قلت بخوف .. هناء: ما خططت لشي .. انا مالي شغل .. قال بعصبية .. سامي: جذابة .. قولي ولا رح ادفنج مني .. خفت يسويها صج ..فخريت الأولي والتالي .. بعدها ..قال .. سامي: بس ؟؟ هززيت راسي بايجاب بخوف .. فقال .. سامي: ومن متى متفقين ؟؟ مادريت في البداية فطقني بايده على راسي وقال .. سامي: تحجي .. هناء: من اسبوع .. قال وهو يتذكر .. سامي: من يوم ما دخلت المستشفى ؟؟ هزيت راسي بايجاب ..فقال مو مصدق .. سامي: استغليتي مرضي هناء؟؟ قلت ابرر .. هناء: لا لا .. انا ما دقيت عليه ..أصلا الفكرة ما كانت على بالي ..ولا كنت بخدعك بس مسكني من الأيد اللي تعورني .. قال بتساؤل .. سامي: شنو سوى ؟؟ خفت اقوله يدفني حزتها صج ..طقني مرة ثانية بس هالمرة على خدي ع الخفيف .. سامي: تحجي .. هناء :ااا ..هددني وقال انه رح يقولك اني ..اني .. كمل عني وقال .. سامي: انج كنت تيين له الشقة .. وتقعدين معاه صح ؟؟ هزيت راسي وانا اقول .. هناء: ئي ئي ..هذا .. صرخ فجأة وقال .. سامي: انتي شايفتني غبي ؟؟ ومسكني من رقبتي للمرة الثانية وقال .. سامي: قولي ولا والله العظيم بنفذ تهديدي ... قعدت ابجي لعله يخف عني شوي بس زاد من ضغطه وقال وهو يصك على اسنانه .. سامي :لو تبجين بدل دموع دم ما رح ارحمج .. وقال بعصبية .. سامي : قولي .. قلت بسرعة .. هناء: انا اعترف ..اعترف ..اتفقنا على عشرة الالاف دولار .. خف ضغظه علي ..بطلت عيوني وشفته يطالعني بصدمة ..عباله شي ثاني ..ماقدرت اقولك سامي آسف سامحني ..بقص عليك .. هد رقبتي وقعد على الأرض مصعوق .. وقال بصوت مبحوح .. سامي: يعني .. اللي قاله عصام صج ؟؟ متفقين على عشرة الالاف ؟؟ نزلت راسي ودموعي نزلت على الأرض قطرات.. رفعته وقلت بصوت باكي .. هناء: سامحني الله يخليك .. سامحني .. وقف بسرعة وهجم علي بجزء من الثانية .. سحبني له وقال .. سامي : اسامحج ؟؟ بتشوفين اشلون بسامحج .. ويرني وراه مرات اطيح ويرد يسحبني بقوة وقسوة .. وعند السلم عاندت ووقف ومسكت ايده اخليه يهدني وانا اصرخ .. هناء: هدني .. بس شد على ايدي بغى يكسرها .. ومارد علي ..مسكني وشالني على ظهره وانا اصرخ ..ليما وصلنا فوق نزلني وقطني على الأرض وحسيت مع القطو ان ضلوعي تكسرت .. وقال بعصبية .. سامي: بتقعدين هني ليما انا اقرر شي ثاني ..وجامعة مافي .. ولما نطق بهالجملة شهقت وقلت .. هناء: لا ...لا الله يخليك ..سو اي شي إلا الجامعة .. إلا الجامعة ودراستي .. تقرب مني وشد شعري وقال .. سامي: عشان الجامعة كانت مكان لقاءاتكم انا بمنعج عنها .. وهدني ورديت طحت على الأرض ..شفته يطلع ..فقمت بسرعة ولحقته ..مسكت ايده وقلت برجا .. هناء: الله يخليك سامي ..اسوي اللي تبيه ..اللي تبيه ..بس لا تمنعني عن دراستي .. الله يخليك ..ابوس ايدك .. وفعلا كنت ببوسها .. بس هو سحبها بسرعة ..نزلت لريوله ..وقلت وانا ابجي .. هناء: ابوس ريولك .. بعد خطوة ولف عني بمرارة .. حسيته تأثر وشفت دمعة بتنزل منه عيونه بس لف ويهه عني ودزني وطلع من الغرفة ..وقفل الباب ..قعدت اطق الباب بجنون واصرخ .. هناء: سامي بطل الباب ..بطل الباب ..حرام عليك .. وانهرت عنده .. سندت ظهري عليه وقعدت ابجي .. موكافي اللي صارلي ؟؟ مو كافي اني فقدت اهم شي عند اي بنت ؟؟ مو كافي اللي حسيت فيه من ذل ؟؟ موكاااااااافي ؟؟ انا ضحية ..ضحية ..ليش مو راضيين تفهمون ؟؟ بس للأسف ما اقدر اقول ... وشنو اقول بالضبط ؟؟ اقول اني ........ ياربي ارحمني ...انا ضعيفة .. الله ينتقم منك يا عصام انت وعالية قلبتوا حياتي فوق تحت .. من التعب وبجي ..نمت ..بطلت عيوني لقيت الشمس طالعة ..عظامي احسه مكسر من امس ..ومن نومة الأرض ..قعدت وشفت صينية جدامي .. طالعت الباب لقيته مبطل .. شسالفة ؟؟ وقفت بصعوبة وطنشت الباب والصينية ..توضيت وصليت الفير .. واستغفر لي ولسامي ودعيت الله يحنن قلبه علي .. لفيت وتفاجأت لقيته واقف ومتسند على الباب بويه خالي من التعابير ..قال بجمود.. سامي: مارح تاكلين ؟؟ لفيت عنه وقلت بتعب وانا مغمضة عيوني .. هناء: لأ .. سمعته يقول .. سامي: احسن ..بعطيه للييران .. عبالي بيراضيني او على الأقل يبتسم بويهي .. نرفزني اسلوبه فوقفت ومسكت ايده اللي كانت شايلة الصينية بعصبية لدرجة انها طاحت والأكل تناثر على الأرض فطالعني بعصبية وقال .. سامي : الأكل يا الخبلة .. ما همني الي قاله ..رديت عليه وقلت بعصبية .. هناء: انت ليش مو راضي تفهم ؟؟ طالعني باستغراب من اسلوبي ..كملت وقلت .. هناء: انا ما سويت شي غلط .. طالعني مذهول .. فقلت .. هناء: ئي ..لا تطالعني جذي ..انا ما سويت شي غلط .. انا سويت الشي هذا عشان احميك واحمي نفسي وارد كرامتي اللي .. وانتبهت اني رح اقول الحقيقة .. بلعت باقي الجملة .. قال بصراخ .. سامي :اي كرامة تتكلمين عنها ؟..انا اللي كرامتي راحت ..انا اللي انقص علي ..لا تلعبين دور المظلومة وانتي العكس .. سكت شوي بعدين قال بعد ما اخذ نفس .. سامي: تراني بخلي الباب مفتوح ورح اخليج تطلعين من الغرفة ..بس من البيت احلمي .. استانست وقلت بسرعة .. هناء: والجامعة ؟ قال ببرود وهو يطلع .. in your dreams:سامي احبطت ..تأففت من داخلي ..انسدحت على السرير ..ودفنت ويهي بالمخدة وقعدت اصرخ .. يمكن يخف الألم النفسي اللي فيني .. سمعت صوته وهو يقول .. سامي: بدل الصراخ قومي شيلي الأكل اللي طاح وبطلي خبال .. وطلع .. شكلنا بدينا بالتعب .. الله يعيني .. شلت الأكل ..ورحت المطبخ انظفه ..اشغل نفسي بأي شي ..حبستي احسن من المعاملة الي يعاملني فيها .. تنهدت بضيق وكملت شغلي ..لما خلصت رحت الصالة ..لقيت سامي قاعد يطالع تلفزيون ..لف لي وطالعني وطنشني ورد يطالع التلفزيون ..نزلت راسي بحزن ..عديته ورحت فوق .. بس وقفني صوته وقال سامي: وين تلفونج ؟؟ لفيت له لقيته يطالع التلفزيون ..قلت بخوف .. هناء: ليش ؟؟ طالعني بنفاد صبر وقال .. سامي : لما اسألج جاوبي ..وين تلفونج ؟؟ هناء :معاي .. رد للتلفزيون وقال .. سامي : ييبيه .. قلت مرة ثانية .. هناء: ليش ؟؟ قال بعصبية .. سامي: اتصور يمه ..ممكن تروحين تيبينه ولا تبيني اخليج تييبينه بطريقة ثانية ؟؟ صار قاسي ولافيه ذرة رحمة ..قلت بألم.. هناء: صرت جاسي .. وقف وقال .. سامي: البركة فيج ..روحي يبي التلفون خلصيني . صعدت فوق ويبت التلفون ..ولما نزلت لقيته بوضعه اللي خليته عليه .. مديت ايدي واخذ التفون وجيك عليه ..شفته يبطل عيونه بصدمة ..طالعني وقال .. سامي : رقم عصام عندج ؟؟ يا ويلي ...نسيت امسحه .. رد يطالع الرسايل وشاف الرسالة الأخيرة ..وطالعني بعدها وقال .. سامي: عشان جذي ما كنت تبين اشوف تلفونج ؟؟ قلت ابرر له .. هناء: لا والله انـ.. صرخ وقال .. سامي: جـــــــــــــب .. ووقف ومسك ذراعي ولواها ..غمضت عيوني بألم..وقال .. سامي : وتقولين ضحية .. انتي اكبر جذابة .. جذابة .. قلت برجا .. هناء: هد ايدي حرام عليك رح تكسرها .. هد ايدي بس مسك شعري فقمت اصرخ ..قال .. سامي: مارح يكفيني كسر ايدج ..انا لو اذبحج مارح ارتاح .. قلت وانا امسك ايده اللي ماسكة شعري .. هناء: اذبحني ..اذبحني ..انا مذبوحة اصلا .. حذفني ومشى عني وطلع من البيت ومعاه التلفون .. ظليت طول اليوم قاعدة بروحي الملم شتات روحي .. ماداري اللي سويته صح ولا غلط .. ماادري اللي صار في صالحي ولا لأ .. ماادري إذا رح اعيش مع سامي ولا رح يطلقني .. حل الليل وسامي ما ياه .. مسكت التفلون بس مافي حرارة ..عرفت انه قطع الخط ..مايبيني اتكلم تلفون ..يبي يعزلني عن العالم الخارجي .. ياه اخيرا بعد ما فقدت امل انه ايي..بس ما سلم ولا تكلم اصلا ..صعد فوق سمعت صوت الباب ينصك بقوة هزت البيت .. لسة معصب .. ومرت الأيام وسامي ما يكلمني ولا يقط السلام علي .. ومانعني عن التلفون والطلعة ..وإذا تكلم يقط علي كلام جارح .. ليما خلاص تعودت ..وصرت ما اهتم .. وفي يوم ..كنت قاعدة بالغرفة اطالع الدريشة اللي صارت ملجأي الوحيد غيرانها تطل على العالم .. دخل علي سامي مع العلم انه ما ينام معاي نفاني بغرفة بروح .. سامي: قومي بدلي هدموج بنروح عند ام عامر .. التفت له وقلت باستهزاء .. هناء: ياه العفو الأميري.. قال بنفس طريقة كلامي .. سامي: حلوة منج ..بس لاتعيدينها .. وقال بجمود .. سامي: قومي بدلي .. قلت بعناد .. هناء: مابي اروح .. طالعني شوي وتسند على الطوفة وقال .. سامي : والله؟؟ ومنو اخذ رايج اصلا ؟؟؟ ولف يبي يطلع ..فقت باصرار .. هناء: لا تعب روحك انا ماني رايحة .. وقف شوي بعدين لف لي بويه غريب وتعابير اغرب ..وقال بنبرة تهديد بس بهدوء يخرع .. سامي : بدلي احسن لج قبل ما اسوي فيج شي تندمين عليه بعدين .. خفت الصراحة بس قويت قلبي وقلت .. هناء : مارح اروح .. بجزء جزء من الثانية مسكني ويرني للكبت وبطله وطلع الملابس بايد وبايد ثانية ماسكني وانا اطالعه مذهولة .. ليما وصل لعباتي ..وحذفها بويهي وقال .. سامي: عندج خمس دقايق إذا ما بدلتي واللي خلق الكون بتكون هاذي كفنج .. واشر على العباة .. وطلع .. طالعت العباة المقطوطة على الأرض تحت ريولي .. نزلت دمعة حسرة وحزن لبست عباتي وشيلتي وطلعت من الغرفة .. لقيته واقف عند الدريشة ومبطلها ..والهوا يلعب بشعره ..تأملته ..كان لابس جنز وفانيلة بيضة من الداخل وفوقها جاكيت جلد بني .. صج مو مهم اذكر لكم شنو لابس بس حسيت اني اشوفه لأول مرة .. سوا فيني كل هذا بس احبه ..احبه .. لف لي اخيرا وشافني قاعدة اطالعه والعادة يبتسم إذا شافني بس هالمرة قال بتكشيرة .. سامي : خلصتي كونتيسا هناء؟؟ امشي جدامي يلا . حزت فخاطري ..بس مشيت وراه ... ركبنا السيارة وحركنا .. التفت اطالعه ..ملامحه صارت جامدة ...ما قمت اعرف اقراها .. قلت .. هناء :شنو سويت بتلفوني ؟؟ سامي: مالج شغل .. هناء: شنو مالي شغل تلفوني هذا ؟؟ قال وهو يطالع الطريج .. سامي: قصدج تلفوني ..انا اللي اهديتج اياه .. وقال قاصد .. سامي: بيوم الأسود .. قصده يوم زواجنا .. حسيت بالإهانة وسكت مابي اسمع اي شي ثاني يعور القلب .. سمعت تلفون سامي يرن ..لفيت وكان محطوط بينا .. وكان مكتوب .. " Susi calling you” طالعته وقلت .. هناء: منو سوزي ؟؟ قال وهو يمسك التلفون .. سامي: مالج شغل .. ين ينوني ..واخذت التلفون وهو بايده ..طالعني متفاجأ من حركتي وقال .. give me the phone..:سامي قلت بعناد .. هناء: مو قبل ما تقولي منو هاذي سوزي .. عصب ومد ايده لأيدي وانا بعدت فقال بعصبية .. سامي : بطلي لعب يهال ..وعطيني التلفون .. قلت باصرار وحزم .. هناء: لأ .. تكلم وحدة غيري سامي ؟؟ قال باستهزاء .. سامي : اكلم وحدة غيرج ؟؟ انتي شنو اصلا تعدين نفسج وحدة من الحريم ؟؟ جرحني .. بس ما اهتميت ..التلفون لسة يرن ..طالعني سامي بعدين طالع الطريج مو عارف اشلون ياخذ التلفون ..فمد ايد وايد الثانية على السكان ..بس ما وصل للتلفون لأني لزقت روحي بالجام .. قال سامي كتحذير اخير .. سامي : عطيني ولا قطيتج من السيارة .. هزيت راسي بالنفي وانا ابتسم ... واخيرا مد ايده مسك ايدي اليمين ويرني ناحيته وانا كنت ماسكة التلفون بايدي اليسار ..رفعتها عشان لا يوصلها .. بس مسكها ..وبهاللحظة سمعنا صوت هرن شاحنة جدامنا تحذرنا لا ندعمها ..بس سامي مسك السكان بقوة لف السيارة عن طريق الشاحنة ..وطبعا احتكت التواير بالأرض حيل وافترينا كذا مرة وبالأخير وقفت السيارة والحمدلله ماصارفينا شي .. بس طبعا سامي ما عجبه اللي صار .. وقال بعصبية .. سامي: شفتي كنتي بتودينا بداهية .. وكان يتنفس بسرعة ..وانا كنت اسوي نفس الشي ..اللي صار مو شوية ..بغينا ندعم ونروح فيها .. اخذ التلفون مني بعصبية ودفاشة ..وكملنا ..وصلنا لبيت ام عامر بس قبل ما نطلع من السيارة قالي سامي .. سامي: انطقي بشي ما يعجبني وشوفي شنو رح يصير لج .. وكان هذا بمثابة تهديد ..بلعت ريجي ونزلت من السيارة ..بعد ما دخلنا البيت واللي بطلت الباب خدامة .. شفت مرة عيوز شوي نازلة من الدري مستانسة .. باس سامي راسها وعرفت انها ام عامر ..بس انصدمت لما عرفت انها امريكية .. بس الحمدلله كانت لابسة حجاب ..يعني مسلمة .. ام عامر : زين ما بكيتوا يجي ؟؟ كانت تتكلم كويتي مكسر ..فقالها سامي .. سامي: آسفين على التأخير ..حقج علي .. لف لي وابتسمت وقالت .. you must be hana:ام عامر ابتسمت لها وهزيت راسي بايجاب ..سلمت عليها ..وبعد السلام وكلام ..تجمعنا على الطاولة بس استغربت شيخة وعامر مو موجودين .. amer and shekha in the market they will be here soon:ام عامر قال سامي .. سامي: اول مرة ادري ان عامر يحب يروح السوق ..العادة انتي تروحين مع شيخة .. acaully ..i sent them ..i want to see you ..i missed you really..:ام عامر ابتسم سامي ..شفت العلاقة بينهم كبيرة .. بعد الغدا ..قعدنا نسولف بس سامي كالعادة يجعمني بس بطريقة غير مباشرة .. وانا التزم الصمت .. قامت ام عامر فجأة وحطت شريط بالفيديو واشتغل الشريط تحت انظارنا انا وسامي المستغربة ..ليما سامي قال وهو يضحك .. سامي: يمااا ...لا تحرجيني طفي ..لااا طالعت التلفزيون وكان عن سامي ..وهو صغير وهو يلعب بالتراب .. دخل علينا عامر وشيخة ..اللي قعد سضحك لما شاف الشريط ..قام سامي يطفيه بس عامر منعه وقالي .. عامر : طلعي ريلج ايام الشباب .. سامي: بذبحك ..انت مو قلت لي انك قطيت الشريط ؟؟ قال عامر وهو خلاص فاطس من الضحك ..وانا ابتسم.. عامر: امي قالت لا تقطه .. ظلينا نطالع ليما شفت سامي قاعد بمسرح قاعد يعزف بالبيانو ..وكان عزفه رائع .. لفيت له ..وهو طالعني منحرج لأول مرة بعد الهوشة .. قلت .. هناء: ما قلت لي انك تعرف تعزف .. قال وهو يلوح بايده بعدم اهتمام .. سامي: ما يت مناسبة .. قال عامر .. عامر: مايت مناسبة ولا ما تبيها تعرف .. لف لي وقال بدون ما يطالعني .. عامر: ترى يا ااخت هناء اكبر عازف في امريكا ..بس تراه يستحي يقولج .. ابتسمت انا ..حذف سامي المخدة على عامر وقال.. سامي: ارتحت الحين ؟؟ ضحكنا كلنا ..وقامت شيخة وام عامر وانا معاهم للمطبخ ..وعرفت ان شيخة حامل ..تمنيت حزتها اني احمل بس ما اتوقع سامي يبي عيال مني .. طلعنا للصالة ولقيت سامي وعامر يضحكون ..الله يديم هالضحكة ان شاء الله..ياحلاته يوم يضحك .. شكله مرتاح معاهم .. ولما طلعنا وبالسيارة قلت لأني شفت مزاجه رايق.. هناء: ما عدلت عن فكرة الجامعة ؟؟ ماطالعني ولا رد علي اصلا .. فقلت .. هناء: سامي ابي ارد الجامعة .. سامي : حلمي ..ترى الأحلام ببلاش .. افففففففف راسه يابس .. ردينا البيت ولما دخلناه قلت .. هناء: ما قلت لي منو هاذي سوزي ؟؟ قال وهو يدخل البيت .. سامي : مانسيتي ؟؟ قلت وانا اوقف عند الباب.. هناء: اشلون تبيني انسى ؟؟ لف لي وقال .. سامي: غيرانة ؟؟ وابتسم باستهزاء .. سامي: ترى مو لايق عليج .. وصعد فوق ..يارب حياتي صارت عذاب ارحمني .. الصبح راح سامي الدوام ..وانا قعدت حبيسة البيت ..بعد مناقشات لا تسمن ولاتغني من جوع سمعت صوت الجرس لبست شيلتي والعباة وبطلت الباب مالقيت احد ..بغيت ادخل بس انتهبت لظرف مقطوط عند عتبة الباب ..اخذته ودخلت داخل .. بطلته وكان فيه ورقة .. مكتوب فيها .. " لا تتوقعين نسيت السالفة ..حبيت ادز لج رسالة انبهج انج إذا حملتي الياهل بيكون ولدي ..وانا مارح اتنازل عنه .. عصام " الحلقــة الثالثة عشرة " حب وكراهية " صكيت الورقة وانا اتنهد بضيق ..حاسة اني مخنوقة ..نبهني النذل لشي انا كنت اتناساها او احاول اتناساه ..قعدت على القنفة بانهيار ..حطيت ايدي على راسي من هول المصيبة اللي حلت علي .. نزلت اول دمعة مني ..تلتها دموع..ما كفاه اللي سواه فيني ..ماكفاه المعاناة اللي اعانيها كل يوم ..ما كفاه الأخدود اللي صار بيني وبين سامي .. ما كفاه ..قطعت تفكيري بصرخة قوية دوت بالصالة كلها .. هناء: جباااااااااااااان ... وقعدت ابجي مثل المينونة .. آآآه ياربي .. ياربي ارحمني وانتقم من النذل هذا .. من وين الاقيها من سامي ولا عصام اللي كل ناط لي بسالفة ..ظليت تقريبا وقت ليما هديت شوي ... سمعت صوت الباب ينصك وعرفت انه سامي .. مسحت دموعي بسرعة وخشيت الورقة بمخباة بيجامتي ووقفت لما تقرب مني ..هو الصراحة ما تقرب مني انا هو يبي يصعد فوق بس لازم يمر علي .. قال ولأول مرة يقولها من بعد الهوشة .. سامي: السلام عليكم .. قلت وانا منزلة راسي ما ابيه يلاحظ .. هناء: وعليكم السلام .. تحرك ويا جدامي .. انصدم لما شافني ابجي ..بس تحكم بمشاعره ومسح علامات الأهتمام..وقال بجمود.. سامي : اشفيج ؟؟ قلت وانا اتحرك .. هناء: ولا شي .. بس مسكني من ذراعي وردني لمكاني ..وقال بنفاد صبر .. سامي : ولا شي وانتي تبجين ؟؟ تنفست صعداء بعدين قلت وانا منزلة راسي .. هناء: متضايقة شوي .. نطرته يهدني او على الأقل يعلق بس ظل ماسكني رفعت راسي وطالعته ..لقيته يطالعني بنظرات مالها معنى ..او يمكن ما فهمتها .. نزلت عيوني بسرعة ما ادري ليش .. نزل ايده وقال .. سامي: يبتيه لروحج .. وتقرب مني حيل وهمس باذني وقال .. سامي : اشلون امج ؟؟ اخترعت اولا من قربه الزايد وثانيا من صوته اللي تغير ..رفعت راسي اطالعه لقيت طرف حلجه مرفوع كإشارة انه يتطنز .. طالعني باستهزاء ..بعدين مشى ..ما تحملت حركته فقلت بعصبية وانا اطق ريولي بالأرض من القهر .. هناء: لاتتطنز علي ..انا ماني مطنزة عندك .. ماتبيني يا اخي طلقني .. لف لي وطالعني بنظرة اخرست لساني ..كنت بكمل بس نظرته الجمتني .. طالعني شوي بعدين قال وهو يرفع سبابته كتهديد .. I’m warnning youسامي :هذا آخر مرة اسمح لج ترفعين صوتج علي .. انقهرت زيادة وقلت .. هناء: لا تهددني ..انا ما اخف منك .. اسمع.. واخذت نفس شوي عشان اكمل جملتي ..بس مامداني اكمل قاطعني وهو يتقرب شكله ناوي على هوشة .. سامي: اسمع ؟؟ اسمع شنو ؟؟ ووصل عندي ووقف جدامي بالضبط ..وانا هني جبنت .. نسيت اللي كنت بقوله من الخوف وكان مبين علي ..قال وهو يتجتف .. سامي: اسمع شنو ؟؟ قولي .. قلت باضطراب وخوف .. هناء: انا ..انا ما ..ما احب احد يهددني .. ما ..ما امشي بالتهديد .. قال بانبهار وهو يحط ايدينه بمخباته .. سامي: واااو..اول مرة ادري .. قهرني اسلوبه ..نرفزني ..والمشكلة مااقدر اسوي شي يبين له اني زعلانة ومتضايقة ومقهورة منه .. ما تحملت ونزلت دموعي .. قلت بصوت باكي.. هناء: كافي ..كافي ..حرام عليك ..انا مو ناقصة .. موناقصة .. كافي اللي فيني .. طالعني كأن فهم .. تنفس بعمق بعدين نزل راسه ..ورفعه ..طالعني بنظرة بائسة ..ومشى .. بعض الأحيان ودي اقوله كل شي ..بس بعدين اتردد ..واخاف اقوله يفهمني غلط .. مابي يفهمني غلط من اولها .. وثانيا رح يفهم غلط اكيد لأنه لقاني بشقة عصام .. طقيت راسي بغضب وانا ابجي واقول .. هناء: غبية ..غبية .. شلي ياني من هذا كله غير الإهانات والمعاناة ..والظلم ..انا مظلومة ..مظلومة.. فتحت الرسالة وقريتها مرة ثانية .. ياربي شنو الحل؟؟ شنو ؟؟ لازم ما اخلي عصام يفرح او يتشمت فيني .. ماني عارفة افك عمري من هالمصيبة ..شرباكة .. تنهدت ورحت المطبخ ..اجهز الغدا .. بس تذكرت هني ..ان سامي ياه مبجر اليوم ..طالعت الساعة لقيتها 11ونص .. جهزت الغدا على السريع وانا مو مشتهية آكل شي .. نجبته وصعدت فوق انادي سامي مع انه ما يحب يسمع صوتي اصلا .. عند الباب سمعت صوته يتكلم بالتلفون ..حسيت بفضول فوقفت اسمع .. سامي :no way …susi I can’ (................................) سامي: مفاجأة ؟؟ شنو المفاجأة ؟؟.. (................................) سامي : وصوفي بتي ؟ (................................) بطلت الباب بشويش ..شفته قاعد على الكرسي اللي يم الدريشة وحاط ريل على ريل .. سامي : امممممم.. خلاص بحاول بس ما اوعدج .. (.............................) ضحك ...لهدرجة يضحك يعني ؟؟ شفته يوقف ويتمشى ع الخفيف..وهو يقول .. سامي : ان شاء الله ..جم سوزي عندي ؟؟ وحدة .. (............................) سامي : يا واثقة .. يلا ما اطول عليج ..مع السلامة .. نزلت انا راسي بأسى .. يكلم وحدة ثانية .. انا كنت شاكة .. كنت شاكة .. خانتني دموعي وبغت تنزل بس انا مسحت وطقيت الباب وقلت بصوت يالله طلع .. هناء: غدا .. وتحركت رحت لغرفتي ..صكيت الباب وتسندت عليه بحسرة .. قعدت على السرير ولحفت روحي ونمت ودموعي مو راضية توقف .. مذلة .. اهانة .. غربة .. حسرة وندم.. اخرتها ...زواج .. قصة درامية تنفع لهلأيام .. غمضت عيوني وانا خلاص غسلت ايدي منه ..مابي منه شي .. حسيت بايد تمسح على شعري ..بطلت عيوني لقيته واقف فوق راسي وقاعد على السرير ..قعدت بسرعة مو مصدقة اللي اشوفه .. قال .. سامي: اشفيج ؟؟ انت اللي اشفيك ؟؟ ..طالعته بعيون واسعة وباستغراب .. نزل ايده وقال .. سامي: ما تبين تاكلين ؟؟ آكل !!!!! انتوا سامعين ؟؟ اشفيه هذا مريض ؟؟ قلت باضطراب .. هناء: ا..اكل ؟؟ ابتسم على شكلي ولأول مرة يبتسم لي انا .. انا هناء .. سامي: ئي ..ماتبين تاكلين ؟؟ مو مصدقة اللي يصير .. اكيد يلعب فيني .. لفيت ويهي عنه وقلت باصرار متصنع.. هناء: لأ .. مابي ..اكل بروحك .. مسكني من ايدي ويرها برقة وقال .. سامي: قومي ...مااحب آكل بروحي .. سحيت ايدي بقوة ودفاشة وقلت .. هناء: وانت اشلون كنت تاكل قبل ؟؟ مو بروحك ؟؟ ما تقبل في البداية طريقة كلامي بس رد ابتسم ..وقال .. سامي: لأ مو بروحي .. يلا عاد قومي .. قلت بقهر من مزاجه المتقلب .. هناء: اكيد ما كنت تاكل بروحك ..اكيد سوزي كانت معاك .. طالعني مو فاهم وقال .. سامي: شنو ؟؟ هني خلاص وصلت معاي لخشمي ..قمت بعصبية ووقفت على السرير ..صرت اطول منه .. وقلت بعصبية مبالغة .. هناء: لا تستعبط علي ..توك كنت تحاجيها .. وقلدت صوته الأجش .. هناء: ان شاء الله جم سوزي عندي ؟؟وحدة .. ورديت لصوتي وعصبيتي .. هناء: مو قلت لها جذي ؟؟ ولا الأخت محضرة لك مفاجأة .. حيل تحبون بعض؟؟ ..روح لها ..مابيك .. وصرخت بهستيريا .. هناء: مابـــــيك ..مابيك .. سامي كان يطالعني بصدمة وموفاهم شي .. مكسني من ايدي عشان يقعدني بس انا بعدتها بعصبية وقلت .. هناء: مابيك تلمسني ..ماابي منك شي ..انا اصلا مابيك بكبرك .. اكرهك ..اكرهك .. طلقني .. طلقني ..ردني لأهلي ..ابي ارجع لهم .. نزلت من السرير ورحت للكبت وبطلته وطلعت الجنطة وقطيتها على السرير ولفيت له وقلت بتهديد .. هناء : والله يا سامي إذا ما تردني بيت اهلي الحين ..بلم اغراضي وبطلع وما رح تعرف لي طريق .. للحين مرسومة ملامح الصدمة بويهه قال وهو بدا يستوعب .. سامي: لأهلج ؟؟ وابتسم بغرابة ..وقال .. سامي: وشنو رح تقولين لهم ؟؟ اني خنت زوجي ؟؟ قلت بعناد .. هناء: مالك شغل شنو رح اقولهم .. بس ودني ..مابي اقعد هني ..مابي .. طالعني بحيرة بعدين قال يهز راسه بالنفي .. سامي: مااقدر اوديج عندي شغل ..برقع اللي سويتيه ذاك اليوم وبــ.. قاطعته بصراخ .. هناء: اكيد ما تقدر ..ما تقدر تبعد عن ست الحسن والجمال دقيقة وحدة .. سوزي مارح ترضى .. وقربت منه ودزيته على صدره انرفزه ابيه يعترف .. هناء : مو جذي ؟؟ مارد علي بس تنهد بضيق ..رديت دزيته .. هناء: رد علي .. مسك ايد بعصبية ويرني ناحيته وقال .. سامي: هناء .. وطالعني بعيونه الفاتحة وحواجبه اللي بدت تتقوس بعصبية .. don’t push me : سامي حررت ايدي من قبضة ايده بقوة ..وقلت وانا بايعتها .. هناء: انا خلاص وصلت عندي لحد ما قمت اقدر اتحمله .. إذا تبي سوزي روح لها ..اما انا انساني .. والتفت للكبت واخذت ثيابي وقمت اقطهم بالجنطة بعصبية .. تحت انظار سامي الهادية .. استغربت من نظراته ...بس طنشت ..لاني وصلت حدي ..يهيني مو مشكلة ..يضايقني بكلامه مو مشكلة ..بس انه يذلني ويقلل من قيمتي ...لأ ..لأ .. لما خلصت صكيت الجنطة ورحت لعباتي ولبستها مع شيلتي ..وطلعت من الغرفة وسامي واقف مثل العامود .. طلعت من الغرفة وانا اير جنطتي ..ليما وصلت للباب الرئيسي ..بطلت الباب وطلعت ..وقفت عند باب الحديقة وظليت واقفة لين ما اشوف تاكسي يوديني اي مكان ..مع الجو ثلج برة بس انا عاندت مارح ارجع ..مستحيل .. مرت ربع ساعة وما لقيت تاكسي واحد ..يوم ابي ما القى ..شوفوا الحظ؟؟ لاحظت ريال يتقرب مني ...قال .. الريال: good after noon mam…can I help you ? "no thanks .. you can go " التفت لصاحب الصوت وكان سامي ...ارتسمت علي ملامح العصبية فقال الريال يطالعني .. الريال : are you sure? مو مصدق عباله سامي يضايقني ..قال سامي بعد ما تنهد .. سامي: she is my wife ..I left here here for a while . thans for your help. طالعني مرة ثانية الريال فقلت ااكد .. هناء: ya thank you طالعني لمرة الأخيرة ومشى بعد ما اكدت له .. سامي: يبتي لنا الشبهة ..دخلي داخل.. مارديت عليه ورفعت خشمي فوق واثقة من نفسي .. قال بتهديد .. سامي: هناء انا اكلمج بهدوء الحين ..لا تخليني اتنرفز ..بروحي راسي مصدع .. لفيت له وقلت بحقد .. هناء: مالي شغل انا ..تبلى علي بعد وقول اني انا اللي عورت لك راسك ؟؟ طالعني شوي بعدين انفجر يضحك .. ما توقعت منه يضحك قلت .. هناء: شنو يضحك ؟؟ قال وهو راسه بالنفي وهو يضحك.. سامي: ماكو شي سلامتج .. حسيت يتطنز علي ..قلت وانا اتقرب منه وارفع اصبعي السبابة بويهه كتهديد .. هناء: شوف ..انا ما احب يشوفني مطنزة عنده .. طالع اصبعي بعدين طالعني وقال .. سامي: انتي تهددين منو ؟؟ قلت وانا اتقرب منه واصبعي لسة بويه واقول بثقة . هناء: انت ..عندك مانع ؟؟ وركزت عيوني بعيونه .. ظل يطالعني شوي بتحدي بعدين قال .. سامي:don’t threat me hana وبعد ايدي بدفاشة عن ويهه.. وعطاني ظهره ومشى وهو يقول يدخل البيت .. سامي: get back to home ..it’s freezing لأني مالقيت تاكسي ولا عندي بيت اروح له ..يريت الجنطة بعصبية ودخلت البيت وراه ..وقلت وانا اصك الباب بقوة ... التفت لي بخرعة من الصوت .. هناء: انا مالي شغل بشغلك ابي بيت اهلي ومنها تدز لي ورقة طلاقي .. ابتسم باستهزاء وقال وهو يلف عني .. سامي: انت لج شغل بشي اصلا !! طقيت ريولي بحرة ..وقلت ابي اجرحه مثل يجرحني .. هناء: انا اصلا ماادري شلي خلاني ارضى فيك ..انا لو ما طلال اجبرني عليك ما كنت رضيت فيك .. قال وهو يقعد ياكل ويقول ببرود .. سامي: I know انصدمت ..قلت بصوت خافت .. هناء: تدري ؟؟ سامي : من زمان ..ادري ان اخوج غاصبج علي ..وانج ما كنتي تبيني وتبين عصام من قبل لا تقولين لي ..اقصد من قبل لا يزل لسانج وتقولين لي .. طالعته مو مصدقة .. كمل وقال .. سامي: عبالج ماادري ؟؟ ماني غبي لهدرجة .. هناء: اشلون عرفت ؟؟ لف لي وقال .. سامي: تذكرين يوم كنا بالمطعم ..وقلت لي اني شكلي عود ..فقلت لج اني لسة مادخلت الخمسة وعشرين ..عرفت من هني انج ما تعرفين شي عني ..حتى عمري اللي اول شي لازم تعرفينه .. انحرجت حسيت ان ريولي باردة كأني حاطتهم بثلج .. قلت وانا احاول ابلع الصدمة الأولى .. هناء: واشلون عرفت اني كنت احب عصام ؟؟ ابتسم بخبث وقال .. سامي : من نظراتج له ..طلال قالي انج ماتبين تتزوجين لما تأخرتي بالرد ..فربطت هذا بهذا .. الحين حاسة ان ريولي حارة ..كأني حاطتهم بنار.. يما ..متزوجة شارلوك هولمز وانا ماادري ..طالعته مخترعة منه .. وماحسيت إلا اني اركض لغرفتي واصك الباب علي.. إذا جذي عرف الأولي والتالي عني .. اشلون إذا عرف بسالفتي ويا عصام .. سامي مو غبي سامي داهية .. قطيت روحي على السرير ..فصخت شيلتي ..وانكمشت على روحي من هول الخرعة الي انا عايشة فيها .. سمعت طق على الباب ..نقزت .. سامي: هناء ..طلعي يلا ..مابي آكل بروحي .. قمت ارجف خايفة منه ومرعوبة ..بطلت الباب ..كان معطيني ظهره يبي يمشي بس لما بطلت الباب لف لي وابتسم وقال.. سامي: thanks God.. يلا .. ومد لي ايده ..خفت منه ومشيت انا بروحي وخليت ايده معلقة بالهوا ..ماادري متغير اليوم تغير يخوف .. قعدت على الطاولة وهو قعد وراي ..ويمي ..قريب مني ..وقربه خوفني زيادة ..سمى بالله وبدا ياكل وانا قاعدة اراقبه .. سامي مو هين...خبيث ويقدر يوصل للي يبيه بدون ما يسوي شوشرة على قولت اخوانا المصريين .. وانا بعد لازم اكون هادية ومسيطرة على روحي .. عشان لا انكشف .. وارح القى حل ان شاء الله .. مسكت القفشة ..وبديت اكل .. فاجأني لما تكلم وقال .. سامي: تدرين شنو احلى شي فيج ؟؟ طالعته بدون ما اتكلم فقال .. سامي: طبخج .. طالعته ببلاهة ..صج لين قالوا الرياييل بطينية ..قلت .. هناء: مو يقولون اقرب طريق لقلب الرجل معدته ؟ طالعني بخبث بعدين قال .. سامي: هذول الناس البطينية ..مو انا .. هناء: يا واثق .. وانت شايف روحك رشيق .. قال بثقة زايدة .. سامي: وانتي شايفة شي ثاني .. قلت اتحداه .. هناء: ئي .. قال بلا مبالاة .. سامي : I don't care قطيت القفشة بعصبية ..اسلوبه ينرفز .. وقمت من الطاولة .. رحت الحمام اغسل ايديني .. طلعت من الحمام وشفته لسة قاعد على الطاولة ياكل ..طنشته ورحت صعدت الدري ..سمعته يقول .. سامي: اليوم بنروح عند سوزي عازمتنا .. لفيت له ..وقلت .. هناء: عازمتنا ولا عازمتك ؟؟ طالعني بملامح جامدة بعدين قال .. سامي: سمعي عدل ..انا قلت عازمتنا .. يعني انا وانتي .. تخصرت وقلت .. هناء: هي تبيك ما تبيني .. طالعني بعيون واسعة مصدوم فقال .. سامي: خير ؟؟ سحبت كلامي لأن بدت ملامحه تتغير .. وبدا يعصب ..وشكله بدا يخرع .. لفيت عنه وكنت ابي اركب السلم بسرعة بس سمعت صوته .. سامي: هناء.. لفيت له وانا ادعي ربي يعدي اليوم على خير .. لقيته واقف .. تجدم لي وقال .. سامي: مابي اسمع هالكلام مرة ثانية .. إذا انا ابي سوزي وهي تبيني اشحقة ماخذج بالله ..اتمنظر يمج ؟؟ طالعته ببلاهة مو مستوعبة اللي قاله .. يعني ...يعني ..يحبني .. قلت اتأكد وبحزن مصطنع.. هناء: انت ما تحبني .. قال وهويتقرب اكثر .. سامي: منو قال ؟؟ انصدمت .. يعني صج .. قلت اكمل التمثيلية .. هناء: ما اعتقد انك تحبني ولا حتى تكرهني ..انا عندك حالي حالي الكرسي .. كان بيمد ايده يلمسني بس تذكر هني وقال وهو يبتسم .. سامي : ايدي مو مغسولة ولا كنت اثبت لج اني ما اكرهج .. جملته دغدغتني وخلتني ابتسم بعد كل المعاناة اللي عانيته ..مع اني مستغربة من حاله اليوم .. بعد الغدا ..طلعنا لسوزي ..وبالسيارة على اساس انه خلاص نسينا اللي صار .. هناء: انت ماخذ على سوزي ؟؟ طالعني شوي نظرة سريعة بعدين لف للطريج وقال .. سامي: اشلون يعني ما فهمت ؟؟ قلت اتعدل بقعدتي .. هانء: يعني انت وسوزي عادي تحاجون بعض بالتلفون بدون.. وسكت ابيه يفهم .. طالعني بغرابة بعدين قال .. سامي: اشلون علاقتج بعصام وعبدالله ولد ييرانكم ؟؟ طالعته ببلاهة وسألت .. هناء: شنو ؟؟ قال يوضح .. سامي: علاقتي بسوزي مثل علاقتج بعصام وعبدالله ..يعني في حدود.. في حدود ها!!!!! قلت بخبث . هناء: بس ما احاجي عصام وعبدالله بالتلفون .. لف لي بصدمة ..ففهم اللي ابي اقوله وقال بطنازة .. سامي : والله ؟؟ توني ادري .. تنرفزت وقلت وانا اطقه بذراعه ع الخفيف.. هناء: سامي رد علي .. لف لي وقال بعصبية .. سامي : اشتبيني اقولج ؟؟ انتي حمدلله والشكر مو صاحية ..وانا مارح ارد عليج .. صج ؟؟ مارح ترد ؟؟ هين انا اوريك .. قلت اغثه .. هناء: يعني تبي تقولي انك ما تحاجيها .. لا تقص علي انت عندك كل شي فري .. مارد علي فكملت وقلت .. هناء: ومنو يدري يمكن بعد بينكم شي .. ما سمعت إلا صرخة قوية بطت اذني .. سامي: هنااااء.. طالعته بخوف لقيته يطالعني بعيونه الشريرة وحواجبه اللي تقوست .. سامي : لا تخليني اسوي شي فيج تراني بروحي حاقد عليج .. خفت منه بس كملت لأني ابي اعرف سالفتها .. هناء: ما رح اسكت إلا لما تقولي شنو علاقتك فيها .. طق السكان بعصبية ذكرني بيوم اللي يابني فيها من بيت عصام ..مسكين السكان الله يعينه على سامي .. سامي: مالج شغل ..وانطمي خليني اسوق .. قلت بصراخ .. هناء: مالك حق تجعمني ..انا بعرف اشسالفتك ويا سوزي ..اكيد متعرف عليها بوحدة من الحانات .. وقف السيارة بسرعة ولف لي طالعني مذهول ..وقال .. سامي : انتي من وين يايبة هالكلام ؟؟ انا متعرف عليها وبوحدة من الحانات؟؟ انا الحين راعي حانات ؟؟ ما عرفت شقول ..تلعثمت وارتبكت ..قلت هالكلام بس عشان احره واقهره .. فقال بعصبية .. سامي: ردي علي .. قلت بثقة مابي ابين له اني خايفة منه .. هناء: مالك شغل .. مسكني من رقبتي وقربني منه وقال .. سامي: والله يا هناء ..إذا عدتي هالكلام مرة ثانية ..مارح اخليج تباتين يوم واحد مرتاحة ..فاهمة ؟؟ ودزني بعنف لدرجة طق راسي بالجامة .. كمل .. سامي : انا عمري ما رحت حانات ولا ادل طريجها ..تيي وحدة مثلج وتقولي هالكلام ..من تكونين انتي ؟؟ قلت بصراخ لأن قهرني اسلوبه .. هناء: انا مرتك ..زوجتك.. قال بنفس صراخي .. سامي: عيل اعرفي حدودج واحترميني .. قلت .. هناء: انا احترمك واعرف حدودي معاك .. بس انت لأ .. سامي : مبين تعرفين حدودج ..والدليل اني لقيتج بشقة عصام تتفقين معاه على عشرة ألالاف .. تتكلمين عن الخيانة ؟؟ تكلمي عن روحج .. المتني كلماته مع انها حقيقة ..لسة مو ناسي .. كمل سواقة وانا نفسي بخشمي ..وهذا كان آخر حوار بيني وبينه ليما وصلنا بيت سوزي .. نزلنا من السيارة بعد ما صفطها سامي ..طالعت البيت ..ماشاء الله كبير ..مع ان مالي نفس اشوف شي .. ما حسيت إلا هو شابك ايده بايدي ..طالعته وكنت بسحبها ..بس مسكها بقوة وقال .. سامي: لا تخافين ما اعض ..اشوي جذي بس عشان لا يشكون فينا .. ويرني بدفاشة وراه ..طق الباب وفتحت دلال ..تفاجأ سامي من وجودها وقال بفرح .. سامي: دلولة .. هد ايدي ومدها لدلال يضمها ..سلمت على دلال ودخلنا ...قال سامي وهو يدخل .. سامي: الحين هاذي المفاجأة اللي قالت عنها سوزي ؟؟ قالت دلال بعد ما صكت الباب .. دلال : ليش مو حلوة ؟؟ ابتسم وقال وهو يمسك ايدها .. سامي : احلى مفاجأة .. ولف كأنه يدور علي شي وقال .. سامي: وينهي سوزي ؟؟ اشرت دلال لسامي يدخل الصالة ..وكانت مظلمة ..تحرك سامي وهو يقول .. سامي: ليش جذي ظـ..... وفجأة ... تبطلت الليتات وطاح على سامي شرايط ..وطلعوا عامر وشيخة داخل الصالة وقالوا مرة .. "surprise" شهق سامي بخوف ..بعدين استوعب السالفة .. انتبهت لعامر وشيخة ومجموعة ناس ما اعرفهم .. قالت دلال .. دلال : كل عام وانت بخير .. التفت سامي لدلال مو فاهم ..فقال عامر .. عامر : اليوم عيد ميلادك شنو ناسي ؟؟ طق سامي ايده على راسه جنه ناسي بعدين قال .. سامي : وااو ..انتوا لسة تذكرون ؟؟ تجدم لعامر وبدا يسلم عليه..وانا انتقل من واحد لواحد ابي اعرف منو سوزي .. قعدت انا .. سامي: الحين هاذي المفاجأة اللي قالت عنها سوزي ؟؟ عامر: ئي ..اذبحتنا ..سامي وسامي .. طالعته بحقد وهو بادلني النظرة وقال يبررلي بس بطريقة غير مباشرة .. سامي : طبعا سوزي مثل اختي .. اكيد بتتذكر عيد ميلادي مو مثل بعض الناس .. وطالع دلال بنص عين فقالت دلال .. دلال : انا اللي اقترحت عليهم اصلا وسوزي هي اللي سوت المفاجأة.. سامي : زين وينهي هي ما اشوفها .. "I’m here" التفتنا كلنا للصوت ..كانت وحدة تنزل من السلم ..شقرا ورائعة الجمال ..انبهرت فيها الصراحة ..وبنفس الوقت احتريت لأن سامي وقف لها ..وقال .. سامي : اخيرا نزلتي .. ما بغيتي .. تجدمت سوزي ووقفت جدام سامي وانا بينهم قاعدة ..اطالعها بكل شي تسويه .. سوزي :شو بدك اياني اعمل ..كنت عم اتمكيج .. قال بطنازة بعد ما قعد .. سامي: والله ؟؟ قالت دلال .. دلال : انتي حلوة بدون اي شي .. قعدت يمي وقالت بمرح مو مصدقة الكلام اللي انقال لها .. سوزي : هيدا من زوقك .. طالعتني بعدين وقالت .. سوزي : انتي اكيد هناء مرتو لهطويل ؟؟ واشرت على سامي اللي ضحك وقال .. سامي: انتي القصيرة .. طق الباب فقامت سوزي تفتح الباب ..وانا استغليت انشغال الكل مع بعض وتقربت من سامي وقلت بهمس بعد ما قربته مني .. هناء: وتقولي ما بينك وبينها شي ..طايحة الميانة بينكم اشوف .. وطالعته وهو طالعني وهز راسه باستنكار ومسك جلاص العصير اللي جدامه وشرب شوي .. سوزي : سامي عندي لك مفاجأة تانية كتير رح تحبا .. قال بعد ما شرب شوي .. سامي: شنو بعد ؟؟..ياكثر مفاجأتج اليوم.. وابتسم لها ..هي لفت ومسكت ايد اللي داخل ..كان سامي يكلم دلال بهاللحظة وانا ركزت نظري على المفاجأة .. وكانت .. كانت .. ام سامي .. دخلت ووقفت شوي والهدوء عم المكان اللي صوت سامي يكلم دلال ..انا لفيت له وطقيت على جتفه شوي التفت لي بعدين انتبه للي واقفة ..وعلقت انظاره المصدومة عليها .. ومن شدة الصدمة طاح الجلاص العصير اللي كان ماسكه على هدومه .. قامت دلال اللي مسكت كلينكس وبدت تمسح هدوم سامي المشتت ذهنيا ..مسك هو بعد كلينس وبدا يمسح ويقول بتلعثم .. سامي: آسف ..آسف ما انتبهت .. قالت دلال بحنان .. دلال : ما عليه .. تجدمت هالمرة ام سامي ومدت ايدها وخذت كلينكس وسامي ما كان منتبه ..منشغل بمسح عن هدومه ..او بالأحرى كان يبي ينشغل عن امه .. مدت ام سامي ايدها لقميص سامي بس قال سامي بسرعة وعصبية .. سامي : بعدي .. ومسح على شعره بتوتر وده يشوف امه ووده يذبحها ..مشتت ..ودخل داخل .. انا ظليت مثل الهبلة بالنص ..قمت انا ولحقت سامي بس سمعت عامر .. عامر : خليج اختي هناء ..انا بروح له .. واختفى بسرعة ..وظلينا احنا الحريم بالصالة ..قعدت ام سامي ولا جنه صاير شي ..هالمرة ماادري من شنو مصنوعة ..بدل ما تروح تشوف ولدها خلته .. صحيت من غفوتي وقلت بسرعة .. هناء: حمدلله .. انتي اشلونج خالة ؟؟ طالعتني من فوق لتحت جنها تحتقرني .. ام سامي : حمدلله .. وطالعت دلال وسوزي .. ام سامي : يا حليله دخل الخمس وعشرين .. يالله شنو باردة ..لحقي ولدج ... قمت من الحرة ورحت داخل .. وكنت ابي اعرف سامي وينه .. وانتبهت لصوت عالي شوي وعرفت انه صوت سامي وكان طبعا معصب ..تقربت من باب الحمام عزكم الله وكان صوت ماي بعد .. عامر : سامي هدي ليش ماخذ المسألة عناد وبس ؟؟ سامي: انتوا اللي ماخذين المسألة عناد ..انتوا تعرفون اني مابي اشوفها ..ليش تحبون تقهروني ؟؟ الحين هذا العيد ميلاد اللي متعبين روحكم ومسوينه ؟؟ تقربت اكثر وشفت سامي وعامر واقفين عند الحنفية وسامي قاعد يمسح قميصه ..الباب كان مفتوح شوي .. عامر: الحين خلاص صار اللي صار اطلع وشوف امك ..حرام متعنية وياية عشانك .. قال بعصبية مبالغة وعناد .. سامي: مابي .. ومارح اقعد دقيقة وحدة بالهبيت .. وتحرك ناحية الباب وانا بسرعة انخشيت الناحية الثانية ..وخفت ينتبه لي بس الحمدلله الله يخلي العصبية اللي تعمي الناس .. طلع وراه عامر ..وانا لحقتهم ..شفت سامي يروح للطاولة وياخذ محفظته ومفتاحه ويقول .. سامي: هناء .. قلت بسرعة .. هناء: نعم ..كاني .. والتفت لي بضيق وقال .. سامي: يلا امشي .. تحرك جدامي وانا التفت لدلال وشيخة وسوزي ورفعت ايدي اصافحهم بس صراخ سامي خرعني ..خلاني اتراجع .. سامي: خلصيني .. وقفت ام سامي هالمرة وبعدتني عن طريجها وراحت لسامي.. شكل الليلة مارح تعدي على خير .. كان سامي واقف برة يشغل السيارة لما يت له .. طلعت انا برة على الأقل اهدي النقاش اذا احتد .. ام سامي : سامي .. رفع سامي راسه وطالعها وتأفف وطلع من السيارة .. تحركت انا ناحيته ..وشفت دلال واقفة عند الباب .. شكلها متعودة على مثل هالمناقشات.. مدت ام سامي ايدها لسامي وفيها هدية مغلفة .. وقالت .. ام سامي : نسيت هديتك .. طالع سامي الهدية بعدين طالع امه وقال.. سامي: مابيها .. يت دلال وخذت الهدية من امها وقالت وهي تبرر عن تصرف سامي .. دلال : مشكورة يما .. هديتج وصلت ..صح سامي ؟؟ طالع سامي دلال بضيق ومارد عليها ...ولف عنهم وطالعني وقال .. سامي: ركبي السيارة .. وتحرك هو وركب السيارة وركبت انا وراه وانا الصراحة مو فاهمة شي .. وحرك .. اهم شي ان المواجهة مرت بسلام .. بالطريج سمعت تلفون يرن ..مسكه وشاف المتصل ..نزل ايده الماسكة بالتلفون وقال بملل .. سامي: اكملت .. ورد .. سامي : هلا .. (.................................) سامي: ايي ؟؟ وين ايي ؟؟ عندك ؟؟ (................................) سامي : ان شاء الله .. بيي .. وطالع فوق كأنه يقول " يارب ارحمني " .. وصك التلفون ..وبلهجة دقيقة حذفه .. سامي: شكلنا مارح نخلص .. ورد يسوق ..ما سألته لأني عارفة بيسكتني .. وصلنا البيت ونمنا على طول ... اليوم الثاني صحيت على صوت سامي ..طالعته مو مصدقة ..اول مرة يقعدني ..اكيد في شي .. سامي: بروح عند ابوي يبيني بموضوع مهم ..قومي خل اوصلج عند دلال .. طالعته ببلاهة ..فقال .. سامي: قومي اشفيج تطالعيني جذي ؟؟ انطرج تحت .. استوعبت اللي قاله اخيرا وقمت..وصليت الفير ولبست عباتي ..نزلت تحت لقيته يشرب جاي ..قال .. سامي: تعالي تريقي .. قلت بسرعة .. هناء: لا مابي .. امش خل نروح لا تتأخر على ابوك .. مشينا وقطني عند دلال بعد ما قاله انه يمكن يتأخر .. قعدت مع دلال ومر الوقت بالسوالف واللعب مع عيالها .. للأسف دخلت سوزي ..انا انقهرت وتذكرت امس سامي اشلون يحاجيها .. سلمت عليها ببرود ..وقعدت تسولف ويانا لين ما دق تلفونها وراحت داخل ..تدرون شنو ياه على بالي ؟؟ ياه على بالي سامي يحاجيها ..فقلت وانا اكلم دلال بقهر .. هناء : تحاجي منو؟؟ طالعتني دلال بشي من الغرابة جنها تقولي " وانتي شكو ؟" بس قالت .. دلال: ريلها .. بققت عيوني على دلال وقلت .. هناء: متزوجة ؟؟ دلال : وعندها ولدين .. الصراحة اقولها لكم اني استحيت من نفسي .. وعرفت بعدين ان سوزي متربية مع سامي وعامر عشان جذي ماخذة عليهم ..بس لسة ابي اعرف ليش دقت عليه ذاك اليوم وفوق كل هذا متزوجة .. مع السوالف الضحك نسيت السؤال الملح هذا ..طالعت الساعة لقيتها عشر ونص بليل ..وسامي ما اتصل ولا سأل ..والوقت تأخر ..وزوج دلال رد البيت وسوزي راحت من زمان ..انحرجت .. حاولت دلال تبدد الإحراج اللي حاسة فيه بأنها عشتني ..وبعد العشا طلبت منها توديني البيت ..رفضت هي لأني رح اقعد بروحي بس بعد الحاح رضت ..ووصلنا زوجها .. دخلت البيت بعد ما ودعت دلال.. ويت ذكرى اليوم المشؤوم في بالي .. عدت الساعات ورا الساعات ليما مسكت التلفون ابي ادق عليه لأنه تأخر ..بس سمعت صوت الباب يتبطل ..وكان سامي .. رحت له بسرعة ..وانصدمت .. راسه ملفوف .. وايده ملفوفة بعد .. |
الحلقـــة الرابعة عشـر
" طلب التماس" تجدمت منه بسرعة وانا اشوف ايده ملفوفة وراسه بعد .. ما تحملت منظره وقلت بخوف .. هناء: سامي ..شنو صارلك ؟؟ غمض عيونه بألم ومشى ..تجاهلني بمعنى اصح .. تبعته بنظري وشفته يقعد ..بعدين نام على القفنة ..وما تحرك بعدها .. اخترعت .. رحت له بسرعة..جثيت على ركبي جدامه وهني هو بطل عيونه .. طالعني كأنه يبي يقول شي ..بس ما نطق ..قلت وانا امرر ايدي على راسه بحنان .. هناء: سامي حبيبي ..قولي شنو صارلك ؟؟ طالعني بعد بس هالمرة بعيون كسيرة .. وغمضهم باسى .. ماادري اشفيه ؟؟ انزين قولي شنو اللي صارلك ؟؟ وقف ..بغى يطيح بس سندته بسرعة .. وقلت .. هناء: انت حالتك ما ينسكت عنها ..بدق على عامر ايي .. ما كملت لأنه قاطعني وقال بصوت متحشرج .. سامي : لا تدقين على احد.. بس قلت بخوف .. هناء: لا .. وقفت لأنه مد ايده جدامي علامة طلب السكوت .. نزل راسه بعدين رفعه اخذ نفس ..وقال .. سامي: انا بروح انام .. وتحرك ..تحرك وخلاني هني واقفة مو فاهمة شي .. تبعته بنظري وهو يركب السلم واختفى من جدامي .. هزيت راسي مو عارفة شنو اسوي .. شنو اسوي ؟؟ حاله مو عاجبني .. شكله تزاعل ويا ابوه ..انزين ليش ؟؟ طالعت فوق مكان ما سامي كان ماشي .. ودي ادخل داخل مخك واعرف انت اشلون تفكر ... صعدت فوق بعد حصة التفكير هاذي وكنت بنام بس مريت جدام غرفته وما طاوعني قلبي لازم ادخل اشوفه ..حتى لو طردني .. بطلت الباب بشويش ..الغرفة ظلمة ..بس اللهم ليت الممر اللي دخل بعد ما فتحت الباب ..تحركت ودخلت ..مشيت بخطوات خفيفة عشان ما اقعده .. وصلت للسرير لراسه بالضبط ..ما قدرت اشوف ويهه عدل بس نفسه كان منتظم ..الحمدلله ..ارتحت .. نزلت على ركبي على الأرض .. تقربت منه شوي ..اشوفه بيحس فيني بس ماكو استجابة .. نادسته اتأكد اكثر .. هناء: سامي .. مارد علي ... يعني نايم .. مديت ايدي مررتها على شعره واللفة اللي حوالين راسه ..ماحس .. طمعت ومررتها على خده برقة .. هم ما حس .. بس حسيته مبلل .. سامي كان ... ليش ؟؟؟ لهدرجة وصلت الهوشة بين ابوه وبينه ؟؟ يا قلبي ... حتى بهاذي ماتبي احد يعرف ؟؟ ليش يا سامي ؟؟ قولي شنو اللي مضايقكك ..وانا احاول اخفف عنك ..بس قولي لا تبعدني عنك انا محتاجة لك ..محتاجة لحنانك وجبك الأولي .. كنت خبلة يوم ما قدرت عواطفك ناحيتي .. كنت عمية ..حب عصام لسة كان معشش في قلبي .. ويوم بديت احبك ..صار اللي صار .. تجمعت الدموع في عيوني لما تذكرت ذاك اليوم واشلون سامي كان مصدوم ..ولما بلع الصدمة نظراته ما قدرت .. سامي .. لو رحيلي يريحك انا مستعدة ما اخليك تشوف ويهي مرة ثانية .. بس انت تكون مرتاح .. لو اسمي يسبب لك ازعاج انا مستعدة امسحه من كل سجلات الدنيا ..بس انت تكون مرتاح .. لو ..لو موتي يريحك انا مستعدة اسوي اي شي عشان اموت بس اعذرني هذا مو بايدي هذا بايد رب العالمين .. قطع حبل افكاري صوت تلفون سامي .. مسحت دموعي ومديت ايدي وشفت المتصل ..وكان ابوه .. مارديت عشان لا يذبحني سامي .. بس لاحظت ان حتى صوت التلفون ما قعده .. اخذت التلفون وطلعت من الغرفة عشان لا يحس ... سكت التلفون فحطيته بمخباتي .. ونزلت تحت .. رد رن مرة ثانية .. وكان بعد ابوه .. ماادري شلي صار بينهم ..عشان يدق بهاإلحاح .. مادريت بعد ..حطيته صامت .. نمت على القنفة موحاسة باللي حوالي ... بطلت عيوني ..درت بنظري حوالي ..استنتجت ان صبح لأنه النور دخل من الدريشة .. مع انه ثلج برة .. هني تذكرت سامي .. طرت فوق بسرعة ..وصلت غرفته وقفت جدام الباب خايفة ادخل القاه قاعد بس ما يبي يشوفني .. بس تشجعت ودخلت .. لقيت السرير فاضي .. والدريشة مبطلة .. والهوا البارد يلعب بالبردة ( ستارة ) .. يحركها بعشوائية .. التفت ادروه بس مالقيت احد .. التفت ابي اطلع بس خرعني شي ..فصرخت صرخة قصيرة مخترعة .. وحطيت ايد على حلجي ..وايد على صدري .. بس بين اللي جدامي وكان سامي .. تنفست بسرعة لأني اخترعت منه .. قلت كردة فعل .. هناء: خرعتني سامي .. مارد علي وكان مرسوم على ويهه الجمود والملامج الباردة .. تحرك وعداني .. لاحظت انه شال الشاش بس خلاه على ايده .. قلت .. هناء: اشحقة شلت الشاش من راسك ؟؟ قال بدون ما يلتفت لي وهو واقف عند الدريشة يطالع برة .. سامي: ماله داعي .. شفته يتجتف ..تقربت منه لين صرت وراه بالضبط .. وقلت بصوت هادي وحنون.. هناء: سامي .. قال بعد بدون ما يبتفت وبعد ما اخذ تنهد بضيق .. سامي: نعم.. نزلت راسي مترددة اسأله ولا لأ ..بس قلت .. هناء: شلي صار بينك وبين ابوك ؟؟ لف راسه شوي بعدين لفه كله ..والحين لف لي كامل .. غمضت عيوني انطر respons ..سمعته يقول .. سامي: ومن متى انا اقولج شي صار بيني وبين اهلي ؟؟ بطلت عيوني الحمدلله هاذي اولها .. قلت بتردد .. هناء: لا بس اسأل .. امس رديت من عنده حالتك حالة .. بس حبيت اتطمن عليك ..thats all وطالعته انطر منه اي شي .. وهو بعد ظل يطالعني ودقق بويهي بعد ..انا استحيت ونزلت عيوني للأرض .. حسيته التفت هني رفعت راسي كأني رافضة التفاته ..بس قال .. سامي : كالعادة .. قلت باندفاع .. هناء: انزين إذا كالعادة اشحقة مزعل روحك .. خلاص خل يولي .. ولما نطقت الجملة الأخيرة حسيت على روحي ..وشهقت بصوت خفيف .. هو التفت لي على طول ..يطالعني بنظرات غريبة .. قال .. سامي: منو اللي اخليه يولي ؟؟ بلعت ريجي وقلت .. هناء: أحم ..انا ..اقصد .. هو .. طالعني مو فاهم شي ..فقلت .. وانا اغير الموضوع بسرعة.. هناء: ماتبي تريق ؟؟ طالعني بعد مرة ثانية بسكوت ..فكررت سؤالي ..فاكتفى بهز راسه بالنفي ..فقلت .. هناء : سامي ..مايصير جذي ..من امس مو ماكل شي ..رح تتعب .. التفت للدريشة وتسند عليها ..وقال وهو يقرب ويهه منها .. سامي : Im already tired ياعمري .. كسر خاطري .. تقربت ووقفت يمه بس الناحية الثانية ..وهالمرة ضرب عندي عداد الشجاعة ومديت ايدي وحطيتها على جتفه وقلت .. هناء: ادري ماتبي تسمع مني شي ..بس مهما صار بينك وبينه هذا ابوك .. طالعني بعيونه الفاتحة بس نظرة كسيرة نفس مالت امس .. فجأة لمني وسند راسه على جتفي .. بطلت عيوني منصدمة ..متفاجأة .. هو شد من لمته .. حرام محتاج احد يفهمه او حتى يحس فيه .. مديت ايدي انا مترددة وطوقته .. آآآآه يا سامي من متى وانا ابي منك هالشي .. من متى وقلبي يناديك .. قعدنا تقريبا خمس دقايق ..ليما هو رفع راسه وطالعني وقال .. سامي: لو بايدي اختفي من هالدنيا .. حطيت صبعي على حلجه امنعه يكمل ..وقلت .. هناء: اسم الله عليك .. لا تقول جذي .. انا المفروض اختفي من بعد اللي سويته .. قلت جذي عشان ابين له اني التمس العذر منه .. ضم ويهي بايدينه ..وظل يطالعني ..نزلهم ..والتفت الناحية الثانية متردد .. بعيدن تحرك للسرير وقال يغير الموضوع .. سامي : تلفوني كان هني امس شفتيه ؟؟ قلت محبطة من اللي صار توا .. ياحلاة اللحظة اللي صارت قبل شوي .. هناء: لأ .. بس تذكرت انه معاي بغيت اتكلم بس دق تلفونه .. التفت سامي حواليه ..يبي يعرف من وين ياية النغمة .. وانا بسرعة كنت ابي احطه صامت .. طلعته ..بس شافني سامي ...وقال .. سامي: catch you .. وتقولين مو عندي ؟؟ قالها بعصبية .. قام وخذاه بدفاشة ..وقال قبل لا يرد .. سامي : انتي بالجذب ما شاء الله اول وحدة .. آلمتني جملته ..طالعته بحزن بس هو طنشني ورد على المتصل اللي كان عامر .. اعتذر له سامي انه مايقدر ايي اليوم الشغل .. صك التلفون وطالعني بضيق .. سامي: اشحقة ماخذته ؟؟ ماانتبهت وقلت .. هناء: شنو هو ؟؟ اشر على التلفون وقال .. سامي: التلفون .. اشحقة ماخذته ؟؟ كنت مشتتة.. قلت وانا اغمض عيوني وافتحهم اجمع الكلمات .. هناء: امس كان يدق ..خذيته عشان لا يزعجك .. قال وهو يتقرب مني .. سامي: وانتي منو قالج تدشين الغرفة ؟؟ وبعدين ؟؟؟ كنا حلوين قبل شوي .. قلت ادافع عن نفسي .. هناء : هذا بدل ما تقولي مشكورة خذتي التلفون عشان لا يزعجني ..تقولي .. كملت وانا اقلد صوته .. هناء: وانتي منو قالج تدشين غرفتي ؟؟ قبل كان يضحك يوم اقلده ..بس الحين تقرب مني ومسك ذراعي بقوة ..وقال بعصبية .. سامي: هناء.. مالي خلق سخافتج .. بروحي لايعة جبدي منج بعد تزودينها بسخافتج ؟؟!!!.. طلعي برة يلا .. ودزني .. طالعته مصدومة .. فكرر كلامه بثورة .. سامي: طلعي برة ما تفهمين ؟؟ ما خفت من صراخه كثر ما خفت من الحالة اللي يت له الحين .. توه اشزينه اشفيه قلب ؟؟ طلعت من الغرفة وانا امنع دموعي تنزل .. بس خذلتني ونزلت .. الحين انا شسويت عشان يطردني ويهيني جذي ؟؟ متهاوش مع ابوه يطلع حرته فيني ؟؟ رحت داري واطلقت لدموعي العنان .. والظهر كله صرت حبيسة داري .. العصر ..ياني بعد ما طق الباب .. وقف عنده يطالعني بعدين تنهد ..وقال .. سامي: قومي بدلي بنطلع .. مادريت عليه كافي اللي صار ..الحين لو تكلمت بنتهاوش .. وانا عارفة نفسي يوم اعصب .. كرر كلامه بس بنبرة غير .. سامي: هناء ..قومي يلا ..انا ضايق خلقي وابي اطلع .. التفت له هالمرة وقلت بهدوء وبرود.. هناء: اطلع احد حايشك ؟؟ تقرب وقعد على السرير وانا هني التفت بجسمي كله عنه ..عطيته ظهري .. مابي اشوفه واتأثر بحالته .. سامي : انزين بس طلعي وما رح اضايقج ..صدقيني ؟؟ مارديت عليه .. فقال بنفاد صبر .. سامي: هناء..والله ضايق خلقي .. امشي خل نطلع ..إذا طلعت انا ما رح اتطمن .. قلت بدون ما التفت له وابتسامة استهزاء على ويهي .. هناء : ليش خايف اني اخونك مرة ثانية ؟؟ ما سمعت رد منه .. ولا اهتميت اصلا .. بس شفته واقف جدامي رفعت نطري اطالعه ..شفته يطالعني وقال وهو يبتسم .. سامي: لو شاك فيج دقيقة وحدة نا كنت بقيتج على ذمتي دقيقة وحدة .. الله .. شهالرضا اللي نزل مرة وحدة ؟؟ قلت وانا احوس بوزي .. هناء: اسمع كلامك اصدأك اشوف عمايلك استعجب ..على قولت اخوانا المصريين .. ضحك هو وقال .. سامي: انتي تضحكين لما تعصبين .. قلت باستخفاف. هناء: والله ؟؟ صج ؟؟ حيل اضحك .. ولفيت ويهي عنه مو ناقصة هبل .. مسك ايدي ويرها برقة مثل ذيج المرة وقال .. سامي: انزين قومي لبسي .. يريت ايدي بعصبية .. هناء: مابي .. واطلع برة خلني انام .. طالعني وهو مبتسم ..وقال .. سامي: تقلديني ؟؟ قلت وانا امسك المخدة اعدلها عشان انام عليها .. هناء: بعض مما عندكم .. ونمت على المخدة ..بس هو سحبها مني ..قلت بعصبية وصراخ .. هناء: ييبها ... هز راسه بالنفي وهو يضحك .. اوووف ..مالي خلقك تراني .. وقفت اخذها منه بس هو رفعها فوق وهو ما شاء الله شطوله .. قلت برجا .. هناء: الله يخليك هاتها .. هز راسه للمرة الثانية بالنفي .. قعدت فترة ابيه يعطيني المخدة ..وهو مصر لازم اطلع .. انا وين وهو وين ؟؟ اقوله ابي انام ..وهو يقولي امشي نطلع .. مابي اطلع غصب .. واخيرا اتفقنا انه يعطيني المخدة بس اطلع ..فقلت اهز راسي بسرعة ابي الفكة .. هناء: ئي ئي .. بس هاتها .. عطاني اياها وانا بسرعة حطيتها على السرير ونمت بس وانا ماسكتها من الجوانب ..وقلت .. هناء : قال اطلع قال .. بس هو سحبني ناحيته يعني قعدني ..وقال.. سامي: احنا اتفقنا .. يلا قومي .. قلت اهز راسي بالنفي .. هناء:مابي ..مو وقت ما ترضى تيي عندي وتقولي انا آسف .. طالعني ببلاهة وقال .. سامي: وانا قلت آسف ؟؟ سحبت ايدي وقلت .. هناء: والطلعة هاذي يعني مو انا آسف ؟؟ طالعني بعدين قال .. سامي: لأ طبعا ..انا ما غلطت بشي عشان اعتذر .. وراح للباب وقال .. سامي: عندج خمس دقايق تبدلين ولا قلبت الغرفة فوق راسج .. حتى الأعتذار مستخسره فيني !!! الحين منو فينا الغلطان ؟؟؟ انا ولا هو ؟؟؟ انتوا قولوا .. هو صح ؟؟ بس انا اوريك يا سامي .. قمت من السرير بعصبية ولبست عباتي فوق بجامتي ..اعانده مارح البس شي .. طلعت له لقيته واقف عند المطبخ يسرب ماي ..لما شافني لابسة بس عباة قالي .. سامي: are you crazy؟ .. الحو ثلج برة .. وانتي لابسة بس عباة ؟؟ معاه حق رديت الغرفة البس شي ثقيل ..بس مالقيت ..اطظريت اني افصخ العباة والبس كنزة وتنورة .. وفوقها شال ..ولبست قفازات عشان البرد ..وقبل ما اطلع لمحت ورقة بطلتها وكانت ورقة عصام النذل .. غمضت عيوني بيأس .. كل ما احاول انسى السالفة تطلع لي مرة ثانية .. اخذتها معاي عشان اقطها بالزبالة ..بس شفت سامي لسة داخل المطبخ ..عصرت الوقة داخل ايدي عشان لا تبين ..وطلعنا .. تمشينا بريولنا لأني مثل ما عرفت ان سيارته خربت من حادث امس .. ظلينا نتمشى واحنا ساكتين .. ليما هو قطع جبل الصمت اللي بينا .. سامي: تبين تروحين الحديقة ؟؟ قلت بضيق .. هناء: اي مكان بس خلنا نخلص .. ومشيت جدامه منقهرة ..كان الثلج خفيف .. يشجع الواحد انه يوقف ويتأمل فيه ..سبحان الخالق .. قمت استغفر بداخلي لأني حاسة روحي بنفجر من هالسامي هذا .. ماشي يمي ومنزل راسه للأرض كأنه يفكر .. وقفنا عند مرسى للسفن الصغيرة اللي وقفنا فيه ذاك اليوم تذكرون ؟؟ قعدت انا على الكرسي المواجه للبحر .. وهو قعد بعد .. طالعت البحر وانا لسة حاسة روحي معصبة .. فقلت وعيوني على البحر .. هناء: لين متى بنظل على هالحالة ؟؟ سامي: لين ما اعرف انت ليش سويتي جذي .. طالعته لقيته يطالع البحر .رديت طالعت وقلت .. هناء: قلت لك السبب.. مارد علي .. قلت .. هناء: ممكن اسألك سؤال وتجاوبني ؟؟ سامي : خير ؟؟ هناء: لو اعتذرت لك من قلبي بترضى ؟؟ لف لي هالمرة وطالعني بعيونه الفاتحة .. وآآآآه من عيونه .. تذبح .. لف للبحر مرة ثانية وما نطق .. مسكت مف ايده وقلت .. هناء: سامي .. إذا اعتذاري بيصلح كل شي انا آسفة .. آسفة صدقني .. ظل يطالع البحر وانا ظليت اطالعه انطر ردة فعله .. وطولنا لثواني .. واخير ..شبك ايده بايده .. وضغط عليها .. من هني استنتجت انه رضى علي .. قلت مو مصدقة .. هناء: يعني رضيت ؟؟ ضغط على ايدي بقوة اكبر وهو يبتسم .. شقت ابتسامة ويهي وقلت وانا احط راسي على جتفه .. هناء: كنت عارفة انك ما رح تظلمني .. واخيرا سطرت الفرحة طريق في حياتي .. سامي رضا علي .. ولله الحمد .. ردينا البيت واحنا مستانسين .. نسولف ونضحك ..ورد سامي الأولي .. وعهدا علي يا سامي ما رح اخليك تعيش حياتك إلا وانت فرحان .. دخلنا البيت بعد يوم طويل وحلو .. فصخت الشال وقلت وانا احطه على القنفة .. هناء: إذا على جذي انا مستعدة اطبخ لك من اليوم لين باجر .. مالقيت منه تعليق .. التفت لقيته يقرا شي .. ويا ليته أي شي .. الورقة اللي نسيت اقطها .. ورقة عصام ... الحلقــة السادسة عشـــرة "سهم جارح " حطت الطيارة رحالها على الأرض الوطن ..وطني الغالي ..اللي فيه ناسي واهلي وحبايبي وربعي وكل اللي يعزون علي ... التفت لسامي النايم طول الوقت بالطيارة .. هناء: سامي ..يلا حبيبي قوم وصلنا .. بطل عيونه بتثاقل وطالعني وقال وهو يتمغط .. سامي: ما نمت ..فيني النوم .. ابتسمت وقلت .. هناء: كل هذا وما نمت ؟؟ انت طول الرحلة نايم .. هز راسه بايجاب وهو يقوم .. سامي : هذا اللي شفتيه انتي .. اما انا ما نمت .. وطلع جنطته من فوق .. وحزتها يت شهد اللي تعلقت بريل سامي ..وانا وقفت .. طالعها سامي وطالعني بعدين وقال وهو يرد شعره ورا .. سامي : ممكن اطلب منج طلب ؟؟ هناء : خير ؟؟ طالع شهد بعدين قال وهو يشيلها ويعطيني اياها .. سامي : اخذيها عندج مالي خلق لها .. قلت باستنكار .. هناء : حرام عليك تحبك هي .. اخذها ناحيته وباسها وقال .. سامي: وانا اموت فيها بس .. وبعدها عنه ومدها لي .. سامي: تعبان وراسي مصدع وهي تبي احد يلعب معاها ..على الأقل لين ما نوصل بيت اهلج ..اوكي ؟؟ يا عمي هالحزة ووقف يم سامي ... لما وقف يمه والله ما اقص عليكم .. احس اني اطالع سامي مرتين ...وااااايد يشبه ابوه .. طالعتهم بابتسامة ..يا زينهم .. عمي : اشفيك على شهودتي ؟؟ ابتسم سامي وقال .. سامي : مزعجة .. فكني منها يبا .. اخذها عمي بس انا قلت .. هناء: لا عمي ..خلها عندي .. انا بتكفل فيها .. اخذها سامي من عمي وقال بسرعة .. سامي: ئي فكينا منها .. حلالج .. ضحكنا كلنا على طريقة سامي .. وطلعنا من الطيارة وركبنا سيارة ... علمني سامي مسبقا ان مرت عمي اللي هي مرت ابوه ..مسافرة عند اهلها بولاية ثانية ..ورخ تغيب وااايد .. فقرر عمي يستغل العطلة اللي ماخذها وغياب مرته بالسفر معانا .. طول الطريج قلبي يرقع مشتاقة لاهلي وهذا انا اللي مابي اسافر ...عياااارة .. ضحكت على روحي ..نزلت راسي لشهد الي تلعب بتلفون سامي وابتسمت على براءتها ..وعلى جذي وصلنا البيت .. بيتنا ..بيتنا الحبيب .. طلعت بسرعة بس سامي مسكني من ايدي وقال .. سامي : نطري شوي اشفيج ؟؟ وكمل بسرعة وقال .. سامي: انا بروح مع ابوي ادله بيت عمتي واسلم عليها واييكم ...اوكي ؟؟ هزيت راسي متفهمة بس بسرعة وهديت سامي ورحت البيت ...لما وصلت عند الباب الرئيسي وقفت .. طالعت البيت والدرايش وكل شي فيه ...تنفست وانا مغمضة عيوني ... بطلتها لقيت ... لقيت .. طلال واقف يطالعني منصدم ... ئي تذكرت ما قلتكم ان انا وسامي اتفقنا ما نعلم احد بييتنا ...مفاجأة .. طالعته وركضت لعنده..وتعلقت برقبته ...وهو بالمثل .. كنت اتكلم بحماس معاه لدرجة صوتي كان يصدح بالشارع .. طلال: وينه ريلج عيل ؟؟ هناء: ياي ..بيسلم على عمته وايي .. ومديت نظري للواقف ورا طلال ..وكان هاني .. رحت لعنده وحضنته ..تذكرت هني لما ادرسه ولا اسوي له اكله ولا حتى يحكي لي عن ربعه بالمدرسة .. قلت وانا اطالعه .. هناء: كبرت .. ابتسم وقال .. هاني : طبعا خلاص يبا دخلت 14 ... طقيته على راسه على الخفيف وقلت .. هناء: يا كبير .. ودخلت داخل .. وتسحبت ووراي طلال وهاني اللي حرصت عليهم ما يعلمون امي او اسما .. دخلت المطبخ لعلمي المسبق ان امي فيه .. وقفت عند الباب وامي كانت معطيتني ظهرها تغسل الصحون ..دمعت عيني لما شفتها .. ياااه اشتقت لأحلى ام بالدنيا .. طردت افكاري واحساسي بعيد وكملت خطتي ..سمعت صوت طلال وهاني التفت لقيتهم يضحكون علي ..اشرت لهم يوطون صوتهم عن امي لا تسمع .. وتسحبت ..وقفت وراها بالضبط ...وغمضت عيونها بايديني .. شهقت للحظة بعدين قالت بعصبية .. امي : طلول ويهد ..بعد ايدك .. مت من الضحك بس كتمت ضحكتي ..فقال طلال وهو يقرب علينا .. طلال : يما لا تتدعين علي .. مو انا ..بعدين حطي ايدج على الأيد اللي مغطية عينج رح تعرفين انها مو ايدي .. حطت امي ايدها على ايدي وقالت بتعجب .. امي : ئي والله مو ايدك ... بعدين عبست وقالت .. امي: اسوم وثول ..بعدي ايدج .. ومسكت ايدي وبعدتها غصب ..ولما التفت لي ..انصدمت ..وانا بادرت وحظنتها وامي لسة مو مستوعبة عبالها حلم .. ضحكنا كلنا عليها .. وهني امي بجت .. لميتها وقلت.. هناء: يماااا ..لا تبجين .. بس ماردت علي وبجت .. بعدها واخيرا استوعبت اني موجودة جدامها ..وكفختني على راسي وقالت لي .. امي: ويعة ان شاء الله ..اشحقة ما قلت لي انج بتيين ؟؟ مسكت راسي وقلت .. هناء: يما مفاجأة هاذي اشلون اقولكم ... وتقربت منها وقلت .. هناء: احلى مفاجأة صح ؟؟ باستني وقالت.. امي: اشتقت لج .. ظميتها وقلت .. هناء: وانا بعد والله .. "هنااااااااااااااااااااااااااء" قنبلة انفجرت عندنا بالبيت ..اخترعنا كلنا .. التفت لقيتها اسوم .. طارت عندي ونطت علي بغينا نطيح .. حظنتها وقلت .. هناء: اشتقت لج يا الدبة .. تيمعنا كلنا بالمطبخ ..وما نحتاج إلا صورة ..الصراحة موقف يبجي ..بس مسكت روحي .. بالصالة قعدنا والسالفة تير سالفة وطبعا امي اسألتني عن سامي وعلمتها انه في بيت عمته ... بعد ساعة تقريبا سمعت صوت الجرس وعرفت انه سامي ..بس طلال قام وبطل .. وسلم عليه ..بعدها دخل طلال علينا وقال .. طلال : اسوم ..يما ..سامي بيدخل .. تغطت امي ولأن اسما ما عندها شيلة الحين صعدت فوق بعد ما وعدتني انها بترجع .. دخل سامي وهو منزل راسه وقال .. سامي: السلام عليكم .. امي : هلا يا ولدي هلا .. حياك .. قعد سامي يم هاني ..وقال وهو يكلم امي .. سامي: اشلونج عمتي ؟؟ شخبارج ؟؟ امي : الحمدلله ..انت اشلونك شخبارك ؟؟ حمدلله على السلامة .. سامي: الله يسلمج عمتي ..انا الحمدلله .. هني قال هاني .. هاني : اشلونك يا النسيب ؟؟ ابتسم سامي على طريقة بالكلام وقال .. سامي: انا الحمدلله .. انت اشلونك ؟؟ وطالعه باستغراب وتعجب .. سامي: كبرت عن آخر مرة شفتك فيها .. التفت لطلال .. سامي : صح ؟؟ قال هاني بافتخار .. هاني : طبعا ..انا اصلا كبير بدون شي اصلا .. قالت امي .. امي : ويا ليت كبير بعقله بجسمه بس .. ضحكنا كلنا ...وقمنا انا وامي نجهز الغدا وخليت سامي وطلال وهاني بالصالة ..ونزلت اسما تساعدنا .. سويت الغدا بهدومي ما بدلت .. من كثر شوقي لهم نسيت ابدل .. واخيرا نبهتني امي اصعد فوق ابدل .. نجبنا الغدا وانا رحت داري .. داري اللي صارلي اربع شهور ما شفتها .. دخلتها واول ما طاحت عينه عليه كان السرير اللي ياما ما نطيت عليه معصبة لما عرفت ان سامي خاطبني واللي ياما تحملني ببجي وضيقي ايام الخطبة .. والحين بقعد عليه وانا مستانسة وحامدة ربي ان الله عطاني واحد مثل سامي .. تسبحت ع السريع ..ومسكت جنطتي وطلعت منها لبس ..عقبها نزلت .. وكانت امي واسما ينجبون حقنا ..والباجي بالديوانية ...بعد ما تغدينا .. طلعنا بالحوش كلنا .. وظلينا نسولف ...واكثر شي كنت اطالع سامي وهو يضحك على خبال هاني ..بس كان ميت من الضحك .. سامي: هاني بس خلاص حرام عليك بتموتني .. ابتسم طلال وقال .. طلال : ما شفت شي ... اسما : ترى بيموت ولد الناس علينا .. قلت بسرعة .. هناء: اسم الله عليه .. سكتوا كلهم على الجملة ..وطالعوني وسامي كان منصدم منها بالأخص .. بس ابتسم لي .. وهني دخلوا خالتي ام عبدالله وخلود وعبدالله وياهم .. بيني وبينكم انقذوني .. كان ويهي احمرررررر من الإحراج... تقربت ام عبدالله مني وقالت .. ام عبدالله : هلا والله ..هلاباللي ناسينا .. كملت اسما عنها وقالت .. اسما : وشلي ذكرك فينا .. اعتقد جذي اغنية صح؟؟ واستغلها هاني وبدا يكمل عنها وهو يغني ويطبل ... وعبدالله اللي واقف عند طلال وسامي .. بدا يغني وهو اصلا عشقه الغنا ...وهاني هني علا صوته وبدا يصفق ..وخلود بدت هي الثانية وقامت تقول وهي تصفق مع عبدالله اخوها .. خلود : عاشوا ..عاشوا .. وبدوا الباجي شغلهم وقلبت القعدة سمرة ... طالعت سامي اللي كان يضحك .. وطالعني هو بعد واشر على عبدالله ولد عمته اشارة انه مينون .. ضحكت انا من بين ضحكات الجموع ..ولما خلصنا ..سلمت على ام عبدالله وخلود حيل ..وانتوا تعرفون مكانتها بقلبي .. وبهاللحظة يت خالتي ام عصام ..ومعاها بناتها وعصام ..مسرع دروا ...لما شفت عصام ..تذكرت خبالي قبل ...وحبي السابق له .. وطالعت سامي اللي كان يسلم على عصام .. يفرق عنه بكل شي .. عصام مزوح سامي جاد.. عصام عصبي شوي سامي هادي إلا إذا احد تحرش فيه او نرفزه .. عصام يحب السوالف سامي يحب يسمع السوالف .. غمضت عيوني ..مفتونة فيه يا عالم .. حسيت باحد يهزني ..وكانت شهد .. شهد : ليش ماتردين علي؟؟ ولين هاذي هني ما انتبهت لها ... حطيتها بحظني وعرفت البنات عليها .. وامي بعد ... الحوش انترس وصار زحمة .. قعدت اسولف مع البنات ..وطبعا سوالفهم ما خلت من اللقافة والسؤال عني وعن علاقتي بسامي .. هناء: تطمنوا انا مرتاحة مع ريلي .. ابتسمت خلود وقالت .. خلود : الحمدلله .. وقربت مني وقالت .. خلود : مو ولد عمتي .. طالعتها باستخفاف وقلت .. هناء: والكوبة ..واشفيها إذا هو ولد عمتج ؟؟ قالت وهي شاقة الحلج تبتسم .. خلود : يعني يشبهني بكل شي .. قلت بغرور .. هناء: لا حبيبتي سامي غير عن كل الناس ما يشبه احد .. لاحظت انهم ما ردوا علي التفت لهم لقيتهم يطالعوني بخبث ..انحرجت ..وقلت وانا اكلم امي اتهرب .. هناء: يما .. وين الجاي؟؟ ضحكوا البنات ..وقمت بعد ما علمتني امي ان الجاي بالمطبخ ..قمت ورحت داخل.. وجهزت الجاي ...مطارتين لنا وللرياييل .. رفعت راسي تلقائيا وكانت الدريشة مطلة لبرة على الحوش .. ناحية الرياييل ..وكان طلال وسامي قاعدين يم بعض وعصام على الأرض وهاني قاعد معاه وعبدالله واقف يسمع طلال وهو يتكلم .. وبدون تفكير طالعت سامي اللي يهز راسه متفهم ويسمع.. يالله ماادري مشتاقة لك وانت جدامي .. مو مني والله .. " يا الله كل هذا حب؟؟ " اخترعت من الصوت التفت ولقيتها خلود .. مارديت عليها وشلت الصينية .. وطلعت مع خلود .. برة .. وصادف ان الشباب وقفوا ..قلت وايي صوبهم .. هناء: وين وين ؟؟ قال عبدالله .. عبدالله : بيأذن العصر .. الحين .. مد سامي ايده وقالي .. سامي: هاتي عنج .. واخذ عني الصينية .. هني صفروا البنات ...التفت لهم ويهي مثل الطماطة وقلت بصوت عالي .. هناء: سكتوا فضحتوني .. وضحكوا .. التفت لسامي والباجين لقيت ..طلال وعبدالله اللي واقف ساند عليه يضحكون ...وعصام يطالع سامي ويبتسم ...وهاني مايدري عن شي .. سامي مو فاهم شسالفة ..فقال وهو يطالعنا وينقل نظره بينا .. سامي: اشفيكم ؟؟ يره عصام اللي قام ..وقال .. عصام : ماكو شي بس تعال ..والله على نياتك انت .. وطلعوا وسامي مو فاهم شي ..وضحكات الشباب والبنات وراه...وانا ويهي مااقدر اوصف لكم ... صلينا العصر وردينا لسوالفنا بس خلاص انا بطاريتي فظت .. بنام... على الساعة ثلاث وربع دخلوا الشباب مرة ثانية بس هالمرة عمي بو سامي معاهم ..فدخلت امي واسما والبنات داخل ومعاهم انا بعد ما عطاني سامي نظرة اني لازم ادخل داخل .. ماادري ليه..مع اني اطللع لعمي عادي ..بس يلا لو يطلب اني كلش مااطلع عادي عندي .يمون سامي .. صعدنا احنا البنات فوق .. وطبعا قاموا ينبشون بجنطتي اللي خليتها مفتوحة .. انتبهت على خلود ماسكة قلادة اللي اهداني اياها سامي باول زواجنا ..تذكرون ..المنقوش عليها حرفي وحرفه .. قالت وهي تحطها على رقبتها .. خلود : ابيها هناء.. طالعتها بسرعة وقلت .. هناء: مستحيل ..هاذي هدية من سامي.. قالت اسما .. اسما: تراج ذليتينا فيه ..ماكو احد متزوج غيرج .. ولانها اختي واعرف انها ما تقصد فقلت ببرود وغرور.. هناء: طبعا حبيبتي انا مو متزوجة واحد عادي متزوجة سامي الـ.... وسكت ..تصدقون مااعرف اسم عمي اللي هو ابوه ... وهو جدامي طول الوقت ... فقلت .. هناء: ولد بو سامي .. قعدت خلود وقالت .. خلود : تصدقين اول مرة اشوف خالي .. إذا ولده ما كان يشوفه اشلون انتي ؟؟ المغرب نزلنا تحت بعد ما صلينا ..وكانوا الرياييل لسة برة.. ومعاهم عمي ..تضايقت ...الحين اشلون اشوف سامي ..وتلفون ما عندي ...اففففففف .. سمعت امي تقترح نروح البر ..قلت وانا انقز بمكاني .. هناء: ئي ئي ..خل نروح ..اشتقت للبر ... هزت امي راسها وقالت .. امي : حمدلله والشكر ..ينت بنتي وقعدت .. قمت وقعدت يماه وظميتها لي وقلت ... هناء: مينونة بحبك ياجميل .. بعدتني امي وقالت .. امي: زين بعدي عني خنقتيني .. ضحكنا ...وهني سمعت طق ع الباب ..طلعت اسما لأنها لابسة شيلة ..وردت وهي تقول .. اسما : هناء ريلج يبيج .. طرت له بسرعة حتى نسيت شيلتي ..فقالت اسما وهي تمسكني من ذراعي وتردني داخل .. اسما : هييه يا الخبلة ..شيلتج .. شهقت ..فضحكوا اللي داخل ..وسمعت ضحكة طلال من برة عند الباب .. تفشلت ... شسوي ما صدقت ناداني .. لبست شيلتي ..وطلعت بس وقفني طلال وقال .. طلال : روحي له الحديقة اللي ورا.. قلت باستغراب .. هناء: ليش؟؟ قال وهو يروح عني .. طلال: كلنا موجودين ابو عصام وبو عبدالله وبو سامي لسة موجود .. مو مشكلة احسن بعد ..شوية يكون في خصوصية... لما وصلت شفته واقف يطالع السما .. هناء: قالوا لي انك تبيني ؟؟ التفت لي وابتسم وقال .. سامي: حيا الله هناء... ابتسمت بخجل وقلت بهدوء وانا اكبت مشاعر الفرحة والشوق بداخلي .. هناء: الله يحييك .. تقرب مني وقال .. سامي : اشتقت لج .. نزلت راسي للارض وقلت .. هناء: وانا بعد .. رفعت راسي وقلت .. هناء: بس انت قلت لي دخلي ..يعني اول مرة اطلع جدام عمي ؟؟ قال وهو لسة محتفظ بابتسامته .. سامي: لأ..بس عمتي وامج والبنات دخلوا داخل ..ظليتي انتي بس بينا .وعصام وعبدالله موجودين وانا مابيج تكونين المميزة الوحيدة بينا ..فهمتي ؟؟ هزيت راسي بايجاب متفهمة .. قال وهو يطالع ساعته .. سامي: ها ..نروح؟؟ قلت بتعجب .. هناء:نروح وين ؟؟ قال ببساطة .. سامي: البيت ..بعد وين ؟؟ قلت باعتراض .. هناء: بس انا ما شبعت منهم .. وقلت كإقتراح .. هناء: اشرايك ابات عندهم اليوم وباجر تعال اخذني .. وقال بنفس نبرة صوتي يقلدني .. سامي: واشرايج تيين لهم باجر وتيين معاي الحين ؟؟ هناء: لا ..ابي اقعد .. سامي: اهون عليج تخليني ليلة كاملة ؟؟ الصراحة لأ مااقدر ..بس قلت .. هناء: عندك شهد وعمي .. مسك ايدي وقال.. سامي: وإذا قلت اني ابيج انتي ؟؟ ابتسمت بخجل ..ورفعت راسي اطالعه ..ولان الحديقة عندنا محد يهتم فيها فطلال كان يقط فيها بقايا السيارات اللي كان يصلحها .. وكان من ضمنها زجاج الأمامي اعتقد اوالخلفي المهم اني شفت احد واقف على دريشة داري المطلة على الحديقة .. وكانوا منو؟؟؟ طبعا البنات .. سحبت ايدي من ايد سامي بطريقة خلته يستغرب .. قلت ابرر .. هناء: مو بروحنا ترى .. طالعني بتعجب بعدين فهم وقال .. سامي: اوكي روحي الحين ..ولما تخلصين طلعي اوكي ؟؟ قلت باسلوب الأطفال .. هناء: ابي اقعد عندهم .. سامي: باجر ان شاء الله نيي ..يلا الحين ردي ولما تخلصين دقي علي ..بس رجاء يكون قبل العشا.. هزيت راسي وانا مستانسة من داخلي ..يبيني ..يبيني ... رديت داخل ..وانا متشققة .. وقعدت اسولف مع الباجي .. وعلى اذان العشا طلعت لسامي ..اللي كان حرام شكله نعسان ..وانا بعد ..شهد ريحت عمرها ونامت .. اشرت لسامي اللي انتبه علي اخيرا وياني .. سامي: خلصتي ؟ هزيت راسي بايجاب ..فالتفت لابوه وقال.. سامي: يبا .. نمشي ؟؟ قام عمي الي كان يحاجي زوج اخته وقال .. عمي: ئي طولنا على الجماعة .. قال طلال .. طلال : افا عمي تشيلكم العين ..ونحطكم فوق راسنا .. عمي : مشكور وما قصرت يا ولدي .. وقفوا الرياييل يسلمون على سامي وابوه ..وطلال اصر لما عرف ان سامي ما عنده سيارة لسة ان يوصلنا .. وصلنا البيت ..اقصد الشقة القديمة اللي سكنا فيها لما تزوجنا قبل السفر .. تذكرون ؟؟ وعلى طول سامي نام وعمي احتل الغرفة الثانية وانا واخيرا بنام مع سامي بغرفة وحدة ..مع انه ما قالي بس شي بديهي .. نام سامي قبلي حتى ما نطرني اطلع من الحمام عزكم الله عشان اسوي له عشا .. الصبح ...اقصد الظهر قمت وصليت الظهر وسامي لسة نايم ..اليوم الفير يالله قومته عشان الصلاة لا تطوفه .. رحت المطبخ ..سويت اي شي ..ورديت لسامي .. هناء: سامي..سامي.. سمعت همهمة منه فقلت .. هناء: يلا حبيبي اذن الظهر .. تقلب ناحيتي وقال بصوت ناعس .. سامي : نعسان حدي يوم كامل ما نمت .. ابتسمت له وقلت .. هناء: قوم صل واكل لك شي والعصر رد نام .. هز راسه بتفهم ..وبعد عنه اللحاف وقام ...طلعت انا لقيت عمي قاعد على القنفة ..ابتسمت وقلت .. هناء: صباح الخير عمي .. عمي : صباح النور يا بنتي .. ودخلت المطبخ .. وطلعت بصينية الريوق ..ادري بتقولون المفروض الحين الغدا بقولكم احنا تونا قايمين..بطلوا اسئلة .. طلع سامي ويهه لسة يقول انه نعسان ..قعد على الطاولة وتسند على جتف ابوه وغمض عيونه .. قال عمي وهو يضحك .. عمي : ما نمت ؟؟ قال سامي وهو مغمض عيونه .. سامي: بلى نمت ..بس جني ما نمت اصلا ..حاسس ضلوعي مكسرة .. قال عمي وهو يقعد سامي عن جتفه ويطالعه عدل .. عمي : حاس بشي ؟؟ دوخة شي ؟؟ هز سامي راسه وقال .. سامي: لا يبا ..بس لأني طول الوقت صاحي ..حاسس عظامي مكسر .. مديت له خبزة وقلت .. هناء: عيل اكل عدل وما تحس بشي ان شاء الله .. اخذ الخبزة عني وبدا ياكل .. سمعنا صوت شهد فقال سامي .. سامي: قامت حبيبة اخوها .. ووقف اييبها ..ابتسمت على علاقة سامي وشهد ...رد سامي وهو شايل شهد وقعدها بحظنه وقعد ياكل ويوكلها .. الظهر اخذنا شهد معانا بس عمي اعتذر وقال انه بيرد ينام .. وصلنا انا وسامي وشهد ..وعرفت انه متواعد ويا طلال والباجي عشان يشترون سيارة حقه .. دخلت داخل ومعاي شهد وطلال طلع لسامي .. قعدت اسولف واضحك مع امي واسما ..والعصر يوا خلود وامها ... عرفت انهم قرروا انهم يروحون البر باجر ..ماادري ليه مستعيلين .. مر الوقت والعشا ياه سامي ورحنا البيت بعد ما علمته عن سالفة البر ..حسيته مستغرب .. سامي : بر !!!!! هناء: ئي بر اشفيك ؟؟ هز جتوفه ببساطة وقال .. سامي : ولا شي ...بس .. وطالعني بعيونه اللي تذبح ... سامي : عمري ما رحت بر .. ابتسمت عليه وقلت .. هناء:بتروح لأول مرة بحياتك ... هز راسه بتفهم ..فقلت .. هناء : إلا صج ..ما شريت سيارة ؟؟ قال وهو يمسك شهد ويحطها على القنفة ... سامي : بلى ..وباجر ان شاء الله بستلمها .. اليوم الثاني بعد الفير ما نمت ..ظليت ارتب واجهز الأغراض اللي نحتاجها للبر ..كنت بالصالة لما سمعت صوت من وراي ..بسرعة تغطيت عبالي ابو سامي بس طلع ولده .. التفت له لقيته رايح الحمام عزكم الله .. شكله توه قايم من النوم ..ويا حلاة شكله .. شعره الأسود ماادري البني .. منسدل على جبهته مثل السيادة .. ويهه الأبيض اللي نابت في نهايته لحية عشوائية ..وعيونه الفاتحة لونها لون التراب .. صج مو لازم اوصف لكم ..ولا ادوخكم ..بس مفتونة فيه ..ومااقدر اشيل عيوني من عليه .. كأنه انتبه ان في احد وراه.. فالتفت ولما طاحت عيونه علي ابتسم وتجدم وقال بصوت ناعس .. سامي: صباح الخير .. هناء: صباح النور ..ها مستعد ؟؟ تسند على الطوفة وقال وه وسند راسه بعد ويطالعني وقال .. سامي: اكيد ..بس اشلون بنروح وسيارة ما عندي ؟؟ صح تذكرت .. قلت .. هناء: انت بتستلمها الساعة جم؟؟ سامي: اول ما يبطل المعرض وهو يتبطل الساعة تقريبا عشر يمكن او تسع .. سكتنا نطالع بعض نفكر بحل ..فقلت .. هناء: اوكي بدق على طلال ياخذني معاه .. تجتف وقال .. سامي: هاذي اللي هامج انتي ؟؟ وانا بالطقاق .. ابتسمت على طريقته وقلت .. هناء: لا مو جذي بس يعني متواعدة وياهم .. سامي: انا اصلا ماادل مخيكم وين .. بعد!!!! هناء: واشلون بنروح ؟؟ طالعني باستغراب وقال .. سامي: ليش انتي ما تدلينه ؟؟ ابتسمت ابتسامة بهاء مثل ما يقولون وقلت .. هناء: لأ .. ابتسم مثلي وقال .. سامي: فالحة .. والحين اشلون ؟ مسكت التلفون وقلت .. هناء: خلاص ادق على طلال يدليك الحين .. ماسمعت حسه التفت لقيته رايح الحمام فقلت .. هناء: ماتبي تحاجيه ؟؟ قال بصوت عالي شوي يسمعني .. سامي: بلى ..عطيني التلفون لما طلال يكلمج .. دقيت وسألت عن طلال ..ولما كلمني قلت بصوت عالي وانا قريبة من التلفون .. هناء: سااااااامي .. قال طلال بعصبية شوي .. طلال: ويعة .. بطيتي اذني .. ضحكت وقلت بصوت عالي احره .. هناء : طلال يبيك سااااامي .. طلال : هنوي ..بسج .. ياني سامي وكان متضايق من صوتي شوي وقال .. سامي: مزعجة .. هاتي .. ابتسمت على شكله وقمت وسامي قعد بدالي .. سامي: هلا طلال .. (..................) طالعني بحدة شوي وقال .. سامي: ماادري اختك مو صاحية ..المهم .. ضحكت ودخلت المطبخ .. وخليتهم ..سويت الريوق ..وهني تذكرت عمي ..اكيد سمع صوتي وبيقول ينت وقعدت مرت ولدي .. طلعت من المطبخ وسامي لسة يتكلم مع طلال ..وقلت بصوت عالي مو قاصدة .. هناء: سامي عمي موجود .. حط سامي صبعه على اذنه اللي مو عليها سماعة التلفون وطنشني ... انا اوريك ..طالعت المطبخ ..وكان في جلاص فاضي .. وانرسمت في مخي خطة شيطانية .. طلعت من المطبخ وبايدي الجلاص مليان ماي ..وسامي لسة ما خلص كلام مع طلال .. سامي: ئي وبعدين ؟؟ (................................) سامي: ادخل اللفة اللي على ايدي اليمين ..وبعدين ؟؟ خشيت الجلاص وراي وسالت مرة ثانية وقلت .. هناء: سامي ..عمي موجود ؟ تنهد بعدين قال لطلال .. سامي: طلال دقيقة اختك تبيني .. وبعد التلفون عن اذونه وقالي .. سامي : نعم .. قلت وشبح ابتسامة حاولت اخفيها على فمي .. هناء: عمي موجود؟؟ طالعني بعصبية شوي .. سامي: لأ .. الحين لاجتني عشان هالسؤال ؟؟ ابوي بايت عند عمتي .. وبغى يرد للسماعة ..بس وقفته ... ان ما طفرتك اليوم ... هناء: انزين ما تبي تتريق ؟؟ تأفف وقال .. سامي: هناء ... يا كثر اسالتج ...بتريق بس فجي عني .. وللمرة الثالثة بغى يرد للتلفون بس مسكت التلفون وقلت .. هناء: انزين متى ؟؟ قال بطفش .. سامي: شنهو اللي متى ؟؟ ههههههههههههههههه وااااي شكله يفطس من الضحك .. كملت تمثيلي وقلت .. هناء: متى بتريق ؟؟ طالعني نظرة الصراحة اخترعت بس قويت قلبي ..قال .. سامي: هناء .. قالها كتحذير .. بس ما خفت وكملت اللعبة ..وقلت .. هناء: اوكي خلاص .. بروح انام وقعديني لما تييب السيارة .. بعد ايدي عن التلفون وقال .. سامي : انزين روحي .. هني كتيت عليه الماي .. .. وقلت .. هناء: ماتصدق ها ؟؟ شهق وانصدم من الماي .. حرام تبلل ... هد التلفون ويا عندي وانا بغيت انحاش الشيلة كانت طايحة من ورا وملفوفة برقبتي فمسكها .. تخيلتوا الموقف ؟؟ مسكني وقطني على القنفة .. حاولت ابعده عني بس ماقدرت.. قلت وانا اضحك .. هناء: سامي ..خلاص والله .. بس مارد علي وياب الماي وكت الباجي علي ..ومسح بويهي بدفاشة وقال وهو يبتسم .. سامي : عشان لا تسوينها مرة ثانية .. قعدت انا اضحك .. مسك سامي السماعة مرة ثانية وقال .. سامي : ها طلال .. (..................) سامي: شسوي فيها اختك ..كتت علي الماي وبللتي .. (:.....................) حبيت اعرف طلال شنو يقول ..فحطيت التلفون على سبيكر ..وسمعت .. طلال :تراها خبلة .. قلت بعصبية وشعري وشيلتي مبلولين .. هناء: قصدك علي اخ طلال ؟ سكت طلال شوي لما سمع صوتي بعدين قال جنه استوعب ... طلال : حسبي الله على عدوك سامي .. حاطه سبيكر ..شيفكني منها الحين ؟؟ ضحكنا ... الساعة عشر الصبح دق التلفون ...وصوته وصلني باحلامي .. اففففففففف منو هذا ؟؟ قمت السرير ودورت بنظري على سامي بس مالقيته .. مسكت التلفون ..وقلت بصوت نايم .. هناء: آلو ... سامي: لا تنامين على السماعة يا معودة .. عرفت صوته ..ابتسمت وقلت وعيوني مسكرة .. هناء: هلا حبيبي ..وينك ؟؟ سامي: لبسي عباتج ويبي الجنط معاج ..وقعدي شهد ..ونزلي .. هناء: ليه ؟؟ سامي: ماتبين تروحين البر ؟؟ تشققت وقلت .. هناء: يبت السيارة ؟؟ سامي: ئي ..يلا تعالي .. صكيت ..اقصد صكيت بويهه ..ولبست عباتي ويبت الجنط وقعدت شهودة ولبستها ..وطلعت من الشقة .. وقفتلها .. لما وصلت تحت ..التفت ادور سامي .. شهد : سامي وين ؟؟ قلت وعيوني لسة تدوره .. هناء: ما ادري حبيبتي ..تعالي خل نوقف برة يمكن يشوفنا .. وقفنا برة وفجأة وقفت سيارة جدامنا .. استانست على السيارة ..وكانت لكزس .. بطلت الباب ودخلت ..وقلت .. هناء: ما شاء الله حبيبي حلوة .. ورفعت عيني اطالعه ..بس ما كان سامي ... كان .. عصام !!!!!!!!!! بغيت اطلع بس مسكني وقال .. عصام : وين ؟؟ بعدت ايدي وقلت بعصبية .. هناء: مالك شغل .. وفتحت الباب وهني شهد قالت .. شهد : منو هذا ؟؟ وين سامي ؟؟ سكتي انتي بعد .. حطيت ريلي على الشارع وريلي الثانية داخل السيارة ...فقال عصام .. عصام : فلوسي وينهي ؟؟ طلعت من السيارة وقلت قبل ما اصك الباب .. هناء: بتاخذها .. بس خل ادبرها اول ..اقلب ويهك الحين .. وصكيت الباب حيل بغيت اكسره .. ورحت عنه ..وشهد ما تزهق وهي تقول .. شهد : سامي ..ساااامي .. قلت بصراخ وعصبية .. هناء: سكتي بس .. بجت شهد ..وهني وصل سامي ..وكانت سيارته جيب ذهبية حلوة ..دخلتها وانا موطايقة نفسي وشهد مو راضية تسكت .. حرام عصبت عليها وانا مو قاصدة والله .. بس شسوي ..نرفزني ولد ابليس .. سمعت سامي يقول .. سامي : اشفيها تبجي من الصبح ؟؟ قلت بملل .. هناء: ماادري ..شوفها .. ولفيت ويهي عنه وطالعت الدريشة .. سامي: اشفيج انتي بعد ؟؟ قالت شهد .. شهد : ما احبج ..سامي هناء عصبت علي جدام الريال .. هيييييه يا ويلي ..الله ياخذ عدوينج يا شهد ..فضحتيني .. طالعني سامي مستغرب وقال .. سامي : اي ريال ؟ قلت بسرعة وانا اخذ شهد عندي .. هناء: راعي الدكان .. شهد : جذابة ..مـ... حطيت ايدي على حلجها وطالعت سامي وقلت وانا ابتسم .. هناء: ممكن نروح ؟؟ طالعني شوي بعدين لف عني ولبس نظارته الشمسية ..وحرك ... طول الطريج احاول ادبر اشلون اطيح بعصام .. سامي: ما قلت لي شنو رايج بالسيارة .. التفت له وقلت وانا احاول اطرد اللي صار توا من مخي .. هناء: حلوة حبيبي .. تهبل ..منو اختارها ؟؟ سامي: انا ..بس اخوج اختار اللون .. هناء : وانت شنو كنت تبي ؟؟ سامي: اسود .. بل ..لا يحوشك ..هالريال ياحبه للتشاؤم .. قلت .. هناء: انت وين كنت قبل ما تيينا ؟؟ سامي : لما دقيت عليج ..رت الصيلية اييب ادوية يمكن نحتاجها هناك .. لفيت ويهي عنه وظلينا ساكتين طول الوقت عدا عن بعض الإزعاج من شهد ..وصلنا بعد ساعة ونص شفت الشباب قاعدين برة وفارشين يتقهوون .. والحريم قاعدين يطبخون .. نزلت من السيارة ..وسامي بعدين وهو شايل شهد .. سلمنا عليهم ... هناء: ها اشوفكم قاعدين تقهوون ..أشحقة ما تساعدون امهاتكم يامال الفقر .. قال عصام وهو يطالع سامي اللي قعد .. عصام : عبالج مثل ريلج ..يشيل عنج ..لا حبيبتي الحرمة حرمة عندنا .. طالعته ببلاهة وقلت .. هناء: حرمت عليك عيشتك قول آمين .. قال وهو يطلع لسانه لي . عصام : ماني قايل .. سامي: واشفيني انا بالله ؟؟ طلال : ولا شي ..بس عصام قصده انك تساعد مرتك واحنا ما عندنا هالشي .. طالعت سامي وقلت .. هناء: ما عليك منهم محترين ..شايفين واحد محترم ونظيف قاموا يعيبون عليه .. عبدالله : اخت هناء .. اشرايج تعطينا مقفاج ؟؟ ضحكوا كلهم حتى سامي بس قال وهو يكتم ضحكته .. سامي: هييه ترى ما ارضى على مرتي .. كفخت سامي ورحت عنهم للحريم .. قعدت وياهم ..وكانوا بنات عمي حاظرين وغالية بعد ..قلت بعد ما قعدت .. هناء: ها مرت اخوي ..اشلونج ؟؟ طالعتني بنظرة غريبة حسيتها منحرجة بس ما ردت ..فقالت انتصار .. انتصار : إلا هناء ما قلت لي اشلونج مع ريلج ؟؟ هزيت راسي مبتسمة مع اني حاسة انهم يخشون شي .. هناء: الحمدلله مرتاحة معاه .. هزت انتصار راسها متفهمة .. طالعت اسما اللي كانت مشغولة بالجدر اللي جدامها ..وقلت .. هناء: اسوم .تعالي ابيج .. لازم اعرف اشفيها غالية ماردت علي .. اسما : اشتبين ..ماني فاضية .. قلت وانا اوقف جدامها .. هناء: خلصيني تعالي ..اللي يقول الحين تطبخ حق سفراء ورؤساء دول ..خلصي قومي .. ورحت عنها ..بعد لحظات يتني وقالت .. اسما : خير هناء؟؟ مسكتها وقلت وانا اساسرها .. هناء: غالية .. لفت اسما ويهها عني بملل وقالت . اسما : الله ياخذ غالية انزين .. ذبحتونا فيها ترى .. استغربت وقلت بتعجب .. هناء: اشحقة تدعين عليها ؟؟ اسما : انتي قبل السفر مو علمتي امي ان طلال يبي غالية ؟؟ هناء: ئي ..وامي وافقت .. التفت اسما لغالية وقالت بحقد .. اسما : امي خطبتها لطلال بس هي ما وافقت .. شهقت ...ليش ؟؟؟ هناء : اشحقة بالله ؟؟ قالت باستهزاء .. اسما : الأخت معتبرة طلال مثل اخوها .. لااااااا.. طالعت طلال اللي كان يتكلم مع عبدالله .. حرااام ... بس تذكرت لما كنت ارفض سامي .. تنهدت وقلت .. هناء: كل شي قسمة ونصيب .. ورحت عن اسما ..وقعدت مع البنات.. اذن الظهر ..وعلى الأذان خلصنا الغدا ..قمت اروح اتوضا بس لفت انتباهي منظر ..كانوا الشباب صافين يم بعض والشياب يمهم بعد بس عمي ابو عبدالله واقف جدامهم الأمام .. وبدوا صلاة .. حلو منظرهم .. طالعت سامي بالأخص .. بعدها رحت توضيت وصليت الظهر .. وعلى العصر تجمعنا كلنا ..حتى الشباب وقعدنا نشرب جاي وقهوة اللي يحب .. كنت قاعدة يم طلال قاصدة ..قلت وانا اساسره .. هناء: طلال..ابي احاجيك ؟؟ قال ويهه جدام عشان لا يشك احد فينا .. طلال : خير ؟؟ هديت جلاص الجاي وقلت .. هناء: اشحقة ما قلت لي ان غالية رفضتك ؟؟ لف لي وطالعني وهو ساكت .كان مبين عليه مصدوم .. بس تنهد وقال .. طلال : كل شي قسمة ونصيب .. بغيت اتكلم بس قال عصام الملقوف .. عصام : ها ..قمنا نقول اسرار ؟؟ لفيت ويهي عنه ومسكت جلاص الجاي مرة ثانية ..قال طلال بعصام .. طلال : يا شين اللقافة ..خل بحالك .. عمي بو عصام : ئي والله ..محد مشيبني غير هالولد .. قال عصام باحراج .. عصام : يبا ..لا تفشلني .. ضحكنا على ويهه عصام .. التفت ادور سامي .. وكان قاعد بينا يم عبدالله بس كان يقرا كتاب ..يا يحبه للكتب والقراية ..دققت بعنوان الكتاب وكان شعر عربي .. قالت خلود .. خلود : عبدالله .. عطني سويج سيارتك ابي اسوق .. دخل عبدالله ايده بمخباته وقال .. عبدالله : بس مو تدعمين شي ..أعرفج خبلة .. خذت خلود السويج وما ردت على عبدالله ...استغربت ما قالت لي تعالي ولا شي ..دومها إذا سوت شي تشرمني فيه حتى لو ماابيه .. معقولة تكون زعلانة لاني ما قلت لها عن سالفة طلال وغالية ؟؟ انا ملاحظة اصلا انها بدت ما تحاجيني حيل ولا تدق علي ..ماادري شسالفتها .. التفت لسامي وقلت .. هناء: سامي .. بعد الكتاب عنه وطالعني بدون ما يتكلم فقلت .. هناء: عطني سويج سيارتك ..ابي اسوق .. رد الكتاب لويهه وقال .. sorry .. I want my car in a perfect conditionسامي: برطمت وقلت .. هناء: اشمعنة خلود اخوها عاطها وانا لأ .. it’s new سامي : هناء: ولو .. المفروض تشتري لي سيارة ... مو اطر منك .. سامي: تعرفين تسوقين ؟؟ هناء :طلال معلمني قبل .. طالع سامي طلال كأنه يبيه يأكد فقال طلال .. طلال : انا مالي شغل صج كنت اعلمها بس ماادري عاد اشلون تسوق الحين ؟؟ طالعني سامي والرفض على ويهه فقلت لعمي اللي هو ابوه .. هناء: عمي شوف ولدك ؟؟ طالعني سامي متفاجأ بس كان شكله يضحك .. سامي : شكو ابوي الحين ؟؟ عمي : سامي عطها ..حرام عليك ذليتها .. طالعني بنص عين بعدين قال وهو يحط ايده بمخباة جاكيته .. سامي : ان شاء الله .. وحذف السويج علي ..قمت بسرعة ورحت لسيارته بطلتها ..شغلتها وحركت .. الله وناسة ...لفيت ورحت ورديت .. استانست الصراحة .. قمت اسابق خلود وهي تأشر لي ابعد .. بس ما خليتها ..لحقتها ..ليما فجأة وقفت هي وانا بغيت ادعمها بس انعطفت باللحظة الأخيرة .. الحمدلله بغيت ادعم .. واروح فيها .. كنت موقفة السيارة اتنفس بسرعة من الخرعة .. شفت خلود يايتني نزلت الجام ..وقفت جدامي وقالت بعصبية .. خلود : مينونة انتي ؟؟ استغربت من اسلوبها معاي فقلت .. هناء: ما كان قصدي ..بس .. قاطعتني وقالت وهي تطق سيارة سامي بثورة .. خلود : إذا انتي بايعة عمرج انا لأ .. ولفت وقالت وهي تمشي .. خلود : شهالأوادم اللي ما تحس ؟؟ اففففف انصدمت .. اول مرة تصير وقحة جذي ؟؟ وقفت السيارة جدام مخيمنا ..وانا مذهولة من طريقة خلود بالكلام معاي ..هزيت راسي مو فاهمة شي .. بطلت الباب وبغيت انزل بس تعثرت ..بس حسيت ايد تمسكني وكان عبالي سامي طلع عصام .. لا تخافون عصام ولد خالتي ... كان ماكسني من خصري وايده الثانية ماسكة ايدي .. انحرررررررجت .. قال وهو يوخر ايده منحرج هو بعد .. عصام : ديري بالج مرة ثانية .. ماادري مين وين طلع لي ..هزيت راسي بايجاب ومشيت عنه بعد ما قفلت السيارة .. ورجعت لهم ..وكانوا لسة قاعدين بمكانهم بس سامي مو موجود .. " وين السويج ؟" كان صوته ..التفت له وعطيته السويج بس كان مو طبيعي .. ماادري حسيته يطالعني بنظرات غريبة .. بس ما اهتميت بروحي مالي خلق .. رحت خيمتنا ونمت ... وعلى المغرب قمت ..صليت وعيوني مو قاردة تنسى الموقف ..موقف خلود معاي .. طلعت من الخيمة بعد ما تغطيت والجو كان بارد .. الشباب كانوا متجمعين حوالين نار وقاعدين يسولفون ..طالعت ناحية الحريم لقيتهم قاعدين يسولفون بعد .. سمعت صوت سامي يناديني ..التفت له وياني ومعاه شهد وقال.. سامي: ديري بالج عليها ..دوختني .. اخذتها ورحت للحريم ..وقعدت اسولف .. وكنت طول الوقت اتحاشى خلود ..خل تولي ..وهي بعد ما تحاجيني .. انتبهت اخيرا ان شهد مو موجودة .. وين راحت ؟؟ مالي خلق ادورها اكيد عند سامي .. صار نص الليل واحنا لسة نسولف وناكل ونضحك ونتغشمر .. لين ما يوا الرياييل وقعدنا نسولف ...ونضحك .. سامي : هناء وين شهد ؟؟ التفت له وقلت .. هناء: مو معاك ؟؟ طالعني بصدمة بعدين قال .. سامي: قلت لج اخذيها عندج .. يا ويلي وين راحت البنت ؟؟ قام سامي والحمدلله الخبر ما وصل لعمي لسة لأنه قاعد بعيد مع الشياب .. سمعت صوت سامي يناديها بس ماكو رد ..رجع لنا سامي كان معصب وقال.. سامي: هناء وين وديتي البنت ؟؟ قلت بخوف .. هناء: ما ..ماادري والله .بس كانت عندنا هني قبل شوي .. طالعني بعصبية ..قال طلال .. طلال : يمكن راحت تلعب بمكان قريب من هني .. طالعه سامي وهو لسة معصب وقال .. سامي: شهد تخاف من ظلها وما تروح مكان إلا إذا كان وياها ... وسكت ...وبهت ..اخترعت فقلت .. هناء: سامي ..اشفيك ؟؟ سامي: لايكون احد خذاها ؟؟ حطيت ايدي على حلجي اخترعت ..لا مستحيل .. تفرقوا الشباب وبدوا يدورون ..بس لاحظت ان عصام موموجود معاهم اصلا ما شفته .. لحقت سامي وقمت ادور معاه ..وهو طول الوقت ما يكلمني ..مطنشني .. ردينا كلنا لنقطة تفرقنا وكان عمي بو سامي موجود وعرف بالسالفة .. فشلة مأمني ببنته وانا ضيعتها...بغيت ابجي والله ..بس اخيرا ..لمحت شهد ياية من ناحية السيايير.. قلت بفرح .. هناء : هاذي هي . التفتوا كلهم ناحية شهد ..مسكها سامي وحظنها بقوة وقال .. سامي: وينج ..وقفتي قلبي .. قالت بخوف .. شهد : كنت مع هذا .. واشرت ورا ..وكان عصام توه ياي وبايده السويج ..ويبتسم لشهد بس لما شاف وييهنا اختفت ابتسامته وقال باستغراب .. عصام : اشفيكم ؟؟ تجدم سامي من عصام وقال بعصبية ملحوظة .. سامي: انت ما تعرف تقول انك ماخذها عندك ؟؟ طالع عصام سامي بصدمة واستغراب وقال .. عصام : هي اللي جلبت فيني لما كنت بروح الجمعية ..و قاطعه سامي بثورة وقال .. سامي: ولو ..على الأقل تقولي او تقولي لأبوها .. قلت انا هني انهي الجدال اللي بينهم .. هناء: سامي ..عصام ما.. التفت لي سامي وقاطعني وقال .. سامي: ممكن تسكتين ؟؟ ما شغلج محامي دفاع عنه .. انصدمت اشلون يحاجيني جذي ولا جدام الكل ... راح هو وخلاني مثل الهبلة وعيون الكل علي ...مشيت وراه وبركاني على وشك الثورة ... لمحته فقلت بصوت عالي ومعصب .. هناء: سامي .. التفت لي فتجدمت منه وقلت .. هناء :انت اشلون تحاجيني جذي جدامهم ؟؟ قال .. سامي : والله مو انتي اللي تعلميني اشلون اتكلم... بققت عيوني عليه مو مستوعبة اللي قاله ... هناء: شنو ؟؟ سامي: اللي سمعتيه ... هناء: لا منت صاحي ..مينون .. هني حسيت براكيني نتقلت لسامي ..اللي مسكني بقوة من ذراعي وقال .. سامي: انا ينيت اكثر يوم شفتج بين ايدينه ...بالج ما شفتج وانتي طايحة وهو ما قصر ماسكج ويا حليله يخاف عليج .. وانتي مستانسة .. هزني بعنف وقال .. سامي: وانا قلبي يغلي من داخل .. ودزني بقوة بغيت اطيح وقال .. سامي: إذا تبينه روحي له كاهو جدامج .. بققت عيوني عليه من الصدمة .. شقاعد يقول هذا ؟؟ سامي: ذلفي مابي اشوفج .. نزلت دموعي وعيوني لسة على سامي مصدومة .. لف ويهه عني ..فقلت بصوت مبحوح.. هناء: انت من صجك تكلم ؟؟ لف لي وقال .. سامي: وبكامل قواي العقلية .. هزيت راسي باستنكار وقلت .. هناء : عصام ولد خالتي وما كان قصده هالشي ..بس انت تفكيرك ما يتعدى طرف خشمك .. ومشيت عنه ... حرام ..حرام عليك ...كافي اللي فيني .. ليش تسوي فيني جذي ليش ؟؟ قعدت بمكان مافيه احد وبعيد عنهم وقعدت ابجي .. وافرغ اللي بداخلي .. وانا خلاص قلبي مو قادر على الصدمات .. عصام النذل من ناحية اصراره وملاحقته لي كل شوي .. وسامي اللي مو عارف الحقيقة ..عباله اني لسة احب عصام .. ومايدري اني اعشقه هو .. هو ... |
عزيزاتي نزلت لكم الى الحين 16 جزاء باقي 15 ابي تشجيع اكثر ممكن <<<فيس متحطم
|
السلام عليكم ورحمة الله وبركاته ... الحلقــة السابعة عشرة "دائرة الشك" قمت من مكاني بد ما فرغت اللي بداخلي .. مسحت دموعي وانا قلبي لسة ينزف .. رحت غسلت ويهي ..ودخلت الخيمة ..خيمتنا ... شفت خلود واسما قاعدين .. ولأني مالي خلق احد ..انسدحت على فراشي وغطيت روحي .. سمعت اسما تسال خلود اللي كانت ماسكة اللاب توب وقاعدة عليه .. اسما : خلود حطي اغنية شي ..نبي نسمع .. ماسمعت خلود تكلم ..بس سمعت صوت الأغنية ..ولأن مو اختصاصية بالإغاني وما اعرفهم ..بس كان صوتها عالي .. فالتفت لهم بعد ما وخرت الغطا عني .. هناء: ممكن تقصرون الصوت ابي انام ؟؟ تأففت اسما وطلبت من خلود انها تقصر بس قالت خلود .. خلود : اللي مايبي يسمع يطلع برة .. يمكن تعتبرونها عادي او مزحة بس في هالحالة اللي مو مستقرة بينا انا وخلود اعتبرتها اهانة .. سمعت امي تنادي ..فطلعت لها اسما .. هني قعدت بعصبية وقلت .. هناء: طردة يعني ؟؟ ماردت علي ..فقلت لها .. هناء: سمعي خلود ..أسلوبج معاي مو حلو فغيريه احسن.. هني طالعتني من طرف عينها ..فانقهرت وقلت بصراخ .. هناء: لا تطالعيني جذي ..انا مالي شغل باللي صار .. اذا انتي محترة ليش طلال خطب غالية فلأنه يحبها .. هني طالعتني بس ماادري باي تعابير لأني مافهمتها ولأني بحالة ما يعلم فيها إلا رب العالمين كملت وقلت بكل قسوة .. هناء: ئي يحبها وما يحبج انتي .. اصحي عاد ..اصحي .. وقمت من مكاني معصبة ..وبطريقي لبرة دعمت اسما ..دزيتها وقلت .. هناء: وخري عن طريجي انتي بعد .. ومشيت عنها .. اففففف ..يا الله .. حاسة بضيق الدنيا كله ... مشيت وريولي تطق الأرض بقوة من الغضب .. ووصلت لمكان بعيد شوي عن خيمتنا .. ووقفت .. ركعت ركوع الصلاة وانا الهث من المشي .. وعدلت من وقفتي .. رفعت راسي للسما وقلت .. هناء : استغفر الله العلي العظيم .. هديت شوي بعد قعدت اذكر ربي .. وظليت امشي بهدوء ... ما توقعته لين الحين يفكر اني احب عصام .. لين لحين مافهمت ؟؟ مافهمت قلقي عليك وخوفي من اني اخليك تعصب ؟؟ ما فهمت حاجتي لك وقت الشدة ؟؟ مافهمت دموعي وحزني لما نتهاوش ؟؟ مافسرت كل هذا ؟؟ ما حللت بمخك القابع داخل جمجمتك كل هذا ؟؟ آه يا سامي ...والله اني مو قادرة ابعد عنك دقيقة ..حبك صار في دمي ..ماادري شلي يجذبني ناحيتك كل ما ابتعدنا حتى لو كان سبب بعادنا انت .. قعدت على اقرب صخرة ..وكملت مناجاتي ..مناجاتي لرب يسمع من فوق سبع سموات .. يارب انت اعلم باللي بداخلي ..ارحمني ... يارب .. نزلت راسي والتفت الناحية اليمين ..و.. شفته .. شفت قلبي .. شفت حياتي .. شفت سامي قاعد جدام نار بروحه .. وقاعد يطالعها بشرود ..كأنه متعود على منظرها .. بس كان ويهه يدل انه متضايق ... وقفت ومشيت صوبه .. لما وصلت له ..وقفت ناحية اليمين منه ..قعدت وهو مارفع راسه وعيونه لسة على النار .. قلت بهدوء .. هناء: سامي . مارد علي ..بس رفع راسه وطالع الفراغ ..وتنهد ... هني ماقدرت اتحمل ..دفنت راسي بجتفه وقعدت ابجي .. حسيت بذراعه تلمني .. مسكت جاكيته بقوة .. قلت من بين دموعي .. هناء: مااقدر ..مااقدر ...محتاجتك .. لمني بقوة اكبر وقال بصوت ضعيف .. سامي: وانا بعد .. والله ما اتخيل حياتي دونج .. رفعت راسي انا وقلت .. هناء: عيل ليش تسوي فيني جذي ؟؟ ليش ؟؟ ورديت مسكت جاكيته وقعدت اهزه بقوة ..واقول .. هناء: ليش ؟؟ ولما مالقيت منه اجابة ..ضعفت ايدي ورديت حطيت راسي على صدره .. وقعدت ابجي .. لمني بعد مرة وقال .. سامي: آسف والله آسف .. موبايدي ..ما تحملت لما شفتج بين ايدينه ..مو قصدي ..موقصدي .. هديت روحي ورفعت راسي من صدره وطالعته ..وكان يطالعني بنظرة الكسيرة المعتادة .. لما يزعل ولا يغلط على احد .. تكفين سامي لاتطالعني جذي ..ما اتحمل .. لفيت ويهي عنه للنار ..وقلت .. هناء: اهم شي انك ما تحط في بالك اني لسة احبه .. وطالعته مرة ثانية ..ابي اجابة ..فقال وهو منزل راسه .. سامي: ما اقص عليج واقولج اني مافكرت بجذي .. وقفت مذهولة ..هذا اللي كنت خايفة منه ..فقال يبرر موقفه بسرعة .. سامي : شسوي ما تحملت .. مرتي انا بين ايدين حبيبها الأولي ؟؟ قلت بصراخ .. هناء: ما احبه ..مااحبه ..سامي حرام عليك لا توقف قلبي كافي اللي فيني .. وقف هو ومسك ايديني وقال يتسلطفني .. سامي: سلامة قلبج ..هناء انا ماقدر انام وانتي زعلانة .. اعتذرت من عصام وبقى لي انتي ..وانتي... ومرر ايده على خدي وقال .. سامي: اغلى شي عندي .. غمضت عيوني وتنهدت ...ولما بطلتهم ..ابتعدت شوي عنه وقعدت وانا اقول .. هناء: اعتذرت من عصام ؟؟ قعد هو بعد وقال .. سامي: ئي ..قلت لج ما احب ازعل احد ..صج تلقيني اعصب ولما اعصب اقط كلام بدون ما افكر بس مااحب ازعل احد .. وحط ايده على ايدي وقال وهو يضغط عليها .. سامي: وبالذات اللي يعتبرون حياتي كلها .. التفت له وطالعته لقيته يطالعني وهو يبتسم .. فابتسمت من بين احزاني ..ابتسامة خجل .. ولفيت للنار اتهرب وقلت .. هناء: فاضي انت .. ضحك .. فضحكت معاه .. التفت له وقلت وانا امسح دموعي .. هناء: خلاص انسى اللي صار .. قال ببساطة .. سامي : انا ناسيه اصلا .. كفخته على جتفه وقلت .. هناء: ما تصدق انت احد ايي يراضيك .. قال وهو يضحك .. سامي : يعني اشتبيني اسوي اقعد ابجي واصرخ مثلج ؟؟ قمت وزنطته وانا اقول .. هناء: انت شكلك بايع عمرك .. وطاح هو على ظهره وانا فوقه ازنطه .. قال وهو يضحك .. سامي: لحظة لحظة ..خل اقول وصيتي ..انا سامي يعقوب اليوسف .. قاطعته باستغراب وقلت . هناء: اسم ابوك يعقوب ؟؟ عدل من قعدته وقال .. سامي: ليش اول مرة تدرين ؟؟ هزيت راسي بايجاب وقلت .. هناء: اول مرة اعرف اسمك الكامل اصلا .. طالعني بنظرة تذبح وقال .. سامي: كاهو عرفتيه .. حبيت هاللحظة وما بغيتها تروح على الفاضي ..فقلت وانا اتربع والتفت له ..طالعني مستغرب وقال .. سامي : شنو شنو ..جنج مجهزة حق شي ؟؟ قلت وانا اتقرب شوي منه .. هناء: ابي اعرف كل شي عنك .. سامي : كل شي عني ؟؟ وانتي ما تعرفين شي ؟؟ هزيت راسي بايجاب وقلت .. هناء: بلى اعرف ..بس مااعرف انت شنو تحب ..شنو تكره .. هز راسه متفهم ..وقال .. سامي : امممممم ..اوكي ..نبدا ؟؟ قلت بتشوق .. هناء: ئي يلا يلا .. طالعني وقال .. سامي: مو شايفة خير صج .. قرصته من جتفه وقلت .. هناء: سامي تحج .. بعد ايدي وهو يتألم ويضحك .. سامي: خلاص خلاص يبا ..وااي قشرة انتي.. سكتنا شوي..وهو تنفس من داخل ..وطالع السما ..وقال .. سامي: اسمي سامي يعقوب اليوسف ..عمري خمسة وعشرين سنة .. عندي اخت من امي اسمها دلال وعمرها ثنين وثلاثين سنة متزوجة ..و. قاطعته وقلت .. هناء: لا تحكي لي عن اختك ..ابي عنك انت .. قال .. سامي: ئي نطري شوي يايج بالكلام .. سكت وهو كمل .. سامي: وعندها ثلاث يهال .. وعندي اخت ثانية من ابوي اسمها شهد عمرها ثلاث سنين.. متزوج .. احب السباحة والهواية المحببة الى قلبي العزف على البيانو .. احب الكشتات ..مثل الحين .. وطالعني ...فابتسمت ..انا اللي حببته فيها .. سامي: تاريخ ميلادي ..19/11 ...احب من الأكل ..كل شي ما عدا اللحوم والدياي وسمج ..يعني بالمختصر ..نباتي .. طالعته باندهاش .. هناء: نباتي ؟؟!!! طالعني مو مستوعب وقال .. سامي: ئي نباتي ليش اشفيها ؟؟ هناء: عشان جذي اشوفك ما تمتن ... قال وهو يكش بويهي .. سامي: قولي ما شاء الله .. كفخته على جتفه وقلت .. هناء: ما شاء الله الف مرة ..عيني مو حارة .. ضحك ..فقلت .. هناء: كمل يلا .. سامي: بس بعد ..اشايفتني اخبار ؟؟ هناء:ما قلت لي شنو تحب وتكره .. تنهد وكمل .. سامي: احب اللون الأسود .. ئي صح نسيت اقولج تخصصي ..اقتصاد وادارة اعمال وجريب ان شاء الله بفتح مكتب هني بالديرة .. واكمل مشروعي .. اممممم شنو بعد ؟؟ ئي ما احب المعكرونة بكل انواعها ..اموت على البيتزا .. وطالعني كأنه يقولي خلصت ..فقلت .. هناء: شنو تكره بأي احد جدامك ؟؟ سامي: اكره من الطبايع يعني ؟؟ هزيت راسي بئي ..فقال .. سامي: كل الصفات اللي مو زينة مااحبها ..بس اكثر شي الخيانة .. ولف لي وقال .. سامي : يلا دورج .. تنهدت انا وقلت .. هناء: اسمي هناء..عمري 18 سنة وعقب شهر بدخل 19 متزوجة ..كنت ادرس بالجامعة بامريكا ..بس بعض الناس .. وقاطعني وقال بجدية .. سامي: هناء.. لاتخربين اللحظة الحلوة .. سكت اطالعه شكله صج مو ناقص مشاكل ..فقلت . هناء: ان شاء الله .. وكملت .. هناء : احب الدياي والسمج .. فانرسمت عليه ملامح اللوعة الجبد فقلت .. هناء: حرام اكل هذا .. قال وهو يهز راسه متفهم .. سامي: استغفر الله ..كملي .. هناء: احب كل انواع الحلاو ..واحب من المشروبات الغازية سفن اب ومااطيق شي اسمه كولا وبيبسي وفانتا ومريندا ..واحب البيتزا .. سامي: ومن الطبايع؟ هناء: الغرور .. وسكت اتذكر بعد ..وقلت .. هناء: اكره فيك العصبية واختك بالملجة قالت لي .. وقلدت صوت دلال .. هناء: سامي هادي وما يعصب ابدا . ورديت لطبيعتي ..وقلت باستنكار بس بطريقة تضحك .. هناء: شكلها قصدها العكس .. طول الوقت سامي قاعد يضحك ..وما قادر يسكت وقال من بين ضحكاته .. سامي : حرام عليج انا هادي ..بس لما اعصب كل شي يصير جدامي اسود ..بس . هناء : لا والله بس ؟؟ بغيت تذبحني اليوم ..لو الملامة ..كنت دفتني ادري فيك .. تقرب مني وقال بحب .. سامي: وانا اقدر اذبح روحي .. طالعته كأني ابي احد يأكد لي اللي سمعته .. هناء: صج سامي .. انا روحك ؟؟ مسك ايدي وحطها على صدره وقال .. سامي: انتي اصلا عايشة فداخلي ..من اول مرة شفتج فيها ..حسيتج قريبة مني وايد ..وماترددت وخطبتج .. ورفع ايدي وباسها فحطيت ايدي على شعره ..ولميته ... لميته لقلبي ..جني احاول ادخله قلبي ...وهو قلبي اصلا ... الصبح قمت على صوت اذان ماادري من وين ... قمت وشفت الدنيا لسة ظلمة شوي ...رديت داخل والبنات كانوا كلهم نايمين ..تغطيت ولبست شال وطلعت .. شفت امي صاحية مع خالتي ام عصام ومشغلين راديو وكان آذان الفير .. صبحت عليهم ورحت اتوضا .. بعد ما خلص الأذان صليت وقعدت مع امي وخالتي اسولف واتريق .. التفت لخيمة الرياييل امس قعدنا انا وسامي سهرانين لين الساعة ثلاث وبعدها نمنا ...يا حلاته .. حسيته فتح لي قلبه امس ... تنهدت بفرح وقمت اتمشى ..واسبح الله ...سبحان الله العظيم ... بعد ما اشرقت الشمس رديت انا لقيتهم قعدوا ...شفت طلال وعصام وعبدالله والشياب يصلون ...بس ما شفت سامي .. انتظرت لين ما خلصوا صلاة وتفرقوا ..فسألت طلال .. طلال : نايم .. اول مرة من تزوجنا تطوفه صلاة الفير ..قلت بعد ما عطيت طلال جلاص الجاي .. هناء: انزين طلول قوم قعده حرام تطوفه الصلاة . بس شفت عبدالله طالع من الخيمة ..قلت بصوت عالي .. هناء: عبدالله .. التفت لي فقلت .. هناء: صبح الخير بالأول ..ممكن تقعد سامي ؟؟ ابتسم وقال .. عبدالله : صباح النور ..ممكنين ليش لأ ؟؟ ورد دخل ..بعدها بدقايق ..طلع وقال وهو ياي . عبدالله : بيقوم .. وقعد يم طلال ..انا قمت ورحت عند امي اللي قاعدة تسوي الريوق لطلال وسويت ريوق حق زوجي حبيبي ... كنت ادندن باغنية يت على بالي .. ولما خلصت قمت ورحت اشوفه قام ولا لأ .. طالعت الشمس ولقيتها طالعة خلاص ..طافته الصلاة .. وصلت عند الشباب بس مالقيته .. قلت لطلال وعبدالله وعصام اللي ياه توه .. هناء: بدخل عند سامي لحد يدخل بعدي ..اوكي ؟؟ قال عصام .. عصام : ماكو احد بالخيمة ..ريلج رايح يتوضى .. الحمدلله قعد يعني ... رديت للريوق ويبته معاي ..وقعدت انطره لين ما بين ..ابتسم لي من بعيد ..وصبح على الشباب وعلى الشياب ..وياني ... سامي : صباح الخير .. هناء: صباح النور ..كل هذا نوم ؟ قال وهو يقعد .. سامي: استغفر الله طافتني الصلاة ..كله منج .. بققت عيوني عليه وقلت .. هناء: انا ؟؟ وقرصته قرصة تعور ..حرام صرخ .. سامي: آآي ..هناء يعور ...اح مو انتي انا ..خلاص ..انا .. وهديته ... هناء : ئي جذي ..تعدل .. كان يمسح مكان القرصة وقال .. سامي: مجرمة ..حرام عليج .. مديت له الخبز وقلت .. هناء: احمد ربك انا اللي مطرشة عبدالله يقعدك اصلا ..كنت ابي ادخل الخيمة اقعدك بس ما .. ورفعت راسي ابي اكمل ..بس شفته يطالعني بطريقة غريبة ..فقلت .. هناء: اشفيك ؟؟ سامي: كنت بتدخلين الخيمة تقعديني ؟؟ هناء: ئي ..ليش ؟ هد الخبزة وقال .. سامي: وعبدالله وعصام موجودين ؟؟ ابتسمت عليه ..وقلت .. هناء: ههههه لا حبيبي كانوا برة .. رد مسك الخبزة وقال .. سامي: ولو ..مابيج تدخلين مكان فيه احد غيري .. يا الله ..انت مسبب لي حالة عشق غريبة .. سامي: اشفيج تطالعني ؟؟ احبك ...احبك ... هناء: ولا شي ... وكلينا بهدوء ...لاتخلو من بعض المواقف المضحكة ... العصر قعدنا نلعب ونتسابق احنا البنات والشباب ..بس خلود ماكنت معانا ..ماتبي تلعب ...بطقاق ..انا مليت منها اصلا ..صايرة تبط الجبد ... استانست على سامي وحركاته بالكورة ..ما شاء الله ..اللي يشوفه يقول ما يعرف بالكورة شي ..هو اصلا ما يتابع مباريات .. وقعدنا نلعب بقيات (دباب) ...والعشا ..وقفنا لعب نصلي ..بعدها ردينا ..لين ما تكسرنا .. قعدت انا على الأرض وانا انافخ بسرعة من الركض .. هناء: واااي تعبت خلاص ..مااقدر ..مااقدر .. قعدت يمي انتصار .. وهي بعد تعبت .. ريحنا احنا البنات بس الشباب كملوا لعب ... وانقسموا لفريقين ... سمعت انتصار تكلم غالية .. انتصار: صح غالية منو هذا اللي خطبج ؟؟ انصدمت ...فيه واحد خطبها بعد طلال ؟؟؟ انتظرت لين ترد ..شفتها تكلم وعينها على الشباب .. غالية : ولد خالتي ..مشعل .. الحين رافضة ولد عمها عشان ولد خالتها ؟؟؟ بس طلال يبيها ...ولين الحين احس انه يبيها .. طالعت طلال اللي كان يلعب ...يا عيني عليك يا اخوي ..مسكين .. بعد ما خلصنا لعب ..رديت الخيمة ابي اريح شوي ..دخلت شفت خلود نايمة ..مسكت فوطتي ابي اروح اغسل ويهي على الأقل .. وانا طالعة سمعت صوت ..طنشت بس رد الصوت وانعاد .. وحللت الصوت بمخي وكان صوت بجي ... التفت ادور مصدر الصوت ..وكان صوت خلود ... خلود تبجي !!!!! اكيد من ذيج المرة ... تقربت منها وقلت .. هناء : خلود .. ماردت ..بس صوت بجي ... نزلت لمستواها ..وسحبت البطانية منها ..شفتها تبجي ويهها احمر ... قلبت ويها الناحية ماتبي تشوفني .. انصدمت ... خلود ليش تبجي ؟؟ خليتها تطالعني بالغصب ..وقلت .. هناء: ليش تبجين خلود ؟؟ ماردت علي ..فمسكتها وخليتها تقعد وقلت .. هناء: على كلامي المرة اللي طافت ؟؟؟ زاد هني بجيها ... ماتحملت ..حظنتها ..وقلت بصوت كسير .. هناء: خلود والله مو قصدي ..بس طلال صج ما يفكر فيج ..حرام ارحمي نفسج ... تعلقت فيني ...وهني شفت انتصار تدخل ..واستغربت المنظر اللي شايفته ...اشرت له تطلع ..وهي انصاعت للأمر ..وخليت خلود تفرغ اللي بداخلها ... بعدها بعدت ويهها عني وقالت .. خلود : انا آسفة ما كان قصدي اسوي جذي ..بس .. قاطعتها وقلت .. هناء: ماعليه يا الغالية ..اخذي راحتج .. ومسكت خشمها الأحمر وهزيته بشويش وانا ابتسم .. هناء: جم خلودة عندي ؟؟؟ ابتسمت وحظنتها مرة ثانية .. مسكينة ..عبالها طلال يحبها ولا هو يحب غالية اللي انخطبت ماادري منو وين . طلعت من الخيمة بعد ما تأكدت ان خلود هدت ..والمياه ردت لمجاريها ... قلت لكم اني بروح اغسل ويهي ..صح؟؟ وانا بالطريج ...شفت طلال بس جنه يكلم احد بس مو مبين لأنه ورا الشير ..دققت عدل ..وقربت اكثر .. ما قدرت اعرف منو اللي ورا الشيرة بس مبين شوية منه ..وكانت شيلة ..اعتقد وحدة من البنات ..بس منو ؟؟؟ لاحظت ان طلال كان يتكلم بصوت عالي ومعصب ... طلال : ردي علي منو هذا اللي تكلمينه ؟؟ : مالك شغل منو ولا تصرخ علي جني اصغر عيالك .. تقرب طلال منها وقال بعصبية يحاول يكتمها بس مو قادر .. طلال : والله يا غالية إذا ما قلت لي منو رح اكسر التلفون فوق راسج ..منوهذا ؟؟ غالية!!!!!!!! انزين تكلم منو؟؟ غالية : مالك شغل ..انت لا ابوي ولا اخوي عشان تحكم فيني ... هني رفع طلال ايده يبي يطقها ...بس انا تدخلت بسرعة وصرخت بصوت عالي ..وقلت .. هناء: طلال ... التفتوا لي اثيناتهم ..طالعني طلال باستغراب بس بعدين قلب ويهه ...وغالية مشت وهي تبجي .. تقربت انا من طلال وقلت .. هناء: ترفع ايدك على مرة ؟؟؟ ما هقيتك جذي ؟؟ مارد علي طلال بس اكتفى انه يغمض عيونه بألم .. حطيت ايدي على حتفه وقلت وانا احاول اهديه .. هناء: طلال ..غالية ما تفكر فيك خلاص شيلها من بالك ...هي اصلا .. بس سكت مابي ازيد الطين بلة ... بس طلال قال مع انه مستغرب اشلون عرفت .. طلال : بس هي شنو ؟؟ تحجي .. عباله انها تطلع معاه ولاشي بس قلت .. هناء: هي مخطوبة ..مشعل ولد خالتها خاطبها .. هني طالعني مصدوم ..حسيت ويهه صار احمر ..قال بصوت مو مصدق .. طلال : مخطوبة ؟؟؟ بلع ريقه مو مصدق .. وظل يطالعني مو مستوعب ... سند على السيرة ..وحسيته بيطيح ..مسكته وقلت هناء: طلال .. طالعني شوي بعدين مرر ايده على ويهه بتعب ..ومشى ..وانا ظليت اطالعه .. لهدرجة يحبها ؟؟ هي ما تستاهله ...ما تستاهله ..ولا تحاجي احد بالتلفون بعد .. شفته يبتعد ..يبي يقعد بروحه ...بس خايفة عليه ..وانا الغبية قلت له بكل دفاشة ...غالية ما تبيك .. صج ثولة ... تحركت من مكاني ..ورحت اغسل ويهي واتنظف .. لما طلعت شفت سامي قاعد مع عصام ..وقاعدين يسولفون ..وسامي يضحك .. ابتسمت ..الحمدلله ما عاد يفكر هالتفكير الغبي .. شفت هاني ياي صوبي سلم علي وقعد مع سامي وعصام .. ولأني ابيه بموضوع ضروري قلت .. هناء: سامي .. التفت لي .. فقلت .. هناء: تعال ابيك شوي .. قام بعد ما استأذن من عصام وهاني ..وانا سبقته ومشيت ... سامي : نعم ..شنو يبي القمر مني؟؟ ابتسمت وقلت .. هناء: ابيك في مهمة خاصة ومستعجلة ... طالعني ببلاهة وقال .. I’m not tom cruse…but I can help you …what do you want???سامي: هناء: طلال ... طالعني باستغراب وقال .. سامي: اشفيه ؟؟ هناء: يحب غالية .. ما استوعب في البداية فقال .. wait …who’s galia??سامي: هناء: بنت عمي ..طلال يحبها ..بس هي ماتبيه ..والحين توني شفتهم يتهاوشون لأن طلال وعلى ما اعتقد شافها تكلم بالتلفون مع واحد .. بطلت عيونه على وسع وقال .. talking to some one??: سامي هزيت راسي بايجاب وقلت .. هناء : بس ماادري منو ..فطلال سألها بس هي قالت له مالك شغل ..وهني عصب هو وبغى يمد ايده عليها .. انصدم سامي ...وقال .. سامي : انا مابي اتدخل بينكم بس من حقه الصراحة ...يشوف بنت عمه تحاجي احد ثاني وغريب عنها .. من حقه يدفنها بعد ...انا بداله علقتها بأقرب الشيرة .. ما قدرت امسك نفسي وقعدت اضحك ...وهو ابتسم وقال .. سامي: صج والله ... هناء: ادري فيك مجرم ..بس ابيك تروح لطلال حالته البلا بعد ما عرف انها مخطوبة ..بغى يطيح علي وشكله تعبان ..بس مكابر ..روح شوفه الله يخليك ..بس ها لا تلمح له .. هز راسه ومشى عني ... بس من الفضول اللي فيني لازم اعرف شلي رح يصير .. شفت سامي رايح لطلال بعد ما علمته بمكانه ..ورحت وراه بس ما كان منتبه لي ... قعد سامي يم طلال اللي كان منزل راسه للرمل ... اما انا ..دخلت داخل خيمتنا ... شفت غالية قاعدة على فراشها بس شكلها خايفة من شي ..ماادري شنو .. لاحظت انها حاظنة تلفونها وتطالع الفراغ ... تقربت منها وقعدت يمها .. هناء : غالية .. التفت لي فقلت .. هناء: طلال ما يقصد بس هو تنرفز شوي ..لما .. وسكت ..فكملت هي لافة ويهها عني .. غالية : ماله شغل فيني ..انا ماني مكتوبة باسمه عشان يتحكم فيني ... ووقفت وقالت .. غالية: قولي له انا مخطوبة خل يحل عني عاد ... وطلعت ..حمدلله والشكر ..مالت عليج ...وانا اللي ياية اوسع صدرج ... العشا..بعد ما صلينا ..كنت واقفة مع سامي ..استفهم منه اللي صار معاه مع طلال .. سامي: قلت له شنو مضايقك ما رضى يقولي ..بس بعدها اعترف لي .. ونفخ صدره وقال .. سامي: شفتي ريلج ..ينفع محقق .. قلت ابي اسكته .. هناء: انت اصلا تعرف السالفة من زمان من قبل لا يقولك طلال .. سامي : بطنش ولا كأني سمعت شي .. المهم قلت له انها مخطوبة وخلاص شيلها من بالك ..ولا تزعل ومن هالحجي .. تطمنت .. بعدها شفت طلال قاعد مع عصام وهاني ..بس كان سرحان ... حسيت بشيلتي تنير ..مسكتها قبل لاتطيح ..والتفت لورا وكانت شهد .. هناء: شهودة ...تعالي .. مسكتها وحطيتها بحظني ... قمت العب معاه ..وما انتبهت لغالية اللي قعدت عندنا ..ماادري شهالرضا اللي حل عليها من صوبنا .. اول مرة ادري انها مغرورة ..بس طنشتها بعد الكلام اللي قالته ماني مكلمتها ..عبالها اخوي يركض وراها ... سمعت نغمة تلفون ..وكان تلفونها ...رفعته وقامت هي ما تبيني اسمع ... الله يخليج عاد اللي يقول ابي اسمع ... مالت ... قعدت العب مع شهد ... هناء: يووو شهودة خربتي روحج ...زين جذي ؟؟ شلتها ورحت اغير لها من التراب .. دخلت الخيمة لقيت اسما قاعدة على اللاب التوب ويا خلود ..فقلت .. هناء: خلودة ..ابي اطلب طلب .. شالت السماعات وقالت .. خلود : خير ؟؟ قربت شهد منها وقلت .... هناء : نظفي بنت خالج ... وطلعت بسرعة .. مابي اسمع اي اعتراض ..وانا عارفة بنطق لما برجع ..مو مهم .. ظليت اتمشى لين شفت سامي والشباب قاعدين مع بعض .. سامي بسرعة وطد علاقته مع اهلي ..الحمدلله ..كنت متخوفة من هالشي .. شفت هاني ينط على سامي ويلعب فوقه وسامي يضحك وهو ماسك هاني يحاول يبعده ... ابتسمت ..يا حليله ... " قلت لك ما اقدر ...تبي ابوي يذبحني ؟" انتبهت لهالجملة ...صوت اعرفه .. " مشعل ...قلت لك لأ " تحاجي حبيب القلب قبل ما يملج عليها ؟؟ حلو ..حلو .. هزيت راسي باستنكار ومشيت عنها .. شفت امي وخالتي ام عصام ومرت عمي ام غالية قاعدين يسولفون ...طالعت امي شفتها متضايقة .. هههه شكلها يضحك ..ماتحب مرت عمي ..ما تدانيها ...مغرورة طالعة على بنتها ..اقصد العكس خل اقعد معاهم اتطمش ... مرت عمي : لا ...ثوبها ما كان حلو ...اصلا بكبرها مو حلوة ..غالية بنتي احلى .. يا حافظ ..طالعت امي وخالتي .. لقيتهم يطالعون بعض منقهرين ..نزلت راسي اضحك بس قدرت اكتم ضحكتي قبل ما يشوفها احد .. هناء: إلا صج مرت عمي .. غالية صج مخطوبة ؟؟ حسيت ان ست عيون تطالعني مصدومة ..مو مصدقة .. هناء: اشفيكم ؟؟ مرت عمي : غالية مخطوبة !!!! من وقال ؟؟ قلت ببساطة.. هناء: هي ..انتصار اسالتها قالت لها غالية مشعل ولد خالتها .. وقفت مرت عمي مو مصدقة .. مرت عمي : منو مشعل ؟؟ ما عندي ولد اخت اسمه مشعل ؟؟ شنــــــــــــــــــــــــــــو!!!!!!!!!!!!! وقفنا كلنا ..مصعوقين ... منو هذا مشعل عيل ؟؟؟ {[ الله لا إله إلا هو الحي القيوم مالك الملك ذو الجلال والإكرام ]}30 03-07-2008, 02:44 AM امورة المغرب ©؛°¨غرامي مشارك¨°؛© اضافة هذا الموضوع في ملفك في الفيس بوك رد: إلى زوجي العزيز مع التحيه ... الكاتبه : ليل العشاق منقولة للامانة -------------------------------------------------------------------------------- الحلقــــــة السابعة عشرة "بداية انتقامي " تحركت مرت عمي بسرعة وهي تنادي على غالية بصوت عالي .. امي بغت تمشي وراها هي وخالتي بس انا مسكت ايد امي ..فالتفتت لي فقلت بهدوء .. هناء: ماله داعي نروح ..ام وبنتها ..ينيازون .. اقتنعت امي بكلامي وقعدت مع خالتي وانا وساهم بس عيني على الخيمة اللي دخلتها مرت عمي ..وامي وخالتي ردوا يسولفون .. بعدها شفت مرت عمي طالعة وياية صوبنا ..وويهها مرتبك بس قالت .. مرت عمي : ئي .نسيت اقولكم ..هذا مشعل ولد بنت عمي ..غالية تنادي امه خالتي .. رفعت امي راسها لها وقالت بخبث .. امي : ما قلتي لنا انها مخطوبة ؟؟ قعدت مرت عمي وقالت وهي تمسك استكانة الجاي ... مرت عمي : ما خطبها خطبها بس امه كلمتني .. وانا قلت لغالية وهي الحين تفكر ..بس انا نسيت لأن السالفة صارلها شهرين .. حسيتها تجذب ما ادري ليه تداري على بنتها ..دافنة ملامح ويهها المضطرب باستكانة الجاي .. بس بنتها وتنياز معاها.. مرت الأيام بسرعة وقضينا احلى الأوقات بالبر .. واليوم آخر يوم لنا بالبر ...والحين قاعدين نلم قشنا .. كنت واقفة عند سيارة سامي احط فيها الجنط والأغراض وبالأخص عند الدبة .. سمعت حس وراي ..التفت لقيتها غالية واقفة تطالعني بنظرات حقد ...قلت بدون اهتمام .. هناء: خير ؟؟ تقربت مني وقالت وهي تأشر علي .. غالية : هاذي آخر مرة اسمح لج تتدخلين بخصوصياتي ..فاهمة ؟؟ لا لا ...يلا عاد .. حطيت الجنطة الأخيرة داخل والتفت لها وقلت.. هناء: ما تدخلت .. تقربت مني وايد وقالت بعصبية .. غالية : إذا تسوين كل هذا عشان تزوجيني اخوج ..فانت غلطانة .. ازوجج اخوي ؟؟؟ .. طالعتها بعدم تصديق في البداية بعدين انقلبت ملامحي لأستخفاف وقلت .. هناء: ازوجج اخوي ؟؟ ليش منو انتي ؟؟ غالية: انا غالية بنت احمد ..ولا انتي ناسية من اكون وانتوا منوا تكونون ؟؟ نسيت اقولكم ..عايلة عمي تعيش في خير ونعمة ...يعني عمي تاجر ..بس ابوي ما كان يحب التجارة فاشتغل بروحه ويا طلال من بعده وانتهج نهجه ...بس مع ذلك عمي مو مغرور مثل مرته وبنته ... رديت للواقع .. وهني قربت منها وقلت بصوت اشبه بحفيف الأشجار وفحيح الحية بنفس الوقت ... هناء: سمعي ... لا انتي ولا عشرة مثلج افكر ولو مجرد تفكير اني ازوجها لأخوي .. بغت تتكلم بس انا رفعت صوتي وقلت .. هناء: سمعيني ... وكملت بنفس النبرة الأولى .. هناء : وحمدي ربج اني ما قلت لأمج انج تكلمين حبيب القلب .. وربت من ويهها حيل وقلت بخبث .. هناء: مشعل ... هني طالعتني بعصبية وحقد وصدمة ... وقالت .. غالية : تهدديني ؟؟ ما تقدرين تسوين شي ..إذا صج بنت ابوج سويها ... ضحكت باستهزاء وقلت .. هناء: بنت ابوي غصبن عنج .. والحين يلا قلبي ويهج بروح مع ريلي .. والتفت عنها وصكيت الدبة ودخلت السيارة ..شفتها لسة واقفة من مراية الجانبية ..بس مشت .. هزيت راسي باستنكار على حالها ...اول مرة ادري انها مغرورة ..بس احمد ربي اني عمري ما اختلط فيها ولا احتكيت معاها .. شفت سامي يركب السيارة ..وقال وهو يبتسم .. سامي: نمشي .. هزيت راسي بايجاب ..دخل المفتاح وشغل السيارة وبغى يحرك ..بس اخترعنا من صوت طق على الجام .. الفتنا وكان هاني .. وقف سامي السيارة ..ياه هاني وبطل الباب الوراني ودخل ..وقال وهو يلهث .. هاني: اخذوني معاكم ..مابي طلول .. التفت لها سامي وقال .. سامي: واشحقة بالله ؟؟ هاني : مابي ..ابي اقعد عندك ...يلا يلا حرك .. بطل سامي عيونه على وسع ..وقال وهو يبتسم .. سامي: ان شاء الله عمي .. وحركنا .. وانا لسة في بالي الموقف اللي صار مع غالية ... وصلنا هاني ورحنا البيت .. دخلت الشقة ..ورديت الأغراض كلها مكانها ..ورحت تسبحت ..طلعت من الحمام عزكم الله .. والفوطة تلف راسي .. وقفت جدام المنظرة ..بطلت الفوطة ..ورديت شعري ورا .. لاحظت شعري طول .. لنص ظهري .. مشطته ..والأفكار تلعب براسي ..تيي وتروح .. الحين اشلون افتك من عصام ..ابي ادبر له مصيبة ما يطلع منها إلا على القبر ... المية الألف من وين بدبرها ؟؟ واشلون اعطيه اياها ؟؟ وسامي اشلون اعلمه بالحقيقة ؟؟ كشكشت شعري متضايقة من النتيجة اللي وصلت لها ..ما كو حل حاليا ... شفت سامي يدخل الغرفة .. وهو لابس البيجامة .. انسدح على السرير وغمض عيونه ...وشكله بينام .. ودي اقوله اني ابي تلفون ..بس مااقدر مارح يرضى اكيد ..وبيلمح للي صار ...كل شي ضدي ... اففففففف ...عكرت مزاجي هالهبلة غالية .. سامي: اشفيج الحمدلله والشكر اشوي تكسرين المنظرة ؟؟ انتبهت له وقلت وانا ابتسم امحي البؤس اللي فيني .. هناء: ماكو شي .. بتنام ؟؟ تلحف وقال .. سامي: باجر ببدا شغل ..وانتي بيبدأ تسجيل الجامعة .. بقطج وبروح شغلي .. تذكرت اني ماقلت لاهلي اني هديت البعثة وبكمل هني .. التفت له وقلت وانا اقط المشط .. هناء: ما قلت لاهلي اني بدرس هني .. بعد اللحاف عن ويهه وطالعني باستغراب وقال .. سامي : ماقلتي لهم ؟؟ هزيت راسي بالنفي ..قعد هو وظل طالعني بعدم تصديق وقال .. سامي: من صجج ؟؟ هناء: والله ماقلت لهم .. سامي: اشتنطرين بالله ؟؟ تنهد بضيق ..وقلت .. هناء: ما كان عندي وقلت اقولهم ..بروح باجر واعلمهم ... ورفعت نظري له وقلت بتعب .. هناء: وإذا اسالوني عن السبب ؟؟ طالعني بعيونه الفاتحة نظرة خالية من التعبير ..وقال .. سامي: قولي لهم الصج ؟؟ نعم !!! .. هناء: اكلمك جد انا .. هز راسه بايجاب وقال .. سامي: وانا اكلمج جد ..قولي لهم الصج .. فاضي انت .. قمت عنه وانا نفسي بخشمي ..وطلعت من الغرفة .. ورحت الصالة ... مارح ينسى ابدا ..بس بثبت لك يا سامي اني سويت كل هذا عشانك .. وعشاني .. مابي ابتعد عنك لحظة .. الحين لو قلت لك اكيد مارح تصدقني وبطلقني وانا مابي هالشي ..إذا انت معاي الحين واحس اني مشتاقة لك ..اشلون لو الله لايقوله وتطلقنا ... لا لا ان شاء الله ... قمت الفير وصليت صلاة ربي وقعدت سامي معاي .. رديت نمت ..وقعدت الساعة ثمان ...زهبت الريوق لي ولسامي ..وطلعنا للتسجيل .. هناء: ادخل اي تخصص ؟؟ قال بعدم اهتمام .. سامي: انتي شنو تبين ؟؟ هناء: ماادري ..اي شي ...امممم اشرايك ادخل علوم ادارية ؟؟ لف لي بعدين طالع الطريج وقال .. سامي : بتدخلين شنو بالضبط؟؟ ابتسمت وقلت .. هناء: اشرايك اقتصاد ؟؟ هني لف لي ...وقال .. سامي: تخصصين مثلي يعني ؟؟ وابتسم ..وقلت .. هناء: ئي ..حلو انا وانت مع بعض .. هز راسه بتفهم وقال .. سامي: اللي يريحج .. وصلنا ..نزلت ودخلت عمادة التسجيل والقبول ..وكان زحمة .. وقفت بالدور ..انطر اسمي ..وطلع اخذت ورقة الرغبات .طلعت ورحت للسكيورتي اطلب تلفون ادق على سامي ..وتواعدنا بعد نص ساعة .. خل اتمشى بالحديقة شوي ...طلعت لبرة ..وقعدت اتمشى ..وردت لي الأفكار مرة ثانية .. وهقت عمري ..الحين اشلون اطلع من هالمصيبة ؟؟؟ بلعب فيه مثل ما لعب فيني ... بخليه يلعن الساعة اللي شافني فيها ... بس سامي ...اشلون اخليه يصدقني ؟؟؟ مو وقته افكر فيه ...سامي طيب بيصدقني لما اعطيه الأدلة اللي تثبت صحة كلامي ... اخترعت من صوت هرن التفت وكانت سيارة سامي ... عدلت شيلتي من الهوا ودخلت السيارة .. لما صكيت الباب قال سامي .. سامي: اشفيج واقفة جذي بروحج ؟؟ هناء: بس جذي ..اتمشى ... سامي: واللي يتمشى يسرح ...صارلي ساعة واقف وانتي الله بالخير .. حسيته معصب ...قلت بهدوء.. هناء: انزين اشفيك معصب ؟؟ ما كنت منتبهة عليك ... حسيته بينفجر ..بس مسك عمره وقال بصوت خفيف.. سامي : لا إله إلا الله ... وحرك السيارة ...ماادري اشفيه شاب ضو ؟؟ لما حركنا ...لفينا بدوار بس في سيارة سودة ماادري اشفيها تبطء كل شوي ..ليما سامي هني عصب وقال .. سامي: هذا اشفيه ؟؟ مو راضي يمشي .. وطق الهرن بعصبية وقوة عشان ينبهه ... بس مو راضي يمشي ... وقف سامي وين اسيارة يمنا ... اول ما مرت السيارة يمنا عرفت صاحبها .. عصاموه النذل ... يارب ما يشوفه سامي ... قلت انا ... هناء: خلك عنه .. التفت لي هو بعيون غريبة وقال .. سامي: بمشي عنه اكيد ..بظل هني يعني ؟؟ اشفيه هذا ؟؟ ليش يكلمني جذي ؟؟ هناء: انت شسالفتك بالضبط ؟؟ لف لي وطالعني وقال وهو يؤشر على السيارة .. سامي: السيارة هاذي صارلها ساعة واقفة جدامج وانتي واقفة تمشين .. طالعته بغرابة وتعجب وقلت .. هناء: واذا ؟؟ هني ويهه صار احمر ..وحواجبه تقوست دلالة العصبية .. قلت انا .. هناء: اشفيك ؟؟ شصاير عشان تطالعني جذي ؟ مارد علي وطالع الدريشة ..كاظم غيظه .. قلت انا ابرر .. هناء: انا ما كنت منتبهة للسيارة ولا اعرف انها واقفة اصلا ...و.. قاطعني بعصبية حسيته ما قدر يكتمها .. سامي: لا تطلعين تمشين برة ..ممكن ؟؟؟ طالعته متفاجأة ... لو ما اعرف راعي السيارة وما اعرف انه عصام كنت بسكت بس هو قصده شي ثاني ..بس سكت عنه وقلت وانا الف ناحية الدريشة .. هناء:اوكي ..مثل ما تبي .. طغى السكوت علينا طول الطريج ..غير دخان انا كنت انفثه من العصبية ...لما وصلنا العمارة فتحت باب السيارة ..سمعت سامي يكلمني بس صكيت الباب بقوة بغيت اكسر السيارة ..ومشيت ودخلت العمارة وانا مو طايقة نفسي .. صعدت الشقة وبطلت الباب وصفعته بقوة هو بعد .. قعدت على القنفة انطر الأخ على بال ما ايي عشان اتفاهم معاه ... بط جبدي والله بغيت افلعه بالجنطة الي معاي ... الحين انا يشك فيني ؟؟؟ اوكي كله بحسابه ... تبطل الباب ودخل ...لما شافني قاعدة طالعني بنظرة ما عرفت معناها ومشى ...قلت بعصبية .. هناء: لحظة... التفت لي فقلت وانا اوقف وايي صوبه .. هناء: وين ؟؟ بتمشي جذي ؟؟ طالعني ببلاهة وقال .. سامي: شنو تبيني اسوي يعني ؟؟ ارقص ؟؟ ابتسمت بعصبية وبلاهة وقلت .. هناء: لا حلوة عيدها مرة ثانية .. طالعني من فوق لتحت وبغى يمشي .. ما تحملت تجاهله لي فمسكته من ذراعه وسحبته ناحيتي .. ولأن المسكة كانت مباغتة بغى يطيح علي ..بس تماسك ووقف عدل ..وطالعني بعصبية وقال .. سامي : مينونة ؟؟ بغيتي تطيحني .. وسحب ايده عني فقلت .. هناء: اشحقة تحاجيني جذي جني انا قلت لراعي السيارة الحقني ؟؟ قال بهدوء .. سامي : واشلون تبيني اكلمج ؟؟ وقلد صوتي وقال .. سامي: حبيبتي هناء ..اشحقة واقفة برة ما تعرفين ان الجو بارد بتمرضين جذي ؟؟ ورد لصوته الطبيعي وقال .. سامي : ولا تبيني اشيلج وادخلج السيارة .. ولا اصفق لج عشانج واقفة برة والشباب رايحين رادين وبالأخص السيارة اللي كانت تلاحقنا ؟؟ وقرب مني ..وقال .. سامي: صدقيني هناء بتتعبين إذا ظليتي على هالحالة .. وظلينا نطالع بعض لثانية بعدين مشى عني ..قلت وهو معطيني ظهره ويمشي .. هناء : اي حالة ؟؟ مارد علي فقلت بصوت اعلى .. هناء: اي حالة ؟؟ رد علي .. وكان الرد صفعة باب الغرفة .. انقهرت ..مالت عليك ... قعدت على القنفة بعصبية ... ناقصتك انت بعد ... العصر .. كنت قاعدة اطالع تلفزيون ..بس تفكيري تعدا الشاشة .. " قومي بدلي بطلع انا " انتبهت على صوته وكان لابس وكاشخ .. رديت للتلفزيون ورفعت الصوت وما رديت عليه ..خل يولي .. " كونيسا هناء قومي بدلي بقطج بيت اهلج بروح ..عندي شغل " قلت ببرود .. هناء: روح .. احد قاضبك ؟؟ سمعت تأففه ..وحسيته قعد يمي ..وقال وهو يمسك الريموت مني ويطفي التلفزيون .. سامي: لما اكلمج طالعيني ..اوكي ؟؟ بس مع ذلك ما التفت له ..وقمت من مكاني .. بس مسكني من ايدي وقال وهو ايرني يقعدني .. وقعدت من سحبته لايدي طالعته بعصبية وقلت .. هناء: ما تعرف تمسك ايدي بشويش ... كسرتها .. وسحبت ايدي من ايده ومسحت على مكان اللي يعورني .. سامي: قومي بدلي بنطرج هني انا .. ولما ما شاف مني بادرة ..وقف وقال .. سامي: عندج خمس دقايق .. وغير من نبرة صوته وكانت وعيد .. سامي: انا الحين بنزل .. إذا عدت الخمس دقايق وما نزلتي .. بصعد لج ..وحزتها مارح تلومين إلا نفسج .. وطلع ... اففففففففف ...نزلت راسي وقمت اتافأف ...وقمت ابدل لا ايي ويقلب البيت فوق راسي ... نزلت بعد ما قفلت الشقة واخذت المفتاح معاي ..ركبت السيارة ..وطول الطريج كنا ساكتين .. وصلنا بيتنا .. بغيت انزل بس .. سامي: هناء.. التفت له بعصبية وقلت .. هناء: ادري لما تخلص بتمرني ..حافظة الأسطوانة .. طالعني متفاجأ وقال .. سامي: منو قال ؟؟ انا كنت .. وقاطعته بحركة من ايدي بويهه ابيه يسكت .. هناء: لا تكمل ..عارفة شنو بتقول ..إذا طولت خلي اخوج يوصلج ..اوكي اشوفك بالبيت .. طول الوقت كان يطالعني متفاجأ ...غثتني نظراته ..فقلت بصراخ . هناء: اشفيك تطالعني جذي ؟؟ تحولت نظراته لهدوء ..مد ايده وطلع جيس داخله شي ..ومده لي فقلت بملل .. هناء: شنو هذا ؟ واخذته وبطلت الجيس وكان داخله علبة ... طلعتها من الجيس ودققت فيها ..وكانت علبة تلفون .. شاريلي تلفون !!!!!!!!!!!! رفعت راسي له لقيته يطالع جدام .. انحرررررررررجت ... واي فشلة ... سامي: كنت ابي اعطيج اياه لما مريتج الظهر بالجامعة بس مامداني ..ولما زعلتج كنت ابي اعطيج اياه كترضية ..بس ما عطيتني فرصة .. ولف لي وكمل بهدوء .. سامي : والحين كنت ابي اعطيج اياه بالسيارة بس اسلوبج معاي ما شجعني ... يا فشلتي ... قلت منحرجة .. هناء: سامي انـ... قاطعني وقال .. سامي: صكي الباب بروح انا ... ما صكيته ظليت واقفة اطالعه ..زعلانة من نفسي ..يا الله من وين اييب واحد مثلك ... مالت علي .. طالعني هو وقال بضيق .. سامي: بتظلين واقفة جذي ؟؟ صكي الباب .. طالعته كنظرة اخيرة ...وصكيت الباب ...ومشى على طول ... وظلت نظراتي معلقة عليه لين ما اختفى من جدامي .. تنهدت بضيق ...مالت علي وعلى عصبيتي ... ماادري لوين بتوصلني ... طالعت العلبة وحطيت ايدي عليها مقهورة ... دخلت البيت ..شفت امي واسما ...واللي ما تتسمى غليوه ..قاعدة معاهم ... غريبة ..شهالرضا اللي نزل مرة وحدة من ناحيتنا ..العادة حنا نسال عنها ...سبحان مغير الأحوال ... هناء : السلام عليكم .. ردوا علي كلهم ..وقعدت انا يم امي .. امي : اشلونج يما ؟؟ قلت بضيق .. هناء: الحمدلله .. امي : ريلج اشلونه ؟؟ يما لا تذكريني الله يخليج .. هزيت راسي وانا اقول .. هناء: بخير ..يسلم عليج .. قالت امي وهي تقوم .. امي: الله يسلمه ..بروح اشوف الكيكة ... قلت وانا اطلعها تمشي .. هناء : مسوية كيكة ؟؟ اكيد انتصار هني .. لأنها دوم تيي تتعلم من امي ... اقولكم امي عندها مواهب بس انا ما اتعلم منها ما احب هالشغلات ... سمعت صوت انتصار من داخل المطبخ .. انتصار : منو يايب طاريي ؟؟ ضحكت عليها وقلت .. هناء: خلج خلج على كيكتج لا تحترق .. ماردت علي ..دق تلفون اسما ..وراحت داخل...وبقينا انا والأخت ... لفيت عنها وطالعت الدريشة ... " تلفونج هذا ؟؟" طالعتها لقيتها ماسكة العلبة ..فقلت .. هناء: ئي .. ورديت طالعت الدريشة .. حسيت ان احد قعد يمي ..لفيت لقيتها قاعدة يمي وتطالعني ... استغربت .. هناء: خير ؟؟ نزلت راسها وقالت .. غالية: انا آسفة هناء ..ماكان قصدي اقول جذي .. مو اقولكم في شي ... طالعته بتشكك... هناء: لا تحطين في بالج ..انا بعد آسفة .. قلت هالكلام وانا شاكة ..بس تفاجأت لما مسكت ايدي وقالت .. غالية : والله آسفة انا ما ..ما ادري شلي خلاني اقول جذي ... ابتسمت اطمنها وقلت .. هناء: ماصار شي غالية حصل خير ... ابتسمت اخيرا وقالت .. غالية: هذا العشم فيج ... ولفت هي بعدين قالت جنها تذكرت شي .. غالية: ئي اعتذرلي من اخوج .. هزيت راسي بايجاب ..اخيرا حست على دمها .. عبالي مارح تعتذر ...سبحانه يغير ولا يتغير... المغرب يت ام خلود وام عصام والبنات وصارت يمعة ..وقعدنا ناكل كيكة انتصار اللي نصها محترق وما خلينا تعليق مضحك ما قلناه عن الكيكة ..مسخرناها ...ههههههههههه.. ركبت التلفون وحطيت فيه رقم سامي ورقم اهلي ورقم غالية وانتصار ... نزلت من داري لأني تأخرت طقت الساعة عشر ونص ...وسامي ما دق .. مسكت تلفوني ودقيت عليه ... سامي: هلا .. قالها بزعل ..فقلت وانا احاول ابتسم .. هناء: حبيبي ..وينك الساعة عشر ونص ؟؟ سامي: بالبيت ... شنو؟؟؟ هناء: انت مو قلت ان عندك شغل ؟؟ سامي: ئي خلصته وييت البيت ..فيها شي ؟؟ زعلان ...لسة زعلان ..قلت وانا اطالع حولي اتأكد ماكو احد ..قربت التلفون من حلجي .. هناء: آسفة سامي ..والله ما كان قصدي .. سكت ومارد علي ..فقلت .. هناء: سامي ... سامي: ماصار شي ... بييج بعد ربع ساعة .. وصك التلفون ... طالعت التلفون بعد ما بعدته من اذني ... وضميته لصدري ...كملت نزلتي ..ورحت الصالة ...ثعدت مع امي وخالاتي ... امي : بس عرسها وايد جريب توها ملجة .. ام عصام : احسن ..تخلص مرة وحدة .. ام خلود : بتيين تهاني .. اللي هي امي ... امي : والله ماادري ...بشوف ... ام عصام : انا عن نفسي برفه عن روحي ... امي: ئي انتي حق الطقطقة اول وحدة .. ام عصام : عيل احبس روحي مثلج ...تعالي انتي بعد .. امي هزت راسها وقالت .. امي : ان شاء الله .. ولفت لي وقالت .. امي : تيين ؟؟ قلت بهدوء .. هناء: عرس منو ؟؟ امي : عرس لولوة بنت ييرانا القدامى ..اللي كانت معاج بالإبتدائي ... واااااو ...لولوة ...ماشاء الله ... قلت وانا اهز راسي .. هناء: اوكي بس بشوف سامي ... قلت جذي لأني زهقانة بروح استانس ... دق علي سامي وطلعت بعد ما سلمت على البنات وامي وخالاتي ... ركبت السيارة ..وصكيت الباب ..ولفيت لسامي وقلت .. هناء: حبيبي واللــ... قاطعني وقال .. سامي: لا تقولين شي ..انا الغلطان انا تنرفزت بويهج .. وطالعني وهو يبتسم .. سامي: حلو التلفون ؟؟ مو اقولكم طيب ...طالعته بانبهار ...وظليت سرحانة فيه ... سامي: اشفيج ؟؟ اشفيني ؟؟؟ قلبت حالي فوق تحت وتقولي اشفيج ؟؟ والله ودي المك الحين لصدري واقولك اني مو احبك بس إلا اعشقك ... سامي: هناء ... اشفيج ؟؟ انتبهت له وقلت وانا ابتسم .. هناء: ماكو شي حبيبي ... قلت وانا امسك التلفون .. هناء: حلو التلفون ..اصلا كل شي منك حلو.. سامي: اووه شالرضا ؟؟ عيل كل يوم بييب لج تلفون ؟؟ ضحكت عليه وحرك ... اليوم الثاني .. علمت سامي عن العرس ووافق اني اروح ..وعلمني ان طلال والشباب رايحين وعزمينه بعد معاهم .. علمت امي اني ياية وتجهزت للعرس ... بعد جم يوم ياه يوم العرس .. رحت العصر مع البنات الصالون وسامي هو اللي قطني .. لما خلصت دقيت عليه وبعد ربع ساعة ياني ..ركبت السيارة وقلت .. هناء: السلام عليكم .. لف لي وكان بيرد بس حسيته مصدوم ...عيونه شوي وتاكلني .. هناء: شنو ؟؟ سامي: انتي متأكدة انج رايحة عرس ؟؟ عيل وين رايحة ؟؟ هناء: ئي ..ليش ؟؟ سامي : كل هذا مكياج ؟؟ اهاا ...الحين فهمت ... قلت .. هناء: ليش مو حلو ؟؟ سامي: حلو ..بس خففيه شوي ... هناء: خلاص ولا يهمك المرة الياية بحط خفيف .. سامي: هذا إذا كان في مرة ثانية .. هناء: اشلون يعني ؟؟ سامي: مسحيه .. شنو ؟؟!!!!!!!! هناء: تعبت عليه تقولي مسحيه ؟؟ بطل المراية اللي جدامي وقالي .. سامي: طالعي روحج ..كل هذا مكياج ماخليتي لون ماحطيته ... قلت باستنكار وتساؤل بنفس الوقت .. هناء: ئي واشفيها ؟؟ سامي: انا ماارضى تطلعين بهالمكياج .. ومد لي علبة الكلينكس وقالي .. سامي: مسحيه .. طالعته مصدومة ..بعدين طالعت ايده وقلت .. هناء: حرام عليك تعبانة عليه انا .. تقولي مسحيه ؟؟ قال بنفاذ صبر .. سامي: هناء تراني مصدع ودايخ ... مالي خلق نتهاوش جدام الله وخلقه .. تنهدت انا بضيق وقلت .. هناء: انا بعد تعبانة ..تعبت وانا قاعدة بالكرسي انطرها تخلص ... حذف الكلينكس بعصبية ورا ..وحرك ..وما قال شي ..شكله صج تعبان .. وصلنا القاعة ..ولما بغيت انزل قالي سامي: تغطي .. طالعته بتعجب بعدين طالعت لبسي ..اشفيه لبسي ماكو شي ... لابسة عباة ... هناء: خير ؟؟ سامي : غطي ويهج .. اغطي ويهي ؟؟؟ ولأني مالي خلق ادش معاه بنقاش حاد غطيت ويهي وانا انافخ ..ونزلت ... لما وصلت القاعة بعدت الغشوة عن ويهي .. وفصخت الشيلة والعباة ... مر وقت العرس بسرعة ومع السوالف والضحك نسيت اللي صار قبل شوي مع سامي ..بس قلبي ناغزني ماادري ليه .. طالعت الساعة وكانت وحدة ونص .. وااااو متأخر .. دقيت على سامي ..مايرد ... دقيت مرة ثانية هم مايرد ... اشفيه ؟؟ تذكرت انه رايح مع طلال والشباب ..فدقيت على طلال ... طلال : هلا هنوي .. هناء: هلا طلال ...سامي عندك ؟؟ طلال : لأ ..ريلج طالع من زمان ... طالع من زمان ؟؟؟ هناء: وين راح ؟؟ طلال : راح البيت يقول تعبان ...ليش ما قالج ؟؟ اخترعت ...اشفيه ؟؟ هناء: لأ ...ما قالي ... اوكي طلول مع السلامة .. صكيت عن طلال ودقيت على البيت ...وبعد رنات طويلة ..رد علي اخيرا.. سامي: الو .. وطان صوته مو طبيعي بالمرة .. هناء: سامي ..اشفيك ؟؟ سامي: ماكو شي .. بس تعبت بالعرس وصدع راسي قلت ايي البيت .. تنهدت بارتياح ...صج اخترعت ... سامي : هناء ..معاي ؟؟ قلت بعد ما انتبهت على صوته .. هناء: معاك معاك ..انزين اشحقة ماترد على تلفونك ؟؟ سامي: ماادري عنه ...ليش دقيتي علي ؟؟ هناء: الف مرة ..خرعتني ... حسيته يبتسم ما ادري بس جزمت ... سامي: تخافين علي ؟؟ اخاف عليك ؟؟ آآآآه يا سامي ...انت لو تحس فيني كنت عرفت اني مواخاف بس ..رح اموت من الخوف عليك... قلت وانا اخش مشاعري ... هناء: تعالي يلا ..خلص العرس ترى .. مارد علي في البداية بس قال بعدين .. سامي: مااقدر هناء ..حدي تعبان ..تعالي مع اخوج .. هناء :خلاص حبيبي لا تعب عمرك ...مع السلامة .. سامي : مع السلامة .. وصكيت عنه .. رحت للبنات وكانوا يلبسون عبيهم ... دورت على عباتي ما لقيتها ...وين راحت ؟؟؟ قلت لاسما وانا ادور على عباتي .. هناء: اسوم بيي وياكم .. اسما : ليش وينه ريلج ؟؟ هناء: ما يقدر ايي ... والتفت لها وقلت .. هناء: شفتي عباتي ؟؟ هزت راسها بالنفي .. ولين ..الحين اشلون ؟؟؟ قلبت القاعة فوق تحت .. واسما البقرة راحت وخلتني ... ظلينا انا وخلود ندور ...ومالقيناها اللهم الشيلة بس ... خلود: الحين اشلون بتطلعين جذي ؟؟؟ قلت مخترعة .. هناء: عشان يذبحني سامي ... ورديت ادور ...وهم مالقيتها ... ويت امي تستعيلني ...فقلت .. هناء: يما عباتي مو موجودة ... امي : افف ...متعبة انتي ... وين راحت يعني ؟؟ دورت عماي للمرة الرابعة يمكن ..ومالقيناها ...يمكن خذتها وحدة بالغلط... يتني اسما ومعاها جاكيت يايبته معاه عن البرد .. قلت بعصبية .. هناء: تو الناس تفكرين بجذي .. ماردت علي ..وطلعنا من القاعة ... لبست جاكيتي ..ورحت سيارة طلال ..وقفت مصدومة ... امي وام خلود وام عصام عبدالله داخل ... داخل بالسيارة ..وماكو مكان ... قال طلال لما شافني واقفة .. طلال : روحي مع عصام ..البنات هناك .. هناء : وخالتي ليش ماتروح مع ولدها ؟؟ قرب لأذني عشان امي وخالاتي لايسمعون .. طلال : حق السوالف .. وهز راسه يأكد لي ...طالعته بخيبة امل ...ورحت لسيارة عصام وانا متفشلة ... ونفس الشي ...خلود واسما وغالية ورا والكرسي اللي جدام فاضي ... طالعتهم ولقيتهم يطالعوني بنظرات تأكد لي ان رح اقعد هني ...قلت وانا اهز راسي بالنفي .. هناء: مستحيل ...نو واي .. نزلت لي خلود وقالت .. خلود : ركبي يا معودة الجو بارد وايد ... هناء: وليش ما تركبين انتي ؟؟؟ اصلا اشحقة ياية وينه اخوج ؟؟ خلود : احنا يينا مع طلال اخوج ..لأن سيارة اخوي اخربت بعد ما ييت من الصالون .. وااااي ...اففففف ... هناء: مستحيل ما اركب جدام وانا جذي ... واشرت على ثوبي ...لان في قصة من النص لأن نص فخذي ... خلود : يا سلام .. قلت بعصبية .. هناء: يا سلامين ...ما احلاني وانا اركب جذي ..عشان يذبحني سامي .. خلود : انتي الوحيدة المتزوجة ... ركبي يمه مارح ياكلج .. طالعته وعيوني مبققة عليها .. هناء: وإذا متزوجة ...المفروض انتي تقعدين يمه ... خلود : الحين اشلون ..بنظل جذي يعني ؟؟ قلت بنفاد صبر .. هناء: غالية ليش ماراحت مع امها ؟؟ خلود : امها ما يت اصلا وابوها قطها ومشى وقالها تيي وياكم بس حصل التبديل فاضطرت البنت ايي ويانا ...خالتي ام عصام قالت لها .. يا الله ... سمعت عصام يقول .. عصام : لو سمحتوا اعتقد ان فيه سايق قاعد ينطركم ...ممكن تركبون؟؟ قلت كحل نهائي .. هناء: خلاص بقول لأمج تيي وياكم .. وبغيت امشي بس وقفتني خلود وقالت .. خلود : وين وين ؟؟ راحوا ما شفتيهم ؟؟ وطالعت مكان سيارة طلال ولقيتها فاضية ... ركبت خلود وخلتني بروحي ... سميت بالله جني رايحة حرب ...وطول الوقت ماسكة ثوبي مكان القصة ..عشان لاتبين ريولي ... وصلني اول شي ..ولما نزلت من السيارة شفت سامي داخل العمارة ... ياك الموت يا تارك الصلاة ... رحت وطي .... نزلت راسي للأرض ومشيت ..رفعت راسي لما وصلت له ولقيته يطالعني مصدوم ... انا عارفة من شنو ....اليوم بروح فيها ...الله يستر ... قال اخيرا بهدوء يخرع ... سامي: ياية مع منو انتي؟؟ بغيت ارد بس لقيته يطالع وراي وعيونه مبطلة بصدمة اكبر ..التفت لقيت عصام ياينا مبتسم ياي يسلم .. لا بالله مت اليوم ودفني سامي ...ويمي عصام .. غمضت عيوني وبطلتهم التفت لسامي وقلت اهديه .. هناء: سامي لا تفــ.... قال وعيونه على عصام يبي يذبحه .. سامي : صعدي فوق .. ووصل عصام ...وطالعني سامي بنظرة نارية خلت ريولي تركض مو تمشي بس ... صعدت فوق ... وانا الطم ...الله يستر من هاليوم ...الله يستر ..مو قلت لكم قلبي ناغزني ... رحت الغرفة وفصخت الجاكيت ...وبطلت تسريحة شعري ...وخليته ينسدل ورا ظهري ... مسكت الماشات احطهم بالخانة ..بس نقزت من صفعة الباب ...شهقت بخوف ..وطالعت وراي ولقيت سامي واقف عند الباب يطالعني بنظرات نارية ..وبايده جيس اعتقد جيس صيدلية .. حذفه على السرير وقال وهو معصب .. سامي: اشحقة مو ياية مع اخوج؟؟ بلعت ريجي وقلت بخوف .. هناء: سامي اسمع .. تقرب مني بسرعة البرق وقال وهو يمسك ذراعي بقوة ويقربني ناحيته .. سامي: شسمع ؟؟ شسمع ؟؟ جذبة يديدة ؟؟ اشحقة ياية معاه ؟؟ قلت وانا خلاص شوي وببجي .. هناء: امي وخالاتي وعبدالله مع طلال وماكو مكان .. سامي: عذر اقبح من ذنب .. قلت بحيرة.. هناء: اشتبيني اسوي ؟؟؟ كنت ابي اقول لأم عصام تيي مع ولدها بس راحوا قبل ما اقولهم .. مسك اعصابه وقال .. سامي : راحوا عنج آمنا بالله ... اشحقة راكبة يمه ؟؟ بطلت عيوني مصدومة ...شافني ؟؟؟ صرخ بثورة خرعتني ... سامي: اشحقة ساكتة ؟؟؟ تفكرين بجذبة ؟؟؟ قلت بصوت يرجف من نبضات قلبي المتراكضة .. هناء: لحظة لحظة ...ركبت وياه لاني خلود وانتصار وغالية مارضوا يركبون معاه ولاني المتزوجة الوحيدة .. كمل عني .. سامي: فخلوج تركبين يمه ؟؟؟ شهالمنطق ؟؟؟ اذا كل وحدة متزوجة تقعد يم ولد خالتها بحجة انها متزوجة صارت الدنيا فوضى ... وضغط على ذراعي اكثر فقلت وانا اتألم .. هناء: هدني سامي بتكسر ايدي ... دزني على الطوفة ولزقت فيها لانه قريب مني وايد ... سامي : كل شي تلقين حجة له ... وطالعني من فوق لتحت ..ورفع راسه لما وصل فوق اخيرا وقال .. سامي: عباتج وينها ؟؟ قلت بتلعثم .. هناء: ضـ...اعــ...ت. طالعني مو مصدق لثواني يستوعب الي قلته ..فقال بعدم تصديق.. سامي: شنو ؟؟ عدت كلامي بخوف اكبر وقلت .. هناء: ضا...عـ....ت. بعد شوي وطالعني كلي على بعضي مرة وحدة ..وطالعني اخيرا ...غمضت عيوني انطر اللي بيي ... سامي: طلعت معاه ... بطلت عيوني هني وكمل ببطء.. سامي: جذي ؟؟ واشر علي من فوق لتحت ... |
هزيت راسي بايجاب ..هذا صج بعد شنو اسوي ؟؟ هز راسه بعدم تصديق ..فقلت ابرر ... هناء: ضاعت عباتي ..اشتبيني اسوي ؟؟ اقعد هناك ؟؟ قال بثورة .. سامي: دقي علي ..ما تعرفين تلفوني ؟؟؟ صح ليش مادقيت عليه ؟؟؟ والله اني ثولة .. كمل وقال .. سامي: ولا حلت لج الروحة مع .. وقال وهو يبتسم بعصبية .. سامي: حبيب القلب .. بطلت عيوني بصدمة وقلت باستنكار .. هناء: سامي ...شهالكلام ؟؟ قرب مني فرجعت لزقت بالطوفة ..وقال .. سامي: هذا الصج ؟؟ تبين اجذب عيوني واصدقج ؟؟؟ طالعته بصدمة مو مصدقة اللي يفكر فيه ... هذا اشلون يفكر؟؟؟ للحين مو شايل الفكرة من راسه ؟؟؟ تجمعت الشياطين جدام عيني ..فذزيته بعيد عني وقلت .. هناء: انت مخك فيه شي ... روح علاج مخك ...الحين بس عشان ركبت معاه سويت كل هذا ؟؟؟ قلت لك اني ركبت معاه مضطرة ... صرخ بقوة وقال .. سامي: لا تبررين لنفسج ...كنتي تقدرين تدقين علي ..اوكي نفرض انج نسيتي اشحقة عبدالله راكب ويا طلال ومخليكم انتوا البنات بروحكم مع عصام ؟؟ صح ...ليش ؟؟ كان عبدالله ركب مع عصام وانا اركب مع طلال ... نقزت من الخرعة لما صرخ سامي .. سامي: ردي علي .. قلت بسرعة وبخوف .. هناء: ماادري ماادري ...اسالهم ... ومشيت عنه ... بس فجأة حسيت ظهري طق الطوفة من سحبة سامي لي ..مسكني من ذراعي ولزقني بالطوفة وقرب من ويهي لدرجة اني حسيت بانفاسه وقال بوعيد .. سامي: والله يا هناء إذا عدتيها ..تعرفين اشبسوي ؟؟ وقرب اكثر من ويهي وقال .. سامي: مارح يكفيني جم طراق ..بفصل رقبتج عن باجي جسمج وبعلقج فوق ... طالعته برعب وخرعة ...شفت ايده تنرفع... غمضت عيوني لا اييني طراق ... بس طق الطوفة بقوة وقال مع الطقة بصراخ .. سامي: سامعة ؟؟؟ نقزت من صوته طقته للطوفة وقلت وانا اهز راسي ودموعي تنزل ... هناء:سامعة سامعة .. وانخرطت في بجي عالي .. هدني فطحت على الأرض ببطء ...حسيته يطالعني بس ماطول مشى وصفع الباب بقوة ... سندت ظهري على الطوفة ودموعي تنزل ... والله مو قصدي ...موقصدي ... غطيت ويهي بايديني ... بعد حصة الدموع هاذي ...طلعت من الغرفة بروح الحمام عزكم الله عشان اغسل ويهي ... بعد ما غسلت طلعت ورحت الغرفة ... شفته ياي بس وقف لما شافني طالعني ونزل نظراته ورد للصالة .. ليش تسوي فيني جذي ؟؟؟ليش ؟؟ دخلت الغرفة بدلت ... وطلعت للمطبخ ابي اكل ...ما يهمني وجوده ...هو الغلطان مو انا ...بس لسة بقايا دموعي تحتل رموشي ... سويت لي عشا خفيف ورحت الصالة ... شفته نايم على القنفة ..وعلبة البندول مفتوحة يمه بالطاولة .... كسر خاطري ..خليته يعصب وهو تعبان .. حطيت الأكل على الطاولة يم البندول ..وتقربت منه وحطيت ايدي على شعره ..وقلت بحنان .. هناء : سامي ... بطل عيونه وطالعني بعتب .. هناء: قوم نام بالغرفة ..انت تعبان .. انصاع لكلامي لأن شكله ماله خلق يرد علي ... بعدت انا اسمح له انه يقوم ...ولما وقف ....ترنح وبغى يطيح ...سندته بسرعة وقلت بخوف .. هناء : سامي .. تسند علي وقعد وقال وهو يتنفس بسرعة .. سامي: ما في شي لا تخافين .. قعدت يمه وهو حط سند ايده على راسه ...فقلت .. هناء: اشلون مااخاف وانت بغيت تطيح قبل شوي .... رفع راسه وقال .. سامي: دوخة بسيطة ..تروح وتيي علي ...يمكن لأني مو ماكل شي من الصبح .. ووقف مرة ثانية ..مسكته انا من ايده وقلت بخوف .. هناء: خل ادق على ابوك ايي يكشف عليك .. سحب ايده مني وقال .. سامي : ماله داعي تخرعينه ...رح يخترع على الفاضي ... وانا مابي اخرعه بنص الليل .. راح عني ... وسمعت صوت الباب الغرفة يتسكر ... افففففففففف ...ماادري شنو اسوي معاك ... مرت الأيام بينا عادي ...باردة ... وفي يوم كنت في بيتنا ...حزة الغدا ...كنا احنا البنات متمعين بالمطبخ نسوي لنا غدوة ... امي وخالاتي راحوا السوق مع سايق مرت عمي ... والشباب راحوا يتمشون ومعاهم سامي ... سمعت نغمة تلفوني ...طلعت من المطبخ ..وشفته رقم غريب ...مارديت ...بعدها سمعت صوت مسج .. فتحتها وكانت من ...عصاموه !!!!!! " ردي يا حلوة ..ولا تحبين ادز الصور لريلج ؟" نذل.... دقيت عليه وانا رايحة داري .. عصام : هلا يا حلوة .. هناء: من وين عرفت رقمي ؟؟ عصام : اللي يسال ما يضيع ...وين فلوسي ؟؟ هناء: انت ما تعرف تنطر شوي ..قلت لك فلوسك بتوصلك .. عصام: متى بالله بعد عشرين سنة ؟؟؟ هناء : لا تستخف دمك ... لما احصل الفلوس بدق عليك ..الحين فارج يلا .. وصكيت بويهه ومسحت المسج ورقمه من السجل ... ورديت للبنات ... قعدنا نلعب ونسولف ونضحك ..طلعت من المطبخ عشان تلفوني دق ...ورحت لجنطتي ..بطلتها ..ومالقيت تلفوني فيها ...بس لمحت صورة ... مسكت الصورة ... شهقت وحطيت ايدي على حلجي من الصدمة ... صورة ....عصام ... طالعت الجنطة وتذكرت انها جنطة غالية ...تشبه جنطتي .... لاااااااااا ...مستحيل .. شنو علاقة عصام بغالية ؟؟؟ وشنو تسوي صورته بجنطتها ؟؟؟ سمعت حسهم رفعت راسي شفتهم يايين ...رديت الصورة بالجنطة ..ومسكت جنطتي ... ورديت على التلفون وكانت امي ... قعدوا البنات وانا قعدت اكلم امي ...صكيت عنها وعيوني على غالية ... قاعدة تضحك ولا همها ... انزين هي مو مخطوبة لمشعل ..اشحقة تحاجي عصام ؟؟؟ انا ماني فاهمة شي ... قلت .. هناء: بنات ابي اتمشى برة منو بتيي وياي ؟؟ كلهم قاعدين جدام التلفزيون ومحد رد ..طلعت انا وقعد اتمشى بالحوش .. شكله عصام يلعب بذيله .. بس ابي اعرف غالية من وين تعرف عصام ؟؟؟ وشايلة صورته بعد ؟؟ التفت للباب وانا سرحانة شفت غالية طالعة وياية صوبي ... قعدت يمي ..انا نزلت راسي ... غالية : اشفيج متضايقة ؟؟ التفت لها وقلت .. هناء: ماكو شي ... وقعدنا نسولف ..ليما سالتها .. هناء: غالية ..انتي من متى مخطوبة ؟؟ غالية: من شهرين ..ليش ؟؟ ابتسمت وقلت .. هناء: لا بس سؤال ...مبروك .. ابتسمت وقالت .. غالية: الله يبارك فيج ... ماادقر لازم اتكلم ولا بنبط .. هناء: تحاجين مشعل بالتلفون ؟؟ لفت لي وقالت .. غالية: عشان نتعرف على بعض اكثر .. الله الله ...تتعرفون على بعض اكثر !!! يا حلوج ... هناء: وشنو نتيجة مكالماتكم؟؟ ابتسمت بخجل وقالت .. غالية: بتسمعين خبر زواجي قريب .. حيل مستحية ... طالت جدام للفراغ ..وقلت .. هناء: واللي تتزوج تحاجي واحد غير خطيبها ؟ غالية: شنو ؟؟ لفيت لها ولقيتها تطالعني مو فاهمة .. هناء: صورة عصام شنو تسوي عندج غالية ؟ طالعتني بعد مو فاهمة ... مسكت جنطتها وبطلتها وطلعت صورة عصام وحطيتها جدام ويهها وقلت .. هناء: صورة عصام شنو تسوي عندج ؟ طالعتني بعصبية ..وخذت الصورة مني وقالت .. غالية: انتي منو سمح لج تبطلين جنطتي من دون اذني ...بعدين منو هذا عصام ؟؟ قلت وانا اوقف بعصبية .. هناء: لا تستعبطين غالية ... صورة عصام شنو تسوي عندج ؟؟ وقفت جدامي وقالت .. غالية: انا ماادري عن شنو تكلمين ؟؟؟ منو هذا عصام ؟؟ سحبت الصورة من ايدها وقلت وانا ااشر عليه بعصبية .. هناء: هذا اللي بالصورة ..اسمه عصام ...عصام ...تخونين خطيبج غالية ؟؟؟ قالت بثورة .. غالية: اخون خطيبي اشلون يا غبية ..إذا هو نفسه اللي خاطبني ؟؟ شنو !!!!!!!!!! طالعته بعدم فهم وقلت .. هناء: خاطبج ؟؟؟ وطالعت الصورة مو مستوعبة وقلت .. هناء : الحين هذا خاطبج ؟؟ غالية: ئي واسمه مشعل مو عصام ... مشعل !!!!!!!! رفعت راسي لها ببطء مو مصدقة وظليت اطالعها مو فاهمة ..ارتب الأفكار بمخي .. غالية: منو هذا عصام انتي اللي تكلمين عنه ؟؟ هناء: هذا ولد خالة زوجي ..واسمه عصام ... طالعتني باستغراب وقالت .. غالية: ولد خالة زوجج واسمه عصام ؟؟؟ وسكتت شوي تستوعب وقالت .. غالةي: لا انتي غلطانة ...اسمه مشعل مو عصام .. هني عرفت اللي يسويه عصام النذل ...يلعب على الحبلين ... تقربت من غالية وقلت ااكد لها .. هناء: اسمه عصام وانا شفته ..وهو ولد خالة زوجي .. هزت راسه بعدم تصديق وقالت .. غالية: جذابة ..انتي جذابة .. مسكتها ايدها وقلت ااكد لها اكثر .. هناء: يعيش بامريكا ..صح ؟؟ هزت راسه ودموعها تنزل وقالت .. غالية: ئي ..قالي جذي ..بس هذا مو صج كذا واحد عايش بامريكا مو هو بس .. مسكت تلفوني وقلت وانا ادق على سامي .. هناء : الحين اثبت لج اني مو جذابة .. نطرت لين ما ياني صوته .. سامي: هلا .. هناء: سامي وينكم فيه انتوا ؟ سامي: جريب ..الحين بنوصل ...ليش في شي ؟؟ هناء: إذا ييت لا تدخل البيت تعال الحديقة الورانية ..اوكي ؟؟ قال بصوت لا يخلو من الأستغراب .. سامي: اوكي .. وصكيت عنه ... بعد ثواني شفت طلال داخل والباجي وراه ... التفت هني لغالية اللي بدت دموعها تنزل .. هناء : الحين بثبت لج ان اللي تكلمينه اسمه عصام مو مشعل .. ياني سامي ...ولما شاف غالية موجودة قال .. سامي : اوه اييج بوقت ثاني ... بس مسكته من ايده وقلت ... هناء: لا تعال ..ابيك .. رفعت الصورة جدام ويهه وقلت .. هناء: منو هذا سامي ؟؟ طالعني ببلاهة فقلت .. هناء: رد علي .. سامي: عصام .. طالعت غالية اللي بدت تبجي ...والتفت لسامي .. هناء: وشنو يصير لك ؟؟ قال بصوت يساسرني .. سامي: شهالأسئلة ؟؟ هناء: رد علي انت الحين .. سامي: ولد خالتي ... التفت لغالية اللي بدت انفاسها تعلى وتوضح ...تقربت منها بس هي قالت بصراخ .. غالية : وخري ..وخري ... وصرخت بصوت عالي .. غالية: جذابين ..جذابين .. والتفت لسامي وقالت .. غالية: انت جذاب ...جذاب .. طالعت سامي المندهش فقلت باستنكار.. هناء: غالية شهالحجي ؟؟ قال سامي .. سامي: اشصاير ؟؟ بجت غالية بصوت عالي ... فالتفت لسامي وانا اتقرب من غالية .. هناء: ماكو شي بس غا... وحسيت ان في ثقل طاح علي ..وكانت غالية ..طاحت بحظني .. طقيتها على الخفيف وانا مخترعة .. هناء: غالية ...غالية .. ماترد ...التفت لسامي منصعق .. هناء: ماي ..ماي .. ما تحرك ...قلت بصراخ .. هناء: سامي ماي ..بسرعة تحرك .. وتحرك اخيرا ..وراح داخل بسرعة ...بعدها بثواني شفت طلال ياينا وهو يركض .. طلال : اشصاير ؟؟؟ شسالفة ؟؟ هناء: ماادري ..ما ادري ...فجأة طاحت ... وطالعت غالية وظليت اطقها .. طلال : منو هذا ؟؟ رفعت راسي لطلال وشفته ماسك الصورة ..فقلت .. هناء : بعدين اقولك ... ياه سامي ومعاه الماي وتيمعوا البنات حوالينا ..صارت فرجة .. رشيت عليها الماي ..بس ما صحت ..حاولنا فيها بس ماكو فايدة .. سامي: خلاص خلاص ..خل نوديها المستشفى احسن ...يلا طلال .. وير طلال معاه اللي كانت ريوله لازقة بالأرض ... شلناها احنا البنات ورحنا فيها السيارة ركبت انا ومعاي انتصار وحطيت راس غالية بحظني ...ورحنا المستشفى بسرعة ..وطول الطريج مو راضي طلال يسال نفس السؤال عن صاحب الصورة ..وانا كاشتة فيه .. وصلنا المستشفى ونقلوها غرفة الكشف .. وظلينا احنا برة ... تسندت على الطوفة بانهيار .. هناء: انا السبب ...انا السبب .. وقف يمي طلال وقال.. طلال : شنو صاير هناء...ليش غالية طاحت ؟؟ بس طلع الطبيب وبسرعة تحركنا صوبه .. الدكتور : صدمة عصبية .. قال طلال بتفاجأ.. طلال : صدمة عصبية !!! نزلت دموعي وبعدت عنهم ...وعطيت ويهي للطوفة وبديت ابجي .. حسيت بايد على جتفي ...وكانت ايد سامي .. سامي : حبيبي ..بس خلاص ...ماصار فيها شي .. قلت .. هناء : انا السبب ...انا السبب .. سامي: سبب في شنو ؟؟ بغيت ارد بس شفت مرت عمي وامي وام خلود وام عصام يايين .. كملت.. قلبت مرت عمي المستشفى فوق تحت من صراخها ...دخلناها لبنتها وامي معاها تهديها ... وكل يسال شنو صار ؟؟؟ واولهم طلال ... الله ياخذك يا عصام النذل ... صدقني مارح اخليك تتهنى بحياتك لحظة وحدة ... بنشوف ..يا انا يا انت .. والأيام بينا ... الحلقـــة الثامنة عشرة " القنبلة " طلعت غالية من المستشفى بعد ثلاثة ايام .. وانا لسة محتفظة بالسر ..ما علمت احد عن اللي صار .. الكل يحاول يعرف اللي صار ..بس انا اكتفي بكلمات لا تغني ولا تسمن من جوع ... " ماادري عن شي ..انا بس شفتها ماسكة الصورة وتبجي" " طلال لا تعبني قلت لك ماادري " وإلخ من هالجمل ...واكثر واحد ينني طلال ...مزعج درجة اولى ... سمعت طق على الباب وانا بالمطبخ ...منو هذا ؟؟ طالعت الساعة لقيتها ثلاث ونص ...طلعت من المطبخ شفت سامي طالع من الغرفة ..سألني .. سامي: ناطرة احد انتي ؟؟ هزيت راسي بالنفي وقلت .. هناء : لأ ...يمكن احد من الأهل .. مشى سامي وراح بطل الباب وانا ظليت واقفة بمكاني .. سامي: هلا طلال ..حياك .. طلال!!! غريبة ما قال انه ياي ... دخلت انا الغرفة وقفت جدام المنظرة وعدلت شعري ولبسي ..وطلعت مرة ثانية .. لما وصلت الصالة ابتسمت لطلال وقلت .. هناء : حيالله طلال ... التفت لي طلال وقال وهو يبتسم ماادري حسيتها ابتسامة غريبة ... طلال : الله يحيج ... اشلونج ؟؟ قعدت انا وقلت .. هناء: انا الحمدلله ..انت شخبارك ؟؟ هز راسه بايجاب وقال .. طلال : اخباري عندج .. وطالعني بنظرة اعرفها عدل لما يبي شي ... لفيت ويهي عنه وقلت .. هناء: طلال لا تحاول ..قلت لك مااعرف .. طلال : بس لا زم اعرف ... افففففففف متعب ومزعج ... قلت وانا اوقف ... هناء: بروح اييب لك جاي ... بس وقف سامي وقال .. سامي : لا خلج مع اخوج ..انا بروح اسويه .. وانا ادري ان سامي ما يعرف يسوي شي بالمطبخ ..بس يبي يفضي الجو لنا ...احسن بعد عشان اخذ راحتي ويا طلال .. قعدت والتفت لطلال بعد ما تأكدت ان سامي اختفى .. هناء: بالله هذا الشي اللي خلاك تيي عندي ؟؟ وانا عبالي يايني مشتاق .. طالعني بنفاد صبر وقال .. طلال: مشتاق ..بس قولي يا معودة ..منو صاحب الصورة ؟؟ هناء: واحد ما تعرفه ... طلال : لا والله قلت شي الحين يعني ؟؟؟ ادري اني مااعرفه ..منوهو ؟ طالعت فوق اطلب الدعم والصبر ..قلت ... هناء: طلال هذا شي خاص فيها هي ماتبي احد يعرف .. قال بعصبية شوي .. طلال : بس انتي عرفتي .. هناء: بالصدفة .. قال كأنه يبي من الأخر .. طلال : يعني مارح تقولين ؟؟ هناء: للأسف لأ .. وقف وقال .. طلال : اوكي .. الصورة عندي ولما عمي يشوفها بعرف منو ... ومشى .. مينون هذا ؟؟؟ يبي يفضح البنت !!!! وقفت بسرعة ومسكته من ذراعه وقلت .. هناء: يا اخي شهالأسلوب ؟؟؟ ما تعرف تتعامل بهدوء ؟؟ افففففففف اقعد خل اقولك بس .. قعد وهو مبتسم .. طلال : تحجي .. طالعته بحقد وقلت .. هناء: هذا مشعل خطيبها ... طالعني متفاجأ فكملت .. هناء: شفتها واقفة وماسكة صورتها وتبجي ولما سألتها بدت تبجي بصوت عالي وطاحت بس ... طالعني بتشكك فقلت ... هناء: تبيني احلف لك على المصحف ؟؟ هز راسه ولو ان حواجبه معقودة .. طلال : لا لا ما له داعي ... ووقف فقلت .. هناء : لحظة صبر ..الجاي .. لف وقال وهو ماسك الباب يبطله .. طلال : وقت ثاني ان شاء الله ..مع السلامة .. وصك الباب ... تنهدت انا ..مع ان اللي قلته جذب ..بس ما اقدر اقوله عشان يذبحها والله ..وتكبر السالفة .. التفت بس تفاجأت من وجود سامي واقف ومستند على الطوفة ..قال .. سامي: ليش ما تقولين له الصج ؟؟ كملت ..انت بعد .. هناء: واشتبيني اقوله ؟؟ طالعني بهدوء ينرفز ..وقال.. سامي: شسالفة عصام مع غالية هناء ؟؟ اوووه لا تكمل علي انت بعد .. هناء : ما كو شي .. بعدين السالفة ما تسوى نكبرها وهي صغيرة .. طالعني بتفحص ما حبيت هالنظرات منه ..مشيت عنه اهرب .. دخلت الغرفة .. ونمت على السرير... تنهدت ..كل شي فوق راسي .. استاهل يبته لنفسي ... بس لازم كل شي يرد مثل اول ...لازم .. غمضت عيوني ...ارتب الأفكار اللي معششة في مخي ... ما حسيت إلا بصوت تلفوني يرن ..مسكته وطالعت الساعة وكانت خمس ونص ...يلا الحين بيأذن المغرب وما صليت العصر ... طالعت الشاشة وكانت خلود ...حطيته صامت وطلعت من الغرفة بعدين ادق عليها ... المهم اصلي ... وصليت ولله الحمد ... طلعت للصالة وبايدي تلفوني ...مالقيت سامي ..يمكن طلع ...دقيت عليه .. سامي: هلا .. الأيام هاذي ..كلش ماكو كلمة حبيبي ...حياتي ...العلاقة بيني وبينه صارت باردة .. قلت بإحباط .. هناء : وينك ؟؟ سكت سامي شوي وقال بتعجب .. سامي: ماكو حبيبي ..عمري ..شي ..كلش ..؟ استانست ..ضحكت بفرح وقلت .. هناء: عمري ..حياتي ..قلبي انت ... ضحك هو بعد وقال ... سامي : نعم يا عيوني انتي ؟؟ ابتسمت وقلت .. هناء: وينك ؟؟ سامي: بالمكتب ... بيي على الساعة ..اممم ..ثمان ان شاء الله .. هناء : تبيني ازهب لك عشى ؟؟ حسيته قرب من التلفون لأن صوته قريب وايد وهادي .. سامي: لا تسوين عشى انا عازمج .. اوووه عزيمة بعد ؟؟ من قدي .. ابتسمت بخجل .. هناء: عازمني ؟؟ وشنو المناسبة ؟؟ سامي : بقولج بعدين ...اوكي ؟؟ يلا حياتي بصك عندي شغل .. هناء: مع السلامة .. وصكيت عنه ...قمت اناقز من الفرحة ... دقيت على خلود بعدين ..وقلت لها تييني بدل قعدتي بروحي ..وطبعا يت ومعاه انتصار واسوم ... وقعدنا نسولف ...دخلتهم الصالة الثانية الصغيرة ..عشان ياخذون راحتهم ..فصخوا عبيهم وشيلاتهم ..لأني علمتهم ان سامي بيرد على الساعة ثمان ... هناء: انزين متى بيبدأ الدوام ؟ طالعني انتصار باستغراب وقالت .. انتصار : اي دوام ؟؟ هناء: المدراس والجامعات .. اسما : بعد يومين .. هزيت راسي بايجاب .. خلود : ليش تسألين ؟؟ مليتي من وييهنا ؟؟ قلت وانا اعدل قعدتي .. هناء: لأ ..بس اسأل عشان اجهز روحي .. اسما : ئي صج شريتي حق السفر ؟؟ اي سفر انتي بعد ..خلاص راح كل شي .. هناء: لأ ..انا بدرس هني .. ست عيون حسيتها تطالعني ..فقلت .. هناء: ماقدرت على دراسة امريكا صعبة ...فقلت ايي ادرس هني .. صكيت الباب بعد ما ودعت البنات ..طالعت الساعة لقيتها سبع ونص ...يمديني اجهز عمري ... دخلت الغرفة ...لبست احلى بدلة عندي .. تنورة سماوية عليها وردي وقميص وردي ...حطيت كحل خفيف كبر من حجم عيوني .. وغلوس ... ولبست شيلة وطلعت من الغرفة للصالة انطر سامي ...شغلت التلفزيون ...على الساعة ثمان دق علي سامي وقالي انزل تحت ... بطلت باب السيارة ودخلت ...سمعته يصفر ... wow ….what is this ?? سامي : ابتسمت بخجل وقلت .. هناء: السلام عليكم .. سامي: وعليكم السلام .. وسكتنا ... حسيته يطالعني ...فرفعت عيني اشوفه ... لقيته يطالعني وهو مبتسم ... قلت وانا مليت من نظراته ...بس وانا مبتسمة بخجل .. هناء: اشفيييك ؟؟؟ وطالعته ...وهو ابتسم ..كان ساند راسه على كوعه اللي ساند على الدريشة جنه يشوف فيلم ... قلت مرة ثانية ... هناء: تراك نظراتك تبط الجبد ... قلتها وانا اضحك ...رد طالعني بنفس النظرات هني غطيت ويهي بايدي مستحية ..بس هو مسكها ..وقال.. سامي: يا مينونة ..لا تخربين روحج .. طالعته مصدومة ...فقال وهو يهد ايدي ويرد لنفس الوضعية .. سامي: خلي جذي ..احلى .. انتوا مرة حسيتوا قلبكم يطق طبول ؟؟؟ انا حسيته بس طبل؟؟ ...عرس داخل قفصي الصدري ... هناء: جذي احلى ؟؟ هزراسه ... سامي: امممم....خليه ... وظل يطالعني ... قلت وانا اطلع الناحية الثانية اخش ويهي الأحمر .. هناء: اشرايك تصورني بعد ؟؟ سامي : ممكن ؟؟ لفيت له مو مصدقة اللي سمعته فقلت اسايره على غشمرته .. هناء: ممكنين .. سامي : والله ؟؟ شفته يطلع تلفونه وحطه جدامي ... شهقت ...ين هذا ؟؟؟ بعدت ايده اللي ماسكة التلفون وقلت .. هناء: استخفيت انت ؟؟ ضحك ... كفخته على جتفه ...فزاد ضحكه ...فكفخته زيادة ضربات متتالية ... هناء: خبل ..خبل ... زين جذي ؟؟ سامي: ههههههههه ...آي جتفي هناء... وعلى جذي مشينا ... على بالي خلاص الجفا احتل حياتنا ...والبرود صار عنوانها ...اللي يشوف اللي صار بيني وبين سامي يقول حرب العالمية الثالثة صايرة ..وصلنا المطعم اللي كان يطل على البحر ... اخترنا الطاولة اللي برة ببلكونة ..والبحر تحتنا ... قعدنا ...وطلبنا ... سامي: ها حلو المكان؟؟ طالعت البحر وقلت .. هناء: رائع ... ولفيت له وقلت .. هناء: شخبار مشروعك ؟؟؟ هز راسه .. سامي: الحمدلله ... بديت فيه وان شاء الله يكبر واتفرع برة .. هناء: ان شاء الله .. وسكت شوي وهو قعد يلعب بتلفونه ... هناء : ما قلتلي شنو المناسبة ؟؟ رفع راسه وقال .. سامي : ما تذكرين ؟؟ اذكر ؟؟ لأ ... هناء : شنو ؟؟ سامي : جم التاريخ اليوم ؟؟ تاريخ ؟؟ ئي ئي ...تذكرت ... قلت وانا ابتسم بوسع .. هناء: عيد ميلادي ؟؟ ابتسم نفس ابتسامتي بس بهبل .. سامي: ئي عيد ميلادج .. ضحكت من قلبي على ويهه وهو يقلد ابتسامتي ... هناء: مشكورة حبيبي ... سماي: دخلت 19 .. هز راسه يسوي روحه عيوز وصوته متغير مبحوح .. سامي: كبرتي يا بنتي ... البنت اللي في مثل سنج .. ورد لصوته الطبيعي يصحح .. سامي: اقصد المرأة المتزوجة ... ورجع لصوت العيوز .. سامي : لازم تهتم بزوجها ..وتحطه بعيونها ...انا يا بنتي ما رح ادوم لج ..مااوصيج هالله هالله بسامي .. وسوا روحه ميت ... ضحكت من القلب ...وصفقت له ...ما شاء الله اول مرة ادري انه يعرف يقلد وببراعة .. هناء: ما شاء الله ممثل بارع ... رد لطبيعته وقال وهو يبتسم .. سامي: عجبتج ؟؟؟ هزيت راسي بايجاب وانا مستانسة ...فقال .. سامي: اوكي ...شوفي هاذي ... وقلدني ... سامي : سامي انطر شوي ..لاتروح ..ابي اكلمك ...سامي افهمني حرام عليك ...لا لا ... وسوا روحه يبجي مثل ما انا ابجي بالضبط ....ونفس صوتي ... شهقت وانا اضحك ...ومسكت الكاتشاب اللي جدامي وقلت .. هناء: الحين انا جذي ؟؟؟ صج ما تنعطى ويه .. وقمت افلعه فقال وهو مسك ايدي .. سامي: احنا بمطعم ... فقعدت على مضض ...وقلت .. هناء: انت ليش ما تشتغل بتلفزيون ولا شي ..ممثل ؟؟ والله تنفع .. سامي: اسم الله علي ..ماني مينون اشتغل ممثل .. ابتسمت عليه وقلت ... هناء: يعني ممثلين ميانين ؟؟ قال وهو يتعدل بقعدته .. سامي: لا بس اربع وعشرين ساعة تصوير وكاميرات ولوية ..مااحب ...احب اكون مثل ماانا ...سامي .. صاج ..لو ما اعرفك واعرف انك متواضع وما تحب الشهرة والفشخرة على الفاضي كنت قلت جذاب ... واللي يأكد لي ان اللي يشوفه الحين ما يقول مليونير وعنده فلوس ...لا تستغربون يمكن اول مرة اقولكم ان سامي مليونير ..لأني ما اهتم للفلوس ...بس لبسه وطريقة عيشه وحياته ما تدل إلا على شي واحد التواضع .... تفكيري ولد سؤال في بالي قلته بدون تفكير .. هناء: سامي .. طالعني وقال .. سامي: نعم .. دققت فيه وقلت .. هناء : ليش ما تزوجت وحدة من مستواك ؟؟ رفع نظره لي وكأنه تفاجأ من السؤال .. سامي: خير ؟؟ قلت .. هناء: ليش ماتزوجت وحدة من مستواك...اعني ليه ..ليه يعني تزوجتني انا وحدة مستواها متوسط عايشة في بيت حكومة ... وعلى راتب اخوها وابوها تقاعدي ؟؟ كان يلعب بالتلفون بايده ولما خلصت ... قال وعيونه على التلفون .. سامي: صح كلامج ... بس انتوا عندكم شي انا مفتقده .. شي ضايع عندي ... تدرين ؟؟؟ وطالع السما وتنهد .. سامي: اربع وعشرين سنة ادور على الحب والألفة ... ورد طالعني بس بنبرة هادية ... سامي: اربع وعشرين سنة عايش بس جذي ...دراسة ..شغل ...طلعة مع عامر .. ام عامر ..صوفي .. سوزي وريلها ..دلال .. وضحك بخفة بس حسيتها ضحكة استهزاء .. سامي: وطبعا ما تخلو حياتي من منازعات مع امي وابوي سابقا ... ورد طالع التلفون ... سامي: كنت حياتي جحيم ... نار مستعرة ...كنت اكرهها .. مليت ..من المجاملات والحفلات اللي كانت تسويها مرت ابوي لكل مناسبة حتى لو كانت بسيطة وما تستاهل .. حلو وصلنا للي ابيه .. هناء: مرت ابوك كانت غنية بعد ؟؟ هز راسه بايجاب وقال يأكد.. سامي : بنت السفير هي .. وابوها اربع وعشرين ساعة قاط ويهه عندنا في البيت .. ضحكت على كلمته الأخيرة فقال .. سامي: والله جد ..لما كنت عايش عند ابوي .. كنت اشوف ابو مرت ابوي اكثر من ابوي نفسه ...حتى اذكر مرة قالي .. ورد لتمثيله وقلد السفير .. سامي: ما شاء الله سامي كبران ...متى ان شاء الله نشوفك معرس ؟؟ ورد لطبيعته ..وانا ابتسم .. سامي: قلته ..والله يا عمي ..لما تفارج انا بتزوج .. مت من الضحك ... قلت من بين ضحكاتي .. هناء: قلت له جذي ؟؟ ابتسم هو وقال .. سامي: لا قلتها بسري ...بايع عمري اقوله عشان مرت ابوي تقطني ورا الشمس .. هناء : جم سنة عشت مع مرت ابوك ؟؟ سكت جنه يتذكر .. سامي : ست سنين تقريبا ... لا ...ثمان ثمان ...اول ما تطلقوا امي وابوي اخذني ابوي عنده ..وعشت ثمان سنين ..بعدها امي طالبت بالحضانة وخذتني ... وقعدت معاها سنتين بعدين .. سكت شوي ... فقلت باستغراب ابيه يكمل .. هناء: بعدين شنو ؟؟ طالعني بعيونه الفاتحة وبنظرة اللي تقلب كياني كله ...نظرة الكسيرة اللي اشوفها فيه دايما .. سامي: بعدين قطتني امي بدار الأيتام .. واااي ..قلبي ..صج اني ثولة ... قلت باحراج واسف .. هناء: آسفة حبيبي والله ما كان قصدي... قاطعني وقال وهو يبتسم يبدد الألم اللي في داخله .. سامي: ماصار شي .. عادي ..هاذي حقيقة لازم اتعايش معاها ... وسكت ...سحب نفس وكمل وقال وعيونه على البحر .. سامي :قعدت تسع سنين ..وطلعت منه وانا عمري 19 سنة ... وسكت حسيته سرح ... نظراته كلها كانت للبحر كأنه يلقي همومه فيه ... ليتني انا البحر كنت لميتك لي ..ونسيتك الدنيا كلها ... قلت اشجعه يكمل .. هناء: وبعدين ؟؟ لف لي جنه انتبه لي ..وقال .. سامي : بس ..عشت مع عامر وامه .. لين ما تزوجت .. وغير نظرته وكانت غريبة وابتسامته الخبيثة بدت تنرسم ..قلت وانا اتهرب من نظراته للبحر .. هناء: اشسويت بالبيت اللي كنا ساكنين فيه بامريكا ؟؟ سامي : بعته .. لفيت له وقلت .. هناء: بجم بعته ؟؟ سامي: خمسين الف .. واااو ...دخت من الرقم ... خمسين الف ؟؟؟ ... سامي: حطيتها في حسابج ... ها؟؟؟ شنو؟؟؟ هناء: حسابي ؟؟ اي حساب ؟؟ ما اذكر ان عندي حساب في البنك ... سامي: اول ما وصلنا الديرة فتحت لج حساب في البنك ..وحطيت فيهم فلوس البيت اللي بعته .. ظليت اطالعه بعيون مبققة ... مو مستوعبة اللي قاله ... الحين انا ... عندي حساب ..وفيه خمسين الف ؟؟ غمضت عيوني ارتب الجملة اللي قالها سامي ... هناء: انت من صجك ؟؟ وبطلت عيوني .. قال ببساطة .. سامي: ئي من صجي .. وطلع شي من جيبه وقال وهو يمده لي .. سامي: هاج ..هاذي بطاقة البنك مالتج .. ظليت اطالع ايده والبطاقة لثواني قبل ما اخذها ... قلبتها بايدي اتأكد .. مكتوب عليها اسمي .. هناء جاسم ..ورقم الحساب ... كل هذا سوا بدون ما يقولي ؟؟ هناء: ليش ما قلت لي ؟؟ سامي: هدية ... وسكت ..قرب ويهي مني شوي وقال .. سامي : بس انا صرفتهم بشي..رح اقولج عنه بعدين لما نرد البيت .. ظليت مثل اللوح طول القعدة .. لين ما استوعبت اني جدام البيت ... نزلت من السيارة ..شفت سامي نازل معاي .. قلت .. هناء : مارح تصفط السيارة ؟؟ وصل عندي ..مسك ايدي وقال .. سامي : بوريج شي ..بس اوعديني تغمضين عيونج اول .. هناء: ليه ؟؟ قال وهو ايرني .. سامي: بس غمضي ... غمضت عيوني وانا مستسلمة له .. ومشيت وراه .. سامي: الحين بنوصل .. وقف هو فوقفت .. سامي: بطلي .. بطلت عيوني ..لقيت نفسي بالمواقف .. طالعته ابي افهم ..فقال وهو يؤشر جدامي .. سامي: طالعي جدامج .. طالعت جدامي وكانت سيارة .. بس ما فهمت ...طالعته ..بس الحين فهمت ... سيارتي !!!!!!!!!! شهقت بقوة ... قلت مو مصدقة .. هناء: سيارتي ؟؟؟ هز راسه وهو يبتسم .. لا هذا بيوقف قلبي اليوم ... تقرب مني وقال يطق راسه براسي .. سامي: صرفت فلوسج على السيارة ...بردهم لج بعد جم شهر ... بققت عيوني على وسع وقلت .. هناء: الحين السيارة هاذي بخمسين الف ؟؟ سامي: لأ ...صرفت شوي والباجي خليته ... ها حلوة ؟؟ حلوة ؟؟ قول تينن ... تهبل ... سامي: ماادري إذا اللون حلو..بس قلت هاذي شبابية وبناتية تصلح لج ...بس اللون مو.. لفيت له وانا مو سامعة ولا كلمة من اللي قالها ..ظليت اطالعه ابي اعرف ...قولوا لي الصج رجاء ... في احد بهالدينا ..مثله ؟؟ ..ما اعتقد ... مااعتقد ... سامي: هناء ...اشحقة تبجين ؟؟ انتبهت له لقيته يطالعني مستغرب ... ماحسيت بالدمعة اللي نزلت على خدي ... مد ايده وقال وهو يمسح دمعتي .. سامي: انا ما سويت كل هذا عشان تبجين ... غمضت عيوني وقلت بتلعثم اجمع كلماتي .. هناء: ما ...ما ابجي ..بس ... ماقدرت ... عانقته ...وبالمواقف ...ماهمني احد .... يهمني هو وبس ... يا لله ..شكثر احبك يا سامي ... بعد يومين بدا دوام الجامعة ..قمت الفير صليت وقعدت سامي .. طالعت الساعة لقيتها خمس ونص ..مايمدي انام ...مع اني نعسانة حدي .. دخلت المطبخ اسوي ريوق ..حطيت الماي على النار عشان الجاي ... " صباح الخير " لفيت وانا ابتسم بس بكسل .. هناء: صباح النور حبيبي .. حسيت بايدينه تطوقني من خصري ..وقرب من اذني وقال .. سامي: اشفيه حبيبي من الصبح نعسان ؟؟ ابتسمت بخجل وقلت .. هناء: مو نايمة امس .. وحاولت بهدوء اتملص منه بس قال هو .. سامي: لا تحاولين .. ضحكت مستحية ..وهو هني هدني ... وراح للثلاجة ... رهبنا الريوق وتريقنا وطلعنا ...وعلى الساعة سبع وعشر انا بالكلية ..طبعا سامي اللي يسوق مو انا ... دخلت اختبار السواقة ونجحت بس الليسن بيطلع بعد جم يوم ... دخلت الكلية وبدا كل شي عادي ..محد معاي ..خلود بكلية ثانية وانتصار معاها نفس التخصص ... ولأنه اول يوم ما في دراسة بس استلمت الجدول ... شفت تلفوني يدق ..وكانت امي .. هناء: هلا يما .. امي : انتي بالكلية ؟؟ هناء: ئي ..ليش في شي ؟؟ امي: لأ ..بس ليش ما قلت انج رديتي تدرسين هني ؟؟ اوووه ..الحين بتفتح لي تحقيق ... شرحت لها كل .. امي: الله يوفقج يا بنتي ..المهم مرتاحة هني ... ابتسمت لها وقلت .. هناء : اجمعين يما ... امي : يلا حبيبتي ...اشوفج على الغدا ..تراكم معزومين عندنا ... هناء: ان شاء الله ماماتي ... امي :مع السلامة .. صكيت عنها ...ودقيت على سامي ... سامي : نعم ..منو انتي ما اعرفج .. ضحكت عليه وقلت .. هناء : بطل خبال وتعال يلا .. سامي: خلصتي ؟؟؟ سمعت صوت راديو عنده فخمنت انه بالسيارة ..فقلت .. هناء: ئي يلا .. سامي : اجا مدام ... ان يجي الهين .. يقلد الهنود ... صكيت عنه وانا ابتسم ... كنت قاعدة على الزرع وعيوني على التلفون العب فيه ... شفت ريول واقفة جدامي ...رفعت راسي ...وكان عصام اللي زهقت من شوفته .. هناء: اقلب ويهك فلوسك بتييك .. عصام : متى ان شاء الله ؟؟ وقفت انا وبغيت امشي وماارد عليه ..بس هو مسكني من ذراعي .. قلت بصراخ .. هناء: هدني ..مينون انت ؟؟ بس ما هدني قال وهو يعلج .. عصام : فلوسي وينها ؟ قلت وانا احاول اسحب ذراعي منه .. هناء: مارح تاخذ فلوسك بهالطريقة .. وقلت بعصبية .. هناء: هدني .. بس ما هدني ...ظل يطالعني بعيونه الكريهة ...ويبتسم بخبث .. هناء: ان ما هديتني بصرخ وبلم الناس عليك .. قال ببرود قاتل .. عصام: صارخي .. هذا شنو ما يفهم ؟؟؟ هناء: ريلي بيي الحين ..لا تفضحني وتفضح روحك .. واخيرا قدرت اسحب ذراعي منه .. وقلت .. هناء: روح .. بس ظل واقف ..ماادري اشفيه متنح اليوم .. شفت سيارة سامي من بعيد .. قلت وانا ادزه بصدره .. هناء: تحرك ..روح .. ومشى وهو ياشر لي بوعيد .. عصام : فلوسي مارح اخليها .. وعطاني ظهره ومشى ..مشية الغرور والتكبر اللي فيه .. بنشوف اخرت تكبرك وغرورك ... بغيت اسأله عن غالية بس ما مداني ... مو مشكلة رقمه عندي .. وصل سامي وانا حاولت قد ما اقدر اخفي توتري بابتسامة .. هناء : لا تروح البيت .. امي عازمتنا عندها .. رحنا بيتنا ...دخلنا ولقينا البنات كلهم هناك ... بس اسما وهاني بالمدرسة ...للحين ما يوا.. وخمنت ان طلال رايح اييبهم ... دخل سامي البيت بعد ما تنحنح .. امي : اقرب يا ولدي .. دخل سامي ..وسلم على امي .. دخلت انا المطبخ اجهز الغدا عن امي .. سمعت صراخ وضحك عرفت ان ثنائي المرح يو ..بعدها سمعت صوت طلال .. طلعت من المطبخ .. شفته طالع مع سامي للديوانية مثل ما اعتقد ... جهزنا الغدا ..وطرشنا لطلال وسامي ... قعدت ابي اكل ..بس امي قالت .. امي: لا تاكلين ..في ضيفة بتيي . ضيفة ؟؟ طالعت امي بتعجب وقلت .. هناء : منو ؟؟ امي : وحدة ما تعرفينها ...طلال دعمها قبل امس ونقلوها المستشفى ..وهي طلعت وحدة طيبة وتنازلت عن طلال ... كملت اسما عن امي .. اسما : وعشان جذي صلح طلال لها السيارة ... وامي اصرت امس تعزمها ...وهي الحين ياية .. الله الله ...طالعنا انا وامي واسما بعض بخبث ..فاهمين بعض حنا ... فضحكنا على هالنظرات ... اشسالفة طلال ويا البنت اللي دعمها ؟؟؟ رن جرس البيت ... فقامت اسما اسما : هلا والله ...حياج .. وقفننا انا وامي ... وعيوني على الباب تنطر البنت تطل علينا ... بوت بني عالي ... تنورة قصيرة لفوق الركبة بنية .. قميص بيج مخطط .... وشعر بني مصبوغ ... تكونت الصورة جدامي ... وارسلت عيوني الأشارات لدماغي تحلل اللي شافته ... عالية!!!!!!!!!!!!!!!! احد يقولي شنو تسوي هاذي هني ... شفت امي تسلم عليها ... غمضت عيوني استوعب وانفاسي تتضارب مع رئتاي بعنف ... لا مو صج اللي قاعدة اشوفه .. " اشلونج هناء ؟" طاحت عيوني عليها وهي واقفة جدامي ...ظليت اطالعها ..تبتسم ابتسامتها المقرفة ...اللي اشمئز منها .. مدت ايدها تصافحني .. طالعت ايدها القذرة ...وطالعتها بلوعة ...وانفاسي تزيد .. ماحسيت إلا وانا اطلع من المكان ...فتحت اقرب باب لي ودخلت وصكيت على روحي ... وانا حاطة ايدي على صدري اهدي روحي ...طالعت حوالي استنتجت اني دخلت الحمام عزكم الله ... وقفت جدام المرايا ... ليش ؟؟؟ ليش ؟؟؟ حسيت بالباب ينطق ...وصوت اسما ايي من وراه .. اسما : هناء... لازم اهدى ..ولا بنكشف ... بطلت الباب بعد ما غسلت ويهي ...لقيت اسما واقفة تطالعني باستغراب وقالت لما شافت ويهي مبلول .. اسما : هناء اشفيج ؟؟ لا تسأليني الله يخليج ... هناء: ماكو شي .. بس تعبانة شوي ... ورحت طلعت برة ..وقفت عند الباب ولفيت لأسما ..وقلت هناء: اعتذري لأمي بالنيابة عني ..انا بروح البيت .. وخليتها هي ونظراتها المندهشة ... ورحت الديوانية ...دخلتها بدفاشة ... وطلال وهاني وسامي يطالعوني باستغراب ..طنشتهم وقلت لسامي .. هناء: سامي ..يلا خل نروح .. هد سامي القفشة وتجدم لي وقال .. سامي: خير ؟؟ اشصاير ؟ قلت بنفاد صبر .. هناء: ماكو شي ..بس تعبانة .. يلا .. ومسكته من ايده ..ايره ..بس هو قال .. سامي : انزين ..لحظة لحظة ..خل اغسل ايدي .. هديته ..وهو راح ... قام طلال وقالي .. طلال : هنوي اشفيج ؟؟ قلت وانا احط ايدي على راسي .. هناء: مصدعة شوي ... وصرخت عشان سامي يسمع .. هناء: يلا سامي .. طلع هو ماسك كلينكس ينشف ايده.. سامي: انزين ..انزين ..ماادري اشفيج اليوم .. وطلعنا من الديوانية .. وجدام السيارة سمعت صوت امي .. امي :هناء ..وين رايحة ؟؟ التفتنا لها ..قلت وانا شوي وابجي من الموقف .. هناء: ماكو شي ..بس تعبانة ... انا بس ابي اختفي ...هذا اللي ابيه ... وكان سامي يطالعني مو فاهم شي .. وصلت لنا امي وقالت .. امي : ما يصير تطلعين والبنت بضيافتنا ... الله ياخذها ...المفروض تشوتينها برة مو تضيفينها ... قلت وانا افتح باب السيارة واقعد داخل.. هناء: اعتذري لها يما .. بس امي مسكتني وقالت .. امي: عيب هناء..البنت حست ان في شي .. هو في شي واحد بس ؟؟ قولي اشياء ... امي : لا ما يصير ... انتي مافيج شي ... تعالي .. امي بعض المرات تصير حنانة ... تأففت .. فقال سامي يتدخل .. سامي: عمة خليها انا بحاجيها .. امي :عقلها يا ولدي .. وابتعدت ... قرب مني سامي وقال .. سامي: اشفيج انتي ؟؟ اشحقة تردين امج ؟؟ قلت بعصبية .. هناء: مابي اقعد غصب .. طالعني شوي وقال .. سامي : انزين احقة ترفعين صوتج علي ؟؟؟ اسمع تراني ... ومسك ايدي وقال .. سامي : نزلي يلا بلا دلع ...عندكم ضيفة وتمشين ؟ انت لو تعرف منو الضيفة بتنحاش مثلي ... بغيت اقوله .. هناء: تعرف منو داخل ؟؟؟ قال بملل .. سامي: منو يعني الغول ؟؟ اكبر من الغول .. هناء: عـ..... بس وقفت لما شفتها طالعة من الباب تحاجي امي ... اكرهها يا ناس ... لف سامي يطالع اللي قاعدة اطالعه...ظل ثواني يطالعها ...بعدين لف لي ... وقال بصدمة .. سامي: هاذي شنو تسوي هني ؟؟ قلت بحقد .. هناء: شفت ...عشان جذي مابي اقعد وياها .. تحرك سامي ناحيتهم ..بتصير مشكلة اكيد ..نزلت الحقه بس سبقني .. وقف عندهم ..وقال .. سامي: اشلونج عالية ؟؟ بطلت عيوني على وسع .. ولا يبتسم لها بعد .. لفت له عالية وقالت وهي ترسم ابتسامة مماثلة لسامي .. عالية : هلا والله سامي .. الحمدلله ..انت اشلونك ؟؟ هني يا طلال ..وامي قالت . امي : انتوا تعرفون بعض ؟؟ سامي: اشلون ما اعرفها ... وطالعها بحقد بس بابتسامة واسعة .. سامي: وهي بنت خالتي ... قال طلال .. طلال : حلو . وقال يكلم عالية .. طلال : طلعتي من الأهل عيل .. الله لا يقوله ..قال الله وفالك ...هاذي منا ؟؟ وووع ... امي : يلا هناء... ومشت عني والباجي دخلوا داخل .. بغيت اعترض بس قالي سامي .. سامي: روحي .. هناء: لأ ..مابي .. قرب مني وقال .. سامي: روحي لحد يحس ...هي تبي جذي ..تبي تفرقج عن اهلج وتطلعج شينة جدامهم .. صح ... والله كلامك عدل .. دخلت داخل ..وانا اجهز نفسي لحرب شعواء ... حرب بلا هوادة ..على عالية ..اللي طلعتي بالنص ... بطق عصفورين بحجر ... عالية وعصام ... وجهان لعملة واحدة .. {[ الله لا إله إلا هو الحي القيوم مالك الملك ذو الجلال والإكرام ]}33 03-07-2008, 02:54 AM امورة المغرب ©؛°¨غرامي مشارك¨°؛© اضافة هذا الموضوع في ملفك في الفيس بوك رد: إلى زوجي العزيز مع التحيه ... الكاتبه : ليل العشاق منقولة للامانة -------------------------------------------------------------------------------- الحلقـــــة التاسعة عشرة " الحقيقة المرة " دخلت البيت وانا متنرفزة ...فصخت شيلتي بعصبية ... بغيت اغرس الشوكة بعينها .... " خالتي ام طلال ...وايد اكلكم حلو ...." ولا المشكلة امي ترد .. " بالعافية يا بنتي ....صحة وعافية " مسكت راسي بايديني محترة ...مو قادرة ...وااااي ...والأدهى والأمر يوم تسلم على طلال ... عالية: يلا اشوفك على خير ... تبي تشوفه بعد ؟؟ ان ما بطيت عيونج ما اكون هناء... طقيت السرير بريلي بعصبية ... اهتز السرير بس تعورت ريلي ... اففففففففف يا ناس محترة ...بنفجر .... دخل سامي الغرفة وشاف ويهي المعفوس ...طالعني وهو رافع حاجبه ويبتسم ... سامي: اشفيج ؟؟ قلبت ويهي عنه مالي خلقه ... قعد يمي ومسك ايدي وربت عليها برقة وقال .. سامي: هناء حبيبي .. سمعني ... لفت له ولقيته ياطلعني بهدوء كمل وقال .. سامي: ظهور عالية لا يربكج ..هي تبي جذي ... قلت وانا اشر بعصبية .. هناء: ما اقدر ...شوفتها تخلي دمي يغلي ...انت نسيت شلي سويته فيني ؟؟ طالعني بمكر وقال .. سامي: هناء..لا تنسين انج انتي اللي رحتي لهم بريولج .. حتى انت ؟؟؟ بعدت ايدي عنه وقمت ...وقلت .. هناء: الحين مو وقته هالحجي ... انا ابيها تختفي من عند اهلي ... سامي : ما يصير ...هي ما رح تروح إلا إذا سوت اللي براسها .. لفت لها وطالعته بخوف وترقب ..فقال وهو يقوم .. سامي: عالية ذكية .. مارح تروح إذا انت هددتيها ولا قلتي لها روحي ... قلت بتشكك .. هناء: اشدراك فيها ؟؟ تبسم وقال .. سامي: مجربها ..عالية انا اعرف اسلوبها ... واخذ هدومه وراح الحمام عزكم الله ... صح كلامه ...عالية تبي تشتتنا ...بس انا بوقف لها بالمرصاد ... مرت الأيام عادي ...وبديت اروح بسيارتي الجامعة ..خلاص استلمت الليسن ... بس طبعا ما اطلع بدون علم سامي ... في يوم .. دقيت على سامي وانا بالجامعة .. هناء: حبيبي ...بروح بيت اهلي ..البنات هناك وفي يمعة .. سامي: اوكي ..بس لا تطولين .. هناء: الساعة جم بتيي البيت ؟؟ سامي: على الساعة ثنتين تقريبا ... صكيت عنه ..ورحت سيارتي اللي كل ما اشوفها اتذكر سامي ... وابتسم .. حركت للبيت ...دخلته وكنت سامعة اوصوات البنات يضحكون ..ماادري ما عندهم دوام ... هناء: السلام عليــ..... قطعت سلامي لأني شفتها قاعدة بينهم ... صكيت الباب بقوة وكملت بحقد.. هناء: السلام عليكم .. وقعدت يم انتصار اللي قالت .. انتصار : ئي ئي كملي عالية .. شتكمل ؟؟ طالعتها وهي تسولف ويضحكون على تعليقاتها ..مالت على هالويه ...اففففففف ...ودي اقوم اطيح فيها طراقات لين ما اقول بس ... شكلهم تعودوا عليها ...اشوفهم مستانسين ويضحكون على مغامراتها لما كانت بامريكا ...بس في شي شدني ..قالت .. عالية: لا وسامي ما خلاني حتى اروح ..كان خايف علي ...ماادري ليش مع انه عادي .. قلت انا هني وانا اطالعها بحقد .. هناء : سامي منو ؟؟ قالت اسما وهي منزعجة ليش قطعت عليهم السالفة .. اسما: ريلج بعد منو ؟؟ كملي عالية .. وشكو بريلي هي ؟؟ ... هين عالية ... خلصت اخيرا روايتها اللي يسمعها الحين قصة من قصص الف ليلة وليلة ... واااي قلبي بينبط ...لفت لي اسما وقالت .. اسما : ريلج ما خلا احد في حاله حتى الشواذي .. طالعتها باستغراب وقلت .. هناء: ليش ؟؟ قالت انتصار وهي تأشر على عالية .. انتصار : عالية تقول انهم كانوا بكشافة ..وعالية كانت تتمشى وشافت شاذي حبت تمسكه بس نحش عنها ولحقته لين كان في منحدر ..طاح فيه الشاذي بس مسكته بأخر لحظة ..بس .. كملت خلود عنها .. خلود : بس بغت تطيح هي بعد ..بس ياه المنقذ ريلج وانقذها ... طالعتها باستخفاف وقلت .. هناء: ما صار فيج شي ؟؟ طالعتني وردت باستخفاف مثلي .. عالية: لأ.. ظلينا نطالع بعض والبنات من حولنا يسولفون ويضحكون ... ان ما مسحت هالإبتسامة من ويهج ما اكون بنت ابوي ... قعدنا سوالف وضحك وما تخلو القعدة من الأستخفاف من ناحيتي لعالية .. بس هي ترد بهدوء ... شفتها قايمة رايحة الحمام يعد ما سألت انتصار ... قمت انا بسرعة ورحت وراها ... شفتها داخلة الحمام ..بسرعة تجدمت منها ومسكتهخا ولزقتها بالطوفة ..وقلت لها وانا اشر بسبابتي .. هناء: بعدي عن اهلي عالية .. اول شي اخترعت بس لما شافتني بعدت ايدي وقالت بابتسامة .. عالية: هم اللي لازقين فيني ...دقوا علي وقالوا لي تعالي ... تقربت منها وقلت .. هناء : بعدي عن اهلي ..هذا اول وآخر تحذير ... وطالعتها بحقد ومشيت عنها ...بعدها استأذنت ورحت البيت ... لما قلت لسامي السالفة طالعني بصدمة وقال .. سامي: خير ؟؟ عيدي عيدي ما سمعت ...انا .. اشر على روحه وقال .. سامي: انقذتها ؟؟؟ انا لو اادري كنت انقذت الشاذي وخليتها هي تطيح ... مت من الضحك عليه وعلى شكله ... بليل ..كنت قاعدة ادرس والبيت فاضي وسامي بالمكتب ... سمعت صوت الباب يتبطل ...رفعت راسي وكان سامي ... ابتسمت له وهديت القلم وقلت .. هناء : هلا حبيبي .. وقف جدامي وقال .. سامي: السلام عليكم .. وحط جنطة اللاب توب على الطاولة وقعد يمي ... سامي: تدرسين ؟؟؟ وسحب مني الكتاب وقرا ...وقال وهو يطالع الكتاب بعدين يطالعني .. سامي: بيييه...تو الناس ...درسي درسي .. قلت وانا امسك ايده قبل لا يقوم .. هناء: تعال تعال..في شي مو فاهمته ...تعالي فهمني ... قال وهو يسحب ايده ويطالعني بغرور .. سامي: نعم !! لا حبيبتي ...انا خلاص ...خلصت منه ... وراح داخل ... حظه ..تخرج وخلص مو انا ... مالت بس ... بعدها شفته وهو ياي ولاف الفوطة حوالين رقبته وشعره مبلل ...وهذا يوحي لشي واحد بس انه تسبح .. قلت برجا .. هناء: سامي ...واللي يخليك لي .. كان معاه غرشة ماي ..شرب شوي بعدين قال .. سامي: يا حلات الماي .. يحرني هو ويه ..قلت وانا اناقز بمكاني .. هناء:سااامي .. ضحك علي بعدين يا عندي وقف يمي وقال .. سامي: شنو اللي مو فاهمته ؟؟ واشرت على الجزئية ...نزل شوي يقرا نزل معاه شعره ولأنه مبلل ..قطر على الكتاب ...تأملت ويهه وهو يقرا ...ولحيته النابتة على الخفيف .. الحين لاحظت ان سامي وسيم ...لأ مو وسيم إلا اينن ...ولا من زود حبي له اكتشفت هالشي ... قبل ما كنت اشوفه جذي ... رفع ايده وحرك الفوطة على شعره ينشفه وهو لسة يقرا بانتباه ... وهم رد شعره طاح جدام ..وقطر على الكتاب ... اشر على الكتاب وقال .. سامي: عليج امتحان باجر ؟؟ قلت وانا ذايبة خلاص .. هناء: لأ ... لف لي وطالعني باستغراب وقال .. سامي: اشفيج ؟؟ ولما لف لف معاه شعره وطاحت خصلة على عينه ...واااي خلاص بين ...حطيت ايدي على قلبي مو قادرة .. بتقولون مينونة ؟؟؟ بقولكم مينونة بحبه يا ناس ... سامي: هناء ؟؟ قلت بسرعة اطمنه .. هناء: ماكو شي .. شرح لي الجزئية وانا طول الوقت اطالعه ...حاطة ايدي على خدي واهز راسي كل شوي ... سامي : under stood ؟؟ سرحت بعيونه الفاتحة ... طق الطاولة فجأة فاخترعت .. سامي: سرحانة ها ؟؟ لو تدري اني سرحانة فيك .. سامي: بشنو سرحانة بالله ؟؟ قلت وانا اسحب الكتاب منه وادفن انظاري عليه محرجة .. هناء: مو سرحانة ..وشكرا على الشرح ...و.. قاطعني وقال .. سامي : وقوم يا سامي فارج ... ما قدرت اكتم ضحكتي فضحكت ...وكمل .. سامي: مو ناقص إلا هاذي ... وقام ..وهو يبتسم على ضحكي ..قعد على القنفة وشغل التلفزيون ..وحط على سي ان ان ...عشقه الأبدي .. رديت ادرس ...ومرت وقت وانا ادرس وسامي لسة يطالع تلفزيون ... رفعت عيني له ...لسة حاط سي ان ان .. هناء: اشتقت لأمريكا ؟؟ ما لف لي بس قال .. سامي : لأ طبعا .. هناء : بس اللي مثلك ..لازم يشتاق .. لف لي هني وقال .. سامي: لأ مو لازم ..اللي عاشوا مثل حالتي .. ورد طالع التلفزيون ... قلت اغير الموضوع .. هناء: تبي عشى ؟؟ سامي : كيفج ... حلوة هاذي كيفي ...قلت اتأكد .. هناْ: يعني تبي ؟؟ قال بدون ما يلتفت بعد .. سامي : هم كيفج .. قمت وصكيت الكتاب ولميت المراجعات ورحت المطبخ ..وسويت عشا خفيف ...ورديت له ... كلينا مع بعض وعينه على سي ان ان ... قلت .. هناء: ما شبعت اخبار ؟؟ انتبه لي وقال .. سامي: لا بس سمعت شي صار عندهم قلت اعرفه .. وقال جنه تذكر شي .. سامي: ئي صح ..تراني مسافر باجر .. ها ؟؟؟ قلت مستنكرة .. هناء: توك تذكر تقولي ؟؟؟ ابتسم وقال وهو يمسك خشمي ويقول .. سامي: لأ ..انا اصلا ماني ناسي ..بس تذكرت لما شفت طيارة بالتلفزيون .. ونزل ايده ورد ياكل ... لا والله ؟؟ احلف انت بس ؟؟ هناء: من صجك انت تبي تسافر ؟؟ قال .. سامي : عيل اتغشمر ؟؟ بسافر باجر وبرد بعد ثلاثة ايام .. عندي عقد بوقعه وبرد .. ورفع ايده ياكل ..بس انا مسكت ايده وقلت .. هناء: بهالوقت تبي تسافر ؟ طالعني مو فاهم فكملت وقلت اوضح اكثر .. هناء: انا محتاجتك ... فهم علي ومسك ايدي وقال .. سامي: هناء عمري ...انا معاج ... قاطعته وقلت وانا اقوم .. هناء: لا مو معاي ..انت حتى مو حاس باللي فيني .. ولفيت له وقلت وانا ااشر على عمري .. هناء: انا محتاجة دعمك الحين ... انا .. وما قدرت اعبر ..فسكت وانا خائرة القوى مو قادرة اقول اللي بنفسي .. قام هو ووقف جدامي وقال وهو يمسك ايديني .. it’s ok hana … just keep me by your side:سامي لاتروح ...لا تروح ... غمضت عيوني وقلت وانا اتنهد .. هناء: انت معاي بقلبي ... ابتسم وقال .. سامي : لا تخافين ..بعدين اللي يسمعج داخلين حرب الله يهداج .. صج عالية خبيثة بس بعقلج بتهزمينها ..انتي بس بطلي عصبية وكل شي بينحل ...صدقيني .. يالله عليك صبر مو طبيعي ... انا لو منك كنت اخذت اعدام فيها .. الصبح وصلنا سامي المطار لدبي ..وانا رحت قعدت عند اهلي ..وكل يوم اروح الشقة انظفها ... الحين انا داخل غرفتنا انا وسامي ..خميتها ونظفت الدرايش وحطيت الملابس اللي محتاجة غسيل بالغسالة .. طلعت قميص كان لي وحطيته وقطيته على السرير ..بس .. آح.. شنو هذا ؟؟ طاح كتاب حلو مزخرف بطلته لقيت مكتوب فيه اشياء ... طالعت حوالي طاحت عيني على الأبجورة رحت وبطلتها وقعدت بالسرير ووجهت ضوء الأبجورة على الكتاب ... رأيتها ....رايتها ...انها كالقمر في يوم كماله .. مالي ارتجف هكذا ؟؟ الأني رأيتها ...ام اني وجدت ضالتي ؟؟ لا استطيع النوم قبل ان اراها ..لكن كيف ؟؟ تعلقت بها حد الجنون .. وجودها يخرسني ويصمني عن باقي العالم .. هل انا ... احبها ؟؟؟ منو هاذي ؟؟؟ منو هاذي اللي يحبها ؟؟؟ بعدين هذا دفتر منو ؟؟؟ رديت للغلاف ...وكان مسواي بورق كريش عشبي ...وبالوسط فراشة خضرة غامجة بورق كريش بعد .. وشغلات ثانية ..تهبل ...شكله شغل ايد .. رديت بطلته وتفاجأت من صورة بالصفحة اللي بعد الغلاف ...صورة لسامي ... بالأبيض والأسود ... شكله ولا ممثلين هوليوود ...رائع ... كاتب فوق الصورة .." إلى كل من يفتح هذا الكتاب.. ويبحر فيه ... اعلم اني قد اكون غير موجود حين قراءتك لهذه الكلمات .. لكن هذه اسراري ..وانا اسراري ..واسراري انا ...واحنا الأثنان لا نحب الشهرة .. سامي يعقوب اليوسف " يعني الكتاب حقه !!!! بطلت اول صفحة ..وسندت على السرير وبديت اقرا ...لا اعلم إلى متى هذا التبلد ... يا ترى هل يشعرون بي ؟؟ ام يتجاهلوني ؟؟ ..لا اعتقد بأني استطيع التحمل هراءهم بعد الآن ...فلأبتعد .. وتحتها حاط صورة له هو وعامر ...بعدها ...قلبت الصفحة ... اخيرا ابتعدت عنهم ... لو يعلمون مقدار حزني والمي ...لو يعلمون بمدى شوقي لهم ... امي ....ابي ... يا اجمل كلمتين قد تكون لو اني رأيت العكس منكما ... لكن يغفر لكم الله ... وحاط صورة امه وابوه ... يا قلبي ...زعلان عليهم ... قلبت للصفحة الثالثة ...والرابعة وكلها تحكي عن معاناته مع امه وابوه ...بس في شوي ة فرح .. دخوله للجامعة ...ويومياته فيها ...لين ما وقفت عند صفحة .. ماتت ..وتركتني ... ماتت وانا من اراد منها العون والمساعدة ... كيف لي الآن ان اصبر على مايحدث .. لا اعتقد فصبري بدأ بالنفاد ... وحاط تحت صورة له هو ودلال وحدة ...بس حلوة ...شعرها الأسود ..لابسة جينز ازرق وجاكيت جينز ولافة رقبتها بشال بني وبدي بني ... وساندة على دلال ..ومن الناحية الثانية سامي واقف ومبتسم ... الله الله ...حيل مستانس مبتسم لي بالصورة وشاق الحلج ؟؟ منو هاذي ؟؟ اكيد اللي كاتب عنها فوق ... وتجمدت لما وصلت لحقيقة .. سامي يحب وحدة !!!! انصدمت وظليت دقايق استوعب ... بعدين ردين لصفحات طوفتها يمكن اعرف السالفة من اول ... اخطبها ؟؟ لا ليش الآن ..فلأتأكد من مشاعرها نحوي قبلا ... يبدو عليها الخجل قد تكون هي من وضع الورد امام بيتي صباحا ...فلأسألها ...لكن كيف ...غدا سافكر عندما اراها ... اراها !!!!!!!!!!! مسكت روحي وقلبت الصفحة الثانية ... ريم ...لا يفتأ اسمك يتردد على مسامعي كل حين ...من انتي ؟؟ لماذا لا تتركيني وحدي فقط ؟؟ لماذا اقتحمت علي حياتي عنوة؟؟ ... ارجوك ..لست حمل كل هذا ... لا اخ ذايب بدباديبها .... قلبت للصفحة اللي وراها .. تحبني ...ريم تحبني ...صرحت اليوم لي وفي السيارة انها تحبني ... كسرت الحاجز الذي بيني وبينها واطلقت كلمتها كالقنبلة لتهز كياني كله ايما زلزال ... لكن يبقى السؤال ؟؟ هل احبها انا ؟؟؟ قلبت وطلعت لي الصفحة اللي كاتب فيها انها ماتت ....وحاط صورتها ... اذن هني المغرب لفيت للصوت لأنه كان واضح شفت الدريشة مبطلة ..الغسق مالي السما بألوانه الحلوة والمتدرجة ... وقفت جدام الدريشة والهوا يلعب بشعري ... واردد ورا الأذان ... لما خلص ... توضيت وصليت ... ولما طلعت اخذت الكتاب معاي اكمل بالبيت لأني تأخرت ... رحت داري وانا منهدة حيلي ونمت على طول ... اليوم الثاني ...العصراخذت جلاص نسكافيه معاي لداري وقفلت على روحي ومسكت الكتاب وبطلته ... بطلت ليما وصلت امس ... " رجعنا لنقطة الصفر ... البداية كما يقال ... اختفت من حياتي قبل ان اعترف لها ... آآه يا ريم ...لقد قلبت حياتي رأسا على عقب ...انا لا استحق هذا منك ...لو نطقت لها بما في قلبي ..لو اعلم ما كان سيحدث لما تركتها تموت قبل ان اريحها ... استغفر الله ... وحاط صورة اثنين يهال بنت وولد ... بعدها قلبت وما صار يتكلم عنها ...لين ما وصلت للصفحة اللي يقول فيها انه شاف وحدة واخرسته على قولته .. قلبت ..ووصلت للصفحة اللي فيها .. " اليوم يوم الفيصل ...يوم عرسي ..ما انا وما هي ؟؟؟ ما انا وما هي ؟؟ لقد رأيتها مرة وتوقف الكون عن الدوران ...توقفت الساعة عن الحركة واصدار طنينها ... واليوم اشعر بأن كل ذرة بجسمي توقفت ...كل شعرة ...كل خلية فيه ... مافعلت يا هناء بي ؟؟ ما فعلت ؟؟ ربي رحماك ... قلبت وانا مستغربة ... بس مافي شي ..مو كاتب شي ..وقف لين يوم العرس ... حقيقة سامي ومشاعره ناحية اللي اسمها ريم ... وحبه لي ..لحظة هو يحبني ولا شايفني بديلة ؟؟ انزين ليش ما قالي عن ريم ؟؟ ليش ؟؟؟ اليوم الثاني رد سامي بس استقبلته ببرود ... مارح ارتاح لين اعرف حقيقة ريم هاذي وحبه لها ... " حلوة ؟" طالعته لقيته قاعد على السرير ومبطل الجنطة وانا جدامه ..حاط قلادة فضية جدام عيوني ...قلت وانا ابتسم بهدوء وبرود .. هناء: حلوة ...حق منو ؟؟ قال بطنازة .. سامي: حقي ..حق منو بعد؟؟ حقج ...تراه الماس .. شهقت وطالعته .. هناء: الماس ؟؟ ليش كلفت على عمرك ؟؟ قال وهو يتقرب مني ويقعد يمي .. سامي: ما في كلافة بيني وبينج ...تستاهلينه ... ابتسمت له ... قبل ما كنت افكر إذا سامي يحبني ولا لأ ...غيرته علي كانت تقطع الشك باليقين عندي بس الحين من بعد اللي قريته ..لأ ...في شي ..في حلقة مفقودة ولازم القاها ... سمعت جرس الباب ...قام سامي وراح يرد ..اما انا قمت وخشيت العقد ورديت رتبت اغراضه ..سمعته يرحب ..واسم طلال ... طلال هني !! طلعت اسلم عليه .. هناء: هلا والله طلول ... وقعدت ... طلال : هلا فيج ...ها اشلونكم ؟؟ هناء: الحمدلله ..انت شخبارك ؟؟ طلال : انا الحمدلله ... وسكت ...ولما يسكت يعني في شي .. استأذنت ورحت اسوي الجاي حقه ...ورديت معاه .. وسامي وطلال يسولفون ..قعدت وعطيت طلال جلاصه وسامي بعد .. طلال : والله ..سامي انا ماادري اشلون ابدأ معاك بس ... قاطعه سامي وقال .. سامي : تحجى طلال ..خذ راحتك .. حط طلال الجلاص بارتباك وقال .. طلال : اا ..احم ...انا ناوي اتزوج .. بغيت اضحك ماادري ليه ...بس شكله يضحك ...قال سامي .. سامي : انزين اشفيك تقولها وانت خايف؟؟ .. وضحكنا .... بس شكو سامي ؟؟ طلال : انا بدخل بالموضوع على طول ...انا بناسبك يا ابو الشباب .. طالعه سامي ببلاهة وانا بعد .. سامي: تناسبني ؟؟ انا ؟؟ هز طلال راسه بايجاب بدون ما يتكلم ... قال سامي .. سامي : بس انا عندي شهد عمرها ثلاث سنين ودلال متزوجة وعندها يهال ... وطالع طلال يبي توضيح ... فقال .. طلال : لا اطلع شوي ..ابعد .. سامي: ابعد ؟؟ منو ؟.. ما عندي خوات غير هذول .. طلال : انا ابي ..عالية .. شهقت بكل جوارحي ...وقلنا انا وسامي بصوت واحد وعالي .. سامي + هناء: عاليــــــــــــــــــة !!!!!!!!!!!!!!!!!! اخترع طلال وقال بخوف .. طلال : ئي عالية ..أشفيكم ؟؟ اشفينا ؟؟ لا ين هذا ؟؟ قلت انا بعصبية مو مصدقة .. هناء : عالية ؟؟؟ خلت الديرة من البنات عشان تخطب عالية ؟؟ طلال : ليش اشفيها عالية ؟؟ قال سامي اخيرا .. سامي: انزين اشحقة يايني تخطبها مني ؟؟ طلال : هي قالت لي .. بطل سامي عيونه على وسع وقال .. سامي: قالت لك ؟؟ هناء : طبعا وانت ما صدقت ؟؟ وقف طلال وقال .. طلال : انتوا علامكم ؟؟ ريحوني وقولوا لي اشفيها عالية ؟؟؟ سامعين عنها شي ؟؟ وقف سامي وقال يطمنه ويهديه.. سامي: لا طلال بس عالية ما تناسبك .. قلت انا اكمل عن سامي .. هناء : وانت مو قلت انك تحب غالية وميت عليها ..شلي خلاك تروح عند عالية ؟ طلال : انا مارح اتزوج وحدة كانت تكلم قبلي ...غالية كانت تكلم اللي ما يتسمى وقصت على اهلها وعلينا وقالت لنا انه خاطبها ولا هو اصلا ما يعرف عنوانها ... انصدمت ... غالية تسوي جذي ؟؟؟ طلع طلال لعد مناوشات ومحاولات مني ومن سامي انا نثنيه بس مو راضي إلا إذا في سبب مقنع ... هناء: ليش ما قلت له عنها وعن سواياها ؟؟ طالعني بضيق وقال .. سامي: افضح بنت خالتي ؟؟؟ هناء: هي فاضحة عمرها ...قوله وفكنا منها .. هز راسه بالنفي وقال .. سامي: مو انا اللي يفضح اهله ...عالية مهما سوت بتظل بنت خالتي واللي يسيء لها يسيء لي ... وراح الغرفة .. بليل رحنا انا وسامي نزور اهلي ... قعدت مع البنات كالعادة وقدعت ادور على تلفوني ابي اوري خلود شي فيه بس مالقيته ..طلعت برو الصالة ادور بس ماكو ... دخلت المطبخ يمكن نسيته هناك ...بس ماحصلته ...رحت برة يمكن نسيته بسيارة سامي ...بس خل اخذ مفاتيح منه اول شي ...حركت للديوانية ..بس سمعت صوت ورا بالحديقة الورانية .. " بعدي عن طلال عالية ..اعرف شنو تفكرين فيه " هذا صوت سامي ...قربت اكثر لقيتهم واقفين ..قالت عالية .. عالية: ليش ؟؟ تغار علي ؟؟ سامي: لا وانتي الصاجة ..متفشل منج ... قال بعصبية .. سامي: انتي ما تقولين لي اشحقة ياية هني ..مكانج غلط .. عالية: لعلمك انا مابي طلال ..انا ابي اللي اكبر منه ... وقربت من سامي وحطت إيدها على صدره ...وانا هني بققت عيوني منصدمة ... بس سامي بعد ايدها وطالعها باحتقار ومشى ...وقفت جدامه وقالت بعصبية .. عالية: انت ليش تحب تحرق قلبي ؟؟ انا احبك ...احبك ...سامي .. ومدت ايدها مرة ثانية وبغت تحطها على خده بس بعدها بقوة وقال .. سامي: استحي على ويهج ...انتي ما تعرفين شي اسمه حيا ؟؟ انا ريال متزوج .. قاطعته وقالت .. عالية: انت تزوجتها عشان تنسى ريم ... هم ردينا لريم ... قال سامي .. سامي: انا تزوجتها عشان احبها ...لا ريم ولا غيرها يهموني ... وبعدي عن طريجي .. وبغى يمشي بس هي وقفته وقالت .. عالية: ريم ماتت وخلتك عشان جذي رحت تزوجت هناء ...انت ما تحبها ... انت تحب ريم ..ريم ...اخذت هناء بديلة عنها ...وانا هني احترق ... صرخ سامي وقال .. سامي : احترقي بنار جهنم..بس فكيني ... وبغى يمشي بس مسكته من ذراعه ...وقالت .. عالية: بقلب حياتك جحيم صدقني ... سامي: سوي اللي تبينه ... قربته منها بس هو قدر يبعدها بقوة ..وقال بعصبية .. سامي: انا عمري ما احتقرت احد مثل ما احتقرتج ...قاطة روحج على ريال متزوج وتبين تخربين حياته ..انتي شنو شيطان ؟؟... مدت ايدها بس هالمرة كانت تبي تعطيه طراق ..بس مسك سامي ايدها ولفها على وراه بطريقة تألم وقال .. سامي: والله يا عالية ..إذا عرفت انج تحاولين مجرد محاولة انج تخربين علي حياتي بفضحج جدام طلال واهله ... قالت وهي تبجي وتتألم .. عالية: افضحني ...افضحني ..انا ابيك انت ..انت .. دزها سامي وهي طاحت على الأرض وقال باشمئزاز .. سامي: مينونة .. ومشى عنها ...انا هني اطلقت ساقي للريح ..ورحت داخل البيت ..وانا اتنفس بسرعة ..مو من الركض لأ من اللي سمعته ... يعني صج سامي يحب ريم ؟؟ تجمعت الدموع في عيني ...حتى عالية تعرف انه يحبها ... وانا الغبية عبالي انا الوحيدة اللي في قلبه .. بس هو صرح انه يحبني ...حبني عشان ينسى ريم ...واشدراني بعدين ان كلامه صج ؟؟؟ ردينا البيت وانا في قلبي نار تكفي تحرق الكون كله وتفتته وتخليه رماد تذروه الرياح ... فصخت عباتي وعلقتها على السرير ... ولفيت لسامي اللي دخل ..ويهه منعفس ...متضايق ..طول القعدة ما تكلم ولا قال شي ... شفته يفتح علبة البورفين وياكل وحدة ..ويغمض عيونه وينسدح على السرير ..قلت بملل .. هناء: مارح تبدل هدومك؟؟ قال وهو مغمض .. سامي : بلى ..بس خل اريح شوي ... قلت باستغراب .. هناء: اشفيك ؟؟ قال وهو لسة مغمض عيونه .. سامي: دايخ ... تنهدت وطلعت عنه ..وفي بالي اللي صار كله ... ريم ريم ...سببت لي صداع ...شفت سامي ياي وبايده جلاص حليب .. قلت بدون مقدمات وعيني على الأرض .. هناء: سامي ..منو ريم ؟؟ ورفعت راسي اطالع واراقب الملامح اللي بدت تغزو ويهه .. قال باستغراب .. سامي: ريم ؟؟ قمت ووقفت جدامه وقلت .. هناء : ئي ريم ...منو هاذي ؟؟ حط الجلاص بالطاولة وقال .. سامي: من وين سمعتي هالأسم ؟؟ يحاول يستدرجني ويعرف اني فتحت كتابه .. هناء: ليش تسأل ؟؟ طالعني وهو ماله خلق وباستغراب .. سامي: خير ؟؟؟ شنو ليش اسال ؟؟ عشان .. قاطعته وقلت .. هناء: عشان تقدر تبرر لروحك ..صح ؟؟ طالعني متفاجأ ولو ان التعب طاغي على عيونه وملامح ويهه عموما .. سامي: ابرر لنفسي ؟؟ وغمض عيونه يستوعب وقال .. ..رجاء ..no games سامي:هناء .. تجدمت منه وانا اطالعه عدل .. هناء: انت تحبها ؟؟ قطب حواجبه دليل الأستغراب والذهول وقال .. سامي : احب منو ؟؟ ينيتي انتي ؟؟ وتنهد وتحرك يبي يمشي ..قلت هناء: اعترفت لك بحبها بالسيارة بعدين ماتت... ورفعت راسي اطالعه وهو معطيني ظهره واقف .. هناء : للمرة الثانية اسألك انت تحبها ؟؟ لف لي ببطء وقال بصدمة .. سامي: انتي بطلتي كتابي ..صح ؟؟ ولما ما لقى جواب مني قال .. سامي: منو سمح لج ؟؟ تجدمت منه وقلت بعصبية .. هناء: عشان لا اعرف واظل على عماي ..عشان تخش عني حبك الأول .. ريم ...منو ريم هاذي ؟؟ وحدة من اللي تعرفهم مثل ما قالت امك ؟؟ ولا صديقة عابرة مثل سوزي ؟؟ وضحكت بسخرية من غبائي .. هناء : وانا عبالي انك ماتحب احد غيري ..طلعت تحب ولحد الحين تحبها ... ولفيت له وقلت بعصبية .. هناء: انت تحبها صح ؟؟ طالعني وطول بعدين قال بهدوء you are crazy .. سامي : ومشى عني بس انا ماخليته لحقته لين الغرفة ..دخلت وراه وانا اقول .. هناء : لاتنحاش ..قولي الصج . طالعني ببرود وطنشني وقعد على السرير ...ببساطة مارد ...انا هني ينيت ..قلت بصراخ .. هناء: رد علي ؟؟ طالعني بانزعاج وقال .. سامي: هييه ..لا تصارخين ... قلت بعناد وانا اصرخ .. هناء : بصرخ ..وبصرخ ..لين ما تقولي ..تحبها ولا لأ .. هم مارد علي وفصخ ساعته وحدها على الطاولة يم السرير بهدوء ... ظليت الهث وانا مجروحة ... الجنون وحده دفعني اني امسك جنطتي واطلعها من الكبت واحطها على السرير وارد افتح الكبت واطلع ملابسي ...واحطهم بالجنطة ... سامي : انتي شنو تسوين ؟؟ قلت وانا احط ملابسي والقي عليه نظرة نارية .. هناء: مارح تقولي من ريم ؟؟ اوكي .. وقطيت لبسي بعشوائية ... وصكيت الجنطة ..بس سامي مسك ايدي وقال .. سامي: انتي ينيتي ؟؟ قلت وانا اصرخ بجنون .. هناء : ئي ينيت ..ينيت ... ومسكت الجنطة وبعدته عن طريجي ..بس هو لحقني للصالة ومسكني وقال .. سامي : وين بتروحين بالهوقت ..طالعي الساعة ..الساعة 11 ونص ...بتطلعين نص الليل ؟؟؟ خرفتي انتي ؟؟ بعدت ايده يعصبية وقهر وقلت .. هناء: مالك شغل ..بعَد..مادام انت ما تبي تقولي منو ريم ..انا مارح اقعد عندك دقيقة وحدة .. قال باستسلام وهو يتنهد بقهر .. سامي : اوكي ..اوكي بقولج ... ريم زميلتي بالجامعة .. قلت بتشكك .. هناء: تحبها ؟؟ وانا اعرف الأجابة مسبقا بس ابي اعرف منه .. سامي: لأ ... صرخت بأقوى ما عندي وقلت .. هناء: جذاااااب ... وكملت وقلت .. هناء: اللي كتبته غير عن اللي تقوله .... انت تحبها ...والدليل الصورة لها محتفظ فيها عندك .. طالعني بحيرة وقال .. سامي : اشبيني اقولج ...اوكي خلاص ..احبها ...ارتحتي ؟؟ ينيت انا هني وقلت .. هناء : تاخذني على قد عقلي .... سامي : عيل اشتبيني اقولج ؟؟ نزلت دموعي على خدي ..ومسكت جنطتي ورحت للباب سمعته يقول ... سامي : هناء..ذكري الله ... هناء : لا تلحقني ..انا مارح اقعد هني ... مسك الباب وصكه وقال .. سامي: تعوذي من ابليس ولا تفضحينا بهالليول ... بعدت ايده بدفاشة واتوقع اني جرحته باظافري ..وطلعت من الباب ... وركبت سيارتي ... وشخطت للبيت ... الحلقــة العشـرون " اولها جفا آخرها فرح " شخطت للبيت بسرعة جنونية ..ودموعي على خدي ...حرام اللي يصير هذا حرام ... ليش يا سامي ليش ؟؟ دخلت قلبي وصرت دقاته ...دخلت روحي وصرت انفاسها ...دخلتني كلي ...ليه ليه ؟؟؟ وطقيت السكان بعصبية..وانا ابجي ... سمعت صوت التلفون يرن ...مابعدت وايد عن العمارة بس ما رديت ادري هو ...دق التفلون ودق ودق لين ما تعب ...يمكن فوق العشر مرات ..بس مطنشة ... سمعت بعدها صوت مسج ...هم طنشت .. وصلت بيتنا ... ماادري الي اسويه شح ولا خطأ ...ماادري اللي صار صج ولا حلم ...ماادري إذا سامي يحبها ولا لأ ... ماادري عن شي ..ماادري عن شي ... وسندت راسي على السكان وقعدت افرغ اللي بداخلي ... تذكرت لما عالية وسامي بالحديقة الورانية ... تذكرت كلماته لي في البيت لما عطاني العقد الألماس ... تذكرت لما كنا بالمعطم ...واشلون كان يتكلم معاي ويضحك ... تذكرت كل شي ..حتى عرسنا .... تنهدت وطلعت من السيارة ..تركت وراي ذكرياتي ... رحت الدبة وطلعت منها الجنطة ... ودخلت البيت ..وكانت الساعة 12 ونص ... بيتنا ما يبعد عن هني إلا عشر دقايق ..بس قعدتي بالسيارة اخرتني ... سمعت صوت مسج ثاني ... بطلتها ... " انزين لا تردين طمنيني وصلتي البيت ؟" بطلت المسج الأول .. " هناء عقلي وردي البيت ...ترا كل اللي قاعد يصيرهذا ماله داعي " ماله داعي!!! ...مشاعري مالها داعي؟؟ ...حبي ماله داعي ؟؟؟ ... لقيت البيت فاضي ..صج اني هبلة اكيد بيكون فاضي الوقت متأخر والناس وراها دوامات ... ابتسمت لغبائي ...وصعدت فوق ... دخلت داري الحبيبة بدلت هدومي وحطيت الجنطة على جنب ونمت على السرير وانا ادور على النوم والنوم مجافيني .. منو ريم هاذي ؟؟ زميلته بالجامعة ...انزين هي اتعرفت بحبها له بس هو يحبها ؟؟؟يحبها ؟؟؟ نزلت هني دموعي لما وصلت لهكلمة ....وغطيت ويهي بايديني .... سمعت صوت حركة برة ...وصوت ...بعدها سمعت تلفوني يدق ...طالعته بملل وانا عارفة انه سامي ...بس كان طلال ... طلال!!!!! بغيت ارد بس سمعت طق على الباب ..بعدها تبطل ...طل طلال من ورا الباب وقال بذهول .. طلال : انتي هني ؟؟؟ اووووه دروا ... دخل وصك الباب وقال بدهشة .. طلال : اشحقة ياية هني ؟؟؟ قلت وانا مالي خلق احد .. هناء: حرام ايي بيت ابوي ؟؟ ظل طلال واقف مثل الشيرة مندهش ومستغرب من وجودي ...قال .. طلال : هناء اشصاير ؟؟ اشحقة هادة بيت ريلج وياية هني؟؟ مارديت ... سمعت بعدها تلفون طلال ... طلال :ئي كاهي هني ...لا مافيها شي ...ماادري من متى هني توني اشوفها ...مع السلامة ... اكيد هذا سامي ... طلال : هذا سامي يسأل عنج ..خرعتي الريال بنص الليل ... شلي صار ؟؟ تكفين طلال مالي خلقك .. هناء: طلال ...مالي خلق احد ..ما.. قاطعني وقال بعصبية شوي .. طلال : مالج خلق احد ؟؟ ياية بنص الليل وتسحبين جنج حرامي تقولين مالج خلق احد ؟؟ شلي صار ؟؟ وقعد على السرير ينطر الإجابة ... غمضت عيوني وانا خلاص مافيني شدة اتكلم لأني بنفجر ... وطولت بالسكوت ... قام طلال وقال .. طلال: اوكي ماله داعي تكلمين بس ردي على ريلج تراه خايف عليج .. وطلع .... خايف علي ؟؟؟صج عاد ؟؟؟ نمت على هالكلمات والأسئلة ... بطلت عيوني على صوت تلفوني ..منو هذا المزعج ؟؟ بعدها تذكرت كل شي ...كل شي ... لا إله إله إلا الله ... مسكت تلفوني ..شفت 12 مكالمة لم يرد عليها من سامي ومسجين .. والحين هو يتصل ... ما يتعب هذا ؟؟ حذفت التلفون ورحت الحمام عزكم الله وتوضيت وصليت الفير ... ونزلت تحت اسوي الريوق مع امي ..أشغل روحي بأي شي ..بس اكيد بتتفاجأ بوجودي ... وفعلا ما خلت سؤال ما سالته ... ليش هادة بيت ريلج ؟؟ شلي صار ؟؟؟ إلخ ... دخل علينا طلال وبايده كتبه .. طلال : السلام عليكم .. قالت امي بسرعة .. امي : شفت طلال اختك ينت وقعدت ...هادة بيت ريلها وياية عندنا ... ولفت لي وقالت بعصبية .. امي: شلي صار ؟؟؟ تحجي .. طالعت طلال ينقذني بس طالعني بعيون رافضة اللي سويته ومتسائلة ... ما تحملت وطلعت فوق داري وانا ابجي ... يا ناس افهموا ...انا مجروحة ..مجروحة ... تسندت على الباب وقعدت ابجي بصوت عالي .. ليش مو راضيين تفهمون ؟؟ ليش ؟؟ سمعت صوت تلفوني ...ما بغيت ارد بس ازعجني صوته ... قمت بعصبية وثورة من الأرض ومسكت التلفون وكان سامي .. قلت من بين دموعي .. هناء: نعم؟؟ سكت شوي بعدين قال .. سامي: هناء ..اخيرا رديتي ... هناء: اشتبي ؟؟ سامي: ابيج انتي ... غمضت عيوني ونزلت دموعي وقلت .. هناء: جذاب ...جذاب ..انت تبي ريم ...ماخذني بديلة عنها .. قال بصوت واطي .. سامي : منو قالج ؟؟؟ ريم ماضي وانتهى ..مـ.. قاطعته وقلت .. هناء: شفت ..يعني تعترف انك تحبها ..صح ؟؟؟ وصرخت .. هناء: خلها تنفعك عيل .. وصكيت بويهه .. رحت الجامعة اتهرب من عيونهم ...لما رديت الظهر ...شفت طلال طالع من الديوانية وقال بدون مايطالعني .. طلال : ريلج داخل يبيج .. بغيت اعترض فقال طلال بحقد وعصبية .. طلال : روحي تراني حمدي ربج ساكت عنج للحين .. ونظرات طلال كافية انها تحركني ... حسيت اني إذا رفضت بكفخني طراق ..رحت داخل وبايدي كتبي ودخلت الديوانية ...وانا رافعة خشمي ... قعدت وقلت ببرود وانا لافة ويهي .. هناء: السلام عليكم .. رد علي .. سامي: وعليكم السلام... وسكتنا ... نطرته يقول شي ..بس ماقال شي لفيت له وقلت .. هناء: خير ؟؟ ظل يطالعني وعيونه الفاتحة حسيت فيها حزن الدنيا ... سامي: ممكن اعرف شنو اللي تسوينه هذا ؟؟ قلت بغرور وزهو.. هناء: فيك عين تسأل بعد ؟؟ صج فوق شينك قواة عينك .. طالعني منصدم وقال . سامي: ئي شسويت انا ؟؟ كل هذا عشان شفتي صورتها بدفتر مذكراتي ؟؟ اوكي ..مو مشكلة ...بس هذا مو معناه انج تشيلين قشج وتطلعين بنص الليل .. وقفت بقهر وقلت .. هناء : اشوف صورتها عندك مو مشكلة ؟؟؟ انت شنو ؟؟ ما تحس ؟؟ سامي: لا إله إلا الله ..هناء صلي على النبي واقصري الشر ...انا ما سويت شي غلط ... تجدمت منه وقلت .. هناء : عليه الصلاة والسلام ... لا تطلع نفسك بريء ...انت غلطت اكبر غلطة وانا ما اقدر اغفرها لك .. طالعني بذهول وقال .. سامي: يا سلام !!! انتي كنتي تحبين عصام وما قلت لج شي .. لفيت له وقلت بدفاع .. هناء: على الأقل اعترفت مو خشيت صوره وخنتك ... بعدين لا تقارن بيني وبينك انا غير عنك ...انا ما اختليت معاها بسيارة وحدة وسمعتها تقولي .. ميعت صوتي ورققته .. هناء: سامي انا احبك .. ورديت لعصبيتي .. هناء: في فرق يا محترم .. حسيته من الصدمة مو قادر يتكلم ... هز راسه مذهول وقال .. سامي: لا ينيتي انتي .. قلت .. هناء: ينيت لما وافقت عليك ..وانت بقلبك وحدة ثانية ... وقف هني وحسيت ان المعركة ابتدت .. سامي: وانتي ما كنت تحبين لما تزوجت ؟...بعدين يا مدام اشدراج اني اختليت فيها بسيارة وحدة انتي ما كنت معانا ... بعدين ما اسمح لج تكلميني بهالطريقة ..على الأقل احترمي اللي بينا .. قلت هني وطعنته .. هناء: وشلي بينا اصلا ؟؟ صدمة ثانية ... طالعني بعيونه الفاتحة ..وبلع الصدمة ..نزل راسه وقال .. سامي: اوكي ... رفع راسه وقال .. سامي: مثل ما تحبين ... وطلع من الديوانية ... قعدت منهارة ودموعي تنزل ...وقلبي يصرخ .. سامي لا تروح ... ظليت ثلاثة ايام بين الجامعة والبيت ...بيتنا ...وسامي من بعد آخر مرة يانا فيها مادق ولا سأل ... اليوم يوم الرابع لي في البيت ...مشتاقة له وايد ..وودي اشوفه ...وبحكم ان خلود ييرانا وخالها اللي هو ابو سامي قاعد عندهم كنت اسلم عليه وعلى بنته شهد ...وقلت لكم قبل انه يشبه ابوه وايد ..فكل ما اشوفه ارد غرفتي وبحر من الدموع على مخدتي ... الكل حاس ان في شي ..ونظرات خالاتي شوي وتاكلني ...سمعت كذا مرة خالاتي يسالون امي عن سبب وجودي في البيت ..وامي ترد عليهم ان سامي مسافر ... وطلال ما حاول يعرف شلي بينا .. وموضوعه مع عالية معلق لأشعار آخر بسبب سالفتي ...وعرفت ان امي تدري بموضوع طلال وهي اللي شجعته ..وكل ما ابي اعرف السالفة كاملة يردون علي بجفاف ... بعدها ما قمت اسال ... اليوم الثاني وهذا اليوم الخامس .. كنت قاعدة بغرفتي معتكفة فيها اهلي إذا حاجوني يحاجوني من طرف خشومهم فاحترمت نفسي وقمت اكل واصلي واقعد بغرفتي بروحي ... مشتاقة له ياناس ..مادق ولا سال من بعد اللي صار واللي قلته .. آآآه يا رب ارحمني ... سمعت صوت مسج عندي وكان من عصاموه الخبل ...بس مارديت عليه طنشت .. قعدت امشي بالغرفة رايحة رادة ..ماني قادرة لازم اكلمه .. حرام جرحته ...مسكت تلفوني ودقيت عليه بعد اول رنة قطع الأتصال ...او بمعنى اصح صك بويهي ... مايبي يحاجيني ...انا استاهل انا الغلطانة ...بس والله موبايدي ..استخفيت لما عرفت انه يحب وحدة ثانية ولسة يحبها ... وقفت جدام الدريشة اطالع المطر يطق على الجامة ...المطر صارله خمس ساعات يصب ..والجو بااااارد .. وهني لمعت في بالي هالفكرة المجنونة ...لبست عباتي وشيلتي واخذت معاي شال عن البرد وتلفوني وسويج سيارتي ونزلت تحت ..ولأن الوقت عصر فالبيت نايمين ..هذا احلى شي فيهم ...طلعت من البيت بهدوء .. وركبت سيارتي وحركت لسامي ..لحبيبي ... وصلت العمارة ...وصعدت فوق للشقة ..طقيت الباب محد يرد ...بطلته وكان مفتوح ...دخلت وجلت بنظري داخل مافي احد ..رحت الغرف والمطبخ هم ماكو احد .. قعدت على القنفة انطره ..بس طول ...تقريبا ظليت ساعة قاعدة ..بس ماكو ...دقيت عليه محد يرد ... خلاص خل ايي وقت ثاني ...طلعت من الشقة وركبت سيارتي بسرعة عن المطر اللي زاد عن قبل.. قعدت افرك ايديني عن البرد ...دخلت السويج في مكانه ابي احرك ..بس لمحت سيارته ... هاذي سيارة سامي .. ليش واقفة هني؟؟ طلعت من السيارة ورحت له ..سيارته كانت واقف عند مدخل الموقف سادة الطريج... هرولت ومغطية راسي بالشال من المطر .. وقفت عند دريشته شفته ساند راسه على السكان ... طقيت الجام .. رفع راسه وطالعني ...قلت بصوت عالي.. هناء: سامي بطل الباب ..ابي اكلمك .. بس ما تحرك ...بطلت انا الباب اول ما بطلت طاح علي .. ومن ثقله طحنا احنا الأثنين على الأرض .. صرخت .. هناء: سامي ... وريوله كانت لسة معلقة داخل السيارة ..فيريته لين طاحت ..قعدت فوق راسه وانا اطق خده على الخفيف .. هناء: سامي ...سامي سامعني ؟؟ ماكو رد ولا حركة ...قومته بس مااقدر بروحي ...رديت حطيته على الأرض والدنيا بهدلة ..ماي وطين وحالة .. غطيته بالشال عن المطر بس الشال اصلا تبلل ... لفيت مثل المينونة عن احد يساعدني بس مكانا موحش والعمارة اصلا يديدة ... ياربي ... حطيت اذني على صدره اسمع نبضاته ما سمعت شي من الخوف والربكة ... طقيته بايديني المبللة على ويهه اللي يقطر ماي من المطر ...ماكو اجابة .. ضميته لي ودفنت راسي بشعره وقلت بصراخ .. هناء: ياربي ساعدني ... رفعت راسي للسيارة وهديت سامي ورحت دخلت داخل ادور على تلفونه لمحت علبة دوا مبطلة ومتناثرة على ارض السيارة ...مسكت حبة ...ودورت على الأقل على ماي ..شفت غرشة الماي مقطوطة ورا ..نطيت ورا بسرعة واخذت الماي وطلعت من الباب الوراني ..وجثيت يم سامي ...اكيد الدوا هذا كان يبي ياكله بس ما قدر .. رفعت راسه بايد وايد الثانية دخلت الحبة بحلجه وبسرعة تبتعه بالماي ...ورفعت راسه فوق حيل عشان تمر الحبة ..بس اللي صار ان الحبة علقت ..وارتدت برة على شكل سعال ...ورجع سامي الحبة والماي بعد .. بجيت بضعف .. هناء: لا سامي ...اكلها ... بطل عيونه وطالعني وردغمضهم وسكن ...انا هني ينيت ..رديت للسيارة واخذت تلفونه الطايح تحت ... ودقيت على طلال ... وتأخر بالرد .. هناء: مو وقتك ..يلا .. بس لمحت عمي ابو سامي ..داخل العمارة ..طلعت بسرعة وهديت التلفون ..كأني غرقانة متمسكة بقشة .. وركضت وراه مثل المينونة ..وقاعدة اناديه .. هناء: عمي ....عمي.. لف لي اخيرا قبل ما يدخل المصعد ..وتفاجأ من منظري ...قلت وانا الهث .. هناء: عمي بسرعة ...الحق سامي طايح .. ما مداني اكمل إلا عمي سبقني له ...ركضنا انا وهو.... قعد يطق خده على الخفيف لعله يصحى ..بس ماكو فايدة ..طلب مني عمي اني اساعده ..قومناه ودخلنا السيارة ونومناه ورا ..وانا فتحت الباب الوراني من الناحية الثانية وقعدت ..رفعت راسه وحطيته بحظني ...وطيران على المستشفى ... برد ..مطر ...وانا مبللة ...وزوجي طايح ما يندرى اشفيه ...وتجريحي له وتطنيشي لمكالماته ...وطيشي اللي خلاني اطلع من البيت بنص الليل ونداءاته لي ... كل هذا احتمع وخلاني اقعد ابجي بصوت عالي ... حطيت راسي براس سامي .. هناء: سامي ....آسفة والله ... وحظنت راسه ... وصلنا المستشفى ونقلوه غرفة الكشف ...وظلينا انا وعمي برة ... وانا لسة ابجي ... خبلة ...خبلة ...انا خبلة ...استاهل اللي اييني ... طقيت راسي بالطوفة حيل ...بس سمعت صوت عمي عمي: يبا هناء...لا تخافين ان شاء الله خير .. رحت له وقلت .. هناء: عمي انت دكتور ..روح اشفيه الله يخليك .. قال عمي بقلة حيلة .. عمي: هناء بنتي ..انا ما اشتغل هني وما اقدر اتدخل .. قطع كلامه صوت الباب والدكتور يطلع منه .. عمي :ها بشر ؟؟ الدكتور : ما عليه شر ان شاء الله ..بس هبوط حاد بالسكر ادى لفقدانه الوعي ..بس مبين عليه صارله جم يوم ما ياكل ..وهذا خطر عليه ... ما سمعت الباجي لأني دخلت داخل وخليت عمي والدكتور برة ... شفته والكمام موصل عليه .... قطيت روحي على صدره وقعدت ابجي ... انا ما استاهلك ..والله ما استاهلك ... نقلوه لغرفة الملاحظة .. وقعدت يمه طول الوقت ... طالعت الساعة لقيتها تسع وشوي ..وهو لسة ما صحى .. سمعت صوت طلال وراي التفت لقيته يحاجي عمي ...ياني وقال .. طلال : سلامات ...اشلونه الحين ؟؟ قلت وعيوني على سامي بيأس.. هناء: ماادري والله ... سكت طلالو ما اعقب ...بعدها حسيته يهمس بأذوني ويقول .. طلال : هناء قعدتج غلط هني ..امشي برة.. هزيت راسي رافضة ومعترضة وقلت .. هناء: لأ ..ما رح اتحرك من هني .. ومسكت ايد سامي ااكد لطلال ...بس قال .. طلال : بس قعدتج هني والمكان متروس رياييل غلط ...قومي نوقف برة .. قلت بصوت باكي .. هناء: مابي ..مالي شغل انا بالرياييل اللي هني .. بس مسك طلال ايدي وقال بحنية .. طلال : عمري هناء...بس نوقف برة لما يقعد سامي بنرد صدقيني .. وطالعته وعطاني نظرة حنونة يأكد لي اللي قاعد يقوله ..رحت معاه وانظاري معلقة على سامي النايم ..وطلعت برة ... الغرفة كانت زحمة ..رياييل طالعين وداخلين ...وقفت برة ساندة على الطوفة ويمي طلال وعمي معانا .. قلت بهمس .. هناء: اشدراك اني هني ؟؟ قال يساسرني .. طلال : لما دقيتي علي قعدت اناديج ..سديت الخط وقعدت ادق عليج بس ماتردين ...بعدها دقيت على سامي ماكو رد ...دقيت على بو سامي وعلمني ... مر وقت وسامي لسة نايم بالملاحظة ... علمني عمي انه ما رح يطلعونه لين ما يرتفع السكر عنده ...وهذا بياخذ وقت .. مو مشكلة ياخذ اللي ياخذ بس يرجع سامي مثل اول ... طالعت الساعة لقيتها عشر ونص ... وقفت عند الدريشة والمطر لسة يصب ..والدنيا غرقانة ...تذكرت لما طاح سامي ...وقعدتنا تحت المطر وسكونه كأنه سكون الأموات ... تذكرت لما بطل عيونه يطالعني لما شرق ...كانت تحمل معاني وايد ..وكانت ثاقبة .. غمضت عيوني بتعب وتنهدت ...انكمشت على روحي بردانة ...والشال علي الحمدلله نشف شوية ... لما تأخر الوقت قال طلال كأقتراح .. طلال : خلاص عمي باجر نيي هني مرة ثانية .. قلت انا بفزع .. هناء: شنو ؟؟؟ نروح لأ .. كان يبي يتكلم طلال بس قلت بحسم .. هناء: لأ ...طلعة من هني لأ .. سكت طلال مستسلم ...اما عمي قال .. عمي: روحي على الأقل بدلي هدومج ..وردي هني .. هزيت راسي رافضة ومعندة ...اشلون اروح واخليه ؟؟؟ مستحيل ...نو واي ....استأذن طلال ومشى .. وبقينا انا وعمي اللي كل خمس دقايق يدخل يشوفه ويطمني ... وانا ظليت برة .. كل اللي صار ماله داعي يصير اصلا ...بس ما قدرت ...حبه لريم واكتشافي لهالشي صدمني ...يمكن معاه حق لما قارن حبي لعصام بحبه لريم بس في شي واحد مختلف ...انا اعترفت ام هو خش عني ... ولا فوق كل هذا مارضى يعلمني الصج ...ما.. قطع تفكيري صوت عمي اللي واقف عند باب غرفة الملاحظة .. عمي : يبا هناء ...سامي قعد .. طرت داخل شفته يحاول يقعد ...رحت لعنده بسرعة وسندته ...وقلت بفرح .. هناء: حمدلله على السلامة سامي .. طالعني بعدين استوعب شكلي ...مارد ..قلت .. هناء: جذي تخرعيني ؟؟ وقفت قلبي .. هم مارد ..بس شفته يشيل المغذي قلت باستغراب .. هناء: سامي شنو تسوي ؟؟ مارد علي ...قلت وانا امسك ايده .. هناء: شنو تسوي ؟؟ مارد علي ..بس اكتفى يطالعني بنظرات اقسم لو انها اسهم بتييب هدفها ... هناء: بنادي عمي تراني .. قلت اهدده ..بس هني تكلم بصوت مبحوح شوي وكان ينادي ابوه .. سامي : يبا ... وكح ... وسحب ايده من تحت ايدي ..ورد نادى عمي اللي دخل ولما شاف اللي سواه سامي .. عمي : سامي لـ.. مد ايده سامي لعمي الي مسكها ووقف وقال بصوته المريض .. سامي: ودني البيت ..مابي اقعد هني ... بققت عيوني انا منصدمة ...قال عمي معترض .. عمي : شنو ؟؟ لأ طبعا ..مافي روحة .. قال سامي بضيق وطفش .. سامي: يبا تكفين ..مابي اقعد هني ..إذا قعدت بمرض اكثر ... قال عمي وهو يقعد سامي .. عمي: مينون انت ؟؟ معدل السكر عندك لسة نازل .. لازم ترفعه ولا بتتعب جذي .. وقف وسند على حافة السرير وقال .. سامي: مالي شغل ..مابي اقعد هني ...طلعني .. وطق حديدة السرير بعصبية ... قلت انا بخوف عليه .. هناء: سامي ما يصــ... قاطعني بعصبية وبدون ما يطالعني .. سامي: سكتي انتي محد كلمج ... ولف لأبوه وقال .. سامي: ها يبا ؟؟ بطلعني ولا انا بطلع روحي ؟؟ سكت عمي المتفاجأ من طريقة كلام سامي معاي وقال بحيرة .. عمي : خلاص خلاص ..بطلعك ..بس انت اهدى .. وراح طلع ...وظلينا احنا بروحنا ...صج كانت كلمته خنجر بقلبي ..نزلت راسي لشرشف السرير بحزن وصدمة ... وهو ظل ساكت طول الوقت وقاعد عند طرف السرير .. ويكح مرات ... رفعت راسي له ولمحت الجاكيت اللي معلق عند طرف السرير يمه ..تجدمت منه وهو طالعني استخسر فيني حتى هاذي ... نزل راسه ومسح على راسه متضايق ..مسكت الجاكيت وقلت .. هناء : الجو بارد .. مارد علي ...وظل يحرك ريوله بتوتر حركات اربكتني انا ...قلت وانا احط الجاكيت عليه .. هناء: البسه الجـ... قاطعني بحركة ايده المباغتة ...مسك الجاكيت وقطه بعيد ..وقال بحقد بس بهدوء .. سامي: مابي شي منج ... تراجعت انا خطوة لورا كردة فعل لحركته ..وظليت اطالع الجاكيت بصدمة ..لفيت له ودموعي تجمعت بعيوني ...بس منعتها تنزل ... قلت .. هناء: ادري انك زعلان مني بس والله ما كان قصدي اللي قلته واللي سويته .. رفع راسه لي وطالعني بنظرة ما تمنيته يطالعني فيها ..نظرة قاتلة اذبحت قلبي ...كملت وقلت وانا اتقرب منه .. هناء: آسفة صدقني آسفة ...كنت غبية .. ولما خلصت جملتي صلت له ومديت ايدي وحطيتها على جتفه ..بس هو بعد عني وقلب ويهه عني .. قلت بحيرة .. هناء: قولي شنو تبيني اسوي عشان ترضى ...قولي .. مارد علي وظل قالب ويهه عني ...نزلت دموعي هني وقلت وانا امسحها.. هناء: خلاص اوكي لا ترد ..بس عشان اغلى انسان عندك لا تطلع الحين انت تعبان .. قال اخيرا بس يا ليته ما تكلم .. سامي: ما عندي احد اغليه .. قالها وهو لسة قالب ويهه عني ... نزلت راسي ونزلت معاي دمعة للأرض ..وهني دخل عمي ... عمي: يلا سامي .. وقف سامي وسند على عمي ...ولا حتى قالي امشي معانا ولا شي ... نزلت للأرض واخذت الجاكيت ورحت وراهم ...ركبنا السيارة ورحنا البيت ... صعدنا للشقة ..واستأذن عمي بعد ما وصاني على دوا له وطريقة اكله .. صكيت الباب بعد ماراح عمي ..واستعديت لأصعب معاركي ... انا وسامي ... دخلت المطبخ وسويت له اكل ...شلت الصينية ودخلت الغرفة ..لقيت الغرفة فاضية ...بس سمعت صوت الحمام يتبطل عزكم الله وطلع منه سامي وهو مبدل هدومه ...دخل الغرفة ومطنشني على الأخر ومر من جدامي وقال وهو ينسدح .. سامي: لا تعبين عمرج ماني ماكل ... وتلحف ... حطيت الصينية على جنب وقلت .. هناء : عمي موصيني عليك ..لازم تاكل توك طالع من المستشفى ... مارد علي ...تنهدت بصوت مسموع ..وقلت بسري ...ربي استعنت بك على الشقاء ... قلت باصرار .. هناء : ماني طالعة من هني إلا وانت ماكل .. مارد علي وتعدل بنومته ...هني مسكت انا اللحاف وبعدته عن ويهه وقلت وانا اطقه بجتفه واقول بعصبية .. هناء: طالعني ... تأفف وقال وهو يلف لي .. سامي: نعم ؟؟ خير ؟؟ هناء: ماتبي تاكل عشان انا موجودة انا بطلع ..بس اكل عشان صحتك تبي تموت روحك ؟؟ تعدل بقعدته وقال .. سامي: اطلب منج طلب .. قلت بفرح واخيرا .. هناء : آمر .. طالعني بضيق وقال .. سامي: تدلين الباب ؟ طلعي برة .. ورد تحلف .. حسيت بالأهانة ...خليته وطلعت من الغرفة وفرغت بالصالة .. طلعت كل همي والمي ... بغبائي خليته يكرهني ... نمت على القنفة ... بطلت عيوني واستوعبت انا وين ... قعدت وفركت عيوني ...سمعت حركة داخل المطبخ .. قمت وحركت ريولي للمطبخ ...شفته واقف يبطل جبنة شرايح ... ما انتبه لي ...دخلت داخل وقلت .. هناء: انا بسويلك ... بس مارد علي ... كمل شغله ولا حتى طالعني ... تحرك ناحية الجلاصات واخذ جلاص ..مسكته انا وقلت بصراخ .. هناء : انت وبعدين معاك ؟؟؟ لمتى هالعناد ؟؟ انا خلاص مليت .. بعد ايدي بدفاشة ومارد علي ...طقيت الطاولة بقهر وقلت .. هناء: حيل زعلان ؟؟ انا بعد زعلانة ومجروحة .. هني لف لي وقال .. سامي: والله ؟؟ صج ؟؟ مجروحة من شنو بالله ؟؟ قلت ابرر .. هناء : يعني شنو تتوقع مني لما اكتشف انك تحب وحدة ثانية ؟؟ طالعني ببرود وقال .. سامي: ميتة ...تغارين من وحدة ميتة ؟؟ بغيت اتكلم بس هو قال .. سامي: بعدين اصلا هاذي مو غيرة ..انتي ما تغارين علي ... انتي لقيتي سبب عشان تسوين كل هذا ...واسمحيلي اقولج السبب تافه .. انصدمت ...الحين انا شويت كل هذا عشان اسوي جذي ؟؟ تجدمت منه حيل ليما صرت يمه بالضبط .. هناء: منو قال ؟؟ شنو تسمي هذا بالله ؟؟ لف لي وسند على الحنفية وقال .. سامي: اسميه مبرر ...انتي اصلا تدورين علي الزلة عشان تطلقين .. اتطلق ؟؟ هناء: الحين هذا اللي فسره مخك ؟؟ انا مابي اتطلق لو ابي كنت طلبت منك وافتكيت ... قرب مني وقال بخبث .. سامي: طلبتيه قبل هالمرة بس رفضت ...ولا اذكرج ؟؟ قصده على اللي صار قبل ...قلت .. هناء: انت ليش تلف وتدور على هالسالفة ؟؟ انت مو سامحتني عليها ؟؟ ليش ترد على نفس النقطة ؟؟ قال بعصبية .. سامي: لأنها محور حياتنا كله ..لو ماسويتي اللي سويتيه ما كنت عاملتج بهالطريقة ولا زعلت منج ولا .. تنهدت وبعد خصلة من يبهته بضيق وقال يحاول يكتم اللي بداخله .. سامي: هناء...بليز ...خليني استوعب على الأقل اللي سويتيه .. نزلت راسي بحزن ...وانسحبت من المطبخ ... رحت الغرفة وقعدت فيها ... احس روحي مشوشة ... ماني عارفة اللي صار بصالح منو ؟؟؟ لاهو بصالحي ولا صالحه ..انا اصلا ما اعرف سامي شنو يفكر فيه ولا حتى اعرف اشلون يفكر ... اخذت هدومي ورحت الحمام عزكم الله ابدل ... رديت للغرفة ..اقصد الغرفة الثانية ...اذن هني الفير وصليت ونمت ... بطلت عيوني حسيت روحي مكسرة .. اخذت شور على السريع ...وطلعت للصالة .. لقيته يتكلم تلفون .. سامي : انزين تأكد منه .. راقبته عدل ... تنرفز وقال .. سامي: عادل ...انا مو كل مرة اعلمك الطريقة ... رفع راسه للسما بضيق ...قال .. سامي: اوكي .. خلاص .. وصك السماعة بقهر ..وقف وراح للغرفة وطلع منها بظرف ثواني وهو مستعيل ...قلت .. هناء: وين وين ؟؟ لبس جاكيته وقال.. سامي: بروح الدوام يبوني ضروري ... وطلع ...ما مداني اقوله شي اصلا ...بغيت اعتذر له واقعد معاه قعدة ابين له مشاعري ناحيته ...بس الله مو كاتب لنا ... اخذت سويجي ونزلت بروح الجامعة ... لما خلصت وانا بالطريج دقيت على سامي ...مايرد ... افففففف.. ردت بيتنا وانا متضايقة ومقهورة ... من كلمة صارت امس ...كأنه يطردني من حياته مو بس من البيت .. دخلت لقيت البيت لقيت البنات هناك ...ومسوين البيت حوسة ..سوالف وضحك وكيك ... ولأني مالي خلق احد ..صعدت فوق بس وقفتني خلود .. خلود : يلا هناء تعالي ...اختج مسوية حفلة يابت درجة كاملة بالإمتحان ... مالي خلقكم ..رجاء خلوني ...بس لا حياة لمن تنادي ..يرتني انتصار وخلتني اقعد ...وهم يسولفون وانا عيني على التلفون انطره يدق بس ما دق .. ليما تبطل الباب ودخلت اللي ما تتسمى ... نزلت راسي باحباط ..كملت السالفة ...قمت انا وصعدت قبل محد يلاحظني ... دخلت غرفتي ...ابي اختلي بروحي .. ابي اعرف اللي رقعته هذا وادور له حل ... دق هني تلفوني وكان سامي ...رديت عليه وانا مو مصدقة .. هناء: هلا سامي .. سامي: وينج ؟؟ لقيت الشقة فاضية ... ابتسمت على الأقل سأل عني ...فقلت .. هناء: انا في بيت اهلي انطرك تدق بـ... قاطعني وبهدوء .. سامي :احسن ...خلج في بيت اهلج ترتاحين جم يوم وانا بعد ... مع السلامة .. وصك ... صك آخر باب للأمل ... صك على احلامي ... انهرت على السرير بضعف مو مصدقة ... وبجيت ...بجيت حيل .... كله مني ...كله مني ... ظليت حبيسة غرفتي ...مر وقت طويل ... ماادري جم ساعة .. حسيت بصداع ...مسكت راسي الملم افكاري ...الملم شتات روحي ... نزلت تحت بعد ما هديت ... ورحت المطبخ ادور لي على بندول ... المطبخ تحت غرفتي بالضبط .. يعني هذا انه يطل على الحديقة الورانية ...الدنيا ليل .. لمحت احد واقف برة ...رحت للدريشة وشفت اللي ما تتسمى عالية واقفة تحجى تلفون ... رديت اخذت البندول وطلعت من المطبخ لا يرتفع ضغطي اكثر ... شفت الصالة فيها بس اسما وانتصارقاعدين يطالعون تلفزيون ..قعدت معاهم لعلي انسى ..بس مو قادرة .. قمت لا تنزل دموعي بس شفت انتصار تستأذن سلمت علي وراحت ...وعند الباب شافت عالية داخلة سلمت عليها ... دخلت عالية ..وقالت تسوي روحها متفاجأة.. عالية: وييي ..روحوا .. قالت وهي ياية تاخذ جنطتها .. عالية: خلاص عيل ..مع السلامة .. دق هني تلفون اسما واشرت لعالية مع السلامة ..وراحت فوق ... طالعتني هي وقالت .. عالية: مع السلامة قلبي .. وابتسمت بطريقة تستفز ...قلت .. هناء: الله لا يسلمج .. قلبي ويهج برة .. شهقت وقالت بتمثيل كأنها متفاجأة .. عالية: تطردني ؟؟ وردت لطبيعتها وقالت .. عالية: ما عليه ...بتشوفيني وايد ترى ...باي .. وطلعت من الباب .... لحقتها للباب ووقفت عنده وقلت .. هناء: لا تردين مالت على هالوية .. لفت لي وقالت .. عالية: لا يا قلبي لا تعصبين ترى العصبية مو زينة لج ... قهرتني ... مشيت لعندها وقلت .. هناء : إذا تبين سلامتج اختفي من جدامي الحين .. قربت مني وقالت بدلع ماصخ .. عالية: إلا ما قلت لي ...اشلون الصور ؟؟ بطلت عيوني على وسع ....تنفست بسرعة من الغضب كملت هي تقرب مني .. عالية: تراج حلوة بالصور تصدقين ؟؟ هني ...ما قدرت اتحمل ... رفعت ايدي وصكيت كف فريت ويهها ...لفت لي وهي مصدومة وايدها على خدها .. عالية: صج انج حقييييرة .. لا هاذي بتموت على ايدي ... هجمت عليها مثل اللبوة ..ومسكت شعرها وعطيتها من اللي يبرد القلب ...طحنا على الأرض اثنيناتنا وانا فوقها ... بكسات ..طراقات ...زنط ...كل اساليب استخدمتها ... عشان ابرد حرتي ... هناء: انا تقولين لي جذي ؟؟؟ والله ما اخليج .. ومسكت شعرها المصبوغ وشديته بأقوى ما عندي ... وجم طراق وهي تحاول تدافع عن نفسها بس انا ما عطيتها فرصة ... وكنت اصرخ معصبة وهي تصرخ عشانها تتألم ... ماحسيت إلا بايد تمسكني وتقومني من فوق عالية ... " هناء...هنااااء بس خلاص .." وانا احاول امسكها واقول .. هناء: خلوني ...خلوني عليها ..النذلة ...ياالحقيرة ... انتي ما تستاهلين تكونين بينا ... قامت هي ووقفت وقالت وهي تبعد خصل شعرها عن ويهها .. عالية : انتي مينونة ...مينونة ... هني فلت من ايد اللي ماسكنيواعتقد اسما دزيتها بعيد ونطيت عليها مرة ثانية ..وطحنا على الأرض وصراخنا واصل لأخر الشارع ... هناء: انا بعلمج الينون على اصوله ... وزنطتها ... {[ الله لا إله إلا هو الحي القيوم مالك الملك ذو الجلال والإكرام ]}35 03-07-2008, 03:03 AM امورة المغرب ©؛°¨غرامي مشارك¨°؛© اضافة هذا الموضوع في ملفك في الفيس بوك رد: إلى زوجي العزيز مع التحيه ... الكاتبه : ليل العشاق منقولة للامانة -------------------------------------------------------------------------------- واصوات من حولي وايادي تمسكني بس مو قادرة ابي اطلع حرتي فيها ... اخيرا وقفت لأن في احد شدني ..وماسكني من خصري ومن ايدي ... قلت وانا ابجي .. هناء: بذبحج ...صدقيني بذبحج ... حاولت اتملص من ايده بس مو قادرة ... هناء: خلني ...ابي اذبحها ...خلني .. لف سامي لعالية وقال بأمر .. سامي: طلعي من هني ... بس هو وقفت فقال بعصبية .. سامي: طلعي ما تفهمين ؟؟ يرتها اسما واختفوا...بس انا نطيت ابي امسكها ..مسكني سامي هني وكان مطوق ايده على وسطي يمنعني ... سامي: بس خلاص ..هناء.. قلت وانا انهار واطيح على الأرض .. هناء: خلني ...خلني ...حرام اللي تسوونه فيني حرام .... وسندت ايد على الأرض وويهي للأرض ودموعي تنزل ... مسك سامي راسي وحطه على صدره ... سامي: اششش...اهدي اهدي ... غمضت عيوني وقعدت ابجي بصوت عالي.... بعدها هدا بجيي ...وقفني وخذاني لسيارته ... قعدنا داخل ...بس ظلينا ساكتين ....بعد ما مر وقت ثال سامي .. سامي: هديتي ؟؟ هزيت راسي بايجاب ...ولفيت للدريشة ...مسكين عباله اني بهدا جذي ... سامي: اشفيج قلبتي مفترسة فجأة ؟؟ مارديت عليه بس لفيت له وطالعته وانا مالي خلق ...شفته يبتسم ...لفيت وانا اتنهد ... هناء: عجبك اللي شفته ؟؟ ضحك ... شفته العجب !!! يضحك!!!! لفيته له وقلت متفاجأة ومنصدمة .. هناء: تضحك ؟؟؟ قال ببساطة .. سامي: وليش ما اضحك ؟؟؟ من هول الصدمة ما رديت ...قال .. سامي: هناء عمري ...خلاص انسي عالية وطوايف عالية ..واللي صار هذا المفروض ما ينعاد مرة ثانية .. ما ينعاد !!!!! قلت وانا اسوي حركة مينون .. هناء: اشفيك انت مينون ؟؟؟ ياية لبيتنا وتهيني وتبيني اسكت لها ؟؟ قال بعقل .. سامي: ادري ..بس انا قلت لج عالية هذا اسلوبها ...تبي تستفزج ..وكاهي نجحت ... روح انت بعد ...انا بروحي لابعة جبدي ...لفيت ويهي عنه بضيق وملل ..مسك ايدي وقال .. سامي: حبيبي ...بس عاد ...خلاص انسي .. لفيت له وقلت .. هناء: انسى شنو ؟؟ طردتك لي ؟؟ سامي: انا ما طردتج ..انا قلت نرتاح من بعض جم يوم .. سحبت ايدي وقلت .. هناء: واشحقة ياي عيل ؟؟ ابتسم وقال وهو يمرر ايده على خدي .. سامي: ما قدرت ...ييت اشوفج ..بس شفتج قالبة الشارع حلبة مصارعة .. وضحك بخفة ... ماقدرت وابتسمت ..ابتسمت من بين براكين الغضب اللي ثارت ... مسكت ايده وقلت .. هناء: مسامحني ؟؟ هز راسه وهو يبتسم .. موافقته نورت الأمل في حياتي وقوت عزيمتي ... وردتني فرش مرة ثانية ... شغل سامي السيارة ورحنا البيت ... |
الحلقــة العشـرون
" اولها جفا آخرها فرح " شخطت للبيت بسرعة جنونية ..ودموعي على خدي ...حرام اللي يصير هذا حرام ... ليش يا سامي ليش ؟؟ دخلت قلبي وصرت دقاته ...دخلت روحي وصرت انفاسها ...دخلتني كلي ...ليه ليه ؟؟؟ وطقيت السكان بعصبية..وانا ابجي ... سمعت صوت التلفون يرن ...مابعدت وايد عن العمارة بس ما رديت ادري هو ...دق التفلون ودق ودق لين ما تعب ...يمكن فوق العشر مرات ..بس مطنشة ... سمعت بعدها صوت مسج ...هم طنشت .. وصلت بيتنا ... ماادري الي اسويه شح ولا خطأ ...ماادري اللي صار صج ولا حلم ...ماادري إذا سامي يحبها ولا لأ ... ماادري عن شي ..ماادري عن شي ... وسندت راسي على السكان وقعدت افرغ اللي بداخلي ... تذكرت لما عالية وسامي بالحديقة الورانية ... تذكرت كلماته لي في البيت لما عطاني العقد الألماس ... تذكرت لما كنا بالمعطم ...واشلون كان يتكلم معاي ويضحك ... تذكرت كل شي ..حتى عرسنا .... تنهدت وطلعت من السيارة ..تركت وراي ذكرياتي ... رحت الدبة وطلعت منها الجنطة ... ودخلت البيت ..وكانت الساعة 12 ونص ... بيتنا ما يبعد عن هني إلا عشر دقايق ..بس قعدتي بالسيارة اخرتني ... سمعت صوت مسج ثاني ... بطلتها ... " انزين لا تردين طمنيني وصلتي البيت ؟" بطلت المسج الأول .. " هناء عقلي وردي البيت ...ترا كل اللي قاعد يصيرهذا ماله داعي " ماله داعي!!! ...مشاعري مالها داعي؟؟ ...حبي ماله داعي ؟؟؟ ... لقيت البيت فاضي ..صج اني هبلة اكيد بيكون فاضي الوقت متأخر والناس وراها دوامات ... ابتسمت لغبائي ...وصعدت فوق ... دخلت داري الحبيبة بدلت هدومي وحطيت الجنطة على جنب ونمت على السرير وانا ادور على النوم والنوم مجافيني .. منو ريم هاذي ؟؟ زميلته بالجامعة ...انزين هي اتعرفت بحبها له بس هو يحبها ؟؟؟يحبها ؟؟؟ نزلت هني دموعي لما وصلت لهكلمة ....وغطيت ويهي بايديني .... سمعت صوت حركة برة ...وصوت ...بعدها سمعت تلفوني يدق ...طالعته بملل وانا عارفة انه سامي ...بس كان طلال ... طلال!!!!! بغيت ارد بس سمعت طق على الباب ..بعدها تبطل ...طل طلال من ورا الباب وقال بذهول .. طلال : انتي هني ؟؟؟ اووووه دروا ... دخل وصك الباب وقال بدهشة .. طلال : اشحقة ياية هني ؟؟؟ قلت وانا مالي خلق احد .. هناء: حرام ايي بيت ابوي ؟؟ ظل طلال واقف مثل الشيرة مندهش ومستغرب من وجودي ...قال .. طلال : هناء اشصاير ؟؟ اشحقة هادة بيت ريلج وياية هني؟؟ مارديت ... سمعت بعدها تلفون طلال ... طلال :ئي كاهي هني ...لا مافيها شي ...ماادري من متى هني توني اشوفها ...مع السلامة ... اكيد هذا سامي ... طلال : هذا سامي يسأل عنج ..خرعتي الريال بنص الليل ... شلي صار ؟؟ تكفين طلال مالي خلقك .. هناء: طلال ...مالي خلق احد ..ما.. قاطعني وقال بعصبية شوي .. طلال : مالج خلق احد ؟؟ ياية بنص الليل وتسحبين جنج حرامي تقولين مالج خلق احد ؟؟ شلي صار ؟؟ وقعد على السرير ينطر الإجابة ... غمضت عيوني وانا خلاص مافيني شدة اتكلم لأني بنفجر ... وطولت بالسكوت ... قام طلال وقال .. طلال: اوكي ماله داعي تكلمين بس ردي على ريلج تراه خايف عليج .. وطلع .... خايف علي ؟؟؟صج عاد ؟؟؟ نمت على هالكلمات والأسئلة ... بطلت عيوني على صوت تلفوني ..منو هذا المزعج ؟؟ بعدها تذكرت كل شي ...كل شي ... لا إله إله إلا الله ... مسكت تلفوني ..شفت 12 مكالمة لم يرد عليها من سامي ومسجين .. والحين هو يتصل ... ما يتعب هذا ؟؟ حذفت التلفون ورحت الحمام عزكم الله وتوضيت وصليت الفير ... ونزلت تحت اسوي الريوق مع امي ..أشغل روحي بأي شي ..بس اكيد بتتفاجأ بوجودي ... وفعلا ما خلت سؤال ما سالته ... ليش هادة بيت ريلج ؟؟ شلي صار ؟؟؟ إلخ ... دخل علينا طلال وبايده كتبه .. طلال : السلام عليكم .. قالت امي بسرعة .. امي : شفت طلال اختك ينت وقعدت ...هادة بيت ريلها وياية عندنا ... ولفت لي وقالت بعصبية .. امي: شلي صار ؟؟؟ تحجي .. طالعت طلال ينقذني بس طالعني بعيون رافضة اللي سويته ومتسائلة ... ما تحملت وطلعت فوق داري وانا ابجي ... يا ناس افهموا ...انا مجروحة ..مجروحة ... تسندت على الباب وقعدت ابجي بصوت عالي .. ليش مو راضيين تفهمون ؟؟ ليش ؟؟ سمعت صوت تلفوني ...ما بغيت ارد بس ازعجني صوته ... قمت بعصبية وثورة من الأرض ومسكت التلفون وكان سامي .. قلت من بين دموعي .. هناء: نعم؟؟ سكت شوي بعدين قال .. سامي: هناء ..اخيرا رديتي ... هناء: اشتبي ؟؟ سامي: ابيج انتي ... غمضت عيوني ونزلت دموعي وقلت .. هناء: جذاب ...جذاب ..انت تبي ريم ...ماخذني بديلة عنها .. قال بصوت واطي .. سامي : منو قالج ؟؟؟ ريم ماضي وانتهى ..مـ.. قاطعته وقلت .. هناء: شفت ..يعني تعترف انك تحبها ..صح ؟؟؟ وصرخت .. هناء: خلها تنفعك عيل .. وصكيت بويهه .. رحت الجامعة اتهرب من عيونهم ...لما رديت الظهر ...شفت طلال طالع من الديوانية وقال بدون مايطالعني .. طلال : ريلج داخل يبيج .. بغيت اعترض فقال طلال بحقد وعصبية .. طلال : روحي تراني حمدي ربج ساكت عنج للحين .. ونظرات طلال كافية انها تحركني ... حسيت اني إذا رفضت بكفخني طراق ..رحت داخل وبايدي كتبي ودخلت الديوانية ...وانا رافعة خشمي ... قعدت وقلت ببرود وانا لافة ويهي .. هناء: السلام عليكم .. رد علي .. سامي: وعليكم السلام... وسكتنا ... نطرته يقول شي ..بس ماقال شي لفيت له وقلت .. هناء: خير ؟؟ ظل يطالعني وعيونه الفاتحة حسيت فيها حزن الدنيا ... سامي: ممكن اعرف شنو اللي تسوينه هذا ؟؟ قلت بغرور وزهو.. هناء: فيك عين تسأل بعد ؟؟ صج فوق شينك قواة عينك .. طالعني منصدم وقال . سامي: ئي شسويت انا ؟؟ كل هذا عشان شفتي صورتها بدفتر مذكراتي ؟؟ اوكي ..مو مشكلة ...بس هذا مو معناه انج تشيلين قشج وتطلعين بنص الليل .. وقفت بقهر وقلت .. هناء : اشوف صورتها عندك مو مشكلة ؟؟؟ انت شنو ؟؟ ما تحس ؟؟ سامي: لا إله إلا الله ..هناء صلي على النبي واقصري الشر ...انا ما سويت شي غلط ... تجدمت منه وقلت .. هناء : عليه الصلاة والسلام ... لا تطلع نفسك بريء ...انت غلطت اكبر غلطة وانا ما اقدر اغفرها لك .. طالعني بذهول وقال .. سامي: يا سلام !!! انتي كنتي تحبين عصام وما قلت لج شي .. لفيت له وقلت بدفاع .. هناء: على الأقل اعترفت مو خشيت صوره وخنتك ... بعدين لا تقارن بيني وبينك انا غير عنك ...انا ما اختليت معاها بسيارة وحدة وسمعتها تقولي .. ميعت صوتي ورققته .. هناء: سامي انا احبك .. ورديت لعصبيتي .. هناء: في فرق يا محترم .. حسيته من الصدمة مو قادر يتكلم ... هز راسه مذهول وقال .. سامي: لا ينيتي انتي .. قلت .. هناء: ينيت لما وافقت عليك ..وانت بقلبك وحدة ثانية ... وقف هني وحسيت ان المعركة ابتدت .. سامي: وانتي ما كنت تحبين لما تزوجت ؟...بعدين يا مدام اشدراج اني اختليت فيها بسيارة وحدة انتي ما كنت معانا ... بعدين ما اسمح لج تكلميني بهالطريقة ..على الأقل احترمي اللي بينا .. قلت هني وطعنته .. هناء: وشلي بينا اصلا ؟؟ صدمة ثانية ... طالعني بعيونه الفاتحة ..وبلع الصدمة ..نزل راسه وقال .. سامي: اوكي ... رفع راسه وقال .. سامي: مثل ما تحبين ... وطلع من الديوانية ... قعدت منهارة ودموعي تنزل ...وقلبي يصرخ .. سامي لا تروح ... ظليت ثلاثة ايام بين الجامعة والبيت ...بيتنا ...وسامي من بعد آخر مرة يانا فيها مادق ولا سأل ... اليوم يوم الرابع لي في البيت ...مشتاقة له وايد ..وودي اشوفه ...وبحكم ان خلود ييرانا وخالها اللي هو ابو سامي قاعد عندهم كنت اسلم عليه وعلى بنته شهد ...وقلت لكم قبل انه يشبه ابوه وايد ..فكل ما اشوفه ارد غرفتي وبحر من الدموع على مخدتي ... الكل حاس ان في شي ..ونظرات خالاتي شوي وتاكلني ...سمعت كذا مرة خالاتي يسالون امي عن سبب وجودي في البيت ..وامي ترد عليهم ان سامي مسافر ... وطلال ما حاول يعرف شلي بينا .. وموضوعه مع عالية معلق لأشعار آخر بسبب سالفتي ...وعرفت ان امي تدري بموضوع طلال وهي اللي شجعته ..وكل ما ابي اعرف السالفة كاملة يردون علي بجفاف ... بعدها ما قمت اسال ... اليوم الثاني وهذا اليوم الخامس .. كنت قاعدة بغرفتي معتكفة فيها اهلي إذا حاجوني يحاجوني من طرف خشومهم فاحترمت نفسي وقمت اكل واصلي واقعد بغرفتي بروحي ... مشتاقة له ياناس ..مادق ولا سال من بعد اللي صار واللي قلته .. آآآه يا رب ارحمني ... سمعت صوت مسج عندي وكان من عصاموه الخبل ...بس مارديت عليه طنشت .. قعدت امشي بالغرفة رايحة رادة ..ماني قادرة لازم اكلمه .. حرام جرحته ...مسكت تلفوني ودقيت عليه بعد اول رنة قطع الأتصال ...او بمعنى اصح صك بويهي ... مايبي يحاجيني ...انا استاهل انا الغلطانة ...بس والله موبايدي ..استخفيت لما عرفت انه يحب وحدة ثانية ولسة يحبها ... وقفت جدام الدريشة اطالع المطر يطق على الجامة ...المطر صارله خمس ساعات يصب ..والجو بااااارد .. وهني لمعت في بالي هالفكرة المجنونة ...لبست عباتي وشيلتي واخذت معاي شال عن البرد وتلفوني وسويج سيارتي ونزلت تحت ..ولأن الوقت عصر فالبيت نايمين ..هذا احلى شي فيهم ...طلعت من البيت بهدوء .. وركبت سيارتي وحركت لسامي ..لحبيبي ... وصلت العمارة ...وصعدت فوق للشقة ..طقيت الباب محد يرد ...بطلته وكان مفتوح ...دخلت وجلت بنظري داخل مافي احد ..رحت الغرف والمطبخ هم ماكو احد .. قعدت على القنفة انطره ..بس طول ...تقريبا ظليت ساعة قاعدة ..بس ماكو ...دقيت عليه محد يرد ... خلاص خل ايي وقت ثاني ...طلعت من الشقة وركبت سيارتي بسرعة عن المطر اللي زاد عن قبل.. قعدت افرك ايديني عن البرد ...دخلت السويج في مكانه ابي احرك ..بس لمحت سيارته ... هاذي سيارة سامي .. ليش واقفة هني؟؟ طلعت من السيارة ورحت له ..سيارته كانت واقف عند مدخل الموقف سادة الطريج... هرولت ومغطية راسي بالشال من المطر .. وقفت عند دريشته شفته ساند راسه على السكان ... طقيت الجام .. رفع راسه وطالعني ...قلت بصوت عالي.. هناء: سامي بطل الباب ..ابي اكلمك .. بس ما تحرك ...بطلت انا الباب اول ما بطلت طاح علي .. ومن ثقله طحنا احنا الأثنين على الأرض .. صرخت .. هناء: سامي ... وريوله كانت لسة معلقة داخل السيارة ..فيريته لين طاحت ..قعدت فوق راسه وانا اطق خده على الخفيف .. هناء: سامي ...سامي سامعني ؟؟ ماكو رد ولا حركة ...قومته بس مااقدر بروحي ...رديت حطيته على الأرض والدنيا بهدلة ..ماي وطين وحالة .. غطيته بالشال عن المطر بس الشال اصلا تبلل ... لفيت مثل المينونة عن احد يساعدني بس مكانا موحش والعمارة اصلا يديدة ... ياربي ... حطيت اذني على صدره اسمع نبضاته ما سمعت شي من الخوف والربكة ... طقيته بايديني المبللة على ويهه اللي يقطر ماي من المطر ...ماكو اجابة .. ضميته لي ودفنت راسي بشعره وقلت بصراخ .. هناء: ياربي ساعدني ... رفعت راسي للسيارة وهديت سامي ورحت دخلت داخل ادور على تلفونه لمحت علبة دوا مبطلة ومتناثرة على ارض السيارة ...مسكت حبة ...ودورت على الأقل على ماي ..شفت غرشة الماي مقطوطة ورا ..نطيت ورا بسرعة واخذت الماي وطلعت من الباب الوراني ..وجثيت يم سامي ...اكيد الدوا هذا كان يبي ياكله بس ما قدر .. رفعت راسه بايد وايد الثانية دخلت الحبة بحلجه وبسرعة تبتعه بالماي ...ورفعت راسه فوق حيل عشان تمر الحبة ..بس اللي صار ان الحبة علقت ..وارتدت برة على شكل سعال ...ورجع سامي الحبة والماي بعد .. بجيت بضعف .. هناء: لا سامي ...اكلها ... بطل عيونه وطالعني وردغمضهم وسكن ...انا هني ينيت ..رديت للسيارة واخذت تلفونه الطايح تحت ... ودقيت على طلال ... وتأخر بالرد .. هناء: مو وقتك ..يلا .. بس لمحت عمي ابو سامي ..داخل العمارة ..طلعت بسرعة وهديت التلفون ..كأني غرقانة متمسكة بقشة .. وركضت وراه مثل المينونة ..وقاعدة اناديه .. هناء: عمي ....عمي.. لف لي اخيرا قبل ما يدخل المصعد ..وتفاجأ من منظري ...قلت وانا الهث .. هناء: عمي بسرعة ...الحق سامي طايح .. ما مداني اكمل إلا عمي سبقني له ...ركضنا انا وهو.... قعد يطق خده على الخفيف لعله يصحى ..بس ماكو فايدة ..طلب مني عمي اني اساعده ..قومناه ودخلنا السيارة ونومناه ورا ..وانا فتحت الباب الوراني من الناحية الثانية وقعدت ..رفعت راسه وحطيته بحظني ...وطيران على المستشفى ... برد ..مطر ...وانا مبللة ...وزوجي طايح ما يندرى اشفيه ...وتجريحي له وتطنيشي لمكالماته ...وطيشي اللي خلاني اطلع من البيت بنص الليل ونداءاته لي ... كل هذا احتمع وخلاني اقعد ابجي بصوت عالي ... حطيت راسي براس سامي .. هناء: سامي ....آسفة والله ... وحظنت راسه ... وصلنا المستشفى ونقلوه غرفة الكشف ...وظلينا انا وعمي برة ... وانا لسة ابجي ... خبلة ...خبلة ...انا خبلة ...استاهل اللي اييني ... طقيت راسي بالطوفة حيل ...بس سمعت صوت عمي عمي: يبا هناء...لا تخافين ان شاء الله خير .. رحت له وقلت .. هناء: عمي انت دكتور ..روح اشفيه الله يخليك .. قال عمي بقلة حيلة .. عمي: هناء بنتي ..انا ما اشتغل هني وما اقدر اتدخل .. قطع كلامه صوت الباب والدكتور يطلع منه .. عمي :ها بشر ؟؟ الدكتور : ما عليه شر ان شاء الله ..بس هبوط حاد بالسكر ادى لفقدانه الوعي ..بس مبين عليه صارله جم يوم ما ياكل ..وهذا خطر عليه ... ما سمعت الباجي لأني دخلت داخل وخليت عمي والدكتور برة ... شفته والكمام موصل عليه .... قطيت روحي على صدره وقعدت ابجي ... انا ما استاهلك ..والله ما استاهلك ... نقلوه لغرفة الملاحظة .. وقعدت يمه طول الوقت ... طالعت الساعة لقيتها تسع وشوي ..وهو لسة ما صحى .. سمعت صوت طلال وراي التفت لقيته يحاجي عمي ...ياني وقال .. طلال : سلامات ...اشلونه الحين ؟؟ قلت وعيوني على سامي بيأس.. هناء: ماادري والله ... سكت طلالو ما اعقب ...بعدها حسيته يهمس بأذوني ويقول .. طلال : هناء قعدتج غلط هني ..امشي برة.. هزيت راسي رافضة ومعترضة وقلت .. هناء: لأ ..ما رح اتحرك من هني .. ومسكت ايد سامي ااكد لطلال ...بس قال .. طلال : بس قعدتج هني والمكان متروس رياييل غلط ...قومي نوقف برة .. قلت بصوت باكي .. هناء: مابي ..مالي شغل انا بالرياييل اللي هني .. بس مسك طلال ايدي وقال بحنية .. طلال : عمري هناء...بس نوقف برة لما يقعد سامي بنرد صدقيني .. وطالعته وعطاني نظرة حنونة يأكد لي اللي قاعد يقوله ..رحت معاه وانظاري معلقة على سامي النايم ..وطلعت برة ... الغرفة كانت زحمة ..رياييل طالعين وداخلين ...وقفت برة ساندة على الطوفة ويمي طلال وعمي معانا .. قلت بهمس .. هناء: اشدراك اني هني ؟؟ قال يساسرني .. طلال : لما دقيتي علي قعدت اناديج ..سديت الخط وقعدت ادق عليج بس ماتردين ...بعدها دقيت على سامي ماكو رد ...دقيت على بو سامي وعلمني ... مر وقت وسامي لسة نايم بالملاحظة ... علمني عمي انه ما رح يطلعونه لين ما يرتفع السكر عنده ...وهذا بياخذ وقت .. مو مشكلة ياخذ اللي ياخذ بس يرجع سامي مثل اول ... طالعت الساعة لقيتها عشر ونص ... وقفت عند الدريشة والمطر لسة يصب ..والدنيا غرقانة ...تذكرت لما طاح سامي ...وقعدتنا تحت المطر وسكونه كأنه سكون الأموات ... تذكرت لما بطل عيونه يطالعني لما شرق ...كانت تحمل معاني وايد ..وكانت ثاقبة .. غمضت عيوني بتعب وتنهدت ...انكمشت على روحي بردانة ...والشال علي الحمدلله نشف شوية ... لما تأخر الوقت قال طلال كأقتراح .. طلال : خلاص عمي باجر نيي هني مرة ثانية .. قلت انا بفزع .. هناء: شنو ؟؟؟ نروح لأ .. كان يبي يتكلم طلال بس قلت بحسم .. هناء: لأ ...طلعة من هني لأ .. سكت طلال مستسلم ...اما عمي قال .. عمي: روحي على الأقل بدلي هدومج ..وردي هني .. هزيت راسي رافضة ومعندة ...اشلون اروح واخليه ؟؟؟ مستحيل ...نو واي ....استأذن طلال ومشى .. وبقينا انا وعمي اللي كل خمس دقايق يدخل يشوفه ويطمني ... وانا ظليت برة .. كل اللي صار ماله داعي يصير اصلا ...بس ما قدرت ...حبه لريم واكتشافي لهالشي صدمني ...يمكن معاه حق لما قارن حبي لعصام بحبه لريم بس في شي واحد مختلف ...انا اعترفت ام هو خش عني ... ولا فوق كل هذا مارضى يعلمني الصج ...ما.. قطع تفكيري صوت عمي اللي واقف عند باب غرفة الملاحظة .. عمي : يبا هناء ...سامي قعد .. طرت داخل شفته يحاول يقعد ...رحت لعنده بسرعة وسندته ...وقلت بفرح .. هناء: حمدلله على السلامة سامي .. طالعني بعدين استوعب شكلي ...مارد ..قلت .. هناء: جذي تخرعيني ؟؟ وقفت قلبي .. هم مارد ..بس شفته يشيل المغذي قلت باستغراب .. هناء: سامي شنو تسوي ؟؟ مارد علي ...قلت وانا امسك ايده .. هناء: شنو تسوي ؟؟ مارد علي ..بس اكتفى يطالعني بنظرات اقسم لو انها اسهم بتييب هدفها ... هناء: بنادي عمي تراني .. قلت اهدده ..بس هني تكلم بصوت مبحوح شوي وكان ينادي ابوه .. سامي : يبا ... وكح ... وسحب ايده من تحت ايدي ..ورد نادى عمي اللي دخل ولما شاف اللي سواه سامي .. عمي : سامي لـ.. مد ايده سامي لعمي الي مسكها ووقف وقال بصوته المريض .. سامي: ودني البيت ..مابي اقعد هني ... بققت عيوني انا منصدمة ...قال عمي معترض .. عمي : شنو ؟؟ لأ طبعا ..مافي روحة .. قال سامي بضيق وطفش .. سامي: يبا تكفين ..مابي اقعد هني ..إذا قعدت بمرض اكثر ... قال عمي وهو يقعد سامي .. عمي: مينون انت ؟؟ معدل السكر عندك لسة نازل .. لازم ترفعه ولا بتتعب جذي .. وقف وسند على حافة السرير وقال .. سامي: مالي شغل ..مابي اقعد هني ...طلعني .. وطق حديدة السرير بعصبية ... قلت انا بخوف عليه .. هناء: سامي ما يصــ... قاطعني بعصبية وبدون ما يطالعني .. سامي: سكتي انتي محد كلمج ... ولف لأبوه وقال .. سامي: ها يبا ؟؟ بطلعني ولا انا بطلع روحي ؟؟ سكت عمي المتفاجأ من طريقة كلام سامي معاي وقال بحيرة .. عمي : خلاص خلاص ..بطلعك ..بس انت اهدى .. وراح طلع ...وظلينا احنا بروحنا ...صج كانت كلمته خنجر بقلبي ..نزلت راسي لشرشف السرير بحزن وصدمة ... وهو ظل ساكت طول الوقت وقاعد عند طرف السرير .. ويكح مرات ... رفعت راسي له ولمحت الجاكيت اللي معلق عند طرف السرير يمه ..تجدمت منه وهو طالعني استخسر فيني حتى هاذي ... نزل راسه ومسح على راسه متضايق ..مسكت الجاكيت وقلت .. هناء : الجو بارد .. مارد علي ...وظل يحرك ريوله بتوتر حركات اربكتني انا ...قلت وانا احط الجاكيت عليه .. هناء: البسه الجـ... قاطعني بحركة ايده المباغتة ...مسك الجاكيت وقطه بعيد ..وقال بحقد بس بهدوء .. سامي: مابي شي منج ... تراجعت انا خطوة لورا كردة فعل لحركته ..وظليت اطالع الجاكيت بصدمة ..لفيت له ودموعي تجمعت بعيوني ...بس منعتها تنزل ... قلت .. هناء: ادري انك زعلان مني بس والله ما كان قصدي اللي قلته واللي سويته .. رفع راسه لي وطالعني بنظرة ما تمنيته يطالعني فيها ..نظرة قاتلة اذبحت قلبي ...كملت وقلت وانا اتقرب منه .. هناء: آسفة صدقني آسفة ...كنت غبية .. ولما خلصت جملتي صلت له ومديت ايدي وحطيتها على جتفه ..بس هو بعد عني وقلب ويهه عني .. قلت بحيرة .. هناء: قولي شنو تبيني اسوي عشان ترضى ...قولي .. مارد علي وظل قالب ويهه عني ...نزلت دموعي هني وقلت وانا امسحها.. هناء: خلاص اوكي لا ترد ..بس عشان اغلى انسان عندك لا تطلع الحين انت تعبان .. قال اخيرا بس يا ليته ما تكلم .. سامي: ما عندي احد اغليه .. قالها وهو لسة قالب ويهه عني ... نزلت راسي ونزلت معاي دمعة للأرض ..وهني دخل عمي ... عمي: يلا سامي .. وقف سامي وسند على عمي ...ولا حتى قالي امشي معانا ولا شي ... نزلت للأرض واخذت الجاكيت ورحت وراهم ...ركبنا السيارة ورحنا البيت ... صعدنا للشقة ..واستأذن عمي بعد ما وصاني على دوا له وطريقة اكله .. صكيت الباب بعد ماراح عمي ..واستعديت لأصعب معاركي ... انا وسامي ... دخلت المطبخ وسويت له اكل ...شلت الصينية ودخلت الغرفة ..لقيت الغرفة فاضية ...بس سمعت صوت الحمام يتبطل عزكم الله وطلع منه سامي وهو مبدل هدومه ...دخل الغرفة ومطنشني على الأخر ومر من جدامي وقال وهو ينسدح .. سامي: لا تعبين عمرج ماني ماكل ... وتلحف ... حطيت الصينية على جنب وقلت .. هناء : عمي موصيني عليك ..لازم تاكل توك طالع من المستشفى ... مارد علي ...تنهدت بصوت مسموع ..وقلت بسري ...ربي استعنت بك على الشقاء ... قلت باصرار .. هناء : ماني طالعة من هني إلا وانت ماكل .. مارد علي وتعدل بنومته ...هني مسكت انا اللحاف وبعدته عن ويهه وقلت وانا اطقه بجتفه واقول بعصبية .. هناء: طالعني ... تأفف وقال وهو يلف لي .. سامي: نعم ؟؟ خير ؟؟ هناء: ماتبي تاكل عشان انا موجودة انا بطلع ..بس اكل عشان صحتك تبي تموت روحك ؟؟ تعدل بقعدته وقال .. سامي: اطلب منج طلب .. قلت بفرح واخيرا .. هناء : آمر .. طالعني بضيق وقال .. سامي: تدلين الباب ؟ طلعي برة .. ورد تحلف .. حسيت بالأهانة ...خليته وطلعت من الغرفة وفرغت بالصالة .. طلعت كل همي والمي ... بغبائي خليته يكرهني ... نمت على القنفة ... بطلت عيوني واستوعبت انا وين ... قعدت وفركت عيوني ...سمعت حركة داخل المطبخ .. قمت وحركت ريولي للمطبخ ...شفته واقف يبطل جبنة شرايح ... ما انتبه لي ...دخلت داخل وقلت .. هناء: انا بسويلك ... بس مارد علي ... كمل شغله ولا حتى طالعني ... تحرك ناحية الجلاصات واخذ جلاص ..مسكته انا وقلت بصراخ .. هناء : انت وبعدين معاك ؟؟؟ لمتى هالعناد ؟؟ انا خلاص مليت .. بعد ايدي بدفاشة ومارد علي ...طقيت الطاولة بقهر وقلت .. هناء: حيل زعلان ؟؟ انا بعد زعلانة ومجروحة .. هني لف لي وقال .. سامي: والله ؟؟ صج ؟؟ مجروحة من شنو بالله ؟؟ قلت ابرر .. هناء : يعني شنو تتوقع مني لما اكتشف انك تحب وحدة ثانية ؟؟ طالعني ببرود وقال .. سامي: ميتة ...تغارين من وحدة ميتة ؟؟ بغيت اتكلم بس هو قال .. سامي: بعدين اصلا هاذي مو غيرة ..انتي ما تغارين علي ... انتي لقيتي سبب عشان تسوين كل هذا ...واسمحيلي اقولج السبب تافه .. انصدمت ...الحين انا شويت كل هذا عشان اسوي جذي ؟؟ تجدمت منه حيل ليما صرت يمه بالضبط .. هناء: منو قال ؟؟ شنو تسمي هذا بالله ؟؟ لف لي وسند على الحنفية وقال .. سامي: اسميه مبرر ...انتي اصلا تدورين علي الزلة عشان تطلقين .. اتطلق ؟؟ هناء: الحين هذا اللي فسره مخك ؟؟ انا مابي اتطلق لو ابي كنت طلبت منك وافتكيت ... قرب مني وقال بخبث .. سامي: طلبتيه قبل هالمرة بس رفضت ...ولا اذكرج ؟؟ قصده على اللي صار قبل ...قلت .. هناء: انت ليش تلف وتدور على هالسالفة ؟؟ انت مو سامحتني عليها ؟؟ ليش ترد على نفس النقطة ؟؟ قال بعصبية .. سامي: لأنها محور حياتنا كله ..لو ماسويتي اللي سويتيه ما كنت عاملتج بهالطريقة ولا زعلت منج ولا .. تنهدت وبعد خصلة من يبهته بضيق وقال يحاول يكتم اللي بداخله .. سامي: هناء...بليز ...خليني استوعب على الأقل اللي سويتيه .. نزلت راسي بحزن ...وانسحبت من المطبخ ... رحت الغرفة وقعدت فيها ... احس روحي مشوشة ... ماني عارفة اللي صار بصالح منو ؟؟؟ لاهو بصالحي ولا صالحه ..انا اصلا ما اعرف سامي شنو يفكر فيه ولا حتى اعرف اشلون يفكر ... اخذت هدومي ورحت الحمام عزكم الله ابدل ... رديت للغرفة ..اقصد الغرفة الثانية ...اذن هني الفير وصليت ونمت ... بطلت عيوني حسيت روحي مكسرة .. اخذت شور على السريع ...وطلعت للصالة .. لقيته يتكلم تلفون .. سامي : انزين تأكد منه .. راقبته عدل ... تنرفز وقال .. سامي: عادل ...انا مو كل مرة اعلمك الطريقة ... رفع راسه للسما بضيق ...قال .. سامي: اوكي .. خلاص .. وصك السماعة بقهر ..وقف وراح للغرفة وطلع منها بظرف ثواني وهو مستعيل ...قلت .. هناء: وين وين ؟؟ لبس جاكيته وقال.. سامي: بروح الدوام يبوني ضروري ... وطلع ...ما مداني اقوله شي اصلا ...بغيت اعتذر له واقعد معاه قعدة ابين له مشاعري ناحيته ...بس الله مو كاتب لنا ... اخذت سويجي ونزلت بروح الجامعة ... لما خلصت وانا بالطريج دقيت على سامي ...مايرد ... افففففف.. ردت بيتنا وانا متضايقة ومقهورة ... من كلمة صارت امس ...كأنه يطردني من حياته مو بس من البيت .. دخلت لقيت البيت لقيت البنات هناك ...ومسوين البيت حوسة ..سوالف وضحك وكيك ... ولأني مالي خلق احد ..صعدت فوق بس وقفتني خلود .. خلود : يلا هناء تعالي ...اختج مسوية حفلة يابت درجة كاملة بالإمتحان ... مالي خلقكم ..رجاء خلوني ...بس لا حياة لمن تنادي ..يرتني انتصار وخلتني اقعد ...وهم يسولفون وانا عيني على التلفون انطره يدق بس ما دق .. ليما تبطل الباب ودخلت اللي ما تتسمى ... نزلت راسي باحباط ..كملت السالفة ...قمت انا وصعدت قبل محد يلاحظني ... دخلت غرفتي ...ابي اختلي بروحي .. ابي اعرف اللي رقعته هذا وادور له حل ... دق هني تلفوني وكان سامي ...رديت عليه وانا مو مصدقة .. هناء: هلا سامي .. سامي: وينج ؟؟ لقيت الشقة فاضية ... ابتسمت على الأقل سأل عني ...فقلت .. هناء: انا في بيت اهلي انطرك تدق بـ... قاطعني وبهدوء .. سامي :احسن ...خلج في بيت اهلج ترتاحين جم يوم وانا بعد ... مع السلامة .. وصك ... صك آخر باب للأمل ... صك على احلامي ... انهرت على السرير بضعف مو مصدقة ... وبجيت ...بجيت حيل .... كله مني ...كله مني ... ظليت حبيسة غرفتي ...مر وقت طويل ... ماادري جم ساعة .. حسيت بصداع ...مسكت راسي الملم افكاري ...الملم شتات روحي ... نزلت تحت بعد ما هديت ... ورحت المطبخ ادور لي على بندول ... المطبخ تحت غرفتي بالضبط .. يعني هذا انه يطل على الحديقة الورانية ...الدنيا ليل .. لمحت احد واقف برة ...رحت للدريشة وشفت اللي ما تتسمى عالية واقفة تحجى تلفون ... رديت اخذت البندول وطلعت من المطبخ لا يرتفع ضغطي اكثر ... شفت الصالة فيها بس اسما وانتصارقاعدين يطالعون تلفزيون ..قعدت معاهم لعلي انسى ..بس مو قادرة .. قمت لا تنزل دموعي بس شفت انتصار تستأذن سلمت علي وراحت ...وعند الباب شافت عالية داخلة سلمت عليها ... دخلت عالية ..وقالت تسوي روحها متفاجأة.. عالية: وييي ..روحوا .. قالت وهي ياية تاخذ جنطتها .. عالية: خلاص عيل ..مع السلامة .. دق هني تلفون اسما واشرت لعالية مع السلامة ..وراحت فوق ... طالعتني هي وقالت .. عالية: مع السلامة قلبي .. وابتسمت بطريقة تستفز ...قلت .. هناء: الله لا يسلمج .. قلبي ويهج برة .. شهقت وقالت بتمثيل كأنها متفاجأة .. عالية: تطردني ؟؟ وردت لطبيعتها وقالت .. عالية: ما عليه ...بتشوفيني وايد ترى ...باي .. وطلعت من الباب .... لحقتها للباب ووقفت عنده وقلت .. هناء: لا تردين مالت على هالوية .. لفت لي وقالت .. عالية: لا يا قلبي لا تعصبين ترى العصبية مو زينة لج ... قهرتني ... مشيت لعندها وقلت .. هناء : إذا تبين سلامتج اختفي من جدامي الحين .. قربت مني وقالت بدلع ماصخ .. عالية: إلا ما قلت لي ...اشلون الصور ؟؟ بطلت عيوني على وسع ....تنفست بسرعة من الغضب كملت هي تقرب مني .. عالية: تراج حلوة بالصور تصدقين ؟؟ هني ...ما قدرت اتحمل ... رفعت ايدي وصكيت كف فريت ويهها ...لفت لي وهي مصدومة وايدها على خدها .. عالية: صج انج حقييييرة .. لا هاذي بتموت على ايدي ... هجمت عليها مثل اللبوة ..ومسكت شعرها وعطيتها من اللي يبرد القلب ...طحنا على الأرض اثنيناتنا وانا فوقها ... بكسات ..طراقات ...زنط ...كل اساليب استخدمتها ... عشان ابرد حرتي ... هناء: انا تقولين لي جذي ؟؟؟ والله ما اخليج .. ومسكت شعرها المصبوغ وشديته بأقوى ما عندي ... وجم طراق وهي تحاول تدافع عن نفسها بس انا ما عطيتها فرصة ... وكنت اصرخ معصبة وهي تصرخ عشانها تتألم ... ماحسيت إلا بايد تمسكني وتقومني من فوق عالية ... " هناء...هنااااء بس خلاص .." وانا احاول امسكها واقول .. هناء: خلوني ...خلوني عليها ..النذلة ...ياالحقيرة ... انتي ما تستاهلين تكونين بينا ... قامت هي ووقفت وقالت وهي تبعد خصل شعرها عن ويهها .. عالية : انتي مينونة ...مينونة ... هني فلت من ايد اللي ماسكنيواعتقد اسما دزيتها بعيد ونطيت عليها مرة ثانية ..وطحنا على الأرض وصراخنا واصل لأخر الشارع ... هناء: انا بعلمج الينون على اصوله ... وزنطتها ... واصوات من حولي وايادي تمسكني بس مو قادرة ابي اطلع حرتي فيها ... اخيرا وقفت لأن في احد شدني ..وماسكني من خصري ومن ايدي ... قلت وانا ابجي .. هناء: بذبحج ...صدقيني بذبحج ... حاولت اتملص من ايده بس مو قادرة ... هناء: خلني ...ابي اذبحها ...خلني .. لف سامي لعالية وقال بأمر .. سامي: طلعي من هني ... بس هو وقفت فقال بعصبية .. سامي: طلعي ما تفهمين ؟؟ يرتها اسما واختفوا...بس انا نطيت ابي امسكها ..مسكني سامي هني وكان مطوق ايده على وسطي يمنعني ... سامي: بس خلاص ..هناء.. قلت وانا انهار واطيح على الأرض .. هناء: خلني ...خلني ...حرام اللي تسوونه فيني حرام .... وسندت ايد على الأرض وويهي للأرض ودموعي تنزل ... مسك سامي راسي وحطه على صدره ... سامي: اششش...اهدي اهدي ... غمضت عيوني وقعدت ابجي بصوت عالي.... بعدها هدا بجيي ...وقفني وخذاني لسيارته ... قعدنا داخل ...بس ظلينا ساكتين ....بعد ما مر وقت ثال سامي .. سامي: هديتي ؟؟ هزيت راسي بايجاب ...ولفيت للدريشة ...مسكين عباله اني بهدا جذي ... سامي: اشفيج قلبتي مفترسة فجأة ؟؟ مارديت عليه بس لفيت له وطالعته وانا مالي خلق ...شفته يبتسم ...لفيت وانا اتنهد ... هناء: عجبك اللي شفته ؟؟ ضحك ... شفته العجب !!! يضحك!!!! لفيته له وقلت متفاجأة ومنصدمة .. هناء: تضحك ؟؟؟ قال ببساطة .. سامي: وليش ما اضحك ؟؟؟ من هول الصدمة ما رديت ...قال .. سامي: هناء عمري ...خلاص انسي عالية وطوايف عالية ..واللي صار هذا المفروض ما ينعاد مرة ثانية .. ما ينعاد !!!!! قلت وانا اسوي حركة مينون .. هناء: اشفيك انت مينون ؟؟؟ ياية لبيتنا وتهيني وتبيني اسكت لها ؟؟ قال بعقل .. سامي: ادري ..بس انا قلت لج عالية هذا اسلوبها ...تبي تستفزج ..وكاهي نجحت ... روح انت بعد ...انا بروحي لابعة جبدي ...لفيت ويهي عنه بضيق وملل ..مسك ايدي وقال .. سامي: حبيبي ...بس عاد ...خلاص انسي .. لفيت له وقلت .. هناء: انسى شنو ؟؟ طردتك لي ؟؟ سامي: انا ما طردتج ..انا قلت نرتاح من بعض جم يوم .. سحبت ايدي وقلت .. هناء: واشحقة ياي عيل ؟؟ ابتسم وقال وهو يمرر ايده على خدي .. سامي: ما قدرت ...ييت اشوفج ..بس شفتج قالبة الشارع حلبة مصارعة .. وضحك بخفة ... ماقدرت وابتسمت ..ابتسمت من بين براكين الغضب اللي ثارت ... مسكت ايده وقلت .. هناء: مسامحني ؟؟ هز راسه وهو يبتسم .. موافقته نورت الأمل في حياتي وقوت عزيمتي ... وردتني فرش مرة ثانية ... شغل سامي السيارة ورحنا البيت ... |
الحلقــة الحادية والعشرون "هذا ما كان ينقصنا " ردت حياتنا عادي ... مثل اول ...انا اصلا ماادري شنو اللي خلاني اقلب وحش فجأة على ساميواهد البيت واطلع ..وامد ايدي على ما الخبلة عالية ... بس تصدقون ؟؟؟ ههههههه شكلنا تحففففة ... مو ناقص إلا حكم بينا ... بس صج نرفزتني وخلتني اطلع من طوري ...ذكر الصور بروحه يطلع عفاريتي ..اشلون من وحدة كريهة مثل عالية والله ادفنها ...لو ما مسكني سامي كانت الحين عالية بين الوفيات ...كنت فكيت العالم من شرها هالحية.. دخلت البيت وانا مستانسة حليت عدل بالإمتحان شفته موجود ...استغربت ... اشفيه ؟؟ قلت وانا احط الكتب على الطاولة واروح لسامي المنسدح على القنفة .. هناء: انت مو رحت الدوام ؟؟ لف لي وقال وهو يقصر على التلفزيون .. سامي: بلى رحت ...بس رديت .. رحت ورديت !! هناء: ليش ؟؟ قال بدون اهتمام .. سامي: تعبان شوي ... طالعت ويهه اللي شوي شاحب واصفر صاير ... لاحظ نظراتي فلف لي وقال .. سامي: اشفيج ؟ هناء: حاس بشي ؟؟ صداع دوخة ؟؟ هز راسه يطمني وقال .. سامي: لا لا ...لا تخافين مافيني شي ..بس تعب بسيط ... طالعته كنظرة اخيرة ورحت الغرفة ...تسبحت على السريع ورحت المطبخ اجهز الغدا ...ولأني طالبة جامعية فاضطر اني اسوي العشا بليل واطبخه الظهر ...بس بسرعة طبعا ... بعد ساعة كل شي جهز ...فرشت على الأرض ... هههههه..من اول ما يينا الشقة عودته ان الأكل على الأرض ... قعدة الأرض صحية اكثر ... قعد وهو ساند ظهره على القنفة ... وقال .. سامي: انا ماادري شلي مخلينا نقعد على الأرض ؟؟ قعدة الطاولة اشحلاتها .. ابتسمت وقلت وانا احط له بالصحن .. هناء: مافيها شي ... قعدة الأرض احلى بوايد .. وميدت له واخذ وقال .. سامي: بس معاج حق الرسول عليه الصلاة والسلام كان ياكل بالأرض .. هزيت راسي وقلت .. هناء: حمدلله تعرف ..اشحقة تفلسف عيل ؟؟ ابتسمت وبدا ياكل ولو اكله خفيف هالأيام ... ماادري اشفيه .. قلت وانا اتذكر موضوع عالية وطلال .. هناء: سامي .. قال بدون ما يطالعني .. سامي: اممممم.. هناء: موضوع طلال وعالية ... وسكت لأنه رفع راسه وطالعني ...فقال .. سامي: مو بايدي هالموضوع هناء...اخوج عاجل وهو رح يفهم .. قلت بخوف .. هناء: بس انا مابي يتزوج عالية ...وانت تعرف ليش ... نزل راسه حسيته تفشل منها ..وقال .. سامي: اشتبيني اسوي ؟ قلت .. هناء: كلم طلال ..رح يسمع منك انت لأنك واحد من اهلها ... وقال وهو يمسك جلاص الماي .. سامي : واقوله ان عالية مو زينه وهي رايحة فيها واطلع بلاويها ...صح ؟؟ حسيته يتطنز فقلت .. هناء: سامي لا تاخذ الموضوع بهالحساسية ..انا قلت لك حاجه مو علمه عن سوايا عالية .. شرب شوي بعدين قال.. سامي: واشلون بالله بيهد عالية ؟؟ مو المفروض يعرف عنها ؟؟ رح يسألني ليش بالله مو راضيين عنها ؟؟ وشقوله حزتها ؟؟ ونطر مني اقوله الحل ...قلت .. هناء: حزتها قوله الصج ... طالعني رافض الفكرة وقال .. سامي : لا والله ؟؟ هناء عالية من اهلي ..وانا مااقدر اقول عنها شي ..بروحها فاضحة عمرها بعد انا ايي واكمل ...لأ لأ ...شيلي الفكرة من راسج نهائيا ..مو انا اللي يعلم على اهله ... هناء: انزين اشلون نخليه يكرهها ؟؟ قال بهدوء وهو يقوم .. سامي: بيعرف صدقيني ..بتفضح روحها يوم من الأيام وبتطيح بشر اعمالها ... قلت وان ارفع راسي واطالعه .. هناء: وننطر لين ما تطيح بشر اعمالها !!! يكون طلال تزوجها وياب منها يهال ... تنهدت وقال .. that all what I have.سامي : ومشى...اففففففففف الله ياخذ يا عالية ...لو ذبحتج ذاك اليوم كنت ارتحت ... قمت وشلت الصحون والمواعين ..ورحت المطبخ اغسلهم ... تذكرت لما ياني طلال معصب ليش اني تهاوشت مع عالية ...بس رفضت اقوله السبب .. فقال وهو طالع معصب من الشقة .. طلال: انتي اصلا من اول ما تزوجت وانت متغيرة ...انا ماادري غيرج علينا سامي ولا شنو ؟؟ انصدمت قلت بعصبية .. هناء: طلال ..سامي ماله شغل بالسالفة ...انا ماابيك تتزوجها ...هاذي وحدة واطية ... طق الباب بقهر وقال .. طلال : انزين قوليلي شي مقنع ..تقولين وحدة واطية وتسكتين ... " الماي ...خسرتيني " انتبهت على هالكلمات ..ولفيت لسامي الواقف يمي ويصك الحنفية ... سامي: إذا انت سرحانة الماي ماله شغل ترى .. طالعته وابتسمت وقلت ... هناء: خايف على فلوسك لا تخاف انا بدفع .. قال وهو يمسك احد الصحون وينشفها .. سامي: قاعدة على بنك الأخت ...ادري ادري من كثر فلوسج البنوك فاضت ...لا الله يخليج لا تقولين تراني بصكج عين .. ضحكت على اسلوبه ..وقلت .. هناء: تطنز ؟؟ الفلوس مو كل شي .. هز راسه ومد ايده لي مع الصحن .. سامي: ئي مو كل شي بس مو معناه نلعب فيها ... عطيته ظهري وكملت غسيل الصحون .. هناء: ما عندك مكتب اليوم ؟؟ تنهد وقال .. سامي: بلى ...بس مالي خلق اروح .. هناء : لسة حاس بتعب ؟؟ شفته يحط الصحون اللي نشفها بمكانها ..وقال . سامي: لا ..الحمدلله مافيني شي ..بس ماادري .. وتنهد ...وكمل .. سامي: قلبي ناغزني هالأيام ماادري ليه .. وقفت عن الغسيل وصكيت الماي ولفيت له لقيته يطالع دريشة المطبخ وهو سرحان ...تجدمت منه بهدوء وحطيت ايدي على جتفه وقلت .. هناء: ان شاء الله خير .. يمكن خوف بدون سبب .. نزل راسه وقال .. سامي: ان شاء الله ...انا مااطلب من الله إلا السلامة وحسن الخاتمة ... حسن الخاتمة !!! قلت بخوف .. هناء: انت اشحقة متشائم ؟؟ ان شاء الله خير .. قلتها بعصبية شوي مع خوف ..لف لي بعدين ابتسم وقال وهو يطالع ايدي .. سامي :شيلي ايدج ...خربتي هدومي ... وبعدها بقرف .. فطقيته ...ضحك ...رحت للحنفية وبطلتها وقلت وانا ارش عليه .. هناء: خبل ...بس فالح تخرعني .. ورديت اغسل بس ما خلاني رش علي ..وقعدنا بالمطبخ نلعب جنا يهال ... وبالأخير طبعا هو اللي فاز .. قال وهو يشد شعري ع الخفيف .. سامي: يلا يلا جاندرا خلصي ..نظفي ... وطلع من المطبخ منحاش قبل ما اكفخه بشي ... سمعته يودعني قبل ما يطلع المكتب ... العصر قعدت طول الوقت ادرس للأمتحان الثاني ..ما حسيت إلا المغرب ... صليت ورديت ادرس ..ليما حسيت الباب تبطل ... سامي: السلام عليكم .. وقعد .. هناء: وعليكم السلام ...هلا حبيبي ... وطالعت الساعة لقيتها ثمان ونص ... رديت اكتب ...وهو خلاني وراح داخل ..غاب فترة بعدين رد مغير هدومه ... وقعد طبعا يساعدني بدروسي ...ولما خلصنا قال .. سامي: كل حرف قلته دفعي عليه يلا ...اعطي دروس خصوصية ببلاش ؟؟ قلت وانا ابعد ايده .. هناء: ما عندي ..وثانيا غصبن عنك تعطيني ..مو مرتك ؟؟ قال يتطنز .. سامي: الله يخليج متزوج جينفر لوبيز ..ولا نيكول كيدمان ... قلت ارد عليه .. هناء : اشدعوة انا اللي متزوجة توم كروز ولا براد بيت ؟؟؟ ضحك علي وقال .. سامي: لا غلبتيني هالمرة بس انا احلى منهم ... وعدل روحه وشعره ...فقلت احبطه .. هناء: لا تحاول ...انت اصلا ما تيي صوبهم ... وطالعني نظرة ضحكتني ....رحت داخل اسوي العشا ..رديت معاه وتعشينا ... اليوم الثاني .. رحت عند امي بعد ما خلصت دوامي ...طبعا بعد الغدا .. امي: سمعت انج رافضة ان طلال ياخذ عالية ؟؟ رفعتراسي لها وقلت .. هناء: ئي ..انا ماادري شنو اللي خلاج ترضين تاخذين هالبقرة حقه .. قالت امي تدافع عنها .. امي : انتي ما تقولين شنو شايفة عليها ؟؟ اشحقة تهاوشت معاها اصلا ؟؟ بغيت اقول بس تذكرت سامي ...هي من اهله واللي يضرها يضره ..وإذا تكلمت عنها اكيد اكون سبيت سامي .. تنهدت وقلت بطريقة ثانية .. هناء: يما ...عالية مو حلوة ..لا شكل ولا اخلاق ..واكبر دليل اهانتني في بيتي اكثر من جذي شنو ؟؟ امي : انا سألتها عن سبب الهوشة ..قالت انها كانت تكلمج بهدوء بس انتي تنرفزتي ومديتي ايدج عليها .. كلمتني بهدوء صح بس لو تدرين شنو قالت لي ..لفيت عنها وسكت وانا مقهورة ...لو تكلمت امي بتعرف كل شي ..وهذا اللي ماابيه .. بس قالت .. امي: ولا اخوج مو قد المقام ؟؟ لفيت لها مو فاهمة وقلت .. هناء: شنو ؟؟ امي : طلال يقول ان ريلج مو راضي ..لما ياه يخطبها منه ... هناء: سامي موراضي لأنه .. وسكت ..غيرت طريقة كلامي وقلت .. هناء: يما عالية مو زينة اصلا ... قالت بعصبية .. امي : ئي شنو فيها ؟؟ شايفة عليها شي ؟؟ صايعة ؟؟ افففففف ... ظلينا طول الوقت على هالسالفة ... ليما دق علي سامي وقالي انه رح يقعد مع طلال شوي ونروح البيت .. استانست ...بيكلمه ..ان شاء الله يعقل وتطلع من باله هالخبلة ... بعد ساعة من مفاوضات واخذو العطى بيني وبين امي ...اصرت امي على رايها ... قلت وانا واقفة معصبة .. هناء: طلال ما ياخذ عالية لو على جثتي .. وطلعت ..دقيت على سامي ..بعدها طلع من الديوانية ..وشكله وصل لنفس النتيجة اللي وصلت لها ... طلع طلال من الديوانية وقط علينا نظرة غريبة ...فقلت اناديه قبل ما يدخل البيت .. هناء: طلال .. لف لي وياه صوبي .. قال سامي يساسرني .. سامي: بس هناء كافي اللي صار .. بس اصريت ..وصل طلال عندنا وقال وهو لاف ويهه عنا .. طلال : خير ؟؟ هناء: انت لسة مصر عليها ؟؟ ما شلتها من بالك؟؟ مارد ... كملت وقلت .. هناء: عالية ما تصلح لك .. لف هني وقال .. طلال : ليش بالله ؟؟ عشانها غنية وبنت اكابر ؟؟ ما انت متزوجة واحد مليونير ومحد كلمج .. طالعته متفاجأة من اسلوبه .. هناء: يالله انت اشلون تفكر ؟؟ طلال : والله هذا الصج .. طالعت سامي ابيه ينقذني ..فقال سامي .. سامي: طلال ...البنت انا اعرفها ..واسمح لي ما اقدر اقولك اكثر من جذي .. قال طلال .. طلال : تعرفها من وين بالله ؟؟ سامي: مو بنت خالتي اكيد بعرفها ... متربين مع بعض احنا .. مارد طلال بس اكتفى بأنه قلب ويهه عنا زعلان ... قال سامي . ok …as you like.سامي: وحركنا للبيت ... ظلينا جم يوم بين كر وفر ...نحاول نثني طلال عن رايه ..وامي تزيدها وتشيشه علينا ... وقفت انا بين الكل وقلت بعصبية في بيت ابوي وامي وطلال وسامي موجودين.. هناء: مستحيل تتزوجها ...لو على قص رقبتي ... وقف طلال وقال يدافع .. طلال : بتزوجها عناد فيج انتي عاد ..شتقولين خبل ... قالت امي .. امي: مارح نقتنع لين ما تقولين شي يدخل الراس ... قال سامي يهدي الوضع .. سامي: يا جماعة هدوا مو جذي تنحل السالفة ... لف طلال لسامي وقال .. طلال : اشلون تنحل بالله استاذ سامي ؟؟ لو انا طريقة طلال ما عجبتني ولا عجبت سامي بس قال .. سامي: طلال عمتي ...عالية مو زينة ...مو ... تنهد مو عارف شنو يقول ..فكمل .. سامي: انا اعرفها ...وحدة تفكيرها اكبر من ان ... وطالع طلال وقال .. سامي: اسمح لي على هالكلمة بس تفكيرها اكبر من انها تاخذك ...هي ما تبيك وانا اعرف هالشي .. وقفت امي هني وقالت تدافع عن ولدها .. امي: ليش قالت لك هي ؟؟ ولا قلت جذي من كيفك ؟؟ ولا اخاف مو عاجبينك ؟؟ انصدم سامي من طريقة كلام امي فقال يتخبط بالكلام .. سامي: عمة ..انا ما قلت شي ..بس .. قاطعته امي وقالت . امي: لا تقول ولانقولك ...اخوها بيي من السفر ونخطبها ... طالعني سامي فقلت بقهر .. هناء: يماااا ...الحين احنا نقولج عالية مو زينة تروحين تخطبينها ؟؟ قال طلال .. طلال : ئي بنخطبها ..وبعدها محد يتكلم ويشوف روحه علينا ... وطالع سامي ... وامي بعد عطته نفس النظرة.. انصدم سامي ...ونزل راس للمفاتيح ..وقام وطلع من البيت ... قلت بصراخ .. هناء: ارتحتوا ؟؟ كاهو زعل ... وطلع الباب وصفعته بقوة ...قهروني ... لحقت سامي بسيارتي ورحت البيت ...دخلت الشقة مالقيته ..وبعد لحظات لقيته داخل الشقة ... قال وهو يبطل يحط مفاتيحه على الطاولة .. سامي: يما ..متى ييتي انتي ؟؟ قلت بسرعة .. هناء: سامي ..لا تزعل من اهلي مو قصدهم .. ابتسم بحزن وقال وهو يطلع تلفونه .. سامي: لا عادي ...ما زعلت .. بس عيونه تقول شي ثاني ... قلت وانا زعلانة على الحال اللي وصلنا لها ... هناء: احط لك عشى .. رفع راسه وحك شعره وقال .. سامي : لأ .. ورد للتفلون ..ومشى داخل ... انا ماادري طلال شنو شايف بهالعلة .. طقيت الكرسي افكر ... اشلون اقدر ابعدها .. دخلت داخل ابدل .. شفته يتكلم بالتلفون ..دخلت اخذ هدومي .. سامي: صج ؟؟؟ مبروك ... شنو سميتهم عاد ؟؟ (......................) ابتسم وقال .. سامي: يتربون بعزك يا بو احمد ..عاد خلاص من اليوم ورايح بنديك بو احمد اشتبي بعد ؟؟ (......................) سامي: لا تو الناس ..توني متزوج ما صارلي سنة .. (......................) ضحك سامي وكان ودي اعرف يضحك على شنو بس اخذت هدومي وطلعت ...بدلت ورحت المطبخ اسوي لي شي اكله بس اسدت ننفسي بالأخير وخليت كل شي وطلعت رحت الصالة شغلت التلفزيون وقعدت اطالع اي شي ... ياربي هالموضوع هذا مو راضي يطلع من بالي ... ماادري احس بتكون نهايته جايدة ...يارب ما يصير شي انا ماابيه .. اللهم اني لا اسالك رد القضاء ولكن اسألك فيه ... شفته يقعد ويقول .. سامي: شنو قاعدة تطالعين ؟؟ قلت بدون اهتمام .. هناء: برنامج ما ادري عن شنو ... وغمضت عيوني ...قالي .. سامي: روحي نامي مبين عليج نعسانة ... مو نعسانة متضايقة مقهورة ... هناء: كنت تبارك حق منو ؟؟ قال وهو يبتسم .. سامي: ئي ..هذا عامر ...مرته يابت توأم ... انصدمت من الخبر ..تذكرت ان لما سافرت شيخة كانت حامل ...فرحت لها بس بنفس الوقت حزت بخاطري هالسالفة ... كان ودي احمل ..صارلنا ست شهور من تزوجنا ولاشفت حتى علاماتها .... سامي: الحلو شنو يفكر فيه ؟؟ انتبهت عليه وقلت .. هناء: ولا شي ... وسكتنا ..رفع سامي صوت التلفزيون ..وقعد يطالع ... اما انا ...ظلت الفكرة في بالي ...الحمل ... كل شي بايد الله سبحانه بس ليش مااحمل ؟؟ قلت وانا متشككة ومترددة .. هناء: سامي .. yub.. سامي: هناء : ااا..انت ..ما تفكر ... قاطعني ..مامداني اقول شي وقال .. سامي :لأ ..ما افكر باليهال الحين ... فاجأني بس قلت ... هناء: ليش ؟؟ قال بلا مبالاة .. سامي: بس جذي ... سكت وما اعقبت ... بس انا ودي بياهل يملي علي حياتي ...صج ان سامي مو مقصر بس انا ابي ... |
قطع علي جرس الباب ... طالعنا بعض باستغراب ..بعدين قام سامي وبطل الباب ... انصدمنا .... بققت عيوني متفاجأة ... هاذي ... ام سامي !!! دخلت وهي تير جنطتها .... وقالت .. ام سامي: السلام عليكم ... انا رديت بس سامي من الصدمة ما رد ... ظل واقف يطالعها وهو ماسك مقبض الباب ... مثل الصنم .. ام سامي : مارح تدخلني ؟؟ انتي دخلتي اصلا ... تجدمت انا لما شفت تناحة سامي ... ويريت عنها الجنطة ..وقلت باحراج .. هناء : هلا هلا خالتي .. وطالعت سامي يتحرك على الأقل ...بس واقف مثل العامود .. دخلت خالتي وصكيت الباب ..سامي تحرك اخيرا وراح رد مكانه ببساطة ... انا انحرجت اكثر ...بس قلت .. هناء : ما قلتي لنا يا خالة انج ياية كنا فرشنا الأرض ورد .. واستقبلناج احسن استقبال .. وبغيت اسالها اشلون عرفتي عنوان الشقة ...بس شكلها ما يساعد ... الصراحة ييتها مو في وقتها ابدا ... دخلت انا داخل احط الجنطة بالغرفة الثانية ...ووقفت منبطة جبدي ...الحين هذا وقت تيي فيه ..على الأقل تدق تقول انا ياية مو تدرعم علينا جذي ... حالة والله ... تنفست وطلعت مرة ثانية وانا عارفة ان مارح نخلص اصلا .... " طلقني واخذ فلوسي كلها " هالجملة سمعتها من ام سامي وهي قاعدة على القنفة وسامي يطالع التلفزيون مو مهتم .. وقفت انا ورا الستارة اسمع .. ام سامي : اقولك طلقني واخذ فلوسي كلها ... بس مارد سامي ولسة لاف جهة التلفزيون ...عصبت هني خالتي وقالت .. خالتي : ما ترد .. قال سامي ولسة يطالع التلفزيون ببرود .. I don’t care…it’s none of my business:سامي لا يا سامي ... طلعت انا هني اقطع الهوشة الوشيكة ..وقلت وانا ارحب .. هناء : حيا الله خالتي ... طالعتني باحتقار من فوق لتحت ... وقالت .. خالتي: ترحبين فيني في بيت ولدي ؟؟ البيت بيتي .. اوبس ...بدينا ؟؟؟ قلت وانا اقعد .. هناء: اكيد البيت بيتج ...بيت ولدج بيتج طبعا .. وقفت بغطرسة وقالت .. ام سامي : وين الغرفة بروح ارتاح شوي .. دليتها ورديت مكاني ... الله يعينا ...من وين طلعت لنا هاذي بعد ؟؟ .. سمعت تنهيدة من سامي ..وقال بطفش . سامي : كنت حاس ..مو قلت لج قلبي ناغزني ...بتينا مصيبة .. قلت باستنكار .. هناء: سامي امك مو مصيبة .. سكت وما علق ... وقمنا نمنا ... الله يعدي الأيام الياية على خير ... ثاني يوم الصبح ...قعدت متأخرة لأنه اجازة ...وسامي قاعد بعد ... رحت الصالة لقيت ام سامي وسامي قاعدين وسبحان الله هاديين ...العادة لازم يتهاوشون بس يشوفون بعض ... تحركت للطاولة مع احنا نتريق على الأرض من اول ما يينا الشقة وسامي تعود على جذي .. طالعتني ام سامي بعدين طالعت الساعة .. ام سامي: تو الناس كنت نمتي بعد .. تنهدت من داخلي بس قلت وانا مطنشتها .. هناء: صباح الخير .. رد علي سامي وقال .. سامي : صباح النور ... ومسك خبزة وقال .. سامي: اسوي لج ؟؟ من متى ؟؟ هزيت راسي بايجاب وانا عارفة انه يسوي جذي يحر امه ...اللي قالت .. خالتي : وليش ما عندها ايد ؟؟ المفروض هي تسوي لك مو انت .. قال ببرود وهو يعطيني الصمونة .. سامي: انا وهي واحد .. ولا عندج راي ثاني ؟ وطالعها بنظرة جافة وقام ...وقال يحاجيني .. سامي: بروح صلاة الجمعة ..تبيني امر على جمعية ؟؟ هزيت راسي وانا ابتسم واقول .. هناء: لا عمري ..سلامتك .. وراح بدل هدومه وطلع ... قامت ام سامي من الطاولة مقهورة وقالت بأمر .. ام سامي : شيلي الصحون ونظفيهم ...وقعدي مبجر ريلج ما يشتغل عندج صبي ... بدينا بدينا ... طالعتها وما رديت عليها ..وكليت بهدوء ..تحركت هي وراحت داخل وشعرها المصبوغ الأشقر يتحرك وراها ...لو ما اعرف ان سامي ولدها كنت عطيتها 30 سنة تقريبا ...عليها جسم ولا عارضات الأزياء ..بس ما شاء الله حلوة ... وقميص النوم عليها روووعة ... ماادري استخفيت ولا شنو اقعد افكر فيها .. قمت وشلت الصحون وديتهم المطبخ وغسلتهم ...رحت غرفتنا انظفها ..بس تفاجأت ان ام سامي داخل وقاعدة ترتب الغرفة ... قلت .. هناء : لا خالة لا تعبين نفسج انا برتبها .. قالت وهي تمسك كبت سامي وتبطله .. ام سامي : ليش ما عندي ايد ؟؟ بعدين ولدي يحب الترتيب .. وطلعت ملابسه وشفتها وكملت .. ام سامي: ليش هدومه مو مرتبة عدل ؟؟ هناء: بغيت ارتبها اليوم و.. قاطعتني وقالت . ام سامي: خلاص خلاص روحي سوي الغدا وانا برتب هني .. بدا تسلط الحموات .. قالت بعصبية لما شافتني واقفة سرحانة .. ام سامي: يلا اشحقة واقفة تطالعيني ؟؟ تحركت متخبطة ...ورحت المطبخ ...انشغلت بالتقطيع وطبعا بالتفكير ... وجود ام سامي في حياتنا رح يقلبها فوق تحت ...سامي يكره حتى تنياب سيرتها اشلون عايشة معانا ... الله يستر ... طلال وعالية .. انا وعصام .. سامي وامه .. حياتنا انا وسامي وام سامي معانا ... كل هذا شاغل تفكيري ... ما تلاحظون ان كل شي فيه سامي واهله ؟؟؟ " هييييه انتي ..." اخترعت من الصوت ...وكانت ام سامي واقفة تطقني على جتفي وتقول بعصبية .. خالتي : صار لي ساعة اناديج ...صمخة ؟؟؟ افففففففففف ...اشتبي هاذي بعد ... قلت احاول اكتم غضبي . هناء: خير خالة بغيتي شي ؟؟ تخصرت وقالت .. خالتي : تخلخلت عظام العدو ...كل هذا تسوين غدا ؟؟ الساعة صارت وحدة وانتي الله بالخير سرحانة !! مسكت روحي بالقوة ...وقلت .. هناء: ان شاء الله بيجهز الحين ...بس عطيني دقايق .. سمعنا بعدها صوت الباب يتسكر ...هذا اكيد سامي ... هديت اللي بايدي اروح اسلم عليه على الأقل بس امه مسكتني وردتني لورا بغيت اطيح وقالت .. خالتي: وين وين ؟؟ انثبري كملي شغلج ... وقف سامي عند المطبخ ...وقال .. سامي: السلام عليكم ... ردينا ومشى ...احسه صاير مو طايق البيت من بعد ما يت امه ...طلعت ومعاي سماط الأكل ..فرشت شفت سامي ياي وقال وهو يبتسم .. سامي: اساعدج ؟؟ قلت .. هناء : لا حبيبي بس اقعد انا بييب كل شي .. ورحت داخل شفت ام سامي ياية .....دخلت المطبخ ويبت الصحون...لما رديت شفت ام سامي واقفة وسامي قاعد على القنفة يطالع تلفزيون لفت لي كأنها كانت تنطرني ...وقالت وهي تخصر .. خالتي: ما شاء الله ..هني تاكلون ؟؟ طالعتها مستغربة ومو فاهمة وقلت .. هناء: ليش شنو في ؟؟ تعدلت وقالت .. خالتي : شنو في ؟؟؟ وهزت راسها باستنكار وشالت السماط وقالت وهي تقطها بالسلة اللي بالصالة تحت انظاري المتفاجاة .. خالتي: صج بنت فقر ..انا ماادري سامي يايبج من اي زبالة .. بققت عيوني من الصدمة ...انهنت ..بدت الصحون تهتز معاي لأن ايدي بدت تضغط عليها .. قلت وانا احاول ابين متماسكة .. هناء: الله يسامحج ... قام هني سامي واخذ السماط يديد وحطه على الأرض وقعد ومد ايده لي عشان اعطيه الصحون .. سامي: عطيني .. عطيته وحطهم وقال .. سامي: هني بناكل وبنظل ناكل للابد ...واللي مو عاجبه لا ياكل ... كأنها اشارة لأمه...حمَر ويهها وراحت داخل ... غمضت عيوني مخترعة من صوت الباب لما تسكر بقوة ... قال سامي .. سامي: تعالي اكلي ...مارح نخلص اصلا .. حطيت باجي الغدا وبدينا ناكل بدونها ..مع ان كلمتها تحز في قلبي بس موقف سامي عجبني الصراحة .. الله يخليه لي .. العصر خليت سامي نايم وانا رحت الصالة ادرس ...مر وقت وشفت ام سامي لابسة وطالعة ... استغربت تدخل وتطلع على كيفها ...لفت لي وقالت وهي تلبس ساعتها الفضية بتهكم طبعا .. خالتي: انا طالعة ...إذاسال سامي عني قولي له ماني مطولة .. ماخذة مقلب بنفسها المسكينة ... بغيت اضحك بس هزيت راسي بايجاب ...وطلعت ...وهني ضحكت ... بس ودي اعرف شلي صار لها من زوجها .. واشلون عرفت عنوانا ؟؟ احس ان كل شي يصير بسرعة .. طردت الأفكار من راسي ورديت ادرس ... اذن المغرب ورحت قعدت سامي وصليت ...رديت لكتبي ... " انتي ما تملين من الدراسة ؟" لفيتت لسامي اللي ساند على جتفه على الطوفة ...وقلت .. هناء: ابي انجح ...وافتك .. قال .. سامي: اشرايج نطلع ؟؟ زهقان ... طالعته ولقيته يكشكش شعره بضيق ...قلت .. هناء: انزين لا تموت علينا ...خلني ابدل بس .. دخلت داخل وبدلت ..وطلعنا ...والجو بدا يدفى مع شهر فبراير ..وبداية المهرجان ...هلافبراير ...الدنيا زحمة .. وعند شارع الخليج بالذات .. كان سامي مشغل اغنية اجنبية ويغني معاها ... اعتقد اني اعرفها سامعتها من قبل .. حسيته صج زهقان يبي يرفه عن روحه ... تذكرت الأغنية لما ياه هالمقطع ... some times I run … some times I hide … مالت برتني سبيرز ...قلت .. هناء : حلوة الأغنية ... قال وهو يحرك بايده يغني ..معاها .. سامي : رائعة .. وقال يغني .. I dona wonna be so shy..aa every time that im alone I wonder why… hope that you will wait for me… قعدت اسمعه وهو يغنيها ... ويحرك راسه يرقص معاها ...تذكرت الأغنية ...وقمت اغني وياه... صرنا مثل الميانين ...وقفنا عند الأشارة فقال سامي يضحك علي .. سامي: بس خلاص احنا عند الإشارة ..فضحتينا ... وقصر على الصوت شوي ... قلت وانا ارتب شيلتي اللي طاحت من ورا ... هناء: تصدق عاد ..هالأغنية تحكي عنك ... وطالعته ...قال وهو يطالع الشارع .. سامي : اشلون بالله ؟؟ قلت بهدوء .. هناء: ماادري بس حسيت ان كلماتها توصفك ... سند راسه على ايده والدريشة مبطلة .. how??سامي: طالعت الدريشة وقلت .. هناء: يعني لما قالت لااريد ان اكون خجولة ...حسيتك انت تقولها .. ونطرته يعلق بس ما قال شي ...لفيت له لقيته يطالعني وقال ببلاهة .. سامي: الأغنية مرة تغنيها ...يعني انا الحين خجولة ؟؟ مت من الضحك على شكله ...قلت وانا ااشر بايدي .. هناء : لأ لأ ...هههههههه انا قصدي انك خجول وايد . حرك هني ومشى من عند الأشارة ..وقال .. ...كملي ..here we goسامي : اممممم.... هزيت راسي اكمل .. هناء: ما ادري بس حيل احس الأغنية هاذي قريبة منك واايد .. هز راسه بتفهم وقال وهو يطالعني ويرد يطالع الشارع .. سامي: اشلون عرفتي ؟؟ طالعته مو مصدقة ... هناء: يعني صج ؟؟ لف السيارة لأنا دخلنا لفة ..ووصلنا البحر .. وقال .. سامي : ئي صج ...وهي مهداة لج ... ابتسمت وقلت .. thanks هناء: ووقف السيارة وطفاها ونزلنا ... اول ما نزلت طير الهوا طرف شيلتي وتنورتي البرتقالية بدت تتحرك مع نسماته ...تجتفت وغمضت عيوني اشم الهوا هذا ...يتخلل كل ذرة فيني ...تنفست بعمق ابيه ينظف كل شي فيني ... بطلت عيوني ولفيت لسامي الواقف يمي بعيد شوي ولفة الكحلية الصوفية اللي لافها حوالين رقبته تتمايل مع الهوا كأنها حية ...وخصلات شعره اللي إلى الآن ما اعرف شنو لونها تتخبط يمين وشمال كأنها تحكي عن مشاعره المكتومة ... اللي يشوف سامي يقول هذا ينفع لاعب كرة سلة ...مو طويل حيل بس ينقال عنه طويل ...ابيض طالع على امه ..بس ماخذ الملامح من ابوه ... جسمه عادي بس معضل شوي على الخفيف .. الجاكيت الأبيض القصير اللي واصل لين وسطه يخفي عضلاته ... بس لما لبس الفانيلة الزرقة اللي تحت الجاكيت اول شي ..بان طوله حيل وصار واضح ...لما كنا بالبيت طبعا .. وبنطوله الجينز فاتح اللي يبين جسمه الرياضي ... ماادري ليش قاعدة اوصفه ...بس احس ان الليلة صاير مميز ... حسيته رح يفتح لي قلبه ..ويعلمني باللي يفكر فيه وهاذي امنية حياتي ... تجدمت منه ووقفت يمه وشبكت ايدي بايده وقلت وانا احط ايدي على جتفه واسند عليها يعني صرت قريبة من اذنه اليمين .. هناء: حبيبي شنو يفكر فيه ؟؟ ضغط على ايدي ورفعه وغطاها بايده الثانية وقال بهمس .. nothing …but I want to clear my mind …I feel that im little confusion:.سامي لعبت باذنه بصبعي وقلت .. هناء:وإذا قلت لك اني .. وقربت من اذنه وهمست .. هناء:احب اسمع اللي في بالك ... طالعني بنظرة وقال.. I don’t think you want to hear it: سامي ونزل ايده وهي لسة شابكة بايدي وطالع البحر ... حاولت مرة ثانية وقلت .. هناء : سامي .. سامي : اممممم.. هناء: ممكن تغني لي ؟؟ يمكن اللي قلته ضرب من الجنون ...طالعني بهبل وقال .. what??: سامي ابتسمت وكتمت ضحكتي على شكله ..وقلت وانا ااشر عليه .. هناء: انت ليش تقلب انجليزي لما تنصدم ولا تتفاجأ ؟؟ ما عرف شنو يقول تخربطت التعابير بويهه بس قال .. سامي: هههه..لا بس انا متعود عليها و.. وسكت يرتب اللي يقوله فقال اخر شي باستسلام .. سامي: بس جذي .. ما عرف شنو يقول ... فقلت وانا ابتسم.. هناء: اوكي ..الحين ممكن تغني لي ؟؟ طالعني مو مصدق .. سامي: انت من صجج؟؟ هزيت راسي بايجاب وطالعته انطره ... سامي: مصرة ؟؟ سندت كوعي على جتفه وقلت .. هناء : كل الأصرار ... طالع حوالي ووراي وقال .. سامي: بس خل نتأكد محد موجود لا ينحاش من صوتي بس .. اطلقت ضحكة خفيفة وقلت .. هناء: لا بس انا اللي بنحاش .. طالعني بنص عين وقال .. سامي: عيل حلمي اغني لج ... قلت بترجي .. هناء: لا لا خلاص آسفة آسفة ... سامي: اشدعوة بغني لج اصلا حتى لو اعتذرتي ؟؟ شديت على ايده وقلت .. هناء: سامي عمري انت ...يلا عاد .. طالعني وقال .. سامي: انت منو قالج ان صوتي حلو ؟؟ هناء: سمعته بالسيارة توا ...لما كنت تغني مع برتني سبيرز ...يلا عاد .. غمض عيونه ...وويهه لولا الأضاءة الخفيفة كان بان انه قلب احمر .... بغيت اضحك بس قلت اشجعه .. هناء: خلاص يلا بنسوي دويتو انا وانت ...اوكي ؟؟ طالعني باستخفاف وقال .. سامي: نو اوي هناء ..انا مااغني .. لفيت ويهي للبحر وقلت .. هناء: خلاص انا بغني .. ولاني متأكدة ان المكان فاضي مافي احد لانا بركنا بمكان محد اييه إلا قلة ... هناء: حب يبقى وحب يروح ...حب فرحة وحب جروح لالا تشكي او تنوح او تقول للحب ضاع .. اترك الماضي وراك واللي من قريب خذاك والله ياعمري وغلاك مالي غير حبك شراع .. ماعليه ماعليه ...ماكو شي يبقى على ماهو عليـــــــــــــــــــه وقمت ادندن احاول اوصل للحنها بالضبط ... هناء: يا حبيبي لا تخاف ... ومسكت ايده ... هناء: مهما طال الوقت وطاف لو كبر فينا الخلاف او تعرضنا لخداع حبي لك يبقى كبير لو يصير اللي بيصير ما يجف نبع الغدير طول ما احنا باقتناع ...ما عليـــــه ما عليه... وقمت ادندن واحرك ايده معاي ...وهو ابتسم ...ونزل راسه ... وقلت آخر شي ... هناء: وسلامتكم ...ح صفق لي هو وصفر وانا نزلت قمت انزل راسي ومسكت طرف تنورتي كأنه الجمهور جدامي .. thank you ..thank you …I love you all: هناء ضحك علي وقال .. سامي: صدقتي عمرج .. قلت انا .. هناء: مع اني مو حافظة الأغنية ..بس شوي ...احسن من بعض الناس .. وخزيته فقال .. I wi…:سامي قاطعته باغنية ثانية وقلت . هناء: انا محتاجة جدا لميناء سلام ..وانا متعبة ....انا متعبة من قصص العشق واخبار الغرام ...فتكلم ... تكلم ...تكلم ..تكلم ...لماذا تنسى حين تلقاني نصف الكلام ...لماذا تنسى نصف الكلام .آآآه ..ولماذا تهتم بشكلي ولا تدرك عقلي ... لماذا تهتم بشكلي ولاااا لاااا تدرك عقلي ... عقلي ... وقربت منه وسندت على جتفه مرة ثانية .. هناء : كن صديقي ...كن صديقي ..كن صديقي .. وطالعته وبالأخص عيونه الفاتحة .. هناء: ليس في الأمر انتقاص للرجولة ...ليس في الأمرانتقاص للرجولة...غير ان الشرقي غير ان الشرقي لا لا لايرضى لا لا يرضى ...لالا يرضى ..لالايرضى بدور ..بدور غير ادوااااااااااااااااااار البطولـــــــــــــــــة.. طالعني وقال وهو يتجدم مني .. سامي : صوتج حلو ... وصلنا لين عامود انارة وقعدنا تحته .. وقال .. سامي: اعتقد ان الأغنية الأخيرة تلميح لي ..ادري ادري ..نغزات .. ضحكت عليه وقلت .. هناء: لا لا مونغزات ...بس افهمها انت ... وسند على العامود وسكت ... يا الله ..طول القعدة انا اللي اتكلم ...ابيه يطلع اللي في قلبه ... على الأقل قول اي شي ... سامي: تصدقين .. لفيت له وانا مستانسة انه تكلم بس خشيت ... هناء: شنو ؟؟ طالع القمر وقال .. سامي: ودي المس القمر ... كان بتكلم وهو ساند راسه على العامود ...قلت انا بعد ما سحبت نفس .. هناء: احلامك كبيرة مبين عليك .. سامي: احلامي بس حتى طموحاتي ... هناء: وشنهي طموحاتك ؟؟ وطالعته ..لقيته يبتسم بهدوء جنه يتذكر .. سامي : اذكر لما كنت بدار الأيتام ...كانت في مدرسة اسمها اليزابيث ...كنت احب الرسم وارسم واايد ..وكانت تقولي ليش ماتفتح لك معرض ...قلت لها انا هوايتي ارسم مو حلمي اني ارسم وااطلع رسام... قلت متفاجأة .. هناء : انت ترسم ؟؟؟ !! قال .. سامي : خربشات ... طالعته مو مصدقة وتذكرت كلمة دلال لما يت تخطبني حق اخوها... " سامي صاحب مواهب" سامي :اشفيج تطالعيني ؟؟ رديت يندت للعامود وقلت اغير السالفة .. هناء:ما توقعت ان امك تيي صح ؟؟ سامي: بلى توقعت ... طالعته وقلت .. هناء: توقعت ؟؟ هز راسه بايجاب وقال .. سامي: امي ما رح تخليني في حالي ابدا ... طالعت السما اللي ينورها القمر ... هناء: تقرب منها ...وحاول تكسبها .. ونزلت عيني من السما ولفيت له ..لقيته هو بعد يطالع فوق ويقول .. I tried…but what you can say … سامي: ووقف ومدايده وقال . سامي: قومي نتمشى ... تمشينا ...سمعته يقول .. سامي : اشرايج نسافر لنا سفرة نغير فيها جو ؟؟ يا ليت ..انا ودي من زمان اطلع واسافر ..قلت بفرح .. هناء: وين بتوديني ؟؟ قال يفكر .. سامي: امممم...اشرايج نروح نيوزلندة؟؟ قلت باستنكار .. هناء: عند البقر !!! لا حبيبي .. ضحك وقال .. سامي: يحصلج بقرة من بقرهم ... |
قلت بلوعة جبد .. هناء : وووع ..بقرنا احلى ... ضحك علي فقلت .. هناء: اممممم ...اشرايك نروح اسبانيا ؟؟ قال وهو يطالع الرمل .. سامي: رحتها ومليت منها ... هناء: متى ؟؟ رفع راسه وقال وهو يطالع البحر .. سامي : من سنتين ..تقريبا ..رحت مع عامر وامه عشان تزور اهلها ... اهلها !!!!! هناء : ليش ام عامر اسبانية ؟؟ سامي: ئي ...بس ماخذة الجنسية الأمريكية من زمان واسلمت بعدها تزوجت بو عامر .. هزيت راسي اول مرة ادري ... هناء:عاد شكلها مو اسبانية اصلا ... سامي: ئي حيل مو مبين ...انا اصلا ما كنت ادري بس عامر اللي قالي .. هناء: ما شاء الله بس لكنتها مو مكسورة بالأنجليزي ... سامي: وانتي لما تسمعين امي تكلم ما تشوفين فيها لكنة مكسورة ؟؟ طالعته متفاجأة ..فقال .. سامي: امي لبنانية اصلا ..بس ماخذة الجنسية من زمان ... بققت عيوني ....لبنانية !!! هناء: ما قلت لي من قبل ... هز جتوفه ببساطة وقال.. سامي: مايت مناسبة .. هناء: ماحسيت اصلا ..بس من متى ماخذة الجنسية الكويتية ؟؟ لف لي وقال بتعجب .. سامي: ومنو قال انها ماخذة الجنسية الكويتية ؟؟؟ امي ماخذة الجنسية الأمريكية ... ماشاء الله ...خليط ..امه لبنانية ماخذة جنسية وابوه كويتي ...صج شي عجيب !!! ... هناء: وابوك وين شاف امك ؟؟ طالع السما وهو يمشي وانا نزلت راسي للارض .. ... شافها تصمم لمرت رفيجه في بيته ... as he said.. سامي : امممم .. تصمم!!! هناء: امك مصممة ؟؟ هز راسه وقال .. سامي : امي فاتحة دار عرض للأزياء ...هني وبامريكا ..بس فرعها الرئيسي بأمريكا ... هناء: واااو ...يعني مو من بعيد ماخذ موهبة الرسم .. ابتسمت له بس هو ابتسم باستهزاء... سامي: اهل ابوي عارضوا ان ابوي يتزوجها اول لانها مو من ثوبهم ثانيا ارملة ...بس ابوي اصر وتزوجها من ورا اهله ...ولما دروا قلبوا الدنيا فوق راسه ..وقاطعوه ... استغربت من كل اللي قاعدة اسمعه ...بس استغرابي الأكبر انه استرسل بالكلام بدون ما اطلب منه اول اسأله وهذا شي حلو .. وقفنا ...وهو تجتف وسحب نفس وكمل .. سامي: مرت سنة بعدها تطلقوا لما يابوني ...سافر ابوي امريكا بعد ما خذاني يكمل دراسته للطب ..وامي ظلت سنة تحاول تردني بس ماكو فايدة ...وصلت بينهم للمحاكم ...وابوي رد مرة هني الديرة يطلب السماح من يدي ...بس .. نزل راسه وكمل .. سامي : يدي مارضى ..ومات وهو مو راضي عن ابوي .. لاااا ...مات وهو مو راضي عن ولده ؟؟ بعد خصله عن عينه وقال .. سامي : وكبرت بينهم هوشات ومناوشات...بس يدتي الوحيدة اللي كانت خايفة علي ...صج اني ما ذكرها بس على الأقل صوري وانا صغير كانت كلها معاها... نزل نظره بحزن للأرض وقال .. سامي: ماتت بعد ما كتبت كل شي باسمي .. ورث ابوي حتى خشته عنه وكتبته لي ..ويت الطامة اللي كسرت ظهر ابوي .. وابتسم باستهزاء ويحط ايدينه بجيوب الجاكيت الأبيض .. سامي: القشة اللي قسمت ظهر البعير مثل مايقولون ...ورفعت امي قضية على ابوي وكسبتها وخذتني عندها ...وتربيت بين حثالة ...عالية وعصام ..بس الحمدلله الله عصمني منهم ..وتعرفت على عامر اللي صداقته كسرت كل الحواجز اللي كانت محاوطتني ...امه اللي يخليها طلعت من الحزن اللي انا فيه وسجن اللي كانت امي معيشتني فيه ..سجن الظلم منها ومن ريلها ..بس ما تهنيت ابوي رد خذاني وعشت عنده سنتين ...وهني يت امي بكل غضب الدنيا وبطلت ابواب جهنم على ابوي ... وقلبت حياته حجيم ..حياة ابوي كانت كلها بين المحاكم والحضانات اللي كان يقطني فيها ...ليما تزوج مرته ..جنان .. هناء: مرت ابوك اسمها جنان ؟؟ هز راسه بايجاب وقال وهو يوقف جدام البحر ويطالعه .. سامي: وانقلبت حياتي انا حجيم ...مافي يوم مر إلا واكون حبيس غرفتي ...لين ما يت امي وانفذتني .. وسكت .. حسيته سرح ...انتبه على روحه جنه فمد ايده ومسح على عيونها وقال وهو يلف لي منزل راسه يخش المه .. سامي : قطتني امي دار الأيتام بعد ما زهقت من شوفة ابوي عندها بالبيت ...وبعد ما قدرت تحصل فلس من فلوس يدتي اللي صارت فلوسي ... مسكت ايده وقلت بحنان .. هناء: إذا شي هذا بيضايقك لا تكمل .. تنهد وقال وهو يهز راسه بالنفي .. سامي: لا خليني اطلع كل اللي في قلبي ...مااقدر اخش اكثر من جذي ...شوفة امي ردت لي كل اللي صارلي ... وتغيرت نبرة صوتها وصارت مبحوحة شوي ..وقال وهو يطالع البحر .. سامي : امي ابوي خلوني لعبة بينهم ونسوا اني انسان احس ...عودوني اني اخش مشاعري وما اتكلم ...تخيلي ... وطالعني وعيونها تحمل الهم الدنيا كله .. سامي :من كثر مشاكلهم ما اعرف عماتي ولا عمامي ... ومد نظره لبعيد وكمل .. سامي: حتى خالاتي اعرفهم بس عمري ما حسيت انهم خالات ابد ...من اول ما اعرفوا اني عندي فلوس قاموا يتمصلحون معاي ومع امي ... وسكت واعتقد انه سرح ...قال .. سامي: طلعت من دار الأيتام ورجعت لام عامر وانا ابي انسى كل هذا .. والحمدلله قدرت ...دخلت الجامعة مع عامر ..دخلنا نفس التخصص ..ليما تعرفت على ريم .. انصدمت ....هزني اسمها وزلزلني ... طالعني سامي يدقق في ملامحي وقال .. سامي: بقولج عنها عشان لا تاخذين فكرة شينة عني ... وقعد وانا وراه ... سامي: تعرفت عليها في ثاني سنة لي بالجامعة ..كانت عايشة بامريكا بحكم ان ابوها سفير ... ولف لي وقال .. سامي : ترى ريم اخت مرت ابوي ... هناء: صج ؟؟ سامي: امممم.. بس هي فرق عنها ...بكل شي ...بالإخلاق والشكل ... بديت السالفة تاخذ مجرى ثاني اشوف ...بس مسكت روحي وسمعته يكمل .. سامي: ولأنها عايشة في امريكا كل شي عندها فري ... هناء: اشلون ؟؟ سامي : صج انها تطلع من شباب عادي عندها بس كأنهم اصدقائها وبأدب تحاجيهم وهم بعد ...بس انا كنت رافض هالشي وما كنت احب هالشغلات ..يعني طلعة بنت مع شاب بروحهم ما كانت داخلة مخي .. الحرام حرام... وام عامر كانت تشجعيني على هالشي .. وابتسم على ذكراها وقال .. سامي : الله يطول بعمرها ان شاء الله .. يدعي لها اكثر من امه ...غريب هذا والله .. سامي: ما كانت مغرورة ولا متسلطة لأن ابوها سفير ابدا ..كنت اشوفها بعض المرات في البيت عند ابوي .. تزور اختها ... حتى مرة اذكر دعمتها بدون ما اقصد وطاحت من السلم وانكسرت ايدها ... شهقت انا اما هو ضحك ..وقلت.. هناء:مجرم ..حرام عليك .. ضحك اكثر وقال .. سامي : والله محد قالها تدعمني ... ابتست وقلت .. هناء: ئي كمل .. سامي: من هني بدت علاقتنا من منظورها هي ... وطالعني يأكد لي ... سامي : دزيت لها بوكيه ورد مرة ..وهي فهمتني غلط عبالها اني احبها ولا مايل لها .. ولما طلعت من المستشفى كانت تيي البيت وايد عشان تشوفني وانا ادري ..بس كنت اقعد شوي في البيت واطلع مرة ثانية وارد بيت ام عامر ...ومرت مواقف وايد تحاول تبين لي انها تحبني ..وانا كنت اتغاضى عنها وانخش لما اشوفها ..وعامر الخبل ما خلى كلمة ماقالها عني .. وقلد عامر وقال .. سامي: حرام عليك البنت تحبك ..ليش ما تعطيها ويه ورد لطبيعته .. سامي: ومن هالحجي .. بس انا كنت ارد عليه واقوله الريال عموما والشرقي خاصة يحب وما ينحب ..والمرأة تنحب وما تحب ...وكان هذا منطقي في الحياة ..لأن المرأة مثل الزجاج لو حبت وفشلت في حبها تنكسر وما رح تتصلح إلا بعد فترة ...والله حرم العلاقات قبل الزواج عشان لا تنعصر المرأة لأن قلبها ما يتحمل وهي تميل لعاطفتها اكثر من عقلها ... طالعته بانبهار من كلامه ..وكمل وهويطالعني .. سامي: ولا ما كان قال الرسول عليه الصلاة والسلام ناقصات عقل ودين ...صح ؟؟ هناء: عليه الصلاة والسلام ...بس الحب العذري وين راح ؟؟ سامي : انا معاج ..الحب العذري اللي قبل الزواج هذا انا اشجعه ..يعني لو الريال شاف مرأة وعجبته يصبر شوي ويعرف عنها معلومات الأول ..بس ما يروح ياخذ رقمها ولا يحاجيها ولا يتعمد يقط روحه عندها ويحسسها انه يبيها .. هناء: يعني انت تقول ان الريال إذا شاف وحدة وعجبته يخطبها على طول ؟؟ انزين وين الحب هني ؟؟ سامي :الحب بعد الزواج ...حب اللي قبل جذي خرابيط ينكتب على الهوا ويتلاشى بسرعة ... نط في بالي شؤال وسالته على طول .. هناء: انزين انا طحت من عينك لما عرفت اني احب عصام ؟؟ وخفت من الإجابة .. سامي: طبعا لأ ... المرأة من حقها تحب ...والريال بعد ..بس انا لما عرفت انصدمت شوي بس نسيت .. لا صح واضح وطالعته بنص عين ...فقال . سامي: اشفيج تطالعيني جذي ؟؟ قلت .. هناء: انت ادرى .. هني فهم وضحك ... وقال .. سامي: مو بايدي ... ابتسمت عليه وقلت .. هناء: مو جنك طلعت برة الموضوع ؟؟ كمل يلا .. سامي: وين وصلنا ؟؟ ئي ...واذكر مرة اني ماداومت ثلاثة ايام عشان امي وابوي تهاوشوا جدامي وفي الشارع والرايح والراد يطالعهم .. وكل واحد يطلع اللي قلبه ناحية الثاني .. هناء: الله الله ..ليش كل هذا ؟؟ سامي : كان موعد زيارتي لابوي الأسبوعية ولما وصلت شفت امي وابوي قاعدين يتهاوشون وليومج هذا ما عرف السبب ومابي اعرفه .. انسدت نفسي عن العالم وعن الدراسة وصكيتها غياب ..لما داومت رابع بوم كانت نفسيتي احسن شوي ...استقبلتني بورد احمر ترد لي الحركة ..بس انا اختلف عنها لون الورد انا كان ابيض ...قبلته على اساس انه هدية والرسول عليه الصلاة والسلام ما يرد الهدية ... ما انكر واقولج اني ما كنت افكر فيها ..بس يعني بشكل عادي ...وفي يوم زرت دلال في بيتها ودلال كنت اقولها كل شي ...حتى اكثر من عامر .. وكنت اقولها عن ريم ..بس ما حطيت في بالي انها بتخطبها لي ..فاجأتني مرة وقالت لي بخطبها لك ..بس انا ترددت لأني وقتها ماادري شنو مشاعري ناحيتها ..حسيت ان عادي تغيب عن عيني ...عادي حضورها بعد ...مااحس بمشاعر مختصة بالحب ابدا ...فعلمت دلال اني ماابيها ... بس ... وسكت ..قلت انا بلهفة المستمع .. هناء: شنو ؟؟ سامي :اكتشفت بالصدفة ان عصام ولد خالتي الخبل يحبها ... ويحبها بجنون ... وهني عرفت سر ملاحقته لريم كل شوي ..لأنه كان يحبها ...صج ان انا وعصام متربيين مع بعض وكنا ربع بس مو ايد بس على الأقل بينا احترام ..بس لما اكتشف اني بخطب ريم وهذا مو صج ثار ..وقلب الكلية فوق راسي .. وتهاوشنا ...علمته اني ما ابيها ولا افكر اخطبها اصلا بس ما صدقني ...يتني ريم بعدين وقالت لي عن عصام ومضايقته لها ...وطلبت مني اتدخل وبغبائي تدخلت وصارت مشكلة بين اهلي من ناحية امي ومن ناحية ابوي ..والكل عباله دفاعي عن ريم عشان اني احبها والعكس صحيح ... تزاعلنا هني انا وعصام وما صرنا حتى نكلم بعض ..وتغير وصار شري يتعمد يفتعل الهوشات بينا ... وياكثر ما تهاوشنا ...وصلت بينا للمخافر والشرطة ... اذكر مرة تهاوشنا هوشة جايدة كان سببها ريم طبعا ...مسك راسي وطقني بالطوفة حيل بلحظة ضعف مني ولأن الطوفة كانت مكسورة.. وتعورت لين الحين علامتها علي .. رفع شعره عن يبهته عشان يورني الجرح ... اح ..واااو .. سامي : دخلت المستشفى وسويت عملية تقدرين تقولين تجميل ...وطلعت الحمدلله .. وبعدها ما قمت حتى ارد عليه ..انتبهت لدراستي وقلت كافيني مشاكل ...طبعا السالفة وصلت لأبوي وقام يمنع امي تيي تشوفني ... هناء: اشلون انت كنت جبير حزتها ؟؟ كم كان عمرك بالعشرينات ؟؟ سامي: 22 تقريبا ..قصدي لما اطول عليها بالزيارة كانت تيي تسال عني عند ابوي وابوي كان يزفها ويطلب منها انها تبتعد عني .. هناء: تبتعد عن ولدها ؟؟ قال باستهزاء.. سامي : شفتي .. هاذي حالي .. كمل وقال .. سامي: ابتعدت عن ريم ..كافي خيري شري .. وطلعت عالية هني ..يت من الكويت تدرس بامريكا .. ولما عرفتني لزقت الأخت ..مثل ما يقولون حب من اول نظرة ..بس انا عمري ما كرهت احد قد ما كرهتها .. هناء: ليش؟؟ سامي: بس اشوفها تلوع جبدي .. ماادري بس جذي ..ماارتحت لها .. وانا قلت لج قبل ما احب حركات الحب والبطيخ والعلاقات بين الشاب والبنت المحرمة .. كل ما ايي بيت امي ازورها القاها قاطة ويهها هناك ... حتى بعض المرات تعزمني في بيتهم بس انا مااروح ...خالتي حست وشافتني فرصة ما اتعوض ...بنك متنقل تضيعه من ايدها ؟؟ طبعا لأ .. لزقت بنتها فيني وتشجعها على اللي تسويه .. وكنت اتعرض ضغوط من كل الجوانب ..من عالية ..من عصام ..ومن ريم ..كان لازم انفجر ..وانفجرت بويه المسكينة ريم ...اذكر اليوم بالضبط ... كان يوم ربيع وحلو .. رحت الجامعة وشفت عصام وطبعا بس يشوفني يقعد يقط كلام ... دخلت محاضرتي ومارديت عليه ..ورحت اتمشى بالحديقة انطر عامر ..ونطت فوق راسي عالية الغثيثة ...وهذرتها اللي ما تخلص ... قمت عنها بعد ما استأذنت ..وشفت عصام مرة ثانية ...سالني عن ريم قلته مااعرف عصب وقام يقط كلام جارح ..ويهددني إذا سويت فيها شي بندم ومن هالكلام الفاضي قلت له اذلف عن ويهي انت وريم مالتك ... ركبت سيارتي بروح البيت لأن عامر تأخر بالمحاضرة ...بس تفاجأت انها تنطرني هناك وساندة على سيارتي .. قطيت السلام ودخلت سويج في مكانه عشان افتح السيارة ...قالت لي ليش تعاملني جذي انا ما سويت لك شي قلت لها ابعدي عني انا ماني ناقص ..انتي مالج شغل بس انا وانتي ما ننفع حق بعض ...وبجت وصارحتني انها تحبني ...طبعا انصدمت ..بس ما رديت عليها ... اليوم الثاني وانا بطريقي للجامعة شفتها واقفة عند سيارتها وكأنها تحتاج مساعدة ... علمتني ان سيارتها خربت وعندها محاضرة بعد شوي ...ركبتها سيارتي وركبت جدام ..بس انا طلبت منها تركب ورا ...ركبت ورا وحركنا للجامعة وبالطريق صار لنا حادث قوي .. دعمت شيرة لاني ما كنت منتبه ويت الضربة ناحية ريم ... ما ادري شنو صار بالضبط لاني كنت بغيبوبة ...صحيت منها بعد ست شهور .. قلت متفاجأة .. هناء: ست شهور؟؟ سامي: ست شهور كاملة ماادري عن نفسي ...صحيت من الغيبوبة اخيرا والحمدلله كُتبت لي النجاة .. تذكرت ان ريم كانت معاي سالت عنها وقالت لي دلال انها ماتت ...وكانت واقعة قوية علي ... طلعت من المستشفى بعد شهرين ..ورديت لدراستي ...بس طبعا كنت احس بتأنيب الضمير ...ماادري ليه ...والكل عباله اني زعلان عشان ريم ماتت وانا احبها ...بس محد يدري اني اتقطع من داخل لأني ما ريحتها واني جرحتها قبل ما تموت ... تنهد ورفع راسه للسما وقال .. سامي : طبعا اهل امي اتهموني اني انا السبب في موتها واولهم عصام ...ما احترم قرابة الدم اللي بينا وبدا يضايقني بطالعة والنازلة ...تهمهم كلها كانت ظالمة ...وعبالهم اني اخذت ريم من عصام بس عشان احره وانا مو في بالي شي مثل هذا ... هني انقطعت علاقتي باهلي نهائيا ...ما صرت اشوفهم ..ابتعدت عنهم ...وانتقلت لولاية ثانية لما تزوج عامر ورحت نيو جيرسي ... بس هاذي قصتي من طأطأ لسلام عليكم ...ارتحتي ؟؟ وطالعني وهو يبتسم ...هزيت راسي بالنفي وقلت .. هناء : لأ لسة عندي اسئلة ...دلال وينها يوم كنت عايش عند امك زوج امك ما كان يضايقها ؟؟ سامي: دلال كانت عايشة عند اهل ابوها ...امي قطتها عندهم .. حتى دلال ما سلمت منها ؟؟ لا إله إلا الله ... هناء: انزين عالية ليش تكرهك ؟؟ سامي: عالية هاذي سالفة ثانية ....لما عرفت بالإشاعة االلي طلعت بين اهلي عني وعن ريم ..عصبت وحلفت ما تخليني ...قامت تضايقني هي بعد ..وانا وقفتها عند حدها .. هناء: اشلون ؟؟ مد ريوله على الرمل وقال.. سامي: بينت لها اني اكرهها ...بس انا ما كنت ادري اني اتعامل مع لوح ..ما يحس .. ليما ياه اللحظة اللي انفجرت فيها وبويهها لأني ضقت ذرعا بتصرفاتها مثل ما يقولون ..وقلت لها وبصراخ ...انا اكرهج ...وهاذي حقيقة ما اقدر انكرها ....ومن بعدها تزوجت ...وبس .. وطالعني كأنه يقولي هذا اللي عندي ... ظليت ساكتة افكر بكل اللي سمعته ...حياته صج تعب ...هو ضحية مشاكل امه وابوه واهله ...تذكرت هني ونط في بالي سؤال بعد . هناء: ئي صج ...يعني انت الحين عندك عمام ؟؟ ثنى ريوله اليمين وسند ايده عليها وقال .. سامي: ابوي عنده ثلاث اخوان واخت ... هناء: وينهم ؟؟ رفع راسه فوق وقال .. سامي : مطشرين ..عندي عم بلندن ...وعم باستراليا ...وعم من سبع شهور متوفي ...وعمتي اللي هي عندج الحين ..ام عبدالله ...وهي الوحيدة اللي اعرفها من اهل ابوي .. هناء: اسال سؤال بس ما تضحك ؟؟ طالعني بهدوء وقال .. سامي: شنو ؟؟ هناء:من القصة الي قلت لها لي استنتجت انك ما ييت الكويت إلا بعد ما دخلت العشرين ...اشلون تعرف عربي عيل ؟؟ ابتسم وقال .. سامي: الحسنة الوحيدة اللي سوتها امي انها كانت تحاجيني عربي وحتى ابوي .. هزيت راسي متفهمة وقلت امازحه .. هناء: وانا اقول من وين عارف اللهجة اللبنانية ؟؟؟ وهزيت راسي ابتسم ..اما هو ضحك وقال .. سامي: ولو حبيبة البي ...انا سامي مو حيالله ... وقالها بلبناني ... سند ايده على الرمل وقال .. سامي : امي ما كانت تحاجيني لبناني بس خالاتي كانوا يكلموني حتى يدي ... يدك؟؟؟ هناء: ابو امك ؟؟ هز راسه بايجاب وقال .. سامي: كان عايش معانا بس مات وانا عمري ست سنين ...بعدين امي مولودة هي الوحيدة بين خواتها مولودة بالكويت ...ودرست فيها ...وحزتها كانوا خواتها اللي اكبر منها عايشين بامريكا يدرسون ..خلصت ثانوية وسافرت عندهم ..وهناك استغلت موهبتها مثل ما يقولون ..وفتحت محل صغير وكبرت ..وابوي شافها وتزوجها ... هناء: سؤال ثاني ..بس هالمرة رح تعصب ادري فيك .. هز راسه وقال بهدوء .. سامي: اخذي راحتج ...اليوم معطيج ويه زيادة ... ضحكت وكفخته على جتفه ..وقلت .. هناء: انت اللي ما تنعطى ويه .. وقلت .. هناء: شنو سبب طلاق امك وابوك ؟؟ طالعني شوي اخترعت انا وبغيت اسحب السؤال ...تعدل بقعدته وقال ... سامي : تصدقين ماادري ...بس اللي اعرفه ان ابوي شايف على امي شي ماادري شنو هو ..وما تعب عمره ودور وسأل ريح عمره وطلقها ... هناء: ما عرفت شنو هالشي ؟؟ هز جتوفه بلا مبالاة .. سامي: لأ ولا يهمني اعرف ... هناء: ولا سألت ابوك ولا احد عن السبب ؟؟ سامي: ما انكر واقول اني ودي اعرف بس كل هذا تساؤلات تطرا على مخي بس ..عمري ما طلعتها وترجمتها علنيا وسألت ... هناء : ليش؟؟ سامي: إذا هم ما اهتموا برايي ومشاعري ليش اسأل ؟؟ وطالعني وقال .. سامي : فخار يسكر بعضوا .. وقالها باللبناني ...وطالع ساعتها وقال .. سامي: واااو ...12 ونص الحين ترى ...موجنا تأخرنا ؟؟؟ ركبنا السيارة وانا افكر لسة بالقصة اللي سمعتها ...واستانست وايد يوم قالي كل شي عنه ...حسيت ان نفسيته صارت احسن ...بس ليش كل هالغموض في حياته ؟؟ ليش ما تكلم مع احد وفرغ اللي بداخله ؟؟ ابتسمت عليه وعلى طريقة كلامه ..بالأخير هو انسان وبتييه لحظة وبيضعف ويفصح عن كل شي ... سمعته يغني مع اغنية اجنبية طلعت بالراديو ... مالت باك ستريز بويز .... I don’t care who you are … where you ..what you did…as long as you love me مديت ايدي ووطيت على صوت المسجل وهو مو حاس ويغني ... every little thing you that have said and and done … feel’s like it’s deep to me …doesn’t matter of you on the run مو حاس بعمره مسكين ...قعدت اطالعه وهو يغني ..ولما خلصت الأغنية ...صفقت ...هو هني طالعني بعدين استغرب ...فقلت .. هناء: وتقولي صوتك مو حلو ؟؟ ما فهم بس بعدين استوعب ان الراديو مقصرة عليه ..تفاجأ وشهق وهو يبتسم ..وقال .. سامي: صج خبيثة انتي ...جكيتيني ... ضحكت عليه وعلى شكله اللي قلب احمر مستحي... وصلنا البيت وسيدة انخمدنا … يوم الثاني رحت الجامعة وانا نعسانة ومافيني امشي … رديت البيت وتغدينا وام سامي ماادري عنها من امس ..وسامي طبعا ما سأل عنها اصلا … نمت العصر وقعدت على صلاة المغرب …صليت وسامي لسة نايم قعدته وطلعت الصالة وتفاجأت من ريال داخل الصالة …وشافني .. منو هذا ؟؟ بسرعة دخلت داخل بس دعمت سامي اللي مسكني بسرعة عن لا اطيح .. سامي: شوي شوي …اشفيج طايرة ؟؟ قلت له وانا ااشر على الصالة .. هناء: ريال برة … طالعني مستغرب وقال .. سامي: ريال ؟؟؟!!!! هدني وراح الصالة …وسمعت صوته بعدين سمعت صوت امه … امي : انا اللي يايبته هني … سامي: واشحقة بالله ؟؟؟ دخلت داخل ولبست شيلتي ووقفت ورا سامي عند الستارة .. سامي: اوكي مو مشكلة مو جذي يسرح ويمرح في البيت جنه مافي ريال هني … لفت امه للريال الهندي وقالت .. امي : روح انت الحين وتعال باجر .. طلع الريال ولفت امه لسامي وقالت .. خالتي : انا يبته عشان ياخذ قياسات الشقة عشان بعدل فيها شوي … قال سامي بعصبية .. سامي: ومنو قال ان الشقة تحتاج تعديل ؟؟؟ قالت امه وهي تقعد ريل على ريل .. خالتي: انا قلت … اشرت حوالينها وقالت .. خالتي : عاجبك لون الشقة ؟؟ انا الصراحة مااقدر اعيش جذي .. طالعن انا الشقة والصالة …مافيها شي …شقة يديدة ومصبوغة باللون الأبيض والأثاث ذهبي بأحمر والإضاءة صفرا ..تعطي الطوف لون ذهبي …كشخة الشقة مافيها شي … سامي: بس انا عاجبني اللون ..ومابي اغيره .. قلت انا .. هناء: ما عليه خالتي بس الشقة يديدة ما صارلها شهرين من دخلناها… طالعتني بطرف عينها وقالت .. خالتي : طبعا وحدة مثلج عمرها ما شفت شي يديد اكيد بتشوفينها حلوة … لا إله إلا الله … قال سامي باستنكار .. سامي : يمااا ..ما اسمح لج ترى .. قلت انا بهدوء .. هناء: لا عادي سامي …خالتي مثل امي .. ودخلت داخل … سمعت اصواتهم وهم يتكلمون ..بعدها تبطل الباب ودخل سامي ..تعدلت بقعدتي وقلت .. هناء: تبي جاي حبيبي ؟؟ قعد على السرير وقال .. سامي: لا تزعلين هناء من امي ترى .. قاطعته وقلت وانا ابتسم .. هناء : لا حبيبي ما زعلت …ووقفت وقلت .. هناء: بروح اييب لك جاي .. اليوم الثاني …وقفت جدام المنظرة اتجهز بروح عند امي من زمان ما زرتها من بعد اللي صار …وسامي هو اللي رح يوديني …طلعت من الغرفة وشفت خالتي قاعدة ..سلمت بس هي قالت .. خالتي: وين رايحة ؟؟ هناء: بروح عند اهلي .. خالتي : وسامي روح يوديج ؟؟ هزيت راسي بايجاب وقالت .. خالتي :نطري .. ودخلت داخل ونقعتني ساعة ماادري ليه…دق علي سامي لأنه ينطرني تحت فقلت له .. هناء: بس امك ماادري قالت لي نطريني .. سامي: انزين اشحقة ؟؟ هناء: ماادري والله .. تأففف وصك عني .. " يلا ..خلصت " التفت وتفاجأت فيها …. بققت عيوني على وسع …ماخلت لون ما حطته ..ولبسه شوي ضيق لبس مو في عمرها ..بس الصراحة حلوة … بعدت القذلة اللي على ويهها وقالت .. خالتي : مشينا .. ومشت جدامي بكبرياء وطلعت معاها وعطرها خانقني .. بس مستغربة من شي هي بتيي وياي يعني ولا شنو ؟؟ ركبت جدام يم سامي اللي تفاجأ من شكلها ..بس ماباليد حيلة …سالها وقال .. سامي : بتروحين معانا بيت نسايبي ؟؟ قالت بغرور .. خالتي: لا طبعا ..انا بروح السوق . سامي: بس حانا مو رايحيين السوق .. خالتي : ادري ..قطني وروح ومرني لما تخلص .. طالعها سامي بعدين ابتسم باستهزاء .. سامي: يما من صجج ؟؟ طريق السوق مو طريقنا ..حنا وين والسوق وين .. خالتي: يعني شنو مارح توديني ؟؟ قال بدبلوماسية .. سامي: للاسف لأ .. عبالي بتطلع زعلانة ..بس خزت سامي جنها بتذبحه ..بس قالت شي مو متوقع .. خالتي : اوكي ودني عند اهلها ..نتسلى .. وقالت الكلمة الأخيرة تبي تحرني .. ليش شايفة الي مهرجين ؟؟ ولا رايحة ملاهي وانا ماادري .. لفيت ويهي ناحية الدريشة وانا انافخ بقهر بس سكت … حركنا لبيتنا ونزلت …ومعاي خالتي .. " الحين هذا بيتكم ؟" لفيت لها لقيتها تطالع البيت باحتقار ..فقلت وانا اتنهد واطالع سامي .. هناء: ئي …حياج خالة .. ودخلت قبلها ..سامي راح الديوانية وي يؤشر لي اهدى … بطلت باب البيت ودخلت ..لقيت امي واسما وعالية .. شنو هاذي ما عندها كرامة ؟؟ قلت وانا ااشر عليها بقرف .. هناء: انتي موجودة ؟؟ اشتبين ياية ؟؟ طالعت عالية امي اللي قالت بدفاع عنها .. امي : هناء…البنت في بيتي ..احترميها .. انطميت وسكت …وطالعتها بحقد … " بطول برة ؟" انتبهت عليها …وفسحت لها المجال وقلت .. هناء: حياج خالة … ودخلتها … هناء: يما هاذي ام سامي … وقفت امي تسلم عليها ولو انها مستغربة …بس عالية سوت روحها فرحانة وقامت تسلم على خالتها جنها مو شايفتها من عشرين سنة … على قولة اخوانا المصريين …اتلم المتعوس على خايب الرجا…اثنينهم العن من بعض .. ودخلنا بسوالف بس طبعا كانت بالنسبة لي سوالف تقهر …طبعا عالية تجنبت الحجي معاي من بعد اللي خذته مني ..وام سامي ما تنازلت عن غرورها ونغراتها اللي ما تخلص … لما خلصنا ..وصلتنا امي للسيارة …وقالت .. امي: والله قعدتج ما تنمل يا ام سامي .. قالت برسمية وبتعالي .. خالتي: ان شاء الله نشوف بعض في مناسبة احسن … بدينا …نزلت راسي انا بس لمحت سامي ماسك ايدي يهديني … امي قالت .. امي : ان شاء الله بعرس بنت اختج .. لأ لأ …مو وقته هالكلام …وغطيت ايدي على راسي انطر المصيبة اللي بتيي .. خالتي: عرس بنت اختي ؟؟ اي بنت اخت ؟؟ امي: صج ان الوقت مو مناسب والمكان بعد بس .. قاطعتها انا وقلت .. هناء: ئي ئي صح الوقت مو مناسب …خلوها وقت ثاني .. يت عالية هني ورزت ويهها وقفت معانا … كملت … طالعتها خالتي وقالت باستغراب .. خالتي: انتي بتتزوجين ؟؟ ابتسمت عالية يعني كلش مستحية …فتنهد سامي بلوعة جبد …وقال يساسرني .. سامي : يعني مستحية .. قصده على عالية … طالعتها وقالت .. عالية : ئي خالة ما تدرين ان طلال وانا بنتزوج قريب .. مالت عليج وعلى طلال اللي ميتةعليه …من زينج ولامن زين شيفتج حلايا الويه …لو مو امي موجودة ولاني احترمها كنت كملت عليها الحين … تفاجأت خالتي وقالت … خالتي : طلال ؟؟ ابتسمت امي وقالت .. امي : ئي طلال ولدي ..ان شاء الله عاد نكون نسايب اكثر .. سكتت خالتي …فاستغل سامي الموقف وقال .. سامي: خلاص عيل نشوفكم على خير …مع السلامة عمة .. امي قالت باقتضاب .. امي : مع السلامة .. للين الحين زعلانة منه …ركبنا السيارة ومشينا …والحمدلله عدا كل شي على خير … " لا مو مواقفة ..انت من صجك راضي ان بنت خالتك تزوج هذا " كان صوت خالتي واصلني الغرفة من بعد ما ردينا .. سامي: يما هذا عنده اسم ترى … وبعدين انا مالي شغل ..كيفهم ينيازون .. خالتي : مستحيل عالية تاخذ هذا …نو واي ..انا لازم اوقف هالشي لو اضطريت استخدم القوة … سامي : وشنو بتسوين بالله ؟؟ خالتي : انا ما رح اسكت واشوف عايلتنا تنزل للحضيض مرة ثانية ..كافي انك نزلت روسنا وتزوجت هالحثالة هاذي .. انا حثالة ؟؟؟!!!!! عصب سامي وقال .. سامي: يما …هناء مرتي ..وما اسمح لأحد يهينها .. خالتي : انت لو طعتني واخذت عالية ..مو احسن لك من العلة اللي ماخذها .. عصب سامي اكثر وقال .. سامي: يمااااا.. انجرحت صج من كلماتها بس استانست ان سامي يدافع عني … سمعت صوت الباب وعرفت انه ياي فانخدمت على السرير بسرعة وغطيت روحي اسوي روحي نايمة .. نام يمي .. الله يخليه لي … وان شاء الله مارح يصير إلا اللي ابيه ..وعالية تبتعد عنا ..ونفتك من هالسالفة المملة … |
الحلقـة الثانية والعشرون "الشرخ" مرت الأيام عادي بس طبعا ما تخلى من نغزات خالتي اللي ما ترحم ... وانا ساكتة وصابرة عشان سامي بس ..وهو اللي يشجعني على جذي ... مابي اسوي مشاكل بينه وبين امه كافي اللي بينهم ... بس ييتها فيها خير على الأقل بتوقف عالية ومارح تخليها تتزوج طلال ..بس خل نفتك من عالية وبزوج طلال على طول ..يا رب ساعدني وقويني على عالية وخالتي وعصام النذل..صح على طاري عصام صارله جم يوم ماله حس ولاخبر .. احسن شكله هدا شوي خليه عشان انا بعد بتكتك له تكتيك اوديه ورا الشمس ... بس خل يصير اللي في بالي وانا لك يا عصام وانت عالية ... طلعت من الغرفة بعد ما تجهزت ... اليوم معزومين انا وسامي وعمته ام عبدالله هي اللي عازمتنا وعلى البحر بمناسبة يوم التحرير والوطني .. ومو بس حنا حتى امي واخواني وبيت خالتي وطبعا عمي بو سامي ... شفت خالتي قاعدة تطالع تلفزيون وسامي واقف عند الباب لما شافني قال .. سامي: خلصتي ؟؟ هزيت راسي بايجاب وتجدمت له ..لفت خالتي لنا وقالت .. خالتي : بطولون ؟؟ مسك ايدي سامي وقال .. سامي: ماادري ... ليش؟؟ قالت تمسكن .. خالتي :لا بس عشان لا اقعد بروحي واايد ... الله ...حيل بتشتاقين لنا يعني ؟؟؟ ..اقص ايدي إذا انتي مستانسة بروحتنا ...قال سامي وهو يطالعها باستخفاف .. سامي: قلنا لج تعالي معانا ..ماتبين .. قالت امه بلوعة جبد .. خالته : ابوك هناك وانا مابي اشوفه .. واااي هاذي اشلون تكلم عن ابو ولدها جذي جدام اي احد ..ما عندها دم الصراحة .. نزلت راسي انا اما سامي قال .. سامي: بس عيل قعدي هني ... وإذا مليتي ... رفعت راسي انا وشفته نظرة الخبث فيه ..اشلون ما اعرفها وانا مجربتها .. سامي: طلعي ..ونسي عمرج .. هزت راسها خالتي بتفهم وقالت .. خالتي: اشوف .. طلعت انا وسامي قال وهو يصك الباب .. سامي: بس لا تنسين روحج هناك .. خزته امه باستغراب بس صك الباب .. انا نفسي استغربت من سامي ..اشفيه ؟؟ قلت وانا امشي للمصعد .. هناء : حرام عليك ليش حاجيتها جذي ؟؟ قال وهو يطلع المفتاح من جيبه .. سامي: ماادري ...تنرفزني طلعاتها الزايدة .. انفتح المصعد وركبنا وطلعنا من العمارة وركبنا السيارة للبحر .. وياحلاة الجو بفبراير احلى منه ماكو .. تذكرت لما ابوي كان يودينا البر بهالحزة ..ويمعتنا ولعبنا وضحكنا ...الله يا حلاة البر ..حشى ضب مو آدمية .. هههههههه.. لفيت لسامي لقيته ساند ايده على الدريشة المبطلة ..وايده سانده راسه ...دايما يسوق جذي .. قلت اكسر السكوت .. هناء: انت دايما تسوق جذي ؟؟ حسيته سرحان لأنه قال .. سامي: هااا؟ لا مو معاي ابد ..قلت بصوت اعلى شوي .. هناء: انت دايما تسوق جذي ؟ لف لي بعدين طالع الطريج وقال باستغراب .. سامي: جذي اشلون يعني ؟؟ هناء: دايما تبطل الدريشة وتسند ايدك عليها .. فهم علي بعدين قال .. سامي: ئي ..مااحب الأماكن المسكرة ..اختنق .. احب الهوا يدخل ..عشان جذي ابطل الدريشة .. هناء: تختنق ؟؟ سامي : مو اختنق بمعنى الكلمة بس احس بضيق ..اتضايق لما اقعد بمكان مسكر وقت طويل .. وتذكرت لما طاح ذاك اليوم ووديناه المستشفى .. واصر انه يطلع ... وتذكرت بعد عادته في البيت ..الدرايش لازم تكون مبطلة .. قطع علي تفكيري صوت تلفون سامي .. سامي: هلا والله عبيدان .. ضحك وقال .. سامي: عبيدان عبيدان ..عبيدان ..شبتسوي عاد ؟؟ ضحك مرة ثانية ..وقال .. سامي: ئي ..ليش ؟؟ (.........................) سامي: غيرتوا مكانكم ؟؟ لا فالحين ...واشلون اعرف بالله ..انا يالله ادل بيتنا والبحر والمكتب .. (.......................) حط ايده على اذنه يبي يسمع وقال .. سامي: عبدالله مو سامع شي تراني ... (........................) قال باستنكار .. سامي: ويعة ...سامع اشحقة تصرخ ؟؟؟ خلاص يلا ...انطرك انا .. وصك ..لف لي وقال .. سامي: رح نوقف جدام الأبراج وعبدالله ايينا .. هناء: اشحقة غيروا مكانهم عاد؟؟ دخل لفة الأبراج وقال .. سامي: ماادري ... ووقف سيارته بمواقف اللي جدامها ...وقعدنا ننطر عبدالله ... طالعت الأبراج من الدريشة واشوف كبرها ..لأنا واقفين تحتها تقريبا ويمنا مدينة الألعاب المائيةاكوا بارك ..الله يا اكوابارك ..اذكر لما ودانا ابوي ذاك اليوم ...وغرقت اسوم هناك ..ههههههه ..تحفة شكلها .. " اللي ماخذ عقلج يتهنى به " لفيت له ..وقلت .. هناء: تعرف ... واشرت على اكوابارك ..وكملت وانا ابتسم .. هناء: رحنا مرة هناك وابوي الله يرحمه كان مودينا .. غرقت اسما هناك وصارت حالة ..ولما وديناها المستشفى قامت تبجي ..ما عرفنا من شنو ... ولما سألها ابوي قالت ..ليش طلعتوني من هناك ابي ارجع ..ماتقول وحدة غرقانة ...شي شكلنا ذاك اليوم ... ابتسم وقال .. سامي: عاد رديتوا ؟؟ هناء: لا ابوي حلف مانروح هناك مرة ثانية من بعد اللي صار لأسوم .. نقرت من صوت الجام ناحية سامي ...لقينا مخترعين وكان عبدالله ...نزل سامي الجام وقال سامي: ما تعرف تدق وتقول اني هني ؟؟ قال وهو شاق الحلج ويبتسم .. عبدالله : والله مابي اخسر رصيدي عليك ...يلا الحقني يا ولد الخال .. بغى يمشي بس رد وقال بطنازة .. عبدالله :امش وراي مو تضيع .. قال سامي وهو يبتسم .. سامي: اقلب ويهك .. وصك الجام عنه ...اشر له انه بيوريه وانا كنت ابتسم عليهم ...هز سامي راسه وهو يضحك على حركات عبدالله الهبلة ..بس حرك السيارة ومشى قبله ... شفت عبدالله يسبقنا وياشر لسامي انه ينطره .. قال سامي وهو يبتسم .. سامي : مو صاحي والله .. دق تلفونه مرة ثانية .. سامي: عبيدان ..وبعدين يعني ..يلا دليني .. (..............................) ضحك وقال .. سامي: يا حظي وهم دازينك تدليني وانت ما تدل اصلا .. (............................) سامي: ئي صح صدقتك ..يلا عن الهذرة الزايدة وامش جدامي ... صك عنه ولله الحمد وصلنا ... صفط عبدالله سيارته اول بعدين حنا ...نزلت وشفت عبدالله ياي .. عبدالله : لا والله .. احلف انت بس ؟؟ الحين انا ياي ادليك وانت تسبقني ؟؟ صك سامي باب السيارة وقال .. سامي: انت ما تدل ..ذبحتني صارلي ساعة ماشي وراك وانت تلف فيني كويت كلها ... لفيت عنهم وطالعت المنطقة ..يا حلاتها .. شفت عصام يتكلم تلفون ...ولما خلص بغى يدخل بس شافني .. ياني وقال .. عصام : حيالله بنت خالتي .. اشلونج ؟ ابتسمت له وقلت .. هناء: الله يحيك ...حمدلله ..انت اشلونك ؟؟ وصل لعندي وقال .. عصام : انا الحمدلله ... ولف لسامي وراح يسلم عليه ... عصام : دوخك العبد صح ؟؟ لف سامي لعبدالله وقال يحاجي سامي .. سامي: ئي والله ..إذا بطرشون احد تعال انت او طلال ..مو هذا .. تخصر عبدالله وقال .. عبدالله : ليه بالله اشفيني انا ؟؟ ما سمعت اشقال سامي لاني استحيت اقعد وكلهم رياييل وانا الوحيدة بينهم مختلفة .. مشيت للحريم وشفتهم فارشين على الأرض وقاعدين ... تجدمت وقلت وان اقعد .. هناء: السلام عليكن يا معشر النساء ... ردوا علي .. امي: ليش تاخرتوا جذي ؟؟ قلت وانا امسك مطارة الجاي واصب لروحي .. هناء: عبدالله اخرنا ..لف فينا الديرة كلها .. وصبيت ...قالت ام عبدالله .. ام عبدالله : عبود ما اييوز عن سوالفه ... فجأة وبدون سابق انذار حسيت ان قنبلة طاحت علي .. " هناء " والمشكلة انها كانت قريبة من اذني وقلتها بصراخ ..واكيد عرفتوها هاذي شهد ... حظنتها وقعدت ابوس فيها ... قلت .. هناء: سلمتي يعلى سامي ؟؟ قالت عمتها .. ام عبدالله : هو اول واحد ما شفتي وهي تسلم عليه ؟؟ هزيت راسي بالنفي بس قالت شهد .. شهد : انا بروح لسامي تيين ؟؟ ابتسمت لها وقلت .. هناء: لا حبيبتي ..روحي انتي .. وراحت وظليت انا مع الحريم ... وطبعا سوالف الحريم ما تخلى من الكلام اللي يغث ويرفع الضغط لأعلى معدل .. ام عصام : ها ام طلال متى ناوين تخطبون عالية ؟؟ مو قلت لكم .. اففففففف .. امي :خل ايي اخوها وانا بخطبها على طول ... ذبحونا بأخوها هذا وينه ما نشوفه ... مااهتميت ولا علقت .. ام عبدالله : ومتى ايي ؟؟ امي : قالت لي عالية بعد يومين ...ان شاء الله اخطبها لطلال ..ماتدرين يا ام عبدالله اشكثر ارتحت لهالبنت .. ئي لأنج ما جربتي اللي جربته منها ...أأخ بس لو اتكلم واقول ...بس سامي ...مااقدر ...لو تكلمت رح احط من قدر سامي جدام اهلي ورح يتفشل جدام الكل .. وانا مابي جذي ... قلت عشان مابي اسمع عم هالسالفة .. هناء: بنات ..قوموا نتمشى .. قمنا حنا البنات ... وقعدنا نتمشى ..بس لسة ظلت هالسالفة في مخي ... ليش طلال ما يخطب خلود ويفكنا من عوار الراس ..طالعت خلود لقيتها قاعدة تسولف وتضحك ولا همها ...اللي يشوفها الحين ما يقول هاذي اللي كانت تبجي عشان طلال خطب غالية بالأول ...شكلها كلمتي اثرت فيها وايد وشالت طلال من راسها ..والله كفو يا خلود .. مو طلال الأثول يبي ينسى غالية راح خطب ام السعف والليف عالية ... "عالية ..هلا والله " انتبهت لهالجملة ...لفيت لخلود اللي قالتها ...شفتها رايحة تسلم على ...عالية ... ياربي شسوي انا ...شسويت بدنيتي عشان الله يعاقبني جذي ؟؟ .. افففففففف ...تحركت من مكاني ورحت تمشيت بعيد ... بروحي ...خليتهم معاها ملمومين حوالينها جنها ساحرتهم ... فصخت نعولي عزكم الله ..وحطيت ريولي على الماي ...واااو ...باااارد ... يمكن يطفي النار اللي بجسمي .. " حلو الجو ..صح " ما التفت لصاحبة الصوت لأني اعرف ...قلت وانا اطلع ريولي من الماي وامسك نعولي عزكم الله .. هناء : قلبي ويهج عالية ..ولا تبين تقلبينه بطريقة ثانية ؟؟ ومسك نعولي عدل عشان اثبت لها اني بكمل عليها ...بس ابتسمت ببرود وقالت .. عالية: ليش الحقد هذا ؟؟ انا بصير مرت اخوج قريب .. قلت بسرعة .. هناء: تخسين وتهبين ...بدفنج قبل ما تتزوجين اخوي يا الحثالة ... ماردت بس طلت مبتسمة بخبث ...حطت ايدها بمخابي جاكيتها الأحمر وقالت بدلع ماصخ .. عالية: وينه ريلج ما شفته ؟؟ تقربت منها وانا لة ماسكة نعولي اكرمكم الله ...وقلت بحقد .. هناء: ئي قولي جذي ..انتي تبين سامي ...بنك العود .. ضحكت ضحكة مايعة وقالت .. عالية: ذكية ... واختفت ابتسامتها وقالت بحقد دفين .. عالية: بس لا تذكين علي ..انا مو عصام الي تسدين عليه الخط ولا تسكتينه بامية الف ... بدا قلبي ينبض بسرعة خايفة تخرب مخططي ... كملت بمكر .. عالية: لا تخافين صورج بتوصلج إذا انتي تعاونتي معانا ... تبي تستفزني مثل المرة اللي طافت ..ابتسمت بخبث وقلت .. هناء : ان شاء الله ..بعدها بقطكم ورا الشمس ولا يهمج ... وضحكت ومشيت عنها .. بس اختفت ابتسامتي بسرعة وحل مكانها الغضب والقهر ... وصلت للحريم خل انسى شوي عالية وبلاويها وقعدت البس نعولي بعد ما نشفت ريولي ... ونسيت الزعل مع امي وخالاتي اللي ما خلوا احد ما حشوا فيه غير السب وقاموس العيبات اللي تضحك .. الله ما يحرمنا منهم ... قمنا صلينا المغرب وتيمعنا كلنا رياييل وحريم وطبعا عالية لازم تنكون معانا هالعلة..قعدت يم سامي اللي قاعد يم عمته وشهد بحظنه نايمة .. ابو سامي : سامي يبا هات عنك شهد .. قال سامي وهو يحظن شهد .. سامي: لا خلها عندي يبا ...من زمان ما شفتها ... عمتي : ئي انت تعال عندنا وبتشوفها ... لف سامي لعمته وقال .. سامي: مادام عبيدان عندج عمتي ماني ياي ...يطفش الين اشلون انا ؟؟ قال عبدالله وهو يشرب الجاي .. عبدالله : وانت عاد روحك من البشر ؟؟ لا الله يخليك مااقدر انام الليل بدون ما اشوف طلتك البهية .. قال سامي لعمتي .. سامي: شفتي عمتي ؟؟ وتقولين لي تعال ..لا خلاص انا اصلا كنت افكر ايي بس الحين مستحيل .. ام عبدالله : لا ما عليك منه .. ولفت لعبدالله وقالت وهي ماسكة استكانة الجاي تبي تهفه فيه .. ام عبدالله : عبود وثول ...مالك شغل بولد خالك ... ضحكنا حنا على شكل عبدالله اللي سوا روحه بريء .. عبدالله : يما قلبج علي ..انا ولدج حبيبج .. افاا ... ولف لخاله وقال.. |
عبدالله : خالي شوف ولدك ...قلب امي علي ... سوا سامي حركة يعني بايده يعني يحره .. سامي: موت قهر ... استانسنا وسوالف وضحك ..بس طبعا مادام ام السعف والليف موجودة لازم النكد يكون موجود ... عالية: عاد عمي نبي نسمع من قصايدك .. وكانت تكلم ابو سامي ... طالعها عمي باستخفاف ..كفاية انها من اهل طليقته اللي ما يدانيها ... عمي : والله انا ما اقصد ولا اشعر ... ليش اشايفتني ابو نواس ولا المتنبي ؟؟ ضحكت انا على الزفة المعتبرة اللي خذتها من عمي ...يا سامي وكملها بطنازة .. سامي : لا يبا وانت الصاج .. قيس بن الملوح ... متنا ضحك حنا ..بس امي قالت تقهر سامي .. امي : يعني انت تعرف تقصد ؟؟ وكانت تحاجي سامي ...اللي سكت واكتفى بالإبتسام وقال بهدوء احسده عليه .. سامي: لا عمة ..انا ما اقصد ولا اعرف .. قام عبدالله هني وقال بطنازة .. عبدالله : وكتاب الشعر اللي عندك اربع وعشرين ساعة اشوفك تقراه هذا شنو .. قال سامي .. سامي: اقرا شعر مو القي ...بعدين انا جم مرة اقولك لا تحاجيني باط جبدي انت اليوم .. ابتسم عبدالله ..وقال عصام .. عصام : سمعنا عاد من اللي تقراه ... انصدم سامي وصار ويهه احمر ...قلت انا ازيدها .. هناء: ئي صح يلا .. طالعني متفاجأ وقال .. سامي: حتى انتي ؟؟ تكلم طلال هني واخيرا بعد طول صمت .. طلال : ليش ما تعرف ..ولا ما تفهم اللي تقراه ؟ لف سامي لطلال وطالعه شوي بعدين قال وهو يبتسم .. سامي: لا افهم ..اشدعوة مكتوب بالهندي ؟؟ كانت نغزة من طلال لسامي اللي استقبلها برحابة صدر ...قالت عالية .. عالية: انزين قول ... طالع سامي عالية اللي قاعدة جدامه يم انتصار بس بسرعة نزل نظره للارض وقال بجفاف.. سامي: قلت اني ما اقصد ولا اشعر ... قال عبدالله .. عبدالله : مستحي ... صح ؟؟ رفع سامي راسه لعبدالله وهو يبتسم وقال .. سامي: استحي منك انت ؟؟ ليش ؟؟ بو عبدالله : ياهل ويستحي منك ... ضحكنا حنا كلنا ...وقال سامي .. سامي: هههههه ...كاهو قالها عمي ... ياهل وانا ماارد على يهال ..يا ياهل .. ابتسم عبدالله ...فقال طلال .. طلال : خلاص اللي يعرف يقصد خل يقصد .. قال عصام ... عصام: خلاص سمعوا ..بس تراه فصحة لأني ما احب النبطي .. قالت امه .. ام عصام : خلاص عادي .. عصام : إذا المرء افشى سره بلسانه ولام عليه غيره فهو احمق إذا ضاق صدر المرء عن سر نفسه فصدر الذي يستودع السر اضيق صفقنا حنا وقال عبدالله .. عبدالله : احلى ..طلعت شاعر مو هين ... سامي : ئي هاذي مالت الشافعي .. قال بو عصام .. بو عصام : عيل مو خسارة فيك التعليم والدراسة ... ابتسم عصام وقال .. عصام : شكو التعليم انا قاريها بالنت مو ماخذينها بالمدرسة ... قال طلال بنص عين .. طلال :يعني تبي تقول انك تستفيد من النت ...علينا عصوم ؟؟ قال بحرج .. عصام: لا تفضحنا ... ضحكنا ...فقال عبدالله .. عبدالله : انا عندي لكم شعر حلو .. قال سامي : الله يستر ..اكيد مثل ويهك .. خزه عبدالله وقال .. عبدالله : عيل مثل ويهك ... فضحك سامي وقال .. سامي: ما تنغلب ... قال بغرور .. عبدالله : اشعبالك ..مو شوية انا .. قال ابوه بملل .. ابوعبدالله : انت الحين خلص وقول شعرك ...طالع لي فيها ابواسود الدؤلي .. ضحكت وما قدرت امسك روحي ...وسامي معاي ..وكلنا .قال عبدالله .. عبدالله : يبا الله يهداك ابو اسود الدؤلي نحوي مو شاعر ..لا تفضحنا ...يا محمد ..جم مرة اعلم فيك .. قال ابوه بحرج .. ابو عبدالله : والله ؟؟ توني ادري ..عيل منو اللي اسير المحبسين ماادري شهيدها ؟؟ قال سامي وهو يحاول يكتم ضحكته .. سامي: عمي هذا ابو العلاء المعري ..بعدين هو رهين المحبسين ... طقت خلود اخوها وقالت .. خلود : اخلص قول .. عبدالله : ئي ..يلا .. احم ..حق المتنبي .. الخيل والليل والبيداء تعرفني والسيف والرمح والقرطاس والقلم سكتنا نبيه يكمل ..بس قال .. عبدالله : وسلامتكم .. قال طلال .. طلال : الحين انت ويا ويهك هذا اللي ذابحنا فيه ..نعرف هالبيت مالت عليك ... قال وهو يعدل قعدته .. عبدالله : هذا اللي حافظه اشتبون بعد ؟؟ ام عبدالله : يا حظي ..مالت بس .. وكشت بويهه ...ضحكنا على عبدالله وخباله ... قال عمي بو سامي ... عمي : خلاص يلا بتنازل وبقولكم بيت شعر حق ابو فراس الحمداني ... اقول وقد ناحت بقربي حمامة ايا جارتا لو تعلمين بحالي .. معاذ الهوى ما دقت طارقة النوى ولا خطرت منك الهموم ببال بعدين سكت وقال .. عمي والباجي ما اذكره .. كمل سامي عنه وقال .. سامي: ايا جارتا ما انصف الدهر بيننا ....تعالي اقاسمك الهموم تعالي ايضحك مأسور وتبكي طليقة ...ويسكت محزون ويندب سال .. لقد كنت اولى منك بالدمع مقلة ...ولكن دمعي في الحوادث غال.. عبدالله : احلى ..وتقول ما اعرف ها ؟؟ ابتسم سامي ... وما علق ..بس البقرة اللي جدامه قالت .. عالية: وااا سامي رائع .. انت معروف بحبك للشعر .. قول وحدة ثانية .. لاعت جبده سامي وبين على ويهه ..بس مارد عليها ...وعطاها طاف ..وانا بس اقعد اضحك ... قال عمي .. عمي : ئي صج انت ما شاء الله تحب الشعر سمعنا بو عبدالله : ئي يا ولدي سمعنا بدل هالخبل اللي عندنا .. وكان يقصد عبدالله اللي قال .. عبدالله : افاا محمد افاا وين العشرة اللي بينا ..وين عيش وجبن ومربى وتوست وبيض .. قاطعه عصام .. عصام : حشى جمعية مو عشرة بينكم ... متنا من الضحك ... قال سامي .. سامي: خلاص مااردكم ...بقولكم وصف لابو نواس لخبز ريال بخيل اسمه سعيد .. رغيف سعيد عنده عدل نفسه ...يقلبه طورا وطورا يلاعبه ويخرجه من كمه فيشمه ...ويجلسه في حجره ويخاطبه وان جاءه المسكين يطلب فضله ... فقد ثكلته امه واقاربه .. يكر عليه السوط من كل جانب ...وتكسر رجلاه وينتف شاربه .. ضحكنا على هالأبيات ... وهني سمعنا صوت الألعاب النارية ..بدا الأحتفال والمسيرة ... بعد ما خلصت المسيرة ردينا البيت .. الصراحة استانست ..وعجبني رد سامي لعالية ... ريحني الصراحة ... نزلني سامي عند العمارة ورحا يصفط السيارة ... دخلت الشقة ..وتفاجأت ...ريال موجود ...ظليت ماسكة الباب وانا مصدومة ...منو هذا ؟؟ قالت خالتي .. خالتي : دشي اشفيج تسبهتي ؟؟ دخلت وصكيت الباب ورحت داخل ... ياحسرة قلبي ينت هاذي عشان تييب ريال غريب هني ؟؟ رحت المطبخ اشرب ماي استوعب اللي شايفته ...حمدلله اني ما قطيت شيلتي اول ما دخلت والعداة اسويها .. لما طلعت من المطبخ ...فضولي ذبحني ..وقفت ورا الستاير وطبعا اشوف لاني موخرة شوي منها .. بس بهاللحظة دخل سامي اللي انصدم .... سامي: شنو هذا ؟؟ واشر على الريال اللي قاعد وهو يوجه الكلام لأمه .. قامت خالتي وقالت وتبجي .. خالتي: يما ..فكني منه .. ووقفت يم سامي ... طالعها سامي مو مستوعب وقال .. سامي: افكج منه ؟؟ ولف للريال وقال .. سامي: انت شنو تسوي هني ؟؟ شكله يعرفه ... وقف الريال وقال بهدوء .. الريال : سلم بالأول ...ولا نسيت السلام .. قال سامي بعصبية .. سامي: انا مااسلم على واحد مثلك ...اشتبي ياي ؟؟ ابتسم الريال وقال .. الريال : مابي شي ...بس ابي حقي .. قال سامي متفاجأ .. سامي: حقك ؟؟ اي حق يا بو حق ؟ قالت خالتي وهي ماسكة سامي من جتفه .. خالتي: يما واللي يسلمك فكني منه ..يبي فلوسه ولا رح يسجني .. ابتسم سامي وقال للريال .. سامي: زيادوه ..قمنا نعرف سجون بعد ... ولا شكلك تعودت عليها .. زياد : لا وانت الصاج امك بتعود عليها ... عطوني حقي وما رح تشوفون رقعة ويهي مرة ثانية .. هز سامي راسه بتفهم وقال .. سامي: وجم تبي ؟؟ زياد: 20 الف ...الفلوس اللي خذتها مني امك .. ضحك سامي ..وظل يضحك من قلبه ... استغربت اشفيه هذا ؟؟ سامي: ههههههه...حلوة المسرحية الي سويتوها ...لا عيدوها عيدوها ....هههههههههه وقعد على القنفة ...طالعت خالتي زياد مستغربة بعدين طالعت ولدها ... سكت سامي ...وهني قال بهدوء .. سامي: عبالكم ماادري عن اللي تسوونه ...ماادري انكم متفقين .. قالت خالتي .. خالتي : متفقين على شنو ؟؟ قال سامي ببرود .. سامي: اهاا ...متفقين على شنو ؟؟؟ وهز راسه بتفهم ووقف وقال .. سامي : انا اعلمج متفقين على شنو ... انت وهالتعبان اللي يمج مو مطلقين ... شهقت ...مو مطلقين!!!!!!!!!! قال زياد بدفاع مستميت.. زياد : لا بلى طلقتها ..ومن شهرين .. سامي: من شهرين ؟؟ من شهرين وعدة المطلقة ثلاث اشهر وهي ما كملتهم وتطلع وتروح وترد ؟؟... مطلقها وقاعد معاها بفندق واحد وغرفة وحدة؟؟ مطلقها وهي تروح وتيي عندك كل شوي ؟؟ غمضت عيوني ابي استوعب اللي قاعد يقوله سامي ... كمل وقال يوجه الكلام لأمه .. سامي: عبالج شنو خبل انا ...مدمغ ...ما اعرف ارضي من سماي ...ماادري انج قبل ما تيين عندي كنت موجودة بالديرة من ثلاثة ايام ..واتفقتي مع هالنذل تاخذين مني جم فلس ؟؟ وابتسم هني وقال وهو يحط ايدينه مخابي بنطلونه .. سامي: بس الغلطة الوحيدة اللي سويتيها ..انج كنت تطلعين وتروحين وتردين ...وين راحت عن بالج هاذي ؟؟ ها ؟؟ وعلى صوتها شوي وقرب من امه المصدومة المشلولة عن الكلام .. سامي : العبي غيرها ... ولف لزياد وقال بحزم .. سامي: وانت ...يلا فارج واخذ مرتك معاك .. احتر زياد وكان مبين على ويهه وطالع سامي بحقد بعدين طالع امه المذهولة .. وطلع ... لف سامي لأمه وقال .. سامي: شنو تنطرين ؟؟ طالعت ام سامي ولدها ونزلت دموعها هني صج مو تمثيل ...قال سامي يسوي روحه زعلان من دمعتها .. سامي: لا لا ...لا تبجين .. لا تعورين قلبي ... ورد لطبيعته بسرعة خيالية وقال وهو يبتسم .. سامي: حيل متأثرة باللي صار .؟؟.. وضحك بخفة واستهزاء وقال ... سامي: بس تدرين ؟؟ مثلتي الدور عدل ...اتقنتيه ... قربت منه امه بسرعة ومسكت ايده وقالت برجا وبجي .. ام سامي: يما سامي ..سامحني ولا ما .. سحب سامي ايده ولف ويهه الناحية الثانية وقاطعها وقال .. سامي: خلي اسفج لج مابي منج شي ... نزلت ام سامي على ركبها وقالت وهي تترجاه واول مرة اشوفها مذلولة.. ام سامي : آسفة والله آسفة ...سامحني ...سامحني .. ودخلت بدوامة بجي ... طلعت انا ومسكتها ووقفتها وقلت .. هناء : خالتي لا تبجين ...سامي بيسامحج بس لا تبجين .. وطالعت سامي بس ظل قالب ويهه عنا ... تقربت ام سامي من ولدها وقالت .. ام سامي : لا تلومني لا تلومني ...اللي عشته واللي شفته خلاني اقلب جذي ..ابوك ما خلاني اتهنى بشبابي ...زوجوني له وانا عمري 16 سنة ... شنو تتوقع مني ؟؟ .. شفت الويل معاه وعيشني في جحيم ..ليما يبتك ونورت لي حياتي ... ومدت ايدها له بس هو مسكها بقوة وقال يطلع كل الكره اللي بقلبه .. سامي: وانا ؟؟؟ انا مافكرتي فيني ؟؟ مافكرت باللي سويتيه فيني ؟؟ بدل ما تعاقبين ابوي عاقبتيني انا جني انا اللي تزوجتج وقلبت حياتج جحيم ...لا تحطين اللي سواه ابوي فيج مبرر لأفعالج واخطاءج ..تراني تحملتج وايد ... وهزها بقوة وبحقد .. سامي : وايد .. ودزها بعيد وقال .. سامي: والحين ...مابيج في حياتي ...طلعي برة .. شهقت وقلت بتعجب .. هناء: سااامي .. مارد علي ...تقربت منه كمحاولة اخيرة انه يسامحها ..وقالت تمسك كف ايده وتضمه لصدرها وتقول .. ام سامي : سامحني ...انت ولدي اللي احبه .. قاطعها سامي بعصبية .. سامي : قصدج ولدي الغبي اللي مايدري عن شي ... تقربت منه وايد ضمت ويهه بادينها وقالت ببجي .. ام سامي : لا لا ...ولدي اللي احبه بطيبته ..انت ولدي قلبي اللي ينبض بين ضلوعي ...والهوا اللي اتنفسه . غمض سامي عيونه بقهر ومسك ايدينها وبعدهم بعصبية وقال .. سامي: جذب جذب ...كل اللي تقولين جذب ...انت ما يهمج إلا الفلوس وبس ... حياتج كلها فلوس وبس .. قطيتيني عشانها تسع سنين بدار الأيتام ... ظلت ام سامي تبجي وقالت .. ام سامي : لا تحرمني منك .... يما انت ولدي ...لاتخليني ...حرام عليك .. مرر سامي ايده على شعره بتوتر وقال بحسم اخر شي .. سامي: انا خلاص ..عفتج ...خلاص ارحميني وخليني اعيش البقية الباقية من حياتي بهدوء ... بس تقربت منه امه وظمته لها بس بعدها ...ومسكها من ايدها بقوة بطريقة انا نفسي تألمت ماادري ليش .. وقال بحقد الدنيا كله وكرهه .. سامي : انتي شنو ؟؟ ما تفهمين ؟؟ انا خلاص فاض فيني ...فاض فيني ...طلعي من حياتي عاد ... ويرها للباب وقطها برة وصك الباب بقوة .... صدمة .... صعقة ... شنو اقول شنو اعبر عن اللي شفته ... تخربطت عندي الأسماء ... شفت سامي ينهار عند الباب ويقعد على عند عتبته ...وسند ظهره للباب ... وحط ايدينه على صدغه ويتنفس بسرعة ... تجدمت منه وقعدت يمه وحطيت ايدي على جتفه وما عرفت شقول بس طلعت مني هالكلمة ... هناء: سامي .. رفع سامي راسه وبعد ايدينه واخذ نفس يهدي روحه .. بس ما قدر وطلعت منه آهة وبضعف وانكسار.. سامي: آآآآه ..يا هناء ... وقربته مني وحطيت راسه على صدري وظميته لي ... حالته تكسر الخاطر والله .. نزلت مني دمعة من اللي سمعته واللي شفته .... ماادري اوقف بصف منو ...ام سامي اللي سوته مو شوية ...لعبت على ولدها ... بعد ثلاثة الأيام من اللي صار ...ماردت امه لنا كلش ...ولا سألت .. وسامي نفسيته تحسنت شوي ولو انه ما ياكل ويشرب وايد ...وعلمني اشلون عرف عن امه وزوج امه من جوازهم وتاريخ الدخول للديرة ...ظل يومين العطلة قاعد في البيت بس انا اطلع ازور اهلي وارد ةاعتذرت عن القعدات والعزايم اللي تييني عشانه مااقدر اخليه في البيت وهو بهالحالة.. واليوم بدت الدوامات ..والحين انا رادة من الجامعة ...بس سيارتي ماادري اشفيها تمشي بطيء ..طالعت عداد البنزين لقيته خالص ... لاااا ....الحين شنو اسوي ؟؟ وقفت السيارة على جنب وطفيتها ودقيت على سامي .. هناء: هلا حبيبي .. قال بصوت حزين شوي .. سامي: هلا هناء.. هناء: سامي ترى البنزين خلص من سيارتي وانا واقفة الحين بنص الشارع .. سامي: صج ؟؟ خلاص الحين بييج ..وينج انتي ؟؟ قلت وانا اطالع سيتي سنتر السوبر ماركت .. هناء: انا جدام ستي سنتر .. سامي: خلاص الحين بييج ..خلج داخل السيارة لا تطلعين ... هناء : اوكي .. وصكيت عنه ..وقعدت داخل سيارتي ..اطالع الرايح والراد ..ليما لمحت احد ياي لي ...اخترعت ..دققت بالريال وكان طلال ... ارتحت ...علمته ان بنزين سيارتي خلص فسألني .. طلال : وينه ريلج عيل؟؟ هناء: ياي بالطريج .. قال .. طلال: لا قومي واصلج بطريقي على بال ما ايي ريلج ياخذله وقت .. هناء : احسن بعد بخيس انا هني .. وطلعت من السيارة وقفلتها وركبت مع طلال ... مشينا ودقييت على سامي لقيته مشغول ..حسيت ان سيارته بطات بعد فقلت .. هناء: اشفيك لا يكون انت بعد بنزين خلص عندك ؟؟ قال وهو يؤشر بعيد .. طلال : هاذي مو جنها عالية ؟؟ لفيت للمكان الللي يؤشرله ..لقيته وحدة وواحد واقفين جدام سيارة ويتحجون...دققت .. هناء: ئي والله هي .. لف لهم طلال ووقف بعيد عنهم شوي للشارع الثاني ونزل .. نزلت انا بعد ابي اشوف صج هي عالية ولا لأ بس للأسف طلعت هي ورحت لهم ...طالعت طلال وابتسمت له وقالت .. عالية: هلا طلال ...اعرفك ..اخوي .. لفيت اطالع اخوها اللي تقول عنه .. طلع عصااااام!!!!!! عصام اخوها ؟؟؟؟؟ هذا لاحقني وين مااروح ؟؟؟ ارتبكت وبين على ويهي ... مد ايده لطلال بس طلال مامد ايده ..قال جنه يتذكر .. طلال : جني شايفك ... قال عصام .. عصام: وين ؟؟ انا اول مرة اشوفك عاد .. تقرب طلال من عصام وقال باحتقار .. طلال : عاد انا تذكرتك عدل ...انت نفسه اللي قص على غالية ... تذكرت هني طلال لما كان يسألني عن صاحب الصورة وانا كنت ارفض اقوله ...وتذكرت بعد اني ما رديت اخذت الصورة منه ...يعني من الآخر رحنا فيها اليوم .. مسك طلال عصام ...وقال بعصبية .. طلال : انت تلعب على غالية بنت عمي ؟؟ صج انك نذل .. قالت عالية تدافع عن اخوها .. عالية: طلال ينيت ؟؟ صرخ بويهها وقال .. طلال :جب انتي ... مسك عصام ايد طلال وبعدها وقال .. عصام : هييه انت ياي تبلى على خلق الله ...منو هاذي غالية ؟؟ راح طلال لسيارته ونبش فيها وياه مرة ثانية وحط الصورة جدام ويه عصام وعالية وقال بصراخ .. طلال : هاذي منو ؟؟ مو انت ؟؟ تدري وين لقيت هالصورة ؟؟ عند غالية بنت عمي اللي انت قصيت عليها .. انصدم عصام جنه ما حط في باله هالشي ...عاد ثار طلال وبدوا يتهاوشون ....وانا احاول اني امسك طلال وابعده عن عصام بس ماكو فايدة ... مسكت تلفوني ودقيت على سامي .. هناء: سامي بسرعة تعال الله يخليك .. كنت اتكلم بسرعة وبنفس الوقت احاول اني افرق بينهم .. سامي: هناء ...هناء ...ماني سامع شي وينج انتي ؟؟ قلت بصراخ .. هناء: تعال بسرعة طلال وعصام يتهاوشون بسرعة الله يخليك ... سامي: خلاص خلاص انا ياي ياي .. ماادري عاد صكيت بويهه انقطع الخط ماادري ...انا ماسكة طلال وعالية ماسكةعصام ولأول مرة انا وعالية نتفق على شي ... هناء: طلال بس احنا بالشارع ....خلاااااص .. بس لا حياة لمن تنادي ...ماحسيت إلا بسامي واقف بينهم يحاول يوقف اللي صاير ...والناس متيمعة وحوسة ... صارنا فرجة بالشارع ... كان سامي ماسك طلال يحاول يبعده ..وعالية ماسكة عصام ... سامي: طلال بس خلاص ... قال طلال بعصبية وثورة .. طلال : هدني خل ادفن هالنذل الحقير هني ...شنو شايف بنات الناس لعبة ؟؟ قال عصام بصراخ ولو انه بعيد شوي .. عصام : والله هي اللي يتني مو انا اللي قطيت روحي عليها .. قالت عالية تسكت عصام .. عالية: بس عصام خلاص فكنا ... وركبته السيارة ومشوا وطلال بغى يفلت من سامي وينط عليهم داخل السيارة ...بس سامي مسكه الحمدلله ... سامي: طلا هدي شوي ...صل على النبي .... قعد طلال على الرصيف يحاول يهدي روحه وقال ... طلال : عليه الصلاة والسلام ... قال سامي . سامي: قو قوم روح بيتكم ارتاح وعين من الله خير ...اذكر ربك يا ريال مو جذي تنحل هالسوالف .. مارد طلال وقام وهو معصب ومشى لسيارته ... لف لي سامي وقال.. سامي : هذا اللي كان ناقصنا ...اففففف الله ياخذهم .. قلت بحقد .. هناء : الله ياخذهم ونفتك منهم يا رب ... سامي : اشلون عرفتوا ان... وقطع كلامه وظل يطالع جدامه بصدمة ..لفيت انا اطالع اللي يشوفه ...وهالني منظر اللي شفته .... يت سيارة ودعمت طلال اللي كان رايح لسيارته ... شفته طاير بالهوا وطاح على الأرض بقوة وسكن سكون الأموات وما تحرك قيد انملة ... صرخت انا بكل ما عندي من قوة وبانهيار ... هناء: طلااااااااااااااااااااااال .. |
الحلقــــــة الثانية والعشرون "الأخدود" انقطعت عن الدنيا ..ظلت عيوني معلقة بس باللي قاعدة اشوفه الحين … صرختي اللي اطلقتها فقدت بعدها القدرة على الكلام وظليت ساكتة او بالأحرى خرسة .. ريولي ما تحرك جنه اعصابي وقفت ..المنطقة المتخصصة في المشي بمخي اساسا تعطلت فانزرعت ريولي بالشارع .. انا للين الحين مو مستوعبة اللي قاعد يصير … "هناء ….هنااااء" نقلت بصري لسامي اللي يناديني وهو جاثي يم طلال …متى راح هناك ؟؟ .. قال سامي لما شافني اطالعه وبسرعة وبصوت عالي .. call an ambulance:سامي ظليت على حالي ما ادري شنو قالي ولا سمعت اصلا ...شنو اللي قاعد يصير ؟؟؟ احد يفهمني ..وليش الناس متيمعة؟؟ ... قال سامي مرة ثانية .. سامي : يلا بسرعة ...اشتنطرين؟؟ وحط ايده على راس طلال يمنع النزيف ... واخيرا تحركت ايدي ...وطالعت التلفون بس طاح التلفون مني وايدي ترجف ...رديت خطوات ورا وانا اهز راسي مو مصدقة ... وقمت اقول بصوت هامس .. هناء: لأ ...لأ ..طلال لأ ... وحطيت ايدي على اذوني امنع اصوات الناس اللي تدعي واللي تهز راسه بشفقة على المنظر .... وعليت صوتي .. هناء: لأ ....لأ اااااا وقمت اصرخ ... وانا حاطة ايدي على اذوني واهز راسي معترضة على اللي اسمعه ... انهرت على الأرض لان ريولي فقدت القدرة على الوقوف ... وبديت بالنحيب .... حسيت بأحد يهديني وكانت مرة ... " صلي على النبي يا اختي ..ان شاء الله خير " " ادعيله الله يشافيه ..." وهني صرخت بويهها ... هناء : جذابة ....لا ...طلال ما مات ...ما ماااات .. قربت مني وحاولت تمسكني ...بس انا بعدت ايدينها .. هناء: وخري عني ..وخري .... وما حسيت إلا بسامي ياي عندي ...هني تحركت ريولي وبسرعة ماادري شطاري عليها توها ما تحرك .. ومسكتها من جاكيته وبديت اهزه .. هناء: طلال .. قاطعني وقال وهو يمسكني ويهديني .. سامي: خلاص خلاص الأسعاف يت خذته ... اسعاف !!!! ليش ؟؟ ظليت اطالع سامي مو مستوعبة اللي قاله ...وقلت وانا ابعد عنه بضع خطوات .. هناء: اسعاف ؟؟ .. قرب مني مشفق على حالتي بس بعدت ايده بدفاشة وقلت بصراخ .. هناء: انت شنو تقول ؟؟ مد ايده مرة ثانية يحاول يمسكني وقال .. سامي : صلي على النبي هناء ...امشي اود..... قاطعته بصراخي .. هناء: يعني صج ؟؟؟ ما قدر يرد ظل ساكت وعيونه تأكد لي ... هزيت راسي مو مصدقة ..وايدي تأشر بـ لأ ... هناء: لا مو صج ..مو صج ... قرب مني وقال وهو يمسك ايدي .. سامي : هناء ما صار شي ما ندري حتى شنو حالته ... صرخت باعلى صوتي .. هناء: لأ ...طلال ....لأ اااااا قرب مني بسرعة وانا اتلوى بألم وهو يحاول يمسكني ويوقفني وانا اطق صدره وهو ماسكني بقوة ليما طوقني بايدينه وما لقيت غير اني استسلم ...وقال بصوت يهديني .. .. هدي ...هدي ..calm down سامي:اشششش ... وغمضت عيوني ودموعي تنزل جنها شلال ... ماادري شنو اللي صار ولا اشلون وصلت المستشفى بس لقيت روحي واقفة جدام غرفة الكشف ..انطر اي احد يطلع منها ... قربت من الدريشة مالت الغرفة ابي اشوف شي ... لقيت طلال نايم على السرير والدم مغرق لابسه والطبيب يركب الكمام والممرضات حوله رايحين رادين ... شفت الطبيب يهز راسه جنه رافض او مو عارف شنو يسوي .. دخلت عليهم جنب مينونة ... وقمت اصرخ ... هناء: لا تقولون مات ...طلال ما مات ...ما مات .. مسكتني وحدة من الممرضات ويرتني برة عشان لا ازعجهم ... ممرضة : اختي خلينا نشوف شغلنا الله يهديج ... مسكتها اترجاها .. هناء: الله يخليج ... قاطعتني وقالت وهي تهز راسها بتأكيد .. ممرضة : ما عليه شر ان شاء الله بس انتي اهدي .. ودخلت داخل .. وخلتني ... يا ويلي ...اللي صار لطلال مني انا ...لو انا ما خليته يشوف الصورة ...استغفر الله ...لازم اكون اقوى من جذي لازم عشان لا انصدم بعدين ... حسيت بايد تلمس جتفي .. نقزت من الخوف ...لما شفت انه سامي ...تجمعت الدموع في عيوني ...ودفنت ويهي بصدره ...وقمت انتحب ... هناء: سامي ...ابي طلال ...ابي طلال ... وما قدرت اكمل لأن صوتي اختفى تحت جبال الدموع اللي لازمتني طول الحادث ... طوقني سامي وبدا يهديني ويمسح على راسي من تحت الشيلة ... قعدت على الكرسي وريولي تهتز بسرعة كبيرة .. وشوي اوقف وامشي واروح ارد وسامي قاعد يستغفر ويذكر الله ..استحيت على عمري وقعدت وتذكرت " ألا بذكر الله تطمئن القلوب " ....ظليت جذي لدقايق بس ما تحملت وقلت .. هناء: ما صارت طولوا ... وقمت وانا اقول متجهة للغرفة... هناء: لازم في شي ...لازم اشوف ... بس مسكني سامي باخر لحظة وقال وهو يبعدني عن الباب .. سامي : وين رايحة هناء الله يهداج ...خليهم يشوفون شغلهم ... قلت باعتراض .. هناء: بس طولوا ..خل احد يطلع يعلمنا شنو صار ..اشفيه طلال ...ما يصير جذي ... قال وهو يحاول يقعدني وباسلوب مقنع ... سامي: هناء عمري ...انتي اهدي واذكري ربج ترى اللي تسوينه رح يتعبج اكثر ... بغيت اقعد بس شفت الباب يتبطل ...انفلت من ايد سامي وطيران هناك ..بس تفاجأت انهم طالعين بسرير وطلال نايم فيه وبسرعة ماشيين .. قلت بتساؤل وخوف.. هناء: اشفيه ؟؟ شنو صاير ؟؟ محد رد وبسرعة ما شيين ..مسكت الطبيب بقوة ولفيته صوبي نسيت كل قواعد والقوانين ...وهزيته بقوة .. هناء: شنو فيه ؟؟طلال شنو فيه ؟؟ ما قدر الطبيب يبعد ايدي بس قال وهو يحاول يبعد عني .. الطبيب : اختي اذركري الله ..ما عليه شر ان شاء الله احنا رح نسوي له عملية سريعة ما تتحمل التأجيل .. عملية ؟؟ سريعة ؟؟ هديته وايدي وانا مصدومة وقلت بصوت خافت .. هناء :عملية ؟؟؟ .. وطالعت سامي مصعوقة ابي احد يأكد لي اللي اسمعه ...راح الطبيب بسرعة ورا الممرضات ودخل غرفة العمليات وصك الباب .... " انت اللي قصيت على غالية بنت عمي .." " يا النذل ..خلني ادفنه " تذكرت الهوشة والحادث وسقوط طلال على الأرض بقوة على ارض الشارع وتجمع الناس حواليه ..ونداءات سامي المتكررة لي ... " بنت عمك هي اللي لزقت فيني " عصام ... " بس عصام فكنا " عالية ... " منو هذا ؟؟؟ مو انت ؟" طلال ... كل شي صار من تحت راسهم ... يا ليتها ما خربت سيارتي ... يا ليتني ما رضيت اروح مع طلال ... رضيت مت قبل هاليوم .... غمضت عيوني وهزيت راسي متألمة ...احس سجاجين تطعن قلبي ... لطمت ويهي وقمت اقول .. هناء: ليتني انا بدالك ...ليتني انا بدالك .. طول الوقت يحاول سامي يهديني وانا مو حاسة فيه ...واكمل نحيب ودموع ...وإلى الآن ما دقينا على احد ولاعلمنا احد ... بعد ساعتين ...طلع الطبيب من الغرفة ..وانا طيران عنده ... هناء: ها بشر ؟؟ وانفاسي تراكض ورا بعضا ... قال الطبيب وانا عيوني مركزة على عيونه...اقولكم محيت القواعد والقوانين والإلتزامات من مخي ... الطبيب : عنده ارتجاج في المخ ..وكسر في ايده اليمين ... ارتجاج؟؟ كسر ؟؟؟ ارتجفت شفايفي ودموع زحفت على رموشي معلنة السقوط ... كمل الطبيب وقال .. الطبيب : بس ... سوينا احنا عملية شريان مقطوع الحمدلله قدرنا نصكه ... شريان مقطوع !! الكلمات دخلت في مخي بس ما قدرت اترجمها ... اهتزت الصورة جدامي ..وصورة الطبيب بالأخص صارت ضباب ... " هناء ..." بعدها ما حسيت بشي ... حسيت اني بوسط الشارع .. تلفت حوالي .. هذا طلال ... ولفيت الناحية الثانية .. هذا عصام .. وهاذي عالية .. طلال وعصام يتهاوشون ... وعالية واقفة تصرخ تحاول تبعدهم عن بعض ... الحادث ... طلال يطيح بقوة على الأرض ... الناس ...الناس متيمعة حوله ... سامي ... سامي قاعد يأشر لي ويتكلم بس مو سامعة شي ... جني قاعدة اطالع فيلم ... كل شي من حولي يصير بدون صوت ... سمعت صوت صراخ اخيرا ..التفت لقيت روحي ...هاذي انا !!!! واقفة واصرخ وانتحب والطم ... ووحدة واقفة يمي تهديني وانا ابعدها ... لفيت لطلال لقيته على حاله ...طايح على الأرض بس سامي جاثي يمه يحاول ينعشه ... رفع راسه طالع وراي لفيت لقيته يحاجيني بس انا اصرخ والتلفون طايح على الأرض.. اشر لي وقال بصراخ .. سامي: يلا بسرعة ...اشتنطرين ؟؟ طالعت طلال والدم اللي على الأرض .. هناء: طلاااااال .. قعدت بسرعة وانا مخترعة ... وانفاسي تركض جني بسباق ... تلفت حوالي ما لقيت احد .. ابصرت سرير جدامي ..لفيت الناحية الثانية ..هم سرير ... شسالفة ؟؟ انا وين ؟؟ بس وخرت الكمبل ( البطانية ) ونطيت من السرير وانتزعت المغذي وانا في بالي شي واحد بس .. طلال ... طلعت من الغرفة ما لقيت احد ...ركضت برة الجناح ...ادور على احد بس مافي ... سامي وين ؟؟ طلال وين ؟؟ هديت عمري وتذكرت الطريج ...احس الناس تطالعني بس مطنشة .. بغيت الحق على المصعد قبل ما يتسكر بس صك ... بسرعة للسلم ... ركبت اثنين اثنين ..ماادري من وين يتني القوة بس وقت الحاجة كل شي يصير ... اخيرا شفت احد اعرفه ... عبدالله .. ركضت لعنده لمحني بس تفاجأ ...قلت بسرعة وخوف .. هناء: طلال شنو صار عليه ؟؟ تأتأ بالكلام ..ونزل عينه ...اخترعت انا .. هناء: لا تقول ... لف وعطاني ظهره وقال .. عبدالله : طلال ما عليه شر الحين هو بالعناية المركزة ولما تستقر حالته رح يحطونه بالجناح العادي .. بغيت اتكلم بس سمعت صراخ ..لفيت مالقيت احد ... اتبعت مصدر الصوت لقيت امي وام عبدالله وام عصام قاعدين وامي تبجي وخالاتي يحاولون يهدونها ... " هناء ..شنو تسوين هني " التفت لقيت سامي ... قرب مني ودخلني داخل ..وقال .. سامي: مينونة طالع جذي ؟؟؟ قلت ببجي .. هناء: طلال بالعناية ...عبدالله قالي ... الله يخليك خلني اشوفه .. صك الباب وامي يعلو صراخها ...وقال .. سامي: انزين صبري ..تدخلين عليه وانتي جذي ؟؟ بعدين هو بالعناية ومانعين عنه الزيارة لين ما تستقر حالته ... قلت بترجي .. هناء: بس .. قاطعني صراخ امي واصوات خالاتي وهم يهدونها ..قال سامي وهو يحاول يركز .. سامي: ظلي هني بقاعة الأنتظار .. يغى يطلع ..بس مسكته وقلت بتوسل .. هناء: تكفين خلني اشوفه ... خلني اتطمن .. مسك ايدي وقال .. سامي : انت الحين تعبانة ما اقدر اوديج مكان .. انت اصلا اشلون طلعتي ؟؟ قلت بتشتت وبجي وصراخ بنفس الوقت .. هناء: ما يهمني ..ابي اشوفه ...ما... على صوته وغطى على صوتي وقال وهو يحظن ويهي بايدينه ويخليني اركز عيوني بعيونه.. سامي: هناء..هناء ... سكت مرعوبة فقال وهو يحاول يوطي صوته .. سامي: اللي صار صار ..الحين بدل ما تبجين وتصارخين ساعدي امج المسكينة اللي مو قادرة تستوعب ... هذا مخرجنا الوحيد من focus ان طلال بالمستشفى ... لا تزودينها علينا احنا مو ناقصين كافي واحد . الحالة اللي احنا فيها ... وسكت ... ظلينا نطالع بعض ... دخلت الكلمات في مخي اخيرا ..وترجمها ...واستوعبت ... هزيت راسي بايجاب وباضطراب وقلت بصوت مهزوز .. هناء: ان شاء الله .. ابتسم بامتنان ولو انها ابتسامة باهتة ... سامي: حلو .. يلا اخليج الحين ... دخلتيني قاعة الأنتظار مالت الحريم .. وابتسم مرة ثانية بخفة ..خلاني ابتسم ع الخفيف وبعدت شعري عن ويهي ... طلع هو بس قال قبل لايطلع .. سامي: بييب لج الشيلة صبري .. التف لأمي اللي هدت شوي ...تجدمت ووقفت جدامها ... نزلت على ركبي .. ومسكت ايدينها ...بطلت عيونها ولما شافتني قالت بضعف ... امي : هناااء .. ودمعت ... حظنتها وقلت بصوت واثق .. هناء: ان شاء الله خير ...طلال مافيه شي ... اليوم الثاني ... ظل طلال بالعناية المركزة ...ومانعين عنه الزيارة ...وعرفت ان الشريان المقطوع اللي تكلم عنه الطبيب امس بريله ..بس عالجوه الحمدلله .. بس لسة شاكين بتدفق الدم لريله مرة ثانية وهذا اللي مخليه في غيبوبة مرة ثانية ... وقفت جدام زجاج غرفة طلال ...اطل عليه .. راسه ملفوف ..وايده مجبسة ..واثار الكدمات من الهوشة لسة على ويهه .. حسبي الله ونعم الوكيل ... طقيت راسي على الجامة على الخفيف وقمت اردد بقهر .. هناء: حسبي الله ونعم الوكيل ... التفت لأمي القاعدة بالكراسي مو راضية تحرك من مكانها وبايدها المصحف قاعدة تقرا ..وخالاتي اللي قاعدة تستغفر واللي قاعدة تصلي ...وخلود اللي ما هدتني من اول ما درت ماادري حبها لطلال لسة موجود ولا واجب وبس ... واسما اللي غابت عن مدرستها مو راضية تروح ... لين الحين مصدومة ... وهاني اللي ماصدق ان طلال بالمستشفى إلا بعد ما شافه ...وما نزلت دمعة من عينه رافض ومعترض ... بعد كل هذا ما اقدر اقول إلا ان حب طلال متوغل في قلوبنا كلنا .... اشلون ما نحبه وهو اللي تأخر سنة عن دخوله للجامعة عشان يفتح الكراج ويعيشنا منه ...؟؟ اشلون ما نحبه وهو اللي أخر فكرة الزواج من غالية لين ما يتطمن علينا كلنا واولهم انا ...؟؟ اشلون ما نحبه وهو اللي ضحى بحياته عشان غالية ؟؟ اشلون ما انا احبه بوجه الخصوص وهواللي عرفني على احلى واغلى شي بحياتي ..سامي ... اللي وقف معاي وقفة ما انساها طول عمري ... لولا مساندته لي ما كنت بهالحالة ... الحمدلله على كل شي ... لمحت غالية ياية وبايدها جلاص الماي لامي ...مسكينة ما تدري ان السالفة كلها صارت بسببها... يت صوبي ووقفت يمي وطلت على طلال ...وظلينا ساكتين ...وانا ما كنت اطالع طلال كنت اطالع غالية .. ومتأكدة انها حاسة اني اطالعه ..لفت لي وابتسمت ..ابتسمت انا مجاملة وقلت .. هناء: للحين تكلمينه ؟؟ طالعت طلال وقالت بهدوء وثقة .. غالية: لأ ...مسحت رقمه من تلفوني وهددته إذا بيدق بعلم ابوي ... وطالعتني وابتسمت بخفة .. غالية: وانتي تعرفين ابوي .. اشلون ما اعرفه وهو اللي لزم علينا بعد وفاة ابوي ان نقعد عنده بس امي مارضت ... وهو اللي ساعد طلال بالكراج وموله ... قربت مني وقالت بامتنان .. غالية: لولاج ما كنت عرفت .. قلت وانا احط ايدي على جتفها .. هناء: بفضل الله صار كل هذا ... عانقتني بحب ...منو يقول ان هاذي غالية المغرورة اللي فضلت مشعل على طلال وهو اللي يموت عليها .. ما قدرت الومها على اللي سوته ..وصج ان لولا تعرفها لعصام ما كان صار كل هذا وما كان طلال تذكر عصام ...بس ما اقدر هي خلاص تابت والتزمت وتركت هالسوالف ... الله له الحق فقط بالمحاسبة ... بعدت عني وقالت وهي تقول .. غالية: مشكورة على كل شي سويتيه ... هناء: لا شكر على واجب ..انت بنت عمي ...وما اقدر اشوفج تغرقين واسكت ... بليل ...كلنا كنا موجودين ..انا وامي وخلود واسما وانتصار وام عصام وام عبدالله وشهد اللي قاعدة بحظن عمتها قاعدين جدام الغرفة .. والرياييل قاعدين شوي بعيد ... عمي وعصام وعبدالله وسامي وعمي بو سامي وهاني .. انا واقفة وريل رافعتها وساندتها على الطوفة ومجتفة اطالع حولي مرات ومرات افكر ... والباجي ساكتين ومو عارفين شنو نسوي ... سمعت صوت تلفون وكان تلفون سامي ... استأذن وقام ..شفته يتكلم ويدخل غرفة الإنتظار ..ولانها شفافة شفته يأشر بعصبية .. وطبعا فضولي اشتغل ورحت دخلت الغرفة وراه ...كان معطيني ظهره ويتكلم بصبية يحاول يخفيها .. no …look..:سامي وقال بوعيد .. I don’t want to see you here ..ok?:سامي وجنه اللي بالتلفون مو راضي يفهم فقال سامي بحسم .. mom …listen …it’s over .سامي: وسد الخط ... تنهد قلت وانا اتقرب منه .. هناء: امك؟؟ لف لي متفاجأ مني ..بعدين قال وهو ينزل راسه.. سامي: ئي ... ومسك ايدي وقال .. سامي: امشي خل نقعد برة .. ويرني وراه وطلعت معاه بطواعية ...رحت ناحية الحريم ووقفت يم خلود ... مر وقت طويل واحنا قاعدين ننطر على الأقل اشارة من أي احد من الأطباء او الممرضات .. ابتعدت عنهم ووقفت جدام دريشة عودة ماخذة مساحة جبيرة من الطوفة ...يعني اطالع كل شي بوضوح ... طالعت السما والناس اللي رايحة رادة والسيارات المصفوفة بالمواقف وانا تفكيري مشلول ... موقف .. حسيت بأحد واقف يمي لفيت وكان سامي ... سحبت نفس اهدي روحي ...ظلينا ساكتين وانا مو عارفة سامي شنو يفكر فيه .. قلت اخيرا وويهي للدريشة .. هناء: ما قلت لأمي عن سبب الحادث .. قال بنفس وضعيتي .. سامي : لا تقولين لها ...مو وقته ..كافي اللي فيها .. لفيت له وقلت وهو موجه ويهه للدريشة .. هناء: ما اقولها ؟؟ المفروض تعرف الحين عشان تبعد عالية عن طريج طلال وتعرف انها خايسة .. لف لي بهدوء وهز راسه بالنفي وقال.. سامي : لو قلتي لها الحين بتحس بالذنب وهي مو ناقصة .. ما انصحج .. سكت وانا احاول اخمد النار اللي في قلبي ناحية عالية ..هذا الوقت المناسب عشان اطرد عالية من حياتنا مولية .. قال سامي .. سامي : هناء..خذي امج وخليها ترتاح من امس وهي هني .. هزيت راسي بايجاب ومشيت عنه ...وقفت جدام امي وقلت .. هناء : يما .. ما رفعت راسها وطالعتني وظلت ساكتة ...نزلت لمستواها جثيت على ركبي وحطيت ايدي على ركبتها وقلت .. هناء: يما اشرايج تروحين البيت ترتاحين شوي بعدين اردج هني؟ رفعت راسها لي متفاجأة وقالت .. امي : واخلي طلال ؟؟ لأ ... وهزت راسها بالنفي وقالت .. امي : مستحيل .. مسكت ايدها وقلت .. هناء : بس ساعة ونرد بس انتي لازم ترتاحين ..صدقيني بردج ... ما تكلمت وردت لوضعها ..طالعت خالتي ام عصام فقالت هي تقنعها .. ام عصام : يا ام طلال روحي ارتاحي ساعة بس ...بس ساعة وهناء بتردج .. قلت اوافقها .. هناء: والله ساعة بس خل نروح ترتاحين بالبيت .. طالعتني امي بعدين طالعت ام عصام ..مسكت ايدها انا اقومها وااكد لها اني صاجة ..حمدلله قامت معاي ووصيت خالتي وسامي على اسما وهاني .. ركبنا المصعد واني لسة ساكتة من امس ... لو صار بطلال شي والله امي بتموت .. ساعتها بحرقها عالية بأوصخ غاز واولع فيها وهي واخوها ... صج ...عصام اخو عالية ؟؟ " شلي صار بالحادث ؟" قطع تفكيري سؤال امي التفت لها لقيتها تطالع الأرض ...قلت بتلعثم .. هناء: ما صار شي ..كنت مع طلال بالسيارة يوصلني البيت ..وصار الحادث مثل ما علمتج يما قبل .. رفعت ايدها وهي ماسكة صورة ...وقالت .. امي : منو هذا ؟؟ طالعت الصورة وكانت صورة عصام ...بهت ...اشلون وصلت لها ؟؟ منو عطاها الصورة ؟؟ .. قلت بخوف .. هناء : من وين يبتيها يما ؟؟ رفعت عينها لي وقالت باسلوب خوفني اكثر .. امي: كانت معاج لما طحتي بالمستشفى ... وقربت مني وقالت بهدوء.. امي : منو هذا ؟؟ قلت .. هناء: لما نوصل البيت بقولج .. قالت امي باصرار وبهدوء . امي: انا مارح اتحرك من هني إلا لما تقولين لي .. وهني تبطل باب المصعد وازعاج المراجعين وصل لنا ونور الليتات وضح شكل امي اللي انرسمت عليه القسوة فجأة .. قالت امي .. امي : له علاقة بالحادث صح ؟؟ صج لين قالوا الأم تصير اي شي عشان عيالها ... مسكت ايدها وطلعتها من المصعد وقلت وانا اوقفها اهديها وبنفس الوقت احاول اهدي روحي .. هناء : يما اللي رح اقولج اياه مابي احد يعرفه بتاتا ... ما تغيرت ملامحها ابدا وظلت جامدة وخالية من التعابير مثل الأموات ..وهذا اربكني اكثر .. هناء: عالية اللي كنت بتزوجينها لطلال هي السبب بالحادث واخوها اللي كنت بتخطبين عالية منه هو بعد له يد بالحادث وهاذي صورته ...غالية كانت على علاقة معاه بس هدته ولما طلال شافه امس مع عالية تذكره وتهاوشوا وسامي تدخل ومنع الهوشة وفرق بينهم ولما طلال ياه يعدي الشارع دعمته السيارة .. بدت ملامح القهر والعصبية تبان عليها والدليل ايدها اللي ماسكة الصورة ضغطت عليها لما جعدتها وقالت وشفايفها ترجف .. امي : يعني اخو عالية هو سبب الحادث ؟؟ قلت اكمل البقية الباقية .. هناء: فعليا لأ ... نزلت دموع امي على خدها ... بس مسحتها بسرعة ومشت ...رحت وراها وطلعنا من المستشفى بس عند الباب شفناها ... بسرعة راحت لأمي ..وقالت وهي تمسك ايدها وتسأل.. عالية: خالتي ...طلال اشصار عليه ؟ مسكتها انا وبعدتها عن امي وقلت .. هناء: وفيج عين تيين يا الحقيرة ... ذلفي يلا .. قالت عالية بترجي .. عالية: والله ماادري عن اللي سواه عصام ...انا ماتوقعت ان له علاقة بغالية والله صدقوني .. قلت وانا ادزها .. هناء: انت اصلا مالج حق تكلمين .. المفروض تقطين روحج من اعلى مكان وتموتين ... قلبي ويهج احسن .. ردت عالية ومسكت ايد امي الجامدة وقالت .. عالية: انا كنت ابي اعرف طلال على عصام بس تهاوشوا وانا حاولت افرق بينهم بس اندعم طلال ...خالتي صدقيني والله ما ادري عن شي ... والله .. مسكتها انا من ذراعها وغرست اصابعي فيها وقلت بعصبية وحقد .. هناء: انتي شنو ما تفهمين ؟؟ قلت لج قلبي ويهج يلا .. بس هي سحبت ذراعها من ايدي وقالت ودموعها تنزل على خدها .. عالية : انتوا ليش مو راضيين تصدقوني انا ماادري عن شي ... بغيت امد ايدي عليها وارجع للمصارعة على قولت سامي ..بس مو انا اللي مديت ايدي امي ..رفعت ايدها وبقوة صكت عالية كف خلتها ترجع ورا خطوات وايدها على خدها من قوة الصفعة ... قالت امي بتهديد وبصوت يخرع .. امي: والله إذا صار بطلال شي بتدفعين انتي واخوج الثمن ... وطالعتها بحقد ومشت ... ظليت انا مبحلقة بأمي اللي مشت ...مو مصدقة اخيرا انها فهمت ..الصراحة استانست ... مشيت وراها بعد ما استوعبت انها بعدت شوي ... ووديتها البيت ... بعد ساعة وقفت امي فوق راسي تبيني اوديها ..لبست عباتي وكانت الساعة 11 ووقت الزيارة خلص من زمان بس امي مصرة اني اوديها ... دقيت على سامي اللي علمني انهم لسة هناك ...ارتحت ...حلو لما يكون عندك احد تعتمد ليه وقت الشدة .. اهل يساندونك لما تطيح او تغرق .. وصلنا وبعد جهد جهيد خلونا نظل قاعدين بالمستشفى ... وانسحب عمي بو سامي ومعاه شهد واخته وياه وبنتها واسما وهاني وياهم غالية عبدالله راح يوصل هاني واسما وغالية ويرجع.. ظل انا وسامي وعصام و امي وعمي ...قعدت امي وانا يمها وفتحت القرآن وقامت تقرا ... اليوم طلعت امي ويهها الثاني ..الويه اللي ما يطلع إلا بالمصايب والمشاكل ..وهدوءها المقلق اللي يخوفني ... يارب ارحمنا برحمتك ... وقفت رحت عند سامي وقلت .. هناء: عالية يتكم ؟؟ طالعني باستغراب وقال .. سامي: عالية ؟؟ لأ ...ليش ؟؟ قلت له اللي صار ...قال وهو يهز راسه باستنكار .. سامي : فيها عين تيي بعد ؟؟ انا ادري ... بعد نص ساعة طلع لنا الطبيب ومنع تواجدنا هني لأنه ماله فايدة ...امي رفضت تحرك ...مو راضية ..انا حاولت فيها عمي حاول فيها وعصام ...واخيرا قال سامي بهدوءه المعتاد .. سامي : عمتي تواجدنا هني ماله لزمة ...باجر ان شاء الله بتييبج هناء برسم الخدمة .. قلت وانا اهز راسي ااكد لها .. هناء: ئي صح انا بييبج هني من الصبح لا تخافين ... هزت امي راسها باعتراض وما نطقت ..قال سامي يقنعها .. سامي: عمتي ادري ان اللي صار مو شوية ..بس مو بايدج شي مو بايد احد اصلا شي .. طالعت امي سامي بطريقة غريبة وقالت .. امي : لو انت واهلك ما تدخلون بحياتنا احنا بخير ... انصدم سامي ..وانا بعد ... شنو قصدها ؟؟؟ انا كا قلت لها هالشي إلا عشان اطرد عالية مو اكرهها بسامي .. وقفت وقالت وهي تأشر عليه ورد سامي ورا.. امي : بنت خالتك قصت على ولدي واخوها بغى يذبحه ..انت واهلك السبب ..لو صار شي لطلال ولو صغير ما رح اسامحك لا انت ولا عالية واخوها .. |
ظل سامي مبهت يطالع امي مو مستوعب اللي قالته ... قلت انا باستنكار .. هناء: يما ..سامي ماله شغل .. لفت لي وقالت ودموعها تجمعت ... امي : انا مالي شغل له دخل ولا لأ ...انا اللي اعرفه ان اللي سووا بولدي جذي اهله وهو اكيد منهم ..انا ابي طلال ...ابي طلال .. ونزلت دموعها ...ما تحملت منظرها وحظنتها وعيوني على سامي اللي منزل راسه للأرض رفع راسه وطالعني بعيون كسيرة نفس النظرة اللي يطالعني فيها لما يزعل ...وسامي اعرفه لما يزعل ... رد نزل راسه مرة ثانية وسحب نفس ... ومشى من جدامنا ... هدت امي ومسحت دموعها وطلعنا من المستشفى ..ورحت البيت ... وانا لسة مشغولة بالكلام اللي قالتها امي بحقد لسامي .. سامي ماله علاقة باللي صار .. لولاه كان الحين طلال يا بالسجن بتهمة قتل عصام يا بالمستشفى من الهوشة ...وانا اعرف طلال لما يعصب من احد ايده تشتغل سيدة ... وصلنا البيت وخليت امي تنام بالغرفة وخالتي معاه ...ام عصام اصرت تبات معانا اليوم .. رحت داري وبدلت هدومي ومسكت تلفوني ودقيت على سامي اللي ياني صوته من الأعماق السحيقة .. سامي : هلا هناء .. قلت بخجل من اللي صار .. هناء: انت بالبيت ؟؟ قال وهو يتنهد .. سامي : ئي ... وسكتنا ... ادري انه زعل معاه حق ما له ذنب هو باللي صار ... قلت اراضيه .. هناء: سامي ...انت مالك شغل باللي صار ..امي من خوفها طلعت حرتها فيك .. سكت ومارد كملت انا .. هناء: لا تزعل من امي امي هي امك ..مو قلت لي جذي مرة ؟؟ قال بصوت حزين .. سامي: انا مو زعلان من عمتي انا زعلان ليش اني سمحت لهالأنذال يتدخلون ويهدمون حياة بنيتها معاكم وحبيتها وهديت الحياة معاهم لأني عرفتهم على حقيقتهم ... حياتي معاكم تعلقت فيها بحلوها وبمرها انا مابي منكم شي ...غير اني ... وسكت ...مو عارف شنو يقول ... اول مرة يقول كل شي بقلبه ومايخش شي ..العادة يسمت وما يتكلم ... قلت بحنان وانا ابتسم على هالشي .. هناء: حبيبي ...آسفة والله ..إذا انت زعلان انا اتعذر لك بالنيابة عن امي ... قال بسرعة .. سامي : لا لا هناء...لا تعتذرين ..انا ما قلت لج الكلام هذا عشان تعتذرين عمتي على عيني وراسي تقول اللي تبي انا مارح ازعل ... وكمل بصوت كئيب ومحبط ... سامي: بعدين اللي قالته صج ... قلت باستنكار واعتراض .. هناء: سامي ..لا تخليني اندم اني دقيت عليك ...انت وين وهم وين ...لا تقارين نفسك فيهم ..فرق بين الثرى والثريا ... هذول حثالة ..انذال ... سكت وما رد ... بس قال اخيرا .. سامي : هناء ...هذول اهلي ...ما ارضى احد يسبهم ولا ينتقدهم ..مهما صار بيظلون اهلي ... يا قلبي ..بالرغم اللي سووه يزعل عليهم ..قلت وانا انزل انظاري للأرض وباحراج من الكلام اللي قلته .. هناء: آسفة ..ما قصدت .. تنهد وقال بضيق .. سامي: ما عليه ما صار شي .. بصك الحين عنج بخليج تنامين .. حسيته لسة متضايق فقلت .. هناء: كليت ؟؟ قال ببلاهة .. سامي: ها ؟؟ ابتسمت على صوته الطفولي لما يتفاجأ .. هناء: اقول كليت ؟؟ سامي: ومنوا له نفس ياكل ؟؟ لا ما كليت .. قلت بعتاب .. هناء: ليش بالله ؟؟ ...لا تخليني اييك الحين واوكلك غصب ... سامي: لا يا معودة ..الحين نص الليل وين تييني ؟؟ خلج وانا باكل ... هناء: اكيد ؟؟ سامي: بحاول ...ما اوعدج .. هناء: سموي ..لا تخليني اسويها واييك .. قلتها بتهديد .. سكت وما رد علي ...قلت بتشكك . هناء: سامي معاي ؟؟ قال بصوت عذاااب ... سامي : مع اني اكره هالدلع بس منج انتي غير ... تفاجأت ...بس بعدين ابتسمت بخجل وقلت .. هناء: اشلون غير يعني ؟؟ سامي: كنت اذبح عامر عشان بس يناديني بهالدلع ودلال بعد نفس الشي ...تدرين ليش كرهته ؟؟ هناء: ليش ؟ سامي: لان العلة عالية كانت تناديني فيه ... والصراحة ما قدرت اكتم ضحكتي ...قعدت اضحك جني من زمان ما ضحكت ... سامي: دوم هالضحكة يا رب ...ئي جذي اضحكي مو مبوزة اربع وعشرين ساعة ... ابتسمت وقلت ... هناء: وين لي خلق اضحك واحنا بهالحالة ؟؟ قال بهدوء .. سامي: معاج حق ... قال بعدين .. سامي: يلا عمري ديري بالج على روحج واكلي عدل .. هناء: انا ولا انت ...سامي اكل عدل ..اوكي ؟؟ سامي: ان شاء الله ماماتي ...مع السلامة .. صكيت عنه ...ضميت التلفون لصدري ..ماادري اشلون بنام بدون ما اشوفك ... صوته ينسيني الدنيا بمشاكلها وبلاويها ومصايبها ... شوفته تهون علي كل شي جايد ... آآآه يا سامي ...احبك والله العظيم احبك ... اليوم الثالث ..وطلال لسة بغيبوبة ... وامي ما تتعب من القعدة عنده ..وسامي من بعد اتهامات اللي وجهتها امي له صار يتحاشها ..ايي عند طلال بس يسأل ويروح وما يقعد .. وقفت يم امي اللي تطل على طلال من الدريشة ..وقلت .. هناء: يما ... ما تعبتي ؟؟ ماردت علي وظل ويهها على الدريشة ما التفتت لي ... تنهدت وقلت .. هناء: يمكن طلال يطول اكثر من جذي ...بتظلين واقفة جذي ؟؟ قالت اخيرا بصوت هادي وجامد ..وبدون ما تطالعني .. امي : بظل واقفة حتى لو ظل جذي لآخر عمري ... جملتها هاذي كانت حاسمة ووضحت موقفها النهائي من هذا كله ... خليتها وقعدت على واحد من الكراسي ... شفت الدكتور مع الممرضة يدخلون واحنا ظلينا برة ... نزلت راسي هقانة من هالوضع اللي احنا فيه ... تنهدت ورفعت راسي وسندته لورا على الطوفة ... صارلي ثلاثة ايام غايبة بدون عذر من الجامعة ...بيعطوني انذار ثاني هذا اقل شي ... شفت الطبيب يطلع من الغرفة ويحاجي امي وهو يبتسم ...عدلت من قعدتي احاول افهم ...سفت امي تدخل داخل بسرعة ...مع انه ممنوع ..فزي ودخلت وراها ..والممرضة داخل واقفة وهي تبتسم ...لفت لي وقالت .. الممرضة : قرت عينج .. عرفت هني ان طلال صحى من الغيبوبة ... لا اراديا تجمعت الدموع في عيوني ورحت وقفت يم امي وشفت طلال مغمض عيونه ويهز راسه بايجاب .. قالت امي بصوت باكي .. امي : يما حبيبي ..حمدلله على السلامة .. بطل عيونه طلال وطالع امي بتعب ...وقال بصوت واطي .. طلال : الله يسلمج يما ... واتجهت انظاره لي ..طالعني وابتسم ...ابتسمت انا بين دموعي ومسكت ايده وهو شد عليها على الخفيف .. قلت وانا اقرب منه وابوس جبينه .. هناء : حمدلله على سلامتك ..طلال .. ضغط اكثر على ايدي وقال بصوت هامس لأذني .. طلال : الله يسلمج ... العصر تيمع الباجي بالستشفى لما دروا ان طلال قعد ... نقلوا طلال لغرفة خصوصي وقعدنا كلنا عنده ... عصام : عاد يلا الحين طلال قعد مالكم حجة لازم نسافر ... ابتسم طلال وقال بصوته المريض .. طلال : يا التعبان اصبر على شوي ليما اطلع ...بتسافر وانا لسة هني ؟ قال عصام وهو يقعد يم طلال .. عصام : اكيد ..احنا كنا بنسافر بس حظرتك طحت علينا ...خربت علي ... قال عبدالله وهو يقعد بالناحية الثانية من جهة طلال ... عبدالله : وانا وعصوم كنا متفقين انا نروح العمرة ..بس خلاص خلك انت هني ونروح ونرد بعدين نطلعك .. قال عصام وهو يحاجي عبدالله .. عصام : لا لا قصدك نفكر نطلعه.. قال طلال وهو يبتسم لهم .. طلال: بعد ؟؟ تفكرون ؟؟ عبدالله : ئي اكيد عيل نوقف مشاويرنا عشانك ؟؟ بقق طلال عيونه بطريقة تضحك لعبدالله وقال .. طلال : لو ريولي ما تعورني كنت شتك الحين ...هذا حجي تقوله لواحد توه طالع من غيبوبة .. قالت امي .. وطالع امي اللي قاعدة بعيد شوي .. طلال : يمااااا .. امي اخترعت عبالها صار شي ..يت عنده بسرعة ..قال طلال .. طلال : يما وخريهم عني ..رفعوا ضغطي .. طقت امي عصام بجتفه وقالت .. امي: عصوم وثول ..بعد عن ولدي .. قال عبدالله .. عبدالله : ياه محامي الدفاع ... كفخته امه على راسه وقالت بأمر .. ام عبدالله : اقول اشرايك تقوم ؟؟ ضحكنا كلنا على شكل عبدالله ... الله يا حلاة اليمعة .. ظلينا نسولف ونضحك والقعدة ما خلت من الغشمرة من عصام وعبدالله ... دق تلفوني وكان سامي ... قلت وانا ابتسم .. هناء: هلا حبيبي ... وقفت بعدين لاني قادة مع البنات وطلعت برة.. سامي: ها وينج اذن العصر وما ييتي ؟؟ قلت بفرح وانا اطل على طلال وعصام وعبدالله يمه .. هناء: طلال صحى من الغيبوبة .. سكت بعدين قال متفاجأ .. سامي: صج ؟؟؟ هناء : ئي .. سامي: متى ؟؟ هناء: الظهر تقريبا ...كلنا عنده بتيي ؟؟ سامي : اكيد .. خل اقول لأبوي ونييكم يميع .. صكيت عنه ورديت دخلت داخل ..شفت عبدالله يزنط طلال فقلت وانا اشهق .. هناء: عبدالله ..بعد ايدك عن اخوي ..تذبحه وجدامنا بعد .. قال عبدالله .. عبدالله : خلوني افك العالم من غباءه ..الحين انا قاعد اقوله بنسافر بعد ما تتطيب يقولي ما طبت لسة .. بعدين طالع طلال بعصبية وقال بطريقة تضحك .. عبدالله : انت من وين يايب هالغباء ؟؟ ضحكت عليهم وقعدت يم امي ...ساسرتني وقالت .. امي: وينه ريلج ولا ما يتنازل ايي ؟؟ لا حول ولا قوة إلا بالله ...طالعتها وقلت .. هناء: بيي الحين مع ابوه ... سكتت عني وما ردت ... انا ماادري ليش حاطة عليه ..بس لأنه حذرهم من عالية ؟؟؟ غريبين الصراحة ..بدل ما يشكرونه يزعلون منه .. قعدت اسولف مع طلال شوي ومع البنات ليما دق تلفوني وكان سامي ... هناء: هلا سامي .. سامي: يلا تراني برة مع ابوي سوي لي درب ... صكيت عنه والتفت للبنات وامي وخالاتي وقلت .. هناء: ترى سامي وعمي برة ... ما ردت امي بس طالعتني بنظرة غريبة ...وتعدلوا بقعدتهم وبعدوا عن الباب وقعدوا بعيد شوي ... بغيت اروح اناديهم بس قالي عصام .. عصام: خلج خلج ..انا ببطل الباب .. قام وبطل الباب ودخل مع سامي وعمي اللي سلموا على طلال وتحمدوله بالسلامة ..التفت سامي لنا وهو منزل راسه وقال .. سامي : قرة عينج عمتي ام طلال .. سكتت امي ما بغت ترد بس مسكت ايدهها وضغطت عليها فقالت اخيرا .. امي : بويه نبيك ... وسحبت ايدها من ايدي بعصبية ... هزيت راسي انا باستنكار من اللي سوته ... طلع سامي ومعاه الشباب وظل عمي اللي هو ابوه داخل ...بعدها دخل علينا بو عصام وبو عبدالله واحنا طلعنا البنات ... شفتهم قاعدين برة ويسولفون وعبدالله وعصام بدوا خبالهم على سامي ... شفته فاطس من الضحك .. ويبعد عبدالله عنه لأنه لازق فيه ... سامي : عبود ويهد بعد يلا ... قام عبدالله ومسك راسه وخلاه يطالعه وقال يقلد الهنود .. عبدالله :بابا ...انا ماكو معاس عسرة سهر ...انت ليس يسوي انا سزي ...انت بابا سرير .. بعد سامي ايدين عبدالله عنه وه ويضحك عليه يا عصام يكملها وغنى مالت عبدالحسين ابريت بساط الفقر مع سعاد عبدالله لما قلدوا الهنود ..وعبدالله وياه ..وقلبوا المستشفى سمرة ...قال سامي وهو يحط ايدينه على اذونه .. سامي: واااي انتوا فضيحة ...ما اقدراقعد وياكم .. وقام عنهم ..وبعد عنهم وهم لسة يغنون ويضحكون .. التفت لي سامي وانا ابتسمت فقال ... سامي: تعالي فكيني من هالميانين اللي عندي ... نط عبدالله على سامي وقاله .. عبدالله : احنا ميانين ....لا زعلتنا منك ... قال عصام .. عصام: وثمن رضانا غالي ... قلت انا .. هناء: انا بدفعه لكم ..بس فجوا عنه .. قال عبدالله بخبث .. عبدالله : الله الله ..بدا الدفاع ... قال عصام يكمل .. عصام : الحين انا ولد خالتج ما تدافعين عني ...معلوم ...معلوم .. امش عبود مالنا احد احنا بهالدنيا .. قال عبدالله .. عبدالله : ئي والله مالنا احد .. دز سامي على الخفيف وقال .. عبدالله :انت عندك مرتك تدافع عنك ...آآآه متى بس اتزوج .. طالعه سامي متفاجأ وكفخه على راسه وقال .. سامي: استح عيب وجدام اختك بعد .. ضحكت خلود وقالت .. خلود : لا تستغرب يا ولد عمتي تراه فاصخ الحيا مولية .. قال سامي .. سامي : حتى اختك طحت من عينها... اثقل شوي فضحتنا ... قال عصام .. عصام : متى انا اتزوج .. وطالع فوق بحالمية ...هز سامي راسه وقال .. سامي: لا بالله كدينا خير ..إذا تزوجتوا انا من الحين ما اعرفكم .. قال عبدالله وهو يتخصر .. عبدالله :ليه بالله ؟؟ سامي: اكيد بتطلب الطلاق اللي بتاخذك ...واحد خبل واثول وما يعرف راسه من ريوله ..وين الله يوفقها وهي متزوجتك ؟؟ طالع عصام وقال .. عبدالله :مو جنه سبني ؟؟؟ ولف لسامي وقال .. عبدالله : اولا تحمد ربها اللي باخذها ...السيد عبدالله محمد بياخذها اشتبي بعد ؟؟ بعدين تعال اللي يسمعك يقول ما لوعت جبد مرتك ... اقص ايدي إذا ما كرهت حياتها وتبي تنتحر .. وطالعني وقال .. عبدالله : مو صح هناء ؟؟ هزيت راسي بالنفي وقلت .. هناء: لا مو صح .. عاد هني انفجرنا كلنا نضحك .. حتى سامي ... قال عصام .. عصام : لا لا يا بنت خالتي ... لا تفشلينا جذي ... انا ادري مطلع عينج بس مو راضية تقولين ... قلت وطلعت مني بدون قصد .. هناء: على قلبي مثل العسل ... صفقوا هني كلهم وقال عبدالله .. عبدالله : احلى ...احلى ... عصام : طلعتي ما انت هينة يا بنت خالتي ... طالعت سامي اللي منزل راسه مبتسم مستحي وعصام وعبدالله يضايقونه ... عبدالله : شفتي اشسويتي بريلج ..ويه صار طماطة ... قال عصام .. عصام: لا سامي ارفع راسك لا تستحي ... طالعهم وهو يضحك وقال وهو يمشي عنهم .. سامي : حمدلله والشكر ... طلعوا وراه يكملون خبالهم عليه .. ما توقعت سامي بيدمج مع اهلي ..وبالذات عصام ...اللي يشوفه الحين ما يقول هذا اللي كان يغار منه وبهدلني عشان بس طلعت معاه ذاك اليوم بالعرس ... قاطعتني خلود وقالت وهي تساسرني .. خلود : ريلج خجول واايد .. ابتسمت انا على طاريه وقلت .. هناء: خجول بحدود وهذا اللي عاجبني فيه .. طالعتني بخبث فقلت لها وانا ايرها وراي ... هناء: امشي بس .. ضحكت هي ودخلنا عند طلال ... رديت البيت بعد ما خلصت الزيارة وانا مرتاحة ومستانسة ... ايام الحزن ولت ... مالقيت سامي ..يمكن بالمكتب ...بدلت هدومي ونمت ... قمت من النوم على صوت تلفوني ... منو هالمزعج ؟؟ مسكته وكانت غالية بنت عمي ... هناء: الو.. غالية : السلام عليكم ... تعدلت بقعدتي وقلت .. هناء: وعليكم السلام ....هلاغالية .. قالت مستحية .. غالية: كنت نايمة ؟؟ قلت وانا ابعد شعري عن عيني .. هناء: لا عادي ... غالية: بغيتج في موضوع مهم .. موضوع مهم ؟؟ .. هناء: خير ؟؟ غالية: اول شي قرة عينج بقعدة طلال ... هناء : بويه نبيج ... غالية: انا مابغيت اتكلم الحين بس لأنه مهم فـ.. قاطعتها وقلت .. هناء: غالية ..دشي بالموضوع .. سكتت مو عارفة شنو تقول بس قالت .. غالية: عصام يهددني .. هناء: يهددج بشنو ؟؟ غالية: مسجل صوتي لما كنت اكلمه ...وهددني ان هو رح ينشرها إذا ما سويت اللي يبيه .. هناء: وشنو اللي يبيه منج ؟؟ غالية: نص مليون دينار ... شهقت ...قلت بصدمة .. هناء: شنو ؟؟؟ ين هذا ؟؟ قالت بخوف .. غالية: مو بس جذي ...انا ...انا كنت .. وسكتت ...وسمعت صوت بجيها ...قلت وانا اقعد عدل .. هناء: غالية ...شنو في ؟؟ قال بصوت باكي .. غالية : انا كنت ...اطلع معاه قبل كان يقص علي بكلامه الحلو ..واختلينا مع بعض في .. قلت بصدمة .. هناء: اختليتوا مع بعض ؟؟؟...لا تقولين في شقته ؟؟ .. سكتت وماردت ... ينيت انا وقلت بصوت عالي شوي .. هناء: ينيتي انتي تروحين له شقته ؟؟.. قالت وهي تبجي .. غالية: شسوي ؟؟ اقولج غرني بكلامه الحلو ... قلت بخوف .. هناء: ولا تقولين ان ... قاطعتني بسرعة وقالت .. غالية: لا لا ..لايروح فكرج بعيد ..ما سوالي شي بس كنا نقعد ونسولف ... قلت بقهر .. هناء : تقعدون وتسولفون ؟؟؟ غالية ما.. ما عرفت شنو اقول ..شنو اسوي قلت .. هناء: انتي وين عقلج ؟؟ ما فكرتي ان بهالأسلوب يقدر يسوي فيج اي شي ... بجت هي واناغمضت عيوني متحسرة عليها ... الحين بدل المصيبة مصيبتين انا وغالية ..قص علينا شخص واحد بس ... قلت اهديها .. هناء: بس خلاص لاتبحين غالية ... قالت بصوت متحشرج.. غالية: هناء..كلمي ريلج الله يخليج يبعد ولد خالته عني ... ها؟؟ شنو ؟؟؟ ينت هاذي ؟؟ اكلم سامي عشان يعرف اللي القصة كلها ..لا يا معودة والله يذبحني بروحه جاكني عنده مرة كافي اللي صار .. تنهدت وقلت .. هناء: يصير خير ...بس انتي اهدي وخلينا نفكر اشلون ناخذ الشرايط بدون ما احد يعرف .. غالية: بس الباجي كلهم يعرفون اني كنت اكلمه وفوق كل هذا قلت اني مخطوبة له وهو اصلا ما يخطبني .. هناء: ادري قالي طلال ... عيل لو تدرين ان طلال صارله الحادث عشانج شنو بتقولين ؟؟؟ الله يستر علينا دنيا وآخرة ... قالت بترجي .. غالية : هناء ..حاجي ريلج يبعد ولد خالته عني ... حرام اللي يسويه فيني .. هناء: انتي تبين فضيحتج بالديرة كلها ؟؟؟ المفروض محد يدري عن اللي صار بينج وبين هالنذل عصام .. قالت بصراخ .. غالية : يعني اسوي اللي يبيه ؟؟ قلت انا متنرفزة وصرخت بويهها .. هناء: عيل تبين الديرة كلها تعرف انج على علاقة فيه ... انا لو علمت سامي عصام رح يعصب ويزعل ورح ينشر صوتج وما يندرى يمكن مصورج وانتي ما تدرين .. غالية : لا ابشرج اليوم دق علي يهددني انه مصورني ولازم ادفع نص مليون ولا رح ينشرهم ... انصدمت ...لا مستحيل ...هذا مو بشر ..هذا شيطان ...شيطان ... هزيت راسي بأسف وحسرة ..مو عارفة شنو اقول ولا اشلون افكر ؟؟ شل تفكيري الله ياخذه ... حسبي الله ونعم الوكيل ... لهدرجة حاقد على سامي شان بس وحدة كان يحبها وهي ما تطيقه ... صج مريض نفسي ...انا ادري انه يسوي جذي عشان ينتقم من سامي ... نذل ...حقير ...انا ماادري امه كانت تنسى بشنو لما كانت حامل فيه ... عاد خربت علي غالية ...كنت مخططة اني اعطيه امية الف واحط عقد الماس في بيته واعلم الشرطة عليه ..وبدل ما ياخذ امية الف ...لازم ياخذ نص مليون معاها ...مصيبة وحلت على راسي ..بس يحلم اخليه يتهنى باللي سواه ... هديت غالية ووعدتها ان نتعاون انا وهي عشان نفتك من هالوحش البشري ... والحين صاروا اربعة اللي انتقم لهم .. انا ... وسامي .. وغالية ... وطلال ... |
الحلقــــة الثالثة والعشرون "وفقدت حلمي " ماني مصدقة لين الحين اللي سمعته من غالية ... يعني ما كفاه اللي يسويه فيني راح عند غالية ... وهي من حبها له عطته اللي يبي ...وانا اقول من وين عرف رقمي اكيد من غالية ... الحين انا بعدل خطتي الأولية بس لازم اتأكد ان عنده صور يمكن يقص علينا مثل ما سوى بسالفة الأعتداء ... مسكت تلفوني وتأكدت ان سامي مو منتبه لي ..كان قاعد بالصالة يطالع تلفزيون ... قلت بهمس .. هناء: الو ..هلا غالية .. قالت بصوت محبط .. غالية: هلا هناء ... تعجبت منها وقلت .. هناء: اشلونج ؟؟ .. غالية: بخير ... وتنهدت ...قلت وانا اطالع سامي اتأكد انه قاعد بالصالة .. هناء: اشفيج تقولينها بهالطريقة ؟؟ سكتت شوي بعدين قالت .. غالية: هناء ..مافيني على عصام ...تراه شري ...خلصيني منه .. وانا بعد مافيني عليه بس شسوي لازم نصبر ..قلت وانا اصك الباب .. هناء: سمعي غالية ..انا وانتي لازم نتحد على هالنذل هذا ... دقي عليه واتفقي معاه على موعد نروح له و.. قاطعتني بخوف وقالت .. غالية: نروح له بعد اللي سواه فينا ؟؟؟ وليش ان شاء الله ؟؟ قلت وانا امسك روحي لا اعصب .. هناء: لأن يمكن مو صج اللي قاعد يقوله ...نشوف الصور ونسمع الشريط وبعدها لكل حادث حديث ... فاهمة ؟؟ سكتت بعدين قالت بتردد.. غالية: وإذا طلع صج؟؟ تنهدت وقلت وانا اطالع الباب . هناء: حزتها نعطيه فلوسه .. قالت بضعف .. غالية: وبيرد كل مرة يبتزني ...هذا إذا عطيناه ويه يمصخها ... قلت بسرعة .. هناء: سمعي ..بعد ما تتفقين معاه على موعد تعالي عندي اوكي ..ابي افهمج اشلون نتخلص منه ... قالت بفرح .. غالية: ان شاء الله .. وصكيت عنها ... مسكينة خايفة منه ...الأشكال هاذي المفروض ما نخاف منها ...المفروض نعطيها على راسها ... قربت نهايتك يا عصام وعلى ايدي ان شاء الله .. دخل علي سامي فجأة ...خرعني ...حطيت ايدي على صدري مخترعة وقلت .. هناء: خرعتني ...افتح الباب شوي شوي .. ابتسم وقال .. سامي: ان شاء الله عمتي ... وراح ياخذ ملابسه قلت .. هناء: طالع ؟؟ قال وهو يطلع .. سامي: بروح المكتب كالعادة ... بدل هدومه وراح ... الحمدلله ما جكني وانا اتكلم بالتلفون ..افففففففف متى الله بفكني من هالمصيبة اللي انا فيها ... محد قالج تدخلين روحج فيها ...ان شاء الله بس اخلص من هذا كله ..بعترف بكل شي واللي فيها فيها ...بس اخلص .. دخلت المطبخ وفتحت الثلاجة وطلعت عصير وصبيت لي جلاص ...قعدت اشربه بس تلفوني طقع علي اكيد غالية ... رفعت التلفون بدون ما اشوف الإسم ... هناء: هلا غالية .. عصام : اهلين هناء ... هو .... النذل .. مسكت اعصابي وقلت وانا اضغط على جلاص العصير ... هناء: اشتبي داق ؟؟ عصام : اولا انا داق على عشان اسأل عن فلوسي ..ثاني شي انا داق لأن بنت عمج المصون اتفقت وياي على موعد ..وانا ادري انج انتي اللي قلت لها ... هناء: واشدراك بالله ؟؟ عصام : غالية اعرفها خبرة سنة كاملة ..اعرفها قبل ما اعرفج ..غالية غبية ما تفكر بعقلها همها اشلون تستانس وبس ...وانا ونستها مثل ما طلبت ... قلت بعصبية .. هناء : انت نذل ... ضحك وقال .. عصام : شكرا ...المهم ترى انا حددت الموعد اليوم الساعة سبع بشقتي .. قلت وانا منصدمة ومنفعلة بنفس الوقت .. هناء: شنو ؟؟؟ تحلم اييك الشقة .. عصام : خلاص عيل ...الصور بتوصل لريلج واهلج كلهم وتكون فضيحتج انتي وغالية بالديرة كلها ..وانا اضمن لج هناء مو بس الكويت تعرف العالم كلها بظرف ساعة ... بدت ايدي ترجف من القهر والعصبية ... قلت .. هناء : جدم الموعد شوي ...مااقدر اييك الساعة سبع ... عصام : امممم..اوكي تعالي الحين ...وغالية تعرف شقتي سأليها عن العنوان .. وصك عني ... بدت الدموع تتجمع بس مسحتهم بسرعة ....صج اني خايفة ومرتبكة ...بس لازم اكون قوية على الأقل عشان غالية ... خرعني صوت تلفوني يدق مرة ثانية وكانت غالية ...اتفقنا انها تييني الحين ونروح بسيارتي لهالنذل ... دخلت داري ولبست عباتي ..وطلعت للصالة انطر غالية ...بعدها عطتني رنة ونزلت تحت ...ركبنا سيارتي ومشينا ... هناء : وين العنوان ؟؟ دلتني وانا اطالعها مستغربة منها ...اشلون حبت واحد مثل هذا ما عنده ضمير ولا دم ... وصلنا العمارة ...وركبنا الأصنصير .. شكلنا غلط ...احنا شنو نسوي هني ؟؟ انا شلي يابني هني ؟؟ .. تبطل باب المصعد وطلعت منه وانا خايفة ... وقفت غالية جدام باب شقة ..وطقت الباب ولفت لي وقالت .. غالية: هاذي شقته .. مستانسة حظرتج ؟؟!!! يالله عدي اليوم على خير ... تبطل الباب وكان واقف عصام اللي اول ما شافنا ابتسم وقال .. عصام : حيا الله كونيسات الكويت ... دخلوا دخلوا .. ودخل داخل وخلا الباب مفتوح ...دخلت الشقة وانا ريولي ترجف كل شي فيني يرجف ... ادري اللي اسويه غلط بس عشان اساير هالتعبان ... وقفنا عند الباب ...قالت غالية .. غالية: هاذي بنت عمي .... لف لها عصام وطالعني وقال .. عصام : ادري ...زوجة ولد خالتي ..اشلون ما اعرفها ؟؟ وابتسم لي ابتسامة خبيثة ..وقال وهو يقعد .. عصام: قعدوا اشفيكم ...مارح اقرب عليكم لا تخافون ... مسكت ايد غالية وضغط عليها لا تروح تقعد اعرفها خوافة ..طالعتني هي فقلت اوجه الكلام حق عصام .. هناء: انت قلت انك عندك صور لغالية وصوتها ... طالعني وهو يشرب جلاص العصير اللي جدامه وبابتسامة .. عصام: بس غالية ؟؟ عندي الخير كله .. وطالعني بخبث ... ادري قصده علي الحقير ... مسكت روحي وقلت منطشة كلامه .. هناء: ورنا الصور وسمعنا صوتها إذا انت صاج .. شرب شوي ...سم ان شاء الله ... وقال .. عصام: ليش ما تصدقيني ؟؟ هناء : انت قلتها ...ما اصدقك ... طالعني بخبث ..بعدين وقف وراح داخل وياب ملف ...مده لنا وقال .. عصام : تعالي شوفي .. تحركت غالية بس مسكتها ...وقلت .. هناء: حطه على الطاولة ... طالعني بمكر وقال .. عصام: تراني ما اعض ... عضتك حية قول آمين ... حط الملف على الطاولة وتجدمنا انا وهي مع بعض كل وحدة ماسكة ايد الثانية جنا بروضة ... مسكت الملف وبطلته ...وشفت صورها معاه وهم بالشقة ...ولا بالحديقة ...ولا بالسيارة ...يضحك لها وهي تضحك له .. " انت عمري كله ...هههههههههههه" صوت غالية هذاا ..رفعت راسي له وكان ماسك تلفونه ويطالعنا بخبث ... طلع صوته يقول .. " لا عاد عمرج كله ...مابي شي انا إلا سعادتج يا بعد طوايف اهلي كلهم " ووقف التسجيل ...وقال .. عصام : ها ؟؟؟ صدقتوا ؟؟ كنت ابي ابط راسه بالجلاص اللي جدامه ...احس بنار بجوفي ابي احرقه فيها ... لفيت لغالية لقيتها منزلة راسها للأرض ودموعها تنزل ... غمضت عيوني انا بحسرة ... عصام : ها الحين على شنو رسيتوا ؟؟بتعطوني فلوسي ولا اخذها بطريقة ثانية ؟؟ قلت وانا اصك الملف بقهر .. هناء: خلاص لك اللي تبي ... ابتسم وقال .. عصام: حلو ...يعجبني فيج انج ذكية ...بس ها .. وطالعنا انا وغالية واشر بسبابته ... عصام : مابي خيانة ...اللي تخوني مو بس بفضحها بخليها تنتحر تذبح روحها بنفسها ...اوكي يا حلوين ؟؟ انا والله اللي بذبحك ...بس اصبر علي ... طلعنا من الشقة وانا بنفجر من القهر ...ابي اصرخ واهز العالم بصراخي ... ركبنا السيارة وسندت راسي على السكان .. غالية : هناء ..انا آسفة اني حطيتج بهالموقف ... تو الناس بعد شنو ...بعد خراب مالطة ... رفعت راسي عن السكان ..وقلت بضيق .. هناء: عادي ..ماصار شي .. لفيت لها وانا ابتسم ابتسامة باهتة وحطيت ايدي بالجنطة وطلعت مسجل صغير واقول .. هناء: سمعي .. وشغلته ... " مابي خيانة اللي تخوني مو بس بفضحها بخليها تنتحر تذبح روحها بنفسها اوكي يا حلوين ؟؟" وكان صوته... عصام طبعا ... قالت غالية بتفاجأ .. غالية: سجلتي صوته ؟؟!!!!! هزيت راسي وانا اطالعها وابتسم ....وقلت .. هناء: نهايته قربت ...بفكج منه .. وافك عمري بعد ... وكل شي يرد لسابق عهده .. وصلتها ورديت البيت ... صكيت الباب لقيت الشقة فاضية ...الحمدلله ما ياه ...اروح ابدل بسرعة ... طلعت من الغرفة ورحت المطبخ اسوي لي اي شي يسد يوعي ... سمعت صوت تلفوني ...اففففففففف منو هذا ؟؟؟ رحت الغرفة وكانت امي .. هناء : هلا يما .. طلال : انا طلول ... ابتسمت عليه وقلت .. هناء: هلا طلال .... اشلونك ؟؟ طلال : حمدلله ...وينج ما يتي ..امي تسأل عنج .. كنت بيي بس هالنذل خرب علي كل شي ...قلت وانا اطلع من الغرفة اروح للمطبخ .. هناء : باجر ان شاء الله بييكم ... طلال : تعالي البيت ..انا طالع اليوم .. استانست وقلت .. هناء: والله؟؟ يعني خلاص ؟؟ طلال : ئي خلاص بعد صارلي تقريبا ثلاثة اسابيع عندهم ما ملوا مني ... ضحكت وقلت .. هناء: ولا يهمك ..باجر انا عندك برسم الخدمة .. طلال : وريلج وياج لو سمحتي .. ريلي ؟؟؟ غريبة .... بس قلت .. هناء: ان شاء الله .. وصكيت عنه ... اليوم الثاني قلت لسامي ان طلال طلع من المستشفى ..طالعني وابتسم وقال .. سامي : صج ؟؟ حمدلله على سلامته .. ورد طالع الكاتب اللي جدامه ... للحين شايل على خاطره منهم ... قلت وانا اقعد يمه واتربع ... هناء: بس بنروح بيتهم ... مارد علي فقلت وانا اهزه من جتفه .. هناء: سامي اكلمك انا .. طالعني وقال .. سامي: تدرين اني مااقدر اروح اشحقة تسألين ؟؟ افففففففف ياربي .. هناء: انت قلت انك مو زعلان من امي .. لف لي وقال .. سامي: وانا عند كلمتي ..انا ماني زعلان منها ..بس إذا رحت هناك بتقط علي كلام جارح ونغزات وانا ماني حمل حجي يعور القلب .. معاه حق ...امي بس تشوفه تستلمه ... الله يهداج يا يما ... كمل وقال .. سامي: روحي انتي انا اعذريني .. هناء: وإذا قلت لك ان طلال يبيك ... لف لي باستغراب وقال .. سامي: طلال يبيني ؟؟؟ ليش ؟؟ هناء:ماادري ...قال تعالي ويا ريلج ... طالعني شوي بس رد للكتاب وقال .. سامي: يصير خير ... قمت انا وقلت .. هناء: بروح ابدل ... وقفت بس قال .. سامي: الحين بتروحين ؟؟ واشر على الساعة وكانت ثلاث ونص ... كمل وقال .. سامي: صبري للمغرب على الأقل .. قلت وانا اسحب الكتاب منه واصكه واقول .. هناء: الحين بنروح يلا قوم .. ومسكت ايده ايره ... بعد نص ساعة كنا واقفين جدام بيتنا ...بغيت انزل بس وقفني صوته .. سامي: هناء..انتي متأكدة ان طلال يبيني ؟؟ لفيت له وقلت .. هناء: انت اشفيك هاذي المرة الألف اللي اقولك فيها طلال هو لزم علي إلا ايي وياك... سامي: لأني لو سمعت كلمة ما تعجبني هناء برد البيت ومارح اطب بيتكم مرة ثانية ... هناء: الله لهدرجة ؟؟؟ قال بضيق .. سامي : واكثر ... ونزل من السيارة وهو متضايق ...راح الديوانية وانا دخلت البيت ...لقيت امي قاعدة ومعاها اسما وخالتي ام عصام وام عبدالله ...طبعا هاذي حزتهم ... هناء: السلام عليكم ... امي + ام عبدالله + اسما + ام عصام : وعليكم السلام .. قعدت يم اسما قالت امي . امي: وينه ريلج ولا ما يبي يسلم ... مارح نخلص احنا اليوم ... قلت بنفاد صبر .. هناء: يما ...ترى اللي تسوينه هذا كله ماله داعي ...سامي ماله ذنب ..إذا انتي حيل متحاملة عليه اشحقة رضيتي فيه ؟؟ لفت لي وقالت بصدمة .. امي : قدر يغيرج ..انا امج يا الخبلة ...رضيت فيه لأن طلال قالي انه ريال ما عليه شي بس طلع العكس .. صج انه ما سوى شي بس من اول ما عرفناه واحنا بمشاكل ...اولها غالية بنت عمج والحين طلال ...وما يندرى شنو رح اييج من ورا اهله انتي بعد ... ياني وخلصت السالفة من زمان ... مارديت عليها لأني مابي ادخل معاه بجدال عقيم ... الحجي ضايع بهالحالة ... شفت شهد وقعدت العب وياها ..اشتقت لهالبنت ...كل ما اشوفها ودي الله يرزقني بولد او بنت من سامي ... إذا الله اراد وحملت حزتها حياتنا انا وسامي بتتغير وتصير احلى بوايد ... طلعت برة بالحوش مع شهد والعب وياها ... ومر الوقت ..شفت سامي طالع من الديوانية ووراه طلال اللي يمشي بعكازة لين ما الله يشافي ريله ... واشك ان بينهم شي ..لأن سامي طلع بويه غير اللي دخل فيه ... ان شاء الله خير ... شلت شهد ورحت لهم اللي اول ما شافت سامي مدت ايدها تبيه يشليها ..اخذها عني وهي قامت تصرخ وتضحك ..وتعلقت فيه بجنون ...لهدرجة تحبه ؟؟؟.. ومنو ما يحب سامي ؟؟ في البداية كنت اكرهه لأني اخذني من احلى حب كنت عايشته ..ما كنت ادري انه بعيشني بأحلى حب ... انتبهت لطلال اللي وقف يمي وقال بهمس .. طلال : ها كاهو ريلج وراضيناه .. بعد اشتبين ؟؟ التفت له متفاجأة وقلت بهمس بعد عشان لا ينتبه سامي .. هناء :راضيته والله ؟؟ هز راسه وهو يبتسم لي ...مسكت ايده وقلت بامتنان .. هناء: الحمدلله ... انا كنت خايفة ان المسالة تتطور ويصير خلاف بينا .. شفت سامي يرفع شهد فوق وهي تضحك وكملت.. هناء: ما تتصور اشلون كان متضايق قبل لا انييكم ... عباله لسة انكم حاطين عليه ... تسند طلال على العكاز وقال .. طلال : لا ما يهون علينا سامي ...مهما صار منا وفينا ..بعدين ما كان مبين عليه ان زعلان اصلا حتى لما اعتذرت له قالي ماله داعي اصلا ما صار شي .. طالعته لقيته يضحك مع شهد ويمسك خشمها ويشده ... بعدين التفت لطلال وقلت .. |
هناء: المشكلة الحين امي ... حاطة عليه جنه ماكل حلالها... طلال :امي ؟؟ ...وانا اقول اشحقة عصبت لما قلت لج يبي ريلج ... هناء: هي حاطة عليه من سالفة عالية ...وزودتها لما انعدمت انت ..والحين توني بغيت اتهاوش وياها جدام خالاتي .. تنهد وقال .. طلال : امي سالفة عودة ...احاول اعرف السبب وارد لج خبر ..وان شاء الله نحاول انا وانتي نرد المياه لمجاريها ... ومشى لسامي بعكازه وقال .. طلال : بس ما مليت منها .. ضمها له وقال .. سامي: هاذي حبيبتي ما اقدر امل منها ..صح شهودة ؟ هزت راسها وهي مو فاهمة شي ..وقالت جنها توها تستوعب .. شهد : سامي ..انا احبك .. باسها سامي وقال .. سامي : يا قلبي ..وانا اموت فيج ... اشرايج تيين تقعدين عندي اليوم ؟؟ شهد : انام معاك ؟؟ سامي: تنامين وتاكلين وتطالعين توم وجيري في بيتي ...حلو ؟؟ صفقت هي بايدينها بفرح ..ابتسمت عليها ..فقال طلال .. طلال : ها شهودة مليتي منا ؟؟؟ خلاص خلاص مافي دكان مرة ثانية ... لف له سامي وقال .. سامي: ليش توديها الدكان انت ؟؟ قرب طلال من شهد ومسك خدودها وقال يرد على سامي .. طلال: كل يوم ...صح شهودة ؟؟ لف سامي لشهد وقال بتعب .. سامي : شهودة شقلنا عن الحلاو ...خلاص مافي نوم معاي ولا في توم وجيري .. قالت وهي تمسك سامي تطوقه من رقبته .. شهد : خلاص خلاص مااروح مرة ثانية ... ضحكنا عليها .. مشينا للبيت ومعانا شهد ...وبالطريج كانت شهد بحظني .. الاعبها ...وهي تضحك ببراءة ... ابتسمت عليها ..والتفت لسامي ..وقلت .. هناء: الله لو يكون عندنا ياهل مثلها ... لف لي وطالعني بنظرة غريبة وقال .. سامي: مو وقت اليهال الحين ... سمعتها الجملة من قبل بس ما اعرف سببها فقلت .. هناء: ليش عاد ؟؟ هز جتوفه ببساطة وقال .. سامي: بس جذي ... مابي الحين على الأقل ... قلت بعناد ..لازم اعرف السبب .. هناء: قولي سبب مقنع .. تنهد وما رد ..فقلت وانا اقعد شهد لا تطل من الدريشة .. هناء: احنا صارلنا سبع شهور متزوجين .. مو معقولة الناس مارح تكلم عنا ..إذا ما تكلمت الحين باجر سالفتنا على كل لسان .. طالعني بتعجب وقال .. سامي : اللي يسمعج يقول مسويين جريمة ..مانبي عيال غصب ؟؟ هناء: لا تقول ما نبي ..قول مابي ... تكلم عن روحك ... طالع جدام وقال بملل.. سامي: مابي ..انا مابي ..ارتحتي ؟؟ بغيت اتكلم بس وصلنا البيت نزلت ومعاي شهد .. انا ماادري كل ما اييب له هالسالفة يرد علي ببرود ... بدلت هدومي وهدوم شهد ..ورحت المطبخ اسوي العشا ...سمعت صوت الباب يتبطل ..طنشته وكملت شغلي وشهد قاعدة على التلفزيون تطالعه سبيس تون .. لما خلصت طلعت من المطبخ وبايدي الصينية والسماط .. فرشت على الأرض وحطيت الأكل ... هناء: يلا شهودة ..عشا .. يبتها وقعدتها بحظني ... وبديت اوكلها ... وانا مطشنة سامي على الآخر ... سامي: يعني ما آكل ؟؟ رفعت راسي له وبايدي خبزة بوكلها لشهد .. وقلت .. هناء: جدامك الأكل ...تبي تاكل اكل .. تنهد وقال .. سامي : انا ماادري من كل شي تسوين منه سالفة ... مارديت عليه وكملت اللي كنت اسويه ..قعد ومد ايده وقصر على الصوت ... وطول العشا ما تكلمنا .. بس ابي اعرف اشحقة ما يبي يهال ...عيل اشحقة متزوج ؟؟ نطالع بعض ؟؟.. بعد ما خلصت شهد كليت شوي بعدين خليتها تتابع التلفزيون ..قمت انا وشلت الصحون اللي خلصت منهم ووديتهم المطبخ عشان اغسلهم ... انشغلت بغسل الصحون ما حسيت إلا بشعري ينشد .. هناء : آآي .. ولفيت لقيته سامي ..الصراحة انصدمت ..عبالي شهد لأنها دايما تشد شعري جذي إذا تبيني ... سويت روحي معصبة ولفيت عنه ...وقف يمي اقصد لزق فيني فقلت اتصنع العصبية .. هناء: نعم ؟؟ خير ؟؟ اشتبي لازق ؟؟ قرب من اذوني وقال بهمس .. سامي: ما تعرفين تمثلين .. الله يا واثق ... لفيت له وطالعته باستخفاف وقلت .. هناء: لا انت اللي تعرف ... بس فكني مابي احاجيك .. مسك ايدي وبعدها عن الحنفية وقال وهو يغطيها بايده الثانية ويبتسم بحب .. سامي: افا ..اهون عليج .. الصراحة لأ ... بس سحبت ايدي من ايده ورديت فتحت الحنفية وحطيت ايدي تحتها وقلت وعيوني على الماي . هناء: وانا اهون عليك ؟؟؟ بدل ما تحن فوق راسي عشان العيال تقولي مابي يهال ... طوقني من خصري ويرني ناحيته وقال وهو يحط راسه براسي ويقول .. سامي: تزعلين إذا قلت لج اني مابي احد يشاركني فيج ؟؟ طبعا انا ويهي ما اقدر اعبر عنه ..قلب صار طبول عرس داخل ... حطيت ايديني على جتفه وقلت بدلع .. هناء: هذا مو مبرر ..انا بعد مابي احد يشاركني فيك ...بس .. قاطعني وقال .. سامي : شنو ؟؟ عيدي عيدي ما سمعت ؟؟ قلت وانا مو فاهمة .. هناء: اعيد شنو ؟؟ سامي: ما تبين احد يشاركج فيني ؟؟ وابتسمت ابتسامة تذبح وقال .. سامي: اخيرا قلت شي يبرد قلبي ... بعدته عني وقلت بابتسامة خجلى .. هناء: صج فاضي ..الحين انا اكلمك عن اليهال وانت طايح لي مغازل .. مات من الضحك سامي وما قدر يمسك روحه ..قلت وانا ابتسم عليه .. هناء: على شنو تضحك ؟؟ صك ماي الحنفية وقال وهو يحاول يمسك روحه .. سامي: انا قلت انتي ما تعرفين تعصبين ... وسكت يطالعني وهو يبتسم ...طالعته باستغراب وانا مستحية من نظراته ...فقلت .. هناء: لا تطالعني بهالنظرات ...تذكرني لما كنا بالسوق ... وقف يمي وقال .. سامي: واشلون كانت نظراتي ؟؟ قلت احره .. هناء: تقهر ...احمد ربك انك للحين عايش بغيت ازنطك ... ضحك وقال .. سامي : ويلوموني يوم اقول اني اموت فيج ؟؟ قلت بخجل واحراج .. هناء: احم احم ..البيت مو فاضي ترى .. قرب مني وقال بهدوء .. سامي : ما يهمني .. بيتي وانا حر اسوي اللي ابيه .. ومسك راسي وضمه بايدينه ..وباسني بين عيوني... قلبي هني وقف ...خلاص ذبت ...شايفين الأرضية ؟؟ طالعني بعدها بنظرات اول مرة اشوفه يطالعني عليها .. بسجلها بقائمة النظرات اللي دومه يطالعني فيها ... انا عيوني علقت على عيونه وركزت فيها ... جني استعرض شريط الذكريات اللي مرت بينا من اول مرة شفنا بعض بالسوق لين الحين ... ضمني له فجأة ... تحت انظاري المستغربة ... بس طوقته انا بعد .. سمعته يقول بهمس .. سامي: لا تزعلين مني .. وبعد عني شوي وكمل وقال وهو منزل راسه للأرض .. سامي: يمكن غثيتج لأني مابي يهال ..بس هناء .. وطالعني بترجي لأول مرة .. سامي: لا تيبين هالطاري ... احلفج بالله ..لاتيبين هالطاري .. استغرب طبعا ...وطالعته وانا مو فاهمة ...بس احترمت رغبته ... وقلت بعدم اقتناع .. هناء: ان شاء الله .. وابتسم لي وقال .. سامي: الحمدلله ...يلا عيل ..أخليج تكملين شغلج .. وطلع ... والله ماني فاهمتك ...مرة تكون واضح مرة تكون غامض وانتي جذي اغلب الأوقات ... مر وقت وانا انظف المطبخ واغسل الصحون ...بعدها طلعت ورحت غسلت ايدي ورحت الغرفة اييب كريم ارطب ايدي .. طلعت للصالة ..واستوقفني صوت سامي ..بس كان يغني ...سرعت شوي شفته قاعد على القنفة ومعطيني ظهره ..قربت شفته حاط شهد على حظنه ويغني لها وهو يهزها عشان تنام ... كان صوته هامس شوي بس ينسمع ... وقفت اسمعه وعجبني المنظر الصراحة ...ويقولي مابي يهال .. قطع عن الغنى ..وتنهد حسيته طالعة من القلب ..ماادري شنو فيه اليوم ...احسه أنه مجروح.. طالع شهد وقال بصوت مسموع .. سامي: نمتي ؟؟ ياحليلج ما عندج مشاكل تفكرين فيها ...ودي ارجع مثلج بس اعيش حياتج انتي مو الحياة اللي عشتها معاهم .. لا اليوم كلش مو صاحي ..ابد ... تجدمت منه وقلت .. هناء: هاتها عنك .. التفت لي ومد لي شهد ..خذيتها ووديتها الدار تنام ...ورديت للصالة ..لقيته قاعد بس سرحان ... قعدت يمه وقلت .. هناء: سامي .. التفت لي وما تكلم ... هناء: اشفيك ..متضايق ؟؟ رد طالع جدام وتنهد ...وقال بعدين .. سامي: شوي .. هناء: طلال قالي انكم تراضيتوا .. لف لي وهو يبتسم ابتسامة باهتة ..وقال .. سامي : ما تراضينا ...ما صار شي اصلا عشان نتراضى ..مهما صار انا وطلال اخوان .. ابتسمت بهدوء وقلت .. هناء: تصدق ...احسدك . سامي: على شنو ؟؟ مسكت ايده وشبكتها باصابعي وقلت .. هناء: على صبرك .. ضغط على ايدي على الخفيف وقال وهو يبتسم ابتسامة حسيتها ابتسامة الم .. سامي : اللي شفته واللي عشته خلاني اصير جذي غصبن عني ... وغمض عيونه بألم ...ماادري اشفيه اليوم ...تقربت منه وايدي لسة شابكتها بايده ... ومررت ايدي الثانية بشعره وقلت بحنان ممزوج بخوف .. هناء: حبيبي ...متضايق من شنو ؟؟ بطل عيونه وتنهد وقال .. سامي: حاس اني ... وماكمل ..طالعني وظل يطالعني لثواني ...قلت وانا ابحر بعيونه الفاتحة الكئيبة .. هناء: لا تقول خلاص اهم شي ..انك ما تفكر وايد ترى التفكير الكثير يتعب ... نزل انظاره لايدينا وغمض عيونه ...وحط راسه على فخوذي وغمض عيونه ...قلت اسليه .. هناء : عاد لا تصدق عمرك وتنام ..تراني بقطك على الأرض .. ابتسم وهو مغمض عيونه ... كملت انا وقلت .. هناء: الحين ما قلت لي عن شغلك ...ماشي عدل .. عدل من وضع رقبته ورد غمض عيونه وقال .. سامي: ربحت آخر صفقة .. وطالعني وقال .. سامي : نسيت اقولج تراني حطيت نص الأرباح بحسابج .. ابتسمت له بامتنان وقلت وانا العب بشعره .. هناء: حبيبي ..انا مابي منك شي ..ابي راحتك وبس .. طالعني شوي بعدين ابتسم لي وقال.. سامي: ولو ..انا من عرفتج وانا الحمدلله الخير زايد ..من حقج الفلوس هاذي ... هناء : انا وانت واحد .. قعدنا فترة ساكتين وهو غمض عيونه ...حسيته نام ..فناديته ..مارد علي ...يعني نام ... قمت عنه بشويش وانا ماسكة راسه وحطيته على القنفة ورحت داخل ويبت لحاف ومخدته ورديت الصالة ولحفته ...وعدلت من وضعية رقبته ... حسيت ان في هوا بالصالة تلفت لقيت الدريشة مبطلة ...عادته دايما يخلي الدريشة مبطلة ...صكيتها ورحت الغرفة مرة ثانية ... ونمت .. ما نمت عدل ..قعدت اتقلب بمكاني ..ألم في بطني ماادري اشفيها شابة علي ... آآي ... بطلت عيوني وانا مالي خلق ...حتى النوم محرومة منه ... قمت ورحت المطبخ اشرب لي شي يهدي بطني مسكت عصير وشربته ... ادري خبلة ..بطني يعورني واشرب صج ثولة بس يلا يمكن يخف لما تتحرك وتهضم العصير ...طلعت من المطبخ بعد ما خلصته .. رحت اجيك على سامي لقيته نايم على وضعيته ..رحت سميت بالله ونمت ... قمت الصبح على صوت ...فركت عيوني وتمغط بكسل ..بعدت عني اللحاف وطلعت من الغرفة ... بس الصوت رد مرة ثانية ... وكان مصدره الحمام عزكم الله .. كان الباب مبطل شوي ...دزيته وشفت سامي متسند على الحنفية وقاعد يرجع ( يتقيأ ).. شهقت بخوف ودخلت الحمام وقلت .. هناء: سامي ..اشفيك تعبان ؟؟ بطل الحنفية وغسل ويهه وبعدها سند على الحنفية بتعب وقال بصوت واطي .. سامي : شوي ... ورد يتنفس بصوت مسموع ... حطيت ايدي على يبهته واخترعت من حرارتها ..وقلت .. هناء: انت مصخن ...تعال .. ومسكته من ايده ووديته الغرفة ونومته ...طرت للمطبخ وهني رد لي ألم بطني مرة ثانية بس طنشت ... سويت كمادات ورديت للغرفة مرة ثانية ...لقيته نايم على يمينه مواجه للباب ..لما شافني ياية ومعاي الكمادات قال باعتراض وبصوته المريض .. سامي: هناء ..ماله داعي كمادات ..بس عطيني دواي اللي .. ما كمل حط ايده على حلجه وقام بسرعة من السرير ورد للحمام وقام يرجع مرة ثانية ... لا حالته ما ينسكت عنها ... قلت بخوف عليه وانا اتألم اصلا من عوار بطني .. هناء : بدق على عمي ايي .. ما كملت لأنه قال باعتراض كالعادة .. سامي: لأ ..لا تدقين .. قلت بعناد وانا اروح للصالة ادق ... هناء: بدق ...انت تعبان وايد.. مسكت السماعة بس انسحبت مني وكانت ايد سامي ..ردها مكانها وقال .. سامي: قلت لج لا تدقين على احد ..تعب بسيط وبيروح ... بغيت اعترض بس قال .. سامي: باكل دواي وبخف ان شاء الله .. يبت له الدوا وبعد ما كلاه انسدح على القنفة ...لحفته عدل ..وقعدت يمه على الأرض وألمي كل ماله ويزيد .. انتظمت انفاسه وعرفت انه نام ...حطيت ايدي على يبهته ولقيتها لسة حارة ...مسكت ايده وبديت امسح عليها ... امس ما كان فيه شي ... فطع تفكيري صوت التلفون ...قمت وايدي على بطني ... هناء: السلام عليكم.. الطرف الثاني : وعليكم السلام ...اا ..اختي استاذ سامي موجود ؟؟ لفيت لسامي النايم وقلت .. هناء: ئي موجود بس نايم هو الحين .. قال بتفاجأ .. الطرف الثاني : نايم ؟؟ هناء: ئي نايم ..اقوله منو إذا قعد ؟؟ الطرف الثاني: قولي له عادل ...وإذا قعد خليه يدق على المكتب ضروري لو سمحت .. هناء: ان شاء الله .. صكيت السماعة ... "منو؟" التفت لسامي وكان صاحي ...قلت وانا اتجدم منه .. هناء: انت ما نمت ؟؟ بعد عنه اللحاف وقال .. سامي: لأ ...بس ارتحت شوي .. وقف وهو ماسك اللحاف وقال .. سامي: ما قلت لي منو؟؟ هناء: واحد اسمه عادل يبيك ضروري .. استغرب بس راح داخل ...قعدت انا على القنفة والألم مو راضي يروح ... شفته يلبس هدومه .. قلت ... هناء: وين ؟؟ سامي : بروح المكتب ..عادل إذا دق يعني في شي ..لازم اروح ...يلا عمري مع السلامة .. وطلع بسرعة حتى ما خلاني اقول شي .. المهم انه خف ...وضغطت على بطني وتأوهت ...ماادري اشفيني اليوم ...الحمدلله ان اليوم خميس يعني عطلة ... رحت الغرفة ونمت ..بس تلفوني دق هني ..مسكته وكانت غالية ...اشتبي هاذي بعد ؟؟ مسكته وايدي على بطني وقلت .. هناء : هلا غالية ... غالية : هلا هناء ...تقدرين تيين ..اا ...تيين عندي ؟؟ حسيتها مترددة فقلت .. هناء: ايي عندج ؟؟ ليش ؟؟ غالية : في موضوع مهم ما اقدر اقوله لج بالتلفون ... يا كثر مواضيعج المهمة ... قلت .. هناء: ئي بس مااقدر اطلع وزوجي مو موجود .. قالت بإصرار عجيب .. غالية: مو مهم ...دقي عليه وقولي له انج رايحة السوق ...هناء تعالي بسرعة .. استغربت .. هناء: لهدرجة الموضوع مهم ؟؟ غالية: اكثر مما تتصورين .. امري لله ...شسوي بعد ... هناء: خلاص بيي انتي وين ؟؟ غالية: انا ...اا...انا عند عصام ... شهقت ...بطلت عيوني مصدومة ...قلت باندهاش .. هناء: شنو تسوين عنده ؟؟ بجت هي هني ..فقلت .. هناء : غالية ردي علي ..انتي شنو تسوين عنده ؟؟ هالمرة مو غالية اللي ردت علي ..عصاموه .. عصام : عندج ربع ساعة تيين عندي ..ولا تعرفين شغلج .. وصك السماعة ... لا هذا ما ينسكت عليه ابد ..بدلت هدومي ورحت ركبت سيارتي وشخطت لبيته ...وانا مطنشة كل شي ..المي وعدم استئذاني من سامي ... وصلت فوق وطقيت باب الشقة بقوة ..واخيرا تبطل ..وكانت غالية المبطلة ... قلت وانا اتقرب منها .. هناء: انتي مينونة تيين عنده ؟؟ كنت واقفة عند عتبة الباب ...ماحسيت إلا بايد تسحبني وتدخلني وتصك الباب ...لوى ايدي بقوة فصرخت متألمة ..وهو قال بعصبية .. عصام : تلعبين علي هناء ؟؟...انا عصام تيين انتي تلعبين عليه ...والله اوريج .. حاولت ابعد ايدي عنه بس كل ماله ويلويها بقوة اكبر ..كنت اقول .. هناء: هد ايدي رح تكسرها .. غالية: عصام مو جذي ..انت ما وعدتني انك ما رح تأذيها ؟؟ صرخ عصام بغالية وقال .. عصام : جب انتي ... والتفت لي وهد ايدي ومسك ذراعي ... عصام : وين الشريط ؟؟ هناء: اي شريط ؟؟ ضغط بقوة اكبر وقال وهو يهزني .. عصام: شريط اللي سجلتي فيه صوتي ..طالعتلي فيها ذكية يعني ؟؟ ولا شايفة روحج كونان ؟؟ دزيته بعيد وقلت بعصبية .. هناء: وانت عبالك اني بعطيك فلوسك جذي بدون ما ابهدلك واخليك عبرة لكل الناس ؟ انت غلطان ... دزني على القنفة واخذ جنطتي وطلع كل اللي فيها ...واغراضي تطشروا بالأرض ومعاهم طبعا الشريط اللي حطيته بالجنطة من ذاك اليوم وما طلعته ... شفته يكسره .. مسك الملف اللي فيه الصور وقال وهو ماسك رقبتي ويحطه جدام عيوني .. عصام : شايفة هالملف ؟...شايفته؟؟ اليوم بيكون عند ريلج ... وبعد عني شوي والتفت لغالية الواقفة تبجي ... عصام: وانتي ...ان ما خليتج تبجين دم ما اكون عصام العالي ... استغليت انا هاللحظة وهجمت على ايده واخذت الملف ...وقمت بسرعة قبل لا يمسكني ودورت على المطبخ والحمدلله كان اول غرفة شفتها ...دخلتها وصكيت الباب ..وركضت للطاولة ودزيتها ...وهني زاد علي ألم بطني اضعاف بس طنشته ... خليتها عائق عن فتح الباب ... وبسرعة فتحت الملف وايدي رجف طاحت بعض الصور ...دورت على جبريت وقمت اتلفت وهني طاحت عيني على الباب ...شفته شوي مبطل ووهو يحاول يدز الباب .. رقع قلبي وايد ...طنشته واخيرا لقيت الجبريت ...من رجفة ايدي طاحت جباريت ( اعواد الثقاب) من ايدي ..مسكت وحد وولعتها ..ومكست الصور وقربت النار منها ..بس هني انفتح الباب بقوة ...بس مع ذلك طنشت وولعت بالصور..بس مسكهم عصام بآخر لحظة ... ودزني بعيد ...طحت على الأرض وصرخت من الألم ...بس مسكني وخنقني وقال بصراخ .. عصام: تبين تحرقينهم ؟؟ انا الحين بحرقج ... مسكني ويرني وراه وانا اطق ايده واصرخ ..بس لا حياة لمن تنادي ...زاد المي وعوار بطني ... ماحسيت إلا انا محذوفة بالأرض وعلى غالية ...طحت عليها ... قال بعصبية .. عصام : بتقعدين لين ما انا اقرر شي ثاني ... وصك الباب وقفت انا ورحت للباب اطقه واصرخ .. هناء: بطل الباب ..... وطقيته عدة ضربات قوية ..بس ماكو رد ... قفله علينا ...انهرت عند الباب وانا ابجي .. طالعت غالية وقلت .. هناء: منو قاله عن الشريط ؟؟ سكتت وماردت علي ...قمت انا وقلت بصراخ .. هناء : انتي قلت ليه ؟؟؟ ماردت علي بس اكتفت بالدموع .... ما حسيت روحي إلا وانا ادزها واعطيها جم طراق ... هناء: انتي مينونة ؟؟...ليش ؟؟ قالت وهي تحاول تبعدني عنها .. غالية: هددني بالصور ..تبينه يوديني فداهية ؟؟؟ قلت بصراخ مينون .. هناء: داهية تاخذج وتفكني منج ... وسكت اخذ نفس ودموعي مو راضية توقف ...قلت بحسرة .. هناء: الحين اشلون نطلع ...اشلون ؟؟؟ سمعت صوتها تبجي قلت محترة منها .. هناء: انطمي ..مابي اسمع صوتج ...مابي ... مازاد هذا إلا من نحيبها .... ياربي شسوي الحين ؟؟؟ وين قاعدين احنا يحبسنا ؟؟ والله احس اني دخلت عمري بلعبة انا مو قدها ... انا خلاص بعلم سامي عن كل شي ...ايي يتصرف مع هالمختل عقليا ... الله ياخذ الصور ..اللي فيها فيها .. تذكرت التلفون ..بس هو من ضمن الأغراض اللي طاحت بالأرض اللي نبشهم عصاموه المينون ... سامي لو حس بغيابي بروح فيها ...والله لو درى اني طلعت من البيت بدون ما يدري بيذبحني ... آآآه بطني .... ضغطت على بطني احاول اخفف الألم ... لما شافتني غالية دايحة على الأرض اتأوه قربت مني حطت ايدها على جتفي وقالت بخوف .. غالية: هناء ...اشفيج ؟؟ سحبت نفس وقلت بضعف .. هناء: بطني يعورني .. حسيت فجأة بدوخة ... مسكتني ونومتني على فخوذها وعدلت شيلتي وعباتي علي ...وانا مغمضة عيوني مو قادرة اتحمل الألم .. بهاللحظة سمعنا صوت المفتاح والباب يتبطل ...عدلت من قعدتي ...شفته واقف عند الباب ويقول .. عصام: طلعوا ...يلا .. اسندتني غالية وقفنا وطلعنا من الغرفة ... قلت وانا اضغط على بطني وبألم.. هناء: بقول للشرطة انك حبستنا هني ...وبعلمهم كل شي .. قعد وقال بضحك .. عصام : قولي لهم ...انتي ناسية انج ياية بكيفج ؟؟ تراني مسجل كل كلمة تقولينها وقلتيها من اول ما ييتي اول مرة لين الحين ... ولما ريلج يشوف الصور ...بيفرح وايد ..صدقيني ... قالت غالية وهي تطالع عصام بحقد .. غالية: يلا هناء ...الله ييعاقبه ...امشي .. عصام : لحظة ...اخذوا اغراضكم ... لمت غالية اغراضي وحطتهم بالجنطة ... وطلعنا ... ركبنا السيارة ...سندت على السكان وانا مو قادرة .. اطلقت أهة ..قالت غالية .. غالية: هناء ..دقي على ريلج ايي ياخذج .. مينونة ادق عليه ... التفت لها وقلت بصوت مخنوق .. هناء: شنو اقوله ؟؟ انا عند عمارة عصام ؟؟؟ بيكرني .. ومسكت بطني ..وشغلت السيارة ...وصلت غالية بعد جهد جهيد ... ورحت البيت ...الحمدلله وصلت بدون ما اسوي حادث ..طبعا كان في مكالمات من سامي مارديت عليها اصلا ما قدرت .. يا ويلي منه ... اكتشفت انه عصاموه حبسنا بس ساعة عشان لا ينكشف النذل ...بس انا خلاص بقول لسامي كل شي ...كل شي ..وهو كيفه عاد .. طول الطريج للشقة احس بدوخة تروح وتيي علي ...بذلت مجهود خارق عشان اوصل للشقة ..بطلت الباب ودخلت وانا عارفة مارح اخلص من سامي .. بس انصدمت لما شفته نايم على الكرسي ..ِكله كان ينطرني ... هديته وبصعوبة رحت بدلت هدومي ... حسبي الله عليك من بني آدم ..انت مستحيل تنعد من البشر .. نزعت عباتي ..بس ما قدرت بطني زادت علي ... بسرعة رحت الحمام ... وتسند على الباب هني حسيت اني مبللة ...طالعت الأرضية ...لقيت قطرات من الدم نازلة .. شنو هالدم ؟؟ بس ما قدرت افكر لأني حسيت بدوخة .. ماادري من وين يتني القدرة اني افتح باب الحمام عزكم الله ..وناديت على سامي ... هناء: سـ....ا...سامـ..ي.... وانهرت على الأرض ...مارد علي ...عليت صوتي اكثر .. هناء: سا.....ا.....مي.. وقمت اتأوه بصوت عالي .... اخيرا حس علي ...بس للأسف بآخر لحظة لأني ...حسيت اني اطيح على الأرض ... والدنيا ...ظلمت جدامي ... |
الحلقــــة الرابعة والعشرون "الفاجعة" مرت جدامي مواقف كثيرة ...عشتها لحظة بلحظة ...من اول ما تخرجت من الثانوية لين ما رديت البيت آخر مرة وطحت هناك ... حاسة روحي مخدرة ...واشياء تعيقني عن الحركة ...بطلت عيوني بس بسرعة رديت صكيتهم لأن الضوء عماني ...سحبت نفس بعدين رديت بطلتهم .. السقف فوقي .. تلفت لقيت سامي واقف عند الدريشة يطالعها وهو متجتف ... حاولت اقعد بس عوار بطني منعني ... اطلقت اهة وغمضت عيوني متألمة ... سامي: هناء .. بطلت عيوني شفته واقف جريب من السرير ...لما تأكدت اني صحيت ..قعد يمي وقال وهو يمسك ايدي وبشوق .. سامي: اخيرا قعدتي ...حمدلله على سلامتج حبيبي ... بللت شفايفي وبلعت ريجي وقلت بصوت ضعيف ... هناء: شلي صار ؟؟ بغى يتكلم بس تبطل الباب ودخلت امي وخلود والبنات ومعاهم غالية ... امي اول ما شافتني صايحة ..يتني بسرعة وقعدت يمي وحضنتني .. سمعت خلود تقول .. خلود : خالتي شوي شوي ... ابتسمت انا وامي قالت .. امي: خليني خلود يما .. وطالعتني وقالت .. امي: اخيرا قعدتي ... حمدلله ..الحمدلله .. قلت وانا اتسند على المخدة .. هناء: الله يسلمج ... بغيت اتكلم واسأل شنو صار فيني بس ما اقدر بطني ذابحتني .. تلحفت عدل وطبعا مدام بنات وامي وخالاتي اللي يو توا اكيد بتحلى القعدة وبنسى كل شي ...لاحظت ان سامي انسحب من اول ما دخلت امي والبنات .. شفت امي تقعد يمي وتقولي بحنان .. امي: اشفيج ساكتة حبيبتي ؟؟ التفت لها وابتسمت وقلت .. هناء:ماكو شي .. قربت امي مني وقالت بهمس .. امي : الله يعوضج بدال الواحد عشرة .. المهم صحتج .. استغربت .. هناء: عن شنو تكلمين يما ؟؟ قالت وهي تسند على المخدة يمي .. امي: هناء ..انا اعرفج لما تزعلين .. هذا واحد وراح الله يعوضج ان شاء الله .. بس انتي لا تزعلين ما صدقنا قعدتي بالسلامة .. امي شقاعدة تقول ؟؟ اي يعوضني اي زعل ؟؟ شنو السالفة ؟؟ هناء: يما ..انا مو فاهمة شي .. انا اصلا ابي اعرف انا ليش موجودة بالمستشفى ؟؟ طالعتني باستغراب وقالت .. امي: انتي من صجج ما تدرين ؟؟ هناء: لأ ..ليش ؟ طالعتني بتعجب بعدين قالت اخيرا .. امي : انتي اجهضتي ... قالتها ببطء وخوف .. بس انا ظليت جامدة صرت لوح خشب ... شنو ؟؟؟ اجهضت ؟؟ يعني انا كنت ..... كنت حامل !!!!!! يعني الألم اللي كنت احس فيه ..والدم اللي نزل مني كان .... لأ ...جذب ....جذب ...مو صج ... مرت جدامي اللي صار معاي بشقة عصام واشلون كان ايرني ... ارتجفت شفايفي وبدت دموعي تنزل .... قربت مني امي وقالت بخوف علي .. امي : يما لا تبجين ...مثل ما كنتي حامل بتحملين ان شاء الله مرة ثانية ... تجمعوا حولي يهدوني ..ودموعي تنزل وانا مصدومة للين الحين اللي قالته امي مو داخل مخي ... ام عصام : يما هناء...ان شاء الله تحصلين اللي احسن من الياهل اللي راح .. احصل احسن منه ؟؟؟ افقدني حلمي حسبي الله ونعم الوكيل ... قمت اصرخ وابجي وانتحب ...لدرجة ان امي والباجي خافوا ..ونادوا الطبيب ...شفت طلال وسامي اللي بسرعة مسكني يهديني جلبت فيه مثل المينونة وقمت اقول كلام مو مفهوم ... هناء: كله منه ...كله منه ... لمني سامي وقعد يقرا علي .. سامي : اسم الله عليج ...هناء شصار عليج ؟؟ دزيته وقلت بصراخ .. هناء: طلعوا برة ...طلعوا برة ..مابي اشوف احد ...برررررررررة.. حسيت ان في احد يمسكني ونومني غصب وانا ارافس واصرخ احاول اني افج عمري .. مسكتني الممرضة غصب ويا سامي اللي شد علي ...ويقول .. سامي: هناء اهدي ...اهدي ... بس انا قمت اصرخ ..وطالعت سامي وتكونت لي صورة عصام ... فلت ايدي من ايدي الممرضة غصب ومسكت سامي من قميصه وقمت اصرخ بويهه .. هناء: كله منك ..انت اللي موت ولدي ...انت .. ما قاومني سامي وظل يطالعني مصدوم ... مدهوش من اللي اقوله ...بس هني مسكتني الممرضة وشفت الطبيب يجهز الأبرة بسرعة فقلت وانا اصرخ .. هناء: لأ ....لااااا ...وخروا عني ... بس ولا كأن احد سمعني .. غرس الأبرة بايدي وبعدها ...ما حسيت بشي ... بطلت عيوني تلفت حولي ايقنت اني بنفس المكان ...تذكرت كل شي ...دمعت عيوني مرة ثانية ..وقمت انتحب ... ضيع املي ...الله ياخذه ...الله ينتقم منه .. قمت اخذ نفس اهدي عمري ودموعي تنزل ... سمعت صوت الباب يتبطل ما تعبت روحي ولفيت اطالع منو غمضت عيوني ولفيت الناحية الثانية متمنعة ومتصددة ...قلت وانا اغمض عيوني وتنزل منها دمعة .. هناء: مابي اشوف احد .. سامي : ولا انا ؟؟ التفت وقلت بوقاحة انا استغربت منها .. هناء: مابي اشوف احد ..اتكلم عربي على ما اظن .. قعد يمي بس انا صديت عنه الناحية الثانية ... سامي: هناء ...اللي صار مو بايدج ..الله كتب ان هالياهل يموت .. يمكن ارضى اني اسمع لو كنت بحالة احسن بس وانا بهالحالة المتردية مستحيل ...وطاري الياهل بروحه يخلي الشياطين تنطط جدامي .. التفت له وانا بعيوني شر ...وقلت وانا احط ايدي على بطني اخفف الألم .. هناء: انت تعرف شنو مريت فيه ؟؟ انت تدري شنو صارلي ؟؟ ما تعرف ...لأنك ما جربت ..لا تسوي روحك متعاطف وياي ..انت اصلا ما كنت تبي الياهل ... وقربت منه وقلت بحقد . هناء: انت السبب في موت هالياهل ... وعمري مارح اسامحك ..ابدا .. ورديت نمت وبس معطيته ظهري ... ما همني شنو حاس فيه الحين ..زعل ولا ما زعل ... ما سمعت صوت وخمنت انه انسحب .. غمضت عيوني بألم ... اليوم الثاني ... يوا الأهل وزاروني وانا قاعدة معاهم بس عقلي مو وياهم ابد... صايرة عصبية ومو طايقة احد .. العصر يتني امي وطلال بس .. وامي يت بذكر السالفة اجهاضي مرة ثانية .. امي: وليش ريلج ما اييج ولا خلاص اجهضتي ما يبيج ؟؟ قال طلال معترض .. طلال: يما الله يهداج ..اشقاعدة تقولين ؟؟ التفت له امي وكملت .. امي: قاعدة اقول الصج ... ولفت لي .. امي : ريلج هذا ماادري على شنو شايف عمره ..مغرور ورافع خشمه .. غمضت عيوني انا ولفيت الناحية الثانية مالي خلق اتكلم ..اصلا مابي اشوف احد .. طلال : يما ..سامي مافي احسن منه ...انتي ناسية انه حذرنا من عالية ؟؟ امي : قصدك هو اللي وصلك لحالتك هاذي ...هو واهله ...كافي ان احنا مزوجينه بنتنا بدون رضى امه وابوه .. تنهدت بضيق ...بغيت اسكتهم كلهم بس سمعت طق على الباب ...قام طلال بعكازته وبطل الباب .. طلال : حياك سامي ... تأففت امي ..اما انا ..لحفت عمري وصديت عن الباب .. سامي: السلام عليكم ... امي + طلال : وعليكم السلام .. سامي : اشلونج عمتي ؟؟ قالت امي باحتقار .. امي: هلا .. طلال: حياك سامي ...اقعد .. هالمرة وجه طلال حجيه لي وقال .. طلال : هناء ..ريلج موجود لفي سلمي عليه .. اففففففف ...قلت بعصبية وقرف .. هناء: خير ؟؟ نعم ؟؟ طالعني بألم وما تكلم .. بس سحب نفس يهدي عمره ... هناء: انا قلت مابي اشوفك غصب حتى اشوفك ؟؟ والتفت لأمي لعلمي المسبق بكرهها لسامي .. هناء: يما مابي اشوف احد ... قالت امي هني .. امي: سمعت شقالت .. هني تدخل طلال وقال وهو ايير امي .. طلال : يما احنا مالنا شغل ..امشي خل نطلع .. طالعتني امي وطالعت سامي بحقد وقامت ... اول ما طلعت امي قام وسامي وقعد يمي وقال بحزن .. سامي : لهدرجة شوفتي تلوع جبدج ؟؟ قلت بحقد .. هناء: واكثر ...ممكن تطلع برة ؟؟ تنهد بس قال بعناد .. سامي: ماني طالع ... طالعته بكره ...صج كارهته بهاللحظة ..وقلت وانا اصد عنه واتلحف .. هناء: لا تطلع ...تراني حيل ميتة فيك ماابيك تطلع .. بس مسك ذراعي واجبرني اني اطالعه ...وقال يحاول يمسك روحه لا يعصب .. سامي: عندي سؤال واحد وابيج تجاوبيني عليه وبعدها بطقاق اللي يطقج .. قرب من ويهي وقال ببطء .. سامي: انتي وين كنت قبل ما تردين البيت ؟؟ بهت ...ظليت اطالعه مصدومة من سؤاله مو عارفة شنو اجاوبه ..فقال وهو يضغط على ذراعي اكثر .. سامي: انتي اشلون تطلعين بدون ماادري؟؟ ادق عليج ما تردين ...ممكن اعرف وين ذلفتي ؟؟ سحبت ذراعي منه وقلت بارتباك وعصبية . هناء: كنت بالسوق ...يعني لازم كل ما اطلع استأذن منك ؟؟ طالعني بصدمة اول شي بس بعدين قال بعصبية وهو يطق راسي على الخفيف .. سامي: انتي صج ما تستحين ..ينيتي ؟؟ شكلها الطيحة اثرت بعقلج ... بعدت ايده بعصبية وقلت بصراخ .. هناء: لا تطق ...انا كيفي اسوي اللي ابيه ...اطلع وادخل محد له شغل فيني ... مسكني من رقبتي وشدني ناحيته ..الحركة هاذي خلت الألم يشتد في بطني ..قرب مني اذني وايد وقال بصوت عصبي .. سامي: لولا خوفي من ربي كنت ذبحتج هني ... ودزني وقال يكمل بوعيد .. سامي: هناء...لا تخليني اقلب للويه الثاني ..تراني مجرم واسوي اي شي ... فيستحسن انج تقولين لي وين كنتي ؟؟ قلت وانا ابجي واصرخ .. هناء : قلت لك كنت بالسوق ..شنو انت ما تفهم ؟؟ هني لأول مرة مد سامي ايده بس وقفها بنص الطريج ...بغى يصكني كف بس وقف ... سحب نفس وغطى ويهه بايدينه وبدا يتمتم .. سامي: استغفر الله ...استغفر الله . وبعَدهم وقال بعصبية .. سامي: ارتحتي ؟؟ لازم تطلعيني من طوري يالله تستناسين ؟؟؟ هز راسه باستنكار وطلع ... اما انا ..ظليت طول الوقت مصدومة ...اول مرة يسوي جذي ...اول مرة ... يمد ايده ... تجمعت الدموع في عيني وبدت تنزل ... قمت ابجي بصوت عالي ... واطق ويهي بايديني جني مينونة ....دخلت علي امي ولما شافت حالتي جذي يتني بسرعة وبخوف ... امي: شنو سوى فيج ؟؟؟ يعله ما يربح لا دنيا ولا آخرة ...اسم الله عليج ..اسم الله عليج ... هاذي بعض الجمل اللي قالتهم امي ..الباقي ما سمعته لأني نمت .... ظليت على هالحالة ثلاثة ايام لين ما ياه اليوم اللي اطلع فيه من المستشفى ...وطول هالثلاثة ايام ما ياني سامي ولا سأل .. وهذا اللي مكدرني ..كل ما اتذكراللي صار ابجي بدل الدموع دم ... كنت قاعدة اطالع امي ترتب هدومي بالجنطة ...تبطل الباب فجأة ..وكان سامي .. طبعا فرحت لما شفته بس سويت روحي ثقيلة وزعلانة وانا من داخلي اتقطع الف مرة ...اللي صارلي مو شوية ... وهو ما قدر حالتي النفسية وبدا بالهجوم ... سامي: السلام عليكم .. امي : وعليكم السلام .. طبعا قالتها وهي معطيته ظهرها ...اما انا قلبت ويهي الناحية الثانية .. سامي: إذا خلصتي انا برة .. وطبعا كان يوجه الكلام لي ..فقلت وانا التفت له وبعناد .. هناء : انا بروح مع امي ..بروح بيتنا .. كأنه توقع هالشي ..ابتسم بقهر وقال .. سامي : للاسف بتيين معاي .. امي هني التفت له وقالت .. امي: خلها ترتاح عندي شوي .. مستعيل عليها يعني ؟ سند سامي على الباب وتجتف وقال ببرود .. سامي : وايد .. وبطل الباب وقال بأمر .. سامي: خلصتي انا برة ... طلع وصك الباب .. امي: عمى ان شاء الله ...قلت لج مغرور هذا ... نزلت راسي بأسى ... انا ادري ليش يسوي جذي ..يبي يتوحد فيني عشان يعرف وين كنت ذاك اليوم ... هني تذكرت كل شي ..واللي صار ...منعت نفسي اني ابجي ..ولما خلصت امي مسكت الجنطة بس قالت .. امي : خليها انا بشيلها ..انتي بتيين معاي ...امشي .. لا بتصير هوشة ...وسامي معند ...وسامي ماكو اعند منه ...بغيت اعترض بس امي مشت جدامي ...طلعنا من الغرفة مالقينا احد .. مسكت امي نقالها ودقت على عصام لأن طلال ما يقدر يسوق ... نزلنا تحت وظلينا واقفين برة لين ما ايي عصام ... ما اهتميت وين يكون راح سامي ولا فكرت اصلا ... المهم عندي اني اروح البيت وانام تعبانة وايد ... وصل عصام وبنفس الوقت شفت سامي طالع من باب المستشفى ...مسكت امي فانتبهت علي وقالت بثقة .. امي: ماعليج منه ...باخذج عندي لا تحاتين .. الله يستر ... |
قرب سامي منا ... وكانت مبينة عليه علامات العصبية ... بغى يتكلم بس نزل عصام من السيارة وقال وهو يبتسم.. عصام: هلا سامي ...اشلونك يا القاطع ؟؟ التفت له سامي على مضض وابتسم بويهه مجاملة وقال .. سامي: هلا والله عصام ..شخبارك ؟ عصام : انا الحمدلله ... والتفت لأمي وقال .. عصام: وهذا هو سامي وصل يعني انا خلصت مهمتي .. امي قالت بعناد وهي تطالع سامي .. امي: لا ما خلصت ...انت بتوصلنا بيتنا .. قال عصام بتساؤل .. عصام : اوصلج انتي بس خالتي ؟؟ بغت تتكلم امي بس سامي قال .. سامي: ئي بس عمتي .. ولف لي وقال .. سامي: امشي .. بس انا وقفت ...مابي اروح معاك ابي ارتاح شوي حرام عليك ارحمني ...ولما شافني واقفة قال يطالعني بحقد بس يحاول يخفي هالنظرات .. سامي : امشي ... امي قالت بعصبية .. امي : ما تبي تروح معاك غصب ؟؟ مارد عليها سامي بس كلمني وقال.. سامي : يلا هناء .. مابي ...ليش مو راضي تفهم .. قلت اخيرا .. هناء: انا بروح مع عصام وامي ..بيتنا .. قالت امي منتصرة .. امي: سمعت ؟؟ ومسكت ايدي وبغينا نركب السيارة ..بطلت امي الباب الوراني وبغيت اركب بس سامي صكه بقوة ..اخترعت ... وقال بتهديد .. سامي: هناء...آخر مرة اقولج امشي ... استنبط عصام هني ان في شي بينا ...فقال يهدي الوضع .. عصام : يا جماعة هدوا ..اشفيكم ؟؟ وطالعنا يبي يفهم ... بس ما تكلمنا بس ظلت نظراتنا الحاقدة لبعض هي سيدة الموقف ... بس تكلم سامي اخيرا .. سامي: ها ؟؟؟ بتيين ولا .. ما كمل لأني اعرف شنو رح يسوي ... سامي مينون إذا عصب ..يسوي أي شي ... بس امي قالت بعناد مو راضية تخلي اليوم هذا يعدي .. امي : انت ليش مقفل ؟؟ قلنا لك ما تبي ... طالع سامي امي بعصبية وقال .. سامي: حاجيت مرتي انا ... قلت لكم سامي يصير مجرم إذا عصب ..واوقح منه مافي ... فقلت انا بعصبية ... هناء: لا تحاجي امي جذي ... ابتسم بعصبية وقال .. سامي: آسف ..ممكن تيين الحين؟؟ ..لأني بدا عندي العد التنازلي ... هديت امي ومشيت ناحيته وقلت .. هناء: ماني ياية ..ابي اقعد عند اهلي ..حرام ؟ طالعني كأنه وده يزنطني ..بس قال بهدوء .. سامي: انا قلت كلمة وحدة بتيين يعني بتيين ... وقرب مني وايد وقال بهمس .. سامي: سامعة ؟؟ الصراحة اخترعت منه لما قرب .. خفت يسويها واييرني جدام عصام وامي .. فانصعت ومشيت جدامه وريولي تخطو خطوات القهر على الأرض ..بطلت باب السيارة بقوة ودخلت وصكيتها حيل لدرجة ان صوت الصكة تردد في الهوا .. ركب السيارة وشغلها ..تحركنا وانا طول الوقت لافة ويهي عنه ...مابي اكلمه ..احس بنفور منه ... وصلنا العمارة وصعدت فوق ... دخلت وانا نفسي عايفة المكان ... مريت على المكان اللي طحت فيها آخر مرة ...ولأني مابي اقلب المواجع تحركت بسرعة من المكان ودخلت الغرفة ابدل هدومي ... بس سمعت صوت الباب يتبطل ... ما تعبت نفسي والتفت لاني اعرف منو .. فصخت عباتي ..ماسمعت صوته منه ...ما اهتميت وفصخت الشيلة ..كنت ابي اروح اعلقها بس حسيت بايده تمسك ايدي ...تنهدت وقلت .. هناء: سامي... قاطعني وقال بهدوء .. سامي :آسف ...ماكان قصدي اسوي جذي .. تدرون لما بيعتذر جنه تلميذ نسى الواجب ... نزلت راسي وسحبت نفس ...احس انه مافي هوا يدخل رئتي ..احس بأن الدنيا ضايقة على وسعها ... رفع سامي راسي بايده وخلاني اطالعه تجمعت الدموع بعيوني ..وهو قال .. سامي : هناء ...انسي خلاص ...الياهل الله كاتب عليه يموت ... ما قدرت اكتم عبراتي ...دفنت ويهي بصدره وبديت ابجي ...الوحيد اللي دايما احس بالراحة معاه ... الوحيد اللي يمسح دمعتي ... بعد ما هديت ..قعدني على السرير ..سمعته يقول .. سامي: هديتي الحين ؟؟؟ هزيت راسي بصمت وانا امسح دمعة نزلت مني ... مسك ايدي بحنان وقال .. سامي: حبيبي .. لا تتوقعين اني ما زعلت على فقدان الياهل ...صج اني كنت رافض فكرة اليهال على الأقل الحين بس والله ما اجذب عليج ...انا زعلت وتضايقت عشانج ...بس هذا اللي كاتبه الله ..وهو بيعوضنا احسن منه ... رفعت راسي له وطالعته وقلت .. هناء : انزين ليش كنت رافض اليهال ؟؟ غمض عيونه وتنهد وقال .. سامي: ما كنت مستعد .. بطل عيونه وقال بتساؤل .. سامي: انتي ما كنت تدرين انج حامل ؟؟ هزيت راسي بالنفي وقلت .. هناء: لو ادري كنت قلت لك ... وسكتنا ...ظل يطالعني بنظرات غريبة بعدين قال .. سامي: هناء.. طالعته وقال .. سامي: وين كنت قبل ما تيين البيت ؟؟ بهت ...ما عرفت شقول ...ذكي قدر يهديني بكلمتين ... انقذني صوت تلفونه رفعه وهو يطالعني بتشكك ... سامي: هلا عادل .. (............................) تنهد بعدين قام وما سمعت الباجي لأنه طلع من الغرفة ...تنهدت بارتياح ..صج اني ابي اقوله كل شي بس الحين مو وقته ....اصلا انا ماني عارفة اشلون اقوله .. بعد هالحادثة مرت الأيام طبيعي ما عدا مناوشات من امي لسامي ... ماادري ليش مو راضية تشيله من راسها .. رديت للجامعة والدراسة مع انه نازلني انذار ثاني ..بعدها فصل ... انتبهت لدراستي اكثر وعصام غريبة ما تكلم ولا سوا شي ...الله يستر منه ...احسن انا اصلا خلاص بقول لسامي كل شي وهو كيفه عاد ... ما عندي شي اخسره .. طلعت من الغرفة مترددة ...انا ناوية اقوله كل شي الحين ...واللي فيها فيها ... لما وصلت للصالة لقيته قاعد على الطاولة ويكتب ...واللاب توب جدامه واوراق منثورة حواليه ...حسيته مشغول ...بغيت ارد الغرفة بس وقفني صوته .. سامي: هناء .. لفيت له لقيته يطالعني كمل وقال .. سامي: اشفيج ؟؟ ماعرفت شقول .. اصلا ما ادري اشلون اقدر اقوله ... قرى التردد في ويهي ..مد ايده وقال .. سامي: تعالي ... قربت منه جني ياهل مسوية ذنب ... مسكتي ايده وقعدني وقال .. سامي: في شي تبين تقولينه ... استغربت وقلت .. هناء: اشلون عرفت ؟؟ ابتسم بعذوبة وقال .. سامي: مرتي واعرفج ... ابتسمت باضطراب وارتباك ... حسيت برجفة تسري في جسمي ... خفت يحس فيها ..فسحبت ايدي من ايده ومسكت فيها ايدي الثانية وبديت افركهم في بعض بتوتر ... وقفت مابي اشوف ويهه لأنه يربكني ... وقلت بارتباك واضحة في صوتي .. هناء: ااا....سامي ... ولفيت له لقيته يطالعني ينطرني اتكلم ... هناء: بقولك شي بس ما تعصب ولا تفهمني غلط ... ابتسم يخفف من حدة توتري ..وقال .. سامي : اشفيج جنج مسوية شي جايد ؟؟ هو جايد وبس ؟؟ انت لو تدري بتذبحني ....ياربي ماادري شقول .... غمضت عيوني وانا خلاص بقوله كل شي مرة وحدة... هناء : انا ... قطع علي صوت تلفوني ..هاذي ثاني مرة ينقذني فيها تلفون ... رحت داخل اشوف منو ...وكانت رقم عمي ...انصدمت ...عمي داق ... هناء: هلا عمي .. قال بصرامة وحزم كعادته .. عمي: هناء ...تعالي عندي الحين ... استغربت ..طالعت الساعة ولقيتها خمس العصر ... هناء: الحين ؟ قال بحسم .. عمي: ئي الحين .. وصك بويهي ...الله يستر معصب ... رديت الصالة ...لقيت سامي ردا لأوراقه لما حس فيني رفع راسه وقال .. سامي: ها ؟؟ بتقولين ؟؟ مو وقتك ...وقفت يمه وقلت .. هناء : عمي يبيني الحين ماادري ليش ؟؟ استغرب وقال .. سامي : ما سألتيه ؟؟ هزيت راسي بالنفي ...فقال .. سامي: خلاص روحي .. نزلت راسي وقلت بخوف .. هناء: انزين تعال معاي .. طالعني ببلاهة وقال .. سامي: ها ؟؟ لأ طبعا ..عمج يبيج انتي مو انا .. قلت بترجي .. هناء: سامي ..الله يخليك .. استغرب من لهجتي ...ما قدرت اخفي خوفي ..قلبي ناغزني من هالسالفة ... قال يحاول يهديني .. سامي: عمري ...روحي شوفي عمج شنو يبي فيج ...انا مااقدر اتدخل ..هو يبيج انتي مو انا .. هالمرة قلت بتوسل مع اصرار.. هناء: مابي ..مارح اروح إلا وانت وياي .. هناء صج استغرب وبنفس الوقت شك وقال .. سامي : انتي تعرفين اشحقة عمج طالبج ؟؟ هزيت راسي بالنفي وانا منزلة راسي وقلت .. هناء: قلبي ناغزني من هالسالفة ..عمي كان معصب وماادري شنو فيه .. ابيك تيي وياي .. ومسكت ايده ونظرات التوسل في عيني ..قال بمزح .. سامي: خلاص يبا لاتبجين علينا بيي وياج .. ابتسمت بين خوفي وارتباكي ...ردت الغرفة بدلت ونطرته يبدل ويسخن سيارته وطلعنا ... بالطريج ... سامي: ترى مارح ادخل ..بنطرج بالسيارة .. لاوالله مسوي شي الحين ... هناء: عيل اشحقة ياي ؟؟ ابتسم على شكلي المعصب وقال .. سامي: انتي الي قلت لي تعال.. قلت وانا الف للدريشة .. هناء: لا بتدخل وياي ...عمي مارح يطردك إذا ييت .. سمعته يقول .. سامي: ادري ..بس مالي حاجة هناك .. جني راز ويهي .. ابتسمت وقلت بمزح احاول اخفف حدة توتري .. هناء: هو من ناحية راز ويهك فأنت راز ويهك .. طالعني وابتسم وقال وهو يلف السكان .. سامي: اوكي نرد البيت ... قلت بسرعة .. هناء: لا لا ..خلاص انا اللي يايبتك ..انت مو راز ويهك .. ضحك علي وقال .. سامي: ئي تسنعي .. الوحيد اللي يقدر يطلعني من حالتي هو سامي ...مهما صار بينا هو اللي يقدر يقدر يخفف من خوفي والمي ... وصلنا بيت عمي ...ونزلنا ...دخل سامي الديوانية ...وانا دخلت البيت ...بطلت لي خدامتهم ..وقعدت انطر عمي يطلع لي ... سمعت صوت ناحية السلم سفت عمي ومرته المغرورة نازلين ...سلمت عليهم وقعدنا ...طلعا مرت عمي ما تنازلت تسالني عن احوالي ولا احوال اهلي فطنشت انا ...بس حسيتهم يطالعوني بنظرات كره وحقد ... قلت لما تذكرت سامي منقع بالديوانية .. هناء: عمي ..سامي موجود بالديوانية .. قالت مرت عمي .. مرت عمي : اشحقة تعبتيه كنتي يتي بروحج ؟؟ عشان تاكلوني بهالنظرات ؟؟ لا حبيبتي اخاف على عمري انا .. ابتيمت مجاملة وقلت .. هناء : تعبج راحة .. وقف عمي وقال بلهجة اول مرة اسمعها منه .. عمي : زين انج يبتي ريلج ...بروح اناديه .. طلع عمي وخلاني مستغربة ... شيبي بسامي ؟؟؟ طالعت مرت عمي اللي ما تعبت وهي تطالعني بهالنظرات الغريبة ...وقلت .. هناء: إلا وين غالية ؟؟ ماردت في البداية بس قالت اخيرا .. مرت عمي : اشتبين فيها ؟؟ هني صج استغربت ...اشفيها هاذي ؟؟؟ مو صاحية ...كافي نظراتها لي طول الوقت ...بغيت ارد بس دخل عمي وسامي اللي تنحنح عشان مرت عمي تغطى ... قعد سامي يمي ... ونطرنا عمي شنو يبي ...مسك عمي ظرف جبير بالحجم شوي . وهو يطالعنا بنظرات غريبة ...وقطه علينا ...مسكت الملف وطلعت اللي فيه .... شهقت بصدمة .... هاذي صور غالية ويا عصام .... النذل سواها ... سمعت عمي يصرخ بعصبية .. عمي: اشحقة ما قلت لي ؟؟ رفعت راسه له وقلت بتردد.. هناء: ما كنت ...ما .. وسكت ...ما عرفت شقول ... التفت لسامي اللي كان يطالع الصور بصدمة كبيرة بس لف ويهه لان غالية ما كانت لابسة حجابها ... لف عمي لسامي وقال .. عمي : مستحي حظرتك ؟؟ مسوي لي فيها شريف ؟؟ طالعت سامي وهو لسة منصدم وقال .. سامي: وانا شكو ؟؟ صج سامي ماله شغل ..قال عمي بثورة وهو يقرب من سامي .. عمي : ولد خالتك النذل لعب على بنتي وقص عليها ... وسكت ياخذ نفس .. عمي : مو حرام اللي تسوونه ؟؟ مو حرام ؟؟ وقفت انا هني وقلت .. هناء: عمي سامي ماله شغل ... قالت مرت عمي .. مرت عمي : مايدري ؟؟؟ انزين نفرض انه مايدري ..انتي كنتي تدرين ..ورحتي مع غالية لشقته ...اشحقة ما علمتينا ؟؟ غمضت عيوني لما قالت يت مرت عمي بذكر روحتي لشقة عصام ... يا ويلي سامي بيذبحني ... سمعته يقول بصوت خفيف مصدوم .. سامي: انتي رحتي له ؟؟ قال عمي بصراخ .. عمي: لا تسوي روحك ما تدري ...غالية قالت انها يتكم وترجتكم تخلصونها من هالنذل بس انتوا ما رديتوا عليها .. سامي: يتنا ؟؟؟ وهز راسه بالنفي وقال .. سامي : مايتنا ...انا اصلا ماادري عن السالفة بكبرها ... بغيت اتكلم واقول كل شي بس قال عمي .. عمي: مالي شغل انا تدري ولا ما تدري ..انا اللي ابيه هالنذل يكون عندي .. وانت اكيد تعرف وينه .. وقف سامي وقال .. سامي : اسمح لي بو غالية ..اتهاماتك مالها داعي ...عصام اللي تحجى عنه صج ولد خالتي بس انا بطريج وهو بطريج وما اعرف وينه .. من اول مارديت الديرة ما شفته ..وإذا على الصور ترى غالية بنتك بعد غلطانة ..هي اللي كانت تطلع معاه وما يندرى شنو صار .. ثار عمي هني وقال بصراخ .. عمي :جب ...بنتي ارف منك ومن امثالك ...اطلع برة ...اطلع ...الله لا يبارك فيك ولا في ولد خالتك ... سكت سامي ومارد ... وطلع من البيت .. انصدمت انا من اللي صار ... كل مالها وتتعقد السالفة ... طلعت ورا سامي بسرعة شفته يبطل باب السياريبي يركب بس مسكته وقلت .. هناء: سامي اسمعني .. بعد ايدي بدفاشة وعصبية ..وقال .. سامي: وخري عني .. وركب السيارة فقلت .. هناء : آسفة والله آسفة ..عمي ما كان يقصد اللي قاله ما.. قاطعين وبعصبية .. سامي : عشان جذي اصريتي تيبيني معاج ...عشان انهان ؟؟ ... ونزل من السيارة جنه تذكر شي .. سامي : وبعدين تعالي ... ومسك ايدي بقوة .. سامي: منو سمح لج تروحين لعصام ؟؟؟ كنت ابي اتكلم بس دزني وقال .. سامي: ركبي الحين ..حسابج معاي في البيت .. هناء: بس سا.. صرخ علي وقال .. سامي: ركبي .. ركبت وريولي ترجف ... مو عارفة الون ابرر له ...طول الطريج كنا ساكتين كل ما التفت له القى ويهه صاير احمر من العصبية ..معاه حق اللي صار مو شوية ... وصلنا البيت وانا خايفة من شي واحد اني اخر الأولي والتالي ويعرف عن صيبتي وهو بهالحالة ...حزتها على الدنيا السلام .. دخلنا الشقة مع بعض حتى ما راح يصفط السيارة كعادته ... دزني بغيت اطيح وقال .. سامي: ممكن اعرف اشحقة رايحة عند عصام ؟؟ قلت بخوف .. هناء: انا كان قصدي اسحب منه الصور بدون مشاكل وعوار راس .كنت خايفة عمي يدري وتصير مصيبة .. قال بعدم تصديق .. سامي: والحين عمج ما يدري يعني ؟؟ ... هناء: درى وخلص ..بس انا كان قصدي اني اخليه يطيح في شر اعماله .. قرب مني وبعصبية فانكمشت على روحي لا يسوي فيني شي ..وقال يمسك روحه .. سامي: يطيح في شر اعماله ؟؟ انتي تبين تذبحيني ؟؟ عصام انذل منه ماتلقين ..الحين لو سوا فيج شي انتي ولا غالية ؟؟ قلت .. هناء: بس ما سوى شي ...غالية يتني تبيني انقذها منه .. قال باستخفاف .. سامي: لا والله ؟؟ليش شقالولها عنج؟؟ جيمس بوند ولا شارلوك هومز ؟؟ بعد عني وهز راسه باستنكار وراح داخل ... خبلة ...غبية ...ثولة ..ماافهم ... اللي سواه عصام رسالة تنبيه لي يحذرني انه بدا صبره ينفد ... تخيلت نفسي مكان غالية ... غمضت عيوني مخترعة من الفكرة ..إذا هي فكرة واخترعت جذي عيل لو صج اشلون بتصرف ؟؟ بعد هالسالفة ...سامي طبعا زعل وإلى الآن زعلان ما يكلمني إلا نادرا ... وإذا كلمني يكلمني وهو قالب ويهه عني .. اما عن غالية فما شفتها ..وعمي حارمها من كل شي ..ومنعني اني ازورها ..طبعا محد يدري عن شي ..وكتمنا على الموضوع .. في يوم ..دق علي عمي وطبعا استغربت اتصاله ...بس لما رديت عليه كان صوته حزين وبدا يكلمني عن غالية وحالتها ...مسكين ..هي اكبر عياله وبنته الدلوعة ..وطلب منب اني ايي ازورها لأنها هي اللي طالبتني ..إلا تشوفني ... تنهدت ..الحين اشلون اقول لسامي اني بطلع وهو اصلا مو طايق يسمع صوتي .. طلعت للصالة وكان قاعد يطالع تلفزيون ... هناء: سامي .. مارد علي ...فكملت .. هناءك عمي يبيني اروح اشوف غالية .. سامي: روحي .. جنه يبي الفكة مني ... نزلت راسي بحزن ..بدلت هدومي ورحت لها ... وصلت البيت وطلعتني خدامتهم لها ...طقيت الباب ودخلت لقيتها في حالة يرثى لها .. اول ما شافتني مسكتني وظلت تبجي وتنتحب ... هديتها وفهمتها ان اللي صار مو بايدها كله من النذل عصاموه ... ولاني دريت انها ما تاكل عدل اصريت انها تنزل وياي المطبخ ... هناء: بسوي لج احلى صمونة ...بس ماادري إذا عندكم جبن ولا قيمر .. ابتسمت لي على مضض وبطلت الثلاجة وعطتني الجبن ..وبدينا نسوي اكل خفيف ... تذكرت اني خليت تلفوني بدارها ..اتسأذنت منها اروح اييبه ..ليما رديت ... انصدمت صدمة عمري ... لقيت غالية طايحة على الأرض وحواليها دم ...قطعت شرايينها ... لا يا ربي ....استغلت طلعتي ...وانا مستغربة من موافقتها انها تنزل معاي اثاريها تبي تنتحر ... تجدمت منها بسرعة ... وحاولت اني اوقف النزيف ...صرخت بأعلى صوتي ..يت الخدامة ومرت عمي .. وطبعا مرت عمي بدت بالصراخ والبجي ... مسكت تلفوني ودقيت على الإسعاف ... مسكت طرف عباتي ولفيت ايدها احاول اني اوقف النزيف ... يت الإسعاف وخذوها ...ركبت معاها مرت عمي ..اما انا ركبت سيارتي ولحقتهم ... دخلت المستشفى وانا اير معاهم السرير اللي نايمة فيه غالية وقلبي ينبض بسرعة ... قلت لكم السالفة مارح تعدي على خير ... دخلوها غرفة الكشف .. تسندت على الطوفة .. ليتني ما عرفت عصام .. ليتني ما عرفت غالية .. ليتني ما عرفت عن السالفة كلها اصلا .. انتهبت لمرت عمي واقفة ودموعها تنزل ...رحت لها اهديها .. بس قالت بعصبية وصراخ .. مرت عمي : لو صار في بنتي شي مارح اسامحج لا انتي ولا ريلج .. اخترعت من كلامها ...وسكت ما رديت عليها ... من حقها تقول جذي ... اللي داخل بنتها ...وضناها ... غير ان سمعتها صارت بالأرض ... حسبي الله ونعم الوكيل فيك يا عصام ...الله ينتقم منك .. شفت الدكتور طالع ... مرت عمي: ها بشر ؟؟ ويهه ما يبشر بخير ... قال ويا ليته ما قال .. الدكتور : عظم الله اجركم ... شهقت ومن الصدمة حطيت غطيت حلجي بايديني ... صرخة مرت عمي هزت المستشفى ... ومعاها هو قلبي بعنف ... حسيته بيطلع من مكانه ... طالعت ايديني اللي فيهم من دم غالية شوي ... تذكرت جملتها لما قال عن الخيانة .. " اللي تخوني بخليها تنتحر ...تذبح روحها بنفسها ..." وصج هذا اللي صار ... شفت مرت عمي تطيح على الأرض وتولول وتنتحب ... ماتت غالية وصورها الله اعلم انتشرت ولا لأ .. ماتت غالية وهي تحمل في قلبها آهات كتمتها في داخلها .. ماتت غالية وهي تنطر مني اني انقذها بس ما فكرت إلا في نفسي .. ماتت غالية وهي تحمل رسالة تحذير لي من عاقبة اللي قاعدة اسويه ... ماتت وانا ماادري ...بتظل حقيقة امري مخفية ولا بنكشف في يوم من الأيام .. |
الحلقـــة الخامسة والعشرون "نهاية اللعبة " من بعد موتها ...اقصد انتحارها ...ما همتني الدنيا ...ولا همني احد ...ما افكر إلا اني انتقم من عصام النذل ... انتبهت على روحي لما سمعت صوت بجي ونحيب ..وكانت من مرت عمي ...وانتبهت بعد على امي قاعدة يمها تهديها وتصبرها ... تذكرت صراخ مرت عمي بالمستشفى ...وتذكرت لما كنا بشقة عصام ... وتذكرت لما كانت علمت غالية عصام عن الشريط ... على قولت سامي طالعتي لي فيها جيمس بوند .. ابتسمت باستهزاء على روحي ..وبنفس الوقت نزلت دمعة ...دمعة ألم وقهر ... لو تكلمت وقلت لسامي ما كانت انتحرت غالية .... لو قلت ان عصام بدا فيني انا وبينهيها بغالية ما كانت انتحرت ... لو ما خليتها بروحها بالمطبخ ما كانت انتحرت ... استغفرت ربي لأن لو تفتح اعمال الشيطان ...قمت من المكان وطلعت من البيت ابي اشم هوا ...حاسة روحي بموت ..ريحة الموت تخنقني ... وقفت بالحديقة وضوء الشمس المغيبة والوان السما المتدرجة من البرتقالي والأزرق الفاتح والغامج خلاني اسحب نفس اتنفس الهوا اللي منعت عنه طول العزا ... ما قلنا لأحد عن اللي صار ...خلينا موتها موتة طبيعية .. الوحيد اللي تأثر بموتها فينا طلال ... هني حسيت انه يحبها حيل ... تذكرت لما كانت تتصدد عنه .. تذكرت لما قالت لي ابعد طلال عنها وعن طريجها .. تذكرت بحيها ولهفتها اني اساعدها ... دمعت عيوني مرة ثانية وسالت على خدي ... انا ملومة هني ...لو تكلمت ما كان صار جذي ... آآآه يا قلبي ... وفوق كل هذا سامي مجافيني ...مو راضي يرد مثل قبل ..من اول ما درى بروحتي لعصام وهو متغير .. معاه حق ... عيل لو درى بسالفتي ...شنو رح يسوي ؟؟؟ حاولت اني اكلم الحقير عصام بس ما يرد ..او مغلق .. لو قعدت اكثر هني رح انهار ...خل اروح البيت احسن ..ركبت سيارتي ورحت البيت ... بطلت دريشة السيارة وهذا ذكرني بسامي ... ابتسمت على هالذكرى ...ولو اني زعلانة منه .. وصلت الشقة ودخلت ... حطيت المفاتيح على الطاولة .. بغيت اتحرك بس شفته طالع من الغرفة ... انتبه لي ورفع راسه يطالعني ... حسيت ان الزمن وقف بينا ... على هالنظرات ... نزل نظراته وتجدم للصالة ...ظليت انا واقفة ماادري من حدة نظراته ولا اشتياقي له ... قال وهو ماسك تلفونه ويدق .. سامي: خلص العزا ؟؟ حتى ما عطاني نظرة ..قلت بحزن .. هناء: ئي خلص ..اليوم ثالث يوم .. تكلم وعبالي يحاجيني بس احبطت لما سمعته يتكلم بالتفلون...من لهفتي بس اسمع صوته اين .. دققت بويهه لما كان يتكلم .. مشتاقة لك لو تدري .. ابيع الدنيا عشانك بس اكون معاك ... شفته يبتسم ..وآآه من ابتسامته...تذبح ... قبل ما كنت اتعب تفسي واشوف وادقق بويهه .. ما كنت حتى ابي اعرف عنه شي .. كنت خبلة ..ما كنت ادري اني بعيش حالة حب مجنونة ... شفته يلوح بايده وهو يتكلم كأنه منهمك بشرح شي مهم .. حتى طريقة كلامه تخلي اللي جدامه ينتبه له غصب ... رغم المآسي والمشاكل اللي عاشه بس احسه قوي ..جبل ما يهزه شي ...ثقته بنفسه عززت الحصن المنيع اللي بناه حوالين نفسه ... حسيته يطالعني ويبتسم ..انتبهت على روحي ونزلت نظراتي فقال .. سامي: اشفيج تطالعيني ؟؟ قلت بارتباك واضح ... هناء: منو قال ؟؟ ورفعت راسي احاول ابين اني قوية وكمل وهو يبتسم بخبث وثقة .. سامي : انا اقول ... طالعته باستخفاف ومشيت عنه ..دخلت الغرفة ابدل هدومي .. بعدها صليت المغرب وانسدحت على السرير ... بطلت عيوني ...نمت ما حسيت بروحي .. قعدت وتمغطت وبعدت اللحاف عني .. ورحت الحمام عزكم الله اغسل ويهي واتوضى لصلاة العشا .. طلعت للصالة لقيتها فاضية ..شكله راح المكتب .. حسيت اني وحيدة ...ان محد وياي ..يوقف معاي ..احس ان الله يعاقبني ليش اني ما قلت لسامي .. انا وغالية ضحية انتقام عصام من سامي .. تجمعت دموعي مرة وحدة ونزلت ...وقمت ابجي بصوت مسموع ... وينك يا سامي ...وينك ... انت اللي تمسح دمعتي واللي تضمني لصدرك لما تضيق علي الدنيا ... دق تلفوني فجأة خرعتني ..وكانت امي ..مسحت دموعي بسرعة ورديت .. هناء: هلا يما .. امي: يما هناء ..تقدرين تيين الحين ؟؟ الحين ؟؟ طالعت الساعة وكانت سبع ونص .. هناء: في شي يما ؟؟ امي : تعالي انتي بعدين اقولج .. صكيت عنها ..وانا مستغربة .. بس غسلت ويهي وعدلت من شكلي ولبست عباتي ..ومسكت تلفوني ودقيت على سامي ... نطرت وايد ليما حسيت انه مارح يرد علي بعدت التلفون عن اذني بغيت اصك بس وقفني صوته .. سامي : هلا .. اخيرا ...مابغيت ..رديت التلفون لأذني ...حزت في خاطري ..لهدرجة ثقيلة عليك كلمة هناء ...اسمي ما تبي تنطقه ؟؟ كنت ابي ابجي واستسمح منه بس مسكت روحي وقلت وانا احاول امنع دموعي تنزل .. هناء: بغيت اقولك اني ..احم ...اني بروح بيت اهلي .. سامي : وليش ؟؟ هناء: ماادري بس امي دقت علي تبيني اييها ... سامي: ضروري ؟؟ ولاني كنت سرحانة في صوته وذايبة فيه ..قلت بعد ما انتبهت .. هناء: ها ؟؟ حسيته استغرب وقال .. سامي: هناء ..اشفيج ؟؟ اقول ضروري تروحين لها ؟؟ قلت باحراج .. هناء: ئي ..احم ئي.. سامي : خلاص روحي .. سكت ما رديت عليه ...اقولكم مشتاقة لصوته ..كنت اتخيله جدامي يحاجيني ... سمعته يقول .. سامي: هناء... واااي يا حلاة اسمي منه ... قلت .. هناء: نعـ...نعم .. سامي: اشفيج ؟؟ روحي خلاص ... هناء: وين ؟؟ مو قلت لكم مو صاحية ... سامي : انتي اشفيج شاربة شي ؟؟ انتي مو تقولين انج بتروحين بيت اهلج ؟؟ شاربة حبك ... غمضت عيوني وسحبت نفس وقلت .. هناء: خلاص مع السلامة .. وصكيت عنه ...الصراحة حسيت باحراج ... اول مرة اكون جذي ..العادة اكتم مشاعري ...ماقدرت هالمرة .. طردت هالأفكار من مخي وطلعت من البيت ورحت لأمي ... لما وصلت لقيت خالاتي قاعدين بالحوش دخلت الحوش وكانوا يتكلمون عن غالية طبعا ..ولأن الموضوع هذا يسبب لي حساسية تجبر دموعي تنزل سلمت بسرعة واجتزتهم ودخلت داخل ...والصالة كانت فاضية .. يمكن لسة بالعزا ..جايز ...شفت امي نازلة من السلم ...ابتسمت وقلت .. هناء: اشلونج يما ؟؟ ورحت بست راسها ... امي :هلا والله يما .. وقعدنا ... تلفت حولي وقلت .. هناء: إلا وين الباجي ؟؟ امي : طلال بداره ..واسما قاعدة مع غصون بنت عمج تواسيها باللي صار ... وتنهدت بحزن ..صح اللي صار يكسر الصخر ..تذكرت ويه عمي لما درى ان غالية ماتت .. بغى اين .. بنته واكبرعياله ..تنتحر !! قلت اغير الموضوع .. هناء: بغيتي شي يما ؟؟ رفعت راسها وقالت لي .. امي : انتي ..مرتاحة مع ريلج ؟؟ شنو ؟؟ شياب طاريي انا وريلي ؟؟ قلت باستغراب .. هناء: ئي مرتاحة ...ليش تسالين يما ؟؟ قامت من مكانها ويت قعدت يمي ..ماادري اشفيها اليوم ..الله يستر .. امي: انتي تعرفين منو سبب باللي صار لغالية ؟؟ التفت لها وقلت .. هناء: لأ ...انتي تعرفين؟؟ قلت جذي لأني مابي افضح غالية اكثر من جذي .. طالعتني بنظرات غريبة ..الصراحة شكيت ...فقلت .. هناء: يما ..دشي بالموضوع .. امي : ام عبدالله قالت لي ان عبدالله ناوي يتزوج .. ولو اني حسيت ان هذا ماله شغل بس قلت اسايرها .. هناء: صج ؟؟ امي : ياي يخطبج انتي .. ها ؟؟؟!!!!!! هناء: حلوة يما ... اشلون يخطبني وانا متزوجة ؟؟ عبالي نكتة ..بس ويه امي ما كان يوحي انها نكتة ..قالت .. امي: انا مو مرتاحة لسامي ..من اول ما تزوجتيه واحنا بمشاكل ...حادث طلال وموت غالية ...ولد خالته الله لا يوفجه لا دنيا ولا آخرة خرب حياتها قبل لا تموت ..عبالج ماادري ان غالية انتحرت عشان عصاموه دز صورها لأبوها ؟؟ لا يا يما ... مرت عمج قالت لي كل شي ..وعمج اكد لي ... كانت تتكلم وتقول الجمل ورا بعض مخي ما قدر يستوعبها ...بس قلت .. هناء: انزين كاهو دريتي ... كتت امي شوي جنها تجمع الكلمات ..والقت بالقنبلة بويهي وقالت .. امي: انتي لازم تطلقين من سامي .. مااقص عليكم لما اقولكم ان عيوني تطلع من مكانها .. قلت بصدمة .. هناء: اتطلق من سامي ؟؟ ووقفت مع ان ريولي موقادرة تشيلني .. هناء: يما انتي شقاعدة تقولين ؟؟ قالت امي بحزم .. امي: اللي سمعتيه ...انا الصراحة ما اتحمل نظرات مرت عمج ولا عمج لي كل ما ييت اعزيهم ..مو بس هم الناس كلها ... قلت بعصبية .. هناء: انا مالي شغل بالناس ولا لي شغل بمرت عمي وعمي ...لو هم خايفين على بنتهم كانوا ربوها عدل ما خلوها على راحتها على انها بنتهم الكبيرة .. ماادري شلي خلاني اقول جذي والبنت ميتة بس هالشي نرفزني .. قالت امي بصدمة .. امي: بنت عمج ميتة ...صج انج خبلة ... الحين انا ابي سعادتج وراحتج تسمعيني هالكلام ؟؟؟ قربت منها وقلت كقرار اخير.. هناء: طلاق من سامي مارح اتطلق .. وهالموضوع لا تفتحينه جدامي مرة ثانية يا يما ... ومشيت عنها .. بس وقفني صوتها عند الباب .. امي: إذا ما طلبتي الطلاق منه ..لا انا امج ولا انتي بنتي .. بهت ... لفيت لها ..طالعتني ومشت ... لا يا يما ..مو جذي ... اففففففففف ...انا ماادري اشحقة حاقدة على سامي ...عشان جذي طالبتني ؟؟ تبين تفرقين بيني وبين حبيب قلبي ؟؟ سامي الهوا اللي اتنفسه ...العيون اللي اشوف فيها ...القلب اللي ينبض باسمه .. ركبت سيارتي وانا افكر بكلام امي ... بعد ما لقيت السعادة تبيني اهدها ؟؟ بعد ما لقيت الصدر الحنون اللي احط راسي عليه وابجي وقت الضيقة ..تبيني اهده؟؟ بعد ما لقيت الأمان والدفى اهده؟؟؟ مستحيل يما ..انتي تطلبين مني المستحيل ... وصلت البيت اول ما دخلت لقيته قاعد وعينه على التلفزيون .. وكان ياكل .. ابتسمت لما شفته ... قلت .. هناء: يوعان ؟؟ لف لي بعدين رد طالع التلفزيون .. وقال ببرود . سامي : تأخرتي قلت خل اسوي لي عشا .. طالعت الساعة وكانت تسع .. تجدمت منه وشفت الصحن اللي ماسكه وكان فيه سلطة بس ... الحين هذا عشا ؟؟؟ تذكرت انه نباتي ..بس خل ياكل اي شي ..جبن ولا اي شي .. انتبه لي وقال .. سامي: اشفيج واقفة فوق راسي ؟؟ هناء: بروح ابدل وبسويلك اللي تبي .. رد للتلفزيون وقال .. سامي: لا تعبين روحج .. باكل هالسلطة .. يالله على هالجفا ... قعدت يمه وقلت .. هناء: سامي ..انا آسف والله ماكان قصدي اني اروح له إلا عشان اخذ منه الصور .. مارد علي وظلت عيونه للتلفزيون ... هناء: سامي .. لف لي هني وقال .. سامي : نعم .. قربت منه وقلت برقة .. هناء: حبيبي ..والله انا آسفة .. سامي: آسفة على شنو ؟؟؟ هناء: على روحتي لعصام .. نزل نظراته للأرض ..وقال .. سامي: عشان جذي فقدتي الياهل ؟؟ وطالعني وابتسم بخبث ..اما انا بققت عيوني عليه منصدمة وكمل .. سامي: رحتي له هناك ويتي البيت هني وصار اللي صار ..صح ؟؟ وقرب مني وقال .. سامي : من اول ما يت غالية عندنا اول مرة وانا حاس ان في شي ... قلت بصوت مبحوح من الصدمة .. هناء: كنت تدري ؟؟ سند ظهره على القنفة وقال .. سامي: كنت ادري عن سالفة الصور بس ما توقعتج تصيرين لي جيمس بوند وتروحين عنده ولف ويهه عني ...وقفت انا جني مقروصة وقلت بذهول .. هناء : اشحقة انزين ما تكلمت وحذرتني ...ليش ؟؟ طالعني وقال بدفاع ... سامي: الحين قولي اني انا اللي خليتج تروحين له ؟؟ انا مالي شغل .. قلت بصراخ .. هناء: شنو مالي شغل ؟؟ انت كنت تدري بولد خالتك ...اشحقة ما منعتني ؟؟ وقف وصار بطوله جدامي ..رفعت راسي عشان اطالع عيونه اللي ركزت علي بعصبية .. سامي: امنعج من شنو ؟؟ انا قلت لج كنت ادري عن سالفة الصور بس ماادري انج بتروحين له .. طنشت جملته الأخيرة وقلت بحقد .. هناء: صاجة امي يوم قالت ان من اول ما تزوجتك واحنا بمشاكل ...وما يندرى يمكن انت وولد خالتك نفس الطينة .. طالعني بصدمة وذهول ...قال وهو يأشر على روحه بألم .. سامي: من اول ما تزوجتيني وانتوا بمشاكل ؟؟؟ سكت وما رديت عليه ..بس قلت اقهره مثل ما قهرني .. هناء: ئي ..من حادث طلال وموت غالية ...انتوا السبب فيه .. سامي: احنا ؟؟ منو احنا ؟؟ قلت وانا اتخصر .. هناء: انت واهلك .. وقلت بطفش من هالسالفة وانا بايعتها .. هناء: انا خلاص زهقت من كثر المشاكل اللي مريت فيها ...خلاص ارحمني ..امك تيي عندنا وتهيني وتخليني بيزة ما اسوى ..عالية تحبك وتبيك وانت تتغلى عليها وتصدد عنها ..وياية تنتقم ولما انتقمت راحت عند اخوي وخلته يطيح في حبها ..عرفت تدوس على الجرح كانت تعرف انه يحب غالية قالت خل استغله اتفقت مع عصام الحقير ..هي على طلال وهو على غالية ...وما يندرى شنو بعد رح يطلع لنا من تحت راسكم ...انا خلاص مليت زهقت ... القيت قنبلتي عليه ومشيت للغرفة وصفعت الباب بقوة .. قعدت على السرير الهث من كثر العصبية .. قلت كل كلامي بدون وعي... بس ماني ندمانة على اللي قلته ..المفروض انا ازعل مو هو ...تعبت والله تعبت .. حطيت راسي بين ايديني مكسورة ...والله خلاص فاض فيني ...كل شي من حولي يدور ... بدلت هدومي وصليت العشا ..وانخمدت .. مابي افكر باللي قلته ... تعبت وانا افكر .. بطلت عيوني على صوت المنبه لصلاة الفير .. طفيته وبعدت عني اللحاف ..طالعت مكان سامي لقيته فاضي .. هني تذكرت كل شي .. قمت وطلعت من الغرفة وانا ارد خصلة ورا اذني .. لقيت الصالة فاضية ..رحت المطبخ والغرفة الثانية حتى الحمام عزكم الله دورته فيه بس مو موجود .. وين راح ؟؟ مسكت التلفون ودقيت عليه بس مغلق ..قمت ورحت للدريشة بعدت الستارة اشوفه ..بس طولت بالوقفة رحت صليت ودعيت ربي يحميه ويخليه لي .. شلت لبس الصلاة ورحت للدريشة مرة ثانية وبايدي التلفون ..دقيت عليه هم مغلق .. تسندت يم الدريشة وقعدت انطره ... كل اللي قلته غلط ..كل اللي سويته غلط ...ماكان لازم انفجر بويهه هو ماله ذنب ... سندت راسي على الدريشة وغمضت عيوني خايفة يصير له شي ..اكيد طلع هو زعلان من كلامي ... غبية ..غبية .. كنت اردد هالكلمات بسري واطق راسي بالجامة متندمة ... حسيت بالباب لفيت بسرعة وارتحت لما شفته .. ابتسمت وطرت له بشوق وقلت وانا اوقف جدامه .. |
هناء: وينك ؟؟ طالعني بنظرات غريبة ومشى من جدامي بهدوء ... لحقته وقلت بسرعة .. هناء: سامي .. مارد علي وصك الباب بويهي .. كانت هاذي رسالة منه انه مايبي يشوفني ولا يحاجيني .. رجعت للصالة محبطة ..اجر اذيال الخيبة ... مالي إلا اني انام في الغرفة الثانية ...بس ما ياني نوم ...قعدت اتقلب في الفراش وذاكرتي ترجع للكلام اللي قلته واشلون قلته بطريقتي الدفشة .. بطلت عيوني وانا اصلا ما نمت عدل ..مخي شغال طول الوقت ..احمد ربي ان اليوم خميس ...ماكو دوام .. طلعت من الغرفة وتذكرت سامي ..طقيت الباب بس محد يرد .. بطلت الباب بهدوء وشويش شفته نايم تجدمت ليما صرت فوق راسه بالضبط ..كان نايم على جنبه اليمين ..لحفته عدل وطلعت .. رحت سويت ريوق مع اني ما اشتهي آكل بس لسامي على الأقل .. حطيت الأكل على الطاولة وقعدت انطره يقعد .. تذكرت امي لما قالت لي لازم اتطلق من سامي ..اتطلق من سامي واتزوج عبدالله ...ابتسمت باستهزاء على هالشي ...تدرون ليش ؟؟؟ تذكرت لما خلود كانت تلزقني بأخوها ..لا انا ولا عبدالله حاطين في بالنا هالشي ... تفاجأت لما شفته على مد بصري ...واقف جدامي وعلامات النوم تعلو ويهه .. شكله مانام ... بعد نظره عني ومشى للحمام عزكم الله .. نزلت انا راسي بألم ...ادري اني غلطانة والله .. سمعت صوت تلفونه داخل الغرفة ...ولأنه طول ما طلع رحت اشوف منو ...دخلت الغرفة واتبعت صوت الرنة ..وكان يم الأبجورة .. شفت مكتوب على الشاشة .. ( دلووووولة يتصل بك ) منو دلولة ؟؟ تذكرت هني انها اخته ...رديت وقلت .. هناء: هلا دلال . اول شي استغربت من صوتي بس قالت اخيرا بعد ما تذكرتني .. دلال : هلا والله هناء ...شخبارج ؟؟شنو مسوية ؟؟ ان شاء الله بخير ؟؟ ماتوب دايما تتكلم بسرعة وتسأل ستين سوال بوقت واحد ..ابتسمت عليها وقلت .. هناء: انا بخير ..انتي اشلونج ؟؟ شنو مسوية ؟؟ دلال : انا الحمدلله ..ها وينه سامي ما رد علي ؟؟ اكيد مخليج هالتعبان وراح المكتب ادري فيه خبل .. ضحكت وقلت .. هناء: لا حرام عليج ...هو بالحمام .. قالت بعد ما ضحكت .. دلال : حرام ظلمته ..بس له سوابق .. هناء: تبيني اناديه لج ؟؟ دلال : لو تفضلتي .. هناء: اوكي لحظة .. لفيت عشان اقوم من السرير بس تفاجأت انه وراي ...خرعني ... كان ويهه وشعره مبللين .. خمنت انه كان يتسبح .. مد لي ايده بدون ما يتكلم يبي التلفون..ظليت اطالعه ماادري ايدي وقفت ولا مخي عيز يترجم الرسالة .. قال لما طولت وبجمود .. سامي : بتطولين ؟ مديت له ايدي واخذ التلفون ...بس قال قبل ما يحطه على اذونه ويقعد على السرير .. سامي: صكي الباب وانتي طالعة .. وحطه على اذونه .. سامي : هلا دلولة ... طالعته بحزن ..لهدرجة كارهني ..طردني من الغرفة عشان لا اسمع ؟؟ طلعت ورحت للصالة ..قعدت على القنفة مجروحة ... منعت الأفكار تغزو مخي ..وظليت اسمع صوته وهو يكلمها ويضحك معاها .. وقفت امشي بالصالة رايحة رادة .. واخيرا لمحته طالع من الغرفة .. شفته ياي عندي ..وقف عند الستارة الفاصلة بين الممر والصالة وقال .. سامي : ممكن اخت هناء إذا شفتي تلفوني يدق ما تردين عليه ؟؟ عبالي ياي يكلمني باللي صار امس ..طالعته ببلاهة وقلت .. هناء: ها ؟؟ رد علي وهو يتسند على الطوفة .. سامي: شنو ها ؟؟ اتكلم هندي انا ... وغير من نبرة صوته وقال بأمر .. سامي: إذا شفتي تلفوني يدق لا تردين عليه سامعة ؟؟ وعطاني ظهره ومشى ..بس قلت .. هناء: ليش بالله ؟؟ انا رديت على دلال مارديت على احد غريب ..ولا متفشل مني ؟؟ لف لي وقال .. سامي: زين انج عرفتي . بهت ...قلت وانا ااشر على روحي .. هناء: انت متفشل مني انا ؟؟ قال باستهزاء .. سامي: لا من اللي وراج .. وتجدم مني وقال بقهر جنه ما صدق اني فتحت الموضوع . سامي : ئي انتي .. كافي عاد كافي .. انتي واهلج طايحين فيني تجريح من كل صوب ...وتتهموني بشي انا مالي ذنب فيه..حادث طلال عالية وعصام هم اللي كانوا السبب فيه مو انا ...وموت غالية كان لهم يد فيه ..ما قدرتوا عليهم حاطين حرتكم فيني جني طوفة ما احس ...سكت مرة مو معناها اني راضي باللي تسوونه ...انا خلاص فاض فيني ... يا ليتني ما تزوجتج ولا رضيتي فيني..ليتج تزوجتي عصام حبيب القلب على الأقل يوم يغلط ما تسوون فيه مثل ما تسوون فيني .. ليتج قلتي لأ لما طلال ياه بخبر خطبتي لج .. وبح صوته وصار ضعيف من القهر وكمل وهو يحط ايده على صدره . سامي: ليتني ما شفتج بالسوق ولا تعلقت فيج ... غمض عيونه بألم وبطلهم بعدين وقال .. سامي : هناء ... خليني في حالي الله يخليج انا ماني ناقص .. وانسحب بهدوء ..اما انا .. ماادري اشلون اوصف لكم حالتي .. اقول اني منصدمة ولا مذهولة ولا مجروحة ولا ..ولا شنو بالضبط ؟؟ كانت اشارة منه لي اني ارد بيت اهلي ونخلي المسألة بينا معلقة ...نرتاح من بعض شوي ..اخذت سويج سيارتي ورحت بيتنا .. وانا ماني قادرة افكر ...انشل تفكيري عند كلماته اللي طلعت من قلبه المجروح .. دخلت البيت واللي يشوفني رح يقرا الصدمة على ويهي على طول لاني كنت مثل اللوح امشي مسبهة .. شفت امي قاعدة بروحها ..استانست لما شافتني وقالت .. امي : هلا والله بهناء .. مارديت عليها قعدت على اول قنفة شفتها ..استغربت امي من ويهي وقالت .. امي: هناء ..اشفيج يما ؟؟ طالعتها كاني روبوت وما نطقت ...قعدت يمي وقالت .. امي: يما تحجي اشفيج ؟؟ اشفيني ؟؟ تبيني اقولج ان سامي خلاص مل مني وشكله بيطلقني؟؟.. سحبت نفس وقلت .. هناء: ولا شي ... استانسي الحين ...انا وسامي افترقنا ... صعدت داري وقفلت على روحي .. الوحيد المظلوم بينا سامي .. من اول المفروض اقوله ..ولا اخش عنه ... انا غلطانة اعترف ...غرني الشيطان وحبي لنفسي وانانيتي وخلتني ما اتنازل واقول لسامي .. ظليت يومين جذي بدون ما اسمع عنه شي ..وطبعا امي وطلال اللي طلع من صومعته الحزينة والكئيبة من بعد موت غالية يبون يعرفون شنو اللي صار بيني وبين سامي ... هناء: زعل لما قلت له اني رحت لولد خالته عشان صور ... وطالعت طلال اللي قال وهو يبتسم بحنان .. طلال: كملي .. نزلت راسي لايديني وكملت .. هناء: عشان صور غالية ... قامت امي هني وقالت بعصبية .. امي: قلت لج كان مشترك ويا ولد خالتج ما صدقتيني ...وتلقينه كان يدري عن كل شي .. طالعت امي وانا ودي ما اصدق هالشي ..قلت بدفاع عنه .. هناء: يما سامي يقول كان يدري عن الصور بس ما توقع اني اروح له .. امي: شفتي شفتي ؟؟ يعني كان له يد في الموضوع .. مان يدري ليش ما قالج ..يعرف دناءة ولد خالته اشحقة ما حذرج ؟؟ على الأقل اخذ صور منه مادام يعرف ... صح ..صاجة امي .. كان على الأقل اخذ الصور منه .. بس قال طلال .. طلال : هناء.. طالعته فوقف هو وقال .. طلال: قومي روحي لريلج .. استغربت انا وامي قالت .. امي: تروح له بعد كل اللي قاله ؟؟ طنش طلال كلام امي وقالي كلمة عمري ما رح انساها .. طلال : السالفة بينج وبين ريلج لا تخلين احد في هالدنيا يأثر عليج ..روحي له وتفاهمي معاه واعرفي السالفة من الأول ...يلا .. كلام طلال هيج فيني مشاعر كنت اخمدها كل ما حسيت فيها .. لبست عباتي تحت نظرات امي المعارضة بس طلال كان يشجعني ... طلعت من البيت وانا غير عن اول ... المفروض اسوي جذي من الأول ما اخلي عواطفي تتحكم فيني .. شغلت السيارة ومشيت بالطريق المؤدي لبيتنا ...بيتي انا وسامي .. نصفي الأخر .. بطلت الباب بهدوء ..لقيت الصالة فاضية ...دخلت داخل وخمنت انه يكون داخل ماادري ..حسيته جذي ..مسكت مقبض الباب وانا ادعي ربي يسهل علي جني داخلة حرب ...دفعت الباب وبشويش .. لقيته نايم على السرير ... تنهدت بارتياح الحمدلله يعني موجود طلع احساسي صح ... تقربت منه وقعدت يمه .. ملامح ويهه تدل على التعب .. ويهه صاير اصفر غير شعره اللي طول بالآونة الأخيرة ومنسدل على يبهته بعشوائية مو مرتب ... ولحيته اللي انبتت بكثافة شوي ... ما قدرت امنع نفسي مديت ايدي لشعره وغمست ايدي بين خصلاته البنية .. هني بطل عيونه وتلاقت نظراتنا وتعانقت احلى عناق .. تمنيت لو ظليت جذي اطالعه للأبد ... ابتسمت له بعذوبة وقلت بهدوء .. هناء: صح النوم .. غمض عيونه وقال بصوت كسول .. سامي : ساعة جم الحين ؟؟ بعدت ايدي عن شعره اشوف الساعة وقلت .. هناء: اربع ونص .. قال هو يسحب نفس ويبعد شعره بضيقة .. سامي: طولت بالنومة .. بس رد غمض عيونه فقلت انبهه .. هناء: صليت العصر ؟؟ قال بدون ما يبطلهم .. سامي :الحمدلله ... وسكتنا ...وظل السكوت سيد الموقف ... نزل انظاري للساعة اللي بايدي وقلت .. هناء: سامي .. قال بنفس وضعيته وبملل .. now what??? .. سامي: من طريقة كلامه عرفت انه ما يبي يتكلم بالموضوع ..حرام اللي ياه كافيه .. اشفقت على حالته وسكت .. قلت اغير الموضوع .. هناء: كليت ؟؟ مارد فقلت .. هناء: سامي .. قال هني بعصبية خفيفة .. سامي: هناء..تكفين ارحميني وخليني بروحي ...لو سمحتي .. ورد حط راسه لى المخدة وغمض عيونه .. انصدمت انا من طريقة كلامه ...تجمعت الدموع في عيوني وطلعت من الغرفة بسرعة ..احث الخطى للباب .. انا ياية عشان اعتذر له عن كل اللي سويته وبنفس الوقت اعرف السالفة من الأول .. بطلت الباب ودموعي مانعتني من الرؤية ...مسحتهم بس دعمت شي رديني لورا خطوات ...رفعت راسي اشوف منو .... شهقت وسالت دمعة على خدي .. عصام !!!!!!!!!!!!!!! دخل الشقة وهو يبتسم وحاط ايدينه بمخابيه ...وقال بخبث .. عصام : السلام عليكم .. وطالع الشقة وقال بعد ما استقر نظره اخيرا علي.. عصام : وااو ..شقتكم حلوة .. مثل ما توقعت .. منعتني الصدمة من اني اروح انادي سامي ولا اتكلم واسأله عن ييته ... قال .. عصام : شنو بظل واقف هني طول الوقت ولا مارح تدخليني ؟؟ ما رديت ..ظليت اطالعه مثل اللعبة اللي خلصت بطاريتها .. عصام : انزين إذا بتظلين واقفة مثل اللوح قولي لي وينه ريلج ؟؟ قلت اخيرا وبصوت متقطع .. هناء: اشتبي فيه ؟؟ ابتسم ببلاهةو قال بطنازة .. عصام: اتصور معاه مشتاق له وايد وياي اخذه بالأحضان قبل ما اسافر .. قلت ... هناء : ما اعتقد بأنك بهالغباء تيي وتوري سامي الصور ؟ طالعني بانبهار وقال .. عصام: نسبة الذكاء عندج عالية ..شنو ماكلة اليوم ؟؟ تجدمت منه وقلت .. هناء: لا تتوقع سامي بخليك تطلع من هني حي .. ضحك وقال .. عصام: هذا إذا خليته يعيش اصلا .. رحت للتلفون وقلت .. هناء : انت مينون بدق على الشرطة يفكونا منك .. " انت ؟؟" التفت وراي وكان سامي واقف يطالع عصام ...لا رحنا فيها .. اليوم ميتة ميتة .. عصام : اخيرا شفتك ؟؟ تجتف سامي وقال .. سامي: اشتبي ياي ؟؟ وقف عصام جدام سامي وصار وجها لوجه وقال .. عصام: ياي اسلمك امانة ... امانة كانت عندي من اول ما تزوجت . ولف لي وابتسم .. عصام: بهالحلوة هاذي .. دز سامي عصام وقال .. سامي: خل حجيك وياي ...شنو هالأمانة ؟؟ طلع ظرف بني وعطاه لسامي ..وقال بمكر .. عصام: استمتع فيه .. وعطانا ظهره وقال .. عصام: اشوفكم على خير ان شاء الله .. ولف لي وقال .. عصام :سعيد بالتعامل معاج .. غمضت عيوني وانا خلاص قاعدة اردد الشهادة .. بطلت عيوني وشفت سامي يطالعني بصدمة ... وانفاسه صارت سريعة .. التفت لعصام اللي بغى يطلع وصرخ بقوة .. سامي: يا النذل .. وهجم عليه مثل الأسد ...ذكرني هذا لما كنا بامريكا ...لما جكني عندهم بالشقة ... لصق سامي عصام بالطوفة وقال .. سامي: جبان طول عمرك بتظل جبان .. إذا تبي تنتقم مني كنت لا تلف وتدور كاني جدامك ... كان ماسكه من هدومه ولما خلص حجيه طقه بالطوفة حيل ... قلت وانا اتقرب منهم اثنيناتهم .. هناء: سامي ..خلك عنه بدق على الشرطة اييون ياخذونه بـ... قاطعني عصام وقال وهو يوجه الكلام لسامي وبحقد .. عصام : اخيرا عرفت اني بنتقم منك ...سويت كل هذا عشان اوصلك انت ..بغيت احرق قلبك مثل ما حرقت قلبي وذبحت ريم ... ودز سامي وكمل .. عصام: انا الحين بذبحك واخذ بثاري ...بموتك بتنطفي النار اللي بصدري طول هالثلاث سنين ... صرخ سامي وقال بثورة .. سامي: انا ما ذبحتها ..ما ذبحتها ...ماتت هي لان الله كاتب عليها تموت..بعدين تعال .. ريم اصلا ما كانت تحبك ..ما كانت تحبك ...هي يتني واشتكت لي منك ومن مضايقتك لها طول الوقت ... قال عصام بقهر .. عصام: رحت دقيت الصدر ودافعت عنها ...تقص علي ؟؟ مو مهم انها تحبني بس انا احبها .. سامي : انت مختل عقليا ..عشان وحدة تروح تسوي كل هذا وتلعب بأعراض الناس ؟؟ .. عشان وحدة ما حبتك ولا عمرها كانت تفكر ولا مريت في بالها اصلا ؟؟ صرخ عصام وقال .. عصام: جـــــب .. انا وريم كنا نحب بعض بس انت اللي خربت علينا ... حتى في هاذي ما خليتي اتهنى .. وقرب من سامي وايد ..وقال بحقد . عصام : وياه اليوم اللي تدفع فيه ثمن حقدك وجشعك.. دز سامي عصام وقاله .. سامي: انت مو صاحي ..انصحك تروح لمصحة نفسية تعالج روحك ... يا المينون .. ومشى سامي عنه بس نط عليه عصام من ورا ..وانا هني حطيت ايدي على حلجي ...وبدوا يتصارعون .. وكل واحد يطلع حرته في الثاني .. هني اجزمت ان عصام صج مينون ..مريض نفسيا ... حقده على سامي وحبه المجنون لريم خلاه يسوي كل هذا .. طردت هالأفكار وبسرعة رحت للتلفون ادق على الشرطة يشوفون هالمينون ... بس ما حسيت بروحي إلا وانا انير ...مسك ايديني وقال .. عصام: وين يا حلوة ؟؟ حاولت اخلص روحي منه بس كانت ايدينه اقوى مني .. دزني على القنفة .. ومسكني من رقبتي ...حسيت ان الهوا خلاص وقف ..ما صار يدخل .. حاولت اني ابعده عني بشتى الطرق ... ايديني كانت ماسكة هدومه احاول ارفعه عني بس ماكو فايدة .. ما حسيت إلا الهوا فجأة صار يندفع بسرعة اخيرا لرئتي ..ايقنت بعدها ان عصام انرفع من فوقي .. وكان سامي اللي دزه بعيد ...نطيت من القنفة بسرعة ورحت برة ماادري شنو اللي خلاني اسوي جذي بس مانحشت ..على الأقل انادي احد .. حسيت بايد تمسكني فصرخت ... طلال : هناء ...هناء ..اهدي اشفيج ؟؟ بطلت عيوني لما سمعت صوته .. وقلت بسرعة ورجفة .. هناء: طلال ..الحق على سامي ..رح يموت بسرعة ... طالعني مستغرب ..وانتبهت ان عبدالله وياه اللي قال بسرعة .. عبدالله : ليش اشفيه ؟؟ ما جاوبتهم بس صرخت عليهم وقلت .. هناء: روحوا له بسرعة .. عصام ولد خالته فوق رح يذبحه ...يلااااا... طاروا فوق وعبدالله سبق طلال اللي كان يحاول يدوس على ريله اللي تعوره عشان يلحق عبدالله ... انهرت انا على الأرض اصرخ وابجي واندب حظي ...والطم... كله مني ..لو سامي صار فيه شي ..انا السبب ..ما ادري جم ساعة ظليت منهارة عند وحدة من طوف العمارة ..بعدها انتبهت على روحي ولما ما شفت احد نازل .. خفت ..صعدت فوق وانا قلبي يرجف ..طقيت زر المصعد ونطرت لين ما ياه وانا ما ادري اشلون قدرت اصبر .. وصل المصعد وركبته وضغطت على دورنا وايدي ترجف .. انصك الباب وانا غمضت عيوني ولزقت بالطوفة وراي وطول الوقت ادعي ...تبطل الباب وعمتني اضواء اللي تنير الممر ..حركت ريولي وانا مو حاسة فيها اصلا ..وقلبي واقف عن النبض حاسة مكانه بفراغ .. " طلال دق على الأسعاف بسرعة " سمعت اصواتهم وشفت الناس متجمهرة حوالين الشقة ...الله يستر ... " هدوني ...هدوني انتوا ما تعرفون منو انا ؟؟ خلوني " وكان صوته ...صوت عصام .. تقربت من الخلق ودخلت بينهم ...شفت طلال قاعد ومعطيني ظهره ...ما قدرت اشوف شي ...دخلت والتفت لما انتبهت لأحد واقف عند التلفون ..وكان عبدالله يتكلم بالتلفون .. طالعت عصام لقيته مربط .. تجدمت من طلال وشهقت لما شفت سامي طايح بحظن طلال وحاط ايده على حلجه ويرجع دم .. لما شافني طلال قال .. طلال : هناء صكي الباب عن الفضايح .. لما شافني واقفة مثل الهبلة متنحة ...قال بصوت اعلى ..فأنصعت على مضض ورحت صكيت الباب ورحت ركض لسامي وقعدت يمه بالضبط وقلت بخوف .. هناء: اسم الله عليك ..اسم الله عليك .. كله من النذل ...طالعته بحقد بس سمعت طلال يقول لعبدالله .. طلال : دقيت على الإسعاف ؟؟ ياه عبدالله وقال .. عبدالله :ئي ..يايين بعد شوي .. وقرب من سامي وقال .. عبدالله : سامي قوم معاي .. وطالع طلال ... عبدالله : خل نوديه يرتاح شوي داخل ...حالته حالة .. مسكوه وكل واحد من صوب اما انا رحت وراهم بسرعة بس انعطفت ناحية المطبخ اييب جلاص ماي ... رحت طيران للغرفة ... شفته مغمض عيونه وعبدالله ساند راسه ...اخذ مني الماي وقربه من سامي .. شرب شوي وما قدر يكمل قعد يكح ... سلامات يا بعد عمري ..ان شاء الله فيني ولا فيك .. حسيت باصوات برة وطلال قال .. طلال : اكيد الشرطة ... قاموا طلال وعبدالله طلعوا برة ...وخلونا برة ... قربت من سامي وشفت كدمات وجرح ينزف منه الدم ..مديت ايدي له امسحه بس وقف لما شفت علامات الألم على سامي ..اللي بطل عيونه ولما شافني قال وهو يعدل من وضعه وهو يتألم اصلا .. سامي: طلعي برة ... انصدمت ...بس قربت منه وقلت وانا امد ايدي امسح جرحه بس بعَد ايدي بقوة وصرخ .. سامي: طلعي برررة... وغمض عيونه ويتأوه بألم ...تمنيت اني اضمه لصدري واخفف آلالامه .. تشجعت هالمرة وقلت بخوف .. هناء: سامي .. قاطعني وهو يحاول بتغلب على المه .. سامي: انتي شنو ما تفميـ... واطلق آهة ومسك ايده وغمض عيونه حطيت ايدي على جتفه بخوف وقلت .. هناء: سلامتك حبيبي .. رفع راسه وسنده على المخدة ..وغمض عيونه ..حرام يتألم .. كل آهة وانة يطلقها احسها سجين تنغرس في قلبي ... نزلت دموعي متأثرة من الحال اللي وصلنا لها ... لاحظت انه ما يتحرك ..قربت منه وايد وقلت بتوجس .. هناء: سامي .. مارد ...خفت ..ناديته مرة ثانية وبخوف اكبر ..بس ماكو استجابة ولا حركة .. طقيته على الخفيف بس ما بطل عيونه على الأقل ...صرخت بقوة .. هناء: طلاااال ...طلااال.. ورديت طقيته على خده مرة ثانية بس لاجواب ..دخل طلال علي بسرعة مخترع من نداءاتي ...لما شفته قلت بخوف وبجي .. هناء: مايرد علي ...ماادري شنو صار له ؟؟ قعد طلال يم سامي وناداه بس ماكو جواب ...مسك عكازته ووقف ونادى على عبدالله وهو طالع ... ياه عبدالله مخترع ونفس الحالة ... شنو للين الحين ما استوعبوا ان مايتحرك ؟؟؟ صرخت فيهم وقلت .. هناء: ييبوا الأسعاف ..اخذوه المستشفى ..سووا شي .. ورديت ابجي ...بعدها سمعت اصوات برة ...وشفت ناس تدخل وكانوا مسعفين ...شفتهم يفحصونه قلت بخوف .. هناء : شوي شوي ..ترى ايده تعوره .. شفت واحد منهم يحط له كمام وبعدها شالوه بعد ما عدوا للثلاث .. لحقتهم لبرة ...نزلنا وهناك التفت لطلال وقلت .. هناء: انا بروح معاهم .. وقارنت القول بالفعل وما عطيت فرصة لطلال يتكلم...ودخلت سيارة الأسعاف وقعدت يم سامي ..تحركت السيارة وانا كل ماله وقلبي يرقع مثل الطبول .. نزلت دموعي مثل السيل وانا اتذكر كل شي صار ...مسكت ايد سامي وقربتها مني وضميتها لصدري .. وانا امسح على شعره .. هناء: آسفة والله آسفة ..كان المفروض اقولك من الأول ..بس ماقدرت ما قدرت .. طبعا لا حياة لمن تنادي ..كنت احاجيه وهو في العالم الأخر ... وصلنا المستشفى ونزلت معاهم وامشي بسرعة احاول الحقهم وهو ايرون السرير ...وصلوا لغرفة الكشف بس منعوني اني ادخل وطلعوني برة ...بغيت اصرخ بويه الممرضة بس مسكني طلال ...وهداني .. ظليت اروح وايي واعد بلاط الأرضية من التوتر ...لفيت لطلال وعبدالله وقلت .. هناء: طولوا ...اكيد فيه شي جايد .. قال عبدالله ولو انه بعد خايف .. عبدالله : هدي هناء ان شاء الله خير .. شفت باب الغرفة يتبطل وشفت الطبيب يطلع ..طرت عنده فقال يطمني .. الطبيب : اهدي اختي ما عليه شر ان شاء الله ..بس رضة في الأيد .. هناء: انزين شنو سبب اغماءته ؟ حسيته ارتبك بس قال .. الطبيب : بس ضربة خفيفة على الراس ... واشر داخل وقال.. الطبيب: كاهو صاحي إذا تبين تشوفينه .. وابتسم لي باطمئنان وانا ما صدقت بسرعة دخلت ... شفته ماسك ايده الملفوفة ..قربت منه بسرعة وقلت .. هناء: سلامتك يا بعد عمري ...سلامتك .. لف لي وطالعني بعصبية .. سامي : انتي لسة هني ؟؟ ما استغربت لهجته معاي فقلت وانا مطنشة جملته .. هناء:ايدك لسة تعورك ؟؟ قال بعصبية .. سامي: مالج شغل ..وطلعي برة لاني مابي اشوفج ... نزلت راسي بحزن بغيت اتكلم بس دخلوا طلال وعبدالله .. وانا انسحبت لان ادري بيحرجني جدامهم .. دمعت عيوني وبديت ابجي بصمت .. ماادري لين متى بتظل هالعيون تبجي وهالقلب يحمل الهم طول عمره ... تنهدت ابي انسى كل اللي صار... ابي افتح صفحة جديدة ..ابي ايش بسلام .. شفت طلال وعبدالله طالعين مسحت دموعي بسرعة ... طلال : يلا هناء ..تبين تيين معانا ولا بتقعدين معاه ؟؟ هناء: اشقالكم الطبيب ؟؟ عبدالله : ما قال شي رضة بالأيد وضربة خفيفة على الراس سببت له هالأغماءة ..بس ماادري ليش الطبيب رفض يطلعه مع انه مافيه شي .. وطالعنا بعض بتشكك ..بس قلت . هناء: لاتخرعوني لو فيه شي كان قال الطبيب .. طلال : صح ..ماله داعي هالخوف ...دخلي انتي الحين واحنا بنروح .. راحوا طلال وعبدالله وانا ما تجرأت ادخل ...ظليت برة شوي مابي اسمع كلمة مو حلوة ..بس كله مني .. شجعت روحي ودخلت ..لقيته يطالع الدريشة وماسك ايده الملفوفة ... قربت منه وهو حس فيني فلف وطالعني عطاني نظرة قاتلة ولف عني ... هناء: ليش زعلان مني ؟؟ انا مظلومة ..ولد خالتك النذل صورني بدل ما .. قاطعني وهو يلف لي ويقول .. سامي : انت بعد كل اللي صار فيج عين تيين تساليني ليش زعلان ؟؟؟ عبالج ماادري انج كنتي طايحة في ورطة معاه ..؟؟ انصدمت ... في هاذي بعد يدري ؟؟؟ !!!!! كمل وقال بقهر .. سامي: انت شنو خبلة ولا غبية ؟؟ عبالج لما رضيت عنج اول مرة لما كنا بأمريكا جذي ..مني والدرب رضيت عنج ؟؟؟ لا يا مدام ..انا رضيت عند لاني كنت شاك فيج ...اخذتج على قد عقلج وسايرتج عشان اعرف شنو خاشة عني .. كنت حاس ان في شي اكبر من عشرة الالاف ...ادري انج ما بقتيني ولا فكرتي تبوقيني لأنج لو تبين كنت سويتها من اول وبطريقة احسن من هاذي ...عصام كان يبي ينتقم مني فيج ..مالقى طريقة غيرج ...لقاج لقمة سهلة قدر يبلعج .. بققت عيوني عليه مو قادرة استوعب اللي قاعدة اسمعه ... قرب مني وقال بحقد .. سامي : عبالج غافل عن اللي تسوينه ؟؟ طلعاتج وروحاتج ويياتج كلها حاسبها بورقة وقلم ...كنت ادري انج ما رح تتكلمين ..فاتخذت هالطريق عشان اوصل للي خاشته عني ... فتحت لج حساب وحطيت لج فيه فلوس عشان تعطينهم لعصام وشريت لج عقد الماس عشان يكون شاهد عليج لما تعطينه له ..لا تقولين انج ما فكرتي بجذي ..تراني حافظج ..من نظرة عيونج اعرف انتوا شنو تفكرين فيه ...شريت لج سيارة عشان اسهل عليج المهمة وتروحين وتردين بكيفج ..سويت كل هذا بس عشان اعرف شنو اللي خاشته عني .. دست على قلبي وقلت باجر تقولي بس ماكو فايدة ...الحقد والأنانية عموا قلبج .. لهدرجة ما تثقين فيني هناء ؟؟ لهدرجة قلبج صار اسود ؟؟ انا اقدر انتقم منهم وبضربة وحدة ...اقدر اوقف عصام وعالية عند حدهم باشارة وحدة مني ...بس مابي تدرين ليش؟؟ لأني ماني حقود ولا قلبي اسوج مثلهم .. اللي سووه فيج ما ينعد شي باللي سووه فيني ... انا عانيت الأمرين منهم بس كنت اسكت لأن مهما صار مابي العيبة تطلع مني ...الحين شنو الفرق بينج وبين امي وعصام وعالية ؟؟؟ شنو الفرق ؟؟ هم انانيين وحقودين وانتي بعد مثلهم ... ظليت مسبهة طول ما كان يتكلم ... الجم لساني .. نزل راسه وقال .. سامي: الحين ..ياه اليوم اللي تنتهي فيه هاللعبة ...اللعبة اللي لعبتيها علي ... وقال بعد ما غير نبرة صوته .. سامي : من اليوم ...كل واحد فيني بطريج ...انتي بصوب وانا بصوب ..اللي بينا .. وسكت شوي بعدها رماني برصاصة قاتلة ... سامي :انتهى .. |
الحلقــــة السادسة والعشرون "بداية الفراق " ردت ريولي تلقائيا ورا خطوات ببطء .. مو عارفة شنو اسوي ..اصدق اللي سمعته ولا امنع اذوني تسمع ولا انحاش ولا اظل واقفة ولا شنو بالضبط ؟؟ كمل وهو يلف ويهه عني وبقسوة . سامي: طلعي برة رجاااء ..مابي اشوفج .. سالت من عيني دمعة شقت طريقا لخدي بعدها للارض ... رديت خطوة ...بعدها خطوتين ..وبسرعة اطلقت ساقي للريح ... ركضت ودموعي مختلطة بصوتي بجيي ركضت بين جموع الناس اللي داخلة واللي طالعة واللي واقفة ..ما اهتميت لمنظري المهم اني اطلع من هني .. طلعت من الباب للشارع ولما وقفت اطالع حوالي ابي مكان فاضي ...لفيت ورا للحديقة الورانية مالقيت احد ....سندت ايدي على الطوفة وويهي للأرض وايدي الثانية مقبوضة ابي اطلع حرتي بأي شي ... هناء: ليش ؟؟؟ لييييش ؟؟ وطقيت ايدي على الطوفة بقوة ...صرخت من الألم بس مو نفس الألم اللي بداخلي ...انهرت على الأرض ودموعي مبللة ويهي .. هناء: مادام تعرف ليش سويت جذي ؟؟لييييش ؟؟ انا ما كان قصدي اخش عنك ..سكت عشان تنهدم الجسور اللي بينا ...سكت عشان ... وسكت اخذ نفس بس من القهر كملت .. هناء: عشان حبي ... وصرخت بصوت عالي .. هناء : ئي احبك ..احبك وما اقدر ابتعد عنك ... بعدها سندت ويهي على الطوفة وبديت انتحب ... بعد ما خلصت حصة البكاء والنحيب ..وقفت وانا مو قادرة اوقف اصلا ...ماادري اشلون تحركت ريولي اصلا .. تذكرت اني ييت مع طلال وعبدالله بسيارته الحين اشلون ؟؟ مسحت دمعة بغت تنزل ... لأ ...خلاص ما رح ابجي عليه ...مارح ابجي ...هو غلطان بعد ..وانا مارح اتنازل لين ما يطلقني لاني اكتشفت اني كنت اعيش مع واحد مينون ...مختل عقليا ... بس نزلت دمعة ثانية ...احب واحد مينون ومو قادرة انشيله من بالي ... غطيت ويهي بايديني ... انت كلي إذا تدري ... انت حياتي اللي كانت فراغ ييت انت واحييتها من يديد .. انت قلبي اللي ينبض باسمك ... انت حبي اللي بنيته على انقاض حبي المتلاشي ... بس خلاص ...مثل ما انت ماتبيني ...انا ...ماابيك ... مسحت دموعي بعصبية ورحت دخلت المستشفى مرة ثانية ودقيت على البيت ... بعد ربع ساعة ياني عبدالله وطلال مرة ثانية ..ركبت السيارة وويهي خالي من التعابير ... قال طلال .. طلال: ها هنوي اشلونه الحين ؟؟ قلت بعصبية خفيفة وانا التفت للدريشة .. هناء: بخير ما فيه شي مثل الحصان .. طبعا استغربوا لهجتي بس سكتوا ...انا حسيت جذي ...مع اني ما شفت ويوهم .. انتبهت للطريج ...هذا طريج بيتنا انا وسامي ..بغيت اتكلم بس سكت في آخر لحظة ..خل يقطوني وبعدين اخذ سيارتي ... وفعلا وصلت وهم راحوا ...ولاني خلاص انتهيت من حياته ...طلعت الشقة ..بطلت الباب ودخلت ..طبعا الصالة على حوستها ...شفت التلفون طايح وتذكرت لما يرني عصام .. والمخدات موزعة بكل مكان بعشوائية ..تذكرت لما طاحوا على الأرض اثنينهم وبدوا يتصارعون .. شفت الدم وتذكرت سامي لما كان طايح بحضن طلال ويرجع دم .. غمضت عيوني امنع نفسي ابجي ...مارح ابجي على واحد ما يستاهل ..خلاني اعيش في تمثيلية بايخة ..كنت اداري شعوره لين درى شنو رح يسوي ..بس خلاص كاهو درى وقلب الدنيا فوق راسي وما قدر مشاعري ولا احساسي وقط علي كلام مثل السم ... امي صاجة اتطلق منه احسن لي بدل العيشة اللي كلها مشاكل ... عوار راس صج ... تحركت بسرعة عن المكان ولا رح اضعف جذي ...دخلت الغرفة وبطلت الكبت واخذت الجنطة وبطلتها وحطيت فيها كل هدومي .. كل شي خاص فيني ... وطلعت من الشقة .. بطلت سيارتي وحطيت الجنطة .. صكيت الباب .. " هناااء " اخترعت من الصوت التفت ولا دلال بويهي .. هاذي متى يت ؟؟ ابتسمت لي وانا ابتسمت لها مجاملة وسلمت عليها ... هناء:متى يتي ؟؟ دلال : انا دقيت على سامي عشان اقولها اني بالديرة بس التعبان ما تعب روحه اييني ... نزلت راسي على ذكراه ..سألتني .. دلال : إلا سامي وين ؟ رفعت راسي بثقة قلت .. هناء: بالمستشفى ...تعب علينا .. طبعا انصدمت ...وقعدت تحقق وياي بس انا منعت انها تفتح معاي شي لأني مالي خلق ودلال هذرتها زايدة .. قلت بحسم .. هناء: روحي له ...تراه محتاج احد يقعد معاه ..عن اذنج .. وركبت سيارتي وحركت للبيت ... بمحيك من حياتي .. بنساك وللأبد ... وصلت البيت وطبعا العيلة الكريمة كانت هناك ..بس ما علي منهم ..ركبت الدري بروح داري شفت طلال نازل بعكازه ومستغرب من وجودي .. طلال : انتي مو وديناج بيتج ؟؟ قلت وانا اطوف من يمه .. هناء: بلى .. وخليته وكملت طريجي للغرفة ...دخلت وانا ادز الجنطة معاي .. صكيت الباب ... سمعت طق على الباب .. اففففففف منو هذا ؟؟ .. هناء : مفتوووح .. ورحت ببطل الكبت ... " هناء " التفت وكان طلال ..ماسك مقبض الباب بايد وايد الثانية ساند على العكاز ...التفت للكبت مرة ثانية وقلت .. هناء: نعم .. طلال : ريلج اشلونه ؟؟ ريلي ؟؟ ضحكتني طلال ...قلت وانا ابتسم ابتسامة استهزاء قبل لا التفت له .. هناء: ريلي الله يسلمك ..ماعليه شر .. استغرب لهجتي ..شفته يدخل ويصك الباب وقال باهتمام .. طلال : صار شي هناء؟؟ شي ؟؟ قول اشياء ... مسكت اول بدلة لي وقلت وانا اعلقها .. هناء: مثل شنو ؟؟ طلال : هناء لفي طالعيني ...صار شي بينج وبين ريلج ؟؟ التفت له وقلت وانا اسوي روحي مستغربة .. هناء: ليش تقول جذي ؟؟ طلال : اشحقة عيل يايبة هدومج وياج ؟؟ هناء: لا بس كإستعداد .. طالعني بغرابة وقال .. طلال : استعداد ؟؟ استعداد حق شنو ؟ استعداد حق الطردة ... لميت هدومي عشان .. قطع تفكيري سؤاله الملح .. طلال : هناء .. شسالفة بالضبط ؟؟ ولاني ابي افتك من السالفة لاعت جبدي منها ...هديت الهدوم وقعدت على السرير وسكت اجمع الكلمات بس ما طلع معاي إلا هذا.. هناء: انا ابي اتطلق ... انرسمت علامات الذهول على ويه طلال فقال بصدمة .. طلال : خير ؟؟ شكله لسة ما استوعب ...كررت وباصرار .. هناء: انا ابي اتطلق .. لسة مذهول فقال .. طلال : انتي ...تغشمرين ولا شنو ؟ وبهالأشياء الواحد يتغشمر ؟؟؟ قلت وانا اقلب ويهي عنه .. هناء: لأ طبعا .. ولفيت له وقلت .. هناء: طلقني منه .. قرب مني وباهتمام وهو يقول .. طلال : ليش ؟؟ صار شي جايد بينكم ؟؟ تنهدت وقلت .. هناء: انا وسامي ما نليق على بعض ... افكارنا مختلفة ...انا ما اقدر اتفاهم معاه ...هادي مرة وعصبي مرات ...رايق مرة ومتضايق مرات ...ما اعرف اشلون ارضيه .. وإذا سويت غلط قامت القيامة ...جني سويت جريمة ... كنت اقول هالكلام وانا قاعدة اتذكر اللي صار بالمستشفى ..كملت وانا لسة سرحانة بنفس الموقف .. هناء: كلش هو ما يغلط ابدا ... يطلع حرته فيني دوم .. طلال : اشلون يطلع حرته فيج ؟؟ سكت لما تذكرت اشلون بغى يذبحني لما شافني مع عصام يوم العرس .. ويوم هديت البيت لأني اكتشفت انه يحب ريم مع اني كنت غلطانة بس ييت اعتذر له بهدلني وذلني ... نزلت دمعة مني فقال طلال بخوف .. طلال : يمد ايده عليج ؟؟ ولأني سكت لأني بعد تذكر اشلون بغى يمد ايده علي بالمستشفى ... كرر طلال كلامه بس بصيغة غير .. طلال : يطقج هناء ؟؟ انتبهت له وقلت وانا اهز راسي بالنفي.. هناء: لأ لأ ..بس يعصب ويزف ... لفيت له وقلت بحزم .. هناء: انا بتطلق منه يعني بتطلق.. طبعا ما مر اليوم وإلا امي تدري ...وطبعا بدت حجيها اللي يغث اكثر .. " انا قلت لج من الأول ما يصلح لج " " الحمدلله انج تبين الطلاق منه " " خلاص لا نعرفه ولا يعرفنا ..." ولما خلصت حصة التوجيهات من امي ..رديت داري وانا ماسحة من مخي نهائيا ... تحملته وايد ..تحملت شكوكه واتهاماته لي ...إذا يدري من زمان اشحقة ماعلمني عنه ... ليش ما تكلم ؟ يايني المستشفى يوم اجهضت ومسوي روحه زعلان ولا هو اصلا مشترك معاه بهالجريمة ... حاقدة عليه صج .. كارهة حتى اسمع اسمه ... خاين ...شكاك ... بدل ما يلمني ويراضيني ويحاول ينسيني اللي صار هب بويهي وطردني .. انا سويت كل هذا عشانه ..عشان لا ابتعد عنه ...مايدري اني احبه ...مايدري ؟؟ بس خلاص هناء ..انسيه ...انسيه مثل ما نسيتي عصام ... مرت الأيام وقدرت اني اتناساه على الأقل ..طبعا لا سأل ولا حتى حاول يدق علي ... وانا اللي ... ابتسمت باستهزاء وسخرية من نفسي وانا اركب السيارة اروح الجامعة ..شغلتها وحركت .. شغلت الراديو ... تذكرت لما طلال قالي انه راح لسامي البيت بس ما لقاه ...وراح المستشفى بعد وهم ما لقاه ... طبعا انشغل تفكيري وسؤال المطروح هني وين راح ؟؟ .. لين الحين ما ادري شي عنه ..خله يولي ..عساه يروح وما يرد ... " والآن ننصت خاشعين لايات من الذكر الحكيم يتلوها علينا الشيخ عبدالرحمن السديس " قطع علي تفكيري هالجملة ...ولأني احتاج لراحة البال رفعت الصوت ... وركزت بالأيات ... وصلت طبعا ونزلت من السيارة بس وقفني صوت تلفوني ..عبالي خلود ...بس انصدمت لما شفت سامي .. هذا شيبي ؟؟ صكيت بويهه وكملت طريجي للمحاضرة ... وقبل لا اوصل القاعة سمعت صوت مسج ...بطلتها وكانت .. " هناء انا دلال ابي اكلمج ضروري " داز لي اخته ...حلو والله ...عارف نفسه غلطان ... دخلت المحاضرة ولما اخلصها اشوف لي صرفة معاها .. بعد ساعتين خلصت ..بس مابي ادق على تلفون سامي يمكن هو يرد علي وانا مابي ...احترت اشلون الحين اكلمها ... "وينج انتي ؟؟" التفت وكان خلود وانتصار ... هناء: انتوا وينكم ؟؟ ها خلصتوا ؟؟ انتصار : ئي بس بعد ساعة عندي محاضرة ..المهم ..خل نروح الكافتيريا .. تحركنا واحنا بالطريج دق تلفوني وكان سامي ... بس طبعا دلال هاذي فعشان جذي اشرت لخلود وانتصار يسبقوني ...رديت وقلت .. هناء: هلا .. دلال : هلا هناء ...متى اقدر اشوفج ؟؟ ماشاء الله لهدرجة الموضوع خطير حتى نست تسلم وتسأل عن الأحوال ... هناء: امممم...انا الحين عندي محاضرة ...رح اخلص الساعة 12 ونص ... دلال : اوكي دقي علي لما تخلصين .. قلت بسرعة .. هناء: لأ ...اقصد ..انتي اللي ..دقي علي .. سكتت شوي جنها تفكر بس قالت .. دلال : اوكي ...سي يو .. وصكت عني ...دخلت محاضرتي وانا بالي مشغول ..مو بسامي لأ ..انا خلاص بنساه وهاذي اول خطوة .. خلصت محاضرتي ودقت علي دلال وتواعدنا انها تمرني ...بعد عشر دقايق دقت علي وعلمتني انها برة ..جنها تنطرني ...طلعت لبوابة الرئيسية بس ما اعرف سيارتها شفت احد يأشرلي لي وكانت هي سيارتها كانت لكزس سودة ذكرني هذا بعصام النذل ..ركبت السيارة وانا اطرد هالشي من بالي ... هناء: السلام عليكم .. التفت لي وقالت .. دلال : وعليكم السلام ...هلا بالزعلانين ... كما توقعت ...ردينا للموضوع الأصلي ...تأففت من داخل وقلت على مضض .. هناء: هلا دلال .. وسكتنا ...حسيتها تطالعني ..فقلت اقطع السكوت .. هناء: بغيتيني ؟؟ دلال : ئي ... زعلانة من سامي ؟؟ نعم ؟؟؟ شهالسؤال ؟؟ التفت له ابي اتأكد من اللي سمعته ..كملت وقالت .. دلال : ما قدرت اخلي سامي بروحه في البيت .. لفت لي جنها تأكد لي .. دلال : سامي تعبان وايد هناء .. من طلع من المستشفى وهو حالته حاله ... صج انه يكابر بس من داخل مكسور ...اخوي واعرفه ... ما تكلم وقال شنو اللي بينكم بس عرفت انا انكم متهاوشين ماادري على شنو ..حاولت اني اعرف بس سامي كتوم درجة اولى .. ما يتكلم ...ينجرح من الداخل وما يقول ... وانا ؟؟؟ ترجمتها على لساني وقلت .. هناء: وانا ؟؟ ما انجرح ؟؟ ما احس ؟؟ وسكت لاني مابي اتكلم اكثر بس قلت .. هناء: دلال اخوج ما يهمه إلا نفسه وبس .. وطالعت الدريشة ...قالت دلال .. دلال : لا حرام عليج ...سامي اللي شافه مو شوية ...من امي وابوه اللي حمدلله بدا يتقرب منه ..ومن عصام وعالية الأنذال ... سامي مثل الزجاج اللي انكسر وملزق عشان لا يرد ينكسر مرة ثانية ... ما اقولج هالكلام هذا عشانه اخوي لأ..اقوله لأني اعرفه عدل ..مارح امدحه لج واقول سامي ماكو منه.. بس والله الشاهد انه اول ما شافج تعلق فيج ...هناء ..سامي يحبج ... التفت لها انا هني مصدومة من كلمتها ..فكملت .. دلال : ئي يحبج ..انتي ما تدرين شنو سوى فيني لما شافج ؟؟ ما خلاني انام ولا آكل ..كله يتحجى عنج واول مرة يصير ثرثار هالكثر مع انه معروف بالهادي وما يحب الهذرة ... سكتت شوي وقالت اخيرا وهي تقرب مني جنها تقول حقيقة ما تقدر تخفيها .. دلال : اول مرة بحياته يتكلم عن بنت بالذات هالكثر ... طبعا قالج عن ريم وحبها له وعالية ولزقتها .. هزيت راسي بايجاب ..اشلون ما اعرفهم وانا اكتشفتهم بنفسي وجربت لدغة وحدة فيهم .. بس قتل باصرار .. هناء: ما قالي ...انا اللي اكتشفت ...دلال ..حياتنا انا وسامي مبنية على الصدف ..بالصدفة اكتشف انه كان بعلاقة مع وحدة قبل ...وانها كانت تحبه ...بالصدفة اكتشفت اني في وحدة تبي تخرب حياتنا ...وهي عالية .. دلال : لأنه مايبي ينبش بالماضي ...ما يبي يتذكر شي .. انتي شفتي امي وخالاتي اشلون متحاملين عليه .. هناء: شفت ..بس يقدر يتكلم ويقول ..مو يجبرني اني اعيشه بكل مآسيه ...عانيت الأمرين من ماضيه الأسود .. انا مالي ذنب بكل اللي شافه واللي صارله من اهله .. انا ضحية مثل ماهو ضحية ...بس الفرق اني مو ملزومة اتحمل هالشي اما هو مجبور .. ومسكت مقبض الباب لأني بنهي هالحوار .. هناء : عن اذنج دلال ... وبطلت الباب وطلعت ..ورحت لسيارتي ...وركبتها حتى ما دقيت على خلود وانتصار اللي مواعدتهم ورحت البلعت ..ورحت لسيارتي واتجهت للبيت ...والذكرى بدت ترجع لي .. مابي مابي ...هزيت راسي اطرد هالذكرى المؤلمة .. مابي اعرف شي عنه ومابي قلبي يضعف عشانه ... خلاص مثل ما باعني انا بعته ...واللي بينا مثل ما قال انتهى ... رديت البيت لقيت امي وخالتي ام عبدالله قاعدين .. سلمت وقلت .. هناء: اشلونج خالتي ؟؟ شخبارج ؟؟ طالعتني وابتسمت لي .. ام عبدالله : هلا والله ببنتي هناء ..اشلونج يما ؟؟ شخبارج ؟؟ رديت ... هناء: الحمدلله .. عن اذنكم ... وصعدت فوق ... رحت داري ونمت لي شوي ...قعدت على حزة الغدا ..ولأول مرة تجمعنا كلنا على الطاولة وبدينا الأكل ...حسيت بالشوق لهطاولة وماضيها الحلو ...قعداتنا وضحكاتنا وغشمرتنا ويا بعض .. كليت بشهية ولاول مرة بعد ... وخلصت الصحن ..وبعد الغدا بغيت اصعد داري ادرس لي كلمتين ...بس وقفتني امي .. امي: تعالي هناء ..ابي احاجيج .. طبعا استغربت رحت وراها دارها ..دخلت وهي صكت الباب ...الله يستر ... امي : انا مارح الف وادور عليج .. انتي مثل ما قلتي تبين تطلقين من ريلج ...وانا .. طالعتني بحذر وكملت .. امي : انا قلت لها انج تبين الطلاق من سامي ... بطلت عيوني على وسع وكملت بسرعة .. امي: انا ابيج تاخذين عبدالله .. ردينا لطير ياللي ..قلت بملل .. هناء: يما ...تراني على ذمته لسة ... امي : تطلقي منه ومارح تصيرين على ذمته ..بعدين ابيج تحاجينه وكل شي ينتهي بينكم بسرعة ..لاني ابي افاتح ام عبدالله بهالشي وما اقدر اكلمها وانتي متزوجة .. لاااا ...انا يوم عن يوم اشوف امي تتغير ..من اول حادث طلال وهي الله بالخير ..اشلون تكلمني بالموضوع اصلا ؟؟؟ انا متزوجة ..غير اني مابي اتزوج اصلا بعد ما اتطلق .. هزيت راسي باستنكار ...ناس يبوني ارضى بسرعة وانسى اللي صار من سامي ..وناس يبوني اتطلق واتخلص منه ...حتى الأختيار بهالشي حارميني منه ...زوجوني اياه بالغصب والحين يبوني يطلقوني منه بالغصب...والله حالة ..ارضيهم ولا ارضي نفسي بالأول؟؟؟ طلعت داري وانا متضايقة ....قلت ابي انسى كل شي يذكرني فيه .. خليت امي معلقة وما رديت عليها ...ارد عليها شقول ؟؟؟ امي حاذفة سامي نهائيا من الحسبة ... تبيني اتطلق منه بسرعة وتزوجني عبدالله ... خل اتطلق بعدين اقولهم اني مابي عبدالله ولا غير .. مرت الأيام وامي كل شوي تفاتحني بنفس الموضوع ... من غير ما يدري طلال ... ولاني ابي افتك من هالسالفة قلت له ... وقف مصدوم وقال .. طلال : شنو ؟؟؟ امي قالت جذي ؟؟ لا ...امي خلاص قضت .. وطلع من الغرفة يروح لامي ... طلال : يمااا ....يمااا .. طلعت امي من المطبخ وقالت .. امي: ها اشفيك تصارخ ؟؟ طلال : في ام بالدنيا تبي بنتها تطلق ؟؟ طالعتني امي بعدين فهمت السالفة وقالت.. امي: انا ... اختك لازم تطلق من هاللي اسمه سامي ...من اول ما ناسبنا واحنا بمشاكل ..اولها انت واخرها غالية ... انرسمت معالم الصدمة والحزن على طلال بس كابر وقال .. طلال : يما ..الله يهداج هو ماله شغل ..بعدين يما ما يجوز تكلمينها بهالشي وهي على ذمته ما طلقها حراام ..ثاني شي بالله هي ماتبي تطلق ؟؟ خلي لها حرية الأختيار ...هناء وسامي هم بيحلون الموضوع مو احنا ... وإذا في خلاف .. ولف لي جنه ينبهني .. طلال : هم ادرى اشلون بيحلونه .. ومشى ...خلاني مع كلماته ...بس لو كلمته الحين ببين اني ميتة عليه ..خل يولي ..هذا اللي قاصر ادق عليه .. مرت أسابيع ولا حس ولا خبر منه ... وانا سالفتي معلقة ...ودلال من بعد الكلام اللي قالته خلتني في مع نفسي افكر ... افكر بشنو ؟ افكر بواحد عيشني بوهم ؟؟بتمثيلية كنت انا البطلة والضحية فيها ؟؟؟ تمثيلية كان هو يحركها مثل الدمى المتحركة ؟؟؟ اشفقت عليه من اللي صارله من اهله وعاشه ..بس خلاص مصخت كل ما سوى شي خلى المعارك الضارية والحروب الدامية اللي عاشها مع اهله عذر ...وللأسف عذر اقبح من ذنب ... عرفت ان عبدالله خطب انتصار اخت عصام ... هني انا طقيت اصبع ...افتكيت منه ...ومن حنة امي كل يوم ... طبعا امي زعلت مني وما خلت كلمة جارحة ما قالتها ...بس طنشت ...يعني بالله اتطلق وبعدها اقعد بالعدة ثلاث شهور وعبدالله اييني يخطبني بعدها ؟؟ إذا الحين هو مستعيل اشلون ينطر اربع خمس شهور لى بال ما اتطلق من سامي؟؟؟ حددوا الملجة ورح تكون بعد اسبوع ... وطبعا تكفلت انا بتوصيل البنات من وإلى السوق ..جني سيارة لتوصيل الطلبات ... بس كل شي يهون ..عشان انسى سامي ...وفرحة عشان افتكيت من سالفة عبدالله .. انتبهت على خلود اللي قاعدة يمي .. خلود : هييه ..دري بالج لا تدعمين ترى معاج ارواح مو بايعين اعمارنا ... التفت وانا ابتسم لها واقول وعيني على الطريج .. هناء : افا عليج ..انتي راكبة مع شوماخر .. اسما : الله يستر ...انا مارح اصدق لين ما اوصل السوق ... ضحكت عليهم ...وكملنا الطريج سوالف وضحك ومعانا انتصار اللي مسوية روحها مستحية ..عاد احنا استلمناها ..بس بنفس الوقت اضحك على روحي ...ناس تطلق ..وناس تزوج ...سبحانك ربي ... وصلنا السوق ونزلت بعد ما صفت السيارة .. والبنات اسبقوني لداخل ..مسكت تلفوني عشان اتأكد من الوقت بس دعمت شي ..رفعت راسي وكان شاب ...طبعا ما صدق شق الحلج وابتسم ...هزيت اسي وماعطيته فرصة يتكلم ومشيت عنه ... من بعد سامي ..عفت كل الرياييل ... دخلت السوق وتجمعنا وبدينا نفر ...طبعا ما خليت شي ما شريته ..من محل لمحل .. جني مو شايفة خير .. شريت ثوب عاري شوي ومكلف وبنفس الوقت حلو ...طبعا اعترضوا البنات على هالشي بس طقت في بالي اشتريه وفعلا اشتريته ...الفتحة الورانية واصلة لنص ظهري غير انه علاق والفتحة من جدام كبيرة ...كان لونه زهري على بنفسجي على وردي وهذا اللي خلاني اشتريه لأني اموت على الوردي ... خلود : بنات ..تعبت تراني ..الحين بيأذن الظهر واحنا هني من الساعة تسع ..خل نروح نتوضى ونروح نصلي ...ونتغدا |
انتصار : بس هذا اللي هامج بطنج وبس ...انا ماخلصت نتغدا ونرد نلف على المحلات .. اسما : وانا بعد .. اما انا فكنت خالصة بس بقى لي الأكسسوار وكماليات ... رحنا توضينا واذن الظهر وصلينا وطلعت انا اول وحدة قعدت على الكراسي انطرهم ..بطلت الأجياس وقعدت اطالع الثوب اللي شريته ..صج انه فاضح بس مشتهية اطلع حلوة بهالملجة ...يقعد برقص فيني رقصة من الحين ههههه... " لو سمحت" انتبهت للي واقف فوق راسي...وكان هو الشاب اللي دعمته .. هناء: نعم .. ابتسم وقرب وسند على الطاولة .. الشاب : ممكن نتعرف ؟؟ ها ؟؟؟ نتعرف ؟؟؟ ههههههههههههه ضحكني هذا ...قلت امسك روحي لا اضحك .. هناء: خير اخوي ؟؟ الشاب : ممكن نتعرف ؟؟ وقف وقلت وانا الم الأجياس .. هناء : ما يشرفني اتعرف على هالأشكال .. ومشيت ...تحركت ابي اروح لهم للبنات لانهم طولوا ...بس هذا لاحقني ويقط على كلام .. الشاب : انزين بس طالعيني ...عطيني نظرة .. قربت من المصلى فسرعت شوي بس فجأة وقف جدامي ...قرب مني وانا ابعد .. الشاب : اشفيج خايفة ؟؟ انا ما اعض ترى .. قلت بخوف لأنه مصخها .. هناء: بعد ترى بنادي السكيورتي ... قال بلا مبالاة والإبتسامة شاقة الحلج .. الشاب : نادي ... وقرب وانا ابعد ... ليما طق ظهري على درابزين السلم لأنا احنا بالدور الثاني ..انحكرت .. بغيت اتحرك بس هو يتحرك معاي ويمنعني ... هناء: بعد ترى والله مارح يصير لك طيب .. ضحك وقال .. الشاب : راضي بكل اللي تبين تسوينه ... وقرب زيادة هني بغيت اصرخ والم الناس ..مد ايده وانا لزقت بالدرابزين وقلت بخوف .. هناء: وخرررر.. وقفت ايده لانه في ايد ثانية ماسكتها ...طالعت ولا .. سامي !!!! قال بجمود .. سامي: خير اخوي مضيع شي ؟؟ بعد الشاب ايد سامي بعصبية وقال.. الشاب : لأ ..وفارج يلا .. قرب سامي من الشاب وايد وقال .. سامي : انت اللي فارج ...عندك خمس ثواني تختفي من جدامي ... هني انا ما صدقت لزقت بسامي ...احتمي فيه .. قال الشاب بعصبية .. الشاب : منو انت عشان تقولي جذي ؟؟ سامي: انا ريلها لو ما تدري ... بهت الشاب واستحى ومشى بسرعة ...طالعه سامي لين اختفى اما انا ظليت اطالعه .. وعيوني شوي وتطلع من مكانها ... لف لما تأكد انه راح ...وتلاقت عيونا طالعني فوق لين تحت جنه ينبهني اني متقربة منه وايد...حسيت على نفسي لازقة فيه نزلت انظاري مستحية وبعدت عنه بارتباك ...اما هو كان يطالعني بجمود ويهه كان خالي من التعبير ...ظل يطالعني بهالنظرة الخالية من المعاني ... وانا حسيت روحي بتطلع ...أشفيه هذا ؟؟ بغيت اتكلم بس تحرك ومشى ولا قال شي ... انصدمت عبالي بيقول شي على الأقل سلم شي ...مشى ولا لف لي بعد ..شفت بنت صغيرة ياية صوبها شالها وباسها وكانت شهد .. وتبعها يهال صغار واعتقد عيال اخته ..شفته يتجه للملاهي ...وهوسايل شهد ... نزلت راسي بحزن حتى ما تعب روحه وقالي شي يعاتبني على الأقل ...انا اعرفه غيور بس الحين اجزمت انه خلاص شالني من باله ... تذكرت لما قال للشاب انه ريلي ...قالها بثقة جنه يقول اني ملكه اني جزء منه ... طلعوا البنات هني ..مع ان الموقف ما عدا الربع ساعة بس حسته ساعة كاملة ... من بعد الموقف ما شفت سامي خلصنا لف والحين وقت الردة ...ركبنا السيارة ورحنا البيت شغلت خلود الردايو وحطت على الأغاني ...فقلت لها معترضة .. هناء: احنا بالشارع تبينا ندعم وأخر شي نسمعه الأغاني ؟؟ خلود : اسم الله علينا ..ليش تفاولين ؟؟؟ بغيت اتكلم بس طلعت اغنية حق نانسي عجرم هاذي اللي تقول فيها ..ههههه مو حافظة ... بس انتبهت للكلمات ... قالت خلود .. خلود: ياي سحر عيونه نزراتوا ...اول ما تلاقينا عين بعين ... تذكرت نظرة سامي لي ... آآآآه من نظراتك ....انا بموت شهديتها ... ردينا البيت وانا في بالي هالموقف ...بس انا بنساه ...اللي سوى مو شوية ... ياه يوم الملجة ...ولبست ثوبي اللي شريته اخيرا ..خليت شعري مفتوح غطى فتحة ظهري الكبيرة .. وحطيت اكسسوار يغطي فتحتة صدري ..زينت شعري حطيت عليه لمعة ...وحطيت مكياج من القلب ...ابي اطلع غير اليوم ... امي للين الحين زعلانة لأني ضيعت عبدالله مني ..بس انا اصلا ماابيه ...ولا ابي احد عقب ما اتطلق من سامي ... ولأن الملجة في بيت خالتي ام عصام .. رحنا هناك كلنا ... ورقص وضحك وسوالف ويمعة ..نسيت فيها كل همومي ... وطبعا ولاني لابسة وطالعة كشخة اليوم قمت ورقصت من القلب ...ابي استانس ... بعدها علمونا ان عبدالله بيدخل ..اغلب الحريم طلعوا من المكان وانا معاهم بس رحت لبست شيلتي وعباتي وطلعت من البيت ابي اروح بيتنا خلاص خلصت الحفلة بعد شنو اكثر من جذي ... طلعت وانا شايلة ذيل ثوبي من صوب وبايد الثانية ماسكة المفتاح ...بطلت سيارتي وبغيت ادخل ..بس انتبهت لظل واحد هناك ...وعرفته سيدة ... طبعا منو ؟؟سامي .. ولأن ما مداني انسى الموقف الأخير ..ما تحركت من مكاني .. ظليت اطالعه وهو نفس الشي ...واقف جدام سيارته مدخل السويج في مكانه جنه يبي يروح .. تصنمنا احنا الأثنين ... وكل واحد يطالع الثاني وما يبي يتحرك ... ركبت سيارتي وشغلتها ومشيت ..طفت من جدامه بدون ما التفت له ... إذا في يوم نسيت انك جرحتني انا مانسيت .. إذا في يوم نسيت انك فضلت الإبتعاد انا مانسيت .. إذا في يوم نسيت انك عيشتني في وهم انا مانسيت .. طقيت السكان بقوة وانا زعلانة من اللي صار ..استانست وما مداني استانس ... قلبها علي ... الحين صار لي شهر من بعد اللي صار وانا مابي اتحرك خطوة اكلمه عشان ننهي اللي صار ..وطلال رافض يكلمه لأنه مايبيني اتطلق وامي تحن فوق راسي عشان نخلص من هالسالفة ... اول مرة اشوف ام مستعيلة على طلاق بنتها .. طلعت من البيت وانا متنرفزة من حنة امي ...اففف ...محد ياخذ راحته في هالبيت ...ركبت سيارتي عشان اروح الجامعة كافي اني قمت متأخر ...طالعت الساعة وكانت الساعة عشر والمحاضرة 10 ونص .. شغلت السيارة ..بس تفاجأت انها ما فيها بنزين ... لأ ...مستحيل ..مو وقته ..نزلت من السيارة وانا محتارة ..ماادري شنو اسوي ...طلال ما يقدر يسوق ...منو الحين يوديني ... انتبهت على هرن سيارة خرعني ..التفت وكان عصام ..نزل الجامة وقال ... عصام : اشفيج واقفة جذي من الصبح ؟ هناء: سيارتي خربت وعندي محاضرة الحين ؟؟ سكت يفكر وقال .. عصام : انا الحين رايح الجامعة ...اخذج بطريقي ؟؟ جنه يستشيرني ..وكان مستحي ..وانا بعد ...بس ولأن مافي وقت قلت .. هناء:اوكي .. بغيت اركب بس انتبهت على سيارة اعرفها عدل ...هاذي سيارة ..سامي !!!! اشحقة ياي عندنا ؟؟؟ صفط السيارة جدام سيارة عصام ..ونزل ...فصخ نظارته الشمسية ... وقرب منا نزله عصام .. عصام: هلا والله سامي ... ولف لي وقال .. عصام : كاهو ريلج وصل يلا اشوفكم على خير .. وركب سيارته وراح ....لف لي سامي وانا نزلت نظراتي اللي كانت معلقة عليه ...ولفيت ابي ادخل البيت شكلي اليوم ماني رايحة مكان ..بس ... سامي : لحظة ... التفت له ..قرب مني وقال .. سامي : ثاني مرة مابيج تكونين قريبة منه .. بققت عيوني عليه مصدومة ..هذا فوق شينه قواة عينه ؟؟؟ صج لين قالوا ان لم تستحي فافعل ما شئت .. قلت بعصبية ... هناء: انت فيك عين تكلم ... سامي: وانتي فيج تركبين مع واحد غريب عنج وبروحكم ؟؟ لا ين هذا ...قلت بصدمة .. هناء: شنو ينيت انت ؟؟ بعد كل هالقطاعة ياي بعدها تقولي هالكلام ؟؟ من وانت عشان تتحكم فيني وتقولي روحي مع هذا وروحي مع ذاك ؟؟؟ احنا خلاص اللي بينا انتهى ولا نسيت ؟؟ قرب مني وايد وقال .. سامي : بس ما طلقتج ....انتي لسة على ذمتي ...ولا ان غاب القطو العب يا فار ؟؟ بكل عصبية دزيته بعيد عني وقلت بثورة .. هناء: انت مريض ..روح عالج عمرك ...تعيب على عصام وانت احوج الناس للعلاج ..المفروض يحطونك انت وعصام بغرفة وحدة ... مسك ايدي بقوة آلمتني ولزقني بالطوفة وقرب مني لدرجة اني خشمه لامس ويهي ... سامي: انا فعلا مريض ...ورح امرض اكثر لو شفتج معاه مرة ثانية ... إذا تبين سلامتج هناء لا تتكرين اللي سويتيه الحين ...تراني مختل عقليا واسوي اي شي ... وبعد عني ...وطالعني شوي بعدين مشى ....انا انفاسي كانت تلاحق بعضها ..مو قادرة انظمهم ...قلت بصراخ .. هناء: انت مو ريلي ...حتى لو ما طلقتني انا ما اعتبرك ريلي ....احنا زوجين على ورق بس ... لما كنت اقول جذي كان ماسك باب السيارة يبي يدخل بس لف لي وقال .. سامي : والله ؟؟؟ وصك الباب ...وقرب مني وهو يقول .. سامي: صج ؟؟ احنا زوجين على ورق ؟؟؟ لوما خلص جملته كان واقف جدامي .. قلت بعناد .. هناء: ئي ... ورح ايي يوم ورح ننفصل ...وافتك منك .. طالعني وقرب وهو لسة بعد يطالعني ...لزقت انا بالطوفة خايفة منه ...ليما طق ظهري بالطوفة ...قرب اكثر ...وتحركت ايده وانا اطالعها مصدومة ..سندها على الطوفة قريب من رقبتي وايد ... نبضات قلبي بدت توضح ..قال وهو يبتسم .. سامي : خايفة ؟؟ طالعته بارتباك ...بس مارديت ... لساني انربط .. حط ايده الثانية على الطوفة وصار حاكرني هو جدامي وايدينه ساندة على الطوفة يعني لو ابي اتحرك مارح اقدر ... قرب اكثر وقال .. سامي : تبين اثبت لج ان احنا مو زوجين على ورق ؟؟ حطيت ايدي على صدره ابي ابعده عني وقلت بخوف .. هناء : سامي اذكر الله .. قال بلامبالاة وهو لسة محتفظ بابتسامته .. سامي: حلالي ..مرتي وكيفي .. وقرب اكثر حسيت ان ويهه خلاص ...قلت وشوي وابجي .. هناء: سامي الله يخليك ... بس ظل يطالعني وقال .. سامي: وإذا ما بعَدت ؟؟ ولأني مابي ابين ضعيفة جدامه .. تحركت فجأة ابي افك نفسي من هالموقف ...بس مسكني وانا هني صرخت .. هناء: بعَد ...مابي وخر .. بس رد لزقني بالطوفة وهالمرة صج قرب وايد ... لدرجة اني حسيت بأنفاسه ...قال بصوت خفيف وهامس .. سامي: تذكري هالشي ..انتي مرتي ...وباي وقت نسيتي انج مرتي ..علميني وانا اذكرج ... وحررني ...حسيت ان الهوا رد حطيت ايدي على صدري الهث ...كمل هو .. سامي: طلال دق علي يبي يحاجيني وانا ادري بشنو ..بس تحلمين اطلقج ..بخليج معلقة ...لاطايلة لا سما ولا ارض ... طالعته بحقد وقلت .. هناء: انت حثالة .. ابتسم يقهرني وقال .. سامي: شكرا ...شهادة اعتز فيها ... وعطاني ظهره وقال .. سامي: سي يو .. قلت ابي اقهره لآخر لحظة .. هناء: امي كانت تبيني اكلمك عشان الطلاق ..تدري قالت لي إذا تطلقتي منه بزوجج عصام .. مع انه مو صج بس قلت جذي عشان اقهره وقف هو هني ..ولاني ادري ان ذكر عصام يخليه يتكهرب ...لف لي ببطء وانا استعديت للمعركة ...بس صدمني لما ابتسم وقال .. سامي: حلوة ..العبي غيرها ... هناء: طلق وانا باثبت لك إذا كانت لعبة ولا لأ .. وابتسمت ... قال هو يلعب بالسويج .. سامي : تدرين هناء ؟؟ انتي ما تعرفين تجذبين .. ادري ان عصام يبي اختج اسما ... وطالعني بحقد وقال ... don’t treat me as a fool…I know every thing. سامي : وابتسم لي وراح ... بس قلت .. هناء: مادام تدري ان عصام يبي اختي اشحقة تعاملني جذي ؟؟ سامي: سألي روحج ...يلا اشوفج على خير .. خير ؟؟؟ اي خير ايي من وراك ... دخلت البيت ولا رحت لا جامعة ولاهم يحزنون ...ظليت حبيسة داري .. اتذكر لما قرب مني ...حسيت بقشعريرة تسري بجسمي ....طردت هالأفكار ونزلت عند اهلي ابي انسى .. ودعت أيام والحين مر شهر ثاني وانا مابي اقول لأمي ان سامي مايبي يطلقني ...بتقلبها حرب ... نزلت جلاص الجاي اللي كنت اشربه وفي بالي هالشي ... دخل علي طلال وهو يمشي الحين طبيعي بدون عكاز ماعدا شوية عرج في مشيته ... طلال : السلام عليكم ... وقعد يمي ... هناء: وعليكم السلام ... قرب مني وقال.. طلال : اشقاعدة تشربين ؟؟ قلت وانا عيوني على الجريدة .. هناء: جاي ... سكتنا وظليت اقرا ...قال فجأة . طلال : دريتي ؟؟ رفعت راسي وقلت .. هناء: شنو ؟؟ قال ببطء جنه يبي يعرف ردة فعلي .. طلال : سامي بالمستشفى .. شنو ؟؟؟؟ بققت عيوني اطالعه عدل ....قلت ابي اتأكد .. هناء: شنو؟؟ طلال : عبدالله قالي ان تعب واخته ودته المستشفى ....وهو الحين مرقد .. وقف قلبي ...سامي بالمستشفى ؟؟؟ ..قلت بخوف .. هناء: ليش ؟؟ شنو فيه ؟؟ طلال : ماادري توني دريت ...امس بليل نقلوه المستشفى ... ما عرفت شنو اسوي ...اتحرك واروح له طيران ولا اقعد واطنش ... قلبي مو قاسي لهدرجة ... صعدت داري على هالأفكار وانا مو قادرة ابي اشوفه ... مسكت تلفوني دقيت عليه ..يمكن يرد ...بس ردت علي دلال ...قلت بلهفة .. هناء: دلال ..سامي اشفيه ؟؟ دلال : اا ...هلا هناء ...لا ما عليه شر بس ياه هبوط حاد وطاح علينا ...قعدوه امس واليوم بيطلع .. تنهدت بارتياح ... كملت هي وقالت بهمس .. دلال : يا عيارة ...وتقولين انج ما تحبينه ؟؟ وقالت بعد مارد لطبيعته .. دلال : تبين تكلمينه ؟؟ قلت بسرعة ويهي صار طماطة .. هناء: لأ ...مابي ...مع السلامة .. وصكيت عنها ... غمضت عيوني وندمت على تهوري ...ليش انكر هالشي ؟؟ احبه ..ئي احبه مو قادرة انساه .. وبنفس الوقت مو قادرة انسى اللي سواه فيني ... طنشت هالإحساس ...وظليت ما اعرف مصيري ..متزوجة ولا مطلقة ... في يوم يتني امي وقالت .. امي: تراني دقيت على سامي واخته اييون عندنا ..خل نخلص من هالسالفة .. انصدمت طالعتها بس هي راحت وخلتني ... اشلون تسوي جذي بدون ما تاخذ رايي ؟؟؟ رحت وراها وقلت .. هناء: يما ...منو قالج تسوين جذي ؟؟ لفت لي .. امي: محد ..انا مليت ..الناس كلوا ويهي ..هناء شنو تسوي عندج ؟؟ اشحقة مو في بيت ريلها ؟؟؟ انا مليت ...تطلقي منه فكينا ... بغيت اتكلم بس سمعت جرس بيتنا ... راحت امي وبطلت الباب وكانت دلال ..ياية بروحها ...سلمت عليها امي وانا بعد ..بس بقهر ..مقهورة من امي ..تتخذ القرارات بروحها ... امي : دلال انتي تدرين اشحقة داقة عليج ؟؟ دلال : ئي خالتي ... بس ... طالعتني وقالت .. دلال : المعنية بالموضوع موافقة ... امي : قبل لا ندخل بهالسالفة وينه اخوج ؟؟ دلال : بالديوانية مع طلال .. وقفت امي وقالت .. امي: بروح اناديهم احسن ... طلعت وظلينا انا ودلال ... دلال : عاجبج جذي ؟؟ نزلت راسي ودموعي بدت تتجمع بس مسكت روحي ... خلاص اللي بينا انتهى .. سكت وما رديت .. دخل طلال ووراه الإنسان اللي طول عمري احبه ومااقدر انساه .... قعدنا وادري ان سامي ما يبي بس انا بضغط عليه لين ما يطلق ... امي : الحين خلاص اعتقد المسألة وصلت حدها ...الأحسن كل واحد يروح بطريج ... مثل ما دخلنا بالمعروف نطلع بالمعروف .. ظل سامي ساكت مع ان الكلام موجه له وفوق كل هذا منزل راسه ...قالت دلال .. دلال : بس خالتي ...احنا ما ندري شنو السبب اللي خلاكم تقولون جذي ؟؟ امي : ماله داعي الكلام ...اللي يانا كافي ... وطالعت سامي ينطق ...رفع راسه اخيرا ..وقال.. سامي : وإذا قلت اني مابي اطلق ؟؟ لفيت ويهي انا ...وقلبي حاس ان السالفة مارح تعدي على خير ... امي: هي تبي الطلاق بتعيش مع وحدة ما تبيك ؟؟ سامي: خليها تقول هي بالأول .. قلت انا بسرعة ابي انهي السالفة .. هناء: طلقني .. طالعني بألم ..بس نزل نظراته وقال ... سامي: وانا مابي اطلق .... ووقف وقال .. سامي: السالفة بالنسبة لي منتهية ... وقفت امي بعصبية وقالت .. امي: لا مو منتهية ....انا مارح اسمح لك تخلي بنتي معلقة لا مطلقة ولا متزوجة ... طلال :يما ..مو جذي .. بس امي طنشت طلال وقالت .. امي: النت ما تبيك ..وانت سمعت بأذونك انها تبي الطلاق .. لف سامي ويهه بملل وقال .. سامي : ماني مطلق ... ولف لنا وقال بحزم .. سامي: انا اصلا المفروض اييرها معاي للبيت ..بس احتراما لرغبتها خليتها عندكم .. امي: ما تقدر تاخذها غصب . قال بتحدي .. سامي : والله ؟؟؟ قلت انا بقهر .. هناء: ئي ما تقدر .. طالعني وقال .. سامي : try me.. بغيت اصكه بالمزهرية اللي جداني ...قالت اخته .. دلال : يا جماعة هدوا ...السالفة ما تنحل جذي ... قال سامي .. سامي: مالها إلا حل واحد ..تيي وياي بالطيب .. انصدمت على كيفه يطردني وعلى كيفه يبيني ايي معاه ... قلت بعصبية .. هناء: انت على كيفك تمشي العالم ؟؟ انا مابيك يا اخي ..ماني ياية معاك شنو رح تسوي ؟؟ قال طلال بعتب .. طلال : هناااء . قال سامي .. سامي: الله يخلي بيت الطاعة ... وهذا دق ناقوس الخطر ... امي قالت .. امي: لا توصل السالفة للمحاكم ...تقدر تنهيها هني والحين .. هز سامي راسه بالنفي وقال .. سامي: مارح انهيها ..إلا إذا يت معاي ... طالعت دلال سامي وقالت .. دلال : سامي لا تعقدها .. طالعها وقال .. سامي : انا مابي اعقدها ..حلها بسيط ..تيي وياي حياها الله ..ما تبي ..بتوصل السالفة للمحاكم ..وباخذها غصبن عن اللي مايرضى .. وطلع من البيت ...طلع معصب ...وسامي عنيد ...ما تحملت وطلعت وراه .... ركضت لعنده ومسكته وخليتها يلف لي غصب وبعصبية بدرجة ان ظهره طق بالسيارة ... هناء: انت شنو ما تحس ؟؟؟ انا ماابيك يا اخي ماابيك افهم ... مارد علي لف ظهره عني وحط السويج يبي يبطل السيارة ...قلت وانا ماسكة ايده والفه ناحيتي .. هناء: لا تعطيني ظهرك ..انت ما تبيني ...اعترف انك ماتبيني ...تسوي كل هذا عشان تبرد حرتك فيني .. قال ببرود .. سامي : حمدلله مخج شغال لسة ... وعطاني ظهره مرة ثانية ...هني انا انقهرت زود طقيته على ظهره ضربات متتالية ... وانا اقول .. هناء: اكرهك ..اكرهك .. لف لي ومسك ايدي وقال بعصبية وهو يهزني .. سامي: وانا اكرهج زود ...اكرهج اضعاف ...حالج حال عالية عندي ... عبالج اني بيي اعتذر لج واقول هناء سامحني الله يخليج ...حريمتج .. اموت ولا اقولها ... حاولت اني اسحب ايديني منه بس هو كان اقوى ... قلت .. هناء: ماابيك تسامحني ..ابيك تختفي من حياتي .. آلمتني مسكته وقال .. سامي: لا تخليني اخذج معاي الحين ..تراني اقدر اسويها ومحد يقدر يمنعني .. هناء: سوها لو فيك خير .. يرني وراه وانا مابي ..حاولت اني ابعدها عني بس ماسك ايدي بقوة ..بطل باب السيارة ..وانا اتصارع معاه .. قلت له .. هناء: هدني ..ايي وياك ..ماااابي ...يمااااااا بس دخلني غصب ..مسك حزام الأمان ولفه حوالين ايدي ماادري اشلون بس شلني عن الحركة ... بغيت لف الناحية الثانية وركب وانا ارافس واصرخ ... حرك السيارة ومشى ... هناء: نزلني ..مابي اروح وياك ..مابي .. مايرد ..يسوق وهو ساكت ... ظليت اطق الجامة بجنون ...جني مطلعيني من مصح ...لما خارت قواي قلت .. هناء : حرام عليك ..تراني مو لابسة لا شيلة ولا عباة ..ماخذني بهدومي .. وكنت لابسة بيجامة ... طالعتي بلا مبالاة وقال .. سامي: لا تخافين محد بيشوفج ..تدرين ليه ؟؟ طالعته ابي الجواب ..بس فجأة مسك راسي وخلاني انزله غصب .. هناء: آآآي ...انت شنو تسوي ؟؟ سامي: خلج منزلة راسج لين ما نوصل البيت ... وحاط ايده على راسي وانا ظليت جذي ليما رقبتي عورتني ... شال ايده وقال .. سامي : الحين قومي ..ماكو احد .. رفعت راسي وكنا ماشيين ..ومافي سيارة الحين ...منو بيي الحين الساعة 11 ونص والشوارع بدت تفظى وسامي راح منطقة فاضية ... هناء: الحين ممكن تقولي احنا وين رايحين ؟؟ مارد علي .. لفيت له وكررت فقال .. سامي: ماادري فكرت ارفه عن روحي معاج .. مالت عليك ... هناء : خوش ترفيه بالغصب ... ضحك وقال .. سامي : كيفي ... طالعته باشمئزاز ... ظلينا ساعة نمشي ...وتلفون سامي ما سكت اكيد طلال او دلال .. سامي :لهدرجة خايفين عليج ؟؟ ما طالعته وقلت .. هناء: على الأقل عندي اهل يسالون عني ويخافون علي من ونفسك .. مارد علي بس قال اخيرا .. سامي: مشكورة ..ما قصرتي . ندمت اني قلت جذي بس قهرني حسبي الله على ابليسه ... ظلينا ساكتين ...وانا افكر اشلون بتنتهي حياتي معاه ... اشلون بتحمل فراقه ... حسيت ان السيارة بدت تنحرف ...وتتمايل ...طالعت سامي لقيته حاط ايده على راسه ...شكله دايخ ..قلت بخوف .. هناء: سامي .. نزل ايده وطالعني وقال .. سامي: اشفيج ؟ هناء: انت اللي اشفيك ؟؟ طالع جدام وقال .. سامي: مافيني شي ... هناء: انزين سوق عدل السيارة قاعدة تنحرف .. سامي: ان شاء الله عمتي .. كنت قبل ابتسم لما يقولها بس الحين ماعطيته ويه حتى ..قلبت ويهي عنه للدريشة ... مالت السيارة فجأة حسيت انها بتنقلب ...قلت .. هناء : سامي ..سوق عدل .. بس ظلت السيارة على حالها ... مالت اكثر ..طالعته لقيته حاط ايده على راسه وشكله الهمرة مو قادر يضبط روحه ولا يضبط السيارة ...نطيت انا ومسكت السكان بآخر لحظة بغينا ندعم الشبة ( عامود النور) ولفيتها ودخلنا الرصيف ..هني سامي اغمى عليه ...صرخت بأعلى صوتي .. هناء: ساااامي ... بس ما قدرت اسوي شي ايديني ماسكة السكان ... ومو قادرة اسيطر عليها ... لمحت ان جدامنا حبل رمل جدامنا ... صرخت لما خلاص رح ندش فيه .. وفعلا ارتطمت السيارة بجبل الرمل ...ومن قوة الضربة طقيت الجامة الأمامية ...ورديت طقيت ظهري بالكرسي ... وظلمت الدنيا جدام عيوني ... |
الحلقــة السابعــة والعشــرون "نهاية الطريق " " هناء ...هناء " بطلت عيوني على صوت يناديني ...الدنيا جدامي ضباب ...غمضتهم شوي اخفف الدوار اللي حاسة فيه .. بطلتهم واخيرا وضحت جدامي الصورة... سامي: حمدلله .. قعدي هناء ..سامعتني ؟؟ قعدت بمساعدته حطيت ايدي على راسي ...آآآخ ...راسي ... لفيت حوالي ..ظلمة ما عدا انوار اللي تطلع من عواميد الإنارة ....بعدها استوعبت ...احنا لسة بنفس المكان؟؟؟؟ لفيت له ولقيته يطالعني يتأكد ان ما فيني شي ...قال وهو يرد ظهره للكرسي بعد ما تأكد .. سامي: الحمدلله مافيج شي ... قلت وانا اغمض عيوني ...وباستهزاء .. هناء: صج مافيني شي بس شوية عوار براسي وضلوعي مكسرة .. سامي: حمدلله اهون من شي ثاني .. لفيت له بعد ما بطلت عيوني وبغيت اقول بس سبقني وقال .. سامي :انا الحمدلله ..بس دوخة بسيطة وراحت .. وطالعني جنه يعتابني ليش ما سألت ...صح ..ليش ما سألت ؟؟ بس خله يولي يايبني هني وآخرتها نسوي حادث ...مالت عليك ... لفيت ويهي عنه وانا معصبة ...بس رديت لفيت ما قدرت..ضعفت وقلت .. هناء: شي يعورك ؟؟ ارتسمت الإبتسامة على ويهه ..بس هز راسه وقال .. سامي : لأ ... بس حاس روحي دايخ شوي .. وغمض عيونه ورد راسه ورا وغمض عيونه وكمل .. سامي: ترى السيارة خربانة وتلفوني مافيه شحن .. نعم !!!!! قلت بخرعة .. هناء: خير ؟؟؟ شنو ؟؟ سيارتك خربانة ؟؟ وانا بظل قاعدة هني لين متى ؟؟ قال بنفس وضعيته .. سامي: لين ما الله يفرجها ... ورفع راسه وطالعني وقال .. سامي: بعدين اشفيج خايفة طالعة مع وحش؟؟ طالعة مع ريلج .. قلت بدون وعي .. هناء: ريلي طل ...جم مرة اقولك اني ما اعتبرك ريلي .. سامي: والله في بينا ورقة .. وعقد ...إذا نطقت بكلمة طالق وخلصتي عدتج حزتها منتي مرتي .. وعدل من قعدته وقال .. but in this case you are my wife سامي: مالت عليك ... قلبت ويهي عنه مابي اتهاوش معاه ... بس قلت بعصبية وانا اطق الباب .. هناء : الحين اشلون ..بنظل محبوسين هني لين متى ؟؟ مارد علي ..فقلت وانا اهزه بقوة .. هناء: احاجيك انا .. قال وهو يطالع الدريشة وببرود .. سامي: حسني اسلوبج وانا برد عليج ... قلت باستنكار وغرور .. هناء: ليش ان شاء الله ؟؟ اشفيه اسلوبي ؟؟ لف لي وطالعني وطالت نظرته لي ...قلت وانا اتأفف ... هناء : لا إله إلا الله ...لا تطالعني جذي .. مارد ولف للدريشة ... افففففففففففف ... سكت وما اعقبت ... مر وقت واحنا لسة قاعدين وساكتين ... طول الوقت مالفيت ناحيته ... بس ولأني مليت ...التفت وكنت ابي اطلب منه يقوم يصلح السيارة ...بس سكت عنوة لما شفته نايم ...وشكله نايم من وقت ... تقربت منه لقيته صج نايم ... هذا من صجه !!!!!!! احنا عالقين وهو نايم ؟؟ صج فاضي ... من العصبية قمت وبطلت الباب وطلعت وصفقته حيل ... يمكن يصحى ...رحت للدبة اللي جدام وبطلتها ... الحين المكينة جدامي ...يلا يا فالحة صلحيها ...هذا إذا عرفتي .. يوووه ...مالت عليك وعلى سيارتك ...صكيت الدبة بقوة ... اهتزت السيارة عبالي بيقوم بس ولا على باله ..بدنيا غير الدنيا ... بعدت خصلات شعري اللي قاعد يلعب فيه الهوا ... سند على السيارة ..وتجتفت ...تنهدت بضيق .. سرحت بالظلمة اللي جدامنا واللي محاوطتنا ... وقفتني هني ماله داعي بالله احد مر وشافني ..وانا مو متغطية ...سجبت ريولي ورديت دخلت السيارة ... لقيته صاحي ويتعبث بالخانة اللي جدامه .. قعدت فقال وهو لسة يتعبث .. سامي: مرة ثانية ...طلعي من السيارة بهدوء ..ما تهزين الدنيا فوق راسي .. وشفته يطلع علبة دوا ... ويلف ورا ويمد ايده وياخذ غرشة ماي ... راقبته وهو يشرب ... قلت .. هناء: شنو هالدوا ؟؟ صك الغرشة وقال .. سامي : حق الصداع ... هناء : اي صداع ؟؟؟ غمض عيونه وصبعه يلعب بغطا الغرشة .. سامي: اي صداع يعني ؟؟ صداع راسي اكيد .. يحاجيني من طرف خشمه بعد ...قلت بامتعاض وانا اقلب ويهي للدريشة .. هناء: انزين حاجني عدل ما اشتغل عندك انا ... حسيته يطالعني بس طنشت ...باط جبدي ...سمعت صوت الباب يتبطل لفيت لقيته يبي يطلع ..وفعلا طلع .. شفته يبطل الدبة وختفى من مرمى بصري لأنه الدبة غطته عني ..ما اهتميت رديت ظهري ورا وحطيت ايدي على يبهتي اتحسسها ...ورمت .. آآخ .. الحمدلله ما صار لنا شي ... لنا ؟؟؟ انتبهت على روحي وانا اقولها ....لنا ؟؟ يعني انا وهو ...ليش اهتم فيه ما دام انا ابي اتطلق منه ؟؟؟ لانج تحبينه وتموتين على الأرض اللي يمشي عليها ... ئي احبه احبه ...بس ما اقدر اقط روحي عليه ...اللي سواه مو شوية ... مرة يبيني ومرة لأ ... قاطني شهرين ما يدري عني ويايني بعدها يبيني ولا ياخذني غصب بعد ...انا ماني لعبة بإيده ...ماني لعبة ... وتنهدت بضيق ومرارة ...ومنعت دمعة بالغصب انها ما تنزل مني ... قابل حبي له بالإهانة .... " هناء شغلي السيارة " مسحت عيوني بسرعة ومسكت السويج ولفيتها ...والحمدلله اخيرا اشتغلت ... طالعته وانا ابتسم وقلت ... هناء : ايدك سحرية .. كان واقف ومبطل الباب وساند ايده عليه ...كان يطالعني طبعا وابتسم ...ظل يطالعني لمدة حسيتها انا طولت .. قلبت ابتسامتس لتكشيرة وقلت من طرف خشمي .. هناء : اشفيك تطالعني جذي ؟؟ قال ببساطة وبطريقة نرفزتني ... وهو طبعا يبتسم .. سامي: تدرين ؟؟؟ مارديت عليه ابيه يكمل وانا لسة بتكشيرتي .. سامي: تكشيرتج حلوة .... بطلت هني عيوني ...من صجه هذا ؟؟ الحين هذا وقته ؟؟ انفجر يضحك ومو قادر حتى يمسك روحه ... قلت باستخفاف بس مقهورة من داخلي .. هناء: لا تموت علينا بس .. ولفيت للدريشة عنه ... سمعته يقول .. سامي : تبيني اموت ؟؟ شنو؟؟ لفيت له مستغربة وقلت .. هناء: منو ياب طاري الموت الحين ؟؟ وليش اصلا تقول جذي ...بس طبعا ما قلت لا احسسه بأهميته ...تنهد وقال وهو يطالع جدام .. سامي : انتي ...توج تقولين لا تموت علينا ... حمدلله والشكر ... موصاحي ...قلت وانا ابي انهي هالحوار اللي من بدايته ينون .. هناء: الحين خلصني ودني البيت ...بلا حجي فاضي .. سامي : اي بيت ؟؟ هناء: بيت ابوي ...لو سمحت .. هز راسه جنه مو راضي فقلت .. هناء : لا بتوديني غصب ... قال جنه توني سمعني .. سامي: شنو ؟؟ عيدي اللي قلتيه ... قلت بثقة .. هناء: بتوديني غصبن عنك ...يلا حرك .. ظل يطالعني بعدين قال .. سامي: تدرين انج مغرورة وشايفة روحج ...ولا غبية بعد .. شهقت لما قال جذي ...انا مغرورة وشايفة روحي وغبية ؟؟؟ لا مصخها هذا ... قلت بعصبية .. هناء: انت صج مو ويه احد يحترمك ... إذا انا مغرورة شوف روحك اول ..قاطني شهرين ولا تدري عني ولما بينت مرة ثانية ياي تاخذني غصب وانا ماابيك ... ومطرش لي دلال اختك عشان تتوسط بينا لا يا حلو انا مارح ارجع لك طلق بالطيب احسن لك ..انا ما اطيقك ...ما اطيقك ...وإذا انا غبية انت اغبى ... وسكت ...ظلت انفاسي المتلاحقة مصدر الوحيد للصوت في هالموقف ... قلت كل هذا بعصبية وقهر ... طالعني بذهول وقال .. سامي : كل هذا بقلبج من ناحيتي ؟؟؟ قلت بدفاع ... هناء: يا سلام ما انت قلت اني مغرورة وغبية وشايفة روحي ... مو هذا بقلبك من ناحيتي بعد ؟؟ ظل يطالعني مذهول ومدهوش وقال .. سامي: انتي لو خلتيني اكمل كنتي ... وسكت ...هز راسه باستنكار وقال وهو يحرك السيارة .. سامي: طول عمرج بتظلين غبية .. قلت بعصبية .. هناء: ما.. هني صرخ بويهي صرخة نقزت منها ... سامي: بس انطمي ..مابي اسمع صوتج .. بلعت باجي جملتي اللي كنت ابي اقولها ...سكت عنه لاني ابي ارد بيتنا سليمة ..ظلينا طول الطريج ساكتين ...بس حسيت ان هذا مو طريج بيتنا ...بيت ابوي ...قلت .. هناء: انت وين رايح؟؟ مارد علي فكررت .. هناء: رد علي وين رايح ؟؟ قال بامتعاض وعينه على الطريج ما لف .. سامي: البيت ..بعد وين؟ هناء: هذا مو طريج بيتنا .. سامي : بلى ...ولا نسيتي الطريج ؟؟ هناء: سامي ودني بيت ابوي ... مارد علي ...قلت بعصبية .. هناء: يا اخي مابي اقعد عندك ...غصب هو ؟؟ لف لي هني وقال .. سامي: ئي غصب ... هني وصلنا العمارة ... تنهدت ...نزل هو من السيارة قال .. سامي: بتظلين هني ؟؟ قلت بعناد .. هناء: ماني نازلة ... قال ببساطة .. سامي : اوكي ...خلج .. وصك الباب ...افففف ...لازم يخليني اعصب ... بطلت الباب ونزلت وراه ...وقلت محترة منه .. هناء: لا تعامليني بهالأسلوب انا ماني ياهل .. لف لي وقال .. سامي: انتي ما تمشين إلا بهالأسلوب ... تأففت بضيق ... وقلت على مضض .. هناء: انزين انا مااقدر ايي وانا جذي ...لا شيلة ولا شي يغطيني .. شفته يفصخ جاكيته ويقرب مني ...مد ايده وقال .. سامي: لين ما نوصل الشقة .. الحمدلله ان بيجامتي جم طويل ...وكانت ثوب ...لبسته تحت انظاره ...ومشيت ...غطيت راسي عدل عن لا يطلع شعري .. حسبي الله على ابليسك يا سامي ..الحين انا اطلع بهالشكل ؟؟؟.. وصلنا الشقة وطبعا كانت نظراته ما تخلو من الطنازة ... دخلت وبعدت الجاكيت عني بسرعة وحذفته عليه ..وقلت هناء:هاك .. مسكه قبل لا يطيح على الأرض وقال .. سامي: مقبولة منج .. مارديت عليه ودخلت داخل بسرعة للحمام ...طول الوقت كنت حافية ...غسلت ريولي وفتحت الماي وحطيت ايدي تحته ...واخذت كمية وغسلت ويهي ...خليته يتغلغل بخلايا ويهي عدل ..ابيه يطفي النار اللي تحرقني ... بط جبدي مالت عليه ...عليه اسلوب عجيب بالتعصيب ...يحب يشوفني معصبة ... بعد ما هديت شوي طلعت ... وقفت عند الباب مو عارفة وين اروح ....مابي احسسه اني ميتة اني رديت البيت مع اني مستانسة ... طلع بويهي فجأة خرعني ... سامي: اشفيج واقفة ؟؟ تصنعت التكشيرة وقلت ... هناء: ليش حرام اوقف بعد ؟؟ بعدني عن مكاني وقال وهو يبطل باب الحمام عزكم الله .. سامي: لأ ... ودخل ...تحركت انا من مكاني ...وانا اتفحص البيت .. جني من عشرين سنة ما دخلته ... كل شي بمكانه ..لفيت حوالين نفسي وعيوني تدور على البيت ... بس فجأة طلعت صورته جدامي ... اخترعت ..حطيت ايدي على صدري وقلت بعصبية .. هناء: يااخي اشحقة طايح فيني تخرع ؟؟ ضحك وقال .. سامي : ياحلوج وانتي مخترعة .. هذا اشفيه طايح فيني مغازل ؟؟ طقيته على جتفه بس مسك ايدي وباسها ...سحبت انا ايدي وقلت بصدمة .. هناء: انت ينيت ؟؟ قرب مني وانا بعدت ...قلت بخوف . هناء: انت شارب شي ؟؟ قال وهو يسوي روحه يفكر وطبعا ظل يقرب .. سامي: امممممم...قبل ما اييكم البيت شربت عصير مع دلول وعيالها ... وظل يقرب وانا ابعد قال هو .. سامي: طافج عصير ... تحفة...بس حمود حسبي الله على ابليسه كته علي ...خرب هدومي ... قلت وانا ابعد وانتفس بخوف وارتباك.. هناء: انت...انت رح تحكي لي يومياتك ويا عيال اختك ؟؟؟ ابتسم وقال .. سامي: لأ ..بس انتي سألتيني شارب شي فشي ير شي ... هني طقت ريولي بالقنفة ..وهو قرب بغيت اطيح على القنفة بس هو مسكني ..بعدت ايدينه وقلت بعصبية .. هناء: لا ..انت مينون رسمي .. مشيت عنه للغرفة ..بس مسك ايدي وخلاني الف غصب عني .. قال ولأول مرة برجا .. سامي: هناء الله يخليج قعدي ابي احاجيج ... بغيت ارفض بس شفت بعيونه الأصرار ...قعدت على مضض ...بس بعيد عنه شوي ..وقلت . هناء: خلص قول اللي تبيه بسرعة .. سكت ...وطال سكوته ... لفيت له باستغراب ..هني بدا يتكلم ..وقال .. سامي : انتي صج تبين تطلقين ؟؟ ما ياه على بالي انه رح يسألني هالسؤال..عبالي رح يبرر لي مواقفه الأخيرة ...مو بس هالسؤال .. طالعته متعجبة ... كمل وقال .. سامي: هناء ..يمكن انا كنت شوي مبالغ بردة فعلي ..بس انا ... وسكت حسيته يجمع كلماته ... سامي: انا ...احم ..ما توقعت انج تخشين شي جايد مثل هذا .. صج اني كنت ادري ان في شي بينج وبين عصام بس .. ونزل راسه يلعب باصابعه ..شكل التوتر واصل حده عنده .. سامي: سويت كل هذا عشان كنت ابيج تقولين لي ..ابيج انتي تيين من نفسج وتقولين لي ...موت بنت عمج خلاني اجزم انج رح تيين وتعلميني .. بتقولين ليش مارحت واخذت الصور منه بقولج انا ما كنت ادري ان عصام عنده صور لغالية ...بس عبالي يلعب عليها ...وهي بنت عمج ما قصرت .. بس صدقيني والله العالم اني ... وتنهد .. وسكت ...حسيته مكسور ومو قادر يعبر عن اللي بداخله ...صاجة دلال يوم قالت انه كتوم وايد .. بس هذا مو مبرر ابدا ...المفروض يثق فيني ...مو يخليني معلقة شهرين .. قلت انا الحين .. هناء: انا عارفة اللي تقوله صج .. وادري انك مالك يد باللي صار ...وحادث طلال وموت غالية الله كاتبهم ومحد يعرف الغيب ...بس اللي صار بينك وبيني ...منو السبب فيه ؟؟ ردة فعلك المبالغ فيها على قولتك ؟؟ ولا شكك وعدم ثقتك فيني ؟؟ لو كنت تدري من الأول ليش ما قلت لي ؟؟ليش خليت كل هذا يصير وانت بايدك تحل كل هذا ؟؟ شنو كنت تفكر فيه ؟؟ كنت تبي تجكني يعني متلبسة مرة ثانية ؟؟ لا تقولي انك ما كنت تفكر بجذي ..ترى كل اللي صار كان بايدك تنهيه وبكلمة وحدة منك .. سامي : لا تطلعيني انا الغلطان بروحي ..انا اعترف اني غلطان ...وادري اللي سويته مو شوية حتى اني لين الحين ماني مصدق اللي قلته واللي صار بسببي .. غمضت عيوني بألم وقلت .. هناء : سامي اسمعني عدل ...انا .. وبطلت عيوني وقلت ابي يفهم هالشي لاني تعبت خلاص .. هناء: وانت ما ... سكت ما عرفت شنو اقول .. فقال هو متشكك .. سامي: قولي هناء ..شنو ؟؟ نزلت راسي للأرض وقلت ودموعي شوي وتنزل .. هناء: انا وانت ما ننفع حق بعض .. حسيت اني فجرت بويهه قنبلة ..لأن ويهه تغير ..طالعني بذهول وصدمة .. سامي: شنو ؟؟ هناء: اللي سمعته .. حسيته ان انفاسه بدت تطلع وتنسمع .. قال وهو يغمض عيونه يبي يتسوعب .. سامي: هناء انتي من ...انتي عارفة شقاعدة تقـ... قاطعته وقلت وانا ارفع صوتي يغطي على صوته .. هناء: سامي ... سكت وكملت انا بألم .. هناء: زواجنا كان من اوله غلط .. انا وانت ما نليق على بعض ... المشاكل اللي مرينا فيها صج انها ما كانت بايدينا ..بس اهلي مو متقبلينك واهلك مو متقبليني ...خلاص خلنا نريح نفسنا وعن المشاكل اللي مالها داعي ونفترق ونريح اهلينا .. هز راسه مو مصدق ...وكان يبي يتكلم بس مو عارف شنو يقول ...قلت ودمعة تنزل مني .. هناء: تكفين سامي ... خلنا نتطلق ...كافي المشاكل اللي بينا ... وقمت ورحت الدار بسرعة ... وخليته بذهوله وصدمته ... دخلت الغرفة وصكيت الباب لا قفلته بعد ... تسندت عليه وانا ابجي ... ابجي على حبي ...ليش ما كل احب احد تكون النهاية الفراق ؟؟؟ ليش ؟؟؟ مسحت دموعي وانا مؤمنة ...مؤمنة ان اقدارنا حتمت لنا هالشي .. الله ما يبي نظل مع بعض اكثر يمكن يكون في هالشي خيرة ...استلقيت على السرير وردت هني سالت دموعي ...سالت وبللت المخدة .. آآآآه يا قلبي ... قمت الصبح وانا حاسة روحي مكسرة ... تذكرت هني اللي قلته امس .. بس خلاص مابي اتذكر .. طلعت من الغرفة تاركة وراي هالأفكار ...جلت بنظري بالصالة ادور عليه بس مالقيته ... رحت الحمام عزكم الله غسلت ويهي واسناني .. قعدت بالصالة ومسكت التلفون ابي ادق على طلال اييني ...وقلت له اييب معاه عباتي وشيلة ... صكيت عنه وانا افكر بسامي ... مااردي شنو صار عليه من امس ... اكيد زعل وتضايق ...بس هذا الحل الوحيد ... من اول ما تزوجنا واحنا بمشاكل ...ماضيه الأسود صار يطاردنا من مكان لمكان ...يينا هني عشان ننساه لقيناه موجود قبلنا ... حسبي الله على اللي كان السبب ... نزلت دموعي هني بس مسحتهم بسرعة مابي اتعس نفسي واتعبها ...خلاص هاذي نهاية الطريق ... سمعت صوت الباب يتبطل ...لفيت ..وتلاقت عيونا ...لثواني بس ...نزلت راسي وبغثرت نظراتي بعشوائية بعيد عنه ....مابي قلبي يضعف ... صك الباب ...سمعته يقول .. سامي: تبيني .... وسكت ..لفيت له وكانت حالته حالة .... ولو انه مو مبين عليه بس اعرفه من عيونه اللي دايما شالت الهم .. نزل راسه وكمل بألم يحاول يتغلب عليه .. سامي: تبيني اوصلج ؟؟ قلت .. هناء: لأ ...لا تعب عمرك .. وظلينا ساكتين ... حسيته لسة واقف ...وما تحرك ... تكلم اخيرا وقطع الهدوء القاتل اللي كان رح يخنقني .. سامي: ورقة ...احم ..ورقة طلاقج بتوصلج بعد ...بعد اسبوع .. طالعته انا هني ... ما صدقت ..تبي الفكة .. مسرع تكلم عن ورقة الطلاق واجراءاته ...تجمعت الدموع في عيوني بس قلبت ويهي بسرعة ... سامي: اجراءات الطلاق شوي تطول ... لا تستعيلين بتفتكين مني بسرعة ...كلها اسبوع وانتي حرة بعدها .. غمضت عيوني انا ودموعي نزلت .. سمعت تلفون البيت يدق ...رفعته وكان طلال ...علمني انه تحت ... صكيت عنه ورديت السماعة مكانها وانا ايدي ترجف ... اكابد الدمع لا ينزل .. شفته يعديني ويروح داخل بس قلت بسرعة وانا اوقف .. هناء: سامي .. قال هو رافض يلف لي حتى .. سامي: روحي هناء ...روحي الله يخليج .. حسيته متألم ...حتى ما تخليني اكحل عيوني بشوفتك ...حتى بهاذي حارمني ؟؟ نزلت راسي ..واخذت اي شي اغطي فيه راسي ..وطلعت من الشقة بسرعة ..حتى ما نزلت بالمصعد نزلت بالسلم ..ودموعي وراي ... دخلت السيارة واخذت منه العباة والشيلة ..ولبستهم ... ورحنا للبيت ... رديت لمسقط رأسي مثل ما يقولون ...علمت طلال بكل شي ...وبسالفة الصور بعد ...هني وقف طلال مصدوم .. طلال : حرام عليج ...الريال ما كان قصده ..يعني انتي سويتي اللي سويتيه وفوق كل هذا تبينه يسامحج؟؟ اقل شي يسويه يذبحج اصلا ..لو منه كنت دفنتج ...وطالبة الطلاق بعد ؟؟ .. قلت وانا اغمض عيوني مابي اسمع شي .. هناء: طلال خلاص انا اخترت ... مابي اسمع شي بهالسالفة .. وبطلت عيوني شفته يهز راسه باستنكار واعتراض وقال قبل لا يطلع .. طلال : على العموم ..ما دام مرتاحين بهالحل ...كيفكم ...بس صدقيني .. وطالعني وقال كأنه يأكد لي .. طلال : مارح تلقين احد يحبج ويقدرج مثل سامي ...انتي خسرتي شي كبير .. وطلع .. هني دفنت ويهي بالمخدة واطلق لدموعي العنان ... بريحكم وبريح نفسي من المشاكل اللي عشته تسع شهور من عمر زواجنا ... بنهي مشوار بديته مشوار العذاب ... مر يومين من المهلة اللي حددها سامي ... امي طبعا فرحت وانا ظليت حبيسة داري احاسب روحي .. اللي سويته صح ولا خطأ ؟ اللي سويته بيرضي منو وفي صالح منو ؟؟ خلاص بتكون النهاية الطلاق ؟؟ مابي ابعد عنك وبنفس الوقت كل ما اتذكر اللي صار ...اتراجع واحط الطلاق الحل الوحيد .... ولأني مابي افكر اكثر ...نزلت تحت عند امي ..ابي انسى ... امي: يما هناء ...تبين جاي ؟؟ انتبهت على امي وقلت ... هناء: لا يما ..عليج بالعافية .. سمعت طق على الباب ... قالت امي وهي تشرب الجاي . امي: قومي هناء يما بطلي الباب اكيد خالتج ام عصام ... قمت وبطلت الباب وانا مو طايقة احد ... الحين امي اكيد من فرحتها بتعلم القاصي والداني .. جنه سامي كان قاعد فوق راسها ... انصدمت لما انتبهت للي واقف جدامي ... عالية !!!!!!! |
ظليت واقفة جني سيارة خلص بنزينها ... ظليت اطالعها من فوق لتحت ابي اتأكد من اللي شايفته الحين ... هاذي صج عالية ؟؟ تدرون ليه اسال هالسؤال ؟؟؟ لأن اللي جدامي كانت لابسة عباة وشيلة ... تجدمت هي وقالت .. عالية : السلام عليكم .. ولأني كنت مسبهة قلت ببلاهة .. هناء: ها ؟؟ ابتسمت ونزلت راسها للارض وقالت .. عالية : اكيد مستغربة من شكلي ...معاج حق ..بس .. ورفعت راسها وقالت بجدية .. عالية : انا مرح اطول عليج .... انا ييت اعتذر لكم عن المشاكل اللي سويتها واللي سببتها لكم ... وبالأخص اخوج طلال ... ادري انه ما كان يحبني ولا فكر بيوم انه يتزوجني ...وادري انه كان يبي غالية .. تجمعت الدموع في عيونها وما اقص عليكم اني شفتها .. عالية : انا آسفة والله ...ما كنت حاطة في بالي ان السالفة توصل لهالشي .. انا كنت بس .... وسكتت شكلها مو عارفة شنو تقول ... ولأني شفت الصدق بعيونها ... قلت اوقفها .. هناء: لحظة عالية ..دقيقة .. ورديت دخلت داخل وقلت لأمي .. هناء: يما ...رفيجتي برة ..باخذ منها شي وبرد ..جدام البيت مارح اطلع بعيد .. وصعدت فوق ...لبست شيلتي وعباتي ورديت نزلت وما نطرت رد امي ...رديت لعالية ..مسكتها من ايدها وقلت .. هناء : تعالي معاي عند سيارتي .. مشت وراي بطواعية ...فتحت السيارة وقعدنا داخلها ... قالت هي هني .. عالية: انا رح اختفي من حياتكم جني ما كنت موجودة اصلا ... بس هناء .. ومسكت ايدي كأنها تترجاني .. عالية: اعتذر لي من طلال اخوج ..انا خلاص تبت والله هداني ...من حادث اخوج وطراق اللي عطتني اياه امج عرفت الطريق الصح ...انا وعصام كنا نعرف ان اللي ماشيين فيه غلط بس عماني حب ... وسكتت جنها استحت ... فقلت .. هناء: ادري عالية ..ادري انج تحبين سامي .. مسحت دموعها وقالت .. عالية : كنت ...انا الحين احبه مثل اخوي ... ثلاث شهور اللي اختليت فيهم مع نفسي كانت كفيلة انها ترجعني انسانة ثانية ... ومسكت مقبض الباب تبي تطلع ... عالية : اطلب طلب اخير منج ...سامي ..وصلي له اسفي واعتذراي على اللي سببته له ...تكفين هناء .. مع السلامة .. وطلعت من الباب .. طلعت وخلتني محبطة ...ولسان حالي يقول ...تو الناس ... انا وسامي خلاص .. اللي بينا انتهى ... سندت على السكان وبديت ابجي ... لعل الدموع تغسل الهموم اللي فيني ... طبعا ما علمت احد عن يية عالية اللهم طلال ... اللي قال وبحبور وهو يبتسم راضي بنصيبه .. طلال : الله يسامحها ... اللي صار صار وانتهى ... طالعته بحنان ..من بعد موت غالية ..صار غير وايد ..صاير حنون اضعاف .. وصار هادي ويفكر قبل ما يخطو اي خطوة .. لهدرجة كان يحب غالية ؟؟ قلت وانا اتقرب منه وابتسم له .. هناء: الله يعوضك ويعطيك على قد نيتك ياخوي .. هز راسه وقال . طلال : الله يعين ... وقف هو وقال ... طلال : استعدي باجر بنروح المحكمة عشان .. وسكت .. غمضت عيوني انا وبألم قلت .. هناء: عشان الطلاق ... وتنهدت وقلت . هناء: مسرع مر الأسبوع ... هز راسه بايجاب ..وقال جنه يحسسني ان لسة في فرصة .. طلال : انت اللي اخترتي وتقدرين تتراجعين .. وطلع .. اتراجع؟؟؟ بعد كل هذا ؟؟؟ لا خلاص ...انا وسامي ..يمكن نحب بعض بس الفروقات العائلية ما تركب .. رديت داري وانا ودي اشوفه ... ودس اكحل عيني بشوفته الأخيرة ...ودي اقوله اني عمري ما حبيت احد كثره ... انسدحت على السرير ... اتذكر ايامنا مع بعض ...اتذكر عصبيته وحنانه ..اتذكر ضحكه وزعله ...اتذكر سكوته وكلامه ..اتذكر شروده ...اتذكر كل شي فيه ... بس فجأة وقفت .. ابي اشوفه ... استغربت طبعا الحاجة الملحة اللي يت فجأة ... قمت لبست عباتي وشيلتي وطلعت من الغرفة وبايدي سويج سيارتي ... الحمدلله ان ما كان احد موجود بالصالة ..طلعت بسرعة وركبت سيارتي وشخطت لبيتنا ..البيت اللي جمعنا مع بعض .. انا وسامي .. وقفت جدام العمارة وانا الهث جني ياية هني ركض مو على سيارة ...بس من التوتر ... طلعت من السيارة ودخلت العمارة ..ورحت الشقة ...بطلت بابها ودخلت ...الليت مطفي ما عدا نور الشمس اللي محلي منظر الصالة ...تحركت داخل ... وكل ما اقرب اسمع صوت وكلام ...اتبعت مصدره وكان الغرفة الثانية ..اللي لما نتهاوش انا وسامي انام هني.. ولأن باب الغرفة كان شوي مبطل وطبعا كان يغريني اوقف جريب منه واسمع وفعلا سويت جذي ...شفت عمي بو سامي قاعد على السرير وسامي واقف منحني يحط ملابسه بالجنطة ..ليش ؟؟ عمي : يعني خلاص بترجع ؟؟ سامي: ئي ..انا مالي مكان هني ..برد امريكا واعيش ايامي الباجية لي بعيد ... وتعدل بوقفته وطالع ابوه وكمل .. سامي: ارجع سامي العازب ...اللي ياه هني اول مرة عازب وبيرجع لها الحين وهو عازب .. عمي : انت مقتنع باللي تسويه ؟؟ راح سامي للكبت وطلع بدلة ثانية وقال وهو يفصل البنطلون عن القميص ... سامي: مو مهم مقتنع ولا لأ ..انا ابي ابتعد عن هني ... وحط القميص داخل الجنطة ... وقال سامي: حاس روحي بختنق ... وحذف البنطلون بعصبية وقال .. سامي: احس اني بموت هني ... إذا بموت اموت بعيد عنها ... بعييد .. ودز الجنطة وقال بصراخ .. سامي : بعييد ...بعييد ... هني قام عمي ومسك ايدينه يهديه ......مسك راس سامي وحطه على صدره ..والأخير بدا يبجي ... اول مرة اشوفه يبجي ...اول مرة .... نزلت مني انا دمعة على المنظر اللي شفته ... بغيت ادخل واعترف له بكل شي ...بس سمعته يقول وهي بحظن ابوه وبصوت مبحوح .. سامي: احبها ...احبها ..يا يبا ..احبها ...بس ماني قادر انسى اللي سوته ... ماني قادر ...انا مسامحها بس ترجع ...بس ترد لي ...ابي هناء يبا ...ابي هناء ... يا قلبي ... وانا بعد ابيك ...والله العظيم ... قال عمي وهو يمسح على شعره ويضمه لصدره اكثر.. عمي : اهدا ...اهدا حبيبي ... اشششش .. هني انا رديت ورا ودموعي تسيل ...ولاني مابيهم يحسون فيني ...دخلت الغرفة الثانية ...وصكيت الباب بشويش ... وظليت ابجي ...وابجي ... إذا تحبني مرة انا احبك مليون مرة ... انت عيوني اللي اشوف فيها لو تدري ... انت كلي ... وقفت بسرعة وطلعت من الغرفة ...وطلعت من الشقة كلها ...ابي اروح البيت واعلم الكل اني ابي سامي ..ومابي اتطلق منه ...مابي .. بعلم امي اللي اكثر وحدة تبي الطلاق اني احبه وما اقدر اعيش بدونه ... ما اقدر .. وصلت البيت ..دخلت شفت طلال قاعد ...استغرب وقال .. طلال : انت طلعتي ؟؟؟ وين كنتي ؟؟ قلت باصرار ولأول مرة .. هناء: طلال انا مابي اتطلق من سامي .. ظل يبي يستوعب ...بس ابتسم اخيرا ... طلال : كنت اعرف انج عاجل ...صج عليج هبات غريبة بس بتعقلين آخر شي .. علمت امي اللي هاجت وماجت بس وقفت طلال معاي خلتها تسكت بس ظلت تحلطم ..ماهمني المهم سامي وخلاص ... رديت الشقة ابي ابشره اني رديت له ...مالقيت احد ..ظليت ادوره بكل مكان بالشقة .... كنت ابي ادق على عمي لأنه آخر واحد شافه بس ...ما اعرف رقمه ... يا الله ...وين القاه الحين ؟؟؟ لا يكون راح المحكمة يطلقني ؟؟؟ لا باجر موعدنا مو اليوم ... انزين وين راح توه كان هني .. سمعت صوت الباب يتبطل ابتسمت بلهفة عبالي سامي بس انصدمت انه عمي ...قلت باحباط .. هناء : عمي .. طالعني عمي بعد مصدوم وقال .. عمي: هناء .. شنو تسوين هني يبا ؟؟ تجدمت منه وقلت مطنشة سؤاله وقلت بشوق .. هناء : عمي سامي وين ؟؟ ارتبك ...قلت .. هناء : عمي .. رفع راسه لي وقال.. عمي : ليش تسألين ؟؟ طالعته بتشكك في شي خاشه عني ..قلت بخوف. هناء: عمي ...سامي وين ؟؟ تنهد وقال .. عمي : سامي ... هزيت راسي ابيه يكمل وانا اطالعه بخوف .. عمي :سامي بالمستشفى .. بققت عيوني عليه بصدمة وقلت .. هناء: لييييش ؟؟ نزل راسه وقال بحزن .. عمي : طاح علي قبل شوي فوديته المستشفى بسرعة ... تراجعت وانا مصدومة ... قلت .. هناء : توني كنت عندكم ما كان فيه شي .. رفع راسه بسرعة وقال باستغراب .. عمي : كنت هني ؟؟ ما رديت عليه وبسرعة طلعت من الشقة ابي اروح له ... حتى ما سألت عن رقم الغرفة ولا شي ... وصلت المستشفى بزمن قياسي لأني كنت ااسوق بسرعة الصاروخ ... ما همني الأشارات ولا شي .. ركضت داخل وباستعجال ...دخلت اقسام غريبة عجيبة مسكت وحدة من الممرضات وسألتها بس وصلتني للرسبشن سالت عنه ..قالوا لي بالملاحظة ... حتى ما خليتها تكمل ركضت للملاحظة وانا خايفة ...لقيت دلال هناك ...قاعدة بالكراسي وهي تبجي ...لما شافتني لفت ويهها عني ...وصلت لها وقلت .. هناء : دلال ...سامي اشفيه ؟؟ لفت لي ويهها خشمها احمر من البجي .. دلال : دخلي شوفيه ..شوفي لين وصلتيه .. خفت من نبرة كلامها ان فيه شي جايد ...ما نطرت دخلت بسرعة ودزيت الباب ...لقيته منوم والكمام عليه .. وكان يتنفس مع ذلك بصعوبة ...تقربت منه وبخوف مسكت ايده وقربتها مني ...بستها ودموعي بدت تنزل ... قربت منه ومسحت على شعره وهو لسة مو حاس فيني ...حرارته مرتفعة نقلتها لي لمسة ايده ... بطل هني عيونه بتعب ولما شافني انرسمت الصدمة عليها ... رفع ايده الثانية وبعد الكمام فقلت .. هناء: لا خله .. ما سمعني وبعده ...وقال بصعوبة .. سامي: هناء ... قربت منه وقلت .. هناء: عيون هناء .. غمض عيونه وكح شوي ...فضغطت على ايده ...قال .. سامي: اسنديني ابي اقعد .. سندت وعدلت من قعدته ... قعدت يمه وهو مسك ايدي وقال وهو يبتسم بصعوبة ماادري اشفيه .. سامي: اشقت لج .. مررت ايدي على وخده وهو صك عيونه جنه مستمتع من هالشي ...قلت .. هناء: خلاص ...انا مارح ابعد عنك ابدا ...ابدا ... بطل عيونه وقال .. سامي: ياليت ...ياليت اللي تقولينه يصير صج .. استغربت وقلت .. هناء : ليش تقول جذي ؟؟ انت مو مصدقني ؟؟ غمض عيونه وسحب نفس ...وبطلهم وقال بصوته المريض .. سامي: مصدقج ... وكح ... قربت منه وقلت بخوف .. هناء: سامي اشفيك ؟؟ مارد علي لأنه ما قدر وظل يكح ويكح ...طلعت انا برة وقلت وانا ادور على طبيب ولا ممرضة ولا اي احد يسعفني ...ما انتبهت لدلال ولا غيرها ...ناديت على الطبيب وركضنا للغرفة ....شفته نايم على السرير ودلال يمه تحاول تشربه الماي بس هو ما يقدر يتنفس ...طردنا الطبيب برة وانا طلعت بصعوبة وعيوني عليه ... بد ربع ساعة ..شفتهم يطلعونه وينقلونه مكان ثاني ..سألت الطبيب وقالي انهم رح يودونه العناية ... انشلت ريلي ....العناية ؟؟؟ ليش ؟؟؟ التفت لدلال بس هي ماتبي تكلمني ... وصل عمي بهاللحظة وقمت احقق وياه وهو يتهرب ...في شي مايبون يقولونه لي ... ظل سامي خمسة ايام بغيبوبة .... وانا بين البيت والمستشفى ...حتى الجامعة طنشتها ... بس عشانه ..عشانه يهون كل شي ... وفي يوم السادس ... بشرني الطبيب ان سامي قعد .. دخلت الغرفة وانا متلهفة له قعدت يمه وبشوق مسكت ايده وقلت .. هناء : حمد لله على السلامة حبيبي ... بَعد الكمام وقال بصوت مبحوح يالله ينسمع .. سامي: الله يسلمج ..تعالي قربي ... قربت اكثر وقلت وانا امسح على شعره وابتسم .. هناء: جذي تخرعني عليك ...حرام عليك .. طلب مني اني ارفع السرير مع ان الطبيب رافض هالشي ..بس لأنه ومثل ما يقول .. سامي: ابي اقولج شي مهم .. قعدت بعد ما رفعت السرير .. مسك ايدي ولعب باصابعي ..شكله مرتبك .. قلت ... هناء : مو لازم تقولي سامي بعدين.. قال وهو يهز راسه وبصعوبة تكلم .. سامي : لأ بقولج الحين ... وسكت انطر يقول مبين عليه مصر يتكلم .. سكت يتنفس ... نزل نظراته لأصابعي وقال .. سامي : انا ماكنت ابي اطلقج وانتي تدرين بهالشي ...وانتي كنت صاجة ..انا وانتي مو لايقين على بعض حتى لو كنت احبج واموت فيج وهاذي حقيقة ... انا ... وسكت يجمع الكلمات ... سحب نفس ..جنه اللي يبي يقوله ثقيل عليه ...قال اخيرا .. سامي: انا كنت رافض الطلاق لسببين ...الأول قلته لج توني .. لاني احبج ..والثاني لأني .. سكت هني لأن صوته اختفى ...قلت وانا احط ايدي على خده .. هناء : تكلم حبيبي قول .. رفع راسه هني والقى قنبلة ولا هيروشيما ... سامي: انا مريض بالسرطان الدم ... وقف الزمن هني عندي ...وقف كل شي ..آمنت الحين ان بدوران الأرض حول الشمس ودورانها حوالين نفسها .... انا شقاعدة اقول ؟؟؟ من الصدمة قمت اخربط ....قلت وانا انزل ايدي عن خده .. هناء: شنوووو؟ سامي: مريض من اربع اشهر ...من اول ما ينا هني الديرة ... نزلت مني دمعة وانا اصلا احس ان القناة الدمعية مالتي اختفت ودموعي هاذي تبخرت .... كمل وقال .. سامي: كانت تيني اعراض مثل دوخة واقعد ارجع واطيح بعض المرات ... وقفت مبتعدة ...مو مصدقة اللي قاعد يقوله ...قال برجا .. سامي : هناء تكفين لا تزودينها علي ... انا ماني ناقص .. لا مستحيل ...مستحيل ...رديت قعدت عنده وانا ابجي واقول .. هناء: ليش ما قلت لي ؟؟ سامي: انا نفسي كنت شاك وقلت اتعالج لأنه هالمرض قابل للشفاء بس ...حالتي متأخرة ... مسح دموعي وقال وهو اصلا تنزل منه دمعة .. سامي: لاتبجين ...مابي اشوف دموعج ... خليني اعيش الباجي من عمري بدون دموع ...تكفين هناء ...لي لي هالطلب ... ما قدرت اتحمل ...لميته لي ...وظليت انتحب بصوت عالي .... خلاص ...هاذي اللي رح يفرقنا ؟؟؟ هذا ؟؟؟ |
الحلــقة الثامنة والعشرون والأخيرة "ورحل" مديت ايدي له بالدوا وانا ابتسم له ...وقلت .. هناء: يلا يا حلو بطل حلجك .. طالعني باستنكار وقال .. سامي : ريال شكبري انا ما .. ما خليته يكمل لأني دسست القفشة بحلجه غصب ...وقلت .. هناء: اخلص بس ...ريال شكبري ..مو علي هالكلام .. بلعه غصبن عنه ...وقال وهو منقرف من الطعم .. سامي: مر ...بعدين كسرتي ضروسي شوي شوي .. ضحكت على شكله وطلعت من الغرفة ...واول ما طلعت اختفت ابتسامتي ...وحلت بدالها العبرة والبؤس ...بغت تنزل مني دمعة والله ...تذكرت كلام عمي ابوه لما علمني ان حالته ميؤوس منها وسامي يدري عشان جذي ما قالي ...مو قلت لكم اني انا عنده بالدرجة الأولى ... نزلت راسي وهني نزلت دمعة للارض ...غمضت عيوني امنع نفسي اني ما اتذكر شي ..على الأقل جدامه .. بس مو قادرة ....مو قادرة ..اشوفه يموت جدامي واسكت ؟؟ ما اقدر .... اتمنى بس اني ما تزوجت ولاصار كل هذا ولا عرفت بمرض سامي ولا عشت بهالحياة اصلا ... ليتني مت قبل هاليوم وكنت ناسيا منسيا ... ولكن هاذي ارادة رب العالمين ...وما يصير نعترض ... تحركت للمطبخ ...ورديت الدوا مكانه ..وغسلت ايديني ...ورجعت له بس تفاجأت لما شفته نايم ... لحفته عدل وطلعت مابي اقعد اكثر اشم ريحة الموت بالغرفة ... بطلت الدرايش بالصالة ووقفت عند وحدة منهم ...اتنفس بعمق ابي الهوا يدخل ينظفني من داخل ...يملأ رئتاي ...الجو اللي عايشته خانق وكاتم ...غمتة ..غلقة ... غمضت عيوني ومر علي الموقف لما علمني عن مرضه ... ما اقدر اصلا ما اعرف اشلون اوصف لكم شعوري ... شي اساسي ومهم في حياتج وفوق كل هذا متعلقة فيه ...يختفي جذي ...بلمح البصر ؟؟ اللهم لا اعتراض .... اللهم لا اعتراض .. محد يدري عن مرضه اللهم انا ودلال وعمي بس ..حتى اهلي ما قلت لهم ..سامي محرصني ما اعلمهم عشان عرس عبدالله قريب وما يبي يخرب عليه ... يهتم في الناس وهو بعدين ...ما يفكر بنفسه ... ما اقول انه مثالي بس طيبته تخلي الواحد يحبه غصب ... وانا اولهم ... سالت دمعة مني ما قدرت اتحكم بمشاعري ...ما اقدر ... بس مسحتها بسرعة ...مابي افكر بهالموضوع خل اعيش لحظتي .... صكيت الدريشة ...وخليت الباجي ...قعدت على القنفة ومسكت الريموت كنترول وقمت افر بهالقنوات وعقلي مو معاي اصلا ...بس اخر شي استقريت على العفاسي ... شفته يقرا ...رفعت الصوت وحطيت المخدة وسندت عليها وقمت اسمعه يتلو ... وانا بهالحالة من الضيق ابي اسمع شي يريحني ومارح القى احسن من القرآن ... ماحسيت بروحي إلا بصوت يناديني ...بطلت عيوني ...اوووه نمت !!!!!! وضحت الصورة جدامي وكان طبعا سامي ... ابتسم بعفوية وقال .. سامي: شنو اللي منومج هني ؟؟ وقعد يمي ..قلت وانا اتعدل بقعدتي ... هناء: لا بس كنت اطالع التلفزيون ما حسيت بروحي إلا وانا نايمة ... مسك الكنترول وقال .. سامي: ئي انزين قومي صلي اذن المغرب من ربع ساعة ... رديت شعري ورا وقمت رحت توضيت وصليت ودعيت لسامي ان الله يشافيه ...طلعت ورديت الصالة لقيته قاعد يتكلم بالتلفون ... سامي : دلول ...بس عاد حفظت الإسطوانة .. (..............................) قال وهو يتنهد ...ابتسمت انا ..دلال معروفة بالجرجة .. سامي: والله حاضر والله ... سمعته يقول بصوت واطي وبملل ... سامي: لا إله إلا الله ... ورد كلمها .. سامي: وااااي دلول ...ياحبج للهذرة ...احلف بشنو عشان تصدقين اني بخير ؟؟ هزيت راسي وانا مبتسمة عليه وعلى دلال ...الله يعينه ...دلال الصراحة كلامها كثير وحنانة ...بس لاتقولون له ... (..............................) سامي: لأ ..دلول انتي الحين بتسافرين اشحقة تيني ؟؟ (.............................) سامي: لأ ..دلول ..لحظة .. وقبض ايده بملل منها ومن كلامها ..ضحكت عليه .. سامي : هلا والله بو حمد ... (...................................) شفته يبتسم برسمية ... سامي: لا اشدعوة ...بس مابي اكلف عليكم انتوا الحين مسافرين ...ماله داعي اليية .. (...................................) سامي: تسلم ...مع السلامة ... وصك السماعة ...وتنهد بصوت مسموع وهو يرد راسه لظهر الكنبة ...قلت وانا ابتسم .. هناء: اشفيك ؟؟ رفع راسه وقال .. سامي: دلال ..حنانة ... ضحكت على طريقة كلامه لما قالها ..قلت وانا طقه على جتفه .. هناء: عيب اختك العودة .. قال وهو يمسك الكنترول .. سامي : لا جد صدعت لي راسي ...اقولها بتسافرين الحين تقولي بييك ..وين تيين وهي يالله عيالها ماسكتهم ؟؟ قلت وانا اسند ظهري بالقنفة واحط ايدي على صدغي جني اتابع شي مهم .. هناء: اشفيهم عيالها ؟؟ قال جنه تذكر شي مزعج .. سامي: واااي ..عيالها ...حمود وعبود وعبور ...سالفة ..قصة قصة ... انتي بس عشان تكلمنيهم يبيلج مكبر ... مني ما قدرت امسك روحي ...ابتسم هو وقال .. سامي: والله صج ...من الإزعاج ما تسمعين صوتج اصلا ... احاجيهم جني احاجي طوف ..احاجي روحي والله العظيم ... قلت .. هناء : انزين وشهد ؟؟ ابتسم لما تذكرها وقال .. سامي : حبيبتي شهد ...صج هادية وما تسمعين لها حس ..بس لما تقعد ويا هذول ...تقلب ..يطلع ويهها الحقيقي ... هناء: اشمعنة عندنا هادية ؟؟ سامي: انا اعقلها ... هناء : اشلون ؟؟ سامي: لا يعني يوم تبي شي وانا اقولها لأ ..يعني لأ ...انتهى ...ما ترد تقولي ابيه ...بس عيال دلول ...لو تحاجينهم من اليوم لين سنة الياية ...ماكو فايدة ...اقولج تحاجين الطوف ...مو اوادم .. ثللت وانا اضحك بخفة .. هناء: حرام عليك ...يهال هذول .. سامي: ئي ما قلنا شي ...بس إذا خليتهم ياخذون راحتهم من هم وصغار اشلون لما يكبرون ؟؟ ما تقدرين عليهم ... صعب .. ولف يطالع التلفزيون ...سكت انا وما تكلمت وظليت اطالعه بس وانا ابتسم ... حس فيني وطالعني باستغراب .. سامي: اشفيج تطالعيني جذي ؟؟ نزلت ايدي وقلت .. هناء: انت ما تنفع اب ...مجرم .. ضحك هو وقال .. سامي: ما احب الدلع ... قلت وانا اوقف .. هناء: احلى شي بالدنيا الدلع اصلا .. سمعته يقول .. سامي : right... right حسيته يتطنز ..لفيته له لقيته مطنشني ويطالع التلفزيون ..قربت منه وشديت شعره ... سامي: آآآي ... ونحشت وانا اقول .. هناء: تستاهل محد قالك تطنز علي ... ودخلت المطبخ سمعته يقول بصوت عالي يسمعني .. سامي : مانتي صاحية .. ابتسمت ...سويت شي ناكله ..طلعت وبايدي الصينية ...لما شافني مد ايدينه واخذ عني الصينية ..تذكرت هني لما كنا بالبر وسامي شال عني الصينية ...واشلون كلهم ضحكوا ... سامي : ليش كل هذا ؟؟ انا مابي آكل .. طالعته وقلت بأمر .. هناء: لا بتاكل ... سامي: بس .. شفت هني سجين نسيتها يبتها معاي ..مديت ايدي واخذتها وقمت احركها جدامه .. قال هو هني وهو يمد ايده بسرعة .. سامي: I changed my mind وآكل لقمة وقال .. سامي : perfect.. ومد لي ايده وبايده الخبزة...كل هذا سواه من الخرعة لا اذبحه ... هزيت راسي وانا اكتم الضحكة ...وكليت معاه ... تعشينا واحنا نسولف ونطالع التلفزيون ... جذبنا فيلم ...ومر وقت وخلص ...كنت ابي اقوله يقوم ينام عشان موعد الدوا بس سبقني وبنفس الوقت صدمني .. سامي : قومي بدلي ..بنطلع .. بققت عيوني عليه ...من صجه هذا ؟؟ هناء: شنوو؟ وقف وقال .. سامي: بروح ابدل قبلج ... وراح ... هذا يتكلم من صجه ...تحركت وراه وقلت .. هناء: بس انت .. لف لي وهني انا سكت كان جاد وقال .. سامي: بطلع يعني بطلع ... وكمل طريجه للغرفة ....اووووف عنيد ... بس رق قلبي له حرام من اول ما دريت انه مريض وانا مانعته حتى عن الهوا ...بس والله مو بايدي ...اخاف عليه .. وعشان لا احسسه بشي دخلت الغرفة وبدلت ولبست احلى شي عندي عشان ابي اونسه ...بس موحيل بنرد بعد ساعة وعلى جذي بنتفق ولا ماني طالعة .. وقفت عند الباب جدامه قبل لا نطلع وتخصرت وقلت .. هناء: من الحين نتفق ...بعد ساعة نرد .. واشرت على الساعة ابين له اني جادة ...قال بملل وبعد ايدي .. ..المهم اطلع ...what ever… سامي: ابتسمت عليه ..حرام مخنوق ... طلعنا واستانسنا طبعا وخليت الجو بينا يكون مثل كل مرة ...اما هو ما صدق مرح صاير ولا كأنه مريض ...نفسيته عال العال ..وهذا شي ريحني ...طبعا قص علي ونساني الوقت وما انتبهت عليه وقعدنا هناك ثلاث ساعات ...لما اكتشفت هالشي كفخته ... هناء: انا اوريك ..تقص علي ها ؟؟ صكيت الباب كنا تونا رادين ...التفت لي وهو ماشي داخل .. سامي: والله من لديه حيلة فليحتال .. وابتسم لي بهبل ودخل داخل ... بدلت انا وانسدحت على السرير ...تعبت من كثر السوالف والضحك كله من سامي ... سمعت صوت الباب بعدين قال .. سامي : بتنامين يا الكسولة ؟؟ هناء: حرام عليك ...الساعة 11 و نص الحين ..وباجر وراي دوام ... انسدح هو بعد وقال وهو يعدل المخدة .. سامي: نامي لا تموتين علينا ... وخرب شعري ...ضحكت انا ...وعطيته ظهري ...وإلى العالم الأخر ... قمت مفزوعة ومخترعة على صوت شي طاح ...التفت وكان جدامي خيال واحد ..طبعا سامي ..بس لأنه ظلمة ...قال .. سامي: اووه قعدتي ؟؟ آسف حبيبتي بس ... وقفت انا وقلت بخوف وانا الف الناحية الثانية .. هناء: حبيبي اشفيك ؟؟ لمحته ينزل تحت كأنه يلتقط الأبجورة اللي طاحت .. مسكتها عنه وحطيتها في مكانها وشغلتها ..هني بان كل شي جدامي ... سامي: ماكو شي بس ... حسيته مو قادر يتكلم ...غمض عيونه وشكله دايخ ... مسكت ايده وجفلت من هول حرارتها ...حطيت ايدي على يبهته ...شهقت ... هناء: حرارتك مرتفعة وايد ... كان يبي يتكلم بس قلت انا .. هناء: لا تعب عمرك ... وقال بصوته المريض ... سامي: مافيني شي لا تخافين .. ومسك ايدي كأنه يطمني .. مااخاف ؟؟ انت بتموت جدامي ...مو قادر تكلم حتى .. نومته ولحفته عدل ... طرت للمطبخ اييب الدوا ومعاي كمادات ...رديت الغرفة وحطي الدوا والكمادات يم الأبجورة وتقربت منه وقلت وانا امسح على شعره .. هناء: سامي ... بطل عيونه بثقل ..مديت ايدي اسنده عشان ياكل الدوا ...بعدها حطيت له الكمادات وقعدت يمه تقريبا لمدة ساعة ...كل شوي اجيك إذا انخفضت الحرارة ولا لأ ... بس لا امل ...مافي إلا ادق على عمي ايي يشوفه ..طلعت من الغرفة لهدوء عشان لا انبهه...مسكت السماعة ودقيت الرقم ..نطرت ليما يرد ...تلقائيا شفت الساعة 2 ونص ...الوقت متأخر ..اخاف نكون مزعجين ...طول يالله رد ... عمي: الووو.. قلت بخجل ..طبعا لأن صوته كان مليان نوم.. هناء: الو ...عمي ... عمي: منو معاي ؟؟ حتى ما عرف صوتي ....قلت بخجل اكبر .. هناء: عمي انا هناء ...تقدر تيي الحين ؟؟ قال بخوف .. عمي: سامي فيه شي ؟؟ سكت انا بس قلت .. هناء: سامي شوي حرارته مرتفعة و.. قاطعني وقال .. عمي: الحين ياي .. صكيت السماعة ورديت لسامي ... وعلى حاله ...مافي شي يديد ...قعدت يمه اقرا عليه ..وهو شكله مو حاس فيني ... مسكت ايده وبديت اقرا واشد عليها ... سمعت صوت الباب ..وكان عمي ..ما شاء الله ياه بسرعة راكب صاروخ ؟؟ ... عشر دقايق بالضبط ..طبعا كانت معاه جنطته حقت الكشف ...ولأني مابي اشوف شي يعور القلب ماادري طلعت ...حسيت اني ما رح اتحمل ورح اضعف ... طلعت من الغرفة عشان سامي إذا قعد لا يحس بعجزه ..طول عمره قوي وما يحب احد يعطف عليه ..والدليل انه ما قال لي عن ماضيه إلا بعد ما صارت مشكلة يعني ما يطلب المساعدة إلا بالتفق .. وقفت يم الباب انطر وانا ادعي انه يكون بخير وما يمسه شي ... طلع لي عمي ...وكان يصك جنطته بس شكله شوي معصب لأنه قال .. عمي: هناء ..انا مو قلت ما يتعرض للهوا لمدة طويلة ؟؟ شقولك ..هو اصر إلا نطلع ... كمل عمي لما شافني ساكتة .. عمي : هالمرة الله ستر المارة الياية ما ندري شنو رح يصير .. حطيت ايدي على صدري ...لهدرجة ؟؟ بس قلت . هناء: الحين هو بخير ؟؟؟ يعني ما فيه شي ؟؟ لما شاف عمي ضعفي وشوي وابجي ...قال بعد ما تنهد ..كسرت خاطره .. عمي: لا يبا مافيه شي ..بتنزل حرارته ان شاء الله ..عطيته خافض للحرارة انتي ما قصرتي حطيتي له كمادات ... هزيت راسي بتفهم وانا اصلا متوترة ..كله مني انا اللي خليته يطلع المفروض امنعه ... عمي: هناء .. التفت له وابتسم هو هني يطمني .. عمي: لا تخافين ان شاء الله خير ... بس انتي هدي ... وعدل مسكة جنطته وقال .. عمي: يلا انا الحين بروح إذ .. اول ما قال بروح جلبت فيه ..مسكته من ايده وقلت بترجي .. هناء : لا عمي ...خلك هني ...الله يخليك .. طالعني متفاجأ...انا نزلت راسي ونزلت دمعة مني ... عمي : ان شاء الله ..جم هناء عندي ؟؟ رفعت راسي وابتسم ...ابتسمت انا ..ذكرني بسامي ...خليت عمي ينام بالغرفة الثانية ...اما انا ما ياني نوم اصلا ... ظليت يمه قاعدة وماسكة المصحف اقرا .... اصدر حركة طالعته على طول ... كان مبين عليه الضيق ..شكله مو مرتاح بالنومة ... قربت منه وعدلت المخدة ..وعدلت راسه ... وهني اختفت تققيبة الحواجب ...بسته على يبهته ورديت قريت ... ظليت اقرا لين ما اذن الفير ... صليت ورديت قريت ... كنت اكمل صورة الكهف بس حسيت انه صاحي .. هناء : سامي ... قال وهو مغمض عيونه وبصوت ناعس .. سامي : كملي قرايتج ... ابي اسمع .. طبعا انا استغربت ...بطل عيونه وطالعني وقال يوضح .. سامي: يريحني القرآن كملي ... ورد حط راسه على المدخة وغمض عيونه ينطرني اكمل ... رديت فتحت القرآن وانا لسة مستغربة ...وقريت السورة كلها ... لما خلصت حطيته على الأبجورة وقلت وانا احط ايدي والعب بشعره .. هناء : بروح اسويلك ريوق ... مو تنام .. قال وهو مغمض عيونه ...وبضيق .. سامي: ماني مشتهي شي ... قلت بهدوء وانا اقوم من الكرسي واقعد يمه .. هناء: حبيبي ...لازم تاكل .. بطل عيونه وطالعني بلونها الفاتح الترابي .. بس بعثرها مايبيني اشوف ضعفه قال بصوت مخنوق من الضيق .. سامي: مابي شي ...كافي اني خليتج تغيبين ...تعبتـ.. ماخليته يكمل لأني حطيت صبعي على شفايفه امنعه من الكلام ...طالعني وابتسمت وقلت .. هناء: لا تقول جذي ...مابي اسمعها منك مرة ثانية ... انت ريلي وزوجي وحبيبي ..وكل شي بدنيتي ... ظلينا نطالع بعض جنا مو شايفته من قبل وظليت اتأمل ويهه وهو بالمثل ... ابتسم ابتسامة عذاب ولو انها مريضة .. سامي: انا قلت اني احسنت الأختيار ... ماخاب ظني فيج ابدا ... لو خيروني بينج وبين الدنيا كلها ...بدون تفكير اختارج انتي ... |
ابتسمت بدلع وقلت اتغشمر .. هناء: طبعا ..ماخذ هناء جاسم ...مو شوية .. ضحك وطقني على خدي ع الخفيف وقال .. سامي: هذا اللي ذابحج ..الغرور .. ضحك انا بخفة وقلت بغرور .. هناء: شعبالك؟؟ انا هناء والأجر على الله . وقمت وقلت قبل لا اطلع .. هناء: بروح اسوي الريوق ...والله سامي ان ما كليت .. قاطعني وقال .. سامي: باكل ..باكل ...مو بايع عمري انا ... ابتسمت له وقلت .. هناء : good boy… وطلعت ...تذكرت وانا بالمطبخ ان عمي موجود ... بس خليه يصحى بروحه ... سويت الأكل ..ورديت الغرفة وبايدي الصينية ...حطيتها ولفيت ابي اطلع اقعد عمي ..بس وقفني سامي.. سامي: وين ؟؟ هناء: بروح اقعد عمي ... طالعني باستغراب وقال .. سامي: عمج ؟؟ اووووه نسيت اقوله ان عمي هني ...اكيد بيزعل ... بس خلاص رح يعرف هو قلت وانا منزلة راسي للأرض جني مذنبة ... هناء: امس دقيت على ابوك عشان .. ورفعت راسي وبلعت ريجي لما شفت التعابير بدت تنرسم على ويهه .....قال .. سامي: دقيتي على ابوي ؟؟ ليش هناء ؟؟ تعبتيه على الفاضي ... قلت ابرر .. هناء: كنت تعبان وايد يعني اخليك تموت جدامي ؟؟ سكت وما رد ...نزل نظراته للصينية وقال بصوت واطي وبانكسار .. سامي: I’m already daed.. قلت بعصبية .. هناء: سامي .. قال بسرعة .. سامي: روحي قعديه ..روحي .. هزيت راسي باستنكار وطلعت من الغرفة ...طقيت الباب عليه كذا مرة وعلمته ان ريوقه محطوط على الطاولة ... رديت لسامي لقيت لسة ما اكل شي ...قلت .. هناء: انت لسة ما كليت ؟؟ قال وهو يمسك جيس الخبز .. سامي: انطرج ...تعالي اكلي معاي مارح آكل بروحي .. قعدت ومسكت عنه اسوي ...سألني .. سامي: ابوي قعد ؟؟ هزيت راسي بالنفي وقلت .. هناء: بس علمته ان ريوقه على الطاولة وقت مايقعد يلقاه جاهز ... سامي: ما نمتي انت من بعد ما قمت آخر مرة ؟؟ هناء: لأ ...ليش ؟؟ وحطيت اللقمة بحلجي .. سامي: عشان ابيج تردين ترتاحين ... امس كله مو نايمة ...وغير المحاضرات اللي ضاعت عليج ... قلت بدون اهتمام .. هناء: هي بدون شي ضايعة ..انا اصلا باجر بروح اوقف قيدي ... واخذت من المربى شوية بطلت حلجي عشان آكل بس انصدمت لما شفته يطالعني ماادري اشلون قلت باستغراب .. هناء: اشفيك ؟؟ كان ماسك خبزة بايده ويطالعني مصدوم وقال .. سامي : توقفين قيدج ؟؟ خرعني عبالي شي جايد ... قلت وانا ابلع اللقمة .. هناء: ئي ... الكورس هذا ضايع ضايع ... سامي: ليش توقفين قيدج ؟؟ مارديت عليه لاني لو قلت عشانك بيذبحني وإذا قلت عشان نازلي انذارين والثالث بالطريج بيزفني ..احترت معاه ... قال جنه يكمل عني .. سامي: عشاني صح ؟؟ طالعته بحيرة وارتباك ..جكني ...بس شسوي بالله ؟؟ قولولي انتوا ...شنو اسوي ؟؟ هد الخبزة وردها للصينية وبغى يقوم ...قلت انا بسرعة وانا امسك ايده ماابيه يقوم .. هناء: سامي سامي ...لحظة .. بعَد ايده بعصبية .. سامي: مابي اسمع شي ... ووقف...وقفت انا معاه وكنا جدام بعض بس السرير بينا ... هناء: انا اصلا يايني انذار ثالث بدون اي شي ..إذا ما وقفت قيدي بيفصلوني بعدين .. طالعني بصدمة اكبر ...غبية ..بدل ما اكحلها عميتها ... سامي: انذار ثالث ؟؟؟ ليش انتي ما تدوامين عندهم ؟؟ قلت بصوت واطي .. هناء : لأ مو عن بس لأن معدلي نازل وايد والكورس هذا اخذت مواد وما رح انجح فيهم اصلا لأني مو دارسة ولاشي ..ولارح ادرس .. سامي: عشان ؟؟ ما عرفت شقول ..عشان المصايب اللي كانت تحل فوق راسي ولا مرضك اللي كملها علي ؟؟؟ هناء: ااا ...احم ...عشان ... قال يشجعني اكمل .. سامي: ئي ... ينطرني اكمل ...والله ماادري شقولك ... سكت وطال سكوتي ..اما هو فهم وهز راسه باستنكار ... وطلع من الغرفة ... نزلت راسي انا بحيرة وقهر ...من بعد مرضه صار حساس وايد ..مو راضي اني اساعده ولا حتى يرضى اساعده بكلمة ...هو يالله قال لي بمرضه ... ماادري اشلون ارضيه ...ماادري ... طلعت عشان اراضيه بجم كلمة ويكمل اكله ... بس انتبهت ان عمي قاعد وياه ... رديت الغرفة واخذت الصينية وديتها المطبخ ... حطيتها على الطاولة وغطيتها عشان إذا يبي ياكل لا يتعب عمره ... سمعت صوت تلفوني ..وكانت خلود .. هناء: هلا خلود ... خلود : اهلين يا القاطعة ... وينج ما تدقين ولا تسألين ؟؟ هناء: والله مشاغل ...انتي ليش ما تدقين ولا تسالين ؟؟ خلود : صدتيني ... هههههه ...المهم ..بغيت اقولج تقدرين تيين معانا السوق ؟؟ هناء: ماادري والله خلود اعتقد مااقدر ... خلود : انتي من بعد ما تزوجتي ما قمت تيينا ولا تسألين عنا ..لهدرجة ميتة على ريلج ما تقدرين تفارقينه ساعة ؟؟ ابتسمت وقلت .. هناء: الله يقطع سوالفج ..لا يا الخبلة بس مااقدر اخليه واروح ..هو الحين في البيت .. خلود : ما يضر بس ساعتين ثلاث اربع .. كملت عنها .. هناء: خمس ست سبع ...حنا الحريم ما يكفينا ساعة .. ضحكنا انا وهي ...وقالت .. خلود : تكفين هناء حاولي ترى ما عندي احد يوديني عبود مو فاضي ..يلا بلييييز.. قلت باحراج من رفضي المتكرر .. هناء: خلود والله مااقدر ...سامي تعبان شوي وما اقدر اهده .. خلود : لا إذا على جذي خلاص ...يلا اشوفج باجر بالعرس .. قلت متفاجأة .. هناء: باجر العرس ؟؟ خلود : يا حظي ..ما تعرفين متى عرس ولد جيرانكم وبنت خالتج ؟؟؟ هناء: لا بس ما .. خلود : بس بس ...خلاص باجر اشوفج . وسدته بويهي ...ضحكت عليها هالدفشة دومها جذي ...مسرع عرسهم ...مع انه مر شهر على ملجتهم بس سريع ما حسيت ... والله من المشاكل ما حسيت بشي ...سمعت صوت باب شقتنا ...طلعت لقيت سامي قاعد بروحه ..اكيد عمي طلع ... وقفت عند الستارة مترددة احاجيه ولا بيهب بويهي ويعصب ...من اول ما مرض صاير عصبي ويتحسس من اي شي .. قعدت يمه وهو طبعا ما ما التفت لي ...كان ماسك الجريدة ويقراها ...مع اني ادري انه ما يحب يقرا الجريدة بهالقعدة ..كان منسدح على القنفة ورافع الجريدة يقراها ... سحبت الجريدة فجأة ... وقلت وانا اجفسها ...واحطها على الطاولة .. هناء: عرس ولد عمتك باجر .. غمض عيونه وقال .. سامي: I know..he told me before.. قلت باستنكار.. هناء: اشحقة ما قلت لي ؟؟ سامي: كنت بقولج بس ما ياه وقت ... وطالعني وكمل .. سامي : انت تخلين احد اصلا يقول شي .. طنشت جملته وقلت وانا ابتسم بدلع .. هناء: سموي ... قال بقرف .. سامي: وووع ...جم مرة اقولج لا تناديني بهالأسم ؟؟؟ مااحبه .. ضحكت عليه وكملت .. هناء: حبيبي ... لا تزعل مني ...والله سويت جذي عشان اكون قريبة منك .. سامي: تروحين تهدين دراستج ؟؟؟ منطق عجيب الصراحة ... هناء:يعني شسوي ...خلاص الكورس الياي برد ادرس واشد حيلي ان شاء الله ...لا تكبرها وهي صغيرة سموي .. قعد وشد شعري على الخفيف . هناء: آآآي ... سامي: ويعاه ... لا تناديني بهالأسم .. بعدين إذا ما درستي الحين بتدرسين بعدين ؟؟؟ هزيت راسي بايجاب وقلت بثقة .. هناء: اكيد ...لا تخاف انت بس .. سامي: لا اخاف ؟؟ والله ما يندرى عنج انتي .. ووقف ..قلت انا .. هناء: بروح السوق ابي اشتري شي حق عرس عبدالله .. لف لي وقال .. سامي: حتى انا ...ما عندي شي ينلبس مثل الناس ... ودخل داخل ...رحت وراه واستأذنت منه اروح السوق مع البنات ...بدلت وطلعت دقيت عليهم ورحنا شريت لي ثوب بسيط لأن مالي مزاج اشتري شي اصلا ..قبل ما نطلع من السوق شريت دشداشة حق سامي ...لأنه ما يقدر يطلع ... رديت البيت لقيته قاعد على اللاب توب ولابس جاكيت ...استغربت بس يمكن بردان ...ما علقت ... هناء: السلام عليكم .. التفت لي وابتسم وقال .. سامي : وعليكم السلام ...ها شريتي اللي تبين ؟؟ هزيت راسي بايجاب وقلت وانا اروح الغرفة .. هناء: بروح البسه واوريك اياه .. دخلت داخل ولبسته وطلعت له ...بقق عيونه علي جنه مو مستوعب اخترعت وقلت .. هناء: شنو ؟ اشفيك تطالعيني جذي ؟؟ مارد علي وظل يطالعني .. ابتسم بوهن وقال .. سامي: تدرين ؟؟ تصلحين تحفة فنية .. قلت باستنكار .. هناء: شنووووو؟ برر بسرعة وقال .. سامي: اقصد لوحة فنية ...يعني لو واحد يقعد يرسمج ويحطج في معرض بتاخذين المركز الأول ... ابتسمت بخجل وقلت .. هناء: مشكور هيدا من زواك... كتم ضحكته وقال .. سامي : مشكور وهيدا من زواك طالعي الترقيع بس ....اشلحيه هلق ما صدأتي ؟؟ قلت وانا ابتسم عليه.. هناء:غلبتني باللهجة ... سامي: لكان ماتأدري عليي انا سامي مو ... وقلنا مع بعض ... سامي + هناء : حيالله ... ضحكنا ودخلت انا داخل ... الله يديم علينا هالضحكة يا رب ... اليوم الثاني ...من الصبح راح سامي تحت معارضتي وتشديدي عليه لقاعة الرياييل على اساس انه ولد عمته الوحيد ولازم يوقف معاه بعرسه ... حرصت عليه ما يقعد بالبراحة وقت طويل ... اما انا لبست وانا اصلا بالي مشغول بسامي ..كل شوي ادق عليه واسأل ... المغرب كنت ابدل هدومي لأني بروح لهم خلاص ..ياه سامي وهو الحمدلله مافيه شي ... دخل يتسبح وانا جهزت الدشداشة وحطيتها بالسرير ... انشغلت انا بتعديل روحي لأني ما رحت الصالون ... قلت الكحل بايدي .. هناء: هاذي دشداشتك مكوية ومعدلة ... طالعها باستغراب بس ما علق اخذها وطلع ...بعد تعديل وتمحيص بويهي طلعت ... قعدت بالصالة انطره ..عشان نروح مع بعض ... مسكت الريموت انطره و.. سامي: ها اشرايج ؟؟ التفت وكنت اطالعه عادي بس انبهرت بعدين ..ما قدرت انزل عيوني ... وقفت وحماس صفرت رديت ايام اول .. هناء: احلى ...لالا جذي ما اقدر ...بتغطي علي ... سامي: مو حلو ؟؟ هناء: مو حلو ؟؟؟ منو الخبل اللي يقول جذي ؟؟؟ انت احلى من الحلو بعد .. قال وهو بعدل من غترته ... سامي : اخجلتم تواضعنا ...يلا مشينا ... بالسيارة اطالعه كل شوي ...اول مرة اشوفه بالدشداشة من اول ما تزوجنا ...طالع احلى ... ابتسمت برضا وانا حامدة ربي على هالريال ... وصلني اول شي لقاعتنا ...قبل ما اصك الباب قلت .. هناء: مو تقعد وتنسى عمرك ...ادق عليك تيني ...عشان موعد دواك .. طالعني بملل وقال .. سامي: حتى بيوم العرس تذكرني ... ابتسمت عشان لا احسسه بطفش .. هناء: وعشان لا تنقعني بعد ... ضحك هو وانا معاه ... مشى عني بعد توصيات مني وهو بس يهز راسه بايجاب ...دخلت وامة محمد هناك اللي اعرفهم واللي ما اعرفهم بس شغالة ابتسامة لهاذي ولذيج ..تعب حلجي ..قام يعورني بعد ... بعد ساعات من الرقص والردح والسمر ...دخل المعرس اخيرا ..وكان معاه ربعه اللي هم – اللي اعرفهم بس – طلال وعصام وسامي حبيبي ابوه وعمي بو عبدالله بو عصام ...كنت انا باخر الصالة بس عيوني كانت على واحد بس ...طبعا عرفتوا ... طبعا اشتغل اليباب ...عصام وطلال رقصوا شوي اما سامي اللي كانوا طلال وعصام يشدونه كان رافض ...اصلا مبين عليه مستحي ... ضحكت عليه ...وهم كنت اضحك على حركات عصام الهبلة بالرقص ..دزه طلال عشان يقعد وسمعته يقول .. طلال : فضحتنا يا الخبل .ارقص عدل ترى ما رح ازوجك اختي .. ضحك سامي ..يت خالتي ام عبدالله ودزت سامي وقالت .. ام عبدالله : هو سامي ...ليش ما تشاركهم ؟؟ قال سامي بابتسامة خجولة .. سامي: لا عمة مافيني على خبال عصوم ...الحين مارح يهدني ابد .. عصام : انتوا اشفيكم طايحين فيني خبل وخبل؟ .. قال ابوه .. بو عصام : لأنك خبل اصلا ... هني ماتوا كلهم من الضحك ...بعدها تصوروا وطلعوا ... خلصنا حنا الحريم ..وطلعت انا بعد ما دقيت على سامي وردينا البيت ... كانت ليلة مميزة بصراحة ... هناء: اشحقة ما رقصت ؟؟ قال بهدوء وهو يلحف روحه .. سامي: ريال شكبري ارقص ؟؟ خليه حق عصوم وطلال اخوج ..انا مافيني اصلا .. وغمض عيونه شكله تعب وايد ... هناء: بس طلعت بالدشداشة روعة .. ابتسم وهو لسة مغمض عيونه .. سامي: طلول اخوج طول الوقت اخليه يعدلي الغترة دوخته ... وبطل عيونه وكمل .. سامي: هههههه..غير القاعة اللي كانت اصلا مو جاهزة .. قلت بتفاجأ.. هناء : لا؟؟ سامي: والله ...دخلت انا لقيت ... وضحك جنه يتذكر .. سامي: دخلت لقيت عبدالله زانط الهندي اللي كان مشرف على ترتيب القاعة ..زين اني دخلت وبعدتهم عن بعض ..كان عبود معصب ...هديته واشرفت انا عليها ... هناء: وطلال عصام وينهم وعمي بو عصام بو عبدالله ابوك ؟؟ سامي: طلال وعصام كانوا مشرفين على البوفيه ..اما ابوي وزوج عمتي وبو عصام ما خلينهم يسوون شي ... وحط راسه على المخدة ...نمت يمه وقلت .. هناء: تصبح على خير حبيبي .. ما سمعت رد ...التفت لقيته مغمض عيونه شكله نام ...طفيت ليت الأبجورة ... وإلى عالم الأحلام ... مرت ايامنا عادي ... والحين عدت ثلاث شهور بدون ما اداوم بالجامعة لأني وقفت قيدي .... حنيت فوق راس سامي عشان يروح يتعالج بس مو راضي ...صج انه ماكو امل بس على الأقل يحاول ...الأمل بالله كبير ... حاولت يمين يسار ماكو فايدة ...بس زين انه رضى يروح يراجع بالمستشفى كل ما اسبوعين طبعا يروح وهو كاره عمره بس المهم يروح ...طبعا إلى الآن ما علمنا احد ...وشكلي مارح اعلم .. عرفت ان عبدالله وانتصار رح يسافرون لبنان شهر عسل ..اخروه عشان دراستها والحين هي خلصت وعقب باجر بتسافر ... دخل علي سامي المطبخ وانا اجهز الغدا ... سامي: هنوتي ... التفت له .. هناء: هلا .. سامي: طلعي من هني جنج خدامتنا على هاللبس ... شهقت بس ما قدرت اكتم ضحكتي ... هناء: انا خدامتكم ؟؟؟ هين انا اوريك .. وطلعت من المطبخ ووقفت جدامه وقلت .. هناء: نعم خيو سامي ؟ سامي: بطلع ...تراني مليت من عرس عبدالله ما طلعنا ...قومي بدلي .. ما قدرت اعترض لأنه صاج وانا بعد احتاج طلعة ابي اشم هوا عشان اجدد نشاطي ... طلعنا وبالسيارة فاجأني انه اجر يخت او مثل ما يقولون قارب صغير شوي ... هناء: يخت ؟؟ سامي: مو يخت بالمعنى المفهوم بس يعني تقدرين تسمينه يخت ... ما صدقت إلا لما شفته بعيني ..ولعلمي المسبق انه يحب اليخوت ما عارضته ... سامي: هاتي ايدج .. مديت ايدي لأيده ومسكتها عشان اركب اليخت ... وااااو رائع .... جلت بنظري فيه ..كان فيه غرفة صغيرة وغرفة التحكم بس ... حلو ...لونه ابيض وبالنص خط بني عريض ... دخل سامي غرفة التحكم وبدا يعلمني هذا حق شنو وهذا حق شنو .... استغربت انه يعرف كل هذا ...مو اقولكم يعشق اليخوت ؟؟ وقفت جدام البحر وهوا شهر ابريل الحار يلفحني ... غمضت عيوني استنشق قدر كبير منه ....بطلتهم وقمت اطالعه بشوق وشغف ...من زمان عنك يا بحر ... بس صج لين قالوا عك غدار ... ماادري ليه احسك غدار حالك حال البشر ... من برة حلو من داخل ابشع منك مافي ... قمت افكر بشياء متفرقة وسامي قاعد داخل غرفة التحكم شكله يتعبث فيها ..ملقووف .. بس احبه ... عمري ما حسيت اني في يوم رح القى احد يمسح دمعتي ولا يواسيني ولا يوقف معاي وقت المحنة مثله .. صج لين قالوا الحب بعد الزواج احسن واحلى ... مرت جدامي كل المواقف اللي صارت لي من اول ما تزوجت سامي لين الحين ... حسيت بايد تطوقني من جتفي ...وكان سامي طبعا ... سامي: الحلو شنو يفكر فيه ؟؟ حطيت ايدي على جتفه وقلت .. هناء: تصدق ؟؟ اخاف من البحر ...ماادري ليش سامي: منو ما يخاف منه ...على كبره وحلاة المناظر اللي فيه داخله ..بس يخوف ... هناء: بس دايما يتغنون فيه ..ويكتبون اشعار.. سامي: يتغنون بجماله وغدره بنفس الوقت ... هناء: اشلون بالله هاذي ؟؟ سامي: هذا احلى شي اصلا ... غدار بنفس الوقت حلو ... بمعنى اصح مافي شي كامل ... هزيت راسي بايجاب وعيني لسة على البحر .. هناء: صح مافي شي كامل ... الكامل الله سبحانه .. سكتنا ...ظلينا نتأمل البحر ... وبنفس الوقت مستانسة من قرب سامي لي ... هناء: صج ..انت قلت لي انك ترسم ماشفت ولا رسمة لك .. سامي : منو قالج انج بتشوفينهم ؟؟ انا مااوري احد رسوماتي .. هناء : يعني لسة ترسم ؟؟ هز راسه بلا مبالاة وقال .. سامي: يعني ... قلت بحماس .. هناء: خلاص مو مشكلة ارسمني الحين .. طالعني بعدين ضحك بخفة وقال .. سامي: ئي بسهولة هاذي ارسمني الحين ...بعدين اشايفتني ليوناردو دافنشي ؟؟ قلت وانا ارد شعره ورا .. هناء: لا وانت الصاج فان كوخ .. ابتسم بانبهار وقال .. سامي: بعد !! تعرفين فان كوخ ...والله مثقفة انتي .. دزيت راسه شوي بصبعي وقلت .. هناء: جم مرة اقولك انك .. قاطعني وقال يقلد صوتي .. سامي: متزوج هناء جاسم مو حيالله ... ورد لصوته الطبيعي وقال .. سامي: حفظت هالإسطوانة ...اللي يقول الحين متزوج اشواريا راي ... تخصرت انا وقلت .. هناء: من وين تعرفها ؟؟ انا احيدك ما تشوف افلام هندية .. سامي : يعني إذا ما اشوفها ما اعرف عنها شي ؟؟ هاذي معلومات قديمة ... قبل ما اشوف رقعة ويهج .. شهقت وقرصته قرصة ما ينساها طول عمره .. هناء: قبل ما تشوف رقعة ويهي ها ؟؟ واللي يقولك انك ما رح تشوف ويهي مرة ثانية .. قرب مني وقال بجاذبية .. سامي: واهون عليج ؟؟ مارديت ولفيت ويهي عنه وانا مستحية من داخل بس اتدلع عليه .. وقف جدامي وقال وهو يبتسم .. سامي : ادري ما تقدرين على فراقي ...شسوي يوم انا اكون مرغوب لهدرجة .. قلت .. هناء: لا ؟؟؟ وايد واثق من عمرك ...منو بالله اللي ميت عليك ؟؟ قرب وقال بهمس .. سامي: انتي ؟؟ ظليت اطالع عيونه الساحرة ... بعَد عني شوي وقال بمكر وثقة بنفس الوقت .. سامي: تنكرين ؟؟ لأ ...ما اقدر اصلا .. مارديت عليه فقال .. سامي: حلفي انج تقدرين ؟؟ طالعته بصدمة فهو ضحك ...قلت بعصبية وانا ادزه ابي اطيحه على البحر .. هناء: خبل خبل ... وهو ظل يضحك ...مسك ايدي بحركة مباغتة ولفني ناحية البحر وصار هو الحين اللي رح يطقني ... قلت بخوف وترجي ..هناء: لا لا ..سامي عفية لا تقطني ... قال بخبث .. سامي: ترى إذا هديتج خلاص قولي على الدنيا السلام .. قلت اكسر الغرور اللي فيه واتحداه .. هناء: اعرف اسبح .. وهدني شوي بس انا جلبت فيه بسرعة وصرخت وقال .. سامي: والله ؟؟ منو تعرف تسبح الحين ؟؟ هناء: سامي حرام عليك ... وقمت اصرخ ...ردني للوضع الطبيعي وهو يضحك فاطس من الضحك دزيته بعيد عني وانا اعدل شيلتي وقلت .. هناء : حيل يضحك ؟؟؟ ما قدر يرد علي لأنه قعد على الكرسي من الضحك ...قمت كفخته على جتفه ... وسويت روحي زعلانة لين ما هو راضاني ... اذن العصر علينا واحنا لسة ما تغدينا ...رد سامي للمرفأ وصلينا وردينا لليخت مرة ثانية ...سوينا كل هذا لأنا ما نعرف ناحية القبلة وين ... وصلت لليخت قبله فجهزت الغدا اللي خذيناه ويانا ... شفته ياي .. سامي : ها الشيف رمزي اشيايبة وياج ؟؟ هناء: الغدا اللي ما رضيت تاكله بالبيت ... تغدينا ...ورديت انا الصحون والأكل داخل بالجيس ... طلعت له لقيته حاط ايده على راسه شكله تعب ..رحت عنده بسرعة وقلت بخوف .. هناء: سامي ...اشفيك ؟؟ رد شعره ورا وقال .. سامي: لا تخافين دوخة بسيطة ...خلصتي اكلج ؟؟ اي اكل اي بطيخ ...مسكت ايده وقلت .. هناء: الحين نرد البيت يلا ... قال بتعب واضح .. سامي: ليش ؟؟ مستانسين هني احنا ... خلينا بهالجو الحلو .. هزيت راسي بالنفي وقلت بعناد وخوف .. هناء: لأ...قوم الحين .. طالعني بجدية وقال .. سامي: هناء...انا مابي ارد تكفين لبي لي هالطلب ...اعتبريه آخر طلب اطلبه منج .. طالعته باستسلام ...وقعدت يمه وقلت .. هناء: بس مانطول هني ...يعني بعد نص ساعة نرد البيت ..كافي الوقت اللي قعدناه .. ابتسم وهو حاط ايده بمخابيه ..شكله بردان ...وقال .. سامي: ان شاء الله عمتي ...جم هناء عندي ؟؟ وطالعني بعيونه العذاب وقلت وانا ابتسم على مضض .. هناء: وحدة ..انا .. ضحك بتعب وقال .. سامي : واثقة من روحج وايد ... قمت عنه وانا ابتسم ورديت للصحون والأكل اللي خليته ...كملت شغلي وخليت سامي يتمنظر بالبحر ... لما خلصت طلعت مرة ثانية ...شفته واقف لسة بمكانه ...قربت منه وانا اناديه .. هناء: سامي ..خلاص مرت النص ساعة .. التفت لي وقال .. سامي: مسرع ...تونا يايين .. هناء : صارلنا اربع ساعات هني ... يلا خلص الوقت المحدد لك .. سامي: صح صاجة ... قالها بطريقة غريبة ..بس طنشت ورديت اخذ جنطتي من الغرفة الجيس اللي فيه الصحون ... لما طلعت مرة ثانية شفته قاعد ماادري اشفيه ... قربت منه وقلت .. هناء: حبيبي ..في شي ؟؟ التفت لي وظل يطالعني شوي جنه يتاملني وقال .. سامي: لأ ... وقف بس رد قعد ...مسكته بسرعة وقعدت يمه .. هناء: سامي ... مسك ايدي وشد عليها وقال وهو مغمض عيونه .. سامي: لا تخافين مافيني شي ...مشينا يلا .. وقفت معاه وانا ماسكة ايده .. بس ما مدانا نمشي خطوتين إلا وقف ..سألته بخوف .. هناء: سامي ...اشفيك ؟؟ مارد علي حسيته يترنح بوقفته ... سندته عدل وانا اسأله مرة ثانية بس ما يرد علي ..شفته يبطل عيونه ..حط ايده على يبهته جنه دايخ ... مو قادر يوقف ...بغيت اقعده بس طاح بشويش وانا معاه ..ايدي على ظهره ..وانا اقول بخوف وبصوت عالي .. هناء: سامي ...سامي رد علي .. بس ظل مغمض عيونه ..نزلته للارض بسرعة وبشويش عشان لا يتعور ... وركضت لغرفة التحكم احاول اني اطقطق فيه بس نسيت اشلون استخدمه ... قمت اطق الأزرار بعشوائية وخوف وارتباك واضح بس مافي ..ودموعي تنزل ....طقيت الأزرار بايديني حيل واصرخ .. هناء: ما تشتغــل ...اشتغلي .. رديت له ... لسة على حاله غير انه مبطل عيونه بس مو قادر يقعد ..ركضت عنده وسندته على فخذي ...وقلت .. هناء: الحين ادق على خفر السواحل اييون ياخذونا ...لا تعب عمرك انت بس .. كنت بين جملة وجملة اخذ نفس ... كان يتنفس بصعوبة ..يغمض عينه ويبطلها ...قال بصعوبة .. سامي : لا تعبين عمرج ... وتنفس وكمل .. سامي: ماكو فايدة .. وغمض عيونه ..بعدين بطلها ..بلع ريجه وقال .. سامي: شكلي بودع .. انصدمت ...جفت دموعي فجاة .. ظليت اطالعه مخترعة ...غمض عيونه وابتسم وقال بصوته اللي بدا يختفي .. سامي: ماكو فايدة هناء .. لأ ..لأ مستحيل ..قلت وانا اهده اروح احاول بجهاز التحكم .. هناء: بروح ادق عليهم .. بغيت اقوم بس مسكني من ايدي ...لفيت له ...بلع ريجه وقال بصعوبة .. سامي: لا تروحين ... وغمض عيونه وتنفس ...وكمل .. سامي: سمعيني عدل هناء ... وكح ....قلت بخوف ودموعي كل مالها وتزيد .. هناء: لاتكلم ..سامي الحين اييون .. قال سامي بصوته المبحوح والواطي .. سامي: انا شكلي مارح اعدي هاليخت ... وسكت يتفس ...قلت انا بسرعة وباعتراض .. هناء: لا تقول جذي .. غمض عيونه وسحب نفس .. سامي : خليني اكمل ... ابي اطلب منج شغلة اخيرة .. غمضت عيوني لان دموعي حالت بأني اشوفه عدل ...وسالت على خدي ... سامي: لا تبجين هناء ...اوعديني انج ما تبجين بعد ما اموت ... نزلت راسي ودموعي تنزل وانتحب بصوت عالي شوي ... سامي: اوعديني ... هزيت راسي بايجاب بسرعة عشان لا يتكلم اكثر .. هناء : وعد ..وعد .. ابتسم وقال.. سامي : هناء ... طالعته وقلت ...بصوت باكي .. هناء: نعم .. سامي: عيشي حياتج من بعدي ... هزيت راسي بالنفي وباصرار ودموعي تسيل وبغيت اتكلم بس هو قال يسبقني .. سامي: لا تربطين نفسج فيني ...انا خلاص بودع انتي عيشي حياتج من بعدي ... وسكت ياخذ نفس ... سامي: اوعديني ... إلا هاذي يا سامي ...ما اقدر ..هني شد على ايدي حيل وقال .. سامي : شهد ....شهد يا هناء ..امانة برقبتج ... ابوي رح ينشغل عنها ...لا تخلينها بروحها ...وامها هادتها مارح تسأل عنها .... وكح ...مسكت ايده بغيت اتكلم بس الغصة منعتني .... سامي : سامحيني هناء على ....على كل شي ... بس اعرفي اني ما كان قصدي اسوي اي شي يضايقج ... سامحيني يا الغالية ... ما قدرت اتحمل ... وبديت انتحب وابجي .... مد ايده ونزع الدبلة بصعوبة وبمساعدتي وقال .. سامي: خليها معاج .... وكمل وهو يبتسم .. سامي: ورسوماتي تلقينها بكتاب يومياتي شكلج من العصبية ذاك اليوم ما شفتيهم ... طالعته مو مصدقة ودموعي تسيل ...قال وهو لسة يبتسم وغمض عيونه .. سامي: ادري انتي من العصبية .... اخذ نفس .. سامي: ما تشوفين جدامج .. وسكت شكله تعب ... مسك ايدي وشبك اصابعه باصابعي وقال .. سامي: هاذي وصيتي هناء ... وبطل عيونه وقال وهو يطالعني .. سامي: ديري بالج على روحج ... مسكت فيه وقلت .. هناء: سامي انا احبك لا تروح .. سامي: وانا اكثر ...كنت انطرج تقولينها ...بس .. وابتسم بوهن شديد بس قطب حواجبه شكله يتالم بس قال .. سامي: خلاص كاهو قلتيها ... هناء : لا تروح سامي ... وغمضت عيوني ابجي ... سامي: خلاص هذا يومي ... ادعيلي هناء الله يثبتني وقت السؤال ... هني ماقدرت ....خلاص حسيت ان ويهي كله دموع ... سمعت همهمة منه واعتقد انه يتشهد ... بعدها حسيت انه مسكة ايده خفت ...هديتها طاحت على الأرض بكل طواعية ..سكن ...سكون سكون الأموات ... هزيته وانا مصدومة وخايفة ....وانا اقول .. هناء: سامي ... ماكو رد ... هزيته بقوة اكبر بس لا جواب .... هني ما صدقت ... قمت اطقه على خده واصرخ بإسمه بس ولا حركة ...عرفت هني انه مات ...مات ولا رح يرجع ابدا ... ضميته لصدري وصرخت صرخة قوية من اعماق قلبي ... هناء: سااااااااااااااااااااااااااااااامي .. صرخة ترددت بسما تعلن نهاية حبي وموته .... . . . . . . . غمضت عيوني على هالذكريات ....صرختي لسة تردد على مسامعي ...وصوته لسة يرن بأذني ... انتبهت للشمس تعلن مغيبها .... طالعت حوالي اتأكد اني ما تحركت من مكاني ..من بعد الغدا وانا قاعدة هني اتذكر ايامي مع سامي .... ابتسمت بألم عليه ....الله يرحمك يا سامي ويغمد روحك الجنة ...مع انها مرت ست سنين بس مارح انساه ابدا .. سمعت صوت من بعيد التفت وكانت شهد ياية ومعاه كراسة رسوماتها ...طلعت فنانة مثل اخوها .... انتبهت على صوت شهد تناديني ... هناء: هلا .. ابتسمت وقال .. شهد : شوفي وبطلت جدامي كراستها عشان توريني ..ابتسمت لها .. هناء:رائع ....مدهش ...متى رسمتيهم ؟؟؟ قالت وهي ترد شعرها ورا .. شهد : من زمان ... صج مشتعدة حق البرنامج ؟؟؟ هناء: يعني .... الله يستر الحين مااطلع حلوة بالتلفزيون ... ضحكنا ...هني دخل طلال معاه ولده سامي ومرته خلودوه اللي تزوجوا اخيرا ... طلال : ها هنوي ...مستعدة ؟؟ ابتسمت وقلت .. هناء: كلكم تسالوني نفس السؤال ...ئي مستعدة يلا مشينا ... رديت من المقابلة كانت معقودة بيني وبين برنامج عن الشباب المكافحين ...طبعا هاذي مو ثروتي ...اكتشفت بعد ما مات سامي انه كاتب لي شوية من ورثه والنص الثاني لشهد بس انا الوصية عليها ... طبعا استلمت مكتبه بما اني دكتورة بعلم الإقتصاد ... قطعت علي شهد ذكرياتي اللي كنت استرجعها قبل ما اروح البرنامج مع حبيب قلبي سامي اللي صار له ست سنين ميت ... تذكرت ايام العزا ..واشلون اني مابجيت من الصدمة ...ظليت مصدومة ايام ...مومستوعبة انه مات ... واذكراخته دلال اشلون كانت ميتة روحها من البجي عليه ..وابوه اللي كان واقف عند باب ديوانية الرياييل ساند راسه على الطوفة والدمعة تنزل على خده شفته خلسة طبعا ... حتى امه يت العزا وخالاته اللي طول عمرهم يكرهونه ...وعالية اللي حظنتني تبجي وانا ساكتة ما تصدر مني حركة ... موت سامي اثر على الكل ..بس الحين كلهم تعايشوا مع الوضع إلا انا ..رديت كل اللي تقدموا لي ... بطلت كتاب يومياته وشفت صورتي اللي طلبها مني اول مرة تذكرون ؟؟؟ رسمها بالدفتر عنده بس قبل كان محتفظ فيها بمحفظته ...طبعا شفت باجي الرسومات ... كبرتها وبرزوتها عندي في الفيلا اللي تفاجأت انه بانيها بس ما لحق يقولي .... الحين انا وامي وشهد وهاني قاعدين فيها ... اما عن الشقة هم امتشفت انها ملك ...لما مات صكيتها وما خليت احد يدخلها ابدا غيري كل اسبوع اييها انظفها بنفسي ..خليت كل شي على حاله حتى الهدوم ما طلعتهم من الكبت ...اغسلهم جنه رح يرد باجر واردهم الكبت بعد ما ينشفون ... كل هذا اسويه ومحد يدري ... مرت ست سنين بسرعة البرق ... كل يوم وكل سنة وكل ساعة فيها حبي لك يزيد .. مسكت القلم ...وكتبت .. " إلى زوجي العزيز ...مع التحية .. اليوم ذكرى فراقك السادسة ...لن انساك ....زوجتك المحبة والمخلصة ...هناء " |
تمت ... قراءة ممتعة للجميع .... |
ياااااااااااااااه خلتيني ابكييييييييييييي و خصوصا اني حساسة
ليييييييييش اهئ جد مو قادرة وقف بكي الرواية جنااااااااااااااان و مبين كتير انها حقيقية و كتيير مأثرة مابعرف شو بقولك بس جد كتيييييييييييير حلوة ننتظر المزيد من كتابات "ليل العشاق" |
رد: الى زوجي العزيز .. مع التحية ، للكاتبة : ليل العشاق ..
قمة الروعه والتميز ما شاء الله
يسلمو حبيبتي وشكرا كتير على الاختيار الموفق |
رد: الى زوجي العزيز .. مع التحية ، للكاتبة : ليل العشاق ..
رواية رائعة رغم معاناة البطل وعذابة شكراااااااااااا
|
رد: الى زوجي العزيز .. مع التحية ، للكاتبة : ليل العشاق ..
رواية رائعة جدا رغم انها حزينة جدا
|
| الساعة الآن 10:38 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية