|
سواليف الوله ، للكاتبة : آإكآإسسيآإ ..
بسم الله الرحمن الرحيم سواليف الوله للكاتبة آإكآإسسيآإ ~ { .. بسسمـ ـآإلله ـآإلرح’ـمن ـآإلرح’ـيمـ ! ـآإلسسلـآإمـ ع’ـليكمـ ورح’ـمه ـآإلله وبركآإته ~ تح’ـيه طيبه مني قبل بدـآإيه ح’ـديثي .. بعد تفكير ليس بآإلطويل قررت كتآإبه روـآإيتي " ـآإلمتوـآإضع’ـه " [ سسسوـآإليف ـآإلوله ] بع’ـد مح’ـآإولـآإت ع’ـديدهـ من كتآإبتي ـآإلـآإ ـآإنني ـآإفتقدت مآإكتبته بع’ـد تع’ـطل [ هآإردسك جهآإزي ] وذهبت روـآإيتي ـآإدرـآإج ـآإلريآإح .. سبقتهآإ من كتبتهآإ بملـآإحظآإتي وفقدت ـآإلدفتر ! ولكن لـآإزـآإلت ـآإفكآإر و ـآإح’ـدـآإث تدور في مخ’ـيلتي ـآإريد كتآإبتهآإ وـآإطلـآإق ـآإول روـآإيه لي ع’ـبر منتدى مرسى ـآإلـآإبدـآإع مع ـآإلع’ـلمـ ـآإنني ـآإريد ـآإن ـآإكسر ـآإلج’ـدـآإر ـآإلروتيني بح’ـب ـآإلـآإقآإرب مع حشوهآإ بـآإلع’ـديد من ـآإلمشآإكل وـآإلنهآإيه بـآإلزوـآإج ! ـآإريد ـآإن ـآإح’ـطمـ ح’ـوـآإج’ـز ـآإلغ’ـنآإء ـآإلفآإحش و ـآإلج’ـمآإل ـآإلـآخخخآإذ ! سوف ـآإكتب بوـآإقع’ـيه شديدهـ .. وبوـآإقع نع’ـيشه ونستشفه ! ليست لدي ـآإلخ’ـبرهـ بـآإلكتآإبه " ولكن رغ’ـبتي شديدهـ في ولـآإدهـ روـآإيتي " لن ـآإطيل ـآإلح’ـديث لكمـ .. ـآإريد دع’ـمـ فقط .. ـآإريد توـآإج’ـد قُرـآإء ! ـآإن ـآإردتمـ قرـآإءة روـآإيتي .. ـآإروني ردودكمـ .. لـآإنني لن ـآإكتب و ـآإتع’ـب .. ولـآإ ـآإج’ـد متآإبع’ـين ومن سوف يضيف رد .. ـآإتمنى ـآإن يوـآإصل متآإبع’ـه ـآإجزآإء وليدتي ـآإلى ـآإلنهآإيه وع’ـدمـ خ’ـذلـآإني في منتصف ـآإلطريق ! ـآإنتظركمـ ّّـآإكآإسسيآإ ~ |
[ ـآإلجزء ـآإلـآإول ] لو " ينال المرء " إدراگ المطالب بـ / التمني گان جل { همومـ قلبي } تنتهي لو قلت ليت ! **** في شارع من شوارع الرياض واقف وهدته شمس الرياض الحححارهـ ابتسمـ ابتسامه كانت خليط من [ التفائل - الألمـ ] سرحان بهمومه وبحياته صحاه من سرحانه صوت " البوري " التفت محمد للسيارهـ اللي نزل منها رجل خمن انه بالاربعينات قال له بصوته المبحوح : سمـ ياعمـ الرجال : سمـ الله عدوك , ابي من هالتفاح هو زيين ؟ محمد : ايه ياعمي اليومـ جايبينه من المزرعه الرجال : هات لي صندوق محمد انحنى يلتقط صندوق التفاح ورفعه للرجال : سمـ الرجال : تسلمـ ياولدي , دخل الرجل يده في جيبه وطلع المحفظه وعطاه حسابه اخذ محمد الفلوس وبقلبه يشكر الله .. ورجع لسرحححانه من جديد ! [ محمد : شاب في مقتبل العمر مثل مانقول عمرهـ 27 سنه كان وحيد امه و ابوه اللي توفو من خمس سنوات بسبب حادث مروري على طريق مكه ومابقى له من اهله الا عمته " المقعدهـ " واللي اظطر انه مايكمل الجامعه عشان يهتمـ فيها ويوفر لها اللي تحتاجه من علاج وادويه طموح جداً , ثقته بربه كبيرهـ , مبتسمـ رغمـ الألمـ , هادي , كـ شكل .. طويل واسمر تميزه بالتجاعيد اللي حول عيونه وتزداد لما يضحك ] **** في بيت متواضع في احد احياء الرياض .. رغد جالسه تغير ملابسها توها راجعه من الجامعه ومنقرفه من الحر ومعصبه عشان اخوها تأخر عليها <~ اكرهـ ششيء هع لبست بجامه سسماويه خفيفه واسعه وصلت الظهر ونزلت تحت .. شافت اخوانها الصغار متسدحين عند التلفزيون ومعلين التلفزيون ع الاخخخخر رغد بصراخ : هييييييي انت وياها قصصصرو ازعاج الاخوان مطنششين مرت من قدامهمـ وسكرت التلفزيون ورفعت اصبعها مهددهـ لهم : ياويلكمـ ترفعون الصوت مانتو بلحالكمـ بالبيت يامال .... قاطعتها امها : رغغغد جايه معصبه لاتحطين حرتك بعيالي رغد : ماتسمعين الازعاج اللي مسوينه عيالك بعدين ليش خالد متأخر علي اليومـ مو حرام عليه سيارات تروح وسيارات تجي وانا منطقه ولا تأخرت عليه دقيقه سوالي نوون ومايعلمون امها : بس بس بدل هالقرقرهـ روحي ساعدي الشغاله بالمطبخ وحطوا الغدا ابوك على وصول رغد بتأفف تروح للمطبخ وتفتح القدر وتطلق صرخه : ااااااااااا كل يوم رز رز رز مليييييينا امها تدخل : والله هذا اكل الناس وقولي الحمدلله على النعمه لا يغضب الله عليك رغد : الحمدلله اتجهت للثلاجه اخذت تفاحه وجلست على الطاوله قدام امها اللي تقطع السلطه : يمممه شفتي نورهـ بنت خالتي اليومـ مكسورهـ يدها شفتها بالجامعه امها : ايييه قالت لي امها طايحه من السلمـ وهي ترتب غرفتها رغد : اهـــــا ياحليلها امها : مو مثل حظي ياسعد الناس ببناتهمـ رغد : بنات الناس بنات الناس ودي اششوفهمـ هالكاملين ذولي طلعت وهي تسمع صراخ اخوانها معلنين وصول ابوهمـ رغد : اهلييين يبه ابوها : هلا والله .. هاه شخبار الجامعه تمامـ رغد تسوي اوكي بيدها : تمممامـ التمامـ بعد ابوها : اي الله يوفقك .. بصراخ : حححححطي الغدا يابدريه وصعد يبدل على مالغداء يجهز .. اما رغد اتجهت للمطبخ حامله السسفرهـ بتفرشها بالصاله وتشوت المخداات : يالله يالله انت وياها ضفوهمـ بحط الغدا ويركضون البزران يبون يفرشون معها .. جلسوا على الغداء سعد " الابو " : الا وين ولدك ماشوفه بدريه " الامـ " : اي واحد فيهمـ ؟ رغد لقافه : من غيرهـ يعني سلماان اللي مانشوفه الا بالعيد و بدريه تقاطعها : اقول مالك دخل وكملي اكلك , لاتتكلمين عن اخوك كذا الاب : والله ان يبي لي اعيد تربيته هالولد **** { نبذه عن حياتهمـ : * سعد : رب الاسرهـ , حنون , طيب , بس يخفي طيبته في بعض الاحيان له عند عياله هيبه واحترامـ يشتغل بالقطاع العسكري باقي له كم سنه ويتقاعد .. * بدريه : الامـ , شبابيه شوي ومواكبه بنتها , حبوبه بس مالها كلمه على عيالها واللي ماسك زمامـ الامور الاب , ربة منزل .. * خالد : عمرهـ 24 سنه يشتغل بالاتصالات عصبي لكنه طيب , شايل القليل من همـ ابوهـ يحب اخوانه الصغار مرهـ طوله فا ا ا رع انسان رياضي .. ابيض , مممـ مملوح * رغد : عمرها 21 سنه تدرس جغرافياء ممـ انسانه بسيطه ماتحب التكلف بكل شيء , فيها من الطيبه كثير , رومانسيه حالمه متوسطة الطول بيضاء تشبه اخوها خالد ,, ومملوحه * سلمان : عمرهـ 19 سنه يدرس ثالث ثانوي راسب سنه , انسان مهمل غير مسوؤل , دايمـ برا , يحب الهياته والنومـ برا البيت , معروف بجملته [ ابي فلوس ] * سعود : عمرهـ 9 سنوات يدرس رابع ابتدائي مررهـ ظريف خخخ ومزعج ويحب العناد * فجر : عمرها 5 سنوات تدرس بالروضه مدخلينها يسكتونها دايمـ تكون ضحية سعود بالضرب } **** بالسيارهـ طربا ا ا ا ن مشغل على خالد عبدالرحمن " الفيصليه " مد يدهـ للدرج اللي جنبه طلع الريموت الكنترول فتحت القراج ودخخل السيارهـ .. سكر المسجل شال نظارته .. وسكر الباب ودخل الصاله لقى اهله جالسن يتغدون .. جلس على الكنب مقابلهمـ : اااااااااهـ يالححححر ابوهـ : الناس تسلمـ لادخلت ! فهد بفشله : السلامـ عليكمـ الكل : وعليكمـ السسلامـ فهد : ماتنتظرون ولدكمـ يعني يتغداء معكمـ امه : وانت عمرك اكلت معنا فهد : بالعافيه انا طالع ارتاح صحوني خمس عندي مشوار ابوهـ : على وين ان شاءالله فهد : ابد مواعد كمـ واحد نروح للمعارض بنشوف لهمـ مواتر ابوهـ : على خير فهد : سلامـ صعد فوق فتح غرفته عفوا " حوسته " ! فتح المكيف وشال ثوبه وطاح على سريرهـ .. دق الباب ودخلت راسها : ناااايمـ فهد : لا اسوي رياضه .. ماتشوفين الغرفه ظلامـ غادهـ دخلت : اقول فهد ترا اليومـ بروح للسوق هااه من اللحين اقولك فهد : اقول منااك بس سامعتني تو اقول اني مواعد شباب غادهـ : ايييي ودني وروح لهمـ ومتى ماخلصت خذني فهد يسكتها : يصير خير سكري الباب تعبان بنامـ غادهـ : زيييين سكرت الباب وراها وراحت تفتح الباب على اختها غادهـ : سسلـام ياجميل شهد بهدوء : هلا والله غادهـ : ليش ماتغديتي معنا فاااتك صينيه الخضار اللي تحبينها شهد : ما اشتهي غادهـ : مممـ ممكن ندردش شهد بتهرب : اطلعي بس بنامـ حدي تعبانه من الدوامـ غادهـ فاهمه لاختها : طيب بس بيننا قهوهـ المغرب طلعت وسكرت الباب نزلت للمطبخ حصلت اخوها سلطان يشرب لبن غادهـ : سلطاااان لاتخلصه بشرب سلطان : اجيب لك غيرهـ غادهـ : لاعاااد سلطان بلعانه شربه كله وطلع غادهـ بصراخ : حححححححححيوان وطلعت لغرفتها سكرت الباب وانسدححت اخذت البي بي شيكت على المسن وناااامت { نبذهـ عن حياتهمـ : * ابراهيمـ : الاب يشتغل في الاعمال الحرهـ , مايحب احد يعصاهـ , كلمته دائماً تمشي على عياله ! * فوزيه : الامـ مدرسة دين متقاعدهـ , ربه منزل حالياً تهاب زوجها , حنونه على عيالها .. * فهد : عمرهـ 27 انسان عملي جاد مايعرف الا شغله والسيارات وبس تحسه انسان متبلد الاحساس يعتبر كل شيء سخافه , بس مع ذلك طيب وقلبه ابيض ! * شهد : عمرها 26 سنه تملكت ولكنها تطلقت انسانه هاديه ونا ا ا ا عمه ومسالمه كافه خيرها وشرها تحب الهدوء تسمع حزين دايمـ وتحسها انطوائيه , ما كانت كذا لكن طلاقها اثر عليها .. تدرس بمدرسه خاصه " تدبير منزلي " طويله جسمها حلو وشعرها طويل ! * غادهـ : صديقة رغد حححح’ـيل عمرها 21 سنه تدرس علمـ اجتماع بنفس الجامعه صديقات من الثانوي , فرفوشه تحب الاستهبال طويله بعض الشيء ونحيفه سمراء جذابه .. * سلطان : اولى ثانوي عمره 16 سنه يهوى العناد بس انه حسا ا ا س } **** شال اغراضه .. الناس كلها راحت لبيوتها ترتاح وش يجلسه .. دخلهمـ بالسيارهـ وشغلها ومششى دخل احد الاحياء الشعبيه القديمه وقف عند بيت بسسسيط وشعبي نزل وفتح الباب دخل وصصصرخ : عمممممممممممممممممممممممممممممتي ! **** بغرفتها مشغله اججنبي .. وجالسه على الاب توب تتصفح الاسك مي وتجاوب .. رن جوالها ردت بعربجه : هاااااه ..... : وجعاااه شفيك في حد يرد كذا غيداء : اييي انا اخلصي علي وش تبين ..... : اختك نوره ليش ماترد على جوالها غيداء : شعلي منها انا , مديرة اعمالها ...... : وشو وش دراك اختك يالخبله غيداء : الخبل وجهك ظفي بس سكرت السماعه بوجهها سكرت الاب توب طلعت برا فتحت الباب بدفاشه وطاحت على سرير اختها غيداء بصوت خششن : نوووورهـ نورهـ بعدمـ اكتراث : هاااه غيداء : النشبه سماح صديقتك تبيك تقول ليش ماتردين نورهـ : اقراء ماتشوفيني غيداء تعدل من جلستها وتحوس شعرها البوي : اووه انتي لا قريتي تنقطعين عن العالم الخارجي نوره تسلك : ايه غيداء : كملي خرابيطك بس وطلعت وصبخت الباب وراها نزلت تحت ويدها على بطنها جلست على الدرج بصراخ قالت : جوووووووووعآنه وليد : جوع ان شاءالله لمي رجولك واجلسي جلسة بنات غيداء : ششدخلك اللحين وليد : وخري بس .. ويمر من جنبها ويصعد غرفته فتحها وانسدح .. لقى مكالمتين لمـ يرد عليها شاف " الحب " دق عليها : الوو ..... : الوو وليد : السلامـ عليكمـ .... : وعليكمـ السلامـ وليد : شخباارك ؟ ..... : بخير وانت كيفك وليد بصوت ناعس : تممامـ ..... بضحكه : فيك النووومـ وليد : ايييي .... : اخليك تنامـ ولما تصحى كلمني وليد : اوكي حياتي .... : بااي سكر السماعه وانسدح قد وشو يحبها ويموت عليها , طفله بس انها كبيرهـ يشوف براءة الدنيا فيها { نبذهـ عن حياتهمـ : * عبدالله : الاب متقاعد وفاتح له مكتب عقاري يونسه .. منعزل تقريباً عن بيته يحب الهدوء وبس .. * حصه : الامـ انسانه عمليه تشتغل مديرهـ مدرسه تحب النظامـ بس للأسف ماتقدر تطبقه الا في مدرستها .. ! * وليد : عمره23 سنه يحب الكورهـ انسان شفاف وبسيط يحب بإخلاص وصدق ! .. متوسط الطول واسمراني حنون * نورهـ : عمرها 22 سنه تدرس اخر سنه بالجامعه تخصصها " فيزياء " تحب الروايات والافلامـ ووقتها ضايع بينهمـ .. ماتحب تحتك مع اقاربها كثير .. خجوله حيل .. * غيداء : النقيض للنورهـ عمرها 19 اول سنه جامعه تدرس " عربي " لفشلها بالثانوي عربجيه او بمعنى اصح - بويه - شعرها لونه فاتح وقاصته قصصصير متوسطه الطول نحيفه مرا مودها اغاني اجنبيه .. ستايلها شبابي مووت .. تخشن صوتها قد ماتقدر .. بس بداخلها قلب طاهر ! } **** شايل عمته بين يدينه سدحها على فراشها المتواضع ويمسح وجهها بالمويه محمد : سمـ الله عليك ياعمتي وش صار لك العمه بوهن : ودي اشيل الكاس وطحت من الكرسي محمد بعصبيه مخفيه : مو قلت لك لاتسوين شيء ناديني ولا انتظريني الله يهديك العمه تمسح على يده بحنان : ماصار الا الخير يابوي محمد يتنهد براحه : الحمدلله يبوس راسها ويقوم : انا بروح ارتاح وانتي بعد ارتاحي لو محتاجه شيء ناديني هااه سامعه ناديني مو تسوينه العمه بإبتسامه : ان شاءالله يمه بادلها الابتسامه وراح لغرفته انسدح على سريره الحديدي ! بتفكيره [ اييييه يامحمد متى الله بيفتحها عليك وتعيش مثل غيرك .. ] تغافله النومـ وكسبها ونومـ محمد ! ـآإنتهى ـآإلج’ـزء ـآإلـآإول ! كآإن تعريف للشخ’ـصصيآإت , ـآإح’ـببت ـآإن يكون هآإدىء بع’ـض ـآإلشيء وقد يكون " ـآإلهدوء ـآإلذي يسبق ـآإلع’ـآإصصفه " ـآإنتظروني في ـآإلجزء ـآإلثآإني .. ـآإكآإسسيآإ ~ |
[ ـآإلج’ـزء ـآإلثآإني ] والله اني مفارق " شع’ـر الغ’ـزل " بس من [.. شفتك ..] وأنا بـ / بح’ـره غ’ـريق ! قبل أعرفك : كنت مو هاوي غزل ~ ومن " عرفتك " شب في قلبي { حريق **** بعصبيه تدور نقابها اللي اختفى ! غادهـ بصراخ : سسسسسسونيا جات الشغاله تركض اللي كانت ترتب الصاله اللي فوق دخلت : نعمـ غادهـ : وين نقابي ويييييييينه بروح سونيا : ما أدري غادهـ : برا .. اصلاً انتي وش تدرين عنه غادهـ طلعت وهي لابسه عبايتها والطرحه على كتفها وتركض لغرفة شهد فتحت الباب بقوهـ شهد خافت ورفعت راسها يومـ شافت غادهـ تنهدت براحه : سمـ الله فجعتيني غادهـ : مو وقت نعومتك فهد معصصب تحت تكفين هاتي نقابك مدري وين نقابي شهد تأشر على الشماعه : شوفيه هناك غادهـ لبسته بعجل وطلعت تركض بالدرج وتسكر ازارير العبايه فتحت الباب وركبت السيارهـ غادهـ بإنفداع : سوري سوري والله نقابي اختفى و فهد قاطعها : مو مشكله غادهـ فهت اول مره يروق .. بقلبها : جعله دومـ يافهيييد فهد مد يده وشغل اغنية " الموعد الضايع " دويتو يارا وراشد الماجد **** دق جوالها وهي تلبس عدساتها الطبيه .. ردت بهدوء : هلـا والله غادهـ : وينك ياحلوهـ انا لي ربع ساعه بالسوق اسسستناكِ رغد : طيب هذاني البس عدساتي غادهـ بعصبيه : فاضضيه رغد : لا اجي بنظارتي احسن غادهـ : خلصيني بسرعه ولا بتقهوى عنك رغد : لـا لـا دقايق وانا عندك خليكي عند اسبريسو جايتك سكرت غادهـ .. وجلست تدور بالسوق وتناظر البترينات **** اخذت شنطتها البيضاء حطت اغراضها بحوسه طلعت برا الغرفه نزلت وحصلت خالد جالس يلعب بجواله ينتظرها خالد : اخرتينا يالله رغد : يالله يالله خالد عطاها ظهرهـ , بعدين التفت غطي عيونك <~ ياكرهـ هالجمله رغد بنرفزهـ : بالبيت تبي اغطي عيوني خالد بتحدي : ايه رغد بعناد : لـا مو بكيفك لا طلعت بغطيهمـ خالد حس على دمه : طيب بسرعه قدامي رغد مرت من قدامه ركبت السياره ونزلت الغطاء بملل على عيونها **** جالسه بغرفتها شبه المظلمه وتسمع اغنيه " لازم اعيش " لشيرين احمد ! وعيونها تغرق بالدموع الأليمه = ( تبكي بحرقه وتشششهق بقوهـ [ ليش يانواف ليش ؟ , هدمت مستقبلي وحطمت احلامي قتلت انوثتي اكرهك اكرررررهك يارب ينتقمـ لي منك ] رجعت لها الذكرى وكأنها فليمـ سنمائي قدام عيونها ! تتذكر لما خطبها وتملك عليها كان يكلمها بالساعات ويغرقها بكلامه المعسول غرقت في بحرهـ بدون منقذ , هدته نفسسها , وسحبها معه لللإنحراف ! انتهك عذريتها بحجه انه زوجها ولازمـ تتعود عليه ! بعدها ماشافته , الا بعد عشر ايامـ يومـ جاء يرمي ورقة طلاقها بعد ما انبسط فيها ورماها , وين حنانك وين دفاك يانواف , صرت قاسي وحشششش كاسر بعدها انعزلت عن العالمـ , تغيرت نفسيتها ولا حكت لاحد عن اللي صار بررت سبب الطلاق انها اتفقت معه لانهم ما ارتاحوا مع بعض ومشت عليهمـ ! آآآآهـ يآإشهد ! , انسي السعادهـ خلاص ! قامت بتثاقل للحمامـ وجلست تحت الدش والمويه الباردهـ تنزل عليها يمكن تخفف من حرارة جوفها ! **** منسدحه بغرفتها وتلعب بشعرها , وتحس انها فـــــوق كل شيء ! ريممما : هههههههههه مو صاحي والله وليد : افــا انا مو صاحي ريما : خخخخ ايه وليد : قدهاااا ! ريما بتررد : هــاه لـا لـا وليد بضحكه : اي خليك كذا يكمل وليد : اي واخبارك ياقلبي ريما بخقه : مدري وليد : ههههههههههههه ريما : وليييييييد وليد بذوبان : يا رووووحه ريما بصوت خافت : لبى روحك وليد : وشو ماسمعت ريما : مو لازمـ تسسمع وليد : طيب يالشقيه ! ريما : اكلمك بعدين وليد : اوكِ .. باي ريما سكرت السماعه وقامت تفتح الباب : هلـا عمها : هلابك يابوك , وينك ماتغديتي اليومـ ؟ ريما : والله ماكله بالجامعه مع البنات عمها : ايييه بالعافيه لازمـ تتعشين معنا اجل ريما : من عيوني والله عمها : تسلمـ عيونك يابنت الغالي ريما خنقتها العبرهـ : الله يرحمه عمها : امين حرك يده على شعرها الاشقر وعطاها ظهرهـ ومشى ! **** طلعت بعد ما اخذت شور لبست بجامه ورديه ونزلت تحت : يمممه فوزيه بصراخ : هلـا شهد هذاي بالمطبخ شهد : شتسوين يمه فوزيه : بكرا بتجينا امـ غادهـ قلت بسوي فطاير شهد : ايييي ياخزياهـ , عزمونا مرهـ ولا عزمناهمـ ! فوزيه : ايه بكرا اخوانك وابوك معزومين عند ابو طلال قلت فرصه اعزمهمـ شهد : اي زييين , طيب والحلا فوزيه : بجيب من برا , شرايك يمه تسوين لنا فطيرة التفاح من يدك شهد بضحكه ميته : هههههههه اهمـ شيء من يدك تسوين لي اغراء يعني عشان اسوي لك فوزيه : اي ماودي نتفشل عندهمـ تذكرين ماشاءاالله حاطين كل شيء شهد : من عيوني يالغاليه فتحت الثلاجه : يؤ مافيه تفاح يممه فوزيه : ارسلي السواق , وقولي له يمر الصيدليه يجيب لي صبغة شهد : هههههههه بتصبغين الشيب فوزيه بخجل : يازينك ساكته شهد تحك شعرها : ممم على كذا انا بروح معه ودي اجيب لي كم غرض فوزيه : اي لاتطولون تراه توهـ جاااي وتعبان الرجل , شهد : تيب تيب صعدت فوق لبست عبايتها واخذت شنطتها .. نزلت تحت حصلت السواق مجهز السياره ركبت الفان وسكرته : امجد على بندهـ .. امجد حرك السيارهـ .. وعلى بندهـ **** بجلسات ستار بوكس جالسين غادهـ : ششفتي الدكتورهـ اليومـ والله هبلت فيها اماني ! رغد : شششلون ؟ غادهـ بعبط : بعدين اقولك رغد : كولي تبن غادهـ : من زين الاخلاق رغد : زي اخلاقك .. شالت جوالها تلعب فيه نزلته بملل رغد : افففف طفش ماخلصتي انتي غادهـ : لـا ماخلصت اصبري يابنت رمضان على الابواب ودي اشتري لبس للعيد رغد : اشتري حد ماسكك , كل ماوريتك شيء قلتي وع غادهـ : مدري ذوقي صعب رغد بتسليك : طيب غادهـ : شوفي شوفي رغد بصراخ : اميييييييييييييييييييييييييييتاب التفت لها الهندي وضحك ومشى غادهـ تشيل الشنطه : ورااه وراااه رغد بهيمان : يالبييه يالبيييه اميتاب بالرياض وش يجيبه غادهـ : والله لاصورهـ قربوا منه الثنتين مع بعض : لـــــــــا مو هو رغد : بس نسسسخته مرااا غادهـ : تعالي نصورهـ بكشخ اقول شفته رغد : صوريه من بعيد لانك لو قربتي يبين انه مو هو ويلحقونه من سيب لـ سيب ومبين هالهندي كشخه يدخل الركن السويسري وراه هنود يمشون معه , صصدق ويخلق من الشبه اربعين نسخة اميتاب * اميتاب : ممثل هندي , جلسوا قدامـ محل بالكراسي تعبوا وهمـ يلحقون هالهندي اللي فاهمـ عليهمـ انهمـ مشبهين وضيعوهـ طلعت غادهـ الجوال بتتصل على فهد ومركبه cavar اخضر .. مر واحد حجازي قالها : تحبي الاخضر ؟ غادهـ : كل تبن وامش ويضحك اللي وراه على فشلته ورغد ميته ضحك غادهـ : بتمرني شهد , تبين اوصلك رغد : لـا مابي اكلف عليك غادهـ تضربها : شدعوى مابيننا هالخرابيط رغد : اي خلاص . غادهـ بإستهبال : ماصدقتي رغد بفشله : وججججع ويضححححكون ! **** شهد : امجد وقف وقف بشتري من هذا .. بقلبها : خليني اكسبه وين نحصل شاب يبيع بدون خجل ! هالحين ششبابنا مايبون يشتغلون اي شغله , شلون يبيعون على الطرق .. كبر بعينها هالولد ! شهد : امجد انزل جيب صندوق تفاح .. ومدت له الفلوس امجد اخذهمـ ونزل امجد : بابا .. ابي واحد محمد : تبي احمر ولا اخضر ؟ امجد : مدري لحظه بابا راح فتح الباب : ماما تبي احمر ولا اخضر شهد : اي شيء راح امجد وقال لمحمد .. احتار محمد وش يعطيه بس بالنهايه عطااه الاحمر ! اخذ الفلوس من امجد .. وراح ركب السياره ومشى , محمد يفكر [ غريبه توقف تشتري من الطريق , وش علي عاد انا ] **** غيداء بغرفتها تحووس دولابها : اففففففففففففف دخلت نورهـ : شفيك بعد غيداء : مدري وش البس لبكرا نورهـ وهي تاكل كتكات : وش عندك بكرا بعد غيداء : بروح للمى نورهـ : ما خربك الا هالمى ترا سمعتها ززززفت غيداء بعصبيه : شعليك من صديقاتي لاتتدخلين فيهمـ نورهـ : الله من زين الصديقات بعد غيداء : بـــرا اقولك طلعت نورهـ , تاركه غيداء تحوس بدولابها ! **** في البيت الشعبي البسيط جالسه على كرسيها وقدامها صديقة عمرها " امـ علي " وقدامهمـ دلة القهوه والتمر ام علي : ماشاءالله يا مزنه الله رزقك بولد ماجبتيه مزنه : الله يخليه ويرزقه ام علي : امين ان شاءالله , ماشاءالله عليه شايلتس وشايل نفسه وشايل البيت لحاله مزنه : والله ان الحمل ثقيل عليه ودي اشيل عنه لو شوي بس الشكوى لله ام علي : رجال ويقدر يا مزنه الله يعافيه مزنه من قلب : امييين يارب , **** تدف العربيه وتحط من الاغراض : ممممـ وش باقي شافت برينقلز اللي تحبه غادهـ ابتسمت وخذت لها واحد ! راحت للمحاسبه وحاسبت وركبت السيارهـ شهد : امجد روح للرياض غاليري جيب غادهـ امجد اتجه للسوق وقف قدام البوابه ركبوا الثنتين : السسلـامـ عليكمـ شهد بهدوء :وعليكمـ السلامـ رغد : هلا شهد شخبارك شهد : بخير ربي يعافيك , انتي شخبارك ؟ رغد : الحمدلله زينه ياقلبي شهد : واخبار الجامعه ان شاءالله اوكي رغد بضحكه : اوكي , انتي كيفك يا ابله وكيف البنات شهد بإبتسامه : كويسين الله يصلحهمـ غادهـ : فاتك ششفنا اميتاب شهد : لا عااااد قولي غيرها غادهـ : قسسمـ حتى اسألي رغد شهد لفت لرغد : صصدق ؟ رغد : لـا عاااد مو اميتاب , نص اميتاب وشافت صورهـ .. شهد : ايييييييي والله كأنه هو غادهـ بذوبان : قسمـ انه يجنن شهد : وش شايفه بهالشايب غادهـ سحبت الجوال : طسي بس وقفوا عند باب بيت رغد اشرت لهم بـ بااااي .. وسكرت الباب شهد : ياحليلها هالبنت غادهـ : طبعاً صديقتي شهد هزت راسها مع ابتسامه على اختها الي عايشه حياتها بـ بساطه ! **** جالسه متربعه وتحوس بشنطتها القديمه طلعت الصور والدفاتر جلست تتذكر طفولتها مع اهلها , حياة انسلبت منها ومستحيل ترجع لها ,, { نبذهـ عن حياة ريما : * ريمـا : عمرها 19 سنه امها من جنسيه عربيه , اخذت من ملامح امها الكثير . امـ ريما تخلو عنها اهلها بعد ما اخذت " سعودي " وعاشت مع زوجها احمد بحب وانجبوا ريما و عبدالعزيز ! ولكن امها مرضت بالسرطان , وراحوا يقرون عليها بإحدى المدن وماتوا بحادث ! عاشت ريما في بيت عمها " ابو طلال " .. عمها عوضها عن حنان الاب وان كان مايعوض عاشت معه في بيته .. * ابو طلال : مطلق وعندهـ بنتين ولد بس .. عايشين مع امهمـ عند خوالهمـ وحيد في البيت ماعندهـ الا بنت اخوهـ ريما وولده طلال اللي منعزل عن البيت عشان مايسبب احراج لبنت عمه , عمها يحبها حيل ومقدمـ لها سبل الراحه والرفاهيه عشان يخفف من الحزن اللي يشوفه فيها ...! } قطع افكارها .. نغمة جوالها شافت المتصل " دنيتي " ردت : هلـا وليد : هلـا بك سكتوا .. ريما : احس عندك كلامـ وليد : كلامـ , مثل ايش ؟ ريما : ما اعرف .. قلت احس وليد : اهــا ,, لا خاب احساسك هالمرهـ ماعندي كلامـ ! ريما : مممـ طيب شفيك وليد : ابد طفشان .. ريما : اهــا .. وليد : انتي شفيك ,, صوتك مو عاجبني ريما بهروب : لـا لـا مافيني شيء وليد : اكيد ؟ ريما : ايه اكيد . اكلمك بعد شوي بنزل اتعشى وليد : اوكي , بالعافيه ريما بهدوء : الله يعافيك باي سكرت وتنهدت .. لمت اغراضها وحطتهمـ بشنطتها .. نزلت تتعشى مع عمها ! **** في بيت ابرهيمـ : مرتبشششين فوزيه بجلابيتها الفخمه تمشي وتبخر البيت .. غادهـ المبسوطه اللي فرحانه ان اهلها واهل صديقتها بدوا يتعرفون على بعض بالمطبخ تشيك على الحلا والعصاير والقهوه .. شهد بغرفتها قدامـ التسريحه تكحل عيونها .. مررت على شفايفها قلوس وردي ورشت رشتين عطر .. ناظرت نفسها .. وابتسمت بقلبها : ابتسمي ياشهد وعيشي حياتك ! تغيرت نظرة شهد لدنيا .. من شافت الولد اللي يبيع , وعرفت ان في ناس اكبر من همها ! نزلت امها فرحت ان شهد بدت تلبس وتتزين , لانها من بعد طلاقها تغيرت وملازمه اللون الاسود ! غادهـ طلعت ومفهيه وصرخت : ششششششششششهد ياحلوك شهد برضى لـانها قدرت ترسم ابتسامه على وجيههمـ : حلو ؟ امها : واحلى من الحلو .. كانت لابسه بنطلون سكيني جينز فا ا ا تح .. مع بلوزه طويله اخضر علمي ! علاقيه وعليها حزامـ رقييق ذهبي ! مع اكسسوارات ذهبيه .. وميك اب ناعمـ وهادي يناسب جوها ! .. وصندل عالي ذهبي مطفي .. = ) غادهـ : لا بروح ابدل غطيتي علي بصراحه ! شهد بخجل : اقول اعقلي بس يالله الناس راح يجون .. غادهـ كانت لابسه فستان ساتان تركوازي قصير عليه شريطه تحت الصدر عريضه سسوداء .. منتهيه بـ فيونكا كبيرهـ على جنب مع صندل عالي اسود ! رن الجرس ,, وراحت غادهـ تفتح .. دخلت .. بدريه " امـ رغد " , ورغد , وسعود , وفجر ! غادهـ تضمـ بدريه : هلا خالتي حياك والله تو مانور بيتنا بدريه بإعجاب بطلاقه لسان غادهـ : الله يحيك ياغادهـ النور نورك غادهـ تضمـ رغد بخبال : تو ماظلمـ بيتنا .. ااا اقصد نور نور رغد : مناك بس ضيفتك انا غادهـ : يعني اول مره تجين ؟ دخلوا واخذت عباياتهمـ غادهـ تعلقهمـ بالمدخل .. تعطرت رغد وطلعت القلوس تحط غادهـ : اوووف يارغد من بيشوفك على كل هالزين بسرعه ندخل رغد : اصبري اصبري بحط قلوس .. رغد كانت لابسه تنورهـ قصيرهـ على حد ركبها .. سوداء مفتوحه من ورا شوي وقميص بربري .. مشمره اكمامه ! سحبتها غادهـ يالله يالله .. دخلوا وسلمت على امـ غادهـ وشهد وجلسوا يتقهوون .. ! شوي وقالت غادهـ : رغد شخبار اللي بالمنتدى ذاك سكرت فمها رغد : ششش ياحمارهـ امي لو تسمعك تسحب الاب توب مني غادهـ : امشي امشي لازم ادري طلعوا بالحوش : شخبارهـ رغد : مدري عنه من بعد ما ارسلي يبي الايميل وانا مطنشته غادهـ : غبيه العبي عليه ونسي نفسك رغد : خبله مثلك , غادهـ : اسكتي بس قسمـ اني ... قطع كلامـ غادهـ صوت باب القراج لما انفتح والنور اللي عمى عيونهمـ رغد تصلبت والسياره كل مالها تقرب ! و و و ـآإنتهى ـآإلج’ـزء ـآإلثآإني ! ـآإن شآإءـآإلله يكون عج’ـبكمـ .. ونآإل على رضآإكمـ .. :$ لـآإزلنآإ في بدآإيه ـآإلطريق .. ـآإح’ـدآإث تنتظركمـ .. ـآإنتظروني في ـآإلج’ـزء ـآإلثآإلث = ) ودي لكمـ ـآإكآإسسيآإ ~ |
[ ـآإلج’ـزء ـآإلثآإلث ] و تبقى " ـآإلع’ـآإبر " ! ـآإللي ممر ترك لي : ـآإكثرهـ , ....................................... [ وـآإقفى ] **** يكلمـ بـ الجوال : قلت لك بس ماسمعت كلامي ..... : ياخي تبي تغثني ادري اني تسرعت فهد : والله ماقلت لك استعجل قايل لك فكر فهد يمد يدهـ لدرج وياخذ الريموت ويفتح القراج .... : طيب وش رايك ابيعه واخذ مستعمل فهد : .............. ... : الوووو فهد مفهي وش جايب شهد وغادهـ بالحوش قرب بالسياره بقوهـ مسوي يخوفهمـ .. فهد قرب اكثر وغادهـ ورغد واقفين بمكانهمـ ماتحركوا فهد يؤ من ذي اللي مع غادهـ ياحلوها , نزل راسه وسحبت غادهـ . رغد لداخل رغد مفهيه : غادهـ غادهـ غادهـ : اصبري بشوف وش جايبه طلعت غادهـ وتمشي وتحط حرتها بالكعب : خخخخخير وش ذا يافهد تستهبل على البنت فهد : والله مادريت ان عندكمـ ضيوف واحسبك انتي وشهد غادهـ : وش يدخلك البيت فيه حريمـ فهد : يووهـ .. طيب جيبي لي الاوراق اللي بالدرج غادهـ تتكتف : اي درج بعد فهد ببلاهه : الدرج ذاك غادهـ : وششو ذاك شفيك كذا فهد بصراخ : اللي جنب راسي فيه اوراق هاتيها كلها غادهـ عطته ظهره ومشت , فهد بقلبه : من ذي ماهي من اقاربنا .. ياملحها , شفيك فهد انت ماتعطي البنات وجه .. لاتناظر بنات الناس , انت ماترضى احد يشوف خواتك قطعت حبل افكاره غادهـ : خذ اخذهمـ وركب السيارهـ وطلللع ! **** اما عند الحريمـ : سوالف وناسه , ورغد مفهيه وتشرب عصيرها ! شهد : رغد رغد بفهاوه : هــاه شهد : شفيك ياقلبي تعبانه رغد : لا مو تعبانه دخلت غادهـ وجلسة بينهمـ و بإبتسامة عبيطه : وخروا لي شهد : مالقيتي الا هالمكان غادهـ تمد يدها عليهمـ : احلى مكان اختي , وصديقتي رغد : بياعة كلامك من يووومك غادهـ : هههههههههههههههه **** خلصت لبسها , وناظرت نفسها برضى ! , طلعت لغرفة نورهـ غيداء : شششرايك ؟ نورهـ بصرخه : يامججججججججنونه وش ذااااا غيداء تناظر نفسها : وش فيني غيداء كانت لابسه بنطلون لوويست اسود واسسع , وتيشيرت رمادي واسع عليه صورة مصارع مع سلاسل كثيرهـ واساور سوداء عريضه وشعرها سبايكي ! نورهـ : لا لا ياغيداء ماتوصل لكذا قسمـ كأنك ولد غيداء : وهذا هو المطلوب ! , ميرسي ع المدح’ـه الغير مقصودهـ .. با ا ا ا ي نزلت الدرج بثقه وعربجه شافتها امها حصه : غييييييداء خير ان شاءالله غيداء : يووهـ يمه شفيك حصه : عساك بتطلعين كذا ناويه تنزلين راسي غيداء : اي راسس يمه شفيها ترا كل البنات كذا حصه : لا مهوب كذا غيداء : بعدين بعدين نتفاهمـ .. حصه : تعالي انا اكلممممك ! وطلعت وركبت مع السواق .. غيداء : يالله على بيت لمى ! **** في بيت ابراهيمـ : بعد ماراحوا ضيوفهم كل وحده راحت لغرفتها تغير ! شهد واقفه تناظر نفسها بالمرايه الطويله على الدولاب بقلبها : الله ياشهد من زمان ماوقفتي بهالثقه , من زمان ماتزينتي , اشتقت لك ياشهد ! وتدمع عيونها وتمسحها وتبتسمـ : لا انا لازمـ اتغير لازمـ ارجع شهد الاولى وش بستفيد من هـ الاحزان وش راح تنفعني الضيقه ! اللي صار صار , والزمن كفيل انه يداويني وابتسمت وباست المرايه وضحكت بجنون : هههههههههههههههههههههه دخلت عليها غادهـ : ياجعلها دوووووومـ .. شفيك ماغيرتي ولا مبسوطه على نفسك شهد بحب : اي والله احبني غادهـ بألمـ : مشتاقين لك ياشهد ! شهد : وانا مشتاقه لنفسي بعد غادهـ : طيب بدلي وخلينا ننزل نجلس مع اهلي .. امي مسخنه حليب تعالي اشربي اعرفك تحبيه شهد : لاحقتك بس ببدل طلعت غادهـ وهي مبسوطه على تغير اختها ! , وبقلبها تتدعي للي غيرها ! ابرهيمـ : هلا والله بنتي غادهـ بدلع : يببببه اشتقت لك وتجلس جنبه ابرهيمـ : يمد لها كاس الحليب اخذته : الله دافي سلطان بغيره : يععع ياشين الدلع عليك غادهـ : وانت وش حا ا ا رك سلطان : الله يعين اللي بياخذك غادهـ : الا يابخته امه داعيه له , الا انت من بتاخذك سلطان بغرور : كلن يتمناني ابراهيمـ : انت خلص ثانويتك و وراك الجامعه والوظيفه سلطان : اما وظيفه , اللحين تموت ولا تلقاها وان لقيت عينوك سكرتير ولا مراسل ابراهيمـ : تصرف على نفسك ولا تمد يدك لاحد , هذي هي الرجوله .. سلطان : اصرف على نفسي ايه بس وظيفه تسوى اتعب لها ابراهيمـ : لا والله منت شايف التعب وانت بمكتب , التعب شفه بالمرجله اللي يدورون الريال ولا يمدون يدهمـ لاهلهمـ .. شايف واحد كبر اخوك فهد يبيع بالطريق ما استحى .. ! نزلت شهد وهي مبتسمه : وتذكرت اللي يبيع تفاح ,, بقلبها : شكرا لك ! رجعتني .. = ) ابرهيمـ : وش هالزين يابنتي ايه هذي شهد بنتي شهد بضحكه : ههههههه اي زين يبه كلها بجامه ابراهيمـ : اي الزين لونها مو اسود شهد : لا ان شاءالله مافي اسود ابراهيمـ مبسوط بداخله ان بنته تغيرت **** منسدح بغرفته .. ويقلب جواله رماه جنبه وغمض عيونه مر طيفها قدام عيونه : يالله منهي , كثير مزيونات احلى منها شايفهمـ بس ولا وحدهـ فكرت فيها , ودي اعرف اسمها , وش تبي فيه يافهد انت كنت تعترض على اخوياك وتقول هذي خرابيط , تجي تفكر .. وبين صراعات افكارهـ غلبه النومـ ونا ا ا ا ا ا مـ .. **** خالد جالس يناظر الفلمـ بالصاله ومدد رجوله على الطاوله اللي قدامه ومتحمس ويشرب بيرهـ ! انفتح باب الصاله ودخل وبيرقى فوق خالد : لححححظه تعال تعال سلمان : هــاه تعبان وفيني نومـ وش تبي خالد : تعبان من وشو ؟ من الدراسه ولا من الشغل ؟ سلمان : محاضراتك خلها بعدين ودي انامـ خالد بصراخ : وبس هذا البيت لك مجرد اوتيل تنامـ فيه وبس ! سلمان رفع صوته : ايييه عندك شيء خالد مسكه من ياقته وبان طول خالد قدامه وبصوت خافت : اسمع زين كلامي لاني ماراح اعيده لك مرتين ! .. شلتك التعبانه اللي مماشيها ان ماتركتها وصرت رجل لا اقول لأ بوي عن خرابيطهمـ ! سلمان بإرتباك : اي اي خرابيط خالد : انت ادرى مني ! .. شفني حذرتك .. تعدل لـا اعدلك بطريقتي ودفه ورجع لفلمه بنفسيه تعبانه [ خالد : مضايقه حال اخوهـ الاستهتار والهياته برا البيت مضايقته وخايف يضيع ومره راح للاستراحه وشاف الشيشه والزقاير والافلامـ وناس منتهيييين , وهو خايف على اخوهـ المراهق خصوصاً انه جالس مع ناس اكبر منه بكثير ] **** جالسه في غرفتها وترتب دولابها الحوسه ورافعه الصوت على راشد الماجد " من قلب " ! وتدندن معه وداخله جووو ! انفتح الباب بدفاشه ماكانت محتاجه تخمن من فتح الباب , ولا حتى تلتفت لانها عارفه ! نورهـ : جيتي لا بدري غيداء بصوت مبحوح : من عمممرك نورهـ : غيداء تكفين ليش انتي كذا ؟ غيداء : غمضت عيونها وشدت شعرها : شفيني بعد نورهـ : ترا المجتمع مو راحمك ياغيداء بنظرهمـ انتي شاذهـ ولو ماسويتي شيء ! .. انا اختك ادري انه بس ستايل بس مايصير مايصير هاللي تسوينه .. انتي انثى غيداء بإستهتار : صدق مادريت نورهـ هزت راسها بإسف راحت غيداء لغرفتها وبدلت لبست بجامه كُحليه واسسعه وانسدحت وتفكر : صدق انا منبوذهـ من المجتمع ؟ .. كثير ناس ينفرون من الجلسه معي حتى اقاربي ! بالطقاااااااق ياغيداء انتي ارضي نفسك وبس ماعليك ودفنت راسها بالمخدهـ واستسلمت للنومـ **** بج’ـلسه حميمه حاط يدهـ ورا كتف عمته : ايه واخبارك يا عمه ؟ مزنه : بخير ياولدي , انت اخبارك عساك مرتاح محمد : راحتي من راحتك يابعد راسي .. وباس راسها ! مزنه : الله يرضى عليك ويرزقك ويوفقك يارب محمد بـ إبتسامـ وتبان التجاعيد اللي حول عيونه : امييين نزل يدهـ ويقطع لها تفاح يمدهـ له : سسمي اخذته منه مزنه : تسلمـ يبه ! واكلته بهدوء وهو يناظرها بـ إبتسامه ! نعمـ ! هذا محمد , رغمـ الألمـ يبتسمـ ! **** بغرفتها تناظر الفلمـ , بس مو بحماس كالعادهـ رمت نفسها على ورى بقلبها : ايييه يافهد مررا تغيرت واحلويت ! , الله يحفظك , ممم شفيني انا على الرجل بس افكر فيه من رجعنا , يمكن عشانه مملوح ! ,, لا لا عيال عمي احلى منه بس مافكرت فيهم كذا ممم يمكن .... وقطع حبل افكارها طق الباب ودخل : رغد رغد : هلــا خالد : قومي سوي لي شيء اكله رغد : فاضيه لك خالد : اشوف اني ماقلت لك فاضي لك يومـ وديتك رغد اففف بيذلنا : طيب طيب خالد نزل .. سكرت لابها ! , ولحقته بالمطبخ : رغد : وش تبي تاكل .. خالد : ممممـ افتحي الثلاجه اشوف رغد فتحتها : في سلطه تبي ؟ خالد : اقولك جايع تقولين سلطه ! رغد : وش تبي اجل ؟ طلع التوست .. قال : خربطي عليه اخذته رغد ,, وطلعت جبن شرايح ومايونيز وخس ! وجلست تسوي وهو يدور كاس يصب له عصير .. وجاب لها كاس وصب رغد اخذته وشربت قدمت صحن الساندويشات له : بالعافيه خالد : الله يعافيك مدت يدها تلمس رقبته .. وانتفض خالد : خخخير رغد : سم الله وجع , كنت بشوف فيه اثر جرح خالد ساكت رغد بإستغراب من نفضته ! .. خالد ياكل بهدوء ورغد تشرب , قالها : رغيييد .. رغغغد رغد : هـــاه خالد : شوفي عظامـ رقبتك طالعه كولي .. رغد : مابي ... خالد بعبط : ليش ناحفه تحبين ؟ رغد بإندفاع : لا لا خخخخير احب وش قالو لك اصلا انا ماحب خالد بضحكه : يقولون اللي ينكر بشدهـ , يثبت هالشيء لنفسه رغد : كل وانت ساكت ياسخافتك وطلعت خالد يضحك ويهز راسه شال الصحن والكاسات رماهمـ بالحوض ! وسكر النور وعلى فراشه ! **** قدامـ مرايتها تكمل مكياجها دخلت عليها شهد : غادهـ بسرعه ماودي اوقع على تأخير من كثر هالراتب يخصمون منه غادهـ وهي تسكر علبة الارواج : تيب تيب خلصصت سحبت عباتها المعلقه ونزلوا .. سلطان مغطي وجهه بشماغه ونايمـ بالصاله شهد هزت كتفه : يالله يالله بنروح سلطان بتأفف : الله يلعنها مدرسه شهد : استغفر بس شهد : ويييينك غادهـ غادهـ طلعت من المطبخ ومعها كاس مويه : يالله هذاني وركبوا مع السواق .. ونزل شهد بالمدرسه , وسلطان بمدرسته , وغادهـ بجامعتها ! **** رغد تحت جالسه على الطاوله تاكل كورن فليكس دخل خالد : صباح الخير رغد : صباح النور مد يده لفمها ومسح الحليب وهو يضحك : ههههههههههه ماتعرفين تاكلين رغد بخجل : الا اعرف وش دخلك دخل سعود يركض وراهـ فجر تبكي ! خالد : خير انت وياها يالله صباح خير .. سعود : هذي شنطتي وهي تبيها فجر : حقتي حقتي خالد التفت لرغد وهو رافع الشنطه : ذي تبع مين رغد : حقت سعود خالد عطاها سعود ! .. وفجر بككككت شالها بيد وحدهـ على جنب .. ويمسح دموعها باليد الثانيه ومعبس : لا لا فجر ماتبكي فجر بشهقاتها : حقتي ابيها خالد : اجيب لك احلى منها اليومـ وتصير جديدهـ وحقته قديمه فجر بفرحه : والللله خالد يضحك : واللله .. خالد يناظر الساعه : يالله يالله تأخرت انا .. ونزل فجر .. على السياره بسرعه وركبوا كلهمـ .. نزل كل واحد مدرسته .. ونزل رغد بالجامعه ! .. خالد بعبط : سلمي لي على غادهـ اوكي ؟ رغد : يالله بس هذا اللي ناقص خالد ضحك وهو يعدل نظارته : وليش ان شاءالله .. رغد : كذا مزاج .. وسكرت الباب هز راسه بضحكه .. وراح لعمله ! **** في البيت الشعبي : حب راسها : يالله دعواتك يالغاليه مزنه من قلبها : الله يفتحها عليك ويرزقك ياولدي محمد : امييييين .. يالله مع السلامه مزنه بحب : الله يحفظك مر المزرعه واخذ البضاعه والكميه اللي تناسبه .. وقف على طريقه نزل وعرض الصناديق وجلس على احد الصناديق الفاضيه ! واطلق العنان لتفكيرهـ لحد مايجي زبون ! **** في جامعة الملك سعود : نورهـ : هههههههههههههههه سماح : لا واللي يضحك صدق انه طلع اخوها بالرضاعه نورهـ : هههههههههههه والله يالمسلسلات صايرين زي بعض .. اهمـ شيء المخدرات لاتنسينها ! سمااح : هههههههههههه اي اهم شيء كملت سماح : متى راح تفكين التجبيرهـ ؟ نورهـ : كذا يومين وافكها ! سماح : مو كأنه بدري ؟ نورهـ : لا الدكتور يقول الكسر مو مضاعف .. طفيف سماح : اهـــا .. مرت رغد وصديقتها غادهـ : نادتها نورهـ : رغــــــــــــد رغد : هلـا نووورهـ ومشت لها هي وغادهـ سلموـآ البنات على بعض رغد : نورهـ هذي صديقتي غادهـ غادهـ بإبتسامه : هلا نورهـ نورهـ بإعجاب : هلا فيك غدو غاده : ههههههههه ياحلوك انتي والدلع سماح : عن اذنكمـ بنات وراي محاضرهـ ورا ا احت رغد : تعالي نورهـ معنا نورهـ : يالله .. جلسوـا البنات بالكافتريا نورهـ : انتي بأي قسمـ ياغادهـ غادهـ : علم اجتممماع نورهـ : اها حلو .. غاده بذوق : تحلى ايامك ياقلبي .. غادهـ تشوف ساعتها : انا استأذنكمـ السواق على وصول وقامت نورهـ : ماشاءالله عليها .. سمارها يذبح ! رغد : ههههههه ايه ماشاءالله مرا قابلها .. نورهـ : حتى انا بطلع شرايك اوصلك بدل ماتعنين خالد ! رغد : مممـ اصبري بدق عليه طلعت جوالها ودقت خالد : هلا رغد هذاي بجي رغد : لا خلاص بجي مع نورهـ بنت خالتي خالد : اي احسن بعد .. لاني بعيد شوي رغد : طيب باي وسكرت .. التفتت عليها وهزت كتوفها : معليش بعطلك نورهـ : بلاها هالرسميات ترانا بنات خاله .. رغد بهدوء : ياحبي لك .. :$ ركبوا السيارهـ : غيداء بعصبيه من الحر : لا والللللله كان تأخرتوا بعد مو احسن نورهـ : انطمي بس رغد ماتحب غيداء كثير عشان لبسها وستايلها : هلا غيداء غيداء اللي تبادلها نفس الشعور , بدون نفس : هلـا نزلوا رغد .. وراحوا على بيتهمـ .. **** طلعت من المدرسه : وركبت مع السواق .. شافت الطريق تغير .. شهد : امجد رح لغادهـ امجد : لا ماما غادهـ خلاص في بيت شهد : اهــا شهد بتفكير : روح بندهـ !! تذكر انه على طريق بندهـ .. تدع’ـي من قلبها : يارب يارب موجود ! بقلبها : ودي اشكرك .. ودي اقدمـ لك شيء على هالتفائل اللي هديتني اياهـ شافته من بعيد يشيل الصناديق ويدخلها السياره .. خلاص بيمشي للبيت .. شهد : امجد وقـــــــــــف هنا و و و ـآإنتهى ـآإلبآإرت ـآإلثآإلث .. ـآإن شآإءـآإلله ع’ـجبكمـ .. ـآإنتظروني بآإلبآإرت ـآإلرـآإبع ! ـآإكآإسسيآإ ~ |
[ ـآإلج’ـزء ـآإلرـآإبع ] لا ا ا ا " وربّي ماأنخلَق فيِك شبيَه ~ أنتْ ’’ كلّك ’’ في هدوئك , في جنوُنكْ , فِي صفاتِك : مُعجِز ز ز ز ه ! **** شاف سياره وقفت .. وعدل وقفته ! , جاهـ السواق .. محمد دقق بملامحه مو غريب هذا قبل امس جاي عندهـ .. هالسرع خلص الصندوق ! امجد : بابا ابي كله ! محمد : نعمـ ؟! امجد : كله صندوق ابي محمد بعدمـ تصديق : كل الصناديق ؟ امجد : اي بابا محمد راح لسياره ! , وقف بإحترام على جنب وعيونه بالارض ! .. محمد : السواق يا اختي يقول يبي كل الصناديق ! شهد بخجل : اي الله يعافيك محمد : بس الصناديق واجد 24 صندوق تبون ؟ شهد بمخاطرهـ : اي كلهمـ ! محمد : ابشري وعطاها ظهرهـ ! .. شهد تناظر ظهرهـ العريض وقوامه الممشوقه بإعجاب ومحمد مابين مصدق ومكذب ! حمل الصناديق هو والسواق ورا واخذ الفلوس ! وكانت اول مره بحياته يبيع بالهشكل ! .. **** في بيت سعد : دخلت وسكرت الباب .. بدريه : قولي لخالد يجي يركب الغاز رغد : انا ماجيت مع خالد بدريه بإستغراب : اجل جاية مع مين ؟ رغد : مع سواق خالتي بدريه : ايييه وش الطاري رغد ترفع كتوفها : كذا قالت لي نورهـ ,, بدريه : واخبارهن البنيات ؟ رغد من دون نفس : طيبات بدريه : وراك عاد تقولينها من دون نفس ؟ رغد : والله يابنت اختك غيداء انها تنرفز ! بدريه : وانتي وشعليك منها ؟ خلي البنت بحالها ! رغد : نفسها خايسه .. عكس نورهـ سبحان الله بدريه : عن البربره اللي مالها داعي .. ذولي بنات خالتك .. ارقي غيري وتعالي ساعدينا رغد بملل : حااااضر **** بالسياره : وليد : يابعد قلبي انتي ريما بخجل : والله وليد : ليش تشكين اني اتنفسك ؟ ريما بخقه : لـا وليد : ايوهـ يا ام خالد ريما بضحكه : هههههههههههه اما امـ خالد وليد بجديه : ان شاءالله , امـ خالد واخوان خالد بعد ! ريما : ممممـ وليد : ريما فكري بجديهـ ,, انا جاد وبتقدمـ لك ! ريما : ادري .. وانا قايله لك اني موافقه :$ وليد : مابيك تقولينها كذا .. ابي تفكير جدي بالموضوع ! هذي حياة ومستقبل ! ريما بجديه : عارفه وانا راضيه فيك , وليد : انتي عارفه اني اقل من عمك بالمستوى المادي ريما بعدمـ اكتراث : واذا ؟ شفيها .. انا بتزوجك ماني متزوجه فلوسك وليد : ولو فكري مو كل شيء تبينه بقدر اجيبه .. انا موظف مقتدر ولا اقدر اصرف بالالاف ! ريما بحب : انا احبك .. وعمر حبي لك ماكان لفلوس او اشباع رغبات ماديه ! وليد : طيب حياتي انتي ارسلي لي بطاقه اعمال رقمـ عمك ! وانا بكلمه ان شاءالله ريما بفرحه غامرهـ : اوكي حياتي وليد : يالله قربت من البيت تبين شيء يانبض وليد ؟ ريما : سلامتك حبي وليد بحب : الله يسلمك .. باي ريما : با ا ا ا ي دقايق وجاته رساله برقمـ عمها ! ضمت جوالها لصدرها وتدور بالغرفه وتضحك .. اخيراً بذوق السسسعادهـ معك ياوليد ! الله لا يحرمني منك يارب ! * وليد وريما : يحبون بعض من اربع سنوات , عرفها باحد المنتديات وتطورت علاقتهمـ ,, واثقه فيه ,, واثق فيها ! **** ..... : مره ثانيه عدلي اسلوبك لو سمحتي فشلتينا مع البنت غيداء : انتي هييه تراك سويتي لي قلق كل شوي فشلتينا فشلتينا نورهـ : اي فشلتينا البنت راكبه تسلمـ عليك تقولين هلا ,, انتي ماعندك ذوق غيداء : خليته لكٍ اطلعي برا ببدل نورهـ : طول عمرك كذا .. وقحه ! طللعت وسكرت الباب بعصبيه .. اختها فشلتها مع بنت خالتهمـ الطيبه ! غيداء بالغرفه : اففف قرف حلوهـ ذي تكلمني بدون نفس وتبيني اخذها بإحضاني ,, وجع بدلت ملابسها ولبست بجامه رماديه وانسدحت بعرض السرير ! دخلت الشغاله : يالله غداء غيداء : مابي غداكمـ سكري الباب وطفي النور سكرت الباب وطفت النور الشغاله وطلعت ! **** فهد / جالس معهمـ على السفره وكأن معجزهـ صارت ! فوزيه بحب : حيا الله ولدي من زمان يمه ماجلست معنا فهد : شدعوى يمه طول عمرك مقابله خشتي فوزيه : ولو ودي اشوفك وانت تاكل معنا غادهـ بغيرهـ : من حلاته عاد فهد يدفها : يحصل لك فهد ابراهيمـ الـ .... بس ! غادهـ مالت على شهد : وجع يالدفش شوي شوي ابراهيمـ : فهد فهد : سم يبه ! ابراهيمـ : شوي شوي على خواتك فهد : ايه يبه حسبت عندك سالفه ابراهيمـ رافع حاجب : ايه خويك وانا مادري فهد بفشله : محشومـ غادهـ بضحكه عبيطه : خخخخخ فشلوهـ فهد : ترى بتجيك رفسه انتي ! فوزيه : اللحين وراه ماتهجدون انت وياها كبر البغل وتتهاوشون ! غادهـ بدلع : علممميه يممااااه شهد تاكل التفاح بتلذذ وسرحانه ! فوزيه : الا ياشهد وش صناديق هالتفاح اللي نزلها امجد ناويه تبسطين ! ابراهيمـ : اي صح وشوله يمه وش هالاسراف ! شهد بتلعثمـ : هاه اي اي بكرا عندنا يومـ مفتوح عن الفواكه ! فوزيه : كان نوعتي اجل جايبه كووومـ تفاح ! شهد : لا لا ركننا ركن التفاح ! فوزيه : ايييه ياحليلكمـ ! شهد انقذتها وظيفتها بحكمـ انها مدرسه تدبير منزلي ! , **** منسدح على فراشه : غريبه والله ! قبل امس جايه تاخذ صندوق ! وبعد يومين تاخذ كل الصناديق ! ليش ؟؟؟ .. يمكن راحمتني ! , لا لا مو مسألة رحمه .. تجي تشيل كل الصناديق ! مممـ وش السالفه بالظبط ! دخلت عليه عمته بكرسيها : نايمـ يمه ؟ محمد اعتدل : لا ياعمه مزنه : وش بلاك اجل مانمت ! محمد : سلامت راسك يالغاليه افكر بالبيع ! مزنه : الله يسهل لك يبه .. انا اخليك اجل تنامـ .. محمد قامـ يدف الكرسي : وين تبين تروحين مزنه : خلين انا ادف ماني بعاجزهـ محمد : ومن قال انك عاجزهـ يالغاليه ! مزنه بألمـ : وهالكرسي وشو ؟ محمد : العاجز يالغلا كله .. هو اللي ماينتج شيء ولا له اي دور ! .. انتي كل الخير والله مزنه بحب : ياجعلي افرح فيك يمه محمد بضحكه قويه : هههههههههههههههههههههه لا لاهذي شيليها من راسك وين اللي بتاخذ واحد يبيع تفاح .. خليها على الله بس ! مزنه : كلن يتمناك ياولدي , والشغل ماهو عيب .. محمد بألمـ : بنظرنا يالفقاراء .. بس اللي فوق يشوفننا حثاله مجتمع ! مزنه : لا يمه لاتقول كذا .. انت شيخهمـ ! محمد يجلس قدامـ رجولها ويمد يده الطويله لراسها ويمسحه : بعيونك شيخ ’ يابعد عيوني ! **** دخلت عليه وهو جالس على الاب توب : شتسسوي ؟ خالد : ابد اتصفح ! رغد : مممـ ,, طيب ممكن اسألك خالد بدون اهتمامـ وعيونه على الشاشه : اسألي رغد : ليه امس يومـ لمستك نفضت يدي وعصبت ! خالد ناظرها : وانتي للحين تفكرين ؟ رغد : ايه الموقف كان قوي شوي ! خالد : مافيه شيء كنت سرحان وانا اكل وانتي لمستيني فجأهـ رغد بعدمـ تصديق : اهـا .. دخل سلمان : اطلعي ابي خالد رغد : طيب لاتدف ! طلعت رغد .. خالد رجع عيونه للاب توب ! سلمان : ابي اكلمك ! خالد : ماسك فمك مثلاً <~ تذكرت عزيزي هع سلمان : اكلمك ناظرني لاتطنش ! خالد ناظرهـ وهو رافع حاجب : نعمـ .. اخلص وقل اللي عندك سلمان : انت رايح للإستراحه ! خالد بإبتسامه : ايه .. ليش واصلك الخبر ؟ سلمان : اي قالو لي انك جاي وعافس الاستراحه .. استراحه ابوك هي خالد : لمـ لسانك لايجيك شيء مايرضيك ! سلمان : اجل اللي برقبتك وشهو ؟ خالد : بركات دشيرك ! سلمان : ماقصرت تراك كاسر يد الولد خالد : قلعته ! سلمان : لاتفشلني عند اخوياي ماعليك منهمـ خالد : بس علي منك ! سلمان : اعرف مصلحتي ! خالد قرب منه وفاقه طووول : اي مصلحه ؟ زملائك شفهمـ بالجامعات ماسكين احسن الاقسامـ وانت مع دشيرك وللحين بالثانوي ! هذي تسميها مصلحه .. سلمان : بستانس ! خالد : استانس محد ماسكك بس بحدود ! .. بتندمـ .. بس مو اللحين بعدين ! لاتخرجوا اللي معك وجلست لحالك .. القى بعدين واحد يوظفك ! سلمان : المهمـ .. لاتجي للإستراحه خالد : مو انت اللي تمليني تصرفاتي ! .. وبرا بنامـ .. سلمان : قلت لك اللي عندي .. وطلع سلمان ! , سكر خالد الاب توب : عمرهـ ماكان يبي تكون العلاقه بينه وبين اخوه كذا ! بس سلمان هو اللي وصلها لهالحاله ! **** بعد ماخلص غداهـ .. صعد فوق وانسدح على فراشه .. ليش جلست معهمـ يافهد .. عمرها ماكنت عادتك تاكل مهمـ .. ولا ودك تسمع اي شيء عن العزيمه اللي امس ! غريب انت يافهد ,, من لمحه تقتلب ! طيب وش دراك عنها يمكن مخطوبه متزوجه متملكه ! هي هي فهد وش فيك هذا اعجاب عشانك شفتها .. مو شيء ثاني انتبه لنفسك ! ششد شعرهـ وكأنه يبي ينهي هالملحمه اللي براسه اقتلب على الجنب الثاني وغمض ! **** ترتب تسريحتها بملل .. مو جايها النومـ ابد ! , دق جوالها ردت غادهـ : هلــــا رغد ! رغد : هلـابك = ) غادهـ : شعندك داقه ! رغد : ابد ملانه حيل غادهـ : مثلي رغد : افتحي القيمزر طيب خلينا نلعب غادهـ : يووووهـ يا انتي فاضيه رغد : وش اسوي اجل غادهـ : مدري رغد : انقلعي بس حسبتك بتونسيني ! دخل فهد !! وشافها تكلمـ .. اشر لها تكمل بينتظر وجلس على السرير ويقلب بالمجلات اللي على السرير مرميات ! غادهـ : كش على وجهك , رغد : يالعوبا ! غادهـ : هههههههههههه وش ذي بعد رغد : كلمه وشي يعني غادهـ : وش معناها باللهي ! رغد : مالك دخل كلمة كبا ا ار ! غادهـ : تكفين يالكبيرهـ تراك كبري .. رغد : اكبر بالعقل يالحولا غادهـ : فهد وشي عوبا ! فهد ابتسمـ : وش هالفضاوهـ انتي واللي تكلمينها ! غادهـ : جاوب ماقلت لك قط معنا ! فهد : يعني قليلة ادب وحيا هع بس تدرين صادقه خويتك غادهـ تكلمـ رغد : عرفتها يعني قليله حيا و ادب رغد : هاه غادهـ : يوووه فهيتي ثاني انقلعي ولا خلصتي فهاوه تعالي كلمي ! وسكرت بوجهها فهد يطالعها : وش هالاسلوب ! غادهـ بعدمـ اكتراث : عادي متعودهـ علي الرغدهـ فهد : ولو الذوق مطلوب غادهـ ويدها على خصرها : ويومه مطلوب ليش امس بغيت تصدمها ! الذوق مطلوب ! فهد بصدمه ! : رغــــد خويتك الدقدق البزر اللي كانت تجينا .. هذي هــــــــــــــــي ! غادهـ عطته ظهرها ترتب التسريحه : ايه .. وش هالميانه بعد دقدق .. تتذكرها يعني فهد : اي ليش ما اذكرها وهي كل خميس ناشبه لنا كانت ! وكمـ مره نوصلها للمدرسه زمان! غادهـ التفتت : ماشاءالله تذكر ! فهد قامـ وعطاها ظهر : بنامـ غادهـ : تعال وش تبي جاااي ؟ فهد طنشها وفتح الباب وطلع ! وقف على الدرج ويده على راسه ويفكر : اممما اللي امس رغــد ! .. اللي من هي بزر اعرفها ولا خطرت على بالي ! اصلاً كمـ مره اشوفها وهي بأولى ثانوي .. بس تغغغغغغغيرت ! ضمته من ورا وقطعت حبل افكاره : فهد ! التفت وفكها عنه : انا كمـ مره اقولك حركات المسلسلات لاتسوينها علي ! شهد بضحكه : هههههههههه مشاعري صارت حركات مسلسلات الله يسامحك فهد : سويها لرجلك لاتسوينها لي شهد تذكرت نواف وسكتت فهد شافها بهتت وضمها : خلاص يالشينه عبري عن مشاعيرك علي شهد بإبتسامه : طيب يامشاعيري ! **** جالس بالصاله معهمـ يتقهوون المغرب ! ويفكر شلون بيفاتح امه و ابوهـ ! حصه : اصب لك وليد ؟ وليد : اي يمه حصه مدت الفنجال لولدها ! .. واخذهـ غيداء تناظر التلفزيون ومنسدحه على الكنب .. نورهـ تاكل شيبس وتسولف مع ابوها ! وليد :اقول يمه .. حصه : قول وشعندك ؟ وليد بإرتباك : ودي .. ودي اني اتزوج الـــــــــكـــــل انصدمـ ! عبدالله تدخل : بس وانا ابوك انت توك متوظف ! وماندري بعد بتستمر ولا لا وتوك صغير حصه : لا والله ماهو صغير ولا شيء مالي ثيابه ! .. ويشتغل وش قاصرهـ ! عبدالله : ايه ماقلنا شيء بس توهـ على المسوؤليه ! نورهـ : اللحين خلو الولد يتكلمـ رن جوال وليد شاف " الحب " ! .. وليد : نتفاهمـ بعدين , انا طالع ! وطلع يكلمها ركب السياره : هلا بروح وليد ! ريما : هلا حياتي وليد : عمرك طويل .. توي اقول لاهلي اني ودي اتزوج ريما بفرحه : وش قالو ! وليد : ماهمـ معترضين على الفكرهـ , بس ابوي يقول توك صغير .. بس ماعليك اهمـ شيء انه متقبل الفكرهـ ريما بفرحه كبيييييرهـ : احس قلبي بيوقف وليد : سمـ الله عليك , خليه يوقف بعد ما اخذك ريما : هههههههه وجع وليد : يوجع عدوك وكممملوا ..! **** في الصاله : حصصه : يومـ سعدي اللي ادور لولدي واخطب له ! نورهـ بإنفدفاع شديد : لــــــا تدورين ولا شيء العروس عننننندي ! حصه : منهي ؟! نورهـ : صديقه بنت خالتي رغد " غادهـ " .. جججمال وكشخه وذوق وناس ! حصه : ما اعرفه هي من بنته ! نورهـ : ابراهيمـ الـ ..... حصه : ايه والنعمـ ! هي امها مدرسه ؟ نورهـ : اي بس تقاعدت .. حصه : وهي اكبرهن ؟ نورهـ : لا اختها شهد اكبر حصه : ماهوب موافقين يزوجون الصغيره قبل ! نورهـ : لا ذيك مطططلقه ! حصه : مطلقه ؟! نورهـ : ايه ! حصه : ممممـ .. ودي اشوفها طيب نورهـ : روحي زوريهمـ ! حصه : لا ماني بمحرجه نفسي ويمكن ماتجوز لنا ! غيداء تدخلت : افلقيني اذا ماعجبتك .. ذيك كل شلتي تبي تخاويها بس ماتعطي وجه ! طنشتها الامـ وهي تفكر ومبسسوطه ! **** من بكرا ! في مدرسه ( ...... ) الأهليه ! واقفه قدامـ مرايات الحمامات وتظبط مكياجها ! دخلت هنادي <~ صديقتها بالمدرسه = ) هنادي : وش هالتفاااح اللي مخليه امـ علي " الفراشه " تدخله التدبير ! شهد : بنطبخ ! هنادي : تطبخين كل هالتفاح ! شهد : بنسوي عصيرات وبنوزعها على المدرسات !! هنادي : وش الطاري ؟ شهد : ممممـ شربات بمناسبة حلوهـ هنادي : وش مناسبته ؟ شهد : ههههههههههه ولا شيء باي عندي حصه وراحت للتدبير ! **** داخل وبكل عصصبيه : غــــــــــــــــــــــيـــــــــــــــــــدـآإء !! حصه : سمـ الله الرحمن الرحيمـ وش بلاك وليد : وينها هالكلببببببه وينها ؟؟؟ حصه : البنت نايمه وش تبي بها وليد يصعد الدرجات وكل ثلاث بخطوهـ معععععععععصب ! فتح الباب بكـل قوهـ وشدها من شششعرها بعنف , قامت مخترعه وليد بصراخ : يالحقيرهـ وامه وراه ماسكه يده : اتركها اتركها لاتذبحها وليد : الا الذبح احسسن لها ! غيداء تتهأوهـ بألمـ : هــــدني وش سسسويت ياحمار وليد : وتطولين لسانك بعد ! ويعطيها كــف ويرجع يشد شعرها : قسمـ بالله لو اشوفك معتبه باب هالغرفه لـا اكون ذابحك طلع وسكر الباب بقوهـ وهو يتنهد بألمـ : بتنزل راسنا هالشاذهـ !!! حصه : وش بلاك على البنت وش سويت لك وليد رمى عليها الجوال وانجنت !! و و و و ـآإنتهى ـآإلبآإرت ـآإلرـآإبع ! ـآإتمنى ـآإنه ع’ـجبكمـ .. حآإولت ـآإطوله لع’ـنونكمـ بس وـآإلله هذـآإ ـآإللي طلع مع’ـي = ) ـآإنتظر تع’ـليقاتكمـ ,, ـآإكآإسسيآإ ~ |
[ ـآإلبآإرت ـآإلخ’ـآإمس ] من قآإل في [ مج’ـتمعنآإ ] مسآإوهـ ؟ لـآإيقنعك .. ولـآإ تصدق كلـآإمه ! " ـآإلولد " ـآإذـآإ ـآإخ’ـطآإء نسينآإ خ’ـطآإيآإهـ و " ـآإلبنت " ـآإذـآإ ـآإخ’ـطت تقومـ { ـآإلقيآ آ آ مه ! **** بغرفتها جالسه تبكي من الألمـ ماتدري ليش هي انضربت بهالشكل هي عمرها ما احد مد يدهـ عليها ! , يجي اللحين اخوها ويضربها وبعنف ! وبدون اي مبرر تحس انها مظلومه بهالبيت ! راحت لتسريحه وشافت عيونها حممممر , وشعرها حوسه من كثر ماشده واثر الكف على وجهها ! غيداء : انا تسوي فيني كذا يالكككلب , طيب ياوليد الدشرهـ ! ان مافضحتك وخليتك تندمـ باللحظه اللي طقيتني فيها .. دخلت الحمامـ غسلت وجهها واخذت نفس ! , ونزلت للصاله ! وياقاتل ويامقتول !! انزلت بكل ثقه وشافت وليد وامها ونورهـ ! وليد قامـ بعصبيه : ولك وجه تنزلين يالفاجره !!!! غيداء : غصب عنك لي وجه ! حصه قربت منها وشدتها لها : انتي ماتخافين ربك , مبسوطه على عمايلك تدرين انك هازهـ عرش الرحمن ! غيداء بعدمـ فهمـ : ااااه وش تقولين يممه حصه : لا تقولين يمه , انا ما اتشرف انك بنتي غيداء ابعدت عنها وبصراخ وعصبيه : لا تشرفي فيه احسن ! عآ آدي روحي بكل شرف اخطبي له بنت الناس ! وهو يكلمـ ويغازل ويبي يتزوجها وانتي مبسوطه بتروحين تخطبين له لا تتفشلين بس!!! وليد بصصصصصدمه !!!!!!!! ما كان ابد متوقع ان احد كاشفه .. حتى ما كان مخطط انه يقول انه يعرفها عشانه عارف ان امه بترفض ! وتقدمـ لها وعطاها اقوى كف وشد شعرها ! غضب [ الفضيحه - وانها كشفته ] كان كفيل انه يضربها للموت ! نورهـ تبعده عنها ! وهو بكل اندفاع يضربها , لحد ما امه صرخت عليه : بسس ذبحتها ! ابتعد عنها وهي مرميه هلكانه من الضرب وليد بعصبيه : لمي لسانك لا اقطعه لك ! .. وطلع برا البيت نورهـ شالت اختها وراحت معها الغرفه .. والأمـ مذهوله ! .. ضربتين بالراس توجع ! **** جالسه على سريرها وتكتب في دفترها التحضير ! , المديره بكرا تبيه عشان بتعرضه للتوجيه دخل عليها فهد : شهودهـ مشغوله ؟ شهد : لا حبيبي تعال ! فهد : وش قايل لك انا ترى تسوين لي قشعريره شهد بضحكه : هههههههههه طيب يالشين تعال , هيك اوكي ؟ فهد جلس جنبها ويطالع بالدفتر : وش تكتبين ! شهد رفعت كتوفها : ابد , اظبط دفتري التحضير .. فهد : اهــا شهد وهي ماسكه القلمـ وحاطته عند فمها وتفكر : ممممـ وش عندك ؟ فهد : ابد جيت اسولف .. شهد : لا ما اعرفك انا , عمرك ماجيتني للغرفه يابرا يانايمـ ! فهد بعد تفكير : لـا لـا انسي الموضوع وقامـ طلع ! شهد بقلبها : والله وراهـ سالفه , يالله بكرا ببلاش ! وكملت بدفترها ! **** بالصاله تفكر : معقوله اخوي يكلمـ وحدهـ وبياخذها ! , وغيداء ياترى وش مسويه !! دخلت امها وجلست نورهـ : يمممه خلاص لاتكلمين الناس ! حصه : الا بكلمهمـ ! نورهـ : يمه وليد حاط وحدهـ براسه شلون تزوجينه غصب حصه بعصبيه : ايه غصب ! سكت لكمـ بما فيها الكفايه وهذي النتيجه ! نورهـ : يمه لاتظلمين بنت الناس مع وليد ! حصه : ماني ظالمه احد .. نورهـ : يمه تكفين بنت الناس مالها دخل ! حصه : وانا وش بسوي لها , بعطيها ولدي نورهـ : ولدك مايبيها ! حصه : غصب عنه يبيها ! .. اجل يبي هاللي يكلمها لا ياعيوني انا لي ولد واحد ويومـ بزوجه ,, بزوجه السنعه اللي اختارها ! نورهـ قامت بعصبيه ! ,, امها بتهدمـ حياه بنت الناس ! بزواجها من اخوها .. اللي متأكده ولا نص بالميه بيتقبلها دامـ براسه وحده ثانيه صعدت لاختها تطل عليها ! لقتها منسدحه ومغمضه نورهـ : وش مسويه ياغيداء قولي لي والله بساعدك غيداء : وش دراني بهالحيوان .. ماسويت شيء نورهـ : متأكدهـ ؟ غيداء : قسسسمـ ماسويت شيء شششفيكمـ انتمـ !!!! **** ....... : تراهمـ يبون فلوسهمـ حاول تدبر نفسك .. خالد : تكفى قلهمـ يصبرون شوي , قسمـ اني مغشوش مثلكمـ * خالد جمع فلوس من ناس بيتاجر فيها وله نسبه من الربح تبع شركه .. انصدمـ ان هالشركه طلعت وهميه ولا يدري وينهمـ , وتورط بدين عشرين الف !! حاول ياخذ قرض بس البنك ماساعدهـ لان راتبه مايغطي الا نص القرض ! ولا يبي يقول لابوهـ , لانه كان محذرهـ من زمان .... : ما ادري دبر نفسك , تراهمـ بيشتكون خالد : لا لا بدبرهـ ان شاءالله .. سكر خالد وتنهد بكل همـ : اااااااااهـ وش هالدين اللي ماحسبنا حسابه **** بأحد المستشفيات يمشي بسرعه الطوارئ مستدعينه وبقلبه : الله يسستر ...... : دكتور دكتور الدكتور التفت بعجل : مشغول .. دخل قسمـ الطوارئ .. لقاه حادث اسعف الشاب والحمدلله جات سليمه .. الا من بعض الكسور طلع وتنهد براحه توجه لمكتبه وجلس .. دق جواله رفعه " الغالي " الدكتور : هلـا يبه ابوهـ : شخبارك الدكتور : بخير الحممدلله انتمـ شخباركمـ ابوهـ : الحمدلله بخير , وينك ماعدت اشوفك تبدل وتطلع الدكتور : عارف الشفتات والمناوبات وحوسه .. وبيني وبينك ودي تاخذ راحتها ابوهـ : فيك وبدونك جالسه بهالغرفه الدكتور : ولـو ابوهـ : طلال اكلمك بعدين ! د . طلال : طيب يبه على خير .. سلامـ { نبذهـ عن د. طلال : عمرهـ 27 سنه دكتور عظامـ ! .. ممـ نقول عنه وسيمـ ! ملامحه شوي حادهـ دايمـ رافع حواجبه وتحسه معصب ! .. عملي ويحب النظامـ عايش في بيت ابوهـ بس تواجد بنت عمه ريما مخليه يقلل تواجدهـ ! } دق الباب , طلال : تفضضضلي ! يناظر الساعه هذا موعدها .. يحب الناس النظاميين ! دخلت : السلامـ عليكمـ طلال : وعليكمـ السلامـ ,, تفضلي اخت نورهـ خليني افك التجبيرهـ ! جلست على الكرسي مسك يدها وحس برودتها ! طلال وهو يشغل الأله اللي بتفك التجبيرهـ : خايفه ! نورهـ ببراءه وهي تشوف الأله : هذي بتعورني .. طلال بضحكه : هههههه لا لا بفك فيها الجبس بس .. ! وبدقه يمرر الأله على التجبيرهـ .. وهي تطالعه نورهـ بقلبها : واااي ياحلاته ! شافها واستحت .. خلص .. وضغط على العظمـ : اوكي مافي شيء يألمك نورهـ : لـا طلال : حركيها نورهـ ببلاهه : شلون مسك يدها وحركها يمين شممال ! ولا تألمت معناته اوكي .. جلس على مكتبه .. صرف لها حبوب طلال وهو يمد الورقه : هذي حبوب كالسيومـ مرهـ وحدهـ باليومـ , عشان عظامك ضعيفه حاولي تكثرين حليب واجبان ! نورهـ : حاضر وعطته ظهرها ! ناظر ملفها وابتسمـ بعجب : عمرها 22 سنه , احسها طفففله ! كمل شغله .. **** جالس بأحد المقاهي وبيدهـ جواله يناظر صورتها ! اللي لقاها على الفيس بوك ! صورتها وهي لابسه لبس شششبابي وشعرها القصير مطلعها ولد ! وتبوس وحده كيوت على خدها ! ماعمره تصور ان اخته بهالوقاحه كان يحسبها شكل وبس ! لكن واصله مواصيلها انها تفتخر وتصور وتنشر ! صدق ان امي ماعرفت تربي ! دخل واحد المقهى والهمـ مبين من عيونه , عرفه ! وليد ينادي : خــــــــــــــــــالـــــــــــــد ! خالد التفت له وقرب له .. وقف وليد وسلمـ عليه ! خالد جلس : غريبه دايمـ انا هنا ماعمري شفتك وليد : لا ابد متضايق شوي .. خالد بإهتمامـ : افا من وشو ؟ وليد : سلامتك .. انت وش فيك خالد كأنه ماصدق يشكي لأحد : جمعت فلوس من ناس وقلت بتاجر فيهمـ ولي نسبه اول الشغل مشى بعدين الشركه طلعت وهميه اخذوا الفلوس ولا ادري وينهمـ ! وليد : يؤ يؤ ولا عندك رقمـ ولا شيء خالد : كل اللي عندي مقفلات مدري وينهمـ الديانه ملاحقيني يبون فلوسهمـ ! وليد : وكمـ فلوسهمـ ؟ خالد بهمـ : عشرين ألف ! وليد : والله مبلغ ماهو سهل , وكيف بتدبرهـ خالد : والله مدري ياوليد ! ضايقه فيني الوسيعه وليد : طيب قل لابوك يساعدك خالد : لا لا مابي هالموضوع يوصله , لانه محذرني قبل ولا ودي اطلع قدامه بهالصورهـ ! وليد : ياشييخ بس احسن من انه يشوفك بالحجز ! خالد : لا لا بدبرها ! وليد : طيب خذ قرض من البنك خالد : ودي ,, بس الراتب مايغطي الا النص ! وليد : وسع صدرك يابن الحلال ربك بيفرجها , وش تبي اجيب لك تشرب .. خالد : لا بسس ماني مشتهي شيء وليد : افـا .. ترد عزيمتي خالد : ابي كابتشينو وليد : هههههههههه صححح يالكابتشينو , دقيقه وهو عندك وليد قامـ يجيب له .. بطفش شاف جوال الوليد واخذهـ وطارت عيونه على الصوره المفتوحه وشاف صوره غيداء .. ومكتوب على الصورهـ غييييداء !! انننننجن وعرف سبب ضيقه ولد خالته ! . هانت عليه ضيقته .. الديون ولا الشرف !! جاه وليد شايل الكابتشينو .. وليد : ماودك تشربه بالسياره ؟ خالد بإبتسامه صفرا : ليه ؟ وليد : ابد مليت من المكان , ماودك نفرفر شوي خالد : يالله بسيارتي ولا سيارتك ؟ وليد : بسيارتي وبرجعك هنا .. وترجع بسيارتك خالد قامـ : يالله اجل .. وقاموا الشباب وركبوا السياره ! دق جوال خالد وتأفف وليد : وش فيك خالد : واحد من اللي ماخذ فلوسهمـ , عاد هذا لحاله ماخذ منه 10000 ! وليد بتفكير : هاته هاته خالد : اي تكفى صرفه مدري وش اقوله وليد رد بثقه : هلا - لا خويه - موجود بس انه بعيد - لا لا وش دعوى ماهيب كذا السالفه - سمـ ؟ - وش معجلك ياولد الحلال اصبر عليه - طيب هو مغشوش مثلكمـ بعد راعوهـ - هلـا - ايه - كمـ ؟ - خلاص بكرا اقابلك قدامـ بنك ( ... ) الساعه 7 المغرب ويكون خير ان شاءالله - الله يسلمك - مع السلامه !!! خالد يطالعه بذهول : وش تقول انت وش تخربط وش بنكه ؟ وليد : يارجال بس الفلوس تجي وتروح .. وانا مجمع لي كمـ قرش عشان سالفه براسي وشكلها ماهيب صايرهـ خذها فدوهـ لك .. خالد بعصبيه مخفيه : وليد انت صاحي انا ماشكيت لك ولا قلت لك كلمه عشان تسدد عني وليد بمزح : من زينك انت وخشتك اسدد عنك حريمتك .. بس بعطيه فلوسه .. وانت بترجع لي .. خالد : لا والله ؟ وليد : والله اني جاد اعتبرني بنك وبسلفك ! ويكمل بمزح : هاااه سامع سلف مو لادقيت بعدين قلت هات فلوسي تعطين احد يصرف خالد وطاح نص همه : هههههههههههه لا وش دعوهـ يا ابو خالد ,, كلها كمـ شهر وبرجعها لك وليد : هذي بقاله اصبر اجيب لي ببسي مشتهيه , شكلي اتوحمـ خالد ضحك من قلب ورمى عليه كرتون المنديل : هههههههههههههههههههههههه نزل وليد .. خالد رمى نفسه على ورا وتنهد : ااااهـ واخيرا الحمدلله طاح نص الهمـ .. والباقي مقدور عليه .. الله يسعدك يالوليد ويفرج همك ,, ياترى وشلون بجازيك ؟ **** بالصاله: غادهـ منسدحه وطفشانه .. وفوزيه تسوي فطآإير .. غادهـ : اففففففففف طفشانه فوزيه وهي تحشي :تعالي ساعدين اجل غادهـ قامت وناظرت امها : يممه اقولك طفشانه تقولين سوي فطآإير , فوزيه : روحي شوفي لك شغله , وش اسوي بطفشك انا .. غادهـ نطت لامها وجلست جنبها ومسكت ايدها : خلينا نطلع فوزيه وخرت يد بنتها : اقول روحي بس ,, قالت نطلع قالت غادهـ قامت : افففففف راحت للمطبخ فتحت الثلاجه اخذت ببسي وتشربه !! غادهـ : بطلع اتعشى ! فوزيه : اقول اقعدي بإرضك احسن غادهـ : يمممممه ودي اطلع فوزيه بعصبيه من بنتها الححنانه : طلعت روح العدو , مع مين تطلعين غادهـ : انا وشهد ورغد ! فوزيه : روحي بس دقي لأبوك اول , اخاف مايرضى تطلعون بالليل غادهـ بفرحه : تـــــيـــــب !! تركض لفوق .. فتحت باب شهد وبسرعه تكلمت : كلمي ابوي نبي نطلع نتعشى انا وانتي اكيد بيوافق لانك تبين تطلعين ,, بروح ادق على رغد .. باااي وسكرت الباب بربشه .. كلمت رغد رغد : هـــاه غادهـ : وجعااه فزي استأذني من امك حنطلع نتعشى براااا رغد قامت : مين احنا ؟ غادهـ وهي تدور شنطتها : انا وانتي وشهد رغد : شرايك اعزمـ بعد نورهـ بنت خالتي تراها عسل غادهـ بعدمـ اكتراث : بكيفك , اهمـ شيء نطلع رغد : تيب بدق لها ! حتمريني ولا كيف ؟ غادهـ : ايوه نمرك ونمرها بعد احسن نطلع بسيارهـ وحدهـ رغد تحمست : اوووكي ! رغد راحت تدق على نورهـ .. وافقت اللي هي بعد طفشانه ..! ودها تاخذ غيداء بس امها رفضت = ( **** ركبت غادهـ وشهد , مع السواق ودخل فهد راسه مع الدريشه : على وين ان شاءالله شهد : بنروح نتعشى فهد : طيب امشو معي غادهـ : لا مايصير بتروح معنا رغد وبنت خالتها ! فهد تذكرها : ايييه .. انتبهوا لانفسكمـ .. طق بيده على الباب واشر بـ بااي .. وحرك السواق ! فهد / ممممـ ياحليلها ! **** عند باب بيت نورهـ ينتظرونها تطلع غادهـ : وينها بنت خالتك رغد : اللحين بتطلع .. انفتح الباب !! .. وطلع وليد يناظر بالسياره ومستغرب .. رغد : شوفي هذا ولد خالتي وليد ! غادهـ تقزهـ : مايشبهها ! وطلعت نورهـ .. وليد : على وين .؟ نورهـ : بنروح نتعشى .. وليد : انتي ومين .. نورهـ : انا ورغد ! وليد : هذا سواق , وبيت خالتي ماعندهمـ سواق ! نورهـ : ايه هي جايه مع صديقتها ! وليد : اوووه ماشاءالله .. وبإذن مين طالعه ! نورهـ : شفيك وليد لاتفشلني البنات يستنوني مستأذنه من امي ! وليد : مممـ لاتتأخرين بعد هالبلاوي اللي شفتها صرت اخاف . نورهـ بعصبيه : مالي دخل بغيداء ! وليد حس على دمه : تبين فلوس ؟ نورهـ : لا خذيت من امي .. باااي وليد عطاه ظهره ودخل .. ركبت السيارهـ نورهـ : سوري قلباتي انتمـ بس هذا أخرني .. سلموا على بعض وتعرفت شهد على نورهـ = ) **** بمطعمـ / ماكدونالدز <~ تسوي دع’ـآإيه لـ مطع’ـمهآإ ـآإلمفضل ! جالسين ياكلون ويسولفون شايلين المطعمـ بضحكهمـ ! نورهـ : هههههههههههههههههههههه ياحلوك ياغادهـ قسمـ تضحكين غادهـ : قديييمه اني حلوه جيبي غيرها رغد : ييييييييع انت حلوه ظلمتي الزين نورهـ : حرامـ عليك رغد غادهـ تمسك يد نورهـ : خليها خليها ! غيراا اا اا نه ياحياتي خلصوا اكل وطلعوا ! غادهـ : مشتهيه بييييييييرهـ ! شهد : اي والله شبببعنا حيل رغد : لـا ابي ايسكريمـ نورهـ : اي ابـي بيرهـ غادهـ : امجد امجد وقف عند ميد ! يالله وحدهـ تنزل انا مليا ا ا ا نه ! شهد : وانا مالي خلق رغد : انا انزل وش تبون .. غادهـ : ابي بيره هلوستن توت بري ! رغد : وانتي نورهـ ؟ نورهـ : ممممـ رماا اا اا ن لبى قلبك رغد : وانتي شهد ؟ شهد بعد تفكير : تـــفـــآإح !! راحت رغد تجيب اغراضهمـ .. غادهـ تضحك : ههههههههههههه انتي من بعد اليومـ المفتوح حقكمـ وانتي كل شيء تفاح ؟ نورهـ : صصدق ؟ اجل معيارتها انسه تفاحه شهد ضحكت : هههههههههههههههه احلى معياره وربي ! **** جالسين بالحوش يتعشون .. مزنه وهي تصب الشاهي : مالقيت لك يمه وظيفه ؟ محمد : لا والله مالقيت .. اللحين الجامعيين مالقوا شلون بلقى ؟ مزنه : طيب ماتعرف احد يشغلك لو بدكان بلا هالحر بالطريق محمد : لا والله ما اعرف احد .. محمد يكمل بإبتسامه : لاتشغلين بالك فيني يالغاليه , بدبر نفسي ان شاءالله ! مزنه : اذا ما اشغل بالي فيك وش بشغل نفسي فيه اجل محمد يمد لها لقمه بحنان : الله بييسرها ان شاءالله .. دق جوال محمد وقطع حديثهمـ .. ....... : السلامـ عليكمـ محمد : وعليكمـ السسلامـ هلا ابو ياسر ابو ياسر : هلابك يامحمد .. معليش داق عليك بوقت متأخر محمد بطيب : لا والله انت تدق بإي وقت .. ابو ياسر : عندي لك خبرين ! واحد منهمـ زين واحد شين محمد بضحكه متفائله : ههههه هات الشين قبل ابو ياسر : المزرعه اللي تاخذ منه التفاح .. عزلوا وانتقلوا لارض اوسع بالخرج .. محمد بضيق : لــا عاد .. صعبه بروح كل يومـ للخرج اخذ البضاعه ابو ياسر : والله هذا اللي قالي عنه ابو سامي .. محمد : طيب والزين ؟ ابو ياسر : فيه مدرسه اهليه سمعت انها تدور محاسب بقسمـ البنين .. بس يبيلك دورهـ كمبيوتر قبل ! محمد بفرحه : والللله .. زين زين .. بس اخاف في احد اكفء مني يتقدمـ لها ! ابو ياسر : عشان كذا انا مكلمك اليومـ .. تروح بكرا بدري وتتفاهمـ معاهمـ محمد : شلون وانا مامعي هالدوره ؟ ابو ياسر : انت رح قابلهمـ , وبعدها همـ لهمـ سلسله معاهد .. تصير تداومـ الصبح , وتاخذ الدورهـ بالعصر محمد : خلاص ان شاءالله , انا بروح بكرا وبشوف .. ابو ياسر بحب : الله يوفقك والله انك تستاهل كل الخير محمد بإحترامـ : مدري والله شلون اجازيك يا ابو ياسر مساعدني في كل شيء ابو ياسر : انت مثل عيالي ولا بيننا هالامور .. يالله اخليك تنامـ وراك قومه بكرا من بدري محمد : على خير ان شاءالله .. مع السلامه ! ناظر عمته : ماودك تباركين لي ؟ مزنه : لقيت وظيفه ؟ محمد بفرحه : اي الحمدلله .. بروح اقدمـ بكرا ويارب يقبلوني مزنه تدعي : الله يوفقك ياولدي ويرزقك محمد يبوس يدها : امين يارب , يالله انا بقومـ انامـ مزنه : نومـ العوافي يمه ! * ابو ياسر : تعرف على محمد في احد المستشفيات , يومـ كان يودي عمته للعلاج ! , وتعرف على ظروفه الماديه وعرض عليه انه يشتري من مزرعه صديق له , ويبيع وفعلاً هذا اللي صار , ابو ياسر يعتبر محمد واحد من عياله بل يتمنى ان عياله يكونون بمسؤليه محمد وكفائته بالحياه ! **** جالس بالغرفه ويفكر .. قطع حبل افكارهـ دخول امه ! حصه : وليد ! وليد : هلا يمه ؟ حصه جلست قدامه على الكرسي : بسوي نفسي ماسمعت من اختك ! وليد بإنكار : تصدقينها هالبزر ! حصه : اثبت لي انها كذابه وتزوج غادهـ .. مو انت تقول ابي اتزوج انا لقيت لك !!!!! وليد : ولـآإتدرون ! خ’ـلو ردهـ بآإلبآإرت آإلسآإدس !! ـآإلبآإرت طولته لع’ـيونكمـ :$ وكل ع’ـآإمـ وـآإنتمـ بخ’ـير .. وـآإلله يع’ـيدهـ ع’ـليكمـ ! ـآإنتظروني = ) ـآإكآإسسيآإ ~ |
[ ـآإلج’ـزء ـآإلسسآإدس ] مآإ زلت آإقول ـآإن ـآإلليآإلي " مرـآإجيح " مرهـ تج’ـيبك فوق ! , ومرهـ تنز ز ز لك !! **** وليد : يمممه .. وش هالحركات اثبت لي وتزوج ؟!!! حصه : مو انت جايني تقول ابي اتزوج , يالله انا دورت ولقيت لك ! وليد : بس انا يومـ فتحت الموضوع كانت في بالي وحدهـ .. حصه بعصبيه : وهالوحدهـ اللي تكلممممها ؟؟؟ وليد بصراخ : تصدقين البزر وتكذبيني !! حصه : من وين عرفتها اجل .. وليد بإرتباك : خالها خويي ! حصه : ماشاءالله , قالك تعال اخطبها ! وليد : لا بس الرجال ماعليه .. ودي اناسبه ! حصه : اللي يناسب ياخذ اخته مو بنت اخته ! وليد : ماعندهـ خوات صغار يممه .. حصه : وشلون عرفت ان عندهـ بنت اخت بالمواصفات اللي تعجبك . وليد مايدري وش يقول : تحقيييق هو .. حصه : طيب عطني رقمـ امها اكلمها ! وليد : امها متوفيه .. حصه : خالتها .. طيب وليد : خوالها اردنيين .. ولايعرفونها حصه : مشاءالله .. مخاوي اردني اجل ؟؟؟ وليد بقهر : يمــــــه الله يخليك انا هالبنت ابيها , ولا ابي غيرها !!! حصه قامت بعصبيه : ماني بزر تلعب علي يالوليد , فيك جراءه واثق من نفسك انزل لبوك قله .. مكلمـ وحدهـ وابي اتزوجها !! وليد بترجي : يمه انتي ماتحبيني ماتبين لي الخير , اخطبي لي وحده احبها وارتاح معها وتسعدني .. تكفييييين يمه ! حصه : ولاني احبك وابي لك الخير , بزوجك وحدهـ تستاهلك وتستاهلها .. ! مشت وتركته .. فتحت الباب والتفت له : اسمع .. بكلمـ اهلها ولا تفشلني , زواج من اللي ببالك انسى !! وليد بصراخ : كلميهمـ بس راح تتفشلين لاني ماني رايح اخطب وحدهـ ماحبها !! طلعت حصه , وليد جلس بقهر : ليش كذا ليش ؟ كان باقي واوصلها خطوهـ . وتبعدني عنها هالحيوانه اميييال !! .. اااه بس يارب سهلها يارب ! **** في صباح يومـ جديد ! طلع لها بالحوش وهو لابس الشماغ والعقال وشايل ملفه بيدهـ .. من زمان ماشافته بالشماغ ! , لانه دايمـ يلبس كاب عن الححر = ( مزنه : ماشاءالله سمـ الله عليك الله يحفظك ويوفقك ياولدي محمد انحنى يبوس راسها : امممين يارب ,, تكفين كثري من هالدعوات يمكن الله يفتحها علي واتوظف يارب .. وباس يدها .. واذا الله وفقني ان شاءالله ان اول راتب بشتري فيه لك خاتمـ ذهب .. ويبوس يدها مزنه شوي وتبكي : ياعلي ماذوق حزنك ياولدي .. محمد : يالله يالغاليه انا طالع لا اتأخر مزنه تمسك يدهـ : كلك لقمه .. بتروح على لحمـ بطنك ! محمد بإبتسامه جميله : يابعد قلبي والله .. بروح الحق على التقديمـ وممدي على الأكل .. باس راسها وكمل : مع السلاممه وعطاها ظهرهـ ومشى بشموخ !! مزنه تدعي له بقلبها : الله يوفقك ويسعدك ويستر عليك ! **** صحيت شافت الساعه حصلتها ثمان ونص .. فزت .. اليومـ عندها اختبار ومتأخخخخرهـ .. دخلت الحمامـ بسرعه غسلت وطلعت لبست على عججل اخذت مكياجها وقالت اتظبط بالجامعه ! سحبت عباتها وهي تركض : يمممممه بدريه : رغد !! رغد : يمه وين خالد ؟؟ بدريه : يوووهـ خالد ماخذ العيال وموديهمـ المدارس من سبع ! رغد شوي وتبكي : يمممه اليومـ عندي اختبار تكفيين يمه تكفين بدريه بربشه قامت : وش اسوي لك ابوك مايقدر يستأذن ! .. شوفي عن خالد رغد طلعت جوالها تدق : ماا يرد وحاولت تدق فوق العشر مرات .. ولا مجيب !! بدريه : طيب دقي على نورهـ بنت خالتك شوفي عنها يمكن ماراحت ! رغد تدق على نورهـ : بعد ماترد شكلها بالجامعه ولا تسمع وتكمل بعصبيه : وانتمـ ليش ماصحتوني ! بدريه : العادهـ انتي تقومين من نفسك ! ونايمه قلت شكل ماعندك محاضرات ! رغد تتصل على غادهـ : ردت ! غادهـ : وييييييينك رغد شوي وندخل الاختبار ! رغد : قمت متأخرهـ ولا لقيت احد تكفييييين انقذيني !! غادهـ : يوووهـ منك .. دقايق ادق على سواقنا يجيبك رغد : اي تكفييين استعجلي علي .. سكرت غادهـ ودقت على السواق : امجد روح بيت رغد جيبها للجامعه ! امجد : ماما انا في صناعيه مع بابا فهد .. غادهـ : هات فهد ..! فهد : هاه وش تبين ؟ غادهـ : ليش ماخذ السواق معك !؟! فهد : عشاني بنزل سيارتي للصناعيه .. وابيه يرجعني للبيت ! غادهـ : موووو وقتك ابد .. ارسل السواق لبيت رغد ! فهد تنح : هـاه غادهـ بعصبيه : فــهد .. البنت بتختبر حرامـ علييييك فهد : طيب طيب فهد بغباء : امجد تدل بيت رغد ؟ امجد : ايوهـ .. بابا فهد : خلينا نروح نجيبها اجل !!!!!! **** جالس على مكتبه ويفكر ! خالد : اللحين وليد .. سدد 10000 .. وانا اخذت القرض ورجعت لهمـ فلوسهمـ ! والله مدري كيف اجازيك ياوليد ؟ .. شلت عني همـ كبييير ! قاطعه دخول زميله فيصل ! <~ فيصل مو عز الخوي p : فيصل : اللي ماخذ عقلك يتهنى فيه ! خالد : حلـالـه ! فيصل بضحكه : هههههههههههه منهي ؟ خالد : وانت والمـ على طول منهي ؟ .. طيب ليش مايصير منهو ؟! فيصل بتفكير بعيد : لا لا ماتسويها ! خالد فهمـ عليه : يعني حرامـ افكر في ولد خالتي ! فيصل : هههههههه لا مو حرامـ خذ راحتك ! ويكمل فيصل : والله يالشذوذ انه منتشر .. يقولك بنات الجامعات ماتميز هي بنت ولا ولد ! .. تحس داخل جامعه مختلطه ! خالد : اي والله .. الله يكفينا الشر .. فيصل : لاشفت الوحدهـ .. حححلوهـ .. بس يخربون انفسهمـ والله ! خالد : صدقت ! فيصل طلع جواله : شف هذي وش رايك فيها ؟؟! اقسمـ انها موت .. بس مشينه نفسها ! خالد ناظر الجوال وثـــــــآإر .. نفس الصورهـ اللي بجوال وليد ! , حاول يمسك اعصابه .. لان الصورهـ ماتحمل الا الاسمـ .. بدون العائله ! خالد بعصبيه مكبوته : امسحها لاتصير اختك بكرا مكانها فيصل : لا ان شاءالله , خالد : بكمل شغلي ! فيصل قامـ وهو مستغرب تغير حاله : خذ راحتك ! وطلع فيصل ..! **** تمشي بالحوش تستنى السواق رفعت الجوال بتدق على غادهـ .. الا وتسمع صوت البوري .. طلعت بسرعه وسكرت الباب .. ركبت : بسرعـ .... وتنحت مين اللي راكب جنب السواق !!! , غادهـ ماقالت لي ايش شيء سمعت صوته المبحوح : بسرعه يا امجد على الجامعه , سيارتي بالصناعيه تنتظر < كان متعمد يقول هالكلامـ عشان يوصل لها المعلومه ! رغد بفشله بقلبها : ياخزززياهـ بس معطلتهمـ ياربي ياربي ! دق جوالها شافت غادهـ .. رغد بقلبها : ابـــد مو بوقتك ! ردت بصوت خافت : هلـا غادهـ غادهـ بصراخ : ياللللله هذانا دخلنا بسرعه وينك رغد : هذاني راكبه مع السواق فهد رامي اذنه طبعاً .. فهد بقلبه : هذا الصوت .. مو غادهـ امـ لسان !! اسمع صوتها من ورا الجوال ! رغد : اوكي باي .. شويات وهمـ قدامـ الجامعه .. لان الطريق مو زحمه .. والناس كلها بدواماتها ! رغد فتحت الباب وبصوت واطي : شكراً ونزلت فهد بصراخ : الـعـفـو ياقلبي !!!!!!!!!! امجد يطالعه بتعجب ! فهد : خير .. حرامـ الواحد يحب ؟ امجد ساكت .. وعلى الصصصناعيه !! **** ريما : شفيك ياوليد والله مو عاجبني هاليومين ؟ وليد بضيق : مافيني شيء ريما : لاتخبي عني والله بالي مشغول عليك .. وليد :مصيبه ياريما ! ريما : اي مصصيبه .. وش صاير وليد : غيداء اختي ! ريما : سمـ الله عليها شفيها ؟ وليد : لا تسمين عليها .. سمي منها ! ريما : حرقت اعصابي شفييييكمـ ؟ وليد : قالت لامي اني بتزوج وحدهـ اكلمها ! ريما انصدمت وسكتت بعد فتره قالت : وامك رفضت ؟ وليد بعصبيه : اكيد رفضضت ريما : يعني شنو ؟ وليد : مدري مدري ياريما ! ريما خنقتها العبرهـ : بعدين اكلمك ! باي وسكرت .. طاحت على السرير تبكي بقـــوهـ ! , امس طايرهـ من الفرح واليومـ ابكي بقهر ليش يومـ جيت افرح ضاقت علي ! .. ياربي وش سسسويت بدنياي عشان افقد كل الناس .. امي و ابوي و اخوي .. واللحين ,, وليد ؟ آآآآآآآهـ ياقلبي .. **** جالس قدامـ المدير ! بكل ثقه هذا اللي يميز محمد ! ثقته بكل شيء رغمـ فقدانه لكل شيء !! << بس في داخله صراعات من الخوف والقلق بإن الفرحه تنذبح قبل تولد !! المدير : اشوف ملفك ! قدمـ محمد الملف : سمـ ! المدير فتح الملف وجلس يتصفحه ! المدير : ماشاءالله نسبتك جداً عاليه بالثانوي وتخصصك علمي .. معقوله مافي جامعه قبلتك .؟ محمد : والله انا درست سنه وحدهـ وبعدها صارت لي ظروف واظطريت انسحب ! المدير بتفهمـ : اهــا .. يكمل المدير : معك دورهـ انقلش .. غريبه ؟ محمد : ماغريب الا الشيطان ! .. بس في احد السنوات كنت متفرغ بالصيفيه واخذتها .. المدير : اهــا .. تعرف تستخدمـ الكمبيوتر ؟ محمد بإبتسامه : اكيد ..! المدير : شرايك تاخذ لفه على المدرسه طيب ؟ محمد بفرحه : يعني شلون ؟ .. قبلتني المدير : طبعاً .. احنا مستعجلين ونبي محاسب ودامـ نسبتك عاليه ومعك لغه وفاهمـ بالكمبيوتر .. ليش لـا ؟ محمد : الله يسلمك , ان شاءالله بكون عند حسن ظنك ! المدير : ان شاءالله , وقامـ المدير : تعال معي ناخذ لفه على المدرسه واعرفك بزملائك المدرسين ! محمد وقف : يالله !!! **** في الجامعه : رغد تضرب غادهـ : ياحممماره قسمـ اني متفشله موت غادهـ : والله مادريت اقولك !! رغد : والله لو ماحضرت ارحمـ من كذا موقف ! غادهـ بعدمـ إكتراث : مو منتبه لك تحصلين نصه نومـ رغد : ولــــــو ! غادهـ تسحبها : امشي امشي حدي جايعه رغد : وانتي من متى شبعتي اصلاَ غادهـ تضربها : وجع قولي ماشاءالله رغد من غير نفس : ماشاءالله **** رجعت من الجامعه هي واختها .. نورهـ : يممممه !! غيداء بصوت ثقيل : ناسيه ان اليومـ مناوبتها بالمدرسه .. ماراح تجي بدري نورهـ : ايووهـ .. بس انا جا ا ا يعه غيداء : وانا اكثر ! نورهـ التفت : غدو بروح ابدل واحصلك جاهزه بالمطبخ بسوي لك غدا .. على كيفك احسن من مطاريس الشغاله .. وصعدت فوق , غيداء مفهيه : اما غدو !! اول مره احد يدلعني .. تذكرت شلتها يدلعونها دحومـ <~ تذكرت تومـ كروز هع واللحين اختها تدلعها بإنوثه ! .. حست بشيء غريب ! .. نورهـ بالغرفه ! .. حاسه انها مبسوطه لمجرد التفكير انها تتقرب من اختها ! بدلت على عجل وصلت .. طلعت طقت على غيداء وقالت : بسسسرعه ونزلت تحت ! غيداء بالغرفه خلصت صلاتها ونزلت ! بالمطبخ : نورهـ : وش بنسوي ؟ غيداء بوقفه مايله على الثلاجه : مسويه حفله وغدو وغداء على كيف كيفك وبالاخير وش نسوي ؟ نورهـ ضحكت : هههههههههههه انتي وش مشتهيه غيداء : مممـ برجر ! نورهـ : اووكي ! .. طلعت البرجر ,, والكاتشب والمايونز والخس والجبن والخبز ! , والتفت عليها نورهـ : انا بقلي ! .. وانتي جهزي الساندويتشات .. غيداء ماعمرها شالت الملعقه من الارض .. غيداء : ممم ما اعرف نورهـ بعصبيه : وشو ماتعرفين ادهني الخبزه بالكاتشب والمايونيز وحطي الجبن والخس مايبي لها غيداء ! غيداء تسلك : طيب طيب نورهـ بدت تقلي وغيداء تسوي الساندويتشات .. نورهـ : غيداء غيداء جيبي صحن احط البرجر بسرعه بيحترق ! غيداء فزت : وين وين نورهـ : ووشو اللي ويييين ابي صحن غيداء مرتبشه : وين الصححححن ! نورهـ تأشر : هناك يالغبيه ! غيداء تأشر على الصحون : تبين كبير ولا صغير ؟ نورهـ : افففففف منك اي ششششيء غيداء جابت الصحن وطلعت نورهـ البرجر اللي شوي احترق ! وحطتهمـ جوات الساندويتشات ! جلسوا ياكلو غيداء تضحك بجنون : ههههههههههههههههههههههههه نورهـ رفعت حاجبها : سلامات ! غيداء تداركت الموضوع :ابد مبسوطه ! اول مرهـ اسوي حاجه ! نورهـ بسعادهـ عظيمه : دومـ يارب مبسوطه ! شفتي اعلمك عشان لارحتي بيت رجلك تتسنعين ! غيداء بضحكه طويله : هههههههههههههههههههههههه اي رجل ..سلامات انتي نورهـ : ليه سلامات كل بنت تتمنى هاليومـ غيداء : قلتيها .. كل بنت ! مو انا نورهـ : وانتي وشو غيداء بغرابه ممزوجه بثقه محطمه : انا غـــيـــدـآإء !! قامت وشربت العصير ورمت العلبه من بعيييد لزباله <~ تذكرت اختي غيداء بفخر : قسمـ اني قناصه !! وطلعت تاركه نورهـ بذهول !! **** ركبت مع السواق : شهد : اففف حر , امجد زود على التكييف ! امجد : طيب ماما شهد طلعت جوالها واتصلت على غادهـ : دقايق واحنا عند الباب بليز لاتموتيني حر ! غادهـ : لا بدري باقي لي محاضرهـ ! شهد : احسن بعد باي غادهـ : باي سكرت شهد .. بعد تفكير مممـ مشتهيه زنجر ! شهد : امجد , روح على كنتاكي .. مروا كنتاكي اخذت لها وجبه بالطريق .. رفعت راسها وشافت انه الطريق اللي فيه بياع التفاح ! شهد تتلفت بكل اهتمامـ تدورهـ .. ولا حصلته ! شهد بقلق : غريبه ! .. كمـ مرهـ امر واحصله وكل مرهـ اطلع من المدرسه اشوفه ويييييينه ؟! وصلوا البيت .. نزلت شهد .. شافت سلطان بالصاله سلطان شاف الكيس : يممممي شهد ليش ماجبتي لي شهد بسرحان مدتها له : خذها ما اشتهي ! وصعدت فوق .. اخذها سلطان : الحمدلله ليش اشتريتها دامك ماتشتهين ؟ وراح للمطبخ ياكل ! **** بعد تفكير طويل .. خالد بقلبه : لازم اسوي هالشيء ! .. انا بعز ضيقتي فرج عني لازمـ اقدم له شيء ولو كان على حساب نفسي !!! رفع الجوال ودق على وليد : هلا وليد وليد بضيقه من موضوع ريما : هلـا ! خالد : ابي اقابلك اليومـ وليد بإستغراب : تقابلني ؟ .. ليش خالد بضحكه : ليش ماتبي تشوفني خخخخ وليد بإبتسامه : لاشدعوى بس مستغرب خالد : هاه وين نتشاوف وليد : مممـ بنفس المقهى , خالد : اوكي الساعه 5 انا هناك موجود ! وليد : طيب مع السلامه خالد : هلا والله ! انسدح : عادي لاتندمـ ياخالد ! .. انت لازمـ ترد له معروفه !! **** منسدحه : ياترى وينك ؟ انا كل يومـ اشوفك كل مانمر من هالطريق المحك ! ليش انت اليومـ ماجيت !! يمكن تعبان ؟ لا لا ان شاءالله .. تفائلي خير ياشهد ! مثله .. احب تفائله .. احب رجولته .. احب شجاعته في تحدي الدنيا .. احب طوله .. احب عيونه .. احب ظهرهـ .. احب .... قامت : شهد شفيك زي المراهقه جالسه تعددين مواصفاته بحالميه وكأنه الفارس اللي تنتظرينه ! اصحي , انتي مطلقه !! .. وانتي بعيدهـ عنه بعييييييييدهـ ياشهد !! **** جالسه على الكرسي وتلعب بالجوال بدون شعور غيرت توبيكها ! من d7oom الى l 3’ado استغربت من نفسها .. اعجبها تحسيسها انها انثى رغمـ هيئتها .. اعجبها تنبيشها لماضي انوثتها ! تظلين انثى ياغيداء .. وبتفرحك حتى كلمة الدلع ! ابتسمت بشدهـ حتى بانت غميزاتها ! ,, **** جالس على مكتبه يرتب اوراقه ! مقرر انه ياخذ اجازهـ ويروح لأمه وخواته ويجلس معهمـ ويمشيهمـ لهمـ حق عليه ولازمـ يشوفهمـ طاح ملف وانحنى ياخذهـ شاف مكتوب [ نورهـ عبدالله الـ ..... ] ابتسمـ وتذكر برائتها ! .. هي كلها مرتين اللي شافهمـ فيها .. يومـ يركب الجبس ويومـ يفكه ! بس بكل المرتين كان مروق وسعيد ومسمتع معها .. يمكن برائتها سبب من الاسباب ويمكن باقي الاسباب مجهوله !! **** جالس بالكوفي ومرتبك يحاول مايفكر بالموضوع ! .. لانه لو فكر مرتين ممكن يتراجع ! بس خلاص هو لازمـ يسوي هالشيء , لازمـ يرد معروف ولد خالته بإي طريقه ولو على حساب نفسه ومستقبله وحياته !! دخل وليد .. ويدور بعيونه عليه .. حصله جالس .. قرب وليد وجلس .. وليد يتنهد : اييييه وش فيك انت .. احس وراك شيء خالد : ابد .. سلامتك .. وش تشرب ؟ وليد : ماجيت اشرب , جيت اسمعك خالد بإرتباك كبير : وليد ! شرايك فيني ؟ وليد : ياسخفك ياشيخ .. مناديني تقول وش رايك فيني ؟ كان قلتها بالجوال خالد : جد يالوليد اكلمك ! وليد حس بجدية الموضوع : ابد .. رجال والنعمـ فيك .. كامل والكامل الله ! خالد : يعني لو تقدمت لإختك غيداء ! بتوافق ؟؟!! و و و بسسس ـآإنتهى ـآإلبآإرت ـآإلسآإدس كش ع’ـليكمـ كآإتبته وـآإنـآإ ج’ـآإيع’ـه وع’ـطشآإنه لـآإتقولون ـآإلبآإرت قصير = ( ـآإن شآإءـآإلله ع’ـجبكمـ ! ـآإنتظروني بآإلبآإرت ـآإلسسآإبع !! ـآإكآإسسيآإ ~ |
[ آإلج’ـزء ـآإلسآإبع ] لـــــــــــآإ ! لـآإتضآإيق / منت ـآإول من : .................................................. . خ’ـذلني ..] **** وليد تنح وفتح فمه بـ بلاهه : هــاه خالد بإرتباك واضح : شفيك .. قلت لك تقبل فيني زوج لإختك ( وششد على ) غييييداء ؟ وليد : انت تبي غيداء اختي ؟ خالد : ايه شفيها ؟ .. ولا انا ما استاهلها ! وليد : لالا العفو انا ماقلت كذا ! .. بس انا منصدمـ من طلبك المفاجيء ! وكمل وليد : قبل كمـ يومـ متكلمين مع الشباب وقلت انك مأجل الفكرهـ لبعد كمـ سنه , وقلت بعد انك ما تأيد زواج الاقارب ! يعني كذا فجأهـ تقول بتزوج واختي غيداء !! خالد : هذيك كانت سواليف .. انا ودي اتزوج واستقر ! .. والحمدلله الوظيفه موجودهـ وقادر اني افتح بيت واصرف ! وليد : المشكله ماهي هنا ! .. المشكله ان غيداء صغيره ياخالد عليك ! خالد : مابيننا شيء .. كلها ست سنوات ! وليد : وتشوفها قليله ؟ خالد : ايه .. عادي وليد : طيب شمعنى غيداء ؟ !! خالد بضحكه ميته : ليش هو كل رجال بيتزوج تقولون وش معنى هي .. وليد : اي لانك مختارها انت , محد اختارها لك ! ولا انا غلطان خالد : لا منت غلطان .. انا حاسها مناسبه لي , ومرتاح بفكره زواجي منها ! وليد : والله مدري وش اقول لك .. لكن انت عارف غيداء ؟!!! هي ماتغطت منك الا من كمـ سنه ؟ خالد فهمـ عليه : عارفها .. وابيها .. كمل بضحك : شفيك ماتبيني اخذها !! وليد : والله الشور شور ابوي .. بفتح معه الموضوع وارد لك خبر ! خالد اللي من رد وليد وحس بجدية الموضوع وكأنه ندمـ : على خير .. انا استأذنك وراي مشوار وليد قامـ : حتى انا وش يجلسني .. يالله اشوفك على خير خالد : مع السلامه **** بالصاله : منسدح على رجلين امه ومقابل التلفزيون .. فوزيه تمسح شعره : وش عندك ماطلعت فهد منسجمـ مع البرنامج : ابد الربع مسافرين .. ومشغولين ..! فوزيه بمزح : اي ماتعرفنا الا لاراحوا ربعك ! فهد : لا يمه شدعوى .. انتي راس المال يالغاليه .. فوزيه : ياجعلي اشوف عيالك بحضنك يارب .. فهد حس ان هذا الوقت المناسب وتعدل : يمه .. فوزيه : سمـ فهد بسؤال غبي : ودك اعرس ؟ فوزيه : وفيه امـ بالدنيا ماتبي تشوف عيال عيالها ؟ فهد بحياء : طيب .. انا ودي اتزوج كملت 27 .. ودي استقر !! فوزيه بفرحه كبيره : يابعد قلبي والله .. انا انتظر هالكلمه منك عشان ادور لك احسن بنت شافتها عيني ! فهد : لا لا انا مختار !! فوزيه : مختار ؟ .. من مختار ..؟ فهد بربكه : رغد ! فوزيه : من رغد ؟ وردت بسرعه بعد تذكرها : رغــــد صديقة غادهـ ؟؟؟؟ فهد : هذي هي ! فوزيه : يازين ما اخترت ماشاءالله .. جمال ودلال وذوق ! فهد يحس ان قلبه بيطير من الفرحه : صدق يمه يعني انتي ماعندي اعتراض عليها ! فوزيه : ابد والله ولو قلت لي دوري لي مابختار لك الا هي .. نعرفها ونعرف اخلاقها من سنين .. نزلت غادهـ وبلقافتها المعتادهـ : ماشاءالله منهي اللي نعرف اخلاقها من سنين ؟ فهد : بلا لقافه انتي فوزيه : الا يمه خلها تسألها .. عشان لا رفضت مانتقدمـ ونتفشل .. غادهـ جلست : وش تتقدمون وش تتفشلون ...؟ فوزيه : فهد يبي رغد ! غادهـ صصرخت : وشششششششششششششششششششو ؟ فهد انفجع : شفيك غادهـ : لاتخطب ولاشيء .. رغد بصراحه حاطه عينها على واحد ! فوزيه بعصبيه : وش هالكلامـ ياغادهـ !! فهد بخيبه امل كبيرهـ : لا عاد قولي غيرها تكفين ! فوزيه : ماعليك منها .. اجيب لك ست ستها ! فهد قامـ : لا خلاص شكلي تسرعت ! غادهـ بصرخه : تعال العب عليك ! فهد التفت : نعمـ ؟؟! غادهـ تضحك : هههههههههه عادي هديه الزواج ! فهد التفت يدور شيء يصقعه فيها ! غادهـ تكمل : والله ماتلقى مثلها .. فهد بعصبيه : محد قالك انك سخيفه ! غادهـ بعبط : حلاتي بـ سخافتي ! فهد : ياشينك بس .. وتنهد براحه وكمل : يعني اتقدمـ غادهـ : اصبر افتح معها الموضوع .. رايي من راي امي .. عشان مانحرجهمـ وتخرب العلاقات !! فهد جلس جنبها : متى متى تكلمينها فوزيه : وش بلاك مستعجل .. اللي صبرك 27 سنه مايصبرك ايامـ فهد : يمه الله يهيدك وش فيها لا سألتها .. تلقينها بتجلس شهرين تفكر !! غادهـ بضحك : يوووهـ رغد اكبر متردده بالعالمـ ! فهد : اي وش بعد كلميني عنها ! غادهـ : مناك بس .. لا تملكتوا بقولك ! فهد : لا تملكنا من قال اني بشوفك اصلاً ! فوزيه : انت وياها .. جالسين تخططون والبنت ماوافقت .. فهد : قومي قومي كلميها ! غادهـ تناظر الساعه 11 ونص : لا رغد دجاجه تحصلها نايمه ! قامـ فهد وتركها وبقلبه : تنامـ بدري - مترددهـ ... مممـ وش بعد يا [ رغد ] **** جالسه على الاب توب وبإذنها سماعات وطربانه مع مساري ! فتح الباب بقوهـ ناظرته بنظرهـ ورجعت تناظر الاب توب وتدندن ! .. هذي هي غيداء تحب الحقران ! وخصوصاً .. اذا احد اغلط عليها ! وليد سكر الباب وراه وهز كتفها : شيلي هذا واسمعيني غيداء شالت يدهـ : وانت شيل يدك وعاملني زين ! وليد بإستهزاء : شرايك احب راسك بعد غيداء : يا حبذا ! وليد انقهر من اسلوبها البارد وبصراخ : سكري هاللي تناظرينه بكلمك غيداء : انت مافي قاموسك .. لو سمحتي .. ؟ وليد : اقولها لك ؟ تبطين والله غيداء : وانت تبطي اسمعك .. وركبت السماعات وكملت !! وليد سحب السماعات من اذنها وسكر الاب توب بعصبيه .. غيداء : وش تبي خير ,, ؟ وليد : خالد غيداء : مين خالد وليد : ولد خالتي بدريه غيداء بملل : ايش فيه بعد .. وليد : خطبك !!! غيداء يصعب علي وصف موقفها !! .. حست بعواصف تجتاح مخيلتها ! حست انها دخلت دواامه حست انها مكتومه وتغير لون وجهها ! وليد خاف من شكلها : ايش فيك ؟ غيداء رفعت عيونها : انت تمزح معي وليد : لا ما امزح ! .. الرجال قبل شوي كلمني .. ويبيك غيداء تأشر على نفسها : انــــا يبيني !!!! وليد : لا انا .. ايوهـ انتي .. غيداء صرررخت بعصبيه وهستيريا : لـــــــا مسستحيل والله لو تموت ما اخذه لـا فاهمـ لـا وليد : قصري حسك .. انتي بعد اللي سويتيه تحمدين ربك في واحد فكر ياخذك بهالشكل طول عمرك عانس وعاله علينا ! غيداء تضرب صدرهـ : مالك دخخخخل انت ماتصرف علي .. زواج ماني متزوجه لو تمووووت قدامي ! وليد مسك يدينها : اسكتي ولا كلمه ! , طيب لا تتزوجين ,, وطلع جواله وراها الصورهـ هذي اللحين بنزل اوريها ابوي ! وهو يتفاهمـ معك غيداء دب الرعب بقلبها كل شيء ولا ابوها ! .. ابوها كمـ مره جالس معها وحذرها من شكلها واقنعته انه ستايل وبس .. لكن حذرها اذا شاف عليها شيء ! والله لا يقتلها بالحياء ! وليد : هاهـ شقتلي انزل ؟؟؟ غيداء جلست تبكي من قلب : اكرهك يالحقير اكرهك مافي اخو بالدنيا يسوي كذا اكرهك وليد : يعني انا ذايب بهواك ! .. اسمعيني انا بنزل اللحين افتح الموضوع لأبوي وبقوله ان خالد تقدمـ لك ! .. واكيد بيطلب رايك .. اذا وافقتي كان بها وبمسح الصورهـ وبعتبر ولا كأن شيء صار ! عاندتي ورفضتي .. بعطي الصورهـ ابوي ! .. وهو حر في تصرفه ! وطلع ماتت غيداء من الصياح ! .. حست بألمـ فضيع وبموقف بحياتها ماعاشته ! امس تضحك على نورهـ يومـ قالت لها بتتزوجين ’ واليومـ تبكي لانها انخطبت ! **** جالسه تسمع اغنيه " غصب عنك " لآإروى ! , وداخله جججو وتتذكر بحه صوته بحالميه .. دق جوالها ورفعته بملل .. لانها خربت عليها جوها ! رغد : هلـا غادهـ غادهـ : هلا بك .. شخبارك رغد : بخير من الله , انتي كيفك غادهـ : ابد ازقح = ) رغد : ماتحسين بطفش فضيع يجتاحك .. متعوب عليها ترا غادهـ بضحكه : هههههههههههه .. اقولك رغد : قولي ولا تكثرين .. غادهـ : مممـ متأكدهـ ما اكثر ؟ رغد : اي متأكدهـ .. انتي لافتحتي فمك مايتسكر غادهـ : وجع يالكلبببه انا كذا ! رغد : لا انا .. يالله اخلصي .. قطعتي عني جوي غادهـ بطنازهـ : الله والجو اللي يجي من وراك رغد : دوبــا غادهـ : مممـ رغد , اخوي فهد يبي يتقدمـ لك رغـــــد النقيض لمشاعر غيداء ! حسست ان العالمـ توقف وماعاد فيه الا هي وبس !! غادهـ : الـــو رغد ؟ رغد بصوت مبحوح وخافت : معك غادهـ : يقول يبي يعرف رايك قبل يتقدمـ رسمي , انتي فكري وردي لي متى ماحبيتي وكملت بحنان : ولا ابي رايك تبنينه على علاقتنا ! .. بنتمـ زي ما احنا سوى قبلتي ولا رفضتي ! .. اخليكي تفكري زين .. رغد بفهاوهـ : طيب وسكرت غادهـ رغد لثواني كانت تناظر مكان معين وسرحانه وتحس انها بحلمـ ! ثواني بس .. وطلقت اكبر صرخه عرفتها بحياتها ! دخل خالد على صراخها .. وبحزن شديد من قرارهـ : وججع وش هالصراخ بنص الليل امي نايمه يامال العمى !!!!! رغد حست على دمها : هـــــاه ! خالد : صاحيه انتي رغد : لا لا كنت احمل فلمـ من يومين وفصل النت وخرب خالد : ولو احترمي الناس اللي نايمه .. قصري صوتك وطلع وسكر الباب رغد ماتقدر لازمـ تطلع اللي فيها .. جلست تبكي !! رجع خالد اللي كان بيفاتحها بالموضوع قبل امه عشان تمهد الموضوع وتفاجئ بـ صياحها !! خالد وبكل اهتمامـ قرب منها : شفيك رغد ؟؟؟ رغد مواصله بكيها ! .. خالد ضمها .. وقال : عشاني هاوشتك , والله مو قصدي بس انا كنت متضايق شوي وحطيتها فيك .. انا اسف والله رغد لازالت تبكي !! .. خالد : يالله عاد انتي متعودهـ علي شدعوى هالمرهـ رغد حست على نفسها : لا لا بس عشان الفلمـ ناظرها بإستخفاف : صدق بنات !! وطلع ! **** بالصاله : عبدالله : بس ياوليد البنت صغيرهـ توها !! ولاهي وجه زواج ابد .. وليد : يبه اي صغيرهـ الله يخليك طولي والله !! عبدالله : شفيك انت .. توها طالعه من الثانوي العامـ شايله المريول تزوجها هالسنه ! وليد : الله يطول عمرك خلصت هالسنه .. والسنه الجايه .. بـ 2 كليه تصير ! عمرها 19 يبه .. اي صغيرهـ ؟ عبدالله : بعدين كيف بزوجها واختها اكبر منها ماتزوجت ؟ وليد : يبه ماتوقعتك تفكر كذا ؟ تقطع رزقها عشان اختها .. كل وحدهـ لها نصيبها عبدالله : مدري محتار .. خالد والنعمـ فيه وينشرى بس لو هو لنورهـ ! وليد : الرجال يبي غيداء اجبره ياخذ نورهـ يعني عبدالله مشتت تفكيرهـ وليد يضغط عليه : طيب انت اسألها نادها .. عبدالله : انا بناديها ان وافقت فهي حرهـ وانا موافق .. لكن ان قالت لا .. ماني بجابرها ولا انت بتجبرها !!! وليد : اي خلاص !! نزلت بعد ماغسلت و قررت ! وتضحك على نفسها بالداخل .. اول وحدهـ بالعالمـ تنخطب وتعطيهمـ رايها بنفس اليومـ !! شافت ابوها و وليد جالسين عبدالله : تعالي غيداء اجلسي جنبي ! جلست غيداء جنب ابوها ومقابل وليد .. ونزلت راسها وهي تفكر بقرارها اللي بكل الحالتين متألمه ! عبدالله بحنان : كلمك وليد , وابي اسمع رايك .. غيداء رفعت راسها وبالها قرار .. مالها دخل بالوليد .. ! شافت عيونه وهو يأشر على الجوال .. غيداء : موافقه !!! وليد بإبتسامه : ماقلت لك يبه ! عبدالله : متأكدهـ ؟ فكرتي زين .. لاتظلمين نفسك وتظلمين ولد الناس غيداء خنقتها العبرهـ : فكرت .. وانا موافقه .. وقامت تركض للغرفه .. رمت نفسها على السرير .. غيداء : لييييش ياخالد مالقيت الا انا من بنات الرياض كلهمـ ؟ ليش مو نورهـ ليش انا .. ولا يمكن وليد عارضني عليه !! .. وكملت صياحها وشهقاتها تقتلها !! **** في الصباح .. في مدرسه ( .... ) الأهليه شهد دخلت على المديره وبإبتسامه صفرا : صباح الخير ! المديرهـ : هلا شهد صباح النور .. بغيتي شيء ؟ شهد : ابد سلامتك بس محتاجه فلوس للتدبير .. مافي اغراض كيف بنطبق عملي ؟ المديرهـ : يوووهـ ياشهد والله جيتي على اخر الشهر وميزانيه المدرسه قدمتها للنشاط واليومـ المفتوح ! شهد : طيب والحل ؟ الموجهه بكرا حاضرهـ عندي كيف ؟ المديرهـ : دقيقه اتصل على ابو سعود " صاحب المدارس " جلست شهد تستنى .. المديرهـ : صبحك الله بالخير يابو سعود - ابد الله يسلمك بس الميزانيه خلصت ومحتاجين الف ! - اي اوكي - كمـ الرقمـ - ( ******* ) - يعطيك العافيه - مع السلامه رفعت راسها لشهد ومدت لها الورقه : يقول ابو سعود خلو قسمـ البنين يرسل لكمـ من ميزانيته .. لان رسومـ الطالبات مانقدر ناخذ منها ! شهد : اوكي .. تقدمت للتلفون .. وضربت الرقمـ رد عليها المدير : الو شهد : السلامـ عليكمـ المدير : وعليكمـ السلامـ شهد : انا استاذهـ شهد من قسمـ البنات ابي اكلمـ المحاسب المدير : اي بلغني ابو سعود عن طلبكمـ .. دقيقه احولك على المحاسب ! بعد انتظار ثواني جاها صوت ملكي واثق ! .. حفظته اسماعها!! ...... : معك المحاسب محمد .. كيف اقدر اخدمك ؟؟ و و و وخ’ـلص ـآإلبآإرت ـآإلسآإبع ! ـآإن شآإءـآإلله ع’ـجبكمـ .. لـآإتح’ـرموني من ردودكمـ وتع’ـليقآإتكمـ ع’ـليه .. ـآإنتظروني في ـآإلج’ـزء ـآإلثآإمن ـآإكآإسسيآإ ~ |
[ ـآإلبآإرت ـآإلثآإمن ] مآإ كل ع’ـذر يرد ـآإلنفس لـآإ " طآإبت " ـآإول ـآإفز , لـآإمن دق ج’ـوـآإلي .. وـآإليومـ ـآإخ’ـليه فوق ـآإلرف ع / .................................................. ............. ـآإلصآ آ آ آ مت ! **** سكتت للحظات يمكن طويله ويمكن قصيره بس هي متأكده ان هالصوت صوته هي يمكن سمعته مره وحده بس ! , لكن تقدر تميزه بين مليون صوت !!! .. وصوته كل يوم يتكرر وتسمعه ! .. مو معقوله سمعها يخونها ! .. محمد : الو الو ؟؟ شهد بصوت مرتبك : الوو محمد : هلا استاذه شهد تفضلي .. شهد بإرتباك شديد : انـا .. انا شهد ابي محمد يساعدها: ايوهـ عارف انك الاستاذه شهد .. جاني خبر من ابو سعود انكمـ محتاجين مبلغ .. كمـ هو ؟ شهد مشاعرها كانت مزيج بين انسانه ذايبه على صوته وبين تصديق وتكذيب انه هو : عادي محمد بإستغراب من هالملعمه : عادي ؟ شلون يعني شهد : اكلمك بعدين معانا خط .. محمد : مع السلامه المديرهـ تناظر شهد بإستغراب : شفيك ياشهد ؟ شهد : لا ابد سلامتك .. المديره : براحتك .. وكملت شغلها .. شهد اخذت الورقه وإنسحبت لمكتب المرشده ! من جهه ثانيه محمد بقلبه : شفيها هذي ؟ مرتبكه وحالتها حاله .. اول مره تكلمـ رجال .. وابتسمـ ونزل راسه يكمل شغله بحماس ! شهد دخلت غرفه المرشده ولا حصلتها .. رفعت التلفون واتصلت .. حولها المدير للمحاسب " محمد " شهد : السلامـ عليكمـ محمد : وعليكمـ السلامـ ! شهد : معليش استاذ محمد , بس كنت مشغوله ولا قدرت اوفق بين الكلامـ معك وشغلي ! محمد : مو مشكله .. كمـ بغيتي ! شهد ماتدري شلون قالتها : كل الصناديق !! محمد : عفواً ؟ شهد بجراءه ماتدري شلون طلعت منها : كل الصناديق نبي .. محمد وكأن هالجمله مرت عليه ! .. اصلاً شلون ينساها وهي مامرت عليه بحياته الا مره وحده بس , عرفها ! بس يامحمد ! .. هذي هي اللي شفتها مرتين تجيك تاخذ منك تفاحك !! .. محمد وكأنه بينهي النقاش : لو سمحتي .. هذي مدرسه .. مو محل تفاح !! شهد تطمنت وتأكدت انه هو .. وبخجل : اسفه .. نبي الف ريال لاهنت .. وسكرت السماعه ! شهد بقلبها : غريبه انتي ياشهد جرائتك بإنك تعرفينه فاقت خجلك الدائمـ ! .. بس هذا غير .. هذا محمد .. ابتسمت ابتسامه رضى .. ان حاله تعدل عن اول ! .. وانهمـ تجمعهمـ سلسله مدارس وحدهـ = ) **** بالجامعه : غادهـ بعباطه : هاايو مرت خيو ! رغد ضربتها : وجع ماوافقت غادهـ بمزاح : ماراح تصدقين اصلاً .. رغد بخجل : يحصل له بس رغد , غادهـ : يعني موافقه .. ليش التغلي ؟ رغد بجديه : مدري ما اخفي عليك اني موافقه وبالعكس اخوك عاجبني .. بس تعرفين التردد طبعي غادهـ ضمتها بحنان : والله مو عشانه اخوي .. بس انه طيب وحنون حيل .. وما اختارك الا انك عاجبته ! والله احنا ماعرضنا عليه .. هو بنفسه قال ابي رغد .. رغد : صدق ؟ غادهـ وخرتها عنها وناظرت عيونها : اكذب عليك ؟ والله لو انه مايستاهلك انا بنفسي بقوله لاتتقدم لها .. تراكِ اختي مثل ماهو اخوي ! رغد بمزاح : يؤ احنا اخوان ماينفع نتزوج ! غادهـ ضربتها : ههههههههههه وجع رغد : ان شاءالله بستخير اليومـ .. وبعلمك برساله ! غادهـ : ان شاءالله .. **** وليد يكلمـ خالد ! وليد : والله انا كلمت ابوي وقال انه موافق ! خالد وبنفسه يدعي انها ترفض : وهي ؟ وليد : موافقه بعد ! خالد بخيبه امل : ايييه وليد بإستهبال : شفيك ايييه .. هذي ردت فعل المعرس ؟ خالد : عاجز عن التعبير ! وليد : ههههههههههه باللهي ! خالد : والله .. يالله اخليك وراي اشغال وليد : اي من قدك عريس ! خالد وانت كل شوي تذكرني : هههههههه اي شدراك ! وليد : يالله اخليك ! خالد : مع السلامه ! خالد ماله خلق يداومـ اليومـ ويحس انه تسرع بقرارهـ .. بس مابيدهـ غير هالشيء .. وليد فك ضيقته ! .. ولازم يفك ضيقة ولد خالته .. خالد بقلبه : ياترى شلون بتكون حياتي معك ياغيداء ؟ يارب قدرني اني ما اظلمها !! .. **** ما راحت الجامعه اليومـ .. ومنسدحه وطول الليل تفكر ماغمضت عينها ! غيداء بقلبها : انتي ياغيداء تتزوجين ! ,, انتي مانتي مؤهله لزواج ولا نص بالميه ! .. قامت ناظرت نفسها بالمرايه ! .. شعر قصير ! .. ويمكن شعرهـ اطول !! .. جسمـ هزيل ونحيف ولا فيه اي معالمـ انوثيه ! .. لبس شبابي ! .. صوت وتصرفات دفشه ! وش هالحياه اللي بعيشها مع واحد مثل تصرفاتي ! .. غيداء انتي جنيتي على نفسك وجنيتي على ولد خالتك ! بس اللي محيرني .. ليش اختارني انا .. ليييييييييش ؟ اصلاً .. رغد ماتحبني ! .. وخالتي تجاملني ! .. حتى سعود اخوهـ دايمـ يقولي يالولد وهو صغير !! شلون بعيييش معهمـ شلون ؟ رجعت تنسدح : شكلي تسرعت .. وتسرعت كثير ! .. بس هذا الحل ارحمـ من نار ابوي !!! ومابين فكرهـ وفكرهـ .. نامت غيداء ! **** بـ / العصر : ريما طلعت من المطبخ ومعها كاس عصير متجهه لدرج ! .. قطعها صوت عمها ابو طلال : ريـــمـــا التفت ريما : سمـ ياعمي ؟ ابو طلال تقدمـ لها ومسح على شعرها : شفيك هاليومين ابد مانتي عاجبتني ! .. ريما بإبتسامه صفرا : شلون ؟ ابو طلال : لا تاكلين معنا ولا اشوفك .. وجهك اصفر .. انتي تعبانه ؟ ريما : لا بس عندي بحث ومتعبني ! ابو طلال : لاتعبين نفسك عشان الدراسه يابوك ريما : ان شاءالله .. ابو طلال : يالله تبين شيء من برا ؟ انا طالع ريما : سلامتك يالغالي .. ابو طلال باس راسها : الله يسلمك يبه ! وطلع ابو طلال ! .. تارك وراهـ " حطامـ انسانه " !! صعدت فوق وقفلت الباب وجلست على الكرسي الهزاز .. تفكر ! وتتذكر مكالمه الوليد لها امس !! وليد : ياقلبي تكفين والله العظيمـ اني احبك واعشقك ريما تبكي .. وليد بضيقه فضيعه : الله يخليك .. انا طول عمري اتمنى امسح دموعك .. تكفين لاتخليني سبب تبكين عشانه ريما بشهقات : انا ما ابكي منك وليد : الا مني .. والله يالغاليه .. اني حاولت مع امي لكنها معاندهـ .. وانا مابي اظلمك واخذك بدون رضى اهلي ونعيش بتعاسه ! ريما ببكاء : انا ابيك وليد : وانا يومـ مناي قربي منك .. بس وش اسوي .. والله مافي حل ريما : يعني شلون تتتركني وتتزوج غيري ! وليد : انا فكرت بس مالقيت الا حل واحد بس ! ريما بخيبه امل : شنو هالحل وليد : اتزوج اللي تبي امي .. واخذك الثانيه .. ساعتها اكون ارضيتهمـ .. وهمـ يقبلون بك !! ريما بصدمه : ايـــــــــــــــــش ؟؟! وليد : هذا هو الحل الوحيد والله العظيمـ مافي غيرهـ .. ارضي امي وارضيك !! ريما : وتتوقع انك ترضيني لما تشارككني فيك وحده .. واموت بغيرتي !! وليد : والله هالشيء صعب علي قبل لا يصير صعبٍ عليك ! .. بس مافي غيرهـ .. ريما : يعني نصك لي ؟ وليد : احسن اني ما اكون لك ابد .. ريما : لا مسسستحيل ياوليد مستحيل .. انا اموت من الفرقى ولا اموت من الغيرهـ ! وليد بترجي : تكفين لا تحرميني منك ريما : ما اقدر ياوليد حس فيني تكفى وليد : حاس فيك وربك وربي اني حاااااس .. ويشهد الله اني متألمـ اكثر منك !! ريما : اكلمك بعدين انا حيل تعبانه وليد : سلامتك .. ليته فيني ولا فيك ياروح وليد ريما : لا سمـ الله عليك .. باي ماهي قادرهـ تتخذ القرار .. بكل الحالتين متألمه وموجوعه ! .. ماتقدر تشوفه لها ولزوجته ! ولا تقدر تتخيل ان وليد يطلع من حياتها !! **** في بيت خواله جالس .. جنب امه ! امـ طلال : يا ولدي مانشوفك الا بالحسرهـ .. طلال يبوس راسها : يابعد قلبي والله .. حقك علي ادري مقصر .. بس الشغل ماخذ وقتي امـ طلال : وكل حياتك ياولدي شغل ! .. ماصارت طلال : وش اسوي تعرفين ولدك يحب شغله ! امـ طلال تلمس شعره : شف شيبك طالع متى بشوف عيالك طلال بضحكه : ههههههههههههه تعرفين ان هالشعرتين من يومي صغير لاتقولين من الكبر ! امـ طلال بحنان : فرحني الله يفرح قلبك طلال : ان شاءالله .. امـ طلال : يعني اخطب لك ! .. طلال : لا يمه اصبري علي .. امـ طلال قامت : اجيب لك القهوه احسن لي .. ولا انت بتموتني ناقصه عمر ! طلال : لك طولة العمر يالغلا ! راحت امـ طلال تجيب لهمـ القهوه ! .. .......... : طلووووووووول هنا التفت لها وقامـ لها : هلا والله سممموحه شخبارك حبيبتي ! سماح : بخير يالدب ولا تسأل ولا نشوفك ياعيب بس ! طلال يضربها بخفه : تعلميني العيب يابنت امس ! سماح تتخصر : وليش ما اعلمك ! طلال جلس : اي واخبار الدراسه ان شاءالله اوكي عساك بتطلعين الاولى على الدفعه ! سماح بضحكه : هههههههههههه مستحيل ونورهـ وراي اطلع الاولى ! طلال ابتسمـ وتذكر المريضه : وليش مستحيل ومنهي نورهـ ذي ؟ سماح : نورهـ كل سنه تاخذ الاولى .. انساها اخذ الاولى خخخخ .. هذي زميله لي .. بالجامعه ! طلال : ياحليلك والله !! **** طلعت تنتظر السواق .. ولا شافته تأففت غادهـ : يووه وينه هالغبي !! دق جوالها .. شافته " فهد " .. ردت : هلا فهد ! فهد : انا عند الباب اطلعي ! غادهـ : امممممممما .. فهد : يالله لاتعطليني ! غادهـ : طيب باي .. وسكرت غادهـ .. شافت سيارته .. وراحت ركبت .. غادهـ : غريبه شعندك جاي تاخذني فهد بحالميه : ماجيت لعيونك .. جاي بشوفها !! غادهـ : ياربي منك .. انت شنو ؟ اول مره تشوف بنت ! فهد : اسكتي بس .. وينها هي ؟ غادهـ : راحت مع اخوها التفت لها بعصبيه : نعععععععععععمـ ؟ غادهـ ببرود : شفيك ؟ فهد : انزلي انزلي .. انا جاي المحها وهي تركب سيارتهمـ غادهـ : يالله عاد عن الملاقه ! .. فهد : طول عمري منحوس وانتي اختي !! غادهـ : كش عليك ! اخذ سي دي " تركي " وشغله ! , حط على " بششروها " التفت لها : قولي لها تسمعها !! غادهـ : ياسخفك بس بكتب كلماتها عشان ماتسمعونها ! .. رمضان :$ [ بشروها وعلموها .. قولوا اني جاي اخطب من ابوها فهموها وعلموها ا.. ني جيت بشوقي كله علموها ! قولوا محبوبك بعد كمـ يومـ عندك .. جاي مشتاق ويبي يخطبها يدكِ شوفوا دمعات الفرح بعيونها لي واتركوا دمعاتها .. لا تمسحوها اسألوا واعرفوا وش هي تمنى .. لجل اجيبه عندها قبل تحنى ! هي حياتي وكل ما املك فداها .. ومستحيل اصد عنها طمنوها ودي اغمض وافتح والتقيها .. واترك الدنيا واحط ايدي بإيدها صدقوني ماملت عيني سواها .. ولو تقول اني هواها صدقوها ! ] دندن فهد مع الاغنيه .. وداخل جو .. وغادهـ تتحمد ربها على العقل !! **** من رجع من الدوامـ .. وتغداء .. وهو كل شوي يتذكر ! محمد منسدح ويفكر : اللحين وش هالصدفه الغريبه ! .. اللي تجمعني فيها بنفس المدارس ! .. ليش شرت مني التفاح .. وليش رجعت تشتريه كله ! .. ليش ارتبكت اول ماكلمتها وليش تعمدت اني اعرف انها هي اللي شرت مني ! قامـ وماسك شعره : افففففف وش هالبنت اللي شالت النومـ من عيني ! .. ودي اعرف وش وراها وش تبي بالظبط !! **** دخل البيت وحصل رغد جالسه تاكل فطاير .. جلس جنبها .. مدت له الصحن : تبي ؟ خالد : بس مابي .. رغد : براحتك خالد : رغد .. رغد : همممـ ؟ خالد : شرايك بغيداء ؟ رغد رفعت راسها : نعمـ ؟؟ خالد : سؤال وجاوبي عليه .؟ رغد : وش المقصد من هالسؤال ! خالد : بتزوجها !! رغد قامت : نعععععععععععععععععععععمـ ؟؟؟؟؟؟؟ خالد : شفيك انتي يامفجوعه .. قلت لك بتزوجها رغد بصراخ : انت صاحي انت تتزوج غييييييداء .. مالقيييييييت الا غيداء من بنات العالمـ الا غيداء ؟؟ خالد : اي غيداء فيها شيء ؟ رغد : وش مافيها .. طويله لسان وبويه ! .. تتزوج بويه ياخالد !! خالد : لاتقولين بويه .. مظاهر البنات بس رغد : انت ماتعرفها كثري .. هذي ماتحترمـ احد ولسانها طويل ونفسها خايسه ماتنفع لك ياخالد خالد : انا ماجيت استئذنك انا جيت اعطيك خبر واحط في الصورهـ رغد : لا ياعيييييييوني انت .. زواج من غيداء لو تموت .. انت شلون تعيش مع وحدهـ .. تحسها خويك .. مو زوجتك ! خالد بعصبيه : ما اسمح لك تتكلمين عنها كذا .. هذي بنت خالتك قبل كل شيء .. جاتهمـ بدريه : شفيكمـ صراخكمـ واصل الحوش ؟ رغد بعصبيه : ولدك يبي يتزوج غييييداء بدريه انصدمت : نعععععمـ ؟؟ خالد بصراخ : شفيكمـ انتمـ كأني بسوي جريمه كل وحدهـ تصارخ من جهه .. بدريه بهدوء مهما كان بنت اختها : ياولدي انا ودي لك بالاحسن .. وش تبي بغيداء .. خالد : لا انا ابيها ! بدريه : انت وش عرفك بها .. حنا ادرى باللي يصلح لك .. انت ياولدي عصبي وهي لسانها طويل والله ان يشب بيتكمـ نار ! خالد : نتفاهمـ يايمه ! بدريه : طيب اختها .. نورهـ احسن لك هاديه وبنوته ! رغد بتأييد : ايه ايه نورهـ احسن وانعمـ .. صحيح انو غيداء احلى منها بكثير ! .. بس غيداء بويه !! بدريه : عيب يابنت تقولين هالكلامـ عن بنت خالتك خالد : انا بتزوج غيداء .. وابي غيداء .. وانا مكلمـ وليد .. فلا تحرجوني وتحرجونهمـ ! وطلع رغد : هذا مو صاااااحي .. شفيه يبي غيييداء بدريه بقلة حيله : خالد وتعرفينه اللي براسه يسويه لو وش يصير .. ودامه مكلمـ وليد .. الشكوى لله نخطبها له دامه يبيها ! رغد بعصبيه : اففففففففففف منكمـ .. مدري شلون حنتحملها !! وصعدت فوق وضايق صدرها **** دق جوالها .. وناظرت " الحب " يتصل بك ! حطته ع الصامت .. آآآهـ ياوليد .. من بعد ماكنت امسك الجوال اتحرى اتصالك .. الحين احط الجوال صامت ! بس انا مابيك تضغط علي واقرر على حساب مشاعرك وبس ! انا بفكر .. لازمـ افكر بدون اي ضغوط .. دفنت راسها بالمخدهـ واجهشت بالبكاء <~ متعوب عليها ! **** جالسه تفكر .. ياربي وش هالصدفه , محمد , المحاسب !! .. شلون ومتى ! الحمدلله اللي الله اصلح حاله .. من بعد ماكان يتعذب بالشمس وبالحر ! والحمدلله اللي الله قربه مني :$ قطعت حبل افكارها غادهـ تزغرد : كلوووووووووش شهد : خير ؟ غادهـ توريها الجوال : شششوفي شهد ناظرت الرساله من رغد : موافقه :$ وهذا رقمـ امي ( ******* ) شهد بفرحه : اللللللللله وناسه فهود بيتزوج ومين .. رغد يالبى كلها بس غادهـ : وناسه وناسه .. بتسكن معنا ! دخل فهد : من اللي بتسكن معكمـ .. بـ تتبنون يتيمه مثلاً ! شهد وغادهـ : هههههههههههههههههههه شهد : اي اسمها رغد فهد شوي اسكت يستوعب : لـا عااااااااااااااد غادهـ : والله توها ارسلت لي وموافقه فهد مايدري وش يسوي بس بالاخير صرخ !! غادهـ : ههههههههههههه زي ردات فعلها .. دايمـ تصرخ ! فهد بذوبان : جعلي افداااااها والله غادهـ : لـا لـا عيييب لسى بدري فهد ضمـ غادهـ : يابعد قلبي ياختي والله لازوجك اطلق واحد !! غادهـ بعدته عنها : لا والله بتعرضني فهد : شفيها !! شهد : لا خرف من الصدمه فهد : بعدين وشو تسكن معكمـ .. انا باخذها وببعدها عن البششر ! .. صاحي اعيش هنا ! شهد : يؤ البيت كبير .. خلها تونسنا ! فهد : باللهي متزوجها تونسك انتي وياها يالله بس .. احفظوا شكلها قبل اسرقها !! وطلع غادهـ : اخوكِ منتهي !! **** ..... : ياويلك تتأخرين هــاه ؟ نورهـ تلبس الحلق : اوكي يالله انقلعي بلبس ! سماح : طيب يالله بايو نورهـ لبست .. بنطلون سكيني كحلي مع تيشيرت علاقي طويل لونه عنابي ! ساطع على بياضها .. وصندل عالي عنابي نعومـ ! لبست عباتها بعجل ! .. وركبت مع السواق .. نورهـ : على بيت سماح !! فتحت لها الباب : هلا نورتي وقسمـ :$ ضمتها نورهـ : نورك ياحبيبتي .. سماح : تفضلي .. دخلوا المجلس .. وجلسوا ياكلو ويسولفوا .. سماح : الحين كيف اصور شاشه البي بي .. ! نورهـ : حملي capture it .. وبيظبط معك سماح : يووهـ فيها تحميل عجزاانه نورهـ : ياعجزكِ انتي .. قومي جيبي الاب واحمله لكي .. ولاتنسي الوصله ! سماح قامت : طيب بقلبه : يووهـ انا وين حطيت مفتاحي ! .. شكله بالمجلس ! دخل .. ! نورهـ كانت تلعب بالجوال ورفعت راسها ! لـــــــــا مسسسسسستحيل الدكتور طلال !!!!!!!!!!!!! و و و وبسس خ’ـلص ـآإلبآإرت ـآإلثآإمن ! إنتظروني بـ ـآإلبآإرت ـآإلتآإسع لـآإتح’ـرموني من ردودكمـ و تع’ـليقآإتكمـ فقط ـآإنتظروني ـآإكآإسسيآإ ~ |
[ ـآإلج’ـزء ـآإلتآإسع ] .. مآإ ع’ـقب ح’ـب دـآإمـ " خمسسه سنوـآإت " صآإرت نهآإيه / ح’ـبنآإ [ .. شيء ع’ـآ آ آ دي ! **** ثواني .. دقايق .. ويمكن ساعات ! , بس مايدري كمـ مر وهو واقف ومتنح ! دخل يبي المفتاح .. ويشوف وحدهـ .. !!! .. اما من جهتها فكانت منصدمه صدمه كبيره !! وصدمتها صدمتين ! .. الصدمه الاولى ان هي ورجال بمكان واحد .. ولحححالهمـ .. وصدمتها الثانيه ان هالرجال هو الدكتور طلال !! تدارك الموضوع وهمس بأسف .. وعطاها ظهره وطلع ! .. اما هي فجلست متنحه ! .. شلون الدكتور طلال في بيت سماح ! .. انا اذكر انها قالت لي اخوها دكتور ! .. بس عمرها ماتكلمت عنه ولا حتى قالت لها اسمه عشان .. انهمـ يحملون نفس العائله ! سماح جات وهي شايله الاب توب : افففف تخيلي نورهـ صعدت اجيبه ونسيت الشاحن وصعدت ثاني اجيب الشاحن .. شهالمشاوير ياربي !! نورهـ بتناحه : اييه سماح حطت الاب توب على رجلين نورهـ : يالله ورينا شطارتك ! نورهـ ببلاهه تطالع الاب توب : ايش اسوي سماح بقلة صبر وهي تشبك الوصله : يووهـ منك يانورهـ مو قلتي بتحملين لي نورهـ تذكرت : ايه ايه اللحين بحمله سماح تهز راسها : لا لا انتي حالتك يرثى لها !! اما عند طلال اللي حصل المفتاح عند المغاسل .. طلال بقلبه : يالله يالفشله ! .. اللحين وش هالنحاسه اجي لاهلي ولا جيت اتفشل مع البنت يوهـ بس يالفشله ! .. حتى هي ياحرامـ تخرعت مني ! هههههههههه .. تذكرني بفهاوه نورهـ ! **** رجع للبيت بعد ماتهاوش مع رغد وامه ! .. صعد فوق لغرفته .. وانسدح .. وبداء يفكر بحياته اللي يجزم انها تعيسه ! ياترى كيف بعيش معك يا غيداء وانتي كذا .. انا حتى ماراح احس بأي انجذاب لك ! .. ليش هدمتي حياتي وهدمتي حياتك قبلي .. قامـ خالد وتعدل من جلسته ! : لا ياخالد خلك قد كلمتك ! .. انت قلت بتتزوجها وتحديت عمركمـ وشكلها ! .. وامك واختك والظروف كلها ! بس عشان تاخذها وتسعد ولد خالتك مثل ما اسعدك .. لا تندمـ .. فكر بس كيف بتعدل هالحياه للاحسن ! وكأنه ارتاح بهالتفكير .. ونامـ .. وتترقبه ايامـ عاصفه !! **** ناظرت الساعه حصلتها 20 : 1 .. وكل البيت نايمين بكرا دوامات ! .. وعينها مو راضيه تذوق النومـ من سالفه خالد ! شلون ياغيداء انتي تتزوجين ! .. اكثر وحدهـ تعترض .. اول وحدهـ تتزوج .. وش هالقدر يارب ؟ يعلمـ الله اني بحياتي ماسويت الخطاء ! .. وان كل هالاشياء شكليات عشان احمي نفسي من ماضي مؤلمـ ! يارب انت اعلمـ بنيتي وبقلبي .. يارب ساعدني يارب .. بكت غيداء من هالحسرات اللي تلاحقها .. كانت ضحيه تعرض بنات بويات بأيامـ قديمه ! .. وصارت تحمي نفسها ورا قناع البويه .. عشان بس يهابونها البنات ولااحد يقرب صوبها ! اتقنتي الدور ياغيداء .. بس قلبك اكثر واحد تضرر ! .. دايمـ تضحكين والكل يضنك ماتشيلين همـ .. اصلا الكل ينفر منك ولا يجلس معك ! .. يارب .. انت اعلمـ بحالي شوف لي الطريق الصح واهديني له يارب **** يمشي بالغرفه ويعاود الاتصالات .. مليون مرهـ يتصل ولا ترد .. مليون الف رساله ارسلها لها وبعد ماترد .. شفيها مو قادرهـ تحس بقلبي .. انا احبها واهواها .. وحياتي بدونها مستحيله .. ماني قادر اصلا اتخيل اليومـ اللي انا وريما متباعدين .. ليش يمه جنيتي علينا لييييييش !! ياوليد انت اكبر من غيداء ! .. بس فيه اللي اكبر منك ! .. هدمت حياتها واجبرتها على زواجه مكتوب عليها التعاسه من اولها واللحين امك تجبرك على اللي ماتبيها ! .. وتخيرك بين رضاها والجنه ! .. ولا حبك ! يارب تأنيب الضمير ذابحني على غيداء .. بس اللي سويته ماينغفر ولا ارضى فيه ! .. يارب ما املك الا دعاء .. انك تسعدها وتوفقها يارب ! **** هذي رابع مرهـ تصلي صلاه الاستخاره والنتيجه وحده ! .. تحس انها مو هذي النتيجه اللي تبيها ! بس شكلها النتيجه اللي بتريحها .. بكت للمره المليون .. وهي تحس بألمـ وقهر ! .. وان الحياه ابد مو منصفه بحقها ! .. قرت قران وارتاحت .. قررت هالقرار .. ودامه من ربي فهو الاخير وبكرا ببلغ وليد برايي .. يارب ساعدني .. وقامت لفراشها .. محاوله انها تنامـ **** اما رغد .. فكانت مزيج بين السعادهـ و الحزن .. سعيدهـ لنفسها وانها راح ترتبط بالرجل اللي اختاره قلبها .. وحزينه لإختيار اخوها الغريب ! **** فهد .. كان نآ آ آ آ آ يمـ ولا يدري وين الدنيا !! يحق له بعد .. مبسوط وفرحآ آ آ ن .. اللي اختارها .. معجبته ومعجبه اهله .. وموافقه عليه **** منسدحه على فراشها والغرفه شبه مظظلمه .. هذي هي عادت شهد ماتحب تنامـ بالظلامـ الداكن .. لأنه يسبب لها قلق ! .. ضامه لحافها لها .. وتفكر ! شهد : وش هالصدف ياربي .. اللي كنت اسرق النظرهـ له واتعمد اروح لأي مكان على ذاك الشارع ! .. بس عشان المحه واحس انه بخير ! , ويجي يومـ اقلق واخاف ولا ادري وينه ! .. وبالاخير انا وهو بنفس المكان ! يارب اسعد خافقه وين ماكان !! **** اما بطلنا محمد .. <~ يوهـ هنا شفايف توت .. وتوت حامض خقوا .. :$ منسدح ويفكر <~ مو ملاحظين ان كلهمـ منسدحين ويفكرون ! محمد بداخله : ادفع نص عمري الباقي ! .. بس اعرف وش وراها ذي , وش هالتصرفات العجيبه اللي منها ! ليش كل هذا تسويه .. وش هدفها منه ! .. اااهـ بس ودي اعرف .. **** صحت من النومـ مرتاحه .. ومتألمه ! .. على طول مسكت الجوال ! ماتبي اي تأخيير لانها عارفه انها راح تتراجع .. فتحت الاسماء ! ويومـ وقفت عند " الحب " .. كان اول اسمـ في القائمه .. مثل ما كان اول شخص في قلبها .. ! .. ماتملك الشجاعه انها تقولها له بالصوت .. كتبت الرساله ويدينها ترجف ودموعها تطيح على الشاشه = ( [ السلامـ عليكمـ .. شخبارك ؟ ياجعلك بخير وعافيه ! .. انا فكرت بالموضوع كثير .. وكل دقيقه كنت اقرر .. بس قراري بعد استخارهـ .. صدقني استخرت اكثر من مرهـ لعل الله يهديني لشيء احبه وابيه َ! .. لكن اشوف في بعدنا خيره !! .. انت الله يوفقك ويسهل دربك وانا بسافر ادرس برا .. بس ابي اطلب منك كمـ طلب ! الاول : انساني وعيش حياتك لانك باللحظه اللي تتذكرني فيها ماراح تعيش سعيد .. اعتبرني شيء ومر ! الثاني : لاتوعد زوجتك بأشياء انت مو قدها !! عشان ماتنصدمـ فيك وتنقهر .. مثل وحدهـ اعرفها !!! الثالث : لاتتصل ولاترسل .. لاني بغير رقمي .. وبسافر .. لاتدور عني .. لاني رافضتك ! الرابع : قلت لي امـ خالد .. خلني لو بالحلمـ امـ خالد الوحيدهـ في حياتك ! .. لاتسمي ولدك خالد .. لاتعتبر اني قاسيه وظالمه .. امك هي اللي جنت علينا قبل انتهي عندي امر ماهو طلب ولا رجاء ! لا يشغلك ماضي " انتهى " .. ركز على مستقبلك !! احبك ,, مع السلامه ] تمـ الارسال !!! رمت الجوال .. وبكت بكاء في حياتها مابكته ! .. يمكن لانها ايقنت في قرارة نفسها ان حياتها مع وليد .. من هاللحظه .. انــتــهــت !!! **** من جهه ثانيه .. وليد كان بيحرك السيارهـ .. بس قاطعته نغمه الرساله وليد : يالله صباح خير من هاللي مرسل هالحزهـ !! شاف الرساله .. وانصدمـ .. ويمكن انه انتهى ! ابد ابد ماكان متوقع هذا ردها .. على هالحب والسنين كان متوقع انها تزحف على الشوك ولا تتركه ! بس اللي صار العكس ! .. وليد رمى الجوال بأقوى قوته .. وتنهد بعصبيه .. كان ودهـ يفرغ هاللي فيه بأي طريقه فتح الدرج ! .. وطلع بكت زقاير خويه اللي ناسيها معه امس .. ودخنها بشراهه ! **** بالجامعه : نورهـ سرحانه من موقف امس .. سماح : ششفيك انتي من امس وانتي كذا .. معطينك شيء لا سمح الله ! نورهـ : لا ابد .. وكملت وحاولت ان صوتها يكون لا مبالي : الا شخبار اخوك الدكتور خخخ سماح : اما انتي غريبه ! .. شخبار اخوي .. وانتي كذا مفهيه ! .. نورهـ : خلاص لاتجاوبي احسن ! سماح : يزقح .. امس جانا قاطع هالاخو ماتقولين اخو .. نورهـ : بعد تعرفين مشاغل الدكاترهـ ماتخلص سماح : اي والله ! **** المغرب .. خالد جالس وكاشخ ! .. حتى لو مجبور .. مايصير يروح لهمـ مبهذل ! لابس الثوب الابيض .. والغترهـ الكريميه .. والشوز اسود .. والساعه .. وينتظر امه تجيب له البخور خالد : يالله يمه تراها ماصارت .. رغد نزلت : على وشو مستعجل ياحظي .. خالد بعصبيه : وبعدين معك انتي ! رغد انطمت طبعاَ .. بدريه جات ومعها البخور : سمـ الله عليك يمه الله يحرصك خالد باس راسها : الله يخليك يالغاليه .. ادعي لي ! بدريه : الله يوفقك يمه .. قامـ وطلع للشارع .. ينتظر ابوهـ .. وركبوا السيارهـ .. وعلى بيييت خالته= ) اما في بيت الخاله : كانوا كلهمـ مرتبششين ! مع انهمـ اهل الا ان حصه مبسوطه ان بنتها بيتعدل حالها وبتتزوج ! .. ونورهـ ميته فرح لغيداء اللي كل شوي تعلق عليها اما غيداء .. تاكيه قدامـ التلفزيون وتشرب بيرهـ .. وبـ بجامتها !! حصصه بعصبيه : انتي وبعدين مع استهتارك .. ا غيداء : يووهـ وش سويت بعد نورهـ : يالله يالله تعالي اظبببطك للشوفه !! غيداء بصراخ : طيييييييييييري مناك بس قالت شوفه قالت !!! حصه اللي ارتفع ضغطها من بنتها الا مباليه .. راحت للمطبخ , ونورهـ قامت تبخر المجلس قبل يجون الرجال !! في المجلس : الخطبه مقتصره على الرجال ! .. بما ان الحريمـ عارفين بعض وماله داعي .. طبعاً عارفين انهمـ جايين يخطبون غيداء .. بس العادات يعني ! سعد : انا جايك اليومـ يابو وليد .. وابي بنتك غيداء ( ويلتفت لخالد ) .. لولدي خالد ! عبدالله : هذي الساعه المباركه يابو خالد ! .. والبنت بنتكمـ وخالد ولدنا ! سعد : على بركه الله ! .. بس الولد ودهـ يشوف البنت ! خالد التفت بسرعه لأبوهـ ويأشر له بلا !! عبدالله : من حقه ! .. ويكمل عبدالله : وليد فز لأختك قلها وليد قامـ : ابشر يبه !! دخل الصاله .. وحصلها جالسه .. وليد : قومي البسي .. عشان يشوفك غيداء ببرود : ياحليلك والله كاشخ ! .. لايكون انت المعرس وانا ما أدري ! وليد بعصبيه مكتومه : قسمـ بالله لو ماقومين اللحين وتتركين هالاستهتار لا اشيلك له كذا ! غيداء : يمه خخخفت تصدق ؟ .. سويت اللي براسك بس حريمتك ادخل عليه ..! وليد طيب : رفع شماغه انحنى بيشيلها .. قامت غيداء ! غيداء بقهر وعصبيه : بقومـ البس ياححححيوان !!! وركضت للدرج ! اما بالغرفه .. ماتدري وش تلبس .. اصلاً ماعندها لبس بناتي عشان تلبسه ! قلبت بالدولاب مالقت شيء يناسب !! .. شافت جوالها يرن .. " الكريهه " ! ,آآآآهـ بس منه .. لبست على عجل !شافت نفسها بالمرايه !! .. بنطلون سكيني اسود ! .. تيشيرت لحد الفخذ رمادي سادهـ ! .. وشعرها البوي بأطراف طويله مليسته ! .. طلعت برضى : والله لاخليك ياخالد تقول مابيها !! وليد فتح فمممه بدهشه ! .. وليد : بتطلعين للرجال كذا ! غيداء ما كأنها صدقت : اوكي مو لازمـ يشوفني .. سسحبها وليد معه للمجلس .. ! بالمجلس : خالد ينتظرها .. ومل ! , اصلاً ما كان مأييد هالفكرهـ .. ليش يناظرها وتناظرهـ ! يعني الشوفه بتغير الموضوع ! كلنا مجبرين !! قطع تفكيرهـ دخول وليد .. وهو ماسكها ! واللي واضح انه " ساحبها " = ) طير عيونه عليها !!! .. وش هـــــــذا ؟؟؟ .. هذي بنت بالله !! وش هاللبس وش هالشعر ! انا كان عندي امل ان الصور مفبركه !! .. وليد : شوفيه !! غيداء ناظرت بوليد وبقلبها : يعني بيتغير رايي .. خالدتنحنح : اخبارك غيداء ؟ غيداء بصوت مبحوح : بخخير خالد : وكيف الجامعه ؟ غيداء : زفت ! خالد : انتي وش تخصصك ؟ غيداء : ناسيه ! وليد : غيداء !! مو وقت استهبال !! خالد بإبتسامه : خلها .. شكلها خفيفه دمـ ! غيداء رفعت عيونها وبتحدي : مو للكل !! خالد رفع حاجب : اووهـ .. عساي اكون من هالكل ؟ غيداء بجراءه : ما اتوقع ! خالد قهرته !!! وليد : غيداء وبعدين مععععععك ؟؟! خالد : تدرين احب الفرس اللي ماروضت ! .. عشان اروضها بمزاجي غيداء بضحك مستخف : تبطي عظمـ !! خالد انقهر من جرائتها !! قامت غيداء : اتوقع سولفنا بما فيه الكفايه ! .. وعطتهمـ ظهرها وطلعت ! وليد كان جداً منحرج من اخته : معليش خالد وفي قلبه وعييييد لـ غيداء !! خالد بإبتسامه : لا ماعليك ! .. عاجبتني !! وراحوا للرجال ! هناك طبعاً انتهت الاتفاقيات على ان الملكه بعد شهر .. اما الزواج مؤجل موضوعه ! **** طلال في مكتبه .. يفكر باللي صار قبل امس ! .. وللحين شكل البنت مو مفارقه ! .. فيها براءه عظيمه ! جاذبته بقوهـ .. ابتسمـ يومـ تذكر شكلها .. وهي مفهيه ومنصدمه !! ييوهـ شكلها ماعمرها صارت لها مواقف مرررهـ مصدومه كانت ! دخل الدكتور احمد : وش يضحك دكتورنا ! د . طلال : ابد تذكرت شيء د . احمد : وشششو ؟ د . طلال : عن اللقافه وقولي .. وش اخبار المريض بغرفه رقمـ 43 د . احمد : والله ماعليه بس ....... الخ **** رغد : تكفين تعااالي غادهـ : يابنتي طيييري .. تخيلي داخله عليكمـ الصبح وش تحسين فيه !! رغد بحنه : والله عادي دامنا كلنا اليومـ مارحنا تعالي افطري عندي تكفيييين غادهـ : متخيله شكل امي وهي موافقه رغد : عادي هاتي اكلمها ! غادهـ : طيب ! غادهـ نزلت تحت حصلت امها تتقهوى قدامـ برنامج ديني .. غادهـ تمد الجوال : خوذي مرت ولدك تبيك فوزيه بإبتسامه : هلا والله بالغاليه رغد .. رغد بخجل : هلابك ياخاله .. شخبارك عساك بخير فوزيه : الحمدلله .. وش بلاكمـ كلكمـ اليومـ مأجزات ! رغد بضحكه : ماعندنا شيء اليومـ .. فوزيه : ايييه الله يوفقكمـ رغد : تكفين ياخاله .. فوزيه : سمي وش بغيتي رغد : خلي غادهـ تجييني نفطر مع بعض ! فوزيه : الناس لاغابت تنامـ وانتمـ تزورون بعض ! رغد بعبط : مشتاقه لها وش اسوي فوزيه بضحكه : ممديه خخخير يا امي بتشبعين منها ! رغد اسستحت وسكتت فوزيه : عشانك مكلمه ماني رادتك .. شوي وتجيك ,, رغد بفرحه : تسسلمين والله .. الله يخليك ويفرحك يارب فوزيه : هههههههههه اميين رغد : يالله مع السلامه اجل فوزيه : الله يحفظك يا بنيتي غادهـ انحنت تحب راس امها : فديييييتك .. وركضت فوق تلبس ! **** ريما ترتب شنطتها بعد ماكلمت عمها عن رغبتها بالدراسه في الاردن ! وافق عمها بعد عناء طويل من اقناع ريما له .. خوفه عليها كان مانعه .. بس الحاحها ورغبتها للدراسه برا ! ريما ترتب الشنطه وتبكي ! .. كان قرارها ظالمها .. وظالمه .. بس هذا اللي ارتاحت منه .. تمنت له السعادهـ بقلبها ! ولازالت تتذكر كلمات رسالته امس [ اذا تشوفين راحتك في بعدي عنك .. الله يوفقك واذا راحتك بإن وليد يتركك بعد الله يوفقك اعرفي اني احبك وابيك لهالحظه ! الله يوفقك ويستر عليك يانبضي ] تألمت كثير .. وحسسها انها الجانيه الظالمه ! .. بس يالله لملمي شتاتك وروحي قبل مايبقى حتى الشتات = ( **** في صباح يومـ جديد : في مدرسه ( ..... ) الأهليه للبنين ! جالس على مكتبه .. وبيدهـ الرقمـ ! .. الفضول ذابحه يبي يكلممها يبي يسألها اكيد انها راح تجاوبه .. لانها تعمدت يعرفها ! طيب يامحمد تدق وش تقول ! .. هذا الرقمـ موحد للمدرسه كلها .. يعني يمكن ترد المديرهـ ولا المرشدهـ ولا معلمه ثانيه ! لا بطلبها اسمها شهد .. وابتسمـ لما قال اسمها ضرب الرقمـ وهو متردد .. و و و و وبسس .. ـآإول مرهـ ـآإكتب بآإرت بسآإع’ـه متوـآإصله بدون تقطيع يع’ـني [ ت ع ب ت ] .. ح’ـبيت ـآإنكمـ تع’ـرفون ـآإفكآإر ـآإلشخ’ـصيآإت لمآإ دخ’ـلت بتفكيرهمـ في ـآإلبدـآإيه .. ـآإنتظروني في ـآإلبآإرت ـآإلع’ـآإششر ! ـآإكآإسسيآإ ~ |
[ ـآإلج’ـزء ـآإلع’ـآإشر ] يآإمآإ بكيت و صح’ـت .. في ليل ـآإلودـآإع = ( وشش يفيد " ـآإلبكي " .. لـآإمنه [ رحَ حَ حَ ـل ! **** ينتظر [و] ينتظر [و] ينتظر [و] ينتظر ! رد عليه صوت قوي : نعمـ .. السلامـ عليكمـ محمد بثقه مصطنعه : وعليكمـ السلامـ .. انا المحاسب محمد من قسمـ البنين , حبيت اكلمـ الاستاذهـ شهد بخصوص المبلغ المطلوب ! المديرهـ : دقايق لو سمحت .. محمد : خذي راحتك ! المديرهـ حطت السماعه وطلعت شافت طالبه .. المديرهـ : روحي نادي الاستاذه شهد .. الطالبه : طيب ابله .. دقيقتين .. وهو ينتظر .. يوووهـ يامحمد ليش استعجلت وش بتستفيد لا قالت لك السبب ! وبعديـ ... وقطع حبل افكارهـ صوت انوثي صعقه حتى النخاع !! شهد : الووو ..! محمد : السلامـ عليكمـ شهد بحياء : وعليكمـ السلامـ محمد : المبلغ وصلكمـ ؟! شهد : اي يعطيك العافيه وصل .. محمد : كويس ! شهد سكتت .. محمد ساكت ! ( لحظه صمت ) .. محمد قطع هاللحظه وقال : ممكن سؤال لو سمحتي استاذه شهد ؟ شهد بربكه وكأنها عرفت وش راح يقول : اي اي تفضل ..! محمد بجراءه : وش تبين ؟ شهد تنحت : هــاه ! محمد : عفواً .. لكن بنفس المكان انتي حبيتي تتأكدين مين انا ؟ .. وبنفس المكان ابي اعرف وش مكسبك من هالحركات ! شهد بنرفزه : اي حركات ! محمد : اتوقع فاهمتني , شهد : يعني انت ماتبيع الا لي ! محمد : انا مابعت كل اللي عندي الا لك ! شهد : عفواً هذا مو مكان نتناقش فيه ! محمد : ليه في مكان ثاني ؟ شهد عصبت : نعمـ ؟؟! محمد تدارك الموضوع : عوافي .. المبلغ وصلكمـ .. مع السلامه ! وسكر السماعه .. مايدري كيف قال الكلام .. ولا يدري اصلاً وش قال ! صوتها قلب كيانه .. وزعزع مبادئ كان حاطها قدامه ! .. يوهـ ياشهد !! اما عند شهد : فكانت ترجف من القلق كويس ان فضى لها الجو وقدرت تكلمه بما ان المديره طلعت برا ! لكن صوته اربكها وعصبها ! .. قلب موازينها .. وارتبكت .. صحيح ياشهد .. انتي وش تبين بالظبط ؟؟؟ **** في الجامعه : البنات جالسين بالكافتريا .. نورهـ - سماح - غيداء - رغد - غادهـ !! سماح : هههههههههههه فديت روحك غيداء وربي تضحكين ! غيداء تضحك بصوت عااالي : ههههههههههه لا تحرجيني ! رغد اللي ابد مو طايقه الجلسه مع غيداء : يوهـ تنحرجين ! غيداء : لا احااول ! غادهـ بتصفي الجو : الا ما قلتي لنا يانورهـ .. بتسوين حفل تخرج ؟! نورهـ ابتسمت بحب والتفت على سماح : اكيد .. انا وسماح بنسوي لنا بارتي ! غادهـ : اكيييد احنا معزومين ! نورهـ : ولو ياحبيبتي انتي الاولى .. غيداء : وطبعاً انا .. نورهـ بمزاح : لا افكر غيداء ضربتها بدفاشه : تفكرين اجل ! نورهـ تأوهت بألمـ : ااااهـ غيداء شوي شوي ! رغد : الله يعينك ياللي في بالي ! غيداء : والله يعيني بعد !! .. قامت غيداء : يالله انا بطس لشلتي .. واشرت بيدها بااااي .. سماح : ياحليلها قسسمـ مرا حبوبه ! رغد : اي مرااا نورهـ : رغد !! المفروض تصفين نيتك والله غيداء عسل رغد : على نفسها مو علينا ! غادهـ : يوهـ شفيكمـ .. المفروض تتصالحون هذي بتصير مرت اخوك ياخبله !! سماح فتحت فمها بدهشه : هـــــــــاه ! غادهـ : هههههههههه عادي نفس ردت فعلنا سماح : غيداء غيداء بتتزوج !!!!!!!!!!! غادهـ تضحك بحسرهـ : شفتي كيف الحظ .. اصغرنا ولا تبي الزواج .. واول من يعرس! سماح : ههههههههههههههههههههههههههههه وعسى بتاخذ اخو رغد غادهـ : اييي تخيلتي في بيت واحد .. مسكين هو بيضيع بين اخته و زوجته سماح بضحك : هههههههههه زوجته غيداء .. متخيلين غيداء بالفستان الابيض غادهـ : هههههههههههههههههه وااااي اي تسريحه اللي بتشيل كمـ هالشعرهـ ! نورهـ .. كانت متألمه .. مهما كان الجو ضحك وناسه .. الا انها ماترضى ان اختها تكون مهزله مجلس !! قامت نورهـ : يالله عن اذنكمـ .. نورهـ عطتهمـ ظهرها ومشيت .. قامت غادهـ : اخليكمـ شوي غادهـ لحقتها ومسكت يدها : شفيك نوااارهـ نورهـ بإبتسامه : ابد سلامتك حبيبتي غادهـ نزلت راسها : انا اسفه .. بس صدقيني والله عن قلب ابيض ما اقصد اي شيء ! نورهـ بخجل من ذوق غادهـ : لا شدعوى حبيبتي .. ماحصل الا كل خير .. غادهـ : يالله اجل خليني اوصلك .. دامي طالعه نورهـ تشوف ساعتها : لا لا فديتك شويات وسواقنا بيجي غادهـ : يوهـ منك تكفين امشي ونسيني بالطريق شهد عندها مناوبه ولحالي بركب مع السواق .. ونمر ناخذ غدااء ..! نورهـ : مممـ يالله ماهي شينه .. بس دقايق ادق على السواق غادهـ : اوووكي يالله ..! بالسيارهـ : غادهـ : نورت سيارتنا .. نورهـ بضحكه : النور نورك حياتي غادهـ : هـاه وين تبين نتغداء ! نورهـ : لا لا ماراح انزل .. والله وليد يشنقني ! غادهـ عبست : اما يشنقك سلامات ! نورهـ : لا يعني بدون اذن احد نازله للمطعمـ غادهـ بتفاهمـ : اوكي مو مشكله ناخذ سفري .. وكليه في بيتكمـ .. اوك ؟ نورهـ بإبتسامه : اوكي غادهـ : شتبين طيب ؟ نورهـ : مممـ هارديز .. غادهـ : يععع نورهـ : ههههههههه ليش تشاوريني اجل غادهـ : لا يعني خلينا نتفق على شيء واحد .. انا ماحبه هذا الشيء .. نورهـ : مممـ تيب كودو ؟ غادهـ : يالله مش بطال كودو .. طلبوا من كودو .. وقدامـ بيت نورهـ نورهـ : يالله حبيبتي مع السلامه .. غادهـ : شرفتي والله .. دخلت نورهـ البيت .. وحرك السواق .. ! في البيت : نورهـ دخلت .. على طول دخل بعدها وليد .. وليد : من اللي جايبك .. نورهـ : صديقتي غادهـ .. وليد كشر : غادهـ اللي امي تبيني اخذها نورهـ بحماس : اي .. والله ياوليد البنت عسل حبوبـ .. قاطعها وليد : خلي حسناتها لها .. وصعد فوق .. مسك الجوال .. اللي كل مادق عليها مقفل .. وليد بقلبه : سويتي اللي براسك ياريما .. رحتي وخليتيني ! .. انا مالي ذنب ! حالي والله العظيمـ من حالك .. آآآآهـ بس **** المغرب .. ~ بدريه : اصب ثاني ؟ خالد : صبي .. بدريه تمد له الفنجال : متى اجل الملكه ؟ خالد كشر : بعد شهر ان شاءالله رغد : على وشو هالعجله ! خالد ناظرها : انتي العروس ؟ رغد بضحكه إستخفاف : هههههه هذيك عروس ؟ خالد بعصبيه : انتي وبعدين معك .. كل ماشفتي وجهي جلستي تتطنزين عليها ! .. انا اللي بعيش معها ولا انتي ؟ رغد : من زينها بعد تنافخ علي علشانها .. خالد : وقسمـ بالله يارغد اذا سمعت كلمه منك عنها .. لاتشوفين شيء ماشفتيه ! شيء مالك دخل فيه لاتتكلمين عنه .. قامـ ورمى الفنجال وطلع ! بدريه تناظرها بعصبيه : ارتحتي اللحين .. خليتيه يعصب رغد : اوووهـ انتي عشانها بنت اختك قابله فيها لو غريبه ماخطبتيها له بدريه بصراخ : مالك دخل ياطويلة اللسان .. بتعيش معه ماهي عايشه معك رغد قامت : افففففف منكمـ وصعدت فوق **** جالس جنبها .. فهد : ياعمري ياغادهـ تكفييين غادهـ : اووووهـ شتبي انت ناشب لي فهد : بس دقيقه غادهـ : انت صاحي ؟ خير ان شاءالله تكلمها فهد : انتي ليش معقده كذا .. بتصير زوجتي غادهـ : لا والله انا معقدهـ .. يالله هات خلني اكلمـ خويك فهد : تبطين اقول اعقلي غادهـ : وانت اعقل .. لا تملكت عليها كلمها فهد : ولا يعني بستأذنك غادهـ : اقول توكـ ... قطع كلامها رنه الجوال والمتصل " رغد " .. غادهـ : هلا والله فهد لصق اذنه بالجوال معها .. غادهـ دفته وقامت .. غادهـ : يوهـ منك يارغد تراك مكبره السالفه رغد : وشو مكبرتها .. هي كبيرهـ اصلا غادهـ : والله عن نفسي اشوفها عاديه .. الرجال مختار اللي يبيها بإقتناع وهذا اهمـ شيء رغد : بس ماتناسب ! غادهـ : هو ادرى باللي يناسبه يارغد .. هذي حياته وهو حر فيها .. لا تتدخلين رغد : حتى انتي تشوفينها تدخل غادهـ بجديه : تبين تختارين له وبعدين ماتعجبه ويطلقها . بعد مايصير خليه يختار شريكته بنفسه .. وبعدين ترا غيداء حححلوهـ .. وبيني وبينك احلى عائلتكمـ هي رغد : الحلى مو كل شيء .. شوفي شكلها كيف غادهـ : يعدلها الزواج .. هذا طيش مراهقات ماعليك بس رغد : تشوفين كذا .؟ غادهـ : ايوه .. بعدين ترا البنت حبوبه ومتواضعه .. وش تبين اكثر رغد : والله مدري بس ما ابلعها .. غادهـ : لاتبلعينها .. بس بعد قدري مشاعر اخوك .. رغد : امي تنادي .. يالله باي غادهـ : بااي .. رجعت نفس المكان وحصلت فهد منسدح .. ومغمض ! غادهـ هزت كتفه : هييي انت شفيك ؟ فتح فهد : حرامـ الواحد يخق ! غادهـ : ههههههههههه كذا الناس يخقون ! فهد : ااااهـ بس لبى صوتها يقشعرني ويحرك مشاعيري ! غادهـ : قومـ بس يابو المشاعير .. الله يعينها عليك فهد فز : وانا ولد ابوي ! تقولين هالكلامـ وانتي قدهـ غادهـ : ايه قدهـ فهد شال غادهـ : متأكدهـ ! غادهـ بصراخ فضضضيع : ااااااااااااااااااااااااااااا نزلني فهد زلها : فقعتي اذني .. اسوي بروفات .. غادهـ : ليه ناوي تشيلها يعني .. فهد : طبعاً .. قدامـ المعازيمـ كذا شايلها تحسين بشيء غريب ! غادهـ : سوها وشف امي وش بتسوي ! فهد : وش بتسوي مثلاُ .. حرامـ الواحد يعيش اللحظه ! غادهـ : توكل بس .. وراي اشغال فهد : لا تكفين يامعذبتنا .. بوسي لي رغد هاه .. غادهـ رمته بالمناديل : ياللي ماتستحي ركض فهد : ههههههههههه باي ياشينه ! وطلع فهد .. تارك غادهـ مبتسمه لجمال روحه ! <~ المقطع هذا لع’ـز الخوي .. يبي فهد :$ **** منسدحه وتفكر .. هالصورهـ اللي منتشرهـ .. متأكدهـ انها ماصورتها ولا حتى نشرتها ! ياترى من اللي له مصلحه وناشرها ! .. قامت .. لــــــــــمـــــــــى .. ايه لمى ماغيرها .. هالصورهـ خلفيتها صالتهمـ وحتى هالبس لبسته يومـ رحت لها ! بس معقوله لمى تصورني وانا ما ادري ؟ وليشششش ؟؟ قامت من على السرير ومسكت الجوال ! غيداء بصوت مبحوح : الووو لمى : هلا دححومـ كيفك مشتاقين لك مرا غيداء : ليش صورتيني يالمى ؟ لمى : ههههههههه لا تقولين شفتيها غيداء : وتضحكين بعد .. لمى : شرايك مطلعتك جنتل مو .. كثير خااقين عليك يبون يخاونك ! غيداء : خاووك جن ان شاءالله .. وتكمل بعصبيه : لييييييش كذا يا لمى تصوريني وبدون علمي ! .. وبعد تنشرينها ! لمى ضحكت : يؤ اعصابك ياجميل ! كلها صورهـ ماتسوى غيداء : صدق ؟ يالله هاتي صورتك اسدحها بالفيس بوك .. مو كلها صورهـ ماتسوى لمى : لا انا مالي سوق مثلك ! غيداء : انتي تدرين ان هالصورهـ طاحت بيد اخوي ! ولعني عليها ! لمى : شيء منتي قدهـ ليش دخلتيه ! .. غيداء : والله تندمين يالمى الزفت !!! لمى : اعلى مافي خيلك اركبيه ّ! يـأ دحوومـ خخخخخخخخ غيداء سكرت السماعه بعصبيه !! هالصورهـ وانا اسلمـ على البنت قسمـ بالله ماكانت نيتي شيء .. بس هالكلبه لعبتها صححح ! **** ( بعد مرور شهر من هذهـ الاحداث ) .. ما تغير شيء .. * محمد , عايش حياه روتينيه مابين البيت والعمل .. من بعد ماكلمـ شهد , مايدري عنها .. بس تسكن فكرهـ كثيير ! * شهد , مثل ماهي .. مشتته بين المدرسه والبيت .. محمد شاغل تفكيرها .. و يمكن نقول قلبها ! * رغد , من الجامعه لـ البيت .. والعكس .. مافي اي جديد بحياتها ! * فهد , ايضاً حياته مستمرهـ .. مع احلامـ ورديه لرغد .. ومخططات مستقبله .. ! * وليد , جسد من غير روح .. عملي وجاد عيونه دايمـ ع الجوال مترقب انتظار ! * ريمآ , في الاردن اغرقت نفسها بالدروس ابتعاد عن افكار مؤلمه وذكريات حزينه ! * غادهـ , حياتها نومـ وفله ومبسوطه ! * خالد , يصارع افكارهـ .. بين جمال غيداء وبشاعة روحها بنظرهـ ! .. ويرسمـ حياه محطمه لها وله ! * غيداء , تناست موضوع الخطبه .. ومحاوله تعيش حياتها بأمل مقتول انو ممكن تتفركش هالخطبه لسبب ما ! * نورهـ , التصقت بسماح اكثر .. لتستشف معلومات عن فارس احلامها .. طلال ! * طلال , مثل ماعهدناه .. بالمستشفى ولا تخالجه اي افكار عاطفيه ! **** بالسوق : نورهـ : يالله عاد غدو حرامـ عليك كل المحلات دخلناها ولا شيء عجبك !! غيداء : صاحيه انتي انا البس فساتين .. ! نورهـ : لاوالله ملكتك بعد بكرا ياغيداء واحنا لسى مو محصلين لك فستان ! غيداء بعدمـ اهتمامـ : مو لازمـ ! .. عندي لبس نورهـ : والله تبين تلبسين بنطلون وتي شيرت ! غيداء : والله اصرف لي ! .. متخيله شكلي بس انا لابسه فستان.. وقفت نورهـ عند بترينا .. من محلات اكشن ! <~ تسوي دعايه نورهـ : وااااااو شوفي شوفي مرااا يجنن غيداء : هههههههههه انا البس هذا منااااك بس شوفي وردات وحركات بنات ! نورهـ : تكفين تكفين غيداء حرامـ عليك هذي ملكه لاتفشليننا لما تتزوجين البسي ملابسه ان بغيتي ! غيداء : لا تحلمين بس انا البس فستان نورهـ : طيب ناخذهـ نجرب احنا مو خسرانين غيداء : الا بنخسر قيمته .. طيري بس ! نورهـ سحبتها ودخلوا المحل .. ( الفستان عبارهـ عن دانتيل طايح لونه اسود .. مشدود ع الصدر وتحته 3 وردات بارزات من نفس اللون ونفس القماش .. وعلاقي وطويل ) دخلوا المحل .. طبعاً نورهـ اخذت الفستان .. وغيداء تتوعد وتحلف انها ماراح تلبسه .. **** ملكه خ’ـالد & غ’ـيداء !! منسدحه على السرير ونورهـ فوق راسها .. نورهـ : الله يهديك تكفيييين قومي شوفي الكوفيره لها سنه تنتظرك .. غيداء : مناك بس انا لو تموتين ماحط مكياج يالله بس نورهـ : غيييييييداء غيداء قامت بعصبيه : وقسمـ بالله كلمه وحده ما اوقع واللي فيها فيها خلاص عاد بتزوج غصب .. حتى المكياج غصب ! نورهـ خافت : خلاص خلاص بكيفك .. وطلعت للكوفيرهـ اللي صرفتها وزعلت وعصبت بس اخذت حق الجيه .. ! بالصاله تحت : كانت الملكه جداً عائليه مافيها الا اهل غيداء و اهل خالد وغادهـ .. لدرجه ان لبسهمـ عادي ولا مكياج ولا شيء .. وليد تنحنح .. وتغطوا البنات .. وطلع فوق لغيداء ومعه الدفتر !! غادهـ : يازينه يارغد ولد خالتك ! نورهـ : ههههههههههه طبعاً من اخته غادهـ دفتها : مناك بس والله هو يخقق نورهـ كشت عليها : كش عليك **** فوق عند غيداء وليد قرب لها الدفتر .. يالله وقعي ! غيداء : والله ياوليد ماسويت شيء تبي بعد ادق على ... وليد قاطعها : الكلام مامنه فايدهـ .. خالد رجال وبسعدك .. وقعت غيداء بسرعه .. باس راسها وليد .. وليد : صدقيني ماظلمتك .. وخالد بيسعدك .. وطلع وليد .. هنا عرفت غيداء ايقنت انها ارتبطت بـ خالد !! وطاحت تبكي ! **** اما تحت عند خالد .. كان الكل يبارك له وفرحان له ! اما هو كان سعيد ظاهرياُ .. وجدا متألمـ في داخله .. عمره ماتوقع ان ملكته بتكون كذا كان يظن انه بيكون اسعد انسان .. ولكن الحين يجزمـ انه اتعس الموجودين ! **** نورهـ فوق تنتظر غيداء تطلع من الحمامـ .. وهي جالسه ترتب المكياج عشان بتحط لها مكياج ناعمـ .. طلعت غيداء ومستحيه من نفسها : هاه شرايك ؟ نورهـ فهت .. مو معقوله اول مره تشوف غيداء بشكل انوثي .. مو معقوله اللي قدامها غيداء ! نورهـ ضمتها : تجننيييييييييييييييييييييييين ياغيداء غيداء وخرتها : فكيني زين يالله بنزل ! نورهـ : تعالي تعالي احط لك كريمـ على الاقل .. غيداء : قلت لك مابي احححححط ماتفهمين .. نورهـ : غدو حبيبتي عشان اختك تبي تفرح تكفين طلبتك .. غيداء وبعد تفكير جلست : يالله حطي اللي تبين ياويلك تكثرين ! نورهـ ماحتاجت الكريمـ الاساس .. لان بشرهـ غيداء جميله .. حطت بودرهـ وكحلتها بالاسود اللي طلع عنونها جنان مع المسكرا .. وروج وردي .. وبلاشر وردي .. ولا حطت لها شدو لانها عارفه انها بتعصب وبتمسح كل شيء .. فتحت غيداء : ههههههههههههههههههههههههههه هذي انا نورهـ بفرحه : شفتي انك تجننييييين .. غيداء : لا لا مستحيه وشو كذا ماتعودت نورهـ : هي مره بالحياه خليكي بنت تكفين .. غيداء بملل : يالله طيب ننزل .. نورهـ : البسي الصندل طيب .. غيداء لبست الصندل بدون اعتراض .. لان نورهـ ماجابت لها كعب ! نزلت .. الصاله كانت ازعاج .. ولكن بلحظه نزول غيداء .. الكل سسسكت ! مو معقوله كل هالانوثه بغيداء غيداء قطعت جو الصمت بصوتها المبحوح : يووووهـ شفيهمـ تخرعوا ! غادهـ : هههههههههههههههه غدو صوتك مو لايق لك .. الكل قامـ بارك لها .. حانت لحظه دخولها لخالد .. في المجلس .. خالد كان جالس لوحدهـ ينتظر دخولها ! وليد كالعادهـ دخلها .. لان مافي احد يقواها غيرهـ خالد فز ويومـ ناظرها : ............. و و و و وبس .. خ’ـلص ـآإلبآإرت ـآإلع’ـآإشر .. ـآإن شآإءـآإلله ع’ـجبكمـ :$ ـآإنتظروني و ـآإنتظرو ردت فعل خ’ـآإلد بـ ـآإلبآإرت ـآإلح’ـآإدي ع’ـشر كل ـآإلح’ـب لكمـ مني .. ـآإكآإسسيآإ ~ |
[ ـآإلج’ـزء ـآإلح’ـآإدي ع’ـشر ] غ’ـديت ـآإنآإ ويآإك مثل / ـآإمس وـآإليومـ ! { قــريــب } .. لكن مستح’ـيل نتوـآإج’ـهه **** وقف وهو متنح .. هو ما كان ينكر جمال ملامحها .. بس انه يشوفها بهالانوثه هذا اللي ابد ماتوقعه .. كان متوقعها بتدخل مثل الشوفه بنطلون وتيشيرت ! لكن تلبس هالفستان اللي كله انوثه ! .. ماكان خاطر في باله ابد .. اندهش واستغرب من حمره اعتلت خدودها هو يجزم انها ماهي مستحيه منه لانها جلست معاه بالشوفه وعينها قويه ! , بس شكلها خجلانه من لبسها !!!! .. جلسها وليد وهو يسحبها ! .. وهمس : اخليكمـ على راحتكمـ .. وطلع ! كل هذا وغيداء جالسه وخالد واقف , دقيقه دقيقتين ! .. استوعب الوضع ! .. تنحنح عدل غترته ! وجلس .. غيداء كانت جالسه مقابلته .. وتلعب بساعتها .. خالد : مبروك .. غيداء من غير نفس : على وشو خالد بغرور : مبروك عليك خخخالد ! غيداء ابتسمت ابتسامه جانبيه ورفعت راسها : مره واثق من نفسك .. خالد : يحق لي .. ولا ؟ غيداء بجراءه تطالعه من فوق لتحت : لا ما اتوقع خالد يكرهـ جرائتها ! : مو لازمـ تتوقعين .. المهمـ تجزمين ! غيداء : بالله مبسوط انت ؟ خالد بهدوء : احد ينبسط وزوجته من اشكالك ! غيداء قامت وعلت صوتها بخشونه : انت هي احترمـ نفسك , واحمد ربك موافقه عليك ..! خالد بنفس الهدوء : يؤ اعصابك غيداء : اسمعني زين .. مو انا اللي بتمشيها على كيفك ولاتحسبني وافقت لجمالك ولا لسواد عيونك كمل خالد : اكييد ولو .. عارف انك مجبورهـ .. وكمل بهمس .. لانك دنيئه ! غيداء : انت اخر واحد تتكلمـ بشيء مايعنيك خالد قامـ وتقدمـ لها .. وغيداء تراجعت لوراء وبان طوله عندها : هذا اول مايعنيني .. اللحين انتي ( ويناظرها من فوق لتحت ) كلك لي ! غيداء بربكه اخفتها ودفته على خفيف : ابعد احسن لك .. لانك ماتعرفني زين ! خالد مد يدهـ يمسح على خدها وبهدوء : لا اعرفك .. واعرفك زين بعد , خلينا حبايب .. لا اسحبك اللحين معي ولا واحد في الدنيا يقدر يمنعني من شيء .. املكه ! غيداء شالت يده : تراك تقرفني ! خالد وطاء راسه وصل مستوى اذنها وهمس لها : ماتدرين قد وشو انا منقرف منك يا شاذهـ غيداء عصببببت ودفته بكل قوتها : شاذه شاذه تراك ذبحححتني وانت هالكلمه ماعندك غيرها خالد اللي رجع وراء بنسبه خفيفه : لا عندي .. بس للأسف ماتستاهلين ولا وحده منهمـ ! غيداء سكتت بقهر .. وخالد يناظرها .. غيداء : اسمعني زين ياخالد .. لاتحسب ان كلامك بيمشي علي انا غيداء واللي في بالي اسويه غصب عنك وعن اللي مايرضى , ودامك اخذتني احلمـ انك تشوف مني طاعه ولا معامله زينه ! خالد ضحك : ههههههههههههه من قالك منتظر منك معامله ولا طاعه .. انتي مجرد شيء هامشي بيعيش معي .. ولا تنتظرين اكثر غيداء : احسسن !! خالد : غيداء .. انا عصبي اذا ماتعرفين .. واذا عصبت انسى من قدامي .. فَ اتقي شري غيداء : وانا لساني طويل ويدي اطول ! خالد بإبتسامه جذابه : اقصهمـ لك ولا يهمك ! وكمل : صدقيني ياغيداء لا اعيد تربيتك من جد وجديد ! وقبل ماتتكلمـ .. تقدمـ لها ! وارتبكت .. وكمل : احترمي نفسك وقصري لسانك ! لا يجيك شيء بحياتك ماشفتيه , مع السلامه وكمل بإستخفاف يازوجتي ! وطلع .. ! غيداء جلست وتحس قلبها ينبض وفخوذها تررررجف ومعصبه للأخير .. ليش ياغيداء خليتيه يشتمك ويهددك وسكتي له ! وين غيداء اللي قبل ماحد يتكلمـ .. تاكلينه بلسانك .. ليش هالحقيير ماقدرتي عليه ! ودامي شيء بالهامش .. ليش تزوجني .. !!! اما عند خالد .. اللي من طلع اخذ نفس وطلع للحوش .. ما كان ابد مرتب هالكلامـ بالعكس كان بيسولف معها بس انوثتها اجبرته انه يبعد عنها .. لانه ماراح يدنس نفسه بإنسانه شاذهـ ! لسانك طويل ياغيداء بس انا اللي بعلمك كيف تكلميني وتحترميني ! **** جالس وهو يستمع لأمه ولأخته اللي جالسين يعبرون عن محاسن واخلاق غادهـ ! نورهـ : شفتيها يممممه ذووق سمـ الله عليها جايه ومتعنيه بس عشان تبارك لغيداء ! حصه : اي سمـ الله عليها .. اخلاق وذوق وش ملحها هالبنت الله يحفظها .. حصه إلتفتت لوليد : هاهـ يمه اكلمهمـ بكرا ؟ نورهـ : لا يمه اصبري يومين تونا مملكين غيداء والله الناس بياكلوننا بعيونهمـ حصه : وانا وش علي من الناس خليني افرح بوليدي .. وليد : والله اللي تبونه سووهـ .. وقامـ هذا هو وليد يحس ان اهله يسيرونه على كيفهمـ .. وهو من بعد ريييما عايف الدنيا صعبه انسان تشكي له وترتاح معه وتحبه وتتمناه .. وفجأه يطلع من حياتك بدون سابق انذار وتحس ان اهلك همـ اللي جنوا عليكمـ .. تنهد بحسرهـ وهو يتصل عليها , وعارف ان الاجابه وحدهـ ( الجهاز مغلق ) .. بس وش يسوي لازمـ يتصل .. يمكن فيه بصيص امل ترد عليه وتكلمه .. انقلب للجهه الثانيه وهو يفكر .. كيف بستقبل انسانه بحياتي .. ماتعودت عليها ولا حتى ابيها كيف بشوفها وبجلس معها ,, وانا قلبي مع انسانه ثانيه .. ! , يارب مابي اظلمـ بنت الناس ! بس مابي اغضب امي .. ومابين فكرهـ وفكرهـ نامـ الوليد .. **** قدامـ المرايه ومعها القطن وتمسح مكياجها اليومـ تذكرت ملكتها على نواف .. تذكرت الخوف والقلق وتذكرت كيف انجلى هذا كله يومـ جلست معاه وحسسها بإنوثتها وسمعها كلامه المعسول ووعدها بإماني واحلامـ .. تذكرت ليالي وايامـ ملكاتها كيف كانت تكلمه بالساعات , وكيف انصدمت بعدين ,, بإنه تخلى عنها ! .. سكرت الحليب ( المنظف ) .. ورمت القطنه بالزباله - تكرمون - .. جلست على السرير وسحبت روايه عبير " لعنه الماضي " .. وكملت قرايتها .. دقيقه دقيقتين اربع خمس عشر .. رمت الروايه على السرير وانسدحت .. لازال طيفه قدامـ عيونها .. ياترى شنو سر هالإهتمامـ الكبير .. بشيء عابر في حياتي .. محمد .. انسان رد لي حياتي .. دعمني بالتفائل .. نساني جروحي .. قلب موازيني .. خلاني ما انامـ .. من شوفتين .. ومكالمتين ! آه يامحمد .. انا ودي اعرف وش هالنهايه مع شعوري الغريب .. **** فهد جالس جنب غادهـ بالصاله .. وهي تناظر فلمـ على mbc 2 .. فهد : واخبار الملكه .. غادهـ بعدمـ اكتراث : زينه .. فهد : وش لابسه رغد التفت عليه غادهـ وبعصبيه : تراك يافهد منت معقول .. كل شوي تسألني عنها وش لابسه وش ماكله من وداها من جابها وش تحب وش تكرهـ ماهي حاله ياخي تملك عليها وفكنا فهد قامـ ورفس رجلها : الله ياخذك من اخت حمارهـ .. ماتقدرين شعور انسان يحب غادهـ التفت للتلفزيون : حب بعيد عني .. عطاها ظهرهـ وهو يتحلطمـ : غبيه ماتفهمـ متى بس اعرس وافتك !! **** علقت ثوبها .. وتضحك على دولابها .. كله شبابي .. ماعدا هالفستان ! .. وقفت قدامـ المرايه وسحبت منديل ومسحت الروج بدفاشه .. غيداء : يععع شهالخرابيط هذي مدري شلون يستحملونها ! لمست خدها .. وتذكرت لمست خالد ! .. وارتجفت من ذكرت اسمه .. رمت نفسها على السرير .. افففف منك ياغبي انا مدري كيف بعيش مع انسان متخلف مثله .. ياربي بس كيف بتحمل اعيش ! بس هو قال مايبي مني شيء وهالشيء يطمن ! بس الحياه مع انسان يشك فيك ومعتبرك دنيء .. هالشيء [ ص ع ب ] .. يخسسى بس مانمت جالسه افكر فيه حلات طوله بس يخرع هالعملاق ! ونامت غيداء .. **** اما عند خالد اللي كان جالس بالصاله مع سلمان اخوهـ .. ويناظرون التلفزيون .. سلمان : واخبارك ياعريس خالد : الحمدلله .. عقبالك سلمان : خخخخ الله يسمع منك خالد : من جدك ؟؟ .. ممدي على الغثاء ! سلمان : والله محد قالك خذ غيداء هالولد ! خالد قامـ بعصبيه : تراها زوجتي وش ماكانت ما اسمح لك تتكلممـ عنها بهالاسلوب! سلمان : ماقلت الا الصدق ! .. تراها متغطيه عني العامـ مدري قبل العامـ قسمـ لو اشيلها معي الاستراحه حسبوها خويي خالد بعصبيه كبيرهـ : سسسسسسسسلمان !! وبعدين معك انت ماتفهمـ وش اقولك ! سلمان قامـ : خلاص خلاص اجلس استريح وحلمـ فيها واشبع انا طالع انامـ ! وصعد سلمان ينامـ ..~ اما خالد اللي جلس ومستغرب من عصبيته .. بس بعد مايسمح لأحد يتكلمـ عن زوجته بهالاسلوب .. وانت بعد ماكلمتها كذا .. ابتسمـ خالد لا انا غير .. انا زوجها تذكر عصبيتها ورجفتها وضضضحك ! والله انك ضعيفه لو وش مابينتي .. تذكر صورتها بجواله ! .. وكشر حقيقتها الوسخه ! ملاحقته مهما فكر يعدل حياته !! اتجه للمطبخ يشرب مويه .. وبعدها بينامـ , غيداء بتجننه من التفكير **** في صباح يومـ جديد : في مدرسه ( ....... ) الأهليه - بنين - اليومـ معضمـ الطلاب مسلمينه الرسومـ ومشغول ممممره ! في كتابت السندات ..! رجع على ورى وسند ظهره على الكرسي .. واطلق ( اووف ) .. محمد في قلبه : الشغل مرهـ كثير هاليومين يارب تسهيلك .. ناظر التلفون .. وابتسمـ يتذكر اخر مره كلمها كيف صوتها قلب موازينه وقال كلامـ ماكان مرتب له ! .. والله ياشهد انك لغز في حياتي .. وصعب حله رجع مسك القلمـ وكتب على هامش ورقه .. [ طالت خطوط حياتي , ومساري في زمن صعبت فيه الحياه ! احببت دور الانسان البسيط .. وحلمت بدور البطوله في الحياه .. قد تكون موازيني متقلبه .. وتفكيري اصبح مشتت .. لكن من بعدك تعلمت ان لا اخفي من انا , فأنتي صرحتي بمن انتي ؟ ولكن بقي سؤال متعلق في اذهاني .. ( ماذا تريدين ؟ ) ... ] رمى القلمـ وحرك رقبته بتعب ! .. ودهـ يعرف مو ودهـ الا امنيته .. يعرف وش تبي هالبنت ؟ وش سر هالاهتمامـ الكبير اللي انا معطيها .. مسح وجه بكفينه .. وقامـ لغرفة المدير يتقهوى معه يمكن ينسى هالتفكير ! **** في الجامعة : نورهـ : غادهـ غادهـ التفتت غادهـ للصوت اللي نادها : هلا سوري حبيبتي مانتبهت نورهـ بإبتسامه : لا حياتي عادي .. صباح الخير .. غادهـ بضحكه : هههههههه هلا صباح النور .. نورهـ : شخبااارك ؟ غادهـ رفعت كتوفها ببساطه : ابد عايشين .. وكملت بالسوري .. كتر خير الله ! نورهـ : خخخخ تيب ابي رقمـ بيتكمـ غادهـ : يؤ ليش عندك جوالي ! نورهـ : لا بس الوالدهـ تبيه .. غادهـ بإستغراب : ايه اوكي .. سجلي نورهـ طلعت جوالها : اوووكي .. غادهـ : قلبو انتي .. عندي محاضرهـ نورهـ : تيك يور تايمـ ..~ راحت غادهـ ودخلت المحاضر .. بس تفكيرها كان محصور بـ نورهـ غريبه ,, وش تبي برقمـ بيتنا , عندها جوالي ؟؟! **** على الغداء : ابراهيمـ : بكرا يافهد بنروح .. انا كلمت ابوها , وموعدنا معهمـ بعد صلاه المغرب ! فهد بإبتسامه : الله يخليك لي يارب ,, غادهـ تدفه : اييي حركات يالمعرس ! فهد اخذ من صحنها واكل : لاتدفييين غادهـ تضرب ملعقته ويطيح الاكل : لا تاااااكل من اكلي ! فهد يقلدها : اكليييي .. ترا اعطيك كف يلصقك بشهد ! شهد : انت ليش كل شيء عندك بالقوه ! .. الله يعين بنت الناس فهد ويأشر على غادهـ وشهد : تحسبوني بعاملها مثلكمـ ! غادهـ تكش عليه : كشش على وجهك الشين ! فهد يمسح دقنه : تحصلين هالوسامه انتي ! ابراهيمـ مستمع لعيال ويبستمـ .. يحب جلستهمـ .. ~ غادهـ : ترا مافي ذاك الشيء <~ مواعدته يسمع صوتها ! فهد بإندفاع : لا لا دخيل اهلك انا .. وياخذ من صحنه ويحط بصحنها ويكمل : بالعافيه على قلبك ياشيختهمـ ! غادهـ : ههههههههه اي خلك كذا !! ابراهيمـ : الا يافهد ! فهد : سمـ .. ابراهيمـ : والله ابو ياسر مكلمني بخصوص واحد ياعرفه .. يبيني اشغله بأحد المحلات .. فهد : طيب ؟ ابراهيمـ : ودي تسأل عنه ماودي بعد امسكه شيء .. وانا مدري ومستحي من الرجال اسأله اخاف يزعل ولا شيء .. فهد : ليش يزعل هذا من حقك .. بعد انت تجارهـ ولازمـ لها واحد شاطر ..! ابراهيمـ : اي هذا اللي ابيه .. بس انت اسأل عنه وشوف.. فهد : طيب .. وش اسمه ؟! ابراهيمـ : محمد جاسمـ الـ ..... ! شهد غصصصت !! : كح كح كح غادهـ تدحها <~ يعني تظرب ظهرها ! : سمـ الله عليك .. ابراهيمـ يكمل : عاد انت اسأل عنه وشف ؟ فهد : طيب وين حارته ؟ ابراهيمـ : لا لا اسأل عنه بدوامه .. فهد : يشتغل ؟! وش تبي فيه .. كثير عاطلين ! ابراهيمـ : لا ابو ياسر يقول انه محتاج .. فهد : ايييه ان شاءالله بس وين دوامه .. ابرهيمـ : مدرسه ( ..... ) الأهليه ! فهد : خخخخ مدرسه شهد يبه ! ابراهيمـ بمزح : لا عاد .. يالله شهد اسئلي عنه شهد ماردت ! ابراهيمـ ماعطا الموضوع اهتمامـ .. قامـ : دايمه ان شاءالله ! صعدت فوق بسرعه .. تبي تختلي بنفسها ! جلست على الارض مو مصدقه ابد مستحيل الدنيا تلعب فيهمـ كذا .. يطلع بالمدرسه .. وبيشتغل عند ابوها ! وش هالصصصدف المستحيله .. اللي لو شافتها بفلمـ راح تضحك ! انسدحت .. رتبي افكارك ياشهد .. استوعبي اللي يصير ! محمد شفتيه يبيع شريتي منه رحمه ! .. رجعك لحياتك .. شريتي منه هديه ! .. يصير معك في المدرسه وتكلمينه ! .. ويشتغل عند ابوك .. مسحت وجهها بيدها وقامت .. راحت الحمامـ .. لازمـ اغسل بشوف هاللي يصير احلامـ ولا حقيقه ! غسلت .. مره مرتين .. لكن ياشهد شكلك بحقيقه !! رجعت انسدحت .. ورجعت تفكر فيه ثاني ! **** من بكرا المغرب : فهد : ياللللله يبه عجججل علينا !! ابراهيمـ يصارخ من الدرج : جايك جايك .. غادهـ نزلت شافته ماسك المبخره .. ويتبخر .. غادهـ : اللحين كل هذا عشان خطبه ! لو اعرست وش بتسوي .. فهد : شرايك بإخوك الوسيمـ .. غادهـ : طيب تحرك زين شفيك متصلب كذا فهد : لا لا تخرب التشخيصه .. خليها تتسدح ! غادهـ : والله مادري مين اللي بيتسدح ! فهد : اقري علي بس غادهـ : ههههههههههههه مره تراك مصدق نفسك نزلت شهد : خليه يصدق هذا فهد والاجر على الله فهد يروح لها : اي اي ادعميني تكفين غادهـ : ليش هو مشروع تدعمك يالله توكل بس نزل ابراهيمـ : يالله بخرني يابوك فهد : يبببه انا المعرس وشوله تتبخر انت ابراهيمـ : رح لحالك اجل فهد يمشي لغادهـ وياخذ منها المبخرهـ ويروح لأبوه ويبخره : لا شدعوى انت الاساس يابو فهد .. وحركوا .. على بيت رغد .. طبعاً رغد عارفه بالموضوع من كلمتها غادهـ .. بس مسويه نفسها ماتفهمـ .. وجالسه بغرفتها فوق في المجلس : ابراهيمـ : وانا جايك اليومـ يابو خالد .. ابي رغد بنتك لولدي فهد .. سعد : والله الساعه المباركه يا ابراهيمـ .. حنا بنشاور البنت ونسأل عن فهد .. وان شاءالله يصير خير ابراهيمـ : على خير ان شاءالله .. وكمل ابراهيمـ : بس ودنا يشوفون بعض قبل تسألون .. يمكن مايرتاحون لبعض يابو خالد .. سعد : والله هذا من حقهمـ .. والتفت لخالد : ناد اختك ياخالد .. قامـ خالد : ابشر يبه .. صعد فوق لغرفتها وشافها منسدحه وفتح الباب والتفت : تفضل تفضل ! رغد قامت بسرعه : لــــأ فهد !!! خالد : هههههههههههههههههههههه والله اني عارف انك داريه مسويه ماتدرين يعني ! ماتخش الراس صديقتك تخطبك لاخوها ولاتقولك .. رغد بحرج : وجججع كان سألتني وبجاوبك مو كذا تخرعني .. خالد : عاد تخيلي يدخل عليك وانتي كذا حوسه .. قسمـ يركض لبيتهمـ ! رغد ترميه بالمنديل : وجعععع خالد : يالله البسي وانزلي .. انتظرك بالصاله رغد : طيب .. احتارت وش تلبس .. ماودها تلبس بنطلون .. هذي شوفه بعد مايجوز <~ لا فليها بس مثل غيداء اخذت تنورهـ طويله من تنانير الجامعه .. لانها ماتلبس تنورات طوال .. اخذت تنورهـ طويله سوداء .. مع تيشيرت واسع سكري بإكمام حاير .. كحلت عيونها على خفيف .. وقلوس وردي .. وطلعت .. خالد : لا لا يارغد تبين فهد يتسدح ! رغد استحت : وجعع .. خالد : لسانك طويل طلعيه عندهـ .. عشان يعرف حقيقتك ولد الناس بعد مانبي نظلمه ! رغد ضربت كتفه : خخخالد !! دخلو المجلس .. خالد دخل .. وهي بعدهـ .. رغد جلست وبهمس : السلامـ عليكمـ ! فهد بتناحه : هــاه و و و و و وبسس خ’ـلص ـآإلبآإرت يآإرب يع’ـجبكمـ ونآإل ع رضآإكمـ .. ـآإنتظروني في ـآإلبآإرت ـآإلثآإني ع’ـشر كل ـآإلود .. ـآإكآإسسيآإ ~ |
[ ـآإلج’ـزء ـآإلثآإني ع’ـشر ] لو هي صح’ـيحه كلمه ( ـآإلنآإس لـ / ـآإلنآإس ) كآإن ـآإنت ـآإول من مسح [ .. دمع ع’ـيني ! **** ضحك خالد بكتمان على ردة فعل فهد .. وجلس بزاويه وطلع جواله عشان ماتنحرج اخته من وجوده .. و فهد اللي كان واقف ويطالعها بتناحه ! .. ورغد جالسه وتفرك يدينها من التوتر .. بعد ما استوعب فهد .. وترك الدلاخه خخخ .. جلس .. بس ماكان متراكي كان متقدم على قدامـ ومنحني <~ يارب فهمتوا فهد : واخبارك يارغد ؟ عساك بخير .. رغد بحياء : الحمدلله .. فهد : حتى انا بخير , انحرجت رغد .. اما فهد عادي .. فهد : واخبار الجامعه ان شاءالله كويسه ؟ رغد : الحمدلله .. فهد : وش تخصصك ؟ ترا متعوب على هالسؤال ادور شيء ماتصير اجابته الحمدلله خالد فقع ضحك خخخخخ .. رغد ابتسمت بخجل .. فهد التفت على خالد : تصدق حسبت هذي ضحكتها اثاريه انت .. خالد بنظره : ليه مو عاجبك .. فهد : لا شدعوى اعصابك , بعدين كمل بمرح : تراي معطيك وجه واسولف معك كني جاي اشوفك .. خالد : توكل بس خلصت الشوفه , فهد التفت لرغد : اخوك يامجنون ولا مجنون .. بس مدري اي وحدهـ .. رغد سكتت .. فهد بقلبه : ياليل الحياء .. قامت رغد : عن اذنك .. وطلعت شافت نفسها بمراية المدخل .. كان وجهها احممممر , وكأن وجهها هو اللي يضخ الدمـ مو قلبها .. اخذت نفس وطلعت لغرفتها بسرعه ,, دخلوا المجلس .. خالد و فهد .. فهد جلس جنب ابوهـ .. همس له ابراهيمـ : هاه عساها جازت لك فهد هز راسه برضاء : الحمدلله .. آآآآ قصدي ايه .. وابتسمـ وهو يتذكر كلمتها الحمدلله الحمدلله ابراهيمـ : خلاص اجل يا ابو خالد انتمـ شاورو البنت واسألو عن الولد .. وردو لنا خبر عشان نحدد الملكه والزواج ! سعد : على خير ان شاءالله قامـ ابراهيمـ وفهد .. سعد : لا وين يا ابو فهد عشاك جاهز .. ابراهيمـ : خلها ان شاءالله لاحصل نصيب , سعد ابتسمـ : ان شاءالله .. والتفت لخالد : وصلهمـ للباب يابوك .. قامـ خالد معهمـ .. **** كانت جالسه على الاب توب وتتصفح الفيس بوك , وطربانه مع Akon , دخلت عليها اختها .. نورهـ : يالله غدووو .. غيداء شالت سماعه : خير ؟ نورهـ بحماس: يالله بنروح السسسسوق غيداء :ليش يوزعون ببلاش على كل هالحماس ! نورهـ : ياربي من برووودك زواجك بعد 3 شهور يالله خلينا نلحق غيداء : قلتيها 3 شهور يعني في وقت انا اللحين مو فاضيه .. نورهـ : خلينا نخلصك اغراضك بعدين ورانا قاعه ومصورهـ ومصممه وكوفيره وجلسات لك وخرابيط وحوسه شفيك انتي غيداء مسويه منهدشه : لـــأ مادريت كان قلتي لي .. نورهـ : يالللللله بلا عبببط غيداء : يالله انقلعي عندي ملابسي وعاجبيني نورهـ بشهقه : من ججججدك تلبسين ذولي عند رجلك غيداء تقشعر بدنها من كلمه " رجلك " : والله عاد بيرضى فيني كذا هلا وسهلا مايبي يدور له غيري .. وترجع تركب السماعه ,, طلعت نورهـ وهي جازمه انه هذا بيكون رد غيداء لها طول الايامـ الجايه .. مالها الا هي تجهز لها كل شيء .. رفعت جوالها .. واتصلت على غادهـ .. كان ودها تتصل على رغد بنت خالتها .. واخت زوج غيداء ! بس تدري العلاقه بينهمـ كيف .. غادهـ بصوت كله نومـ : هــــاه نورهـ : دوبا قوومي .. غادهـ : يرحمـ امك خليني انامـ .. انا مفتكه من امي تجين انتي تصحيني .. نورهـ : قومي بنروح السوق غادهـ : وليش ان شاءالله ! نورهـ : غيداء ماتبي تجهز لنفسها .. ودي اجهز لها .. بس صعبه لحالي .. غادهـ قامت : طيب طيب .. عشر دقايق ومريني .. نورهـ : اوكِ .. سكرت غادهـ من نورهـ .. غسلت وصلت .. غيرت ملابسها , ولبست عباتها ونزلت , شهد بالصاله كانت جالسه هي وامها .. غادهـ جلست : سلـامـ .. فوزيه , شهد : وعليكمـ السلامـ .. غادهـ : يمه بروح مع نورهـ .. فوزيه : ومن ذي نوره ؟ وعلى وين ان شاءالله وبإذن مييين اصلاَ !! غادهـ : شوي شوي يمه هذاني بقولك .. شهد تضحك : ههههههههههههههه غادهـ : نورهـ صديقة رغد .. وبنروح السوق .. وبإذنك الله يخليك لي .. شهد : عادي يمه خليها تروح نورهـ عسسل .. فوزيه : الساعه عشر وانتي هنا غادهـ : يممممه ماتوا اللي يجون بدري حرامـ عليك .. فوزيه : وانا ما مت .. غادهـ دق جوالها : اوكي يالله باي نورهـ برآ آ آ آ .. ركبت السيارهـ .. غادهـ : السلامـ عليكمـ .. نورهـ بهدوء : وعليكمـ السلامـ .. غادهـ : شخبارك ياقميل ؟ نورهـ : تمامـ الحمدلله ’ انتي كيفك ؟ غادهـ وهي تحوس بالشنطه : بخييير من الله .. كملت غادهـ : الا ليش مانمر رغد ؟ نورهـ : تعرفين انتي رغد ماتحب غيداء .. ولو بقولها نطلع نجهز لها مابتعجبها الطلعه .. غادهـ : مممـ .. غريبه والله غيداء عسوله .. نورهـ رفعت كتوفها : مدري عاد عنها , غادهـ : طيب اخذتي بطاقتها ؟ نورهـ : ايي اليومـ خالد ارسل البطاقه اللي فيها المهر , واخذتها .. غادهـ : هههههههههه والله يا اختك بتخربها معه .. نورهـ : خخخخ يوهـ عاد خالد عصبي وشديد .. غادهـ : خخخخ بيعيد تربيتها ... **** جالس في المجلس , وقدامه الاب توب .. اليومـ .. ممل بالنسبه له .. انسدح وغطا عيونه بيدهـ .. واطلق ( آآآهـ ) من اعماقه .. عمرهـ ماتوقع ان نهاية حبه كذا .. كان متأمل خير وان ريما تحبه وهو يحبها واكيد راح يرتبط فيها , لانه عمره ما اخذ هالمسأله لعب وتسليه .. بس صدمه اللي صار واللي صدمه اكثر ان ريما تخلت عنه ولا قدرت حتى موقفه ! .. كان مستعد يتزوج اي وحدهـ ومن بكرا يخطب ريما بس فاجئته بأنانيتها وعدمـ مقدرتها على عيشها معه وهو متزوج .. مايدري اللي سواه صح ولا خطاء .. بس هو كان يبي رضا امه عنه .. قامـ بيطلع لأي مكان لانه ابد مو طايق الوحدهـ .. **** من امس وهو يدور شقه مناسبه لهمـ .. مستحيل يخليها تعيش معهمـ بالبيت .. لأسباب كثيرهـ ! اولها ان رغد ابد مو طايقتها .. وهو مايبي حساسيات ومشاكل من اول زواجه .. غير كذا جازمـ ان حياتهمـ مختلفه عن اي زوجين ولا يبي ينشر غسيل مشاكلهمـ قدامـ اهله ! .. وقف عند عمارهـ جديدهـ نوعا ما .. ودلها عليه صديقه فيصل .. دخل للعمارهـ مع صاحبها وشاف الشقه كانت مطبخ وحمامين وغرفتين وصاله .. مناسبه .. بس هو يبي 3 غرف ! لانه بيسقل بغرفه بعيد عنها !! بس يالله هذا الموجود .. باقي عليه مشاغل كثيرهـ ولا راح يقضي منها بـ 3 شهور .. بياخذها وبيدبر حاله .. اتجه لمحلات الصبغ .. ! **** في السوق : نورهـ : هههههههههههه لا لا ياغادهـ حرامـ عليك غادهـ : شفيك انتي تراها متزوجه عااادي نورهـ : والله لو تشوف تجهيزنا تنهبل بحياتها مالبست الوان واشياء كذا بناتيه غادهـ : ومن قالك انك حتورينها .. كل ماننزل السوق ونشتري لها شيء راح تخبينه بشناط عندك نورهـ : ممممـ طيب غادهـ : اللحين خلينا نمشي نتعشى وبكرا بنكمل .. نورهـ : يالله .. وراحوا البنات للمطاعمـ يتعشون .. غادهـ : انا بوصلك .. مدامك انتي جبتيني .. نورهـ : يووه غادهـ عادي شفيها غادهـ : خلاص دامه عادي خليني ادق ع السواق .. دقايق والسواق برا .. = ) بالسيارهـ عند باب بيت نورهـ .. نورهـ : يالله ياقلبي والله ماقصرتي .. مدري كنت شلون بدبر حالي بدونك غادهـ تضربها : ياشيخخه عادي مابيننا شيء نورهـ : باي .. وسكرت الباب .. دخلت نورهـ البيت .. السواق رجع على ورا .. وطاااخ ! نزل وليد معصب السياره جديدهـ مالها كمـ شهر ويجي هالاعمى يدعمها ! وليد خبط على باب السواق ونزل السواق : وجعع انت ماتشوف بالليل السواق : بابا انت مافي شغل نور انا مافي شوف .. وليد يخوفه ولا مو قصدهـ : يالله قدامي على الشرطه السواق : لا بابا لا .. غادهـ بالسيارهـ منقهره .. من ذا اللي جالس يهاوش السواق ماعنده دمـ يشوف بنت بالليل وموقفنا عشان سيارته .. فتحت الدريشه وبعصبيه : خير يالاخو ! وليد بعصبيه : اي خير ورا سواقكمـ الاعمى ! غادهـ : ماصارت كلها دقه مسوي كل هالقلق عليه وليد : دقه بعينك انزلي شوفي ! غادهـ عصصصبت : وش فيك انت جالس تصارخ بهالليل على شان سيارتك صدق ماعندك مروه .. وليد تنح من لسانها الطويل ! .. غادهـ فتحت البوك وطلعت له 500 ورمته عليه غادهـ : خذها وفكنا من لسانك .. يالله امجد اركب .. ركب السواق وحرك ... فوق دهشة وليد .. هو ماينكر انه اغلط وان السالفه ماتستاهل بس حط حرية ريما في هالسواق ! انحنى اخذ الخمسميه وناظرها بعصبيه .. ودخل البيت .. وشاف نورهـ جالسه ومعها اكياسها ! وليد بصراخ : من جايبك انتي ! نورهـ : مع غادهـ .. وليد بعصبيه : من غادهـ ذي ! نورهـ : شفيك اعصابك .. كمـ مره اقولك انها صديقة رغد بنت خالتي .. وليد صعد فوق وفتح الباب بقوهـ ! .. رفعت راسها بإستغراب .. وش هالفتحه العجيبه ! وليد : يمه انا موافق اخطبي لي غادهـ بإقرب وقت .. وسكر الباب .. حصه بين اندهاش شديد .. دخل ورمى الكلمه وطلع وهي لسى مندهشه ! بس ابتسمت برضى ان الموافقه جات منه .. اما وليد اللي دخل غرفته .. مايدري وش صار ولو رجع الزمن ورا كان ماقال لأمه هالكلامـ .. بس مايدري هو انتقامـ هو حب استطلاع على هاللي قالت هالكلامـ .. او حب جراءه لها ! **** طلع من الحمامـ اخذ له دش ينشطه من هالنومه .. رفع راسه للساعه حصلها 4 وشوي .. وموعدهـ مع الرجال خمس لبس ملابسه على عجل .. وطلع .. باس راسها .. وجلس يتقهوى معها مزنه : يابوي بتذبح نفسك بهالشغل دوامـ بهالمدرسه ودوامـ بالمحل .. محمد : الرزق يالغاليه , كلٍ يدور على رزقه .. مزنه : بس مايصير متعبٍ حالك .. محمد : لاتعب ولاشيء مرتاح يالغاليه .. انتي بس ادعي لي .. مزنه : الله يوفقك يمه .. محمد نزل فنجاله وقامـ : يالله يالغلا .. مع السلامه .. ومشى محمد وركب سيارته .. واتجه للمحل اللي وصفه له ابو ياسر .. دخل محمد : السسلامـ عليكمـ ! ابراهيمـ : هلا والله وعليكمـ السلامـ .. محمد بأدب باس راس ابراهيمـ : شخبارك ياعمي ؟ ابراهيمـ بإعجباب في ادب محمد : الحمدلله بخير .. وانت عساك بخير ؟ محمد هز راسه : الحمدلله ابراهيمـ : ارسلكِ ابو ياسر وان شاءالله اني ماني مقصر معك .. محمد : الله يعافيك ياعمـ .. ابراهيمـ : لا لاتقول ياعمـ قولي يا ابو فهد .. محمد بإبتسامه جميله : ان شاءالله يا ابو فهد .. ابراهيمـ التفت : مثل ما انت شايف محل كامبيوترات واجهزهـ .. بسيط وصغير .. بس ابيك تديرهـ وفيه مهندسين ابيك تشرف عليهمـ محمد : ان شاءالله .. ابراهيمـ : بتمسك لي الحسابات بعد .. وبسلمك مفتاح الخزنه .. محمد : شكراً على هالثقه يابو فهد .. ابراهيمـ : لا تشكرني ياولدي .. طبيعة العمل هنا مرهـ بتعجبك ولا فيها تعب .. تقدر تستأذن وتطلع بأي وقت بس ماتتأخر .. محمد : ان شاءالله يا ابو فهد .. ماتشوف الا اللي يسرك ويرضيك .. ابراهيمـ : قواك الله .. انا بستأذنك بطلع اشوف المحلات الثانيه .. محمد : الله معك .. جلس محمد على الكرسي .. مبين ان الشغل هنا مافيه تعب ومريح .. واهمـ شيء انه ارتاح لأبو فهد كثير .. **** دخل مرووق وكان يدندن ويلعب بالمفتاح .. شاف غادهـ جالسه تاكل .. فهد جلس : وانتي كل مااشوفك تاكلين غادهـ : وجع من عينك قول ماشاءالله .. انت اللي تصرف علي ولا انت اللي دافع قيمته فهد : ول يالسانك ماقلت شيء غادهـ : اي حسبالي بعد .. ورجعت تناظر التلفزيون وتضحك على المسرحيه " لولاكي 2 " <~ احبها ق1 فهد : اختي الجميله .. غادهـ : هـــاه وش تبي فهد : ليش ماتاكلين تبين اجيب لك اكل غادهـ التفت عليه : لا والله ! قولي وش تبي اخخخلص .. فهد : مشكلتك فاهمتني .. يالله اللي وعدتيني فيه غادهـ تستغبي : وششو ؟ فهد : اسمع صوتها غادهـ بدلع : لا فكرت حرامـ مايجججوز فهد : يوووهـ منك .. خاطبها وشايفها تقولين مايجوز ؟ غادهـ : اففف منك هات جوالي فهد قامـ : وينه اجيبه لك غادهـ : اييه لو قايله لك ودني مافزيت كذا فهد جاب الجوال من فوق التلفزيون .. : تفضلي غادهـ قصرت صوت التلفزيون .. ودقت على رغد وحطت سبيكر .. فهد حاط يده على قلبه مع كل طوط خخخ رغد : الــــو .. غادهـ : اهليين رغد رغد : هلـا بك .. غادهـ : شخبارك ياعروسه رغد بضحكه : هههههههههه الحمدلله انتي شخبارك يا صديقه العروسه غادهـ : شهالمشوار قولي اخت العريس وخلاص رغد : لا استححي ههههههه غادهـ تضضضحك على فهد وعلى كلامـ رغد اللي ماتدري , اما فهد ذايب وراسه على كتف غادهـ .. رغد : شفيييك انتي مجنونه غادهـ : ههههههههههههه اكلمك بعدين باااي وسكرت فهد بصراخ : يالبييييييييييييييييييييييييه يهالصوووت غادهـ : خخخخخخ مو سامعه بالشوفه فهد بقهر : اي شوووفه خالد اخوها يستهبل وهي دخلت قالت السلامـ الحمدلله عن اذنك .. لو مخلينها واقفه عند الباب وقالتهمـ احسسن . غادهـ : هههههههههههههههههه بتمل منها بعدين فهد : امل منك ولا امل منها .. غادهـ : كذذذذذذا طيب طيب تعال تحايل علي وقول ابي شيء ياقليل الخاتمه .. فهد طلع لغرفته وهو يغني .. ~ وطنششها هع **** كانت جالسه وتدور موديلات لفساتين العرايس .. غادهـ قالت لها ان نورهـ محتاجه مساعدهـ .. حصلت موديل حلو .. شالت الاب توب .. ودخلت غرفه غادهـ مالقتها .. طلت من فوق الدرج .. لقت غادهـ مع ابوها وامها جالسين يتقهوون المغرب .. ركضت شهد بالدرج .. وطـــــإآإخ ! ابراهيمـ قامـ : شششهد ! .. ورفعها شفيك يبه شهد تتألمـ من رجلها : لا يبه مافي شيء بس طحت .. ابراهيمـ : انتبهي مرا ثانيه يابوك .. شوي شوي الدرج توها الشغاله ممسحته كله مويه شهد : مادريت ابراهيمـ : يعورك شيء ؟ شهد : لـا لـا يبه مافي شيء غادهـ جات : شفييك تعورتي ؟ شهد : لا مافي شيء .. فوزيه : طيب خلينا نشوف نروح نكشف يمكن كسر ولا شيء ؟ شهد : لا مايحتاج انا ماحس بشيء .. غادهـ طالعت الاب توب : يووووهـ مرااا انعدمـ شوفي شهد بحزن : ياربيييي مو وقته ابد .. بوريك موديل مرا يجنن .. تعبت وانا ادور .. ابراهيمـ : ولا تزعلين روحي للمحل وخوذي اللي بيعجبك وخليه على حسابي .. شهد بفرحه : الله لايحرمني منك والله غادهـ تتخصر : لا والللللللله وانا يعني مالي شيء ابراهيمـ : لا تّكسر حقك جبت لك .. غادهـ : بروح اكسرهـ .. فوزيه : يالله بس بلا دلع .. قاموا يتقهوون .. وطلع ابراهيمـ وفوزيه اتجهت للمطبخ بتشوف وش بيسوون على العشاء .. غادهـ : يالله امشي نتمشى مره طفشانه شهد : وانتي دايمـ طفشانه غادهـ : وانتي دايمـ معترضه على كلامي .. خلينا نجيب لك جهاز ونتعشى ونجي يالله تكفييين شهد بتفكير : ممممـ يالله .. قاموا البنات .. يلبسون عباياتهمـ .. وعلى المحححلل !! بالسيارهـ : شهد : يالله امجد على محل بابا .. امجد اتجه للمحل .. نزلت شهد وبعدها غادهـ ودخلوا .. وهمـ يدورون ووراهمـ المهندس .. غادهـ : خذي توشيبا تراهـ مرهـ حلو .. شهد : مممـ ودي بسوني اجل .. غادهـ : مرا مدلعه نفسك تراك شهد : خخخ مالك دخل .. اخذو الجهاز .. وغادهـ راحت تدور سماعات لها .. شهد وقفت قدامـ المكتب .. وقالت .. شهد : الجهاز على حساب ابراهيمـ فهد الـ ..... محمد رفع راسه و و و و وبس خ’ـلص ـآإلبآإرت ـآإلثآإني ع’ـشر .. ـآإن شآإءـآإلله ع’ـجبكمـ ونآإل ع رضآإكمـ ـآإلله ـآإلله بآإلردود ـآإلح’ـلوهـ ـآإنتظروني بـ ـآإلبآإرت ـآإلثآإلث ع’ـشر .. ـآإكآإسسيآإ ~ |
[ ـآإلج’ـزء ـآإلثآإلث ع’ـشر ] خ’ـل ( ـآإلع’ـنآإد ) ـآإللي برـآإسك , يولي ! ـآإخ’ـآإف لـآإ / تصغ’ـر بـ ع’ـيني و { آ خ ل ي ك * **** رفع راسه بسرعه هو متأكد من نبره هالصوت ومستحيل ينساها , كيف ينسى صوت سهره الليالي وحرمه نومه ؟ شافها قدامه وهي مطيرهـ عيونها تأكد من حركتها انها حتى هي عرفته .. ارتبك عمره ماتوقع انهمـ يتقابلون ,, اما هي فكانت عظامها ماتشيلها كانت ترجف بصوره مو طبيعيه .. هي ما كانت متوقعه تواجده بهالمحل ..! جاء المهندس وحط الكرتون على المكتب .. وقال : هذا ياباشا الجهاز اللي عايزاه البنت دي محمد ناظرهـ قاله بصوت متقطع : وكمـ قيمته ؟ المهندس : 5000 .. محمد حاول يمسك اعصابه : تدفعين كاش ولا صرافه ؟ شهد بصوت واطي : على حساب ابوي .. محمد رفع راسه : نعمـ ؟؟! المهندس : على حساب صاحب المحل يا باشا .. دي بتطلع بنته ! محمد خلاص مو قادر ابد يفكر مو قادر يستوعب اللي يصير هالصدف هذي فوق مقدرته قامـ : احمد خلص لها اللي تبيه .. ودخل داخل .. وشهد ما كان حالها احسن من حاله كانت تبي تستفرد بنفسها تبي تفكر تبي تستوعب جات من وراها غادهـ وبيدها سماعات : وييين الاطخمـ اللي كان جالس هنا .. شهد بعصبيه : اللحين ليش ماتحطين لسانك بفمك وتسكتين غادهـ : يؤ وانا وش قلت .. شهد : انا بروح السيارهـ .. وطلعت شهد .. غادهـ تكلمـ نفسها : شفيها ذي حتى الاب توب ماخذته .. اخذت الكرتون .. وحاسبت على السماعه وطلعت .. بالسيارهـ : شهد جالسه تتنفس بسرعه ايش هالصدف العجيبه .. بنفس اليومـ اللي تبي فيه الاب يكون هو جالس بمكان ابوها ؟! وجلست تتذكر شكله كيف بالشماغ .. كان بعيونها احلى واحد شافته .. ابتسمت .. وهمست ( الله يسعدك يامحمد ) .. حتى اسمه على لسانها .. تحس بلذهـ لماتنطقه ! فتحت الباب غادهـ ودخلت كرتون الاب .. وركبت : اااهـ منك انتي حتى ماخذيتي جهازك شبلاك انتي عليك مزاج بعد كل شوي بحاله .. شهد : مالي خلقك اسكتي .. غادهـ : طيب وين تبين نتعشى ؟ شهد : مممـ ابي هرفي .. غادهـ : اممما هرفي اختاري شيء يسوى شهد : عاد انا ابيه .. وش دخلك .. غادهـ : خلاص خلاص نروح هرفي لا تاكليني بس .. كملت غادهـ بملل : امجد روح على هرفي .. **** في الداخل : كان جالس على كرسي ويفكر .. وش هالصدفه العجيبه .. وش هالدنيا اللي قلبتنا على كيفها ! ليش الدنيا تجبرني اشوفها .. وتخليها قدامي وقدري ! .. ابد ماتوقعت ترجع تشتري .. ورجعت ! ماتوقعت تكون بعملي بالمدرسه .. وطلعت موجودهـ .. ماتوقعت تجي المحل .. وجات بأول يومـ اشتغل فيه ..~ وكل هذا كومـ .. وانها تطلع بنت ابو فهد كومـ ثاني ! .. ياترى لييييش ليييييييييش القدر لعب فيني كذا وخلاني بكل مكان اشوفها ! يمكن ينبهني عن شيء انا احاول اتغاضى عنه ؟! **** في السوق : رغد : ياربي يانورهـ احترت والله احترت .. نورهـ : شفيك انتي 3 فساتين نشوفهمـ وكلهمـ يعجبونك وتقولين يمكن القى احسن ! رغد : شسوي بعد هذي ملكه ولازمـ شيء حلو ؟ نورهـ : طيب الفوشي احلى واحد خلينا نرجع ناخذهـ .. والله بيطلع يجنن على بشرتك .. رغد : بس الفوشي احسه قديمـ نورهـ : لا مو قديمـ بالعكس .. وانتي لازمـ لك شيء مميز .. رغد بتفكير : مممممـ مدري نورهـ : ياليل التردد انتي .. خلاص اعقلي بعد يومين ملكتك .. متى يميدك تجيبين الاكسسوار والصندل ؟! رغد : خلاص خلاص نروح نجيب الفوشي .. **** اما عند فهد .. فكان للمرهـ الألف يفتح دولابه ويسكرهـ ويتطمن ان ثوبه وغترته موجودين .. كان بالحيل مرتبش وكأن اللحين الملكه .. مو كأنها بعد يومين .. ابد ما كان كذا .. كان الشخصيه القويه الباردهـ .. بس شكل رغد غيرت فيه اشياء كثيرهـ ..~ نزل تحت .. وشاف امه جالسه تتقهوى .. باس راسها : شخبار الغاليه ؟ فوزيه : بخير الحمدلله .. انت هاه كيف نفسيتك يابوي ان شاءالله مرتاح ؟ فهد بإبتسامه : الحمدلله بس شوي مرتبك فوزيه بحنان : هذا عادي قبل الملكه وان شاءالله انك بترتاح لها .. رغد بنت طيبه ومحترمه وان شاءالله انها بتسعدك .. فهد : وحلوهـ بعد فوزيه : هههههههههههههههههه الحلا .. حلا الروح ياولدي فهد بهبال : لا يمه تبين اخذ شيفه واقول الحلا حلا الروح فوزيه : ههههههههه فهد : يالله يالغلا كله انتي .. بروح للشباب مواعدهمـ فوزيه : الغلا كله وش بقيت لـ رغد فهد : هههههههههههه عاد لاتصدقين انتي فوزيه وترفع الفنجال : وتقولها بوجهي بعد فهد انحنى يحب راسها : شدعوى يمه انتي الكل بالكل .. فوزيه : توكل بس لربعك فهد : يالله مع السلامه .. طلع فهد .. وتلحقه دعوات امه الصادقه بتوفيقه بحياته الجايه .. **** بالمـــره محتاسه ماتدري وش تسوي .. جاتها رساله قبل شوي انه بيجي وبيعطيها شيء اففففففف منك لازمـ تسوي لي حركات وتجي الله ياخذك بس .. طلعت من الحمام وشعرها رطب وقفت قدام المرايه اخذت الليس .. ورمته شدت شعرها بجنون وش تسسسسوي ؟؟؟ فتحت الدولاب ماتدري وش تلبس .. وبعد ماطلعت كل الملابس استقرت على بنطلون لوويست رمادي فاتح .. مع تيشيرت طويل وواسع لونه اسود .. عليه قبضة يد كبيرهـ باللون الرمادي .. ركضت للتسريحه واخذت الليس المرمي .. وشبكته .. وصارت تليس شعرها بعجل نص ساعه وخلصت منه .. شعرها حوسه كل خصله لها طول .. وقفت قدامـ المرايه حطت عطري رجالي ! واخذت نفس وطلعت من الغرفه وماسكه جوالها ..~ دخلت المطبخ وشافت امها .. غيداء بملل : يمه خالد بيجي .. حصه شهقت : وليييييش ماقلتي لي يالسسنعه غيداء بعصبيه : هو قالي اصلا .. قبل شوي مرسل لي .. وكملت بتحلطمـ اصلاً من وين جايب رقمي هالغبي .. حصه سمعتها : وبعدييين معك انتي عدلي اسلوبك وكلامك هذا رجلك .. وبعدين وش هالبس اللي لابسه روحي البسي من نورهـ .. غيداء مشت بدون اكتراث لكلامـ امها .. اما حصه فجلست تجهز القهوه والحلا والعصير ..~ غيداء صعدت فوق لأختها نورهـ .. وفتحت الباب .. غيداء : وش تسووين ؟ نورهـ : ماتشوفيني اقراء .. غيداء : اف منك انتي على هالرومانسيه اللي تقرينها بيجيك واحد ججججلف نورهـ : مالك دخخل فيني .. وبعدين على وين ؟ غيداء جلست بملل على الارض : بيجي المنحوس اخو النحيسه عيال المناحيس نورهـ قامت : وكذذذذذذذذذا بتطلعين ؟؟؟ غيداء بصراخ : اوووه عاد خلاص روقينا لاتصيرين امي الثانيه انا حره وهذا لبسي نورهـ : طيب تعالي احط لك كحل وقلوس على الاقل غيداء : مابي مابي يكفي اللي بالملكه .. ورن جوالها بإسمـ ( اكرهك ) .. اللي سجلته لما جاتها رسالته ..~ وقامت بملل : جاء هاللي مايتسمى انا مدري ليش عازمـ نفسه ابو الشباب مصدق اني زوجته نورهـ : اعقلي والله خالد تراهـ عصبي مابيصبر على لسانك رفعت يدها غيداء بعدمـ اكتراث ونزلت تحت .. فتحت الباب .. ودخل .. جلس يتأملها ويتأمل عيونها اللي غمضتهمـ من الشمس بشدهـ .. مبسوط لانها ماتدري وين عيونه من تحت هالنظارهـ .. غيداء : ادخل عمت عيني من الشمس .. دخل خالد وسكرت الباب وتكتفت : عاجبتك الجلسه ولا عاجبتك خالد بروقان : الثانيه .. غيداء : مناك المجلس ترا ومشت وهو يلحقها .. خالد قال : اللحين انتي من افريقيا ؟ غيداء : ايه عندك شيء خالد : اها اقول هالنحف مو جاي الا من مجاعه .. غيداء انحرجت والتفتت عليه : انت شدخلك جالس تناظر خالد : وش دخلني ؟! تبين اعلمك وش اللي دخلني غيداء : لايكثر بس .. بروح اجيب القهوه .. وطلعت غيداء .. خالد جلس على الكنب واطلق تنهيدة راحه .. وشال النظاره وحطها على الطاوله اللي قدامه .. تأمل المجلس .. اللي جامع مابين الرقي والبساطه .. دخلت عليه وهي شايله صينيه كبيرهـ قامـ واخذها منها .. خالد اللي براسه يعصب فيها : عاد تكبس عليك هالصينيه وتضيعين .. عاد من وين لي عله انا ؟ يصير يعني خالد بدون عله غيداء : عله بعينك ياحماار خالد رفع راسه بسرعه وبحدهـ : وش قلتي ؟! غيداء : اللي سمعته .. وانا كلامي ما اعيدهـ مرتين ( وتأشر بيدها ) خالد قامـ و وقف قدامها .. وسحبها من يدها وقال بحدهـ : اسمعي زين وكلامي حطيه بعقلك لاني ماني عايدهـ لك مرتين .. عنادك خليه يولي .. و لسانك هذا قصيه لا اقصه انا لك .. عصبيه وطويله لسان بلعتها تجين تقلين ادبك علي لا هذا اللي ماني ساكت عليه .. محترمك احترميني لا اوريك وجه ثاني بحياتك ماشفتيه ..! ونفضها منه .. وكمل : انا كنت جاي اسليك واحسسك انك مثل اي بنت يزورها زوجها لكن شكلك منتي كفو .. رمى عليها كيسه .. وكمل : هذي هديتي لك بس تراها مو لعيونك .. هذي عشان الناس لا سألوك وش اهديتك .. انحنى اخذ نظارته وطلع .. خالد .. بين ذهووول غيداء !! اللي جلست على الكنب وهي منصدمه .. عصب بسرعه وتنرفز ورمى هالكلمتين وطلع ! ..لهالدرجه الكلمه سوت فيه كذا .. عاد بالطقاق اللي يطقه كأني ميته عليه زين جات منه ولا مني .. اخذت الكيسه وطلعت برا .. اما عند خالد اللي ركب السياره .. كان ناوي يصبر لانه يمتعه شكلها المعصب .. لكن ماتوقعها تنعته بأوقح الألفاظ مهما كان هو زوجها .. واجب عليها تحترمه وتقصر لسانها عنه .. لبس النظاره بعصبيه .. وحرك ..! **** جلست جنبه .. وبحنان قالت : والبنت وكلمت امها وان شاءالله يصير خير .. وتروح انت وابوك تشوفها .. وليد وحس انه تسرع : ان شاءالله حصه بحنان : انا ادري ان خاطرك بذيك .. بس ياوليدي هذا النصيب ولو هي مكتوبه لك كان اخذتها .. وبنت الحلال ماعليها قصور .. وليد اللي يبي ينهي الحديث : طيب .. حصه يالله انا بقومـ وانت رح لخالد شفه بالمجلس مع اختك .. وليد : خالد موجود ؟! حصه : ايه توه جاي .. وليد قامـ : يالله اجل انا بقومـ اسلمـ عليه طلع وليد من الصاله .. ودخل المجلس .. وحصصل المكيف شغال والقهوه والحلا على حالهمـ بس مافي احد !! طلع للحوش بيشوف بس مالقى احد .. فتح باب الشارع ولاشاف سياره خالد .. استغرب .. وصعد فوق .. فتح باب غرفتها وشافها جالسه على السرير .. وليد : وين خالد ؟! غيداء : طلع وليد : طلع ؟ وش قايله له ؟ غيداء : اوووف ماقلت شيء .. جواله دق وطلع وليد : ولو اني مو مصدق .. بس بمشيها .. وطلع وسكر الباب .. غيداء : اففف صاير محامي دفاع عن خالد .. مدت يدها واخذ الكيس .. كان صغير الحجمـ ولونه اسود بنقوش ذهبيه .. فتحته وطلعت علبه .. مغلفه بتغليف سوداء وعليها شريطه عريضه ذهبيه .. فكتها بسرعه والفضول يذبحها عن هديته .. وفتحت العلبه .. وحصلتها ساعه .. بس ساعه رجاليه !! وتحتها كرت صغير .. فتحته وقرت .. [ احترت وش اجيب لك ولقيت هالساعه انسب شيء لك خالد ] ..! رمت الكرت بعصبيه ماتدري وش سببها هي تحس دايمـ بالفخر لما احد يحسسها انها رجل ! بس ابد ما كانت متوقعه انها بتعصب من هالمعامله .. ممـ يمكن لانها من خالد !! **** كان جالس على سريرهـ وقدامه جريدهـ .. فتح الدرج وطلع القلمـ .. صار يلعب بالكلمات المتقاطعه .. يحاول يشتت تفكيرهـ ! بس مو قادر ابد .. كتب على جنب [ هاهي الايامـ والاقدار تكتب ان تأتي إلي من جديد .. وتموج ابحر الايامـ لتقدمـ لي ( انتي ) .. بأول يومـ في عملي .. تشتتين افكاري وتقلبين موازين اموري .. لا اعلمـ هل لوجودكِ في حياتي مكان .. او انك مجرد عابرة سبيل في حياة محمد ] .. رمى الجريدهـ تحت هي والقلمـ .. وانسدح محاول ينساها وينامـ ..! **** واقف قدامـ المرايه وللمره المليون يظبط الغترهـ .. تروش بالعطر .. ونزل .. والابتسامه عريييييضه ! غادهـ و شهد : كلووووووووش فوزيه : بسس قصروا حسكمـ .. فهد : لا يمه خليني اعيش جوووي غادهـ : هههههههههههه والله لو بنروح معكمـ كان اخرب عليك جوك صصدق ! فهد : الحمدلله انها مقتصرهـ على الرجال ولا كان انا اتعس انسان شهد بهدوء : لا بتنسى التعاسه لاشفت رغد فهد : اي تكفيين قولي اسمها .. احس بنشوهـ ! غادهـ : تووكل بس فوزيه تبخرهـ : الله يحفظك ويوفقك فهد يبوس راسها : اميين يالغاليه .. تكفين بس لاتخربين ريحة عطري بـ بخورك .. غادهـ : لا والله مو كأنك يومـ رايح تخطب مخلصه !! فهد : عاد لاتدققين انتي تعرفين معرس وكذا ! شهد : يالله بس توكل ترا ابوي برا يكلمـ ينتظرك .. فهد : يالله سلامـ ! **** رغد : بسرعه جيهان .. جيهان : ان شاءالله تأبريني .. رغد : خليه ناعمـ قد ماتقدرين .. جيهان : اوكي خلصت جيهان من مكياج رغد .. اللي كان مكياج لبناني نآ آ آ آعمـ جداً .. رغد تناظر نفسها بالمرايه برضى : تسلمـ يدينك مرا شغلك رايق جيهان : ميرسي حبيبتي .. وتكمل جيهان : يالله حبيبتي انا نازله السواق تبع المشغل إجا .. والف مبروك رغد بإبتسامه : الله يبارك فيك .. طلعت جيهان .. ورغد راحت تلبس فستانها الفوشي .. اللي كان عبارهـ عن ساتان طايح طوويل .. ومشدود على الصدر ومشغول على خفيف .. مع صندل فوشي رااايق .. لبست اكسسواراتها .. وتعطرت بـ ( COCO CHANEL ) .. ونزلت تحت لأمها .. بدريه حست بالدمعه امنيتها تشوف رغد عروس .. والحمدلله ان الله حقق لها هذي الامنيه ! ضمت رغد امها : يمه خايفه بدريه تمسح ظهر رغد : هذا طبيعي يابنتي كل بنت بموقفك بتخاف وتقلق ومايصير الا الخير .. رغد : يمه انتي ليش مارضيتي احد يجي .. بدريه : ماودي يمه الملكه خليها بيننا .. والزواج .. بيصير احلى زواج تشوفينه ان شاءالله رغد حمرت على طاري الزواج : ان شاءالله .. دخل سلمان اخوها ومعاه دفتر ( عقود الانكحه ) .. مد لها القلمـ : وقعي ! رغد اخذت القلمـ وبإيد مرتجفه وقعت .. وبعيون ملتها الدموع تتأمل اسمـ فهد ابراهيمـ الـ .... ! سلمان : مبروك يارغد الله يسعدك .. رغد ضمت سلمان اللي ماتحس بينهمـ علاقه اخوهـ كبيرهـ .. بس كانت محتاجه لحضنه .. سلمان : هههههههه شفيك اللحين ضمي فهد !! رغد رفعت راسها عن صدره وضربته : وججججع سلمان رفع كتفه : شفيها عااادي ! جلست تشرب عصير .. وامها تسولف معها بالصاله تهديها وتطمن قلبها ! دخل خالد وشاف رغد .. قرب لها وباس راسها : مبرووك ياعروسه .. رغد : الله يبارك فيك .. خالد : يالله فهد ينتظرك بالمجلس .. عاد مايحتاج ادخلك .. رغد : لا لا اجلس معنا خالد : خخخخخ سلامات رغد .. هذا زوجك اجلسي معه وسولفي .. عشان تتعودين عليه .. رغد سكتت .. وطلع خالد للرجال .. اما بالمجلس فكان جالس فهد ويطق بإصابعه من الربكه ينتظر دخولها عليه .. عشر دقايق .. ودخلت رغد ..! رغد بهمس : السلامـ عليكمـ ..~ فهد : و و و و وخ’ـلص ـآإلبآإرت ـآإلثآإلث ع’ـشر .. سوري ع ـآإلتآإخ’ـير ح’ـبآإيبي , ـآإن شآإءـآإلله ع’ـجبكمـ ونآإل ع رضآإكمـ .. ـآإنتظروني في ـآإلبآإرت ـآإلرـآإبع ع’ـشر .. بإنتظآإر ردودكمـ و تع’ـليقآإتكمـ .. ـآإج’ـل تح’ـيآإتي و ـآإطهرهآإ لـ قلوبكمـ .. ـآإكآإسسيآإ ~ |
| الساعة الآن 11:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية