منتديات ليلاس - مسابقه ارادتي سر رشاقتي

السلام عليكم ورحمه الله وبركاته

صباحكم / مساكم رجيم ورشاقه

شحالكم كلن باسمه

نبدا اولى مراحل مسابقتنا .. قبل كل شي الهدف من هالمسابقه هو الدعم النفسي اللي بتقدمه كل وحده من المشاركات لربيعتها.. و بث روح التنافس بينكم بعد.. عسب توصلن للوزن اللي تبيه كل وحده فيكم.. وحاليا عدد المتسابقات 10.. وبيتم تقسيمكم ل 5 مجموعات.. على اساس ان ف كل مجموعه مشاركتين.. طبعا التوزيع ف المجموعات بخليه ع راحتكم.. كل وحده تختار العضوة اللي تبيها.. واللي ما تختار لباجر.. بحطيها ف اي مجموعه<<فيس ما عنده وقت

المشاركات لين الحينه..

وردة ناديه, ام الشهد, ام رنا, روزالينا, القمري, توري, عذرا يا قلب, jello, بقايا الروح, loubana

http://www.liilas.com/up/uploads/liilas_12920181112.png

اني للشروط..

كل مجموعه تختار لها اسم.. وتفتح موضوع يوميات للمجموعه.. وكل عضوة ف المجموعه تكتب شو الاساليب اللي تتبعها ف حميتها.. ومثلا شو كلت.. شو الرياضه اللي سوتها وجي.. طبعا هالنقطه راح تزيد من نقاط المجموعه اللي مشاركاتها ملتزمات بكتابة يومياتهن..

http://www.liilas.com/up/uploads/liilas_12920181112.png

ماشي رجيم محدد تتقيد فيه اي مجموعه.. كل وحده تختار نوع الرجيم الانسب لجسمها.. وترومن بعد تستعينن ب موضوع صبوحه اللي ف القسم..

http://www.liilas.com/up/uploads/liilas_12920181112.png

عدم اتباع رجيم قاسي.. يضر الجسم اكثر من نفعه.. وعدم ممارسه الرياضات الشاقه..

http://www.liilas.com/up/uploads/liilas_12920181112.png

نهايه كل اسبوع ولا اسبوعين نجوف نقاط كل مجموعه.. ونجوف مدى نجاح الحميه اللي تتبعها كل وحده.. وكم كيلو نزلت كل مشاركه.. طبعا كل شي بيكون سري.. وعدد الكيلوات بينحسب للمجموعه كلها..

http://www.liilas.com/up/uploads/liilas_12920181112.png

واخر شي.. على كل عضوة وضع هالشعار ف توقيعها..

http://www.liilas.com/up/uploads/liilas_12920181111.gif

وبجي نبدا اول ايام مسابقاتنا.. بانتظار توزيعاتكم.. والبدء ب تسجيل اليوميات..

وفالكن الرشاقه