|
مدري وش فيني ذا اليومين يمكن هروب من المذاكره ادخل على القصه اذا شفت ابلا اراده الله لايوريتس ادرعم على الروايه من ظمن القصص اللي شدتني قصتس اول شي شدني العنوان والله مالتس علي حلفان من يوم قريت المقطع الاول وانا مرسله مسجات الصديقاتي اقولهم عنها
صبى الاوراق اظن وانا ظني مايخيب روايتس بتكون من ظمن الرواياالجميله على النت ببداء بلكلام عن شخصيات الروايه من خلال نظرتي انا في البارتات اللي قريت عائلة المرحوم خالد ابونايف ام نايف : الام الحنون على عيالها الايتام تحترم نايف وموليته زمام الامور في تربية اخوانه تشوف فيه العون لها في الحياة ولا حرمته من حنانها نايف : اعجبتني شخصيته مع ان فيها كثير من الغموض لكن اشوف فيه الاب الحنون على اخوانه وخواته بستثنا بندر مع انه اكثر واحد يحتاج اهتمام نايف معملته له جافه ياخي بندر مراهق خاوه اذا بغيت تكسبه لاتخلي عيال الحرام يتولونه تقرب منه اسمعله اتوقع يتزوج من بنات العائله واغلب ظني بتكون اريج او يمكن كنوع من العناد الخالته شيخه وطريقة عرضها البناته ياخذ نوره بنت عمه فيصل عبير : البنت الى الان مابان لها شي في القصه بس اتوقع دورها بيكون كبير في القصه بندر : سن مراهقه يبيله من يراقبه من بعيد وان شاءلله نايف مايقصر بس تكف داخلتن على الله ثم عليك تحلق ذا الشوشه ولله انها تخوف مدري وشوم شايفين فيها عائلة ناصر ابو اريج ناصر : يمثل الاب الحنون على بنياته اعجبتني الجمعه العائليه اللي فارضها عليهم شيخه : احسها اجتماعيه وتحب لمة خواتها لكن الخوف لو كانت لهامطامع واذا خذتها باعت الخوات وابوالخوات انها تعرض بناته مهوب عيب ولاحرام اخطب لبنتك قبل الولد لكن العيب الحاحها الزايد اللي بينفر العالم من بناتها لكن نرجع ونقول الزواج قسمه ونصيب مهما خططتي ورسمتي البناتس والله ماراد ماتزوجو ولا تدرين نصيبهم وين بس تدرين الفار يلعب في عبي من ناحيتها اول تخطيطها القديم ان اختها حصه ترضع ركان عشان ماياخذ من بناتها وحرصه على تربيته عشان اتحمله الجميل ويضطر ياخذ من بناتها وبعد شي ثاني تمنيهى شغالة اختها حصه اريج : اتوقع لها دوركبير في الروايه مع نايف وعنوان الروايه بيكون مرتبط باريج ونايف او يمكن يكون راكان لكن الاحتمال الاكبر عندي نايف وبعد اتمناها له لان الى الان اكثر شخصيه اعجبتني نايف واريج وفيصل وساره عائلة فيصل ابو سعود فيصل وساره : معجبه فيهم الى حد الثماله <<<<<صح كلمتي وللي خرت ترى مالي في العربي هو وام سعود ساره بسبب العشق اللي بينهم بتكلم عنهم مع بعض لله درك يشيخ وشذا العشق كذا الرجال والا فلا ماحرمت ام عيالك مع الزمن من التعبير لها عن حالت العشق الدائمه اللي تمر فيها يعني بالعربي مهوب زوجتي كبرت ادور غيرها وساره تسلمين ماسكه العص من النص تحاول ترضي زوجها المدلل وتحمي بيتها وبناتها كا ارضا له سافري معه في السنه مرتين او ثلاث طبعن بدون رهف دلليه عشان مايلقا حجه عليتس بس تدرين ياساره انتي وفيصل بوشوش لكم في اذانكم ترك عيالكم في البيت والسفر غلط مهما كانت تربيتهم بيوت خواتس مفتوحه خوفي عليهم اقل شي من العماله من سواق وشغالات تدرين اختي صبى اتوقع ابو فيصل بيطلب الكثير من ساره واتوقع انه بيتزوج عليها وبيبرر النفسه انها تهتم من عياله اكثر منه وعاد شف يافيصل من بيرض عنك ولله ان تعض الارض ندم بتردبك ساره رده بتندم انك فكرت بالزواج راكان : شخصية راكان اتوقع بتكون مرحه واقرب شخص بيكون له عبير والسؤل هل بياخذ من بنات شيخه اتوقع لا نوره بنت فيصل بتكون من نصيبه وبتكون صدمه الشيخه لانها من مخططاتها راكان ظامنته ونايف اللي ماطمنته بيكون من نصيب بناتها وخل تدري شيخه ان العلم عند الله مهما خططت اتمنى اني قدرت ابدي برايي المتواضع في الشخصيات وينول على رضاتس اختي صبى ارجو قبولي ضيفه خفيفه متابعه في صفحتس أسأل الله ان يديم التواصل |
حرام عليتس قريت البارت الرابع بعد ارسالي الرد طلعت توقعاتي خرطي
بس تدرين ماراح اياس بتوقع ثانيه يلله استلمي عبير اعجبتها نهى وعشان كذا بتخطبها النايف ولاتقولين بتصير متزوجه ترى بنجلط راكان بياخذ اريج واتوقع بيكون الاريج مكانه في قلبه من وهي صغيره ومحتفض فيها النفسه وبيكون راكان الدافع اللي بيخلي اريج تتعالج عبير بتاخذ فلاح صديق راكان وشلون مدري |
هلا عزيزتي النوفي صباحك ورد منوره بالصفحه كلي شرف لك ولصديقاتك الحقيقه تععقيبك عليهم اعجبني والقادم يحمل لك مفاجات ماتدري بتفرحك او احداث القصه بدت ملامحها ومن اليوم عقدت ركباها للسير بينهم<< فالله يستر عليهم جميع تعلقي فيهم احسست ان تعبيرك عنهم واحد واحد يوصف حبي لهم وتعلقي بهم <احس انهم يعيشون معي هنالكن ابعد ابنائي عنهم خوفا ان يزعجوهم هههههههههههههه <فهمتي يعني ماعرف اركز وعيالي عندي السوري كبروها عيالها ولاهي مابين عليهالاسنا ولا شكلا يالبيه بس <قدوتها ساره هههههههه فيصل كله نضج ويعيش فتره الشباب باريحييه كامله وبطيئه بعض الشي فالشباب كما ذكرت ارارد شباب القلب اسعدني حوارك معي في هذا الصباح واخيرا جمعه مباركه عليك عزيزتي كل الود لك صبى الاوراق |
صبــــــــــــــــــــــــــــــــــــــى مشكوره على البارت
اليوم وضح جزء من ملامح الروايه فلاح فضوله بيوصله لعبير ,,,, كون ان الماسنجر موجود ;) والاهم لان عند عبير نفس المقدار من الفضول عشان تتأكد من شخصية الساكن مع اخوها. ============================ اريج انسانه حالمه بس بسبب اعاقتها حاطه حدود ماتتعداها حتى باأحلامها بس سؤالي هل بنات ناصر يدرون بنية امهم بتزويجهم راكان ونايف؟؟؟ ============================= مشوار نايف وريناد بيكون اتوقع فيه حدث مهم بيضيف شي بالروايه . ============================ عبير لما قابلت نهى اتوقع انها شافت انها الشخص المناسب لأخوها بس شلون عبير الذكيه بتربط هالشخصيتين مع بعض. ========================================= انتظر بارت بكره عشان نكتشف باقي ملامح ابطالنا . |
السلام عليكم ورحمة الله وبركاته
صباح الورد بدأنا نتعمق أكثر بالأجزاء راكان الشاب الذي قد تنتظره اغلب فتيات العائلة حتى يخطب أحداهن تفاجئ بأنه جاء ومعه من ستصبح شريكة حياته ليجعل خيبة الأمل منشره بالعائلة وتزول بعد فترة صدقيني هذا واقع وجميل منك أنكِ تناولته بطريقة عفوية وننتظر يمكن راكان يغير رأي معلمة الروضة حقيقي مشكلة المعلمات عندما يتغلغلن في قلب الطالب ابنتي متعلقة بمدرسة اللغة الانكليزية وتطبق كل كلامها حتى تفوقها في المادة نابع من حبها لمدرسة المادة ومدرسة الانكليزي تعشق اللون البنفسجي ولو تشوفين كلما طلعنا نتسوق لازم تشتري بنفسجي وأي طلب لمدرسة الانكليزي بخصوص المادة وكيف تدرسها بالبيت يعتبر من الأوليات بصراحة أول الأمر خشيت من هذا التعلق وذهبت إلى المدرسة واطمأنت انه مجرد حب لمدرسة المادة لا علاقة له بما دار بمخيلتي الأخ الأكبر ودور الأب بصراحة أشفق على نايف لان دور الأخ الأكبر مع دور الأب البديل أمر متعب يتطلب طوله بال عالية وصبر وقوة تحمل المشكلة التي تواجهه في اغلب الأحيان تكون مع إخوته المراهقين فهم يقارنون أنفسهم به عندما كان بعمرهم ويردون نفس الصلاحيات ولكن من دون مسؤوليات وتلعب صداقة السوء دورها في هذا الموضوع لذا عملية احتواءهم تكون صعبة والعنف ممكن أن يؤدي إلى عواقب وخيمة والين يمكن ان يزيد حالة التمادي لذا يجب إشعارهم برجولتهم وإعطائهم بعض المسؤوليات حتى يشعروا أنهم غير مهمشين >>وجهة نظر زيارة الروضة أعجبتني طريقة ذكرك لأمور واقعية كلنا نفعلها خاصة إذا كان لديك قريب غير متزوج عندما نرى فتاة جميلة نبدأ بوضعها تحت المجهر والتركيز على أصابع يدها لنتأكد أكثر ونبدأ بالمعاينة بعدها بالتوفيق غاليتي همسة كلمة (أن شاء الله )طريقة كتابة صحيحة كلمة (أنشاء الله ) طريقة كتابة خاطئة |
| الساعة الآن 09:08 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية