|
دينا ياالله انك تثبتني لا يوقف قلبي من الخوف 0 0 0 عند دانه خلصت عشا وقامت تغسل بعد ماغسلت جت بتجلس بالصاله بس شافته جالس فيها وبسرعه غيرت رايها ودخلت تنام خاصة وان الساعه على وشك ثلاث كانت خايفه ان عماد يفهم روحتها للفراش غلط بس بالأخير قررت وراحت تنام عماد مايبي يستلمها من اول لليله يبيها ترتاح خاصة عقب الاضطرابات النفسيه الي تداهم كل واحد فيهم قرر يجلس بالصاله لين ماتنام او انها تجي تقعد تسولف معاه بس طبعا استبعد هالشي تماما وشافها دخلت تنام وانسدح هو بعد ينام على الكنبه 0 0 0 عند حنان قامت الساعه حدعش شافت عمر قايم استغربت بالعاده ينام لي الظهر من جت العطله شكله بيعود نفسه عشان الدوامات قربت قامت ودخلت الحمام تاخذ شاور بارد بعد الحمام حست براحه خاصة وان وحامها خف شوي عقب وداها عمر لدكتور اختصاصي وصرف لها حبوب خففت عنها اللوعه وترجيع البست بنطلون ابيض جنز ضيق وبلوزه زيتي كم طويل بس فتحة ظهرها على شكل مثلث كاشفه شوي عدلت شعرها وحطت كحل وقلوز ورشت عطر وطلعت تدور عايلتها لقتهم بغرفة بندر يلعبون كانوا يلعبون بسيارات بندر الكهربائيه شافت عمر مندمج ولا انتبه لها واشرت لبندر يسكت وطاعها مشت بشويش وقربت عنده وحطت يدينها على عيونه وغطتهم عمر ماتخفي عنه هالايدين ولا هالريحه ابد قال ببتسامه: قمتي ياكسوله حنان كانت مقربه راسها عند وجهه وخرت يدينهاعن عيونه وباسته بخده بدون لاينتبه بندر لها عمر داخ وده يحضنهابس وجود بندر مانعه ألتفت لها لما قالت بعد ماجلست: حرام عليك كافي اني ماذقت طعم الراحه ألا امس عمر براحه:الحمدالله حس براحه انها تحسنت حيل عن الي قبله وخاصة انها مارجعت وقت ماهو جنبها بالفراش كان ينقهر من هالشي ويحسسه بالقرف من نفسه 0 0 0 الساعه ثنعش الظهر قامت بكسل من فراشها خاصة وانها مانامت ألا بعد الفجر اخذت روبها المرمي بالارض وألبسته ومشت رايحه للحمام انتبه لها وتنهد يازينها زيناه والله انها اكبرت وحلوت حيل هالبنت الحمدلله الي سمعت شورك ياعماد ولا اعرست قبل خمس سنين لانها كانت بعدها بزر واذكر اني لمحتها مره وكانت بشعه لانها كانت بمرحلة البلوغ اما الحين ياسبحان خالقها أيه من الجمال عدلت نفسي واخذت جهازي وفتحته بعد ماكنت مغلقه قمت واخذت روب الحمام ورحت للحمام الثاني عشان تاخذ راحتها دينا طلعت بعد مالبست بالحمام تنوره قصيره بنفسجي وبدي سلفر بنقش بنفسجي كمه جبنيز صدره واسع ألبست نعال ربط سلفر سرحت شعرها المدرج مع صبغت الكابتشينوا كانت طالعه حلوه مع بياضها الصارخ حطت ميكب خفيف ورشت عطر مركز شافت شهاب داخل عليها بالروب نزلت غرشة عطرها ووقفت وهي حاسه بالخجل منه كبر سنه يحتم عليها غصب تحترمه شافته جلس على السرير واشر لها تجي شهاب انبهرت انسحرت ماشالله تبارك الله كلمة روعه قليله بحقها اشرت لها تجي بس شكلها كارهه او خايفه بس ماراح اسوي لها شي بس بتمقل عن قرب جت بتجلس على السرير بس سحبتهامن يدها تجلس على رجولي جلست ونزلت عيونها حيا رفعت راسها بيدي وقلت بحب: اش فيك منزله راسك خليني اشبع من شوفة الوجه الصبوح كان يتكلم وانفاسه الحاره تلسع وجهها لسع تم فتره ساكت وبعدين قرر يتركها بعد ماباس جبينها دينا احمدت ربها انه تركها كانت بتصلي الظهر شافته لبس دشداشته هذا لبسه المعتاد بالاحلام يلبس بدله حتى بسفره بالخارج كانو يسمونه المعقد شهاب خلصت لبس قلت بهدوء:انا رايح للمسجد ولي جيت بجيب لنا غدا طلع ولحقته تأكد من طلعته اول ماطلع تنفست وحست براحه كون وجوده يخنقها خنق بس مايمدي فرحتهاتكمل ألا وجاها كلامه مثل الصواقع الي فتت كل اوصالها بعد ساعه صلت وراحت تفرج على الشقه عشان تنسى الي بقلبها ابهرها ذوق الأثاث بس حاسه انه مو هو كانت متوقعه انه عماد بعد ماخلصت من شوفة الصالات والمطبخ المتوسط بحجمه راحت ترتب الغرفه حقت النوم انفضت الفراش وعدلت المخاد وهي حاسه بمغص من احداث امس في هالمكان وفي قلبها تنزف نزف عقب الي سمعته والي انقال 0 0 0 عند عماد طلع هو الثاني واجهه اخوه عند الباب عماد كان مقوم دانه تصلي الفجروالظهر لان الفجر راح عليهم شهاب ببتسامه خبث لأخوه الصغير:مبروك عليك وعلي العرس عماد بغصه فاهم قصده:الله يبارك فيك شهاب بفرح:يالله انك تجزأ عمنا خير الي خطبنا لبناته على قولة خواتنا وبطها ضحك هو وعماد كان عندالباب و رافع صوته وهذا الي سمعته دينا وحست بعده بالقهر والاستحقار لنفسها لان زوجها ماخطبها بأختياره هو كان بأختيار ابوها ودها تصيح راحت وعيونهادمعت غصب 0 0 0 في جناح عزام بعد السهر على انغام الحب والغرام ماحست بالوقت قامت وسحبت نفسها من احضان عزام بالقوه كانت الساعه وحده الظهر عدلت قميصها وقامت تلحق على صلاة الظهر وعشان تقوم عزام بعد بعد فتره قومت عزام وصلت وقعدت تقرأ بغرفتها الي قبل بخشوع دخل عليها بعد ماوصى على الغدا يجي لهم في جناحهم شافها خاشعه تقرأ جا وجلس جنبها يسمع لترتيلها صدقت وطالعت فيه قالت ببتسامة حيا: بغيت شي اجهزه لك قبل الغدا قصدهاقهوه او شاي كانت تحس انها قاعده تخدع عزام وحاولت بأبوها ينسى الموضوع بس رفض وقال لو اضطر اخطفك خطاف منه مالها ألا الصبر الي صبرهاعلى قربه وهي كارهته بيصبرها على بعده وهي عاشقته بعد ايدينها وانسدح على فخوذها قال براحه:لا بس ابيك تقري قران وانا اسمعك امتدت يدها بكل جرأه لشعره وقعدت تمسحه وكملت قراءتها للقران وهي حابسه دموعها غصب لاتفضحها قدامه احمدت ربها انه مغمض عيونه بعد 0 0 0 عند دانه اول ماقومها عماد فزت بسرعه وقامت توضت وصلت الفجروالظهرالي طافهم وعماد كان طالع يلحق على صلاة الظهر بالمسجد بعد فتره اكشخت وتعدلت قبل يجي عماد دقت على اختها وكلمتها وماعجبها صوتها خافت لايكون من الشي الي هي خايفه منه كونه للحين ماصار دخل عماد ومعاه الغدا جلس واشر لها تجي عماد الي من شافها وهو منبهر بجمالها بس يحاول يكون هادي لا تخاف وتنفر منه قرر يجيبها بأسلوب حلو كونهابنت و صغيره ماقدر يمنع نفسه من خزها كانت لابسه ثوب احمر قصير وربط وفوقه جوليه شبكه ذهبي وكان صدرها بارز حيل وهذا كان ذوق دينا لها جت وجلست بخجل من نظراته عماد ياسعدك ياشهاب كانك حاضن شبيهتها البارح اشوف الرجال كل شوي يدعي ويشكر عمه الي زوجه قال ببتسامه:سمي تراك امس ماأكلتي عدل فاليوم غصب تاكلي دانه كانت هذا اول جمله طويله قالها لي بس اسعدتني حيل لانها تدل على حنيته ابتسمت وقربت بأكل كنت على الهزاز من شدة التوتر وهو حاس بهالشي عماد رحمتها وقلت بحنان: دانه مابيك اتخافين مني انا زوجك وبكره بكون ابو عيالك فلا تخلين فرق العمر يأثر بحياتنا ومستقبلنا دانه شدراه بخوفي من هالشي انا فعلا خايفه كونه اكبر مني بواجد اني اكون عكس جيله تماما قلت برجفه: من قال اني خايفه هو توتر لااكثرولا اقل عمادببتسامه:اتمنى هالشي يالاه برد غدانا خل ناكل وبعدين نكمل سوالفنا من طريقة كلامه معها اقدرت تاكل بشوية راحه وهي مستعده لسوالف معه 0 0 0 الساعه سبع بالليل كانت ام عزام جايه لهم تزورهم اجلست في بيت دينا كون شهاب اكبر وجت دانه عندهم ام عزام سعيده لزواج بناتها حست بالراحه بوجهه دانه عكس دينا الي مكشره ومنقرفه خاصة بعد ماقال شهاب ان خواته جايات هي مكلمه بناتها وناصحتهن قبل الزواج بس تصرف دينا في مكالمتها لشهاب خوفتها ماحبت تطول السالفه كون بنتها توها باول زواجها دينا بود:يمه ليش غلا ماجت معك امهابرود: مادري عنها لاني طول اليوم ماشفتها دانه اكيد افقدتنا ياقلبي ماتجلس ألا معنا خاصة وان عزام قليل مايجلس معها بعد:طيب عزام وين عندها ولا مثل العاده داشر امهابقهر:انتي ماتستحين على وجهك شنو داشر هاه شكل طقه لك بسوريا ماكفاك ابد دينا برجا:يمه خلاص فكونا من سالفة عزام الحين بعد ساعه جوهم بنات عمهم نوال وشذى نوال قاعده تخز في حريم اخوانها ماتنكر جمالهن وكشختهن في اللبس بس تحس بالغيره كونهن اكثر ثنتين حصلن الدلع في هالعايله طالعت في دينا اشلون تكابر بالأبتسامه وهي من داخلها متضايقه ابتسمت بخبث الله يخسك ياشهاب من اولها كرهت البنت بالزواج شذى بكبر:وين زوجة عزام ليش ماجت ولا محنا قدالمقام دانه ياكرهي لك والله ان عزام محظوظ الي افتك منك ام عزام بقهر: ماقلت لها اني بزوركم ولا كان اول من ركب هي كانت منقهره من كبرشذى واختها تنهدت الله يكون بعون بناتي بس على كذا حموات بعد ماطلعوا دخل شهاب شهاب مابغوا يذلفون صج مايستحون ابتسم وراح يدور دينا وين دينا بعد ماطلعوا حبت تقعد بروحها ودها تفضي مافي خاطرها من احزان من سمعت كلام شهاب وهي متضايقه لولا الحيا والخوف من ابوها كان رجعت مع امها من الليله بس قررت انها ماتقعد مع شهاب وبتطفره لين مايطلقها غصب دام عمه الي مزوجه ٠ انتبهت لدخوله وامسحت دمعتها بسرعه ووقفت شهاب ماحس بشي قال ببتسامه وهو يفصخ شماغه ويعلقه:سلام عليكم دينا ببرود:وعليكم السلام شافته بيبدل وقام يفتح ازراره ففضلت تطلع لصاله شهاب ياقلبي ياكثر حياها لبس بجامه مغربيه مخططه كمومها نص رش عطر وطلع شافها عند التلفزيون مندمجه دينا تشوف التلفزيون بس ماهي يمه ابد كانت تندب حظها الزفت انتبهت لجيته جلس على نفس الكنبه وهي بعدت عنه لأخر الكنبه شهاب بقهر اي قلت حياويه بس مو لهدرجه عاد تسند على الكنبه يطالع معها التلفزيون مع انه كان بقمة تعبه ويبي ينام دينا كانت مرتبكه حيل وعارفه مقصده في نطرتها والقعده معها دينا اوف والله ودي اصرح له عن كرهي له ولقربه قعد يتثاوب كنوع من التنبيه لها عشان ينامون بس دينا طنشت وحقرته دينا ان ماجننتك ياالشايب ماكون بنت ابوي ان ماخليتك تسب الساعه الي وافقت فيها على راي ابوي عندت وقعدت اتفرج بالتلفزيون لاعنه له بعد ساعه لفيت اشوفه حطيت يدي على فمي كان نايم بسبات عميق وهو جالس ومسند راسه على الكنبه تسحبت بشويش وطفيت التلفزيون ورحت انام وانا ميته ضحك على شكله هين اصبر علي ياشهاب |
السلام عليكم
أرجو منكم تكملة القصة وشكرا جزيلا |
من عيوني حبيبتي
|
عند عزام
صح انه بقمة سعادته بس الحزن الي يشوفه بعيون غلا مضايقه حيل ومنقص فرحته دخل جناحه وشافها جالسه على الكنبه ومعها مجله تقراءها سلم وجلس يمها غلا ردت عليه السلام بحب قال وهو يتأمل سحر عيونها: دريتي ان الوالده زارت خواتي العزيزات وانهم بس يسألون عنك غلا بلهفه: صج كان زين قالت لي عشان اروح معها عزام بتبطين كانك بتنطرين امي تقولك عن طلعاتها قال بعطف:يمكن نست تقولك ابتسمت بحب: خلينا من امي الحين وقولي لي شرايك تكملي دراستك وتدخلي جامعه بعد ماكان يبيها تحس بالنقص بين اهله حتى بمستوى تعليمها كان مقرر يدخلهاافضل المدارس الخاصه ويوقف معها لين ماتحقق طموحها غلا موقادره تستوعب شيقول بيخليها تدرس وبيكون معها شهاده هذا الشي الي ماتخيلته ولا بحلامهاحتى بس ماتمت فرحتها لانها ذكرت كلام ابوها قالت بيأس:بس انا كبرت على الدراسه عزام بإصرار: لا بعدك صغيره وبتوصلين لطموحك ان شالله بس لاتيأسين غلا بلاك ماتدري ياعزام تنهدت ليش اتعب عمري بقول الي تشوفه ومنيه لي فتحة المدارس بكون هاجرت او بالأصح انخطفت قلت برود:الي تشوفه عزام بخبث:الي اشوفه الحين اني حيل مشتاق لج وحضنها وهي غاصت باعماق مشاعره الي اجتاحتها بقوه بعد ساعه عزام منسدح وباسط ذراعه لغلا الي منسدحه على ذراعه وحاطه يدها على صدره عزام بتنهد يارب اتم علي نعمتك قرب راسها له وحضنها بقوه قال بضحكه وهو يلف صوبها: بذبحك مثل ماذبحتيني غلا خافت وتوقعته رد لعزام الأولي خاصة وان طريقة كلامه ماتدل على اي شي فزت بسرعة البرق ونطت من السرير بتنحاش عزام بطها ضحك ماتوقعها خوافه لهدرجه قال وهو يمسك بطنه من الضحك: ههه صراحه اول مره اعرف ان الخوف والغباء من صفاتك كان ساحره شكلها بالقميص القصيروالعاري وهي متوتره من الخوف والخجل وتلفت تخيلها غزال المها الخايف من الصيد غلا انصدمت وقفت متنحه فيه بين التصديق والتكذيب عزام ببتسامه: اشفيك متنحه ولايكون مصدقه اني ممكن اذبحك او اذيك رفع عنه الحاف وقام من السرير وراح يمشي صوبها غلا بخوف:لاتقرب عزام بحب قرب ومسك يدينها غصب وهي تترجف قال:غلا انتي شاكه بحبي لك حضنها وكمل بتنهد:انا اسجد لربي كل يوم سجود شكر لانه عوضني عقب فساد سنين بزوجه صالحه مثلك غلا استكانت بين احضانه هي لايمكن تشك بأن عزام يضرها بس ماتدري ليش داهمتها وساويسها السابقه وبعد خافت يكون عرف عن مخطط ابوها وقرر ينتقم قبل يتنفذ المخطط غلا اه ياعزام ماتدري شكثر راح اتعذب بفقدانك بس الله يصبرني قالت بدلع وهي تدفه عنها بخفه:فرحان انك خوفتني لا وتقولي غبيه بعد ابعد ماابيك جت بتلف عنه بس صدمها انه شالها من الارض بخفه وراح فيها لسرير نزلها عليه وهي اعتدلت وسمعته لما قال بشوق وهو يقرب لها: ماتبيني بكيفك وشي راجع لك بس انا ابيك وهذا حقي 0 0 0 اليوم الثاني الساعه خمس الفجر قعد على عوار برقبته عدل نفسه وقعد يهمز رقبته شهاب يووه نمت ماحسيت بنفسي بس ليش ماقومتني هاذي ليش خلتني نايم بدون لا انسدح حتى اخ يارقبتي ان مادفعتك ثمن تركي يادينا ماكون شهاب ادري ماصدقت نمت وافتكت مني بس هين الجايات اكثر يابنت عمي دخل شافها نايمه راح للحمام توضئ طلع وراح يقعدها تصلي وقف عند راسها قال برود وهو ينشف بالمنشفه يدينه:دينا قومي صلي دينا فزت قالت بخوف:ان شالله كانت خايفه يزفها عقب تركته امس شافته راح يصلي وراحت للحمام وفي بالها اشلون اتصرف عشان تبعده عنها بعد عند دانه كانت موقته تيلفونها على الصلاه خافت تروح عليهم مثل امس لفت وشافت عماد الي كان نايم ومعطيها ظهره ابتسمت ياطيب قلبك ياعماد حارم نفسك من حقك لين تأقلمني معك كان طول الليل يسولف معي ويسألني عن دراستي وطموحي وكل شي كنت احس انه يبي يتجاوب معي ويحسسني بألأمان دق تيلفونه على المنبه هو بعد وتحرك من نومة وقمت انابسرعه عشان بتوضى اصلي عماد قعد لف شافها قايمه رفع الحافه وقام يصلي بعد ماصلى وخلص راح يجلس بالمجلس لان مراح يجيه نوم خاصة وانه امس نايم من وقت عماد شغل التلفزيون وجلس يطالع بندماج اما دانه بعد ماصلت وقرت لها كم سوره راحت تشوف عماد استغربت وين ممكن يروح بهالوقت اطلعت شافته عند التلفزيون ابتسمت وقررت تسوي لها وله شي يشربونه ادخلت المطبخ وخطربالها كابتشينو وهي حريفه بسواته خاصة الي بالكريمه تعرف تضبطها عدل بعد ربع ساعه كل شي جهزته ورشت عليه صوص كاكاو وتوفي افرحت ان عماد ماخلى شي ماحطه بالثلاجه كأنه حاس بخجلها في طلب الأغراض حطت الأكواب بالصينيه وطلعت له ٠عماد الي انتبه لها وقت ماراحت للمطبخ وماحب يلحقها مع انه حاس بالجوع بس كان يبيها تاخذ راحته يمكن تستحي تاكل قدامه بس اصدمه طلعتها من المطبخ وهي شايله صينيه ومتوجهه ناحيته تنح بشكلها الجذاب وهي بعدها مابدلت برمودتها الفوشي دانه جت وجلست بكنبه منفرده ونزلت الصينيه مدت له كوب الكابتشينو وهي تبتسم له وقالت:تفضل عماد بتنهدوهو دايخ ببتسامتها:وش هذا دانه يووه ماتوقعت انه غشيم لهدرجه مايعرف الكابتشينوا قلت برود:كابتشينوا عماد بدهشه :ادري انه كابتشينو بس من مسويه واشلون كان مندهش من شكله الي يشهي دانه بفخر:انا الي سويته ذوق وابيك تقولي رايك فيه عماد ببتسامه:من غير لااذوق شكله يكفي اني اقول لك حلو حست بنبضات قلبها ترقص فرح وسعاده لكلامه لها اخذت كوبها وقالت ببتسامه خجل: تسلم شرب منه وتلذذ بطعمه الذيذ قال وهو يمسح الكريمه الي لصقت بشواربه وخشمه:الله الله عن جد حلو ماشالله عليك طالع فيها بنظرات اعجاب وهي قعدت تشرب وهي حاسه بالخجل من مدحه لها عماد حس بخجلهامن طريقة تحمير وجهها فماحب يزيد قال: دانه وين حابه تسافري دانه بحيا:براحتك الي تختاره انا راضيه ودها تكسبه وتبين له انها ملك له هو وهو الي يقرر عنها عماد براحه من ردها: والله الي اشوفه ماليزيا يمدحونها وكمل بجرأه مايدري اشلون قالها:خاصة للمعاريس الي مثلنا دانه غصت بكوبها وكحت عماد بخوف: اشربي ماي بسرعه اخذ الماي ومده لها دانه اخ ياقلبي حاسه بتوتر وارتباك من جهه حاسه براحه ان عماد مالمسني للحين وانه يحاول يكسبني ومن جهه خايفه ان هالشي يطول شكلي طولت وانا افكر ماانتبهت ألا لما نزل عماد الكوب وقال برود: تسلمين على الكابتشينو وكمل بنفس الأسلوب: انا رايح انام لي كم ساعه قبل لااطلع احجز لنا تذاكر لماليزيا وراح وهي قعدت تتبع خطواته بنظراتها له حست بالخجل شبيقول الحين اكيد بقول ماتبيني ومغصوبه اما عماد حس بالضيق والعجز اشلون بيتصرف معها خلاص ماعاد يتحمل اكثر من كذا 0 0 0 عند شهاب الساعه خمس الفجر جلس بالغرفه عشان حضرتها تشرف بس ماشرفت انقهر ماصارت صلاه راح لها لقاها مندمجه تقرأ ماحب يقطع عليها خشوعها ورد ينام وبداخله قهر ونار تكويه كوي لانها هالمره بعد اقدرت تغلبه الساعه تسع الصبح قامت على صوت يداعب قلبها بخفه افتحت عيونها بكسل وشافت عزام مقابل وجهها عزام بعشق: صباح الخير ردت بتنهد:صباح النور عدلت نفسها وجلست وسندت ظهرها على السرير قالت بحيا: كم الساعه عزام :تسع بس قومي افطري معي ماابي اروح لدوام قبل ماافطر معك وقام عن السرير قال بستغراب:اي ترا تيلفونك دق وكان ابوك حست بمغص وكأنه كشفها قالت بتوتر:خلاص انزل افطر على ماابدل وانزل لك عزام:لا بنطرك بننزل سوى غلا الحين اشلون بكلم ابوي خل لين يروح لدوام أكلمه براحتي ادخلت تلبس وهو قعد ينطرها بعد فتره طلعت له كانت لابسه تنوره طويله كلوش ذهبي مشجر بنقش بني وبدي ضيق بني ساده وكمه حاير وعليه بروش ذهبي عند الصدر بجهة اليمين ماتحب تلبس عاري عند اهله عزام شافها ابتسم وقال: الحين بتنفتح نفسي للفطور دام حبي قبالي مد لها يده وجت ومسكت يده وهي تبتسم له حب وعشق |
عند ضي
كانت في بيت ابوها نزلها علي قبل يروح لدوامه ولان ابوها عازمهم بعد ماجا من السفر كانت تلعب مع جسوم ادخلت عليهم عليا عليا بقهر تسوي نفسها تحب الاطفال وهي حارمه اخوي منهم قلت بجفاف:اقول ضي مافكرتي تراجعين طبيبه عشان تعرفين سبب تأخر الحمل عندج ضي ارتبكت وبان هالشي عليها وخلا عليا تشك ان البلا فيهاهي قالت: لا مافكرنا بهالشي لا انا ولا علي عليا بنرفزه: ليش مافكرتوا ان شالله ناوين تقعدون جذي لا ولد ولاتلد كملت بسخريه: والمفروض انك منبه علي اذا كان نسى هالموضوع بعد ضي بقهر:انتي شعليك حياتنا وحنا احرار فيها ولا حنا متعالجين بنتم جذي شحارك ووقفت بتبعد عنها اكرهت هالمكان من دخلته عليا عليا انقهرت وتوعدت انها تحن على علي يروحون طبيب وان اذا كانت هي الي ماتحمل راح تخلي علي يتزوج لو بالغصب ٠ 0 0 0 8 8 8 صابرعلى جور الدهر وياحر ناري وكل مابغيت أحكي أحس إنـي أبكـم و كن من يقول من الصراحة حذاري واليـوم لابـد آنفـس عنـي الهـم واكتـب مكاتيبـي وهـذا قـراري 8 8 8 عند عماد الساعه حدعش بالليل صارلهم يومين متزوجين ولا صار بينهم شي حس انه قدر يكسر ولو شي بسيط من حاجز الخوف عندها بعد ما تبادلوا السوالف بكل شي شافها داخله غرفة النوم دانه الي استغربت انه هنيه معقوله بينام بدري ابتسمت ومشت لتسريحه بتضبط شكلها حتى لو مااهتم عماد بشكلها لايمكن تهمل الاهتمام بمظهرها عماد بتنهد وهو يحاول يكون طبيعي عقب شافها داخله كان مجهز كلام بيقوله لها بس حس ان كل شي ضاع قال بصعوبه وبصوته الجوهري:دانه ألبسي غيرهالبجامه لوتسمحين حس انه غبي شالمقدمه ياعماد صج انك ثور من اولها غيري لبسك دانه غصت اول مره يكلمها جذي لفت عليه بصدمه وهوكمل بتوتر:دانه اعتقد اني ماقصرت واعطيتك وقت عشان تحسين بلامان معي دانه حست بالفشيله كل شي قاله صج اسكتت وراحت لغرفة التبديل عشان تنفذ له طلبه عماد طفى النور وانسدح ينطرها حس ان يومين كافي لهدوء اعصابها خاصة وان اعصابه هو مو متحمله اكثر من كذا وبعد خاف لا تضن فيه ضن السوء دانه خايفه بتصيح ودها ترفض بس ماتقدر هالشي موبيدها اتكلت على الله وسمت وطلعت له بعدما لبست قميص بحري لي تحت الركبه وعلاق 0 0 0 اليوم الثاني صحت مبجر وشافت شهاب نايم وكان معقد حواجبه ابتسمت لان شكله معصب لان امس بعد اقدرت تفلت منه سوت نفسها نايمه من وقت وهو لما جا وشافها نايمه ماازعجها وتركها ولما قعدها لصلاه ماصحت لين نام هو راحت للحمام تاخذ شاور وتلبس وتكشخ قبل لا يقوم شهاب بعد ساعه خلصت لبس ألبست ثوب ابيض لي تحت الركبه جبنيز والصدر دائري واسع طلعت عشان تحط لها ميكب اول مادخلت الغرفه شافته قايم وجالس على السرير شهاب الي قعد شاف الساعه عشر التفت شافها قايمه كان بيعصب ليش ماقعدته اول ماقامت بس من شافها دخلت عليه هون خاصة بعد ماشاف لبسها الفتان على جسمها الممتلي شوي دينا كرهت عمرها ليش جت له الحين شيفكني منه شفته يبتسم لي ورديت له الأبتسامه غصب شهاب وقف بيروح يغسل قال بقهر من تصرفاتها:ليش ماقومتيني معك اول ماقمتي دينا ليش شايفني غبيه اقومك قلت بتوتر:خفت ازعجك شهاب الي كان يغسل قال وهو عند الباب :اي أزعاج واي بطيخ كمل ببرود:حطي لنا فطور خفيف على بال مااخذ لي شاور بارد دينا بدون نفس:ان شالله وشافة سكر الباب حق الحمام فراحت بسرعه وقفت عندالتسريحه ٠ حطت لها شي خفيف من المكياج وراحت تجهز فطور 0 0 0 عند عماد قعد الساعه حدعش على صوت تيلفونه عماد تعدل وجلس ونزل من عليه الحاف وكشف عن صدره واخذ تيلفونه ورد بنعاس:الو ماانتبه للي داق عزام بخجل:هلا بالنسيب عماد بحيا:هلا فيك عزام :اسمحلنا ازعجناك بس دقيت اقولك ترا عمك حاسب حسابكم بالغدا ويقول لازم تجون وتجيبون بناته بعد عماد وعينه على دانه الغاطه بنومها قال بتنهد:ان شالله بنجيكم عزام بضحكه:قول لأخوك ترا ادق عليه مغلق كمل بخبث: حاسبها عدل هالرجال مو مثلك ناسي تغلق جهازك ضحك على كلام عزام وحست عليه دانه الي لفت للجهه الثانيه عنه دانه صحت على صوت ضحكه ماقدرت تحط عينها بعينه خجلانه كل الي سوته صدت من غير لاتفتح عيونها عشان يضن انها بعدها نايمه عماد سكر من عزام وشاف دانه عرف انها قايمه من طريقة تنفسها وتحرك كتوفها بصوره واضحه قرب لها وحضنها من ورا ولصق صدره العاري بكتوفها قال بهمس:ادري انك قاعده قومي ابوك عازمنا على الغدا عنده دانه ماقدرت انطق بحرف احس بتوتر وارتباك فضيع حاولت ابعده عشان اقوم بس ماقدرت لين ماهو تركني بكيفه وبعدها قمت بدون لاانطق ورحت للحمام عماد رد انسدح و تنهد براحه : اه بدوخ من حياها 0 0 0 في بيت عادل 8 8 8 عاهدك باللى خلقنى وسواك وبعاهدك قلب أذا غبت صانـك والله ما أرخصك ولا افكر انساك ومفقود قلبى كأنه بيوم هانك لا ضاق صدرك وأزعجك جور دنياك بتلقانى اوفى من عرفت بزمانـك 8 8 8 بعد ماتغدوا اجلسوا يشربون شاي ضي كانت قاعده جنب علي الي حاس بضيقتها بس ماحب يسأل لانه متوقع انها مثل العاده خناقه مع عليا فحب يكون بعيد عنهم ثنتينتهن عادل ببتسامه: شرايك تخاوينا للمزرعه عند ابوي هالاسبوع علي بإصرار:لاوالله اسمح لي انا ناوي لي على سفره بس استلم اجازتي ضي انصدمت ولاتكلمت لان هو ماجاب لها طاري اصلا عليا بجفاف:ناوي تاخذ ضي معاك او سفرة شباب بس علي الي حضن ضي بذراعه قال بشوق: اصلا هالسفره كلها لحساب ضي بنسافر لنا كم يوم شهر عسل ضي تحاول تبعده حست بالخجل من وجود ابوها وفي نفس الوقت فرحانه لانه قهر عليا برده 0 0 0 |
| الساعة الآن 01:09 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية